09/22/14


ခေတ်နှင့်အညီ ပြောင်းလဲလာသော ယနေ့အချိန်အခါတွင် သိသိသာသာ တိုးလာသော လူနေမှု ပုံစံများနှင့်အတူ ပုံစံမျိုးစုံဖြင့် ကျူးလွန်လာသော မှုခင်းများလည်း တိုးလာခဲ့သည်။

မှုခင်းမျိုးစုံ အများဆုံး ဖြစ်ပွားရာ နေရာ ဒေသများမှာလည်း မြန်မာနိုင်ငံ တစ်ဝှမ်းလုံးရှိ ဒေသများတွင်မှ ပညာရည်၊ အတွေးခေါ် နိမ့်ပါးသော နေရာများတွင် ဖြစ်ပွားမှုများကာ ရန်ကုန်တိုင်း ဒေသကြီး အတွင်းတွင် အခြေခံ လူတန်းစားများ နေထိုင်ရာ ဒေသများတွင် အများဆုံး ဖြစ်ပွားမှု များနေကြောင်းလည်း သိရသည်။ အဆိုပါ ဖြစ်ပွားသည့် မှုခင်းများတွင်လည်း လူသတ်မှု၊ မုဒိမ်းမှု၊ အုပ်စုဖွဲ့ကာ ဂိုဏ်းဂဏဆန်ဆန် လုယက် ကျူးလွန်မှုများမှာ များသထက်များ လာရာ အသေချာ သုံးသပ်ခြင်းအားဖြင့် လူနေမှုအဆင့်တန်း တွေးခေါ်ပုံနှင့်တကွ လူမှုဘ၀ စီးပွားရေး မပြေလည်မှုများကို ထင်ထင်ရှားရှား မီးမောင်းထိုးပြလို့နေသည်။

ယင်းအပြင် မြန်မာနိုင်ငံ၏ ရာဇ၀တ်မှု များစွာတွင် ကျူးလွန်သူ လက်သစ်များကိုလည်း မြင်တွေ့နေရကာ အချို့မှာ ပုံစံတူ ပြစ်မှုကျူးလွန်မှုဖြင့် အရေးယူခံထားဖူးသူများ၊ အဆိုပါ ပြစ်မှုများမှ လွတ်ငြိမ်းချမ်းသာဖြင့် လွတ်မြောက်လာသူများ၊ နည်းပါးလွန်းသော ထောင်ဒဏ်များကြောင့် ချုပ်ရက်ဖြင့်သာ လွတ်မြောက်လာ သူများလည်း ပါဝင်နေသည်ကို တွေရှိလာရပြီ ဖြစ်သည်။

ဒုစရိုက်သမားများ၏ လွတ်ငြိမ်းချမ်းသာခွင့်
မြန်မာနိုင်ငံ အပါဝင် နိုင်ငံအတော်များများတွင် နိုင်ငံ၏ အခါကြီး ရက်ကြီးများ၊ အမှတ်တရနေ့များတွင် လွတ်ငြိမ်းချမ်းသာခွင့် များပေးလေ့ရှိကာ အဆိုပါ လွတ်ငြိမ်းချမ်းသာခွင့် များမှာလည်း အမှန်တစ်ကယ် လွတ်ငြိမ်းသင့်သည့် သူများကိုသာ ပေးအပ်သင့်ကြောင်းလည်း သိရသည်။

“လွတ်ငြိမ်းချမ်းသာဆိုတဲ့ နေရာမှာ အမှန်တစ်ကယ် ပေးသင့်တဲ့လူပဲ လွတ်ငြိမ်းချမ်းသာ ပေးသင့်တယ်၊ လူမဆန်အောင် ပြစ်မှုကျူးလွန်ခဲ့သူတွေနဲ့ ပြစ်ဒဏ် နှစ်များစွာ ကျခံသင့်တဲ့ ရာဇ၀တ်သားတွေကို လွတ်ငြိမ်းချမ်းသာ ပေးလိုက်တဲ့ အခါမှာ မလိုလားအပ်တဲ့ ပြဿနာတွေ၊ နောက်ဆက်တွဲ ဆိုးကျိုးတွေ အများကြီး ဖြစ်လာနိုင်တယ်”ဟု ဥပဒေ ပညာရှင် တစ်ဦးမှ ထောက်ပြ ပြောကြားခဲ့သည်။
ယင်းနှင့် ပတ်သတ်၍ နိုင်ငံရေး သတင်းစာ ဆရာတစ်ဦင်္းမှလည်း “မြန်မာနိုင်ငံမှာ လွတ်ငြိမ်းချမ်းသာခွင့် ပေးတဲ့လူ အများစုကပဲ အပြင်မှာ ရာဇ၀တ်မှုတွေ အများအပြား ဆက်တိုက် ကျူးလွန်နေတာ တွေ့ရတယ်။ အခုဆိုရင် ထောင်ကနေ လွတ်ပြီး ရက်ပိုင်းအတွင်းမှာတင် ဒုစရိုက်မှု ကျူးလွန်ပြီး ထောင်ထဲ ပြန်ဝင်ရတာတွေ ရှိလာတယ်။ ယင်းကဲ့သို့ ကျူးလွန်သူအတွက် အမှုကို ရန်ကုန် မြောက်ပိုင်းခရိုင် တရားရုံးက ဥပဒေမှာရှိသည့် အတိုင်း သူ့နောက်ကြောင်းမှ ဖြစ်စဉ် အဟောင်းများကို မထောက်ထားဘဲ သက်ညှာစွာနဲ့ ထောင်ဒဏ် ၁၀နှစ်သာ ချမှတ်ခဲ့ခြင်းပင် ရှိခဲ့ဖူးသည်။ ယင်းကဲ့သို့သော တရားခံအား တစ်သက်တစ်ကျွန်း အထိပင် ပြစ်ဒဏ် ချနိုင်ကြောင်း တရားလွတ်တော် ရှေ့နေ ဦးရောဘတ်စန်းအောင်က ပြောပြခဲ့သည်။

ဒါတွေ ဘာကြောင့်ဖြစ်လာလဲဆိုတော့ မြန်မာနိုင်ငံမှာ လွတ်ငြိမ်းချမ်းသာခွင့် ပေးတဲ့ ပုံစံဟာ နိုင်ငံတကာနဲ့ မတူဘူး။ ကွဲပြားခြားနားနေတယ်။ နိုင်ငံတကာမှာ ထောင်ထဲ ရောက်နေတဲ့ အကျဉ်းသား တစ်ယောက်ရဲ့ စိတ်ပိုင်းဆိုင်ရာ ပြောင်းလဲမှုနဲ့ သူ့ရဲ့ ခံယူချက်တွေ ကောင်းမွန်လာတယ်ဆိုရင် လူ့အဖွဲ့အစည်းကို ရောက်ရှိသင့်တဲ့ လူတစ်ယောက်လို့ ထောင်က ထောက်ခံပေးတယ်။ အပြစ်ဒဏ် မပြည့်ခင် ထောင်က လွှတ်ပေးတာတွေရှိတယ်။ မြန်မာနိုင်ငံမှာ ကျတော့ ပြစ်ဒဏ်များတဲ့ လူကို တစ်ဝက် လျှော့မယ်။ တစ်ဝက်ရှိတဲ့ လူကို တစ်စိတ် လျှော့မယ်။ တစ်စိတ်ရှိတဲ့ လူကို အကုန်လွှတ်ပေးတဲ့ စနစ်နဲ့ သွားတဲ့အခါကျတော့ တစ်ဦးချင်းရဲ့ စိတ်ပိုင်းဆိုင်ရာ ခံယူချက်တွေကို မကြည့်ဘဲ လွှတ်ပေးတဲ့ အခါကျတော့ ရာဇ၀တ်မှုတွေ ပိုပြီး ပေါများလာတယ်။) ဒါတွေ ဘာကြောင့်ဖြစ်လာ လဲဆိုတော့ မြန်မာနိုင်ငံမှာ လွတ်ြှိုငိမ်းချမ်းသာခွင့်ပေးတဲ့ပုံစံဟာ နိုင်ငံတကာနဲ့ မတူဘူး။ကွဲပြားခြား နားနေတယ်။ နိုင်ငံတကာမှာ ထောင်ထဲရောက်နေတဲ့ အကျဉ်း သားတစ်ယောက်ရဲ့ စိတ်ပိုင်းဆိုင် ရာ ပြောင်းလဲမှုနဲ့ သူ့ရဲ့ခံယူချက် တွေ ကောင်းမွန်လာတယ်ဆိုရင် လူ့အဖွဲ့အစည်းကို ရောက်ရှိသင့် တဲ့လူတစ်ယောက်လို့ ထောင်က ထောက်ခံပေးတယ်။အပြစ်ဒဏ် မပြည့်ခင် ထောင်က လွှတ်ပေး တာတွေရှိတယ်။ မြန်မာနိုင်ငံမှာ ကျတော့ ပြစ်ဒဏ်များတဲ့လူကို တစ်ဝက်လျှော့မယ်။ တစ်ဝက်ရှိတဲ့ လူကို တစ်စိတ်လျှော့မယ်။ တစ် စိတ်ရှိတဲ့လူကို အကုန်လွှတ်ပေးတဲ့ စနစ်နဲ့ သွားတဲ့အခါကျတော့ တစ်ဦးချင်းရဲ့ စိတ်ပိုင်းဆိုင်ရာ ခံယူချက်တွေကို မကြည့်ဘဲ လွှတ် ပေးတဲ့အခါကျတော့ ရာဇ၀တ်မှု တွေ ပိုပြီးပေါများလာတယ်။++ဟု သုံးသပ်ပြောကြားခဲ့သည်။

လွတ်ငြိမ်းချမ်းသာခွင့် နောက်ကွယ်
ပြီးခဲ့တဲ့လအတွင်း ဖြစ်ပွားခဲ့သော နာမည်ကြီး လူသတ်မှု တစ်ခုဖြစ်သည့် ဒုစရိုက်မှုများကို ထောင်ထဲမှာတင် ကျူးလွန်နေသော တရားခံ တစ်ယောက်သည် လွတ်ငြိမ်းချမ်းသာခွင့် အဆင့်ဆင့်နှင့် လွတ်မြောက်လာသောအခါ ယင်းထောင်ထဲတွင် ရှိနေစဉ် အချိန်က မိန်းမဖြစ်သူသည် နောက်ယောက်ျား ယူသွားပြီး ရရှိလာသော သမီးလေးကို အဆိုပါ ဒုစရိုက်သမားက မုဒိန်းပြန်လည် ကျင့်သော ဖြစ်ရပ်များ ဖြစ်ပွားခဲ့သည်။

“ဘာကြောင့်ဖြစ်လာလဲဆိုတော့ မြန်မာနိုင်ငံမှာ လွတ်ငြိမ်းချမ်းသာခွင့် ပေးတဲ့ပုံစံဟာ နိုင်ငံတကာနဲ့ မတူဘူး။ ကွဲပြားခြားနားနေတယ်။ နိုင်ငံတကာမှာ ထောင်ထဲ ရောက်နေတဲ့ အကျဉ်းသား တစ်ယောက်ရဲ့ စိတ်ပိုင်းဆိုင်ရာ ပြောင်းလဲမှုနဲ့ သူ့ရဲ့ခံယူချက်တွေ ကောင်းမွန်လာတယ်ဆိုရင် လူ့အဖွဲ့အစည်းကို ရောက်ရှိသင့်တဲ့ လူတစ်ယောက်လို့ ထောင်က ထောက်ခံပေးတယ်။ အပြစ်ဒဏ် မပြည့်ခင် ထောင်က လွှတ်ပေးတာတွေရှိတယ်။ မြန်မာနိုင်ငံမှာကျတော့ ပြစ်ဒဏ်များတဲ့ လူကို တစ်ဝက်လျှော့မယ်။ တစ်ဝက်ရှိတဲ့ လူကို တစ်စိတ်လျှော့မယ်။ တစ်စိတ်ရှိတဲ့ လူကို အကုန်လွှတ်ပေးတဲ့ စနစ်နဲ့ သွားတဲ့အခါကျတော့ တစ်ဦးချင်းရဲ့ စိတ်ပိုင်းဆိုင်ရာ ခံယူချက်တွေကို မကြည့်ဘဲ လွှတ်ပေးတဲ့အခါကျတော့ ရာဇ၀တ်မှုတွေ ပိုပြီးပေါများလာတယ်။ မြန်မာနိုင်ငံမှာ ရာဇ၀တ်မှု ထပ်ဖန်တလဲလဲ ကျူးလွန်သူတွေကို လွတ်ငြိမ်းချမ်းသာခွင့် ပေးမှုတွေ ရှိနေတယ်။

အဲဒီ့အမှုဟာဆိုရင် လွတ်ငြိမ်းချမ်းသာခွင့်တွေကို အကြိမ်ကြိမ် ကျူးလွန်ထားတာ။ လူကောင်းသူကောင်း တစ်ယောက် အနေနဲ့ နေထိုင်ပြုမူရမယ့်အစား ပိုမိုဆိုးရွား ရက်စက် ကြမ်းကြုတ်တဲ့ မုဒိမ်းမှုကိုပါ ကျူးလွန်တော့ သူ့အပေါ်မှာ ပေးထားတဲ့ လွတ်ငြိမ်းချမ်းသာခွင့် အမိန့်တွေကို ပြန်လည်ပယ်ဖျက် ပေးရမယ်။ အဲဒီ့နေရာမှာ အင်းစိန်ထောင် တာဝန်ရှိသူက အရေးကြီးဆုံးပဲ။ အဓိက ပြောချင်တာ တရား ဥပဒေ စိုးမိုးရေးကို တပြေးညီ အကောင်အထည်ဖော် ဆောင်ရွက်ဖို့ လိုတယ်။ ပြည်နယ်နဲ့ တိုင်းဒေသကြီးတွေမှာ အစိုးရ အဖွဲ့တွေ သီးခြားရှိပြီး အစိုးရ အဖွဲ့တွေမှာ နယ်စပ်ရေးရာနဲ့ လုံခြုံရေး ၀န်ကြီးက သေချာတာဝန်ယူ ဆောင်ရွက်ရမယ်”ဟု ဦးရောဘတ်စန်းအောင်က ထောက်ပြခဲ့သည်။

ရာဇ၀တ်မှုများ ခြိမ်းခြောက်လာသော လူမှုဝန်းကျင်
ယင်းကဲ့သို့ ရာဇ၀တ်မှုများ အစဉ်အမြဲ ကျူးလွန်နေကြလျှင် လူ့အဖွဲ့အစည်းသည် နေ့စဉ်နှင့်အမျှ ခြိမ်းခြောက်မှုတွေ ကြုံတွေ့နေရမည်ဖြစ်ပြီး မိဘများ အနေဖြင့် မိမိတို့၏ သားသမီးများကို အပြင်ပင် မလွှတ်ရဲလောက်သည် အထိ ကြောက်ရွံလာကြရလိမ့်မည် ဖြစ်သည်။

“ကွက်ကွက်ကွင်းကွင်း ပြောပြရရင် ပဲခူးတိုင်းဒေသကြီးမှာ အရွယ်မရောက်သေးတဲ့ ကလေးကို အဓမ္မပြုကျင့်တာကို ထောင်ဒဏ်တစ်နှစ်ကျော်ပဲ ချခဲ့တာတွေ့ရပြီး၊ သိပ်မကြာခင်မှာ ငါးနှစ်အရွယ် ကလေး မုဒိမ်း ကျင့်ခံရပြီး အသတ်ခံရတယ်၊ ဒါတွေဟာ လူမှုဝန်းကျင်ကို အကြီးကျယ် ခြိမ်းခြောက်လာတာပဲ”ဟု လူ့အခွင့်ရေးဆိုင်ရာ လုပ်ငန်းများ ဆောင်ရွက်နေသူ တစ်ဦးက ပြောပြခဲ့သည်။

ယင်းအပြင် တစ်နှစ်အတွင်း တိုင်းဒေသကြီးနှင့် ပြည်နယ်များအတွင်း ယခုကဲ့သို့ ရာဇ၀တ်မှုမျိုးတွေ များပြားလာပြီဆိုလျှင် ပြည်နယ် ရဲတပ်ဖွဲ့မှူးများ ခရိုင် ရဲတပ်ဖွဲ့မှူးများ မြို့နယ် ရဲတပ်ဖွဲ့မှူးများကို အခြား ပြည်နယ်နှင့် တိုင်းများသို့ ပြောင်းရွှေ့ပစ်ရမည်ဖြစ်ပြီး ယင်းကဲ့သို့ မဟုတ်လျှင် ရာဇ၀တ်မှု ကျဆင်းရေးနဲ့ ဒုစရိုက်မှု ကျဆင်းရေး လုပ်ငန်းများသည် အောင်မြင်မှု မရှိနိုင်ပေ။ ထိုအချင်းအရာနှင့် ပတ်သက်၍ နိုင်ငံရေး အကျဉ်းသားဟောင်းနှင့် ထောင်သားဟောင်း တစ်ဦး ဖြစ်သူက “မြန်မာနိုင်ငံမှာ လွတ်ငြိမ်း ချမ်းသာခွင့် ပေးခံတဲ့လူ အများစုကပဲ အပြင်မှာ ရာဇ၀တ်မှုတွေ အများအပြား ဆက်တိုက် ကျူးလွန်နေတာ တွေ့ရတယ်။ အခုဆိုရင် ထောင်ကနေ လွတ်ပြီး ရက်ပိုင်း အတွင်းမှာတင် ဒုစရိုက်မှု ကျူးလွန်ပြီး ထောင်ထဲပြန်ဝင်ရတာတွေ ရှိလာတယ်။” ဟု ပြောကြားခဲ့သည်။

လိုအပ်ချက်များစွာဖြင့် မြန်မာနိုင်ငံ တရားဥပဒေစိုးမိုးရေး
ယင်းကဲ့သို့ မြန်မာနိုင်ငံအနှံ့၌ ဖြစ်ပွားနေသော လူသတ်မှုများတွင် တိုင်းရင်းသား လက်နက်ကိုင် တော်လှန်ရေး ၀န်ကြီးဌာနတွေနဲ့ နိုင်ငံတော် အစိုးရကြားမှာ ငြိမ်းချမ်းရေးကို မတည်ဆောက်နိုင်သည့် အတွက်ဖြစ်ပြီး တိုင်းရင်းသား ဒေသတွေများတွင်လည်း သူကဦး သူသတ်၊ ကိုယ်ကဦး ကိုယ်သတ်ဆိုသည့် အမျိုးမျိုးသော ဖြစ်စဉ်များ ဖြစ်လာကြောင်း တရားလွှတ်တော် ရှေ့နေ ဦးရောဘတ်စန်းအောင်က ဝေဖန်သုံးသပ်သည်။
ထို့အပြင် ယင်းနေရာဒေသများတွင် တရားဥပဒေစိုးမိုးမှု အားနည်းနေကြောင်း မြို့ပြများတွင်မူ တက္ကသိုလ်ရိပ်သာလမ်းရှိ ငါးလောင်းပြိုင် လူသတ်မှု ကဲ့သို့သော ရဲတပ်ဖွဲ့က မဖော်ထုတ် နိုင်သေးသည့် လူသတ်မှုအပြင် အခြားသော လူသတ်မှုများကိုလည်း မဖော်ထုတ်နိုင်သေးသော အခြေအနေများ၊ အုပ်စုဖွဲ့ ကျူးလွန်တဲ့ လူ သတ်မှုတွေ အပေါ်မှာ ထိရောက်စွာ အရေးယူ ဆောင်ရွက်နိုင်မှု အားနည်းနေခြင်းတို့ကြောင့် လူသတ်မှုများသည် မုဒိမ်းမှုများ နှင့်အတူ ခေတ်ပြိုင်ပေါ်ပေါက်လာတော့သည်။

ယင်းကဲ့သို့ ဖြစ်နေခြင်းသည် တိုင်းပြည်၏ တရားဥပဒေ စိုးမိုးရေး ၇၅%သာ ရှိသည်ဟု ပြသ သကဲ့သို့ ရှိနေသည်ဖြစ်ကြောင်း ရှေ့နေအချို့က တစ်ပြိုင်နက် သုံးသပ်ကြသည်။ ထို့ပြင် ယင်းကိစ္စရပ်များသည် နိုင်ငံခြားက ရင်းနှီးမြှုပ်နှံမယ့် သူများကို ဟန့်တားရာ ရောက်သည့် အတွက် နိုင်ငံတော် အစိုးရမှ အရေးယူ ဆောင်ရွက်ပေးရန် လိုအပ်နေကြောင်နှင့် ယင်းရာဇ၀တ်မှုများကြောင့် ရင်းနှီးမြှုပ်နှံမှု အားနည်းလာပြီး ၊ နိုင်ငံစီးပွားရေး ကျဆင်းလာမည်။ ထို့နောက် ပညာ မတတ်သူ ပေါများလာတော့သည်။ ပညာမဲ့လျှင် စဉ်းစား ဉာဏ်မရှိနိုင်ရွေ့ ဒုစရိုက်မှုများ ကျူးလွန်ကြခြင်း ဖြစ်ကြောင်း သုံးသပ်နိုင်လေသည်။

ပညာရည်နိမ့်ပါးမှုနှင့် အသိဥာဏ်တိမ်ကောမှု
နေ့စဉ်နှင့်အမျှ ဂျာနယ်၊ မဂ္ဂဇင်းနှင့် မီဒီယာများတွင် မှုခင်းများစွာကို ဆက်တိုက် ဆိုသလို မြင်တွေ့လာရပြီး ယင်းကဲ့သို့ ကျူးလွန်မှုများသည် လှိုင်သာယာ၊ မြောက်ဥက္ကလာပ၊ အင်းစိန် အစရှိသော အခြေခံ လူတန်းစား အများစု နေထိုင်ရာ နေရာများတွင် ဖြစ်ပွားလျက် ရှိနေကြောင်းကို အများသိရှိပြီး ဖြစ်ပါလိမ့်မည်။

ထိုကဲ့သို့ ကျူးလွန်ကြခြင်းမှာ လူတစ်ဦးချင်းစီအလိုက် စိတ်ခံစားချက်ကြောင့်သော်လည်းကောင်း အများစုမှာ ပညာရည်နိမ့်ကျမှုကြောင့် ကျူးလွန်ကြသည်ဟု ပညာရှင် အချို့က သုံးသပ်ဖူးသည်။ အကြောင်းအရာများမှာ တစ်ခုနှင့် တစ်ခု ဆက်စပ်နေပေသည်။ ပထမဦးစွာဖြင့် မြန်မာနိုင်ငံ၏ ပညာရေး အဘယ်ကြောင့် နိမ့်ကျရသနည်းဟု မေးခွန်းထုတ်ရမည် ဖြစ်သည်။ ပညာရေး နိမ့်ပါးရခြင်း အကြောင်းရင်းက နိုင်ငံတော်ကို အပြစ်တင်ရဦးပေလိမ့်မည်။ ကျွန်ုပ်တို့ နိုင်ငံတော်၏ ပညာရေး စနစ်မှာ ၁၉၈၈ ခုနှစ် မတိုင်မီ အချိန်က အရှေ့တောင်အာရှတွင် သာမက အာရှတွင်ပါ နိုင်ငံများ၏ အားကျလေးစားဖွယ်ကောင်းသော ပညာရေးအဆင့် တစ်ခုကို ထူထောင်နိုင်ခဲ့သော်လည်း ၈၈ ခုနှစ် နောက်ပိုင်းတွင်မူ လုံးဝဆိုသလို ကွဲပြားခြားနားသွားလေသည်။

“ဒုစရိုက်မှုတွေ ဖြစ်ရတယ်ဆိုတာ ငယ်ငယ်လေးကတည်းက ဆရာမတွေက ဒါသင် ဒါကျက် ဒါပဲ ဖြေရမယ်ဆိုတော့ ကလေးတွေကို အလွန်အကျူး အမိန့်ပေးသလို ဖြစ်နေတယ်။ အဲ့တော့ စိတ်ခံစားချက် မတူတဲ့ ကလေးက သူတို့ရဲ့စိတ်တွေ မထိန်းချုပ်နိုင်ဖြစ်ပြီး တွန်းကန်မှုများပြီး စိတ်ထွက်ပေါက် အဖြစ် တစ်ခုခုကို သက်ရောက်လိုက်တာပဲ ဖြစ်တယ်။ အဲ့တော့ အခုအချိန် နိုင်ငံ အတွင်းမှာ ဒုစရိုက်မှုတွေ ဖြစ်လာတာသည် ပညာရေးစနစ်၏ နိမ့်ကျနေတာကြောင့်လို့လည်း သုံးသပ်ချင်ပါတယ်”ဟု ဒဂုံတက္ကသိုလ် ဆရာများသမဂ္ဂ အဖွဲ့ဝင် ဒေါက်တာ အာကာမိုးသူက ဆိုသည်။

ပညာရေး အဆင့်အတန်း ကျဆင်းမှုကြောင့် နိုင်ငံတော်၏ အရေးပေါင်းများစွာ ထိခိုက်လေသည်။ အခြားအရေး ထိခိုက်သည်မှာ ပြင်ဆင်လျှင်ရနိုင်သော်လည်း အားလုံးသော အရေးတို့၏ အခြေခံ အရေးဖြစ်သည့် ပညာရေး နိမ့်ကျလျှင်မူ ဒုစရိုက်မှုဆိုသည်များ ဖြစ်ပွားလာလေတော့သည်။ ဒုစရိုက်မှု ကျူးလွန်သူ အများစုကို လေ့လာ ကြည့်လျှင် ပညာမဲ့သူ အများစုက ကျူးလွန်သည့် မှုခင်းမှာ ပိုများလေသည်။ ပညာမဲ့လျှင် စဉ်းစားအသိဉာဏ်ပါ မဲ့နိုင်၍ ဒုစရိုက်မှု ကျူးလွန်ရန် ၀န်မလေး ကျတော့ဘဲ လက်ရဲဇက်ရဲဖြင့် ကျူးလွန်မိကျတော့သည်။

လွန်ခဲ့သော နှစ်ပိုင်းခန့်က ကျောင်းပြင်ပ မူလတန်း ပညာရေး သင်ကြားရာ၌ ပညာကို လုံးဝ မသင်ကြားဖူးသေးသော ကလေးငယ်တစ်ဦးအား အတန်းဖော် ကျောင်းသားလေး တစ်ဦးမှ ကျီစယ် မိရာမှ အစခံရသူ ကလေးငယ်လေးက ခဲတံနှင့် ထိုးလိုက်လေသည်။ ထို့ကြောင့် ဆရာဦး... က အဆိုပါ ကလေးအား ကောင်းမွန်စွာ ထိန်းကျောင်းပေးပြီး လေ့ကျင့် သင်ကြားပေးရာ လိမ္မာသော ကျောင်းသားလေး တစ်ဦး ပြန်ဖြစ်လာခဲ့ကြောင်း ၄င်း၏ကိုယ်တွေ့ ဖြစ်ရပ်တစ်ခုကို ပြောကြားဖူး သည်။

ယင်းအခြေအနေကို လေ့လာခြင်းဖြင့် ပညာမဲ့ခြင်း၏ အကျိုးရလဒ်ကို တွေ့မြင်နိုင်ပြီး ပညာမဲ့ခြင်းကြောင့် အရိုင်းစိတ်များ ဖြစ်ပေါ်လေတော့သည်။ ထို့ကြောင့် ဒုစရိုက်မှုများကို ကျုးလွန်ကာ ရာဇ၀တ်မှုများသည် ယနေ့အချိန်အခါတွင် မရည်မတွက် နိုင်အောင်ပင် များပြား လာတော့သည်။

ရဲတပ်ဖွဲ့၏ အားနည်းချက် ဒုစရိုက်သားများ အတွက် အားဆေးဖြစ်နေ
ရာဇ၀တ်မှုများကို အားကောင်းလာစေသော အခြားတစ်ချက်မှာ ရဲတပ်ဖွဲ့ပိုင်း ဆိုင်ရာဖြစ်ပြီး ရဲများကို လုံလောက်သော အင်အား မတိုးချဲ့နိုင်ခြင်းနှင့် လုပ်ငန်းများအား ထိရောက်စွာ မဆောင်ရွက်နိုင်ခြင်း များလည်း ပါဝင်လို့နေသည်။

ပြည်သူ့ရဲများမှာ နေ့ဘက်ဆိုလျှင် တရားရုံးထုတ် တရားရုံးတွင် စောင့်ရခြင်း ညဘက်တွင် ကင်းစောင့် တာဝန်ယူရခြင်းတို့ကြောင့် လူသားတစ်ယောက်ဖြစ်သော ရဲဝန်ထမ်းများသည် ပင်ပန်းလာပြီး အားအင် မစိုက်ထုတ်နိုင်ဘဲ ဖြစ်ကြရသည်။ ယင်းသို့လစ်ဟာမှုများ ဖြစ်ပေါ် လာသောအခါ လူသတ်မှုများ မုဒိမ်းမှုများ အုပ်စုဖွဲ့ ကျူးလွန်ခြင်းများ ခေတ်စားလာပြီး ဒုစရိုက်သမားများ အတွက် အခွင့်အရေး ပေးလာသကဲ့သို့ ဖြစ်သည်ဟု ဥပဒေအရာရှိ တစ်ဦးက ဆိုသည်။

“အုပ်ချုပ်ရေးပိုင်းက အရေးယူ ဆောင်ရွက်တဲ့ နေရာမှာလည်း ငြိမ်းချမ်းစွာ ဆန္ဒဖော်ထုတ်တဲ့ လယ်သမားတွေ၊ တခြားဆန္ဒဖော် ထုတ်တဲ့သူတွေကို ရဲအင်အား အလွန်အကျွံ သုံးစွဲမှု၊ ဒုစရိုက် နှိမ်နင်းရေး ကိစ္စတွေမှာ အင်အားကို လျှော့ပြီးသုံးတာ။ အထက်အမိန့်ကို အကြောင်းပြပြီးတော့ ရှောင်ဖယ်နေတာတွေဟာ ဒုစရိုက်သမားတွေ အတွက် အားဆေးတစ်ခွက်လို ဖြစ်လာတယ်။ ရုံးပိုင်းကို ပြောမယ်ဆိုရင်လည်း ဆန္ဒဖော်ထုတ်တဲ့ ပုဒ်မ ၁၈လိုဟာမျိုးတွေ လယ်သမားတွေကို ဆွဲတဲ့ပုဒ်မ ၄၄၇လို မျိုးတွေကျတော့ ပေါပေါသီသီ ထောင်ချပြီးတော့ ဒုစရိုက်မှုတွေကျတော့ အရေးယူ အပြစ်ပေးမှုတွေ အားနည်းနေတယ်။”ဟု ဥပဒေ ပညာရှင် တစ်ဦးက သုံးသပ်ပြောကြားခဲ့သည်။

လာလေဦးမည့် လွတ်ငြိမ်းချမ်းသာခွင့်
ယခုလတ်တလောတွင် ထွက်ပေါ်နေသော သတင်းများအရ ရှေ့လအတွင်းမှာ လွတ်ငြိမ်းချမ်းသာခွင့် တစ်ရပ်ရပ်သည် သမ္မတ အိုဘားမား မလာခင်တွင် ပေါ်ပေါက်လာနိုင်ပြီး ထိုအချိန်တွင် ကြီးမားသော မူးယစ်ရာဇာကြီးများ ဒုစရိုက်သမားများ ပါမသွားရန် လိုအပ်နေပြီ ဖြစ်သည်။

နိုင်ငံတော် သမ္မတကြီး၏ လွတ်ငြိမ်းချမ်းသာခွင့်ပေးသည်ဆိုခြင်းမှာ ဖွဲ့စည်းပုံ အခြေခံ ဥပဒေ ပုဒ်မ ၂၀၄ပါ သမ္မတကို အပ်နှင်းထားတဲ့ အခွင့်အာဏာအရ ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁အရ ပေးခြင်းဖြစ်ပြီး လွတ်ငြိမ်းချမ်းသာခွင့် တစ်ရပ်အရ လွတ်လာသူဟာ နိုင်ငံရေးနဲ့ လှုပ်ရှားသူမှအပ အခြား ရာဇ၀တ်မှု ကျူးလွန်သူတွေဟာ ထပ်မံပြီး ကျူးလွန်လျှင် မူလက ပေးအပ်ထားသော လွတ်ငြိမ်း ချမ်းသာခွင့် အမိန့်ကို ပြည်ထဲရေး ၀န်ကြီးဌာနက ပယ်ဖျက်နိုင်ပြီး မူလက ပြစ်ဒဏ် ပြန်လည် ကျခံစေနိုင်ကြောင်း သိရသည်။

ယခုအချိန်တွင် အကျဉ်းဦးစီးဌာန အတွင်း မိမိတို့ လိုချင်သည့် အချက်အလက်ကို ကွန်ပျူတာ Systemဖြင့် လွယ်ကူစွာ ပြန်လည်ရှာဖွေနိုင်ပြီဖြစ်ရာ ဖြစ်ပေါ်လာသော ရာဇ၀တ်မှုများကို အရင်းမှစ၍ ဖော်ထုတ်နိုင်တော့မည် ဖြစ်သည်။ ယင်းအပြင် လွတ်ငြိမ်းချမ်းသာဟု ဆိုရာ၌ လွတ်ငြိမ်းချမ်းသာခွင့်ကို ရာဇ၀တ်မှုကို တစ်ကြိမ်တစ်ခါလောက်သာ ကျူးလွန်ဖူးသူများကိုသာ ပေးသင့်ကြောင်း ကြိမ်ဖန်များစွာ အသက်မွေးဝမ်းကြောင်းမှု တစ်ခုသဖွယ် မိုက်ကြေးခွဲ လုပ်စားနေသော ရာဇ၀တ်ကောင်များကိုမူ ပေးရန်မသင်လျော်ကြောင်း သုံးသပ်မှုများ ရှိနေသော်လည်း မြန်မာနိုင်ငံတွင်မူ ယင်းကဲ့သို့ ရာဇ၀တ်ကောင်များကို လွတ်ငြိမ်းချမ်းသာခွင့်များ ပေးလျက်ရှိနေကြောင်း ရှေ့နေများထံမှ သိရသည်၊ အဓိက အချက်မှာ တရား ဥပဒေ စိုးမိုးရေးကို တပြေးညီ အကောင်အထည်ဖော် ဆောင်ရွက်ရန် လိုအပ်ပြီး။ ပြည်နယ်နှင့်တိုင်း ဒေသကြီး အစိုးရ အဖွဲ့များနှင့် နယ်စပ်ရေးရာ လုံခြုံရေး ၀န်ကြီးက သေချာ တာဝန်ယူ ဆောင်ရွက်ရမည့် အရေးကိစ္စ တစ်ခု အဖြစ် ရေးသား ဖော်ပြလိုက်ရပ်ါသည်။

- ကိုလူသစ်၊ လျှမ်းလူ
Tomorrow news journal


ရန်ကုန်မြို့သို့ ပြန်လည်ရောက်ရှိလာသည့် တောင်တက်အဖွဲ့ဝင် ကိုကျော်ထွန်းနိုင် (ဓာတ်ပုံ − မျိုးညွန့်သန်း)
http://www.7daydaily.com/
မြန်မာနိုင်ငံတွင်သာမက အရှေ့တောင်အာရှတွင်ပါ အမြင့်ဆုံး တောင်ဖြစ်သော ခါကာဘိုရာဇီ ရေခဲတောင်ထိပ်သို့ သြဂုတ် ၃၁ ရက်က မြန်မာနိုင်ငံသားနှစ်ဦး တက်ရောက်အောင်မြင်ခဲ့သည်။ တက္ကသိုလ်ခြေလျင်နှင့် တောင်တက်အသင်း (သဘာဝခေါ်သံ ဖောင်ဒေးရှင်း)မှ အဖွဲ့ဝင်ရှစ်ဦး ပါဝင်သော အဖွဲ့မှ ကိုအောင်မြင့်မြတ်နှင့် ကိုဝေယံမင်းသူတို့ နှစ်ဦး တက်ရောက်ကာ မြန်မာနိုင်ငံအလံလွှင့်ထူနိုင်ခဲ့ခြင်းဖြစ်သည်။ သို့သော် ထိုနှစ်ဦးမှာ တောင်ထိပ်သို့ တက်ရောက်နိုင်ခဲ့ကြောင်း သတင်းပို့အပြီးမှာပင် အဆက်အသွယ်ပြတ်တောက်သွားခဲ့ပြီး ၎င်းတို့နှစ်ဦးကို ရှာဖွေနေသည်မှာ ယနေ့အထိ မတွေ့ရှိသေးပေ။ ခါကာဘိုရာဇီတောင်ခြေစခန်းအထိ တက်ရောက်ခဲ့ပြီး တောင်ထိပ်တက်ခဲ့သူ နှစ်ဦးကို အထောက်အကူပေးခဲ့သည့် ကျန်အဖွဲ့ဝင် ခြောက်ဦးမှာ ရန်ကုန်မြို့သို့ ပြန်လည်ရောက်ရှိလာပြီဖြစ်ပြီး အဖွဲ့ဝင် တစ်ဦးဖြစ်သူ ကိုကျော်ထွန်းနိုင်ကို 7 Day Daily က စက်တင်ဘာ ၂၀ ရက်တွင် တွေ့ဆုံမေးမြန်းခဲ့ပါသည်။

-အရင်ဆုံး ကိုကျော်ထွန်းနိုင်တို့ ရှစ်ဦး ခါကာဘိုရာဇီတောင်တက်ဖို့ ပြင်ဆင်ခဲ့ပုံကို ပြောပြပေးပါဦးရှင့်။ ဘယ်နှခုနှစ်ကတည်းက ဘယ်လိုပြင်ဆင်ခဲ့သလဲ။

၂၀၁၁ခုနှစ်ကတည်းက စပြီးတော့ ကျွန်တော်တို့ အစ်ကိုတွေ (ကို အောင်မြင့်မြတ်၊ ကိုဝေယံမင်းသူ အပါအဝင် တောင်တက်သမား စီနီယာများ) က ဒီခါကာဘိုရာဇီ တောင်တက်မယ်ဆိုပြီးတော့ ကြို တင်ပြင်ဆင်မှုတွေ လုပ်ခဲ့တယ်။ ရန်ကုန်မှာဆိုလို့ရှိရင် ထရိန်နင် တွေ ဆင်းတယ်။ ပြီးတော့ ၂၀၁၂နှစ်ကုန်ပိုင်းမှာ ခါကာဘိုရာဇီတောင်ခြေဖြစ်တဲ့ ပေ ၁၃,၂၀၀မြင့်တဲ့ base camp (အခြေစိုက် စခန်း) ကိုသွားပြီးတော့ မြေပြင် လေ့လာရေးအနေနဲ့ သွားပြီးတော့ လေ့လာခဲ့တယ်။ အဲဒီ့မှာသွားပြီး လမ်းကြောင်း အခြေအနေတွေ၊ ပတ်ဝန်းကျင်အခြေအနေတွေကို လေ့လာခဲ့ပြီးတော့မှ ရန်ကုန်ကို ပြန်ရောက်တဲ့အခါမှာ ဒီ တောင်ထိပ်ကိုတက်ဖို့အတွက်ဆိုပြီးတော့ ကျောက်တောင်တက် လေ့ကျင့်ရေးလုပ်တယ်။ ရေခဲတောင်တက် လေ့ကျင့်ရေးလုပ်တယ်။ အဲဒီ့ကျောက်တောင်တက် လေ့ကျင့်ရေးတွေကို မန္တလေးတို့၊ဘားအံတို့တွေမှာသွားပြီးတော့လုပ်တယ်။ ဒီရေခဲတောင်တက် လေ့ကျင့်ရေးကို ကျွန်တော်တို့ ဖန်ဂရန်တောင်တက်တယ်။ ပြီးသွားတော့ တရုတ်နိုင်ငံက ဟာဗားရေခဲတောင်။ အဲဒီဟာကို ၂၀၁၄

ဧပြီမှာ သွားပြီးတော့ တက်ခဲ့ တယ်။

- မိုးလေဝသဘက်ကို ကြည့်လိုက်တဲ့အခါမှာ ကိုကျော်ထွန်းနိုင်တို့ ခါကာဘိုရာဇီသွားတက်တဲ့ အချိန်မှာ ရှမ်းပြည်နယ်နဲ့ ကချင်ပြည်နယ်က ရာသီဥတု ဆိုးရွားနေတယ်ဆိုတာ တွေ့ရတယ်။ အဲဒီတော့ ရာသီဥတုဆိုးတဲ့အချိန်၊နောက်ပြီး အခုကလည်း မိုးရာသီဖြစ်နေတယ်။ အဲဒီလိုအချိန် မှာ ရေခဲတောင်ဖြစ်တဲ့ ခါကာဘိုရာဇီကိုတက်ဖို့ ဘာဖြစ်လို့ ဆုံး ဖြတ်လိုက်ရတာလဲရှင့်။

အဲဒီဟာကတော့ နှစ်ပိုင်းရှိတယ်။ ကျွန်တော်တို့ ဒီရေခဲတောင်ကိုတက်ဖို့ ဘာကြောင့်ရွေးချယ်ရတာလဲဆိုတာကို ပြောရလို့ ရှိရင် အခုအချိန်မှာဆိုလို့ရှိရင် base camp ကိုသွားဖို့အတွက် ဒီလိုအချိန်ရာသီဥတုက ခက်ခဲတယ်၊ မှန်တယ်။ ဒါပေမဲ့ basecamp ကနေ တောင်ထိပ်တက်တဲ့ အခါ အခုအချိန်က ရေခဲအနည်းဆုံး ဖြစ်မယ်။ ပြီးတော့ အန္တရာယ် အကင်းဆုံးအချိန် ဖြစ်တဲ့အတွက် ကျွန်တော်တို့က ရွေးချယ်ရခြင်း ဖြစ်တယ်။ ပြီးတော့ မုန်တိုင်းသတိပေးတာတို့ ဘာတို့ဆိုတာ က အဲဒီ့အချိန်က ကျွန်တော်တို့ ဒီခါကာဘိုရာဇီ တောင်တက်ဖို့ သွားတဲ့အချိန်က ဇူလိုင် ၂၉ရက်နေ့ ရန်ကုန်က စထွက်သွားတယ်။အဲဒီ့အချိန် ဒီမုန်တိုင်းတို့၊ ဘာတို့ ဆိုတာလည်း ဘာမှမရှိဘူး။ ရာသီဥ တုကလည်း ကောင်းတယ်။ အဲဒါမျိုးဖြစ်တဲ့အတွက် မုန်တိုင်းတို့၊ ဘာတို့ ဝင်တယ်ဆိုတာကလည်း ခရီးစဉ်သွားနေတဲ့အချိန်မှာဖြစ်တဲ့အတွက် အဲဒီ့ဟာတွေကတော့ ကြိုတင်မသိထားဘူးပေါ့။

၁၉၉၆ခုနှစ် အိုဇာကီ(လွန်ခဲ့သော ၁၈ နှစ်က ခါကာဘိုရာဇီတောင်တက်နိုင်ခဲ့သော ဂျပန်လူမျိုး) တို့ တက်ခဲ့တုန်းကလည်း မိုးရာသီ ဒီလိုအချိန်ပဲ တက်ခဲ့တာ။ ပြီးတော့ လောလောလတ်လတ် မနှစ်ကတုန်းကမှ မြန်မာပြည်မှာ ဒုတိယအမြင့်ဆုံးတောင်လို့သတ်မှတ်ထားတဲ့ ဂန်လမ်ရာဇီကိုလည်း ဒီအချိန်မှာပဲ တက်ခဲ့တာ။ ဒီအချိန်က အသင့်တော်ဆုံးအချိန်ဖြစ်တဲ့အတွက် ရွေးချယ်ဖြစ်တာလို့ ပြောချင်တယ်ခင်ဗျ။

-ရန်ကုန်ကနေ base camp ရောက်တဲ့အထိ ခရီးစဉ် ဘယ်လိုသွား သလဲဆိုတာ ပြောပြပေးပါဦး။

ဇူလိုင်၂၉ရက်မှာ ရန်ကုန်ကထွက်တယ်။ ပူတာအိုမှာ ၃၀ရက်နေ့ တစ်ရက်နားတယ်။ ပြီး တော့ ၃၁ ရက်နေ့မှာ ပူတာအိုက စထွက်တယ်။ အားလုံးပေါင်း ၁၁ရက်၊ ၁၂ရက်လောက် အချိန် ပေးပြီးမှ တဟွန်ဒမ်းဆိုတဲ့ မြန်မာပြည်မြောက်ဖျားပိုင်းရဲ့ နောက် ဆုံးရွာကိုရောက်တယ်။ အဲဒီ့ကိုရောက်တဲ့အခါမှာ ဆက်တက်ဖို့ အတွက် ကျွန်တော်တို့ကို လိုက် ကူညီမယ့် ဒေသခံတွေကို ရှာရတာရှိတယ်။ အဲဒီတော့ အဲဒီမှာသုံးရက် နားတယ်။ ကျန်းမာရေးအတွက် ကြိုတင်ပြင်ဆင်မှုလုပ်တာတို့၊ လမ်းမှာ ကျွန်တော်တို့လိုတဲ့ရိက္ခာ ကို ပြန်လည်ပြင်ဆင်တာတို့ လုပ်တယ်။ ပြီးသွားတော့ အဲဒီက နေပြီး ခါကာဘိုရာဇီတောင်ခြေကို သွားတာပေါ့လေ။ ခါကာဘိုရာ ဇီတောင်ခြေကို သွားတဲ့အခါမှာ လေးညအိပ်ပြီး ငါးရက်သွားခဲ့ရတယ်။ အဲ့ဒီကျတော့မှ ကျွန်တော်တို့ ခါကာဘိုရာဇီရဲ့ တောင်ခြေကို ရောက်တယ်။

- တောင်ခြေစခန်းမှာ ခြောက်ယောက်ကနေခဲ့မယ်။ နှစ်ယောက် က တက်သွားမယ်ဆိုတာက နဂိုကတည်းက စီစဉ်ထားတာလား။

နဂိုကတည်းက ကျန်းမာရေးအခြေအနေ အရကြည့်မယ်၊ လေ့ကျင့်မှု လုပ်ထားတာတွေအရ ကြည့်မယ်၊ ပြီးသွားတော့ ကိုယ်ပိုင်ကျွမ်းကျင်မှုတွေကို ကြည့်ပြီးတော့ ရွေးချယ်မှုရှိတယ်။ ပြီးတော့ လျာထားတဲ့လူတွေ ဥပမာ ဒီနှစ်ယောက်ထဲက ကျန်းမာရေးအရသော်လည်းကောင်း၊ အကြောင်းတစ်ခုခုကြောင့် မတက်နိုင်လို့ရှိရင် လူစားလဲတက်ဖို့ဆိုပြီးတော့ လျာထားတာတွေရှိတယ်။

-ကိုအောင်မြင့်မြတ်နဲ့ ကိုဝေယံမင်းသူ တောင်ထိပ်ကိုဆက်မတက် ခင် တောင်ခြေစခန်းမှာ လေ့ကျင့်မှုနှစ်ရက် လုပ်ခဲ့တယ်လို့ သိရတယ်ရှင့်။ ဘာတွေ လေ့ကျင့်ဖြစ်ခဲ့လဲ။

လမ်းမှာတက်တဲ့အခါ မှာသုံးမယ့် ကြိုးတို့၊ ကျောက်တွေမှာ ညှပ်တဲ့ပစ္စည်း။ အဲဒါမျိုးတွေကို ပြန်ပြီးစစ်ဆေးတာမျိုး အဓိက လုပ် တယ်။

ကိုကျော်ထွန်းနိုင်တို့က တောင်ခြေစခန်းမှာ စောင့်နေရတဲ့သူတွေဆိုတော့ အဲဒီပတ်ဝန်းကျင်အနေ အထားနဲ့ ရာသီဥတုကိုလည်း ပြောပြပေးပါဦး။

ကိုအောင်မြင့်မြတ်နဲ့ ကိုဝေယံမင်းသူတို့ ပထမဆုံးတက်တဲ့ လမ်းကြောင်းမှာ glacier (ရေခဲမြစ်) ကြီးတစ်ခုရှိတယ်။ အဲဒီဟာကြီးရဲ့အောက်မှာ နည်းနည်းလေးပြန့်နေတဲ့ လွင်ပြင်လေး၊ ကမ့်ချ လို့ရနိုင်တဲ့ နေရာလေးတစ်ခုရှိ တယ်၊ အဲဒီလိုနေရာလေးမှာ ကျွန်တော်တို့စခန်းချတယ်။ ကျွန်တော် တို့ရဲ့အရှေ့ဘက်မှာ အောက်ကို ပေ တစ်ထောင်လောက်ဆင်းရတဲ့ လမ်းပေါ့။ ကျန်တဲ့ မြောက်ဘက် တို့၊ အနောက်ဘက်တို့၊ တောင် ဘက်တို့ ဘေးပတ်ပတ်လည်က တောင်တွေချည်းပဲ။

base campမှာတော့ ရေခဲ မရှိဘူး။ ဒါပေမဲ့ ၁၅မိနစ်လောက်သွားလိုက်တာနဲ့ ရေခဲပုံကြီး ရှိတယ်။ အဲဒီအထက်မှာတော့ ကျောက်ရှိတဲ့နေရာရှိတယ်။ ရေခဲ ရှိတဲ့နေရာရှိတယ်။ ရေခဲတစ်ထပ်၊ ကျောက်တစ်ထပ်ပေါ့။

တက္ကသိုလ်ခြေလျင်နှင့်တောင် တက်အသင်းက ထုတ်ပြန်ထား ချက်အရ ကိုအောင်မြင့်မြတ်နဲ့ ကိုဝေယံမင်းသူက ခါကာဘိုရာဇီ တောင်ပေါ်ကို ပိုပြီးမတ်စောက်တဲ့ မြောက်ဘက်အခြမ်းကနေ တက် သွားတယ်လို့ သိရပါတယ်။ ဘာဖြစ်လို့အဲဒီဘက် လမ်းကြောင်းကိုရွေးရတာလဲရှင့်။ နောက်ပြီး တော့သူ့ရဲ့အနေအထားက ဘယ်လောက်အန္တရာယ်ရှိသလဲ၊ ဘယ် လောက် မတ်စောက်သလဲရှင့်။

ဘာကြောင့် ဒီလမ်းကြောင်းကို ရွေးရလဲဆိုတော့ ကျွန်တော်တို့ မှာရှိတဲ့ gear ပစ္စည်းတွေ၊ ပြီး တော့ကျွန်တော်တို့ အစ်ကိုတွေ လေ့ကျင့်မှုတွေလုပ်ခဲ့တဲ့အနေအထားတွေနဲ့ နှိုင်းယှဉ်ပြီးတော့ မြောက်ဘက်ကနေ တက်မယ်ဆို ပြီးတော့ ရွေးချယ်ဖြစ်တာပေါ့။ အခက်အခဲဆိုလို့ရှိရင် ဘယ်လောက်အထိ မတ်စောက်တာ တွေ ကျော်ဖြတ်ရမလဲဆိုရင် တချို့နေရာတွေမှာ ၇၅ဒီဂရီ၊ ၈၀ ဒီဂရီလောက် မတ်စောက်တဲ့ဟာမျိုးတွေ ရှိမယ်လို့ ကျွန်တော်တို့ကတော့ မှန်းဆရတယ်။ ကျွန်တော်တို့ ဒီ base campကနေ လှမ်း ကြည့်ပြီးတော့ မြင်ရတဲ့နေရာက အပေါ်ကိုဆိုလို့ရှိရင် ဘယ် လောက်မတ်တယ်ဆိုတာက အတိအကျ ပြောဖို့တော့ ခဲယဉ်းပါတယ်။

သူတို့နှစ်ယောက်တက်သွားတဲ့ အချိန်မှာ သူတို့မှာ ဘယ်လိုဆက် သွယ်ရေးကိရိယာတွေ ပါသွား လဲ။ နောက်ပြီး ရိက္ခာကကော။

ကျွန်တော်တို့ တောင်ခြေကနေစထွက်တဲ့အခါမှာ ဆက်သွယ်ရေးကိရိယာအနေနဲ့ စကားပြောစက် နှစ်လုံး ပါသွားတယ်။ ပြီးတော့ သူတို့ရောက်နေတဲ့နေရာကို satellite ကနေ လှမ်းပြီးတော့ပို့ မယ့် sport messenger ဆိုတဲ့ဟာ ရှိတယ်။ အဲဒီမက်ဆင်ဂျာတစ်ခု ပါသွားတယ်။ အဲဒီမက်ဆင်ဂျာက ခလုတ်နှိပ်လိုက်လို့ရှိရင် သူတို့ဘယ်ကိုရောက်နေတယ် ဆိုတဲ့ဟာကို ကျွန်တော်တို့အဖွဲ့ထဲကပေးထားတဲ့ gmail ၊ (ဒါမှမဟုတ်)facebookကို အဲဒီမက်ဆင်ဂျာက satellite ကနေ တစ်ဆင့်လှမ်းပို့ပေးတယ်။ အဲဒါမျိုးပစ္စည်းတွေ တော့ ပါသွားတယ်။

ရိက္ခာကတော့ base campကနေ စထွက်သွားတော့ ပိုပိုလိုလိုဆိုပြီးတော့ ၁၃ရက်စာ ထည့်သွားတာပေါ့။ ကျွန်တော်တို့က ဒီ တောင်ခြေကိုအတက်အဆင်း လျာထားချက်က ၈ရက်၊ ၉ရက်လို့လျာထားတယ်။ အတက်အဆင်း ကို ၈ရက်။

နောက်ဆုံး အဆက်အသွယ် ရတဲ့အချိန်က တောင်ထိပ်ကိုရောက်တဲ့အချိန်လား။

တောင်ထိပ်ကိုရောက်နေ ပြီ။ ကျွန်တော်တို့နောက်ဆုံး အ ဆက်အသွယ်ရတဲ့အချိန်က နိုင်ငံတော်သီချင်းနဲ့ အသင်းသီချင်းဆိုတဲ့အချိန်ဖြစ်နေတယ်။ ဆိုပြီးတဲ့အချိန်မှာ စကားပြောစက်ကနေ အဆက်အသွယ် ပြတ်သွား တာ။ အဲဒီမပြတ်ခင်မှာလည်း ဘက်ထရီကုန်တော့မယ်လို့ ပြော ပြီးတော့မှ ပြတ်သွားတာပေါ့။

တောင်တက်သမားတွေအနေနဲ့ မစ်ရှင်အောင်မြင်သွားတဲ့ အချိန်မှာ ဂုဏ်ယူပြီးတော့ နိုင်ငံတော် သီချင်းဆိုတာမျိုးလုပ်လေ့ရှိကောင်းရှိမှာပေါ့နော်။ ဒါပေမဲ့ အခုပြောသွားတာအရ ဘက်ထရီကုန်တော့မယ်ဆိုတဲ့ အခြေအနေဆိုတော့ အဲဒီလိုအခြေအနေမှာ ဆက်သွယ်ရေးအတွက် အရေးကြီးဆုံးလိုအပ်တဲ့ ဘက်ထရီကိုကုန်စေမယ့် နိုင်ငံတော်သီချင်းဆိုတာမျိုးလုပ်ဖို့လိုအပ်လို့လား၊ လုပ်သင့်ရဲ့လားဆိုတာမျိုး မေးခွန်းတွေလည်းရှိတယ်ရှင့်။ အဲဒီ အပေါ် ဘယ်လို တုံ့ပြန်ချင်သလဲ။

မဟုတ်ဘူးခင်ဗျ။ ကမ္ဘာမကျေဆိုနေရင်းနဲ့ ပြတ်သွားတယ် ဆိုတာက နဂိုကတည်းကိုက ဘက်ထရီကမရှိတော့တာ။ မရှိဘူးဆို တဲ့ အချိန်မျိုးမှာ ကမ္ဘာမကျေဆို မယ်ဆိုပြီးတော့ပြောတယ်။ အဲဒီ မှာဘက်ထရီကပြတ်သွားတာ။

ဘက်ထရီက နဂိုကတည်းက နည်းနေပြီ။အဲဒီအချိန်မှာ save လုပ်ထားဖို့လိုမယ်။ အဲဒီအချိန်မှာဒီသီချင်းကို မဆိုဘဲနေလိုက်လို့ရှိရင်။

အဲဒါကျတော့ ပြောရမယ်ဆိုရင် တောင်ထိပ်ကိုရောက် နေတဲ့သူတွေရဲ့ သူတို့မှာရှိတဲ့ ပစ္စည်းတွေရဲ့ အခြေအနေနဲ့ နှိုင်း ယှဉ်ပြီးတော့ ဒါက သုံးသင့်တယ်၊ မသုံးသင့်ဘူး နှိုင်းယှဉ်ပြီးတော့ စဉ်းစားတာဖြစ်တဲ့အတွက် ကျွန်တော်တို့ base campမှာ ကျန်ခဲ့တဲ့သူတွေကျတော့ ဒီကိစ္စကို ပြောဖို့ ကတော့ ခက်ပါတယ်။

အဲဒီတော့ တောင်ထိပ်ရောက်ပြီး ကတည်းက အဆက်အသွယ်ပြတ်သွားတာကို ဘက်ထရီပြတ်သွားလို့ပဲလို့ ခန့်မှန်းခဲ့တာလား။

သူတို့ဘက်ထရီအားကုန်တဲ့အတွက် ကျွန်တော်တို့ကို အဆက်အသွယ်မလာဘူးလို့ပဲ နားလည်ထားတာပေါ့။

ရန်ကုန်က တက္ကသိုလ်ခြေလျင်နှင့်တောင်တက်အသင်းနဲ့ ကိုကျော်ထွန်းနိုင်တို့အဖွဲ့ ဘယ်လိုဆက်သွယ်ကြသလဲ။ ဆက်သွယ်ပုံ အဆင့်ဆင့်ကို ပြောပြပါဦး။

Sport messenger ကနေပြီးတော့ ကျွန်တော်တို့ဘယ်ကိုရောက်နေတယ်ဆိုတဲ့ဟာမျိုး ရန်ကုန်မှာရှိတဲ့အသင်းကို ရောက်သွားတာပေါ့။ အဲဒီဟာနဲ့ပဲ ကျွန်တော်တို့ ဆက်သွယ်ရတာပေါ့။

ကိုအောင်မြင့်မြတ်၊ ကိုဝေယံမင်းသူတို့နဲ့ အဆက်အသွယ် မရတော့ဘဲ ရက်အတော်ကြာတဲ့ အခါမှာ သူတို့ပျောက်နေပြီဆိုတဲ့ သတင်းထွက်လာခဲ့တယ်။ ဒါပေမဲ့အဲဒါကို အသင်းပြန်ကြားရေးက ငြင်းပြီးတော့ ပျောက်နေတာမဟုတ်ဘူး၊ အပြန်လမ်းမှာ ဘက်ထရီကုန်လို့ အဆက်အသွယ်မရတာသာ ဖြစ်မယ်ဆိုပြီးတော့ ပြောခဲ့တယ်။နောက်ဆယ်ရက်လောက် ကြာသွားတဲ့အခါမှ ရှာဖွေရေးလုပ်တဲ့အပေါ် စောစောစီးစီး အမှန်အတိုင်းပြောပြီး ရှာဖွေသင့်တယ်လို့ ဝေဖန်တာတွေရှိကြတယ်ရှင့်။ အဲဒီအပေါ်ကော ဒီမှာတကယ်ပါဝင်နေခဲ့တဲ့ တောင်တက်သမားအနေနဲ့ ဘယ်လိုပြောချင်သလဲရှင့်။

ကျွန်တော်တို့ကလည်း ပျောက်နေတဲ့ဟာကို မပျောက် ဘူးလို့ ပြောနေတာမဟုတ်ဘူး။ အမှန်တကယ်က ဘာဖြစ်လဲဆိုတော့ ကျွန်တော်တုိ့သွားတဲ့နေရာ ဒေသကကို ဆက်သွယ်ရေး တကယ်ခက်ခဲပါတယ်။ အသွား တုန်းကဆိုရင် လေးညအိပ်၊ ငါး ရက်သွားရတဲ့နေရာကို ကျွန်တော်တို့ သတင်းပို့ဖို့ ၈ရက်နေ့ ပြန် ဆင်းတဲ့အချိန်မှာ တစ်ညအိပ် နှစ်ရက်ခရီးတည်းနဲ့ရောက်အောင် ကြိုးစားလုပ်ခဲ့ရတာမျိုးရှိတယ်။

အသင်းဘက်အနေနဲ့လည်း ကျွန်တော်တို့ပြောတာကို စောင့် ပြီးတော့မှ စဉ်းစားလို့ရမယ်လို့ ယူဆပါတယ်ခင်ဗျ။

ကျွန်တော်တို့နဲ့ တောင် ထိပ်ကိုရောက်တဲ့ နှစ်ယောက်နဲ့ ပြန်ဆုံဖို့ချိန်းထားတာက စက်တင်ဘာ (၅)ရက်နေ့။ ကျွန်တော်တို့က တောင်ခြေမှာပဲ သူတို့ဆင်း လာတာကို စောင့်နေတယ်။ အဲဒီ၅ ရက်နေ့မှာ ဆင်းမလာတဲ့ အတွက် ကျွန်တော်တို့ကို လိုက်ပို့ ပေးတဲ့ လမ်းပြကနေပြီးတော့ ပထမဆုံးသူတို့ကမ့်ချသွားတဲ့ အမြင့်ပေ ၁၅,၈၀၀ ကမ့်အထိကို ၅ ရက်နေ့မှာ တက်ကြည့်တယ်။ စောင့်နေပြီး သူတို့ပြန်ဆင်းလာတဲ့ အခြေအနေ မတွေ့ရတဲ့အတွက် ၆ရက် နေ့အထိ ဆက်စောင့်တယ်။ ၇ရက်နေ့မှာ တစ်ကြိမ် ကမ့်နံပါတ်(၃)ဖြစ်တဲ့ ၁၆,၂၀၀ပေ အမြင့်ထိ ကို လမ်းပြက တက်ပြီးတော့ ရှာခဲ့တယ်။ အဲဒီအချိန်မှာမှ ဆင်းလာတဲ့ဟာမျိုးတွေ မတွေ့တဲ့အတွက် base campမှာ ကျန်တဲ့ ခြောက် ယောက်က တိုင်ပင်ပြီးတော့ လက်ရှိအဆက်အသွယ်ပြတ်နေ တဲ့ဟာကို ရန်ကုန်ကို သတင်းပို့ဖို့၈ ရက်နေ့မှာ ပြန်ဆင်းလာ တယ်။

ကိုအောင်မြင့်မြတ်နဲ့ ကိုဝေယံမင်းသူပျောက်သွားပြီလို့ ဘယ်အချိန် မှာ စနားလည်လိုက်တယ်လို့ ပြောရမလဲ။

၉ ရက်နေ့မှာ တဟွန်ဒမ်းရွာကိုရောက်တယ်။ တဟွန်ဒမ်းရွာက ၁၉၉၆တုန်းက ဂျပန်အိုဇာကီနဲ့အတူတူတက်သွားတဲ့ ဦးနမား ဂျွန်ဆင်ဆီမှာ ဖုန်းရှိတယ်။ သူ့ဆီကနေ ဖုန်းငှားပြီးတော့ ၉ရက်နေ့ ညမှာ အကြောင်းကြားတယ်။ ကျွန်တော်တို့နဲ့ အဆက်အသွယ် ပြတ်နေတယ်။ ရန်ကုန်ကို sportmessenger ကနေ လှမ်းပို့ပြီး တော့ ရန်ကုန်ရဲ့ ညွှန်ကြားချက်ကို တဟွန်ဒမ်းရွာမှာပဲ ထိုင်စောင့် နေတယ်။

ရန်ကုန်ကို ပြန်အကြောင်းကြား တဲ့အခါမှာကော ပျောက်သွားပြီ လို့ အကြောင်းကြားတာလား၊ ဘယ်လိုအကြောင်းကြားတာလဲ။

ကျွန်တော်တို့နဲ့ အဆက် အသွယ်ပြတ်နေတယ်ဆိုပြီးတော့ပဲပေါ့။

အဲဒီ့တော့ တက္ကသိုလ်ခြေလျင်နှင့် တောင်တက်အသင်းက ဘယ်လို တုံ့ပြန်လဲ။

ကျွန်တော်တို့ ပြောပြောချင်းပဲ ရန်ကုန်မှာအသင်းက ဘာတွေ ဆက်လုပ်မလဲဆိုတာကို အစည်း အဝေးထိုင်တယ်လို့တော့ ကျွန် တော်တို့ အကြမ်းဖျင်းသိထား တာပေါ့လေ။

သြဂုတ်လ ၃၁ ရက်၊ ညနေ ၅နာရီ ၁မိနစ်လောက်ကတည်းက အဆက်အသွယ်ပြတ်သွားတယ်လို့ ကျွန်မတို့သိရတယ်။ ဟုတ်ပါသလားရှင့်။

ဟုတ်ပါတယ်။

အဲဒီ့တော့ သူတို့ကိုကိုယ့်ရဲ့အဖွဲ့သားချင်း၊ မိတ်ဆွေဆိုတဲ့အနေအထားမျိုးမဟုတ်ဘဲနဲ့ ကိုကျော်ထွန်းနိုင်က တောင်တက်သမားတစ်ယောက်အနေနဲ့ ဓမ္မဓိဋ္ဌာန် ကျကျပြောရမယ်ဆိုလို့ရှိရင် သူတို့နှစ်ယောက်ရဲ့ ဖြစ်နိုင်ခြေအခြေအနေက ဘယ်လိုရှိမလဲရှင့်။

လက်ရှိအခြေအနေကို ပြော ရမယ်ဆိုရင်၊ တောင်တက်သမား တစ်ယောက်အနေနဲ့ ပြောရမယ် ဆိုရင် သူတို့ ရိက္ခာချွေစားပြီးတော့ သူတို့လုံခြုံတဲ့နေရာတစ်ခုမှာ နေနိုင်တယ်ဆိုရင်တော့ သူတို့ကိုကယ်နိုင်မယ်လို့ မျှော်လင့်ထားပါတယ်။

အဲဒီတောင်ဆိုတဲ့ဟာက ကျွန်တော်တို့ မမြင်နိုင်တဲ့ နေရာ တွေရှိတာကိုး။ အဲဒီ့တော့ တချို့ကိစ္စတွေကျတော့ မှန်းပြီးတော့ ပြောဖို့ဆိုတာ ခက်ပါတယ်။ ရှာဖွေ ရေးအားလုံးလုပ်ပြီးတော့မှပဲ ဘာ ကြောင့် ဖြစ်နိုင်မယ်ဆိုတာကို ကောက်ချက်ချလို့ ရပါမယ်ခင်ဗျ။

ကိုအောင်မြင့်မြတ်နဲ့ကိုဝေယံမင်းသူ တောင်ထိပ်ကို မတက်ခင်မှာ ကိုကျော်ထွန်းနိုင်တို့နဲ့ ဘာတွေများနောက်ဆုံးပြောဖြစ်ခဲ့သေးသ လဲရှင့်။

ဒီ base camp မရောက်ခင် နေရာမှာပဲ ကျွန်တော်တို့ကို မေးဖူးတာရှိတယ်။ အခုခါကာဘိုရာဇီတက်ပြီးရင် ကမ္ဘာ့အမြင့်ဆုံး ဆိုတဲ့ ဧဝရက်တောင်တက်မယ်၊ အဲဒီ့အခါမှာကော support လိုက်လုပ်ပေးနိုင်မလားတဲ့။ ဧဝရက်မှမဟုတ်ဘူး၊ ဘယ်တောင်တက် တက် support လိုက်လုပ်ပေးနိုင်တယ်ဆိုပြီးတော့ ကျွန်တော်တို့ ပြောခဲ့တယ်။ ပြီးတော့တချို့တောင်တွေဆိုရင် ကျွမ်းကျင်မှုလည်းရှိမယ်၊ လေ့ကျင့်မှုလည်း ရှိမယ်ဆိုရင် ဆက်ပြီးတော့ တက် နေဦးမှာပဲ။

စုံထောက်ဝတ္ထုတွေကို ဘာကြောင့် လူအများ နှစ်သက်ကြပါသလဲ။

ကျွန်မလည်း စုံထောက်ဝတ္ထု ပရိတ်သတ်ထဲမှာ ပါပါတယ် ။ ပထမဦးဆုံး စုံထောက် ၀တ္ထုများ နဲ့ ကျွန်မထိတွေ့ခဲ့စဉ်က အသက်၁၀နှစ်လောက် ရှိပါပြီ။ အဲဒီအချိန်က ကျွန်မတို့နဲ့ အတူနေပြီး တက္ကသိုလ်တတ်နေတဲ့ အစ်မ၀မ်းကွဲတစ်ယောက်က တက္ကသိုလ် အင်္ဂလိပ်စာ အတန်းမှာ စုံထောက်ကြီး ရှားလော့ဟုမ်းပုံပြင်တွေ သင် ရပါတယ်။ တက္ကသိုလ် ဒုတိယနှစ် သာမန် အင်္ဂလိပ်စာ အတန်းပါ။ ဂုဏ်ထူးတန်း မဟုတ်ပါဘူး။ အဲဒါ ပြန်စဉ်းစားကြည့်တော့ အဲ့ဒီအချိန် က မြန်မာနိုင်ငံမှာ အင်္ဂလိပ်စာသင်မှု အတော်အဆင့်မြင့်ပါလားလို့တွေးမိပါတယ်။

ကျွန်မက ၁၀နှစ်ဆိုတော့ လေးတန်းပါ။ အင်္ဂလိပ်စာဖတ်တတ်နေပါပြီ။ ဒါပေမဲ့ အစ်မလေ့လာ ရတဲ့ ရှားလော့ဟုမ်းပုံပြင် တွေဖတ်နိုင်တဲ့ အဆင့်မရှိသေးပါဘူး။ ဒီပုံပြင်တွေ ကလည်း မူရင်း အတိုင်းပါ။ လွယ်အောင်ပြန်ရေးထားတာမျိုး မဟုတ်ပါဘူး။ အစ်မကဖတ်ပြီး ဇာတ်လမ်းတွေ ကိုပြောပြပါတယ်။ နားထောင်လို့ သိပ်ကောင်းတာပဲ။ အဲ့ဒီကစပြီး ကျွန်မ စုံထောက်ဝတ္ထုတွေ အစွဲကြီး စွဲသွားတာပါ။

ဒါကြောင့်လည်း နောက်တစ်နှစ် လောက်အတွင်းမှာ ရှားလော့ဟုမ်း ပုံပြင်အချို့ ကို ကိုယ်တိုင်ဖတ်နိုင်အောင် ကြိုးစား လုပ်ခဲ့ပါတယ်။ စာအုပ်ကလေးကို ကျွန်မ နှစ်သက် လွန်းလို့ မေမေ့ မိတ်ဆွေတစ်ဦးက ကျွန်မအတွက် ၀ယ်ပေးထားတာ ယခုထိ ရှိပါသေး တယ်။ ဘာကြောင့် စုံထောက်ဝတ္ထုတွေဟာ စိတ်ဝင်စားဖွယ်ကောင်းတယ် ဆိုတာ စာဖတ်သူ တစ်ဦးနဲ့ တစ်ဦး အမြင်ချင်းတော့တူမှာ မဟုတ်ပါဘူး။

ကျွန်မ အတွက်ကတော့ ပဟေဠိတစ်ခုရဲ့ အဖြေကို ရှာတဲ့ဖြစ်စဉ်ကို နှစ်သက်တာ ဖြစ် ပါတယ်။ ၀တ္ထုကို ဖတ်ရင်းနဲ့ဘယ်သူက လုပ်တာလဲဆိုတာ ကိုယ့်ဘာသာကိုယ်စဉ်းစာ သွားရတာ သိပ်အရသာရှိတာပဲ။ ကျွန်မ ရှားလော့ဟုမ်းပုံပြင်တွေကို စပြီးသိခဲ့ ရတဲ့ အချိန်မှာ ဒီပုံပြင်တွေကို မြန်မာမှုပြုထား တဲ့ ဆရာကြီး ရွှေဥဒေါင်းရဲ့ စုံထောက်ကြီး ဦးစံရှား ကို အခြေခံတဲ့ ဦးစံရှား ဟာသကာတွန်းဇာတ်လမ်းတွေ အတော်ခေတ်စား ပါတယ်။

ဦးရှံစားနဲ့ တပည့်ကျော် ဦးဒိန်းဒေါင်တို့က ထောက်လှမ်းလိုက်တိုင်း တလွဲဖြစ်တတ်တာ မို့ စုံထောက်ကြီးက "မှားတဲ့အခါလည်း မှားပေမပေါ့" လို့ ရေရွတ်ရတာ အခါပေါင်း များစွာ။ "မှားတဲ့အခါလည်း မှားပေမပေါ့" ဆိုတာ ကလေး၊ လူကြီးမရွေး အဲ့ဒီအခါက လက်သုံးစကားပါပဲ။ ကျွန်မလည်း ဖတ်တဲ့ စုံထောက်ဝတ္ထု ဇာတ်လမ်းနိဂုံးဟာ ကိုယ် မှန်းထားတဲ့ အတိုင်းမဖြစ်ရင် "မှားတဲ့အခါလည်း မှားပေမပေါ့" ဆိုပြီး ပြုံး ရပါတယ်။

စုံထောက်ဝတ္ထုတွေ အတော်များများ ဖတ်ပြီးတဲ့အခါမှာ နောက်ဆုံးအဖြေကို မှန်း တဲ့နေရာမှာ အတော်အတန် မြင်လာပါတယ်။ မေးပါများစကားရ ဆိုသလို ဖတ်ပါ များတော့လည်း အဖြေရလာတဲ့သဘောပါပဲ။ ဒီအဖြေကို ရှာနေတဲ့အချိန်မှာတော့ စိတ်ကို ဖတ်နေတဲ့ စာအုပ်ထဲ လုံးဝမြှုပ် ထားနိုင်တာကြောင့် အခြားအာရုံတွေ မေ့ ထားလို့ရပါတယ်။ အဲဒီအကြောင်းကြောင့် စုံထောက်ဝတ္ထု တွေ နှစ်သက်ကြတာ လားလို့ လည်းစဉ်းစားစရာ ဖြစ်ရပါတယ်။

ဖွံ့ဖြိုးတိုးတတ်တဲ့ နိုင်ငံများမှာ လေဆိပ်၊ရထားဘူတာ စတဲ့နေရာတွေမှာ စာအုပ် ဆိုင်တွေ ရှိတတ်ပါတယ်။ ခရီးသွားရင်းအပျင်းပြေ ဖတ်ဖို့ စာအုပ်ဝယ်သူတွေလည်း များပါတယ်။ စုံထောက်ဝတ္ထု ကောင်းတစ်အုပ်ရပြီ ဆိုလို့ကတော့ အချိန်တွေ ဘယ်လို ကုန်သွားမှန်းမသိ။ ခရီးက ပြီးသွားလေရဲ့ ။

စုံထောက်ဝတ္ထု ဖတ်ပုံဖတ်နည်း ကလည်း တစ်ယောက်နဲ့တစ်ယောက် မတူကြပါဘူး။ အချို့ က စာအုပ်မချတမ်း အသည်းအသန် အဖြေသိချင်ဇောနဲ့ ဖတ်ကြရဲ့။ စာမျက်နှာတွေ ကျော်ပြီး နိဂုံးပိုင်းကို တန်းဖတ်တဲ့ သူတွေ လည်း ရှိပါတယ်။ ဒါကတော့ ထမင်းဆာလွန်းလို့ စားနေတဲ့ ဟင်းအရသာ မခံနိုင်ဘဲ ပလုတ်ပလောင်း အမြန်နှုန်းနဲ့ စားသလိုပါပဲ ။

အချိုကတော့လည်း အေးအေးဆေးတေး နိဂုံးရောက်ဖို့ မကြာကြာအောင် ဆွဲဖတ်တာ လည်း ရှိပါတယ်။ ကျွန်မကတော့ အရေးအသားလည်း ကောင်း၊ ဇာတ်လမ်းလည်း တကယ်ပြောင်မြောက်တဲ့ စုံထောက်ပုံပြင်ဝတ္ထုတွေဆို ရင် လက်ကမချတမ်း ဆက်တိုက် ဖတ်လေ့ရှိပါတယ်။ ကနဦးကတည်းက အဖြေကို သိနိုင်တဲ့ ၀တ္ထု တွေ ဆိုရင် အဆင့်မမီလို့ သတ်မှတ်ပါတယ်။ တစ်ခါတလေ ဆက်မဖတ်တော့ပါဘူး။

စုံထောက်ဝတ္ထု နဲ့ နိုင်ငံရေးနဲ့ ဘာဆိုင်လဲလို့ အချို့ က တွေးနေပါလိမ့်မယ်။ တိုက်ရိုက် သက်ဆိုင်တာတော့ မဟုတ်ပါဘူး။

ဒါပေမဲ့ နောက်ဆုံးဘယ်လိုအဖြေ ပေါ်မလဲဆိုတာ တွက်ဆဖို့ခက်တဲ့ နေရာမှာaတာ့ တူပါတယ်။ စုံထောက်ကျော်တွေ ဆိုရင် အဖြေမှန်ကို ရှာတွေ့ကြတာပါပဲ။ ဘယ်လို ရှာတွေ့ ကြလဲ ဆိုရင်တော့ ရိုးရိုးပါပဲ။ လုံ့လ၊ ၀ီရိယ၊ ပညာနဲ့ လုပ်ဖော်ကိုင်ဖက်ကောင်း၊ တပည့်နောက်လိုက်ကောင်းတွေရဲ့ အကူအညီနဲ့ အောင်မြင်ကြတာပါ။

အဖြေမှန်မရခင်အချိန်မှာတော့ ဖြစ်နိုင်ခြေအမျိုးမျိုး ကိုစဉ်းစားရပါတယ်။ စုံထောက် ၀တ္ထု ဖတ်တာနဲ့ နိုင်ငံရေးလုပ်တာမှ အဓိကမတူညီတဲ့ အချက်ကြီးနှစ်ချက်ရှိပါတယ်။

ပထမရည်ရွယ်ချက်ပါ။ စုံထောက်ဝတ္ထု ဖတ်ာက စိတ်ပြေလက်ပျောက် အပန်းဖြေတဲ့ သဘောပါ။ နိုင်ငံရေး လုပ်တယ်ဆိုတာကတော့ ရည်ရွယ်ချက်၊ ယုံကြည်ချက် နဲ့ လေးလေးနက်နက် အပင်ပန်းခံလုပ်ရမှာပါ။ ဒုတိယမတူ ညီမှုကတော့ စုံထောက် ၀တ္ထုတွေရဲ့ နိဂုံးကို စာဖတ်သူက ဆုံးဖြတ်လို့မရပါဘူး။ နိုင်ငံရေးမှာကျတော့ ကျွန်မတို့ ရဲ့ ဇွဲ ၊လုံ့လ၊ ၀ီရိယ၊ ပညာ၊ ရဲဘော်ရဲဘက်၊ တပည့်နောက်လိုက်ကောင်းတွေ ရဲ့ ကျေးဇူးတွေကြောင့် ကိုယ်လိုချင်တဲ့ အဖြေပေါ်အောင် လုပ်နိုင်ပါတယ်။

ဒီအပတ်တော့ ဒီမျှသာ။

အောင်ဆန်းစုကြည်


၂ဝ၁၁ခုနှစ် နှစ်ဆန်းက စတင်အသက်ဝင်လာခဲ့တဲ့ လွှတ်တော်တွေ ပွင့်လင်းမြင်သာမှုရှိဖို့ တကယ်ပဲ လိုနေသေးသလား။ NLD နဲ့ တိုင်းရင်းသားပါတီတွေကတော့ လွှတ်တော်တွေဟာ ပွင့်လင်းမြင်သာမှု တကယ်ရှိဖို့ ၂ဝဝ၈ ဖွဲ့စည်းပုံကို ပြင်ရမယ်လို့ ဆိုပါတယ်။ ဖွဲ့စည်းပုံပြင်ရင် လွှတ်တော်တွေ ပွင့်လင်းမြင်သာမှု ရှိသွားမှာလား။

အမျိုးသားဒီမိုကရေစီအဖွဲ့ချုပ် ၂ဝ၁၂ ကြားဖြတ်ရွေးကောက်ပွဲအပြီး လွှတ်တော်ထဲဝင်လာပြီးတဲ့နောက်မှာတော့ လွှတ်တော်ဟာ အတိုင်းအတာတစ်ခုအသက်ဝင်လာပေမယ့် ၂ဝ၁၅ နီးလာချိန် အာဏာရပါတီကလူတွေက စိုးရိမ်စိတ်တွေနဲ့ နောက်ပြန်လှည့်လာတဲ့သဘော ရှိနေတယ်လို့ ရခိုင်အမျိုးသားပါတီက ဒေါက်တာအေးမောင်က ပြောပါတယ်။

အာဏာရပါတီ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီကတော့ ဒီကနေ့ နိုင်ငံရေးအခင်းအကျင်းဖြစ်တဲ့ လွှတ်တော်နဲ့ ပါတီစုံ ဒီမိုကရေစီစနစ် ပေါ်လာတာစာ ၂ဝဝ၈ ဖွဲ့စည်းပုံကြောင့်ဖြစ်ပြီး အစပိုင်းမှာ လွှတ်တော်တွေမှာ လိုအပ်ချက်ရှိပေမယ့် အခုတော့ ပွင့်လင်းမြင်သာလာပြီလို့ ဦးသာဝင်းက ပြောပါတယ်။

လွှတ်တော်ပွင့်လင်းမြင်သာရေး (မြန်မာ) ဆွေးနွေးပွဲကို စက်တင်ဘာ ၂ဝရက်နေ့က ရန်ကုန်မြို့ ပွင့်လင်းမြန်မာရှေ့ဆောင်ရုံးမှာ ကျင်းပခဲ့ပြီး ပါလီမန်ခေတ်၊ မြန်မာ့ဆိုရှယ်လစ်ခေတ်နဲ့ ဒီကနေ့ခေတ် လွှတ်တော်တွေ ပွင့်လင်းမြင်သာမှုအခြေအနေတွေကို ဆွေးနွေးခဲ့ကြပြီး ဦးကိုကိုကြီးက လွှတ်တော်ဟာ လူထုနဲ့ အလှမ်းဝေးတဲ့နေရာဒေသမှာ ရှိနေပြီး ဘက်ဂျက်အစီရင်ခံစာတွေမှာ လျှို့ဝှက်နဲ့ ကန့်သတ်ဆိုပြီး လုပ်ထားတာ မဖြစ်သင့်ဘူးလို့ ထောက်ပြပါတယ်။

လက်ရှိ လွှတ်တော်တွေဟာ လူထုလိုလားချက်တွေကို ရောင်ပြန်မဟပ်နိုင်သလို လွှတ်တော်တွေ ပွင့်လင်းမြင်သာမှုရှိဖို့ ၂ဝဝ၈ ဖွဲ့စည်းပုံကို ပြင်ကိုပြင်ရမယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD က ခွန်ထွန်းဦးက ပြောပါတယ်။

ပြည်နယ်နဲ့ တိုင်းလွှတ်တော်တွေရဲ့ ပွင့်လင်းမြင်သာမှုက အင်မတန်အားနည်းနေပြီး ဗဟိုအစိုးရရဲ့ ချုပ်ကိုင်မှုကို ပြည်နယ်တိုင်းလွှတ်တော်ဥက္ကဌတွေ ခံနေရတာကြောင့် ထင်သလောက် မလွတ်လပ်ကြဘူးလို့ ဒေါ်ညိုညိုသင်းက ပြောပါတယ်။ လွှတ်တော်ဥက္ကဌတွေဟာ အုပ်ချုပ်ရေးမျက်နှာကိုမကြည့်ဘဲ သတ္တိရှိရှိဆောင်ရွက်မယ်ဆို ပွင့်လင်းလာနိုင်ပေမယ့် အဓိကပြဿနာဟာ လူကြောင့်ဖြစ်ပြီး ဧရာဝတီတိုင်း လွှတ်တော်ဥက္ကဌဖြစ်ခဲ့တဲ့ ဦးဆန်းဆင့် အခုဘယ်လိုဖြစ်သွားလဲဆိုတာကို

http://kamayutmedia.com


သီချင်းလေးလည်း ဆို ပြည်သူကိုလည်း နှုတ်ဆက် ပြည်သူ့ဘက်တော်သား အတွက် ဒီတရက်ဟာ အလွန်ကို ကြည်နူးချမ်းမြေ့ ပျော်ရွှင်ခဲ့ရပါတယ်။ မိုးရွာလိုက် နေပူလိုက် ခေါင်းရော ခါး ပါ တဆစ်ဆစ် ကိုက်နေ ပေမယ့် ခြေ ကျင် လမ်းလျောက်နေသူတွေ တောင် လျောက်နိုင်သေးတာပဲ။ ကားပေါ် မတ်တပ် ရပ် လိုက်ရတဲ့ ကျနော် ဘာဖြစ်လို့ မလုပ်နိုင်ရမှာလဲ လို့ အားတင်းပြီး လေးနာရီလောက် နေပူမိုးရွာ အောက်မှာ လမ်းလျောက်သူများအတွက် ဖျော်ဖြေရေး ဆောင်ရွက်ခဲ့တယ်။

တိုင်းပြည် အတွက် အရေးကြီးတဲ့ ဒီတရက်ကို အကောင်းဆုံးဖြစ်အောင်ငြိမ်းချမ်းရေး နေ့ အမှာစကား ခပ်ဘွင်းဘွင်းတွေကို တလမ်းလုံး ပြောသွားခဲ့တယ်။ ကျနော်ပြောခဲ့တဲ့ စေတနာ စကား မကြောက်တရားတွေကို ဒီကနေ့ည တင်ပြပေးပါမယ်။


ဒီကနေ့ ချီတက်လမ်းလျောက်ကြတဲ့ ငြိမ်းချမ်းရေးနေ့ အခမ်းနားမှာ လမ်းဆုံတခု မီးပွိုင့်ဘေးကနေ အရပ်ဝတ် လူတယောက်က ပါဝင်ချီတက်ကြတဲ့ ယာဉ်တန်းက ကားနံပတ်တွေကို လိုက်ရေးမှတ်နေတယ်။ ဒါနဲ့ ကျနော်က အသံချဲ့စက် ဆောင်းဘောက်စ် ကနေ ပြောခဲ့တယ်။ ကား နံပတ် ချည်းပဲ မှတ်မနေနဲ့၊ ဟောဒီ ဖျော်ဖြေရေးအလှပြကားကို စီစဉ်လာတဲ့ သူက နေမျိုးဇင်။ တပ်မတော်ထဲကို ပြည်သူကို ကာကွယ်စောင့်ရှောက်ဖို့ ၀င်ခဲ့ဖူးတဲ့ ပြည်သူ့တပ်မတော်သားဟောင်း တယောက် ကိုယ်ပိုင် အမှတ်က ဘီစီကြည်း၂၉၄၄၄၊ အဲဒီနံမည်ပါ ကားနဲ့ တွဲမှတ်ပါ လို့ ပြောခဲ့တယ်။

အခုချိန်ထိ အရပ်ဝတ်နဲ့ ဟိုခြိမ်းဒီခြောက် စနစ်ကောက်က ရှိနေတုန်းပါပဲ။

ပြည်သူ့ဘက်တော်သား
နေမျိုးဇင်

ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ UNFC မှ နုတ်ထွက် ရန် ကရင်အမျိုးသားအစည်း အရုံး KNU ၏ ဆုံးဖြတ်ချက်အား ကရင် အမျိုးသမီးများ အဖွဲ့ချုပ် KWO က ဝေဖန်ပြောကြားလိုက်သည်။ UNFC မှ အပြည့်အ၀နုတ်ထွက်ပါက KNU ကို နိုင်ငံရေးအရ ပိုမိုထိခိုက်စေနိုင်သည်ဟု ကရင်အမျိုးသမီး ၄၉,၀၀၀ အား ကိုယ်စားပြုသည့် KWO အဖွဲ့၏ အတွင်းရေးမှူး ဒေါ်နော်ကညောဖော က ပြောကြားသည်။

“KNU က UNFC နဲ့ လက်တွဲလုပ်ကိုင်တာကို ရပ်ဆိုင်းလိုက်ရင် နိုင်ငံရေး အရ သေကြောင်းကြံသလိုဖြစ်သွားပါမယ်”ဟု ဒေါ် နော်က ညောဖော က ပြောကြားပြီး KNU က အဘယ်ကြောင့် ထိုသို့ ဆုံးဖြတ်ခဲ့သည် ကို ကရင်လူထု က အမြင်ရှုပ်ထွေး လျက်ရှိသည်ဟုဆိုသည်။

“ဒီလိုအရေးကြီးတဲ့အချိန်မှာ KNU ကဘာလို့ UNFC နဲ့ လက်တွဲမှုကို ရွှေ့ဆိုင်း ရလဲဆို တာနဲ့ ဆုံး ဖြတ်ချက်နောက်ကွယ်မှာ ဘာတွေက တွန်းအားပေးနေ လဲဆိုတာ နားမလည်ပါဘူး” ဟု ၎င်းကပြော ကြားခဲ့သည်။

KNU က UNFC သို့တင်သွင်းသည့် ဖွဲ့စည်းပုံပြင်ဆင်ရေးအဆိုပြုချက်အား အဖွဲ့ဝင် အများစုက ငြင်းပယ်ခဲ့ပြီး နောက် KNU က UNFC တွင် ပါဝင်မှုအား ရပ်ဆိုင်းခဲ့သည်။ KIO က ဥက္ကဋ္ဌနေရာယူထားသည့် UNFC ၏ အထက်အောက်ခေါင်းဆောင်မှု အဆင့်ဆင့်ပုံစံအား မနှစ်သက်ကြောင်း KNU က ဖော်ပြခဲ့သည်။ KNU ၏ ဆုံးဖြတ်ချက်မှာ အရေးပါသည့် သက်ရောက်မှု တစ်ခုဖြစ်ခဲ့ပြီး လေ့လာသူနှင့်အဖွဲ့အစည်း ခေါင်းဆောင်အချို့က ထောက်ခံခဲ့ကာ UNFC မှာ KIO လွှမ်းမိုးမှုခံနေရသည်ဟု ပြောကြားခဲ့သည်။

အခြားတစ်ဖက်တွင်လည်း KNU ၏ဆုံးဖြတ်ချက်က ငြိမ်းချမ်းရေးနှင့် တန်းတူ အခွင့်အရေးရရှိရေး၊ တိုင်းရင်းသားလက်နက်ကိုင်များ၏ ကြိုးစားမှု ကို အားလျော့စေသည်ဟု သတိပေးမှုများ ထွက်ပေါ်လျက်ရှိသည်။

ဒေါ်နော်ကညောဖောက “ဒီအချိန်ဟာ တိုင်းရင်းသားလူမျိုးစုတွေ လက်တွဲဆောင်ရွက် ဖို့ အရေးကြီးတဲ့အချိန်ပါ။ ညီညွတ်ပြီး အားကောင်းတဲ့ မဟာမိတ်ဖြစ်ရမှာပါ။ တိုင်းရင်းသားလူနည်းစုတွေရဲ့ တန်းတူညီမျှမှုနဲ့ နိုင်ငံရေး ရည်မှန်းချက်တွေရရှိဖို့ အားလျော့စေတဲ့ KNU ရဲ့ဆုံးဖြတ်ချက်ကို သဘောမတူ ပါဘူး။ KNU ကို UNFC မှာ အမြန်ဆုံးပြန်လည်ပါဝင်ဖို့ တောင်းဆိုပါတယ်” ဟု ဆိုသည်။

KNU နှင့်အစိုးရတို့ ၂၀၁၂ တွင် အပစ်အခတ်ရပ်စဲရေး အကြိုသဘော တူညီချက် ရရှိခဲ့သော်လည်း ကရင် ပြည်နယ်တွင် လူ့အခွင့်အရေးချိုး ဖောက်မှုများ ရှိနေကြောင်း ကရင်လူ့အခွင့်အရေးအဖွဲ့ KHRG ကဆိုသည်။ အစိုးရ (သို့) အစိုးရနှင့် ဆက်နွှယ်မှုရှိသည့် ကုမ္ပဏီများ၏ မြေသိမ်းယူမှုများရှိနေကြောင်း KHRG ၏ ၂၀၁၄ အစီရင်ခံစာတွင် ဖော်ပြထားသည်။ ထိုချိုးဖောက်မှုများအား KNU က သင်ခန်းစာယူသင့်သည်ဟု ဒေါ် နော်ကညောဖောကဆိုသည်။

KNU ၏ အထွေထွေ အတွင်းရေးမှူး ဖဒိုခွဲထူးဝင်းက ထိုဆုံးဖြတ်ချက်မှာ KNU က အခြား တိုင်းရင်းသား လူမျိုးစုများနှင့် လက်တွဲဆောင်ရွက်မှုအား စွန့်ခွာခြင်း မဟုတ်ဟု ပြောကြားခဲ့သည်။

“ဒါဟာ တိုင်းရင်းသားတွေနဲ့ ပူးပေါင်းဆောင်ရွက် မှုအပေါ် သက်ရောက်မှုရှိမှာ မဟုတ်ပါဘူး။ ဥပမာ KNU က သီးခြားအဖွဲ့တစ်ခုအနေနဲ့ အခြားတိုင်းရင်းသား အဖွဲ့ တွေနဲ့ ပူးပေါင်းဆောင်ရွက်သွားမှာပါ။ UNFC မှာမပါတဲ့ နိုင်ငံရေးအဖွဲ့ အစည်း၊ လက်နက်ကိုင်အဖွဲ့အစည်းတွေနဲ့လည်း လက်တွဲဆောင်ရွက်သွားမှာပါ။ ဒါကြောင့် ကျွန်တော်တို့ရဲ့ နိုင်ငံရေး ရည်မှန်းချက်ကို ထိခိုက်စေမှာမဟုတ်ပါဘူး” ဟု ပြောကြားခဲ့သည်။

KHTun

The Ladies News Journal

အစ္စလာမ်မစ်နိုင်ငံတော် အိုင်အက်စ် စစ်သွေးကြအဖွဲ့၏ ၀င်ငွေရလမ်းများ အား ပိတ်ဆို့ရန် ကြိုးပမ်းနေသည့် အနောက်နိုင်ငံအစိုးရများမှာ အခက် အခဲများ ရင်ဆိုင်နေရသည်။ အိုင် အက်စ်စစ်သွေးကြအဖွဲ့သည် အီရတ် နှင့် ဆီးရီးယားနိုင်ငံအတွင်းရှိ ၎င်းင်း တို့သိမ်းပိုက်ထားသည့်ဒေသတွင် မာ ဖီးယားဂိုဏ်းတစ်ခုသဖွယ် လုပ်ဆောင် ၍ ၀င်ငွေရှာဖွေလျက်ရှိသည်။ ပုဂ္ဂလိ ကလှူဒါန်းမှုများအပေါ် မှီခိုသည့် အယ်လ်ကိုင်ဒါကွန်ရက်နှင့်မတူဘဲ အိုင်အက်စ်အဖွဲ့သည် အီရတ်နှင့်ဆီး ရီးယားရှိ နယ်မြေအများအပြားအား ထိန်းချုပ်ထားပြီး ခြိမ်းခြောက် ငွေ တောင်းခြင်း၊ ပြန်ပေးဆွဲခြင်း၊ ရေနံ နှင့် ရှေးဟောင်းပစ္စည်းများ မှောင်ခို ရောင်းဝယ်ခြင်းတို့ဖြင့် ၀င်ငွေရရှိနေ သည်ဟု လေ့လာသူများကဆိုသည်။

ထိုဝင်ငွေရလမ်းများကြောင့် အိုင် အက်စ်အဖွဲ့အား အနောက်နိုင်ငံများ က အရေးယူပိတ်ဆို့ရန် ခက်ခဲလျက် ရှိသည်။ နိုင်ငံပေါင်း ၁၆၀ ကျော်၏ ပိတ်ဆို့အရေးယူမှုက ဘဏ်များအ တွင်း အယ်လ်ကိုင်ဒါအဖွဲ့၏ ငွေကြေး စီးဆင်းမှုအား ရပ်တန့်စေနိုင်ခဲ့သော် လည်း အိုင်အက်စ်အဖွဲ့မှာမူ ၎င်းင်း ထိန်းချုပ်ထားရာဒေသအတွင်း ငွေ ၀င်လမ်းများရှိနေခဲ့သည်။ လျှော့ချ ခန့်မှန်းတွက်ချက်မှုများတွင်ပင် အိုင် အက်စ်အဖွဲ့၏ ၀င်ငွေမှာ နေ့စဉ်ဒေါ် လာတစ်သန်းခန့်ရှိပြီး ကမ္ဘာ့အချမ်း သာဆုံး အစွန်းရောက်အဖွဲ့ ဖြစ်လာ စေသည်။ အိုင်အက်စ်အဖွဲ့တွင် ငွေ ကြေးအမြောက်အမြားရှိနေသည်ဟု အမေရိကန်တာဝန်ရှိသူများကဆို သည်။ “အိုင်အက်စ်အဖွဲ့ဟာ ဒေသ ခံစီးပွားရေးလုပ်ငန်းတွေဆီက ငွေ ကြေးတောင်းခံနေပြီး သူတို့ထိန်းချုပ် ထားတဲ့လမ်းတွေပေါ်မှာ ဖြတ်သန်းတဲ့ ယာဉ်တွေကို အခွန်ကောက်နေပါ တယ်။ သူတို့ငွေရှာတဲ့ပုံက မာဖီးယား ဂိုဏ်းနဲ့ တူနေပါတယ်” ဟု အမေရိ ကန်အရာရှိတစ်ဦးက ပြောကြားခဲ့ သည်။

အိုင်အက်စ်အဖွဲ့သည် သတင်း ထောက်များအား ပြန်ပေးဆွဲခြင်းဖြင့် ဥရောပအစိုးရများထံမှ ပြန်ရွေးငွေ ဒေါ်လာသန်းနှင့်ချီ၍ ရရှိခဲ့သည်ဟု စွပ်စွဲခံထားရသည်။ စစ်သွေးကြများ အားငွေမပေးရန် ၀ါရှင်တန်ကတောင်း ဆိုခဲ့သော်လည်း ထိုကဲ့သို့ ရရှိခဲ့ခြင်း ဖြစ်သည်ဟုဆိုသည်။ အိုင်အက်စ် အဖွဲ့ ထိန်းချုပ်ထားသည့် အီရတ်ဒု တိယအကြီးဆုံးမြို့ မိုဆူးလ်ရှိ ဘဏ် တစ်ခုမှ ဒေါ်လာသန်းရာနှင့်ချီ ရရှိခဲ့ သည်ဆိုသောသတင်းများမှာမူ တိကျ မှုမရှိဘဲ ပုံကြီးချဲ့ထားခြင်းဖြစ်သည် ဟု ကျွမ်းကျင်သူများကဆိုသည်။

အိုင်အက်စ်အဖွဲ့၏ အဓိက၀င်ငွေ ရလမ်းမှာ ဆီးရီးယားအရှေ့ပိုင်းရှိ ၎င်းင်းတို့သိမ်းပိုက်ထားသော ရေနံမြေ ၁၁ ခုဖြစ်သည်။ ထိုရေနံမြေများမှ ရေနံများအား ဈေးပေါပေါဖြင့်ရောင်း ချရာမှ နေ့စဉ် ဒေါ်လာ ၂ သန်းထိ ရရှိနိုင်သည်ဟုဆိုသည်။ ရေနံများ အား ထရပ်ကားများ၊ လှေများနှင့် လားများဖြင့်တင်ဆောင်ကာ အီရတ်၊ တူရကီ၊ ဂျောဒန်နှင့် အီရန်သို့ တင် ပို့ကာ လျှော့ဈေးရောင်းချလေ့ရှိသည်။ ရောင်းချရာတွင် ကမ္ဘာ့ပေါက်ဈေး ရေ နံတစ်စည်လျှင် ဒေါ်လာ ၁၀၀ အစား ၂၅ ဒေါ်လာမှ ဒေါ်လာ ၅၀ ကြားဈေးဖြင့် ရောင်းချသည်ဟုဆိုသည်။

KHTun

The Ladies News Journal


ထိုင်းနိုင်ငံ တောင်ပိုင်းက လိပ်ကျွန်းလို့ သိကြတဲ့ ကော့တောင်းကျွန်းမှာ ဗြိတိသျှ စုံတွဲနှစ်ယောက်ကို သတ်ဖြတ်သွား တရားခံကို ရဲက ဆက်လက်စုံစမ်းနေပါတယ်။ အခုအထိ သေမှုသေခင်း ဆေးစစ်ချက်တွေအရ လူသတ်သမားဟာ အာရှသား ဖြစ်မယ်လို့ ရဲအဖွဲ့ စက်တင်ဘာလ ၂၀ ရက်နေ့က ပြောပါတယ်။

အသက် ၂၄ နှစ်အရွယ် ဒေးဗစ် မေလာနဲ့ အသက် ၂၃ နှစ်အရွယ် ဟန်နာ ၀စ်သရစ် တို့ရဲ့ အလောင်းကို စက်တင်ဘာလ ၁၅ ရက်နေ့က ကမ်းခြေမှာ အ၀တ်ဗလာနဲ့ တွေ့ခဲ့ရပြီး လူသတ်တရားခံကို ရဲက ဆက်လက် ရှာဖွေနေတာပါ။

ရဲမှူးချုပ် ဆမ်းယော့ ပန်ပန်မောင်းက အခုအထိ သံသယရှိသူ ဘယ်သူ ဘယ်ဝါဆိုတာကမျိုးကို မဖော်ထုတ်နိုင်သေးဘဲ နောက်ထပ် ပိုပြီး အသေးစိတ်တဲ့ သက်သေတွေကို ရှာဖွေနေတယ်လို့ ပြောပါတယ်။

ဒါပေမယ့် ဟန်တာရဲ့ ကိုယ်ပေါ်မှာ ယောင်္ကျားနှစ်ယောက်ရဲ့ သုတ်ရည်အစအနကို ဒီအန်အေကို စစ်ဆေးချက်တွေအရ ဟန်နာနဲ့အတူ အသတ်ခံရတဲ့ မေလာရဲ့ ဒီအန်အေနဲ့ မတူသလို၊ လူသတ်မှုနဲ့ပတ်သက်လို့ အခုအထိ စစ်ဆေးခဲ့တဲ့ လူတွေရဲ့ ဒီအန်အေနဲ့လည်း မတူဘူးလို့ ရဲအဖွဲ့က ပြောပါတယ်။ ဒါပေမယ့် တရားခံဟာ အာရှသား ဖြစ်နိုင်ပြီး အခုတော့ စင်ကာပူမှာ ဆက်လက်စစ်ဆေးနေတယ်လို့ ဆိုပါတယ်။

စင်ကာပူမှာ စစ်ဆေးချက်တွေအရ တရားခံရဲ့ အသားအရောင်၊ မျက်လုံးအရောင်တွေကို သိရရင် စုံစမ်းမှု နောက်တဆင့်ကို တက်နိုင်မယ်လို့ ထိုင်းနိုင်ငံသေမှုသေခင်း ရဲတပ်ဖွဲ့က ရဲအရာရှိ ပွန်ချိုင်း စူတာရာခွန်းက ပြောပါတယ်။

ပြီးခဲ့တဲ့ စက်တင်ဘာလ ၁၉ ရက်နေ့ကတော့ ရဲအဖွဲ့ဟာ ဒေသခံနဲ့ အနီးအနားမှာ အလုပ်လုပ်တဲ့ ရွေ့ပြောင်းအလုပ်သမား ၃၀ ကျော်ဆီက ဒီအန်အေတွေကိုလည်း စုဆောင်းခဲ့ပါတယ်။ သေမှု သေခင်း စစ်ဆေးချက်တွေအရ ဒေးဗစ် မေလာရဲ့ အဆုတ်မှာ ရေကို တွေ့ရလို့ ရေနစ်ခဲ့တဲ့ ပုံရတယ်လို့ ရဲက သံသယ ရှိနေပါတယ်။

အသတ်ခံရသူ နှစ်ယောက်စလုံးဟာ ဦးခေါင်းမှာ ဒဏ်ရာတွေလည်း ရရှိထားတဲ့အတွက်လည်း သူတို့နှစ်ယောက်စလုံး မသေမချင်း ရိုက်နှက်ခံရတယ်လို့ ရဲက ကနဦး ကောက်ချက်ဆွဲထား ပါတယ်။

By ဒီဗွီဘီ
http://burmese.dvb.no/archives/65548


ဓမ္မစေတီ ခေါင်းလောင်း ရှာဖွေရေးတွင် အသုံးပြုခဲ့သော သောင်တူး သင်္ဘောအား ရေကြောင်း အာဏာပိုင်များက ပြန်လည်သိမ်းယူမည့် အကြောင်း ကြိုတင်အကြောင်းကြားစာ ပို့ခဲ့ပြီး စနေနေ့က ပြန်သိမ်းလိုက်ပြီ ဖြစ်ကြောင်း သတင်း ရရှိရသည်။

ယင်းနှင့်ပတ်သက်၍ ခေါင်းလောင်း သတင်းထုတ်ပြန်ရေး အဖွဲ့က သတင်းထုတ်ပြန်ခြင်း မရှိသေးသော်လည်း ဦးစံလင်းနှင့် နီးစပ်သူတဦးထံမှ သိရသည်မှာ ဦးစံလင်းက သောင်တူးသင်္ဘောကို ထပ်မံငှားယူရန် ကြိုးပမ်းနေသည်။

ဦးစံလင်းအပြင် ဓမ္မစေတီ ခေါင်းလောင်းကြီး ရှာဖွေဆယ်ယူရေးတွင် စိတ်ပါဝင်စားသော အခြားအဖွဲ့ ၃ ဖွဲ့ခန့်ရှိနေပြီး ယင်းတို့အနက် ခရိုနီတဦးလည်း ပါဝင်နေပြီး သောင်တူးစက်ကို ငှားယူရန် ကြိုးပမ်းနေကြောင်းလည်း သိရသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ရခိုင်ပြည်နယ် မြေပုံမြို့နယ်အတွင်းမှ ဘင်္ဂါလီများကို နိုင်ငံသားအဖြစ် မနက်ဖြန် စက်တင်ဘာ ၂၂ ရက်နေ့တွင်ကျမ်းကျိန်ခွင့် ပြုတော့မည်ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌါန ပြည်ထောင်စုဝန်ကြီး ဦးခင်ရီက ယနေ့ စက်တင်ဘာ ၂၁ ရက်နေ့က မြန်မာ့ငြိမ်းချမ်းရေးစင်တာ တွင်ပြောသည်။

"၁၉၈၂ ခုနှစ် နိုင်ငံသားဖြစ်မှု ဥပဒေအရ နိုင်ငံသားဖြစ်သင့်တဲ့သူတွေကို စိစစ်လိုက်တာဖြစ်ပါတယ်။မြေပုံကို ပိုင်းလော့ ဧရိယာအနေနဲ့ လုပ်လိုက်တာပါ။အဲဒီဒေမှာနေသူတွေက လူဦးရေစာရင်းကောက်တာတွေမှာ လည်းပူးပေါင်းဆောင်ရွက်မှုလည်းရှိတယ်"ဟု ယင်းကပြောသည်။

ပြီးခဲ့သည့် ဇွန်လက စတင်ကာ နိုင်ငံသားစိစစ်မှုများပြုလုပ်ခဲ့ခြင်းဖြစ်ပြီး ယခုအခါ အ်ိမ်ထောင်စုတိုင်းက စိစစ်မှုကို ကြည်ကြည်ဖြူဖြူခံ ယူကြကြောင်း၊လူမျိုးနေရာတွင် ဘင်္ဂါလီဟု ထည့်ရေးသူများရှိသကဲ့သို့ လူမျိုးအမည်ထည့်မရေးဘဲ ကွက်လပ် ထားသူများလည်းရှိကြောင်း ၀န်ကြီးကပြောသည်။

စိစစ်မှုများအနက်မှ လူဦးရေ ၂၀၉ ဦးကို တင်ပြလာရာတွင် ၄၀ ဦးမှာ နိုင်ငံသားဖြစ်ခွင့် ရမည်ဖြစ်ပြီး ၁၆၉ ဦးမှာ နိုင်ငံသား ပြုခွင့်ရသူ များဖြစ်ကြောင်း၊ယင်းတို့မှ မွေးဖွါးထားသော သားသမီးများ ၆၆၅ ဦးခန့်မှာ အလိုအလျောက် နိုင်ငံသားနှင့် နိုင်ငံသား ပြုခွင့် ရသူများ ဖြစ်ကြမည် ဖြစ်ကြောင်း သိရသည်။

"စိစစ်မှုတွေကို လုပ်တဲ့အခါ ရခိုင်တိုင်းရင်းသားဖက်က တာဝန်ရှိသူတွေ၊ဘင်္ဂါလီဖက်က တာဝန်ရှိသူတွေနဲ့ အဆင့်ဆင့် စစ်ဆေးမှုတွေလုပ်ပြီးမှ အတည်ပြုနိုင်တာ ဖြစ်ပါတယ်။သူတို့ဟာ ဥပဒေအရ နိုင်ငံသား ဖြစ်ကြပေမယ့်လို့ ဘယ်တော့မှ တိုင်းရင်းသား မဖြစ်ပါဘူး။ကျန်တဲ့သူတွေကိုလည်း ဆက်လက်စိစစ်ပါအုံးမယ်"ဟု ဦးခင်ရီက ပြောကြားခဲ့သည်။

မေငယ်
News Watch(စောင့်ကြည့်သတင်းဂျာနယ်)


ရန်ကုန်တိုင်းဒေသကြီး၊ တွံတေးမြို့နယ်၊ ရေတွင်းကုန်း ကျေးရွာအုပ်စုရှိ မြန်မာ အစိုးရ စစ်တပ်သိမ်း လယ် ၉၆၉.၁၂ဧကကို မူလ ပိုင်ရှင်များအား ပြန်လည် ပေးအပ် နိုင်ရေး အတွက် မြို့နယ်မြေအသုံးချ စီမံခန့်ခွဲရေး အဖွဲ့သို့ ပြန်လည်စွန့်လွှတ်လိုက်သော်လည်း ယခုအချိန်ထိ ပြန်လည်မရရှိသေးကြောင်း မူလပိုင်ရှင်လယ်သမားများက ပြောဆိုသည်။

ရေတွင်းကုန်းကျေးရွာအုပ်စုမှ လယ်သမား နော်သန်းသန်းအေးက “ကျမလယ် ၁၀ဧကပါတယ်။ ပြီးခဲ့တဲ့ မေလတုန်းက ခလရ-၇၀၃ တပ်ရင်းက နောက်တန်းမှူး လာသွားတယ်။ ခင်ဗျားတို့ မူလပိုင်ရှင်တွေကို ပြန်စွန့်လိုက်ပြီး လုပ်ကိုင်စားကြတော့လို့ ပြော သွားတယ်။ လက်တွေ့မှာမရဘူး။ ဆောင်းစပါးစိုက်ဖို့ ရက်ပိုင်းပဲလိုတော့ပေမယ့် အခုထိ ဘာမှ အကြောင်းမထူးလာဘူး”ဟု ကေ အိုင်စီသို့ ပြောသည်။

လယ်သမားများအရေးကို ကူညီပေးနေသည့် ကရင်ပြည်သူ့ပါတီ၊ တွံတေးခရိုင် ဥက္ကဌ မန်းအုန်းမြင့်သိန်းက ယင်းသို့ ပြန်စွန့် လွှတ်သည့် လယ်မြေများကို ၁၉၉၄ခုနှစ်တွင် ရန်ကုန်တိုင်း စစ်ဌာနချုပ်လက်အောက်ခံ တပ်ရင်းများက သိမ်းယူ၍ သီးစားချ လုပ်ကိုင်ခဲ့ပြီး ယခုလို ပြန်လည်စွန့်လွှတ်လိုက်ချိန်တွင် သီးစားချထားသူများသာ ဆက်လက်လုပ်ကိုင်နေကြကြောင်း ပြောဆို သည်။

“စစ်တပ်က လယ်တွေကို ပြန်စွန့်လွှတ်တဲ့အချိန်မှာ သီးစားချထားသူတွေကသာ လုပ်ကိုင်နေတုန်းပါ။ လယ်တွေကို မူလပိုင်ရှင် များ လယ်ပြန်ရရေးအတွက် တိုင်းဒေသကြီးအစိုးရနဲ့ ကရင်တိုင်းရင်းသားရေးရာဝန်ကြီးဆီကို စာတင်ပြထားပေမယ်လည်း အခု ထိ ဘာမှအကြောင်းမထူးပါဘူး။ ဒါကြောင့် ထပ်မံ တင်ပြသွားဖို့ ရှိပါတယ်”ဟု မန်းအုန်းမြင့်သိန်းက ကေအိုင်စီသို့ ပြောသည်။

အစိုးရစစ်တပ်ဘက်မှ ပြန်လည်စွန့်လွှတ်လိုက်သည့် လယ်မြေ ၉၆၉ဧကကျော်သည် ၎င်းဒေသရှိ လယ်သမား ၅၇ဦးက ပိုင်ဆိုင် ထားသည့် လယ်မြေများဖြစ်ပြီး လက်ရှိ အငြင်းပွားမှုများ ဆက်လက်ရှိနေသည့်အတွက် လယ်များကို မလုပ်ကိုင်သေးကြရန် တွံ တေးမြို့နယ် အထွေထွေ အုပ်ချုပ်ရေး ဦးစီးဌာနက စာထုတ်ထားသည်ဟု သိရသည်။

ရေတွင်းကုန်းကျေးရွာအုပ်စုမှ လယ်သမား စောမောင်ကြည်က “တပ်က ပြန်ပေးမယ်ဆိုတော့ အရင်တပ်က သီးစားချထားသူ တွေက မဖယ်ပေးချင်ဘူး။ ထွေအုပ်က ကျနော်တို့နဲ့ မူလပိုင်ရှင်မဟုတ်တဲ့ သီးစားချထားသူတွေကို ခေါ်စစ်တယ်။ အငြင်းပွားနေ လို့ ဘယ်သူမှ အဲဒီလယ်တွေ ဝင်မလုပ်ဖို့ ထွေအုပ်က စာထုပ်တားတယ်။ ကျနော်တို့ လယ်သမားတွေက စာအတိုင်း လိုက်နာ ပေမယ့် သီးစားချထားသူတွေက ဆက်လုပ်နေတာကို ထွေအုပ်က ဘာမှအရေးမယူဘူး”ဟု ကေအိုင်စီသို့ ပြောသည်။

လက်ရှိ ယင်းလယ်မြေများကို စပါးစိုက်ပျိုးမှု မလစ်ဟင်းစေရန် တနှစ်စာ သီးစားလုပ်ပိုင်ခွင့်ပေးထားခြင်းသားဖြစ်ပြီး မည်သူ့ကိုမျှ ပိုင်ဆိုင်ခွင့်မပေးသေးသလို သီးစားလုပ်ကိုင်သူများအနေဖြင့် နောက်ပိုင်းတွင် ပိုင်ရှင်ဖြစ်ကြောင်း ဥပဒေအရ ပြန်လည်လျှောက် ထားရမည်ဖြစ်ကြောင်း၊ ယခု သီးစားပေးအတွက် တိုင်းဒေသကြီး လယ်ယာစိုက်ပျိုးရေး၏ လမ်းညွန်မှုကို ခံယူသည့်အဆင့် တွင်သာရှိသေးကြောင်း တွံတေးမြို့နယ် အထွေထွေ အုပ်ချုပ်ရေးဦးစီးဌာန ဒုမြို့နယ်အုပ်ချုပ်ရေးမှူး ဦးဇော်ဝင်းလှိုင်က ပြောဆို သည်။

တပ်မတော်ပြန်စွန့်လွှတ်မြေများကို သက်ဆိုင်သူများလက်ဝယ်သို့ အမြန်ပြန်လည်ရောက်ရှိရေး လုပ်ဆောင်သွားရန် သက်သေခံ စာရွက်စာတမ်း အထောက်အထား မပြနိုင်သော်လည်း အများကြည်ညိုလေးစားသည့် ရပ်မိရပ်ဖများ၏ ထောက်ခံချက်များဖြင့် မြေအသုံးချခွင့်ရှိကြောင်း သက်သေပြနိုင်ပါက ယာယီ ပြန်လည်လွှဲပြောင်းပေးရန် မတ်လ ၇ရက်နေ့က နေပြည်တော်၌ ကျင်းပ သည့် မြေအသုံးချမှု စီမံခန့်ခွဲရေးဗဟိုကော်မတီ အစည်းအဝေးတွင် ဒုတိယသမ္မတဦးဉာဏ်ထွန်းအောင်၏ ပြောဆိုမှုကို မြန်မာ့ အလင်းသတင်းစာတွင် ဖော်ပြထားသည်။

တွံတေးမြို့နယ်၊ ခတ္ထိယတိုက်နယ် ရေတွင်းကုန်းကျေးရွာအုပ်စု လယ်သမား ၅၇ဦး၏ လယ်ဧက ၇၅၈ကျော်ကိုလည်းကောင်း၊ ဆန်းကျေးရွာအုပ်စုမှ လယ်သမား ၁၆ဦး၏ လယ် ၁၃၀ဧက၊ တူးချောင်းကြီးကျေးရွာအုပ်စုမှ လယ်သမား ၉၈ဦး၏ လယ် ၉၆၃ ဧကနှင့် ခတ္ထီကျေးရွာအုပ်စုရှိ လယ်သမား ၂၀ဦးထံမှ လယ် ၁၇၄ဧကတို့ကို ၁၉၉၄ခုနှစ်တွင် ရန်ကုန်တိုင်း စစ်ဌာနချုပ်လက် အောက်ခံ တပ်ရင်းများနှင့် ကုမ္ပဏီများက သိမ်းယူခဲ့ခြင်းဖြစ်သည်ဟု ခရိုင် ကရင်ပြည်သူ့ပါတီရုံးမှ ပြုစုထားသောစာရင်းများအရ သိရသည်။

စောထွန်းလင်း
ကေအိုင်စီ - KIC News
http://www.kicnews.org/

နိုင်ငံတော် သမ္မတ ဦးသိန်းစိန်၊ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ပြည်ထောင်စု လွှတ်တော် နာယက သူရ ဦးရွှေမန်းတို့နဲ့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်တို့ လေးပွင့် ဆိုင်တွေ့ဆုံ ဆွေးနွေးပွဲ ဖြစ်မြောက်ဖို့ အတွက် ပျဉ်းမနားမြို့မှာ ဒီနေ့ တစ်ကိုယ်တော် ဆန္ဒပြပွဲ တစ်ရပ် ဖြစ်ပွါး ခဲ့ပါတယ်။

တစ်ကိုယ်တော်ဆန္ဒပြတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF တပ်ရင်း ၂၀၇ က ကျောင်းသားဟောင်းဖြစ်တဲ့ ကိုဇော်မြင့်က အခုလိုပြောပါတယ်။

"လက်နက်ကိုင် တိုင်းရင်းသားရေးနဲ့ ငြိမ်းချမ်းရေးဆွေးနွေးနိုင်သလို လက်နက်မဲ့ ပြည်သူ့ခေါင်းဆောင် ဒေါ်အောင်ဆန်းစုကြည်နဲ့ ငြိမ်းချမ်းရေးစားပွဲမှာ ဘာလို့တွေ့ဆုံ မဆွေးနွေးနိုင်ရမှလဲ၊ အရင်တုန်းက စစ်သီချင်းရှိပါတယ်၊ ရန်သူနဲ့တွေ့ရင် မီးလို၊ ပြည်သူနဲ့တွေ့တော့ ပန်းလို၊ အခုက ဖြစ်ပျက်နေတာက လက်နက်ကိုင်တိုင်းရင်းသားတွေနဲ့ကျ ပန်းလိုဆက်ဆံပြီး ပြည်သူနဲ့ထိပ်တိုက်တွေ့တဲ့အချိန်ကျုတော့ မီးလိုဆက်ဆံနေတာ၊ အဲ့ဒါတွေကို ရပ်ပါလို့ပြောချင်ပါတယ်၊ လေးပွင့်ဆိုင်တွေ့ဆုံဆွေးနွေးရေးကို ဒီနေရာကနေပြီးတော့ တောင်းဆိုရခြင်းဖြစ်ပါတယ်"

ကိုဇော်မြင့်ဟာ ပျဉ်းမနားမြို့ ဗိုလ်တောက်ထိန်လမ်းကနေ ဗိုလ်ချုပ်ကြေးရုပ်ရှေ့အထိ လမ်းလျှောက်ဆန္ဒပြနေတုန်းမှာ မြို့နယ်ရဲတပ်ဖွဲ့က ဖမ်းဆီးသွားခဲ့ပါတယ်။

RFA Burmese
https://www.facebook.com/pages/RFA-Burmese/39218993127?fref=nf