09/26/14

ယခုအခါမှာ iPhone 6 ကို ထုတ်လုပ်လိုက်ပြီ ဖြစ်ပါတယ်။ ပန်းသီးကုမ္ပဏီကြီး ကလည်း သူတို့ရဲ့ ၀က်ဘ်ဆိုဒ်များ ရပ်သွားတဲ့ အထိကို အ၀ယ်အော်ဒါများ ကြိုတင်မှာယူခြင်းများ ဖြစ်ခဲ့ပြီး တပါတ်အတွင်းမှာ အော်ဒါ အရေအတွက် ဖုန်း အလုံး ၁၀ သန်း ရရှိခဲ့တယ်လို့ သတင်းထုတ်ပြန်ခဲ့ပါတယ်။

အဲသည်လို iPhone 6 ဈေးကွက်ထဲသို့ စတင်ရောက်ရှိပြီး ရက်ပိုင်းအတွင်းမှာပင် iPhone 6 ဟာ လက်ဖြင့် ချိုးလျှင် ကွေးသွားနိုင်တယ်ဆိုတဲ့ လက်တွေ့ပြသထားတဲ့ ဗီဒီယိုတစ်ခု ယူကျူ့  လိုင်းပေါ်မှာ တက်လာပြီး အခြား ဆိုရှယ်မီဒီယာ အသီးသီးကို အရှိန်အဟုန်ဖြင့် ပြန့်ပွား သွားပါတယ်။

အဆိုပါ ဗီဒီယိုကလစ်ကို စတင်လွင့်တင်ခဲ့သူဟာ ပန်းသီးကုမ္ပဏီရဲ့ ပြိုင်ဘက် ကုမ္ပဏီ တစ်ခုခုမှ စေခိုင်းခြင်းလား၊ ဒါမှမဟုတ် တကယ် အသုံးပြုသူကပဲ အခြားသူများကို သတိထားနိုင်စေရန် စေတနာဖြင့် လွင့်တင်ခဲ့ခြင်းလားကိုတော့ မသိနိုင်ပါ။

ဒါပေမယ့် အဆိုပါ ဗီဒီယိုကလစ်ကို ကြည့်မိသူတွေကတော့ iPhone 6 ကို မ၀ယ်ခင် မေးမြန်းကြမှာ၊ စစ်ဆေးကြမှာ အသေအချာ ဖြစ်ပါတယ်။ ဖုန်းရဲ့ ဈေးနှုန်းကလည်း မနည်းပါ။ မည်သည့်နိုင်ငံမှ စားသုံးသူမဆို မိမိအိတ်ထဲမှ ပိုက်ဆုံထုတ်ဝယ်ယူရသည့် ပစ္စည်း ကို ကြေငှာ ထားသည့်အတိုင်း ကောင်းမွန်စွာ သုံးစွဲနိုင်ဖို့ မျှော်လင့်သူချည်း ဖြစ်ပါတယ်။

ဝယ်ယူသူတွေ ဒွိဟဖြစ်နေမှာကို ရိပ်မိတဲ့ ပန်းသီးကုမ္ပဏီကြီးကလည်း ချက်ချင်း ဆိုသလို ၄င်းတို့၏ ဖုန်းအသစ်စက်စက်လေးရဲ့ ကြံ့ခိုင်မှုကို ဖော်ပြဖို့ရာ iPhone 6 ကို Stress Test (အကြမ်းခံမှု စမ်းသပ်ချက်) ပြုလုပ်နေပုံကို အွန်လိုင်းသို့ ပြန်လည် ထုတ်လွင့်ခဲ့ပါတယ်။

ဓါတ်ပုံမှာ iPhone 6 ကို စက်အလေးဖြင့် ဖိပြနေပုံ ဖြစ်ပြီး အလေးချိန် မည်၍ မည်မျှ ရှိမှ သာလျှင် ဖုန်းသည် ကွေးနိုင် ကျိုးနိုင်ကြောင်းကို ကွန်ပြူတာဖြင့် တိုင်းတာပြီး တိုက်ရိုက်ပြသနေတာ ဖြစ်ပါတယ်။

ဒီနေရာမှာ စဉ်းစားရမှာက ပန်းသီးကဲ့သို့ ကုမ္မဏီကြီး တစ်ခုက ယူကျူ့ ပေါ်က ဗီဒီယိုကလစ် တစ်ခုကို တုန့်ပြန်ဖို့ လိုပါသလား။ မတုန့်ပြန်ရင် ဘာဖြစ်မှာလဲ။ iPhone 6 အရောင်း တစ်သန်းလောက် ကျဆင်းသွားမှာလား။

အဖြေကတော့ ပန်းသီးကြီးအနေနဲ့ တုန့်ကို တုန့်ပြန်ရမှာ ဖြစ်ပါတယ်။ ပန်းသီး ကုမ္ပဏီဟာ အများပိုင်ကုမ္ပဏီ ဖြစ်ပါတယ်။ အချို့ ရှယ်ယာပိုင်ရှင်တွေ ကိုယ်တိုင် ကလည်း iPhone အသုံးပြုသူတွေ ဖြစ်ပါတယ်။ အဲသည်အတွက် ကုမ္ပဏီက ထုတ်လုပ်တဲ့ ကုန်ပစ္စည်းအသစ်ကို ကာကွယ်ရမှာဖြစ်သလို ရှယ်ယာရှင်များ အလေးထားတဲ့ အရောင်းပိုင်း ထိခိုက်မယ့် အရာမျိုး ကိုလည်း တုန့်ပြန် ရမှာ ဖြစ်ပါတယ်။

တုန့်ပြန်ရာမှာ ဘယ်လို တုန့်ပြန်မလဲ ဆိုတာ စဉ်းစားရပါမယ်။ တိုးတိုး တိတ်တိတ် တုန့်ပြန် မလား၊ ညှိနှိုင်းတုန့်ပြန်မလား၊ လက်သိပ်ထိုး တုန့်ပြန် မလား၊ ဒါမှမဟုတ် လူထုကို ချပြ မလား။ နောက်ဆုံးမရရင် တရားစွဲမလား။ ဒါတွေကို စဉ်းစားရမှာ ဖြစ်ပါတယ်။

လက်ရှိကာလမှာ မြန်မာပြည်တွင်းမှာ ဟော့နေတဲ့ အရာတစ်ခုကတော့ iPhone 6 မဟုတ် ပါဘူး။ ပြန်ကြားရေးဝန်ကြီးဌာန ၀န်ကြီး ဦးရဲထွဋ် ကနေ မြန်မာပြည်သူများ အကြား ရေပန်း အစားဆုံး ဂျာနယ်/သတင်းစာ စာရင်းထဲမှာပါတဲ့ Eleven Media ကို တရားစွဲဖို့ ဆုံးဖြတ်လိုက်ပြီ ဆိုတာကို ထုတ်ဖော်ပြောကြားခြင်း ကိစ္စဖြစ်ပါတယ်။

တရားစွဲရတဲ့ အကြောင်းအရင်းကတော့ ပြန်ကြားရေးဝန်ကြီးဌာနရဲ့ သိက္ခာကို ကာကွယ်ဖို့ရာ လို့ ပြည်ထောင်စု ၀န်ကြီး ဦးရဲထွဋ်က ပြောကြားခဲ့ပါတယ်။ ဘယ်လို သိက္ခာကျလို့ ကာကွယ်ဖို့ လိုတာလည်းဆိုတာကို စမ်းစစ်ကြည့်မယ်ဆိုရင် ယခင် ပြန်ကြားရေးဝန်ကြီး ဦးအောင်ကြည် တာဝန်ထမ်းဆောင်နေစဉ် Eleven Daily သတင်းစာက ရေးသားဖော်ပြခဲ့တဲ့ ဌာနအတွက် ပုံနှိပ်စက်ကြီးများ ၀ယ်ယူရမှာ တကယ့် ဈေးကွက်နှုန်းထားနဲ့ တင်ဒါအောင်နှုန်းထားတို့မှာ များစွာ ကွာဟနေတဲ့ အကြောင်းအရာဖြစ်ပါတယ်။

Eleven Media ဘက်ကလည်း အထောက်အထား စာရွတ်စာတမ်းများနဲ့ အသေအချာ ထောက်ပြရေးသားထားတာကို ဖတ်ခဲ့ရပါတယ်။ အဆိုပါ သတင်းဆောင်းပါးကြောင့် စာဖတ်သူပြည်သူများအကြား အထူးတလည် ဂရုပြု ဝေဖန်ပြောဆိုဆွေးနွေးမှုများ ဖြစ်ပေါ်ခဲ့ပါတယ်။ ၀န်ကြီးဌာနဘက်မှလည်း သတင်းစာ ရှင်းလင်းမှု တစ်ခုပြုလုပ်ပြီး အဆိုပါကိစ္စမှာ မဟုတ်မှန်ကြောင်း ဖြေ ရှင်းခဲ့ပေမယ့် အဘယ်ကြောင့် အဲသည်လို ဈေးနှုန်း ကွာဟချက်ကြီး ဖြစ်ပွား ရတယ်ဆိုတာကိုတော့ ပြည်သူ့ ထံကို ရှင်းလင်းခဲ့ခြင်း မရှိသေးပါ။

ပြည်ထောင်စု ၀န်ကြီး ဦးရဲထွဋ်က ပြောကြားရာမှာ မီဒီယာဘက်က အစိုးရမှ ဖွဲ့စည်းပေးထား တဲ့ စာနယ်ဇင်းကောင်စီ ရှေ့မှောက် (ပြည်သူ့မျက်ကွယ်) မှာ အဆိုပါကိစ္စကို ဖြေရှင်းညှိနှိုင်းဖို့ရာ ၂ ကြိမ်တိုင်တိုင် ငြင်းဆန်ခဲ့တဲ့အတွက် ဌာန ရဲ့ ဂုဏ်သိက္ခာကို ကာကွယ်ဖို့ရာ ယခုလို တရားစွဲ ဆိုဖို့ ဆုံးဖြတ်ရခြင်း ဖြစ် တယ်လို့ ထုတ်ဖော်ပြောကြားခဲ့ပါတယ်။

ဒီနေရာမှာ ထောက်ပြဖို့ရာက ၀န်ကြီးဌာနသည် ပန်းသီးကဲ့သို့ အများပိုင် ကုမ္ပဏီ ထက်သာမက ပြည်သူ့ဘဏ္ဍာနှင့် လည်ပတ်နေသော ပြည်သူပိုင်ဌာန တစ်ခုဖြစ်ပါတယ်။

မီဒီယာတစ်ခုအနေနဲ့ မီဒီယာစာမျက်နှာအပေါ် သတင်းတစ်ခုကို ပုံနှိပ်တင်ခြင်း သည် ပြည်သူကို အသိပေးခြင်း ဖြစ်ပါတယ်။

အခု ပြည်သူများ အကြား သို့လော သို့လော ဖြစ်နေပြီ ဖြစ်တဲ့အတွက် မီဒီယာနှင့် ပြည်သူ့ မျက်ကွယ်တွင်သာ ဖြေရှင်းရန် ဆန္ဒပြင်းပြနေခြင်း ဟာ လက်ရှိအစိုးရဟာ ပြည်သူကို ဗဟိုပြုတဲ့ အစိုးရတစ်ရပ် ဟုတ်မဟုတ်၊ ပြည်သူ ကို အလေးထားရာ ရောက်မရောက် ကို မေးခွန်းထုတ် စရာများ ဖြစ်လာခဲ့ ပါတယ်။

ပြည်သူလူထုကလည်း ပြန်ကြားရေး ၀န်ကြီးဌာနမှ အဆိုပါ ဈေးနှုန်းကွာဟမှု ကိစ္စကြီးအား ပန်းသီးကုမ္ပဏီကြီးက တုန့်ပြန်သလိုမျိုး ပွင့်လင်းမြင်သာ ဗွင်းဗွင်း ရှင်းချက်မျိုးကိုသာ လိုလားတောင့်တမယ်လို့ သုံးသပ်မိပါတယ်။

ပြည်သူပိုင်ဌာနတစ်ခုရဲ့ ဂုဏ်သိက္ခာဆိုတာ ပြည်သူရဲ့ ဂုဏ်သိက္ခာ၊ နိုင်ငံရဲ့ ဂုဏ်သိက္ခာ ဖြစ် တဲ့အတွက် နည်းမှန်လမ်းမှန်ဖြင့် အချိန်မလင့်စေပဲ ဖြေရှင်းဖို့ လိုပါတယ်။

ပြည်သူက အသိအမှတ်ပြုတဲ့ ဂုဏ်သိက္ခာမျိုး မဟုတ်ပဲ (ပြည်သူက ယုံကြည်မှု နည်းပါးနေပြီး ယိမ်းယိုင်နေပါသည်လို့ ပြည်သူ့လွတ်တော် ကိုယ်စားလှယ်အများအပြား က ပြောဆိုထောက်ပြနေတဲ့) တရားခွင်က ပေးတဲ့ ဂုဏ်သိက္ခာ မမက်မောမိစေဖို့ အကြံပြု လိုပါတယ်။

""သတင်းစာစုံ နေ့စဉ်ဖတ်သူတစ်ဦး""
သူ့အတွေး၊ သူ့အမြင်
The Ladies News Journal

   
သူရ ဦးရွှေမန်း
အမျိုးသား ဒီမိုကရေစီ အဖွဲ့ချုပ် (အန်အယ်လ်ဒီ) ဥက္ကဋ္ဌ ဒေါ်အောင်ဆန်းစုကြည် သမ္မတ ဖြစ်ခွင့် တားမြစ်ခံရရင် အန်အယ်လ်ဒီက ပြည်သူ့လွှတ်တော် ဥက္ကဋ္ဌ ဦးရွှေမန်းကို သမ္မတ နေရာအတွက် ထောက်ခံမယ်ဆိုတဲ့ ရိုက်တာ သတင်းဌာနရဲ့ ရေးသားထားတဲ့ သတင်းကို ပြန်လည် ပြောင်းလဲ ရေးသားလိုက်ပါတယ်။

စက်တင်ဘာလ ၂၃ ရက်နေ့စွဲနဲ့ ရိုက်တာ သတင်းဌာနရဲ့ မြန် မာနိုင်ငံ ဆိုင်ရာ ဗျူရိုအကြီးအကဲ Mr. Paul Mooney ရေးသားတဲ့ သတင်းမှာ အဓိပ္ပာယ်လွဲ မှားဖော်ပြချက်တွေနဲ့ ပတ်သက်လို့ ကိုးကားဖော်ပြခံရသူ တဦးဖြစ်တဲ့ အဖွဲ့ချုပ်ဗဟို အလုပ် အမှုဆောင်အဖွဲ့ဝင် ဦးဟံသာမြင့်က ပြန်လည်ဖြေရှင်းပေးဖို့ စာရေးသား တောင်းဆိုခဲ့ပြီးမှာ ပြင်ဆင်ပေးလိုက်တာဖြစ်ပါတယ်။

သတင်းမှာ ဦးဟံသာမြင့်က ပါတီမှာ တရားဝင်ရွေးချယ်ထားတဲ့ ဒုတိယ ခေါင်းဆောင် မရှိတဲ့ ပြောဆိုချက်ကို အန်အယ်လ်ဒီ ကိုယ်စားလှယ်မဟုတ်ပေမယ့် မူဝါဒခြင်းတူတဲ့ ပါတီ အပြင်က တခြားတယောက်ကို ထောက်ခံတာ၊ လွှတ်တော်ပြင်ပက အန်အယ်လ်ဒီ ပါတီဝင်တဦးကို ဒုသမ္မတအဖြစ် အဆိုပြုတာတွေ လုပ်သွားမယ်ဆိုတဲ့ ပြောဆိုချက်နဲ့ ပြင်ဆင်ပေးလိုက်တာ ဖြစ်ပါတယ်။

ဦးရွှေမန်းကို သမ္မတအဖြစ် ပါတီက ထောက်ခံနိုင်ဖွယ်ရှိတယ်လို့ ဒေါ်အောင်ဆန်းစုကြည်ပါတီရဲ့ ဗဟိုအဖွဲ့ဝင်တဦးက ပြောဆိုခဲ့တယ်ဆိုတဲ့ စာသားကိုတော့ ဆက်လက်ထားရှိပါတယ်။

ဒီဗွီဘီမေးမြန်းချက်ကို ရိုက်တာ ပြောခွင့်ရက ပြန်လည်ဖြေကြားတဲ့ စာမှာတော့ သတင်းမှာ အန်အယ်လ်ဒီက ဦးရွှေမန်းကို သမ္မတအဖြစ် ထောက်ခံနိုင်ဖွယ် ရှိတယ်လို့ ပြောဆိုတဲ့သူနဲ့ ပတ်သက်ပြီး ရှုပ်ထွေးနေတာကို ဖယ်ထုတ်ပြီး သတင်းကို ပြန်ရေးထားတယ်လို့ ပြောပါတယ်။

ဒီဖြစ်စဉ်နဲ့ပတ်သက်ပြီး ရန်ကုန်အခြေစိုက် ၀ါရင့်သတင်းစာဆရာကြီး ဖိုးသောကြာက “အဘထင်တာက ကိုဟံသာမြင့်က တကယ်ပြောတယ်။ ဒါပေမယ့် ကိုဟံသာမြင့်မပြောဘဲနဲ့ သူတို့ ကောက်ယူခြင်တဲ့ အဓိပ္ပာယ်မျိုး ယူပြီး ဖော်ပြလိုက်ရင်တော့ ရိုက်တာက တောင်းပန်ရမှာပဲ။ ကိုဟံသာမြင့်ကို တောင်းကိုတောင်းပန်ရမယ်။ အကယ်၍ ကိုဟံသာမြင့်က တကယ်ပြောပြီးမှ သူ့ဟာသူ ပါတီရဲ့ ပေါ်လစီနဲ့ သွားပြီးငြိလို့၊ ပါတီက ဝေဖန်လို့၊ ဟာ ခင်ဗျား ဘာလို့ အဲလိုပြောတာလဲ ဘာညာဆိုပြီး ဝေဖန်လို့များ ကိုဟံသာမြင့်က ပြန်ပြင်ပြောတယ်ဆိုရင်တော့ ရိုက်တာက ကိုဟံသာမြင့်ကို တောင်းပန်စရာ မလိုဘူးပေါ့။ ”

ဦးရွှေမန်းကိုထောက်ခံမယ်ဆိုတဲ့ ရိုက်တာ သတင်းထွက်လာပြီးတဲ့နောက် လူမှုရေးကွန်ရက် ဖေ့စ်ဘွတ်ခ် စာမျက်နှာမှာ အန်အယ်လ်ဒီကို တိုက်ခိုက်ဝေဖန်မှုတွေ ရှိခဲ့သလို အန်အယ်လ်ဒီ မူဝါဒနဲ့ ပတ်သက်ပြီးေ၀၀ါးမှုတွေ ဖြစ်ပွားခဲ့ပါတယ်။

ရိုက်တာအနေနဲ့ ရေးသားချက်ကိုသာ ပြင်ဆင်ပေးခဲ့ပေမယ့် သတင်းကြောင့် ဖြစ်ပွားခဲ့တဲ့ အကျိုးသက်ရောက်မှုကိုတော့ တောင်းပန်ခဲ့ခြင်း မရှိပါဘူး။

By ကို​ထွေး​ (ဒီဗွီဘီ)
http://burmese.dvb.no/archives/66015


၁၉၉ဝပြည့် စက်တင်ဘာ ၂၅ရက်နေ့မှာ ရန်ကုန်မြို့ အင်းစိန်ထောင်ထဲက နိုင်ငံရေးအကျဉ်းသားတွေရဲ့ စစ်အာဏာရှင်တွေကို အာခံတဲ့ ထောင်တွင်းသပိတ်တိုက်ပွဲ ၂၄နှစ်တင်းတင်းပြည့်မြောက်ခဲ့ပါပြီ။ မဂ္ဂင်ကျောင်းတိုက်မှာ ကျင်းပတဲ့ ဒီနှစ်ပတ်လည်နေ့ဟာ အခုတော့ ဘယ်လိုအဓိပ္ပာယ်တွေကို ဖော်ဆောင်နေသလဲ။

အစိုးရကောင်းတစ်ရပ်ကို လိုချင်ရင် ပြည်သူကောင်းတစ်ရပ်ကို အရင်ဖော်ဆောင်ရမှာမို့ ပြည်သူကောင်းတွေနဲ့မှသာ အစိုးရကောင်းဖြစ်မယ်လို့ သင်္ဃန်းကျွန်း မဂ္ဂင်ကျောင်းတိုက်မှာ ကျင်းပတဲ့ အင်းစိန်ထောင် သပိတ်တိုက်ပွဲ ၂၄နှစ်ပြည့် အခမ်းအနားမှာ မင်းဇေယျာက ပြောခဲ့ပါတယ်။ အစိုးရကောင်းတွေကို မစည်းရုံးခင် အစိုးရဆိုးတွေကို မဖယ်ထုတ်နိုင်ခင် ပြည်သူကောင်းတွေအရင်စုစည်းပြီး အရင်လို တိုက်ပွဲဝင်နေရဦးမယ်လို့ ဆိုပါတယ်။

၁၉၉ဝပြည့် မေလရွေးကောက်ပွဲရလဒ်နဲ့ပတ်သက်ပြီး အကောင်အထည်ဖော်ဖို့ ပျက်ကွက်ခဲ့တဲ့ အာဏာသိမ်း စစ်အစိုးရကို ထောင်တွင်းသပိတ်တိုက်ပွဲ ဝင်ခဲ့တဲ့ သက်တင်ဘာ ၂၅ရက်နေ့မှာ အကြမ်းဖက် ရိုက်နှက်ဖြိုခွင်းခဲ့တဲ့ ဒုတိယညွှန်ကြားရေးမှူးဦးအုန်းဟန်နဲ့ ထောင်တာဝန်ခံတွေကို ပြစ်တင်ရှုတ်ချကြောင်း နိုင်ငံရေးအကျဉ်းသားဟောင်းများအဖွဲ့က သဝဏ်လွှာ ပေးပို့ခဲ့ပါတယ်။

လာမယ့် ၂ဝ၁၅ ရွေးကောက်ပွဲတွေမှာ အချိုးကျကိုယ်စားပြုတဲ့ ရွေးကောက်ပွဲစနစ် PRကို တိုင်း ၇တိုင်းမှာ ကျင့်သုံးဖို့များနေပြီး လူမျိုးစုတိုင်းရင်းသားတွေ များတဲ့ ပြည်နယ်တွေမှာတော့ လက်ရှိအတိုင်း FPTP စနစ်ကိုပဲ ဆက်ကျင့်သုံးဖို့ အလားအလာများနေတယ်လို့ နိုင်ငံရေးအကျဉ်းသားဟောင်း ဦးဇော်ဖေဝင်းက ပြောပါတယ်။

လာမယ့် ရွေးကောက်ပွဲတွေမှာ စစ်အာဏာရှင်စနစ် သက်ဆိုးရှည်ရေးအတွက် PRရွေးကောက်ပွဲစနစ်ကို ကျင့်သုံးမယ်ဆိုရင် ပြည်သူတွေအနေနဲ့ လေးလေးနက်နက် ကန့်ကွက်ကြဖို့ အဓိကဖြစ်တယ်လို့ မင်းဇေယျာက ပြောခဲ့ပါတယ်။

Kamayut media


ပရဟိတ ကဝေမကြီးရယ်လို့ ဦးကျော်သူက တင်စားရတဲ့ ဆရာမ ဒေါ်သန်းမြင့်အောင်ရဲ့ ၆၁နှစ်ပြည့် မွေးနေ့ပွဲကို စက်တင်ဘာ ၂၅ရက်နေ့က မြောက်ဒဂုံမှာရှိတဲ့ အောင်ဖောင်ဒေးရှင်းမှာ စည်စည်ကားကား ကျင်းပခဲ့ပါတယ်။ အခုလို မွေးနေ့ရောက်တိုင်း ဆရာမသန်းမြင့်အောင် ဘာကို အမှတ်တရရှိပါသလဲ။

မွေးနေ့ရောက်တိုင်း ပရဟိတလုပ်ဖို့ သက်တမ်းတစ်နှစ်တိုးလာတယ်လို့ မှတ်ယူပြီး ဒီအလုပ်တွေ လုပ်နိုင်ဖို့ မွေးဖွားပေးတဲ့ မိဘ၊ စာပေနဲ့ ပရဟိတနယ်ပယ်က လုပ်ဖော်ကိုင်ဖက်တွေနဲ့ အလှူရှင်တွေရဲ့ ကျေးဇူးတရားကို သတိရဆင်ခြင်မိပါတယ်လို့ ကမာရွတ်မီဒီယာကို ဆရာမက အမှတ်တရ ပြောပြပါတယ်။ အများအတွက် လူဖြစ်ရတဲ့ဘဝမှာ နေချင်တာကြောင့် မွေးနေ့တိုင်းကို အိပ်ယာထဲမှာ မကျင်းပချင်ဘဲ ကျန်းကျန်းမာမာ ရှိချင်တယ်လို့ ဆိုပါတယ်။

စာရေးဆရာမ သန်းမြင့်အောင်ရဲ့ ၆၁နှစ်ပြည့် မွေးနေ့ကို စာပေနဲ့ ပရဟိတအသိုင်းအဝိုင်းက မိတ်ဆွေတွေနဲ့ အတူတကွ ဆုံစည်းစေချင်တာကြောင့် အခုလို စီစဉ်တာဖြစ်ပြီး ဆရာမ တစ်ရက်အသက်ရှည်ရင် လူ့အဖွဲ့အစည်းအတွက် တစ်ရက်အကျိုးရှိမှာမို့ အသက်ရှည်စေချင်တယ်လို့ အောင်ဖောင်ဒေးရှင်းက ကိုရဲဝင်းဇော်က ပြောပြပါတယ်။

မြန်မာနိုင်ငံမှာ ပရဟိတလုပ်ငန်းတွေ လိုအပ်နေချိန် ဆရာမ သန်းမြင့်အောင်လို ပုဂ္ဂိုလ်တွေပေါ်လာဖို့ လိုတာကြောင့် နှစ်ပေါင်းတစ်ရာတိုင် အများအကျိုးကို ပျော်ပျော်ရွှင်ရွှင် လုပ်နိုင်ပြီး ဆရာမလိုလူတွေ ထပ်ပြီးမွေးထုတ်ပေးနိုင်ဖို့ ဆုတောင်းပေးချင်တယ်လို့ စာရေးဆရာမ မိချမ်းဝေက ပြောပါတယ်။

ဆရာမ သန်းမြင့်အောင်ရဲ့ စာပေအသိုင်းအဝိုင်းက စာရေးဆရာတွေဖြစ်တဲ့ မြသန္တာ၊ ဝင်းအောင်နဲ့ ကြည်မွှေးအိမ်တို့က အခုလိုပဲ ဆရာမမွေးနေ့အတွက် ဆုတောင်းပေးခဲ့ကြပါတယ်။
Kamayut media

 စိုင်းရင် ( အနီရောင် ဝတ်ထားသူ)၊ ဆိုင်ရှင်ထိုင်းအမျိုးသမီးနဲ့ သူရဲ့ လုပ်ဖော်ကိုင်ဖက်များ၊ ဓာတ်ပုံ- Chaipin Khattiya/ ချင်းမိုင်စီးတီးနယူးစ်
ထိုင်းနိုင်ငံ၊ ချင်းမိုင်မြို့ စားသောက်ဆိုင်တစ်ဆိုင် မှ မြန်မာအလုပ်သမားတစ်ဦး သည် စားသုံးသူမေ့ကျန်ခဲ့သော ဘတ်ငွေတစ်သန်းကျော်ပါ ပိုက်ဆံအိတ် အား တွေ့ရှိကာ ပိုင်ရှင်ထံ ပြန်လည်ပေးအပ်ခဲ့သည်ဟု ထိုင်းနိုင်ငံ ခေါင်ဆော့ အွန်လိုင်း သတင်းဌာနက ဗုဒ္ဓဟူးနေ့က ဖော်ပြခဲ့သည်။

ထိုင်းလုပ်ဖော်ကိုင်ဖက်များက စိုင်းရင်ဟုခေါ်သော ဦးနာမူသည် မောင်ခရိုင်ရှိ ဖတ်ဒိုနမ်စားသောက်ဆိုင်တွင် အင်္ဂါနေ့က စားပွဲတစ်လုံးကို သန့်ရှင်းရေးပြုလုပ် စဉ် ထိုင်းလူမျိုး သက်ကြီးရွယ်အိုစုံတွဲက မေ့ကျန်ခဲ့သော အညိုရောင် သားရေ အိတ်ကို တွေ့ရှိခဲ့ခြင်းဖြစ်သည်။ ဦးနာမူက အိတ်ကိုယူ၍ ထိုင်းစုံတွဲ၏ ကားဆီ သို့ ပြေးသွားခဲ့သော်လည်း မမီခဲ့ဟုဆိုသည်။ သူက အိတ်ကို ဖွင့်မကြည့်သော် လည်း အလွန်လေးခံနေသဖြင့် ငွေနှင့် အဖိုးတန်ပစ္စည်းများ ပါဝင်မည်ဟု ယုံကြည်ခဲ့ကြောင်း ပြောကြားခဲ့သည်။

ထို့နောက်တွင် ဆိုင်ပိုင်ရှင် ကေဆာရာပန်ပတ်ခ်ျဆရီထံ အိတ်ကို သွားရောက်ပေးအပ်ခဲ့သည်။ ဆိုင်ရှင်က ပိုက်ဆံအိတ်ပိုင်ရှင်ထံ ဆက်သွယ်နိုင် သည့် အချက်အလက်ရှာဖွေရန် အိတ်ကိုဖွင့်ကြည့်ခဲ့ရာ မည်သည့် အချက်အလက်မှ မပါဘဲ ဘတ်ငွေတစ်သန်းကျော်သာ တွေ့ရှိခဲ့ရသည်။

စားသုံးသူစုံတွဲမှာ မကြာမီတွင် စိုးရိမ်ပူပန်နေသည့်ပုံစံဖြင့် စားသောက်ဆိုင် သို့ ပြန်လာခဲ့ပြီး အိတ်ကိုပြန်ရသဖြင့် အလွန်ပျော်ရွှင်သွားသည်ဟု ပတ်ခ်ျဆရီက ဆိုသည်။ ပိုင်ရှင်များက ငွေကိုရေတွက်ကြည့်ပြီး အပြည့်အ၀ရှိကြောင်း အတည်ပြုခဲ့သည်။

စိုင်းရင်ကဲ့သို့ အခြေခံလုပ်သားတစ်ဦး ထိုင်းနိုင်ငံတွင် ၅ နှစ်အတွင်း ရှာဖွေ စုဆောင်းရရှိနိုင်ရန် မဖြစ်နိုင်သည့် ပမာဏအား ပြန်ပေးခဲ့သည့်အတွက် အဆိုပါ သူဌေးစုံတွဲက ပြန်ရသည့် ငွေပမာဏ ၁ ရာခိုင်နှုန်း၏ ၁၀ ပုံ ၁ ပုံ ဖြစ်သော ဘတ် ၁၀၀၀ သာ ကို ဆုချခဲ့သည်။ ထိုစုံတွဲက သားရေအိတ်ကို ယူပြီး ဆိုင်အတွင်းမှ အလျင်အမြန်ပြန် ထွက်သွားသဖြင့် အမည်မေးရန် အချိန်ပင်မရခဲ့ဘဲ ဘန်ကောက်မြို့မှ စီးပွားရေးလုပ်ငန်းရှင်များဟုသာ သိခဲ့ရ သည်ဟု ဆိုင်ရှင် ပတ်ခ်ျဆရီက ပြောကြားခဲ့ကြောင်း ခေါင်ဆော့ အွန်လိုင်း သတင်းဌာနက ဖော်ပြခဲ့သည်။

KHTun

The Ladies News Journal


IS ထိန်းချုပ်ထားရာနယ်မြေမှ အမျိုးသမီးများ၏ဘ၀ကို ကမ္ဘာသို့သိစေလိုသော ဆီးရီးယားအမျိုးသမီးတစ်ဦးက IS များထိန်းချုပ်ထားပြီး လွန်ခဲ့သည့် မေလ မှစတင်ကာ အစ္စလာမ်မစ် ဥပဒေပြဌာန်းထားသော ဆီးရီးယားနိုင်ငံ မြောက်ပိုင်းရှိ ရပ်ကာ မြို့အတွင်းမှ အခြေအနေများကို လျှု့ဝှက်ရိုက်ကူးထားသော ဗီဒီယိုတစ်ခုထွက်ပေါ်လာရာ ၎င်းဒေသရှိ အမျိုးသမီးများမှာ လူ့အခွင့်အရေးများဆုံးရှုံးလျက်ရှိပြီး မိမိတို့၏အသက်အန္တရာယ်နှင့်အခြားအန္တရာယ်များမှ ကာကွယ်နိုင်ရန်အလို့ငှာ သေနတ်ကိုယ်စီဖြင့် လမ်းလျှောက်ထွက်နေရကြောင်း တွေ့ရသည်။

လျို့ဝှက်ဗီဒီယိုကိုရိုက်ကူးခဲ့သည့်အမျိုးသမီးမှာ အစ္စလာမ်ဥပဒေအရ၀တ်ဆင်ရသည့် မျက်နှာထိဖုံးအုပ်ထားရသည့်အ၀တ်အစား 'နီကတ်' ကိုဝတ်ဆင်ကာ လျို့ဝှက် ကင်မရာ သယ်ဆောင်ပြီး မြို့အတွင်းရှိ အခြေအနေများကိုရိုက်ကူးခဲ့ခြင်းဖြစ်သည်။ သူမရိုက်ကူးခဲ့သော ဗီဒီယို၏ဖော်ပြချက်အရ မြို့အတွင်းရှိ လမ်းများမှာ သေနတ်ကိုင် ဆောင်ထားသော အမျိုးသား၊ အမျိုးသမီးများဖြင့် ပြည့်နှက်လျက်ရှိပြီး အချို့အမျိုးသမီးများမှာ ' နီကတ်' ၀တ်စုံကိုဝတ်ဆင်ထားပြီး နောက်ကျောတွင်လည်း ရိုင်ဖယ်သေနတ်များကို ချိတ်ဆွဲထားကြသည်။ ဗီဒီယိုပြကွက် တစ်ခုတွင် 'နီကတ် ' ၀တ်စုံဝတ်ဆင်ထားပြီး AK 47 မောင်းပြန်သေနတ်ကို ကျောသိုင်းလွယ်ထားသော အမျိုးသမီးတစ်ဦးမှာ သူမ၏ သားဖြစ်သူကိုလက်ဆွဲလျက် ကလေးကစားကွင်းအတွင်းသို့ဝင်ရောက်သွားခဲ့သည်။

သူမ ဗီဒီယို ရိုက်ကူးနေစဉ်အတွင်းမှာပင် သေနတ်ကိုင်ဆောင်ထားသော အမျိုးသားတစ်ဦးက ကားဖြင့် သူမအနားသို့ရောက်ရှိလာပြီး " ' နီကတ် ' ၀တ်စုံကို သေချာ ၀တ်ဆင်ရန်၊ သူမ၀တ်ဆင်ထားသော ၀တ်စုံမှာ မျက်နှာအနည်းငယ်ပေါ်နေသောကြောင့် သေချာဝတ်ဆင်ရန်၊ အရှင်က မျက်နှာကို ဖုံးထားသော အမျိုးသမီးကိုသာ ချစ်တယ်" ဟုပြောဆိုကာ ဆူပူကြိမ်းမောင်းသွားခဲ့သည်။ လျှို့ဝှက်စွာရိုက်ကူးခဲ့သည့် ၎င်းဗီဒီယိုကို ပြင်သစ်သတင်းရုပ်သံလိုင်း "France 2" တွင်ထုတ်လွှင့်ပြသသွားခြင်းဖြစ်ပြီး၊ ဖျော်ဖြေရေး၊ ပညာရေးနှင့် အစစအရာရာကို ခံစားခွင့်မရှိသော အစ္စလာမ်မစ် ဥပဒေအောက်မှ ဆီးရီးယားအမျိုးသမီးများ၏ဘ၀အခြေအနေများကို ဖော်ပြသွားခဲ့သည်။
News Watch(စောင့်ကြည့်သတင်းဂျာနယ်)

“ကျနော်တို့အားလုံး စစ်နဲ့ငြိမ်းချမ်းရေးအကြား၊ စုစည်းခြင်းနဲ့ ကစဥ့်ကလျားဖြစ်မှုအကြား၊ မျှော်လင့်ခြင်းနဲ့ ကြောက်ရွံ့ ခြင်းအကြား လမ်းဆုံလမ်းခွကို ရောက်လို့နေပါပြီ” လို့ သူ့မိန့်ခွန်းကို အစချီလိုက်တယ်။

ဒီမိန့်ခွန်းကို စက်တင်ဘာ ၂၄ရက်က ကုလသမဂ္ဂအထွေထွေညီလာခံမှာ အမေရိကန်သမ္မတအိုဘာမား ပြောသွားခဲ့တာပါ။

အိုဘားမားက ကမ္ဘာနဲ့အ၀န်းမှာ သူအနေနဲ့ မြင်တွေ့ရတဲ့ ဖြစ်ပေါ်တိုးတက်မှုအရိပ်အယောင်တွေကို အတိုချုံးပြီး ပြောသွားခဲ့တယ်။ ကုလသမဂ္ဂကြီးစတင်တည်ထောင်ခဲ့စဉ်က စစ်ရိပ်စစ်ငွေ့ ရှိနေခဲ့ပေမယ့် ယနေ့မှာ ကမ္ဘာ့အင်အားကြီးနိုင်ငံများအကြား စစ်မက်ဖြစ်ပွားနိုင်ချေ လျော့ကျသွားပြီဖြစ်ပြီး သန်းပေါင်းများစွာသော ကမ္ဘာ့လူထုကြီးသည်လည်း ဆင်းရဲခြင်းမှ လွတ်ကင်းခဲ့ပြီလို့ ဆိုပါတယ်။ ဆက်လက်ပြီး “ကမ္ဘာ့စီးပွားရေးဟာလည်း ကျနော်တို့တသက် ကြုံဖူးသမျှ အဆိုးဆုံးသော စီးပွားပျက်ကပ်ကြီးကလွန်လို့ အားကောင်းနေပြီ” လို့ ၂၀၁၀ စီးပွားပျက်ကပ်ကို ရည်ညွန်းပြီး ပြောပါတယ်။

အဲဒီနောက်မှာတော့ ယနေ့ကမ္ဘာမှာ ရင်ဆိုင်နေရတဲ့ ပြဿနာတွေအကြောင်း စတင်ပြောပါတယ်။ အနောက်အာဖရိကမှာ ဖြစ်နေတဲ့ အီဘိုလာရောဂါ အလျင်အမြန် ကူးစက်ပျံ့ ပွားမှု အန္တရာယ်၊ ဥရောပမှာ ရုရှား၏ ရန်လိုမှု၊ အီရတ်နဲ့ဆီးရီးယား က အကြမ်းဖက်သမားများ၏ ရက်စက်ကြမ်းကြုတ်မှု များကို မီးမောင်းထိုး ပြောကြားခဲ့ပါတယ်။

“လက်ရှိ ကြုံတွေ့နေရတဲ့ အခက်အခဲတွေကို ဖြေရှင်းဖို့ လုပ်စရာတွေ အများကြီးရှိပါတယ်၊ ဒါပေမယ့် ဒီနေ့ ကျနော်အဓိကထားပြောချင်တာကတော့ အခက်အခဲများရဲ့ အဓိကအကြောင်းရင်းဖြစ်တဲ့ အရေးကြီးမေးခွန်း ၂ခု ကိုပါ။ ၁- ဒီနေ့ ဒီနေရာမှာရှိတဲ့ နိုင်ငံများအားလုံးက ကုလသမဂ္ဂအဖွဲ့အစည်းကြီး စတင်တည်ထောင်ရခြင်းရဲ့ ရည်ရွယ်ချက်ကို ပြန်လည်အသက်သွင်းနိုင်မလား၊ ၂-အစွန်းရောက်ဝါဒ ကင်ဆာကို ချေမှုန်းပစ်လိုက်ဖို့ ကျနော်တို့အားလုံး စည်းလုံးနိုင်ကြမလားဆိုတာပဲ ဖြစ်တယ်”လို့ အိုဘားမားက ပြောကြားခဲ့တယ်။

“ဒုတိယကမ္ဘာစစ်အလွန် ခေတ်ကာလကို ဖော်ဆောင်ခဲ့ကြတဲ့ ရှေ့သွားရှေ့လာတွေလိုပဲ ဒီရာစုနှစ်ရဲ့ ရှေ့ဆက်ရမယ့် လမ်းကြောင်းကို ကျနော်တို့ ဖော်ဆောင်နိုင်ပါတယ်၊ ဒါပေမယ့် ကျနော်တို့ အနာဂတ်ကို မျှော်ကြည့်လိုက်တဲ့အခါမှာ ပဋိပက္ခသံသရာကို မပြီးစတမ်းလည်ပတ်စေမယ့် ပြဿနာတခုရှိနေပြီး အဲဒီပြဿနာကြောင့် အရှေ့တတ်လှမ်းမယ့်လမ်းကြောင်းကနေ ချော်ထွက်သွားနိုင်တယ်၊ အဲဒီပြဿနာကတော့ မွတ်စလင်ကမ္ဘာရဲ့ နေရာတော်တော်များများကို ရုပ်ပျက်ဆင်းပျက် ဒဏ်ရာအနာတရဖြစ်စေခဲ့ပြီဖြစ်တဲ့ အစွန်းရောက်ဝါဒ ကင်ဆာပဲ ဖြစ်ပါတယ်”

အမေရိကန်နိုင်ငံသည် အယ်ကိုင်းဒါးနှင့် အယ်ကိုင်ဒါးဆက်စပ်အကြမ်းဖက်အဖွဲ့များအား ပစ်မှတ်ထားတိုက်ဖျက်နေသော်လည်း အစ္စလာမ်ဘာသာနှင့် စစ်ပြုနေခြင်းမဟုတ်ကြောင်း၊ သန်းနှင့်ချီသော မွတ်စလင်များသည်လည်း အမေရိကန်ပြည်ထောင်စု၏ အစိတ်အပိုင်း ဖြစ်ကြောင်း၊ သို့ဖြစ်၍ လူ့အဖွဲ့အစည်းများအကြားထိပ်တိုက်ရန်ပွဲဟု မရှုမြင်ပါကြောင်း အယ်ကိုင်းဒါးကို စနစ်တကျ အင်အာချိနဲ့အောင်လုပ်ဆောင်ခဲ့ပြီးနောက်မှာ အစွန်းရောက်အယူဝါဒသည် အရှေ့အလယ်ပိုင်နှင့် အာဖရိက မြောက်ပိုင်းတို့သို့ ကူးပြောင်းရောက်ရှိသွားကြောင်း အိုဘားမားက ပြောကြားခဲ့ပါတယ်။

“နိုင်ငံတကာရပ်ဝန်းအနေနဲ့ ဒီစိန်ခေါ်မှုကို ရင်ဆိုင်ရမှာ ဖြစ်တယ်။ ပထမဆုံး ISIL(သို့)ISIS လို့သိကြတဲ့အဖွဲ့ကို အင်အားချိနဲ့အောင် အရင်လုပ်ပြီးမှ အပြီးသတ် ချေမှုန်းပစ်ရမှာ ဖြစ်တယ်။”

“သူတို့ဟာ သမီးနဲ့ မိခင်၊ ညီမသားချင်းတွေ အဓမ္မပြုကျင့်ခြင်း ခံရတယ်၊ အပြစ်မဲ့ကလေးတွေ ပစ်သတ်ခံရတယ်၊ အလောင်းတွေကို အစုလိုက် အပြုံလိုက် မြေမြုပ်ခံရတယ်၊ ဘာသာယုံကြည်မှုအရ လူနည်းစုတွေကို ငတ်မွတ်ပြီး သေဆုံးစေတယ်။ အဆိုးရွားဆုံးရာဇ၀တ်မှုအဖြစ် အပြစ်မဲ့တဲ့လူတွေကို ခေါင်းဖြတ်ကွတ်မျက်ပြီး ကမ္ဘာကြီးတုန်လှုပ်သွားစေဖို့ ဒီလူမဆန်တဲ့လုပ်ရပ် ဗီဒီယိုမှတ်တမ်းကို ဖြန့်ဝေတယ်”

ISIS အဖွဲ့အား လေကြောင်းမှတိုက်ထိုက်မှုပြုသွားမည်ဖြစ်ပြီး လတ်တလောတွင် ၎င်းတို့အား ချေမှုန်းရေးတွင် နိုင်ငံပေါင်း ၄၀ ကျော်က ပူးပေါင်းပါဝင်ရန် ကမ်းလှမ်းထားပြီးဖြစ်ကြောင်းလည်း သမ္မတက ဖြည့်စွက် ပြောကြားခဲ့ပါတယ်။

အယ်ကိုင်းဒါးနှင့် အိုင်စစ်တို့၏ အယူဝါဒများကို မွတ်စလင်ကမ္ဘာက ပြတ်ပြတ်သားသား၊ ခွန်တိုက်အားတိုက်နှင့် စဉ်ဆက်မပြတ် ငြင်းပယ်ပစ်ရမည့်အချိန်ရောက်ပြီဖြစ်ကြောင်းလည်း ပြောပါတယ်။

“ကမ္ဘာ့နဲ့စီးပွားရေးဆက်စပ်လုပ်ကိုင်လို့ ရလာတဲ့ငွေတွေနဲ့ ကမ္ဘာကြီးကို ဖျက်စီးဖို့အတွက် ကလေးတွေကို သွန်သင်ပေးနေတဲ့ လူတွေဆီကို ငွေကြေးထောက်ပံ့နေတာတွေ၊ သူတော်ကောင်းယောင် ဟန်ဆောင်တဲ့လုပ်ရပ်တွေကို တားဆီးဖို့ အချိန်တန်ပြီဖြစ်တယ်။”

မွတ်စလင်ကမ္ဘာကြီးတွင် ဂိုဏ်းဂဏစစ်ပွဲများကြောင့် လူသားဒုက္ခများ အကြီးအကျယ် ကြုံတွေ့ရကြောင်း၊ အရှေ့အလယ်ပိုင်းတွင် စွန်နီ-ရှီယာ အကြမ်းဖက်မှုများကြောင့် သေကြေပျက်စီးမှုများစွာ ဖြစ်ရခြင်းကို အသိအမှတ်ပြုသင့်ပြီဖြစ်ကြောင်း၊ ဆီးရီးယားပြည်တွင်းစစ်ကြောင့် လူပေါင် ၂သိန်းခဲ့ သေကြေပျက်စီးခဲ့ရပြီဖြစ်ကြောင်းတို့ ပြောကြားခဲ့တယ်။

“နောက်ဆုံမှာတော့ ဂိုဏ်းဂဏ၀ါဒ၊ အစွန်းရောက်ဝါဒကို ဖယ်ရှားပစ်ရေးဟာ မျိုးဆက်အလိုက်လုပ်ဆောင်ရမယ့် တာဝန်ဖြစ်တယ်၊ အရှေ့အလယ်ပိုင်းက ပြည်သူတွေရဲ့ တာဝန်ဖြစ်တယ်၊ လူတွေရဲ့ စိတ်၊ အသဲနှလုံးကို ပြောင်းလဲတယ်ဆိုတာ အပြင်လူတွေက လုပ်ပေးလို့ မရနိုင်ပါဘူး”

“အခုရောက်နေတဲ့ လမ်းဆုံလမ်းခွမှာ အမေရိကန်အနေနဲ့ လုပ်စရာရှိတဲ့တာဝန်တွေကနေ ဖယ်ခွာသွားမှာ မဟုတ်ပါဘူး၊ ကျနော်တို့ဟာ လွတ်လပ်မှုရဲ့ အမွေစားအမွေခံတွေပါ၊ အဲဒီအမွေအနှစ်ကို နောင်မျိုးဆက်ကို လက်ဆင့်ကမ်းနိုင်ဖို့ လုပ်စရရှိတာ လုပ်မှာပဲ၊ ဒီဘုံတာဝန်အတွက် ကျနော်တို့နဲ့ လက်တွဲပါဝင်ဖို့ ဖိတ်ခေါ်ပါရစေ၊ ဒီနေ့ ကလေးလေးတွေအတွက်နဲ့ နောင်နေ့ ကလေးများအတွက်ပေါ့…”

ဒီမိန့်ခွန်းမှာ အိုဘားမားက အစွန်းရောက်မွတ်စလင်များကိစ္စကို အဓိကထား ပြောသွားခဲ့ပေမယ့် ရုရှား၏ ယူကရိန်းအပေါ်ထားရှိတဲ့ နိုင်ငံခြားရေး မူဝါဒကိုလည်း ထည့်ပြောသွားခဲ့တယ်။

ရုရှားရဲ့ ရန်လိုမှုဟာ အတိတ်က အင်အားကြီးနိုင်ငံများရဲ့ နယ်ချဲ့ဝါဒကို ပြန်ပြောင်းအမှတ်ရစေတယ်လို့ ကမ္ဘာစစ်ကြီးများ ဖြစ်ခဲ့ရတဲ့အကြောင်းရင်းကို ရည်ညွှန်းပြီး ပြဿနာကြီးထွားလာနိုင်ကြောင်း ရုရှားနိုင်ငံကို သတိပေးသွားခဲ့ပါတယ်။

ရုရှားရဲ့လုပ်ရပ်သည် စစ်ပြီးခေတ် တည်ငြိမ်နေမှုကို စိန်ခေါ်မှုပြုနေကြောင်း၊ ယူကရိန်းအစိုးရ၏ ဆန္ဒသဘောထားကို ဆန့်ကျင်ပြီး ခရိုင်းမီးယားကို ရုရှားထဲ သွပ်သွင်းခဲ့ကြောင်း၊ ယူကရိန်းအရှေ့ပိုင်းရှိ ခွဲထွက်ရေးသမားများအား ရုရှားက လက်နက်များ ထောက်ပံ့နေကြောင်း၊ အဆိုပါ ရုရှားလက်ဝေခံသူပုန်များထိန်းချုပ်ထားသည့် နယ်မြေအပေါ် ဖြတ်ပျံသန်းစဉ် မလေးရှားလေယာဉ် MH17 ပစ်ချခဲ့ရသည့်အပြင် ရက်အတန်ကြာ သွားရောက်ခွင့်မပြုခဲ့ကြောင်း၊ ယူကရိန်းတပ်ဖွဲ့များက ယင်းဒေသများအပေါ် အချုပ်အခြာအားဏာပြန်လည် တည်ဆောက်ရန်ကြိုးပမ်းသည့်အခါ နောက်ကွယ်မှ ထောက်ပံ့နေခြင်းကို ဟန်မဆောင်နိုင်တော့ဘဲ ရုရှားတပ်များကိုပင် စေလွှတ်ခဲ့ကြောင်း စသည်ဖြင့် ပြောကြားသွားခဲ့တယ်။

“ဒီမိုကရေစီစနစ်နဲ့ စီးပွားရေး ဖွံ့ဖြိုးတိုးတတ်ဖို့အတွက် ယူကရိန်းပြည်သူတွေ ကြိုးပမ်းနေမှုကို အမေရိကားနဲ့ မဟာမိတ်နိုင်ငံများက ထောက်ခံသွားမယ်”လို့ ရုရှားနှင့် ပတ်သက်၍ အိုဘားမားက ပြတ်ပြတ်သားသား ပြောဆိုသွားခဲ့ပါတယ်။

ထူးခြားချက်အဖြစ် သမ္မတအိုဘားမားက ရုရှားကို အခုလို သတိပေးစကား ပြောသွားခဲ့ပေမယ့်လည်း အမေရိကန်နိုင်ငံက အကြမ်းဖက်မှုနှိမ်နင်းရေးနဲ့ပတ်သက်လို့ လုံခြုံရေးကောင်စီမှာ တင်သွင်းခဲ့တဲ့ ဆုံဖြတ်ချက်ကို တော့ ရုရှားက သဘောတူခဲ့ပါတယ်။ အမြဲတမ်းအဖွဲ့ဝင်ဖြစ်တဲ့ ရုရှားက ကုလသမဂ္ဂမှာ အမေရိကန်ဦးဆောင်တင်သွင်းတဲ့ အဆိုတွေ၊ အမေရိကန်က ထောက်ခံတဲ့ ဆီးရီးယားအရေးနှင့် ပတ်သက်တဲ့ဆုံးဖြတ်ချက်တွေကိုတောင် ယခင်က ဗီတိုအာဏာသုံးပြီး ပယ်ချလေ့ရှိပါတယ်။

ကုလသမဂ္ဂလုံခြုံရေးကောင်စီက အကြမ်းဖက်ဝါဒတိုက်ဖျက်ရေးဆုံးဖြတ်ချက်တခု ချမှတ်ခဲ့ပြီး လုံခြုံရေကောင်စီအဖွဲ့ဝင် ၁၅ နိုင်ငံလုံးက သဘောတူခဲ့ကြပါတယ်။

News Watch(စောင့်ကြည့်သတင်းဂျာနယ်)


IS အစ္စလာမ်မစ် အစွန်းရောက်အဖွဲ့နဲ့ ဆက်စပ်နေတဲ့ အယ်လ်ဂျီးရီးယားနိုင်ငံ စစ်သွေးကြွအဖွဲ့က အခုသီတင်းပတ် စောစောပိုင်းမှာ ဖမ်းဆီးသွားတဲ့ ပြင်သစ်လူမျိုး အပျော်ခြေလျှင် ခရီးသွား တယောက်ကို ခေါင်းဖြတ် သတ်လိုက်ကြပါတယ်။

Soldiers of the Caliphate လို့ အမည်ပေးထားတဲ့ အဖွဲ့က ဗုဒ္ဓဟူးနေ့ အင်တာနက် အွန်လိုင်းမှာ ပြသလိုက်တဲ့ ဗွီဒီယိုထဲမှာ အသက် ၅၅ နှစ်အရွယ် ပြင်သစ်လူမျိုး Herve Gourdel ရဲ့ ခေါင်းပြတ်ကြီးကို ကိုင်ပြီး ပြသထားပါတယ်။ သူ့ကို တနင်္ဂနွေနေ့တုန်းက အယ်လ်ဂျီးရီးယားနိုင်ငံရဲ့ တောင်ပေါ်ဒေသတခုမှာ မိတ်ဆွေတစုနဲ့ ခြေလျှင် ခရီးသွားနေစဉ်မှာ ဖမ်းဆီးသွားတာပါ။

ဒီလုပ်ရပ်ဟာ အလွန်ရက်စက်ပြီး သူရဲဘောကြောင်တဲ့ လုပ်ရပ် ဖြစ်တယ်လို့ ပြင်သစ်သမ္မတ Francois Hollande က ပြောဆိုပြီး ရှုတ်ချလိုက်ပါတယ်။

ပြင်သစ်နိုင်ငံဟာ အီရတ်မှာရှိတဲ့ IS အစွန်းရောက် စစ်သွေးကြွတွေကို ဗုံးကြဲတဲ့နေရာမှာ ပါဝင်ခဲ့တဲ့အတွက် ဖမ်းဆီးထားတဲ့ ပြင်သစ်လူမျိုးကို သတ်ပစ်မယ်လို့ သီတင်းပတ် စောစောပိုင်းတုန်းက ခြိမ်းခြောက်ခဲ့ပါတယ်။

ကုလသမဂ္ဂ အထွေထွေ ညီလာခံအတွင်း မိန့်ခွန်းပြောဆိုရာမှာ သမ္မတ Francois Hollande က ခြေလျှင်ခရီးသွားကို သတ်ဖြတ်လိုက်ပေမဲ့ ပြင်သစ်နိုင်ငံဟာ အီရတ်နိုင်ငံအတွင်းက အစ္စလာမ်မစ် စစ်သွေးကြွတွေကို ဆက်လက် တိုက်ခိုက်သွားမယ်လို့ ကတိပြုလိုက်ပါတယ်။

ဗွီအိုအေ (မြန်မာပိုင်း)

စက်တင်ဘာ ၂၄ ရက်က မန္တလေးမြို့တွင် ပြုလုပ်ခဲ့သည့် သမ္မတဦးသိန်းစိန်အား ထောက်ခံကြောင်း ဆန္ဒထုတ်ဖော်မှုတွင် လူအင်အား ၁ဝဝ ခန့်ဖြင့် စုဝေးဆန္ဒထုတ်ဖော်ရာတွင် ပါဝင်ခဲ့သူအချို့တို့မှာ မိမိတို့ ထောက်ခံရမည့်ပုဂ္ဂိုလ်၏ အမည်ကို မသိရှိသဖြင့် အချင်းချင်း တီးတိုးမေးမြန်းမှုများ ပြုလုပ်ခဲ့ကြသည်။
ပြည်ခိုင်ဖြိုးပါတီဝင်အချို့ ဦးဆောင်၍ အင်အား ၁ဝဝ ခန့်က သမ္မတဦးသိန်းစိန်အား ထောက်ခံကြောင်း ဆန္ဒပြပွဲတစ်ခု မန္တလေးမြို့တွင် စက်တင်ဘာ ၂၄ ရက် နံနက်ပိုင်းက ပြုလုပ်ခဲ့ကြောင်း သိရသည်။

သမ္မတဦးသိန်းစိန်အား ထောက်ခံဆန္ဒပြမှုကို တရားဝင်ခွင့်ပြုမိန့်ဖြင့် မန္တလေးမြို့ ၆၂ လမ်း မနော်ရမ္မံဥယျာဉ်ရှေ့ရှိ ပြည်သူ့ဟစ်တိုင်နေရာ၌ စက်တင်ဘာ ၂၄ ရက် နံနက် ၁ဝ နာရီဝန်းကျင် အချိန်ခန့်က လူအင်အား ၁ဝဝ ခန့်မှ တုံ့ပြန်ဆန္ဒ ထုတ်ဖော်ခဲ့ကြကြောင်း သိရသည်။

သမ္မတဦးသိန်းစိန်အား ထောက်ခံသူများက ဆန္ဒထုတ်ဖော်ခဲ့ရာတွင် (၁) ဆင်းရဲမွဲတေမှု လျော့ကျအောင် ဆောင်ရွက်နေတာ သမ္မတကြီးဦးသိန်းစိန်၊ (၂)ကုန်ဈေးနှုန်း ကျဆင်းအောင် ဆောင်ရွက်နေတာ သမ္မတကြီးဦးသိန်းစိန်၊ (၃) အဂတိလိုက်စားမှု ပပျောက်အောင် ဆောင်ရွက်နေတာ သမ္မတကြီးဦးသိန်းစိန်၊ (၄) နိုင်ငံတော်ကို တည်တည်ငြိမ်ငြိမ်နဲ့ အေးချမ်းဖွံ့ဖြိုးစွာ ဒီမိုကရေစီ ဖော်ဆောင်ပေးနေတာ သမ္မတကြီးဦးသိန်းစိန်၊ (၅) နိုင်ငံတကာမှ အသိအမှတ်ပြု လက်ခံအားပေးနေတာ သမ္မတကြီးဦးသိန်းစိန်၊ (၆)နိုင်ငံရေး အကျဉ်းသားများကို အကြိမ်ကြိမ်လွတ်ငြိမ်းချမ်းသာခွင့် ပေးနေတာ သမ္မတကြီးဦးသိန်းစိန်၊ (၇)တောင်သူလယ်သမားများ မြေယာပြဿနာများ ဖြေရှင်းပေးနေတာ သမ္မတကြီးဦးသိန်းစိန်၊ (၈) အလုပ်သမားများရပိုင်ခွင့် အခွင့်အရေးများ ဖြေရှင်းပေးနေတာ သမ္မတကြီးဦးသိန်းစိန်၊ (၉) တရားရေးမဏ္ဍိုင်ကို တည့်မတ်အောင် ဆောင်ရွက်နေတာ သမ္မတကြီးဦးသိန်းစိန်၊ (၁ဝ) ပြည်သူများ၏ စားဝတ်နေရေး ပြေလည်အောင် ဆောင်ရွက်ပေးနေတာ သမ္မတကြီးဦးသိန်းစိန်၊(၁၁) ဘာသာရေးပဋိပက္ခတွေ မဖြစ်ပေါ်အောင် ဆောင်ရွက်ပေးနေတာ သမ္မတကြီးဦးသိန်းစိန်၊ (၁၂) ဝန်ထမ်းများအားလုံး ဘဝရပ်တည်ရေး ဖြေရှင်းပေးနေတာ သမ္မတကြီးဦးသိန်းစိန်၊ (၁၃) သမ္မတကြီးဦးသိန်းစိန် နိုင်ငံတော်ကို ဆက်လက်ဦးဆောင်ပေးရေး ဒို့အရေး စသည့် ကြွေးကျော်သံ ၁၃ ချက်တို့ဖြင့် ဗီနိုင်းဆိုင်းဘုတ်များ ကိုင်ဆောင်ကာ ဆန္ဒဖော်ထုတ်ခဲ့ကြသည်။

“ဒီနေ့ ဆန္ဒထုတ်ဖော်ရတာက သမ္မတကြီးဦးသိန်းစိန် နောက်သက်တမ်းအတွက် တာဝန်ထမ်းဆောင်ရေးကို ထောက်ခံတဲ့အနေနဲ့ ပြုလုပ်တာပါ။ ဘယ်ပါတီ ဘယ်အသင်းအဖွဲ့မှ ကိုယ်စားမပြုပါဘူး။ သမ္မတကြီးကို ဆန့်ကျင်သူတွေကလည်း ဆန္ဒပြတယ်။ ကျွန်တော်တို့လည်း သမ္မတကြီးကို ထောက်ခံတဲ့အတွက် ကျွန်တော်တို့မှာ ဆန္ဒပြခွင့်ရှိပါတယ်” ဟု ဆန္ဒပြမှုအား ဦးဆောင်သူတစ်ဦးဖြစ်သည့် ဦးစိန်မင်းက ပြောကြားသည်။

သမ္မတဦးသိန်းစိန်အား ထောက်ခံဆန္ဒထုတ်ဖော်မှုနှင့် ပတ်သက်၍ “ထောက်ခံဆန္ဒပြတယ်ဆိုတာ လူတိုင်းကိုယ့်လွတ်လပ်ခွင့်နဲ့ ကိုယ်ပြလို့ရပါတယ်။ သို့သော် ထောက်ခံတဲ့အချက်တွေက တကယ့်ဖြစ်ရပ်မှန်တွေဆိုတာ ဟုတ်၊ မဟုတ် ဘယ်လိုသက်သေပြကြမလဲ။ တကယ့်မျက်မြင်မြေပြင် ဖြစ်ရပ်မှန်တွေနဲ့ လုံးဝတခြားစီဖြစ်နေတော့ ဒီပွဲဟာသပ်သပ် အလံရှူးပွဲဖြစ်တယ်လို့ အတိအလင်း ပြောချင်တယ်” ဟု စက်တင်ဘာ ၁၂ ရက်က သမ္မတဦးသိန်းစိန်အား ကန့်ကွက်ဆန္ဒပြခဲ့သည့် ကုန်ဈေးနှုန်းကျဆင်းရေးနှင့် ဒီမိုကရေစီအရေး စဉ်ဆက်မပျက်လှုပ်ရှားမှု အင်အားစုအဖွဲ့မှ ဦးစောလှအောင်က ပြောကြားသည်။

စက်တင်ဘာ ၂၄ ရက်က မန္တလေးမြို့တွင် ပြုလုပ်ခဲ့သည့် သမ္မတဦးသိန်းစိန်အား ထောက်ခံကြောင်း ဆန္ဒထုတ်ဖော်မှုတွင် လူအင်အား ၁ဝဝ ခန့်ဖြင့် စုဝေးဆန္ဒထုတ်ဖော်ရာတွင် ပါဝင်ခဲ့သူအချို့တို့မှာ မိမိတို့ ထောက်ခံရမည့်ပုဂ္ဂိုလ်၏ အမည်ကို မသိရှိသဖြင့် အချင်းချင်း တီးတိုးမေးမြန်းမှုများ ပြုလုပ်ခဲ့ကြသည်။

“ဓာတ်ပုံရိုက်နေတုန်း ဆန္ဒပြတဲ့ လူအုပ်ထဲကနေ ထောက်ခံရမယ့်သူ နာမည်ဘယ်သူလဲဆိုပြီး မေးနေတဲ့အသံကို ကြားလိုက်ရတယ်။ အဲဒီတော့ ဘေးကလူက ကိုင်ထားတဲ့ ဗီနိုင်းဆိုင်းဘုတ်ကို ကြည့်လိုက်ဆိုပြီး ပြန်ပြောတာကို တွေ့လိုက်တယ်” ဟု ဧရာဝတီသတင်းဌာနမှ ဓာတ်ပုံသတင်းထောက် ကိုတေဇလှိုင်က ပြောကြားသည်။
“ထောက်ခံပွဲဆိုတာကို ဘယ်နေရာမှာ လုပ်မယ်ဆိုတာ မသိဘူး။ ထောက်ခံပွဲရှိတာကို ရပ်ကွက်ထဲမှာ ပြောပြီးတော့ လိုက်ခေါ်လို့ ရောက်လာတာ။ လိုက်ထရပ်ကားနဲ့ ရပ်ကွက်ထဲကို လာခေါ်တာ ကားခြောက်စီး၊ ခုနစ်စီးလောက်ရှိတယ်” ဟု ဆန္ဒပြရာတွင် ပါဝင်ခဲ့သည့် ပြည်ကြီးတံခွန်မြို့နယ်အတွင်း နေထိုင်သူ အသက် ၅ဝ ဝန်းကျင်ခန့် အမျိုးသမီးတစ်ဦးက ဆိုသည်။
ဆန္ဒပြရာတွင် ပါဝင်သူများမှာ ပြည်ကြီးတံခွန်မြို့နယ်၊ သင်ပန်းကုန်းရပ်ကွက်တွင် နေ့စားအလုပ်သမား ၂၅ ဦးခန့်၊ မြရည်နန္ဒာနှင့် အောင်သာယာရပ်ကွက်မှ အလုပ်သမားများ၊ ကံသာယာရပ်ကွက်မှ ၁ဝ ဦးခန့် နေ့စားခပေးကာ ခေါ်ဆောင်ခဲ့ကြောင်း ယင်းရပ်ကွက်နေ ပြည်သူများက ပြောဆိုခဲ့သည်။
.
http://www.news-eleven.com/

Author Name

Contact Form

Name

Email *

Message *

Powered by Blogger.