10/08/14

အမေရိကန် နိုင်ငံခြားရေးဌာနပြောခွင့်ရ Jen Psaki
အမေရိကန် နိုင်ငံခြားရေးဌာနပြောခွင့်ရ Jen Psaki
အင်ကြင်းနိုင်

မြန်မာနိုင်ငံမှာ နိုင်ငံရေးအကျဉ်းသားအားလုံး ခြွင်းချက်မရှိ အမြန်ဆုံးလွှတ်ပေးဖို့ အမေရိကန်အစိုးရ အပါအ၀င် နိုင်ငံတကာ လူ့အခွင့်အရေးလှုပ်ရှားနေတဲ့ အဖွဲ့တွေက မနေ့က တောင်းဆိုလိုက်ပါတယ်။

အင်္ဂါနေ့က သမ္မတအမိန့်နဲ့ လွတ်ငြိမ်းချမ်းသာခွင့် ပြုလိုက်တဲ့ အကျဉ်းသား ၃၀၀၀ ကျော်မှာ လက်ရှိစာရင်းတွေအရ ကုလသမဂ္ဂက လွှတ်ပေးဖို့ တောင်းဆိုထားတဲ့ နိုင်ငံရေးအကျဉ်းသား စာရင်းတွေထဲက တဦး အပါအ၀င် အမှုတွဲ ၂ ဦး၊ AAPP က သတ်မှတ်ထားတဲ့ နိုင်ငံရေးအကျဉ်းသား ၁ ဦး စုစုပေါင်း ၄ ဦးပဲ ပါဝင်ပါတယ်။ အပြည့်အစုံကို မအင်းကြင်းနိုင်က တင်ပြထားပါတယ်။

အင်္ဂါနေ့က လွှတ်ပေးလိုက်တဲ့ အကျဉ်းသားတွေထဲမှာ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် Ms. Yanghee Lee ကနေ လွှတ်ပေးဖို့ တောင်းဆိုထားတဲ့ MSF နယ်စည်းမထား ဆရာဝန်များအဖွဲ့ ၀န်ထမ်းဟောင်း ရှေ့နေ ဦးကျော်လှအောင်နဲ့ အမှုတွဲဖြစ်တဲ့ ဦးကျော်မြင့်နဲ့ သားအဖလည်း ပါဝင်ပါတယ်။ ဒါ့အပြင် KIA နဲ့ ဆက်သွယ်တယ်ဆိုတဲ့ စွပ်စွဲချက်နဲ့ ဖမ်းဆီးခံထားရတဲ့ တိုင်းရင်းသား ကိုမာလဟာ မြစ်ကြီးနားထောင်ကနေ လွတ်မြောက်လာတယ်လို့ AAPP နိုင်ငံရေးအကျဉ်းသားများ ကူညီစောင့်ရှောက်ရေးအသင်း ကိုဘိုကြည်က ပြောပါတယ်။

ဒီတကြိမ် သမ္မတလွတ်ငြိမ်းချမ်းသာခွင့် ပေးတဲ့အထဲမှာ ထောက်လှမ်းရေး ဟောင်းအရာရှိ ဗိုလ်မှူးသိန်းဆွေနဲ့ အခြားအရာရှိ ၈ ဦးလည်း ပါဝင်တယ်လို့ နိုင်ငံတကာသတင်းတွေမှာ ဖော်ပြထားပါတယ်။ အကျဉ်းသားတွေကို ထောင်နဲ့ချီပြီး လွတ်ငြိမ်းချမ်းသာခွင့် ပေးနေတဲ့အထဲမှာ နိုင်ငံရေးအကျဉ်းသား အရေအတွက် အလွန်နည်းနေတာကို နိုင်ငံတကာအစိုးရနဲ့ လူ့အခွင့်အရေး လှုပ်ရှားနေတဲ့အဖွဲ့တွေက မြန်မာအစိုးရကို ဝေဖန်နေကြပါတယ်။

မနေ့ကပြုလုပ်တဲ့ ပုံမှန်သတင်းစာရှင်းလင်းပွဲမှာ အမေရိကန် နိုင်ငံခြားရေးဌာနပြောခွင့်ရ Jen Psaki က မြန်မာအစိုးရက အကျဉ်းသားတွေကို လွှတ်ပေးတာ အမေရိကန်က ကြိုဆိုပေမဲ့ နိုင်ငံရေးအကျဉ်းသားအားလုံး ခြွင်းချက်မရှိ ပြန်လွှတ်ပေးဖို့ အခုလို တိုက်တွန်းပါတယ်။

“မြန်မာအစိုးရက လွတ်ငြိမ်းချမ်းသာခွင့်နဲ့ အကျဉ်းသားတွေကို ဒီကနေ့ ပြန်လွှတ်ပေးခဲ့တယ်ဆိုတာကို ကျမတို့ ကြိုဆိုပါတယ်။ ဒီလိုလွှတ်ပေးခဲ့တာနဲ့ ပတ်သက်လို့ အသေးစိတ် အချက်အလက်အားလုံးကို ကျမတို့ မသိရသေးပါဘူး။ နိုင်ငံရေးအကျဉ်းသား စိစစ်ရေးကော်မတီကတဆင့် အစိုးရအနေနဲ့ ဆက်လက်ပြီး အမြန်ဆုံး နိုင်ငံရေးအကျဉ်းသားအားလုံးကို ခြွင်းချက်မရှိ ပြန်လွှတ်ပေးဖို့နဲ့ လွှတ်ပေးခဲ့ပြီးဖြစ်တဲ့ လူတွေအပေါ်လည်း ချမှတ်ထားတဲ့ ခြွင်းချက်တွေကို ဖယ်ရှားပေးဖို့ အမေရိကန်ပြည်ထောင်စုက တိုက်တွန်းပါတယ်။”

AI လို့ခေါ်တဲ့ နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးကလည်း ရှေ့နေဦးကျော်လှအောင် ကို လွှတ်ပေးလိုက်တဲ့အတွက် ကြိုဆိုပေမဲ့ မြန်မာ့ဒီမိုကရေစီ အသွင်ကူးပြောင်းရေး မြန်မာအစိုးရ တကယ်ဆောင်ရွက်နေပါတယ်ဆိုတာ နိုင်ငံတကာ ယုံကြည်ဖို့အတွက် နိုင်ငံရေးအကျဉ်းသား အားလုံးလွှတ်ပေးဖို့ အခုလို တိုက်တွန်းသွားပါတယ်။

“ရိုဟင်ဂျာတဦးဖြစ်သူ ယုံကြည်ချက်ကြောင့် အကျဉ်းကျခံနေရတဲ့ ဦးကျော်လှအောင် ကို လွှတ်ပေးလိုက်တဲ့ သတင်းဟာ ကောင်းတဲ့သတင်းပါ။ ရခိုင်ပြည်နယ်က လူ့အခွင့်အရေး ချိူးဖောက်မှုတွေကို မီးမောင်းထိုးပြနေသူတဦး ဖြစ်ပါတယ်။ သူ့ကို တနှစ်ကျော် အကျဉ်းထောင်ထဲမှာ အပြစ်မရှိဘဲ အာဏာပိုင်တွေက ဖမ်းဆီးထိန်းသိမ်းထားခဲ့တာပါ။ အင်္ဂါနေ့က လွှတ်ပေးလိုက်တဲ့ အကျဉ်းသားအရေအတွက် ထောင်နဲ့ချီပြီးရှိတယ်ဆိုပေမဲ့ ဒါဟာ အာဏာပိုင်တွေဘက်က အကျိူးမရှိတဲ့ လုပ်ဆောင်ချက်ဘဲ ဖြစ်ပါတယ်။”

အသက် ၇၅ နှစ်အရွယ် ရှေ့နေဦးကျော်လှအောင်ဟာ စစ်တွေသားဖြစ်ပြီး ၁၉၉၀ ခုနှစ် အထွေထွေရွေးကောက်ပွဲမှာ အမျိုးသားလူ့အခွင့်အရေး ဒီမိုကရက်တစ်ပါတီ ခေါင်းဆောင်တဦးအနေနဲ့ စစ်တွေမှာ လွှတ်တော်ကိုယ်စားလှယ်အဖြစ် ရွေးကောက်ခံရတယ်။ ဒါပေမဲ့ စစ်အစိုးရက သူ့ကို ဖမ်းဆီး ထောင်ဒဏ် ၁၄ နှစ်ချမှတ်ခဲ့ပြီး ၁၉၉ရ ခုနှစ်မှာ လွတ်မြောက်ခဲ့ပြီးနောက် ၁၉၉၈ မှာ MSF မှာ ၀န်ထမ်းအဖြစ် လုပ်ကိုင်ခဲ့ပါတယ်။

ဦးကျော်လှအောင်ကို ၂၀၁၃ ဇူလိုင်လက ဖမ်းဆီးခဲ့ပြီး စည်းရုံးလှုံ့ဆော်မှုနဲ့ စစ်တွေတရားရုံးက ၂၀၁၄ စက်တင်ဘာလ ၂၆ ရက်နေ့မှာ ထောင်ဒဏ် ၁ နှစ်ခွဲ ချမှတ်ခဲ့တာပါ။ သူ့ကို အောက်တိုဘာလ ၇ ရက်နေ့မှာ စစ်တွေထောင်ကနေ ပြန်လွှတ်ပေးခဲ့ပါတယ်။

သမ္မတဦးသိန်းစိန်အစိုးရ တက်လာပြီးနောက်ပိုင်း လွတ်ငြိမ်းချမ်းသာခွင့်နဲ့ လွှတ်ပေးခဲ့တဲ့ အကြိမ်ပေါင်းများစွာရှိခဲ့ပြီး ၂၀၁၂ ခု နိုဝင်ဘာလတုန်းက အမေရိကန်သမ္မတ ဘရက်ခ် အိုဘားမား မြန်မာနိုင်ငံကို ပထမဆုံးအကြိမ် မသွားရောက်မီ ထိုစဉ် နိုင်ငံရေးအကျဉ်းသားများ အပါအ၀င် အကျဉ်းသားပေါင်း ၄၅၂ ဦး လွှတ်ပေးခဲ့ရာမှာ နိုင်ငံရေးအကျဉ်းသားတွေ မပါဝင်ခဲ့ပါဘူး။

အခုတကြိမ်လည်း နေပြည်တော်မှာ နိုဝင်ဘာလ ၁၀ ရက်နေ့ ကျင်းပမယ့် အရှေ့အာရှ ထိပ်သီးညီလာခံ တက်ရောက်ဖို့ သမ္မတအိုဘာမားရဲ့ မြန်မာခရီးစဉ်မတိုင်မီ အကျဉ်းသားများကို လွှတ်ပေးခဲ့တာဖြစ်ပါတယ်။ နိုင်ငံရေးအကျဉ်းသားအားလုံး ပြန်လွှတ်ပေးဖို့ သမ္မတဦးသိန်းစိန်က စောစောပိုင်းက ကတိပေးခဲ့ပေမဲ့ AAPP အပါအ၀င် လူ့အခွင့်အရေးအဖွဲ့တွေက ပြုစုထားတဲ့ စာရင်းတွေအရ မြန်မာနိုင်ငံရေးအကျဉ်းသား အရေအတွက် ၇၀ နီးပါး ရှိနေပါတယ်။

VOA
http://burmese.voanews.com/content/us-burmese-prisoners/2476191.html


ဆီးရီးယား နယ်စပ်တွင် တပ်ဖြန့်ထားသည့် တူရကီ တင့်ကားများ
အန်ကာရာ ၊ ၈-၁၀-၂၀၁၄

ဆီးရီးယားနိုင်ငံ မြောက်ပိုင်းရှိ စစ်သွေးကြွ များကို တိုက်ဖျက် နိုင်ရေး အတွက် မြေပြင် တပ်ဖွဲ့များကို စေလွှတ်ပေးရန် အနောက် နိုင်ငံများကို တူရကီ သမ္မတ ရီဆက်ပ်တေရစ် အယ်ဒိုဂန် က ယမန်နေ့တွင် တောင်းဆို လိုက်ကြောင်း သိရသည်။

အစ္စလာမ္မစ် စစ်သွေးကြွများ ၏ အကြမ်းဖက် တိုက်ခိုက်မှု များကို လေကြောင်းမှ တိုက်ခိုက်ခြင်း အားဖြင့် အပြီးသတ် ချေမှုန်း တိုက်ခိုက်ရန် မဖြစ်နိုင် သောကြောင့် ယင်းစစ်သွေးကြွ များကို တိုက်ခိုက်ရန် မြေပြင် တပ်ဖွဲ့များကို စေလွှတ် ပေးရန် သမ္မတ အယ်ဒိုဂန် က တောင်းဆိုခဲ့ခြင်း ဖြစ်သည်။

ထို့ပြင် စစ်သွေးကြွ များကို တိုက်ခိုက် နေသည့် တိုက်ခိုက်ရေး သမားကို လက်နက်များ နှင့် သင်တန်းများ ပေးရေး၊ အန္တရာယ် ကင်းရှင်းရေး ဇုန်နှင့် လေယာဉ် မပျံသန်းရဇုန် ကို တည်ထောင် ပေးရန် အနောက် နိုင်ငံများသို့ အယ်ဒိုဂန် က တောင်းဆို ခဲ့ကြောင်း သိရသည်။

စစ်သွေးကြွ များကို စစ်ရေးအရ တိုက်ခိုက်ရန် တူရကီ ပါလီမန် က လွန်ခဲ့သည့် သီတင်းပတ် အတွင်းက အတည်ပြု သဘောတူညီ ခဲ့သော်လည်း အဆိုပါ စစ်သွေးကြွ များသည် ယခုအခါ တူရကီနိုင်ငံ နယ်စပ်အနီး အထိ ရောက်ရှိ လာခဲ့ပြီး ယင်းနိုင်ငံ၏ လုံခြုံရေး ကိုပင် ခြိမ်းခြောက် လာခဲ့ကြောင်း သိရသည်။

ပါလီမန်၏ သဘော တူညီချက် အရ ပြည်ပ တပ်ဖွဲ့များ အနေဖြင့် လိုအပ်ပါက တူရကီ နယ်မြေများကို ဖြတ်သန်း၍ စစ်သွေးကြွ များကို တိုက်ခိုက်ရန် နှင့် အဆိုပါ ပြည်ပ တပ်များကို တူရကီ ပိုင်နက်အတွင်း ဖြန့်ကြက် ချထားခြင်း ကိုပါ ခွင့်ပြု ထားကြောင်း သိရသည်။

ယခုအခါ တူရကီ အစိုးရသည် ဆီးရီးယား နှင့် ထိစပ်နေသည့် ၄င်းတို့၏ နယ်စပ် ပိုင်နက်အတွင်း တင့်ကားများ နှင့် တပ်ဖွဲ့ အများအပြား ကို ဖြန့်ကြက် ချထားကြောင်း သိရသည်။

#PyiChitThar
http://www.pyichitthar.com/2014/10/blog-post_12.html




“ထိုင်းရဟတ်ယာဉ်မှူးအား ကယ်ဆယ်ပြီး ကျန်းမာရေး စောင့်ရှောက်မှုများ ပြုလုပ်ပေးနေ”

ထူးဖောင်ဒေးရှင်းမှ ကယ်ဆယ်ရေး အဖွဲ့သည် ဒဏ်ရာ ရရှိထားသော ထိုင်းရဟတ်ယာဉ်မှူး Chatchawal အား ယနေ့ အောက်တိုဘာ(၈)ရက်၊ ညနေ ၅ နာရီခန့်တွင် ကယ်ဆယ်ရေး ရဟတ်ယာဉ် B3 ဖြင့် လန်ဆာထုရွာမှ ပူတာအိုသို့ အောင်မြင်စွာ ခေါ်ဆောင်နိုင်ခဲ့ပါသည်။

အဆိုပါ ထိုင်းရဟတ်ယာဉ်မှူး Chatchawal အား ယခုရောက်ရှိသော ပူတာအိုမြို့တွင် ဒေါက်တာ အိုလီဗာနှင့် ဆေးအဖွဲ့မှ လိုအပ်သော ကျန်းမားရေး စောင့်ရှောက်မှုများ ပြုလုပ်ပေးခဲ့ပါသည်။

ပူတာအိုတွင် ကျန်းမာရေး စောင့်ရှောက်မှုများ ပြုလုပ်ပြီးနောက် ထိုင်းရဟတ်ယာဉ်မှူး Mr.Chatchawal အား တင်ဆောင်သွားသည့် လေယာဉ်သည် မန္တလေးမြို့သို့ ထွက်ခွာသွားပြီ ဖြစ်ပါသည်။

ထိုင်း ရဟတ်ယာဉ်မှူး Chatchawal ရောက်ရှိနေသည့် တောအုပ်အတွင်းသို့ ဒေသခံ ရ၀မ်လူမျိုးများနှင့် ထူးဖောင်ဒေးရှင်း ကယ်ဆယ်ရေးအဖွဲ့မှ ရှေးဦးစွာ သွားရောက် ခေါ်ဆောင်ခဲ့ပြီးနောက် လန်ဆာထုရွာမှနေ၍ ပူတာအိုသို့ ဆေးကုသမှု ခံယူရန် ချက်ချင်း သယ်ဆောင်ခဲ့ခြင်းဖြစ်သည်။

ထပ်မံကျန်ရှိနေသည့် မြန်မာ ရဟတ်ယာဉ်မှူး အောင်မြတ်တိုး အားလည်း အမြန်ဆုံးပြန်လည် ကယ်ဆယ်နိုင်ရေးအတွက် နာယကကြီးဦးတေဇ ကိုယ်တိုင် ဦးဆောင်ပြီး ရှာဖွေကယ်ဆယ်ရေး အဖွဲ့များ ကြိုးစားလုပ်ဆောင်လျက် ရှိပါသည်။

Htoo Foundation
https://www.facebook.com/HtooFoundation


ထိုင်းနိုင်ငံ ခိုတောင်းကျွန်း လူသတ်မှု စစ်ဆေးရာမှာ မြန်မာ အလုပ်သမား ၂ ဦးကို ထိုင်းရဲတပ်ဖွဲ့က နှိပ်စက်ညှင်းပန်း ခဲ့တယ်ဆိုတဲ့ စွပ်စွဲချက်တွေနဲ့ ပတ်သက်ပြီး စုံစမ်း စစ်ဆေးပေးဖို့ လန်ဒန်အခြေစိုက် အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ AI က ထိုင်းအစိုးရကို ဒီကနေ့ တိုက်တွန်း လိုက်ပါတယ်။

အဖမ်းခံထားရတဲ့ မြန်မာ အလုပ်သမား ၂ ဦးအနေနဲ့ ထိုင်းရဲတပ်ဖွဲ့က ရိုက်နှက်စစ်ဆေး ခဲ့တဲ့ အတွက် လူသတ်မှု ကျူးလွန်ကြောင်း ဝန်ခံခဲ့ရတယ်လို့ မနေ့က တွေ့ဆုံခဲ့တဲ့ မြန်မာသံရုံး ကိုယ်စားလှယ်အဖွဲ့က ရှေ့နေရဲ့ ပြောဆိုချက်ကို ကိုးကားပြီး AI အဖွဲ့က အခုလို တောင်းဆို လိုက်တာ ဖြစ်ပါတယ်။

ထိုင်းရဲတွေအနေနဲ့ မြန်မာရွေ့ပြောင်း အလုပ်သမားတွေကို လူမဆန်စွာ ဖိနှိပ်ညဉ်းပန်းတာတွေ ရှိနေကြောင်း တခြားသတင်းရပ်ကွက်တွေက ထုတ်ဖော်ပြောဆို ကြတာလည်း ရှိကြောင်း၊ ထိုင်းအာဏာပိုင်တွေ အနေနဲ့ ထိုင်းရဲတပ်ဖွဲ့ရဲ့ လုပ်ရပ်တွေနဲ့ ပတ်သက်လို့ လွတ်လပ်ထိရောက်ပြီး ပွင့်လင်းမြင်သာတဲ့ စုံစမ်းစစ်ဆေးရေးတစ်ရပ် စတင်ဖို့ လိုအပ်ကြောင်း၊ နိုင်ငံတကာက အထူးအာရုံစိုက်တဲ့ ဒုစရိုက်မှုတစ်ခုကို ဖြေရှင်းရာမှာ တရားမမျှတတဲ့ စီရင်မှုမျိုးအပါအဝင် တခြားသူတွေရဲ့အခွင့်အရေးကို ချိုးဖောက်တာမျိုး မရှိသင့်ကြောင်းလည်း AI အဖွဲ့က တောင်းဆိုထားပါတယ်။

ထိုင်းရဲတပ်ဖွဲ့ကတော့ ရိုက်နှက်စစ်ဆေးတယ်ဆိုတာကို ငြင်းဆိုထားပြီး ဝန်ခံချက်နဲ့အတူ မျိုးရိုးဗီဇ DNA စစ်ဆေးချက်ပါ အထောက်အထားရှိကြောင်း မနေ့က ပြောဆိုထားပါတယ်။

ထိုင်းနိုင်ငံ လိပ်ကျွန်းလူသတ်မှုမှာ စွပ်စွဲခံထားရတဲ့ မြန်မာနိုင်ငံသား လူငယ်နှစ်ဦးဟာ ဥပဒေကြောင်းအရ အပြည့်အ၀ အကာအကွယ်ရဖို့နဲ့ မှန်ကန်စွာဖြေရှင်းနိုင်တဲ့ အခွင့်အရေး တွေရဖို့ လိုမယ်လို့ ထောက်ပြနေကြပါတယ်။

RFA Burmese
https://www.facebook.com/pages/RFA-Burmese/39218993127?fref=nf


ထိုင်းရဲတပ်ဖွဲ့၏ အမှုစွဲဆိုရန် တင်ပြချက်ကို ထိုင်းနိုင်ငံ အစိုးရ ဥပဒေ အကြံပေး အဖွဲ့မှ တရားစွဲတင်ရန် မလုံလောက်ဟူသော အကြောင်း ပြချက်ဖြင့် ပယ်ချ လိုက်ကြောင်း သတင်း ရရှိသည်။

အမှုကိုပြည့်စုံ တိကျအောင်ပြန်လည် တည်ဆောက် ရမည်ဖြစ်၍ စွပ်စွဲခံရသော မြန်မာ လူငယ်နှစ်ဦး အတွက် မျှော်လင့်ချက် ရောင်ခြည်ပင် ဖြစ်တော့သည်။

ယင်းအပြင် ယခုအခြေအနေတွင် ထိုင်းရဲတပ်ဖွဲ့က နောက်တကြိမ်အမှုမတည်ဆောက်ခင်တွင် မြန်မာ အစိုးရအနေနှင့် အထူးစုံစမ်းရေး အဖွဲ့ အမြန်ဆုံး စေလွှတ်ရန် လိုအပ်ကြောင်း ၎င်းတို့အဖွဲ့၏ အကြံပေး ဖြစ်သူ ထိုင်းအမျိုးသမီး ရှေ့နေက အကြံပေးကြောင်းလည်း သိရသည်။

“ဟုတ်ပါတယ်ခင်ဗျ၊ ဟုတ်ပါတယ်၊ သေချာသွားပါပြီ၊ ကျွန်တော်တို့ ထိုင်းရှေ့နေအမျိုးသမီး ဖုန်တောက်ရှောက်ဖွင့်ပြီးတော့ ကျွန်တော်တို့ ဖြေနေတာ၊ ဒီညနေပိုင်းက သတင်းရရှိပါတယ်။ ဘာဆက်လုပ်ရမလဲဆို ထိုင်းရှေ့နေက အကြံပေးတားက မြန်မာအစိုးရအနေနဲ့ ထိုင်းရဲက နောက်တကြိမ် အမှုတွဲမတင်နိုင်ခင် မြန်မြန်ဆန်ဆန်လာရောက်ပြီး အထူးစုံစမ်းရေးအဖွဲ့ အမြန်ဆုံးလာရောက်ဖို့လိုတယ်လို့ ပြောပါတယ်၊ မြန်မာအစိုးရအနေနဲ့ မှုခင်းဆိုင်ရာ ကျွမ်းကျင်တဲ့ ဆရာဝန်တို့၊ ရဲတို့ CID တို့နဲ့ အမြန်လာရောက်ဖို့လာတယ်လို့ ထိုင်းရှေ့နေမက အကြံပေးပါတယ် နော်၊ အာမခံကတော့ ပိုက်ဆံရှိရင် ရနိုင်တာပေါ့ဗျာ” ထိုင်းနိုင်ငံရောက် မြန်မာနိုင်ငံသားများအသင်း ညွှန်ကြားရေးမှူး ဦးကျော်သောင်းက News Watch ကို ပြောသည်။

ထိုင်းနိုင်ငံ၊ စူရတ်နီဌာနီခရိုင်၊ ခိုတောင်ကျွန်း (လိပ်ကျွန်း) တွင် စက်တင်ဘာ ၁၅ ရက်နေ့ လပြည့်နေ့ ပွဲတော်ညက အသက် ၂၀ ကျော် ဗြိတိန်စုံတွဲတစ်တွဲ အသတ်ခံရမှုတွင် မြန်မာနိုင်ငံသား ဇော်လင်းနှင့် ၀င်းဇော်ထွန်းတို့ကို သံသယရှိသူများအဖြစ် ထိုင်းရဲက ဖမ်းဆီးကာတရားစွဲဆိုထားသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ဗြိတိသျှ နှစ်ဦး အသတ်ခံရမှုနဲ့ ပတ်သက်ပြီး အောက်တုိုဘာလ ၁၄ ရက်နေ့မှာ တရားရုံးကို လွှဲပြောင်း မယ်လုို့ ထုိုင်း အစုိုးရ အထူးရှေ့နေတဦးက ပြောပါတယ်။ ခွန်ဘသာ တင်ဆက်ထားပါတယ်။ DVB


ဆီးရီးယားနိုင်ငံနယ်စပ်မှာ အမေရိကန်က ဦးဆောင်တဲ့ ညွန့်ပေါင်းတပ်တွေ လေကြောင်း တိုက်ခိုက်မှုတွေ ပြုလုပ်ခဲ့ပေမဲ့ Kobani မြို့ကိုတော့ IS အစ္စလာမ်မစ် စစ်သွေးကြွတွေရဲ့ ထိုးစစ်ကနေ အကာအကွယ် မပေးနိုင်ခဲ့ပါဘူး။

နယ်စပ်က Kobani မြို့ကို IS အစ္စလာမ် မစ်စစ်သွေးကြွတွေရဲ့ ထိုးစစ်ကနေ Kurds တိုက်ခိုက်ရေး သမား တွေ သုံးပတ်ကြာ ခုခံနေခဲ့ပေမဲ့ မြို့က IS စစ်သွေးကြွတွေရဲ့ လက်ထဲ ကျရောက်လုဆဲ ဖြစ်နေတယ်လို့ တူရကီ သမ္မတက ပြောပါတယ်။

Ayn al-Arab ခေါ် Kobani မြို့နားက လေယာဉ်ပစ်အမြှောက်တင် မော်တော်ယာဉ်တစီး အပါအဝင် IS ပစ်မှတ်တွေကို တနင်္လာနေ့ညပိုင်းနဲ့ အင်္ဂါနေ့အစောပိုင်းမှာ လေကြောင်းတိုက်ခိုက်မှုတွေ ပြုလုပ်ခဲ့တယ်လို့ အမေရိကန် စစ်တပ်က ပြောပါတယ်။

IS စစ်သွေးကြွတွေကို မြေပြင်ကနေပြန်ပြီး တိုက်မထုတ်နိုင်ဘူးဆိုရင် IS စစ်သွေးကြွတွေဟာ ဆီးရီးယားနဲ့ တူရကီ နယ်စပ်တလျှောက် ဒေသတွေကို ထိန်းချုပ်နိုင်သွားလိမ့်မယ်လို့ တူရကီသမ္မတ Recep Tayyip Erdogan က ပြောပါတယ်။

Kurds နွယ်ဘွားတွေ အများစု နေထိုင်တဲ့ အဲဒီနယ်စပ်မြို့မှာ သီတင်း နှစ်ပတ်ကြာဖြစ်ပွားနေတဲ့ တိုက်ခိုက်မှုတွေကြောင့် အရပ်သားအယောက် ၂၀ အပါအဝင် လူပေါင်းအယောက် ၄၀၀ မက သေဆုံးခဲ့ရပြီလို့ ဆီးရီးယားစောင့်ကြည့်ရေးအဖွဲ့က ပြောပါတယ်။

ဗွီအိုအေ (မြန်မာပိုင်း)
http://burmese.voanews.com/content/isis-syria/2475319.html


ထိုင်းနိုင်ငံဆိုင်ရာ မြန်မာသံရုံး ဒုတိယအတွင်းဝန် ဦးထွန်းအေး ဦးဆောင်တဲ့အဖွဲ့ဟာ လူသတ်မှု အခင်း ဖြစ်ရာ ထိုင်းတောင်ပိုင်း စူရတ်ဌာနီခရိုင်ထဲက ခိုတောင်ကျွန်းကို သွားရောက်ပြီး မြန်မာလုပ်သားတွေနဲ့ တွေ့ဆုံအချက်အလက် စုဆောင်းပါတယ်။

လိပ်ကျွန်းလို့ လူသိများတဲ့ ဒီကျွန်းပေါ်မှာ တွေ့ကြုံရတဲ့အခြေအနေနဲ့ပတ်သက်ပြီးခရီးစဉ်မှာ လိုက်ပါသွားတဲ့ ရှေ့နေ ဦးအောင်မျိုးသန့်ကို မေးမြန်းထားပါတယ်။


By အေးနိုင် (ဒီဗွီဘီ)
http://burmese.dvb.no/archives/67087

ထားဝယ်မြို့တော်ခန်းမတွင်ပြုလုပ်သည့် တနင်္သာရီတိုင်းဒေသကြီးအတွင်းရှိ ဌာနဆိုင်ရာများ နိုင်ငံရေးပါတီများနှင့် လူမှုအဖွဲ့အစည်းများအားတွေ့ဆုံပွဲတွင် ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးတင်အေးကို တွေ့ရစဉ်

သမ္မတ၏လုပ်ပိုင်ခွင့်တွင် ရွေးကောက်ပွဲအားရွှေ့ဆိုင်းနိုင်ခွင့်ရှိသော်လည်း ရပ်ဆိုင်းပိုင်ခွင့်မရှိကြောင်းနှင့် လာမည့်ရွေးကောက်ပွဲကို သတ်မှတ်ထားသည့်အတိုင်းကျင်းပမည်ဟု ရွေးကောက်ပွဲကော်မရှင်ဥက္ကဋ္ဌ ဦးတင်အေးက ပြောကြားခဲ့သည်။

အောက်တိုဘာ ၆ ရက် မွန်းလွဲ ၂ နာရီအချိန်က ထားဝယ်မြို့ မြို့တော်ခန်းမ၌ တနင်္သာရီတိုင်းဒေသကြီးအတွင်းရှိ ဌာနဆိုင်ရာများ၊ နိုင်ငံရေးပါတီများနှင့် လူမှုအဖွဲ့အစည်းများနှင့် တွေ့ဆုံပွဲပြုလုပ်ရာတွင် တက်ရောက်လာသူများ၏မေးမြန်းမှုအပေါ် ပြန်လည်ဖြေကြားရာ၌ ယင်းသို့ထည့်သွင်းပြောကြားခဲ့ခြင်းဖြစ်သည်။

သမ္မတ၏ရွေးကောက်ပွဲအပေါ် လွှမ်းမိုးမှုနှင့်ပတ်သက်၍ ရွေးကောက်ပွဲပြုလုပ်မည့် အခြေအနေတစ်ခုအား ရွှေ့ပြောင်းရန် အခွင့်အရေးသမ္မတတွင်ရှိပါသလားဟု လူ့အခွင့်အရေးစောင့်ကြည့်လေ့လာရေးအဖွဲ့မှ ဦးသန်းဝင်းကမေးမြန်းခဲ့ပြီး ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးတင်အေးက ပြန်လည်ဖြေကြားရာတွင် "ရွေးကောက်ပွဲလုပ်ဖို့ မလုပ်ဖို့ ဆုံးဖြတ်ပိုင်ခွင့်ရှိသလားဆိုတာနဲ့ပတ်သက်ပြီးတော့ ရွေးကောက်ပွဲက ဆိုင်းလို့ရပါတယ်။ ရွှေ့လို့ရပါတယ်။ မလုပ်ရဘူးဆိုတာကတော့ ကော်မတီဥက္ကဋ္ဌအနေနဲ့ မလုပ်ဘူးဆိုတာကို ငြင်းခွင့်မရှိပါဘူး။ ဒါကအမှန်ပါပဲ။ သို့သော်လည်းပဲ ဘာကြောင့် ကြားဖြတ်ရွေးကောက်ပွဲမလုပ်ဘူးဆိုတာကိုလည်း ရှင်းပြပြီးဖြစ်ပါတယ်။ ပါတီတွေမှာလည်း ကန့်သတ်ချက်တွေရှိတယ်။ ကော်မရှင်မလည်း ကန့်သတ်ချက်တွေရှိပါတယ်။ ပါတီအားလုံးကလည်း လက်ခံပါတယ်။ အကျိုးထက် အပြစ်ကများနေလို့ ငါရွှေ့လိုက်တာဖြစ်ပါတယ်။ ပါတီတွေရဲ့သဘောတူညီချက်နဲ့ ဆိုင်ရာရဲ့သဘောတူညီချက်အရ ရွှေ့လိုက်တာဖြစ်ပါတယ်။ ရွေးကောက်ပွဲကို ဖျက်သိမ်းတာတော့မရှိဘူး။ ရွှေ့တာဆိုင်းတာက ငါ့မှာတာဝန်ရှိတယ်" ဟု ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးတင်အေးက မေးမြန်းမှုကို ပြန်လည်ဖြေကြားခဲ့သည်။

ထို့ပြင် လာမည့် ၂၀၁၅ ရွေးကောက်ပွဲအား သတ်မှတ်သည့်အချိန်တွင် ကျင်းပသွားမည်ဖြစ်ပြီး ပြီးခဲ့သည့် ၂၀၁၀ ရွေးကောက်ပွဲတွင် ပြဿနာတစ်ရပ်ဖြစ်ခဲ့သော မဲစာရင်းတွင်မပါဝင်မှုများ၊ ကြိုတင်မဲပြဿနာများမဖြစ်ပေါ်စေရန် လိုအပ်ချက်များကိုပြုပြင်၍ သေချာကြပ်မတ်ဆောင်ရွက်သွားမည်ဟုလည်း ပြောကြားသွားခဲ့သည်။ CSO များအနေဖြင့်လည်း လာမည့်ရွေးကောက်ပွဲတွင် လွတ်လပ်ပြီး တရားမျှတသည့်ရွေးကောက်ပွဲဖြစ်ရန် ပူးပေါင်းပါဝင်လာမည်ဆိုပါက ကြိုဆိုပါကြောင်း၊ ရွေးကောက်ပွဲဥပဒေကိုနားလည်ပြီး သိရှိအောင်ဆောင်ရွက်ပြီး ဥပဒေ၏အကာအကွယ်ကိုရယူသင့်ကြောင်း၊ ကော်မရှင်အဖွဲ့အနေဖြင့် မဟုတ်တာလုပ်ပါက ထုတ်ပယ်နိုင်ကြောင်းလည်း ထည့်သွင်းပြောကြားသွားခဲ့သည်။

ပြီးခဲ့သည့် အောက်တိုဘာ ၁ ရက်က နိုင်ငံတော်သမ္မတဦးသိန်းစိန်က ရေဒီယိုမှတစ်ဆင့် ပြည်သူများအားမိန့်ခွန်းပြောကြားခဲ့ရာတွင် တစ်နိုင်ငံလုံးအတိုင်းအတာအပစ်ရပ်စဲရေးဆောင်ရွက်ပြီး နိုင်ငံရေးဆွေးနွေးပွဲများ စတင်နိုင်မှသာ ၂၀၁၅ ရွေးကောက်ပွဲ အောင်မြင်စွာကျင်းပနိုင်မှုနှင့် ညင်သာသည့် နိုင်ငံရေးအသွင်ကူးပြောင်းမှုများကို သေချာစေမည်ကို သတိပြုမိစေလိုဟု ပြောကြားချက်နှင့်ပတ်သက်၍ နိုင်ငံတော်သမ္မတအနေဖြင့် ရွေးကောက်ပွဲအပေါ်လွှမ်းမိုးမှုရှိနေပြီး အပစ်အခတ်မရပ်စဲဘဲ နိုင်ငံရေးဆွေးနွေးပွဲများမစတင်နိုင်ပါက လာမည့် ၂၀၁၅ ရွေးကောက်ပွဲအား ပြုလုပ်နိုင်မည်မဟုတ်ဟု ပြောဆိုသည့်အဓိပ္ပာယ် သက်ရောက်နေမှုကြောင့် ရွေးကောက်ပွဲကျင်းပမှုအပေါ် သမ္မတက ခြိမ်းခြောက်သည့်သဘောဖြစ်နေကြောင်း နိုင်ငံရေးပါတီများနှင့် လူ့အခွင့်အရေးစောင့်ကြည့်သူများအကြား ဝေဖန်မှုများရှိခဲ့သည်။ လက်ရှိအခြေအနေတွင်လည်း တိုင်းရင်းသားလက်နက်ကိုင်အဖွဲ့များနှင့် အပစ်အခတ်ရပ်စဲပြီး ငြိမ်းချမ်းရေးဆွေးနွေးပွဲများ ကျင်းပနေစဉ်ကာလတွင် တိုင်းရင်းသားလက်နက်ကိုင်များရှိနေသည့်ဒေသများအား အစိုးရစစ်တပ်မှ ထိုးစစ်ဆင်ခြင်းနှင့် နှစ်ဖက်လက်နက်ကိုင်တပ်ဖွဲ့များအကြား ပစ်ခတ်မှုများဖြစ်ပွားခဲ့သဖြင့် သမ္မတ၏ပြောကြားချက်အရ အပစ်အခတ်မရပ်စဲနိုင်ဘဲ နိုင်ငံရေးဆွေးနွေးပွဲများ မစတင်နိုင်မည့်အခြေအနေသို့ ရောက်ရှိနိုင်ပြီး ယင်းအခြေအနေက လာမည့်ရွေးကောက်ပွဲအပေါ် ရိုက်ခတ်မှုရှိလာမည်ကို နိုင်ငံရေးလေ့လာသူများက စိုးရိမ်နေကြကြောင်း သိရသည်။

သတင်း- Eleven media group


Written by မင်းမင်း
ရန်ကုန် (မဇ္ဈိမ) ။ ။ ၂၀၀၄ခုနှစ် အောက်တိုဘာလ ၁၉ရက်က အများပိုင်ပစ္စည်း ကာကွယ်စောင့်ရှောက်မှုဥပဒေ (အပစ-၃)၊ ၁၉၅၀ပြည့်နှစ်၊ အရေးပေါ်စီမံမှု အက်ဥပဒေ ၅(စ) စသည့် ပုဒ်မများဖြင့် ထောင်ဒဏ် ၁၅၂နှစ် ချမှတ်ခံခဲ့ရသည့် ထောက်လှမ်းရေးတပ်မှ ဗိုလ်မှူးချုပ် (ဟောင်း) ဦးသိန်းဆွေသည် အကျဉ်းကျပြီး ၁၀နှစ်ပြည့်ရန် ၁၆ ရက်အလို အောက်တိုဘာ ၇ ရက်က မြင်းခြံထောင်မှ လွတ်မြောက်လာပြီ ဖြစ်သည်။ ၎င်းက အောက်တိုဘာ ၂၉ရက်တွင် အသက် ၇၁နှစ် ပြည့်မည်ဖြစ်သည်။ ဗိုလ်မှူးချုပ်(ဟောင်း) ဦးသိန်းဆွေအား အကျဉ်းထောင်ထဲမှ ထွက်လာအပြီး ဆက်လက်လုပ်ဆောင်မည့် အစီအစဉ်များနှင့် ပတ်သက်၍ မဇ္ဈိမက သီးသန့်မေးမြန်းထားသည်ကို ကောက်နုတ် ဖော်ပြလိုက်သည်။
Thein-Swe
မေး- အခု အစိုးရက လွတ်ငြိမ်းချမ်းသာခွင့် ပေးလိုက်ပြီဆိုတော့ အပြင်မှာ ဘာဆက်လုပ်ဖို့ ရှိပါသလဲ။

ဖြေ - အပြင်ရောက်ရင်တော့ ဘာမှတော့ ဆက်လုပ်ဖို့မရှိပါဘူး။ နည်းနည်းပါးပါးလေး စီးပွားရေး လုပ်ငန်းလေး ဘာလေး လုပ်ဖို့ ဒီလောက်ပဲရှိပါတယ်။ ကျန်တာတော့ အန်ကယ်လ်ကလည်း အသက်ကလည်းကြီးနေပြီလေ။ တရားလေးဘာလေးအားထုတ်ပေါ့။ အဲ့လောက်လေးပဲ အစီအစဉ်ရှိပါတယ်။ ကျန်တဲ့ နိုင်ငံရေးတို့ဘာတို့ကတော့ စိတ်လည်းမဝင်စားဘူးလေ။ ကိုယ့်ဟာကိုယ် အေးဆေးလေးနေချင်တာ ဒါပဲရှိတယ်။
မေး - အခု ကျန်းမာရေးရော ဘယ်လိုရှိပါသလဲ။

ဖြေ - ကျန်းမာရေးကတော့ လူကြီးကောင်းပေါ့။ ထမင်းထောင်းပြီးတော့ စားနေရာတာ တစ်နှစ်လောက်ရှိနေပြီ။ သွားတွေလည်း မကောင်း၊ ဆီးကြိတ်ကလည်း ခွဲရမှာလေ။ ကျန်တာတော့ လဲနေတဲ့ပုံစံမျိုးတော့ မဟုတ်ဘူးပေါ့။
မေး- အထဲမှာနေရတဲ့ အခြေအနေကရော ဘယ်လိုရှိပါသလဲ ခင်ဗျ။

ဖြေ - အဆင်ပြေပါတယ်။ အခန်းတွေလည်း ကောင်းတယ်။ စားတာသောက်တာ ဘာညာလည်း နောက်ပိုင်းမှာ သူတို့ တော်တော်လေးကောင်းအောင် လုပ်ပေးတယ်ဆိုတော့ ပြဿနာမ ရှိပါဘူး။ ကောင်းတယ်လို့ပဲ ပြောရမယ်။
မေး- အထဲမှာ စာဖတ်တာတို့၊ ရေဒီယိုနားထောင်တာတို့ လုပ်လို့ရပါသလား။

ဖြေ - ရပါတယ်။ ကြိုက်တဲ့သတင်း၊ ကြိုက်တဲ့ဂျာနယ် ဖတ်လို့ရတယ်။ နောက် ရေဒီယိုတို့၊ တီဗွီတို့လည်း နားထောင်ခွင့် ပေးထားတယ်လေ။ တော်တော်တော့ အဆင်ပြေပါတယ်။
မေး - ရေဒီယိုနားထောင်ရတယ်ဆိုတော့ နိုင်ငံခြားသတင်းဌာနတွေက လွှင့်တဲ့ ရေဒီယိုတွေရော နားထောင်လို့ရလား။ ဥပမာ- ဘီဘီစီတို့၊ ဗွီအိုအေတို့ပေါ့။

ဖြေ - အဲ့ဒီဟာတော့ နားထောင်လို့မရဘူး။ local Radio Station တွေ၊ FM တို့ဘာတို့တော့ နားထောင်လို့ရပါတယ်။ ဘာလို့လည်းဆိုတော့ ကျွန်တော်တို့ကို ပေးထားတဲ့စက်တွေက FM ပဲ ဖမ်းလို့ရတာကိုး။
မေး - အခုလက်ရှိနိုင်ငံရေးအနေအထားကိုရော ဘယ်လိုမြင်ပါသလဲ။

ဖြေ - အဲ့ဒါကျတော့ အထဲထဲမှာ ကိုယ်ရတဲ့ သတင်းတွေက ပြတ်တောင်း၊ ပြတ်တောင်းတွေ ဖြစ်နေတာဆိုတော့ ဒီဟာကိုတော့ သိပ်ပြီးတော့ ပြောလို့ရှိရင် မှန်မယ့်အနေအထားမှာမရှိဘူးပေါ့။
မေး - လက်ရှိအနေအထားကို ဘယ်လိုမျိုးရော သုံးသပ်ချင်လဲ။

ဖြေ - ဒါကတော့ သူတို့လည်း အကောင်းဆုံးလုပ်နေတဲ့ အခါကျတော့၊ အရင်ကနဲ့စာရင်တော့ သူတို့အများကြီး ကြိုးပမ်းပြီး လုပ်နေတယ်ဆိုတော့ ဒီဟာလုပ်တာတော့ ခွင့်ပြုပေးရမှာပေါ့လေ။ ဒါပေမယ့် လုပ်တာကိုင်တာတွေက အများကြီးဆိုတော့ ချက်ချင်းကြီးနေ့ချင်း၊ ညချင်းပြီးမယ့်ဟာတွေက သိပ်ပြီးတော့ လောလို့မရဘူးပေါ့။ အဲ့ဒါလေးပါပဲ။
မေး - အထဲမှာ ဘယ်လောက်ကြာကြာ နေလိုက်ရပါသလဲ။

ဖြေ - ဆယ်နှစ်ပြည့်ဖို့ ၁၆ရက်ပဲ လိုတာပေါ့။
မေး- ဘာပြစ်မှုနဲ့ ချလိုက်တာလဲခင်ဗျ။

ဖြေ - ရာဇဝတ်ပုဒ်မတွေပေါ့။ အပစ ၃တို့၊ ၅ ဇ တို့၊ နောက်ပြီးတော့ ဖိုးတွမ်တိ (420) လည်းပါသေးတယ်။ အဲ့လိုဟာမျိုးတွေပေါ့။ ပြည်သူပိုင်ပစ္စည်းကာကွယ်မှု ဥပဒေတွေ၊ အဲ့ဒါမျိုးတွေပေါ့။ ကျွန်တော်လည်း အသေးစိတ်တော့ မပြောတတ်ဘူး။
မေး - ဒါဆိုရင် နိုင်ငံရေးအကျဉ်းသားလို့ ခေါ်လို့ရမလား ခင်ဗျ။

ဖြေ - သူတို့ မသတ်မှတ်ပါဘူး။ သာမန် အကျဉ်းသားပဲပေါ့။

ဝါတွင်းသုံးလကုန်ဆုံးလို့ သီတင်းကျွတ်ပွဲတော်ရောက်ရှိပါတော့မယ်။ ၀ါကျွတ်ပြီ ဆိုတာနဲ့ ကျွန်တော်တို့ မန်းလေးမြို့ရဲ့ ပျော်စရာအကောင်းဆုံးအချိန်တွေ ရောက်တော့မှာပေါ့ဗျာ။ အဝေးရောက်ရွှေမန်းသားတွေ မလွမ်းဘဲ သတိမရပဲမနေနိုင်တဲ့ အချိန်တွေပေါ့။ ကိုယ့်မြို့ကို မပြန်နိုင်တဲ့ သူတွေအဖို့ လွမ်းနာကြတဲ့အချိန် တွေဆိုရင်လည်းမမှာဘူးပေါ့ဗျာ။

သီတင်းကျွတ်ပွဲတော်ဆိုတာ မန်းလေးမြို့ရဲ့ ပျော်စရာ အကောင်းဆုံးပွဲတော်တွေထဲက ပွဲတော်တစ်ခုပါ။ အနယ်အနယ်အရပ်ရပ်မှာ ရှိတဲ့ ရွှေမန်းသားတွေ အတက်နိုင်ဆုံးကိုယ့်မြို့ကိုရောက်အောင် ပြန်ပြီး သီတင်းကျွတ်ပွဲကို ဆင်နွှဲကြကာ မိဘဆရာသမားတွေပြန်ကန်တော့ကြပါတယ်။ ၀ါကျွတ်ပြီဆိုတာနဲ့ မန်းလေးတစ်မြို့လုံး ပွဲလမ်းသဘင်တွေမပျက်တော့ပါဘူး။ ရပ်ကွက်တိုင်းရဲ့ ဘုရားပွဲတော်တွေနဲ့ ဆိုင်းသံ ဗုံသံ မကြားရတဲ့နေ့ဆိုတာ မရှိသလောက်ပါပဲ။

ကျွန်တော်တို့ ကျောင်းသားဘ၀ကတော့ သီတင်းကျွတ်ကျောင်းပိတ်ရက်ကို လက်ချိုးရေပြီးစောင့်နေရတာအမောပါပဲ။ စာသင်နှစ်တစ်ခုရဲ့ ပထမဆုံး ရက်ရှည်ကျောင်းပိတ်တာဆိုတော့ အရမ်းမျော်ခဲ့ကြ ပျော်ခဲ့ကြတာပါ။ သီတင်းကျွတ်လဆန်းပြီဆိုတာနဲ့ ဈေးဆိုင်တွေကလည်း မီပုံး ၊ မီးထွန်းကားများ စတင်ရောင်းချကြပါတယ်။ အိမ်ကို ၀ယ်ပေးဖို့ပူဇာရတာလည်း အမောပါပဲ။ ညမှောင်ပြီဆိုတာနဲ့ မီပုံးကားကိုထုတ်ပြီး အိမ်ရှေ့ကလမ်းပေါ်မှာ လမ်းထဲက ကလေးတွေနဲ့ အပြိုင်အဆိုင်ဆွဲကြတာ။ လမ်းတစ်ခုလုံး မီးထွန်းကား၊ သင်္ဘောတွေ၊ လေယာဉ်တွေ၊ အရုပ်မျိုးစုံက မီးရောင်စုံဖြင့် ကူးသန်းယှက်နွယ်ပြီး လှချင်တိုင်း လှနေကြတော့တာပါပဲ။ ဆွဲရင်းမှောက်လို့ မီးလောင်တဲ့ မီးထွန်းကား ကလည်း တစ်ညနှစ်စီးလောက်ကတော့ အနည်းဆုံးပဲ။ သီတင်းကျွတ်မရောက်သေးဘူး ကလေးတစ်ယောက် မီထွန်းကားနှစ်စီးလောက်ကတော့ အနည်းဆုံးကုန်ကြတာ။

ဖရောင်းတိုင်ထွန်းလို့ အရေပျော်ကုန်တဲ့ ဖရောင်းခဲတွေကိုစုပြီး ဆီးမီးခွက်ထဲထည့် အောက်က မီးအပူပေးပြီးရေနဲ့ဖြန်းတဲ့ မီးသရဲလုပ်တိုင်းလည်း ကစားကြတယ်။ မီးသရဲကစားတယ်ဆိုတာက ဖရောင်းခဲတွေ နဲ့မီးစာ တစ်စကို ဆီးမီးခွက်ထဲထည့် အောက်ကနေမီးအပူပေးပါတယ်။ ဖယောင်းတွေ ပွက်လာပြီးဆိုရင် ဆီးမီးခွက်ထဲကမီးစာကိုမီးညှိလိုက်ပါတယ်။ ဆီမီးခွက်ထဲက ဖယောင်းရေတွေ မီးတောက်နေပြီဆိုမှ မက်တက်ရပ် လက်ကိုရေဆွတ်ပြီး မီးတောက်ပေါ်ကို ရေမှုန်လေးတွေ ဖြန်းလိုက်ရင် ၀ုန်းဆိုပြီး မီးလုံးကြီးတက်လာတာပါ။ ထိုင်ဖြန်းရင်တော့ မျက်နှာ မီးလာဟက်ပါလိမ့်မယ်။ မီးလုံးကြီးတက်လာပြီဆိုရင် ဟေး ၀ါးဆိုပြီး အော်ရတာ တကယ်ပျော်စရာပါ။ ဒါကို မီးသရဲ မီးသရဲလုပ်တမ်းဆော့တယ်လို့ ခေါ်တာပါ။ ခုခေတ်ကလေးတွေတော့ သိပ်သိကြမယ်မထင်ပါဘူး။ ဆော့တာလည်း သိပ်မတွေ့ရတော့ပါဘူး။

သီတင်းကျွတ်လပြည့်နေမတိုင်မှီ မန်းလေးမြို့ရဲ့ ပထမဆုံးဘုရားပွဲလို့ ပြောလို့ရတဲ့ လမ်းလယ် မြတ်စွာဘုရားပွဲတော်ကို သီတင်းကျွတ် လဆန်း (၁၀၊၁၁) မှာစတင်ကျင်းပကြပါတယ်။ ဒါပေမယ့် သီတင်းကျွတ်လဆန်း ၁ ရက်နေ့လောက်ကစပြီး အိုးပုတ်သည်တွေနဲ့ စတင်စည်းကားနေပါပြီ။ အိုးပုတ်တွေအများကြီးရောင်းလို့ အိုးပုတ်ပွဲလို့ခေါ်သလို အိုးပုတ်ခိုးပွဲလို့ခေါ်ကြပါတယ်။ ကလေးရောလူကြီးရော အပျော်အဖြစ် ရှေ့က၀ယ်နောက်ကနေ တစ်ခုစနှစ်ခုစ ခိုးကြတာပါ။ ဈေးသည်တွေကလည်း သိပေမယ့် ဘာမှမပြောကြပါဘူး။ ကလေးဆော့တဲ့ အိုးပုတ် ချိုးရုပ်တွေ၊ စုဘူးတွေ၊ ဆီမီးခွက်တွေ အဓိကထားရောင်းကြပါတယ်။ သီတင်းကျွတ်မှာ ဆီမီးထွန်းဖို့အတွက် ဆီမီးခွက်တွေကို ဒီဘုရားပွဲမှာ အဓိက၀ယ်ကြပါတယ်။

မန်းလေး ဇာတ်တွေအငြိမ့်တွေ အနေနဲ့ကလည်း ဒီဘုရားပွဲမှာ ပထမဆုံး သေတ္တာဖွင့်ကပြရတယ်လို့ ဆိုကြပါတယ်။အရင်ကတော့ အငြိမ့်သုံးဖွဲ့လောက်နဲ့ ဇာတ်တစ်ဇာတ် အနည်းဆုံးပါပါတယ်။ အခုတော့ ဇာတ်ပွဲတစ်ခုတောင်အနိုင်နိုင်ထည့်နေရတဲ့အခြေအနေဖြစ်နေပါပြီတဲ့။ ဒီပွဲပြီးတာနဲ့ဆက်တိုက်ဆိုသလို အိမ်တော်ရာဘုရားပွဲ၊ သကျသီဟဘုရားပွဲ ကျောက်တော်ကြီး ဘုရားပွဲများကျင်းပပါတယ်။ မန္တလေးမှာ ဘုရားပွဲများကို လမ်းလယ်ဘုရားပွဲ (သီတင်းကျွတ်) နဲ့ စပြီး ၀ါခင်းကုန်းဘုရားပွဲ (တပေါင်း)နဲ့ ပိတ်တယ်လို့ ဆိုကြပါတယ်။

သီတင်းကျွတ်လပြည့်နေ့ရောက်ပြီဆိုရင်တော့ မနက်လင်းကတည်းက အ၀တ်အစားအသစ်တွေဝတ် စက်ဘီး မြင်းလှည်း ဆိုက်ကား အမျိုးမျိုးအဖုံဖုံနဲ့ မန်းလေးမြို့က တန်ခိုးကြီးဘုရားတွေ သွားရောက်ဖူးမျော်ကြ သက်ကြီးရွယ်အို အဖိုးအဖွား၊ မိဘဆရာသမားများကို လိုက်ပြီးကန်တော့ကြနဲ့ တစ်မြို့လုံး ပျာပန်းခတ် နေတော့ပါပဲ။ ညပိုင်းမှာဆိုရင် တစ်မြို့လုံးက တန်ခိုးကြီးဘုရားတွေ၊ ရပ်ကွက် ဓမ္မာရုံတွေမှာ မှာ ဆီမီး တစ်ထောင်၊ တစ်သောင်း ထွန်းညှိပူဇော်ကြသလို မိမိအိမ်ရှေ့နဲ့ အိမ်ထဲမှာလည်း နေရာလက်မကျန် ဆီမီးများထွန်းလို့ တစ်မြို့လုံးဆီးမီးရောင်တွေနဲ့ လှပနေပါတယ်။ ညပိုင်းမှာလည်း ဘုရားကြီး၊ အောင်တော်မူဘုရား စတဲ့ ဘုရားတွေမှာ ဆီးမီးထွန်းညှိပူဇော်ထားတာတွေကို လှည့်ပက်ကြည့်ရူဖူးမျော်ကြ မန်းလေးတောင်ပေါ် သွားလည်ကြနဲ့ တစ်မြို့လုံးစည်းကားနေတာပါ။

သီတင်းကျွတ်ည မန်းလေးတောင်ပေါ်ကနေ မန်းလေးမြို့ကို ကြည့်ရတဲ့ အရသာဟာ တကယ့်ကို ကြည်းနှုးစရာပါ။ တစ်မြို့လုံး လရောင်အောက်မှာ ဆီမီးရောင်တထိန်ထိန်နဲ့ လှချင်တိုင်းလှနေတော့တာပါပဲ။ ပြီးရင်တောင်အောက်ဆင်း မန်းလေးမြို့ရဲ့ အကြီးဆုံးဘုရားပွဲတော်လို့ ပြောလို့ရတဲ့ ကျောက်တော်ကြီးဘု၇ားပွဲတော်မှာဝင်နွှဲကြပါတယ်။ မုန်းဈေးတန်းလျောက်ပတ်ပြီး ဘုရားပွဲမှာရောင်းတဲ့ မုန့်မျိုးစုံဝယ်စားကြ ဇာတ်ပွဲတွေကြည့်ကြနဲ့ တကယ့်ကိုပျော်စရာကြီးပါ။ ကျောက်တော်ကြီးဘုရားပွဲမှာတော့ မြန်မာနိုင်ငံရဲ့ နာမည်ကြီးဇာတ်တွေ အပြိုင်အဆိုင်ကကြပါတယ်။
လူကြီးတွေကတော့ ဘုရားပွဲမှာလာရောင်းကြတဲ့ ဖျာတို့ စကောတို့ စသဖြင့် အိမ်အတွက်လိုအပ်တဲ့ အသုံးဆောင်ပစ္စည်းတွေ ၀ယ်ကြပါတယ်။ ညည့်နက်ပြီဆိုမှ ကျုံးဘေးအတိုင်း စက်ဘီလေးတွေနဲ့ အစွမ်းကုန်လင်းနေတဲ့ လရောင်အောက်မှာ ပြန်လာကြတာ တကယ့်ကို လွမ်းမောပျော်ရွှင်စရာကောင်းတဲ့ အချိန်တွေပါပဲ။
ဒါတွေဟာ တစ်ချိန်က မန်းလေးမြို့ရဲ့ အလွန်တရာ နွေးထွေးပျော်ရွှင်စရာကောင်းတဲ့ သီတင်းကျွတ်ပွဲတော်ပေါ့ဗျာ။ ခုတော့ လွမ်းစရာအဖြစ်ပဲကျန်ခဲ့ပါပြီ . . .

ဒီနေ့အချိန်မှာတော့ အလွန်တရာနွေးထွေးပျော်ရွှင်စရာကောင်းတဲ့ ရွှေမန်းမြို့ရဲ့ မြန်မ့ာရိုးရာ သီတင်းကျွတ်ပွဲတော်ဟာ ခေတ်စနစ်ရဲ့တိုက်စားမှု၊ တိုင်းတပါးသားတရုတ်တွေရဲ့ ၀င်ရောက်လာပြီး လွမ်းမိုးဝါးမျိုမှုကြောင့် အပြောင်းလဲကြီးပြောင်းလဲသွားပါပြီ။
အရင်ကသီတင်းကျွတ်လဆန်းပြီဆိုတာနဲ့ အပြိုင်အဆိုင်ရောင်းချတဲ့ မီးပုံများ၊ မီးထွန်းကားများနေရာမှာ တရုတ်နိုင်ငံလုပ်မီးပုံးတွေ၊ ရောင်စုံလျပ်စစ်မီးထွန်း ပစ္စည်းတွေ အစားထိုးနေရာဝင်ရောက်သွားပါပြီ။ ရှေးယခင်ကတည်းက တည်ရှိခဲ့တဲ့ မြန်မာ့လက်မှုလုပ်ငန်းတွေဖြစ်တဲ့ မီးပုံး မီးထွန်းကားလုပ်တဲ့ လုပ်ငန်းတွေဟာ ပျောက်ကွယ်သလောက်ကို ဖြစ်သွားပါတယ်။ မီးထွန်းကား မီးပုံး လက်လီ လက်ကားရောင်းတဲ့ ဈေးဆိုင်တွေကလည်းမရောင်းချတော့သလို ပြုလုပ်ရောင်းချတဲ့ လူတွေဟာလည်း ပြုလုပ်ရောင်းချမှုဟာ အလွန်နည်းပါးသွားပါပြီ။ ကလေးတွေကလည်း မီးပုံးကားဆွဲပြီးဆော့တာ မလုပ်ကြတော့ပါဘူး။ တရုတ်နိုင်ငံလုပ် မီးရူးမီးပန်းတွေ၊ဗျောက်တွေပစ်ဖောက်ပြီးဆော့ကြတယ်။ တရုတ်ကလာတဲ့ LED မီလုံးများနဲ့လုပ်ထားတဲ့ ကစားစရာတွေပြောင်းဆော့ကုန်ကြပါပြီ။

အရင်က အရဟံ၊ နဘယံ အိမ်အ၀င်ဝတွေမှာရေးထိုးထားတဲ့
အိမ်ခြံဝန်းတွေနေရာမှာ နီနီရဲရဲ ဘူးသီးကြော်ငါးပေါင်းတရုတ်စာလုံးတွေ
ကပ်ထားတဲ့ တိုက်အမြင့်ကြီးတွေဖြစ်သွားပြီး နေအိမ်ရှေ့မှာ ချိတ်ဆွဲတဲ့ မီးပုံးတွေဟာလည်း တ၇ုတ်နိုင်ငံလုပ် တရုတ်မီးပုံးတွေ အစားထိုးဝင်ရောက်သွားပါတယ်။ တမြို့လုံး တရုတ်မီးပုံးတွေချိတ်ဆွဲ တရုတ်နိုင်ငံလုပ် ဗျောက်အိုးတွေ မီးရှုးမီးပန်းတွေဖောက်ကာ တ၀ုန်းဝုန်းတဒိုင်းဒိုင်းနဲ့ တကယ့်ကို တရုတ်နှစ်သစ်ကူးပွဲတော် ကျင်းပနေသလား အောင်းမေ့ရပါတယ်။

အရင်တစ်ချိန်က အရမ်းပျော်စရာကောင်းပါတယ်ဆိုတဲ့ မန်းလေးမြို့ရဲ့ သီတင်းကျွတ်မီးထွန်းပွဲတော်ဟာ ဆိုင်ကယ်အိတ်ဇောဖြုတ်မောင်းသံတွေ ဗျောက်အိုးဖောက်သံတွေ ဆူညံပွက်ပြီး တကယ်ကို မန်းလေးမြို့သီတင်းကျွတ်ပွဲတော်ဆိုတဲ့ အနှစ်သာရ ကင်းမဲ့သွားပါပြီ။ ဒီနေရာမှာ ကျွန်တော်ပြောချင်တာက မန်းလေးမြို့ကို တိုင်းတစ်ပါးသားတရုတ်တွေ ၀င်ရောက်နေရာယူလာ တာဟာ
ကိုယ့်နေရာလေး ဖယ်ပေးလိုက်ရတာတင် မဟုတ်ဘူးဆိုတာပါပဲ။ လူမူရေး၊ စီးပွားရေး ဘာသာရေး၊ ယဉ်ကျေးမှုအနုပညာ၊ ဘာသာစကားတွေပါ အ၀ါးမျိုခံလိုက်ရတယ်ဆိုတာ မန်းလေးမြို့ရဲ့ သီတင်းကျွတ်ပွဲတော်က နမူနာပြဆိုနေပါတယ်။

တရုတ်ဗျောက်အိုးဖောက်သံတွေက ကျွန်တော်တို့ရဲ့ အိပ်ပျော်နေတဲ့ အမျိုးသားရေးအသိစိတ်တွေ နိုးထကြဖို့ တပ်လှန့်နေတာပါ။ ဒီအတိုင်း ဆက်မျောလိုက်နေမယ်ဆိုရင်တော့ ယဉ်ကျေးမှုပျောက်ရင် လူမျိူးပျောက်သွားမယ်ဆိုတဲ့အတိုင်း နောက်ဆိုရင် လူမျိုးပါပျောက် သွားပါလိမ့်မယ်ဆိုတာ သတိပေးရင်း တရုတ်မီးပုံးတွေ မီးရူးမီးပန်းဗျောက်အိုးဖောက်သံတွေ ကြားမှာ ဟိုတစ်ချိန်က မန်းလေးသီတင်းကျွတ်ညတွေကို လွမ်းမောတသ ဖြစ်နေမိတယ်ဗျာ . . . .

- ကျော်ကြီး(MDY)

7.10.14. ထုတ် Tomorrow ဂျာနယ်တွင်ပါရှိသော ကျွန်တော့်ဆောင်းပါးအား သူငယ်ချင်းမိတ်ဆွေများ ဖတ်ရူဝေဖန်သုံးသပ်နိုင်ဖို့တင်ပေးလိုက်ပါတယ်ခင်ဗျာ။
https://www.facebook.com/KyawGyi.333?fref=nf

ဓာတ်ပုံ−အေအက်ဖ်ပီ
http://www.7daydaily.com
by-ထားထားမြင့်
၁၉၇၄ခုနှစ် ဒီဇင်ဘာ ၁ ရက်နေ့တွင် ဘန်ကောက်မှခရီးတိုပျံသန်းလာ သည့် လေယာဉ်လေးတစ်စင်း ပေါ်တောက်ပသောအုတ်သစ်ချ ရောင်ခေါင်းတစ်လားတစ်လုံးက ရန်ကုန်သို့ ရောက်ရှိလာပါသည်။ ဘန်ကောက်မတိုင်မီ ထိုအခေါင်းက ဂျက်လေယာဉ်ဖြင့် အမေရိကန်နိုင်ငံ နယူးယောက်မှ ပျံသန်းလာခဲ့ခြင်းဖြစ်သည်။ အဆိုပါအခေါင်း ရန်ကုန်မင်္ဂလာဒုံလေဆိပ်သို့ ရောက်ရှိချိန်တွင် ဒါဇင်နှင့်ချီသော အရပ်သားများနှင့် စစ်သားများ စုဝေးရောက်ရှိလာသည်။ မြန်မာစစ်အစိုးရအဖွဲ့ အတွင်းမှအရာရှိများကလည်းသတိထားစရာ ဖြစ် အောင် ပျောက်နေကြပါသည်။ ထိုအခေါင်းကို အခမ်းအနားမပါ ဘဲ ခပ်စုတ်စုတ်ဗောက်စ်ဝက်ဂွန် ကားတစ်စီးပေါ်သို့တင်ပြီး လမ်း ကြိုလမ်းကြားမှ မောင်းလာခဲ့ သည်။ သည်မှာတင် ဒုက္ခလှလှ တွေ့ပါတော့သည်။

အခေါင်းထဲ ပါလာသူက ၁၉၆၁ ခုနှစ်မှာ ကုလသမဂ္ဂ တတိယမြောက်အတွင်းရေးမှူး ချုပ်ဖြစ်ခဲ့သူဦးသန့်ဖြစ်ပါသည်။ ဦးသန့်ကွယ်လွန်ချိန် ၁၉၇၄ ခုနှစ် သည် ဦးသန့်ကိုသဘောမကျ သည့် မြန်မာစစ်ဗိုလ်ချုပ်များက တိုင်းပြည်ကို အုပ်စိုးနေချိန်ဖြစ် သည်။

ဗိုလ်ချုပ်နေဝင်းသည် ဒီမို ကရေစီနည်းအရ ရွေးကောက် ထားသော အစိုးရကိုဖြုတ်ချကာ ၁၉၆၂ ခုနှစ်တွင် စစ်အာဏာ သိမ်းခဲ့သည်။ အတိုက်အခံတွေကို နှိပ်ကွပ်ဖြုတ်ချပြီး မြန်မာ့နည်း၊ မြန်မာ့ဟန်ဆိုရှယ်လစ်လမ်းစဉ် ကိုထူထောင်သည်။ ဒီမိုကရေစီကို ပြန်လည်အသက်သွင်းလိုသူဟု သူသံသယရှိနေသည့်ဦးသန့်ကို ဗိုလ်ချုပ်နေဝင်းက မည်သည့်အခါ ကမျှ သဘောမကျပါ။ ကွယ်လွန် သွားသည့်တိုင် ကုလသမဂ္ဂ အတွင်းရေးမှူးချုပ်ဟောင်းဦးသန့်ကို သူခွင့်မလွှတ်နိုင်ခဲ့ပါ။

ဦးသန့်အသုဘအခမ်းအနား ကို နိုင်ငံတော်ဈာပနအဖြစ် ကျင်း ပရန် ဗိုလ်ချုပ်နေဝင်းက သဘော တူခွင့်မပြုခဲ့ပေ။ သို့ရာတွင် ပြည်သူလူထုက ဦးသန့်ရုပ်အလောင်းသယ်သွားရာလမ်းတွင် နောက် ဆုံးဂါရဝကို ပြခဲ့ကြပါသည်။ ဂုဏ်ပြုပန်းခြင်းတွေက အသံ တိတ်ထောက်ခံကြို ဆိုမှုကိုပြသခဲ့သည်။ အသုဘချဖို့ခွင့်ပြုရာတွင် စစ်အစိုးရက သာမန်အခမ်းအနားဖြင့် သင်္ဂြိုဟ်ခွင့်ပေးလိုက် သည်။ ဗုဒ္ဓဘာသာအရ သရဏဂုံတင်အပြီးတွင် အလောင်းကို မော်တော်ယာဉ်တန်းဖြင့်မြှုပ်နှံ မည့်နေရာသို့ပို့ဆောင်ခဲ့သည်။ သို့သော် ဦးသန့်သည် သည်ထက်ခမ်းနားသောနေရာတွင် မြှုပ်နှံ သင့်သည်ဟုယူဆသူထောင်ချီ သော ကျောင်းသားများက ယင်း ခေါင်းတလားကိုယူဆောင်သွား ပြီး ရန်ကုန်တက္ကသိုလ်ထဲတွင်ထားခဲ့သည်။ အစိုးရကိုပုန်ကန်လိုသည့်စိတ်ဓာတ်များလည်းအုံကြွလာပြီး ဦးသန့်အသုဘကို နိုင်ငံတော်ဈာပနအဖြစ်ကျင်းပ ရန်နှင့် စစ်အုပ်ချုပ်ရေးကို အဆုံး သတ်ရန် ကျောင်းသားများက မိန့် ခွန်းများပြောခဲ့ကြသည်။

မြန်မာနိုင်ငံရှိ ပြည်သူများ ၏ရင်ထဲတွင် စွဲစွဲနစ်နစ်ဖြစ်နေခဲ့ သော ယင်းဖြစ်ရပ်ကို မျက်ဝါးထင် ထင်မြင်ခဲ့သူတစ်ဦးက မောင်သူရ ဖြစ်ပါသည်။ ၎င်းသည်နောင်နှစ် အတောကြာ စစ်အစိုးရကို မကြောက်မရွံ့ ဟာသထုတ်မှု ကြောင့် နာမည်ကြီးအတိုက်အခံ တစ်ဦးဖြစ်လာသည်။ မောင်သူရ ၏ဖခင်မှာ လူသိများသည့်ကဗျာ စာဆိုပညာရှင်တစ်ဦးဖြစ်ပြီး မိခင်မှာ မွန်လူမျိုးဖြစ်သည်။ မိခင်က အသက် (၁၆)နှစ် အရွယ်တွင် ဂျပန်တော်လှန်ရေး တွင်ပါဝင်ခဲ့သူလည်းဖြစ်သည်။ သူတို့မှာသားသုံးဦးရှိပြီး ပါဠိ နာမည်တွေကိုပေးထားသည်။ အကြီးဆုံးသားက ရွှေဟုအဓိ ပ္ပာယ်ရသည့် ဝဏ္ဍ၊ သားအလတ် က မီးဟုအဓိပ္ပာယ်ရသည့်တေဇ။ ဦးသန့်အရေးအခင်းမှာ အသက် (၁၃)နှစ်အရွယ် သူငယ်လေးက မောင်သူရဖြစ်ပြီး ရဲရင့်သူဟု အဓိပ္ပာယ်ရသည်။

မောင်သူရတို့ နေအိမ်က ကျောင်းသားများ၊ ရဟန်းသံဃာ များစုဝေးဆန္ဒပြနေသည့်ဦးသန့် အရေးအခင်းဖြစ်နေသည့် ရန်ကုန်တက္ကသိုလ်ကနေ သုံးမိုင်လောက် သာကွာဝေးပါသည်။ ကျောင်း သားများက ဆန္ဒပြသူများကို ကြည့်နေသည့် ကောင်ကလေးကို စားစရာများသွားယူခိုင်းပါသည်။ မိခင်အကူအညီဖြင့် မောင်သူရက လည်း စားစရာတွေသွားစုဆောင်း သယ်လာသကဲ့သို့ အိမ်နီးနားချင်းအချို့ ကစားစရာတွေသယ် လာပြီး သူတို့အိမ်ရှေ့မှာစုပုံထား တာကို သူအမှတ်ရနေသည်။ ကုန်တင်ကားဖြင့် ရန်ကုန် တက္ကသိုလ်သို့ တစ်ယောက်က မောင်းပို့သည်။ သို့သော်လည်း အားလုံးကို မောင်သူရချည်းပဲ လုပ်သည်ဟု ထင်မှတ်စရာရှိ သည်။ သူတို့ ရန်ကုန်တက္ကသိုလ်ရောက်သွားသောအခါ အတော် စိတ်လှုပ်ရှားပျော်စရာကြီးဖြစ် သည်။ သူမှတ်မိနေသည်ကား ကျောင်းသားတွေက ဝိုင်းလာကြ ပြီး သူ့ကို သူရဲကောင်းကြီးမောင် သူရဟု ဝိုင်းအော်ကြတာပဲဖြစ် ၏။ ထိုအရာက နှစ်လေးဆယ် ကြာခဲ့ပြီဖြစ်သော်လည်း သူ၏ ပထမဆုံးနိုင်ငံရေး နိုးကြွလာမှု ဖြစ်သည်ဟုသူကပြန်ပြောင်း ပြောပြပါသည်။

ဦးသန့်အသုဘအခမ်းအနား အဆုံးသတ်သည် မြန်မာစစ်အစိုး ရအာဏာရှင်များလက်ထက်တွင်မကြာခဏတွေ့ရသော သွေးထွက်သံယိုချေမှုန်းမှုဖြစ်ပါသည်။ဦးသန့်ခေါင်းတလားကို ကျောင်းသား များက လုယူအပြီးရက်အနည်း ငယ်မှာ အစိုးရကဦးသန့်၏ရုပ်အလောင်းကို ရွှေတိဂုံဘုရား ခြေရင်းမှာ ဂူဗိမာန်ဖြင့်ထားရှိရန်သဘောတူခဲ့ပါသည်။ ဒုတိယ ကြိုးပမ်းမှုက မြှုပ်နှံရေးဖြစ်ပါ သည်။ ကျောင်းသားအများက နိုင်ငံတော်ဈာပနအဖြစ် ကျင်းပ ရန်တောင်းဆိုခဲ့ပြီး ရန်ကုန်တက္ကသိုလ်ထဲသို့ ရုပ်အလောင်းကိုပြန်သယ်ထားကြသည်။ ထို အရာက ဗိုလ်ချုပ်နေဝင်းအတွက် သည်းခံနိုင်စွမ်းကို ကျော်လွန်သွားပြီဖြစ်သည်။ ရုပ်အလောင်းထားရှိပြီး နှစ်ရက်အကြာတွင် လက်နက်ကိုင်ရဲတပ်ဖွဲ့ ၁၅ ဖွဲ့နှင့် ထောင်ချီနေသောစစ်သားများက ရန်ကုန်တက္ကသိုလ်ကိုဝင်စီးကာ ကျောင်းသားများကိုပစ်ခတ်ခဲ့ကြ သည်။ ဒါဇင်နှင့်ချီအသတ်ခံရပြီး အချို့မှာ ထောင်ထဲဆွဲသွင်းခြင်းခံ ရသည်။ ဦးသန့်အလောင်းမြေကျ သည့်ညတွင် အဓိကရုဏ်းနှိမ်နှင်း မှုက မြို့အနှံ့ပျံ့သွားခဲ့သည်။

ထိုအဖြစ်အပျက်များဖြစ်ခဲ့ ပြီး နှစ်လေးဆယ်အကြာမှာ တော့ အသက် (၅၃)နှစ်အရွယ် အမျိုးသားတစ်ယောက်ဖြစ်နေ သော မောင်သူရနှင့်ကျွန်တော် မျက်နှာချင်းဆိုင်ထိုင်နေကြပါ သည်။ မြန်မာနိုင်ငံကား ယခင်နှင့် မတူခြားနားသောနိုင်ငံတစ်နိုင်ငံ ဖြစ်နေပါပြီ။ ဘားမားမဟုတ်ဘဲ မြန်မာဟူသောအမည်ဖြင့်ခေါ်နေကြပါပြီ။ ဗိုလ်ချုပ်နေဝင်းလည်း ကွယ်လွန်သွားပြီဖြစ် သည်။ သူ့ကိုဆက်ခံသည့်စစ် အစိုးရကတိုင်းပြည်ကိုနောက် ထပ်အနှစ် ၂၀ အုပ်ချုပ်ခဲ့ပါ သည်။ သို့သော် ၂၀၁၀ ပြည့်နှစ် နောက်ပိုင်းမှစပြီး ပြောစမှတ်တွင် စရာ နိုင်ငံရေးအပြောင်းအလဲများဖြင့် ဒီမိုကရေစီစနစ်ဆီသို့ ဦးတည်သွားနေပါသည်။

၂၀၁၀ နိုဝင်ဘာလတွင် ဒေါ်အောင်ဆန်းစုကြည်နေအိမ် အကျယ်ချုပ်မှလွတ်လာသည့် အချိန်ကစ၍ မြန်မာနိုင်ငံသည် အံ့သြစရာ ကောင်းလောက် အောင်ပြောင်းလဲမှုများ စတင် ခဲ့ပါသည်။ စစ်ဗိုလ်ချုပ်အတော် များများရှိနေသေးသော်လည်း သူတို့က စစ်ဝတ်စုံများကိုပြောင်း ပြီး အရပ်ဝတ်လဲ၏။ အစိုးရစာပေ စိစစ်ရေးကိုဖယ်ရှားပြီး ရွေး ကောက်ပွဲကျင်းပပေးသည်။ ရွေး ကောက်ခံအစိုးရက အနောက် နိုင်ငံများနှင့် စတင်ညှိနှိုင်းဆွေး နွေးလာပြီး နိုင်ငံရေးအကျဉ်းသား များရာနှင့်ချီပြန်လွှတ်ပေးသည်။ နိုင်ငံခြားရင်းနှီးမြှုပ်နှံမှုများတိုး လာသည်။ အတိုက်အခံခေါင်း ဆောင်ဒေါ်အောင်ဆန်းစုကြည် ပင် နေပြည်တော်ကလွှတ်တော် တွင် အမတ်တစ်နေရာရယူခွင့် ပြုထားပါသည်။

မောင်သူရကား ယခုအခါ ဇာဂနာဆိုသောနာမည်အသစ်ရှိ နေပါပြီ။ ဇာဂနာဆိုသည်မှာ လူ ရွှင်တော်အဖြစ် ဇာတ်စင်ပေါ်ကပြရာတွင် သူ၏သွားဆေး ကျောင်းသားဘဝက အသုံးပြုသည့် ကိရိယာဇာဂနာကိုအမည်စွဲမှည့်ခေါ်ထားခြင်းဖြစ်သည်။ စစ်အစိုးရ လှောင်ပြောင်သည့်ပြက်လုံးများကြောင့် အနှစ်၃၀ အတွင်း ထောင်ထဲမှာဆယ်နှစ်ခန့်နေခဲ့ရသည်။

ကျွန်တော်က ဇာဂနာကို တွေ့ဆုံမေးမြန်းဖို့ကြိုးစားနေ သည်မှာ နှစ်ပေါင်းများစွာကြာခဲ့ပါ ပြီ။ သူ့ကိုစသတိထားမိသည်မှာ ၂၀၀၈ ခုနှစ် နာဂစ်မုန်တိုင်းတွင် အစိုးရ၏စီမံခန့်ခွဲမှုညံ့ဖျင်းခြင်းကိုဝေဖန်ခဲ့သည့်အတွက် ၂၀၀၉ ခုနှစ်တွင် ထောင်ဒဏ် ၅၉ နှစ်ကျ ခံရသည့်အချိန်ကတည်းကဖြစ်ပါ သည်။

၂၀၁၁ ခုနှစ်တွင် လွတ်ငြိမ်း ချမ်းသာခွင့်ဖြင့် လွတ်လာခဲ့ပြီး နိုင်ငံခြားအစိုးရများ၊ လူ့အခွင့် အရေးအဖွဲ့များနှင့် သတင်း ထောက်များက အဆက်မပြတ် တွေ့ဆုံရန်ကြိုးစားနေမှုကြောင့် သူ့ကိုတွေ့ခွင့်ရဖို့မလွယ်ပါ။ တွေ့ရန်အကြိမ်ကြိမ် ကြိုးစား သော်လည်း အဆင်မပြေခဲ့။

ယခုနောက်ဆုံးမှာတော့ ပုဆိုးအကွက်နှင့် ဖိနပ်အပါးစီး ထားသောမောင်သူရခေါ် ဇာဂနာ နှင့်ဆုံခွင့်ရပါပြီ။ ရန်ကုန်မြို့ရှိသူ၏ ရုပ်ရှင်ထုတ်လုပ်ရေးစတူဒီ ယိုရုံးခန်းအမှောင်ထဲမှာ ကျွန် တော်တို့အတူထိုင်ခဲ့ကြသည်။ ထိုရုံးခန်းသည် ဆူးလေစေတီနှင့်လမ်းအနည်းငယ်သာလှမ်းပါသည်။ ဘုရားအပြင်ဘက်တွင်ငှက်ရောင်းသည့်အမျိုးသမီးတစ်ဦးနှင့် ကျွန်တော်ဆုံမိသည်။ သူတို့က ငှက်ကိုလွှတ်ဖို့ရောင်းပါသည်။ ဗုဒ္ဓဘာသာအရ ငှက်လွှတ်ခြင်း သည် ကုသိုလ်ရဖို့ဖြစ်သည်ဟုဆို ပါသည်။ ထိုနည်းအတိုင်းပင်။ မြန်မာစစ်ဗိုလ်ချုပ်များသည် ဇာ ဂနာကိုဖမ်းလိုက်၊ လွှတ်လိုက်လုပ်ခဲ့ကြသည်။ သူတို့သည် ကိုယ်ကျိုးရဖို့အတွက် သူ့ကိုပြန် လွှတ်လိုက်ခြင်းလည်းဖြစ်ကောင်းဖြစ်ပါလိမ့်မည်။

(နိုင်ငံရေးအကျဉ်းသားဟောင်း လူရွှင်တော်ဇာဂနာနှင့်တွေ့ဆုံ ရေးသားထားသည့် The FinancialTimes မှ အာရှရေးရာအယ်ဒီတာ David Pilling ၏ the comedian Zarganar stands up to tyrannyin Myanmar ဆောင်းပါးကို ထားထားမြင့် ဘာသာပြန်ဆို သည်။)

ဒုတိယပိုင်းဆက်လက်ဖော်ပြပါ မည်။
http://www.7daydaily.com/story/22272#.VDQHtlf4U1o

 
ချုပ်နှောင်ခံရသည့် မြန်မာလူငယ် ၂ ဦး မြန်မာသံရုံးတာဝန်ရှိသူများ သွားရောက်တွေ့ဆုံစဉ် (ဓာတ်ပုံ - မင်းဦး)
ထိုင်းနိုင်ငံတောင်ပိုင်း (လိပ်ကျွန်း) မှာ ဗြိတိသျှလူမျိုး ၂ ဦးကို သတ်ဖြတ်မှုနဲ့ ချုပ်နှောင် ခံထားရသူ ရွှေ့ပြောင်းအလုပ်သမား ၂ ဦး အမှုနဲ့ ပတ်သက်ပြီး ထိုင်းဘာသာနဲ့ ရေးသားထားတဲ့ အင်တာနက် စာမျက်နှာ oknationနဲ့ လူမှုရေး ကွန်ယက် CSI LA ဖေ့ဘွတ် စာမျက်နှာက ဒီအမှုကို စိတ်ဝင်စားတဲ့ ထိုင်းတွေအကြားမှာ ရေပန်းစားနေပါတယ်။

ဒီဘလောဂ်နဲ့ ဖေ့စ်ဘွတ်ခ်စာမျက်နှာဟာ ချိတ်ဆက်မှု ရှိသလို ဖန်တီးထားသူက တဦးတည်း ဖြစ်တယ်လို့ ဖတ်ရှုသူတွေက ခန့်မှန်းကြပါတယ်။

အရင်က ထောင်ဂဏန်းလောက်သာ ၀င်ရောက် ဖတ်ရှုနေပေမယ့် ဒီအမှု ဖြစ်ပွားခဲ့ပြီး oknation ဘလောဂ် စာမျက်နှာကို ၀င်ရောက်သူ ၂ သန်း ၆ သိန်းကျော် သွားပြီ ဖြစ်သလို CSI LA ဖေ့ဘွတ်ကိုလည်း ကြိုက်နှစ်သက်သူ လူ ၂ သိန်း ကျော်သွားပြီ ဖြစ်ပါတယ်။

ဒီလူသတ်မှုဖြစ်ရပ်နဲ့ ပတ်သက်ပြီး သူရဲ့ ဖေ့စ်ဘွတ်ခ်မှာ အခုရက်ပိုင်းအတွင်း ပိုစ့်တခု တင်လိုက်ရင် ကြိုက်နှစ်သက်သူ အနည်းဆုံး ၅ ထောင်နီးပါး ရှိနေတာကို တွေ့ရပါတယ်။

ဒီဖေ့စ်ဘွတ်ခ်နဲ့ အင်တာနက်စာမျက်နှာမှာ ရဲတပ်ဖွဲ့ရဲ့ ပြောဆိုချက်တွေနဲ့ လက်တွေ့ အ အမှု ဖြစ်စဉ်မှာ ကွဲလွဲချက်တွေကို အသေးစိတ် တင်ပြထားပါတယ်။

ဒါအပြင် လူသတ်မှု ဖြစ်စဉ်အတွက် ဒီအန်အေအစစ်မခံတဲ့ ကျွန်းသူကြီးရဲ့ တတိယမြောက်သား အကြောင်းကိုလည်း အသေးစိတ် တင်ပြထားပါတယ်။

ဒီလို လူမှုရေးကွန်ယက်စာမျက်နှာကနေ အခုလို တင်ပြတဲ့အတွက် သူကြီးသားရဲ့ သူငယ်ချင်းက လက်သီးချင်း ယှဉ်ထိုးဖို့ စိန်ခေါ်တာကို ခံခဲ့ရတဲ့အကြောင်းလည်း တင်ပြထားပါတယ်။

စိန်ခေါ်တဲ့ ကျွန်းသူကြီးသားရဲ့ သူငယ်ချင်းအနေနဲ့ သူ သူငယ်ချင်းရဲ့ ဒီအန်အေကို ယူလာဖို့ အာမခံမယ်ဆိုရင်တော့ ဒီစိန်ခေါ်မှုကို လက်ခံဖို့ အသင့်ပဲဆိုတဲ့ ရေးသားချက်တွေကိုလည်း တွေ့ရမှာ ဖြစ်ပါတယ်။

ဒါ့အပြင် ဖေ့ဘွတ်မှာပေးထားတဲ့ ၀က်ဆိုဒ်လိပ်စာhttps://www.change.org/p/the-government-of-the-united-kingdom-independently-investigate-the-horrific-murders-of-hannah-witheridge-and-david-miller?recruite ကနေ တဆင့် ဗြိတိန် အစိုးရကို ဒီအမှုနဲ့ ပတ်သက်ပြီး လွတ်လွတ်လပ်လပ် စုံစမ်းဖော်ထုတ်ပေးဖို့ လတ်မှတ်ရေးထိုး တောင်းဆိုမှုမှာ ပါဝင်နိုင်မှာ ဖြစ်ပါတယ်။

By ဒီဗွီဘီ
http://burmese.dvb.no/archives/67009

ဆီးရီးယားနိုင်ငံ ​မြောက်ပိုင်း ​ကိုဘာနီမြို့ ​တိုက်ခိုက်ရေးမှာ ​Kurdish ​တပ်ဖွဲ့တွေ ​ရှုံးနိမ့်နေပြီး ​အခုဆိုရင် ​IS ​အစ္စလာမ်မစ် ​စစ်သွေးကြွအဖွဲ့ရဲ့ ​အလံမဲ ​တွေကို ​ကိုဘာနီ ​မြို့စွန်မှာ ​တွေ့နေရတယ်လို့ ​အေဘီစီ ​သတင်းထောက် ​Hayden ​Cooper ​က ​ပြောပါတယ်။
ကိုဘာနီမြို့က လေးထပ်တိုက်ပေါ်မှာ IS အဖွဲ့ရဲ့ အလံမဲကို တွေ့ရစဉ် (Credit: AFP)

Kurdish ​တပ်ဖွဲ့ဝင်တွေက ​IS ​အစွန်းရောက်သမားတွေကို ​ရက်ပေါင်းများစွာ ​ခုခံ ​တိုက်ခိုက်မှုတွေ ​လုပ်ခဲ့ပါတယ်။ ​ဒါပေမဲ့ ​နိုင်ငံတကာ ​ညွန့်ပေါင်းတပ်က ​ဝေဟင်ကနေတဆင့် ​ကူညီတိုက်ခိုက်တာတွေ ​လုပ်တဲ့ကြားကပဲ ​IS ​အစွန်းရောက်သမားတွေက ​ကိုဘာနီ ​မြို့စွန်နားကို ​ရောက်ရှိလာတာပါ။

အခုဆိုရင် ​ကိုဘာနီမြို့ရဲ့ ​ဆင်ခြေဖုန်းမှာ ​IS ​အဖွဲ့ရဲ့ ​အလံတွေကို ​လွှင့်ထူထားပြီး ​ဒါဟာ ​IS ​အဖွဲ့အနေနဲ့ ​မြို့ထဲကို ​ရောက်လာပြီ ​ဆိုတာကို ​ပြသလိုက်တာ ​ဖြစ်ပါတယ်။

မြို့တွင်းမှာ ​ကျန်ရှိနေတဲ့ ​Kurdish ​ရဲ့ ​YPG ​တပ်သားတွေနဲ့ ​IS ​တပ်ဖွဲ့တွေ ​အနီးကပ် ​ထိပ်တိုက်ရင်ဆိုင်မှုတွေ ​ဖြစ်နေတယ်ဆိုတဲ့ ​သင်းတွေလည်း ​ထွက်ပေါ်နေပြီး ​မကြာခင်မှာ ​ကိုဘာနီမြို့ဟာ ​IS ​တပ်ရဲ့ ​လက်ထဲ ​ကျရောက်တော့မယ့် ​အခြေအနေ ​ရှိနေတယ်လို့ ​Hayden ​Cooper ​က ​သတင်းပေးပို့ထားပါတယ်။

ကိုဘာနီမြို့ဟာ ​Kurd ​လူမျိုး ​အများစု ​နေထိုင်တဲ့ ​မြို့ ​ဖြစ်တဲ့အတွက် ​ဒီမြို့ ​သိမ်းပိုက်ခံရမယ်ဆိုရင် ​ပိတ်မိနေခဲ့တဲ့ ​မြို့ခံတွေ ​အစုလိုက် ​အပြုံလိုက် ​သတ်ပစ်ခံရနိုင်တယ်လို့လည်း ​စိုးရိမ်မကင်း ​ဖြစ်နေကြပါတယ်။
ကိုဘာနီအရေး ​စိုးရိမ်တဲ့ ​Kurd ​လူမျိုးတွေ ​နယ်သာလန်မှာ ​ဆန္ဒပြကြရင်း ​နယ်သာလန် ​ပါလီမန်ထဲဝင်ရောက်

ကိုဘာနီမြို့က ​IS ​အဖွဲ့ရဲ့ ​လက်ထဲမှာ ​ကျရောက်မှာကို ​စိုးရိမ်တဲ့ ​နယ်သာလန်နိုင်ငံက ​ရာနဲ့ချီတဲ့ ​Kurd ​လူမျိုးတွေဟာလည်း ​သူတို့လူမျိုးတွေရဲ့ ​ဖြစ်ရပ်ကို ​လူတွေ ​အာရုံစိုက်လာအောင် ​လုပ်ဆောင်တဲ့အနေနဲ့ ​နယ်သာလန် ​ပါလီမန်မှာ ​ဆန္ဒပြရင်း ​ပါလီမန်ထဲ ​ဝင်ရောက်တဲ့အထိ ​ဖြစ်ခဲ့ပါတယ်။

လုံထိန်းရဲ ​အယောက်ပေါင်း ​ရာနဲ့ချီက ​လုံခြုံရေး ​ယူခဲ့ရသလို ​ရဟတ်ယာဉ်တွေက ​အပေါ်ကနေ ​ပျံဝဲပြီး ​စောင့်ကြည့်မှုတွေ ​လုပ်ခဲ့ကြရတယ်လို့လည်း ​သိရပါတယ်။


IS ​အဖွဲ့ကို ​ဝေဟင်ကနေ ​တိုက်ခိုက်တဲ့အဖွဲ့ထဲမှာ ​သြစတြေးလျ ​ပါဝင်


IS ​အစ္စလာမ်မစ် ​စစ်သွေးကြွအဖွဲ့ကို ​ဝေဟင်ကနေ ​တိုက်ခိုက်ရာမှာ ​သြစတြေးလျကလည်း ​ပါဝင်နေပါပြီ။

နိုင်ငံတကာ ​မဟာမိတ်တပ်ကနေ ​ဝေဟင်ကနေ ​တိုက်ခိုက်တာ ​အကြိမ်ပေါင်း ​၃၁၀ ​ရှိသွားပြီ ​ဖြစ်ပေမယ့် ​IS ​စစ်သွေးကြွတွေဟာ ​အီရတ်နိုင်ငံ ​ဘက်ခ်ဒက်မြို့ ​တဝိုက်မှာ ​လွတ်လွတ်လပ်လပ် ​သွားလာ ​လှုပ်ရှားနေသလို ​ဆီးရီးယားနိုင်ငံ ​ကိုဘာနီမြို့ကိုလည်း ​သိမ်းယူနေတဲ့ ​အနေအထား ​ရောက်ရှိနေတာ ​ဖြစ်ပါတယ်။

ဒါ့အပြင် ​လက်ဘနွန် ​နိုင်ငံဘက်ကိုလည်း ​ဝင်ရောက်တာမျိုးတွေရှိနေပြီး ​ပြီးခဲ့တဲ့ ​သတင်းပါတ်တွေကပဲ ​အီရတ်နိုင်ငံ ​စစ်စခန်းတစ်ခုကို ​သိမ်းပိုက်နိုင်ခဲ့ပါတယ်။

သြစတြေးလျ ​လေတပ်က ​IS ​တပ်ဖွဲ့ကို ​ဝေဟင်ကနေ ​တိုက်ခိုက်နေပေမယ့် ​အဲဒီ ​အတွက် ​ကုန်ကျစရိတ်ကို ​ကာမိအောင် ​ဘယ်လို ​လုပ်ဆောင်ကြမလဲ ​ဆိုတာကို ​သြစတြေးလျ ​နိုင်ငံရေး ​သမားတွေက ​စဉ်းစားနေကြပါတယ်။

သြစတြေးလျ ​အစိုးရက ​နိုင်ငံတော် ​အသုံးစရိတ် ​လျှော့ချဖို့ ​လုပ်ဆောင်နေချိန်မှာပဲ ​အခုလို ​ကိစ္စတွေ ​ပေါ်လာတာ ​ဖြစ်ပါတယ်။

အတိုက်အခံပါတီကတော့ ​လူလတ်တန်းစားတွေကို ​ပေးနေတဲ့ ​အစိုးရရဲ့ ​ထောက်ပံ့ကြေးကို ​ဖြတ်တောက်လိုက်ရင် ​ငွေတွေ ​ထွက်လာနိုင်တယ်လို့ ​ပြောဆိုထားပါတယ်။

http://www.radioaustralia.net.au/burmese/2014-10-07/1376205


မြန်မာနိုင်ငံအနှံ့ အကျဉ်းထောင်တွေက အကျဉ်းသား သုံးထောင်ကျော်ကို သမ္မတအမိန့်နဲ့ လွတ်ငြိမ်းချမ်းသာခွင့် ပြုလိုက်ပါတယ်။ လွတ်လာသူတွေထဲမှာ အရင်တုန်းက ဖမ်းဆီးထောင်ချခံထားရတဲ့ မြန်မာစစ်ဘက် ထောက်လှမ်းရေး အရာရှိဟောင်းတွေနဲ့ နိုင်ငံရေးအကျဉ်းသားတချို့ ပါတယ်လို့ဆိုပေမဲ့၊ အခုအချိန်အထိ ရရှိထားတဲ့ စာရင်းထဲမှာတော့ လွတ်မယ့်အထဲမှာ နိုင်ငံရေး အကျဉ်းသားတဦးပဲ ရှိသေးတယ်လို့ သိရပါတယ်။ အသေးစိတ်ကိုတော့ ဗွီအိုအေသတင်းထောက် ကိုအောင်ရဲမောင်မောင်က သတင်းပေးပို့ထားပါတယ်။

အကျဉ်းထောင်အသီးသီးမှာ ပြစ်ဒဏ်ကျခံနေရတဲ့ အကျဉ်းသား ၃၀၇၃ ဦးကို ဖွဲ့စည်းပုံအခြေခံဥပဒေ ပုဒ်မ ၂၀၄ ပုဒ်မခွဲ (က) နဲ့အညီ ဒီကနေ့ အောက်တိုဘာလ ၇ ရက်နေ့မှာ လွှတ်ပေးခဲ့တာပါ။ အခုလွှတ်ပေးတဲ့ အကျဉ်းသားတွေထဲမှာ မြန်မာနိုင်ငံသား ၃၀၁၅ ဦးနဲ့ နိုင်ငံခြားသား ၅၈ ဦး ပါဝင်တယ်လို့ သမ္မတရဲ့ ပြောခွင့်ရှိသူ ဦးရဲထွဋ်က ဗွီအိုအေမြန်မာပိုင်းကို အတည်ပြု ပြောဆိုပါတယ်။

“ဒီနေ့မှာတော့ဗျာ သမ္မတကြီးက နိုင်ငံတော် တည်ငြိမ်အေးချမ်းရေးနဲ့ တိုင်းရင်းသား စည်းလုံးညီညွတ်ရေးကို ရှေးရှုပြီးတော့၊ နောက်တခုက လူသားချင်း စာနာထောက်ထားမှုကို အလေးထားတဲ့ အနေနဲ့ရော ကျနော် အကျဉ်းသား ၃၀၇၃ ဦးကို ကျနော်တို့ ပြစ်ဒဏ်ကနေ လွတ်ငြိမ်းခွင့် ပေးခဲ့ပါတယ်။ ကျနော်တို့ဆီမှာ ရရှိတဲ့ သတင်းအရတော့ အဲ့ဒီထဲမှာ မြန်မာနိုင်ငံသား ၃၀၁၅ ဦးနဲ့ နိုင်ငံခြားသား ၅၈ ဦး ပါတယ်လို့ သိရပါတယ်။”

တဘက်မှာတော့ အခုလွှတ်ပေးလိုက်တဲ့ထဲမှာ နောက်ဆုံး အတည်ပြုလို့ရတဲ့ သတင်းတွေအရ နိုင်ငံရေးအကျဉ်းသား ၁ ဦးနဲ့ စစ်ထောက်လှမ်းရေးနဲ့ ပတ်သက်ပြီး အကျဉ်းကျခံနေရသူတွေလည်း ပါရှိတယ်လို့ AAPP က ကိုဘိုကြည်က ပြောပါတယ်။ ဒါပေမဲ့ စာရင်းပါရှိတယ်လို့ပြောတဲ့ နိုင်ငံရေးအကျဉ်းသား ၁ ဦးဖြစ်တဲ့ ကိုမာလဟာ မြစ်ကြီးနားအကျဉ်းထောင်ရဲ့ ထောင်အပြင်ကိုတောင် ရောက်မလာသေးဘူးလို့ ကိုဘိုကြည်က ပြောပါတယ်။

“ကျနော်တို့သိထားသလောက်က အခု ဒီကနေ့ ၃၀၇၃ ဦးလွတ်တယ်။ အဲ့ဒီထဲမှာ ထောက်လှမ်းရေး ၁ ယောက်ပါတယ်။ စစ်သားဟောင်း ၁ ယောက်ပါတယ်။ အသက်အရွယ်ကြီးရင့်သူက ၁၅ ဦးပါတယ်။ နေသား ၁ နှစ်နဲ့အထက် လက်ကျန် ၆ လပဲရှိတဲ့သူက ၂၉၈၉ ဦးပါတယ်။ နောက် တိုင်းရင်းသားထဲက မြစ်ကြီးနားထောင်က မာလ ဆိုတာ ပါတယ်။ သူကတော့ ကျနော်တို့ကနေ နိုင်ငံရေးအကျဉ်းသားအဖြစ် သတ်မှတ်ထားတဲ့သူဖြစ်တယ်။ အခုအချိန်ထိတော့ သူက ထောင်အပြင်ကို မရောက်သေးဘူး။ လွှတ်မယ်လို့တော့ ကျနော်တို့ အဲ့ဒီလိုမျိုး သိထားတယ်။”

AAPP အပါအ၀င် မြန်မာနိုင်ငံအတွင်းမှာရှိတဲ့ နိုင်ငံရေးအကျဉ်းသားအရေး ကူညီဆောင်ရွက်ပေးနေသူတွေရဲ့ စာရင်းအရတော့ မြန်မာနိုင်ငံမှာ နိုင်ငံရေး အကျဉ်းသား ၇၀ နီးပါး ကျန်ရှိနေသေးတယ်လို့ ဆိုပါတယ်။ အခုလို ကျန်ရှိနေသေးတဲ့ သူတွေကို သမ္မတရုံးဝန်ကြီး ဦးစိုးသိမ်း ဦးဆောင်တဲ့ နိုင်ငံရေးအကျဉ်းသား စိစစ်ရွေးချယ်ရေးကော်မတီကို တင်ပြထားတယ်လို့လည်း ကိုဘိုကြည် က ပြောပါတယ်။

“၇၀ ကျော် ကျန်နေပါသေးတယ်။ ကျနော်တို့တွေ နိုင်ကျဉ်းကော်မတီကိုလည်း တင်ထားပြီးသား ဖြစ်ပါတယ်။ ကျနော်တို့ရဲ့ website တွေမှာလည်း ထုတ်ပြန်ကြေညာထားပြီးသား ဖြစ်ပါတယ်။ ကျနော်တို့သတ်မှတ်ထားတဲ့ နိုင်ငံရေး အကျဉ်းသား ၇၀ ကျော် ကျန်နေပါသေးတယ်။”

သမ္မတ ဦးသိန်းစိန် ကတော့ သူ့ရဲ့သမ္မတ ၄ နှစ် သက်တမ်းအတွင်းမှာ အကျဉ်းသားတွေကို လွတ်ငြိမ်းချမ်းသာခွင့် အကြိမ်ပေါင်းများစွာ ပေးခဲ့တာပါ။ စစ်အစိုးရလက်ထက်က နိုင်ငံရေးလုပ်လို့ အကျဉ်းကျခံနေရတဲ့သူတွေကို အခုလို လွတ်ငြိမ်းချမ်းသာခွင့် ပေးတဲ့ထဲမှာ တွဲတွဲပြီး လွှတ်ပေးခဲ့တာလည်း ဖြစ်ပါတယ်။

ဒါပေမဲ့ တဘက်မှာတော့ လက်ရှိ အစိုးရလက်ထက်မှာပဲ တက်ကြွလှုပ်ရှားသူနဲ့ နိုင်ငံရေးသမား ၁၀၀ လောက်နီးပါးဟာ နိုင်ငံရေး အမှုတွေနဲ့ လက်ရှိအချိန်မှာ တရားရင်ဆိုင်နေရသေးတယ်လို့လည်း နိုင်ငံရေးအကျဉ်းသား အရေး ကူညီဆောင်ရွက်ပေးနေသူတွေက ပြောဆိုပါတယ်။
VOA
http://burmese.voanews.com/content/burmese-prisoners-released/2475271.html






ပျောက်ဆုံး တောင်တက် သမားနှစ်ဦးကို ရှာဖွေကယ်ဆယ်ရေး လုပ်ငန်းများ လုပ်ဆောင်စဉ် အဆက်အသွယ် ပြတ်တောက်သွားသည့် ထိုင်းနိုင်ငံမှ B4 ရဟတ်ယာဉ်ဖြင့် လိုက်ပါသွားသူများနှင့် ယနေ့ ပြန်လည် အဆက်အသွယ် ရရှိခဲ့ပါသည်။ ပျောက်ဆုံးရဟတ်ယာဉ်တွင် လိုက်ပါခဲ့သူ (၃)ဦး စလုံး အသက်ရှင်ကြောင်းလည်း ၀မ်းသာဖွယ် သတင်းရရှိသည်။

ထူးဖောင်ဒေးရှင်း နာယက ဦးတေဇသည် အဆိုပါ သတင်းရရှိသည်နှင့် တပြိုင်နက် ပူတာအိုမြို့မှ B3 ကယ်ဆယ်ရေး ရဟတ်ယာဉ်ဖြင့် အဆက်အသွယ် ရရှိခဲ့သည့် လန်ဆာကျေးရွာသို့ ချက်ချင်း သွားရောက်ခဲ့သည်။

ယခု ညနေ ၅း၀၀ နာရီခန့်တွင် ဦးတေဇသည် လန်ဆာကျေးရွာ၌ ထိုင်းရဟတ်ယာဉ်မှူး၊ မြန်မာရဟတ်ယာဉ်မှူးနှင့် ဦးရွှေရင်တော်ကြီးတို့ကို တွေ့ဆုံပြီး လိုအပ်သည့် ဆေးဝါး ကုသမှုများ လုပ်ဆောင်နိုင်ရန် စီစဉ်ပေးလျက် ရှိပါသည်။

Htoo Foundation
https://www.facebook.com/HtooFoundation


ခါကာဘိုရာဇီဖက်မှာ တပတ်ကျော်ကြာ ပျောက်ဆုံးနေတဲ့ ထိုင်းရဟတ်ယာဉ်ပေါ် ပါသွားသူ သုံးဦးစလုံး အသက်ရှင်လျက် ပြန်လည်တွေ့ရှိရပြီးလို့ ရှာဖွေရေး လုပ်ဆောင်နေတဲ့ ထူးဖောင်ဒေးရှင်းက ပြောပါတယ်။ သူတို့ သုံးဦးဟာ ကချင်ပြည်နယ် နောင်မွန်မြို့နယ်ထဲက လန်းခါးကျေးရွာကို ရဟတ်ယာဉ်ဆီကနေ လမ်းလျှောက်ပြီး ပြန်လည်ရောက်ရှိလာတာဖြစ်တယ်လို့ ထူးဖောင်ဒေးရှင်း ပြောခွင့်ရသူ ကိုဖြိုးကိုကိုသက်က ဗွီအိုအေ မြန်မာပိုင်း ကို ပြောပါတယ်။

ဘာကြောင့် ရဟတ်ယာဉ်ပျက်ကျခဲ့ရသလဲဆိုတာနဲ့ အခု ရဟတ်ယာဉ် ဘယ်မှာ ရှိသလဲ ဆိုတဲ့ အသေးစိတ်တွေ ကိုတော့ မသိရသေး ပါဘူး။ ပြန်လည်တွေ့ရှိသူ သုံးဦးစလုံးဟာ အနည်းငယ် ပွန်းပဲ့ထိခိုက် ဒဏ်ရာရမှုပဲရှိတယ်လို့ ဆိုပြီးတော့၊ လိုအပ်တဲ့ ကျန်းမာရေးစောင့်ရှောက်မှုတွေကို ဆက်လုပ်ပေးသွားမယ် လို့လည်း ပြောပါတယ်။

တလကြာ ပျောက်ဆုံးနေတဲ့ ခါကာဘိုရာဇီ တောင်တက်သမားနှစ်ဦးကို ရှာဖွေရေးအတွက် B4 အမျိုးအစား အဲဒီ ရဟတ်ယာဉ်ကို ထိုင်းနိုင်ငံက ငှားရမ်းခဲ့တာဖြစ်ပြီး၊ ရဟတ်ယာဉ်နဲ့အတူ ထိုင်းလေယာဉ်မှုး ထူးဖောင်ဒေးရှင်းက မြန်မာလေယာဉ်မှုးနဲ့ တောင်တက် ကျွမ်းကျင်သူတဦးတို့ ပါသွားခဲ့တာပါ။ B4 ရဟတ်ယဉ်ဟာ ရှာဖွေရေးပြုလုပ်နေစဉ်အတွင်းမှာပဲ စက်တင်ဘာလ ၂၇ ရက်နေ့ ပျောက်ဆုံးခဲ့တာဖြစ်ပါတယ်။

တလကျော်ကြာ ပျောက်ဆုံးနေဆဲ ရှိတဲ့ မြန်မာတောင်တက်သမားနှစ်ဦး ရှာဖွေရေးလုပ်ငန်းတွေကိုတော့ အခု သူတို့ ဆက်ပြီး လုပ်ဆောင်နေတယ်လို့ ထူးဖောင်ဒေးရှင်းက ပြောပါတယ်။

တက္ကသိုလ် ခြေလျင်နဲ့တောင်တက်အသင်း သဘာဝခေါ်သံဖောင်ဒေးရှင်းက ကိုအောင်မြင့်မြတ်နဲ့ကိုဝေယံမင်းသူတို့ နှစ်ဦးဟာ သြဂုတ်လ ၃၁ ရက်နေ့က ခါကာဘိုရာဇီတောင်ကို အောင်အောင်မြင်မြင်တက်ရောက်ကြောင်း စကားပြောစက် ကနေ သတင်းပေးပို့ပြီးနဲ့ အဆက်အသွယ်ပြတ် ပျောက်ဆုံးသွားခဲ့တာ ဖြစ်ပါတယ်။

ရှာဖွေကယ်ဆယ်ရေးလုပ်ငန်းတွေကို စက်တင်ဘာလ ၁၀) ရက်နေ့က စတင်ခဲ့ပြီးတဲ့နောက် (၂၇) ရက်နေ့မှာ ရဟတ်ယာဉ်တစင်းနဲ့ အတူ လူ (၃) ယောက် ထပ်မံပျောက်ဆုံးခဲ့ရတာဖြစ်ပါတယ်။

နောက်ဆုံးရအခြေအနေနဲ့ပတ်သက်လို့ ထူးဖောင်ဒေးရှင်းပြောခွင့်ရ ကိုဖြိုးကိုကိုသက်ကို ဗွီအိုအေမြန်မာပိုင်းက မဆုမွန် ဆက်သွယ်မေးမြန်းထားတာကိုလည်း နားဆင်နိုင်ပါတယ်။

ထူးဖောင်ဒေးရှင်း ပြောခွင့်ရ ကိုဖြိုးကိုကိုသက်ကို VOA မြန်မာပိုင်းက မဆုမွန် ဆက်သွယ်မေးမြန်းချက်

ဗွီအိုအေ (မြန်မာပိုင်း)
http://burmese.voanews.com/content/article/2475106.html/?%3F%3F%3F%3F%3F%3F%3F