10/12/14

Rape Drug သုံးစွဲမှု အချိန်မီတားဆီးရန် လိုအပ်

ကမ္ဘာတစ်ဝန်း ရှိ တက္ကသိုလ် ကျောင်းများ နှင့် ပါတီပွဲ၊ မွေးနေ့ပွဲ၊ နိုက်ကလပ်၊ ဒေးကလပ် အပါအဝင် ပွဲပေါင်းစုံအပြီး အုပ်စုလိုက် အဓမ္မပြုကျင့်မှု ( Group Rape ) အမှုများ ဖြစ်ပွားခြင်း များပြားလျက် ရှိကြောင်း သိရသည်။

အပြုကျင့် ခံရသည့် ကျောင်းသူလေး များနှင့် မိန်းကလေး အများစုမှာ မနက်မိုးလင်း သည်အထိ ညက ဖြစ်စဉ်များကို မည်သို့မျှ မမှတ်မိဘဲ ဆရာဝန် ဆေးစစ် ကြည့်ရာမှ ဆေးစစ်ချက်တွင် Rohypnol ဟု ခေါ်သည့် ဆေးတစ်မျိုးကို တွေရှိခဲ့ ရသည်။ မြန်မာနိုင်ငံ ၌လည်း ၂ဝ၁၃- ၂ဝ၁၄ ခုနှစ် မဟာသင်္ကြန် ကာလအတွင်း က ထိုဆေးကို အသုံးပြုကာ အဓမ္မမှု ၁၃ မှု ဖြစ်ပွား ခဲ့ကြောင်း သိရပြီး မကြာမီ ကာလတွင် ရောက်ရှိလာမည့် ၁၂ လ ရာသီ ပွဲများထဲမှ တန်ဆောင်တိုင် ပွဲတော်၊ ခရစ္စမတ် နှင့် နှစ်သစ်ကူး ပွဲတော်များ နီးလာပြီ ဖြစ်သည့်အတွက် သမီးရှင် မိဘများ အနေဖြင့် အထူး ဂရုပြုရန် လိုအပ်ကြောင်း သိရသည်။

အထက်ပါ Rohypnol မှာ ဆေးကုမ္ပဏီ၏ ကုန်သွယ် တံဆိပ်ဖြစ်ပြီး နာမည် အမျိုးမျိုးဖြင့် ထုတ်လုပ် ထားကြောင်း၊ ဓာတုဗေဒ အမည်မှာ Flunitrazepam ဖြစ်ကြောင်း သိရသည်။ မူလ အသုံးပြုရန်မှာ စိတ်ငြိမ်ဆေး၊ အိပ်ဆေး အဖြစ် သုံးစွဲခဲ့ရာမှ မသမာသူ များနှင့် အုပ်စုဖွဲ့ အနိုင်ကျင့် တတ်သည့် စိတ်ထား ရှိသည့် လူငယ်များကြား သို့ပျံနှံရောက်ရှိ ခဲ့ပြီး ယခုလို အမှုများ ကျုးလွန် လာကြခြင်း ဖြစ်ကြောင်း သိရသည်။ ထို ဆေးမှုန့်မှာ အရက် ၊ ဝိုင်ဖြူ၊ ဝိုင်နီ ၊ Spy ၊ Gas နှင့် ကာဘိုနိတ်တက် ပါသည့် အရည်၊ အချိုရည်များတွင် လျင်မြန်စွာ ပျော်ဝင် လွယ်ကြောင်း သိရသည်။

ဆေး၏ အာနိသင်မှာ မိနစ် ၃ဝ အတွင်း အစွမ်းပြ၍ ၂ နာရီအတွင်း ပုံမှန်အသိ ပျောက်ကာ ဆေး၏ အစွမ်းရှိန်မှာ ၈ နာရီခန့် ကြာမြင့် တတ်ကြောင်း၊ ထိုအဆင့်သို့ ရောက်ရန်ဆေး ၁ မီလီဂရမ်( 1 mg = 0.0001 ) တစ်ထောင်ပုံ တစ်ပုံခန့်သာ အသုံးပြု ရကြောင်းနှင့် အရက်ဓာတ် ပါသည့် အရည်မျိုးတွင် ပိုမို လျင်မြန်စွာ ပျော်ဝင်၍ အစွမ်းပြ မြန်ကြောင်း သိရသည်။

သောက်သုံးမိ ခဲ့သော မိန်းကလေး များမှာ နောက်တစ်နေ့ နံနက်မိုးလင်း ချိန်၌ မည်သည့် အကြောင်းအရာ ကိုမျှ ပြန်လည် မှတ်မိနိုင်ခြင်း မရှိတော့ဘဲ ဘဝများ ပျက်ခဲ့ရကြောင်း၊ ထိုဆေးနှင့် အလားတူ ဆေးပေါင်း များစွာမှာ အလွယ်တကူ ဝယ်၍ ရနေသဖြင့် သက်ဆိုင်ရာမှ အချိန်မီ ထိရောက်စွာ တားဆီးရန် လိုအပ်ကြောင်း၊ မိန်းကလေးများ အနေဖြင့် ပွဲလမ်းများတွင် အရက်၊ ဝိုင်၊ စပိုင်၊ အချိုရည် များကို တတ်နိုင်သမျှ ရှောင်ကြရန် နှင့် ယောက်ျားလေး သူငယ်ချင်း မိတ်ဆွေများ ကိုလည်း သတိထား ပေါင်းသင်းရန် အပြင် မဖြစ်မနေ ပွဲတက်၍ သောက်ရမည် ဆိုပါက လုံးဝ မဖောက်ရ သေးသောဘူး အသစ်ကိုသာ မှာယူ သောက်သုံး ကြရန် လိုကြောင်း ဆရာဝန် တစ်ဦးက ပြောပြ၍ သိရသည်။

#PyiChitThar


 ကော့ကရိတ်မြို့နယ် အလယ်ဗိုလ်တဲစခန်းကို ကျရောက်တဲ့လက်နက်ကြီးထိမှန်ပြီး ရင်ဘတ်ဒဏ်ရာရသူတစ်ဦး။ 

ကော့ကရိတ်မြို့နယ်အတွင်း အရပ်သားတွေကားရပ်နားရာမှာ လက်နက်ကြီးကျည်ကျရောက် ဒဏ်ရာရသူတစ်ဦး။ (အောက်တိုဘာ ၁၁၊ ၂၀၁၄)

ကရင်ပြည်နယ်၊ ကော့ကရိတ်မြို့နယ်ထဲက အလယ်ဗိုလ်တဲ ဆိုတဲ့ အရပ်မှာ မြဝတီမြို့ဘက်ကသွားတဲ့ ခရီးသည်ကားတစ်စီးကို လက်နက်ကြီး ထိမှန်ပြီး ကလေးတစ်ဦး အပါအဝင်  ၄ ဦးသေဆုံးပြီး ၁၂ ဦးခန့် ဒဏ်ရာရခဲ့ကြပါတယ်။ ဒဏ်ရာပြင်းထန်သူ ၃ ဦးကိုတော့ ကော့ကရိတ်ဆေးရုံကနေ ဘားအံဆေးရုံကို လွှဲပြောင်းပေးလိုက်တယ်လို့ ဆိုပါတယ်။ အပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ပြီးခဲ့တဲ့ရက်ကပဲ မြန်မာအစိုးရတပ်တွေနဲ့ ဒီမိုကရေစီ ကရင်အကျိုးပြုတပ်မတော်တို့ ကရင်ပြည်နယ်မှာ တိုက်ပွဲတချို့ဖြစ်ခဲ့ပြီး အောက်တိုဘာလ ၁၁ ရက်နေ့ နေ့လည်ပိုင်းမှာ ကရင်ပြည်နယ်၊ ကော့ကရိတ်မြို့နယ်အတွင်း ကားရပ်နားတဲ့နေရာတစ်ခုမှာ လက်နက်ကြီးကျည်တွေ ကျခဲ့တာပါ။ လက်နက်ကြီးကျည် ထိမှန်ပြီး ခရီးသည်သုံးဦးဟာ နေရာမှာပဲ သေဆုံးခဲ့ပြီး နောက်တစ်ဦးက ဆေးရုံမှာပဲ သေဆုံးခဲ့ပါတယ်။ ဒဏ်ရာပြင်းထန်တဲ့ လူနာ ၃ ဦးကိုတော့ ဘားအံဆေးရုံကို ပို့ပေးခဲ့ရပြီး အများစုက ကော့ကရိတ်ဆေးရုံမှာပဲ ရှိနေသေးကြောင်း လူနာတွေကို သွားရောက်ကြည့်ရှုခဲ့သူ မြို့ခံ တစ်ဦးက ပြောပါတယ်။

“လက်နက်ကြီးက ဘယ်က ပစ်မှန်းကို မသိဘူး။ ဂျိန်း-ကနဲဆို ကွဲမှပဲ သိကြတာ။ ဟိုမှာ သေတာပဲ (၃) ယောက်ပေါ့။ ဆေးရုံမှာရောက်မှ (၁) ယောက်သေတာ။ အခုတော့ ကော့ကရိတ်ဆေးရုံမှာလည်း ရင်ဘတ်ထိထားတဲ့ကလေး- အဲဒီကလေးကိုတော့ ဘားအံဆေးရုံယူသွားပြီ။ ဒီနေ့ညနေက ဘားအံဆေးရုံပို့လိုက်ပြီ။ ၃ ယောက်၊ ရင်ဘတ်ထိတဲ့တယောက်က စိုးရိမ်ရတယ်။ နောက် တင်ပဆုံထိတဲ့တယောက် ရှိသေးတယ်၊ အဲဒါလည်း စိုးရိမ်ရတယ်။ ကျန်တဲ့သူတွေလည်း ကုပေးပေမယ့် အခြေအနေမကောင်းရင်တော့ ထပ်ယူသွားတယ်လေ။ ဘားအံကို။ ဖြစ်တာက အလယ်ဗိုလ်တဲစခန်းမှာပေါ့။ ရပ်နားစခန်းမှာ--- ”

ပစ်ခတ်မှုတွေနဲ့ပတ်သက်လို့ မြန်မာအစိုးရဘက်ကရေ၊ တိုင်းရင်းသားလက်နက်ကိုင်တွေကိုပါ ဆက်သွယ် မေးမြန်းဖို့ ကြိုးစားခဲ့ပေမယ့် ဆက်သွယ်လို့ မရခဲ့ပါဘူး။ ကော့ကရိတ်မြို့ ရဲတပ်ဖွဲ့မှူးရုံးကို ဆက်သွယ်မေးမြန်းရာမှာတော့ အမျိုးသား ၃ ဦးနဲ့ ကလေးတစ်ဦး သေဆုံးကြောင်းနဲ့ ဒဏ်ရာရသူ ၁၂ ဦးရှိတယ်လို့ အတည်ပြု ပြောကြားခဲ့ပါတယ်။

“အားလုံး ကျား ၄ ဦးသေတယ်။ ကျား ၄ ဦးမှာ ကလေးတစ်ဦးပါတယ်ခင်ဗျ။ ဒဏ်ရာရတာကတော့ ဘုန်းကြီးတပါး အပါအဝင် ၁၂ ဦးပေါ့။ လက်နက်ကြီးကျည်ဆံကျပြီးတော့ သူတို့ကား ရပ်နားတဲ့အချိန်မှာ ကွဲသွားပြီးတော့မှ မှန်တယ်ဆိုတဲ့ဟာပဲ သိရတယ်။”

အခု လက်နက်ကြီးကျည်တွေဟာ ဘယ်ဘက်က ပစ်တဲ့လက်နက်ဆိုတာ အတိအကျ မသိရသေးကြောင်း၊ မြို့နယ်ရဲတပ်ဖွဲ့မှူးရုံးက ပြောပါတယ်။ တိုက်ပွဲတွေအတွင်း ပစ်ခတ်မှုကြောင့် လက်နက်ကြီးကျည် ကျတာလားဆိုတာကိုလည်း အတည်မပြုနိုင်သေးဘူးလို့ ဆိုပါတယ်။

ပြီးခဲ့တဲ့ သီတင်းတပတ်ကျော်တုန်းကလည်း အဲဒီလမ်းတလျှောက်မှာ လက်နက်ကြီးကျည်တွေ ကျတဲ့အတွက် ခရီးသည်တချို့ ဒဏ်ရာရခဲ့ပြီး ကော့ကရိတ်ဆေးရုံမှာပဲ ဆေးကုသမှု ခံခဲ့ရပါတယ်။ လက်ရှိအခြေအနေမှာ မြန်မာအစိုးရတပ်တွေနဲ့ ကရင်လက်နက်ကိုင် အဖွဲ့တချို့ဟာ ကရင်ပြည်နယ်အတွင်း တိုက်ပွဲဖြစ်နေတာပါ။ ပြီးခဲ့တဲ့ လကုန်ပိုင်းတုန်းကလည်း မွန်ပြည်နယ်၊ ကျိုက်မရောမြို့နယ်အတွင်း ၄ ရက်ဆက်တိုက် တိုက်ပွဲတွေ ပြင်းထန်ခဲ့ပြီး အခုရက်ပိုင်းမှာပဲ တိုက်ပွဲတချို့ ပြန်ဖြစ်နေတာပါ။

မြဝတီမြို့ကနေ ကော့ကရိတ်၊ ဘားအံ၊ ရန်ကုန်လမ်းတလျှောက် ခရီးသွားတွေအနေနဲ့ ခရီးသည်တင်ကားတွေပေါ် လက်နက်ကြီးကျည် ကျနေတဲ့အပေါ် စိုးရိမ်ပူပန်နေကြပြီး အခုလို ထိခိုက်သေဆုံးမှုတွေ ရှိလာတဲ့အတွက် ကုန်သည်တချို့ဟာ သူတို့ရဲ့ခရီးစဉ်တွေကို ဖျက်လိုက်ကြတယ်လို့ ဆိုပါတယ်။ မြန်မာအစိုးရနဲ့ ကရင်လက်နက်ကိုင်အဖွဲ့တချို့ဟာ ၂၀၁၁ ခုနှစ်အကုန်၊ ၂၀၁၂ ထဲမှာ အပစ်ရပ်စဲရေး လက်မှတ်ထိုးထားကြပေမယ့် ကရင်ပြည်နယ်ထဲက တချို့နေရာတွေမှာတော့ ထိတွေ့မှု တိုက်ပွဲငယ်တချို့ ရှိနေဆဲဖြစ်ပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com/content/shelling-killed-4-in-karen-state-kwakarate-township-/2480658.html

    နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူသည် ပြည်မြို့ အနောက်ဘက်ကမ်းရှိ “မဟာပ ဏီတ ပရဟိတအောင်တော်မူစေတီတော်” တွင် ရွှေပေါက်ပင်ဆရာတော် ဘဒ္ဒန္တသောမာစာရ၏အကျွတ်အလွတ်
အဓိဋ္ဌာန်ကျင့်စဉ်အား (၉) ရက်တိုင်တိုင် အားထုတ်ခဲ့ပြီး ၉.၁ဝ.၂ဝ၁၄ ရက်နေ့ မွန်းလွဲ (၃းဝဝ) နာရီအချိန် တွင် နာရေးကူညီမှုအသင်း(ရန်ကုန်) ရုံးချုပ်သို့ ပြန်လည်ရောက်ရှိခဲ့သည်။

      ခရီးဦးမဆိုက် ဧည့်သည်မိသားစုတစ်စုမှ ဦးကျော်သူနှင့် တွေ့ဆုံရန် ရောက်ရှိနေခဲ့ရာ ယင်းမိသားစု ၏ အငယ်ဆုံးသားဖြစ်သူ မောင်နေသော်သိန်းထွန်း (၃) နှစ်အရွယ်သည် မွေးရာပါနှလုံး၌ အပေါက်ပါရှိ သည့် ရောဂါကိုခံစားနေရသူဖြစ်သည်။ အသက်အရွယ်ကြီးလာသည်နှင့်အမျှ နှလုံးအပေါက်သည် ကျယ် လာ မည်ဖြစ်သည်။ ထို့ကြောင့် မန္တလေးမြို့ရှိ ဆေးရုံတွင် ပြသခဲ့ရာမှ လွှဲပြောင်းပေး၍ ရန်ကုန်မြို့၊ ရန်ကင်း ကလေးဆေးရုံသို့ ၂၆.၇.၂ဝ၁၄ ရက်နေ့တွင် ရောက်ရှိလာခဲ့သော်လည်း အသိမိတ်ဆွေ၊ ဆွေမျိုး မိတ်သင်္ဂဟ မရှိ စိုးရိမ်ပူပန်ခြင်း၊ အားငယ်လျှက်ရှိသည်။ ၂၇.၇.၂ဝ၁၄ ရက်နေ့တွင် တာဝန်ကျ ဆရာမကြီး မှ ကလေးငယ် မောင်နေသော်သိန်းထွန်း၏ ရောဂါဝေသနာသည် မြန်မာနိုင်ငံတွင် ကုသရန် မလွယ်ကူ သည့်အတွက် နိုင်ငံရပ်ခြားသို့ သွားရောက်ကုသမှသာ အဆင်ပြေနိုင်ကြောင်း ပြောကြားခဲ့ပြီး သြဂုတ်လ ဆန်းပိုင်းတွင် ပြည်ပမှ ဆရာဝန်ကြီးများ လာရောက်ရန်ရှိသည့်အတွက် ပြသနိုင်ရန် စီစဉ်ဆောင်ရွက်ပေးခဲ့ သည်။

       ၁.၈.၂ဝ၁၄ ရက်နေ့တွင် ပြည်ပမှ ဆရာဝန်ကြီးများမှ သားငယ်လေး မောင်နေသော်သိန်းထွန်း အား ခွဲစိတ်ကုသမှုများ ပြုလုပ်ရန်အတွက် လိုအပ်နေသည့် (B) သွေးအမျိုးအစား (၈) လုံးအား လိုအပ်နေသည့် အတွက် ရန်ကင်းကလေးဆေးရုံမှ ဆရာဝန်များတို့သည် နာရေးကူညီမှုအသင်း(ရန်ကုန်) သုခကုသိုလ်ဖြစ် ဆေးခန်းသို့ ဆက်သွယ်၍ လိုအပ်နေသည့် သွေးအမျိုးအစားများအား အကူအညီတောင်းခံခဲ့သည့်အတွက် ဥက္ကဋ္ဌ ဦးကျော်သူ နှင့်အတူ နာရေးကူညီမှုအသင်း(ရန်ကုန်)မှ ဝန်ထမ်းများ၊ လုပ်အားပေး အသင်းသား/သူ များတို့သည် သွားရောက်၍ မိမိခန္ဓာကိုယ်တွင်းရှိ သန့်စင်သောသွေးများ လှူဒါန်းပေးခဲ့ရာ သားငယ်လေး၏ မိသားစုများသည် အံ့သြဝမ်းသာ၍ သားငယ်အတွက် စိုးရိမ်ပူပန်နေသည့် သောကအပူမီးတစ်ဝက်အား ငြိမ်းပေးနိုင်ခဲ့သည်။ သွေးလိုအပ်နေသူများအား မိမိတို့၏ အသက်သွေးများပေးလှူ၍ အတိုင်းမသိ မွန်မြတ် သော စေတနာသွေးလှူရှင်များ၏ ကုသိုလ်ကောင်းမှုနှင့် ကလေးဆေးရုံမှ ဆရာမများ၊ ပြည်ပ ဆရာဝန် ကြီးများတို့၏ စေတနာရှေ့ထား စောင့်ရှောက်မှုတို့ကြောင့် သားငယ် မောင်နေသော်သိန်းထွန်းသည် ခွဲစိတ် ကုသမှု အောင်မြင်ခဲ့ ပြီး ယခုဆိုလျှင် လုံးဝပျောက်ကင်း၍ ကျန်းမာသန်စွမ်းနေပြီဖြစ်သည်။

     ၉.၁ဝ.၂ဝ၁၄ ရက်နေ့တွင် သားငယ် မောင်နေသော်သိန်းထွန်း အသက်ဆက်ရန် သွေးလှူဒါန်း ပေးခဲ့ သော ဦးကျော်သူ အားလာရောက်၍ ကန်တော့ပန်းဆင်ပြီး ဦးကျော်သူ တည်ဆောက်လျှက်ရှိသည့် “မဟာပဏီတ ပရဟိတအောင်တော်မူစေတီ” အတွက် အလှူငွေ (၅) သိန်းကျပ်တိတိအား ပေးအပ်လှူ ဒါန်းခဲ့သည်။ ဦးကျော်သူမှ မောင်နေသော်သိန်းထွန်း၏ ခန္ဓာကိုယ်ထဲတွင် ပရဟိတသမားတို့၏ သွေးများ လည်ပတ် စီးဆင်းနေပြီဖြစ်၍ နောင်တစ်ချိန်တွင် အမျိုးဘာသာ၊ သာသနာတော်အား စောင့်ရှောက်ပေးနိုင် မည့် ပရဟိတသမားစစ်စစ်တစ်ယောက် ဖြစ်လာပါစေဟု ဆုတောင်းပေးခဲ့ပါတော့သည်။

(မှတ်တမ်း - ဓါတ်ပုံများ)






သတင်း-ဆောင်းပါး နှင့် မှတ်တမ်း ဓါတ်ပုံများ - နာရေးကူညီမှုအသင်း(ရန်ကုန်)


စစ်ထောက်လှမ်းရေး မရှိတော့တဲ့ နောက်ပိုင်း နိုင်ငံရေး တက်ကြွ လှုပ်ရှားသူတွေကို အဓိက ဖမ်းဆီးခဲ့တဲ့ ထောက်လှမ်းရေးနှင့် နိုင်ငံရေး အဖွဲ့အစည်းကို ဖျက်သိမ်း လိုက်ပြီလို့ ရဲတပ်ဖွဲ့ ပြောဆိုလိုက်ပါတယ်။ ဦးစည်သူဇေယျ သတင်းပေးပို့ထားပါတယ်။

DVB TV - 11.10.2014

 
 အိုင်အက်စ်တွေ လက်ထဲ ကျလုနီးနေတဲ့ ကိုဘာနီမြို့

အိုင်အက်စ် အစ္စလာမ္မစ် စစ်သွေးကြွတွေဟာ ဆီးရီးယားကနေ တူရကီကို သွားတဲ့ နယ်စပ် ဖြတ်လမ်းကို တိုက်ခိုက်ဖို့ ကြိုးစားခဲ့ပေမယ့် မအောင်မြင်ခဲ့ဘူးလို့ ဆီရီးယား နယ်စပ်က ကိုဘာနီမြို့ကို ကာကွယ် နေတဲ့ ကာ့ဒ်လက်နက်ကိုင်တပ်ဖွဲ့ အဆင့်မြင့်အရာရှိတဦးက ဘီဘီစီကို ပြောပါတယ်။

အိုင်အက်စ်တွေဟာ အဘက်ဘက်က တိုက်ခိုက်ပြီး မြို့ကို ဝိုင်းဖို့ ကြိုးစားခဲ့ပြီး အခုအချိန်အထိ တော့ အရှေ့ပိုင်းမှာ ကားဗုံးတွေသုံးတိုက်လို့ ရှေ့တိုး နိုင်ခဲ့တာ တချို့ရှိတယ်လို့ ကာ့ဒ် အရာရှိ Mr. Khalid Berkel က ပြောပါတယ်။

ကာ့ဒ်လက်နက်ကိုင်တပ်ဖွဲ့ တွေနဲ့ ဆီးရီးယား လွတ်မြောက်ရေးတပ်ဖွဲ့ တွေက လက်နက်ခဲယမ်းနဲ့ လက်နက်ကြီးတွေ အရေးပေါ်လိုအပ်နေတယ်လို့ ပြောပါတယ်။

ကိုဘာနီမြို့မှာ ထောင်နဲ့ချီတဲ့ လူတွေ ပိတ်မိနေပြီး မြို့သာ အိုင်အက်စ် တွေလက်ထဲ ကျသွားရင် အစုလိုက် အပြုံလိုက် အသတ်ခံရနိုင်တယ်လို့ ကုလသမဂ္ဂကလည်း သတိပေးနေပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/world/2014/10/141011_syria_is


ဒီကနေ့ စနေနေ့မှာ ကရင်ပြည်နယ်အတွင်း ကော့ကရိတ်နဲ့ လှိုင်းဘွဲ့မြို့နယ်တွေက ဒီကေဘီအေတွေ စခန်းတွေကို အစိုးရတပ်တွေ ပြင်းပြင်းထန်ထန် တိုက်ခိုက်ခဲ့ပါတယ်။

မနက်ပိုင်းမှာ အစိုးရတပ်တွေက လှိုင်းဘွဲ့မြို့နယ် ကန်ညီနောင်ရွာကို လက်နက်ကြီးတွေနဲ့ အပြင်းအထန် ဝင်ပစ်လို့ ရွာမီးလောင်သွားခဲ့ပါတယ်။

ဒီကေဘီအေတွေ မိုင်ကြီးငူနဲ့ ကမမောင်းဖက်ကို ဆုတ်ခွာလို့ အဲဒီဖက်မှာ တိုက်ပွဲတွေ ဆက်ဖြစ်နေပြီး မြဝတီနဲ့ ကော့ကရိတ် အကြားက ဒီကေဘီအေ စခန်းကိုလည်း အစိုးရတပ်တွေက ဒီနေ့နေ့လည်က စလို့ လက်နက်ကြီးတွေနဲ့ အပြင်းအထန် ပစ်ခတ်နေတယ်လို့ သိရပါတယ်။

ကော့ကရိတ်နဲ့မြဝတီကြားက အလယ်ဗိုလ်တဲဆိုတဲ့စခန်းကို အဝေး ကနေပစ်လိုက်တဲ့ မော်တာကျည်တွေ ပေါက်ကွဲပြီး၊ အရပ်သား ၃ ယောက်သေပြီး၊၈ ယောက်ဒါဏ်ရ တယ်လို့ကော့ကရိတ်မြို့ခံတွေကပြောပါတယ်။

အဲဒီဒေသဘက်ကို အစိုးရစစ်တပ် တပ်ရင်း ၃ ရင်းလောက် သွားနေပြီဖြစ်လို့ တိုက်ပွဲတွေ ဆက်ဖြစ်နိုင်တယ်လို့ အကဲခတ်တွေကပြောပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/10/141011_dkbafighting

လှိုင်းဘွဲမြို့ နယ်က မဲသဝေါဒေသမှာ မနေ့က ဒေသအခြေစိုက် မြန်မာစစ်တပ်နဲ့ ဒီကေဘီအေအဖွဲ့တို့အကြား တိုက်ပွဲဖြစ်ပွားခဲ့တဲ့အတွက် ဒေသခံရွာသား ၂၆၀ နယ်ခြားသောင်ရင်းမြစ်ကိုကူးပြီး ထိုင်းဘက်ခြမ်းကို တိမ်းရှောင်လာကြပါတယ်။

ဒီနေ့မှာ မြန်မာဘက်ခြမ်းမှာ တိုက်ပွဲတွေမဖြစ်တော့တဲ့အတွက် သူတို့ကိုထိုင်းအာဏာပိုင်တွေက မြန်မာဘက်ခြမ်းကို ဒီနေ့မှာနှစ်သုတ်ခွဲပြီး ပြန်ပို့လိုက်ပါတယ်။

ပထမအသုတ် ၁၉၅ ဦးက ထိုင်းဘက်ခြမ်းက ၀ပ်မွန်းခွန်းကီလီ ထိုင်းဘုန်းတော်ကြီးကျောင်းမှာ ခိုလုံနေတဲ့သူတွေဖြစ်ပြီး ဒုတိယအသုတ်ကတော့ အခြားနေရာတွေမှာ ပြန့်ကျဲနေတဲ့သူတွေဖြစ်ပြီး အားလုံးပေါင်း ၂၆၀ ဦးဖြစ်ပါတယ်။

အကယ်၍ မြန်မာဘက်မှာ တိုက်ပွဲတွေပြန်ဖြစ်ခဲ့ရင် ထိုင်းဘက်ကို မဖြစ်မနေလာရှောင်နေရအုံးမှာဖြစ်တယ်လို့ မဲသဝေါရွားသားတဦးဖြစ်တဲ့ နော်မူး ကဆိုပါတယ်။
ပုံစာ - ဒီနေ့ထိုင်းဘက်က ပြန်ပို့လိုက်တဲ့ စစ်ပြေးဒုက္ခသည်များ ။

ကရင်ပြည်နယ် လှိုင်းဘွဲမြို့ နယ်မဲသဝေါဒေသမှာ မနေ့ကမြန်မာစစ်တပ်နဲ့ဒီကေဘီအေတို့အကြား ဖြစ်ပွားခဲ့တဲ့တိုက်ပွဲကြောင့် ထိုင်းဘက်ခြမ်းကိုရှောင်တိမ်းလာတဲ့ ဒေသခံရွာသား (၂၆၀)ကို ဒီနေ့မှာ ထိုင်းအာဏာပိုင်တွေက မြန်မာဘက်ခြမ်းကို ပြန်ပို့လိုက်ပါတယ်။

ကရင်အမျိုးသား (မီဒီယာ)


ထိုင်းနိုင်ငံ လိပ်ကျွန်းမှာ ဗြိတိသျှခရီးသည်နှစ်ဦးကို သတ်ခဲ့သည်ဆိုပြီး စွဲချက် တင်ခံရသည့် မြန်မာလူမျိုးအလုပ်သမားနှစ်ဦင်္းအမှုကို စွဲချက်တင်သင့် မတင်သင့် ဆုံးဖြတ်နိုင်ရန် တရားရုံးကို နောက်ထပ် လိုအပ်သော တိကျခိုင်မာသော အချက်အလက်များပေးပို့ရန် လာမည့် ကြာသာပတေးနေ့ကို နောက်ဆုံးထား တင်ပြပါရန် တရားရုံးက ရဲများကို အချိန်ပေးလိုက်ပါသည်။

အဆိုပါအမှုတွင် တာဝန်ရှိသူအဖြစ်ကြီးမှုးဆောင်ရွက်နေသည့်  ထ၀ပ်ချိုင်း ဆီရမ်ဂျီရော က ရဲမှတ်တမ်းမှာ လစ်ဟာချက်များ ရှိနေသည်ဟု ဆိုသည်။ ထို့ ကြောင့် နောက်ထပ်သက်သေပြချက်များ တင်ပြရန် ရဲတပ်ဖွဲ့ ကို ကြာသာပတေးနေ့ အထိ နောက်ဆုံးအချိန်ပေးခဲ့ခြင်းဖြစ်သည်။

သို့ ရာတွင် အစိုးရတရားရုံးက စာမျက်နှာ ၃၀၀ ကျော်ရှိသော ရဲအစီရင်ခံစာမှာ မည်သည့် လစ်ဟာချက်များ တွေ့ ရှိခဲ့ သည်ဆိုသည်ကိုမှု မစ္စတာ ထ၀ပ်ချိုင်း က ပြောကြားခြင်းမရှိပါ။ ရဲ၏ အစီရင်ခံစာသည် မပြည့်စုံဟုသာ သူက ဆိုသည်။

လိပ်ကျွန်းက ဗြိတိသျှခရီးသွား ၂ ဦးကို သတ်မှူဖြင့် ထိုင်းမှာ တရားမ၀င် လာရောက် အလုပ်လုပ်ကိုင်ကြသည့် ရခိုင်ပြည်နယ်က ဇော်လင်းနှင့် ၀င်းဇော်ထွန်း ကို ထိုင်းရဲများက ဖမ်းဆီးထားသည်။ ဗြိတိသျှစုံတွဲ၏ အလောင်း ကို လိပ်ကျွန်းကမ်းခြေတွင် စက်တင်ဘာလ ၁၅ရက်နေ့ က တွေ့ ခဲ့ရခြင်းဖြစ်ပြီး အဆိုပါ အမှု ဖော်ထုတ်ခြင်းနှင့် ပတ်သက်ပြီး ထိုင်းရဲတပ်ဖွဲ့ မှာ ပြင်းပြင်း ထန်ထန် ဝေဖန်ခြင်းကို ခံနေရ၏။

ရဲ များ ပြုလုပ်နေသော ဒီအန်အေ စစ်ဆေးမှုများ၊ တရားခံဖြစ်နိုင်ချေရှိသူများ၊ စစ်ဆေးမှုများသည် နေ့စဉ်ပြောင်းလဲနေပြီး တရားခံနှစ်ဥင်္ီးက သတ်ကြောင်း ၀န်ခံသည်ဟု ရဲက ပြောထားပါသည်။

ထိုင်းရဲတပ်ဖွဲ့ ၏ အဆိုပါအမှုကို ကိုင်တွယ်ပုံနှင့် ပတ်သတ်ပြီး ထိုင်းပြည်သူ အများနှင့် နိုင်ငံခြားသားများက တကယ့် လူသတ်သမားအစစ်သည် လွတ်မြောက်နေသည်ဟု ယုံကြည်ကြသည်။

နောက်ထပ် သက်သေအထောက်အထားများ မရှိစေကာမှု ထိုင်းတရားရုံးသည် တရားခံဟု စွပ်စွဲခံထားရသည့် မြန်မာလူမျိုးများကို နောက်ထပ် ၁၂ရက် သက်တမ်းတိုးကာ ထိန်းသိမ်းထားလိုက်ပါသည်။ လာမည့် ဗုဒ္ဒဟုးနေ့တွင် သူတို့ ၏ ပထမအချုပ်သက်တမ်း ရမန် တစ်ပတ် ကုန်ဆုံးပြီဖြစ်သည်။

“ တရားရုံးအနေနဲ့  ရဲမှတ်တမ်းပြည့်စုံရဲ့လား စဉ်းစားမယ်၊ ပြီးမှ စွဲချက်တင်သင့် မတင်သင့် ဆုံးဖြတ်မယ်” ဟု မစ္စတာ ထ၀ပ်ချိုင်းက ပြောပါသည်

ဖမ်းဆီးခံထားရသည့်  ကိုဇော်လင်းနှင့် ကိုဝင်းဇော်ထွန်းက သူတို့ ကို အမှု စစ်ဆေးစဉ် အတွင်း ၀န်ခံလာအောင် ထိုင်းရဲများက နှိပ်စပ်ညှင်းပန်း ခဲ့ကြောင်း ပြောကြားခဲ့သည်။

ထိုင်းရဲမှုး ပါရာချွန် ရုရမ်သွန်က တရားခံများက ထိုသိုေ့ပြာကြားသော် လည်း အောက်တိုဘာ ၂ ရက် သူတို့နှစ်ဦးကို မဖမ်းဆီးခင်အထိ တွေ့ ရသော အချက်အလက်များသည် ခိုင်လုံသည်ဟုဆိုသည်။

“သူတို့ ဘာသာ ၀န်ခံခံ ဒါမှမဟုတ် ငြင်းဘဲငြင်းငြင်း တရားရုံးကို ရဲက စုစောင်း ပို့ထားတဲ့ သက်သေတွေက ပြောင်းမှာမဟုတ်ဘူး” ဟု ပါရာချွန်က ပြောသည်။

တကယ်လို့ ၀န်ခံခဲ့မယ်ဆိုရင်တော့ တရားရုံးက ပြစ်ဒဏ်ချမှတ်သည့်အခါမှာ သက်သက်ညှာညှာ ချမှတ်ပေးနိုင်ကြောင်း ၄င်းက ဖြည့်စွက်ပြောကြားခဲ့သည်။

အဆိုပါအမှုနှင့်ပတ်သက်ပြီး မြန်မာပြည်သို့ အလည်အပတ်ရောက်ခဲ့သည့် ထိုင်းနိုင်ငံ စစ်အာဏာသိမ်းအစိုး၇ ၀န်ကြီးချုပ် ပရာယွတ်နှင့် မြန်မာ သမ္မတ အကြား ပြောဆိုမှုရှိခဲ့ ပြီး မြန်မာသမ္မတက အမှုကို ရှင်းရှင်းလင်းလင်း မျှမျှတတ ဆုံးဖြတ်ရန် တောင်းဆိုခဲ့သည်ဟု ထိုင်းမီဒီယာများတွင် ဖော်ပြထားသည်။

ထိုင်းဝန်ကြီးချုပ်က သမ္မတ ဦးသိန်းစိန်ကို အဆိုပါ အမှုနှင့် ပတ်သက်ိပြီး ထိုင်း ဘက်မှ ကိုင်တွယ်နေပုံကို နားလည်ပေးပါရန်နှင့် ထိုင်းမီဒီယာများက အဆိုပါ လူနှစ်ဦးသည် ကြားချောင်ဖမ်းဆီးခံနေရသည်ဟု ချဲ့ကား ရေးသားဝေဖန်မှု များကို အဆုံးသတ်ရန် တိုက်တွန်းခဲ့ကြောင်း သတင်းရရှိပါသည်။

လင်းလင်း

Ref - Bangkok Post

The Ladies News Journal



အနောက်အာဖရိကနိုင်ငံတွေကလာတဲ့ လေယာဉ်ခရီးစဉ်တွေမှာ ပါလာတဲ့ခရီးသည်တွေကို အီဘိုလာရောဂါ ဖြစ်မဖြစ်ကို အမေရိကန်လေဆိပ်တချို့မှာ စစ်ဆေးနေပါတယ်။

New York မြို့က JFK လေဆိပ်မှာ ဒီကနေ့ စနေနေ့မှာ စစ်ဆေးမှုတွေ စတင်နေပြီးတော့ Washington Dulles၊ New Jersey Newark၊ Chicago O'Hare နဲ့ Atlanta's လေဆိပ်တွေမှာလည်း လိုင်ဘေးရီးယား၊ ဆီရာလီယွန်းနဲ့ ဂီနီနိုင်ငံက လာကြတဲ့ခရီးသည်တွေကို မကြာခင်မှာ စစ်ဆေးသွားမှာ ဖြစ်ပါတယ်။

အီဘိုဘာရောဂါဟာ လောလောဆယ် နိုင်ငံ ၇ နိုင်ငံမှာဖြစ်ပွားနေပြီး သေဆုံးသူ ၄
ထောင်ရှိသွားပြီလို့ WHO ကမ္ဘာ့ကျန်းမာရေးအဖွဲ့ကြီးက သောကြာနေ့က
ပြောကြားခဲ့ပါတယ်၊ ဖြစ်နေတဲ့ အီဘိုလာကူးစက်ပျံ့ပွားမှုအတိုင်း
အတာနဲ့ညီမျှတဲ့ ငွေကြေးအကူအညီပေး တိုက်ဖျက်ကြဖို့ အီဘိုလာဆိုင်ရာ ကုလသမဂ္ဂဆွေးနွေးပွဲမှာ တာဝန်ရှိသူတွေက ပြောကြားခဲ့ပါတယ်။

အနောက်အာဖရိကနိုင်ငံတွေမှာ အီဘိုလာတိုက်ဖျက်ရေး စစ်သုံး ဘဏ္ဍာငွေ အမေရိကန်ဒေါ်လာ သန်း ၇၅၀ ပေးဖို့ အမေရိကန်လွှတ်တော်အမတ်တွေက သဘောတူခဲ့ကြပါတယ်။

ရောဂါအဆိုးဆုံးဖြစ်နေတဲ့နေရာမှာ ဆေးပေးစခန်းတွေ ဆောက်လုပ်ဖို့ အမေရိကန် စစ်သားတွေလိုက်ဘေးရီးယားနိုင်ငံမှာ ရောက်ရှိနေကြပါတယ်၊ လိုက်ဘေးရီးယား၊ Sierra Leone နဲ့ Guinea နိုင်ငံတွေမှာ အီဘိုလာကြောင့်
သေဆုံးသူ အများဆုံးဖြစ်တယ်လို့ WHO ကပြောပါတယ်။

ရှေ့သီတင်းပတ်တွေမှာတော့ Washington Dulles၊ New Jersey Newark၊ Chicago O'Hare နဲ့ Atlanta's လေဆိပ်တွေမှာလည်း အီဘိုလာ စစ်ဆေးမှုတွေ လုပ်သွားမှာဖြစ်ပါတယ်။ အီဘိုလာ အဆိုးဆုံးဖြစ်နေတဲ့ အာဖရိကနိုင်ငံတွေကနေ အဲဒီလေဆိပ် ၅ ခုပေါင်းဆီ ရောက်လာကြသူခရီးသည်က ၉၀ % ကျော်ပါတယ်။

အီဘိုလာဖြစ်ပွားနေတဲ့ နိုင်ငံပေါင်း ၇ နိုင်ငံရှိနေပြီး ရောဂါဖြစ်သွားနေတယ်လို့ အတည်ပြုနိုင်သူ ၈,၄၀၀ နီးပါးရှိပြီလို့ WHO ကမ္ဘာ့ကျန်းမာရေး အဖွဲ့ကြီးက သောကြာနေ့က ပြောကြားခဲ့ပါတယ်။ ဖြစ်နေတဲ့ အီဘိုလာကူးစက်ပျံ့ပွားမှုအတိုင်းအတာနဲ့ ညီမျှတဲ့ ငွေကြေးအကူအညီပေး တိုက်ဖျက်ကြဖို့လည်း အီဘိုလာဆိုင်ရာ ဆွေးနွေးပွဲမှာ ပြောခဲ့ကြပါတယ်။
VOA


အရွယ်အစားကြီးမားပြီး အင်အားပြင်းတဲ့ မုန်တိုင်းတခု ဂျပန်နိုင်ငံတောင်ပိုင်း ကျွန်းတွေကို ဦးတည်ပြီး တဖြည်းဖြည့် ရွေ့လျားနေပါတယ်။ Vongfong မုန်တိုင်းအရှိန်ကြောင့် Okinawa ကျွန်းပေါ်မှာ မိုးသည်းထန်စွာ ရွာသွန်းကာ လေပြင်းတိုက်ခတ်မှုကြောင့် ဓါတ်အားလိုင်းတွေ ပြတ်တောက်ခဲ့တဲ့အတွက် လူပေါင်းထောင်သောင်းချီ လျှပ်စစ်မီးမရဖြစ်နေကြပါတယ်။

ထိခိုက်ဒဏ်ရာရသူ ၁၂ ယောက်ထက် မနည်းရှိသလို လေယာဉ်ခရီးစဉ်တွေလည်း ထိခိုက်နေပါတယ်။ စနေနေ့နှောင်းပိုင်းလောက်မှာ Okinawa ကျွန်းနဲ့ အနီးဆုံးနားအထိ မုန်တိုင်းဖြတ်သွားမယ်လို့ မိုးလေဝသခန့်မှန်းသူတွေ မျှော်လင့်ထားကြပါတယ်။

ရှေ့သီတင်းပတ်အစောပိုင်းလောက်မှာ Kyushu နဲ့ Honshu ကျွန်းတွေဖက်ကို မုန်တိုင်းဦးတည်သွားမယ်လို့ ခန့်မှန်းပါတယ်။ Vongfong တိုင်ဖွန်း မုန်တိုင်းဟာ ပြီးခဲ့တဲ့ရက်တွေမှာ အားပျော့သွားခဲ့ပေမဲ့လဲ လေပြင်းတိုက်နှုန်းက တနာရီကို ၁၄၅ မိုင်လောက်ရှိခဲ့ပါတယ်။

ဂျပန်နိုင်ငံဖက်ကို တနာရီ ၆ နိုင်နှုန်းလောက်နဲ့ ဦးတည်နေတဲ့ မုန်တိုင်းကြောင့် ရေကြီးနိုင်တဲ့အန္တရာယ်လည်း ရှိနေပါတယ်။ Vongfong မုန်တိုင်းဟာ တရုတ်လို နကျီကောင်လို့ အဓိပ္ပာယ်ရပါတယ်။ ပြီးခဲ့တဲ့သီတင်းပတ်ကပဲ Phanfone မုန်တိုင်းဒဏ်ကို ဂျပန်နိုင်ငံခံထားရပြီး အဲဒီမုန်တိုင်းတုန်းကလည်း အမေရိကန်စစ်မှုထမ်း ၃ ယောက် အပါအဝင် ၇ ယောက်သေဆုံးခဲ့ပါတယ်။

VOA


ရန်ကုန်မြို့ စိမ်းလဲ့ကန်သာလမ်းမှာ ဖြစ်ပွားခဲ့တဲ့ ၅လောင်းပြိုင်လူသတ်မှု ၆နှစ်ကျော်လာပေမယ့် အခုထိ ဘယ်သူဘယ်ဝါရဲ့လက်ချက်ဖြစ်တယ်ဆိုတာ မြန်မာရဲတပ်ဖွဲ့က မသိသေးပါဘူး။ အထူးစုံစမ်းစစ်ဆေးရေးအဖွဲ့ CID က လွှဲပြောင်းယူနေတဲ့ ဒီမှု ဘာဖြစ်လို့ အခုထိ အဖြေမထွက်သေးတာလဲ။

မြန်မာနိုင်ငံမှာ ၂ဝဝ၈ ခုနှစ် မိုးကုတ်သူဌေး ဦးမြမောင်ရဲ့မိသားစုဝင်တွေ သတ်ဖြတ်ခံရတဲ့ ၅လောင်းပြိုင်အမှု လူသတ်တရားခံတွေ ထွက်ပြေးနေသလား၊ မပြေးဘူးလားဆိုတာတောင် မသိပါဘူးလို့ ရန်ကုန်တိုင်း ရဲတပ်ဖွဲ့က ဒုတိယရဲမှူးကြီး မြင့်ထွေးက အောက်တိုဘာ ၁၁ရက်နေ့မှာ ပြောဆိုခဲ့ပါတယ်။

တရားခံပြေးပေါင်း တစ်သောင်းကျော်ရှိနေတဲ့ မြန်မာပြည်မှာ တရားခံပြေးတွေ ထွက်ပြေးလွတ်မြောက်နေရတဲ့ အဓိကအကြောင်းရင်းမှာ သူတို့ဟာ ရွှေ့ပြောင်းနေထိုင်သူတွေဖြစ်လို့ ဖမ်းဆီးရတာ ခက်ခဲပြီး အခုတော့ ပြည်နယ်တိုင်း ရဲတပ်ဖွဲ့ဝင်တွေ ချိတ်ဆက်ဆောင်ရွက်နေတယ်လို့ သူက ဆိုပါတယ်။

တရားခံပြေး ဖမ်းဆီးမှု စီမံချက်အရ စက်တင်ဘာ ၁ရက်နေ့ကနေ ဒီကနေ့အထိ တရားခံပြေး ၆ဝဝ ကျော်ကို ဖမ်းဆီးရမိထားသလို ရန်ကုန်အရှေ့ပိုင်းခရိုင်နဲ့ တောင်ဥက္ကလာမြို့နယ်မှာ တရားခံပြေးတွေ အများဆုံးပဲလို့ ဆိုပါတယ်။ ရန်ကုန်တိုင်းထဲ မူးယစ်ဆေးဝါးတွေ ဝင်ရောက်နေတဲ့ကိစ္စ မငြင်းပေမယ့်လည်း မူးယစ်ဆေးဝါး ရောင်းဝယ်ဖောက်ကားမှု၊ သုံးစွဲမှုဟာ ကွမ်းယာဆိုင်တွေအထိ ပေါ်ပေါ်တင်တင် လုပ်ရဲလောက်တဲ့ အနေအထားမရှိပါဘူးလို့ ဒုရဲမှူးကြီး မြင့်ထွေးက ပြောပါတယ်။ ရဲတွေကိုယ်တိုင် ပါဝင်ပတ်သက်နေရင်လည်း သတင်းအခိုင်အမာရရင် အရေးယူပါမယ်၊ ဒုစရိုက်မှုတွေမှာ ကျူးလွန်သူနဲ့ ရဲ ပူးပေါင်းတာမျိုး ခွင့်ပြုမထားပါဘူးလို့ ဆိုပါတယ်။

မြန်မာနိုင်ငံ ရဲတပ်ဖွဲ့မှာ ပြည်သူဗဟိုပြုတဲ့ ရဲလုပ်ငန်းပြန့်ပွားဖို့ ဥရောပသမဂ္ဂက သင်တန်းပေးလာတာ ၁၂ကြိမ်ရှိသွားပြီး ဒီ ပြည်သူဗဟိုပြုတဲ့ လုပ်ငန်းပြန့်ပွားဖို့ အစွမ်းကုန်လုပ်သွားမယ်လို့ ဒုရဲမှူး ပြည့်စုံက ဆိုပါတယ်။

Kamayut Media
https://www.facebook.com/KamayutMedia?fref=nf

ဗြိတိန်နိုင်ငံသားနှစ်ဦးသတ်မှုနဲ့ စွပ်စွဲဖမ်းဆီးထားတဲ့ မြန်မာ ရွှေ့ပြောင်းအလုပ်သမားနှစ်ဦးကို သတင်းစာရှင်းလင်းပွဲမှာ တွေ့ရစဉ်။

ထိုင်းနိုင်ငံ ကော့တောင်ကျွန်းက ဗြိတိန်နိုင်ငံသားနှစ်ဦး အသတ်ရခံမှုမှာ လူသတ်မှု စွပ်စွဲချက်နဲ့ အဖမ်းဆီးခံထားရတဲ့ မြန်မာရွှေ့ပြောင်း အလုပ်သမား နှစ်ဦး အရေး အမှုမှန်ပေါ်ပေါက်နိုင်ဖို့ ပြည်ထောင်စုဝန်ကြီးဦးဆောင်တဲ့အဖွဲ့ တစ်ဖွဲ့ကို မြန်မာအစိုးရရဲ့ ထိုင်းကို စေလွှတ်တော့မှာဖြစ်ပါတယ်။ ထိုင်းနိုင်ငံ မြန်မာသံရုံးအထူးစုံစမ်းရေးအဖွဲ့ရဲ့ ကော့တောင်ကျွန်းလူသတ်မှု စုံစမ်းစစ်ဆေးတွေ့ရှိချက် အစီရင်ခံစာ မြန်မာသမ္မတ ဦးသိန်းစိန်ဆီ တင်သွင်းအပြီး အခုလိုလုပ်ဆောင်ဖို့ဖြစ်လာတာပါ။ ဒီလိုဟိုးလေးတကျော်ဖြစ်နေတဲ့ လူသတ်မှုကယက်ကြောင့် ကော့တောင်ကျွန်းက မြန်မာရွှေ့ပြောင်း အလုပ်သမားတွေ ကြားမှာ လုံခြုံရေး စိုးရိမ်မှုတွေနဲ့အတူ လုပ်ငန်းထိခိုက်မှုတွေလည်း ရှိလာနေပါတယ်။ အသေးစိတ် မဆုမွန် တင်ပြပေးထားပါတယ်။

ထိုင်းနိုင်ငံတောင်ပိုင်း လိပ်ကျွန်းလို့ခေါ်တဲ့ ကော့တောင်ကျွန်းမှာ စက်တင်ဘာလ ၁၅ ရက်နေ့က အသတ်ခံခဲ့ရတဲ့ အသက် ၂၃ နှစ်အရွယ် ဗြိတိန်နိုင်ငံသူ မစ္စ Hannah နဲ့ အသက် ၂၄ နှစ်အရွယ် ဗြိတိန်နိုင်ငံသား David Miller ဆိုတဲ့ ကမ္ဘာလှည့်ခရီးသွား နှစ်ဦး မုဒိမ်းကျင့် သတ်ဖြတ်ခံရမှုနဲ့ ပတ်သက်ပြီးတော့ အစိုးရရဲ့ အထူးတာဝန် ပေးထားတဲ့ ထိုင်းနိုင်ငံ မြန်မာသံရုံး ဒုကောင်စစ်ဝန် ဦးဆောင်တဲ့ စုံစမ်းရေးအဖွဲ့ အနေနဲ့ ဖြစ်စဉ်ဖြစ်ပျက်ခဲ့တဲ့ ကျွန်းနေရာ၊ အမှုစစ် ထိုင်းရဲတပ်ဖွဲ့တွေအပါအဝင် သက်ဆိုင်ရာ ဒေသခံတာဝန်ရှိသူတွေနဲ့ တွေ့ဆုံ ဆွေးနွေးခဲ့ပါတယ်။ နောက် အကျဉ်းထောင်မှာ ဖမ်းဆီးထိန်းသိမ်းခံထားရတဲ့ မြန်မာရွှေ့ပြောင်းအလုပ်သမားနှစ်ဦးနဲ့ အစိုးရသက်သေဆိုသူ မြန်မာရွှေ့ပြောင်းအလုပ်သမား တစ်ဦး နောက် စကားပြန်ကိုပါ သွားရောက်တွေ့ဆုံ မေးမြန်းခွင့် ရခဲ့တာဖြစ်ပါတယ်။ ဒီလို မေးမြန်းစုံစမ်းမှုတွေကို စုစည်းပြီးတော့ မြန်မာသမ္မတဦးသိန်းစိန်ထံကို အောက်တိုဘာလဆန်းပိုင်းမှာ အစီရင်ခံစာ တင်သွင်းနိုင်ခဲ့ တာဖြစ်ပါတယ်။

မြန်မာသမ္မတဆီ အစီရင်ခံစာ တင်သွင်းပြီးနောက်မှာတော့ မြန်မာအစိုးရက ပြည်ထောင်စုဝန်ကြီး ဦးဆောင်တဲ့ အထူးစုံစမ်းရေးအဖွဲ့ စေလွှတ်ပြီးတော့ ထိုင်းနိုင်ငံ မြန်မာသံရုံး အထူးအဖွဲ့နဲ့ ပူးပေါင်းဆောင်ရွက်သွားကြဖို့ရှိပါတယ်လို့ မြန်မာအလုပ်သမားနှစ်ဦး အရေး ကိုယ်တိုင် လိုက်ပါ ဆောင်ရွက်ပေးနေတဲ့ ဥပဒေအကျိုးဆောင် ဦးအောင်မျိုးသန့်က ဗွီအိုအေမြန်မာပိုင်းကို ပြောပါတယ်။

“ပြည်ထောင်စုဝန်ကြီးအဖွဲ့ ဖွဲ့ထားပြီးတော့ ကျနော်တို့နဲ့ လာပူးပေါင်းပြီးတော့ ဒီအမှုကို ဥပဒေပညာရှင်တွေနဲ့ပူးပေါင်းပြီး စစ်ဆေးမယ်လို့တော့ သိရပါတယ်။ အဲဒီလိုလာမှလည်း ကောင်းမယ့်အခြေအနေဖြစ်ပါတယ်။ အဲဒီအထဲမှာ ဥပဒေပညာရှင်တွေ၊ ဆေးမှုခင်းပညာရှင်တွေ ပါလာမယ်လို့ သိရပါတယ်ခင်ဗျ။ နာမည်တွေကတော့ အတိအကျ မသိသေးပါဘူး။ ဒါပေမယ့် ထိုင်းဥပဒေအရာရှိရုံးကနေပြီးတော့ ရဲတွေကို ပြန်ချပေးတဲ့အခါကျတော့ စစ်ဆေးမှုမပြည့်စုံလို့ အမှုတွဲကို တပတ်အတွင်း ပြန်လည်စစ်ဆေးပြီး ပို့ပါ-လို့တော့ ပြောထားတာ ရှိပါတယ်။ ဒါကြောင့်မို့လို့ ကျနော်တို့နိုင်ငံဘက်ကလည်း ဒီကိစ္စကို အလေးထားပြီးတော့ အမြန်ဆုံးဆောင်ရွက်ပေးမယ်ဆိုရင်တော့ အမှုမှန်ပေါ်ပေါက်လာလိမ့်မယ်လို့ မြင်ပါတယ်ခင်ဗျ။”

ထိုင်းဝန်ကြီးချုပ်နဲ့ မြန်မာသမ္မတ တွေ့ဆုံချိန်မှာလည်း ထိုင်းနိုင်ငံတွင်းက လူသတ်မှုအရေး ဆွေးနွေးခဲ့ကြသလို မြန်မာကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကလည်း ထိုင်း ဒုဝန်ကြီးချုပ် ထိုင်းနိုင်ငံခြားရေးဝန်ကြီးနဲ့ တွေ့ဆုံချိန် လက်ရှိဖြစ်ပွားနေသော လိပ်ကျွန်း လူသတ်မှုနဲ့ ပတ်သက်ပြီး ဖြစ်စဉ်အမှန်ပေါ်ပေါက်နိုင်ဖို့ ဥပဒေနှင့်အညီ ဆောင်ရွက်ပေးဖို့နဲ့ မြန်မာသံရုံးအထူးအဖွဲ့ လေ့လာနေမှုကို ကူညီ စီစဉ်ဆောင်ရွက်ပေးဖို့ မေတ္တာရပ်ခံထားပါတယ်။

အခုလို မြန်မာအစိုးရဘက်ကလည်း အထူးအလေးထားဆောင်ရွက်ပေးနေချိန် လူသတ်မှုနဲ့ပတ်သက်ပြီး အကျဉ်းထောင်ထဲ ထိန်းသိမ်း ခံနေရတဲ့ မြန်မာအလုပ်သမားနှစ်ဦးရဲ့ အမှု နောက်ဆုံးအခြေအနေနဲ့ပတ်သက်လို့လည်း ရှေ့နေ ဦးအောင်မျိုးသန့်က အခုလိုသုံးသပ်ပါတယ်။

“ကျနော်တို့မြင်တာတော့ ဒီအမှုဟာ ရဲကစစ်လာတာ။ ရဲကစစ်လာတာကြောင့်မို့လို့လည်း ဒီကလေးတွေ တရားခံပါ-ဆိုတဲ့အခြေအနေက ပေါ်လာတာပါ။ ဒါပေမယ့် ကျနော်တို့ကိုယ်တိုင်၊ မြန်မာနိုင်ငံကစေလွှတ်တဲ့ သံရုံးအထူးအဖွဲ့ သွားတဲ့အချိန်မှာ ဒီကလေးတွေရဲ့ ပြောတဲ့စကားဟာ - ဝန်ခံရခြင်းဟာ နှိပ်စက်လို့ပါ၊ ရိုက်နှက်လို့ပါ- ဆိုတဲ့စကားက ပေါ်လာပါတယ်။ အဲဒီတော့ ဒါကြောင့်မို့ ဝန်ခံတယ်ဆိုတာဟာ သက်သေခံမဝင်ပါဘူးခင်ဗျ။ ဝန်ခံတာ တစ်ခုတည်းနဲ့ တရားရုံးမှာတင်ပြီးတော့ အပြစ်ပေးလောက်တဲ့အနေအထား မရှိဘူးလို့ပဲ ကျနော် မြင်ပါတယ်ခင်ဗျ။ ဒါကြောင့်မို့ ဒီအမှုနဲ့ ပတ်သက်လို့ ပြန်လည်စစ်ကြမယ်ဆိုရင်လည်း မှုခင်းနားလည်တဲ့လူ၊ အမှုနဲ့ပတ်သက်လို့ နားလည်တဲ့လူ၊ နှစ်နိုင်ငံ ပူးပေါင်းပြီးတော့ စစ်ဆေးမှသာလျှင် အမှုမှန် ပေါ်ပေါက်လိမ့်မယ်လို့ မြင်ပါတယ်ခင်ဗျ။”

အခုလို အခြေအတင်အငြင်းပွားဖွယ် စစ်ဆေးမှုတွေ တရားစွဲဆိုမှုတွေဖြစ်စေတဲ့ လူသတ်မှုဖြစ်ခဲ့ရာ ထိုင်းနိုင်ငံကော့တောင်ကျွန်းရဲ့ လက်ရှိ အခြေအနေကတော့ ဖမ်းဆီးထိန်းသိမ်းခံခဲ့ရတဲ့ မြန်မာအလုပ်သမားတွေကြား လုံခြုံရေး စိုးရိမ်မှုတွေ၊ စီးပွားရေးလုပ်ငန်းတွေ အေးစက်သွားတာနဲ့အတူ ခရီးသွားလုပ်ငန်း ထိခိုက်မှုတွေဖြစ်နေတဲ့ ထိုင်းအလုပ်ရှင်တွေနဲ့ မြန်မာအလုပ်သမားတွေကြား ဆက်ဆံရေးတင်းမာမှုတွေဖြစ်လာနေတယ်လို့လည်း ထိုင်းနိုင်ငံက သတင်းသမားတစ်ဦးဖြစ်တဲ့ ဦးဋ္ဌေးဝင်းက သုံးသပ်ပါတယ်။

“အလုပ်သမားတွေက အခုချိန်မှာ စိုးရိမ်ထိတ်လန့်မှုက အပြည့်ပေါ့ဗျာ။ ဒီကောင်လေးတွေ မဟုတ်ရင်တော့ ဘယ်သူ ဖြစ်လာမတုန်း၊ ဘယ်သူ့အပေါ် ကျလာမလဲ၊ စဖြစ်တဲ့အချိန်မှာ အထူးသဖြင့်ပေါ့လေ၊ အဲဒီမှာ ရခိုင်တွေ..ခေါ်ယူစစ်ဆေးခံရတာပေါ့ဗျာ၊ အချုပ်ခံရတာပေါ့။ အနည်းဆုံး အယောက် ၂၀ လောက် ရှိခဲ့တယ်လို့ ပြောသံကြားရတယ်။ အရင်တုန်းကဆိုလို့ရှိရင် ဗမာပြည်သားနဲ့ ထိုင်းအလုပ်ရှင်နဲ့က တော်တော် ရင်းရင်းနှီးနှီးရှိကြတယ်။ ချစ်ချစ်ခင်ခင် ရှိကြတာပေါ့လေ။ အခုနောက်ပိုင်းမှာ တချို့အလုပ်ရှင်တွေက ဗမာပြည်သားတွေကို အယုံအကြည်မဲ့လာတယ်။ တနည်းအားဖြင့် ပြောလို့ရှိရင် အရင်ကထက် စိမ်းစိမ်းကားကား ဆက်ဆံလာတဲ့သဘောမျိုး ရှိတာပေါ့။ တချို့ဆိုလို့ရှိရင် အလုပ်တွေ ဘာတွေ ပြုတ်လာကြတယ်။ အဲလိုမျိုးတွေ ရှိလာတယ်။ တကယ်လို့များ ဒီအမှုမှာ မြန်မာအလုပ်သမားတွေ မဟုတ်ဘူးလို့ ပြောင်းသွားရင်တောင်မှ မြန်မာအလုပ်သမားတွေနဲ့ အလုပ်ရှင်တွေရဲ့ဆက်ဆံရေးဟာ နဂိုရ်လို ပုံမှန်ဖြစ်ဖို့ကတော့ မလွယ်လှပါဘူး။”

အခုလို ဟိုးလေးတကြော်ဖြစ်နေတဲ့ ထိုင်းနိုင်ငံကော့တောင်ကျွန်း ကမ္ဘာ့လှည့်ခရီးသွားနှစ်ဦး လူသတ်မှုနဲ့ပတ်သက်ပြီး ထိုင်းအမှုစစ်ရဲတွေရဲ့ အမှု စစ်ဆေးမှုနဲ့ ပတ်သက်ပြီးလည်း ဝေဖန်ပြောဆိုမှုတွေ ထွက်ပေါ်နေတာဖြစ်ပါတယ်။ ဒါပေမဲ့ ဒီဖြစ်ရပ်နဲ့ပတ်သက်လို့လည်း လူသတ်တရားခံတွေဘက်က ၀န်ခံထားတာဖြစ်ကြောင်း ထိုင်းရဲတပ်ဖွဲ့က သတင်းစာရှင်းလင်းပွဲလုပ်ပြီး ရှင်းလင်းပြောဆိုနေသလို နိုင်ငံတကာ မီဒီယာတွေအပါအဝင် ထိုင်းမီဒီယာတွေ၊ ထိုင်းလူမှုကွန်ယက် စာမျက်နှာတွေ၊ ထိုင်းလူထု မြန်မာလူထုတွေကြား မှာတော့ အမှုစစ်ဆေးမှုတွေအပေါ် လက်မခံနိုင်တဲ့အနေအထားကို အငြင်းပွားဖွယ် ဖြစ်နေတာပါ။ မြန်မာနိုင်ငံရန်ကုန်မြို့မှာလည်း ထိုင်းလူသတ်မှုနဲ့ပတ်သက်ပြီး ထိုင်းဝန်ကြီးချုပ်ရောက်ရှိချိန် ဆန္ဒပြမှုတချို့ဖြစ်ပွားခဲ့ပါသေးတယ်။
VOA
http://burmese.voanews.com/content/koa-tao-murder-/2480534.html

Byအေးသူစံ
https://www.facebook.com/7daynews
ကြန့်ကြာနေသော ထားဝယ် ရေနက်ဆိပ်ကမ်းစီမံကိန်းကို အမြန်ဆုံးအကောင်အထည်ဖော်ရန် မြန်မာအစိုးရက သဘောတူလိုက်ပြီး ထိုင်းဝန်ကြီးချုပ် ပရာယွတ်ကို အာဆီယံဥက္ကဋ္ဌ မြန်မာက ထိုင်းအစိုးရ ခေါင်းဆောင်အဖြစ် အသိအမှတ်ပြု၍ ခမ်းခမ်းနားနား ကြိုဆိုဧည့်ဝတ်ပြုလိုက်ခြင်းကြောင့် ၀န်ကြီးချုပ်ပရာယွတ်၏ မြန်မာခရီးစဉ်မှာ လာရကျိုးနပ်ပြီး အမြတ်ထွက်သော ခရီးစဉ်တစ်ခု ဖြစ်ခဲ့ကြောင်း နှစ်နိုင်ငံဆက်ဆံရေး လေ့လာသုံးသပ်သူတို့က ဆိုသည်။

ထားဝယ်ရေနက်ဆိပ်ကမ်း ဆက်လုပ်ရန် သမ္မတဦးသိန်းစိန် ထံက သဘောတူညီချက်ရရှိပြီး နောက်တစ်နေ့တွင် ရန်ကုန်မြို့ ထိုင်းသံရုံး၌ ထိုင်းဝန်ကြီးချုပ်က ထိုင်းရင်းနှီးမြှုပ်နှံသူများနှင့် တွေ့ ဆုံခဲ့သည်။ ခရီးစဉ် မတိုင်မီက တည်းက ထိုအစီအစဉ်ရှိခဲ့ပြီး ထားဝယ် ရေနက်ဆိပ်ကမ်းစီမံကိန်းမှာ နှစ်နိုင်ငံ အစိုးရချင်း ဆက်လက်လုပ်ကိုင်တော့မည်ဖြစ်၍ ထိုင်းစီးပွားရေးသမားများအတွက် အထူးသတင်းကောင်းတစ်ရပ်လည်း ဖြစ်ခဲ့သည်။

အာဆီယံဥက္ကဋ္ဌက ထိုင်းဝန် ကြီးချုပ်ကို ခမ်းခမ်းနားနားကြိုဆို ပျူငှာကြောင်း ၀န်ကြီးချုပ် ပရာ ယွတ် ကမ္ဘာကို ပြလိုက်နိုင်သလို ခရီးစဉ်အတွင်း နှစ်ဖက်အကျိုးရှိစေမည့် ညီအစ်မမြို့ သုံးမြို့ တည်ထောင်ရေးကိုလည်း နား လည်မှု စာချွန်လွှာလက်မှတ်ရေး ထိုးနိုင်ခဲ့သည်။

ယခင် ထိုင်းနိုင်ငံ ခေါင်း ဆောင်အဆက်ဆက် လာရောက် ခဲ့ပြီး ပုံမှန်တွေ့ဆုံမှုနှင့် ဆွေးနွေး မှုများ ရှိခဲ့သော်လည်း ယခုဝန်ကြီး ချုပ်ပရာယွတ်က သမ္မတဦးသိန်း စိန်ကို နေပြည်တော် သပြေလှ ကျေးရွာတွင် မူလတန်းကျောင်း ဆောင်သစ်ဆောက်ရန် ဘတ်ငွေ သုံးသန်းနှင့် ထိုင်းအိမ်ရှေ့မင်း သမီး လှူဒါန်းခဲ့သော အမျိုးသား သွေးလှူဘဏ်အတွက် သွေးလှူ ဒါန်းရေး ယူနစ်မော်တော်ယာဉ် တို့ကို လှူဒါန်းခဲ့သည်။

‘‘ဒါက အစိုးရကို လာဘ်ထိုး တာထက် သူ့ခရီးစဉ်မှာ အမှတ် တရဖြစ်စေချင်တဲ့ သဘောပါ။ မြန်မာက သူ့အစိုးရတက်လာပြီး ပြီးချင်း လှိုက်လှိုက်လှဲလှဲ ဆက်ဆံ ထားလို့ ကျေးဇူးတုံ့ပြန်တာလို့ မြင်တယ်။ ဒီနည်းက သူ့ပြည်တွင်း ရေးရော နိုင်ငံတကာကပါ လက် ခံနိုင်တဲ့ပုံစံကို လုပ်သွားတာလို့ ယူဆတယ်’’ ဟု သံအမတ်ကြီး ဟောင်းဦးခင်မောင်ဝင်းက ပြော ကြားသည်။

‘‘ဘတ်သုံးသန်းက တကယ် တမ်း ဘယ်လောက်မှ မရှိပါဘူး။ ဒါသူက မြန်မာပြည်နဲ့ ဘယ် လောက်ရင်းနှီးတယ်။ မြန်မာအ ပေါ် သူ ဘယ်လိုစေတနာထား တယ်ဆိုတာ သွယ်ဝိုက်ပြီးပြတာ ပဲ’’ ဟု ၈၈ မျိုးဆက်ပွင့်လင်းလူ့ အဖွဲ့အစည်းမှ ဦးဂျင်မီက ပြော သည်။

နိုင်ငံတကာကအာဏာသိမ်းစစ်ခေါင်းဆောင်အဖြစ် ဆက်ဆံရန် တွန့်ဆုတ်နေသော ထိုင်းဝန်ကြီးချုပ်မှာ ဒေသတွင်းနှင့် နိုင်ငံတကာထောက်ခံမှုကို အသည်းအသန် လိုအပ်နေချိန်တွင် အာဆီယံဥက္ကဋ္ဌ မြန်မာနိုင်ငံသို့ လာရောက်ရန် ရွေးချယ်ခြင်းမှာ မြန်မာ၏ ထောက်ခံမှုနှင့် အစိုးရချင်းဆက်ဆံရေးကို မြှင့်တင်ရန်သာဖြစ်ပြီး စစ်တပ်ကကျယ်ပြန့်စွာ နေရာယူထားသော မြန်မာ့နိုင်ငံရေးကို ပုံစံယူရန်သာဖြစ်ကြောင်း ထိုင်းနိုင်ငံရေး သုတေသီ Ji Umpakorm က ပြောကြားသည်။

‘‘အာဆီယံက ဘယ်အစိုးရ တတ်တက် ပြည်တွင်းရေး ၀င် မစွက်ဆိုတဲ့ ခေတ်နောက်ကျနေ တဲ့ မူဝါဒပဲ။ တက်လာတဲ့ အစိုးရ က ဘီလူးသရဲဖြစ်နေပါစေ။ သူ တို့ဆီလာရင် တခမ်းတနား ကြို ဆိုမှာပဲ။ ပြီးတော့ မြန်မာက စစ် အာဏာရှင်ကနေ တစ်စိတ်တစ် ပိုင်း ဒီမိုကရေစီကို သွားနေတဲ့ အချိန်ဆိုတော့ စစ်ခေါင်းဆောင် ဟောင်းတစ်ယောက်ကို ဒီလိုကြို တာ မဆန်းဘူး။ အဓိကက မြန်မာပြည်သူတွေရဲ့ ဆန္ဒဖြစ်တဲ့ လိပ်ကျွန်းလူသတ်မှုနဲ့ နယ်စပ်တည်ငြိမ်ရေးဆွေးနွေးခဲ့သမျှကို အကောင်အထည်ဖော်ဖို့ အစိုးရကို ကျွန်တော်တို့ တိုက်တွန်းတယ်’’ဟု ဦးဂျင်မီက ပြောကြားသည်။

လိပ်ကျွန်းလူသတ်မှု ဖြစ်စဉ် မှာ မြန်မာနှစ်ဦး ကျူးလွန်ခြင်းဖြစ်ကြောင်း ထိုင်းရဲတပ်ဖွဲ့က သတင်းစာ ရှင်းလင်းပွဲ ပြုလုပ် ပြောကြားထားပြီး ယခုနောက်ဆုံး အခြေအနေမှာ အမှုစွဲတင်ရန် လုံ လောက်သည့် အချက်အလက် များ ပြန်လည်ဖြည့်စွက်ရန် ထိုင်း ဥပဒေအရာရှိက ညွှန်ကြားထား သည်။

‘‘အိမ်နီးချင်း ဆက်ဆံရေးမှာ တော့ တစ်ခါတလေ ကိစ္စလေး တွေပေါ်တတ်တယ်။ ကျွန်တော့် အထင် လိပ်ကျွန်းရော ရွှေ့ပြောင်း လုပ်သားကိစ္စတွေရော၊ နှစ်နိုင်ငံ လုံးက သိပ်ပြီး ကြီးကြီးကျယ် ကျယ် မဖြစ်စေချင်ဘူး’’ ဟု သံ အမတ်ကြီးဟောင်း ဦးခင်မောင် ၀င်းက ပြောသည်။

အမှုတွင် အပြစ်မရှိသူကို အပြစ်မပေးမိစေရန် သေချာစွာ စိစစ်စေလိုပြီး မြန်မာသံရုံးအထူး အဖွဲ့လေ့လာနေမှုကို မှန်မှန်ကန် ကန် လေ့လာနိုင်ရန် စီစဉ်ဆောင် ရွက်ပေးရန် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထိုင်းဒုဝန်ကြီးချုပ်နှင့် တွေ့ဆုံစဉ် ပြောကြားခဲ့သည်။

ထားဝယ်ရေနက်ဆိပ်ကမ်း အကောင်အထည်ဖော်မည့် နေ ရာရှိ ဒေသခံများက ၀န်ကြီးချုပ် ခရီးစဉ်အတွင်း ဆန္ဒပြမှုများ ရှိနေချိန်တွင် အဆိုပါ စီမံကိန်းကို ဆက်လုပ်ရန် မြန်မာ အစိုးရက သဘောတူခဲ့သည်။ ယင်းစီမံကိန်း သည် ထိုင်းတစ်ဖက်တည်းသာ အကျိုးရှိမည်မဟုတ်ဘဲ မြေရှင် ဖြစ်သည့် မြန်မာနိုင်ငံတွင်လည်း အကျိုးကျေးဇူးများစွာ ရှိမည်ဖြစ် ကြောင်း မင်္ဂလာမြန်မာ အဖွဲ့မှ ဒေါက်တာဖုန်းဝင်းက ပြောသည်။

‘‘အခု မြန်မာက မြေပိုင်ရှင်၊ ထိုင်းက သူ့အကျိုးအတွက် မြန်မာမြေပေါ်မှာ လာလုပ်တာ ဖြစ်တယ်။ ဒီစီမံကိန်းလုပ်ဖို့ အ တွက် အခုနှစ်နိုင်ငံ သဘောတူ လိုက်တာက ပြဿနာမဟုတ်ဘူး။ အရင်းအနှီးကြီးလွန်းလို့ ရင်းနှီး မြှုပ်နှံသူကို ရှာဖို့က ပြဿနာ။ အခုမြေရှင်က မခေါ်ဘဲ ထိုင်းက ပဲ ဖိတ်ခေါ်နေတော့ ဂျပန်က လည်း မလုပ်ချင်ဘူး။ ဂျပန်က ဒီပရောဂျက်ကို စိတ်ဝင်စားတယ်။ ထိုင်းနဲ့ဆိုရင်သာ တွဲမလုပ်ချင် တာ။ ဒါပေမဲ့ မြေရှင်အဖြစ်နဲ့ဆို ရင် မြန်မာနဲ့ တွဲလုပ်ချင်တယ်။ လုပ်နိုင်တဲ့ ငွေကြေးအင်အား လည်း ရှိတယ်’’ ဟု ၎င်းက ပြော သည်။

ဝန်ကြီးချုပ် ပရာယွတ်မှာ အာဆီယံဒေသတွင် ထုံးထမ်းစဉ် လာအရ အစိုးရခေါင်းဆောင် သစ်အနေဖြင့် ဆယ်နိုင်ငံလုံးသို့သွားရောက်မည်ဖြစ်ပြီး မြန်မာ ခရီးစဉ်အပြီးတွင် မလေးရှားသို့ သွားရောက်ဖွယ်ရှိသည်ဟု သံတ မန် အသိုင်းအ၀ိုင်းက ဆိုသည်။ အာဏာသိမ်းခေါင်းဆောင်ဖြစ် ခြင်းကြောင့် နိုင်ငံတကာ၏ ၀ိုင်း ၀န်းကန့်ကွက်မှုကို ခံနေရသည့် ပရာယွတ်က ၂၀၁၅ တွင် ရွေး ကောက်ပွဲ ပြန်လည်ကျင်းပမည်ဟု ဆိုထားသည်။

သို့သော် ပါလီမန်၏ ထောက်ခံချက်ဖြင့် စစ်ယူနီဖောင်းချွတ်၍ အရပ်သားဝန်ကြီးချုပ်အ ဖြစ် ကိုယ်တိုင်ခန့်အပ်ထားသော ပရာယွတ်၏ ပထမဆုံးနိုင်ငံခြား ခရီးစဉ်မှာ စစ်တပ်ပါဝင်မှု ကျယ် ပြန့်သော မြန်မာနိုင်ငံ ဖြစ်နေ၍ နှစ်နိုင်ငံလုံးအတွက် ကောင်း သည့် ရလဒ်မဖြစ်နိုင်ကြောင်း ထိုင်းနိုင်ငံရေးသုတေသီ Ji Um-pakorm က BBC သတင်းဌာနအား ပြောကြားထားသည်။

ထိုင်းသည် မြန်မာနိုင်ငံ၏ ဒုတိယမြောက် အကြီးဆုံး ကုန် သွယ်ဖက်နိုင်ငံဖြစ်ပြီး စီးပွားရေး အရလည်း ထိုင်းစီးပွားရေးလုပ် ငန်းရှင်များက စီးပွားရေးကဏ္ဍ ဆယ်ခုတွင် လုပ်ငန်းပေါင်း ၇၄ ခုဖြင့် ရင်းနှီးမြှုပ်နှံရန် မြန်မာ အစိုးရက ခွင့်ပြုထားပြီး ဖြစ်သည်။

ထို့ပြင် မြန်မာရွှေ့ပြောင်း လုပ်သား သုံးသန်းကျော် ထိုင်း နိုင်ငံတွင် အလုပ်လုပ်ကိုင်နေပြီး ထိုင်းအာဏာသိမ်းပြီးနောက်ကာ ကွယ်ရေးဦးစီးချုပ် ဗိုလ်ချုပ်မှူး ကြီးမင်းအောင်လှိုင် ခရီးစဉ်အပြီး မြန်မာ ရွှေ့ပြောင်းလုပ်သားများ ယာယီနေထိုင်ခွင့်များ ထုတ်ပေးခြင်းဖြင့် မူဝါဒအသစ်များကို ထိုင်းအစိုးရသစ်က ဆောင်ရွက်ပေးခဲ့သည်။

လိပ်ကျွန်းလူသတ်မှုဖြစ်စဉ် အပေါ် မြန်မာအစိုးရနှင့် ကာချုပ်တို့ ၏ တောင်းဆိုမှုများကို ထိုင်းဝန် ကြီးချုပ် မည်သို့ ကိုင်တွယ်ဖြေ ရှင်းမလဲဆိုသည်မှာ မကြာမီ ရက် ပိုင်းအတွင်း အဖြေပေါ်လာတော့ မည်ဖြစ်သည်။
http://7daydaily.com/story/22572#.VDlKFVf4U1o


အီရတ်နိုင်ငံ၊ ဘဂ္ဂဒက်မြို့တော်ရှိ နိုင်ငံတကာ လေဆိပ်နှင့် မိုင်အနည်းငယ်မျှ အကွာထိ အစ္စလာမ်မစ် နိုင်ငံတော် (IS) စစ်သွေးကြွ တပ်ဖွဲ့များ စိမ့်ဝင် နေရာယူနေကြောင်း သိရှိရသည်။

ဘဂ္ဂဒက် မြို့တော် အစွန်အဖျားရှိ အဘူဂါရိုက်ဘ် ဆင်ခြေဖုံး ရပ်ကွက်တွင် IS စစ်သွေးကြွများ ထိုးဖောက် နေရာယူထားပြီး ဘဂ္ဂဒက်မြို့ခံ လုံခြုံရေး တပ်ဖွဲ့များနှင့် တိုက်ပွဲများ ဖြစ်နေကြောင်း သတင်းများက ဖော်ပြခဲ့သည်။ လက်နက် အပြည့်အစုံ တပ်ဆင်ထားသော စစ်သွေးကြွများသည် ယခုအခါ ဘဂ္ဂဒက်ရှိ နိုင်ငံတကာ လေဆိပ်နှင့် (၈)မိုင်မျှ အကွာထိ ရောက်ရှိနေပြီ ဖြစ်သည်။

IS တပ်ဖွဲ့များသည် ပခုံးထမ်း လေယာဉ်ပစ် လောင်ချာများကို ကိုင်ဆောင်ထားရာ လေဆိပ်အနီးထိ ချဉ်းကပ်လာပြီး လေယာဉ်များကို ပစ်ချနိုင်မည့် ခြိမ်းခြောက်မှုမျိုး ရှိနေသည်။ လတ်တလောတွင် IS တပ်ဖွဲ့များသည် အဘူဂါရိုက်ဘ်တွင် တပ်စွဲထားသည့် အီရတ် လုံခြုံရေး တပ်ဖွဲ့များကို ချောင်းပစ်ပြီး ချက်ချင်း ခြေရာဖျောက် ဆုတ်ခွာသည့် ပြောက်ကျား ဗျူဟာမျိုးဖြင့် တိုက်ခိုက်နေသည်။

IS တပ်ဖွဲ့သည် ဆီးရီးယားနိုင်ငံမှ ဒေသအများစုနှင့် အီရတ်မြောက်ပိုင်းကို သိမ်းပိုက်ထားသော်လည်း အီရတ်၏ အကြီးဆုံး မြို့တော်ဖြစ်သည့် ဘဂ္ဂဒက်ကိုမူ အင်နှင့်အားနှင့် ထိုးစစ်ဆင်မှု မရှိသေးချေ။ လတ်တလောတွင် IS တပ်ဖွဲ့သည် တူရကီနှင့် နယ်စပ်အနီးတွင် တည်ရှိသည့် ဆီးရီးယားပိုင် ကိုဘာနီမြို့ကို အလုံးအရင်း ထိုးဖောက် တိုက်ခိုက်နေပြီး ဒေသခံ ကာ့ဒ်ပြည်သူ့စစ်များက တုံ့ပြန်လျက်ရှိသည်။

အမေရိကန်နှင့် မဟာမိတ်နိုင်ငံများသည် အစ္စလာမ်မစ် အစွန်းရောက်ဝါဒီ စစ်သွေးကြွများကို ဝေဟင်ထိုးစစ်ဖြင့် တိုက်ခိုက်နေသည့်တိုင် ဘဂ္ဂဒက်အနီးထိ ချဉ်းကပ်လာသည့် IS၏ စစ်ရေး အသာစီးရမှုကို မဟန့်တားနိုင်ဘဲ ရုန်းကန်နေရသည်။ အီရတ်နှင့် ဆီးရီးယားတို့ရှိ အခြားသော ဒေသများတွင်လည်း အလားတူ အနေအထားမျိုး ကြုံနေရဆဲ ဖြစ်သည်။

ယခုအခါ IS အဖွဲ့သည် ဘဂ္ဂဒက် မြို့တော်အနီးရှိ မြို့ငယ်နှင့် ရွာငယ်အများအပြားကို ထိန်းချုပ်ထားပြီး ဖြစ်သည်။ ထိုအတောအတွင်း IS အဖွဲ့သည် ဝါဒဖြန့် ဗီဒီယို တစ်ခုကို ထုတ်လွှင့်ပြသခဲ့ရာ ကိုဘာနီမြို့ လမ်းမများပေါ်တွင် တိုက်ပွဲဝင်ပြီး ခြေကုပ်ယူနေသည့် IS တပ်ဖွဲ့ဝင်များ၏ ပုံရိပ်ကို ရိုက်ကူးထားကြောင်းလည်း တွေ့ရှိရသည်။

_Ref: Dailymail

7Day News Journal

https://www.facebook.com/7daynews

၂၀၁၄ အာရှယူ-၁၉ ချန်ပီယံရှစ်ပြိုင်ပွဲ အုပ်စုဒုတိယပွဲစဉ်များကို ယနေ့ (အောက်တိုဘာလ ၁၁) ရက်နေ့တွင် ယှဉ်ပြိုင်ကစားခဲ့ပြီး မြန်မာအသင်းမှာ အိမ်နီးချင်းပြိုင်ဘက် ထိုင်းအသင်းကို ပထမပိုင်း သွင်းဂိုးများဖြင့် (၃-၀)ဂိုးနှင့် ဂိုးပြတ်အနိုင်ယူကာ ကွာတားဖိုင်နယ်သို့ တက်ရောက်ရန် အခြေအနေ ကောင်းသွားခဲ့သည်။ မြန်မာအသင်းအတွက်ဂိုးများကို ငြိမ်းချမ်းအောင်က (၁၂၊ ၁၉) မိနစ်များတွင် (၂)ဂိုးနှင့် အောင်သူက (၄၂)မိနစ်တွင် (၁) ဂိုး သွင်းယူပေးခဲ့သည်။ ထိုင်းအသင်းခေါင်းဆောင်မှာ ၇၂ မိနစ်တွင် ၂ ၀ါ ၁ နီဖြင့် ထုတ်ပယ်ခံခဲ့ရသောကြောင့် မြန်မာအသင်းမှာ လက်ကျန် မိနစ် ၂၀ ခန့်ကို ၁ ယောက် အသာဖြင့် ကစားခဲ့ရသော်လည်း အနိုင်ဂိုးများ ထပ်မံသွင်းယူနိုင်ခဲ့ခြင်း မရှိခဲ့ပေ။ မြန်မာအသင်းသည် အုပ်စုနောက်ဆုံးပွဲတွင် မျှော်လင့်ချက် မရှိတော့သည့် အီရန်အသင်းနှင့် တွေ့ဆုံနေပြီး သရေကစားနိုင်လျှင်ပင် နောက်တစ်ဆင့် တက်ရောက်နိုင်မည်ဖြစ်သည်။

စနေနေ့ပွဲရလဒ်များ

အုပ်စု(က) ယီမင် ၁ - ၀ အီရန်
မြန်မာ ၃ - ၀ ထိုင်း
အုပ်စု(ဂ) ဗီယက်နမ် ၁ - ၃ ဂျပန်
တရုတ် ၀ - ၀ တောင်ကိုရီးယား
Eleven Media Group


အီရတ်နိုင်ငံမှာရှိသော အိုင်အက်စ် စစ်သွေးကြွများကို တိုက်ခိုက်ရန် အမေရိကန် စစ်တပ်၏ တိုက်ခိုက်ရေး ရဟတ်ယာဉ်များ စတင်ပျံသန်းနေပြီ ဟု အမေရိကန် တာဝန်ရှိသူများ က ပြောကြားလိုက်ပါသည်။ အမေရိကန် တပ်များအတွက် ပိုပြီး အန္တရာယ် ရှိသောနေရာမှာ ပါဝင်လာပြီး လေ ကြောင်း တိုက်ပွဲကို အရှိန်မြင့်လိုက် ခြင်းဖြစ်ပါသည်။

ဆီရီယားနှင့် အီရတ်လေကြောင်း တိုက်ပွဲကို ကြီးကြပ်နေသူ အမေရိကန် ဗဟိုတပ်ဖွဲ့ က ပြောကြားရာတွင် ရဟတ်ယာဉ်များက လေကြောင်းက တိုက်ခိုက်နေချိန်မှာ အီရတ်အစိုးရ တပ်များကလည်း နိုင်ငံမြောက်ပိုင်းမှာ အိုင်အက်စ်အဖွဲ့များနှင့် အပြင်းအထန် တိုက်ခိုက်နေကြသည်ဟု ဆို ပါသည်။

တိုက်ခိုက်ရေး ဂျက်လေယာဉ် များ ဗုံးကြဲလေယာဉ်များ ထက်စာလျှင် ခပ်နိမ့်နိမ့်ပျံသန်းသည့် ရဟတ်ယာဉ်များသည် မြေပြင်မှ ပစ်ချတိုက် ခိုက်ခံရရန် ပိုလွယ်ကူသကဲ့သို့ ပြန့်ကျဲနေသည့် ရန်သူ့ပစ်မှတ်သေး များကို တိုက်ခိုက်ရာတွင်လည်း အ လွန်အရေးပါသည်။

သမ္မတ အိုဘားမားက မြေပြင်မှာ တိုက်ခိုက်ရန် တပ်ဖွဲ့များ မစေလွှတ်ဟု ကတိပြုထားသော် လည်း ရဟတ်ယာဉ်တပ်ဖွဲ့များ အနေဖြင့်အကျအဆုံးများနိုင်သည့် အခြေအနေများရှိပါသည်။

တာဝန်ရှိသူများကမူ စစ်ရဟတ် ယာဉ်များသည် ပစ်မှတ်ကိုထိအောင် အနီးကပ်သွားနိုင်ပြီး အပြင်းစား လက်နက်များသုံးပြီး ပစ်ခတ်နိုင် သည်ဟုဆိုပါသည်။ “ဒါရိုးရိုး ရှေ့တိုးတဲ့ လုပ်ဆောင်မှု တခုပါ" ဟု အမေရိကန်စစ်တပ်တာဝန်ရှိသူတစ်ဦးက ဆိုပါသည်။

အာဖဂန်နစ္စတန်နိုင်ငံတွင် အမေရိကန်တပ်ဖွဲ့အများစုသေဆုံးမှုမှာ တာလီဘန် သူပုန်များက ရဟတ် ယာဉ်ကို ဒုံးကျည်များ ဝေဟင်ပစ် သေနတ်များဖြင့် ပစ်ချခံရမှုကြောင့် ဖြစ်သည်ဟု ဆိုပါသည်။

ထို့အပြင် ရဟတ်ယာဉ်ပျက်ကျပါကလည်း မသေသည့် အမေရိကန်စစ်သား များကို သုံ့ပန်း အဖြစ် ဖမ်းဆီးထားပြီး အွန်လိုင်းမှတစ်ဆင့် လည်ပင်းဖြတ် သတ်ခံရနိုင်သည့် အချက်ကိုလည်း ထည့်တွက်ရမည်”ဟု ကျွမ်းကျင်သူများက သုံးသပ်ကြသည်။

သို့ရာတွင် အီရတ်နိုင်ငံက မည် သည့်နေရာက အိုင်အက်စ်အဖွဲ့များ ကို တိုက်ခိုက်မည်ဆိုသည် ကို အမေရိကန် တာဝန်ရှိသူများက မပြောကြား ပါ။ စစ်ရဟတ်ယာဉ်များသည် အီရတ်တွင် တိုက်ခိုက်မည့် အမေရိကန် စစ်လေယာဉ်များ ဗုံးကြဲဂျက်လေယာဉ်များထဲက အစီအစဉ် တစ်ခု ဟု ကြေညာချက်မှာ ဖော်ပြထား၏။

လေကြောင်းစစ်ဆင်ရေးကို အမေရိကန်လွှတ်တော်မှာ ပါတီနှစ်ခုစလုံးက ထောက်ခံထားသော် လည်း အမေရိကန်က ဦးဆောင်ပြီး တိုက်ခိုက်မှုများ ဆက်လက်တိုးချဲ့ပြု လုပ်ရေးနှင့် ပတ်သတ်ပြီး လွှတ်တော်အမတ်အချိုက စိုးရိမ်မှုများကို ဖော် ပြခဲ့ကြပါသည်။

လင်းလင်း

The Ladies News Journal


အသက် ၂၆ နှစ်အရွယ်ရှိ ဂျပန်လူမျိုး အစ္စလာမ်ဘာသာကိုးကွယ်သည့် တက္ကသိုလ်ကျောင်းသားတစ်ဦးကို ဆီရီယားနိုင်ငံက အိုင်အက်စ် စစ်သွေးကြွ များနှင့် ပူးပေါင်းရန် ကြိုးစားနေသည်ဟူသော သံယယဖြင့် ဂျပန်ရဲများက ဖမ်းဆီးထားပြီး စုံစမ်းမေးမြန်းနေကြောင်း အာဆာဟိသတင်းဌာနမှ သတင်းဖော်ပြသည်။

ဂျပန် ဟိုကာရှီဒို တက္ကသိုလ် ကျောင်းသားတစ်ဦးသည် ဆီရီးယား နှင့် အီရတ်ရှိ အဆိုပါ အဖွဲ့များနှင့် ပူးပေါင်းတိုက်ခိုက်ရန်အတွက် အရှေ့ အလယ်ပိုင်းဒေသသို့ သွားရောက်ရန် စီစဉ်နေသည်ဟု ဆိုသည်။

အဆိုပါကျောင်းသားက သူသည် အိုင်အက်စ်အဖွဲ့သို့ဝင်ရောက်ပြီး တိုက်ခိုက်သူ တစ်ဦးအဖြစ် ပါဝင်ရန် ဆီရီယားသို့ သွားရောက်ရန် ကြိုးစားနေကြောင်း ရဲကို ပြောကြားခဲ့သည်ဟု သိရသည်။

သူက စာအုပ်အရောင်းဆိုင်တစ်ဆိုင်မှာကပ်ထားသော အလုပ်ကြော်ငြာ တစ်ခု ကို တွေ့ပြီး အဆိုပါအကြံကို ရခဲ့သည်ဟုဆိုသည်။ အဆိုပါ အလုပ်ကြော်ငြာစာ က ဆီရီးယားတွင် အရောင်းစာရေးအဖြစ် အ လုပ်လုပ် ချင်သော လူများ ကို ခေါ်ယူထားသည်ဟု ဆိုသည်။

ထိုကြော်ငြာက တစ်လကို အမေ ရိကန်ဒေါ်လာ ၂၄၀၀ ခန့် ညီသော တရုတ် ယွမ်ငွေပေးမည့် အလုပ်ဖြစ် ပြီး တရုတ်နိုင်ငံ ဇီကျန်ပြည်နယ်က အူဂါ မွတ်စလင် လူမျိုးများ၏ ဒေသကဲ့သို့ အကြမ်းဖက်မှုများကို မကြောက်သူများအ တွက်ဟု ကြော်ငြာထားသည်။ အူဂါမွတ်ဆလင်များ နေထိုင်ရာ ဇီကျန်ပြည်နယ် သည် တရုတ်အစိုးရနှင့် ခွဲထွက်ရေး ပြသာနာ ဖြစ်ပွား လျက်ရှိသည်။ သို့ရာတွင် အိုင်အက်စ်အဖွဲ့များနှင့် အူဂါ လူမျိုးများ ပတ်သက်နေ သည့် သတင်းများကို ယခုချိန်ထိ မတွေ့ရသေးပါဟု အဆိုပါသတင်းတွင် ဖော်ပြပါရှိသည်။

အစ္စလာမ်နိုင်ငံတော်ဟု ကြေညာပြီး ရက်စက်ကြမ်းကြုတ် လူသတ်ခေါင်းဖြတ် သည့် အ်ိုင်အက်စ်အဖွဲ့တွင် ပါဝင်ရန် ဥရောပနှင့် မြောက်အမေရိက က လူငယ်တော်တော်များများက သွားရောက်လျက်ရှိသည်။ သို့သော်လည်း ဂျပန်လူငယ်များ ပါဝင်လာခြင်းမှာ ယခုအခါ ပထမဆုံးအကြိမ်ဖြစ်သည်။

ဂျပန်နိုင်ငံတွင် အစ္စလာမ်ဘာသာ ကိုးကွယ်သူများရှိသော်လည်း အလွန် နည်းပါးကြောင်း၊ လူဦးရေးစုစု ပေါင်း၏ ၁ ရာခိုင်နှုန်းပင် မပြည့် ကြောင်း အဆာဟိသတင်းတွင် ဖော်ပြထားသည်။

ဂျပန်နိုင်ငံတွင် မွတ်ဆလင်ဘာသာဝင် အနည်းအကျဉ်းသားရှိပြီး အ များစုက ဂျပန်သို့ တခြားမှ ရွှေ့ပြောင်း အခြေချလာသူများသာဖြစ်ပြီး အစွန်းရောက်သူများ နည်းပါးလှသည်။ ဂျ ပန်စုံထောက်များက ယခုအခါမှာ အဆိုပါ အလုပ်ကြော်ငြာ ကို ဘယ်သူ ကပ်ထားသလဲဆိုတာကို စုံစမ်းလျှက်ရှိပါသည်။

အဆိုပါ စာအုပ်ဆိုင်မှ စာရေးတစ်ဦး၏ ပြောကြားချက်အရ အစ္စလာမစ် ဥပဒေ ပါမောက္ခဟောင်းတစ်ဦးကို သူက လူအတော်များများနှင့် မိတ်ဆက်ပေးခဲ့ရ သည်ဟု ဆိုသည်။ ကြော်ငြာပိုင်ရှင်နှင့် စာအုပ်ဆိုင်တို့ မည်သို့ပတ်သက်သည် ကို မသိရသေးဘဲ ရဲများကလည်း အသေးစိတ်ပြောကြားရန် ငြင်းဆိုခဲ့သည်။

“ရာဇဝတ်မှုအရ ရဲတွေက ဒီပြသာနာကို စုံစမ်းနေပါတယ် ။ ထောက်လှမ်းနေ တုန်းမှာ မှတ်ချက်ပေးဖို့တော့ ငြင်းပရစေ” ဂျပန် အစိုးရ လုံခြုံရေးအကြီးအကဲ ရှိုရှီဟီဒီဆိုဂါက သတင်းထောက်များကို ပြောကြား ခဲ့သည်။

လင်းလင်း

Ref - အဆာဟိရှင်ဘွန်းသတင်းစာ
The Ladies News Journal


နိုင်ငံသားများ ကမ္ဘာအနှံ့ လွတ်လပ်စွာ သွားလာနိုင်မှုတွင် မြန်မာနိုင်ငံသည် အခြား အာဆီယံနိုင်ငံများထက် များစွာ နောက်ကျလျက်ရှိသည်။ နိုင်ငံသားများ ဗီဇာမလိုဘဲ လွတ်လပ် စွာ သွားရောက်နိုင်သည့် နိုင်ငံအရေအတွက်ပေါ် မူတည်၍ နှစ်စဉ်ထုတ်ပြန်သည့် အဆင့် သတ်မှတ်ချက်တွင် မြန်မာနိုင်ငံသည် အာ ဆီယံနိုင်ငံများအနက် အောက်ဆုံး နေရာ၌ ရောက် ရှိနေသည်။

မြန်မာပတ်ပို့စ် ကိုင်ဆောင် ထားသူများ ဗီဇာမလိုဘဲ သွားရောက် နိုင်သည့် နိုင်ငံ ၄၂ ခုရှိ ပြီး ၂၁၉ နိုင်ငံပေါင်း တွင် အောက် ဆုံးပိုင်း အဆင့် ၈၆ နေရာ၌ရှိနေ သည်ဟု ဗီဇာ ကန့်သတ်ချက် စာရင်း ၂၀၁၄ တွင် ဖော်ပြသည်။

အာဆီယံနိုင်ငံများအနက် အမြင့်ဆုံးနေရာရရှိသည့် စင်ကာပူနိုင်ငံသည် ဆွစ်ဇာလန်၊ နယူး ဇီလန်တို့နှင့်အတူ ကမ္ဘာ့အဆင့် ၅ နေရာတွင် ရှိနေသည့် စင်ကာပူပတ်ပို့စ် ကိုင်ဆောင်ထားသူ များသည် နိုင်ငံပေါင်း ၁၆၇ နိုင်ငံသို့ ဗီဇာယူရန်မလိုဘဲ သွားလာနိုင်သည်ဟု အဆိုပါ စစ်တမ်းက ဆိုသည်။ စင်ကာပူသည် ၂၀၁၃ ခုနှစ်က ဂရိ၊ ဩစတြေးလျတို့နှင့်အတူ ကမ္ဘာ့အဆင့် ၆ နေရာ တွင် ရပ်တည်နေရာမှ အဆင့်တက်လာခြင်းဖြစ် သည်။ အာဆီယံ နိုင်ငံများတွင် အဆင့် အမြင့်ဆုံးဖြစ်ခြင်းက စင်ကာပူ နိုင်ငံသားများ ကမ္ဘာအနှံ့ လွတ်လပ်စွာ သွားလာလုပ်ကိုင်နိုင်မှု ကို ပြသလျက်ရှိသည်။

အာဆီယံ နိုင်ငံများတွင် ဒုတိယ အဆင့်အမြင့်ဆုံးဖြစ်သည့် မလေးရှားသည် ကမ္ဘာ့အဆင့် ၆ နေရာ တွင်ရှိပြီး ၁၆၆ နိုင်ငံသို့ ဗီဇာမလိုဘဲ သွားလာ နိုင်သည်။ ဘရူနိုင်းမှာ အာဆီယံ တတိယနေရာ၌ ရပ်တည်နေပြီး နိုင်ငံ ၁၅၀ သို့ လွတ်လပ်စွာ သွားလာနိုင်ကာ ကမ္ဘာ့အဆင့်တွင် နံပါတ် ၁၇ တွင် ရှိနေသည်။

အာဆီယံနိုင်ငံများတွင် နံပါတ် ၄ နေရာရှိ ထိုင်းနိုင်ငံမှာ ကမ္ဘာ့အဆင့် ၆၂ နှင့် လွတ်လပ်စွာ သွားလာနိုင်သည့် နိုင်ငံ ၆၉ နိုင်ငံရှိသည်။

အင်္ဂါနေ့က ထုတ်ဝေခဲ့သည့် စာရင်းတွင် စင်ကာပူပတ်ပို့စ်ကိုင်ဆောင် သူများသည် အမေရိကန် ၊ ကနေဒါ၊ ဩစတြေးလျ၊ အိန္ဒိယနှင့် တရုတ် စသည့် အဓိကကျသော နိုင်ငံများသို့ သွားရောက် ရာတွင် ပိုမိုလွယ်ကူစေသည်ဟု ဖော်ပြထားသည်။ တရုတ်ပြည်မကြီးသို့ ဗီဇာ မလိုဘဲ ၁၅ ရက် အထိ သွားရောက်နိုင်သည့် နိုင်ငံ အနည်းငယ်စာရင်းတွင် စင်ကာပူသည် ဂျပန်၊ ဘရူနိုင်းတို့နှင့် အတူ ပါဝင်ပြီး ဩစတြေးလျ၏ စမတ်ဂိတ်ပြည်ဝင်ခွင့်စ နစ်သုံးနိုင်သည့် နိုင်ငံ ၆ နိုင်ငံ စာရင်း တွင်လည်း ပါဝင်လျက် ရှိသည်။

နိုင်ငံသားများ လွတ်လပ်စွာ သွားလာနိုင်မှု သတ်မှတ်ချက် ထိပ်ဆုံး ပထမအဆင့်တွင် ဖင်လန်၊ ဆွီဒင်၊ ဂျာမနီ၊ အမေ ရိကန်နှင့် ဗြိတိန် တို့ ပူးတွဲတည်ရှိပြီး ထိုနိုင်ငံသားများ ဗီဇာမလိုဘဲ သွား လာနိုင်သည့် နိုင်ငံ အရေအတွက်မှာ ၁၇၄ နိုင်ငံရှိသည်။

ကမ္ဘာ့အဆင့် ဒုတိယနေရာ တွင် ဒိန်းမက်နှင့် ကနေဒါတို့ ရပ်တည် နေပြီး ထိုနိုင်ငံသားများ မှာ နိုင်ငံ ၁၇၃ ခုသို့ ဗီဇာမလိုဘဲ သွားရောက်နိုင် သည်။ ဘယ်ဂျီယံ၊ ပေါ်တူဂီ၊ ပြင် သစ်၊ အီတလီ၊ ဂျပန်၊ တောင်ကိုရီး ယား၊ နယ်သာလန်နှင့် စပိန်နိုင်ငံ များမှာ နိုင်ငံ ၁၇၂ နိုင်ငံသို့ လွတ်လပ်စွာ သွားလာနိုင်ပြီး စာရင်းတွင် တတိယနေရာ၌ တည်ရှိနေသည်။

ကမ္ဘာ့အဆင့် နံပါတ် ၁၅ နေရာ ရှိ ဟောင်ကောင်ပတ်ပို့စ် ကိုင်ဆောင်ထားသူများသည် အဆင့် ၈၃ ရှိ တရုတ်ပြည်မ ပတ်ပို့စ်ကိုင်ဆောင်ထားသူများထက် လွတ်လပ်စွာ နိုင်ငံကူး သွားလာနိုင် မှုတွင် များစွာ သာလွန်လျက် ရှိသည်။

ယခု စာရင်းကိုပြုစုခဲ့သော Henley &Partner အကြံပေးအဖွဲ့ က "နယ်နိမိတ်ဖြတ်ကျော် ပြီး နိုင်ငံခြားသားတွေ ဝင်ထွက်သွားလာမှုကို ထိန်းချုပ်ရာမှာ ဗီဇာကန့်သတ်ချက်က အaရးပါ ပါတယ်။ ဗီဇာလိုအပ်ချက် က နိုင်ငံအချင်းချင်းရဲ့ ဆက်ဆံရေး နဲ့ နိုင်ငံတကာအသိုင်းအဝိုင်း အလယ်မှာ နိုင်ငံတစ်ခုရဲ့ အနေအထားကို ဖော်ပြနေပါတယ်။ အဲသည်နိုင်ငံ က နိုင်ငံသားတွေ အပေါ် ယုံကြည်မှု၊ လိုလားမှုတွေကို ပြသခြင်းဖြစ်သည်" ဟု ပြောသည်။

ဖွံ့ဖြိုးပြီးနိုင်ငံများ ၏ ပတ်ပို့စ်ကိုင် ဆောင်သူများမှာ ဖွံ့ ဖြိုးဆဲနိုင်ငံများမှ ပတ်ပို့စ် ကိုင်ဆောင်သူများ ထက် ပိုမိုလွယ်ကူစွာ သွားလာနိုင်သည်ဟု Henley &Partner ၏ အာရှ ပစိဖိတ်ဌာနမှူး ဒေါက် တာယက်ခ်ျစတီဖင် က ဆိုသည်။

အဆိုပါစာရင်းတွင် ဗီဇာမလို သွားလာခွင့်နည်းပါးသော နိုင်ငံများမှ ပတ်ပို့စ် ကိုင်ဆောင်ထား သူများမှာ ကမ္ဘာလုံးဆိုင်ရာ စီးပွားရေးလုပ်ငန်း များလုပ်ကိုင်ရန် အခက်အခဲများ အတားအဆီး များကြုံတွေ့ ရသည်ဟု ဒေါက်တာစတီဖင်ကပြောခဲ့သည်။

အဆိုပါ နိုင်ငံများ တွင် နိုင်ငံရေး မတည်ငြိမ်ခြင်း၊ အကြမ်းဖက်မှုများရှိခြင်း၊ ပြည်တွင်းစစ်နှင့် စီးပွားရေး ချွတ်ချုံကျမှုများကို အများအားဖြင့် တွေ့ရတတ်သည်ဟု ဆိုသည်။

KHTun

The Ladies News Journal