10/21/14


ထိုင်းနိုင်ငံအနောက်ပိုင်း ရာ့ခ်ျပူရီခရိုင် ဖိုးထားရမ်းမြို့ ဆွယ့်ဖာ့ရပ်ကွက်မှာ နေထိုင်သူ ထိုင်းအမျိုးသားနဲ့ မြန်မာအမျိုးသမီးတို့ ဇနီးမောင်နှံဟာ အောက်တိုဘာ ၁၉ ရက်နေ့က အသတ်ခံခဲ့ရတယ်လို့ မန်နေဂျာ အွန်လိုင်း ထိုင်းသတင်းမှာ ဖော်ပြပါတယ်။

ဖိုးထားရမ်းမြို့မရဲစခန်း တာဝန်ကျ ဒုရဲအုပ် နတ့်သ်ဖုန်း ဖျေးဖိထပ် ရဲ့ ပြောကြားချက် အရ သေဆုံး သူ နိုင်းချု့ကလစ် နိမ့်နွန်း အသက် ၆၂ နှစ် နဲ့ ဇနီးဖြစ်သူ မမီး အသက် ၃၅ နှစ်တို့ဟာ သူတို့ အိပ်ခန်းထဲမှာ လည်ပင်းနဲ့ ခန္ဓာကိုယ်တွေမှာ ဓားထိုးခံရတဲ့ ဒဏ်ရာတွေနဲ့ သေဆုံးခဲ့တယ်လို့ ဆိုပါတယ်။

ဒါ့အပြင် အခန်းထဲက ပစ္စည်းတွေ ဖရိုဖရဲဖြစ်နေတာကြောင့် မသေခင်က ရုန်းရင်းဆန်ခတ် ဖြစ်ခဲ့ဟန်ရှိခဲ့ကြောင်း၊ သေဆုံးသူရဲ့ သမီး နန်းဘွန်းဒါး အသက် ၃၅ နှစ်ရဲ့ ထွက်ဆိုချက်အရ ဖခင်ဖြစ်သူဟာ ဘဲမွေးမြူရေးလုပ်ငန်းကို လုပ်ကိုင်ကာ  မြန်မာအလုပ်သမား ၃ ဦး ရှိကြောင်း၊ အလုပ်သမားနဲ့ ဆက်စပ်ပြီး သိကျွမ်းခဲ့သူ မြန်မာအမျိုးသမီးကို ဇနီးအဖြစ် ပေါင်းသင်းခဲ့ကြောင်း၊ အခင်းဖြစ်ပွားပြီးတဲ့နောက် သေသူရဲ့ ဘတ်ငွေ ၁ သိန်းနဲ့ ယမဟာ ဆိုင်ကယ်တစီးပါ ပျောက်ဆုံးသွားတယ်လို့ ဒုရဲအုပ်က ဆက်ပြောပါတယ်။

ဒီအမှုနဲ့ ပတ်သက်ပြီး ရဲတပ်ဖွဲ့က အနီးနားပတ်ဝန်းကျင်က လူတွေကို မေးမြန်းရာမှာ ဘဲခြံက မြန်မာအလုပ်သမား ၃ ဦးနဲ့  အဲဒီနားက အခြားမြန်မာအလုပ်သမား ၁ ဦး ပေါင်း ၄ ဦးတို့ ပျောက်ဆုံးနေတယ်လို့ ပြောပါတယ်။

ညနေပိုင်းမှာတော့ ပျောက်ဆုံးနေတဲ့ ဆိုင်ကယ်ကို လူ ၂ ဦးက ဓာတ်ဆီဆိုင်တဆိုင်မှာ  လာရပ်ထားပြီး သူတို့ကို တခြားဆိုင်ကယ်တဦးက လာကြိုသွားကြောင်း မျက်မြင် သက်သေတွေက ရဲစခန်းကို အကြောင်းကြားတဲ့အတွက် ဆိုင်ကယ်ပေါ်က လက်ဗွေရာတွေ စစ်ဆေးပြီး လူသတ်မှုကျူးလွန်သူတွေကို တရားဥပဒေအရ အရေးယူဖို့ ဆက်လက် စုံစမ်း ဖော်ထုတ်သွားမယ်လို့  ဒုရဲအုပ်က သတင်းထောက်တွေကို ပြောသွားပါတယ်။

By ဒီဗွီဘီ
http://burmese.dvb.no/archives/68549


မွန်ပြည်နယ်တွင် ၁ လနီးပါကြာ ပျောက်ဆုံးနေသည့် အလွတ်သတင်းထောက် ကိုအောင်ကျော်နိုင်(ခ)ကိုပါကြီးနှင့်ပတ်သက်၍ မိသားစုဝင်များက မနက်ဖြန်ရန်ကုန်တိုင်းဒေသကြီး မင်္ဂလာတောင်ညွန့်မြို့ နယ်ရှိ ရွှေတောင်ကျောင်းတိုက်တွင် နေလည် ၁၂ နာရီမှ မွန်းလွဲ ၂ နာရီထိ သတင်းစာရှင်းလင်းပွဲ ပြုလုပ်မည်ဖြစ်သည်။

သတင်း - ကရင်အမျိုးသား (မီဒီယာ)

အောက်တိုဘာလ ၇ ရက်နေ့တွင် နိုင်ငံတော် သမ္မတက ဖွဲ့စည်းပုံ အခြေခံ ဥပဒေ ပုဒ်မ ၂၀၄ (က) နှင့်အညီ အကျဉ်းထောင် အသီးသီး၌ ထိုက်သင့်သော ပြစ်ဒဏ်များ ကျခံပြီးသည့်အပြင် စည်းကမ်း ကောင်းမွန်သည့် အကျဉ်းသား အကျဉ်းသူ ၃၀၇၃ဦးတို့အား နိုင်ငံတော် တည်ငြိမ်အေးချမ်းရေး တရားဥပဒေ စိုးမိုးရေးနှင့် တိုင်းရင်းသား စည်းလုံးညီညွတ်ရေးတို့ အတွက်လည်းကောင်း၊ လူသားချင်း စာနာထောက်ထားမှုကို အလေးပေးသောအားဖြင့် လည်းကောင်း၊ ပြစ်ဒဏ် လွတ်ငြိမ်းခွင့်များ ပေးခဲ့သည်။

အဆိုပါ အကျဉ်းသားများ အနက် နိုင်ငံခြားသား အကျဉ်းသား ၅၈ ဦး၊ စစ်ထောက်လှမ်းရေးဟောင်းများထဲမှ ဗိုလ်မှူးချုပ် သိန်းဆွေ၊ ဒုဗိုလ်မှူးကြီး အောင်ဇော်၊ ဗိုလ်မှူးကြီး မောင်မောင်သန်း၊ ဗိုလ်မှူးကြီး မြင့်ဦး၊ ဒုဗိုလ်မှူးကြီး မင်းသူ၊ ဗိုလ်မှူး စန်းအောင်၊ ဗိုလ်မှူး နိုင်ဌေး (ဗိုလ်ချုပ်ကြီး ခင်ညွှန့်၏ ကိုယ်ရေးအရာရှိ)၊ နိုင်ငံရေးအကျဉ်းသားဟု သတ်မှတ်ထားသော သူများထဲမှ နှစ်ဦးသာ ပါဝင်ခဲ့သည့် အတွက် ဝေဖန်မှုအချို့ ရှိနေခဲ့သည်။ လွတ်မြောက်သူများထဲတွင် မကြာသေးခင်က နိုင်ငံတော် လျှို့ဝှက်ချက် ဖောက်ဖျက်မှုဖြင့် ထောင်ဒဏ် ဆယ်နှစ်အပြစ်ပေး ခံခဲ့ရသော မီဒီယာသမားများ မပါဝင်ခြင်း၊ ပုဒ်မ (၁၈) ဖြင့် အရေးယူခံထား ရသောသူများ မပါဝင်ခြင်း၊ လယ်မြေသိမ်းခံရမှုအတွက် အရေးယူ ခံထားရသော လယ်သမားများ မပါဝင်ခြင်းတို့အပေါ် သမ္မတ၏ လူသားခြင်း စာနာထောက်ထားမှု အပေါ်တွင် လည်းကောင်း၊ တိုင်းရင်းသား စည်းလုံးညီညွတ်ရေး အတွက် လည်းကောင်း၊ မေးခွန်းထုတ်မှုများ ရှိခဲ့သည်။

ယခုလို အကျဉ်းသား သုံးထောင်ကျော် လွတ်ငြိမ်းခွင့်ပေးမှု အပေါ်တွင် မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေး ဖြစ်စဉ်၌ ပါဝင်နေသော ဦးဇာဂနာက “အိုဘားမား လာခါနီးလို့ပဲ လွှတ်လွှတ်၊ အမျိုးသား ပြန်လည်သင့်မြတ်ရေးကြောင့်ပဲ လွှတ် လွှတ်၊ လွှတ်ပေးတာဟာ မင်္ဂလာပါ။ ဒါပေမယ့် နိုင်ငံရေး အကျဉ်းသားထဲက နှစ်ယောက်ပဲ ပါတယ် ဆိုတာကတော့ မကောင်းပါဘူး။ နိုင်ငံရေး အကျဉ်းသား စာရင်းအရ ကျွန်တော်တို့ တင်ပြထားတာ သုံးဆယ်ကျော် ရှိပါတယ်။ ဒါကိုလက်မခံဘူးဆိုတဲ့ သဘော အစိုးရဘက်က ပြသနေတယ်။ ဒါဆိုရင် ကျွန်တော်တို့ နိုင်ငံရေး အကျဉ်းသား စီစစ်ရေး ကော်မတီက ဘာဆက်ထားစရာလိုသလဲ။ ဖျက်လိုက်ပေါ့ဗျာ။ နောက်တစ်ခုက နိုင်ငံရေး အကျဉ်းသားရယ် ဘာရယ်မဟုတ်ပါဘူး။ လူသားအချင်းချင်း အမြင်နဲ့ပြောချင်ပါတယ်။ ထောက်လှမ်းရေးတွေကိုလည်း ခွဲလွှတ်နေတဲ့ သဘောရှိတယ်။ အရင်က နိုင်ငံရေး အကျဉ်းသားကိုလဲ ဒီလိုဘဲ လုပ်ခဲ့တာ။ ဒါဟာ နိုင်ငံတော် သမ္မတ တစ်ယောက်ရဲ့ပုံရိပ်ကို ထိခိုက်ပါတယ်။ သူ့ကို အကြံပေးနေတဲ့ သူတွေလဲ ညံ့တယ်လို့ ပြောချင်ပါတယ်။ ကိုယ့်အိတ်ထဲက စိုက်ပေး နေရတာမှ မဟုတ်တာ။ ရာဇ၀တ် ပြစ်မှုကျူးလွန်တဲ့ သူတွေကိုတောင် လွှတ်နေရတာဘဲ။ အခုလွှတ်တာက သမ္မတ အနေနဲ့ မျှော်မှန်းနိုင်တာ သရေနဲ့အရှုံးပဲ။ အကုန်လွှတ်လိုက်ရင် သရေနဲ့အနိုင်ပဲ။ နောက် တစ်ခုက မလွတ်သေးတဲ့ ထောက်လှမ်းရေးတွေကိုကြည့်ရင် ဒေါ်အောင်ဆန်းစုကြည်ကို ထိန်းသိမ်းစဉ်က ပတ်သက်ခဲ့တဲ့သူတွေများတယ်။ ဥပမာ-ဗိုလ်မှူးချုပ် သန်းထွန်း၊ ဗိုလ်မှူးကြီး တင်လှ၊ ရဲမှူးကြီး ဇော်ထွန်းအောင်၊ ဗိုလ်မှူးနေစိုးတို့ မလွတ်သေးပါဘူး။ အားလုံးကို လွှတ်ပေးလိုက်ရင် သမ္မတ တစ်ယောက်အနေနဲ့ အမျိုးသား ပြန်လည် သင့်မြတ်ရေးမှာ သဘောထား မြင့်မြတ်မှုအတွက် အကုန်ထုတ် ရှိုးလိုက်မှာဘဲ။ အခုတော့ ပြုပြင်ပြောင်းလဲရေး လုပ်နေတဲ့ သမ္မတကြီးနဲ့ မတူဘဲ နိုင်ငံရေးမှာ ဈေးကစားနေတဲ့ ပွဲစားနဲ့တူတယ်”ဟု ဝေဖန်ပြောကြားခဲ့သည်။

အနုပညာ နိုင်ငံရေးသမား ဦးဇာဂနာသည် ၂၀၁၁ခု၊ အောက်တိုဘာလတွင် (သီတင်းကျွတ်လပြည့်) နေ့တွင် ပြန်လည် လွတ်မြောက်ခဲ့ပြီး၊ သူ၏အမှုတွဲများ မလွတ်ခဲ့သည့်အတွက် ဝေဖန်မှုများ ခံခဲ့ရပြီးနောက် အစိုးရ၏ လွတ်ငြိမ်းချမ်းသာခွင့်ပေးမှုအပေါ် ပြင်းပြင်းထန်ထန် ဝေဖန်ပြစ်တင်မှုများ ပြုလုပ်ခဲ့သူဖြစ်သည်။

by..Tomorrow news journal
http://www.tomorrow.com.mm/?q=articles/999


နိုင်ဂျီးရီးယား၊ လာဂိုစ်မြို့က မူလတန်းကျောင်းမှာ ကျောင်းဆရာတဦးက ကျောင်းသားတွေကို အီဘိုလာပညာပေး အပူချိန်တိုင်းကိရိယာဖြင့် စမ်းသပ်ပြသစဉ်။
ရက်ပေါင်း ၄၂ ၇က်ကြာခဲ့တဲ့ထိ အီဘိုလာရောဂါပိုး နောက်ထပ်ကူးစက်ခံရတဲ့သူမရှိတဲ့အတွက် နိုင်ဂျီးရီးယား နိုင်ငံဟာ အီဘိုလာရောဂါ ကင်းရှင်းတဲ့ နိုင်ငံဖြစ်ကြောင်း ကမ္ဘာ့ကျန်းမာရေးအဖွဲ့ချုပ် WHO ကပြောဆိုလိုက်ပါတယ်။

WHO ပြောခွင့်ရ Rui Gama က ဒီလိုတိုးတက်လာတဲ့အခြေအနေနဲ့ ပတ်သတ်ပြီး ဒါဟာ တကယ့်ကို အောင်မြင်တဲ့ ကိစ္စရပ်တခုဖြစ်တယ်လို့ ဆိုပါတယ်။ နိုင်ဂျီးရီးယားမှာ အီဘိုလာရောဂါကူးစက်ခံရသူ ဦးရေ ၂၀ လောက်ရှိခဲ့ပြီး ၈ ဦးဟာ ဒီရောဂါကြောင့် သေဆုံးခဲ့ပါတယ်။ လွန်ခဲ့တဲ့ သီတင်းပတ်တုန်းကတော့ Senegal နိုင်ငံဟာ အီဘိုလာရောဂါ ကင်းရှင်းတဲ့နိုင်ငံဖြစ်ကြောင်း WHO က ကြေညာခဲ့တာပါ။

ဒီအတောအတွင်း လူပေါင်း ၄၅၀၀ ကျော်ကို သေဆုံးစေခဲ့တဲ့ အီဘိုလာရောဂါပိုး ထပ်မံ ပြန့်ပွားတာမျိုးမဖြစ်အောင် ကာကွယ်တားဆီးဖို့ ကျန်းမာရေး စနစ်ကို ပိုအားကောင်းလာအောင် ရေရှည် ကြိုးပမ်းဖို့လိုအပ်မယ့်အကြောင်း လိုင်ဘီးရီးယား သမ္မတ Ellen Johnson Sirleaf ကပြောလိုက်ပါတယ်။

အီဘိုလာရောဂါပြန့်ပွားမှုကို ကာကွယ်တားဆီးဖို့ ဆောင်ရွက်ရာမှာ နိုင်ငံတကာရဲ့တုံ့ပြန်ဆောင်ရွက်မှုတွေဟာ နှေးကွေးပြီး ကျန်းမာရေးလုပ်သားတွေ အနေနဲ့ ရောဂါပြန့်ပွားမှု တားဆီးရေးမှာလည်း အခက်အခဲအများအပြား ရှိခဲ့တာပါ။

ရောဂါ စတင်ကူးစက်ချိန်မှာသာ လျင်လျင်မြန်မြန်နဲ့ ထိထိရောက်ရောက် နှိမ်နင်းမယ်ဆိုလျင် အမေရိကန်တပ်ဖွဲ့ဝင်တွေ အခုလို လာရောက်ကူသမှု ပေးနေတာ လိုမျိုး လုပ်ဖို့ လိုချင်မှလိုလိမ့်မယ်ဆိုပြီး သမ္မတ SIRLEAF က ၀ါရှင်တန်ပို့စ် သတင်းစာ သဘောထားအမြင် ကဏ္ဍမှာ ရေးသားခဲ့ပါတယ်။

ဗွီအိုအေ
http://burmese.voanews.com/content/nigeria-ebola-clear-/2489613.html

ရန်ကုန် (မဇ္ဈိမ)။ ။ ဗြိတိန်စုံတွဲကို သတ်သည်ဟူသော ထွက်ချက် မြန်မာနိုင်ငံသားနှစ်ဦးထံမှ ရထားကြောင်း ထုတ်ဖော်ပြောဆိုထားသည့် ထိုင်းရဲတပ်ဖွဲ့၏ စစ်ဆေးမှုအတွင်း နှိပ်စက်ညှင်းပမ်းမှုများရှိခဲ့၍ အရေးယူပေးရန် ထိုင်းလူ့အခွင့်အရေး ကော်မရှင်ထံသို့ မြန်မာသံရုံးဦးဆောင်သည့် စုံစမ်းရေး အထူးအဖွဲ့က တောင်းဆိုသွားမည်ဟု စုံစမ်းရေးအထူးအဖွဲ့ဝင် တရားလွှတ်တော်ရှေ့နေ ဦးအောင်မျိုးသန့်က အောက်တိုဘာ ၂၀ ရက်တွင် မဇ္စျိမကို ပြောသည်။
Thailan-Suspects-2
ကိုဝင်းဇော်ထွန်းနှင့် ကိုဇော်လင်းဦး (ဦးထုပ်အဖြူ  ဆောင်းထားသူများ) တို့ကို ထိုင်းရဲတို့က စက်တင်ဘာလအတွင်း အမှုဖြစ်စဉ် သရုပ်ပြခိုင်းနေစဉ်။ (ဓာတ်ပုံ - အီးပီအေ)
ထိုင်းလူ့အခွင့်အရေးကော်မရှင်နှင့် ထိုင်းနိုင်ငံ ဘန်ကောက်ရှိ မြန်မာသံရုံးတွင် အောက်တိုဘာ ၂၁ ရက်နှင့် ၂၂ ရက် တွေ့ဆုံစဉ် တောင်းဆိုသွားမည်ဟု ၎င်းက ဆိုသည်။
“ကလေးတွေကို နှိပ်စက်တာတွေ နောက်မလုပ်အောင်လို့ ကော်မရှင်ကတစ်ဆင့် ရဲကို သတိပေးခိုင်းဖို့ ဆွေးနွေးမယ်။ နိုင်ငံတကာ ဥပဒေတိုင်းမှာ ညှင်းပမ်းနှိပ်စက်လို့ မရပါဘူး” ဟု ဦးအောင်မျိုးသန့်က ဆိုသည်။
လူသတ်မှုဖြင့် စွပ်စွဲခံထားရသည့် မြန်မာနှစ်ဦးမှာ ရင်ဘတ်နာကျင်သည့်ဝေဒနာ ခံစားနေရသည်ဟု ထိုင်းမီဒီများကလည်း ဖော်ပြခဲ့သည်။
ယင်းကြောင့် ထိုင်းလူ့အခွင့်အရေး ကော်မရှင်ကလည်း စွပ်စွဲခံရသူ နှစ်ဦး၊ ထိုင်းရဲ၊ တရားလိုပြသက်သေများနှင့် မြန်မာသံရုံး အထူးအဖွဲ့တို့နှင့် တွေ့ဆုံကာ မေးမြန်းရန် စီစဉ်ခြင်းဖြစ်သည်ဟု  မြန်မာသံရုံးအထူးအဖွဲ့ တာဝန်ရှိသူတို့က မဇ္ဈိမကို ပြောထားသည်။
မြန်မာနိုင်ငံ လူ့အခွင့်အရေး ကော်မရှင်အနေဖြင့်လည်း ထိုင်းနိုင်ငံတွင် လူသတ်မှုကျူးလွန်သည်ဟု စွပ်စွဲခံထားရသော မြန်မာနိုင်ငံသားနှစ်ဦးအပေါ် လူ့အခွင့်အရေးချိုးဖောက်မှုများ၊ အကြမ်းဖက် ညှင်းပမ်းနှိပ်စက်ခြင်းများ မပြုရန်၊ တရားဥပဒေအရ မှန်ကန်မျှတသည့် အခွင့်အရေးများရရှိရေး ဆောင်ရွက်ပေးရန် ထိုင်းလူ့အခွင့်အရေး ကော်မရှင်ထံသို့ စာပို့အကြောင်းကြားမည်ဟု ဒုတိယ ဥက္ကဋ္ဌ ဦးစစ်မြိုင်က ပြောသည်။
http://www.mizzimaburmese.com/2013-10-20-16-16-07/2013-11-01-01-48-27/item/30637-2014-10-20-11-35-38

ထိုင်းနိုင်ငံ ဖူးခက်ဒေသတွင် အသက် ၁၄ နှစ်အရွယ် မြန်မာမိန်းကလေး တစ်ဦး အား အဓမ္မပြုကျင့်ခဲ့သူတစ်ဦးနှင့် မုဒိမ်းပြုကျင့်ရာတွင် ကူညီခဲ့သူ တရားခံ ၏ ဇနီး အား ဖမ်းဆီးထိန်းသိမ်းထားပြီး တရားစွဲဆိုထားကြောင်း သတင်းရရှိ ပါသည်။

ခွတ်ခက်ရဲတပ်ဖွဲ့မှ အရာရှိ ပါလီတာကန်ဆင်းက "တရားခံ ၂ ဦးလုံးအတွက် လက်ဗွေ အပါအ၀င် သက်သေ အထောက်အထားတွေ ပြင်ဆင် စုစည်းနေ ပါတယ်" ဟု ဖူးခက်ဂေဇတ်သတင်းသို့ ပြောကြားသည်။

အဆိုပါ မြန်မာမိန်းကလေးအား မုဒိမ်းပြုကျင့်ခဲ့သူ ကိုနိုင်နှင့် ကူညီခဲ့သူ ဇနီးတို့မှာ မြန်မာနိုင်ငံသားများဖြစ်ပြီး ဖန်ငါအကျဉ်းထောင်တွင် ထိန်းသိမ်းထားသည်ဟု သိရှိရပြီး ရဲတပ်ဖွဲ့၏လုပ်ငန်းများအား အမြန်ဆုံးပြီးစီးရန် ဆောင်ရွက်နေသည်ဟု ပါလီတာက ဆိုသည်။

သြဂုတ် ၂၂ တွင် ဖြစ်ပွားခဲ့သည့် အဓမ္မမှုအတွက် ကိုနိုင်က ၀န်ခံခဲ့သည်ဟု ရဲတပ်ဖွဲ့ကဆိုသည်။ တရားလို မိန်းကလေး၏ အဆိုအရ ကိုနိုင်နှင့် ဇနီး တို့သည် သူမအား ၎င်းတို့အားလုံး အလုပ်လုပ်ရာနှင့် နေထိုင်ရာ ဆောက်လုပ်ရေး လုပ်ငန်းခွင်အနီးရှိ ဈေးတစ်ခုသို့ ခေါ်ဆောင်သွားခဲ့သည်ဟု ဆိုသည်။ ဈေးမှ အပြန်တွင် မိန်းကလေးအား ကိုနိုင် က အဓမ္မပြုကျင့်ခဲ့ခြင်းဖြစ်သည်ဟု ရဲတပ်ဖွဲ့က ဆိုသည်။

မိန်းကလေး က “ဈေးကပြန်လာချိန်မှာ သူ့မိန်းမက အိမ်သာဝင်ချင်တယ်ဆိုပြီး ဘယ်သူမှမရှိတဲ့ အဆောက်အအုံဟောင်းတစ်ခုထဲကို ၀င်သွားပါတယ်။ ခနနေတော့ ကိုနိုင်က ကျွန်မကို သူ့မိန်းမအနောက်လိုက်ခိုင်းပါတယ်။ ကျွန်မက ငြင်းတော့ အဲသည်အိမ်အိုထဲကို အတင်းဆွဲခေါ်ပြီး အဓမ္မကျင့်ဖို့ ကြိုးစားပါတယ်။ သူ့မိန်းမက ကျွန်မကို ကူချုပ်ထားပေးပြီး အဓမ္မကျင့်ခဲ့ပါတယ်။ ကျွန်မက လွှတ်အောင်ရုန်းကန်ရင်း မျက်နှာမှာ ဒဏ်ရာရခဲ့ပါတယ်”ဟု ရဲတပ်ဖွဲ့အား ပြောကြား ခဲ့သည်။

မုဒိမ်းမှု ဖြစ်ပွားပြီး နောက်တစ်နေ့တွင် ကိုနိုင်၏ ဇနီးက မိန်းကလေးအား မိုဘိုင်းလ်ဖုန်း အသစ်တစ်လုံးနှင့် ဘတ် ၅၀၀၀ ပေးခဲ့ပြီး အဖြစ်အပျက် အား မည်သူ့ကိုမျှ ပြန်မပြောရန် ပြောခဲ့သည် ဟု ရဲအရာရှိ ပါလီတာက ပြောကြား ခဲ့သည်။ အဆိုပါ မိန်းကလေးအား လက်ရှိတွင် ဖန်ငါရှိ "ပညာရေးနှင့် ဖွံ့ဖြိုးရေးဖောင်ဒေးရှင်း" (FED) ၌ စောင့်ရှောက်ထားသည်။

ပါလီတာက “မိန်းကလေးနဲ့ မိသားစုဟာ ဆောက်လုပ်ရေးလုပ်ငန်းခွင်ကနေ FED ကို ပြောင်းရွှေ့လာပြီး အမှုပြီးတဲ့အထိ နေထိုင်မှာပါ”ဟု ဆိုသည်။ မိန်းကလေး၏ မိသားစုက FED နှင့် ဦးစွာတိုင်ပင်ပြီးမှ ရဲတပ်ဖွဲ့သို့ အကြောင်းကြားခဲ့ခြင်းဖြစ်သည်။ ရဲတပ်ဖွဲ့က တရားလိုနှင့် သံသယရှိသူတို့အား ညှိနှိုင်းရန် ဦးစွာတောင်းဆိုခဲ့သည်။ တရားစွဲဆို ခြင်းမပြုရန်အတွက် ကိုနိုင်က လျော်ကြေး ထိုင်းဘတ်ငွေ ကိုးသောင်း ပေးရန် သဘောတူပြီး အဆိုပါ လျော်ကြေးငွေကို မိန်းကလေး၏ ဖခင်က လက်ခံလိုသော်လည်း မိန်းကလေးက သဘောမတူခဲ့ပေ။

မိန်းကလေးက "အဖေ့ရဲ့ဆုံးဖြတ်ချက်ကို သဘောမတူပါဘူး။ သူတို့ လင်မယားရဲ့ လုပ်ရပ်ဟာ ဘ၀ကိုအရမ်းခက်ခဲစေပြီး ခွင့်မလွှတ်နိုင်စရာဖြစ်တဲ့အတွက် တရားစွဲသွားမှာပါ" ဟု ရဲတပ်ဖွဲ့အား ပြောကြားခဲ့သည်။

မိန်းကလေး၏ ဖခင်ကမူ “တရားခံလင်မယားမှာလဲ ကလေးနှစ်ယောက်ရှိတဲ့အတွက် တရားစွဲပြီး ဒုက္ခရောက်အောင် မလုပ်ချင်ပါဘူး။ မြန်မာနိုင်ငံကိုပြန်ဖို့ ဆုံးဖြတ်ထားပါတယ်။ သမီးက တရားစွဲစေချင်ပြီး ဒီအဖြစ်အပျက်က ကျနော်တို့ မိသားစုကိုလည်း နာမည်ပျက်စေပါတယ်။ နောက်ဆုံးမှာတော့ သမီးရဲ့ ဆန္ဒအတိုင်း တရားစွဲဖို့ ကျွန်တော် ဆုံးဖြတ်ခဲ့ပါတယ်”ဟု FED ၀န်ထမ်း များအား ပြောခဲ့သည်။

တရားခံ ဖြစ်သူ ကိုနိုင်နှင့် ဇနီးအား အရွယ်မရောက်သေးသူကို အဓမ္မပြုကျင့်မှု၊ အဓမ္မပြုကျင့်ရာတွင် ကူညီမှုတို့ဖြင့် တရားစွဲဆိုထားသည့် အပြစ်ရှိကြောင်း အမိန့်ချမှတ်ခံရပါက ဘတ်ငွေ ဘတ် ၈၀၀၀ မှ ၄၀၀၀၀ အထိနှင့် ၄ နှစ် မှ ၂၀ နှစ်အထိ ကျခံရနိုင်ကြောင်း ဖူးခက်ဂေဇတ်သတင်းတွင် ဖော်ပြထားသည်။

KHTun

သတင်းနှင့် ဓါတ်ပုံ - .Phuket Gazette

The Ladies News Journal



ကချင်ပြည်နယ် ဖားကန့်မြို့ ဥရုချောင်းဘေး အောင်ဘာလေ ကျေးရွာ အနီးမှာ တပ်စွဲထားတဲ့ KIA ကချင်လွတ်မြောက်ရေး တပ်မတော် တပ်ရင်း ( ၆ ) က မိမိတို့တပ်စခန်းကို ဖယ်မပေးနိုင်ကြောင်းနဲ့ အဲဒီ့လို ဆုံးဖြတ်ချက်ဟာ ကေအိုင်အိုဗဟိုရဲ့ ဆုံးဖြတ်ချက် ဖြစ်ကြောင်း ဒီနေ့ ပြောပါတယ်။

အစိုးရက အဲဒီ့နေရာကို ဖယ်ရှားပေဖို့ အကြောင်းကြားလာပေမယ့် KIO ဗဟိုဌာနချုပ်ရဲ့ အမိန့်ဖြစ်တာကြောင့် မိမိတို့အနေနဲ့ တပ်စခန်းကို ကာကွယ်သွားရမှာပဲလို့ KIA တပ်ရင်း ( ၆ ) ဒုတိယတပ်ရင်းမှုး ဗိုလ်မှုးတန်ဆန့်က RFA ကိုပြောပါတယ်။

"လုံးဝရွှေ့ဖို့လည်း ကျနော်တို့လည်း စိတ်မကူးပါဘူး၊ ဌာနချုပ်ကလည်း ဒါကိုရွှေ့ဖို့ လုံးဝသဘောမတူပါဘူး"

အခုလ ၁၄ ရက်နေ့ကတည်းကစပြီး အစိုးရတပ်မ ၆၆ က KIA တပ်ရင်း ( ၆ ) ကို အဲဒီနေရာကနေ ဖယ်ရှားပေးဖို့ ဒေသခံတွေကနေတစ်ဆင့် အကြောင်းကြားခဲ့တာလို့ ဆိုပါတယ်။

တပ်မတော်နဲ့ KIA တပ်ရင်း ( ၆ ) တို့ဟာ ဥရုချောင်းတစ်ဘက်တစ်ချက်စီမှာ တပ်စွဲထားကြတာဖြစ်ပြီး ကံဆီးခေါ၊ ဆိုင်းငိုင်၊ အောင်ဘာလေ၊ ပေါက်ဆာဘီး၊ ကံဆီးရွာကြီး စတဲ့ရွာတွေဟာ နှစ်ဖက်တိုက်ပွဲဖြစ်ပွားနိုင်တဲ့ ဧရိယာထဲမှာ ရှိနေကြပါတယ်။

အဲဒီ့ရွာတွေမှာ ဒေသခံရွာသား ထောင်နဲ့ချီနေထိုင်ကြကာ လက်ရှိအချိန်ထိ စာသင်ကျောင်းတချို့လည်း ပိတ်ထားရတယ်လို့ သိရပါတယ်။ အဲဒီ့နေရာမှာ အနယ်နယ်အရပ်ရပ်က တနိုင်တပိုင် ရေမဆေးကျောက် လာရောက်ရှာဖွေတူးဖော်နေကြသူတွေ နှစ်သိန်းနီးပါးလောက် လုပ်ကိုင်လျှက်ရှိတယ်လို့လည်း သိရပါတယ်။

RFA Burmese
https://www.facebook.com/pages/RFA-Burmese/39218993127?fref=nf

မြန်မာပီပီ မြန်မာ့သွေး ပြခဲ့ပြီ။
'ထီ'မထင်သူတွေ စိတ်ထားရဲရဲနီ။
ပင်ပန်းလှလည်း အလံမလဲ။
နာကျင်သော်လည်း အလံမလဲ။
မြန်မာဆိုတာ
တုဖက်ပြိုင်ဖို့သိပ်မလွယ်တဲ့ကောင်တွေဆိုတာပြခဲ့။
ဒီည
အားလုံးမြင်ရတဲ့အတိုင်း
မြန်မာဆိုတာ 'အာဂ' လူတွေ။
ငါတို့ထက် ဘောလုံးအဆင့် ၅၀လောက်မြင့်တဲ့အသင်းကို
မရွံ့ပဲ မတွန့်ပဲကျားကုတ်ကျားခဲ ငါတို့ပြိုင်ခဲ့။
တကယ့်တကယ်တမ်းမှာ …
ငါတို့က ပိုအားနည်းပါတယ်။
ငါတို့ ပိုလည်းချို့တဲ့တယ်။
ဒါပေမယ့် ဒီလိုအသင်းကြီးကို
ပွဲချိန်အတွင်းသရေကျအောင်ကစားနိုင်ခဲ့။
ဒါကြောင့်ငါတို့က ပိုကြိုးစားတယ်။
ဗိုလ်ချုပ်မှာခဲ့တဲ့အတိုင်း
ပြဲနေအောင် တို့တွေ ကြိုးစားခဲ့။
သူများထက်နှစ်ဆ တို့တွေကြိုးစားခဲ့။
နောက်ဆုံးမိနစ်ထိ တို့တွေကြိုးစားခဲ့။
နိုင်ခြင်းရှုံးခြင်းကို ရလာဒ်နဲ့မတွက်ပဲ
စိတ်ဓါတ်နဲ့တွက်မယ်ဆိုရင်သေချာတယ်။
ငါတို့နိုင်တယ်။
ဒီလိုကြိုးစားမှုသာ ဆက်ခိုင်မြဲသွားမယ်ဆိုရင်
ဒီလို စိတ်ဓါတ်မျိုးသာ မျက်နှာစာအားလုံးမှာဆိုရင်
ကမ္ဘာ့မြေပုံပေါ်က ငါတို့နိုင်ငံကို
ရွှေကွပ်ထားဖို့သာ ကောင်းတော့ရဲ့။
ရှုံးနေတာတောင် တက်,မထောင်တဲ့သူတွေ
ခြေကွာတာတောင် ရဲရဲပြိုင်ဝံ့သူတွေ
ဒီလို လူငယ်တွေနဲ့ အနာဂတ်ကို
ငါတို့ ဘာစိုးရွံ့ရတော့မလဲ
'မြန်မာ' 'မြန်မာ' 'မြန်မာ' 'မြန်မာ'
ရလာဒ်ရှုံးပေမယ့် အနိုင်ရတဲ့အတိုင်း
ကွင်းလုံးအနှံ့အားပေးသံတွေ ညံခဲ့။
တစ်ချို့လဲ မချိတင်ကဲ။
'ကောင်းရှုံးကွာ'လို့ ရေရွတ်ကြ။
ဟုတ်တယ် ငါတို့ကောင်းတယ်။
ပွဲရလာဒ်အရ တို့ရှုံးတယ်ပဲထားဦးတော့
ကောင်းခြင်းဂုဏ်ကို ငါတို့ပြသနိုင်ခဲ့တယ်။
ဒါကြောင့် ဒီပွဲရဲ့အနှစ်သာရမှာ
ငါတို့ရှုံးတယ်လို့ ဘယ်သူပြောမလဲ
မြန်မာရှုံးတယ်လို့ ဘယ်သူပြောမလဲ
သေချာတာက
ဆယ်စုနှစ်များစွာ
မြန်မာဆိုတာ ခပ်ညံ့ညံ့ကောင်တွေပါကွာဆိုတဲ့
တံဆိပ်ကို တွန်းလှန်နိုင်ခဲ့။
မြန်မာဟာ 'အာဂ' ဆိုတဲ့ ဂုဏ်ဟိတ်ကိုပြသနိုင်ခဲ့။
နောက်ဆို ဒီကောင်တွေ သိပ်မလွယ်ဘူးကွလို့
သူတို့ဂရုစိုက်ကြပေတော့မယ်။
အဲဒီလို သိက္ခာဘက်ကကြည့်ပါ။
ဒါ့ကြောင့် … သေချာတယ်
ဒီညမှာ တို့မရှုံးဘူးဆိုတာ သေချာတယ်။
( သွန်းနေစိုး )
Photo..DVB


 ရဲ အဖွဲ့ အစည်းက တာဝန်ရှိ သူတွေကို ၂၇ ရက် နေ့မှာ ခေါ်ယူ မေးမြန်း ဦးမှာ ဖြစ်ပါတယ်

ကော်တောင် ကျွန်းမှာ ဗြိတိန် နိုင်ငံသား ၂ ဦး အသတ် ခံရမှုနဲ့ ပတ်သက်ပြီး ဖမ်းဆီး ထားတဲ့ မြန်မာ နိုင်ငံသား နှစ်ဦးကို ရဲက ရိုက်နှက် စစ်ဆေး ခဲ့တယ်လို့ သတင်း ထွက်ပေါ်တဲ့ အပေါ် ထိုင်း လူ့အခွင့် အရေး ကော်မရှင်က ရဲကို ခေါ်ယူ မေးမြန်းခဲ့ ပါတယ်။

ရဲက ရိုက်နှက်တယ် ဆိုတာကို တိုင်းကြားချက် လည်းရ သလို အဖမ်းခံ ရသူတွေက ရင်ဘတ် အောင့် နေတယ်လို့ ပြောခဲ့တာ ကြောင့် ရဲကို ခေါ်ယူ မေးမြန်း တာ ဖြစ်တယ်လို့ ထိုင်း လူ့ အခွင့် အရေး ကော်မရှင် အဖွဲ့ဝင် ဒေါက်တာနိရမ်း ဖိထတ်ဝပ်ချရာ့ က ရှင်းပြ ပါတယ်။

အဖမ်း ခံထား ရတဲ့ ဝင်းဇော်ထွန်းနဲ့ ဇော်လင်းတို့ နှစ်ဦးကိုလည်း ဒေါက်တာ နိရမ်း ဖိထတ်ဝပ်ချရာ့ ကိုယ်တိုင် သွားရောက် တွေ့ဆုံခဲ့ ပါသေးတယ်။

ဖန်းငါးကျွန်းက ရဲစခန်းမှူး ပြောတာ ကတော့ သူတို့ ရဲစခန်းကို ရောက်လာ ချိန်မှာ ရိုက်နှက်မှု မရှိဘူးလို့ အခိုင် အမာ ပြောပါတယ်။

ဒါပေမယ့် လည်း ဒီအမှုကို စစ်ဆေး ရာမှာ ဘန်ကောက် ကရော၊ တိုင်း ရဲ တပ်ဖွဲ့ ပေါင်းစုံက ကွင်းဆင်းပြီး စစ်ဆေး တာကြောင့် တခြား အဖွဲ့တွေ ကို မေးမြန်း ကြည့် ရင် ကောင်းမယ်လို့ ဖန်းငါးကျွန်း ရဲစခန်းမှူး ရဲဗိုလ်မှူးကြီး ပရာ့ချုမ်း ရူးယန်းထောင်းက လူ့ အခွင့် အရေး ကော်မရှင်ကို ပြောပါတယ်။

ဒါကြောင့် ရဲ အဖွဲ့ အစည်းက တာဝန်ရှိ သူတွေကို နောက်တစ်ပတ် တနင်္လ࿿ာနေ့ ၂၇ ရက် နေ့မှာ ခေါ်ယူ မေးမြန်း ဦးမှာ ဖြစ်ပါတယ်။

အဖမ်းခံ ထားရ သူတွေရဲ့ ရင်ဘတ်မှာ နာကျင် တာကို ဓါတ်မှန် ရိုက်ပေး ဖို့ကိုလည်း ထောင်မှူးကို အကြောင်း ကြားထား ပြီလို့လည်း ပြောပါတယ်။

အဖမ်းခံ ထားရတဲ့ ဝင်းဇော်ထွန်းနဲ့ ဇော်လင်း မိဘ ဆွေမျိုးတွေ ထိုင်းကို လာတွေ့ နိုင်ဖို့ ရန်ကုန်မြို့ ထိုင်းသံရုံးမှာ ဗီဇာ တင်လိုက် ပြီလို့ ဒီကိစ္စ အတွက် ကူညီ ဆောင်ရွက်ပေး နေတဲ့ ရခိုင် အမျိုးသား ကွန်ရက် ဥက္ကဌ ဦး တင်ထွန်းအောင်က ပြောပါတယ်။

ဒီအမှုနဲ့ ပတ်သက်ပြီး မြန်မာ နိုင်ငံက ကျွမ်းကျင်တဲ့ မှုခင်း ပညာရှင် လာရောက် ဖို့ကိုတော့ လောလော ဆယ် မသိရ သေးဘူးလို့ ဦးတင်ထွန်းအောင်က ပြောပါ တယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/10/141020_koh_tao_murder_human_rights


အာရှ ယူ ၁၉ လူငယ်အားကစားပြိုင်ပွဲ ဆီမီးဖိုင်နယ်ပွဲစဉ်အဖြစ် မြန်မာအသင်းနဲ့ ကာတာအသင်းတို့ ရန်ကုန်မြို့ သုဝဏ္ဏအားကစားကွင်းမှာ ယှဉ်ပြိုင်ကစားရာ ကာတာအသင်းက ၃-၂ ဂိုးနဲ့ အနိုင်ရပြီး ဗိုလ်လုပွဲကို တက်ရောက်သွားပါတယ်။

မြန်မာအသင်းနဲ့ ကာတာအသင်းတို့ဟာ ပထမပိုင်း နှစ်ဖက် အပြန်အလှန် ထိုးဖောက်ကစားခဲ့ကြပြီး ပွဲပြီးခါနီး ၃ မိနစ်အလိုမှာတော့ ကာတာအ သင်းက ထောင့် ကန်ဘောက တဆင့် ခေါင်းတိုက် သွင်းယူခဲ့ပါတယ်။

ဒီနောက် ဒုတိယပိုင်းမှာတော့ ကာတာအသင်းက ခံစစ်ကစားခဲ့ပါတယ်။ ၆၁ မိနှစ်မှာတော့ သန်းပိုင် ပေးပို့တဲ့ ဘောလုံးကို အောင်သူက ကာတာအသင်းရဲ့ ညဘက်ထောင့်ကို လှလှပပ ချေပဂိုး ပြန်လည်သွင်းယူခဲ့ပါတယ်။

ဒီနောက် ၆၃ မိနစ်မှာ မြန်မာအသင်းက ပြစ်ဒဏ်ဘောရရှိခဲ့ပါတယ်။ ပြစ်ဒဏ်ဘောကို အောင်သူက ဂိုးရှေ့ချပေးရာမှာ ငြိမ်းချမ်းအောင်က ခေါင်းတိုက်ပြီး ဒုတိယဂိုးသွင်းယူခဲ့ပါတယ်။

ဒီနောက်  ၇၄ မိနစ်မှာတော့ ကာတာအသင်းက ပြစ်ဒဏ်ဘောရရှိခဲ့ပြီး ကန်သွင်းရာမှာ ဂိုးဝင်သွားခဲ့ပါတယ်။

ဒီနောက် မိနစ် ၉၀ ပြီးတဲ့တဲ့အထိ ကာတာအသင်းက ပြန်လည်ထိုးဖောက်ကစားခဲ့ပေမယ့် တဖက်နဲ့တဖက် ဂိုးမသွင်းနိုင်ဘဲ ပွဲစဉ်ပြီးဆုံးသွားခဲ့ပါတယ်။

ဒီနောက် အချိန်ပို ဆက်ကစားရာမှာ ပွဲစပြီး မိနစ်ပိုင်းအတွင်းမှာပဲ ကာတာအသင်းက ၁ ဂိုး ထပ်မံသွင်းယူပြီး ၃-၂ ဂိုးနဲ့ ဗိုလ်လုပွဲကို တက်ရောက်သွားပါတယ်။ ဗိုလ်လုပွဲမှာတော့ မြောက်ကိုရီးယားအသင်းနဲ့ ယှဉ်ပြိုင်ရမှာဖြစ်ပါတယ်။

မြန်မာအသင်းမှာ  ဂိုး – မျိုးမင်းလတ် (၁)၊ နောက်တန်း – ထိုက်ထိုက်အောင် (၃)၊ နန္ဒကျော် (၅)၊ သီဟထက်အောင် (၁၇) ၊ အလယ်တန်း – ငြိမ်းချမ်းအောင် (၇)၊ ရန်နိုင်ဦး (၁၅)၊ မျိုးကိုထွန်း (၂၃)၊ ကျော်မင်းဦး (၆)၊ မောင်မောင်စိုး (၈)၊ ရှေ့တန်း – အောင်သူ (၉)နဲ့ သန်းပိုင် (၁၁) တို့ ဖြစ်ပါတယ်။

မြန်မာအသင်းဟာ အုပ်စုပွဲစဉ်တွေမှာ ယီမင်နဲ့သရေ၊ ထိုင်းကို ၃-၀ ဂိုး၊ အီရန်ကို ၂-၀ ဂိုးနဲ့ရှုံးနိမ့်ပြီး ကွာတားဖိုင်နယ်မှာ ယူအေအီးအသင်းကို ၁-၀ ဂိုးနဲ့ အနိုင်ရပြီး ဆီမီးဖိုင်နယ်ကို တက်ရောက်ခဲ့တာဖြစ်ပါတယ်။

ကာတာအသင်းဟာ အုပ်စုတွင်းပွဲစဉ်တွေအဖြစ် မြောက်ကိုရီးယား၊ အိုမန်နဲ့ အီရတ်အသင်းတို့ကို အကောင်းဆုံး ဖြတ်ကျော်လာနိုင်ခဲ့ပြီး ကွာတားဖိုင်နယ်အဆင့်မှာလည်း တရုတ်အသင်းကို ကျော်ဖြတ်ကာ ဆီမီးဖိုင်နယ်အထိ တက်ရောက်တာ ဖြစ်ပါတယ်။

By ဒီဗွီဘီ
http://burmese.dvb.no/archives/68451

၂၀၁၂ ရွေးကောက်ပွဲမှာ သမ္မတဦးသိန်းစိန် ဆန္ဒမဲပေးစဉ်။ ၂၀၁၅ ခုနှစ်ရွေးကောက်ပွဲကို လာမယ့်နှစ် အောက်တိုဘာလကုန် ဒါမှမဟုတ် နောက်အကျဆုံး နိုဝင်ဘာလဆန်းမှာ ကျင်းပမယ်လို့ ဒီကနေ့ ရွေးကောက်ပွဲ ကော်မရှင်က ထုတ်ပြန်ပြောဆိုပါတယ်။ ဒီကြေညာချက်ကို ပြည်ထောင်စုရွေးကောက်ပွဲကော်မရှင်နဲ့ အရပ်ဖက် လူမှုအဖွဲ့အစည်းတွေ ရန်ကုန်မြို့မှာ တွေ့ဆုံဆွေးနွေးစဉ်မှာ ထုတ်ပြန်တာဖြစ်ပါတယ်။ သတင်းအပြည့်အစုံကို ဗွီအိုအေမြန်မာပိုင်း သတင်းထောက် ကိုမိုးဇော်က တင်ပြပေးထားပါတယ်။

ပြည်ထောင်စုရွေးကောက်ပွဲကော်မရှင်နဲ့ အရပ်ဖက်လူမှုအဖွဲ့အစည်းတွေ ဒီကနေ့ ရန်ကုန်မြို့၊ မီကာဆာဟိုတယ်မှာ တွေ့ဆုံဆွေးနွေးပြီး ၂၀၁၅ ရွေးကောက်ပွဲကျင်းပမယ့်အချိန်ကို ထုတ်ပြန်ခဲ့တာ ဖြစ်ပါတယ်။

ဒါဟာ ဒီလအစောပိုင်းက လူထုကိုပြောကြားတဲ့ မိန့်ခွန်းမှာ နိုင်ငံတော်သမ္မတက တပြည်လုံးအပစ်အခတ်ရပ်စဲရေးလက်မှတ်ရေးထိုး၊ နောက် နိုင်ငံရေးဆွေးနွေးပွဲတွေ စတင်ပြီး နိုင်ငံရေးတည်ငြိမ်မှ ၂၀၁၅ ရွေးကောက်ပွဲက ရေရာမယ်လို့ ထည့်သွင်းပြောကြားခဲ့တာကြောင့် ရွေးကောက်ပွဲရက် ရွှေ့ဆိုင်းမလားဆိုပြီး နိုင်ငံရေးလေ့လာသူတွေက သုံးသပ်နေချိန်မှာ ထွက်ပေါ်လာတာလည်း ဖြစ်ပါတယ်။

ကျင်းပမယ့်အချိန်ကိုတော့ ရန်ကုန်တိုင်းဒေသကြီး ရွေးကောက်ပွဲကော်မရှင်ဥက္ကဋ္ဌ ဦးကိုကိုက အခုလို အတည်ပြုပြောဆိုပါတယ်။

“ရွေးကောက်ပွဲကျင်းပဖို့လား၊ ရှေ့နှစ်အကုန် အောက်တိုဘာ နောက်ဆုံးအပတ်၊ သို့မဟုတ် နိုဝင်ဘာ ပထမပတ် အဲလောက်မှာ လုပ်ဖြစ်လိမ့်မယ်။”

ဒီကနေ့ အရပ်ဖက် လူမှုအဖွဲ့အစည်းတွေနဲ့ တွေ့ဆုံပွဲမှာ ရွေးကောက်ပွဲ လုပ်ငန်းစဉ်နဲ့ ရွေးကောက်ပွဲ စောင့်ကြည့် လေ့လာရေးအဖွဲ့တွေလိုက်နာရမယ့် ကျင့်ဝတ်တွေကို အဓိက ဆွေးနွေးခဲ့တယ်လို့လည်း ဦးကိုကိုက ပြောပါတယ်။

“--- CSO တွေနဲ့ ဆွေးနွေးတာ။ ပထမ တချက်က တနိုင်ငံလုံး အခြေခံ မဲဆန္ဒနယ်စာရင်းပြုစုမယ်၊ ပြုစုမယ့်လုပ်ငန်းစဉ်အတွက် လုပ်ငန်းစဉ် မူကြမ်းလေး ဆွဲထားတယ်။ အဲဒီလုပ်ငန်းစဉ်ကိုရောက်ဖို့ ပြည်ထောင်စု ရွေးကောက်ပွဲကော်မရှင်ကနေပြီးတော့ CSO အဖွဲ့တွေကို ချပြတယ်။ ရှင်းလင်းပြီးချပြတယ်။ CSO တွေက ဒါကို အကြံဉာဏ်ပြုကြတယ်၊ ဆွေးနွေးကြတယ်။ ဒုတိယအချက်က Observer တွေအတွက် Code of Conduct ဆွဲဖို့ ဖိတ်ထားပါတယ်။ အဲဒါလည်း ဝိုင်းပြီးဆွေးနွေးကြတယ်ပေါ့။”

ဒီဆွေးနွေးပွဲကို တက်ရောက်လာတဲ့ ပညာတံခွန်လူမှုရေးကွန်ယက်က ဦးမြင့်အောင်မိုးက ၂၀၁၅ရွေးကောက်ပွဲ ကျင်းပမယ့်ရက်ကို ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးတင်အေးကိုယ်တိုင် မီဒီယာတွေကို ပြောဆိုခဲ့တာဖြစ်တယ်လို့ ပြောပါတယ်။

“ဟုတ်ကဲ့၊ ဥက္ကဋ္ဌကြီးကိုယ်တိုင်…၊ မီဒီယာရှေ့မှာလည်း ပြောသွားပါတယ်။ ၂၀၁၅ အစောဆုံးအောက်တိုဘာနောက်ဆုံးပတ်နဲ့ နောက်အကျဆုံး နိုဝင်ဘာ ပထမပတ်မှာ လုပ်ဖြစ်အောင်လုပ်မယ်လို့ သူကိုယ်တိုင်ကလည်း ပြောသွားပါတယ်။”

ရွေးကောက်ပွဲ စောင့်ကြည့် လေ့လာရေးအဖွဲ့တွေလိုက်နာရမယ့် ကျင့်ဝတ်တွေကိုဆွေးနွေးတာကိုတော့ ဦးမြင့်အောင်မိုးက အခုလို ဆက်ပြောပါတယ်။

“အဓိက ကတော့ ဘယ်အချက်တွေကိုတော့ ကျနော်တို့ဘက်က လိုက်နာရမယ်ပေါ့။ ရွေးကောက်ပွဲနဲ့ ပတ်သက်တဲ့ထုတ်ပြန်ထားတဲ့ ဥပဒေတွေ၊ နည်းဥပဒေတွေကို မဖောက်ဖျက်တဲ့အချက်တွေပဲ အတော်များပါတယ်။ ကျနော်တို့ Observer တွေရဲ့လုပ်ပိုင်ခွင့်တွေပေါ့။ ဘယ်အတိုင်းအတာအထိ ကျနော်တို့ လုပ်လို့ရမလဲ၊ ကျနော်တို့ CSO တွေကနေပြီးတော့မှ ဘယ်အချက်တွေကတော့ ပါဝင်သင့်တယ်ပေါ့။ အဲဒီအချက်တွေကို ဆွေးနွေးတာပါ။ အဲဒီဆွေးနွေးချက်တွေမှာ သူတို့က တချို့ကိုလည်း လက်ခံတယ်။ ဒီနေ့ကတော့ final မဟုတ်သေးဘူးလေ၊ နောက်တကြိမ်တွေ့ပြီး ဆွေးနွေးရအုံးမှာ ဆိုတော့ နောက်ထပ် နှစ်ကြိမ်လောက်ဆိုရင်တော့ Code of Conduct final ထွက်လာလောက်ရောပေါ့။ ”

ဒီအချက်တွေမှာတော့ ရွေးကောက်ပွဲစောင့်ကြည့်လေ့လာရေးအဖွဲ့က ဘက်မလိုက်ဖို့၊ အစိုးရသီးခြားလွတ်လပ်တဲ့အဖွဲ့ဖြစ်ဖို့၊ ရွေးကောက်ပွဲကော်မရှင် အဆင့်ဆင့်ရဲ့ တာဝန်နဲ့ လုပ်ပိုင်ခွင့်ကို ၀င်ရောက် မစွက်ဖက်ဖို့၊ လျှို့ဝှက်မဲပေးတဲ့စနစ်ကို မထိခိုက်စေဖို့ စတာတွေပါဝင်ပါတယ်။

ရွေးကောက်ပွဲကော်မရှင်က နိုင်ငံတကာ ရွေးကောက်ပွဲစောင့်ကြည့်လေ့လာရေးအဖွဲ့တွေကို လာရောက်ဖို့ကိုလည်း လက်ခံထားတယ်လို့ ပြောပါတယ်။

“International Observer တွေကိုတော့ သူတို့ ဖိတ်ခေါ်ထားတယ်။ Long Time လာမယ့်အဖွဲ့တွေကိုလည်း Long time လက်ခံထားတယ်။ Short time လာမယ့်အဖွဲ့တွေကိုလည်း Short time လက်ခံထားတယ်။ လက်ခံမယ့်အပိုင်းကတော့ အစိုးရအပိုင်းပေါ့။ ပြည်ဝင်ဗီဇာတို့ ဘာတို့ကျတော့ သူတို့နဲ့မဆိုင်ဘူးပေါ့။ သူတို့ကတော့ လက်ခံပြီးပြီ။ ကျန်တဲ့အပိုင်းကိုတော့ International Observer တွေက သက်ဆိုင်ရာ လူဝင်မှုကြီးကြပ်ရေးတို့၊ နိုင်ငံခြားရေးဝန်ကြီးဌာနတို့နဲ့ဆက်သွယ်ပြီး ဆောင်ရွက်ရမယ့် အကြောင်းပဲ။ ဒါပေမယ့် ဥက္ကဋ္ဌကြီးပြောတဲ့အထဲလည်း ထည့်ပြောသွားပါတယ်။ အဓိက ကတော့ Observer ကို အလေးထားတယ်။ ဘာဖြစ်လို့လဲဆိုတော့ ၂၀၁၅ သည် သူတို့အတွက် တရားမျှတပြီး လွတ်လပ်တဲ့ရွေးကောက်ပွဲကြီး ဖြစ်ပါတယ်ဆိုတာ ပြဖို့အတွက် ပြည်တွင်း Observer တွေရော International Observer တွေကိုပါ အလေးထားပြီးတော့ ဖိတ်ခေါ်ထားပါတယ်။”

ဒီကနေ့တွေ့ဆုံပွဲမှာ ပြည်ထောင်စုရွေးကောက်ပွဲကော်မရှင်ဥက္ကဋ္ဌနဲ့ အဖွဲ့ဝင်တွေအပါအ၀င် ရန်ကုန်တိုင်းရွေးကောက်ပွဲကော်မရှင်ဥက္ကဋ္ဌနဲ့ အရပ်ဖက် လူမှုအဖွဲ့အစည်း ၅၀ ကျော် ပါဝင်တက်ရောက်ခဲ့ပါတယ်။

မနက်ဖြန်မှာတော့ ပြည်ထောင်စုရွေးကောက်ပွဲကော်မရှင်ဟာ နိုင်ငံရေးပါတီတွေနဲ့ တွေ့ဆုံမှာဖြစ်ပါတယ်။
VOA
http://burmese.voanews.com/content/myanmar-election-likely-to-hold-in-2015-november-first-week-/2489594.html



သတင်း-ဆောင်းပါး နှင့် မှတ်တမ်း ဓါတ်ပုံ-  နာရေးကူညီမှုအသင်း(ရန်ကုန်)

နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ ဦးဆောင်သော ပရဟိတသာသနာပြုအဖွဲ့သည် ပြည်မြို့တစ်ဘက်ကမ်း ပန်းတောင်းမြို့နယ်၊ ရွှေဘုံသာမုနိဘုရားအနီးတွင် “မဟာပဏီတ ပရဟိတအောင် တော်မူစေတီတော်” အမည်ဖြင့် စေတီတစ်ဆူ တည်ဆောက်လျှက်ရှိပါသည်။ ထိုစေတီတော်အတွင်း ကိန်း ဝပ်စံမ္ပယ် အပူဇော်ခံသွားမည့် စကျင်ဗုဒ္ဓရုပ်ပွားတော် (၅ ပေဉာဏ်တော်ရှိ) လေးဆူ၊မဟာဗောဓိညောင်ပင် ကြီး (ဒေါ်အောင်ဆန်းစုကြည်အား အိန္ဒိယဝန်ကြီးချုပ်မှ ဗုဒ္ဓလက်ဆောင်အဖြစ် ပေးအပ်ခဲ့ပြီး၊ ဒေါ်အောင် ဆန်းစုကြည် မှတစ်ဆင့် ပခုက္ကူဆရာတော် (အနိစ္စ)ထံသို့ လှူဒါန်းခဲ့ကာ ဦးကျော်သူထံသို့ အနိစ္စဆရာ တော်ကြီး မှတစ်ဆင့် ရောက်ရှိလာခဲ့သည့် မဟာဗောဓိညောင်ပင်) ၏ ခြေတော်ရင်းတွင် ကိန်းဝပ်အပူဇော် ခံမည့် စကျင်ဗုဒ္ဓရုပ်ပွားတော် (၆ ပေဉာဏ်တော်ရှိ) တစ်ဆူ၊ ထီးတော်နှင့် ခြေတော်ရာတို့အား ၂ဝ၁၄ ခုနှစ်၊ အောက်တိုဘာလ (၂၇) ရက်နေ့တွင် မန္တလေးတိုင်း၊ မတ္တရာမြို့နယ်၊ စကျင်ကျေးရွာမှ စတင်ပင့်ဆောင် အပူဇော်ခံသွားမည် ဖြစ်ပါသည်။ မြန်မာနိုင်ငံတစ်ဝှမ်းလုံးရှိ ဗုဒ္ဓဘာသာနွယ်ဝင် သူတော်စင်များနှင့်တကွ အများပြည်သူအပေါင်း သဒ္ဓါပွားများ ကြည်ညိုဖူးမြော်နိုင်ကြစေရန် စိတ်ရည်သန်၍ အောက်ပါအစီအစဉ် အတိုင်း (၉) ရက်ကြာ လှည့်လည်အပူဇော်ခံသွားမည် ဖြစ်ပါကြောင်း နိဗ္ဗာန်အကျိုးမျှော်၍ နှိုးဆော်ဖိတ် ကြားအပ်ပါသည်။

၂၇.၁ဝ.၂ဝ၁၄ - မန္တလေးတိုင်း၊ မတ္တရာမြို့နယ်၊ စကျင်ကျေးရွာမှ နံနက် (၆းဝဝ) နာရီတွင် စတင် ထွက်ခွာ၊ မန္တလေးမြို့ “တောင်စလင်းကျောင်းတိုက်”၌ ညအိပ်ရပ်နား အပူဇော်ခံ။

၂၈.၁ဝ.၂ဝ၁၄ - မန္တလေးမြို့၊ “တောင်စလင်းကျောင်းတိုက်” မှ နံနက် (၆းဝဝ) နာရီတွင် စတင် ထွက်ခွာ၊ မြို့တွင်းလှည့်လည် အပူဇော်ခံပြီး ညနေ (၅းဝဝ) နာရီတွင် “တောင်စလင်းကျောင်းတိုက်” သို့ ပြန်လည်ရောက်ရှိ၊ ညအိပ်ရပ်နား အပူဇော်ခံ။

၂၉.၁ဝ.၂ဝ၁၄ - မန္တလေးမြို့ “တောင်စလင်းကျောင်းတိုက်” မှ နံနက် (၆းဝဝ) နာရီတွင် စတင် ထွက်ခွာ၊ မြစ်သား၊ ကျောက်ဆည်၊ ဝမ်းတွင်း၊ ကူမဲ အစရှိသည့်မြို့များဖြတ်သန်း၊ မွန်းတည် (၁၂းဝဝ) နာရီ တွင် မိတ္ထီလာမြို့သို့ရောက် ခေတ္တရပ်နား၊ နေ့လည်ပိုင်းတွင် ပျော်ဘွယ်၊ ရမည်းသင်းမြို့များဖြတ်သန်း၊ ညနေ (၅းဝဝ) နာရီတွင် ပျဉ်းမနားမြို့သို့ရောက်ရှိ၊ ညအိပ်ရပ်နား အပူဇော်ခံ။

၃ဝ.၁ဝ.၂ဝ၁၄ - ပျဉ်းမနားမြို့မှ နံနက် (၆းဝဝ) နာရီတွင် စတင်ထွက်ခွာ၊ ရေနီ၊ ရေတာရှည်၊ တောင်ငူ၊ ဖြူး အစရှိသည့်မြို့များဖြတ်သန်း၊ မွန်းတည့် (၁၂းဝဝ) နာရီတွင် ပဲနွယ်ကုန်းမြို့သို့ရောက် ခေတ္တ ရပ်နား၊ ပြီးနောက် ညောင်လေးပင်၊ ပြွန်တန်ဆာ၊ ဒိုက်ဦး၊ ဘုရားကြီးမြို့များဖြတ်သန်း၊ ညနေ (၅းဝဝ) နာရီ တွင် ပဲခူးမြို့သို့ရောက်ရှိ၊ ရွှေမော်ဓောဘုရားဝင်း “သာသနာ့ဗိမာန်တော်” တွင် ညအိပ်ရပ်နား အပူဇော်ခံ။

၃၁.၁ဝ.၂ဝ၁၄ - ပဲခူးမြို့မှ နံနက် (၉းဝဝ) နာရီတွင် စတင်ထွက်ခွာ၊ အင်းတကော်၊ လှည်း ကူး၊ ထောက်ကြံ့၊ မင်္ဂလာဒုံ အစရှိသည့်မြို့များဖြတ်သန်း၊ ညနေပိုင်းတွင် နာရေးကူညီမှုအသင်း(ရန်ကုန်) ရုံးချုပ် မြောက်ဒဂုံမြို့နယ်သို့ရောက်ရှိ၊ ညအိပ်ရပ်နား အပူဇော်ခံ။ (ည ၇းဝဝ နာရီအချိန်တွင် လူရွှင်တော် ခင်လှိုင်၊ ဒိန်းဒေါင် ဦးစီးသော ဟာသလူရွှင်တော်အဖွဲ့နှင့် အနုပညာရှင်များပူးပေါင်း၍ ကပြဖျော်ဖြေ တင်ဆက်မည် ဖြစ်ပါသည်။)

၁.၁၁.၂ဝ၁၄ - ထီးတော်၊ ခြေတော်ရာများဖြင့် ရန်ကုန်မြို့တွင်း (၁) ရက်တာ လှည့်လည်၍ အပူ ဇော်ခံ။ နာရေးကူညီမှုအသင်း(ရန်ကုန်) ရုံးချုပ်၌ ညအိပ်ရပ်နား အပူဇော်ခံ။

၂.၁၁.၂ဝ၁၄ - နာရေးကူညီမှုအသင်း(ရန်ကုန်)ရုံးချုပ်မှ နံနက် (၆းဝဝ) နာရီစတင်ထွက်ခွာ၊ ထောက်ကြံ့၊ မှော်ဘီ၊ တိုက်ကြီး၊ ဥက္ကံ အစရှိသည့်မြို့များဖြတ်သန်း၊ မွန်းတည့် (၁၂းဝဝ) နာရီတွင် သုံး ဆယ်မြို့၌ ခေတ္တရပ်နား၊ ဆက်လက်ပြီး သာယာဝတီ၊ လက်ပံတန်း (တာဆုံ)၊ မင်းလှ (တာဆုံ)၊ အုတ်ဖို (တာဆုံ) အစရှိသည့်မြို့များဖြတ်သန်း၊ ညနေ (၅းဝဝ) နာရီတွင် ကြို့ပင်ကောက်သို့ရောက်ရှိ၊ ညအိပ်ရပ် နား အပူဇော်ခံ။

၃.၁၁.၂ဝ၁၄ - ကြို့ပင်ကောက်မြို့မှ နံနက် (၆းဝဝ) နာရီတွင် စတင်ထွက်ခွာ၊ ဇီးကုန်း၊ နတ်တ လင်း၊ ပေါင်းတည်၊ ဝက်ပုတ်၊ အင်းမ၊ ရွှေတောင် အစရှိသည့်မြို့များဖြတ်သန်း၊ နေ့လည် (၂းဝဝ) နာရီတွင် ပြည်မြို့သို့ရောက်ရှိ၊ ညအိပ်ရပ်နား အပူဇော်ခံ။

၎.၁၁.၂ဝ၁၄ - ပြည်မြို့မှ နံနက် (၆းဝဝ) နာရီတွင် စတင်ထွက်ခွာ၊ ပြည်မြို့တစ်ဖက်ကမ်းရှိ ပရဟိတစေတီော် တည်ရှိရာ ပန်းတောင်းမြို့နယ်၊ ရွှေဘုံသာအုပ်စု၊ လက်ပံရွာအနီး၊ ပရဟိတတောင်ကုန်း ပေါ်သို့ ပင့်ဆောင် အပူဇော်ခံသွားမည် ဖြစ်ပါသည်။

ညအိပ်ရပ်နားမည့် မန္တလေး၊ ပျဉ်းမနား၊ ပဲခူး၊ ရန်ကုန်၊ ကြို့ပင်ကောက်၊ ပြည်မြို့များတွင် ဝတ်ရွတ် ပူဇော်ခြင်းများနှင့် အနုပညာရှင်များမှ ကပြဖျော်ဖြေ တင်ဆက်မည်ဖြစ်ပါသည်။ ဖျော်ဖြေတင်ဆက်မှုအား ကုသိုလ်ပြုလိုကြသော အနုပညာရှင်များနှင့် ပရဟိတသာသနာပြု ခရီးစဉ်အားလိုက်ပါ၍ ကုသိုလ်ယူလို ကြသူများအနေဖြင့် ဝ၉ - ၅၁၄၈၄၅၂၊ ဝ၉ ၄၂ဝ ၂၈၃၉၆ဝ၊ ဝ၉ ၄၂၈ ဝ၂၆၂၂၄ သို့ ကြိုတင်ပြီး ဆက်သွယ် အကြောင်းကြားနိုင်ပါသည်။


ဗြဟ္မစိုရ်တရား ကမ္ဘာလွှမ်းစေရမည်။
ကျော်သူ၏ ပရဟိတသာသနာပြုအဖွဲ့


၂၀၁၄ခုနှစ်၊ အောက်တိုဘာ ၁၈ရက်

များမကြာမီက “ပုဒ်မ ၄၃၆ပြင်ဆင်ရေး”အတွက် ပြည်သူ (၄၉၄၁၉၉၈)ဦးက လက်မှတ်ရေးထိုး၍ လွှတ်တော်ထံပို့ခဲ့စဉ်က လွှတ် တော်ဥက္ကဋ္ဌ ၂ဦးဖြစ်သော ဦးရွှေမန်းနှင့် ဦးခင်အောင်မြင့်တို့က ထိုလက်မှတ်များသည် သြဇာသက်ရောက်မှု မရှိကြောင်း မျက်နှာ ပြောင်တိုက်၍ ငြင်းပယ်ခဲ့ကြ ဖူးလေသည်။

ယခု သာသနာရေးဝန်ကြီးဟောင်း ဦးဆန်းဆင့်အမှုတွင်မူ “ဆရာတော်၊ သံဃာတော်များ၊ ပြည်ထောင်စုလွှတ်တော် ကိုယ်စား လှယ် ၅၁ဦးနှင့် ဧရာဝတီတိုင်းဒေသကြီးမှ ပြည်သူ ၁ဝဝ၄ဦး”တို့က လက်မှတ်ရေးထိုးတင်ပြသည့်စာကိုတော့ လွှတ်တော် ဥက္ကဋ္ဌ ဦးရွှေမန်းက အရေးတယူပြုပြီး သမ္မတထံသို့ သဝဏ်လွှာပေးခဲ့သည်။

နှိုင်းယှဉ်ပြောရမည်ဆိုလျှင် “ပုဒ်မ ၄၃၆ ပြင်ဆင်ရေး” သည် တစ်တိုင်းတစ်ပြည်လုံး၊ ပြည်သူလူထုတစ်ရပ်နှင့် သက်ဆိုင်သော အရေးအရာကိစ္စဖြစ်သည်။ “သာသနာရေးဝန်ကြီးဟောင်း ဦးဆန်းဆင့်” အမှုသည် တစ်ဦးချင်းကိစ္စ၊ တစ်ဦးချင်းပြဿနာမျှသာ ဖြစ်သည်။ ပွင့်ပွင့်လင်းလင်းပြောရလျှင် တစ်တိုင်းတစ်ပြည်လုံး၊ ပြည်သူလူထုတစ်ရပ်လုံးနှင့်သက်ဆိုင်သော အရေးအရာကိစ္စနှင့် တစ်ဦးချင်းကိစ္စ၊ တစ်ဦးချင်းပြဿနာသည် နှိုင်းယှဉ်ထိုက်သည့်ကိစ္စမဟုတ်ပါ။ ဦးရွှေမန်းနှင့် ဦးခင်အောင်မြင့်တို့၏ သဘောထား ခံယူပုံ ထင်ရှားပေါ်လွင်စေရန်အတွက်သာ ယခုကဲ့သို့ နှိုင်းယှဉ်ပြသရခြင်းဖြစ်ပါသည်။

ဦးရွှေမန်းနှင့် ဦးခင်အောင်မြင့်တို့သည် အများပြည်သူတစ်ရပ်လုံးအရေးထက် လူတစ်ဦးတစ်ယောက်၏ ပြဿနာကိုသာ အလေး ထားကြည့်ခဲ့ကြသည်။ လူများစုအရေးထက် လူတစ်ဦးချင်းကိစ္စကို အလေးထား ဦးစားပေးခဲ့ကြသည်။ လက်မှတ်ပေါင်း (၄,၉၄၁,၉၉၈) ငါးသန်းနီးပါးထက် လက်မှတ် (၅၁+၁၀၀၄) ထောင်ဂဏန်းအရေအတွက်ကိုသာ အရေးထားခဲ့ကြသည်။

အများပြည်သူ၏အရေးကိစ္စကို ပစ်ပယ်လျစ်လျူရှုပြီး တစ်ဦးတစ်ယောက်အရေးကိစ္စကို သူတို့ ဘာကြောင့် ဖက်တွယ်ခဲ့ကြပါသ နည်း။

သတင်းစာရှင်းလင်းပွဲတစ်ခု၌ ဦးဆန်းဆင့်က သူ စစ်ရာထူးခန့်ချုပ် တာဝန်ယူခဲ့စဉ်က “အစိုးရတာဝန်ရှိ ပုဂ္ဂိုလ်များ၏ အကျင့် ပျက် ခြစားမှုသက်သေ အထောက်အထားများ မိမိတွင်ရှိနေကြောင်း၊ တပ်မတော်စစ်ရာထူးခန့်ချုပ် တာဝန်ထမ်းဆောင်စဉ်က အဆိုပါအချက်အလက်များကို မှတ်တမ်းပြုစု၊ ထိန်းသိမ်းကိုင်တွယ် ဆောင်ရွက်ရကြောင်း၊ အချို့သော တိုင်ကြားစာများမှာ ကတ္တီ ပါဖုံးရွှေစာလုံးများဖြင့် ရေးသားထားသည့် တိုင်ကြားစာများလည်း ပါဝင်ကြောင်း” တရားဝင် ထုတ်ဖော်ပြောဆိုခဲ့ဖူးသည် မဟုတ် ပါလား။

သို့ပါ၍ ဦးရွှေမန်းတို့ စိုးရိမ်မည်ဆိုလျှင်လည်း စိုးရိမ်ထိုက်ပါသည်။ ညောင်မြစ်တူးလျှင် ပုတ်သင်ဥတွေ တသီတတန်းကြီး ပေါ် လာမှာကုို စိုးရိမ်ကြောင့်ကျကြပေလိမ့်မည်။ ဦးခင်အောင်မြင့် စကားနှင့်ပြောရလျှင် “ဇီးသီးစားခဲ့ကြသူ”အချင်းချင်း ဘယ်သူ ဘယ်လောက် စားထားသည်ကို စားဖူးသူများအချင်းချင်း ပိုသိကြပေလိမ့်မည်။ ပို၍ စိုးရိမ်ကြပေလိမ့်မည်။

အခုလို “ထောင်ဒဏ် ၁၃နှစ်၊ ဒဏ်ငွေကျပ် ၁သိန်း” ရက်ရက်စက်စက်၊ ပြင်းပြင်းထန်ထန် ပြစ်ဒဏ်ချလိုက်သည့်အတွက် ဦး ဆန်းဆင့်ဘက်မှ ကန်ထွက်လာမှာတွေ/အန်ထွက်လာမည့်အရေးတွေကို တွေးပြီး စိုးရိမ်ခဲ့ကြပုံပေါ်ပါသည်။ ဒါကြောင့် “စစ်ဗိုလ် ဟောင်း အချင်းချင်း ဝံသာနု”ကြတာ၊ သမ္မတထံ ပြစ်ဒဏ်ဖြေလျော့ပေးဖို့ ဖျောင်းဖျကြတာဖြစ်မည်ဟု ယူဆပါသည်။

နောက်တစ်ချက်က ဒုတိုင်းမှူး၊ စစ်ရာထူးခန့်ချုပ်၊ တိုင်းဒေသကြီးလွှတ်တော်ဥက္ကဋ္ဌ၊ သာသနာရေးဝန်ကြီးဌာန၊ ပြည်ထောင်စုဝန် ကြီးလုပ်ခဲ့ဖူးသူ၊ ဒုတိယဗိုလ်ချုပ်ကြီးဟောင်းကို ယခုကဲ့သို့ [ ပြည်သူပိုင်ပစ္စည်း အလွဲသုံးစားမှု ပြစ်မှုဆိုင်ရာ ဥပဒေပုဒ်မ ၄ဝ၉နှင့် နိုင်ငံတော်အကြည်ညိုပျက်အောင် လုပ်ဆောင်မှု ပြစ်မှုဆိုင်ရာ ဥပဒေပုဒ်မ ၁၂၄(က) ] “ခိုးမှု”သာသာလောက်နဲ့ ယခုလို ထောင် ဒဏ်စီရင်ခဲ့ကြတာကလည်း ဦးရွှေမန်းတို့ ဦးခင်အောင်မြင့်တို့အတွက် ရင်လေးနေကြပုံရသည်။

ဇီးသီးစားဖူးကြသူ အချင်းချင်းအကြား၊ စစ်ဗိုလ်ဟောင်းအချင်းချင်းအကြား ဝံသာနုကြတာ၊ အပြန်အလှန် အကာအကွယ်ပေးကြ သည်မှာ ဖြေလျှော့ပေးကြဖို့ မေတ္တာရပ်ခံနေကြသည်မှာ ဘာမျှမဆန်းပါ။

ဆန်းကြယ်နေသည်မှာ ဦးဆန်းဆင့်ကျခံရသည့် ပြစ်ဒဏ်လျှော့ သက်သာခွင့်ပေးရေး လက်မှတ်ရေးထိုးကြသည့်အထဲ ဒီချုပ်ပါ တီနှင့် တိုင်းရင်းသားပါတီများမှ ပြည်သူ့လွှတ်တော်ကိုယ်စားလှယ်များ ပါဝင်လက်မှတ်ရေးထိုးကြသည့်ကိစ္စ ဖြစ်ပါသည်။

အောက်ပါမေးခွန်းများကို ဒီချုပ်နှင့် တိုင်းရင်းသားပါတီများမှ ပြည်သူ့ကိုယ်စားလှယ်များ ဖြေကြားပေးပါ။
“ကန့်ဘလူမှ ထားဝယ်”အထိ တစ်ပြည်လုံးအနှံ့အပြား လယ်သမားတွေ မတရား အဖမ်းဆီးခံနေရစဉ်က ထိုအမတ်မင်းများသည် ယခုကဲ့သို့ စုပေါင်းလက်မှတ်ရေးထိုး အရေးဆိုခြင်း (ဝါ) မေတ္တာရပ်ခံခြင်း အဘယ့်ကြောင့် မပြုခဲ့ကြပါသနည်း။

(ဗကသ)ကျောင်းသူလေး မဖြူနှင်းထွေး မတရားဖမ်းဆီးခံရစဉ်က “ဤဖမ်းဆီးမှုသည် တရားမျှတမှု မရှိကြောင်း” ပြည်သူ့လွှတ် တော်အမတ်များသည် အဘယ့်ကြောင့် ထုတ်ဖော်ပြောဆိုခြင်း မပြုခဲ့ကြပါသနည်း။ သမ္မတထံ၊ ပြည်ထောင်စုတရားသူကြီးချုပ် ထံ အဘယ့်ကြောင့် မေတ္တာရပ်ခံစာပေးပို့ရန် မကြိုးစားခဲ့ကြပါသလဲ။

အစိုးရစစ်တပ်၏ ထိုးစစ်ဆင်မှုများကြောင့် ကရင်ပြည်နယ်၊ ရှမ်းပြည်နယ်၊ ကချင်ပြည်နယ်တို့တွင် ဆက်တိုက် ပေါ်ပေါက်လာနေ သော စစ်ပွဲများနှင့်ပတ်သက်၍ ချက်ချင်းရပ်စဲပါရန် လွှတ်တော်အမတ်များ စုစည်း၍ လက်မှတ်ရေးထိုးကာ တပ်မတော်ကာကွယ် ရေးဦးစီးချုပ်ထံ၊ သမ္မတထံ၊ လွှတ်တော်ဥက္ကဋ္ဌများထံ အဘယ့်ကြောင့် ပေးပို့ခြင်း မပြုခဲ့ကြပါသနည်း။ ဤသို့ပြုလုပ်ရန် အဘယ့် ကြောင့် ပျက်ကွက်ခဲ့ကြပါသနည်း။

“အမျိုးသား ပြန်လည်သင့်မြတ်ရေးအတွက် ရှေ့ရှုပြီးလုပ်တာပါ”လို့ ခင်ဗျားတို့ ဆင်ခြေပေးမယ်ဆိုရင်လည်း ဒါဟာ “ခါတော်မှီ ဆင်ခြေ”သာဖြစ်ပြီး ၎င်းဆင်ခြေကို ပြင်းပြင်းထန်ထန် ကန့်ကွက်ပါသည်။

“ထောင်ဒဏ် ၁၃နှစ်၊ ဒဏ်ငွေကျပ် ၁သိန်း” ဆိုတာ ပြင်းထန်လွန်းသည်ဟု ပြောမည်ဆိုလျှင်လည်း ဗိုလ်ချုပ်ဆေထင် (ထောင် ဒဏ် ၁၀၆နှစ်)၊ ခွန်ထွန်းဦး (ထောင်ဒဏ် ၉၃နှစ်)၊ စိုင်းညွန့်လွင် (ထောင်ဒဏ် ၈၅နှစ်)တို့ ချမှတ်ခံခဲ့ရဖူးသည့် ထောင်ဒဏ်များနှင့် နှိုင်းယှဉ်လျှင် မိုးနဲ့မြေလို ကွာပါသည်။

ဦးဆန်းဆင့်၏ တစ်ဦးချင်းကိစ္စတွင်မှ ဆိုင်းမဆင့်ဗုံမဆင့် ခင်ဗျားတို့လွှတ်တော်အမတ်တွေ နိုးကြားလာကြတာကတော့ဖြင့် အရပ်ရပ် နေပြည်တော်ကြားလို့မှ (လုံးဝ) မတော်တဲ့ကိစ္စ ဖြစ်ပါသည်။

စစ်အုပ်စုဝင်အချင်းချင်းကြား ဖြစ်တဲ့ကိစ္စတွေအပေါ် သိပ်ပြီး အစိုးရိမ်မလွန်ကြပါနဲ့။ သူတို့အချင်းအချင်းအကြားမှာ အတိုင်းအ တာတွေ ရှိပါသည်။ ဗိုလ်နေဝင်း သားမက်နဲ့မြေးတွေ၊ ဗိုလ်ခင်ညွန့်၊ ဗိုလ်စန်းပွင့်၊ ဗိုလ်သိန်းဆွေတို့ ထောက်လှမ်းရေးတွေ ထောင်ထဲမှာ ဘယ်လိုနေခဲ့ကြရသလဲ။ ဘယ်လောက်ကြာကြာနေကြရသလဲ။ ထောင်ကထွက်တော့ သူတို့အတွက် စီးပွားရေး လုပ်စရာ ရေကန်အသင့် ကြာအသင့် ဖြစ်ပါသည်။

ယင်းသို့ စစ်အုပ်စုဝင်တွေထဲက စုန်းပြူးများ၏ ထောင်ကျဘဝနှင့် ဒီမိုကရေစီနဲ့ အမျိုးသားတန်းတူရေးမှာ ပါဝင်ဆောင်ရွက်ကြ တဲ့ နိုင်ငံရေးအကျဉ်းသားများ၏ ထောင်တွင်းဘဝ၊ မသေလို့ ထောင်ထဲကနေ မသေမရှင်ဘဝနဲ့ ထွက်လာတဲ့အခါမှာလည်း ကြေ မွကျိုးပဲ့၊ စုပ်ပြတ်သတ်နေတဲ့ မိသားစုဘဝတွေနဲ့ အပုံကြီးခြားနားပုံကို ညအိပ်ရာမဝင်ခင် ၅မိနစ် ၁၀မိနစ်ခန့်အချိန်ယူပြီး စဉ်းစား ကြည့်ကြပါလို့ အတိုက်အခံပါတီများမှ ပြည်သူ့လွှတ်တော်ကိုယ်စားလှယ်များအား အလေးအနက် မေတ္တာရပ်ခံအပ်ပါသည်။

(မောင်ကျော်စွာ)
ကေအိုင်စီ - KIC News
http://kicnews.org


အမှန်စင်စစ် မြန်မာ စစ်ဗိုလ်ချုပ်များသည် ၁၉၉၀ ခုနှစ်ကတည်းက ကောင်းစွာ နားလည် သဘော ပေါက်ခဲ့ ကြခြင်း ဖြစ်သည်။ ရွေးကောက်ပွဲတွင် တောင်ပြို ကမ်းပြို အနိုင်ရရှိခဲ့ပြီး ဒေါ်အောင်ဆန်း စုကြည် ရွေးချယ်ခံ လိုက်ရသည့် အခါ ဒီမိုကရေစီသည် ၎င်းတို့ အကျိုး စီးပွား များအား ခြိမ်းခြောက်လာပြီကို ဗိုလ်ချုပ်ကြီးများ အလျှင်အမြန် သိရှိ ခဲ့ကြသည်။ သို့အတွက်ကြောင့် ဒေါ်အောင်ဆန်းစုကြည်အား ချက်ချင်း ဆိုသလို နေအိမ်အကျယ်ချုပ်ချ ထားလိုက်ကာ တိုင်းပြည်ကို ဆက်လက်အုပ်ချုပ် ခြယ်လှယ်ခဲ့ကြသည်။ ထို့နောက် ၂၀၁၀ တွင် ဒေါ်အောင်ဆန်းစုကြည်အား နေအိမ်အကျယ်ချုပ်မှ မလွှတ်မီ ဖွဲ့စည်း အုပ်ချုပ်ပုံ အခြေခံ ဥပဒေ အသစ်ကို ကြေငြာခဲ့ကြသည်။

ယခင်စစ်ဗိုလ်ချုပ်ဟောင်းဖြစ်သူ သမ္မတဦးသိန်းစိန် ၂၀၁၂ တွင် စတင်ခဲ့သည့် ပြုပြင်ပြောင်းလဲရေး ကို ကမ္ဘာတစ်လွှားမှ အစိုးရအသီးသီး၊ အဖွဲ့အစည်းများနှင့် လူပုဂ္ဂိုလ်များက အံ့အားသင့်ဖွယ်ကောင်းသည့် တိုးတက်ဖြစ်ထွန်းမှုအဖြစ် ရှုမြင်ခဲ့ကြသည်။ သို့ကြောင့် မြန်မာပြည်ရှိ များစွာပေါကြွယ်ဝသည့် သယံဇာတ များနှင့် လုပ်အားခ လွန်စွာသက်သာသည့် လုပ်သားအင်အားစုကို အမိအရအသုံးချနိုင်ရန် စိတ်အားထက်သန်ခဲ့ကြသည်။

အဆိုပါပြုပြင်ပြောင်းလဲရေး အစောပိုင်းကာလတွင် အမေရိကန်သမ္မတဖြစ်သူ ဘားရက်အိုဘားမားကိုယ်တိုင် နောက်ပါအခြွေအရံများနှင့်တကွ မြန်မာပြည်သို့ လာရောက်ကာ ဒေါ်အောင် ဆန်းစုကြည်နှင့် ရွှင်လန်းဝမ်းမြောက်စွာ တွေ့ဆုံခဲ့သလို သမ္မတဦးသိန်းစိန်တို့နှင့်လည်း တွေ့ဆုံခဲ့လေသည်။
မြန်မာအနေဖြင့် ဘက်စုံကဏ္ဍစုံတွင် ပြောင်းလဲဖြစ်ပေါ်လာနေသည့်အခြေအနေများနှင့် လိုက်လျော ညီထွေဖြစ်ရန် အစီအစဉ်မဲ့စွာ နှေးနှေးကွေးကွေး ကြိုးပမ်းလျှက်ရှိသည်။ များစွာသော အကြောင်းတရားများ ကြောင့် မြန်မာအနေဖြင့် ဖွံ့ဖြိုးမှုအနည်းဆုံးနိုင်ငံအဆင့်မှ တက်နိုင်ရေးအတွက်ကိုပင် များစွာကြိုးပမ်းရဦး မည် ဖြစ်ပါသည်။ ဥပမာအားဖြင့်ဆိုရလျှင် မြန်မာ့စစ်ခေါင်းဆောင်များသည် တပ်မတော်တွင် ကလေးစစ်သားအသုံးပြုခဲ့ကြောင်း ၀န်ခံခဲ့ကြရပြီး ချက်ချင်းမဟုတ်သည့်တိုင် ရှေ့လာမည့်လအနည်းငယ်အတွင်း ထိုသို့ဆက်လက်အသုံးမပြုတော့ရန် ကတိက၀တ်ပြုခဲ့ရသည်။

ဒေါ်အောင်ဆန်းစုကြည်နှင့် သမ္မတဦးသိန်းစိန်တို့ ကမ္ဘာပတ်၍ သံတမန်ခရီးစဉ်များ သွားရောက် ကာ နိုင်ငံတကာမှ ချီးကျူးထောက်ခံမှုများနှင့် ဆုတံဆိပ်များ လက်ခံရယူခဲ့ကြကတည်းက ပြုပြင်ပြောင်း လဲမှုအပေါ် နိုင်ငံတကာ၏စိတ်အားထက်သန်မှုများ တဖြည်းဖြည်းဆိတ်သုဉ်းလာခဲ့ပါသည်။ ပြုပြင်ပြောင်း လဲမှုအတွက် အပြန်အလှန်အားဖြင့် အာဆီယံဥက္ကဋ္ဌအဖြစ်ဆောင်ရွက်ရန် မြန်မာစစ်ခေါင်းဆောင်တို့ ကတိ က၀တ်ပြုခဲ့ကြသည်။ ယခုအခါတွင်မူ ၎င်းတို့သည် ၂၀၁၅ တွင် ကျင်းပပြုလုပ်မည့် ရွေးကောက်ပွဲအား အတိတ်ကိုတမ်းတပြီး သံယောဇဉ်မကုန်တတ်သေးသလို တစ်ဖက်ကလည်း အနာဂတ်ကို စိုးရိမ်မှုမကင်း သော မျက်လုံးတို့ဖြင့် ရှုမြင်နေကြတော့သည်။

အိမ်ခြံမြေဈေးနှုန်းများ အဆမတန်မြင့်မားနေခြင်း၊ ပြုပြင်ပြောင်းလဲရေးကာလမတိုင်မီကဲ့သို့ပင် နိုင်ငံရေးဝေဖန်သူများအား ထိန်းချုပ်လာခြင်း၊ သိမ်းဆည်းခံလယ်ယာမြေများ ပြန်လည်ရရှိရေးအတွက် ဆန္ဒထုတ်ဖော်သူများနှင့် ဂျာနယ်လစ်များအား ဖမ်းဆီးခြင်းတို့ကိုလည်း ယခုအခါ မကြာခဏပြုလုပ်လာခဲ့သည်။ နိုင်ငံရေးအကျဉ်းသားများထောက်ပံ့ကူညီပေးရေးအဖွဲ့ AAPP ၏ ပြောကြားချက်အရ သမ္မတဦးသိန်း စိန် ကတိပြုထားသကဲ့သို့ နိုင်ငံရေးအကျဉ်းသားအားလုံး အကျဉ်းထောင်များမှ လွတ်မြောက်သေးခြင်း မရှိ သေးချေ။ အစိုးရ၏ အုပ်ချုပ်မှုသည် အစိုးရထိပ်ပိုင်းပုဂ္ဂိုလ်များနှင့် တပ်မတော်ခေါင်းဆောင်အကြီးအကဲများ ပြောကြားခဲ့သည့် `စည်းကမ်းပြည့်ဝသော ဒီမိုကရေစီ` ခေါ် သေချာရေရာမှုမရှိသော ၀ိုးတ၀ါးအခြေအနေ ထဲသို့ ညင်သာစွာ ဦးတည်ရွေ့လျားလျှက် ရှိနေတော့သည်။

ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်ကတည်းကပင် စစ်ခေါင်းဆောင်များ သည် သူမအား သမ္မတဖြစ်ခွင့်ကို ကန့်သတ်ထားသည့်ဥပဒေသစ်ကို ရေးဆွဲထားခဲ့ကြသည်။ ပြီးခဲ့သည့် ကြားဖြတ်ရွေးကောက်ပွဲကာလတွင် သူမကို ထောက်ခံအားပေးခဲ့သည့် များစွာသောပြည်သူများသည် စစ်ဗိုလ်ချုပ်ကြီးများအား နာမည်ကျော်ရှစ်ဆယ့်ရှစ်အရေးတော်ပုံကြီးကို ပြန်လည်အမှတ်ရစေသည်ဟု ၎င်းတို့က ဆိုကြသည်။ ဆိုရလျှင် ဒေါ်အောင်ဆန်းစုကြည်ကို ထောက်ခံအားပေးနေသော လူထုကြီးသည် ၎င်းတို့အား သွေးပျက်ချောက်ခြားစေပါသည်။ နေအိမ်အကျယ်ချုပ် ကျခံနေရသည့်တိုင် ၎င်းတို့အား နှစ် ပေါင်းများစွာတိုင်အောင် ထိထိရောက်ရောက် ဆန့်ကျင်ခုခံနိုင်ခဲ့သည့် မြန်မာပြည်၏ တစ်ဦးတည်းသော ပုဂ္ဂိုလ် ဒေါ်အောင်ဆန်းစုကြည်ကို လူထုထောက်ခံမှုလျော့နည်းအောင် ဆောင်ရွက်နိုင်ခြင်း မရှိချေ။

ဒေါ်အောင်ဆန်းစုကြည်အပါအ၀င် အခြားနိုင်ငံရေးသမားများအား ၂၀၁၅ ရွေးကောက်ပွဲတွင် မိမိတို့ ၏ မဲဆန္ဒနယ်ထက် ကျော်လွန်ပြီး မဲဆွယ်စည်းရုံးခြင်းမပြုရန် တရားဝင်တားမြစ်ထားသည့်အတွက် မြန်မာ လူထုအပေါ် ဒေါ်အောင်ဆန်းစုကြည်၏ လွှမ်းမိုးနိုင်မှုမှာ များစွာကန့်သတ်ခန့်ရတော့မည်ဖြစ်ပေသည်။
အကယ်၍ ဒေါ်အောင်ဆန်းစုကြည်သာ ထိုကန့်သတ်ထားသည့်ဥပဒေကို လိုက်နာပါက အဆိုပါဥပဒေကို အသက်ဝင်အောင် အားဖြည့်ပေးသလို ဖြစ်စေပါလိမ့်မည်။ ထို့အတူ သူမသာ နိုင်ငံအနှံ့ မဲဆွယ်စည်းရုံးပါက သူမနှင့် NLD အမတ်များအား လူထုထောက်ခံမှုမရအောင် ကန့်သတ်ထားသည့် ယင်းဥပဒေ ကို ချိုးဖောက်ရာရောက်မည် ဖြစ်သည်။ ဒေါ်အောင်ဆန်းကြည်အနေဖြင့် မည်သို့ပြုမူလှုပ်ရှားသည်ဖြစ်စေ အစိုးရ၏တုံ့ပြန်မှုသည် လက်ရှိနိုင်ငံခေါင်းဆောင်များ လိုလားသည့် စည်းကမ်းပြည့်ဝသော ဒီမိုကရေစီိကို အားဖြည့်အသက်သွင်းရာရောက်မည်ပဲ ဖြစ်ပါသည်။

NLD ပါတီအတွက် မဲဆွယ်စည်းရုံးပေးခြင်းမပြုနိုင်ရန် သူမအား ကန့်သတ်လိုက်ခြင်းသည် သူမ၏ သြဇာအရှိန်အ၀ါကို ကန့်သတ်လိုက်ခြင်းပင် ဖြစ်ပါသည်။ ထို့အပြင် နိုင်ငံရေးအရ သူမအနေဖြင့် နေအိမ် အကျယ်ချုပ်လည်း ကျသွားနိုင်ပေသည်။ ဒေါ်အောင်ဆန်းစုကြည်အား အဓိကနိုင်ငံရေးစက်ဝန်းမှ ဖယ်ကြဉ် ပထုတ်ရန် ဆောင်ရွက်ခြင်းသည် ပြည်တွင်းသာမက ဒေသတွင်းရေးရာများအပေါ်တွင်ပါ သူမ၏ သြဇာ လွှမ်းမိုးနိုင်မှုကို ကွယ်ပျောက်သွားစေနိုင်ပါသည်။ ဒေါ်အောင်ဆန်းစုကြည်မှာ အသက်အရွယ်အိုမင်းလာ ပြီဖြစ်သဖြင့် စစ်တပ်ကို အတိုက်အခံပြုရာတွင် သူမလို ထင်ပေါ်ကျော်ကြားသည့် အမျိုးသားခေါင်းဆောင် ထွက်ပေါ်လာခြင်း မရှိသေးသည့် NLD ပါတီအနေဖြင့် ထာဝရပြိုလဲသွားနိုင်သည့်အန္တရာယ်နှင့် ရင်ဆိုင်ရ နိုင်ခြေ ရှိနေပါသည်။

ဒေါ်အောင်ဆန်းစုကြည်၊ သူမ၏ ပါဝင်များနှင့် သဘောထားတူညီသော ထောက်ခံသူများသည် ဒီမို ကရက်တစ်ဆန်သော လွတ်လပ်မှုကို အသုံးချကာ ကြီးမားသောတိုးတက်မှုတစ်ရပ်ကို ဆောင်ရွက်နိုင်ခဲ့ပါ သည်။ ယင်းမှာ သူမအား သမ္မတဖြစ်ခွင့်ကို တားဆီးထားသောဥပဒေကို ပြင်ဆင်ရေးအတွက် အစိုးရကို တင်ပြရန် ပြည်သူလူထုသန်းပေါင်းများစွာက ရေးထိုးထားသည့် လက်မှတ်များကို စုစည်းနိုင်ခဲ့ခြင်း ဖြစ်ပါ သည်။ အဆိုပါဥပဒေအရ ဒေါ်အောင်ဆန်းစုကြည်၏ သားနှစ်ဦးမှာ မြန်မာနိုင်ငံသားများ မဟုတ်သဖြင့် သူမ အနေဖြင့် သမ္မတဖြစ်ခွင့်မရှိချေ။

လက်ရှိမြန်မာ့ခေါင်းဆောင်များအနေဖြင့် မြန်မာပြည်သူလူထု၏ အသံကို နားထောင်မှာပါလား။ သို့ တည်းမဟုတ် မြို့တော်ရန်ကုန်နှင့် မန္တလေးမြို့များကို ဧရာမစီးပွားရေးဇုန်များအဖြစ် အသွင်ပြောင်းပစ်ရန် စီမံနေကြသည့် တရုတ်ရင်းနှီးမြှုပ်နှံသူများ၊ IMF နှင့် အခြားပြည်ပရင်းနှီးမြှုပ်နှံသူများ၏ အသံကိုသာ နား ထောင်မှာပါလား။
ကမ္ဘာ့လူဦးရေအထူထပ်ဆုံး သုံးနိုင်ငံဖြစ်သည့် တရုတ်၊ အိန္ဒိယနှင့် အင်ဒိုးနီးရှားနိုင်ငံများအကြား သိုက်မြုံဖွဲ့တည်ရှိနေသော လူဦးရေ သန်းပေါင်း ၃၀၀ ကျော်ရှိသည့် အရှေ့တောင်အာရှ၏ ပင်မနိုင်ငံများ သည် မြန်မာပြည်၏ ထူးကဲသော ထိုအပြောင်းအလဲအတွက် အသင့်ပြင်နေကြပြီ ဖြစ်သည်။ အမှန်စစ်စစ် ရန်ကုန်နှင့် မန္တလေးမြို့တော်များသည် ပင်မအာဆီယံ၏ ကြိုတင်စီစဉ်ထားသည့် ဒေသဖွံ့ဖြိုးရေးစီမံကိန်း၏ အစိတ်အပိုင်းမျှသာ ဖြစ်သည်။ အိန္ဒိယနှင့် တရုတ်နိုင်ငံများကို ဗီယက်နမ်၊ လာအို၊ ကမ္ဘောဒီးယား၊ ထိုင်း၊ မလေးရှား၊ စင်္ကာပူနိုင်ငံများနှင့် ကားလမ်း၊ ရထားလမ်းများဖြင့် ချိတ်ဆက်နိုင်ရန်အတွက် မြန်မာသည် ဖြတ်သန်းသွားရမည့်နိုင်ငံတစ်ခု ဖြစ်ပေသည်။ လက်ရှိအချိန်တွင် အာဆီယံပင်မ,ရှိ မည်သည့်နိုင်ငံတွင်မျှ ဒီမိုကရေစီနည်းကျ ရွေးချယ်တင်မြှောက်ထားသည့် အစိုးရတစ်ရပ် မရှိသေးချေ။ မြန်မာပြည်တွင်သာ ခန့်ငြားလောက်ဖွယ်ကောင်းသည့် အတိုက်အခံတစ်ဦး ရှိနေပါသည်။

သို့တိုင် နိုင်ငံတကာခေါင်းဆောင်များနှင့် အကြီးအကဲများအနေဖြင့် ဒေါ်အောင်ဆန်းစုကြည်အပေါ် မည်မျှလေးစားသည်ဖြစ်စေ စစ်တပ်မှ အငြိမ်းစားယူထားသည့် စစ်ဗိုလ်ချုပ်ဟောင်းများ၊ လက်ရှိစစ်ဗိုလ်ချုပ် များနှင့်သာ ဆက်ဆံကြရုံမှလွဲပြီး အခြားရွေးခြယ်စရာ မရှိကြချေ။
မကြာသေးမီက အမေရိကန်နိုင်ငံခြားရေးဝန်ကြီး ဂျွန်ကယ်ရီသည် အာဆီယံခေါင်းဆောင်များနှင့် တွေ့ဆုံရန်နှင့် ၂၀၁၅ ရွေးကောက်ပွဲကိစ္စဆွေးနွေးရန် မြန်မာ့ခေါင်းဆောင်များနှင့် တွေ့ဆုံခဲ့သည်။ အချို့ သော လေ့လာစောင့်ကြည့်သူများက မစ္စတာကယ်ရီအား အမေရိကန်မှ စီးပွားရေးပိတ်ဆို့ထားဆဲဖြစ်သည့် စစ်တပ်အာဏာရှင်ခရိုနီတစ်ဦးပိုင်ဆိုင်သည့် ဟိုတယ်တွင် တည်းခိုခဲ့သည့်အပေါ် မျှတမှုမရှိစွာ ဝေဖန်ခဲ့ကြ သည်။ အစိုးရနှင့် ခရိုနီများလက်ထဲသို့ ငွေများရောက်မသွားစေဘဲ မြန်မာပြည်သို့ ခရီးသွားနိုင်သူဟူ၍ ယခင်ကရော ယခုအချိန်ထိပါ မရှိသေးပါ။ သို့ကြောင့် ဒေါ်အောင်ဆန်းစုကြည် သမ္မတဖြစ်ခွင့်ရှိလာစေရန် အခွင့်အလမ်းတစ်ခုကို ဖန်တီးပေးနိုင်မည်ဆိုပါက ဂျွန်ကယ်ရီအနေဖြင့် မြန်မာပြည်ရှိ မည်သည့်နေရာတွင် မဆို တည်းခိုအိပ်စက်နိုင်ပါသည်ဟု အပြုသဘောဆောင်စွာ ထောက်ပြနိုင်ပါသည်။ နိုင်ငံခြားရေးဝန်ကြီး ဂျွန်ကယ်ရီ တည်းခိုခဲ့သည့်နေရာထက် ပို၍အရေးကြီးသည့်အချက်မှာ ဒီမိုကရေစီကို တောင်းဆိုနေကြသည့် ဒေါ်အောင်ဆန်းစုကြည်နှင့် မြန်မာပြည်သူလူထုအပေါ် အမေရိကန်၏ စဉ်ဆက်မပြတ်ထောက်ခံမှု ဖြစ်ပါသည်။ မြန်မာသည် ယင်း၏ နယ်နိမိတ်မျဉ်းများကို ကျော်လွန်ပြီး နိုင်ငံတကာသို့တိုင် နိုးထလာပြီဖြစ်သဖြင့် မစ္စတာကယ်ရီမှ ထိုအချက်ကို ရည်ညွှန်းဖော်ပြရန် မပျက်ကွက်ခဲ့ပါ။
ဂျွန်ကယ်ရီ၏ ခရီးစဉ်နှင့်ပတ်သက်ပြီး အရေးကြီးသည့်တစ်ချက်မှာ ဒေါ်အောင်ဆန်းစုကြည်အား နေအိမ်တွင် သွားရောက်တွေ့ဆုံမည့် သူ၏အစီအစဉ် လွဲချော်မလိုဖြစ်ခဲ့ခြင်းဖြစ်သည်။ သို့ဖြစ်၍ `အမေ ရိကန်တို့ ဒေါ်အောင်ဆန်းစုကြည်ကို မေ့သွားကြပြီလော`ဟူသော မေးခွန်းကောင်းတစ်ခု ဧရာဝတီ သတင်းဌာန၏ ဂျာနယ်လစ်ဖြစ်သူ ကိုကျော်စွာမိုးထံမှ ပေါ်ထွက်လာခဲ့ပါသည်။ အဆိုပါ ဆောင်းပါးတွင် ရေးသားထားသည်မှာ အောက်ပါအတိုင်းဖြစ်သည်။

`ယခင်ကဆိုလျှင် ဒေါ်အောင်ဆန်းစုကြည် တစ်စုံတစ်ခုပြောလျှင် ကမ္ဘာ့ခေါင်းဆောင်များ နားထောင်ခဲ့ကြသည်။ ၎င်းတို့၏ မူဝါဒများတွင် သူမ၏စကားလုံးများ ရောင်ပြန်ဟပ်ခဲ့ပါသည်။ ယခုတွင်မူ အခြေအနေများ ပြောင်းလဲသွားခဲ့ချေပြီ။ ယနေ့အချိန်တွင် ဒေါ်အောင်ဆန်းစုကြည်မှာ နိုင်ငံတကာ အသိုင်းအ၀ိုင်းအတွက် သင်္ကေတမျှသာ ဖြစ်လာနေပြီး ၀ါရှင်တန်နှင့် အခြားသော အနောက်နိုင်ငံအစိုးရများ အနေဖြင့် သမ္မတဦးသိန်းစိန်ကို ပို၍လိုအပ်လာနေပြီ ဖြစ်သည်။ သံတမန်များသည် အဆိုပါနိုဘယ် ငြိမ်းချမ်းရေးဆုရှင်နှင့် သွားရောက်တွေ့ဆုံရန် ပျက်ကွက်ခြင်းမရှိသော်လည်း ယင်းသို့ တွေ့ဆုံခြင်းမှာ တစ်စထက်တစ်စ လောက၀တ်သဘော ပို၍ဆန်လာနေပါသည်။`
စင်စစ်တွင်မူ ဒေါ်အောင်ဆန်းစုကြည်မှာ အစိုးရခေါင်းဆောင်တစ်ဦး မဟုတ်သည့်တိုင် လက်ရှိ အစိုးရ၏ သြဇာလွှမ်းမိုးမှုအရှိဆုံး အတိုက်အခံတစ်ဦး ဖြစ်ပါသည်။ သူမသည် သင်္ကေတပြယုဂ်သက်သက်မျှ သာ မဟုတ်ပါ။ ဂျွန်ကယ်ရီ၏ ခရီးစဉ်သည် ယင်းအချက်ကို အမှန်တကယ် ထင်ဟပ်ခဲ့ပါသည်။
အမေရိကန်ဦးဆောင်သည့် ပိတ်ဆို့မှုများကို ဖယ်ရှားပေးရန် ဒေါ်အောင်ဆန်းစုကြည်မှ လူသိ ရှင်ကြား ထောက်ခံခဲ့မှုမှာ လိုအပ်ချက်ကြောင့်သာ ဖြစ်ပါသည်။ အကယ်၍ ဒေါ်အောင်ဆန်းစုကြည်သာ ၂၀၁၅ တွင် သမ္မတဖြစ်မလာနိုင်လျှင် သူမအနေဖြင့် ယခင်အတိုင်း ဆက်လက်အရေးပါနေဦးမလား ဆိုသည်မှာ စိတ်ဝင်စားဖွယ်ကောင်းလှပါသည်။ ဖွံ့ဖြိုးတိုးတက်မှုမြန်ဆန်လှသည့် အာဆီယံနိုင်ငံများနှင့် စီး ပွားရေးအရထိတွေ့ဆက်ဆံရန် အရေးတကြီးလိုအပ်လာနေသည့်အတွက် အနာဂတ်တွင် သူမ၏အခန်း ကဏ္ဍမှာ ယခင်ကထက် နည်းပါးကောင်း နည်းပါးလာနိုင်ပါသည်။

စိတ်ကူးယဉ်ဆန်သည့်အနာဂတ်အမြင် (Utopic Vision) ဖြင့် ကြည့်ပါက ဒီမိုကရေစီမြန်မာပြည်၏ အနာဂတ်မှာ ကောင်းမွန်လှပါ၏။ သို့နှင့်တိုင် လက်ရှိပစ္စက္ခအခြေအနေများမှာ မြန်မာပြည်၏ အံ့အားသင့် ဖွယ်ကောင်းလောက်အောင် ရှုပ်ထွေးလှသည့် ဇာတ်လမ်းတစ်ပုဒ်ကို လှစ်ဟဖော်ပြနေပါသည်။ သန်းနှင့်ချီ သော မြန်မာပြည်သူပြည်သားများမှာ တစ်နေ့နှင့်တစ်နေ့ ရှင်သန်ရပ်တည်နိုင်ရန် ရုန်းကန်နေကြရသည်။ မြန်မာပြည်၏ များပြားလှသော ပြဿနာများအတွက် လွယ်ကူရိုးစင်းသောအဖြေများ ရှိမနေခြင်းမှာ ၀မ်းနည်းဖွယ်ကောင်းလှသည်။ အကယ်၍ ဒေါ်အောင်ဆန်းစုကြည်သာ သမ္မတဖြစ်ခဲ့မည်ဆိုလျှင် လူထု၏ မျှော်လင့်ချက်များမှာ သူစွမ်းဆောင်နိုင်သည်ထက် အဆမတန်ပိုများနေပါလိမ့်မည်။

သမ္မတဖြစ်ခွင့် တားမြစ်ခံရပါက ဒေါ်အောင်ဆန်းစုကြည် ရွေးချယ်လာနိုင်သည့် နည်းလမ်းတစ်ရပ်မှာ ရွေးကောက်ပွဲကို သပိတ်မှောက်ခြင်း ဖြစ်ပါလိမ့်မည်။ ထိုမှတဆင့် လူထုဆန္ဒပြပွဲများ ပေါ်ပေါက်လာပါက အကြမ်းဖက်မှုများ ဖြစ်ပွားကာ နိုင်ငံမငြိမ်သက်မှုဆီသို့ ဦးတည်သွားစေနိုင်ပါသည်။ မြန်မာစစ်ခေါင်းဆောင်များသည် မိမိပြည်သူလူထုကို အစုလိုက်အပြုံလိုက် သတ်ဖြတ်ရန်၊ ထောင်သွင်းအကျဉ်းချရန် လွန်စွာ စိတ်အားထက်သန်လှသည်ကို သမိုင်းနှင့်ချီကာ သက်သေပြပြီး ဖြစ်သည်။ လူထုဆန္ဒပြပွဲများကို အစိုးရဘက်မှ မတုံ့ပြန်ခြင်း သို့မဟုတ် နှိမ်နှင်းခြင်းများ မရှိပါက ရွေးကောက်ပွဲကို သပိတ်မှောက်ခြင်းမှာ အဓိပ္ပါယ်ရှိမည် မဟုတ်ပေ။ ထို့ကြောင့် မြန်မာအနေဖြင့် အတိတ်ကကဲ့သို့ စစ်တပ်၏ အကြမ်းဖက်တုံ့ပြန်မှုများ တစ်ကျော့ပြန်လာမည်ကို ရှောင်ရှားနိုင်ဖို့အတွက်ဆိုလျှင် လက်ရှိ ပြုပြင်ပြောင်းလဲရေးများသည် ဘာမျှ မလုပ်ခြင်းထက် ပိုကောင်းပါသလားဟု မေးခွန်းထုတ်ရတော့မည် ဖြစ်ပါသည်။
မြန်မာပြည်၏ တစ်စုံတစ်ရာသော တိုးတက်မှုများသည် အနာဂတ်တိုးတက်မှုဆီ ဦးတည်နေသည့် အောင်မြင်မှုဖြစ်သည်ဟု ဒေါ်အောင်ဆန်းစုကြည် ကြေညာနိုင်မည့်အချိန်မှာ တဖြည်းဖြည်း နီးကပ်လာနေနိုင်ပါသည်။ သို့နှင့်တိုင် နေပြည်တော်မှ ခေါင်းဆောင်အချို့သည် စီးပွားရေးတိုးတက်မှုများကို ခွင့်ပြုပေးနေသော်လည်း ပြုပြင်ပြောင်းလဲမှုမတိုင်မီ နိုင်ငံရေးအုပ်ချုပ်မှုအသွင်ကို ပြန်လည်ကျင့်သုံးလာနေကြပါသည်။ ဒေါ်အောင်ဆန်းစုကြည်သာ ရွေးကောက်ပွဲကို သပိတ်မှောက်လာခဲ့လျှင် စစ်တပ်၏ ၀မ်းတွင်းပါ ထိုအမူအကျင့်သည် လူထုဆန္ဒပြပွဲများ ဖြစ်ပွားလာအောင် ဖိအားပေးစေ့ဆော်သလို ဖြစ်လာနိုင်ပါသည်။ ထောင်ပေါင်းမျာစွာသော နိုင်ငံရေးအကျဉ်းသားဟောင်းများသည် နိုင်ငံရေးတက်ကြွ လှုပ်ရှားမှုများအတွက် ထပ်မံအပြစ်ပေးခံရမည်ကို ကြောက်ရွံ့နေမည် မဟုတ်ကြချေ။ အတိတ်ဖြစ်ရပ်ဆိုးများ တစ်ကျော့ပြန်လည်လာမည်ကို မြန်မာပြည်သူ တစ်ဦးတစ်ယောက်ကမျှ လိုလားခြင်းမရှိသည်ကို လက်ရှိအစိုးရခေါင်းဆောင်များ ရှင်းလင်းစွာ သိရှိထားဖို့ လိုပါသည်။ တပ်မတော်အနေဖြင့် မြန်မာပြည်သူလူထု၏ လည်ပင်းအား ညှစ်ထား မှုကို ဖြေလျှော့ပေးပြီး အရပ်သားအုပ်ချုပ်မှုကို ယခုထက် ပိုမိုခွင့်ပြုသွားရန် စိတ်ဆန္ဒရှိပါရဲ့လား။

လက်ရှိအစိုးရခေါင်းဆောင်များအနေဖြင့် ဂျာနယ်လစ်များ၊ လယ်ယာမြေပြန်လည်ရရှိရေး ဆန္ဒ ထုတ်ဖော်သူများနှင့် နယ်စပ်ဒေသရှိ တိုင်းရင်းသားအချို့ကို ဖမ်းဆီးအကျဉ်းချမှုများ မရပ်သ၍ ဒေါ်အောင်ဆန်းစုကြည်သည် သူ့အားထောက်ခံသည့် မြန်မာပြည်သူလူထုကို ဈေးဝယ်ကုန်တိုက်များ၊ ဈေးဆိုင်များ လောက်နှင့် အလျှော့ပေးပြီး ချွေးသိပ်လိမ့်မည် မဟုတ်ချေ။ မြန်မာအနေဖြင့် အခြေခံလူ့အခွင့်အရေးပြဿနာများကို ဖြေရှင်းရန်၊ ဆင်းရဲမွဲတေသူများ၊ ပညာမတတ်သူများ၊ ဆာလောင်ငတ်မွတ်နေသူများနှင့် အိမ်ခြေမဲ့များ ရင်ဆိုင်ခံစားနေရသည့် ဘ၀ဒုက္ခများကို အဆုံးသတ်ချေဖျက်ပေးရန်နှင့် ကလေးစစ်သားများ တပ်မတော်မှ ပြန်လည်နှုတ်ထွက်နိုင်စေရန် စသည့်ပြဿနာများ ဖြေရှင်းနိုင်ရေးအတွက် အဖြေများ လိုအပ်လျှက် ရှိနေပါကြောင်း။

လင်းလင်း(ကညက)

(Daniel Opacki ၏ Will Myanmar’s Reforms Sideline Suu Kyi’s Political Influence? ကို ဆီလျော်အောင် မြန်မာမှုပြုထားခြင်း ဖြစ်ပါသည်။)

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

မြန်မာနိုင်ငံမှာ အိမ်ရှင်အဖြစ် လက်ခံကျင်းပနေတဲ့ အသက် ၁၉ နှစ်အောက် အာရှ လူငယ် ဘောလုံးပြိုင်ပွဲ U19 ပွဲမှာ မြန်မာ ပရိသတ်တွေ ကွင်းထဲကို ဝင်ရောက်လာတဲ့ လုံခြုံရေး ချိုးဖောက်မှုအတွက် အာရှ ဘောလုံးအဖွဲ့ချုပ် စည်းကမ်းထိန်းသိမ်းရေး ကော်မတီက မြန်မာနိုင်ငံ ဘောလုံးအဖွဲ့ချုပ်ကို ဒဏ်ကြေးငွေ အပါအဝင် ပြစ်ဒဏ်တွေ ချမှတ်လိုက်ပါတယ်။

ဒဏ်ကြေးငွေ အဖြစ် ဒေါ်လာ နှစ်သောင်း လေးထောင် ပေးဆောင်ဖို့နဲ့ ၂ နှစ်အတွင်း အိမ်ရှင် အဖြစ် ကျင်းပမယ့် နိုင်ငံတကာ ပြိုင်ပွဲတွေမှာ တစ်ပွဲကို ပရိသတ် မပါဘဲ ကစားဖို့ ဆိုင်းငံ့ ပြစ်ဒဏ် ချမှတ် အရေးယူခဲ့ပါတယ်။

ကာတာ အသင်းနဲ့ အခု ကစားမယ့် ဆီမီးဖိုင်နယ် ပွဲမှာလည်း ပရိသတ်တွေက ထပ်မံ စည်းကမ်း ချိုးဖောက်လာရင် ဗိုလ်လုပွဲမှာ ပရိသတ် မပါဘဲ ကစားရမယ့် အပြင် နောက်ထပ် ပြစ်ဒဏ်တွေကိုလည်း ချမှတ်ခံရမယ်လို့ သတိပေးထားကြောင်း မြန်မာနိုင်ငံ ဘောလုံးအဖွဲ့ချုပ်က ဘီဘီစီကို ပြောပါတယ်။

ပြီးခဲ့တဲ့ ၂၀၁၁ ခုနှစ် ဇူလိုင်လတုန်းကလည်း ရုရှားမှာ ကန်မယ့် ၂၀၁၈ ကမ္ဘာ့ဖလား ခြေစစ်ပွဲ အတွက် အိုမန်နဲ့ မြန်မာ ကန်တဲ့ပွဲမှာ မြန်မာ ပရိတ်သတ်တွေက ရေဗူးတွေ၊ ခဲတွေနဲ့ ကွင်းထဲကို ပစ်ပေါက်ခဲ့တဲ့ အတွက် ဖီဖာ ကမ္ဘာ့ ဘောလုံးအဖွဲ့ချုပ်က မြန်မာနိုင်ငံကို ဒေါ်လာ သုံးသောင်း နီးပါး ဒဏ်ရိုက်ပြီး ခြေစစ်ပွဲ ကစားခွင့် ပိတ်ပင်ထားပါတယ်။

BBC Burmese

အီဘိုလာ ​ရောဂါသည်ကို ​ဆေးကုသပေးရာကနေ ​ရောဂါကူးစက်ခံခဲ့ရတဲ့ ​စပိန်သူနာပြုဟာ ​သက်သာလာပြီး ​စမ်းသပ်ကြည့်ရာမှာ ​အီဘိုလာ ​ရောဂါပိုး ​မရှိတော့တာကို ​တွေ့ခဲ့ရပါတယ်။
လိုင်ဘေးရီးယားနိုင်ငံက အီဘိုလာ ကုသမှုပေးနေတဲ့ ကျန်းမာရေးအမှုထမ်းများ (Credit: AFP)

Teresa ​Romero ​လို့ခေါ်တဲ့ ​သူနာပြုမလေးကို ​အီဘိုလာ ​ရောဂါစောင့်ကြည့်တဲ့ ​အထူး ​ကော်မရှင်အဖွဲ့က ​စမ်းသပ်ရာမှာ ​ရောဂါ ​မရှိ ​တော့ကြောင်းကို ​တွေ့ခဲ့ ​ရတဲ့အတွက် ​ပိုပြီး ​စိတ်ချ ​ရအောင် ​နောက်တစ်ကြိမ် ​စစ်ဆေးမှု ​ပြုလုပ်နေဆဲ ​ဖြစ်ပါတယ်။

အသက် ​၄၄ ​နှစ်အရွယ် ​Teresa ​ဟာ ​အနောက်အာဖရိက ​ဒေသကနေ ​ပြန်ရောက်လာတဲ့ ​စပိန်သာသနာ ​ပြုသူတွေကို ​အီဘိုလာ ​ကုသပေးရာက ​ကိုယ်တိုင် ​ကူးစက်ခံရသူ ​ဖြစ်ပါတယ်။

သူနာပြု ​Teresa ​ရဲ့ ​ခင်ပွန်းသည် ​Javier ​Limon ​ကိုလည်း ​ရောဂါ ​ရှိမရှိ ​စောင့်ကြည့်နေကြပါတယ်။

Javier ​Limon ​ကတော့ ​သူ့ရဲ့ ​ဇနီးသည်မှာ ​ရောဂါပိုး ​မရှိတော့ဘူးဆိုတာကို ​သိရလို့ ​အင်မတန် ​ဝမ်းသာမိကြောင်း ​ပြောပါတယ်။

သူနာပြု ​Teresa ​ရဲ့ ​ခင်ပွန်းသည်နဲ့အတူ ​တခြား ​၁၄ ​ဦးကိုလည်း ​စောင့်ကြည့်နေဆဲ ​ဖြစ်ပေမယ့် ​အခုအချိန်အထိ ​ရောဂါကူးစက်တဲ့ ​လက္ခာဏာ ​မတွေ့ရသေးပါဘူး။


အီဘိုလာကို ​ကူညီတိုက်ဖျက်ကြဖို့ ​လိုင်ဘေးရီးယား ​သမ္မတ ​ပန်ကြား


လိုင်ဘေးရီးယားနိုင်ငံ ​သမ္မတက ​အီဘိုလာ ​တိုက်ဖျက်ရေးမှာ ​ကမ္ဘာက ​မကူညီရင် ​အာဖရိကဒေသက ​လူပေါင်း ​သန်းနဲ့ချီ ​ဒုက္ခရောက်နိုင်ပြီး ​လူငယ်တွေဟာလည်း ​စီးပွားရေးပျက်ကပ်မှုတွေနဲ့ ​ကြုံတွေ့ရနိုင်တယ်လို့ ​ပြောလိုက်ပါတယ်။

လိုင်ဘေးရီးယားသမ္မတ ​Ellen ​Johnson ​Sirleaf ​က ​ကမ္ဘာကို ​ပန်ကြားထားတဲ့ ​စာတစ်စောင်ကို ​ရေးသားထားပြီး ​အကူအညီတောင်းခံထားတာ ​ဖြစ်ပါတယ်။

ဘယ်သူဘယ်ဝါမှန်း ​မသိရတဲ့ ​ရန်သူကို ​ဘာလက်နက်နဲ့ ​ခုခံတိုက်ခိုက်ရမှန်းတောင် ​မသိဘူး ​ဖြစ်နေရတဲ့ ​လူသန်းပေါင်းများစွာကို ​ချန်မထားကြဖို့ ​လိုင်ဘေးရီးယား ​သမ္မတက ​ပန်ကြားလိုက်တာ ​ဖြစ်ပါတယ်။

အမေရိကန်ကတော့ ​အီဘိုလာဖြစ်နေတဲ့ ​နိုင်ငံကလူတွေကို ​အမေရိကန်ထဲ ​မပေးဝင်ဖို့ ​လိုလားနေ

လိုင်ဘေးရီးယား ​သမ္မတက ​အနောက်အာဖရိက ​ဒေသကို ​ပစ်မထားဖို့ ​ပန်ကြားချိန်မှာပဲ ​အမေရိကန်မှာတော့ ​အီဘိုလာ ​ရောဂါ ​ဖြစ်ပွားနေတဲ့ ​ဂီနီ၊ ​လိုင်ဘေးရီးယားနဲ့ ​ဆီရာယာလီယွန်နိုင်ငံက ​လူတွေကို ​အမေရိကန်နိုင်ငံထဲ ​ဝင်ခွင့်မပေးဖို့ ​တောင်းဆိုမှုတွေ ​တနေ့တခြား ​များပြားလာပါတယ်။

အမေရိကန် ​သမ္မတ ​ဘားရက်အိုဘားမားကတော့ ​အကြောက်တရားတွေ ​မလွန်ကြဖို့ ​ပြောဆိုထားပြီး ​လူတွေကို ​အဲဒီလို ​ခွဲခြားထားလို့ ​မရနိုင်တဲ့အကြောင်း၊ ​အဲဒီလို ​အကြောက်တရားတွေ ​လွမ်းမိုးနေမယ်ဆိုရင် ​အီဘိုလာနဲ့ ​ပတ်သက်တဲ့ ​သတင်းမှန်တွေ ​ရရှိနိုင်တော့မှာ ​မဟုတ်ဘူးလို့ ​ပြောပါတယ်။

http://www.radioaustralia.net.au/burmese/2014-10-20/1380757


ထိုင်းနိုင်ငံတောင်ပိုင်း ခိုတောင်း ခေါ် လိပ်ကျွန်းမှာဖြစ်ပွားခဲ့တဲ့ ဗြိတိသျှနိုင်ငံသားနှစ်ဦး သတ်ဖြတ်ခံရမှုအတွက် စုံစမ်းဖော်ထုတ်ရာမှာ ကူညီဆောင်ရွက်ဖို့ ကမ္ဘာကျော် စကော့တလန်ယာ့ဒ် စုံထောက်အဖွဲ့ကို မကြာခင်ရက်ပိုင်းအတွင်း ထိုင်းနိုင်ငံကိုစေလွှတ်တော့မယ်လို့ လန်ဒန်မြို့တော် ရဲတပ်ဖွဲ့က ပြောကြားလိုက်ပါတယ်။

ဗြိတိန်နိုင်ငံသားစုံတွဲဖြစ်တဲ့ David Miller နဲ့ Hannah Witheridge တို့ သတ်ဖြတ်ခံရမှုမှာ လူသတ်တရားခံ အစစ်အမှန်ကိုဖော်ထုတ်ပြီး၊ တရားဥပဒေအရ ပွင့်လင်းမှု၊ မျှတမှုရှိရှိ စီရင်ဆောင်ရွက်နိုင်အောင် စကော့တလန်ယာ့ဒ် စုံထောက်ရဲတပ်ဖွဲ့အနေနဲ့ ထိုင်းရဲတွေနဲ့ ပူးပေါင်းဆောင်ရွက်သွားမှာ ဖြစ်တယ်လို့ လန်ဒန်ရဲတပ်ဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။

ဒီအစီအစဉ်ဟာ ထိုင်းဝန်ကြီးချုပ် ပရာယွတ်နဲ့ ဗြိတိန်ဝန်ကြီးချုပ် ဒေးဗစ်ကင်မရွန်းတို့ အီတလီနိုင်ငံမှာ တွေ့ဆုံမှု အတွင်း ရရှိခဲ့တဲ့ နှစ်ဖက်သဘောတူညီမှုကြောင့် ပေါ်ပေါက်လာတာ ဖြစ်တယ်လို့ မြန်မာ့အရေးဆောင်ရွက်နေတဲ့ လန်ဒန်မြို့အခြေစိုက် Burma Democratic Concern အဖွဲ့ ညွှန်ကြားရေးမှူး ဦးမျိုးသိန်းက ပြောပါတယ်။

"အီတလီနိုင်ငံမှာ သူတို့ဆွေးနွေးသွားမှာဆိုလို့ရှိရင် ဗြိတိန်ဝန်ကြီးချုပ် ဒေးဗစ်ကင်မရွန်းက ပုဂ္ဂိုလ်ရေးအရဝင်ရောက်ပြီး ဒီကိစ္စနဲ့ပတ်သက်ပြီး သူတို့အရမ်းကိုစိုးရိမ်မကင်းတွေ့ခဲ့ရကြောင်းကို ပြောတာပါ၊ ဒါ့အပြင် ဗြိတိန်နိုင်ငံရဲ့အစိုးရအဖွဲ့အနေနဲ့ပေါ့နော် ရဲတပ်ဖွဲ့အနေနဲ့ ဝိုင်းဝန်းကူညီချင်တဲ့အကြောင်းကိုလည်းပြောတယ်၊ ပြောတော့သူက သဘောတူတယ်၊ အဲ့ဒါကြောင့်ပဲ ဒီနိုင်ငံမှာရှိတဲ့ စကော့တလန်ယာ့ဒ် လို့ဆိုတဲ့စုံထောက်အဖွဲ့က ထိုင်းနိုင်ငံကို မကြာမီရက်ပိုင်းအတွင်းမှာ သွားရောက်ပြီးတော့ စုံစမ်းစစ်ဆေးတဲ့ဟာတွေကို သူတို့သွားလုပ်သင့်တဲ့ဟာတွေကို ကျနော်တို့ကြားရတယ်ခင်ဗျ၊ အထူးသဖြင့်တော့သူတို့ အဓိကပေါ့လေ စိတ်ပူတဲ့စိုးရိမ်တဲ့အချက်က ၂ ချက်ရှိပါတယ်၊ ၁ ချက်ကဘာလဲဆိုတော့ ဒီအန်အေလို့ခေါ်တဲ့ မျိုးရိုးဗီဇနဲ့ပတ်သက်တဲ့ဟာတွေ စစ်ဆေးဟာကို သူတို့အနေနဲ့ပိုမိုပြီးတော့ လွတ်လပ်ပွင့်လင်းပြီးတော့ ပိုမိုပြီးတော့ကျွမ်းကျင်သူတွေနဲ့ စစ်ဆေးစေချင်တယ်၊ နောက်တစ်ခုကတော့ ဒီစစ်ဆေးတဲ့အခါမှာ မျှမျှတတနဲ့ ဘက်လိုက်မှုကင်းစွာ အဂတိကင်းစွာနဲ့ စစ်ဆေးစေချင်တယ်ဆိုတဲ့ အချက်တွေရှိတယ်"

ထိုင်းဝန်ကြီးချုပ် ပရာယွတ်နဲ့ ဗြိတိန်ဝန်ကြီးချုပ် ဒေးဗစ်ကင်မရွန်းတို့ အီတလီနိုင်ငံမှာ တွေ့ဆုံမှုအတွင်း လိပ်ကျွန်းက ဗြိတိန်နိုင်ငံသား ၂ ဦး အသတ်ခံရတဲ့အမှုကို စုံစမ်းစစ်ဆေးရာမှာ ဗြိတိန်ရဲတပ်ဖွဲ့ကို ဝင်ရောက် ကူညီ စစ်ဆေးခွင့်ပြုဖို့ သဘောတူညီခဲ့ပေမယ့် ထိုင်းနိုင်ငံ ဘန်ကောက်မြို့ကို ပြန်အရောက်မှာတော့ သူ့အနေနဲ့ အဲဒီလို ပြောဆိုခဲ့တာ မဟုတ်ကြောင်း၊ ဗြိတိန်ရဲတပ်ဖွဲ့ဝင်တွေကို လေ့လာသူအဖြစ်သာ ခွင့်ပြုသွားမှာ ဖြစ်ကြောင်း ပြောပါတယ်။

ဒါ့အပြင် လိပ်ကျွန်းလူသတ်မှုနဲ့ပတ်သက်လို့ လန်ဒန်မြို့မှာရှိတဲ့ ထိုင်းသံအမတ်ကြီးကို ဗြိတိန်အစိုးရ အရာရှိတွေက ဆင့်ခေါ်သတိပေးတာမဟုတ်ဘဲ၊ ထိုင်းသံအမတ်ကြီးဘက်က စုံစမ်းဖော်ထုတ်နေမှု အခြေအနေတွေကို သွားရောက်ရှင်းပြခဲ့တာသာ ဖြစ်ကြောင်း၊ လူသတ်တရားခံတွေကို ထိုင်းရဲတွေက မြန်မြန်ဆန်ဆန်ဖော်ထုတ်လိုက်နိုင်တဲ့အတွက် ဗြိတိသျှအရာရှိတွေ တအံ့တသြဖြစ်သွားပုံရကြောင်း ထိုင်းဝန်ကြီးချုပ် ပရာယွတ်က ပြောဆိုထားပါတယ်။

RFA Burmese
https://www.facebook.com/pages/RFA-Burmese/39218993127


ရန်ကုန်မြို့ မြေနီကုန်း၌ အောက်တိုဘာလ ၁၉ ရက်နေ့ ညနေပိုင်းက စစ်ကျွန်ပညာရေးနဲ့ စစ်အုပ်ချုပ်ရေး ဖျက်သိမ်းပေးရေး ဆန္ဒပြပွဲအား မည်သည့် အဖွဲ့အစည်းက ပြုလုပ်ခဲ့သည်ကို မသိရှိရသေးဘဲ ရှိနေခဲ့ရာ ယနေ့(အောက်တိုဘာ ၂၀ရက်)တွင် (Annonymous-Burma) ဆိုသည့် အဖွဲ့ဖြစ်ကြောင်း ၎င်းတို့ တည်ထောင်လိုက်သည့် ဖေ့စ်ဘွခ်စာမျက်နှာမှ တဆင့် ရှင်းတမ်းတစောင် ထုတ်ပြန်အသိ ပေးလိုက်ပြီ ဖြစ်သည်။

ယင်းမျက်နှာဖုံးစွပ်လူငယ်များက စစ်ကျွန်ပညာရေးစနစ် နှင့် စစ်အုပ်ချုပ်ရေး ဖျက်သိမ်းပစ် ဟူသော ဗီနိုင်များကိုင်ဆောင်ကာ ကျောင်းသာများ ကန့်ကွက်သည့်ကြားမှ အတည်ပြုလိုက်သော အမျိုးသား ပညာရေး ဥပဒေကို ကန့်ကွက်ခဲ့ကြခြင်းကြောင့် ဗကသ၊ တကသ အစရှိသည့် ကျောင်းသား အဖွဲ့အစည်းများအား ဆက်သွယ်မေးမြန်း ခဲ့သော်လည်း ယင်းတို့ ပါဝင်ပတ်သက်မှု မရှိကြောင်း ငြင်းဆိုထာသည်။

မြေနီကုန်းဆန္ဒပြပွဲအား ၁၉ ရက် ၁၀ လ တွင်ပြုလုပ်ခဲ့သောကြောင့် ဆယ်ကိုးတဆယ်လှုပ်ရှားမှုဟု ၎င်းတို့က အမည်ပေးထားကြောင်း၊ မျက်နှာဖုံးစွပ်ရခြင်းအကြောင်းအရင်းမှာ နိုင်ငံရေးအမြတ်ထုတ်သည့် နိုင်ငံရေးသမားများနှင့် မတူသော အမည်မသိလူငယ်များသာဖြစ်လို၍ဖြစ်ကြောင်း၊ ၎င်းတို့သည် မည်သည့်အဖွဲ့အစည်းနှင့် ချိတ်ဆက်ခြင်းမရှိကြောင်း၊ မြေနီကုန်းလှုပ်ရှားမှုမှစ၍ ရှေ့ဆက် တိုက်ပွဲဝင်နေဦးမည်ဖြစ်ကြောင်းတို့ ဖော်ပြထားသည်။

ယင်းအပြင် ၎င်းတို့၏ ကြွေးကြော်သံ ၅ချက်အား ထည့်သွင်းထားရာ
(၁) စစ်ဖိနပ်အောက်က ပညာရေး အလိုမရှိ အလိုမရှိ
(၂) ကျောင်းသားပြည်သူအခြေမခံတဲ့ ပညာရေးဥပဒေ ဖျက်သိမ်းပစ်၊ ဖျက်သိမ်းပစ်
(၃) စစ်တစ်ပိုင်းအစိုးရ အလိုမရှိ ၊အလိုမရှိ
(၄) ၂၀၀၈ ဖွဲ့စည်းပုံအခြေခံဥပဒေဖျက်သိမ်းရေး ဒို့အရေး၊ ဒို့အရေး
(၅) စစ်ဘောင်းဘီချွတ် သိန်းစိန်အစိုးရ ချက်ချင်းဆင်း၊ ချက်ချင်းဆင်း
ဟူ၍ဖြစ်သည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal?fref=nf
ဓါတ်ပုံ-မျိုးမင်းစိုး