10/24/14


မြန်မာအစိုးရအနေဖြင့် ပြည်တွင်း ငြိမ်းချမ်းရေးကို အမှန်တကယ်လိုလားမှု ရှိမရှိဆိုသည်ကို သံသယဖြစ်လာကြောင်း ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC)က ထုတ် ပြန်လိုက်သည်။

ထိုင်း-မြန်မာ နယ်စပ်တနေရာတွင် ၂၀-၁၀-၂၀၁၄ ရက်နေ့မှ ၂၂-၁၀-၂၀၁၄ ရက်နေ့ထိ ကျင်းပပြုလုပ်သော UNFC ၏ ပထမအကြိမ် မျက်နှာစုံညီ အစည်းအဝေးအပြီးတွင် အစိုးရစစ်တပ်အနေဖြင့် ကချင်၊ ရှမ်း၊ ကရင်နှင့် အခြား တိုင်းရင်းသားပြည်နယ်များတွင် စစ်ဆင် ရေးမပြတ်လုပ်နေခြင်း၊ တိုက်ပွဲဖြစ်ပွားနေ ခြင်း၊ စစ်ရေးပြင်ဆင်မှုကို အသာစီးလုပ် နေခြင်းတို့အပေါ် သုံးသပ်၍ ယင်းသို့ထုတ် ပြန်လိုက်ခြင်းဖြစ်သည်။

UPWC နဲ့ NCCT တို့ တွေ့ဆုံ ဆွေးနွေးမှုကလည်း လိပ်ခဲတည်းလဲဖြစ်နေ တယ်။ နောက်ပြီး လက်ရှိပဋိပက္ခလည်း ဖြစ်နေတယ်။ ဒီအပေါ်မှာ အခြေခံပြီး သံသယဖြစ်တယ်လို့ ဆိုချင်တာပါ””ဟု UNFC ၏ အထွေထွေအတွင်းရေးမှူး ခူးဦးရယ်က News Watch ကို ပြောသည်။

မြန်မာနိုင်ငံသည် တိုင်းရင်းသားလူ မျိုးပေါင်းစုံဖြင့် စုဖွဲ့ထားသော နိုင်ငံဖြစ်သော်လည်း မဟာလူမျိုးကြီးဝါဒနှင့် အတုအယောင် ပြည်ထောင်စုစနစ်ကို အာဏာရ အစိုးရအဆက်ဆက်တို့ အဓမ္မကျင့်သုံးခဲ့ သည့်အတွက် နှစ် (၇၀)ခန့် ပြည်တွင်းစစ် ဖြစ်ပေါ်ရသည်ဟု UNFC က သုံးသပ်ထားသည်။

ပြည်တွင်းစစ်ကြောင့် ဒီမိုကရေစီနှင့် လူ့အခွင့်အရေးဆုံးရှုံးခြင်း၊ ပြည်သူလူထု ဒုက္ခဆင်းရဲဖြစ်ခြင်းတို့သည် ၂၀၀၈ ခုနှစ် ဖွဲ့စည်းပုံအခြေခံဥပဒေကို ပြင်ဆင်မှုမပြု နိုင်သမျှ ဆက်လက်ဖြစ်ပေါ်နေဦးမည်ဟု ယင်းတို့က သုံးသပ်ထားသည်။

အာဏာရအစိုးရအဆက်ဆက်အနေဖြင့် နိုင်ငံရေးပြဿနာကို အဖြေရှာရာတွင် စစ်အင်အားဖြင့်သာ အဓိကဖြေရှင်းကာ တွေ့ဆုံဆွေးနွေးခြင်းကို လျစ်လျူရှုခဲ့ခြင်း ဖြစ်သည်။ လာမည့် ၂၀၁၅ ခုနှစ်တွင် ကျင်းပ မည့် ရွေးကောက်ပွဲမတိုင်မီ ဖွဲ့စည်းပုံ အခြေခံဥပဒေမှ ပြင်ဆင်ထိုက်သည်များ ကို ပြင်ဆင်ရန် တောင်းဆိုနေသူများရှိ သော်လည်း အစိုးရအနေဖြင့် ၂၀၀၈ ခုနှစ် ဖွဲ့စည်းပုံအခြေခံဥပဒေကို ပြင်ဆင်ရန် လမ်းစမမြင်ဟု ယင်းကဆိုသည်။

““တွေ့ဆုံဆွေးနွေးမှုကလည်း ရှေ့ မတိုး နောက်ဆုတ်ဖြစ်နေတယ်။ ငြိမ်းချမ်း ရေးကတော့ ဝေးနေဦးမယ်လို့မြင်တယ်။ ကျွန်တော်တို့လည်း ကြိုးစားလုပ်ခဲ့တာပါ။ အခုက လမ်းခုလတ်မှာဖြစ်နေတယ်။ စိုးရိမ်ပါတယ်””ဟု ခူးဦးရယ်က ပြောသည်။

ယခုအခါ အစိုးရ၏ ပြည်ထောင်စု ငြိမ်းချမ်းရေးဖောင်ဆောင်လုပ်ငန်းကော် မတီ (UPWC)နှင့် တနိုင်ငံလုံး အပစ် အခတ်ရပ်စဲရေးဆိုင်ရာ ညှိနှိုင်းရေးအဖွဲ့ (NCCT) တို့ တနိုင်ငံလုံး အပစ်အခတ်ရပ် စဲရေး သဘောတူစာချုပ်ချုပ်ဆိုရန် ညှိနှိုင်း မှုပြုလုပ်နေသည်။

သို့သော်လည်း အစိုးရ၏ နိုင်ငံရေး အရ တွေ့ဆုံဆွေးနွေးဖြေရှင်းရန် လုပ်ဆောင်နေမှုမှာ လက်တွေ့တွင် တန်းတူခြင်း၊ တရားမျှတခြင်းမရှိသည့်အပြင် နောက်ပြန်ဆုတ်သည်ဟု UNFC က သဘောထားကြောင်း သိရသည်။
မြန်မာ့ငြိမ်းချမ်းရေးစင်တာ (Myanmar Peace Center-MPC)၏ ပြော ရေးဆိုခွင့်ရှိသူ ဒေါက်တာမင်းဇော်ဦးက မိမိတို့အနေဖြင့် အဆိုပါထုတ်ပြန်ချက် အပေါ် မှတ်ချက်တစုံတရာမပေးလို ကြောင်း News Watch ဂျာနယ်ကို ပြောသည်။

““ကျွန်တော်တို့ကတော့ ဘာမှ comment ပေးစရာမရှိပါဘူး။ ဘာကြောင့် လဲဆိုရင် လောလောဆယ်မှာ ကျွန်တော် တို့ နားလည်တာကတော့ အစိုးရနဲ့ညှိနှိုင်း နေတာ NCCT နဲ့ ညှိနှိုင်းနေတာပေါ့နော်”” ဟု ၎င်းက ပြောသည်။

ပြီးခဲ့သည့်တပတ်က ရှမ်းပြည်နယ်တွင် ဦးသိန်းဇော်ခေါင်းဆောင်သော UPWC အဖွဲ့နှင့် SSPP/SSAA တို့ တွေ့ ဆုံကာ နောက်ထပ်တိုက်ပွဲများမဖြစ်စေရန် ညှိနှိုင်းခဲ့ကြကြောင်း၊ ပဋိပက္ခဖြေရှင်းနိုင် သောအဖွဲ့များဖြင့် ပြုလုပ်ရန်ဆွေးနွေးခဲ့ကြ ကြောင်း သိရသည်။

ပြီးခဲ့သည့် ၈-၁၀-၂၀၁၄ ရက်နေ့ က စတင်ကာ ရှမ်းပြည်နယ် အလယ်ပိုင်း ကျေးသီးမြို့နယ်အတွင်းတွင် အစိုးရစစ်တပ်ဘက်မှ လက်နက်ကြီးများဖြင့် ပစ်ခတ်ခြင်း၊ လူ့အခွင့်အရေးချိုးဖောက်ခြင်းများ ပြုလုပ်နေသည်ဟု သိရသည်။
ရှမ်းလူ့အခွင့်အရေးမဏ္ဍိုင်၏ ပြော ရေးဆိုခွင့်ရှိသူ နန်းခွမ်လိတ်က မြန်မာစစ် တပ်မှ မော်တာဖြင့် ပစ်ခတ်မှုများသည် SSPP/SSAတို့ နှစ်ပေါင်းများစွာကြာ ထိန်းချုပ်ရာနယ်မြေအတွင်း ဖြစ်ပွားခဲ့ ကြောင်း၊ စစ်တပ်က SSPP/SSAA တို့ ကို ထိုးစစ်ဆင်ကာ ဖိအားပေး၍ ဆုတ်ခွာ ခိုင်းကြောင်း ပြောသည်။

““ရွာသား ငါးယောက်ရိုက်ခံရတယ်။ ကိုယ်ဝန်အရင့်အမာနဲ့ အမျိုးသမီးတဦး အပါအ၀င် အမျိုးသမီး ၇ ဦးကို တပတ် တိတိ ဖမ်းထားတယ်။ ပန်းစေးရွာသားနှစ် ဦးကို ရိုက်နှက်စစ်ဆေးတာ တညကြာ တယ်။ အစိုးရစစ်တပ်က မော်တာနဲ့ပစ်လို့ ရွာသား ၁၈၀ ကျော် ဘုန်းကြီးကျောင်း အတွင်း နေနေရတယ်။ ဒီလို မြန်မာစစ် တပ်ရဲ့ လူ့အခွင့်အရေးချိုးဖောက်မှုတွေ များနေပါပြီ””ဟု ၎င်းက ရှင်းပြသည်။

မေငယ်။                                                 News watch စောင့်ကြည့်သတင်းဂျာနယ်

ဖေ့စ်ဘုတ်တည်ထောင်သူ မက်ဇက်ကာဘတ်သည် တရုတ်နိုင်ငံ စင်ဟွာ တက္ကသိုလ် ၌ ဗုဒ္ဓဟူးနေ့က ပြုလုပ်ခဲ့သည့် မိနစ် ၃၀ ကြာ အမေး အဖြေ ကဏ္ဍ တွင် တက်ရောက်လာ သူများအား အမှာစကားပြောကြား မှု နှင့် မေးခွန်းဖြေကြားမှု တို့အား မန်ဒရင်း တရုတ်ဘာသာဖြင့် ပြောကြားကာ ပရိသတ်၏ အထင်ကြီးမှုရယူ နိုင်ခဲ့သည်။

ဇက်ကာဘက်က တရုတ် ဘာသာ စကား သင်ယူရခြင်း၏ ရည်ရွယ်ချက် တစ်ခု မှာ ဇနီးဖြစ်သူ ပရစ်စီလာ၏ အမေရိကန်-တရုတ် မိသားစုဝင်များနှင့် ပြောဆို ဆက်သွယ်နိုင်ရန်ဖြစ်သည်ဟု အမေးအဖြေကဏ္ဍ တွင် ဖြေကြားခဲ့သည်။ ဇနီး၏ မိသားစုဝင် အချို့မှာ မန်ဒရင်း ဘာသာစကား သာ ပြောကြားနိုင်သည်ဟု ဆိုသည်။

ဇက်ကာဘက်သည် လွန်ခဲ့သော ၄ နှစ်က “၂၀၁၀ မှာ ကျွန်တော့်ရဲ့ ပုဂ္ဂိုလ်ရေး ရည်မှန်းချက်က မန်ဒရင်းဘာသာ သင်ယူဖို့ဖြစ်ပါတယ်” ဟု ၄င်း၏ ဖေ့စ်ဘုတ် တွင် ရေးသားခဲ့သည်။

တရုတ်ပြည်မကြီးတွင် ဖေ့စ်ဘုတ်အား ၂၀၀၉ ကတည်းက ပိတ်ပင်ထားသည်။ အခြားထင်ရှားသည့် လူ မှုကွန်ရက်နှင့် မီဒီယာဝက်ဘ်ဆိုက် များဖြစ်သော တွစ်တာ၊ ယူကျုနှင့် အင်စတာဂရမ်တို့ကိုလည်း တရုတ်အာဏာရကွန်မြူနစ် ပါတီက ပိတ်ပင်ထားသည်။ သို့သော် ဖေ့စ်ဘုတ်၏ တာဝန်ရှိသူများ သည် ဘေဂျင်း သို့ မကြာခဏလာရောက်ကာ နည်းပညာဆွေးနွေးပွဲများ တက်ရောက်ခြင်း၊ စီးပွားရေးသမားများ၊ အစိုးရတာဝန်ရှိသူများနှင့် တွေ့ဆုံ ခြင်း တို့ ပြုလုပ်လေ့ရှိသည်။

ဖေ့စ်ဘုတ်အား ပိတ်ပင်ထားခြင်း မရှိသည့် ဟောင်ကောင်တွင် ရုံးခန်းဖွင့်လှစ် ထားသည့် အပြင် ဘေဂျင်းတွင်လည်း ရုံးခန်းတစ်ခုငှားရမ်းကာ တရုတ်ကုမ္ပဏီ များအတွက် နိုင်ငံရပ်ခြားတွင် ကြော်ငြာရန် ၀န်ဆောင်မှုပေးလျက်ရှိသည်။

KHTun

The Ladies News Journal

 
ရှေးရိုး ဓလေ့ ထုံးတွေ ဘောင်တွေ ကနေ တိုးထွက် စဉ်းစား နိုင်တယ် ဆိုတဲ့ ကဏ္ဍဍမှာ ဒီမိုကရေစီနဲ့ ငြိမ်းချမ်းရေး အမျိုးသမီး ကွန်ရက် အဖွဲ့ဆုရရှိ။

ကုလသမဂ္ဂ ဖွံ့ဖြိုးရေး အစီအစဉ် UNDP ရဲ့ အာရှ ပစိဖိတ် ဒေသဆိုင်ရာ ဌာနက ချီးမြှင့်တဲ့ N-Peace Awards ငြိမ်းချမ်းရေး ဆုကို မြန်မာ နိုင်ငံက ဒေါ်နော်အုန်းလှနဲ့ မသန္တာတို့ ဦးဆောင်ပါဝင်တဲ့ ဒီမိုကရေစီနဲ့ ငြိမ်းချမ်းရေး အမျိုးသမီး ကွန်ရက် အဖွဲ့ကို ဒီနေ့ ချီးမြှင့်မှာ ဖြစ်ပါတယ်။

အဆိုပါ ကွန်ရက်အဖွဲ့ ရရှိတာကတော့ Thinking outside the box ရှေးရိုး ဓလေ့ ထုံးတွေ ဘောင်တွေ ကနေ တိုးထွက် စဉ်းစား နိုင်တယ် ဆိုတဲ့ ကဏ္ဍဍမှာပါ။

အဲဒီ့ ကွန်ရက် အဖွဲ့ဟာ မြန်မာနိုင်ငံ မှာ လက်ရှိ တွေ့ကြုံ နေရတဲ့ ခွဲခြား ဆက်ဆံ ခံရမှုတွေ ၊ မတရားမှု တွေနဲ့ ပတ်သက် လို့ ကိုင်တွယ် ဖြေရှင်း ပေးနေတဲ့ အပြင် လယ်လုပ်သူ လယ်ပိုင်ခွင့်တွေ အတွက်ပါ ဆောင်ရွက် ပေးနေတာ ဖြစ်တယ် လို့ UNDP အာရှ-ပစိဖိတ် ဆိုင်ရာ ဌာနက ကျားမ မရွေး ပါဝင်တဲ့ ငြိမ်းချမ်းရေး တည်ဆောက်မှု ပိုင်းဆိုင်ရာ အစီအစဉ် ကျွမ်းကျင်သူ မစ္စ ရာဒီကာ ဘေရုရီယား က ပြောပါတယ်။

အခုချီးမြှင့်တဲ့ N-Peace Awards တွေကို ပြီးခဲ့တဲ့ ၂၀၁၁ က စတင် ချီးမြှင့်ခဲ့တာ ဖြစ်ပြီး၊ အာရှ နိုင်ငံတွေ မှာ ငြိမ်းချမ်းမှု တည်ဆောက်ရေး အတွက် အောက်ခြေကနေ အမျိုးသားအဆင့် အထိ အပြောင်းအလဲ တွေ ဖြစ်လာဖို့ ကြိုးပမ်း ဆောင်ရွက် နေသူတွေကို အသိအမှတ်ပြု ချီးမြှင့်ပေးတဲ့ ဆုပါ။

အများ ပြည်သူရဲ့ အွန်လိုင်းက မဲပေး ရွေးချယ်မှု နဲ့ ကျွမ်းကျင်သူ ပညာရှင်တွေ ပါတဲ့ ရွေးချယ်ရေး အဖွဲ့တွေ ကနေ ကဏ္ဍဍအလိုက် ရွေးချယ် ချီးမြှင့်ကြ တာ ဖြစ်ပါတယ်။

ဒီနှစ်အတွက် မြန်မာ အပါအဝင် ဖိလစ်ပိုင်၊ အာဖဂန် နစ္စတန် ၊ အင်ဒိုနီးရှား၊ နီပေါ နဲ့ ပါကစ္စတန် တို့ က လူပုဂ္ဂိုလ် တဦးချင်းနဲ့ အဖွဲ့အစည်းတွေ ကနေ ရွေးချယ် ချီးမြှင့်တာ ဖြစ်ပါတယ်။

ဒီနှစ် အတွက် N-Peace ဆုကို တဦးချင်း အနေနဲ့လည်း မြန်မာ နိုင်ငံက တိုင်းရင်းသား အရေးလှုပ်ရှားသူ မိခင်ခင်ကြူ နဲ့ နိုင်ငံရေး အကျဉ်းသူ ဟောင်း တဦးဖြစ်တဲ့ မဝေဝေနု တို့လည်း ရရှိခဲ့ပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/10/141023_n_peace_award

ရွှေဝါရောင်လှုပ်ရှားမှုမှာ လက်နက်မဲ့ ရဟန်းသံဃာ နဲ့ ပြည်သူလူထုတွေကို အုကြမ်းဖက်ဖြိုခွဲရန် ၂၀၀၇ စက်တင်ဘာ ၂၇ ရက်နေ့က အသင့်ပြင်နေသော စစ်တပ်တပ်ဖွဲ့တစ်ခုကို တွေ့ရစဉ်

အမျိုးသား ဒီမိုကရေစီအဖွဲ့ချုပ် အဖွဲ့ဝင်ဟောင်းတွေ စုစည်းဖွဲ့ထားတဲ့ ညီညွှတ်သော အမျိုးသား ဒီမိုကရေစီ အဖွဲ့က လူ့အခွင့်ရေး ချိုးဖောက်မှုဆိုင်ရာ စုံစမ်းရေးကော် မတီကို ဒီကနေ့ ဖွဲ့စည်းလိုက်ပါတယ်။

ရှစ်လေးလုံး အရေးတော်ပုံနောက်ပိုင်း အစိုးရအဆက် ဆက်ရဲ့ လူ့အခွင့်ရေး ချိုးဖောက်မှုတွေကို စုံစမ်းဖော် ထုတ်ပြီး မှတ်တမ်းတင်ဖို့အတွက် အခုလိုကော်မတီ ဖွဲ့စည်းတာဖြစ်တယ်လို့ ရန်ကုန်မြို့ ယုဒဿန်ခန်းမမှာ ဒီကနေ့ကျင်းပတဲ့ အစည်းအဝေးမှာ ညီညွတ်သော အမျိုးသားဒီမိုကရေစီအဖွဲ့ အတွင်းရေးမှူး ဦးဒေးဗစ်လှမြင့် က ပြောပါတယ်။

"၈ လေးလုံးကနေပြီးတော့ စစ်အစိုးရလက်ထက် မှာလုပ်ခဲ့တဲ့ လူ့အခွင့်အရေး ချိုးဖောက်မှုတွေကို မှတ်တမ်းတင်ဖို့ဖြစ်ပါတယ်၊ ဒီလိုမှတ်တမ်းတင်ခြင်း ဟာလည်း နစ်နာခဲ့တဲ့လူတွေအတွက် ဆောင် ရွက်ခြင်းဖြစ်သလို လက်ရှိလူ့အခွင့်အရေး ချိုးဖောက်နေတဲ့ လူတွေအနေနဲ့လည်း သူတို့ သင်ခန်းစာယူဖို့ လိုပါတယ်၊ ရှေးတုန်းက အစိုးရအဆက်ဆက်တွေမှာ ဒီလိုမတရားမှုတွေကို လုပ်ခဲ့တဲ့ဟာတွေက ယနေ့အချိန်မှာ ဒီလိုမမှန်ကန်တဲ့ လူဆိုးတွေအဖြစ် မှတ်တမ်းတင်ခံရတယ်ဆိုတာကတော့ သူတို့အနေနဲ့လည်း ဒါတွေကိုတော့ သတိရနေစေချင်ပါတယ်၊ ဒါကြောင့် ဒီအလုပ်လုပ်လုပ်တာဖြစ်ပါတယ်"

ဒီကော်မတီကို ညီညွှတ်သော အမျိုးသား ဒီမိုကရေစီအဖွဲ့အပြင် အရပ်ဘက်အဖွဲ့အစည်း ၂၂ ဖွဲ့နဲ့ ပူးပေါင်းဖွဲ့စည်းသွား မှာဖြစ်တယ်လို့ သိရပါတယ်။ ကော်မတီက စုံစမ်းရရှိလာတဲ့အမှုတွေကို မြန်မာနိုင်ငံအတွင်း လူ့အခွင့်အရေး ချိုးဖောက်မှုဆိုင်ရာ မှတ်တမ်းတွေအဖြစ်ထားရှိပေးဖို့ အစိုးရထံ တင်ပြတောင်းဆိုသွားမယ်လို့ ဆိုပါတယ်။

RFA

မြန်မာ့စစ်တပ် စစ်ရေးလေ့ကျင့်နေစဉ်။

မကြာမီက ပြီးဆုံးသွားတဲ့ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ UNFC မျက်နှာစုံညီ အစည်းအဝေးက ရှေ့လုပ်ငန်းစဉ်ချမှတ်ရာမှာ လက်ရှိဆွေးနွေး ပွဲတွေ အောင်မြင်ဖို့ ပံ့ပိုး သွားဖို့ဆွေးနွေးခဲ့ပြီး အစိုးရနဲ့ ဆက်လက်ဆွေးနွေးဖို့ အသင့်ရှိနေတယ်လို့ သတင်းထုတ်ပြန်ပါတယ်။ သတင်းအပြည့်အစုံကို ဗွီအိုအေ မြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

UNFC ပထမ ညီလာခံက ပြန်လည် ဖွဲ့စည်းလိုက်တဲ့ ကောင်စီဝင်တွေရဲ့ ပထမဆုံး အကြိမ် မျက်နှာစုံညီ အစည်းအဝေးကို ဒီလ ၂၀ရက်ကနေ ၂၂ရက်ထိ ကျင်းပပြီးတဲ့နောက် သူတို့ရဲ့ သဘောထားကို ထုတ်ဖော်ပြောဆို လာတာ ဖြစ်ပါတယ်။ UNFC ရဲ့ တနိုင်ငံလုံး အပစ်အခတ်ရပ်စဲရေး ဆိုင်ရာ သဘောထား ကို အထွေထွေ အတွင်းရေးမှူး ခူုးဦးရယ်က အခုလို ပြောပါတယ်။

"UPWC နဲ့ ညှိနှိုင်းဆွေးနွေးတဲ့ အဆင့်ကတော့ ကျနော်တို့ တိုင်းရင်းသားဘက်မှာ NCCT နဲ့ ညှိနှိုင်းဆောင်ရွက်နေတဲ့ အဆင့်မှာပဲ ရှိပါတယ်။ ဆိုတော့ ကျနော်တို့ ဘယ်လို လုပ်ငန်းစဉ် ချပြီးတော့ ညှိနှိုင်းဆောင်ရွက်သွားမလဲ ဆိုတာထက်ပေါ့နော်။ NCCT ရဲ့ လုပ်ငန်းတွေကိုပဲ ဝန်းရံပံ့ပိုးပြီးတော့ အခြေခံ ချမှတ်သွားနိုင်ဖို့ကိုပဲ ကျနော်တို့ ဝိုင်းရံကြမယ့် သဘောမျိုး ကျနော်တို့ ဆွေးနွေးကြပါတယ်။ ကျနော်တို့ NCCT ဘက် ကတော့ သတ်မှတ်တဲ့ အချိန်မှာ ဆွေးနွေးဖို့ အဆင်သင့်ရှိတယ်လို့ပဲ ကျနော်တို့ နားလည်ရပါတယ်။"

UPWC ခေါ် ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်းကော်မတီနဲ့ တိုင်းရင်းသား လက်နက်ကိုင် အဖွဲ့တွေရဲ့ တနိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းအဖွဲ့ NCCT တို့ဟာ စက်တင်ဘာလ က နောက်ဆုံးတွေ့ဆုံခဲ့ရာမှာ နှစ်ဖက် အကြားဆွေးနွေးတာတွေဟာ မတင်မကျဖြစ်နေခဲ့ပါတယ်။

ဒီဆွေးနွေးပွဲပြီးနောက်ပိုင်းမှာ မြန်မာ့တပ်မတော်က ကချင်၊ ကရင်နဲ့ ရှမ်းပြည်နယ်တွေ မှာ စစ်ဆင်ရေး အဆက်မပြတ် ဆောင်ရွက်လာသလို တခြားပြည်နယ်တွေမှာ လည်း စစ်ရေးအရ ပြင်ဆင်တာတွေ ရှိလာတဲ့ အတွက် ပြည်တွင်းငြိမ်းချမ်းရေးကို တကယ်လိုလားမှုရှိ ၊ မရှိ သံသယဖြစ် ရကြောင်းလည်း UNFCရဲ့ ထုတ်ပြန်ချက်မှာ ဖော်ပြပါတယ်။

စစ်ရေးဆောင်ရွက်ချက်တွေ၊ စစ်ရေးတင်းမာမှုတွေကို မလျော့ချနိုင် ရင် ပြည်တွင်းငြိမ်းချမ်းရေး ရရှိဖို့လည်း မလွယ်ကူနိုင်ဘူးလို့ ခူးဦးရယ်က သုံးသပ်ပါတယ်။

" ဒီလိုစစ်ရေး လှုပ်ရှားမှုတွေ၊ တင်းမာမှုတွေကို မလျှော့ချနိုင်ဘူး ။ တွေ့ ဆုံဆွေးနွေးခြင်းနဲ့ အဖြေ မရှာနိုင်ဘူးဆိုရင်တော့ အခု သွားနေ တဲ့ တွေ့ဆုံဆွေးနွေးမှု ကလည်း ရပ်တန့်သွားနိုင်တယ်။ ရပ်တန့်သွားမယ်ဆိုရင်တော့ ကျနော်တို့ သွားချင်တဲ့ မြင်ချင်တဲ့ ငြိမ်းချမ်းရေးကို ရရှိဖို့တော့ သိပ်လွယ်လှမယ်တော့ မထင်ဘူးပေါ့ဗျာနော်။"

အစိုးရစစ်တပ်ဖက်ကလည်း စက်တင်ဘာလဆန်းက ပြီးဆုံးခဲ့တဲ့ UNFCရဲ့ ပထမဆုံး ညီလာခံက ဖက်ဒရယ်ပြည်ထောင်စုတပ်မတော်ဖွဲ့စည်းဖို့၊ စစ်ရေး အရပြင်ဆင်ဖို့တွေ ဆွေးနွေးတယ်လို့ ဆုံးဖြတ်ကြောင်း သတင်း ထွက်ပေါ်လာတဲ့ အပေါ်မှာ သံသယ ရှိနေတာဖြစ်ပါတယ်။

တဆက်တည်းမှာပဲ UNFCက ပြည်တွင်းငြိမ်းချမ်းရေး လုပ်ငန်းစဉ်အောင်မြင်ရေး အတွက် UNFC အဖွဲ့ဝင်မဟုတ်တဲ့ တိုင်းရင်းသား လက်နက်ကိုင်အဖွဲ့တွေ၊ ဒီမိုကရေစီ အင်အားစုတွေနဲ့ အတူကြိုးပမ်း သွားမယ်လို့လည်း သဘောထား ထုတ်ပြန်ထားပါတယ်။

UNFC ရဲ့ ထုတ်ပြန်ချက် အပေါ်မှာ အစိုးရဖက်က သဘောထားကို သိနိုင်ဖို့ အစိုးရပြော ခွင့်ရသူတွေကို ဆက်သွယ်မေးမြန်းခဲ့ပေမဲ့ တချို့ဖုန်းတွေကို ခေါ်ဆို မရခဲ့သလို တချို့ကတော့ တုံ့ပြန်ဖြေကြားတာ မရှိခဲ့ပါဘူး။

VOA
http://burmese.voanews.com/content/peace-process-will-end-up-if-military-continue-operation/2493478.html



IS အစ္စလာမ္မစ် နိုင်ငံအဖွဲ့ စစ်သွေးကြွတွေ အပေါ် အမေရိကန် ဦးဆောင်တဲ့ လေကြောင်း တိုက်ခိုက်မှုတွေ လုပ်ဆောင် နေရာမှာ စက်တင်ဘာလ နောက်ပိုင်းမှာ ဆီးရီးယား နိုင်ငံထဲက စစ်သွေးကြွ ၅၅၃ ဦးကို သတ်ဖြတ် နိုင်ခဲ့တယ်လို့ ယူကေနိုင်ငံ အခြေစိုက်တဲ့ လှုပ်ရှားသူတွေက ပြောပါတယ်။

လေကြောင်း တိုက်ခိုက်မှု တွေကြောင့် IS တပ်ဖွဲ့ဝင် ၄၆၄ ယောက်၊ အခြား စစ်သွေးကြွ ၅၇ ယောက်နဲ့ အရပ်သား ၃၂ ယောက်တို့ သေဆုံးခဲ့ကြောင်း ဆီးရီးယား လူ့အခွင့်အရေး စောင့်ကြည့်ရေး အဖွဲ့က ပြောပါတယ်။

တချိန်တည်းမှာပဲ ဆီးရီးယား မြောက်ပိုင်းက ကိုဘာနီမြို့ အနီးမှာ ရှိတဲ့ IS စခန်းတွေ အပေါ် အမေရိကန်က လေကြောင်း တိုက်ခိုက်မှုတွေ အပြင်းအထန် ထပ်မံ ပြုလုပ်နေဆဲ ဖြစ်ပါတယ်။

ကိုဘာနီ မြို့ အနောက်ဘက်က စစ်ရေးအရ အရေးပါတဲ့ တောင်ကုန်းကို IS စစ်သွေးကြွတွေက ပြန်လည် သိမ်းပိုက် လိုက်တယ်လို့ ကာ့ဒ် သတင်းရပ်ကွက်က ဘီဘီစီကို ပြောပါတယ်။

BBC Burmese
http://www.bbc.co.uk/burmese/world/2014/10/141023_us_air_strikes_is_553_dead

လိပ်ကျွန်းပေါ်တွင် ဗြိတိန်ခရီးသွား ၂ဦးကို သတ်ဖြတ်မှုဖြင့် သံသယရှိရသူ မြန်မာ ၂ဦးက ထိုင်းရဲများက စစ်ကြောရေးတွင် နှိပ်စက်ခံခဲ့ရသဖြင့်သာ ပြစ်မှုကျုးလွန်ခဲ့ကြောင်း ၀န်ခံခဲ့ရသည်ဟုဆိုကာ မူလဖြောင့်ချက်ကို ပြန်လည်ရုပ်သိမ်းခြင်းသည် အမှုအပေါ် အကျိုးသက်ရောက်မှုရှိမည်မစုတ်ကြောင်း ထိုင်းရဲတပ်ဖွဲ့စုံစမ်းစစ်ဆေးမှုကို ပြန်လည်သုံးသပ်နေသူရှေ့နေချုပ်က အောက်တိုဘာ ၂၂ ရက်နေ့က ပြောသည်။

“ကျွန်ုပ်တို့အစိုးရရှေ့နေများအနေနဲ့ မျက်မြင်သက်သေထွက်ဆိုချက်များနှင့် သက်သေအထောက်အထားအပေါ် ပိုမိုအလေးထားပါတယ်”ဟု အမှတ် ၈ ဒေသကြီးရှေ့နေရုံး ညွှန်ကြားရေးမှူးချုပ် သာဝပ်ချိုင်းဆီအန်ဂျာအူ က ပြောသည်။

“ပိုပြီးအရေးကြီးတာက သံသယရှိရသူများကို စွဲချက်တင်သင့်/မတင်သင့် ဆုံးဖြတ်ရာမှာ ဆေးဘက်ဆိုင်ရာဆရာဝန်တွေပေးတဲ့ သေမှုသေခင်းဆိုင်ရာ သက်သေအထောက်အထားနဲ့ ထွက်ဆိုချက်တွေကို အရေးအကြီးဆုံး အချက်အလက်များအဖြစ် သုံးသပ်ပါတယ်”ဟု ၎င်းက ပြောကြားသည်။

အဆိုပါလူသတ်မှုဖြင့် စွပ်စွဲခံ ဇော်လင်းနှင့် ၀င်းဇော်ထွန်းတို့၏ ဖြောင့်ချက်များကို တရားဝင်ပြန်လည်ရုပ်သိမ်းပေးပါရန် ထိုင်းရှေ့နေများကောင်စီက အယူခံလွှာတရပ်တင်သွင်းပြီးနောက် မစ္စတာသာဝပ်ချိုင်းဆီအန်ဂျာအူ၏ သဘောထားမှတ်ချက် ပေါ်ထွက်လာခြင်း ဖြစ်သည်။

စကော့တလန်ယာ့ဒ်မှ မှုခင်းကျွမ်းကျင်သူများအား လိပ်ကျွန်းလူသတ်မှုဖြစ်စဉ် စုံစပ်းစစ်ဆေးရေးတွင် ပါဝင်လုပ်ဆောင်နိုင်ရန် ထိုင်းနိုင်ငံသို့ စေလွှတ်သွားမည်ဟု UK မီဒီယာများတွင် ဖော်ပြထားကြသော်လည်း ယမန်နေ့ကအထိ ထိုင်းရဲတပ်ဖွဲ့အား ဆက်သွယ်ခြင်းမရှိသေးကြောင်း ထိုင်းရဲချုပ် ပရာဝပ်က ပြောကြားခဲ့သည်။ ယင်းအပြင် စွပ်စွဲခံမြန်မာ ၂ဦးဖြစ်သော ဇော်လင်းနှင့် ၀င်းဇော်ထွန်းတို့အား စစ်ကြောရေးတွင် ရိုက်နှက်ခဲ့ခြင်းလုံးဝမရှိကြောင်းလည်း ထိုင်းရဲချုပ် က ငြင်းဆိုခဲ့သည်။

Ref;Bankok Post
News Watch(စောင့်ကြည့်သတင်းဂျာနယ်)


အောက်တိုဘာ ၂၃ရက်၊ ၂၀၁၄ခုနှစ်။

ကရင်ပြည်နယ်တွင် လက်ရှိ ပိတ်ထားဆဲ ဖြစ်သော မဲဆန္ဒနယ် ၁၄၇နေရာကို လာမည့် ၂၀၁၅ ရွေးကောက်ပွဲ အတွက် ပြန်လည် ဖွင့်ပေးစေလိုကြောင်း ကရင်ပါတီတစ်ခုဖြစ်သည့် ဖလုံ-စဝေါ် ဒီမိုကရက်တစ်ပါတီ(PSDP)က ရွေးကောက်ပွဲ ကော်မရှင်သို့ မေးမြန်း ခဲ့ရာ ကော်မရှင်က မလုပ်နိုင် သေးကြောင်း ပြောဆိုသည်ဟု သိရသည်။

အောက်တိုဘာ ၂၁ရက်နေ့က မြန်မာတစ်နိုင်ငံလုံးရှိ နိုင်ငံရေးပါတီများနှင့် မြန်မာနိုင်ငံ ပြည်ထောင်စုရွေးကောက်ပွဲကော်မရှင် ဦးတင်အေးအဖွဲ့တို့ ရန်ကုန်မြို့ရှိ ပန်ဒါဟိုတယ်၌ တွေ့ဆုံဆွေးနွေးခဲ့စဉ် PSDP ၏မေးမြန်းတင်ပြချက်ကို ယင်းသို့ တုန့်ပြန်ပြောဆို ခဲ့သည်ဟု PSDP ဒုတိယ ဥက္ကဌ မန်းအောင်ပြည်စိုးက ကေအိုင်စီသို့ ပြောသည်။

“၂၀၁၀ တုန်းက ပိတ်ထားတဲ့ နယ်မြေတွေက အများကြီးဆိုတော့ ကျနော်တို့ နစ်နာတယ်။ အဲဒါကို ရွေးကောက်ပွဲကော်မရှင်က ဒီလာမယ့် ၂၀၁၅မှာ ပြန်ဖွင့်ပေးမလားလို့ ကျနော်တို့ပါတီကမေးတော့ သူတို့က အဲဒီနေရာတွေမှာ တစုံတခု ရှိဦးမယ်။ စိတ်မချရ သေးဘူးဆိုရင်တော့ ရွေးကောက်ပွဲ မလုပ်နိုင်သေးဘူးလို့တော့ ကော်မရှင်က ပြောတယ်”ဟု မန်းအောင်ပြည်စိုးက ပြောသည်။

ပြီးခဲ့သည့် ၂၀၁၀ ပါတီစုံရွေးကောက်ပွဲ ကျင်းပခဲ့ချိန်က ကရင်ပြည်နယ်အတွင်း၌ နယ်မြေလုံခြုံရေး အကြောင်းပြကာ မဲဆန္ဒနယ် ၁၄၇နေရာကို ပိတ်ထားခဲ့သည်။ ၎င်းမဲဆန္ဒနယ်မြေများမှာ ဖားအံမြို့နယ်၌ ၁၁နေရာ၊ ဖာပွန်မြို့နယ်၌ ၂၅နေရာ၊ ကော့ကရိတ်မြို့ နယ်၌ ၁၁နေရာ၊ ကြာအင်းဆိပ်ကြီးမြို့နယ်၌ ၄၆နေရာ၊ မြ၀တီမြို့နယ်၌ ၁နေရာ၊ သံတောင်ကြီးမြို့နယ်၌ ၃၆နှင့် လှိုင်းဘွဲမြို့နယ်၌ ၁၇နေရာတို့ဖြစ်ကြောင်း သိရသည်။

ယင်းသို့ မဲဆန္ဒနယ်မြေ ပိတ်ထားခြင်းအပေါ် ကရင်ပြည်နယ်ရှိ အမျိုးသားဒီမိုကရေစီအဖွဲ့ချုပ်(NLD) ဗဟိုအလုပ်အမှုဆောင်ကော် မတီဝင်တစ်ဦးဖြစ်သည့် နန်းခင်ထွေးမြင့်က “ငြိမ်းချမ်းရေးလုပ်ဆောင်နေတဲ့ အချိန်ဖြစ်တဲ့အတွက် ပိတ်ထားခဲ့တဲ့ မဲဆန္ဒနယ်မြေ တွေကိုတော့ ပြန်လည်ဖွင့်ပေးသင့်တယ်။ သူတို့က ဘယ်လိုပဲ အကြောင်းအမျိုးမျိုး ပြပါစေ။ ပြည်သူလူထုတွေက လက်ခံမှာ မဟုတ်ဘူးလို့ မြင်တယ်။ အခုတွေ့ရတာက ကော်မရှင်ပြောသံ လေယူလေသိမ်းအရ သိပ်ပြီးတော့ သမာသမ မကျတာ များနေ တယ်”ဟု ကေအိုင်စီသို့ ပြောသည်။

၂၀၁၀ ရွေးကောက်ပွဲကာလက ကရင်ပြည်နယ်ရှိ မဲဆန္ဒနယ် အများအပြားကို လုံခြုံရေးမရှိဟုဆိုကာ စစ်အစိုးရက ပိတ်ထားခဲ့ရာ ရွေးကောက်ပွဲ ၀င်ရောက်ယှဉ်ပြိုင်သည့် နိုင်ငံရေးပါတီများမှာ နစ်နာမှုများရှိခဲ့သဖြင့် ထိုမဲဆန္ဒနေရာများကို လာမည့် ၂၀၁၅ ရွေး ကောက်ပွဲတွင် ပြန်လည်ဖွင့်ပေးရန် ကရင်ပြည်နယ်အခြေစိုက် ကရင်ပါတီများ အပါအ၀င် အခြားနိုင်ငံရေးပါတီများကလည်း လို လားကြကြောင်း သိရသည်။

စောညွန့်သောင်း
ကေအိုင်စီ - KIC News
http://kicnews.org/

ကနေဒါနိုင်ငံ ​Ottawa ​မြို့ ​ပါလီမန်မှာ ​ပစ်ခတ်မှုတွေ ​ဖြစ်ခဲ့တဲ့အတွက် ​လွှတ်တော်အဆောက်အဦးကို ​ပိတ်ချထားရပါတယ်။
ပါလီမန်အတွင်းက ရဲတွေက သေနတ်သမားကို ပစ်သတ်ခဲ့ (Credit: ABC licensed)

စစ်ဗိမ္မာန်အစောင့် ​စစ်သားကို ​သေနတ်သမားတစ်ဦးက ​ပစ်ခတ်ခဲ့ပြီးနောက် ​ပါလီမန်ရှိရာဘက်ကို ​ပြေးလာပြီး ​အဲဒီမှာ ​အော်တို ​သေနတ်တွေနဲ့ ​ထပ်မံ ​ပစ်ခတ်မှုတွေ ​လုပ်ခဲ့တာ ​ဖြစ်ပါတယ်။ ​ရဲတွေက ​ပြန်လည် ​ပစ်ခတ်ခဲ့တဲ့အတွက် ​သေနတ် ​သမား ​သေဆုံးသွားပြီ ​ဖြစ်ပါတယ်။

သေနတ်သမားကတော့ ​အသက် ​၃၂ ​နှစ်အရွယ် ​ကနေဒါ ​နိုင်ငံဖွား ​Michael ​Zehaf-Bibeau ​ဖြစ်တယ်လို့ ​ကနေဒါ ​သတင်းတစ်ခုက ​အတည်ပြုပါတယ်။ ​သူဟာ ​လစ်ဗျားနိုင်ငံမှာ ​ဖြစ်ခဲ့တဲ့ ​တော်လှန်ရေးအတွင်း ​ပါဝင်ခဲ့သူလည်း ​ဖြစ်ပါတယ်။ ​အဲဒီ ​တော်လှန်ရေးအတွင်း ​လစ်ဗျားခေါင်းဆောင် ​ကဒါဖီ ​ကျဆုံးခဲ့ရပါတယ်။

အဲဒီ ​သေနတ် ​သမားနဲ့အတူ ​နောက်လူတွေ ​ရှိနိုင်တဲ့အတွက် ​အနီးအနားက ​အဆောက်အဦးတွေအထိ ​ရဲတွေက ​ရှာဖွေမှု ​လုပ်နေပါတယ်။ ​ကနေဒါနိုင်ငံရဲ့ ​ပါလီမန်ဟာ ​လူတိုင်း ​သွားလာနိုင်အောင် ​လုပ်ထားတာဖြစ်ပြီး ​အမေရိကန်လို ​တင်းကြပ်မှု ​မရှိဘူးလို့ ​Canadian ​Press ​သတင်းသမား ​Jennifer ​Ditchbum ​က ​ပြောပါတယ်။

ကနေဒါနိုင်ငံ ​ပါလီမန်ကို ​လူတိုင်းက ​အလွယ်တကူ ​ဝင်ရောက်နိုင်ပြီး ​အဲဒီလို ​အခြေအနေကို ​ကနေဒါ ​နိုင်ငံသားတွေက ​ကြိုက်နှစ်သက်ကြတယ်လို့ ​ဆိုပါတယ်။

လွှတ်တော်အမတ်မဟုတ်တဲ့လူတွေ၊ ​သတင်းသမား ​မဟုတ်တဲ့ ​လူတွေလည်း ​လွှတ်တော်ကို ​လည်ပတ်နိုင်ပြီး ​အဲဒီလို ​လည်ပတ်ဖို့အတွက် ​လုံခြုံရေးတော့ ​ဖြတ်ကျော်ရတယ်လို့ ​ပြောပါတယ်။

ပါလီမန်ကို ​ရဲတွေက ​စောင့်ရှောက်တာမဟုတ်ပဲ ​ပါလီမန် ​လုံခြုံရေးတွေက ​စောင့်ရှောက်တာ ​ဖြစ်သလို ​လွှတ်တော်အမတ်ကိုလည်း ​စောင့်ရှောက်တဲ့ ​အဖွဲ့တွေရှိတဲ့အတွက် ​အခုဆိုရင် ​လုံခြုံရေးအဖွဲ့ ​ပေါင်းစုံက ​အတူတူ ​ပူးပေါင်းနေကြတယ်လို့လည်း ​ပြောပါတယ်။

ပစ်ခတ်မှု ​ဖြစ်နေချိန်ဟာ ​ကနေဒါ ​လွှတ်တော်အမတ်တွေ ​အစည်းအဝေးလုပ်နေချိန် ​ဖြစ်ပါတယ်။ ​အခုအခါမှာတော့ ​ကနေဒါ ​ဝန်ကြီးကို ​လုံခြုံရာနေရာ ​ပို့ဆောင်လိုက်ပြီ ​ဖြစ်ပါတယ်။

ဒီလို ​ပစ်ခတ်မှု ​ဘာကြောင့် ​ဖြစ်ရသလဲ ​ဆိုတာကို ​ကနေဒါရဲတွေက ​ဖြေဆိုဖို့ ​ငြင်းဆိုနေပြီး ​ပါလီမန်အနီးတဝိုက် ​နေထိုင်သူတွေကိုလည်း ​နေအိမ်အတွင်းမှာနေပြီး ​မျက်စိရှင်ရှင် ​သတိနဲ့ ​နေကြဖို့ ​ရဲတွေက ​ပြောပါတယ်။

ကနေဒါ ​နိုင်ငံမှာ ​အကြမ်းဖက်မှု ​ဖြစ်နိုင်တယ်ဆိုပြီး ​အကြမ်းဖက်တပ်လှန့်မှုအဆင့်ကို ​အလယ်အလတ်အဆင့် ​တိုးမြင့်ပြီး ​မကြာခင်မှာပဲ ​အခုလို ​ပစ်ခတ်မှု ​ဖြစ်ပွားခဲ့တာပါ။

အင်္ဂါနေ့တုန်းကလည်း ​Quebec ​ပြည်နယ်မှာ ​မွတ်စလင်ဘာသာကို ​ပြောင်းလဲခံယူခဲ့သူ ​တစ်ဦးက ​ရဲနှစ်ကို ​တမင်တကာ ​ကားနဲ့တိုက်ခဲ့ရာက ​ပစ်သတ်ခံခဲ့ရပါတယ်။

အဲဒီလို ​လုပ်ရပ်ကြောင့် ​ရဲတစ်ဦး ​သေဆုံးပြီး ​နောက်တစ်ဦး ​ဒဏ်ရာရရှိခဲ့ပါတယ်။

ကနေဒါ ​ဝန်ကြီးချုပ်ကတော့ ​ဒီကိစ္စနဲ့ ​ပတ်သက်ပြီး ​မမှုဘူးလို့ ​ပြောပါတယ်။

သြစတြေးလျ ​ပါလီမန်ဟာလည်း ​လူတိုင်းဝင်ရောက်နိုင်ပေမယ့် ​အရင်လတွေကစပြီး ​အကြမ်းဖက်တပ်လှန့်မှု ​အဆင့်မြှင့်ပြီးနောက်ပိုင်း ​လက်နက်ကိုင် ​စစ်သားတွေ၊ ​ရဲတွေ ​လွှတ်တော်တွင်းနဲ့ ​ပြင်ပမှာ ​လုံခြုံရေးယူထားလိုက်ပြီ ​ဖြစ်ပါတယ်။

http://www.radioaustralia.net.au/burmese/2014-10-23/1382113

'Terrorist' murdered soldier 'in cold blood,' Canada's Prime Minister says

Cpl. Nathan Cirillo, shot dead in Ottawa, dreamed of becoming full-time soldier

အော့တ၀ါ ၊ ၂၃-၁၀-၂၀၁၄

ယမန်နေ့ ဒေသ စံတော်ချိန် နံနက် ၉ နာရီ ၅၂ မိနစ် တွင် ကနေဒါနိုင်ငံ အော့တာဝါမြို့ အမျိုးသား လွှတ်တော် ကြားနာနေချိန် နှင့် ကနေဒါနိုင်ငံ ဝန်ကြီးချုပ် စတီဖင်ဟာပါ ရုံးတက် နေချိန်တွင် လွှတ်တော် အဆောက်အအုံ ပရဝဏ်အတွင်း သေနတ် ပစ်ခတ်မှု ဖြစ်ပွားခဲ့ရာ လုံခြုံရေး တပ်ဖွဲ့ဝင် တစ်ဦး သေဆုံး ခဲ့ပြီး သေနတ်သမား ကိုလည်း အသေ ဖမ်းဆီးရမိ ခဲ့ကြောင်း သိရသည်။

သေနတ်သမား တစ်ဦးက အော်တဝါ စစ်ပွဲ အောက်မေ့ဖွယ် ကျောက်တိုင်ကို သေနတ်ဖြင့် ပစ်ခတ်ခဲ့ပြီး ခြေလှမ်း အနည်းငယ်သာ ကွာဝေးသော အမျိုးသား လွှတ်တော် အဆောက်အအုံ ဘက်သို့ ပြေးသွားကာ သေနတ်ဖြင့် အချက်ပေါင်းများစွာ ထပ်မံပစ်ခတ် ခဲ့ခြင်းဖြစ်ပြီး လွှတ်တော်ထဲသို့ ဝင်ရောက် ပျောက်ကွယ် သွားရာ လုံခြုံရေး တပ်ဖွဲ့ဝင် များက တစ်ခန်းဝင်၊ တစ်ခန်းထွက် ရှာဖွေပစ်ခတ် ဖမ်းဆီးခဲ့ ရကြောင်း သိရသည်။

အဆိုပါ ဖြစ်စဉ်ကြောင့် ကနေဒါနိုင်ငံ က အကြမ်းဖက် တိုက်ခိုက်မှု အန္တရာယ်ကို အလယ်အလတ် အဆင့်သို့ တိုးမြှင့် သတ်မှတ် လိုက်ပြီး သေနတ်သမား ကိုလည်း နာရီပိုင်း အတွင်း အသေဖမ်းဆီး ရမိခဲ့ကြောင်း နှင့် ဝန်ကြီးချုပ် လည်း ဘေးမသီ ရန်မခ ထွက်ခွာ နိုင်ခဲ့ကြောင်း သိရသည်။

အကြမ်းဖက် တိုက်ခိုက်မှု အန္တရာယ်ကို အဆင့်တိုးမြှင့် သတ်မှတ် လိုက်ခြင်းကို ISIS စစ်သွေးကြွ အဖွဲ့နှင့် Al-Qaeda တို့က အွန်လိုင်းပေါ်တွင် ပြောင်ပြောင် တင်းတင်း ဆွေးနွေးမှုများ ပြုလုပ်ခဲ့ကြောင်း၊ အကြမ်းဖက် အဖွဲ့များက ကနေဒါနိုင်ငံ တွင်းမှဖြစ်စေ၊ ပြည်ပ မှဖြစ်စေ တိုက်ခိုက်မှုများ ပြုလုပ် လာနိုင်ဖွယ် ရှိသဖြင့် ယခုကဲ့သို့ လုံခြုံရေး အဆင့်ကို တိုးမြှင့် သတ်မှတ်ရခြင်း ဖြစ်ကြောင်း ဝန်ကြီးချုပ်ရုံးမှ ပြောရေးဆိုခွင့် ရှိသူ တစ်ဦးက ပြောကြားသည်။

ကနေဒါနိုင်ငံ တွင် အကြမ်းဖက် တိုက်ခိုက်မှုများ စတင် ဖြစ်ပေါ်လာ နေပြီး အောက်တိုဘာလ ၂၁ ရက် ကလည်း ကွီဘက်မြို့တွင် တပ်ဖွဲ့ဝင် နှစ်ဦးကို မိမိကားပေါ် တင်ဆောင် လာသူက သေနတ်ဖြင့် ပစ်ခတ်ခဲ့ရာ တပ်ဖွဲ့ဝင် တစ်ဦး သေဆုံးပြီး တစ်ဦးဒဏ်ရာ ရရှိခဲ့ရာ ယင်း သေနတ်သမား ကိုလည်း ကွီဘက် ရဲတပ်ဖွဲ့က အသေပစ်ခတ် ဖမ်းဆီး ခဲ့ရသည်။

ကနေဒါနိုင်ငံသည် ISIS စစ်သွေးကြွ များကို ချေမှုန်းရန် အမေရိကန် ဦးဆောင်သော မဟာမိတ် တပ်ပေါင်းစုနှင့် ပူးပေါင်းမည်ဟု ကြေငြာချက် ထုတ်ပြန် ခဲ့ပြီးနောက် ယခုကဲ့သို့ အကြမ်းဖက် တိုက်ခိုက်မှု များကို စတင်ကြုံတွေ့ နေရခြင်း ဖြစ်ကြောင်း သိရသည်။

#PyiChitThar
http://www.pyichitthar.com/2014/10/isis_22.html


ရီယက်ဒ် ၊ ၂၃-၁၀-၂၀၁၄

ကာတာ နှင့် ကူဝိတ်နိုင်ငံ အတွင်းရှိ အမေရိကန် တပ်များကို အကြမ်းဖက် တိုက်ခိုက်ရန် ကြံစည်ခဲ့သည့် စစ်သွေးကြွ အဖွဲ့မှ အဖွဲ့ဝင် ၁၃ ဦးကို ဆော်ဒီအာရေဗျ နိုင်ငံအတွင်း ရှိ တရားရုံး တစ်ခုက အောက်တိုဘာ ၂၁ ရက်တွင် ထောင်ဒဏ် ၁၈ လမှ ၃ဝ နှစ်အထိ ပြစ်ဒဏ် ချမှတ် ခဲ့ကြောင်း သိရသည်။

အယ်လ်ကိုင်ဒါ အဖွဲ့နှင့် ဆက်စပ် နေသည့် အဆိုပါ စစ်သွေးကြွ များသည် ကာတာနိုင်ငံရှိ အမေရိကန် တပ်များကို လက်ပစ်ဗုံး၊ ဒုံးကျည် နှင့် အခြား လက်နက်များဖြင့် တိုက်ခိုက်ရန် အကြမ်းဖက် အဖွဲ့တစ်ဖွဲ့ကို ဖွဲ့စည်း ခဲ့ကြောင်း တရားရုံးက ထုတ်ပြန် ခဲ့သည်။

အဆိုပါ အဖွဲ့တွင် အာဖဂန် တစ်ဦး၊ ကာတာ နိုင်ငံသားတစ်ဦး နှင့် ဆော်ဒီ နိုင်ငံသား ၁၁ ဦး ပါဝင်ကြောင်း သိရသည်။

ထို့ပြင် ၄င်းတို့သည် ကူဝိတ် နိုင်ငံအတွင်းရှိ အမေရိကန်တပ် များကို တိုက်ခိုက်ရန် စီစဉ်ခဲ့ပြီး အကြမ်းဖက် သမားအချို့ကို အီရတ်နိုင်ငံ အတွင်းသို့ စေလွှတ်၍ အကြမ်းဖက် တိုက်ခိုက်မှု သင်တန်းများကို တက်ရောက် သင်ကြား စေခဲ့ကြောင်း ဆော်ဒီ အာဏာပိုင် များက ပြောကြား ခဲ့သည်။

သို့ရာတွင် အဆိုပါ အကြမ်းဖက် သမားတို့ကို မည်သည့် နေရာတွင် ဖမ်းဆီး ရမိခဲ့ကြောင်း ကို အတိအကျ ဖော်ပြခဲ့ခြင်း မရှိဘဲ ဆော်ဒီ တရားရုံးသည် ယင်းအမှုတွင် ပါဝင်ခဲ့သည့် ကာတာနိုင်ငံသား ကို ထောင်ဒဏ် နှစ်ပေါင်း ၃ဝ နှင့် အာဖဂန် နိုင်ငံသားကို ထောင်ဒဏ် ငါးနှစ် ချမှတ်ခဲ့ပြီး ဆော်ဒီနိုင်ငံသား များကိုမူ ထောင်ဒဏ် ၁၈ လမှ ၂၅ နှစ်အထိ ချမှတ် ခဲ့ကြောင်း သိရသည်။

#PyiChitThar
http://www.pyichitthar.com/2014/10/blog-post_34.html



ထိုင်းနိုင်ငံမှာ ဗြိတိန်နိုင်ငံသား ၂ ဦးကို သတ်ဖြတ်မှုနဲ့ ဖမ်းဆီးမေးမြန်းခံရတဲ့ မြန်မာလူငယ် ၂ ယောက်ဟာ စစ်ဆေးရေး ကာလအတွင်း လူ့အခွင့်အရေး ချိုးဖောက်ခံ ရတယ်လို့ ထိုင်း အမျိုးသား လူ့အခွင့်အရေး ကော်မရှင်အဖွဲ့က အောက်တိုဘာ ၂၂ ရက်နေ့မှာ ပြောပါတယ်။

ထိုင်းနိုင်ငံ ခိုတောင်ကျွန်းမှာ ဗြိတိသျှတိုးရစ် ၂ ယောက် သေဆုံးမှုနဲ့ ပက်သက်လို့ ဖမ်းဆီး ခံထားရတဲ့ ကိုဇော်လင်းနဲ့ ကိုဝင်းဇော်ထွန်းတို့ရဲ့ မိဘတွေ၊ ဥပဒေ အထောက်အကူပြု အဖွဲ့တို့နဲ့ ထိုင်းလူ့အခွင့်အရေး ကော်မရှင်တို့ ဘန်ကောက်မြို့မှာရှိတဲ့ မြန်မာသံရုံးမှာ ပြီးခဲ့တဲ့ အောက်တိုဘာ ၂၂ ရက်နေ့က တွေ့ဆုံ ပြီးနောက် ကော်မရှင်အဖွဲ့ဝင်က မီဒီယာတွေကို အခုလို ပြောလိုက်တာပါ။

သက်သေတွေနဲ့ မျက်မြင်တွေရဲ့ ပြောပြချက်ကို သုံးသပ်ပြီး ဒီလို ကောက်ချက်ဆွဲ နိုင်တာလို့ လူ့အခွင့်အရေးကော်မရှင်က ပြောပါတယ်။

ကော်မရှင်အဖွဲ့ဝင် နီရန် ပီတက်ဝပ်ချာရာက ကနဦး စုံစမ်းမှုတွေအရ  မြန်မာလူငယ် ၂ ယောက်ရဲ့ ပြောပြချက်အတိုင်းပဲ စစ်ဆေးရေးကာလအတွင်း ညှဉ်ပန်းနှိပ်စက်ခံရ၊ ခြိမ်းခြောက်ခံရတယ်ဆိုတာ မှန်ကန်တယ်လို့ ပြောပါတယ်။

ဒီအချက်တွေကို အမျိုးသားရဲတပ်ဖွဲ့ရုံးကို အစီရင်ခံစာပို့တဲ့အခါ ထည့်သွင်းမယ်လို့ ပြောပါတယ်။

ဒီအမှုမှာ ထိုင်းရဲတပ်ဖွဲ့ရဲ့ ကိုင်တွယ်ပုံကို ပင်မမီဒီယာတွေနဲ့ လူမှုမီဒီယာတွေက ဝေဖန်နေကြပြီး မြန်မာအလုပ်သမား ၂ ယောက်ဟာ မဆီမဆိုင် ဓားစားခံဘ၀ ရောက်ရတယ်လို့ ယုံကြည်နေကြပါတယ်။

စွပ်စွဲခံထားရတဲ့  မြန်မာလူငယ် ၂ ယောက်ရဲ့ မိဘတွေဟာ အောက်တိုဘာ ၂၂ ရက် နေ့မှာ ဘန်ကောက်ကို ရောက်ပြီး ဒီနေ့မှာတော့ သူတို့သားတွေ အဖမ်းခံထားရတဲ့ ကော့စမွီ တရားရုံး အချုပ်ခန်းဆီကို သွားဖို့ ရှိပါတယ်။

ဗြိတိန်နိုင်ငံသားတွေဖြစ်တဲ့ ဟန်နာ ၀စ်သရိုက် ၂၃ နှစ်နဲ့ ဒေးဗစ်မေလာတို့ရဲ့ အလောင်းတွေကို စက်တင်ဘာ ၁၅ ရက်နေ့က ကော့တောင် ကမ်းခြေမှာ တွေ့ခဲ့ရတာပါ၊

သေမှုသေခင်း စစ်ဆေးချက်တွေအရ သေဆုံးသူ ၂ ယောက်ဟာ ခေါင်းမှာ ဒဏ်ရာ ပြင်းပြင်းထန်ထန် ရခဲ့ပြီး ဟန်နာဟာ ဗလက္ကာယ ပြုခံထားရတယ်လို့ ဆိုပါတယ်။

ဟန်နာဆီမှာ တွေ့ရတဲ့ ဒီအန်အေနဲ့ မြန်မာလူငယ် ၂ ယောက်ရဲ့ ဒီအန်အေဟာ တူညီတယ်လို့ ရဲအဖွဲ့က ဒီလထဲမှာ ပြောထားပါတယ်။ အခုအထိတော့ စွပ်စွဲခံရတဲ့ လူငယ် ၂ ယောက်စလုံးကို ရုံးတင်အမှုစွဲတဲ့ အဆင့်မရောက်သေးပါဘူး။

လူငယ်နှစ်ယောက်ကလည်း အမှုကို သူတို့ ကျူးလွန်ခဲ့ခြင်း မရှိဘူးလို့ ထိုင်းရှေ့နေများ ကောင်စီကို ပြောထားပါတယ်။

အစောပိုင်းက ၀န်ခံခဲ့တာဟာလည်း အကျပ်ကိုင်ခံရတာကြောင့်လို့  ပြောပြီး တရားမျှတမှု ရဖို့ တောင်းဆိုထားပါတယ်။

ဘန်ကောက်မှာရောက်နေတဲ့ မြန်မာလူငယ် ၂ ဦးရဲ့ မိဘအုပ်ထိန်းသူတွေကလည်း ထိုင်းဘုရင်မင်းမြတ်၊ ထိုင်းအစိုးရနဲ့ ထိုင်းပြည်သူတွေကို တရားဥပဒေအရ မျှမျှတတ ဆောင်ရွက်ပေးဖို့ မနေ့က သတင်းစာရှင်းလင်းပွဲမှာ မေတ္တာရပ်ခံထားပါတယ်။

By ဒီဗွီဘီ
http://burmese.dvb.no/archives/68692



တရုတ်နိုင်ငံတွင်းက ကင်ဆာရောဂါကု ဌာနတစ်ခု။

လူ့ခန္ဓာကိုယ်ထဲက တခြားကလာပ်စည်းတွေကို မထိခိုက်စေဘဲ ကင်ဆာ ကလာပ်စည်းတွေကို သတ်ပစ်ဖို့ အသုံးပြုနိုင်တဲ့ ဗိုင်းရပ်စ် တမျိုးကို ရှာဖွေတွေ့ရှိပြီး စမ်းသပ်နေတယ်လို့ တရုတ် သိပ္ပံပညာရှင် အဖွဲ့တဖွဲ့က ပြောလိုက်ပါတယ်။

M1 လို့ နာမည်ပေးထားတဲ့ ဗိုင်းရပ်စ်ကို တရုတ်တောင်ပိုင်း ဟိုင်နန်းပြည်နယ် မှာတွေ့ရတဲ့ ခြင်တမျိုးဆီကနေ ထုတ်ယူတာလို့ နိုင်ငံပိုင် သတင်းဌာနက ပြောပါတယ်။ အသည်း၊ ဆီးအိမ်၊ အူမနဲ့ စအိုလမ်းကြောင်းတွေမှာ ကင်ဆာကလပ်စည်းတွေ ဖြစ်မလာအောင် တားဆီးဖို့ ဗိုင်းရပ်စ်ကို အသုံးပြု ကြည့်ပြီးပါပြီ။ အခုချိန်ထိကတော့ ကြွက်မှာပဲ စမ်းသပ်ရပါသေးတယ်။

နောက်သီတင်းပတ်ကစပြီး ဗိုင်းရပ်စ်ကို မျောက်တွေမှာ စမ်းသပ်ဖို့ သိပ္ပံပညာရှင်တွေက စီစဉ်ထားတယ်လို့ နိုင်ငံပိုင် တရုတ် နိုင်ငံတကာရေဒီယိုက ဒီကနေ့ပြောပါတယ်။

တရုတ်နိုင်ငံမှာ နှစ်စဉ် လူပေါင်း နှစ်သန်းခွဲလောက်ဟာ ကင်ဆာရောဂါ နဲ့ သေဆုံးကြရပါတယ်။ တရုတ်ဟာ ကမ္ဘာပေါ်မှာ ဆေးလိပ်သောက်သုံးမှုနှုန်း အများဆုံးနိုင်ငံတခုဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com/content/china-cancer-treatment/2493450.html

Author Name

Contact Form

Name

Email *

Message *

Powered by Blogger.