10/27/14



အလွတ်တန်းသတင်းထောက် ကိုပါကြီးပျောက်သွားတာ စက်တင်ဘာလကုန်ပိုင်း၊ ဘယ်ရောက်နေလဲ တစွန်းတစပေါ်လာတာက သူ့ဇနီးမသန္တာကိုယ်တိုင် နောက်ဆုံးမြင်လိုက်ရတယ်ဆိုတဲ့ ကျိုက်မရောကို သွားစုံစမ်းမှ၊ နယ်မြေခံစစ်တပ် ခလရ (၂၀ဂ) ကဖမ်းသွားတယ်လို့ မျက်မြင်သက်သေတွေပြောစကားအရ သိလာရတယ်လာတယ်။ ဖမ်းသွားတဲ့ဗိုလ်ကြီးစိုးမင်းအောင်ကိုမေးတော့ သူကဖမ်းယုံဖမ်းတာ ကျန်တာသူမသိဘူးလို့ ပြောင်လိမ်တယ်။ ဖမ်းပြီးစစ်တဲ့အထဲမှာ ပြည်နယ်အစိုးရ နယ်လုံဝန်ကြီးဆိုသူ စစ်တပ်ကလူကြီးပါတယ်လို့ပြောလို့ ဖုန်းဆက်မေးတော့ သူမသိဘူး စစ်ရုံးချုပ်ကိုမေးလို့ ပြောပြန်တယ်။

နိုင်ငံသားတယောက်ခုလို စိုးရိမ်စရာအခြေအနေနဲ့ ပျောက်ဆုံးနေတာကို သူတို့ချင်းအဝေမတဲ့လို့ ပြဿ.....နာဖြစ်နေတဲ့ ဗိုလ်ဆန်းဆင့်အတွက် ဝိုင်းပြီးစိုးရိမ်ပူပန်ကြတဲ့ ပြည်သူ့လွှတ်တော်အမတ်မင်းမျာကလဲ ဘာတခွန်းမှမပြောသလို ဘယ်နိုင်ငံရေးပါတီကမှလဲဘာကျေညာချက်မှတောင်းဆိုထုတ်ပြန်တာမရှိပေမယ့် လူမှုသတင်းကွန်ယက်တွေကတဆင့် နိုင်ငံတကာသတင်မီဒီယာတွေဆီရောက်သွားမှ တရားခံတွေက ခိုးကြောင်ခိုးဝှက်ဝန်ခံလာတယ်။ တံဆိပ်မပါ လက်မှတ်မပါ ဘယ်သူတာဝန်ခံမှန်းမသိတဲ့ နေရာကနေ စာနယ်ဇင်းအဖွဲ့လား သမဂ္ဂလားဆီကို ကိုပါကြီးအကြောင်း အသိပေးထုတ်ပြန်ချက်လိုလို ပစ်စာလိုလို စာတစောင်ရောက်လာတယ်။

စာအရ ကျိုက်မရောနယ်မြေခံစစ်တပ်က KKO အဖွဲ့က ဗိုလ်ကြီးအောင်နိုင် ခေါ် ကိုပါကြီးကို ဖမ်းဆီးစစ်ဆေး ထိန်းသိမ်းထားစဉ် အစောင့်စစ်သားဆီက သေနတ်လုပြီး ပြေးဖို့လုပ်လို့ ပစ်သတ်လိုက်ရတယ်လို့ဆိုတယ်။ ပြောတော့တပ်မတော်ဆိုတာ စစ်စည်းကမ်းကဘယ်လို အထက်အောက်အမိန့်ကဘယ်လိုနဲ့ သောက်ကြီးသောက်ကျယ်ပြောပြီး လူတယောက်လုံးကို အကြောင်းမဲ့ မင်္သကာယုံနဲ့ ဖမ်းဆီးသတ်ဖြတ်ခဲ့တာကိုတောင် လူတောမတိုးတဲ့ မိန်းမရွှင် တံခါးကြားစာလာထိုးပေးသလို သူရဲဘောကြောင်ကြောင် သတင်းထုတ်ပေးလာတယ်။

ခုလဲဇနီးလုပ်သူက သူခင်ပွန်းသည် အသတ်ခံရတာကို ရဲစခန်းမှာအမှုဖွင့်ဖို့လုပ်တော့ ကျုိုက်မရော ရဲစခန်းမှုကပြောသတဲ့ "ကျိုက်မရောမြို့မရဲစခန်းမှ စခန်းမှုးမှ ကိုပါကြီးအမှုကိုအမှုဖွင့်လက်မခံပါ အထက်အဖွဲ့အစည်းကညွှန်ကြားထားလို့လက်မခံရခြင်းဖြစ်ကြောင်းနှင့် အထက်အဖွဲ့အစည်းရဲ့နာမည်ကိုမပြောနိုင်ပါတဲ့"။ သူများအသက်တော့ ကြက်ကလေး ငှက်ကလေးလို လက်ရဲဇက်ရဲ နှိပ်စက် ညှင်းပမ်းသတ်ဖြတ်ဝံ့သလောက် သူတို့အလှဲ့ကျ ကြောက်တတ်လိုက်တာ၊ အတော်ရိုင်းစိုင်းယုတ်ညံ့ပြီး သူရဲဘောကြောင်တဲ့လုပ်ရပ်၊ နိုင်ငံတကာအလယ်မှာ ဗမာဆိုတာ တိရိစ္ဆာန်သာသာလောက်ပဲ ယဉ်ကျေးမှုအဆင့်အတန်းရှိတဲ့လူမျိုးဖြစ်အောင် သိက္ခာချတဲ့လုပ်ရပ်လဲဖြစ်တယ်။

ထိုင်းနိုင်ငံမှာ ဖောက်ပြန်လာဒ်စားတဲ့ ပုလိပ်တွေလူမိုက်ဂိုဏ်တွေကျူးလွန်တဲ့ လူသတ်မှုကို ဗမာရွေ့ပြောင်းအလုပ်သမားလေးတွေကို ဓားစာခံလုပ်တော့ အမှန်တရားကိုမြတ်နိုးတဲ့ ထိုင်းနိုင်ငံသားတွေကော နိုင်ငံတကာကပါ ဝိုင်းဝန်းထောက်ပြခဲ့တာကြောင့် တစုံတရာ တရာမျှတမှုဖြစ်ဖို့ အလားအလာတွေဖြစ်လာရတယ်။ သူတပါးနိုင်ငံမှတောင်ဒီလိုအခြေနေတွေရခဲ့ပါလျက်နဲ့ ဗမာပြည်သားတယောက်က ဗမာပြည်ထဲမှာ အသက်ဆုံးရတဲ့အဖြစ်အတွက် အမှန်တရားကိုငြင်းယ်ခံနေရတယ်။ ငြင်းပယ်ဖိနှိပ်နေတာကလဲ ကိုယ့်နိုင်ငံရဲ့ သူတို့ကိုယ်သူတို့ အစိုးရလို့ပြောနေတဲ့ အာဏာပိုင်တွေနဲ့ လူထုရိက္ခာစားနေတဲ့စစ်တပ်။ ဒါနဲ့များသူကိုယ်သူတို့ လူထုရွေးကောက်ထားတဲ့ ဒီမိုကရေစီအစိုးရလို့ ကြွားချင်ကြသေးတယ်။

ကိုပါကြီးအသက်သေဆုံးခဲ့ပေမယ့် ဒီမိုကေ၇စီဆိုင်းဘုတ်အောက်မှာ သုံးလေးနှစ်လောက် ပုန်းအောင်းနေတဲ့ ဖက်ဆစ်စစ်ဘီးလူးရဲ့ ဇာတိရုပ်ကို ဗမာပြည်တင်မက နိုင်ငံတကာမှာ ဖွင့်ချနိုင်ခဲ့တယ်။ ၂၀၀၈ ဖွတ်ချီးပုံထဲမှာ နစ်မြောနေသူတွေကို ပုတ်နိုးနိုင်ခဲ့တယ်။ နိုးနေ သိနေပါရက်နဲ့ ဆက်ပြီးအိတ်ချင်ယောင်ဆောင်သူတွေဟာ စစ်ဘီလူးရဲ့ စစ်ရာဇဝတ်မှု အလိုတူ သဘောတော်ပါတွေအဖြစ် ဖော်ထုတ်နိုင်ခဲ့တယ်။

ဒါ့အပြင် သတင်းမီဒီယာလောကထဲက စစ်အာဏာရှင် ခရိုနီဒမြတွေရဲ့ အရိုးအရင်းကိုက် လုပ်စားသတင်းသမားတွေလဲပွင့်ကျသွားစေခဲ့တယ်။ ထိုင်းက ဓားစာခံကလေးနှစ်ယောက်ကိစ္စတုန်းက အတည်ပေါက်နဲ့ မျိုးချစ်လိုလို ဂိုက်ပေးနေကြတဲ့ သတင်းဂျာနယ်တွေ သတင်းသမားတွေလဲ ငြိမ်ကျသွားတယ်။ တချို့ကတော့ သူ့ဆန်စားရဲမှဆိုတော့ လှည်းကျိုးထမ်းထွက်လာကြတယ်။ သူတို့က စစ်ရာဇဝတ်ကောင်တွေထုတ်ပေးတဲ့ သတင်းအတိုင်း ကိုပါကြီးရဲ့ အလွတ်တန်သတင်းထောက်ဖြစ်မှုကို မယုံသလိုလို ဆန်းစစ်သလိုလို သတင်းရေးကြတယ်၊ သူတို့ လူမှုကွန်ယက်တွေမှာတင်ကြတယ်။ ဒီလိုနဲ့သူတို့ဟာ သူတို့ရဲ့ကျေးဇူးရှင် စစ်ဒမြခရိုနီတွေကို အပြိုင်ဖော်လံဖားနေကြတယ်။ မူလတည်းက စစ်ထောက်လှမ်းရေးတွေနဲ့ပေါင်းရိုက်ထားတဲ့ ဗမာ့လူ့အဖွဲ့အစည်းရဲ့ လူ့မစင်တွင်း အီးဂရက်ပေါက် လောက်ကောင်တွေလဲ ရွစိရွစိနဲ့ပြန်ပေါ်လာကြပြန်တယ်။ သူတို့စွပ်ထားတဲ့ ပြုပြင်ပြောင်းလဲရေးသမား ဒီမိုကရက်လိုလို သတင်းသမားလိုလို မျက်နှာဖုံးတွေကွာကျကုန်တယ်။

သတင်းလောကထဲမှာသာ ခိုမှီလုပ်စားနေကြတယ်၊ အလွတ်တန်းသတင်းထောက်ရဲ့ သဘောအဓိပ္ပာယ်ကိုတောင် နားမလည်ပဲ နိုင်ငံရေးနဲ့ ပါတ်သက်တဲ့ ကိုပါကြီးက သတင်းသမား မသတ်မှတ်သင့်လေဟန် ပြောကြရေးနေကြတယ်။ အသိမဲ့တော့အရှက်လဲမရှိနိုင်တော့တာသဘာဝတော့ကျပါတယ်။

သတင်းသမားဆိုတာဘာလဲ။ ဒီနေ့ခေတ်မှာ တိုးတက်လာတဲ့ သတင်းဆက်သွယ်ရေးနည်းပညာများနဲ့အတူ ပေါ်ပေါက်ခေတ်စားလာတာက လူထုထဲက သတင်းသမား ( Citizen journalist) အလွတ်တန်းသတင်းသမား ( freelance journalist) ဆိုတာတွေပဲ။ ဟိုတုန်းကလို သတင်းစာတိုက်တွေနဲ့ တိုက်ရိုက်ချိတ်ဆက်ခန့်ထားတာမဟုတ်ပဲ ကိုယ်ဟာကို ကိုယ်ပတ်ဝန်းကျင်မှာတွေမြင်တာတွေထဲက ကောင်းနိုးရာရာ စိတ်ဝင်စားဖွယ်အကြောင်းအရာတွေကို လူမှုကွန်ယက်ကနေဖြစ်စေ သတင်းတိုက်ကြီးတွေကသဘောကျလို့ အခပေးဝယ်ယူပြီး သူတို့ သတင်းဂျာနယ်တွေကဖြစ်စေ ဖော်ပြနိုင်ပေးတဲ့ တင်ဆက်ပေးနေတဲ့သူတွေက လူထုသတင်းသမား ( Citizen journalist)တွေဖြစ်တယ်။ သူတို့က တခြားအသက်မွေးဝမ်းကြောင်းအလုပ်ကိုလုပ်ရင်း သတင်းအလုပ်ကို ဝါသနာအရတဖက်တလမ်းက အပျော်တမ်းလုပ်တာဖြစ်တယ်။

အလွတ်တန်းသတင်းသမား ( freelance journalist ) ဆိုတာကလဲ သတင်းတိုက်ကြီးတွေနဲ့ အမြဲတန်း သဘောတူချုပ်ဆိုလုပ်ကိုင်တာမျိုးမဟုတ်ပဲ မိမိစိတ်ဝင်စားရာ အကြောင်းအရာနယ်တခုခုကို အာရုံစိုက် လေ့လာထောက်လှမ်းပြီး သတင်း၊ မှတ်တမ်း သုတေသနစစ်တမ်းတွေ ရေးသားပြုစုထုတ်ဝေတဲ့အလုပ်ကို အသက်မွေးဝမ်းကြောင်းမှုအလုပ်လို လုပ်တဲ့သူတွေပဲဖြစ်တယ်။ သူတို့ရေးထုတ်တဲ့ သတင်း၊ စာတမ်းတွေကို သတင်း ဂျာနယ် မဂ္ဂဇင်းတွေကသာမကပဲ စပ်ဆိုင်ရာနယ်ပယ်က အသင်းအဖွဲ့နဲ့ စီးပွားရေးလုပ်ငန်း ကုမ္ပဏီတွေကပါ အခကြေးငွေပေး အသုံးပြုကြတယ်။ တခါတလေမှာလဲ စပ်ဆိုင်ရာနယ်ပယ်က အသင်းအဖွဲ့နဲ့ စီးပွားရေးလုပ်ငန်း ကုမ္ပဏီတွေက သက်ဆိုင်ရာ အလွတ်တန်းသတင်းသမားကို သူတို့လိုချင်တဲ့ သတင်းအချက်နဲ့ သုတေသနလေ့လာရေးစာတမ်းတွေ လုပ်ပေးဖို့ကန်ထရိုက်ပေး ခိုင်းစေကြတယ်။

အလွတ်တန်းသတင်းသမား ( freelance journalist )တယောက်ဟာ နိုင်ငံရေးအမြင်ရှိသူလဲဖြစ်နိုင်သလို၊ သဘာဝန်းကျင်ကိုစိတ်ဝင်စားသူ ကာကွယ်ထိန်းသိမ်းတဲ့ လှုပ်ရှားတက်ကြွသူလဲဖြစ်နိုင်တယ်။ ရှေးဟောင်းသုတေသနကိုစိတ်ဝင်စားသူလဲဖြစ်နိုင်၊ ကျေးငှက်လေ့လာသူလဲဖြစ်နိုင်တယ်။ စိုက်ပျိုးရေးကိုလေ့လာအထူးပြုသူလဲဖြစ်နိုင်တယ်။

ဒီလိုအလွတ်တန်းသတင်းသမားရဲ့ သဘောအဓိပ္ပာယ်ကိုမသိလို့ပဲဖြစ်စေ သိရက်နဲ့ပဲဖြစ်စေ စစ်အာဏာရှင်တွေရဲ့ ရာဇဝတ်မှုကိုပေါ့သွားအောင် ကိုပါကြီးက သတင်းသမားဟုတ်ရဲ့လားလို့ဆန်းစစ်ကြချင်တဲ့ ငြင်းပယ်ကြချင်တဲ့ သတင်းသမားဆိုသူတွေဟာ အမည်ခံသက်သက်သာဖြစ်ပြီး သူတို့ရဲ့ မူလဇာတိရုပ်ကတော့ စစ်အာဏာရှင်ဖော်လံဖား လုပ်စားများသာဖြစ်ကြောင်း လယ်ပြင်ဆင်သွားသလို ထင်ရှားပါတယ်။
ဒါဟာကိုပါကြီးအသက်ပေးလို့ ရလိုက်တဲ့ အဖိုးအခပါဘဲ....

ရဲဘော်ကျော်သန်း


အလွတ်သတင်းထောက် ကိုပါကြီးအတွက် တရားမျှတစွာ စုံစမ်းစစ်ဆေးဖို့ ဆူးလေးစေတီအနီး ဆန္ဒပြတောင်းဆိုနေတဲ့ပြည်သူများ။ (ဓာတ်ပုံ အံ့ဘွယ်ကျော်၊ အောက်တိုဘာ ၂၆၊ ၂၀၁၄)

အလွတ်သတင်းထောက် ကိုပါကြီး ပျောက်ဆုံး၊ သေဆုံးမှု တရားမျှတစွာ ဖြေရှင်းဖို့ တောင်းဆိုဆန္ဒဖော်ထုတ်နေတဲ့ ၈၈ မျိုးဆက် မင်းကိုနိုင် (အောက်တိုဘာ ၂၆၊ ၁၄) ဓာတ်ပုံ အံ့ဘွယ်ကျော်


စစ်တပ်က ဖမ်းဆီးပြီး သေဆုံးသွားပြီလို့ သတင်းထုတ်ပြန်ခဲ့တဲ့ တက်ကြွလှုပ်ရှားသူ တစ်ဦးလည်းဖြစ်၊ အလွတ်တန်း သတင်းထောက်လည်း ဖြစ်တဲ့ ကိုပါကြီးရဲ့ဖြစ်ရပ်နဲ့ ပတ်သက်ပြီး အမှုမှန် ပေါ်ပေါက်ဖို့ တာဝန်ရှိသူတွေက စုံစမ်းရေး ကော်မရှင် တရပ်ဖွဲ့ပေးဖို့ ဒီကနေ့မှာ ၈၈ မျိုးဆက် ငြိမ်းချမ်းရေးနဲ့ ပွင့်လင်း လူမှုအဖွဲ့အစည်းက ခေါင်းဆောင်ပိုင်းတွေက ဆန္ဒဖော်ထုတ် တောင်းဆို လိုက်ပါတယ်။ ကိုပါကြီး ဖြစ်ရပ်ကို အမှုမှန်အတိုင်း မဖော်ထုတ်နိုင်ခဲ့ရင် ပြည်သူတွေ အပေါ်မှာ စစ်တပ်က တရားမဲ့ လုပ်ရပ်တွေ ထပ်ပြီး လုပ်လာနိုင်တဲ့အတွက် ငုံ့မခံကြဖို့ ကိုလည်း ၈၈ ကျောင်းသားတွေက တိုက်တွန်း လိုက်ပါတယ်။ အပြည့်အစုံကိုတော့ ဆူးလေမြို့တော်ခန်းမရှေ့မှာ ဗွီအိုအေမြန်မာပိုင်းသတင်းထောက် ကိုအောင်ရဲမောင်မောင်က ကိုယ်တိုင် သွားရောက် သတင်းယူထားပါတယ်။

…နိုင်ငံသားအတွက် လုံခြုံရေး၊ တို့အရေး၊ တို့အရေး…

…နိုင်ငံသားများ လုံခြုံရေး၊ တို့အရေး၊ တို့အရေး…

တက်ကြွလှုပ်ရှားသူလည်းဖြစ်၊ အလွတ်တန်းသတင်းထောက်တစ်ဦးလည်းဖြစ်တဲ့ ကိုအောင်ကျော်နိုင် (ခေါ်) ကိုပါကြီးဟာ စစ်တပ်က ဖမ်းဆီးထားရာကနေ ထွက်ပြေးဖို့ သေနတ်လုတာကြောင့် ပစ်ခတ်မှုအတွင်း သေဆုံးသွားခဲ့တဲ့အကြောင်း ကာကွယ်ရေးဝန်ကြီးဌာနဘက်က သတင်းထုတ်ပြန်ခဲ့တာပါ။ အခုလို ကိုပါကြီးသေဆုံးခဲ့မှုနဲ့ပတ်သက်ပြီးတော့ စစ်တပ်ဘက်က ထုတ်ပြန်မှုအပိုင်းမှာ လိုအပ်ချက်တွေ ရှိနေသလို ကိုပါကြီးရဲ့ဖြစ်ရပ်ဟာ လူသတ်၊ အလောင်းဖျောက်ပုံစံ ဖြစ်နေတဲ့အတွက် တရားမျှမျှတတဖြစ်ဖို့ စုံစမ်းရေးကော်မရှင်တရပ်ကို စစ်တပ်ဘက်ကရော အုပ်ချုပ်ရေးဘက်ကပါ အမြန်ဖွဲ့ပေးဖို့ ဒီကနေ့ ဆူးလေခန်းမရှေ့မှာ တက်ကြွလှုပ်ရှားသူတွေနဲ့ အရပ်ဘက်လူမှုအဖွဲ့အစည်း ၃၀ ကျော်က တောင်းဆို ဆန္ဒထုတ်ဖော်ခဲ့ပါတယ်။

စစ်တပ်ဘက်ကတော့ ကိုပါကြီးရဲ့ရုပ်အလောင်းကို မြေမြှုပ်သင်္ဂြိုဟ်ပြီးဖြစ်ကြောင်း ပြောပါတယ်။ ဒါပေမယ့် ဒီကနေ့ ဆန္ဒထုတ်ဖော်ပွဲမှာတော့ ကိုပါကြီးရဲ့ ရုပ်အလောင်းကို စုံစမ်းစစ်ဆေးမှုတွေ မျှမျှတတလုပ်ဆောင်ဖို့ (၈၈) ကျောင်းသားခေါင်းဆောင် ကိုမင်းကိုနိုင်က တောင်းဆိုလိုက်ပါတယ်။

“ဒီအလောင်းကို အခုနောက်ဆုံး ပြန်အပ်ပြီးတော့ စုံစမ်းစစ်ဆေးတဲ့ကော်မရှင်က လွတ်လပ်မျှတရမယ်၊ ကျွမ်းကျင်မှု ရှိရမယ်၊ ကျနော်တို့က မျက်ခြေမပြတ်အောင်လည်း စောင့်ကြည့်မယ်။ နောက်ဆုံးအနှစ်ချုပ်ကို ကျနော်တို့ ပြောပါမယ်၊ ယခုလို စုဝေးရခြင်းဟာ လူပုဂ္ဂိုလ်တစ်ဦးတစ်ယောက်တည်းအတွက် မကပါဘူး၊ ကျနော်တို့တိုင်းပြည်ဟာ အထက်ကနေပြီးတော့ ဆိုင်းဘုတ်လှလှတွေတင်တယ်၊ အသံကောင်းကောင်းတွေ လွှင့်တယ်။ ပြောင်းလဲနေပြီ၊ ပြောင်းလဲနေပြီလို့ ပြောသော်ငြားလည်း တကယ့်တကယ်ကျတော့ အထူးသဖြင့် လက်နက်ကိုင်ထားတဲ့ တပ်ဖွဲ့တွေဟာ စိတ်ကြိုက်လုပ်ဖို့ ကြိုးစားနေတုန်းပဲ၊ လွယ်လွယ်ကူကူနဲ့ အနိုင်ကျင့်နေတုန်းပဲဆိုတာကို ကျနော်တို့ နံပါတ် (၁) ဖော်ထုတ်တယ်၊ အဲဒါအားလုံးဟာ တရားဥပဒေစိုးမိုးမှု ကင်းနေတယ်ဆိုတာ ဖော်ထုတ်တယ်။”

(၈၈) ငြိမ်းချမ်းရေးနဲ့ ပွင့်လင်းလူမှုအဖွဲ့အစည်းအပါအဝင် အရပ်ဘက်လူမှုအဖွဲ့အစည်း  (၃၀) ကျော်တို့ ဒီကနေ့ ဆန္ဒထုတ်ဖော်ရတာဟာ ကိုပါကြီး အသတ်ခံရမှု ဖြစ်ရပ်မှန် ပေါ်ပေါက်ရေးအတွက် ဖြစ်တယ်လို့ (၈၈) မျိုးဆက် ကျောင်းသားခေါင်းဆောင် ကိုကိုကြီးကလည်း ပြောပါတယ်။

“ကိုပါကြီးဟာ ကျနော်တို့ ဖော်ထုတ်နိုင်လို့၊ ကျနော်တို့သိရှိလို့ အခုလို စုဝေးခွင့်ရတဲ့ ပုဂ္ဂိုလ်တစ်ယောက်ပဲဖြစ်ပါတယ်။ သူ့လိုမျိုး ဖော်ထုတ်ခွင့်မရဘဲနဲ့ လူမသိ သူမသိ အဲသလို သေကြေသွားတဲ့၊ အဲသလို ညှင်းပမ်းနှိပ်စက်ခံရတဲ့ နိုင်ငံသားအားလုံးကို ကိုယ်စားပြုပြီးတော့ ကျနော်တို့ ကန့်ကွက် ဆန့်ကျင် နေတာ ဖြစ်ပါတယ်။”

သမ္မတဦးသိန်းစိန်အစိုးရအနေနဲ့ ဒီမိုကရေစီအသွင်ကူးပြောင်းရေးကို သွားနေတယ်လို့ ပြောနေပေမယ့် လက်တွေ့မှာ သူ့ရဲ့လုပ်ရပ်တွေကတော့ ဘာမှ မပြောင်းလဲဘူးလို့ ကိုကိုကြီးက ဆက်ပြောပါတယ်။

“ဒီကနေ့ ကျနော်တို့နိုင်ငံဟာ နိုင်ငံတကာအလယ်မှာ ကျနော်တို့နိုင်ငံက ဒီမိုကရေစီပြောင်းလဲရေးဟာ စံပြပုံစံပဲဖြစ်သလို လိုမျိုး အလွန်အကျွံ ချီးကျူးနေကြတာတွေ ရှိတယ်။ အဲဒီအချိန်မှာ ကျနော်တို့ နှစ်ပေါင်းများစွာအထိ ထောင်ထဲမှာ နေထိုင်ခဲ့ရတဲ့ (၈၈) မျိုးဆက်တွေ၊ နိုင်ငံရေးလုပ်ဖော်ကိုင်ဘက်တွေကလည်းပဲ ကျနော်တို့ခံစားခဲ့ရတာတွေကို မျိုသိပ်ပြီးတော့ အမျိုးသားပြန်လည်သင့်မြတ်ရေးအတွက် အတတ်နိုင်ဆုံး တွေ့ဆုံဆွေးနွေးဖို့ ကျနော်တို့ ကြိုးစားနေတဲ့အချိန်မှာ အခုလိုမျိုး ချိုးဖောက်မှုတွေ၊ သတ်ဖြတ်မှုတွေဟာ ဆက်ပြီးတော့ ဖြစ်နေဆဲဖြစ်တယ်ဆိုတာကို ပေါ်ပေါ်ထင်ထင် ထင်ထင်ရှားရှာ ဖော်ပြနေတာ ဖြစ်ပါတယ်။”

ဒီကနေ့ ဆန္ဒထုတ်ဖော်ပွဲကို လေးနာရီကနေ ငါးနာရီအထိ ၁ နာရီနီးပါးကြာအောင် ထုတ်ဖော်ခဲ့ကြတာပါ။ ဒီလိုဆန္ဒပြမယ်ဆိုတာကို သက်ဆိုင်ရာ ရဲတပ်ဖွဲ့ကို စာတင်အကြောင်းကြားထားပေမယ့်လည်း ဆန္ဒပြပွဲလုပ်နေရာကို ရဲအရာရှိတွေက လာရောက်တားမြစ်ဖို့ ကြိုးစားတဲ့အတွက် ဆန္ဒထုတ်ဖော်သူတွေက သူတို့ကို ထိပ်တိုက်ရင်ဆိုင်ခဲ့ကြပါတယ်။ ဒါကြောင့် လာရောက်တားဆီးတဲ့ ရဲတပ်ဖွဲ့ဝင်တွေ ပြန်လည်ထွက်ခွာသွားခဲ့ရပါတယ်။ (၈၈) မျိုးဆက် ကျောင်းသားခေါင်းဆောင်တွေကတော့ (၈) လေးလုံးအရေးတော်ပုံကြီးဖြစ်ခဲ့တုန်းက ကိုဘုန်းမော်ရဲ့ဖြစ်ရပ်နဲ့ အခု ကိုပါကြီးရဲ့ ဖြစ်ရပ်တို့ကို နှိုင်းယှဉ်ပြီး ပြောခဲ့ကြပါတယ်။

၁၉၈၈ အရေးတော်ပုံတုန်းကလို ဖြစ်ရပ်မျိုးပြန်မရောက်ဖို့ ဒီကိစ္စကို ကျူးလွန်သူကို ထိထိရောက်ရောက် ဖော်ထုတ်အရေးယူပြဖို့လိုတယ်လို့လည်း သူတို့က တောင်းဆိုခဲ့ပါတယ်။ ၈၈ တုန်းကလို ဖြစ်ရပ်မျိုး ထပ်ဖြစ်မလာဖို့ တာဝန်အရှိဆုံးကတော့ လက်ရှိ တိုင်းပြည်ကို အုပ်ချုပ်နေတဲ့အစိုးရနဲ့ စစ်တပ်ခေါင်းဆောင်တွေ ကောင်းကောင်း ကိုင်တွယ်နိုင်မှုက အရေးအကြီးဆုံးဖြစ်တယ်လို့ ရှုမြင်တဲ့အကြောင်း Generation Wave အဖွဲ့က ကိုမိုးသွေးက ပြောပါတယ်။ ၈၈ အပါအဝင် အရပ်ဖက်လူမှုအဖွဲ့အစည်းတွေရဲ့ ဒီကနေ့ ဆန္ဒပြထုတ်ဖော်မှုဟာဆိုရင် သမ္မတဦးသိန်းစိန်သက်တမ်းအတွင်း အပြင်းထန်ဆုံး တောင်းဆိုတဲ့ ဆန္ဒပြပွဲတခုလည်း ဖြစ်ပါတယ်။

အောင်ရဲ မောင်မောင် / ဗွီအိုအေ (မြန်မာပိုင်း)
http://burmese.voanews.com/content/cival-society-groups-and-88-generation-protest-over-murder-of-ko-pargyi-at-sule-hall-/2496901.html

Author Name

Contact Form

Name

Email *

Message *

Powered by Blogger.