10/31/14

အလွတ်သတင်းထောက် ကိုပါကြီးကို စစ်တပ်က ဖမ်းဆီးသတ်ဖြတ်လိုက်တဲ့ကိစ္စအတွက် မြန်မာအစိုးရ အလုံးစုံတာဝန်ယူဆောင်ရွက်ပေးဖို့ လိုအပ်ကြောင်း ပြင် သစ်နိုင်ငံအခြေစိုက် RSF ခေါ် နယ်စည်းမခြား သတင်းထောက်များအဖွဲ့ က ပြောလိုက်ပါတယ်။

အခုလို သတင်းထောက်တွေ သတ်ဖြတ်ခံရတာဟာ ၂၀၁၁ ခုနှစ် မတိုင်ခင်ပေါ်ပေါက်ခဲ့တဲ့ မြန်မာစစ်အစိုးရ ရဲ့ လုပ်ရပ်တွေကို ပြန်အမှတ်ရသွားစေခဲ့သလို၊ ကိုပါကြီးအတွက်လဲ အထူးစိတ်မကောင်း ဝမ်းနည်း ရကြောင်း ကိုပါကြီးရဲ့ ကျန်ရစ်သူမိသားစုနဲ့ စာနယ်ဇင်း လုပ်ဖော်ကိုင်ဖက်မိတ်ဆွေတွေကို RSF အဖွဲ့ က ပြောပါတယ်။

ဒီဖြစ်ရပ်ဟာ မြန်မာအစိုးရရဲ့ နောက်ကြောင်းပြန်တဲ့ လုပ်ရပ်တစ်ခုဖြစ်နေတယ်လို့လည်း RSF အဖွဲ့ရဲ့ အာရှ-ပစိဖိတ်ဒေသဆိုင်ရာတာဝန်ခံ Benjamin Ismail က ပြောပါတယ်။

ညှင်းပမ်းနှိပ်စက်သတ်ဖြတ်မှုတွေ အဆုံးသတ်အောင်ကြိုးစားဖို့ မြန်မာအစိုးရကို ထပ်မံသတိပေးတယ်လို့လည်း RSF အဖွဲ့ရဲ့ အစီအစဉ်ရေးရာ ညွှန်ကြားရေးမှူး Lucie Morillon ကပြောပါတယ်။ ဒါ့အပြင် မြန်မာ သတင်းထောက်တွေရော နိုင်ငံခြားသတင်းထောက်တွေအပေါ်မှာပါ စစ်တပ်ကကျူးလွန်ခဲ့တာနဲ့ ပတ်သက် လို့ ဖော်ထုတ်အရေးယူဖို့ လိုအပ်ကြောင်း ပြီးခဲ့တဲ့နှစ်အတွင်း သမ္မတဦးသိန်းစိန်နဲ့ ပြန်ကြားရေးဒုဝန်ကြီး ဦးရဲထွဋ် တို့ကို ပြောခဲ့တယ်လို့  Lucie Morillon ကပြောပါတယ်။ စစ်တပ်နဲ့ရဲတပ်ဖွဲ့တို့လို လုံခြုံရေးတပ်ဖွဲ့ဝင်တွေရဲ့ တာဝန်ယူစိတ်ရှိလာအောင် စိတ်ဓါတ်အပြောင်းအလဲ ဖြစ်လာတဲ့အထိ ဆောင်ရွက်ရေးဟာလည်း အဓိကလုပ်ငန်းစဉ် တစ်ရပ်ဖြစ်တယ်လို့ ဆိုပါတယ်။

မြန်မာနိုင်ငံက သတင်းလွတ်လပ်ခွင့်နဲ့ သတင်းသမားတွေရဲ့ လုံခြုံမှုအဆင့်ဟာ ကမ္ဘာ့နိုင်ငံပေါင်း ၁၈၀ မှာ မြန်မာနိုင်ငံက အဆင့် ၁၄၅ မှာရှိနေတယ်လို့ ၂၀၁၄ ခုနှစ်အတွက် RSF အဖွဲ့ရဲ့ အစီရင်ခံစာ မှာ ဖော်ပြထားပါတယ်။

ဒီအတောအတွင်း ကျိုက်မရောနယ်ဘက်မှာ စစ်တပ်က ဖမ်းဆီးအသတ်ခံလိုက်ရတဲ့ ကိုပါကြီးဟာ KKO ကရင်လက်နက်ကိုင်တပ်က ဗိုလ်ကြီးအောင်နိုင်ဖြစ်ပြီး၊ သူဟာ သတင်းထောက်တယောက် ဖြစ်ခဲ့သလားဆိုတာ စိစစ်ရဦးမယ်လို့ အစိုးရဘက်က ပြောထားပါတယ်။

ဒါပေမယ့် ကိုပါကြီးဟာ အလွတ်သတင်းထောက်တစ်ဦးအဖြစ် နယ်စပ်မှာလုပ်ကိုင်နေထိုင်ခဲ့တယ်လို့ သူနဲ့ လုပ်ဖော်ကိုင်ဖက်တွေက ပြောပါတယ်။ အဲဒီလူတွေထဲက ကိုပါကြီးကို Yangon Times သတင်းစာမှာ အောင်ကြီး ဆိုတဲ့ ကလောင်အမည်နဲ့ သတင်းတွေဖော်ပြခွင့်ရအောင် ကြားကနေကူညီပေးခဲ့တဲ့ ထိုင်းနိုင်ငံ မဲဆောက်မြို့ အခြေစိုက် DVB သတင်းထောက် ကိုဥာဏ်စိုးနဲ့ Yangon Times သတင်းစာအယ်ဒီတာ ဦးလှိုင်ဘွားကို RFA ဝိုင်းတော်သား ကိုနေရိန်ကျော် ဆက်သွယ်မေးမြန်းတင်ပြထားပါတယ်။

အခုလို စစ်တပ်ကဖမ်းဆီးထားချိန် သတ်ဖြတ်ခံလိုက်ရတဲ့ ကိုပါကြီးနဲ့ ပတ်သက်လို့ မြန်မာနိုင်ငံ စာနယ်ဇင်းကောင်စီ (ယာယီ) အတွင်းရေးမှူး ဦးကျော်မင်းဆွေကို RFA အဖွဲ့သူ ဒေါ်ခင်ခင်အိ ဆက်သွယ်မေးမြန်းထားတာကိုလည်း နားဆင်နိုင်ပါတယ်။

အလွတ်သတင်းထောက် ကိုပါကြီးကို စစ်တပ်က ဖမ်းဆီးသတ်ဖြတ်လိုက်တဲ့ကိစ္စအတွက် မြန်မာအစိုးရ အလုံးစုံတာဝန်ယူဆောင်ရွက်ပေးဖို့ လိုအပ်ကြောင်း ပြင်သစ်နိုင်ငံအခြေစိုက် RSF ခေါ် နယ်စည်းမခြား သတင်းထောက်များအဖွဲ့ က ပြောလိုက်ပါတယ်။

RFA


“ အမရ အလင်းငှက်”

 အာကာအမှောင်တံတိုင်းခွင်းမဲ့…. အလင်းငှက်ငယ်များ
ကြယ်တံခွန်တွေအဖေါ်ပြုလို့ ချီလါပြီ…
ယူဇနာမိုင်အလင်းနှစ်တွေ… အသင်္ချေကမ္ဘာကိန်းထပ်လို့ 
မဟာဂန္ဓ၀င်လောကသစ်ခရီး။

 ကမ္ဘာမြေကိုအလင်းဆက်မဲ့ ….အလင်းငှက်ငယ်များ
ရောင်နီကိုရွက်ပိုးလို့ သယ်လာပြီ
နေခြည်ဖြူအလင်းနုတွေ….ညှင်သာစွာပွေ့ ပိုက်လို့ 
ရာဇ၀င်သစ်မွေးဖွားလိုက်ပြီ။

 ဟင်းလင်းပြင် မိုးကောင်းကင် …ထိုးဖေါက်ဖြတ်ချီ
ရဲရင့်အမှောင်ခရီးကြမ်းရှည် ….မိုးသောက်လုပြီ
အော်မြည်ကာ အလင်းငှက်တို့ 
ကမ္ဘာမြေပေါ်ဆင်းသက်လို့ 
အာရုဏ်ကို ကြူးရင့်ဖွဲ့ သီ။

 ယိမ်းနွဲ့ ကာပန်းပွင့်တွေ ….စည်းချက်နဲ့ အညီ ….
စိမ်းလဲ့စို၊မွှေးပြန့် ချို ….လောကသစ်တည် ….
နာတာရှည်သောကတွေပြေပျောက် ….
မျက်ရေတွေခမ်းခြောက်ကြစေ ….
မိခင်တွေဝမ်းမြောက်ကြစေ …..
ချစ်သူတွေပန်းကောက်ကြစေ ….။ ။
(မင်းကောင်းချစ်)


ဦးပါကြီးသေဆုံးမှုမှာ လူ့အခွင့်အရေးချိုးဖောက်ခံရမှုတွေတွေ့ရှိနေ­ရတဲ့အတွက် တရားဝင်စုံစမ်းစစ်ဆေးဖို့ အမျိုးသားလူ့အခွင့်ရေးကော်မရှင်ကို ၈၈ပွင့်လင်းလူ့အဖွဲ့အစည်းအပါအ၀င် အဖွဲ့ပေါင်း ၄၆ဖွဲ့က စာတင်ပြီးတောင်းဆိုသွားဖို့ရှိနေပါတယ်။ရို­က်ကူး-----အောင်သူ၊ ဦးအောင်သူ

DVB

အလွတ်တန်းသတင်းထောက်ကိုပါကြီးသည် DKBA ၏နိုင်ငံရေးဦးဆောင်အဖွဲ့ KKO နှင့် လုံးဝပတ်သက်မှု မရှိသည့် သတင်းထောက်တဦးဖြစ်သည်ဟု အဖွဲ့၏ ဒုစစ်ဦစီးချုပ် ဗိုလ်ချုပ်စောမိုရှေးက ယနေ့ညနေက ဌာနချုပ်တွင်ပြုလုပ်သည့် သတင်းစာရှင်းလင်းပွဲတွင် ပြည်တွင်းပြည်ပသတင်းထောက်များကို အတိအလင်း
ပြောဆိုခဲ့သည်။

ကရင်အမျိုးသား- မီဒီယာ


တိုင်းရင်းသား လက်နက်ကိုင်တပ်ဖွဲ့မှ အရာရှိ တဦးအဖြစ် ဓာတ်ပုံနှင့်တကွ စစ်တပ်
မှ စွပ်စွဲဖော်ပြထားသည့် အလွတ်တန်း သတင်းထောက် ကိုအောင်ကျော်နိုင် (ခ)
ကိုပါကြီးသည် မည်သည့်လက်နက်ကိုင်အဖွဲ့ဝင်မှ မဟုတ်ခဲ့ကြောင်း အဆိုပါ
ဓာတ်ပုံတွင် ကိုပါကြီးနှင့်အတူ ပါဝင်သည့် ကိုပါကြီး မိတ်ဆွေ ကိုကိုအောင်က တုံ့ပြန်ပြောကြားလိုက်သည်။

၈၈ မျိုးဆက် ကျောင်းသားများနှင့် ကိုပါကြီးမိသားစု၊ မိတ်ဆွေများ တွေ့ဆုံခဲ့ပြီး
ကိုပါကြီး သတ်ဖြတ်ခံရမှုနှင့် ပတ်သက်၍ ရှေ့ဆက်လုပ်ဆောင်သွားမည့် ကိစ္စရပ်
အပေါ် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း ရုံးခန်းတွင် ယနေ့
ညနေပိုင်းက သတင်းစာရှင်းလင်းပွဲ ကျင်းပခဲ့သည်။

ယင်းသတင်းစာ ရှင်းလင်းပွဲတွင် ကိုပါကြီးသည် တိုင်းရင်းသား လက်နက်ကိုင်
အဖွဲ့ထဲတွင် ယခင်ကလည်း မ၀င်ခဲ့ဘူးသလို၊ ယခုလည်း တပ်ဖွဲ့ဝင် လုံးဝ
မဟုတ်ကြောင်းကို အတိအလင်း ရှင်းလင်းခဲ့ကြခြင်း ဖြစ်သည်။

ကိုပါကြီး မိတ်ဆွေ ကိုကိုအောင်က “ကျနော်တို့က လက်နက်ကိုင်ထားတာ
မဟုတ်ဘူး။ ဒုက္ခသည်တွေကို သွားရောက် ကူညီတာ ဖြစ်တယ်။ အဲဒီမှာ အမှတ်တရအနေနဲ့ ရိုက်ခဲ့တဲ့ ဓာတ်ပုံပါ။ အဲဒီဓာတ်ပုံကိုပဲ ကျနော်က ကျနော့်
facebook မှာ လွန်ခဲ့တဲ့ သုံးနှစ်လောက် ကတည်းက တင်ထားတာပါ။
အဲဒီဓာတ်ပုံကို ယူပြီးတော့ ကိုပါကြီးကို လက်နက်ကိုင် ဆိုပြီး ထင်ယောင်
ထင်မှား ပြောတာပါ” ဟု ပြောသည်။

စစ်တပ်က ဖော်ပြထားသည့် ဓာတ်ပုံထဲတွင် ၎င်းတို့ နှစ်ဦး အဘယ်ကြောင့်
စစ်ဝတ်စစ်စားများ ဝတ်ဆင်ရခြင်း ကိုလည်း ကိုကိုအောင်က ဆက်ပြောပြ
သည်။

“တဆက်ထဲ ပြောရရင် စစ်မြေပြင်ကို ရောက်တဲ့အခါမှာ ကျနော်တို့ အနေနဲ့
ရာသီဥတုဒဏ် ခံနိုင်အောင်၊ နောက်ပြီး ကျနော်တို့ အနေနဲ့ အဲဒီနေရာမှာ သွား
ရလွယ်ကူအောင် ဒီလို အ၀တ်အစားတွေ ၀တ်ရပါတယ်။ အဲဒါကို အများ
အထင်မှားအောင် ကိုပါကြီးက လက်နက်ကိုင်ပါလို့ စွပ်စွဲပါတယ်။ ဒါဆို ကျနော်
လည်းလက်နက်ကိုင် အဖွဲ့ဝင် ဖြစ်သွားမှာပေါ့” ဟု ကိုပါကြီးနှင့်အတူ ဓာတ်ပုံ
ထဲတွင် ပါဝင်ခဲ့သူ ကာယကံရှင်က ပြောကြားသည်။

ကိုပါကြီး အပါအ၀င် ကိုကိုအောင်၊ ကိုမိုးသီးဇွန်နှင့် ကိုထော်ကြီး ဆိုသူတို့သည်
လွန်ခဲ့သည့် ၂၀၁၀ ပြည့်နှစ် ဒီဇင်ဘာလဆန်းတွင် မြန်မာနှင့် ထိုင်းနိုင်ငံ နယ်စပ်အကြား ဖြစ်ပွားနေသည့် တိုက်ပွဲများကြောင့် ထွက်ပြေးနေခဲ့ရသည့် စစ်ဘေးဒုက္ခသည်များအရေး ကူညီဆောင်ရွက်ပေးခဲ့ကြပြီး အမှတ်တရ အနေဖြင့် ယင်းဓာတ်ပုံကို ကိုထော်ကြီးက ရိုက်ပေးခဲ့ခြင်း ဖြစ်ကြောင်း ကိုဘိုအောင်က
ရှင်းပြခဲ့သည်။

ကိုပါကြီး၏ ကျန်ရစ်သူ ဇနီး မသန္တာကလည်း “လက်နက်ကိုင် တပ်ဖွဲ့ဝင် မဟုတ်
ဘဲနဲ့ လက်နက်ကိုင် တပ်ဖွဲ့ဝင် ဆိုပြီး သတ်ဖြတ် လိုက်တဲ့အတွက် ကျမအနေနဲ့
အရမ်း ရင်နာရပါတယ်။ ကျမ အမျိုးသားဟာ အခုချိန်ထိ ဘာလက်နက်မှ မကိုင်
ခဲ့ပါဘူး။ လက်နက်ကိုင် လူသတ်ဖို့ မပြောနဲ့ ရန်တောင် မဖြစ်ခဲ့ဖူးပါဘူး။ ဒါကို လက်နက်ကိုင်တပ်ဖွဲ့ဝင်လို့ စွပ်စွဲပြီး ထုတ်ပြန်လိုက်တာပါ” ဟု သတင်းမီဒီယာ
များကို ပြောကြားခဲ့သည်။

အောက်တိုဘာ ၂၉ ရက်နေ့တွင် ၈၈ မျိုးဆက် ကျောင်းသားခေါင်းဆောင်များနှင့်
ကိုပါကြီး အမှုကို လိုက်ပါ ကူညီပေး သူများ၊ ကိုပါကြီး မိသားစုဝင်များသည်
ကိုပါကြီး အမှုနှင့် ပတ်သက်၍ ရှေ့ဆက် လုပ်ဆောင်သွားမည့် ကိစ္စများကို
ဆွေးနွေး ခဲ့ကြပြီး ယင်းဆွေးနွေးမှု ရလဒ်များအရ ကိုပါကြီး သတ်ဖြတ်ခံရမှုကို
မြန်မာနိုင်ငံ အမျိုးသား လူ့အခွင့်အရေး ကော်မရှင်သို့ တိုင်ကြားသွားမည် ဖြစ်
ကြောင်း ကျောင်းသား ခေါင်းဆောင် ကိုကိုကြီးက အသိပေး ပြောကြားခဲ့သည်။

ပြီးခဲ့သည့် အောက်တိုဘာလ ၂၆ ရက်နေ့ ညနေပိုင်းတွင် ရန်ကုန်မြို့၊ မြို့တော်
ခန်းမရှေ့တွင် ၈၈ မျိုးဆက် ကျောင်းသား ခေါင်းဆောင်များ အပါအ၀င် အဖွဲ့
အစည်း အသီးသီးမှ ရာပေါင်းများစွာသော လူများက ကိုပါကြီးကို သတ်ဖြတ်
ခဲ့သူကို အရေးယူပေးရန်နှင့် ယင်းအမှုကို စုံစမ်းစစ်ဆေးရေး ကော်မရှင် ဖွဲ့၍
စစ်ဆေးပေးရန် အတွက် ဆန္ဒပြတောင်းဆိုခဲ့ကြသည်။

ယင်းဆန္ဒပြပွဲတွင် ၈၈ မျိုးဆက်ကျောင်းသား ခေါင်းဆောင်များက ဟောပြောမှု
များ ပြုလုပ်ခဲ့ကြပြီး ယင်းဟောပြော မှုများတွင် ယခုကဲ့သို့ ကိုပါကြီး သေဆုံးမှု
သည် လူ့အခွင့်အရေး ချိုးဖောက်မှုကို ဖြစ်စေပြီး အစိုးရ၏ အကျင့်ဆိုးများကို
ပြင်ဆင်ခြင်း မရှိသေးကြောင်း ဖော်ထုတ်ပြောကြားခဲ့ကြသည်။

အလွတ်တန်း သတင်းထောက် ကိုအောင်ကျော်နိုင် (ခ) ကိုပါကြီး သတ်ဖြတ်
ခံရမှု အမှုမှန်ပေါ်ပေါက်ရေးအတွက် ဆန္ဒပြပွဲကို ဦးဆောင်ခဲ့သည့် ကိုမိုးသွေး
နှင့် အဖွဲ့ကို ကျောက်တံတားမြို့နယ် ရဲစခန်းက ပုဒ်မ ၁၈ နှင့် အမှုဖွင့်
လိုက်ကြောင်း သိရသည်။

ထိုကဲ့သို့ အမှုဖွင့်လိုက်သည့် ကိစ္စနှင့်ပတ်သက်၍ ၈၈ ကျောင်းသား ခေါင်းဆောင်
ကိုမင်းကိုနိုင်က “အဲဒီလို အရေးယူ ဆောင်ရွက်မှုတွေ ဖြစ်လာပြီ ဆိုရင်တော့
ကျနော်တို့ရဲ့ သဘောထားကို အခုကတည်းက တခါတည်း ပြောထားပါမယ်။ ပါးစပ်နဲ့ ပြောတဲ့သူကိုတော့ တရားမ၀င် ဆောင်ရွက်မှုဆိုပြီး အရေးယူတယ်။
လက်နက်နဲ့ ညှဉ်းပန်းသတ်ဖြတ်တဲ့ သူတွေကိုတော့ တရားဝင်တယ်ဆိုပြီး
ခွင့်ပြုမလားလို့ ကျနော်တို့ မေးခွန်းထုတ်ရပါမယ်။ သေချာပါတယ်။ မတရားမှု
ကို ပါးစပ်နဲ့ ပြောတဲ့သူတွေကို အရေးယူစတမ်းဆိုရင် အခု ဆယ်ဂဏန်း မက
ပါဘူး။ နောက်ထပ် ရာ၊ ထောင်၊ သိန်း၊ သန်းသော ပါးစပ်ပေါင်းများစွာကို
ထပ်ပြီးတော့ ရင်ဆိုင်ဖို့ ပြင်ထားပါလို့ ကျနော်က ပြောလိုပါတယ်” ဟု သူ၏ သဘောထားကို ပြောကြားလိုက်သည်။

သတင်း- သူဇာ
ဓါတ်ပုံ- ၈၈ မျိုးဆက် ( ငြိမ်း/ပွင့် )

လက်နက်လုယူမှုကြောင့် စစ်တပ်ကပစ်ခတ် ဖမ်းဆီးခဲ့ရပါသည်ဟု တပ်မတော်က သတင်းထုတ်ပြန်ခဲ့သည့် ကိုအောင်ကျော်နိုင် (ခ) ကိုပါကြီးသေဆုံးမှု အမှုကို တပ်မတော်ဘက်က ဗိုလ်မှူးကြီးတစ်ဦး ဦးဆောင်သည့်အဖွဲ့က စုံစမ်းစစ်ဆေးနေသည်ဟု သမ္မတ ပြောခွင့်ရပုဂ်္ဂိုလ် ပြန်ကြားရေး ဝန်ကြီး ဦးရဲထွဋ် က အောက်တိုဘာ ၂၉ ရက်တွင် မဇ္ဈိမကို ပြောသည်။

ယင်းအဖွဲ့ကို အောက်တိုဘာ ၂၆ ရက် တွင် ဖွဲ့စည်းပြီး အမှုမှန်ပေါ်ပေါက်နိုင်ရေး အတွက် စုံစမ်းစစ်ဆေးမှုများ ပြုလုပ်နေပြီး အဖွဲ့၏ တွေ့ရှိချက်များ အပေါ်မူတည်ကာ ရဲတပ်ဖွဲ့နှင့် တပ်မတော်မည်သူ တာဝန်ယူ အရေးယူမည်ကို ဆုံးဖြတ်မည်ဟု ဆိုသည်။

ဦးရဲထွဋ်က “တပ်ဥပဒေတွေထဲမှာ ဖြစ်တဲ့ဖြစ်စဉ်၊ အခြေအနေပေါ်မူတည်ပြီး တပ်ဥပဒေနဲ့ပဲ ဖြေရှင်းတာ၊ ရဲဘက်ကို လွှဲတာရှိတယ် အဲဒီအတိုင်းပြီးရင် ဆုံးဖြတ်မှာပါ”ဟု ပြောသည်။

ကိုပါကြီး အလောင်းပြန်လည်တူးဖော် ရေးနှင့် ပတ်သက်ပြီး ဦးရဲထွဋ်က တစ်စုံတစ်ရာြေ့ပာကြားခြင်း မရှိ သည့်အပြင် စုံစမ်းစစ်ဆေးရေး အဖွဲ့အတွင်း ပါဝင်သူများနှင့် မည်သည့်အချိန်အတွင်း အပြီးဆောင်ရွက် မည်ကိုလည်း မပြောပေ။

ရဲတပ်ဖွဲ့ကလည်း လက်ခံထားသည့် သေမှုသေခင်းပြစ်မှုကို စုံစမ်းမှုများ ပြုလုပ်မည်ဖြစ်ပြီး လိုအပ်သည့် အချက်အလက်များကို တပ်မတော်ထံမှ ရယူဆောင်ရွက်နေသည် ဟု ဦးရဲထွဋ်က ဆိုသည်။

လူ့အခွင့်အရေးကော်မရှင်သို့ တိုင်ပြီ ကိုပါကြီး သေဆုံးခဲ့မှုတွင် လူ့အခွင့် အရေးချိုးဖောက်ခံရမှုများ ညှဉ်း ပန်း နှိပ်စက်မှုများ ခံခဲ့ရကြောင်း သံသယဖြစ်စရာ များရှိနေသောကြောင့် ၈၈ မျိုးဆက် အဖွဲ့အစည်းအပါ အ၀င် အဖွဲ့အစည်း ၄၀ ကျော်မှ မြန်မာနိုင်ငံ အမျိုးသား လူ့အခွင့်အရေး ကော်မရှင်မှ စစ်ဆေးပေးရန် တိုင် စာပေးပို့သွားမည် ဖြစ်ကြောင်း ၈၈ မျိုးဆက် ဦးကိုကိုကြီးက အောက်တိုဘာ ၂၉ ရက် တွင် ပြောသည်။

ကိုပါကြီး ဓာတ်ပုံအတု

ကိုအောင်ကျော်နိုင်(ခ)ကိုပါကြီးကို လက်နက်ကိုင်အဖွဲ့များနှင့် တောတွင်းတွင် တွေ့ရသည်ဟု တပ်မတော် က ထုတ် ပြန်ခဲ့သည့် ဓာတ်ပုံသည် ၂၀၁၀ ပြည့်နှစ်အတွင်း DKBA အဖွဲ့နှင့် စစ်တပ်တိုက်ပွားဖြစ်ပွား ခဲ့ သောကြောင့် ထိုင်းမြန်မာနယ်စပ်သို့ ထွက်ပြေးလာသော စစ်ရှောင်ဒုက္ခသည်များကို သွားရောက် ကူညီ ပေးစဉ် ရိုက်ယူခဲ့ခြင်း ဖြစ်ကြောင်း အဆိုပါ ဓာတ်ပုံတွင်ပါဝင်သူ တစ်ဦးဖြစ်သည့် ဦးကိုကိုအောင်က ပြော သည်။

အောက်တိုဘာ ၂၃ ရက်တွင် တပ်မတော်က ကိုပါကြီးသည် DKBA အဖွဲ့၏ အဖွဲ့ငယ်တစ်ခုဖြစ်သည့် ကလို့ထူးဘော ကရင်အစည်းအရုံး (KKO) စောဆန်းအောင် အဖွဲ့မှ ဗိုလ်ကြီးအဆင့် ပြန်ကြားရေး တာဝန် ခံ တစ်ဦးဖြစ်သည်ဟု တပ်မတော်က သတင်းထုတ်ပြန်ထားသည်။

အဆိုပါ ဓာတ်ပုံတွင် ကိုပါကြီးသည် လက်နက်ကိုင်အဖွဲ့ဝင်များနှင့် မဟုတ်ဘဲ စစ်ရှောင်ဒုက္ခသည်များကို ကူညီနေသည့် ၎င်းတို့ နှင့်အတူ ရှိနေခြင်းဟု ဦးကိုကိုအောင်က ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့ အဖွဲ့အစည်းရုံးတွင် အောက်တိုဘာ ၂၉ ရက် သတင်းစာရှင်းပွဲတွင် ပြောသည်။

၎င်းက “တိုက်ပွဲဖြစ်နေတဲ့ နေရာတွေကို ကျွန်တော်တို့ ညအိပ်ညနေ သွားကြပါတယ်။ အဲမှာ မနက်မိုးလင်း လက်ဘက်ရည်ကြမ်းသောက် တာကို အမှတ်တရ ရိုက်ခဲ့တာပါ။ ဒါကို ကျွန်တော့်လူမှု ကွန်ရက်စာ မျက်နှာမှာလည်း တင်ခဲ့ပါတယ် အဲဒါကို ကာကွယ်ရေးဝန်ကြီးဌာနက ယူသုံးထားတာပါ”ဟု ဆိုသည်။

ယင်းအပြင် ကိုပါကြီးသည် အလွတ်သတင်းထောက် တစ်ယောက်ဖြစ်ကြောင်းကို ပြောဆိုလိုက်ပြီး ၂၀၀၈ ခုနှစ်တွင် ၎င်းဂျပန်တွင် နေထိုင် စဉ်က ကိုပါကြီး၏ သတင်းဆောင်းပါးများ၊ သတင်းဓာတ်ပုံများ ပေး ပို့ နိုင်ရန် ဂျပန်သတင်းဌာနများနှင့် ချိတ်ဆက်ပေးခဲ့ကြောင်း ၎င်းက အတည်ပြုပြောဆိုသည်။

============

Mizzima - News in Burmese

http://mizzimaburmese.com/2013-10-20-16-16-07/2013-11-01-01-48-27/item/31299-2014-10-30-02-05-04



ဒီဓါတ်ပုံကို တပ်မတော်မှတ်တမ်းဌာနကပဲ ရသလိုလို ၊ နေပြည်တော်ကပဲပေးလို့ ရသလိုလိုနဲ့ မီဒီယာတွေမှာ ဓါတ်ပုံစာထိုးနေကြတယ်။ သူတို့လုပ်တာနဲ့ပဲ ကိုယ်ပါ အကောင်းစား တပ်မတော်ကြီးရဲ့ မှတ်တမ်းဌာနက ဝန်ထမ်း ဖြစ်ရတော့မယ့်ကိန်း ဆိုက်နေပြီ။

ဓါတ်ပုံက ကျနော်ကိုယ်တိုင် ကိုကိုအောင့် ကင်မရာနဲ့ ၂၀၁၀ ဒီဇင်ဘာ ၁ ရက်နေ့တုန်းက သေ့ဘောပိုးရွာ ဘုန်းကြီးကျောင်းဝင်းထဲမှာ ရိုက်ပေးခဲ့တာ ဖြစ်တယ်။ နေ့စွဲကို ဘာလို့ မှတ်မိနေလည်းဆိုတော့ ဒီနေ့က မဲဆောက်မှာ AIDS နေ့ ချီတက်ပွဲရှိတယ်၊ မဲဆောက်က ဘော်ဒါ သတင်းထောက်က ကျနော် အိမ်မှာ အိပ်ပျော်နေတယ်ထင်ပြီး ရုပ်သံလာရိုက်ဖို့ ဖုန်းဆက်အကြောင်းကြားတာလေးကို အသေအချာ မှတ်မိနေတာ။ ဓါတ်ပုံကို ကိုကိုအောင် က သိမ်းထားခဲ့တယ်။ ဟိုတလောလေးကမှ ABSDF က ထွက်သွားတဲ့ ကိုခင်ကျော် ကို အမှတ်ရလို့ ကိုကိုအောင်က သူ့ဖေ့စ်ဘွခ်မှာ တင်ပေးလိုက်တာ။ အဲဒါကိုများ တပ်မတော်မှတ်တမ်းဌာနတဲ့ ရာရာစစ။ မြန်မာပြည်က မြေတွေ လယ်တွေကို စစ်တပ်ကသိမ်းနေရင်း အရှိန်လွန်သွားပုံရတယ်။

သေ့ဘောပိုးကို ရောက်တာ ဗိုလ်နှုတ်ခမ်းမွှေးကို ရုပ်သံအင်တာဗျူးရယ် ၊ ကိုမိုးသီးနဲ့ ဆွေးနွေးစကားပြောခန်းတွေကို နေ့သစ် မီဒီယာအတွက် ရုပ်သံသွားရိုက်တာ၊ ရောက်တဲ့အချိန်က ဒီကေဘီအေနဲ့ အစိုးရစစ်တပ်တွေ တိုက်ပွဲပြင်းထန်နေတဲ့ အချိန်။ ဗိုလ်နှုတ်ခမ်းမွှေးနဲ့မတွေ့လိုက်ရဘူး၊ ဒီကေဘီအေ ဗိုလ်စိန်မြင့်နဲ့ စစ်ကူလာပေးတဲ့ ABSDF က ကိုခင်ကျော်တို့ပဲ တွေ့ပြီး ပြန်လှည့်ခဲ့ရတယ်။ ရည်မှန်းချက်မအောင်မြင်လို့ အပြန်လိုင်းကားပေါ်မှာ ဟုန်ထောင် ပုလင်းကိုဖွင့်ပြီး ကိုမိုးသီး ရယ် ကိုကိုအောင် ရယ် ကျနော်ရယ် တလမ်းလုံးတွယ်လာလိုက်ကြသေးတယ်။

၂၀၁၀ နိုဝင်ဘာလ ၈ ရက်နေ့ မြဝတီမြို့ကစပြီး ဒီကေဘီအေနဲ့ အစိုးရတပ်တွေ တိုက်ပွဲတွေ ပြန်ဖြစ်ခဲ့တယ်။ စစ်ပြေးဒုက္ခသည်တွေ မဲဆောက်ဘက်ကို ကူးလာကြတယ်။ ထိုင်းစစ်တပ်က စစ်ပြေးဒုက္ခသည်တွေကို မဲဆောက် လေယာဉ်ကွင်း အနီးက နယ်ခြားစောင့် တပ်ဝင်းကြီးထဲမှာ စောင့်ရှောက်ထားတယ်။ နောက်တရက်မှာ ကိုယ့်ရပ်ကိုယ်ပြန်ဖို့ ဒုက္ခသည်တွေကို မြဝတီဘက် ပြန်လွှတ်လိုက်တယ်။

မြဝတီမြို့တွင်းမှာတိုက်ပွဲတွေ မရှိတော့ပေမယ့်၊ မြို့အနီးအနား ပတ်ဝန်းကျင်မှာ တိုက်ပွဲတွေ ဆက်ဖြစ်နေသေးတယ်။ တချို့ စစ်ပြေးလာတဲ့ သူတွေက မပြန်ရဲကြသေးဘဲ၊ သောင်ရင်းမြစ်နဘေးက နေစရာ ခိုစရာတွေမှာ နေ နေကြတယ်။ အဲလို ဖြစ်နေတာ မြဝတီမြို့ အနီးအနားလေးတင်မကဘူး သောင်ရင်းမြစ် တလျောက်လုံးမှာ ဖြစ်နေတာ။

အဲဒီလို ဖြစ်နေတဲ့ အချိန်တွေမှာ မဲဆောက်မြို့က မြန်မာပြည်သား စေတနာရှင်တွေ မြန်မာလူမှုရေးအသင်းတွေက စားစရာတွေကို ရွာသားတွေ စစ်ရှောင်ပုန်းနေတဲ့ နေရာတွေဆီကို ရောက်အောင်ပို့ပေးခဲ့ကြတယ်။ ကျောင်းသားဆေးခန်း (မယ်တော်ဆေးခန်း) မှာဆိုရင် နေရောညပါ ထမင်းတွေချက်၊ ထုတ်၊ ပို့ နဲ့ တော်တော်လုပ်ပေးခဲ့ကြတယ်။ စစ်ရှောင်ရွာသားတွေအတွက် ကူညီရေးအလုပ်တွေမှာ အမေရိကားက ရောက်နေတဲ့ ကိုမိုးသီးဇွန်တို့ ကိုကိုအောင် (ဂျပန်) တို့လည်း တတ်နိုင်တဲ့ဘက်က ပါဝင်ခဲ့ကြတယ်။ ကျနော်တို့ ကိုပါကြီးတို့ကတော့ ရွာသားတွေကိုလည်း ကူညီ ၊ သတင်းလည်းထုတ်ပြန် ၊ မှတ်တမ်းလည်းတင် အဲဒါတွေကို လုပ်ခဲ့ကြတယ်။ လူတွေ ဒုက္ခရောက်နေတာတော့ အမှန်ပဲ၊ ဒါပေမယ့် အကူအညီလိုအပ်နေတဲ့ လူတွေကို ကူညီခဲ့ရလို့ ပျော်တယ်။ အဲ ဒီ တုန်း က ..
YAMOUNNAR


သမ္မတအိမ်တော် တွေ့ဆုံပွဲကို အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် တက်ရောက်မယ်လို့ ပါတီ ဗဟို အလုပ်အမှုဆောင် ဦးဝင်းထိန်က အတည်ပြု ပြောကြား လိုက်ပါတယ်။

မြန်မာနိုင်ငံရဲ့ အသွင်ကူး ပြောင်းရေး ဖြစ်စဉ် ညင်သာခိုင်မာစွာ ကူးပြောင်း နိုင်ဖို့အတွက် အစိုးရ၊ လွှတ်တော်၊ တပ်မတော်၊ ဒေါ်အောင်ဆန်းစုကြည် နဲ့ နိုင်ငံရေး ပါတီ ကိုယ်စားလှယ်တို့ ပထမဆုံး အကြိမ် တွေ့ဆုံ ဆွေးနွေးကြဖို့ သမ္မတက ဖိတ်ကြား ထားတဲ့ အပေါ် ဦးဝင်းထိန်က အခုလို ပြောဆို လိုက်တာပါ။

ဆွေးနွေးပွဲကို သမ္မတ ဦးသိန်းစိန်နဲ့ ဒုတိယ သမ္မတ ၂ ယောက်၊ လွှတ်တော် ဥက္ကဋ္ဌတွေဖြစ်တဲ့ သူရဦးရွှေမန်းနဲ့ ဦးခင်အောင်မြင့်၊ ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဒုကာချုပ် ဗိုလ်ချုပ်ကြီး စိုးဝင်း၊ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေး၊ ယူအန်အေ ခေါ် ညီညွှတ်သော တိုင်းရင်းသားလူမျိုးများ မဟာမိတ်အဖွဲ့ကိုယ်စား ဦးခွန်ထွန်းဦး၊ ညီနောင်တိုင်းရင်းသားပါတီများ ဖက်ဒရေးရှင်း (အန်ဘီအက်ဖ်) ပါတီကိုယ်စား ဦးစိုင်းအိုက်ပေါင်း၊ ဖက်ဒရယ်ဒီမိုကရေစီမဟာမိတ် (အက်ဖ်ဒီအေ) ကိုယ်စား ဦးခင်မောင်ဆွေ၊ တိုင်းရင်းသား စည်းလုံးညီညွတ်ရေးပါတီကိုယ်စား ဦးသန်းတင်နဲ့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီကိုယ်စားလှယ်တယောက် စုစုပေါင်း ၁၄ ယောက် တက်ရောက်ကြမှာ ဖြစ်ပါတယ်။

By ဒီဗွီဘီ
http://burmese.dvb.no/archives/69313

 
VOA မြန်မာပိုင်း ရန်ကုန်ရုံးခွဲက ဒေါ်ခင်စိုးဝင်းက အမေရိကန်သံအမတ်ကြီး Derek Mitchell ကို သီးသန့်တွေ့ဆုံမေးမြန်း။

သမ္မတဦးသိန်းစိန်ရဲ့ ဖိတ်ကြားချက် အရ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် နဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအ၀င် အရေးပါတဲ့ နိုင်ငံရေးခေါင်းဆောင်တွေနဲ့ မနက်ဖြန်တွေ့ဆုံမယ့် နိုင်ငံရေးဆွေးနွေးပွဲကနေ အသွင်ကူးပြောင်းရေးတည်ငြိမ်၊ အထမြောက်အောင် အနှစ်သာရရှိတဲ့ ဆွေးနွေးပွဲတွေ ဆက်လက် ကျင်းပကြဖို့ လိုတယ်လို့ မြန်မာနိုင်ငံဆိုင်ရာ အမေရိကန် သံအမတ်ကြီးက ပြောဆို လိုက်ပါတယ်။ နိုင်ငံရေးနဲ့ စီးပွားရေး၊ မြေယာအရေး စတဲ့ အခရာကျတဲ့ကိစ္စတွေကို မပြောင်းလဲသရွေ့ ပြည်သူလူထုက ဘဝင်မကျဖြစ်သလို နိုင်ငံတကာ အသိုင်းအ၀ိုင်း ကလည်း တချိန်ချိန်မှာ နောက်ကြောင်းပြန်လှည့်ဖို့ ရှိနိုင်တယ်လို့ သုံးသပ်ကြ မှာဖြစ်တဲ့အကြောင်း အမေရိကန်သံအမတ်ကြီး Derek Mitchell ကပြောဆို လိုက်တာပါ။ ဒေါ်ခင်စိုးဝင်းက အမေရိကန်သံအမတ်ကြီး Derek Mitchell ကို သီးသန့်တွေ့ဆုံမေးမြန်းပြီး သတင်းပေးပို့ထားပါတယ်။

သမ္မတ ဦးသိန်းစိန်က ဒေါ်အောင်ဆန်းစုကြည် အပါ အဝင် နိုင်ငံရေး ခေါင်းဆောင်တွေနဲ့ မနက်ဖြန် တွေ့ဆုံကြမယ့် အစီအစဉ်ကို ကြိုဆိုကြတဲ့ သူတွေရှိသလို အာဆီယံနဲ့ အရှေ့အာရှ ထိပ်သီးညီလာခံ အကြို အဖြစ် နိုင်ငံတကာရဲ့ ဖ်ိအားတွေ လျော့ပါးအောင် အချိန်ကိုက် လုပ်ဆောင် တာဖြစ် တယ်လို့ ရှု့မြင်ကြတဲ့သူတွေလည်း ရှိပါတယ်။

ဒါကြောင့်မို့လို့ အမေရိကန်သံအမတ်ကြီး Derek Mitchell အနေနဲ့ ရော ဘယ်လိုများ သုံးသပ်လုိ့ရပါသလဲလို့ မေးကြည့်တဲ့အခါမှာ-

"အခုလို နိုင်ငံရဲ့ အရေးကြီးတဲ့ ထိပ်တန်းပုဂ္ဂိုလ်တွေတွေ့ဆုံကြမယ်ဆိုတာကြားရလို့ အားတက်မိပါတယ်။ ပြည်သူလူထုကလည်း ဒီလို အရေးကြီး ပုဂ္ဂိုလ်တွေတွေ့ ဆုံဆွေးနွေးပြီး အသွင်ကူးပြောင်းရေး ရှေ့ရှု ကြတာ ကို မြင်ချင်နေကြ တယ်လို့ယူဆပါတယ်။ လာမယ့် ၂၀၁၅ ရွေးကောက်ပွဲကနေ ၂၀၁၆ ခုနှစ်အထိ ချောချောမွေ့မွေ့ အသွင်ကူးပြောင်းနိုင်တာကိုမျှော်လင့်နေကြ တာဖြစ်ပါတယ်။ ဒါပေမဲ့ လူကြီးတွေ ဆွေးနွေးနေရုံနဲ့ မလုံလောက် တာ ကတော့သေချာပါတယ်။ ဘာတွေဆွေးနွေးကြတယ်၊ ဘယ်လောက်သဘောရိုးနဲ့ ပွင့်ပွင့်လင်းလင်းဆွေးနွေးကြသလဲ၊ ဘာအကြောင်းအရာတွေဆွေးနွေးကြသလဲ။ ဒီဆွေးနွေးပွဲကနေဆက်ပြီး နောက်ဆက်တွဲဆွေးနွေးကြဖို့ရှိသလား၊ ပြည်သူတွေရဲ့ ဆန္ဒနဲ့အညီ နိုင်ငံရဲ့ ပြဿနာတွေကို တိုင်ပင်ညှိနှိုင်းနိုင်ကြဖို့နဲ့ ၂၀၁၅ ရွေးကောက်ပွဲ အလွန်အထိ တည်ငြိမ်အောင်ဆောင်ရွက်ကြမှာလား စတာတွေကို သိဖို့တော့ လိုပါတယ်။ ဒါဟာ ပထမခြေလှမ်းဖြစ်ပါတယ်။ သေချာ တာကတော့ တွေ့ဆုံကြရုံနဲ့ မလုံလောက်ပါဘူး။ နောက်ထပ် ဘာတွေ ဆက်လုပ်ကြမလဲ ဆိုတာ စောင့်ကြည့် ရမှာဖြစ်ပါတယ်။"

မြန်မာ့ပြုပြင်ပြောင်းလဲရေး တိုးတက်မှု အထိုက်အလျောက် ရှိပေမဲ့လို့ လူ့အခွင့်အရေး ချိုးဖောက်နေတဲ့ ကိစ္စတွေနဲ့ပတ်သက်လို့ စိုးရိမ်ရတဲ့ ကိစ္စတွေ ရှိနေသေး တာကြောင့် နောက်ကြောင်းပြန်လှည့်ခြေ ရှိတဲ့ လက္ခဏာတွေ တွေ့နေရတယ်လို့ ကုလသမဂ္ဂ လူ့အခွင့်အရေး အထူးကိုယ်စားလှယ် Ms. Yanghee Lee  ပြောဆိုတဲ့ အပေါ်မှာတော့ သံအမတ်ကြီး Derek Mitchell က အခုလိုသုံးသပ်ပါတယ်။

"ပြုပြင်ပြောင်းလဲရေးအခြေအနေကို သုံးသပ်ရမယ်ဆိုရင် ဘယ်မှာ ဘဲဖြစ်ဖြစ် တော်လှန်ရေး လို ရုတ်တရက်ပြောင်းလဲသွာတာမျိုးမဟုတ်ဘဲ တရွေ့ရွေ့တဆင့် ချင်းပြောင်းလဲနေတယ်လို့ ယူဆပါတယ်။ အတော့်ကို လေးနက်ရှုတ်ထွေးပါတယ်။ တချို့နေရာတွေက နောက်ကြောင်းပြန်၊ တချို့က လုံးဝမရွေ့ဘူး၊ တချို့ကတော့ ရှေ့ပြေးနေတယ် စသဖြင့်ရှိကြပါတယ်။ တိုင်းရင်းဒေသတွေမှာ တိုက်ပွဲတွေ ဆက်ဖြစ်နေတဲ့အတွက် လူထုအကြား အတော်လေးကို စိုးရိမ်မကင်းဖြစ်နေတာတွေ့ရပါတယ်။ တကယ့်ငြိမ်းချမ်းရေးနဲ့ အပစ်အခတ်ရပ်စဲရေး လစ်ဟင်းနေတာတွေကိုလည်း စိုးရိမ်နေကြပါတယ်။ လွန်ခဲ့တဲ့နှစ်တွေကတည်းက ရခိုင်ပြည်နယ်လူထုက သူတို့ရဲ့အခွင့်အရေးနဲ့ ဖွံ့ဖြိုးရေးလုပ်ငန်းတွေ ထိထိရောက်ရောက် ဆောင်ရွက်မပေးနိုင်တဲ့ အပေါ်လည်းမှာလည်း စိုးရိမ်နေကြပါတယ်။"

အမေရိကန်နိုင်ငံခြားရေးဝန်ကြီး ဂျွန်ကယ်ရီ စတဲ့ အမေရိကန် အစိုးရ တာဝန်ရှိသူတွေ မြန်မာနိုင်ငံကို လာရောက်ပြီး တာဝန်ရှိပုဂ္ဂိုလ်တွေနဲ့ တွေ့ဆုံတဲ့ အခါတိုင်းမှာ စစ်တပ်က သိမ်းဆည်းထားတဲ့ မြေယာမြေတွေကို မူလပိုင်ရှင် လက်ထဲ ပေးအပ်ရေးကို အမြဲတစေ တိုက်တွန်းလေ့ ရှိပါတယ်။ မြန်မာ့ပြုပြင်ပြောင်းလဲရေးမှာ ဒီမြေယာသိမ်းတဲ့ပြဿနာ တွေက အနှောင့်အယှက်တွေဖြစ်နေတယ်လို့ ရှု့မြင်တဲ့အကြောင်းကိုလည်း သံအမတ်ကြီး Derek Mitchell က အခုလိုဆိုပါတယ်။

" မြေယာပိုင်ဆိုင်မှုအခွင့်အရေးဟာ အခရာကျဆုံး ကိစ္စတခုဖြစ်ပါတယ်။ ဒီမြေယာပြဿနာကို မကိုင်တွယ်နိုင်ရင်တော့ စီးပွားရေးဖွံ့ဖြိုးမှု အတွက် မေးခွန်းထုတ် စရာတွေ ရှိလာပါလိမ့်မယ်။ နောက်တခုက ဖွဲ့စည်းပုံအခြေခံဥပဒေဟာ ဒီနိုင်ငံမှာ အကြီးကျယ်ဆုံး ကိစ္စပါ။ နိုင်ငံရဲ့ တည်ဆောက်ပုံ လို့ပြောနိုင်ပြီး ဒီမိုကရေစီ ပုံဖေါ်ဖို့ ရေးထားပုံ ရတယ်လို့ဆိုရမှာဖြစ်ပေမဲ့ အစိုးရကနေ လူထုအသံ နားထောင်ဖို့ လိုသလို၊ လူထုအခြေပြုအဖွဲ့အစည်းတွေကို နေရာပေးဖို့ အကန့်အသတ်တွေ လည်းရှိနေပါတယ်။ အရပ်သားအစိုးရအုပ်ချုပ်မှုအောက်မှာ စစ်တပ်ကရှိဖို့၊ လူနည်းစု အခွင့်အရေးပေးဖို့၊ လူထုက စိတ်ကြိုက် ခေါင်းဆောင်ရွေးချယ်ပိုင်ခွင့် စတဲ့ ဒီမိုကရေစီ အနှစ်သာရတွေ လက်ရှိဖွဲ့စည်းပုံမှာ ကင်းမဲ့နေတာတွေ့ရပါတယ်။

နိုင်ငံရေးနဲ့ စီးပွားရေး၊ မြေယာအရေးနဲ့ ဥပဒေတွေစတဲ့ အခြေခံ အဓိကကျတဲ့ ကိစ္စတွေကို မပြောင်းလဲ သရွေ့ ပြည်တွင်းရှိလူထုက တည်ငြိမ်ရေး ရေရှည် တည့်တံ့ ပါ့မလားလို့ ဘ၀င်မကျဖြစ်သလို နိုင်ငံတကာ အသိုင်းအ၀ိုင်းကလည်း ဒါဟာ တကယ့် ရေရှည် လုပ်ငန်းစဉ်လားဆိုတာကို မရေမရာဖြစ်ကြပြီး အကန့်အသတ်တွေ ရှိ တာကြောင့် တချိန်ချိန်မှာ နောက်ကြောင်းပြန်လှည့်ဖို့ ရှိနိုင်တယ် လို့ သုံးသပ်ကြမှာပါ။"

သမ္မတ အိုဘားမားအနေနဲ့ နေပြည်တော်မှာ နိုဝင်ဘာလ ၁၂ရက်နေ့၊ ၁၃ရက်နေ့မှာ ကျင်းပမယ့် အရှေ့အာရှ ထိပ်သီးညီလာခံကို တက်ရောက်ဖို့  ရှိပြီးတော့ မြန်မာ့ပြုပြင်ပြောင်းလဲရေးကို သူကိုယ်တိုင် ဆန်းစစ်သွားလိမ့်မယ်လို့ ယူဆတဲ့ အကြောင်း သံအမတ်ကြီး Derek Mitchell  က ပြောဆိုလိုက်ပါတယ်။

ဒေါ်ခင်စိုးဝင်း / ဗွီအိုအေ (မြန်မာပိုင်း)
http://burmese.voanews.com/content/exclusive-interview-with-us-ambassador-derek-mitchell/2501868.html



ဒမတ်စကတ် ၊ ၃၀-၁၀-၂၀၁၄

ဆီးရီးယားနိုင်ငံ အတွင်းရှိ ISIS စစ်သွေးကြွ များသည် ယင်း နိုင်ငံအတွင်းရှိ အစိုးရစစ်ဘက် ခေါင်းဆောင် အနည်းဆုံး ၇ဝ ဦးကို ခေါင်းဖြတ် သတ်ဖြတ် ခဲ့ကြောင်း သိရသည်။

ISIS စစ်သွေးကြွ အဖွဲ့ ၊ အယ်လ်ကိုင်ဒါ အဖွဲ့နှင့် ဆက်စပ်သည့် အယ်လ်နူဆာတပ်ဦး တို့သည် ဆီးရီးယားနိုင်ငံ အနောက် မြောက်ပိုင်း Idlib မြို့ရှိ စစ်ဘက်ဆိုင်ရာ စစ်ဆေးရေး ဂိတ်များ၊ ရဲဌာနချုပ်များ နှင့် အစိုးရရုံးများကို တိုက်ခိုက်မှုများ ဆက်တိုက် ပြုလုပ်နေစဉ် အတွင်းနှင့် အစိုးရစစ်ဘက် က Idlib မြို့ရှိ အစိုးရ အဆောက်အအုံ များကို စစ်သွေးကြွ များထံမှ ပြန်လည် မသိမ်းပိုက်နိုင်မီ ခေါင်းဖြတ်၍ သတ်ဖြတ်ခံရခြင်း ဖြစ်နိုင်ဖွယ် ရှိကြောင်း ဆီးရီးယား အစိုးရ က ယူဆထားသည်။

ကိုဘာနီမြို့ကို ထိန်းချုပ်နိုင်ရန် အတွက် အောက်တိုဘာ ၂၇ ရက်က ISIS စစ်သွေးကြွ အဖွဲ့များနှင့် ကာ့ဒ်မျိုးနွယ်စု တိုက်ခိုက်ရေး သမားအကြား ဖြစ်ပွားလျက် ရှိသော တိုက်ခိုက်မှုသည် လွန်ခဲ့သည့် နှစ်နှစ်ကျော် ကာလအတွင်း ဆီးရီးယား သူပုန်များက ဆီးရီးယား နိုင်ငံအတွင်းရှိ ကျေးရွာနှင့် မြို့များကို သိမ်းပိုက်ပြီး ကတည်းက အပြင်းထန်ဆုံး တိုက်ခိုက်မှု အဖြစ် ထွက်ပေါ် လာခဲ့သည်။

အယ်လ်နူဆာတပ်ဦး နှင့် အခြားအဖွဲ့ များသည် Idlib မြို့အား အမြောက်များဖြင့် ပစ်ခတ်ခဲ့ပြီး ယင်းမြို့ရှိ စစ်ဆေးရေး ဂိတ်များကို တိုက်ခိုက်မှုများ ဆက်တိုက် ပြုလုပ်ခဲ့ကြောင်း ဗြိတိန် အခြေစိုက် ဆီးရီးယား လူ့အခွင့်အရေး စောင့်ကြည့်ရေး အဖွဲ့မှ ပြောကြား ခဲ့ကြောင်း သိရှိရသည်။

#PyiChitThar
http://www.pyichitthar.com/2014/10/isis_30.html

Author Name

Contact Form

Name

Email *

Message *

Powered by Blogger.