11/08/14

ပြည်သူကသာ သူ့လိုအင်ဆန္ဒကို ပြတ်ပြတ်သားသား တောင်းဆို မည်ဆိုလျှင် ပြည်သူအားဖြင့် ပင်လယ်ကြီး ကိုလည်း ဖျက်သွားနိုင်သည်။ ဧ၀ရက်တောင်ကြီးကိုလည်း ဖြိုချသွားနိုင်ပါသည်။ ထိုအခြေအနေကို ပြည်သူ့ ဆန္ဒအား သံသယ၀င်နေတတ်သော အတိုက်အခံများရော၊ တချို့နိုင်ငံရေး ခေါင်းဆောင်များရော သိရှိဖို့ လိုသည် . . .

~~~~~~~~~~~~~~~~~~~~~~~~~~~~~~~~~~~~~~~~~~~~~~

အောက်တိုဘာ ၃၁ ရက်က သမ္မတ အိမ်တော်တွင် မြန်မာနိုင်ငံကို အုပ်ချုပ်နေသော အစိုးရ၊ လွှတ်တော်နှင့် တပ်မတော် ထိပ်သီးခေါင်းဆောင်များ၊ တိုင်းရင်းသား နိုင်ငံရေးပါတီ တစ်စုကို ကိုယ်စားပြုသော တိုင်းရင်းသား ခေါင်းဆောင်များနှင့် အမျိုးသားဒီမိုကရေစီ အဖွဲ့ချုပ်(NLDပါတီ) ဥက္ကဋ္ဌ ဒေါ်အောင်ဆန်းစုကြည် တို့ တွေ့ဆုံ ခဲ့လေသည်။ အစိုးရအဖွဲ့၏ ထိပ်သီးများအဖြစ် သမ္မတဦးသိန်းစိန်၊ ဒုတိယသမ္မတ ဒေါက်တာ စိုင်းမောက်ခမ်းနှင့် ဒုတိယသမ္မတ ဦးဉာဏ်ထွန်းတို့ တက်ရောက် လာခဲ့သလို တပ်မတော်ကို ကိုယ်စားပြုပြီး ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယကာကွယ်ရေး ဦးစီးချုပ် ဗိုလ်ချုပ်ကြီးစိုးဝင်းတို့ တက်ရောက်ခဲ့သည်။ လွှတ်တော်ကို ကိုယ်စားပြုသော ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ အမျိုးသား လွှတ်တော်ဥက္ကဋ္ဌ ဦးခင်အောင်မြင့်၊ ရွေးကောက်ပွဲ ကော်မရှင်ဥက္ကဋ္ဌ ဦးတင်အေးတို့ တက်ရောက်ခဲ့ပြီး ဦးခင်မောင်ဆွေ၊ ဦးဌေးဦး၊ ဦးသိန်းထွန်း၊ ဦးခွန်ထွန်းဦး၊ ဦးစိုင်းအိုက်ပေါင်း တို့နှင့်အတူ ဒေါ်အောင်ဆန်းစုကြည် လည်း ထိုထိပ်သီး ၁၄ ဦး တွေ့ဆုံပွဲသို့ တက်ရောက် ခဲ့ပါသည်။

နေပြည်တော်ရှိ သမ္မတ အိမ်တော်တွင် ကျင်းပသော နိုင်ငံ၏ ထိပ်သီး ၁၄ ယောက် တွေ့ဆုံပွဲ၏ အဆက်မှာ ဒေါ်အောင်ဆန်းစုကြည် တောင်းဆိုသော ၄ ပွင့်ဆိုင် တွေ့ဆုံခြင်းကို ချေဖျက်လိုက်ခြင်းသာ ဖြစ်သည်။ ထို့ပြင် ယနေ့ ဖြစ်ပေါ်နေသော အကျပ်အတည်း၊ တပ်မတော်အပေါ် ပြည်သူလူထုက ယုံကြည်မှု ပျက်ယွင်းနေသည်ကို တစ်စုံတစ်ရာ ဖြေလျှော့ပေးလိုသည့် သဘောဖြင့် ထိုထိပ်သီး တွေ့ဆုံပွဲ ကို ပြုလုပ်ပေးခဲ့ခြင်းဖြစ်သည်။ ၃၁ ရက် တွေ့ဆုံဖို့အတွက် ၂၈ ရက်တွင် အကြောင်းကြားကာ ကသုတ်ကရက်တွေ့ဆုံခဲ့ခြင်းဖြစ်သည်။ အစိုးရ ဘက်ကမူ အနည်းငယ် ညှိနှိုင်း နေနိုင်သော်လည်း သူတို့အတွက်မူ အတိုက်အခံများဘက် မှ တောင်းဆိုမည့် အချက်များကို သိနေ၍ လိုက်လျောလိမ့်မည် မဟုတ်။ လေးနက်သော အကြံဉာဏ်များကိုယူသော တွေ့ဆုံ ပွဲလည်း မဟုတ်ပေ။ အတိုက်အခံများဘက်မှ အကြံဉာဏ်များကိုယူဖို့ သဘောထားရှိပုံ မရဘဲ မတွေ့လျှင် မကောင်းသော အခြေအနေများကြောင့် တွေ့လိုက်ပုံ ရလေသည်။ အဘယ်ကြောင့်ဆိုသော် တစ်ဦးလျှင် ၁၀ မိနစ် လောက်သာ ဆွေးနွေးစကား ပြောခွင့် ရသောကြောင့်ပင်။ အာဆီယံ ထိပ်သီး ညီလာခံ ကျင်းပမည်ဖြစ်ရာ ထိုပွဲသို့ အမေရိကန်သမ္မတ အိုဘားမားလည်း ရောက် လာမည် ဖြစ်သောကြောင့် ပြုပြင်ပြောင်းလဲရေး လေသံလေး နည်းနည်းဖြစ်အောင် အိုဘားမားအစိုးရက တိုက်တွန်းခဲ့သည်။ ထို့ကြောင့် ၄ ပွင့်ဆိုင် တွေ့ဆုံပွဲကို ငြင်းကာ ၁၄ ပွင့်ဆိုင် တွေ့ဆုံ၍ ဟန်ပြသဘော ပြုလုပ်ခဲ့ခြင်းဖြစ်သည်ဟု ဝေဖန် သုံးသပ်ကြလေသည်။

ယခုတွေ့ဆုံပွဲမှာ အစိုးရအဖွဲ့သစ် လက်ထက်၌ ပထမဆုံးအကြိမ် တွေ့ဆုံခဲ့ခြင်း ဖြစ်သော်လည်း အထွေအထူး တွေ့ဆုံခဲ့ခြင်းကား မဟုတ်။ တိုင်းပြည်၏ လောလောဆယ် အကျပ်အတည်းများကို ဖြေရှင်းပေးနိုင်သည့် ဆွေးနွေးပွဲလည်း မဟုတ်ပေ။ ယနေ့အတိုက်အခံများနှင့် ပြည်သူတစ်ရပ်လုံး (သာဓကပြရလျှင် လပိုင်းအတွင်း လက်မှတ်ရေးထိုး တင်ပြလိုက်သည့် ပြည်သူ ၅ သန်း)ခန့်က အလေးအနက် တောင်းဆိုနေသော ၂၀၀၈ ဖွဲ့စည်းပုံ ပြင်ဆင်ရေး၊ (ထိုအထဲတွင် ပုဒ်မ ၄၃၆ ပြင်ဆင်ရေး၊ ပုဒ်မ ၅၉(စ) ပြင်ဆင်ရေး၊ ပုဒ်မ ၁၈ ဖျက် သိမ်းပေးရေး၊ PR စနစ် ဖျက်သိမ်းပေးရေးတို့ ပါဝင်သည်။) ထိုအကြောင်းကို အစိုးရဘက်က လွှတ်တော် ထဲ၌သာ ပြင်ရမည်ဟု မာမာတင်းတင်း ပြတ်ပြတ်သားသား ပြောဆိုနေခြင်းသာ ရှိသည်။ တိုင်းရင်းသား ကိုယ်စားလှယ်များကလည်း တစ်နိုင်ငံလုံး အပစ်အခတ် ရပ်စဲရေးအတွက် ငြိမ်းချမ်းရေး တည်ဆောက်နိုင်ရန် တပ်မတော်က တင်ပြသော အချက် ၆ ချက်ကို ဆွေးနွေးရန် တင်ပြခဲ့သော် လည်း ပြေလည်အောင် ညှိနှိုင်း ဆွေးနွေးခဲ့ခြင်း မရှိပေ။ ထို့ကြောင့် ထိုတွေ့ဆုံပွဲမှာ ထူးခြားဆန်းသစ်ခြင်း မရှိဟု သုံးသပ်ကြခြင်းဖြစ်၏။ ထိုကဲ့သို့ လုပ်ရပ်မျိုးမှာ ယခင်စစ်အစိုးရ လက်ထက်ကတည်းက ဟန်ပြတွေ့ဆုံမှုများ ပြုလုပ် ခဲ့သောကြောင့် ပြည်သူများမှာ မီဒီယာများတွင် တွေ့ရှိ နားထောင် ဖတ်ရှုခဲ့ရသော်လည်း အလေးအနက် မရှိခဲ့ပါ။ အဘယ်ကြောင့် ဆိုသော် ချက်ချင်းတွေ့ဆုံမှု၊ အချိန်ပိုင်းလောက်သာ ဆွေးနွေးခွင့် ပေးသောကြောင့် လေးလေး နက်နက် တွေ့ဆုံသော ဆွေးနွေးပွဲများ မဖြစ်နိုင်ဟု သုံးသပ်ခဲ့ကြပါသည်။ မြန်မာ့နိုင်ငံရေး တွေ့ဆုံပွဲများတွင် အုပ်စိုးသူများသည် မည်ကာမတ္တသာလုပ်ပြီး ဖဆပလခေတ်တွင်ရော၊ မဆလခေတ်တွင်ရော၊ စစ်အစိုးရ ခေတ်တွင်ရော လူမြင်ကောင်းအောင် လုပ်ခြင်းသာရှိပြီး ထိပ်သီး စစ်အာဏာရှင်များ ချမှတ်ခဲ့သော လမ်း ကြောင်း အတိုင်းသာ တွေ့ဆုံဆွေးနွေးခြင်း ဆိုသည်ကို လုပ်ဆောင်ခဲ့ပြီး အတိုက်အခံများဆီမှ အကြံဉာဏ် သဘောထား တောင်းယူခြင်း မရှိခဲ့ပေ။ ဗိုလ်သန်းရွှေ လက်ထက်ကလည်း ဒေါ်အောင်ဆန်းစုကြည်နှင့် နာရီ ပိုင်းသာ တွေ့ဆုံကာ ဓာတ်ပုံများရိုက်ပြီး လူမြင်ကောင်းအောင် လုပ်ခဲ့သည်။ လူထုကို လိမ်လည်လှည့်ဖြားပြီး သူတို့ကောင်းဖို့ အတွက်သာ လုပ်ခဲ့၏။ ထိုသို့ ထင်ရာစိုင်းခဲ့သောကြောင့် နိုင်ငံတကာက ပိတ်ဆို့ခဲ့ခြင်း ဖြစ်သည်။ တိုင်းပြည်မှာ ဖြူခါပြာခါကျကာ လက်ဖြန့်ခံဘ၀သို့ ရောက်ရှိခဲ့လေသည်။ ထိုသို့ အခြေအနေ ဆိုးလာသည်ကို သဘောပေါက်လာသော စစ်အာဏာရှင်တို့သည် ဆင်ကြံကြံလာကြ၏။ ဒီမိုကရေစီကို အော်ကာ လမ်းပြမြေပုံရေးဆွဲ၍ တိုင်းပြည်နှင့်ကမ္ဘာကို လိမ်ညာခဲ့ခြင်းဖြစ်ပါသည်။ ထိုအဖြစ်များကို မိမိဆန္ဒစွဲဖြင့် ရေးခဲ့ခြင်း မဟုတ်ပေ။ စာဖတ်သူများ လေ့လာကြည့်လျှင် ငြင်း၍မရကြောင်း သိလာပေမည်။ တချို့ပိတ်ဆို့ ထားသည်များကို တစ်စုံတစ်ရာ ဖွင့်ပေးသည်မျိုးရှိ၏။ ဥပမာ စာပေနှင့်စာနယ်ဇင်း လွတ်လပ်ခွင့်များ၊ နိုင်ငံတကာ ရင်းနှီးမြှုပ်နှံမှုကို လက်ခံခြင်းများ၊ ငြိမ်းချမ်းရေးအတွက် တိုင်းရင်းသား လက်နက်ကိုင်များနှင့် တွေ့ဆုံခြင်းများ ရှိခဲ့သော်လည်း အတိုက်အခံများ အာဏာရလောက်သည်အထိ လွတ်လပ်ခြင်းမျိုး မရှိခဲ့ပေ။ ယခုထိပ်သီး စည်းဝေးပွဲတွင် ထွေထွေထူးထူး ဆွေးနွေးခြင်း မရှိသည်ကို သိသောကြောင့် ဒေါ်အောင်ဆန်း စုကြည်က ၄ ပွင့်ဆိုင် တွေ့ဆုံခြင်းကို တောင်းဆိုခဲ့ခြင်း ဖြစ်သည်။ ထိပ်သီးစည်းဝေးပွဲတွင် ၂၀၀၈ မပြင်ပေးပါက ရင်ဆိုင်ရမည့် ပြဿနာများကို သမ္မတက ကြိုတွက်ကာ ၂၀၀၈ ဖွဲ့စည်းပုံ ပြင်လျှင် လွှတ်တော်ထဲမှသာ ပြင်ရမည်ဟု ထိပ်သီးများကို သွေးဆောင်စည်းရုံး ခဲ့ပုံလည်းရသည်။ ထို့ကြောင့် ထိပ်သီးများသည် ၂၀၀၈ ဖွဲ့စည်းပုံကို လွှတ်တော်ထဲ၌သာ ပြင်ရမည်ကို တစ်သံတည်း သဘောတူကြောင်း ကြေညာခဲ့လေသည်။ ၂၀၀၈ ပြင်ဆင်ကြောင်း အခြေအနေမျိုးကို လွှတ်တော်ထဲကသာ သဘောထား ပေးရမည်ဆိုသော အခြေအနေကို မည်သူကမျှ အာမခံပေးနိုင်မည်မထင်ပေ။ ထိုပြဿနာသည် ပြည်သူတစ်ရပ်လုံးအတွက် အဆိုးအကောင်း ပြဿနာဖြစ်သည်။ ထိုပြဿနာကို ထိပ်သီး ၁၄ ယောက်က ဆုံးဖြတ်၍ မရနိုင်ပေ။ သူတို့လည်း တာဝန် မယူနိုင်သလို ပြည်သူကလည်း တာဝန်ယူခိုင်းလိမ့်မည် မဟုတ်ပေ။ ပြည်သူကသာ သူ့လိုအင်ဆန္ဒကို ပြတ်ပြတ်သားသား တောင်းဆိုမည်ဆိုလျှင် ပြည်သူအားဖြင့် ပင်လယ်ကြီးကိုလည်း ဖျက်သွားနိုင်သည်။ ဧ၀ရက် တောင်ကြီးကိုလည်း ဖြိုချသွားနိုင်ပါသည်။ ထိုအခြေအနေကို ပြည်သူ့ဆန္ဒအား သံသယ ၀င်နေတတ်သော အတိုက်အခံများရော၊ တချို့နိုင်ငံရေး ခေါင်းဆောင်များရော သိရှိဖို့လိုသည်။ ကိုလိုနီနယ်ချဲ့များနှင့် ဖက်ဆစ် ဂျပန်များကို အသက်ပေး၍ ဓားဖြင့် ၀င်ခုတ်ခဲ့ကြ၏။ အသိသာဆုံးမှာ ၁၉၈၈ ဒီမိုကရေစီ အရေးတော်ပုံကြီး၏ တိုက်ပွဲဝင်မှု ဖြစ်ပြီး ပြန်စဉ်းစားလျှင် သမိုင်းဘီး၏ လည်ပတ်မှုကို ပိတ်ပင်နေသူများ၊ ပြည်သူ၏ လိုအင်ဆန္ဒကို ငြင်းပယ် နေသူများအတွက် ကြက်သီးထမိပါသည်။

အစိုးရအဖွဲ့သစ် တက်လာပြီး ၄ နှစ် နီးပါး သက်တမ်းတွင် စနစ်ကျသော တွေ့ဆုံဆွေးနွေးပွဲ တစ်ခုမျှ မရှိပေ။ ယခုထိပ်သီး တွေ့ဆုံပွဲမှာ တချို့ဝေဖန်ကြသလို ဓာတ်ပုံရိုက် ကောင်းရုံ တွေ့ဆုံပွဲ ဖြစ်သလို သာကြောင်း၊ မာကြောင်း တွေ့ဆုံမေးမြန်း ကြသည့်အဖြစ် သဘောမျိုး တွေ့ဆုံပွဲလည်း ဖြစ်နေ၏။ မတွေ့ခြင်းထက် စာလျှင် တွေ့ ခြင်းက ပိုကောင်းသည်ဟု ပြောကြသော်လည်း တွေ့ရုံသက်သက် တွေ့ခြင်းမှာ အခြေအနေကောင်း တစ်ခုကို မည်သို့ပြုလုပ် နိုင်ပါမည်နည်း။ ယခင်က တူတာတွဲလုပ်၊ မတူတာ ခွဲလုပ်ဆိုသည်မျိုး ဆွေးနွေးခဲ့သော် လည်း မတူတာက များနေ၏။ ဒေါ်အောင်ဆန်းစုကြည်က အတတ်နိုင်ဆုံး တူအောင် ကြိုးစားခဲ့လေသည်။ ထို့ကြောင့်လည်း NLD ၏ ယခင်က ရည်မှန်းချက်များကို ဘေးချကာ လွှတ်တော်ထဲကို ၀င်လိုက်သည်။ လွှတ်တော်ထဲတွင်လည်း ပြတ်သားသော အတိုက်အခံ ပါတီမျိုးလို မရပ်တည်နိုင်ခဲ့ပေ။ ဖဆပလခေတ်က အတိုက်အခံ ပမညတများမှာ ၄၀ ကျော်သာ ရှိသော်လည်း ပြတ် သားပြောင်မြောက်သော ဆွေးနွေးဝေဖန်ချက် များသည် မြန်မာ့နိုင်ငံရေး သမိုင်းတွင် ထင်ရှားစွာ ကျန်ရစ်ခဲ့သည်။ ကာကွယ်ရေး ဘတ်ဂျက်ကို ပေါရိသာရ ဘတ်ဂျက်ဟု ဝေဖန်ခဲ့ခြင်းမျိုး၊ ၀ိဓူရ သခင်ချစ်မောင်ဟု နာမည် တွင်ကျန်ရစ်လောက်အောင် အုပ်စိုးသူ အစိုးရ၏ လုပ်ရပ်အပေါ် ခြေခြေမြစ်မြစ်၊ ပြတ်ပြတ်သားသား ဝေဖန်ခဲ့မှုများသည် မြန်မာ့လွှတ်တော် သမိုင်းတွင် ယနေ့အထိ ရှိနေခဲ့ပါသည်။ အတိုက်အခံတို့သည် ယခုအချိန်ထိ ဘာကိုမှ ထိပ်တိုက် မရင်ဆိုင်ခဲ့ပေ။ ပြုပြင် ပြောင်းလဲမည်ဟု ကတိအာမခံများ ကျယ်ကျယ်လောင်လောင် ပေးလာ သည်ကို မျှော်ရင်းမျှော်ရင်းဖြင့် ပထမ သက်တမ်း ကုန်ဆုံးဖို့ အချိန်နီးလာလေသည်။ ၄ နှစ်ထဲ ၀င်လာသည်။ ၅ နှစ်သို့ ရောက်တော့မည်။ အတိုက်အခံ များကလည်း (NLD ရော ၈၈ တို့ပါ) တွေ့ဆုံ ဆွေးနွေးပွဲကို မှန်မှန်ကန်ကန် ခြေခြေမြစ်မြစ် လုပ်မလားဟု မျှော်လင့်သည်။ တွေ့ ဆုံ ဆွေးနွေးပွဲ လုပ်မည်။ အတတ်နိုင်ဆုံး ပူးပေါင်း ဆောင်ရွက်မည်ဟု ရိုးရိုးသားသား သဘောထား ခဲ့သော်လည်း ဦးသိန်းစိန် အစိုးရသည် ယခင်ဗိုလ်သန်းရွှေ အစိုးရ အတိုင်းပင် တစ်မူးသားမျှ မလျှော့ဘဲ ရာနှုန်းပြည့် အမြတ်လိုချင်သည့် သဘောဖြင့် အတိုက်အခံများအတွက် ဘာအခွင့်အရေးမှ မပေးခဲ့။ ထို့ကြောင့် အတိုက်အခံများမှာ ““ငွေစိန်လှေလှော်ရင်း တက်ကျိုး ကုန်ကြတော့သည်”” သူတို့ မျှော်လင့်သော ဆိုရှယ်လစ်စနစ်သို့ သွားမလားဟု မျှော်တလင့်လင့် ဖြစ်နေသော သခင်သိန်းဖေမြင့်တို့၊ ၀ိဓူရ သခင်ချစ်မောင် တို့လို နိုင်ငံရေးသမားများနှင့် တူပါတော့သည်။ ဗိုလ်နေ၀င်းအစိုးရမှာ ကြွယ်ဝ သထက် ကြွယ်ဝနှင့် နောက်ဆုံး ၈၈ အရေးတော်ပုံကြီး ဖြစ်ပေါ်လာကာ ထိုလူရမ်းကားများကို ဖြုတ်ချ ပစ်လိုက်တော့ သည်။ ထို့ကြောင့် သူတို့၏ ဇာတိရုပ်အပေါ် သဘောပေါက်သူတိုင်းက ထိုထိပ်သီးတွေ့ဆုံပွဲကို မျှော်လင့်ချက် မထားကြပေ။ ထူးခြား သည်ဟုလည်း မယုံကြည်ခဲ့ကြပေ။ အရေးကြီးသည်မှာ အနာဂတ်ကို ဖန်တီးသူများ မှာ ပြည်သူလူထုသာဖြစ်၏။ ထို့အတူ ပြည်သူကပင်လျှင် သမိုင်းကို ဖန်တီးပေလိမ့်မည်။

မြန်မာသံတော်ဆင့်သတင်းဌာန- http://www.facebook.com/myanmarherald

မြောက်ကိုရီးယား ခေါင်းဆောင်ဟောင်း ကင်မ်ဂျုံအီ၏ ကိုယ်ရံတော် အဖြစ် ဆောင်ရွက်ခဲ့ဖူးသူက ကင်မ်ဂျုံအီနေရာကို ဆက်ခံခဲ့သူ လက်ရှိ မြောက်ကိုရီးယား ခေါင်းဆောင် ကင်မ်ဂျုံအန်၏ ကြောက်မက်ဖွယ် ကောင်းပုံများကို ဖွင့်ဟခဲ့သည်။ လီယောင်ဂွတ်ဟု အမည်ရသည့် အဆိုပါ ကိုယ်ရံတော်ဟောင်းက ကင်မ်ဂျုံအန်သည် ဖခင် ကင်မ်ဂျုံအီထက် ပိုမို အန္တရာယ် များသူ ဖြစ်ကြောင်း ပြောကြားခဲ့ခြင်း ဖြစ်သည်။
KIm
မြောက်ကိုရီးယား ခေါင်းဆောင်ဟောင်း ကင်မ်ဂျုံအီ၏ သက်တော်စောင့် အဖြစ် ၁၀ နှစ်ကြာ ဆောင်ရွက်ခဲ့သူ လီက လက်ရွေးစင် သက်တော်စောင့် တစ်ဦး ဖြစ်ရန် အတွက် ပြင်းထန် ကြမ်းတမ်းသည့် လေ့ကျင့်ခန်းများ ပြုလုပ်ခဲ့ရပြီး ယင်းတို့ ကိုယ်ခံပညာစွမ်းဖြင့် အုပ်ကျွပ်ပြားများကို လက်သီးဖြင့် ထိုးခွဲ နိုင်သည် အထိ လေ့ကျင့်ကြ ရကြောင်း ဆိုသည်။

"ကင်မ်ဂျုံအီ ရောက်လာပြီ ဆိုရင် သူ့ရဲ့ အကြံပေးတွေက အပြေးအလွှား ပုန်းကြတယ်။ မျက်ခင်းတွေ ဘာတွေထဲ ပစ်လှဲပြီးတော့ပေါ့။ အဲလို ပုန်းကြရင် တစ်ခါတစ်ခါ သူတို့တွေ တစ်ကိုယ်လုံး ဗွက်တွေနဲ့ ပေပွ သွားတတ်တယ်။ သူတို့ဘာလို့ ဒီလို လုပ်ကြလဲ ဆိုတော့ ကင်မ်ဂျုံအီ ကို ကြောက်ကြ လို့ပါ။ ကင်မ်ဂျုံအီက ပျော်နေရင်တောင် သူတို့ ခေါင်းတွေကို အခန့်မသင့်ရင် ဖြတ်သွား နိုင်တယ်လေ"ဟု CNN နှင့် ပြုလုပ် ခဲ့သည် အင်တာဗျူးတွင် လီဆောင်ဂွတ်က ပြောခဲ့သည်။ ကင်မ်ဂျုံအီ၏ ကိုယ်ပိုင် ဓာတ်လှေခါးနှင့် ထွေးခံကို သုံးမိသည့် အကြံပေး တစ်ဦးမှာ အကျဉ်းစခန်းသို့ အပို့ခံခဲ့ရပြီး ထိုနေရာမှာတွင် သေဆုံးသွား ခဲ့ရသည်။

"ကင်မ်ဂျုံအန်ဟာ သူ့အဖေတောင် မသတ်ခဲ့တဲ့ သူ့ဦးလေး ဖြစ်သူကို အာဏာ ခိုင်မြဲဖို့အတွက် တစ်ခုတည်းနဲ့ သတ်ခဲ့တယ်။ နိုင်ငံ့ အာဏာကို မျိုးဆက် တစ်ခုတည်းက သုံးဆင့်လောက် လက်ဆင့် ကမ်းလာတဲ့ အခါမှာ ရက်စက်ကြမ်းကျုတ်မှု အဖြစ် ပြောင်းလာခဲ့တယ်။ ကင်မ်ဂျုံအန် ဟာ လူတွေကို အကြောက်တရားနဲ့ လွှမ်းမိုးပြီး သူ့ကို သစ္စာရှိဖို့ အားထုတ်ခဲ့တယ်။ ဒါပေမဲ့ အဲဒီသစ္စာရှိမှု အစစ်အမှန်ကို သူမရခဲ့ဘူး။ သူရတာက အတုကြီးပဲ"ဟု လီဆောင်ဂွတ်က ဆက်လက် ပြောကြား ခဲ့သည်။

နောက်ပိုင်းတွင် သူ၏ ဆွေမျိုးတော်သူ တစ်ဦး ကင်မ်ဂျုံအန်၏ ယာဉ်မောင်း ဖြစ်လာခဲ့ သောကြောင့် လီမှာ မိသားစု အတွင်းမှ လူတစ်ဦးသာ တာဝန်ထမ်းဆောင်ခွင့် ရှိသည့် စည်းမျဉ်းကြောင့် လီဆောင်ဂွတ်မှာ ကိုယ်ရံတော် အဖြစ်မှ အနားယူခဲ့သည်။ လီသည် မွေးရပ်မြေ သို့ ပြန်ရောက်ပြီး နောက်တွင် ဖမ်းဆီးခြင်း ခံခဲ့ရပြီး အကျဉ်းစခန်းသို့ အပို့ခံခဲ့ရသည်။ ယင်းနောက် အကျဉ်းစခန်းမှ လွတ်မြောက် ကာ တောင် ကိုရီးယားသို့ ရောက်ရှိ လာခဲ့ခြင်း ဖြစ်သည်။ လက်ရှိတွင် လီဆောင်ဂွတ် အနေဖြင့် ကင်မ်ဂျုံအီ၏ ကိုယ်ရံတော် ဘ၀ အတွေ့အကြုံ များကို စာအုပ်တစ်အုပ် ရေးသားလျှက် ရှိသည်။
Ref: Daily Mail

ဒီမိုကရေစီလှုပ်ရှားတက်ကြွသူများနှင့် PR စနစ်ကို မလိုလားသော ပြည်သူများနှင့် အမျိုးသားဒီမိုကရေစီအဖွဲ့ ချုပ် ဗိုလ်တထောင်မြို့နယ်တို့ ဦးဆောင်ပြီး နိုဝင်ဘာ(၈)ရက်နေ့က PR စနစ်ကို ဗိုလ်ချုပ်အောင်ဆန်းလမ်းနဲ့ သိမ်ဖြူလမ်းဒေါင့်တို့မှစတင်၍ ဆန္ဒထုတ်ဖော်ကြသည်။

ပုဇွန်တောင်မြို့နယ် ဒီမိုကရေစီလှုပ်ရှားတက်ကြွသူ ကိုမြင့်မြတ်သူက ''PR စနစ် ကောင်းတယ်၊ မကောင်းဘူး ကျွန်တော် မပြောချင်ဘူး။ လက်ခံကျင့်သုံးတဲ့ နိုင်ငံတွေရှိတယ်။ ဒါပေမဲ့ ကျွန်တော် နိုင်ငံနဲ့အစဉ်မပြေသေးဘူး။ မြန်မာနိုင်ငံရေးအခြေအနေနှင့် PR စနစ်ကျင့်သုံးရန် အဆင်သင့်မဖြစ်သေးဘူး။ ပြည်သူရွေးချယ်တဲ့ ကိုယ်စား လှယ် ၁၀၀% လွှတ်တော်ထဲရောက်မှ ရွေးချယ်ပြဋ္ဌာန်းသင့်တယ်။ နောက်တချက်က ၂၀၀၈ အခြေခံ ဥပဒေ ပြင်ဆင်မှုလည်း ဘာအသံမှမထွက်သေးဘဲ စစ်တပ်ကြီးစိုးဖို့ PR စနစ်ကို လွှတ်တော်မှ ထည့်သွင်းပြဋ္ဌာန်းဖို့ ကြိုးစား ခြင်းဖြစ်တယ်''ဟု ပြောကြားသည်။

လက်ရှိအချိန်တွင် မြန်မာနိုင်ငံရေးအခြေနေမှ နိုင်ငံရေးစီးပွားရေးလူမှုရေး ပြည်တွင်းငြိမ်းချမ်းရေး တရားဥပဒေ စိုးမိုးသည့်ပြဿနာရှိကြောင်း များစွာရှုပ်ထွေးနေဆဲဖြစ်ပြီး မြန်မာနိုင်ငံတွင် PR စနစ်ကို လောလောဆယ် ကျင့်သုံးလျှင် နောက်ထပ် ရှုပ်ထွေးမှုများဖြစ်လာနိုင်ကြောင်း၊ ဒါကြောင့် ပြည်သူက မလိုလားသော PR စနစ်ကို လွှတ်တော်ထဲတွင် ပြဋ္ဌာန်းဖို့လုပ်နေခြင်းကို ကန့်ကွက်ဆန္ဒပြရခြင်းဖြစ်သည်ဟု ဒီမိုကရေစီလှုပ်ရှားတက်ကြွသူ မလဲ့လဲ့ဝင်းက ပြောကြားသည်။

ယင်းဆန္ဒထုတ်ဖော်ပွဲကို ပြည်သူ ၂၀၀ ကျော် ဆန္ဒထုတ်ဖော်ခဲ့ပြီး ဗိုလ်ချုပ်လမ်းနှင့် သိမ်ဖြူလမ်းဒေါင့်မှ စတင် ထွက်ခွာပြီး ဗိုလ်ချုပ်လမ်း၊ ဗိုလ်မြတ်ထွန်းလမ်း၊ ရေကျော်လမ်းမကြီးအတိုင်း ကုန်သည်လမ်း၊ ဗိုလ်အောင်ကျော် လမ်းနှင့် မဟာဗန္ဓုလလမ်းဖြစ်ပြီး ဗိုလ်တထောင်တ၀ိုက်တွင် ပြီးဆုံးကြောင်း သိရသည်။

News Watch(စောင့်ကြည့်သတင်းဂျာနယ်)


၁၈၇ မိုင်အထိ ခရီးနှင်ရမည့် ဈာပနအခမ်း အနားတစ်ခုသို့ ကွေ့ကောက်၊ မတ်စောက်သည့် လမ်းများအတိုင်း တရွေ့ရွေ့နှင်နေသည်။ အရပ်ဘက် အဖွဲ့အစည်းတို့က အလွတ်သတင်းထောက်၊ နိုင်ငံရေးတက်ကြွ လှုပ်ရှားသူအဖြစ် သတ်မှတ်သူ၊ တပ်မတော်က 'ရန်သူ' ဟု သုံးနှုန်းဖော်ပြ သတင်းထုတ်ပြန်သူ ကိုပါကြီး၏ နိုဝင်ဘာ ၆ ရက် မော်လမြိုင်-ရန်ကုန် ဈာပနခရီးပင်။

Ko-Pargyi-Bier-at-Yangon-02
မော်လမြိုင်မှ ရန်ကုန်သို့သွားရာလမ်း စစ်တောင်းတံတားအကျော် စစ်တောင်း-ကျိုက်ထိုလမ်းပိုင်း လမ်းအသုံးပြုခ ကောက်ခံရာ နေရာတွင် ကိုပါကြီးရုပ်အလောင်းပါယာဉ် ဖြတ်သန်းသွားလာခြင်းကို လာရောက်တားမြစ်နေသည့် သံဃာသုံးပါးကို နိုဝင်ဘာ ၇ ရက်က တွေ့ရစဉ်။ (ဓာတ်ပုံ - ဟိန်းထက်၊ မဇ္ဈိမ)
"အာမခံ တစ်စုံတစ်ရာမရှိဘဲ စိုးရိမ်ကြောင့်ကြမှုတွေနဲ့ သယ်လာရတယ်။ အရေးရယ် အကြောင်းရယ်ဆို ချက်ချင်းလိုက်ဖို့ ညမအိပ်၊ နေ့မအိပ် စောင့်နေရတာ" ဟု ၈၈ မျိုးဆက်ကျောင်းသားများအဖွဲ့၊ ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးဂျင်မီက ပြောသည်။
ဟုတ်သည်။ ဖမ်းဆီးထားရာမှ သေနတ်လု ထွက်ပြေး၍ ပစ်သတ်လိုက်ရသည်ဟု တပ်မတော်ကပြောသော ကိုပါကြီး၏ ရုပ်အလောင်း ရန်ကုန်သို့ သယ်ဆောင်သင်္ဂြိုဟ်မည့် အစီအစဉ်မှာ ချောမွေ့ခဲ့သည်မဟုတ်။ တပ်မတော်က မြှုပ်နှံ ထားသော ကိုပါကြီးအလောင်းကို ပြန်ဖော်စစ်ဆေးခွင့် ရရန်ပင် လွယ်ကူခဲ့ခြင်းမရှိ။
နိုဝင်ဘာ ၅ ရက်နောက်ပိုင်း အလောင်းပြန်ဖော်စစ်ဆေးခွင့် ရပြီးသော်လည်း မိသားစုဝင်နှင့် ကိုပါကြီးအရေး စိတ်ပူသူ တို့ ရတက်မအေးခဲ့ရပေ။ "အလောင်းဖော်တဲ့ နေ့မှာ ထုတ်တဲ့ ၂၄ နာရီအတွင်း သင်္ဂြိုလ်ရန်ဆိုတဲ့ စာကို မော်လမြိုင် စည်ပင်က နိုဝင်ဘာ ၆ ရက် ည ၉ နာရီခွဲမှ လာပေးတယ်" ဟု ကိုပါကြီး၏ ဇနီးသည် မသန္တာက ပြောသည်။
သက်မဲ့ ပစ္စည်းသယ်ယူရေး ပညတ်ချက်မရှိ
အလောင်းပြန်သယ်ခွင့်မပြု ဟူသော ခြိမ်းခြောက်မှုတို့ ကြုံတွေ့ခဲ့ရပြီး တားမြစ်သူတို့မှာ သံဃာအချို့ဟု ကိုပါကြီး၏ ဇနီးကို လိုက်ပါကူညီနေသူ ဒေါ်နော်အုန်းလှက ဆိုသည်။ နိုဝင်ဘာ ၅ ရက် အလောင်းဖော်ပြီးချိန် မော်လမြိုင်မြို့တွင် တစ်ကြိမ်၊ ပြန်သယ်လာသည့် မော်လမြိုင်-ရန်ကုန်ခရီး စစ်တောင်းတံတားအဆင်း လမ်းဖြတ်သန်းခ ကောက်ခံရာနေရာ တွင် တစ်ကြိမ် ကြုံရခြင်း ဖြစ်သည်။
"ဘာသာရေးအရလို့ တားတယ်လို့ ဆိုကြတယ်။ ဘုရားဟောမှာ ဒီလိုမျိုးပါ တယ်ဆိုရင် ဘုန်းကြီးနဲ့ မျက်နှာချင်းဆိုင် လာရှင်း လှည့်၊ ရဟန်း၊ သံဃာဆိုတာ အသုဘမှာ သရဏဂုံတင်ပေးပို့ တာဝန်ရှိတဲ့ ပုဂ္ဂိုလ်တွေ၊ ဘုရားက သက်မဲ့ပစ္စည်း ဟိုဒီမသယ်ရဆိုပြီး ဟောခဲ့တာ ဘယ်ကျမ်းမှာမှ မရှိဘူး" ဟု ရွှေညဝါ ဆရာတော် ဦးပညာသီဟက မိန့်သည်။
ထိုသို့ ဟန့်တားမှုများရှိသော်လည်း ဈာပနခရီး၏ အဆုံးသတ်လားရာ ရန်ကုန်မြို့ ရေဝေးသုသာန်သို့ ၆ နာရီခန့် အချိန်အတွင်း ရောက်ရှိနိုင်ခဲ့ကြသည်။
သတင်းထောက် ဟုတ်ဟုတ် မဟုတ်ဟုတ်
ကိုပါကြီးသေဆုံးမှုဖြစ်စဉ်သည် မြန်မာနိုင်ငံတွင် တရားဥပဒေ စိုးမိုးမမှုရှိခြင်း၏ သက်သေပင်ဖြစ်သည်ဟု Equallity Myanmar အဖွဲ့ဒါရိုက်တာ ဦးအောင်မျိုးမင်း က သုံးသပ်သည်။ "ဥပဒေကြောင်းအရ ဒီဖြစ်စဉ်မှာ အပြစ်ရှိသူတွေကို အပြစ်ပေးဖို့လိုတယ်" ဟု ၎င်းက ပြောသည်။
တပ်မတော်၏ အောက်တိုဘာလအတွင်း နှစ်ကြိမ်တိုင် သတင်းထုတ်ပြန်မှုအတွင်း သေနတ်လု၍ ပစ်ခတ်ရခြင်း၊ ကိုပါကြီး အလွတ်သတင်းထောက် မဟုတ်၊ လက်နက်ကိုင်တပ်ဖွဲ့ဝင် ဟူသော အချက်နှစ်ချက် အစဉ်တစိုက်ပါဝင်သည်။ တရားလွှတ်တော်ရှေ့နေ ဦးသိန်းသန်းဦးကမူ ကိုပါကြီး သေဆုံးမှုအပေါ် အရေးယူ ကိုင်တွယ်ရာတွင် သတင်းထောက် ဟုတ်မဟုတ်သည် အခရာမကျဆိုသည်။
"တည်ဆဲ ပြစ်မှုဆိုင်ရာဥပဒေတွေမှာ ကြည့်ပါ၊ ရဲဖြစ်ဖြစ်၊ စစ်တပ်ဖြစ်ဖြစ် စစ်ဆေးခံရသူကို ညှဉ်းပန်းနှိပ်စက်ခွင့်ပေး မထားဘူး။ တင်းထောက်မဟုတ်ဘဲ လက်နက်ကိုင်ဆိုရင်လည်း စစ်သုံ့ပန်းဆိုင်ရာ ဂျနီဗာ သဘောတူစာချုပ်အရ ခွင့်ပြုမထားဘူး" ဟု ၎င်းက ပြောသည်။
ဥပဒေစိုးမိုးရေးနှင့် တပ်မတော်
သုံးသပ်သူအချို့ တညီတညွတ်တည်းပြောသည်က ယင်းဖြစ်စဉ်တွင် ရဲတပ်ဖွဲ့၏ အခန်းကဏ္ဍ မှေးမှိန်နေရခြင်းသည် ဥပဒေ စိုးမိုးရေးနှင့် တပ်မတော် မည်သူအထက်က ရှိနေသနည်းဆိုသောမေးခွန်းပင်။ ဖွဲ့စည်းပုံ အခြေခံဥပဒေ၌ပင် တပ်မတော်ကကျူးလွန်သော ပြစ်မှုများကို စစ်ဘက်ဆိုင်ရာ တရားရုံးကသာ စီရင်ခွင့်ရသည့် ပြဋ္ဌာန်းချက်များ ပါဝင်ပြီး ဖြစ်သည်။
"ဒီနေ့လို အခြေအနေမှာ အရပ်ဘက် တရားရုံးတောင်မှ တရားမျှတမှုကို ဆောင်ကြဉ်းပေးနိုင်ပါ့မလား လို့ ရေးရေးလေး မျှော်လင့်နေရတာ" ဟု ဦးသိန်းသန်းဦးက ပြောသည်။
၎င်းက အများပြည်သူရှေ့မှောက် မဟုတ်သည့် စစ်ဘက်ဆိုင်ရာ တရားစီရင်ရေးအပေါ် ယုံနိုင်မှုကိုလည်း မေးခွန်းထုတ် သည်။
ကိုပါကြီးကိစ္စတွင် ဗိုလ်မှူးကြီးအဆင့်ရှိ တပ်မတော်အရာရှိတစ်ဦး ဦးဆောင်၍ စုံစမ်းနေသည်၊ အလောင်းပြန်ဖော်၍ ရဲလက်အပ်ကာ မှုခင်းဆိုင်ရာ ဆေးစစ်ချက် ရယူသည်၊ မြန်မာနိုင်ငံအမျိုးသား လူ့အခွင့်အရေးကော်မရှင်ကလည်း သမ္မတ၏ ညွှန်ကြားချက်ဖြင့် စုံစမ်းစစ်ဆေးနေသည် စသဖြင့် သတင်းထုတ်ပြန်ထားသည်။

သို့သော် မေးစေ့ကို အနီးကပ် ပစ်ထားသည်ဆိုသော သေနတ်ဒဏ်ရာအပါအဝင် စုစုပေါင်း ငါးချက် မည်သည့် အတွက်ကြောင့် ဖြစ်ရသည်ကို ဆေးဘက်ဆိုင်ရာမှုခင်း ကျွမ်းကျင်၊ လူ့အခွင့်အရေးကော်မရှင်တို့ ထုတ်ပြန် ရှင်းလင်းခြင်း မရှိသေး။

ယင်းသည် တပ်မတော်အပါအဝင် နိုင်ငံကို အုပ်ချုပ်နေသည့် အဖွဲ့အစည်းအသီးသီး၌ အမူအကျင့်၊ စိတ်ဓာတ်၊ ခံယူချက်တို့ များစွာပြောင်းလဲရန် လိုနေသေးခြင်း၏ သက်သေဖြစ်သည်ဟု ဦးဂျင်မီက ပြောသည်။

"ကိုပါကြီးလို လူမသိသူမသိ သေသွားတာ ဘယ်နှယောက်ရှိပြီလဲ မပြောနိုင်ဘူး" ဟု ၎င်းက ဆိုသည်။
တရားလွှတ်တော်ရှေ့နေ ဦးသိန်းသန်းဦးကမူ ကိုပါကြီးဖြစ်စဉ်သည် တိုင်းပြည်၏ တရားဥပဒေစိုးမိုးရေးကို မီးမောင်း ထိုးပြသည့် အခြေအနေဟု ပြောသည်။
Written by ဉာဏ်လှိုင်လင်း၊ မင်းဟိန်းထက်
http://mizzimaburmese.com/2013-10-20-16-16-07/2013-11-01-01-48-27/item/31922-2014-11-08-05-02-33


အလွတ် သတင်းထောက် ကိုအောင်ကျော်နိုင် ခေါ် ကိုပါကြီး အသတ်ခံရတဲ့ ကိစ္စရဲ့ တကယ့် ဖြစ်ရပ်မှန်ကို ဖော်ထုတ်ဖို့ မြန်မာ အစိုးရဟာ အခိုင်အမာ ရှိပုံ မရဘူးလို့ နယူးယောက် အခြေစိုက် သတင်းမီဒီယာသမားများ အကာအကွယ် ပေးရေး ကော် မတီ CPJ က ပြောလိုက်ပါတယ်။

“ဘယ်သူက သေနတ်နဲ့ပစ်တယ်၊ သူ့ကိုဘာ့ကြောင့် သတ်တယ်၊ တကယ်တမ်း ဘာဖြစ်ခဲ့တယ် ဆိုတာတွေကို အစိုးရက ဖော်ထုတ်ချင်ပုံမရပါဘူး။ အစိုးရဘက်က ခုခံကာကွယ်ပြောတာတွေပဲ ကျနော်တို့ ကြားရပါတယ်။ သူဟာ သတင်းထောက် မဟုတ်ဘူး၊ သူဟာ သူပုန် စသည်အားဖြင့်ပါ။ သတင်းထောက်တယောက်ကို အတော်လေး သွေးအေးအေးနဲ့ သတ်ပစ်လိုက်တယ် ဆိုတာကို ငြင်းဖို့ပဲ ကြိုးစားနေပါတယ်။” လို့ CPJ အဖွဲ့က အာရှအစီအစဉ် လုပ်ငန်းညှိနှိုင်းရေးမှူး Bob Dietz က ဗွီအိုအေကို ပြောပါတယ်။

အစိုးရ စစ်တပ်ဟာ အရင်ခေတ်ကလိုပဲ သူတို့ဘာပဲလုပ်လုပ် ဘာအကျိုးဆက်မှ မခံရဘဲ ဘယ်သူ့ကိုမှ တာဝန်ခံဖို့ မလိုဘူးဆိုတာမျိုး ယူဆနေတုန်းပဲလို့ သူထင်တဲ့ အကြောင်း Bob Dietz ကပြောပါတယ်။ ဒါဟာ ဒီမိုကရေစီနိုင်ငံတခုရဲ့ လုပ်ဆောင်ပုံ မဟုတ်ဘူး လို့လည်းသူကဆိုပါတယ်။ မြန်မာနိုင်ငံရဲ့ တရားရေးစနစ်၊ စစ်တပ်နဲ့ အစိုးရတို့ကို ယုံကြည်လို့မရတဲ့အတွက် နိုင်ငံတကာကနေ စုံစမ်းစစ်ဆေးမှု   လုပ်ရမယ်လို့ Bob Dietz ကပြောပါတယ်။

CPJ အဖွဲ့ဟာ နိုဝင်ဘာလ ၇ ရက် သောကြာနေ့ နေ့စွဲနဲ့ သမ္မတ အိုဘားမားဆီ အိတ်ဖွင့်ပေးစာ တစောင် ပေးပို့ပြီး မြန်မာနိုင်ငံမှာ သတင်းသမားတွေကို သတ်ဖြတ်တာ၊ ထောင်သွင်း အကျဉ်းချတာ၊ အနှောက်အယှက် ပေးနေတာတွေနဲ့ ပတ်သက်ပြီး အထူး စိုးရိမ်မိတဲ့အကြောင်း ဖော်ပြ ရေးသားထားပါတယ်။

အမေရိကန်နဲ့မြန်မာအကြား အနာဂတ် ထိတွေ့ဆက်ဆံမှုဟာ သတင်းစာ လွတ်လပ်ခွင့်နဲ့ပတ်သက်လို့ မြန်မာအစိုးရရဲ့ သဘောထားနဲ့ရပ်တည်ချက်အပေါ် မူတည်တယ်ဆိုတာ သမ္မတအိုဘားမားရဲ့ လာမယ့်ခရီးစဉ်အတွင်း သမ္မတဦးသိန်းစိန်ကိုပြောဖို့ CPJ က တိုက်တွန်းထားပါတယ်။

ဗွီအိုအေ (မြန်မာပိုင်း)
http://burmese.voanews.com/content/article/2512790.html

အမေရိကန် သမ္မတ ဘရတ်အိုဘားမား ဟာ ရှေ့သီတင်းပတ်ထဲ မြန်မာနိုင်ငံကို သွားဖို့ရှိနေပြီး အာဆီယံနဲ့ အရှေ့ အာရှ ထိပ်သီး ညီလာခံတွေကို တက်ရောက် မှာဖြစ်သလို သမ္မတ ဦးသိန်းစိန် အတိုက်အခံ ခေါင်းဆောင် ဒေါ်အောင်ဆန်းစုကြည် နဲ့ လူမှု အဖွဲ့အစည်းက ခေါင်းဆောင်တွေကို လည်း တွေ့ဆုံဖို့ရှိပါတယ်။ မြန်မာနိုင်ငံ မှာ ဒီမိုကရေစီရေး ပြုပြင်ပြောင်းလဲမှုတွေ ဖြစ်လာစေဖို့၊ လူ့အခွင့်အရေး ကာကွယ်စောင့်ရှောက်မှု ကို သေသေချာချာ ဆောင်ရွက်ဖို့ လိုအပ်ကြောင်း သမ္မတ အိုဘားမားက တိုက်တွန်းဖို့ ရှိတဲ့အကြောင်း သောကြာနေ့က သမ္မတ အိမ်ဖြူတော် မှာ ကျင်းပတဲ့ သတင်းစာ ရှင်းလင်းပွဲမှာ ပြောကြားခဲ့ပါတယ်။ အပြည့်အစုံ ကိုတော့ ဒေါ်ခင်မျိုးသက်က ပြောပြပေးပါမယ်။

အမေရိကန်သမ္မတ ဘရတ်အိုဘားမားဟာ သူ့ရဲ့ ဒုတိယ သမ္မတ သက်တမ်း မကုန်ခင် နှစ်နှစ်အတွင်း အာရှဒေသနဲ့ မဟာဗျူဟာ ချိန်ခွင်လျှာ ညှိဖို့အတွက် အဓိက လုပ်ဆောင်နေတာဖြစ်ပြီး ဒါကို အကောင်အထည်ဖော်ဖို့ ကြိုးစားတဲ့အနေနဲ့ ရှေ့သီတင်းပတ်ထဲမှာ တရုတ်၊ မြန်မာနဲ့ သြစတြေးလျ နိုင်ငံတွေကို သွားရောက်မှာဖြစ်ပါတယ်။ သမ္မတ အိုဘားမားဟာ ပထမဆုံး တရုတ်နိုင်ငံကို သွားရောက်ပြီး အာရှ ပစိဖိတ်ဒေသ၊ စီးပွားရေး ပူးပေါင်းဆောင်ရွက်မှု APEC ညီလာခံကို တက်ရောက်မှာဖြစ်ပါတယ်။

အဲ့ဒီ့ကမှ တဆင့် မြန်မာနိုင်ငံကို သွားရောက်တဲ့အခါမှာ နေပြည်တော်မှာ ကျင်းပမယ့် အရှေ့အာရှ ထိပ်သီးညီလာခံ နဲ့ အမေရိကန် အာဆီယံ ထိပ်သီး ဆွေးနွေးပွဲတွေကို တက်ရောက်မယ့် သောကြာနေ့ သမ္မတ အိမ်ဖြူတော်မှာ ပြုလုပ်တဲ့ သတင်းစာရှင်းလင်းပွဲမှာ အမျိုးသားလုံခြုံရေး အကြံပေး Susan Rice က ပြောပါတယ်။

"သမ္မတ အိုဘားမားအနေနဲ့ ဒီညီလာခံတွေကို တက်ရောက်ရာမှာ ပင်လယ်ရေပြင် ပိုင်နက် ဆိုင်ရာ အငြင်းပွားမှုတွေ အစ္စလာမ်မစ် အစွမ်းရောက် နှိမ်နှင်းရေး လှုပ်ရှားမှုနဲ့ အီဘိုလာ ရောဂါကူးစက်မှု တိုက်ဖျက်ရေး လှုပ်ရှားမှု အပါအဝင် နိုင်ငံတကာ ဥပဒေတွေ နဲ့ စံနှုန်းတွေကို ဆက်လက်ထိန်းသိမ်းရေးနဲ့ ပတ်သက်လို့ အကဲစမ်းမှုတွေကို ရင်ဆိုင် ရာမှာ ဒေသန္တရ ခေါင်းဆောင်မှု ကို ထောက်ခံအားပေးဖို့ အမေရိကန်ပြည်ထောင်စုရဲ့ ခေါင်းဆောင်မှုကို အဓိကထား တင်ပြဆွေးနွေးသွားဖို့ရှိပါတယ်။"

မြန်မာနိုင်ငံမှာ ရှိနေစဉ် အတွင်း အာဆီယံ ထိပ်သီးအစည်းအဝေး တက်ရောက် လာတဲ့ ဗီယက်နမ်ဝန်ကြီးချုပ်နဲ့လည်း တွေ့ဆုံဖို့ရှိပါတယ်။ ဒါ့အပြင် အမေရိကန် သမ္မတ ဘရတ်အိုဘားမားဟာ နေပြည်တော်မှာ သမ္မတဦးသိန်းစိန်နဲ့ သီးခြားတွေ့ဆုံ မှာ ဖြစ်သလို အတိုက်အခံခေါင်းဆောင် ဒေါ်အောင်ဆန်းစုကြည်နဲ့ လည်း ရန်ကုန်မှာ တွေ့ဆုံဖို့ စီစဉ်ထားပါတယ်။ အခုလို တွေ့ဆုံချိန်တွေမှာ အမေရိကန်ပြည်ထောင်စုရဲ့ မြန်မာနိုင်ငံဆိုင်ရာ မူဝါဒနဲ့ ပတ်သက်ပြီး ပြောကြားဖို့ရှိတယ်လို့ ဆိုပါတယ်။

"ကျမတို့ရဲ့ အဓိက အမှာစကားကတော့ မြန်မာနိုင်ငံရဲ့ အသွင်ကူးပြောင်းရေး ကာလမှာ တိုးတက်မှုတွေ ရရှိနေတယ်ဆိုတာကို အမေရိကန် ပြည်ထောင်စုက အသိအမှတ်ပြုသလို တချိန်တည်းမှာပဲ ကြီးမားတဲ့ အကဲစမ်းမှုတွေ ကျန်ရှိနေသေးတဲ့အပြင် အသွင်ကူးပြောင်းရေး ကို ဖော်ဆောင်ရာမှာ ခြေလှမ်း မှားတွေ ယူခဲ့တာကို တွေ့ရတယ်ဆိုတဲ့ အချက်ပါပဲ။ ဒါကြောင့် အမေရိကန်ပြည်ထောင်စုအနေနဲ့ အလေးအနက် အသိပေးလိုတာကတော့ နှစ်နိုင်ငံ ထိတွေ့ဆက်ဆံရေးမှာ ပြုပြင်ပြောင်းလဲရေးကို လမ်းမှန်ပေါ်ရောက်စေဖုိ့ ကူညီဆောင်ရွက်သွားမှာဖြစ်သလို မြန်မာအစိုးရအနေနဲ့ ကျန်ရှိနေသေးတဲ့ အကဲစမ်းမှုတွေကို ရင်ဆိုင်ရာမှာ အမေရိကန်ပြည်ထောင်စုအနေနဲ့ ဆက်လက်ထောက်ခံ အားပေးသွားဖို့ အဆင်သင့်ရှိတယ်ဆိုတဲ့ အချက်တွေပါပဲ။"

အခုလို အမေရိကန်အစိုးရက မြန်မာနိုင်ငံအတွက် ပံ့ပိုးမှုတွေ လုပ်နေချိန် မှာ မြန်မာအစိုးရ လုပ်ဆောင်နေတဲ့ ပြုပြင်ပြောင်းလဲမှုတွေ ဒီမိုကရေစီ လမ်းကြောင်းပေါ် ရောက်အောင် လုပ်ဖို့ လိုအပ်တယ်လို့ ဆိုပါတယ်။

"ဒါကြောင့် မြန်မာနိုင်ငံမှာ ကျမတို့အနေနဲ့ အလေးအနက် ပြောကြားလိုတာကတော့ လူ့အခွင့်အရေးကို ကာကွယ်စောင့်ရှောက်ဖို့ လူ့အဖွဲ့အစည်းအတွင်း စိတ်ရှည်သီးခံမှုရှိဖို့နဲ့ အုပ်စုအားလုံးတို့ ပါဝင်မှု ရစေဖို့အပြင် ဒီမိုကရေစီအသွင်ကူးပြောင်းရေးကို အဓိပ္ပါယ်လေးနက်စွာနဲ့ ဆက်လက်ထိန်းသိမ်း ဖော်ဆောင်နိုင်ရေးအတွက် ကူညီပေးဖို့ အမေရိကန်ပြည်ထောင်စုအနေနဲ့ သန္နိဋ္ဌာန် ခိုင်မာမှုရှိတယ်ဆိုတဲ့ အချက်ပါပဲ။"

သမ္မတ အိုဘားမားဟာ နိုဝင်ဘာလ ၁၄ရက်နေ့မှာ ရန်ကုန်မြို့ကို သွားရောက်မှာဖြစ်ပြီး အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် နဲ့ တွေ့ဆုံဖို့ စီစဉ်ထားသလို ယဉ်ကျေးမှုပွဲတော်တခုကို တက်ရောက်မှာလည်း ဖြစ်ပါတယ်။ ဒါ့အပြင် မြန်မာလူမှု လူ့အဖွဲ့အစည်းခေါင်းဆောင်တွေနဲ့ တွေ့ဆုံမှာဖြစ်ပြီး မလေးရှားနိုင်ငံမှာ တွေ့ဆုံခဲ့တဲ့ Town Hall တွေ့ဆုံပွဲလို အရှေ့တောင် အာရှ လူငယ်ခေါင်းဆောင်တွေနဲ့ နောက်ထပ် တွေ့ဆုံပွဲ တခုကိုလည်း လုပ်ဆောင်မှာဖြစ်ပါတယ်။ သမ္မတ အိုဘားမားဟာ မြန်မာနိုင်ငံက အပြန် သြစတြေးလျနိုင်ငံမှာ ကျင်းပမယ့် G20 နိုင်ငံ ၂၀ခေါင်းဆောင်တွေရဲ့ အစည်းအဝေးကို သွားရောက်မှာဖြစ်ပါတယ်။

VOA

မြန်မာနိုင်ငံကို အခုလာမယ့်ရက်ပိုင်းအတွင်း သွားရောက်တဲ့အခါမှာ ဒီမိုကရေစီရေး ပြုပြင်ပြောင်း လဲမှုတွေ ဖေါ်ဆောင်ရေးမှာ အချိန်ဆွဲနေတာရပ်ဆိုင်း ဖို့ ဦးသိန်းစိန်အစိုးရကို ဖိအားပေးပါလို့ အမေရိ ကန် အောက်လွှတ်တော်အမတ် ၄၀ ကျော်က အမေရိကန်သမ္မတ Mr Obama ကို မနေ့က စာရေးသားတိုက်တွန်းလိုက်ကြပါတယ်။

အတိုက်အခံ Republican ပါတီ အမတ်တွေဖြစ်ကြတဲ့ Joe Crowley, Steve Cabot, Trent Franks နဲ့ Jim McGovern တို့ ဦးဆောင်ပြီး နိုင်ငံရေးပါတီကြီးနှစ်ခု စလုံးက အောက်လွှတ်တော်အမတ် ၄၀ ကျော် က ပေးစာတစ်စောင်ပေးပို့လိုက်ကြတာပါ။

အဲဒီ့ပေးစာထဲမှာ အမေရိကန် -မြန်မာ ဆက်ဆံရေး ပိုမိုတိုးတက်ကောင်းမွန်လာစေချင်ရင် လူ့အခွင့်အရေး ချိုးဖေါက်မှုတွေ ရပ်စဲပေးဖို့နဲ့ လွတ်လပ်ပြီး တရားမျှတတဲ့ ရွေးကောက်ပွဲကျင်းပပေးဖို့ Mr Obama အနေနဲ့ တိုက်တွန်းပါလို့လည်း ထည့်သွင်းဖေါ်ပြထား ပါတယ်။

ဒါ့အပြင် မြန်မာပြည်သူတွေအနေနဲ့ သူတို့ လိုလားထောက်ခံတဲ့ပုဂ္ဂိုလ်ကို လွတ်လပ်စွာ ရွေးချယ်တင်မြှောက်နိုင် ခွင့်ရှိအောင် ဖွဲ့စည်းပုံ အခြေခံဥပဒေကို ပြင်ဆင်သင့်သလို ပြင်ဆင်ပေးရမှာဖြစ်ကြောင်း၊ ကချင် ရှမ်းစတဲ့ တိုင်းရင်းသားလူမျိုးစုတွေအပေါ် တိုက်ခိုက်နေတာတွေ၊ ရခိုင်ပြည်နယ်မှာ ရိုဟင်ဂျာ မွတ်စလင်တွေကို အကြမ်းဖက် ဖိနှိပ်နေတာတွေကို ရပ်စဲဖို့နဲ့ နိုင်ငံရေး အကျဉ်းသားတွေကို လွှတ်ပေးမယ်လို့ ကတိပြုထားပြီး ကတိစကား ချိုးဖေါက်နေတာတွေ ရပ်စဲဖို့လိုကြောင်းလည်း အဲဒီ့အမေရိကန် အောက်လွှတ်တော်အမတ်တွေရဲ့ ပေးစာ မှာ ဖေါ်ပြထားပါတယ်။

RFA



ရန်ကုန်မြို့တော် စည်ပင်သာယာရေး ကော်မတီ အဆင့် ဆင့် ရွေးကောက်ပွဲ အတွက် ၀င်ရောက် ယှဉ်ပြိုင်ရန် အမည်စာရင်း တင်သွင်းထားသူ ဦးဝင်းချိုအား ကိုယ်ရေးရာဇ၀င် ဖြည့်သွင်းရာတွင် ထောင်ကျခဲ့သည့် အကြောင်းအား ထိန်ချန်ခဲ့သည်ဟုဆိုကာ စည်ပင်ကော် မရှင်က ပယ်ချခဲ့ကြောင်း ကာယကံရှင် ဖြစ်သူ ဦးဝင်းချိုက နိုဝင်ဘာလ ၃ရက်နေ့ တွင် မြန်မာ သံတော်ဆင့်သို့ ပြောသည်။

၂၀၁၀ ရွေးကောက်ပွဲ ကာလက တစ်သီးပုဂ္ဂလအဖြစ် ၀င်ရောက်ယှဉ်ပြိုင် ခံဖူးသူ ဦးဝင်းချိုသည် ရန်ကုန်မြို့တော် စည်ပင်သာယာရေး ကော်မတီဝင်အဖြစ် အနောက်ပိုင်းခရိုင်အတွက် ၀င်ရောက်ယှဉ်ပြိုင်ရန် စာရင်းပေးခြင်းဖြစ်ပြီး ကော်မရှင် အဖွဲ့ဝင်များ၏ ဆုံးဖြတ်ချက်ဖြင့် ယခုကဲ့သို့ ပယ်ချခံရခြင်း ဖြစ်သည်။

“ကျွန်တော့်ကို ကိုယ်ရေးရာဇ၀င် ထိန်ချန်မှုနဲ့တဲ့။ ကျွန်တော်ဟာ ထောင်ကျ ထားခဲ့ပါတယ် ဆိုတဲ့ဟာကို ကိုယ်ရေးရာဇ၀င်ထဲမှာ ထည့်မရေးလို့တဲ့။ ဆိုတော့ အဲဒီ စိစစ်တဲ့နေ့တုန်းက ကျွန်တော် သေသေ ချာချာ မေးပါ တယ်။အဲဒီပရိသတ်တွေ အားလုံး၊ စိစစ်တဲ့ ကော်မရှင်အဖွဲ့ဝင်တွေ အားလုံးရှေ့မှာ ကျွန်တော် သေသေ ချာချာ မေးပါတယ်။ ကိုယ်ရေးရာဇ၀င် ရေးခိုင်းတာတော့ ဟုတ်ပြီ။ ဘာတွေ လိုချင်သလဲ။ လို ချင် တာကို ဖြ စ်နိုင်ရင် Format ကလေး၊ ပုံစံကလေးချပြီးတော့ ရေးပေးထားရင် ကျွန်တော်တို့များ ကြိုသိရင် ပြည့်ပြည့် စုံစုံ ရေးနိုင်တာပေါ့လို့ ပြောခဲ့ပါတယ်။ အဲဒါကို ““ရပါတယ်၊ ခင်ဗျား ရေးချင် သလိုရေးပါ”” တဲ့။ ရေးလည်း ရေးပြီးကော ကျွန်တော် ထောင်ကျခဲ့တာတွေကို ထည့်သွင်း မဖော်ပြခဲ့တဲ့အတွက် ကျွန်တော်ဟာ ကိုယ်ရေးရာဇ၀င် ထိမ်ချန်သူ ဖြစ်တယ်တဲ့။ ဥက္ကဋ္ဌက ကိုယ်တိုင်ပြောတယ်။ ဥက္ကဋ္ဌပြောတာ မဟုတ်ပါဘူး တဲ့။ ကော်မရှင် အဖွဲ့ဝင်တွေအားလုံးရဲ့ သဘောတူညီချက်နဲ့ ပြောတာ ဖြစ်ပါတယ်တဲ့”” ဟု ထုတ်ပယ်ခံရသူ ဦးဝင်းချိုက မြန်မာသံတော်ဆင့်သို့ ပြောသည်။

နိုင်ငံရေး တက်ကြွလှုပ်ရှားသူ တစ်ဦးဖြစ်သူ ဦးဝင်းချိုသည် လူ့အခွင့်အရေး၊ နိုင်ငံသားတို့၏ ရပိုင်ခွင့်၊ လယ်သမား အခွင့်အရေးများအတွက် ပါဝင် လုပ်ကိုင်ပေးမှုများကြောင့် မကြာခဏ ဆိုသလို ပုဒ်မ အမျိုးမျိုး တပ်၍ အာဏာပိုင်များက ထောင်ဒဏ်ချမှတ်ခြင်း ခံနေရသူ တစ်ဦးလည်း ဖြစ်သည်။

ရန်ကုန်မြို့တော် စည်ပင်သာယာရေး ကော်မတီ အဆင့်ဆင့် ရွေးကောက်ပွဲ အတွက် လက်ရှိတွင် ၀င်ရောက် ယှဉ်ပြိုင်ထားသူ ၃၀၅ ဦးအထိ ရှိပြီးယင်းတို့ထဲမှ ဦးဝင်းချို အပါအ၀င် ခုနစ်ဦးအား သတ်မှတ် အရည်အချင်းနှင့် ကိုက်ညီမှု မရှိခြင်းကြောင့် ပယ်ချခံရပြီး အခြားခုနစ်ဦးမှာ မိမိသဘောဆန္ဒအရ ကိုယ်စားလှယ်အဖြစ် ရုပ်သိမ်း သွားခြင်း ဖြစ်သည်။

ယင်း ၁၄ ဦးမှာ ရန်ကုန်မြို့တော် စည်ပင်သာယာရေး ကော်မတီဝင် အဖြစ် လေးဦး၊ ခရိုင်စည်ပင် ကော်မတီဝင် တစ်ဦးနှင့် မြို့နယ်စည်ပင် ကော်မတီဝင်အဖြစ် လျှောက်ထားသူ ကိုးဦးတို့ ဖြစ်သည်။ ကိုယ်ရေးအချက်အလက် ထိန်ချန်မှုဖြင့် ပယ်ချခံရသည့် အကြောင်းကိုမူ ရန်ကုန်စည်ပင် ကော်မရှင်က အကြောင်းကြားခဲ့ခြင်း မရှိကြောင်း နှင့် ယခင်စိစစ်စဉ် အချိန်ကလည်း ကော်မရှင်အဖွဲ့ဝင်များ၊ ပြည်ထဲရေး ၀န်ကြီးဌာန တာဝန်ရှိသူ များနှင့် လူဝင်မှုကြီးကြပ်ရေး – လ၀က တာဝန်ရှိသူများ ရှေ့တွင် စိစစ်ခံခဲ့ခြင်း ဖြစ်ကြောင်းကိုလည်း ““လုံးဝ အကြောင်း မကြားပါ။ ဒီမနက် (နိုဝင်ဘာ ၅ ရက် နံနက်)ပဲ ကျွန်တော် ကော်မရှင်ရုံးခန်းထဲကို ၀င်တွေ့ပါတယ်။ ၀င်တွေ့ ပြီးတော့ အဲဒါဆိုရင်လည်း ရပါတယ်။ အဲဒီလို ကိုယ်ရေးရာဇ၀င် ထိန်ချန်တဲ့အတွက် ကျွန်တော့်ကို ငြင်းဆန်တာ ဖြစ်တယ်ဆိုတဲ့ အကြောင်းကို တာဝန်ရှိတဲ့ ပုဂ္ဂိုလ်ကများ စာလေးနဲ့ ထုတ်ပေးပါလား ဆိုတော့ မရေးပါဘူးတဲ့”” ဟု ဦးဝင်းချိုက ပြောသည်။

ကိုယ်စားလှယ် အမည်စာရင်းများကို နိုဝင်ဘာလ ၅ ရက်နေ့ နံနက်က ကြေညာခဲ့ပြီး ၀င်ရောက် ယှဉ်ပြိုင် သူများအနေဖြင့် ရွေးကောက်ပွဲ မပြုလုပ်မီ တစ်ရက် အလိုအထိ မဲဆွယ်စည်းရုံးခွင့် ပြုထားသည်။ ယင်းရွေးကောက်ပွဲကို ဒီဇင်ဘာလ ၂၇ ရက်နေ့တွင် ပြုလုပ်မည်ဖြစ်ကာ ကိုယ်စားလှယ် စုစုပေါင်း ၁၁၅ ဦး ရွေးချယ်မည် ဖြစ်သည်။

အဆိုပါ ရန်ကုန်မြို့တော် စည်ပင်သာယာရေး ကော်မတီ အဆင့်ဆင့် ရွေးကောက်ပွဲ ၀င်ရောက် ယှဉ်ပြိုင်သူများ အနေဖြင့် ပါတီနိုင်ငံရေး ကင်းရှင်းရမည်ဖြစ်ကြောင်း ကော်မရှင်က သတ်မှတ် ထားသော်လည်း အာဏာရ ကြံ့ခိုင်ရေး ပါတီဝင်အချို့လည်း ၀င်ရောက် လျှောက်ထားမှုများ ရှိသည်။

ယင်းသို့ လျှောက်ထား နိုင်ရန်အတွက် သက်ဆိုင်ရာ မြို့နယ်အတွင်းရေးမှူးများက နုတ်ထွက်စာများ ထုတ်ပေးလျက် ရှိသော်လည်း ရွေးကောက်မခံရပါက ပါတီသို့ ပြန်ဝင်ကြရ မည် ဖြစ်ကြောင်းလည်း ကြံ့ခိုင်ရေး ပါတီမှ ၀င်ရောက်ယှဉ်ပြိုင်မည့်သူတစ်ဦးက ယခုကဲ့သို့ ပြောပြသည်။

““တင်ရတယ်။ ထွက်စာတွေ အကုန်တင်ရတယ်။ သူ အကုန်လုံး ထွက်စာ ထုတ်ပေးတယ်။ ဒေါ်— (မြို့နယ် အတွင်းရေးမှူး) အကုန်ထုတ်ပေးတယ်။ ကျွန်တော်တောင် ထွက်စာ သွားယူရဦးမယ်။ အင်ထွက်စာလား ဆိုတော့ ကျွန်တော်တို့ ရပ်မိရပ်ဖနေရာအတွက်ကို ပါတီက ထွက်ခွင့်ပြုပါတယ် ဆိုပြီးတော့ပဲ အဲဒီလို တည်ထားတာဗျ။ တင်တဲ့အခါကျတော့ သူကနုတ်ထွက်ခွင့် ပြုသည်ပေါ့။ အဲဒီလိုမျိုးရေးပေး လိုက်တယ်။ ဒါတွေကလည်း သိတဲ့အတိုင်းပါပဲ။ အင်ထွက်တာလားဆိုတော့ ဟိုဘက်က စိစစ်တဲ့အခါကျရင် ဟိုဒင်း ဖြစ်အောင်ပေါ့။ မဖြစ်ရင်လည်းပါတီ ပြန်ရောက်သွားကြမှာပါ ဒီလူတွေက။ သိတဲ့အတိုင်းပဲ”” ဟု ကြံ့ခိုင်ရေး ပါတီမှ စည်ပင် ရွေးကောက်ပွဲ၌ ပါဝင်ယှဉ်ပြိုင်ထားသူတစ်ဦးက ဆိုသည်။

ယခုကဲ့သို့ ပယ်ချခံရမှုနှင့် ပတ်သက်၍ ကော်မရှင်က အယူခံခွင့်ပြုထားပြီး မိမိအနေဖြင့် ဆက်လက်ယှဉ်ပြိုင် သွားမည် ဖြစ်ကြောင်းကိုလည်း ““အဲဒီမှာကော်မရှင်တွေ အဖွဲ့ဝင်တွေ အားလုံးကိုလည်း သေသေ ချာချာ ပြောခဲ့တယ်။ ကျွန်တော် ဥပဒေနဲ့ ငြိစွန်းနေတဲ့ အချက်တွေရှိရင် တိတိကျကျ ပြောပါ။ ကျွန်တော် ပြင်ပါ့မယ်။ ကျွန်တော် ပြိုင့်ကို ပြိုင်မှာဆိုတော့ အယူခံခွင့်ပြုပါတယ်လို့ ပြောပါတယ်။ သာမန်ပြည်သူတွေ၊ ရိုးရိုးသာမန် ပြည်သူတွေ တန်းတူအခွင့်အရေးနဲ့ ၀င်ရောက် ယှဉ်ပြိုင်ဖို့ကို ဒီလောက် ကြောက်နေရသလား။ ကိုယ့်လူချင်း ကိုယ့်လူချင်းပဲ စည်းဝါး ရိုက်ကြတော့မှာလား။ လက်ဝါးရိုက်ပြီးတော့ ဒီလူ၊ ဒီလူမှမပါ၊ ဒီလူ ဒီလူ အရွေးခံရဖို့ အတွက်ကို ကျန်တဲ့ လူတွေ အကုန်လုံးကို မရ ရတဲ့နည်းနဲ့ ပယ်ထုတ်နေတဲ့ အလုပ်ကို ဒီအချိန်ထိ လုပ်နေဦး မှာလား။ ကျွန်တော် မရရအောင် ပြိုင်မှာပါ”” ဟု ကိုယ်ရေးရာဇ၀င် ထိမ်ချန်မှုဖြင့် ပယ်ချခံခဲ့ရသူ ဦးဝင်းချိုက ပြောသည်။

MH-0025

မြန်မာသံတော်ဆင့်သတင်းဌာန- http://www.facebook.com/myanmarherald

 
၂၀၁၂ ခုနှစ်၊ ဧပြီလခရီးစဉ်အတွင်း သမ္မတ ဦးသိန်းစိန်နှင့် တွေ့ဆုံနေသည့် ကုလသမဂ္ဂ အတွင်းရေးမှူးချုပ်။

ကုလသမဂ္ဂ အတွင်းရေးမှူးချုပ် ဘန် ကီမွန်းဟာ လာမယ့် တနင်္လာ နိုဝင်ဘာလ ၁၀ ရက်နေ့မှာ မြန်မာနိုင်ငံဆီ လာရောက်မယ်လို့ ကုလသမဂ္ဂ အတွင်းရေးမှူးချုပ်ရဲ့ ပြောရေးဆိုခွင့်ရှိသူ Stephane Dujarric က သောကြာနေ့ ပုံမှန်သတင်းစာ ရှင်းလင်းပွဲအတွင်း ကြေညာ သွားပါတယ်။

နေပြည်တော်မှာ ကျင်းပမယ့် ကုလသမဂ္ဂနဲ့ အရှေ့တောင် အာရှနိုင်ငံများအဖွဲ့ ASEAN အကြား အစည်းအဝေးနဲ့ ၉ ကြိမ်မြောက် အရှေ့အာရှထိပ်သီး အစည်းအဝေးတို့ကို မစ္စတာဘန် တက်ရောက်မှာပါ။

ထိပ်သီး အစည်းအဝေးတွေပြင်ပမှာ ခေါင်းဆောင်တွေနဲ့ တွေ့ဆုံမှာ ဖြစ်သလို မြန်မာ အစိုးရအဖွဲ့ အကြီးတန်း တာဝန်ရှိ သူတွေနဲ့လည်း တွေ့ဆုံ ဆွေးနွေးပါမယ်။

ကုလသမဂ္ဂက ရိုဟင်ဂျာလို့ခေါ်ဆိုတဲ့ လူနည်းစုတွေရဲ့ အရေးကိစ္စနဲ့ပတ်သက်ပြီး အတွင်းရေးမှူးချုပ်အနေနဲ့ ပြောဆိုဆွေးနွေးဖို့ ရှိသလားလို့ သတင်းထောက်တွေက မေးကြပါတယ်။ ကုလအတွင်းရေးမှူးချုပ်ဟာ မြန်မာ သမ္မတနဲ့ အစိုးရအဖွဲ့ တခြားတာဝန်ရှိသူတွေနဲ့ သီးခြားတွေ့ဆုံဖို့ ရှိသလို ဒေါ်အောင်ဆန်းစုကြည်နဲ့လည်း တွေ့ဆုံဖို့ရှိကြောင်း၊ ဒါကြောင့် မြန်မာ့နိုင်ငံရေး ပြုပြင်ပြောင်းလဲမှုဆိုင်ရာ ကိစ္စရပ်တွေဟာ ဆွေးနွေးမယ့် အစီအစဉ်ထဲ သေချာပေါက် ပါဝင်မှာဖြစ်ကြောင်း ပြောခွင့်ရက ပြန်ဖြေပါတယ်။

ပြီးခဲ့တဲ့စက်တင်ဘာလ ကုလသမဂ္ဂအထွေထွေညီလာခံ ကျင်းပချိန်မှာ သီးခြားလုပ်တဲ့ မြန်မာ့အရေး ဆွေးနွေး ပွဲအတွင်း ရခိုင်ပြည်နယ်မှာ အိုးအိမ်စွန့်ခွာထွက်ပြေးရသူတွေ နေထိုင်နေရတဲ့ စခန်းတွေဟာ ဘေးကင်းလုံခြုံမှု မရှိသလို ခိုင်မာမှုလည်းမရှိဘူးလို့ အတွင်းရေးမှူးချုပ်က ပြောထားဖူးပါတယ်။ မူစလင်တွေရဲ့ အခြေအနေနဲ့ ပတ်သက်ပြီး ကိုင်တွယ်ဖြေရှင်းဖို့လိုအပ်ပြီးတော့ ဒါဟာ ဆွေးနွေးပွဲတွေမှာပါဝင်မယ်လို့ ကုလသမဂ္ဂ အတွင်းရေး မှူးချုပ်ရဲ့ ပြောခွင့်ရက ပြောသွားပါတယ်။

မြန်မာနိုင်ငံကအပြန်မှာတော့ သြစတြေးလျနိုင်ငံ၊ ဘရစ္စဘိန်းမြို့မှာကျင်းပမယ့် ကမ္ဘာ့ စီးပွားရေးအင်အားကြီး နိုင်ငံ ၂၀ (G-20) ထိပ်သီးအစည်းအဝေးကို အတွင်းရေးမှူးချုပ် တက်ရောက်မှာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com/content/ban-ki-moon-burma-trip/2512327.html

အလွတ်သတင်းထောက် ကိုပါကြီး ဈာပန။ (သတင်းဓာတ်ပုံ- Credit to ကိုဇော်ရမ်း)

အလွတ် သတင်းထောက် ကိုပါကြီးရဲ့ ရုပ်အလောင်းကို နိုဝင်ဘာလ ၇ရက်နေ့ မှာ မော်လမြိုင်မြို့ကနေ သယ်ဆောင်ခဲ့ပြီး ညနေပိုင်းမှာပဲ ရန်ကုန်မြို့က ရေဝေး သုဿ န်မှာ ဂူသွင်းသဂြုင်္ိဟ်မှု လုပ်ခဲ့ရာမှာ လုံခြုံရေးတွေလည်းစောင့်ကြည့်မူတွေ ရှိပြိး အစိုးရ ဆန့်ကျင်ရေး ပိုစတာများ ကိုင်ဆောင်ထားတဲ့ ဈာပန ပို့ဆောင်သူတွေ ရာနဲ့ချီ ရှိခဲ့ပါတယ်။ မအေးမာက သတင်းပေးပို့ထားပါတယ်။

စစ်တပ်က ပစ်ခတ်မူကြောင့်သေဆုံးသွားခဲ့ရတဲ့ အလွတ်သတင်းထောက် ကိုပါကြီး(ခ) ကိုအောင်ကျော်နိုင်ရဲ့ အလောင်းကို အတားအဆီးတွေကြားက ရန်ကုန်မြို့ အရောက် နာရေးကူညီမူ အသင်းကားတွေနဲ့ သယ်ဆောင် ခဲ့ပြီး ရေဝေးသုဿ န်မှာ အခမ်းအနားနဲ့ ဂူသွင်းသဂြုင်္ိဟ်ခဲ့တာပါ။

ဈာပန အခမ်းအနား ကို ရေဝေးသုဿန်မှာပြုလုပ်ခဲ့ရာမှာ ရာနဲ့ ချီ ရှိတဲ့ နိုင်ငံရေး တက်ကြွ လှုပ်ရှားသူတွေ တက်ရောက်ခဲ့ပြီး ကိုပါကြီးသေဆုံးမူနဲ့ ပတ်သက်လို့ အမူမှန်ပေါ်ပေါက်ရေး အတွက် စာတမ်းများ ကိုင်ဆောင်ထားကြပါတယ်။

ဇနီးဖြစ်သူ မသန္တာကတော့ အလောင်းတူးဖော်ဖို့ သယ်ဆောင်ဖို့ အခုနောက်ဆုံး ဈာပန အထိ အတားအဆီးတွေနဲ့ အခက်အခဲတွေကြားက လို်က်ပါ ကူညီသူတွေ ကို ကျေးဇူးတင်တဲ့ အကြောင်း အခုလိုပြောပါတယ်။

"မွန်အမျိုးသားပါတီ၊ မွန်ဒေသမှာရှိတဲ့ ဆရာတော်တွေ၊ သံဃာတော်တွေ နောက် ဝင်းစိန်ဆရာတော်ဆို တချိန်လုံး မေတ္တာပို့ပေးနေတာပေါ့နော်။ နောက် ၈၈မျိုးဆက်က မီးမီးတို့ မနီလာသိန်းတို့ ကိုအောင်လတ်၊ ဒေါ်နော်အုံးလှ သူကတော့ အထူးကျေးဇူးတင်ထိုက်သူထဲ ပါပါတယ်။ ကျမ မိခင်လိုဖြစ်နေတာကိုး။ ဘာဖြစ်လို့လဲဆိုရင် အခုကျမတို့ သွားတဲ့ လမ်းက တကယ်ကို မထင်မှတ်လောက်အောင် အန္တရာယ်များတာ၊ မထင်မှတ်လောက်အောင် ကြမ်းတမ်းတာ၊ အလောင်းသွားဖော်ဖို့ဆို မိုင်းတွေရှိလို့ လူတယောက် သွားလမ်းလေးကို တယောက်စီလျှောက်ရတယ်။ လက်တွဲပြီးတော့ပေါ့နော်။ ဒီလိုခရီးကို ကျမနဲ့အတူတူလိုက်ပြီး အမှန်တရားပေါ်ဖို့ ဒီအလောင်း လိုက်ဖော်ပေးကြတဲ့ သူတွေကို ကျမတကယ် မလေးစားပဲ မနေနိုင်ပါဘူး။ နောက် မီဒီယာတွေ တယောက်သွားလမ်းကို ကင်မရာတွေ ထမ်းပြီး ရောက်အောင် လိုက်တယ်။ အဲ့တာလည်း ကျမ တကယ်ကျေးဇူးတင်တယ်။ နောက်ပြီးတော့ NLD ပါတီဝင်တွေပေါ့။ တောက်လျောက် မွန်ပြည်နယ်။ ပဲခူးတိုင်း၊ ရန်ကုန်တိုင်း နောက် အထူးကျေးဇူးတင်တာက နာရေးကူညီမှုအသင်းက ကားလုံခြုံရေးအတွက် လုံးဝ မရပ်ပဲ တပြိုင်နက်တည်း ဘယ်သူမှ အောက်ကို မဆင်းရဘူး။ ရပ်တန့်ခြင်း မရှိရဘူး။ အဲ့လို ရအောင် သယ်ပေးတဲ့အတွက် တကယ် ကျမ က တော်တော် ကျေးဇူးတင် တယ်။ နောက် တလျောက်လုံး က ပြည်သူတွေ ပြည်သူတွေ ဒီလမ်းက လာမယ်ဆိုတာ သိနေကြတယ်။ လမ်းကနေ နှုတ်ဆက်ကြတယ်။ ရပ်ပြီးတော့ လက်ပြကြတယ်။ အားလုံးရဲ့ မေတ္တာနဲ့ ဒီရောက်အောင် ကျမ သယ်နိုင်တာပါ။"

အလောင်းကို နီးစပ်ရာမြို့နယ်မှာ၂၄နာရီ အတွင်း သဂြုင်္ိဟ်ဖို့ အတွက် မော်လမြိုင်မြို့ စည်ပင်သာယာကနိုဝင်ဘာလ ၆ရက်နေ့က လာရောက်တားဆီးမူတွေလုပ်ခဲ့ပေမဲ့ မိသားစုနဲ့ ကူညီဆောင်ရွက်ပေးတဲ့ အဖွဲ့အစည်းတွေက လမ်းတလျောက် လုံခြုံရေးယူပြီး သယ်ဆောင်ပေးခဲ့တာပါ။ ရဲအာဏာပိုင်တွေကတော့ မော်လမြိုင် ကနေ စထွက်ကတည်းက အလောင်းပြန် သယ်ဆောင်မူမှာပါတဲ့ ကားတွေ ကို မှတ်တမ်း လုပ်ထားပြီး စစ်တပ်ကလည်း စောင့်ကြည့်မူတွေလုပ်ခဲ့တယ်လို့ ဆိုပါတယ်။ ရေဝေးသုသန်မှာလည်း လုံခြုံရေးများစောင့်ကြပ်ကြည့်ရူတာတွေ ရှိပါတယ်။

ပဲခူးတိုင်း အတွင်းမှာတော့ သံဃာတချို့ တားဆီးမူတွေ လုပ်ခဲ့ပေမဲ့ အလောင်း သယ်ဆောင်မူကို တားဆီးမူတွေ မလုပ်နိုင်ခဲ့ဘူးလို့ မိသားစုကို ကူညီနေတဲ့ ဒီမိုကရေစီနဲ့ ငြိမ်းချမ်းရေး အမျိုးသမီးကွန်ယက်က နော်အုန်းလှက ပြောပါတယ်။

"ပဲခူးတိုင်း အဝင်မှာကျတော့ ဘုန်းကြီးသုံးပါးကနေ ဘာမှလည်း မဟုတ်ဘူးပေါ့နော်။ နှောင့်ယှက်တဲ့ သဘောပါပဲ။ ကျမတို့ မော်လမြိုင်မှာ အလောင်း ထုတ်မယ် ဆိုတဲ့ အချိန်အထိ ရဲတွေက ကားနံပတ်အတိုင်းယူတာက လမ်းမှာတဲ့ လမ်းကြောင်းကို မြို့နယ် တမြို့နယ်ချင်းစီ ယူသွားမှာပါတဲ့။ ဒါကြောင့်မို့လို့ ကားနံပတ် ယူတာပါလို့ပြောတယ်။ မြို့နယ် အလိုက်လည်း ဒီလိုပဲ ယူသွားတယ်။

အလွတ်သတင်းထောက်က ကိုပါကြီးသေဆုံးမူနဲ့ ပတ်သက်လို့ မြန်မာနိုင်ငံ လူအခွင့်အရေးကော်မရှင် ကလည်း စုံစမ်းစစ်ဆေးမူတွေလုပ်နေပြိး ပစ်ခတ်မူမှာ ပါဝင်တဲ့စစ်တပ်က တာဝန်ှရှိသူတွေကိုလည်းမေးမြန်းစစ်ဆေးနေဆဲဖြစ်တယ်လို့ ဆိုပါတယ် ။ မူခင်းဆရာဝန်တွေရဲ့ ရင်ခွဲ စမ်းသပ်ချက်အရ ကတော့ ကိုပါကြီးဟာ သေနတ် ဒဏ်ရာကြောင့်သေဆုံးတယ်လို့ အတည်ပြုခဲ့ပြီး သေဆုံးတဲ့ ကာလဟာ ၃ပတ်ခွဲနဲ့ ၄ပတ် နီးပါးကြား မှာသေဆုံးခဲ့တာဖြစ်နိုင်တယ်လို့ ခန့်မှန်းပြောဆိုထားပါတယ်။ မိသားစုကတော့ နိုဝင်ဘာလ ၉ရက်နေ့မှာ ကိုပါကြီးအတွက် လလည် ဆွမ်းကျွေးပြုလုပ်သွားမယ်လို့ ပြောဆိုခဲ့ပါတယ်။
VOA
http://burmese.voanews.com/content/article/2512063.html


ဧရာဝတီတိုင်းက စိုက်ပျိုးစရိတ်ချေးငွေ ပြန်မဆပ်နိုင်တဲ့ လယ်သမား တစ်သောင်း ငါးထောင် လောက်ကို မြေနဲ့အခွန်တော် ဥပဒေအရ တရားစွဲဆိုဖို့ ပြင်ဆင် နေကြောင်း မြန်မာ့လယ်ယာ ဖွံ့ဖြိုးရေးဘဏ်က ဒီနေ့ ပြောပါတယ်။

ပုသိမ်၊ ဟသာင်္တ၊ မြောင်းမြ၊ မအူပင်နဲ့ ဖျာပုံခရိုင်က အကြွေးပေးစရာရှိတဲ့ လယ်သမား တစ်သောင်း ငါးထောင်လောက်ကို ဘယ်နေ့နောက်ဆုံးထားပေးရမယ်ဆိုပြီး အကြောင်းကြားစာထုတ်ပြန်ထားပေမယ့် လယ်သမားတွေက မပေးခဲ့တာကြောင့် အခုလို တရားစွဲဖို့စီစဉ်တာဖြစ်တယ်လို့ ဧရာဝတီတိုင်းဒေသကြီး မြန်မာ့လယ်ယာဖွံ့ဖြိုးရေးဘဏ် မန်နေဂျာ ဦးခင်မောင်လွင်က ပြောပါတယ်။

"ကျနော်တို့ ဥပဒေပုဒ်မမှာ ပါပြီးသားပါ၊ ဝရမ်းမကပ်ခင် သတိပေးအကြောင်းကြားစာ ထုတ်ပြန်တယ်၊ ဝေးရင် နှစ်ပတ်၊ သုံးပတ်၊ နီးရင် တစ်ပတ်ပေးပြီးတော့ လာဆပ်ခိုင်းတယ်၊ လာမဆပ်တော့မှ ဝရမ်းအဆင့်ကိုရောက်တယ်၊ ကျနော်တို့ အခုတောင်းနေတဲ့အကြွေးတွေက ၂ဝ၁၂ ခုနှစ်ကတည်းက အကြွေးတွေပါတယ်၊ မနှစ်ကလည်း စပါးဈေးကောင်းတယ်၊ ရာသီဥတုမပျက်ဘူး၊ မနှစ်ကအကြွေးလည်း မဆပ်ဘူး၊ တနှစ်ကအကြွေးလည်း မဆပ်ဘူး၊ သတ်မှတ်ပေးထားတဲ့ရက်တွေက ခြောက်လ၊ ခုနှစ်လကျော်လာပြီး တချို့ဆို တစ်နှစ်ကျော်လာပါပြီ ခင်ဗျ၊ နောက်ဆုံးရက် ဘယ်လိုဘယ်ညာပြောပေမယ့် လယ်သမားဦးရေက များနေတဲ့အတွက် ကျနော်တို့ဝန်ထမ်းဦးရေက ၃၉၀ ပဲရှိတယ်၊ အမှုဖွင့်ရမှာ သောင်းဂဏန်းတောင်ကျော်တယ်"

လက်ရှိမှာ မအူပင်မြို့နယ်က စိုက်ပျိုးစရိတ်ချေးငွေမပေးနိုင်တဲ့ လယ်သမား ၁ဝဝ ကျော်ကို လိမ်လည်မှု ပုဒ်မ ၄၂ဝ နဲ့ အမှုဖွင့်ထားတယ်လို့ ဦးခင်မောင်လွင်က ဆိုပါတယ်။

ပြီးခဲ့တဲ့၂ဝ၁၂ နဲ့ ၂ဝ၁၃ ခုနှစ်အတွက် မြန်မာ့လယ်ယာ ဖွံ့ဖြိုးရေးဘဏ်က ချေးငွေသန်းပေါင်း ၉ ထောင်နီးပါးကို ချေးပေးထားပြီး လယ်သမား တစ်သောင်းငါးထောင်က စိုက်ပျိုးစရိတ်ချေးငွေ ပြန်မဆပ်နိုင်တာဖြစ်တယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127?fref=nf

“ သွေးဆိုးပြည်ပုတ် ”

စစ်ဘောင်းဘီချွတ်
ကျိတ်ပုဆိုးခါးချီ
လူရုပ်ဟန်ပလီ
အစွယ်ပြူးပြူး
ဘီလူးတို့ အာဏာတည်
သွေးဆိုးပြည်ပုတ်
ထုတ်လော့…မြန်မာပြည်
စစ်ဂျပိုးကျူငုတ်
နှုတ်လော့…မြန်မာပြည် ။ ။


မင်းကောင်းချစ်



စစ်အစိုးရ လက်ထက်မှာ လူသားထုအပေါ် ကျူးလွန်တဲ့ ရာဇဝတ်မှုတွေထဲ လက်ရှိ အစိုးရ အဖွဲ့ထဲက ထိပ်တန်း အရာရှိကြီးများ ပါဝင်ခဲ့တယ်လို့ ဟားဗတ် တက္ကသိုလ် ဥပဒေကျောင်း၊ နိုင်ငံတကာ လူ့အခွင့်အရေး အဖွဲ့အစည်း ရဲ့ သုတေသီ တဦးက ပြောဆို လိုက်ပါတယ်။ မြန်မာစစ်အရာရှိကြီး ၃ ဦးနဲ့ ပတ်သတ်လို့ နိုင်ငံ တကာ ရာဇဝတ်မှုခုံရုံးက သူတို့ကို ဖမ်းဆီးနိုင်ဖို့ ကျေနပ်လောက်တဲ့ သက်သေ အထောက်အထားတွေ တွေ့ရှိ ထားတယ်လို့လည်း ဟားဗတ် ဥပဒေကျောင်း နိုင်ငံတကာ တရားရေးရာ သုတေသီ Matthew Bugher က ရန်ကုန်မြို့ ဆူးလေ Shangrila Hotel မှာ ဒီကနေ့ ကျင်းပတဲ့ သတင်းစာ ရှင်းလင်းပွဲ မှာပြောဆို လိုက်တာပါ။ သတင်းစာ ရှင်းလင်းပွဲကို ကိုယ်တိုင် သတင်းယူခဲ့တဲ့ ဗွီအိုအေ သတင်းထောက် မသိဂီင်္လင်းက ပြောပြပေးမှာပါ။

လက်ရှိအစိုးရအဖွဲ့ထဲက ပြည်ထဲရေးဝန်ကြီး ဒုတိယဗိုလ်ချုပ်ကြီး ကိုကို၊ အထူး စစ်ဆင်ရေး အဖွဲ့မှူး ဗိုလ်ချုပ်ကြီးခင်ဇော်ဦးနဲ့ ဗိုလ်မှူးချုပ်မောင်မောင်အေးတို့ ဟာ လွန်ခဲ့တဲ့ ၆ နှစ်ခန့်က စစ်ရာဇဝတ်မှုနဲ့ လူသားထု အပေါ်ရာဇဝတ်မှုတွေ ကျူးလွန်ခဲ့ တယ်လို့ ပာားဗတ် ဥပဒေကျောင်းရဲ့ နိုင်ငံတကာ လူ့အခွင့်အရေးဆိုင်ရာ ဌာနက အစီအရင်ခံစာ ထုတ်ပြန်ခဲ့ပါတယ်။

၂၀၀၅-၂၀၀၆ခုနှစ်အတွင်း သံတောင်မြို့ တစ်ဝိုက်မှာ တောင်ပိုင်းတိုင်း စစ်ဌာနချုပ်နဲ့ ခြေမြန်တပ်မ ၆၆တို့ဟာ ကရင်အမျိုးသားလွတ်မြောက်ရေးတပ်နဲ့ တိုက်ခိုက်ရာကနေ ကရင်လူမျိုးစုအပေါ် ရာဇဝတ်မှုတွေ ကျူးလွန်ခဲ့တာပါ။ တာဝန်ရှိသူ သုံးဦးရဲ့ ပြစ်မှုကျူးလွန်တာနဲ့ ပတ်သက်လို့ ခိုင်မာတဲ့ သက်သေတွေ ရှိတယ်လို့ ဟားဗတ်ဥပဒေကျောင်းက နိုင်ငံတကာတရားရေး လေ့လာသူ Matthew Bugher က အခုလိုပြောပါတယ်။

“၂၀၀၅-၂၀၀၆ ခုနှစ်အတွင်း ပြစ်မှုတွေ ကျူးလွန်ခဲ့တဲ့ တောင်ပိုင်းတိုင်း စစ်ဌာနချုပ်နဲ့ ခြေမြန်တပ်မ ၆၆ က စစ်အရာရှိကြီး ၃ ဦးနဲ့ ပတ်သက်လို့ ကျွန်တော်တို့ဆီမှာ နိုင်ငံတကာရာဇဝတ်မှုခုံရုံးက သူတို့ကို ဖမ်းဆီးနိုင်ဖို့ ကျေနပ်လောက်တဲ့ သက်သေ အထောက်အထားတွေ ရှိပါတယ်။ တချိန်တည်းမှာပဲ ဒီပြစ်မှုတွေကို ကွပ်ကဲသူတွေဟာ အစိုးရအဖွဲ့ထဲမှာ အရေးပါတဲ့နေရာတွေ ရနေတာကို တွေ့ရပါတယ်။ ပြည်ထဲရေးဝန်ကြီးက ဒီလိုပြစ်မှုတွေကို ကျူးလွန်တာတွေ့ရတော့ နိုင်ငံရဲ့ ပြုပြင်ပြောင်းလဲရေးဟာ ဘယ်လောက်ထိ စစ်မှန်သလဲဆိုတာ စဉ်းစားစရာဖြစ်လာပါတယ်။”

လွတ်လပ်စွာ ပစ်ခတ်ခွင့်ပြုထားတဲ့ အမည်းရောင်နယ်မြေကို သံတောင် တစ်မြို့လုံးနီးပါးသတ်မှတ်ထားပြီး အဲ့ဒီနယ်မြေထဲ ဝင်ရောက် လာတဲ့လူ အားလုံးကို အရပ်သား၊ မိန်းမ၊ ကလေး မရွေးဘဲ ရန်သူအဖြစ်သတ်မှတ်ပြီး ပစ်ခတ်စေတယ် လို့လည်း မှတ်တမ်းကောက်ရာမှာ သိရတယ်လို့ ပြောပါတယ်။

အခုထုတ်ပြန်လိုက်တဲ့ အစီရင်ခံစာမှာ တောင်ပိုင်းတိုက်စစ်ဌာနချုပ်နဲ့ ခြေမြန်တပ်မ ၆၆တို့ဟာ စစ်ရာဇဝတ်မှုနဲ့ လူသားထုအပေါ် ရာဇဝတ်မှုတွေကို ကျူးလွန်ခဲ့တာတွေ အသေးစိတ်ဖော်ပြထားပါတယ်။ စစ်ရာဇဝတ်မှုနဲ့ လူသားထုအပေါ် ကျူးလွန်တဲ့ရာဇဝတ်မှုတွေကိုတော့ Matthew Bugher က အခုလို ခွဲခြားပြပါတယ်။

“အသေးစိတ်ပြောရမယ်ဆိုရင် စစ်ရာဇဝတ်မှုတွေဟာ အရပ်သားတွေကို တိုက်ခိုက်တာ၊ အိမ်ရာတွေကို စွန့်ခွာပြီးထွက်ပြေးစေတာ၊ ရန်သူတွေရဲ့ ပိုင်ဆိုင်မှုတွေကို ဖျက်ဆီးတာ၊ အပိုင်သိမ်းတာ၊ လူသတ်တာ၊ ညှင်းပန်းနှိပ်စက်တာနဲ့ လူတစ်ဦးရဲ့သိက္ခာကျဆင်းအောင် ဆောင်ရွက်တာတို့ဖြစ်ပါတယ်။ လူသားမျိုးနွယ်စုအပေါ် ကျူးလွန်တဲ့ ရာဇဝတ်မှုဆိုတာကတော့ လူများစုကို အဓမ္မ နေရာပြောင်းရွှေ့ခိုင်းမှု၊ လူသတ်မှု၊ ကျွန်ပြုမှု၊ နှိပ်စက်ညှင်းပန်းမှုနဲ့ အခြား လူမဆန်တဲ့လုပ်ရပ်တွေကို ပြောတာပါ။”

အစီရင်ခံစာမှာ ပြစ်မှုကျူးလွန်တာတွေကို ထင်ထင်ရှားရှားထောက်ပြ ထားပေမဲ့လည်း မြန်မာနိုင်ငံဟာ Rome Statute အရ ဖွဲ့စည်းထားတဲ့ နိုင်ငံတကာ ရာဇဝတ်မှုခုံရုံးမှာ ပါဝင်ခြင်း မရှိတာကြောင့် နိုင်ငံတကာ လူ့အခွင့်အရေးဆိုင်ရာ ဌာနက ပြစ်မှုကိုအရေးယူဖို့ ဆောင်ရွက်မှာ မဟုတ်ပါဘူး။ ဒီအစီအရင်ခံစာ ကို ပြည်သူတွေလက်ထဲ၊ ပြည်တွင်းအဖွဲ့အစည်းတွေလက်ထဲ အရောက် ထည့်ပေးရတဲ့ ရည်ရွယ်ချက်ကို အခုလိုပြောပြပါတယ်။

“ပထမဆုံး ကျွန်တော်တို့ဟာ အဓမ္မ ပြုကျင့်ခံရတဲ့ အများဆုံးနေရာတွေဖြစ်တဲ့ ကချင်ပြည်နယ် ရှမ်းပြည်မြောက်ပိုင်းတို့လို ဒေသတွေနဲ့ ပြုပြင်ပြောင်းလဲမှုတွေ ထိရောက်စွာ ဆောင်ရွက်နိုင်ခြင်း မရှိသေးတဲ့ တိုင်းရင်းသားဒေသတွေ မှာ ဖြစ်ပွားနေတဲ့ နှိပ်စက်ညှင်းပန်းမှုတွေကို အထူး စိတ်ပူပါတယ်။ ဒါ့အပြင် ၂၀၀၅ နဲ့ ၂၀၀၆ ခုနှစ်အတွင်း ကျူးလွန်သွားတဲ့ ပြစ်မှုတွေရဲ့ မူဝါဒတွေနဲ့ လက်တွေ့ဆောင်ရွက်မှုတွေကို အထက်က နေရာဒေကတွေမှာ ဆက်လက် ကျင့်သုံးနေမှာကို စိုးရိမ်ပါတယ်။ အခုစစ်ဖြစ်ပွားနေတဲ့နေရာတွေမှာ တိုက်ခိုက်နေတဲ့ စစ်သားတွေနဲ့ အရာရှိတွေဟာ သူတို့ရဲ့ လုပ်ရပ်တွေကို အထူးသတိထားဖို့ လိုပါတယ်။ နိုင်ငံက တာဝန်ရှိအကြီးအကဲတွေအနေနဲ့လည်း နိုင်ငံတကာ လူ့အခွင့်အရေးဆိုင်ရာ အဖွဲ့အစည်းဟာ အခုလို မတရားပြုကျင့်ခံနေရတာတွေကို အသေးစိတ် စုံစမ်းထောက်လှမ်းနိုင်တယ် ဆိုတာကို သိစေချင်ပါတယ်။ ဒါ့အပြင် ဒီအဖွဲ့အစည်းဟာ ပြစ်မှုကျူးလွန်သူများရဲ့အခြားပြစ်မှုဆိုင်ရာတွေကိုလည်း ဖော်ထုတ်သွားဖို့ တာဝန်ယူပါတယ်။”

စစ်ရာဇဝတ်မှုတွေနဲ့ လူသားမျိုးနွယ်စုအပေါ် ရာဇဝတ်မှုတွေ ကျူးလွန်တာတွေကို မြန်မာစစ်တပ် အပြင် အတိုက်အခံ တိုင်းရင်းသား တပ်ဖွဲ့များ ကလည်း သတိပြုဆင်ခြင်သင့်တယ်လို့လည်း သုံးသပ်သွားပါတယ်။ ဒီအစီအရင်ခံစာဟာ ပြည်သူတွေရဲ့ တစ်ဖက်သတ် အသံသာဖြစ်တယ် လို့ မြန်မာ အစိုးရဖက်ကပြောဆိုပေမယ့် ပြည်တွင်းမှာ ဖြစ်ပွားနေတဲ့ ပြည်တွင်းစစ်ဒဏ်ခံနေရတဲ့ အရပ်သားတွေရဲ့အသံတွေ ခံစားချက်တွေကို လူအများသိရအောင် မှတ်တမ်းထုတ်ပြန်ပေးတာဖြစ်တယ်လို့ ပြောပြသွားပါတယ်။

VOA


အလွတ်သတင်းထောက် ကိုပါကြီး ရုပ်အလောင်းကို မော်လမြိုင်ကနေ ရန်ကုန်ကို ပြန်လည်သယ်ဆောင်ပြီး ရေဝေးသုသာန်မှာ ဒီနေ့ညနေပိုင်းက ဂူသွင်းသဂြိင်္ုဟ်ခဲ့ပါတယ်။ ဒီအကြောင်း အပြည့်အစုံကို RFA ဝိုင်းတော်သား ကိုဂျေက တင်ပြပေးမှာပါ။
RFA



ဟားဗတ်တက္ကသိုလ်က နိုင်ငံတကာ လူ့အခွင့်အရေးဌာန သုတေသီတွေကြား ၄နှစ်ကြာအချိန်ယူလေ့လာခဲ့ပြီးနောက် မြန်မာအစိုးရ လက်ရှိ ပြည်ထဲရေးဝန်ကြီးအပါအဝင်
သူ့ရဲ့ လုပ်ဖော်ကိုင်ဖက်နှစ်ယောက်ဟာ လူမဆန်တဲ့ စစ်ရာဇဝတ်မှုတွေကိုကျူးလွန်ခဲ့တယ်လို့ နိုဝင်ဘာ ၇ရက်နေ့က စွပ်စွဲလိုက်ပါတယ်။ မြန်မာစစ်တပ်က
အရပ်သားနဲ့ တိုင်းရင်းသားလူမျိုးစုအပေါ် ဘယ်လို ရာဇဝတ်မှုတွေကျူးလွန်ခဲ့ကြသလဲ။

၂ဝဝ၅ကနေ ၂ဝဝ၈ခုနှစ်အတွင်း မြန်မာစစ်တပ်က တောင်ပေါ်နယ်စပ်ဒေသတွေမှာ
နေအိမ်တွေ၊ ကောက်ပဲသီးနှံနဲ့စားနပ်ရိက္ခာတွေကို ဖျက်ဆီးခဲ့သလိုရွာသားတွေကို ပေါ်တာဆွဲခဲ့တဲ့ လူ့အခွင့်အရေး ချိုးဖောက်မှုကြီးအတွက်မျက်မြင်သက်သေ ၁၅ဝနဲ့ တွေ့ဆုံမေးမြန်းပြီးမှ အစီရင်ခံစာထုတ်ပြန်လိုက်တာလို့ ဆိုပါတယ်။

မြန်မာပြည်က လူသားဆန်မှုကိုဆန့်ကျင်တဲ့ ရာဇဝတ်မှုများနဲ့စစ်ရာဇဝတ်မှုများလို့ ခေါင်းစဉ်ပေးထားတဲ့ ဒီအစီရင်ခံစာကိုဆူးလေးရှန်ဂရီလာဟိုတယ်မှာ မိတ်ဆက်ခဲ့ပါတယ်။ ကရင်ပြည်နယ် သံတောင်မှာမြန်မာစစ်တပ်က စစ်ရာဇဝတ်မှုတွေ ကျုးလွန်ချိန် တာဝန်အရှိဆုံးကတာဝန်ထမ်းဆောင်ဆဲ အရာရှိ ၃ယောက်ဖြစ်တယ်လို့ သူက ဆိုပါတယ်။
အစီရင်ခံစာမှာ ဖော်ပြထားတဲ့ အရာရှိ ၃ယောက်က လက်ရှိပြည်ထဲရေးဝန်ကြီးဒုတိယဗိုလ်ချုပ်ကြီး ကိုကိုနဲ့ အထူးစစ်ဆင်ရေးဌာနက ဗိုလ်မှူးချုပ်
ခင်ဇော်ဦးနဲ့ ဗိုလ်မှူးချုပ် မောင်မောင်အေးတို့ ဖြစ်တယ်လို့ ဆိုပါတယ်။

ဒီအရာရှိ ၃ယောက်ဟာ စစ်ရာဇဝတ်မှုတွေ ကျူးလွန်ပြီးနောက်ပိုင်းရာထူးတိုးမြင့်သွားတယ်လို့ အစီရင်ခံစာက ဆိုပါတယ်။
မြန်မာစစ်တပ်ကျူးလွန်ခဲ့တဲ့ ဒီစစ်ရာဇဝတ်မှုတွေဟာ ရှမ်းမြောက်နဲ့ကချင်ပြည်နယ်က တိုက်ပွဲတွေမှာလည်းအလားတူပုံစံမျိုး ကျင့်သုံးနေဆဲဖြစ်ပြီး
အခု အရာရှိ ၃ယောက်ကို နိုင်ငံတကာ စစ်ခုံရုံးပေါ် တင်နိုင်မယ့်သက်သေအထောက်အထားတွေ အခိုင်အမာရှိထားတယ်လို့ ဆိုပါတယ်။ မြန်မာစစ်တပ်ရဲ့
ကျုးလွန်တဲ့ လူမဆန်တဲ့ရာဇဝတ်မှုတွေအတွက် လက်ရှိအချိန်ဟာ ခက်ခက်ခဲခဲအနေအထားမှာရှိနေမယ်ဆိုတာ နားလည်တယ်လို့ ဆိုပါတယ်။

အမေရိကန်သမ္မတ အိုဘားမား မြန်မာပြည်ကိုဒုတိယအကြိမ် လာရောက်မယ့်
ရီးစဉ်မတိုင်မီ ဟားဗတ်တက္ကသိုလ်ရဲ့ အစီရင်ခံစာနည်းတူလူ့အခွင့်အရေးအဖွဲ့တစ်ခုကလည်း မြန်မာစစ်တပ်ဟာ ရခိုင်ပြည်နယ်က မွတ်ဆလင်တွေလအနည်းငယ်အတွင်း သိန်းနဲ့ချီပြီး လှေနဲ့ ထွက်ပြေးဖို့ လမ်းကြောင်းကိုကိုယ်တိုင်စီစဉ်ပေးပြီး လူကုန်ကူးမှုကို စနစ်တကျကျူးလွန်နေတယ်ဆိုတဲ့အစီရင်ခံစာလည်း ထွက်ပေါ်လာပါတယ်။

Kamayut media

 
 မြန်မာနိုင်ငံ အမျိုးသား လူ့အခွင့်အရေး ကော်မရှင် အတွင်းရေးမှူး ဦးစစ်မြိုင်
ကိုပါကြီးသေဆုံးမှု စစ်ဆေးနေတဲ့ မြန်မာနိုင်ငံ လူ့ အခွင့် အရေး ကော်မရှင်ဟာ သူတို့ရဲ့ ၃ ရက်ကြာ စစ် ဆေး ခဲ့တာတွေ နေပြည် တော်ကို ပေးပို့ လိုက်ပြီး နေပြည် တော်က နိုဝင်ဘာ ၅ ရက် ရက်စွဲနဲ့ သတင်း ထုတ်ပြန် လိုက်ပါတယ်။

ဦးစစ်မြိုင် ခေါင်းဆောင်တဲ့ ကော်မရှင်ဟာ နိုဝင်ဘာ ၁ ရက်မှာ မွန်ပြည်နယ်၊ မော်လမြိုင်မြို့ကို ရောက်ရှိပြီး စစ်ဆေးတာ ကိုတော့ နိုဝင်ဘာ ၂ ရက်မှာ စတင်ပြုလုပ် ခဲ့ပါတယ်။

သူတို့အဖွဲ့ ဘယ်လောက် လွတ်လွတ်လပ်လပ် စစ်ဆေးခွင့် ရခဲ့ ပါသလဲ။

အဖွဲ့ခေါင်းဆောင် ဦးစစ်မြိုင်ကတော့ ကိုပါကြီးကို သေနတ်နဲ့ပစ်ခဲ့တဲ့ ဒုတပ်ကြပ် အပါအ၀င် စစ်တပ်က တာဝန်ရှိသူအားလုံးကို ခေါ်ယူစစ်ဆေးမေးမြန်းခဲ့တယ်လို့ ပြောပါတယ်။

“ကျနော်တို့ စစ်လိုတဲ့နေရာမှာ သူတို့ကိုခေါ်ယူပြီး စစ်တာပါ။ တပ်က ကျနော်တို့ စစ်လိုတဲ့ တပ်မတော်သားကို စေလွှတ်ပေးပါတယ်။ စစ်တဲ့အထဲမှာ တပ်မှူးကြီးတွေအဆင့်ထိပါ ပါတယ်။ တပ်ဘက်က စုံစမ်းစစ်ဆေးရေးခုံရုံးဖွဲ့ စစ်နေတာရှိတယ်။ အဲ့ဒီ ခုံရုံးကိုလည်း ကျနော်တို့ ခေါ်စစ်တယ်။ ရဲဘက်ကလဲ ရဲမှူးကြီးအဆင့်ထိ ခေါ်စစ်ပါတယ်။ နောက် အရပ်ဘက်က မျက်မြင်သက်သေ၊ ရွာလူကြီးတွေ ခေါ်စစ်ပါတယ်။ လွတ်လပ်ပါတယ်။ ကျနော်တို့ လိုချင်တဲ့အချက်ကို မေးတယ်။ နောက် ဓာတ်ပုံအထောက်အထား၊ စာရွက်စာတမ်း အထောက်အထား၊ စာအ၀င်အထွက်၊ နောက် ကြေးနန်းအ၀င်အထွက်စတဲ့ လိုအပ်တာတွေ တောင်းပါတယ်။”

ကိုပါကြီးကို ဖမ်းသွားတဲ့ တပ်ကိုရော စစ်ပါသလား။ ကာယကံရှင်တွေနဲ့ရော တွေ့ရပါ သလား။

“တွေ့ပါတယ်။ တိုက်ရိုက်သက်ဆိုင်တဲ့ ကာယကံရှင်ကိုလည်း ကျနော်တို့ စစ်ပါတယ်။ သူနဲ့ ဆက်စပ်နေတာ တပ် ၃ တပ်လောက် ရှိပါတယ်။ အဲဒီ ၃ တပ်စလုံးက အရာရှိတွေ ဆရာတွေ ကျနော်တို့ ခေါ်စစ်ပါတယ်။”

ကိုပါကြီးကို ပစ်လိုက်တယ်ဆိုတဲ့ စစ်သားကိုရော စစ်ရလား။

“ရဲဘော် မဟုတ်ဘူးဗျ။ သူက ဆရာဗျ။ ဒုတပ်ကြပ်။ ကျနော်တို့ စစ်ပြီးပါပြီ။ စစ်ဆေးနေတုန်းပဲဗျ။ ဒါတွေက ဘယ်လောက်မှန်လဲ ပြောဖို့က မခိုင်လုံသေးဘူး။ ကျနော်တို့ သက်သေတွေ ထပ်စစ်ရဦးမယ်။”

ကော်မရှင်အစီရင်ခံစာ ဘယ်တော့လောက် တင်နိုင်မယ်မှန်းလဲ။

“ရက်မမှန်းနိုင်သေးဘူး။ ကျနော်တို့က ဆရာဝန်အဖွဲ့ရဲ့ ရင်ခွဲစစ်ဆေးချက်လည်း တောင်းထားတယ်။ ရင်ခွဲပြီးရုံတင်မဟုတ်ဘဲ ဓာတ်ခွဲစစ်ဆေးအုန်းမှာဆိုတော့ သူတို့ဘက်က အဖြေရဖို့က စောင့်ရဦးမယ်ထင်တယ်။ လက်ရှိ အခြေအနေအတိုင်းဆိုရင်တော့ လနဲ့ချီ မကြာလောက်ဘူးလို့တော့ ထင်တာပဲလေ။”

အခု အန်ကယ်တို့ မော်လမြိုင်မှာပဲလား။ စစ်တုန်းလား။

“ပထမတဆင့် စစ်တာတော့ ဒီနေ့ ပြီးမယ်မှန်းတယ်။ သို့သော် ထပ်စစ်ဖို့ လိုတာတွေ ရှိသေးတော့ နောက်တခေါက် လာစစ်ရဦးမယ်။ အခု ထွက်ဆိုချက်တွေကို ရန်ကုန်ကျရင် အားလုံးပေါင်းဆုံပြီး သုံးသပ်မယ်။ ထပ်စစ်ဖို့ လိုတာတွေ တွေ့လာမယ်။ ကျနော်တို့ လိုလာတဲ့အချက်တွေ ထပ်တွေ့မယ်။ မခိုင်လုံသေးတဲ့ အချက်တွေပေါ်မှာ သက်သေတွေ ထပ်စစ်ဖို့ လိုလာနိုင်တာပေါ့ဗျာ။ အဲ့ဒီလိုလာနိုင်တာတွေ ကျနော်တို့ ထပ်စစ်မယ်။ လိုရင် ထပ်လာစစ်မယ်လို့ ဒီမှာလည်း တခါထဲ သူတို့ကို ပြောထားတယ်။”

စစ်ပြီးသလောက် ကိုပါကြီး ထွက်ပြေးလို့ သေနတ်နဲ့ ပစ်ဖမ်းလိုက်ရတယ်ဆိုတာ ဖြစ်ဖို့ များလား။ ဘယ်လို မြင်ရလဲ။

“အဲလိုပြောဖို့တော့ စောပါသေးတယ်ဗျာ။ ဒါက အားလုံးစိတ်ဝင်စားနေတာ ဆိုတော့လေ။ ကျနော်တို့က ခိုင်ခိုင်မာမာဖြစ်မှ ပြောလို့ ဖြစ်မှာ။ အခုလို ကြားဖြတ်ပြီး ထင်မြင်ချက်နဲ့ ပြောလို့ မဖြစ်ဘူးလေ။ ကျနော်တို့ ခိုင်ခိုင်မာမာဖြစ်အောင် ပြည့်စုံအောင် စစ်နေပါတယ်။”

ကျေးဇူးပါ။
By ရွှေအောင် (ဒီဗွီဘီ)
http://burmese.dvb.no/archives/70172


အလွတ် သတင်းထောက် ကိုပါကြီး ခေါ် ကိုအောင်ကျော်နိုင် ရုပ်အလောင်းကို မော်လမြိုင် ဆေးရုံကနေ ပြန်လည် သယ်ဆောင်ပြီး ရန်ကုန်မြို့ ရေဝေး သုဿန်မှာ ဒီနေ့ ညနေပိုင်းက ဂူသွင်း သင်္ဂြိုဟ် ခဲ့ပါတယ်။

ကိုပါကြီးဈာပန အခမ်းအနားကို လာရောက်ခဲ့တဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်း လူ့အဖွဲ့အစည်းက ကိုဂျင်မီက အတားအဆီးတွေ ရှိတဲ့ကြားက စည်းလုံးမှု ရှိတဲ့ အတွက် ကိုပါကြီး အလောင်းကို အခုလို သင်္ဂြိုဟ်နိုင်တာလို့ ပြောပါတယ်။

"သုံးရောင်ခြယ်အဖွဲ့ဝင် အလွတ်သတင်းထောက် ကိုပါကြီးရဲ့ နိုင်ငံသားတစ်ယောက်ရဲ့ အခွင့်အရေးတွေကို မျက်ကွယ်ပြုပြီးတော့ လူမသိသူမသိ အဆုံးစီရင်ခဲ့တဲ့ ကိုပါကြီး၊ ဒါပေမဲ့ ဒီကနေ့ ဒီအချိန်မှာ ဘယ်လိုပဲဖြစ်ဖြစ် ကျနော်တို့အားလုံးသိခဲ့ပြီ၊ ကိုပါကြီးရဲ့ အလောင်းကိုလည်း ဟောဒီ့နေရာကို အရောက်ပြန်ယူလာခဲ့ပြီ၊ အဲ့ဒါဟာ ကျနော်တို့အားလုံးရဲ့ ညီညွှတ်မှုလည်းဖြစ်တယ်၊ ဒီကနေ့ ကျနော်တို့ သတင်းသမားတွေ လွတ်လပ်တဲ့ခေတ် ပွင့်လင်းတဲ့ခေတ်ကို အာသာပြင်းပြင်းနဲ့ လိုချင်နေပြီဆိုတာ ဒီကနေ့က သာဓကပြလိုက်တယ်လို့ ကျနော်ဆိုလိုချင်ပါတယ်"

ကိုပါကြီးဈာပန အခမ်းအနားကို ရွှေညဝါဆရာတော်၊ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ခေါင်းဆောင်တွေ၊ အမျိုးသားဒီမိုကရေစီအဖွဲ့ချုပ် နာယက ဦးတင်ဦးနဲ့ သုံးရောင်ခြယ်အဖွဲ့ဝင်တွေနဲ့ နိုင်ငံရေးအကျဉ်းသားဟောင်းတွေ တက်ရောက်ခဲ့ပါတယ်။

ကိုပါကြီးရုပ်အလောင်းကို မွန်ပြည်နယ် ကျိုက်မရောမြို့နယ် ရွှေဝါချောင်ကျေးရွာမှာ နိုဝင်ဘာလ ၅ ရက်နေ့က ပြန်လည်တူးဖော်ခဲ့ပြီး မော်လမြိုင်ဆေးရုံကြီးက ရင်ခွဲရုံမှာ မှုခင်းဆရာဝန်ကြီးတွေနဲ့ စစ်ဆေးခဲ့ပါတယ်။

အဲဒီလိုစစ်ဆေးရာမှာ ကိုပါကြီးဟာ သေနတ်ဒဏ်ရာ ၅ ချက်နဲ့ သေဆုံးခဲ့တာဖြစ်ကြောင်း တွေ့ရှိခဲ့တယ်လို့ သိရပါတယ်။

လာမယ့် နိုဝင်ဘာလ ၉ရက်နေ့ ရန်ကုန်မြို့ ကြည့်မြင်တိုင်ကမ်းနားလမ်းက ပညာ့ဗိမာန်စာသင်တိုက်မှာ ကိုပါကြီးကိုရည်စူးပြီး တစ်လပြည့်ဆွမ်းကပ်မယ်လို့ သိရပါတယ်။

ဒီအတောအတွင်း အလွတ်သတင်းထောက် ကိုပါကြီး ခေါ် ကိုအောင်ကျော်နိုင် အသတ်ခံရတဲ့အမှုအတွက် တရားဥပဒေအရ ဆက်လက်ဆောင်ရွက်တဲ့အခါမှာ လက်ရှိပြဌာန်းထားတဲ့ ၂၀၀၈ အခြေခံဥပဒေအရ အခက်အခဲတွေ ရင်ဆိုင်ရဦးမယ်လို့ ရှေ့နေက သုံးသပ်လိုက်ပါတယ်။ အဲဒီအခြေခံဥပဒေထဲမှာ တပ်မတော်သားတွေနဲ့ဆိုင်တဲ့ ပြစ်မှုတွေကို စစ်ဥပဒေအရပဲ အရေးယူမယ်လို့ ပြဌာန်းထားတဲ့အပြင် ကာကွယ်ရေးဦးစီးချုပ်ရဲ့ ဆုံးဖြတ်ချက်ဟာ အတည်ဖြစ်တယ်လို့ ပြဌာန်းထားတဲ့အချက်ကလည်း တရားမျှတမှုမရှိနိုင်တဲ့အတွက် ပြင်ဖို့လိုအပ်တယ်လို့ ထောက်ပြပါတယ်။

RFA Burmese
https://www.facebook.com/pages/RFA-Burmese/39218993127?fref=nf

   
ကိုရဲ(အင်္ကျီအဖြူဝတ်ထားသူ)

ထိုင်းနိုင်ငံတောင်ပိုင်း စူရတ်ဌာနီခရိုင် လိပ်ကျွန်း (ခိုတောင်ကျွန်း) မှာ ပြီးခဲ့တဲ့ စက်တင်ဘာ လလယ်ပိုင်းက လူသတ်မှုနဲ့ပတ်သက်လို့ ထိုင်းရဲတပ်ဖွဲ့က ဖမ်းဆီး ထိန်းသိမ်း ထားတဲ့ ကိုဝင်းဇော်ထွန်းနဲ့ ရဲတပ်ဖွဲ့အကြား ဘာသာပြန်ပေးတဲ့ ကိုရဲကို ဒီဗွီဘီ သတင်းထောက် ကိုအေးနိုင်က ဆက်သွယ် မေးမြန်း ထားပါတယ်။

ဝင်းဇော်ထွန်းနဲ့ ကိုဇော်လင်းတို့ကို ဖမ်းဆီးစဉ်က ကိုရဲတို့ ဘာသာပြန်ဆောင်ရွက်တဲ့ အခြေအနေကို ပြောပြပါ။
“ဘာသာပြန်ဆိုတာ ဒီက ကျနော်တယောက်တည်းမဟုတ်ဘူး။ နောက်တယောက်ရှိသေး တယ်ခင်ဗျ။ မွန်မ တယောက်။ မိန်းကလေးတယောက်ရှိသေးတယ်။ ၀င်းဇော်ထွန်းဆိုတဲ့ ကောင်လေးကို စူရတ် (စူရတ်ဌာနီမြိ်ု့) မှာ ဖမ်းမိတယ်။ သူက ခိုတောင်လှေနဲ့ပါလာတဲ့အချိန်မှာပေါ့။ ခိုတောင်လှေနဲ့ပါလာတဲ့အချိန်မှာ ဖမ်းမိတယ်။ ဖမ်းမိတဲ့အချိန်မှာ သူ့ကိုစစ်တယ်။ ကျနော့်ကို ဘာသာပြန်ခိုင်းတော့ သူက ဒီကို ပန်းရန်လုပ်ဖို့လာတာလို့ ပြောတယ်။ သူဒီကိုဘာလာလုပ်တယ်၊ သူ့အဖေနာမည်၊ အမေနာမည်တွေ။ သူတို့နောက် ဒီအန်အေတွေ ဘာတွေစစ်တယ်ဆိုတာ ကျနော်ကတော့ မသိဘူးပေါ့ဗျာ၊ ဒီအန်အေဆိုတာ နောက်မှ သိရတာပေါ့။ အဲဒါ သူတို့ ဘာသာပြန်တဲ့အချိန်မှာ သူ့ကို ဒီမှာစစ်တယ်။ စစ်လည်းပြီးရော ကျနော်တို့ ဒီ အချုပ်မှာပေါ့လေ။ အချုပ်ထဲတော့ မထည့်ပါဘူး။ ကျနော်တို့ ဒီအမှုစစ်ခန်းမှာပေါ့။ ထောက်လှမ်းရေးရုံးခန်းမှာ သူ့ကိုစစ်တယ်။ သူ့ကို သေးတွေ ဘာတွေ စစ်ပြီးတာနဲ့ ကျနော်တို့ ဖာ့က်ပက် (အမှတ် ၈ တိုင်းရုံး) ဆိုတဲ့နေရာကို ကျနော်တို့နဲ့ နည်းနည်း ကားမောင်းရင် မိနစ် (၂၀) ကျော်လောက်တော့ မောင်းရတာပေါ့နော်။ အဲဒီနေရာကို သူတို့ခေါ်သွားတယ်။ သူတို့တိုင်းရုံးပေါ့နော် ဖာ့က်ပက်ဆိုတဲ့နေရာကို ခေါ်သွားပြီးတော့ အဲဒီမှာ စစ်တယ်။ စစ်တဲ့အခါမှာ စစ်တဲ့အထိလည်း ဒီကလေးက ကျနော်လည်း ဘာသာပြန်ပေးတာ အဲလိုပဲ။ သူ့ကိုယ်ရေးရာဇ၀င်ပေါ့နော်။ အဲဒါတွေယူတယ်။ စစ်တဲ့အချိန်မှာ သူက မပြောသေးဘူး၊ မဖော်သေးဘူး။ မဖော်ဘဲနဲ့ နောက်ထပ် (၁၅) မိနစ်လောက်မှာ ကျနော်လည်း ဗိုက်တအားဆာနေပြီပေါ့နော်။ ကျနော်ထမင်းစားနေတဲ့အချိန် အဲဒီကလေးကို တယောက်တည်း ခေါ်သွားလိုက်တယ်။ အရာရှိအခန်းကို ခေါ်သွားပြီးတော့ သူတို့စစ်ဆေးတယ်။ စစ်ဆေးတဲ့အချိန်မှာ ကျနော်ထမင်းစားနေတာနဲ့ ကျနော့်ကို ဘာသာပြန်ခေါ်လိုက်တယ်။ ‘လာလာ’ တဲ့၊ ‘ထမင်းစားလို့ပြီးပြီလားတဲ့’‘ပြီးပြီ’ လို့။
“ကျနော် အဲဒီကလေးနားကို ရောက်သွားပြီးတော့ အဲဒီကလေးက ဘာစိတ်ကူးပေါက်ပြီးတော့ ဘယ်လိုဖြစ်တယ်တော့ မသိဘူး။ ကျနော်တောင်မှ ကြက်သီးမွေးညင်းထသွားတယ်။ ‘ကျနော်တဲ့၊ အစ်ကိုတဲ့’ ဘာဖြစ်ဆို ကျနော်က သူ့ကို ဘာသာပြန်ပေးတယ်ဆိုတာက သူတို့က စကားသက်သေရော၊ သတင်းထောက်တွေရော အကုန်လုံးရှိနေတယ်ဗျာ။ လူကြီးတွေလည်းရှိနေတယ်။ ကျနော်က သူ စကားတခွန်းပြောရင်၊ သူက (၁) ဆိုရင် ကျနော်က (၁) ပဲ ပြန်ပေးလို့ရတယ်။ (၂) ပြန်ပေးလို့ မရဘူး။ (၂) ပြန်ပေးရင် ကျနော် ထိမှာပေါ့ မဟုတ်ဘူးလား။ အနောက်မှာ တိုင်းမှူးတွေရော၊ ဘာတွေရော။ အဲဒီမှာ အနိမ့်ဆုံးအဆင့်က စာလ၀ပ် (စစ်ဆေးရေးအရာရှိ) ဆိုတဲ့အဆင့်ပဲရှိတယ်။ ထိုင်းရဲတွေအများကြီးပဲ၊ လူကြီးတွေပေါ့ဗျာ။
“အဲဒီအချိန်မှာပဲ အဲဒီကလေးက ဘာစပြောလိုက်လဲဆိုတော့ ‘အစ်ကိုတဲ့ ကျနော် ၀န်ခံလို့ရှိရင်ပေါ့နော်၊ သေဒဏ်ကျနိုင်လားတဲ့ ဒီအမှုကတဲ့’ အဲဒီကလေးက ကျနော့်ကို ပြောလိုက်တယ်။ ၀င်းဇော်ထွန်းဆိုတဲ့ ကောင်လေး၊ ဒီမှာ ဖမ်းမိတဲ့ကောင်လေးပေါ့။ ငယ်ငယ်လေးနဲ့ကောင်လေး။ ကျနော်ကပြောတယ် ‘ညီလေး မင်း မဟုတ်ဘဲနဲ့ ၀န်မခံနဲ့နော်’ ‘အစ်ကိုတဲ့ ကျနော် သေဒဏ်ကျလားတဲ့’ ‘သေဒဏ်ကျတာ၊ မကျတာ ကျနော်လည်း မသိဘူး။ မင်းအမှုက သေးသေးလေးကိတ်စမဟုတ်ဘူး။ ‘မဟုတ်ဘူးတဲ့ ကျနော် ၀န်ခံလို့ရှိရင် သေဒဏ်ကျနိုင်လားတဲ့’။ အဲတော့ ကျနော်က ရဲတွေက ကျနော့်ကို တခါ ပြန်မေးတယ်။ သူဘာပြောတာလဲတဲ့။ ကျနော့်ကိုမေးတာလည်း ဘေးနားမှာလည်း လူတွေရှိတာပေါ့ဗျာ။ ဒါပေမယ့် ယူနီဖောင်းနဲ့မဟုတ်တဲ့အတွက် ကျနော်ကလည်း လိမ်ပြောလို့ မရဲဘူး။ ဘေးနားမှာလည်း အများကြီးပဲ။ ဗမာတွေလား၊ ရှမ်းတွေလား မသိဘူး။ ဘောင်းဘီဝတ်ထားတော့ ကျနော်က ဗမာ၊ ရှမ်းဆိုတာ နဖူးမှာ စာရေးထားတာမဟုတ်တဲ့အတွက် ကျနော်လည်း မသိနိုင်ဘူးလေ။ တခြားသူတွေလည်းအများကြီးဆိုတော့ ကျနော့်မှာလည်း လိမ်မရဲဘူး။ အဲဒါ ပြီးလည်း ပြီးရော သူ့ကို မေးပါလေရော။ မေးတော့ သူက ကျနော်ပြောတယ်၊ သူက ဒ်ီလိုဝန်ခံရင် သေဒဏ်ကျမလားဆိုတော့ သူတို့ရဲ့ ဒါက ရဲပရိယာယ်ပေါ့ဗျာ။ ၀န်ခံမယ်ဆိုရင်တော့ အမှုပေါ့တယ်ပေါ့။ ကျနော်ထင်တာတော့ ဒီကလေးက ဘယ်လိုဖြစ်သွားလဲ မသိဘူးဗျာ။ သူနဲ့ကျနော်နဲ့ (၁၅) မိနစ်လောက်ပဲ ထမင်းစားချိန်လေး အခန်းထဲမှာ သူ့ကို ခေါ်ပြီးစစ်တယ်။ အဲဒီအချိန်မှာ သူက ပြောလိုက်တာက ကျနော် ၀န်ခံလို့ရှိရင်တဲ့ သူပြောတဲ့စကားအသံတွေပဲ သူတို့စက်နဲ့ ဖမ်းထားတာရှိမှာပေါ့နော်။ ကျနော်တွေ့တာတော့ ဘေးမှာ စက်တွေရှိနေတာကိုး။ ကျနော်နဲ့ပြောတဲ့ပုံတွေကော၊ ကျနော် သူနဲ့ စကားပြောနေတဲ့ပုံတွေ၊ အဲဒီအချိန်မှာ အမှုကို သူက ၀န်ခံလိုက်တယ်။

ထမင်းမစားခင် အဲဒီကလေးက ၀န်ခံလို့လား။

“မဟုတ်ဘူး မဟုတ်ဘူး။ ကျနော်ထမင်းစားပြီးသွားပြီ။ ထမင်းစားပြီးတော့ သူတို့ ကျနော့်ကို ခေါ်လိုက်တာ ကျနော့်ကို အပြင်မှာ။ အဲဒီကလေးကို (၁) ခန်း။ ကျနော့်ကို (၁) ခန်း။ ကျနော်က ထမင်းစားတော့ သူတို့ ကျနော်ကို အပြင်ထုတ်သွားတယ်။ အပြင်ထုတ်သွားတယ်ဆိုတာ အပြင် သီးသန့် (၁) ခန်းမှာပေါ့ ကျနော့်ကို သူတို့ရဲပဲ ထမင်းဝယ်လာပြီးတော့ ထမင်းကျွေးတယ်။ သူတို့ရဲအရာရှိတွေလည်း ၄၊ ၅၊ ၆ ယောက်ရှိမယ် စားကြတာပေါ့။ စားပြီးတာနဲ့ ကျနော့်ကိုလာခေါ်တယ်။ အဲဒီရုံးခန်းထဲမှာပဲပေ့ါ။ ဒါပေမယ့် အခန်းကတော့ တခန်းစီပေါ့။ ဘာသာပြန်ထမင်းစားလို့ ပြီးပြီလားတဲ့ ရဲတယောက်က လာခေါ်တယ်။ ပြီးပါပြီလို့။ အဲလို ပြောနေတဲ့အချိန်မှာ အဲဒီကလေးက အဲဒီလို အဲဒီမှာ ရဲတယောက်။ အရာရှိလား ဘာလဲတော့ မသိဘူးဗျာ ယူနီဖောင်းမ၀တ်ထားတဲ့အတွက်ပေါ့နော်။ သူတို့ပြောတာတော့ အရာရှိပိုင်းကလို့ ပြောတာပဲ။ အရပ်ရှည်ရှည် ထောင်ထောင်မောင်းမောင်းနဲ့ အဲဒီလူ (၁) ယောက်ကနေ စစ်လိုက်တယ်။ အဲဒီအချိန်မှာ အဲဒီကလေးက အဲဒီစကားကို ပြောလိုက်တယ်။ သူပြောတဲ့အတိုင်းကိုပဲ ကျနော်က အားလုံးကို ဘာသာပြန်ပေးရတယ်။ အဲလို ဘာသာပြန်ပေးနေတဲ့အချိန်မှာပဲ မွန်မဆိုတာကတော့ နောက်မှ ကျနော် သိရတာပေါ့နော်။ နောက်ထပ် အခန်းကြီးထဲကို ခေါ်သွားတာပေါ့နော်။ ခေါ်သွားပြီးတော့ အမှုကို၊ ကျနော်လည်း သူ မွန်မဆိုတာ မသိဘူး။ မွန်မဆိုတာ စာရေးထားတာမဟုတ်ဘူး။ ထဘီနဲ့မဟုတ်ဘူး ဘောင်းဘီဝတ်ထားတယ်။ အဲဒီမွန်မက ဘယ်မှာနေလဲဆိုတော့၊ နောက်မှပြောပြတာနော် သူ့ကိုစစ်ပြီးတော့မှ။ စကားကို ကျနော်ဖြတ်ပြောတာ မွန်မဆိုတာက နောက်မှ ကျနော်ပြောပြမယ်။ အဲဒါနဲ့ အဲဒီအချိန်မှာ ကောင်လေးကို ကျနော့်ကို ဘာသာပြန်ခိုင်းတယ်။ ဘာသာပြန်တော့ သူက ၀န်ခံတယ်။ အဲဒီ သူတို့သတ်တာ မှန်ကန်တယ်ပေါ့နော်။ သူတို့သေဒဏ်ကျမှာကြောက်လို့၊ မပြောရဲလို့။ သူတို့ ပေါက်တူးနဲ့ ဘယ်လိုခုတ်တာတို့။ ကောင်မကို သူတို့ ဘယ်လိုမုဒိမ်းကျင့်တာတို့၊ သူပြောပြတယ်။ ဒါပေမယ့် ကျနော် သူ့ကို သေချာမေးပါတယ် ညီလေးနော် ၀င်းဇော် မဟုတ်ဘဲနဲ့ ၊ ဒါပေမယ့် သူတို့ ရဲတွေလည်းမေးပါတယ်။ မဟုတ်ဘဲနဲ့ဝန်ခံတာလား၊ ကြောက်လို့ဝန်ခံတာလား။ သူက ၀န်ခံလိုက်တယ်။ ဒါပေမယ့် ကျနော်နဲ့ သူနဲ့ (၁၅) မိနစ်လောက်၊ မိနစ် (၂၀) လောက် အကွာမှာတော့ အဲဒီအချိန်မှာ ဘယ်လိုဖြစ်သွားလဲ မသိဘူးနော်။ မှန်လုံခန်းတွေနဲ့။ သူဝန်ခံတယ်။ သူဝန်ခံတဲ့အတိုင်းကို ကျနော် ဘာသာပြန်ပေးရတယ်။

ကိုရဲ ထမင်းမစားခင်၊ မကင်းကွာခင်က ကလေးနဲ့ စကားပြောခွင့်ရလား။

“ရတယ်၊ ရတယ်။ အတူတူပဲရှိနေတယ်။ ကျနော့်ဘေးနားမှာ ဘာသာပြန်ပေးနေတာပဲ။”

အဲဒီတော့ ပထမပိုင်း ကိုရဲထမင်မစားခင်က သူက ဘာပြောလဲ။

“မပြောသေးဘူး။ ဒါပေမယ့် စာရွက်စာတမ်းတွေ သူတို့ပြတယ်။ ဓာတ်ပုံတွေပြတယ်။ ပြတယ်ဆိုတာဗျာ။ သူနဲ့လည်း ခပ်ဆင်ဆင်ပဲ။ အခုနောက်ပိုင်းမှ ကျနော်လည်းသိရတာဗျာ၊ ဒီ လူကြီးသားဆိုလား ဘာဆိုလား။ ဓာတ်ပုံထဲမှာ နောက်မှ ဇဝေဇ၀ါနဲ့၊ နောက်တော့။ အင်းဒီကလေးနဲ့လည်း ခပ်ဆင်ဆင်ပဲလို့ ၀င်းဇော်ထွန်းဆိုတဲ့ ကောင်လေးနဲ့က။ ၀င်းဇော်ထွန်းက သူ့ထက်အကောင်သေးတယ်။ ဟိုကောင်ကနည်းနည်း တီဗွီထဲမှာ ကြည့်ရတာနော် ဒီကောင်က အကောင်ကြီးမလားတော့ မသိဘူး။ ပုံစံနဲ့ ရုပ်ချင်းကတော့ ခပ်ဆင်ဆင်ပဲ။ သူတို့အနေအထားကလေ။ အဲဒီ ဘောင်းဘီတိုနဲ့ ပြေးတဲ့ပုံ။ သူတို့က၊ ၀င်းဇော်ထွန်းက မင်းပုံလားဆိုတော့ ဖြစ်ရင်လည်းဖြစ်နိုင်တယ်ပေါ့ ကျနော်ပုံပေါ့။ ဘာဖြစ်လို့လည်းဆိုတော့ ဖေ့စ်ဘွတ်ထဲမှာ တင်တယ်ဘာညာဆိုတာ ဖြစ်ရင်လည်း ဖြစ်နိုင်တယ်ပေါ့။ တခုဆိုးသွားတာက သူပြောလိုက်တဲ့စကားတွေက သူရဲ့ဝန်ခံချက်နဲ့ ပေ့ါနော် အဲဒီနိုင်ငံခြားသားဆီက ဖုန်းက ဘယ်မှာလဲ။ ဖုန်းက သူ့သူငယ်ချင်း လင်းလင်းဆိုတဲ့ကောင်လေးဆီမှာ။ သူက လင်းလင်းအိမ်မှာနေတယ်။ နောက်ပြီးတော့ နောက်တချက်က သူက မျက်မှန်။ နိုင်ငံခြားသားဆီက သူ ပိုက်ဆံတော့မယူသွားဘူး မျက်မှန်တလက် ဘောင်းဘီအိတ်ထဲက နှိုက်ယူသွားတယ်။ နောက်နေ့မနက်မှာ ရုတ်ရုတ်သဲသဲ သတင်းတွေကြားတော့ သူ ကြောက်ပြီးတော့ အဲဒီမျက်မှန်ကို ချိုးပြီးတော့ လွှတ်ပစ်လိုက်တယ်။ အဲလိုမျိုး၊ ဖုန်းကတော့ သူ့သူငယ်ချင်းကို ပေးထားတယ်။ သူ့သူငယ်ချင်း လင်းလင်းဆိုတဲ့ကောင်လေး၊ သူနေတဲ့အိမ်မှာပေါ့နော်။ အဲဒါ လင်းလင်းကနေပြီးတော့ အဲဒီဖုန်းကို ထုချေလိုက်လား ဘာလဲတော့မသိဘူးပေါ့ ဒါ နောက်ပိုင်းမှ သူပြောတဲ့စကားတွေနော်။”

လင်းလင်းဆိုတာ ဇော်လင်းကို ပြောတာလား။

“မဟုတ်ဘူး လင်းလင်းဆိုတာ နောက်သပ်သပ်ရှိသေးတယ်။ ၀င်းဇော်ထွန်းဆိုတဲ့ ကောင်လေးနေတဲ့ အိမ်လို့ ပြောတယ်။”

ဝင်းဇော်ထွန်းကလေ၊ ကိုရဲထမင်းစားပြီးလို့ ပြန်လည်းပြန်ရော၊ ကျနော်သေချာအောင်မေး တာ၊ ကိုရဲတို့ ဘာသာပြန်တာလွဲတယ်ဆိုတဲ့စကားတွေ ဖေ့စ်ဘွတ်ခ်မှာဖော်ပြနေလို့ သေချာအောင် မေးရတာပါ။ ၀င်းဇော်ထွန်းက ကိုရဲထမင်းစားပြီးတဲ့အချိန်မှာ တိုက်ရိုက် ၀န်ခံတဲ့ဥစ္စာကလေ၊ ဘာတွေကို ၀န်ခံတာလဲ။ မုဒိမ်းကျင့်တယ်လို့ ၀န်ခံတာလား၊ ဘယ်လိုမျိုးဝန်ခံတာလဲ။

“အဲဒီ အမှုအားလုံးကိုပေါ့။ သူတို့အဲလို ဘယ်လိုလုပ်တယ်။ ဘယ်လိုသတ်တယ်။ ဘယ်လို သူတို့ ဘီယာသောက်တယ်။ ဘယ်လိုသွားတယ်၊ ဘယ်လိုလာတယ်ဆိုတာ အဲဒီမှာ အကုန်လုံး သူက စဖော်တော့တာပဲ။ အဲလိုမျိုးပေါ့။ သူအဲလို ပြောလိုက်တဲ့အချိန်မှာ ကျနော် ကြက်သီးတွေ တအားထသွားတယ်။ ဘာဖြစ်လို့လည်းဆိုတော့ ဒါ ကျနော်တို့ အမျိုးသား တမျိုးသားလုံး သိက္ခာကျတဲ့အလုပ်ကြီး၊ ဟုတ်တယ်မဟုတ်လား ဒါနိုင်ငံနဲ့ ပြောမယ်ဆိုရင်။ ကျနော့်အနေနဲ့လည်း ဘယ်လိုခေါ်မလဲ သူ့ကို ဘုရားမှာပဲ ဆုတောင်းပေးနိုင်တယ်။ ဒါပဲရှိတယ်။ ကျနော် နေ့တိုင်းမေတ္တာပို့ပေးတယ် သူ့ကို၊ ဒါပဲလုပ်ပေးလို့နိုင်တယ်။”

ကိုရဲ ဘာသာပြန်ပေးခဲ့တာကို အများ ရှင်းရှင်းလင်းလင်းသိရအောင်၊ မေးခွန်းလေး (၂) ခုလောက် မေးချင်တယ်။ ကိုရဲထမင်းစားနေတဲ့ ၁၅ မိနစ်ကြာအချိန်မှာ စစ်တာက ၀င်းဇော်ထွန်းက ထိုင်းလိုနားလည်လား။ ဒါမှမဟုတ်ရင် ထိုင်းတွေက ဗမာလို နားလည်လား။ အဲဒါကရော ဘယ်လိုမျိုးဖြစ်တာတုန်း။

“နားလည်တာ မဟုတ်ဘူး။ ဒီလိုမျိုး။ ကျနော်ထမင်းစားနေတဲ့အချိန်မှာ သူ့ကို အခန်းထဲကို ခေါ်ထုတ်သွားတယ်။ ပထမ သူနဲ့ကျနော်နဲ့ အတူတူပဲရှိနေတယ်လေ။ ဒါပေမယ့် ကျနော်ထမင်းစားတဲ့အချိန်မှာ ၁၅ မိနစ်လောက်ကြာသွားပြီ။ သူ့ကို အခန်းထဲကို ခေါ်သွားတဲ့ အချိန်မှာပေါ့နော် ကျနော် ဘာမှ မမြင်ရဘူး။ အဲဒီအခန်းကို ကျနော်တို့ မမြင်ရဘူး။ ကျနော်က ထမင်းစားတာ အပြင်မှာ၊ တခြားအဆောင်မှာ။ ဒီဘက်ကို သူ့ကို အခန်းတခန်းဘက်ကို ခေါ်ထုတ်သွားတယ်။ အဲဒီအခန်းကတော့ သူတို့ အရာရှိနေတဲ့အခန်းပေါ့။ အရာရှိ အခန်းပဲဆိုတာ ကျနော် ဘယ်လိုသိသလဲဆိုတော့ နောက်မှ အဲဒီမှာ အရာရှိတွေ ထိုင်တာ ကျနော်တွေ့တယ်လေ။”

အဲဒါ ဘယ်နေရာလဲ ကိုရဲ။

“အဲဒီအခန်းက ဖာ့က်ပက်မှာပဲ။ ပြောမယ်ဆို ထခမ်း လို့ ခေါ်တာပေါ့ ဖူဖင်း ဖူဖင်း (ဖူဖင်းရဲစခန်း)။

အဲဒါ ကော့စမွီမှာလား။
“မဟုတ်ဘူး။ စူရတ်ဌာနီမှာ။”

ဒါဆို ကိုရဲလည်း မသိဘူးပေါ့နော်၊ ထိုင်းတွေက ဗမာလို နားလည်လား။ ၀င်းဇော်ထွန်းက ထိုင်းလိုနားလည်လားဆိုတာ ကိုရဲလည်း မသိဘူးပေါ့နော်။
“ကျနော်လည်းမသိဘူး။”

၁၅ မိနစ်အတွင်းမှာ အဖြေပေါ်သွားတယ်ပေါ့နော်။
“အဲလိုမျိုး။ အဲဒီအချိန်မှာ နောက်ပြီးလည်းပြီးရော ကျနော်ထမင်းစာလို့ပြီးရော ကျနော့်ကို ရဲကလာခေါ်တယ်။ ရဲက ဘယ်လိုခေါ်မလဲ ကျနော် သေးပေါက်သွားတာလည်း လျှောက်လိုက်နေတယ်၊ နောက်က တကောက်ကောက်။ အဲလိုမျိုး ကျနော့်နောက်ကနေ။”

ကိုရဲခုန ပြောတဲ့ ကိုယ့်နိုင်ငံသား၊ သိက္ခာ ဆိုတော့လေ။ ရဲတွေက ၀င်းဇော်ထွန်းကို ခေါ်မသွားခင် အချိန်တုန်းက အဲဒီကောင်လေး မျက်နှာအမူအရာက တခုခုကို ၀န်ခံတော့မယ့်ပုံလား။ ဘယ်လိုပုံစံမျိုးလဲ။ ကိုရဲအမြင်က ဘယ်လိုလဲ။ သူ့လိုကိုယ်လိုပဲလား။

“ကောင်လေးကတော့ မျက်နှာတွေက ညှိုးနေတာပဲဗျ။ မျက်နှာညှိုးနေတာပဲ။ ကျနော်လည်း စိတ်မကောင်းဘူး။ ဘာလို့ စိတ်မကောင်းလဲဆိုတော့ အဲဒီအချိန်ထိက သူက ပထမအထိက သူနဲ့ကျနော်နဲ့ အနီးကပ် ရှိနေချိန်အထိက သူ ၀န်မခံသေးဘူး။ အဲ နောက်မှ သူ့ကို ခွဲထုတ်သွားတယ်။ ကျနော့်ကို ထမင်းစားဖို့ ကျနော် ပြောချိန်မှာ သူတို့ ထမင်းတောင် မဟုတ်ပါဘူး ခေါက်ဆွဲကြော်လားမသိဘူး ကျနော်စားတယ်။ ကျနော် ကောင်းကောင်း မမှတ်မိတော့ဘူး။ အဲမှာ စားနေတဲ့အချိန်မှာပဲ၊ အဲဒီကျနော်ထမင်းစားနေတယ်ဆိုတာ့ ကျနော်ထမင်းစားတာကို စောင့်ရင်လည်း စောင့်နေမှာပေါ့နော်၊ ဘယ်လိုလည်းတော့ မသိဘူး။”

အွန်လိုင်းတွေမှာ ဗွီဒီယိုတွေမှာ ဒီအမှုနဲ့ပတ်သက်ပြီး သံသယတွေရှိတယ်ဆိုတော့ ကိုရဲတို့ကပဲ ၀င်ရိုက်သလိုလို၊ ရဲကပဲ ရိုက်သလိုလို။ ကလေးတွေပြောတာကို ကျနော်တို့ ကိုးကားပြောတာလေ။ အဲဒီတော့ ကိုရဲရော ၀င်ထိုးသေးလား၊ ရိုက်သေးလား။ ရဲကော ရိုက်သေးလား။

“လက်ဖျားနဲ့တောင် မထိပါဘူးခင်ဗျာ။ အဲဒါတော့ ကျနော့်ကိုကျနော် ယုံကြည်ပြီးသားပါ။”

ရဲကရော။

“ကျနော်ရှိတဲ့အချိ်န်မှာတော့ ရဲတွေရိုက်တာမတွေ့ဘူးဗျ။ ကျနော်နဲ့သူနဲ့ အနီးကပ်ရှိနေချိန်ထိ။ ခိုတောင်ကျွန်းမှာ ရဲတွေ ရိုက်တာ မရိုက်တာတော့ ကျနော်မသိဘူး။ အဲဒါတော့။ ဘာဖြစ်လို့လည်းဆို ကျနော်မျက်စိနဲ့မမြင်တဲ့အတွက် ဒီစကားကို ကျနော် မုသားလည်း မပြောချင်ဘူး။ ဘယ်လိုခေါ်မလဲဆိုတော့ ဟိုခိုတောင်ကျွန်းမှာ သူတို့ကို ဘယ်တုန်းက ဖမ်းမိထားလဲ၊ ဘယ်နှခါတုန်းက ဘယ်လိုရိုက်စစ်ထားလဲ၊ ဘယ်လို အဲဒါတွေ ကျနော် ဘာမှ မသိရဘူး။ ဘာတခုမှကို မသိရတာ။”

ကိုရဲတို့ စစ်တဲ့ အဆောက်အဦကလေ သွားပြီးတော့ ရဲတွေအရာရှိတွေ အများကြီး စစ်တဲ့နေ့က ဘယ်နေ့လဲ။ မှတ်မိလား။

“အဲဒီ date က မှတ်မိလားဆိုရင် ကျနော်ပြောမယ်ဗျာ။ ခိုတောင်ကျွန်းမှာ ကျနော်လည်း ရက်မမှတ်မိတော့ဘူး။ ခိုတောင်ကျွန်းကို အဲဒါ ဒုတိယရက်ဖြစ်သွားပြီ။ ခိုတောင်ကျွန်းမှာ ကျနော်တို့ သတင်းထဲမှာ ပါတဲ့အချိန် (အောက်တိုဘာ ၃ ရက်နေ့တွင် လူသတ်မှုဖြစ်စဉ်ကို သရုပ်ပြ)။”

သတင်းထဲမှာ ပါပြီးတဲ့အချိန် သူတို့သရုပ်ပြပြီးတဲ့အချိန်ရဲ့ နောက်နေ့ကျမှ ကိုရဲတို့ကို ၀န်ခံတာလား။

“မဟုတ်ဘူး၊ မဟုတ်ဘူး။ အဲဒါ ၀န်ခံပြီးသွားပြီ။ ၀န်ခံပြီးတော့ နောက်နေ့မှ နောက်နေ့သွားတာ။ စူရတ်ကနေ သွားပို့တာ အဲဒီကောင်လေး (၀င်းဇော်ထွန်း) ကို၊ သွားပို့တဲ့အချိန်မှာ မောင်မောင်ဆိုတဲ့ကောင်လေးကိုလည်း ဖမ်းထားတယ်။ ဇော်လင်းဆိုတဲ့ ကောင်လေးကိုလည်း ဖမ်းထားတယ်။ သုံးယောက်အားလုံး ဖမ်းထားတယ်။”

ကိုရဲ ဘာသာပြန်တဲ့အခန်းကို နည်းနည်း အသေးစိတ်ပြောပြပါလား။ ဘာဖြစ်လို့ ဒီကောင် ဘာတွေဝန်ခံလဲ၊ ဥပမာဗျာ-သူ့ကိုစွဲထားတာ ၅ မှု ရှိတယ်နော်။ လူသတ်မှု၊ မုဒိမ်းမှု၊ အမှုကြီး ကျူးလွန်ရဲ့သားနဲ့ လိမ်လည်ထွက်ဆိုမှု၊ ပစ္စည်း ခိုးမှု၊ ဖုန်းခိုးတာနော်။ တရားမ၀င် ၀င်ရောက်တဲ့အမှု ဆိုတော့။ အဲဒီ ၅ မှုကို ကိုရဲဘာသာပြန်ပေးတဲ့ အနေအထားကို ပြောပြပါ။ ၀င်းဇော်ထွန်းနုတ်ထွက်စကားကို မြန်မာကနေ ထိုင်းကို ဘယ်လိုဘာသာပြန်ပေးလိုက်လဲ။

“ကျနော် အဲဒီဟာတွေတော့ မပါဘူး။ အဲဒီအမှုတွေတော့ ကျနော် မသိဘူးနော်။ အဲဒါတွေ ဖုန်းခိုးမှုတွေက အစ်ကိုပြောလို့ ကျနော်သိရတာ။ အဲဒါတွေမပါဘူး။ အဲဒါတွေ မသိဘူး။”

ဒါဆို ကိုရဲ ဘာသာပြန်ပေးသလောက်ပဲ ပြောပြပါ။

“အဲလို ကျနော် ဘာသာပြန်ပေးတဲ့အချိန်က အခန်းကဏ္ဍက အဲလိုမျိုးပေါ့နော်။ သူက မောင်မောင်ကို သူက ဆိုင်။ သူတို့က တဆိုင်စီပေါ့နော် လုပ်ရတာ။ လုပ်တဲ့အချိန်မှာ မောင်မောင်က အရင် ၀င်းဇော်ထွန်းဆိုတဲ့ကောင်လေးက အရင်တီး(ဂစ်တာ)။ တီးပြီးတော့ သူ မောင်မောင်ကို သွားစောင့်တယ်။ မောင်မောင်ကိုစောင့်တယ်။ မောင်မောင်ကို စောင့်ပြီတာနဲ့ မောင်မောင်ဆိုင်က။ သူက မောင်မောင်ဆိုင်ကို ဆယ်နာရီလောက်မှာ ရောက်သွားတယ်။ ၁၀ နာရီ ၁၀ မိနစ်၊ ၁၅ မိနစ်ဆို သူက ဆိုင်သိမ်းတယ်။ မောင်မောင်က ၁၁ နာရီ ၁၀ မိနစ်၊ ၁၅ မိနစ်လောက်မှ သိမ်းတယ်။ ၁ နာရီလောက်ကွာတယ် အဲလိုမျိုး။ သူက မောင်မောင်ကို သွားစောင့်နေတယ်။ အဲဒီ သွားစောင့်နေတဲ့အချိန်မှာပဲ ဇော်လင်းဆိုတဲ့ကောင်လေးက ဆိုင်ကယ်နဲ့ရောက်လာတယ်။ ဂစ်တာ ၁ လုံးနဲ့ဆိုင်ကယ်နဲ့ ရောက်လာတယ်။ ဆယ်မိနစ်လောက်အနေမှာ ဇော်လင်း ရောက်လာပြီးတော့ ဇော်လင်းက အဲဒီအချိန်မှာ မောင်မောင်နဲ့ သူတို့ ၊ မောင်မောင်ဆိုင်က အလုပ်မလွတ်သေးဘူး။ နောက် သူရယ်၊ မောင်မောင်ရယ်။ ဇော်လင်းရယ် ။ အခု တရားခံ ၂ ယောက်ပေါ့ဗျာ ဥပမာပြောမယ်ဆိုရင်တော့။ အဲဒီကလေး ၂ ကောင်က ဂစ်တာတောင် နည်းနည်းတီးလိုက်သေးတယ် အဲဒီနားမှာ။ အဲဒါ အခင်းဖြစ်တဲ့နေရာကို ပြောတာမဟုတ်ဘူး နော်။ မောင်မောင်ဆိုင်နားမှာ၊ အဲဒီမှာ ဂစ်တာတီးတယ်။ ဂစ်တာတီးပြီးတာနဲ့ သူက ဘယ်လိုခေါ်မလဲဆိုတော့၊ အဲဒါနဲ့ ပြီးလည်းပြီးရော မောင်မောင်လည်း အလုပ်လွတ်ရော။ သူတို့ မောင်မောင်ကို စောင့်နေတော့။ မောင်မောင်က ဘယ်သွားမလဲဆိုတော့ အလုပ်နား တယ်ပေါ့ ဘီယာသွားသောက်မယ်ဆိုပြီး ဘီယာသွားဝယ်မယ်ဆိုပြီး သွားကြတယ်။ ဆဲဗင်းဆိုင် တဆိုင်ကိုသွားကြတယ် သူတို့သုံးယောက် ဆိုင်ကယ်စီးပြီးတော့။ ဇော်လင်းက ဆိုင်ကယ်မောင်းတယ်။ ၀င်းဇော်ထွန်းဆိုတဲ့ကောင်လေးက အလယ်ကထိုင်တယ်။ ဂစ်တာ ကိုင်ထားတယ်။ မောင်မောင်က နောက်ဆုံးကထိုင်တယ်။ အဲလိုမျိုး။ ဒါက သူတို့ ပြောပြချက်အရနော်။ အဲ အဲဒီအချိန်မှာ ပြီးတာနဲ့ သူတို့ Seven ဆိုင်ရောက်တဲ့အချိန်မှာ မောင်မောင်နဲ့ ၀င်းဇော်ထွန်းနဲ့က ၀င်သွားတယ်။ ဇော်လင်းက နေခဲ့တယ်။ ဂစ်တာနဲ့ဆိုင်ကယ်နဲ့ နေနေခဲ့တယ်။ အဲဒီဆိုင်ထဲကို ၀င်သွားတယ်ပေါ့ဗျာ။ ၀င်သွားပြီးတော့ သူတို့ Beer Chang ဆင်ဘီယာ ၃ ပုလင်းဝယ်တယ်။ ဆေးလိပ်က L.M ဆေးလိပ်တဘူး ၀ယ်တယ်။ အဲဒီအချိန်မှာ မောင်မောင်က ပိုက်ဆံ ၁၀၀ (ဘတ်) ထုတ်ပေးတယ်။ ကျန်တာကို ၀င်းဇော်ထွန်းဆိုတဲ့ ကောင်လေးက စိုက်ပေးလိုက်တယ်။ အဲလို ၀ယ်ပြီးတဲ့အချိန်မှာ သူတို့ အခင်းဖြစ်တဲ့နေရာကိုပေါ့နော်။ သူတို့ တီဗွီသွားရိုက်တဲ့နေရာ၊ အဲဒီနေရာကို သူက သွားတယ်၊ သွားပြီးတော့ သူတို့ ဂစ်တာ တီးကြတယ်။ သူတို့ဂစ်တာ တီးရင်းနဲ့ မောင်မောင်ဆိုတဲ့ကောင်လေးက သူ့ရည်းစားက ဖုန်းလာလို့ ဆိုပြီးတော့ သူက ဆိုင်ကယ်နဲ့ သွားလိုက်တယ်။ မောင်မောင်ကပေါ့နော်။ မောင်မောင်ကသွားလိုက်ချိန်မှာ သူနဲ့ ၀င်းဇော်ထွန်းနဲ့ ဇော်လင်းဆိုတဲ့ ကောင်လေး၂ ယောက်ပဲ ကျန်ခဲ့တယ်။ မောင်မောင်က ပြောသွားတယ်။ “ငါ့ဆော် (ချစ်သူရည်စား-ဗန်းစကား) ဖုန်းလာလို့၊ ငါပြီးရင် ငါပြန်လာခဲ့မယ်ဆိုပြီးတော့ ပြောသွားပြီးတော့ မောင်မောင်သွားလိုက်တာ တော်တော်နဲ့ မောင်မောင်က ပြန်မလာဘူးပေါ့။ အဲဒါနဲ့ သူတို့လည်း ဘီယာကုန်သွားပြီဆိုတာနဲ့ သူတို့နောက်ထပ် ၁ ခေါက် သွားဝယ်ဖို့လုပ်တယ်။ အဲဒီ မ၀ယ်ခင်မှာပဲ သူတို့ ဘီယာကုန်တာနဲ့ သူတို့ ဆေးလိပ်သောက်ပြီးတော့ ဂစ်တာတီးနေတယ်။ ဂစ်တာတီးနေတဲ့ အချိန်မှာ နောက်က နိုင်ငံခြားသားတွေပေါ့နော်။ foreigner နှစ်ယောက်၊ လင်မယားတတွဲ ပေါ့နော် လမ်းလျှောက်သွားတာ သူတို့တွေ့တယ်။ လမ်းလျှောက်နေရင်းနဲ့ သူတို့ဆီက တောင်မှ အင်္ဂလိပ်က စီးကရက် ၁ လိပ် တောင်းသောက်လိုက်သေးတယ်။ သူတို့နဲ့ ထိုင်ပြီးတော့ အဲဒီအင်္ဂလိပ်ကတောင်မှ ဂစ်တာထိုင်ပြီးတော့ သီချင်းတွေဘာတွေ အင်္ဂလိပ်လို ပြောလိုက်သေးတယ် သီချင်းဆိုလိုက်သေးတယ်ပေါ့။”

သြော်… အင်္ဂလိပ်က သူတို့ဆီက ဆေးလိပ်တလိပ်လည်း တောင်းသောက်တယ်။

“သီချင်းလည်း ၀ိုင်းဆိုလိုက်သေးတယ်။ အင်္ဂလိပ်တယောက်၊ သူတို့ ဒီ အခုသူတို့သတ်တဲ့ဟာကို ပြောတာမဟုတ်ဘူးနော်၊ အဲဒီနားမှာ၊ အဲဒီနားမှာ မဖြစ်ခင်ပေါ့။ ပြဿ နာမဖြစ်ခင်။ အဲဒီအချိန်မှာ တီးသွားတီးလာ သူတို့မှာ ဘီယာကလည်း ကုန်သွားပြီဆိုတာနဲ့ အင်္ဂလိပ်လင်မယား တတွဲက သွားလိုက်တယ်။ လင်မယားလား၊ သမီးရည်စားလား မသိဘူးပေါ့ဗျာ။ သူတို့လည်း ပြောတာက။ အတွဲက သွားလိုက်တယ်။ သွားပြီးတာနဲ့ သူတို့က ဘီယာကုန်တာနဲ့ ဆက်သောက်ချင်တယ်ဆိုတာနဲ့ အဲဒီဂစ်တာကို ထားပြီးတော့ သူတို့ လမ်းလျှောက်ပြီးတော့ ဘီယာ သွားဝယ်ကြတယ်။ အဲဒီဆိုင်မှာ ထပ်ပြီးတော့၊ ဘီယာ နှစ်လုံးထပ်ဝယ်တယ် သူတို့။ ဇော်လင်းနဲ့ အခု ဒီကောင်လေးနှစ်ကောင်ပေါ့နော်။ အခု ဖမ်းခံထားရတဲ့ ကောင်လေးနှစ်ကောင် အဲဒီမှာ ဘီယာသွားဝယ်ကြတယ်။ ဘီယာသွားဝယ်ပြီးတော့ ပြန်လာတယ်။ ပြန်လာပြီးတာနဲ့ သူတို့ ဘီယာသောက်တယ်။ သူတို့ ဘီယာသောက်ရင်းနဲ့ သူတို့ ဂစ်တာပြန်တီးတယ်၊ ဂစ်တာတီးတဲ့အချိန်မှာ သူတို့ အခု အသတ်ခံရတဲ့ လင်မယားတွဲပေါ့၊ သမီးရည်စားတွဲပေါ့။ သူတို့ကနေပြီးတော့ အဲဒီမှာ နှစ်ယောက် သူတို့ရှေ့ကနေ ဖြတ်သွားတာတွေ့တယ်၊ ဒါပေမယ့် အဲဒီချုံထဲကို ဘာသွားလုပ်လဲ၊ အဲဒီချောင်ထဲကို ဘာသွာလုပ်လဲ မသိဘူး။ ခုထိပြန်မလာသေးဘူးပေါ့။ သူတို့ရှေ့မှာလည်း နှုတ်ခမ်းတွေ ဘာတွေ စုပ်နေတာ သူတို့ တွေ့တယ်ပေါ့။ အဲဒါ သွားချောင်းကြည့်မယ်ဆိုပြီးတော့ အဲဒါ သူတို့က အဲဒီကိုသွားတာ။ အဲဒီနေရာကို သူတို့ သွားလိုက်တယ်။ သွားရင်းနဲ့ လမ်းမှာ၊ သစ်ပင်အောက်မှာ ပေါက်တူးတလက် တွေ့လိုက်တယ်။ ပေါက်တူးတလက်ယူသွားပြီးတော့ နောက်ကနေ သူတို့ သွားချောင်းကြည့်တယ်။ ချောင်းကြည့်တဲ့အချိန်မှာ အင်္ဂလိပ်နဲ့ အင်္ဂလိပ်မနဲ့က မတော်တရော်တွေ လုပ်နေတယ်ပေါ့ဗျာ။ အဲလိုလုပ်နေတော့ သူတို့ကလည်း စိတ်က မထိန်းနိုင်ဘူး။ အဲဒါနဲ့ ဇော်လင်းဆိုတဲ့ကောင်လေးက ၀င်းဇော်ထွန်းကို ဘယ်လို လုပ်မလဲပေါ့။ အဲဒါနဲ့ ဘယ်လိုခေါ်မလဲဆိုတော့ လူငယ်သဘာဝဆိုတော့ သူတို့တွေ နိုင်ငံခြားသားတွေကလည်း ဒီလိုလုပ်တဲ့အခါကျတော့လည်း၊ သူတို့က လုပ်ရင်လည်း သိတဲ့အတိုင်းပဲလေ အင်္ကျိချွတ်၊ ကိုယ်ချွတ်။ သူတို့မှာက သိတဲ့အတိုင်း ဒါတွေက ရိုးနေပြီ။ အဲလိုမျိုးလုပ်တဲ့အခါမှာ သူတို့စိတ်မထိန်းနိုင်လို့ သူတို့ဝင်လုပ်လိုက်တာ။ သူတို့ တမင်သက်သက် သတ်ချင်လို့တော့မဟုတ်ဘူး။ သူတို့ကို ကျနော်က ဘာသာပြန်ပေးတာက သူပြောတာက သူတို့ အဲလိုမျိုးစိတ်နဲ့ လုပ်တာမဟုတ်ဘူး။ ဒါပေမယ့် သူတို့မှာတော့ ဒီစိတ်ဖြစ်သွားတယ်ပေါ့နော်။ တဏှာစိတ်နဲ့ လုပ်မိသွားတယ်။ အဲဒါကိုတော့ ကျနော်လည်း ကာကွယ်ပေးတာပေါ့။ ကျနော်လည်းအတတ်နိုင်ဆုံးပါ။ တမင်သက်သက်လုပ်တာတော့ မဟုတ်ဘူး ကြိုတင်ကြံစည်မှုလည်း မရှိဘူး။ သူတို့ပြောတဲ့ဟာကိုပဲ ဘာသာပြန်ပေးတယ်။ အဲဒီလိုဘာသာပြန်ပေးရင်းနဲ့ဗျာ မွန်မဆိုတာ ခုနပြောသလိုပေါ့။ သူက ရောက်နေပြီ အခန်းထဲမှာ။ ကျနော်တို့ပြီးတော့ အဲဒီနေရာက တဆင့် အဲဒီဟောခန်းကြီးထဲကိုပေါ့နော်။ သတင်းထောက်တွေရော။ ဘာတွေရော ရှိတဲ့နေရာ သူတို့ထပ်စစ်တယ် သူတို့။ ထပ်စစ်တဲ့အချိန်မှာ ကျနော့်ကို အပြင်ခေါ်ထုတ်သွားတယ်။

ဘယ်သူက ခေါ်ထုတ်တာလဲ။ မွန်မက ခေါ်ထုတ်တာလား။

“မဟုတ်ဘူး၊ မဟုတ်ဘူး၊ မွန်မရှိနေတယ် မွန်မရောက်လာပြီ။ မွန်မဆိုတာ ကျနော် နောက်မှ သိတာနော်။ သူ့ကို တခါ ကျနော်ကပြောတယ် ကျနော့်ကို ဘာသာပြန်ပေးတာနဲ့ သူဘာသာပြန်တာနဲ့ ဟုတ်ရဲ့လား ထွက်ချက်ကို အဲဒီမွန်မကို ထပ်စစ်တယ်။ အဲဒီ ကျနော် အပြင်မှာ ၁ နာရီနီးပါး၊ နာရီဝက်နီးပါးလောက် ကြာမယ်ဗျ။ ၁ နာရီနီးပါးလောက်ရှိမလား မသိပါဘူး။ ကျနော့်ကို အအေးတွေဘာတွေ ထိုင်သောက်ပြီး သူတို့ စကားတွေ ပြောနေရင်းနဲ့ ထပ်ပြီးတော့ ထပ်စစ်တယ် တဖွဲ့။ ထပ်စစ်ပြီးတော့ ၁ နာရီနီးပါးလောက် ကြာမှ (၁ နာရီ အင်း လေးဆယ့်ငါးမိနစ်) လောက် ပတ်ဝန်းကျင်လောက် ကြာမယ်ထင်တာပဲလေ။ ကျနော့်စိတ်ခန့်မှန်းခြေပေါ့နော်။ ခန့်မှန်းပြီးပြောပြတာ ကျနော်က အဲဒီနေ့က နာရီလည်း မပါသွားဘူးဆိုတော့၊ ပြီးတာနဲ့ ကျနော့်ကို တခါ ပြန်ခေါ်တယ်။ ကျနော့်ကို ခေါ်တဲ့အချိန်မှာ အဲဒီမွန်မကို အပြင်ထုတ်လိုက်တယ်။ ကျနော့်ကို တခါ ထပ်မေးခိုင်းတယ် အဲဒီစကားတွေ။ ထပ်ပြီးတော့ အဲလိုပဲ မေးခိုင်းတာပဲ။ မေးတော့ ကွန်ပျူတာနဲ့ စက်တွေနဲ့ ရိုက်နေကြတာပေါ့ (လေး-ငါး) ယောက်။ စက်တွေကလည်း ဖမ်းထားတယ်။ အဲဒါပြီးတော့ တခါ ကျနော့်ကို ပြီးတော့တခါ အပြင်ပြန်ထုတ်သွားပြန်ရော။ ကျနော့်ကို မိနစ် ၂၀။ နာရီဝက်လောက် မေးပြီးတော့တခါ၊ အဲဒီကောင်မကို အဲဒီမွန်မကို ပြန်ခေါ်လာတယ်။ ပြန်ခေါ်ပြီးမေးတယ်။ အဲဒါမေးပြီးတော့မှ အဲဒီနောက်ပိုင်း ထိုင်နေတော့မှ မေးပြီး စက်တွေဘာတွေ သူတို့သယ်ပြီး ဘာမှမရှိတော့ဘူးဆိုတော့မှ အဲဒီတော့မှ သူတို့ ရေတွေဘာတွေသောက်၊ ကျနော်တို့ကို ရေတွေဘာတွေ တိုက်သေးတယ်။ ၀င်းဇော်ထွန်း ကိုလည်း ရေသောက်မလား၊ ဘာသောက်မလားပေါ့နော်။ အဲလိုပဲ အအေးတွေဘာတွေ ယူလာပြီးတိုက်တယ်။ တိုက်တဲ့အခါကျတော့ အဲဒီကျတော့ စကားစမိလို့ ပြောတော့မှ အဲဒါ ဗမာပဲတဲ့။ ရဲတယောက်က ကျနော့်ကို ပြောလိုက်တာ။ သြော် ဟုတ်လားလို့ ကျနော်က အဲဒီတော့မှ။ အဲဒီတော့မှ ကျနော်က အသက်အားဖြင့်က ကျနော့်ထက် ငယ်မယ်ထင်လို့ပေ့ါနော်။ ‘ညီမက ဗမာလား’ဆိုတော့ ‘ဟုတ်တယ်တဲ့’၊ ‘ညီမက ဗမာပဲ’တဲ့။ ‘သူက မွန်’ တဲ့။ သြော်အဲဒီတော့မှ သူက မွန်သံပေါက်နေတာကို သိတယ်။ သူလည်း ပြောပါတယ် မွန် တဲ့။ ညီမက ဒီပုလိပ်ကြီးအိမ်မှာပဲ နေတာပဲတဲ့။ သူက မေးလိုက်သေးတယ် ‘အကိုက ဘယ်မှာနေတာလဲ’ တဲ့။ ‘အကိုက ဒီအချုပ်မှာပေါ့နော်။ နေတာကတော့ တစ်နေရာပေါ့။ စောစောက ဘာသာပြန်ပေးတယ်’ လို့။ ‘အချုပ်မှာ ဘာသာပြန်လုပ်ရတယ်’ လို့။ သူက ‘ညီမကလည်း ညီမသူဌေးက ပုလိပ်ကြီး၊ ညီမက ဘယ်မှာနေလဲဆိုတော့ ‘သူဌေးအိမ်မှာနေတယ်’ တဲ့။ ‘သူဌေးအိမ်မှာ နေတယ်ပေါ့နော်။ ကျမသူဌေးကလည်း ပုလိပ်ပဲတဲ့၊ ပုလိပ်ကြီး’ တဲ့။ သူပြောလို့ ကျနော်သိတာပေါ့နော်။ အဲဒီတော့မှ သူလည်း ဗမာပြည်သားမှန်းကိုယ်လည်းသိတယ်။ ကျနော်ဗမာမှန်းလည်း သူသိရတယ် အဲလိုမျိုး။”

ဝင်းဇော်ထွန်းက စိတ်မထိန်းနိုင်ပြီး ၀င်သတ်လိုက်တယ်ဆိုတော့လေ ဘယ်ပုံဘယ်နည်း သတ်တယ်ဆိုတာကိုလည်း ရဲက မေးမှာပေါ့။ မောင်ဝင်းဇော်ထွန်းက ဘယ်လိုဖြေလဲ ကိုရဲကို။

“မေးတယ်လေ၊ မေးတယ်လေ။ အဲဒါမေးတာ ကျနော်ခုန ပြောပြပြီးသွားပြီမဟုတ်လား သူတို့ပေါက်တူးနဲ့ ဒီလိုခုတ်တယ်။ အနောက်ကနေသွားလိုက်တယ်။ သူတို့စိတ်မထိန်းနိုင် လို့။ သူတို့ မူးလည်း မူးနေကြတယ်။ ဘီယာက တယောက်နှစ်လုံးဆိုတော့ ဘီယာ Chang ဆိုတော့ ၂ လုံးဆိုတော့ဗျာ မူးလည်း မူးနေကြတယ်။ တခါမှ သူ သိပ်သောက်တော့ သောက်စားမှု မရှိကြဘူးအဲလိုမျိုး။ အဲဒီနေ့က အလုပ်နားတယ်ဆိုတော့ နားရင်းနဲစုံပြီးတော့ သောက်ကြတယ်။ အဲဒါတွေကိုပဲ ကျနော်က ဘာသာပြန်ပေးတယ်။”

ကောင်လေးတွေက ပေါက်တူးနဲ့အရင်ခုတ်ပြီးမှ မုဒိမ်းကျင့်တာလား။ မုဒိမ်းကျင့်ပြီးမှ ပေါက်တူးနဲ့ခုတ်တာလား။

“သူတို့က အဲဒီအချိန်မှာ အင်္ဂလိပ်က အပေါ်ကဗျာ။ ယောက်ျားက အပေါ်က၊ မိန်းမက အောက်ကဆိုတော့ အပေါ်ကလူကို အရင်ဆုံးချလိုက်တယ် ပေါက်တူးနဲ့။ နိုင်ငံခြားသားကို ယောက်ျားတယောက်ကို အရင်ဆုံး ပေါက်တူးနဲ့ ခုတ်လိုက်တယ်။ ပေါက်တူးနဲ့ ခုတ်လိုက်တာ လဲကျသွားတယ် အဲဒီကောင်။ ပေါက်တူးနဲ့ခုတ်တာမဟုတ်ဘူး၊ ပေါက်တူး ဓားနှောင့်ရိုးနဲ့ ထုလိုက်တာ။ ပေါက်တူးအသွားနဲ့ ခုတ်တာမဟုတ်ဘူး။ အနှောင့်နဲ့ ထုတာ အနှောင့်နဲ့ထုတဲ့အချိန်မှာ လဲကျသွားတယ်။ လဲကျသွားတဲ့အချိန်မှာ သူတို့က အဲဒီအချိန်မှာ ကောင်မက ထပြေးတဲ့အချိန်မှာ သူတို့က နှစ်ယောက်က ၀ိုင်းဖက်ပြီးတော့ ရိုက်တယ် ထိုးတယ်၊ ကောင်မကို။ အဲဒီအချိန်မှာ အင်္ဂလိပ်က လဲနေပြီ၊ အင်္ဂလိပ်အထီးက လဲနေပြီပေါ့ဗျာ။ ထိုးရင်းနဲ့ ကောင်မက မေ့သွားတယ်ပေါ့ဗျာ။ မေ့သွားတဲ့အချိန်မှာ ၀င်းဇော်ထွန်းဆိုတဲ့ကောင်လေးက။ ဇော်လင်းကနေပြောတယ် ‘မင်းချမလား’ ပေါ့။ အဲဒါနဲ့ ဟိုကောင်ကလည်း ပြောတယ် ‘ချမယ်‘ပေါ့။ အဲလိုမျိုး ချနေရင်းနဲ့ပဲ အင်္ဂလိပ်က သတိရတာဖြစ်မှာပေါ့။ သူတို့စိတ်ထဲမှာတော့ သေပြီထင်သွားပြီပေါ့ ပထမတော့။ အဲဒီတော့ အင်္ဂလိပ်က နည်းနည်းလှုပ်ရှားတာမြင်တာနဲ့ ဇော်လင်း ဆိုတဲ့ကောင်လေးက၊ ၀င်းဇော်ထွန်းက အင်္ဂလိပ်မကို လုပ်နေတဲ့အချိန်မှာ ဇော်လင်းက အင်္ဂလိပ်ကို ပေါက်တူးနဲ့ သုံးလေးချက်ထပ်ချတယ်။ ယောက်ျားကို။ ပေါက်တူးနဲ့ ထပ်ရိုက်တယ် ထပ်ချတယ်ပြောတာပဲ။ အဲလို ထပ်ချ။ ထပ်ချရင်းနဲ့ ၀င်းဇော်ထွန်းက အဲဒီကောင်မကို လုပ်နေတယ်ပေါ့နော်။ အဲဒီအချိန်မှာ ကောင်မက နည်းနည်းသတိရတာနဲ့ ‘ဟာ’ မင်း ဖယ်ဖယ် ဖယ်ဖယ် ဆိုပြီးတော့ ပေါက်တူးနဲ့ တချက်ခုတ်လိုက်တယ်။ ခေါင်းနားကိုပေါ့နော်။ ပေါက်တူး အသွားနဲ့ မဟုတ်ဘူးနော်။ ဓားနှောင့်လေးနဲ့ ထုလိုက်တာ။ ထုတာ သတိလစ်သွားတဲ့ အချိန်မှာ မင်းပြီးပြီးလားလို့ မေးလိုက်တယ်။ ဇော်လင်းဆိုတဲ့ကောင်လေးက ၀င်းဇော်ထွန်းကို မေးတယ်။ မင်းပြီးသွားပြီလားပေါ့။ မပြီးသေးဘူး။ မပြီးသေးရင် မင်းဖယ်ပေါ့ ငါချမယ်ဆိုပြီးတော့ သူက တက်ချတယ်။”

ဒါက ၀င်းဇော်ထွန်းပြောတာကို ကိုရဲ ဘာသာပြန်ပေးတာပေ့ါနော်။

“ဟုတ်ကဲ့ ဟုတ်ကဲ့။ ဘာသာပြန်က ကျနော်တယောက်တည်းမဟုတ်ဘူး ဒီမှာ မွန်မ တယောက်ရှိသေးတယ်။ မွန်မတယောက်ဆို ကျနော့်ထက်အများကြီးတော်တယ်ဗျာ။ ရှမ်း (ထိုင်းရောက်မြန်မာများအကြားတွင် ထိုင်းကို ရှမ်းဟုသုံး) စာလည်း မွှတ်နေအောင် ရေးတတ်တယ်ဗျာ။ ရှမ်းလိုလည်း ရေးတတ်တယ်၊ ရှမ်းလိုလည်း ဖတ်တတ်တယ်။ ကျနော်က ရှမ်းလို ရေးလည်း မရေးတတ်ဘူး။ ဖတ်လည်း မဖတ်တတ်ဘူး။”

ကိုရဲကို ဘန်ကောက်ပို့စ်သတင်းစာမှာပါတာတွေ့တယ်၊ ကိုရဲလက်ညှိုးညွန်နေတဲ့ အင်္ကျီအဖြူရောင်နဲ့ မဟုတ်လား။

“ဟုတ်တယ် ဟုတ်တယ်ဟုတ်တယ်။ အဲဒါက ကျနော်ပြောပြမယ်ဗျ။ လက်ညှိုး ညွှန်တယ်ဆိုတာက သူတို့က ပြောတာက ဒီ ပုလိပ်က ကျနော့်ကို ပြောခိုင်းတာ ဒီဘက် အခြမ်းမှာဖြစ်တာ သေချာစဉ်းစားပြီးဖြေပေါ့။ သူတို့ ရိုက်ကွင်းရိုက်တဲ့ အချိန်မှာ ပေါ့နော်။ ဒီနေရာမှာလား ဒီဘက်မှာလား သေချာစဉ်းစားပြီးဖြေပေါ့နော်။ အဲဒါကို လက်ညှိုးညွှန်ပြ ကျနော်က ပြောပြတာ။ ညီလေး မင်းဒီဘက်မှာလား သေချာ စဉ်းစားဖြေပေ့ါနော်။ နေရာမှားမှာ စိုးလို့။ သူတို့က အဲလိုလက်ညှိုးပြခိုင်းတာ နေရာမှားမှာစိုးလို့။”

ကလေးက မေးတယ် ကိုရဲကို ‘ကျနော် ၀န်ခံလိုက်လိုက်လို့ရှိရင် ထောင်ငါးနှစ်ကျမလား၊ ထောင်ဒဏ်နည်းမလား။

“မဟုတ်ဘူး မဟုတ်ဘူး ‘ထောင်ဒဏ်ကျနိုင်လား၊ သေဒဏ်ကျနိုင်လား’ ပေါ့။”

ကိုရဲက ဘာပြန်ဖြေလဲ။ ကိုရဲဖြေလိုက်တော့ သူအားရှိသွားလား။

“မဟုတ်ဘူး၊ မဟုတ်ဘူး။ အဲဒါကို ပုလိပ်က ကျနော့်ကိုမေးတယ်။ သူ (၀င်းဇော်ထွန်း) ပြောတဲ့အချိန်မှာ၊ စကားတခွန်းပြောတာနဲ့ ဘာပြောတယ်ဆိုတာ ချက်ချင်းမေးတယ်။ အဲလို တခွန်းပြောရင် တခွန်းမေးတယ်။ ကျနော်က နှစ်ခွန်းပြောရင် နှစ်ခွန်းဖြေရတယ်။ အဲလိုမျိုးဖြစ်နေတယ် အဖြစ်က။”

ကိုရဲကို သေချာအောင် တခုမေးချင်တယ်။ ဘာသာပြန်တာနဲ့ပတ်သက်ပြီး မှားယွင်းပြီး ဖြေတယ်လို့ ခံစားမိလား။ ခက်ခဲတဲ့ဟာတွေရှိလား။

“မှားယွင်းမှု မရှိဘူး။ ဘာဖြစ်လို့လည်းဆို ကျနော့်ကို ပြောတာ မေးတယ်ဆိုတာလည်း ကျနော့်ကိုမေးတာ နည်းတယ်။ အဲဒီမွန်မတယောက်က ကျနော့်ထက် ပိုပြီးကြာမယ် အချိန်က အဲလိုမျိုး။”

ကိုရဲအခုလို အကျယ်တ၀င့်ရှင်းပြသွားတဲ့အထဲမှာ ကိုရဲ (ထမင်းမစားခင်) နဲ့ ကောင်လေးနဲ့ စကားစမြည် ပြောနေချိန်မတိုင်ခင် ကောင်လေးကို ဖမ်းထားတယ်။ ကိုရဲကို ဘာသာပြန်ဖို့ ရဲက အကူအညီတောင်းတယ်။ အဲဒီချိန်ထိ ကောင်လေးက ဘာမှမဖြစ်သေးဘူး။

“ဒီလို။ ပထမ ကျနော်တို့ ဒီကနေပြီးတော့ မနက်မိုးလင်းတော့ ဒီအန်အေ စစ်တယ်ပေါ့နော်။ သူတို့ ရဲတွေက လာကြတယ်။ ဒီအန်အေဆိုတာ ကျနော် နောက်မှ သိတာပါ။ သူတို့ အမည်းဝတ်စုံတွေနဲ့ ဘာတွေမှန်း ကျနော်လည်း မသိဘူး။ တခါမှ မမြင်ဖူးမှ မမြင်ဖူးပဲ။ အဲလိုမျိုးစစ်တယ်ဆိုတာ ကလေးကို ပါးစပ်တွေဘာတွေဟ၊ အာတွေဘာတွေဟခိုင်းပြီးတော့ သူတို့ ကလော်တယ်ဗျာ။ ဘာတွေလုပ်နေမှန်းမသိဘူး။ အဲလိုမျိုး၊ ပြီးလည်းပြီးရော သူတို့ ဆန်ပြုတ်တွေ ၀ယ်တိုက်တယ်၊ ကျွေးတယ်။ ကျနော်လည်း စားတယ်။ အဲဒီကလေးကိုလည်း ကျွေးတယ်။ အဲဒီက ပြီးတော့မှ မနက် ရှစ်နာရီခွဲ၊ ကိုးနာရီလောက်ကျမှ အဲဒီကို ခေါ်သွားတာ အဲဒီ ဖိုဖင်ဆိုတဲ့နေရာကို ခေါ်သွားတာ။”

စစ်တဲ့နေရာကိုလား။

“ဟုတ်တယ်။ နေရာအားလုံး ၃ နေရာ ပြောင်းတယ်ဗျာ။ သုံးနေရာ။ ဒီနေရာကနေ တဆင့် ကျနော်ရှိတဲ့နေရာ ဖမ်းမိတဲ့နေရာပေါ့နော်၊ အဲဒီကနေတဆင့် စစ်တဲ့နေရာ တနေရာ။ နောက်ပြီးတော့မှ မွန်မ ကိုခေါ်သွားတဲ့၊ မွန်မ ရှိတဲ့နေရာ။ မွန်မ ရှိတဲ့နေရာမဟုတ်ဘူးနော် မွန်မ ရောက်လာတဲ့နေရာ။ အခန်း၊ Hall (ခန်းမ) ခန်း အကြီးကြီးပေါ့။”

ဒါဆိုရင် ကိုရဲနေတာက စူရတ်ဌာနီ။ ပြီးရင် နောက်တနေရာ။ ပြီးတော့ နောက်တနေရာ သုံးနေရာပေါ့။

“ဟုတ်ကဲ့၊ အခု ဖြစ်တာတော့ စူရတ်ဌာနီအပိုင်ပဲလေ။ ဖူဖင် (ဖူဖင်ရဲစခန်း) ဆိုတာလည်း စူရတ်ဌာနီပဲ။ သုံးနေရာဆိုတာက ခုနပြောသလို ခုန အမှုစစ်တဲ့နေရာ တနေရာရယ်၊ ဒီမှာ ဖမ်းမိတဲ့တနေရာရယ်။ နောက်တခု ဒုန်းလိုင်းကြီး စခန်းကို (အသံထွက်အတိုင်းရေးသည်) ညဘက်။ ကျနော်တို့ပြန်လာတာ ညမိုးချုပ်သွားတယ် ကျနော်တို့ပြန်လာတာ။ ပြန်လာတော့ ကျနော်လည်း ပြန်လာတော့ ပြီးပြီပေါ့ ကျနော့်ကိစ္စပြီးပြီဆိုတော့ အေးအေးဆေးဆေးပဲ ကျနော့်ဖာသာ ကျနော် နေလိုက်တယ်။ အဲဒါ မနက် မိုးလည်းလင်းရော ပုလိပ်က ကျနော့်ကို ဖုန်းဆက်လာတာ။ ‘မင်းအ၀တ်အစားကောင်းကောင်းလေးဝတ်ပြီးတော့ လာခဲ့ပါဦး’ တဲ့။ ဆိုတော့ ကျနော်က ‘ဟာ-ဘာရှုပ်ပြန်ပြီလဲ၊ တခါ ထပ်ရှုပ်ပြန်ပြီလဲ ဇယားက’ ၊ အဲဒါ ပြီးလည်း ပြီးရော မနက်မိုးလင်းရော ဒီမှာ (စူရတ်ဌာနီ) မှာ အစာပြေတွေဘာတွေ စားပြီးတော့မှ လေယာဉ်နဲ့ ခေါ်သွားတာ။ ကျနော် ခိုတောင် (လိပ်ကျွန်း) ရောက်မှ ခိုတောင်ကျွန်း မှန်း သိရတယ်။ ခေါ်သွားတယ်၊ ခေါ်သွားပြီးတော့ သူတို့ ရိုက်ကွင်းရိုက်တဲ့အချိန်မှာ။ ကျနော်တို့ လေယာဉ်ပေါ်ကဆင်းတာနဲ့ သူတို့ ရဲကားတစ်စီးလာကြိုတယ်။ ရဲကားဆိုတာ ၀မ်းနိုင်းဝမ်း (၁၉၁) ၀ိုင်ယာလက်ကားကို ပြောတာမဟုတ်ဘူး။ ရိုးရိုး ဒီ ကိုယ်ပိုင်ကားလိုမျိုးပေါ့ (ထိုင်းလို-လွတ်တာမရွတ်) ကားကို ပြောတာ၊ ရှမ်းလိုပြောမယ်ဆိုရင်တော့။ အဲဒီကားနဲ့ ကျနော်တို့ကို သူတို့လာခေါ်သွားတယ်။ ကျနော်တို လာခေါ်ချိန်မှာ ဘယ်ကိုခေါ်သွားမလဲဆိုတာ မသိဘူးပေါ့။ ဆိုတော့ ကျနော်တို့အခင်းဖြစ်တဲ့နေရာကို ခေါ်သွားတယ်။ ခေါ်သွားတဲ့အချိန်မှာ မောင်မောင်ဆိုတဲ့ကောင်လေးနဲ့ ဇော်လင်းက ရောက်နေတယ်။ သူတို့ ၃ ယောက်ကို တခန်း ထိုင်ခိုင်းထားတယ်။ ကျနော့်ဓာတ်ပုံထဲမှာ ဓာတ်ပုံခိုးပြီးရိုက်လာရတယ်။ သူတို့သုံးယောက်လုံး။ သူတို့နှစ်ယောက် ကတော့ အရင်ရောက်နေပြီပေါ့နော်။ အဲ ဒီအချိန်မှာ သူတို့နှစ်ယောက်ဘေးမှာ ဘာသာပြန်ကုလား ၂ ကောင်ရှိတယ်။ ဘာသာပြန်က သူတို့ပြောထားတာက တယောက်ကို တယောက်စီ ပြန်ခိုင်းတယ်။ သူတို့ ဟိုမှာတွေ ဘယ်လိုလုပ်ထားလဲ ဘယ်လိုဖြစ်တယ်တော့ ကျနော်လည်း အဲဒါတော့ ကျနော်လည်း ဘာမှ မသိရဘူးနော်။ ဒါ ကျနော့်ကိုယ် ကျနော် ဆန်းစစ်ပြီးတော့ ပြောတဲ့စကား။ ကျနော် မြတ်စွာဘုရားစကား ခေါင်းထဲမှာထည့်ထားတယ် ယောနိသောမနသီကာရ (နှလုံးသွင်းမှန်အောင် ဆင်ခြင်မှု) ဆိုတဲ့ စကားတခုတော့ ခေါင်းထဲထည့်ထားတယ် အမြဲတမ်း။ အဲဒီတော့ သူတို့စစ်တဲ့အချိန်မှာ ကျနော်က အဲဒီအချိန်မှာ ၀င်းဇော်ထွန်းကို မေးလိုက်တယ်။ ဘာလို့လည်းဆိုတော့ မောင်မောင်လည်းပါနေတာကိုး။ ဒီမှာပြောတုန်းကကျတော့ သူတို့ နှစ်ယောက်တည်းလုပ်တယ်ပြောတယ်။ မောင်မောင်ဘာမှ မဆိုင်ဘူးပေါ့။ မောင်မောင်က သူ့ဆော် (ချစ်သူရည်စား) ဖုန်းလာလို့ သူ့ဟာသူ ဘီယာသွားသောက်ပြီးပြန်သွားတယ် ပြောတယ်။ အဲဒီတော့ ကျနော်က မေးတာပေါ့ ‘၀င်းဇော်ထွန်း မောင်မောင်ဆိုတာ ဘယ်သူလဲ’ ပေါ့။ ကျနော် အဲလိုမေးတဲ့အချိန်မှာ မောင်မောင်က ‘ကျနော်ပဲတဲ့ မောင်မောင်ဆိုတာ အကို’ တဲ့။ ကျနော်က ၀င်းဇော်ထွန်းကိုပြောတယ် ‘မင်းပြောတော့ မောင်မောင် မပါဘူးပြောတယ်။ ဘာလို့ မောင်မောင်ဒီမှာ ဘာလို့ထည့်ထားတာလဲ‘ ကျနော်က အဲလိုမေးလိုက်လို့ ကျနော်တောင်မှ ဟောက်ခံထိသွားတယ်။ အဲဒီချိန်မှာ ဘာသာပြန်တဲ့ကုလားတကောင်က ကျနော့်ကိုမေးတယ်။ ခင်ဗျား ဘာတွေ၊ ခင်ဗျားလူ ခင်ဗျားမေးတဲ့။ သူပြောတာတော့ မှန်ပါတယ်။ ကျနော့်ကိုစပြောကတည်းက ကျနော်လည်း ကရုဏာစိတ်နဲ့။ မပါတဲ့လူ မပါနဲ့ပေါ့။ မဟုတ်တဲ့လူကတော့ မဆိုင်ဘူး။ မဆိုင်တဲ့လူကို ဆွဲမထည့်နဲ့ပေ့ါဗျာ။ ဟုတ်တယ်မဟုတ်လား ။ အဲဒီတော့ ကျနော်က ပြောထားတယ်။ သူက အပြင်ထွက်သွားပြီးတော့ အဲဒီကုလားက ဘာသွားပြောလည်းမသိဘူး။ ကျနော့်လူကြီးက ကျနော့်ကို လာပြန်ပြောတယ်။ ‘အချိုင် (ကိုရဲ ကို ခေါ်သည့် ထိုင်းအမည်) ဘာပြောလဲ’ တဲ့။ ‘မဟုတ်ဘူး၊ ဟိုမှာစစ်တုန်းက နှစ်ယောက်ပဲပြောတယ်၊ အခု သုံးယောက်ဖြစ်နေလို့’ လို့။ ‘သူမပါဘူး စိတ်ချ။ မဆိုင်တဲ့လူ မထည့်ဘူး’ တဲ့။ သူ့ (၀င်းဇော်ထွန်း) ကိုပဲ ဘာသာပြန်။ သူတို့ကို မမေးနဲ့တော့’ တဲ့ ‘ဘာမှ’။”

ကိုယ့်လူကိုပဲ ကိုယ်မေး ဘာသာပြန်ဆိုတာပေါ့ ဟုတ်လား။

“ဟုတ်တယ်။ အဲလိုမျိုး ကျနော့်မှာ။ ကျနော် ဘာမှ လှုပ်လို့တောင်မရဘူး။ ကန်တော့ပါရဲ့ဗျာ မရိုသေ့စကား အီးတောင် ပေါက်လို့မရတာဖြစ်သွားပြီ။ အဲဒါ ပြီးလည်း ပြီးရော အဲဒီ ရိုက်ကွင်းနေရာကို ခေါ်သွားတယ်။ ရိုက်ကွင်းနေရာကိုခေါ်သွားတယ်၊ ကျနော့်လူကြီးက နောက်က တကောက်ကောက်ပါနေတာပဲ။ အကိုတို့လည်း တီဗွီထဲမှာ တွေ့ရမှာပဲ။”

တွေ့တယ်၊ တွေ့တယ် ကိုရဲတို့ကို။

“အဲဒီမှာ တကောက်ကောက်ပါနေတာပဲ။ အဲဒီမှာ သူ့ကို ခေါင်းကို ကိုင်ခိုင်းထားတာပေါ့နော်။ ဦးထုတ်ဝပ်ရင် ခေါင်းကို နည်းနည်းမော့ထားပေးတဲ့။ ခေါင်းကို နည်းနည်းကိုင်ထားပေးတဲ့။ ကျနော်က သူတို့နိုင်ငံမှာ သူတို့ပြောတဲ့ ခိုင်းတာ ကိုယ်က လုပ်ပေးရမှာဗျာ ကျနော့်တာဝန်အရ၊ ဟုတ်တယ်မဟုတ်လား။”

ဟုတ်ကဲ့ အခု မြန်မာသံရုံးကလည်း အထူးအဖွဲ့ဖွဲ့ထားတယ်။ သမ္မတဦးသိန်းစိန်ကလည်း ထိုင်းဝန်ကြီးချုပ် ပရာယုဒ်ကို မေတ္တာရပ်ခံထားတယ်ဆိုတာ ကိုရဲတို့လည်းသိတယ်လေ။ သူတို့က ကျနော့်လိုပဲ အချက်အလက်ရဖို့မေးမယ်ဆိုရင် ကိုရဲ ပူးပေါင်းဆောင်ရွက်မလား။

“ဟာ။ မေးရင်တော့ ကျနော်က အချိန်မရွေးပဲလေ။ မေးရင်တော့ ပြောမှာပဲလေ။ အမှန်တရားကို ပြောပြတာလေ။ ကျနော် မြင်တဲ့၊ သိတဲ့ဟာလောက်ပဲ ကျနော်ပြောပြလို့ရမယ်လေ။”

ကိုရဲလည်း ဖြေပြတာ တော်တော် ပြည့်စုံပါတယ်။ ကျနော်သိချင်တာလေး ကျန်နေတာက ဘာဖြစ်လို့ ဒီကောင်တွေက မုဒိမ်းကျင့်တဲ့ ကောင်မလေးကို ပေါက်တူးနဲ့ မျက်ခွက်ကို ဘာဖြစ်လို့ ဒီလောက်ထိအောင် ကြမ်းကြမ်းတမ်းတမ်းကြီး ခုတ်ပစ်လိုက်တာလို့ ပြောလဲ။

“ပေါက်တူးနဲ့ခုတ်လိုက်တာ သူတို့ပြောတာတော့ တချက်ပဲ ပြောတာပဲဗျနော်၊ ကောင်မက ရုန်းတဲ့အချိန်မှာ တချက် ထပ်ရိုက်လိုက်တယ်။ ပေါက်တူးနဲ့။ အဲဒီအချိန်မှာပဲ သေသွားလား မသေလား သူတို့လည်း (ရဲက) ကျနော့်ကို အဲဒါ ဆက်မမေးခိုင်းတော့ဘူး။”

ရဲ သိပ်အသေးစိတ်မမေးတော့ဘူးပေါ့ အဲလိုလားအကို။

“ဟုတ်ကဲ့၊ ဟုတ်ကဲ့။”

ဒေးဗစ်ရဲ့မျက်နှာမှာ၊ နိုင်ငံခြားသားရဲ့ ဒဏ်ရာဒဏ်ချက်တွေနဲ့ပတ်သက်လို့ ရော ၀င်းဇော်ထွန်းတို့က ဘယ်လိုမျိုးလက်နက်ပုန်းတွေနဲ့ ချကြလဲ သူတို့က။

“သူတို့ပြောတာတော့ ပေါက်တူးနဲ့ပဲ ပြောတာပဲ။”

သြော် သူတို့ ပေါက်တူး (၁) လက်ပဲ သုံးတယ်ပေါ့ ဟုတ်လား။

ဟုတ်ကဲ့ ပေါက်တူးနဲ့ပဲ။ နောက်မှလူတွေပြောမှ ကျနော်သိရတာပေါ့နော်။ ကျနော်လည်း ဒီဥစာတွေ။ တီဗွီတွေဘာတွေ။ ဖေ့စ်ဘုတ်တွေ ဘာတွေ ကြည့်ဖို့၊ သတင်းတွေ ဘာတွေ ကြည့်ဖို့ ကျနော်လည်း သိပ်ဝါသနာ မပါဘူးဗျ။ ၀ါသနာမပါဘူးဆိုတာ ဒီပြင်ဟာ မဟုတ်ဘူး။ ကိုယ့်စီးပွားရေးနဲ့ကိုယ်၊ ကိုယ့်အလုပ် ကိုယ်လုပ်တယ်။ အဲလိုမျိုး။ ကိုယ့်ဟာနဲ့ ကိုယ့်မိသားစု ကိုယ့်စားဝတ်နေရေးလောက်ပဲ ကိုယ့်ဖာကိုယ် လုံးပန်းနေရတာ။ အဲဒီတော့ ဘယ်လိုလဲ ဆိုတော့ ဘုရားပဲသိမယ်။ ဘယ်လိုတွေလုပ်လို့ ဘယ်လိုနောက်မှ ကျနော်သိရတဲ့ သတင်းကတော့နော်။ ဓားဒဏ်ရာတွေ ဘာတွေရှိတယ်ဆိုတော့။ သူတို့ပြောတာက ပေါက်တူးနဲ့၊ ဟိုကပြောတာ ဓားဒဏ်ရာဆိုတော့ အဲဒါ အကိုတို့ဖာသာ အကိုတို့ စဉ်းစားပေါ့ဗျာ။

ကိုရဲက ၀င်းဇော်ထွန်းကို ဘာသာပြန်ပေးတော့လေ ၀င်းဇော်ထွန်းက ပေါက်တူး (၁) မျိုးပဲ ပြောသလား။ ဒီပြင်ဟာ ဘာတွေ ပြောသေးသလဲ။

မပြောဘူး၊ မပြောဘူး၊ မပြောဘူး။ ကျနော် မဟုတ်တာလည်း မုသားမပြောဘူး။ ပေါက်တူးပဲပြောတယ်။

ပေါက်တူးကို အသွားနဲ့လုပ်တယ်ပြောတယ်။ နိုင်ငံခြားသားယောက်ကျားကို အနှောင့်နဲ့ လုပ်တယ်လို့ ပြောတယ်။ ကောင်မလေးကိုလည်း အနှောင့်နဲ့ထုတယ်ပြောတယ်။

မဟုတ်ဘူး မဟုတ်ဘူး မဟုတ်ဘူး။ အသွားနဲ့မဟုတ်ဘူ့း။ အနှောင့်နဲ့ချည်းပဲ။ အနှောင့်နဲ့ချည်းပဲ အားလုံး။ သူတို့ပြောတာက အနှောင့်နဲ့ထုလိုက်တာပဲ ပြောတယ်။ ကျနော်လည်း သူတို့ပြောတဲ့အရကိုပဲ ဘာသာပြန်ပေးတယ်။

ကိုရဲ ဒီဖြစ်ရပ်နဲ့ပတ်သက်လို့ ကိုရဲရင်ထဲမှာ ပြောချင်စရာရှိမလား။ ကိုရဲတို့၊ ကမာ (ဘာသာပြန်နောက်တဦး) တို့ဆိုရင်လည်း ဝေဖန်ခံနေရတာတွေ ရှိနေတယ်ဆိုတော့။

ကျနော်က ရင်ထဲမှာ ပြောချင်တဲ့စကားဆိုတာက ဘုမသိ၊ ဘမသိနဲ့ စိတ်မကောင်းတာ တချက်ပေါ့နော်။ သူတို့ဟိုမှာ ရိုက်တာတို့၊ ရေနွေးပူနဲ့ လောင်းတာတွေဘာတွေဟာ ကျနော့်မျက်စိနဲ့မမြင်တဲ့အတွက် ကျနော်နဲ့၊ ကျနော်နေတဲ့နေရာနဲ့ အဲဒီနေရာကိုသွားရင် ဒီကနေ ည (၁၁) နာရီထွက်တဲ့လှေဟာ ဟိုကို မနက် (၅) နာရီ (၆) နာရီမှ ရောက်တယ် အကိုတို့စဉ်းစားကြည့်ပေါ့ဗျာ။ အခု အကိုနေတဲ့နေရာနဲ့ ကျနော်နေတဲ့နေရာ အင်္ကျီဘာဝတ်ထားလဲ အကိုလှမ်းကြည့်လို့မြင်ရမလား။ ကျနော်ဘာလုပ်နေလဲ။ ဟုတ်တယ်မဟုတ်လား။ ကျနော့်အနေနဲ့ ဘုမသိ၊ ဘမသိဘူး။ သူတို့တွေ ဘယ်လိုလုပ်ထားတယ်ဆိုတာ ကျနော်လည်း ဘာမှ မသိရဘူး အဲဒါတော့။

ကိုရဲ ဘာသာပြန်ပေးတဲ့နေ့ကျတော့ ဘယ်နေ့လဲ။ ရက်အတိအကျ သိလား။

ရက်အတိအကျဆိုတာ ကျနော် ရက်ကိုအတိအကျမသိဘူး။ ဒီနေ့ညဘက်လိုပေါ့နော်။ ကျနော်တို့ ဟိုမှာ သွားပြီးတော့ ရိုက်ကွင်းရိုက်တယ်မဟုတ်လား။ တီဗွီထဲမှာ လွှင့်တဲ့နေ့ (အောက်တိုဘာ ၃ရက်နေ့) က အဲဒါ ဒုတိယနေ့ဖြစ်သွားပြီ။ ပထမနေ့ညပေါ့ အဲဒါ အကိုတို့ ရက်တွက်ကြည့်လိုက်။ (မှတ်ချက်။ ။ အောက်တိုဘာ ၂ ရက်နေ့) ၂ ရက်နေ့ဖမ်းမိတာ ကောင်လေးကို ။ ၂ ရက်နေ့ မနက်ပိုင်း ၅ နာရီခွဲ ခြောက်နာရီလောက်မှာ ပုလိပ်က ဖုန်းလာတယ် ကျနော့်ဆီကို။ ဖုန်းလာတယ်။ ဖုန်းလာတော့ ကျနော်တို့အိမ်က နှစ်ထပ်အိမ်ဗျ။ ဖုန်းက အဲဒီညက ဘက်ထရီအားကုန်လို့ဆိုပြီး ဖုန်းအောက်ထပ်မှာအားသွင်းထားတယ် ဘီရိုပေါ်မှာ။

ကိုရဲပြောပုံအရဆိုရင် အောက်တိုဘာ ၂ ရက်နေ့မနက်မှာ ရဲက ဖုန်းဆက်တယ်။ ပြီးလည်းပြီးရော ကိုရဲပြောတဲ့နေရာ ၃ ခုကို သွားတော့ ၀င်းဇော်ထွန်းက တောက်လျောက် ၀န်ခံတော့တာပဲမဟုတ်လား။

ဟုတ်ကဲ့။

ပြီးလည်းပြီးရော အောက်တိုဘာ ၃ ရက်နေ့လည်းကျရော ဟယ်ရီကော်ပတာနဲ့လား၊ ရဟတ်ယာဉ်နဲ့လား။ ခိုတောင်ကျွန်းကို သွားတယ်နော်။

ဟုတ်တယ်၊ ဟုတ်တယ်။ ဘယ်လိုလည်းဆိုတော့ ကျနော့်အနေနဲ့က ခုနက ပြောသလို သူတို့တွေ ဟိုမှာဘယ်လိုတွေလုပ်ထားလဲ။ ဘယ်လိုတွေ၊ ဘာလဲဆိုတာ မသိရဘူး။ ဘယ်သူတွေ ရိုက်ထားတယ်။ နှက်ထားတယ်ဆိုတာ ကျနော့်မျက်စိနဲ့ မမြင်တဲ့အတွက်လည်း လူတစ်ဖက်သားကို မဟုတ်ဘဲနဲ့ ကိုယ့်ကြောင့် နစ်နာအောင် ကျနော်ဘယ်တော့မှ မလုပ်ဘူး။ ကျနော်မမြင်တဲ့အတွက် ကျနော်မသိဘူးပဲပြောတယ်။

ဒီဗွီဘီကနေ ကျေးဇူးတင်ပါတယ် ကိုရဲ။ နောက်နောင်လိုအပ်လို့ ထပ်မေးရင်လည်း ဖြေပေးပါအုန်း။

ဟုတ်ကဲ့ပါခင်ဗျာ။

By အေးနိုင် (ဒီဗွီဘီ)
http://burmese.dvb.no/archives/70176

လိပ်ကျွန်းလူသတ်မှု ဘာသာပြန်ပေးသူ ကိုကမာနှင့် မေးမြန်းချက်

http://burmese.dvb.no/archives/70056

ထိုင်းတောင်ပိုင်း လိပ်ကျွန်း လူသတ်မှုသံသယနဲ့ ဖမ်းဆီး ချုပ်နှောင်ခံ နေရတဲ့ ကိုဝင်းဇော်ထွန်းနဲ့ ကိုဇော်လင်းတို့ နှစ်ယောက်ကို ချုပ်ထားရာကနေ ပြန်လည်လွှတ်ပေးဖို့ သူတို့ရဲ့ ကိုယ်စားလှယ် ရှေ့နေတွေက ဒီကနေ့ သွားရောက် တောင်းဆို ပေမယ့် မအောင်မြင်ခဲ့ ဘူးလို့  ကာယကံရှင် ရှေ့နေတွေက ပြောပါတယ်။

သံသယရှိသူ ၂ ဦးကို  ရှေ့နေလိုက်ပေးနေတဲ့ ထိုင်းရှေ့နေများ ကောင်စီအဖွဲ့က ၀ါရင့်ရှေ့နေ နခွန် ချူမ်းဖူးချတ်က  “ကျနော်တို့  ဒီကနေ့မနက် ၁၀ နာရီမှာ  ကောစမွီခရိုင် တရားရုံးကို သွားရောက်ပြီး  သူတို့ကို ချုပ်ရက်ဆက်မတိုးဘဲ လွှတ်ပေးဖို့ တောင်းဆိုခဲ့ပါတယ်။ ဒါပေမယ့်  အစိုးရရှေ့နေများကောင်စီက အမှုတွဲအတွက် အချက်အလက်တွေ ပြည့်စုံအောင် ပြန်စစ်ခိုင်းတာကြောင့်  စုံစမ်းရေးရဲတပ်ဖွဲ့အနေနဲ့   နောက်ထပ်စစ်ဆေးဖို့ အချိန်ယူရမယ်လို့ ပြောတယ်။  အမှန်က  ရဲတပ်ဖွဲ့က ဆက်စစ်ရမယ့်ဟာတွေက သံသယရှိသူ ၂ ဦးနဲ့ မသက်ဆိုင်တဲ့ အရာတွေပါ။ သူတို့ဘာသူတို့ သွားစစ်ဖို့ပဲ။ ဒါပေမယ့် သူတို့က တရားခံ၂ ယောက်ကို  အိတ်စ်ရေးပြန်စစ်ရဦးမယ်။ အစိုးရရှေ့နေကောင်စီရဲ့ ညွှန်ကြားချက်ကြောင့်လို့ ပြောတယ်။ ဒါကြောင့် ကျနော်တို့လည်း အလျှော့ပေးလိုက်ရတယ်” လို့ ပြောပါတယ်။

စုံစမ်းရေးရဲတပ်ဖွဲ့က  သူတို့ ၂ ဦးကို စတုတ္ထအကြိမ်မြောက် ချူပ်ရက် နောက်ထပ် ၁၂ ရက် (နိုဝင်ဘာလ ၂၀) ရက်နေ့ထိ ထပ်တိုးဖို့ တရားရုံးကို တင်ပြပြီး တရားရုံးက ခွင့်ပြုလိုက်ကြောင်း၊ ဒါပေမယ့်  ဒီရက်တွေအတွင်းမှာ အမှုတွဲကို ပြီးပြတ်အောင်ချုပ်ဖို့၊  နောက်တကြိမ် ချုပ်ရက်ထပ်တောင်းမယ်ဆိုရင် ဒီထက် အသေးစိတ်တဲ့ အချက်အလက်တွေ ပြန်တောင်းရမယ်လို့  ညွှန်ကြားခဲ့ကြောင်း ရှေ့နေ နခွန်းချူမ်းဖူးချတ်က ပြောသွားပါတယ်။

By ဒီဗွီဘီ
http://burmese.dvb.no/archives/70194




ရန်ကုန်၊ နိုဝင်ဘာ ၅

နိုင်ငံတော်သမ္မတ ဦးသိန်းစိန်ကို မီဒီယာများက ဝေဖန်ရေးသားမှု များကြောင့် သမ္မတ၏ သမီးများက ဖခင်ဖြစ်သူအား အလုပ်မှ နုတ်ထွက်ရန် တိုက်တွန်း ပြောကြားခဲ့သည်ဟု ပြည်ထောင်စု အဆင့် အကြီးအကဲ တစ်ဦးအား သမ္မတ ဦးသိန်းစိန်က ကိုယ်တိုင် ပြောကြား ခဲ့ကြောင်း အဆိုပါ ပြည်ထောင်စု အဆင့် အကြီးအကဲက မြန်မာ သံတော်ဆင့် သို့ ပြောကြားခဲ့သည်။

သမ္မတဦးသိန်းစိန်ကို သမ္မတ၏ သမီးများက နုတ်ထွက်ရန် ပြောကြား ခဲ့ခြင်းကို သိရှိခဲ့ရသော ယခင် ဗိုလ်ချုပ်မှူးကြီး သန်းရွှေ လက်ထက် အစိုးရ၀န်ကြီး တစ်ဦး ဖြစ်ခဲ့သူ ယခုသမ္မတဦးသိန်းစိန် လက် ထက် ပြည်ထောင်စု အဆင့် အကြီးအကဲက သမ္မတ ကြီးနှင့် တွေ့ဆုံ စဉ်က ပြောကြားချက် အချို့နှင့် စပ်လျဉ်း၍ ““ဒီတစ်ခွန်းပဲ။ သူ့သမီးတွေက အဖေရယ် ထွက်လိုက်ပါတော့။ အဖေ့ကို ပြောလိုက်ကြတာ မခံနိုင်တော့ ဘူးတဲ့။ ဒီပြောတာတွေကိုသာ လိုက်နားထောင်နေလို့ စိတ်ပျက်နေလို့ရှိရင် ဘယ်လိုလုပ်မလဲ။ ကြားကော်မရှင်အဖွဲ့ ဖွဲ့စည်းပြီးတော့ နားထောင် ခိုင်းတယ်။ ဖတ်ခိုင်းတယ်။ ကိုယ့်အလုပ်ပဲ ကိုယ်လုပ် မယ်။ နောက်ဆုံးရလဒ် ကျမှသာလျှင် ဒီစနစ်မျိုးမှာ ဘယ်အစိုးရပဲ တက်တက် ဒီလိုပဲလာ မှာပဲ”” ဟု မြန်မာသံတော်ဆင့်သို့ ပြောကြားခဲ့သည်။

ယခင်စစ်အစိုးရ လက်ထက်က ပြောဆိုရေးသားသော မီဒီယာများကို ကန့်သတ်မှုများသည် ဒီမိုကရေစီ စနစ်မဟုတ်၍သာ လုပ်ခဲ့ရခြင်း ဖြစ်ကြောင်းလည်း ““ပြီးခဲ့တဲ့ အစိုးရတုန်းက သူကရှင်းရှင်းလေးပဲ စစ်အစိုးရပဲ။ စစ်အစိုးရဆိုတော့ စစ်အစိုးရလိုပဲ သူလုပ်မှာပဲ။ အများပြည်သူ ရွေးကောက် တင်မြှောက်ခြင်း ခံထားရတဲ့ အစိုးရ မဟုတ်တဲ့အတွက် မလုပ်သင့်တဲ့ကိစ္စ သူမလုပ်ဘူး။ လုပ်သင့်တဲ့ကိစ္စ သူလုပ်မယ်။ စည်းလွတ်ဝါးလွတ်တော့ မလုပ်နဲ့ပေါ့။ အယ်ဒီတာဆိုတာ ရှိတာပဲ။ လူသစ်တွေကို အယ်ဒီတာမှာ ပြုပြင်ပေးဖို့၊ သင်တန်းပေးဖို့ တာဝန် ရှိတယ်။ အယ်ဒီတာဆိုတာ ဒီအတွက် ခန့်ထားတာပဲလေ””ဟု အဆိုပါ ပြည်ထောင်စုအဆင့် အကြီးအကဲ က မြန်မာ သံတော်ဆင့်သို့ အကြံပြု ပြောကြားခဲ့သည်။

နိုင်ငံတော်သမ္မတ ဦးသိန်းစိန်သည် တပ်မတော်အစိုးရ လက်ထက်က နံပါတ် (၄) ခေါင်းဆောင် ဗိုလ်ချုပ်ကြီး တစ်ဦးဖြစ်ခဲ့ပြီး ဧရာဝတီတိုင်းဒေသကြီး ဇာတိဖြစ်ကာ ဇနီးဒေါ်ခင်ခင်ဝင်း၊ သမီး (၃)ဦး ရှိကြောင်း သိရသည်။

MH-0011

ပုံညွှန်းစာ - ၂၀၁၂ ကြားဖြတ်ရွေးကောက်ပွဲ မတိုင်မီ နေပြည်တော်၌ သမ္မတဦးသိန်းစိန် ၏ ဆွေမျိုးများပါဝင်သော ရှင်ပြုအလှူပွဲတစ်ခုသို့ တက်ရောက်နေသည်ကို တွေ့ရစဉ်

မြန်မာသံတော်ဆင့်သတင်းဌာန- http://www.facebook.com/myanmarherald