11/20/14


သမ္မတ ညွှန်ကြားချက်နဲ့ ကိုပါကြီး ခေါ် ကိုအောင်ကျော်နိုင် အသတ်ခံရမှု ဖြစ်စဉ်မှန် ဖော်ထုတ်နိုင်ဖို့ မြန်မာနိုင်ငံ အမျိုးသား လူ့အခွင့်အရေး ကော်မရှင်ရဲ့ ကွင်းဆင်း စစ်ဆေးစုံစမ်းမှု အဆုံးသတ်တော့မှာ ဖြစ်ပါတယ်။

အမှုမှာ ပါဝင်နေတဲ့ မှုခင်းရဲတပ်ဖွဲ့၊ စစ်တပ်အရာရှိတွေ၊ ကျန်းမာရေးဝန်ကြီးဌာန ရင်ခွဲစစ်ဆေးတဲ့ တာဝန်ရှိသူတွေကို ကွင်းဆင်း စစ်ဆေးမှု အပြီးသတ်ပေမဲ့ ကိုပါကြီး မိသားစုဘက်က လာရောက် သက်သေထွက်ဆိုဖို့ ပျက်ကွက်နေဆဲလို့ သိရပါတယ်။ ဘာကြောင့်များ ကာယကံရှင် မိသားစုဘက်က လူ့အခွင့်အရေး ကော်မရှင်ထံမှောက်မှာ သက်သေထွက်ဆိုချက်ပေးဖို့ ငြင်းဆန်ရပါသလဲဆိုတဲ့ အပြည့်အစုံကိုတော့ မဆုမွန် က တင်ပြထားပါတယ်။

တပ်မတော်က ပစ်ခတ်မှုနဲ့ သေဆုံးခဲ့ရတဲ့ ကိုပါကြီးရဲ့ အမှုကိစ္စ မြန်မာနိုင်ငံ အမျိုးသား လူ့အခွင့်အရေး ကော်မရှင် ဒုတိယဥက္ကဋ္ဌ ဦးဆောင်တဲ့ အထူးစုံစမ်းစစ်ဆေးရေးအဖွဲ့ဟာ မွန်ပြည်နယ် မော်လမြိုင်မြို့ကို ဒုတိယအကြိမ်မြောက် သွားရောက်ပြီး ၃ ရက်ကြာ ကွင်းဆင်း စစ်ဆေးခဲ့ပါတယ်။ ဒီစစ်ဆေးမှုတွေအတွင်း အမှုဖြစ်ပွားခဲ့ရာနေရာ၊ သက်သေ၊ ဖမ်းဆီးခဲ့တဲ့ ရဲတပ်ဖွဲ့ တာဝန်ရှိသူတွေ၊ သေဆုံးမှုဖြစ်ခဲ့တဲ့ တပ်က တပ်မတော် အရာရှိတွေနဲ့အတူ ပြန်တူးဖော်ခဲ့တဲ့ ကိုပါကြီးရဲ့ အလောင်းကို ရင်ခွဲစစ်ဆေးခဲ့တဲ့ ကျန်းမာရေးဝန်ကြီးဌာန တာဝန်ရှိသူတွေကို စစ်ဆေးခဲ့ကြတာပါ။ နောက်ဆုံးရရှိခဲ့တဲ့ စုံစမ်းစစ်ဆေးမှုတွေနဲ့ ပတ်သက်လို့ မြန်မာနိုင်ငံ အမျိုးသား လူ့အခွင့်အရေး ကော်မရှင် ဒုတိယဥက္ကဋ္ဌ ဦးစစ်မြိုင်က ဗွီအိုအေကို အခုလို ပြောပါတယ်။

“အဲ့ဒီ ၄ ရက်နေ့ည အခင်းဖြစ်တဲ့နေရာမှာ တာဝန်ရှိတဲ့ ပုဂ္ဂိုလ်တွေ အားလုံးကို ကျနော်တို့ စစ်ပါတယ်။ နောက် အရာရှိအဆင့်တွေရော၊ ဆရာအဆင့်တွေရော၊ ရဲဘော်အဆင့်တွေရော ကျနော်တို့ အားလုံး စစ်ပါတယ်။ အနီးကပ် တာဝန်ရှိတဲ့ အရာရှိတွေ၊ ဆရာတွေ၊ ရဲဘော်တွေ ကျနော်တို့ စစ်ပါတယ်။ ပြီးရင် ကွပ်ကဲမှုပိုင်းဆိုင်ရာမှာ တာဝန်ရှိတဲ့ ပုဂ္ဂိုလ်တွေလည်း စစ်ဆေးတဲ့နေရာမှာ ပါပါတယ်။ နောက် တပ်မတော်က ဖွဲ့စည်းတဲ့ စုံစမ်းစစ်ဆေးရေး ခုံရုံးဥက္ကဌ ဗိုလ်မှူးကြီး တဦးကိုလည်း ကျနော်တို့ ခေါ်ယူပြီးတော့ ထွက်ဆိုချက်တွေ ကျနော်တို့ ရယူပါတယ်။ အချက်အလက်တွေ ပိုပြီးတော့ ခိုင်မာအောင် ကျနော်တို့ စစ်ဆေးတာ ဆောင်ရွက်ပါတယ်။ ကျန်းမာရေးဝန်ကြီးဌာနရဲ့ ရင်ခွဲစစ်ဆေးချက် ကျနော်တို့ ရရှိပါတယ်။ နောက် မှုခင်းတပ်ဖွဲ့ရဲ့ ဓာတ်ခွဲစစ်ဆေးချက် အစီရင်ခံစာလည်း ကျနော်တို့ မိတ္တူ ရရှိပါတယ်။ ဆိုတော့ အဲ့ဒါတွေကို ကျနော်တို့ ကျွမ်းကျင်သူနဲ့ ဖတ်ပြီးတော့ ကျနော်တို့ ဘာသာပြန်တယ်၊ ဘာသာပြန်ပြီးတော့ ကျနော်တို့ ထွက်ဆိုချက် မှတ်တမ်းတင်တာ ဆောင်ရွက်နိုင်ပါတယ်။ ရင်ခွဲစစ်ဆေးချက်မှာတော့ရင် ရရှိတဲ့ သေနတ်ဒဏ်ရာ ၅ ချက်ကြောင့်မို့ သေဆုံးတယ်ဆိုတဲ့ အတည်ပြုချက်တခု ပါရှိတာ ကျနော်တို့ တွေ့ပါတယ်။”

အမှုဖြစ်ပွားခဲ့ရာ မွန်ပြည်နယ်ကို နှစ်ကြိမ်မြောက် သွားရောက် ကွင်းဆင်းစစ်ဆေးမှု လုပ်ခဲ့ပြီးနောက်မှာ စစ်ဆေးမှု အဆုံးသတ်တော့ ဖြစ်ပေမဲ့လို့ နိုင်ငံတော်သမ္မတကို တိုက်ရိုက်အစီရင်ခံစာ တင်ပြဖို့အရေး ကာယကံရှင် မိသားစုကို လာရောက် သက်သေထွက်ဆိုချက်ပေးဖို့ ဆင့်ခေါ်ခဲ့ပေမဲ့ အခုချိန်အထိ ပူးပေါင်းဆောင်ရွက်မှု မရှိသေးဘူးလို့ အမျိုးသား လူ့အခွင့်အရေး ကော်မရှင် ဒုတိယဥက္ကဋ္ဌ ဦးစစ်မြိုင်က ပြောပါတယ်။

“ထွက်ဆိုချက်တွေကတော့ ကျနော်တို့အားလုံး ပေါင်းခြုံပြီးမှ ကော်မရှင်မှာ တင်ပြရမယ်ဗျ။ ကျနော်တို့ကတော့ နောက်ထပ်တော့ ထပ်သွားဖို့တော့ မရှိတော့ဘူးလို့ ထင်တယ်။ ကျနော်တို့ လိုတဲ့ သက်သေကိုတော့ ခေါ်ပဲစစ်မယ်လို့ ကျနော်တို့ ဟိုမှာလည်း တခါတည်းပြောခဲ့တယ်။ နောက်တခုက ကျနော်တို့ လက်ရှိ စစ်ဖို့ကတော့ ကျနော်တို့ကို တိုင်ကြားတဲ့ ကိုအောင်နိုင်ရဲ့ဇနီး ဒေါ်သန္တာကတော့ ကျနော်တို့ စာနဲ့ခေါ်တာ နှစ်ကြိမ်ရှိပြီ။ နောက် တယ်လီဖုန်းလည်း ဆက်ပါတယ်။ ဒါပေမဲ့ အခုအချိန်ထိတော့ လာရောက် ထွက်ဆိုတာ မရှိဘူး။ ဒီနေ့ ကျနော်တို့ စာတစောင် ထပ်ထွက်ပါတယ်။ အဲတော့ သက်သေထဲမှာတော့ အဓိကတော့ လောလောဆယ် စစ်ဖို့ ကျန်နေတာကတော့ ဒေါ်သန္တာ တယောက်ပဲ ကျန်ပါတယ်။ အစီရင်ခံစာနဲ့ စစ်ဆေးချက်တွေက သမ္မတကြီးဆီကို တင်ပြပါမယ်။ အဲ့ဒီအခါ တပြိုင်နက်တည်းပဲ ကျနော်တို့ အစီရင်ခံစာ အကျဉ်းချုပ်ကိုတော့ ပြည်သူကို တင်ပြတဲ့အနေနဲ့ ထုတ်ပြန်သွားဖို့ ရှိပါတယ်။”

ဒါဆိုရင် အခုလို အမျိုးသား လူ့အခွင့်အရေး ကော်မရှင်ဘက်က လာရောက် သက်သေထွက်ဆိုချက်ပေးဖို့ ကာယကံရှင် မိသားစုဘက်က ဘာကြောင့်ငြင်းပယ်ရပါသလဲ ဆိုတာကိုတော့ ကိုပါကြီးရဲ့ ဇနီးဖြစ်သူ မသန္တာအတွက် တရားလို အကျိုးဆောင်ရှေ့နေအဖြစ် လိုက်ပါ ဆောင်ရွက်နေတဲ့ ရှေ့နေ ဦးရော်ဘတ်စန်းအောင်က အခုလို ပြောပြပါတယ်။

“သူတို့ အခြေခံထားတာက အလွတ်တန်းသတင်းထောက် ကိုပါကြီး ခေါ် ကိုကျော်အောင်နိုင်ကို သတင်းစာတွေထဲမှာ ပါတဲ့အတိုင်း KKO က ဗိုလ်ကြီးအောင်နိုင်ဆိုတဲ့ ခေါင်းစဉ်အောက်ကနေ စစ်ဆေးမှာဖြစ်တော့ လမ်းကြောင်းမမှန်နိုင်ဘူးလို့ မသန္တာက ခံစားတယ်။ ဒါ နံပါတ်တစ်အချက်၊ နံပါတ်နှစ်အချက်အနေနဲ့ ကျနော်တို့ ပထမတကြိမ်တုန်းက ခေါ်စာက နေ့လည် ၁၂ နာရီလောက်မှရောက်တယ်။ ၁ နာရီအရောက် သွားသော်လည်းပဲ မသန္တာသည် နှလုံးရောဂါနဲ့ အင်းစိန်ထောင်တုန်းက ခဏခဏ ပြင်ပကို ဆေးကုထွက်ရတယ်။ ကျောက်ကပ်ရောဂါလည်းရှိတယ်။ လတ်တလော လင်ဖြစ်သူက ရက်ရက်စက်စက် အသတ်ခံထားရတဲ့အတွက် ခံစားချက် ပြင်းထန်နေတဲ့ အချိန်မှာ သူနဲ့ ရှေ့နေဖြစ်တဲ့ ကျနော့်ကိုပဲ ခွင့်ပြုမယ်၊ သူ့အတွက် အမျိုးသမီးအဖော်အဖြစ်နဲ့ ၈၈ ပွင့်လင်းလူ့အဖွဲ့အစည်းက မီးမီးတို့၊ နီလာသိန်းတို့ကိုလည်း လက်မခံဘူး။ နောက် ကျနော့်ရဲ့ လက်ထောက်ရှေ့နေ၊ တရားလွှတ်တော်ရှေ့နေ ဒေါ်အေးသက်ကိုလည်း လက်မခံဘူးလို့ ပြောတဲ့အတွက် အဆင်မပြေမှုတွေ ဖြစ်နေတာ။ အခု ဟိုရက်ပိုင်းက ခေါ်ပြန်တယ်ဆိုတုန်းကလည်း မသန္တာ အပေါင်း တစ် ဆိုတော့ ခေါ်ယူမှုဟာ ပွင့်လင်းမှုမရှိဘူးလို့ မသန္တာက ခံစားနေရတယ်။ အဲ့ဒီလို အခြေခံ ပြဿနာမှာကိုက အငြင်းပွားမှုဖြစ်တာ။”

မိသားစုဘက်က အခုလို အကြောင်းပြချက် ပေးတဲ့အပေါ် ဗွီအိုအေက လူ့အခွင့်အရေး ကော်မရှင် အတွင်းရေးမှူးကို မေးမြန်းတဲ့အခါမှာ- DKBA ရဲ့ နိုင်ငံရေးဦးဆောင်အဖွဲ့ KKO အဖွဲ့ရဲ့ ပြန်ကြားရေးအဆင့်ရှိတဲ့ ဗိုလ်ကြီးအောင်နိုင်အဖြစ် ကာကွယ်ရေးဝန်ကြီးဌာနက ထုတ်ပြန်ချက်နဲ့ အလွတ်သတင်းထောက်အဖြစ် မိသားစုဘက်က တင်ပြထားတဲ့ အချက် နှစ်ဘက်စလုံးကို သေချာ စုံစမ်းစစ်ဆေးနိုင်ဖို့က ကာယကံရှင်ဘက်က ကိုယ်တိုင် လာရောက် ထွက်ဆိုချက်ပေးမှ အမှုစုံစမ်းစစ်ဆေးမှုမှာ တိတိကျကျ ဆောင်ရွက်နိုင်မှာ ဖြစ်တယ်လို့ တုံ့ပြန်ပါတယ်။

VOA
http://burmese.voanews.com/content/ko-par-gyi-case/2524639.html


ရန်ကုန်မြို့ ကြည့်မြင်တိုင်မြို့နယ်ထဲမှာပါဝင်တဲ့ လှိုင်မြစ်တစ်ဖက်ကမ်းက ဦးမြငါးစင် လှေဆိပ်ကို မြန်မာ့စီးပွားရေးဦးပိုင်လီမီတက် MEC က အကောင်အထည်ဖော်ဆောင်ရွက်နေတဲ့ နောင်တိုစီမံကိန်းနဲ့ အာရုံဦးကုမ္ပဏီက ဆောင်ရွက်နေတဲ့ ဆိပ်ခံတံတား စီမံကိန်းတွေကြောင့် ပြီးခဲ့တဲ့ နိုဝင်ဘာလ ၁၅ ရက်နေ့ညက ခြံစည်းရိုးခတ်ကာ ပိတ်လိုက်ပါတယ်။

ဒါကြောင့် လှိုင်မြစ်တစ်ဖက်ကမ်းကိုကူးပြီး အလုံမြို့နယ် အထက ၇ ကျောင်းမှာ ပညာသင်ကြားနေကြတဲ့ ဦးမြငါးစင် ၊ချောင်းဝိုင်းကြီး၊ချောင်းဝိုင်းလေး ရပ်ကွက်က ကျောင်းသားတွေဟာ ကျောင်းမတက်နိုင်တာကြောင့် သမ္ဗာန်ဆိပ်ကို ပြန်ဖွင့်ပေးဖို့ ဒီနေ့ ၃ ရက်မြောက်နေ့ ဆန္ဒပြ တောင်းဆိုနေကြပါတယ်။

Photo: Thiha Tun, Tun Myint/ RFA


Photo..BBC Burmese
ကချင်လွတ်မြောက်ရေးတပ်ဖွဲ့ KIA ဌာနချုပ် လိုင်ဇာအနီးက ဗိုလ်သင်တန်းကျောင်းကို အစိုးရတပ်က ပစ်ခတ်တဲ့ လက်နက်ကြီးကျည်ဆံ ကျရောက်ပေါက်ကွဲခဲ့တာကြောင့် အနည်းဆုံး သင်တန်းသား ၂၀ သေဆုံးခဲ့တယ်လို့ ကချင်ငြိမ်းချမ်းရေးအကျိုးဆောင်က ပြောပါတယ်။

လောလောဆယ်မှာ ကချင်ပြည်နယ် မန်စီမြို့နယ်နဲ့ ဟိုပင်မြို့နယ်ဘက်တွေမှာ တိုက်ပွဲတွေ ဆက်တိုက်ဖြစ်ပွားနေပြီး နှစ်ဘက်အကြား ညှိနှိုင်းနိုင်ဖို့ ကြိုးစားနေပေမဲ့ အလားအလာ မကောင်းဘူးလို့လည်း သုံးသပ်ပါတယ်။ အပြည့်အစုံကို ဗွီအိုအေသတင်းထောက် ကိုမိုးဇော်က သတင်းပေးပို့ထားပါတယ်။

အစိုးရတပ်နဲ့ KIA အကြား ကာလအတော်ကြာ တိုက်ပွဲတွေ ငြိမ်သက်နေရာက ဒီရက်ပိုင်းအတွင်း တိုက်ပွဲတွေ ပြန်ဖြစ်ခဲ့ပြီး ဒီကနေ့မှာတော့ KIA ဌာနချုပ် လိုင်ဇာမြို့အနီးကို လက်နက်ကြီးနဲ့ စတင် ပစ်ခတ်တိုက်ခိုက်လာတာ ဖြစ်ပါတယ်။ ဒီကနေ့ အစိုးရတပ်က တိုက်ခိုက်တာကြောင့် ထိခိုက်တဲ့အခြေအနေကို ကချင်ငြိမ်းချမ်းရေး အကျိုးဆောင်အဖွဲ့က ဦးလမိုင်ဂွမ်ဂျာက အခုလို ပြောပါတယ်။

“ဒီနေ့ ၁၁ နာရီ မိနစ် ၂၀ မှာ ခရာတောင်ကနေပြီးတော့မှ ဒီ KIO-KIA ဗိုလ်လောင်းသင်တန်းကျောင်းကို လက်နက်ကြီး ၁၀၅ နဲ့ ၂ လုံး လှမ်းပစ်တယ်ခင်ဗျ။ လှမ်းပစ်တဲ့နေရာမှာ သူတို့ KIO ဘက်ကတော့ သင်တန်းသားတွေပေါ့လေ ဗိုလ်လောင်းသင်တန်းသားတွေ အယောက် ၂၀ သေပြီးတော့မှ ၁၆ ယောက် ဒဏ်ရာရသွားတယ်ဆိုတာ သိရတယ်ဗျ။”

ခရာတောင်ဟာ လိုင်ဇာဒေသမှာ အမြင့်ဆုံးတောင်ဖြစ်ပြီး ဒီတောင်ကုန်းကို ၂၀၁၃ ခုနှစ် နှစ်ဆန်းပိုင်းက အစိုးရတပ်တွေက သိမ်းယူခဲ့တာလည်း ဖြစ်ပါတယ်။ ဒီကနေ့မနက် အစောပိုင်းက ဟိုပင်မြို့နယ် အင်းတော်ကြီးဒေသဘက်မှာလည်း တိုက်ပွဲဖြစ်ပွားခဲ့တယ်လို့ ပြောပါတယ်။

“လုံးသိုဘက်ပေါ့လေ မိုင်းလောင်ဘက် KIA ရဲ့ တပ်ရင်း ၂၆ ရှိတဲ့ နေရာအနီးတ၀ိုက်မှာရှိတဲ့ ရှေ့တန်း Post တခုမှာလည်းပဲ ဒီမနက် ၃ နာရီမှာ တပ်ကနေပြီးတော့မှ တိုက်ပွဲဖြစ်လို့ အဲ့ဒီ Post ကိုလည်း တပ်က မီးရှို့ပစ်လိုက်ပြီဆိုတာ သတင်းတော့ ကြားရတယ်။”

ဒီလ ၁၆ ရက်နဲ့ ၁၇ ရက်နေ့တွေက မန်စီမြို့နယ်အတွင်းမှာလည်း တိုက်ပွဲဖြစ်ပွားခဲ့ပါတယ်။ ဒီကနေ့ ဖြစ်ပွားတဲ့ အခြေအနေကို ကချင်ငြိမ်းချမ်းရေးအကျိုးဆောင်အဖွဲ့က အစိုးရဘက်ကို အကြောင်းကြားထားပေမဲ့ နှစ်ဘက် ညှိနှိုင်းဆွေးနွေးဖို့ကတော့ မသေချာသေးပါဘူး။

“ဟုတ်ကဲ့ ဒီကိစ္စနဲ့ပတ်သက်ပြီး ကျနော်တို့လည်း အခု လောလောဆယ်မှာ ပဋိပက္ခညှိနှိုင်းရေးအဖွဲ့ ခေါင်းဆောင်ဖြစ်တဲ့ ဗိုလ်မှူးကြီး သန်းအောင်ကိုလည်း ကျနော်တို့က အကြောင်းကြားပြီးပြီဗျ။ နောက်ပြီး တိုင်းကိုလည်း ကျနော်တို့က အကြောင်းကြားပြီးပါပြီ။ ဒီကနေ့ဖြစ်ခဲ့တဲ့ ပြဿနာ ဖြစ်စဉ်တွေကို။ MPC ဖက်မှာလည်း ဦးအောင်မင်းတို့ဆီမှာလည်းပဲ အကြောင်းကြားထားတာ ရှိတယ်ဗျ။ အဲ မကြာခင်မှာတော့ ပဋိပက္ခညှိနှိုင်းရေး တွေ့ဆုံဖို့ အစီအစဉ် ရှိမလား။ သို့မဟုတ်လို့ ရှိရင်လည်း နေရာအနှံ့မှာ အခုလိုပဲ တိုက်ပွဲတွေ ပြန်ထပ်ဖြစ်နေမယ် ဆိုလို့ကတော့ တွေ့ဆုံဆွေးနွေးဖို့ကိစ္စ ဘာညာလည်းပဲ သိပ်တော့ အလားအလာတော့ မကောင်းသေးပါဘူးပေါ့ဗျာ။”

ဒီကနေ့ဖြစ်ပွားခဲ့တဲ့ ပစ်ခတ်တိုက်ခိုက်မှုနဲ့ ပတ်သက်ပြီး ကချင်လွတ်မြောက်ရေးအဖွဲ့ KIO က ပြောရေးဆိုခွင့်ရှိသူကို ဆက်သွယ်ခဲ့ပေမဲ့ ဖုန်းလက်ခံဖြေဆိုတာ မရှိပါဘူး။ KIO ရဲ့ ဒုက္ခသည်ရေးရာ ကော်မတီ တာဝန်ခံ ဦးဒွဲပီဆာကတော့ -

“ကျနော်တို့ တပ်ကိုပေါ့ လက်နက်ကြီးနဲ့ လှမ်းပစ်တယ်။”

ကချင်ပြည်နယ် မြစ်ကြီးနားအခြေစိုက် မြောက်ပိုင်းတိုင်း စစ်ဌာနချုပ်ကို ဆက်သွယ် မေးမြန်းရာမှာတော့ တာဝန်ကျအရာရှိ မရှိကြောင်းသာ ပြန်ကြားပါတယ်။ KIO အဖွဲ့ဟာ ၁၉၉၄ ခုနှစ်က စစ်အစိုးရနဲ့ အပစ်အခတ်ရပ်စဲခဲ့တဲ့ အဖွဲ့ဖြစ်ပါတယ်။ လက်ရှိ ဦးသိန်းစိန်ခေါင်းဆောင်တဲ့ အစိုးရတက်လာပြီးနောက်မှာ အစိုးရတပ်နဲ့ KIO အကြား တိုက်ပွဲတွေ ပြန်လည်ဖြစ်ပွားခဲ့ပြီး နှစ်ဘက် ကိုယ်စားလှယ်တွေ အကြိမ်ကြိမ် ဆွေးနွေးခဲ့ပေမဲ့ တိုက်ခိုက်တာတွေ မရပ်ဆိုင်းနိုင်ခဲ့ပါဘူး။

လက်ရှိ ၃ နှစ်ကျော်ကြာ တိုက်ပွဲကာလအတွင်းမှာတော့ ကချင်ပြည်နယ်က စစ်ပြေးဒုက္ခသည် ၁ သိန်းကျော်ဟာ မြစ်ကြီးနား၊ ဗန်းမော်၊ ၀ိုင်းမော် စတဲ့ မြို့တွေအပြင် တရုတ်မြန်မာနယ်စပ်က KIO ထိန်းချုပ်ရာ စခန်းတွေမှာပါ ထွက်ပြေးခိုလှုံနေရပါတယ်။ အစိုးရနဲ့ တိုင်းရင်းသား လက်နက်ကိုင် အဖွဲ့တွေအကြား တပြည်လုံး အပစ်အခတ်ရပ်စဲရေး ဆွေးနွေးပွဲဟာလည်း ၂ လနီးပါးကြာ ရပ်တန့်နေခဲ့ပြီး ဒီလမကုန်ခင်မှာတော့ နှစ်ဘက်ကိုယ်စားလှယ်တွေ ပြန်လည်တွေ့ဆုံ ဆွေးနွေးဖို့ ရှိနေပါတယ်။
VOA



ပြည်ထောင်စုလွှတ်တော်နာယက သူရဦးရွှေမန်းဟာ ဒီကနေ့ နေပြည်တော်မှာ သတင်းစာရှင်းလင်းပွဲ တခု ပြုလုပ်ခဲ့ပါတယ်။ သတင်းထောက်အတော်များများက ၂ဝဝ၈ ဖွဲ့စည်းပုံအခြေခံဥပဒေ ပြင်ဆင်ရေး၊ လေးပွင့်ဆိုင် တွေ့ဆုံဆွေးနွေးရေးကိစ္စတွေကို မေးမြန်းခဲ့ကြပါတယ်။

ဦးရွှေမန်းဖြေကြားခဲ့တဲ့အထဲက တချို့ကို RFA သတင်းထောက် ကိုကျော်သူက ကောက်နှုတ်တင်ပြထားပါတယ်။

RFA


၂၀၁၅ ရွေးကောက်ပွဲပြီးမှ အခြေခံ ဥပဒေ ပြင်ဆင်မယ်လို့ ပြည်ထောင်စု လွှတ်တော် နာယက သူရ ဦးရွှေမန်းရဲ့ ပြောဆိုချက်ကို အမျိုးသား ဒီမိုကရေစီ အဖွဲ့ချုပ် (အန်အယ်ဒီ) ခေါင်းဆောင် ဒေါ်အောင်ဆန်းစုကြည်က လက်ခံကြောင်း ထုတ်ဖော် ပြောကြား လိုက်ပါတယ်။

နိုဝင်ဘာ ၁၉ ရက်နေ့ လွှတ်တော် အစည်းအဝေး ခေတ္တရပ်နားချိန် သတင်းမီဒီယာ တွေရဲ့ မေးမြန်းမှုကို ဒေါ်အောင်ဆန်းစုကြည်က “သူက Process (လုပ်ငန်းစဉ်)ကို ပြောတာပါ။ Process က ဒီလိုပဲ သွားရမှာပဲလေ၊ ဘာဖြစ်လိုလဲ ဆိုတော့ ဆိုပါတော့ ဒီ ၄၃၆ ကို ပြုပြင်ပြောင်းလဲဖို့ ဆုံးဖြတ်တယ်ဆိုပါတော့ ၄၃၆ ပြုပြင်ပြောင်းလဲဖို့ ဆုံးဖြတ်ပြီးမှသာလျှင် တချို့ကိစ္စတွေ ပြောင်းလို့ရမယ်လေ အဲ့တော့ အဲ့ဒီဟာ တွေကျတော့ တကယ်လို့ အချိန်အရရော အခုလက်ရှိသွားနေတဲ့ လုပ်ငန်းတွေအရရော ဒါ process အရတော့ ဒါဒီလိုပဲလုပ်ရမှာပဲ”လို့ ဖြေကြားခဲ့ပါတယ်။

ဒါ့ပြင် ဖွဲ့စည်းပုံပုဒ်မ ၅၉/စ ပြင်ဆင်ဖို့ အတွက်လည်း သူ့ Process အရသူသွားရမှာ ဖြစ်သလို ၅၉/စလုံးကို မပြင်ခင် ၄၃၆ ကိုပြင်ရမှာဖြစ်တဲ့အတွက် သူ့အဆင့်နဲ့သူရှိသလို လုပ်ငန်းစဉ်အရ ဒီလိုဖြစ်ဖို့ သဘာဝကျတယ်လို့လည်း ဒေါ်အောင်ဆန်းစုကြည်က ပြောသွားပါတယ်။

လွှတ်တော်အကြီးအကဲ သူရဦးရွှေမန်းက ၂၀၀၈ ဖွဲ့စည်းပုံပြင်ဆင်ရေးကို ၂၀၁၅ ရွေးကောက်ပွဲ မတိုင်မီ ပြင်နိုင်တော့မှာမဟုတ်ပဲ လာမယ့် ရွေးကောက်ပွဲအပြီးမှာသာပြင်နိုင်တော့မယ်လို့ နေပြည်တော်မှာ မနေ့က ကျင်းပတဲ့ သတင်းစာ ရှင်းလင်းပွဲမှာ ပြောသွားခဲ့တာပါ။

နိုင်ငံရေး ဆောင်းပါးတွေကို ရေးသားတဲ့ ဒေါက်တာ ရန်မျိုးသိမ်းကတော့ ဒေါ်အောင်ဆန်းစုကြည် သတင်းမီဒီယာတွေကို တုံ့ပြန်မှုနဲ့ သူရဦးရွှေမန်းရဲ့ ပြောဆိုချက်ကို ကြည့်ရင်တော့ ၂ ဦး သဘောတူညီချက်ရယူပြီး ဒေါ်အောင်ဆန်းစုကြည်က ကြိုတင် သိရှိထားတဲ့ အငွေ့အသက်တွေ ကို တွေ့နေရတယ်လို့ ပြောပါတယ်။

“လက်ရှိ အခြေအနေမှာ ဖွဲ့စည်းပုံပြင်ဆင်ရေး အင်တိုက်အားတိုက် လုပ်နေတဲ့ နိုင်ငံရေး ပါတီခေါင်းဆောင်တွေရော၊ လတ်မှတ်ကောက်ခံခဲ့တဲ့ နိုင်ငံရေး ပါတီဝင်တွေကော၊ လက်မှတ်ထိုးခဲ့တဲ့ လူ ၅ သန်းရော အားလုံးအနေနဲ့ဆိုရင် ဒီအသံတွေ ဒီအမြင်တွေကို သိရဖတ်ရတဲ့အခါမှာ အနည်းနဲ့ အများတော့ စိတ်ဓာတ်ကျနိုင်တယ်”လို့ သူက ပြောပါတယ်။

“လက်ရှိကြုံတွေနေရတဲ့ ဖွဲ့စည်းပုံအခြေခံ ဥပဒေ အကြပ်အတည်းကို ကျော်လွှားနိုင်ဖို့ ဆိုရင် ကျနော်အမြင်ကတော့ လက်ရှိ ၂၀၀၈ ဖွဲ့စည်းပုံအခြေခံ ဥပဒေကို ပြည်သူလူထု ထောက်ခံမှုကို ပြန်ပြီးတော့ ပြည်လုံးကျွတ် ဆန္ဒခံယူပွဲပြန်လုပ်တဲ့ နည်းလမ်းတခုပဲ ရှိတယ်လို့ ကျနော်က မြင်တယ်။ ၂၀၀၈ တုန်းက စစ်အစိုးရလက်အောက်မှာ ၅/၉၆ ဥပဒေလက်အောက်မှာ လုပ်ခဲ့တဲ့ ပြည်လုံးကျွတ်ဆန္ဒခံယူပွဲ ရလဒ်ဟာ ပြည်သူလူထုရဲ့ ဆန္ဒသဘောထား အမှန်ကို ကိုယ်စားပြုတယ်လို့ ပြောဖို့ခက်တယ်။ အဲဒီအခါကျတော့ ဆန္ဒခံယူပွဲပြန်လုပ်ပြီးတော့ ထောက်ခံတဲ့သူ ၅၀ ရာခိုင်နှုန်းကျော် ရှိရင် ပြင်ဆင်ရေး လမ်းကြောင်းကို ဆက်သွား ထောက်ခံတဲ့သူ ၅၀ ရာခိုင်နှုန်း မပြည့်ဘူးဆိုရင် အသစ်ပြန်လည်ရေးဆွဲရေး လမ်းကြောင်းကို သွားဆိုတဲ့ ဒီနိုင်ငံရေး လမ်းကြောင်းတခုသာလျှင် ကျနော်တို့တိုင်းရင်းသား ပြည်သူတွေအတွက် ထွက်ပေါက်ဖြစ်လိမ့်မယ်လို့ ကျနော်အနေနဲ့ မြင်ပါတယ်”လို့ သူက ဆက်ပြောပါတယ်။

နိုင်ငံတကာသတင်းတွေမှာတော့ အခြေခံ ဥပဒေပြင်ဆင်ရေးအတွက် လွှတ်တော်မှာ ကြိုးပမ်းရာမှာ အန်အယ်လ်ဒီက အနိုင်မရနိုင်ဘူးလို့ ပြောခွင့်ရ ဦးဉာဏ်ဝင်းကို ကိုးကားပြီး ရေးပါတယ်။

By ဒီဗွီဘီ
http://burmese.dvb.no/archives/71427

Author Name

Contact Form

Name

Email *

Message *

Powered by Blogger.