11/21/14


 ဗိုလ်ချုပ်မှူးကြီးဟောင်း သန်းရွှေ
ဘယ်သူယုံလဲ
မြန်မာပြည်ရဲ့ အာဏာအရပ်ရပ်ကို နှစ်ပေါင်းများစွာ ချုပ်ကိုင်ခဲ့တဲ့ ဗိုလ်ချုပ်မှူးကြီးဟောင်း သန်းရွှေဟာ နိုင်ငံရေးမှာ ဦးဆောင်လွှမ်းမိုးမှု မရှိတော့ဘူးလို့ လက်ရှိအာဏာရ ကြံ့ခိုင်ရေးနဲ့ဖွံ့ဖြိုးရေးပါတီရဲ့ ထိပ်တန်း ခေါင်းဆောင်တဦးက ပြောကြားလိုက်ပါတယ်။

ဒီကနေ့ နေပြည်တော် လွှတ်တော်အစည်းအဝေးပြင်ပမှာ သတင်းထောက်တွေရဲ့ အမေးကို ကြံ့ခိုင်ရေးပါတီ  ဒုဥက္ကဋ္ဌ ဦးဌေးဦးက ဖြေကြားသွားခဲ့တာပါ။

“လွှဲပြီးပြီပဲဗျာ။ လွှဲပြီးပြီဆိုရင် လွှဲပြီးတဲ့အတိုင်းပဲ ကျန်တဲ့လူတွေက ဆက်လုပ်ရမှာပေါ့ ဗျာ။ ကျနော်တို့သွား တယ်။ သို့သော်လည်း ဒါတွေနဲ့ပတ် သက်လို့တော့ ဘာမှသူမပြောဘူး။ ယုံယုံကြည်ကြည်နဲ့ လွှဲလိုက်ပြီးပြီ၊ လွှဲလိုက်တဲ့လူတွေ ဆက် လုပ်ပေါ့။ နိုင်ငံရေး မှာ လူတိုင်း ကတော့ ပါနေမှာပဲ။ သို့သော်လည်းပဲ သူဝင်ပြီးပါတယ်၊ လွှမ်းမိုးတယ် မလွှမ်းမိုးဘူး ဆိုတာပဲရှိတယ်။ အခုလုပ်နေရမယ့်လူတွေကတော့ လွှတ်တော်ထဲက လူတွေလုပ်ရမယ်။ အစိုးရဘက်က လူတွေလုပ်ရမယ်။ တပ်ကလူတွေလုပ်ရမယ်။ ပြည်သူတွေ လုပ်ရမယ် ဒါပဲလေ။ သူလည်း ပြည်သူပဲ။ သို့သော်လည်းပဲ ဆိုလိုတာကတော့ သူဦးဆောင်ပြီး လုပ်နေတဲ့ဥစ္စာ မရှိတော့ဘူးလေ” လို့ ပြောပါတယ်။

ဗိုလ်ချုပ်မှူးကြီးဟောင်း  သန်းရွှေဟာ လက်ရှိအချိန်မှာ ဘာသာရေး လုပ်နေတယ်လို့လည်း  ပြောကြားသွားခဲ့ပါတယ်။

ဗိုလ်ချုပ်မှူးကြီးဟောင်း သန်းရွှေဟာ  ၂၀၁၁ ခုနှစ် ရာထူးက အနားမယူခင်ထိ တပ်မတော်ရဲ့ ကာကွယ်ရေးဦးစီးချုပ် တာဝန်ယူခဲ့သလို နိုင်ငံတော် အေးချမ်းသာယာရေးနဲ့ ဖွံ့ဖြိုးရေးကောင်စီနဲ့ ကြံ့ခိုင်ရေးနဲ့ ဖွံ့ဖြိုးရေးအသင်းရဲ့ အကြီးအကဲအဖြစ် တာဝန်ယူခဲ့တာဖြစ်ပါတယ်။

By ဒီဗွီဘီ
http://burmese.dvb.no/archives/71554

ရန်ကုန်တိုင်း ကြည့်မြင်တိုင်မြို့နယ်အပိုင် အလုံမြို့နယ်ရဲ့ တဘက်ကမ်း သစ်တောဝင်း မေဒေးကမ်းနားမှာရှိတဲ့ သမ္ဗာန်ဆိပ်ကို မြန်မာ့စီးပွားရေး ကော်ပိုရေးရှင်းက စီမံကိန်းတွေ လုပ်နေတဲ့အတွက် အဲဒီသမ္ဗာန်ဆိပ် သွားတဲ့လမ်းကို ပိတ်ဆို့လိုက်တာပါတယ်။

ဒီလိုပ်ိတ်ဆို့ သံဆူးကြိုး ခတ်လိုက်တဲ့အတွက် ဆိပ်ကြီးဦးမြငါးစင်ရပ်ကွက်နဲ့ ရွာ ၈ ရွာခန့်က ဒေသခံတွေ၊ ကျောင်းသားကျောင်းသူတွေ ဆန္ဒပြနေကြပါတယ်။ အပြည့်အစုံကို ဗွီအိုအေသတင်းထောက် မအေးအေးမာ က သတင်းပေးပို့ထားပါတယ်။

ရန်ကုန်တိုင်း ကြည့်မြင်တိုင်မြို့နယ်အပိုင် အလုံမြို့နယ်ရဲ့ တဘက်ကမ်းမှာရှိတဲ့ အများပြည်သူတွေနဲ့ ကျောင်းသားကျောင်းသူတွေ သွားလတာနေတဲ့ ဆိပ်ကြီးဦးမြငါးစင်ရပ်ကွက်နဲ့နီးတဲ့ သမ္ဗာန်ဆိပ် သွားရာလမ်းကို မြန်မာစီးပွားရေး ကော်ပိုရေးရှင်း (MEC) ကနေ စီမံကိန်းလုပ်နေတဲ့အတွက် ပိတ်ဆို့လိုက်တာပါ။ ဒါဟာ ပြည်သူအများ သွားလာနေတဲ့ လမ်းဖြစ်တဲ့အတွက် ပြည်သူတွေရဲ့ မေတ္တာရပ်ခံ တောင်းဆိုတာကြောင့် အဲဒီလမ်းကနေ ပြည်သူတွေ ကျောင်းသားတွေ သွားလာခွင့်ကို ရန်ကုန်တိုင်း အစိုးရအဖွဲ့က သမ္ဗာန်ဆိပ်လမ်းအဖြစ် သတ်မှတ်ပေးဖို့အတွက် မြန်မာဆိပ်ကမ်း အာဏာပိုင်တွေကို မေလကတည်းက အကြောင်းကြားစာ ပို့ထားပါ။

ဒါပေမဲ့ ပြီးခဲ့တဲ့ ၃ ရက်ကစပြီး အဲဒီလမ်းကို ပိတ်ဆို့ပြီး သံဆူးကြိုးတွေ ကာလိုက်တဲ့အတွက် အလုံမြို့နယ်ထဲကို ကျောင်းသွားတက်မယ့် ကျောင်းသားတွေနဲ့ တဘက်ကမ်းမှာ အလုပ်လုပ်ကိုင် စားသောက်နေကြသူတွေအတွက် အခက်အခဲတွေ ဖြစ်သွားရပါတယ်။ ဒီအတွက် ဆန္ဒပြတာ ၃ ရက်ရှိပြီဖြစ်ကြောင်း ပြည်သူတဦးက ပြောပြပါတယ်။

“အခု MEC ကနေပြီးတော့ အဲ့ဒီလမ်းကို သံဆူးကြိုးကြီး ကာပစ်လိုက်တော့ ကျောင်းသား မိဘ ပြည်သူလူထုတွေ၊ အလုပ်သွားတဲ့သူတွေ၊ ကျောင်းသွားတဲ့သူတွေက အကုန်လုံး ဘယ်လမ်းကမှ သွားလို့မရတော့ဘူး။ လူသွားလမ်း ချထားပေးပြီးသား လမ်းကို သူတို့က ပိတ်ထားတယ်။ သူတို့က စီမံကိန်းလုပ်တယ်ဆိုပြီးတော့ မနက်ဖြန်ကျရင် သူတို့က ဒီနေရာကို လုံးဝ ပိတ်ပစ်လိုက်တော့မှာ။ ဆိပ်ကြီးဦးမြငါးစင်ရပ်ကွက်ရယ်၊ ရပ်ဝိုင်းကြီး ရပ်ဝိုင်းလေး အဲ့ဒီရွာတွေ ၈ ရွာလောက်ရှိတယ် အားလုံးပေါင်း။ ကျနော်တို့က ကျောင်းသားအနေနဲ့ ဆန္ဒထိုင်ပြတာ ဒီနေ့နဲ့ဆိုရင် ၃ ရက်ရှိသွားပြီ။ ကျောင်းသား ၁၀၀ ကျော်လောက်ရယ်၊ မိဘပြည်သူလူထုရယ်၊ ယဉ်ယဉ်လုပ်သားပြည်သူရယ်ဆိုရင် အားလုံးပေါင်း ၃၀၀ လောက်တော့ရှိတယ်။ အဓိကက ၀န်ကြီးချုပ် ချပေးတဲ့လမ်းကိုပဲ ကျနော်တို့က ပြန်ယူချင်တာ။”

အလုံမြို့နယ် အထက ၇ ကျောင်းမှာ တက်နေတဲ့ ၁၀ တန်း ကျောင်သားတဦးကတော့ သူတို့ ကျောင်းမတက်ရတာ ၃ ရက်ရှိသွားပြီဖြစ်ကြောင်းနဲ့ ဒီလမ်းက ပိတ်လိုက်တဲ့အတွက် အခက်အခဲ ရှိတာတွေကို ပြောပြပါတယ်။

“ကျနော်တို့ ဒီဘက်ကဆိုတော့ ကျောင်းကိုလာရတာလည်း နီးတော့ အန္တရာယ်လည်း မရှိဘူးခင်ဗျ။ ဒီ့ပြင်ဘက်ကနေ သွားမယ်ဆိုရင် လမ်းခရီးက တော်တော်လေးကို ဝေးတာခင်ဗျ။ လမ်းစရိတ်အနေနဲ့ကလည်း ကျနော်တို့ရဲ့မိဘတွေက မတတ်နိုင်ဘူးခင်ဗျ။”

ပြီးခဲ့တဲ့မေလတုန်းကတော့ အဲဒီနေရာက ဒေသခံပြည်သူတွေ၊ ကျောင်းသားတွေက တင်ပြလာတဲ့အတွက် သမ္ဗာန်ဆိပ်လမ်းမြေကို ပြင်ဆင်သတ်မှတ်ပေးဖို့ ဆိပ်ကမ်းအာဏာပိုင်တွေကို ရန်ကုန်တိုင်း အစိုးရအဖွဲ့က အကြောင်းကြားခဲ့တာပါ။ အဲဒီနေရာမှာ မြန်မာစီးပွာရေးကော်ပိုရေးရှင်း (MEC) က တည်ဆောက်နေတဲ့ နောင်တုံစီမံကိန်းနဲ့ အာရုဏ်ဦးကုမ္ပဏီက တည်ဆောက်နေတဲ့ ဆိပ်ခံတံတားကြားမှာ တည်ရှိနေတဲ့အကြောင်းကို လေ့လာတွေ့ရှိတဲ့အတွက် အာရုံဦးကုမ္ပဏီက တည်ဆောက်နေတဲ့ ကွန်ကရစ်လမ်းနဲ့နီးကြောင်း ရေးသားထားပါတယ်။

ဒီအတွက် သမ္ဗာန်ဆိပ်ကို အဲဒီ လူသွားလမ်းတွေနဲ့ နီးကပ်နေရာကို ရွှေ့ပြောင်းဆိုက်ကပ်ဖို့ ခွင့်ပြုကြောင်း ၀န်ကြီးချုပ်ကိုယ်စား ညွှန်ကြားရေးမှူးက လက်မှတ်ရေးထိုး အကြောင်းကြားစာ ပို့ခဲ့ပါတယ်။ ရန်ကုန်တိုင်း အစိုးရအဖွဲ့ကို ဆက်သွယ်မေးမြန်းတဲ့ အခါမှာတော့ အရင်တုန်းကတော့ ခွင့်ပြုခဲ့တာမှန်ပေမဲ့ အခုတော့ ခွင့်ပြုလို့ မရတော့ဘူးလို့ ရန်ကုန်တိုင်းအစိုးရအဖွဲ့ရဲ့ အတွင်းရေးမှူး ဦးမြတ်ကျော်ကျော် က ဆိုပါတယ်။

“ဟိုးအရင်တုန်းကတော့ ခွင့်ပြုခဲ့တာမှန်တယ်။ အခုဟာက ကမ်းနားတလျှောက် ဖွံ့ဖြိုးရေးစီမံကိန်းတွေ ရှိတယ်။ ရှိတဲ့အခါကျတော့ ပိုပြီးကောင်းမယ့်နေရာကို လုပ်ပေးလိုက်တာ။ ဦးမြငါးစင်ဘက်က လာတဲ့သူတွေအတွက်ကတော့ နည်းနည်း ဝေးတော့ ဝေးသွားတာပေါ့လေ။ ဝေးပေမဲ့လည်း ဒီလိုပဲ အဆင်ပြေအောင်လို့ ဆိုပြီးတော့မှ ရေဆိပ်လှေကားတွေ၊ သွားတဲ့နေရာမှာ ကွန်ဂရစ်လမ်းလေးတွေ ခင်းပေးတာတို့၊ နောက် ရေဆိပ်ကတက်လို့ရှိရင် နားနေဖို့အတွက် အဆောင်လေးတွေ သပ်သပ်ရပ်ရပ် ဆောက်ပေးတာတို့၊ အဲ့ဒါလေးတွေလည်း စီစဉ်ပေးထားတယ်။”

ဒေသခံလူထုတွေကတော့ သူတို့အတွက် လမ်းပန်းဆက်သွယ်ရေး ခက်ခဲသွားတာကြောင့် ဖြေရှင်းပေးနိုင်မယ့် အခြေအနေကို မျှော်လင့်နေကြပါတယ်။ အဲဒီနေရာမှာ သမ္ဗာန်မောင်းပြီး အသက်မွေးဝမ်းကျောင်းနေတဲ့လူတွေ တဘက်ကမ်းကိုသွားပြီး အလုပ်လုပ်နေရသူတွေ ရွာ ၈ ရွာလောက်က ကျောင်းသွားတက်နေကြတဲ့ မူလတန်းကနေ အထက်တန်းအဆင့်ထိရှိတဲ့ ကျောင်းသူကျောင်းသားလေးတွေအနေနဲ့ ကျောင်းမတက်နိုင်တာ အလုပ်မလုပ်နိုင်တွေ ကြုံနေရပါတယ်။

လက်ရှိမှာတော့ သူတို့ကို အာဏာပိုင်တွေဘက်က ဆွေးနွေးတာတွေ မရှိသေးတဲ့အတွက် မနက် ၈ နာရီကနေ ညနေ ၅ နာရီအထိ အဲဒီသံဆူးကြိုး ခတ်ထားတဲ့ သမ္ဗာန်ဆိပ်နားမှာ လာရောက်ပြီး ၃ ရက်မြောက်နေ့အဖြစ် စုဝေးဆန္ဒပြနေကြပါတယ်။
VOA

ဗွီအိုအေ (မြန်မာပိုင်း), ဦးသန်းလွင်ထွန်း

မြန်မာနိုင်ငံရဲ့ အခြေခံဥပဒေပြင်ဆင်ရေးမှာ လွှတ်တော်ကသာ အဓိက တာဝန် အရှိဆုံးဖြစ်ပြီး သမ္မတနဲ့ ကာကွယ်ရေးဦးစီးချုပ်တို့ ရဲ့ အဆုံးအဖြတ် မဟုတ်ဘူးလို့ သမ္မတ ဦးသိန်းစိန်က ပြောလိုက်ပါတယ်။ ဒါ့အပြင် တိုင်းပြည် တပြည်လုံးကိစ္စကို လူလေးယောက် ထဲနဲ့ ဆွေးနွေးတာဟာ မပြည့်စုံဘူး လို့မြင်တယ်ဆိုပြီးတော့ လည်း ဒေါ်အောင်ဆန်းစုကြည် တောင်းဆိုတဲ့ လေးပွင့်ဆိုင် တွေ့ဆုံ ဆွေးနွေးရေး အပေါ် တုန့်ပြန် ပြောဆိုပါတယ်။ ဒီကနေ့ နေပြည်တော်မှာ ဗွီအိုအေမြန်မာပိုင်းနဲ့ သီးသန့် တွေ့ဆုံမေးမြန်းခန်းအတွင်း သမ္မတ ဦးသိန်းစိန်က အဲဒီလိုပြောတာပါ။

ကချင်ပြည်နယ်မှာ မကြာခင်ရက်ပိုင်းက အစိုးရစစ်တပ်ကနေ လက်နက်ကြီးနဲ့ ပစ်ခတ်လို့ ကချင်လွတ်မြောက်ရေးအဖွဲ့ KIA ရဲ့ အရာရှိလောင်း အယောက် ၂၀ ကျော် သေဆုံးရတဲ့ဖြစ်ရပ်အတွက် တပ်မတော်အနေနဲ့ သတင်းထုတ်ပြန်မှုတွေ ပိုလုပ်သွားရ မယ်လို့ သမ္မတကပြောသလို ဒီလို သွေးထွက်သံယို ပဋိပက္ခတွေ တားဆီးနိုင်ရေးအတွက် အပစ်အခတ်ရပ်စဲရေး စောင့်ကြည့်မှု အဖွဲ့တွေနဲ့ ဆက်ဆံရေးရုံးတွေ ပိုပြီးဖွင့်လှစ်သွားရမယ်လို့လည်း ပြောပါတယ်။

ရခိုင်ဒေသ အခြေအနေနဲ့ပတ်သက် လို့တော့ ပြည်ပက လှုံ့ဆော်မှုတွေရှိနေပေမယ့် ရခိုင်ဒေသဟာ တည်ငြိမ်အေးချမ်းနေပြီး လိုအပ်တဲ့အကူအညီတွေကို နိုင်ငံတကာနဲ့ ညှိနှိုင်းဆောင်ရွက်ပေးနေ တယ်လို့ သမ္မတဦးသိန်းစိန်ကပြောပါတယ်။

ပြည်တွင်းမှာဖြစ်နေတဲ့ ဘာသာရေးခွဲခြား လှုံ့ဆော်မှုတွေကိုလည်း ဆိုးဆိုးရွားရွားဖြစ်လာရင် တရားဥပဒေအတိုင်း အရေးယူသွား မယ်လိုိ့ဆိုပါတယ်။ သတင်းလွတ်လပ်ခွင့်ဆိုတာဟာ အမှန်တရားကို လူထုသိစေချင်လို့ ပေးထားတာဖြစ်ပြီး သူသာ ဒုတိယ သမ္မတသက်တမ်း ဆက်ထမ်းဆောင်ဖြစ်ရင် ဆင်းရဲနွမ်းပါးမှုပပျောက်ရေးကို ဦးစားပေးလုပ်သွားမယ်လို့ သမ္မတဦးသိန်းစိန်က ပြောသွားပါတယ်။

ဗွီအိုအေမြန်မာပိုင်း ဌာနမှူးနဲ့ သမ္မတဦးသိန်းစိန် သီးသန့် တွေ့ဆုံမေးမြန်းခန်း အပြည့်အစုံ ဆက်လက် ဖတ်ရှုနိုင်ပါတယ်။
ဦးသန်းလွင်ထွန်း။ ။ ဟုတ်ကဲ့သမ္မတကြီးခင်ဗျား။ ကျနော်တို့ ဗွီအိုအေကို အခုလို တွေ့ဆုံ မေးမြန်းခွင့်ပြုတဲ့အတွက် ကျေးဇူးတင်ပါတယ်။ သမ္မတကြီးကို အခုလို ကျန်းကျန်းမာမာနဲ့တွေ့ရတဲ့အတွက်လည်း ၀မ်းသာပါတယ်ခင်ဗျ။ ကျနော် ပထမဆုံး မေးချင်တာကတော့ သမ္မတကြီးရဲ့ ပထမ အစိုးရသက်တမ်းပေါ့နော်၊ ပထမ သက်တမ်းက အခုလာမယ့် ၂၀၁၅ ခုနှစ်မှာ ဒီ…. ရွေးကောက်ပွဲ အောင်မြင်စွာ ကျင်းပပြီးပြီ ဆိုလို့ရှိရင် သက်တမ်းက ဒါ…. ပြီးဆုံးတော့မယ်ပေါ့။ ဒီသက်တမ်း ကာလအတွင်းမှာ ဒါ…. သမ္မတကြီးတို့ အစိုးရအနေနဲ့ ပြုပြင်ပြောင်းလဲရေး လုပ်ဆောင်ခဲ့တာတွေနဲ့ ပတ်သက်ပြီးတော့ အတော်လေး ကျေနပ်အားရမှုတွေ ရှိခဲ့တဲ့အတွက်ကြောင့်မို့လို့ အိမ်နီးချင်းနိုင်ငံတွေနဲ့ ဆက်ဆံရေးတွေအပြင်ကို တချိန်က တင်းမာနေခဲ့တဲ့ အနောက်အုပ်စုနိုင်ငံတွေဖက်ကလည်း ပူးပေါင်း ဆောင်ရွက်မှုတွေ၊ စီးပွားရေး ပိတ်ဆို့ထားတာတွေ ဖြေလျှော့ပေးတာတွေ လုပ်လာခဲ့တယ်။ ဒါကိုလည်း ဟို…. အစောပိုင်းမှာ တော်တော်လေး ချီးကျူး ပြောဆိုမှုတွေ ရှိခဲ့တယ်။ ဒါပေမယ့် ဒီလပိုင်း၊ ဒီရက်ပိုင်းအတွင်းမှာတော့ ဒီ…. မြန်မာနိုင်ငံရဲ့ ပြုပြင် ပြောင်းလဲမှုတွေ ဟာ နောက်ဆုတ် မသွားဘူး ဆိုရင်တောင်မှဘဲ၊ တန့်နေတယ် ဆိုတဲ့ ဝေဖန်မှုလေးတွေ တချို့ထွက်တာ ရှိပါတယ်ခင်ဗျ။ အဲဒီတော့ အဲဒါနဲ့ ပတ်သက်လို့ သမ္မတကြီးရဲ့ တုန့်ပြန်မှုက ဘယ်လိုရှိပါမလဲခင်ဗျား။

သမ္မတ ဦးသိန်းစိန်။ ။ အဲဒီတော့၊ ပြုပြင်ပြောင်းလဲမှုတွေနဲ့ ပတ်သက်ပြီးတော့ ကျနော်တို့ အဆင့် (၃) ဆင့် ကျနော်တို့ ကြိုးပမ်းပြီးတော့ ကျနော်တို့ လုပ်နေတာပေါ့။ ပထမအဆင့်ကတော့ (First Wave) ပေါ့။ First Wave ဆိုတာတော့ သွေးထွက်သံယိုမှုတွေ မရှိပဲနဲ့၊ ညင်ညင်သာသာလေးနဲ့ ပြောင်းလဲနိုင်ဖို့အတွက်ကို ဒါ….. ကျနော်တို့ စတက်တက်လာခြင်း ဒီဟာကို ကြိုးစားပြီးတော့ ကျနော်တို့ လုပ်တာပေါ့။ ဒါ First Wave ပါပဲ။ နောက်တခါ Second Wave ကတော့၊ ကျနော်တို့ ခုနကလို ဘာတွေ ကျနော်တို့ ပြုပြင်ပြောင်းလဲမလဲ။ အဲဒီတော့ ပြုပြင် ပြောင်းလဲရမယ့်ဟာတွေက ကျနော်တို့ ခုနကလို နိုင်ငံရေးအရ ကျနော်တို့ ပြုပြင်ပြောင်းလဲရတဲ့ဟာမျိုး။ စီးပွားရေးအရ ကျနော်တို့ ပြုပြင် ပြောင်းလဲတာတွေ။ နောက်တခါ အုပ်ချုပ်ရေးအရ ကျနော်တို့ ပြုပြင်ပြောင်းလဲတာတွေ။ ထပ်ဆောင်းပြီးတော့ ခုနကလို တိုင်းပြည်ရဲ့စီးပွားရေး ဖွံ့ဖြိုး တိုးတက်ဖို့အတွက်က ပုဂ္ဂလိကကဏ္ဍကို မြင့်တင်ပေးမှ ဒါ….. တိုင်းပြည်ရဲ့ စီးပွားရေးကလည်း ဖွံ့ဖြိုးတိုးတက်မယ်ဆိုတော့ အဲဒီတော့ ပုဂ္ဂလိကကဏ္ဍမြင့်တင်ရေးပါ အပါအ၀င် ဒီ (၄) ချက်ကို ဒုတိယ ကျနော်တို့ Second Wave အနေနဲ့ ပြုပြင် ပြောင်းလဲမှုတွေကို ကျနော်တို့ အကောင်အထည်ဖော်ပြီးတော့ ဆောင်ရွက်နေတာပေါ့။ အဲဒီတော့ ဒီ….. Third Wave မှာတော့ ကျနော်တို့ လုပ်ကိုင်ဆောင်ရွက်နေတာတွေနဲ့ပတ်သက်ပြီးတော့ ခုနကလို ကျနော်တို့ ဟိုဒင်းတွေပေါ့လေ…… ကျနော်တို့ရဲ့ ဒီ လက်တွေ့ လုပ်နိုင်တဲ့ဟာတွေ ဘယ်လောက် ကျနော်တို့ လုပ်နိုင်သလဲ။ Results တွေပေါ့။ Results တွေ ဘယ်လောက်လောက် လုပ်နိုင်မလဲ။ အဲဒီတော့ Results တွေကို ပြန်လည်ဖော်ထုတ်ပြီးတော့မှ ဒီလောက်တော့ လုပ်နိုင်တယ်၊ ရှေ့ကို ကဲဆက်ပြီးတော့ တွန်းပြီးတော့ တို့လုပ်ကြရအောင် ဆိုပြီးတော့ Third Wave က ဒီအတိုင်း ကျနော်တို့ သွားနေတာ။ ကျနော်ထင်ပါတယ်၊ Third Wave လုပ်ရင်းနဲ့ပဲ ကျနော်တို့ရဲ့ သက်တမ်းကလည်း ပြီးမြောက်သွားမယ်လို့ ကျနော်တို့ ထင်ပါတယ်။ အဲဒီတော့ ခုနကလို ဟို….. တိုးတက်တာတွေလည်း ရှိတာ အမှန်ပါဘဲ။ အခက်အခဲတွေ၊ အကြပ်အတည်းတွေ၊ ဒါတွေ ရင်ဆိုင်ရတာလည်း ဒါတွေ အမှန်ပါဘဲ။

မေး။ ။ အပြင်ဖက်ပိုင်းမှာ အခု အဓိကအားဖြင့် ဝေဖန်ကြတယ်ဆိုတဲ့ သဘောကတော့ ဥပမာအားဖြင့်၊ ဒါ….. ဖွဲ့စည်းပုံ အခြေခံဥပဒေ ပြုပြင်ပြောင်းလဲရေး ကိစ္စ၊ နိုင်ငံရေးပိုင်းဆိုင်ရာကိစ္စ၊ နောက် အထူးသဖြင့် ဒီ….. အပစ်အခတ် ရပ်စဲရေးလို ကိစ္စမျိုးတွေပေါ့။ ဒီလို အပစ်အခတ်ရပ်စဲရေးလိုကိစ္စမျိုးတွေမှာဆိုရင်၊ အစောပိုင်းက သမ္မတကြီး ပြောတဲ့အထဲမှာလည်း ပါပါတယ်။ ပထမဆုံး ဦးစားပေး အနေနဲ့က သွေးထွက်သံယိုမှုတွေ ရပ်စဲပြီးတော့ ဒါ…. အပစ်အခတ် ရပ်စဲရေးကနေပြီးတော့ နိုင်ငံရေး ဆွေးနွေးမှုတွေအထိ သွားမယ်ဆိုတာ ဒါ…. နိုင်ငံတော်ရဲ့ ဦးစားပေး မူဝါဒတရပ်အနေနဲ့ ချပြီးလုပ်နေတယ်ဆိုတာလည်း ကျနော်တို့ သိပါတယ်။ ဒါပေမယ့် အခု ဒီရက်ပိုင်းအတွင်းမှာပဲ ဒီလို လုပ်နေတဲ့ ကြားထဲကပဲ အထူးသဖြင့် ဒီရက်ပိုင်းအတွင်းမှာ အထူးသဖြင့် ကချင်အဖွဲ့တွေနဲ့ပေါ့နော်၊ KIO အဖွဲ့နဲ့ဆိုလို့ရှိရင် ကချင်အဖွဲ့ရဲ့ တိုက်ခိုက်မှုကြောင့် တပ်မတော်ဖက်က ထိခိုက်တာကြားရသလို၊ မနေ့ကဆိုလို့ရှိရင်လည်း တပ်မတော်ရဲ့ ပစ်ခတ်မှုကြောင့် ကချင်အဖွဲ့က ဗိုလ်လောင်းသင်တန်းက လူငယ်လေးတွေ (၂၀) ကျော် သေဆုံးခဲ့ရတယ်ဆိုတဲ့ ဖြစ်ရပ်မျိုး ကျနော်တို့ ကြားရတယ်။ ကြားရတယ်ဆိုတော့ ဒီကိစ္စမျိုးတွေကို တားဆီးနိုင်ဖို့၊ ဒါမမှဟုတ် ဒီကိစ္စတွေကို ကာကွယ်နိုင်ဖို့ ဒီကိစ္စတွေကနေပြီးတော့ ပဋိပက္ခကြီးကြီး ထပ်ပြီးဖြစ်မသွားစေဖို့ဆိုလို့ရှိရင် သမ္မတကြီးအနေနဲ့ အရေးတကြီး ဘာများလုပ်ချင်သလဲ၊ အရေးတကြီး ဘာများပြောချင်တာရှိလဲခင်ဗျ။

သမ္မတ ဦးသိန်းစိန်။ ။ အဲဒီတော့ ဒီဟာလေး ရှင်းရမယ်ဆိုရင်၊ အခြေခံကတော့ ခုနကလို ငြိမ်းချမ်းရေး ရရှိရေးကိစ္စဟာ ကျနော်တို့ရဲ့ ဒီ….. ပြည်သူ အများစုရဲ့ ဆန္ဒပေါ့လေ၊ ပြောကြမယ်ဆိုရင် ပြည်သူအားလုံးရဲ့ ဆန္ဒဖြစ်ပါတယ်။ ပြည်သူအားလုံးရဲ့ ဆန္ဒဖြစ်တဲ့အတွက်ကြောင့် ငြိမ်းချမ်းရေး ရရှိဖို့အတွက်ကို ကျနော်တို့ အစိုးရကနေပြီးတော့ ပြည်အများစု ဆန္ဒဖြစ်သလို၊ ကျနော်တို့ အစိုးရရဲ့ ဆန္ဒလည်းဖြစ်တယ်။ ဒါကို ကျနော်တို့ ကြိုးပမ်းပြီးတော့ အကောင်အထည်ဖော် ဆောင်ရွက်နေတာပါ။ အဲဒီတော့ ပစ်ခတ် တိုက်ခိုက်မှု ရပ်စဲကြဖို့အတွက်လည်း နှစ်ဖက်က အကြိမ်ပေါင်းများစွာ ကျနော်တို့ ဒါ….. တွေ့ဆုံပြီးတော့ ကျနော်တို့ ဆွေးနွေးကြတယ်။ သို့သော်လည်း တချို့အပိုင်းလေးတွေက ကျနော်တို့ အလျှော့ အတင်းလေးတွေ ရှိတယ်။ အလျှော့အတင်းလေးတွေလည်း တချို့ လျှော့ပေးနိုင်တာတွေ လျှော့ပေးနိုင်တယ်။ တချို့ မပေးနိုင်တဲ့ဟာလေးတွေလည်း ပြန်ပြီးတော့ စဉ်းစားကြ ပြုကြတယ်။ အဲဒီတော့ ကျနော်တို့ရဲ့ ဆန္ဒကတော့ ပစ်ခတ် တိုက်ခိုက်မှုတွေကို ကျနော်တို့ ရပ်အောင်လုပ်ချင်တယ်။ ရပ်စဲချင်တယ်။ ရပ်စဲချင်တယ်။ ပစ်ခတ် တိုက်ခိုက်မှု ဖြစ်တယ်ဆိုတာလည်း ဟို….. တစ်ဖက်ထဲကြောင့် ဖြစ်တာတော့ မဟုတ်ပါဘူး။ နှစ်ဖက်မှာ ဒါ…. ပြဿနာလေးတွေ ရှိပါတယ်။ နှစ်ဖက်မှာ ပြဿနာတွေ ရှိတယ်။ အဲဒီတော့ သူ့ဖက် ကိုယ့်ဖက်၊ ဟိုလူကလွန်တယ်၊ ဒီလူကလွန်တယ်နဲ့ ဒါတွေကို ကျနော်တို့ ပြောနေလို့ရှိရင်လည်း ကျနော်တို့ ပြီးဆုံးမှာ မဟုတ်တော့ဘူး။ သို့သော်လည်း ဒီကနေ့အထိကတော့ ခင်ဗျားပြောသလိုပဲ ပစ်ခတ် တိုက်ခိုက်မှုလေးတွေ ရှိသေးလို့ ဒီလိုတွေ ကျနော်တို့ ဖြစ်နေတာ။ ကျနော်တို့ ရည်ရွယ်ချက်ကတော့ ပစ်ခတ် တိုက်ခိုက်မှုကို ရပ်စဲချင်တယ်။ ပစ်ခတ် တိုက်ခိုက်မှုကို ရပ်စဲဖို့အတွက် ကျနော်တို့ နည်းလမ်းတွေ ရှာကြတယ်။ ဘယ်လိုတွေ လုပ်ကြမလဲ။ တပ်ကိုလည်း ကျနော်တို့ ပြောတာပါပဲ။ တဖက်ကိုလည်း ကျနော်တို့ ညှိတာပါပဲ။ တပ်ကိုဆိုလို့ရှိရင်လည်း မင်းတို့ စခန်းတွေကိုသွားပြီးတော့ တိုက်တာ ပြုတာ ဘာညာ မင်းတို့လုံးဝ မလုပ်နဲ့။ သို့သောလည်းပဲ၊ လူဆိုတာကတော့ ကိုယ့်အသက်တော့ ကိုယ်က ကာကွယ်ပိုင်ခွင့်တော့ ရှိရမှာကိုး။

ကိုယ့်ရဲ့ လုံခြုံရေးအတွက် ကိုယ့်ကိုယ်ကိုယ် ခုခံ ကာကွယ်ယုံမှအပ ကျန်တာ ဘာမှမလုပ်နဲ့။ ဒါတွေလည်း တပ်အပိုင်းက သူတို့ လိုက်နာပြီးတော့ ဆောင်ရွက်နေပါတယ်။ သို့သော်လည်း မြေပြင်မှာ အောက်ခြေမှာကျတော့ တချို့ကိစ္စလေးတွေက ဟိုလူကစပစ်တယ်၊ ဒီလူက စပစ်တယ်နဲ့ ဒီပြဿနာလေးတွေ ဖြစ်တယ်။ အဲဒီတော့ ဒါတွေကိုရှင်းနိုင်ဖို့အတွက်က စောင့်ကြည့် လေ့လာတဲ့အဖွဲ့ ကျနော်တို့က ဒါကို တည်ဆောက်ရမယ်။ နောက်တခုက ကျနော်တို့ ခုနကလို ဆက်ဆံရေးစခန်းတွေ ထားရမယ်။ အဲဒီတော့ ဆက်ဆံရေးစခန်းတွေလည်း ကျနော်တို့ ဒါ…. ထားဖို့အတွက် ဒါတွေလည်း ကျနော်တို့ နှစ်ဖက် ဆုံးဖြတ်ထားပြီးပါပြီ။ စောင့်ကြည့်လေ့လာတဲ့အဖွဲ့နဲ့ စောင့်ကြည့်ပြီးတော့ သူကတော့လွန်တယ်၊ သူကမှားတာ၊ အဲဒီတော့ နောက်တခါ ဒါမျိုးမဖြစ်အောင် ဂရုစိုက်မယ်၊ စသည်အားဖြင့် ဒီအဖွဲ့တွေလည်း ဖွဲ့စည်းပြီးတော့ ကျနော်တို့က လုပ်ထားပြီးပြီ။ လုပ်ထားပြီးပြီဆိုတော့ ဒါတွေနဲ့ ကျနော်တို့က မဖြစ်အောင် ထိန်းသွားရမှာပါ။ အဲဒီတော့ ပစ်ခတ် တိုက်ခိုက်မှုတွေ ကျနော်တို့ကလည်း မဖြစ်စေချင်ဘူး။ တစ်ဖက်ကလည်း ခုနကလို ဟုတ်လား….. ထိခိုက် ကျဆုံးမှု ဘာညာ ရှိတယ် ပြုတယ်ဆိုရင် ဟို….. တိုင်းပြည်အတွင်ဘဲ နစ်နာတာကို။ တစ်ဖက်ကလည်း ထိခိုက် ကျဆုံးမှုတွေ ရှိတယ် ပြုတယ်ဆိုရင် တိုင်းပြည်ကဘဲ နစ်နာတယ်။

ဦးသန်းလွင်ထွန်း။ ။ ဒါနိုင်ငံသားတွေဘဲ။

သမ္မတ ဦးသိန်းစိန်။ ။ နှစ်ဖက်စလုံးက မဖြစ်စေချင်ဘူး။ အဲဒီတော့ တပ်ကိုတော့ ကျနော်ပြောပါတယ်။ အခုဖြစ်စဉ်နဲ့ ပတ်သက်ပြီးတော့ ခုနကလို ဖြစ်တဲ့ ပြုတဲ့ကိစ္စတွေကို ခင်ဗျားတို့ ခုနကလို အင်တာဗြူးလုပ်လိုက်ပါ။ မှန်မှန် ကန်ကန်နဲ့ ပြည်သူတွေလည်း သိသွားရအောင်။ ဖြစ်တယ်ဆိုတာ နှစ်ဖက်မှာ ပြဿနာရှိလို့ ဖြစ်ကြတာကိုး။ တစ်ဖက်ထဲပစ်ယုံနဲ့မဟုတ်ဘူး၊ နှစ်ဖက်ပစ်လို့ ဒါ…. ပြဿနာ ဖြစ်ကြတာကိုး။ ဒီလိုဖြစ်တာတွေက ကျနော်တို့ ငြိမ်းချမ်းရေး ဆွေးနွေးနေတဲ့ဟာတွေကို သွားပြီးတော့ ခုနကလို အနှောက်အယှက်ဖြစ်စေတယ်။ ကျနော်တို့ရဲ့ ခုနကလို ပထမခြေလှမ်းဖြစ်တဲ့ ပစ်ခတ်တိုက်ခိုက်မှု ရပ်စဲရေးဆိုတဲ့ ကျနော်တို့ ရည်မှန်းချက်ကို သွားပြီးတော့ ဒါ…...ခုနက အကျိုးသက်ရောက်မှုတွေ ရှိစေတယ်။ အတတ်နိုင်ဆုံး ကျနော်တို့ကတော့ မဖြစ်စေချင်ဘူး၊ နှစ်ဖက်ကို။

မေး။ ။ ဒါနဲ့ဆက်စပ်လို့ပဲပေါ့နော်၊ တခြား ကျနော်တို့ ဒီ….. မြန်မာနိုင်ငံရဲ့ အခြေအနေတွေအပေါ်ကို အများကစောင့်ကြည့်ပြီးတော့၊ လေ့လာ ပြီးတော့ ဝေဖန်ကြတဲ့၊ ဟို….. တိုင်းတာကြတဲ့ အခြေအနေတခုပေါ့။ အဲဒါက ဒီ….. အခြေခံဥပဒေ ပြုပြင်ပြောင်းလဲရေးဆိုင်ရာကိစ္စ။ တိုက်တိုက်ဆိုင်ဆိုင်ပဲ၊ ပြီးခဲ့တဲ့ နှစ်ရက်ကပဲ ပြည်သူ့လွှတ်တော်ရဲ့ဥက္ကဋ္ဌ ကြီး သူရဦးရွှေမန်းက သတင်းစာ ရှင်းလင်းပွဲ လုပ်ပါတယ်။ သတင်းစာ ရှင်းလင်းပွဲမှာ ပြောသွားတဲ့ စိတ်ဝင်စားစရာ အကြောင်းလေးတခုက တပ်မတော်ရဲ့ အခန်းကဏ္ဍ။ တပ်မတော်ရဲ့ အခန်းကဏ္ဍအပြင်ကို သမ္မတကြီးအနေနဲ့လည်း တပ်မတော်အပေါ်မှာ သမ္မတကြီး အနေနဲ့လည်း သြဇာအာဏာရှိတဲ့ ပုဂ္ဂိုလ် တဦးတယောက်အနေနဲ့ သမ္မတကြီးတို့ရဲ့ စေတနာနဲ့၊ လုပ်ပိုင်ခွင့်နဲ့ဆိုလို့ရှိရင် အခြေခံဥပဒေ ပြောင်းလဲရေးဟာ ဖြစ်လာနိုင်ပါတယ် ဆိုတဲ့ သဘောမျိုး ပြောသွားပါတယ်။ အဲဒီတော့ သမ္မတကြီးအနေနဲ့ တပ်မတော်ကို သြဇာသုံးပြီးတော့ ဘယ်လိုများ တိုက်တွန်းပေးနိုင်ပါသလဲ၊ ဘယ်လို အခြေခံဥပဒေ ပြောင်းလဲရေး၊ အထူးသဖြင့်ပေါ့နော် ဖွဲ့စည်းပုံ အခြေခံဥပဒေမှာ ပုဒ်မ (၄၃၆) ပြောင်းလဲရေးမှာ ဘာတွေများ တိုက်တွန်းပေးနိုင်သလဲ၊ ဘာတွေများ တိုက်တွန်းပေးဖို့ ရှိသလဲဆိုတာလေးကို တစ်ချက်လောက် ပြောပြပေးပါလား။

ဖြေ။ ။ ဖွဲ့စည်းပုံအခြေခံဥပဒေပြင်ဆင်ရေးသည် အဓိက ခုနကလို တာဝန်အရှိဆုံးကတော့ လွှတ်တော်ထဲမှာပဲ။ ဒုတိယကတော့ ပြည်သူပဲ။ အစိုးရကလည်း ဘာလုပ်လိုက်ပါ၊ ပြင်လိုက်ပါ၊ မပြင်လိုက်ပါနဲ့ ကျနော်တို့ ပြောလို့မရဘူး။ တပ်ကလဲသွားပြီးတော့ ခင်ဗျား ဒါပြင်လိုက်ပါ၊ မပြင်လိုက်ပါနဲ့ ပြောလို့ မရပါဘူး။ တပ်ကို ကျနော်တို့က ခင်ဗျားတို့က ဒါပြင်ဖို့အတွက် ပြောလိုက်ပါ၊ ဒါမပြင်ဖို့အတွက် ပြောလိုက်ပါ ကျနော်ပြောလည်း ဘာမှ အဓိပ္ပါယ် မရှိဘူး။ ခုနကလို တပ်ကပြောလည်း ခင်ဗျား မပြင်နဲ့ဗျာဆိုလို့လဲ လွှတ်တော်ထဲကနေ အတည်ပြု ဆုံးဖြတ်လိုက်ရင် ပြင်လို့ရတာပဲ၊ ခုနကလို။ ဒါပြင်ပါဗျာ ဆိုလို့လဲ လွှတ်တော်ထဲကနေ သူတို့ မဲနဲ့ခွဲ ဆုံးဖြတ်တယ်၊ မဲအရ သူတို့က အရေးသာမှု မရှိဘူးဆိုရှိရင်လည်း ဒါဟာ ခုနကလို ဟိုဒင်းဖြစ်မှာပဲ။ အဓိကကတော့ ခုနကလို လွှတ်တော်ရဲ့ အဆုံးအဖြတ်ပဲ။ သမ္မတရဲ့ အဆုံးအဖြတ်လည်းမဟုတ်ဘူး။ ကာကွယ်ရေးဦးစီးချုပ်ရဲ့ အဆုံးအဖြတ်လဲ မဟုတ်ဘူး။ ဒါကို ဒီကိစ္စ ပြင်ဖို့ မပြင်ဖို့ကိစ္စက သမ္မတက ကာကွယ်ရေးဦးစီးချုပ်ကို သွားပြီးတော့ ပြောစရာလည်း ကျနော်တို့ ဒါ….. မရှိပါဘူး။ အကြောင်းလဲ မရှိဘူး။ အဲဒီတော့ အဓိက အရှင်းဆုံးကလည်း ဒီအတိုင်းပါပဲ။

ပထမဦးဆုံးက ခုနကလို လွှတ်တော်မှာ တာဝန်ရှိတယ်။ လွှတ်တော်ကပဲ ပြင်သင့်တယ်၊ မပြင်သင့်ဘူး၊ ဒါကို ခုနကလို ဟုတ်လား သူ့ Procedure လည်း ပေးထားပြီးဖြစ်တယ်။ ဒီ Procedure အတိုင်း လုပ်သွားဖို့လိုတယ်။ လွှတ်တော်ထဲမှာ ပြင်လို့ရတဲ့ဟာတွေကိုပြင်၊ ပြင်လို့မရတဲ့ဟာတွေကျလို့ရှိရင် ခုနကလို ဟိုဒင်းနဲ့ Referendum လုပ်ပါဆိုပြီးတော့ ဟိုထဲမှာ အတိအကျ ပြောထားတာပဲ။ ပြင်ဆင်ရေး မပြင်ဆင်ရေးက တိုက်ရိုက် သမ္မတတို့၊ ကာကွယ်ရေးဦးစီးချုပ်တို့နဲ့ တိုက်ရိုက် ကျနော်တို့က ပတ်သက်မှု မရှိပါဘူး။

မေး။ ။ သမ္မတကြီးက မကြာသေးခင်ကပဲ သမ္မတကြီးရဲ့အိမ်တော်ကို မြန်မာနိုင်ငံရဲ့ နိုင်ငံရေးမှာ အရေးပါတဲ့သူ (၁၄) ဦးကို ဖိတ်ခေါ်ပြီးတော့ ဆွေးနွေးခဲ့ကြတယ်လို့ ကျနော်တို့ ကြားပါတယ်။ ဒါပေမယ့်လည်း ဒီဆွေးနွေးပွဲက အချိန်သတ်မှတ်ချက်အရကော၊ အခြေအနေ အချိန်အခါ အရရော လေ့လာသူတွေရဲ့ အနေအထားအရကတော့ သဘောထားအမြင် နက်နက်ရှိုင်းရှိုင်း ဖလှယ်တဲ့အဆင့်ကို မရောက်ခဲ့ဘူး၊ တွေ့ဆုံတဲ့သဘောလောက်ပဲ ရှိခဲ့တယ်၊ ရှေ့ဆက်တိုးရဦးမယ့် အနေအထားမျိုး ရှိနေတယ်လို့ သုံးသပ်တာ ကျနော်တို့ ကြားပါတယ်။

တစ်ဖက်မှာလည်း ဒေါ်အောင်ဆန်းစုကြည်ပေါ့နော်၊ ဒေါ်အောင်ဆန်းစုကြည်လည်း ဒါ….. လူထုလေးစားရတဲ့၊ ဒီမိုကရေစီအရေး တက်တက်ကြွကြွ ဆောင်ရွက်နေတဲ့ခေါင်းဆောင် တဦးအနေနဲ့က အစဉ်တစိုက်တောင်းဆိုနေတဲ့ လေးပွင့်ဆိုင် ဆွေးနွေးပွဲဆိုတဲ့ သဘောမျိုး၊ ဒါမျိုး ဖြစ်စေချင်တယ် ဆိုတာကိုဘဲ ဆက်ပြောနေတော့၊ ဒီ လေးပွင့်ဆိုင် တွေ့ဆုံဖို့ တောင်းဆိုမှုအပေါ်ကို သမ္မတကြီးအနေနဲ့ ဘယ်လိုများ ဆက်ပြီး ဆောင်ရွက်ပေးချင်လဲခင်ဗျ၊ ဒါဟာ ဖြစ်လာနိုင်မယ့် အနေအထားရှိပါသလား။

ဖြေ။ ။ ခင်ဗျားမေးတဲ့ မေးခွန်းက အင်မတန် မေးသင့် မေးထိုက်တဲ့ မေးခွန်းပါဘဲ။ အဲဒီတော့ တစ်ဖက်နဲ့ တစ်ဖက်၊ တစ်ဦးနဲ့ တစ်ဦး၊ တစ်ယောက်နဲ့ တစ်ယောက်ကတော့ သဘောထားခြင်း တူတာတွေရှိသလို၊ မတူတာတွေ ကျနော်တို့ ရှိမှာပါဘဲ။ အဲဒီတော့ တူတာတွေကို ကျနော်တို့ ပူးပေါင်းပြီးတော့ လုပ်ကြရအောင်။ မတူတာတွေကို ကျနော်တို့ ခုနကလို ဆွေးနွေးခြင်း၊ တိုင်ပင်ခြင်း၊ ညှိနှိုင်းခြင်းနဲ့ ကျနော်တို့ ဒီအတိုင်း ကျနော်တို့ နိုင်ငံရေးယဉ်ကျေးမှုသစ်အရ ကျနော်တို့ လုပ်သွားကြရအောင်ဆိုတာ ဒါ….. ကျနော်တို့ရဲ့ မူဝါဒပါဘဲ။ ကျနော်တို့ မူဝါဒပါ။

ကျနော်တို့ ဒီအထဲမှာ အချင်းချင်းမပြောနဲ့ လက်နက်ကိုင်ထားတဲ့ အဖွဲ့အစည်းနဲ့တောင်မှ ဒီမူဝါဒနဲ့ ကျနော်တို့ လုပ်သွားတာပါ။ မတူတာတွေရှိတယ်၊ ကွဲပြားခြားနားမှုတွေကို ကျနော်တို့ လက်ခံရမယ်။ တူညီတာတွေလည်း ကျနော်တို့ရှိတယ်။ တူညီတာတွေကို တွဲပြီးတော့ လုပ်ကြမယ်။ မတူညီတာတွေကျလို့ရှိရင် ခုနကလို တစ်ယောက်နဲ့ တစ်ယောက် အနိုင်အရှုံးတွေနဲ့ ပထုတ်ပစ်မယ့်အစား ဆွေးနွေးခြင်း၊ တိုင်ပင်ခြင်း၊ ညှိနှိုင်းခြင်းနဲ့ ဒီအတိုင်း ကျနော်တို့ လုပ်သွားကြရအောင်။ ဒါ ကျနော်တို့ရဲ့ အခြေခံ မူပါဘဲ။ နောက်တစ်ခုက ခုနကလို ဆွေးနွေးဖို့အတွက် ကျနော်တို့ကို တောင်းဆိုလာတယ်။ (၄) ယောက် တွေ့ကြ ပြုကြမယ်ဆိုပြီးတော့ တောင်းဆိုလာတယ်။ အဲဒီတော့ တိုင်းပြည်တပြည်လုံးရဲ့ အရေးကိစ္စဟာ ကျနော်တို့ (၄) ယောက်ထဲနဲ့ ဆွေးနွေးပြီးတော့ ကျနော်တို့ အဆုံးအဖြတ်ပေးမှာလား။ တိုင်းပြည်တပြည်လုံးရဲ့ကိစ္စကို ကျနော်တို့ (၄) ယောက်နဲ့ ဆွေးနွေးပြီးတော့ အဆုံးအဖြတ် ပေးတာ၊ ဆွေးနွေးတာဟာ ဒါ မှန်ကန်တဲ့ လမ်းကြောင်းတခု။ သို့သော်လည်း ဒီ (၄) ယောက်ထဲနဲ့ ဆွေးနွေးကြမယ်၊ ပြုမယ်၊ အဆုံးအဖြတ်ပေးကြမယ်ဆိုရင်တော့ ဒါကတော့ ကျနော်ကတော့ မပြည့်စုံဘူးလို့ ကျနော် ထင်တယ်။ မပြည့်စုံဘူး ထင်တဲ့အတွက်ကြောင့် ကဲ….. တာဝန်ရှိတဲ့လူတွေကို ကျနော်တို့ ချဲ့လိုက်ကြရအောင်။ ဒါ….

ပြီးခဲ့တဲ့အပတ်ကဆိုလို့ရှိရင် အစိုးရပိုင်းက ကျနော်လည်းတက်တယ်၊ ဒုသမ္မတ (၂) ယောက်လည်း တက်တယ်။ လွှတ်တော်ပိုင်းကဆိုရင်လည်း ပြည်သူ့လွှတ်တော်ဥက္ကဋ္ဌတက်တယ်၊ အမျိုးသားလွှတ်တော်ဥက္ကဋ္ဌတက်တယ်။ နောက်တခါ ပါတီတွေ။ ပါတီတွေဆိုရင် အခု ကျနော်တို့ ပြန်ကြည့်လိုက်လို့ရှိရင် ပါတီက - ပါတီ (၄၀) ကို ကိုယ်စားပြုထားတဲ့အဖွဲ့ (၅) ဖွဲ့ ပါတယ်။ ပါတီ (၄၀) ကို ကိုယ်စားပြုထားတဲ့အဖွဲ့ (၅) ဖွဲ့ ပါတယ်။ အဲဒီ ပါတီခေါင်းဆောင်တွေလည်း ကျနော်တို့ တက်တယ်။ တပ်မတော်ကဆိုလည်း ကာကွယ်ရေးဦးစီးချုပ်တက်တယ်၊ ဒုချုပ်လည်း တက်တယ်။ အဲဒီတော့ (၄) ယောက်နဲ့ စာလို့ရှိရင် ဒီလူတွေဟာ ခုနကလို များများနဲ့ပိုပြီးတော့ ဆွေးနွေးတာက တိုင်းပြည်အတွက် ပိုပြီးတော့များ မကောင်းဘူးလား၊ ခုနကလို။ ဟုတ်တယ်မဟုတ်လား။ (၄) ယောက်ထဲဆိုတော့ ကျနော်တို့ ကျဉ်းလည်း ကျဉ်းမြောင်းတယ်။ အများနဲ့ ကျနော်တို့ ဆွေးနွေးကြရအောင်။ ဆွေးနွေးဖို့ဆိုတာကတော့ မှန်တဲ့လက္ခဏာ။ သို့သော်လည်း အများနဲ့ဆွေးနွေးတာက တိုင်းပြည်အတွက်က ပိုပြီးတော့ အကျိုးရှိမယ်ဆိုပြီးတော့ ဒါ….. ကျနော့်ရဲ့ ခံယူချက်အရ ကျနော်တို့ ဒီလို ဟိုဒင်းလုပ်တာပါဘဲ။ ဆွေးလည်း ဆွေးနွေးပြီးပြီ။ ဒါဟာ ရုပ်ပြအနေနဲ့ ကျနော်တို့ ဆွေးနွေးတာ မဟုတ်ဘူး။ အဲဒီ အစည်းဝေးမှာလည်း ပြောလိုက်တယ်။ မကြာ မကြာ ကျနော်တို့ တွေ့ကြရအောင်။ မကြာ မကြာ ဆွေးနွေးရအောင်။ ဒါဟာ ကျနော့်ရဲ့ နိုင်ငံရေး စေတနာပါဘဲ။

မေး။ ။ အချိန်အပိုင်းအခြားအရ ဒါဆိုလို့ရှိရင် (၄) ပွင့်ဆိုင် မဖြစ်နိုင်ဘူးဆိုရင်၊ (၁၄) ပွင့်ဆိုင်ပေါ့နော်။

ဖြေ။ ။ မဖြစ်နိုင်ဘူးဆိုတာတော့ မဟုတ်ဘူး။ သို့သော်လည်း ကျနော်တို့ ခုနကလို၊ ပုဂ္ဂိုလ်ချင်းကတော့ တယောက်ထဲလည်း တွေ့နေကြတာ၊ တဦးချင်းတွေ တွေ့နေကြတာ ရှိတာဘဲ။ အဲဒီတော့ ( ၄) ယောက်ထဲ ဆွေးနွေးမယ့် အစား၊ အများနဲ့ ဆွေးနွေးတာက ပိုပြီးတော့ ကောင်းမလားဆိုပြီး ဒီ Concept နဲ့ ကျနော်တို့ သွားနေတာပါ။

မေး။ ။ ဒီ အများနဲ့ ဆွေးနွေးပွဲက ဘယ်တော့လောက်မှာ ဆက်ဖြစ်မလဲ။ ဘယ်တော့လောက် ထပ်လုပ်ဖို့ ရှိဦးမလဲခင်ဗျ။

ဖြေ။ ။ ကျနော်ထင်တယ်။ အချိန်တော့ ကျနော်တို့က သတ်မှတ်ထားတာတော့ မရှိဘူး။ ခန ခန ကျနော်တို့ တွေ့နိုင်လေ ကောင်းလေပါဘဲ။ ကျနော့်သဘောထားကတော့ ဒီအတိုင်းရှိတယ်။ ဒီလူတွေကလည်း ပုဂ္ဂိုလ်ချင်းအရ တစ်ဦးချင်း ကျနော်တို့ ရင်းနှီးနေတဲ့ ပုဂ္ဂိုလ်တွေပါဘဲ။ ပါတီဆိုလို့ရှိရင် ဒါ အားရစရာကောင်းတယ်။ ကျနော်တို့ ပါတီ (၄၀) ကို ကိုယ်စားပြုတဲ့အဖွဲ့တွေ တက်လာတယ်။ အဲဒီတော့ ဒေါ်အောင်ဆန်းစုကြည်ကလည်း (၄) ပွင့်ဆိုင် ဆွေးနွေးဖို့ဆိုတဲ့ဟာကို သူတောင်းဆိုတာကလည်း ပါတီဥက္ကဋ္ဌတစ်ယောက်အနေနဲ့ ခုနကလို သူတို့ လက်မှတ်ထိုးပြီးတော့ ဒီလို တောင်းဆိုတာပါ။ ပါတီဥက္ကဋ္ဌတစ်ယောက်အနေနဲ့ တောင်းဆိုတာဖြစ်တယ်။ သူတစ်ယောက်ထဲထက် ကျန်တဲ့ပါတီဥက္ကဋ္ဌတွေလည်း ပါတာက ပိုပြီးတော့ မကောင်းဘူးလား။ ကျနော်တို့ကတော့ ဒီ….. ဟိုဒင်းအတိုင်းကို ယူဆပြီးတော့ ဒါ တိုင်းပြည်အတွက်ပါဘဲ။ အများနဲ့ဝိုင်းပြီးတော့ ဆုံးဖြတ်တာက ပိုပြီးတော့ ကျနော်တို့က ဒါ….. ပိုပြီးတော့ ပြည့်စုံတယ်ပေါ့။ ပိုပြီးတော့ အချက်အလက်တွေ ပိုပြီးတော့ ပြည့်ပြည့်စုံစုံနဲ့ ကျနော်တို့ ရမယ်။ ဆိုတော့ - ဒီအမြင်နဲ့ ကျနော်တို့က ဒါကို လုပ်တာပါ။ အဲဒီတော့ နောက်ထပ်လည်း ကျနော်တို့ တွေ့မယ် ပြုမယ်။ တွေ့ဖို့ ပြုဖို့လည်း အခြေအနေ အချိန်အခါပေါ်မူတည်ပြီးတော့ ကျနော်တို့ တွေ့သွားမှာပါ။

မေး။ ။ အခု ပထမဦးဆုံး တွေ့ဆုံပွဲ အပြီးမှာပေါ့နော်၊ တကယ်လို့များ နောက်တခါ ဒီလိုပဲ (၁၄) ဦး ထပ်တွေ့ကြမယ် ဆိုလို့ရှိရင် အကြောင်းအရာကို သတ်သတ်မှတ်မှတ်နဲ့ ဘယ်လို ဦးစားပေးအကြောင်းအရာ ဆွေးနွေးကြဖို့ ရှိနိုင်မလဲခင်ဗျ။

ဖြေ။ ။ ကျနော်ထင်တယ်၊ အဲဒီမှာတော့ ကျနော်တို့ အချက် (၃) ချက်ကို ကျနော်က ဟိုဒင်း လုပ်ပေးထားပါတယ်။ ဒီအချက် (၃) ချက်နဲ့ ပတ်သက်ပြီးတော့ ခုနကလို တိုင်းရင်းသားစည်းလုံညီညွတ်ရေးကိစ္စတွေ၊ ငြိမ်းချမ်းရေး ရရှိရေးကိစ္စတွေ၊ တိုင်းပြည်ရဲ့ ခုနကလို ဒီ….. တည်ငြိမ်အေးချမ်းရေးကိစ္စတွေနဲ့ ဖွံ့ဖြိုးတိုးတက်ရေး ကိစ္စတွေ။ အဲဒီတော့ အဓိကကတော့ တိုင်းပြည်တစ်ပြည်မှာ ကျနော်တို့ တိုင်းပြည်အနေနဲ့ကတော့ ဒီကိစ္စတွေကတော့ အရေးအကြီးဆုံးပါဘဲ။ နောက်တခါ ကန့်သတ် ပိတ်ဆို့ထားတာ မရှိပါဘူး။ ပြောချင်တဲ့ဟာ ပြောလို့ရပါတယ်။ ခင်ဗျားတို့ ဆွေးနွေးချင်တဲ့ဟာကို ဆွေးနွေး။ သို့သော်လည်း အချိန်ကတော့ ကျနော်တို့ စဉ်းစားတယ်။ အချိန်ကျတော့ ဒီဆွေးနွေးတင်မဟုတ်ပါဘူး။ ကျနော်တို့ ဟို….. နိုင်ငံတကာ ဆွေးနွေးပွဲကြီးတွေမှာလည်း ဒီအတိုင်းပါဘဲ၊ အချိန်လေးကို ကန့်သတ်ပေးတယ်၊ အများကြီးဆိုတော့။ ဒါတောင်မှ ကျနော်တို့ တစ်ယောက်ကို ၂ မိနစ်၊ ၃ မိနစ်လောက် ဆွေးနွေးကြ၊ ပြုကြတာဆိုတော့ (၁၄) ယောက်ဆိုတော့ ခင်ဗျား မြောက်ကြည့်ပေါ့ဗျာ။ အချိန်အများကြီး ကျနော်တို့ ဟိုဒင်းဖြစ်ပါတယ်။ အဲဒီတော့ ကန့်သတ်ထားတာ၊ ချုပ်ခြယ်ထားတာ မရှိဘူး။ ဆွေးနွေးချင်တဲ့ဟာကို ခင်ဗျားတို့ ဆွေးနွေးလို့ရတယ်။ ကျနော်ကတော့ ဒီဟာတွေနဲ့ ပတ်သက်ပြီးတော့ ကျနော်ကတော့ ဆွေးနွေးမယ်။ ကျနော့်အပိုင်ကတော့ ကျနော်က ဒီလိုပြောတယ်။ ဒါတွေကလည်း တိုင်းပြည်တစ်ပြည်အတွက် အကုန် အကျုံးဝင်တဲ့ကိစ္စတွေပါဘဲ။ တော်တော်လည်း သူတို့ဆွေးနွေးကြတာပါ၊ ပွင့်ပွင့်လင်းလင်း။ တပ်မတော်အပိုင်းကလည်း တချို့ကိစ္စလေးတွေကို လျှော့ပေးဖို့၊ ပြုပေးဖို့ တပ်မတော်နဲ့လည်း ဒီလို မျက်နှာချင်းဆိုင်ပြီး ပြောကြ ပြုကြတာတွေ ရှိပါတယ်။ ဒါက အင်မတန်ကောင်းပါတယ်။ အများနဲ့ဆွေးနွေးကြတော့ ကျယ်ကျယ်ပြန့်ပြန့် ပိုဖြစ်လာတာပေါ့။

မေး။ ။ အထူးသဖြင့်တော့ ဒီ….. အစိုးရအဖွဲ့တစ်ခုအနေနဲ့ဆိုလို့ရှိရင်တော့ တိုင်းပြည် တည်ငြိမ်ရေးနဲ့ ဥပဒေစိုးမိုးရေးက ဦးစားပေးလုပ်ရမယ့်ကိစ္စဆိုတော့ ဒီအချက်အပေါ်မှာပဲ နိုင်ငံတကာက အထူးတလည် စိုးရိမ်ပြီးတော့ စောင့်ကြည့်ဝေဖန်တယ်၊ ပြောဆိုကြတဲ့ ကိစ္စတွေပေါ်မှာ ဘာတွေပါလဲဆိုတော့ ဒီ….. လူနဲစုအရေး၊ အဲဒါအပြင်ကို မကြာသေးခင်ကပဲ ကုလသမဂ္ဂအတွင်းရေးမှူးချုပ်ရော၊ သမ္မတ အိုဘားမားပါ ပြောသွားတဲ့ သူတို့အခေါ် ရိုဟင်ဂျာပေါ့နော်၊ ရိုဟင်ဂျာ၊ ဒီဘက်က ဘန်ဂါလီအရေးကိစ္စမှာ နိုင်ငံတော်အစိုးရရဲ့ ကိုင်တွယ်ပုံ၊ သူတို့ရဲ့ အခွင့်အရေးချိုးဖောက်ခံနေရတယ်ဆိုတဲ့ စိုးရိမ်ပူပန်မှုတွေရှိတယ်။ အလားတူဘဲ၊ မြန်မာပြည် ပြည်တွင်းမှာ ဒီ….. ဘာသာရေးဆိုင်ရာ လှုံ့ဆော်မှုတွေနဲ့ အတည်မငြိမ်ဖြစ်မှုတွေပေါ့နော်၊ အဲဒါမျိုးလေးတွေ ရှိနေတယ်ဆိုတော့ အစိုးရအဖွဲ့အနေနဲ့ရော ဒီကိစ္စတွေကို ထိထိရောက်ရောက် တားဆီးနိုင်ဖို့ ဘယ်လို လုပ်ဆောင်ထားတာတွေ ရှိနေလဲခင်ဗျ။

ဖြေ။ ။ ကျနော်တို့ အစိုးရပိုင်းကတော့ ခုနကလို ကျနော်တို့ရဲ့ Constitution မှာလည်း ပါပါတယ်။ ကျနော်တို့ ခုနကလို လူမျိုး ခွဲခြားတာ မရှိစေရဘူး။ ဘာသာခွဲခြားတာ ကျနော်တို့ မရှိစေရဘူး။ ကျနော်တို့ဆီမှာ ဘာသာကြီး (၄) မျိုး ကျနော်တို့ သတ်မှတ်ထားတာ ရှိပါတယ်။ သို့သော်လည်း ဒီဟာကို ခုနကလို ပဋိပက္ခအသွင်နဲ့ဆောင်အောင် ခုနကလို ပြည်တွင်းကရော၊ ပြည်ပကရော လှုံ့ဆော်နေတာတွေ ခင်ဗျားတို့လည်း အသိပါ။ ဒီဟာတွေ မဖြစ်နိုင်အောင် အစိုးရကတော့ တတ်နိုင်သလောက် နည်းမျိုးစုံနဲ့ ကျနော်တို့ ထိန်းနေတယ်။ တစ်ဖက်ကလည်း ကျနော်တို့ မိန့်ခွန်းတွေမှာ ထည့်ထည့်ပြီး ပြောနေတာတွေရှိတယ်။

တစ်ဖက်ကလည်း လုံခြုံရေးကိစ္စနဲ့ ပတ်သက်ပြီးတော့ ဒီလို ပဋိပက္ခတွေ မဖြစ်အောင်ဆိုပြီးတော့ ဖိဖိစီးစီးနဲ့ ကျနော်တို့ လုပ်နေတာတွေရှိတယ်။ တစ်ဖက်ကလည်း တရားဥပဒေစိုးမိုးရေးက ဒီ ဥပဒေ ဖောက်ဖျက်တဲ့လူတွေကို ထိထိရောက်ရောက်နဲ့ ကျနော်တို့ အရေးယူတာတွေ ဘာတွေ ကျနော်တို့ ဒါတွေ လုပ်နေပါတယ်။ ပြည်ပက ဒီကနေ့ သူတို့စိုးရိမ်နေသလို ဟိုဒင်း ရခိုင်ဖက်မှာလည်း ကျနော်တို့ဒါတွေ မရှိပါဘူး။ တချို့ကတော့ ညှဉ်းပန်းလို့၊ နှိပ်စက်လို့၊ လှေတွေနဲ့ ထွက်ပြေးကြတယ် ပြုကြတယ်ဆိုတာ ဒါကို သတင်းတွေက ချဲ့ကားပြီးတော့ ဒါကို ရေးကြ ပြုကြတာပါ။ ဘာဖြစ်လို့လည်းဆိုတော့ ဒီအထဲကနေ ထွက်ပြေးဖို့အတွက်နေနေသာသာ ခုနကလို ဒီအထဲမှာ နေချင်ကြတဲ့သူတွေက များပါတယ်။ ဘာဖြစ်လို့လည်းဆိုတော့ ကျယ်ကျယ်ဝန်းဝန်းရှိတယ်၊ လုပ်ကိုင် စားသောက်လို့ရတယ်။ စားဖို့သောက်ဖို့အတွက် လယ်ယာတွေရှိတယ်၊ နေထိုင်ဖို့အတွက် မပူရဘူး။ ဆိုတော့ ဒီကနေပြီးတော့ ထွက်ပြီး ပြေးကြ၊ ပြုကြတယ်၊ ညှဉ်းပန်းနှိပ်စက်လို့ ဘာညာဆိုတာ ဒါတွေက တချို့ ဟိုဒင်းဖြစ်တဲ့သူတွေနဲ့ သဘောထားအမြင်တမျိုးနဲ့ ကျနော်တို့ ဒီလိုတွေ ထင်ယောင် ထင်မှားဖြစ်အောင် ရေးကြ ပြုကြတာပါ။ ဒီကနေ့အထိ ရခိုင်ပြည်နယ်မှာ ဘာမှ ကျနော်တို့ ဆိုးဆိုးရွားရွား မရှိပါဘူး။ သူ့ဟာနဲ့သူ အေးအေးချမ်းချမ်းနဲ့ပဲ။

ပြည်ပကအဖွဲ့တွေဆိုလိုရှိရင်လည်း ကူညီသင့်တာတွေကို ၀ိုင်းပြီးတော့ ကူညီနေပါတယ်။ ကူညီတဲ့နေရာမှာတော့ ကျနော်တို့ပြောတယ်။ ကျနော်တို့ တိုင်းရင်းသားတွေ၊ ဒီမှာရှိနေတဲ့ ရခိုင်တိုင်းရင်းသားတွေရဲ့ သူတို့ရဲ့ အမြင်တွေ ကျနော်တို့ တမျိုးမမြင်အောင် မျှမျှတတလေးနဲ့ လုပ်ပေးပါ။ ဟိုဘက်မှာ ဒါတွေကူညီတယ်ဆိုရင်လည်း ဒီဘက်မှာ ဒါတွေ ကူညီပေး။ ဆိုတော့ လက်မခံတွေ ဘာတွေလည်း မရှိပါဘူး ဒီကနေ့တော့။ အဲဒီ ကျနော်တို့ တာဝန်ရှိတဲ့သူတွေကလည်း ကျနော်တို့ အောက်ခြေအထိ ဆင်းဆင်းပြီးတော့ အမြဲတမ်း ကျနော်တို့ ထိတွေ့ပြီးတော့ ဟိုဒင်း လုပ်နေပါတယ်။ အဲဒီကတော့ ဒီ….. ရခိုင်အဖွဲ့အစည်းတွေနဲ့လည်း ကျနော်တို့ တွေ့နေတယ်။ ဗုဒ္ဓဘာသာ ရခိုင်တိုင်းရင်းသားတွေနဲ့ ကျနော်တို့ တွေ့နေတယ်။ တစ်ဖက်ကလည်း ကျနော်တို့ ဒီ….. ဟုတ်လား မူဆလင်ဘာသာဝင်တွေဖြစ်တဲ့ ဒီ ဘင်္ဂါလီတွေနဲ့ ကျနော်တို့ တွေ့နေတယ်။ တစ်ဖက်ကလည်း ခုနကလို UN Agency အဖွဲ့တွေနဲ့၊ MS အဖွဲ့တို့ ဘာတို့ဆိုတာလည်း အခု ကျနော်တို့ ဒါ လုပ်နေတယ်။ ဟိုတုန်းကတော့ ဒါ အထင်အမြင် လွဲမှားမှုတွေနဲ့ ဒီလိုတွေ ဖြစ်ကြ ပြုကြတယ်။ အဲဒါ အကုန်လုံးက ပူးပေါင်းပြီးတော့ ဆောင်ရွက်နေတဲ့ အနေအထားရှိတာပေါ့။

ရခိုင်ပြည်နယ်ကလည်း ကျနော်တို့ သိသလောက်ကတော့ အခုကတော့ အေးအေးချမ်းချမ်းပါဘဲ။ ပြည်တွင်းမှာလဲ ဘာသာရေးအရ လှုံ့ဆော်တာတွေ ဘာတွေရှိတယ်။ ဒီလှုံ့ဆော်တဲ့ဟာတွေကတော့ ပဋိပက္ခအသွင်ဆောင်အောင် လှုံ့ဆော်နေတာတွေက မကောင်းဘူးပေါ့ဗျာ။ ဒါတွေကတော့ ကျနော်တို့ မလုပ်သင့်တဲ့ကိစ္စတွေ။ ဒါတွေကို မလုပ်ဖို့အတွက်လည်း ကျနော်တို့က ဟုတ်လား…… ဒီ သတင်းတွေ ဘာတွေထဲမှာ ကျနော်တို့ ထည့်ပြီးတော့ ပြောတယ် ပြုတယ်။ တကယ် ကျနော်တို့ ဟိုဒင်းဖြစ်လာလို့ရှိရင်လည်း အန္တရာယ်ဖြစ်လောက်အောင် လုပ်လာတယ်ဆိုလို့ရှိရင်လည်း ဥပဒေအရ ကျနော်တို့က ဒါ လုပ်ရမှာပါ။ တရားဥပဒေ စိုးမိုးရေးက၊ တရားဥပဒေနဲ့အညီ လုပ်ကြ ပြုကြရမှာပဲ။

မေး။ ။ အဲ့ဒီတော့ အထူးသဖြင့် ဒီရခိုင်ပြည်ကိစ္စ နောက်ပြီးတော့ ပဋိမက္ခဖြစ်နေတဲ့နေရာတွေကိစ္စတွေမှာ ဆိုရင် ဒီလိုအထင်လွဲ အမြင်လွဲဖြစ်နေတဲ့ကိစ္စတွေ၊ သတင်းမှားကိစ္စတွေကို ကျွန်တော်တို့ သတင်းသမားတွေ အနေနဲ့လည်း ၀င်ပြီးတော့ ကြိုးစားပြီးတော့ တတ်နိုင်သမျှ အမှန်တရားကို ကျွန်တော်တို့ လုပ်ပေးချင်ပါတယ်၊ အဲ့ဒီတော့ သမ္မတကြီးတို့ဘက် ကလည်း သတင်းလွပ်လပ်ခွင့်ပိုင်းကို ဦးစားပေးပြီးတော့ ဆောင်ရွက်စေချင်ပါတယ်။ ဒါကတော့ မေးခွန်းလေးမေးရင်းနဲ့ ပန်ကြားတယ်ဆိုတဲ့ သဘောပါ။

ဖြေ။ ။ ကျွန်တော်တို့က ဟို….. အကျိုးတရားကို ရှေ့ရှုပြီးးတော့ပေါ့နော်၊ ပြည်သူတွေကို ခုနကလို မှန်မှန်ကန်ကန်နဲ့ ကျွန်တော်တို့ အသိပေးချင်တယ်။ ပြည်သူတွေကို ခုနကလို မှန်မှန်ကန်ကန်နဲ့ ပညာပေးချင်တယ်။ ပြည်သူတွေရဲ့ ခုနကလို မှန်ကန်တဲ့ ဦးတည်ချက်တွေ ဖြစ်လာစေချင်တယ်။ ပြည်သူတွေရဲ့ အတွေးအခေါ်တွေ ဟုတ်လား မှန်ကန်တဲ့ ကျွန်တော်တို့ အတွေးအခေါ်တွေ ဖြစ်လာတယ်ဆိုတာကို ကျွန်တော်တို့က ၀မ်းသာအားရနဲ့ လက်ခံရမှာပါ။ ဘယ်သူဘဲ မဟုတ်ပါဘူး။ ခင်ဗျားတို့ အဖွဲ့တင်မဟုတ်ပါဘူး။ ကျန်တဲ့ ဘယ်အဖွဲကို မဆို ခုနကလို ပြည်သူတွေကို အမှန်အကန်အတိုင်း ကျွန်တော်တို့ သိစေချင်တယ်။ အမှန်အကန်အတိုင်းမြင်စေချင်တယ်။ မှန်ကန်တဲ့လမ်းကြောင်း ကို ခုနက လို ကျွန်တော်တို့ ပို့စေချင်တယ်။ ဒါ ကျွန်တော်တို့ရဲ့ ဆန္ဒပါဘဲ။ ဒါ….. ခင်ဗျားတို့ မီဒီယာတွေက ကျနော်တို့ ဒီလိုလုပ်ပေးတယ်ဆိုတာတွေဟာ ကျွန်တော်တို့အတွက် ဒါ ကူညီပေးတယ်လို့တောင် ကျွန်တော်တို့က ပြောလို့ရမှာပါ။

မေး။ ။ အခုဆိုလို့ရှိရင် သမ္မတကြီးက ကျွန်တော်တို့ကို တွေ့ဆုံပြီးတော့ ခွန်စိုက်အားစိုက်နဲ့ ဖြေကြားပေးတယ်။ လုပ်ငန်း ကိုင်ငန်းတွေလည်း သွားသွားလာလာနဲ့ ကျန်းကျန်းမာမာနဲ့ လုပ်ဆောင်ပေးနေတာ မြင်ရတော့ ၀မ်းသာပါတယ်။ အလားတူဘဲ အစောက ပြောခဲ့သလို ဒီ ၂၀၁၅ ရွေးကောက်ပွဲအောင် အောင်မြင်မြင်ပြီးသွားပြီဆိုရင်တော့ ဒါ….. သမ္မတကြီးရဲ့ ပထမသက်တမ်းက ကုန်ဆုံးပြီပေါ့နော်။ ကုန်ဆုံးပြီဆိုလို့ရှိရင် သမ္မတကြီးအနေနဲ့ ဒုတိယ သက်တမ်းမှာရော ထပ်ပြီင်္းတော့ တာဝန်ထမ်းချင်တဲ့ ဆန္ဒရှိပါသလားခင်ဗျ။ တကယ်လို့များ တာဝန်ထမ်းဆောင်ခဲ့မယ်ဆိုရင် အခု လုပ်ခဲ့တဲ့ အခြေအနေတွေထက် ပိုပြီးတိုးတက်လာအောင် ဘယ်နေရာတွေမှာ ဘာတွေများ လုပ်ဆောင်ဖို့ စိတ်ကူးရှိသလဲ၊ ဘာတွေများလုပ်နိုင်မလဲဆိုတာ သိပါရစေ။

ဖြေ။ ။ အခု ကျွန်တော် ကတော့ ကျွန်တော်တင်မဟုတ်ပါဘူး၊ ဘယ်သူဘဲ ခုနကလို တိုင်းပြည်ခေါင်းဆောင်အနေနဲ့ တက်လာတက်လာ တိုင်းပြည် အကျိုးရှိမယ့် အလုပ်တွေကိုတော့ ဆက်ပြီးတော့ ကျွန်တော်တို့ တွန်းပြီးတော့ ကျွန်တော်တို့က သွားစေချင်တယ်။ ဘာဘဲဖြစ်ဖြစ် ကျွန်တော်တို့ ဒီကနေ့လုပ်နေတာဟာ ဟုတ်လား ဒီပန်းတိုင်ကနေစထွက်ပြီးတော့ ခရီးလမ်းတခုကိုတော့ ကျနော်တို့ ရောက်နေတာတော့ သေချာပြီ။ ဘယ်နေရာအထိ ရောက်နေတယ်ဆိုတာ အတိအကျ ကျွန်တော်တို့ မပြောနိုင်ပေမယ့် တနေရာကိုတော့ ကျနော်တို့ ရောက်နေပြီ။ ပန်းတိုင်မှာတော့ မဟုတ်တော့ဘူး။ စပြီးတာထွက်တဲ့ နေရာတော့ မဟုတ်တော့ဘူး။ တနေရာရာကိုတော့ ကျွန်တော်တို့ ရောက်နေပြီ။ ဒီရောက်နေတဲ့ဟာကို တိုင်းပြည်အတွက် ကောင်းအောင် နောက်တက်လာတဲ့သူက ရှေ့ကို ဆက်ပြီးတော့ တွန်းသွားပေးဖို့ လိုပါတယ်။ အရင်လုပ်ထားတဲ့ အလုပ်တွေ အကုန်ဖျက်၊ တစ်ကပြန်စဆိုရင် ဘာဘဲဖြစ်ဖြစ်တိုင်းပြည် နစ်နာမှာ။ ဒါတခုဘဲ ကျွန်တော်တို့က စိုးရိမ်ပါတယ်။ ဘယ်သူဘဲဖြစ်ဖြစ် ကျွန်တော်တို့ တက်လာတက်လာ။ ဘယ်သူဘဲဖြစ်ဖြစ် တိုင်းပြည် အကျိုးရှိတဲ့ အလုပ် လုပ်တယ်ဆိုရင် ကျွန်တော်တို့က ဒါ ကျွန်တော်တို့က သဘောကျတာပေါ့ဗျာ။ ခုနကလို။ နော်။

မေး။ ။ ကျွန်တော်က မေးထားတာက သမ္မတကြီးကိုယ်တိုင်သာ ဒုတိယ သက်တမ်းမှာဆက်လုပ်ခဲ့ရမယ်ဆိုရင် ဆက်လုပ်ဖို့ရော ဆန္ဒရှိသလား၊ လုပ်ခဲ့မယ်ဆိုရင် ဘာတွေများ ထပ်ပြီးတော့ အထူးတလည် အာရုံထားဆောင်ရွက်ရမယ့် ကိစ္စလေးပေါ့။

ဖြေ။ ။ အဲဒီတော့ ကျနော် ဆက်ပြီးတော့ လုပ်ဖို့ မလုပ်ဖို့ ဆိုတာ၊ ဒီကိစ္စလည်း ကျွန်တော် အမြဲတမ်းဘဲ ပြောပါတယ်။ ကျွန်တော်ကတော့ ခုနကလို ကျွန်တော့်ရဲ့ အသက်အရွယ်၊ ကျွန်တော့်ရဲ၊ ဟိုဒင်းအရ ဖြစ်နိုင်လို့ရှိရင်တော့ ကျွန်တော် အေးအေးချမ်းချမ်းနဲ့ နားချင် ပြုချင်တယ်ပေါ့။ သို့သော်လည်း ခုနကလို တိုင်းပြည်က ဘယ်လိုတွေဖြစ်လာမလဲ။ ဒါတွေလည်း ကျွန်တော်ကြည့်ရမယ်။ ဒီကနေ့ တာဝန်ရှိတဲ့ လူတယောက်အနေနဲ့ပေါ့။

တိုင်းပြည်ရဲ့အခြေအနေ၊ ပြည်သူတွေရဲ့ဆန္ဒ။ နော် ဒါတွေကိုကျွန်တော်တို့ ကြည့်ရပါမယ်။ အဲ့တော့ ဆက်ပြီးတော့ လုပ်မယ်မလုပ်ဘူးဆိုတာကတော့ ကျွန်တော့မှာ ဆုံးဖြတ်ချက်တော့ ဟို မရှိပါဘူး။ သို့သော်လည်း ကျွန်တော်ဘဲလုပ်လုပ် ဘယ်သူဘဲ လုပ်လုပ် ခုနက ကျွန်တော်ပြောသလိုပါဘဲ၊ တိုင်းပြည်ရဲ့ အကျိုးရှိတဲ့ဟာတွေ။ တိုင်းပြည်ရဲ့ အကျိုးရှိတဲ့ဟာတွေက ဘာတွေလည်းဆိုတော့ တစ်အချက်က တိုင်းပြည်ကို တည်တည်ငြိမ်ငြိမ် အေးအေးချမ်းချမ်းနဲ့ ရှိအောင် ကျွန်တော်တို့ လုပ်ချင်တယ်ပေါ့နော်။ တည်တည်ငြိမ်ငြိမ် အေးအေးချမ်းချမ်းနဲ လုပ်စေချင်တယ်။

နောက်တခုက တိုင်းပြည်ရဲ့ လူမှု အကျိူးစီးပွါးတွေ တိုးတက်လာအောင် ကျွန်တော်တို့ လုပ်စေချင်တယ်။ လူမှုစီးပွါးဘ၀ ဆိုတဲ့ နေရာမှာ တိုင်းပြည် ခုနကလို ကြွယ်ဝ ချမ်းသာဖို့အတွက် ပထမဦးစားပေးက ဆင်းရဲ နွမ်းပါးတဲ့သူတွေ၊ မတောင့်မတ မကြောင့်မကြဘဲနဲ့ ခုနကလို စားနိုင်သောက်နိုင်အောင်၊ ထိုက်သင့်တဲ့ ပုံမှန်ဝင်ငွေတွေလေးရအောင်၊ သူတို့ သားသမီးလေးတွေ ခုနကလို ကျောင်းတက်နိုင်အောင်၊ နောက်တခါ နေထိုင်မကောင်းဖြစ်တဲ့အခါမှာ ဆေးဝါးကုသနိုင်အောင်၊ ဒါ အခြေခံ ကျွန်တော်တို့ လိုအပ်ချက်ပါဘဲ။ တဖက်က အခြေခံလိုအပ်ချက်ကို ကျွန်တော်တို့ ဦးစားပေးပြီးတော့ လုပ်စေချင်တယ်။ ဒုတိယကတော့ ခုနကလို တိုင်းပြည် စီးပွါးရေးဖွံ့ဖြိုးတိုးတက်ဖို့အတွက် ကျွန်တော်တို့မှာ အခြေခံကောင်းတွေ ရှိတယ်။ ဒီအခြေခံကောင်းတွေကို ခုနကလို ကျွန်တော်တို့ အကျိုးရှိရှိနဲ့ အသုံးချပြီးတော့မှ ကျွန်တော်တို့ရဲ့ ခုနကလို တိုင်းသူပြည်သားတွေအတွက်၊ ကြွယ်ဝချမ်းသာဖို့အတွက်၊ ဒါတွေကို ကျနော်တို့ ဘယ်သူဘဲ တက်လာတက်လာ ဆက်ပြီးတော့ လုပ်သွားစေချင်ပါတယ်။

ဦးသန်းလွင်ထွန်း။ ။ ဟုတ်ကဲ့ ကျေးဇူးတင်ပါတယ် သမ္မတကြီးခင်ဗျ။

ဦးသိန်းစိန်။ ။ အိုကေ။ ကျေးဇူးတင်ပါတယ်ခင်ဗျာ ခင်ဗျားတို့ကိုလည်း။
VOA

ကော့တောင်(လိပ်ကျွန်း) လူသတ်မှုဖြင့် စွတ်စွဲဖမ်းဆီးခံထားရသော ကိုဝင်းဇော်ထွန်းနှင့် ကိုဇော်လင်းတို့၂ဦးအတွက် ဘတ်ငွေဆယ်သိန်းဖြင့် အာမခံမည်ဆိုပါက ရရှိနိုင်ကြောင်း ကော့စမီတရားရုံး တရားသူကြီး ကပြောဆိုကြောင်း မြန်မာသံရုံးအထူးအဖွဲ့ကပြောသည်။

“ အစိုးရရှေ့နေက နောက်ထပ်ပဉ္စမ ရီမန်တစ်ပတ်ယူတယ်။ အစိုးရရှေ့နေရုံးက မှန်ကန်တဲ့အချက်အလက် တွေရရှိအောင် ထပ်မံ စစ်ဆေးပါဆိုလို့ ထပ်ပေး တာလို့သိရပါတယ်။ ကလေး၂ယောက်ကိုထပ်မံစစ်ဆေးဖို့ လိုသလားလို့ ကျနော် တို့မေးတဲ့အခါ မလိုတော့ဘူးသိတာကြောင့် ကျနော်တို့က အာမခံလျှောက် ပါတယ်။ တစ်ယောက်ကို ဘတ် ငါးသိန်းစီနဲ့ ဘတ်ဆယ်သိန်း တင်ရမယ်။ ဒါမှမဟုတ်ဘတ် ဆယ်သိန်းနဲ့ ညီမျှတဲ့ ပစ္စည်း တစ်ခုခု အာမ ခံရမယ်လို့ပြော ပါတယ်။
ကလေးတွေရဲ့ ကျမ္မာရေးအခြေအနေတွေ လည်း ကောင်း မွန်ပါတယ်” ဟုအထူးစုံစမ်းရေးကော် မတီ၏ ခေါင်းဆောင်တစ်ဦးဖြစ်သူ မြန်မာရှေ့ နေဦးအောင်မျိုးသန့် က ပြောသည်။

ထိုင်းနိုင်ငံဥပဒေအရ ဖမ်းဆီးခံရသူများအား ၁၂ ရက် ၁ကြိမ် ရမန်ယူကာ စုစုပေါင်းရီမန် ၇ ကြိမ်ရယူ နိုင်မည် ဖြစ်သည်။ သံသယရှိသူများအားစုစုပေါင်း၈၄ရက်ဖမ်းဆီးထိန်းသိမ်းထားနိုင်သည်။ မြန်မာလူငယ် ၂ဦးအား ယခင်က ၄၈ ရက် ချုပ်နှောင်ထားခဲ့ပြီး ယခုနောက်ထပ် ရီမန်တစ်ပတ် ၁၂ ရက်ထပ်မံရရှိ သွားခြင်း
ဖြစ်သည်။

အထူးစုံစမ်းရေးကော်မတီဝင် တစ်ဦးဖြစ်သူ ဦးကျော်သောင်း က “ ကျနော်တို့အချက်အလက်တွေ သက်သေတွေ စုဆောင်ရရှိထားတာတွေ အတော်ရှိနေပါပြီ၊
အမှုနဲ့ ပတ်သက်ပြီး အရေးကြီးတဲ့ အချက် အလက်တစ်ချို့ ရရှိအောင် ကြိုးစားနေ ပါတယ်။ ရယူရမယ့်အပိုင်းတွေက နဲနဲခက်ခဲတာမို့ လူကြီးတွေကို တင်ပြထား ဆဲမို့ ခေတ္တ စောင့်နေကြရတာပါ။ တစ်ဖွဲ့လုံး တက်ညီလက်ညီနဲ့ အင်တိုက်အားတိုက် ကြိုးစား လုပ်ကိုင်နေကြသလို ကိုဝင်းဇော်ထွန်း နဲ့ ကိုဇော်လင်းတို့ကလည်း ဒုတိယ အကြိမ်တွေ့ပြီးကတည်းက သူတို့ မသတ်ပါဘူး ဆိုတာကို ရဲရဲဝံ့ဝံ့ပြောဆိုလာပြီဖြစ် ပါတယ်။ သူတို့ အာမခံနဲ့ အပြင်ကို ရောက်ရှိလာတဲ့ အခါ ပိုမိုပြည့်စုံတဲ့ သက်သေ ခံတွေ ရရျှိမယ်လို့ကျနော်တို့နဲ့ထိုင်းရှေ့ နေများကောင်စီက မျှော်လင့်ထားပါ တယ်” ဟုပြောသည်။

အထူးစုံစမ်းရေးကော်မတီအနေဖြင့် ဘတ်ငွေ ဆယ်သိန်း အာမခံကိစ္စရပ်နှင့် အပြင်တွင်နေထိုင်ကြ ရမည့် စွတ်စွဲခံ အလုပ်သမား၂ဦးအတွက် လုံခြုံရေး တို့အား အထူးစဉ်းစားလုပ်ဆောင်ကြမည်ဖြစ်ကြောင်း ၊ သာမန်လူသတ်မှု မျိုးမဟုတ်ပဲ တကမ္ဘာလုံးကစိတ်ဝင်တစား စောင့်ကြည့်နေကြ သည့် အမှုကြီးဖြစ်သဖြင့် အထူးတာဝန်ကြီးလေးသည့်ကိစ္စဖြစ်ကြောင်း ၎င်းက ဆက်လက်ပြောဆိုသည်။

သတင်း- မြတ်ညို (အလွတ်သတင်းထောက်)
ဓါတ်ပုံ- Andy Hall.

ငြိမ်းချမ်းရေးလုပ်ငန်းစဉ်တွေ အောင်မြင်ဖို့အတွက် ကေအိုင်အိုဗဟိုဌာနချုပ်နဲ့ နီးကပ်တဲ့ ခရာဘွမ်တောင်ကြောတလျှောက်မှာရှိတဲ့ အစိုးရတပ်တွေနဲ့ လက်နက်ကြီးတွေကို ဖယ်ရှားပေးဖို့ ကချင်လွတ်မြောက်ရေးအဖွဲ့ ကေအိုင်အို ဗဟိုကော်မတီက ဒီနေ့ ကြေညာချက်ထုတ်ပြီး တောင်းဆိုလိုက်ပါတယ်။

မနေ့က တပ်မတော်ဘက်က ပစ်ခတ်တာကြောင့် ကေအိုင်အေ ဗိုလ်လောင်းသင်တန်းကွင်းထဲကျပြီး သင်တန်းသား ၂၃ ဦးသေဆုံးပြီး ၂၀ လောက်ဒဏ်ရာရခဲ့တယ်လို့ ကေအိုင်အိုရဲ့ ကြေညာချက်မှာ ပါရှိပါတယ်။

အခုလို ဆက်လက်ဖြစ်နေမယ်ဆိုရင် အစိုးရနဲ့ တိုင်းရင်းသား လက်နက်ကိုင်အဖွဲ့တွေ ဆွေးနွေးနေတဲ့ ငြိမ်းချမ်းရေးလုပ်ငန်းစဉ်တွေ ပျက်စီးသွားနိုင်ကြောင်း ဒီနေ့ ထုတ်ပြန်တဲ့ ကြေညာချက်နဲ့ ပတ်သက်ပြီး ကေအိုင်အို ပြန်ကြားရေးတာဝန်ခံ ဦးလာနန်းက ပြောပါတယ်။

"အစိုးရရဲ့ ပြောဆိုမှု၊ လုပ်ဆောင်မှု ဒါကအများကြီး မူတည်ပါလိမ့်မယ်၊ အဓိကကတော့ အခုတစ်နိုင်ငံလုံး အတိုင်းအတာအနေနဲ့ တိုင်းရင်းသားအဖွဲ့ရဲ့ကိုယ်စား NCCT နဲ့ ၊ ပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်းကော်မတီတို့ တွေ့ဆုံမှုလမ်းကြောင်းကို မပြတ်စေချင်ဘူး၊ အဲဒီ့အတိုင်းဆက်ပြီးတော့ ရှေ့ကိုတိုးသွားစေချင်တယ်၊ အဲဒီ့ရှေ့ကိုသွားနိုင်ဖို့အတွက် ဘယ်လောက်အထိ အဟန့်အတားရှိလာနိုင်မလဲဆိုတာ အစိုးရရဲ့လုပ်ရပ်ပေါ် အများကြီးမူတည်ပါလိမ့်မယ်၊ ဒီလိုဟာမျိုး ဆက်ဖြစ်လာမယ်ဆိုရင်တော့ ငြိမ်းချမ်းရေးလုပ်ငန်းစဉ်အတွက်တော့ အနှောင့်အယှက်အဟန့်အတားတွေ ဖြစ်လာမှာပဲ"

အစိုးရရဲ့ပစ်ခတ်မှုအပေါ် ကေအိုင်အိုက ပဋိပက္ခညှိနှိုင်းဖြန်ဖြေရေးအဖွဲ့၊ ပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်းကော်မတီတို့ကို ကေအိုင်အိုဘက်က စာပေးပို့ထားပြီး ဒီနေ့ ကြေညာချက်ထုတ်လိုက်တာလို့ ဆိုပါတယ်။


RFA Burmese
https://www.facebook.com/pages/RFA-Burmese/39218993127

NLD အမျိုးသားဒီမိုကရေစီအဖွဲ့ချုပ် ဗဟိုပြန်ကြားရေးအဖွဲ့ဝင် ဦးထင်လင်းဦးကို စစ်ကိုင်းတိုင်းဒေသကြီး၊ ချောင်းဦးမြို့နယ် သာသနာရေးဦးစီးဌာနက သာသနာညှိုးနွမ်းစေမှုနဲ့ ချောင်းဦးမြို့နယ်တရားရုံးမှာ ဒီနေ့ တရားစွဲလိုက်ပါတယ်။

မြို့နယ်သံဃမဟာနာယကအဖွဲ့ရဲ့ တာဝန်ပေးချက်အရ စာရေးဆရာ ထင်လင်းဦးကို ပုဒ်မ ၂၉၅(က) သာသနာညှိုးနွမ်းစေမှုနဲ့ တရားစွဲတာဖြစ်တယ်လို့ ချောင်းဦးမြို့နယ် လူဝင်မှုကြီးကြပ်ရေးဦးစီးမှူး ဦးထွန်းခိုင်က ပြောပါတယ်။

"မြို့နယ်သံဃနာယကအဖွဲ့ရယ်၊ မြို့နယ်စီမံခန့်ခွဲမှုကော်မတီအဖွဲ့က ကျနော့်ကို တာဝန်ပေးချက်အရ ကျနော်စွဲတာပေါ့၊ ဒီမှာကျတော့ သာသနာရေးမှူးက မရှိဘူးဆိုတော့ ကျနော်တို့ လဝကကပဲ သာသနာရေးမှူးအဖြစ် ကိုင်ရတာပေါ့နော်၊ အဲ့ဒါကြောင့် ကျနော်တို့ စွဲရတာဖြစ်ပါတယ်၊ ချောင်းဦးမြို့နယ် တရားရုံးမှာ ပြစ်မှုဆိုင်ရာ ဥပဒေပုဒ်မ ၂၉၅(က) အရ အရေးယူရန် တိုင်ကြားတာပေါ့နော်"

ပြီးခဲ့တဲ့ အောက်တိုဘာလ ၂၃ ရက်နေ့က စစ်ကိုင်းတိုင်းဒေသကြီး ချောင်းဦးမြို့နယ် သုံးပန်လှစံပြကျေးရွာမှာ NLD ပါတီက ကြီးမှူးကျင်းပခဲ့တဲ့ စာပေဟောပြောပွဲမှာ စာရေးဆရာ ထင်လင်းဦးက ဘာသာ၊ သာသနာ၊ လူမျိုးရေးနဲ့ အယူဝါဒပိုင်းဆိုင်ရာကိစ္စရပ်တွေကို ထည့်သွင်းဟောပြောခဲ့တာဖြစ်ပါတယ်။

အဲဒီဟောပြောချက်တွေနဲ့ ပတ်သက်ပြီး ဘာသာ၊ သာသနာ ညှိုးနွမ်းအောင်ပြောဆိုတယ်ဆိုပြီး အခုလိုတရားစွဲတာဖြစ်ပါတယ်။

အမျိုးဘာသာသာသနာ စောင့်ရှောက်ရေးအဖွဲ့ မဘသညွှန်ကြားချက်နဲ့ မြန်မာနိုင်ငံလုံးဆိုင်ရာ ၀ံသာနုရက္ခိတအသင်းကလည်း စာရေးဆရာထင်လင်းဦးကို တရားစွဲဆိုသွားမယ်လို့ သိရပါတယ်။

စာရေးဆရာထင်လင်းဦးဟာ အမျိုးသားဒီမိုကရေစီအဖွဲ့ချုပ် ဗဟိုပြန်ကြားရေးအဖွဲ့ဝင်တစ်ဦးဖြစ်ပေမယ့် သူ့ရဲ့ဟောပြောချက်တွေဟာ ပါတီသဘောထားမဟုတ်ကြောင်း အန်အယ်လ်ဒီဗဟိုဌာနချုပ်က ပြီးခဲ့တဲ့နိုဝင်ဘာလ ၁၈ ရက်နေ့က ကြေညာချက်ထုတ်ခဲ့ပါတယ်။


RFA Burmese
https://www.facebook.com/pages/RFA-Burmese/39218993127

   
ဓာတ်ပုံ – Andy Hall
ထိုင်းနိုင်ငံ တောင်ပိုင်း လိပ်ကျွန်းမှာ ဗြိတိန် ၂ ဦးကို သတ်ဖြတ်မှု သံသယနဲ့ စွပ်စွဲ ဖမ်းဆီးထားတဲ့ မြန်မာလူငယ်  ၂ ဦးကို အာမခံ လျှောက်ခွင့် ပေးလိုက်တယ်လို့ ရှေ့နေ ဦးအောင်မျိုးသန့်က ပြောပါတယ်။

အလုပ်သမား ၂ ဦးရဲ့ အာမခံအတွက် ၁ ဦးကို ဘတ်ငွေ ၅ သိန်း ပေးဆောင်ရမှာ ဖြစ်သလို မြန်မာသံရုံးနဲ့ တိုင်ပင်ပြီး လာမယ့် နိုဝင်ဘာ ၂၄ ရက်နေ့လောက် အာမခံ အမြန်ဆုံးတင်သွင်းနိုင်ဖို့ ဆောင်ရွက်သွား မယ်လို့ သူက ပြောပါတယ်။

ဒီကနေ့ မွန်းလွဲ ၁ နာရီခွဲလောက်က  ကော့စမွီ တရားရုံးမှာ အစိုးရ ရှေ့နေဘက်က ရမန် တပတ် ထပ်မံတောင်းဆိုခဲ့တာပြီး မြန်မာလူငယ်တွေရဲ့ ရှေ့နေတွေကတော့  ချုပ်နှောင်ထားတာ ၄၈ ရက်ရှိပြီဖြစ်တဲ့အတွက် ထပ်မံမချုပ်နှောင်ထားသင့်ကြောင်း ကန့်ကွက်ခဲ့တယ်လို့ ဦးအောင်မျိုးသန့်က ပြောပါတယ်။

“နှစ်ဖက် သုံးသပ်ချက်ကို တရားသူကြီးက ချပြီးတော့ မပြည့်စုံသေးတဲ့ စစ်ဆေးချက်တွေ ရှိနေလို့ ဆိုပြီးတော့ ရမန် တပတ်ထပ်ပေးလိုက်ပါတယ်။ ဒါပေမယ့် ဒီကြားထဲမှာတော့ အာမခံ လာလျှောက်ရင် လျှောက်လို့ရတယ်ဆိုတဲ့ ပုံစံမျိုးတော့ ပြောလိုက်ပါတယ်။”

ဖမ်းဆီးခံထားရတဲ့ မြန်မာလူငယ် ၂ ဦးကတော့ ဒီကနေ့ မနက်က တရာရုံးကို အချုပ်ကားနဲ့ ရောက်လာခဲ့ပြီး ကလေး ၂ ဦးရဲ့ ကျန်းမာရေး အခြေအနေ ကောင်းမွန်တယ်လို့ ရှေ့နေက ပြောပါတယ်။

ကလေးတွေက သူငယ်ချင်းတွေဆီပေးတဲ့ စာမှာ အမှုကလွတ်အောင် ၀ိုင်းဝန်းကူညီ ဆောင်ရွက်ပေးဖို့နဲ့ ဒီအမှုမှာ အပြစ်တစုံတရာ မကျူးလွန်ခဲ့ဘူးလို့ ရေးသားထားပါတယ်။

“ကမ္ဘာသူ ကမ္ဘာသား အပေါင်းတို့ကို မေတ္တာ ပို့ပါတယ်။ ကျနော်တို့ ၂ ယောက် အခုဖြစ်ပျက်နေတဲ့ ပြဿ     နာနဲ့ လုံးဝမသက်ဆိုင်ပါဘူး။ ဒါကြောင့်မို့လို့ ကျနော်တို့ ၂ ယောက် ထောင်ထဲက လွတ်မြောက်ဖို့အတွက် ၀ိုင်းဝန်းပြီး ကြိုးစားပေးကြဖို့ ကျနော်တို့ ၂ ယောက် တောင်းပန်ပါတယ်။ တကယ်လည်း ကျနော်တုိ့ မဟုတ်ပါဘူး” လို့ ကလေးတွေရဲ့ စာထဲမှာ ဖော်ပြထားပါတယ်။

ထိုင်းနိုင်ငံဥပဒေအရ ဖမ်းဆီးခံရသူတွေကို ၁၂ ရက် ၁ ကြိမ်  စုစုပေါင်း ရမန် ၇ ကြိမ် ရယူနိုင်တာဖြစ်ပြီး  ဒီကနေ့ ပဉ္စမမြောက် ရမန်ထက်ယူတာကို  ကန့်ကွက်ဖို့  ရှေ့နေက  ကြိုးပမ်းခဲ့တာပါ။ လက်ရှိမှာတော့  မြန်မာ လူငယ် ၂ ဦး ချုပ်နှောင်ခံထားရ တာ  ၄၈ ရက် မြောက် ရှိပြီဖြစ်ပါတယ်။

By ကို​ထွေး​ (ဒီဗွီဘီ)
http://burmese.dvb.no/archives/71549


ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု ဆန်ခါမှော်ရွာ အနီးက တောက်ပကြယ် ကျောက်စိမ်း ကုမ္ပဏီ လုပ်ကွက်မှာ ရေမဆေး ကျောက်ရှာသူ ကိုဂွမ်ဂျာအောင် သေဆုံးခဲ့တာနဲ့ ပတ်သက်ပြီး တာဝန်ရှိသူတွေကို ဖော်ထုတ်အရေးယူ ပေးဖို့ ဖားကန့်မြို့နယ် လုံးခင်းကျေးရွာမှာ ဒေသခံ ၂၀၀၀ကျော်က ဒီနေ့ ဆန္ဒပြတောင်းဆို ခဲ့ပါတယ်။

ကိုဂွမ်ဂျာအောင်ဟာ ပြီးခဲ့တဲ့ အောက်တိုဘာ ၃၁ ရက်နေ့ညက တောက်ပကြယ် ကျောက်စိမ်း ကုမ္ပဏီ လုပ်ကွက်မှာ ရေမဆေးကျောက်ရှာစဉ် မြေတူးစက်ယန္တရားနဲ့ ထိခိုက်မိပြီး သေဆုံးခဲ့တာလို့ ဒေသခံတွေက ပြောပါတယ်။

အဲဒီအမှုနဲ့ပတ်သက်ပြီး အမှုမှန်ပေါ်ပေါက်ဖို့အတွက် ဆောင်ရွက်နေတယ်လို့ ဖားကန့်မြို့နယ် ရဲတပ်ဖွဲ့မှူးက RFA ကို ပြောပါတယ်။

တောက်ပကြယ်ကုမ္ပဏီ တာဝန်ရှိသူတွေက သေဆုံးသူ ကိုဂွမ်ဂျာအောင်ရဲ့ မိသားစုကို ကချင်ရိုးရာစာပေယဉ်ကျေးမှု ကော်မတီကတဆင့် လျော်ကြေးပေးထားတယ်လို့ သိရပါတယ်။

ဆန္ဒပြပွဲမှာ ဖားကန့်၊ လုံးခင်း၊ ဆိပ်မူ၊ တာမခံ စတဲ့ ဖားကန့်ကျောက်စိမ်းတွင်းဒေသက
ကချင်တိုင်းရင်းသားတွေ ပါဝင်ခဲ့ကြပါတယ်။

RFA Burmese
https://www.facebook.com/pages/RFA-Burmese/39218993127

Photo: Kyaw Myo Min/RFA


မြန်မာနိုင်ငံဟာ အကြမ်းဖက်မှု အန္တရာယ်များတဲ့နိုင်ငံ ၁၃ နိုင်ငံမှာ ပါဝင်တယ်လို့ မကြာသေးခင်က ထုတ်ပြန်တဲ့ ကမ္ဘာတ၀န်း အကြမ်းဖက်မှုဆိုင်ရာ ညွှန်းကိန်း Global Terrorism Index မှာ ဖော်ပြထားပါတယ်။

ဒီအစီရင်ခံစာကို သြစတြေးလျနိုင်ငံက စီးပွားရေးနဲ့ ငြိမ်းချမ်းရေးသိပံ္ပက ထုတ်ပြန်လိုက်တာ ဖြစ်ပြီး အကြမ်းဖက်မှုအန္တရာယ်ရှိတဲ့ ၁၃ နိုင်ငံထဲမှာ အန်ဂိုလာ၊ ဘင်္ဂလားဒေ့ရှ်၊ ဘူရွန်ဒီ၊ ဗဟိုအာဖရိကသမ္မတနိုင်ငံ၊ အိုင်ဗရီကို့စ်၊ အီသီယိုးပီးယား၊ အီရန်၊ အစ္စရေး၊ မာလီ၊ မက္ကဆီကို၊ မြန်မာ၊ သီရိလင်္ကာနဲ့ ယူဂန်ဒါနိုင်ငံတွေ ပါဝင်ပါတယ်။

terrotသုတေသန တွေ့ရှိချက်အရ ဒီနိုင်ငံ ၁၃ နိုင်ငံဟာ လက်ရှိအနေအထားမှာ အကြမ်းဖက် လှုပ်ရှားမှုအန္တရာယ် ကြီးကြီးမားမားနဲ့ ရင်ဆိုင်နေရတယ်လို့ ဆိုပါတယ်။

ဒါ့အပြင် ဒီနိုင်ငံတွေမှာ အကြမ်းဖက်မှုတွေ ဖြစ်လာစေမယ့် ပဋိပက္ခတွေ သိသိသာသာ ဆက်ဖြစ်နေသလို တိုင်းရင်းသားတွေအချင်းချင်းအကြား၊ ဘာသာရေးအုပ်စုတွေ အကြား ရန်လိုမှု တွေ အထင်အရှားရှိပြီး အစိုးရရဲ့ လူ့အခွင့်အရေးချိုးဖောက်မှုတွေနဲ့ တရားဥပဒေ စိုးမိုးရေး ချို့တဲ့အားနည်းနေတယ်လို့လည်း ထောက်ပြထားပါတယ်။

ကမ္ဘာတ၀န်းဖြစ်ပွားခဲ့တဲ့ အကြမ်းဖက်တိုက်ခိုက်မှုတွေရဲ့ ၈၂ ရာခိုင်နှုန်းဟာ နိုင်ဂျီးရီးယား၊ အာဖဂနစ္စတန်၊ ပါကစ္စတန်၊ အီရတ်နဲ့ ဆီးရီးယား ၅ နိုင်ငံမှာ ဖြစ်ပွားခဲ့တာဖြစ်ပြီး အကြမ်းဖက် တိုက်ခိုက်မှုတွေ သိသိသာသာ အဖြစ်များတဲ့ အာရှနိုင်ငံတွေထဲမှာတော့ ထိုင်း၊ ဖိလစ်ပိုင်နဲ့ အိန္ဒိယတို့ ပါဝင်ပါတယ်။

၂၀၁၃ခုနှစ်က ကမ္ဘာမှာ အကြမ်းဖက်တိုက်ခိုက်မှုပေါင်း ၁ သောင်းလောက် ဖြစ်ပွားခဲ့ရာမှာ လူပေါင်း ၁၈,၀၀၀ လောက် သေဆုံးခဲ့ပြီး သေဆုံးမှုက ၂၀၁၂ နဲ့ ၂၀၁၃ အကြား ၆၀ ရာခိုင်နှုန်းကျော် တက်လာခဲ့တယ်လို့ ဆိုပါတယ်။

အီရတ်နိုင်ငံကတော့ အကြမ်းဖက်မှု အခံရဆုံးနိုင်ငံ ဖြစ်ပြီး မနှစ်က အကြမ်းဖက်မှုပေါင်း ၂၅၀၀ နီးပါးဖြစ်ပွားခဲ့ရာမှာ လူပေါင်း ၆၃၀၀ ကျော် သေဆုံးခဲ့ရတာပါ။

အကြမ်းဖက်မှု အဓိက ကျူးလွန်ခဲ့ကြတဲ့ အဖွဲ့တွေကတော့ တာလီဘန်၊ ဘိုကိုဟာရန်၊ အိုင်အက်စ်နဲ့ အယ်လ်ကိုင်းဒါးအဖွဲ့တွေ ဖြစ်တယ်လို့ အစီရင်ခံစာမှာဖော်ပြထားပါတယ်။

အယ်လ်ကိုင်းဒါး အကြမ်းဖက် အဖွဲ့ခေါင်းဆောင် အယ်လ်ဇာဝါဟရီ ကတော့ မြန်မာ၊ ဘင်္ဂလားဒေ့ရ်ှနဲ့ အိန္ဒိယနိုင်ငံတွေမှာ ဂျီဟတ်တိုက်ပွဲ ဆင်နွှဲဖို့ အဖွဲ့ခွဲကို အိန္ဒိယမှာဖွဲ့စည်းလိုက်ကြောင်း စက်တင်ဘာလက ရုပ်သံဗွီဒီယိုမိန့်ခွန်းမှာ ပြောဆိုခဲ့ပါတယ်။

By ပီတာအောင် (ဒီဗွီဘီ)
http://burmese.dvb.no/archives/71503

 
ဓါတ်ပုံ - Jade Land Kachin
ကေအိုင်အို ဌာနချုပ် အနီးရှိ ဗိုလ်လောင်း သင်တန်းကျောင်းကို အစိုးရတပ်က မနေ့က လက်နက်ကြီးနဲ့ ပစ်ခတ် လို့ ကေအိုင်အို ဗိုလ်လောင်း ၂၀ ကျော်သေဆုံးသွားခဲ့ရာမှာ၊ အဲ့ဒီမှာ သင်တန်းတက်နေတဲ့ ABSDF မြောက် ပိုင်းကျောင်းသား တပ်မတော်အဖွဲ့ က ၂ ယောက်လည်း ပါဝင်တယ်လို့ သတင်းရရှိပါတယ်။

မနေ့နေ့လည်ပိုင်းက လိုင်ဇာမြို့အရှေ့ဖက် ကေအိုင်အို ဗိုလ်လောင်း သင်တန်းကျောင်း ကို စကခ ၃ လက်အောက် ခံတပ်တွေ နေရာယူထားတဲ့ ခါယာတောင်ကနေ လက်နက်ကြီးနဲ့ ပစ်ခတ်ခဲ့တာလို့ သိရပါတယ်။ သင်တန်း စစ်ရေးပြချိန်အတွင်း ပစ်ခတ်တာကြောင့် ၂၂ ဦး သေဆုံးပြီး၊ ၁၅ ဦးဒဏ်ရာ ရကြောင်း၊ သေဆုံးသူတွေ ထဲမှာ ကေအိုင်အို နယ်မြေမှာ အခြေစိုက်ထားတဲ့ ABSDF မြောက်ပိုင်း ကျောင်းသား တပ်မတော် အဖွဲ့က ဗိုလ်လောင်း သင်တန်းတက်နေတဲ့သူ၂ ယောက်လည်း ပါသွားကြောင်း မြောက်ပိုင်း ကျောင်းသားခေါင်းဆောင် ရဲဘော်လဆိုင်း က ပြောပါတယ်။

"ကျွန်တော်တို့ ဆီက ၂ ယောက်ပါသွားတယ်၊ စစ်ရေးပြနေတဲ့ အချိန်မှာ လာကျတာဆိုတော့ လူကတော့ ထိတာပေါ့၊ အခုတော့ အဲ့မှာ စကခ ၃ လက်အောက်ခံ တပ်တွေ နေရာယူထားတယ် "

ဒဏ်ရာရရှိသူ ၁၅ ဦးကို လိုင်ဇာ ဆေးရုံမှာ ကုသနေတယ်လို့ သိရပါတယ်။KIA ပြောခွင့်ရသူဦးလနန်း ကလည်း ဒီတိုက်ခိုက်မှုဟာ တစ်ကြိမ်တည်းနဲ့ ဆုံးရှုံးမှု အကြီးမားဆုံးဖြစ်တယ်လို့ AFP သတင်းကို ပြောဆိုခဲ့ပါတယ်။

ဒီကိစ္စနဲ့ ပတ်သက်ပြီး ကေအိုင်အေက ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ၊ မြောက်ပိုင်း တိုင်းစစ်ဌာနချုပ်နဲ့ ပြည်နယ်အစိုးရအဖွဲ့ကို တင်ပြထားတယ်လို့လည်း သိရပါတယ်။

မြန်မာငြိမ်းချမ်းရေးစင်တာ MPC က ဦးလှမောင်ရွှေ ကဒီသတင်း အစိုးရဆီကို ပို့ထားကြောင်း၊ ဒီလို တိုက်ပွဲတွေ အရှိန်လျှော့အောင် ကြိုးပမ်းနေကြောင်း ပြော ဆိုတယ်လို့ အခုအချိန်ဟာ အစိုးရအနေနဲ့ ကေအိုင်အို အပါအ၀င် တိုင်းရင်းသား လက်နက်ကိုင်အဖွဲ့တွေနဲ့ တနိုင်ငံလုံး အပစ်အခတ်ရပ်စဲရေး အတွက် ဆွေးနွေးနေချိန်လည်း ဖြစ်ပါ တယ်။ အစိုးရတပ်နဲ့ KIA အကြား အပစ် အခတ်တွေ ငြိမ်သက်နေ ရာက ဒီရက်ပိုင်းအတွင်း ပစ်ခတ်သံတွေ ပြန် ကြားလာ ခဲ့ရပြီး၊ မန်စီ နဲ့ ဟိုပင် မြို့နယ်တွေမှာ တိုက်ပွဲတွေ ပြန်လည်ဖြစ်ပွားခဲ့ပါတယ်။ KIO ဟာ ၁၉၉၄ ခုနှစ်က စစ်အစိုးရနဲ့ အပစ်အခတ်ရပ်စဲခဲ့ပါတယ်။ ဦးသိန်းစိန် အစိုးရတက်လာပြီးတဲ့နောက် တိုက်ပွဲတွေ ပြန်လည်ဖြစ်ပွားခဲ့ ရာမှာ သုံးနှစ်ကျော်အတွင်း ကချင် စစ်ပြေးဒုက္ခသည် ၁ သိန်းကျော် ရှိခဲ့ပါတယ်။

RFA Burmese
https://www.facebook.com/pages/RFA-Burmese/39218993127?fref=nf

Author Name

Contact Form

Name

Email *

Message *

Powered by Blogger.