11/22/14

နိုင်ငံရေးအရ အားပြိုင်နေတဲ့နှစ်ဘက်အကြားမှာ ကျေလည်မှုမရပဲပြဿနာတွေရှည်ကြာနေလို့ နိုင်ငံနဲ့ လူထုအပေါ်မှာမလိုလားအပ်တဲ့အကျိုးသက်ရောက်မှုတွေဖြစ်လာရင် ဘယ်လိုလုပ်ကြမလဲ။ ဒီမိုကရေစီပြုပြင် ပြောင်းလဲမှုလုပ်နေတယ်ဆိုတဲ့မြန်မာနိုင်ငံမှာ အဲဒီလိုဖြစ်ဖို့ဦးတည်နေပြီ။
ဒီမိုကရေစီမှာ အမြင့်ဆုံးအာဏာပိုင်ဟာ ပြည်သူလူထုပဲ။ ပြည်သူလူထုက သူတို့ရဲ့နေ့တဓူဝကိစ္စတွေကို လုပ်ကိုင်ဆောင်ရွက်ဖြေရှင်းပေးဖို့ဆိုပြီး ရပိုင်ခွင့်တွေ၊ ခံစားခွင့်တွေပေးပြီးတော့ကိုယ်စားလှယ်တွေကို ရွေးချယ်ခန့် ထားကြတယ်။ Representative Democracy ဖြစ်တယ်။ အဲဒီအမတ်တွေက ပြည်သူလူထုနဲ့နိုင်ငံအတွက် အကျိုး ရှိစေမယ့်ဥပဒေတွေကို အသစ်ရေးတာရေး၊ ပြင်တာပြင်၊ ဖျက်တာဖျက်လုပ်ကြရတယ်။

ပြည်သူအတွက် အလုပ်လုပ်ရတဲ့နေရာဖြစ်လို့ ပြည်သူ့လွှတ်တော်လို့ခေါ်တာ။ အာဏာရှင်တွေနဲ့ အခွင့် အရေးသမားတွေနဲ့အချောင်သမားတွေအတွက် အလုပ်လုပ်တယ်ဆိုရင် အာဏာရှင်လွှတ်တော် အချောင်သမား လွှတ်တော်လို့ပဲခေါ်ရလိမ့်မယ်။ မြန်မာနိုင်ငံက လက်ရှိလွှတ်တော်ဟာ ပြည်သူတွေအတွက်လုပ်နေသလား။ လူတစု အတွက်လုပ်နေသလား။ စဉ်းစားကြည့်ကြပါ။ မေးခွန်းထုတ်ကြည့်ကြပါ။

ဒီမိုကရေစီနိုင်ငံတွေမှာ ပြည်သူ့လွှတ်တော်ဟာ အမြင့်ဆုံးအာဏာပိုင်အဖွဲ့အစည်းဖြစ်တယ်လို့ သတ်မှတ် ခေါ်ဝေါ်ကြတယ်။ ပြည်သူတွေကရွေးထားတဲ့သူတွေဟာ ပြည်သူတွေရဲ့ဆန္ဒနဲ့အညီအလုပ်လုပ်ရတယ်။ ဒါကြောင့် ဒီမိုကရေစီမှာ ပြည်သူဟာသခင်ဖြစ်တယ်။ အကြီးအကဲဖြစ်တယ်။
၁၉၉၃ ခုနှစ်မှာ မြန်မာနိုင်ငံရဲ့ဖွဲ့စည်းပုံအခြေခံဥပဒေသစ်ဆွဲမယ်ဆိုတော့ စစ်အစိုးရက လမ်းညွှန်ချက် ၁၀၆ ချက်ထုတ်ပြန်ခဲ့တယ်။ တပ်မတော်သည် အမျိုးသားနိုင်ငံရေးမှာ ဦးဆောင်အခန်းကပါဝင်ရမည်တဲ့။ အဲဒီကတည်းက စစ်တပ်ဟာနိုင်ငံရေးမှာ အခွင့်ထူးခံအဖြစ်နဲ့နေချင်တာပေါ်လွင်နေတယ်။ စစ်တပ်က နိုင်ငံရေးမှာလက်ဝါးကြီးအုပ်ပိုင် ခွင့်ကို အခြေခံဥပဒေမှာအတိအလင်းထည့်သွင်းပြီး ပြည်သူတရပ်လုံးကို စစ်တပ်ကျွန်ဖြစ်စေဖို့ ကြိုးပမ်းတာပဲ။

၂၀၀၈ အခြေခံဥပဒေကိုကြည့်လိုက်ရင် အဓိကျတဲ့အချက်တွေ နေရာတွေမှာ စစ်တပ်ကချုပ်ကိုင်ထားတာ၊ နေရာယူထားတာကိုတွေ့ရလိမ့်မယ်။ ပြီးခဲ့တဲ့သီတင်းပတ်ထဲမှာပဲ လွှတ်တော်ဖျက်သိမ်းရေးကို စစ်တပ်က အဆိုပြု ပိုင်ခွင့်ရှိတယ်ဆိုတဲ့အချက်ကို စစ်တပ်ကိုယ်စားလှယ်တွေက လွှတ်တော်မှာတင်သွင်းခဲ့သေးတယ်။
ပြည်သူတွေလိုချင်တာက စစ်မှန်တဲ့ဒီမိုကရေစီ၊ လက်ရှိအာဏာရတွေနဲ့ နိုင်ငံရေးလောကထဲကို ဗြောင် တမျိုး၊ နောက်ကွယ်ကတမျိုးနဲ့ ၀င်ရောက်စွက်ဖက်နေသူတွေက နိုင်ငံနဲ့လူထုကို စစ်တပ်ကျွန်အဖြစ်ထာဝရရောက် အောင် စနစ်တကျနဲ့အကွက်ချစီမံလုပ်ဆောင်နေကြတယ်။ သေသေချာချာစဉ်းစားတွေးတောကြည့်ကြပါ။
ရာစုနှစ်ဝက်လောက် အာဏာရှင်စနစ်အောက်မှာနေခဲ့ရတော့ အမတ်အများအပြားဟာ အရည်အချင်းအရ အားနည်းနေသေးတယ်။ သူတို့လည်း အစွမ်းရှိသလောက်ကြိုးစားနေတာပဲ။ ဒါပေမဲ့ အာဏာရှင်အုပ်စုကို မကျော် လွှားနိုင်သေးဘူး။ လက်ရှိအခြေအနေမှာ ဒီမိုကရေစီရေးအတွက်ကြိုးပမ်းနေတဲ့လွှတ်တော်ထဲက နိုင်ငံရေးသမား တွေနဲ့ပဲ အာဏာရှင်စနစ်ကို အနိုင်တိုက်လို့မရဘူးဖြစ်နေတယ်။ လူထုပါ ၀င်တိုက်ဖို့လိုပြီ။

ဘာကြောင့်လဲ လူထုက သခင်ဘ၀နဲ့နေချင်တာလေ၊ ကျွန်ဘ၀နဲ့နေချင်တာမဟုတ်ဘူး။ အခုလောလော ဆယ်အထိ ဒီမိုကရေစီခေါင်းဆောင်လည်းဖြစ် လူထုခေါင်းဆောင်လည်းဖြစ်တဲ့ ဒေါ်အောင်ဆန်းစုကြည်ရဲ့ ပြောဆိုပုံ လေသံတွေ၊ နောက်ပြီး NLD ခေါင်းဆောင်ပိုင်းတွေရဲ့ပြောဆိုပုံလေသံတွေအရဆိုရင် ၂၀၁၅ ရွေးကောက်ပွဲကို ၀င် မယ့်ပုံပဲ။ ၂၀၀၈ အခြေခံဥပဒေဘောင်ထဲကပဲသွားကြလိမ့်မယ်။ ဒါဆိုရင် မြန်မာလူထုဟာ သခင်ဘ၀ကိုရောက်ဖို့ အလှမ်းဝေးနေမှာသေချာတယ်။ အနာဂတ်အတွက် အာမခံချက်မရှိဘူး။
ဒီတော့ လူထုအနေနဲ့ ဘာလုပ်ဖို့လိုသလဲ။ ၂၀၁၅ ရွေးကောက်ပွဲမတိုင်မီမှာ လူထုရဲ့ဆန္ဒနဲ့အညီ အခြေခံ ဥပဒေကိုခိုင်ခိုင်မာမာပြင်ဆင်ဖို့ ဖိအားပေးရမယ်ဆိုတာကိုတွေးမိတယ်။

ဒီတော့ ပြည်သူတွေအရင်ဆုံးလုပ်ရမယ့် အလုပ်က လူထုရဲ့ဆန္ဒနဲ့လည်းညီရမယ့်အပြင် လက်ရှိမြန်မာနိုင်ငံရဲ့အခြေအနေတွေ နဲ့လည်းလိုက်လျောညီထွေ တဲ့အခြေခံဥပဒေကိုပြင်ဆင်ရေးကို ကိုယ့်လွှတ်တော်မဲဆန္ဒနယ်ကအမတ်ကို လုပ်ခိုင်းရမယ်။ ဒီလိုဖိအားပေးတာဟာ လူထုက ဒီမိုကရေစီရေးမှာ တိုက်ရိုက်ပါဝင်လုပ်ဆောင်တာပဲ။ Direct Democracy လုပ်ဆောင်ချက်ပဲ။
လူထုကလက်ခံတဲ့အခြေအနေကို အမတ်တွေကမဆောင်ရွက်နိုင်ခဲ့ဘူး၊ အဲဒါအပြင် အာဏာရတွေက ရွေးကောက်ပွဲကိုလည်းကျင်းပမယ်ဆိုရင် လူထုအနေနဲ့ ဒုတိယလုပ်ရမယ့်အလုပ်က ရွေးကောက်ပွဲမှာမဲမပေးဖို့ တတိုင်းပြည်လုံးစည်းရုံးလှုံ့ဆော်ပြီး ရွေးကောက်ပွဲကိုသပိတ်မှောက်ဖို့ပဲ။ ဒါဟာ လူထုက ကိုယ့်ရဲ့အနာဂတ် ကောင်းဖို့အတွက် ကိုယ်တိုင်လုပ်ဆောင်တာပဲဖြစ်တယ်။ ကိုယ့်ကြမ္မာကိုယ်ဖန်တီးတယ်လို့ပြောရမှာပါ။

စစ်မှန်တဲ့ဒီမိုကရေစီလိုလားတဲ့ပါတီတွေက ရွေးကောက်ပွဲမ၀င်ဘူး၊ လူထုက မဲမပေးဘူးဆိုရင် အဲဒီ ရွေးကောက်ပွဲရလဒ်ဟာ ဘာဖြစ်သွားမလဲ။ စဉ်းစားကြည့်ကြပါ။
မြန်မာနိုင်ငံတွင်းက လတ်တလောဖြစ်ပျက်နေတဲ့အခြေအနေတွေကို သေသေချာချာလေ့လာကြည့်လိုက်ပါ။ အနာဂတ်မှာ ကောင်းမယ့်အလားအလာနည်းနေတာကိုတွေ့နိုင်တယ်။ အာဏာရတွေနဲ့စစ်တပ်က သူတို့ရဲ့ သဘောထားကို ရှင်းရှင်းလင်းထုတ်ပြပြီးသွားပြီ။ သူတို့ရဲ့သဘောထားက နိုင်ငံနဲ့လူထုကို ဆက်လက်ကျွန်ပြုရေးပဲ ဖြစ်တယ်။

ဒီတော့ ဒီမိုကရေစီအင်အားစုတွေနဲ့လူထုက သူတို့ရဲ့သဘောထားကို ရှင်းရှင်းလင်းလင်းပြသလုပ်ဆောင် ဖို့ပဲရှိတယ်။ သခင်အဖြစ်နေလို့ရတဲ့ စစ်မှန်တဲ့ဒီမိုကရေစီထွန်းကားရေးအတွက်ပဲဖြစ်တယ်။ ဒီတော့ပြတ်ပြတ်သား သားရွေးရတော့မယ့်လမ်းဆုံလမ်းခွကို မကြာခင်ရောက်တော့မယ်။
တခုခုကို စဉ်းစားဆုံးဖြတ်ရွေးချယ်ကြရတော့မယ်။ မြွေမသေ တုတ်မကျိုး လုပ်လို့မရတော့ဘူး။ မဆလ တပါတီအုပ်ချုပ်တဲ့အာဏာရှင်စနစ်အောက်မှာ ၂၆ နှစ်နေခဲ့ရပြီးပြီ။ စစ်အာဏာရှင်လက်သစ်တွေအောက်မှာ ၂၆ နှစ် နေခဲ့ရပြီးပြီ။
ဒီတော့ ရှေ့လျှောက် သခင်လုပ်မလား ။ ကျွန်လုပ်မလားဆိုတာပဲ။ စဉ်းစားကြပါ။

ကျော်ကျော်စိုး (ဂျပန်)
နိုဝင်ဘာ ၂၁ ၊ ၂၀၁၄ ခုနှစ်


ရန်ကုန် (မဇ္ဈိမ)။ ။ မျက်မှောက် မြန်မာ့နိုင်ငံရေးအတွင်း ၂၀၁၄ ခုနှစ်၊ နိုဝင်ဘာသည် စိတ်လှုပ်ရှားဖွယ်ရာများ သတင်းစကားများဖြင့် ပြည့်နှက်နေသော လဖြစ်သည်။ ပီအာရ်ကို ပြည်သူ့လွှတ်တော်တွင် မကျင့်သုံးရန် ဆုံးဖြတ်လိုက်သည်။

နေအိမ်အကျယ်ချုပ်မှလွတ်မြောက်အပြီး ရွေးကောက်ပွဲဝင်ရန် ဆုံးဖြတ်လိုက်သည့် ဒေါ်အောင်ဆန်းစုကြည်နှင့် ပြည်ထောင်စု လွှတ်တော်နာယက သူရဦးရွှေမန်းတို့ကို ၂၀၁၁ ခုနှစ်၊ ဒီဇင်ဘာလအတွင်း နေပြည်တော်ရှိ လွှတ်တော်ရုံး၌ တွေ့ရစဉ်။ (ဓာတ်ပုံ - အီးပီအေ)

ဖွဲ့စည်းပုံပြင်ဆင်ရေး အသံကျယ်လောင် နေချိန်တွင် ၂၀၁၅ အလွန် ရောက်မှ အတည်ပြုမည်ဟု ဆိုလာသည်။

ဆွေးနွေးခွင့်ပြုထားသည့် ပီအာရ်၊ ဆွေးနွေးဆဲ ပီအာရ်ကို အခြေခံဥပဒေ ဆိုင်ရာခုံရုံးသို့ မည်သည့်အချိန် ပေးပို့ မေးမြန်းသည်ကို မသိခဲ့ရဘဲ ဖွဲ့စည်းပုံနှင့် မညီဟု ဆိုလိုက်ခြင်းဖြင့် ၁၁၄ ရက် ကြာ ငြင်းခုံမှုများ အဆုံးသတ်သွားသည်။

ထို့အတူ စာတစ်တန်ပေတစ်တန်ဖြင့် ပြည်ထောင်စုလွှတ်တော်သို့ ထုတ်ပြန် အသိပေးထားသော ၂၀၁၅ အထွေထွေ ရွေးကောက်ပွဲမတိုင်မီ ခြောက်လအလို ဖွဲ့စည်းပုံပြင်ဆင်ရေး လုပ်ငန်းအဆုံးသတ်ရန် ညွှန် ကြားချက်ပျက်ပြယ်ပြန်သည်။ ဆွေးနွေးမှုများကို နိုဝင်ဘာ ၂၅ ရက်အပြီးသတ်ရန်၊ လူထု ဆန္ဒခံယူခြင်းကို ၂၀၁၅ မေလ နောက်ဆုံးထား ဆောင်ရွက်ရန်နှင့် အတည်ပြု ရန်ကိုမူ အထွေထွေရွေးကောက်ပွဲပြီးမှ လုပ် မည်ဟု ပြောဆိုလိုက်ခြင်းဖြစ်သည်။

ယခုတစ်ကြိမ်တွင်မူ လွှတ်တော်တွင်း ပြောဆိုခြင်းမဟုတ်ဘဲ မီဒီယာတို့ မှ တစ်ဆင့်ဖြစ်၏။ “ရွေးကောက်ပွဲ အပြီး ထွက်ပေါ်လာတဲ့ အဖြေပေါ် မူတည်ပြီးမှ ဆောင်ရွက်ရမှာ”ဟု နိုဝင်ဘာ ၁၈ ရက်တွင်ပြောကာ ဖွဲ့ စည်းပုံပြင်ဆင်ရေးလုပ်ငန်းစဉ် အချိန်ဇယားကို ရုတ်ခြည်း ပြောင်းလဲလိုက်ခြင်းဖြစ်သည်။

ထိုသူကား တပ်မတော်အစိုးရ လက်ထက် နံပါတ်-၃ ခေါင်းဆောင်ဟု လူသိများသူလက်ရှိ ပြည်ထောင်စု လွှတ်တော်နာယက သူရဦးရွှေမန်းပင်။ လွှတ်တော်တို့၏ ကနဦးကာလလက်ရှိ အမျိုးသားလွှတ်တော် ဥက္ကဋ္ဌ ဦးခင်အောင်မြင့် ပြည်ထောင်စုလွှတ်တော်ကို တာဝန်ယူစဉ် အလားတူ ဦးဆောင်ဆုံး ဖြတ်သည်ကို အမတ်တို့ ငြိမ်မခံခဲ့ကြ။

၂၀၁၁ ခုနှစ်၊ အောက်တိုဘာလ အတွင်း ပြည်ထောင်စုလွှတ်တော် ဆုံးဖြတ်ချက်တစ်ခုကို ထိုအချိန်က ပြည်သူ့လွှတ်တော် ဥက္ကဋ္ဌအဖြစ်တာဝန်ယူသည့် သူရဦးရွှေမန်း၏ အမတ်တို့က ပြင်းထန်စွာ ကန့်ကွက်ကြ သည်။ လွှတ်တော်က ပြဋ္ဌာန်းပြီးသောဥပဒေများ သမ္မတထံ မပို့မီအခြေခံဥပဒေဆိုင်ရာ ခုံရုံးသို့ ပေးပို့စိစစ် မည်ကို ဦးခင်အောင်မြင့်က အသိပေးရုံသာ ပေး၍ဖြစ်သည်။

ထို့နောက်တွင် ပြည်သူ့လွှတ်တော်က ပြည်ထောင်စုလွှတ်တော်၏ ဆုံးဖြတ်ချက်ကို ကန့်ကွက်ကြောင်း၊ အမျိုး သား လွှတ်တော်ကအတည်ပြုကြောင်း အပြန်အလှန်ဆွေးနွေးကြပြီး “လွှတ်တော် နှစ်ရပ်စစ်ခင်းရင် ခင်းရပါေ” ဟူ၍ပင် အမတ်တို့အကြားကြုံးဝါးသည်အထိ ပဋိပက္ခ ပြင်းထန်ပါသည်။

ဗိုလ်ချုပ်အဆင့် တာဝန်ထမ်းဖူးသူ ဦးခင်အောင်မြင့်က အောက်တိုဘာ ၂၈ ရက် ပြည်ထောင်စုလွှတ်တော်၌ ကော်မရှင်ဖွဲ့စစ်ဆေးနိုင်ပြီး မှားယွင်းပါက အပြစ်ခံမည်ဟုဆိုမှ ပြေလည်သည်။

ထို့နောက် သုံးနှစ်ကျော်အကြာတွင် တပ်မတော်၌ ဗိုလ်ချုပ်ကြီးအဆင့်တာဝန် ထမ်းဖူးသူ ပြည်ထောင်စု လွှတ်တော်နာယက သူရဦးရွှေမန်း၏ အသိပေးချက်ဖြင့် နိဋ္ဌိတံသွားသော ပီအာရ်၊ မီဒီယာမှ တစ်ဆင့် ပြင် ဆင်ပြောဆိုသော ဖွဲ့စည်းပုံပြင်ရေးလမ်းညွှန်ချက်အသစ်တို့တွင်မူ မည်သူမျှ စောဒကမတက်ကြ။

သူသည် လွှတ်တော်အတွင်း အင်အားအကြီးဆုံး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌလည်း ဖြစ်ပြီး ပီအာရ်အရေးတွင် အတိုက်အခံထောက်ခံမှုကို ပါးနပ်စွာရယူခြင်းဖြင့် ဆန့်ကျင်မှုများကို ရှောင်လွှဲနိုင်ခဲ့သည်ဟု သုံးသပ်သူတို့ ရှိ၏။

ဒေါ်အောင်ဆန်းစုကြည်ကလည်း သူရဦးရွှေမန်း၏ ဖွဲ့စည်းပုံအရေး ပြောဆိုချက်သည် လုပ်ငန်းစဉ်သာဖြစ် ၍ လက်ခံသည်ဟု ပြောထားသည်။ သို့ သော် နာယက၏ အစီအမံသည် ဥပဒေကြောင်းအရ လွဲမှားသော လုပ်ငန်းစဉ် ဖြစ်နေ၍ နှုတ်ဆိတ်မနေသင့်ဟု ဝေဖန်သူတို့လည်း ရှိသည်။

ဆွေးနွေးမှုများအဆုံးသတ်ရမည့် ရက်သတ်မှတ်ခြင်းသည် သဘာဝကျသော်လည်း မဲပင်ပေးခွင့်မရှိသည့် နာယကက လူထုဆန္ဒခံယူပွဲပြုလုပ်မည့် အချိန်နှင့်ရှေ့လုပ်ငန်းစဉ်တို့ကို တစ်ပါတည်း ဆုံးဖြတ်ထားခြင်း မှာမူ ဥပဒေနှင့် မညီဟု NLD ဥပဒေအကြံပေးအဖြစ် ဖွဲ့စည်းပုံ ပြင်ဆင်ရေး ဟောပြောမှု များလိုက်ပါ ဆောင်ရွက်ဖူးသူ ရှေ့နေဦးကိုနီ က ပြောသည်။ “ဘာတွေဆုံးဖြတ်မယ် ဆိုတာကို ကြိုသိနေသလား”ဟု ၎င်းင်းက မေးခွန်းထုတ်သည်။

NLD အပါအ၀င် မေးမြန်းမိသည့် အရေအတွက် အတန်ငယ်များသော အမတ်တို့က နာယကကို မဝေဖန်ေ သော်လည်း လုပ်ငန်းစဉ်အသစ်ကို တရားဝင် အသိမပေးသေးဟု ပြောသည်။

“လွှတ်တော်အတွင်းမှာပြောရမယ့် စကားကို ဘာကြောင့်သတင်းစာရှင်းပွဲ လုပ်သလဲ။ ပြင်ပမှာ ပြောခြင်းသည် နာယကတစ်ဦးအနေနဲ့ပဲ ဖြစ်နိုင်တယ်။ ပြည်ခိုင်ဖြိုး ဥက္ကဋ္ဌအနေနဲ့ ပြောတာလည်း ဖြစ်နိုင်တယ်။ ပုဂ္ဂလိကအနေနဲ့ ပြောတာ ဖြစ်နိုင်တာပေါ့””ဟု အမျိုး သားလွှတ်တော်အမတ် ဒေါက်တာ အေးမောင်က သုံးသပ်သည်။

သူရဦးရွှေမန်းနှင့် ဒေါ်အောင်ဆန်းစုကြည်တို့ ဖွဲ့စည်းပုံပြင်ဆင်ရေးဆိုင်ရာ သဘောတူညီချက် တစ်စုံတစ် ရာရှိပြီးဖြစ်သည်ဟု ယူဆသူတို့လည်းရှိသည်။ “အကြမ်းဖျင်း သဘောတူညီမှုတစ်ခု ယူထားတယ်လို့ နား လည်ထားတယ်”ဟု ရန်ကုန်နိုင်ငံရေးသိပ္ပံကျောင်း ဥက္ကဋ္ဌ ဦးမြတ်သူက ဆိုသည်။

လာမည့် အထွေထွေ ရွေးကောက်ပွဲတွင် အဓိကပြိုင်ဘက်ဖြစ်လာမည့် ပါတီကြီးနှစ်ခု၏ ဥက္ကဋ္ဌများက သမ္မ တ ဖြစ်လိုကြောင်းလည်း အကြိမ်ကြိမ်ထုတ်ပြော ထားသည်။ သို့သော် ဒေါ်အောင်ဆန်း စုကြည်မှာမူလက် ရှိဖွဲ့စည်းပုံပါ သမ္မတ အရည်အချင်း သတ်မှတ်ချက်အရ ဖြစ်နိုင်ခြေ လုံးဝမရှိ။

ထိုအချိန်တွင် ဖွဲ့စည်းပုံပြင်ဆင်မှု အတည်ပြုရေးရက် ရွှေ့မည်ဟုပြောသော သူရဦးရွှေမန်းက ၂၀၁၅ အလွန် သမ္မတဖြစ်ရေးမျှော်လင့်သည်ဟု ထပ်မံပြောဆိုသည်။ လုပ်ငန်းစဉ်ထောက်ခံပါ သည်ဆိုသော ဒေါ်အောင်ဆန်းစုကြည် ကမူသမ္မတဖြစ်ခွင့်အလားအလာအပေါ် မှတ်ချက်မပြုသေး။

၎င်းတို့ နှစ်ဦးအကြား ဖွဲ့စည်းပုံပြင် ရေးနှင့် ပီအာရ်စနစ်စွန့်လွှတ်ရေးတို့တွင် အပေးအယူရှိပြီးဖြစ်သည်ဟု သုံးသပ်သူ တို့လည်း ရှိသည်။ အချိုးကျကိုယ်စားပြု စနစ် ပီအာရ်ကို မပြောင်းလဲဘဲ မဲဆန္ဒနယ်အလိုက် မဲ အများဆုံးသူ အနိုင်ရစနစ် ဆက်လက် ကျင့်သုံးခြင်းဖြင့် NLDက လွှတ်တော်အတွင်း အင်အားကြီး ပါတီ ဖြစ်လာနိုင်ခြေရှိသည်ဟု သုံးသပ်သူတို့က ဆိုကြသည်။

ထို့ကြောင့် သူရဦးရွှေမန်းကပီအာရ် ကို ပျက်ပြယ်စေ၍ ဒေါ်အောင်ဆန်းစုကြည်က သမ္မတဖြစ်ခွင့် မျှော်လင့်ချက် (၅၉-စ ပြင်ဆင်ခြင်း)ကို နောင်လာမည့် လွှတ်တော်သက်တမ်း ငါးနှစ်သို့ ရွှေ့ လိုက်ခြင်းဖြင့် အပေးအယူတည့်သွားသည်ဟု ယုံကြည်နေကြခြင်းပင်။

“လာမယ့် ရွေးကောက်ပွဲအပြီး ဦးရွှေမန်းကို သမ္မတအဖြစ်NLD က ထောက်ခံမယ်ဆိုတဲ့ သတင်းတွေလည်း ထွက်နေတယ်လေ” ဟု သီပေါမြို့နယ် ပြည်သူ့လွှတ်တော် အမတ်ဦးရဲထွန်းက သုံးသပ်သည်။
http://mizzimaburmese.com/

အမေရိကန်သမ္မတ ဘားရက် အိုဘားမား အနေဖြင့် မြန်မာနိုင်ငံသို့ ဒုတိယအကြိမ်မြောက် အဖြစ် နိုဝင်ဘာ၁၂ ရက်နေ့တွင် ရောက်ရှိလာခဲ့ပြီး နိုဝင်ဘာ၁၄ ရက်နေ့ ညနေတွင် မြန်မာနိုင်ငံမှ ပြန်လည် ထွက်ခွာသွားပြီး နှစ်ရက်ကြာနေထိုင်ခဲ့သည့် ခရီးစဉ်တွင် မြန်မာနိုင်ငံနှင့် ပတ်သက်ပြီး ထုတ်ဖော် ပြောကြားခဲ့သော စကားများအနက်မှ လူထုအကြား ရေပန်းစားခဲ့သော စကားစုအချို့နှင့် စိန်ရတုခန်းမတွင် ပြောကြားခဲ့သည့် စကားများကို အောက်ပါအတိုင်း ကောက်နုတ် ဖော်ပြလိုက်ရပါသည်။

“လူတစ်ယောက်က သူ့ရဲ့ ကလေးတွေကြောင့် သမ္မတအဖြစ် ရွေးကောက်ခံဖို့ မရှိအောင် တားမြစ်ထားတယ်ဆိုတဲ့ ပြဋ္ဌာန်းချက်မျိုးကို လုံးဝနားမလည်ဘူး၊ ဒီကိစ္စက ကျွန်တော့် အတွက် အဓိပ္ပာယ် မရှိပါဘူး”
(ဒေါ်အောင်ဆန်းစုကြည်အား သမ္မတ ရွေးကောက်ပွဲဝင်ခွင့် တားမြစ်ထားသည့် ဖွဲ့စည်းပုံ အခြေခံ ဥပဒေအပေါ် မှတ်ချက်ပေးပြောကြားခဲ့ခြင်း)

ငုတ်မိသဲတိုင်၊ တက်နိုင်ဖျားရောက်ဆိုသည့် မြန်မာစကားပုံ တစ်ခုကို သိတယ်။ ဒါကြောင့် အမေရိကန်နိုင်ငံ အနေနဲ့ မြန်မာ ပြည်သူများ သဲထဲငုတ်နေရာမှ ထိပ်ဆုံးရောက်သည့်တိုင် ကူညီသွားမယ်။
(စိန်ရတုခန်းမတွင် မြန်မာနိုင်ငံ လူ့အခွင့်အရေးနှင့် ပတ်သက်၍ ပြောကြားချက်တစ်ချို့ဖြစ်ကာ ငုတ်မိသဲတိုင်၊ တက်နိုင်ဖျားရောက် စကားအား မြန်မာဘာသာစကားဖြင့် ပြောကြားခဲ့ခြင်း ဖြစ်သည်။)

လူငယ်တွေ အနေနဲ့ တိုင်းပြည်နှင့်အတူ ပူးပေါင်းလက်တွဲ ဆောင်ရွက်နိုင်မယ့် ဒေါ်အောင်ဆန်းစုကြည်၊ မင်းကိုနိုင်တို့နဲ့ ပူးပေါင်းဆောင်ရွက်ရန် လိုတယ်။ အမေရိကန် ပြည်ထောင်စု အနေနဲ့လည်း အပြည့်အ၀ ကူညီသွားမယ်။ လူငယ်တွေမှာ ကမ္ဘာကိုချပြနိုင်တဲ့ ခွန်အားတွေရှိတယ်။ ဒါဟာ ဒီမိုကရက်တစ် အစိုးရအတွက် အလွန် အရေးကြီးတယ်။
(စိန်ရတုခန်းမတွင် ပြောကြားချက်မှ ကောက်နုတ်ချက်တစ်ချို့)

အမျိုးသမီးတွေနဲ့ မိန်းကလေးတွေကို လေးလေးစားစား လုပ်မယ်ဆိုရင် သူ့အဖွဲ့အစည်းဟာ ကိုယ့်ဘက်မှာပဲ ရှိမယ်။
(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

ဒီကမ္ဘာကြီးတစ်ခုလုံးကို ကြည့်ရင် ကွဲပြားခြားတဲ့ ယုံကြည်မှုတွေရှိတယ်။ ကွဲပြားတဲ့ ယဉ်ကျေးမှုတွေ ရှိတယ်။ ဘာသာတရား ကွဲပြားမှုတွေရှိတယ်။ လူတွေအနေနဲ့ အခြားဒေသက အတွေးအခေါ် အသစ်တွေ၊ အမြင်သစ်တွေ ဘယ်လိုရမလဲဆိုတာ တိုင်းပြည်တိုင်း အတွက် အရေးကြီးတယ်။
(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

ကျွန်တော်သာ မြန်မာနိုင်ငံမှာ သမ္မတ ဖြစ်ခဲ့ရင်၊ မြန်မာနိုင်ငံမှာ စိန်ခေါ်မှုတွေ အများကြီးရှိတယ်။ အရေးကြီးဆုံးကတော့ ဒီမိုအရေစီ အသွင်ကူးပြောင်းရေး ကိစ္စရပ်ပဲ။ နောင်နှစ်မှာ ရွေးကောက်ပွဲကြီး ကျင်းပရမယ်။ ဖွဲ့စည်းပုံ အခြေခံ ပြင်ဆင်မှုတွေ ပြုလုပ်ရမယ်။ သူ့ကိုဆိုင်းမထားရဘူး။ နောက်ပြီး ဖွဲ့စည်းပုံ အခြေခံ ဥပဒေ ပြင်ဆင်ဖို့ လုပ်ရမယ်။ ဒါမှ အရပ်သား အစိုးရ လုံးဝဖြစ်သွားအောင်ပေါ့လေ။ နောက်ပြီးတော့ ဥပဒေတွေ ပြဋ္ဌာန်းရမယ်။ သတင်းစာ လွတ်လပ်မှု၊ နောက်ပြီးတော့ နိုင်ငံရေး စည်းရုံးပိုင်ခွင့်တွေရှိမှု အဲဒါတွေကို အာမခံတဲ့ဟာတွေ လုပ်ပေးရမယ်။
(စိန်ရတုခန်းမတွင် ဥပဒေ ကျောင်းသား ကျော်သူရဟိန်းက အိုဘားမားသာ မြန်မာသမ္မတဖြစ်ခဲ့ရင် ဘယ်ကဏ္ဍတွေ အာရုံစိုက်ပြီး တိုင်းပြည်တိုးတက်အောင် ပြုလုပ်မလဲဆိုသည့် မေးခွန်းအပေါ် မှတ်ချက်ပြု ဖြေကြားခဲ့ခြင်းဖြစ်သည်။)

လူမျိုးစု တစ်ခုကို ရွေးပြီးတော့မှ ကာကွယ်လို့လည်း မဖြစ်ဘူး။ ဒီမိုကရေစီစနစ် ဆိုတာ လူမျိုးစုများ အားလုံးဟာ သူတို့ဟာသူတို့ စည်းရုံးပြီးတော့ ပြောချင်တာကို ပြောခွင့်ပေးရမယ်။ ကျွန်တော့်အနေနဲ့ အာဖရိကန်နွယ်ဖွား ဖြစ်ရင်ဖြစ်မယ်။ အာရှနွယ်ဖွား အမေရိကန် ဖြစ်ရင်ဖြစ်မယ်။ ဒါပေမယ့် ကျွန်တော် ပထမဦးဆုံးဖြေမှာက ကျွန်တော် အမေရိကန်သားလို့ပဲ ပြောပါတယ်။
(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

အမျိုးသား စည်းလုံးညီညွတ်မှု မရှိဘူးဆိုရင် အထူးသဖြင့် မြန်မာနိုင်ငံလို နိုင်ငံငယ်လေးတွေမှာ ကိုယ့်လူမျိုးစုလေးတွေဟာ အမျိုးသားရေး လက္ခဏာ ဆောင်တဲ့ သဘောတွေ မရှိဘူးဆိုရင် အချိန်ကြာလာတာနဲ့အမျှ အဲ့ဒီတိုင်းပြည်ဟာ အစိတ်စိတ် အမွှာမွှာ ကွဲသွားမှာ ဖြစ်တယ်။ ဒီမိုအရေစီ အရေးကလည်း ဘယ်တော့မှ အောင်မြင်မှာ မဟုတ်ဘူး။
(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

မြန်မာနိုင်ငံမှာ အကြီးမားဆုံး စိန်ခေါ်မှုက ပညာရေးစနစ်ကို ဘယ်လို ပြန်လည်ထူထောင်မလဲ ဆိုတာပါပဲ။
(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

ဒီတိုင်းပြည်မှာ ယုံကြည်ချက် မျိုးစုံရှိကြတယ်။ ဘာသာကွဲများလည်း ရှိကြတယ်။ မွတ်စလင်၊ ဟိန္ဒူ၊ ခရစ်ယာန်၊ ဗုဒ္ဓ အားလုံး ငြိမ်းချမ်းချစ်ကြည်စွာ အတူယှဉ်တွဲ နေထိုင်တာကို တွေ့ရတယ်။
(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

ယနေ့ ဒေါ်အောင်ဆန်းစုကြည်နဲ့ တွေ့တော့လည်း ပါလီမန်မှာ လူထုအခြေပြု အဖွဲ့အစည်းတွေ အနေနဲ့ လူ့အခွင့်အရေး ကိစ္စတွေ အပြည့်အ၀ရရှိဖို့၊ လေးစားလိုက်နာဖို့၊ ဘယ်လိုဆက်သွားဖို့ ဆိုတာတွေ ဆွေးနွေးခဲ့တယ်။
(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

သမိုင်းဆိုတာ အမြဲတမ်း ရှေ့ကို တက်လှမ်းနေသည့် သဘောရှိတယ်။ ယုံကြည်မှု တည်ဆောက်ရာမှာ အချိန်လိုတယ်။ ယခင်က ဖြစ်ခဲ့တဲ့ ကြမ်းတမ်းမှု ဒဏ်ရာဒဏ်ချက်တွေကို မကြည့်ဘဲ ဒီမိုကရေစီနဲ့ ယုံကြည်မှုကို တည်ဆောက်သည့် နေရာမှာ အားလုံးသော ပြည်သူများကလည်း ပါဝင်ရမယ်။
(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

အစိုးရ လုပ်ဆောင်ချက်တွေနဲ့ ပတ်သက်ပြီး ရှင်းလင်းပြောကြားဖို့ ကျွန်တော်တို့ အနေနဲ့ ဂျာနယ်လစ်တွေအပေါ် မှီခိုရပါတယ်။ တကယ်လို့ ဂျာနယ်လစ်တွေကို ထိန်းချုပ်မယ်ဆိုရင် အစိုးရရဲ့ တာဝန်ယူမှုကို ဆုပ်ကိုင်ဖို့အတွက် တိုင်းသူပြည်သားတွေ အခက်အခဲ ရှိလာပါလိမ့်မယ်။
(ဂျာနယ်လစ်ကိုပါကြီး အသတ်ခံရမှုနဲ့ ပတ်သက်ပြီး မှတ်ချက်ပေး ပြောကြားချက်များထဲမှ အချို့)

တချို့ ကိုယ့်အားကိုယ်ကိုး မကြိုးစားဘဲ ကျွန်တော်တို့ကို လုပ်ပေးဖို့ တောင်းဆိုကြတယ်။

(စိန်ရတုခန်းမတွင် ပြောကြားချက်မှ ကောက်နုတ်ချက်တချို့)

Tomorrow သတင်းအဖွဲ့
http://www.tomorrow.com.mm/?q=articles/1133

ဦးအောင်သောင်း၏ ဘ၀အကျဉ်း
ဦးအောင်သောင်းသည် ကျောင်းဆရာဘ၀မှ တပ်မတော်ထဲ ၀င်ရောက်ခဲ့သူဖြစ်သည်။ ကလောအမှတ်(၇) ခြေလျင်တပ်ရင်းတွင် တပ်ရင်းမှူး၊ အရှေ့ပိုင်းတိုင်း စစ်ဌာနချုပ်တွင် စစ်ဦးစီမှူး (ပထမတန်း)၊ အလယ်ပိုင်းတိုင်း စစ်ဌာနချုပ်တွင် စစ်ဗျူဟာမှူး (မိုးကုတ်)၊ မကွေးတိုင်းတွင် တ၀တ ဥက္ကဋ္ဌ၊ ကုန်သွယ်ရေး ၀န်ကြီးဌာနတွင် ဒုတိယ၀န်ကြီး၊ မွေးရေ ၀န်ကြီးဌာန-၀န်ကြီး၊ စက်မှု (၁)၀န်ကြီး တာဝန်များ ထမ်းဆောင်ခဲ့ပြီး ယခုအာဏာရ ကြံ့ခိုင်ရေးပါတီတွင် နာယက တာဝန်၊ ပြည်သူ့လွှတ်တော်ရေးရာ ကော်မတီ ဥက္ကဋ္ဌ တာဝန်များ ထမ်းဆောင်နေသည်။ မန္တလေးတိုင်း တောင်သာမြို့နယ် ၀ဲလောင်မြို့နယ်ခွဲ ကျောက္ကာရွာသား ဖြစ်သည်။

စစ်အစိုးရ လက်ထက်တွင် စက်မှု (၁)၀န်ကြီးဌာနမှ စက်ရုံအလုပ်ရုံပေါင်း တစ်ရာကျော်ကို နိုင်ငံတော် ဘဏ္ဍာဖြင့် တည်ဆောက်ခဲ့ရာတွင် ဦးအောင်သောင်း၏ မိသားစုသည် စတင် ချမ်းသာလာခဲ့သည်ဟု နီးစပ်သူများက ပြောခဲ့သည်။ ဦးအောင်သောင်းသည် စစ်အစိုးရ လက်ထက်တွင် မကွေးတိုင်း တ၀တဥက္ကဋ္ဌ တာဝန် ထမ်းဆောင်နေရာမှ မကွေးတိုင်း တ၀တ ဥက္ကဋ္ဌတို့ ကြီးပွားသည့် အတိုင်း ကုန်သွယ်ရေးတွင် ဒုတိယ၀န်ကြီး ဖြစ်လာခဲ့သည်။ မကွေးတိုင်း တ၀တ ဥက္ကဋ္ဌ အားလုံးသည် ၀န်ကြီးများ ဖြစ်ခဲ့ကြသည်။ ဦးဇော်မင်းသည် လျှပ်စစ်ဝန်ကြီး ဖြစ်ခဲ့ပြီး ဦးဖုန်းမော်ရွှေသည် လက်ရှိတွင် မကွေးတိုင်း ၀န်ကြီးချုပ် အဖြစ် ဆောင်ရွက်နေသည်။ ၁၉၉၇ ခုနှစ်တွင် ကုန်သွယ်ရေး ၀န်ကြီး ဒုတိယ ဗိုလ်ချုပ်ကြီး ထွန်းကြည်နှင့် အရာရှိကြီးများ ရာထူးမှ အနားပေးခံရခြင်း၊ အများစုမှာ နှစ်ရှည်ထောင်ဒဏ်များ ကျခံခဲ့ရခြင်းတွင် ဦးအောင်သောင်းက ထောက်လှမ်းရေးကို လက်ထောက်ချခဲ့ခြင်း ဖြစ်သည်ဟု ထောက်လှမ်းရေး အရာရှိဟောင်းများက ပြောကြသည်။ ထို့ကြောင့် ဦးအောင်သောင်းကို ဗိုလ်ချုပ်မှူးကြီး သန်းရွှေက အားကိုးယုံကြည်ပြီး မွေးမြူရေးနှင့် ရေလုပ်ငန်း ၀န်ကြီး အဖြစ် ပြောင်းလဲခန့်အပ်ခဲ့သည်။ ထိုမှစက်မှု (၁)၀န်ကြီး ဖြစ်လာချိန်တွင် နိုင်ငံတော် အတွက် တစ်ခုမှ မမြတ်စွန်းသော စက်ရုံများကို တစ်ရာကျော် တည်ဆောက်ခဲ့ခြင်း ဖြစ်သည်။ အစိုးရ ကက်ဘိနက် အစည်းအဝေး တစ်ခုတွင် ထိုစဉ်က ၀န်ကြီးချုပ်ဖြစ်သူ ဗိုလ်ချုပ်ကြီး ခင်ညွှန့်က ကျုပ်က လက်ညှိုးထောင် ခေါင်းညိမ့်သမား မဟုတ်ဘူးဟု ပြောခဲ့သည့် စကားကို ဗိုလ်ချုပ်မှူးကြီး သန်းရွှေထံ ချက်ခြင်းသတင်းပို့ခဲ့သူလည်း ဖြစ်သည်။ နောက်ပိုင်းတွင် နေပြည်တော်၌ ဗိုလ်ချုပ်မှူးကြီး သန်းရွှေနှင့်အတူ ဘိလိယက် ထိုးရင်း တီးတိုးစကားပြောနိုင်သည် အထိ ယုံကြည်မှု ရခဲ့သည်။ သူ၏သား ဗိုလ်ကြီး ပြည်အောင်သည်လည်း ဒုတိယ ဗိုလ်ချုပ်မှူးကြီး မောင်အေး သမီးနှင့် လက်ထပ်ခဲ့ခြင်းဖြင့် သူ၏သြဇာအာဏာကို ပိုမိုတည်ဆောက်နိုင်ခဲ့သည်။ သူဝန်ကြီး ဘ၀ တစ်လျှောက်တွင် တောင်သာသားမှန်က အလုပ်လာလျှောက်သည်နှင့် ခန့်ပေးသည့် အစဉ်အလာ တစ်ရပ် လုပ်ခဲ့ပြီး တောင်သာ မြို့နယ်တွင် ဦးအောင်သောင်းသည် သြဇာကို ခိုင်မာအောင် ထူထောင်ထားနိုင်ခဲ့သည်။

ဦးအောင်သောင်း အမည်မဲ စာရင်း သတ်မှတ်ခံရခြင်းနှင့် ဂယက်


ဦးအောင်သောင်းကို အမေရိကန် အစိုးရက အမည်မဲစာရင်း သွင်းလိုက်သည့် ဂယက်သည် မြန်မာနိုင်ငံတွင် လှုပ်ခတ်ခဲ့သည်။ ပြည်သူ့လွှတ်တော်တွင် ဦးအောင်သောင်းကို Black List ကြေညာခဲ့သော အမေရိကန် အစိုးရ လုပ်ရပ်ကို ကန့်ကွက်ကြောင်း မဲခွဲခဲ့ရာ ကန့်ကွက်သူမရှိ ထောက်ခံမဲ ပေးခဲ့ကြသည်။ ထိုသို့ ကန့်ကွက်မဲ ပေးရာတွင် တိုင်းရင်းသားပါတီများရော အတိုက်အခံ ပါတီများကပါ မဲပေးခဲ့ကြသဖြင့် အောင်သောင်း လွှတ်တော်ဟူသော စကားသည် အင်တာနက်ပေါ်တွင် ပြန့်နှံ့ခဲ့သည်။ တစ်ချိန်တည်းတွင် မြန်မာ သူဌေးကြီး တစ်ဦးက စင်ကာပူဘဏ်ရှိ သူ၏ငွေစာရင်းမှ အမေရိကန် ဒေါ်လာ သန်း ၆၅၀၀ကို အရေးပေါ် ထုတ်ယူသွားသည့် သတင်းများကလည်း စင်ကာပူရှိ မြန်မာအသိုင်းအ၀ိုင်းကြားတွင် ထွက်ပေါ်ခဲ့သည်။ မြန်မာနိုင်ငံရှိ ဦးအောင်သောင်း၏ သား ဦးနေအောင်က ၉၀ရာခိုင်နှုန်းပိုင်သော ယူနိုက်တက် အမရာ ဘဏ်သည် ထိုကြေညာမှုကြောင့် ဘဏ်အတွက် ထိခိုက်မှု မရှိကြောင်း သတင်းစာ ရှင်းလင်းပွဲများ လုပ်ခဲ့ရသည်။

ဦးအောင်သောင်းနှင့် ပတ်သက်ပြီး အမည်မဲစာရင်း ထည့်သွင်းသင့်သော ခရိုနီများ


Black List စာရင်းတွင် ဦးအောင်သောင်းကို အမှီပြုပြီး ချမ်းသာလာသော ခရိုနီများနှင့် ဦးအောင်သောင်း၏ သားများကိုပါ ထည့်သွင်းသင့်သည်ဟု ပြောဆိုနေသော ပြည်သူများ၏ အသံများ ကလည်း ထွက်ပေါ်လာခဲ့သည်။ ဆိုရှယ်လစ် အစိုးရ လက်ထက်က ပြည်သူတို့ကြောင့် ဦးအောင်သောင်းကို အမှီပြုပြီး ချမ်းသာလာသော ခရိုနီများကို စာရင်းပြုစုကြည့်ရာ အောက်ပါအတိုင်း တွေ့လိုက်ရသည်။

၁။ ကျော်သာ ကုမ္ပဏီမှ ဦးဝင်းလွင်သည် ဘုရင့်နောင်ဆပ်ပြာ စက်ရုံဝင်းကို ရခဲ့သည်။ နောက်ပိုင်းတွင် မြတ်မိဘ ကုမ္ပဏီဂရု(ပ်)ကို တည်ထောင်ခဲ့ပြီး ယခုအဆိုပါ ဆပ်ပြာစက်ရုံ နေရာတွင် New General ကုမ္ပဏီ အမည်ဖြင့် ကွန်ဒိုများ ဆောက်ရန် ဈေးရောင်းပွဲတော်ပင် လုပ်ကာ အားလုံးရောင်းပြီး ဖြစ်သည်။ ထိုမြေနေရာ တစ်ခုတည်းမှပင် ဦးဝင်းလွင်သည် အမေရိကန် ဒေါ်လာသန်း ၁၀၀ခန့် မြတ်စွန်းခဲ့ကြောင်း သိရသည်။ ဦးအောင်သောင်း စက်မှုဝန်ကြီး ဘ၀ကပင် ဆပ်ပြာစက်ရုံကို နှစ်ရှည်လုပ်ကိုင်ခွင့် ရခဲ့ပြီး ရွှေဝါနှင့် သက်သာ ဆပ်ပြာများကိုလည်း ယခုထိ ထုတ်လုပ်ပြီး မြန်မာနိုင်ငံ ဈေးကွက်ကို လက်ဝါးကြီး အုပ်ထားသူ ဖြစ်သည်။

၂။ Mother Tradingမှ ဦးအောင်မြတ်သည် အခါတော်ပေး ဘိုးတော်သန်းလှ၏သား ဖြစ်ပြီး လူပျိုကြီး ဖြစ်သည်။ ဦးအောင်သောင်း စက်မှုဝန်ကြီး လက်ထက်တွင် ဘိလပ်မြေ အရောင်းကိုယ်စားလှယ် ရခဲ့ပြီး နောက်ပိုင်းတွင် အင်းစိန်နှင့် ဖော့ကန်တစ်ကြောရှိ စက်မှု (၁) ပိုင်မြေများ၊ အဆောက်အဦများ၊ စက်ရုံများကို ဈေးချောင်ချောင်ဖြင့် နှစ်ရှည်လုပ်ပိုင်ခွင့်များ၊ ၀ယ်ယူခွင့်များ ရခဲ့သည်။ ထိုမှတစ်ဆင့် နောက်စက်မှုဝန်ကြီး ဖြစ်လာသော ဦးစိုးသိန်းကိုပါ ခါးပိုက်ထောင်အတွင်း ထည့်ထားနိုင်သူဟု စီးပွားရေးသမား လောကတွင် ကျော်ကြားခဲ့သည်။ ဦးအောင်မြတ် စက်မှု (၁)မှ ရရှိထားသော အဆောက်အဦးများ မြေနေရာများမှာ လက်ညှိုးထိုး၍ပင် မလွဲဟု အစိုးရ အသိုင်းအ၀ိုင်းက ပြောဆိုကြသည်။

၃။ ဦးနေအောင်သည် ဦးအောင်သောင်း၏ သားဖြစ်သည်။ အောင်ရီဖြိုး ကုမ္ပဏီ၊ MRT၊ ယူနိုက်တက် အမရာဘဏ်၊ IGE ကုမ္ပဏီများ တည်ထောင်ထားသည်။ စက်မှု (၁) နှင့် လျှပ်စစ်ဝန်ကြီး ဌာန၊ သစ်တောဝန်ကြီး ဌာန၊ စွမ်းအင်ဝန်ကြီး ဌာနတို့တွင် လုပ်ကိုင်ခွင့်များစွာ ရရှိထားသည်။ IGEသည် စွမ်းအင်ဝန်ကြီး ဌာနသို့ ကမ်းလွန်ရေနံ ပိုက်များ၊ ပြည်တွင်းသုံး ရေနံပိုက်များ၊ စွမ်းအင်သုံး စက်ကရိယာများ တင်သွင်းခြင်း၊ ပြည်တွင်း ရေနံလုပ်ကွက် နှစ်ခုကို နိုင်ငံခြား ကုမ္ပဏီများနှင့် ဖက်စပ် တူးဖော်ခွင့် ရယူထားခြင်းများ လုပ်ကိုင်နေသည်။ ယူနိုက်တက် အမရာဘဏ်တွင် ဦးနေအောင်၏ ပိုင်ဆိုင်မှုမှာ ၉၀ ရာခိုင်နှုန်းရှိသဖြင့် ဘဏ်လုပ်ငန်း တစ်ခုထည်းမှပင် သူ၏ကြွယ်ဝချမ်းသာမှုမှာ ကျပ်သန်းထောင်ပေါင်း ၁၈ (အမေရိကန်ဒေါ်လာ ၁၈သန်း) အထက် ရှိသည်ဟု သိရသည်။ သစ်တော ၀န်ကြီးဌာနတွင် MRT ကုမ္ပဏီအမည်ဖြင့် အခစား သစ်ထုတ်ခဲ့သည်။ ထိုလုပ်ငန်းမှ သစ်ထုတ်သည့် စရိတ်မပေးပဲ အချိုးချပြီးရာခိုင်နှုန်း တစ်ခုကို အဆိုပါ ကုမ္ပဏီသို့ ရောင်းပေးခဲ့သည်။ နေပြည်တော် ဆာဖာရီ၊ နက္ခတာရာပြခန်း စသည့် သစ်တောဝန်ကြီးဌာနမှ အဆောက်အဦးများလည်း ဆောက်လုပ်ခဲ့သည်။ ဟိုတယ်လုပ်ငန်းများလည်း လုပ်ကိုင်လျှက်ရှိသည်။ လျှပ်စစ်ဝန်ကြီးဌာနက တည်ဆောက်လျှက်ရှိသော ရေအားလျှပ်စစ် စီမံကိန်းများတွင် စက်ပစ္စည်းများ တင်သွင်းခွင့် ရရှိထားရုံမက ကချင်ပြည်နယ်နှင့် သံလွင်မြစ်ပေါ်တွင်လည်း ရေအားလျှပ်စစ်ထုတ်ရန် စီမံကိန်းများ ရရှိထားသည်။ ဦးနေအောင်၏ ကြွယ်ဝချမ်းသာမှုသည်ပင် ဒေါ်လာကုဋေကြွယ် သူဌေးအဆင့် (ဘီလျံနာအဆင့်) ရှိကြောင်း သိရသည်။

၎။ ဦးပြည်အောင်သည် ဦးအောင်သောင်း၏ သားဖြစ်ပြီး တပ်မတော် အရာရှိဟောင်းဖြစ်သည်။ ဒုတိယ ဗိုလ်ချုပ်မှူးကြီး မောင်အေး (ငြိမ်း) ၏ သမီးနှင့် လက်ထပ်ထားပြီး ယခင်က Queen Star ကုမ္ပဏီ၊ ယခု Princess ကုမ္ပဏီများ တည်ထောင်ထားသည်။ တပ်မတော်နှင့် အစိုးရ၀န်ကြီးဌာန များစွာသို့ ကွန်ပျူတာနှင့် ဆက်စပ်ပစ္စည်းများ၊ ITပစ္စည်းများကို ပြိုင်ဖက်မရှိ ရောင်းချခွင့် ရခဲ့သည်။

ဦးအောင်သောင်းကို အမေရိကန် အစိုးရက အမည်မဲစာရင်း သွင်းသည့်နည်းတူ ဦးအောင်သောင်းကို အမှီပြုပြီး နိုင်ငံတော်၏ အရင်းအမြစ်များဖြင့် ချမ်းသာလာသည့် အထက်ပါ သူများကိုလည်း အမည်မဲ စာရင်းသွင်းသင့်ကြောင်း၊ စစ်အစိုးရ လက်ထက်ကလည်း စစ်အစိုးရနှင့် ပေါင်းပြီး ကြီးပွားချမ်းသာလာ သူများကို အမည်မဲစာရင်း သတ်မှတ်သလို ကျန်ရှိနေသော လူမသိ သူမသိများကိုလည်း အမည်မဲ စာရင်း တင်သွင်းသင့်ကြောင်း၊ ထိုသူများ လက်ဝယ်တွင် နိုင်ငံတော်၏ အရင်းအမြစ် များစွာမှာ သူခိုးဈေးဖြင့် ရရှိပိုင်ဆိုင်နေကြောင်း စီးပွားရေးသမားများက သုံးသပ် ပြောကြားလျှက်ရှိသည်။

သံဖနောင့်
http://www.tomorrow.com.mm/?q=articles/1132

ဒီရက်ပိုင်းအတွင်း အာဆီယံ ဥက္ကဋ္ဌအဖြစ် အောင်မြင်စွာ တာဝန်ယူခဲ့နိုင်တဲ့ မြန်မာနိုင်ငံမှာ နိုင်ငံရေး အနုတ်အသိမ်းများစွာ ဖြစ်ပေါ်ခဲ့ပါတယ်။ အမေရိကန် သမ္မတ အိုဘားမား အပါအ၀င် ကမ္ဘာ့ခေါင်းဆောင် ၁၇ယောက် မြန်မာနိုင်ငံကို ရောက်မလာခင်လေးမှာပဲ အတိုက်အခံ ဒီမိုကရေစီ ခေါင်းဆောင် NLD ဥက္ကဋ္ဌ ဒေါ်အောင်ဆန်းစုကြည်ဟာ လိုအပ်ရင် လွှတ်တော်နာယကကြီး သူရ ဦးရွှေမန်းနဲ့ မဟာမိတ်ဖွဲ့သင့်ရင် ဖွဲ့ရမှာပဲဆိုတဲ့ စကားကို ထုတ်ဖော် ပြောကြားခဲ့ပါတယ်။ ဒီစကားကို မပြောခင်က လက်ရှိဖွဲ့စည်းပုံ အခြေခံဥပဒေအရ ဒေါ်အောင်ဆန်းစုကြည်ဟာ ၂၀၁၅ ရွေးကောက်ပွဲမှာ အောင်ပွဲခံနိုင်သည့် တိုင်အောင် သမ္မတဖြစ်ခွင့် မရှိပါဘူး။ ဒါကြောင့် NLDက ကိုယ်စားလှယ် အများစု အနိုင်ရခဲ့လို့ သမ္မတ ရွေးချယ်ရမယ်ဆိုရင် သူရဦးရွှေမန်းကို စဉ်းစားထားတယ်ဆိုတဲ့ သတင်းစကားတွေ ကြိုထွက်လာလို့ သတင်းဌာန တစ်ခုနဲ့ ရှင်းရလင်းရတာတွေလည်း ရှိခဲ့တယ်။

အခုတော့ ဒေါ်အောင်ဆန်းစုကြည်က ပွင့်ပွင့်လင်းလင်း ထုတ်ဖော်ပြောဆိုလိုက်တာပဲ ဖြစ်ပါတယ်။ ဒီလို ပြောပြီးတဲ့နောက် ကမ္ဘာ့ခေါင်းဆောင်တွေ နေပြည်တော်က မပြန်ခင်လေးမှာပဲ လွှတ်တော်ကနေ မြန်မာနိုင်ငံရဲ့ ရွေးကောက်ပွဲ စနစ်မှာ အချိုးကျ ကိုယ်စားပြုစနစ်(PR) ကျင့်သုံးမယ်ဆိုရင် ဖွဲ့စည်းပုံ အခြေခံ ဥပဒေနဲ့ ညီညွတ်မှုမရှိလို့ ကျင့်သုံးတော့မှာ မဟုတ်ကြောင်း ဆုံးဖြတ်ခဲ့ပါတယ်။

ဒီလိုဆုံးဖြတ်ဖို့ကို ပြည်သူ့လွှတ်တော် ဥက္ကဋ္ဌ သူရရွှေမန်းက ရွေးကောက်ပွဲ စနစ်သစ် ပေါ်ပေါက်လာရေး ကော်မရှင်က တင်သွင်းတဲ့ (၈)မျိုးအား ဖွဲ့စည်းပုံ အခြေခံ ဥပဒေနဲ့ ညီ/မညီ စိစစ်ပေးဖို့ ဖွဲ့စည်းပုံ အခြေခံ ဥပဒေခုံရုံးကို အကြံပြုချက် တောင်းခဲ့တာ ဖြစ်ပါတယ်။ ဒီလိုမတောင်းခင်မှာ တိုင်းရင်းသား ပါတီတွေနဲ့ လွှတ်တော် ကိုယ်စားလှယ် တချို့က PRစနစ်ကို ကန့်ကွက်ကြောင်း စာရေးသား တင်ပြခဲ့တဲ့အပေါ်မှာ မျှမျှတတ ဖြစ်အောင် ဆောင်ရွက်ပေးမယ်လို့ ကတိပြုခဲ့ပြီး ၂၀၁၄ခုနှစ် နိုဝင်ဘာ၁၃ရက်မှာ လွှတ်တော်ဥက္ကဋ္ဌ အနေနဲ့ ဖွဲ့စည်းပုံ အခြေခံဥပဒေ ခုံရုံးဥက္ကဋ္ဌထံ ပေးပို့ခဲ့တာ ဖြစ်ပါတယ်။ ခုံရုံးမှ အကြောင်းပြန်ကြားရာမှာ PRကို ပေါင်းစပ်ကျင့်သုံးမည့် ရွေးကောက်ပွဲ နည်းလမ်းများဟာ ဖွဲ့စည်းပုံ အခြေခံ ဥပဒေနှင့် ကိုက်ညီမှု မရှိကြောင်း ဖော်ပြထားတဲ့အပြင် ယခင်ရွေးကောက်ပွဲ ပုံစံကိုပဲ ဆက်လက်ကျင့်သုံးဖို့ လွှတ်တော်မှာ အဆုံးဖြတ် ခံယူခဲ့ရာမှာလည်း ကန့်ကွက်သူမရှိ အတည်ဖြစ်ခဲ့ပါတယ်။

PRစနစ်ကို ပယ်ဖျက်ခဲ့တာနဲ့ ပတ်သက်ပြီး အမျိုးသား ဒီမိုကရေစီ အဖွဲ့ချုပ် (NLD) ပြည်သူ့ လွှတ်တော် ကိုယ်စားလှယ် ဦးဝင်းမြင့်က “နာယကကြီး (သူရဦးရွှေမန်း) က ခုံရုံးကို ပေးပို့ပြီး အဆုံးအဖြတ် ခံယူလိုက်တဲ့ အတွက် သမာသမတ်ရှိတယ်။ မှန်ကန်မျှတတဲ့ ဟာကိုပဲ လုပ်တယ်ဆိုတာ ပေါ်လွင်သွားစေတယ်”ဟု သတင်းထောက်များကို ထုတ်ဖော် ပြောကြားခဲ့ပါတယ်။

ဒီလုပ်ရပ်ကြောင့် လွှတ်တော်တွင်းမှာ အမျိုးသား ဒီမိုကရေစီ အဖွဲ့ချုပ်နဲ့ ကိုယ်စားလှယ် အများစု ပိုင်ဆိုင်ထားတဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီကြားမှာ ယှဉ်ပြိုင်မှုတွေထက် ချစ်ကြည်ရင်းနှီးမှုတွေ ပိုမိုတိုးပွားလာပါတယ်။ အထူးသဖြင့် ကြံ့ခိုင်ရေးပါတီရဲ့ ခေါင်းဆောင်တစ်ဦး ဖြစ်တဲ့ သူရဦးရွှေမန်းက NDFပါတီက တင်သွင်းတဲ့ PRစနစ်ကို ပြတ်ပြတ်သားသား ခေါက်လိုက်တာဟာ ဒေါ်အောင်ဆန်းစုကြည်နဲ့ မဟာမိတ်ဆန်သော ဆက်ဆံရေးတွေ ဆက်လက် ဖြစ်ထွန်းတော့မယ်ဆိုတဲ့ သုံးသပ်ချက်တွေကို ပိုမိုခိုင်မာစေ ခဲ့ပါတယ်။

ဒီလိုအချိန်မှာတော့ လာမယ့် ၂၀၁၅ ခုအတွင်း တပ်မတော် ကာကွယ်ရေး ဦးစီးချုပ် ရာထူးကနေ အနားယူတော့မယ့် ဗိုလ်ချုပ်မှူးကြီး မင်းအောင်လှိုင်ရဲ့ အခန်းကဏ္ဍဟာလည်း စိတ်ဝင်စားစရာ ကောင်းလာခဲ့ပါတယ်။ မြန်မာနိုင်ငံကို ဒီမိုကရေစီ ပြုပြင်ပြောင်းလဲရေး လုပ်ငန်းတွေနဲ့ ဦးစီးဦးဆောင်ပြု ဆောင်ရွက်နေတဲ့ နိုင်ငံတော် သမ္မတ ဦးသိန်းစိန်၊ လွှတ်တော် နာယကနဲ့ ဥက္ကဋ္ဌတွေဖြစ်တဲ့ သူရဦးရွှေမန်း၊ ဦးခင်အောင်မြင့်တို့လို မီဒီယာနဲ့ လူရှေ့သူရှေ့ ထွက်မလာဘဲ ကာချုပ်ဟာ တပ်မတော်ရဲ့ စည်းဝိုင်းထဲမှာပဲ တိတ်တိတ်ဆိတ်ဆိတ် နေထိုင်ခဲ့ပါတယ်။

၂၀၁၄ခုနှစ်ထဲမှာတော့ ဂျပန်နိုင်ငံကိုသွားတဲ့ ခရီးမှာ မြန်မာ့ တပ်မတော်ကို ဖွဲ့စည်းထူထောင်ရာမှာ အဓိက ကျခဲ့တဲ့ ဗိုလ်မှူးကြီး ဆူဇူကီးနဲ့ ဗိုလ်ချုပ် အောင်ဆန်း နေထိုင်ခဲ့တဲ့ အိမ်ကို သွားရောက် ကြည့်သလို ဗိုလ်မှူးကြီး ဆူဇူကီးရဲ့ အုတ်ဂူကိုလည်း သွားရောက် ဂါရ၀ ပြုခဲ့ပါတယ်။ နောက်တစ်ခါ ထိုင်းနိုင်ငံ လိပ်ကျွန်းမှာ ဗြိတိန်နိုင်ငံသား နှစ်ဦးကို သတ်ဖြတ်မှုနဲ့ ဖမ်းဆီးခံထားရတဲ့ မြန်မာနိုင်ငံသား နှစ်ယောက်နဲ့ ပတ်သက်ပြီး တရားဥပဒေအတိုင်း မှန်မှန်ကန်ကန် ဆောင်ရွက်ပေးဖို့ မီဒီယာရှေ့မှာ ထွက်ပြီး ပြောခဲ့ပါတယ်။ ထပ်မံပြီး လွန်ခဲ့တဲ့လက မြန်မာနိုင်ငံ စာနယ်ဇင်း ကောင်စီ (ယာယီ)ကိုလည်း နေပြည်တော်သို့ ဖိတ်ကြားပြီး ရင်းရင်းနှီးနှီး တွေ့ဆုံခဲ့ပါတယ်။ ဒီလို ဆောင်ရွက်ချက်တွေဟာ ကာကွယ်ရေး ဦးစီးချုပ် အလွန် မြန်မာ့နိုင်ငံရေး နယ်ပယ်ထဲကို အနာဂတ် သမ္မတလောင်း အဖြစ် ပါဝင်ဖို့ စတင်ဆောင်ရွက်နေသလား ဆိုတာကိုလည်း ဝေဖန်ဆန်းစစ်ချက်တွေ ထွက်ပေါ်လာခဲ့ပါတယ်။ ဒီသုံးသပ်ချက်တွေ မှန်ခြင်းမှားခြင်း မဝေခွဲနိုင်ခင် ထိုင်း-မြန်မာ နယ်စပ်မှ သတင်းထောက် ကိုပါကြီးကို တပ်မတော်က ဖမ်းဆီး သတ်ဖြတ်လိုက်မှုဟာ နိုင်ငံရေး အင်အားစုတွေနဲ့ နိုင်ငံတကာရဲ့ ပြင်းပြင်းထန်ထန် ဝေဖန်မှုတွေကို ရင်ဆိုင်လိုက်ရပါတယ်။ ဒီလုပ်ရပ်ကို လူ့အခွင့်အရေး ကော်မရှင် အနေနဲ့ စစ်ဆေးပေးဖို့ နိုင်ငံတော် သမ္မတက အမိန့်ပေးရတဲ့ အခြေအနေကိုလည်း ရောက်ရှိလာပါတယ်။ ဒါဟာ တပ်မတော်ရဲ့ ဂုဏ်သိက္ခာကို သာမက မြန်မာ့နိုင်ငံရေး နယ်ပယ်ကို ၀င်ရောက်နိုင်ဖွယ်ရှိတဲ့ ကာချုပ်ကိုပါ အထိုက်အလျောက် ထိခိုက်စေခဲ့ပါတယ်။ အကယ်၍ ကာချုပ် အနေနဲ့ နောင်လာမယ့် အစိုးရ သက်တမ်းမှာ သမ္မတအဖြစ် ဆောင်ရွက်ဖို့ ဆန္ဒရှိတယ်ဆိုရင် တပ်မတော်ရဲ့ ထောက်ခံမှု သာမက နိုင်ငံရေး အင်အားစုတွေ တိုင်းရင်းသား လူမျိုးစုတွေရဲ့ အထိုက်အလျောက် ထောက်ခံမှုတွေ လိုအပ်နေမှာ ဖြစ်ပါတယ်။

လက်ရှိ အခြေအနေမှာတော့ သမ္မတကြီး ဦးသိန်းစိန်နဲ့ တပ်မတော် ကာကွယ်ရေး ဦးစီးချုပ်တို့ ကြားမှာ ကျစ်လျစ်သိပ်သည်းတဲ့ အနီးကပ် ဆက်ဆံရေး ရှိနေပါတယ်။ တစ်ဖက်မှာတော့ အစိုးရဟာ ဥပဒေပြုရေး မဏ္ဍိုင်ဖြစ်တဲ့ လွှတ်တော်နဲ့ (သူတို့အပြော-နိုင်ငံရေး ပွတ်တိုက်မှု)တွေ ရှိနေတာ ဘယ်သူမှ မငြင်းနိုင်ပါဘူး။ ဒီမိုကရေစီ အစိုးရရဲ့ သက်တမ်းသုံးနှစ်ကာလ အတွင်းမှာ လွှတ်တော် ဥက္ကဋ္ဌနဲ့ သမ္မတရဲ့ အားပြိုင်မှုတွေကို အကြိမ်ကြိမ် တွေ့မြင်ခဲ့ရပါတယ်။

အထူးသဖြင့် သူရဦးရွှေမန်းဟာ လွှတ်တော်မှာရှိတဲ့ တိုင်းရင်းသား လူမျိုးစု အမတ်တွေနဲ့ အတိုက်အခံ ဒီမိုကရေစီ အမတ်တွေကို အတိုင်းအတာ တစ်ခုအထိ စည်းရုံးထားနိုင်သလို လက်တွဲ လုပ်ဆောင်မှုတွေလည်း အစိုးရထက်တော့ ပိုရှိနေခဲ့ပါတယ်။ နိုင်ငံတော် သမ္မတကြီးဟာ အစောပိုင်းနှစ် ကာလတွေက ဒီမိုကရေစီ ပြုပြင်ပြောင်းလဲရေးကို အရှိန်အဟုန်နဲ့ ဆောင်ရွက်ခဲ့ပေမယ့် ၂၀၁၄ခုနှစ်မှာ အဲဒီ့ အရှိန်အဟုန် ရပ်တန့်သွားခဲ့ပါတယ်။ ငြိမ်းချမ်းရေး ဖြစ်စဉ်တွေမှာလည်း သူ့ရဲ့ သမ္မတ သက်တမ်းအတွင်း အပစ်အခတ် ရပ်စဲရေး စာချုပ် ချုပ်ဆိုနိုင်အောင် ရည်မှန်းထားပေမယ့် ပြီးခဲ့တဲ့လပိုင်းက ငြိမ်းချမ်းရေး ဆွေးနွေးပွဲတွေဟာ အခြေအနေ အကြောင်းကြောင်းတွေကြောင့် နှောင့်နှေးသွားခဲ့ပါတယ်။

အထူးသဖြင့် ငြိမ်းချမ်းရေး ဆွေးနွေးပွဲရဲ့ Key Playerတွေဖြစ်တဲ့ လူမျိုးစု လက်နက်ကိုင် အဖွဲ့အစည်းတွေနဲ့ တပ်မတော်အကြားမှာ ယုံကြည်မှု မတည်ဆောက်နိုင်သေးတဲ့ အတွက် ငြိမ်းချမ်းရေးဟာ အလှမ်းဝေးနေဆဲပဲ ဖြစ်ပါတယ်။

ပြီးခဲ့တဲ့ လွှတ်တော် အစည်းအဝေးမှာ တပ်မတော်သား ကိုယ်စားလှယ်တွေက ဖွဲ့စည်းပုံ အခြေခံ ဥပဒေတွေထဲက ၅၉ (စ)နဲ့ ၄၃၆ကို လုံးဝ မပြင်ဆင်သင့်ကြောင်း ဆွေးနွေးခဲ့ရုံ သာမက လွှတ်တော်ကို တင်တဲ့ အစီရင်ခံစာထဲမှာ ကာကွယ်ရေးနဲ့ လုံခြုံရေး ကောင်စီက လိုအပ်ရင် လွှတ်တော်ကို ဖျက်သိမ်းဖို့ သမ္မတကို အကြံဥာဏ်ပေးဖို့ အချက်ပါပါတယ်၊ ဒါဟာ တပ်မတော်ရဲ့ မာကျောတဲ့ ရပ်တည်ချက်ကို ထပ်မံပြသလိုက်တာ ဖြစ်ပြီး ၂၀၁၅အလွန် နိုင်ငံရေးမှာ ပြည်သူတွေ ထင်မှတ်မထားတဲ့ အခင်းအကျင်းတွေနဲ့ ကြုံတွေ့နိုင်ဖွယ် ရှိနေပါတယ်။

ဇော်သက်ထွေး
http://www.tomorrow.com.mm/?q=articles/1129

ပုဒ်မ ၄၃၆ ရော၊ ၅၉ (စ) ရောကို ၂၀၁၅ ရွေးကောက်ပွဲ မတိုင်ခင်မှာ မပြင်ဘူးလို့ သူက ပြောလိုက်တဲ့ သဘော… တွေ့ဆုံဆွေးနွေး ညှိနှိုင်းပြီးတော့ အပေးအယူ လုပ်နိုင်မယ့် အနေအထားတစ်ခုကို ပျောက်ဆုံး သွားစေတဲ့ ခြေလှမ်းတစ်ခု …

~~~~~~~~~~~~~~~~~~~~~~~~~~~~~~~~~~~~~~~~~~~~~~

၂၀၁၅ ရွေးကောက်ပွဲကို လက်ရှိဖွဲ့စည်းပုံ အခြေခံဥပဒေဖြင့်သာ လုပ်ဆောင် သွားမည်ဖြစ်ပြီး၊ လက်ရှိ ဖွဲ့စည်း ပုံ ပြင်ဆင်ရေး လုပ်ဆောင်ချက်များကို လည်း နောက်တက်လာမည့် အစိုးရ လက်ထက်မှသာ အကောင် အထည် ဖော်တော့မည် ဖြစ်ကြောင်း ပြည်ထောင်စု လွှတ်တော် နာယကနှင့် ပြည်သူ့လွှတ်တော်ဥက္ကဋ္ဌ သူရ ဦးရွှေမန်း က၂၀၁၄ ခုနှစ် နိုဝင်ဘာ(၁၈)ရက်နေ့က နေပြည်တော်တွင် ပြုလုပ်သည့် သတင်းစာ ရှင်းလင်ပွဲတွင် တရား ၀င် ပြောကြားလိုက်သည်။

သူရဦးရွှေမန်း၏ အဆိုပါ ပြောကြားချက်မှာ အခြေခံဥပဒေ ပြင်ဆင်ရေး အတွက် လုပ်ဆောင်နေသည့် လွှတ်တော် ကိုယ်စားလှယ်များ၊ နိုင်ငံရေး ပါတီများ၊ အဖွဲ့အစည်းများနှင့် ပြည်သူလူထု၏ လုပ်ဆောင်မှု များအပေါ် မျက်ကွယ်ပြုလိုက်ခြင်းပင် ဖြစ်ကြောင်း ဝေဖန်သံများ ထွက်ပေါ်ခဲ့ သလို မြန်မာနိုင်ငံရေး အပြောင်းအလဲအတွက် အနုတ်လက္ခဏာ တစ်ရပ် ဖြစ်ကြောင်း သုံးသပ်မှုများလည်း ထွက်ပေါ်လာခဲ့သည်။

အမျိုးသား ဒီမိုကရေစီ အဖွဲ့ချုပ် ဒေါ်အောင်ဆန်းစုကြည်ကလည်း အခြေခံဥပဒကို ပြင်ဆင်ခြင်း မပြုလုပ်ပါက လာမည့် ၂၀၁၅ ရွေးကောက်ပွဲမှာ တရားမျှတနိုင်မည် မဟုတ်ကြောင်း မကြာခဏ ဆိုသလို ထုတ်ဖော်ပြောဆို ခဲ့ ခြင်းများရှိသလို ၂၀၀၈ အခြေခံဥပဒေအရ တက်လာမည့် ၂၀၁၅ ရွေးကောက်ပွဲ အနိုင်ရ အစိုးရမှာလည်း ပြည်သူတင်မြှောက်သည့် အစိုးရ မဖြစ်နိုင်ကြောင်း ဝေဖန်မှုများလည်း ရှိသည်။

ယင်းသို့ ဝေဖန်သုံးသပ်မှုများနှင့် ပတ်သက်၍ နယ်ပယ်အသီးသီးမှ ပုဂ္ဂိုလ်များ၏ ပြောကြားချက်များကို မြန်မာသံတော် ဆင့်မှ စုစည်း ဖော်ပြလိုက်ပါသည်။

ရှိန်းဝေနောင်

● ဦးဥာဏ်ဝင်း (ဗဟိုအလုပ်အမှုဆောင်အဖွဲ့ဝင်၊ အမျိုးသား ဒီမိုကရေစီအဖွဲ့ချုပ် – NLD)

ကျွန်တော့်မှတ်ချက် အနေနဲ့ ပြောရရင်တော့ တော်တော် အံ့သြဖို့ ကောင်း တယ်။ ဘာဖြစ်လို့လဲဆိုတော့ ပြည်သူ့ လွှတ်တော်က ဆုံးဖြတ်ရမယ့် ကိစ္စကို ပြည်သူ့လွှတ်တော် ဥက္ကဋ္ဌက ကြိုတင်ပြီးတော့ ပြောနေတာ သိပ်ပြီးတော့ နည်းလမ်း မကျဘူးလို့ ကျွန်တော် အဲဒီလိုပဲ ထင်ပါ တယ်။ ပြည်သူ့လွှတ်တော် ဥက္ကဋ္ဌ တစ်ယောက်အနေနဲ့ ဒီလို ပြောခွင့်ရှိ သလား။ ပြည်သူ့လွှတ်တော်ရဲ့ စကားကို ပြောရမှာ သူ့ စကားကို သူပြောခွင့် ရှိသလား။ အဲဒါပဲ ကျွန်တော်တို့က စဉ်းစားတာ။

● ဒေါက်တာရန်မျိုးသိမ်း (မြန်မာ့အရေး လေ့လာသုံးသပ်သူ)

သူရဦးရွှေမန်းအနေနဲ့ အဲဒီလို ပြောခဲ့တယ် ဆိုလို့ရှိရင် ဒါက မြန်မာပြည် အနုတ်လက္ခဏာ ပြတယ်ပေါ့။ နောက်ပြန် လှည့်တယ်တော့ မဟုတ်ဘူးပေါ့။ အနုတ်လက္ခဏာပြတဲ့ ခြေလှမ်းတစ်ခုလို့ ပြောလို့ရတယ်။ အဲဒီတော့ တစ်ဖက်က ကြည့်လို့ရှိရင် ဖွဲ့စည်းပုံ အခြေခံဥပဒေ ပြင်ဆင်ရေးနဲ့ ပတ်သက်ပြီးတော့ လုပ်နေတဲ့ လွှတ်တော်တွင်း လွှတ်တော်ပြင်ပက ပုဂ္ဂိုလ်တွေ၊ အဖွဲ့အစည်းတွေ အားလုံးရဲ့ လုပ်ဆောင်ချက်တွေကို သဲထဲရေသွန် ဖြစ်သွားတယ် လို့ ပြောလို့ရတယ်။ နောက်ပြီးတော့ တကယ်တမ်းက သူက ဒီကြေညာချက်နဲ့ ကြည့်မယ် ဆိုလို့ရှိရင် ပုဒ်မ ၄၃၆ရော၊ ၅၉(စ)ရောကို ၂၀၁၅ ရွေးကောက်ပွဲ မတိုင်ခင်မှာ မပြင်ဘူးလို့ သူက ပြောလိုက်တဲ့ သဘောပဲ။ အဲဒီအခါကျတော့ ဒါဟာနိုင်ငံရေး အရပေါ့လေ၊ တွေ့ဆုံဆွေးနွေး ညှိနှိုင်းပြီးတော့ အပေးအယူ လုပ်နိုင်မယ့် အနေအထားတစ်ခုကို ပျောက်ဆုံး သွားစေတဲ့ ခြေလှမ်းတစ်ခု လို့ပဲ ပြောရမယ်။

● ဦးဘိုဘိုကျော်ငြိမ်း (မြန်မာ့နိုင်ငံရေး လေ့လာသုံးသပ်သူ)

ဒါကတော့ ရှင်းရှင်းပြောရရင် နိုင်ငံရေး ကစားတာပါပဲ။ နိုင်ငံရေး ကစားတယ် ဆိုတာက သူတို့က မပေးချင်လို့ မလုပ်ထားတာပဲရှိတယ်။ သူရဦးရွှေမန်းက တကယ်တမ်းကျတော့ သူ့ရဲ့ပါတီကို သူဘယ်ကျော်နိုင်မလဲ။ ဦးတို့ ဘက်က ကြည့်ရင်တော့ Reasonable (ကျိုးကြောင်း ဆီလျော်မှု) မဖြစ်တာပေါ့။ သေချာတာကတော့ ရှင်းရှင်း ပြောရရင် အစကတည်းက ကြံစည်ပြီးသားပါ။ Plan လုပ်ပြီးသားလို့ ယူဆတယ်။ ဥပမာ- သူတို့ Election Circle (ရွေးကောက်ပွဲစက်ဝန်း)နဲ့ပဲ ပေးမှာပေါ့။ ဒီတိုင်းချည်းတော့ သူတို့ ဘယ်လုပ်ပေးမလဲ။ ဒါကို ဒေါ်စုနားလည် ပါတယ်။ လူတွေက နည်းနည်းလေး လွတ်လပ်ခွင့်ရတော့ အကုန်လိုချင်တာတော့ ရှိတာပေါ့။ ဒါပေမဲ့ လိုချင်တာ နဲ့ သူတို့ ပေးမှာနဲ့က ရှိသေးတာကိုး။ ဒါကတော့ ကစားယူရမှာပဲ။ သူတို့ မပေးဘူးလို့ ငြိမ်နေလို့လည်း မရဘူး ပေါ့။ ဗိုလ်ချုပ်အောင်ဆန်းလည်း ဒီလိုပဲ ကစားခဲ့ရတာပဲ။ ဒါကတော့ နိုင်ငံရေး ကစားတာပါပဲ။ ဦးကတော့ အဲဒီလိုပဲ သတ်မှတ်တယ်။

● ဦးရဲထွန်း (ပြည်သူ့လွှတ်တော် ကိုယ်စားလှယ်)

အခု ဖွဲ့စည်းပုံ အခြေခံ ဥပဒေ ပြင်ဆင်ရေး လုပ်ငန်းတွေက ကျွန်တော်က နဂိုကတည်းက ကြိုပြီးတော့ မြင်ပါတယ်။ ဒီကောင်က အကောင်အထည် ပေါ်လာဖို့ တော်တော်လေး ခဲယဉ်းတယ်ဗျ။ ဘယ်လိုလဲဆိုတော့ တပ်မတော်သား ကိုယ်စားလှယ်တွေကလည်း ဖွဲ့စည်းပုံ အခြေခံဥပဒေပြင်ရေးနဲ့ ပတ်သက်ရင်သူက တပ်မတော် ဦးစီးချုပ်ရဲ့ အမိန့်ကိုပဲ နာခံလိမ့်မယ်လို့ ယူဆထားတယ်လေ။ အဲဒီတော့ တစ်ခုခု ပြင်မယ်ဆိုရင် ၇၅ ရာခိုင်နှုန်းကျော် မဲရမှဆိုတော့ လက်တွေ့ အဓိပ္ပာယ်က ဘယ်လိုဖြစ်သလဲဆိုတော့ ပြည်ခိုင်ဖြိုးပါတီနဲ့ တပ်မတော်သားတွေက သဘောတူတဲ့ ပြင်ဆင်ချက်မှသာ အောင်မြင်လိမ့်မယ်လို့ ကျွန်တော်က ကြိုမြင် ထားတယ်။ အခု ဆွေးနွေးနေတာ တွေကတော့ ဘာအဓိပ္ပာယ် ဆောင်တုန်းဆိုတော့ ဖွဲ့စည်းပုံ အခြေခံဥပဒေနဲ့ ပတ်သက်ပြီးတော့ ပြည်သူလူထုတွေရော၊ လွှတ်တော် ကိုယ်စားလှယ်တွေရော၊ နိုင်ငံရေး ပါတီတွေရော အသီးသီးက ဘယ်လိုဘယ်လို ရပ်တည်ချက် ရှိတယ်ဆိုတာကို ဖော်ပြတဲ့ အနေအထား။ နောက်တစ်ခုက လွှတ်တော်က ပွင့်လင်းမြင်သာစွာနဲ့ ပြောရေးဆိုခွင့်၊ မိမိတို့ရဲ့ သဘောဆန္ဒတွေကို လွတ်လပ်စွာ ပြောဆိုခွင့် ပြုတယ်ဆိုတဲ့ အနေအထား၊ ဒါကိုပဲ ဖော်ပြတာလို့ ကျွန်တော်က ယူဆတယ်။ ဘာကြောင့်တုန်းဆိုတော့ အခိုင်အမာ တစ်ခုကိုပြင်တော့မယ်ဆိုရင် ကိုယ်၌က၇၅ ရာခိုင်နှုန်းကျော်မှဆိုတဲ့ ၄၃၆ ဥပဒေ ပြဋ္ဌာန်းထားချက် ရှိနေတဲ့အတွက် အဲဒီ ၄၃၆ ကို ကျော်ဖို့ကိုပင်လျှင် မလွယ်ဘူး။ တပ်မတော်က သဘောမတူတဲ့ အတွက်ကြောင့်မို့လို့ မလွယ်ဘူး။ အဲဒီလို ဖြစ်နေတာ။

● ကိုနေမျိုးဇင် (မြန်မာ့လူမှုဘ၀ ဖွံ့ဖြိုးတိုးတက်ရေးကွန်ယက်)

တိုင်းပြည်အတွက် အရွေ့တစ်ခုက ၂၀၁၅မှာ ပြည်သူ့အစိုးရတစ်ရပ် အမှန်တကယ် ပေါ်ပေါက်လာဖို့ ဆိုရင် ပြည်သူ ရွေးကောက် တင်မြှောက်တဲ့လူကို ခေါင်းဆောင် ဖြစ်ခွင့်၊ သမ္မတဖြစ်ခွင့် ရှိရမယ်။ အခု ဖွဲ့စည်းပုံ အခြေခံ ဥပဒေဟာ ခေါင်းဆောင်ဖြစ်ခွင့်၊ သမ္မတဖြစ်ခွင့် ပေးမထားဘူး။ ပြီးတော့လည်း တိုင်းပြည်အရွေ့ အတွက်ကို အမှန်တကယ် လုပ်ကြကြေး ဆိုလို့ရှိရင် စနစ်ဟောင်းက ကောင်းခြင်း၊ ဆိုးခြင်း အမွေတွေကို ပြတ်ပြတ် သားသား ဝေဖန်ပြီးတော့ ပြင်ဆင်နိုင်တဲ့ စွမ်းရည်၊ ပြင်ဆင်နိုင်တဲ့ အခြေခံ ဥပဒေ ပြဋ္ဌာန်းချက်တွေ ရှိရမယ်။ အဲဒီဟာတွေကို မပါဘဲနဲ့ လက်ရှိ အခြေခံဥပဒေက ပုဒ်မ ၄၄၅ လို အချက်မျိုးက ကာကွယ်ပြီးတော့ စနစ်ဟောင်းက အမွေဆိုးတွေကို ထိန်းသိမ်း ပေးထားတာ ရှိတယ်။ ကျွန်တော်တို့က အမွေဆိုးတွေကိုအမြစ် မတူးချင်ဘူး။ ဒါပေမဲ့ အမွေဆိုးတွေကြောင့် ဆက်လက် ရှင်သန်နေတဲ့ အမြစ်တွေကို၊ အတက်တွေကို ကျွန်တော်တို့က ရှင်းထုတ်ပစ်မှရမှာမို့လို့ ဖွဲ့စည်းပုံ အခြေခံဥပဒေ ဆိုတာကို ပြင်ကိုပြင်ရမယ်။ ဘယ်လောက်ပဲ ချုပ်ထိန်းထားမှုတွေ၊ လူထုရွေးကောက် တင်မြှောက်တဲ့ ခေါင်းဆောင်ဖြစ်ခွင့် မရှိအောင် တားမြစ်ထားတဲ့ ဟာတွေကို ကျွန်တော်တို့က ဖယ်ရှားနိုင်စွမ်း ရှိရမယ်။ ဒါကြောင့်မို့လို့ ဦးရွှေမန်းက မပြင်ဘဲ နောက်အစိုးရကျမှ ပြင်မှာဆိုရင် ဒီဥပဒေနဲ့ တက်လာမယ့် နောက်အစိုးရဟာလည်းပဲ ပြည်သူ့ အစိုးရတစ်ရပ် မဖြစ်နိုင်ဘူး။ ပြည်သူရဲ့ ထောက်ခံအားပေး ကူညီမှုမရဘဲနဲ့ တိုင်းပြည်ကို စစ်မှန်တဲ့ ပြုပြင်ပြောင်းလဲရေးတွေ မလုပ်နိုင်ဘူး။

မြန်မာသံတော်ဆင့်သတင်းဌာန- http://www.facebook.com/myanmarherald

 
အဖွဲ့ချုပ်ဥက္ကဋ္ဌ လွှတ်တော် ကိုယ်စားလှယ် ဒေါ်အောင်ဆန်းစုကြည် နဲ့ လွှတ်တော် နာယက သူရဦးရွှေမန်း။
၅၉ (စ) မပြင်နိုင်လို့ ဒေါ်အောင်ဆန်းစုကြည် သမ္မတအဖြစ် ရွေးချယ်ခံပိုင်ခွင့်မရှိဘူးဆိုရင် သူရဦးရွှေမန်း သမ္မတဖြစ်ရေး ထောက်ခံမယ်ဆိုတဲ့ သတင်းတွေနဲ့ပတ်သက်လို့တော့ မဟုတ်မှန်တဲ့ အကြောင်း အမျိုးသားဒီမိုကရေစီအဖွဲ့ချုပ် NLD ပါတီဘက်က ငြင်းဆိုထားပါတယ်။
ပြည်ထောင်စု လွှတ်တော် နာယက သူရဦးရွှေမန်းက သူ သမ္မတဖြစ်ရေး အတွက် ဘယ်သူကပဲ ထောက်ခံထောက်ခံ ကြိုဆိုမှာ ဖြစ်တယ်လို့ ပြောပါတယ်။ ကြာသပတေးနေ့က နေပြည်တော်မှာ ဗွီအိုအေမြန်မာပိုင်းနဲ့ သီးသန့််တွေ့ဆုံ မေးမြန်းခန်း အတွင်း သူရဦးရွှေမန်းက အဲဒီလိုပြောတာပါ။ ဒါ့အပြင် ပြိုင်ဆိုင်ရမယ်ဆိုရင်လည်း တရားသော ယှဉ်ပြိုင်ခြင်းနဲ့ ယှဉ်ပြိုင်သွားမယ် လို့ပြောပါတယ်။ အပြည့်အစုံကို ကိုကျော်ကျော်သိန်းက တင်ပြထားပါတယ်။

အခြေခံဥပဒေပြင်ဆင်ရေးကို ၂၀၁၅ ခုနှစ် ရွေးကောက်ပွဲတွေပြီးတော့မှပဲ လုပ်မယ်လို့ သူရဦးရွှေမန်းက ပြောပြီးတဲ့နောက် အဓိကအကျဆုံးပုဒ်မတွေဖြစ်တဲ့ ၄၃၆ နဲ့ ၅၉ (စ) တို့ကို ရွေးကောက်ပွဲ မတိုင်ခင် ပြင်နိုင်တော့မှာ မဟုတ်သလို ဒေါ်အောင်ဆန်းစုကြည် သမ္မတအဖြစ် ရွေးကောက် တင်မြှောက်ခံပိုင်ခွင့် အလားအလာလည်း မှေးမှိန်သွားတာပါ။

၅၉ (စ) ကိုသာ အချိန်မီမပြင်နိုင်ဘူးဆိုရင် ဦးရွှေမန်း သမ္မတဖြစ်ရေး ဒေါ်အောင်ဆန်းစုကြည် က ထောက်ခံမယ့် အလားအလာနဲ့ ပတ်သက်ပြီး သူရဦးရွှေမန်းကို ဗွီအိုအေဌာနမှူး ဦးသန်းလွင်ထွန်းက မေးပါတယ်။

ဦးသန်းလွင်ထွန်း။ ။ ပုဒ်မ ၅၉(စ) ကိုပြင်နိုင်ခဲ့ရင်ပေါ့နော်။ ပြင်နိုင်ခဲ့မယ် ဆိုရင် ဒေါ်အောင်ဆန်းစုကြည်လည်း နာမည်စာရင်း တင်သွင်း ခံပိုင်ခွင့် ရှိလာပြီပေါ့နော်။ တကယ်လို့များ နာမည်စာရင်း တင်သွင်းခံပိုင်ခွင့် မရှိဘူးဆိုရင် အပြင်မှာ ထွက်နေတဲ့ ပြောဆိုမှုတွေအရ ဒေါ်အောင်ဆန်းစုကြည်ဘက်က ဥက္ကဋ္ဌကြီးကို ထောက်ခံပေးမယ်ဆိုတဲ့ စကားမျိုး ထွက်လာတာတောင် ရှိတယ်လေ။ အဲ့တာတွေနဲ့ပတ်သက်လို့ရော ဥက္ကဋ္ဌကြီးအနေနဲ့ ဘာကြားထားတာ ရှိလဲခင်ဗျ။ အများပြောနေတာတော့ ဥက္ကဋ္ဌကြီးနဲ့ ဒေါ်အောင်ဆန်းစုကြည်နဲ့ ခင်မင်မှု ပိုလာတယ်။ ပူးပေါင်းဆောင်ရွက်မှုက ပိုလာတယ်ဆိုတော့ အဲ့ဒီ့လို ထောက်ခံပံ့ပိုးပေးမယ်ဆိုတဲ့ အဆင့်အထိရော ဖြစ်နိုင်မလား ခင်ဗျ။

သူရဦးရွှေမန်း။ ။ တကယ်လို့ ထောက်ခံလာမယ်ဆိုလည်း ကြိုဆိုတာပေါ့။ ဝမ်းမြောက်တာပေါ့။ ထောက်ခံခြင်း၊ မထောက်ခံခြင်းကလည်း အခုပြောလို့တော့ မဖြစ်နိုင်သေးပါဘူး။

ဦးသန်းလွင်ထွန်း။ ။ ဒီမေးခွန်းက ဒေါ်အောင်ဆန်းစုကြည် ကိုမေးရမယ့် မေးခွန်းပါ။ ထောက်ခံမယ်။ မထောက်ခံမယ်လို့ ဒါပေမဲ့လုိ့ ဒီအကြောင်းတွေကို ဥက္ကဋ္ဌကြီးအနေနဲ့ ကြားသလား။ ဘယ်လိုဆန္ဒရှိသလဲဆိုတာ ကျနော် သိချင်လို့ပါ။

သူရဦးရွှေမန်း။ ။ ကိုယ်တိုင်ကပြောတယ်။ ဘယ်သတင်းကထွက်လို့ ဘယ်လိုပြောတယ်ဆိုတာ ပြောနေကြတာပဲလေ။ ဒါပေမဲ့ သူတို့အပြောပဲလေ။ တကယ်လို့သာ ခုနက ဒေါ်အောင်ဆန်းစုကြည် သို့မဟုတ်ရင် သူ့ရဲ့ပါတီ တခြားပုဂ္ဂိုလ်တွေက ထောက်ခံမယ်ဆိုလည်း တို့က ဝမ်းသာရမှာပေါ့။"

သမ္မတအဖြစ် ရွေးကောက်တင်မြှောက်ဖို့အတွက် ဒုတိယသမ္မတသုံးဦးကို စစ်တပ် ကိုယ်စားလှယ်တွေက တဦး၊ ပြည်သူ့ လွှတ်တော်က တဦးနဲ့ အမျိုးသားလွှတ်တော်ကတဦးစီ ရွေးချယ်ပေးကြရတာဖြစ်ပါတယ်။ အခြေခံဥပဒေပြင်ဆင်ရေးလုပ်တဲ့အခါ ပုဒ်မ ၄၃၆ တို့၊ ၅၉ (စ) တို့ကို ပြင်နိုင်တယ်ဆိုရင် သူရဦးရွှေမန်းနဲ့ဒေါ်အောင်ဆန်းစုကြည်တို့ အပြိုင်အဆိုင် ကြိုးပမ်းကြရမယ့် ပုံရှိနေတာပါ။ ဒီလိုပြိုင်ဆိုင်ဖို့အတွက်လည်း သူရဦးရွှေမန်းဘက်က အဆင်သင့် ရှိနေပုံရပါတယ်။

"ပြိုင်ဆိုင်ဖို့အတွက်ကတော့ ဒေါ်အောင်ဆန်းစုကြည်လည်း ပြိုင်ဆိုင်မှာပဲ။ ကျန်တဲ့ တခြားသူ ရှိမယ်ဆိုရင်လည်း ပြိုင်ဆိုင်မယ်။ ဒါက အခွင့်အရေးပါပဲ။ ပြိုင်ဆိုင်မှုအတွက် မိမိတို့ လိုလားတယ်။ ဒေါ်အောင်ဆန်းစုကြည်နဲ့ ပြောမယ် ဆိုရင်လည်း အခု ပါတီချင်းပြိုင်ဆိုင်နေတာပဲ။ လူချင်းလည်း ပြိုင်ဆိုင်ရမှာဖြစ်တယ်။ အဲဒီလို ပြိုင်ဆိုင်ဖို့အတွက် ဒီလို ရှိတဲ့နေရာမှာ တယောက်နဲ့တယောက် ရန်သူလို သဘောထား ဆောင်ရွက်မယ့်အချိန်လည်း မဟုတ်ဘူး။ ဟိုတုန်းကလို ပါတီချင်းအနေနဲ့လည်း အပြုတ်တိုက် အပြတ်ရှင်း လုပ်ရမယ့် အချိန်လည်း မဟုတ်ဘူး။ ဒီဟာသည် ခေတ်စနစ်နဲ့ ပေါ်ပေါက်လာတဲ့ကိစ္စ ဖြစ်တယ်။ ပြိုင်ဆိုင်မှုအတွက် လိုလားတယ်။ မည်သူမဆို ၀င်ရောက်ယှဉ်ပြိုင်နိုင်တယ်။ ဒီကနေ့ ဒေါ်အောင်ဆန်းစုကြည် နဲ့ ခင်ခင်မင်မင်နေပြီးတော့ ဆောင်ရွက်တဲ့ နေရာမှာလဲ နိုင်ငံနဲ့နိုင်ငံသား အကျိုးစီးပွားအတွက်ဆိုရင် အားလုံး ပူးပေါင်း ဆောင်ရွက်မယ်။ သို့သော် ရွေးကောက်ပွဲကျရင် ပြိုင်မယ်။ အနိုင်ရအောင်။ အဲဒီအတိုင်းပဲ ရွေးကောက်ပွဲနောက်ပိုင်း ဖြစ်လာမယ့်ကိစ္စလည်း ပြိုင်မယ်။ ကောင်းသော ယှဉ်ပြိုင်ခြင်း၊ တရားသော ယှဉ်ပြိုင်ခြင်းအတွက် အားလုံး နှစ်ယောက်လုံးက သဘောတူပါတယ်။"

ပြည်ထောင်စုလွှတ်တော်နာယက သူရဦးရွှေမန်းက ဗွီအိုအေနဲ့ သီးသန်းတွေ့ဆုံမေးမြန်းခန်းအတွင်း ဖြေကြားသွားတာပါ။
၅၉ (စ) မပြင်နိုင်လို့ ဒေါ်အောင်ဆန်းစုကြည် သမ္မတအဖြစ် ရွေးချယ်ခံပိုင်ခွင့်မရှိဘူးဆိုရင် သူရဦးရွှေမန်း သမ္မတဖြစ်ရေး ထောက်ခံမယ်ဆိုတဲ့ သတင်းတွေနဲ့ပတ်သက်လို့တော့ မဟုတ်မှန်တဲ့ အကြောင်း အမျိုးသားဒီမိုကရေစီအဖွဲ့ချုပ် NLD ပါတီဘက်က ငြင်းဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com/content/article/2530316.html


ပြီးခဲ့တဲ့ နိုဝင်ဘာလ ၁၆ရက်နေ့က အစိုးရစစ်တပ်က KIA သင်တန်းကျောင်းကို လက်နက်ကြီးနဲ့ပစ်ခတ်မှုနဲ့ ပတ်သက်ပြီး တပ်မတော်က ရှင်းလင်းချက်ဟာအဖြစ်မှန်နဲ့ ကွဲလွဲနေပြီး ထုတ်ပြန်ချက်ပါ စာသားတွေအရ ညှိနှိုင်းဆွေးနွေးလိုတဲ့ သဘောထားမရှိတာကို တွေ့ရတယ်လို့ KIO ကချင်လွတ်မြောက်ရေးအဖွဲ့ ပြန်ကြားရေးတာဝန်ခံ ဦးလာနန်းက RFA ကိုပြောပါတယ်။

အစိုးရထုတ်ပြန်တဲ့ ကြေညာချက် နောက်ဆုံးအပိုဒ်မှာ တိုင်းရင်းသားလက်နက်ကိုင်တပ်ဖွဲ့တွေကို ခြိမ်းခြောက်တဲ့ စာသားတွေပါဝင်နေတယ်လို့ ဦးလာနန်းက ပြောပါတယ်။

"ထုတ်ပြန်ကြေညာချက်ထဲမှာတော့ နောက်ဆုံးစာတမ်းမှာ ထည့်ထားတာတစ်ခုကတော့ နှောက်ယှက်တိုက်ခိုက်မှုများ ထပ်မံပြုလုပ်ခြင်းများ မရှိစေရေးအတွက် သတိပေး အကြောင်းကြားထားပြီးဖြစ်ကြောင်း ဆိုတဲ့ဝေါဟာရဟာ ဒါဟာ တိုင်းရင်းသားလက်နက်ကိုင် အဖွဲ့အစည်းတွေအားလုံးကို အမိန့်ပေးတဲ့ပုံစံ၊ လုံးဝလာမထိနဲ့ဆိုတဲ့ပုံစံ နောက်နောင်ဒီလိုပုံစံ ဆက်ပြီးဖြစ်လာနိုင်တယ်၊ လက်နက်ကြီးတွေနဲ့ ထပ်ပြီးတော့ပစ်ပါ့မယ်ဆိုတဲ့ သတိပေးတာမျိုးပါတယ်၊ တင်းမာတဲ့ပုံစံနဲ့ ဒီထုတ်ပြန်ကြေညာချက် ထုတ်တဲ့အပေါ်မှာတော့ ဘယ်လိုမှ ကျေနပ်စရာအကြောင်းရင်းမရှိဘူး၊ ဒါဟာ ညှိနှိုင်းဆွေးနွေးလိုတဲ့ဆန္ဒ မဟုတ်ပဲနဲ့ အမြစ်ပြတ်ချေမှုန်းမယ်ဆိုတဲ့ အဓိပ္ပါယ်သဘောဆောင်တယ်လို့ မှတ်ယူရမယ်"

ဒီကနေ့ မြန်မာ့အလင်း သတင်းစာမှာ ဖော်ပြချက်အရ လမ်းဖေါက်တဲ့ စစ်သည်တွေကို KIA က လက်နက်ကြီးနဲ့ တိုက်ခိုက်တာကြောင့် လုံခြုံရေး လိုက်ပါလာတဲ့စစ်ကြောင်းက တုံ့ပြန်ပစ်ခတ်တဲ့ အတွက် ထိခိုက်ဒါဏ်ရာရတာတွေရှိတယ်လို့ ဖော်ပြထားပါတယ်။

ဒါပေမယ့် KIO အဖွဲ့က ပြောဆိုရာမှာတော့ အစိုးရတပ်က လက်နက်ကြီးနဲ့ပစ်ခတ်တာဟာ ဗိုလ်သင်တန်းကျောင်းအထက် နှစ်မိုင်ခန့်အကွာ ခါရာဘွန်တောင်ကုန်းပေါ်ကနေ ပစ်ခတ်တာဖြစ်ပြီး အစိုးရတပ်တွေနဲ့ KIA ရှေ့တန်းစခန်းတိုက်ပွဲဖြစ်ပွားတဲ့ နေရာဟာ လက်နက်ကြီးကျည်ထိမှန်တဲ့ ဗိုလ်သင်တန်းကျောင်းနဲ့ မိုင်၂၀ကျော် ဝေးတယ်လို့ ဆိုပါတယ်။

လက်နက်ကြီးပစ်ခတ်မူကြောင့် သင်တန်းကျောင်း စစ်ရေးပြကွင်းမှာ လေ့ကျင့်နေတဲ့ သင်တန်းသား ၂၃ဦးသေဆုံးပြီး ၂၀ကျော် ဒါဏ်ရာရရှိပါတယ်။ သေဆုံးသူတွေကို ဒီကနေ့ မနက်ပိုင်းက လိုင်ဇာမြို့မှာ စစ်အခန်းအနားနဲ့ သင်္ဂြိုလ်လိုက်ပြီလို့ သ်ိရပါတယ်။

RFA

ကေအိုင်အိုဌာနချုပ် လိုင်ဇာမြို့ထဲကို လက်နက်ကြီးနဲ့ ပစ်ခတ်တာဟာ တပ်မတော်ဖက်က အကြိမ်ကြိမ် သတိပေးတာကို မလိုက်နာတဲ့အတွက် တန်ပြန် သတိပေးပစ်ခတ်တာဖြစ်ကြောင်း တပ်မတော်ဘက်က မနေ့က သတင်းထုတ်ပြန်လိုက်ပါတယ်။

တပ်မတော်က စာနယ်ဇင်းကောင်စီ(ယာယီ) ထံ နိုဝင်ဘာလ ၂၀ ရက်နေ့ နေ့စွဲနဲ့ စာပေးပို့ခဲ့တာ ဖြစ် ပါတယ်။ အဲဒီစာထဲမှာ ကေအိုင်အေတပ်တွေက တပ်မတော်ဘက်က လမ်းဖေါက်နေတာတွေနဲ့ ခရီးသွား လာမှုတွကို မကြာခဏ တိုက်ခိုက်တာတွေရှိတဲ့အတွက် အစိုးရနဲ့ ကေအိုင်အိုနှစ်ဖက်အတွက် ဖွဲ့စည်းထားတဲ့ ပဋိပက္ခညှိနှိုင်းရေး ကော်မတီကနေတဆင့် အကြိမ်ကြိမ် အကြောင်းကြားခဲ့ကြောင်း ပါရှိပါတယ်။

ပြီးခဲ့တဲ့ နိုဝင်ဘာလ ၁၉ ရက်နေ့ တပ်မတော်ဘက်က ပစ်လိုက်တဲ့လက်နက်ကြီးကြောင့် ကေအိုင်အိုဌာနချုပ် လိုင်ဇာမြို့က ဗိုလ်လောင်းသင်တန်းကျောင်းထဲ ကျရောက်ပေါက်ကွဲခဲ့တဲ့အတွက် သင်တန်းသား ၂၃ ဦးသေဆုံးပြီး ၂၀ ဒဏ်ရာရခဲ့တယ်လို့ ကေအိုင်အိုက ကြေညာချက်ထုတ်ပြန်ပါတယ်။

တပ်မတော်က ထုတ်ပြန်ချက်မှာ ပုံမှန်ရိက္ခာတင်ပိုတဲ့ လမ်းကြောင်းဖောက်လုပ်မှုအပေါ် နှောင့်ယှက်ပစ်ခတ်တာတွေ မရှိဖို့ တောင်းဆိုထားသလို နှောင့်ယှက်လာရင် လိုအပ်သလိုတန်ပြန်အရေးယူ ဆောင်ရွက်သွားမယ်လို့လည်း ပါရှိပါတယ်။ ကေအိုင်အိုဘက်ကလည်း လိုင်ဇာအနီးက တပ်မတော်ရဲ့ စခန်းတွေနဲ့ လက်နက်ကြီးတွေကို ရုပ်သိမ်းပေးဖို့ တောင်းဆိုထားပါတယ်။

အခုလို တပ်မတော်ဘက်က လက်နက်ကြီးနဲ့ ပစ်ခတ်လိုက်တဲ့အပေါ် ကေအိုင်အိုဌာနချုပ်၊ တိုင်းရင်းသားလက် နက်ကိုင်အဖွဲ့တွေနဲ့ ဖွဲ့ထားတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF တို့က ကန့်ကွက်ရှုတ်ချကြောင်းလည်း ထုတ်ပြန်ကြေညာထားပါတယ်။

RFA

မြန်မာနိုင် ငံရှိ တိုင်းရင်းသား လက်နက်ကိုင်အ ဖွဲ့များအနက် အင်အားအကြီးဆုံး လက်နက်ကိုင်အဖွဲ့တစ်ဖွဲ့ဖြစ်သည့် 'ဝ' ပြည် သွေးစည်းညီညွတ်ရေးပါတီ UWSA အဖွဲ့တွင် တရုတ်နိုင်ငံလုပ် FN-6 MANPADS ပခုံးထမ်းလေ ယာဉ်ပစ်ဒုံးကျည်များ ရှိနေပြီဖြစ် ကြောင်း အမေရိကန်အခြေစိုက် စစ် ရေးမဂ္ဂဇင်းတစ်စောင်ဖြစ်သည့် Janes Defence မဂ္ဂဇင်းတွင် ဖော်ပြထား သည်။

နိုဝင်ဘာ ၁၈ရက်နေ့စွဲဖြင့် ဖော်ပြထားသည့် Janes မဂ္ဂဇင်း၏ အင်တာနက်စာမျက်နှာတွင် 'ဝ'တပ် ဖွဲ့မှပိုင်ဆိုင်ထားသည့် လေယာဉ်ပစ် ဒုံးကျည်များမှာ ယခင်က 'ဝ' အဖွဲ့ အသုံးပြုနေသည့် ရုရှားနိုင်ငံထုတ် SAM-7 လေယာဉ်ပစ် ဒုံးကျည်နေ ရာတွင် အစားထိုးအသုံးပြုနေခြင်း ဖြစ်ကြောင်း ယုံကြည်စိတ်ချရသည့် စစ်ဘက်ဆိုင်ရာ တာဝန်ရှိသူတစ်ဦး မျက်မြင်တွေ့ရှိ ပြောဆိုချက်ကို ကိုး ကားပြီးဖော်ပြထားသည်။

အဆိုပါဒုံးကျည်မှာ အမြင့်မီတာ ၃၅ဝဝ အကွာအဝေးရှိ ပစ်မှတ်ကို ထိ မှန်အောင်ပစ်နိုင်ပြီး ပစ်လွှတ်လိုက် စဉ်အတွင်း နေရောင်ခြည်သက် ရောက်မှု၊ လောင်ကျွမ်းမှုနှင့် လေထု တွင်းပွတ်တိုက်မှုများကို ခံနိုင်ရည်ရှိ သည်ဟု မဂ္ဂဇင်းဖော်ပြချက်အရ သိ ရသည်။

ယင်း FN-6 MANPADS ဒုံး ကျည်မှာ တရုတ်နိုင်ငံလုပ် လေယာဉ် ပစ် ပခုံးထမ်းဒုံးကျည်များအနက် တတိယမျိုးဆက်အနေဖြင့် ပေါ်ထွက် လာသည့် ခေတ်မီလက်နက်ဖြစ် ကြောင်းနှင့် ၂ဝ၁၃ခုနစ်က ဆီးရီးယား ပြည်တွင်းစစ်တွင် ယင်းလက်နက်ကို အသုံးပြုမှုများရှိခဲ့ကြောင်း မဂ္ဂဇင်း ဖော်ပြချက်အရ သိရသည်။

'ဝ' တပ်ဖွဲ့ ပြောခွင့်ရပုဂ္ဂိုလ် ဦးအောင်မြင့်က ယင်းကိစ္စအပေါ်ငြင်း ဆိုခဲ့ပြီး Janes မဂ္ဂဇင်းအနေဖြင့် ယ ခင်ကလည်း ခေတ်မီရဟတ်ယာဉ်များ ရှိသည်ဟု စွပ်စွဲရေးသားမှုများရှိခဲ့ကြောင်း ပြောသည်။

''ဒီကိစ္စကမဟုတ်ပါဘူး၊ ဘာ ခေတ်မီလေယာဉ်ပစ် ဒုံးကျည်တွေမ ရှိပါဘူး။ SAM -7 လဲမရှိဘူး FN-6 တရုတ်လုပ်ဆိုတာလဲမရှိဘူး။ အရင် က ခေတ်ဟောင်းလေယာဉ်ပစ် စက် သေနတ်တွေတော့ရှိတာပေါ့။ ပြီးခဲ့ တဲ့နှစ်ကလဲ ဒုံးကျည်သုံးနိုင်တဲ့ ရဟတ် ယာဉ်ရှိတယ်ဆိုလို့ မဟုတ်ကြောင်း အစိုးရကိုပုံတွေနဲ့တကွ ရှင်းပြခဲ့ရ သေးတယ်''ဟု ဦးအောင်မြင့်က ပြောသည်။

''ဒါက သက်သက်ရှုပ်ထွေး အောင်လုပ်နေတာ''ဟု ၄င်းကဆို သည်။

'ဝ'ပြည် သွေးစည်းညီညွတ် ရေးပါတီတွင် အမြဲတမ်းတပ်ဖွဲ့ဝင် အင်အား သုံးသောင်းခန့်ရှိသည်ဟု စစ်ရေးအကဲခတ်များက ခန့်မှန်းထား သည်။

'ဝ' ပြည် သွေးစည်းညီညွတ် ရေးပါတီသည် ရှမ်းပြည်နယ်အရှေ့ ပိုင်းတွင် တည်ရှိပြီး အစိုးရနှင့်အပစ် ရပ်ထားသော တိုင်းရင်းသားလက်နက် ကိုင် အဖွဲ့တစ်ဖွဲ့ဖြစ်သည်။

STAL

‪#‎Democracytoday‬

(ဒီမိုကရေစီတူဒေး သတင်းစာမှ ကူးယူဖော်ပြပါသည်။)
Yangon Media Group



ဖွဲ့စည်းပုံအခြေခံဥပဒေကို ၂ဝ၁၅ ရွေးကောက်ပွဲပြီးမှသာ ပြင်ဆင်နိုင်မယ်လို့ ပြည်သူ့လွှတ်တော် ဥက္ကဋ္ဌ သူရဦးရွှေမန်းက နိုဝင်ဘာလ ၁၈ ရက်နေ့က ပြောလိုက်ပါတယ်။ လုပ်ငန်းစဉ်အရ ဦးရွှေမန်းပြောတာ မှန်ကန်ပေမယ့်၊ ရွေးကောက်ပွဲမတိုင်ခင် ပြင်ဆင်လို့မရဘူးဆိုတာကိုတော့ နားလည်ရခက်တယ်လို့ ၈၈ မျိုးဆက်အဖွဲ့က ဦးကိုကိုကြီးက ပြောပါတယ်။ ဦးကိုကိုကြီးကို RFA သတင်းထောက် ကိုကျော်သူက တွေ့ဆုံမေးမြန်း ထားပါတယ်။

RFA


နိုင်ငံတော်သမ္မတ၏ ဂုဏ်သိက္ခာနှင့် အခွင့်အရေး ထိခိုက်စေသည် ဟုဆိုကာ ပြန်ကြားရေး ၀န်ကြီးဌာနက တရားလို ပြုလုပ်၍ မြန်မာသံတော်ဆင့် အယ်ဒီတာချုပ် အပါအ၀င် ၁၁ ဦးကို တရားစွဲဆိုသော အမှု ပထမဆုံး ရုံးချိန်း အား နိုဝင်ဘာလ ၁၄ ရက်တွင် နေပြည်တော် ပုဗ္ဗသီရိမြို့နယ် တရားရုံး၌ ပြုလုပ်ခဲ့ပြီး တရားသူကြီးက အပြစ် ရှိ၊ မရှိ မေးမြန်းခဲ့ကြောင်း တရားစွဲဆိုခံရသူ တစ်ဦးဖြစ်သည့် မြန်မာသံတော်ဆင့် ဒုတိယ အယ်ဒီတာချုပ် ဦးအံ့ခေါင်မင်း က ပြောကြားသည်။

ပြန်ကြားရေး ၀န်ကြီးဌာနက မြန်မာသံတော်ဆင့် သတင်းဂျာနယ် ၌ ဖော်ပြခဲ့သော အမျိုးသား ဒီမိုကရေစီ အဖွဲ့ချုပ် (NLDဗဟို)မှ သုတေသနလမ်းညွှန်အဖွဲ့ အတွင်းရေးမှူး ဗေဒါနိုင်ငံရေးသိပ္ပံ ကျောင်းအုပ်ကြီး ဦးမျိုးရန်နောင် သိမ်းနှင့် တွေ့ဆုံ မေးမြန်းခန်းတွင် ပါဝင်သည့် ပြောကြား ချက်များနှင့် ပတ်သက်၍ မီဒီယာ ဥပဒေပုဒ်မ(၂၅)(ခ)ဖြင့် တရားစွဲဆိုခဲ့ခြင်းဖြစ်သည်။

အဆိုပါ ရုံးချိန်းသို့ မြန်မာသံတော်ဆင့်မှ အယ်ဒီတာချုပ်၊ ဒုတိယ အယ်ဒီတာချုပ်များ၊ အယ်ဒီတာ များနှင့် ဖြန့်ချိရေး ၀န်ထမ်း စုစုပေါင်း (၁၁)ဦးကို တရားရုံးသို့ လာရောက်ရန် ဆင့်ခေါ်ခဲ့သော်လည်း အချို့မှာ ကျန်းမာရေး ပြဿနာများ ရှိသောကြောင့် (၆)ဦးသာ ရုံးချိန်း တက်ရောက်နိုင်ခဲ့သည်။ ပြန်ကြားရေးဝန်ကြီး ဌာနကမူ တရားလိုအဖြစ် ရုံးအဖွဲ့မှူး ဦးမြင့်ထွေးက ရုံးချိန်း တက်ရောက်လာသည်။

““ ကိုယ်ပိုင် ခံဝန်လုပ်ပြီးတော့ နောက်ရုံးချိန်း ပြန်ချိန်းတာပေါ့။ ၂၅ ရက်နေ့ချိန်းတယ်။ တရားသူကြီး ကတော့ ပြန်ကြားရေး ၀န်ကြီးဌာနက တရားလိုလုပ်ပြီး စွဲထားတာနဲ့ပတ်သက်ပြီး အပြစ်ရှိ၊ မရှိမေးတယ်။ ကျွန်တော်တို့ ကတော့ အပြစ်မရှိတဲ့အတွက် အပြစ်မရှိဘူးလို့ပဲ ဖြေကြား တာပေါ့။ အပြစ်မရှိတာနဲ့ ပတ်သက်ပြီး ဘယ်လို ထုချေချင်လဲ ဆိုတဲ့အခါကျတော့ ကျွန်တော်တို့ ဂျာနယ်မှာ ပြောကြား ခဲ့တဲ့ ဝေဖန် ပြောကြားချက်သည် အမျိုးသား ဒီမိုကရေစီအဖွဲ့ချုပ်က ဗဟိုနိုင်ငံရေး သုတေသန လမ်းညွှန်အဖွဲ့ အတွင်းရေးမှူး ဖြစ်တယ်။ အမျိုးသား ဒီမိုကရေစီ အဖွဲ့ ချုပ်ရဲ့ ဗဟိုအဆင့် တာဝန်ရှိသူ လူကြီးတစ်ဦး က နိုင်ငံတော်သမ္မတကို အများပြည်သူ အကျိုးစီးပွား အလို့ ငှာ ဝေဖန်ပြောကြားချက် ဖြစ်တဲ့အတွက် ကျွန်တော်တို့အနေနဲ့ အပြစ်မရှိ ပါဘူးလို့ တရားသူကြီးကို ထုချေခဲ့တာပါ””ဟု ဦးအံ့ခေါင်မင်းက မီဒီယာများသို့ ဖြေကြားသည်။

မြန်မာသံတော်ဆင့်အား တရားစွဲဆိုသော သတင်းမီဒီယာ ဥပဒေပုဒ်မ ၂၅(ခ)တွင် မည်သည့် သတင်းမီဒီယာ သမားမဆို ပုဒ်မ၉၊ ပုဒ်မခွဲ(ဃ)၊ ပုဒ်မခွဲ(ခ)နှင့် ပုဒ်မခွဲ(ဆ) တို့ပါ တာဝန်နှင့် ကျင့်ဝတ် တစ်ရပ်ရပ်ဖြင့် ပြစ်မှု ကျူး လွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို ငွေဒဏ်အနည်းဆုံး ကျပ်သုံးသိန်းမှ အများဆုံး ကျပ်ဆယ်သိန်း အထိ ချမှတ်ရမည်ဟု ဖော်ပြထားသည်။

သတင်းမီဒီယာ ဥပဒေပုဒ်မ (၉) ပုဒ်မခွဲ(ဃ)တွင် သတင်းဓာတ်ပုံနှင့် အရုပ်အသံများ ဖော်ပြရာတွင် နည်းပညာ တစ်ရပ်ရပ်ကို အသုံးပြု၍ မလျော်ကန်သော ပြုပြင် ပြောင်းလဲခြင်းမှ ရှောင်ကြဉ်ခြင်း၊ ပုဒ်မခွဲ(ခ)တွင် တစ်ပါးသူ ပိုင်ဆိုင်သည့် ဉာဏဆိုင်ရာ ပစ္စည်းများကို ခွင့်ပြုချက်မရဘဲ ကူးယူဖော်ပြခြင်းမှ ရှောင်ကြဉ်ခြင်း၊ ပုဒ်မခွဲ(ဆ)တွင် အများပြည်သူ အကျိုးစီးပွားနှင့် စပ်ဆိုင်သည့် သတင်းရေးသားခြင်း မဟုတ်လျှင် ပုဂ္ဂိုလ်တစ်ဦး အဖွဲ့အစည်း တစ်ခု၏ ဂုဏ်သိက္ခာကို တမင်ထိခိုက်စေသော အရေးအသားနှင့် လူ့အခွင့်အရေးကို ထိခိုက်စေသော အရေးအသား ကို ဖော်ပြခြင်း မှ ရှောင်ကြဉ်ခြင်းဟု ပြဋ္ဌာန်းထားသည်။

မြန်မာသံတော်ဆင့်မှ နေပြည်တော် ပုဗ္ဗသီရိ တရားရုံးသို့ အမှုရင်ဆိုင်ရန် လာရောက်စဉ်အတွင်း ရဲအရာရှိ တစ်ဦးက မှတ်တမ်းများယူခြင်း၊ အာဏာပိုင်များဘက်မှ စောင့်ကြည့်ခြင်းတို့ ပြုလုပ်ခဲ့သည်ကို တွေ့မြင်ရသည်။

ထိုကဲ့သို့ ပြုလုပ်ခြင်းအပေါ် Daily Eleven သတင်းစာ အယ်ဒီတာချုပ် ဦးဝေဖြိုးက ““မြန်မာသံတော်ဆင့်ကို စွဲထားတဲ့ ပုဒ်မက သတင်းမီဒီယာ ပုဒ်မပေါ့နော်။ ကျွန်တော်တို့ စွဲခံထားရတဲ့ ပုဒ်မက ပုဒ်မ ၅၀၀ ပေါ့။ တကယ်တမ်း ကျတော့ ဒီပုဒ်မတွေက သက်ဆိုင်ရာ တရားရုံး အသီးသီးမှာ ပုံမှန်ရုံးချိန်းမှာ ပုံမှန်အတိုင်းပဲ သွားရမယ့် ကိစ္စရပ်တွေ။ အဲဒီလို မဟုတ်မခံ မီဒီယာတွေကို တရားစွဲခံရတဲ့ အခါကျမှ လုပ်တယ်ဆိုရင်တော့ ဘာကြောင့်လဲ။ မရိုးသားတာ လား မေးခွန်းထုတ်စရာ ဖြစ်တာပေါ့။ ဒါတော့ မဟုတ်ဘူး။ ဦးရဲထွဋ် ကိုယ်တိုင်လည်း ပြောနေတာပဲ။ တရားဥပဒေအရ ဆောင်ရွက် တယ်ဆိုရင် မြန်မာ တစ်နိုင်ငံလုံးမှာရှိတဲ့ အခြားသော အဲဒီပုဒ်မတွေနဲ့ အမှုရင်ဆိုင်နေ တဲ့ တရားခွင်တွေမှာ အဲဒီလို လုပ်သလားလို့ ကျွန်တော် မေးခွန်း ထုတ်ချင်တယ်”” ဟု ဝေဖန်ပြောကြားသည်။

မြန်မာသံတော်ဆင့် ၀န်ထမ်းများအပေါ် စွဲဆိုထားသော အမှုအတွက် ဒုတိယအကြိမ်မြောက် ရုံးချိန်းကို နိုဝင်ဘာ ၂၅ ရက်တွင် နေပြည်တော် ပုဗ္ဗသီရိ တရားရုံး၌ပင် ထပ်မံ စစ်ဆေးမည်ဖြစ်သည်။

ဝိုင်းမော်

မြန်မာသံတော်ဆင့်သတင်းဌာန- http://www.facebook.com/myanmarherald


ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဒုတိယဥက္ကဋ္ဌ ဦးဌေးဦးက နိုင်ငံတော်ထံမှ မိသားစုပိုင်အဖြစ် ရရှိခဲ့သော နေပြည်တော် ဥတ္တရသီရိမြို့နယ် ဇလောင်းကျေးရွာအုပ်စုရှိ လယ်ယာမြေဧက ၂၀၀ တွင် မူလပိုင်ရှင် ဒေသခံ လယ်သမား၂၆ ဦး၏ စိုက်ပျိုးမြေများ ပါဝင်နေသောကြောင့် ပြန်လည် တောင်း ဆိုသော်လည်း ပေးအပ်ခြင်း မရှိကြောင်း အဆိုပါ လယ်သမားများ ကိုယ်စား ဦးတင်မင်းနိုင်က နိုဝင်ဘာလ ၁၇ ရက်တွင် မြန်မာသံတော်ဆင့်သို့ ပြောသည်။

ဗိုလ်ချုပ်ကြီးနေ၀င်း လက်ထက်တွင် အဆိုပါ နေရာသည် နိုင်ငံပိုင် သစ်တောကြိုးဝိုင်းတစ်ခု ဖြစ်ခဲ့၍ ဒေသခံ လယ်သမားများ ၀င်ရောက် လုပ်ကိုင်ခဲ့ကြပြီး ဗိုလ်ချုပ်မှူးကြီး သန်းရွှေ လက်ထက်တွင် သစ်တော ကြိုးဝိုင်း ဖျက်ကာ အဆိုပါ နေရာများကို ဦးဌေးဦး အပါအ၀င် စစ်ဘက်ဆိုင်ရာ ထိပ်တန်း အရာရှိကြီးများအား ခွဲဝေ ပေးအပ်ခဲ့ခြင်း ဖြစ်သည်။ ဦးဌေးဦး ပိုင်ဆိုင်သည့် မြေဧက၂၀၀ တွင် ဧက ၄၀ လောက်သာ ငှက်ပျော၊ ဒန့်သလွန်၊ သရက်ပင်များ စိုက်ပျိုးထားသောကြောင့် ယခုကဲ့သို့ ဒေသခံ လယ်သမားများက ပြန် လည် တောင်းဆိုခြင်း ဖြစ်သည်။

““ကျွန်တော်တို့ စိုက်ခဲ့တာ နှစ်ပေါင်း၂၀၊ ၃၀လောက်တော့ ရှိပြီ။ ကျွန်တော်တို့ တောင်သူက ၂၆ဦး၊ ဦးဌေးဦး ထဲကို ပါသွားတာ ၁၁၁ ဧက ပါသွားတာ။ ကျွန်တော်တို့က ဗိုလ်ချုပ်ဌေးဦးကို အသနားခံစာ တင်လိုက်တာလေ။ တောင်သူတွေရဲ့ နစ်နာမှုလေးကို ဖြေရှင်းပေးပါ ဆိုပြီး။ သူက မြို့နယ်ခုံရုံးဖွဲ့ပြီး မြို့နယ် ထွေအုပ် ရုံးမှာ တရားခံကို ခေါ်စစ် တယ်။ နွေရာသီကျရင် သူတို့ဘက်က ညှိနှိုင်းမှု မရှိရင် တဲတွေထိုးပြီးဝင် လုပ်စားတော့မယ်။ ဗိုလ်ချုပ်တင်ထွတ်တို့ကလည်း လျော်ကြေး ပေးပြီးပြီ။ သူက ဧက ၅၀ ရထားတာ။ သူရတဲ့ အထဲမှာပါတဲ့ တောင် သူတွေက ၉ ဦးပိုင်တော့ ၂၆ ဧက ကို နစ်နာကြေးပေးတယ်။ ဦးဌေးဦးက လုံးဝမပေးဘဲနဲ့ တောင်သူတွေကို တရားခံလိုပဲ သတ်မှတ်နေလို့””ဟု ဦးတင်မင်းနိုင်က မြန်မာသံတော်ဆင့် သို့ ပြောသည်။

အဆိုပါကိစ္စနှင့် ပတ်သက်၍ ၂၀၁၄ ခုနှစ် သြဂုတ်လ ၈ ရက်တွင် နိုင်ငံတော်သမ္မတ၊ ပြည်ထောင်စုဝန်ကြီးများ၊ လွှတ်တော်ဥက္ကဋ္ဌများ၊ တရားဥပဒေဆိုင်ရာ ဥက္ကဋ္ဌများ၊ မြေသိမ်းယာသိမ်း စုံစမ်းရေးကော်မရှင် ဥက္ကဋ္ဌများထံနှင့် ဦးဌေးဦး ဥက္ကဋ္ဌအဖြစ် ဆောင်ရွက်နေသော ပြည်သူ့ လွှတ်တော်၏ နိုင်ငံသားများ၏ မူလအခွင့်အရေး ဒီမိုကရေစီ အရေးနှင့် လူ့အခွင့်အရေးဆိုင်ရာ ကော်မတီထံသို့ အစီရင်ခံစာ တင်သွင်း ခဲ့ပြီး အောက်တိုဘာလ ၂၉ ရက်နေ့၌ ကော်မတီက ဒေသခံ တောင်သူများ ကို ခေါ်ယူစစ်ဆေးခဲ့ခြင်း ဖြစ်သည်။

““ကျွန်တော်တို့က လယ်တော့ အဓိက လိုချင်တယ်။ ဒါပေမဲ့ ငွေပေးမယ်ဆို လည်း လက်ခံတယ်။ အစကတော့ တောင်သူတွေဆီက မှတ်ပုံတင်နံပါတ်တွေ ယူညှိနှိုင်းပေးမယ်ဆိုပြီး လုပ်သေးတယ်။ နောက်တော့ ခုံရုံးဖွဲ့ပြီး တရားခံအဖြစ် စစ်တော့တာပဲ””ဟု လယ်ယာမြေများ ပြန်လည်ရရှိ ရန် တောင်းဆိုထား သည့် ဒေသခံ တောင်သူ တစ်ဦးဖြစ်သူ ဦးမြင့်နိုင်က မြန်မာသံတော်ဆင့် သို့ ပြောသည်။

အဆိုပါကိစ္စနှင့် ပတ်သက်၍ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဒုတိယဥက္ကဋ္ဌ ဦးဌေးဦးထံသို့ ဆက်သွယ်ခဲ့ရာ ဆက်သွယ်မှု မရရှိသဖြင့်၎င်း၏ ကိုယ်ရေးအရာရှိထံသို့ ဆက်သွယ် မေးမြန်းခဲ့ရာ ဦးဌေးဦးမှာ လွှတ်တော် တက်နေကြောင်းသာ ပြန်လည်ဖြေကြားခဲ့သည်။ ထို့နောက် ထပ်မံဆက်သွယ် ခဲ့သည့်အခါ ဖုန်းဝင် သွားခဲ့သော်လည်း ပြန်လည် ဖြေဆိုခြင်းမရှိဘဲ ဖုန်းချသွားခဲ့သည်။

ဝိုင်းမော်

မြန်မာသံတော်ဆင့်သတင်းဌာန- http://www.facebook.com/myanmarherald


ခေါင်းပွတ် နားရွက်ဆွဲသည့် ဗွီဒီယို ကြည့်ရှုရန် ပုံကို နှိပ်ပါ
ထိုင်းဝန်ကြီးချုပ် ပရာယွတ်ချန်အိုချာဟာ သူရှေ့မှာ ထိုင်ပြီး သတင်းရယူနေတဲ့ သတင်းထောက် ခေါင်းကိုပွတ် နားရွက်ဆွဲ လုပ်ဆောင်နေတဲ့ ဗွီဒီယိုဖိုင်ဟာ လူမှုရေးကွန်ရက် ဖေ့စ်ဘွတ် အင်တာနက် စာမျက်နှာမှာ ပျံ့နှံ့နေပါတယ်။

နိုဝင်ဘာ ၁၉ ရက်နေ့ ခွန်ခေါင်မှာ သတင်းထောက်တွေနဲ့ စကားပြောဆိုနေစဉ် ရိုက်ကွင်း ရှင်းအောင် သူ့ရှေ့မှာ ထိုင်ပြီး သတင်းရယူနေတဲ့ သတင်းထောက်ကို အခုလို လုပ်ဆောင်ခဲ့တာကို ထိုင်းအခြေစိုက် ဘန်ကောက်ပိုစ် သတင်းထောက်က လူမှုရေးကွန်ရက်မှာ တင်လိုက်တာ ဖြစ်ပါတယ်။

အစိုးရပြောခွင့်ရကတော့ သူနဲ့ ရင်းနှီးတဲ့ သတင်းထောက်တွေကို စတာဖြစ်တယ်လို့ တုံ့ပြန်ပြောပါတယ်။

ထိုင်းမှာလည်း ဦးခေါင်းကို တန်ဖိုးထားပြီး လူစိမ်းတွေအနေနဲ့ မထိသင့်ဘူးဆိုတဲ့ ဓလေ့ယူဆချက် ရှိနေပါတယ်။

ဒီနေ့မှာပဲ ခရောင်ကန် တက္ကသိုလ်ကျောင်းသား ၅ ဦးက အာဏာသိမ်းတာ အလိုမရှိဆိုပြီး သူ့ မိန့်ခွန်းပြောနေစဉ်မှာ ဆန္ဒပြခဲ့ပါတယ်။

By ဒီဗွီဘီ
http://burmese.dvb.no/archives/71671




လန်ဒန် ၊ ၂၁-၁၁-၂၀၁၄

ကမ္ဘာပေါ်မှ စစ်သွေးကြွများ၊ နိုင်ငံရေး တက်ကြွ လှုပ်ရှားသူများ ကို ထောက်လှမ်းရန် အစိုးရများက အသုံးပြုသည့် စပိုင်ပရိုဂရမ် များကို ရှာဖွေသိရှိ နိုင်မည့် ဆော့ဖ်ဝဲတစ်ခု ကို Amnesty International NGO အဖွဲ့အစည်းမှ ထုတ်လုပ် ခဲ့ကြောင်း သိရသည်။

လူ့အခွင့်အရေး ရရှိမှုကို အဓိက လုပ်ဆောင်နေသည့် Amnesty International အဖွဲ့အစည်းက ထုတ်လုပ် လိုက်သော Detekt ဆော့ဖ်ဝဲသည် အင်တာနက် ပေါ်မှ အခမဲ့ ရယူနိုင်သည့် ဆော့ဖ်ဝဲတစ်မျိုး ဖြစ်ပြီး မိမိတို့၏ ကွန်ပျူတာ အတွင်း ရောက်ရှိနေသော ဖမ်းမိရန် ခဲယဉ်းသည့် စပိုင်ပရိုဂရမ် များကို ဖယ်ရှားရာတွင် အသုံးပြုနိုင်မည် ဖြစ်သည်။

အစိုးရ အဖွဲ့များက လူပုဂ္ဂိုလ် များကို ထောက်လှမ်းရန် အဆင့်မြင့် နည်းပညာများ နှင့် စက်ပစ္စည်း များကို အသုံးပြုကာ ကွန်ပျူတာ၊ လက်ပ်တော့ ကင်မရာ၊ webcam များမှ တစ်ဆင့် ဓာတ်ပုံများ ရိုက်ကူးခြင်း နှင့် ကွန်ပျူတာ တွင်ပါဝင်သည့် မိုက်ခရိုဖုန်း များမှ အသံဖမ်း နားထောင်ခြင်း တို့ကို လုပ်ဆောင်ကြောင်း Amnesty International က ဆိုသည်။ ဘာရိန်း၊ ဆီးရီးယား၊ အီသီယိုးပီးယား၊ ဗီယက်နမ်၊ ဂျာမနီ၊ တိဘက်၊ မြောက်ကိုရီးယားအပါအဝင် မြောက်မြား စွာသော နိုင်ငံများရှိ နိုင်ငံရေး တက်ကြွ လှုပ်ရှားသူများ၏ ကွန်ပျူတာ ပေါ်တွင် စပိုင်ပရိုဂရမ်များ ရှိနေသည်ကို တွေ့ရပြီး ၄င်းတို့ ကွန်ပျူတာတွင် တွေ့ရှိခဲ့သည့် Spyware များမှာ အီးမေးလ်ဖြင့် သော်လည်းကောင်း ၊ လူမှုကွန်ရက် တစ်ခုမှ စာတိုပေး ပို့ခြင်းဖြင့် လည်းကောင်း၊ ပုံမှန် ကြည့်ရှုသည့် ဝက်ဘ်ဆိုက် တစ်ခုမှ လည်းကောင်း ကူးစက် ခဲ့ကြောင်း Amnesty International အဖွဲ့အစည်းမှ Ms O' Caroll က ဆိုသည်။

အစိုးရ အဖွဲ့အစည်းများ ထောက်လှမ်းရန် အသုံးပြုသည့် နည်းပညာ နှင့် စက်ပစ္စည်းများမှာ ကွန်ပျူတာ အသုံးပြုသူ တို့၏ သာမန် အဆင့်သာ ရှိသော Anti-virus ဆော့ဖ်ဝဲ များ၏ စောင့်ကြည့်မှုကို အောင်မြင်စွာ ရှောင်ဖယ်၍ ထောက်လှမ်းနိုင်ရန် ဖန်တီးထားပြီး ထောက်လှမ်းရေး လုပ်ဆောင်နိုင်ရန် ဗိုင်းရပ်စ်များကို ကွန်ပျူတာ၌ ထည့်သွင်း ရာတွင်လည်း မိမိတို့၏ Anti-virus ဆော့ဖ်ဝဲများက သတိမထား မိစေရန် အတွက် အထူးစမ်းသပ် တီထွင် ထားကြောင်း သိရသည်။

#PyiChitThar

 
အခင်းမဖြစ်မီ ၅ ရက်ခန့်က စာသင်ဆောင်တွင် ဗိုလ်လောင်းများကို သင်တန်းဆရာများနှင့် တွေ့ရစဉ် (ဓာတ်ပုံ - Jade Land Kachin)

အစိုးရတပ်ရဲ့ လက်နက်ကြီးနဲ့ ပစ်ခတ်မှုကြောင့် ကျဆုံးသွားခဲ့ကြတဲ့ ကေအိုင်အေ ဗိုလ်သင်တန်းကျောင်း အရာရှိလောင်းတွေထဲမှာ ကချင်တပ်ဖွဲ့ဝင်တွေ ပါဝင်ခြင်း မရှိဘဲ ညီနောင်တိုင်းရင်းသားမဟာမိတ်တပ်ဖွဲ့ဝင်တွေချည်း ကျဆုံးသွားတာလို့  ကေအိုင်အေက ပြောပါတယ်။

နိုဝင်ဘာ ၁၉ ရက်နေ့က လိုင်ဇာမှာ ဖွင့်လှစ်ထားတဲ့ ကေအိုင်အေ ဗိုလ်သင်တန်း ကျောင်းကို  ခရာဘွမ်တောင်ကြောပေါ်မှာ တပ်စွဲထားတဲ့ အစိုးရတပ်က လက်နက်ကြီးနဲ့ ပစ်ခတ် တိုက်ခိုက်ခဲ့တာကြောင့်  စစ်ရေးလေ့ကျင့်နေတဲ့ ဗိုလ်လောင်း ၂၃ ဦး ကျဆုံးသွားခဲ့ရတာပါ။

ကျဆုံးသွားသူတွေကတော့  တအာန်းအမျိုးသားလွတ်မြောက်ရေးတပ်မတော်က ဗိုလ်လောင်း ၁၁ ဦး၊ ရခိုင်တပ်မတော်က  ၈ ဦး ၊ ချင်းအမျိုးသားတပ်မတော်က  ၂ ဦး နဲ့ အေဘီအက်စ်ဒီအက်ဖ်  ကျောင်းသားတပ်မတော်က ဗိုလ်လောင်း ၂ ဦးတို့ ဖြစ်ကြပါတယ်။

ကေအိုင်အေရဲ့ ပြောရေးဆိုခွင့်ရှိသူ ဦးလနန်းက “အဲဒီနေ့က စစ်ရေးပြလုပ်တဲ့အခါမှာ ညီနောင်တိုင်းရင်းသားလက်နက်ကိုင်အဖွဲ့အစည်းက ဗိုလ်သင်တန်းတက်မယ့် ကလေးတွေဟာ နောက်ကျပြီး ရောက်လာတယ်။ ကျနော်တို့ ကေအိုင်အေက စာရင်းထည့်ထားတဲ့ သင်တန်းသားတွေကတော့ ၁ လကျော်ကျော် အခြေခံ စစ်ရေးပြတွေ လုပ်ပြီးသား ဖြစ်တယ်။ နောက်ရောက်လာတဲ့ သင်တန်းသားတွေက စစ်ရေးပြ အခြေခံ သိပ်ညီညီညာညာ မရှိတော့ နည်းပြက သီးသန့်ပြန်ပြီး စစ်ရေးပြ လေ့ကျင့်ပေးနေချိန်၊  တဖက်မှာလည်း ကေအိုင်အေက ပို့ထားတဲ့ ဗိုလ်သင်တန်းသားတွေဟာလည်း တနေရာမှာ လေ့ကျင့်နေချိန်မှာပဲ ပစ်လိုက်တဲ့ ကျည်ဟာ နောက်မှ ရောက်လာတဲ့ သင်တန်းသားတွေရဲ့လေ့ကျင့်ရေးကွင်းမှာ သွားပြီးတော့ ထိမှန်သွားတာ။ အဲဒီတော့ ထိခိုက်မှုမှာ ညီနောင်မဟာမိတ် လက်နက်ကိုင်အဖွဲ့အစည်းဝင်တွေ များသွားတယ်”လို့ ပြောပါတယ်။

ကျဆုံးသွားသူတွေအတွက် ဈာပနကို မနေ့က လိုင်ဇာဗိုလ်သင်တန်းကျောင်းအနီးမှာ စစ်အခမ်းအနားနဲ့ ဂုဏ်ပြုကျင်းပပြီး မြေမြှုပ်သင်္ဂြိုဟ်ခဲ့ပါတယ်။

ကချင်ပြည်နယ်အစိုးရအဖွဲ့ဝင် နယ်စပ်ရေးရာလုံခြုံရေးဝန်ကြီး ဗိုလ်မှူးကြီး သန်းအောင်က တော့ ဒီပစ်ခတ်မှုဟာ လက်နက်ကြီးနဲ့ သတိပေး ပစ်ခတ်ခဲ့တာဖြစ်ကြောင်း မနေ့က မြစ်ကြီးနားမှာ မီဒီယာတွေကို ရှင်းလင်းပြောကြားခဲ့သလို ဒီကနေ့ထုတ်  နိုင်ငံပိုင် သတင်းစာတွေမှာလည်း  လမ်းဖောက်နေတဲ့ စစ်သည်တွေကို ကေအိုင်ကေက ပစ်ခတ်လို့ တုံ့ပြန်တာလို့ ရေးပါတယ်။

ကေအိုင်အိုအဖွဲ့က ဦးလနန်းကတော့ တမင်တကာ ရည်ရွယ်ချက်ရှိရှိ ပစ်ခတ်တာ ဖြစ်ပြီး အစိုးရရဲ့ ပြောဆိုချက်ကို ပယ်ချ လိုက်ပါတယ်။

“ဒီကေအိုင်အေ ဗိုလ်သင်တန်းကျောင်းဟာ တရုတ်နိုင်ငံနဲ့ နယ်စပ်မျဉ်းရဲ့ အတွင်းဘက်မှာ နီးနီးကပ်ကပ် ရှိတယ်။  တောင်ထိပ်ပေါ် တောင်ကုန်းပေါ်မှာပါ။ တကယ်လို့ ပစ်မှတ်လွဲသွားရင် တရုတ်ဘက်လည်း ကျသွားနိုင်ပါတယ်။ ခါရာဘွန်တောင်က ဗိုလ်သင်တန်းကျောင်းကို မှန်ဘီလူးနဲ့ ကြည့်တဲ့အခါ ပစ်ကွင်းတွေ အားလုံး ရှင်းပါတယ်။ သူတို့ ဗိုလ်သင်တန်းကျောင်းကို တချက်တည်း ပစ်တဲ့နေရာမှာ တချက်တည်းနဲ့ ပစ်မှတ်ကို ထိမှန်သွားတယ်။ ဒါဟာ တမင် ရည်ရွယ်ချက်ရှိရှိ နဂိုကတည်းက အစီအစဉ်တကျ လုပ်ပြီးသား ပစ်မှတ်ပေါ် ပစ်ခတ်တိုက်ခိုက်တာ ဖြစ်တယ်။”

တအာင်းတပ်မတော် (တီအန်အယ်လ်အေ) ရဲ့ သတင်းနဲ့ ပြန်ကြားရေး လက်ထောက် ဌာနမှူး တာဝန်ခံကလည်း  ဒီပစ်ခတ်မှုကြောင့် အစိုးရအပေါ် တိုင်းရင်းသားတွေရဲ့ ယုံကြည်မှု ကျဆင်းစေတယ်လို့ ပြောပါတယ်။

“ကျနော်တို့ဘက်က ၁၁ ဦး ကျဆုံးပါတယ်။ အဲဒီအတွက် အထူးကြေကွဲဝမ်းနည်းရပါတယ်။ ကျနော်တို့ဘက်က တနိုင်ငံလုံး အပစ်အခတ်ရပ်စဲရေး သွားနိုင်ဖို့အတွက် အင်တိုက် အားတိုက် ကြိုးစားပမ်းစား ဖော်ဆောင်နေတဲ့အချိန်မှာ ခုလိုမျိုး အစိုးရဘက်က ရည်ရွယ်ချက်ရှိရှိ ပစ်ခတ် တိုက်ခတ်တာဟာ ရှေ့ဆက်သွားရမယ့် ငြိမ်းချမ်းရေးဖြစ်စဉ်မှာ အများကြီး အနှောင့်အယှက် ဖြစ်စေတယ်။ ယုံကြည်မှုအများကြီး ကျဆင်းစေတယ်။”

ဒီပစ်ခတ်တိုက်ခိုက်မှုအပေါ်  တခြားတိုင်းရင်းသားအဖွဲ့အစည်းတွေကလည်း သူရဲဘော ကြောင်တဲ့ လုပ်ရပ်အဖြစ် အပြင်းအထန် ကန့်ကွက်ရှုတ်ချကြောင်း ကြေညာထားကြပါတယ်။

By ပီတာအောင် (ဒီဗွီဘီ)
http://burmese.dvb.no/archives/71652

KIA လွတ်မြောက်ရေး တပ်သားများ။
အစိုးရတပ်က ပစ်ခတ်တဲ့ လက်နက်ကြီးကျည် ကျရောက်ပေါက်ကွဲတာကြောင့် ကချင်လွတ်လပ်ရေးတပ်ဖွဲ့ KIA ဗိုလ်သင်တန်းကျောင်းက သင်တန်းသား ၂၃ယောက် ကျဆုံးခဲ့ရာမှာ သူတို့တွေဟာ တိုင်းရင်းသား မဟာမိတ် အဖွဲ့ဝင်တွေဖြစ်ကြပြီး ပလောင်ခေါ် တအာင်းအဖွဲ့က ၁၁ဦးနဲ့ ရခိုင်အဖွဲ့က ၈ဦးပါဝင်ခဲ့ပါတယ်။ ဒီပစ်ခတ်မှုနဲ့ပတ်သက်ပြီး အစိုးရစစ်တပ်ဖက်က KIAက သူတို့ စစ်ကြောင်းကို လာရောက် ပစ်ခတ်တာကြောင့် လက်နက်ကြီးနဲ့ တန်ပြန်သတိပေး ပစ်ခတ်ရတယ်လို့ ဒီကနေ့ ထုတ်ပြန်တဲ့ သတင်းကိုတော့ KIO ဖက်က လက်မခံပါဘူး။ ဒီသတင်းကိုတော့ ဗွီအုိအေ မြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ဒီလ ၁၉ရက်နေ့ နေ့ခင်းပိုင်းက KIO ဌာနချုပ် အနီး ခရာတောင်ကုန်းမှာ တပ်စွဲထားတဲ့ အစိုးရတပ်က ပစ်ခတ်တဲ့ လက်နက်ကြီးကျည်ဟာ KIO ဗိုလ်သင်တန်းကျောင်းမှာ ကျရောက် ပေါက်ကွဲခဲ့ တာကြောင့် သင်တန်းသား ၂၃ဦးသေဆုံးပြီး လူ၂၀ ထိခိုက်ဒဏ်ရာရခဲ့ရာမှာ သေဆုံးသူသင်တန်းသား အများစု ဟာ ပလောင်နဲ့ ရခိုင်တပ်ဖွဲ့တွေက ဖြစ်ပါတယ်။

ဒီသေဆုံးတာနဲ့ ပတ်သက်ပြီး အစိုးရနဲ့ အပစ်အခတ် မရပ်စဲရသေးတဲ့ ပလောင်ခေါ် တအာင်း အမျိုးသား လွတ်မြောက်ရေး တပ်ဦး TNLAက ဒုပြန်ကြားရေး တာဝန်ခံ တာ့ပန်လှက အခုလို ပြောပါတယ်။

"နိုဝင်ဘာလ ၁၉ရက်နေ့ မွန်းလွဲ ၁၁နာရီမှာ အစိုးရတပ်ဘက်က ၁၀၅ မမနဲ့ ရည်ရွယ်ချက် ရှိရှိနဲ့ ပစ်ခတ်လိုက်တဲ့ အတွက် ကျနော်တို့ဘက်က ၁၁ဦး ကျဆုံးပါတယ်။"

ပလောင်တပ်ဖွဲ့က သေဆုံးခဲ့ရသူ သင်တန်းသားတွေဟာ အသက် ၁၈နှစ်ကနေ ၂၅နှစ်ကြား အရွယ်တွေ ဖြစ်ပါတယ်။ ဒုတိယ အကျအဆုံး အများဆုံးကတော့ AA ခေါ် ရက္ခိုင့် တပ်မတော်က ဖြစ်ပြီး ဒီကနေ့ ထုတ်ပြန်တဲ့ ကြေညာချက်မှာတော့ သူတို့ တပ်ဖွဲ့က ၈ဦး ကျဆုံးပြီး ၅ဦး ဒဏ်ရာရခဲ့ကြောင်း ဖော်ပြပါတယ်။ ကျန် ကျဆုံးသူတွေကတော့ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး ABSDF က ၂ယောက်နဲ့ ချင်းအမျိုးသားတပ်ဦးက ၂ယောက်တို့ ဖြစ်ကြပါတယ်။

ABSDF မြောက်ပိုင်း တာဝန်ခံ ဦးလဆိုင်း က ကျဆုံးသူ တွေနဲ့ပတ်သက်ပြီး အခုလို ပြောပါတယ်။

"နှစ်ယောက်ပါပါတယ်။ ကျနော်တို့ဆီက ဆေးဆရာ သက်ဇော်နဲ့ သင်တန်းဆရာ ဖြစ်တဲ့ ဟိန်းထက် နှစ်ဦးပါပါတယ်။"

အခုလို မဟာမိတ်တပ်ဖွဲ့က သင်တန်းသားအများစု ကျဆုံးရတာဟာ သူတို့တွေက သင်တန်းကို နောက်ကျပြီး ရောက်လာတဲ့အတွက် သီးသန့် သင်တန်း ပေးနေရ တာကြောင့် ဖြစ်တယ်လို့ ပြောပါတယ်။

"တချို့က စစ်ရေးပြမှာ လိုက်မမှီတဲ့ဟာတွေရှိတယ်။ အဲ့တာတွေကို သီးသန့်ပြန်သင်မယ်ဆိုတဲ့ အနေအထားအပေါ်မှာ ဖြစ်တာပါ။"

ဒဏ်ရာရသူ ၂၀ဦးအနက်က ၁၆ဦးလောက်ဟာ ပြင်းထန်ကြောင်းနဲ့ ကျဆုံးသွားသူတွေကိုတော့ မနေ့ မနက် သဂြုင်္ိဟ် လိုက်ကြောင်း ပြောပါတယ်။

လိုင်ဇာ ဗိုလ်သင်တန်းကျောင်း ပစ်ခတ်တာနဲ့ ပတ်သက်ပြီး အစိုးရစစ်တပ်က သတင်းထုတ်ပြန်ရာမှာ ဒီလ ၁၆နဲ့ ၁၇ရက်နေ့တွေကKIA က တပ်မတော် စစ်ကြောင်းကို နှောက်ယှက် ပစ်ခတ်တာရှိခဲ့ကြောင်း၊ ၁၉ရက်နေ့ကလည်း ရိက္ခာပို့ လမ်းကြောင်းအတွက် လမ်းဖောက်လုပ်ရေးဆောင်ရွက်နေတဲ့ စစ်ကြောင်းကို ပစ်ခတ်တဲ့အတွက် လက်နက်ကြီးနဲ့ ပြန်လှန်ပစ်ခတ်ခဲ့ကြောင်း၊ KIA ဖက်ကို ဒီလိုပစ်ခတ် တာတွေအတွက် အကြိမ်ကြိမ်သတိပေးခဲ့ပေမဲ့ ထိန်သိမ်းကြပ်မတ် တာမရှိဘဲ စစ်ရှိန်မြင့်မားစေတဲ့ လုပ်ရပ်တွေ တိုးမြှင့်လုပ်လာတဲ့အတွက် တပ်စခန်းကနေ လက်နက်ကြီးနဲ့ တန်ပြန်သတိပေး ပစ်ခတ်ခဲ့ရာမှာ KIA တပ်စခန်းတွင်း ကျရောက်ပေါက်ကွဲပြီး ထိခိုက်ဒဏ်ရာ ရတာတွေ ရှိခဲ့ကြောင်း ဖော်ပြပါတယ်။

ကချင်လွတ်လပ်ရေးအဖွဲ့ KIO ရဲ့ ပြောရေးဆိုခွင့်ရှိသူ ဦးလနန်ကတော့ ဒီသတင်း ထုတ်ပြန်ချက်ကို လက်မခံပါဘူး။

"စစ်တပ်ရဲ့ဖြေရှင်းချက်တွေကတော့ အမြဲတမ်း အဲ့လိုပါပဲ။ သူတို့ရဲ့ တပ်စခန်းတွေနဲ့ ကျနော်တို့ရဲ့ KIA တပ်စခန်းတွေနဲ့ အနီးကပ်ဆုံး နေရာမှာ လာရောက်ပြီး စခန်းချထားပြီး အင်အားဖြည့်တင်းနေတာဟာ သူတို့ရည်ရွယ်ချက်က ဘာလဲဆိုတာ အားလုံးက အသိဖြစ်ပါလိမ့်မယ်။ အဲ့မှာ သူတို့လာပြီးတော့ စစ်ကြောင်းတွေ ရိက္ခာပို့တာတို့ လူနာပို့တာတို့ သူတို့ ခါတိုင်းပြောနေကျ သူတို့ကို ဖြတ်ပြီး ပစ်တယ် ခတ်တယ်။ တိုက်တယ် ခတ်တယ်ဆိုတာမျိုးက သူတို့ NCCT ကနေ ဆွေးနွေးပွဲ စတင်ပြီးနောက်ပိုင်း ဒီလိုဟာမျိုး ကျနော်တို့ဘက်က လုံးဝ စတင်ပြီးတော့ ပစ်တာ မရှိဘူးဗျ။ မဖြစ်အောင် ကျနော်တို့ဘက်က အောက်ခြေတပ်ဖွဲ့တွေက အားလုံး ထပ်ခါထပ်ခါ ညွှန်ကြားပြီးဖြစ်တယ်။ "

ကြာသပတေးနေ့က KIOရဲ့ ထုတ်ပြန်ချက်မှာတော့ ဒီပစ်ခတ်တိုက်ခိုက်တာဟာ ရည်ရွယ်ချက် ရှိရှိ ပစ်ခတ်တာဖြစ်ကြောင်းနဲ့ ဒါကို ပြင်းပြင်းထန်ထန် ကန့်ကွက်ကြောင်း ဖော်ပြပါတယ်။

ကချင်ပြည်နယ် နယ်စပ်ရေးရာ နဲ့ လုံခြုံရေး ၀န်ကြီး ဗိုလ်မှုးကြီးသန်းအောင်က ကြာသပတေးနေ့ ညနေပိုင်း က မြစ်ကြီးနားမြို့သတင်းစာရှင်းလင်းပွဲမှာတော့ ဒီပစ်ခတ် တာဟာ တမင်တကာ ရည်ရွယ်ပြီး လုပ်ဆောင်တာ မဟုတ်ကြောင်း ပြောဆိုထားပါတယ်။ ဒီပစ်ခတ်မှုနဲ့ပတ်သက်ပြီး ပဋိပက္ခ ညှိနှိုင်းရေးဆွေးနွေးပွဲမှာ ဆွေးနွေးမှာဖြစ်ကြောင်း နဲ့ ငြိမ်းချမ်းရေး လုပ်ငန်းစဉ်ကို အပျက်ခံမှာ မဟုတ်ကြောင်းလည်း ထည့်သွင်းပြောဆိုခဲ့ပါတယ်။
VOA


 နှင်းမုန်တိုင်းတိုက်ခတ်ခံလိုက်ရတဲ့ နယူးယောက်ပြည်နယ် Buffalo မြို့ (နိုဝင်ဘာ ၂၀၊ ၂၀၁၄)
၂၀၁၄ ခုနှစ်ရဲ့ ဆောင်းဦးပေါက် ရာသီမှာ နှင်းမုန်တိုင်းကြီး တခုဟာ အမေရိကန် ပြည်ထောင်စု၊ နယူးယောက်ပြည်နယ်မှာ ဝင်ရောက် တိုက်ခတ်နေ ပါတယ်။ အခုအချိန် အထိ ဆိုရင် နှင်းမုန်တိုင်း တိုက်ခတ်မှု ခံနေရတဲ့ ဒေသတွေ မှာ နှင်းထု ဟာ ၆ပေ ဝန်းကျင် ရှိနေပြီး အဖျားခတ် တိုက်ခတ်မှု ခံရတဲ့ ဒေသတွေ မှာတော့ ၄ပေ ပတ်ဝန်းကျင်မှာ ရှိတယ်လို့ ဒေသခံ မြန်မာ တချို့က ပြောပြ ပါတယ်။ နှင်းမုန်တိုင်း တိုက်ခတ်ခံရတဲ့ ဒေသ မှာ နေထိုင်နေတဲ့ မြန်မာ လူမျိုးတွေရဲ့ နှင်းမုန်တိုင်း အတွေ့အကြုံတွေကို မခွာညိုက စုစည်းတင်ပြပေးထားပါတယ်။

အမေရိကန်ပြည်ထောင်စု၊ နယူးယောက်ပြည်နယ် အတွင်းက ဘတ်ဖဲလိုမြို့ဟာ ၂၄ နာရီကြာ နှင်းမုန်တိုင်းဒဏ်ကို ခံခဲ့ရပြီး တောင်ပိုင်းကျတဲ့ ဘက်တွေက ပိုပြီး ဆိုးဝါးတယ် လို့ ဒေသခံတွေက ပြောပါတယ်။ နယူးယောက်ပြည်နယ် အုပ်ချုပ်ရေးမှူး Andrew Cuomo က စီရင်စု (၁၀) ခုကို အရေးပေါ်အခြေအနေ ကြေညာ ထားပြီး နှင်းမုန်တိုင်း အရေးပေါ် ကြေညာချက် ထုတ်ပြန်စဉ် အုပ်ချုပ်ရေးမှူးက အပြင်မထွက်ကြဖို့ အခုလို သတိပေးသွားပါတယ်။

"အခု ကျထားတဲ့ နှင်းထု ပမာဏကြောင့် အခြေအနေက တော်တော်ဆိုးနေပါတယ်။ လမ်းပေါ်မှာ ပျက်နေတဲ့ ကားတွေကြောင့် လမ်းရှင်း ရတာ ပိုပြီးတော့ ခက်ခဲစေ ပါတယ်။ ဒါကြောင့် လမ်းကိုလည်း သုံးလို့မရ၊ နှင်းတွေလည်း ဖယ်လို့မရ ဖြစ်နေပါ တယ်။ အခြေအနေ အားလုံးဟာ ကောင်း မလာဘဲ ပိုဆိုးဖို့ပဲ ရှိပါတယ်။ ဒါကြောင့် ဒီနေ့ နေ ထွက်လာလို့ အခြေအနေပိုကောင်းလာမယ်လို့တော့ မမျှော်လင့်ကြပါနဲ့၊ နေထွက်လာလို့ ပို ကောင်းလာအောင် လုပ်ပေးချင်ပေမယ့် နောက်ထပ် နှင်းထပ်ကျဖို့ ရှိနေပါတယ်။”

အခု မုန်တိုင်းအတွင်းကျနေတဲ့နှင်းထုပမာဏဟာ အရင်နှစ်တွေက တဆောင်းတွင်းလုံး ပုံမှန်ကျတဲ့နှင်းပမာဏနဲ့ ညီမျှတယ်လို့ ပြောကြပါတယ်။ လမ်းမတွေပေါ် ပိတ်ဆို့နေတဲ့ နှင်းထုကြောင့် အင်္ဂါနေ့ကတည်းက အလုပ်တွေ၊ ကျောင်းတွေကိုလည်း အင်္ဂါနေ့ကတည်းက ပိတ်ထားရပြီး အနည်းဆုံး နောက် ထပ် ၃-၄ ရက်လည်း ပိတ်ထားရဖွယ် ရှိတယ်လို့ထင်ကြောင်း ဘတ်ဖဲလိုမြို့မှာ နေထိုင်နေတဲ့ ကိုမျိုးသန့်က  ပြောပါတယ်။

"ကျောင်းတွေ ပိတ်ရတယ်။ အလုပ်တွေ အကုန်ပိတ်ရတယ်။ လမ်းတွေကို မထွက်ရဘူးဆိုပြီး အမိန့်ထုတ်ထားတယ်။ ဒီအစိုးရက ပြီးခဲ့တဲ့ ဒီနှင်းစကျတဲ့အချိန်မှာကတည်းက ဒါပေမဲ့ လူတွေက ထွက်တဲ့လူတွေက ရှိတယ်။"

ထူထပ်တဲ့နှင်းထုကြောင့် ကားဆက်မောင်းလို့ မရတော့ဘဲ ကားထဲမှာတင် အအေးဒဏ်ကြောင့် သေဆုံးသွားသူ တစ်ဦးအပါအဝင် နှင်း မုန်တိုင်းနဲ့ ဆက်စပ်ပြီး သေဆုံးသူ (၇ ) ဦး ရှိကြောင်းလည်း အာဏာပိုင်တွေက အတည်ပြုထားပါတယ်။ အုပ်ချုပ်ရေးမှူးနဲ့ အာဏာပိုင်တွေရဲ့ သတင်းစာရှင်းလင်းပွဲအတွင်းမှာ ပြောကြားခဲ့တဲ့အကြောင်းကိုလည်း ပြောပြပါတယ်။

" ပြည်နယ်အုပ်ချုပ်ရေးမှူးရော၊ ခရိုင်အုပ်ချုပ်ရေးမှူးရော မြို့တော်ဝန် ရောပေါ့ သူတို့တွေ မနက်က သတင်းစာရှင်းလင်းပွဲ လုပ်တော့ ပြည်သူတွေက မထွက်နဲ့ဆို မထွက်နဲ့ပေါ့။ အရေးပေါ်ကြေညာတာကို မသိတာလည်း ပါတယ်။ တချို့ကလည်း သိလျက်နဲ့ ထွက်တာလည်း ပါတယ်။ ဟိုင်းဝေးတွေမှာ ကားတွေက ရာနဲ့ချီပြီး ပိတ်မိသွားတယ်။ ကျန်းမာရေးက အရေးပေါ် အခြေအနေဖြစ်တဲ့ အခြေအနေမှာ ဆေးရုံကားက ဝင်လို့မရဘူး။ လူတွေ  သေတာပေါ့နော်။ ၇ယောက်။ တချို့ကျတော့လည်း ကားထဲမှာ နေရင်းနဲ့ နှင်းထုက များလာတော့ ကားကို အုပ်သွားတဲ့အခါကျတော့ တစ်ယောက်က ကားထဲမှာ သေနေတယ်။"

အခုလို ဆောင်းဦးကာလမှာ နှင်းမုန်တိုင်းကျရောက်မှုဟာ ပုံမှန်အနေအထားမျိုး မဟုတ်တာကို သတိထားမိကြောင်းလည်း ဒေသခံတွေက ပြောနေကြတာပါ။

ကိုမျိုးသန့်ကတော့ သူနေတဲ့ နှစ်တွေအတွင်း ၂၀၀၁ ခုနှစ်က ပြင်းထန်တဲ့ မုန်တိုင်းတခုကို ခံခဲ့ရဖူးကြောင်း၊ ၂၀၀၆ ခုနှစ်မှာတော့ ရေခဲမုန်တိုင်းဒဏ်ကြောင့် လျှပ်စစ်မီးတွေပြတ်တောက်ပြီး အအေးဒဏ်ကို အပြင်းအထန် ခံခဲ့ရကြောင်းနဲ့ ပြီးခဲ့တဲ့ နှစ် ကတော့ ရေခဲမှတ်အောက် ၅၀ ဒီဂရီအထိ ကျသွားတာကို ကြုံခဲ့ရကြောင်း ပြောပြပါတယ်။

" မနှစ်ကကျတော့ လေတိုက်တာရယ်၊ ဆောင်းလယ်မှာ ဖြစ်တာပေါ့နော်။ ဒီနှစ်ကတော့ ဆောင်းတောင် မဝင်သေးဘူး။ ခရစ်စမတ်မတိုင်ခင် ဆောင်းတရားဝင် ဝင်မှာပေါ့နော်။ ဒါပေမဲ့ အခုက ဆောင်းတွင်းမဟုတ်သေးဘူး။ ဆောင်းဦးပေါက်ပဲ ရှိသေးတယ်။ "

ဒီညပိုင်းမှာ နှင်းထပ်ကျဖို့ ရှိကြောင်း မိုးလေဝသ သတင်းတွေမှာ ကြေညာ ထားပြီး ဒီတခါ နှင်းထပ်ကျမယ်ဆိုရင် နှင်းထုဟာ ၈ ပေအထိ ရှိလာနိုင်ကြောင်း လည်း ပြောထားပါတယ်။တနင်္ဂနွေနေ့မှာ နေရောင်ပြန်လည်မြင်ရဖွယ် ရှိပေမယ့် နေအပူရှိန်ကြောင့် နှင်းထုအရည်ပျော်ပြီး ရေကြီးဖွယ် ရှိတယ်လို့လည်း သတိပေးချက်တွေ ထုတ်ပြန်ထားပါတယ်။

မခွာညို / ဗွီအိုအေ (မြန်မာပိုင်း)
http://burmese.voanews.com/content/more-snow-expect-in-newyork-/2528693.html


ကြည့်မြင်တိုင်တစ်ဖက်ကမ်း ဦးမြငါးစင်၊ ချောင်ဝိုင်းကြီး၊ ချောင်ဝိုင်းလေး စတဲ့ ကျေးရွာ ၉ရွာကပြည်သူတွေ၊ ကျောင်းသားတွေဟာ ရန်ကုန်ဖက်ကမ်းအလုံဘက်ကို သမ္ဗာန်တွေနဲ့ ကူးသန်းနေရတာဖြစ်ပြီး ဆိပ်ကမ်းနေရာ အတည်တကျနဲ့ ဆိပ်ကမ်းကိုသွားတဲ့လမ်းကို ရန်ကုန်တိုင်းအစိုးရက သတ်မှတ်ပေးခဲ့ပါတယ်။ အခုတော့ စစ်တပ်ပိုင် MECက ဒီလမ်းကို အုတ်တံတိုင်းနဲ့ပိတ်ဆို့ခဲ့သလို ယာယီလမ်းကိုလမ်း သံဆူးကြိုးနဲ့ပိတ်ရုံတင်မက အခုတော့ သွပ်ပြားတွေနဲ့ အသေပိတ်ခဲ့လို့ နိုဝင်ဘာ ၂၁ရက်မှာ ကျောင်းသားငယ်တွေနဲ့ ပြည်သူတွေ ဆန္ဒပြခဲ့ပါတယ်။

မြန်မာစီးပွားရေးကော်ပိုရေးရှင်း MECက တည်ဆောက်နေတဲ့ နောင်တုံစီမံကိန်းနဲ့ အရုဏ်ဦးကုမ္ပဏီနဲ့ ဆိပ်ခံတံတားကြားက ဦးမြငါးစင် သမ္ဗာန်ဆိပ်ကိုသွားဖို့ အကျယ် ပေ ၂ဝ၊ အရှည် ပေ ၁၈ဝဝ ရှိတဲ့ လူသွားလမ်းကို အစိုးရက သတ်မှတ်ပေးခဲ့ပြီး ပြည်သူတွေ သွားလာနေတာ ၄လကျော်လာတဲ့အခါ MEC က ဆိပ်ခံတံတားဖွင့်ပွဲအကြောင်းပြပြီး အုတ်တံတိုင်းနဲ့ပိတ်၊ ယာယီလမ်းကနေ သွားခိုင်းခဲ့ပါတယ်။

ယာယီလမ်းကိုလည်း နိုဝင်ဘာ ၁၅ရက်နေ့က သံဆူးကြိုးတွေနဲ့ ပိတ်ကာလိုက်တာကြောင့် အလုံ အထက ၇ကို ကျောင်းသားကျောင်းပြန်လုပ်နေတဲ့ ကျောင်းသားတွေအပါအဝင် ပြည်သူတွေ၊ သမ္ဗာန်သမားတွေ အခက်ကြုံခဲ့လို့ ကန့်ကွက်ခဲ့ပါတယ်။ နိုဝင်ဘာ ၂ဝညမှာတော့ သံဆူးကြိုးကာထားတဲ့နေရာကို MEC က သွပ်ပြားတွေနဲ့ အသေပိတ်ကာခဲ့ပြန်ပါတယ်။

မြန်မာစစ်တပ်ပိုင် စီးပွားရေးလုပ်ငန်းဖြစ်တဲ့ MEC က ပိတ်လိုက်လို့ ပြည်သူတွေ၊ ကျောင်းသားတွေအတွက် ကျန်းမာရေး၊ စီးပွားရေး၊ လူမှုရေးနဲ့ ပညာရေးတွေ အများကြီးဆုံးရှုံးတယ်လို့ ဆန္ဒပြတဲ့ ဦးသိန်းအောင်က ပြောပါတယ်။ နေရာရွှေ့ပေးတဲ့ မောင်လေးမောင်ခိုင်ဆိပ်ကမ်းက ခရီးလည်းဝေးပြီး ရေလမ်းလည်း ခက်ခဲတာမို့ ဒီလမ်းလေး ပြန်ရချင်တယ်လို့ ဆိုပါတယ်။

ဒီလမ်းနဲ့ ဆိပ်ကမ်းဆို သမ္ဗာန်ခတ်ရတာ ၅မိနစ်နဲ့ရောက်ပြီး သွားရလာရ အဆင်ပြေပြီး အစိုးရပေးတဲ့ ဆိပ်ကမ်းက အန္တရာယ်များသလို သွားလာရခက်ခဲ့တဲ့အကြောင်း၊ ကျောင်းသားတွေ ကျောင်းနဲ့ဝေးလို့ လမ်းပြန်လျှောက်ရပြီး နာရီဝက်လောက် ကြာတာမို့ ဒီလမ်းလေးကို ပြန်ပေးပါလို့ သမ္ဗာန်သမား ကိုနိုင်လင်းက ပြောပါတယ်။

ဒီလမ်းကို ပိတ်လိုက်လို့ ကျောင်းသားတွေ လမ်းပြန်လျှောက်ရတာ ပိုဝေးသွားလို သူတို့ရဲ့မိဘတွေ စီးပွားရေးထိခိုက်တယ်လို့ ဆိုလာသူက ငါးစင်ရပ်ကွက်က မကျင်ရီပါ။ သားသမီးတွေကို ပညာတတ်စေချင်လို့ သမ္ဗာန်ခတ်လို့ရတဲ့ငွေနဲ့ ကျောင်းပို့နေတာဖြစ်ပြီး အခြားဆိပ်ကမ်းဆိုရင် အဆင်မပြေဘူးလို့ သူက ဝမ်းပန်းတနည်း ပြောလာပါတယ်။

Kamayut media