11/23/14

 
ဗိုလ်ချုပ်မှူးကြီးမင်းအောင်လှိုင်နဲ့ ဗွီအိုအေမြန်မာပိုင်းဌာနမှူး ဦးသန်းလွင်ထွန်း (ယာ) တို့ သီးသန့်အင်တာဗျူး (နိုဝင်ဘာ ၂၂၊ ၂၀၁၄)

နိုဝင်ဘာလ (၁၉) ရက်နေ့က ဖြစ်ပွားခဲ့တဲ့ ကချင်၊ လိုင်ဇာ ဗိုလ်သင်တန်းကျောင်းကို တပ်မတော်က လက်နက်ကြီးနဲ့ ပစ်ခတ်တိုက်ခိုက်မှုဟာ ဒီ့မတိုင်မီ ရက်ပိုင်းအတွင်း ကချင်ဘက်က ထိပါးတိုက်ခိုက်မှုတွေ အပေါ် စစ်ရေးသဘော တရားအရ သတိပေး တိုက်ခိုက်ခဲ့ခြင်း ဖြစ်တယ်လို့ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဗွီအိုအေနဲ့ တွေ့ဆုံစဉ်မှာပြောကြားလိုက်ပါတယ်။ မြန်မာနိုင်ငံရဲ့ စိုးရိမ်စရာပြန်ဖြစ်လာနေတဲ့ တိုင်းရင်းသား ပဋိပက္ခများ အရေးနဲ့ပတ်သတ်ပြီး ဗိုလ်ချုပ်မှူးကြီးနဲ့ ဗွီအိုအေမြန်မာပိုင်းဌာနမှူး ဦးသန်းလွင်ထွန်းတို့ သီးသန့်မေးမြန်း ထားပါတယ်။

ဦးသန်းလွင်ထွန်း။ ။ မြန်မာနိုင်ငံမှာ အရေးအကြီးဆုံး ကဏ္ဍတခုလို့လည်း ပြောလို့ရပါတယ်။ ဒါက နိုင်ငံတော် ငြိမ်းချမ်းသာယာရေးပေါ့နော်၊ ငြိမ်းချမ်းရေးဆိုတော့ အခုတက်လာတဲ့ အစိုးရအနေနဲ့လည်း ဦးစားပေးအစီအစဉ်အနေနဲ့ တနိုင်ငံလုံးခြုံတဲ့ အပစ်အခတ်ရပ်စဲရေးကို အဖွဲ့အားလုံးနဲ့ သဘောတူစာချုပ် ချုပ်ဖို့လည်း ကြိုးစားနေခဲ့ပါတယ်။ ဒါပေမယ့် မဖြစ်လာခဲ့ပါဘူး။ အထူးသဖြင့်နောက်ပိုင်း ဒီရက်ပိုင်းတွေမှာဆိုလို့ရှိရင် ကချင်ပြည်ဘက်မှာ တိုက်ပွဲသတင်းတွေ ပြန်ကြားရပါတယ်။ မကြာသေးခင်ရက်ပိုင်းအတွင်းကပဲ ကချင်ပြည်ဘက်ကို လက်နက်ကြီးတွေနဲ့ပစ်ခတ်မှု သတင်းကြားပြီးတော့ လူငယ်အရာရှိလောင်းတချို့ သေဆုံးရတဲ့သတင်းလည်း ကြားပါတယ်။ အဲဒါနဲ့ပတ်သက်လို့ ဗိုလ်ချုပ်မှူးကြီးရဲ့သဘောလေး နည်းနည်းရှင်းပြပေးပါလား။

ဗိုလ်ချုပ်မှူးကြီးမင်းအောင်လှိုင်။ ။ ၁၉၄၈ ခုနှစ် လွတ်လပ်ရေးရတဲ့အချိန်မှာ လွတ်လပ်ရေးနဲ့အတူ တပါတည်းပါလာတဲ့ ပြဿနာကတော့ တိုင်းရင်းသား လက်နက်ကိုင် ပဋိပက္ခတွေပဲဖြစ်တယ်။ အဲဒီပြဿနာက ယနေ့တိုင်ထိ ရှင်းနေရဆဲဖြစ်ပါတယ်။ အဲဒီမှာလည်း တိုင်းရင်းသားဘက်က သေကျေခဲ့တာတွေ ရှိသလို တပ်မတော်ဘက်က သေကျေခဲ့တာတွေလည်းရှိတယ်။ ပြည်သူပြည်သားတွေဘက်က အပြစ်မရှိတဲ့ပြည်သူပြည်သားတွေ သေကျေခဲ့ရတာတွေလည်း အများကြီးရှိပါတယ်။ တိုင်းပြည်မှာ တည်ငြိမ်အေးချမ်းဖို့ကတော့ လူတိုင်း လိုလားတာဖြစ်ပါတယ်။ နောက်တခါ လက်နက်ကိုင်ပဋိပက္ခဖြစ်နေတဲ့အခြေအနေအရပ်ရပ်ကို တိုက်ပွဲတွေဖြစ်နေတဲ့ အခြေအနေအရပ်ရပ်ကို မလိုချင်ဆုံးပုဂ္ဂိုလ်အနေနဲ့ပြောရင်တော့ ကျနော်တို့ တပ်မတော်သားလို့ပဲ ကျနော် ပြောချင်တယ်။ ဘယ်သူမှ ဒါတွေ မလုပ်ချင်ကြဘူးပေါ့။ တကယ်ကတော့ ကျနော်လည်း မလိုလားပါဘူး။ ငြိမ်းချမ်းရေးလည်း တကယ်လိုချင်ပါတယ်။ ကျနော် ပြည်ပနိုင်ငံတွေကို အခါအားလျော်စွာသွားတဲ့အချိန်မှာ တွေ့ရှိတဲ့ခေါင်းဆောင်တွေရော၊ ကျနော်တို့မြန်မာနိုင်ငံကို လာရောက်တဲ့အချိန်မှာ တပ်မတော်ပိုင်းဆိုင်ရာ၊ နယ်ဘက်ဆိုင်ရာခေါင်းဆောင်တွေ ကျနော်တို့နဲ့တွေတဲ့အချိန်တွေမှာ ပြောပါတယ်။ ‘ကျနော်တို့ ငြိမ်းချမ်းရေးလိုချင်တယ်။ တိုင်းပြည် ဖွံ့ဖြိုးတိုးတက်ဖို့ ကျနော်တို့လိုအပ်ပါတယ်။’ - တိုင်းပြည်ဖွံ့ဖြိုးတိုးတက်ဖို့ အဓိကလိုအပ်ချက်ဟာ ဘာလဲဆိုတော့ တည်ငြိမ်အေးချမ်းဖို့ပါပဲ။ တည်ငြိမ်အေးချမ်းမှ ကျန်တဲ့လုပ်ငန်းကို လုပ်နိုင်လိမ့်မယ်။ ဒါကြောင့်မို့လို့ ကျနော်တို့က ငြိမ်းချမ်းရေးရအောင်ကြိုးစားနေတယ်။ တပ်မတော်ရဲ့ပြင်းပြတဲ့ဆန္ဒကတော့ ငြိမ်းချမ်းရေးရချင်တဲ့ဆန္ဒပါပဲ။ သို့သော်လည်းပဲ အခု ကျနော်တို့သွားနေတဲ့ပါတီစုံ ဒီမိုကရေစီလမ်းကြောင်းမှာ လက်နက်ကိုကိုင်ပြီးတော့မှ လိုအပ်တဲ့တောင်းဆိုမှုတွေ ပြောဆိုပြီးတော့မှ သူတို့အခွင့်အာဏာရဖို့အတွက် လုပ်ဆောင်ချက်တွေကတော့ မရှိသင့်ဘူးလို့ ကျနော်တို့ ယူဆတယ်။ ဒီမိုကရေစီထဲတော့ စည်းကမ်းဥပဒေနဲ့အညီ သွားကြ လာကြ လုပ်ကြ ကိုင်ကြရမှာဖြစ်ပါတယ်။ လက်နက်နဲ့ကိုင်ပြီးတော့ လုပ်လို့တော့ မရနိုင်ဘူးပေါ့လေ။  ဒါကြောင့်မို့လို့ ဖြစ်နေတဲ့ပြဿနာတွေအားလုံး ငြိမ်းချမ်းအောင် ကျနော်တို့ ကြိုးစားလျှက်ရှိပါတယ်။ ကျနော်နဲ့တွေ့ဆုံတဲ့ တိုင်းရင်းသားခေါင်းဆောင်တွေကိုလည်း ကျနော် ဒီအတိုင်းပဲ ပြောပြတယ်။ သို့သော်လည်းပဲ ကျနော်တို့ပြောထားတဲ့ ငြိမ်းချမ်းရေးမူတွေရှိတယ်။ ငြိမ်းချမ်းရေးဆိုတာလည်း ကိုယ်တစ်ယောက်တည်းလိုချင်လို့ မရဘူးဗျ။ သူတို့ကိုယ်တိုင်လည်း လိုချင်မှရမယ်။

ဦးသန်းလွင်ထွန်း။ ။ အဲဒီတော့ ဒီလို လက်နက်ကိုင်ပြီးတော့ ဆွေးနွေးမယ်ဆိုတဲ့အစား အားလုံးက ဒီမိုကရေစီနည်းကျ နိုင်ငံရေးအရ ဖြေရှင်းကြဖို့ ဆိုလို့ရှိရင် အပစ်အခတ်ရပ်စဲရေးက ပထမဆုံးဖြစ်ရမယ်။

ဗိုလ်ချုပ်မှူးကြီးမင်းအောင်လှိုင်။ ။ ဒါပေါ့၊ ဒါပေါ့။

ဦးသန်းလွင်ထွန်း။ ။ အပစ်အခတ်ရပ်စဲဖို့ဆိုလို့ရှိရင် ကျနော်တို့ လေ့လာမိသလောက်ကတော့ ဗိုလ်ချုပ်မှူးကြီးအနေနဲ့ KNU ကရင်တပ်ဖွဲ့ ခေါင်းဆောင်တွေနဲ့ တွေ့ပါတယ်။ မကြာခဏဆိုသလို ရှမ်းတပ်ဖွဲ့ ခေါင်းဆောင်တွေနဲ့တွေ့ပါတယ်။ ဒါပေမယ့် အခု နောက်ဆုံးဖြစ်နေတဲ့ ကချင်တပ်ဖွဲ့ ခေါင်းဆောင်ပိုင်းနဲ့တော့ တွေ့တယ်ဆိုတာ ကျနော်တို့ မကြားမိသေးဘူးခင်ဗျ။ ဒါက ဘယ်လိုအခက်အခဲများရှိနေလို့လဲ။

ဗိုလ်ချုပ်မှူးကြီးမင်းအောင်လှိုင်။ ။ ပထမဦးဆုံး ကရင်ပေါ့၊ ကရင် KNU ခေါင်းဆောင်ပိုင်းနဲ့တွေ့တယ်။ နံပါတ် (၁) အချက်ကတော့ ကျနော်တို့ တပ်မတော်ကနေပြောထားတဲ့ ငြိမ်းချမ်းရေးမူ (၆) ချက်ပေါ့။ ဒီထဲမှာတော့ တော်တော်လေးကို အလေးထားပြီးတော့ သူတို့ ဆောင်ရွက်တာ တွေ့ပါတယ်။ သူတို့နဲ့ပြောဆိုကြည့်တဲ့အခါမှာ တကယ်ကို ငြိမ်းချမ်းရေးလိုချင်တဲ့သဘောထားတွေ့တယ်။ ပြောရလို့ရှိရင်တော့ လူပုဂ္ဂိုလ်အရပြောရလို့ရှိရင်တော့ သူတို့ကို ကျနော် ယုံကြည်မှုရှိပါတယ်။ ရှမ်းခေါင်းဆောင်တွေနဲ့ပြောရင်လည်း ကျနော်တို့က အထူး (၄) တို့၊ အထူး (၂) တို့ခေါင်းဆောင်တွေရှိပါတယ်။ ဒီဘက်က အထူး (၁) တို့ ခေါင်းဆောင်တွေ ရှိပါတယ်။ သူတို့နဲ့လည်း ဆွေးနွေးတဲ့အခါမှာ သူတို့လည်း ငြိမ်းချမ်းရေးစိတ်ဓာတ်တွေ အများကြီးရှိတာကို ကျနော်တို့ တွေ့ပါတယ်။ ဆိုလိုတာကတော့ သူတို့နဲ့ ပြောဆိုကြည့်တဲ့အခါမှာ သူတို့ရဲ့လိုလားချက်တွေကို ကျနော်တို့က ခန့်မှန်းမိပါတယ်။ ဒါကတော့ တချက်ပေါ့-

“KIA နဲ့ကျတော့ ကျနော်တို့စပြီးတော့ ငြိမ်းချမ်းရေးဆွေးနွေးတဲ့ကာလမတိုင်ခင်ပေါ့လေ။ အဲဒီအခြေအနေပေါ့။ နောက်ပြီးတော့ ဒီဘက်အခြေအနေ ပြန်ကြည့်မယ်ဆိုလို့ရှိရင် ကျနော်တို့ စောစောကပြောတဲ့ ငြိမ်းချမ်းရေးမူ (၆) ချက်ထဲမှာပြောထားတဲ့ တချို့အချက်အလက်တွေကို သူတို့လိုက်နာဖို့ အားနည်းတာကို တွေ့တယ်။ သူတို့အားနည်းတာတွေ့တဲ့အခါကျတော့ သူတို့နဲ့တွေ့ဖို့ကျတော့ တပ်မတော်အကြီးအကဲတစ်ယောက်အနေနဲ့ တော်တော်လေး စဉ်းစားရပါတယ်ဗျ။ ဒါလေး စဉ်းစားရပါတယ်။ တွေ့ပြီးတော့မှ ဘာမှလည်း အကျိုးမရှိဘူးဆိုရင် အဓိပ္ပာယ်မရှိပါဘူး။ သူတို့ဘက်က တကယ်ကို ငြိမ်းချမ်းရေးလုပ်ချင်တယ်၊ ပြုချင်တယ်ဆိုရင်တော့ ခုနကပြောတဲ့ ငြိမ်းချမ်းရေးမူ ၆ ချက်ထဲက လိုက်နာရမယ့်၊ လိုက်နာသင့်တဲ့အချက်တွေပေါ့- အားလုံးတော့ အတိအကျလိုက်နာရမယ်လို့တော့ မဟုတ်ပါဘူးဗျာ။ ဒါပေမယ့် တတ်နိုင်သလောက် ဒါတွေ လိုက်နာပြီးတော့မှ ဆောင်ရွက်မယ်ဆိုရင် အပြုသဘောဆောင်တဲ့လုပ်ဆောင်ချက်တွေ ပေါ်လာပါလိမ့်မယ်။ ဒါဆို သူတို့အပေါ် ယုံကြည်မှုတွေ ရှိလာမှာပေါ့။ ကျနော်တို့အနေနဲ့ အခု ဖြစ်ပျက်နေတဲ့ အပစ်အခတ်နဲ့ပတ်သက်ပြီး အခုနက ခင်ဗျားမေးတဲ့အထဲမှာ တချက်ပါတယ်။ ပြီးခဲ့တဲ့ (၁၉) ရက်နေ့ပေါ့နော်၊ ဒီမတိုင်ခင် အခြေအနေတွေကို ပြန်ပြီး နည်းနည်း ပြန် ပြောပြချင်တယ်။ အဲဒီတော့ သမ္မတကြီးက ကျနော်တို့ကို လက်နက်ကိုင် တိုင်းရင်းသားတွေနဲ့ပတ်သက်ပြီးတော့ သွားကို မတိုက်ဖို့ ပြောထားတာ ရှိပါတယ်။ သွားမတိုက်ပါဘူး။ ယနေ့တိုင်အထိ သူတို့ရဲ့စခန်းတွေကို တိုက်တာ၊ ပြုတာ၊ ဌာနချုပ်တွေပေါ့၊ သူတို့ကို တရားဝင်ပေါ့ ပေးထားတဲ့နေရာတွေကို ကျနော်တို့ တိုက်တာ ပြုတာမရှိဘူး။ ဒါပေမယ့်လည်း ကျနော်တို့အပေါ်မှာ လာပြီးတော့ သွေးတိုးစမ်းပြီး တိုက်တာ၊ ပြုတာ၊ ပစ်တာ၊ ခတ်တာတွေတော့ ရှိတယ်။ သူတို့ဘက်ကရှိတော့ တခါတလေတော့ လက်တုံ့ပြန်ရတာတွေ ရှိပါတယ်။ ဒါတွေတော့ရှိတယ်။ သမ္မတကြီးက မိမိကိုယ်ကိုယ် ခုခံပိုင်ခွင့်အရ တိုက်ပါလို့ ပြောတယ်။ ခုခံပိုင်ခွင့်ဆိုတာမှာ အဆင့်တွေ အများကြီးရှိတယ်ဗျ။ စစ်ရေးအမြင်တခုအရ ပြောရလို့ရှိရင် ခုခံပိုင်ခွင့်ဆိုတာ မလှုပ်နိုင်အောင် လုပ်ရတဲ့အဆင့်အထိ ကျနော်တို့ လုပ်ရတာတွေ ရှိပါတယ်။ ဒီအဆင့်ကိုကျတော့ တော်တော်လေး ထိန်းထိန်းသိမ်းသိမ်းလုပ်ရပါတယ်။ တွေ့မှတိုက်တာထက်စာရင် မတွေ့ခင်မှာ မလုပ်နိုင်အောင် တားရတာတွေလည်း အဆင့်ဆင့်ရှိတယ်ဆိုတာ ကျနော်ပြောချင်တယ်။ အဲဒီတော့ စောစောက ပြောသလိုပေါ့၊ သူတို့အနေနဲ့ မကြာခဏလာလာပြီး ပစ်ခတ်နှောင့်ယှက်တဲ့အခါကျတော့ ကျနော်တို့က မလုပ်ဖို့ ပြောတယ်။ လွန်ခဲ့တဲ့ရက်ပိုင်းအတွင်းမှာပဲ လာပြီး ပစ်တာလေးတွေ ရှိပါတယ်။

“စောစောကပြောတဲ့ (၁၉) ရက်နေ့ဖြစ်စဉ်ဆိုရင်လည်း ကျနော်တို့ကိုလာပြီး ပစ်တဲ့ဖြစ်စဉ် ဖြစ်လာတဲ့အတွက်ကြောင့် သတိပေးပါတယ်။ မလုပ်ပါနဲ့လို့ ထပ်ပြောတယ်။

ဦးသန်းလွင်ထွန်း။ ။ အဲဒီတော့ (၁၉) ရက်မတိုင်ခင်က ဖြစ်တဲ့ဖြစ်စဉ်ပေါ့။ တပ်မတော်ဘက်က အကျအဆုံးတွေ ရှိခဲ့သလား။

ဗိုလ်ချုပ်မှူးကြီးမင်းအောင်လှိုင်။ ။ ရှိတယ်။ ရှိပါတယ်။ အများကြီးပါဗျာ- ဒါတွေပြောမယ်ဆိုရင် ပြန်ဆွသလိုဖြစ်မှာစိုးလို့ တော်ရုံတန်ရုံ ကျနော်ပြောခဲပါတယ်။ တပ်မတော်နဲ့ဖြစ်တယ်လို့ ကျနော် တော်တော်သည်းခံပြီးနေတယ်။ ကျနော် ပြောလိုက်လို့၊ ပြောစရာတွေ အများကြီးရှိတယ်။ ဒါပေမယ့် ကျနော် မပြောဘူး။ မပြောဘဲနဲ့ ကိုယ်ရအောင်ပဲ အောက်ခြေချင်းပဲ ရအောင် ဖြေရှင်းပါတယ်။ တချို့ဟာတွေမှာ တော်တော်လေး ဆိုးဆိုးဝါးဝါးဖြစ်တဲ့ ဖြစ်စဉ်တွေ ရှိပါတယ်။ သို့သော် ကျနော်တို့ ကြိတ်မှိတ် သည်းခံပြီးတော့မှ ငြိမ်းချမ်းရေးမပျက်ချင်တဲ့စိတ်နဲ့ လုပ်တာပါ။ သတိပေးပါတယ်။ မလုပ်ကြပါနဲ့၊ ကျနော်ကိုယ်တိုင်လည်း သက်ဆိုင်ရာတာဝန်ရှိတဲ့ပုဂ္ဂိုလ်တွေကို ကျနော် လှမ်းပြောတယ်၊ မင်းတို့ ပြောပါ၊ သေချာ နားလည်အောင်ပြောပါ၊ ဒါတွေ မလုပ်ကြဖို့၊ ငြိမ်းချမ်းရေးတကယ်လိုချင်လို့ရှိရင် အဓိကကတော့ ပစ်ခတ်မှုတွေလုံးဝမရှိအောင်ထိန်းဖို့တော့ လိုတာပေါ့။ အနည်းဆုံးတော့ ပစ်ခတ်မှုထိန်းမှသာ လုံခြုံမှုဆိုတာ ဖြစ်လာလိမ့်မယ်။ ဒီလိုမဖြစ်အောင် နှစ်ဦးနှစ်ဘက်လုံးက လုပ်ဖို့တော့ လိုမယ်လေ။ ဒါကြောင့်လည်း ကျနော်တို့အနေနဲ့ ထိန်းထိန်းသိမ်းသိမ်းနဲ့ လုပ်နေတယ်ဆိုတာ ကျနော် ပြောလိုတာပေါ့။

ဦးသန်းလွင်ထွန်း။ ။ ဆိုတော့… ဗိုလ်ချုပ်မှူးကြီးပြောသလိုပဲလေ၊ တဘက်နဲ့တဘက် အပြန်အလှန်ပစ်ခတ်မှုတွေ၊ ထိတွေ့မှုတွေ၊ ကျဆုံးမှုတွေ၊ အထိအခိုက်တွေရှိတယ်ဆိုတာလည်း ကျနော်တို့ နားလည်ပါတယ်။ ဘယ်သူမှန်တယ်။ ဘယ်ဝါမှန်တယ်ဆိုတဲ့ သဘောမဟုတ်ဘူးဆိုပေမယ့် အခု ထပ်ပြီးမေးချင်တဲ့ကိစ္စက- ဗိုလ်ချုပ်မှူးကြီး ရှင်းပြတဲ့အထဲမှာလည်း နည်းနည်းတော့ ပါပါတယ်။ အခု (၁၉) ရက်နေ့ ဖြစ်စဉ်ကတော့ နှစ်ဘက်အဖွဲ့တွေကြား ထိတွေ့တိုက်ခိုက်မှုတွေ ဖြစ်နေတဲ့နေရာနဲ့ တော်တော်လှမ်းတဲ့နေရာ၊ သူတို့ရဲ့ဌာနချုပ် အတွင်းပိုင်းအထိ ရောက်နိုင်နေတဲ့အနေအထားဆိုတော့- ဒါက.. ဒီလို နှစ်ဘက် ဒီလို ကိုယ့်ကိုကိုယ် ခုခံပိုင်ခွင့်ဆိုတဲ့ ဘောင်ကိုကျော်နေသလား၊ ဒီလိုဖြစ်လာတဲ့အတွက် တဘက်ကရော ဒီဘက်အတွင်းပိုင်းနယ်ဘက်ကို ပြန်လှန်တိုက်ခိုက်မှုတွေလုပ်လာဖို့ ဖိတ်ခေါ်သလိုများ ဖြစ်မနေဘူးလား။

ဗိုလ်ချုပ်မှူးကြီးမင်းအောင်လှိုင်။ ။ သူတို့ဘက်ကတွေးရင်လည်း ဒီလိုတွေးရင်တွေးမှာပေါ့။ ကျနော်တို့ဘက်က ဒီလိုမတွေးဘူးဗျ။ ကျနော်တို့က သူတို့ကို သတိပေးမယ်လို့ ပြောထားတယ်။ သတိပေးပစ်ခတ်တာပေါ့။ ကျနော်တို့မှာတော့ မင်းတို့ကို ငါတို့ ပစ်ပြီဆိုရင်တော့ ပြန်ပြီးသတိပေးတဲ့ ပစ်ခတ်မှုပါ။ သူတို့ ဘယ်နေရာကပစ်မှန်းတောင် မသိပါဘူး။ သူတို့ကို မေးလိုက်လို့ရှိရင် ဥပမာ အကြောင်းတခုခုပြောလိုက်ရင် - ‘ကျနော်တို့အောက်က ပစ်တာ၊ ကျနော်တို့ မသိပါဘူး၊ စိစစ်ပါအုံးမယ်။’ဆိုတာလေးပဲ သူတို့ပြောပါတယ်။ တခါတခါကျရင် သူတို့လူတွေသူတို့၊ ကျနော်တို့လူတွေကို ကျနော်တို့ ပြောလို့မရပါဘူးဆိုတဲ့ အဖြစ်မျိုးလည်း ရခဲ့တဲ့ဟာလည်း ရှိပါတယ်။ အဲဒီတော့ စောစောကဖြစ်တဲ့ လမ်းဖောက်လုပ်ရေးလုပ်ငန်းမှာဖြစ်တဲ့ ဖြစ်စဉ်နဲ့ ဒီဘက်ကဖြစ်တဲ့ဖြစ်စဉ်နဲ့ ဝေးတယ်လို့ ပြောတဲ့အခါမှာ ကျနော်တို့အနေနဲ့ကတော့ တနယ်ကဖြစ်ပြီဆိုရင်တော့ သူတို့ဖြစ်နိုင်တဲ့နေရာတွေပေါ့။ အသိပေးနိုင်မယ့်နေရာတွေကို သတိပေးပစ်ခတ်မှုတွေလုပ်တာပေါ့။ ဒါကြောင့်လည်း ဒီလိုမျိုး သတိပေးပစ်ခတ်မှုဆိုတာ ဖြစ်တယ်ဆိုတာပဲ ပြောလို့ရပါတယ်။ ဝေးတာ မဝေးတာတော့ ကျနော်တို့ မသိဘူးပေါ့လေ၊ ဒါပေမယ့် သူတို့သိအောင်တော့ အသိပေးရတာပေါ့။ စစ်ရဲ့သဘောတရားမှာတော့ဗျာ-အများကြီးရှိပါတယ်။

ဦးသန်းလွင်ထွန်း။ ။ အခုလောလောဆယ်ကတော့ တိုင်းရင်းသားအဖွဲ့အစည်းတွေ၊ လက်နက်ကိုင်အဖွဲ့အစည်းတွေနဲ့ ငြိမ်းချမ်းရေးကို ဦးဆောင်ပြီး ညှိနှိုင်းနေတာက ငြိမ်းချမ်းရေးဖော်ဆောင်ရေး စင်တာပေါ့နော်။ MPC - ဒီအဖွဲ့တွေက တိုင်းရင်းသားလက်နက်ကိုင်အဖွဲ့အစည်းတွေနဲ့ နီးနီးကပ်ကပ် ဆွေးနွေးတာတွေ၊ ပြောဆိုတာတွေ၊ ညှိနှိုင်းတာတွေရှိပါတယ်။ ရှိပေမယ့်လည်း တခါတခါကျလို့ရှိရင် ထိတွေ့မှုတွေက ဆက်တိုက်ဖြစ်နေပြီးတော့ သူတို့ရဲ့ညှိနှိုင်းမှုတွေ မအောင်မြင်တတ်တဲ့ ပုံစံမျိုးတွေ ကျနော်တို့ ကြားရတယ်လေ။ အဲဒီတော့ တပ်မတော်အနေနဲ့ ငြိမ်းချမ်းရေးစင်တာရဲ့ လုပ်ငန်းစဉ်တွေနဲ့ ဘယ်လောက်ထိများ ပူးပေါင်းဆောင်ရွက်မှုရှိသလဲဆိုတာကို သိပါရစေ။

ဗိုလ်ချုပ်မှူးကြီးမင်းအောင်လှိုင်။ ။ MPC ကနေ လုပ်နေတဲ့ မြန်မာနိုင်ငံ ငြိမ်းချမ်းရေးဖော်ဆောင်ရေးကော်မတီရှိပါတယ်။ ရုံးတွေရှိပါတယ်။ သူတို့လုပ်တာနဲ့ ပတ်သက်ပြီး ကျနော်တို့အနေနဲ့လည်း ငြိမ်းချမ်းရေးအောင်မြင်ချင်တဲ့အတွက်ကြောင့် ပူးပေါင်းဆောင်ရွက်မှုတွေရှိတယ်။ တပ်မတော်က အရာရှိကြီးတွေ၊ အခါအားလျော်စွာလုပ်တဲ့ အစည်းအဝေးတွေမှာ ကျနော် မပျက်မကွက်တက်ပြီး ပြောသင့်ပြောထိုက်တဲ့အချက်တွေ ကျနော်တို့ပြောတာပေါ့။ သူတို့လည်း သူတို့နည်းလမ်းပေါင်းစုံနဲ့ သူတို့ ကြိုးစားတာပဲ။ တချို့လည်း အလျှော့ပေးတာတွေ လျှော့ပေး၊ တချို့လည်း ညှိညှိနှိုင်းနှိုင်းလုပ်တာတွေ ကျနော်တို့ တွေ့ပါတယ်။ တချို့ဟာတွေလည်း ကျနော်တို့ လက်ခံနိုင်တာတွေရှိတယ်။ တချို့ဟာတွေကျတော့လည်း စောစောကပြောသလို ကျနော်တို့က အမျိုးသားနိုင်ငံရေးကိုကြည့်တော့ တိုင်းပြည်ရဲ့အခြေအနေကို ချိန်ဆပြီးတော့မှ ကြည့်တဲ့အခါကျတော့ တခါတလေကျ အံမဝင် ခွင်မကျတဲ့ အချက်အလက်လေးတွေ ရှိတတ်တယ်။

ဦးသန်းလွင်ထွန်း။ ။ ဘယ်လို အချက်အလက်မျိုးကို လက်မခံနိုင်တာလဲ။

ဗိုလ်ချုပ်မှူးကြီးမင်းအောင်လှိုင်။ ။ သူတို့တောင်းဆိုတာ - ဥပမာ လက်နက်ကိုင်နဲ့ပတ်သက်တဲ့ဟာလေးတောင်းဆိုတာတွေ ရှိတယ်။ နယ်မြေနဲ့ ပတ်သက်ပြီးတော့ ဘာမှမပြောရခင် သူတို့ပြောတာလေးတွေရှိတာပေါ့။ နောက်ပြီး လုပ်ပိုင်ခွင့် တောင်းတာတွေ ရှိတာပေါ့။ ဒါတွေကျတော့လည်း တချို့ဟာတွေ မလိုက်လျှောနိုင်တဲ့ဟာတွေကျတော့ မလိုက်လျှောနိုင်တဲ့ဟာတွေလည်းရှိတယ်။ အဲဒါကြောင့် ဥပဒေအရ သွားကြမှ ဖြစ်တာပေါ့။ ကျနော် စောစောကပြောသလိုပေါ့၊ ကျနော်တို့က ပါတီစုံ ဒီမိုကရေစီစနစ်ကို သွားနေတယ်၊ ဥပဒေအရပဲ သွားကြဖို့၊ ဥပဒေအရ သူလိုချင်တဲ့ဟာလေးတွေ တောင်းပေါ့ဗျာ၊ ဒီလိုတော့ မဟုတ်ဘူး၊ သူတို့က- တချို့ဟာတွေကျတော့လည်း တောင်းဆိုမှုလေးတွေ နည်းနည်း များတာပေါ့။ အဲဒါလည်း ကျနော်ထင်ပါတယ်။ သူတို့က စိုးရိမ်မှုကြောင့်လည်း ဖြစ်ကောင်းဖြစ်နိုင်ပါတယ်။ စိုးရိမ်မှုကို မရှိအောင် ကျနော်တို့ကလုပ်ပြဖို့လည်း - နှစ်ဦးနှစ်ဘက်ကတော့ လုပ်ဖို့တာဝန်ရှိတာပေါ့။

ဦးသန်းလွင်ထွန်း။ ။ ဟုတ်ပါတယ်။

ဗိုလ်ချုပ်မှူးကြီးမင်းအောင်လှိုင်။ ။ ဒါကတော့ MPC နဲ့ပတ်သက်ရင်တော့ ကျနော်တို့လည်း အောင်မြင်အောင်တော့ လုပ်စေချင်တယ်။ တိုင်းပြည်ငြိမ်းချမ်းဖို့ကတော့ သိပ်အဓိကကျတာပေါ့၊ သိပ်အဓိကကျပါတယ်။ တိုင်းပြည်မငြိမ်းချမ်းဘဲနဲ့ကတော့ ရှေ့ဆက်တိုးဖို့ဆိုတာတော့ အရှိန်ကတော့ နှောင့်နှေးနေမှာပဲ။ သွားတော့သွားမှာပဲ။ မသွားဘူးမဟုတ်ဘူး၊ ကျနော်တို့လည်း သွားနေမှာပဲ၊ လျှောက်နေမှာပဲ။ သို့သော်လည်း တလှမ်းလှမ်းမယ့် အပြည့်လှမ်းမယ့်နေရာမှာ အပြည့်မလှမ်းနိုင်ဘူး၊ အလှမ်းဝက်လောက် လှမ်းနိုင်တဲ့အခြေအနေမျိုး၊ လေးပုံသုံးပုံလောက်လှမ်းနိုင်တဲ့အခြေအနေမျိုးဖြစ်တဲ့ဟာမျိုး ကျနော်တို့ ကြုံနေရတာပေါ့။ အခုဖြစ်နေတာကတော့-

ဦးသန်းလွင်ထွန်း။ ။ ဟုတ်ကဲ့ခင်ဗျ။ အခု ကျနော်တို့သတိထားမိတဲ့အချက်ကတော့ ဒီလို ငြိမ်းချမ်းရေးဖြစ်စဉ်တွေမှာ ငြိမ်းချမ်းရေးလုပ်ငန်းစဉ်တွေကို ဆွေးနွေးနေရင်းနဲ့ တချို့ရင်ဆိုင်တိုက်ခိုက်မှုလေးတွေ၊ ထိတွေ့မှုလေးတွေဖြစ်တယ်ဆိုလို့ရှိရင် ပြည်သူတွေအနေနဲ့ရော ကျနော်တို့သတင်းဌာနတွေအနေနဲ့ပါ တိတိကျကျ သတင်းအချက်အလက်တွေ မရတာတွေရှိပါတယ်။ အထူးသဖြင့်တော့ တပ်မတော်ဘက်ပိုင်းက ထုံးတမ်းစဉ်လာအရ ထုတ်ပြန်လေ့သိပ်မရှိဘူး။ အခုနောက်ပိုင်းမှာတော့ သတင်းထုတ်ပြန်ရေးအဖွဲ့ လုပ်ဆောင်လာပြီးတော့ သတင်းလေးတွေပေးလာတာ တွေ့ရပါတယ်။ ဒီဟာနဲ့ပတ်သက်လို့တော့ ကျနော်တိုက်တွန်းချင်တာကတော့ သတင်းများများ၊ ပွင့်ပွင့်လင်းလင်း ထုတ်ပြန်ပေးပါဆိုတာကိုပဲ တိုက်တွန်းချင်ပါတယ်။ တပ်မတော်လိုပဲ ပြည်သူလူထုကလည်း ငြိမ်းချမ်းရေးကိုလိုလားတယ်။ ဖြစ်စဉ်ကို အမှန်အတိုင်း တိတိကျကျနားလည်ချင်တဲ့ဆန္ဒ အားလုံးမှာ ရှိကြတယ်ဆိုတော့ ဘက်ပေါင်းစုံကကြားရင် ပိုကောင်းပါတယ်။ အဲဒါလေးတချက် ပြောပါရစေ။

ဗိုလ်ချုပ်မှူးကြီး မင်းအောင်လှိုင်။ ။ သတင်းပေ့ါလေ- သတင်းဆိုတာလည်း အားလုံးပြောတိုင်းလည်း သိပ်ကောင်းတာတော့ မဟုတ်ဘူး။ တချို့ဟာကျတော့လည်း ဖိအားပေးသလို ဖြစ်ပါတယ်။ တခါတလေကျတော့လည်း အဲဒါကြီးကို ပုံဖော်ပြီးတော့မှ ပုံကြီးချဲ့တဲ့ဟာမျိုးလည်း ဖြစ်တတ်ပါတယ်။ သတင်းဌာနတွေကလည်း သူတို့ရဲ့ရှုဒေါင့်ကနေ သူတို့ရေးကြတာကိုး၊ ရေးတဲ့အခါကျတော့လည်း ကောင်းတဲ့ဘက်ကနေ ရေးလိုက်ရင် တမျိုးပေါ့။ အဲလိုမဟုတ်ဘဲနဲ့ သူတို့အယူအဆ လွဲမှားပြီးတော့- သူတို့လည်း ရိုးရိုးသားသားဖြစ်ကောင်းဖြစ်နိုင်ပါတယ်။ ကျနော်တို့က မစွပ်စွဲပါဘူး။ ရိုးရိုးသားသားဆိုပေမယ့်လည်း သူတို့ရှုဒေါင့်က တမျိုးမြင်ပြီးတော့မှရေးတဲ့အခါကျလို့ရှိရင် ပဋိပက္ခ ပိုပြီးကြီးမားတဲ့အသွင်ကို ဆောင်သွားတတ်တယ်။ ဒါကြောင့် သူတို့ဘက်က ဘယ်လောက်ပဲဘာပြောပြော၊ ကျနော်တို့အနေနဲ့ကတော့ ထိန်းထိန်းသိမ်းသိမ်းလုပ်တယ်။ သိပ်ပြီးတော့မှ ထိခိုက်တယ်ဆိုလို့ရှိရင် ကျနော်တို့က သတင်းထုတ်ပြန်ပေးတာပေါ့။ ဒါ ကျနော်တို့ရဲ့ အရိုးခံစိတ်ပါပဲ။

ဦးသန်းလွင်ထွန်း။ ။ ဟုတ်ကဲ့။

ဗိုလ်ချုပ်မှူးကြီးမင်းအောင်လှိုင်။ ။ ပဋိပက္ခကို ပိုမကြီးထွားစေချင်လို့သာ ကျနော်တို့ပြောတာပါ။

ဦးသန်းလွင်ထွန်း။ ။ မှန်ပါတယ်။

ဗိုလ်ချုပ်မှူးကြီးမင်းအောင်လှိုင်၊ ။ တချို့ဆိုရင် လူတွေရှိတယ်ဗျ။ ကျနော်တို့ဆီမှာလည်း လူမှုကွန်ယက်တွေကနေပြီးတော့ ပြောတာတွေ ရှိတယ်။ မခံနိုင်လို့ပြောတဲ့ဟာတွေလည်းရှိတယ်။ ဒါတွေလိုက်ပြီးပြီးတော့ သူတို့ပြောထားတဲ့အတိုင်း ကျနော်တို့လိုက်လုပ်ပေးနေမယ်ဆိုလို့ရှိရင် ပိုပြီးတော့ ကြီးသထက်ကြီး၊ ကြီးသထက်ကြီး- ကျနော်တို့က အောက်မှာ အနည်းဆုံး Low Porfile ဖြစ်အောင်၊ အတတ်နိုင်ဆုံး၊ သူတို့ကိုလည်း အတတ်နိုင်ဆုံး ဒီဟာနဲ့ပတ်သက်ပြီးတော့ tension ကျအောင် ကျနော်တို့က လုပ်တယ်။ tension မြင့်အောင် ကျနော်တို့မလုပ်ချင်ဘူး။ ကျနော့်ရဲ့စိတ်ကတော့ ဒီအတိုင်းပဲရှိတယ်။

ဦးသန်းလွင်ထွန်း။ ။ သတင်းသမားတွေကြားထဲမှာရော၊ လူထုကြားထဲမှာရော အဓိက-ကတော့ ရနိုင်တဲ့အချက်အလက်ကနည်းလေလေ၊ ခန့်မှန်းယူဆချက်တွေနဲ့ သံသယတွေက ကြီးလေလေပါပဲ။ ဒါလေးရှိပါတယ်။

ဗိုလ်ချုပ်မှူးကြီးမင်းအောင်လှိုင်။ ။ ကျနော် ဒါလေး သဘောပေါက်ပြီ။ ကျနော် ပြောသင့်တဲ့အချက်လေးတွေ နောက်ပိုင်းလည်း ကျနော်ပြောပါတယ်။ အရင်ကတော့ တော်တော်လည်း ထိန်းထိန်းသိမ်းသိမ်းလုပ်တယ်ဗျ။

ဦးသန်းလွင်ထွန်း။` ။ အဲဒီတော့ ငြိမ်းချမ်းရေးမှာပဲ အခု ဗိုလ်ချုပ်မှူးကြီးလည်း စောစောက တော်တော်လေးရှင်းပြခဲ့ပါတယ်။ ဒ်ီနေရာမှာ တိုင်းရင်းသားတွေက ပြောတဲ့အချက်တွေထဲမှာ တိုင်းရင်းသားတွေက ဖက်ဒရယ်ပြည်ထောင်စု၊ ဖက်ဒရယ်တပ်မတော်ဆိုတဲ့ စကားလုံး အသုံးအနှုန်းလေးတွေကို မကြာခဏတွေ့ပါတယ်။ တောင်းဆိုချက်တွေ ပြင်းပြင်းထန်ထန် ရှိပါတယ်။ တပ်မတော်အနေနဲ့ ဒီအချက်တွေကို ကြားထဲမှာ တိုင်းရင်းသားအဖွဲ့အစည်းတွေနဲ့ တပ်မတော်နဲ့ကြားမှာ ဘာများကွဲလွဲမှုရှိလဲ။ ဖက်ဒရယ်-ဆိုတဲ့ စကားလုံး စကားရပ်တွေကြားမှာ။

ဗိုလ်ချုပ်မှူးကြီးမင်းအောင်လှိုင်။ ။ အင်း…ပြဿနာကတော့ ဖက်ဒရယ်ရဲ့ definition ပေါ့။ အဲဒီတော့ အရင် ကျနော်တို့ရဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းပြောသွားတာတွေ ရှိတယ်။ ယူနီယံတို့၊ ဖက်ဒရယ်တို့ ပြောတာစကားရှုပ်ပါတယ်ကွာ-တဲ့။ wording ကတော့ ကျနော် အတိအကျ မဟုတ်ဘူးပေါ့နော်၊ အဲဒီသဘောပေါ့- ရှုပ်တယ်၊ တို့ မြန်မာလိုပဲ ပြည်ထောင်စုပဲ ခေါ်တာကောင်းတယ်ဆိုပြီးတော့ ပြည်ထောင်စုဆိုတဲ့အသုံးအနှုန်းလေး သူစခဲ့တာပါ။ ဒီစကားလုံးလေး ကျနော်တို့ မှတ်သားမိဖူးပါတယ်။ အရေးကြီးတာတော့ ဖက်ဒရယ်တို့၊ ပြည်ထောင်စုတို့ အဓိပ္ပာယ်လိုချင်တာ လျှောက်ဆွဲထုတ်မယ့် အစား တကယ်တော့ ကျနော်တို့ တိုင်းရင်းသားအားလုံးစုစုစည်းစည်း ညီညီညွတ်ညွတ်နဲ့ နေဖို့အတွက်ပေါ့လေ၊ ဒီလိုဆိုချင်ပါတယ်။ သူတို့ပြောနေတဲ့ ဖယ်ဒရယ်ဆိုတာကတော့ သူတို့ရဲ့ ဖယ်ဒရယ် UNFC ရဲ့ဖွဲ့စည်းပုံ အခြေခံဥပဒေမှာ ရေးထားတဲ့အချက်အလက် နောက် သူတို့ရေးထားတဲ့ အချက်အလက်၊ နောက်သူတို့ပြောတဲ့ ပြောမယ်ဆိုရင်တော့ ကျနော်တို့ရဲ့ ဖွဲ့စည်းပုံအခြေခံ ဥပဒေနဲ့တော့မတူဘူး၊ ကွဲပြားမှုရှိနေတာကို သွားတွေ့တယ်။ ခုနကပြောတဲ့ဖယ်ဒရယ် ပြည်ထောင်စုတပ်မတော်ပေါ့ ။ ဖယ်ဒရယ် ယူနီယံအာမီပေါ့ FUA ပေါ့၊ ဖယ်ဒရယ် ယူနီယံအာမီကလည်း သူတို့ ဖွဲ့ဖို့အတွက် ဖွဲ့ထားတာ၊ အဲ့ဒီခုနက ဖယ်ဒရယ် ပြည်ထောင် - UNFC ထဲမှာ ပါပါတယ်။ ဒီလိုသာဆိုလို့ရှိရင် ကျနော်တို့ဆီမှာလည်း တပ်မတော်ရှိတာပေါ့၊ နိုင်ငံတိုင်း နိုင်ငံတိုင်းမှာတော့ အမျိုးသားတပ်မတော်ဆိုတာ ရှိတယ်၊ ကျနော်တို့ဆီမှာ ဆို ကျနော်တို့ တပ်မတော်ပေါ့၊ ဘယ်နိုင်ငံမှာ ကြည့်ကြည့် အမျိုးသားတပ်မတော်ဆိုတာ တစ်ခုပဲ ရှိတယ်၊ နှစ်ခု သုံးခု အပြိုင်ဖွဲ့ထားတာ ဘယ်မှာမှ မရှိဘူး။ Even အမေရိကန်လည်းမရှိဘူး၊ အိမ်းနီးနားချင်း အိန္ဒိယလည်း မရှိဘူး၊ တရုတ်လည်းမရှိဘူး၊ ထိုင်းလည်းမရှိဘူး၊ ဘင်္ဂလားဒေ့ရ်ှလည်း မရှိပါဘူး၊ ဒါ နိုင်ငံတကာ စံနှုန်းနဲ့ ကြည့်မယ်ဆိုရင်ပေါ့၊ ကျနော်တို့တပ်မတော်ပေါ့၊ ကျနော်တို့ တပ်မတော်ဟာ တိုင်းရင်းသားအားလုံးနဲ့ ဖွဲ့စည်းထားတဲ့ တပ်မတော်ဖြစ်ပါတယ်၊ အရာရှိထဲမှာဆိုရင် (၄၅၀၀) တိုင်းရင်းသားအရာရှိတွေဖြစ်ပါတယ်၊ ဒုတိယ ဗိုလ်ချုပ်ကြီးအဆင့်အထိ ရှိတယ်၊ ကျွန်တော်ကိုယ်တိုင်ပင်လျှင် ထားဝယ်က ဖြစ်ပါတယ်။ မိဘတွေက ထားဝယ်က ဖြစ်ပါတယ်။ အဲ ကျွန်တော်က မြန်မာစိတ်ရှိပါတယ်။ မြန်မာစိတ်ပါပဲ။ အဲ့တော့ ဒီ နေရာမှာလည်း စောစောကပြောတဲ့ ဖက်ဒရယ် တပ်မတော်တပ်မတော်လို့ပြောရင် ကျနော်တို့ တပ်မတော်မှာလည်း စစ်မှုထမ်းတဲ့ စဉ်းမျဉ်းစဉ်းကမ်းတွေရှိတယ်၊ မည်သည့်တိုင်းရင်းသားမဆို ၁၈ နှစ်ပြည့်ပြီးတဲ့ မိမိသဘောဆန္ဒအလျှောက်ပြည့်တဲ့ ၊ ဆန္ဒအလျှောက် တာဝန်ထမ်းဆောင်တဲ့ ၁၈ နှစ်ပြည့်တယ်၊ ကျန်းမာသန်စွမ်းတဲ့သူဆိုရင်တော့ တပ်မတော်က စံချိန် သတ်မှတ်ထားချက်တော့ ရှိတာပေါ့ဗျာ၊ ၁၃ ချက်ပေါ့၊ ၁၃ ချက်နဲ့ ကိုက်ညီမယ်၊ ကိုယ်တိုင်ဆန္ဒပြုမယ်၊ အသက် ၁၈ နှစ် ပြည့်ပြီးမယ် အဲ ဆိုလို့ရှိရင်တော့ မည်သည့် တိုင်းရင်းသားမဆို တပ်မတော်ထဲမှာ တာဝန်ထမ်းဆောင်ပိုင်ခွင့်ရှိပါတယ်။ အဲလုပ်လို့လည်းရပါတယ်၊ စစ်မှုထမ်းစည်းမျဉ်စဉ်းကမ်းနဲ့ ပေါင်းမယ်ဆိုရင် ဒါ အများကြီးဖြစ်တာပေါ့၊ အဲ့တော့ ဒီမှာတင် သူတို့နဲ့ ကျနော်တို့က နည်းနည်းလေး သဘေားထားလေးတွေ မတူတာလေးတွေဖြစ်လာတာပေါ့၊ အရင်တုန်းက ကျနော်တို့ဆီမှာလည်း တိုင်းရင်းသားတပ်တွေရှိပါတယ်။ ဥပမာ အရင် ဗမာ့ သေနတ်ကိုင်တပ်ရင်းတို့၊ ရှမ်းသေနတ်ကိုင်တပ်ရင်းတို့၊ ချင်းသေနတ်ကိုင်တပ်ရင်းတို့၊ အရင်က လွပ်လပ်ရေးမရခင်က ကျနော်တို့ လွပ်လပ်ရေးရတဲ့အချိန်မှာတပါတည်း ပါလာတဲ့ တပ်တွေရှိတယ်။ ဒါတွေလည်း အခက်အခဲတွေ အများကြီးကြုံရတယ်။ ဒါကြောင့်လည်း လူကြီးတွေက အရင်တပ်မတော် အကြီးအကဲတွေက ဒါလေးတွေကို နံပါတ်တစ်အရ လူတွေကိုပြောင်းလဲ ဖွဲ့စည်းတာပေါ့၊ တခါ ခြေလျှင် ခြေမြန်တွေနဲ့ နံမည်ပြောင်းပြီးတော့ တပ်မတော်ပုံစံတခုတည်းနဲ့ ပြောင်းခဲ့တာဖြစ်ပါတယ်။ တပ်မတော်ဆိုတာကတော့ စည်းစည်းလုံးလုံးရှိမှဖြစ်မယ်။ လက်နက်ကိုင်အဖွဲ့အစည်းဖြစ်တဲ့အတွက် တပ်မတော်ဆိုတာ ကွဲနေလို့ မရဘူး။ ဒါကြောင့် စုစည်းညီညွတ်တဲ့ တပ်မတော်တခုဘဲ ရှိဖို့သင့်တယ်လို့ ကျနော်တို့ ယူဆတယ်။

ဦးသန်းလွင်ထွန်း။ ။ အခုတော့ လက်ရှိတပ်မတော်အနေနဲ့က ပြောရမယ်ဆိုလို့ရှိရင် ပြည်ထောင်စုတပ်မတော်၊ ဒါပေမယ့်လည်း တဘက် အသုံးအနှုန်း အနေနဲ့ဆိုလို့ရှိရင် ဖက်ဒရယ်တပ်မတော်ဆိုတဲ့သဘောမျိုး ပြောနိုင်ပါသလား။

ဗိုလ်ချုပ်မှူးကြီးမင်းအောင်လှိုင်။ ။ ဒီလိုပါပဲ။ ဒီအဓိပ္ပာယ်ပါပဲ။ ပြည်ထောင်စုတပ်မတော်ပါပဲ။ တိုင်းရင်းသားအားလုံး - ကျနော်တို့ကောက်နုတ်ထားတဲ့ စာရင်းမှာဆိုရင် တိုင်းရင်းသားအားလုံးရှိတယ်။ တပ်မတော်ထဲမှာ တိုင်းရင်းသားအားလုံးရှိတယ်။ တချို့လည်းကပြား၊ တချို့လည်း တိုင်းရင်းသား စစ်စစ်တွေ ရှိပါတယ်။ လက်ရှိလည်း တပ်သားကနေစပြီးတော့ အရာခံဗိုလ်အထိ အခြားအဆင့်ပေါ့။ ရှိတယ် ။ အရာရှိဆိုလို့ရှိရင်လည်း စောစောက ပြောသလို အရာရှိငယ်ကနေ ဒုတိယဗိုလ်ချုပ်ကြီးအဆင့်ထိ တိုင်းရင်းသားတွေရှိတယ်ဆိုတာ ပြောလိုတယ်။

ဦးသန်းလွင်ထွန်း။ ။ အဲတော့ ပြည်ထောင်စုတပ်မတော်အနေနဲ့ ပြည်ထောင်စုကြီးတရပ်လုံးကိုကာကွယ်ပေးရမယ့် အခွင့်အရေး၊ ကိစ္စတွေကို လုပ်ဆောင်နေတယ်ဆိုတာ ကျနော်တို့လည်း နားလည်ပါတယ်။ ဒါပေမဲ့နိုင်ငံတကာမှာတော့ မြန်မာနိုင်ငံရဲ့ တပ်မတော်နဲ့ ပတ်သက်ပြီး ဝေဖန်ထောက်ပြနေတဲ့အချက်ထဲမှာ အခြားအရေးကြီးဆုံး နောက်တခုရှိပါတယ်။ အဲဒါက တပ်မတော်နဲ့ လူ့အခွင့်အရေးဆိုင်ရာကိစ္စတွေပါ။ အထူးသဖြင့်တော့ တပ်မတော်အနေနဲ့ တိုက်ပွဲတွေရင်ဆိုင်နေရတဲ့အနေအထားဆိုတော့တိုက်ပွဲဒေသတွေမှာဆိုရင် လူ့အခွင့်အရေး ကျူးလွန် ဖောက်ဖျက်မှုတွေ ရှိတယ်ပေါ့နော်။ အဲဒါအပြင် ကလေးစစ်သားစုဆောင်းမှုတွေရှိခဲ့တယ်။ ဒါတွေကတော့ ကလေးစစ်သားစုဆောင်းမှုကိစ္စမှာတော့ ဗိုလ်ချုပ်မှူးကြီးတို့အနေနဲ့ ပြုပြင်စရာတွေပြုပြင်ပြီးတော့ ကလေးစစ်သား မဖြစ်အောင်ကာကွယ်နေတဲ့ အကြောင်းအရင်းတွေတော့ ကျနော်တို့လည်း ကြားပါတယ်။ ဒါပေမယ့် တခြားနယ်စပ်ဒေသတွေမှာဖြစ်နေတဲ့ လူ့အခွင့်အရေးဖောက်ဖျက်မှု၊ သတ်ဖြတ်ကျူးလွန်မှု၊ သူတို့စွပ်စွဲတဲ့ အဓမ္မမှု၊ ဒီလုပ်အားပေး စေခိုင်းမှု ဒီကိစ္စတွေနဲ့ပတ်သက်လို့ကတော့ ပြောဆိုစွပ်စွဲသံတွေကြားနေရဆဲခင်ဗျာ။ အဲဒါနဲ့ပတ်သက်လို့ရော ဗိုလ်ချုပ်မှူးကြီးရဲ့လမ်းညွန်မှုက ဘယ်လိုရှိလဲ။ ဘယ်လိုဖြေရှင်းဖို့ အစီအစဉ်တွေရှိလဲဆိုတာ သိချင်ပါတယ်။

ဗိုလ်ချုပ်မှူးကြီးမင်းအောင်လှိုင်။ ။ အင်မတန်ကောင်းတဲ့ မေးခွန်းတခုလို့ ပြောရမယ်။ ဒါကျနော် နည်းနည်း ရှင်းပြချင်တာပေါ့။ ကျနော်တို့ တပ်မတော်သားဆိုတာ မ-တထောင်သားဖြစ်ပါတယ်။ စည်းကမ်းမဖောက်ဘူးလို့ ကျနော်မပြောလိုပါဘူး။ ရှိကောင်းရှိနိုင်တာပေါ့။ သို့သော် စည်းကမ်းကိုတော့ တော်တော်လေး ထိန်းသိမ်းထားတာပေါ့။ ကျနော်တို့မှာလည်း အမိန့်နဲ့ညွန်ကြားချက်တွေရှိပါတယ်။ နောက် (၁၉၅၉) တပ်မတော် အက်ဥပဒေ ဆိုတာရှိတယ်။ စည်းကမ်းတွေဖောက်ဖျက်ရင် အရေးယူတဲ့ဟာတွေရှိတယ်။ နောက် ကျနော်တို့ရဲ့ပြစ်ဒဏ်-အပြစ်ပေးတဲ့အခါမှာလည်း နယ်ဖက်ဆိုင်ရာအပြစ်ပေးတာထက် ကျနော်တို့ကပိုပြီး ပြင်းထန်တယ်။ ပိုကြီးပါတယ်။

“ဥပမာ လူသတ်မှုတခုဖြစ်တယ်ဆိုရင် သူတို့ဆီမှာ အခြေအနေအချိန်အခါပေါ်မူတည်ပြီး နှစ်နှစ်၊ သုံးနှစ်၊ လေးနှစ်၊ ငါးနှစ်နဲ့ ပြီးကောင်းပြီးသွားနိုင်တာပေါ့။ ကျနော်တို့ဆီမှာကျတော့ မရဘူး။ များသောအားဖြင့် ခုနှစ်နှစ်၊ ဆယ်နှစ်။ တချို့ဆိုရင်သေဒဏ်ထိ ပေးပါတယ်။ အခုနကပြောတဲ့ နယ်ဖက်နဲ့ပတ်သက်ပြီး ပြစ်မှုဖြစ်နေတဲ့ ကိစ္စတွေပေါ့။ ဥပမာဖြင့် ပြောရလို့ရှိရင် သေမှုတွေ၊ လူသေတဲ့ကိစ္စရှိတယ်၊ လူသတ်တဲ့ကိစ္စရှိတယ်၊အဓမ္မပြုကျင့်တဲ့ကိစ္စတွေ ကျနော်တို့ကပဲ သေ၊ သတ်၊ ကျင့် ဆိုတာဟာ မျိုးပြောကြတာပေါ့။ ဒါနဲ့ပတ်သက်လို့ ပြင်းပြင်းထန်ထန်အရေးယူတာတွေရှိတယ်။ တချို့အရပ်ဖက်မှာ ဖြစ်တဲ့ကိစ္စဆိုရင်တပ်မတော်ပိုင်းဆိုင်ရာ တရားစီရင်မှုပြီးတာနဲ့ ကျနော် နယ်ဘက်ကိုလွှဲပေးလိုက်တာပေါ့။ ဒါတွေလည်း အများကြီးရှိပါတယ်။ ကျနော်တို့အပိုင်းမှာဆိုရင်လည်း တပ်မတော်သားတွေစစ်မှုထမ်းချိန်မှာဖြစ်တယ်ဆိုရင်လည်း တော်တော်ပြင်းပြင်းထန်ထန် ပြစ်ဒဏ်ချတယ်။ အဓမ္မမှုနဲ့ လူသတ်မှုပါတဲ့ဟာရယ်၊ အဓမ္မမှုနဲ့ ငယ်ရွယ်တဲ့ကလေးနဲ့ပတ်သက်ပြီးဖြစ်တာဆိုရင် သေဒဏ်ထိပေးတဲ့ထိပေးပါတယ်။ ပြစ်ဒဏ်စီရင်တာ မစီရင်တာ တပိုင်းပေါ့လေ။ ဥပဒေကတော့ ကျနော်တို့ အမြင့်ဆုံးပြစ်ဒဏ်ကို ကျနော်တို့ပေးတယ်။ ဒါတော့ ကျနော်ကတော့ လုံးဝလက်မခံဘူး။ လူမှုရေးအရလည်း လက်မခံနိုင်ဘူး။ ကျနော်တို့ မြန်မာနိုင်ငံရဲ့ practice အရလည်း လက်မခံနိုင်ဘူး။ တိုင်းရင်းသားရေးရာအရလည်း ကျနော်တို့သည် ပြည်သူတွေကြား ပေါက်ဖွားလာတဲ့ တပ်မတော်သားတွေဖြစ်တဲ့အတွက်ကြောင့် ပြည်သူကိုစော်ကားတဲ့ဟာမျိုးတော့ ဖြစ်လို့မရဘူး။ ကျနော်တို့က ပြည်သူရဲ့ ထောက်ပံ့အားပေးမှု မရဘဲနဲ့လည်း နိုင်ငံတော်ကာကွယ်ရေးဆိုတာလည်း ပြီးပြည့်စုံတဲ့ ကာကွယ်ရေးတခုဖြစ်ဖို့မလွယ်ဘူး။ပြည်သူက ကျနော်တို့ကို ပူးပေါင်းဆောင်ရွက်လို့ရမှသာဖြစ်တယ်။ ဒါကြောင့် ပြည်သူနဲ့ပတ်သက်ပြီးဖြစ်လာတဲ့ဟာဆိုရင်တော့ ထိထိရောက်ရောက်ကို ကျနော်အရေးယူတယ်။

“ဒီလိုပဲ ခုနက ငယ်ရွယ်တဲ့စစ်သားလေးကိစ္စပေါ့။ ဒီလိုပဲ ဖြစ်လေ့ဖြစ်ထရှိခဲ့တာပါ။ ကျနော်တို့လည်း ဒါနဲ့ပတ်သက်ပြီး ကျနော် တပ်မတော်ကာကွယ်ရေး ဦးစီးချုပ်ဖြစ်တဲ့အချိန်မှာ တော်တော်ထိထိရောက်ရောက်ကို ဖေါ်ထုတ်ပြီးအရေးယူပါတယ်။ အရေးယူတာခံရတဲ့အရာရှိစစ်မှုထမ်းများစွာရှိပါတယ်။ ပြန်လွှဲပေးတဲ့ case တွေထဲကဆိုရင် ကျနော်ထင်တယ်။ ဒီဘက်ပိုင်းမှာ လူ (၄၀၀) ကျော်လောက် ရှိပါတယ်။ ၂၀၀၂ ခုနှစ်ကစပြီး count လုပ်မယ်ဆိုရင် ၁,၀၀၀ အစွန်းထွက်လောက် ကျနော်တို့ ပြန်ပြီးပေးခဲ့ပြီး ဖြစ်ပါတယ်။ အခုလည်း တော်တော်ကို စစ်ထုတ်ပြီးတော့ကို လုပ်နေပါတယ်။ ဒါလည်း ရှင်းရှင်းပြောရရင်ဗျာ တပ်မတော် သိက္ခာကျတဲ့ကိစ္စပေါ့။ ကျနော်တော်တော်လေး ဒါနဲ့ပတ်သက်ပြီး စောင့်ထိန်းပါတယ်။ ခံလည်း ခံပြင်းပါတယ်။ ဘာဖြစ်လို့လဲဆိုတော့ ဒါလေးက ၁% တောင်မရှိဘူး။ ၁% တောင်မရှိတဲ့ကိစ္စကို ကျနော့်မှာ ဒါနဲ့ခေါင်းခြောက်နေလို့လည်း အလုပ်မဖြစ်ပါဘူး။

(တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဗွီအိုအေ သီးသန့် တွေ့ဆုံမေးမြန်းခဲ့တာပါ။ တပ်မတော်နဲ့ လူ့အခွင့်အရေးဆိုင်ရာ ကိစ္စများ၊ တပ်မတော် နိုင်ငံတကာဆက်ဆံရေး ဗိုလ်ချုပ်မှူးကြီးမင်းအောင်လှိုင်ရဲ့ အနာဂတ်နိုင်ငံရေး စတာတွေနဲ့ ပတ်သတ်ပြီး တတိယနဲ့ နောက်ဆုံးပိုင်းကို မနက်ဖြန်မနက်မှာ ဆက်ပြီး ထုတ်လွှင့်ပေးသွားဖို့ ရှိပါတယ်။)

ဦးသန်းလွင်ထွန်း / ဗွီအိုအေ (မြန်မာပိုင်း)
http://burmese.voanews.com/content/voa-burmese-exclusive-interviews-with-senior-general-min-aung-hlaing-/2530688.html

 
 ဗိုလ်ချုပ်မှူးကြီးမင်းအောင်လှိုင်ကို ဗွီအိုအေဌာနမှူး ဦးသန်းလွင်ထွန်းက နေပြည်တော်တွင် သီးသန့် တွေ့ဆုံမေးမြန်း။ နိုဝင်ဘာလ ၂၂၊ ၂၀၁၄။

ပြီးခဲ့တဲ့လအတွင်း ဖြစ်ပွားခဲ့တဲ့ သတင်းထောက်ကိုပါကြီး သေဆုံးမှု ဖြစ်စဉ်အပါအ၀င် တပ်မတော်နဲ့ လူ့အခွင့် အရေးဆိုင်ရာ ကိစ္စတွေ၊ တပ်မတော်နဲ့ နိုင်ငံတကာ ဆက်ဆံရေး၊ ဗိုလ်ချုပ်မှူးကြီး မင်းအောင်လှိုင်ရဲ့ အနာဂတ် နိုင်ငံရေး စတာတွေနဲ့ပတ်သက်ပြီး တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့ ဗွီအိုအေ မြန်မာပိုင်း ဌာနမှူး ဦးသန်းလွင်ထွန်းတို့ တွေ့ဆုံမေးမြန်းခန်း တတိယနဲ့ နောက်ဆုံးပိုင်းဖြစ်ပါတယ်။

ဦးသန်းလွင်ထွန်း။       ။ ဗိုလ်ချုပ်မှူးကြီးပြောသလိုပဲ တပ်မတော်ဆိုတာ မ တထောင်သားတွေနဲ့ ဖွဲ့စည်းထား တာ၊ တော်တော်လေးကို ထိန်းသိမ်းရတယ်ဆိုတာ ဒီတပ်မတော်မှလည်း မဟုတ်ပါဘူး။ နိုင်ငံတကာတပ်မတော် တွေ၊ အမေရိကန်တပ်ထဲမှာလည်း ဒါမျိုးတွေရှိကြတာပါပဲ။ ရှိကြတယ်ဆိုတဲ့နေရာမှာ အလားတူပဲ ဒီလိုဖြစ်စဉ် တွေ ဖြစ်လာပြီဆိုလို့ရှိရင် အရေးအကြီးဆုံးကတော့ ဖြစ်ခဲ့တဲ့၊ ခံရတဲ့သူတွေအနေနဲ့ တိုင်တန်းပိုင်ခွင့်၊ တိုင်တန်း တဲ့ကိစ္စတွေကို ထိထိရောက်ရောက် အရေးယူပိုင်ခွင့်၊ ဒီ တိုင်တန်းတဲ့အတွက်ကြောင့်မို့လို့ ပြန်လှန်ပြီးတော့ ခြိမ်းခြောက် စွပ်စွဲခံရမှုတွေ မဖြစ်ဖို့ ကာကွယ်ပေးနိုင်ခွင့်ပေါ့ နော်၊ အဲဒါအပြင်ကို တဘက်မှာလည်း၊ ဒါကတော့ လူ့သဘာဝအရ ကိုယ့်လူကိုယ် ကာကွယ်ပြီးတော့ ထိန်းထိန်းသိမ်းသိမ်းနဲ့ ထိန်ချန်တဲ့ကိစ္စမျိုးတွေလည်း နိုင်ငံတကာမှာလည်းရှိပါတယ်။ ဥပမာပြောရမယ်ဆိုလို့ရှိရင်တော့ တဘက်က စွပ်စွဲတဲ့အထဲမှာ ရွာသူ တယောက် အဓမ္မပြုကျင့်ခံရပြီဆိုရင် သွားတိုင်တယ်ဆိုလို့ရှိရင် ဘယ်သူမြင်လည်း၊ မြင်တဲ့လူခေါ်လာခဲ့ဆို ဘယ်သူမှ လိုက်လာလို့မရတဲ့ပုံစံမျိုး၊ အမှုမဖြစ်ဘူးပေါ့လေ။ အမှုမဖြစ်ပေမယ့် ဒါတွေဟာ အပြင်ဘက်မှာကျ တော့ အခု ဒီခေတ်ကာလကြီးမှာက အင်တာနက်တွေရော၊ သတင်းတွေကလည်း ပေါက်ကြားတာဆိုတော့ ဒီဘက်ကို တိုင်လို့မရတဲ့အဆုံး တဘက်ကို ပြောတာဆိုတာတွေ ရှိနေတော့ တပ်မတော်အနေနဲ့ ဒီလိုကိစ္စမျိုး တွေကို ရင်ဆိုင်ဖြေရှင်းရမယ့် အနေအထားရှိပါတယ်။ အဲဒါကြောင့်မို့လို့ ဒီလို တိုင်တန်းပိုင်ခွင့်၊ လိုအပ်လို့ရှိရင် စစ်ခုံရုံးမဟုတ်ဘဲနဲ့ အရပ်ဘက် တရားရုံးတွေဆီကို၊ အရပ်ဘက်  စုံစမ်းစစ်ဆေးရေးတွေကို ပူးပေါင်းပြီးတော့ လုပ်ဆောင်ပိုင်ခွင့်တွေ ဘာတွေနဲ့ ပတ်သက်လို့ရော ဘယ်လိုအစီအစဉ်ရှိလည်းခင်ဗျ။

ဗိုလ်ချုပ်မှူးကြီးမင်းအောင်လှိုင်။         ။ တိုင်တန်းပိုင်ခွင့်တော့ လူတိုင်းမှာရှိတယ်ဗျ။ နစ်နာသူကတော့ တိုင်တန်းပိုင်ခွင့်ရှိတာပေ့ါ။ အရေးယူဆောင်ရွက်ဖို့လည်း အဖွဲ့အစည်းတိုင်းမှာ တာဝန်ရှိတယ်။ ကျနော်တို့ တပ်မတော်နဲ့ပတ်သက်ရင် တပ်မတော်မှာ တာဝန်ရှိတာပေါ့။ ကျနော့်အနေနဲ့ကတော့ အမျှတဆုံး၊ အမှန်ကန် ဆုံးဖြစ်အောင် ဆောင်ရွက်ပေးပါတယ်။ ပြစ်မှုကျူးလွန်တာနဲ့ ပတ်သက်ရင်တော့ တိုင်းပြည်စစ်မှုထမ်းချိန်လား၊ တိုင်းပြည်စစ်မှုထမ်းချိန် မဟုတ်ဘူးလားဆိုတာ နှစ်ခုခွဲရမှာပေါ့။ တိုင်းပြည်စစ်မှုထမ်းချိန်ဆိုရင်တော့ တပ်မတော် ကနေ အရေးယူဆောင်ရွက်တာပေါ့။ တိုင်းပြည်စစ်မှုထမ်းချိန် မဟုတ်ဘူးဆိုရင်တော့ တချို့ဟာတွေမှာ နယ်ဘက်လွှဲရမယ့် ကိစ္စမျိုးတွေမှာ လွှဲ၊ တချို့ဟာကျတော့လည်း တပ်မှာအရေးယူပြီးတာနဲ့ နယ်ဘက်ကို တခါထဲ လွှဲပေးလိုက်တာလည်းရှိပါတယ်။ ဒီလိုလုပ်ပေးတာလည်းရှိတာပေါ့။ နောက်တခါ နစ်နာတဲ့ကိစ္စပေါ့။ နစ်နာတဲ့ကိစ္စဆိုလို့ရှိရင်လည်း ဥပမာအားဖြင့် ကျနော်တို့ကစစ်လိုက်တယ်၊ စစ်လိုက်လို့ မဟုတ်ဘူးလို့ တက်လာတယ်၊ နစ်နာတဲ့လူကတိုင်လို့ရှိရင် ကျနော် ချက်ခြင်းပြန်စစ်ခိုင်းတယ်။ review ပြန်လုပ်တယ်၊ ဒါနဲ့ ပတ်သက်လို့ လုံးဝလက်မခံဘူး၊ မင်း ငါတို့စစ်ပြီးသား လာမပြောနဲ့ဆိုတာမျိုး ကျနော့်မှာမရှိဘူး။ ကျနော့်ဆီမှာ တိုင်စာတခုရောက်တာနဲ့ ချက်ခြင်း action ပြန်ယူတယ်၊ ချက်ခြင်းပြန်လုပ်ခိုင်းတယ်၊ ပြန်လုပ်လို့ မှန်လို့ရှိရင် အဲဒီတာဝန်ရှိတဲ့လူပါ ကျနော် အကုန်လုံးအရေးယူတယ်။ ဒီလို ကျနော်လုပ်ပါတယ်။ ကျနော်လည်း ကိုယ်ချင်း စာပါတယ်၊ ဒါနဲ့ပတ်သက်ပြီးတော့ ကိုယ်ချင်းစာပါတယ်။

ဦးသန်းလွင်ထွန်း။       ။ နောက်ဆုံးမှာ အခု လူပြောအများဆုံးနဲ့ ဖြစ်နေရတဲ့ကိစ္စကတော့ ကိုပါကြီး ခေါ် (ကို) အောင်ကျော်နိုင်ရဲ့ ကိစ္စပေါ့ နော်။ ဒီကိစ္စမှာ အစောပိုင်း တပ်မတော်အနေနဲ့ သတင်းထုတ်ပြန်မှုကလည်း တော်တော်လေး နောက်ကျပါတယ်၊ ထုတ်ပြန်တဲ့သတင်းအပေါ်မှာလည်း အပြင်ဘက်မှာ သို့လော သို့လော ပြောစရာတွေရှိတယ်။ တဘက်ကလည်း နိုင်ငံတော်က စုံစမ်းစစ်ဆေးမှုတွေ လုပ်နေပါပြီ။ အဲဒီမှာ ဗိုလ်ချုပ်မှူး ကြီးအနေနဲ့ ဒီစုံစမ်းစစ်ဆေးမှုတွေနဲ့ အခုလက်ရှိဖြစ်နေတဲ့ အခြေအနေအပေါ်ကို ကျေနပ်မှုရှိသလား၊ တခြား ဘယ်လိုများ ဖြေရှင်းချက် ထုတ်ပြန်ချက် ပြောချင်ပါသလည်းခင်ဗျ။

ဗိုလ်ချုပ်မှူးကြီးမင်းအောင်လှိုင်။         ။ ဖြစ်တဲ့အကြောင်းအရာက စရမှာပေါ့။ ဒီဟာကတော့ KKO အဖွဲ့ကနေ စခဲ့တာပေါ့။ ကျိုက်မရောမြို့နယ်မှာ ဖြစ်ခဲ့တဲ့ကိစ္စပေါ့။ ကျနော်တို့ဆီကနေပြီးတော့ သူတို့ စည်းကမ်းဖောက် ဖျက်တဲ့အတွက်ကြောင့်၊ သတ်မှတ်ထားတဲ့ စည်းမျဉ်းစည်းကမ်း ဖောက်ဖျက်တဲ့အတွက်ကြောင့် တပ်က သွား တားတဲ့အချိန်မှာ ကျနော်တို့က လက်နက်တွေ ခြိမ်းခြောက်ပြီး အသိမ်းခံလိုက်ရတာကနေ စတဲ့ဇာတ်လမ်းပါပဲ။ အဲဒီတော့ ဒီနေရာက ကျနော်တို့က ဖြစ်တဲ့နေရာကို တပ်တွေသွင်းပြီး ရှင်းလိုက်ပြီဆို ဒါက စစ်ဆင်ရေးနယ်မြေ တခုဖြစ်သွားပြီပေါ့။ ဒါဆိုရင်တော့ ကျနော်တို့က စစ်ဆင်ရေးနယ်မြေလို့ပဲ သဘောထားပြီးတော့ ဆောင်ရွက်ရ မှာပေါ့။ အဲဒီတော့ စောစောကပြောတဲ့ ကိုပါကြီး ဖြစ်တဲ့ကိစ္စပေါ့။ ကိုပါကြီးက အဲဒီမှာ ကျနော်တို့က ပထမဦးဆုံး လိုက်ရှင်းတဲ့အချိန်မှာ မိတဲ့လူတယောက် ဖြစ်ပါတယ်။ သူ့မိတဲ့အချိန်တုန်းက သူက သတင်းထောက်လို့ မပြော ဘူးဗျ၊ မပြောဘူး။ အလွတ်တန်းသတင်းထောက်လို့လည်း မပြောဘူး၊ ဘာလို့လည်းမပြောဘူး။ ဒီဟာနဲ့ ပတ်သက်ပြီးတော့ ဒီထဲမှာ သူ ရှိနေတယ်ဆိုတာလေး …

ဦးသန်းလွင်ထွန်း။       ။ သူ့ကို အရပ်ဘက်ကနေပြီးတော့ ဖမ်းပြီးတော့ တပ်ကိုလွှဲတာ မဟုတ်ဘူးလား။ လှေဂိတ်မှာ မိပြီးတော့မှ (ဗိုလ်ချုပ်မှူးကြီး - အင်း မိတယ်ထင်တယ် အဲလို …) တပ်ကိုလွှဲတယ်လို့ ကျနော်တို့ ကြားပါတယ်။

ဗိုလ်ချုပ်မှူးကြီးမင်းအောင်လှိုင်။         ။ အဲဒါနဲ့ အဖြစ်မှန်ကို ပြန်စစ်ပါဆိုပြီး စစ်ခိုင်းလိုက်တာပေါ့။ စစ်ခိုင်းလိုက် တဲ့အခါကျတော့ သူသည် ကျနော်တို့လက်နက်ပျောက်တဲ့ကိစ္စ၊ လက်နက်တွေ သိမ်းဆည်းခံရတဲ့ကိစ္စနဲ့ ပတ်သက်ပြီး ရှင်းတဲ့နေရာမှာ မိတဲ့လူ ဖြစ်တဲ့အခါကျတော့ စစ်ဆင်ရေးနယ်မြေမှာ ဖြစ်တဲ့လူတယောက် ဖြစ်တဲ့ အတွက်ကြောင့်တော့ အကြမ်းဖျဉ်းပဲ ရန်သူလို့သတ်မှတ်ထားတဲ့ ပုဂ္ဂိုလ်တယောက် ဖြစ်တာပေါ့လေ။ identify တော့ သေချာတော့ မလုပ်နိုင်ပါဘူး။ သို့သော်လည်းပဲ ထိန်းသိမ်းထားတဲ့ ပုဂ္ဂိုလ်တယောက်ပေါ့။ ထိန်းသိမ်းထား တဲ့ပုဂ္ဂိုလ်တယောက်ဆိုရင်တော့ သူ့ကိုစောင့်ရတဲ့ပုဂ္ဂိုလ်က သူ့မှာ၊ ထိန်းသိမ်းတဲ့လူမှာ သူ့ကို ထိန်းသိမ်းနိုင်တဲ့ တာဝန်တော့ရှိတာပေါ့။ သူကနေပြီးတော့မှ စောစောက ကိုပါကြီးကနေပြီးတော့မှ အကြောင်းတခုခုပြပြီးတော့မှ ထွက်ပြေးဖို့ ကြိုးစားရင်းကနေပြီးတော့ ခုန ပစ်ခတ်ဖမ်းဆီးတဲ့အဆင့်ကနေ သေတဲ့အဆင့်ဖြစ်တာပေါ့။ စုံစမ်း စစ်ဆေးရေးက သူလုပ်စရာရှိတာ၊ ကျနော်တို့ဘက်ကလည်း လုပ်တာပေါ့ဗျာ … (ဦးသန်းလွင်ထွန်း - ဒီဘက်က စုံစမ်းလို့ရသမျှကိုတော့ အမှုမှန်ပေါ်သမျှကိုတော့ ဗိုလ်ချုပ်မှူးကြီးတို့အနေနဲ့ လိုက်နာပြီးတော့ (ဗိုလ်ချုပ်မှူးကြီး - လိုက်နာ …) အရေးယူဆောင်ရွက်ပေးမယ့် …

ဗိုလ်ချုပ်မှူးကြီးမင်းအောင်လှိုင်။         ။ ပေးမယ်၊ ဒါကတော့လုပ်မယ်၊ ဒါကတော့ ကျနော်တို့ မလုပ်လို့လည်း မရဘူးဗျ။ ဒါဖြစ်ပြီဆိုရင်တော့၊ ဒါ တိုင်လာပြီဆိုရင်တော့ ကျနော်တို့ အဖြစ်မှန်ကိုတော့ လုပ်ရမှာပေါ့။ ဖြစ်တဲ့ နေရာမှာ အကြောင်းအချက်  မှန်ကန်ဖို့လည်း လိုပါတယ်။ တဘက်ကလည်း သမ္မတကြီးကလည်း အမျိုးသား လူ့အခွင့်အရေးကော်မရှင်ကနေ တာဝန်ပေးပြီးတော့ ဆောင်ရွက်စေလျက်ရှိတယ်။ ဦးစစ်မြိုင်တို့ပေါ့၊ စစ်နေတာ တွေရှိတယ်။ သူတို့လည်း လွတ်လွတ်လပ်လပ် စစ်ပါတယ်။ ကျနော်တို့လည်းပြောတယ်၊ ကျနော်တို့ လိုအပ်တာ လေးကူညီပေးတယ်။ အချက်အလက်တွေ ကျနော်တို့ပေးတယ်။ သူတို့ အလောင်းတူးချင်တယ် ဆိုတော့လည်း သွားတူးပါ၊ ကျနော်တို့လည်း မှန်မှန်ကန်ကန်ပဲလေ၊ ဘာမှလည်း ထိန်ချန်ထားစရာ အကြောင်းမရှိဘူး။ စစ်လို့ ပြုလို့ တွေ့ရှိချက်ပေါ် မူတည်ပြီးတော့လည်း ကျနော်တို့ဘက်က ခုံရုံးမှာလည်း အဖြေတခုထွက်ပါလိမ့်မယ်။ သူတို့ရဲ့ ထင်မြင်ယူဆချက်လည်း ထွက်လာလိမ့်မယ်။ ဒါတွေကလည်း နှစ်ဦးနှစ်ဖက် တူကောင်းလည်း တူမှာ ပေါ့၊ မတူရင်လည်း မတူဘူးပေါ့။ သို့သော်လည်းပဲ ကျနော်တို့ကတော့ စစ်ဆင်ရေးနယ်မြေတခုမှာ တာဝန် ထမ်းဆောင်မှုအပိုင်းကိုပဲ အလေးထားပြီး စဉ်းစားဆောင်ရွက်မှာ ဖြစ်တယ်ဆိုတာ ကျနော်ပြောချင်တယ်။

ဦးသန်းလွင်ထွန်း။       ။ ဒီ လူ့အခွင့်အရေးနဲ့ပဲ တဆက်ထဲပေါ့၊ အဲဒါက ဘာလည်းဆိုတော့၊ ဒါ မြန်မာနိုင်ငံက လယ်ယာစိုက်ပျိုးရေးနိုင်ငံပါ။ အဲဒီမှာ လယ်သမားတွေရဲ့အခွင့်အရေး၊ အဲဒီမှာ လယ်သမားတွေ တချိန်က နစ်နာ ခဲ့ရတဲ့ သူတို့ရဲ့လယ်မြေတွေကိစ္စတွေက အခုပြောလာကြတဲ့အခါမှာ ဒါ သူတို့ရဲ့ ဓားမဦးချ ဘိုးစဉ်ဘောင်ဆက် လုပ်ခဲ့တဲ့ မြေတွေကို နိုင်ငံတော်က စီမံကိန်းနဲ့သိမ်းတာရှိတယ်၊ စီးပွားရေးလုပ်ငန်းရှင်ကြီးတွေက အဆက်အသွယ်တွေနဲ့ သိမ်းတာရှိတယ်၊ ဒီကြားထဲမှာ ထူးထူးခြားခြားက တပ်မတော်ကနေ သိမ်းတဲ့မြေယာ တွေဆိုတာရှိတယ်။ တပ်မတော်က သိမ်းထားတဲ့မြေယာတွေ ကိစ္စမှာလည်း ဒါတွေကို ပြန်ပေးဖို့ဆိုတဲ့ တောင်း ဆိုတဲ့အသံတွေက အခုထွက်လာနေပါတယ်။ အဲဒါနဲ့ပတ်သက်လို့ကရော ဗိုလ်ချုပ်မှူးကြီးတို့အနေနဲ့ တပ်မတော် အနေနဲ့ပဲ ဆုံးဖြတ်နေသလား၊ လက်ရှိအစိုးရ တခြား မြေယာစီမံခန့်ခွဲရေး ပြန်လည်စိစစ်ရေးကော်မတီတွေနဲ့ လုပ်နေတာတွေ ရှိသလားခင်ဗျ။

ဗိုလ်ချုပ်မှူးကြီးမင်းအောင်လှိုင်။         ။ ဒါလည်း တော်တော်တော့ ရှုပ်ထွေးတဲ့ကိစ္စပဲ။ ဟိုး ခေတ်အဆက် ဆက်၊ အစိုးရအဆက်ဆက်က ဖြစ်လာတဲ့ဟာပေါ့လေ။ တပ်မတော်က သိမ်းတယ်ဆိုတဲ့မြေမှာလည်း ဟိုးအရင် ကတည်းက သိမ်းခဲ့တဲ့မြေလည်းရှိပါတယ်။ တပ်မတော်အစိုးရ ၁၉၈၈ ခု နောက်ပိုင်းမှာလည်း တချို့ရဲ့ အမိန့် တွေ ညွှန်ကြားချက်တွေကြောင့် လိုအပ်ချက်အရ သိမ်းခိုင်းတဲ့ဟာတွေမှာ သိမ်းတာပြုတာလည်းရှိပါတယ်။ အဓိကတော့ ဘာလည်းဆိုတော့ တပ်တွေရဲ့ စိုက်ပျိုးမွေးမြူရေးလုပ်ငန်းတွေ လုပ်ဖို့အတွက် သိမ်းရတဲ့မြေတွေ ဖြစ်ပါတယ်။ ဒီနေရာမှာလည်း အားနည်းချက်က နှစ်ဖက်လုံးရှိတာ ကျနော်တို့ သွားတွေ့တာပေါ့။ တဘက်က ဘာလည်းဆိုတော့ ဟိုဘက်က တကယ်လုပ်နေတဲ့ တောင်သူလယ်သမားပေါ့၊ သူတို့ကလည်း တကယ် သူတို့ ရဲ့နာမည်စာရင်းပေါက်အောင် လုပ်တဲ့ လုပ်ထုံးလုပ်နည်းအရ လုပ်ရမယ့်ဟာတွေ မလုပ်ကြတာတွေလည်း ပါတာပေါ့၊ မလုပ်ကြတာမှာ နားမလည်လို့လည်း ပါတာပေါ့၊ မလုပ်ကြတာလည်းပါတယ်။ နောက်တခါ လုပ်မပေး တာလည်း ပါကောင်းပါနိုင်တာပေါ့။ သက်ဆိုင်ရာ တာဝန်ရှိတဲ့ဟာတွေကနေပြီးတော့ လုပ်မပေးတာလည်း ပါမယ်။ လုပ်မပေးတာဆိုတာ ဥပဒေနဲ့ စည်းကမ်းနဲ့မညီလို့ လုပ်မပေးတာလည်း ပါရင်ပါမှာပေါ့။ အဲဒီတော့ စာရင်းမှာကတော့ တကယ်တမ်း သွားကြည့်တဲ့အခါကျတော့ မြေလွတ်မြေရိုင်းတို့၊ စားကျက်မြေတို့၊ သစ်တော ကြိုးဝိုင်းတို့ စသည်ဖြင့် ဒီလိုပေါ်ပါတယ်။ ဒါနဲ့ပတ်သက်ပြီး မြေတွေ သိမ်းဖို့ပြုဖို့ တောင်းဆိုတဲ့အခါကျတော့ ကျနော်တို့ကတော့ တရားဝင်ရှိတဲ့ အထောက်အထားပေါ်မှာမူတည်ပြီး လုပ်ရတာဖြစ်ပါတယ်။ ဒီမှာလည်း ရှုပ်ထွေးမှုတွေ ဖြစ်လာကြတာပေါ့။ အဲဒီတော့ ကျနော် ဒီဟာနဲ့ပတ်သက်ပြီးတော့ ဒီလို တိုင်လာပြုလာတဲ့အခါ  ကျတော့ ကျနော့်ဘက်က အချက်လေးချက် သတ်မှတ်ပေးထားပါတယ်။ တပ်ဌာနချုပ် ရှိတဲ့မြေကတော့ ဒုတိယ အဆင့်ပေါ့ဗျာ။ ခင်ဗျား ခုနမေးတဲ့ တပ်ဌာနချုပ်အပြင်မှာ ယူထားတဲ့မြေတွေ ရှိတာပေါ့။ တပ်တွေကနေပြီးတော့ သိမ်းတဲ့ … အဲဒီမှာ မူလကတည်းက၊ စသိမ်းတဲ့အချိန်မှာကတည်းက လယ်တွေယာတွေပါနေတယ် ဆိုရင်တော့ ဒါတွေကို ဘာမှပြန်မပြောမနေနဲ့၊ အကုန်ပေးလိုက်၊ ဒါ ကျနော်ပြောထားပါတယ်။ လယ်တွေယာတွေတော့ မပါ ဘူး၊ သို့သော်လည်းပဲ လာပြီးတော့ လုပ်တဲ့အချိန်မှာ သူတို့ကနေ လယ်ယာလုပ်ချင်ပါတယ် ဆိုပြီးတော့ ကျနော် တို့ ခွင့်ပြုပေးထားတာရှိတယ်၊ ဒါဆိုလည်း မင်းတို့ပေးလိုက်။ မူလသိမ်းတုန်းက ပါတာရှိတယ်၊ နောက်တခါ သူတို့ လာပြီးတော့လုပ်တဲ့ဟာမှာ ပါလာတဲ့ဟာတွေရှိတယ်၊ ဒါတွေကို သူတို့ အခုပြန်ပေးခိုင်းထားတာပေါ့။ နောက်တခုကတော့ တပ်ကနေပြီးတော့မှ သူတို့နဲ့ ပေါင်းပြီးတော့လုပ်တဲ့ဟာတွေ ရှိတယ်။ ဥပမာ ငွေပေးပြီး တော့မှ လုပ်၊ ပြီးတော့ နှစ်ဦးနှစ်ဘက် အလုပ်တွေပြီးတော့မှ အကျိုးအမြတ် ခံစားရတာတွေရှိမှာပေါ့။ ဒါကျရင် တော့ မင်းတို့ပြန်ညှိပါ။ တပ်ကတော့ ကိုယ့်ဟာကို ဖော်ထုတ်ပြီးတော့မှ လုပ်ထားတဲ့မြေတွေရှိတယ်။ ဒါကျ တော့ မပေးနိုင်ဘူး၊ မပေးနိုင်ဘူး၊ ဒီလိုနဲ့ ကျနော်တို့ကလုပ်တယ်။ တချို့ကလည်း ဟိုဘက်က မြေယာကော် မတီ၊ လွှတ်တော်ကလုပ်နေတဲ့ ကော်မတီရှိပါတယ်၊ အစိုးရကနေ လုပ်နေတဲ့ကော်မတီ ရှိပါတယ်။ သူတို့ကနေ ပြီးတော့ အကြောင်းကြားလို့လုပ်တဲ့ ဖြေရှင်းရတဲ့ case တွေရှိပါတယ်။ တချို့ဟာကျတော့လည်း ကျနော်တို့ တပ်မတော်ကကို တိုင်တိုင်မတိုင်တိုင် ကိုယ့်ဟာကိုယ် ဖြေရှင်းပြီးတော့မှ ရှင်းထုတ်ပစ်တဲ့ case တွေလည်း ရှိပါ တယ်၊ နှစ်မျိုးလုံးလုပ်ပေးပါတယ်။ ကျနော်က ဒါနဲ့ပတ်သက်ပြီးတော့လည်း အတတ်နိုင်ဆုံး ပြေလည်အောင် ဖြေရှင်းဆောင်ရွက်ပေးနေတယ်ဆိုတာလေး ကျနော်ပြောလိုတယ်။

ဦးသန်းလွင်ထွန်း။       ။ ဒါဆိုလို့ရှိရင် အခု တပ်မတော်နဲ့ နိုင်ငံတကာဆက်ဆံရေးကိစ္စကို သွားရအောင်ပါခင်ဗျ။ ဗိုလ်ချုပ်မှူးကြီးအနေနဲ့ ပြီးခဲ့တဲ့နှစ်ပိုင်းတွေအတွင်းမှာ နိုင်ငံရပ်ခြားခရီးစဉ်တွေ ကြားသိရပါတယ်။ အထူးသဖြင့် တရုတ်နိုင်ငံကိုသွားပါတယ်။ မကြာသေးခင်ကပဲ ရုရှား၊ ဘယ်လာရုရှ် ဒီနိုင်ငံတွေသွားခဲ့တာလည်း ကျနော်တို့ ကြားပါတယ်။ အမေရိကန်ပြည်ထောင်စုကိုတော့ အလည်အပတ် မရောက်သေးဘူးပေါ့လေ (ဗိုလ်ချုပ်မှူးကြီး - မရောက်သေးဘူး …) တပ်မတော်နဲ့ နိုင်ငံတကာဆက်ဆံရေးမှာ အထူးသဖြင့် အမေရိကန်ပြည်ထောင်စုနဲ့ ဆိုလို့ ရှိရင် အမေရိကန်ပြည်ထောင်စုဘက်ကလည်း အစောပိုင်းက စီးပွားရေးအရရော တခြားဆက်ဆံရေးတွေအရ ရော ပိတ်ဆို့ထားတာတွေက ပြေလျော့လာတဲ့ အနေအထားရှိတော့ ပူးပေါင်းဆောင်ရွက်မှုအပိုင်းမှာ ဘယ်လောက်အထိ ဖြစ်နေပြီလည်း၊ ဘယ်လောက်အထိဖြစ်လာဖို့ မျှော်မှန်းသလည်းခင်ဗျ။

ဗိုလ်ချုပ်မှူးကြီးမင်းအောင်လှိုင်။         ။ အဲဒါဆိုရင်တော့ ကျနော်တို့ရဲ့ နိုင်ငံခြားရေးမူဝါဒက စရမှာပေါ့။ ကျနော်တို့ နိုင်ငံခြားရေးမူဝါဒကတော့ နိုင်ငံအားလုံးနဲ့ မိတ်ဝတ်မပျက် ဆက်ဆံရေးပေါ့၊ ဒါ မူဝါဒ ချမှတ်ထား တယ်။ နောက်တခါ ငြိမ်းချမ်းစွာ အတူယှဉ်တွဲနေရေး မူတွေနဲ့အတူ နိုင်ငံအားလုံးနဲ့ ဆက်ဆံတာပေါ့။ အိမ်နီးနား ချင်းနိုင်ငံ၊ ဒေသတွင်းနိုင်ငံ၊ ကမ္ဘာ့နိုင်ငံတွေနဲ့ ဆက်ဆံပါတယ်။ တပ်မတော်လည်း ဒီတိုင်းပါပဲ။ အရင်တုန်းက တော့ နည်းနည်း အကန့်အသတ်လေးနဲ့ ဆက်ဆံတာပေါ့လေ။ ဒါပေမဲ့ ကျနော်တို့ ဒီဘက် သုံးနှစ်လောက် အတွင်းမှာတော့ ကျနော်တို့လည်း ပွင့်ပွင့်လင်းလင်းနဲ့ ဆက်(ဆံ)ပါတယ်။ အိမ်နီးနားချင်း တိုင်းပြည်တွေမက အာဆီယံနိုင်ငံတွေနဲ့ အားလုံးလည်း ရင်းရင်းနှီးနှီးရှိတယ်၊ ကမ္ဘာ့နိုင်ငံတွေနဲ့လည်း အခါအားလျော်စွာပေါ့၊ ဆက်ဆံတာပေါ့။ အားလုံးနဲ့ ကျနော် ရင်းနှီးချင်တယ်၊ မိတ်ဆွေဖြစ်ချင်တာပေါ့။ ကျနော့်ရဲ့မူကတော့ မိတ်ဆွေပဲ တိုးပွားဖို့ပဲဖြစ်တယ်။ ရှိပြီးသားမိတ်ဆွေတွေကိုတော့ ရန်သူဖြစ်ဖို့တော့ လုံးဝ မစဉ်းစားဘူး။ ဆက်ဆံရေး ကျဲ ကောင်းကျဲသွားနိုင်တယ်၊ သို့သော်လည်းပဲ ရန်သူတော့ အဖြစ်မခံဘူး။ မိတ်ဆွေကတော့ မိတ်ဆွေပဲ။ ဖြစ်နိုင် ရင်တော့ မိတ်ဆွေဖြစ်အောင်လို့ ကျနော်တို့ ထပ်ပြီးကြိုးစားတာပေါ့။ အဲဒီမှာ ခင်ဗျား အခုနမေးတဲ့ အမေရိကန်နဲ့ ဆက်ဆံရေး၊ ကျနော်တို့လည်း အမေရိကန်နဲ့ မိတ်ဆွေဖြစ်ဖို့လည်း လိုလားပါတယ်။ သူတို့လည်း လိုလားတဲ့ သဘော ကျနော်တို့တွေ့ပါတယ်။ ကျနော်တို့ အမေရိကန်နိုင်ငံရဲ့ တောင်းဆိုချက်အရ အမေရိကန်နိုင်ငံက တပ်မတော်  တာဝန်ရှိပုဂ္ဂိုလ်တွေ မြန်မာနိုင်ငံကို တော်တော်များများ လာခဲ့ဖူးပါတယ်။ ခွင့်ပြုပေးပါတယ်။ ကျနော်တို့လည်း လွှတ်ဖို့လည်း ကြိုးစားပါတယ်၊ လွှတ်လည်းလွှတ်ပါတယ်၊ လွှတ်နိုင်တဲ့လူလည်း လွှတ်တယ်၊ ဒါပေမဲ့ တချို့ဟာတွေက အကန့်အသတ်တွေ ရှိတဲ့အခါကျတော့ ထိထိရောက်ရောက်တော့ ဆက်ဆံနိုင်ခြင်း တော့မရှိပါဘူး။ အခွင့်အရေးရှိမယ်ဆိုရင်တော့ဗျာ ဆက်ဆံရေးတော့ ပိုပြီးတော့ ဒီ့ထက်ပိုကောင်းအောင်တော့ လုပ်ချင်တာပေါ့။ ဒါ အမေရိကန်တနိုင်ငံထဲ မဟုတ်ဘူး။ နိုင်ငံအားလုံးနဲ့ ကျနော်တို့ ဆက်ဆံတယ်။ စောစောက ပြောသလို ရုရှားပေါ့၊ ဘယ်လာရုရ်ှပေါ့၊ သူတို့ဆို အင်မတန် အလှမ်းဝေးတဲ့နိုင်ငံတွေဖြစ်ပါတယ်။ ဒါပေမဲ့ ကျနော် တို့ မိတ်ဆွေနိုင်ငံအနေနဲ့၊ ကမ္ဘာ့မှာ ရှိတဲ့နိုင်ငံတခုအနေနဲ့ ကျနော်တို့ မိတ်ဆွေ ရအောင် ယူထားခြင်း ဖြစ်ပါ တယ်။

(ဆက်လာပါမည် ...)

ဦးသန်းလွင်ထွန်း / ဗွီအိုအေ (မြန်မာပိုင်း)
http://burmese.voanews.com/content/interview-with-sr-gen-min-aung-hlaing-part-iii/2530859.html


စစ်ကိုင်းတိုင်း မုံရွာမြို့မှာ ပြည်ထောင်စု ရွေးကောက်ပွဲ ကော်မရှင် ဥက္ကဌ ဦးတင်အေးကို တာဝန်က ရပ်ဆိုင်းပေးဖို့ ဒေသခံ ၅၀ ခန့်က ဒီကနေ့ ဆန္ဒဖော် ထုတ်ခဲ့ကြ ပါတယ်။

ဦးတင်အေးဟာ ပြည်ထောင်စု ရွေးကောက်ပွဲကော်မရှင် ဥက္ကဌ အဖြစ် ခန့်အပ်စဉ်တုန်းက ပြည်ခိုင်ဖြိုးပါတီဝင်တစ်ဦး ဖြစ်ခဲ့တာကြောင့် ဖွဲ့စည်းပုံအခြေခံဥပဒေနဲ့ မညီညွတ်ဘူးလို့ ဆန္ဒပြပွဲကို ဦးဆောင်တဲ့ ကိုသန်းထိုက်ဦးက ပြောပါတယ်။

"နိုင်ငံတော်သမ္မတဟာ ဖွဲ့စည်းပုံအခြေခံဥပဒေ ပုဒ်မ ၃၉၈၊ ပုဒ်မခွဲ (ခ)၊ ပုဒ်မခွဲငယ် (၇) အရ ပြည်ထောင်စု ရွေးကောက်ပွဲကော်မရှင် ဥက္ကဌကို ခန့်အပ်မယ်ဆိုရင် နိုင်ငံရေးပါတီဝင် မဖြစ်ရဘူး၊ လွှတ်တော်ကိုယ်စားလှယ် မဖြစ်ရဘူးလို့ပါတယ်၊ ဦးတင်အေးကို ခန့်အပ်တဲ့အချိန်တုန်းက ဦးတင်အေးသည် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီဝင် ဖြစ်နေတဲ့အချိန် ဖြစ်နေတယ်လို့ ကျနော်တို့ကယူဆတယ်၊ အဲ့ဒီလို ဖွဲ့စည်းအုပ်ချုပ်ပုံ အခြေခံဥပဒေ ပြဌာန်းချက်တစ်ရပ်ကို ချိုးဖောက်ဆိုရင် ပြစ်တင်စွပ်စွဲပြီးတော့ ဖြုတ်ချလို့ရတယ်ဆိုတော့ ဦးတင်အေးကို ပုဒ်မ ၄ဝဝ ပုဒ်မခွဲငယ် (၂) အရ ဖြုတ်ချလို့ရတယ်လို့ ကျနော်တို့ သုံးသပ်ထားပါတယ်"

ဒါ့အပြင် ပြည်သူယုံကြည်လေးစားတဲ့ ရွေးကောက်ပွဲကော်မရှင်အသစ် ပြန်လည်ဖွဲ့စည်းပေးဖို့၊ ၂၀၁၅ ရွေးကောက်ပွဲကို အချိန်မှန်ကျင်းပပေးဖို့နဲ့ ပြည်ထောင်စု ရွေးကောက်ပွဲကော်မရှင် ဥပဒေပြင်ဆင်ပေးဖို့စတဲ့ အချက် ၄ ချက်ကို တောင်းဆိုခဲ့ကြပါတယ်။

အလားတူ ဆန္ဒထုတ်ဖော်ပွဲတစ်ခုကိုလည်း ပြီးခဲ့တဲ့ နိုဝင်ဘာလ ၁၈ ရက်နေ့ကလည်း စစ်ကိုင်းမြို့မှာ ပြုလုပ်ခဲ့ကြပါတယ်။

RFA Burmese
https://www.facebook.com/pages/RFA-Burmese/39218993127

ကေအိုင်အို ဗိုလ်သင်တန်းကျောင်းကို တပ်မတော်ဖက်က လက်နက်ကြီးနဲ့ ပစ်ခတ်တာကြောင့် သေဆုံးမှုတွေ ဖြစ်ရတဲ့ကိစ္စမျိုးတွေကြောင့် ပြည်တွင်းငြိမ်းချမ်းရေး လုပ်ငန်းစဉ်တွေကို ထိခိုက်မှာ စိုးရိမ်မိကြောင်း ကရင်အမျိုးသား အစည်းအရုံး KNU က မနေ့က ကြေညာချက် ထုတ်ပြန်လိုက်ပါတယ်။

ကရင်အမျိုးသား အစည်းအရုံး ဒုတိယဥက္ကဌ နော်စီဖိုးရာစိန်က စိုးရိမ်ချက်ကို အခုလို ပြောပါတယ်။

"ဒီလိုကျမတို့ ငြိမ်းချမ်းရေးနဲ့ အပစ်အခတ်ရပ်စဲရေး စကားပြောနေတုန်းအချိန်မှာ ဒီလိုအဖြစ်အပျက်တွေ ဖြစ်တဲ့အတွက်ကြောင့် ကျမတို့လည်း စိုးရိမ်မှုရှိတယ်၊ ယုံကြည်မှုတည်ဆောက်တဲ့အချိန်မှာ ဒီလိုအဖြစ်အပျက်တွေဖြစ်တဲ့အတွက် ကျမတို့အားလုံးက စိုးရိမ်မှုရှိတယ်"

ဒီထုတ်ပြန်ချက်မှာ KIO နယ်မြေအတွင်းမှာ ဖြစ်ပွားနေတဲ့ တိုက်ပွဲတွေကိုရပ်လိုက်ပြီး နှစ်ဘက်စလုံး ငြိမ်းချမ်းစွာ တွေဆုံဖြေရှင်းဖို့ တိုက်တွန်းထားသလို ပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်းကော်မတီ MPC အနေနဲ့လည်း အမြန်ဆုံးညှိနှိုင်းပေးဖို့ကိုလည်း တိုက်တွန်းထားပါတယ်။

ပြီးခဲ့တဲ့ နိုဝင်ဘာလ ၁၉ ရက်နေ့က လိုင်ဇာမြို့အရှေ့ဖက် ကေအိုင်အို ဗိုလ်လောင်း သင်တန်းကျောင်းကို အစိုးရတပ်တွေက လက်နက်ကြီးနဲ့ ပစ်ခတ်ခဲ့တာတာကြောင့် သင်တန်းသာ ၂၃ ယောက်သေဆုံးပြီး အယောက် ၂၀ ဒဏ်ရာရရှိခဲ့ပါတယ်။

သေဆုံးခဲ့တဲ့ ဗိုလ်လောင်းတွေထဲမှာ တအာင်းအမျိုးသား လွတ်မြောက်ရေး တပ်မတော်က ၁၁ ဦး၊ ရခိုင့်တပ်မတော်က ၈ ဦး၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးက ၂ ဦးနဲ့ ချင်းအမျိုးသား တပ်ဦးက ၂ ဦး သေဆုံးခဲ့တယ်လို့ သိရပါတယ်။

ဒီအတောအတွင်း အစိုးရတပ်က လက်နက်ကြီးနဲ့ ပစ်ခဲ့တာကြောင့် KIA စစ်သင်တန်းကျောင်းဝင်းထဲ သေဆုံးခဲ့သူ ဗိုလ်လောင်းတွေအတွက် ဆုတောင်းပွဲကို ကချင်ပြည်နယ် မြစ်ကြီးနားမြို့က စီတာဘူမနောကွင်းမှာ ဒီကနေ့ ကျင်းပရာမှာ လူတစ်ထောင်နီးပါးလောက် တက်ရောက်ခဲ့ပါတယ်။

RFA
https://www.facebook.com/pages/RFA-Burmese/39218993127

ကေအိုင်အေဋ္ဌာနချုပ် လိုင်ဇာမြို့က ဗိုလ်လောင်း သင်တန်းကျောင်းကို တပ်မတော်က လက်နက်ကြီးနဲ့ ပစ်ခတ်တိုက်ခိုက်တာကြောင့် ကေအိုင်အိုရဲ့ အစိုးရ အပေါ် ယုံကြည်မှုဟာ အောက်ဆုံးအဆင့်ထိ လျော့ကျ သွားနိုင်တယ်လို့ KIA ဒုတိယကာကွယ်ရေးဦးစီးချုပ် ဗိုလ်ချုပ်ဂွမ်မော်က ဒီနေ့ ပြောလိုက်ပါတယ်။

ပြီးခဲ့တဲ့ နိုဝင်ဘာလ ၁၉ ရက်နေ့က ပစ်ခတ်မှုဟာ ရည်ရွယ်ချက်ရှိရှိ ပစ်ခတ်တာဖြစ်ကြောင်း၊ ဒီပစ်ခတ်မှုကြောင့် ယုံကြည်မှုလျော့ကျနိုင်ကြောင်း ဗိုလ်ချုပ်ဂွမ်မော်က RFA ကို ပြောပါတယ်။

"ယုံကြည်မှုမှာကတော့ အင်မတန်မှ နည်းနေပါတယ်၊ ဘာဖြစ်လို့လဲဆိုတော့ မတော်တဆဖြစ်တဲ့ကိစ္စ မဟုတ်ဘူး၊ ရည်ရွယ်ချက်ရှိရှိနဲ့လုပ်တယ်၊ ပြီးရင်ဖြစ်စဉ် တစ်ခုလုံးကို အစိုးရပိုင်မီဒီယာတွေနဲ့ သမ္မတကိုယ်တိုင် က မမှန်ကန်တဲ့ဟာတွေကို ပြည်သူတွေကို ချပြနေတယ်၊ ယုံကြည်မှုမှာ တကယ်ကိုအောက်ဆုံးအထိ ရောက် သွားနိုင်ပါတယ်"

ဒါ့အပြင် အဲဒီပစ်ခတ်တိုက်ခိုက်မှုကို စုံစမ်းစစ်ဆေးပေးဖို့ ကုလသမဂ္ဂနဲ့ တရုတ်နိုင်ငံကို အကူအညီတောင်းခံ သွားဖို့ ကေအိုင်အို ခေါင်းဆောင်တွေ ဆွေးနွေးနေတယ်လို့လည်း ပြောပါတယ်။

ကေအိုင်အိုက ဒီကိစ္စကို အစိုးရနဲ့ သီးသန့်ဆွေးနွေးနိုင်ဖို့အတွက် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုဥက္ကဋ္ဌ ဦးအောင်မင်းထံ စာရေးသားပေးပို့ထားတယ်လို့လည်း ဆိုပါတယ်။

ကေအိုင်အိုက ကြေညာချက်ထုတ်ပြန်တဲ့အထဲမှာ လိုင်ဇာမြို့အနီးက အစိုးရတပ်တွေနဲ့ လက်နက်ကြီးတွေ ရုပ်သိမ်းပေးဖို့ကိုလည်း တောင်းဆိုထားပါတယ်။

KIA ဒုတိယစစ်ဦးစီးချုပ် ဗိုလ်ချုပ်ဂွမ်မော်ကို RFA သတင်းထောက် ကိုသီဟထွန်း ဆက်သွယ်မေးမြန်းထားတာ နားဆင်နိုင်ပါတယ်။

ဒီအတောအတွင်း အစိုးရစစ်တပ်ဘက်ကပစ်လိုက်တဲ့ လက်နက်ကြီးကြောင့် ကချင် KIA က ဗိုလ်လောင်း သင်တန်းသား ၂၀ ကျော်သေဆုံးရတဲ့ ကိစ္စမှာဘယ်သူမှန်တယ်၊ ဘယ်သူမှားတယ်ဆိုတာ သိနိုင်ဖို့အတွက် ငြိမ်းချမ်းရေး အကျိူးဆောင်တွေကတဆင့် ဆောင်ရွက်နေတယ်လို့ အမည်မဖော်လိုတဲ့ နေပြည်တော်သမ္မတရုံး အကြီးတန်းအရာရှိတစ်ဦးက RFA ကိုပြောပါတယ်။

RFA



နည်းပညာမြင့် ကားများကြောင့် ယာဉ်မောင်းများ ကိုယ်စွမ်းကိုယ်စ ယုတ်လျော့လာ

နည်းပညာမြင့် ကားတွေ ပေါ်လာတဲ့ ခေတ်ကြီးမှာ ကားတွေက မောင်းရတာ ပိုလွယ် လာသလို ယာဉ်မောင်းကို အာရုံ ထွေပြားစေမယ့် ပစ္စည်း ကိရိယာတွေ ကလည်း ကားထဲမှာ ပေါများလှ ပါတယ်။

အော်တို ဂီယာခေတ် ထွန်းကား လာတဲ့နောက် စီယာတိုင် ကိုင်တတ်၊ လီဘာ နင်းတတ်၊ ဘရိတ် နင်းတတ်ရုံ နဲ့ ကားတက်မောင်း နေသူတွေ ရှိလာပါတယ်။ ဘယ်ဘက်လက် က ဖုန်းတကိုင်ကိုင် နဲ့ မျက်လုံးက GPS ကို ကြည့်နေပြီး နားက သီချင်းကို အကျယ်ကြီး ဖွင့်နားထောင် နေကြတဲ့ သူတို့ ဟာ အဲယားကွန်း ဖွင့်ထားလို့ ဆိုပြီး မှန်ကိုလည်း အလုံတင်ပြီး ပိတ်ထား ပါသေးတယ်။ သူတို့ရဲ့ နား၊မျက်စိ၊ အာရုံတွေဟာ ကားထဲမှာလည်း မရှိ လမ်းပေါ်မှာလည်း မရှိပါဘူး။ လမ်းတွေ ကလည်း ကောင်းသည်ထက် ကောင်းအောင် ပြုပြင်ထားတော့ ဖြူးအိနေတဲ့ လမ်းပေါ်မှာ တင်းဖောင်းနေတဲ့ တာယာပြားကြီး တွေက အားကောင်း လှတဲ့ အင်ဂျင် တွန်းအားကြောင့် ရွှီးခနဲ၊ ဝှစ်ခနဲ သွားနေ ကြပုံများ သဘောကျ စရာ ကောင်းသလို စိုးရိမ် စရာလည်း ကောင်းနေ ပါတယ်။

အနောက်နိုင်ငံ တွေမှာတော့ GPS ကိုအားကိုးလို့ တစ်ဖက်ပိတ် လမ်းထဲ ဝင်သွားကြ သူတွေ၊ တံတားမရှိတဲ့ မြစ်ကမ်းပါး ရောက်သွား သူတွေ တဖြည်းဖြည်း များလာ ပါတယ်။ Apple ရဲ့ Maps Application ဟာ လုံးဝကြီး စိတ်မချ ရသလို စမတ်ဖုန်း တက်ဘလက် GPS တွေကလည်း အလွဲလွဲ အချော်ချော် ပြခဲ့ကြတဲ့ အကြိမ်ရေတွေ မနည်းလှ ပါဘူး။ နည်းပညာ အားကိုး လာကြတဲ့ နောက်ပိုင်း ကားမောင်း စွမ်းရည် ကျဆင်း လာသလို ယာဉ်၊ စက်၊ လမ်းအကြောင်း ဗဟုသုတ လည်း နည်းပါး လာကြပြီး လူသား သဘာဝ လမ်းကြောင်း ရှာဖွေမှတ်သား နည်းကိုလည်း ပျိုးထောင် လေ့ကျင့် ကြတာမျိုး မရှိသလောက် နည်းပါး လာပြီဖြစ်တဲ့ အတွက် နည်းပညာ မှမရှိရင် လူငယ်တွေဟာ ကြောင်စီစီ နဲ့ ရပ်နေကြမယ့် အခြေအနေ ကို ရောက်ရှိနေ ပါတယ်။

ကားထုတ်လုပ် သူတွေက ပါဝါ စီယာတိုင် တပ်ပေး ကြတယ်။ အလိုအလျောက် အရှိန်ချိန်ညှိ မောင်းနှင် ပေးတဲ့ ခရူဇာ တပ်ပေး ကြတယ်။ မိုးစိုစို၊ နှင်းရွှဲရွှဲ၊ ဖုန်ကပ်ကပ်၊ ရွှံ့လူးလူး ကျွီခနဲ မိမယ့် ဘရိတ်မျိုး တပ်ပေး ကြတယ်၊ ဒါ့ပြင် ဘရိတ် နင်းလိုက် တဲ့အခါ ကားဘယ်၊ ညာ လူးမသွားအောင်၊ တစ်ပတ်လည် မသွားအောင် အီလက်ထရွန်းနစ် တည်ငြိမ်မှု ထိန်းစနစ်ပါ ထည့်ပေးလိုက် သေးတယ်။ ကားဒက်ရ်ှဘုတ် ဆိုတာကလည်း လေယာဉ်ပျံ တစ်စင်းရဲ့ ထိန်းချုပ်ခန်း လောက်နီးနီး ခလုတ်နဲ့ ဒိုင်ခွက် မျိုးစုံပါတယ်။ အင်ဂျင် ဆိုတာကလည်း Aero dynamic စနစ်ကို သုံးထားတာ ဖြစ်တဲ့အတွက် လီဗာကို တို့ထိ လိုက်ရုံနဲ့ ကားက ရွှီခနဲပဲ။ ထိုင်ခုံ ကလည်း ဇိမ်ခံထိုင်ခုံ ဆိုတော့ အခု နောက်ပိုင်း ထုတ်လိုက်တဲ့ ကားတွေဟာ တစ်ချိန်က အာကာသ ယာဉ်တွေ ထက်တောင် ပို အဆင့်မြင့်ပြီး ဇိမ်ခံလို့ ကောင်းနေတာ အမှန်ပါပဲ။

ဒါပေမဲ့ အာကာသယာဉ် တွေက တစ်စင်းတည်း လဟာပြင် ထဲကို သွားတာပါ။ ကားတွေ ကတော့ အခြား မော်တော်ယာဉ် တွေ၊ လူတွေ ဥဒဟို သွားလာနေတဲ့ လမ်းတွေပေါ်ကို သွားရတာပါ။ ဒီကားတွေက လမ်းပေါ်လည်း အန္တရာယ် ကင်းအောင်တော့ လုပ်ပေး ပါတယ်။ ရှေ့ကား၊ နောက်ကား အကွာအဝေး၊ အရှိန် ထိန်းချုပ်မှု၊ အလိုအလျောက် ဘရိတ်စနစ်၊ ယာဉ်မောင်း အိပ်ငိုက်ရင် အချက်ပေး စနစ်တွေနဲ့ နည်းပညာ က လုပ်စရာ ရှိတာ အကုန်လုပ် ပေးထား ပါတယ်။ ဒါပေမဲ့ လူတွေက နည်းပညာ ပေါ် အားကိုးလွန်း လာတဲ့အတွက် ကားရဲ့ ရှေ့- နောက် ဘေး ဝဲ - ယာတွေမှာ ဘာတွေ ဖြစ်နေသလဲ ဆိုတာကို လေ့လာမှု အားနည်း လာပါတယ်။

ကောင်လေးတွေ ကားပေါ်မှာ ကောင်မလေး ပါလာရင် ကုန်ရောပဲ။ မိန်းကလေးများ ကလည်း နောက်ကြည့်မှန် ပေါ်မှာ ဘာတွေ ချိတ်ထားမှန်း မသိ၊ နောက်ကို ကောင်းကောင်း မမြင်ရသလို ဒက်ရ်ှဘုတ် ပေါ်မှာ အမွှေးပွ တဘက်၊ အဲဒီ အပေါ်မှာ ရေမွှေးပုလင်း၊ အရုပ်တွေ၊ သူတို့ရဲ့ လက်ကိုင်အိတ်၊ ဖုန်းနဲ့ အိမ်ပြန် ရောက်ရင် စားဖို့ မုန့်တွေ တင်ထား လိုက်ရင်များ ရှေ့လည်း မမြင်ရ၊ နောက်လည်း မမြင်ရ၊ ကားမှန်တွေကို စတစ်ကာ မည်းနေအောင် ကပ်ထားတော့ ဘေးလည်း မမြင်ရ၊ ဒီလိုလူ၊ ဒီလို ကားတွေ လမ်းပေါ်မှာ တဖြည်းဖြည်း များလာတဲ့ အတွက် ယာဉ်၊ လမ်း အန္တရာယ် ဟာ တစ်နေ့တခြား တိုးလာ နေပါတယ်။

လေ့လာ သင်ယူမှု အားနည်းလာခြင်း

ကားဒက်ရ်ှဘုတ် က ခလုတ်တွေ၊ ဒိုင်ခွက်တွေ အားလုံးကို ကြည့်နေရင်း ကားကို အန္တရာယ် ကင်းစွာ မောင်းနှင်ဖို့ မဖြစ်နိုင် သလို ခရူဇာ ဖွင့်ထားပြီး ပြန်ဖြုတ်ဖို့ မေ့ကြလို့ အသည်းအသန် ဘရိတ်အုပ် ရပ်တန့်ရတဲ့ ကားတွေလည်း မနည်းလှ ပါဘူး။ GPS ကြောင့် ဒုက္ခရောက် ကြတာ ပိုများပါတယ်။ ၂ဝဝ၈ ခုနှစ်မှာ UK သတင်းစာ The Mirror က စစ်တမ်း ကောက်ယူခဲ့ ရာမှာ GPS ပြတဲ့နောက် လိုက်မောင်းပြီး နောက်ကား၊ရှေ့ ကားကို သတိမထား မိဘဲ ရုတ်တရက် ချိုးကွေ့မိလို့ ယာဉ် မတော်တဆ ဖြစ်ရသူ ဦးရေ ၁ ဒသမ ၅သန်း ရှိခဲ့ပါတယ်။ GPS မောင်းခိုင်းတိုင်း လိုက်မောင်း မိလို့ တစ်ဖက်ပိတ် လမ်းတွေ၊ လမ်းကျဉ်းတွေ၊ တံတားမရှိ မြစ်တွေကို ရောက်
သွားပြီး ခက်ခက်ခဲခဲ ပြန်လှည့် ရသူ ဦးရေဟာလည်း သုံးသိန်းထက် မနည်း ရှိခဲ့ပါတယ်။ တစ်ခါ GPS အိမ်မှာ ကျန်ခဲ့လို့ ဖြစ်စေ၊ ဘက်ထရီအား ကုန်သွားလို့ ဖြစ်စေ အသုံးပြု မရတော့တဲ့ အခါ ယာဉ်မောင်း တွေဟာ နေ့တိုင်းသွား နေကျလမ်း ကိုတောင် ဖြောင့်အောင် မသွားနိုင်ကြ တော့ပါဘူး။

ဂါထာတစ်ပုဒ် ကို နေ့တိုင်း ကြည့်ဖတ်တဲ့ လူဟာ ကာလ ရှည်ကြာ လာလည်း အဲဒီ ဂါထာကို အလွတ် မရွတ်နိုင် သလိုပါပဲ။ စာအုပ်ကိုပဲ အားကိုးတော့ ဦးနှောက်က လိုက်မမှတ် တော့တာပါ။ ဒီလိုပါပဲ။ GPS ပြတဲ့ အတိုင်းပဲ လိုက်မောင်း နေတော့ ကိုယ်ကိုယ်တိုင် မောင်းရ တော့မယ် ဆိုရင် ကြောင်စီစီ ဖြစ်လာကြ ပြန်ပါတယ်။ ဦးနှောက်က မြို့ပြရဲ့ ပထဝီ မြေမျက်နှာ သွင်ပြင်နဲ့ လမ်း၊ အဆောက်အအုံ အမှတ်အသား တွေကို မှတ်မထား တော့ပါဘူး။

နည်းပညာကို လွန်ကဲစွာ မှီခိုလျှင် ဦးနှောက် စွမ်းရည်ကျဆင်း

အထူးသဖြင့် ဂြိုဟ်တုလမ်းပြ စနစ်အပေါ် မှီခိုလွန်း အားကြီး လာတော့ ဦးနှောက်ရဲ့ သဘာဝ လမ်းကြောင်းရှာ၊ နေရာမှတ် စွမ်းရည်ကို သိသာစွာ ကျဆင်းစေ ပါတယ်။ လူတွေဟာ သူတို့ သွားခဲ့တဲ့ နေရာကို ဘယ်လို ပြန်သွားရမယ် ဆိုတာ လမ်းမညွှန် နိုင်ကြတော့ သလို အရင်လို မြေပုံလေး ဖတ်လိုက်၊ လူတွေကို မေးလိုက်နဲ့လည်း ခရီး ရောက်အောင် မသွားတတ် ကြတော့ပါဘူး။ လူ့ခန္ဓာကိုယ် က လိုတာကိုပဲ လုပ်ပါတယ်။ မသုံးတာ ကြာရင် အဲဒီ အင်္ဂါ အစိတ်အပိုင်း ကို ဦးနှောက်က လှုံ့ဆော် ပေးမှုလည်း နည်းသွား ပါတယ်။ အရင်က မြေပုံညွှန်းတွေ ဖတ်၊ လူတွေကို မေးပြီး သွားရလာရ တော့ ဦးနှောက်က သတင်း အချက်အလက် တွေကို လိုက်လံ မှတ်သား ရပါတယ်။ ဒီတော့ လူတွေ မှတ်ဉာဏ် ကောင်းနေကြ တာပေါ့။ အခု GPS က ပြောတာကို လိုက်မောင်း နေရုံပဲ ဆိုတော့ မှတ်လည်း အပိုပဲလေ။ ယင်းကြောင့် မှတ်ဉာဏ်ပိုင်း တွေလည်း အားနည်း လာကြသည်ကို ဂျာမနီနိုင်ငံ ဖရေးဘတ် တက္ကသိုလ် က သင်ယူ မှတ်သားခြင်း ဆိုင်ရာ သုတေသီ တစ်ဦးက ပြောပြတယ်။

နည်းပညာကို အသုံးချပါ

အားကိုးမှု လွန်ကဲတာမျိုး မဖြစ်ပါစေနဲ့။ ကားကုမ္ပဏီ တွေကတော့ ကားတွေကို ဒီထက် ကောင်းအောင်၊ လူပို သက်သာအောင် ထုတ်လုပ် နေကြမှာပါ။ လူတွေကသာ နည်းပညာကို လုံးဝကြီး အားမကိုးဘဲ ကိုယ်စွမ်းကိုယ်စ တွေကိုလည်း ထုတ်ဖော် အသုံးချလို့ အများ ပြည်သူသုံး လမ်းမကြီး တွေမှာ ကိုယ်တွေရော သူများတွေပါ ဘေးအန္တရာယ် ကင်းစေနိုင်ဖို့ ဂရုပြု ဆောင်ရွက် သင့်တယ်လို့ လေ့လာရေးသား တင်ပြ လိုက်ရပါတယ်။

#PyiChitThar

 
ဗိုလ်ချုပ်မှူးကြီးမင်းအောင်လှိုင်နဲ့ ဗွီအိုအေမြန်မာပိုင်းဌာနမှူး ဦးသန်းလွင်ထွန်း (ယာ) တို့ သီးသန့်အင်တာဗျူး (နိုဝင်ဘာ ၂၂၊ ၂၀၁၄)

လက်ရှိ ပြည်ထောင်စု လွှတ်တော်မှာ ဆွေးနွေးနေကြတဲ့ ဖွဲ့စည်းပုံ အခြေခံ ဥပဒေပုဒ်မ ၄၃၆ နဲ့ ၅၉ (စ) အပါအဝင် ပြုပြင်ရေး ကိစ္စတွေမှာ တပ်မတော်အနေနဲ့ မပြုပြင်ရေး ဘက်က ရပ်တည်ခဲ့ရတဲ့ အကြောင်းရင်းတွေကို တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဗွီအိုအေနဲ့ ပထမဦးဆုံး သီးသန့် တွေ့ဆုံမေးမြန်းခန်းမှာ ရှင်းလင်း ပြောကြားခဲ့ပါတယ်။ NLD နဲ့ ၈၈ ပွင့်လင်းမျိုးဆက်ကနေ ကောက်ယူပြီး လွှတ်တော်ကိုတင်ပြခဲ့တဲ့ ပုဒ်မ ၄၃၆ ပြင်ဆင်ရေး လူထုဆန္ဒလက်မှတ် (၅) သိန်းကိစ္စနဲ့ပတ်သက်လို့လည်း တပ်မတော်အနေနဲ့ ကျန်ရှိနေသေးတဲ့ လူထုဆန္ဒတွေကို စောင့်ကြည့်လေ့လာအုံးမှာ ဖြစ်တဲ့အပြင် ဒေါ်အောင်ဆန်းစုကြည်ပြောနေတဲ့ လေးပွင့်ဆိုင်ဆွေးနွေးရေးကိစ္စမှာတော့ လူအများကို ကိုယ်စားပြုဆွေးနွေးရင် ပိုပြီးသင့်လျော်မယ်လို့ ပြောကြားခဲ့ပါတယ်။ ဗိုလ်ချုပ်မှူးကြီးမင်းအောင်လှိုင်နဲ့ သီးသန့်တွေ့ဆုံမေးမြန်းခန်း ပထမပိုင်းကို နားဆင်ဖတ်ရှုနိုင်ပါပြီ။

ဦးသန်းလွင်ထွန်း။ ။ ဟုတ်ကဲ့၊ ဗိုလ်ချုပ်မှူးကြီးခင်ဗျာ- အခုလို ကျနော်တို့ဗွီအိုအေကို ပထမဦးဆုံးအကြိမ် တွေ့ဆုံမေးမြန်းခွင့်ပြုတဲ့အတွက် ကျေးဇူးအထူး တင်ရှိပါတယ်။ ဒါဟာတပ်မတော်အနေနဲ့ လူထုနဲ့ထိတွေ့ဖို့ဆောင်ရွက်လာတဲ့ အင်မတန်အရေးကြီးတဲ့အဆင့်တခုအနေနဲ့ ကျနော်တို့သတ်မှတ်ပါတယ်။

ဗိုလ်ချုပ်မှူးကြီးမင်းအောင်လှိုင်။ ။ ကျနော်လည်း အခုလိုတွေ့ဆုံခွင့်ရတဲ့အတွက်ကြောင့် ကျေးဇူးတင်ကြောင်းပြောလိုပါတယ်။ အင်မတန်လည်း ၀မ်းသာတဲ့အကြောင်း ပြောလိုပါတယ်။

ဦးသန်းလွင်ထွန်း။။ ဟုတ်ကဲ့ခင်ဗျာ။ တပ်မတော်နဲ့ပတ်သက်တဲ့အကြောင်းအရာတွေထဲမှာ အရေးအကြီးဆုံး လူအပြောများဆုံးဖြစ်နေတဲ့ ကိစ္စတွေ စပြီး ဆွေးနွေးချင်ပါတယ်။ အဓိကအားဖြင့် (၂၀၀၈) ခုနှစ် ဖွဲ့စည်းပုံအခြေခံဥပဒေနဲ့ပတ်သက်လို့ပေါ့နော်။ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ တပ်မတော်ရဲ့ မြန်မာ့နိုင်ငံရေးမှာ ပါဝင်မှုအခန်းကဏ္ဍ လွှတ်တော်ထဲမှာ တပ်မတော်သားအမတ်တွေ အချိုးကျ ရွေးကောက်ခံမဟုတ်ဘဲ ပါဝင်ခွင့်ဆိုတဲ့ အခြေအနေမျိုးဟာ နိုင်ငံတကာကရော ပြည်တွင်းကနိုင်ငံရေးသမားတွေကပါ ဝေဖန်ကြတဲ့ အခြေအနေ ရှိပါတယ်။ ဒီအတွက်လည်း ဖွဲ့စည်းပုံအခြေခံဥပဒေကို ပြန်လည်မွမ်းမံ ပြင်ဆင်ရေးဆိုတဲ့အချက်တွေကို ဆွေးနွေးနေကြတယ်။ ဗိုလ်ချုပ်မှူးကြီးတို့ရဲ့ တပ်မတော်ကိုယ်စားလှယ်တွေကလည်း ပါဝင်ဆွေးနွေးနေကြတာ ကျနော်တို့ တွေ့ရှိရပါတယ်။ အဲဒီအကြောင်းနဲ့ ပတ်သက်ပြီး ဗိုလ်ချုပ်မှူးကြီးကို မေးလိုပါတယ်။ အဲတော့ တပ်မတော်ရဲ့ သဘောထား မြန်မာနိုင်ငံရဲ့ ဖွဲ့စည်းပုံ အခြေခံဥပဒေကို ကာကွယ် ထိန်းသိမ်းစောင့်ရှောက်ရမယ်ဆိုတဲ့ တပ်မတော်ရဲ့အခြေခံသဘောထားကို အရင်ရှင်းပြပါလား။

ဗိုလ်ချုပ်မှူးကြီးမင်းအောင်လှိုင်။ ။ ၂၀၀၈ ခုနှစ် ပြည်ထောင်စုမြန်မာနိုင်ငံ ဖွဲ့စည်းပုံအခြေခံဥပဒေဟာ ကျနော်တို့နိုင်ငံရဲ့ လက်ရှိ ဒီမိုကရေစီ တည်ရှိမှုရဲ့ တကယ့်အသက်တခုပါပဲ။ ဒီဥပဒေပေါ်လာဖို့အတွက်လည်း နှစ်အတော်ကြာကြာလေ ကြိုးစားပြီး ဆောင်ရွက်ခဲ့ရတာပါ။ အခက်အခဲတွေလည်း အများကြီးရှိပါတယ်။ နောက် ဒါဟာလည်း ပြည်သူရဲ့တောင်းဆိုချက်အရပေါ်လာတဲ့ ပါတီစုံ ဒီမိုကရေစီလမ်းကြောင်းကိုသွားတဲ့ နိုင်ငံရဲ့ဖွဲ့စည်းမှုပါပဲ။ ဒီမှာလည်း သတ်မှတ်ထားတဲ့ ပြည်နယ်နဲ့တိုင်း အရင်ကတည်းကရှိပြီးတဲ့ ပြည်နယ်နဲ့တိုင်း ပြန်ပြီးတော့မှ ပုံစံတကျ စည်းနဲ့ကမ်းနဲ့လုပ်ထားတဲ့ ဥပဒေတခုဖြစ်တဲ့အတွက်ကြောင့် ကျနော်တို့အတွက် အင်မတန် အရေးကြီးတဲ့ ဥပဒေတခုလို့ပြောရပါမယ်။ ဒါကြောင့်လည်း ဒီဥပဒေကို အတည်ပြုတဲ့အခါမှာ ၂၀၀၈ ခုနှစ်တုန်းက မဲပေးခွင့်ရှိတဲ့သူ (၂၇) သန်း ကျော်ထဲက (၂၆) သန်းကျော်လောက် မဲပေးပါတယ်။ ထောက်ခံမဲက ၉၂.၄၈% ထောက်ခံခဲ့တဲ့ ပြည်သူအများစုနဲ့ ထောက်ခံအတည်ပြုခဲ့တဲ့ ဥပဒေတခုပေါ့။ အဲဒီအခြေအနေအချိန်အခါတုန်းကလည်း တကယ်ကို အင်မတန်ကို လူထုကလည်း လက်ခံတဲ့အနေအထား၊ ငြင်းလို့လည်း မရပါဘူး။ ဒီဥပဒေတခုက ဒီနိုင်ငံရဲ့တည်ရှိမှုကိုဖေါ်ပြနေတဲ့ဟာဖြစ်တဲ့အတွက်ကြောင့် ဒီဟာကို ကျနော်တို့ စနစ်တကျ ခိုင်ခိုင်မာမာရှိမှသာ ဖြစ်မယ်ဆိုတာကို လူတိုင်းနားလည်တယ်။ ဒါကြောင့် တပ်မတော်အနေနဲ့ ဒီဥပဒေကို ထိန်းသိမ်းစောင့်ရှောက်ဖို့အတွက် တာဝန်ရှိတယ်လို့ ဥပဒေမှာကို ပြဌာန်းထားပြီး ကျနော့်တို့ကိုယ်တိုင် လည်း ဒီအတိုင်းပဲ ခံယူထားပါတယ်။ နိုင်ငံတခုရဲ့အသက်က ဒီအခြေခံဥပဒေပဲ။ ဒီအခြေခံဥပဒေပေါ်မှာ ရပ်တည်တဲ့အတွက်ကြောင့် တပ်မတော်အနေနဲ့လည်းဒီဟာကို သေချာ ခိုင်ခိုင်မာမာ ထိန်းသိမ်းစောင့်ရှောက်ဖို့ တာဝန်ရှိတယ်လို့ ခံယူထားပြီးတော့ ဆောင်ရွက်နေခြင်းဖြစ်ပါတယ်ခင်ဗျာ။

ဦးသန်းလွင်ထွန်း ။ ။ ဟုတ်ကဲ့ခင်ဗျ။ ဒီထဲမှာ ဖွဲ့စည်းပုံအခြေခံဥပဒေနဲ့ဘဲပတ်သက်လို့ အများက တော်တော်လေး စိတ်ဝင်စားတဲ့ အချက်တခုလည်း ရှိပါတယ်။ ဒါက ပုဒ်မ ၅၉ (စ) ပေါ့နော်။ ဒါဆိုလို့ရှိရင်လည်း နိုင်ငံတော်အကြီးအကဲဖြစ်ပိုင်ခွင့်-ဆိုတော့ နိုင်ငံတော်အကြီးအကဲဆိုတာ နိုင်ငံတော်ရဲ့အရေးအပါဆုံးပုဂ္ဂိုလ်၊ နိုင်ငံတော်ရဲ့လုံခြုံရေး၊ ကာကွယ်ရေး ကိစ္စအဝဝကို ဆောင်ရွက်ရတဲ့သူဆိုတော့ ဒီ ပုဒ်မ ၅၉ (စ) ကိစ္စနဲ့ပတ်သက်လို့ရော ဗိုလ်ချုပ်မှူးကြီးရဲ့ အပြတ်သားဆုံးသဘောထားကို သိချင်ပါတယ်။

ဗိုလ်ချုပ်မှူးကြီးမင်းအောင်လှိုင်။ ။ ကျနော်တို့က ဒီဥပဒေရေးတုန်းက လူပုဂ္ဂိုလ်တယောက်အတွက် ရည်ရွယ်တာလည်းမဟုတ်ဘူး၊ လူတစုအတွက် ရည်ရွယ်တာလည်း မဟုတ်ဘူး။ တိုင်းရင်းသားလူမျိုးစုတခုအတွက် ရည်ရွယ်တာလည်းမဟုတ်ဘူး၊ အဖွဲ့အစည်းတခုအတွက် ရည်ရွယ်တာလည်း မဟုတ်ပါဘူး။ တနိုင်ငံလုံးကို ခြုံငုံပြီးတော့မှ ရည်ရွယ်ပြီးရေးခဲ့တာပေါ့လေ၊ နောက်တခုက ထည့်စဉ်းစားရမယ့်အချက်တခုရှိတယ်။ စောစောကပြောတဲ့သမိုင်းကြောင်းပေါ့။ ၁၉၄၈ ခုနှစ် လွတ်လပ်ရေးရခဲ့တဲ့အချိန်ကာလရဲ့ မတိုင်ခင်ကာလနဲ့ တိုင်ပြီး ဒီဘက်ကာလပေါ့။ ခုနက ကျနော်ပြောခဲ့တဲ့ ကျနော်တို့နိုင်ငံရဲ့ ပထဝီနိုင်ငံရေး တည်ရှိပုံအနေအထားပေါ့- လူဦးရေများပြားတဲ့နိုင်ငံတွေကြားမှာတည်ရှိနေတဲ့ ကျနော်တို့နိုင်ငံအတွက်က လူဝင်မှုပြဿနာတွေက အများကြီးရှိနိုင်တယ်၊ ရှိတယ်။ ဒါကြောင့် လွတ်လပ်ရေးမရခင်မှာဖြစ်ပေါ်ခဲ့တဲ့ အကျိုးဆက်တွေက အခုထိ ကျနော်တို့ခံနေရတုန်း၊ ရင်ဆိုင်နေရဆဲရှိပါတယ်။ ဒါတွေကလည်း အများကြီးပါ။ ဒါတွေကို ခြုံငုံပြီးတော့မှ - စောစောက ကျနော်ရှင်းပြခဲ့တဲ့ထဲမှာ တချက်ပါသွားတယ်။ ရှေ့ကလူကြီးတွေ၊ နိုင်ငံ့ခေါင်းဆောင်တွေ၊ ကျနော်တို့ အမျိုးသားခေါင်းဆောင် ဗိုလ်ချုပ်အောင်ဆန်းအပါအဝင်ပေါ့။ နိုင်ငံ့ခေါင်းဆောင်တွေက ဒီဘက်ခေတ် ခေါင်းဆောင်တွေအထိ ပါပါတယ်။ သူတို့ တောက်လျောက်ကို ဒါတွေက ချိန်ဆစပြီး တွေးခေါ်ပြီးလုပ်ခဲ့ကြတာဖြစ်ပါတယ်။ ဒါကြောင့် ဒီဟာနဲ့ပြောလို့ရှိရင် ကျနော်တို့ ၅၉ (စ) သည် လူပုဂ္ဂိုလ်တစ်ဦးတစ်ယောကို ရည်ရွယ်ခြင်းမဟုတ်ပါဘူး။ တနိုင်ငံလုံးအတွက် အမျိုးသားရေးကို ရည်ရွယ်ပြီးတော့မှ လုပ်ထားရတာ ဖြစ်ပါတယ်။ ဒါ - ကျနော် ခိုင်ခိုင်မာမာပြောရဲတယ်။ လူတစ်ဦးတစ်ယောက်ကို ရည်ရွယ်ပြီးလုပ်ထားတာ မဟုတ်ဘူးဆိုတာ ခိုင်ခိုင်မာမာ ပြောရဲတယ်။ ကျနော်တို့အနေနဲ့ အမျိုးသားရေးကိုတော့ ကြည့်ဖို့ လိုအပ်ပါတယ်လို့ မြင်ပါတယ်။ ဒါကလည်း ရေရှည်ပေါ့လေ။ ကျနော်တို့ ကာလတိုတခုကိုကြည့်ရင်တော့ မှန်ကောင်းမှန်နိုင်ပေမယ့် ရေရှည်ကျလို့ရှိရင်တော့ ချိန်ဆရမယ့်ကိစ္စတွေ အများကြီး ရှိတယ်။ ကျနော်တို့တိုင်းပြည်မှာလည်း လက်ရှိ အခြေအနေမှာကိုဘဲ လူဝင်မှုပြဿနာလေးတွေနဲ့ ရင်ဆိုင်နေရတာရှိပါတယ်။ လုပ်ငန်းတွေမှာလည်းရှိတယ်။ တည်ရှိမှုအနေအထားမှာလည်း ရှိနေတာကို တွေ့ရတယ်။ ဒါ့ကြောင့် ဒါကိုတော့ ကျနော့အနေနဲ့ပြောရလို့ရှိရင် အရေးကြီးတဲ့ကာလတခုအနေနဲ့ ရှုမြင်ပေးပါလို့- ပြောလိုပါတယ်။

ဦးသန်းလွင်ထွန်း။ ။ တပ်မတော်အနေနဲ့ကလည်း နိုင်ငံရေးပိုင်းမှာ အမျိုးသားနိုင်ငံရေးဆိုပေမယ့် လက်ရှိနိုင်ငံရေးပိုင်းမှာ အင်မတန် အရေးပါတဲ့ အခန်းကဏ္ဍက ပါနေတော့ အထူးသဖြင့်ဆိုလို့ရှိရင် ဗိုလ်ချုပ်မှူးကြီးနဲ့လည်း တွေ့ပြီးပါပြီ။ ဒေါ်အောင်ဆန်းစုကြည်ဆိုလို့ရှိရင် - တေ့တေ့ဆိုင်ဆိုင် ထိုင်ပြီးတော့ ဆွေးနွေးတယ်ဆိုတာ မကြားရသေးပေမယ့် သမ္မတကြီးဖိတ်ခေါ်တဲ့ဘွဲမှာ တွေ့ထားပြီးပါပြီ။ နောက်ဆက်တွဲ မေးမြန်းခဲ့တာတွေကိုလည်း ကြားရတယ်လေ။ ဒေါ်အောင်ဆန်းစုကြည်က ဒေါ်အောင်ဆန်းစုကြည်က ဗိုလ်ချုပ်မှူးကြီးအပါအဝင် လေးပွင့်ဆိုင် တွေ့ချင်တယ်-ဆိုတဲ့ ဆန္ဒလေးတွေ သူပြုခဲ့တယ်လို့လည်း ကြားပါတယ်။ ဗိုလ်ချုပ်မှူးကြီကရော ဒါ တွေ့ဖို့ ဆန္ဒရှိလားခင်ဗျ။

ဗိုလ်ချုပ်မှူးကြီးမင်းအောင်လှိုင်။ ။ လေးပွင့်ဆိုင် ဆိုတာ နည်းနည်းလေး ကျဉ်းမလားလို့- ကျနော့်အမြင်ကတော့လေ။ နည်းနည်းကျဉ်းပါတယ်။ တိုင်းပြည်ကို ဒီလေးယောက်မှ သူတွေ့ဆုံပြီး ဆွေးနွေးမှ ဖြစ်မယ်ဆိုတာ တိုင်းရင်းသားတွေလည်း အများကြီးရှိပါတယ်။ ကျနော်ကတော့ အကုန်လုံးခြုံငုံပြီးတော့ ကျယ်ကျယ်ပြန့်ပြန့်လေးပေါ့လေ။ ဖြစ်နိုင်သလောက်ပေါ့- ကျယ်ကျယ်ပြန့်ပြန့်ဆိုတော့လည်း လူတွေအများကြီး ဖိတ်ပြန်တော့လည်း အဲဒါကျ ထိန်းရ၊ ပြောရဆိုရတာလည်း တယောက်တပေါက်နဲ့ဆိုရင်လည်း မဖြစ်ပြန်ဘူး။ သို့သော် ကိုယ်စားပြုတဲ့လူတွေနဲ့ ပြောရဆိုရမယ်ဆိုရင်တော့ ပိုပြီးတော့ အကျိုးရှိမယ်လို့ထင်တယ်။ ဒေါ်အောင်ဆန်းစုကြည်နဲ့လည်း သမ္မတကြီးတို့ ဖိတ်ခေါ်ချက်အရ ကျနော်တို့ တွေ့ပါတယ်။ ဘာဘဲပြောပြော ကျနော်တို့က တိုင်းပြည်မှာတော့ သူ့နေရာနဲ့သူ တာဝန်ထမ်းဆောင်နေတဲ့သူတွေဖြစ်တယ်။ ကျနော့်အနေနဲ့လည်း ဘာမှ မတွေ့နိုင်စရာအကြောင်းလည်း မရှိဘူး။

ဦးသန်းလွင်ထွန်း။ ။ အဲဒိတော့ လေးပွင့်ဆိုင် မဟုတ်ရင်ကော နှစ်ဘက်ပွင့်ပွင့်လင်းလင်း တွေ့ဆုံဖို့ -

ဗိုလ်ချုပ်မှူးကြီးမင်းအောင်လှိုင်။ ။ ဒီလိုကျတော့လည်း ကျနော်တို့က ဘာပြောစရာရှိလို့လဲ။ ကျနော်တို့အလုပ်ကိုက အမျိုးသားနိုင်ငံရေးလုပ်နေတဲ့သူတစ်ယောက်ဘဲ။ သူလိုချင်တဲ့ intention နဲ့ ကျနော်ပြောချင်တဲ့ intention နဲ့တူချင်မှလည်း တူနိုင်မှာပေါ့။ အဲဒီလိုကျတော့လည်း နှစ်ယောက်ချင်းဖြစ်ဖို့ဆိုတော့လည်း ခက်ပါတယ်။ ခက်တော့ခက်တယ်၊ ဒါကတော့ ခက်ပါတယ်။ ဒါပေမယ့် အခါအားလျော်စွာ တွေ့ဆုံဆွေးနွေးမယ့်အချိန်မျိုး ကြုံတဲ့အခါကျတော့လည်း ဆွေးနွေးဖြစ်ကောင်းလည်း ဖြစ်နိုင်ပါတယ်။ မတွေ့ဘူးလို့ ကျနော် မပြောပါဘူး။ ဘာဖြစ်လို့လဲဆိုတော့ လိုအပ်တဲ့အခြေအနေမှာ တွေ့ဖြစ်ရင်လည်း တွေ့သွားမှာပါ။

ဦးသန်းလွင်ထွန်း။ ။ ဟုတ်ကဲ့ခင်ဗျ။ ဒီလောက်ဖြေကြားပေးတာ ကျေးဇူးတင်ပါတယ်ခင်ဗျ။

ဦးသန်းလွင်ထွန်း / ဗွီအိုအေ (မြန်မာပိုင်း)
http://burmese.voanews.com/content/voa-burmese-exclusive-interviews-with-senior-general-min-aung-hlaing-/2530481.html

ကားများ သပွတ်အူအလား ရှုပ်ထွေး ပွေလီနေသည့် လမ်းဆုံလမ်းခွများအနက် အကျပ်တည်းဆုံး မီးပွိုင့်တစ်ခုတွင် ရပ်၍ ယာဉ်ထိန်းရဲကြပ်ကြီး ခင်မြင့်မောင်သည် နေ့စဉ် တစ်ရက်လျှင် ၁၂ နာရီ နီးပါး မဆုတ်မနစ် စိတ်ထားဖြင့် ယာဉ်လမ်းကြောများအား ထိန်းသိမ်းကွပ်ကဲနေသည်။

ရှေ့ပြေးသတင်းစာတစ်စောင်က ပေးအပ်သော တစ်နှစ်တာအတွက် သူရဲကောင်းဆုရှင်၊ ရန်ကုန်ရဲတပ်ဖွဲ့က စံပြပုဂ္ဂိုလ် အဖြစ် ရွေးချယ်နှင်းအပ်ခဲ့ခြင်းခံရသူ၊ ဂျာမန်ဖောင်ဒေးရှင်းတခုက အမှန်တကယ် ဘ၀ထဲက သူရဲကောင်းဆုတို့ကို ချီးမြှင့်ခံရသူတဦး၏ လုပ်သက်မှတ်တမ်းဟု မထင်ရပါ။

သို့ရာတွင် အသက် ၂၆ နှစ်ရှိပြီ ဖြစ်သော ဦးခင်မြင့်မောင် ဖော်ပြပါ ဆုအားလုံးကို ဆွတ်ခူးခဲ့သည်မှာ တဆင့်စကား တဆင့်နား ပျံ့နှံ့ခဲ့သော ကောင်းသတင်းကြောင့်ဖြစ်ပြီး မကြာသေးမီကမှ ရဲကြပ်ကြီးအဖြစ် ရာထူးတိုမြှင့်ပေးခံခဲ့ရသည်။ မိုးရွာရွာ နေပူပူ ယာဉ်လမ်းကြောများအား ထိန်းသိမ်းကွပ်ကဲမှု ကောင်းလွန်းသည့် ၎င်း၏ စွမ်းရည်ကို ချီးမွမ်းဖောက်သည် မချသည့် တက္ကစီကားဆရာ ဟူ၍ ရန်ကုန်မှာ ရှာမတွေ့နိုင်ပေ။

“ကျွန်တော်တို့က သူ့ကို ကြိုက်တယ်၊ သူကို မကြိုက်တဲ့လူကို မရှိတာ” ဟု အသက် ၃၇ နှစ်အရွယ် တက္ကစီးကားဆရာ ဦးနေ၀င်းလှိုင်က ချီးကျူးသည်။

အတိတ်ကာလနှစ်များအတွင်းက မြန်မာနိုင်ငံ၏ အကြီးမားဆုံး ရန်ကုန်မြို့ကြီးမှ လမ်းများမှာ ချောင်ချိနေသော်လည်း ယနေ့မျက်မှောက်ကာလတွင် ရန်ကုန် လမ်းမများ ပိတ်ဆို့ပြည့်ကျပ်နေခြင်းသည် စစ်အုပ်ချုပ်ရေးဖြင့် ရာစုနှစ် ၅ ခုကျော်ကြာ ပြင်ပကမ္ဘာနှင့် အဆက်အသွယ်ဖြတ် အုပ်ချုပ်ခဲ့ရာမှ ပြုပြင်ပြောင်းလဲရေးများ ဖော်ဆောင်ကာ နိုင်ငံတကာနှင့် စီးပွားရေး မျက်နှာစာသစ် ဖွင့်လှစ်လိုက်ခြင်းကြောင့် ဖြစ်ပေမည်။ ယင်းမှာ ထင်သာမြင်သာရှိသည့် လက္ခဏာပင် ဖြစ်၏။ သုံးနှစ်အတွင်းမှာပင် ကားအစီးရေသည် လေးသိန်းကျော်အထိ နှစ်ဆ ခုန်တက်သွားသည်။

ကားပိုင်ခြင်းက ချမ်းသာမှု၏ ပြယုဂ် မဟုတ်တော့သည့် မျက်မှောက်မြန်မာပြည်တွင် ရဲကြပ်ကြီး ခင်မြင့်မောင်သည် ပြည်သူ့ သူရဲကောင်းသစ် တစ်ဦးအဖြစ် ပေါ်ထွက်ခဲ့ခြင်း ဖြစ်သည်။ လူ့အခွင့်အရေးအတွက် တိုက်ပွဲဝင်နေသူမဟုတ်သလို လူသားအကျိုးပြု ပရဟိတ လုပ်ငန်းများ ဆောင်ရွက်နေသူလည်း မဟုတ်ပါ။ မီးလောင်တိုက်အတွင်းက အိမ်မွေးခွေးလေးများကို ၀င်ကယ်ပေးခဲ့သူလည်း မဟုတ်ပြန်ပါ။ ၎င်းသည် ယာဉ်ထိန်းရဲ တစ်ဦးသာ ဖြစ်၏။

မြန်မာနိုင်ငံတွင် ယူနီဖောင်ဝတ်ထားသူများကို မြင်လျှင် ကြောက်ရွံ့မုန်းတီးတတ်ကြသော်လည်း ရဲကြပ်ကြီး ခင်မြင့်မောင်သည် ယခင်က ဒေါသအိုးများဖြစ်ခဲ့ကြသည့် ယာဉ်မောင်များထံ ကားမှန်တခါးကိုဖွင့်၊ ရေခဲရေဘူးများကို ကမ်းလင့်ပေးသည်အထိ ပြည်သူ့အသဲနှလုံး ယူကျုံးနိုင်ခဲ့သည်။ ၎င်းတို့သည် ရဲကြပ်ကြီးကို ပိုက်ဆံများပင်ပေးတတ်ကြသေးသည်။ အနောက်နိုင်ငံများတွင်မူ မသင့်လျော်ဟု မြင်နိုင်သည့် ပုံရိပ်ဖြစ်သော်လည်း ယာဉ်မောင်းများကမူ ကျေးဇူတင်သည့် အနေအားဖြင့်လည်းကောင်း မပြောပလောက်သော ၀င်ငွေဖြင့် လည်ပတ်ရသည့် ၎င်း၏ ဘ၀အခြေအနေအတွက် လည်းကောင်း မတောင်းဘဲပေးသော အထောက်အပံ့ ဖြစ်သည်ဟု ဆိုကြသည်။ ရဲကြပ်ကြီးကလည်း ပေးကမ်းသမျှကို ပူပြင်းလှသည့် နေရောင်အောက်မှာ ဖွေးဖွေးလှုပ်သွားများ ပေါ်လွင်သည်အထိ ပြုံးရယ်ကာ လက်ခံရယူသည်။

မကြာသေးမီ ရက်များအတွင်းက ရဲကြပ်ကြီး ခင်မြင့်မောင် ခွင့်ယူစဉ်နှင့် လွန်ခဲ့သည့် နှစ်လခန့်က နေပြည်တော်သို့ သွားရောက်ကာ ရာထူးတိုးခန့်အပ်ပွဲ တက်ရောက်စဉ်က ၎င်းတာဝန်ယူရာ မီးပွိုင့်နှင့် အနီးဝန်းကျင် တစ်ခွင်လုံး ကစဥ့်ကလျားအခြေအနေသို့ သက်ဆင်းခဲ့သည်။

“သုံးရက်စလုံး ကသောင်းကနင်းပဲ၊ ကားတွန် ဟွမ်းတွေ တစ်ပွမ်ပွမ်နဲ့၊ လှုပ်လို့ကို မရအောင်ကျပ်တောက်နေတာ၊ လူတိုင်း စိတ်လေသွားတယ်” ဟု ယင်းမီးပွိုင့်အနီးရှိ ဈေးဆိုင်တစ်ခုမှ ဒေါ်ဖြူဖြူဆိုသူက ပြောသည်။

ရဲကြပ်ကြီး ခင်မြင့်မောင်၏ ဂုဏ်သတင်းမှာ ယာဉ်ထိန်းရဲတပ်ဖွဲ့ကြီးတစ်ခုလုံးကို ယုံကြည်နိုင်လောက်သည့် ထောက်ခံမဲ တစ်ခုတော့ မဟုတ်ပါပေ။ ၎င်းတို့သည် ယာဉ်မောင်းများဆီမှ ငွေညှစ်ကြသူများဟူသော မကောင်းသတင်းဖြင့် ကျော်စောကြသည်။ ထိုနည်းတူစွာပင် စစ်အုပ်ချုပ်ရေးမှ အရပ်သားအုပ်ချုပ်ရေးသို့ ပြောင်းလဲနေသည့် အစိုးရသစ်အတွက်အပေါ် ချီးမွမ်းသည့် ထောက်ခံမဲ တစ်ခုလည်း မဟုတ်ပါ။ ၎င်းကို ချီးကျူးထောပနာ ပြုနေကြခြင်းမှ ကျန်သော ယာဉ်ထိန်းရဲများနှင့် ဗြူရိုကရေစီ အုပ်ချုပ်ရေး ယန္တရားကို သွယ်ဝိုက်သောနည်းဖြင့် ဝေဖန်နေကြခြင်းလည်း ဖြစ်သည်။

“အရင်တုန်းက ပြည်သူ့ဝန်ထမ်းတစ်ယောက်ဟာ သူ့အလုပ်သူလုပ်ပါလိမ့်မယ်လို့ ခင်ဗျား အားကိုးလို့ မရနိုင်ဘူး၊ အခု သူက ကိုယ့်အလုပ်တာဝန် ကိုယ်လုပ်တဲ့ ပြည်သူ့ဝန်ထမ်းတယောက်လေ” ဟု စာရေးဆရာဦးဖေမြင့်က မှတ်ချက်ပြုသည်။

မြန်မာနိုင်ငံတွင် သူရဲကောင်းများ ရှားပါးနေသည်။ မြန်မာ့လူ့အဖွဲ့အစည်းတွင် စစ်အာဏာရှင်များနှင့် လက်ဝါးချင်းရိုက်ထားသည့် လုပ်ငန်းရှင်များ၊ အရာရှိကြီးများ၊ စစ်အစိုးရအား ဆန့်ကျင်သည့် အပြစ်မဲ့ ပြည်သူများကို ထောင်ကျရန် အလိုတော်ရိ လုပ်ခဲ့ကြသည့် သတင်းပေးများ တစ်ပုံတစ်ခေါင်းကြီး ရှိနေသည်။

“ဒီဆုနဲ့ ထိုက်တန်တဲ့ ပြည်သူ့ဝန်ထမ်းကို ရှာရတာ အင်မတန် ခက်ခဲပါတယ်” ဟု ၂၀၁၂ ခုနှစ်မှ စကာ တစ်နှစ်တာအတွက် သူရဲကောင်းဆုကို နှစ်စဉ် ချီးမြှင့်ပေးခဲ့သည့် 7 Day သတင်းဂျာနယ်မှ အမှုဆောင် အယ်ဒီတာ ဒေါ်ငြိမ်းငြိမ်းနိုင်က ပြောသည်။ ယင်းဆုကို စတင်ပေးအပ်ချိန်မှာ နှစ် ၅၀ ကြာ မီဒီယာလောကကို ချုပ်နှောင်ထားသည့် စာပေစီစစ်ရေးဌာနအား ပယ်ဖျက်လိုက်ချိန်လည်း ဖြစ်သည်။

“နှစ်စဉ် ကျွန်မတို့ လူပေါင်းများစွာကို ဒီဆုအတွက် စိစစ်ခဲ့ရတယ်၊ သူတို့ရဲ့ နောက်ကြောင်း ရာဇ၀င်ကို ကြည့်တဲ့အခါမှာတော့ ကျွန်မတို့ သတ်မှတ်တဲ့ အရည်အချင်းတွေနဲ့ မကိုက်ညီတာ တွေ့လာရတယ်” ဟု ၎င်းက ဆက်ပြောသည်။

မြန်မာနိုင်ငံ၏ ပြုပြင်ပြောင်းလဲရေး လုပ်ငန်းစဉ်တွင် ကဏ္ဍအလိုက် အရှိန်အဟုန်များက အမျိုးမျိုး ကွာခြားနေသည်။ အုပ်ချုပ်ရေးပိုင်းတွင် ယင်ခင်စစ်အုပ်ချုပ်ရေး စနစ်ကအတိုင်း အထက်အမိန့်ကို စောင့်ဆိုင်းကြဆဲဖြစ်သည်။ တောင်သူလယ်သမားများမှာလည်း ဆင်းရဲတွင်းနက်နေတုန်းပင် ဖြစ်၏။ အလယ်အလတ်တန်းစားများကလည်း အစိုးရက ကတိပေးထားသလို မြိုးမြိုးမြက်မြက် ရမည့် အလုပ်အကိုင် အခွင့်အလမ်းဟူ၍ မဆိုစလောက်သာ တွေ့မြင်နေရသည်။

သို့သော် ရန်ကုန်မြို့၏ လမ်းများမှာမူ လွန်ခဲ့သည့် ၅ နှစ်တာ ကာလနှင့် ဘာမှကို မဆိုင်တော့ပေ။ ထိုစဉ်အခါက ကားအများစုမှာ အိုဟောင်း၊ ပျက်စီးနေကြသည်။ ၄၁ နှစ် မောင်းနှင်ခဲ့ပြီးဖြစ်သည့် ယာဉ်အိုများမှ ယိုစိမ့်ထွက်လာသော စက်ဆီများက လူသွားစင်္ကြံများပေါ်သို့ (ကားရပ်ထားစဉ်) စီးထွက်သွားပြီး မိုးရွာသွန်း၍ ရေကြီးသည့် နေ့များတွင်လည်း တက္ကစီငှားသူများအနေဖြင့် ကားကြမ်းခင်းရှိ အပေါက်များမှ ရေများ ၀င်မလာရန် ခြေထောက်နှင့် ဖိနင်းထားရသည်။

လွန်ခဲ့သည့် ၃ နှစ်က စ၍ အစိုးရသည် ကားတင်သွင်းခွင့်ဆိုင်ရာ စည်းမျဉ်းများကို ဖြေလျှော့ပေးလိုက်ပြီး ရန်ကုန်မြို့တွင် ကားယာဉ်ကျေးမှုကြီးတစ်ခုကို ရုတ်တရက် အသက်သွင်းလိုက်သည်။ အများအားဖြင့် ဂျပန်မှတင်သွင်းသည့် အသုံးပြုပြီး ကားများကို နေရာအနှံ့တွေ့လာရသည်။ ယာဉ်ကြောပိတ်ဆိုမှုများအကြောင်း အစီရင်ခံပေးသည့် ရေဒီယို ဌာနတစ်ခုကိုလည်း အလေးပေး နားထောင်လာကြပြီး မိမိသွားမည့်လမ်း မပိတ်ပါစေနှင့်ဟု နားထောင်ရင်း ဆုတောင်းတတ်လာကြသည်။ ယခုလ အတွင်း သမ္မတအိုဘားမား အလည်အပတ်လာရောက်စဉ် ရန်ကုန်သူ၊ ရန်ကုန်သားများက “အိုဘားမားကြောင့် ယာဉ်ကြောတွေ ပိတ်ကုန်တာ” (Obama jam) ဟု ညည်းညူကြသည်။ ယခုနှစ်အတွင်း ယာဉ်ထိန်းရဲတပ်ဖွဲ့သည် Facebook စာမျက်နှာတစ်ခု ဖွင့်လှစ်ကာ ယာဉ်စည်းကမ်း၊ လမ်းစည်းကမ်း ဖောက်ဖျက်သော ယာဉ်မောင်းများ၏ ဓာတ်ပုံများကို တင်ထားခဲ့သည်။

ရန်ကုန်မြို့ ဆင်ခြေဖုံးအရပ်တွင်နေထိုင်သည့် အသက် ၃၄ နှစ်အရွယ် သစ်သားပန်းပုဆရာ ဦးဝင်းတင်က ၎င်း၏ ပန်းပုဆိုင် တည်ရှိရာ ရွှေတိဂုံဘုရားအနီးသို့ လိုင်းကားဖြင့်သွားရန် ယခင်က နာရီဝက်ခန့်သာ ကြာမြင့်သော်လည်း ယခုအခါ နှစ်နာရီလောက်အထိ လေအေးပေးစက် မရှိသော ဘတ်စ်ကားထက် ပူပြင်းအိုက်စပ်စွာ စီးနင်းရသည်ဟု ဖွင့်ဟသည်။ အကောင်းဘက်က ကြည့်မည်ဆိုပါမူ ၎င်း၏ ပန်းပုဆိုင်လေးသို့ တရုတ်နှင့် တောင်ကိုရီးယား ခရီးသွားဧည့်သည်များ စုပြုံကျလာပြီး ဗုဒ္ဓမြတ်စွာဘုရား သစ်သားရုပ်တုများကို ထုလုပ်ပေးရန် အော်ဒါအပ်မှုလည်း ပိုများလာသည်ဟု ဆိုသည်။

“အတိတ်တုန်းက ယာဉ်လမ်းကြော ချောင်ချောင်လည်လည်ရှိတာ ကြိုက်တယ်၊ ဒါပေမဲ့ အဲဒီအတိတ်နေ့စွဲတွေကိုတော့ ပြန်မရောက်ချင်ပြန်ဘူး” ဟု ၎င်းက ပြောသည်။

ဂျပန်မှ တင်သွင်းသော အသုံးပြုပြီးသား ကားများတွင် ဇိမ်ခံကားများ၊ အသွေးအရောင် စုံလင်သော ကားများ အမျိုးမျိုးပါဝင်သည်။
အမေရိကန်ပြည်ထောင်စု၊ လော့စ်အိန်ဂျလိစ်မြို့နောက်ပိုင်း ဘီဗာလီဟေးလ်စ် ဆင်ခြေဖုံးအရပ်တွင်မောင်းနှင်လျင်ပင် ပတ်ဝန်းကျင်နှင့် အဆင်ပြေသော Range Rovers ကားများ၊ ရန်ကုန်မြို့မှ လမ်းမများအတွက် ကြီးလွန်းလှသည့် American S.U.V အမျိုးအစား ကားကြီးများကို ရဲကြပ်ကြီး ခင်မြင့်မောင်က ညွှန်ကြားကွပ်ကဲနေသည်။

မြန်မာနိုင်ငံတွင် ဆင်းရဲချမ်းသာအကြား ကွာဟမှု အငူစွန်းကြီးက အထင်းသား မီးမောင်းထိုးပြနေသည်။ ၎င်း၏ တစ်လလစာမှာ အမေရိကန်ဒေါ်လာ ၁၅၀ နှင့် ညီမျှပြီး ယင်းလခနှင့်ဆိုပါက နေ့စဉ် ရသည့် ပိုက်ဆံကို တပြားမကျန် စုမည်ဆိုသော်လည်း အငြိမ်းစားယူမှသာ ဖော်ပြပါကားများထဲမှ တစ်စီးစီးနိုင် ၀ယ်စီးနိုင်ပေမည်။

ဘင်္ဂလားပင်လယ်အော် ကမ်းစပ်မှ သုံးမိုင်အကွာ ဝေးလံခေါင်သီသော ရွာငယ်လေးတွင် နေထိုင်သည့် စပါးစိုက်တောင်သူ မိဘနှစ်ပါးမှ ပေါက်ဖွားသော သားသမီး ၅ ယောက်အနက် ၎င်းမှာ ၃ ယောက်မြောက် ရင်သွေးဖြစ်သည်။ ၎င်းတွင် ချမ်းချမ်းသာသာ နေနိုင်သူများအပေါ် မကျေမချမ်းသည့် စိတ်သဘောထားမျိုး မမြင်တွေ့ရ။ ကံစီမံရာဟုသာ သဘောထားသည်။
ရွှေတိဂုံစေတီတော် အနားရှိ ဓမ္မစေတီလမ်းနှင့် လင့်လမ်းထောင့်ချိုး လမ်းဆုံလမ်းခွတွင် ယာဉ်လမ်းကြောများ ထိန်းသိမ်းကွပ်ကဲနေရာမှ ခေတ္တနားစဉ် ၎င်းက “လူတိုင်းမှာ ကိုယ်ပိုင် ကံကြမ္မာ ဆိုတာ ရှိကြတယ်၊ ချမ်းသာတဲ့ သူတွေဟာ အတိတ်ဘ၀က ပြုတဲ့ ကုသိုလ်တွေကြောင့် အခုလို ချမ်းချမ်းသာသာ နေရတာ၊ လူတိုင်းအတွက် ကိုယ်ပိုင်နေရာဆိုတာ ရှိပါတယ်” ဟု မှတ်ချက်ပြုသည်။

ရဲကြပ်ကြီးသည် အပြုံးများကို ဖော်ရွေရက်ရောစွာ သုံးသော်လည်း စကားပြောနည်းသည်။ ၂၀၁၂ ခုနှစ်အတွက် တစ်နှစ်တာ သူရဲကောင်းဆု ဆွတ်ခူးစဉ်က ရန်ကုန်ဟိုတယ်တွင်းရှိ ဂုဏ်ပြုခန်းမ စင်မြင့်ပေါ်၌ ရပ်နေခဲ့သည်။
“ကျွန်မတို့ သူ့ကို ကျေးဇူးတင် ၀မ်းမြောက်စကား ပြောဖို့ သုံးမိနစ် အချိန်ပေးခဲ့တယ်” ဟု ဆုပေးအပ်ရေး ကော်မတီ ဥက္ကဋ္ဌ ဒေါ်ငြိမ်းငြိမ်းနိုင်က ဆိုသည်။

“သူက ကျေးဇူတင်ပါတယ်လို့ပဲ ပြောတယ်။ ပြီးတော့ ပြုံးရယ်နေခဲ့တာပါ” ဟု ၎င်းက ပြန်လည် တွေးတော၍ ပြောပြသည်။

ကျော်လင်းထွန်း
Ref: Yangon’s Hero, Wielding Power of Stop and Go (New York Time)
ဓာတ်ပုံ The New York Time
http://www.nytimes.com/2014/11/22/world/asia/myanmar-yangon-traffic-cop-khin-myint-maung.html?partner=rssnyt&emc=rss 

၂၀၀၈ ခုနှစ် ဧပြီလက ထိုင်းနိုင်ငံ၊ ရနောင်းမြို့မှ ဖူးခက်သို့သွားသည့် ဖက္ကဆင်လမ်းမကြီး၌ ကားပေါ်၌အသက်ရှုကြပ်၍ သေဆုံးခဲ့ရသည့် မြန်မာနိုင်ငံသား(၅၄)ဦးအတွက် ထိုင်းနိုင်ငံ၊ လေဘာတီ အသက် အာမခံ ကုမ္ပဏီမှ လျော်ကြေးငွေများပေးအပ်ရန် ထိုင်းတရားရုံးမှ အမိန့်ချမှတ် လိုက်ကြောင်း မြန်မာနိင်ငံ လူကုန်ကူးမှု တားဆီးနှိမ်နင်းရေးတပ်ဖွဲ့ (နေပြည်တော်)မှ သိရှိရသည်။

“သူတို့ပေးမယ့် အချိန်ရက်အတိအကျကတော့ မသိရသေးဘူး။ အဲဒိထဲက ကျန်(၁၅)ဦးကို လျော်ကြေး ငွေပေးဖို့ လုံလောက်တဲ့ အထောက် အထားမရှိ တဲ့အတွက် တရားရုံးက လျော်ကြေးငွေပေးဖို့ ငြင်းဆိုထားတယ်” ဟု မြန်မာနိင် ငံလူကုန်ကူးမှုတား ဆီးနှိမ်နင်းရေးတပ်ဖွဲ့(နေပြည်တော်) ဒုရဲမှုးမင်းနိင်က ပြောသည်။

ထိုင်းနိုင်ငံ၊ ရှေ့နေများကောင်စီ၏ လူ့အခွင့်အရေးဆပ်ကော်မတီသည် လေဘာတီအသက် အာမခံကုမ္ပဏီ (Liberty Insurance Company) ကို တရားမမှုဖြင့် ဖရာ့ခနိုခရိုင်တရားရုံးတွင် တရားစွဲခဲ့ပြီး သေဆုံးသူ ၃ ဦးအတွက်တစ်ဦးလျှင် ထိုင်းဘတ်ငွေ (၄၀၀၀၀) နှုန်း(ကျပ် ၃၆ သိန်းခန့်)၊ ကျန်(၃၆)ဦးအတွက် တစ်ဦးလျှင် ဘတ်ငွေ(၂၆၀၀၀)နှုန်းဖြင့်(ကျပ်သိန်း ၂၈၀ခန့်) လျော်ကြေးငွေများ ပေးဆောင်ရန် အမိန့်ချမှတ်ခဲ့ခြင်းဖြစ်သည်။

လျော်ကြေးကိစ္စနှင့် ပတ်သက်၍ ၂၀၁၄ ခုနှစ် အောက်တိုဘာ ၃၁ ရက်က ထိုင်းနိုင်ငံ၊ ရနောင်းခရိုင်အုပ်ချုပ် ရေးမှူးမှ မြန်မာနိုင်ငံ၊ ကော့သောင်း ခရိုင်အုပ်ချုပ်ရေးမှူးထံသို့ စာဖြင့် အကြောင်းကြား ခဲ့ခြင်းဖြစ်ကြောင်း
သိရသည်။

၂၀၀၈ ခုနှစ်ကတည်းက သေဆုံးခဲ့ရသူများအတွက် နစ်နာမှုလျော်ကြေးကို ၂၀၁၄ ခုနှစ်မှ ပေးအပ်ခြင်းသည် ထိုင်းနိုင်ငံ၏ တရားစီရင်ရေးစနစ် နှောင့်နှေးကြန့်ကြာမှုကြောင့်ဖြစ်ပြီး လူကုန်ကူးမှုတားဆီးနှိမ်နင်းရေး
ရဲတပ်ဖွဲ့နှင့် ကော့သောင်းခရိုင်အုပ်ချုပ်ရေးတို့သည် သေဆုံးသူများ၏ ကျန်ရစ်သူအမွေခံကိုယ်စားလှယ်များကို ဆက်သွယ်၍ လျော်ကြေးငွေ များပေးအပ်သွားမည်ဖြစ်ကြောင်း သိရသည်။

ဖြစ်ပွားပုံမှာ ၂၀၀၈ ခုနှစ် ဧပြီ ၉ ရက် ည ၁၁ နာရီခန့်က ထိုင်းနိုင်ငံ ရနောင်းမြို့မှ ဖူးခက်မြို့သို့ သွားသည့် ဖက္ကဆင် လမ်းမကြီး၊ ရနောင်းမှ ကီလိုမီတာ ၉၀ အကွာ၌ ထိုင်းလူမှောင်ခိုကူးသူများမှ အအေးခန်း ကားတစ်စီး ပေါ် လျှို့ဝှက် အလုံပိတ်သယ်ဆောင်လာသည့် မြန်မာနိုင်ငံသား ၁၂၀ ဦးအနက် ၅၄ ဦးမှာ အသက်ရှူကြပ်၍ သေဆုံးသွားကြောင်းကို ARTIP စီမံကိန်း (ရန်ကုန်)က ယခုလူကုန်ကူးမှု တားဆီး နှိမ်နင်းရေး ရဲတပ်ဖွဲ့သို့ အကြောင်းကြားချက်အရ ထိုင်းနိုင်ငံဆိုင်ရာမြန်မာသံရုံးနှင့် ဘန် ကောက်မြို့ရှိ World Vision (ထိုင်း)သို့ ဆက်သွယ်၍ သတင်းကိုအတည်ပြုခဲ့သည်။

သေဆုံးသူများတက်ခဲ့သည့် ကားအဲကွန်းမှာ ပျက်နေပြီး ကားသည် အလျား ၂၂ ပေ၊ အနံ ၇ ပေ၊ အမြင့် ၈ပေ၊ ၂ လက်မရှိသဖြင့် စီးနင်းသူ ၁၂၀ ဦးအတွက် တစ်ဦးလျှင် ၁.၂ စတုရန်းပေသာရရှိသဖြင့် မတ်တပ်ရပ်လိုက် ပါကြရကြောင်း၊ ကားရပ်ပေးရန်နံရံများကို ၀ိုင်းဝန်းထုရိုက်သော်လည်း ရဲတွေ့လျှင် အဖမ်းခံရမည်ဟုပြောဆိုကာ ကားရပ်မပေးခဲ့ကြောင်း၊ ည (၉း၀၀) နာရီတွင် ကားစထွက်ကာ ည (၁၀း၄၅) နာရီခန့်တွင် ရနောင်းမှ ကီလိုမီတာ ၉၀ အကွာ တောလမ်းတွင် ကားရပ်၍ ယာဉ်မောင်းမှ တံခါးမကြီးကို ဆွဲဖွင့်ကြည့်သောအခါ လူများ သေဆုံးနေသည်ကိုမြင်ရသဖြင့် ကားသမားမှာ ထွက်ပြေးသွားခဲ့ခြင်းဖြစ်သည်။

သေဆုံးသူ ၅၄ ဦးအနက် မြန်မာနိုင်ငံသားလူမှောင်ခိုပွဲစား(၆)ဦးနှင့် အခြားမြန်မာနိုင်ငံသား လူမှောင်ခိုပွဲ စား ၁၂ ဦးကို ထပ်မံဖော်ထုတ်အရေးယူခဲ့သည့်အပြင် ပြစ်မှုကျူးလွန်သော ထိုင်းနိုင်ငံသား ၁၁ ဦးကိုလည်း ရနောင်း ရဲတပ်ဖွဲ့မှ ဖော်ထုတ်ဖမ်းဆီးအရေးယူနိင်ခဲ့ကြောင်း သိရသည်။

ကြယ်စင်လင်း
The Ladies News Journal


၂၀၁၅ ရွေးကောက်ပွဲ မတိုင်မီ ဖွဲ့စည်းပုံ ပြင်ဆင်ရေး ကြိုးပမ်းမှုများနှင့် ပတ်သက်၍ နိုဝင်ဘာ ၁၇ရက်နေ့က အောက်လွှတ်တော်တွင် အပြင်းအထန် တင်ပြဆွေးနွေး ခဲ့ကြသည်။ ယခင်ဆွေးနွေး ငြင်းခုံမှုများအရ လွှတ်တော်တွင် ၂၅% နေရာယူထားပြီး ယင်းကြောင့်ပင် ဖွဲ့စည်းပုံပြင်ဆင်ရေးအတွက် အဟန့်အတားဖြစ်နေရသည့် တပ်မတော်သား ကိုယ်စားလှယ်များမှ ပုဒ်မ ၄၃၆နှင့် ၅၉(စ) တို့အား ပြင်ဆင်ခြင်းအားဖြင့် တိုင်းပြည်အတွက် အကျိုးကျေးဇူး များလိမ့်မည်ဆိုသည့် အယူအဆကို ငြင်းပယ်ခဲ့ကြသည်။

“အားလုံးကို အသိပေးလိုတာက ၂၀၀၈ ဖွဲ့စည်းပုံ အခြေခံဥပဒေဟာ တစုံတယောက်အတွက် ရေးဆွဲထားတာ မဟုတ်ပါဘူး၊ အားလုံးရဲ့အနာဂတ်အတွက်ပါ”ဟု ယူနီဖောင်းဝတ်လွှတ်တော် ကိုယ်စားလှယ် ဗိုလ်မှူးကြီးဌေးနိုင်က လွှတ်တော်တွင် ပြောကြားခဲ့သည်။

စစ်တပ်ကသာ ပြည်တွင်းငြိမ်းချမ်းရေး၊ တိုင်းပြည်အေးချမ်းသာယာရေးကို အမှန်တကယ်ဖော်ဆောင်ပေးနိုင်မည်ဆိုသည့် ဒဏ္ဍာရီယုံတမ်းစကားကို ဗိုလ်မှူးကြီးဌေးနိုင်က တိုတိုနဲ့ ဘွင်းဘွင်း ပြောခဲ့ခြင်း ဖြစ်သည်။ မြန်မာနိုင်ငံအား မတည်မငြိမ်ဖြစ်စေသည့် နယ်စပ်တိုက်ပွဲများ ဆက်လက်ဖြစ်ပေါ်နေသည့်အတွက် ဖွဲ့စည်းပုံအခြေခံဥပဒေကို မပြင်ဆင်သင့်ကြောင်း ဗိုလ်မှူးကြီးဌေးနိုင်က ဖြည့်စွက်ပြောသည်။ ထို့ကြောင့် “စည်းလုံးညီညွတ်မှု” တနည်းအားဖြင့် နာဂစ်ဆိုက်ကလုံးမုန်တိုင်းဒဏ်ကြောင့် တိုင်းပြည် ကစဥ့်ကလျားဖြစ်နေသည့်အကြားမှ အပြေးအလွှား အတည်ပြုခဲ့သော ၂၀၀၈ ဖွဲ့စည်းပုံအခြေခံဥပဒေအား သစ္စာစောင့်သိမှု လိုအပ်သည်ဟု ဆိုသည်။

ထို့ကြောင့် မေးစရာ မေးခွန်းများ ရှိလာပါသည်။ ဒီမိုကရေစီနည်းကျ လုပ်ဆောင်မှုအား လှောင်ပြောင်သရော်သကဲ့သို့ဖြစ်သော အခြေအနေများ(တိုက်ပွဲဖြစ်ပွားရာနေရာများတွင် မဲမပေးနိုင်သူ သန်းချီရှိသည့်အပြင် နာဂစ်မုန်တိုင်းကြောင့် နောက်ထပ် သန်းနှင့်ချီသော ပြည်သူများ ဒုက္ခသုက္ခရောက်နေခဲ့ကြသော်လည်း မဲပေးသူ ၉၂ ရာခိုင်နူန်းတွင် ၉၈ ရာခိုင်းနူန်း ထောက်ခံမဲ ရရှိခဲ့သည် ဆိုသည်)အကြားမှ အတည်ပြုလိုက်သော ဖွဲ့စည်းပုံကို မြန်မာပြည်သူများအနေနှင့် အဘယ်ကြောင့် လေးစားလိုက်နာထိုက်သနည်းဟု တွေးဆစရာများ ရှိလာပါသည်။ ယခုနှစ်အတွင်း ဒေါ်အောင်ဆန်းစုကြည်ဦးဆောင်သည့် အမျိုးသာဒီမိုကရေစီအဖွဲ့ချုပ်က ဖွဲ့စည်းပုံပြင်ဆင်ရေး ဆန္ဒခံယူပွဲအတွက် လက်မှတ်များကောက်ခံခဲ့ရာ လူဦးရေ၏ ၁၀ ရာခိုင်နူန်းဖြစ်သည့် လက်မှတ် ၅ သန်းကိုရရှိခဲ့ရာ ဗိုလ်မှူးကြီးဌေးနိုင်၏ “အားလုံးရဲ့အနာဂတ်အတွက်” ဆိုသည့်အမြင်အပေါ် အားလုံးက သဘောမတူညီခြင်းကို ပြသနေပါသည်။

ပို၍ ကပြောင်းကပြန်ဖြစ်သည်မှာ ပဋိပက္ခများတွင် စစ်တပ်က တိုက်ရိုတ်ပါဝင်ပတ်သက်သည့် နယ်စပ်ဒေသများ၏ အခြေအနေကို ၎င်းက တင်ပြ၍ အမြတ်ထုတ်ခဲ့ခြင်းဖြစ်သည်။ ငြိမ်းချမ်းရေးဆွေးနွေးပွဲများကြောင့် တိုးတက်မှုအချို့ မြင်တွေ့ရသော်ငြား စစ်တပ်က အရပ်သားများအပေါ် ပစ်ခတ်မှုများနှင့်အတူ တိုက်ပွဲကြီးများ ဆက်လက်ဖြစ်ပွားနေသည်။ ဗိုလ်မှူးကြီးဌေးနိုင်၏ ယုတ္တိဗေဒအား လိုက်နာရပါမူ (စစ်တပ်က အဓိကပါဝင်ပတ်သက်သော်လည်း)တိုက်ပွဲများကြောင့် မငြိမ်မသက်ဖြစ်ရသည်၊ ယင်းအကြောင်းကြောင့်ပင် စစ်တပ်က အာဏာဆက်လက်ချုပ်ကိုင်ရမည် ဟှူု ဖြစ်သည်။ မငြိမ်သက်မှုကို ဆက်လက်ဖြစ်ပွားစေခြင်း၊ ယင်းမတည်ငြိမ်မှုကြောင့်ပင် စစ်တပ်၏ သြဇာလွှမ်းမိုးမှုက လျော်ကန်သည်ဟု ဆိုခြင်း၊ ၎င်းတို့၏ အာဏာကို ထိပါးရန်(သို့)အခန်းကဏ္ဍကို လျော့ချရန်ကြိုးပမ်းလာပါက အဆိုပါဖြစ်ရပ်များကိုပင် ပြန်လည်ညွှန်းဆိုခြင်းဟူသော စစ်တပ်အတွက် အလွန်တရာအသုံးကျသည့် “လုံးချာလည်မဟာဗျုဟာ” ပင်ဖြစ်သည်။

ဆိုခဲ့ပြီးဖြစ်ရပ်များသည် တဦးတယောက်တည်း၏ အယူအဆဖြစ်ပါက စိုးရိမ်ဖွယ်ရာ မဟုတ်ပါ။ သို့သော် ခေတ်အဆက်ဆက် နိုင်ငံအုပ်စိုးသူများက ၎င်းတို့အုပ်ချုပ်ရခြင်း၏အကြောင်းပြချက်အဖြစ်သော်လည်းကောင်း၊ ၎င်းတို့၏အာဏာချုပ်ကိုင်ထားမှုကို စိန်ခေါ်သူများအား တိုင်းပြည်မငြိမ်သက်စေရန်ကြံဆောင်သူ သစ္စာဖောက်ရာဇ၀တ်သားအဖြစ် ချေမှုန်းရခြင်း၏အကြောင်းအဖြစ်သော်လည်းကောင်း အဆိုပါ လုံးချာလည်မဟာဗျုဟာကိုပင် ရှာကြံအကြောင်းပြလေ့ရှိသည်။ အစိုးရအဖွဲ့နှင့် စစ်တပ်အတွင်းမှ ဒီမိုကရေစီအသွင်ကူးပြောင်းရေးအား မလိုလားသူများက လူမျိုးရေး၊ ဘာသာရေးပဋိပက္ခများ ဖန်တီးခြင်းဖြင့် ပို၍ သိမ်မွေ့သောနည်းလမ်းများလည်း အသုံးပြုနိုင်ပါသည်။

ဖြစ်ပွားခဲ့သော လူမျိုးရေး၊ ဘာသာရေး ပဋိပက္ခများတွင် လုံခြုံရေးတပ်ဖွဲ့ဝင်များ တက်ကြွစွာပါဝင်ခဲ့သည်ဟု ပြောဆိုမှုများရှိသည့်အပြင် အစိုးရ၀န်ကြီးများလည်း ပါဝင်ပတ်သက်မှုရှိသည်ဟု လက်ညှိးထိုးခံထားရသည်။ အာဏာရှင်ဟောင်း ဦးသန်းရွှေနှင့် နီးစပ်မှုရှိသူ သြဇာကြီးမားသည့် လွှတ်တော်အမတ်ဦးအောင်သောင်းကို ပြုပြင်ပြောင်းလဲရေးများ အားလျော့သွားစေရန်ရည်ရွယ်ချက်ဖြင့် မွတ်စလင်ဆန့်ကျင်ရေးစိတ်ဓါတ်များ ထကြွလာစေရန် လုပ်ဆောင်သည်ဆိုသည့် စွဲချက်ဖြင့် အမေရိကန်အစိုးရက နာမည်ပျက်စာရင်း သွင်းခဲ့သည်။ (စကားချပ်-ပဋိပက္ခများတွင် ဦးအောင်သောင်း ပါဝင်မှုနှင့်ပတ်သက်၍ အမေရိကန်အစိုးရအဖွဲ့တခုတည်းကသာ သံသယရှိသည် မဟုတ်ပါ)

အမှန်အားဖြင့် ၂၀၁၂ခုနှစ် ရခိုင်ပဋိပက္ခများဖြစ်ပွားခဲ့စဉ်က အရေးပါထင်ရှားသည့် ရခိုင်များကပင် ရိုဟင်ဂျာရန်မှ ကာကွယ်ရန် စစ်တပ်၏အကူအညီ တောင်းခံခဲ့သည်။ ရခိုင်လူမျိုးများသည် သမိုင်းနှင့်ချီ၍ မြန်မာစစ်တပ်အား မနှစ်မြို့သူများဖြစ်ပြီး ရခိုင်ပြည်နယ်အရေးကိစ္စများတွင် စစ်တပ်က လွှမ်းမိုးလုပ်ကိုင်မှုများကို အဆက်မပြတ် ဆန့်ကျင်ခဲ့သူများဖြစ်လင့်ကစား ၂၀၁၂ အရေးတွင်မူ စစ်တပ်၏အကူအညီကို တောင်းခံခဲ့သည်။

ထိုအဖြစ်အပျက်ကို ချိန်ဆကြည့်မည်ဆိုပါက စစ်တပ်သည် မတည်မငြိမ်မှုများမှ အကျိုးကျေးဇူးမည်မျှရရှိသည်ကို ရှင်းလင်းစွာမြင်နိုင်ပါသည်။ ဗိုလ်မှူးကြီးဌေးနိုင်ကလည်း ရှင်းရှင်းလင်း ပြောခဲ့ပါသည်။ ထို့ကြောင့် ဖွဲ့စည်းပုံးအခြေခံဥပဒေပြင်ဆင်ရေးနှင့်ပတ်သက်၍ အသဲအသန်စိုးရိမ်ပူပန်နေခြင်းမှာ အရပ်သားလွှတ်တော်တွင် စစ်တပ်က ဥပဒေပြုရေးအပေါ် ဗီတိုကျင့်သုံးနိုင်သည့် အာဏာမရှိတော့မည်ဖြစ်သောကြောင့်ပင်။ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးအား ကန့်လန့်တိုက်နေခြင်းသည် မြန်မာနိုင်ငံတွင် စစ်မှန်သည့် ဒီမိုကရေစီစနစ်ပေါ်ထွန်းလာလေမည်လောဆိုသည့် ကိစ္စရပ်အပေါ် စိုးရိမ်ဖွယ်ရာ သက်ရောက်မှုများ ရှိနေသည်။ သို့သော်ငြား လက်ရှိတွင် ပဋိပက္ခများမှ နိုင်ငံရေး အကျိုးအမြတ် ထွက်ရှိနေရာ စစ်တပ်၏ ပဋိပက္ခမီးမွှေးမှုများကို ဆက်လက်မြင်တွေ့ရဦးမည့်သဘော ရှိပါသည်။

How the Burmese military perpetuates its own myth
By Francis Wade ကို ဥက္ကာဦး ပြန်ဆိုသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

 
မလေးရှားမှာ တရားမဝင် နေသူတွေကို ဖမ်းဆီးမိရင် အရင်က ထောင်ဒဏ် ၃ လ ချနေရာက နောက်ပိုင်း ၆ လထိ တိုးမြှင့် ချမှတ်လာပါတယ်။
မလေးရှားနိုင်ငံမှာ တရားမဝင် နေထိုင် နေသူတွေကို ဒီဇင်ဘာ ၃၁ ရက်နေ့ နောက်ဆုံးထားပြီး ထွက်ခွာကြဖို့နဲ့၊ သတ်မှတ်ရက် နောက်ပိုင်း ဖမ်းဆီး အရေးယူမှာ ဖြစ်တဲ့ အကြောင်း မလေးရှား အာဏာပိုင်တွေ က အခု ရက်ပိုင်းကပဲ ထပ်မံ ကြေညာခဲ့ ပြန်ပါတယ်။

ဒီ အခြေအနေမှာ မလေးရှားရောက် မြန်မာတွေ တချို့လည်း မြန်မာသံရုံးကနေ CI လို့ခေါ်တဲ့ သက်သေခံ ကဒ်ပြားတွေ ထုတ်ယူပြီး မြန်မာပြည်ကို ပြန်တဲ့ အရေအတွက်ဟာ အပတ်စဉ် အယောက် ၆၀ လောက် ရှိနေတယ် လို့ အမည် မဖော်လိုတဲ့ မြန်မာသံရုံး အရာရှိတဦး က ပြောပါတယ်။

ဒါပေမယ့် တဖက်မှာလည်း တရားဝင်ရော တရားမဝင်တဲ့ နည်းလမ်းတွေနဲ့ပါ မလေးရှား နိုင်ငံထဲကို မြန်မာပြည်က လူတွေ ဆက်လက် ဝင်ရောက် လာနေဆဲ ဖြစ်တယ် ဆိုပြီး မြန်မာသံရုံး က ပြောပါတယ်။

မလေးရှားရောက် မြန်မာတွေ အတွက် အထောက်အကူ ဖြစ်အောင် နိုင်ငံကူးလက်မှတ် ပတ်စ်ပို့ မရှိသူတွေကို နိုင်ငံသား စီစစ်ပြီး ထုတ်ပေးနေတယ် လို့လည်း မြန်မာသံရုံးက ဆိုပါတယ်။

ဒီလို ပတ်စ်ပို့ ထုတ်ယူထားသူတွေ ၃ သောင်းလောက် ရှိပေမယ့်၊ မလေးရှား နိုင်ငံမှာ တရားဝင် နေထိုင်ခွင့်နဲ့ အလုပ် လုပ်ကိုင်ခွင့် ရအောင် မလုပ်နိုင်တဲ့ အတွက် အဖမ်း ခံရနိုင်တဲ့ အန္တရာယ် ရှိဆဲပဲ ဆိုပြီး မလေးရှား နာရေး ကူညီမှုအသင်း က ဦးစန်းဝင်းက ပြောပါတယ်။

တရားမဝင် နေထိုင်သူတွေကို ဖယ်ရှားဖို့ အကြိမ်ကြိမ် ကြိုးစားခဲ့တဲ့ မလေးရှား အစိုးရ အနေနဲ့ ဒီတစ်ခေါက် ၂၀၁၅ နှစ်ဆန်းပိုင်းက စလို့ သူတို့ ကြေညာ ထားသလို ဖမ်းဆီး အရေးယူမှုတွေ ဆောင်ရွက် လာရင် မြန်မာနိုင်ငံသား တွေ အမြောက်အများ အပေါ် သက်ရောက်မှု တွေ ရှိလာမှာ ဖြစ်ပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/11/141122_malatsia_burmese_migrant_workers

ကိုပါကြီးသည် လွန်ခဲ့သည့် လအတွင်းက မွန်ပြည်နယ်၌ အသတ်ခံရစဉ် အလွတ်တန်း သတင်းထောက်တစ်ဦးဖြစ်ကြောင်း လူအခွင့်ရေးကော်မရှင် ဥက္ကဌ က ပြောကြားလိုက်သည်။ မြန်မာ သတင်းထောက်များကို လူ့အခွင့်အရေး ကော်မရှင်က စုံစမ်းစစ်ဆေးပြီးနောက် ယခုကဲ့သို့ အတည်ပြု နိုင်ခြင်းဖြစ်ကြောင်း ၎င်းကဆိုသည်။

အစိုးရနှင့် စစ်တပ်က ကိုပါကြီးသည် တိုင်းရင်းသားလက်နက်ကိုင် အဖွဲ့တစ်ခု မှ ပြန်ကြားရေးအရာရှိဖြစ်ကြောင်း စွပ်စွဲထားသော်လည်း ကော်မရှင်က အလွတ်တန်း သတင်းထောက်ဟု အတည်ပြု ခဲ့ခြင်းဖြစ်သည်။ မြန်မာ ဂျာနယ် လစ်အဖွဲ့က ဒုဋ္ဌဥက္ကဋ္ဌ ဦးမြတ်ခိုင်နဲ့ ကရင်ပြည်နယ်က သတင်းထောက် တယောက်တွေရဲ့ ထွက်ဆိုချက်အရ အသတ်ခံရသူ ကိုပါကြီးမှာ အလွတ် သတင်းထောက်ဖြစ်ကြောင်း တွေ့ရတာလို့ ဦးစစ်မြိုင် က ပြောကြား ခဲ့ခြင်း ဖြစ်သည်။

“လောလောဆယ် စစ်ဆေးရသလောက်တော့ ကိုပါကြီး ဟာ ကေကေအို အဖွဲ့ဝင်အဖြစ်နဲ့ အတည်ပြုလို့ မရဘူး၊ သို့သော် ဒီကေဘီအေ ကေကေအို အဖွဲ့တွေနဲ့ နီးနီးကပ်ကပ် ပူးပေါင်းမှု ရှိတယ်။ ဆက်သွယ်မှု ရှိတယ် ဆိုတာလောက်တော့ တွေ့ ရတယ်ဗျ။ တခါ မြန်မာဂျာနယ်လစ်အဖွဲ့ရဲ့ ဒုဥက္ကဋ္ဌ ဦးမြတ်ခိုင် ကို ကျနော်တို့ ခေါ်ယူတွေ့ဆုံတော့ သူက ကိုပါကြီးဟာ အလွတ် သတင်းထောက်ဖြစ်ကြောင်း ထွက်ဆို ပါတယ်။ နောက် ဘားအံက သတင်းထောက် ကိုအောင်ပကို ခေါ်ယူတွေ့ဆုံတော့လည်း သူက ကိုပါကြီးဟာ သူနဲ့ ရင်းနှီးတဲ့ အလွတ်သတင်းထောက် တယောက် ဖြစ်ကြောင်း ထွက်ဆို ပါတယ်။ ကိုအောင်ကြီး (ကိုပါကြီး) နာမည်နဲ့ ရေးတဲ့သတင်းလည်း သက်သေ အဖြစ် ယူလာပြပါတယ်။ ဆိုတော့ အလွတ်သတင်းထောက် ဆိုတာတော့ မှန်ကန်တယ်လို့ ယူဆပါတယ်။”

သို့ရာတွင် အစိုးရနှင့် စစ်တပ်က စွပ်စွဲထားသော DKBA နှင့် ချိတ်ဆက်မှု ရှိ သည့် ကလိုထူးဘောတပ်ဖွဲ့ KKO မှ ဗိုလ်ကြီးအဆင့်ရှိသူဟု စွပ်စွဲထား သော် လည်း အဆိုပါအဖွဲ့များက ငြင်းဆိုချက် ထုတ်ပြန် ထားသည်။

ကော်မရှင် က ကိုပါကြီး၏ ဇနီးဖြစ် သူမသန္တာနှင့် တွေ့ဆုံရ န် ခေါ်ယူ ထားသော် လည်း မသန္တာက ၎င်းနှင့် အတူ ရှေ့နေနှစ်ဦး၊ အမျိုးသမီး အဖော် ၂ ဦး ခေါ်ဆောင် လာခွင့် တောင်းဆိုခြင်းကိုမူ ခွင့်မပြုသည့် အတွက် ကော်မရှင်နှင့် မတွေ့ရသေးဟု မသန္တာကဆိုသည်။ မသန္တာ၏ ထွက်ဆိုချက် ကို လူအခွင့်အရေးကော်မရှင်ထံသို့ နိုဝင်ဘာ ၂၅ ရက်တွင် အပြီး ပေးပို့ရမည်။ ထိုသို့ပေးပို့ရာတွင် ထွက်ဆိုချက်ကို စာဖြင့်ရေးသား ကာ ပေးပို့ရမည်ဖြစ်ကြောင်း ကိုပါကြီး၏ အမှုကို လိုက်ပါ ဆောင်ရွက်နေ သည့် ရှေ့နေ ဦးရောဘတ်စန်းအောင်က ပြောသည်။

စုံစမ်းရေးအဖွဲ့၏ အစီရင်ခံစာ အား ယခုလကုန်တွင် သမ္မတ ထံ တင်သွင်းရန် စီစဉ်ထားကြောင်း သတင်းရရှိပါသည်။

The Ladies News Journal

မေး - အမေရိကန်၊ တရုတ်၊ ဂျပန်စတဲ့ နိုင်ငံတွေက မြန်မာနိုင်ငံကို အခုနောက်ပိုင်း ဆက်ဆံလာတဲ့ အခြေအနေတွေ အပေါ်မှာ ဘယ်လိုမြင်ပါသလဲ။

UHS - ကျွန်တော်တို့ နိုင်ငံနဲ့ အခုဆက်ဆံ နေတဲ့ နိုင်ငံအားလုံးပေါ့နော်။ ယူအက်စ်၊ ရုရှား၊ တရုတ်၊ ဂျပန်၊ ဩစတြေးလျ စသည်ဖြင့် အဲဒီအားလုံးက ကျွန်တော်တို့ နိုင်ငံကို အကောင်းမြင်ပါတယ်။ နိုင်ငံက သွားနေတဲ့ အရွေ့တွေကိုလည်း သူတို့ထောက်ခံတယ်။ အဲဒီမှာ တစ်ခုရှိတာက အမေရိကန်ကပဲ တစ်ချက်ချက် လှမ်းထောက်တာ (ဝေဖန်ပြောဆိုတာ) ရှိတာပေါ့နော်။ သူတို့ (အမေရိကန်) လှမ်းထောက်တယ် ဆိုပေမယ့်လည်း ကျွန်တော်တို့နိုင်ငံကို သူတို့က ထောက် ခံတယ်။ အဲဒါက အပေါင်းလက္ခဏာလို့ မြင်တယ်။

မေး - ဘာကို ဆိုလိုတာလဲခင်ဗျ။

UHS - တရုတ်နိုင်ငံကို ဝန်းရံဖို့ဆိုပြီး အမေရိကန်ရဲ့ မဟာဗျူဟာ တစ်ခုရှိတယ်။ အဲဒါကြောင့် သူက အရှေ့ဘက်က ဂျပန်နိုင်ငံ၊ ပစိဖိတ်ဒေသ၊ အရှေ့တောင် အာရှတွေကို ပတ်ထားမယ် (စည်းရုံး ထားမယ်)။ တရုတ်ရဲ့ ထွက်ပေါက် က မြန်မာ ပဲရှိတော့တယ်။ မြန်မာက တရုတ်နဲ့ တော်တော်လေး သင့်မြတ်တော့ မြန်မာဟာ အမေရိကန်အတွက် မျက်စိကျစရာ၊ ပထဝီနိုင်ငံရေး အရ အရေးပါတဲ့နေရာကို ရောက်နေတယ်။ ဒါကြောင့်မို့ အမေရိကန်က လိုက်လျောမှုတွေ များလာတယ်။ နောက်တစ်ခုက သူက (အမေရိကန်) မြန်မာနိုင်ငံကို ဒီပလိုမက်တစ်ဆန်စွာ ဆက်ဆံသွားတယ် လို့ မြင်မိတယ်။ ဘာကြောင့်လဲဆိုရင် အခု တစ်ခေါက် လာတဲ့အချိန်မှာ တချို့ မာမာ ထန်ထန်ဖြစ်နေတဲ့ ကိစ္စတွေကို ထည့်ပြောမသွားဘူး။ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း ပြောသလိုတောင် ပြောမသွားဘူး (ဘန်ကီမွန်းက ရခိုင်ပြည်နယ်က ဘင်္ဂါလီများကို ရိုဟင်ဂျာဟု သုံးနှုန်းသွားခဲ့)။ သူက(အမေရိကန် သမ္မတအိုဘားမား) ဒီနေရာမှာ ဘန်ကီမွန်း ထက် တော် တယ်လို့ ပြောရမယ်။

မေး - အိုဘားမား အလွန်မှာကော မြန် မာနဲ့ အမေရိကန်ဆက်ဆံရေးက ဘယ် လိုရှိနိုင်မယ်လို့ ထင်လဲ။

UHS - အမေရိကန်ဆိုတာ သမ္မတတစ်ယောက်ပြောင်းလို့ မူဝါဒပြောင်းသွား တယ် ဆိုပေမယ့်လို့ ကမ္ဘာကြီးကို တုန်လှုပ်နိုင်စွမ်းကတော့ အတူတူပဲလေ။ အိုဘားမား ပြောင်းသွားပေမယ့်လည်း အိုဘားမားထက်ကောင်းတဲ့ လူတွေပေါ် လာမှာပဲလေ။သူတို့က ဒီမိုကရက်တိုက် ဇေးရှင်းကို ကျင့်သားရပြီးသား သူတွေ ဖြစ်တဲ့အတွက် ဘယ်သမ္မတလာလာ မြန်မာဒီမိုကရေစီအရေးကို ဆက်ပြီး တော့ ဖိအားနဲ့အတူ တိုက်တွန်းနေမှာပဲလို့ ကျွန်တော်က ထင်တယ် ။ မြန်မာ ပြည်မှာသာ ဦးသန်းရွှေဆို ဦးသန်းရွှေ၊ ဦးနေဝင်းဆို ဦးနေဝင်း ဆိုပြီး ပြောင်းကြတာ။ သူတို့ဆီမှာ အကုန်လုံးက ဒီမိုကရေစီ သမ္မတတွေဖြစ်တဲ့ အတွက်ကြောင့် ဘယ်သူပြောင်းပြောင်းပါ မူတော့ ပြောင်းမယ်လို့မထင်ဘူး။ အိုဘားမား ဆိုတဲ့ ပုဂ္ဂိုလ်စွဲ သူတို့တိုင်းပြည်မှာ ရှိမယ်မထင်ဘူးလို့ ကျွန်တော် ယူဆတယ်။

မေး - အတိုက်အခံ နိုင်ငံရေးပါတီတွေက အရင်ကနဲ့စာရင် လွှတ်တော်ထဲမှာ ဘယ်လိုအနေအထားရှိလာပြီလဲ။

UHS - လက်ရှိအတိုက်အခံတွေက ထက်ထက်မြက်မြက် မရှိဘူး။ ကျွန်တော်က ဒီထက်ဒီထက် ပိုပြီး ထက်မြက်မှုရှိစေချင်တယ်။ ဒါပေမဲ့ လာမယ့် အချိန်တွေ မှာတော့ ပိုကောင်းလာမယ်လို့ ထင်တယ်။ ဘာလို့လဲဆိုတော့ အခုကြည့် လိုက်မယ်ဆိုရင် လွှတ်တော်မှာ ကျွန်တော်တို့ တင်နေတဲ့ အာဏာရ ပါတီ လို့ပြောတဲ့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက တင်နေတဲ့ လယ်ယာမြေကိစ္စတို့၊ အခြေခံဥပဒေ ပြင်ဆင်ရေးတို့၊ တကယ်ထိရောက်တဲ့ အဆိုကြီးတွေကို ကြံ့ခိုင်ရေးပါတီကပဲ တင်နေတဲ့ သဘောရှိတယ်။ ကျွန်တော် တို့ အတိုက်အခံ ပါတီတွေထဲက ဘယ်အဆိုတင်ဖူးသလဲ။ ထိရောက် တဲ့ နိုင်ငံအတွက် အပြောင်းအလဲ ဖြစ်သွားစေနိုင်တဲ့ အဆိုကို သူတို့ တင်သွင်း တာမျိုး မရှိဘူး။

အတိုက်အခံတွေ တင်တဲ့ အဆိုက ဥပမာ- သူတို့တင်ခဲ့တာက ကားတင်သွင်းခွင့် လို ဟာမျိုးတွေပဲရှိတယ်လေ။ ဒါက တကယ်အဆိုကြီးတွေ မဟုတ်ဘူး။

မေး - လွှတ်တော် ပြင်ပမှာကောခင်ဗျ။

UHS - လေးနှစ်သက်တမ်းရှိလာပေမယ့် အာဏာရပါတီကို လွှတ်တော်ပြင်ပ မှာလည်း ခြိမ်းခြောက်နိုင်တာမျိုး အတိုက်အခံ တွေမှာ မမြင်ရဘူး။ မမြင်ဘူး ဆိုတာ ဘာလဲဆိုတော့ အပေါ်ယံကြော ဝူးဝါး ဝူးဝါးနဲ့ အော်ဟစ် ဆန္ဒပြပြီး ထောက်ခံတာလောက်နဲ့ မဲဆန္ဒကို အကုန်သိမ်း ကျုံးရမယ်လို့ ကျွန်တော် မယုံဘူး။

မေး - ဒါဆိုရင် ပြိုင်ဘက်ကိုအကြံပြုချင် တာရှိမှာပေါ့။

UHS - အတိုက်အခံတွေအနေနဲ့ အာဏာရပါတီကြီးနဲ့ ပါတီချင်း ဆွေးနွေးမှုတွေ လုပ်ဖို့လိုမယ်။ ၂၀၁၅ ကျရင် ကျွန်တော်တို့ ဘယ်လို ရင်ဆိုင်ကြမလဲဆိုတာ တစ်ယောက်နဲ့ တစ်ယောက်အပေးအယူ လုပ်သင့်တယ်၊ ညှိနှိုင်းသင့်တယ်။ ပါတီငယ်လေးတွေကို သွားပြီးလုပ်တာ နဲ့စာရင် အတိုက်အခံပါတီဖြစ်တဲ့ အန် အယ်ဒီပါတီနဲ့ ကြံ့ခိုင်ရေးပါတီ ဗဟိုအလုပ်အမှုဆောင်ကော်မတီဝင် အချင်းချင်း ခင်မင်ရင်းနှီးမှုနဲ့ ဆွေးနွေးပွဲတွေ လုပ်သင့်တယ်လို့ မြင်တယ်။ အဲဒါဆို ပိုကောင်း လာမယ်။ အစိုးရကို သွားသွားပြောနေတာက အလကားပဲ။ အစိုးရကို သွားပြောရင် အစိုးရက ဘာ မှမလုပ်ပေးဘူး။ လေးပွင့်ဆိုင်လုပ်ပေးပါ ဘာဖြစ် တယ်၊ ညာဖြစ်တယ်ဆိုတာက မထိရောက်ဘူး။ အစိုးရက ကြံ့ခိုင်ရေးက ထွက် လိုက်ပြီ။ အဲဒါကြောင့် အစိုးရက “ငါမြင်းငါစိုင်း စစ်ကိုင်းရောက် ရောက်” ပုံစံနဲ့ သွားနေတာ။ ညှိရမှာက ကြံ့ခိုင်ရေးနဲ့ အန်အယ်ဒီ ပူးပေါင်းပြီး ၂၀၁၅ အလွန်မှာ တိုင်းပြည်ကောင်းအောင် ဘယ်လိုလုပ်မလဲ ဆိုတာကို ဆွေးနွေးသင့်တယ်။

မေး - ဒီနေ့ (နိုဝင်ဘာ ၁၈) ပြည်ထောင်စု လွှတ်တော်နာယက ရှင်းလင်းတဲ့ သတင်းစာရှင်းလင်းပွဲမှာ ပြင်ဆင်ရေးဆွဲ ထားတဲ့ ဖွဲ့စည်းပုံကို အတည်ပြုမှာက ၂၀၁၅ ရွေးကောက်ပွဲပြီးမှ ဆိုတော့ အတိုက်အခံခေါင်းဆောင် ဒေါ်အောင်ဆန်းစုကြည် အတွက် ၂၀၁၅ မှာ သမ္မတ ဖြစ်လာနိုင်တဲ့ အနေအထားအပေါ် ဘယ်လိုမြင်ပါသလဲ။

UHS - ဒေါ်စု ၂၀၁၅ မှာ သမ္မတမဖြစ်နိုင် ဘူးဆိုတာက ကျွန်တော်လွန်ခဲ့တဲ့ တစ်နှစ်လောက် ကတည်းကပြောပြီးပြီ။ ဒေါ်စုအနေနဲ့ ဒီတစ်သက်မှာတော့ သမ္မတဖြစ်ဖို့မမြင်ဘူး။ ဘာကြောင့်လဲဆိုတော့ ဖွဲ့စည်းပုံပြင်တယ်ပဲထားဦး ၅၉ (စ)ကတော့ နိုင်ငံကို ချပြလိုက်ရင် မဲမရနိုင်ဘူးလို့ ကျွန်တော်ယူဆတယ်။ ဥပဒေမှာ မိမိက်ိုယ်တိုင် သော်လည်းကောင်း ဆိုတာကြီးကလည်း ပါနေတော့ ဘယ်သူက နိုင်ငံခြားသားကို သမ္မတတင်မလဲ။ ဒါကြောင့်မို့ ဒီတစ်သက်မှာတော့ သမ္မတ မဖြစ်နိုင်တော့ဘူး။ သူလွှတ်တော် ဥက္ကဋ္ဌလုပ်ပေါ့။ လွှတ်တော်ဥက္ကဋ္ဌကလည်း “သမ္မတ လာဦး ခင်ဗျားကို ကျွန်တော်မေးစရာ ရှိလို့” ဆိုပြီး ခေါ်မေးလို့ရတယ်လေ။

“ကျေးဇူးတင်ပါတယ်”
ကျော်ဇေယျ (The Ladies News Journal)