11/28/14

(အင်တာဗျူး)
ရန်ကုန်၊ နိုဝင်ဘာ ၂၅

အခြေခံဥပဒေ ပုဒ်မ ၄၃၆ ပြင်ဆင်ရေး အတွက် အမျိုးသားဒီမိုကရေစီအဖွဲ့ချုပ် (NLD) နှင့် ၈၈ ပွင့်လင်း လူ့အဖွဲ့အစည်းတို့က ယခုနှစ် မေလတွင် ပြည်သူလူထု၏ လက်မှတ်များကို ကောက်ခံခဲ့ကြသည်။

ရရှိသော လက်မှတ် ၄,၉၅၃,၀၉၃ ခု ကို ပြည်ထောင်စု လွှတ်တော် နာယက သူရဦးရွှေမန်းထံသို သြဂုတ်လ ၁၃ ရက်နေ့က ပေးပို့ထားခဲ့ပြီးဖြစ်သည်။

နိုင်ငံသားတိုင်း ယှဉ်ပြိုင်ရွေးချယ်ပိုင်ခွင့် ရှိသည့် တရားမျှတသော ရွေးကောက်ပွဲ ပေါ်ပေါက်ရေး၊ စစ်မှန်သော ဒီမိုကရေစီစနစ် ပေါ်ပေါက်ရေး တို့အတွက် အတားအဆီး ဖြစ်နေသော ပုဒ်မ ၄၃၆ ကို အာဏာရ ကြံ့ဖွံ့ပါတီနှင့် တပ်မတော်သား ကိုယ်စားလှယ် ၂၅ရာခိုင်နူန်း စိုးမိုးထားသည့် လွှတ်တော်အတွင်း
လာမည့် ၂၀၁၅ရွေးကောက်ပွဲအမီ ပြင်ဆင်ရန်မှာ ၎င်းတို့သဘောတူညီချက်မရှိပါက မည်သည့်နည်းနှင့်မျှ မဖြစ်နိုင်ပေ။

ပြင်ဆင်လိုပါက ပြည်ထောင်စုလွှတ်တော် ကိုယ်စားလှယ် ၇၅ ရာခိုင်နှုန်းကျော်၏ ထောက်ခံမှု ရှိရမည်၊
ပြည်လုံးကျွတ်ဆန္ဒခံယူပွဲပြုလုပ်၍ ဆန္ဒမဲပေးပိုင်ခွင့်ရှိသူ ထက်ဝက်ကျော်၏ ထောက်ခံမှုဖြင့် ပြင်ဆင်ရမည် ဟု ယခင် စစ်အစိုးရစိတ်ကြိုက် အခြေခံဥပဒေက ဆိုထားသည်။

ထိုအဆင့် ၂ ခုမှာ ထိုအခြေခံဥပဒေ၏ အခြေခံအကျဆုံး ရှေ့နောက် မညီညွတ်မှုဖြစ်သည်။

ပြည်သူလူထု တင်မြောက်ထားသည်ဟု ဆိုသော လွှတ်တော်အမတ် ၇၅ ရာခိုင်နှုန်းက ပြင်ဆင်လိုပါသည်ဟု ဆိုသောအချက်ကို ပြည်သူ့ဆန္ဒခံယူပွဲထပ်မံပြုလုပ်ရဦးမည် ဆိုသည်မှာ ထို ၇၅ရာခိုင်နှုန်းက ပြည်သူ့ဆန္ဒကို ကိုယ်စားမပြုဟု ယူဆရမည်ဖြစ်ပြီး တနည်းအားဖြင့်ဆိုရသော် ပြည်သူရွေးကောက်တင်မြောက်သော အမတ် မဟုတ်ဟု ဆိုရမည်ဖြစ်သည်။

ထို့ပြင် အခြေခံဥပဒေပြင်ဆင်ရေး ကဏ္ဍတွင် လွှတ်တော်ကိုယ်စားလှယ် ၇၅ ရာခိုင်နှုန်းကျော်၏ ထောက်ခံမှု၊ ဆန္ဒမဲ ပေးပိုင်ခွင့်ရှိသူ ထက်ဝက်ကျော်၏ ထောက်ခံခွင့် မည်သည့်အရာကို သုံးမည်နည်း ဟူသော မေးခွန်းလည်း ပေါ်လာသည်။

ဖော်ပြပါအကြောင်းအရာများနှင့် ပတ်သက်၍ ရန်ကုန်မြို့အခြေစိုက် မြန်မာ့ငြိမ်းချမ်းရေးနှင့် လုံခြုံရေးသိပ္ပံ (MIPSS) ၏ အမှုဆောင် ဒါရိုက်တာ၊ မြန်မာ့နိုင်ငံရေးကို စဉ်ဆက်မပြတ် လေ့လာသုံးသပ်နေသူတစ်ဦးလည်းဖြစ်သူ ဒေါ်ခင်မမမျိုးနှင့် တနင်္လာနေ့က ဆက်သွယ် မေးမြန်းထားသည်များကို ဖော်ပြလိုက်ပါသည်။
The Yangon Globe မီဒီယာ သတင်းထောက် လင်းသစ်က ဆက်သွယ်မေးမြန်းထားခြင်း ဖြစ်သည်။

YGM ~ ဒေါ်အောင်ဆန်းစုကြည်က အခြေခံဥပဒေ ပုဒ်မ ၄၃၆ပြင်ဆင်ရေးအတွက် လူထု လက်မှတ် ၅သန်းနဲ့ လုံလောက်မှု မရှိဘူး ဆိုရင် လူထုဆန္ဒခံယူပွဲ လုပ်ဖို့ လိုမယ်ဆိုရင်လည်း ရတယ်လို့ VOA သတင်းဌာန အင်တာဗျူးမှာ
ပြီးခဲ့တဲ့ ရက်ပိုင်းအတွင်း ပြောထားတာ ရှိပါတယ်။ ဒါနဲ့ ပတ်သက်ပြီး ဒေါ်ခင်မမမျိုးရဲ့ သုံးသပ်ချက်လေး သိချင်ပါတယ်။

KMMM ~ အခု လုပ်ဆောင်နေတဲ့ procedure (နည်းလမ်း) တွေ ဖွဲ့စည်းပုံပြင်ဆင်ရေး procedure (နည်းလမ်း) တွေထဲမှာ ဘာတွေလိုအပ်လဲ ဆိုတာတွေကို လူထုကို ရှင်းရှင်းလင်းလင်းချပြဖို့ လိုအပ်မယ်လို့ထင်ပါတယ်။
NLD ပါတီ တစ်ခုထဲတော့မဟုတ်ဘူး။
ဖွဲ့စည်းပုံအခြေခံဥပဒေပြင်ဆင်ရေးနဲ့ ပတ်သက်ပြီးတော့ လုပ်နေတဲ့လူတိုင်း၊ လွှတ်တော်ထဲမှာရှိတဲ့လူတွေ အပါအဝင် အားလုံးကနေ ဖွဲ့စည်းပုံအခြေခံဥပဒေပြင်ဆင်ရေး procedure (နည်းလမ်း) ဘယ်လိုလဲဆိုတာကို ပြန်ပြီးတော့ချပေးကြရင်ပိုကောင်းမယ်လို့ထင်တယ်ရှင့်။ Signatures ကမ်ပိန်းတစ်ချို့က လုပ်တယ်။ တစ်ချို့ကလဲလွှတ်တော်ထဲမှာ ပုံစံတစ်မျိုးနဲ့လုပ်တယ်။ နောက်ပြီးတော့ လူထုဆန္ဒခံယူပွဲဆိုပြီးတော့ လုပ်ဆောင်မယ်ဆိုပြီးတော့ ပုံသဏ္ဌာန်အမျိုးမျိုးဖြစ်နေလို့တော့မရဘူးပေါ့။ အဲဒါကရူပ်ထွေးမှုပိုပြီးတော့ ဖြစ်စေနိုင်တယ်။ အဲဒီတော့ဖွဲ့စည်းပုံကိုပြင်မယ် ပထမအဆင့်သည်ဘာကိုပြင်မှာလည်း၊ ဘာတွေပြင်မှာလည်းဆို တဲ့အရာကိုနောက်မှဆွေးနွေးပြီးမှ ဘယ်လိုပြင်မှာလဲဆိုတဲ့လုပ်ထုံးလုပ်နည်းကို နိုင်ငံရေးခေါင်းဆောင်တွေရော လွှတ်တော်ထဲမှာရှိတဲ့ တာဝန်ရှိကြသူတွေရော။ အစိုးရအဖွဲ့ထဲမှာ တာဝန်ရှိကြသူတွေရော ပြန်ပြီးတော့ ပြည်သူလူထုကိုချပြပေးဖို့လိုအပ်တယ်လို့မြင်ပါတယ်ရှင့်။

YGM ~ ၄၃၆ ပြင်ဆင်ရေးမှာ လွှတ်တော်အတွင်းက ၇၅ရာခိုင်နှုန်းကျော်ရဲ့ ထောက်ခံမှုကို ရမှာသာလျှင် ပြည်လုံးကျွတ်ဆန္ဒခံယူပွဲ လုပ်ရမယ်လို့ ဆိုပါတယ်။

KMMM ~ အဲဒါကို ကျမ ဆိုလိုတာပါ။ လွှတ်တော်ထဲမှာလည်း ဒီကိစ္စနဲ့ ပတ်သက်ပြီးတော့ လွှတ်တော်ထဲမှာ ထောက်ခံသလား ကန့်ကွက်သလား ဆိုတာကို ဘာမှ မလုပ်ဘဲနဲ့ လူထုဆန္ဒခံယူပွဲဆိုပြီး လုပ်မယ်ဆိုတာက Mandate (လုပ်ထုံးလုပ်နည်း) အရ ဆိုရင်တော့ ဘောင်ကျော်နေတယ်။
ဖွဲ့စည်းပုံအခြေခံဥပဒေကိုပြင်ဆင်ရေး ရူထောင့်ကနေ သွားမယ်ဆိုရင်တော့ ဖွဲ့စည်းပုံအခြေခံဥပဒေရဲ့ လမ်းကြောင်းအတိုင်း သွားပြီးတော့ လုပ်ဆောင်ရမှာပေါ့။
ဘာလို့လဲ ဆိုတော့ လူထုဆန္ဒခံယူပွဲတွေ ဆိုပြီးတော့ လက်မှတ်တွေကောက်တယ်။ လက်မှတ်တွေကောက်တဲ့ဟာက လွှတ်တော် ပြင်ပနိုင်ငံရေးကို လုပ်ဆောင်တာကို။
အခုက လွှတ်တော်ပြင်ပနိုင်ငံရေးက မလုံလောက်ပြန်ဘူးလို့ ဆိုတယ်။ မလုံလောက်တဲ့အတွက် နောက်ထပ် လူထုဆန္ဒခံယူပွဲ ဆိုပြီးတော့ လုပ်ဦးမယ်။
အဲဒီ လူထုဆန္ဒ ခံယူပွဲကရော အမှန်တကယ်လွှတ်တော်ပြင်ပနိုင်ငံရေးရဲ့ Mandate (လုပ်ထုံးလုပ်နည်း) က ရှိသလား ဆိုတာကို ပြန်ပြီးတော့ သုံးသပ်ကြည့်ဖို့ လိုပါလိမ့်မယ်။
ကျွန်မတို့က ရူထောင့်က နှစ်မျိုးရှင့်၊ လွှတ်တော်နိုင်ငံရေးလား၊ လွှတ်တော်ပြင်ပနိုင်ငံရေးလား။
အခု ဖွဲ့စည်းပုံကို ဘာနဲ့ပြင်ကြမှာလဲ။ ၂၀၀၈ထဲမှာပြောထားတဲ့အကြောင်းအရာနဲ့ပဲပြင်မှာလား။ procedure (လုပ်ထုံးလုပ်နည်း) အတိုင်းပဲပြင်မှာလား။ ဒါမှမဟုတ်ရင် လွှတ်တော်ပြင်ပနိုင်ငံရေးလမ်းကြောင်းအပေါ်ကပြင်မှာလား။
ဒါကို ကွဲကွဲပြားပြားပြည်သူလူ ထုကို မရှင်းလင်းဘဲနဲ့ ဟိုပုံသဏ္ဌာန်တစ်မျိုး လုပ်လိုက်၊ ဒီပုံသဏ္ဌာန်တစ်မျိုး လုပ်လိုက်ဆိုတာကတော့ နိုင်ငံရေးအရ ရူပ်ထွေးမှုတွေ အများကြီးဖြစ်နိုင်တယ်လို့ ထင်ပါတယ်။

YGM ~ လွှတ်တော်ပြင်ပနိုင်ငံရေးအရ မလုပ်ဘဲနဲ့ လွှတ်တော်တွင်းနိုင်ငံရေးအရ လုပ်မယ်ဆိုရင် ပုဒ်မ ၄၃၆ ပြင်ဆင်ရေးဟာ ဖြစ်နိုင်ခြေရှိတယ်လို့ ထင်ပါသလား။

KMMM ~ လွှတ်တော်တွင်းနိုင်ငံရေးနဲ့ပဲ ၄၃၆ပြင်မယ်ဆိုရင်တော့ ဖြစ်နိုင်ခြေရှိတယ်လို့ မမြင်ဘူး။
နှစ်ဆင့်ဖြတ်ရမယ်။ လွှတ်တော်တွင်း ဖြတ်ရမယ်၊ ပြည်သူ့ဆန္ဒခံယူပွဲဖြတ်ရမယ်။ အဲဒီတော့ လွှတ်တော်ပြင်ပနိုင်ငံရေးဆိုပြီးတော့ လုပ်ဆောင်ခဲ့ကြတယ်။ လုပ်ဆောင်ခဲ့ကြတယ်။ Signatures ကမ်ပိန်း လုပ်တယ်။
အခု လူထုဆန္ဒခံယူပွဲလုပ်မယ်ပြောတယ်။ ဟုတ်ပြီ အဲဒီလွှတ်တော်ပြင်ပနိုင်ငံရေးသည်ကော ဘယ်လောက်အတိုင်းအတာအထိ ဘာကိုပြန်လုပ်ဖို့လုပ်မှာလဲ၊ အဲဒါကို ကျွန်မ တစ်ဦးချင်းအနေနဲ့တော့ အဲဒါကိုသိချင်ပါတယ်။
ဘာကြောင့်လဲဆို တော့ Signatures ကမ်ပိန်းလုပ်ပြီးသွားပြီ။ အဲဒီဥစ္စာထဲမှာတော့ မပြည့်စုံဘူး။ အဲဒီတော့ လူထုဆန္ဒခံယူပွဲလုပ်မယ်။ အဲဒီလူထုဆန္ဒခံယူပွဲရဲ့နောက်မှာရော ဘာလုပ်မှာလဲ။
လူထုဆန္ဒခံယူပွဲမှာက ပြင်ဆင်ရေးကို ထောက်ခံတယ်ဆိုရင်၊ လူထုအများစုကထောက်ခံသွားပြီ၊ ထောက်ခံတယ်ဆိုရင်ရော တကယ်ရအောင်ပြင်နိုင်မှာလား။ ဘာနဲ့ပြင်မှာလဲ၊ ဘယ်လိုပြင်မှာလဲ၊
ဒီ၄၃၆ကို လွှတ်တော်တွင်းနဲ့ချိတ်ဆက်ပြီးတော့ ဘယ်လိုပြင်မှာလဲ၊ နောက်တစ်ခုက အကယ်၍ လူထုကမထောက်ခံဘူးဆိုရင်ရော ဒီ၂၀၀၈ဖွဲ့စည်းပုံကြီးကိုလက်ခံလိုက်ရမှာလား။
ဒါသည် အဆုံးအဖြတ်လား။ ဒါမှမဟုတ်ရင် ဘယ်လိုအကြောင်းအရာနဲ့ ဘယ်လိုနည်းဗျူဟာလဲ။ လမ်းဆုံးက ဘာလဲ။ အဲဒီဥစ္စာကို လူထုကို ချပြပေးဖို့လိုပါတယ်လို့ ကျွန်မအနေနဲ့မြင်ပါတယ်။

YGM ~ ခုနက ဒေါ်ခင်မမမျိုး ပြောခဲ့တဲ့အထဲမှာ လွှတ်တော်တွင်းပြင်ဆင်ရေးမှာ ပုဒ်မ၄၃၆ပြင်ဆင်ရေးဟာ မဖြစ်နိုင်ဘူးလို့ ပြောတယ်ခင်ဗျ။ ဘယ်လိုအချက်တွေကြောင့်လဲ။

KMMM ~ ၇၅ ရာခိုင်နှုန်းအထက်ကနေထောက်ခံမှ ဆိုတဲ့အချက်ဟာ ဆိုရင် စစ်တပ်ရဲ့ သဘောထား အများကြီးလိုပါတယ်။ စစ်တပ်ရဲ့ ၂၅ရာခိုင်နှုန်းဟာ လွှတ်တော်ထဲမှာ ထိုင်နေကြတဲ့အတွက်ဖြစ်ပါတယ်။
ကျွန်မတို့က ဘယ်လိုဖြစ်နေကြသလဲဆိုတော့ “ဂျာအေး သူ့အမေရိုက်” ဖြစ်နေသလိုပေ့ါ။ ပြန်ပြီးတဲ့အခါကျတော့ကြက်ဥ နဲ့ကြက်မ ဘယ်ကနေ အစရှာရမလဲဆိုသလို ပြန်ပြီးတော့ လည်နေကြတယ်။
ဒီ တပ်မတော်သားလွှတ်တော်ကိုယ် စားလှယ်တွေ လွှတ်တော်ထဲမှာ ယူနီဖောင်းနဲ့ ဆက်ပြီးတော့ ရှိမနေရေးပေါ့။ စစ်တပ်ကလွှတ်တော်ကို ထိန်းချုပ်မထားရေးပေါ့။ ဒါကလည်း လုပ်ငန်းစဉ်တစ်ရပ်ဖြစ်နေတယ်။
အဲဒီလိုမျိုးလုပ်ဖို့ အတွက်ကလည်း ၄၃၆ကိုပြန်ပြီးတော့ ပြင်ဆင်ရမယ်ဆိုပြီးတော့ ပြောပြန်တယ်။
၄၃၆ကို ပြင်ဆင်ဖို့အတွက်ကလည်း ၇၅ရာခိုင်နှုန်းရဲ့အထက်ကနေမှ လက်ခံမှ လုပ်လို့ရမယ်ဆိုတဲ့ အနေအထားမျိုးထဲမှာတော့ ကျွန်မတစ်ဦးချင်း အနေနဲ့ဆိုရင်တော့ လွှတ်တော်နိုင်ငံရေးနဲ့ ၄၃၆ကို ပြင်လို့ရမယ်ဆိုတာကို လုံးဝ အယုံအကြည်မရှိဘူး။
ဒီအနေအထားပဲ ကျွန်မပြောချင်ပါတယ်။ လွှတ်တော်ပြင်ပနိုင်ငံရေး လုပ်ရမယ်။
သို့ သော်လည်း လွှတ်တော်ပြင်ပနိုင်ငံရေးရဲ့နောက်ကွယ်မှာ ဘာဆက်လုပ်ရမလဲ ဆိုတဲ့ မဟာဗျူဟာ၊ နည်းဗျူဟာတွေ လိုပါတယ်။
ပန်းတိုင်တွေ လိုပါတယ်။ လုပ်ငန်းစဉ်တစ်ခုထဲချပြလို့ မပြီးပါဘူး။
ဒါပြီးရင် ဘာလုပ်မှာလဲဆိုတဲ့ဟာ ရှိတဲ့အခါမှသာ အဲဒီပန်းတိုင်ကိုရောက်အောင်သွားမှာပဲ ဆိုပြီးတော့ ကျွန်မတို့တွေကလဲ လိုက်ပြီးတော့ ပါဝင်ဆောင်ရွက်မှု ဆိုတဲ့အရာကို ပြုလုပ်နိုင်မယ်လို့ ထင်ပါတယ်။
ကျွန်မတို့ ဆိုတာက ပြည်သူလူထုကို ဆိုလိုတာပါ။

YGM ~ ပြင်ဖို့အတွက် လွှတ်တော်က ၇၅ ရာခိုင်နှုန်းအထက်ကို ထောက်ခံရမယ်ပြောတယ်။ ထောက်ခံပြီးတဲ့အခါမှာ လူထုဆန္ဒခံယူပွဲကို ထပ်လုပ်ရမယ်လို့ပြောတယ်။
ရှေ့နောက်မညီမှုက ဒီ ၇၅ရာခိုင်နှုန်းဟာ ပြည်သူလူထုက ရွေးကောက်တင်မြောက်ထားတာ မဟုတ်ဘူးလား။ လူထုဆန္ဒခံယူပွဲ ထပ်ပြီး လုပ်ရမယ်ဆိုတာက ဘယ်လိုသဘောမျိုးလို့ ထင်ပါသလဲခင်ဗျ။

KMMM ~ ကျွန်မ အဲဒါကို ဆိုလိုတာပါ။ အခုဥစ္စာက လွှတ်တော်ပြင်ပနိုင်ငံရေးထဲမှာ Signatures ကမ်ပိန်း။ ဒါနဲ့ မလုံလောက်တော့ လူထုဆန္ဒ ခံယူပွဲ လုပ်မယ်၊
လူထုဆန္ဒခံယူပွဲ ပြီးသွားတဲ့အခါမှ လွှတ်တော်ထဲပြန်ပြီးတော့ တင်ပြ ပြီးတော့ လွှတ်တော်ထဲကနေ ၇၅ရာခိုင်နှုန်းက တစ်ခါပြန်ပြီးတော့ ထောက်ခံမှုပြန်လုပ်၊
ပြီးတဲ့အခါကျတော့မှ ဆန္ဒခံယူဆိုတဲ့ ပုံသဏ္ဌာန်မျိုးကို လုပ်မှာလား။ ခုဥစ္စာက လွှတ်တော်ရဲ့အဆင့်ကကျော်သွားပြီးလား။ ကျွန်မ ဆိုလိုတာက ၂၀၀၈ရဲ့ဘောင်အတွင်းက လုပ်နေတာလား။
၂၀၀၈ရဲ့ဘောင်ပြင်ပကနေ လုပ်နေတာလား။ တိတိကျကျပေါ့ နော်။ လွှတ်တော်တွင်း လုပ်နေတာလား။ လွှတ်တော်ပြင်ပကနေလုပ်နေတာလား ဆိုတာကိုပေါ့။

YGM ~ ဟုတ်ကဲ့ခင်ဗျ။ ၂၀၀၈ ဖွဲ့စည်းပုံအရမှာ လွှတ်တော်အတွင်းရော လွှတ်တော်ပြင်ပကိုရော နှစ်မျိုးလုံးဖြစ် နေတယ်လို့ ထင်ပါတယ်ခင်ဗျ။
၇၅ရာခိုင်နှုန်းထောက်ခံမှုနဲ့ပြင်ဆင်ဖို့က လွှတ်တော်တွင်းဖြစ်နေတယ်ခင်ဗျ။ လူထုဆန္ဒခံယူပွဲလုပ်ဖို့ ဆိုတာက လွှတ်တော်ပြင်ပဖြစ်နေတယ်ခင်ဗျ။

KMMM ~ ကျွန်မဆိုလိုတဲ့သဘောတရားက ရှင်းရှင်းလေးပါ၊ ဘယ်လမ်းကြောင်းကိုလျှောက်မှာလဲ၊ ဒါကိုဆိုလိုတာပါ၊ အဲဒါကို လူထုကို ချပြလေ။ ဒါကို ကျွန်မ ဆိုလိုနေတာပါ။
လွှတ်တော်တွင်းကို လုပ်မှာလား၊ လွှတ်တော်ပြင်ပကို လုပ်မှာလား။ အဲဒီနှစ်ခုကို ဘယ်လိုပြန်ပြီးတော့ ချိတ်ဆက်မှာလည်း။ အဲဒီ procedure မသိဘဲနဲ့ ကျွန်မတို့ ဘာလုပ်လို့ရမှာလဲ။

YGM ~ နားလည်ဖို့ခက်နေတာက ၂၀၀၈ဖွဲ့စည်းပုံရဲ့ပေးထားတဲ့ ပုံသဏ္ဌာန်ကိုက လွှတ်တော်တွင်းနဲ့ လွှတ်တော်ပြင်ပနှစ်မျိုးလုံးကို ပေးထားတာ ဖြစ်နေတဲ့အချက်ပါ။

KMMM ~ ဟုတ်ပါတယ်။ ဒါပေမယ့် လွှတ်တော်တွင်းပြီးမှ လွှတ်တော်ပြင်ပဖြစ်ရတာ မဟုတ်လား။ အခုက လွှတ်တော်တွင်းမှာ ဘာကိုပြီးလို့ လွှတ်တော်ပြင်ပကို ခေါ်ရတာလဲ။
ကျွန်မပြောနေတာက နိုင်ငံရေးရူထောင့်က ပြောနေတာပါ။

YGM ~ အခြေခံဥပဒေ ပြင်ဆင်ရေးဟာ လွှတ်တော်တွင်းရော လွှတ်တော်ပြင်ပရော နှစ်မျိုးလုံးဖြစ်နေတယ်ခင်ဗျ။ ဒီတော့ ဒေါ်ခင်မမမျိုး အနေနဲ့ ဒီအပေါ်မှာရောသုံးသပ်ချက်လေး တစ်ခုပေးနိုင်မလားခင်ဗျ။

KMMM ~ ဒီအခြေခံပေါ်မှာတော့ သုံးသပ်ချက်မပေးချင်ဘူးရှင့်။ ကျွန်မ မပြောနိုင်ဘူးရှင့်။
ဘာကြောင့်လဲ ဆိုတော့ လွှတ်တော်တွင်း နိုင်ငံရေး ဆိုတာကြီးကို ပထမအဆင့် တင်ထားပြီးတော့မှ ဒုတိယတစ်ဆင့်က လွှတ်တော်ပြင်ပယောင်ယောင်နိုင်ငံရေး လုပ်ထားတာပဲလေ။
ကျွန်မအနေနဲ့ ၂၀၀၈ ဖွဲ့စည်းပုံကို လက်မခံတဲ့ လူတစ်ယောက်ဖြစ်တဲ့အတွက် ကျွန်မအနေကတော့ အဲဒီဥစ္စာကို မပြောနိုင်ပါဘူး။

##

(ဓာတ်ပုံ - ဒေါ်ခင်မမမျိုး ဖေ့စ်ဘုတ်စာမျက်နှာ)

http://ygnglobe.com/mm

https://www.facebook.com/TheYangonGlobe


ဘောလုံးပွဲကြည့်ရှုအပြီး အမှိုက်သိမ်းပြီးမှ အိမ်ပြန်သည့် စင်္ကာပူရောက် မြန်မာဘောလုံးပရိသတ်အကြောင်းကို The Straits Ttimes သတင်းစာ အင်တာနက် စာမျက်နှာတွင် နိုဝင်ဘာ ၂၆ ရက်နေ့က ရေးသားဖော်ပြထားသည်ကို တွေ့ရှိရသည်။

အဆင့်အတန်းရှိသည့် အပြုအမူ - AFF Suzuki Cup ပွဲစဉ်တွင် စင်္ကာပူကို (မြန်မာအသင်း)ရှုံးနိမ့်အပြီး အမျိုးသားအားကစားရုံကို မြန်မာပရိသတ် သန့်ရှင်းရေးလုပ် ဆိုသော ခေါင်းစဉ်ဖြင့် ဓာတ်ပုံ ၂ ပုံပါ သတင်းတိုတွင် အဆိုပါကဲ့သို့ ရေးထားခြင်း ဖြစ်သည်။

ကိုယ့်အမှိုက် ကိုယ်ပြန်သိမ်းသွားကြခြင်းနှင့် ပတ်သက်ပြီး နာမည်ကောင်းရသူတို့မှာ ဂျပန်လူမျိုးချည်း မဟုတ်ကြောင်း၊ စင်္ကာပူ-မြန်မာ ၄ဂိုး ၂ ဂိုး ပွဲစဉ်ကို အားပေးအပြီး မြန်မာပရိသတ်သည်
အလေးအနက် အားပေးသူများဖြစ်သကဲ့သို့ အဆင့်အတန်းမြင့်မားသူများများလည်း ဖြစ်ကြကြောင်း သက်သေပြခဲ့ကြသည်ဟု ရေးထားသည်။

ပရိသတ်အများအပြား ကိုယ့်အမှိုက် ကိုယ်ပြန်သိမ်းသွားခဲ့ကြောင်း၊ တွိတာစာမျက်နှာတွင် တစ်ယောက်က အမှိုက်အိတ်ကြီးတစ်လုံးကို အားကစားရုံအမှိုက်ပုံးထဲပစ်နေသူ ၂ ဦး၏ ဓာတ်ပုံကို တင်ထားကြောင်းလည်း ရေးသားထားသည်။

ပြီးခဲ့သည့်လ ဘရာဇီး-ဂျပန်ချစ်ကြည်ရေးပွဲ စင်္ကာပူတွင် ကန်စဉ်ကလည်း ဂျပန်ပရိသတ်က ထိုသို့ ပြုမူခဲ့သည်ဟု ဆိုသည်။

မြန်မာအသင်း ကန်သည့်နေ့က စင်္ကာပူရောက် မြန်မာအများအပြား ကွင်းအတွင်းသို့ သွားရောက် အားပေးရာ စင်္ကာပူ အာဏာပိုင်တို့က အရပ်ဝတ်ရဲ၊ ယူနီဖောင်းဝတ်ရဲ အင်အား အလုံးအရင်း ချထားကြောင်း သိရသည်။၏
မြန်မာတို့က MYANMAR စာတန်းပါ အနီရောင် အ၀တ်စများ ဝှေ့ယမ်းပြီး အားပေးခဲ့ကြသည်။

စင်္ကာပူတွင် နေထိုင်သည့် မြန်မာပြည်သားတစ်ယောက်၏ ဖေ့စ်ဘုတ်တွင်
"အသားတွေတုန်နေအောင်ဖြစ်ခဲ့တဲ့
ဝမ်းသာမျက်ရည်တွေကျခဲ့ရတဲ့ည
ဘောလုံးရှုံးခဲ့ပေမဲ့ စည်းလုံးညီညွတ်မှု့ ကိုပြခဲ့တဲ့
ဒီညကလေးကိုကျွန်တော်ဂုဏ်ယူနေမှာပါ" ဟု ဘောလုံးပွဲအပြီးတွင် ရေးသားထားသည်ကို တွေ့ရသည်။

##

(The Straits Ttimes PHOTOS: KEVIN LIM)

http://ygnglobe.com/mm

https://www.facebook.com/TheYangonGlobe

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နှင့် တပ်မတော်သားကိုယ်စားလှယ်များ နိုဝင်ဘာ ၂၇ ရက်တွင် နေပြည်တော်၌ တွေ့ဆုံရန် NLD မှ ဖိတ်ကြားထားပြီး ထိုဖိတ်ကြားချက်ကို တပ်မတော်သားကိုယ်စားလှယ်များက ညစာစားပွဲ တက်ရောက်ရန်ရှိသည်ဆိုသည့် အကြောင်းပြချက်ဖြင့် ငြင်းပယ်လိုက်ကြောင်း သိရသည်။

“တွေ့ဆုံပွဲကတော့ ပျက်သွားပြီ။ မတွေ့ဖြစ်ကြတော့ဘူး။ ဘာကြောင့် သူတို့ မတွေ့ဖြစ်လဲဆိုတာ အသေးစိတ်မသိရဘူး။ ပျက်သွားတာတော့ သေချာတယ်””ဟု အမျိုးသားလွှတ်တော်ကိုယ်စားလှယ် ဦးအောင်ကြည်ညွန့်က နိုဝင်ဘာ ၂၇ ရက် မွန်းလွဲ ၁၂ နာရီက News Watch သို့ ပြောသည်။
NLD နှင့် တပ်မတော်သားကိုယ်စားလှယ်များ အလွတ်သဘောတွေ့ဆုံရန် NLD က တပ်မတော်သားလွှတ်တော် ကိုယ်စားလှယ် ၇၀ ဦးကို ဖိတ်ကြားထားခြင်းဖြစ်ကြောင်း သိရသည်။

“တွေ့ဆုံပွဲပျက်သွားတာမှန်တယ်။ ပထမတော့ ညနေ ၅ နာရီမှာ နေပြည်တော်စည်ပင်ရိပ်သာမှာ တွေ့ကြဖို့ စီစဉ် ထားတာ။ အခု သူတို့တပ်ဘက်က လာမတွေ့တော့ဘူးလို့ သိရတယ်။ အကြောင်း ပြချက်ကတော့ ဒီညသူတို့ ညစာစားပွဲ တက်ရမယ်ဆိုလို့ မတက်ဖြစ်တာလို့ အကြောင်းပြတာပဲ””ဟု နေပြည်တော်ရှိ NLD ဗဟိုပြန်ကြားရေးအဖွဲ့ဝင်တဦးက ပြောသည်။

NLD ဥက္ကဋ္ဌ ဒေါ်အောင်ဆန်းစုကြည်က နိုင်ငံရေးအကျပ်အတည်းတခု ကျော်လွှားနိုင်ရန် လေးပွင့်ဆိုင်တွေ့ဆုံ ဆွေးနွေးရေးကို တောင်းဆိုထားပြီး နိုဝင်ဘာ ၂၅ ရက်တွင် ကျင်းပသည့် ပြည်ထောင်စုလွှတ်တော်တွင် သမ္မတဦးသိန်းစိန်၊ ကာကွယ်ရေးဦးစီးချုပဗိုလ်ချုပ်ကြီးမင်းအောင်လှိုင်၊ ဒေါ်အောင်ဆန်းစုကြည်၊ လွှတ်တော်ဥက္ကဋ္ဌနှစ်ဦးဖြစ်သည့် သူရဦးရွှေမန်း၊ ဦးခင်အောင်မြင့်၊ တိုင်းရင်းသားပါတီများကိုယ်စားပြု လွှတ်တော်ကိုယ်စားလှယ်တဦးတို့ပါဝင်သော ခြောက်ပွင့်ဆိုင် တွေ့ဆုံဆွေးနွေးရေးအတွက် လွှတ်တော်ကိုယ်စားလှယ်တဦး၏ အဆိုပြုတင်ပြချက်ကို အတည်ပြုပေးခဲ့သည်။

ယခု တွေ့ဆုံပွဲသို့ တပ်မတော်သား ကိုယ်စားလှယ်များ မတက်ရောက်နိုင်ခြင်းမှာ တပ်မတော်သားကိုယ်စားလှယ်များကို တပ်မတော်ကာကွယ်ရေးဦးစီးချုပ်က တိုက်ရိုက်ခန့်အပ်သည့် အခွင့်အာဏာရှိခြင်းကြောင့် NLD ဥက္ကဋ္ဌနှင့် တပ်မတော်သား ကိုယ်စားလှယ်များ တွေ့ဆုံရေးကို ကာချုပ် အနေဖြင့် မလိုလားခြင်းကြောင့် ဖြစ်ဖွယ်ရှိကြောင်း နိုင်ငံရေးအသိုင်းအ၀ိုင်းမှ သုံးသပ် ကြသည်။

ကိုဗညား
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


သမ္မတ အိုဘားမား ၏ အစိုးရအဖွဲ့ဝင်များအား ၂၀၁၃ တွင် နိုင်ငံ တကာ ခေါင်းဆောင်များက အစားအစာ၊ ပရိဘောဂမှ အနုပညာပစ္စည်းများ အထိ ဒေါ်လာထောင်နှင့် ချီတန်ဖိုးရှိသော လက်ဆောင်ပစ္စည်း များ ပေးအပ် ခဲ့ကြသည်။ သို့သော် တန်ဖိုးအကြီးဆုံး လက်ဆောင်ပစ္စည်း လက်ခံရရှိသူမှာ သမ္မတ ကတော် မီရှဲအိုဘားမားဖြစ်ပြီး ကျောက်မျက်ရတနာများ စီစဉ်ထား သည့် ရွှေထည်ပစ္စည်းများ လက်ဆောင်ရရှိခဲ့ခြင်းဖြစ်သည်။

ဘရူနိုင်း ဘုရင်၏ မိဖုရားက မီရှဲအိုဘားမားအား ၇၁၄၆၈ ဒေါ်လာတန်ဖိုးရှိသော ဆွဲကြိုး၊ လက်စွပ်နှင့် နားဆွဲများ လက်ဆောင်ပေးခဲ့ကြောင်း၊ အစိုးရ အဖွဲ့က နိုဝင်ဘာ ၁၁ တွင် အစီရင်ခံခဲ့သည်။ ထိုရွှေထည်ပစ္စည်းများအား ပန်းသွင်း ပုံဖော်ထားပြီး အဝါရောင်နီလာနှင့် စိန်များပါဝင်သည်ဟုဆိုသည်။

ရွှေထည်များ၏တန်ဖိုးမှာ သမ္မတအိုဘားမား ရရှိဖူးသော တန်ဖိုး အကြီးဆုံး လက်ဆောင်ထက် ၇ ဆမျှ ပိုများသည်။ အမေရိကန်နိုင်ငံဆိုင်ရာ ကာတာ သံအမတ်ကြီးက လက်ဆောင်ပေးခဲ့သည့် ဒေါ်လာ ၁၀၄၀၀ တန် ပယင်းရောင် သိမ်းငှက်ပုံဖန်ရုပ်တုမှာ သမ္မတရရှိဖူးသည့် လက်ဆောင်များတွင် တန်ဖိုး အကြီးဆုံးဖြစ်သည်။

သမ္မတအိုဘားမားရရှိဖူးသည့် လက်ဆောင်ပစ္စည်းများတွင် အဇာဘိုင်ဂျန် သံအမတ်ကြီးက ပေးခဲ့သည့် အနီ၊ အဖြူနှင့် အပြာရောင် ဒီဇိုင်းများပါ ဝင်သည့် ဒေါ်လာ ၆၅၆၀ တန် အစာဘိုင်ဂျန်ကော်ဇော၊ တန်ဇန်းနီးယား သမ္မတ ကပေးသည့် ဒေါ်လာ ၄၀၀၀ တန် မြင်းကျားသားရေ၊ ပန်းချီကား၊ ရုပ်တုတစ်ခုနှင့် စင်ကာပူဝန်ကြီးချုပ် က ပေးသည့် ဒေါ်လာ ၄၀၀၀ တန် ကုလားထိုင်တို့ ပါဝင်သည်။

အမေရိကန်ဥပဒေအရ အစိုးရအဖွဲ့ဝင်များ လက်ခံရရှိသည့် လက်ဆောင် ပစ္စည်း များအား အစိုးရပိုင်အဖြစ် လွှဲပြောင်းသိမ်းဆည်းခြင်း၊ တာဝန်နှင့် အသုံးပြုခြင်း များ ပြုလုပ်ရမည် ဖြစ်သည်။ လက်ဆောင်ရရှိသူက ကိုယ်ပိုင်ပစ္စည်းအဖြစ် ရယူ လိုပါက အစိုးရစီမံခန့်ခွဲရေးဌာနက သတ်မှတ်ထားသည့် ဈေးနှင့် ပြန်လည် ဝယ်ယူ ရန်လိုအပ်ပြီး ထိုသို့ဝယ်ယူသူ အနည်းငယ်သာရှိသည်။

နိုင်ငံခြားရေးဝန်ကြီး ဟောင်း ဟီလာရီကလင်တန်က သူမအား မြန်မာ အတိုက်အခံခေါင်းဆောင် ဒေါ်အောင်ဆန်းစုကြည်မှ လက်ဆောင် ပေးခဲ့သည့် ပုလဲလည်ဆွဲ အား ဒေါ်လာ ၉၀၀ ဖြင့် အစိုးရစီမံခန့်ခွဲရေးဌာန ပြန်လည် ဝယ်ယူ ခဲ့ရသည်။

KHTun

Ref - New York Times
The Ladies News Journal

သမ္မတ ဦးသိန်းစိန် တက်ရောက်တဲ့ ပြည်ထောင်စုအစိုးရ အဖွဲ့ဝင်တွေနဲ့ နိုင်ငံရေး ပါတီ ခေါင်းဆောင်တွေ တွေ့ဆုံပွဲကို ရန်ကုန်တိုင်းလွှတ်တော်မှာ နိုဝင်ဘာ ၂၆ ရက်နေ့က ကျင်းပခဲ့ပါတယ်။
ဒီတွေ့ဆုံပွဲမှာ ကျောင်းသားသမဂ္ဂ မရှိမဖြစ်ပေါ်ပေါက်ရေး အသိအမှတ်ပြုကြောင်း သမ္မတက ပြောကြားသွားပါတယ်။
ဒီပြောကြားချက်နဲ့ ပတ်သက်ပြီး ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ဗဟိုလုပ်ငန်းကော်မတီ သတင်းနဲ့ပြန်ကြားရေးက ကိုရဲရင့်ကျော် ဆက်သွယ်မေးမြန်းထား ပါတယ်။

ကျောင်းသားသမဂ္ဂ မရှိမဖြစ်ပေါ်ပေါက်ရေး အသိအမှတ်ပြုကြောင်း သမ္မတက ပြောသွားတာ တွေ့ရတယ်။ အဲဒီအပေါ်မှာ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်က ဘယ်လိုသဘောထားမျိုးရှိလဲ။
yeyint kyaw“ကျနော်တို့အနေနဲ့ကတော့ ကျောင်းသား သမဂ္ဂဆိုတာ အရင်ကတည်းက သမိုင်းအဆက်ဆက်မှာလည်း နိုင်ငံတာဝန်တွေကို ရှုထောင့်အသီးသီးကနေပြီးတော့ ထမ်းဆောင်ခဲ့တာ အခုလိုမျိုး ဒီအုပ်ချုပ်ရေး အနေအထားက နေပြီးတော့ ဒီသမဂ္ဂတွေ ရှိသင့်တယ်လို့ ထုတ်ဖော်ပြောဆိုလာတာ ကျနော်တို့ ကြိုဆိုပါတယ်။ တကယ်လည်း ကျနော်တို့ ဖြစ်စေချင်တယ်။ ကျောင်းသားတွေက ပညာရေးကဏ္ဍနဲ့ ပြောကြဆိုကြတဲ့အခါမှာ အမျိုးသား ပညာရေး ဥပဒေမှာဆိုလိုရှိရင် နိုင်ငံရေး ဘာသာရေးနဲ့ မဆက်နွယ်ရဆိုတဲ့ စကားရပ်တွေ ထည့်ထားတာဆိုတဲ့ အဆင့်ထိကို ပါလာတဲ့ အထိ ထည့်ထားတာဆိုတော့ ဥပဒေနဲ့ သူတို့ ပြောစကားကတော့ ဆန့်ကျင်ဘက် ဖြစ်နေတာပေါ့။ ကျနော်တို့အမြင်ကျတော့ တက္ကသိုလ်ကျောင်းသားတွေက ကျောင်းသား သမဂ္ဂထဲမှာ ပါဝင်လှုပ်ရှားနေတဲ့ အရင်တုန်းက ၁၉၃၆ ခေတ်လိုပဲ ပါဝင်လှုပ်ရှားနေခွင့်ရစေချင်တယ်။ ဘာလို့လဲ ဆိုတော့ ဒီကျောင်းသားတွေမှာ နိုင်ငံရေး အသိအမြင်ရှိထားမှသာ သူတို့ အသက် ၁၈ နှစ်ပြည့်တဲ့ မဲပေးတဲ့ အခါမှာ သူတို့နိုင်ငံရဲ့ ခေါင်းဆောင်ကို သူတို့ ရပ်ကွက်ကစ၊ မြို့နယ်ကစ၊ ဒီလွှတ်တော် အဆင့်ဆင်ကအစ ကိုယ်စားလှယ်လောင်းတွေ ရွေးချယ်တဲ့နေရာမှာ မှန်မှန်ကန်ကန်ရွေးချယ်နိုင်မှာ။ အဲလို မှန်မှန်ကန်ကန် ရွေးချယ်နိုင်မှလည်း တိုင်းပြည်အတွက် တကယ်လုပ်မယ့် လွှတ်တော် အမတ်တွေ ထွက်လာပြီးတော့ ဒါအုပ်ချုပ်ရေး ယန္တရားရော၊ တိုင်းပြည်ဖွံ့ဖြိုးတိုးတက်ရေး တည်ဆောက်ရေး ယန္တရားရော အားလုံးဟာ ကောင်းမွန်မှာ။ ဒီလူငယ်တွေမှာ နိုင်ငံရေး အသိအမြင်တွေ ပိတ်ပင်ထားပြီးတော့ ကျောင်းသား သမဂ္ဂတွေကို နှိပ်ကွပ်ထားမယ်ဆိုလို့ရှိရင် လက်တဆုပ်စာ လူတန်းစားတွေ သူတို့ အချင်းချင်း ပြန်ပြီးတော့ တင်မြောက် ထားတဲ့ အမတ်တွေ လွှတ်တော်တွေနဲ့ပဲ သွားနေမယ်ဆိုရင် ကျနော်တို့ ဒီနိုင်ငံကြီးကလည်း တိုးတက်ဖို့ မမြင်ဘူး။ ကျောင်းသားသမဂ္ဂကို တရားဝင် ရပ်တည်ခွင့်ပေးပြီးတော့ အနာဂတ် မျက်မှောက်နိုင်ငံရေးနဲ့ နီးစပ်နေအောင် ဖန်တီးပေးထားမှသာ နိုင်ငံအနာဂတ် နောက်နောင်တွေ မှာ ပေါ်လာမယ့် လွှတ်တော် အရပ်ရပ်တွေ၊ သမ္မတနဲ့ အစိုးရ အုပ်ချုပ်ရေးပိုင်းတွေ ဆိုတာ ပိုပြီးကောင်းလာတဲ့ အပေါင်းလက္ခဏာတွေ ဆောင်လာမယ်ထင်ပါတယ်။”

သမ္မတက ကျောင်းသား သမဂ္ဂ ပေါ်ပေါက်ရေးကို အသိအမှတ်ပြုတဲ့အကြောင်း ပြောသွားတယ်။ အဲဒီအပြောက လက်တွေ့ အကောင်ထည်ဖော်လာဖို့ ဘယ်လောက် အချိန်ယူရမယ်လို့ ထင်လဲ၊ ဘယ်လို အခက်အခဲတွေ ရှိမယ်လို့ထင်လဲ။
“အခက်အခဲကတော့ ရှိတယ်ဗျ။ သူတို့က ဒီနှုတ်အားဖြင့်ကတော့ ဒေါက်တာမောင်မောင် လက်ထက်ကတည်းကိုက ပြန်လည် အုတ်မြစ်ချပေးပါမယ်ဆိုတာမျိုး ပြောခဲ့တာ အခုဆိုလိုရှိရင် ဒါနှစ်ပေါင်းလည်း ၅၀ နားကပ်နေပြီ ဆိုတဲ့အခါကျတော့ ကျနော်တို့က ဒီနေရာမှာ သူတို့ တဖက်က နိုင်ငံရေးအရ စကား အချိုလေးတွေ အများကြီး ပြောတယ်။ လတ်တလော ဘာအခက်အခဲရှိနေလဲဆိုရင် မိခင် ဥပဒေ ဒီအမျိုးသား ပညာရေး ဥပဒေကို နည်းဥပဒေမှာ ကျောင်းသားသမဂ္ဂတွေနဲ့ ပတ်သက်ပြီး ထည့်ပေးမယ်လို့ သူတို့က အသံပဲပေးပေမယ့် ဒီမိခင် ဥပဒေထဲမှာကိုက နိုင်ငံရေးနဲ့ ဘာသာရေး မဆက်နွှယ်နဲ့ဆိုတဲ့ စကားနဲ့ ပြန်ချုပ်ထားတာ ဆိုတော့ ကျနော်တို့ ဒီကျောင်းသား သမဂ္ဂတွေ တရားဝင် ရပ်တည်ဖို့ သူတို့ခွင့်ပြုမယ်ဆိုတာကိုယုံစားဖို့ ဆိုတာ လက်ရှိ အမျိုးသား ပညာရေး ဥပဒေမှာကို ကျနော်တို့ ဒီအချက်ကို ထည့်သွင်းပေးပါလို့ တောင်းဆိုနေတာ ဖြစ်တယ်။ အဲတော့ အမျိုးသား ပညာရေး ဥပဒေမှာကျောင်းသားသမဂ္ဂနဲ့ ပတ်သက်တဲ့ အချက်တွေ ပြင်ဆင်ပါဝင်လာလို့ ရှိရင်တော့ ဒါကျနော်တို့ ရာခိုင်နှုန်း အနည်းငယ် အောင်မြင်ပြီလို့ ပြောရမှာပေါ့နော်။ အဲကျမှသာ ကျနော်တို့က ဖွဲ့ခွင့်တွေ၊ လှုပ်ရှားခွင့်တွေ ဆိုတာကလည်း သူတို့ နည်းဥပဒေနဲ့ ဘယ်လို ချုပ်ကိုင်ဦးမလဲဆိုတာက ရှိသေးတဲ့အတွက် အဲအချိန်မှာတောင်မှာ လမ်းစပေါ်ရုံလောက်ပဲ ရှိမှာဆိုတော့ တော်တော်ကို ခက်ခက်ခဲခဲ သူတို့ဆီကို တောင်းဆိုနေရဦးမှာပါ။”

ကျောင်းသား သမဂ္ဂဖွဲ့စည်းခွင့်ကို အမျိုးသား ပညာရေး ဥပဒေမှာ ထည့်သွင်း ပြဋ္ဌာန်းထားခြင်းမရှိဘူး၊ ဒါပေမယ့်လည်း တဖက်မှာ အစိုးရက ထုတ်ပြန်ထားတာက ကျောင်းသားသမဂ္ဂဖွဲ့စည်းခွင့်ကို နည်းဥပဒေမှာ ပြဋ္ဌာန်းပေးမယ်လို့ ပြောဆိုထားတာတွေတွေ့ရတယ်။ ဒီပြောဆိုချက်တွေကို ဗကသက လက်မခံဘဲ အမျိုးသား ပညာရေး ဥပဒေထဲမှာပဲ ထည့်သွင်းပေးဖို့ တောင်းဆိုနေတာကို တွေ့ရတယ်။ ဒီ ၂ ခုကို ညှိနှိုင်းဖို့ကတော့ ဖြစ်နိုင်ပါ့မလား။
“ကျနော်တို့ကတော့ မိခင်ဥပဒေမှာကို ထည့်သွင်းစေချင်တာပေါ့၊ ဘာလို့လဲဆိုတော့ သူတို့ နည်းဥပဒေကို ကျနော်တို့က အကြွင်းမဲ့လည်း မယုံရဲဘူး။ သူတို့စိတ်ကြိုက်ပြဋ္ဌာန်းပြီးတော့ မဲတွေထည့်ပြီးတော့ အတည်ပြုထားတဲ့ ဒီ ၂၀၀၈ ဖွဲ့စည်းပုံထဲမှာတောင်မှ ပုဒ်မ ၃၅၄မှာ နိုင်ငံသားတွေရဲ့ လွတ်လပ်ပိုင်ခွင့် ရပိုင်ခွင့်တွေ သူတို့ ကိုယ်တိုင်ဖော်ပြထားပြီးတော့ နည်းဥပဒေနဲ့ပဲ ဒီ ၁၈ တွေ ၁၉ တွေနဲ့ ပြန်ချုပ်ထားတာ။ နိုင်ငံရဲ့အသက် ဥပဒေထဲမှာ ထည့်ထားတာတောင်မှ သူတို့ နည်းဥပဒေတွေက သူတို့ စိတ်ကြိုက်ပဲ ပြန်ယူထားတာ၊ ကျနော်တို့ ပညာရေးမှာလည်း မိခင်ဥပဒေမှာ ဒီဟာကြီး မပါဘူးဆိုလို့ရှိရင် သူတို့ နည်းဥပဒေဟာ ဘယ်လိုနည်းနဲ့မှ ယုံကြည်စရာ မရှိတော့ဘူး။ ခုနကပြောသလို မူရင်းဥပဒေမှာကိုက နိုင်ငံရေးနဲ့ ဘာသာရေး မဆက်နွှယ်ရဆိုတော့ သူတို့အဲဒီအချက်ကျတော့ ဘာလို့ ပြဋ္ဌာန်းချက်ထဲမှာ ပါသလဲ။ ဒီကျောင်းသားသမဂ္ဂတွေ ဖွဲ့စည်းခွင့်ကျတော့ ဘာလို့ နည်းဥပဒေကျမှ သုံးတာလဲ။ အဲတော့ ခေါင်းစီးနဲ့ချုပ်ထားပြီးပြီဗျာ။ ကျနော်တို့ လက်ထဲကို ရိုက်ရိုက်လို့သာ ပါးစပ်က ပြောနေတာ ကျနော်တို့လက်ထဲကို တုတ်ကရောက်မလာတာ အဲဒီပုံစံဖြစ်နေတယ်။ နိုင်ငံရေးနဲ့ ဘာသာရေး မဆက်နွှယ်ရဆိုတဲ့ စကားရပ်ရှိနေတဲ့ အခြေခံကိုက ပါနေတဲ့ အတွက် ကျနော်တို့ နည်းဥပဒေကိုတော့ ယုံကြည်မှာလည်း မဟုတ်ဘူး အဲဒီအချိန်ကျမှ ထည့်ပေးမယ်ဆိုတာကိုလည်း ကျနော်တို့ စောင့်မျှော်နေဖို့ဟာက စိတ်ကူးမရှိဘူး။

သမ္မတရဲ့ ပြောဆိုချက်က ကျောင်းသားတွေ လှုပ်ရှားနေတဲ့ လှုပ်ရှားမှုကို ဘယ်လောက်အထိ သက်ရောက်မှု ရှိမလဲ၊ လှုပ်ရှားမှုတွေ အားနည်းသွားနိုင်လား ဘယ်လိုဆက်လုပ်သွားဖို့ ရှိလဲ။
“ကျနော်တို့ အခုလောလောဆယ် အသံပစ်ပြီးတော့ ပျားရည်နဲ့ ၀မ်းချတဲ့ ပုံစံပါပဲ။ ကျနော်တို့ လှုပ်ရှားမှုတွေကတော့ အမျိုးသားပညာရေးဥပဒေကို လက်ရှိကျောင်းသား ပြည်သူကို အခြေမခံဘဲ ပြဋ္ဌာန်းထားတဲ့အတွက် ကျနော်တို့က နောက်ထပ် အမျိုးသား ပညာရေး ဥပဒေတရပ်က ကျောင်းသား ပြည်သူကို အခြေခံပြီးတော့ ဒီမိုကရေစီ အနှစ်သာရနဲ့ ပြည့်တဲ့ ဥပဒေတရပ်ပေါ်ထွန်း လာဖို့အထိတိုက်ပွဲကတော့ ကျနော်တို့က ရက် ၆၀ လည်း ရာဇသံ ပေးထားတာရှိတယ်။ ရက် ၆၀ တွင်းမှာလည်း အခုဆိုရင် မြင်းခြံ၊ မုံရွာ စည်းရုံးလှုံ့ဆော်မှုတွေ ရှိတယ်။ အဲဒီအတွက် ကျနော်တို့ကတော့ လျော့ကျသွားမှာ မဟုတ်ဘူး။ ဒီလိုမျိုးနှုတ်ကနေပြီးတော့ ပြောနေကျ စကားအချိုတွေနဲ့ ကျနော်တို့ အစီအစဉ်တွေကို တွေဝေပြီး စောင့်ဆိုင်းနေမှာ မဟုတ်ပါဘူး။”

http://burmese.dvb.no/archives/72081

Photo..Min Thawe Thit
မန္တလေးခရိုင် ဗမာနိုင်ငံလုံးဆိုင်ရာ ကျောင်းသားသမဂ္ဂ များအဖွဲ့ချုပ်က ကျောင်းသား ကျောင်းသူ ၆၀ ခန့်ဟာ အမျိုးသားပညာရေးဥပဒေကို မန္တလေးမြို့မှာ ဒီနေ့ ကန့်ကွက်ဆန္ဒပြခဲ့ပါတယ်။

လွှတ်တော်က ပြဌာန်းထားတဲ့ အမျိုးသားပညာရေး ဥပဒေမှာ ပညာရေးအသုံးစရိတ်ကို အတိအကျ ပြဌာန်း ထားတာမရှိကြောင်းနဲ့ အမျိုးသားပညာရေးကော်မရှင်ကို ဖျက်သိမ်းပေးဖို့တောင်းဆိုကြောင်း ဆန္ဒပြရာမှာပါဝင်တဲ့ ဗကသများအဖွဲ့ချုပ် တွဲဖက်အတွင်းရေးမှူး ကိုမင်းသွေးသစ်က ပြောပါတယ်။

"ပညာရေးကဏ္ဍကို ၁၅ ရာခိုင်နှုန်း သို့မဟုတ် ၂ဝ ရာခိုင်နှုန်းသုံးစွဲဖို့ အတိအကျပြဌာန်းစေချင်တယ်၊ ဒီပြဌာန်းလိုက်တဲ့ အမျိုးသားပညာရေးဥပဒေ မှာတော့ ကျောင်းအလိုက်ကုန်ကျမယ့် လိုအပ်တဲ့ငွေတွေကို ဝန်ကြီးဌာနကနေတဆင့် တင်ပြပါ၊ အဲ့လိုမှ အစိုးရက ပြန်ချပေးမယ်ဆိုတဲ့ပုံစံမျိုး၊ ကျနော်တို့က အဲ့လိုပုံမျိုးမလိုချင်ဘူး၊ အစိုးရကပြဌာန်း လိုက်တဲ့ အမျိုးသားပညာရေးဥပဒေရဲ့ အခန်း ၄ ပေါ့၊ အမျိုးသားပညာရေးကော်မရှင် အဖွဲ့အစည်းချင်း လုပ်ပိုင်ခွင့်နဲ့တာဝန် အဲဒီ့တစ်ခန်းလုံးကို ကျနော်တို့ကဖြုတ်ခိုင်းတယ်၊ ဒီထဲမှာ ဗဟိုချုပ်ကိုင်မှုလို့ ပြောလို့ရတယ်၊ ကျနော်တို့က ကျောင်းအုပ်ချုပ်ရေးအဖွဲ့ကော်မတီကို ၃ ခုနဲ့ ဖွဲ့ချင်တယ်၊ ကျောင်းသားကိုယ်စားလှယ်ပါရမယ်၊ မိဘကိုယ်စားလှယ်ပါရမယ်၊ ဆရာတွေရဲ့ကိုယ်စားလှယ်ပါရမယ်"

ဆန္ဒပြကျောင်းသား ကျောင်းသူတွေဟာ မန္တလေးမြို့က ဈေးချို၊ မီးရထားဘူတာကြီး၊ ကျောင်းနဲ့ နန်းမြို့ရိုးတလျှောက် လမ်းလျှောက်ဆန္ဒပြခဲ့ကြတာဖြစ်ပါတယ်။

ဒါ့အပြင် မန္တလေး အထွေအထွေရောဂါကုဆေးရုံကို ဒုတိယသမ္မတ ဒေါက်တာစိုင်းမောက်ခမ်း ရောက် ရှိနေစဉ် ကျောင်းသား ကျောင်းသူတွေက အဲဒီဆေးရုံရှေ့မှာလည်း ဆန္ဒပြခဲ့ကြပါတယ်။ သက်ဆိုင်ရာမြို့နယ် ရဲစခန်းတွေမှာ ခွင့်ပြုချက်မတင်ထားတာကြောင့် ဆန္ဒပြပွဲကို ရဲတပ်ဖွဲ့ဝင်တွေက တားမြစ်တာတွေ ရှိခဲ့ပါတယ်

RFA


၆ ပွင့်ဆိုင် တွေ့ဆုံပွဲအတွက် တိုင်းရင်းသား ကိုယ်စားလှယ်အဖြစ် ရခိုင် အမျိုးသားပါတီ ဥက္ကဌ အမျိုးသား လွှတ်တော်ကိုယ်စားလှယ် ဒေါက်တာအေးမောင် ကို ဒီနေ့ ရွေးချယ်လိုက်ပါတယ်။

နေပြည်တော် စည်ပင်ဧည့်ရိပ်သာမှာ တိုင်းရင်းသားလွှတ်တော်ကိုယ်စား လှယ်တွေတွေ့ဆုံပြီး လျှို့ဝှက်မဲပေးစနစ်နဲ့ ရွေးချယ်လိုက်တာဖြစ်တယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127


အမျိုးသား ဒီမိုကရေစီ အဖွဲ့ချုပ်က တပ်မတော်သား လွှတ်တော် ကိုယ်စားလှယ်များနဲ့ အလွတ်သဘော တွေ့ဆုံလိုကြောင်း ဖိတ်ကြားချက်အပေါ် တပ်မတော်ဘက်က ငြင်းဆန်လိုက်တယ်လို့ အန်အယ်ယ်ဒီက ပြောပါတယ်။

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ပါတီရဲ့ ပြည်သူ့လွှတ်တော် ကိုယ်စားလှယ် ဒေါက်တာမျိုးအောင်က တပ်မတော်သား ကိုယ်စားလှယ်တွေက ဒေါ်အောင်ဆန်းစုကြည်က ဖိတ်ကြားတာ အချိန်အရမ်းကပ်တဲ့အတွက်ကြောင့် တခြားအစီအစဉ်တွေကိုဖျက်ဖို့ ခက်ခဲသွားလို့ မတွေ့ဆုံဖြစ်တော့လို့ ဒေါ်အောင်ဆန်းစုကြည်ထံ စာနဲ့ အကြောင်းပြန်ထားတယ်လို့ ပြောပါတယ်။

ဒေါ်အောင်ဆန်းစုကြည်က တွေ့ဆုံ စကားပြောနုိုင်ဖုို့အတွက် တပ်မတော်သား ကုိုယ်စားလှယ် ၇၀ ကုို ဖိတ်ကြားခဲ့တာပါ။

ကာကွယ်ရေး ဦးစီးချုပ် ဗုိုလ်ချုပ်မှူးကြီး မင်းအောင်လှိုင်က စစ်တပ်ကုိုယ်စားလှယ်တွေကုို လွှတ်တော်မှာ လွတ်လွတ်လပ်လပ်ဆွေးနွေးခွင့် ပေးထားတယ်လုို့  ပြောဆုိုအပြီးမှာ အန်အယ်လ်ဒီဘက်က တွေ့ဆုံဖုို့ ပထမဆုံးအကြိမ် ဖိတ်ကြားခဲ့တာ ဖြစ်ပါတယ်။

ပြီးခဲ့တဲ့ ရက်ပုိုင်းကလည်း ဒေါ်အောင်ဆန်းစုကြည်ဟာ တုိုင်းရင်းသားလွှတ်တော် ကုိုယ်စားလှယ်တွေနဲ့ နေပြည်တော်မှာ တွေ့ဆုံ ဆွေးနွေးမှုတွေ ပြုလုပ်ခဲ့ပါတယ်။

By ဒီဗွီဘီ
http://burmese.dvb.no/archives/72092

This artist impression image released from Japan's construction company Shimizu Corporation on November 20, 2014 shows a modern-day Atlantis, a sphere 500 metres (1,500 feet) in diameter that houses hotels, residential spaces and commercial complexes.

Homes beneath the waves could have first residents in just 15 years

တိုကျို ၊ ၂၇-၁၁-၂၀၁၄

ဂျပန် ဆောက်လုပ်ရေး ကုမ္ပဏီ တစ်ခုဖြစ်သော Shimizu Corp က ရေအောက်မြို့တော် Ocean Spiral ကို တည်ဆောက် နိုင်ရန် အစိုးရထံ ခွင့်ပြုချက် တောင်းခံထားပြီး ငါးနှစ်အတွင်း အပြီး တည်ဆောက် နိုင်မည့် Ocean Spiral တွင်လူပေါင်း ၅ဝဝဝ နေထိုင် နိုင်မည်ဖြစ်ကာ ၄င်းတို့အတွက် လိုအပ်သော လျှပ်စစ် ဓာတ်အား ကိုလည်း ပင်လယ်ကြမ်းပြင် မှ ထုတ်ယူ သွားမည် ဖြစ်ကြောင်း သိရသည်။

ရာသီဥတု ပြောင်းလဲမှုကြောင့် ပင်လယ် ရေမျက်နှာပြင် မြင့်တက် လာရာဝယ် ကမ္ဘာ့ကျွန်း နိုင်ငံငယ်ပေါင်း ၅၂ နိုင်ငံတို့ အတွက် ဖြစ်ပေါ်လာမည့် အနာဂတ် အန္တရာယ် အတွက် အရေးပေါ် မြို့တော်အဖြစ် ရည်ရွယ် တည်ဆောက်ရန် ဖြစ်သည်။

Ocean Spiral ကို တည်ဆောက်ရန် နည်းပညာကို အချိန် ၁၅ နှစ်ကြာ သုတေသန ပြုလုပ် ရဦးမည်ဖြစ်ပြီး ကုန်ကျစရိတ် မှာလည်း အမေရိကန် ဒေါ်လာ ၂၅ ဘီလီယံ ထက်မနည်း ရှိမည်ဖြစ်သည့် အတွက် Shimizu သည် တိုကျို  တက္ကသိုလ် အပါအဝင် ဂျပန်စွမ်းအင် ကုမ္ပဏီများ၏ နည်းပညာ အကူအညီဖြင့် Ocean Spiral ကို တည်ဆောက် သွားမည်ဖြစ်ပြီး ကုန်ကျစရိတ် ကိုမူ ပုဂ္ဂလိက ရင်းနှီးမြှုပ်နှံမှု နှင့် ဂျပန်အစိုးရ တို့၏ ထောက်ပံ့ ကူညီမှုတို့ အပေါ် အားကိုး အားထား ပြုသွားမည် ဖြစ်သည်။

Ocean Spiral ရေအောက်မြို့တော် ကို အပိုင်းသုံးပိုင်း ခွဲထားမည် ဖြစ်ပြီး ထိပ်ပိုင်းတွင် စက်ဝိုင်းပုံ တည်ဆောက်မည် ဖြစ်ကာ သမုဒ္ဒရာ ရေမျက်နှာ ပြင်အောက် ကပ်လျက် အနေအထားတွင် ထားရှိမည် ဖြစ်ပြီး ယင်း စက်ဝိုင်းပုံ ထဲတွင် နေအိမ်များ၊ ကုမ္ပဏီ ရုံးခန်းများ၊ ဟိုတယ်များ တည်ရှိမည် ဖြစ်သည်။ ယင်းစက်ဝိုင်းကို ဒေါက်ဖြင့် ထောက်ထားမည် ဖြစ်ပြီး အရှည် ၁၅ ကီလိုမီတာ ရှိသော ခရုပတ်ပုံ လမ်းကြောင်း အတိုင်း ရေအောက် ကြမ်းပြင်သို့ ဆင်းသွားမည် ဖြစ်ကာ ရေအောက် ကြမ်းပြင် အောက်အနက် လေးကီလိုမီတာ အထိ ဖောက်ဝင် ကုတ်တွယ် ထားမည် ဖြစ်သည်။

ရေအောက် ကြမ်းပြင်တွင် ဂေဟ စနစ်ကို ထိန်းသိမ်း ပေးနိုင်သော ကမ္ဘာ့စက်ရုံ တည်ရှိမည်ဖြစ်ကာ မိုက်ခရို ဗက်တီးရီးယား များကို အသုံးပြုကာ ကာဗွန်ဒိုင် အောက်ဆိုဒ်ကို မီသိန်း ဓာတ်ငွေ့ ဖြစ်အောင် ပြောင်းယူမည် ဖြစ်ပြီး ခရုပတ်ပုံတွင် တပ်ဆင် ထားရှိသော မီးစက်များကို မောင်းနှင်မည် ဖြစ်သည့်အပြင် မီးစက်များက ပင်လယ်ရေ အပူချိန် ပြောင်းလဲမှုကို လည်း အသုံးပြုကာ သီးခြား စွမ်းအင် ထုတ်ပေးမည် ဖြစ်သည်။ ရေအောက် မြို့တော် အတွက် သောက်သုံးရေ ကိုမူ ပင်လယ်ရေကို ဆားဓာတ် နုတ်ကာ ဟိုက်ဒရောလစ် ပန့်များဖြင့် ပို့ဆောင်ပေးမည် ဖြစ်သည်။

''ဒါဟာ ကယောင်ကတမ်း မက်တဲ့ အိပ်မက် မဟုတ်ပါဘူး။ တကယ် လက်တွေ့ ဆောင်ရွက် သွားမယ့် ရေအောက်မြို့တော် စီမံကိန်း ဖြစ်ပါတယ် ... '' ဟု Shimizu ကုမ္ပဏီ မှ ပြောခွင့်ရ ပုဂ္ဂိုလ်က ပြောပြခဲ့ကြောင်း သိရသည်။

#PyiChitThar

'Modern-day Atlantis': Could this huge 'Ocean Spiral' be the underwater city of the future?
http://www.pyichitthar.com/2014/11/blog-post_44.html

ဂျာမနီ ဝန်ကြီးချုပ် အိန်ဂျယ်လာ မာကယ်လ် 

ဘာလင် ၊ ၂၇-၁၁-၂၀၁၄

အီရတ်နှင့် ဆီးရီးယားနိုင်ငံ အတွင်း အကြမ်းဖက် တိုက်ခိုက်မှု များကို ပြုလုပ်လျက် ရှိသည့် ISIS စစ်သွေးကြွ များသည် ဒေသတွင်း အများဆုံး ခြိမ်းခြောက်လျက် ရှိသည့် ဂျီဟတ်ဒ်အဖွဲ့ တစ်ဖွဲ့ ဖြစ်ကြောင်း ဂျာမနီ ဝန်ကြီးချုပ် အိန်ဂျယ်လာ မာကယ်လ် က ယမန်နေ့တွင် ပြောကြား ခဲ့ကြောင်း သိရသည်။

ထုိ့ပြင် အဆိုပါ ISIS စစ်သွေးကြွ အဖွဲ့သည် ဥရောပတိုက် အတွင်းရှိ ပြည်သူများ၏ အသက်အိုးအိမ် ကို ခြိမ်းခြောက်လျက် ရှိသည့် အရက်စက် ဆုံးသော အဖွဲ့အစည်း တစ်ခုဖြစ်ပြီး အဆိုပါ ISIS စစ်သွေးကြွ များသည် G20 အဖွဲ့ဝင် နိုင်ငံများမှ ပြည်သူများကို ၄င်းတို့ အဖွဲ့အတွင်းသို့ ဝင်ရောက်ရန် ဆွဲဆောင် စည်းရုံးလျက် ရှိကြောင်း သူမက ထပ်လောင်း ပြောကြား ခဲ့သည်။

အဆိုပါ ISIS စစ်သွေးကြွ အဖွဲ့ အတွင်းသို့ ဂျာမနီနိုင်ငံသား ဦးရေ ၅၅ဝ ခန့် သွားရောက် ပူးပေါင်းခဲ့ပြီး ၄င်းတို့အနက် ၆ဝ ဦးခန့်မှာ တိုက်ပွဲများ အတွင်း သေဆုံးခဲ့ပြီး ဦးရေ ၁၈ဝ ခန့်မှာ အမိနိုင်ငံသို့ ပြန်လည် ရောက်ရှိ လာခဲ့သည်ဟု ဂျာမနီ အစိုးရက ယူဆလျက် ရှိသည်။

ဂျာမနီ အစိုးရသည် လက်ရှိ အချိန်တွင် ISIS စစ်သွေးကြွ များကို တိုက်ခိုက်လျက် ရှိသည့် ကာ့ဒ်တိုက်ခိုက်ရေး သမားများကို လက်နက် ခဲယမ်းများ ထောက်ပံ့ပေးလျက် ရှိသော်လည်း မြေပြင် စစ်ဆင်ရေး များတွင် ပါဝင်ခြင်း မရှိကြောင်း သိရသည်။

#PyiChitThar


အမေရိကန်နိုင်ငံအရှေ့ဘက်၊ ကမ်းရိုးတန်းပြည်နယ်တွေမှာ နိုဝင်ဘာလ ၂၆ ရက်နေ့က မိုးနှင်း ထူထူထပ်ထပ် ကျဆင်းခဲ့ပြီး ကျေးဇူးတော်နေ့ အားလပ်ရက် လေယာဉ်ခရီးစဉ်တွေနဲ့ ကားလမ်းခရီးစဉ်တွေ အများအပြား ထိခိုက်ခဲ့ပါတယ်။

အမေရိကန်နိုင်ငံတ၀န်း ကျေးဇူးတော်နေ့ ခရီးသွားကာလဟာ တနှစ်တာအတွင်း ခရီးသွားလာမှု အများဆုံးကာလဖြစ်ပါတယ်။ နိုဝင်ဘာ ၂၆ ရက်နေ့ကနေ နိုဝင်ဘာ ၂၉ ရက်နေ့အတွင်း အမေရိကန်နိုင်ငံတ၀န်း အမေရိကန်ခရီးသည် ၄၆ သန်း ခရီးသွားလာကြမှာဖြစ်ပြီး ၉၀ ရာခိုင်နှုန်း လောက်ကတော့ ကားတွေနဲ့ သွားလာကြမှာပါ။

အခုနှစ် ကျေးဇူးတော်နေ့ အားလပ်ရက်ခရီးသွားကာလဟာ ၂၀၀၇ ခုနှစ်နောက်ပိုင်း ခရီးသွားလာမှု အများဆုံးဖြစ်တယ်လို့လည်း အမေရိကန်မော်တော်ယာဉ်အဖွဲ့ချုပ်က ထုတ်ပြန်ထားပါတယ်။

အခုရက်တွေအတွင်း အရှေ့ဖက်ကမ်းပြည်နယ်တွေမှာ နှင်းထု ၅ လက်မကနေ ၁ ပေအထိ ကျဆင်းနိုင်တယ်လို့ အမေရိကန်အမျိုးသားမိုးလေ၀သက ကြေညာထားပါတယ်။

နိုဝင်ဘာလ ၂၆ ရက်နေ့ကတော့ နိုင်ငံတ၀န်းလေယာဉ်ခရီးစဉ် ၇၀၀ ကျော် ဖျက်သိမ်းခဲ့ရပြီး ခရီးစဉ် ၄၄၀၀ လောက်လည်း နောက်ကျခဲ့ပါတယ်။

မက်နီဆိုးတားပြည်နယ်၊ အရှေ့တောင်ပိုင်းမှာလည်း ဆီးနှင်းတွေကြောင့် အဝေးပြေးလမ်း မတော်တဆမှုတွေ၊ ကားလမ်းပိတ်ဆို့မှုတွေ ဖြစ်ပွားခဲ့တယ်လို့လည်း သိရပါတယ်။

By ဒီဗွီဘီ
http://burmese.dvb.no/archives/72146

Author Name

Contact Form

Name

Email *

Message *

Powered by Blogger.