12/11/14

အော်စလို၊ ဒီဇင်ဘာ ၁၀

ငြိမ်းချမ်းရေး နိုဘယ်လ်ဆုကို ယနေ့နံနက်ပိုင်းက နော်ဝေးနိုင်ငံ၊ မြို့တော် အော်စလိုတွင် လက်ခံရယူစဉ် တက်ကြွလှုပ်ရှားသူ မာလာလာက ဗြိတိန်၌ ပညာသင်ကြားမှု ဆုံးခန်းတိုင်ပါက ပါကစ္စတန်သို့ ပြန်၍ နိုင်ငံရေးလောကထဲ ၀င်ရောက်ကာ ၀န်ကြီးချုပ်ဖြစ်လာသည်အထိ ကြိုးပမ်းရန် ရည်မှန်းမျှော်လင့်ထားကြောင်း ပြောကြားလိုက်သည်။

မာလာလာသည် ငြိမ်းချမ်းရေး နိုဘယ်လ်ဆုကို ကလေးသူငယ် အခွင့်အရေး တက်ကြွလှုပ်ရှားသူ အိန္ဒိယနိုင်ငံသား ကေလပ်ရ်ှစကြာသီနှင့် ပူးတွဲရရှိခဲ့ခြင်း ဖြစ်သည်။

မိန်းကလေးများ ပညာသင်ကြားခွင့်ရရှိရေးအတွက် လှုပ်ရှားနေစဉ် မာလာလာအား တာလီဘန်လက်နက်ကိုင်များက ၂၀၁၂ အောက်တိုဘာတွင် တိုက်ခိုက်ခဲ့ရာ ဦးခေါင်းသို့ ကျည်ဆံ ထိမှန်ခဲ့သည်။

ယခု သူမသည် အငယ်ဆုံး ငြိမ်းချမ်းရေး နိုဘယ်လ်ဆုရှင် ဖြစ်လာသည်။

“ကျွန်မ တိုင်းပြည်ကို အလုပ်အကျွေးပြုချင်တယ်၊ ဖွံ့ဖြိုးတဲ့ နိုင်ငံတစ်ခု ဖြစ်စေချင်တာ ကျွန်မ အိပ်မက်ပါ။ ပြီးတော့ ကလေးသူငယ် အားလုံး ပညာသင်ကြားခွင့် ရတာ မြင်ချင်တယ်” ဟု မာလာလာက BBC HARDtalk စကားဝိုင်းအစီအစဉ် တင်ဆက်သူ စတီဖင်စက္ကာအား အော်စလို မြို့တွင် ပြောကြားခဲ့သည်။

၂၀၀၇ ခုနှစ်တွင် လုပ်ကြံမခံရခင်အချိန်အထိ ၀န်ကြီးချုပ်သက်တမ်းနှစ်ကြိမ် ထမ်းဆောင်ခဲ့သည့် အမျိုးသမီး ပါကစ္စတန်ဝန်ကြီးချုပ် ဘန်နာဇာကို အားကျအတုယူမိကြောင်း မလာလာက ထုတ်ဖော်ပြောကြားလိုက်သည်။

ယခုလို ကေလပ်ရ်ှနှင့် အတူ ဆုရရှိခြင်းမှာလည်း ကြီးမားသော ဂုဏ်ယူဝမ်းမြောက်ဖွယ် ဖြစ်ကြောင်း ဆယ်ကျော်သက် နိုဘယ်လ်ဆုရှင်လေးက ဆိုသည်။

ယမန်နေ့က ကေလပ်ရ်ှနှင့် ပူးတွဲပြုလုပ်သော သတင်းစာရှင်းလင်းပွဲတစ်ရပ်တွင် မာလာလာက မိန်းကလေးများ အနေဖြင့် ယောက်ျားလေးများနှင့် တန်းတူ ပညာသင်ကြားခွင့်ရရှိရေးကိုသာ အခါခါပြောကြားခဲ့သည်။

ငြိမ်းချမ်းရေးနိုဘယ်လ်ဆုတံဆိပ်နှင့် အတူ ယူရိုပေါင် ရှစ်သိန်းခြောက်သောင်း (ကန်ဒေါ်လာ ၁ ဒသမ ၄ သန်း) စီ ရရှိသော ၎င်းတို့နှစ်ဦးသည် ကလေးသူငယ်များအပေါ် အတင်းအဓမ္မ အလုပ်ခိုင်းစေခြင်း၊ အစွန်းရောက်ဝါဒစွဲများဖြင့် ချုပ်ချယ်ကန့်သတ်ခြင်းတို့မှ ကာကွယ်ဟန့်တားသည့် လှုပ်ရှားမှုများ ပြုလုပ်ကြိုးပမ်း စွမ်းဆောင်ခဲ့၍ ရွေးချယ်ခံရခြင်း ဖြစ်သည်။

မာလာလာက ယခုဆုချီးမြှင့်ပွဲသို့ တက်ရောက်မလာသည့် အိန္ဒိယနှင့် ပါကစ္စတန် နှစ်နိုင်ငံစလုံးမှ ၀န်ကြီးချုပ်များအပေါ် စိတ်ပျက်မိကြောင်း ပြောကြားလိုက်သည်။

အစွန်းရောက်ဝါဒ ဆန့်ကျင်ရေးနှင့် ပညာရေးတို့အတွက် လှုပ်ရှားလျက် အတူတကွ ပူးတွဲဆုရခဲ့သူနှစ်ဦးမှာ ပါကစ္စတန်မှ မူဆလင်တဦးနှင့် အိန္ဒိယမှ ဟိန္ဒူတဦးတို့ ဖြစ်နေကြ၍ ထူးခြားအရေးပါသော နှစ်တစ်နှစ်ဖြစ်ကြောင်း နိုဘယ်လ်ဆု ချီးမြှင့်ရေး ကော်မတီက ထုတ်ပြန်ခဲ့ဖူးသည်။

ငြိမ်းချမ်းရေး နိုဘယ်လ်ဆုပေါင်း ၉၅ ဆုကို ၁၉၀၁ ခုနှစ်မှာ ယနေ့အချိန် အထိ ချီးမြှင့်လာခဲ့ခြင်း ဖြစ်ကာ မာလာလာမှာ ၁၆ ယောက်မြောက် ငြိမ်းချမ်းရေး နိုဘယ်လ်ဆုရ အမျိုးသမီး ဖြစ်သည်။

ငြိမ်းချမ်းရေး နိုဘယ်ဆုရှင် အများဆုမှာ ပျမ်းမျှအားဖြင့် အသက် ၆၂ နှစ် ၀န်းကျင်တွင် ဆွတ်ခူးခဲ့ကြခြင်း ဖြစ်သော်လည်း အသက် ၁၇ သာ ရှိသေးသည့် မာလာလာသည် အငယ်ဆုံး နိုဘယ်လ်ဆုရှင် ဖြစ်လာသည်။

သမိုင်းတလျှောက် ငြိမ်းချမ်းရေး နိုဘယ်ဆု ချီးမြှင့်ချိန်တွင် ဖမ်းဆီးခံထားရသူ ၃ ဦးမှာ ကာလ်ဗွန်အိုစီယက်ဇ်ကီ၊ ဒေါ်အောင်ဆန်းစုကြည်နှင့် လျူရှာဘိုတို့ ဖြစ်ကြသည်။

ပုံစာ- ငြိမ်းချမ်းရေး နိုဘယ်လ်ဆုရှင်နှစ်ဦး။ တာလီဘန်စစ်သွေးကြွများ၏ တိုက်ခိုက်ခံရသော နေ့က မာလာလာဝတ်ဆင်ခဲ့သည့် သွေးစွန်းဝတ်စုံ။

ကျော်လင်းထွန်း

__Ref: BBC
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ကမ္ဘာ့အကြီးဆုံး သတင်းဌာနကြီးဖြစ်သည့် CNN သတင်းဌာန၏ Travel အစီအစဉ်မှ ကမ္ဘာပေါ်တွင် ရင်သပ်ရှုမောဖွယ် အကောင်းဆုံး ဘာသာရေးဆိုင်ရာ အဆောက်အဦ ၁၀ ခု စာရင်းတွင် မုံရွာဒေသမှ ကျေးဇူးရှင် ဗောဓိတစ်ထောင် ဆရာတော်ဘုရားကြီး တည်ထားကိုးကွယ်တော် မူခဲ့သည့် လေးကျွန်းစင်္ကြာ ရပ်တော်မှု ဗုဒ္ဓအဆောက်အဦအား ထည့်သွင်းဖော်ပြခဲ့သည်။

အဆိုပါ မတ်တော်မူသည် ကမ္ဘာ့ပေါ်တွင် အမြင့်ဆုံး ဗုဒ္ဓ ရုပ်ပွားတော် ဖြစ်သည်ဟု CNN က ဆိုသည်။ အထပ်ပေါင်း ၃၁ ထပ် ထည့်သွင်းတည်ဆောက်ထားပြီး ခြေတော်မှ ပေပေါင်း ၃၈၀ မြှင့်မားသည်ဟု ဆိုသည်။

ကမ္ဘာပတ်လမ်းကြောင်းပေါ်ရှိ Space Station မှ နေ၍ မှန်ပြောင်းမလိုပဲ ရပ်တော်မူ ဗုဒ္ဓရုပ်ပွားတော်နှင့် လျောင်းတော်မူ ဗုဒ္ဓရုပ်ပွားတော်တို့ ကို မြင်နိုင်မည် ဖြစ်သည်။

လေးကျွန်းစင်္ကြာ ရပ်တော်မူ ဗုဒ္ဓရုပ်ပွားတော်၏ ဦးခေါင်းတော်ကို ၂၀၀၈ ခုနှစ်က အပြီးအစီး တည်ဆောက်နိုင်ခဲ့သည်။ ဗောဓိတစ်ထောင် ဆရာတော်ဘုရားကြီးမှာ ၂၀၀၆ ခုနှစ် ပျံလွန်တော်မူခဲ့သည်။

CNN Travel မှ သင်သည် မည်သည့်ဘာသာဝင် ဖြစ်စေကာမူ နိုင်ငံတနိုင်ငံသို့ သွားရောက် လည်ပတ်ပါက အဆိုပါနိုင်ငံရှိ အံ့ဖွယ်ရာ ဒေသများ အဆောက်အဦ များ ရှိရာသို့ သွားရောက် မည် ဖြစ်သည်ဟု ဆိုသည်။

ဆရာတော်ဘုရားကြီး၏ အမျှော်အမြင်ကြီးမားမှုကြောင့် မုံရွာဒေသ ကို ကမ္ဘာက သိလာရုံမျှမက အာကာသမှပင် မြင်နိုင်ပြီ ဖြစ်သည်။

The Ladies News Journal

ဗုဒ္ဓရုပ်ပွားပုံတော်ပေါ်၌ VGastro.bar, Buddha.bar ဟုရေးသားကာ ဗုဒ္ဓရုပ်ပွား ပုံတော်၏ နားတော်တွင် Ear Phone တပ်ဆင်ထားသည့် သဏ္ဍာန် ဒီဇိုင်း ပြုလုပ်ရေးဆွဲ ထားသည် ကို လူမှုကွန်ယက်စာမျက်နှာများတွင် ပျံ့နှံ့လျက် ရှိသဖြင့် ရန်ကုန်တိုင်း ဒေသကြီး ရဲတပ်ဖွဲ့မှ ယနေ့ ၁၀.၁၂.၂၀၁၄ နေ့ ညနေ ၅ နာရီတွင် ဗဟန်းမြို့နယ်၊ ရွှေတောင်ကြား (၂) ရပ်ကွက်၊ ရွှေတောင်ကြား
လမ်း ရှိ VGastro Bar သို့ရောက်ရှိကာ စစ်ဆေးမှုများ ပြုလုပ်ခဲ့ကြောင်း သတင်း ရရှိပါသည်။

ယင်းကဲ့သို့ ဗုဒ္ဓပုံတော်အား မလျော်ကန်စွာ ပြုလုပ်ရေးဆွဲဖော်ပြခဲ့မှုနှင့် ပတ် သက်၍ တာဝန်ရှိသူများမှာ VGastro Bar ၏ ဆိုင်ပိုင်ရှင်မှာ ထွန်းသူရိန် ၊ မန်နေဂျာ ထွဋ်ကိုကိုလွင် ၊ အထွေထွေ မန်နေဂျာ နယူးဇီလန်နိုင်ငံသား Mr.Philip တို့ဖြစ်ကြောင်းသိရှိရသည်။ အဆိုပါ အရောင်းမြှင့်တင်ရေး ဗုဒ္ဓ ရုပ်ပွား ပုံတော်ပါ အွန်လိုင်းကြေငှာအား Mr.Philip မှ လူမှုကွန်ယက် တွင် ဖော်ပြ ခဲ့ခြင်းဖြစ်ကြောင်း သိရှိရပါသည်။

ဗုဒ္ဓရုပ်ပွားပုံတော်အား မလျော်ကန်စွာပြုလုပ်ရေးဆွဲဖော်ပြခဲ့မှုနှင့် ပတ် သက်၍ ၂၀၀၀ အချိန်တွင် ၎င်း VGastro Bar ဆိုင်အား ပိတ်သိမ်းထားရှိပြီး တာဝန် ရှိသူ ထွန်းသူရိန်၊ ထွဋ်ကိုကိုလွင်နှင့် နယူးဇီလန်နိုင်ငံသား Mr.Philip တို့အား ၂၀၀၅ အချိန်တွင် ဗဟန်းမြို့မရဲစခန်း (ပ)၄၉၉/၂၀၁၄၊
ပြစ်မှုပုဒ်မ-၂၉၅ /၂၉၅-က ဖြင့် အမှုဖွင့်လှစ်ကာ ၂၀၃၀ အချိန်တွင် ဖမ်းဆီး စစ်ဆေးဆောင်ရွက်လျက်ရှိပါသည်။

တာဝန်ရှိသူများကို ပြစ်မှုဆိုင်ရာ ဥပဒေပုဒ်မ - ၁၈၈ ဖြင့်လည်း အမှုဖွင့်
အရေးယူဆောင်ရွက်လျက်ရှိပြီး အဆိုပါ ဆိုင်အား ချိပ်ပိတ် သိမ်းဆည်းသွားရန် စီစဉ်ဆောင်ရွက်သွားမည်ဖြစ်ကြောင်း သတင်းရရှိပါသည်။

သတင်းနှင့် ဓါတ်ပုံ - ရန်ကုန်ရဲတပ်ဖွဲ့

The Ladies News Journal


ဖွဲ့စည်းပုံ ပြင်ဆင်နိုင်ရေး အတွက် ပြည်ထောင်စု လွှတ်တော်က အတည်ပြုထားတဲ့ ၆ ပွင့်ဆိုင် တွေ့ဆုံမှု အစား ၁၂ ပွင့်ဆိုင် တွေ့ဆုံ ဆွေးနွေးဖို့ အဆိုကို ဒီ​က​နေ့ ရန်ကုန်တိုင်း လွှတ်​တော် အစည်းအ​ဝေးမှာ ​ဆွေး​နွေးပြီး အတည်ပြု လိုက်တာပါ။

တိုင်းရင်းသား ပင်မမျိုးနွယ်စုကြီး ၇ မျိုး ပါဝင်စေမယ့် ခေါင်းဆောင် ၁၂ ဦး ဆွေးနွေးဖို့ တိုင်းဒေသကြီး အစုိုးရကတဆင့် ပြည်ထောင်စုအစိုးရသို့ တင်ပြပေးရန် ကရင်တိုင်းရင်းသားလွှတ်​တော်ကိုယ်စားလှယ် ဦးစောထွန်းအောင်မြင့်က မ​နေ့က လွှတ်​တော်ကို အရေးကြီးအဆို တင်သွင်းခဲ့တာဖြစ်ပြီး လွှတ်​တော်ကိုယ်စားလှယ် ၁၄ ဦးက ​ဆွေး​နွေးခဲ့တာပါ။

အဲဒီအဆိုကို ​လွှတ်​တော်အဆုံးအဖြတ်ယူဖို့အတွက် လျှို့ဝှက်မဲ​ပေးစနစ်နဲ့ ​မဲခွဲဆုံးဖြတ်ပြီး ​ထောက်ခံမဲ ၂၂ မဲ၊ ကန့်ကွက်မဲ ၉  မဲဖြစ်တဲ့အတွက် ရန်ကုန်တိုင်း​ဒေသကြီးလွှတ်​တော်က အထည်ပြုခဲ့တာပါ။

ဖွဲ့စည်းပုံပြင်ဆင်နိုင်ရေးအတွက်​တွေ့ဆုံ​ဆွေး​နွေးမှုကို ၆ပွင့်ဆိုင်နဲ့ပဲစတင်သင့်တယ်လို့ တိုင်းဒေသကြီးလွှတ်တော်ကိုယ်စားလှယ်က ဝေဖန်လိုက်ပါတယ်။

“၆ပွင့်ဆိုင်နဲ့ အရင်စပြီး​တော့ အစည်းအ​ဝေးကို တကြိမ်၊ နှစ်ကြိမ်၊ သုံးကြိမ်​လောက်ပြီးသွားတာနဲ့ တပြိုင်နက်တည်း ကျမတို့က ၁၂ ပွင့်ဆိုင်လည်းလုပ်လို့ရတယ်။ ၁၅ ပွင့်ဆိုင်လည်း လုပ်လို့ရတယ်။ နိုင်ငံ​ရေးပါတီအစုံကလည်းဝင်လို့ရတယ်။ ၆ ပွင့်ဆိုင်ကအစပဲ ရှိ​သေးတယ်။ ၆ ပွင့်ဆိုင်က အဆုံးမဟုတ်ဘူး။ ဒါ့​ကြောင့်မို့ ကျမက ၆ ပွင့်ဆိုင်ကိုပဲ ဦးတည်ပြီး တစိုက်မတ်မတ်အ​ကောင်အထည်​ဖော်ဖို့​ပြောတာ” လို့ ​ဒေါက်တာညိုညိုသင်းကဆိုပါတယ်။

နိုဝင်ဘာလ ၂၅ ရက်​နေ့က ပြည်ထောင်စုလွှတ်တော်က အတည်ပြုထားတဲ့ ၆ ဦးထဲက ၅ ဦးဖြစ်တဲ့ သမ္မတ၊ ကာကွယ်ရေး ဦးစီးချုပ်၊ ဒေါ်အောင်ဆန်းစုကြည်နဲ့ လွှတ်တော် အကြီးအကဲ ၂ ဦး ပါဝင်ဖို့ကို ထောက်ခံပြီး တိုင်းရင်းသားလွှတ်တော်ကိုယ်စားလှယ်တဦးအစား တိုင်းရင်းသား ပင်မမျိုး နွယ်စုကြီး ၇ မျိုးဖြစ်တဲ့ ကချင်၊ ကယား၊ ကရင်၊ ချင်း၊ မွန်၊ ရခိုင်နဲ့ ရှမ်း ကိုယ်စားလှယ်တဦးစီ ထည့်သွင်းပြီး ၁၂ ဦး ပါဝင်စေရေး လွှတ်တော်ကို တင်သွင်းခြင်းဖြစ်ပါတယ်။

ရန်ကုန်တိုင်း​ဒေသကြီး အစိုးရအဖွဲ့ဝင် နယ်စပ်​ရေးရာနဲ့ လုံခြုံ​ရေးဝန်ကြီး ဗိုလ်မှူးကြီးတင်ဝင်းက “နိုင်ငံ​တော်ကြီးရဲ့ အသက်​သွေး​ကြောဖြစ်တဲ့ ဖွဲ့စည်းပုံအ​ခြေခံဥပ​ဒေ ပြင်ဆင်​ရေးအတွက်​ ဆွေး​နွေးတဲ့အခါမှာ ဒီ ၆ ပွင့်ဆိုင်​ ဆွေး​နွေးရုံ တိုင်းရင်းသား ကိုယ်စားလှယ်တဦးတည်းဖြင့်​ ဆွေး​နွေးရုံနဲ့ မလုံ​လောက်ပဲ ကျန်တိုင်းရင်းသားများဖြစ်တဲ့ ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်း ထည့်သွင်း​ဆွေး​နွေးမှသာ ပိုမိုပြည့်စုံတဲ့​ဆွေး​နွေးချက်ဖြစ်မယ်လို့ ကျ​နော်အ​နေနဲ့ယူဆပါတယ်” လို့​ပြောပါတယ်။

ဖွဲ့စည်းပုံအခြေခံဥပဒေ ပြင်ဆင်နိုင်ရေးအတွက် ၆ ပွင့်ဆိုင် တွေ့ဆုံဆွေးနွေးမှုကို ဆောလျင်စွာ ပြုလုပ်ရေး နိုဝင်ဘာ ၂၅ ရက်နေ့က ပြည်ထောင်စုလွှတ်တော်မှာ ကန့်ကွက်သူမရှိ အတည်ပြုခဲ့တာ ဖြစ်ပါတယ်။

အဲ့လိုအတည်ပြုပြီး​နောက် ပြည်​ထောင်စုလွှတ်​တော်က နိုင်ငံ​တော်သမ္မတထံ ၆ ပွင့်ဆိုင်​တွေ့ဆုံဖို့ သဝဏ်လွှာ​ပေးပို့ရာမှာ ​တွေ့ဆုံပွဲမှာပါဝင်မယ့် ​ဒေါ်​အောင်ဆန်းစုကြည်နဲ့ တိုင်းရင်းသား လွှတ်​တော်ကိုယ်စားလှယ် ​ဒေါက်တာ​အေး​မောင်တို့ကို​ ရွေးချယ်ထားတာဟာ အဖွဲ့အစည်း ဒါမှမဟုတ် လွှတ်​တော်ကိုယ်စားပြုလို့ တိတိကျကျမ​ရေးထားတဲ့အတွက် အစိုးရအ​နေနဲ့​တွေ့ဆုံဖို့ မဆုံးဖြတ်ရ​သေးဘူးလို့ နိုင်ငံ​တော်သမ္မတ ​ပြော​ရေးဆိုခွင့်ရှိသူ ဦးရဲထွဋ်က ​ပြောကြားဖူးပါတယ်။

By ကျော်ဇေယျာဝင်း / (ဒီဗွီဘီ)
http://burmese.dvb.no/archives/73438









ဘဘဦးသုခ ရောက်ရှိရာဘုံဘဝသို့

၇.၁၂.၂ဝ၁၄ ရက်နေ့သည် စာရေးဆရာ၊ ဒါရိုက်တာ၊ နာရေးကူညီမှုအသင်း(ရန်ကုန်) နာယကကြီး ဘဘဦးသုခ ကွယ်လွန်ခြင်း (၉) နှစ်တင်းတင်း ပြည့်မြောက်ခဲ့ပါပြီ။ သို့သော် ကျေးဇူးရှင် ဘဘဦးသုခ၏ သမိုင်းသည် ရှင်သန်လျှက် ရှိနေပါသည်။

နာရေးကူညီမှုအသင်း(ရန်ကုန်)အား မျိုးစေ့ချ ပြုစုပျိုးထောင်ပေးခဲ့သော ကျေးဇူးရှင် ဘဘဦးသုခ ၏ ဂူဗိမာန်သို့ နှစ်စဉ်နှစ်တိုင်း သွားရောက်၍ သန့်ရှင်းရေးပြုလုပ်ခဲ့သလို ၇.၁၂.၂ဝ၁၄ တွင် ကျရောက် သည့် (၉) နှစ်ပြည့်နေ့ရက်တွင် နာရေးကူညီမှုအသင်း(ရန်ကုန်) အတွင်းရေးမှူး ဒေါ်မြင့်မြင့်ခင်ဖေ (ခ) ဒေါ်ရွှေဇီးကွက်၊ အလုပ်အမှုဆောင်များ၊ ဝန်ထမ်းများနှင့် အသင်းသား/သူများတို့သည် ရေဝေးသုဿန်သို့ နံနက် (၇းဝဝ) နာရီအချိန်တွင် သွားရောက်၍ သန့်ရှင်းရေးလုပ်ဆောင်ခဲ့သည်။ ယခုနှစ်တွင် ထူးခြားသည် မှာ ပြည်သူအတွက် အမှန်တရားဘက်မှ သံမဏိစိတ်ဓါတ်ပိုင်ရှင် ဟံသာဝတီ ဦးဝင်းတင်၊ လူငယ်များ၏ အနာဂတ်အတွက် မမောနိုင် မပန်းနိုင် ဟောပြောရေးသားရင်း ဘဝတစ်လျှောက်လုံး လူငယ်တွေကို ရွှေချ သွားခဲ့သည့် နာရေးကူညီမှုအသင်း(ရန်ကုန်)၏ အုတ်မြစ်ချ နာယကတစ်ဦး စာရေးဆရာ ဦးအောင်သင်းနှင့် ၈၈ အရေးတော်ပုံမှစ၍ ယနေ့တိုင် အမှန်တရားအတွက် ပြည်သူ့ဘက်မှရပ်တည်ရင်း ဒီမိုကရေစီဆိုသည့် ခေတ်အတွင်း တရားမျှတမှုမရှိစွာ အသက်ပေးခဲ့ရရှာသော ကိုအောင်ကျော်နိုင် (ခ) ကိုပါကြီး တို့၏ ဂူဗိ မာန်တို့အား သန့်ရှင်းရေးပြုလုပ်၍ သက်ဆုံးတိုင် ပေးဆပ်သွားတော့မည်ဖြစ်သည်။ ဘေးဝဲ/ယာရှိ ဂူဗိမာန် များနှင့် လမ်းတလျှောက်အား တံမြတ်စည်းလှဲကျင်းခြင်း၊ ရေဆေးသန့်စင်ခြင်းတို့အား အသင်းသား/သူများ စုပေါင်း၍ လုပ်ဆောင်ခဲ့ကြသည်။

ယင်းနေ့ ညနေ (၃းဝဝ) နာရီအချိန်တွင် ရန်ကုန်မြို့၊ ပြည်လမ်းရှိ အင်းလျားကန်ဘောင်သို့ နာရေး ကူညီမှုအသင်း(ရန်ကုန်) အသင်းသား/သူများအပြင် (သဘာဝပတ်ဝန်းကျင်ထိန်းသိမ်းရေးလုပ်ငန်းအား အကောင်အထည်ဖော် လုပ်ဆောင်နေသည့်တလျှောက်) “ဗြဟ္မဝိဟာရ”(အင်းစိန်)၊ “ပုညကာရီ” နာရေး ကူညီမှုအသင်း (မင်္ဂလာဒုံ)၊ ထာဝရမီးအိမ်အဖွဲ့ အစရှိသည့် အသင်းအဖွဲ့မှ လူငယ်များနှင် စိတ်ပါဝင်စားကြ သည့် လူငယ်များတို့၏ အင်အားတို့ဖြင့် ကန်ဘောင်ပေါ်ရှိ အမှိုက်များ၊ ရေမြောင်းရှိအမှိုက်များ၊ ကန်တွင်းရှိ အမှိုက်များတို့အား ဝိုင်းဝန်းရှင်းလင်းခဲ့ကြသည်။

ဘဘဦးသုခ မျိုးစေ့ချပေးခဲ့သည့် နာရေးကူညီမှုအသင်း(ရန်ကုန်)သည် ၂ဝ၁၅ ခုနှစ်၊ ဇန်နဝါရီလ (၁) ရက်နေ့တွင် (၁၄) နှစ်တင်းတင်း ပြည့်မြောက်တော့မည် ဖြစ်ပါသည်။ (၁၄) နှစ်တာ အများပြည်သူတို့ အတွက် ပြုပြုခဲ့သမျှသော ဒါနကုသိုလ်၊ သီလကုသိုလ်၊ ဘာဝနာကုသိုလ်၊ ပရဟိတကုသိုလ်များအား ကျေးဇူးရှင် ဘဘ ဦးသုခ ရောက်ရာဘုံဘဝမှ ဝမ်းမြောက်ဝမ်းသာ သာဓုအနုမောဒနာ ခေါ်ဆိုနိုင်ပါစေ …. ။

FFSS Yangon နာရေးကူညီမှုအသင်း


မြန်မာနိုင်ငံမှာ လူ့အခွင့်အရေး အခြေအနေတွေဟာ စိုးရိမ်နေရဆဲ ဖြစ်တယ်လို့ နိုင်ငံတကာ လူ့အခွင့်အရေးအဖွဲ့တွေက ဒီကနေ့ကျရောက်တဲ့ နိုင်ငံတကာ လူ့အခွင့်အရေးနေ့မှာ ပြောဆိုလိုက်ပါတယ်။

တရားဥဒေစိုးမိုးရေးဟာ အုပ်ချုပ်ရေးအာဏာအောက်မှာ ရှိနေဆဲဖြစ်တာကြောင့် လူ့အခွင့်အရေး ချိုးဖောက်သူတွေကို ထိရောက်အောင် အရေးယူနိုင်ဖို့ အားနည်းနေဆဲပဲလို့လည်း ဆိုပါတယ်။ အသေးစိတ်ကို မအင်ကြင်းနိုင်က တင်ပြထားပါတယ်။

ဒီနှစ် လူ့အခွင့်အရေးနေ့ အထိမ်းအမှတ်အဖြစ် လူ့အခွင့်အရေး ချိုးဖောက်မှုတွေကို ငြိမ်မခံကြဘဲ ထုတ်ဖော်ပြောဆိုကြဖို့ ကုလသမဂ္ဂ အတွင်းရေးမှူးချုပ် ဘန်ကီမွန်းက တိုက်တွန်းလိုက်ပါတယ်။ နိုင်ငံတကာ လူ့အခွင့်အရေး အဖွဲ့အစည်းတွေကလည်း မြန်မာနိုင်ငံနဲ့ ပတ်သက်လို့ စိုးရိမ်မကင်းဖြစ်ရတဲ့ အခြေအနေတွေကို မြင်တွေ့နေရတယ်လို့ ဆိုပါတယ်။

မြန်မာနိုင်ငံက လက်ရှိ လူ့အခွင့်အရေး အခြေအနေနဲ့ ပတ်သက်လို့ HRW လူ့အခွင့်အရေး စောင့်ကြည့်ရေးအဖွဲ့ကြီးရဲ့ အမြင်ကိုတော့ အာရှရေးရာတာဝန်ခံ Brad Adams က ဗွီအိုအေကို အခုလို ပြောပါတယ်။

“၂၀၁၄ ခုနှစ်ကတော့ တကယ့်ကို စိတ်ပျက်စရာ ကောင်းပါတယ်။ မြန်မာနိုင်ငံက လူ့အခွင့်အရေး အခြေအနေတွေဟာ နောက်ပြန်ဆုတ်နေတာပါ။ လွန်ခဲ့တဲ့ ၂ နှစ်က မြန်မာအစိုးရအနေနဲ့ ပြုပြင်ပြောင်းလဲရေးတွေ စတင်လုပ်ဆောင်နိုင်ခဲ့ပေမဲ့ ပြီးခဲ့တဲ့နှစ်ကစပြီး ဆက်လက် ဆောင်ရွက်တာမျိုး မရှိသလို နိုင်ငံရေးအခြေအနေမှာလည်း မျှော်လင့်ချက်တွေ ပျောက်နေပါတယ်။ မြန်မာအစိုးရ ဘယ်ကို ဦးတည်သွားနေတာလဲဆိုတာ ရှင်းရှင်းလင်းလင်း မရှိပါဘူး။ ၂၀၁၅ ရွေးကောက်ပွဲ ကျင်းပမယ်ဆိုတာကတော့ ကောင်းတဲ့အချက်ဆိုပေမဲ့ ပြည်သူအများဆန္ဒနဲ့ ကိုက်ညီမယ့်ရလဒ် ထွက်ပေါ်လာဖို့ မျှော်လင့်လို့ မရပါဘူး။”

AI ခေါ် နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးကလည်း မြန်မာနိုင်ငံမှာ လူ့အခွင့်အရေး ချိုးဖောက်ခံရသူတွေကို ထိထိရောက်ရောက် ကာကွယ်ပေးနိုင်တာမျိုး မရှိသေးဘူးလို့ နိုင်ငံတကာ ပညာပေးရေးဆိုင်ရာ ညွန်ကြားရေးမှူး ဒေါက်တာ T. Kumar က ပြောပါတယ်။

“လူ့အခွင့်အရေး ချိုးဖောက်မှုတွေ ဆက်ပြီး ရှိနေဆဲဖြစ်တယ်လို့ မြင်ပါတယ်။ သတင်းလွတ်လပ်ခွင့်မှာလည်း အခက်အခဲ စိန်ခေါ်မှုတွေ ရှိနေပါတယ်။ နိုင်ငံရေး အကျဉ်းသားတွေလည်း ရှိနေဆဲပါ။ တိုင်းရင်းသားတွေ အပါအ၀င် လူနည်းစု ဘာသာခြား ရိုဟင်ဂျာ မူဆလင်တွေလည်း အဖိနှိပ်ခံနေရဆဲ ဖြစ်ပါတယ်။”

မြန်မာနိုင်ငံမှာ အမျိုးသမီးတွေအပေါ် အကြမ်းဖက်မှု အစီရင်ခံစာကို တိုင်းရင်းသား အမျိုးသမီးအဖွဲ့တွေက ထုတ်ပြန်ခဲ့ပေမဲ့ အကြမ်းဖက်မှု ကျူးလွန်သူတွေကို အရေးယူခြင်းမရှိတဲ့အပြင် အာဏာပိုင်တွေကို သွားရောက် တိုင်ကြားသူတွေကိုလည်း ပြန်ပြီး အရေးယူတဲ့ ဖြစ်ရပ်တွေ ရှိနေဆဲပဲလို့ အာရှလူ့အခွင့်အရေးကော်မရှင်ရဲ့ မြန်မာနိုင်ငံဆိုင်ရာ တာဝန်ခံ ဦးမင်းလွင်ဦး က ပြောပါတယ်။

“ကရင်ပြည်နယ်တွင်းမှာ ၂၀၀၃ ခုနှစ်ကဖြစ်တာ။ အဲ့ဒီမှာ မဂျာဆိုင်းအိမ်ဆိုတဲ့ ကျောင်းသူလေးတယောက် သေဆုံးတဲ့ကိစ္စဖြစ်တယ်။ တပ်မတော်စစ်ကြောင်းကနေပြီးတော့ အပေါ်ကုန်းမှာ ကြီးစိုးထားတဲ့အဖွဲ့နဲ့ အောက်မှာရှိနေတဲ့အဖွဲ့ နားလည်မှုမှားပြီးတော့ အပြန်အလှန် ပစ်ခတ်ကြရင်းကနေ ဒီကျောင်းသူလေးအပါအ၀င် ကျောင်းဆရာမတယောက် ထိခိုက်ဒဏ်ရာရတယ်။ တခြားကျောင်းသူတွေလည်း အနည်းငယ် ပွန်းပဲ့ဒဏ်ရာရတာတွေ ကျနော်တို့ တွေ့ရတယ်။ ဒါနဲ့ ပတ်သက်ပြီးတော့ ဆေးရုံပို့ဖို့အတွက်ကို ပြောတဲ့အခါမှာ အချိန်မီ ဆေးရုံမပို့နိုင်တဲ့အတွက် မဂျာဆိုင်းရီက သေဆုံးသွားရတာဖြစ်တယ်။ အဲတော့ အဲ့ဒီလို သေဆုံးသွားရတဲ့ ကိစ္စနဲ့ပတ်သက်ပြီးတော့ လူ့အခွင့်အရေးကော်မရှင်ကို ဖခင်ဖြစ်သူ ဘရန်ရှောင်ကနေ တိုင်ကြားတဲ့အခါမှာ မမှန်မကန် သတင်းပေးတိုင်ကြားတယ်ဆိုပြီးတော့ စစ်တပ်ကနေပြီး ထပ်မံ တရားစွဲဆိုတာ ခံရတယ်။ ဒီလူ့အခွင့်အရေး ချိုးဖောက်မှုတွေမှာ အုပ်ချုပ်ရေး အာဏာပိုင်တွေ ဘက်ကရော၊ စစ်တပ်က ချိုးဖောက်တဲ့သူတွေရော ဒါတွေကို တရားရေးမဏ္ဍိုင်ကနေပြီးတော့ တည့်မတ်အောင် လုပ်ဆောင်မပေးနိုင်တဲ့ ဥစ္စာတွေက ဒီမဂျာဆိုင်းရီ အမှုတင်မကပါဘူး။ ဒီ ပြည်န၀ဒေးတံတားအောက်မှာ ဖြစ်ပွားခဲ့တဲ့ လူသတ်မှုမှာဆိုရင် အဲ့ဒီလိုပဲဖြစ်တယ်။”

နိုင်ငံခြားရေးဝန်ကြီး ဦးဝဏ္ဏမောင်လွင်ရဲ့ ၂၀၁၄ ခုနှစ် ကုလသမဂ္ဂညီလာခံ မိန့်ခွန်းမှာတော့ မြန်မာနုိုင်ငံရဲ့ လူ့အခွင့်အရေး အခြေအနေဟာ တိုးတက်နေပြီး၊ အမျိုးသား လူ့အခွင့်အရေး ကော်မရှင်ကိုလည်း ဥပဒေနဲ့အညီ ဖွဲ့စည်းထားပြီးသား ဖြစ်တာကြောင့် ကုလသမဂ္ဂရဲ့ လူ့အခွင့်အရေး ကိစ္စရပ်တွေမှာ မြန်မာနိုင်ငံကို ဆက်ပြီး ထည့်သွင်းဆွေးနွေးဖို့ မသင့်တော့ဘူးလို့ ပြောသွားပါတယ်။ ဒါပေမဲ့ လူ့အခွင့်အရေး ကာကွယ်ရေးနဲ့ ပတ်သက်လို့ မြန်မာအစိုးရဘက်က အလေးထား ဆောင်ရွက်တာတွေမှာ အားနည်းချက်တွေ ရှိနေဆဲပဲလို့ လူထုအခြေပြု အဖွဲ့အစည်း ဦးဆောင်နေသူတဦးဖြစ်တဲ့ မဇင်မာအောင်က ပြောပါတယ်။

“အစိုးရဘက်ကတော့ ကော်မတီတွေတော့ ဖွဲ့နေတာပဲ။ လူ့အခွင့်အရေးတွေကို နိုင်ငံသားတိုင်းအပြင် လူသားတိုင်းခံစားရဖို့ဆိုတာက ကော်မတီတွေ ဖွဲ့ရုံနဲ့တော့ မပြီးဘူး။ ဘယ်လောက်အထိ ကျမတို့ လူ့အသိုင်းအ၀ိုင်းထဲမှာ နောက်ပြီးတော့ ကျမတို့ နိုင်ငံရေးဆိုင်ရာ Institution တွေပေါ့နော် အစိုးရ အစရှိတဲ့ အဖွဲ့အစည်းတွေကရော ဘယ်လောက်အထိ ယုံယုံကြည်ကြည် နှစ်နှစ်ကာကာနဲ့ လူ့အခွင့်အရေးတွေကို မြှင့်တင်နေလဲဆိုတာက ပိုပြီးတော့ အရေးကြီးတယ်လို့ ထင်တယ်။ မြင်သာထင်သာတဲ့ လတ်တလော ဗမာပြည်မှာဆိုရင် property rights ပိုင်ဆိုင်မှုအခွင့်အရေးတွေနဲ့ ပတ်သက်လို့ဆိုရင် လယ်မြေသိမ်းခံရတဲ့ ပြဿနာတွေက ကျယ်ကျယ်ပြန့်ပြန့် ရှိနေတုန်းပဲ။ ဒါတွေကိုလည်း စနစ်တကျ ထိထိရောက်ရောက် ဖြေရှင်းနိုင်တာမျိုးတွေ မတွေ့ရသေးဘူးပေါ့။”

ဒီနှစ် လူ့အခွင့်အရေးနေ့ ဆောင်ပုဒ်ကို လူ့အခွင့်အရေး - ၃၆၅ လို့ သတ်မှတ်ထားပါတယ်။ တစ်နှစ်မှာ ရက်ပေါင်း ၃၆၅ ရက်လုံးဟာ လူ့အခွင့်အရေးနေ့တွေပဲ ဖြစ်တယ်လို့ ဆိုပါတယ်။ မြန်မာနိုင်ငံတ၀ှမ်းမှာတော့ လူ့အခွင့်အရေး လှုပ်ရှားနေသူတွေက နိုင်ငံတကာ လူ့အခွင့်အရေးနေ့ အထိမ်းအမှတ်ပွဲတွေကို ဦးဆောင်ကျင်းပသွားမှာ ဖြစ်ပါတယ်။

VOA
http://burmese.voanews.com/content/article/2552822.html


EU ဥရောပသမဂ္ဂက ၂၀၁၄ ကနေ ၂၀၂၀ ကာလအထိ နှစ်နိုင်ငံ ပူးတွဲ ဆောင်ရွက်မှု အစီအစဉ်အရ မြန်မာနိုင်ငံရဲ့ အသွင်ကူးပြောင်းရေးကို အထောက်အကူပြုဖို့ ယူရို ၆၈၈ သန်း ပေးဖို့ လျာထားတယ်လို့ ဒီဇင်ဘာလ ၈ ရက်နေ့က ထုတ်ပြန်ကြေညာခဲ့ပါတယ်။ ဘယ်လိုကဏ္ဍတွေမှာ အကူအညီပေးဖို့ ရှိတယ်ဆိုတာနဲ့ ပတ်သက်လို့ ဒေါ်လှလှသန်းက တင်ပြထားပါတယ်။

EU ဥရောပသမဂ္ဂက ၂၀၁၁ ခုနှစ်ကစလို့ မြန်မာနိုင်ငံမှာ စတင်ခဲ့တဲ့ ဒီမိုကရေစီ ပြုပြင်ပြောင်းလဲရေးတွေကို အထောက်အကူပြုဖို့ ၂၀၁၄ ကနေ ၂၀၂၀ အထိ ၇ နှစ်တာကာလအတွင်း နှစ်နိုင်ငံ ပူးပေါင်းဆောင်ရွက်မှု အစီအစဉ်အရ အမေရိကန်ဒေါ်လာ သန်း ၉၀၀ နဲ့ညီမျှတဲ့ ယူရို ၆၈၈ သန်းကို မြန်မာနိုင်ငံကိုပေးဖို့ လျာထားတယ်လို့ ဆိုပါတယ်။ အခုလို လျာထားရာမှာ ပါဝင်တဲ့ အထောက်အကူပေးတဲ့ အဓိကကဏ္ဍတွေနဲ့ ပတ်သက်လို့ EU ပြောခွင့်ရသူ Maja Kocijancic က -

“အဓိကကတော့ ဒီရန်ပုံငွေဟာ အသွင်ကူးပြောင်းရေးကာလမှာ အထောက်အကူ အလိုအပ်ဆုံး ကဏ္ဍတွေအတွက် ဖြစ်ပါတယ်။ ကျေးလက်ဒေသ ဖွံ့ဖြိုးရေး၊ လယ်ယာစိုက်ပျိုးရေးစနစ် ပိုမိုကောင်းမွန်ရေး၊ အစားအစာနဲ့ အဟာရ အပြည့်အ၀ ရရှိရေး၊ ပညာရေး၊ တရားဥပဒေစိုးမိုးရေး၊ ပီပြင်တဲ့ အုပ်ချုပ်မှုစနစ် ပေါ်ပေါက်ရေးနဲ့ ငြိမ်းချမ်းရေး တည်ဆောက်မှုတို့အတွက် ဖြစ်ပါတယ်။ အဓိကကတော့ မြန်မာနိုင်ငံသားတွေအတွက် တိုက်ရိုက် အကျိုးပြုနိုင်ရေးပဲ ဖြစ်ပါတယ်” - လို့ EU ပြောခွင့်ရက ရှင်းပြခဲ့တာ ဖြစ်ပါတယ်။

အခုလို မြန်မာနိုင်ငံအတွက် လိုအပ်တဲ့ ကဏ္ဍတွေအတွက် လျာထားရာမှာ ကျေးလက်ဒေသ ဖွံ့ဖြိုးရေး၊ စိုက်ပျိုးရေး၊ သဘာဝဘေးအန္တရာယ် ရင်ဆိုင်နိုင်ရေး၊ သဘာဝ သယံဇာတ ပီပြင်စွာ အသုံးချနိုင်ရေး စသဖြင့်အတွက် ယူရို ၂၄၁ သန်း၊ ပညာရေးကဏ္ဍမှာ တပြေးညီ ပညာသင်ကြားခွင့် ရရှိရေး၊ ပညာရေးစနစ်နဲ့ အလုပ်အကိုင် ဈေးကွက်လိုအပ်ချက် သဟဇာတ ဖြစ်ရေးအတွက် ယူရို ၂၄၁ သန်း၊ ပီပြင်တဲ့အစိုးရ ပေါ်ပေါက်ရေးနဲ့ တရားဥပဒေစိုးမိုးရေး ပြည်သူ့အကျိုး ဆောင်ရွက်နိုင်ရေးအပြင် ၂၀၁၅ ရွေးကောက်ပွဲဟာ ထင်သာမြင်သာရှိပြီး အုပ်စုအားလုံးတို့ ပါဝင်ဖို့အပြင် နိုင်ငံတကာက လက်ခံနိုင်တဲ့ ရွေးကောက်ပွဲဖြစ်နိုင်ရေး စသဖြင့်အတွက် ယူရို ၉၆ သန်းနဲ့ ငြိမ်းချမ်းရေး တည်ဆောက်ဖို့အပြင် နိုင်ငံရေးဆွေးနွေးပွဲများ ကျင်းပနိုင်ရေး၊ မတူကွဲပြားတဲ့ လူမှုအဖွဲ့အစည်းကြား ဆက်ဆံရေး တိုးတက်ကောင်းမွန်ဖို့နဲ့ ပဋိပက္ခဖြစ်ပွားနေတဲ့ ဒေသတွေမှာ လူမှုရေးနဲ့ စီးပွားရေး ပြန်လည် နလန်ထူထောင်ရေးအတွက် ယူရို ၁၀၃ သန်း အထောက်အကူပေးဖို့ သတ်မှတ်ထားတာ ဖြစ်ပါတယ်။

အခုလို မြန်မာနိုင်ငံရဲ့ အသွင်ကူးပြောင်းရေးကာလတွေမှာ ၂၀၁၅ ရွေးကောက်ပွဲလွန်ကာလအထိ အထောက်အကူပေးမယ့် ဥရောပသမဂ္ဂရဲ့ အစီအစဉ်ကို EU ဌာနကိုယ်စားလှယ်ရုံးက အရာရှိတွေနဲ့ ဒေသခံ NGO တွေအပြင် အစိုးရအဖွဲ့အစည်းတွေနဲ့ ညှိနှိုင်းဆောင်ရွက်သွားမှာ ဖြစ်တယ်လို့လည်း Maja Kocijancic က ပြောပါတယ်

“ကျမတို့အနေနဲ့ အာဏာပိုင်တွေနဲ့ရော NGO တွေနဲ့ပါ ညှိနှိုင်းဆောင်ရွက်သွားမှာပါ။ ဒီနေရာမှာ လိုက်နာရမယ့် စည်းမျဉ်းတွေက သိပ်ကို ရှင်းပါတယ်။ ၁ ယူရို ၁ ဒေါ်လာသုံးတိုင်း ဘယ်လိုသုံးတယ်ဆိုတာကို နီးနီးကပ်ကပ် စောင့်ကြည့်သွားမှာ ဖြစ်ပါတယ်။ EU အဖွဲ့ဝင် နိုင်ငံသားတွေရဲ့ အခွန်ငွေနဲ့ ဒီလိုပေးတဲ့ အထောက်အကူတွေဟာလည်း ဘယ်လိုထိရောက်မှု ရှိသလဲဆိုတာကိုလည်း ဥရောပတိုက်သားတွေက သိချင်ကြမှာဖြစ်ပါတယ်။ ဒါကြောင့် ဥရောပသမဂ္ဂကလည်း ဒီပေးတဲ့ အထောက်အကူငွေကို ဘယ်လိုသုံးမလဲဆိုတာ တိတိကျကျ စည်းမျဉ်းတွေ ချထားတာ ဖြစ်ပါတယ်” - လို့ ပြောခွင့်ရသူ Maja Kocijancic က ပြောသွားတာ ဖြစ်ပါတယ်။

EU ဥရောပသမဂ္ဂအနေနဲ့ မြန်မာနိုင်ငံ ပြုပြင်ပြောင်းလဲရေး စတင်ခဲ့ချိန်ကစလို့ မြန်မာ့စီးပွားရေး၊ လူမှုရေးနဲ့ နိုင်ငံရေး ဖွံ့ဖြိုးမှုအတွက် ပါဝင်ကူညီခဲ့တာဖြစ်ပြီး၊ လွန်ခဲ့တဲ့နှစ်က ၂၀၁၄ နဲ့ ၂၀၁၆ - ၃ နှစ်တာကာလအတွက် အသွင်ကူးပြောင်းရေး ပူးတွဲအစီအစဉ်အရ ယူရို သန်း ၂၅၀ မြန်မာနိုင်ငံကို အထောက်အကူ ပေးခဲ့တာလည်း ဖြစ်ပါတယ်။ တချိန်တည်းမှာပဲ ၆၉ ကြိမ်မြောက် ကုလသမဂ္ဂ အထွေထွေ ညီလာခံကြီးရဲ့ တတိယကော်မတီမှာ မြန်မာနိုင်ငံရဲ့ လူ့အခွင့်အရေး အခြေအနေနဲ့ ပတ်သက်လို့ စိုးရိမ်မကင်းဖြစ်တဲ့အကြောင်း အဆိုပြုချက်ကို ကမကထပြု တင်သွင်းခဲ့တာလည်း ဖြစ်ပါတယ်။

VOA


ကချင်ပြည်နယ်တွင်း စစ်ရေးတင်းမာနေဆဲ အခြေအနေကြောင့် လမ်းပန်းဆက်သွယ်ရေး အခက်အခဲနဲ့ လုံခြုံရေးအရ ကန့်သတ်တားဆီးမှုတွေ ရှိနေတဲ့အတွက် ကုလသမဂ္ဂ အပါအဝင် ပြည်တွင်းပြည်ပ အလှူရှင်တွေရဲ့ လူသားချင်းစာနာမှု အကူအညီတွေ စစ်ပြေးဒုက္ခသည်စခန်းတွေဆီ မရောက်ရှိနိုင်ဘူး ဖြစ်နေပါတယ်။

ကေအိုင်အို ထိန်းချုပ်နယ်မြေက ဒုက္ခသည်တွေမှာ စားနပ်ရိက္ခာ၊ ဆောင်းတွင်းကာလ ရာသီဥတု အခက်အခဲနဲ့ အခြေခံ ကျန်းမာရေး စောင့်ရှောက်မှုတွေ အရေးတကြီး လိုအပ်နေတဲ့အတွက် သက်ဆိုင်ရာ တာဝန်ရှိသူတွေ အလေးအနက်ထား ဆောင်ရွက်ပေးပါလို့ ကချင့်အရေး လှုပ်ရှားသူတွေက တောင်းဆိုနေကြပါတယ်။ အသေးစိတ်ကို ဆက်သွယ် မေးမြန်းထားတဲ့ မဆုမွန်က တင်ပြထားပါတယ်။

စစ်ပြေးဒုက္ခသည် သောင်းချီ ခိုလှုံနေတဲ့ ကချင်လွတ်မြောက်ရေးအဖွဲ့ ကေအိုင်အို ထိန်းချုပ်ရာနယ်မြေက ဒုက္ခသည်စခန်းတွေမှာ ကုလသမဂ္ဂနဲ့ နိုင်ငံတကာ အကူအညီပေးရေး အဖွဲ့တွေရဲ့ ကူညီထောက်ပံ့မှုတွေ အချိန်မီ ရောက်မလာတဲ့အတွက် စားနပ်ရိက္ခာ အရေးတကြီး လိုအပ်နေပြီး အခက်အခဲတွေနဲ့ ရင်ဆိုင်နေရတယ်လို့ လိုင်ဇာ KIO ဌာနချုပ် စစ်ပြေး ဒုက္ခသည်ကယ်ဆယ်ရေး ကော်မတီဥက္ကဋ္ဌ ဒွဲပီဆာ က ဗွီအိုအေမြန်မာပိုင်းကို ပြောပါတယ်။

“အခုက ဖြတ်တာတောင် မဟုတ်ဘူး သူတို့ NGO၊ INGO တွေက လာတောင် မလာဖြစ်တော့ဘူးလေ။ ၂၇ မှာ ရောက်မယ်ဆိုပြီးတော့လည်း မရောက်ဘူး။ ဒီကနေ ရက်ချိန်း ရက်ချိန်းနဲ့ ဒီဇင်ဘာ ၃ ရက်မှာ ရောက်မယ်ဆိုပြီးတော့လည်း မရောက်ဖြစ်တော့ဘူး။ အစိုးရဆီက ခွင့်ပြုချက်မရလို့ လို့ပဲ ဒီလိုပဲ အကြောင်းပြချက်လာတယ်။”

ကချင်စစ်ပြေးဒုက္ခသည်တွေမှာ စခန်းတွင်း နေစရာ အခက်အခဲကြောင့် ရာသီဥတု ဆိုးရွားတဲ့ဒဏ် ခံနေရတဲ့အပြင် အခြေခံ ကျန်းမာရေး စောင့်ရှောက်မှုတွေလည်း လိုအပ်နေပါတယ်။ ဒါ့အပြင် ကချင်ဒေသတွင်း စစ်ရေးတင်းမာနေတဲ့ အခြေအနေနဲ့ ပြီးခဲ့တဲ့ရက်ပိုင်းတွေက ကချင်ဒုက္ခသည်စခန်း အနားအထိ လက်နက်ကြီးကျည် ကျခဲ့တာတွေရှိတဲ့အတွက် ဒုက္ခသည်တွေကြား လုံခြုံရေးစိုးရိမ်နေရတဲ့ အနေအထား ဖြစ်နေတယ်လို့ ဦးဒွဲပီဆာက ဆက်ပြောပါတယ်။

“အစိုးရရဲ့ ဗမာတပ်တွေက ကျနော်တို့ IDP Camp တွေကို လှမ်းပစ်နိုင်တဲ့ တောင်ကုန်းမှာ နေရာယူထားတယ်ဆိုတော့ သူတို့ ပစ်ချင်ရင်တော့ IDP တွေအတွက်တော့ စိတ်တော့ပူရတယ်ပေါ့။”

စားနပ်ရိက္ခာ အခက်ခဲတွေအပြင် လုံခြုံရေးပါ စိုးရိမ်နေရတဲ့ စစ်ပြေးဒုက္ခသည်တွေရဲ့ အခက်အခဲကို ကချင် လွှတ်တော်အမတ်တွေဘက်က လွှတ်တော်တွင်း စစ်ရေးအခြေအနေ အဆိုတင်သွင်းမှုအပြင် ရန်ပုံငွေ လိုအပ်ချက်တွေကို ကချင်လူမှုအသိုင်းအဝိုင်းတွေနဲ့ ဝိုင်းဝန်းကူညီ ပေးနိုင်အောင် ကြိုးစားနေကြပါတယ်လို့ ကချင်ပြည်နယ် အင်ဂျန်းယန် လွှတ်တော်ကိုယ်စားလှယ် ပြည်သူ့လွှတ်တော်အမတ် ဒေါ်ဒွဲဘူက ပြောပါတယ်။

“စစ်ကိစ္စ ပြေငြိမ်းမှပဲ ဒုက္ခသည်က ပြန်နိုင်မှာပေါ့နော်။ အဲ့ဒီ issue တွေတော့ ကျမတို့က အဆိုတင်သွင်းပါတယ်။ ကျမတို့ ကချင်လွှတ်တော်ကိုယ်စားလှယ်တွေ အနေနဲ့ကတော့ သီးသန့်ပေါ့နော် လွှတ်တော်ကိုယ်စားလှယ်တွေထဲမှာ ကျမတို့က ကချင်ရိုးရာ ပလိုင်းတွေသယ်ပြီးတော့မှ ကျမတို့က အလှူခံတာတွေ ကျမတို့ လုပ်ပါတယ်။ ကျမတို့ ဒီဘက်ဒေသရောက်တဲ့အခါ ပံ့ပိုးတာတွေရှိတယ်။ နောက် ရန်ကုန်မှာလည်း ကျမတို့ လွှတ်တော်ကိုယ်စားလှယ်တွေနဲ့ ရန်ကုန်ရိုးရာအဖွဲ့တွေနဲ့ ပေါင်းပြီးတော့ အဆိုတော်ပေါ့နော် ကျမတို့ ရှိုးပွဲတွေဘာတွေ၊ ကပွဲတွေ ဘာတွေလုပ်ပြီးတော့မှ ကျမတို့ ရန်ပုံငွေရှာတာပေါ့။ ဘာလိုအပ်တယ်ဆိုတာတော့ သူတို့ရဲ့ Camp တာဝန်ခံတွေက အသိဆုံးမို့လို့ ကျမတို့က ပစ္စည်းကိုတော့ မလုပ်ဘူး။ အဲ့လိုမျိုးတွေတော့ ကျမတို့ အမြဲတမ်းရောက်တိုင်းရောက်တိုင်း ကူညီပံ့ပိုးတာလေးတွေ ရှိပါတယ်။”

ဒီလိုမျိုး ကချင်ဒုက္ခသည်စခန်းတွေမှာ အရေးတကြီးလိုအပ်နေတာတွေကို အစိုးရရော သက်ဆိုင်ရာ တာဝန်ရှိသူတွေကပါ အလေးအနက်ထား စဉ်းစားသင့်ပါတယ်လို့ အမျိုးသားဒီမိုကရေစီအင်အားစု NDF ပါတီရဲ့ ကချင်ပြည်နယ် မြစ်ကြီးနားမြို့ ဥက္ကဌ ဒေါ်ဘောက်ဂျာက ပြောပါတယ်။

“အခုဒုက္ခရောက်နေတာ ပြည်သူတွေဖြစ်တယ်။ အဲတော့ အစိုးရတရပ်ဖြစ်တယ်ဆိုရင် ဒီလိုမျိုး ဒုက္ခသည် ဘယ်နေရာမှာပဲ ရောက်နေရောက်နေ ဒုက္ခသည်တွေကို ကူညီဖို့တာဝန်က သူတို့မှာ အပြည့်အ၀ရှိတယ်။ စစ်ပြေးဒုက္ခသည်တွေဆိုတာ ဘယ်နေရာမှာမှ သူတို့အတွက် လုံခြုံမှုက မရှိနိုင်သေးဘူး။”

နိုဝင်ဘာလ ၁၉ ရက်နေ့မှာ ကချင် KIO စစ်သင်တန်းကျောင်းပေါ် လက်နက်ကြီးကျည်ကျလို့ သင်တန်းသား ၂၃ ဦး သေဆုံးမှုကစလို့ မြန်မာအစိုးရတပ်နဲ့ ကချင်လွတ်မြောက်ရေးတပ်ကြား စစ်ရေးတင်းမာမှုတွေ အရှိန်မြင့်လာနေတဲ့အတွက် စစ်ပြေးဒုက္ခသည်တွေရဲ့ အသက် အိုးအိမ်စည်းစိမ် လုံခြုံမှု ကင်းမဲ့လာနေသလို အေးလွန်းတဲ့ ရာသီဥတုဒဏ် ခံနေရတဲ့ ဒုက္ခသည်တွေအတွက် ကျန်းမာရေးစောင့်ရှောက်မှု၊ စားနပ်ရိက္ခာနဲ့ နေထိုင်မှု အခက်အခဲတွေ ပိုပြီး အထူးစိုးရိမ်စရာ အနေအထား ဖြစ်လာနေတာပါ။ ဒါကြောင့် ဒေသတွင်း ငြိမ်းချမ်းမှုရှိအောင် ကချင်ဒုက္ခသည် စခန်းတွေနားအထိ ပစ်ခတ်တိုက်ခတ်မှုတွေနဲ့ စစ်အင်အား တိုးချဲ့ချထားမှုတွေကို ရပ်တန့်ပေးဖို့ ကချင်ပြည်နယ် လူထုအခြေပြု မဟာမိတ်အဖွဲ့တွေကလည်း တောင်းဆိုနေချိန် ဖြစ်ပါတယ်။

VOA
http://burmese.voanews.com/content/article/2552011.html


အလွတ်သတင်းထောက် ကိုပါကြီး အသတ်ခံရမှုနဲ့ ပတ်သက်ပြီး အမျိုးသား လူ့အခွင့်အရေးကော်မရှင်ရဲ့ ထုတ်ပြန်ချက်ဟာ ပြည့်စုံလုံလောက်မှု မရှိတဲ့အတွက် နိုင်ငံတကာ လူ့အခွင့်အရေးကော်မရှင်နဲ့ ကျွမ်းကျင်ပညာရှင်တွေပါဝင်တဲ့ စုံစမ်းစစ်ဆေးရေးအဖွဲ့သစ်ကိုဖွဲ့စည်းပြီး ထပ်မံစစ်ဆေးပေးဖို့ ကိုပါကြီးရဲ့ဇနီးဖြစ်သူက နိုင်ငံတော်အကြီးအကဲတွေထံ တင်ပြတောင်းဆိုလိုက်ပါတယ်။

ကိုပါကြီးအသတ်ခံရမှုနဲ့ ပတ်သက်ပြီး ကော်မရှင်ရဲ့ အစီရင်ခံစာထဲမှာ ဘယ်သူတွေမှာတာဝန်ရှိပြီး ဘယ်ဥပဒေတွေနဲ့ ငြိစွန်းတယ်ဆိုတာကို ထောက်ပြထားတာမရှိတဲ့အတွက် နိုင်ငံတော်သမ္မတ၊ တပ်မတော်ကာကွယ်ရေးဦးစီးချုပ်၊ လွှတ်တော်ဥက္ကဌတွေနဲ့ ဒေါ်အောင်ဆန်းစုကြည်တို့ထံ စာပေးပို့တာလို့ ကိုပါကြီးရဲ့ဇနီး မသန္တာက ပြောပါတယ်။

"အမတို့ မျက်မြင်ကိုယ်တွေ့ အလောင်းသွားဖော်တဲ့နေရာမှာ ပစ်စလက်ခတ် မြှုပ်နှံထားခြင်းမျိုးတွေရှိတယ်၊ နောက်အမတို့ စပြီးပျောက်ဆုံးကတည်းက သွားစုံစမ်းတဲ့နေရာမှာ ဖုံးကွယ်ထားမှုတွေရှိတယ်၊ အမလိုက်သွားတုန်းက ၁၉ ရက်ဆိုတာ သူအသတ်ခံရပြီးပြီ၊ ဒါပေမဲ့ အမကို ဘာမှမပြောဘူးဆိုတာ သတင်းထိန်ချန်ထားတာဖြစ်သလို အလောင်းဖျောက်တာလည်းဖြစ်တယ်၊ ဒီလူတွေကိုကျတော့ ဥပဒေတွေနဲ့ ဒါတွေကျူးလွန်ပါတယ်လို့ ထောက်ပြထားတာ စုံစမ်းစစ်ဆေးရေး အစီရင်ခံစာမှာ လုံးဝမပါဘူး၊ ဒါကြောင့် အမတို့က တစ်ချက်ခြင်းထောက်ပြပြီးတော့ စာတင်တာဖြစ်တယ်""

ကိုပါကြီးအလောင်းကို စစ်ဆေးရာမှာ တွေ့ရှိခဲ့တာတွေနဲ့ ကော်မရှင်အစီရင်ခံစာမှာ ဖော်ပြချက်တွေဟာ ကွဲလွဲနေတယ်လို့လည်း မသန္တာက ပြောပါတယ်။

ကိုပါကြီးအဖမ်းခံရစဉ်က ရဲတပ်ဖွဲ့ဝင်တွေ ပါဝင်နေပေမဲ့ ရဲစခန်းမှာ အမှုဖွင့်စစ်ဆေးခြင်းမရှိဘဲ တပ်မတော်ကပဲ စစ်ဆေးတာဟာ လူ့အခွင့်အရေး ချိုးဖောက်တာဖြစ်တယ်လို့ ဒီနေ့ ပေးပို့တဲ့စာမှာ ပါရှိပါတယ်။

ကိုပါကြီးဟာ မွန်ပြည်နယ် ကျိုက်မရောမြို့နယ်မှာ ပြီးခဲ့တဲ့ စက်တင်ဘာလ ၃၀ ရက်နေ့က ဖမ်းဆီးခံခဲ့ရတာဖြစ်ပြီး ဖမ်းဆီးထားစဉ် အောက်တိုဘာလ ၄ ရက်နေ့မှာ အစောင့်တစ်ဦးထံက သေနတ်ကို လုယူဖို့ကြိုးစားခဲ့တဲ့အတွက် သေနတ်နဲ့ပစ်ခတ်ခဲ့ရာ သေဆုံးခဲ့တာဖြစ်တယ်လို့ အမျိုးသား လူ့အခွင့်အရေးကော်မရှင်က ထုတ်ပြန်တဲ့ ကော်မရှင်အစီရင်ခံစာမှာ ဖော်ပြခဲ့ပါတယ်။

RFA Burmese
https://www.facebook.com/pages/RFA-Burmese/39218993127


မြန်မာနိုင်ငံမှာ လူ့အခွင့်အရေး ချိုးဖောက်ခံရမှု အများဆုံး ဟာ လယ်ယာမြေ သိမ်းဆည်းခံရတဲ့ တောင်သူလယ် သမားတွေ ဖြစ်တယ်လို့ လူ့အခွင့်အရေး ကာကွယ်မြှင့်တင် သူများအဖွဲ့ (HRDP) ကဒီနေ့ကျရောက်တဲ့ ၆၆ နှစ်မြောက် နိုင်ငံတကာ လူ့အခွင့်အရေးနေ့ အခမ်း အနားမှာ ပြောကြား လိုက်ပါတယ်။

ရန်ကုန်မြို့ ဗဟန်းမြို့နယ်က M3 စားသောက်ဆိုင်မှာ ကျင်းပတဲ့ ၆၆ နှစ်မြောက် နိုင်ငံတကာ လူ့အခွင့်အရေးနေ့ အခမ်းအနားမှာ လယ်ယာမြေသိမ်းဆည်းခံရပြီး ထောင် ကျနေတဲ့ လယ်သမား တစ်ထောင်ကျော်လောက်ရှိနေပြီ လို့ လူ့အခွင့် အရေးကာကွယ် မြှင့်တင်သူများအဖွဲ့ အမှုဆောင်ဒါရိုက်တာ ဦးမြင့်အေးက အခုလိုပြောပါတယ်။

"လယ်သိမ်းတာဘာလို့ လူ့အခွင့်အရေးချိုးဖောက်မှု လို့ ပြောလဲဆိုတော့ ပုဂ္ဂလိက ပစ္စည်းပိုင်ဆိုင်မှုတွေ ကို ဒါတွေဟာ အဓမ္မနည်းနဲ့ သိမ်းယူတာရှိတယ်၊ အဓမ္မနည်း မဟုတ်ပဲနဲ့ စောစောကပြောသလို တပ်ပိုင်တို့၊ ဘာတို့ညာတို့ ဆိုတာရှိတာကိုး ဘယ်လိုနည်းနဲ့ ပဲဖြစ်ဖြစ် ကျနော်တို့ အပြည်ပြည်ဆိုင်ရာ လူ့အခွင့်အရေး ကြေငြာ စာတမ်းကြီးရဲ့ အပိုဒ် ၁၇ အရ ပုဂ္ဂလိက ပစ္စည်းပိုင်ဆိုင်မှုရှိတယ်ဆိုတဲ့ အချက်ကို ချိုးဖောက်လို့ လယ်တွေဟာလယ်သမားတွေပိုင်ခွင့်ရှိတယ်၊ အဲ့ဒါ ကိုယ်ပိုင်ပစ္စည်း ဆိုတာရှိသင့်တယ် ဆိုတဲ့ အချက်နဲ့ ကျူးလွန်တာတွေအများကြီးပါ၊ ဒါတွေကိုလဲ အစိုးရကနေ ဖမ်းဆီးထောင်ချတယ်၊ လယ်သမားတွေအခု ထောင်ထဲမှာ အများကြီးရောက်နေပါပြီ၊ ကျနော်တို့မှတ် တမ်းတွေအရ တစ်ထောင်ကျော်ကျော်လောက်ရှိမယ်၊ အဲ့တော့ဒီအမှုဟာ အများဆုံး"

လူ့အခွင့်အရေးကာကွယ်မြှင့်တင်သူများအဖွဲ့က "အစိုးရသစ်နဲ့ မြန်မာနိုင်ငံ လူ့အခွင့်အရေးအခြေအနေ" ဆိုတဲ့ ခေါင်းစဉ် နဲ့ အစီအရင်ခံစာကို ဒီနေ့ အခမ်းအနားမှာ တင်သွင်းခဲ့ပါတယ်။ဒါ့အပြင် လွတ်လပ်စွာရေးသား ထုတ်ဖော်ပြောဆိုခွင့်နဲ့ အစိုးရသစ်၊ အမျိုးသမီးအခွင့်အရေး အခြေအနေနဲ့ အစိုးရသစ်၊ လူနည်းစု တိုင်းရင်းသား အခွင့်အရေးအခြေအနေ၊ ဥပဒေပြုရေး တရားစီရင်ရေးနဲ့ အစိုးရသစ် စတဲ့ ခေါင်းစဉ်တွေနဲ့ မြန်မာနိုင်ငံက လူ့အခွင့် အရေးအခြေအနေတွေ ကို ဆွေးနွေးခဲ့ကြပါတယ်။

နိုင်ငံတကာလူ့အခွင့်အရေးနေ့ အခမ်းအနားတွေကို ရန်ကုန်၊ မုံရွာ၊ မြစ်ကြီးနားနဲ့ စစ်တွေမြို့တွေမှာလည်း ကျင်းပ ခဲ့ကြပါတယ်။

RFA Burmese
https://www.facebook.com/pages/RFA-Burmese/39218993127


ရမည်းသင်းအကျဉ်းထောင်မှာ ထောင်ဒဏ် ၁၃ နှစ်ကျ ခံနေရတဲ့ သာသနာရေး ဝန်ကြီးဟောင်း ဦးဆန်းဆင့်အမှု ကိုမန္တလေးတိုင်းဒေသကြီး တရားလွှတ်တော်မှာ အယူခံ ဝင်ခဲ့ရာမှာ မနေ့က ပယ်ချခံလိုက်ရပါတယ်။

ဦးဆန်းဆင့်အမှုကို လိုက်ပါဆောင်ရွက်ပေးနေတဲ့ ရှေ့နေ ဦးတင်ထွန်းက အယူ ခံပယ်ချခံရပုံကို အခုလို ပြောပြ ပါတယ်။

"ကျနော်တို့ အယူခံတင်တယ်ဗျာ၊ မနေ့တုန်းက အမှု ကိုလက်ခံရန် သင့်၊ မသင့် လျှောက်လွှဲချက်ပေး တယ်၊ မန္တလေးတိုင်းဒေသကြီး တရားလွှတ်တော် ခုံရုံးအမှတ် ၆ က ကျနော်တို့ လျှောက်လွှဲချက်ကို ကြားနာတယ်၊ ကြားနာပြီး ညနေ ၄ နာရီ ကျတော့ ကျနော်တို့ လျှောက်လွှဲချက်ကို လက်မခံဘူး ပယ်တယ်"

ဦးဆန်းဆင့်ကို ပြီးခဲ့တဲ့ အောက်တိုဘာလ ၁၇ ရက်နေ့က နေပြည်တော် ဒက္ခိဏ သီရိတရားရုံးကနေ နိုင်ငံတော်အကြည် ညိုပျက်စေမှု ပုဒ်မ ၁၂၄(က)၊ ပြည်သူပိုင် ပစ္စည်းအလွဲသုံးစားမှု ပုဒ်မ ၄၀၉ တို့နဲ့ ပြစ်ဒဏ်ချမှတ်ခံခဲ့ရတာပါ။

ဦးဆန်းဆင့်ဟာ လောလောဆယ်မှာ မန္တလေးတိုင်းဒေသကြီး ရမည်းသင်း အကျဉ်းထောင်မှာ ပြစ်ဒဏ်ကျခံနေရ တာဖြစ်ပြီး ပြည်ထောင်စု တရား လွှတ်တော်အထိ ဆက်ပြီးအယူခံဝင်သွားမယ်လို့ ရှေ့နေဦးတင်ထွန်းက ပြောပါတယ်။

RFA Burmese
https://www.facebook.com/pages/RFA-Burmese/39218993127


မြန်မာနိုင်ငံရဲ့ ရေအရင်းအမြစ်တွေအပါအ၀င် ဧရာဝတီမြစ်ဝှမ်း ဘက်စုံစီမံခန့်ခွဲရေးနဲ့ ဖွံ့ဖြိုးတိုးတက်ရေးအတွက် ကမ္ဘာ့ဘဏ်ကနေပြီး အမေရိကန်ဒေါ်လာ သန်း ၁၀၀ ချေးငွေ ထုတ်ပေးဖို့ ဒီဇင်ဘာ ၉ ရက်နေ့က အတည်ပြုလိုက်ပါတယ်။

ကမ္ဘာ့ဘဏ်ရဲ့ အပြည်ပြည်ဆိုင်ရာ ဖွံ့ဖြိုးရေးအသင်းရန်ပုံငွေကနေ ဒီငွေကို ထုတ်ချေးပေးမှာ ဖြစ်ပြီး ရေအရင်းအမြစ်၊ မြစ်ကြောင်း သွားလာရေးနဲ့ မြစ်ကြောင်းတလျှောက် နေထိုင်သူတွေ အကျိုးရှိဖို့အတွက် ကူညီတာဖြစ်တယ်လို့ ကမ္ဘာ့ဘဏ်မြန်မာရုံးခွဲရဲ့ ဆက်သွယ်ရေး တာဝန်ခံ ဦးကျော်စိုးလင်းက ဒီဗွီဘီကို ပြောပါတယ်။

“ဒီစီမံကိန်းမှာပါတဲ့ အစိတ်အပိုင်းတွေကတော့ ရေကြောင်းသွားလာမှု ပိုပြီး ကောင်းမွန်အောင် ဆောင်ရွက်ဖို့ ရှိတယ်။ အဲဒါက ဒီမြစ်ကြောင်းမှာ မြစ်ရေနုန်းပို့ချမှုတွေ များတဲ့အတွက် အခက်အခဲဖြစ်တော့ ဘယ်လို ဖြေရှင်းမလဲပေါ့။ နောက်ရေကြောင်း မောင်းနှင်သွားတဲ့အခါမှာ လမ်းညွှန်အမှတ်အသားတွေကို တပ်ဆင်ဖို့။ စနစ်တကျ လေ့လာပြီး မြစ်ကြောင်း ထိန်းသိမ်းရေး လုပ်ငန်းတွေလုပ်ဖို့။ နောက်တခုကတော့ မြန်မာနိုင်ငံ မိုးလေ၀သနဲ့ ဇလဗေဒဌာနတွေ မိုးလေ၀သ ခန့်မှန်းတဲ့အခါမှာ သတိပေးတဲ့စနစ်တွေ လုပ်တဲ့အခါမှာ ပိုမိုပြီးတော့ ခေတ်မီ တိကျအောင်လို့ စက်ပစ္စည်းကိရိယာတွေ ပံ့ပိုးမယ်။ အဲဒီမှာရှိတဲ့ ၀န်ထမ်းတွေ အရည်အသွေး မြှင့်တင်အောင် သင်တန်းတွေပေးမယ်။ နောက်တခုကကျတော့ မြစ်ကြောင်းတလျှောက်မှာရှိတဲ့ လယ်ယာစိုက်ပျိုးရေးအတွက် ရေရရှိရေးနဲ့ ပတ်သက်တဲ့ လုပ်ငန်းတွေကို ဆောင်ရွက်သွားမှာ ဖြစ်ပါတယ်။”
ကမ္ဘာ့ဘဏ်ရဲ့ ထုတ်ပြန်တဲ့ ကြေညာချက်မှာတော့ ဒီစီမံကိန်းဟာ လယ်ယာစိုက်ပျိုးရေးလို ရေရရှိရေးအပေါ်မှီခိုအသက်မွေးဝမ်းကြောင်းနေရတဲ့ သန်းနဲ့ချီတဲ့ အခြေခံလူတန်းစားတွေ အကျိုးရှိစေဖို့ ဆောင်ရွက်သွားမယ်လို့ ဖော်ပြပါတယ်။

ဒါ့အပြင် မိုးခေါင်ရေရှားမှု၊ ရေလွှမ်းမိုးမှုနဲ့ မုန်တိုင်းအန္တရာယ်တွေ ကျရောက်လေ့ရှိတဲ့ ဒေသမှာ နေထိုင်ကြတဲ့ ပြည်သူတွေရဲ့ဘ၀နဲ့သူတို့ရဲ့ အသက်မွေးဝမ်းကျောင်းလုပ်ငန်းတွေကို ကာကွယ်ပေးနိုင်ဖို့ ရည်ရွယ်သလို ဧရာဝတီမြစ် ရေရှည်တည်တံ့ရေး ထိန်းသိမ်းဆောင်ရွက်မှု လုပ်ငန်းတွေမှာလည်း ကူညီဆောင်ရွက်သွားမယ်လို့လည်း ထုတ်ပြန်ထားပါတယ်။

ကမ္ဘာ့ဘဏ်ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် အဗဒူလာရေဆက်က “ဒီစီမံကိန်းက လယ်ယာထွက်ကုန်တွေနဲ့ ၀င်ငွေတွေကို တိုးတက်ထုတ်လုပ်နိုင်အောင် ကူညီဆောင်ရွက်နိုင်မှာ ဖြစ်လို့ မြစ်ကြောင်းတလျှောက် နေထိုင်တဲ့ ပြည်သူတွေရဲ့ လူမှုစီးပွား ဘ၀တွေကို သိသိသာသာတိုးတက်စေလိမ့်မယ်လို့ မျှော်လင့်ပါတယ်” လို့ ကြေညာချက်မှာ ပြောပါတယ်။

ဒီချေးငွေပေးဖို့ ကမ္ဘာ့ဘဏ်ရဲ့ အမှုဆောင် ဒါရိုက်တာဘုတ်အဖွဲ့ဝင်တွေ ၀ါရှင်တန်ဒီစီမြို့မှာ ဒီဇင်ဘာ ၉ ရက်နေ့က ပြုလုပ်တဲ့အစည်းအဝေးမှာ ဆုံးဖြတ်ခဲ့တာ ဖြစ်ပြီး နောက်တဆင့်အနေနဲ့ကတော့ မြန်မာအစိုးရ တာဝန်ရှိသူတွေနဲ့ လက်မှတ်ရေးထိုးဖို့ရှိပါတယ်။

By နော်နိုရင်း (ဒီဗွီဘီ)
http://burmese.dvb.no/archives/73427

တအာင်းအမျိုးသား လွတ်မြောက်ရေး တပ်မတော် (ဓာတ်ပုံ – pnsjapan.com)
ရှမ်းပြည်မြောက်ပိုင်း ကွတ်ခိုင်မြို့နယ် တာမိုးညဲမြို့နယ်ခွဲမှာ ကချင်၊ တအာင်း (ပလောင်)၊ ကိုးကန့် စတဲ့ တိုင်းရင်းသား ပူးပေါင်းတပ်နဲ့ အစိုးရတပ်ကြား ဒီနေ့ တနေကုန်နီးပါး ပစ်ခတ်မှု ဖြစ်ပွားခဲ့ပါတယ်။

တအာင်းအမျိုးသား လွတ်မြောက်ရေးတပ်မတော် (တီအန်အယ်လ်အေ) ၊ ကေအိုင်အေ ကချင်လွတ်လပ်ရေးတပ်မတော် နဲ့ မြန်မာအမျိုးသားဒီမိုကရက်တစ်မဟာမိတ်တပ်ပေါင်းစု ( ကိုးကန့် ) တပ်ဖွဲ့တွေဟာ အစိုးရနဲ့ တနိုင်ငံလုံးအပစ်ခတ်ရပ် လက်မှတ်ရေးထိုးနိုင်ရေး ဆွေးနွေးနေတဲ့  ယူအဲန်အက်ဖ်စီ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ ရဲ့ အဖွဲ့ဝင်တွေ ဖြစ်ပါတယ်။

အစိုးရတပ်ဘက်က တပ်မ ၁၁၊ တပ်မ ၇၇၊ တပ်မ ၈၈ လက်အောက်ခံ တပ်ရင်းတပ်ဖွဲ့တွေဟာ ခုရက်ပိုင်းအတွင်း တအာင်းဒေသဘက်ကို စစ်အင်အား ဖြည့်တင်းလာတဲ့အတွက် သူတို့တပ်တွေနဲ့ မကြာခဏ ရင်ဆိုင်တိုက်ပွဲဖြစ်ပွားလျက်ရှိတယ်လို့ တအာင်းအမျိုးသား လွတ်မြောက်ရေး တပ်မတော် (တီအန်အယ်လ်အေ) ရဲ့ ပြန်ကြားရေးတာဝန်ခံ မိုင်းအိုက်ကျော်က ဒီဗွီဘီကို ပြောပါတယ်။

“ခုရက်ပိုင်းအတွင်း အစိုးရတပ် အင်အား ၅၀၀ ကျော် ကျနော်တို့ ထိန်းချုပ်နယ်မြေဘက်ကို တက်လာတယ်ခင်ဗျ၊ အဲလိုတက်လာတော့ မိုဘိုင်းတပ်ဖွဲ့အဖြစ် လှုပ်ရှားနေတဲ့ ကျနော်တို့နဲ့ ရင်ဆိုင်တိုက်ပွဲဖြစ်ကြပါတယ်။ ဘယ်သူက အရင်ပစ်သလဲဆိုတာတော့ ပြောရခက်တယ်။ ဦးတဲ့ဘက်က ပစ်နေတာပါပဲ။ ဒီကနေ့ကတော့ ဆိုင်းခေါင်နဲ့ ဟိုပုံရွာကြားမှာ မနက် ၅ နာရီကနေ ညနေ ၃ နာရီခွဲထိ တနေကုန်ပစ်ကြတယ်။ လက်နက်ကြီးတွေလည်း ပါတယ်။ ဆက်တိုက်တော့ မဟုတ်ပါဘူး၊ ပစ်လိုက်နားလိုက်ပါ။ အခုလည်း ၂ ဘက်စလုံးက အဲဒီနေရာကနေ မဆုတ်သေးတော့ အချိန်မရွေး ပြန်ပစ်နိုင်တဲ့ အနေအထားမှာ ရှိပါတယ်။”

ဒီမတိုင်ခင် ဒီဇင်ဘာ ၉ ရက် မနေ့ နေ့ခင်းပိုင်းကလည်း နမ့်ဆန်မြို့နယ် အုမ်းစွမ်ရွာနဲ့ အုမ်းတက်ရွာကြားမှာ၊ ဒီဇင်ဘာ ၈ ရက်က ကျောက်မဲမြို့နယ်၊ မိုင်းလုံမြို့နယ်ခွဲ ၊ လွယ်ဆာရွာနဲ့ နားလော်ရွာကြားမှာ တအာင်းတပ်ဖွဲ့နဲ့ အစိုးရတပ်ဖွဲ့ဝင်တွေကြား ပစ်ခတ်မှုတွေ ဖြစ်ခဲ့တယ်လို့ သူက ဆက်ပြောပါတယ်။

အစိုးရတပ်က အခုလို စစ်အင်အားတွေ ဖြည့်တင်းဝင်ရောက်လာတာကြောင့် ဒီ ၂၀၁၄ ဒီဇင်ဘာထဲမှာ ပစ်ခတ်မှုပေါင်း အနည်းဆုံး ၇ ကြိမ် ဖြစ်ပွားခဲ့ပြီး ထိခိုက်ဒဏ်ရာရမှုနဲ့ ကျဆုံးမှုစာရင်းတွေတော့ မသိရသေးဘူးလို့ မိုင်အိုက်ကျော် က ပြောပါ တယ်။

By နန်းမြနဒီ (ဒီဗွီဘီ)
http://burmese.dvb.no/archives/73440



ပေ(၄၀၀၀)ခန့် အမြင့်၌ ပျံသန်းနေသော လေယာဉ်နှင့် ငှက်တို့တိုက်မိရာမှ လေယာဉ်၏ ဦးထိပ်ပိုင်း အနည်းငယ် ပေါက်ပြဲမှုဖြစ်

ရန်ကုန်၊ ဒီဇင်ဘာ ၁၀

၁၀.၁၂.၂၀၁၄ ရက်နေ့ ၁၅၀၀ အချိန်တွင် စင်္ကာပူနိုင်ငံမှ ရန်ကုန် အပြည်ပြည်ဆိုင်ရာ လေဆိပ်သို့ ထွက်ခွာလာသော မြန်မာ့လေကြောင်း ခရီးစဉ်အမှတ် 8M-232 ၊ လေယာဉ်အမျိုးအစား A-319 လေယာဉ်သည် ရန်ကုန်လေဆိပ်သို့ မရောက်မီ (၁၀)မိနစ်ခန့်အလို ပဲခူးမြို့ပေါ် ပေ(၄၀၀၀)ခန့် အမြင့်မှ ပျံသန်းနေစဉ် ငှက်များနှင့်တိုက်မိ၍ လေယာဉ်၏ ဦးထိပ်ပိုင်း၌ (၁)ပေ ပတ်လည်ခန့် အပေါက်ဖြစ်သွားခဲ့ ကြောင်း သိရှိရပါသည်။

အဆိုပါလေယာဉ်တွင် လေယာဉ်အမှုထမ်း(၈)ဦးနှင့် ခရီးသည် (၁၂၀)ဦး လိုက်ပါလာကြောင်း သိရှိရပြီး ယင်းသို့ဖြစ်ပွားခဲ့သော်လည်း လေယာဉ်မှာ ရန်ကုန်အပြည်ပြည်ဆိုင်ရာ လေဆိပ်သို့ ကောင်းမွန်စွာ ဆင်းသက်နိုင်ခဲ့ကြောင်းနှင့် ခရီးသည်များ အန္တရာယ်တစ်စုံတစ်ရာ ဖြစ်ပွားခဲ့ခြင်း မရှိကြောင်း သတင်းရရှိပါသည်။

Yangon Police
https://www.facebook.com/yangonpolice



လော့စ်အိန်ဂျလိစ်၊ ဒီဇင်ဘာ ၁၀

ဘရတ်ပစ်နဲ့ ဂျိုလီတို့ဟာ တကိုယ်လုံး နေရာအနှံ ထိုးထားတဲ့ တက်တူးတွေ ထုတ်ပြဖို့ မရှက်ရွံ့ကြပေမယ့် သူတို့ရဲ့ ကလေးငယ် ၆ ဦးတို့က တက်တူးထိုးချင်တယ်လို့ ပြောလာချိန်မှာတော့ ဖခင်ဖြစ်သူ ဘရက်ပစ်က ‘နိုး’ လို့ တားမြစ်လိုက်တာပဲ ဖြစ်ပါတယ်။

ဒုတိယကမ္ဘာစစ်အကြောင်း နောက်ခံထားတဲ့ Unbroken ဇာတ်ကား ရောင်းအားမြှင့်တင်ရေး လုပ်နေရလို့ မအားလပ်လှတဲ့ ဂျိုလီက သူမရဲ့ ခင်ပွန်းဟာ ကလေးတွေ တက်တူးထိုးချင်နေတာကို အခိုင်အမာ ဆန့်ကျင်တားမြစ်လိုက်တယ် လို့ ဖွင့်ဟလာခြင်း ဖြစ်ပါတယ်။

သူမကိုယ်တိုင်လည်း အကြီးဆုံး သားဖြစ်သူ မတ်ဒ်ဒေါ့စ် (၁၃ နှစ်) က မိဘများရဲ့ တက်တူးချစ်စိတ်ကို အမွေဆက်ခံရင်း တက်တူးထိုးဖို့ တောင်းဆိုတဲ့ အချိန်မှာ တားမြစ်ခဲ့ပေမယ့် ယခုအခါ ဇာဟာရာ (၉ နှစ်) ကပါ စိတ်ဝင်စားမှု ရှိလာတာပါ။

“သူတို့က ကျွန်မကို တက်တူးအကြောင်း မေးနေကြပြီ၊ ကျွန်မ ဘယ်လို ‘နိုး’ ရမလဲ၊ အထူးသဖြင့်တော့ ဖခင်ဖြစ်သူနဲ့ သမီးတွေကြားမှာ ဆိုရင် ပိုပြီး ထိလွယ်ရှလွယ်ဖြစ်တတ်တာမျိုးပေါ့၊ ဖခင်တွေက သမီးတွေ တက်တူးထိုးမှာမျိုး လုံးဝ လက်မခံတတ်ကြဘူး။ အခုတော့ ဘရတ်ကို ကလေးတွေက ၀ိုင်းချွဲနေကြပြီ” လို့ ဂျိုလီက ဆိုတယ်။

ပြီးခဲ့တဲ့ သြဂုတ်လကမှ လက်ထပ်လိုက်ကြတဲ့ ဟောလိဝုဒ် ဇနီးမောင်နှံဟာ သူတို့ သားသမီးတွေကိုတော့ ရုပ်ရှင်သရုပ်ဆောင်တွေ မဖြစ်စေလိုပါဘူး။

“ကျွန်မတို့ရဲ့ ကလေးတွေ ကမ္ဘာတ၀န်းကို လိုက်ကြည့်ဖို့ မျှော်လင့်တယ်၊ စာရေးဆရာတွေ၊ နိုင်ငံရေးသမားတွေ၊ တက်ကြွလှုပ်ရှားသူတွေကိုပဲ အားကျအတုယူစေချင်တယ်။ ကလေးတွေမှာ ကိုယ်ပိုင် ဘ၀လေးတွေ ရှိကြတယ်။ ဒါကြောင့် ကျွန်မတို့ လုပ်တာမျိုးပဲ လိုက်မလုပ်စေချင်ဘူး” လို့ ဂျိုလီက ပြောပါတယ်။

ကျော်လင်းထွန်း
__Ref: Contactmusic
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

Author Name

Contact Form

Name

Email *

Message *

Powered by Blogger.