12/16/14

မြို့တော်ခန်းမရှေ့မှာ ဘိုးဘွားပိုင်မြေ ပြန်လည်ရရှိရေး စခန်းချဆန္ဒပြနေကြသူ မိကျောင်းကန်ပြည်သူများ။ (ဓာတ်ပုံ- ဝေမှူးသွင်/ဒီဇင်ဘာ ၁၄၊ ၂၀၁၄)
သင်္ကန်းကျွန်း၊ မိကျောင်းကန်မြေသိမ်းခံရမှုနဲ့ပတ်သက်လို့ ဖြေရှင်းပေးဖို့တောင်းဆိုနေတာ တနှစ်ကျော်ပြီဖြစ်ပေမဲ့ အခုချိန်ထိ အာဏာပိုင်တွေဘက်က သေသေချာချာ ဖြေရှင်းမပေးသေးတဲ့အတွက် မြေအသိမ်းခံရသူတွေဟာ ရန်ကုန်မြို့တော်ခန်းမရှေ့မှာ ထပ်မံဆန္ဒပြနေကြပါတယ်။ အခုဆန္ဒပြနေတာ သုံးရက်ကြာနေပြီဖြစ်ပေမဲ့ အာဏာပိုင်တွေဘက်က တေ့တေ့ဆိုင်ဆိုင်ခုထိ ညှိနှိုင်းတုံ့ပြန် ဆောင်ရွက်တာမျိုးမရှိသေးဘူးလို့ ဆန္ဒပြသူတွေကဗွီအိုအေကိုပြောပါတယ်။ အကြောင်းစုံကို မအင်ကြင်းနိုင်က ဆက်သွယ်စုံစမ်းတင်ပြထားပါတယ်။

ဆန္ဒပြသူတွေအဓိကတောင်းဆိုနေတာက သူတို့ဆုံးရှုံးခဲ့တဲ့ဘိုးဘွားပိုင်မြေတွေအတွက် အစိုးရဘက်က တုံ့ပြန်ဆောင်ရွက်ပေးဖို့ဖြစ်ပါတယ်။ အရင် နအဖအစိုးရလက်ထက်ကတည်းက အသိမ်းခံရတဲ့မြေတွေအတွက် ပြေလည်အောင်ဆောင်ရွက်ပေးဖို့ မိကျောင်းကန်ပြည်သူတွေက ငြိမ်းချမ်းစွာ ဆန္ဒထုတ်ဖေါ်ခဲ့တာဖြစ်တယ်လို့ ဆန္ဒပြသူတဦးဖြစ်တဲ့ ဦးမောင်မောင်က ဗွီအိုအေကိုပြောပါတယ်။

"ကျနော်တို့ မရမချင်းမထတော့ဘူး၊ အစိုးရတရပ်အနေနဲ့ အာမခံချက်တခုခု ကျနော်တို့ကိုရအောင် ပေးမှ၊ ပြမှ ပြန်မယ်ဆိုပြီးတော့ အခု ဒါ သုံးကြိမ်မြောက်ပေါ့နော်။"

မေး။ ။ အခု ဒီ မြို့တော်ခန်းမရှေ့နဲ့ ရန်ကုန်မြို့လယ်ကောင်တွေမှာ ထိုင်သပိတ်လုပ်နေတာ သုံးရက်မြောက် ရှိနေချိန်မှာ သက်ဆိုင်ရာအစိုးရဘက်က ဘယ်လို တုံ့ပြန်တာမျိုးတွေ ရှိလဲရှင့်။

ဖြေ။ ။ ညနေကတော့ စည်ပင်တွေကတော့ တုတ်တွေနဲ့တော့ ဖြတ်လျှောက်သွားတာ တွေ့တယ်။ နင်လား ငါလား အဲလိုမျိုးလာပြီး ဝင်ရောက်ဖျက်ဆီးတာမျိုးတော့ မရှိသေးဘူး။ ပထမတော့ နည်းနည်းတော့ မလိမ့်တပတ်နည်းနဲ့ ဟန့်ထားတာပေါ့။ ဟန့်ထားပေမယ့်လည်း ကျနော်တို့က - မဟုတ်ဘူး၊ ကျနော်တို့ ဒီမှာထိုင်နေတာလည်း ၉ လရှိသွားပြီ။ ကြာပြီ၊ ကျနော်တို့မြေတွေကို ကျနော်တို့ကို ပြန်ပေးရင်လည်းပေး၊ ကျနော်တို့တောင်းဆိုထားတာက ဒီလိုပါ၊ ဒီမြေကို ပြန်ရမှမဟုတ်ပါဘူး။ တကယ်လို့ လက်ရှိ မြေကွက်လပ်တွေ ရှိနေတဲ့အပိုင်းပေါ့နော်၊ မိကျောင်းကန်မြေကွက်လပ်ရှိတယ်။ အဲဒီမြေကွက်ကို ကျနော်တို့ကို ပြန်လည်ပြီးတော့ ပေးရင်ပေး၊ မပေးရင်လည်းပဲ အဲဒီရဲ့ တူညီတဲ့လက်ရှိ ကာလပေါက်ဈေးကို ကျနော်တို့ကိုပေးပါ။ အဲဒီလို ကာလပေါက်ဈေးကို မပေးနိုင်ဘူးဆိုရင်လည်းပဲ ကျနော်တို့ကို အစားထိုးမြေအဖြစ်ပေးပါဆိုပြီး အဲဒီလို ကျနော်တို့က တောင်းဆိုထားတာပါ။

မေး။ ။ မြို့တော်ခန်းမရှေ့သပိတ်စခန်းမှာ ဘယ်သူတွေ ပါဝင်လဲရှင့်။

ဖြေ။ ။ အမျိုးသမီးလည်းများတယ်။ အမျိုးသားတွေလည်း ပါပါတယ်။ ကြီးတဲ့လူတွေ များပါတယ်။ အသက် ၆၀ ကျော်၊ ၇၀ ကျော်၊ အဖွားကြီးတွေ၊ အဖိုးကြီးတွေ ရှိပါတယ်။ ကျန်းမာရေးလည်း တော်တော်လေး ထိခိုက်ပါတယ်။ ဘာဖြစ်လို့လဲဆို ကျနော်တို့က ဖြတ်သန်းလာခဲ့တာ မိုးရာသီလည်း တရာသီလုံး၊ နောက်ပြီးတော့ နွေရာသီ။ နွေရာသီသုံးလလုံး၊ ပြီးတဲ့အခါကျ မိုးရာသီ၊ တမိုးလုံး။ ပြီးတဲ့ အခါကျတော့ အခု ဆောင်းဝင်လာတဲ့အခါကျ နည်းနည်းလည်းအေးတယ်။ အေးတဲ့အခါကျ တော်တော်လေးကို ရာသီတွေ ဖြတ်သန်း လာတဲ့အခါကျ ကျန်းမာရေးလည်း ထိခိုက်တယ်။ အဲဒီအတွက် ဒီမှာ အစိုးရက ညှိနှိုင်းလို့မရအတူတူတော့ မထူးတော့ဘူး ဆိုပြီးတော့ ကျနော်တို့က အခု အရဲစွန့်ပြီး ကျနော်တို့က မြို့တော်ခန်းမရှေ့မှာ ဖမ်းရင်လည်းဖမ်း၊ ညှိနှိုင်းရင်လည်း ညှိနှိုင်းပေါ့-အဲဒီတော့ အစိုးရက မညှိနှိုင်းခဲ့ဘူးဆိုရင်လည်း - - ကျနော်တို့အားလုံး တိုင်ပင်ပြီးတော့ မြို့တော်ခန်းမရှေ့မှာ ထပ်ပြီးတော့ ထိုင်သပိတ်ပြတာ။

မေး။ ။ အခု အဲဒီတော့ အရင်က မိကျောင်းကန်ဘက်မှာ အသိမ်းခံခဲ့ရတဲ့ အဲဒီမြေက ဒီတိုင်းပဲထားနေလား၊ အဲဒီမြေမှာ အာဏာပိုင်တွေဘက်က ဘာတွေလုပ်ထားလဲရှင့်။

ဖြေ။ ။ တပ်ပိုင်မြေဆိုပြီးတော့ သူတို့က ဆိုင်းဘုတ်တပ်ထားပြီးတော့ ခြံစည်းရိုးခတ်တယ်။ ကျနော်တို့ လမ်းလျှောက်ပြီး စဆန္ဒပြတာနဲ့ ခြံစည်းရိုးခတ်ပစ်လိုက်တယ်။ မြေကွက်လပ်ကြီးက အဲဒီအတိုင်းရှိတယ်။ အဲဒါကို သူတို့က ခြံစည်းရိုးခတ်ပစ်လိုက်တယ်။ အကျယ်ကြီးပဲ ရှိသေးတယ်။ ၃၃.၈၅ ဧကလားမသိဘူး၊ အားလုံးပေါင်း။

လက်ရှိမြို့တော်ခန်းမရှေ့က သပိတ်စခန်းကို ရန်ကုန်မြို့အာဏာပိုင်တွေဘက်က နှောင့်ယှက်တဲ့ပုံစံမျိုးတွေတော့ရှိခဲ့တယ်လို့ သပိတ်စခန်းကို အကူအညီပေးနေတဲ့ စာရေးဆရာကိုဝေမှူးသွင်က ပြောပါတယ်။

"သီချင်းတွေကို လော်စပီကာကြီးတွေနဲ့ အကျယ်ကြီးဖွင့်ဖွင့်ပြီးတော့ သူတို့ဘက်က စပြီးတော့ တုံ့ပြန်တာပေါ့နော်၊ မိကျောင်းကန် သပိတ် စခန်းက လူတွေရဲ့အသံကို သူတို့မကြားချင်တဲ့သဘောလား။ လူတွေရဲ့အသံတွေကို ပတ်ဝန်းကျင်မှာရှိတဲ့ပြည်သူတွေ မကြားအောင်ပေါ့- ကြိုးစားကြတာပေါ့။ အဲဒါ စဖြစ်တယ်။ အဲဒါမျိုး လုပ်တာနဲ့ပတ်သက်ပြီးတော့ မီဒီယာတွေရော၊ ဆိုရှယ်မီဒီယာတွေရော၊ နောက်ပြီးတော့ ထင်ရှားတဲ့လူတွေကရော ဝိုင်းပြီးတော့ ကန့်ကွက်ကြတဲ့အခါမှာ သူတို့ ဒီနေ့ညဦးပိုင်းမှာ ရဲအင်အား လေး-ငါးဆယ်လောက်က ရဲကားတွေနဲ့လာပြီးတော့ ကားနဲ့ ပတ္တရောင်လှည့်သလိုလို ဘာလိုလိုနဲ့ လာတာရှိတယ်။ "

မိကျောင်းကန် အပိုင်း (၁)၊ (၂)၊ (၃) ဘိုးဘွားပိုင်မြေတွေကို အရင်စစ်အစိုးရလက်ထက် ၁၉၉၁ ခုနှစ်မှာ စတင်သိမ်းယူခဲ့တာဖြစ်ပါတယ်။ ဒီအသိမ်းခံရတဲ့ မြေပိုင်ရှင်တွေက မူလမြေတွေပြန်ပြီးရရှိဖို့ ဒါမှမဟုတ် အစိုးရဘက်က တရားမျှတမှုရှိအောင် ဆောင်ရွက်ပေးဖို့ အကြိမ်ကြိမ်ဆန္ဒပြတောင်းဆိုခဲ့ကြတာပါ။ ကြံ့ခိုင်ဖွံဖြိုးရေးပါတီ ပြည်သူ့လွှတ်တော်အမတ် ဦးအောင်သိန်းလင်းကနေ ဒီမြေအသိမ်းခံရမှုနဲ့ပတ်သက်လို့ ပြည်ထောင်စုလွှတ်တော်မှာ ဖြေရှင်းနိုင်ဖို့ကြိုးစားသွားမယ်လို့ ကတိပေးပြောဆိုခဲ့ဖူးကြောင်း ဆန္ဒပြသူတွေက ပြောပါတယ်ရှင်။

အင်ကြင်းနိုင်
VOA


NLD အမျိုးသားဒီမိုကရေစီအဖွဲ့ချုပ်အနေနဲ့ လာမယ့် ၂၀၁၅ ရွေးကောက်ပွဲမှာ ၂၀၀၈ ဖွဲ့စည်းပုံပြင်ဆင်ရေး၊ အမျိုးသားရင်ကြားစေ့ရေးနဲ့ တိုင်းရင်းသားအရေး စတဲ့၂၀၁၀ ကြားဖြတ်ရွေးကောက်ပွဲတုန်းက ချမှတ်ခဲ့တဲ့ မူတွေအတိုင်း ရှေ့ဆက်ဆောင်ရွက်သွားဖို့ ဗဟိုအလုပ်အမှုဆောင်တွေက ဆုံးဖြတ်ချက်ချမှတ်လိုက်ကြပါတယ်။ ၂၀၁၅ ရွေးကောက်ပွဲအကြို လှုပ်ရှားမှုအဖြစ် အဓိကအတိုက်အခံပါတီဖြစ်တဲ့ NLD ပါတီရဲ့ မြန်မာနိုင်ငံတဝှမ်း တိုင်းနဲ့ပြည်နယ်အသီးသီးက ဗဟိုအလုပ်အမှုဆောင် ၁၀၀ ကျော် တက်ရောက်တဲ့ အစည်းအဝေးမှာ ဆုံးဖြတ်လိုက်ကြတာပါ။ အသေးစိတ်ဆက်သွယ်စုံစမ်းထားတဲ့ မဆုမွန်က တင်ပြပေးထားပါတယ်။

၂၀၁၅ အကြို ရွေးကောက်ပွဲပြင်ဆင်နိုင်ရေး အတွက် အမျိုးသားဒီမိုကရေစီ အဖွဲ့ချုပ်ပါတီ NLD ရဲ့ပထမအကြိမ် ဗဟိုကော်မတီ စတုတ္ထ အစည်းအဝေးကို ရန်ကုန်မြို့မှာ ဒီဇင်ဘာလ ၁၃ ရက် ၁၄ ရက် နှစ်ရက်ဆက်တိုက် ကျင်းပခဲ့ပြီး တိုင်းနဲ့ပြည်နယ်အသီးသီးက ဗဟိုကော်မတီဝင် (၁၁၁) ယောက် တက်ရောက်ခဲ့ပါတယ်။ ဒီကနေ့ အစည်းအဝေးနောက်ဆုံးနေ့မှာတော့ အမျိုးသားဒီမိုကရေစီအဖွဲ့ချုပ်အနေနဲ့ ၂၀၁၅ ရွေးကောက်ပွဲမှာ ကျင့်သုံးမယ့် ပါတီမူတွေနဲ့ပတ်သက်လို့ ကြားဖြတ် ရွေးကောက်ပွဲတုန်းက ချမှတ်ခဲ့တဲ့မူတွေအတိုင်း ကျင့်သုံးသွားမယ့်အကြောင်း အဓိကဆုံးဖြတ်ချက်ချခဲ့တာတွေနဲ့ပတ်သက်လို့ အမျိုးသားဒီမိုကရေစီအဖွဲ့ချုပ် ဗဟို ကော်မတီဝင် ဦးဉာဏ်ဝင်းက ဗွီအိုအေမြန်မာပိုင်းကို အခုလိုပြောပါတယ်။

“ဆုံးဖြတ်ချက်တွေထဲက အဓိကလို့ ပြောရရင်တော့ ကြားဖြတ်ရွေးကောက်ပွဲတုန်းက အန်ကယ်တို့ချမှတ်ခဲ့တဲ့ မူသုံးချက်ပေါ့၊ အဲဒါက ဖွဲ့စည်းပုံအခြေခံဥပဒေပြင်ဆင်ရေး၊ တိုင်းရင်းသား၊ အမျိုးသားရင်ကြားစေ့ရေး-အဲဒီမူတွေကို ဆက်လက်ပြီး အတည်ပြုတယ်လို့ ဆုံးဖြတ်တယ်။ သဘောကတော့ လာမယ့်ရွေးကောက်ပွဲမှာ ဆက်လက်ပြီးတော့ ချမှတ်မယ့်မူတွေထဲမှာ အဲဒါတွေကို အတည်ပြုမယ်၊ အဲဒါတွေပါမယ်လို့ ဆုံးဖြတ်တာ အရေးကြီးတဲ့ဆုံးဖြတ်ချက်လို့ အန်ကယ်လ်ထင်ပါတယ်။ အမျိုးသားရင်ကြားစေ့ရေးဆိုတာ ငြိမ်းချမ်းရေးအကျုံးဝင်တာပေါ့နော်၊ ငြိမ်းချမ်းရေး အခုကာလမှာ အခြေအနေတွေက မကောင်းဘူးလို့ ပြောတဲ့လူတွေလည်း အများကြီးရှိနေတယ်။ ဘယ်လိုပဲဖြစ်ဖြစ် ငြိမ်းချမ်းရေးနဲ့ပတ်သက်ပြီးတော့ အန်ကယ်လ်တို့ အပြုသဘောဆောင်ပြီးတော့ ငြိမ်းချမ်းရေးဆောင်ရွက်ဖို့လည်း အဲဒီမှာ ပါပါတယ်။”

ပါတီဥက္ကဋ္ဌ ဒေါ်အောင်ဆန်းစုကြည်ကလည်း နိုင်ငံမှာ ဖွဲ့စည်းပုံအခြေခံဥပဒေကို စစ်မှန်တဲ့ ဒီမိုကရေစီ စံနှုန်း စံထားတွေနဲ့ကိုက်ညီအောင် မပြောင်းလဲဘဲနဲ့ ဒီမိုကရေစီ လမ်းကြောင်းပေါ်ကို ရောက်နေပြီလို့ ပြောလို့မရနိုင်တဲ့အကြောင်း ပြောခဲ့ပါတယ်။ လာမယ့်၂၀၁၅ ရွေးကောက်ပွဲဟာ မြန်မာနိုင်ငံအနေနဲ့ စစ်မှန်တဲ့ ဒီမိုကရေစီ လမ်းကြောင်းကို ရောက်-မရောက် ဆိုတာ အဆုံးအဖြတ်ပေးမှာဖြစ်တယ်လို့ ပြောဆိုသလို တွေ့ဆုံဆွေးနွေးရေးကို ပျက်ပြားအောင် လမ်းလွှဲတဲ့ လုပ်ရပ်တွေကို NLD အနေနဲ့ လက်ခံမှာ မဟုတ်ဘူးလို့လည်း ပထမရက် အစည်းအဝေးဖွင့်ပွဲမှာ မိန့်ခွန်းပြောဆိုခဲ့တာပါ။

အမျိုးသားရင်ကြားစေ့ရေးအတွက် အမျိုးသားဒီမိုကရေစီအဖွဲ့ချုပ်အနေနဲ့ တိုင်းရင်းသားပါတီတွေနဲ့ မဟာမိတ်ဖွဲ့ပြီး စည်းလုံးညီညွတ်ရေးဆောင်ရွက်ဖို့အပြင် ရွေးကောက်ပွဲ အောင်နိုင်ရေး စည်းရုံးလှုပ်ရှားမှုကိစ္စတွေနဲ့ပတ်သက်လို့ အပြန်အလှန် ဆွေးနွေးခဲ့ကြတာတွေ မန္တလေးတိုင်း ဗဟိုကော်မတီဝင် လွှတ်တော်ကိုယ်စားလှယ် ဒေါ်စန္ဒာမင်းက ပြောပါတယ်။

“တိုင်းရင်းသားဒေသတွေမှာ တိုင်းရင်းသားပါတီအဖွဲ့အစည်းတွေနဲ့၊ တိုင်းရင်းသားအဖွဲ့အစည်းတွေနဲ့ ဘယ်လိုမျိုး စည်းစည်းလုံးလုံး ပူးပေါင်းဆောင်ရွက်မလဲဆိုတဲ့ဟာကို တိုင်းရင်းသားဒေသတွေက တင်ပြလာတာရှိတယ်။ ၂၀၁၅ ရွေးကောက်ပွဲနီးလာပြီဖြစ်တဲ့အတွက် အောင်နိုင်ရေးကိစ္စတွေကို ဘယ်လိုမျိုးလုပ်ကြမလဲဆိုတာတွေကို တင်ပြလာတာတော့ ရှိပါတယ်။”

လာမယ့် ၂၀၁၅ ကို စည်းရုံးရေးနှစ်-အဖြစ်သတ်မှတ်လိုက်ပြီး ရွေးကောက်ပွဲကာလ လွှတ်တော်ကိုယ်စားလှယ်ရွေးချယ်မှုတွေနဲ့အတူ လာမယ့်ရွေးကောက်ပွဲကာလ နိုင်ငံတဝှမ်း စည်းရုံးလှုပ်ရှားမှုတွေနဲ့ပတ်သက်လို့ ဒေါ်စန္ဒာမင်းပြောပြတာကတော့-

“အဓိက-ကတော့ ၂၀၁၅ ကို စည်းရုံးရေးနှစ်အဖြစ် ပြဌာန်းမယ်လို့ ဆုံးဖြတ်လိုက်ပါတယ်။ ၂၀၁၅ တနှစ်ပတ်လုံးကို ဗိုလ်ချုပ်ရာပြည့် အထိမ်းအမှတ်ပွဲတွေကို နိုင်ငံနဲ့အဝှမ်း လုပ်ဆောင်သွားဖို့ဆိုပြီးတော့ ဒီလိုမျိုးဆုံးဖြတ်လိုက်တယ်။ ဒါပေမယ့် ဘယ်လို STRateGY တွေနဲ့ ဘယ်လိုလုပ်ဆောင်မလဲဆိုတာကတော့ အသေးစိတ်ကိုတော့ ဘာမှ မပြဌာန်းဘူး။ နောက် လွှတ်တော်ကိုယ်စားလှယ်ရဲ့ အရည်အချင်းပေါ့- ဘယ်လိုသတ်မှတ်ထားသလဲဆိုတာ တိုင်းနဲ့ပြည်နယ်တွေက မေးတာ ရှိပါတယ်။ အဲဒီမှာကျတော့ လွှတ်တော်ကိုယ်စားလှယ်တွေ ယခင်ပေးထားတဲ့မူအတိုင်းပဲ သတ်မှတ်ထားပါတယ်လို့ ပြောတယ်။ အဲဒါကတော့ ယခင်တုန်းက ပါတီပေါ်မှာ သစ္စာရှိတဲ့လူ၊ တိုင်းရင်းသားကို ဦးစားပေးမယ်ဆိုတဲ့ နဂိုရ်တုန်းက ချမှတ်ထားတဲ့မူအတိုင်းပဲလို့ ပြန်ဖြေပါတယ်။”

နိုင်ငံတွင်း ပြည်သူတွေကြား လိုအပ်ချက်တွေကို အရပ်ဖက်အဖွဲ့အစည်းတွေ၊ လူမှုအဖွဲ့တွေနဲ့ ပူးပေါင်းဆောင်ရွက်ရေး ကိစ္စတွေနဲ့ပတ်သက်လို့ အရင် အမျိုးသားဒီမိုကရေစီ အဖွဲ့ချုပ်ဘက်က ချမှတ်ခဲ့တဲ့ မူဝါဒအချို့ကိုလည်း ပြန်လည်ပြင်ဆင်တာတွေရှိခဲ့တယ်လို့လည်း ဒေါ်စန္ဒာမင်းကပြောပြပါတယ်။

“နဂိုရ်တုန်းကတော့ Nld က cso တွေ၊ ဒေသတွင်းမှာရှိတဲ့ Cso တွေ၊ ngo တွေနဲ့ ချိတ်ဆက်ပြီးတော့ ဆောင်ရွက်ထားတဲ့ကိစ္စတွေကို ခွင့်မပြုပါဘူး။ ဒါပေမယ့် အခုကတော့ ဒေသတွင်းမှာရှိနေတဲ့ တိုင်းရင်းသားတွေက တင်ပြတာရှိပါတယ်။ nld ထက်ပိုပြီးတော့ cso တွေ၊ ngo တွေက ပြည်သူလူထုနဲ့ပိုပြီး ထိတွေ့တာတွေ များတယ်။ အဲဒီတော့ သူတို့တွေနဲ့ ပူးပေါင်းဆောင်ရွက်ချင်တယ်လို့ ပြောပါတယ်။ အဲဒီတော့ cso တွေ၊ ngo တွေနဲ့လည်း ချိတ်ဆက်ပြီးတော့ ဆောင်ရွက်လို့ ရပါတယ်-တဲ့။ အဲလိုမျိုး ခွင့်ပြုမိန့်ပေးလိုက်ပါတယ်။”

တိုင်း ဒေသကြီးအသီးသီးက အစီရင်ခံစာတွေ တင်သွင်း ဆွေးနွေးပြီးတဲ့နောက် ပါတီအတွင်း ၂၀၁၅ လှုပ်ရှားမှုတွေကို ဆုံးဖြတ်ခဲ့ကြတာဖြစ်ပါတာယ်။ အခုလို ရန်ကုန်မှာ နှစ်ရက်တာကျင်းပခဲ့တဲ့ ဗဟိုအလုပ်အမှုဆောင်ကော်မတီအစည်းအဝေးအပြီးမှာတော့ သတင်းစာရှင်းလင်းပွဲ ပြုလုပ်ခဲ့ပါတယ်။
VOA
http://burmese.voanews.com/content/nld-first-round-fourth-meeting-held-end-with-some-prior-decision-/2558400.html

ရဲကိုကို

ရန်ကုန်မြိုတော် စည်ပင်သာယာရေး ကော်မတီ ရွေးကောက်ပွဲ ကော်မရှင်က ထုတ်ပြန်ထားသည့် စည်းကမ်းချက်များမှာ တရားမျှတမှုမရှိကြောင်း ရွေးကောက်ပွဲ ဝင်မည့်သူတချို့က တနင်္လာနေ့တွင် ဝေဖန်လိုက်သည်။

ဒီဇင်ဘာ၂၇ရက်နေ့တွင်ပြုလုပ်မည့် ရွေးကောက်ပွဲအတွက် စည်းရုံးမဲဆွယ်သည့်ကာလ အချိန် နည်းပါးနေပြီး လွတ်လပ်စွာ စည်းရုံခွင့်လည်း အားနည်းနေကြောင်း ကိုယ်စားလှယ်လောင်း(၃)ဦးက ပူးတွဲ သတင်းစာရှင်းလင်းပွဲ ပြုလုပ်ပြီး ပြောဆိုလိုက်ခြင်း ဖြစ်သည်။

မဲပေးနည်းစနစ်မှာလည်း အငြင်းပွားဖွယ် ဖြစ်နေသည်ဟု မြောက်ပိုင်းခရိုင်မှ ၀င်ရောက်ယှဉ်ပြိုင်သူ နော်စူဆန်နာလှလှစိုးကဝေဖန်သည်။

"တော်တော်ရှုပ်ထွေးပါတယ်၊ ဘာဖြစ်လို့လဲ ဆိုတော့ လူတစ်ယောက်တည်းကပဲ (၇)ဦးကို ရွေးရမှာလေ။ အဲဒီတော့ မဲပေးတဲ့သူတွေ အနေနဲ့ မဲပေးမှု မှားနိုင်တယ်။
အမှန်တော့ ပြည်သူတွေကို ပေါ့ပေါ့ပါးပါးနဲ့ရွေးချယ်လိုရမယ့် စနစ်မျိုးကို ပြုလုပ်ပေးရမှာ" ဟု နော်စူဆန်နာလှလှစိုးက ပြောသည်။

အနောက်ပိုင်းခရိုင်မှ ၀င်ရောက်ယှဉ်ပြိုင်သူ ဦးဝင်းချိုကလည်း "(လက်ရှိ ကော်မတီမှာ) ပြည်သူဘက်က နည်းနည်းလေးမှ ရပ်စရာနေရာ မရှိတဲ့အတွက် မတရားမှန်း သိသိကြီးနဲ့ ၀င်ပြိုင်တာပါ။
ကျေနပ်လို့ ၀င်ပြိုင်တာမဟုတ်ဘူး။ မကျေနပ်ဘူး။ ရွေးချယ်ခွင့် မရှိဘဲနဲ့ ၀င်ပြိုင်တာ" ဟု ပြောကြားသည်။

ရန်ကုန်စည်ပင်ကို အစိုးရက ရွေးချယ်ခန့်ထားလေ့ရှိပြီး ဒေသခံတို့ ရွေးချယ်ခန့်အပ်နိုင်ခွင့်အတွက် ရွေးကောက်ပွဲ ပြုလုပ်မည့်အကြောင်း မကြာသေးမီကမှ ကြေညာချက် ထွက်ပေါ်လာခြင်း ဖြစ်သည်။

မြို့တော်စည်ပင်ရွေးကောက်ပွဲတွင် ကော်မတီဝင်တို့ကိုသာ ရွေးချယ်ရခြင်းဖြစ်ပြီး အရေးအပါဆုံးနေရာဖြစ်သော မြို့တော်ဝန်ရာထူးကို အစိုးရက တိုက်ရိုက် ခန့်ထားမည် ဖြစ်သည်။

# #

တနင်္လာနေ့က ရန်ကုန်မြို့တွင် ပြုလုပ်သော မြို့တော်စည်ပင်ရွေးကောက်ပွဲဝင်မည့်သူတချို့၏ သတင်းစာ ရှင်းလင်းပွဲ (ဓာတ်ပုံ - ရဲကိုကို / The Yangon Globe)

http://ygnglobe.com/mm

ကချင်လွတ်မြောက်ရေး တပ်မတော်မှ တပ်ဖွဲ့ဝင်တချို့အား တွေ့ရစဉ်

ကချင်ပြည်နယ် ဖားကန့်ဒေသ နမ့်မဖစ် ကျေးရွာ အုပ်စုထဲမှာ အစိုးရတပ်နဲ့ ကေအိုင် ကချင်လွတ်လပ်ရေး တပ်မတော်ကြား စစ်ရေး တင်းမာမှု အကျိုးဆက်အဖြစ် ရွာသားတွေ သွား လာခွင့် ပိတ်ပင်ခံရတယ်လို့ ဒေသခံတွေက ပြောပါတယ်။

နားမဖစ်ကျေးရွာအုပ်စုက နားမဖစ် နဲ့ ဂျာဂါယန် ရွာက ရွာသားတွေဟာ သူတို့ရွာနဲ့ ၈ မိုင်ေ လာက်ဝေးတဲ့ ဖားကန့်မြို့ပေါ်တက်ပြီး ဈေးရောင်း ဈေးဝယ် ပြုလုပ်နေရာမှာ ဒီဇင်ဘာ ၁၄ ရက်မ နက်ကတည်းက သွားလာခွင့် ပိတ်ပင်ခံရတဲ့ အကြောင်း ဒေသခံတွေက လာရောက်တိုင်တန်း ထားတယ်လို့ ဖားကန့်မြို့နယ် အမျိုးသား ဒီမိုကရေစီ အဖွဲ့ချုပ် နာယက ဦးဒါရှီလာဆိုင်းက ဒီဗွီဘီကို ပြောပါတယ်။

“မနေ့တုန်းက ဂျာဂါယန်ဆိုတဲ့ရွာဘက်မှာ စစ်တပ်နဲ့ ကေအိုင်အေ အခြေအနေတင်းမာလို့တဲ့ သူတို့ကို သွားလာခွင့်ပိတ်ထားတယ်လို့ ရွာသားတွေ လာတိုင်ထားတယ်ခင်ဗျ။ ဒီနေ့လည်း မဖွင့်သေးဘူး။ သူတို့ ခြံထွက်ပစ္စည်းတွေက ဖားကန့်ကို တက်ရောင်းရတာလေ။ အဲဒါ သွားခွင့် မရရင် ခူးထားတဲ့သီးနှံတွေ ပျက်စီးမယ်။ ခြံထဲက သီးနှံတွေလည်း ရင့်ကုန်မယ်လို့ ပြောပါတယ်။ ကျနော်တို့လည်း နောက်ထပ်နည်းနည်းစောင့်ကြည့်ပြီး ဖွင့်မပေးရင် သက်ဆိုင်ရာနဲ့ သွားတောင်း ဆိုပေးပါမယ်ခင်ဗျ။ အဲဒီလိုမသွားခင် အစိုးရနဲ့နီးစပ်တဲ့ လူကနေတဆင့် အရင်ပြော ကြည့် ခိုင်း ထားပါတယ်။”

ဒီမတိုင်ခင် လွန်ခဲ့တဲ့ ၃ ရက်က ဖားကန့်မြို့ပေါ်တက်သွားတဲ့ ရွာသားတချို့လည်း ရွာကိုပြန်လာ လို့ မရသေးဘူးလို့ သူကဆက်ပြောပါတယ်။

ဖားကန့်အနောက်ဘက်က ကံဆီးရွာနဲ့ လုံခင်းမြို့နယ် အောင်ဘာလေရွာကြားမှာလည်း ပြီးခဲ့တဲ့ နိုဝင်ဘာလ ၁၈ ရက်ကတည်းက သွားလာခွင့် ပိတ်ပင်ထားတာ ခုထိပြန်မဖွင့်သေးသလို ပြင်ပလူတွေလည်း သွားလို့မရသေးဘူးလို့ ဆိုပါတယ်။

အဲဒီရွာ ၂ ရွာကြားမှာ ဥရုချောင်းရှိပြီး အစိုးရတပ်နဲ့ ကေအိုင်အေတို့က ချောင်းရဲ့ ဟိုဘက်ကမ်း ဒီဘက်ကမ်းမှာ နေရာယူထားကြောင်း၊ သွားလာရင်း အပစ်ခံရရင် တာဝန်မယူဘူးလို့ ပြောထား တဲ့အတွက် ဒေသခံတွေ ဘယ်သူမှ မသွားလာရဲဘူးလို့ ဦးဒါရှီလာဆိုင်းက ပြောပါတယ်။

ခုလိုစစ်ရေးတင်းမာနေတဲ့အပေါ် နှစ်ဘက်သက်ဆိုင်ရာ အဖွဲ့အစည်းတွေကို ဆက်သွယ်ေ မးမြန်းဖို့ ကြိုးစားပေမယ့် မရသေးပါဘူး ။
ကေအိုင်အို နဲ့ အစိုးရကြားမှာ ဆက်သွယ်ဆောင်ရွက်ပေးနေတဲ့ ငြိမ်းချမ်းရေးအကျိုးတော်ဆောင် ဦးစန့်အောင်ကတော့ အခုလို သုံးသပ်ပြောဆိုသွားပါတယ်။

“အဲဒီဖားကန့်ဒေသမှာကတော့ နဂိုကတည်းက စစ်ရေးတင်းမာသလိုဖြစ်နေတာတော့ ကြာပါပြီ ခင်ဗျ။ ရွာသားတွေကို သွားလာခွင့် ပိတ်ပင်လိုက်၊ ခွင့်ပြုလိုက်လုပ်နေတာလည်း ခနခနပါဘဲ။ ကြားထဲမှာ ရွာသားတွေဒုက္ခရောက်အောင်တော့ မလုပ်သင့်ဘူးလို့ ကျနော်ထင်ပါတယ်။ အဲလိုပိတ်ပင်ရင် လူတွေက နဂိုကတည်းက ငြိမ်းချမ်းရေးလုပ်ငန်းစဉ်ကို မယုံကြည်ချင်သလို ဖြစ်နေရတဲ့ ကြားထဲမှာ အဲသလိုပိတ်ပင်တော့ သို့လောသို့လောနဲ့ မလိုလားအပ်တဲ့ပြဿ နာတွေ ဖြစ်မှာလည်း စိုးရိမ်ရတယ်ခင်ဗျ။”

ကေအိုင်အိုနဲ့ အစိုးရငြိမ်းချမ်းရေးဖော်ဆောင်ရေးအဖွဲ့တို့ဟာ ပြီးခဲ့တဲ့ ၂၀၁၃ အောက်တိုဘာ လဆန်းပိုင်းက ကချင်ပြည်နယ် မြစ်ကြီးနားမြို့မှာ ပြည်ထောင်စုအဆင့် တွေ့ဆုံဆွေးနွေးခဲ့ပြီး ၂ ဘက်တိုက်ပွဲအရှိန်တွေ လျော့ချရေး သဘောတူခဲ့ကြပါတယ်။

By ဒီဗွီဘီ
http://burmese.dvb.no/archives/73881


စစ်တပ်က ဖမ်းဆီးထိန်းသိမ်းခဲ့ပြီးနောက် သေဆုံးသွားတဲ့ အလွတ်သတင်းထောက် ကိုပါကြီးအမှုမှန် ပေါ်ပေါက်ရေးအတွက် အများပြည်သူ လက်မှတ်ထိုး တောင်းဆိုမှု တစ်ခု စတင်ဆောင်ရွက်နေပြီလို့ ကိုပါကြီးရဲ့ဇနီး မသန္တာက RFA ကိုပြောပါတယ်။

လက်မှတ်ထိုးတောင်းဆိုတဲ့လှုပ်ရှားမှုကို မြန်မာနိုင်ငံ အမျိုးသမီးကွန်ရက်က ဦးစီးဆောင်ရွက်တာဖြစ်ပြီး ဒီလှုပ်ရှားမှုကို ကိုပါကြီးပျောက်ဆုံးတဲ့အချိန်က စတင်ခဲ့ပါတယ်။ အခုအလောင်းပြန်ရရှိပြီးတဲ့နောက် အမှုမှန်ပေါ်ပေါက်ရေးအတွက် ဆက်လက်ဆောင်ရွက်တာဖြစ်တယ်လို့ မသန္တာက ပြောပါတယ်။

"တရားမျှတစွာ တရားစီရင်နိုင်ရေး၊ အမှုမှန်ပေါ်ပေါက်ရေး ဆိုတာပါ ထပ်တိုးလိုက်ပြီးတော့ ကျမတို့ ဒါကိုလက်မှတ်ထိုးဖို့လုပ်တယ်၊ လုပ်တဲ့နေရာမှာ တိုင်းနဲ့ပြည်နယ်တော့ မနှံ့သေးဘူးပေါ့၊ အခုဆို ပဲခူး၊ မန္တလေး၊ ဧရာဝတီနဲ့ ရန်ကုန်တိုင်း အဲ့လောက်တော့ရှိပြီ၊ နောက်စစ်ကိုင်း ငါးတိုင်းလောက်ရှိပြီ၊ ခုလောလောဆယ်ပေးထားတယ်၊ တကယ်လို့ရလာတဲ့အခါ ကျမတို့ သမ္မတ၊ တရားဥပဒေ စိုးမိုးရေးကော်မရှင်နဲ့ လွှတ်တော်အဆင့်ဆင့်ကို တင်မှာဖြစ်သလို လူ့အခွင့်အရေး မြန်မာနိုင်ငံဆိုင်ရာ အထူးကိုယ်စားလှယ်ကိုလည်း ဒါကိုတင်မယ်ပေါ့

ကိုပါကြီးရဲ့ကိစ္စနဲ့ ပတ်သက်ပြီး ကျိုက်မရောမြို့နယ် ရဲတပ်ဖွဲ့မှာ အောက်တိုဘာလ ၁၉ ရက်နေ့က လူပျောက်မှုဖွင့်ခဲ့ပြီး အောက်တိုဘာ ၂၆ ရက်နေ့ကတော့ သေမှုသေခင်းအမှု ဖွင့်ခဲ့တာဖြစ်ပါတယ်။

ခုလိုအမှုတွေဖွင့်ခဲ့ပြီး ကိုပါကြီးရဲ့အလောင်းကို ပြန်လည်ဖေါ်ယူတာ၊ အလောင်းကို ဆရာဝန်ဆေးစစ်တာတွေ ပြုလုပ်ပြီးဖြစ်ပေမဲ့ အခုအချိန်အထိ တရားရုံးတင်နိုင်ခြင်း မရှိသေးပါဘူး။ အမှုဖွင့်ပြီးတဲ့နောက် သက်ဆိုင်ရာရဲတပ်ဖွဲ့ကတဆင့် တရားရုံးတင်ရမှာဖြစ်ပါတယ်။

ဒီကိစ္စနဲ့ပတ်သက်ပြီး မွန်ပြည်နယ်အတွင်းက သက်ဆိုင်ရာမြို့နယ် ရဲတပ်ဖွဲ့နဲ့တကွ တခြားတာဝန်ရှိသူတွေဆီကို တယ်လီဖုံးနဲ့ ဆက်သွယ်ခဲ့ပေမဲ့ အဆက်အသွယ်အားလုံးရဲ့ တယ်လီဖုံးနံပါတ်တွေ ပြောင်းလဲထားတာကြောင့် ကိုယ်တိုင်သွားရောက်စုံစမ်းဖို့ရှိတယ်လို့ မသန္တာကပြောပါတယ်။

RFA Burmese
http://www.rfa.org/burmese/news/kopargyi-signature-campaign-12152014095121.html


နိုင်ငံရေးမှာ အမျိုးသမီးထု ပိုပါဝင်လာဖို့အတွက် နိုင်ငံရေး ပါတီတွေ အနေနဲ့ လာမယ့် ၂၀၁၅ ရွေးကောက်ပွဲအတွက် ကိုယ်စားလှယ် လောင်းတွေ ရွေးချယ်တဲ့ အခါ အရည်အချင်းရှိတဲ့ အမျိုးသမီးတွေကိုလည်း ကိုယ်စားလှယ်လောင်း အဖြစ် ထည့်သွင်း စဉ်းစားကြဖို့ ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးက ဒီနေ့ ပြောလိုက်ပါတယ်။

ဒီနေ့ ရန်ကုန်မြို့ ပန်ဒါဟိုတယ်မှာ ကျင်းပတဲ့ ပြည်ထောင်စုရွေးကောက်ပွဲကော်မရှင်နဲ့ နိုင်ငံရေးပါတီများကြား ရွေးကောက်ပွဲဆိုင်ရာ ပူးပေါင်းဆောင်ရွက်မှု အစည်းဝေးမှာ ရွေးကောက်ပွဲကော်မရှင်ဥက္ကဌ ဦးတင်အေး ပြောခဲ့တာပါ။
ပါတီအတော်များများက ၂၀၁၅ ရွေးကောက်ပွဲ စည်းရုံးရေးကာလကို ၂ လသာ သတ်မှတ်ပေးထားတဲ့အတွက် အချိန်ကာလနည်းတယ်ဆိုပြီး ပြီးခဲ့တဲ့ ညှိုနှိုင်းအစည်းအဝေးတွေအပြီးမှာ ဝေဖန်မှုတွေ ထွက်ခဲ့ပါတယ်။

၂၀၁၅ ရွေးကောက်ပွဲမတိုင်ခင် မဲဆွယ်စည်းရုံးရေးကာလအဖြစ် ရက်ပေါင်း ၆၀ သတ်မှတ်တယ်ဆိုတာဟာ "ရေတို" ရွေးကောက်ပွဲ မတိုင်ခင်ကာလအတွက်သာ ရည်ရွယ်သတ်မှတ်ပေးထားတာဖြစ်ကြောင်းနဲ့ တကယ့်ပါတီတွေအတွက် စည်းရုံးရေးကာလဆိုတာဟာ ပြီးခဲ့တဲ့ ၂၀၁၀ ရွေးကောက်ပွဲပြီးကတည်းက လာမယ့် ၂၀၁၅ ရွေးကောက်ပွဲအတွက် လူထုထဲစည်းရုံးရေးဆင်းကြဖို့ ပြင်ဆင်ကြဖို့ ရေရှည်ကာလ စည်းရုံးရေးအချိန်အဖြစ် ခွင့်ပြုထားတာဖြစ်ကြောင်း ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးက ပြောပါတယ်။

ဒါ့အပြင် ပါတီတွေအနေနဲ့ နိုင်ငံရေးပါတီများကျင့်ဝတ် ဆိုတာကို ပူးပေါင်းရေးဆွဲကြဖို့ အသိပေးခဲ့ပေမယ့် ပါတီတွေဖက်က ပူးပေါင်းရေးဆွဲကြဖို့ ပျက်ကွက်နေကြောင်း ဒါကြောင့် အဲဒီကျင့်ဝတ်တစ်ခုရှိလာဖို့ ပူးပေါင်းရေးဆွဲကြဖို့ကိုလည်း တိုက်တွန်းခဲ့ပါတယ်။

RFA Burmese
https://www.facebook.com/pages/RFA-Burmese/39218993127


သြစတြေးလျ နိုင်ငံ ဆစ်ဒနီ မြို့က ကော်ဖီဆိုင်ကို သေနတ်သမား တစ်ဦးက စီးနင်းပြီး ဓားစာခံတွေကို ဖမ်းဆီး ထားဆဲ ဖြစ်တာကြောင့် လိုအပ်သလောက် အချိန်ယူပြီး ဆစ်ဒနီ မြို့လယ်ကို ဆက်လက် ပိတ်ဆို့ ထားမယ်လို့ သြစတြေးလျ ရဲတပ်ဖွဲ့က ပြောပါတယ်။

ကော်ဖီဆိုင်ကို စီးနင်းထားတဲ့ သေနတ် သမားနဲ့ စေ့စပ် ညှိနှိုင်းမှုတွေကိုလည်း ဆက်လက် လုပ်ဆောင် သွားမယ်လို့ ရဲက ပြောပါတယ်။

ဒါပေမယ့် သေနတ် သမား အနေနဲ့ ဘာကို တောင်းဆိုထားလဲ၊ ဘာတွေ ပြောကြား ခဲ့ကြလဲ ဆိုတာကိုတော့ ရဲက ထုတ်ဖော် ပြောကြား ခြင်း မရှိသေးပါ။

အဲဒီ ပြန်ပေးသမား ဘယ်သူ ဘယ်ဝါ ဖြစ်တယ် ဆိုတာကိုတော့ ရဲက သိနေပြီ လို့လည်း ပြောပါတယ်။

ဆိုင်ထဲက လူ ၅ ယောက် ကတော့ ထွက်ပြေး လွတ်မြောက် လာတာကို တွေ့ ရပါတယ်။ ဒါပေမယ့် သူတို့ကို သေနတ် သမားက ပြန်လွှတ်ပေး လိုက်တာလား ဆိုတာ ကိုတော့ အတိ အကျ မသိရသေးပါဘူး။

ကော်ဖီဆိုင် မှန်ပြူတင်းကနေ အာရပ်စာနဲ့ ရေးထားတဲ့ အနက်ရောင် အလံ တစ်ခု ပြထားတာကို တွေ့ရပါတယ်။

BBC Burmese
https://www.facebook.com/bbcburmese


သြစတေးလျနိုင်ငံ Sydney မြို့က ချောကလက် ကဖေးဆိုင်ကို သေနတ်သမားက ၀င်ရောက်စီးနင်းပြီး အရေအတွက် အသေအချာ မသိနိုင်တဲ့ လူတွေကို ဓါးစားခံဖမ်းထားတာ ၁၂ နာရီ ကျော်လာပါပြီ။ New South Wales ပြည်နယ်ရဲမင်းကြီး Andrew Scipione ကတော့ ဒီဖြစ်ရပ်ကို အကြမ်းဖက်မှုလို့ မခေါ်ပေမယ့် အခုလိုဖြစ်နေတာ ရက်နဲ့ချီ ကြာနိုင်တယ်ဆိုတာမျိုး ပြောသွားပါတယ်။

မြို့လယ် စီးပွားရေး အချက်အချာ ရပ်ကွက်က Lindt ချောကလက်ကဖေးမှာ ဖြစ်ပွားတဲ့ အဲဒီဖြစ်ရပ်က နိုင်ငံရေးနောက်ခံ အကြောင်း တရား ရှိကောင်း ရှိနိုင်တယ်လို့ ၀န်ကြီးချုပ် Tony Abbott က ပြောပါတယ်။ အစပိုင်းမှာ ဓါးစားခံ ဖမ်းခံထားရ သူတွေဟာ လက်နှစ်ဖက်မြှောက်ပြီး မှန်ပြူတင်းပေါက်မှာ ကပ်ရပ်နေတာကို တွေ့ရပါတယ်။ အာရေဗျ စာတွေ ရေးထားတဲ့ အမဲရောင်အလံကိုလည်း ပြူတင်းပေါက်ကနေ မြင်ရပါတယ်။ အဲဒီ ဆိုင်ထဲကနေ လူငါးဦး ဘေးအန္တရာယ်ကင်းကင်း ထွက်လာတာ တွေ့ရပေမယ့်၊ သူတို့ကို သေနက်သမားက လွှတ်လိုက်တာလား သူတို့ဖာသာ သူတို့ လွတ်လာတာလားဆိုတာ ရှင်းရှင်းလင်းလင်းမရှိပါဘူး။ အထဲမှာ ဓါးစားခံ ၁၀ ဦးကနေ ၂၅ ဦးအထိ ရှိနေဦးမယ်လို့ ခန့်မှန်းရပါတယ်။

ဆိုင်ပတ်လည်မှာတော့ ရဲက လုံခြုံရေးအပြည့်အ၀ယူထားပါတယ်။ ကြိုတင်ကာကွယ်မှုအနေနဲ့ အနီးအနားဆိုင်တွေထဲက လူတွေကိုလည်း ရှင်းထားပါတယ်။ အဲဒီနေရာနဲ့ မနီးမဝေးမှာရှိတဲ့ နာမည်ကျော် Opera House မှာလည်း မသင်္ကာဖွယ် အထုပ်တထုပ် တွေ့ခဲ့ရလို့ အဲဒီကနေပြီးတော့လည်း လူတွေအားလုံးကို ထွက်ခိုင်းထားပါတယ်။ အဲဒီနေရာ တ၀ိုက်မှာရှိတဲ့ လမ်းတွေ အားလုံးကို ရဲက ပိတ်ထားပြီး အခင်းဖြစ်ပွားနေတဲ့ စားသောက်ဆိုင်အောက်က ရထားလိုင်းကိုလည်း ပိတ်ထားပါတယ်။

ဒေသ စံတော်ချိန် တနင်းလာနေ့ မနက် ၉နာရီကျော်လောက်ကတည်းက စဖြစ်နေတဲ့ အဲဒီ ဖြစ်ရပ် နာရီအတော်ကြာလာခဲ့ပေမယ့်၊ ဖမ်းခံထားရသူတွေထဲက တစုံတရာ ထိခိုက်ဒဏ်ရာရတာ မကြားရသေးပါဘူး။ ပြန်ပေးဆွဲသူတဦးကိုလည်း ပြူတင်းပေါက်ကနေ လှမ်းမြင်ရပါတယ်။ သူဟာ အဖြူရောင် ရှပ်အကျီပေါ်မှာ အမဲရောင် လက်ပြတ်အကျီထပ်ဝတ်ထားပြီး၊ လက်နက်တမျိုးမျိုး ကိုင်ဆောင်ထားပါတယ်။ အဲဒီလူဟာ အပြင်က ရဲနဲ့ လှမ်းအဆက်အသွယ်လုပ်တယ်လို့ ရဲဌာန ပြောခွင့်ရ အမျိုးသမီးက ပြောပေမယ့်၊ သူဘာလို့ အဲလို လုပ်သလဲဆိုတဲ့ ရည်ရွယ်ချက်ကို ရဲတွေ မခန့်မှန်းနိုင်သေးပါဘူး။

အခင်းဖြစ်ပွားနေတဲ့ ချောကလက်ဆိုင်ဟာ Sydney ရဲ့ ဘဏ္ဍာရေးနဲ့ ဈေးအရောင်းအ၀ယ် စည်ကားတဲ့ ရပ်ကွက်မှာ တည်ရှိပြီး၊ ခရစ်စမတ်ရာသီ ဈေးဝယ်သူတွေနဲ့ စည်ကားနေတာပါ။ အဲဒီနေရာနဲ့ မလှမ်းမကမ်းမှာပဲ New South Wales လွှတ်တော် တည်ရှိနေပါတယ်။

ဗွီအိုအေ (မြန်မာပိုင်း)
http://burmese.voanews.com/content/article/2559108.html


အသက် ၁၇နှစ်အရွယ် မိုဟာမက်အစ္စလာမ် ဆိုသည့် နယူးယောက်မြို့မှ ကျောင်းသားသည် အသက် ၉ နှစ်သားအရွယ်မှစ၍ ပြားပမာဏ အသေးစား စတော့အရောင်းအ၀ယ်၊ အထူးသဖြင့် ရွှေဈေး၊ ရေနံဈေး အတတ်အကျများကို ခန့်မှန်း၍ ပြုလုပ်ခဲ့သူဖြစ်သည်။

နယူးယောက်မြို့ စတိုင်ဗက်ဆန့်အထက်တန်းကျောင်းတွင် ပညာသင်ယူနေစဉ် မုန့်စားဆင်းချိန်များအတွင်း စတော့အရောင်းအ၀ယ် ပြုလုပ်လေ့ရှိသည်။

ယခုလက်ရှိ အမေရိကန်ဒေါ်လာ ၇၂ သန်းကြွယ်ဝသူဖြစ်ပြီး မကြာသေးမီကမှ (မောင်းနှင်ရန် လိုင်စင်မရှိသေးသော်လည်း) BMW ကားတစီးနှင့် မန်ဟတ္တန်တိုက်ခန်းတခန်း ၀ယ်ယူခဲ့သည်။

မိုဟာမက်၏ မိဘများသည် တောင်အာရှ ဘင်္ဂလားဒေသမှ အမေရိကန်ပြည်ထောင်စုသို့ ရွှေ့ပြောင်းနေထိုင်သူများဖြစ်သည်။

ငွေကြေးရင်းနှီးမြှပ်နှံမှုလုပ်ငန်း(Hedge Fund)လုပ်ကိုင်သူနှင့် Tudor Investment Corporation တည်ထောင်သူ ဘီလျံနာ ပေါလ်တူဒေါဂျုံးစ်သည် ၎င်းက လေးစားအားကျရသူ ဖြစ်သည်ဟု မိုဟာမက်က ဆိုသည်။ ၎င်းကိုယ်တိုင်လည်း လာမည့်နှစ်တွင် သူငယ်ချင်းများနှင့်အတူ Hedge Fund တခုတည်ထောင်ရန် ရည်ရွယ်ထားပြီး ဒေါ်လာ ၁ ဘီလီယံခန့် ရရှိရန် မျှော်လင့်ထားသည်။ Hedge Fund သည် လုပ်ငန်းသဘောအရ အရင်းအနှီး ကြီးမားပြီး အရှုံးအမြတ်လည်း မြန်ဆန်မြင့်မားသည်။

၎င်း၏ ဓါတ်ပုံလူမှုကွန်ယက်ဆိုက်ဒ် Instagram အကောင့်၌ “ပိုက်ဆံများများရှိလေ၊ ပြဿနာ နည်းလေလေ” ဟု ရေးသားထားသည်။

ကျောင်းချိန်ပြင်ပ၌ မိုဟာမက်သည် 10th Avenue ရှိ Morimoto ဆိုင်သို့ သူငယ်ချင်းများအား ခေါ်ဆောင်သွားလေ့ရှိပြီး ဒေါ်လာ ၄၀၀ တန် ငါးနှင့် အခြား ဈေးကြီးဟင်းလျာများ၊ ပန်းသီးပျော်ရည်များ သုံးဆောင်လေ့ရှိသည်။

နယူးယောက်မဂ္ဂဇင်းနှင့် အင်တာဗျုးတွင် ၎င်း၏ ချမ်းသာမှုပမာဏ အတိအကျအား ထုတ်ဖော်ပြောရန် ငြင်းဆိုခဲ့သော်လည်း ဂဏန်း ရှစ်လုံးရှိသည်ကိုမူ ၀န်ခံခဲ့သည်။

မိုဟာမက်သည် သူ၏ ကြွယ်ဝမှုကို လူမှုကွန်ယက်ဆိုက်ဒ်များပေါ်၌ ထုတ်ကြွားလေ့ရှိပြီး ပါတီပွဲများ၌ ပျော်ပါးသောက်စားနေပုံများ၊ ဖဲ(ပိုကာ)ကစားသည့်ပုံများ၊ အမျိုးသမီးများနှင့် အတူတွဲကနေပုံ ဗီဒီယိုများ Instagram ပေါ်သို့ တင်လေ့ရှိသည်။

၎င်း၏မိဘများကမူ မိုဟာမက် စတော့ကစားသည့်အပေါ် နှစ်သက်အားပေးမှု သိပ်မရှိလှကြောင်း သိရသည်။
“ကျွန်တော် စတော့ကစားတာအပေါ် အိုကေလို့တော့ အဖေကပြောတယ်၊ အမေကတော့ ဈေးကွက်နဲ့ ပတ်သက်ပြီး စိုးရိမ်တယ်၊ ဒါပေမယ့် သူတို့အမြင်ကတော့ ကျွန်တော်သာ တကယ် တတ်သိနားလည်တယ်ဆိုရင်လည်း မတားဘူး ဆိုတဲ့သဘောပေါ့” ဟု ယင်းက ပြောသည်။

ပြားဂဏန်းစတော့ကို တနှစ်ခန့် စမ်းသပ်ကစားပြီးနောက် ညီအစ်ကို ၀မ်းကွဲတော်စပ်သူက စီးပွားရေးဈေးကွက်များနှင့် ဆက်လက် မိတ်ဆက်ပေးခဲ့ရာမှ စတော့အရောင်းအ၀ယ်သည် ယင်း၏ ၀ါသနာ ဖြစ်လာသည်။

“ကမ္ဘာကြီးကို လည်ပတ်စေတာ ဘာလဲ၊ ပိုက်ဆံ။ ငွေကြေးစီးဆင်းမှုမရှိရင်၊ လုပ်ငန်းတွေ ရပ်တန့်နေရင် စမ်းသစ်မှု မရှိနိုင်ဘူး၊ ထုတ်ကုန်တွေ မရှိနိုင်တော့ဘူး၊ ရင်းနှီးမြှပ်နှံမှုတွေမရှိလို့ စီးပွားရေးတိုးတတ်မှု မရှိ၊ အလုပ်အကိုင် မရှိ ဖြစ်မယ်” ဟု မိုဟာမက် က ပြောသည်။

Ref;DailyMail
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ဓာတ်ပုံ – Ministry of Defence’s

ပြီးခဲ့တဲ့ ရက်ပိုင်းက ဖြစ်ပွားခဲ့တဲ့ ကိုးကန့်လက်နက်ကိုင်တွေနဲ့ တိုက်ပွဲမှာ အစိုးရ တပ်မတော် စစ်ကြောင်းက စစ်သည် ၇ ဦးကျဆုံးပြီး ၂၀ ဦး ဒဏ်ရာရသွားတယ်လို့ စစ်တပ်နဲ့ အစိုးရပိုင် မီဒီယာ တွေမှာ ဒီကနေ့ သတင်းထုတ်ပြန်ပါတယ်။

ဒီဇင်ဘာလ ၁၀ ရက်နေ့က ရှမ်းပြည်နယ် မြောက်ပိုင်း ကွမ်းလုံမြို့ အနောက်မြောက်ဘက် ၁၀ မိုင်ခန့်အကွာရှိ နမ့်ကျွမ်း၊ ဝေါခြုံဒေသနှင့် မုံးစီး၊ မုံးပေါ်လေး ဒေသအတွင်း နယ်မြေလုံခြုံရေး တာဝန် ထမ်းဆောင်နေတဲ့ တပ်မတော်စစ်ကြောင်းကို ကိုးကန့် လက်ကျန်တပ်တွေက လက်နက်ကြီးတွေသုံးပြီး အလစ်ပိတ်ဆို့ တိုက်ခိုက်ခဲ့တာလို့ သတင်းမှာဖော်ပြပါတယ်။

တိုက်ပွဲဖြစ်ပွားရာနေရာကို သွားရောက်စစ်ကူပေးခဲ့ရပြီး ပိတ်ဆို့ခံရတဲ့ စစ်ကြောင်းဟာ ဒီဇင်ဘာ ၁၂ ရက်နေ့မှာ နမ့်ကျွမ်း စစ်ဆင်ရေး ခြေကုပ်စခန်းကို ပြန်လည်ရောက်ရှိ လာ တယ်လို့လည်းဆိုပါတယ်။

ခုရက်ပိုင်းအတွင်း ရှမ်းပြည်နယ်မြောက်ပိုင်းမှာ အစိုးရတပ်တွေနဲ့ တိုင်းရင်းသား လက်နက်ကိုင်တွေ အကြားတိုက်ပွဲတွေဆက်တိုက်ဆိုသလို ဖြစ်ပွားနေတာပါ။

ဒီဇင်ဘာလ ၁၃ ရက်နေ့ကလည်း ရှမ်းပြည်မြောက်ပိုင်း သိန္နီနဲ့ ကွမ်းလုံမြို့နယ်ကြား နမ့်ဆလပ်ရွာအနီးမှာ တစ်နာရီကျော် ပစ်ခတ်မှုဖြစ်ပွားခဲ့တယ်လို့ ကိုးကန့်တပ်နဲ့ ပူးပေါင်း တိုက်ခိုက်နေတဲ့ တအာင်းတပ်မတော်က ပြောခွင့်ရ ဗိုလ်မှူးကြီး တာ့ဘုန်းကျော်က ဒီဗွီဘီကို ပြောပါတယ်။

“အဲဒီတိုက်ပွဲမှာ ကိုးကန့်တဖွဲ့တည်း မဟုတ်ပါဘူး။ ကျနော်တို့ တအာင်းနဲ့ ကချင် ပူးပေါင်းတပ်တွေလည်း ပါပါတယ်။ စနေနေ့ နေ့ခင်းပိုင်းကလည်း သိန္နီ နဲ့ ကွမ်းလုံမြို့နယ်ကြား နမ့်ဆလပ်ရွာဘက်မှာ မနက် ၁၁ နာရီကျော်ကနေ ၁၂ နာရီခွဲလောက်ထိ ပစ်ကြတယ်ခင်ဗျ။ အဲဒါကတော့ တောထဲမှာ ၂ ဘက်တပ်တိုးမိတဲ့ ရင်ဆိုင်တိုက်ပွဲပါ။ ကျနော်တို့ဘက် ဒဏ်ရာရသူ မရှိဘူး။ အစိုးရတပ်ဘက်တော့ မသိရပါဘူးခင်ဗျ၊”

မနေ့ကနဲ့ ဒီကနေ့မှာတော့ နှစ်ဘက် ရင်ဆိုင်ပစ်ခတ်မှုတွေ မရှိပေမယ့် နမ့်ဆလပ်ဒေသ ဘက်မှာရော၊ တာမိုးညဲမြို့နယ် သံလွင်မြစ် အနောက်ဘက်ခြမ်းဒေသတွေမှာ ရှိတဲ့ သူတို့တပ်စခန်းနေရာတွေကိုပါ အစိုးရတပ်က အဝေးကနေ လက်နက်ကြီးနဲ့ တစ်နာရီခြား ၂ နာရီကြား တခါလောက် လှမ်းပစ်နေတယ်လို့ ဗိုလ်မှူးကြီး တာ့ဘုန်းကျော်က ပြောပါတယ်။

By ဒီဗွီဘီ
http://burmese.dvb.no/archives/73836

Author Name

Contact Form

Name

Email *

Message *

Powered by Blogger.