12/17/14

ရွေးကောက်ပွဲကော်မရှင်ဥက္ကဋ္ဌ ဦးတင်အေး ရွေးကောက်ပွဲကော်မရှင်နှင့် ရုပ်ရှင်ဂီတ အနုပညာရှင်များ တွေ့ဆုံပွဲ၌ အဖွင့်မိန့်ခွန်း ပြောကြားစဉ် (ဓာတ်ပုံ-ဝေယံဖြိုးဦး)

လွှတ်တော်အတွင်း စစ်တပ် ၂၅ ရာခိုင်နှုန်းသည် အာဏာပြန်မသိမ်းရန် ပါဝင်ခဲ့ခြင်း ဖြစ်သော်လည်း တိုင်းပြည်မတည်ငြိမ် မအေးချမ်းပါက စစ်တပ်မှ အာဏာသိမ်းရမည်ဖြစ်ကြောင်း ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေးက ပြောကြားသည်။

ဒီဇင်ဘာ ၁၆ ရက်တွင် ရန်ကုန်မြို့ မီကာဆာဟိုတယ်၌ ပြုလုပ်သည့် ပြည်ထောင်စုရွေးကောက်ပွဲ ကော်မရှင်နှင့် ရုပ်ရှင်၊ ဂီတ အနုပညာရှင်များ တွေ့ဆုံပွဲ၌ ယခုကဲ့သို့ ပြောကြားခဲ့ခြင်းဖြစ်သည်။

ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေးက ၁၉၆၂ ခုနှစ်တွင် တော်လှန်ရေးကောင်စီမှ အာဏာသိမ်းခဲ့ကြောင်း၊ မည်သည့်အတွက်ကြောင့် အာဏာသိမ်းရသည်ဆိုသည့် ခိုင်လုံသည့် အကြောင်းပြချက် ရှိနေကြောင်း၊ အကြောင်းပြချက်မှာ ၁၉၄၇ ခုနှစ် ဖွဲ့စည်းပုံအခြေခံဥပဒေတွင် လွတ်လပ်ရေးရပြီးနောက် ခွဲထွက်ရမည်ဆိုသည့်အချက် ပါဝင်နေကြောင်း၊ ခွဲထွက်မည်ကို စိုးရိမ်သဖြင့် တပ်မတော်မှ အာဏာသိမ်းလိုက်ရခြင်း ဖြစ်ကြောင်း၊ ၎င်းမှာ ၁၉၄၇ ခုနှစ် ဖွဲ့စည်းပုံအခြေခံဥပဒေ၏ အားနည်းချက်ဟုသာ ပြော၍ရကြောင်း ပြောကြားသည်။

ထို့နောက် ၁၉၆၂ ခုနှစ်မှ ၁၉၇၄ ခုနှစ်အထိ တော်လှန်ရေးကောင်စီမှ စစ်အုပ်ချုပ်ရေးဖြင့် အုပ်ချုပ်ခဲ့ကြောင်း၊ ၁၉၇၄ ခုနှစ်တွင် ဖွဲ့စည်းပုံအခြေခံဥပဒေတစ်ရပ် ပေါ်ပေါက်လာခဲ့ကြောင်း၊ ၎င်းဥပဒေကို ပြည်လုံးကျွတ် ဆန္ဒခံယူပွဲ ပြုလုပ်ကာ အတည်ပြုခဲ့ခြင်းဖြစ်ကာ နိုင်ငံတော်ကို ဆိုရှယ်လစ်စနစ်ဖြင့် ဆိုရှယ်လစ်လူ့ဘောင် ထူထောင်နိုင်ရန် တွေးခေါ်ဆောင်ရွက်ခဲ့ကြကြောင်း၊ ဆိုရှယ်လစ်စနစ်သည် မူဝါဒ သဘောတရား ကောင်းသော်လည်း အကောင်အထည်ဖော်သူများ၏ အားနည်းမှုကြောင့် မအောင်မြင်ခဲ့ကြောင်း၊ ထို့နောက် တိုင်းပြည် ကဏ္ဍအရပ်ရပ်မှ ကျဆင်းမှုများ ဖြစ်ပေါ်လာကာ ၁၉၈၈ ခုနှစ် အရေးအခင်း ဖြစ်ပွားခဲ့ကြောင်း ဦးတင်အေးက ပြောကြားသည်။

အာဏာပြန်သိမ်းရတာတွေ ကျွန်တော်တို့ မလိုချင်တော့ဘူး။ စစ်တပ်က စစ်တပ်မှာ သူ့ဘာသာသူ နေတာပဲ။ တည်ငြိမ်အေးချမ်းနေသမျှ စစ်တပ်က အာဏာသိမ်းစရာလည်း မလိုဘူး။ သူ့နေရာသူ နေမှာပဲ။ မတည်ငြိမ် မအေးချမ်းလာရင် စစ်တပ်က အာဏာသိမ်းရမှာပဲ။ အဲဒါ ကျွန်တော်တို့ တည်ငြိမ်အေးချမ်းမှုအတွက် လုပ်ရမယ်။ ဖွံ့ဖြိုးတိုးတက်မှသာလျှင် ဆူဆူပူပူ မဖြစ်ဘူး။ ဆူဆူပူပူ ဖြစ်လာရင် အာဏာပြန်သိမ်းမယ်။ တည်ငြိမ်အေးချမ်းအောင်၊ ဖွံ့ဖြိုးတိုးတက်အောင် ကျွန်တော်တို့ပါတီတွေ . . . . .

“အဲဒီအချိန်မှာ အင်မတန်မှ ယဉ်ကျေးပါတယ်ဆိုတဲ့ မြန်မာလူမျိုးက ခေါင်းဖြတ်သတ်တဲ့ အခြေအနေ ဖြစ်ပွားခဲ့တယ်။ အုပ်ချုပ်မှုစနစ် မရှိတော့ဘူး။ တရားဥပဒေစိုးမိုးမှု မရှိတော့ဘူး။ တပ်မတော်ကို ထိပါးလာတယ်။ ဒါကြောင့် မလွှဲရှောင်သာလို့ အာဏာသိမ်းလိုက်ရတယ်။ ပစ်ခတ်ပြီး ထိန်းသိမ်းခဲ့တဲ့ တပ်မတော်က အာဏာလွှဲပေးချင်လို့ ၁၉၈၈ ခုနှစ်မှာ အာဏာသိမ်းပြီး နှစ်နှစ်နီးပါးအကြာ ၁၉၉ဝ ပြည့်နှစ်မှာ ရွေးကောက်ပွဲ လုပ်ပေးခဲ့တယ်။ NLD နိုင်ပါတယ်။ အာဃာတတရား ရှေ့ထားတဲ့အခါကျတော့ ကျွန်တော်တို့က အာဏာလွှဲလို့ မရဘူး။ အာဏာလွှဲဖို့ဆိုရင် နိုင်ငံတော်ဖွဲ့စည်းပုံအခြေခံဥပဒေ ရေးဆွဲကြရအောင်ဆိုပြီး အမျိုးသားညီလာခံကို ခေါ်ခဲ့တယ်။ ၁၉၉၃ ခုနှစ်မှာစပြီး ၁၉၉၆ ခုနှစ်မှာ ပျက်သွားတယ်။ ဖွဲ့စည်းပုံအခြေခံဥပဒေပေါ်မှ ရမယ်ဆိုပြီး ၁၉၉၆ ခုနှစ်မှာ ရပ်သွားခဲ့တဲ့ဟာကို ၂ဝဝ၆ မှာ ပြန်စနိုင်ပါတယ်။ ၂ဝဝ၈ မှာပြီးလို့ လူထုဆန္ဒခံယူပြီး ဖွဲ့စည်းပုံအခြေခံဥပဒေ ပေါ်ပေါက်လာတယ်” ဟု ဦးတင်အေးက ပြောကြားသည်။


ဆက်လက်၍ “ဖွဲ့စည်းပုံအခြေခံဥပဒေရှိမှ အာဏာလွှဲလို့ ရမယ်။ အာဏာလွှဲလို့ရအောင် ဖွဲ့စည်းပုံအခြေခံဥပဒေ ပေါ်ပေါက်လာခဲ့တယ်။ ဒီဖွဲ့စည်းပုံအခြေခံဥပဒေ ပြင်သင့်တယ် မပြင်သင့်ဘူးဆိုတာ ကျွန်တော်တို့ အစောကြီးကတည်းက သိပါတယ်။ ကျွန်တော်တို့ လွှဲထားတဲ့ နိုင်ငံတော်ကြီးက ကျွန်တော်တို့ ဒီမိုကရေစီ အပြည့်ပေးထားတာ မဟုတ်ပါဘူး။ ဒီမိုကရေစီရေချိန် အဆင့်လိုက် ပေးသွားဖို့ ဖြစ်ပါတယ်။ ကျွန်တော်တို့ နည်းနည်းတင်းကျပ်ထားတာ ရှိပါတယ်။ ဘာကြောင့်လဲဆိုတော့ အာဏာလွှဲပြီးနောက်ပိုင်း သိပ်လွတ်လပ်သွားလို့ရှိရင် Unity Balance ပျောက်သွားမှာ စိုးရိမ်ပါတယ်။ ဘာကြောင့်လဲ မေးစရာရှိပါတယ်။ ၁၉၄၈ မှာ လွတ်လပ်ရေးရတယ်။ ၂ဝဝ၈ မှာ ဖွဲ့စည်းပုံပြီးတယ်။ နှစ်ပေါင်း ၆ဝ မှာ လူထုအုပ်ချုပ်တာ ၁၄ နှစ်ပဲ ရှိတယ်။ ကျန်တာ တပ်မတော်အစိုးရ အုပ်ချုပ်ခဲ့တယ်။ ဘာပြောပြော တပ်မတော်အစိုးရ တစ်ပါတီ စနစ်အောက်မှာ နေရတဲ့အတွက် ကျေနပ်နိုင်စရာအကြောင်း မရှိဘူး။ ကျေနပ်နိုင်စရာအကြောင်း မရှိတဲ့အတွက် ဝုန်းဆိုဖွင့်ပေးလိုက်လို့ရှိရင် Balance Out သွားမယ်။ ဒါကြောင့် Guided Democracy ဆိုပြီး ဖွင့်ပေးခဲ့တယ်။ ဒါဖြင့် ဖွဲ့စည်းပုံအခြေခံဥပဒေကို ပြင်ဖို့ လိုကိုလိုပါတယ်။ ဒါ့ကြောင့် အခန်း ၁၂ ဘယ်လိုပြင်ပါဆိုပြီး ကျွန်တော်တို့ ရေးခဲ့တယ်။ ရေးခဲ့ပြီး ကျွန်တော်တို့ လွှဲပေးခဲ့ပါတယ်။ ဒါကြောင့် ဒီဖွဲ့စည်းပုံအခြေခံဥပဒေက ဒီမိုကရေစီရေချိန်အရ ပြင်ကိုပြင်ရမှာပဲ” ဟု ဦးတင်အေးက ဆိုသည်။

ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေးက “ကျွန်တော် ခဏခဏ ပြောပါတယ်။ တပ်မတော် ဘာကြောင့် ပါနေလဲ။ ဒီခါးသီးတဲ့ အတွေ့အကြုံတွေ ကျွန်တော်တို့ မလိုချင်တော့ဘူး။ အာဏာပြန်သိမ်းရတာတွေ ကျွန်တော်တို့ မလိုချင်တော့ဘူး။ စစ်တပ်က စစ်တပ်မှာ သူ့ဘာသာသူ နေတာပဲ။ တည်ငြိမ်အေးချမ်းနေသမျှ စစ်တပ်က အာဏာသိမ်းစရာလည်း မလိုဘူး။ သူ့နေရာသူ နေမှာပဲ။ မတည်ငြိမ် မအေးချမ်းလာရင် စစ်တပ်က အာဏာသိမ်းရမှာပဲ။ အဲဒါ ကျွန်တော်တို့ တည်ငြိမ်အေးချမ်းမှုအတွက် လုပ်ရမယ်။ ဖွံ့ဖြိုးတိုးတက်မှသာလျှင် ဆူဆူပူပူ မဖြစ်ဘူး။ ဆူဆူပူပူ ဖြစ်လာရင် အာဏာပြန်သိမ်းမယ်။ တည်ငြိမ်အေးချမ်းအောင်၊ ဖွံ့ဖြိုးတိုးတက်အောင် ကျွန်တော်တို့ပါတီတွေ ဆောင်ရွက်ရမယ်လို့ ကျွန်တော်ဒီလိုပဲ ပြောခဲ့ပါတယ်။ ကျွန်တော်တို့ ဖွဲ့စည်းပုံအခြေခံဥပဒေက တည်ငြိမ်အေးချမ်းအောင် စစ်တပ် ၂၅ ရာခိုင်နှုန်း ပါနေတာက ပြောကြေးဆိုရင် အာဏာပြန်မသိမ်းနိုင်အောင်၊ အာဏာပြန်မသိမ်းဖြစ်အောင် လွှတ်တော်ထဲမှာ ဝင်ပြီးထိန်းပေးမယ်ဆိုတဲ့ သဘောနဲ့ ကျွန်တော်တို့ ပါခဲ့တာပါ။ ဒီမိုကရေစီ ရေချိန်မြင့်လာတာနဲ့ သူတို့ထွက်သွားရမှာပဲ။ ဒီလို ကျွန်တော်တို့ ရှိပါတယ်” ဟု ပြောကြားသည်။

အမျိုးသားဒီမိုကရေစီအဖွဲ့ချုပ် အမျိုးသားလွှတ်တော်ကိုယ်စားလှယ် ဦးအောင်ကြည်ညွန့်က “ဒီလို ပြောကြားချက်တွေက လက်ရှိဒီမိုကရေစီစနစ်ကို ဖြစ်ဖြစ်မြောက်မြောက် သွားမယ်လို့ပြောနေတဲ့ ပြုပြင်ပြောင်းလဲရေးတွေနဲ့ ပြောင်းပြန်ဖြစ်နေတယ်။ တိုင်းပြည် အနာဂတ်အတွက် မကောင်းဘူးလို့ ပြောရမှာပဲ” ဟု သုံးသပ်ပြောကြားသည်။

မြန်မာနိုင်ငံ၌ စစ်တပ်က ၁၉၆၂ ခုနှစ်တွင် အာဏာသိမ်းယူပြီးနောက် တစ်ပါတီ အာဏာရှင်စနစ်ဖြင့် အုပ်ချုပ်ခဲ့သည်။ ၁၉၈၈ ခုနှစ်တွင်လည်း စစ်တပ်က နောက်တစ်ကြိမ် ထပ်မံ အာဏာသိမ်းခဲ့သည်။ ထိုကဲ့သို့ စစ်တပ်အာဏာသိမ်းစဉ် ကာလအတွင်း မြန်မာနိုင်ငံအနေဖြင့် မြေပေါ်မြေအောက် သယံဇာတများ စီမံခန့်ခွဲမှု အလွဲများကြောင့် ဆုံးရှုံးမှုများခဲ့ပြီး သစ်တောဖုံးလွှမ်းမှု ပမာဏမှာ ၁၉၆၂ ခုနှစ်ဝန်းကျင်က နိုင်ငံဧရိယာ ရာခိုင်နှုန်း ၆၅၊ ၇ဝ ခန့်ရှိရာမှ ယခုအခါ ၂၅ ရာခိုင်နှုန်းခန့်သာ ရှိတော့သည်အထိ ကျဆင်းခဲ့သည်ကို ဥပမာအဖြစ် တွေ့မြင်နိုင်သည်။ ထို့အတူ ၁၉၆၂ ခုနှစ် အာဏာမသိမ်းမီက မြန်မာနိုင်ငံသည် အာရှတွင် ထိပ်တန်းနိုင်ငံအဖြစ် ရပ်တည်နိုင်ခဲ့သော်လည်း နောက်ပိုင်းတွင် နိုင်ငံမှာ တဖြည်းဖြည်း တိုးတက်မှု ကျဆင်းကာ လက်ရှိတွင် အရှေ့တောင်အာရှ အဆင်းရဲဆုံး နိုင်ငံများတွင် ပါဝင်နေသည်။ ထို့ပြင် နိုင်ငံတွင်း အလုပ်အကိုင် ရှားပါးမှု အပါအဝင် အကြောင်းအမျိုးမျိုးကြောင့် ပြည်ပသို့ ရွှေ့ပြောင်းလုပ်သားအဖြစ် ပြောင်းရွှေ့သွားသူမှာ ခြောက်သန်းခန့်အထိ ရှိနေသည်။ လတ်တလော အခြေအနေများအရ လူထုအတွင်း အာဏာသိမ်းမည်ဟူသော သတင်းစကားများ ထွက်ပေါ်နေသလို ထိုသို့ဖြစ်မည်ကို စိုးရိမ်မှုများ ရှိနေကြောင်း သုံးသပ်မှုများလည်း ရှိနေသည်။ လက်ရှိအစိုးရကိုလည်း အရပ်သားအစိုးရ စစ်စစ်အဖြစ် ရှုမြင်ခြင်းမရှိဘဲ စစ်တပ်တစ်ပိုင်း အစိုးရအဖြစ် ထင်မြင်ယူဆသူများ ရှိနေကြောင်း သိရသည်။
- See more at: http://news-eleven.com/


အလုပ်ကပြန်လာသောကိုရဲဝင်း တစ်ယောက်လမ်းထိပ်တွင်ရှိသော အ မှိုက်ပုံကို ငဲ့ကြည့် လိုက်ရင်း “ထွီ...နံလိုက်တာ။ ဒီအမှိုက်ပုံဒီနေ့လည်း လာမရှင်းသေးဘူး“ ဟု ပြောလိုက်သည်။ သူကတော့ ရန်ကုန်မြို့၏ဆင်ခြေဖုံးဖြစ်သည့် ရွှေပြည်သာမြို့နယ်တွင်နေထိုင်သူဖြစ်သည်။

ကိုရဲဝင်းကဲ့သို့ပင် ရန်ကုန်မြို့နေရာ အတော်တော်များတွင် အမှိုက်ပြ ဿနာကို အဓိက ရင်ဆိုင်နေ ရပြီး ဆင်ခြေဖုံးမြို့နယ်များတွင်သာမက ရန်ကုန်မြို့တွင်း ၃၃ မြို့နယ်တွင်ပါ အမှိုက်ပုံမှန် မသိမ်း သည့်ပြဿနာများ အားအမြဲတစေတွေ့ကြုံနေရသည်။

ထို့ပြင် အမှိုက်များကို နောက်ဖေးလမ်းကြားသို့ ပစ်ခြင်း၊ ရေမြောင်းအတွင်း ပစ်ခြင်းကြောင့် လည်း နောက်ဆက်တွဲ ပြဿနာများကိုပါ ရင်ဆိုင်နေရသည်။ ရေမြောင်းထဲတွင် စီးဆင်းနေ သည့်အမှိုက်များသည် နွေရာသီတွင် မသိသာသော်လည်း မိုးတွင်းကာလသို့ ရောက်လျှင်တော့ မိုးရေများနှင့် အတူစီးဆင်းသည့် အမှိုက်များမှာ ရေမြောင်းပိတ်ဆို့မှုဖြစ်ပြီး ကားလမ်းမ များ အပေါ် လျှံတက်လေသည်။

ကားလမ်းများပေါ် လျှံတက်လာသော ရေများကြောင့် ကားများသွား လာနိုင်ခြင်းမရှိဘဲ ကားလမ်း ပိတ်ဆို့ မှုများ ဖြစ်ပေါ်လာသည်။ ထို့ကြောင့် ခရီးသည်များမှာ မိုးရွာမည်ကိုပင် စိုးရွံ့လာကြသည်။ ယာဉ်ကြော ကျပ်တည်းမှု ပြဿနာကတော့ မိုးရာသီတစ်ခုတည်း ဖြစ်ပေါ်နေခြင်းမဟုတ်ပါ။ ရုံးတက် ရုံးဆင်းချိန်၊ ကျောင်းကြို ပို့ချိန်၊ လူကြီးလမ်းကြောင်း ဖြတ်သန်းချိန် စသည့်အချိန်များတွင်လည်း လမ်းပိတ်ဆို့မှု ပုံမှန်ဖြစ်ပေါ်လေ့ရှိသည်။ ထို့ပြင် လမ်းပြုပြင်နေခြင်း၊ ယာဉ်မရပ်ရနေရာတွင် ရပ်ထားသော ကားများနှင့် လမ်းပေါ်သို့ တတ်ရောက်နေ သည့် ကျူးကျော်ဈေးသည့်များကြောင့် လည်း လမ်းပိတ်ဆို့မှုက ပုံမှန်ဖြစ်ပွားလေ့ရှိသည်။

ကိုရဲဝင်းက “မနက်ဆိုရင် အမှိုက်ပုံက အနံ့ဆိုးရှူပြီး အလုပ်သွားတယ်။ကားပေါ်ရောက်တော့ လည်း ကားလမ်းကျပ်တာကြောင့် အချိန်တော်တော် ကြာအောင်နေမှ ဆူးလေကိုရောက်တယ်။ အဲ့ရောက်တော့လည်း ပလက်ဖောင်း ဈေးသည်တွေကို ရှောင်တိမ်းပြီး ရုံးကိုသွားရတယ်။ အဲ့ဒီလို အဆင်မပြေတာ တွေ့နေရတော့ လုပ်ငန်းခွင်ထဲ စိတ်ရှုပ်ရှုပ်နဲ့ ရောက်သွားရတယ်” ဟု ပြောသည်။

ယခုကဲ့သို့ ပြည်သူများ နေ့စဉ်ဒုက္ခကြုံတွေ့နေရခြင်းမှာ ရန်ကုန် မြို့တော် စည်ပင်သာယာရေး ကော်မတီ၏ အသုံးမကျမှုဖြစ်ကြောင်း ပြည် သူများက ဝေဖန်ကြသည်။

စည်ပင်သာယာရေး ကော်မတီ၏ အားနည်းချက်များကြောင့် ၎င်းတို့ ခွင့်ပြုချက်ပေးကာ ဆောက် လုပ်ထားသည့် အဆောက်အအုံများမှာ အရည်အသွေးမမီခြင်း၊ စံချိန်စံနှုန်းမီ ဆောက်လုပ် ထားမှုမရှိခြင်း၊ တိုက် တာ ဆောက်လုပ်ရာတွင် ကားပါကင်မရှိခြင်း၊ စသည့်ကိစ္စများကြောင့် တိုက် ခန်းနေ ပြည်သူများမှာ နေ့စဉ်အခက်အခဲ ကြုံတွေ့နေရကြောင်း ယင်း တို့၏ ပြောပြချက် အရ သိရသည်။

ပုဇွန်တောင်မြို့နယ်နေ ကိုထက်အောင်က “ကျွန်တော်တို့ တိုက်ကတော့ အပြင်ကကြည့် ရင် ဆေးသုတ်ထားတဲ့အတွက် ကောင်းတယ်ထင်ရတယ်။ တကယ်တမ်း အတွင်း မှာတော့ ရေယိုကျတာတွေ၊ နောက် လေဝင်လေထွက် မကောင်းတာစတဲ့ အခက်အခဲတွေ ကြုံရတယ်။ တိုက်ဆောက်ကတည်းက ကားပါကင် သေချာမသတ်မှတ်ထားတော့ တိုက်ရှေ့ မှာပဲ ကားတွေ ထိုးထားကြရတယ်။ လမ်းကကျဉ်းတော့ လမ်းထဲကား ဝင်လာရင် ဘယ်လိုရှောင် ရမှန်း မသိ ဖြစ်ရတယ်” ဟု ပြောသည်။

အထက်ပါ ပြဿနာများကတော့ ရန်ကုန်မြို့နေပြည်သူတိုင်း ကြုံတွေ့နေရသော ပြဿနာများဖြစ်သည်။ ထိုပြဿနာများကို ရန်ကုန်မြို့တော် စည်ပင်ကလည်း နည်းလမ်း အမျိုးမျိုး ဖြင့် ဖြေရှင်းပေးလေ့ ရှိပါသည်။ သို့ ရာတွင်တော့ ရန်ကုန်မှာ ကားပိတ်မှု၊ အမှိုက်နှင့် အခြားပြဿနားမှာ တစ်နေ့တခြား ပိုမို ဆိုးရွားလာသည်ကို တွေ့ရမည်ဖြစ်သည်။

ယခုအခါတွင်တော့ စည်ပင်ကိုယ် စားလှယ်ရွေးကောက်ပွဲကို ဒီဇင်ဘာ ၂၇ ရက်တွင် ပြုလုပ် သွား မည်ဖြစ်သည်။ နှစ်ပေါင်း ငါးဆယ်ကျော် မကျင်းပဘဲ ယခုနှစ်မှ ပြန်လည် ကျင်းပခြင်း လည်း ဖြစ်သည်။ သို့ရာတွင် ထိုရွေးကောက်ပွဲနှင့်ပတ်သက်၍ ပြည်သူများ၏ စိတ်ဝင်စားမှု ကတော့ အားရစရာ မကောင်းလှပေ။

ကမာရွတ်မြို့နယ်နေ ဦးသန်းဝင်းက “မဲပုံးထောင်ပြီး ပြည်သူ့ကိုယ် စားလှယ် ရွေးချယ်ပွဲပြုလုပ် မယ်လို့ သတင်းစာတွေမှာဖတ်ရတယ်။ ကိုယ် စားလှယ်တွေ တချို့က ဝင်ရောက်ယှဉ်ပြိုင် မယ့် အကြောင်း သတင်း စာရှင်းလင်းပွဲ လုပ်တာတွေ ဖတ်ရတယ်။ ဒါပေမဲ့ ကျန်တဲ့အရွေးချယ်ခံမယ့် သူတွေက ဘယ်သူလည်း ဘယ်လို ပုဂ္ဂိုလ်မျိုးလဲဆိုတာ မသိဘူး။ အဲ့တော့ ကိုယ်တွေမသိရတဲ့ သူ ကို ရွေးချယ်ရမလိုဖြစ်နေတယ်” ဟုပြောသည်။

ဦးသန်းဝင်းကဲ့သို့ပင် ကိုယ်စားလှယ်ရွေးချယ်သည့် ကိစ္စအပေါ် သိ ရှိသူနည်းပါးပြီး လှုပ်ရှားဆောင်ရွက်နေသည့် သူများမှာ ခရိုင်အဆင့် ကိုယ် စားလှယ် ရွေးချယ်ခံမည့် ကိုယ်စားလှယ် များဖြစ်ပြီး ကျန်အဆင့်များအ တွက် မည်သူကို ရွေးချယ်မည် အကြောင်း မသိရှိ ရသေးကြောင်း ပြော သည်။ယင်းက ]ပြီးခဲ့တဲ့ရက်က ခရိုင် အဆင့်ရွေးချယ်ခံမယ့် ကိုယ်စားလှယ် လောင်း တစ်ဦးတော့ ဈေးနားမှာ လာပြီး မဲအရွေးချယ်ခံရမယ့် အကြောင်း စည်းရုံးရေးလာဆင်းတယ်။ လက်ကမ်းစာစောင်ဝေတာတော့ တွေ့ရတယ်။ ကိုယ်စားလှယ်ကို ဘယ်လောက်အထိ ကိုယ်စားပြုမလဲဆိုတာ ကိုယ်လည်းမပြော နိုင်ဘူးလေ။ လွှတ်တော် အမတ် ရွေးတုန်းကလိုမျိုးပေါ့။ သူလွှတ်တော်ထဲရောက်မှကိုယ်တွေရွေးလိုက်တဲ့ သူဆိုတာ သိရတယ် ဟု ပြောသည်။

စည်ပင်ကော်မတီဝင် အဆင့်ဆင့်တွင် ပြည်သူကိုယ်စားပြု ရွေးချယ်ခံရမည့် ကိုယ်စားလှယ်များ အား မြို့တော်ကော်မတီဝင်လေးဦး၊ ခရိုင် လေးခုမှ ကိုယ်စားလှယ် သုံးဦးစီ၊ မြို့နယ်ပေါင်း ၃၃ မြို့နယ်မှ မြို့နယ် တစ်ခုလျှင် ကိုယ်စားလှယ် သုံးဦးစီ ဖြင့် စုစုပေါင်း ၁၁၉ ဦး ရွေးချယ် မည် ဖြစ်ကြောင်း သိရသည်။

ယင်းသို့ ရွေးကောက်ပွဲ ကျင်းပ မည့်နေ့မှာ နီးကပ်လာသော်လည်း ကိုယ်စားလှယ် အများစုမှာ မဲဆွယ် စည်းရုံးရေးလုပ်ဆောင်မှု မရှိခြင်းနှင့် ရွေးကောက်ခံမည့် ကိုယ်စားလှယ် လောင်း ၂၆၀ ကျော်ခန့်အား ပြည်သူ များအနေဖြင့် သိရှိမှုမရှိခြင်းအတွက် မဲပေးရာတွင် အခက်အခဲ တစ်ခုဖြစ် နိုင်ကြောင်းအဆိုပါရွေးကောက်ပွဲလေ့ လာစောင့်ကြည်သူများကပြောသည်။

ရွေးကောက်ပွဲ လေ့လာစောင့် ကြည်သူတစ်ဦးဖြစ်သည့် ဦးကျော်လင်းဦးက “နိုင်ငံတကာ မှာ မြူနီစပယ် ရွေးကောက်ပွဲတွေလုပ်ရင် အရွေးခံမယ့် ကိုယ်စားလှယ်တွေက အခုချိန်ဆိုရင် မဲဆွယ်စည်းရုံးမှုတွေ လုပ်နေကြပြီဖြစ်တယ်။ ဘေဘုတ်တွေထောင်တယ်။ ဘယ်သူက ဘယ် မြို့နယ်မှာ ရွေးမယ်ဆိုတာမျိုး ဖြစ်တယ်။ ထိုင်းနိုင်ငံမှာဆိုရင် ကိုယ်စား လှယ်တွေက ကားတွေနဲ့ လှည့်တယ်။ ကားဘေးမှာ သူတို့ပုံနဲ့ ကြွေးကြော် သံတွေ ချိတ်တာမျိုး လုပ်လေ့ရှိတယ်။ အခု ဒီမှာက သုံးပတ်လောက်လိုတော့တဲ့အချိန်မှာ မဲဆွယ်စည်းရုံးမှုတွေမရှိဘူး။ မဲဆန္ဒရှင်တော်တော် များများက ဘယ်သူ့ကို ရွေးရမှန်းမသိဘူး ဖြစ်နေတယ် “ ဟု သုံးသပ်သည်။

ယင်းတို့ကဲ့သို့ စောင့်ကြည့်လေ့လာသူများကိုယ်တိုင် ကိုယ်စားလှယ်အချို့ကို သာသိရှိရပြီး ကျန် ကိုယ်စားလှယ်လောင်းများ မည်သူဖြစ်သည်ကို မသိရှိရသည့်အတွက် မဲထည့်မည့် အိမ်ထောင်ရှင် ဦးစီးများအနေ ဖြင့် ရွေးချယ်ရခက်မည်ဖြစ်ပြီး သိရှိခဲ့ပါကလည်း ရွေးချယ်ခံမည့် ကိုယ် စားလှယ်များက မည်သည့်အကျိုး ရလဒ်များ ရရှိနိုင်မည်ဖြစ်ကြောင်းကို မဲဆန္ဒရှင်များ ကိုယ်တိုင် မသိရှိနိုင်သေးသည့်အတွက် ယခုပြုလုပ်မည့် ရွေးကောက်ပွဲသည် စနစ်တကျ မရှိကြောင်း ယင်းကဝေဖန်ပြောဆိုသည်။

ယင်းအပြင် ယခုကျင်းပပြုလုပ်မည့် ရွေးကောက်ပွဲဝင် ကိုယ်စားလှယ်များ သက်တမ်းမှာ အချိန် အားဖြင့် တစ်နှစ်သုံးလသာရှိသည့်အတွက် ကိုယ်စားလှယ်များ လုပ်ဆောင်နိုင်မည့် အချိန်မှာ နည်းသဖြင့် လုပ်ဆောင် နိုင်မည့် အချိန်တိုတောင်းပြီး လုပ်ဆောင်ရန် မရှိနိုင်ကြောင်း အစမ်းသပ် ခံပုံစံဖြင့် လုပ်ဆောင်ခြင်း ဖြစ်ကြောင်း ရွေးကောက်ပွဲ လေ့လာသုံး သပ်သူများ က ဝေဖန်ပြောဆိုခြင်းများရှိသည်။

ပြည်သူ့ ကိုယ်စားလှယ်လောင်းများအဖြစ် အရွေးချယ်ခံရပါက ကိုယ် စားလှယ်လောင်းများ အနေဖြင့် ပထမ ဆုံး ရင်ဆိုင်ဖြေရှင်းရမည့် ကိစ္စများ မှာ ကားကျပ်သည့် ပြဿနာ၊ အမှိုက် မသိမ်းသည့် ပြဿနာနှင့် ရေကြီးရေ လျှံသည့် ပြဿနာများဖြစ်ပြီး ယင်း နောက်မှ အခြားကိစ္စ များ ဖြေရှင်းရ မည့် ဖြစ်သော်လည်း ကိုယ်စားလှယ်ရွေးချယ်သည့် သက်တမ်းကာလမှာ တိုတောင်းသည့် အတွက် ရသည့်အ ချိန်တွင် ရသလိုလုပ်နိုင်ရန် ကြိုးပမ်း သွားမည်ဖြစ်ကြောင်း ကတိပြုပြောဆိုခြင်းများရှိသည်။

အနောက်ပိုင်းခရိုင် ကိုယ်စားပြု ဝင်ရောက်အရွေးချယ်ခံမည့် ဦးဝင်းချို က “တစ်နှစ်ဆိုတဲ့ အချိန် ကာလက တိုတောင်းတယ်။ ဒါပေမဲ့ တစ်လနဲ့စာရင်တော့ ပိုအချိန်ရတယ်။ အဲ့ဒီရတဲ့ အချိန်လေး မှာ ပြည်သူတွေ အတွက် အကောင်းဆုံးလုပ်ဖို့ ရည် ရွယ်ထားတယ်။ လုပ်ပိုင်ခွင့် မရှိချိန်မှာ အကောင်းဆုံး လုပ်နိုင်ခဲ့တာတွေ အတွက် လုပ်ပိုင်ခွင့်ရမယ်ဆိုရင် ပိုလုပ်နိုင်မှာဖြစ်တယ်” ဟု ပြော သည်။

ပြည်သူကိုယ်စားလှယ်များအနေဖြင့် ယခု မဲဆွယ်စည်းရုံးရေး လုပ်ဆောင်ရာတွင် အခက်အခဲ ရင်ဆိုင်ရ ခြင်းမှာ ပြည်သူများက ရွေးကောက်ပွဲကျင်းပမည့် အကြောင်းကို မသိရှိ ခြင်း၊ ရန်ကုန်မြို့တော် စည်ပင်သာ ယာရေးကော်မတီကို ပြည်သူများက အမြင် မကြည်လင်ခြင်းကြောင့် ကိုယ် စားလှယ်လောင်းများ အနေဖြင့် အဆိုပါအမြင်များ ကိုပါ ပြောင်းပစ်နိုင် ရန်နှင့် ပြည်သူ့အကျိုးပြု လုပ်ငန်း များ လုပ်ကိုင်နိုင်ရန်အတွက် အခက် အခဲဖြစ်နိုင်ကြောင်း ကိုယ်စားလှယ်လောင်းအချို့က ပြောသည်။

မြောက်ပိုင်းခရိုင် ကိုယ်စားပြု ကိုယ်စားလှယ်လောင်း ဒေါ်နော်လှလှစိုးက “ အခက်အခဲက သိရှိနား လည်မှု အားနည်းတယ်။ စည်းရုံးရေးဆင်းရင်း လမ်းဘေးဈေးသည်တွေကို ဒီအကြောင်းပြောတယ်။ မသိဘူး ပြန်ဖြေကြတယ်။ သိအောင် ပြောရတာကလည်း စိန်ခေါ်မှု တစ်ခု ဖြစ်တယ်။ စည်ပင်သာယာရေး ကော်မတီကလည်း ပြည်သူလူထုအမြင်မှာ ပုံရိပ်ကောင်း ခဲ့တာ မဟုတ်ဘူး။ အဲ့ဒါတွေ ပြည်သူလူထုကို က်ိုယ်စား ပြုတာဖြစ်တဲ့အတွက် ပိုပြီးတော့ ကြိုး စားရမှာဖြစ်တယ်။ အန်တီတို့က ဒီ လိုမဖြစ်ဘူးဆိုရင် ပြည်သူလူထု အမြင်မှာ ပိုပြီး စိုးရိမ် ဖွယ် ဖြစ်လာနိုင်တယ်။ ကြည့်ပါလား ပြည်သူရွေးထားတာတောင် ဒီလိုလုပ်တယ်လို့ ပြော လာနိုင်တဲ့အတွက် ရွေးချယ်တဲ့နေရာ မှာ ပိုပြီးတော့ အရေးကြီးပါတယ်။" ဟု ပြောသည်။

ရွေးချယ်ခံရသည့် ကိုယ်စားလှယ်လောင်းများ အနေဖြင့် လက်ရှိရင် ဆိုင်ရ သည့် ပြဿနာများ ပြည်သူ ကိုယ်စားပြု ဝင်ရောက် အရွေးချယ်ခံ ကြမည်ဖြစ်သဖြင့် ကိုယ်ကျိုး စီးပွား ရလိုသည့် ရည်ရွယ်ချက်ဖြင့် ဝင်ရောက် အရွေးချယ်ခံပါက ပြည်သူများအ တွက် အကျိုး မရှိသည့်အပြင် ပြုပြင် ပြောင်းလဲနိုင်မှု အခြေအနေမဖြစ် ပေါ်လာနိုင်ကာ မူလအတိုင်း ဆက်လက်ဖြစ်ပေါ်နေမည် ဖြစ်ကြောင်း ပြည်သူများက စိုးရ်ိမ်ကြသည်။

ရန်ကုန်တိုင်းဒေသကြီး လွှတ်တော်က အတည်ပြုထားသည့် ရန်ကုန်မြို့တော် စည်ပင်သာယာရေး ကော်မတီအဆင့်ဆင့် ရွေးကောက်ပွဲဆိုင်ရာဥပဒေ၌ မြို့တော်ကော်မတီတွင် ပါဝင်မည့် ကော်မတီဝင်၏ ၆၀ ရာခိုင်နှုန်းခန့်သည် သမ္မတက တိုက်ရိုက်ခန့်ထားသူ ကိုယ်စားလှယ် ၅ ဦး (၆၀ရာခိုင်နှုန်း) ဖြစ်ပြီး အဆိုပါ ၅ ဦးထဲမှ ဥက္ကဋ္ဌ၊ အတွင်းရေးမှူး၊ တွဲဖက်အတွင်းရေးမှူး ပြန်လည် ရွေးချယ် ကြရမည်ဖြစ်ကာ ပြည်သူရွေးချယ်ခံ ကိုယ်စားလှယ်များမှာ သာမန်ကော်မတီဝင် ဖြစ်နေမည်ဖြစ် သဖြင့် နောက်ရွေးကော်ပွဲများတွင် ပြည်သူကိုယ်တိုင် ရွေးချယ်သည့် မြို့ တော်ဝန်နှင့် ကော်မတီဖြစ်ရေး အတွက် ဥပဒေကို ပြင်ဆင်ရန်လိုအပ်ကြောင်း စောင့်ကြည့်လေ့လာသူများ က ဝေဖန်ထားသည်။

ဦးကျော်လင်းဦးက “လာမယ့် ၂၀၁၅ အပြီးမှာ လုပ်မယ့် စည်ပင်သာ ယာ ကော်မတီကို လုပ်မယ် ဆိုရင် တော့ ၉ ဦးစလုံးကို မြို့တော်မှာနေတဲ့ ပြည်သူတွေကိုယ်တိုင် ရွေးကောက်တဲ့ သူတွေဖြစ်စေ ချင်တယ်။ မြို့တော်ဝန်ဟာ မြို့တော်မှာနေတဲ့ ပြည် သူတွေ က ရွေးကောက် တင်မြှောက်တဲ့ မြို့တော်ဝန် ဖြစ်စေချင်တယ်။ နိုင်ငံတကာမှာလည်း ဒီအတိုင်းပဲ ရွေး တာဖြစ် တယ်“ ဟု ပြောသည်။

ရွေးကောက်ခံ ကိုယ်စားလှယ်များအဖြစ် လျှောက်ထားသူများမှာ ၂၆၀ ဦးကျော် ခန့်ရှိ ကြောင်း ဝင်ရောက်ရွေးချယ်ခံအဖြစ် အရွေးချယ်ခံလိုသူ အနေဖြင့် လက်ရှိနေထိုင်သည့် မြို့နယ်တွင် အနည်းဆုံး ၁၀ နှစ်ခန့် နေထိုင်သူဖြစ်ရမည် ဖြစ်ပြီး နေထိုင်သည့်ကာလ မပြည့်မီသူ ကိုယ်စား လှယ် ၆ ဦးခန့် အ ပယ်ခံထားရကြောင်း ရွေးကောက်ပွဲ လေ့လာစောင့်ကြည့် သူများ၏ ပြောပြ ချက်အရသိရသည်။

မည်သို့ပင်ဆိုစေကာမူ စည်ပင်သာယာရေး ကော်မတီဝင်အဆင့်ဆင့် ကိုယ်စားလှယ် ရွေးကောက်ပွဲအား ၂၀၁၅ ခုနှစ် ဒီဇင်ဘာ ၂၇ ရက်တွင် ကျင်းပမည်ဖြစ်သဖြင့် စမ်းသပ်ခံ အခြေအနေတစ်ခုဟု ယူဆကြသော်လည်း ကိုယ်စားလှယ်လောင်း အချို့မှာ မဲဆွယ် စည်းရုံးမှုများ ပြုလုပ်သည့် အနေဖြင့် ကားများတွင် ဗီနိုင်းကပ်ကာ ဈေးများ၊ လူစည်ကား ရာ နေရာများတွင် မဲဆွယ်စည်းရုံးမှု ပြုလုပ်နေခြင်းများ၊ စီမံကိန်းအကောင် အထည် ဖော်ရေး အတွက် တောင်းဆိုပေးမည့် အကြောင်း ကတိပေး လုပ်ဆောင်စည်းရုံးခြင်း များ ပြုလုပ်လျက် ရှိကြောင်း သိရသည်။

ယင်းကဲ့သို့ ပြည်သူ့ကိုယ်စားပြု ကိုယ်စားလှယ်ရွေးချယ်ခံမည့် ကိုယ် စားလှယ်များအပေါ် မသိ ရှိသူများ ရှိသကဲ့သို့သိရှိသူများကလည်း ယင်း တို့ ပေးထားသည့် ကတိကို တည်မတည် စောင့်မျှော် အားကိုးရင်းနေ ကြပြီး မဲထည့် ရွေးချယ်ပြီးပါက မည်ကဲ့သို့ ရလဒ် ထွက်ပေါ်လာမည်ကို စောင့်ကြည်ရမည်ဖြစ်ကြောင်း မဲဆန္ဒ ရှင် ပြည်သူများကဆိုသည်။

ရွှေပြည်သာမြို့နယ်နေ ကိုရဲဝင်းကတော့ “အခုတက်လာမယ့်သူတွေက အရင်လူတွေလိုပဲ ကိုယ်ကျိုး စီးပွားကြည့်မယ်။ နောက်နည်းလမ်း မကျတာတွေကို ပြောရဲဆိုရဲ မရှိဘူးဆိုရင် ကျွန်တော်တို့ မျှော်လင့်သလို မဖြစ်လာနိုင်ပါဘူး။ ဆီဒယ်အိုးလိုပဲ ဆီဒယ်အိုးအသစ်က ဆီများများစားတယ်။ ဆီဒယ်အိုးဟောင်းက ဆီဝနေတဲ့အတွက် နည်းနည်းပဲစားမယ်ဆိုပြီး အရင်လူဟောင်းကိုပဲ ပြန်ရွေးရမလို အခြေအနေ ဖြစ်မှာစိုးတယ်။ ဘာပဲဖြစ်ဖြစ် ကိုယ်ကျိုး စီးပွားမပါဘဲ ပြည်သူကို တကယ်ကိုယ်စားပြုမယ့် ကိုယ်စားလှယ်တွေဖြစ်ဖို့ လိုတယ်“ ဟု ယင်းအမြင်ကို ပြောပြသည်။

The Ladies News Journal


သေဆုံးသူ ၂ ဦးအတွက် ဝမ်းနည်းခြင်း အမှတ်တရ ပန်းစည်းတွေ ချထားစဉ်။

ဆစ်ဒနီမြို့လယ်က ကော်ဖီဆိုင်ကို တနင်္လာနေ့က ဝင်စီးထားခဲ့တဲ့ သေနတ်သမားဟာ ဘာကြောင့် စောင့်ကြည့် စာရင်းမှာ ရှိမနေခဲ့သလဲ ဆိုတာကို သြစတြေးလျ ဝန်ကြီးချုပ် တိုနီ အက်ဘော့က မေးခွန်း ထုတ်လိုက်ပါတယ်။

အဲဒီ သေနတ်သမားဟာ တခြား ပြစ်မှုတွေလည်း ကျူးလွန် ထားခဲ့ပေမယ့် ဘာကြောင့် အာမခံနဲ့ လွှတ်ပေး ထားခဲ့သလဲ ဆိုတာကို ပြန်စစ်ဆေး ရမယ်လို့လည်း မစ္စတာ အက်ဘော့က ပြောပါတယ်။

ကော်ဖီဆိုင်ကို ရဲတွေ ဝင်ရောက် ရှင်းလင်းရာမှာ သေဆုံးခဲ့ရတဲ့ ဓားစာခံ ၂ ဦး အတွက် ဝမ်းနည်းခြင်း အထိမ်းအမှတ် အနေနဲ့ ဆစ်ဒနီ မြို့လယ်မှာ လူတွေက ပန်းစည်းတွေ လာရောက် ချထားခဲ့ကြပါတယ်။

သေနတ်သမား ဝင်စီးထားတဲ့ ကော်ဖီဆိုင်ကို ရဲတွေရဲ့ ဝင်ရောက် ရှင်းလင်းခဲ့မှု အပေါ် စုံစမ်း စစ်ဆေးမှု တစ်ရပ်ကိုလည်း စတင် လိုက်ပါတယ်။

အလားတူ အီရန် နိုင်ငံသား ခိုလှုံသူ ဖြစ်တဲ့ သေနတ်သမားရဲ့ အကြမ်းဖက်ရတဲ့ ရည်ရွယ်ချက်နဲ့ ပတ်သက်ပြီးလည်း စုံစမ်း စစ်ဆေးနေတယ်လို့ ဆိုပါတယ်။

http://www.bbc.co.uk/burmese/world/2014/12/141216_sydney_gunman_not_on_watch_list


ရန်ကုန်တက္ကသိုလ်မှာ ပညာသင်ကြားနေတဲ့ ကျောင်း သူ၊ ကျောင်းသားတွေက ရန်ကုန်တက္ကသိုလ် ကျောင်း သားများသမဂ္ဂကို ဖွဲ့စည်းကြောင်း ဒီနေ့ကြေညာလိုက် ပါတယ်။ သမဂ္ဂကို ယာယီအလုပ်အမှု ဆောင်အဖွဲ့ဝင် ၁၇ ဦးနဲ့ စတင်ဖွဲ့စည်းလိုက်ကြောင်း သမဂ္ဂအဖွဲ့ဝင်တွေက ရန်ကုန်တက္ကသိုလ်ဝင်းမှာ ကျင်းပတဲ့ သတင်းစာရှင်းလင်း ပွဲမှာ ပြောပါတယ်။

မြန်မာတစ်နိုင်ငံလုံးမှာရှိတဲ့ ကျောင်းသားတွေရဲ့ အကျိုး ကိုဆောင်ရွက်ရေးအတွက် အခုလိုဖွဲ့စည်းခဲ့တာဖြစ်တယ် လို့ ယာယီအလုပ်အမှုဆောင်အဖွဲ့ ဥက္ကဌ မအိဆွေမြတ် က ပြောပါတယ်။

" ရန်ကုန်တက္ကသိုလ်ကျောင်းသား သမဂ္ဂဆိုတာ ရန်ကုန်တက္ကသိုလ်မှာ ရှိတဲ့ ကျောင်းသားတွေအကုန် လုံးအပြင် တစ်နိုင်ငံလုံးမှာရှိတဲ့ ကျောင်းသား သမဂ္ဂ ကျောင်းသားတွေအကုန်လုံးကို ကိုယ်စားပြု တဲ့ အဖွဲ့အစည်းတစ်ခုအဖြစ် ကျနော် တို့ခံယူထားပါတယ်၊ ယာယီအလုပ်အမှုဆောင်အဖွဲ့မှာ ကျနော်တို့ ၁၇ ယောက်ပါ ပါတယ်၊ ၁၇ ယောက်မှာ ဒုတိယနှစ်နဲ့ မာစတာတန်း အမ်ဝမ်း၊ အမ်တူး မာစတာတွေနဲ့ ဖွဲ့စည်းထားတာပါ၊ ကျနော်တို့ မြန်မာစာ၊ သမိုင်း၊ အိုင်အာ၊ ဘူမိတို့ မေဂျာတော့ အဆုံသေးပါဘူး၊ ဒါယာယီ အလုပ်အမှုဆောင်အဖွဲ့ပါ"

ရန်ကုန်တက္ကသိုလ် ကျောင်းသားများသမဂ္ဂအနေနဲ့ ကျောင်းသားသမဂ္ဂအဆောက်အအုံ ပြန်လည်တည်ဆောက် ခွင့်ရ ရှိရေးကိုလည်း အလေးထားဆောင်ရွက်သွားမယ်လို့ မအိဆွေမြတ်က ပြောပါတယ်။

RFA Burmese
https://www.facebook.com/pages/RFA-Burmese/39218993127

ပုံစာ- ကော်ဖီဆိုင်ရှေ့တွင် လွမ်းသူ့ပန်းစည်းများနှင့် ၀မ်းနည်းကြောင်းသ၀ဏ်လွှာများ လာချနေသူတချို့၊ 

ဒဏ်ရာရရှိခဲ့သည့် ဓားစာခံတဦး၊

အသေဖမ်းဆီးရမိသည့် မိုနစ်ဆိုသူ မူဆလင်တရားဟောဆရာ။

ဆစ်ဒနီ၊ ဒီဇင်ဘာ ၁၆

သြစတြေးလျနိုင်ငံ ဆစ်ဒနီမြို့ရှိ ကော်ဖီဆိုင်တခုအတွင်း သေနတ်သမားတဦးက ဓားစာခံများကို ဖမ်းဆီး ထားခြင်းအား ရဲများဝိုင်းရံ စောင့်ကြည့်ခဲ့ပြီး နောက်ဆုံးတွင် ၀င်ရောက် စီနင်းမှု စစ်ဆင်ရေးတရပ် ယနေ့ နံနက် အရုဏ်ဦးတွင် ပြုလုပ်လိုက်သည်။

ဆစ်ဒနီမြို့၏ နှလုံးသားဟု တင်စားကြသော အဆိုပါ မာတင်ပလေ့စ်ဒေသရှိ ကော်ဖီဆိုင်အတွင်းသို့ ရဲကွန်မန်ဒိုများက ၀င်ရောက် စီးနင်းတိုက်ခိုက်ရာ သေနတ်သမားအပါအ၀င် ဓားစာခံ ၂ ဦး သေဆုံးခဲ့ခြင်း ဖြစ်သည်။

သေဆုံးခဲ့သည့် ဓားစာခံများအတွက် လွမ်းသူ့ပန်းစည်းများ၊ ၀မ်းနည်းကြောင်း သ၀ဏ်လွှာများ လာရောက်ပေးပို့ခဲ့ကြသလို ပြည်နယ်အတွင်းရှိ အစိုးရရုံးဌာန အားလုံးတွင်လည်း နိုင်ငံတော်အလံကို တစ်ဝက်သာ လွှင့်ထူထားကြသည်။

ရဲများက အစွန်းရောက် ရာဇ၀တ်ကောင် တဦးဖြစ်သော သေနတ်သမား မန်ဟာရွန်မိုနစ်အနေဖြင့် မည်သည့်အတွက်ကြောင့် ယခုလို လုပ်ရကြောင်းကို ဆက်လက် စုံစမ်းစစ်ဆေးလျက်ရှိသည်။

တောင်းပိုင်းဝေးလ်စ်ပြည်နယ်သစ်မှ လူသတ်ရာဇ၀တ်မှုဆိုင်ရာ အထူးထောက်လှမ်းရေးတပ်ဖွဲ့က ဦးဆောင်၍ ရဲတပ်ဖွဲ့၏ ဆောင်ရွက်ချက်များကို ပြန်လည်း စုံစမ်းစစ်ဆေးမှုများ ပြုလုပ်သွားမည် ဖြစ်ကာ လနှင့်ချီပြီး ကြာမြင့်နိုင်ချေရှိသည်။

ရဲတပ်ဖွဲ့၏ ၀င်ရောက်စီးနင်းမှုတွင် အသေဖမ်းဆီးရမိသည့် သေနတ်သမားမှာ အီရန်နိုင်ငံမှ စစ်ဘေးဒုက္ခသည် တစ်ဦးဖြစ်ပြီး သြစတြေးလျတွင် လာရောက်နေထိုင်ခဲ့သည်မှာ နှစ်ပေါင်းများစွာကြာမြင့်ခဲ့ပြီ ဖြစ်သည်။

၁၆ နာရီကြာ ၀ိုင်းရံထားပြီးနောက် ရဲများက ယနေ့နံနက် အရုဏ်တက်အချိန်တွင် Lindt ကော်ဖီဆိုင်တွင်းသို့ ၀င်ရောက်စီးနင်းလိုက်ကြခြင်း ဖြစ်သည်။

သေဆုံးခဲ့သော ဓားစာခံနှစ်ဦးမှာ ကော်ဖီဆိုင် မန်နေဂျာ တိုရီဂျွန်ဆင် (၃၄ နှစ်) နှင့် ဆစ်ဒနီမြို့သား ရှေ့နေ ကတ်ထရီနာဒေါ်ဆင် (၃၈ နှစ်) တို့ ဖြစ်ကြသည်။

မျက်နှာကို တစ်တောင့်ထိုးသေနတ် ကျည်စ ထိမှန်ခဲ့သည့် ရဲတဦး အပါအ၀င် အခြား လူ ၄ ဦးတို့ ဒဏ်ရာရရှိခဲ့ကြပြီး အဆိုပါ ရဲမှာ ဆေးရုံမှ ဆင်းနိုင်ခဲ့ပြီ ဖြစ်သည်။

ရှင်သန်ကျန်ရစ်ခဲ့သည့် ဓားစားခံများအနက် နှစ်ဦးမှာ ကိုယ်ဝန်ဆောင် မိခင်လောင်းများ ဖြစ်ကြပြီး ထိခိုက်ဒဏ်ရာမရရှိသော်လည်း ကျန်းမာရေးဆိုင်ရာ စစ်ဆေး စောင့်ရှောက်မှုများ ခံယူနိုင်ရန် ဆေးရုံသို့ ပို့ထားကြောင်း ပြည်နယ်ရဲဌာန၏ ထုတ်ပြန်ချက်တွင် ဖော်ပြပါရှိသည်။

ဒဏ်ရာရှိခဲ့သည့် ဓားစားခံ သုံးဦးမှာ ပုခုံး၊ ခြေထောက်တို့တွင် တစ်ထောင့်ထိုး ကျည်စထိမှန်ခဲ့ကြခြင်း ဖြစ်ပြီး အခြေအနေစိုးရိမ်စရာ မရှိကြောင်း သိရသည်။

မိုနစ်သည် အီရန်တွင် မွေးဖွားခဲ့ပြီး ၁၉၉၆ ခုနှစ်၌ နိုင်ငံရေးခိုလှုံခွင့်ရရှိခဲ့၍ သြစတြေးလျနိုင်ငံသို့ ရွှေ့ပြောင်းနေထိုင်ခဲ့ကာ မူဆလင်တရားဟောဆရာ တဦးအဖြစ်လည်း လူသိများသည်။ ၀က်ဘ်ဆိုင်တခုတွင် ၎င်းက သူ့ကိုယ်သူ ရှီဟိုက်မူဆလင်အဖြစ်မှ ဆွန်နီအစ္စလာမ်အဖြစ်သို့ ကူးပြောင်းလိုက်ပြီ ဖြစ်ကြောင်း ဖွင့်ဟခဲ့ဖူးသည်ဟု မိုနစ်၏ ရှေ့နေဟောင်းက ပြောသည်။

၎င်းကို သြစတြေးလျ ရဲတပ်ဖွဲ့က ကောင်းစွာ သိကြပြီး ဇနီးဟောင်း အသတ်ခံရသော ဖြစ်စဉ်တွင် အလိုတူအလိုပါဟု တရားစွဲခံထားရပြီး အာမခံဖြင့် နေထိုင်နေသူလည်း ဖြစ်ကာ လိင်မှုဆိုင်ရာနှင့် အခြားကိုယ်ထိလက်ရောက် ကျူးလွန်မှုပေါင်း ၄၀ ကျော်ကိုလည်း တရားရင်ဆိုင်နေရသူ ဖြစ်သည်။

ယခုဖြစ်စဉ်ကို ကျူးလွန်ရန် မိုနစ်အား လှုံ့ဆော်ပေးသည့် အရာများနှင့် သေနတ်အား မည်သို့ရရှိခဲ့ပုံတို့ကို ရဲတပ်ဖွဲ့က ဆက်လက်စုံစမ်းသွားမည် ဖြစ်သည်။

ကျော်လင်းထွန်း
__Ref: BBC
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ရန်ကုန်မြို့တော်ခန်းမရှေ့မှာ ဆန္ဒပြနေကြတဲ့ မိကျောင်းကန် ပြည်သူတွေဟာ ဥပဒေကို ချိုးဖောက်ပြီး အစိုးရဋ္ဌာနရုံးတစ်ခုကို ပိတ်ဆို့နေကြတာဖြစ်တဲ့အတွက် တရားဥပဒေအတိုင်း အရေးယူသွားမှာဖြစ်ကြောင်း ရန်ကုန်တိုင်းဒေသကြီး လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးတင်ဝင်းက ဒီကနေ့ ပြောကြားလိုက်ပါတယ်။

မြို့တော်ခန်းမကို ပိတ်ဆို့ပြီး လေးရက်မြောက်နေ့အဖြစ် ဆန္ဒပြနေကြတဲ့ သင်္ဃန်းကျွန်းမြို့နယ်၊ မိကျောင်းကန်ရပ်ကွက် အပိုင်း (၁-၂-၃) က ပြည်သူတွေနဲ့ ပတ်သက်ပြီး သတင်းမီဒီယာတွေက မေးမြန်းရာမှာ ဗိုလ်မှူးကြီး တင်ဝင်းက အခုလိုဖြေကြားခဲ့တာဖြစ်ပါတယ်။

"ရုံးဌာနတစ်ခုကို ပိတ်ထားတာဟာ ဥပဒေမဲ့လုပ်တာလား၊ ဥပဒေနဲ့လုပ်တာလား၊ ဥပဒေမဲ့လုပ်တယ်ဆိုရင် ဥပဒေနဲ့ အရေးယူရမှာပေါ့၊ ကျနော်တို့က ဥပဒေချိုးဖောက်တဲ့လူမှန်သမျှကို ဥပဒေနဲ့အညီ အရေးယူရမှာပဲ၊ ဒီအတိုင်းထားလို့မရဘူး၊ ဒီအတိုင်းထားရင် အကုန်လုံးက ဒုက္ခရောက်ကုန်မှာပေါ့၊ သူတို့ကိုလည်း ကျနော်တို့ကပြောပြီးပြီ၊ သူတို့ဘာကိုလိုလားလဲ၊ မရတဲ့ဟာတစ်ခုကို ကိုယ်မပိုင်ဆိုင်တဲ့ဥစ္စာ အတင်းတောင်းဆိုလို့မရဘူး၊ သူ့ဟာသူပိုင်ဆိုင်တယ်ဆိုရင် ပိုင်ဆိုင်ခွင့်အထောက်အထားတွေနဲ့ တင်ပြရမယ်"

ဒါ့အပြင် မိကျောင်းကန် မြေယာသိမ်းခံရတဲ့ကိစ္စနဲ့ ပတ်သက်ပြီး ပြည်သူ့လွှတ်တော် လယ်ယာမြေနဲ့ အခြားမြေများစုံစမ်းရေးကော်မရှင်ရဲ့ စစ်ဆေးတွေ့ရှိချက်ကို စောင့်သင့်ကြောင်းနဲ့ အခုလို ဥပဒေပြင်ပက လုပ်ဆောင်မူတွေနဲ့ ပြဿနာတွေကို ဖြေရှင်းနိုင်မှာ မဟုတ်ကြောင်း ဗိုလ်မှူးကြီးတင်ဝင်းက ပြောပါတယ်။

မိကျောင်းကန်ပြည်သူတွေဟာ သိမ်းဆည်းခံရတဲ့မြေတွေပြန်ရဖို့ ရန်ကုန်မြို့ မဟာဗန္ဓုလပန်းခြံရှေ့မှာ သပိတ်စခန်းဖွင့်ဆန္ဒပြနေတာ ၉ လနီးပါးရှိပြီး မြို့တော်ခန်းမရဲ့ ထွက်ပေါက်တစ်ခုကို ပိတ်ဆို့ဆန္ဒပြနေတာ ၄ ရက်ရှိပြီဖြစ်ပါတယ်။

RFA Burmese
https://www.facebook.com/pages/RFA-Burmese/39218993127

မလေးရှား ပြည်ထဲရေးဝန်ကြီး ဒေါက်တာ အာမဒ် ဇာဟစ် ဟာမီဒီက

မလေးရှားနိုင်ငံကို အလည်ဖြစ်စေ အလုပ်လုပ်ဖို့ဖြစ်စေ လာရောက်လိုတဲ့ မြန်မာနိုင်ငံသားတွေကို ရာဇ၀တ်ပြစ်မှု ရှိ၊ မရှိ စစ်ဆေး သွားတော့မယ်လို့ မလေးရှား ပြည်ထဲရေးဝန်ကြီး ဒေါက်တာ အာမဒ် ဇာဟစ် ဟာမီဒီက ပြောပါတယ်။

ဒီနှစ်အတွင်း ပီနန်ကျွန်းမှာ မြန်မာလူမျိုးတွေ ၂၀ ခန့် သတ်ဖြတ်ခံရမှုတွေ ကြုံရပြီးနောက်ပိုင်း ပြစ်မှုကင်းရှင်းသူတွေကိုသာ နိုင်ငံတွင်း ၀င်ရောက်ခွင့် ပြုဖို့ မလေးရှား ပြည်ထဲရေးဝန်ကြီးက ပြောဆိုခဲ့တာကို မလေးရှားနိုင်ငံထုတ် the Star သတင်းက ရေးပါတယ်။

“ကျနော် ဒီကိစ္စကို မြန်မာအလုပ်သမားဝန်ကြီးနဲ့ ဆွေးနွေးပြီးပြီ။ ဒီ လူသတ်မှုတွေဟာ နှစ်နိုင်ငံစလုံးအတွက် စိုးရိမ်စရာဖြစ်ရပ်တွေပဲ” လို့ ပြည်ထဲရေးဝန်ကြီးက ဘူကစ်အာမန် အထူးစုံစမ်းရေးဌာန ညွှန်ကြားရေးမှူးများနဲ့ ရဲချုပ်တွေရဲ့ ယမန်နေ့ ထိပ်သီး အစည်းအဝေး အပြီး သတင်းစာရှင်းလင်းပွဲမှာ ပြောခဲ့တာပါ။

မလေးရှားရောက် မြန်မာလူမျိုးတွေကို စောင့်ကြည့်သွားဖို့ မလေးရှားနိုင်ငံရှိ မြန်မာသံရုံး နဲ့လက်တွဲဆောင်ရွက်မယ် သူက ပြောဆိုပါတယ်။ ဒါ့အပြင် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ထုတ်ပေးထားတဲ့ UNHCR ကတ် ကိုင်ဆောင်ထား သူတွေကိုလည်း ရာဇ၀တ်ပြစ်မှုတွေနဲ့ ပတ်သက်နေခြင်း ရှိ မရှိ စစ်ဆေးနေ တယ် လို့လည်း ပြောပါတယ်။ နောက်တစ်ချက်ကတော့ နယ်စပ် စစ်ဆေးရေးဂိတ်တွေ အတွက် အဆင့်မြင့် စစ်ဆေးရေး လုပ်ငန်းစဉ်တွေ လုပ်ဆောင်ထားတယ် လို့ ဆိုပါတယ်။

လူဝင်မှုကြီးကြပ်ရေးဌာနတွေက အ၀င်ဂိတ်တိုင်းမှာ အဆင့်မြင့် HD စီစီတီဗီနဲ့ မျက်နှာပုံရိပ်ဖော်စက်တွေနဲ့အတူ စကင်န်ဖတ်စက် အသစ်တွေကိုလဲ တပ်ဆင်သွားဖို့ရှိပြီး ကုန်ကျစရိတ်အတွက် ဘဏ္ဍာရေးဝန်ကြီးဌာနရဲ့ ခွင့်ပြုချက် ရဖို့လိုနေသေးတယ် လို့လည်း ဆိုပါတယ်။

အထူးထောက်လှမ်းရေး ရဲညွှန်ကြားရေးမှုးချုပ် ကာလစ်အဘူ ဘာကာ က ပီနန်လူသတ်မှုတွေနဲ့ ဆက်နွယ်နေသူ မြန်မာ ၁၂ ဦးကို ဖမ်းဆီးထိန်းသိမ်းထားပြီး ဆက်လက် ဖော်ထုတ်သွားမယ်လို့ ပြောပ့ါတယ်။ ဒီလူသတ်မှုတွေကနေ ထင်ကြေးပေးတာ ကို ရှောင်ကြဉ်ဖို့ သူက တိုက်တွန်းပါတယ်။

သူက “ဒီလူသတ်မှုတွေဟာ အသိုင်းအ၀ိုင်း သို့မဟုတ် ဘာသာရေးဆိုင်ရာ ကိစ္စတွေနဲ့ ဆက်နွယ်ဖြစ်ပွားတယ်လို့ ထင်ကြေးပေးမှန်းဆပြောဆိုချက်တွေ မလုပ်ဆောင်ကြဘဲ ရှောင်ကြဉ်ကြဖို့ အများပြည်သူကို ကျနော်တို့ တိုက်တွန်းပါတယ်” လို့ ပြောပါတယ်။

အခင်းဖြစ်ပွားမှုတွေဟာ လက်စားခြေမှု၊ ကိုယ်ရေးကိုယ်တာ အငြိုးအတေး၊ မိသားစု ပြဿ နာနဲ့ အကြွေးကိစ္စတွေကြောင့် ဖြစ်တယ်လို့ ဆိုပါတယ်။

By ဒီဗွီဘီ
http://burmese.dvb.no/archives/73966

သေဆုံး ဒဏ်ရာရသူ အများစုက ကျောင်းသားငယ်တွေ ဖြစ်

ပါကစ္စတန် နိုင်ငံ အနောက်မြောက်ပိုင်းက ပက်ရ်ှဝါ ဒေသမှာ စာသင်ကျောင်း တစ်ကျောင်းကို တာလီဘန်တွေ ဝင်ရောက် စီးနင်း တိုက်ခိုက် ခဲ့ကြတဲ့အတွက် ကျောင်းသား ကလေးငယ် အများစု ဖြစ်တဲ့ လူ ၁၂၆ ယောက် သေဆုံး ခဲ့ရတယ်လို့ အာဏာပိုင်တွေက ပြောပါတယ်။

စစ်တပ်က ဖွင့်ထားတဲ့ အဲဒီ ကျောင်း အဆောက်အဦကို ဝင်ရောက် တိုက်ခိုက်တဲ့ စစ်သွေးကြွ ၆ ယောက်လုံး သေဆုံး ခဲ့ပြီး အဲဒီ အထဲက တစ်ယောက်က အသေခံ ဖောက်ခွဲ တိုက်ခိုက် ခဲ့တယ်လို့ ဆိုပါတယ်။

ပါကစ္စတန်မှာ ဖြစ်ခဲ့တဲ့ စစ်သွေးကြွ တွေရဲ့ တိုက်ခိုက်မှုတွေ အတွင်း လူတွေ ထောင်နဲ့ချီ သေဆုံး ခဲ့ရပြီး ဖြစ်ပေမယ့် အခု တိုက်ခိုက်မှုကတော့ အဆိုးရွားဆုံး ဖြစ်ပါတယ်။

စစ်သွေးကြွတွေဟာ ကျောင်းသားတွေကို ဓားစာခံ အဖြစ် ဖမ်းဆီးဖို့ ရည်ရွယ်ပုံ မရဘဲ များနိုင်သမျှ များများ သတ်ဖြတ်ဖို့သာ ရည်ရွယ်ခဲ့ပုံ ရတယ်လို့ ဘီဘီစီ သတင်းထောက်က ပြောပါတယ်။

မြောက်ဘက် ဝါဇီရစ္စတန် ဒေသနဲ့ ခိုင်ဘာ ဒေသတွေမှာ တာလီဘန်တွေ အပေါ် ထိုးစစ် ဆင်နေတာကို လက်တုန့်ပြန်တဲ့ အနေနဲ့ အခုလို တိုက်ခိုက်ခဲ့တာလို့ တာလီဘန်တွေက ကြေညာ ထားပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/world/2014/12/141216_pakistan_taliban_kill_126


မလေးရှားနိုင်ငံမှာ ၃ နှစ်ကျော် တရားမ၀င်နေထိုင်ပြီးနောက် ထိုင်းနယ်စပ်ကိုဖြတ်ကျော်ဖို့ ကြိုးပမ်းစီစဉ်နေတဲ့ မြန်မာနိုင်ငံသား ၇၆ ယောက်ကို မလေးရှားအာဏာပိုင်တွေက ဒီကနေ့ ဖမ်းဆီးလိုက်ပါတယ်။

မလေးရှား လူကုန်ကူးမှုကာကွယ်ရေး ရဲတပ်ဖွဲ့ဝင်တွေဟာ ကွာလာမ်ပူမြို့ Kampung Baru ရပ်ကွက်မှာရှိတဲ့ နေအိမ်တစ်ခုကို ဒီကနေ့ မနက် ၉ နာရီလောက်က ရှောင်တခင်ဝင်ရောက်စီးနင်းပြီး၊ အသက် ၁၇ နှစ်နဲ့ ၆၁ နှစ်ကြားအရွယ် မြန်မာနိုင်ငံသား ၇၆ ယောက်ကို ဖမ်းဆီးခဲ့တာလို့ မလေးရှားရဲတွေက ပြောပါတယ်။

အဖမ်းခံရသူတွေဟာ ဂျိုဟော၊ ပီနန်နဲ့ ကွာလာလာမ်ပူဒေသတွေမှာ တရားမ၀င်နေထိုင် အလုပ်လုပ်ကိုင်နေသူတွေဖြစ်ပြီး၊ ထိုင်းနယ်စပ်ကိုခေါ်ဆောင်သွားမယ့် လူကုန်ကူးဂိုဏ်းအဖွဲ့ဝင်တစ်ဦးကို စောင့်ဆိုင်းနေစဉ် အဲဒီနေအိမ်မှာ အခုလို တစုတဝေးတည်း ဖမ်းဆီးခံလိုက်ရတာဖြစ်တယ်လို့ မလေးရှားရဲတွေက ပြောပါတယ်။

မလေးရှားနိုင်ငံမှာ မြန်မာနိုင်ငံသား ၂၀ ကျော် သတ်ဖြတ်ခံရမှုနောက်ပိုင်း အာဏာပိုင်တွေက တရားမ၀င် မြန်မာအလုပ်သမားတွေကို ပစ်မှတ်ထားဖမ်းဆီးမှုတွေ သိသိသာသာ တိုးမြှင့်လုပ်ဆောင်လာတယ်လို့ 'ဧရာဝတီ' စေတနာ့ဝန်ထမ်းအဖွဲ့ (မလေးရှားလူမှုကွန်ရက်) ရဲ့ အမှုဆောင်အဖွဲ့ဝင် ဦးအောင်သန်းညွန့်က ပြောပါတယ်။

"အခုအဖမ်းအဆီးတွေ ရှိတယ်ဆိုတော့ လူတွေကပြန်ကြတယ်၊ အပေါ်လမ်းကပြန်မယ်ဆိုရင် ဟိုဟာလျှောက်ရတာတို့ ဘာတို့ အလုပ်တွေတော်တော်များများ လုပ်ရတယ်ဗျ၊ အဲ့ဒါတွေ မလုပ်နိုင်တဲ့လူတွေက အောက်လမ်းကပြန်ကြတယ်၊ သူတို့က အောက်လမ်းကလာကြတာ များတာကိုး၊ အခုဒီကာလမှာလည်း နယ်စပ်မှာ အဖမ်းအဆီးတွေ တော်တော်လေးစိတ်နေတယ်ဗျ၊ အရင်တုန်းက ဒီလမ်းကြောင်းတွေက အဖမ်းအဆီး အစစ်ဆေးရှိနေပေမဲ့ သိပ်ပြင်းပြင်းထန်ထန် တင်းတင်းကြပ်ကြပ်မလုပ်ဘူး၊ ဒါပေမဲ့ အခုလူသတ်မှုတွေနဲ့ ပတ်သက်ပြီးတော့ အဖမ်းအဆီးတွေ ရှိနေတာကိုး၊ အဲ့ကိစ္စတွေကြောင့် သူတို့ပိုပြီးတော့ စေ့စေ့စပ်စပ်လုပ်တယ်လို့ ကျနော်ထင်ပါတယ် ခင်ဗျ"

ဒီအတောအတွင်း မလေးရှားနိုင်ငံကို လာရောက်မယ့် မြန်မာနိုင်ငံသားတွေကို ရာဇ၀တ်မှုနောက်ကြောင်း ကင်းရှင်းမှုရှိ၊ မရှိ စတင်စိစစ်တော့မယ်လို့ မလေးရှား ပြည်ထဲရေးဝန်ကြီးက ဒီကနေ့ ပြောကြားလိုက်ပါတယ်။

မလေးရှားနိုင်ငံမှာ မြန်မာနိုင်ငံသားတွေ သတ်ဖြတ်ခံရမှုတွေ ဆက်တိုက်ဆိုသလို ပေါ်ပေါက်နေတဲ့အတွက် ရာဇ၀တ်ပြစ်မှု ကင်းရှင်းတဲ့သူတွေကိုပဲ နိုင်ငံတွင်းကို ၀င်ရောက်လည်ပတ်ခွင့်၊ အလုပ်လုပ်ခွင့်ပေးတော့မယ်လို့ မလေးရှား ပြည်ထဲရေးဝန်ကြီး အာမက်ဇာဟစ် ဟာမီဒီက ပြောပါတယ်။

မလေးရှားနိုင်ငံ ပီနန်ဒေသမှာ အခုနှစ်အတွင်း မြန်မာနိုင်ငံသား အယောက် ၂၀ လောက် သတ်ဖြတ်ခံထားရပြီး၊ အဲဒီလူသတ်မှုတွေနဲ့ ပတ်သက်လို့ မြန်မာနိုင်ငံသား ၁၂ ယောက်ကို ဖမ်းဆီးထိန်းသိမ်းထားတယ်လို့ မလေးရှားရဲတပ်ဖွဲ့ စစ်ဆေးရေးအရာရှိချုပ်က ပြောပါတယ်။

RFA Burmese
https://www.facebook.com/pages/RFA-Burmese/39218993127?fref=nf

Author Name

Contact Form

Name

Email *

Message *

Powered by Blogger.