12/20/14

အသက် ၁၆နှစ်မပြည့်သေးသည့် ကလေးသူငယ်များကို အဓမ္မပြုကျင့်ပါက သေဒဏ်အထိ ချမှတ်ရန်ထည့်သွင်း ရေးဆွဲထားသည့် ဥပဒေကြမ်းတစ်ခု ကို ပြည်သူ့လွှတ်တော်ကိုယ်စားလှယ် ဦးသိန်းညွန့်က လွှတ်တော်သို့ တင်သွင်းထားကြောင်းသိရသည်။

ယင်းဥပဒေကို ၂၀၁၅ ခုနှစ် ကလေးသူငယ်များအား လိင်မှုဆိုင်ရာစော်ကား ညှဉ်းပန်းမှုမှ ကာကွယ်သည့်ဥပဒေကြမ်းဟု အမည်သတ်မှတ်ထားပြီး ဥပဒေကြမ်းတွင် အသက်၁၆နှစ် မပြည့်သေးသည့် ကလေးသူငယ်များကို လိင်မှုဆိုင်ရာ စော်ကားညှဉ်းဆဲခြင်း ပြုလုပ်ပါက ထိုသူကို ထောင်ဒဏ် တစ်သက်တစ်ကျွန်းမှ အမြင့်ဆုံးသေဒဏ်အထိ ချ မှတ်နိုင်ရန် ထည့်သွင်းရေး ဆွဲထား ကြောင်း သိရသည်။

ယင်းဥပဒေကြမ်းကို ဒီဇင်ဘာ ၁၁ရက်တွင် ပြည်သူ့လွှတ်တော်သို့ ပေးပို့ထားပြီး လာမည့်လွှတ်တော် အစည်းအဝေးတွင်အဆိုပါ ဥပဒေကြမ်းကို ဆွေးနွေး ဖွယ်ရှိကြောင်း ဦးသိန်းညွန့်ကပြောသည်။

''ကုလသမဂ္ဂမှာကျွန်တော် တို့နိုင်ငံကလက်မှတ်ထိုးထားတဲ့ အချက်အပေါ် အခြေခံပြီး တင်သွင်း တာပါ။ နောက်တစ်ခုကတော့ ဖွဲ့စည်းပုံ အခြေခံဥပဒေပုဒ်မ ၃၀၂မှာ ကလေးသူငယ်တွေကို စောင့်ရှောက်ဖို့ဆိုပြီးအချက်ပါတယ်။ အဲ့ဒီ နှစ်ချက်ကိုအခြေခံပြီးတော့ ဒီဥပဒေကြမ်းကိုတင်သွင်းရတာပါ'' ဟု ပြည်သူ့လွှတ်တော် ကိုယ်စားလှယ် ဦးသိန်းညွန့်ကပြောသည်။

''အခု ကျွန်တော်တို့နိုင်ငံမှာ ကလေးသူငယ်တွေကိုအပြင်လူတွေ မပြောနဲ့ဆွေးမျိုးရင်းချာ ဖြစ်သူတွေတောင် ကလေးသူငယ်တွေကို အဓမ္မပြုကျင့်နေ ကြတာ ကြားသိ နေရတာဟာအင်မတန်မှ အော့နှလုံးနာစရာအခြေ အနေဖြစ်သွားပြီ။ ဒီလိုဖြစ်ပွားမှုတွေကို ပြုလုပ်သူတွေကို သေဒဏ်မှ တစ်ပါး အခြားနည်းနဲ့ ကုစားလို့မရဘူးလို့ ကျွန်တော်မြင်တယ်။ ဒါကြောင့် ဒီဥပဒေကြမ်း ကို တင်သွင်းရတာပါ''ဟု ယင်းက ဆက်လက်ပြောကြားသည်။

ယင်းဥပဒေကြမ်းကို လွှတ် တော်အတွင်းဆွေးနွေးပြီး လွှတ်တော်က ဥပဒေအဖြစ်ပြဋ္ဌာန်းသင့်ကြောင်းဆုံးဖြတ်ပါက အဆိုပါ ၂၀၁၅ ခုနှစ် ကလေး သူငယ်များအား လိင်မှုဆိုင်ရာစော်ကားညှဉ်းပန်းမှုမှ ကာကွယ်သည့် ဥပဒေကြမ်းမှာ ဥပဒေအဖြစ် ပေါ်ထွက်လာမည်ဖြစ်သည်။

''ပြုကျင့်ပါတယ်လို့ မတရား စွပ်စွဲတာမျိုးမဖြစ်အောင်လဲ ကာကွယ်ရေးဆွဲထား ပါတယ်။ အရမ်း ကာရောမမှန်မကန် စွပ်စွဲလို့ရှိရင် မဟုတ်တဲ့သူတွေ နစ်နာမှာလဲစိုးရိမ်တယ်။ ဒါကြောင့်မို့တရားစွဲမိန့်ကို ပြည်ထဲရေးဝန်ကြီးဌာနရဲ့ ခွင့်ပြု ချက်ယူရမယ်လို့ ထည့်ထားတယ်။အလွယ်တကူ ရဲစခန်းမှာ အမှုဖွင့် ရုံနဲ့တရားစွဲလို့ မရအောင်လို့ပါ'' ဟု ဦးသိန်းညွန့်ကပြောသည်။

ကလေးသူငယ်များကိုအဓမ္မ ကျင့်သူများအား အထူးသဖြင့် ဖခင်အပါအ ဝင် ဆွေမျိုးအရင်းအချာဖြစ် သူများက ပြုကျင့်ပါက ပြုကျင့်သူကိုသေဒဏ်ပေးရန် လွှတ်တော်တွင်း မှပြင်ဆင်ရန် ပြည်သူ့လွှတ်တော် ကိုယ်စားလှယ် ဦးသိန်း ညွန့်က နှစ် ကြိမ်ကြိုးစားခဲ့သည်။

ပထမအကြိမ် ကြိုးစားခဲ့စဉ်က ပြစ်မှုဆိုင်ရာဥပဒေပုဒ်မ ၃၇၆တွင် ကလေးသူငယ် များအား အဓမ္မပြု ကျင့်ပါကပြုကျင့်သူကို သေဒဏ်ပေးရန် ဥပဒေပြင်ဆင်ချက် တင်သွင်းခဲ့ သော်လည်း အောင်မြင့်ခဲ့ခြင်းမရှိသဖြင့် ကလေးသူငယ် ကာကွယ်ခြင်းဆိုင်ရာဥပဒေတွင်လည်း ယင်းကဲ့သို့ ပြုကျင့်ပါကသေဒဏ်အဖြစ် အပြစ်ပေးရန် ဒုတိယအကြိမ်လွှတ်တော်သို့ တင်သွင်းခဲ့သော်လည်း ထပ်မံရှုံး နိမ့်ခဲ့ရသည်။

မြန်မာနိုင်ငံအတွင်း ကလေးသူငယ်များအား လိင်ပိုင်းဆိုင်ရာ အဓမ္မပြုကျင့်မှုများ ပိုမိုများပြား လာပြီးယင်းသို့ များပြားလာမှုကြောင့် ကလေးသူငယ်များကို လိင်ပိုင်းဆိုင် ရာပြုကျင့်မှုအား ရှုတ်ချကြောင်း ဆန္ဒထုတ်ဖော်ပွဲများ ပြုလုပ်ရသည် အထိဖြစ်ပေါ်ခဲ့ပြီး မြန်မာနိုင်ငံ ရဲတပ်ဖွဲ့အနေဖြင့်လည်း ကလေးသူငယ်များ လိင်ပိုင်းဆိုင်ရာ အကြမ်း ဖက်ခြင်းခံရမှုမှ ကင်းဝေးရေးအတွက် ပညာပေးဟောပြောပွဲများပြုလုပ်နေရကြောင်း သိရသည်။

YM
‪#‎Democracytoday‬

Protesters holding yellow umbrellas are stopped by police after trying to gain access to the area where President Xi Jinping is staying in Macau. Photograph: Isaac Lawrence/AFP/Getty Images
မကာအို၊ ဒီဇင်ဘာ ၁၉

လောင်းကစားမြို့တော် မကာအိုအား တရုတ်ကလွှဲပြောင်းယူသည့် (၁၅)နှစ်မြောက်နေ့ အခမ်းအနားသို့တက်ရောက်ရန် တရုတ်သမ္မတ ရှီကျင့်ဖျင် မကာအိုသို့လာရောက်သည့် ဒီဇင်ဘာ ၁၉ရက်က မိုးဖွဲဖွဲရွာ နေသော်လည်း ထီးဆောင်းခွင့်မပြုခဲ့ကြောင်း၊ အကြောင်းမှာ ဟောင်ကောင် ဒီမိုကရေစီ ဆန္ဒပြသမားများက ထီးကိုအသုံးပြုခဲ့၍ဖြစ်သည်ဟုဆိုသည်။

တရုတ်သမ္မတ၏ ပေါ်တူဂီကို လိုနီဟောင်းမြို့သို့ နှစ်ရက်တာအ လည်အပတ် ခရီးမှာ ဟောင်ကောင်၌ ခေါင်းဆောင်ရွေးကောက်ပွဲကို လွတ်လပ်စွာရွေး ချယ်ရန် တောင်းဆိုဆန္ဒပြမှုအား ရဲများရှင်းလင်းပြီး ရက် မကြာမီ ရောက် လာခဲ့ခြင်းဖြစ်သည်။

ရှီ၏အလည်လာခြင်းမှာ တစ် ပိုင်းကိုယ်ပိုင်အုပ်ချုပ်ရေးဒေသအား ကာစီနိုလောင်း ကစား ကို ဖယ်ရှားပစ် ရန်လိုအပ်သည်ကို သတင်းပေး ရန် ဖြစ်ကြောင်း၊ ဤလုပ်ငန်းမှာ ဝင်ငွေ ရသောလုပ် ငန်းဖြစ်သော်လည်း အမျိုး သားလာဘ်ပေးလာဘ်ယူ တိုက်ဖျက် ရေးနှင့် စီးပွားရေးနှောင့်နှေးမှု များကို ဖြစ်စေ သည်ဟု ဆိုသည်။

ဟောင်ကောင် ဒီမိုကရေစီ ဆန္ဒ ပြနေရာသိမ်းပိုက်မှုကို အကြောင်း ပြု၍ မကာအိုမြို့လယ်မှ ဒီမိုကရေ စီလိုလားသူများက စနေနေ့တွင် ချီ တက်ဆန္ဒပြကြ မည်ဟု ဆိုသည်။

ရှီအား စောင့်ဆိုင်းနေသည့် သတင်းထောက်များကိုလည်း အာ ဏာပိုင်များက ထီးဆောင်းခွင့်မပေး ခဲ့ကြောင်း၊ မိုးကာအင်္ကျီကိုသာ ဝတ် ဆင်စေခဲ့ကြောင်း သိရသည်။ လေ ဆိပ်ဝန်ထမ်းတချို့က လေယာဉ်ပျံ သန်းမှုကို ထီးကြောင့် ထိခိုက်စေသည် ဟုဆို၍ တချို့ကလေပြင်း၍ ထီးများ လွင့်သွားနိုင်သည်ဟု အကြောင်းပြ ခဲ့သည်ဟု ဆိုသည်။

မိုးဖွေးဖွေးရွာနေသော် လည်း အာဏာပိုင်များကလည်း ထီးကိုမ ဆောင်းကြဟု သိရသည်။ အကြောင်း မှာ ဟောင်ကောင်ဒီမိုကရေစီ ဆန္ဒ ပြသမားတို့၏ သင်္ကေတဖြစ်နေ၍ဖြစ် သည်။ သို့သော် မူလတန်းကျောင်း သားကလေးများမှာ တရုတ်၊ မကာ အိုအလံနှင့် ပန်းစည်းများကိုင်ကာ ရှီကျင့်ဖျင်ကို ပန်းဆက် ရန်စောင့်နေ ခဲ့ ကြသည်ဟု ဆိုသည်။

REF:: AFP

‪#‎Democracytoday‬

Nationalism and Buddhism
အမျိုးသားရေးဝါဒ နဲ့ ဗုဒ္ဓ၀ါဒဟာ ဖြောင့်ဖြောင့်ကြီး ဆန့်ကျင်ပါတယ်။ ဥပမာ - ဂေါတမဗုဒ္ဓ နဲ့ ရှင်ဒေ၀ဒတ္တ တုို့ဟာ သာကီဝင်မင်းမျိုးမှ ဆင်းသက်လာသူများ ဖြစ်ကြပါတယ်။ ဒါပေမယ့် ဗုဒ္ဓဘုရားရှင်က အဂ္ဂသာဝကနှစ်ပါးကုို ရွေးချယ်ရာမှာ ရှင်ဒေဝဒတ်ကုို မရွေးချယ်ဘဲ ဗြဟ္မဏအနွယ်မှ လာတဲ့ ရှင်သာရိပုတ္တရာ နဲ့ ရှင်မောဂ္ဂလာန် တုို့ကုိုသာ ရွေးချယ်ခဲ့ပါတယ်။ မြတ်စွာဘုရားရှင်ဟာ အမျိုးအနွယ်ကုို မကြည့်ပါဘူး။ သီလ သမာဓိ ပညာ ဆုိုတဲ့ အရည်အချင်းကုိုသာ ကြည့်ပါတယ်။

မြတ်စွာဘုရားရဲ့ တရားတော်မှာ အမျိုးမာန်၊ အမျိုးစွဲ ထားဖို့ ဟောခဲ့တဲ့ တရား မပါဝင်ပါဘူး။ ဗုဒ္ဓရဲ့ ၀ါဒက (၃၁) ဘုံမှာ ရှိကြတဲ့ သတ္တဝါအားလုံးနဲ့ သက်ဆိုင်ပါတယ်။ အမျိုးသားရေးဝါဒက လူမျိုးတမျိုးနဲ့သာ သက်ဆိုင်ပါတယ်။ ဗုဒ္ဓ၀ါဒ နဲ့ အမျိုးသားရေးဝါဒကုို မရောထွေးသင့်ပါဘူး။

ရုပ်နာမ် ပရမတ်ကုို ထွင်းဖေါက်မြင်တော်မူတဲ့ ဘုရားရှင်အနေနဲ့ အဝိဇ္ဇာဖုံးတဲ့ ပုဂ္ဂိုလ် သတ္တဝါ ပညတ်အမြင်အပေါ် အခြေခံတဲ့ လူမျိုးစွဲ ဘာသာစွဲကုို ဟောရန် အကြောင်းမရှိပါဘူး။

မြန်မာနုိုင်ငံမှာ ပရိယတ်နဲ့ ပဋိပတ်အလုပ်ကုိုသာ အားထုတ်နေတော်မူကြတဲ့ ဆရာတော် သံဃာတော် များစွာ ရှိကြပါတယ်။ ထုိုဆရာတော် သံဃာတော်များဟာ ရဟန်းသဃာများနဲ့ လားလားမျှ မသက်ဆုိုင်တဲ့ မျိုးစောင့်ဥပဒေကုို မကြိုက်ပေမယ့် ရှုတ်ရှုတ်ရှက်ရှက် ကိစ္စတွေမှာ ဝင်မပါချင်တာကြောင့်သာ ကင်းကင်းရှင်းရှင်း နေတော်မူကြတာပါ။

မျိုးစောင့်ဥပဒေအတွက် သဲသဲမဲမဲ ကြိုးပမ်းနေကြတဲ့ ရဟန်းသံဃာ တချို့ကုို မြင်ရတော့ နူရာဝဲစွဲ လဲရာ သူခုိုးထောင်း ဆုိုသလုို မငြိမ်းချမ်းနုိုင်တဲ့ မြန်မာနုိုင်ငံကုို ပုိုပြီး မငြိမ်းချမ်းအောင် ဆင်းရဲတွင်း နက်သထက် နက်အောင် တွန်းပုို့နေသလုိုပါပဲ။

အမျိုးစောင့် ဥပဒေလို့ ဆိုလိုက်ကတည်းက အမြင်မတူတဲ့
ဝိေ၇ာဓိ တွေနဲ့အတူ စည်းလုံးညီညွတ်ရေးတွေလည်း ပျက်ပြားလာခဲ့ရသလို...
ရဟန်းသံဃာတွေမှာတောင် မမြင်မတူည်ီကြတော့ပဲ စည်းလုံမှု့ ပျက်ပြားလာနိုင်တာ အားလုံးလဲ အသိပါ။
ဒီလိုစည်းလုံးမှု့ ပြိုကွဲလာစေတဲ့အတွက် အမျိုးစောင့်ဥပဒေဟာ လက်ရှိအစိုးရ အကြိုက်တွေ့စေမယ့် ဥပဒေဆိုရင်လည်း မမှားနိုင်ပါဘူး။

ဒါကြောင့် ရဟန်းတော်တွေ ထဲမှာတောင် စည်းလုံးမှု့တွေပြိုကွဲလာစေနိုင်တဲ့
အမျိုးသားရေးဝါဒကြောင့်...
သာဝတ္ထိပြည် ဇေတဝန်ကျောင်းတော်မှာ မြတ်စွာဘုရားရှင်သီတင်းသုံးတော်မူရင်း
ဆွမ်းခံကြွစဉ်အခါသမယ အမျိုးဇတ်ကြောင့် မာန်မာန ထောင်လွှားနေတဲ့ အဂ္ဂိက ဘာရဒွါဇပုဏ္ဏားကို ဟောကြားတော် မူခဲ့တဲ့ ဝသလသုတ်တော်က စာပိုဒ် တစ်ပိုဒ်ကိုပဲ ရေးပြရတော့မှာပါ။

န ဇစ္စာ ၀သလော ဟောတိ
န ဇစ္စာ ဟောတိ ဗြဟ္မဏော
ကမ္မုနာ ဝသလော ဟောတိ
ကမ္မုနာ ဟောတိ ဗြဟ္မဏော

အမျိုးဇတ်ကြောင့် သူယုတ်မာ မဖြစ်နိုင်။
အမျိုးဇတ်ကြောင်း ဗြာဟ္မဏမဖြစ်နိုင်။
မိမိပြုသော အမှု့ကြောင့်သာ သူယုတ်မာ ဖြစ်ရ၏။
မိမိပြုသော အမှု့ကြောင့်သာုဗြဟ္မဏဖြစ်ရ၏။

တကယ်တော့ကိုးကွယ်တဲ့ ဘာသာတရားကြောင့် လူယုတ်မာမဖြစ်စေပဲ
မိမိပြုသောအမှု့ကြောင့်သာလျှင် လူယုတ်မာဖြစ်စေနိုင်တယ်လို့ ဗုဒ္ဓဘုရားရှင် ဟောကြားတော် မူခဲ့တာပါ။

တကယ်တော့ အမျိုးသားရေး ဝါဒဟာ ဘုရားရှင်ရဲ့ မလိုတော် ဟုတ် မဟုတ်
ဝသလသုတ္တန်တစ်ခုလုံးကို သေသေချာချာ ဖတ်ကြည့်မယ်ဆိုရင် ထင်ရှားစွာတွေ့မြင်နိုင်ပါတယ်။

ဒါ့ကြောင့်..
ဗုဒ္ဓ အဆုံးအမကို မှန်မှန် ကန်ကန် နားလည်သဘောပေါက်တဲ့
ဘုရားသားတော် ဆိုပါက
အမျိုးသားရေး ဝါဒကို လက်ခံကျင့်သုံးရန် သင့် /မသင့်
လေးနက်စွာ ပြန်လည်စဉ်းစားသင့်ပါတယ်။
အကယ်၍ အမျိုးသားရေး ဝါဒလမ်းစဉ်ကို မစွန့်လွှတ်နိုင်ပါက ဗုဒ္ဓ၏ သားတော်
ဗုဒ္ဓ ၏ အမျိုးအနွယ်( သါဝက) မဟုတ်ပဲ
အဂ္ဂိက ဘာရဒွါဇပုဏ္ဏား၏ အမျိုးအနွယ် (သါဝက)ဟုပင် ပြောရတော့မည် ထင်ပါသည်။

ရဟန်းတော်များအားလုံး ဗုဒ္ဓ၏သားတော်
ဗုဒ္ဓ၏ အမျးိုအနွယ်များ ဖြစ်နိုင်ကြပါစေ။

Credit. ရွှေဝါရောင် saffron

ဘရာဇီလီယာ၊ ဒီဇင်ဘာ ၁၉ ။ ။ ကျောချမ်းဖွယ်ကောင်းသော ဟက်ကာ များထံမှ ခြိမ်းခြောက်မှု များပေါ်ထွက်လာနေစဉ် အတော အတွင်း မြောက်ကိုရီးယားအား သရော်လှောင်ပြောင် ရိုက်ကူးထား သည့် ရုပ်ရှင် ဇာတ်ကားကို ဖျက်ဆီး ပစ်ရန် Sony Pictures ရုပ်ရှင်ကုမ္ပ ဏီက ဆုံးဖြတ် ထားသည်။

ထိုဆုံး ဖြတ်ချက်ကို ဆန့်ကျင်လျက် ထိုဇာတ် ကားနှင့်ပတ်သက်၍ အင်တာဗျူး ပြုလုပ်ခွင့်ပေးစေလိုကြောင်း၊ ထိုသို့ အင်တာဗျူးပြုလုပ်ခွင့်ပေးလျှင် Sony Pictures အား အမေရိကန် ဒေါ် လာ ၁၀၀,၀၀၀ ပေးမည်ဖြစ်ကြောင်း ဘရာဇီး စာရေးဆရာ ပေါ်လိုကိုးလ် ဟိုက ဒီဇင်ဘာ ၁၈ရက်၌ ကမ်းလှမ်း လိုက်သည်။

မြောက်ကိုရီးယားအား သရော် လှောင်ပြောင်ထားသည့် ရုပ်ရှင်ဇာတ် ကားကို ဒီဇင်ဘာ ၂၅ ရက်၌ အမေ ရိကန်ပြည်ထောင်စုနှင့် ကနေဒါတို့ ရှိ အဓိကရုပ်ရှင်ရုံများတွင်ပြသရန် စီစဉ်ထားပြီးမှ အဆိုပါ မဆင်မခြင် ရိုက်ကူးထုတ်လုပ်ထားသည့် ဟာသ ကားကို မပြတော့ရန် Sony Pictures ရုပ်ရှင်ထုတ်လုပ်ရေး ကုမ္ပဏီက ဆုံး ဖြတ်လိုက်ခြင်း ဖြစ်သည်။

ထိုဇာတ် ကားမှာ မြောက် ကိုရီးယားခေါင်း ဆောင်ကင်ဂျုံအန်ကို လုပ်ကြံသတ် ဖြတ်ရန် ရုပ်မြင်သံကြားသတင်း ထောက်နှစ်ဦးတို့က လူသူစုဆောင်း သည်ကို ဇာတ်လမ်းဆင်ရိုက်ကူးထား သည့်ဇာတ်ကားဖြစ်သည်။

GOP(Guardians of Peace) ဟုခေါ်သော ဟက်ကာအုပ်စုတစ်စုက ခြိမ်းခြောက်ပြီးနောက် လူများသည် ထိုရုပ်ရှင် ဇာတ်ကားကို သွားကြည့် ရန်နောက်တွန့်နေကြသည်။ ထို ရုပ်ရှင်ဇာတ်ကားကို သွားရောက် ကြည့်ရှုသူများသည် ၂၀၀၁ခုနှစ် စက်တင်ဘာ ၉ ရက် အဖြစ်အပျက် မျိုးနှင့် တွေ့ကြုံရင်ဆိုင်ရမည်ဟု GOP က ခြိမ်းခြောက်ခြင်းဖြစ်သည်။

ထိုဇာတ်ကားကိုမပြရန် SP က ဆုံးဖြတ်လိုက်ပြီးနောက် လွတ်လပ် စွာ ပြောဆိုခွင့်ကို လိုလားသူများနှင့် နိုင်ငံခြားရေးမူဝါဒတွင် သဘောထား တင်းမာ၍ ရန်လိုတတ်သူများက ဆန့်ကျင်ကြသည်။

Ref: AFP

‪#‎Democracytoday‬

Photo Caption :: ဘရာဇီးစာရေးဆရာ ပေါ်လိုကိုးလ်ဟို
https://www.facebook.com/democracytodaynewspaper

ဓာတ်ပုံ - အေအက်ဖ်ပီ

ရည်မွန်
ရန်ကုန်၊ ဒီဇင်ဘာ ၁၉-မြန်မာနိုင်ငံ၏ တရားစီရင်ရေးစနစ်သည် ငွေရှာရန် အကောင်းဆုံးလက်နက်တစ်ခုဖြစ်နေကြောင်း ပြည်သူ့လွှတ်တော် ကိုယ် စားလှယ် ဦးသိန်းညွန့်က ပြောသည်။

''အခုဆိုရင် မြန်မာနိုင်ငံရဲ့ တရားရေးစနစ်က အကောင်းဆုံးငွေရှာလို့ရတဲ့ လက်နက်ကိရိယာကြီးဖြစ်နေပြီ။ အခုရုံးတစ်ရုံးမှာ အမှုတစ်မှုရောက် ပြီဆိုရင် ငွေပေါ်မှာမူတည်ပြီးတော့ အဆုံးအဖြတ်ပေးနေတာ အားလုံးသိတဲ့ အတိုင်းပဲ''ဟု ဦးသိန်းညွန့်က ပြောသည်။

ဒီဇင်ဘာ ၁၉ရက်တွင် အမျိုးသားဒီမိုကရေစီပါတီသစ်ရုံးတွင် လက် ရှိတရားစီရင်ရေးစနစ်အပေါ် ဦးသိန်းညွန့်က သတင်းမီဒီယာများ၏မေးမြန်း ချက်ကို ပြောကြားခဲ့ခြင်းဖြစ်သည်။

တရားစီရင်ရေးစနစ် ယခင်ခေတ်စီရင်ထုံးများအရတွင် တရားသူကြီးများ လာဘ်ပေးလာဘ်ယူပြုလုပ်ပါက လက်ပူးလက်ကြပ်မိမှသာ အရေးယူ ပိုင်ခွင့်ရှိပြီး လက်ရှိဖွဲ့စည်းထားသည့် အဂတိလိုက်စားမှုတိုက်ဖျက်ရေးဥပဒေ တွင်လည်း လာဘ်ပေးလာဘ်ယူပြု လုပ်ပါက ခိုင်လုံသည့် အထောက် အထားများကို တင်ပြမှသာအရေးယူ မည်ဆိုသည့်အချက်မျိုးမှာ အဓိက အားနည်းချက် များ ဖြစ်ကြောင်း ပြည်သူ့လွှတ်တော်ကိုယ်စားလှယ်ဦးသိန်းညွန့်က ပြောသည်။

''လာဘ်ပေးလာဘ်ယူလုပ်တာ တွေက ခေတ်နဲ့အညီ ပိုမိုခေတ်မီ လာပြီ။ ဟိုခေတ်စီရင်ထုံးတွေအရ လာဘ်ပေးလာဘ်ယူလုပ်ရင် လက်ပူးလက်ကြပ်မိမှ အရေးယူလို့ရတယ်။ အခု အဂတိလိုက်စားမှု တိုက်ဖျက် ရေးဥပဒေမှာလည်း ခိုင်လုံတဲ့အ ထောက်အထား ဒါတွေကိုတင်ပြမှ လာဘ်ပေးလာဘ်ယူကို အရေးယူ မယ်ဆိုတာမျိုးပေါ့။ အခုက လာဘ် ပေးလာဘ်ယူလုပ်မယ်ဆိုရင် ဖုန်းလေးနဲ့ ဘယ်နေရာမှာ လာပေးရမလဲဆို တာမျိုးဖြစ်နေပြီ။ ဒါမှမဟုတ် ဘဏ် အကောင့်ထဲ သွင်းပေးရမလား။ ဒီလို မျိုးတွေဖြစ်နေပြီ။ အင်မတန်မှ ခေတ် မီတဲ့နည်းတွေနဲ့ လာဘ်ပေးလာဘ် ယူမှုတွေ အဆင့်မြင့်လေပဲ''ဟု ဦး သိန်းညွန့်က ပြောသည်။

လက်ရှိ မြန်မာ့တရားစီရင်ရေး စနစ်အပေါ် ပြည်သူ့လွှတ်တော် တ ရားစီ ရင်ရေးနှင့် ဥပဒေပြုရေးကော် မတီဥက္ကဋ္ဌ သူရဦးအောင်ကိုက လက်ရှိ တရားစီရင်ရေးလောကတွင် အဂ တိလိုက်စားမှုများ အများအပြားရှိနေကြောင်း RFA သတင်းဌာန၏မေးမြန်းချက်အပေါ် ဖြေကြားထားကြောင်း သိရသည်။

''အဓိကကတော့ တရားရေး နယ်ပယ်မှာပေါ့။ လာဘ်ပေး လာဘ်ယူ အကျင့်ပျက်ခြစားမှုတွေဟာ အတိုင်းအတာတစ်ခုအထိ လွှမ်းမိုးအားကောင်းနေ ဆဲဖြစ်ပါတယ်။ ငွေများ တရားနိုင် ဖြစ်နေတယ်'' ဟု သူရဦးအောင်ကို က ပြောကြားထားကြောင်း သိရသည်။

''ကျွန်တော့်အနေနဲ့ကတော့ မြန်မာနိုင်ငံ တရားစီရင်ရေးစနစ် ခိုင်ခိုင်မာ မာဖြစ်ချင်ရင် လာဘ်ပေးလာဘ်ယူပြုလုပ်တဲ့ တရားသူကြီးတွေကို ပင်စင်ပေးလိုက်ရုံဆိုရင်တော့ မရဘူး။ ပင်စင်ပေးလိုက်ရင် လာဘ် ယူထားတဲ့ငွေတွေနဲ့ ဆယ်သက်နေ နိုင်တဲ့သူတွေ အများကြီးပဲ'' ဟု ပြည် သူ့လွှတ်တော်ကိုယ်စားလှယ် ဦးသိန်းညွန့်က ပြောသည်။

လက်ရှိတွင် ပြည်ထောင်စု တ ရားလွှတ်တော်ချုပ်မှ တရားစီရင်စနစ်တိုး တက်ရေး သုံးနှစ်မဟာဗျူဟာ စီမံကိန်းကို ထုတ်ပြန်ထားပြီး ယင်းစီမံကိန်း အတိုင်းလုပ်ဆောင်ရန် စီစဉ်နေကြောင်း သိရသည်။

ယခုကဲ့သို့အချိန်မျိုးတွင် တရား စီရင်ရေးဆိုင်ရာ မဟာဗျူဟာစီမံကိန်း များချမှတ်ရုံဖြင့်၊ သင်တန်းများပေးရုံ ဖြင့် အကျင့်ပျက်သည့် ဥပဒေအရာ ရှိများ ပျောက်ပျက်သွားမည်မဟုတ် ကြောင်း ပြည်သူ့လွှတ်တော်ကိုယ်စားလှယ် ဦးသိန်းညွန့်က ပြောသည်။

လက်ရှိဥပဒေအရ တရားသူကြီးများကို တရားစွဲဆိုလိုပါက စွဲဆိုရန် ခက်ခဲအောင် (သို့မဟုတ်) တရား မစွဲဆိုနိုင်အောင် တရားသူကြီးများကို အကာကွယ်ပေး ထားသည့် ဥပဒေများအား ဖျက်သိမ်းမှသာ မဟာဗျူ ဟာစီမံကိန်းအောင်မြင် လိမ့်မည်ဟု ဦးသိန်းညွန့်က ဆိုသည်။

ပြည်သူများ ယုံကြည်ကိုးစားသည့် ပြည်သူ့အကျိုးပြု တရားစီရင်ရေး စနစ် ပေါ်ထွန်းလာရေးအပါအ ဝင် ပြည်ထောင်စု တရားလွှတ်တော်မှဆောင် ရွက်မည့် တရားစီရင်ရေး ဆိုင်ရာ မဟာဗျူဟာစီမံကိန်းကို ၂၀၁၅ခုနှစ်မှ ၂၀၁ရခုနှစ်အထိ သုံးနှစ်တာဆောင်ရွက်မည်ဖြစ်ပြီး မြန်မာနိုင်ငံအတွင်း တရားဥပဒေစိုးမိုးရေး နှင့် ရပ်ရွာအေးချမ်းသာယာရေး၊ ပြည်သူများကို ယုံကြည်ကိုးစားသည့် ပြည် သူ့အကျိုးပြု တရားစီရင်ရေးစနစ်ပေါ်ထွက်လာရေး၊ အမှုအခင်းများကို ဥပဒေနှင့်အညီ မှန်ကန်မြန်ဆန်အောင် စီရင်ရေးနှင့် တရားရုံးများ၏ ဂုဏ် သိက္ခာမြှင့်တင်ရေး စသည့်ရည်မှန်းချက်များ အောင်မြင် မှုရစေရန် အဓိကထား ဆောင်ရွက်မည်ဟု ပြည်ထောင်စု တရားလွှတ်တော် ချုပ်က ဒီဇင်ဘာ ၁၇ရက်တွင် ထုတ်ပြန်ခဲ့သည်။

မဟာဗျူဟာစီမံကိန်းအရ တရားရုံးအသုံးပြုသူများ၏ တရားစီရင်ရေးနှင့် ဝန်ဆောင်မှုအပေါ် စိတ်ကျေ နပ်မှုနှုန်း ၈ဝရာခိုင်နှုန်း၊ နှစ်အလိုက် အမှုပြီးပြတ်မှုနှုန်း ရာနှုန်းပြည့်ရရှိရန် ဆောင်ရွက်မည်ဖြစ်ကြောင်း ပြည်ထောင်စု တရားလွှတ်တော်ချုပ်၏ထုတ်ပြန်ချက်အရ သိရသည်။

''ပြည်သူတွေအတွက် တကယ် အားကိုးသော၊ ယုံကြည်သော၊ စိတ်ကျေနပ် မှုရှိသော တရားရုံးတွေ၊ တ ရားစီရင်ရေးဆုံးဖြတ်ချက်တွေဖြစ်ဖို့ လိုကို လိုအပ်နေပါပြီ။ တိုးတက်တဲ့ ဒီမိုကရေစီနိုင်ငံဖြစ်ဖို့ တရားဥပဒေစိုးမိုးရေးရှိဖို့ လိုပါတယ်။ တရားဥပ ဒေစိုးမိုးဖို့အတွက် တရားစီရင်ရေးစနစ်ကို ပြည်သူတွေ ယုံကြည်ဖို့လိုပါ တယ်။ ဒီမဟာဗျူဟာ သုံးနှစ်စီမံကိန်းက ဘယ်လောက် ထိအောင်မြင်မလဲဆိုတာကိုတော့ စောင့်ကြည့်ရဦးမှာပါ''ဟု အထက်တန်းရှေ့နေ ဦးသန်းငွေက ပြောသည်။

‪#‎Democracytoday‬

PR က လွယ်လွယ်ကူကူပဲ မလုပ်ဘူးလို့ အပြောခံလိုက်ရတော့ ဒီကြိုးပမ်းမှုတွေက ဘာမှ အနှစ်မပါ၊ အကာ ဖြစ်ပြီး အဓိပ္ပာယ်မရှိ ဖြစ်သွားတာပေါ့။ အစကတည်းက အခြေခံဥပဒေခုံ ရုံးကို မေးပြီးတော့ ဒီအဆိုဟာဖြင့် အခြေခံ ဥပဒေနဲ့ မကိုက်ညီဘူးဆိုပြီးတော့ အဆိုကိုပယ် ချရင် ပြည်သူလူထု ဘဏ္ဍာငွေတွေ၊ လုပ်အားတွေ၊ အချိန်တွေ မကုန်တော့ဘူးပေါ့ . . .

~~~~~~~~~~~~~~~~~~~~~~~~~

PR မီးက အညွန့်တော့ ကျိုးသွားပြီ။ ပြည်သူ့လွှတ်တော်မှာ PR မဲစနစ်ကို မသုံးတော့ကြောင်း ဆုံးဖြတ်လိုက် သည်။ အခြေ ခံဥပဒေ (၂၀၀၈)နှင့် မညီဟု အခြေခံဥပဒေခုံရုံး၏ ဆုံးဖြတ်ချက်အား ပြည်သူ့လွှတ် တော်ကို အကြောင်းကြားခဲ့ပါသည်။ ထိုသို့ အကြောင်းကြားရသည်မှာ ပြည်သူ့လွှတ်တော်ဥက္ကဋ္ဌ သူရဦးရွှေမန်းက ၂၀၁၄ ခုနှစ်၊ နိုဝင်ဘာလ ၁၃ ရက်နေ့က အကြံပြုချက် တောင်းခံခဲ့၍ဖြစ်ပါသည်။ ထို့ကြောင့် PR မီးက လောင်နေခဲ့တာ မီးညွန့်ကျိုးသွားသည်ဟု ဆိုခဲ့ခြင်းဖြစ်ပါသည်။ သို့ကြောင့် ၂၀၁၄ ခုနှစ်၊ နိုဝင်ဘာ ၁၄ ရက်နေ့တွင် ပင် ပြည်သူ့ လွှတ်တော်က PR စနစ်ကို ပြည်သူ့လွှတ်တော်ရွေးကောက်ပွဲတွင် မကျင့်သုံးတော့ဟုဆုံးဖြတ်ခဲ့ပါသည်။ ထိုဆုံး ဖြတ် ချက်ကြောင့် NDF ပါတီဥက္ကဋ္ဌ ဦးခင်မောင်ဆွေက ““နိုင်ငံရေးအပြောင်းအလဲမှာ ညင်သာချောမွေ့စေဖို့ သာ PR စနစ်တင်သွင်းခြင်းဖြစ်ပါတယ်။…

ကြိုက်ခြင်း မကြိုက်ခြင်းက လွှတ်တော်ကိစ္စမို့ NDF နဲ့ မဆိုင်တော့ပါဘူး။ ကျွန်တော်တို့မှာ ဘာရလဒ် ကျန်ခဲ့သလဲဆိုတော့ PR အရူး၊ PR အရူးမ ဆို ပြီးတော့ မဆင်မခြင် အပြောခံ ရတာတွေပဲ အဖတ်တင် ကျန်ရစ် ခဲ့တာပေါ့။ တကယ်တော့ PR ကို လွှတ်တော်မှာ ဆုံးခန်းတိုင် အောင်တော့၊ ဆွေးနွေးစဉ်းစားပြီးတော့ တင်ပြ ဆုံးဖြတ်ဖို့ လိုတာပေါ့။ အခုတော့ PR က လွယ်လွယ်ကူကူပဲ မလုပ်ဘူးလို့ အပြောခံလိုက်ရတော့ ဒီကြိုးပမ်းမှုတွေက ဘာမှ အနှစ်မပါ၊ အကာဖြစ်ပြီး အဓိပ္ပာယ် မရှိဖြစ်သွားတာပေါ့။ … အစကတည်းက အခြေခံဥပဒေခုံရုံး ကို မေးပြီးတော့ ဒီအဆိုဟာဖြင့် အခြေခံဥပဒေနဲ့ မကိုက်ညီ ဘူးဆိုပြီးတော့ အဆိုကိုပယ်ချရင် အစ ကတည်းက ဇာတ်လမ်းပြတ်နေပြီ။ ပြည် သူလူထုဘဏ္ဍာငွေတွေ၊ လုပ်အားတွေ၊ အချိန် တွေ မကုန်တော့ဘူးပေါ့လို့ …”” ပြောစကားတွေကို ၂၅-၁၁-၂၀၁၄ ရက်စွဲ နှင့် ထုတ်သည့် စောင့်ကြည့် ဂျာနယ် တွင် ဖတ်ရပါသည်။

သို့သော်လည်း PR စနစ်ကျင့်သုံးရေး မသုံးရေးကိစ္စမှာ အမျိုးသားလွှတ်တော်၌ မီးမသေသေးပါ။ ဖွဲ့စည်းပုံ အခြေ ခံဥပဒေခုံရုံးကို တင်ပြထားသည့်အတွက် အမျိုးသား လွှတ်တော်ကိုယ်စားလှယ် ဦးအောင်ကြည်ညွန့်က ““နောက်ဆက်တွဲဘာတွေ ဆက် လုပ်ဖို့ဆိုတာ ခုံရုံးရဲ့အဆုံးအဖြတ်ပေါ် မူ တည်မှာပါ””လို့ ပြောပါသည်။ အမျိုး သားလွှတ်တော်မှာ PR စနစ်ကျင့်သုံးဖို့စတင် အဆိုပြုခဲ့သည့် ဒေါ်ခင်ဝိုင်းကြည်ကတော့ ““အန်တီတို့က သေချာ အကုန်လုံး စေ့စေ့စပ်စပ်ကြည့်ပြီး ညီတယ်ဆိုလို့ ဆောင်ရွက်ကြတာလေ။ ဖွဲ့စည်းပုံအခြေခံဥပဒေနဲ့ လွတ်တယ် လို့ ပြောထားပြီးသား။

အစကတည်းက ဖွဲ့စည်းပုံအခြေခံဥပဒေမှာ အမျိုးသားလွှတ်တော်နဲ့ ပြည်သူ့လွှတ်တော် ရွေး ချယ်ပုံချင်းက မတူဘူးလေ။ မဲဆန္ဒနယ်ခွဲတာတွေက မတူဘူး””ဟု ပြောပြန်ပါသည်။ သည်အခါမှာ ဥက္ကဋ္ဌ ဦးခင်မောင်ဆွေ ပြောတာနှင့် ကွဲလွဲနေတာတွေ့ရပါသည်။ NDF တစ်ပါတီတည်းမှာပင် အပြောတွေ လွဲနေ တာ ပါ။ ဦးခင်မောင်ဆွေက အစကတည်းက အခြေခံဥပဒေခုံရုံးကိုမေးပြီးတော့ ဒီအဆို ဟာဖြင့် အခြေခံဥပဒေနဲ့ မကိုက်ညီဘူးဆိုပြီးတော့ အဆိုကိုပယ်ချရင် အစကတည်းက ဇာတ်လမ်းကပြတ်နေပြီဟု ပြောသည်။ ဒေါ်ခင် ၀ိုင်းကြည်က ညီတယ်ဆိုလို့ ဆောင်ရွက်ကြတာလေ။ ဖွဲ့စည်းပုံအခြေခံဥပဒေနဲ့ လွတ်တယ်လို့ ပြောထား ပြီးသားဟု ပြောပါသည်။ ဒီတော့ ဒေါ်ခင်ဝိုင်းကြည်ကို ဘယ် သူက ဘယ်နေရာမှာပြောခဲ့တာလဲ။ မေး စရာဖြစ် လာပါသည်။

မည်သို့ပင်ဆိုစေကာမူ ယခုအချိန်တွင် PR စနစ်ကျင့်သုံးရေး၊ ပြည်သူ့လွှတ်တော်နှင့် အမျိုးသား လွှတ်တော် နှစ်ရပ် ကွဲလွဲနေပြီဖြစ်သည်မှာ ငြင်းစရာမရှိ၊ အထင် အရှားကွဲလွဲနေသည်မှာ မြင်သာနေပါသည်။ ယခုလို ကွဲလွဲ လာလျှင် မည်သို့ဆောင်ရွက် ကြရမည်နည်း။ ယခု PR ပြဿနာကို အမျိုးသားလွှတ်တော်က အခြေခံဥပဒေခုံ ရုံးသို့ အကြံပေးရန် တင်ပြထားပြီးဖြစ်သည်။ ထိုခုံရုံးကလည်း တစ်ရုံးတည်းရှိသည်။ ပြည်သူ့လွှတ်တော်ကို အကြံပေး သကဲ့သို့ အဖြေထွက်ရန်မှ တစ်ပါး အခြားမရှိနိုင်။ ထိုအခါ အမျိုးသားလွှတ်တော်က မလိုက်နာလျှင် ပြည်ထောင်စု လွှတ်တော်တွင် တင်၍ အဆုံးအဖြတ်ယူရမည်ဖြစ်သည်။

တည်ဆဲဖွဲ့စည်းပုံ အခြေခံဥပဒေပုဒ်မ ၉၇ (ဃ)တွင် ““နည်းဥပဒေ၊ စည်းမျဉ်း သို့မဟုတ် စည်းကမ်းတစ်ရပ်ရပ်ကို ပယ်ဖျက်ရန် သို့မဟုတ် ပြင်ဆင်စေ ရန် ပြည်သူ့လွှတ်တော်နှင့် အမျိုးသားလွှတ်တော်တို့ သဘောကွဲလွဲ ပါက ပြည်ထောင်စုလွှတ်တော်တွင် ဆွေး နွေးဆုံးဖြတ်ရမည်”” ဟု ပြဋ္ဌာန်းထားပါသည်။ သို့ဖြစ်၍ ပြည်ထောင် စုလွှတ်တော်တွင် ဆွေးနွေးဆုံးဖြတ်ရန်သာ ရှိတော့သည်။ ထိုအခါ ပြည်ထောင်စုလွှတ်တော်ကလည်း ဖွဲ့စည်းပုံ အခြေခံဥပဒေခုံရုံး၏ သဘောထားကို လေ့လာသုံး သပ်ရပေမည်။

ဖွဲ့စည်းပုံအခြေခံဥပဒေခုံရုံး၏ လုပ်ငန်းတာဝန် များ ပြဋ္ဌာန်းသည့် ဖွဲ့စည်းပုံ အခြေခံ ဥပဒေပုဒ်မ ၃၂၂(က)တွင် ဖွဲ့စည်းပုံအခြေခံ ဥပဒေပါ ပြဋ္ဌာန်းချက်များကို အနက်အဓိပ္ပာယ်ဖွင့်ဆိုခြင်းအရ PR စနစ်သည် ဖွဲ့စည်းပုံအခြေခံ ဥပဒေနှင့် ကိုက်ညီမှုမရှိကြောင်း မှတ်ချက်ပြုခဲ့ပြီးဖြစ်သည်။ ထပ်မံ၍ ညီပါသည်ဟု ပြောင်းလဲမည် မဟုတ်ပေ။ NDF ပါတီဥက္ကဋ္ဌ ဦးခင်မောင် ဆွေကလည်း PR စနစ်နှင့်ပတ်သက်၍ ပြည်ထောင်စု လွှတ်တော်သို့ အစီရင်ခံစာ တင်သွင်း ရန်ရှိနေပြီး ယင်းစနစ်ကျင့်သုံးရေးသည် ဖြစ်နိုင်ခြေနည်းပါးကြောင်း ၂၅-၁၁-၂၀၁၄ရက်စွဲဖြင့် ထုတ်ဝေေ သာ စောင့်ကြည့်ဂျာနယ်တွင် ဖော်ပြထားပါသည်။ ပြည်သူ့လွှတ်တော်က PR စနစ်မကျင့်သုံးဟု ဆုံးဖြတ်ချက် သည် ပြည်သူ့အသံ၊ လွှတ်တော်အသံပင်ဖြစ်ပါ သည်။

မြန်မာသံတော်ဆင့်သတင်းဌာန- http://www.facebook.com/myanmarherald


အဘူဂျာ ဒီဇင်ဘာ ၁၉

ဘိုကိုဟာရမ်သူပုန်များသိမ်းပိုက်ထားသော နယ်မြေများကို ပြန်လည်ရယူရန် စစ်ဆင်ရေးဆင်နွှဲမှုတွင် ပါဝင်နိုင်ခြင်းမရှိကြောင်း ငြင်းဆိုခဲ့သည့်အတွက် နိုင်ဂျီးရီးယားတပ်ဖွဲ့မှ အဖွဲ့ဝင် ၅၄ဦးအား စစ်ခုံရုံးက သေဒဏ်ချမှတ်လိုက်ကြောင်း သိရသည်။

အဆိုပါစစ်သားများသည် သြဂုတ်လတွင် မြို့သုံးမြို့အား ဘိုကိုဟာရမ်သူပုန်များလက်မှ ပြန်လည်ရယူရန် စစ်ဆင်ရေးဆင်နွှဲမှုတွင် ပူးပေါင်းပါဝင်ရန် ငြင်းဆိုခဲ့ကြောင်း စစ်ခုံရုံးကပြောသည်။

စစ်တပ်အကြီးအကဲများကသေဒဏ်ချမှတ်မှုကို အတည်ပြုခဲ့သည်။

စစ်သားများသည် နိုင်ဂျီးရီးယားစစ်တပ်၏ အမိန့်အာဏာကို ဖီဆန်ခဲ့ကြောင်း စွပ်စွဲခြင်းခံနေရသည်။ ၎င်းတို့အား နိုင်ငံ၏အရှေ့မြောက်ဘက် ဘော်နိုပြည်နယ်ရှိ မြို့သုံးမြို့အား ပြန်လည်သိမ်းပိုက်ရန် တိုက်ခိုက်ရေး ဆင်နွှဲမှုတွင် ဦးဆောင်ရန် အမိန့်ပေးခဲ့သည်။ သို့သော် ၎င်းတို့အနေဖြင့် လက်နက်အင်အားမလုံလောက်ကြောင်း နှင့်ရိက္ခာပြတ်လပ်နိုင်ကြောင်း ပြန်လည်ဆင်ခြေပေးခဲ့ ကြောင်းသိရသည်။

၎င်းတို့အမျိုးသမီးများက အခြေစိုက်စခန်းများတွင် ဆန္ဒထုတ်ဖော်ခဲ့ကြသည်။

စစ်သားများအား လက်နက်လုံလုံလောက်လောက်ပေးထားကြောင်း ကာကွယ်ရေးအရာရှိများကဆိုသည်။ သမ္မတဂျိုနသန်က ယခုနှစ်အစောပိုင်းတွင် နိုင်ဂျီးရီးယား စစ်တပ်အား အဆင့်မြှင့်တင်ရန် ဒေါ်လာ ၁ ဘီလီယံ ချေးငွေရယူနိုင်ရန် ကြိုးပမ်းခဲ့ကြောင်း သိရသည်။

ဘိုကိုဟာရမ်များသည် လက်နက်အင်အားတောင့်တင်းသည်ဟု သိထားကြသည်။

၂ဝဝ၉ခုနှစ်ကစပြီး ဘိုကိုဟာရမ်များကအစ္စလာမ္မစ်နိုင်ငံတည်ထောင်ရန် စစ်ဆင်ရေးများ ဆင်နွှဲခဲ့ပြီး ထိုစစ်ပွဲများကြောင့် လူ၇ဝဝဝခန့်သေဆုံးခဲ့ရကြောင်း လူ့အခွင့်အရေး စောင့်ကြည့်ရေး အဖွဲ့ကဆိုသည်။ အဆိုပါ ငါးနှစ်ကြာစစ်ပွဲကြောင့် လူပေါင်း ၁ ဒသမ ၃ သန်း နေရပ်စွန့်ခွာထွာခွာနေကြရသည်။

စကိုင်းနယူးစ်။
The Mirror Daily
https://www.facebook.com/TheMirrorDaily

အမေရိကန် ပြည်ထောင်စု စိန်ပေါလ် ရဲတပ်ဖွဲ့အကယ်ဒမီကနေ ဘွဲ့ရခဲ့တဲ့ စောလယ်ထူးဟာ ပထမဆုံး ရဲအရာရှိဖြစ်လာတဲ့ မြန်မာနိုင်ငံဖွား ကရင်တိုင်းရင်းသား ဖြစ်ပါတယ်။

ဒီဇင်ဘာ ၁၈ ရက်နေ့က ကျောင်းဆင်းခဲ့တဲ့ လယ်ထူးဟာ သင်တန်းမပြီးသေးသလို အတွေ့အကြုံ ရှိတဲ့ ၀ါရင့် အရာရှိတွေနဲ့ သီတင်း ၁၆ ပတ်ကြာ ကွင်းဆင်းရမယ်လို့ ပြောပါတယ်။

စောလယ်ထူးဟာ ၃ နှစ်သား အရွယ်အထိ မြန်မာနိုင်ငံမှာ နေထိုင်ခဲ့သလို ထိုင်းမြန်မာ နယ်စပ် ဒုက္ခသည် စခန်းမှာ ၁၅ နှစ်ကြာနေထိုင်ခဲ့တာဖြစ်ပါတယ်။

၂၀၀၉ ခုနှစ်မှာ အသက် ၁၈ နှစ်အရွယ် စောလယ်ထူးနဲ့ မိသားစုဟာ အမေရိကန် စိန့်ပေါလ်မှာ သွားရောက် အခြေချနေထိုင်ခဲ့တာ ဖြစ်ပါတယ်။

၂၀၁၁ ခုနှစ်မှာတော့ စိန့်ပေါလ် ကိုမိုပတ်ခ် အထက်တန်းကျောင်းမှာ အောင်မြင်ခဲ့ပြီး ဥပဒေစိုးမိုးရေး အထူးပြုနဲ့ ဟန်နီပင် ကောင်တီ နည်းပညာကောလိပ်ကနေ ဘွဲ့ရခဲ့တာ ဖြစ်ပါ တယ်။

ရဲတပ်ဖွဲ့ဝင်တဦးဖြစ်ဖို့ ဆန္ဒပြင်းပြခဲ့ပြီးတဲ့နောက် စိန်ပေါလ် ရဲတပ်ဖွဲ့ရဲ့ အစီအစဉ်တခုကို တက်ရောက်ခဲ့တာ ဖြစ်ပါတယ်။

ိDVB
http://burmese.dvb.no/archives/74266


ထိုင်းနိုင်ငံတောင်ပိုင်း ခိုထောင်းကျွန်းမှာ ဗြိတိန်နိုင်ငံသား ၂ ဦး အသတ်ခံရမှုနဲ့ ပတ်သက်ပြီး ဖမ်းဆီးခံထားရတဲ့ မြန်မာနိုင်ငံသား ၂ ဦးအတွက် သက်သေထွက်ဆိုပေးမယ့်သူတွေရဲ့ လုံခြုံရေးနဲ့ စားဝတ်နေရေးကို အမျိုးသားလွှတ်တော်ရဲ့ စီးပွားရေး၊ နိုင်ငံရေး၊ ဥပဒေရေးရာကော်မရှင်က တာဝန်ယူပေးမှာဖြစ်တယ်လို့ အထူးစုံစမ်းရေးကော်မတီ တာဝန်ရှိသူတွေက ဒီနေ့ ပြောပါတယ်။

ကမာရွတ်မြို့နယ်က ရန်ကုန်လွှတ်တော်ရုံးခွဲမှာ အမျိုးသားလွှတ်တော် စီးပွားရေး၊ နိုင်ငံရေး၊ ဥပဒေရေးရာကော်မရှင်နဲ့ အထူးစုံစမ်းရေးကော်မတီ တာဝန်ရှိသူတွေ တွေ့ဆုံရာမှာ အခုလိုသဘောတူညီမှု ရခဲ့တာဖြစ်တယ်လို့ အထူးစုံစမ်းရေးကော်မတီက ရှေ့နေ ဦးအောင်မျိုးသန့်က ပြောပါတယ်။

"တကယ်တန်ဖိုးရှိတဲ့ သက်သေဖြစ်ခဲ့ရင် အလဲအထပ်လုပ်ပေးဖို့ကိစ္စ၊ လုံခြုံရေး၊ စားဝတ်နေရေး ကူညီဖို့ကိစ္စကိုလည်း ပံ့ပိုးဆောင်ရွက်ပေးပါ့မယ်၊ ဥပဒေအရ ပံ့ပိုးမယ့်ကိစ္စကိုလည်း သူတို့အချိန်အားရင်အားသလို ကျနော်တို့ချက်ချင်း အကြောင်းကြားတာနဲ့ လာခဲ့ပါ့မယ်၊ လွှတ်တော်အနေနဲ့ လိုအပ်တဲ့ငွေတွေကို ပံ့ပိုးပေးမယ်ဆိုတဲ့စကားရခဲ့တယ်"

တွေ့ဆုံပွဲကို မြန်မာနိုင်ငံ အမျိုးသားလူ့အခွင့်အရေး ကော်မရှင်အဖွဲ့ဝင်တွေနဲ့ အစိုးရအဖွဲ့က တာဝန်ရှိသူတချို့လည်း တက်ရောက်ခဲ့တယ်လို့ သိရပါတယ်။

ဖမ်းဆီးခံထားရတဲ့ ကိုဝင်းဇော်ထွန်းနဲ့ ကိုဇော်လင်းတို့ဘက်က သက်သေထွက်ဆိုပေးနိုင်တဲ့ ရွှေ့ပြောင်းအလုပ်သမားတွေရှိပေမဲ့ ထိုင်းအစိုးရနဲ့ ရဲတပ်ဖွဲ့ကို ကြောက်တဲ့အတွက် သက်သေအဖြစ် မလိုက်ရဲကြဘူးလို့ အထူးစုံစမ်းရေးကော်မတီအဖွဲ့ဝင်တွေက ဆိုပါတယ်။

ဒီလ ၂၆ ရက်နေ့မှာ သူတို့ ၂ ဦးအမှုကို Koh Samui ခရိုင်တရားရုံးမှာ နှစ်ဖက်သက်သေတွေကို စစ်ဆေးမှာဖြစ်ပြီး ဖမ်းဆီးခံထားရသူတွေရဲ့ မိဘတွေကိုလဲ ခေါ်ဆောင်သွားမယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127


The Interview ဇာတ်ကားမှ ဇာတ်ဝင်ခန်းတစ်ခု

မြောက်ကို ရီးယားခေါင်းဆောင်ကင်ဂျုံအမ် အားလုပ်ကြံသတ်ဖြတ်ရေးလျှို့ ဝှက်ပူးပေါင်းကြံစည်မှုကို ရိုက် ကူးတင်ဆက်ထားသည့် အမေရိ ကန်အက်ရှင်ဟာသဇာတ်ကား The Interview ကိုရုပ်ရှင်ရုံများ တွင်မပြသရန်ဆုံးဖြတ်ခဲ့ပြီးနောက် လာမည့်ခရစ္စမတ်နေ့၌ ယင်း ဇာတ်ကားဖြန့်ချိမည့်အစီအစဉ် ကို Sony ကုမ္ပဏီကဖျက်သိမ်း လိုက်သည်။ဟက်ကာများသည် The Interview ရုပ်ရှင်ဇာတ်ကားကို ဖြန့်ချိမည့်ကုမ္ပဏီ၏ပင်ရင်းဌာန ဖြစ်သော Sony Pictures Enter -tainment ကို နိုဝင်ဘာတွင် ဆိုက်ဘာတိုက်ခိုက်မှုများပြုလုပ် ခဲ့သည့်အပြင် ပြည်သူများအနေ ဖြင့် ယင်းဇာတ်ကားပြသသည့် ရုပ်ရှင်ရုံများသို့ သွားရောက်ခြင်းမှရှောင်ရှားကြရန် သတိပေးခဲ့ သည်။ ဟက်ကာများက ယင်းရုပ်ရှင်ဇာတ်ကား ပြသသည့်ရုပ်ရှင်ရုံများကို ၉/၁၁ ကဲ့သို့အကြမ်းဖက် တိုက်ခိုက်မှုများပြုလုပ်သွားမည်ဟု ဒီဇင်ဘာ ၁၆ရက်တွင်ခြိမ်းခြောက်ခဲ့သည်။ ယင်းဟက်ကာများ၏ ဆိုက်ဘာတိုက်ခိုက်မှုကို FBI က ဦးဆောင်စုံစမ်းနေသည်ဟုလည်း သိရ သည်။

‘‘ဒီဇင်ဘာ ၁၇ ရက်နေ့ အစောပိုင်းတွင် နယူးယောက်မြို့ ၌ The Interview ရုပ်ရှင်ဇာတ် ကားပွဲဦးထွက်ရုံတင်ပြသမှုကို ဖျက်သိမ်းခဲ့သည်။ ခြိမ်းခြောက်မှု များကြောင့် မြောက်အမေရိက ရုပ်ရှင်ရုံများစွာသည် ယင်းရုပ်ရှင် ဇာတ်ကားကိုမပြသရန် ဆုံးဖြတ် ခဲ့ပြီးနောက် ဒီဇင်ဘာ ၂၅ ရက် တွင် ယင်းဇာတ်ကားဖြန့်ချိမည့် အစီအစဉ်ကို ဖျက်သိမ်းသည်ဟု Sony ကုမ္ပဏီကကြေညာခဲ့သည်။ ‘‘ကျွန်တော်တို့လုပ်ဖော်ကိုင်ဖက် တွေရဲ့ဆုံးဖြတ်ချက်ကိုလေးစား ပါတယ်။ နားလည်ပါတယ်။ အလုပ်သမားတွေနဲ့ ရုပ်ရှင်ကြည့် သူတွေရဲ့ ဘေးအန္တရာယ်ကင်း ရှင်းမှုကို အဓိကထားတဲ့သူတို့ကို အပြည့်အဝနားလည်ပါတယ်။ ရုပ်ရှင်ဖန်တီးတင်ဆက်သူတွေနဲ့ သူတို့ရဲ့လွတ်လပ်စွာထုတ်ဖော် ပြောကြားခွင့်ဘက်ကနေလည်း ရပ်တည်ပါတယ်။ ဒီရလဒ်ကြောင့် အလွန့်အလွန် စိတ်ပျက်ရပါ တယ်’’ဟု Sony Pictures Enter -tainment ကပြောခဲ့သည်။

The Interview ရုပ်ရှင် ဇာတ်ကား ရုံတင်ပြသမည့်အစီ အစဉ်များ ဖျက်သိမ်းခြင်းနှင့် ပတ်သက်၍ တွစ်တာစာမျက်နှာ၌ တုံ့ပြန်ချက်များစွာရှိခဲ့သည်ဟုသိ ရသည်။ အမေရိကန်ဒေါ်လာ ၄၄ သန်းခန့်အကုန်အကျခံရိုက်ကူး ထားသည့် ယင်းဇာတ်ကားတွင် ဂျိမ်းစ်ဖရန်ကိုနှင့် ဆက်သ်ရိုဂန်တို့ အဓိကပါဝင်သရုပ်ဆောင်ထား သည်။ ၎င်းတို့နှစ်ဦးသည် နာမည် ကျော်ကြားသူများအား တွေ့ဆုံ မေးမြန်းသောသတင်းထောက် များအဖြစ် သရုပ်ဆောင်ထားပြီး ယင်းသတင်းထောက်များသည် မြောက်ကိုရီးယားခေါင်းဆောင် ကင်ဂျုံအမ်နှင့် အင်တာဗျူး လုပ်နိုင်ရန်ကြိုးပမ်း၍ အင်တာ ဗျူးရရှိပြီးနောက်တွင် ကင်ဂျုံအမ် အားလုပ်ကြံရန် စီအိုင်အေ၏ညွှန် ကြားခြင်းကို ခံထားရသူများ အဖြစ် သရုပ်ဖော်တင်ဆက်ထား သည်။
 Ref: BBC
7Day Daily

ဒီဇင်ဘာလ ၁၆ရက်က ခရိုင်အဆင့် စတုတ္ထတန်းစာမေးပွဲ ရန်ကုန်တိုင်းအတွင်း မြန်မာစာမေးခွန်းလွှာရှိ ၁၀ မှတ်တန်မေးခွန်းတွင် ဗိုလ်ချုပ် အောင်ဆန်း မွေးနေ့ကို ဖေဖော်ဝါရီ ၁၅ ရက်ဟု မှားယွင်းဖော်ပြမှုသည် ပညာရေးလောကတွင် အန္တရာယ်ရှိလာသည့် ခြိမ်းခြောက်မှု တစ်ရပ်ဖြစ်သည်ဟု ဆရာ၊ ဆရာမများ သမဂ္ဂမှ ဒေါက်တာ အာကာမိုးသူက ပြောသည်။ဗိုလ်ချုပ် အောင်ဆန်း၏ မွေးနေ့ အမှန်မှာ ၁၉၁၅ ခုနှစ် ဖေဖော်ဝါရီ ၁၃ ရက်နေ့ ဖြစ်သည်။

ရန်ကုန်တိုင်း အရှေ့ပိုင်းခရိုင် မြို့နယ်များတွင် မြို့နယ်များတွင်စစ်ဆေးသောမြန်မာစာမေးခွန်းနံပါတ် ၅၊ ၁၀ မှတ်တန် မေးခွန်းတွင် “ဗိုလ်ချုပ်အောင်ဆန်းကို နတ်မောက်မြို့တွင် ၁၉၁၅ ခု၊ ဖေဖော်ဝါရီလ ၁၅ ရက်မှာ မွေးဖွားခဲ့သည်” ဟု ဖော်ပြထားခြင်း ဖြစ်ပါသည်။
ရန်ကင်းမြို့နယ် အ.ထ.က (၁) ကျောင်းအုပ်ကြီး ဒေါ်မိုးသူက ''ဒီလို မေးခွန်းမှာ စာရိုက်တာလွဲမှားသွားပေမယ့် ဖြေတဲ့ ကလေးတွေ အားလုံးက ဗိုလ်ချုပ်မွေးနေ့ကို ၁၃ရက်လို့ ပြန်ပြင်ပြီးဖြေတယ်။ တစ်ယောက်မှ ၁၅ရက်လို့ ဖြေတာမရှိပါဘူး။ စာရိုက်တာ အမှားဖြစ်သွားတာပါ။ စာမေးပွဲဖြေတဲ့အချိန်မှာ ခရိုင်က သိသိချင်းပဲ ချက်ချင်းပြင်လိုက်နိုင်ပါတယ်'' ဟု ပြောသည်။
ဆရာ၊ဆရာမများသမဂ္ဂမှ ဒေါက်တာအာကာမိုးသူကဘည်း “ဒါက သမိုင်းကြောင်းဆိုင်ရာ အားနည်းမှုလို့တွေ့တယ်။ အဲဒီလို မဖြစ်သင့်တဲ့ အမှားမျိုးဖြစ်တယ်။ အာဇာနည်နဲ့ ပတ်သက်ပြီး ကျွန်တော်တို့ မျိုးဆက်တစ်ခုလုံးမှာ ပညာရေး ဦးဆောင်သူတွေ ကိုယ်တိုင်က သမိုင်းကြောင်း တစ်ခုကို မေ့ပျောက်ထားလိုက်ပြီးလို့လည်း အဓိပ္ပာယ်ယူသင့်တယ်။ လွတ်လပ်ရေးကို ရယူပေးခဲ့တဲ့ ခေါင်းဆောင်တစ်ယောက် ရဲ့ မွေးသက္ကရာဇ်ကို မှားတယ်ဆိုရင် နောက်မျိုးဆက်ကို ဘယ်လိုမှန်ကန်တိကျတဲ့ အမွေ ပေးမလဲဆိုတာ မေးခွန်းထုတ်စရာပါ။ ပညာရေးလောကကို အန္တရာယ်ရှိလာတဲ့ ခြိမ်းခြောက်မှု တစ်ရပ်လည်းဖြစ်တယ်” ဟု ပြောသည်။

အဆိုပါ မြန်မာစာမေးခွန်းလွှာ နံပါတ် ၅တွင် အောက်ပါစာပုဒ်များကို ဖတ်၍ ပေးထားသော မေးခွန်းများကို ဖြေဆိုပါ။ ၁၀ မှတ်တန် မေးခွန်းတွင် ဗိုလ်ချုပ်အောင်ဆန်း၏ မွေးဖွားရာဇာတိ၊ မွေးသက္ကရာဇ်နှင့် မိဘများကို ဖော်ပြပါဟု မေးထားခြင်း ဖြစ်သည်။
“ဗိုလ်ချုပ်အောင်ဆန်းဆိုတဲ့ ဂုဏ်ပုဒ်တစ်ခုကို မှေးမှိန်အောင်လုပ်တာ မဖြစ်နိုင်ဘူးလားလို့လည်း မေးခွန်းထုတ်မယ်ဆိုရင် ထုတ်လို့ ရတယ်။ မေးခွန်းထုတ်တဲ့သူလည်း မမှားပါဘူးဆိုရင် မျိုးဆက်သစ် လူငယ်စာစီသမားတွေက ဗိုလ်ချုပ်အောင်ဆန်း မွေးနေ့ကို မသိရအောင်ကို အမှောင်ခေတ်တစ်ခတ်ကို ဖြတ်သန်းရတယ်ဆိုတာလည်း ပြန်ပြီး ကောက်ချက်ချနိုင်တယ်။ ပညာရေးဌာနက ဝန်ထမ်းများအားလုံးဟာ ကိုယ်တိုင်ပြည်ရဲ့ ပညာရေး အားနည်းချက်များစွာကို အဆိုးဆုံးအချိန် ရောက်နေတာကို အမြန်ဆုံးမြှင့်တင်နိုင်ဖို့အတွက် အသေးအဖွဲ့ကစပြီး အရာရာဂရုစိုက်စေချင်ပါတယ်”ဟု မြန်မာနိုင်ငံ ပုဂ္ဂလိက ဆရာများအသင်းချုပ် ဥက္ကဌ ဒေါက်တာ ဦးစိုးဝင်းဦးပြောသည်။

ပညာရေးဝန်ကြီးဌာနသည် စတုတ္ထတန်းနှင့် အဋ္ဌမတန်းတို့အတွက် သက်ဆိုင်ရာခရိုင်အလိုက် မေးခွန်းထုတ်၍ စစ်ဆေးသည့် စနစ်ကို ၂၀၁၄-၁၅ ပညာသင်နှစ်တွင် စတင်ကျင့်သုံးမည်ဖြစ်ပြီး ယင်းကို စာမေးပွဲအကြို အစမ်းစာမေးပွဲများ စစ်ဆေးနေခြင်းဖြစ်သည်။

မဇ္ဈိမ


ဓာတ်ပုံ – NLD Chairperson

လွှတ်တော်ကချပေးထားတဲ့ ငွေကျပ်သိန်း ၁ ထောင်ရန်ပုံငွေကို ခွဲဝေသုံးစွဲရေးနဲ့ပတ်သက်ပြီး ကော့မှူးမြို့နယ် ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်က ကော့မှူးမြို့နယ်  အုပ်ချုပ်ရေး အာဏာပိုင်တွေနဲ့ ဒီကနေ့ တွေ့ဆုံဆွေးနွေးခဲ့ပါတယ်။

ကော့မှူးမြို့နယ်အုပ်ချုပ်ရေးရုံးမှာ ကျေးရွာအုပ်ချုပ်ရေးမှုးတွေ၊ မြို့နယ်ဖွံ့ဖြိုးရေးကော်မီတီ နဲ့ ဌာနဆိုင်ရာတွေနဲ့ တွေ့ဆုံစဉ် ဒေါ်အောင်ဆန်းစုကြည်က လွှတ်တ်ာရန်ပုံငွေကိစ္စထည့်သွင်း ဆွေးနွေးခဲ့တာပါ။

လွှတ်တော်ရန်ပုံငွေတွေကို ဖွံ့ဖြိုရေးလုပ်ငန်းစဉ်မှာ အဓိက လမ်းတံ တားကောင်းမွန်ဖို့နဲ့ လယ်ယာချောင်းမြောင်းကောင်းမွန်ရေး၊  ရေရှည်မှာ အဓိက အသုံးပြုဖို့ ဆွေးနွေးခဲ့ကြတယ်လို့ ကော့မှူးမြို့နယ် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဦးအေးသိန်းက ပြောပါတယ်။

“ဖွံ့ဖြိုးရေးကိစ္စမှာ လမ်းပန်းဆက်သွယ်ရေးကောင်းမွန်ဖို့ သုံးမှာပေါ့။ ရွာကလမ်းဟောင်းတွေကို ပြုပြင်ထိန်းသိမ်းဖို့ အဓိကထားတယ်။ နောက် လယ်ယာချောင်းမြောင်းကိစ္စ ကျန်နေသေးတဲ့ မနှစ်က ဘတ်ဂျက်တွေကနေပြီး မပြီးသေးတဲ့ ဟာတွေကို ပြီးအောင်လုပ်ဖို့ အဲကိစ္စတွေကို ပြောပါတယ်။”

ပြီးခဲ့တဲ့ ကြားဖြတ်ရွေးကောက်ပွဲတုန်းက ဒေါ်အောင်ဆန်းစုကြည်နဲ့ အပြိုင် ကော့မှူးမြို့နယ် ပြည်သူ့လွှတ်တော်ကိုယ်စားလှယ်လောင်းအဖြစ် အရွေးခံခဲ့တဲ့ ကြံ့ခိုင်ဖွံ့ဖြိုးရေးပါတီက ဒေါက်တာ စိုးမင်းကတော့ ဒေါ်အောင်ဆန်းစုကြည် အရွေးခံရတဲ့နောက်ပိုင်း မြို့နယ်ဖွံ့ဖြိုးရေးအတွက် မျှော်လင့်သလောက် မဖြစ်လာဘူးလို့  ဝေဖန်မှုတွေရှိနေကြောင်း ဒီဗွီဘီကို ပြောပါတယ်။

“ကော့မှူးနဲ့ ကျနော် အဆက်သွယ်သိပ်မပျက်ပါဘူး။ သူတို့ဆီက အဖွဲ့တွေလည်း ကျနော့်ဆီ ကို လာပြီး တွေ့ကြ၊ ရင်ဖွင့်ကြတာလည်း ရှိပါတယ်။ သူတို့ရင်ဖွင့်တာ ကျနော်ကြားတာတော့ စိတ်မကောင်းစရာပေါ့။ သူတို့တွေက ဘာပဲဖြစ်ဖြစ် ကြိုးကြိုးစားစားနဲ့ မဲပေးခဲ့ပေမယ့် သူတို့မှာ မယ်မယ်ရရ ဖွံ့ဖြိုးတိုးတက်မှုတွေ မခံစားရဘူးလို့ ပြောပါတယ်။”

သူ့အနေနဲ့ကတော့ လာမယ့် ၂၀၁၅ ရွေးကောက်ပွဲမှာ ၀င်ရောက်ယှဉ်ပြိုင်ဖို့ အစီစဉ်မရှိကြောင်းနဲ့ ပြည်သူတွေနဲ့ထိတွေ့တဲ့ စည်းရုံးရေးပိုင်းမှာသာ လုပ်ဆောင်သွားမယ်လို့ ဒေါက်တာစိုးမင်းက ပြောပါတယ်။

ဒေါ်အောင်ဆန်းစုကြည်ဟာ မွန်းလွဲပိုင်းမှာ ဒေါ်ခင်ကြည်ဖောင်ဒေးရှင်းက ဖွင့်လှစ် တည်ထောင်ထားတဲ့ သင်တန်းကျောင်းကို သွားရောက်လေ့လာပြီး သင်တန်းသားတွေနဲ့ တွေ့ဆုံ ခဲ့ပါတယ်။

ဒေါ်အောင်ဆန်းစုကြည်အနေနဲ့ လွှတ်တော်ကိုယ်စားအဖြစ် အရွေးခံရပြီးနောက်ပိုင်း ကော့မှုးမြို့ယ်ကို တလတကြိမ် နီးပါးသွားရောက်လေ့ရှိပြီး ဒီည ကော့မှူးမှာအိပ်ပြီး မနက်ဖြန် ရန်ကုန်ကို ပြန်မှာဖြစ်ပါတယ်။

By နော်နိုရင်း (ဒီဗွီဘီ)
http://burmese.dvb.no/archives/74305


အမေရိကန် ပြည်ထောင်စုကနေ ရုရှားအပေါ် နောက်ထပ် ဒဏ်ခတ် ပိတ်ဆို့မှု အသစ်တွေ ချမှတ်မယ် ဆိုရင် အမေရိကန်နဲ့ ရုရှား တို့ရဲ့ ရေရှည် ဆက်ဆံရေးကို ထိခိုက် ပျက်ပြား စေနိုင်တယ်လို့ ရုရှား နိုင်ငံခြားရေး ဝန်ကြီး ဆာဂေ လက်ရော့ဗ်က သတိပေး လိုက်ပါတယ်။

မစ္စတာ လက်ရိုဗ့်က အမေရိကန် နိုင်ငံခြားရေး ဝန်ကြီး ဂျွန်ကယ်ရီကို တယ်လီဖုန်းနဲ့ ဆက်သွယ်ပြီး အခုလို သတိပေး စကား ပြောကြား ခဲ့တာပါ။

အမေရိကန်နဲ့ အီးယူ ဥရောပ သမဂ္ဂ တို့ရဲ့ ရုရှား အပေါ် ပိတ်ဆို့ အရေးယူမှု တွေနဲ့အတူ ရေနံဈေးတွေ ထိုးကျ သွားခဲ့တာကြောင့် ရုရှားရဲ့ ရူဘယ်ငွေ တန်ဖိုး ကျသွားပြီး စီးပွားရေး ကျဆင်းမှုနဲ့ စတင် ရင်ဆိုင် နေရပါတယ်။

ဥရောပ ကောင်စီရဲ့ ဥက္ကဋ္ဌသစ် ဒေါ်နယ် တက်စ်ခ် က ဘရပ်ဆဲလ် မြို့မှာ ပြုလုပ်တဲ့ အီးယူ ထိပ်သီး အစည်းအဝေးမှာ ပထမဆုံး မိန့်ခွန်းပြောရာမှာ ရုရှား အပေါ် ပိတ်ဆို့ ဒဏ်ခတ်မှုတွေ လျော့နည်း သွားမှာ မဟုတ်တဲ့အပြင် ဒဏ်ခတ်မှု အသစ်တွေလည်း အခု သီတင်းပတ် အကုန်မှာ ထပ်မံ သက်ရောက်ဖို့ ရှိကြောင်း ရုရှားကို သတိပေး ပြောဆို ခဲ့ပါတယ်။

BBC Burmese
http://www.bbc.co.uk/…/…/12/141219_russia_warns_us_sanctions

မြန်မာသတင်းထောက်များ မီဒီယာလွတ်လပ်ခွင့်အတွက် ဆန္ဒပြ။ (ဇန်နဝါရီ ၇၊ ၂၀၁၄)
မြန်မာနိုင်ငံဟာ ပြုပြင်ပြောင်းလဲရေးတွေ လုပ်ဆောင်နေတယ် ဆိုပေမယ့် အခုထိ သတင်းမီဒီယာတွေ အပေါ် ဖိနှိပ်မှုတွေ ရှိနေတုန်းပဲလို့ CPJ ခေါ် သတင်းသမားများ ကာကွယ်ရေးအဖွဲ့က ပြောကြားလိုက်ပါတယ်။ CPJ အဖွဲ့က ထုတ်ပြန်တဲ့ ၂၀၁၄ ခုနှစ်အတွက် အစီရင်ခံစာထဲက သတင်းသမားတွေကို ဖမ်းဆီးထောင်ချမှု အများဆုံး ၁၀ နိုင်ငံ စာရင်းထဲမှာ မြန်မာနိုင်ငံပါဝင်နေတာ ဖြစ်ပါတယ်။ အပြည့်အစုံကို ဆက်သွယ်မေးမြန်းထားတဲ့ ဒေါ်ခင်မျိုးသက်က ပြောပြပေးမှာပါ။

၂၀၁၄ခုနှစ်ထဲမှာ သတင်းသမားတွေကို ထောင်အချဆုံး နိုင်ငံများ စာရင်းကို ပြုစုခဲ့တဲ့ CPJ က မြန်မာနိုင်ငံကို အဆိုးဝါးဆုံး ဆယ်နိုင်ငံထဲမှာ အဆင့် ၈မှာ ထည့် ထားတာဖြစ်ပါတယ်။ ၂၀၁၁ခုနှစ် စစ်အစိုးရ အုပ်ချုပ်မှုကနေ အရပ်သားတပိုင်း အစိုးရအဖြစ် ပြောင်းလဲပြီး သမ္မတ ဦးသိန်းစိန် အစိုးရ တက်လာခဲ့ပေမဲ့ သတင်းသမားတွေကို ဖမ်းဆီးမှု ကတော့ ပြောင်းလဲ မသွားဘူးလို့ CPJ အဖွဲ့ရဲ့ အာရှရေးရာ တာဝန်ခံ -Bob Dietz က ဗွီအိုအေကို ပြောပါတယ်။

" မြန်မာနိုင်ငံဟာ သတင်းသမားတွေကို ဖမ်းဆီးထောင်ချမှုတွေ ပြန်ပြီး တိုး-လုပ်လာနေတဲ့ နိုင်ငံဖြစ်နေတာတွေ့ရပါတယ်။ ၂၀၁၁ ခုနှစ်ကတည်းက စပြီး သတင်းသမားတွေကို ပြန် ဖမ်းဆီးထောင်ချမှု လုပ်လာတာဖြစ်ပြီ အခုထိ အနည်းဆုံး ၁၀ ဦးလောက် ရှိနေပါတယ်။ အဲ့ဒီသတင်းသမားတွေ အားလုံးကို အစိုးရ ဆန့်ကျင်မှုနဲ့ ထောင်ချခဲ့တာပါ။ ဇူလိုင် လတုန်းက ယူနတီဂျာနယ်က သတင်းသမား ၅ ယောက်ကို ထောင် ၁၀ နှစ် ချခဲ့တာဟာ နိုင်ငံတော် လျို့ဝှက်ချက်ပေါက်ကြားမှုနဲ့ ဖြစ်ပြီး ဒီဥပဒေဟာ အရင် ကိုလိုနီခေတ် ၁၉၂၃ ခုနှစ် တုန်းက ဥပဒေဖြစ်ပါတယ်။ ဒါ့ကြောင့် အစိုးရက ဒီဥပဒေမျိုးကိုပြုပြင်ပြောင်းလဲဖို့ မကြိုးစားတာဟာ သတင်းသမားတွေ ကိုလိုတဲ့ အချိန် ထောင်ထဲ ပြန် ထည့်နိုင်အောင်လုပ်ထားတာမျိုးလို့ ကျွန်တော်တို့ မြင်ပါတယ်။"

မြန်မာနိုင်ငံမှာ ဒီမိုကရေစီရေး အပြောင်းအလဲတွေ လုပ်နေချိန်မှာ သတင်းသမားတွေဟာ ဒီမိုကရေစီလူ့ဘောင်အသိုင်းအဝိုင်းအတွက် လိုအပ်တဲ့ ကဏ္ဍတခုလို့ အာဏာပိုင်တွေဘက်က ယုံကြည်မှု မရှိဘူးလို့လည်း ဝေဖန်လိုက်ပါတယ်။

"အစိုးရက ကိုလိုနီခေတ်က ဥပဒေတွေကို ဆက်သုံးနေတာဟာ သူတို့မှာ သတင်းသမားတွေ အပေါ် ဆန့်ကျင်တဲ့ အမြင်မျိုး ရှိနေလို့ပါ။ အစိုးရဟာ သတင်းမီဒီယာတွေ အပေါ် လိုလားတဲ့ သဘော မရှိတဲ့အတွက် သတင်းသမားတွေကို အချိန်မရွေး ထောင်ထဲပြန် ဖမ်းထည့်ထားနိုင်တဲ့ ဒီဥပဒေတွေကို ပြောင်းလဲ ပစ်ဖို့မကြိုးစားသလို သတင်းမီဒီယာဆိုတာဟာ ဒီမိုကရေစီ လူ့အသိုင်းအဝိုင်း အတွက် လိုအပ်တဲ့ ကဏ္ဍ တရပ်လို့ ယုံကြည်သတ်မှတ်ထားတာမျိုးလည်းမတွေ့ရပါဘူး။"

စက်တင်ဘာလထဲမှာ အလွတ်သတင်းထောက် ကိုအောင်ကျော်နိုင်ခေါ် ကိုပါကြီး ဟာ မြန်မာစစ်တပ်က ဖမ်းဆီးထားစဉ်မှာပဲ အသတ်ခံ ခဲ့ရတဲ့ ဖြစ်ရပ် ပေါ်ပေါက်ခဲ့ တာမို့ လက်ရှိအစိုးရရဲ့ သတင်းမီဒီယာအပေါ်မှာ ထားတဲ့ အမြင်ကို အကြီးအကျယ် ရိုက်ခတ်စေခဲ့တာလည်းဖြစ်ပါတယ်။ အခုလိုအချိန်မျိုးမှာ သတင်းသမားတွေကို ဖမ်းဆီးထောင်ချတာမျိုး လုပ်နေတာဟာ လက်ခံနိုင်စရာ မရှိဘူးပဲ ဒါဟာ အရင်အပြောင်းအလဲ မလုပ်ခင် အချိန်မျိုးကို ပြန်ပြီးသွားနေ တာလို့လည်း ပြောပါတယ်။

"မြန်မာနိုင်ငံဟာ သတင်းသမားတွေကို ထောင်ချမှုမှာ အဆိုးဆုံး အဖြစ်ကျော်ကြားခဲ့တာပါ။ အခု အရင် အတိုင်း ပြန်သွားနေတာတွေ့ရပါတယ်။ ဒီမိုကရေစီရေး အပြောင်းအလဲတွေ မလုပ်ခင်အချိန်တုန်းကလိုပဲ သတင်းသမားတွေကို ဖမ်းဆီးထောင်ချနေတာမို့ သတင်းသမားတွေအပေါ်မှာ အစိုးရရဲ့ သဘောထားနဲ့ လုပ်ဆောင်မှုတွေ ပြောင်းလာပြီ လို့တော့ ပြောလို့ မရသေးပါဘူး။"

သတင်းသမားတွေကို ဖမ်းဆီးထောင်ချမှု အများဆုံး လုပ်ခဲ့တဲ့ နိုင်ငံကတော့ တရုတ်နိုင်ငံဖြစ်ပြီး ထိပ်တန်းဆယ်နိုင်ငံထဲမှာ အီရန်၊ အီရစ်ထရီယက်စ်၊ အီသီယိုပီးယား၊ အီဂျစ်၊ ဆီးရီးယားနဲ့ တူရကီနိုင်ငံတွေအပြင် အာရှတိုက်က ဗီယက်နမ်နဲ့ မြန်မာနိုင်ငံတို့ပါ ပါဝင်နေတာဖြစ်ပါတယ်။

VOA

မိကျောင်းကန်သပိတ်စခန်းက ဆန္ဒပြနေသူတွေကို ကူညီပေးနေတဲ့ ကိုဝေဠုကို မနေ့ညက ဖမ်းဆီးခဲ့ပြီး ကျောက်တံတားမြို့နယ် ဒုတိယရဲမှူးက မြို့နယ်တရားရုံးမှာ နိုင်ငံတော် အကြည်ညိုပျက်စေမှု ပုဒ်မ ၅ဝ၅ (ခ) နဲ့ ဒီနေ့ တရားစွဲလိုက်ပါတယ်။

ကိုဝေဠုကို ပုဒ်မ ၅၀၅(ခ) နဲ့ တရားစွဲပြီး အင်းစိန်ထောင်ကို ပို့လိုက်တယ်လို့ တရားရုံးကို သွားရောက်ခဲ့တဲ့ မိကျောင်းကန်သပိတ်စခန်းက ဦးခင်မောင်မြင့်က ပြောပါတယ်။

"ကိုဝေဠုဟာ ဒီမိကျောင်းကန်ကို ဦးစီးဦးဆောင်မှုလည်းမလုပ်ဘူး၊ မိကျောင်းကန်ကို သိမ်းသွင်းပြီးတော့ မြှောက်ထိုးပင့်ကော်လုပ်တယ်ဆိုတာလည်း မဟုတ်ဘူး၊ ၉ လနီးပါးလမ်းဘေးမှာ စွန့်ပစ်ခံရတဲ့ဘဝကို မခံနိုင်လွန်းအားကြီးတဲ့အတွက် မြို့တော်ခန်းမဘေးကို ဦးတို့သွားပြီးတော့ ဆန္ဒထုတ်ဖော်တာ၊ ကိုဝေဠုနဲ့ မပတ်သက်ဘူး၊ ကိုဝေဠုဟာ ဒီမှာရှိတဲ့ သက်ကြီးရွယ်အိုတွေကို လူသားခြင်းစာနာတဲ့ အနေအထားနဲ့ သူကဝိုင်းဝန်းပြီးတော့ ကူညီစောင့်ရှောက်တယ်ဆိုတာပဲရှိပါတယ်၊ အဲ့ဒါကို ၅ဝ၅(ခ) ပုဒ်မနဲ့ သူ့ကို မတရားဖမ်းဆီးတယ်လို့ မိကျောင်းကန်ပြည်သူတွေ ဦးတို့အနေနဲ့ ယူဆတယ်၊ ကျောက်တံတားတရားရုံးကို ခေါ်လာတယ်ဆိုတဲ့အသံကြားတယ်၊ ဒီအသံကြားတာနဲ့ ချက်ချင်းလိုက်သွားတယ်၊ မတွေ့လိုက်ရဘူး၊ အခုအင်းစိန်ကို တန်းပြီးခေါ်သွာတယ်"

ကိုဝေဠုက မိုးထိမိုးမိရွှေလုပ်သားအရေးနဲ့ လျှပ်စစ်မီတာခ တိုးမြှင့်ကောက်ခံမယ့်အပေါ် ကန့်ကွက်ဆန္ဒပြခဲ့တာကြောင့် တရားမ၀င် စီတန်းလှည့်လည်ခြင်းဆိုင်ရာ ပုဒ်မ ၁၈ နဲ့ ဖမ်းဆီးခံရပြီး ပြီးခဲ့တဲ့ နိုဝင်ဘာလ ၁၀ရက်နေ့က အင်းစိန်ထောင်ကနေ ပြန်လည်လွတ်မြောက်ခဲ့တာဖြစ်ပါတယ်။

အဲဒီနောက်ပိုင်း မိကျောင်းကန် သပိတ်စခန်းက ဆန္ဒပြသူတွေကို ၀ိုင်းဝန်းကူညီပေးနေတာဖြစ်တယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127?fref=photo

၈၈ ဒီမိုကရေစီ အရေးတော်ပုံကြီး ပေါ်ပေါက်ခဲ့တာ ၂၆ နှစ်ရှိခဲ့ပါပြီ။ ဒီကနေ့ အထိတော့ (၁)ဒီချုပ်ဥက္ကဋ္ဌ နိုဘယ် လ် ဆုရှင်ဖြစ်ခဲ့တာမှလွဲပြီး တခြားထူးခြားတဲ့ ဘယ်လိုနိုင်ငံရေး ဖြစ်ထွန်းတိုးတက်မှုမျိုးမှ မခံစားကြရသေးပါဘူး။ ပြည် တွင်းစစ် ချုပ်ငြိမ်းရေး၊ စစ်အာဏာရှင်စနစ်ချုပ်ငြိမ်း ရေးတွေလည်း မအောင်မြင်သေးပါဘူး။ မြန်မာအလုပ် သမား၊ လယ်သမား ဆင်းရဲသားလူထုကြီးဟာ ဆင်းရဲတွင်းမှ တစ်လက်မတောင် မတက်နိုင်ကြသေးပါဘူး။ ဒီ ချုပ်ဥက္ကဋ္ဌရဲ့ Pesornal Role အပေါ် ယုံကြည်မှုဟာ တဖြည်းဖြည်း သွေးအေးလာနေခဲ့ပါပြီ။ ကြံ့ဖွံ့စစ်အုပ်စုက ဒီချုပ်ဥက္ကဋ္ဌနဲ့ ပတ်သက်ပြီး ပေးထား၊ ဖြေလျှော့ထားတဲ့ အခြေအနေများဟာ စစ်အုပ်စုက သူတို့ အကျိုးရှိ သ လောက် Pass ပေးထားတာမျိုးပါ။ ငါးမျှားကြိုးမှာတပ်ထားတဲ့ ငါးမျှားချိတ်က ငါးစာကို လာတွတ်တဲ့ငါးကို သေ ချာပေါက်ရဖို့ ငါးမျှားကြိုးကို လျှော့ပေးတဲ့ သဘောမျိုးပါပဲ။

ဘာလှုပ်ရှားမှုမှလုပ်မရတဲ့ ဒီချုပ်ဥက္ကဋ္ဌကို လွှတ် တော်ထဲ ထည့်ထားတာဟာ ကြံ့ဖွံ့စစ်အုပ်စုက ပြထားတဲ့ ဒီမိုကရေစီ အလှကွက်ကလေး တစ်ကွက်ပါပဲ။ ဘာ ကြောင့်လဲဆိုတော့ လစ်ဘရယ် ဒီမိုကရေစီစနစ်မှာ ဖွဲ့စည်းပုံတို့၊ လွှတ်တော် တို့၊ ပါတီစုံစနစ်တို့၊ အစိုးရအဖွဲ့ တို့၊ ရွေးကောက်ပွဲ တို့ဆိုတာတွေဟာ နိုင်ငံတော် အာဏာကို ထင်ဟပ်ထားတဲ့ State Apparatus တွေ ချည်း ပါပဲ။ ဗမာပြည်လိုစစ် အာဏာရှင်စနစ်အထိုင်ကျနေတဲ့ နိုင်ငံမျိုးမှာ ဒီ State Apparatus တွေရဲ့ တကယ့် အနှစ် သာရကို မမြင်မသိဘဲ ပုံသဏ္ဌာန်ပေါ်မှာ တဏှာဖြစ်နေရင်၊ မိန်းမချောချော တဲ့ ယောက်ျားလျာကို တကယ့် မိန်းမချောအဖြစ် ယုံမှတ်နေရင် ဒါဟာ (Illusion) အမြင်မှောက်မှားတာမှ တစ်ပါး တခြားဘာ မှမဖြစ်နိုင်ပါဘူး။

တစ်ခုသတိပြုရမှာကတော့ မြန်မာ့လူ့အဖွဲ့အစည်းဟာ ဒီလူ့အဖွဲ့အစည်းဝင်တွေကို မြန်မာ့ဆိုရှယ်လစ်စနစ် အတု၊ တွေ့ဆုံဆွေးနွေးပွဲ အတု၊ ဖွဲ့စည်းပုံ အတု၊ ရွေးကောက်ပွဲ အတု၊ အစိုးရအဖွဲ့ အတု၊ လွှတ်တော် အတု၊ ပါတီစုံစနစ် အတု၊ အတိုက်အခံပါတီ အတု၊ ခေါင်းဆောင် အတု၊ ဒိုင်ယာလော့ခ်ျ အတုစတဲ့ အတုပေါင်းစုံနဲ့ ရင်ဆိုင် ဖြတ်သန်းနေရတဲ့ ဒုက္ခဟာ မပြောပလောက်တဲ့ အတုတွေမဟုတ်ဘဲ နိုင်ငံရေးဈေးကွက်အတုကြီး အားကောင်း မောင်း သန်သောင်းကျန်းနေတာကို မိမိကိုယ်ကိုယ် တာဝန်ရှိတယ်လို့ ယုံမှတ်သူတိုင်းဟာ ဒီ နိုင်ငံရေးဈေး ကွက်က ထွက်မှာလား။ အတွင်းက ၀င်တိုက်မယ်လို့များ ပြောမှာလား။ တချို့လည်း လွှတ်တော် အတုကြီးထဲ ရောက်နေကြပါပြီ။

၂၀၀၈ ဖွဲ့စည်းပုံကို လွှတ်တော်ကြီးအတွင်းက ပြင်မယ်လို့လည်း ပြောနေကြပါ တယ်။ ၁၉၂၃ ဒိုင်အာ ခီအုပ်ချုပ်ရေးကို အတွင်းက ၀င်တိုက်မယ်လို့ ကြွေးကြော်ပြီး ၂၁ဦး ဂိုဏ်းသားတွေ ဒိုင် အာခီ အုပ်ချုပ်ရေးအတွင်း ၀င်ရောက်သွားခဲ့ကြပါတယ်။ အကျိုးဆက်က ဂျီစီဘီအေအဖွဲ့ချုပ်ကြီးနဲ့ သံဃာ့ သမဂ္ဂအဖွဲ့ချုပ်ကြီး ၄ဂိုဏ်း ကွဲသွားခဲ့ဖူးပါတယ်။ နောက်ဆုံးစစ်ကြီးပြီးတော့ ၁၉၄၆၊ အောက်တို ဘာလထဲမှာ ဘုရင်ခံအတိုင်ပင် ကောင်စီ ထဲဝင်မလား၊ မ၀င်ဘူးလား သဘောထားကွဲ ကြပြီး ဗကပနဲ့ ဖဆပလအဖွဲ့ချုပ်ဂိုဏ်း ကွဲ သွားခဲ့ပါတယ်။ ၁၉၄၆ ခုနှစ်ကစပြီး ပေါ် လာတဲ့ နိုင်ငံရေးအငြင်းအခုံက လွတ်လပ် ရေးရဖို့ (၁) ခေတ်ပြိုင် အာဏာ၊ ဘုရင်ခံ အတိုင်ပင်ခံ ကောင်စီနဲ့ ပေါင်းမှာလား၊ (၂) လူထုတိုက်ပွဲနဲ့သွားမှာလား၊ Pressure and Copromise ဆိုတာဟာ စစ်ပြီးခေတ် လွတ်လပ်ရေးတိုက်ပွဲကနေ စစ်အာဏာရှင်စနစ် ဖျက်သိမ်းရေး တိုက်ပွဲ အဆုံး တစ်သက်လုံး ကြုံကြရတဲ့ Line Struggle ပါပဲ။

သတိပြုစရာကောင်းတာက စစ်ပြီးခေတ် လွတ်လပ်ရေး တိုက်ပွဲကစပြီး ဒီကနေ့ စစ်အာဏာရှင်စနစ် ဖျက်သိမ်းရေး တိုက်ပွဲအထိ လစ်ဘရယ် ဓနရှင်လူတန်းစား ဆိုသူ များဟာ စစ်ဗျူရိုကရက် အရင်းရှင် လူတန်းစားများနဲ့ Showdown လုပ်ချင်ဟန်မတူပါဘူး။ အကြောင်းပြချက်က တိုင်းပြည်နဲ့လူထုနစ်နာမှာ စိုးလို့ပါတဲ့။ တကယ်က လူထုကြီးနဲ့ တိုင်းပြည်က ၁၉၄၈၊ ဇန်န၀ါရီ ၂၈ရက် နေ့ကတည်းက ဒုက္ခရောက် ခဲ့ကြရတာပါ။ သန်းခေါင်ထက် ညဥ့်မနက်တော့ပါဘူး။ ၁၉၈၈ ခုနှစ်ကတည်းက လူထုရော တိုင်းပြည်ပါ စီးပွားရေးအရ လုယက်သွေးစုတ် ခံကြရပြီး နိုင်ငံရေးအရ စစ်အာဏာရှင်စနစ် ဖိနှိပ်မှုအောက်မှာ အသက်တောင်ဝအောင် ရှူခွင့်ရကြတာ မဟုတ်ပါ ဘူး။ ဒီကနေ့ ပြည်တွင်းစစ် မချုပ် ငြိမ်းသေးပါ။

စစ်အာဏ ရှင်စနစ်ဟာလည်း တကယ်က ဘာမှမဖြစ်သေးပါဘူး။ ၂၀၀၈ ဖွဲ့စည်းပုံပြင် ဆင်ရေး အတွက်လည်း မသေချာသေးဘူး။ တစ်ပြည်လုံး အပစ်အခတ်ရပ်စဲဖို့ နံကြားထောက်နေကြဆဲပါ။ တောနဲ့မြို့နေ ဆင်းရဲ သားလူထု ၃၃ သန်းရဲ့ ဆင်းရဲမွဲတေမှု ချောက်ကမ်းပါးဟာ ကျယ်လည်းကျယ်ပြီး နက်လည်း နက်နေ ဆဲပါပဲ။ တပ်မှူးစစ်ကဲ မိသားစုကြီး ၄၀၊ ၅၀ ကတော့ ဆက်ပြီး ချမ်းသာကြွယ်ဝ နေကြဆဲပါ။ အစိုးရအဖွဲ့က လည်း မစားရ၀ခမန်းေ တွ ပြောနေကြဆဲပါပဲ။ ရန်ကုန်ဆင်းရဲသား လူထုရဲ့အသံက ““ဘတ်စ်ကားတောင် ချောင်ချောင် မစီးရသေးပါဘူး”” တဲ့။

မြန်မာသံတော်ဆင့်သတင်းဌာန- http://www.facebook.com/myanmarherald


မြန်မာနိုင်ငံအရှေ့ဘက် တရုတ်ပြည်နယ်စပ်ရှိ ရမ္မက်လောဘတို့ဆုံရာ ပြိုးပြက်တောက်ပသည့် မိုင်းလားမြို့တွင် ရနိုင်သောအစားအသောက်များသည် အလွယ်တကူ မူးမေ့အော့အန်တတ်သူများအတွက် မဟုတ်ပါ။ အစားအသောက်စာရင်းပါ ဟင်းနှင့် သောက်သုံးဖွယ်ရာအများစုသည် ရှားပါးတိရစ္ဆာန်တို့၏ အသွေးအသားများသာဖြစ်သည်။

မြစ်နံဘေးရှိ စားသောက်ဆိုင်တဆိုင်တွင် ကျားအရိုးပဒေသာကို ၁၂ ပေကျယ်သည့်အနက်ရောင် ယမကာကန်ထဲ၌စိမ်ထားရာ ဟောင်းလောင်းဖြစ်နေသော ကျား၏မျက်လုံးအစုံက ဆိုင်းအတွင်းဝင် လာသူများအား အထက်စီးမှ စိုက်ကြည့်နေလေသည်။ ထိုအဖိုးတန်သေရည်သည် ကျားတကောင်၏ သန် စွမ်းမှုကိုပေးသော လိင်အစွမ်းထက်ဆေးဖြစ်သည်ဟု ကြိုက်နှစ်သက်သူများက ယုံကြည်ကြသည်။

“ကျားဝိုင်က ယောက်ျားအတွက်ရော မိန်းမအတွက်ပါကောင်းတယ်နော်”ဟု မိုင်းလားတွင် ဆယ် စုနှစ်တခုကျော်နေထိုင်ခဲ့သည့် တရုတ်လူမျိုးလုပ်ငန်းရှင်တဦးက သူ့၏လက်မောင်းကြွက်သားများကို ကာယဗလမောင်တဦးသဖွယ် တောင့်ပြ၍ ပြုံးဖြဲဖြဲမျက်နှာထားဖြင့် ပြောသည်။
“ဒါက ယောက်ျားတယောက်ကို အိပ်ရာထဲမှာ အားကောင်းစေတယ်”
ယင်းဝိုင်သည် အစွမ်းထက်ဆေးဖြစ်လာဖို့ အနည်းဆုံး တနှစ်ခန့်စိမ်ထားလျှင် ပိုကောင်းသည်ဟု ဆိုသည်။ ယင်းနောက်မှ လိင်ကိစ္စပျော်ပါးရန်လာရောက်ကြသည့် ခရီးသွားများအား ၁ ပုလင်းလျှင် တရုတ် ယွမ်ငွေ ၁၀၀၀ (ဒေါ်လာ ၁၆၃ ခန့်)ဖြင့် ရောင်းသည်။
“များသောအားဖြင့် ၁ခွက်၊ ၂ခွက်ပဲ သောက်ကြတယ်”ဟု စားပွဲထိုးမလေးက ရယ်လျက်ပြောသည်။

ယင်းသေရည်သည် မြန်မာနိုင်ငံ၏ မကောင်းမှုမြို့တော်သို့ နေ့စဉ်နှင့်အမျှ နယ်စပ်ဖြတ်ကျော် ရောက်ရှိလာသည့် ရာနှင့်ချီသော တရုတ်များအတွက် မက်မောစရာများထဲမှ တခုသာ ဖြစ်သည်။ တက္ကစီဆရာသည် နီယွန်မီးများဖြင့် ထိန်ညီးနေသော ချိုင့်ဝှမ်းဒေသသို့သွားရာ မည်းမှောင်သောတောလမ်းအတိုင်း ဖြတ်သန်းမောင်းနှင်လာစဉ် မိုင်းလား၏ စာရိတ္တပျက်ပြားဖွယ်ရာ ဆွဲဆောင်မှုများအား တိုတိုရှင်းရှင်းပြော ပြသည်။
“မိုင်းလားမှာ ဘာမှမရှိပါဘူးဗျာ။ ပြည့်တန်ဆာတွေရယ်၊ လောင်းကစားနဲ့ ရှားပါးတိရစ္ဆာန်တွေ သာရှိတာပါ”

အမှန်အားဖြင့် မိုင်းလားသည် အမေရိကန်ပြည်ထောင်စု လောင်းကစားမြို့တော် လတ်စ် ဗေးဂတ်စ်အသေးစားသဖွယ်ဖြစ်ပြီး ဗေးဂတ်စ်ထက်ပို၍ ညစ်ထေးစုတ်ပြတ်ကာ ပို၍ဥပဒေမဲ့ခြင်း၊ အလွယ်တကူ မရောက်ပေါက်နိုင်သောနေရာတွင် တည်ရှိနေခြင်း၊ ရှားပါးတိရစ္ဆာန်များအား ပွဲသွင်းပြစားခြင်းမရှိဘဲ စားသုံးကြခြင်းတို့သာ ကွာခြားသည်။ ဈေးဆိုင်အသေးကလေးများမှအစ အထက်တန်းဖက်ရှင်စတိုး ဆိုင်ကြီးများအဆုံး မိုင်းလားသည် တရုတ်ခရီးသွားဧည့်သည်များအတွက် ဈေးဆစ်ဝယ်ယူကြရာ သား ကောင်ပွဲရုံကြီး ဖြစ်သည်။ မှန်ဘောင်သွင်းထားသော ကျားအမြီးကို ယွမ် ၃၀၀၀၀(ဒေါ်လာ ၄၈၉၀ ခန့်)၊ ကျားအရေခွံကို ယွမ် ၁၀၀၀၀၀(ဒေါ်လာ ၁၆၃၀၀ ခန့်)၊ တန်ဖိုးကြီး ကြံ့ချိုကို ယွမ်၂၈၀၀၀၀ (ဒေါ်လာ ၄၅၆၄၀ခန့်)အသီးသီး ဈေးပေါက်သည်။

မိုင်းလားမြို့သည် ၁၉၁၁ စတုရန်းမိုင်ကျယ်ဝန်းပြီး အများအားဖြင့် တရားဥပဒေမရှိသည့် အထူးဒေသ ၄၏ မြို့တော်ဖြစ်သည်။ ထိုဒေသသည် အလွယ်တကူ ၀င်ထွက်သွားလာနိုင်သည့် မြန်မာနိုင်ငံ နယ်စပ်ဒေသများ၏ စံနမူနာတခုဖြစ်သည်။ ဗဟိုအစိုးရ၏ အမိန့်၊ စည်းကြပ်မှုများ မသက်ရောက် သော၊ ဒေသဆိုင်ရာအာဏာပိုင်များကသာ ဥပဒေကို စိတ်ရှိတိုင်းကျင့်သုံးသည့် မျက်ကွယ်နေရာတခု ဖြစ်သည်။ နိုင်ငံတော်က ခင်းကျင်းထားသည့် အခြေခံအုတ်မြစ်၏ အက်ကြောင်းကဲ့သို့ဖြစ်နေသည့် ထိုဒေသတွင် အရှေ့တောင်အာရှ၏ အကြီးမားဆုံးသော ရှားပါးတိရစ္ဆာန်ဈေးကွက်ကြီး ပေါ်ထွန်းနေသည်။ တရားမ၀င် အမဲလိုက်သမားတို့၏ နတ်ပြည်ကြီးဖြစ်နေသည်။

“အရှေ့တောင်အာရှမှာ တရားမ၀င်အမဲလိုက်နှုန်းက မယုံနိုင်အောင်ပါပဲ”ဟု သစ်ပင်နှင့် သားရိုင်းတိရစ္ဆာန် ရောင်းဝယ်ဖောက်ကားမှုအား တကမ္ဘာလုံးအတိုင်းအတာဖြင့် စောင့်ကြည့်လေ့လာသည့်အဖွဲ့ TRAFFIC မှ အရှေ့တောင်အာရှဒေသဆိုင်ရာ ဒါရိုက်တာခရစ်ရှက်ဖာ့ဒ် က ပြောသည်။
လွန်ခဲ့သောဆယ်စုနှစ် ၂ ခု၊ ၃ ခုအတွင်း တရုတ်နိုင်ငံက စီးပွားရေးအကြီးအကျယ်ချဲ့ထွင်လာခဲ့ရာ ချမ်းသာမှုနှင့်ဂုဏ်ရှိန်ကိုဖော်ပြနိုင်သော အဆောင်အယောင်များအတွက် ငွေကြေးသုံးစွဲရန် ဆန္ဒရှိသည့် သူကြွယ်လူတန်းစားသစ်တခုကို ပေါ်ထွန်းစေခဲ့သည်။

တရုတ်ပြည်မှ လူလတ်တန်းစားများ၏ ၀ယ်လိုအား
---- ---- ---- ----
ယနေ့တရုတ်ပြည်တွင် လူလတ်တန်းစား(တနေ့ ၁၀ ဒေါ်လာမှ ဒေါ်လာ ၁၀၀ ၀င်ငွေရှိသူ)အရေအတွက် သန်း ၁၅၀ ရှိပြီး ယင်းမှာ အမေရိကန်နိုင်ငံလူဦးရေ၏ တ၀က်နီးပါးရှိသည်။ နောင်လာမည့် ဆယ်စုနှစ်အတွင်း အဆိုပါလူဦးရေသည် ၃ ဆခန့် မြင့်တက်လာမည်ဖြစ်သဖြင့် မိုင်းလားတွင်ရရှိနိုင်သည့် အထိန်းအကွပ်မဲ့ပျော်ရွှင်မှု၊ ဘူဇွာအဆောင်အယောင်များနှင့် တရုတ်တိုင်းရင်းဆေးတို့အတွက် ၀ယ် လိုအား မြင့်တက်လာမည်ဖြစ်သည်။

တကမ္ဘာလုံး အတိုင်းအတာအရ ကျားရိုင်း အသွေးအသား တရားမ၀င်ရောင်းဝယ်မှု၏ ၃ ပုံ ၁ ပုံခန့်သည် မြန်မာပြည်မှဖြတ်သန်းသွားသည်ဟု ကမ္ဘာ့သဘာဝရင်သွေးများရန်ပုံငွေအဖွဲ့မှ မဟာမဲခေါင်ဒေသမျိုးစိတ်များဆိုင်ရာ မန်နေဂျာ သောမက်စ်ဂရေး က ပြောသည်။
“အာရှတိုက်မှာ ပြီးခဲ့တဲ့ ဆယ်စုနှစ် ၂ ခု ၃ ခုလောက်ကစပြီး နို့တိုက်သတ္တ၀ါကြီးတွေကို အမဲလိုက်တာနဲ့ တောရိုင်းတိရစ္ဆာန်မှောင်ခိုလုပ်ငန်း အဆမတန်ကြီးထွားလာတယ်။ ပြီးခဲ့တဲ့ဆယ်နှစ်အတွင်း အာဖရိကတိုက်မှာလည်း အလားတူပဲ။ အဓိက ကတော့ အာရှမှာအထူးသဖြင့် တရုတ်ပြည်မှာရှားပါး တိရစ္ဆာန်တွေကို ပေါ်ပေါ်တင်တင်စားသုံးတဲ့ လူလတ်တန်းစား၊ သုံးနိုင်ဖြုန်းနိုင်တဲ့လူတွေများလာလို့ပဲ”ဟု ဂရေး က ပြောသည်။

မိုင်းလားမြို့ရှိ ဆေးဘက်ဝင်ပစ္စည်များရောင်းချသည့် လဟာပြင်ဈေး၌ ၀က်ဝံသည်းခြေရည်နှင့် ခြေသည်း၊ ဆင်ရေနှင့် ဆင်စွယ်၊ ကျားသစ်နှင့် တောကြောင်အရေခွံတို့အပြင် သင်းခွေချပ်၊ လိပ်၊ မျောက်အရှင်များကိုလည်း ရောင်းချနေရာ ယင်းရှားပါးတိရစ္ဆာန်တို့၏ ဖြစ်အင်မှာလည်း ထူးမခြားနားပင်ဖြစ်သည်။

မိုင်းလားဈေးကြီး၌ လေးလက်မပတ်လည် အရွယ်ရှိ ဆင်ရေများရောင်းသည့် အမျိုးသမီးတဦး ရှိသည်။ ဆင်ရေအား အနှစ်ဖြစ်အောင် ကြိတ်ထောင်းပြီး အနာတွင်သိပ်ပါက ဒဏ်ရာသက်သာပျောက်ကင်းစေသည်ဟု သူမက ရှင်းပြသည်။ သူမ စကားပြောနေစဉ် မျက်လုံးအပြာရောင်ရှိ Husky အမျိုးအစားခွေးတကောင် အနားမှဖြတ်လျှောက်သွားပြီး သူမ၏ရောင်းကုန်များအား နှာခေါင်းတရှုံ့ရှုံ့ဖြင့် အနံ့ခံလေသည်။ ထို့နောက် တိုင်တွင်ကြိုးဖြင့်ချည်ထားသော မျောက်တကောင်နှင့် မိတ်ဖွဲ့ရန် ကြိုးပမ်းသည်။
“ဒီပစ္စည်းတွေအားလုံးကို ကျွန်မက တရုတ်ဧည့်သည်တွေကို ရောင်းတာပါ”ဟု သူမက ဆိုသည်။ မိုင်းလားတွင် အင်တာဗျူးခဲ့သူအများစုနည်းတူ သူမ၏ အမည်နာမကို ထုတ်ဖော်မပြောရန် တောင်းဆိုသည်။ ပေါ်ပေါ်တင်တင် ပြောဆိုပါက အမှောင်လောကသားများနှင့် ဒေသအာဏာပိုင်များ၏ ဒဏ်ခတ်ခြင်းကို စိုးရွံ့ကြောင်း သူမက ဆိုသည်။
ထို့နောက် သူမ၏ ရောင်းကုန်များကို ဆက်လက်၍ အော်ရောင်းလေရာ အဆောင်အဖွဲ့အဖြစ် ကျားလက်သည်းများ၊ ကာမစွမ်းအားအတွက် ကျားလိင်တံအခြောက်များအား ထုတ်ပြသည်။
အပြည်ပြည်ဆိုင်ရာ သဘာဝထိန်းသိမ်းရေးအဖွဲ့၏ အဆိုအရ တရားမ၀င်ရောင်းဝယ်ဖောက်ကားမှု အများဆုံးခံရသည့် နို့တိုက်သတ္တ၀ါဖြစ်သော သင်းခွေချပ်၊ တောက်တဲ့နှင့် လိပ်သားတို့ကို မြို့တွင်းရှိ စားသောက်ဆိုင်တိုင်းနီးပါးတွင် ရနိုင်သည်။
စားသောက်ဆိုင်တဆိုင်၏ အပြင်ဘက်ရှိ လှောင်အိမ်များအတွင်း ဟင်းအိုထဲရောက်မည့် သင်းခွေချပ်အရှင်များ လှောင်ထားသည်ကို တွေ့ရသည်။ သင်းခွေချပ်အသားအား စားကောင်းသောက်ဖွယ်တခုအဖြစ် သုံးဆောင် ကြပြီး အကြေးခွံများကို သွေးလှည့်ပတ်မှု အားနည်းခြင်းအပါအ၀င် ရောဂါမျိုးစုံပျောက်ကင်းစေသော တိုင်းရင်းဆေးများထုတ်လုပ်ရာတွင် အသုံးပြုကြသည်။

တရုတ်လူချမ်းသာတို့၏ တွန်းအားကြောင့် မကြာမီနှစ်များအတွင်း အာဖရိကနိုင်ငံများမှ အာရှဈေးကွက်များသို့ တင်ပို့သည့် နိုင်ငံတကာသင်းခွေချပ်ကုန်သွယ်မှု ပေါ်ထွန်းလာပါသည်။

ကျားအရေအတွက် ကျဆင်းလာခြင်း
---- ---- ---- ----
ကျားအသွေးအသားများမှထုတ်ယူသည့် လိင်အစွမ်းထက်ဆေးများကြောင့် အာရှတိုက်တွင် ကျားကောင်ရေ သိသိသာသာ ကျဆင်းလာသည်။ တကမ္ဘာလုံးတွင် ကျားကောင်ရေ ၃၀၀၀ မှ ၄၀၀၀ အတွင်းသာ ကျန်ရှိတော့ပြီဖြစ်ရာ ယင်းအရေအတွက်မှာ လွန်ခဲ့သော ရာစုနှစ်က ကျားကောင်ရေ၏ ၅% ရာခိုင်နှုန်းခန့်မျှသာ ဖြစ်သည်။

ယခုအခါ ကျားမျိုးစိတ် ၉ မျိုးအနက် ၃မျိုးမှာ မျိုးသုဉ်းခဲ့ပြီဖြစ်သည်။ ခန့်မှန်းချက်အများစုအရ မြန်မာနိုင်ငံတွင် ကျားကောင်ရေကျဆင်းလာနေသည်မှာ ရာစုနှစ်တခုခန့်ရှိပြီဖြစ်ပြီး လက်ကျန်ကျားကောင်ရေ ၇၀ ပင် မပြည့်တော့ပေ။

မြန်မာအစိုးရသည် ၁၉၃၁ ခုအထိကျားများအား အန္တရာယ်ပေးသည့် သတ္တ၀ါအဖြစ်သတ်မှတ်သဖြင့် ကျားပစ်ခွင့်လိုင်စင်နှင့် ဆုကြေးများပင် ပေးခဲ့သည်။ ထို့ကြောင့် တောလိုက်ကစားခြင်း၏ အကျိုးဆက်အဖြစ် ကျားကောင်ရေအကြီးအကျယ် ကျဆင်းခဲ့ရသည်ဟု မြန်မာအစိုးရ၏ ၂၀၀၃ အစီရင်ခံစာက ကောက်ချက်ချသည်။

ယင်းနောက် ၁၉၄၀ မှ ၂၀၀၀ အထိ မြန်မာ့သစ်တောလွှမ်းခြုံမှုပမာဏ လေးပုံတပုံခန့်ဆုံးရှုံးခဲ့ပြီး အများစုမှာ ကျားစားကျက်များ ဖြစ်သည်။ လက်ရှိ ထိန်းသိမ်းထားသောသစ်တောအများစုမှာ ကျားများအတွက် ကျင်လည်ကျက်စားရန် သေးငယ်လွန်းလှသည်။ ထိုအတောအတွင်း သမင်၊ ဒရယ်တို့သည်လည်း အကြီးအကျယ် အမဲလိုက်ခြင်း ဒဏ်ခံရသဖြင့် အဆိုပါသစ်တောများအတွင်း ကျားများအတွက် အစာရေစာ ရှားပါမှုပြဿနာနှင့်လည်း ကြုံတွေ့နေရသည်။

ကျားရိုင်းကောင်ရေကျဆင်းလာသဖြင့် မိုင်းလားဈေးကဲ့သို့သော ဈေးများတွင် ရောင်းချသည့် ကျားလက်သည်း၊ ကျားအရေခွံ၊ ကျားရိုးများသည် တခါတရံ အတုများသော်လည်းကောင်း သို့တည်းမဟုတ် ထိုင်းနိုင်ငံ၊ ဗီယက်နမ်နိုင်ငံနှင့် တရုတ်နိုင်ငံတို့ရှိ ကျားထိန်းသိမ်းရေးစခန်းများမှသော်လည်းကောင်း ခိုးသွင်းလာကြခြင်း ဖြစ်သည်ဟု ဂရေး က ပြောသည်။

ဈေးသည်အများစုသည်လည်း တရုတ်လူမျိုးများဖြစ်ပြီး ၎င်းတို့၏ရောင်းကုန်များသည် အစစ်ဖြစ်ကြောင်း အာပေါင်အာရင်းသန်သန်ဖြင့် အာမခံပေးသည်။
“ဒါအတုမဟုတ်ဘူး၊ မြန်မာလူမျိုးတွေ လာသွင်းတာ၊ ဘယ်ကလာသလဲတော့ ကျွန်တော်တို့ မသိဘူး”ဟု ဆိုင်ရှင်တဦးက ယွမ် ၁၈၀၀၀ တန် ကျားသစ်ရေကိုခင်းပြပြီး ထောင့်တောင့်တောင့်လေသံဖြင့် အင်္ဂလိပ်လို ပြောပါသည်။

ဘိန်းမှောင်ခိုလုပ်ငန်းနေရာဝင်ယူလာသည့် တိရစ္ဆာန်မှောင်ခိုလုပ်ငန်း
---- ---- ---- ----
မိုင်းလားတွင် ရောင်းချနေသည့် တိရစ္ဆာန်အများစုမည်သည့်ဒေသမှ တင်သွင်းလာသည်ဆိုသည်ကိုသိရန် မလွယ်ကူပါ။ National Geographic မှ ဈေးသည် တဒါဇင်ခန့်ကိုအင်တာဗျူးခဲ့ရာ ကျားအသွေး အသားကုန်ပစ္စည်းများအားလုံး မြန်မာနိုင်ငံမှ လာသည်ဟုသာပြောသဖြင့် မည်သည့်နိုင်ငံမှစတင်၍ မြန်မာနိုင်ငံအတွင်းသို့ ခိုးသွင်းလာသည်ကို ကွဲကွဲပြားပြားမသိရပေ။
ဒေသခံအများစုက မိုင်းလားပတ်ဝန်းကျင်တွင်ရှိသော သစ်တောများ ကိုသာ ရင်းမြစ်အဖြစ် ညွှန်ပြပါသည်။ “အရင်ကတော့ မူးယစ်ဆေးဝါးနဲ့ ဘိန်း၊ အခုတော့ တိရစ္ဆာန်အရောင်းအ၀ယ်ပေါ့၊ များသောအားဖြင့် ရှမ်းတောင်ပိုင်းကလာတာပါ”ဟု အသက် ၈၈ နှစ်ရှိပြီဖြစ်သော အငြိမ်းစားခရစ်ယာန်ဘုန်းကြီး အေဗရာ ဟမ်သန်းက အထူးဒေသ ၄ ၏ နှစ် ၂၀ သမိုင်းကို ကျကျနန အတိုချုံး၍ ပြောပြပါသည်။
အေဗရာဟမ်သန်း မိုင်းလားသို့ စတင်ရာက်ရှိခဲ့သည့် ၁၉၆၉ ခုနှစ်မှစ၍ မြို့၏ကံကြမ္မာပြောင်းလဲလာပုံများကို ၀ိုင်သောက်ရင်း ပြောပြသည်။
“အရင်က ဘာအဆောက်အအုံမှ မရှိဘူး၊ မိုင်းလားဟာ တောရွာကလေးတခုပါ”ဟု သူကပြောသည်။
ထိုစဉ်က ရှမ်းပြည်နယ်ကို သူပုန်အဖွဲ့များက အုပ်စိုးထားခဲ့ရာ လက်နက်ကိုင်အဖွဲ့များများပြားလှသဖြင့် အဖွဲ့နာမည်များကိုပင် အေဗရာဟမ်သန်း မမှတ်မိတော့ပါ။ ၁၉၈၉ ခုနှစ်တွင် စစ်တပ်နှင့် မိုင်းလားမှ အမျိုးသားဒီမိုကရက်တစ်မဟာမိတ်တပ် (NDAA) အပါအ၀င် လက်နက်ကိုင်အဖွဲ့ များနှင့် အပစ်အခတ်ရပ်စဲရေး သဘောတူညီမှုရရှိခဲ့သည်။ ထိုစဉ်မှစ၍ အထူးဒေသ ၄ အား တပ်ဖွဲ့ဝင် ၃၀၀၀ ခန့်ရှိသော NDAA က ထိန်းချုပ် ထားသည်မှာ ယနေ့အချိန်အထိ ဖြစ်သည်။

ငြိမ်းချမ်းရေးခေတ်သစ်တွင် ဘုရားသခင်၏ နှုတ်မိန့်တော်များ ပြန့်ပွားစေလိုသော ရည်ရွယ်ချက်ဖြင့် ၁၉၉၆ ခုနှစ်တွင် မိုင်းလားမြို့ကို အပေါ်စီးမှမြင်နိုင်သည့် တောင်ကုန်းတနေရာတွင် အေဗရာဟမ်သန်းက ကက်သလစ်ဘုရားကျောင်းတကျောင်း တည်ဆောက်ခဲ့သည်။ သို့သော် ဘုရားသခင်၏ စကားတို့ နားမပေါက်သည်က များပါသည်။
“ငါတော့ ဒီကိုလာခဲ့တာမှားပြီလို့ ကိုယ့်ကိုကိုယ် ပြောမိတယ်၊ ဒီကိုလာခဲ့တာ ဆိတ်ငြိမ်အေးဆေးတဲ့ နေရာမှာ ဘုန်းကြီးလုပ်ချင်လို့၊ ဒါပေမဲ့ အင်မတန် ရှုပ်ယှက်ခတ်နေပါတယ်”ဟု သူက ရယ်လျက်ပြောသည်။

၁၉၉၀ ခုနှစ်များအတွင် NDAA သည် ရွှေတြိဂံနယ်မြေ၏ အသည်းနှလုံးသဖွယ်ဖြစ်သော အဆိုပါနယ်မြေတွင် မူးယစ်ကုန်ကူးခြင်းကို အကြီးအကျယ် လုပ်ကိုင်ခဲ့သည်။ လာအိုနိုင်ငံ၊ ထိုင်းနိုင်ငံတို့နှင့်အတူ မြန်မာသည် ဘိန်းထွက်ရှိမှု အများဆုံးနိုင်ငံဖြစ်ခဲ့သည်။ ယခုလက်ရှိ မြန်မာနိုင်ငံသည် အာဖဂန်နစ္စတန်နိုင်ငံပြီးလျှင် ဒုတိယမြောက် ဘိန်းထွက်ရှိမှု အများဆုံးနိုင်ငံ ဖြစ်သည်။

အမေရိကန်နိုင်ငံခြားရေးဝန်ကြီးဌာန၏ ဖိအားကြောင့် မြန်မာ စစ်အစိုးရက NDAA ခေါင်းဆောင် လင်မင်ရှန်းအား မူယစ်ကုန်ကူးခြင်းမလုပ်ရန် ဖိအားပေးခဲ့သည်။ ၁၉၉၇ ခုနှစ်တွင် လင်မင်ရှန်းက ၎င်း၏ ဒေသအား မူးယစ်ကင်းလွတ်နယ်မြေအဖြစ် ကြေညာခဲ့သော်လည်း ၎င်း၏ဂုဏ်သတင်းကား ယခင်အတိုင်းပင် ဖြစ်သည်။

၂၀၀၅ ခုနှစ်က ပေါက်ကြားခဲ့သော အမေရိကန်သံတမန်တဦး၏ သံရုံးကြေးနန်းစာတွင် မိုင်းလားသည် မြန်မာစစ်တပ်(သို့) မြန်မာရဲတပ်ဖွဲ့ က လုံခြုံရေးယူပေးထားခြင်းမဟုတ်ဘဲ ယင်းဒေသ၏ ခေါင်းဆောင်နှင့် မူးယစ်ရာဇာလင်မင်ရှန်းက ငွေကြေးထောက်ပံ့ထားသည့် ဂျိမ်းစ်ဘွန်းဇာတ်ကားများထဲမှ ဇာတ်ကောင်များဆန်ဆန် အလွတ်တန်း လုံခြုံရေးရဲများက ထိန်းချုပ်ထားသည်ဟု ရေးသားထားခဲ့သည်။

မိုင်းလားသည် မူးယစ်ဆေးဝါး မှ လောင်းကစား၊ ပြည့်တန်ဆာလုပ်ငန်းနှင့် တောရိုင်းတိရစ္ဆာန်ရောင်းဝယ်ဖောက်ကားမှုတို့ ကြီးစိုးရာနေရာအဖြစ် အလျင်အမြန် ပြောင်းလဲသွားခဲ့သည်။
“ဘာမှ တရားဥပဒေနဲ့ စည်းကြပ်တာမရှိဘူး၊ အထူးဒေသ ၄ မှာ အခြေခံအားဖြင့် မူးယစ်ဆေးဝါးကလွဲလို့ ဘာမဆိုလုပ်လို့ရတယ်။ အမေရိကန်ကောင်းဘွိုင်ဇာတ်ကားထဲမှာ တွေ့ရတဲ့ပုံစံမျိုးတွေနဲ့ တထေရာတည်းပဲ”ဟု ရန်ကုန်အခြေစိုက် နိုင်ငံရေးလေ့လာအကဲဖြတ် ရစ်ချတ်ဟော်စီက ပြောသည်။

လိင်နှင့်ငွေ
---- ---- ----
ညဘက်ရောက်လျှင် လိင်ကိစ္စပျော်ပါးရန် လာရောက်ကြသူများ ကျားရိုး ၀ိုင်ဖြည့်တင်းပြီးနောက် ဒေါက်မြင့်ဖိနပ်စီး ပြည့်တန်ဆာများကျင်လည်ရာ ဈေး၏တဘက်ခြမ်းရှိ ဇိမ်ခန်းများဆီသို့ ခြေဦးလှည့်ကြလေသည်။

ပန်းရောင်မီးများအောက်တွင် လက်ကိုင်ဖုန်းများဖြင့် အလုပ်ရှုပ်နေသော အမျိုးသမီးများ စိတ်ရှည်စွာစောင့်ဆိုင်းနေသည်။ အနီးအပါးမှ ဖြတ်လျှောက်သွားသည့် ယောက်ျားများအား စိတ်မပါတပါဟန်ပန်မျိုးဖြင့် အကဲခတ်နေသည်။ ယောက်ျားတဦး ကားကိုရပ်၍ ပြတင်းပေါက်မှ ခေါင်းပြူထုတ်ပြီး “လူသားဈေး”အား အနီးကပ်လေ့လာနေသည်။ စပ်စုသည့်အကြည့်ဖြင့် ၎င်းအားကြည့်မိသောအခါတွင်တော့ ကိစ္စတခုခုရှိသည့်ပုံစံဖြင့် မောင်းထွက်သွားတော့သည်။
“ကျွန်မတို့မိတ်တွေက တရုတ်တွေများပါတယ်။ ဘာလို့ဆို မြန်မာတွေက မတတ်နိုင်ဘူးလေ”ဟု ညိုချောဆိုသည့် လိင်အလုပ်သမလေး က ပြောပါသည်။

အမျိုးသမီးတဦး၏ အဖော်လုပ်ပေးခမှာ ယွမ် ၁၀၀(၁၆ ဒေါ်လာခန့်) မှ တညတာလုံးအတွက်ဆိုပါက ယွမ် ၅၀၀(၈၂ ဒေါ်လာခန့်)ရှိကြောင်း သူမက ဆိုဒါရည်သောက်လျက် ပြောသည်။ များသည်ဟု မဆိုသာသော် လည်း မြန်မာနိုင်ငံအခြားနေရာများတွင် လုပ်ကိုင်ရခြင်းထက် ၀င်ငွေ မြိုးမြိုးမြက်မြက်ရသည်ဟု သူမက ပြောသည်။
“ဒီကိုလာတာ ဒီမှာ ပိုက်ဆံကောင်းကောင်းရတာရယ်၊ မိဘတွေက ဆင်းရဲတာရယ်ကြောင့်ပါ”ဟု သူမကပြောရာ အန္တရာယ်ထက် အကျိုးအမြတ်က အလေးသာနေဟန်ရှိသည်။

မိုင်းလားသို့ လာရောက်ရင်းနှီးမြှုပ်နှံသူများနှင့် လောင်းကစားကြ သူများလည်း အရှုံးအမြတ်ကို ထိုသို့ပင် ချိန်ဆကြပါသည်။ ၀ါကျင့်ကျင့်မြစ်တစင်းသည် ဆောက်လုပ်ဆဲဟိုတယ်များနှင့် စွန့်ပစ်ထားသည့်ဟိုတယ် များအနီးမှ ဖြတ်သန်းစီးဆင်းသွားရာ ဟိုတယ်ပိုင်ရှင်တို့၏ စီးပွားရေး အခြေအနေကို ညွှန်ပြနေသကဲ့သို့ရှိသည်။
“ဒီမှာ အလျင်အမြန် ချမ်းသာလာနိုင်သလို ခဏတာအတွင်း ဒုက္ခရောက်သွားနိုင်တယ်”ဟု ဧည့်ကြိုတဦးက ပြောသည်။
“လူတွေကငွေချေးမယ်၊ ပြီးရင် လောင်းကစားလုပ်မယ်၊ ရှုံးတဲ့အခါ ဒုက္ခရောက်ရော၊ လူတယောက် ကျွန်မတို့ဟိုတယ်မှာ ကိုယ့်ကိုယ် ကိုယ် သတ်သေသွားဖူးတယ်”

မိုင်းလားမြို့မှ မိနစ် ၃၀ ခန့်ကွာဝေးသောနေရာတွင်ရှိသည့် လောင်းကစားရုံများတွင် တရုတ်လောင်းကစားသမားများနှင့်ပြည့်နေသည်။ မြန်နှုန်းမြင့်အင်တာနက်မှတဆင့် ကိုယ်စားလောင်းစားပေးနေသူများပင် ရှိသည်။

တရုတ်အာဏာပိုင်များက တောထဲက နတ်နန်းသဖွယ်ဖြစ်နေသည့် မိုင်းလားကို မျက်ကွယ်ပြုထားသည်က များပါသည်။ တခါတရံမှသာ ၀င်ရောက်စွက်ဖက်တတ်သည်။ ၂၀၀၃ ခုနှစ်က တရုတ်တပ်ဖွဲ့ကြီးတခု နယ်စပ်ဖြတ်ကျော်ဝင်ရောက်လာပြီး တရုတ်လူမျိုးများဖွင့်ထားသည့် လောင်းကစားရုံ ၅ ခုကို ပိတ်ပစ်ခဲ့သည်။
Asia Times Online ၏ သတင်းဖော်ပြချက်အရ တရုတ်အစိုးရ အဆင့်မြင့်အရာရှိကြီးတဦး၏သမီးဖြစ်သူ မိုင်းလားတွင် လောင်းကစားရာမှ ယွမ်ငွေ ၁ ဒသမ ၄ သန်း(ဒေါ်လာ ၁၆၈၆၇၄ ခန့်) ရှုံးခဲ့ခြင်းကြောင့် ဟုဆိုသည်။
ယင်းနောက် လောင်းကစားရုံသစ်များကို တရုတ်နယ်စပ်နှင့်ခပ်ဝေးဝေးတွင် ဆောက်ကြပြန်ရာ မိုင်းလားမြို့ ပြန်လည်စည်ကားလာသည်။

လွန်ခဲ့သောလအနည်းငယ်ခန့်က တရုတ်အစိုးရနှင့်ရင်းနှီးမှု ခိုင်မာအားကောင်းသော အင်အားကြီး “၀”လက်နက်ကိုင်တပ်ဖွဲ့မှ ပေါက်ရောက်သည့် အဖွဲ့ဝင်တဦးအား ဓားဖြင့်ထိုးသတ်ခဲ့သည့် လောင်းကစားရုံပိုင်ရှင်ကို ဖမ်းဆီးရန် တရုတ်တပ်များ ၀င်ရောက်ခဲ့သေးကြောင်း လူသတ်မှုကျူးလွန်သူ၏ မိသားစုမိတ်ဆွေတဦးမှ ပြောပြချက်အရ သိရသည်။

ယင်းအဖြစ်အပျက်များအား ခေါက်ဆွဲစားလျက် ပြန်ပြောပြနေစဉ် သူ၏ပခုံးထက်မှကျော်ကာ ကျီးကြည့်ကြောင်ကြည့် ကြည့်၍ အသံကို လျှော့ချလိုက်သည်။ “ဘာလို့ ရန်ဖြစ်တာလဲတော့မသိဘူး၊ လောင်းကစားရုံမှာ ရန်မကြာခဏဖြစ်လို့ သေတာမနည်းဘူး”ဟု ထိုသူက ပြောသည်။ သူ၏အဆိုကို အတည်ပြုရန်မဖြစ်နိုင်သော်လည်း မိုင်လားတွင် ခိုက်ရန်ဖြစ်ပွားမှုအကြောင်း ကောလာဟလများ ဝေ့လည်နေပါသည်။

မိုင်းလားမြို့ လယ်ကွင်းထဲတွင် ဆောက်ထားသည့် Galaxyse လောင်းကစားရုံသွားရာလမ်းတလျောက် တက္ကစီများ၊ ခရီးသည်တင်ကားကြီးများ နေ့ရောညပါ တန်းစီနေသည်။
မီးဆိုင်းကြီးများအောက်က ကစားဝိုင်းများတွင် လောင်းကစားသူများ ပန်းရောင်ယွမ်ငွေစက္ကူအထပ်လိုက်တင်၍ ကစားနေကြသည်မှာ တပတ် ၇ ရက်၊ တရက် ၂၄ နာရီ။

လောင်းကစားရုံမှ ကြိုပို့ကားဖြင့် မိုင်းလားသို့အပြန် ချုံကင်းမှ တရုတ်အမျိုးသမီးကြီးတဦးက ရှင်းပြသည်မှာ လောင်းကစားဝိုင်းများတွင် ရှုံးကြခြင်းသည် သူ့အတွက်တော့အမြတ်ဟုဆိုသည်။ သူမသည် တရား မ၀င်ငွေချေးသူဖြစ်သည်။ ယွမ် ၁ သိန်းနှင့်အထက်ကို အတိုး ၆ ရာခိုင်နှုန်းယူပြီး ၁ သန်းနှင့်အထက်ဆိုလျှင် ၈ ရာခိုင်နှုန်းယူသည်။
“လူတိုင်းရှုံးတယ်၊ ဘယ်သူမှ မနိုင်ဘူး”ဟု သူမက ပြောသည်။

သည်းခြေရည်နှင့် ၀က်ဝံတို့၏ ဘ၀
---- ---- ---- ----
မိုင်းလားမြို့၏ဆိုးရွားလှသည့်သရုပ်သကန်ကို Galaxyse လောင်းကစားရုံအနီးရှိရော်ဘာခြံတွင် လျှို့ဝှက်လုပ်ကိုင်နေသည့် ၀က်ဝံမွေးမြူရေးခြံတွင် အကောင်းဆုံးမြင်တွေ့နိုင်ပါသည်။
အမှတ်အသားတစုံတရာမရှိသည့် ကျောက်စရစ်လမ်းအတိုင်း ၁၅ မိနစ်ခန့် လမ်းလျှောက်ဆင်းခဲ့သည်။ ခြံပိုင်ရှင်သူဌေးမရှိခိုက်ဖြစ်သဖြင့် တိရစ္ဆာန်များကိုလေ့လာရန် ကျွန်တော်တို့ကို မိနစ်အနည်းငယ်ခွင့်ပြုခဲ့သည်။ ဂိုဒေါင်တလုံးတွင် အာရှဝက်ဝံနက်အကောင် ၆၀ ခန့်ကို လှောင်ထားပြီး ဂိုဒေါင် ၉ လုံးခန့်ရှိရာ စုစုပေါင်း ၀က်ဝံအကောင် ၅၀၀ ကျော်ကို မြင်တွေ့ ခဲ့ရသည်။

တဲကုပ်တခု၏အပြင်၌ သံလှည်းတစီးထိုးထားပြီး ဆေးထိုးအပ်များနှင့် သားရေလက်အိတ်များ အနီးအပါးတွင် ပြန့်ကျဲလျက်ရှိသည်ကိုတွေ့ ရသည်။ ငမ်းငမ်းတက်လိုလားလျက်ရှိသော သည်းခြေရည်ထုတ်ယူရန် ၀က်ဝံများအား မွေးမြူထားသည်။ ၀က်ဝံသည်းခြေရည်ကို အရက်နာကျခြင်း၊ ကင်ဆာရောဂါအပါအ၀င် ရောဂါများစွာကုစားရာတွင် အသုံးပြုကြသည်။

လှောင်အိမ်အတွင်း၌ ၀က်ဝံများ ၀ိုင်းကြီးပတ်ပတ် လှည့်နေသည်။ အချို့ဝက်ဝံများကမူ လှောင်အိမ်သံတိုင်ပေါ်ရှိ ဆေးအနီရောင်ကြောင့် မာန်ဖီလျက် ကိုက်ဖြတ်ရန်ကြိုးစားနေသည်။

ဝက်ဝံများသည် အကျဉ်းသမားများကဲ့သို့ တသက်တာပတ်လုံး အပြင်လောကကို လှောင်အိမ်အတွင်းမှသာ ကြည့်မြင်ကြရပြီး အချိန်ကျလျှင် လှောင်အိမ်ဖွင့်၍ အစာခြေရည်ထုတ်ယူခြင်းခံရသည်။

အရိုင်းသဘာဝအတိုင်းဆိုလျှင် ၀က်ဝံများသည် နှစ် ၃၀ အထိ ရှင်သန်နိုင်မည်ဖြစ်သော်လည်း မွေးမြူရေးခြံတွင် ၁ နှစ်ထက်ပို၍ မခံနိုင်ဟု ကမ္ဘာ့သဘာဝရင်သွေးများ ရန်ပုံငွေအဖွဲ့မှ ဂရေး က ပြောပါသည်။

(National Geographic မှ China's Expanding Middle Class Fuels Poaching, Decadence in Myanmar ကို ဥက္ကာဦး ပြန်ဆိုသည်။)

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/posts/784857974885339:0


ရန်ကုန်၊ ဒီဇင်ဘာ ၁၅

တောင်ငူ အကျဉ်းထောင်တွင် ထောင်ဒဏ်(၁၃)နှစ် ကျခံနေရသော ဦးဆန်းဆင့်အား နိုင်ငံတော် အကြည်ညို ပျက်စေမှု ပုဒ်မ ၁၂၄(က)ဖြင့် တရားစွဲရာတွင် စွပ်စွဲချက် (၃)ချက်၌ ယခုအစိုးရသည်အတု၊ နောက်လာမည့် အစိုးရသည် အစစ်ဖြစ်သည်ဟု ပြောကြားသည့် စွပ်စွဲချက် ပါဝင်ကြောင်း ဦးဆန်းဆင့်၏ ရှေ့နေဖြစ်သူ တရား လွှတ်တော်ရှေ့နေ ဦးတင်ထွန်းက ဒီဇင်ဘာလ ၁၄ ရက်နေ့တွင် မီဒီယာများနှင့် တွေ့ဆုံစဉ် ပြောကြားခဲ့သည်။

တရုတ်ပြည် လော့ဟန်မြို့တွင် ရွှေတိဂုံဘုရား ပုံတူစေတီတည်ရန် ကိစ္စဖြင့် သာသနာရေးဝန်ကြီးဌာန အစည်းအဝေး ခန်းမ၌ ၂၀၁၃ခုနှစ် သြဂုတ်လ ၂၈ရက်နေ့က ဒုဝန်ကြီးများ၊ ညွှန်ကြားရေးမှူးချုပ်များ၊ ညွှန်ကြားရေးမှူးများ၊ တတ်သိပညာရှင်များ ဦးရေ ၅၀ ကျော်ခန့် အစည်းအဝေး ပြုလုပ်စဉ် ဦးဆန်းဆင့်က ယခု အစိုးရသည် အတု၊ နောက်လာမည့် အစိုးရသာ အစစ်ဖြစ်ကြောင်း ပြောကြားခဲ့သည်ဟု အစိုးရဘက်မှ စွပ်စွဲခဲ့ရာ ဦးဆန်းဆင့် အနေဖြင့် ထိုသို့အမှန်တကယ် ပြောကြားခဲ့ခြင်း မရှိသောကြောင့် ပြန်လည် ဖြေရှင်းရခြင်း ဖြစ်ကြောင်း တရားလွှတ်တော်ရှေ့နေ ဦးတင်ထွန်းက မီဒီယာများသို့ ရှင်းလင်းပြောဆိုသည်။

““ဒီအစိုးရဟာ အတု၊ နောက်တက်မယ့် အစိုးရသာလျှင် အစစ်ဖြစ်တယ်လို့ ပြောသတဲ့။ အဲဒီလို ပြောတယ် ဆိုတဲ့အကြောင်းကို ဒုဝန်ကြီးနဲ့ ညွှန်ကြားရေးမှူးချုပ်တွေ အားလုံး ၆ ယောက် ထွက်တယ်။ သက်သေ ၅၀ ထဲက ကျွန်တော်တို့က မေးပြီ။ ဒီအစည်းအဝေးကြီးက လူ ၅၀ လောက်တက်တာ ၆ ယောက်ထဲလား။ ကျန်တဲ့ လူတွေကော မကြားနိုင်ဘူးလား မေးမြန်းတော့ နိုင်ငံတော်ဘက်က သုံးယောက် တက်ပြီးတော့တင် တယ်။ နိုင်ငံခြားရေးဝန်ကြီး ဒုဝန်ကြီး၊ ပြန်ကြားရေး ဒုဝန်ကြီး၊ နိုင်ငံတော် သမ္မတရုံး ဒုတိယ ညွှန်ကြားရေးမှူးချုပ် အဲဒီလူတွေ။ အစည်းအဝေး မှတ်တမ်းမှာလည်းမပါဘူး””ဟု ဦးဆန်းဆင့်၏ ရှေ့နေဖြစ်သူ ဦးတင်ထွန်းက ပြောသည်။

၎င်းကဆက်လက်ပြီး ““ဒီလူတွေက နှုတ်အားဖြင့်လာပြီးတော့ ဒီအစိုးရသာလျှင် အတု၊ နောက်တက်မယ့် အစိုးရသာလျှင် အတု၊ ဥပဒေများနဲ့ မညီပါဘူး။ သဘာဝ ယုတ္တိအားဖြင့်လည်း ၀န်ကြီးက ဒီစကားကို တစ်လုံး မှ ပြောခဲ့ခြင်း မရှိဘူးဆိုပြီး အမှုတွဲတစ်လျှောက်လုံး ကျွန်တော်တို့ ငြင်းခဲ့တယ်။ ပြောမလားတဲ့။ ကျွန်တော် ကိုယ်တိုင်ကလည်း ပြည်ထောင်စုဝန်ကြီး ပြောပါ့မလားတဲ့။ ဒီလိုဖြစ်တယ်။ လူညီရင် ဤကို ကျွဲဖတ်သွားတယ်။ သူတို့ဘက်က မတင်ပြနိုင်ဘူး။ ကျွန်တော်တို့က လူ ၅၀ လောက် ရှိတဲ့ထဲက ပန်းတိမ်ပညာရှင် ဦးသံချောင်း၊ ဦးလှချိုနှစ်ယောက် ရုံးမှာလာ သက်သေခံပေးပါ။

ပြောရင် ပြောတဲ့အတိုင်း၊ ကြားရင် ကြားတဲ့အတိုင်း။ ၀န်ကြီးက နိုင်ငံတော် အစိုးရနဲ့ ပတ်သက်ပြီးတော့ ဘာ များ ပြောတာကြားလဲ၊ ဘာမှမပြောပါဘူး။ ဒီမှာ လာပြီလေ။ ကျွန်တော်တို့ သက်သေများရဲ့အချက်။ ဟိုက ၉ ယောက် ပြောတယ်ဗျာ၊ ခင်ဗျားတို့ ခြောက်ယောက်တည်း ပြောတာ ယုံစရာလားလို့။ ဒီလိုတော့မပြောနဲ့၊ သက်သေခံ ဥပဒေသည် Not Counting ရေ(တွက်)တာ မဟုတ်ဘူး။ Just Way ချိန်းတာ။ ဒီနှစ်ယောက်က လွတ်လပ်တဲ့ လူနှစ်ယောက်၊ ဟိုကိုးယောက် က နိုင်ငံတော် ငွေစားပြီးေ တာ့ နိုင်ငံတော် သမ္မတ စွဲခိုင်းတဲ့အမှုမှာ လာပြီး သက်သေထွက်တာ””ဟု ဆက်လက် ပြောဆိုသည်။

သာသနာရေး ၀န်ကြီးဟောင်း ဦးဆန်းဆင့်အား နိုင်ငံတော် အကြည်အညိုပျက်စေမှု ပုဒ်မ ၁၂၄(က) ပြည်သူ ပိုင်ပစ္စည်း အလွဲသုံးစားမှု ပုဒ်မ ၄၀၉ တို့ဖြင့် အောက်တိုဘာလ ၁၃ ရက်နေ့က နေပြည်တော် ဒက္ခိဏ သီရိမြို့နယ် ခရိုင်တရားရုံးက ထောင်ဒဏ် ၁၃ နှစ်နှင့် ငွေဒဏ်တစ်သိန်း ချမှတ်ခဲ့ခြင်း ဖြစ်သည်။

ချမှတ်ထားသော ပြစ်ဒဏ်များအား ပြန်လည် စိစစ်ပေးရန်အတွက် အယူခံအား ဒီဇင်ဘာလ ၁၀ ရက်နေ့ က လျှောက်ထားခဲ့ရာ ကျယ်ကျယ်ပြန့်ပြန့် ကြားနာခြင်းမရှိဘဲ ပလပ်ခဲ့သည့်အတွက် ဥပဒေကြောင်းအရ နစ်နာ ခဲ့ရသည့်အတွက် ပြည်ထောင်စု တရားလွှတ်တော်ရုံးအား ဆက်လက် တင်ပြသွားမည်ဖြစ်ကြောင်း လည်း ရှေ့နေ ဦးတင်ထွန်းက ပြောသည်။

ဝိုင်းမော်

မြန်မာသံတော်ဆင့်သတင်းဌာန- http://www.facebook.com/myanmarherald


မလေးရှားနိုင်ငံမှာ ဒီနှစ်အတွင်း မြန်မာ အယောက် ၂၀ သတ်ဖြတ်ခံခဲ့ရတဲ့အပေါ် တရားခံတွေကို ရဲတပ်ဖွဲ့က အပူတပြင်း ပိုက်စိတ်တိုက်ရှာဖွေမှုတွေ ရှိနေတယ်လို့ မလေးရှားရောက်မြန်မာတွေက ပြောပါတယ်။

ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး အသိအမှတ်ပြု လက်မှတ်အတု လုပ်ဆောင်မှုတွေကို စစ်ဆေးဖော်ထုတ်နေတယ်လို့ဆိုပါတယ်။

ဒါ့အပြင် အစိုးရက ဒီဇင်ဘာ ၃၁ ရက်နေ့ နောက်ဆုံးထားပြီး တရားမ၀င်နိုင်ငံခြားသားတွေ မလေးရှားနိုင်ငံကနေ ထွက်ခွာကြဖို့ အမိန့်ထုတ်ထားပြီး လေကြောင်းလမ်းက မဟုတ်ဘဲ အောက်လမ်းခေါ်တဲ့ ကုန်းကြောင်းက ပြန်သူတွေကို ဖမ်းဆီးမှုတွေလည်း အရှိန်မြှင့်လုပ်ဆောင်နေပါတယ်။

ဒါနဲ့ပတ်သက်လို့ မြန်မာသံရုံးမှာ ကူညီဆောင်ရွက်နေတဲ့ ကိုသီဟက မလေးရှားအစိုးရက ဒီနှစ်မကုန်မီမှာ သတ်မှတ်ဒဏ်ကြေးဆောင်ခိုင်းပြီး လေကြောင်းလိုင်းက ပြန်ဖို့အတွက် ဒဏ်ကြေး လျော့ချသတ်မှတ်ပေးထားပြီး လာမယ့်နှစ်ဆန်းပိုင်းမှာတော့ မူလဒဏ်ကြေးအတိုင်း သတ်မှတ်ကောက်ခံလိမ့်မယ်လို့ ဒီဗွီဘီကို ပြောပါတယ်။

“အခုက ဒဏ်ကြေးလျော့ထားတယ်။ ၃ အပေါင်း ၁ အစီအစဉ်နဲ့။ နောက်နှစ်ထဲဝင်ရင် အရင်ဒဏ်ကြေးအတိုင်း ဆောင်ရတော့မယ်။ အဲဒါက တရက်ကို ရင်းဂစ် ၃၀ နဲ့ ရက် ၃၀ ဆိုရင် ၉၀၀ ပေါ့နော်။ စပယ်ရှယ် ပတ်စ်ပို့က ၁၀၀ ပေါ့။ ၁ လကနေ ၆ လအတွင်းဆိုရင် ဒဏ်ကြေး ၁၀၀၀၊ စပယ်ရှယ် ပတ်စ်ပို့က ၁၀၀။ ၆ လကနေ ၃ နှစ်အတွင်းဆို ဒဏ်ကြေး ၂၀၀၀၊ စပယ်ရှယ် ပတ်စ်ပို့က ၁၀၀။ ၃ နှစ်နဲ့ အထက်ဆိုရင် ဒဏ်ကြေး ၃၀၀၀၊ စပယ်ရှယ် ပတ်စ်ပို့က ၁၀၀။ ဒါက အစိုးရထုတ်ပြန်ထားတာ။ ဒီအတိုင်းကောက်သွားမယ်လို့ သတင်းထုတ်ပြန်ထားတယ်။”

အောက်လမ်းကနေ ပြန်သူတွေကို ဖမ်းဆီးတာဟာ အစိုးရဘက်ကဆောင်ရွက်တဲ့ တရားဝင်လမ်းကြောင်းက မဟုတ်တာကြောင့် ဖမ်းဆီးတာလို့ ဆိုပါတယ်။

သံရုံးနဲ့ ဆက်သွယ်ဆောင်ရွက်ရင်တော့ သံရုံးက ရုံးစာထုတ်ပေးပြီး ဒဏ်ကြေးရော၊ လေယာဉ်လက်မှတ်ဖိုးပါအပါ စုစုပေါင်း ရင်းဂစ် ၁၀၀၀ ကုန်ကျတယ်လို့ သူကရှင်းပြပါတယ်။

မလေးရှားနိုင်ငံမှာ တရားဝင် မြန်မာအလုပ်သမား ၂ သိန်းကျော်နဲ့ တရားမ၀င် မြန်မာ အလုပ်သမား ၁ သိန်းကျော် ရှိတယ်လို့ ပီနန် နာရေးကူညီမှု အသင်းက ပြောပါတယ်။

By အေးနိုင် (ဒီဗွီဘီ)
http://burmese.dvb.no/archives/74264


ရန်ကုန်၊ ဒီဇင်ဘာ ၁၆

ယခင် စစ်အစိုးရခေါင်းဆောင် ဗိုလ်ချုပ်မှူးကြီး(ငြိမ်း) ဦးသန်းရွှေ ကွယ်လွန်သည် ဟူ၍လည်းကောင်း၊ ကိုယ်တစ်ခြမ်း လေဖြတ်သွားသည် ဟုလည်းကောင်း အွန်လိုင်း လူမှုကွန်ရက်ဖြစ်သည့် ဖေ့စ်ဘုတ်ပေါ်တွင် သတင်းများ ပျံ့နှံ့လျက်ရှိရာ မဟုတ်မမှန်ကြောင်း၊ ဦးသန်းရွှေမှာ ကျန်းမာရေး ကောင်းမွန်ကြောင်း နှင့် ဘုရား၊ တရား အလုပ်လုပ်လျက် ရှိကြောင်း ၎င်းနှင့် တွေ့ ဆုံခွင့်ရခဲ့သူ သမ္မတရုံး အကြံပေးပုဂ္ဂိုလ် ဦးအံ့မောင်က ဒီဇင်ဘာ ၁၆ရက်တွင် မြန်မာ သံတော်ဆင့် သို့ ပြောသည်။

ဦးအံ့မောင်မှာ လွန်ခဲ့သည့် နိုဝင်ဘာ ၃၀ ရက်နေ့က ဗိုလ်ချုပ်မှူးကြီး(ငြိမ်း) ဦးသန်းရွှေနှင့် တွေ့ဆုံခဲ့ခြင်းဖြစ်ပြီး ယခုကဲ့သို့ ကောလာဟလများ ထွက်ပေါ်လာသည့်အတွက် မေးမြန်းရာတွင် အောက်ပါ အတိုင်း ဖြေကြား ခဲ့ခြင်း ဖြစ်သည်။

““အဲဒါကျတော့ တစ်ခုရှိတယ်ဗျ။ ကျွန်တော်က ပြန်လာတာ ၁၀ ရက်လောက် ရှိသွားပြီ။ လုံးဝ မဟုတ်နိုင် ပါဘူးဗျာ။ ကျွန်တော် ကိုယ်တိုင် လွန်ခဲ့တဲ့ ၉၊ ၁၀ရက်က တွေ့ခဲ့တာပဲ။ ကျန်းကျန်းမာမာပါ။ ကျန်းမာရေးက ကောင်းပါတယ်။ စကားပြောတာ အေးအေးဆေးဆေးပဲ။ ကျွန်တော်တို့ ပြောတာတွေကတော့ များသော အားဖြင့် တရားစကားတွေ ပြောကြတာပဲပေါ့။ သဗ္ဗေသတ္တာကမ္မသကာပေါ့။ ကျန်းကျန်းမာမာ ဂါထာတွေ ရွတ်တယ်။ ပရိတ်တွေ ပဋ္ဌာန်းတွေပေါ့။ ဂုဏ်တော်တွေ တစ်ပတ်ကို တစ်ထောင်၊ နှစ်ထောင်ပေါ့ဗျာ”” ဟု ဦးအံ့မောင် က မြန်မာသံတော်ဆင့်သို့ ပြောသည်။ ဦးသန်းရွှေ၏ ကျန်းမာရေးနှင့် ပတ်သက်သော သတင်းများ၊ ၎င်းနှင့် ဆက်စပ်သည့် သရုပ်ဖော် ကာတွန်းများမှာ အွန်လိုင်းလူမှုကွန်ရက် ဖေ့စ်ဘုတ်နှင့် ၀က်ဘ်ဆိုက်များ ပေါ်၌ ကျယ်ကျယ်ပြန့်ပြန့် မျှဝေခြင်းများ ဖြစ်ပေါ်လျက်ရှိပြီး ပြီးခဲ့သည့် ရက်သတ္တပတ်အတွင်း လူစိတ်ဝင်စားမှု အများဆုံးသတင်း ဖြစ်ခဲ့သည်။

ဗိုလ်ချုပ်မှူးကြီး (ငြိမ်း) ဦးသန်းရွှေသည် လက်ရှိအချိန်အထိ တပ်မတော်နှင့် စစ်ဗိုလ်ချုပ်ဟောင်းများ အပေါ် သြဇာ လွှမ်းမိုးထားနိုင်ဆဲ ဟူသော ထင်မြင်ယူဆချက်များ ရှိနေသဖြင့် ၎င်းကွယ်လွန်ခြင်းသတင်း ဟုတ်မှန်မှုရှိ၊ မရှိမှာ ပြည်သူများအကြား စိတ်ဝင်စားမှု မြင့်တက်နေခြင်း ဖြစ်သည်။

ထို့ပြင် စက်တင်ဘာလ အတွင်းကလည်း ဒုဗိုလ်ချုပ်မှူးကြီး မောင်အေး ကွယ်လွန်သည်ဟု သတင်းများ ထွက်ပေါ်ခဲ့သေးရာ မဟုတ်မမှန်ကြောင်း ၎င်း၏ မိသားစုဝင်များက မြန်မာသံတော်ဆင့်သို့ ဖြေကြားခဲ့ဖူးသည်။

အသက် ၈၂ နှစ် အရွယ် ဗိုလ်ချုပ်မှူးကြီး(ငြိမ်း) ဦးသန်းရွှေမှာ လက်ရှိတွင် နေပြည်တော်ရှိ နေအိမ်၌ နေထိုင် လျက်ရှိပြီး တစ်ရက်လျှင် ၃ နာရီသာ အိပ်စက်လေ့ ရှိသည်ဟုလည်း ကိုယ်တိုင်သွားရောက် တွေ့ဆုံခွင့်ရခဲ့သူ ဦးအံ့မောင်က ယခုကဲ့သို့ ပြောပြသည်။

““တစ်နေ့ကို အိပ်ရင် ၃ နာရီ လောက်ပဲ အိပ်တယ်။ မအိပ်ပါဘူး။ ပုံမှန်ပဲ။ နိုးရင် ပုတီးစိပ်၊ လမ်းလျှောက်၊ လမ်းလျှောက်ရင်းနဲ့ ရွတ်ဖတ်ပေါ့ဗျာ။ လန်းလန်းဆန်းဆန်း သွက်သွက်လက်လက် ဖျတ်ဖျတ်လတ် လတ် ပေါ့ ဗျာ။ နိုင်ငံရေးကတော့ မပြောပါဘူးဗျာ။ ကျွန်တော်သိတာကတော့ ကောလာဟလတွေက ယုတ္တိမရှိပါဘူး။ အင်အား ပြည့်ပြည့်ဖြိုးဖြိုးနဲ့ အကောင်းပကတိပါပဲ””ဟု ဦးအံ့မောင်က ဆိုသည်။

ဗိုလ်ချုပ်မှူးကြီး(ငြိမ်း) ဦးသန်းရွှေမှာ သိုသိပ်လွန်းသူ တစ်ဦးဖြစ်ပြီး ဒုဗိုလ်ချုပ်မှူးကြီး(ငြိမ်း) ဦးမောင်အေးမှာ ရိုးသား ဖြောင့်မတ်သူတစ်ဦးဖြစ်သည်ဟူ၍ စစ်အစိုးရလက်ထက်အတွင်း ဗိုလ်မှူးချုပ်အဆင့်ဖြင့် တာဝန် ထမ်းဆောင်ခဲ့ကာ န၀တနှင့် နယကအဖွဲ့ဝင်တာဝန်များ ယူခဲ့ဖူးသူ မဟာသရေစည်သူ ဒုတိယ ဗိုလ်ချုပ်ကြီး (ငြိမ်း) တစ်ဦးက မြန်မာသံတော်ဆင့်သို့ ဖြေကြားခဲ့ဖူးသည်။

““ဗိုလ်ချုပ်ကြီး မောင်အေးက ရိုးသားတယ်ကွ။ ဖြောင့်တယ်။ ဖြူစင်တယ်။ သူက ပြောစရာရှိ ပြောပစ်လိုက် တာ။ ဗိုလ်ချုပ်မှူးကြီး သန်းရွှေက သိပ်ပြီးတော့ သိုသိပ်တယ်။ သူ့ဆီမှာဖြစ်တဲ့ဥစ္စာကို သူများတွေကို မပြဘူး သူက။ သူဘာဖြစ်နေတယ် ဆိုတာကို လေ့လာလို့မရဘူး။ ဗိုလ်ချုပ်ကြီး မောင်အေးက လျှို့ဝှက်ကိစ္စပဲဖြစ်ဖြစ်၊ ဘာကိစ္စပဲဖြစ်ဖြစ် တစ်ယောက်ယောက်ကို သူကပြောချင်တယ်”” ဟု အဆိုပါ မဟာသရေစည်သူ ဒုတိယ ဗိုလ်ချုပ်ကြီး(ငြိမ်း) တစ်ဦးက မြန်မာသံတော်ဆင့်သို့ ပြောဆိုဖူးသည်။

MH-0025

မြန်မာသံတော်ဆင့်သတင်းဌာန- http://www.facebook.com/myanmarherald

နေရပ်ပြန်ရာတွင် ဖမ်းဆီးခံရသည့် မြန်မာနိုင်ငံသားများ (ဓာတ်ပုံ - မလေးရှားရောက်မြန်မာများ)

မလေးရှားအစိုးရက နိုင်ငံခြားသားတွေကို အလုပ်လုပ်ခွင့်ပေးတဲ့ 6P အစီအစဉ်ကို အလုပ်ရှင်တွေနဲ့ တရားဝင် ပါမစ်လျှောက်ထားသူတွေ အကျုံးဝင်တဲ့ နိုင်ငံခြားသားအလုပ်သမား ၃ သိန်းကျော်ကို ယာယီအလုပ်လုပ်ကိုင်ခွင့်သက်တမ်းတနှစ်တိုးမြှင့်ကြောင်း ကြေညာချက်ကို မလေးရှားသတင်းတွေက ရေးပါတယ်။

6P အစီအစဉ်ဆိုတာဟာ တရားမဝင် အလုပ်လုပ်နေကြတဲ့ အလုပ်သမားတွေကို  တရားဝင် လုပ်ကိုင်ခွင့်ရစေတဲ့ မလေးရှားနိုင်ငံရဲ့ ၂၀၁၁ ခုနှစ်ကစတင်တဲ့ အစီအစဉ်ဖြစ်ပြီး မြန်မာအစိုးရ တာဝန်ရှိသူတွေကလည်း မလေးရှားရောက် အထောက်အထားမရှိတဲ့ မြန်မာတွေ တရားဝင်လုပ်ခွင့်ရအောင် ဒီနှစ်ဆန်းပိုင်းက ဆောင်ရွက်ပေးခဲ့ပါတယ်။

6P အစီအစဉ်အရ ၂၀၁၄ ခုနှစ်ကုန်မှာ သက်တမ်းကုန်ပြီး မိခင်နိုင်ငံပြန်ကြရဖို့ဖြစ်ရာမှာ မလေးရှားနိုင်ငံရဲ့ အံဝင်ဂွင်ကျရှိနေတဲ့ လုပ်သားတွေ ပြတ်လပ်နိုင်တယ်လို့ တောင်းဆိုချက်တွေ အပြီး အစိုးရက ၁ နှစ်တိုးခွင့်ပြုခဲ့တာဖြစ်ပါတယ်။

အထူးသဖြင့် ဆောက်လုပ်ရေးကဏ္ဍနဲ့ စိုက်ပျိုးရေးကဏ္ဍတွေမှာ အကျွမ်းတ၀င်ရှိနေသူတွေ ဇာတိနိုင်ငံပြန်ကြရင် လုပ်သားပြတ်လပ်မှု ဖြစ်မယ်လို့ ဆောက်လုပ်ရေးလုပ်ငန်းရှင်တွေက တောင်းဆိုခဲ့ပြီးနောက် ဒီဆုံးဖြတ်ချက် ထွက်ပေါ်လာတာလည်းဖြစ်ပါတယ်။

လုပ်သားအသစ်တွေနဲ့ အစားထိုးတဲ့အခါ လေ့ကျင့်သင်ကြားပေးထားတဲ့ ကျွမ်းကျင်သူတွေ ဆုံးရှုံးရပြီး နောက်ထပ်သင်တန်းပေးလို့ အချိန်ကုန်၊ ငွေကုန် ဖြစ်ရမယ့်အခြေအနေတွေကိုလည်း ထောက်ပြခဲ့ကြတာပါ။

အစိုးရဆုံးဖြတ်ချက်နဲ့ပတ်သက်လို့ ပြည်ထဲရေးဝန်ကြီးဌာန ယာယီအတွင်းရေးမှူးချုပ်  Datuk Alwi Ibrahim က လုပ်သားတွေ ရုတ်တရက်လျော့ကျသွားတဲ့အခါ စီးပွားရေးကဏ္ဍအပေါ် သက်ရောက်နိုင်ခြေနဲ့ အလုပ်ရှင်တွေကို အလုပ်သမားတွေ အစားထိုးဖြည့်ဆည်းနိုင်အောင် အချိန်ပေးမှု အကြား ချိန်ဆဆုံးဖြတ်ခဲ့တာလို့ ပြောပါတယ်။

မလေးရှားကက်ဘိနက်က ၁ နှစ်သက်တမ်းတိုးဖို့ သဘောတူပြီးဖြစ်ကြောင်းနဲ့ ၂၀၁၅ ခုနှစ်ကုန်ထိ အကျုံးဝင်တဲ့ သက်တမ်းတိုးမြှင့်ပေးတာဟာ 6P အစီအစဉ်နဲ့ သက်ဆိုင်သူတွေနဲ့ တရားဝင်အလုပ်ခန့်သူတွေနဲ့သာ သက်ဆိုင်တယ်လို့ ပြောပါတယ်။

ဒါကြောင့် အလုပ်ရှင်တွေဟာ နိုင်ငံတ၀န်းက လူဝင်မှုကြီးကြပ်ရေးရုံးတွေမှာ ယာယီအလုပ်လုပ်ခွင့်ပါတီ တနှစ်သက်တမ်းတိုးခွင့်ပြုလို့ လျှောက်ထားနိုင်ပြီလို့ ဆိုပါတယ်။

မလေးရှားအစိုးရအနေနဲ့ များပြားလှတဲ့ လုပ်သားအင်အားစုတွေ ဆုံးရှုံးသွားရင် လုပ်ငန်းကိုင်ငန်းတွေနဲ့ စီးပွားရေးကဏ္ဍအပေါ် ရုတ်တရက်သက်ရောက်မှု ကြီးမားလိမ့်မယ်ဆိုတာကို အစိုးရက ကောင်းကောင်းနားလည်ပါတယ်လို့ သူက ပြောပါတယ်။

မလေးရှားနိုင်ငံမှာ အင်ဒိုနီးရှား၊ ဘင်္ဂလားဒေ့ရှ် ပြီးပါက မြန်မာနိုင်ငံဟာ တရားမဝင် လုပ်သား တတိယ အများဆုံးဖြစ်ပြီး မြန်မာလုပ်သား ၂၅၇,၀၀၀ ရှိတဲ့အနက် ၁၁၃,၀၀၀ မှာ တရားဝင် လုပ်သားများ ဖြစ်ကြောင်း မလေးရှား အစိုးရက ဒီနှစ်ဆန်းပိုင်းက ပြောထားပါတယ်။

မလေးရှားသတင်းတွေမှာ ဖော်ပြချက်အရ 6P အစီအစဉ်နဲ့လုပ်ဆောင်နေသူ ၅ သိန်းကျော်ရှိတယ်လို့ သိရတာကြောင့် 6P အလုပ်သမား အကုန်လုံးကို ပြန်လည်သက်တမ်းတိုးပေးမယ့်သဘောတော့ မဟုတ်ပါဘူး။

မလေးရှား ပြည်ထဲရေး ဒုဝန်ကြီးက မနှစ်ဇွန်လက ပြောဆိုချက်အရ မလေးရှားမှာ အလုပ်လုပ်နေတဲ့ မြန်မာ ၂ သိန်း ၅ သောင်း ၇ ထောင်အနက် ၁ သိန်း ၄ သောင်း ၄ ထောင်ဟာ တရားမ၀င်လုပ်ကိုင်နေကြတယ်လို့ သိရပါတယ်။

မလေးရှားအချုပ်တွေထဲမှာ မြန်မာ ၄၅၀၀ လောက် ရှိနေသလို မြန်မာဒုက္ခသည် ၉၅၀၀၀ ကိုလည်း ယာယီနေထိုင်ခွင့်ပြုထားပါတယ်။

မြန်မာရွေှ့ပြောင်းလုပ်သား အခွင့်အရေးဌာန ဥက္ကဋ္ဌ ဦးကိုလတ်က ၁ နှစ်သက်တမ်း တိုးမြှင့်ခွင့်ပြုတဲ့အတွက် မြန်မာ 6P သမားတွေအတွက် အကျိုးရှိပါတယ်လို့ ဒီဗွီဘီကို ပြောပါတယ်။

“ဘယ်လိုအကျိုးရှိသလဲဆိုတော့ ဗမာပြည်ပြန်ရရင်တော့ ဗမာပြည်မှာ လုပ်ငန်းကိုင်ငန်းက အဆင်ပြေကြမှာမဟုတ်ဘူးလေ။ အားလုံးက သူတို့မှာ record မှတ်တမ်းတွေရှိတာကိုး သူဌေးတွေဆီမှာ။ ဒီလူတွေ တရားဝင်ထွက်ပေးရမယ်ဆိုလို့ရှိရင် မြန်မာအလုပ်သမားတွေအတွက် အခက်အခဲရှိမယ်။ ဗမာပြည်မှာ ဘာအလုပ်မှ မရှိကြဘူးလေ။ အခု တိုးပေးလိုက်တယ်ဆိုတော့ မလေးရှားမှာ နောက်တနှစ်ရပ်တည်ဖို့ အဆင်ပြေသွားကြမယ်။”

၂၀၁၁ ခုနှစ်က စတင်တဲ့ ဒီအစီအစဉ်ဟာ တရားမ၀င်ဝင်ရောက်တဲ့ ပြည်ပနိုင်ငံသားတွေဟာ မလေးရှားနိုင်ငံမှာ တရားခွင်အလုပ်လုပ်ခွင့်ကို ၁ နှစ်ချင်း သက်တမ်းတိုးပေးနေတဲ့ အစီအ စဉ်ဖြစ်ပါတယ်။

မြန်မာနိုင်ငံ အလုပ်သမား၊ အလုပ်အကိုင်နဲ့ လူမှုဖူလုံရေးဝန်ကြီးဌာန ဒုတိယ၀န်ကြီး ဦးထင်အောင်က ပြီးခဲ့တဲ့ အပြည်ပြည်ဆိုင်ရာ ရွှေ့ပြောင်းနေထိုင်သူများနေ့က ပြောကြားရာမှာ ထိုင်းနိုင်ငံတွင်း တရားမ၀င်ရောက်ရှိနေတဲ့ မြန်မာတွေကို လာမယ့်နှစ် မတ်လမတိုင်ခင် နိုင်ငံသားစိစစ်ပေးမှာဖြစ်ပြီး မလေးရှားရောက်မြန်မာတွေကိုလည်း စိစစ်သွားဖို့ အစီအစဉ်ရှိကြောင်း ပြောဆိုခဲ့တာကို ဒီကနေ့ အစိုးရသတင်းစာမှာ ဖော်ပြပါတယ်။

By အေးနိုင် (ဒီဗွီဘီ)
http://burmese.dvb.no/archives/74269

ဓါတ်ပုံ - နိုဝင်ဘာ ၁၉ ရက်က လိုင်ဇာတွင်အစိုးရတပ်မတော်မှ ပစ်ခတ်လိုက်သော လက်နက်ကြီးကျည်ကြောင့် ကျဆုံး ဗိုလ်လောင်းများ
ဒီဇင်ဘာ ၁၉ ရက် ၂၀၁၄

ရန်ကုန်မြို့ မြန်မာ့ငြိမ်း ချမ်းရေးစင်တာမှာ တနိုင်ငံလုံး အပစ်အခတ်ရပ်စဲရေး ပူးပေါင်း ဆောင်ရွက် ရေး အဖွဲ့ NCCT နှင့် ပြည်ထောင်စု ငြိမ်းချမ်းရေးဖေါ်ဆောင်ရေး လုပ်ငန်းကော်မတီ UPWC တို့ လာမည့် ဒီဇင်ဘာ ၂၃ ရက်နေ့မှာ တွေ့ဆုံ မည်ဟု ဆိုသော်လည်း တတိုင်းပြည်လုံး အပစ်ရပ် ဖို့အဓိက ဆွေးနွေးမည်မဟုတ်ဟု အမည်မဖေါ်လိုသည့် NCCT သတင်းရပ်ကွက်ပြောသည်။

``ကျနော်တို့တောင်းဆိုထားတာ ၅ ချက်ရှိတယ်။ အဲဒီ ၅ ချက် ကို ပြန်ကြည့် မယ်ဆိုရင် လိုင်ဇာ အရေးနဲ့ပတ်သက်တဲ့ဟာကြီး သုံးချက်ရှိတယ်။ အပစ် ရပ်ရေးထက် ဖြစ်နေတဲ့အရေးတွေ ဘယ် လိုဖြေရှင်းမယ်ဆိုတာ အဓိကဘဲ၊ ဒီခရစ္စမတ်မတိုင်ခင်ဆွေးနွေးပွဲက´´ - ဟု အမည်မဖေါ်လိုသူ NCCT အဖွဲ့ဝင်တဦး ပုဂ္ဂိုလ်တဦးကပြောသည်။

လိုင်ဇာ ပစ်ခတ်မှုဖြေရှင်းပေးဖို့၊ ထိုကဲ့သို့ဖြစ်ရပ်မျိုး ထပ်မဖြစ်ဖို့၊ အစိုးရနှင့် သွားရောက်တွေ့ ဆုံသည့် NCCT ကိုယ်စားလှယ်များ၏ လုံခြုံရေးအတွက် ပိုမိုလုံခြုံ စိတ်ချမှုရှိဖို့၊ တွေ့ဆုံ ဆွေး နွေးလျှင် တရုတ် နှင့် ယူအဲန်အပြင် အနောက် အုပ်စုကိုယ်စားလှယ်တွေပါဝင်ဖို့… စသည့် အချက် ၅ ချက်အား NCCT မှ တင်ပြတောင်းဆိုထား သည်အပေါ် နေပြည်တော် သဘောသိစေဖို့ ပါဝင်သည်ဟု ဆိုသည်။

``ကျနော်တို့ပြင်ဆင်ထားတာကတော့ ခရစ္စမတ်မတိုင်ခင်တွေ့ဆုံမယ်။ အဆင်ပြေ ပါတယ်။ NCA (တပြည်လုံးအပစ်အခတ်ရပ်စဲဖို့) ကိစ္စ အဓိက ထား ဆွေးနွေးမယ်၊ တခြားကိစ္စ တွေလဲ ဆွေးနွေးမယ်´´ ဟု မြန်မာ့ငြိမ်း ချမ်းရေးစင်တာက ဦးလှမောင်ရွှေကပြောသည်။

ပြည်ထောင်စုငြိမ်းချမ်းရေးဖေါ်ဆောင်ရေးလုပ်ငန်းကော်မတီ UPWC နှင့် တွေ့ဆုံရန် တနိုင်ငံလုံး အပစ်အခတ်ရပ်စဲရေးပူးပေါင်းဆောင်ရွက်ရေးအဖွဲ့ NCCT မှ ကိုယ်စားလှယ် စောကွယ်ထူးဝင်း၊ ခွန်ဥက္ကာ၊ Dr. ဆလိုင်းလျံမုန်း ဆာခေါင်း ၊ ဦးထွန်းဇော် နှင့် ခူးသောရယ် တို့အား စာရင်းပေးပို့ ထားသည်ဟုလည်းသိရပါသည်။

၂၀၁၄ နိုဝင်ဘာ ၁၉ ရက်နေ့က ကချင်လွတ်လပ်ရေးတပ်မတော် ဌာနချုပ် လိုင်ဇာမြို့ရှိ ဗိုလ်သင် တန်း ကျောင်းအား အစိုးရတပ်မတော်ကလက်နက်ကြီးဖြင့် ပစ်ခတ်ရာ ဗိုလ်လောင်း ၂၃ ဦး သေ ဆုံးခဲ့ သည်။

ထို့ကြောင့် ပြီးခဲ့သည့်တွေ့ဆုံဆွေးနွေးများတွင် တပ်မတော်ဘက် သဘော ထား တင်းမာနေမှု၊ လိုင်ဇာပစ်ခတ်မှုတို့သည် တတိုင်းပြည်လုံး အပစ်အခတ် ရပ်စဲရေးအတွက် အဟန့်အတားဖြစ်စေသည်ဟု တိုင်းရင်းသားခေါင်းဆောင် များကသုံးသပ်သည်။

သျှမ်းသံတော်ဆင့်
https://www.facebook.com/Panglong.burmese


ထိုင်းနိုင်ငံ ဘန်ကောက်မြို့ မဟာချူလာလောင်ကွန်း တက္ကသိုလ်က မြန်မာသံဃာ ၁၅ ပါး အပါအ၀င် သံဃာတော် အပါး ၄၀ အစာအဆိပ်သင့်ပြီး ဆေးရုံမှာ တက်ရောက် ဆေးကုသမှု ခံယူနေရပါတယ်။

အဲဒီတက္ကသိုလ်မှာ ပညာသင်နေတဲ့ နိုင်ငံပေါင်းစုံက သံဃာတွေက ဒီဇင်ဘာလ ၁၈ ရက် မနက်က ဆွမ်းဘုန်းပေးစဉ်မှာ အစာအဆိပ်သင့်ခဲ့ကြတာလို့ သံယာတွေကို သွားရောက်ကြည့်ရှုအားပေးခဲ့တဲ့ အရှင်တေဇက ဒီဗွီဘီကို မိန့်ပါတယ်။

“ဘီအေကျောင်းသား သံဃာတွေက ဆယ်ရက်တရားစခန်းဝင်နေကြတာပါ။ သံဃာတွေက ထောင်ကျော်ရှိတော့ သူတို့ အရုဏ်ဆွမ်းကို ညကတည်းက စီစဉ်ရတယ်။ အဲဒီညက ထမင်းကြော် စီစဉ်ထားတဲ့အခါမှာ ထမင်းသိုးသွားတာရယ်၊ ခရု၊ ဂဏန်းတွေ ပုစွန်တွေပါတဲ့ ပင်လယ်အစားအစာတွေ စားမိတာကြောင့် အော့အန်တာတွေ ၀မ်းသွား တာတွေ၊ အထက်လှန်အောက်လျှောလိုဖြစ်ကြတယ်။”

တက္ကသိုလ် တာဝန်ရှိသူတွေက အစာအဆိပ်သင့် သံဃာတွေကို အယုဒ္ဒယဆေးရုံ၊ ချူလာလောင်ကွန်းနဲ့ ၀မ်နွိုင်ဆေးရုံတွေမှာ ၃ နေရာခွဲ ပို့ဆောင်ထားပြီး သံဃာတော်တွေရဲ့ အသက်အန္တရာယ် စိုးရိမ်စရာ မရှိပေမယ့်  ၃ – ၄ ရက် လောက် ဆေးရုံမှာ ဆက်နေဖို့  ဆရာဝန်တွေက ညွှန်ကြားထားပါတယ်။

အဲဒီတက္ကသိုလ်မှာ မြန်မာ၊ ထိုင်း၊ လာအို၊ ဘင်္ဂလားဒေ့ရှ်၊ ကမ္ဘောဒီးယား၊ အိန္ဒိယ အစရှိတဲ့ သံဃာ အပါး ၁၀၀၀ ကျော် ဗုဒ္ဓဘာသာရပ် လာရောက်ပညာ ဆည်းပူးနေကြတာ ဖြစ်ပါတယ်။

By ဒီဗွီဘီ
http://burmese.dvb.no/archives/74293