12/23/14


ရန်ကုန်မြို့၊ မြို့တော်ခန်းမရှေ့ဝင်ပေါက်ကို ပိတ်ဆို့ပြီး ဆန္ဒပြနေတဲ့ မိကျောင်းကန်သပိတ်စခန်းက ဆန္ဒပြသူ ၃ဝ လောက်ကို ပုဒ်မ ၃၄၁ မတရားတားဆီးကန့်ကွက်မှုနဲ့ ရန်ကုန်မြို့တော် စည်ပင်သာယာရေးကော်မတီ ဌာနမှူးက တရားလိုလုပ်ပြီး ကျောက်တံတားမြို့နယ်ရဲစခန်းမှာ အမှုဖွင့်လိုက်ပါတယ်။

စည်ပင်သာယာရေးကော်မတီက မိကျောင်းကန်သပိတ်စခန်းက ဆန္ဒပြအဖွဲ့ဆိုပြီး အမှုဖွင့်ထားတာကြောင့် မြို့တော်ခန်းမရှေ့မှာ ပိတ်ထားတဲ့ လူ ၃ဝ နီးပါးကို တရားစွဲဆိုမှာဖြစ်တယ်လို့ ကျောက်တံတားမြို့နယ်ရဲစခန်းမှူး ဦးဝင်းတင်က ပြောပါတယ်။

"မိကျောင်းကန်က ပိတ်ဆို့ပြီးတော့ နေတဲ့အတွက်မို့လို့ ပုဒ်မ ၃၄၁ နဲ့ မတရားတားဆီးကန့်ကွက်တာပါ၊ သူတို့ကိုအမှုဖွင့်ထားတယ်၊ ဆန္ဒပြအဖွဲ့ဆိုပြီး ဖွင့်ထားတာပါခင်ဗျ၊ ညှိနှိုင်းတုန်းကတော့ သူကပြောတာတော့ အစိတ် သုံးဆယ်လောက်ရှိတယ်လို့ပြောတယ်၊ ဥပဒေကြောင်းအရ လုပ်စရာရှိတာလုပ်ပြီးတော့ပေါ့ဗျာ တရားစွဲရမှာဆိုတော့ ဘယ်တော့တရားစွဲမလဲဆိုတာတော့ တိတိကျကျပြောလို့မရသေးဘူး"

မိကျောင်းကန်သပိတ်စခန်းက ဦးဆောင်သူအမျိုးသမီး ၅ ဦးကို ရန်ကုန်တိုင်းဒေသကြီး ဒု-ရဲတပ်ဖွဲ့မှူး၊ ခရိုင်ရဲတပ်ဖွဲ့မှူးတွေနဲ့ ကျောက်တံတားမြို့နယ်စခန်းမှူးတို့က မနေ့က ခေါ်ယူအသိပေးခဲ့တယ်လို့ မိကျောင်းကန်သပိတ်စခန်းက ဒေါ်အေးမိက ပြောပါတယ်။

"ဒီပိတ်ထားတဲ့အတွက်ပေါ့နော် အန်တီတို့ကို တိုင်တယ်ပေါ့ စည်ပင်က၊ အဲ့ဒါကြောင့် အန်တီတို့ကို အရေးယူလို့ရတယ်တဲ့ အဲ့လိုပြောတယ်၊ အန်တီတို့ကို ရုံးတင်စစ်ဆေးမယ်ပေါ့၊ စစ်ဆေးတဲ့အခါမှာ အန်တီတို့က ဒီနေရာမှာပိတ်ဆို့တာ ကိုယ်အိမ်မှာကိုယ် ဒီလိုရှေ့ကိုပိတ်ရင် မကျေနပ်သလို သူတို့ကလည်း ရုံးရှေ့ကိုပိတ်တဲ့အတွက် တရားရုံးကရင်ဆိုင်ဖို့ခေါ်တဲ့အခါကျရင် အန်တီတို့က လာရောက်ကြမယ်ဆိုတဲ့အကြောင်း ပြောတယ်လေ၊ အဲ့ဒီတော့ အန်တီတို့ကပြောလိုက်တယ် အန်တီတို့မှာ နေစရာအိမ်မရှိတဲ့အတွက် ဒီနေရာကိုပိတ်ထားတယ်၊ ဒီနေရာကနေ လာပြီးရင်ဆိုင်မယ်လို့ ပြောလိုက်တယ်၊ သူတို့ဖမ်းတာကိုလည်း အန်တီတို့ ခေါင်းထဲကိုမထည့်တော့ဘူးလေ၊ သူကလောလောဆယ် မဖမ်းသေးပဲနဲ့ တရားရုံးမှာ ရင်ဆိုင်ရဦးမယ်လို့ပြောတယ်"

မိကျောင်းကန်သပိတ်စခန်းက လူ ၃ဝ လောက်ဟာ မြို့တော်ခန်းမရှေ့ဝင်ပေါက်ကိုပိတ်ပြီး ဆန္ဒပြနေတာ ဒီနေ့ဆိုရင် ၁ဝ ရက်ရှိနေပြီ ဖြစ်ပါတယ်။

RFA Burmese
https://www.facebook.com/pages/RFA-Burmese/39218993127?fref=nf


ပေါက်တော / ဒီဇင်ဘာ ၂၃

ရခိုင်ပြည်နယ် ပေါက်တောမြို့နယ် သပြီကန်ကျေးရွာမှ ကျပ်မပြည့်သော လူငယ် တစ်ဦးအား စစ်တပ်ထဲဝင်ရန် သိမ်းသွင်း ခေါ်ယူသွားသဖြင့် မိသားစုဝင်များ အနေဖြင့် စိုးရိမ် ကြောင့်ကြမှုများ တိုးပွားနေကြောင်း သိရသည်။

ဖခင် ဖြစ်သူ ဦးကျော်ဝင်းက သူ၏သားမှာ အသက် (၁၉) နှစ်သာ ရှိသေးပြီး ကျပ်မပြည့်သဖြင့် သူ့အတွက် စိုးရိမ်ပူပန်မိကြောင်း နိရဉ္စရာသို့ ပြောဆိုသည်။

“ ကျွန်တော်သားက လယ်ပိုင်ရှင် တစ်ဦးဆီမှာ သူရင်းဌား လုပ်ကိုင်နေပါတယ်။ အဲသလို သူရင်းဌားလိုက်နေတဲ့ အချိန်မှာ စစ်တပ်က ခေါ်ယူသွားပါတယ်။ ခေါ်ယူသွားတဲ့ စစ်တပ် တပ်ရင်းက မင်းပြား အခြေစိုက် ခမရ ၃၇၉ ဖြစ်ပါတယ်။ သူ့က ကျပ်မပြည့်တော့ မိသားစုတွေ သူ့အတွက် အထူးစိုးရိမ်နေပါတယ်” ဟု ဆိုသည်။

ခေါ်ယူသွားခြင်း ခံရသူ လူငယ်မှာ မောင်ဝင်းဦး(ခေါ်) သာအောင်ကြီး ဖြစ်ကြောင်းသိရသည်။

၎င်းလူငယ်မှာ လွန်ခဲ့သော ၉ ရက်ခန့် ပျောက်ဆုံးသွားပြီး လိုက်လံ စုံစမ်းရာတွင် မင်းပြား အခြေစိုက် ၃၇၉ တပ်ရင်းသို့ ရောက်ရှိနေကြာင်း သိရှိရသည်ဟု သူက ဆက်ပြောသည်။

“ ကျွန်တော်သားက တစ်တန်းလောက်ဘဲ ကျောင်းနေဖူးပါတယ်။ ကျပ်လည်း မပြည့်တော့ ကျေးရွာ အုပ်ချုပ်ရေးမှူးကို ထောက်ခံစာ ထုတ်မပေးဖို့ ပြောပါတယ်။ ကျေးရွာအုပ်ချုပ်ရေးမှူးကလည်း အားနဲ့ တောင်းတော့ ပေးလိုက်ရတယ်လို့ ပြောပါတယ်” ဟု ဦးကျော်ဝင်းကဆိုသည်။

တပ်မတော်သို့ ၀င်ရောက်မည့် သူများအနေဖြင့် နိုင်ငံသားစိစစ်ရေးကတ်၊ ကျောင်းထွက်လက်မှတ် မူရင်း၊ သက်ဆိုင်ရာ အုပ်ချုပ်ရေးမှူး၏ အကျင့်စာရိတ္တ ကောင်းမွန်ကြောင်း ထောက်ခံချက်၊ သက်ဆိုင်ရာ မြို့နယ် ရဲစခန်း၏ ပြစ်မှု ကင်းရှင်းကြောင်းထောက်ခံချက်နှင့် အိမ်ထောင်စု စာရင်းတို့ ပါရှိရမည်ဟု တွဲဘက် စစ်ရေးချုပ် ဗိုလ်မှူးကြီး သန်းဦးကဒီဇင်ဘာလ ၂၀ ရက်နေ့က ရန်ကုန်မြို့တွင် ပြုလုပ်သော တပ်မတော်နှင့် မီဒီယာအကြား သတင်းစီးဆင်းမှုချောမွေ့စေရေး အလုပ်ရုံ ဆွေးနွေးပွဲတွင် ရှင်းလင်း ပြောကြားသည်။

ယင်းအပြင် တပ်မတော်သို့ ၀င်လိုသူ တစ်ဦးသည် အနည်းဆုံး မူလတန်း အဆင့် အောင်မြင်ပြီးသူ ဖြစ်ရမည်ဖြစ်သည့်အပြင် ကျန်းမာရေး ကောင်းမွန်သူ ဖြစ်ရမည်ဟု ပြောဆိုသည်။

နိရဉ္စရာ
http://www.narinjara.com/burmese/?p=13212

သာသာနာညိုးနွမ်းစေမှုစွဲချက်ဖြင့် ထိန်းသိမ်းခံနေရသော စာရေးဆရာ ထင်လင်းဦး (Wisdom Villa) က မျှတသည့် တရားစီရင်မှု ရရှိရေးအတွက် တရားရုံးတွင် ပြင်ပဖိအား မပါရှိဘဲ ကြားနာစစ်ဆေးမှု ခံယူလိုသည်ဟု ယနေ့ နံနက်ပိုင်းတွင် ပြောဆိုလိုက်ကြောင်း သိရသည်။

ရန်ကုန်မှ မိသားစုက မုံရွာထောင်သို့ ထောင်ဝင်စာသွားရောက် တွေ့ဆုံစဉ် ထိုသို့ အမှာစကားပါးလိုက်ခြင်းဖြစ်သည်။

မုံရွာခရိုင်၊ ချောင်းဦးမြို့နယ် တရားရုံး ဒီဇင်ဘာ ၁၇ ရက်နေ့ ပထမအကြိမ် ကြားနာမှု ကာလအတွင်း အမျိုး ဘာသာ သာသနာစောင့်ရှောက်ရေး အဖွဲ့ (မဘသ) မှ သံဃာတချို့ တရားရုံးအနီးသို့ ရောက်ရှိလာပြီး “ဘာလုပ်နေကြသလဲ။ မဖမ်းကြသေးဘူးလားဗျ” ဟု အော်ဟစ် ဖိအားပေးခဲ့ကြသည်။

ယနေ့ ထောင်ဝင်စာ ၁၅ မိနစ်ခန့် တွေ့ဆုံခဲ့သော မစန္ဒာက ကိုထင်လင်းဦး ကျန်းကျန်းမာမာ ရှိကြောင်း၊ ဖြစ်ခဲ့သည့် ကိစ္စအတွက် စိတ်မကောင်းဖြစ်နေကြောင်း ပြောဆိုသည်။

“ဘယ်သူ့ကိုမှ သူအာဃာတ မရှိဘူးလို့ ပြောတယ်။ ၀ဋ်ရှိလို့ ခံရတာ တဲ့။ ပါးရိုက်လို့ နားကိုက်မယ်ဆိုတဲ့စိတ်လည်း မရှိဘူး၊ ဗုဒ္ဓဘာသာစစ်စစ်ပါလို့ ပြောတယ်” ဟု မစန္ဒာက ပြောသည်။

ကိုထင်လင်းဦးက သာသနာသန့်ရှင်းရေးအတွက် ရည်ရွယ်၍ ဟောပြောခဲ့ခြင်းသာဖြစ်ကြောင်း၊ စကားလုံးတချို့ ကြမ်းတမ်းခြင်းကလွဲ၍ သာသနာအား စော်ကားလိုစိတ် အလျင်းမရှိကြောင်း မစန္ဒာက ပြောသည်။

လာမည့်ဗုဒ္ဓဟူးနေ့တွင် အမှုကို ချောင်းဦးတရားရုံးတွင် ထပ်မံ စစ်ဆေးမည် ဖြစ်သည်။

အမျိုးသား ဒီမိုကရေစီ အဖွဲ့ချုပ်၏ ဌာနချုပ်ပြန်ကြားရေးအဖွဲ့တွင် တာဝန်ယူခဲ့ပြီး ရန်ကုန်တွင် ကျူရှင်ဆရာ၊ စာရေးဆရာအဖြစ် အသက်မွေးသူ ကိုထင်လင်းဦးသည် အောက်တိုဘာလ ချောင်းဦးမြို့ စာပေဟောပြောပွဲတွင် ဟောပြောစဉ် ဗုဒ္ဓက ရှည်တိုလတ် သုံးရပ်ခန္ဓာ မေတ္တာထားရမည်ဟု သွန်သင် ဆုံးမထားသော်လည်း မွတ်ဆလင်များနှင့် လူမျိုးခြားများကို မုန်းတီးစေသော ပြောဆိုချက်များ သံဃာတချို့ထံမှ ထွက်ပေါ်နေကြောင်း စွပ်စွဲ ဟောပြောခဲ့သည်။

ထို့ပြင် သူ၏ အငြင်းပွားဖွယ် ဟောပြောချက်ထဲတွင် ဘုရားလောင်း ဆဒ္ဒန်ဆင်မင်းကို မုဆိုးက သင်္ကန်းအကာအကွယ်ဖြင့် လုပ်ကြံခဲ့သကဲ့သို့ ယခုအချိန်တွင်လည်း သင်္ကန်းအကာအကွယ်ဖြင့် ဗုဒ္ဓဘာသာကို ဖျက်ဆီးမှုများ ရှိနေသည်ဟူသော အချက်လည်း ပါဝင်သည်။

၎င်း၏ ဟောပြောချက်မှာ ၁ နာရီ မိနစ် ၄၀ ကြာမြင့်သော်လည်း အငြင်းပွားဖွယ် စကားစုများပါဝင်သည့် နေရာကိုသာ ထုတ်ယူထားသော ၁၀ မိနစ်စာ ရုပ်သံဖိုင်ကို ကျယ်ကျယ်ပြန့်ပြန့် ဖြန့်ချိသူများ ရှိနေသည်ဟု မစန္ဓာက ထောက်ပြသည်။

အာဏာပိုင်တို့က သူ့ကို ထောင်ဒဏ် အများဆုံး ၂ နှစ် အထိ ချမှတ်နိုင်သော ပုဒ်မ - ၂၉၅/က၊ အများဆုံး ၁ နှစ်အထိ ချမှတ်နိုင်သော ပုဒ်မ - ၂၉၈ တို့ဖြင့် စွဲချက်တင်ခဲ့သည်။

မီဒီယာ\
Maung Karluu

ယနေ့ ဒီဇင်ဘာ ၂၂ ရက်နေ့ စစ်ကိုင်းတိုင်း၊ မုံရွာခရိုင်၊ ဆားလင်းကြီး မြို့နယ်၊ လက်ပံတောင်း ကြေးနီစီမံကိန်း ပဋိပက္ခတွင် တရုတ် ၀မ်ပေါင်ကုမ္မဏီ၏ လုံခြုံရေးဝန်ထမ်းများပါ ပါဝင်ခဲ့ကြောင်း သတင်းရရှိပါသည်။ အရေအတွက် အားဖြင့် ၅၀ ကနေ ၂၀၀ လောက် အထိ ရှိမယ်လို့ ဒေသခံများက ပြောကြား ခဲ့ကြောင်း သိရှိရပါသည်။

ယခင်က ၀မ်ပေါင်လုံခြုံရေးဝန်ထမ်းများသည် လုပ်ငန်ဆိုက်နှင့် ရုံးအတွင်းသာ တာဝန်ထမ်းဆောင်လေ့ရှိကြောင်း သိရသည်။ မကြာသေးခင်က အဆိုပါ လုံခြုံရေးဝန်ထမ်းများ လက်နက်ကိုင်ဆောင်ခြင်းနှင့် ပတ်သက်ပြီး အစိုးရအရာရှိ တစ်ဦး၏ ပြောကြားချက်ကို ပြည်တွင်းသတင်းဌာနတစ်ခုက ကျယ်ကျယ်ပြန့်ပြန့် ဖော်ပြ ခဲ့သည်။

မနက်ပိုင်းကစပြီး အခြေအနေ တင်းမာလာခဲ့တာမှာ ရာနဲ့ချီတဲ့ ရဲတပ်ဖွဲဝင်တွ၊ ဝမ်ပေါင်ကုမ္ပဏီကလည်း ရာနဲ့ချီတဲ့လုံခြုံရေးဝန်ထမ်းတွေက ခိုင်မာပျော့ပါး သည့် ဒိုင်းအကောင်းစားတွေနှင့် အကာအကွယ် ယူပြီး ဒေသခံများနှင့် ထိပ်တိုက်တွေ့နေကြသည့် ရဲတပ်ဖွဲ့ကို ကူညီခဲ့ကြကြောင်း VoA သတင်းဌာန က ဖော်ပြခဲ့သည်။

ဇီးတော်ရွာ စန်းမြဝတီကျောင်းတိုက် ဆရာတော် ဦးအာလောက - က
“တရုတ်အစစ်တွေပေါ့ဗျာ၊ ၂၀၀ အထိ ပါမယ်ဗျ။ ဆည်တဲနဲ့ တုံကြားမှာဆိုရင် အနည်းဆုံး ၅၀ လောက်အထိ ရှိမယ်။ မိုးကြိုးပြင်ဘက်မှာလည်း အများကြီးပဲ။ တရုတ်တွေ ကိုယ်တိုင်ပဲ သူတို့ပါဝင်ပြီးတော့ လာတာတွေ၊ လုပ်ကိုင်ဆောင်ရွက် လာတာတွေ တွေ့ရတယ်ဗျ။ တရုတ်တွေကိုယ်တိုင်ကိုက ခလုတ်ဒါးတွေလည်း ပါတယ်ပေါ့နော်။” ဟု VoA ၏ ဖုန်းဖြင့် မေးမြန်းမှုကို ဖြေကြားခဲ့သည်။

အခုလို တရုတ်ဝန်ထမ်းတွေက နီးနီးကပ်ကပ်ရှိနေတဲ့အတွက် အခြေအနေက ပိုဆိုးသွားခဲ့တာ ဖြစ်မယ်လို့ မုံရွာမြို့ မှ သွားရောက်ခဲ့သည် NLD စည်း တစ်ဦး က ပြောကြားခဲ့သည်။ ၄င်းက "သူတို့ကြောင့် ဒေသခံတွေ ထိခိုက်ဒဏ်ရာ ရရင် မကောင်းသလို၊ သူတို့ကိုယ်တိုင် ထိခိုက်မိရင်လည်း မကောင်းပါဘူး၊ ဒါဟာ ပြသနာကို ကြီးထွားစေချင်တဲ့ သဘောနဲ့ မသိမသာ လွတ်ပေးတာ မျိုး ဖြစ်နိုင် ပါတယ်၊ ဘာပဲဖြစ်ဖြစ် သူတို့ ဦးထုတ် အနီ အဖြူ အ၀ါတွေ ကို တွေ့တော့ ဒေသခံတွေက ပိုပြီး ပေါက်ကွဲလာတယ်လို့ ထင်ပါတယ်။ ကျနော် ရောက်သွားတဲ့ အချိန်မှာတော့ ပစ်ခတ်မှုတွေ ရပ်သွားပါပြီ" ဟု ပြောကြား ခဲ့သည်။

လက်ပတောင်းအရေး တက်ကြွလှုပ်ရှားသူ ကိုဟန်ဝင်းအောင်က "ဒီနေ့ သေနတ်နဲ့ ပစ်ဖို့ အမိန့်ကို ကြိုတင်ရထားတာ ဖြစ်နိုင်ပါတယ်။ ဘာဖြစ်လို့လဲ ဆိုတော့ တရုတ်ဝန်ထမ်းအချို့ ဟာ အနက်ရောင် ကျည်ကာပုံစံ ဂျာကင်များကို ၀တ်ထားပါတယ်။ အားလုံးက မျက်မှန်မည်းကြီးတွေ တပ်ထားကြတယ်။ အများစုကတော့ တရုတ်တွေပါပဲ။ အသားက ဖြူစွတ်နေတာကိုး၊ ဒါပေမယ့် မြန်မာဝန်ထမ်းအချို့ လည်း ပါနိုင်တယ်လို့ ထင်ပါတယ်။" ဟု The Ladies သို့ ပြောကြားခဲ့သည်။

လက်ပန်းတောင်းတောင် စုံစမ်းစစ်ဆေးရေး ကော်မရှင်အဖွဲ့ဝင် ဖြစ်ခဲ့သည့် NLD ပြည်သူ့လွှတ်တော် ကိုယ်စားလှယ်တစ်ဦးဖြစ်သည့် ဒေါ်ခင်စန်းလှိုင်က လက်ရှိ ပစ်ခတ်မှုတွေနဲ့ ပတ်သက်လို့ ဘယ်သူ့မှာ တာဝန်ရှိသလဲဆိုတာကို မေးခွန်းထုတ်ခဲ့ပါသည်။

သူမက “အခုလို ပစ်ခတ်နေတဲ့ကိစ္စက ဝမ်ပေါင်ကုမ္ပဏီက ပစ်ခတ်တာလား၊ ဒါမှ မဟုတ်ရင် အခု ဝမ်ပေါင်ကုမ္ပဏီကို အကာအကွယ်ပေးနေတဲ့ လက်ပတောင်း ရဲတပ်ဖွဲ့ ကနေပြီးတော့ပဲ ဝင်ပြီးတော့ ပစ်ခတ်တာလား ဆိုတာကို အခုအချိန်အထိ ရှင်းရှင်းလင်းလင်း မသိရသေးဘူး၊ ပစ်ခတ်တယ် ဆိုရင် ဘယ်သူက ပစ်မိန့်ပေးတာလဲ၊ ဘယ်သူက တာဝန်ယူမှာလဲ။ ဘယ်သူက တာဝန်ခံမှာလဲဆိုတာလည်း ကျမတို့လည်း ဒါကိုသိချင်တယ်။" ဟု ပြောကြား ခဲ့သည်။

ဒေါ်ခင်စန်းလှိုင်က စစ်ကိုင်းတိုင်းဒေသကြီးမှ ၀န်ကြီးချုပ် (ဗိုလ်ချုပ်) ဦးသာအေးနှင့် အခြား သက်ဆိုင်ရာ တာဝန်ရှိတဲ့ပုဂ္ဂိုလ်များကို ဖုန်းနဲ့ ဆက်သွယ်ပြီး မေးမြန်းခဲ့သော် လည်း ဖြေကြားခြင်း မရှိကြောင်း သိရသည်။

လက်ရှိတွင် လက်ပံတောင်း ကြေးနီစီမံကိန်းအား တပ်မတော်ပိုင် မြန်မာ့ဦးပိုင်၊ သတ္တုတွင်း ၀န်ကြီးဌာနနှင့် တရုတ်နိုင်ငံ ၀မ်ပေါင်ကုမ္ပဏီ တို့က အချိုးကျပိုင်ဆိုင်ပြီး ၀မ်ပေါင်ကုမ္ပဏီ က ဦးစီးလုပ်ဆောင်နေခြင်း ဖြစ်သည်။

ဓါတ်ပုံ - ဟန်ဝင်းအောင်

The Ladies News Journal


ခွင့်ပြုမိန့်မကျတဲ့နေရာမှာ ဦးဆောင်ပြီး ဆန္ဒထုတ်ဖော်တဲ့အတွက် အမှုဖွင့်ခံထားရတဲ့ ၈၈မျိုးဆက်ကျောင်းသား ဦးကိုကိုကြီးအပါအဝင် ၅ ဦး တို့ဟာ တရား ဥပဒေအရ ရင်ဆိုင်သွားမှာဖြစ်ပြီး ဆောက်လုပ်ရေးလုပ်ငန်းတွေ မရပ်မချင်း ဆန္ဒထုတ်ဖော်သွားမှာဖြစ်တယ်လို့ ဦးဆောင် ဆန္ဒပြသူတွေက ပြောပါတယ်။ ခွင့်ပြုမိန့်ပေးထားတဲ့နေရာမှာမဟုတ်ဘဲ ဆန္ဒထုတ်ဖေါ်တဲ့အတွက် အရေးယူရတာဖြစ်တယ်လို့ တာဝန်ရှိ ရဲအရာရှိကလည်း တုံ့ပြန်ပါတယ်။ အသေးစိတ်ကိုတော့ ဗွီအိုအေသတင်းထောက် မသိင်္ဂီလင်းက တင်ပြပေးထားပါတယ်။

တောင်ဥက္ကလာ ၉ ရပ်ကွက် အားကစားကွင်းထဲမှာ အထပ်မြင့်ကွန်ဒို ဆောက်လုပ်နေတာကိုကန့်ကွက်တဲ့ ဆန္ဒထုတ်ဖော်ပွဲကို ခွင့်ပြုမိန့် မရတဲ့နေရာမှာ စုဝေးခဲ့ကြလို့ ဦးဆောင်သူတွေကို တောင်ဥက္ကလာ ရဲတပ်ဖွဲ့က ပုဒ်မ ၁၉ နဲ့ အမှုဖွင့်ထားပါတယ်။ ဆန္ဒထုတ်ဖော်ခွင့်မပြုတဲ့နေရာမှာ ဆန္ဒထုတ်ဖော်ခဲ့ တာကြောင့် အမှုဖွင့်ခံရတဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဦးကိုကိုကြီးက ဘာကြောင့် ခွင့်ပြုချက်မရတဲ့နေရာမှာ ဆန္ဒ ထုတ်ဖော်ရသလဲ ဆိုတာကို အခုလိုရှင်းပြပါတယ်။

“အခု ခွင့်ပြုမိန့်ပေးတယ်ဆိုတဲ့ ဟစ်တိုင်နေရာဟာ ခင်ဗျားတို့လည်း သွားကြည့်လို့ရတယ်။ အုတ်တံတိုင်းခတ်ထားပြီးတော့ ကျိုက္ကဆံကွင်းထဲမှာ။ ကျနော်တို့ ဒီမှာ အခင်းဖြစ်တဲ့နေရာက ဒီနေရာ၊ …ဆိုတော့ ဒီနေရာမှာဖြစ်နေတဲ့အဖြစ်အပျက်ကို အများပြည်သူသိအောင် ကျနော်တို့က မဖော်ထုတ်နိုင်ဘဲနဲ့ အုတ်တံတိုင်းခတ်ထားတဲ့ ကျိုက္ကဆံကွင်းထဲမှာ ကျနော်တို့က ဆန္ဒဖော်ထုတ်ရမယ်ဆိုရင် မထိရောက်ဘူးလို့ ကျနော်တို့က မြင်တယ်။ ဒါကြောင့်မို့လို့ ကျနော်တို့က ဒီမှာ အမှန်တကယ်ကျူးလွန်ထားတဲ့၊ အခင်းဖြစ်တဲ့နေရာမှာ ဆန္ဒဖော်ထုတ်တာဟာ ထိရောက်တယ်လို့ ယူဆတဲ့အတွက်ကြောင့်မို့လို့ ကျနော်တို့ ဒီမှာ လာလုပ်တာပါ။”

အခု အမှုဖွင့်ခံရတဲ့ထဲမှာ ဦးကိုကိုကြီးအပါအဝင် ဒေါက်တာစောနိုင်၊ ဦးမုန်းခက်၊ ဦးနိုင်ကိုလင်းနဲ့ ဦးစစ်မောင်တို့ကို ပုဒ်မ ၁၉ နဲ့ အမှုဖွင့် ထားတာပါ။ အမှုဖွင့်အရေးယူခံရသူထဲက တစ်ဦးဖြစ်တဲ့ ဦးမုန်းခက်ကတော့ သူတို့ကို အရေးယူထားတဲ့အပေါ် တရားရေးအရင်ဆိုင်သွားမှာ ဖြစ်ပြီး အခု တည်ဆောက်နေတဲ့ ဆောက်လုပ်ရေးလုပ်ငန်း မရပ်မချင်း ဆန္ဒထုတ်ဖော်သွားမယ့် အကြောင်း အခုလိုပြောပြပါတယ်။

“ကျနော်တို့ကလည်း တရားဥပဒေအရ ရင်ဆိုင်ဖြေရှင်းမယ်၊ ဒါပေမယ့် ကျနော်တို့ရဲ့ဆန္ဒပြမှုကတော့ ဒီဆောက်လုပ်ရေးလုပ်ငန်း မရပ်မချင်း ဆက်လက်ပြီးတော့ ဆန္ဒပြဖို့ ပြောပြီးတော့ အကိုတို့ကို တနာရီကျော်ကျော်ပေါ့- ရဲစခန်းထဲမှာလေ မေးမြန်းပြီးမှ ပြန်လွှတ်လိုက်တယ်။”

ဦးကိုကိုကြီး အပါအဝင် ဆန္ဒထုတ်ဖော်ပွဲမှာ ဦးဆောင်ဟောပြောခဲ့သူတွေကို အမှုဖွင့်အရေးယူတဲ့အကြောင်းကို တောင်ဥက္ကလာပမြို့နယ် ရဲတပ်ဖွဲ့က ရဲမှူးမျိုးအောင်က VOA ကို ပြောပြပါတယ်။

“စုဝေးခွင့်၊ စီတန်းလှည့်လည်ခွင့်ကို လျှောက်တာပေါ့နော်၊ လျှောက်တဲ့အခါကျတော့ သူတို့က ခွင့်ပြုတဲ့နေရာကတော့ ကျိုက္ကဆံအားကစားကွင်း အနောက်ဖက်ခြမ်းက ဟစ်တိုင်မှာပဲလုပ်ခိုင်းတာ။ သို့သော်လည်း အဲဒီနေရာမှာ သူတို့က မလုပ်တဲ့အတွက်ကြောင့်၊ သတ်မှတ်ထားတဲ့နေရာမှာ မလုပ်တဲ့အတွက်ကြောင့် သူတို့ကို တားထားတာ။ အရေးယူတာပဲ။”

ဖဆဖလ ခေတ်တုန်းက အားကစားကွင်းအဖြစ် ဖွင့်လှစ်ထားတဲ့ ဒီမြေနေရာကို ၂၀၁၃ခုနှစ်မှာ ပြည်ခိုင်ဖြိုးပါတီက နာမည်ပေါက်ဂရန်ရပြီး ၈ ထပ်မြင့်တဲ့ ကွန်ဒိုတည်ဆောက်နေကြတာပါ။ ဒီအားကစားကွင်းနေရာမှာ ကွန်ဒိုဆောက်နေတာနဲ့ ပတ်သက်လို့ အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်ကလည်း ဆန္ဒပြခဲ့ပါသေးတယ်။ ဒါပေမယ့် အရင် မြို့တော်ဝန်ဟောင်းဖြစ်တဲ့ ဦးအောင်သိန်းလင်းက ဒီနှစ် ဇွန်လထဲမှာ ပြည်ခိုင်းဖြိုး ပါတီအပိုင် မြေနေရာဖြစ်တယ်လို့လည်း သတင်းစာရှင်းလင်းပွဲတစ်ရပ် ကျင်းပပြီး ပြောခဲ့ပါတယ်။

ရန်ကုန်မြို့တော် စည်ပင်သာယာကော်မတီ ပန်းဥယျာဉ်နဲ့ အားကစားကွင်းများဌာနရဲ့ ဌာနမှူး ဦးကိုကိုလင်းကတော့ ဒီမြေနေရာဟာ အားကစားကွင်း အဖြစ် တရားဝင်သတ်မှတ်ထားခြင်းမရှိတဲ့အကြောင်း ရှင်းပြပါတယ်။

“ဟိုး စလွှဲကတည်းက အဲဒီ ကောင် (နေရာ) ဟာ အားကစားကွင်းလည်းမဟုတ်ဘူး၊ အားကစားကွင်းမြေလို့ သတ်မှတ်ထားတာ မရှိဘူး။ ဦးတို့ ကြီးကြပ်ပြီးလုပ်တဲ့ လုပ်ငန်းလည်းမဟုတ်ဘူး။ ပြောမယ်ဆို ဦးနဲ့မပတ်သက်ဘူး သမီးရယ်။ သူ့ဟာသူ အားကစားကွင်းက ဘောလုံးကန်တဲ့အားကစားကွင်းလို့ လျှောက်အော်နေကြတာ။ တို့ဆီမှာ စာရင်းဇယား၊ data အကုန်ရှိတာကို။”

ဒီ တောင်ဥက္ကလာ ၉ ရပ်ကွက် အားကစားကွင်းမှာ ကွန်ဒိုဆောက်နေတာနဲ့ ပတ်သက်လို့ လွန်ခဲ့တဲ့ တစ်နှစ်ကျော်က ပထမအကြိမ် ကန့်ကွက် ဆန္ဒပြခဲ့လို့ ဆောက်လုပ်ရေး ခေတ္တရပ်တန့်သွားခဲ့ပါသေးတယ်။ ကျန်းမာသန်စွမ်းတဲ့ လူငယ်တွေဖြစ်လာဖို့ ဒီလို အားကစားကွင်းတွေ လိုအပ်တာမို့ ဒီလို အသိမ်းခံရတဲ့ ကစားကွင်းတွေ ပြန်ရတဲ့အထိ တိုက်ပွဲဝင်သွားမယ်လို့လည်း ဦးကိုကိုကြီးက ပြောသွားပါတယ်ရှင်။
VOA
http://burmese.voanews.com/content/ko-ko-gyi-faces-charges-for-protest-illegality-/2569209.html


လက်ပံတောင်းတောင် ကြေးနီစီမံကိန်းအနီး မြန်မာဝမ်ပေါင်ကုမ္ပဏီက ခြံစည်းရိုးခတ်မှုအပေါ် တားမြစ်တဲ့ ဆည်တည်းရွာသားတွေကို ဒီမနက် ရာဘာကျည်ဆန်နဲ့ ပစ်ခတ်တာကြောင့် ၂ ဦး ထပ်မံ ဒဏ်ရာရပါတယ်။

ဒီမနက် ခြံစည်းရိုးတွေ စိုက်ထူရာ ဆည်တည်းရွာမြောက်ဘက် ကိုက် ၄၀၀ ခန့် အကွာနားထိ  ကပ်လာလို့  ရွာသားတွေက တားမြစ်တဲ့အခါ သေနတ်နဲ့ ပစ်ခတ်လို့ ရွာသားနှစ်ဦး သေနတ်ထိမှန်ဒဏ်ရာရတယ် ဆည်တည်းရွာသား ကိုအောင်ဌေးနိုင်က ပြောပါတယ်။

“ဒီနေ့လည်း ပစ်တယ်ဗျ။ မနက်စောစော ခုနှစ်နာရီခွဲလောက်ကို ရာဘာကျည်ဆံ ၂ ယောက်လောက် မှန်သွားတယ်ဗျ။ တယောက်က ကိုအောင်နိုင်၊ တယောက်က ကိုဌေးဝင်းဗျ။ တယောက်က ဘယ်ဘက် နှာခေါင်းဘေး မျက်စပ်အကြားမှာ၊ နောက်တယောက်ကလည်း ဘယ်ဘက် မေးရိုးမှာဗျ။”

မနေ့က ရဲတပ်ဖွဲ့က သေနတ်နဲ့ပစ်ခတ်မှုကြောင့် မိုးကြိုးပြင်အလယ်ရွာက တောင်သူ ဒေါ်ခင်ဝင်း သေဆုံးခဲ့သလို ရွာသားအများအပြား ဒဏ်ရာရခဲ့ပါတယ်။ ဒီမနက်လည်း ထပ်ပစ်တာကြောင့်  ရွာသားတွေအနေနဲ့ ဆက်မတားတော့ဘဲ ရပ်ကြည့်တဲ့အနေအထားကို ရောက်ရှိသွားပြီဖြစ်ပါတယ်။

သူက “မနက်က မျက်နှာလေးမှ သစ်ကာပဲရှိသေးတယ် စက်သံတွေကြားတယ်ဆိုတော့ မနေ့ကအတိုင်းလုပ်တာပဲထင်နေတာ နောက်တော့ ရွာနား နီးလာတယ်ဆိုတော့ သူတို့က ပဲခင်းတွေ၊ ပြောင်းခင်းတွေထဲကနေ ရဲတွေ လုံထိန်းတွေက နေရာယူပြီးသား အဲဒီမှာ ကျနော်တို့က နောက်ဆုတ်မလားလို့ ပြောကြတာပေါ့ဗျာ။ ပြောတော့ သူတို့က ရာဘာကျည်ဆံတွေနဲ့ ပစ်တာဗျ။ ပစ်တော့ ကျနော်တို့လည်း နောက်ပြန်ဆုတ်ပြီး မရတော့ဘူးဆိုပြီး ကိုယ်ဖာသာကိုယ်ပဲ သူတို့ ခြံစည်းရိုးခတ်တဲ့ဘေးကနေပြီးတော့ ရပ်ပြီးတော့ ကြည့်တဲ့သူက ကြည့်၊ ထိုင်ပြီးတော့ ကြည့်တဲ့သူက ကြည့်ပေါ့ဗျာ။ ဒီတိုင်းပဲ လက်မှိုင်ချနေရတော့တာ” လို့ ပြောပါတယ်။

မြန်မာနိုင်ငံရဲတပ်ဖွဲ့နဲ့ လုံထိန်းတွေ (အနီရောင်လည်ပတ်။ ကျောပိုးအိတ် အစိမ်းရောင်) တွေက ကာကွယ်ပေးမှုအောက်မှာ တရုတ်လုပ်သားတွေဟာ ခြံစည်းရိုးခတ်တာဖြစ်ပါတယ်။ စက်ယန်းတရားတွေအသုံးပြုပြီး တကျပ်ခွဲလုံးပတ်ရှိတဲ့ သံတိုင်ချွန်ကို မြေမှာစိုက်ပြီး   လူတစ်ရပ်ခွဲစာသာသာ သံဇကာတွေကို တရုတ်လုပ်သားတွေက သွပ်နန်းကြိုးနဲ့ ချည်နှောင်ကြတာလို့ ဆိုပါတယ်။

မနေ့က အခင်းဖြစ်ပွားတဲ့ ခြံစည်းရိုးခတ်တဲ့ဖြစ်စဉ်ကို စစ်ကိုင်းတိုင်းဒေသကြီး နယ်စပ်ရေးရာဝန်ကြီး၊ တိုင်းရဲမှူး၊ မြို့နယ်ရဲမှူး၊ မြို့နယ်အုပ်ချုပ်ရေးမှူးတွေ ရှိနေတယ်လို့ဆိုပါတယ်။

By အေးနိုင် (ဒီဗွီဘီ)
http://burmese.dvb.no/archives/74630


လက်ပံတောင်းတောင် ကြေးနီးစီမံကိန်းမှာ ရဲက ပစ်ခတ်လို့ ဒေသခံရွာသူ ဒေါ်ခင်ဝင်း သေဆုံးမှုအတွက် ဒီကနေ့ထုတ် အစုိုးရပုိုင် သတင်းစာတွေမှာ စီမံကိန်းအတွက် ခြံစည်းရုံးတုိုးချဲ့ကာရံရေး လုပ်ဆောင်နေမှုတွေ တားဆီးနှောင့်ယှက်ခံရတယ်ဆုိုပြီး ဖော်ပြလာပါတယ်။

ခြံစည်းရုိုး ကာဖုို့ အဖွဲ့ ၃ ဖွဲ့ ခွဲလုပ်ဆောင်နေစဉ်မှာ လိပ်ခွံတောင်ကြားမှာ ဒေသခံရွာသားတွေ လေးခွတွေနဲ့ အနီးကပ် ပစ်ခတ်လုို့ အဓိကရုဏ်း နှိမ်နင်းရေး လက်နက် ၁၂ ဗုို့ ပြောင်းချောသေနတ်နဲ့ ၃ ချက် ပစ်ခတ်ခဲ့ရတယ်လုို့ ဆုိုပါတယ်။

Latpadaung 22122014အင်ကြင်းတောင်အနီးမှာလည်း ခြံစည်းရိုးခတ်ဖုို့ လုပ်ဆောင်နေစဉ်မှာလည်း ဒေသခံတွေက ဟန့်တားပြီး ကုမ္ပဏီက အလုပ်သမား ၁၀ ဦး ပိတ်ဆုို့  ထိန်းသိမ်းခဲ့ရာက ညှိနှိုင်းမရလုို့ သေနတ်နဲ့ ၈ ချက် ထပ်ပစ်ခဲ့တယ်လုို့ ဖော်ပြထားပါတယ်။

ဒါ့အပြင် လိပ်ခွံတောင်ပေါ်မှာ ရွာသားတွေက လေးခွနဲ့ ပစ်လုို့ သေနတ်နဲ့ ၄ ချက် ထပ်မံ ပစ်ခဲ့ရတယ်လုို့  ဆုိုထားပါတယ်။ အဲဒီဖြစ်စဉ်ကြောင့် ရဲတပ်ဖွဲ့ဝင်၁၁ ဦးနဲ့ ရွာသာ ၉ ဦး ဒဏ်ရာရပြီး ရွာသူ မုိုးကြိုးပြင်ရွာသူ ဒေါ်ခင်ဝင်း သေဆုံးခဲ့တယ်လုို့ အစုိုးရပိုိုင် သတင်းစာတွေမှာ ရေးသားထားပါတယ်။

ဆည်းတည်းရွာသားတဦးကတော့ လျော်ကြေးမယူတဲ့ မြေယာတွေပေါ်မှာ ၀မ်ပေါင် ကုမ္ပဏီက ခြံစည်းရိုးခတ်တဲ့အတွက် ဒေသခံတွေနဲ့ ပဋိပက္ခဖြစ်ပွားပြီး ရဲက သေနတ်နဲ့ ပစ်ခတ်ခဲ့တဲ့အတွက် ရွာသူတဦးနဲ့ ဒေသခံ ၂၀ထက် မနည်း ဒဏ်ရာရရှိသွားတယ်လုို့ ပြောပါတယ်။ ဒေသခံတွေက ရှေ့တက်ရင် ပစ်မှာပဲလုို့ ပြောပြီး လျော်ကြေးမယူတဲ့ အခင်းတွေဘက်ကို ခြံစည်းရိုးခတ်ရာမှာ မတိုးဖို့ တားရင်းနဲ့ ပစ်ခတ်မှုဖြစ်တာလို့ဆိုပါတယ်။

လက်ရှိမှာတော့ ၀မ်ပေါင်ကုမ္ပဏီကနေပြီး အဲဒီလျော်ကြေးမယူတဲ့ဒေသခံရဲ့ လယ်မြေ ၁၀၀၀ ကျော်ကို ခြံစည်းရိုးဆက်လက်ခတ်နေကြပြီး ညနေ ၄ နာရီလောက်မှာတော့ ရွာသားတွေ ပြန်ကုန်ပြီးလို့ အဲဒီကိုရောက်ရှိခဲ့တဲ့ ဒီဗွီဘီသတင်းထောက်က ပြောပါတယ်။

လက်ပံတောင်းတောင် ကြေးနီစီမံကိန်းနဲ့ပတ်သက်လို့ လွန်ခဲ့တဲ့နှစ်ပိုင်းက ကန့်ကွက်ဆန္ဒပြကြရာမှာ ရဲတပ်ဖွဲ့က မီးခုိုးဗုံးနဲ့ပစ်ခတ်လို့ သံဃာအများအပြား မီးလောင်ဒဏ်ရာရခဲ့ဖူးပါတယ်။

By ဒီဗွီဘီ
http://burmese.dvb.no/archives/74597


ဆိုနီကော်ပိုရေးရှင်းကို အင်တာနက် cyber တိုက်ခိုက်ခဲ့တဲ့ အပေါ် မြောက်ကိုရီးယားနိုင်ငံရဲ့လက်ချက် ဖြစ်တယ်လို့ အပြစ်ဖို့လိုက်ပြီး အမေရိကန် ပြည်ထောင်စုက လက်တုံ့ပြန်သွားမှာ ဖြစ်တယ်လို့ သမ္မတဘာရက်အိုဘားမားက သတိပေးလိုက်ပြီး ရက်ပိုင်း အကြာမှာ မြောက်ကိုရီးယားနိုင်ငံက နေရာ အများအပြားမှာ အင်တာနက်တွေ ပြတ်တောက်မှုနဲ့ ကြုံနေရပါတယ်။

ဘာကြောင့် အခုလို အင်တာနက်လိုင်းတွေ ပြတ်တောက်နေရတဲ့ အကြောင်းအရင်းကိုတော့ ရှင်းရှင်းလင်းလင်း မသိရသေးပါဘူး။ အမေရိကန် နိုင်ငံခြားရေး ၀န်ကြီးဌာနရဲ့ ပြောခွင့်ရသူအမျိုးသမီးကို ဒီအကြောင်းနဲ့ပတ်သက်ပြီး မေးမြန်းရာမှာတော့ ဖြေဆိုဖို့ ငြင်းဆိုပါတယ်။

ဒါပေမဲ့ အမေရိကန်အစိုးရအနေနဲ့ ဆိုနီကော်ပိုရေးရှင်း တိုက်ခိုက်ခံရမှုအပေါ် တုံ့ပြန်ဖို့နည်းလမ်းတွေ စဉ်းစားနေတယ်လို့ သူမက ပြောပါတယ်။ တဆက်တည်းမှာပဲ တချို့ကိစ္စတွေဟာ မျက်စေ့နဲ့မြင်နိုင်ပြီး တချို့အရာတွေကတော့ မြင်တွေ့နိုင်မှာ မဟုတ်ဘူးလို့ ပြောပါတယ်။

အမေရိကန်နိုင်ငံအခြေစိုက် အင်တာနက် လေ့လာစောင့်ကြည့်နေတဲ့ Dyn Research သုတေသနအဖွဲ့ရဲ့ ပြောရေးဆိုခွင့်ရှိသူ တယောက်ကတော့ မြောက်ကိုရီးယားမှာ ဖြစ်နေတဲ့အင်တာနက်ပြဿနာဟာ တိုက်ခိုက်မှုကြောင့် ဖြစ်ရတာဖြစ်နိုင်တယ်လို့ ပြောပါတယ်။

ဆိုနီရုပ်ရှင်လုပ်ငန်းအပေါ် cyber တိုက်ခိုက်မှုမှာ ပတ်သက်တယ်လို့ စွပ်စွဲပြောဆိုတဲ့အပေါ် အမေရိကန်ပြည်ထောင်စုအနေနဲ့ တောင်းပန်ဖို့ မြောက်ကိုရီးယားက တနင်္လာနေ့မှာ တောင်းဆိုလိုက်ပြီး cyber တိုက်ခိုက်မှုအပါဝင် နည်းမျိုးစုံနဲ့ ပြန်လည်တိုက်ခိုက်မယ်ဆိုပြီးတော့လည်း ခြိမ်းခြောက် လိုက်ပါတယ်။

ဗွီအိုအေ (မြန်မာဌာန)
http://burmese.voanews.com/content/north-korea-internet-out-/2570168.html

လက်ပန်းတောင်း ကြေးနီစီမံကိန်း ရဲနဲ့ဒေသခံတွေရဲ့ ထိပ်တိုက်ရင်ဆိုင်မှု (ဒီဇင်ဘာ ၂၂၊ ၂၀၁၄) 
တနင်္လာနေ့က လက်ပန်းတောင်းတောင် ပစ်ခတ်မှုမှာ မြန်မာရဲတပ်ဖွဲရဲ့ နှိမ်နှင်းပုံဟာ ဥပဒေနဲ့ မညီတဲ့အပြင် ဒေသခံ အမျိုးသမီးတဦး သေဆုံး ခဲ့တာကြောင့် အခြေအနေတွေကို စိုးရိမ်မိကြောင်း အမေရိကန်နိုင်ငံခြားရေးဌာန ကပြောဆို လိုက်ပါတယ်။ အခုလို လက်ပန်းတောင်း မြေယာကိစ္စနဲ့ပတ်သက်လို့ နှစ်နဲ့ချီကြာမြင့်လာတဲ့ ပြဿနာကို မြန်မာအစိုးရ တာဝန်ယူ ဖြေရှင်း မပေးတာကိုလည်း ဟောင်ကောင်အခြေစိုက် AHRC အာရှ လူ့အခွင့်အရေး ကော်မရှင်က ဝေဖန်လိုက်ပါတယ်။

အကြောင်းစုံကိုမအင်ကြင်းနိုင်က တင်ပြပေးထားပါတယ်။

မုံရွာမြို့အနောက်ဖက်ကမ်း လက်ပန်းတောင်းကြေးနီစီမံကိန်းဒေသမှာ ဒေသခံ ဆန္ဒပြသူတွေကိုနှိမ်နင်းရာမှာ သေဆုံး၊ ဒဏ်ရာရခဲ့တာတွေနဲ့ပတ်သက်လို့အမေရိကန်ပြည်ထောင်စုအနေနဲ့ စိုးရိမ်မကင်းဖြစ်တဲ့အကြောင်းနဲ့ အဓိကရုဏ်းနှိမ်းနင်းမှုနဲ့ပတ်သက်လို့ မြန်မာအစိုးရအနေနဲ့ စုံစမ်းစစ်ဆေးဖို့ အမေရိကန် နိုင်ငံခြားရေးဌာနက တနင်္လာနေ့က တောင်းဆိုလိုက်ပါတယ်။

“လက်ပန်းတောင်သတ္တုတွင်းဆန္ဒပြမှုတွေအတွင်း သေဆုံးဒဏ်ရာရှိတဲ့သတင်းတွေနဲ့ပတ်သက်လို့ ကျမတို့အလွန်ပဲ စိုးရိမ်မကင်းဖြစ်မိပါတယ်။ ပါဝင်ပတ်သက်နေတဲ့ အုပ်စုအားလုံးတို့အနေနဲ့ထိန်းထိန်းသိမ်းသိမ်းလုပ်ဆောင်ကြဖို့ ကျမတို့တိုက်တွန်းပါတယ်။ ဒီအခင်းဖြစ်ရပ်တွေနဲ့ပတ်သက်လို့ ထင်သာမြင်သာရှိတဲ့စုံစမ်းစစ်ဆေးမှုတရပ်ကို အလျင်အမြန်လုပ်ဆောင်ပေးဖို့ ကျမတို့တိုက်တွန်းပါတယ်။ အခြေအနေကို ကျမတို့ ဆက်လက်စောင့်ကြည့်သွားမှာလည်း ဖြစ်ပါတယ်။”

လက်ပန်းတောင်းတောင်မှာ ၀မ်ပေါင်နဲ့ ဦးပိုင်ကုမ္ပဏီတွေဆီက လျော်ကြေးမယူထားတဲ့မြေတွေမှာ မနေ့ကစပြီး ကုမ္ပဏီတွေနဲ့အာဏာပိုင်တွေက အတင်းအကြပ်ခြံစည်းရိုးခတ်ခဲ့တာပါ။ ဒါကြောင့် လျော်ကြေးလက်မခံတဲ့ တောင်သူတွေနဲ့ တင်းမာမှုတွေဖြစ်ခဲ့ပြီး ရဲတွေဘက်က သေနတ်နဲ့ ပစ်ခတ်မှုကြောင့် ခေါင်းမှာကျည်ဆံထိမှန်ခဲ့တဲ့ တောင်သူဒေါ်ခင်ဝင်းသေဆုံးခဲ့သလို လူ(၄၀) ကျော် အပြင်းအထန်ဒဏ်ရာရခဲ့တယ်လို့ မျက်မြင်သက်ဖြစ်တဲ့ မိုးကြိုးပြင်ရွာသားတစ်ဦးကဗွီအိုအေကိုပြောပါတယ်။

“ဒဏ်ရာရတဲ့သူက အယောက် ၄၀ ကျော်တယ်၊ အပြင်းအထန် ဒဏ်ရာရတဲ့သူတွေကို ဆေးရုံပို့နေတယ်။ ပြင်းပြင်းထန်ထန်ဒဏ်ရာရတာက ၆ ယောက်၊ ၇ ယောက်လောက် ရှိတယ်။ ဒေါ်ခင်ဝင်းကတော့ သေနတ်မှန်ပြီးတော့ သေဆုံးသွားပြီပေါ့။”

အခုလို မြန်မာရဲတပ်ဖွဲ့ရဲ့ နှိမ်နှင်းပုံဟာ တရားဥပဒေဘောင်ကိုကျော်လွန်ပြီးလုပ်ဆောင်ခဲ့တာဖြစ်တယ်လို့ AHRC ရဲ့ မြန်မာနိုင်ငံဆိုင်ရာတာဝန်ခံ ဦးမင်းလွင်ဦးကဗွီအိုအေကိုပြောပါတယ်။

“ဒီလိုမျိုးအဓိကရုန်းတွေဖြစ်တော့မယ်ဆိုရင် ပထမဦးဆုံးရဲက သတိပေးဖို့လိုအပ်ပါတယ်။ နောက်ပြီးတော့ စည်းသုံးစည်းသတ်မှတ်ပြီးတော့ ပထမစည်းကျော်လာရင်ဘယ်လိုဖြစ်မယ်၊ ဒုတိယစည်းကျော်လာရင် ခြောက်လှန့်ပစ်ခတ်မယ်၊ တတိယစည်းကျော်လာရင် ရိုက်နှက်ဖမ်းဆီးမယ်ဆိုတဲ့ အဆင့်လိုက်တားမြစ်ထားတယ်။ အခုတော့ အဲလိုမျိုးမဟုတ်ပဲနဲ့ သေနတ်နဲ့ပစ်ခတ်ဖမ်းဆီးတဲ့ကိစ္စရပ်ထိ ရောက်လာတယ်ဆိုတာကတော့ ဥပဒေကို အလွန်အကျွန်ချိုးဖောက်တဲ့ကိစ္စရပ်လို့ကျနော်တို့မြင်ပါတယ်။”

လက်ပန်တောင်းတောင် ဒေသခံတွေနဲ့ ပဋိပက္ခဖြစ်ရာမှာ ၀မ်ပေါင်ကုမ္ပဏီရဲ့ တရုတ်ဝန်ထမ်းတွေကနေ ကျည်ကာအကျီတွေဝတ်၊ ဒိုင်တွေကိုင် ပေါက်ဆိန်၊ ရဲဒင်း၊ မောင်းခလုတ်ဓါးစတာတွေကိုင်ဆောင်ပြီး ဒေသခံတွေကို ပြန်ပြီးထိပ်တိုက်တွေ့ခဲ့တယ်လို့ မျက်မြင်သက်သေတွေကပြောပါတယ်။ နိုင်ငံခြားရင်းနှီးမြှုပ်နှံမှုတွေမှာ မူဘောင်လုပ်ပိုင်ခွင့်နဲ့ပတ်သက်လို့ မြန်မာအစိုးရကို မေးခွန်းထုတ်စရာဖြစ်လာတယ်လို့ ဦးမင်းလွင်ဦးကပြောပါတယ်။

"မိမိစက်ရုံကိုမိမိ ကာကွယ်ဖို့အတွက် လုပ်ဆောင်တယ်ဆိုလို့ရှိရင် ကျနော်တို့က ဘာမှ မပြောလိုဘူး။ အခု ဖြစ်တဲ့နေရာက စက်ရုံရဲ့နယ်နမိတ်ထဲမှာ မဟုတ်ဘူး။ ပြင်ပ တောင်သူတွေပိုင်တဲ့လယ်ယာမြေကို အတင်းအဓမ္မလာပြီး ခြံခတ် စည်းရိုးကာတဲ့ကိစ္စဖြစ်တယ်။ အဲဒီတော့ကာ ကျနော်တို့ မြန်မာနိုင်ငံရဲ့အချုပ်အခြာအာဏာက ဘယ်သူပိုင်သလဲဆိုတာကို ကျနော်တို့က မေးရမယ့်အခြေအနေမျိုးဖြစ်နေပြီ။"

လက်ပန်းတောင်းတောင်ကြေးနီစီမံကိန်းမှာ ရင်းနှီးမြှုပ်နှံလုပ်ကိုင်နေတဲ့ ဦးပိုင်နဲ့ ၀မ်ပေါင်ကုမ္ပဏီတွေနဲ့ ဒေသခံတောင်သူတွေကြား ပဋိပက္ခဖြစ်လာတာဟာ နှစ်နှစ်ကျော်ကြာမြင့်ခဲ့ပြီဖြစ်ပါတယ်။ ဒါကြောင့် သမ္မတဦးသိန်းစိန်အစိုးရအနေနဲ့ ဒေသခံတွေရဲ့ဆန္ဒနဲ့အညီဆောင်ရွက်ပေးဖို့ AHRC အနေနဲ့တိုက်တွန်းကြောင်း ဦးမင်းလွင်ဦးကပြောပါတယ်။

"ဒေသခံပြည်သူလူထုရဲ့ သဘောတူညီမှု မရဘဲနဲ့ ဒီကိစ္စတွေ ဆက်လက်လုပ်ဆောင်နေမယ်ဆိုလို့ရှိရင် ဒီပြဿနာဟာ နောင်အစိုးရတက်လာတဲ့အချိန်အထိလည်း ပြီးမှာမဟုတ်ဘူးဆိုတာကိုလည်း ကျနော်တို့အနေနဲ့ ပြောချင်တယ်။ ဒါကြောင့် ဒေသခံပြည်သူလူထုနဲ့ ဒေသခံ တောင်သူလယ်သမားတွေရဲ့ဆန္ဒကို အဓိကဦးစားပေးပြီးတော့  ညှိနှိုင်းလုပ်ဆောင်မှုတွေ အမြန်ဆုံး ဆောင်ရွက်ပေးမယ်လို့ ကျနော်တို့အာရှလူ့အခွင့်အရေး ကော်မရှင်အနေနဲ့ တောင်းဆိုချင်ပါတယ်။"

စစ်တပ်ပိုင် မြန်မာ့စီးပွားရေးဦးပိုင်ကုမ္ပဏီ လိမိတက်နဲ့ တရုတ်ကုမ္ပဏီဖြစ်တဲ့ မြန်မာ-ဝမ်ပေါင်ကုမ္ပဏီတို့ ဖက်စပ်ဆောင်ရွက်နေတဲ့ လက်ပန်းတောင်းတောင် ကြေးနီစီမံကိန်းရပ်တန့်ဖို့ ၂၀၀၁၂ခုနှစ် အောက်တိုဘာလမှာ ဒေသခံသံဃာတော်တွေနဲ့ ပြည်သူတွေဆန္ဒပြခဲ့ချိန်က ဖော့စ်ဖရပ်ပါတဲ့ မီးလောင်ဗုံးတွေနဲ့ အင်အားသုံး ဖြိုခွဲခဲ့တာပါ။ ဒီလိုအကြမ်းဖက်ဖြိုခွဲမှုကြောင့်
 ဦးဆောင် သံဃာတော်တွေနဲ့ ပြည်သူအချို့ ဒဏ်ရာအပြင်းအထန်ရခဲ့ကြပါတယ်။ အဲဒီနောက်မှာတော့ ဒီကြေးနီစီမံကိန်းနဲ့ပတ်သက်လို့ ကိုင်တွယ်ဖြေရှင်းဖို့ အမျိုးသားဒီမိုကရေစီအဖွဲ့ချုပ်ဥက္ကဌ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်ဦးဆောင်တဲ့စုံစမ်းစစ်ဆေးရေးကော်မရှင်ဖွဲ့ခဲ့ ပြီး အစီရင်ခံစာကို အကောင်အထည်ဖော်ဖို့ လုပ်ငန်း ကော်မတီ တစ်ရပ်ကို ဖွဲ့စည်းခဲ့ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com/content/lappadaund-police-gun-shot-killed-one-/2570141.html


ဒီတစ်ပါတ်အတွင်း နိုင်ငံရေးနဲ့ သတင်းလောကမှာ လှုပ်လှုပ်ခတ်ခတ် ဖြစ်သွားစေတဲ့ သတင်းတစ်ပုဒ်ကတော့ ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးရဲ့ ပြောစကားတွေပါပဲ။

ပြီးခဲ့တဲ့ ဒီဇင်ဘာ ၁၆ ရက်နေ့ ရန်ကုန် မီကာဆာ ဟိုတယ်မှာ ရုပ်ရှင်၊ ဂီတ အနုပညာရှင်တွေနဲ့ တွေ့ဆုံပွဲမှာ သူက လွှတ်တော်ထဲမှာ စစ်တပ်က ၂၅ ရာခိုင်နှုန်း ပါဝင်ခြင်းဟာ အာဏာ ပြန်မသိမ်းဖို့ အတွက်ဖြစ်တဲ့အကြောင်း၊ ဒါပေမယ့် တိုင်းပြည် မတည်ငြိမ် မအေးချမ်းဘူး ဆိုရင်တော့ စစ်တပ်က အာဏာသိမ်းရမှာပဲ ဖြစ်ကြောင်း ပြောလိုက်လို့ပါပဲ။

လက်ရှိ ပြည်ထောင်စု ရွေးကောက်ပွဲ ကော်မရှင် ဥက္ကဌလည်းဖြစ်၊ အရင် စစ်အာဏာရှင်ခေတ်က ထိပ်တန်းတာဝန်ယူခဲ့တဲ့ ဒုဗိုလ်ချုပ်ကြီးဟောင်းလည်း ဖြစ်တဲ့ ဦးတင်အေး ပြောလိုက်တဲ့ စကား အပြည့်အစုံဟာ ဘာလဲ၊ ဘာရည်ရွယ်ချက်နဲ့ ပြောလိုက်တာလဲ၊ အကျိုးဆက်က ဘာတွေ ဖြစ်လာနိုင်မလဲ ဆိုတာ ဆွေးနွေးတင်ပြသွားပါ့မယ်။

ဦးတင်အေး ပြောခဲ့တာတွေက ၁၉၆၂ ခုနှစ် ဗိုလ်ချုပ်ကြီးနေ၀င်း အာဏာသိမ်းခဲ့တယ် ဆိုတာ အကျိုးအကြောင်း ခိုင်လုံပြီး မှန်ကန်တယ် ဆိုတဲ့အကြောင်း၊ အာဏာရှင် ဦးနေ၀င်း အုပ်ချုပ်ခဲ့တဲ့ ၁၉၆၂ ကနေ ၁၉၈၈ ခုနှစ်အထိ ၂၆ နှစ်တာကာလ လုပ်ကိုင် ဆောင်ရွက်ခဲ့သမျှတွေဟာ မူဝါဒသဘောတရား ကောင်းမွန်ပေမယ့် အကောင်အထည် ဖော်သူတွေ အားနည်းလို့ မအောင်မမြင်ဖြစ်ပြီး ၁၉၈၈ အရေးအခင်း ဖြစ်ပေါ်လာတဲ့အကြောင်း၊ ၁၉၈၈ မှာလည်း စစ်တပ်ဟာ မလွှဲမရှောင်သာလို့ အာဏာသိမ်းခဲ့ရတာ ဖြစ်ကြောင်း၊ ဒါကြောင့် ၁၉၉၀ မှာ ရွေးကောက်ပွဲလုပ်ပေးခဲ့တာ ဖြစ်ပေမယ့် အင်န်အယ်လ်ဒီ အမျိုးသားဒီမိုကရေစီ အဖွဲ့ချုပ် အနိုင်ရတဲ့အခါ အာဃာတတရား ရှေ့ထားတဲ့အတွက် အာဏာ လွှဲမပေးခဲ့တာ ဖြစ်တဲ့အကြောင်း ပြောဆိုခဲ့ပါတယ်။

ရွေးကောက်ပွဲ ကော်မရှင်ဥက္ကဌ ဦးတင်အေး ပြောတာ ဘာအဓိပ္ပါယ် သက်ရောက်သလဲ

ဒါကြောင့် နောက်ပိုင်း အာဏာသိမ်းတာတွေ မဖြစ်အောင် ဖွဲ့စည်းပုံ ရေးဆွဲပြီး လွှတ်တော်ထဲမှာ စစ်တပ်က ၂၅ ရာခိုင်နှုန်း ရယူထားခဲ့တဲ့အကြောင်း၊ ဒါပေမယ့်လည်း တိုင်းပြည် မတည်မငြိမ်ဖြစ်လာရင်၊ ဆူဆူပူပူ ဖြစ်လာရင် အာဏာပြန်သိမ်းရမှာပဲ လို့ ပြောဆိုခဲ့တာဖြစ်ပါတယ်။ ဦးတင်အေး ပြောတာတွေကို ခြုံငုံသုံးသပ်ကြည့်ရင် တိုင်းပြည်ကို ပျက်စီးစေခဲ့တဲ့၊ ကမ္ဘာ့အလည်မှာ အောက်ကျနောက်ကျ ဖြစ်စေခဲ့တဲ့ စစ်အာဏာရှင် စနစ်ကို အပြည့်အ၀ ကာကွယ်ပြောဆိုသွားတာ တွေ့ရမယ် ဖြစ်ပါတယ်။ တကယ်တော့ ဒီ ပြောဆိုမှုတွေဟာ အရင် စစ်အစိုးရခေတ်ကလည်း ခုလိုပဲ ထပ်တလဲလဲ ပြောဆို ၀ါဒဖြန့်ခဲ့တာ ဖြစ်ပါတယ်။ ပြည်သူတွေကရော နိုင်ငံတကာကပါ ဘယ်သူကမှ လက်ခံတာ မဟုတ်ပါဘူး။

တကယ့်အဖြစ်မှန်ကတော့ ၁၉၆၂ ဗိုလ်ချုပ်ကြီးနေ၀င်း အာဏာသိမ်းတယ် ဆိုတာ ဘယ်လို တိုင်းပြည် ပြိုကွဲမယ့် အန္တရယ်ကြောင့်မှ မဟုတ်ပါဘူး။ အာဏာမက်မော လို့ကို အာဏာသိမ်းလိုက်တာပဲ ဖြစ်ပါတယ်။ ဒါကြောင့်လည်း နောက်ပိုင်း တော်လှန်ရေးကောင်စီ၊ မြန်မာ့ဆိုရှယ်လစ် လမ်းစဉ်ပါတီ အစိုးရ ခေါင်းစဉ် အမျိုးမျိုးတပ်ပြီး ၂၆ နှစ်တိုင်တိုင် တစ်ဦးတည်း အာဏာရှင်စနစ်နဲ့ အုပ်ချုပ်သွားခဲ့တာ ဘယ်သူမှ ငြင်းလို့ရတဲ့ အချက်မဟုတ်ပါဘူး။ အာဏာရှင် စနစ်ကြောင့် တိုင်းပြည် အဖက်ဖက်က ချွတ်ခြုံကျ၊ ကုန်းကောက်စရာ မရှိတော့တဲ့ အခြေအနေကျမှ ပြည်သူတွေ အုံကြွပေါက်ကွဲလာပြီး ဒီမိုကရေစီအရေး တောင်းဆို ဆန္ဒပြမှုတွေ ပေါ်ပေါက်လာတာပါ။

ဒီမိုကရေစီအရေး တောင်းဆို ဆန္ဒပြတဲ့ ကာလ အတွင်း လူတစ်ချို့ မင်းမဲ့စရိုက်ဆန်တဲ့ လှုပ်ရှားမှု လုပ်တာ ရှိသလို၊ အဲလို မင်းမဲ့စရိုက် ဆန်ဆန် ပြသနာမျိုးပေါ်ပေါက်လာအောင် အာဏာပိုင်တွေကိုယ်တိုင် ဖန်တီးလုပ်ကိုင်ခဲ့တယ် ဆိုတဲ့ အထောက်အထားတွေလည်း အများကြီး ရှိပါတယ်။ ဘယ်လိုပဲဖြစ်ဖြစ် မင်းမဲ့စရိုက်တွေက ဆိုးရွားခဲ့တယ် ဆိုရင်တောင် စစ်တပ်အနေနဲ့ အလွန်ဆုံးလုပ်ရမှာက အဲဒီ မင်းမဲ့စရိုက် ပြုလုပ်သူတွေကို နှိမ်နင်းဖို့ပါပဲ။ အာဏာသိမ်းပြီး တိုင်းပြည်ကို ဆယ်စုနှစ်နဲ့ချီ အုပ်ချုပ်မင်းလုပ်ဖို့ လိုကို မလိုအပ်ပါဘူး။ ဘယ်လိုပဲဖြစ်ဖြစ် အဲဒီ မင်းမဲ့ စရိုက်ဖြစ်တာလေး အကြောင်းပြပြီး စစ်အာဏာရှင်တွေဟာ တိုင်းပြည်ကို နောက်ထပ် အနှစ် ၂၀ ကျော် အုပ်ချုပ်ခဲ့ပြန်ပါတယ်။

အဲဒီတစ်ကြိမ် အုပ်ချုပ်မှုကတော့ ပိုဆိုးပါတယ်။ အရင် အာဏာရှင် ဦးနေ၀င်း လက်ထက်ကထက် ပိုဆိုးသလို အိမ်နီးချင်း စစ်အာဏာရှင်တွေထက်လည်း ပိုပြီး ဆိုးတဲ့ အကျိုးဆက်တွေ ဖြစ်စေခဲ့ပါတယ်။ အဲဒါတွေကတော့ တပ်မတော်ကို ဗမာလူမျိုးကြီးတွေရဲ့ တပ်မတော်ဖြစ်အောင် ဖန်တီးတာ၊ အစိုးရယန္တယားထဲ စစ်အရာရှိဟောင်းတွေကို ထည့်ပြီး ဗျူရိုကရေစီ ယန္တယားကို ဖျက်ဆီးတာ၊ အာဏာကို နည်းနည်းလေးမှ လာမခြိမ်းခြောက်နိုင်အောင် ပညာရေးစနစ်ကို ဖျက်ဆီးပစ်တာ စတာတွေအပြင် တိုင်းပြည်ရဲ့ အထွေထွေ စီးပွားရေး ကျဆင်းအောင်ပါ ပြုလုပ်ခဲ့လို့ ဖြစ်ပါတယ်။ ဒါတွေကို အထောက်အထားမဲ့ ပြောနေတာတော့ မဟုတ်ပါဘူး။ တပ်မတော်ထဲမှာ တိုင်းရင်းသားတွေကို အရာရှိကြီးအဆင့် ရောက်မလာအောင် တားမြစ်ခဲ့တဲ့အကြောင်း၊ အခုနောက်ပိုင်း အဲဒါကို ပြန်လည် ပြင်ဆင်ပြီး ပြည်ထောင်စု တပ်မတော် ဖြစ်အောင် လုပ်မယ့်အကြောင်း ဗိုလ်ချုပ်ဟောင်း တစ်ယောက်က တိုင်းရင်းသားလက်နက်ကိုင် ခေါင်းဆောင်တွေနဲ့ ဆွေးနွေးပွဲမှာ အသိပေးခဲ့ဖူးပါတယ်။ အစိုးရ ယန္တယားထဲ စစ်အရာရှိဟောင်းတွေ အများအပြား ထည့်သွင်းတာဟာလည်း ပြင်ဦးလွင် စစ်တက္ကသိုလ်က လက်ခံတဲ့ ဗိုလ်လောင်းအရည်အတွက် စာရင်းကို ကြည့်ရင်ပဲ သိနိုင်ပါတယ်။ ၁၉၈၈ မတိုင်ခင်က စစ်တက္ကသိုလ်မှာ (၄) နှစ်ပေါင်း ဗိုလ်လောင်း ၆၀၀ ၀န်းကျင်လောက်ပဲ ရှိပေမယ့် ၂၀၀၀ ခုနှစ် ၀န်းကျင်ရောက်တော့ (၃) နှစ်စာ ဗိုလ်လောင်း တစ်သောင်းနီးပါး လက်ခံ မွေးထုတ်သည် အထိ အဆ ၂၀ လောက် တိုးချဲ့ခဲ့တာ တွေ့နိုင်ပါတယ်။

တိုင်းပြည်ကို ဒီလို ရစရာ မရှိအောင် လုပ်ကိုင်ဆောင်ရွက်ခဲ့တဲ့ စစ်အာဏာရှင်တွေကို ရွေးကောက်ပွဲ ကော်မရှင် ဥက္ကဌ ဦးတင်အေး အကာအကွယ်ပေးတာမှာ အကြောင်းနှစ်ကြောင်း ရှိနိုင်ပါတယ်။ တစ်ကြောင်းကတော့ စစ်အာဏာရှင်ဟောင်းတွေ၊ စစ်ဗိုလ်ချုပ်ဟောင်းနဲ့ စစ်အရာရှိဟောင်းတွေ အားလုံးကို စည်းရုံးလိုက်တာဖြစ်ပြီး လက်ရှိ တပ်မတော်ခေါင်းဆောင်တွေကိုလည်း အရင် အစဉ်အလာအတိုင်း ကိုယ်စီစဉ်သလို ဖြစ်မလာရင် အာဏာသိမ်းခွင့်ရှိတယ် ဆိုပြီး သွေးထိုး လှုံ့ဆော်လိုက်တဲ့ သဘောလည်း သက်ရောက်ပါတယ်။ အခြားတစ်ဖက်မှာလည်း အတိုက်အခံ အင်အားစုတွေနဲ့ ပြည်သူလူထုကြီးတစ်ရပ်လုံးကို တို့ စစ်တပ်နဲ့ စစ်အရာရှိဟောင်းတွေက မင်းတို့ကို ဒီမိုကရေစီ တစ်ဆင့်ပြီး တဆင့် ပေးနေတယ်၊ ပေးသလောက်ယူ၊ ပိုမတောင်းနဲ့ ပိုတောင်းရင် အာဏာသိမ်းပွဲပဲ ရမယ် ဆိုပြီး ခြိမ်းခြောက်လိုက်တဲ့ အဓိပ္ပါယ်လည်း သက်ရောက်နေပါတယ်။

ဦးတင်အေးဟာ သာမန် စစ်ဗိုလ်ချုပ်ဟောင်း တစ်ယောက် မဟုတ်ပါဘူး။ လက်ရှိ ပြည်ထောင်စု ရွေးကောက်ပွဲ ကော်မရှင် ဥက္ကဌ ဖြစ်ပါတယ်။ မြန်မာနိုင်ငံဟာ ဒီမိုကရေစီ လမ်းကြောင်းပေါ်ကို စပြီး ရောက်မရောက် အဆုံးအဖြတ်ပေးမယ့် အလွန်အရေးကြီးတဲ့ ၂၀၁၅ ရွေးကောက်ပွဲကို ဒိုင်လူကြီးသဖွယ် ဘက်မလိုက်ပဲ ကျင်းပပေးရမယ့် ပုဂိုလ်ကြီး ဖြစ်ပါတယ်။ ဒီ ပြိုင်ပွဲကြီးမှာ အဓိက ပြိုင်ကြမယ့် သူတွေဟာ အရင် စစ်ဗိုလ်ချုပ်ဟောင်းတွေရဲ့ ပါတီဖြစ်တဲ့ ပြည်ခိုင်ဖြိုးပါတီ၊ ဒေါ်အောင်ဆန်းစုကြည် ဦးဆောင်တဲ့ အင်န်အယ်လ်ဒီ အမျိုးသားဒီမိုကရေစီ အဖွဲ့ချုပ် နဲ့ တိုင်းရင်းသားတွေပဲ ဖြစ်ပါတယ်။ ဒီလိုအချိန်မှာ ဒိုင်လူကြီးသဖွယ် ရပ်တည်ပေးရမယ့် ကော်မရှင် ဥက္ကဌ တစ်ယောက်အနေနဲ့ စစ်အာဏာရှင်ဟောင်းတွေကို ကာကွယ်တာ၊ အတိုက်အခံ အင်အားစုတွေကို အပြစ်တင် ပြောဆိုတာတွေဟာ သင့်တော်မှု မရှိပါဘူး။ ဒီအတွက် လာမယ့် ၂၀၁၅ အထွေထွေရွေးကောက်ပွဲကို၊ ဘက်မလိုက်ပဲ လွတ်လပ်ပြီး တရားမျှတစွာ ကျင်းပပေးမယ် ဆိုတဲ့အပေါ် အများကြီး စိုးရိမ်စရာ ကောင်းနေပါကြောင်း သုံးသပ်တင်ပြလိုက်ရပါတယ်။

ဦးစည်သူအောင်မြင့် / ဗွီအိုအေ (မြန်မာပိုင်း)
http://burmese.voanews.com/content/news-analysis-sithu-aungmyint-election-commission/2569487.html

(၁)

ကန်ထရိုက်ရတာက
အိုင်ဗင်ဟိုး...

အမြတ်တွေတင်ပြီး..
လက်လွှဲရိုက်သွားတာက
ဦးပိုင်...၊

Undertable တွေတစ်နင့်တစ်ပိုးပေးပြီး..
လုပ်ပိုင်ခွင့်ရသွားတာက ၀မ်ပေါင်၊

ဝမ်ပေါင်အနောက်မှာရှိတာက...
တရုတ်လက်နက်ကုမ္မဏီ NORINCO..

တရုတ်ပြည်..ကူမင်းမှာ တံခါးမရှိဓားမရှိ..
ဝင်ထွက်ခွင့်ရသွားတာက.
သန်းရွှေနဲ့ ဆွေမျိုးတစ်စု..

သန်းရွှေရဲ့အမိန့်အရ..
အခုထက်ထိ တရုတ်ပြည်မှာပဲ
သံအရာရှိရာထူးအမျိုးမျိုးခန့်ပေးရပြီး..
မြန်မာ့သယံဇာတ ပွဲစားအဖြစ်..
အခြေစိုက်နေတာ..
သန်းရွှေသမက်တော်..၊

ဒေါ်စုလက်ပတောင်းကိုအလာ
လမ်းခုလတ်မှာ အချိန်ကိုက်အနေနဲ့
သံဃာ ၉၉ ပါးကိုမီးလောင်စေခဲ့တာ
ဦးသိန်းစိန်အစိုးရ..

ဘုန်းကြီးတွေမီးလောင်တဲ့အမှုကို
မရှင်းနိုင်တဲ့အတွက်...အစိုးရက
စုံစမ်းရေးကော်မရှင်ဖွဲ့ပြီး..
ကြားညပ်ခံရတာကဒေါ်စု..

ဒေါ်စုကို ဒိုင်းလိုကာပြီး..
တရုတ်ရဲ့ Undertable တွေနဲ့
ဆူဖြိုးပြီး တရုတ်ကျောသပ်တာကို ခံနေတာက
ဦးပိုင်နဲ့ စစ်တပ်ကသကောင့်သားတွေ..၊

စီမံကိန်းတွေစကတည်းက..
ပျောက်ကွယ်သွားတာက..
ကြေးစင်တောင် စပယ်တောင်..
စာအုပ်ထဲမှာတောင်မရှိတော့....

အမျိုးချစ်သူတွေအသံမထွက်ရဲနေချိန်မှာပဲ..
ဖျက်ဆီးခံရတာက လယ်တီဆရာတော်ရဲ့သိမ်တော်..၊

သတ္တုသန့်စင်တဲ့ ဓာတုပစ္စည်းတွေကြောင့်
နှစ်ရာပေါင်းများစွာအပင်တွေပြန်စိုက်လို့
မရတော့တာက အဲဒီဒေသရဲ့..
သဘာဝပတ်ဝန်းကျင်..

သူတို့ရဲ့ရပိုင်ခွင့်ကိုတောင်းဆိုနေတာက
ဒေသခံ ရွာသူရွာသားတွေ....၊

ေလျြော်ကြေးမယူတဲ့လယ်ယာမြေတွေမှာ
သူတို့ပိုင်တဲ့မြေတွေအတွက်တိုက်ပွဲဝင်နေတဲ့
ရွာသားတွေကို ဂရုမစိုက်ပဲ ခြံစည်းရိုးလိုက်ခတ်တာ
တရုတ်ကုမ္မဏီ ၀မ်ပေါင်...၊

ခြံစည်းရိုးခတ်တာကို..
ကန့်ကွက်ပြီး တင်းခံဆန္ဒပြတာက..
ရွာသူ၇ွာသားတွေ...၊

ပုံထဲမှာ ဘူဒိုဇာရှေ့ကို
ကိုယ်လုံးနဲ့ကာ ထားတာကိုကြည့်ပြီး
စိတ်မကောင်းဖြစ်တာက ပြည်သူတွေ..၊

ရွာသားကလက်မခံလို့ဆိုပြီး ရွာသားတွေကို
အကြမ်းဖက်နှိမ်နင်းတာ..
ဝမ်ပေါင်ကျွေးမွေးထားတဲ့ ဒေသခံအာဏာပိုင်..၊

တရုတ်လက်ပါးစေ ရဲတွေရဲ့
လက်ချက်ကြောင့်..
ကံဆိုးစွာနဲ့ သေဆုံးသွားတာက..
မိုးကြိုးပြင်ရွာသူ ဒေါ်ခင်ဝင်း..၊

ဘယ်လောက်ရင်နာစရာကောင်းလဲ..၊

အဲဒီရွာသူရွာသားအမျိုးတွေမှာလဲ

စစ်သားတွေရှိမှာပဲ..
ရဲတွေရှိမှာပဲ..

သူတို့သိရင် ဘယ်လိုခံစားရမလဲ..

-----------------------------------

(၂)

မှတ်မိခဲ့တဲ့အဖြစ်အပျက်လေးတစ်ခုကို
ပြောပြပါ့မယ်..

အာဖဂန်နစ္စတန်အစိုးရဟာ.
တရုတ်ကုမ္မဏီကို ဒေါ်လာ ဘီလျံ များစွာ တန်တဲ့
ကြေးနီမိုင်းတွင်းတွေကို ကန်ထရိုက်ပေးအပ်ခဲ့တယ်

အဲဒီဒေသမှာဘာတွေရှိသလဲဆိုတော့..
ဗုဒ္ဓဆင်းတုတော်အကြီးကြီးတွေရှိခဲ့တယ်..၊

ဒါပေမဲ့ တရုတ်ဟာ..
ကွန်မြူနစ်ပီပီသသနဲ့ပဲ..
အာဖဂန် ဘာသာခြားအစွန်းရောက်တွေရဲ့ရှေ့မှာ..
အဲဒီ ကြီးမားလှတဲ့..
ဆင်းတုတော်ကြီးတွေကို...
ပြားပြားဝပ်သွားအောင် ...
ရှင်းထုတ်ပြသွားခဲ့တယ်

ခင်ဗျားတို့သိဖို့က..

တရုတ်ဆိုတာလဲ..
ဆိုတာပါ..

ဒီလိုပဲ..

အဲဒီပြည်ကြီးတရုတ်တွေဟာ..
မြန်မာမတွေကို
လူမှောင်ခိုကူးပြီး..
ကလေးအငှားမွေးခိုင်းတယ်..
ဆိုကတည်းက..

ကြက်ခြံတွေမှာတွေ့ရတဲ့
"ဥစားကြက်" တွေလိုမျိုးအလုပ်ကို..
မြန်မာမတွေ တရုတ်တွေဆီမှာ..
လုပ်နေရတယ်..၊

တစ်နှစ်ကို နယ်စပ်ကနေမှောင်ခုကုန်ကူးခံရတာ
မြန်မာတိုင်းရင်းသူ ၃၀၀၀၀ နီးပါးရှိတယ် ဆိုပဲ..၊

"လုပ်စား..မျိုးစောင့်သူ"တွေလက်ထက်မှမှ
မြန်မာအမျိုးသမီးတွေရဲ့သမိုင်းက..

ကမ်းကုန်နေပြီ..၊

-----------------------

(၃)

လုပ်စားမျိုးနှစ်တွေသိဖို့က...

ကုလားလဲမြိုသလို..တရုတ်လဲမြိုနေတယ်..

အဲဒီလိုမြိုလို့ကောင်းအောင်..
အာဏာရှိတဲ့သူတွေက...
လာဘ်လာဘတွေယူ..
အခွင့်ရေးတွေယူပြီး..
ခွင့်ပြုနေတယ်..၊

ထူးခြားတာက..
တရုတ်ကမြိုတဲ့ထဲမှာ..
ဘာသာရေးလူမျိုးရေးတင်မက..

အစိုးရနဲ့ သယံဇာတရောင်းစားတဲ့..
လက်သိပ်ထိုးကန်ထရိုက်စာချုပ်ကြီးတွေ
အများကြီး ချုပ်ဆိုပြီး မျိုနေတာတွေကအစ..
ပါနေတယ်၊

တရုတ်တွေလုပ်ချင်တာလုပ်နေတာကို..

အမျိုးချစ်တယ်ဆိုတဲ့သူတွေကလဲ
အခုထိ အသံမထွက်ရဲဘူး..

တကယ်ဆို ဦးဝီရသူ ကျောင်းရှိတဲ့မန္တလေး..
ပြည်ကြီးတရုတ်တွေ ဘယ်လိုနေထိုင်နေလဲ
ဘယ်လိုအခွင့်ရေးရနေလဲ..

မစိုးရိမ်ကျောင်းပတ်ဝန်းကျင်
၅ မိုင်ပတ်လည်ကိုပဲ...
လေ့လာကြည့်....

မပြောတော့ဘူးဗျာ..

ကိုယ့်ဘာသာစဉ်းစားကြ..၊

( Pa Yit)


လက်ပံတောင်းကြေးနီစီမံကိန်းဧရိယာမှာ ရဲနဲ့ ဒေသခံတွေအကြား ပဋိပက္ခဖြစ်ရာမှာ ရဲက သေနတ်နဲ့ပစ်ခတ်လို့ အသက် ၅၀ အရွယ် ရွာသူတဦး သေဆုံးပြီး လူ ၂၀ ခန့် သေနတ်ဒဏ်ရာ ရသွားပါတယ်။လျော်ကြေးမယူတဲ့ မြေယာတွေပေါ်မှာ ၀မ်ပေါင် ကုမ္ပဏီက ခြံစည်းရိုးခတ်တဲ့အတွက် ဒေသခံတွေနဲ့ ပဋိပက္ခဖြစ်ပွားပြီး ရဲက သေနတ်နဲ့ ပစ်ခတ်ခဲ့တဲ့အတွက် ဒေသခံ ၂၀ထက် မနည်း ဒဏ်ရာရရှိသွားတာဖြစ်တယ်လို့ ဆည်းတည်းရွာသားတဦးက ဒီဗွီဘီကို ပြောပါတယ်။ (ရိုက်ကူး - icj မိုးမင်းဦး)

DVB TV - 22.12.2014

တိုင်းတပါးသား တရုပ်တွေက မြန်မာတောင်သူလယ်သမားပြည်သူတွေကိုကျည်ကာအကျီတွေ ၀တ်ပြီး အကြမ်းဖက်နေတာ ကိုယ်နဲ.မဆိုင်ဘူးလို.
ခင်ဗျားတို.နေရင် ကျုပ်တို. ခေတ်သစ်တရုပ်ကျွန်တိုင်းပြည် ဖြစ်ပြီ ။
စစ်ကိုင်းတိုင်း၊ မုံရွာခရိုင်၊ ဆားလင်းကြီးမြို့နယ်၊ လက်ပံတောင်း ကြေးနီစီမံကိန်း ဧရိယာအတွင်း ပါဝင် သော လယ်မြေများကို ၀မ်ပေါင်ကုမ္ပဏီနှင့် ရဲတပ်ဖွဲ့က ၀င်ရောက်၍ ခြံစည်းရိုး ခတ်ရာ ဒေသခံတောင်သူများ၏ ထိပ်တိုက် ရင်ဆိုင် ကန့်ကွက်မှု ကြုံတွေ့ရပြီး ရဲတပ်ဖွဲ့က ဆန္ဒပြကန့်ကွက်သည့် တောင်သူများအား သေနတ်ဖြင့် ပစ်ခတ်နှိမ်နင်း သဖြင့် တောင်သူတဦး ပွဲချင်းပြီး သေဆုံးခဲ့ကြောင်း သိရှိရသည်။

ယနေ့ ဒီဇင်ဘာလ ၂၂ ရက်နေ့ မနက်ပိုင်းမှ စတင်ပြီး မိုးကြိုးပြင်ကျေးရွာ အနီးရှိ လိပ်ခွံတောင်ခြေ ရှိ လယ်ယာမြေ များ နှင့် ဆည်တည်း ကျေးရွာအနီးရှိ ပဒပ်ကုန်း လယ်ယာ မြေနေရာများကို ၀မ်ပေါင်ကုမ္ပဏီမှ ၀န်ထမ်းများ၊ လုံခြုံရေး တပ်ဖွဲ့ဝင်များက စက်ယန္တရားကြီး များဖြင့် အင်အား အလုံးအရင်း ၀င်ရောက် ခြံစည်းရိုးဝင်ခတ်ခဲ့ရာ ရွာသားများ ကလည်း ပိတ်ဆို့တားဆီးခဲ့ကြောင်း သိရသည်။

ပစ်ခတ်မှုကြောင့် မိုးကြိုးပြင်အလယ်ကျေးရွာမှ တောင်သူ ဒေါ်ခင်ဝင်းသည် ဦးခေါင်း ထိမှန် သေဆုံးသွားပြီး၊ အခြား လယ်သမား အများအပြားမှာလည်း သေနတ်ဒဏ်ရာနှင့် အခြား အကြမ်းဖက်ခံရမှုကြောင့် ဒဏ်ရာများရရှိခဲ့ ကြောင်းသတင်းရရှိသည်။

လက်ရှိတွင် လက်ပံတောင်း ကြေးနီစီမံကိန်းအား တပ်မတော်၏ စီးပွားရေး လုပ်ငန်းကြီး ဖြစ်သည့် မြန်မာ့ဦးပိုင်၊ သတ္တုတွင်း ၀န်ကြီးဌာနနှင့် တရုတ်နိုင်ငံ ၀မ်ပေါင် ကုမ္ပဏီ တို့က ဦးစီးလုပ်ဆောင်နေခြင်း ဖြစ်သည်။

ဓါတ်ပုံ - ဟန်ဝင်းအောင်

The Ladies News Journal

လက်ပန်းတောင်း၊ ကြေးနီစီမံကိန်း မြေယာခြံခတ်မှုအတွင်း လူသေဆုံးတဲ့အထိ ဖြစ်ခဲ့တဲ့ ရဲတပ်ဖွဲ့ဝင်တွေနဲ့ ထိပ်တိုက်တွေ့မှု မြင်ကွင်း၊ (ဒီဇင်ဘာ ၂၂၊ ၂၀၁၄) ဓာတ်ပုံ ဟန်ဝင်းအောင်။
လက်ပန်းတောင်းတောင် ကြေးနီစီမံကိန်း အတွက် လျော်ကြေး ယူမထားတဲ့ မြေတွေကို ဝမ်ပေါင်ကုမ္ပဏီ ဝန်ထမ်းတွေနဲ့ ရဲတွေက အတင်းအကြပ် ခြံခတ်သိမ်းယူ ထားရာကနေ ဒေသခံနဲ့ အာဏာပိုင်တွေကြား တင်းမာပြီး သေနတ်နဲ့ ပစ်ခတ်တဲ့အတွက် တစ်ဦးသေဆုံးပြီး အပြင်းအထန် ဒဏ်ရာရသူတွေလည်း ရှိပါတယ်။ အပြည့်အစုံကို ဆက်သွယ်စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

စစ်ကိုင်းတိုင်း၊ ယင်းမာပင်ခရိုင် လက်ပန်းတောင်းတောင် ကြေးနီစီမံကိန်းအတွက်သိမ်းယူထားတဲ့ မြေတွေမှာ လျော်ကြေးမယူတဲ့ ဒေသခံတွေရဲ့မြေတွေကို ဝမ်ပေါင်ကုမ္ပဏီက ခြံစည်းရိုးအတင်းအကြပ်ခတ်ရာကနေ အခြေအနေတင်းမာလာခဲ့ပြီး မိုးကြိုးပြင်ရွာက တောင်သူ တစ်ဦး သေနတ်ထိမှန်သေဆုံးတာအပြင် ဒဏ်ရာရသူများကြောင်း မိုးကြိုးပြင်ရွာသားတစ်ဦးက ပြောပါတယ်။

“ဒဏ်ရာရတဲ့သူက အယောက် ၄၀ ကျော်တယ်၊ အပြင်းအထန် ဒဏ်ရာရတဲ့သူတွေကို ဆေးရုံပို့နေတယ်။ ပြင်းပြင်းထန်ထန်ဒဏ်ရာရတာက ၆ ယောက်၊ ၇ ယောက်လောက် ရှိတယ်။ ဒေါ်ခင်ဝင်းကတော့ သေနတ်မှန်ပြီးတော့ သေဆုံးသွားပြီပေါ့။ ….မျက်နှာတွေ မှန်ထားတဲ့လူတွေလည်း ရှိတယ်။ ကြီးကြီးမားမား ဒဏ်ရာရတဲ့သူတွေကတော့ ဆေးရုံကို ခေါ်သွားပြီ။ မိုးကြိုးပြင်တောင်ရွာသား ဦးမိုင်း၊ မိုးကြိုးပြင်တောင်ရွာသား ကိုသံလုံး၊ ကိုကျော်မြင့်သိန်း၊ ပြီးတော့ ဒေါ်မိကြူ၊ သူတို့တွေကတော့ အပြင်းအထန် ဒဏ်ရာရထားတာ။ ဦးမိုင်းနဲ့ ကိုကျော်မြင့်သိန်းကတော့ တော်တော်ကြီးကို ကြီးမားတဲ့အတွက် ဆေးရုံကို ပို့နေရတယ်။ သွေးလွန်ပြီးတော့ သတိတွေလစ်နေတယ်။”

ဒေသခံ ဇီးတော်ရွာ စန်းမြဝတီကျောင်းတိုက် ဆရာတော် ဦးအာလောက-က ရဲတွေအပြင် ဝမ်ပေါင်ကုမ္ပဏီဝန်ထမ်းတွေပါ ပါဝင်တဲ့အကြောင်း ပြောပါတယ်။

“တရုတ်အစစ်တွေပေါ့ဗျာ၊ အဖွဲ့တိုင်းအဖွဲ့တိုင်းမှာ အနည်းဆုံး --မျိုးဆိုရင် ၂၀၀ အထိ ပါမယ်ဗျ။ ဆည်တဲနဲ့ တုံကြားမှာဆိုရင် အနည်းဆုံး ၅၀ လောက်အထိ ရှိမယ်။ မိုးကြိုးပြင်ဘက်မှာလည်း အများကြီးပဲ။ တရုတ်တွေကိုယ်တိုင်ပဲ သူတို့ပါဝင်ပြီးတော့ လာတာတွေ၊ လုပ်ကိုင်ဆောင်ရွက်လာတာတွေ တွေ့ရတယ်ဗျ။ သူတို့လက်ထဲမှာတော့ဗျာ - ပေါက်ဆိန်ပေါ့၊ ရဲဒင်းခေါ်တာပေါ့-အဲဒါမျိုးတွေနဲ့ လူထုကို လိုက်ပြီးခုတ်တဲ့ဟန်မျိုးတွေ၊ လိုက်ပြီးယမ်းတာမျိုးတွေ လုပ်လာတယ်ဗျ။ တရုတ်တွေကိုယ်တိုင်ကိုက၊ ခလုတ်ဒါးတွေလည်း ပါတယ်ပေါ့နော်။”

မနက်ပိုင်းကစပြီး အခြေအနေ တင်းမာလာခဲ့တာမှာ ရာနဲ့ချီတဲ့ ရဲတပ်ဖွဲဝင်တွ၊ ဝမ်ပေါင်ကုမ္ပဏီကလည်း ရာနဲ့ချီတဲ့လုံခြုံရေးဝန်ထမ်းတွေက ဒိုင်းတွေအကာအကွယ်ယူပြီး တောင်သူတွေရဲ့လယ်ယာမြေတွေကို စီးနင်းခဲ့သလို တောင်သူတွေကလည်း မြေတူးစက်ကြီးတွေရှေ့မှာ အိပ်လှဲပြီး သူတို့မြေတွေကို မသိမ်းဖို့ ကန့်ကွက်ခဲ့ကြပါတယ်။ နေ့လည်ပိုင်းမှာတော့ သေနတ်နဲ့ပစ်ခတ်တာရှိခဲ့ပြီး တစ်ဦး ပွဲချင်းပြီးသေဆုံး၊ တစ်ဦးကတော့ ခြေထောက်မှာ ပြင်းထန်ဒဏ်ရာရခဲ့ပါတယ်။ ဒီလို ပစ်ခတ်မှုအခြေအနေနဲ့ပတ်သက်လို့ ယင်းမာပင်ခရိုင် ရဲစခန်းကို မေးကြည့်တဲ့အခါ တာဝန်ကျရဲအရာရှိတစ်ဦးက ပစ်ခတ်မှုမရှိကြောင်း ငြင်းပါတယ်။

မေး။ ။ လက်ပန်းတောင်းတောင်သူတွေကို ပစ်ခတ်လို့ တစ်ဦးသေသွားတယ်ဆိုတာ ဟုတ်ပါသလားရှင့်။

ဖြေ။ ။ ဘာမှ ကျနော်တို့ သတင်းမကြားသိရပါဘူးခင်ဗျ။

မေး။ ။ ပစ်ခတ်မှုတွေရော ရှိလားရှင်။

ဖြေ။ ။ ပစ်ခတ်မှုလည်း မရှိပါဘူးခင်ဗျ။ ဘာမှ..

လက်ပန်းတောင်းတောင် စုံစမ်းစစ်ဆေးရေး ကော်မရှင်အဖွဲ့ဝင်တစ်ဦးလည်းဖြစ်၊ အဲဒီဒေသရဲ့ ပြည်သူ့လွှတ်တော် ကိုယ်စားလှယ်တစ်ဦးဖြစ်တဲ့ ဒေါ်ခင်စန်းလှိုင်ကတော့ လက်ရှိ ပစ်ခတ်မှုတွေနဲ့ ပတ်သက်လို့ ဘယ်သူ့မှာတာဝန်ရှိသလဲဆိုတာကို မေးခွန်းထုတ်ခဲ့ပါတယ်။

“အခုလိုပစ်ခတ်နေတဲ့ကိစ္စတွေက ဝမ်ပေါင်ကုမ္ပဏီက ပစ်ခတ်တာလား၊ ဒါမှမဟုတ်ရင် အခု ဝမ်ပေါင်ကုမ္ပဏီကို အကာအကွယ်ပေးနေတဲ့ ရဲတပ်ဖွဲ့ကနေပြီးတော့ပဲ ဝင်ပြီးတော့ ပစ်ခတ်တာလားဆိုတာကို အခုအချိန်အထိ ရှင်းရှင်းလင်းလင်း မသိရသေးဘူး၊ တိုင်းဒေသကြီးမှာရှိတဲ့ သက်ဆိုင်ရာ တာဝန်ရှိတဲ့ပုဂ္ဂိုလ်များကို ကျမ ဖုန်းနဲ့ဆက်သွယ်ပြီးတော့ မေးမြန်းတယ်၊ သို့သော် ကျမရဲ့ဖုန်းကို ဘယ်သူမှ မကိုင်ဘူး၊ အခုအချိန်အထိလည်း ကျမကို ဖြေရှင်းတာမရှိဘူး။ ဘယ်သူက တာဝန်ယူမှာလဲ။ ဘယ်သူက တာဝန်ခံမှာလဲဆိုတာလည်း ကျမတို့လည်း ဒါကိုသိချင်တယ်။ နိုင်ငံတော်ကနေပြီးတော့မှ ရဲတပ်ဖွဲ့အနေနဲ့ ကုမ္ပဏီဘက်ကနေ အကာအကွယ်ပေးပြီးတော့ ဒေသခံတွေကို အခုလို ပစ်ခတ်တာမျိုးတွေ မကြာခနဖြစ်နေတာကလည်း ကျမတို့တတတိုင်းပြည်အတွက် အင်မတန်မှ မကောင်းတဲ့အခြေအနေတရပ်လို့ပဲ မြင်တယ်ရှင့်။”

မြန်မာ-ဝမ်ပေါင်ကုမ္ပဏီကို ဆက်သွယ်မေးမြန်းဖို့ကြိုးစားခဲ့ပေမယ့် ဆက်သွယ်လို့ မရခဲ့ပါဘူး။ ဒီနေ့မှာပဲ ဝမ်ပေါင်ကုမ္ပဏီက သတင်းထုတ်ပြန်ရာမှာ မြန်မာနိုင်ငံဟာ ဒီစီမံကိန်းကြောင့် တနှစ်ကို စီးပွားရေးဆိုင်ရာ အကျိုးအမြတ် အမေရိကန်ဒေါ်လာသန်းပေါင်း ၁၄၀ နဲ့ ပစ္စည်းဝယ်ယူမှုကနေ ဒေါ်လာသန်း ၁၅၀ လောက်ရမယ်လို့ ခန့်မှန်းကြောင်း၊ အဲဒီအထဲက အသားတင်အကျိုးအမြတ်ထဲက ဒေသခံလူထုအတွက် ၂ % သုံးစွဲမှာဖြစ်ကြောင်း၊ ဒေသခံအများစုက လျော်ကြေးယူထားပြီးဖြစ်ကြောင်းနဲ့ ကြေးနီစီမံကိန်းအတွက် ဒေသခံအများစုက ထောက်ခံတယ်လို့ ရေးသားထားပါတယ်။ ဒီနေ့ ပစ်ခတ်မှုတွေနဲ့ပတ်သက်လို့တော့ သတင်းထုတ်ပြန်ချက်မှာ မပါဝင်ခဲ့ပါဘူး။

လက်ပန်းတောင်းတောင် ဒေသရဲ့ ပစ်ခတ်မှုတွေဟာ အခုမှ မဟုတ်ပါဘူး။ ပြီးခဲ့တဲ့ နှစ်နှစ်ခန့်ကလည်း ကြေးနီစီမံကိန်းကို ကန့်ကွက် သပိတ်မှောက်ခဲ့တဲ့သံဃာအများစုပါတဲ့ အင်အား ၁၀၀ ကျော်ကို မီးလောင်ဗုံးနဲ့ဖြိုခွဲပြီးနောက်ပိုင်းမှာ မကြာခနဆိုသလို တင်းမာမှုတွေရှိနေပြီး ဒေသခံတွေနဲ့ ကုမ္ပဏီတို့ ထိပ်တိုက်တွေ့တိုင်းလည်း အနည်းဆုံး ပစ်ခတ်မှုတွေကတော့ ရှိနေတာပါ။ ဒေသခံတွေနဲ့ တင်းမာမှုတွေဖြေရှင်းနိုင်ဖို့ လက်ပန်းတောင်းတောင် စုံစမ်းစစ်ဆေးရေးကော်မတီရဲ့အစီရင်ခံစာကို အကောင်အထည်ဖော်တဲ့ ကော်မတီနဲ့ ညှိနှိုင်းဆွေးနွေးနိုင်ဖို့ လွှတ်တော်မှာ တင်ပြခဲ့ပေမယ့် သူ့အဆိုဟာ ငြင်းပယ်ခံနေရဆဲဖြစ်တယ်လို့ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ဆိုပါတယ်။

“အခုအချိန်ထိ ကျမရဲ့အဆိုကို လွှတ်တော်က မပြောခိုင်းတာပေါ့၊ မပြောခိုင်းတာ၊ ကျမတို့ကို မပြောခိုင်းတာဆိုတော့ လွှတ်တော်ထဲမှာ ကျမရဲ့အဆိုကို လွှတ်တော်ရဲ့ agenda မှာ ထည့်မပေးသေးဘူး။”

လက်ပန်းတောင်းတောင် ကြေးနီစီမံကိန်းကို မြန်မာအစိုးရနဲ့ စစ်တပ်ပိုင် မြန်မာ့စီးပွားရေးဦးပိုင်ကုမ္ပဏီ လိမိတက်၊ တရုတ်ကုမ္ပဏီဖြစ်တဲ့ မြန်မာ-ဝမ်ပေါင်ကုမ္ပဏီတို့ ပူးပေါင်းဖော်ထုတ်နေတဲ့ စီမံကိန်းဖြစ်ပြီး ဒေသခံတွေရဲ့လယ်ဧကတွေကို တန်ရာတန်ကြေးမပေးဘဲ မြေဧကတွေကို ထောင်နဲ့ချီ သိမ်းယူခံရပြီး မြေယာလျော်ကြေးမယူထားတဲ့လယ်တွေကိုပါ သိမ်းနေတဲ့အတွက် အခုလို အခြေအနေ တင်းမာခဲ့ရတယ်လို့ ဒေသခံတွေက ဆိုပါတယ်။ နောက်ဆုံးအခြေအနေအရ ဒဏ်ရာရသူတွေလည်း ရှိနေပါတယ်။ ရာနဲ့ချီတဲ့ ဒေသခံတွေကတော့ စီမံကိန်းဖျက်သိမ်းပေးဖို့ ကန့်ကွက်တောင်းဆိုနေတာ ဖြစ်ပါတယ်ရှင်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com/content/lappadaung-copper-project-killed-one-several-wounded-by-police-gun-fired-/2568951.html


လက်ပံတောင်း ကြေးနီ စီမံကိန်း ဧရိယာ အတွက် ခြံစည်း ရိုးခတ်ရာမှာ ရဲနဲ့ ဒေသခံတွေ အကြား  ပဋိပက္ခဖြစ်ရာမှာ   ရဲက သေနတ်နဲ့ ပစ်ခတ်လို့ အသက် ၅၀ အရွယ် ရွာသူ တဦး သေဆုံးပြီး အများအပြား ဒဏ်ရာ ရခဲ့ပါတယ်။

ဒီဖြစ်စဉ်နဲ့ ပတ်သက်လို့ ပုလဲမြို့နယ် လွှတ်တော်ကိုယ်စားလှယ် ဒေါ်ခင်စန်းလှိုင်ကို ဆက်သွယ်မေးမြန်းထားပါတယ်။

By အေးနိုင် (ဒီဗွီဘီ)
http://burmese.dvb.no/archives/74575

ဓာတ်ပုံ - ကိုဟန်ဝင်းအောင်
လက်ပံတောင်းကြေးနီစီမံကိန်းဧရိယာမှာ ရဲနဲ့ ဒေသခံတွေအကြား  ပဋိပက္ခဖြစ်ရာမှာ ရဲက သေနတ်နဲ့ပစ်ခတ်လို့ အသက် ၅၀ အရွယ် ရွာသူတဦး သေဆုံးပြီး လူ ၂၀ ခန့် သေနတ်ဒဏ်ရာ ရသွားပါတယ်။

လျော်ကြေးမယူတဲ့ မြေယာတွေပေါ်မှာ ၀မ်ပေါင် ကုမ္ပဏီက ခြံစည်းရိုးခတ်တဲ့အတွက် ဒေသခံတွေနဲ့ ပဋိပက္ခဖြစ်ပွားပြီး ရဲက သေနတ်နဲ့ ပစ်ခတ်ခဲ့တဲ့အတွက် ဒေသခံ ၄ ဦးထက်မနည်း ဒဏ်ရာရရှိသွားတာဖြစ်တယ်လို့ ဆည်းတည်းရွာသားတဦးက ဒီဗွီဘီကို ပြောပါတယ်။

“နောက်ဆုံးအခြေအနေကတော့ ခုလောလောဆယ် မိုးကြိုးပြင်အလယ်ရွာက ဒေါ်ခင်ဝင်းဆိုတာ သေသွားပြီ။ အသက် ၅၀ ကျော်ဗျ။ အခုကို သူတို့(ရဲ)က ဒိုင်းကာတွေနဲ့ ထိုင်စောင့်နေတာ။ ဒေသခံတွေက ရှေ့တက်ရင် ပစ်မှာပဲ။  ဒီမှာ လျော်ကြေးယူတဲ့ အခင်းကော၊ မယူတဲ့အခင်းလည်း ရှိတာပေ့ါဗျာ။ ခု လျော်ကြေးမယူတဲ့ အခင်းတွေ အပေါ်လည်း မရှောင်ပဲနဲ့ နင်းလာတော့ ဒီက ဒေသခံတွေက တားတာဗျ။”

လျော်ကြေးမယူတဲ့အခင်းတွေဘက်ကို ခြံစည်းရိုးခတ်ရာမှာ မတိုးဖို့ တားရင်းနဲ့ ပစ်ခတ်မှုဖြစ်တာလို့ ဆိုပါတယ်။

ဒီပစ်ခတ်မှုကြောင့် သေဆုံးမှုနဲ့ပတ်သက်လို့ ပုလဲမြို့နယ်အမတ် ဒေါ်ခင်စန်းလှိုင်က မနက်ပိုင်းကတည်းက အခြေအတင်ဖြစ်နေကြရာက ရဲက ပစ်ခတ်မှုကြောင့် မိုးကြိုးပြင်အလယ်ရွာသူ ဒေါ်ခင်ဝင်း  ဦးခေါင်းသေနတ်ထိမှန် သေဆုံးခဲ့ကြောင်း အတည်ပြုပါတယ်။

“ရဲတွေပစ်လိုက်တဲ့ ဒဏ်ရာက မိုးကြိုးပြင်ရွာက ဒေါ်ခင်ဝင်းရဲ့ခေါင်းကို မှန်သွားတယ်။ ကျမတို့ဆီကို ပို့လိုက်တဲ့ဓာတ်ပုံတွေမှာတော့ နဖူးကနေ ၀င်သွားတယ်။ ကျည်ဆံက နောက်ကနေထွက်သွားပြီ ဦးနှောက်တွေ ထွက်နေတယ်။ နှမ်းရိုးခင်းထဲမှာ အဲဒီအမျိုးသမီးက ခုချိန်ထိ လဲနေတုန်းပဲ။ အလောင်းကို ဘယ်သူမှ လာမကောက်ရဲသေးဘူးဖြစ်နေတယ်။ နောက်တယောက်ကတော့ ပေါင်ကိုမှန်သွားပြီး သွေးထွက်လွန်နေတယ်လို့ ပြောတယ်။ မိုးကြိုးပြင်တောင်ရွာက ဦးမှိုင်းလို့ ပြောပါတယ်။ ဒီလူနာလည်း ခုထိ ဆေးရုံ မရောက်သေးဘူး။”

သူ့ဟာ မနက်ကတည်းက လွှတ်တော်ကိုယ်စားလှယ်တဦးအနေနဲ့ စစ်ကိုင်းတိုင်းဒေသကြီး အစိုးရအဖွဲ့တာဝန်ရှိသူတွေကို ဖုန်းဆက်ပေမယ့် မရဘူးလို့ ပြောပါတယ်။

“အဓိက ကျတာကတော့ ကျမက စစ်ကိုင်းတိုင်းဒေသကြီးအစိုးရ အဖွဲ့ဝင်တွေကို ဖုန်းဆက်တယ်။ ကျမရဲ့ဖုန်းကို ဘယ်သူမှလည်း မကိုင်ဘူး တာဝန်ယူပြီး ဖြေပေးမယ့် သူလည်း မရှိဘူး။ ကျမ နေပြည်တော်ကတဆင့် သတ္တုတွင်းဝန်ကြီးကို အကြောင်းကြားထား ပြီးပါပြီ။”

မကျူဆိုတဲ့ရွာသူကလည်း မျက်စိမှာ ဒဏ်ရာရတယ်လို့ ရွာသားတွေက ပြောပါတယ်။



ဒီဗွီဘီက မေးမြန်းချက်တွေအရ ဒေါ်ခင်ဝင်းသေဆုံးသွားခဲ့တဲ့အပြင် လူအယောက် ၂၀ လောက်လည်း သေနတ်ဒဏ်ရာ အနည်းနဲ့အများ ထိမှန်ခဲ့တယ်လို့ မိုးကြိုးပြင်အလယ်ရွာက ကိုဖိုးလပြည့်က ပြောပါတယ်။

ဒီကိစ္စနဲ့ပတ်သက်ပြီး အစိုးရဘက်က တစုံတရာ သတင်းထုတ်ပြန်ခြင်းမရှိသေးသလို ဒီဗွီဘီက ယင်းမပင်ခရိုင်အုပ်ချုပ်ရေးမှူး ဦးဇော်မျိုးညွန့်ကို ပစ်ခတ်မှုဖြစ်ပြီး ၁ နာရီကျော်ခန့် အကြာမှာ မေးမြန်းတဲ့အခါ   သေဆုံးမှုရှိကြောင်း မသိရသေးဘူးလို့   ပြောပါတယ်။

“အော် ကျနော် မသိသေးဘူးခင်ဗျား။ ရွာက သတင်းမပို့သေးဘူး။ ပြန်မေးလိုက်ဦးမယ် သေချာလား မသေချာလား။”

လက်ရှိမှာတော့ ဒေသခံတွေကို  ရဲတပ်ဖွဲ့အင်အား ရာချီဝိုင်းထားပြီး ဒေသခံတွေရှေ့တိုးရင်လည်း သေနတ်နဲ့ ဆက်ပစ်မယ့်အနေအထားရှိနေတယ်လို့လည်း မိုးကြိုးပြင်ရွာခံက ပြောပါတယ်။

ဒီတားဆီးမှုမှာ  မိုးကြိုးပြင်၊ ဆည်တည်း၊ တုံရွာ အစရှိတဲ့ ရွာတွေက ဒေသခံတွေ ၂၀၀ လောက်လာရောက်ပြီး တားဆီးမှုတွေ လုပ်ဆောင်နေတာဖြစ်တယ်လို့ မိုးကြိုးပြင် အလယ်ရွာက ဦးဖိုးလပြည့်က ပြောပါတယ်။

ဆည်တည်းရွာမြောက်ဖက် လိပ်ခွံတောင်ခြေဒေသတ၀ိုက်က လယ်ကွင်းတွေကို ၀မ်ပေါင်ကုမ္ပဏီက ခြံစည်းရိုးခတ်ဖို့ ကြိုးစားရာကနေ ဒီမနက် ၈ နာရီလောက်ကတည်းက ပဋိပက္ခဖြစ်တာလို့  ဆည်တည်းရွာခံ ကိုအောင်ဌေးနိုင်က ဒီဗွီဘီကို ပြောပါတယ်။

“သူတို့က ကျနော်တို့ ရွာအနီးကို ခြံစည်းရိုးခတ်ဖို့ရာဆိုပြီးတော့ လာတာကို သူတို့ ၃ ဖွဲ့ခွဲပြီး လာတယ်။ မိုးကြိုးပြင်ဖက်မှာတဖွဲ့၊ ဆည်တည်းရဲ့ အနောက်မြောက်ဖက်မှာတဖွဲ့နဲ့ အရှေ့မြောက်ဖက်မှာတဖွဲ့ ၃ ဖွဲ့ခွဲလာတယ်။ ဒေသခံတွေကလည်း ၃ ဖွဲ့ခွဲပြီးတားတောပေါ့။ တားတဲ့အခါကျတော့ ဆည်တည်းရဲ့အနောက်မြောက်ဖက်က အဖွဲ့က သေနတ်ဖောက်ပြီး လူတွေကို လူစုခွဲတာဗျာ။ အခုလည်း ခွဲနေတယ်။ အဲတော့ သေနတ်မှန်တာက ၁ ယောက် အကန်ခံရတာ ၃ ယောက်နဲ့ လေးခွပစ် ခံရတာက ၃ ယောက်လောက်ရှိတယ်။”

အဲဒီခင်းဖြစ်ရာဒေသမှာ စီမံကိန်းနေရာအတွက် လယ်မြေသိမ်းယူထားပြီး တချို့ ဒေသခံတွေကတော့ လျော်ကြေးမယူဘဲ အဲဒီလယ်မြေမှာ စိုက်ပျိုးလုပ်ကိုင်ကြတာပါ။

လက်ရှိမှာတော့ ၀မ်ပေါင်ကုမ္ပဏီကနေပြီး အဲဒီလျော်ကြေးမယူတဲ့ဒေသခံရဲ့ လယ်မြေ ၁၀၀၀ ကျော်ကို ခြံစည်းရိုးဆက်လက်ခတ်နေကြပြီး ညနေ ၄ နာရီလောက်မှာတော့ ရွာသားတွေ ပြန်ကုန်ပြီးလို့ အဲဒီကိုရောက်ရှိခဲ့တဲ့ ဒီဗွီဘီသတင်းထောက်က ပြောပါတယ်။

လက်ပံတောင်းတောင် ကြေးနီစီမံကိန်းနဲ့ပတ်သက်လို့ လွန်ခဲ့တဲ့နှစ်ပိုင်းက ကန့်ကွက်ဆန္ဒပြကြရာမှာ ရဲတပ်ဖွဲ့က မီးခိုးဗုံးနဲ့ပစ်ခတ်လို့ သံဃာအများအပြား မီးလောင်ဒဏ်ရာရခဲ့ဖူးပါတယ်။

By ဒီဗွီဘီ
http://burmese.dvb.no/archives/74567