12/26/14


ဒီလို လူမမယ် ရင်သွေးလေး အတွက် ၀မ်းရေး ခက်စွာနဲ့ ရုန်းကန်ရင်း သူတို့ ရွာနားက တောင်ယာထဲ ခရမ်းချဉ်းသီး သွားဆွတ်ကြတဲ့ တောင်သူယာလုပ်သား အမျိုးသမီးများကိုမှ သေနက်နဲ့ ပစ်သတ်၊ လေးခွကျောက်ခဲတွေနဲ့ ပစ်ခတ်ရက်ကြပါပေသည်။ ဒေါ်ခင်ဝင်း နှင့် အတူတူ ပစ်ခတ်ခံခဲ့ရသော လက်ပတောင်း တောင်သူတဦး

ဝမ်ပေါင်လက်ပါးစေ တပ်ဖွဲ့ဝင်များ ကိုယ်ချင်းစာတရား၊ သားသမီးချင်း မိဘချင်း ကိုယ်ချင်းစာတရားများ မွေးမြူပေးကြပါဟု တိုက်တွန်းလိုက်ပါသည်။

Nay Myo Zin

စိန့်မေရီဘုရားကျောင်း ခရစ်စမတ်ဆုတောင်းပွဲ (ဒီဇင်ဘာ ၂၄၊ ၂၀၁၄)
ရန်ကုန်မြို့မှာ ရှိတဲ့ ခရစ်ယာန် အသင်းတော်တွေနဲ့ ဘုရားရှိခိုး ကျောင်းတိုင်းမှာ ဒီကနေ့ ခရစ်စမတ် ဝတ်ပြုဆုတောင်းတာ၊ အမှတ်တရ လက်ဆောင်တွေ ပေးကြတာ၊ တရားဒေသနာ တော်တွေ ဟောကြားတာတွေကို စည်စည်ကားကား လုပ်ကြတယ် လို့ မြန်မာနိုင်ငံ ခရစ်ယာန် ကလျာဏယုဝ အသင်း (YMCA) ရဲ့ အထွေထွေ အတွင်းရေးမှူး ဦးသာညာဏ် ကပြောပါတယ်။ နယ်တွေမှာလည်း ဒီကနေ့ ခရစ်စမတ်နေ့ မှာ သူတို့ရဲ့ အစီအစဉ်တွေအတိုင်း စည်စည်ကားကား ကျင်းပကြ တာကို တွေ့ရပါတယ်။ ဒီကနေ့ ခရစ်စမတ်ပွဲတော်မှာ ခရစ်ယာန်တွေ တင် မကပဲ ဗုဒ္ဓဘာသာဝင်တွေ ပါ ပါဝင် ဆင်နွှဲကြတဲ့ ခရစ်စမတ်ပွဲတော်အကြောင်း အပြည့်အစုံ ကိုတော့ ဆက်သွယ်မေးမြန်းထားတဲ့ ဗွီအိုအေ သတင်းထောက် ကိုအောင်ရဲမောင်မောင် ကပြောပြမှာပါ။

ဒီကနေ့ ဒီဇင်ဘာလ ၂၅ ရက် ခရစ္စမတ်နေ့မှာတော့ မြန်မာနိုင်ငံရဲ့ စီးပွားရေးမြို့တော် ရန်ကုန်မှာ နေထိုင်ကြတဲ့ ခရစ်ယာန် ဘာသာဝင်တွေဟာ ခရစ္စမတ် ပွဲတော်တွေ အဖြစ် သူတို့ရဲ့ ဘုရားကျောင်းမှာ ဆုတောင်းပွဲတွေ ကျင်းပ၊ နောက် မိသားစုတွေ မိတ်ဆွေတွေ စုံစည်းကြပြီး ပျော်ပွဲရွှင်ပွဲ ပါတီပွဲတွေ ဆင်နွှဲကြတာပါ။

အခုကြားခဲ့ရတာကတော့ ရန်ကုန် မြို့ မဟာဗန္ဓူလလမ်း ပေါ်မှာ ရှိတဲ့ စိန့်ဖိလစ် ဘုရားရှိခိုးကျောင်းမှာ ခရစ်ယာန်ဘာသာဝင်တွေနေတဲ့ ၀တ်ပြုဆုတောင်းချိန် မှာ ဓမ္မတေး သီဆိုနေတဲ့ အသံပါ။

ရန်ကုန်ကို အကြောင်းအမျိုးမျိုးနဲ့ ပြောင်းရွှေ့ အခြေချ နေထိုင်ကြတဲ့ ခရစ်ယာန် ဘာသာဝင် တိုင်းရင်းသား တွေဟာ ဒီကနေ့မှာပဲ ရန်ကုန်က ဘုရားရှိခိုးကျောင်းတွေ တိုင်းမှာ အထူးတရားဒေသနာတွေ ဟောကြား မှုတွေ ပြုလုပ်ပြီးတော့ အသင်းတော်တွေ မှာ ခရစ်စမတ်ပွဲတော်ကို စည်စည်းကားကား ကျင်းပကြတယ်လို့ လုပ်ကြတယ်လို့ မြန်မာနိုင်ငံ ခရစ်ယာန်ကလျာဏယုဝ အသင်း (YMCA) ရဲ့ အထွေထွေ အတွင်းရေးမှူး ဦးသာညာဏ် က ဗွီအိုအေ ကိုပြောပါတယ်။

" ရန်ကုန်တမြို့လုံးပေါ့။ ဘုရားကျောင်းတိုင်း မနက်၊ နေ့လည်၊ ညနေ ခရစ်တော် ဖွားမြင်တဲ့ အထိမ်းအမှတ် အနေနဲ့ မေတ္တာပို့တယ်။ ဆုတောင်းတယ်။ လူတွေအတွက်၊ မြန်မာနိုင်ငံအတွက်၊ ကမ္ဘာအတွက် ငြိမ်းချမ်းရေးရဖို့၊ ဘုရားသခင်က ကောင်းကင်ပေါ်မှာ ဘုန်းကြီးပါတယ်။ ဘုန်းကြီးစေပါ။ မြေကြီးပေါ်မှာ ငြိမ်သက်ခြင်း အဲ့တာကို ကျနော်တို့ လိုနေကြတာ။ ကျနော်တို့ မငြိမ်မသက်ဘူး။ ငြိမ်းချမ်းရေး မရဘူးပေါ့နော်။ မြန်မာနိုင်ငံလည်း မငြိမ်သက်ဘူး။ ငြိမ်းချမ်းရေး အခက်အခဲတွေရှိနေတယ်။ အဲ့တာကို ဦးတည်ပြီးတော့ ဆုတောင်းလျက် ရှိကြပါတယ်။"

ရန်ကုန်မှာဆိုရင် လူနည်းစု ခရစ်ယာန် ဘာသာဝင်တွေ အတွက် ဘုရားကျောင်းတွေ၊ အသင်းတော်တွေကလည်း သူ့တိုင်းရင်းသားအလိုက် အများအပြား ရှိနေတာပါ။ ဒီနေ့ ခရစ်မတ်နေ့မှာ ကမ္ဘာကြီးငြိမ်းချမ်းရေး၊ လူသားတွေ ငြိမ်းချမ်းရေးရဖို့ ဆိုတဲ့ တရားဒေသနာတော်တွေ ကို ဟောကြီးတော့ လူသားခြင်း စာနာဖို့၊ ခရစ်တော်ကြွလာချိန်မှာ ဟောကြားခဲ့တဲ့ ငြိမ်းချမ်းရေးဟာ ကမ္ဘာကြီး အတွက် အရေးကြီးတယ်ဆိုတာ ရည်ရွယ်ပြီးတော့ ဆုတောင်းခဲ့တာလို့ လည်း အသင်းတော်တွေက ခရစ်ယာန် ဘုန်းတော်ကြီးတွေက မိန့်ကြားပါတယ်။

ဒီနှစ် ခရစ်မတ် ကာလမှာဆိုရင်တော့ ခရစ်စမတ်နေ့ကို ခရစ်ယာန်ဘာသာဝင်တွေ ကပဲ ဆင်နွှဲတာမဟုတ်ပဲ အခြားဘာသာဝင်တွေပါ ဒီကနေ့ ခရစ်စမတ်နေ့မှာ အမှတ်တရပွဲတွေ ကျင်းပခဲ့တာကိုလည်း တွေ့ရပါတယ်။

" မှတ်မှတ်ရရ အိမ်မှာ တခုခု လုပ်စားတာတို့။ သိတယ်မဟုတ်လား။ သူငယ်ချင်းတွေ၊ မိသားစုတွေနဲ့ အဲ့လိုပျော်ပျော်ပါးပါး ပေါ့ပေါ့ပါးပါးလေးဖြစ်အောင် အဲ့ဒီ့နေ့ကို ဖြတ်သန်းတယ်။ အခုဆိုရင်ကို မုန့်တီနဲ့ တုတ်ထိုးနဲ့ အပျော်ပေါ့။ မှတ်မှတ်ရရလေးဖြစ်အောင်လုပ်တယ်။ အိမ်မှာဆိုရင်လည်း ခရစ်စမတ်မတိုင်ခင် တပတ်လောက်ကတည်းက ခရစ်စမတ်သစ်ပင်လေးတွေ ထားတယ်။ သူ့ရဲ့အထိမ်းအမှတ် အလှဆင်တယ်။ စင်တာရှိမယ်။ အဲ့လိုမျိုးလေးတွေပေါ့။ အိမ်မှာကအစ ဒီရာသီကို ခရစ်ယာန်မဟုတ်ပေမဲ့ အဲ့လိုမျိုး မှတ်မှတ်ရရ ပြင်ဆင်ပြီးတော့ နေတတ်တဲ့အကျင့်ရှိတယ်။"

လမ်းမတော်မှာနေထိုင်တဲ့ စာရင်းကိုင် အမျိုးသမီး တစ်ဦး က သူတို့ဒီနေ့ ခရစ်စမတ်နေ့မှာ သူတို့ မိသားစု ပါဝင်ဆင်နွှဲခဲ့တဲ့ အကြောင်းပြောပြသွားတာပါ။

ဘုရားကျောင်းမှာ ဆုတောင်းပွဲလုပ်၊ မိသားစုတွေ မိတ်ဆွေတွေ စုံပြီး ပျော်ပွဲ ရွှင်ပွဲတွေ ကျင်းပတာ၊ နောက် တယောက်နဲ့ တယောက် လက်ဆောင် ပစ္စည်း လဲလှယ်တာတွေကို ဒီဇင်ဘာလ ၂၄ ရက် ခရစ်စမတ် အကြိုနေ့ကလည်း ဆင်နွဲခဲ့သလို ဒီကနေ့  ၂၅ ရက်နေ့မှာလည်း ဆက်လက် ကျင်းပခဲ့တယ်လို့ ရန်ကုန်ခရစ်ယာန် ကလျာဏ ယုဝ အသင်း (YMCA) ရဲ့ အသေးစားငွေကြေး လုပ်ငန်း ဒါရိုက်တာ အမျိုးသမီးတစ်ဦးက အခုလို ပြောပါတယ်။

" ကျမတို့ မအူပင်မှာရှိတဲ့ Clientတွေရယ်၊ လှိုင်သာယာမှာရှိတဲ့ Clientတွေရယ်၊ နောက် ပုလဲပေါ့။ သင်္ဃန်းကျွန်းဈေးမှာရှိတဲ့ Clientတွေရယ်။ အဲ့လိုပဲ ကျမတို့ မွေးနေ့တော်မှာ ကျမတို့ခံစားရတဲ့ ကောင်းချီးတွေကို မျှဝေတယ်။ လက်ဆောင်တွေပေးတယ်။ ကျွေးမွေးတယ်။ "

ရန်ကုန်အပါအ၀င်၊ မန္တလေးလို မြို့ကြီးတွေမှာလည်း ဒီကနေ့ ခရစ်စမတ်ပွဲတော်တွေ စည်းစည်းကားကား ကျင်းပခဲ့သလို အခြားနယ်မြို့တွေမှာလည်း ခရစ်မတ် ပွဲတော်တွေ ကျင်းပခဲ့ပါတယ်။

ဒီဇင်ဘာလ ၂၅ ရက်နေ့ဟာဆိုရင် ယေရှုခရစ်တော် ဖွားမြင်တော်မူတဲ့နေ့ပါ။ ဒီဇင်ဘာလ ၂၅ ရက်နေ့တိုင်း ခရစ်ယာန်ဘာသာ သက်ဝင်သူတွေ က ယေရှုရဲ့အမှတ်တရ မွေးနေ့ အထိမ်းအမှတ်အဖြစ် ဒီကနေ့မှာ ပွဲတော်တွေ အမြဲလိုကျင်းပတာလည်းဖြစ်ပါတယ်။

အောင်ရဲ မောင်မောင် / ဗွီအိုအေ (မြန်မာပိုင်း)
http://burmese.voanews.com/content/christmas-in-myanmar/2573275.html


ဒီဇင်ဘာလ ၂၂ ရက်နေ့က ကြေးနီ စီမံကိန်းမှာ သေနတ်ဒဏ်ရာနဲ့ သေဆုံးခဲ့တဲ့ ဒေါ်ခင်ဝင်း (၅၇နှစ်) ရဲ့ ရုပ်အလောင်းကို ဒီနေ့ မိုးကြိုးပြင်သုသာန်မှာ ဂူသွင်း သင်္ဂြိုဟ်ခဲ့ ပါတယ်။

ပဋိပက္ခဖြစ်ခဲ့တဲ့ လိပ်ခွံတောင်ခြေမှာ ဒေါ်ခင်ဝင်းအတွက် အမှတ်တရ အခမ်းအနား ပြုလုပ်ခဲ့ ပါတယ်။ အလားတူပဋိပက္ခတွေ ထပ်မံ မပေါ်ပေါက်အောင် အစိုးရက တာဝန်ယူ ဆောင်ရွက်ပေးဖို့ တုံအလယ် ရွာသူ မယဉ်သွဲ့က ပြောပါတယ်။

"ဒေါ်ခင်ဝင်း ကိုယ့်လယ်ယာမြေကို ကာကွယ်ရင်း သေဆုံးရတာဟာ နိုင်ငံတော်အစိုးရရဲ့ တာဝန်ဖြစ်တယ်လို့ ကျမတို့ဒေသခံတွေနဲ့ မြန်မာပြည်သူပြည်သားအားလုံးက ယူဆပါတယ်၊ ဒေါ်ခင်ဝင်း သေဆုံးရတာကို နမူနာယူပြီးတော့ ရှေ့လျှောက် ဒီလိုမျိုးဖြစ်ရပ်တွေ မကြုံတွေ့ရအောင် နိုင်ငံတော်အစိုးရကနေပြီးတော့ တာဝန်ယူသင့်တဲ့အရာ ဖြစ်ပါတယ်လို့ ကျမဒီနေရာကနေ ပြောကြားချင်ပါတယ်"

ဈာပနအခမ်းအနားကို ဆည်တည်း၊ ဇီးတော၊ တုံရွာ၊ ဖောင်းကား၊ ၀က်မှေး၊ မိုးကြိုးပြင်နဲ့ ကျောက်ဖြူ တိုင်ကျေးရွာတွေက ဒေသခံသုံးရာနီးပါးလောက် တက်ရောက်ခဲ့ကြပါတယ်။ ဒီဇင်ဘာလ ၂၂ ရက်နေ့ က လိပ်ခွံတောင်အနီး လျော်ကြေးမယူထားတဲ့ လယ်ယာမြေတွေမှာ ၀မ်ပေါင်ကုမ္ပဏီက ခြံစည်းရိုးခတ်စဉ် ကျေးရွာသားတွေက တားမြစ်ရာမှာ လုံခြုံရေးက ပစ်ခတ်တာကြောင့် ဒေါ်ခင်ဝင်းဟာ သေနတ်ထိမှန် သေဆုံးခဲ့တာဖြစ်ပါတယ်။

ဒီအဖြစ်အပျက်နဲ့ ပတ်သက်လို့ သမ္မတ ဦးသိန်းစိန်က စိတ်မကောင်းစရာဖြစ်ရပ်လို့ ရှုမြင်ကြောင်းနဲ့ စုံစမ်းစစ်ဆေးမှာဖြစ်ကြောင်း သမ္မတရဲ့ ပြောခွင့်ရပုဂ္ဂိုလ် ပြန်ကြားရေးဝန်ကြီး ဦးရဲထွဋ်က ပြောပါတယ်။

"ကျေးရွာက ဆန္ဒပြတဲ့သူတွေအနေနဲ့ သေဆုံးထိခိုက်ဒဏ်ရာရမှုတွေ ရှိတာတွေရော၊ လုံခြုံရေး တာဝန်ယူ ဆောင်ရွက်နေရတဲ့ မြန်မာနိုင်ငံ ရဲတပ်ဖွဲ့ဝင်တွေမှာလည်း ထိခိုက်ဒဏ်ရာ ရတာမျိုးတွေရှိခဲ့တယ်၊ သမ္မတကြီးအနေနဲ့ စိတ်မကောင်းစရာ မဖြစ်သင့်မဖြစ်ထိုက်တဲ့ အဖြစ်အပျက်လို့မြင်တယ်"

သေဆုံးဒဏ်ရာရသူတွေကို နစ်နာကြေးပေးမှာဖြစ်ကြောင်းနဲ့ ခြံစည်းရိုးခတ်တာကို ရပ်ဆိုင်းဖို့ ညွှန်ကြားထားတယ်လို့ စစ်ကိုင်းတိုင်းဒေသကြီး ၀န်ကြီးချုပ် ဦးသာအေးကလည်း မနေ့က ပြောခဲ့ပါတယ်။

ဒီအတောအတွင်း စစ်ကိုင်းတိုင်းဒေသကြီး ပုလဲမြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ကြေးနီစီမံကိန်းကို အကောင်အထည်ဖော်နေတဲ့ မြန်မာ့ဦးပိုင် ကုမ္ပဏီလီမိတက်နဲ့ ၀မ်ပေါင်ကုမ္ပဏီ တာဝန်ရှိသူတွေနဲ့ ဒီနေ့ တွေ့ဆုံခွင့်တောင်းရာ ငြင်းပယ်ခံလိုက်ရပါတယ်။ တွေ့ဆုံခွင့်တောင်းတာကို ဦးပိုင်ကုမ္ပဏီရဲ့ ခွင့်ပြုချက်မပါလို့ဆိုတဲ့ အကြောင်းပြချက်နဲ့ တွေ့ခွင့်မရခဲ့ဘူးလို့ လွှတ်တော်ကိုယ်စားလှယ် ဒေါ်ခင်စန်းလှိုင်က ပြောပါတယ်။

RFA Burmese
https://www.facebook.com/pages/RFA-Burmese/39218993127


လက်ပံတောင်းတောင် ကြေးနီ စီမံကိန်းကို ရပ်ဆိုင်းပေး ဖို့ နိုင်ငံရေး တက်ကြွလှုပ်ရှားသူ ၃၀ လောက် ဟာ ရန်ကုန် မြို့က မြန်မာနိုင်ငံ ဆိုင်ရာ တရုတ်သံရုံးမှာ ဒီနေ့ ဆန္ဒပြ တောင်းဆို ခဲ့ကြပါတယ်။

စီမံကိန်းနယ်မြေမှာ တရုတ်နိုင်ငံသား လုံခြုံရေး အဖွဲ့တွေ ရှိနေတာဟာ အမျိုးသား အချုပ်အခြာ အာဏာကို ထိပါးနေတာကြောင့် အခုလို တောင်းဆိုတာ ဖြစ်တယ်လို့ ဆန္ဒပြပွဲကို ဦးဆောင်သူ ကိုမြတ်ကျော်က ပြောပါတယ်။

"တရုတ်အစိုးရရဲ့စီးပွားရှာ၊ ကိုယ်ကျိုးရှာ၊ ပေါ်လ စီကြောင့်ကျနော် တို့ မြန်မာပြည်က လယ်သမား၊ အပြစ်မဲ့တဲ့ လယ်သမားတွေ၊ အပြစ် မဲ့တဲ့ ပြည် သူတွေသေကြေနေရတယ်၊ ဦးနှောက်ထွက် ပြီးတော့၊ နောက်တစ်ခုက ကျနော်တို့မြန်မာပြည်မှာ လက်ပံတောင်းနယ် မှာ တရုတ်အလံကိုစိုက်ပြီးတော့ တရုတ် အမျိုးသားတပ်နဲ့နေတယ်ဆိုတာ ကျနော်တို့ အမျိုးသား အချုပ်အခြာအာဏာကို ထိပါးနေတယ်လို့ ကျနော်တို့မြင်ပါတယ်၊ နောက်တစ်ချက်က အမျိုးသား အချုပ် အခြာ အာဏာ ထိပါးနေတဲ့နေရာဖြစ်တဲ့ လက်ပံတောင်းတောင် စီမံကိန်းကို ချက်ချင်းရပ်ပေးပါ"

ဆန္ဒပြသူတွေဟာ ပြည်သူ့တွေဘ၀လုံခြုံဖို့အတွက် တရားဥပဒေနဲ့အညီ ဆောင်ရွက်ပေးဖို့ကိုလည်း တောင်းဆိုဆန္ဒပြ ခဲ့ကြပါတယ်။

ဒီနေ့ တရုတ်သံရုံးရှေ့မှာ ဆန္ဒပြပွဲမပြုလုပ်ခင်ကတည်းက လုံခြုံရေးအင်အား ၁၀၀ ကျော်နဲ့ လုံခြုံရေးတင်းကြပ်စွာ ချထားပါတယ်။အလားတူ ဆန္ဒပြပွဲနဲ့ ဆုတောင်းပွဲကို ဒီနေ့ညနေ အင်းလျားကန်ဘောင်မှာ ကျောင်းသားသမဂ္ဂအဖွဲ့တွေ က ပြုလုပ်ခဲ့ပါတယ်။

RFA Burmese
https://www.facebook.com/pages/RFA-Burmese/39218993127


လက်ပံတောင်းတောင် ဒေသမှာ လုံခြုံရေးတပ်ဖွဲ့ရဲ့ပစ်ခတ်မှုကြောင့် ၂၂ ရက်နေ့က မိုးကြိုးပြင်ရွာသူ ဒေါ်ခင်ဝင်း သေဆုံးခဲ့ရတာနဲ့ ပတ်သက်ပြီး အမျိုးသမီး တစ်ဦးကို ဘယ်လို အခြေအနေမျိုးမှာမှ အခုလိုပစ်ခတ်ရန် အကြောင်း မရှိပါဘူးလို့ ဒေါ်အောင်ဆန်းစုကြည်က ပြောကြား လိုက်ပါတယ်။

RFA ကတင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် မနေ့ကဆက်သွယ်မေးမြန်းခဲ့ရာမှာ အခုလိုပြောဆိုခဲ့တာဖြစ်ပါတယ်။ လက်ပံတောင်းတောင် စုံစမ်းစစ်ဆေးရေး ကော်မရှင်ရဲ့ အကြံပြုချက်တွေကို လိုက်နာဖို့ပျက်ကွက်တဲ့အတွက် အစိုးရမှာတာဝန်ရှိတယ်လို့လည်း ဒေါ်အောင်ဆန်းစုကြည် က ဝေဖန်လိုက်ပါတယ်။

"လုပ်သင့်လုပ်ထိုက်တာတွေကို မလုပ်ခဲ့လို့ ဒီလိုဖြစ်တာပေါ့၊ ဖြစ်ပြီးမှ လျော်ကြေးပေးတယ်ဆိုတာ လူတစ်ယောက်ရဲ့အသက်က ဘယ်လိုလျော်ကြေးနဲ့တန်ပါ့မလဲ၊ တန်ဖိုးဖြတ်လို့မှမရတာလေ လူတစ်ယောက်ရဲ့အသက်ကို"

ရှေ့လာမယ့်နှစ်အတွင်း ဆောင်ရွက်မယ့် လုပ်ငန်းတွေကို မေးမြန်းရာမှာတော့ ဖွဲ့စည်းပုံပြင်ဆင်ရေး၊ နိုင်ငံရေးဆွေးနွေးပွဲတွေပေါ်ပေါက်ရေးနဲ့ မျှတလွတ်လပ်တဲ့ရွေးကောက်ပွဲတွေဖြစ်ပေါ်ရေးအတွက် ဆက်လက်ကြိုးပမ်းမယ်လို့ ဒေါ်အောင်ဆန်းစုကြည်က ပြောပါတယ်။

"ဖွဲ့စည်းပုံအခြေခံဥပဒေ ပြုပြင်ပြောင်းလဲရေးနဲ့ပတ်သက်လို့ လွှတ်တော်ထဲမှာ ဆွေးနွေးတာတွေရှိမယ်၊ ဒီဖွဲ့စည်ပုံအခြေခံ ပြုပြင်ပြောင်းလဲရေးရော၊ ဒီနှစ်နောက်ပိုင်းမှာ လာမယ့်ရွေးကောက်ပွဲရော အားလုံးချောမွေ့ဖို့ဆိုလို့ရှိရင်တော့ တကယ့်ကိုဆွေးနွေးသင့်တဲ့သူတွေက ထိထိရောက်ရောက် ဆွေးနွေးတိုင်ပင်မှုတွေ လုပ်ကိုလုပ်ရမယ်"

ဒါ့အပြင် လာမယ့်နှစ်မှာ ပြည်သူလူထုအားလုံး တာဝန်ကျေပွန်ကြရင် မြန်မာနိုင်ငံဟာ ကြိမ်းသေမုချ တိုးတက်မှာဖြစ်တယ်လို့လည်း နှစ်သစ်ကူးစကားလက်ဆောင်ပါးလိုက်ပါတယ်။

RFA Burmese
https://www.facebook.com/pages/RFA-Burmese/39218993127?fref=nf


ထိုင်းနိုင်ငံတောင်ပိုင်း စူရတ်ဌာနီခရိုင် လိပ်ကျွန်း (ခိုတောင်းကျွန်း) လူသတ်မှု စွပ်စွဲခံ လူငယ်နှစ်ဦးရဲ့ မိသားစုဝင်တွေဟာ ဒီကနေ့ညနေ လေကြောင်းခရီးနဲ့ ထိုင်းနိုင်ငံ ဘန်ကောက်မြို့ကို ရောက်ရှိခဲ့ကြပြီး မနက်ဖြန်မှာ သားငယ်တွေရဲ့ ရုံးထုတ်ကို တက်ရောက်မှာ ဖြစ်ပါတယ်။

မြန်မာသံရုံးအထူးအဖွဲ့က ရှေ့နေ ဦးအောင်မျိုးသန့်က “ကလေးမိဘတွေ (စွပ်စွဲခံ ကိုဇော်လင်းနှင့် ကိုဝင်းဇော်ထွန်းတို့ရဲ့ မိဘများ) ကျနော်တို့နဲ့ ပါလာတယ်။ ကျနော်တို့ စူရတ် (စူရတ်ဌာနီ) ကို လေယာဉ်နဲ့ဆင်းမလို့လုပ်နေတယ်။”

စက်တင်ဘာ ၁၅ ရက်နေ့က လိပ်ကျွန်းမှာ လူသတ်မှု၊ မုဒိမ်းမှုအပါအ၀င်အမှု ၇ မှုနဲ့ စွဲဆိုတဲ့အမှုကို မနက်ဖြန်ကျရင် စူရတ်ဌာနီမြို့ ကော့စမွီခရိုင်တရားရုံးမှာ ရုံးထုတ် စစ်ဆေးမှာဖြစ်ပါတယ်။

ပထမအကြိမ်ရုံးချိန်းစဉ်က တရားသူကြီးက စွပ်စွဲခံမြန်မာလူငယ်နှစ်ဦးကို အပြစ်ကျူးလွန်မှုရှိမရှိ မေးမြန်းခဲ့ရာမှာ ကျူးလွန်ခြင်းအလျဉ်းမရှိကြောင်း တရားရုံးမှာ ငြင်းဆိုခဲ့ကြပါတယ်။

တရားသူကြီးက နှစ်ဘက်သက်သေစာရင်းတွေကို ဒီရုံးချိန်းမတိုင်မီ တင်ကြဖို့ ဆုံးဖြတ်ညွှန်ကြားခဲ့ပါတယ်။ ဒီသက်သေစာရင်းတွေကို စွပ်စွဲခံရသူတွေဘက်က တင်ပြပြီးပြီလို့  မြန်မာသံရုံးအထူးအဖွဲ့က ရှေ့နေဦးအောင်မျိုးသန့်က ဒီဗွီဘီကို ပြောပါတယ်။

“ကျနော်တို့သက်သေတွေကို ဟိုတပတ်ကတည်းက တင်ပြပြီးပါပြီ။ ကြားရက်မှာ သွားတင်လိုက်ပါတယ်။ လောလောဆယ်မှာ သက်သေ (၂၇) ယောက်တင်ထားပါတယ်။”

ထိုင်းတောင်ပိုင်း လူသတ်မှုဖြစ်ပွားပြီး နှစ်ပတ်ခန့်အကြာမှာ အသက် (၂၁) နှစ်အရွယ်ရှိကြတဲ့ ကိုဇော်လင်းနဲ့ ကိုဝင်းဇော်ထွန်းတို့ကို ဖမ်းဆီးစစ်ဆေးအရာမှာ သူတို့နှစ်ဦးက ရဲထံ ကနဦးပိုင်းက ဖြောင့်ချက်ပေးခဲ့ကြပေမယ့် နောက်ပိုင်းမှာ သူတို့ကို အသက်အန္တရာယ်ခြိမ်းခြောက်တဲ့အတွက် တကယ်မကျူးလွန်ဘဲ ၀န်ခံခဲ့တာသာဖြစ်တယ်လို့ ပြောင်းလဲထွက်ဆိုပြီး ကနဦးပေးခဲ့တဲ့ ဖြောင့်ချက်တွေကို တရားဝင် ပြန်လည်ရုပ်သိမ်းထားကြပါတယ်။

မြန်မာသံရုံးအထူးအဖွဲ့ဝင်တွေဟာ လွန်ခဲ့တဲ့သီတင်းပတ်က မြန်မာပြည်ကို သွားရောက်ခဲ့ကြပြီး လိပ်ကျွန်းလူသတ်မှု စွပ်စွဲခံရမှုနဲ့စပ်လျဉ်းတဲ့ သတင်းစာရှင်းလင်းပွဲလုပ်ခဲ့သလို အစိုးရနဲ့ လွှတ်တော်တွေက တာဝန်ရှိသူတွေနဲ့ တွေ့ဆုံပြီး လူအား ငွေအား အကူအညီတွေ ရဖို့ ကတိက၀တ်တွေ ရခဲ့ကြပါတယ်။

By အေးနိုင် (ဒီဗွီဘီ)
http://burmese.dvb.no/archives/74961


ဒီဇင်ဘာလ ၂၂ ရက်နေ့က ကြေးနီစံမံကိန်းမှာ သေနတ်ဒဏ်ရာနဲ့ သေဆုံးခဲ့တဲ့ မိုးကြိုးပြင်အလယ်ရွာသူ ဒေါ်ခင်ဝင်း (၅၇) နှစ် ဈာပနအခမ်းအနားကို ဒီနေ့ နေ့လည် ၂ နာရီမှာ ကျင်းပခဲ့ပါတယ်။

ဈာပနအခမ်းအနားကို ဆည်တည်း၊ ဇီးတောနဲ့ ကျောက်ဖြူတိုင်ကျေးရွာတွေက ကျေးရွာသားတွေလည်း သွားရောက်ခဲ့ပါတယ်။

ရိုက်ကူး- ကျော်ဇောဝင်း၊ ဆက်ပိုင်တိုး

RFA


ဆိုနီရုပ်ရှင်က ပြဿနာဖြစ်နေတဲ့ အငြင်းပွားဖွယ် The Interview ဟာသကားကို ခရစ္စမတ်နေ့မှာ ရုပ်ရှင်ရုံပေါင်း ၂၀၀ မှာ ရုံတင်ပြသမယ်လို့ ကြေညာခဲ့ပြီး နောက် တနေ့မှာပဲ ဇာတ်ကားကို စတင် ဖြန့်ဖြူးလိုက်ပြီဖြစ်ပါတယ်။ ဒီရုပ်ရှင်ကို YouTube-Google Play နဲ့ Microsoft Xbox တို့လို Digital နည်းပညာသုံး နေရာအများအပြား ကနေလည်း ကြည့်ရှုနိုင်ပြီ ဖြစ်ပါတယ်။

လွတ်လပ်စွာ ပြောဆိုလုပ်ဆောင်ခွင့် မရစေချင်သူတွေက ဆိုနီရဲ့ စီးပွားရေးလုပ်ငန်းတွေကိုပါ လာပြီး စော်ကားတဲ့လုပ်ရပ်ကို ဆန့်ကျင်တဲ့အနေနဲ့ ဒီရုပ်ရှင်ကို ပြသဖြစ်ဖို့က အရေးကြီးတယ်လို့ ဆိုနီရုပ်ရှင်ထုတ်လုပ်ရေးက ပြောပါတယ်။

ဒီရုပ်ရှင်ကိုပြရင် အကြမ်းဖက်မှု ရှိနိုင်တယ်လို့ ခြိမ်းခြောက်မှုတွေ ရှိနေတာမို့ အမေရိကန် ရုပ်ရှင်ရုံလုပ်ငန်းရှင် အများအပြားက ပြသဖို့ ငြင်းပယ်ခဲ့တာကြောင့် ဒီကားကို မပြဖို့ ပြီးခဲ့တဲ့ သီတင်းပတ်ကပဲ ဆိုနီက ရုပ်သိမ်းခဲ့ရတာပါ။

ရုပ်ရှင်ထဲမှာ အမေရိကန် ထောက်လှမ်းရေးက အသစ်ခန့်ထားခဲ့တဲ့ သတင်းထောက် ၂ ယောက်က မြောက်ကိုရီးယား ခေါင်းဆောင် ကင်ဂျုံအွန်းကို လုပ်ကြံတဲ့ ဟာသကား ဖြစ်ပါတယ်။

မြောက်ကိုရီးယားက ဒီရုပ်ရှင်အတွက် ဝေဖန်ရှုတ်ချခဲ့သလို ဆိုနီရုပ်ရှင်ကုမ္ပဏီရဲ့ ကွန်ပြူတာတွေလည်း ဒီလအစောပိုင်းမှာပဲ ဖောက်ထွင်းတာခံခဲ့ရပြီး အဖိုးတန် သတင်းအချက်အလက်တွေနဲ့အတူ လျှို့ဝှက်အချက်အလက်တွေပါ ခိုးယူတာခံခဲ့ရတာပါ။ ဒီဆိုဒ်ဘာ တိုက်ခိုက်မှုကို မြောက်ကိုရီးယားက လုပ်ဆောင်တယ်လို့ အမေရိကန် အစိုးရက စွပ်စွဲပေမဲ့ မြောက်ကိုရီးယားက ဒါကို ငြင်းဆိုပါတယ်။

အမေရိကန် သမ္မတ Barack Obama ကလည်း ဆိုနီက ဒီကားကို ရုံတင်မပြဘူးလို့ ပြောခဲ့တာဟာ အမှားတရပ်လို့ ပြီးခဲ့တဲ့ သီတင်းပတ်ထဲမှာပဲ ပြောကြားခဲ့ပါတယ်။ အခု အကန့်အသတ်ထားပေမဲ့ ရုံတင်ပြဖို့လုပ်ပြီး အများကြည့်ရအောင် စီစဉ်ပေးတာမို့ မစ္စတာ အိုဘားမားက ကြိုဆိုကြောင်း သမ္မတအိမ်ဖြူပြောခွင့်ရ Eric Schultz က ဗုဒ္ဓဟူးနေ့မှာ ပြောကြားခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com/content/sony-the-interview-movie/2573009.html

သရုပ်ဆောင် မင်းအုပ်စိုးအား ၂၀၁၂ ခုနှစ် ဖေဖော်ဝါရီလအတွင်းက တာမွေမြို့နယ် ဖိုးစိန်လမ်းအတွင်း အရက်သေစာ သောက်စားမူးယစ်ကာ လမ်းမပေါ်တွင်တွေ့ ရစဉ်။ 
ရုပ်ရှင်သရုပ်ဆောင်တစ်ဦးမှ ညီမဖြစ်သူအား ထိုးကြိတ်ရိုက်နှက်ခဲ့၍ သေဆုံး သွားခဲ့သဖြင့် အရေးယူဆောင်ရွက်လျက်ရှိ

ရန်ကုန်၊ ဒီဇင်ဘာ ၂၅

၂၅.၁၂.၂၀၁၄ ရက်နေ့ ၀၄၃၀ အချိန်တွင် ဗဟန်းမြို့နယ်နေ ရုပ်ရှင်သရုပ်ဆောင် မင်းအုပ်စိုး (ခ) ကိုအောင်နိုင်ထွန်း၊ (၄၄)နှစ်မှ ဗဟန်းမြို့မ ရဲစခန်းသို့ရောက်ရှိ လာပြီး ၎င်းသည် ၀၂၃၀ အချိန်ခန့်က အတူနေညီမ၀မ်းကွဲဖြစ်သူ မနုနုယဉ်(ခ) တေးနုယဉ်၊ (၃၃)နှစ်အား လူမှုရေး ကိစ္စတစ်ခုနှင့် ပတ်သက်၍ မေးမြန်းစဉ် အမှန်အတိုင်း ပြောဆိုခြင်း မရှိသောကြောင့် စိတ်ဆိုး ဒေါသဖြစ်ပြီး မနုနုယဉ် (ခ)တေးနုယဉ် ကို ၎င်း၏အိပ်ခန်းအတွင်း၌ လက်သီးဖြင့် ထိုးခြင်း၊ ဆောင့်တွန်းခြင်း၊ ကိုင်ဆောင့်ခြင်း၊ ခြေထောက် ဖြင့်ကန် ခြင်းများပြုလုပ်မိခဲ့ကြောင်း၊ ထိုသို့ ပြုလုပ်ခဲ့သဖြင့် မနုနုယဉ်(ခ)တေးနုယဉ်မှာ ကုတင်ပေါ်တွင် လဲကျငြိမ်သက်
သွားကြောင်းကို အကြောင်းကြား လာခဲ့ပါသည်။

ထိုသို့ အကြောင်းကြား ချက်အရ ဗဟန်းမြို့မ ရဲစခန်းတပ်ဖွဲ့ဝင်များမှ သက်သေများနှင့်အတူ အခင်းဖြစ် နေအိမ်သို့ သွားရောက် စစ်ဆေးရာ နေအိမ်အိပ်ခန်း ကုတင်ပေါ်တွင် မနုနုယဉ်(ခ)တေးနုယဉ်မှာ မျက်နှာနှင့် ဦးခေါင်းတို့၌ ဖူးရောင် ဒဏ်ရာများ၊ ၀မ်းဗိုက်နှင့် ကျောကုန်းတို့တွင် ညိုမဲသွေးစို့ ဒဏ်ရာများ၊ မျက်လုံး
နှစ်ဘက်၌ ညိုမဲဒဏ်ရာများနှင့် လည်ပင်း၌ ပွန်းပဲ့ဒဏ်ရာများ ရရှိထားပြီး သေဆုံးနေသည်ကို တွေ့ရှိရပါသည်။

ယင်းသို့ကျူးလွန်ခဲ့သူ မင်းအုပ်စိုး(ခ)ကိုအောင်နိုင်ထွန်းအား ဗဟန်းမြို့မရဲစခန်း (ပ)၅၁၉/၂၀၁၄၊ ပြစ်မှု ပုဒ်မ-၃၀၂ ဖြင့် အမှုဖွင့် အရေးယူကာ ဖမ်းဆီးစစ်ဆေး လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice


မြန်မာပြည်က ကျားတွေ၊ ကျားသစ်တွေနဲ့ ရှားပါးတိရစ္ဆာန် အစိတ်အပိုင်း တွေဟာ တရုတ်ဘက်ကို  ရောင်းချမှုတွေ  ဒီနှစ်ပိုင်းတွေ အတွင်းမှာ ပိုများလာနေပါတယ်။

သုတေသနအဖွဲ့ဟာ နှစ်ပေါင်း ၂၀ အတွင်း အရောင်းအ၀ယ် အချက်အလက်တွေကို လေ့လာ နှိုင်းယှဉ်ခဲ့ပြီး လွန်ခဲ့တဲ့ ၈ နှစ်အတွင်းမှာ ၃ ဆကျော် ပိုများလာတယ်လို့ Biological Conservation ဂျာနယ်မှာ ဖော်ပြပါတယ်။

တရုတ်ဘက်ကို ရောင်းတဲ့ ရှားပါးတိရစ္ဆာန် အစိတ်အပိုင်းတွေထဲမှာ ကျားအစိတ်အပိုင်းတွေက ၈၀ ရာခိုင်နှုန်း  ပါဝင်နေပြီး အနည်းဆုံး ကျားအကောင် ၂၀၀ ကို ကိုယ်စားပြုတယ်လို့ ဆိုပါတယ်။

ဒီထဲမှာ နိုင်ငံတကာ သဘာဝထိန်းသိမ်းရေးအဖွဲ့က သတ်မှတ်ထားတဲ့ ရှားပါး စာရင်းဝင် ကျားသစ် အကောင် ၄၈၀ လည်း ပါဝင်နေပါတယ်။

မြန်မာပြည်မှာ ကျားနဲ့ ကျားသစ် အစိတ်အပိုင်းကို အရောင်းအ၀ယ်လုပ်တာကို ပိတ်ပင်ထားပေမယ့် နယ်စပ်ဒေသတွေမှာတော့ တရားဝင် အရောင်းအ၀ယ်တွေ ဆက်ရှိနေတယ်လို့ အစီရင်ခံစာမှာ ဖော်ပြထားပါတယ်။

ထိုင်း-မြန်မာနယ်စပ် တာချီလိတ်ဘက်မှာ ဒီနှစ်ပိုင်းအတွင်း ကျဆင်းသွားပေမယ့် တရုတ်မြန်မာနယ်စပ်မှာတော့ ၈ နှစ်အတွင်း ၃ ဆကျော် ပိုများလာတယ်လို့ ဆိုပါတယ်။

ကျားနဲ့ ကျားသစ်တွေဟာ ဆေးဘက်ဝင်တယ်လို့ တရုတ်တွေက အစဉ်အလာ ယုံကြည်နေတာကြောင့်လည်း တရားမ၀င် အရောင်းအ၀ယ်က တားဆီးမရ ဖြစ်နေတယ်လို့ ဆိုပါတယ်။

By ဒီဗွီဘီ
http://burmese.dvb.no/archives/74937

Author Name

Contact Form

Name

Email *

Message *

Powered by Blogger.