2015


နိုင်ငံတော်သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့ ဒီဇင်ဘာ ၂ ရက်က တွေ့ဆုံစဉ် (သမ္မတရုံး facebook)

၂၀၁၅ အထွေထွေ ရွေးကောက်ပွဲအပြီး အမျိုးသားဒီမိုကရေစီ အဖွဲ့ချုပ်က ဖွဲ့စည်းမည့် အစိုးရသစ် အနေဖြင့် လက်ရှိသမ္မတ ဦးသိန်းစိန် ဦးဆောင်သော အစိုးရအဖွဲ့ထံမှ အာဏာလွှဲပြောင်း ရယူရာတွင် တည်ငြိမ်အေးချမ်းမှု ရှိစေရေးအတွက် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နှင့် လက်ရှိ နိုင်ငံ၏ ထိပ်ပိုင်းခေါင်းဆောင် နေရာများအား တာဝန်ယူထားသူများ၊ သြဇာကြီးမားသူများနှင့် တွေ့ဆုံခဲ့မှုများကို ၂၀၁၅ ခုနှစ်၏ ထင်ရှားကျော်ကြား နိုင်ငံရေးဖြစ်ရပ် တစ်ခုအဖြစ် ဖော်ပြလိုက်ပါသည်။

ရွေးကောက်ပွဲ မကျင်းပမီ ကာလများက အဆိုပါ ပုဂ္ဂိုလ်များနှင့်ပင် တွေ့ဆုံဆွေးနွေးရန် ဒေါ်အောင်ဆန်းစုကြည်သည် အကြိမ်ကြိမ် တောင်းဆို ကြိုးစားခဲ့သော်လည်း ဟန်ပြတွေ့ဆုံမှု အချို့သာ ရှိခဲ့ပြီး အောင်မြင်မှု မရှိခဲ့ပေ။

ဒေါ်အောင်ဆန်းစုကြည်၏ တောင်းဆိုမှုအပေါ် ပြည်ထောင်စုရွေးကောက်ပွဲ ကော်မရှင်၏ ရွေးကောက်ပွဲဆိုင်ရာ လုပ်ငန်းစဉ်များ ပြီးဆုံးချိန်တွင် နှစ်ဖက်ညှိနှိုင်း ဆောင်ရွက်သွားမည်ဟု သမ္မတဦးသိန်းစိန်နှင့် တပ်မတော်ကာကွယ်ရေး ဦးစီးချုပ်တို့က နိုဝင်ဘာ ၁၁ ရက်၌ အသီးသီး ထုတ်ပြန် ကြေညာခဲ့ကြသည်။

ထို့အတူ ပြည်ထောင်စုလွှတ်တော် နာယက သူရဦးရွှေမန်းကလည်း “လာမည့် အပတ်အတွင်း အဆင်ပြေမည့် အချိန်တွင် အမျိုးသား သင့်မြတ်ရေးကို အခြေခံပြီး အခြား အရေးကိစ္စများ ရှိပါကလည်း ဆွေးနွေးရန် စီစဉ်ဆောင်ရွက်သွားမည် ဖြစ်ပါသည်” ဟု ၎င်း၏ ဖေ့စ်ဘွတ်စာမျက်နှာမှတစ်ဆင့် ပြည်သူများသို့ အကြောင်းပြန်ခဲ့သည်။

တွေ့ဆုံမှုများ စတင်မှုအဖြစ် နိုဝင်ဘာ ၁၇ ရက်တွင် ဒေါ်အောင်ဆန်းစုကြည်သည် လွှတ်တော်တွင်း၌ ပြည်သူ့လွှတ်တော် ဥက္ကဋ္ဌ သူရဦးရွှေမန်းနှင့် အမျိုးသားလွှတ်တော် ဥက္ကဋ္ဌ ဦးခင်အောင်မြင့်တို့အား သီးခြားစီ အလွတ်သဘော တွေ့ဆုံခဲ့သည်။

ပြည်ထောင်စုလွှတ်တော် နာယက သူရဦးရွှေမန်းနှင့် ဒေါ်အောင်ဆန်းစုကြည်တို့သည် တရားဝင် တွေ့ဆုံမှုကို နိုဝင်ဘာ ၁၉ ရက် နံနက် ၉ နာရီမှ စတင်ကာ ပြည်သူ့လွှတ်တော် ဥက္ကဋ္ဌရုံးခန်းတွင် နှစ်နာရီကြာ တွေ့ဆုံ ဆွေးနွေးခဲ့ပြီး ပူးတွဲကြေညာချက်တစ်စောင် ထုတ်ပြန်ခဲ့သည်။

ယင်းပူးတွဲ ကြေညာချက်တွင် နိုဝင်ဘာ ၈ ရက် ပါတီစုံ ဒီမိုကရေစီ အထွေထွေရွေးကောက်ပွဲမှ ထွက်ပေါ်လာသည့် ပြည်သူ့ဆန္ဒကို တည်ငြိမ်အေးချမ်းစွာ စနစ်တကျ အကောင်အထည်ဖော်ခြင်းဖြင့် နိုင်ငံတော်၏ ဂုဏ်သိက္ခာ မြင့်မားရေးနှင့် ပြည်သူပြည်သားများ နှလုံးစိတ်ဝမ်း အေးချမ်းမှု ရရှိစေရန်၊ လွှတ်တော်များ ဖွဲ့စည်းရာတွင် အမျိုးသားပြန်လည် သင့်မြတ်ရေးနှင့် တိုင်းရင်းသား စည်းလုံးညီညွတ်ရေးကိုပါ အလေးအနက်ထား ရှေးရှုဆောင်ရွက်ရန်၊ လွှတ်တော်ဆိုင်ရာ ကိစ္စရပ်များ၊ အခြားအရေးကြီးသော လုပ်ငန်းတာဝန်များအတွက် ညှိနှိုင်းပူးပေါင်း ဆောင်ရွက်ခြင်းဖြင့် အပြန်အလှန် ယုံကြည်လေးစားပြီး သဟဇာတဖြစ်သော အစဉ်အလာကောင်းများ ချမှတ်နိုင်ရန်နှင့် ဒုတိယအကြိမ် လွှတ်တော်များကို ဥပဒေနှင့်အညီ ခေါ်ယူ ဖွဲ့စည်းနိုင်ရေးအတွက် ဆွေးနွေးညှိနှိုင်း ပူးပေါင်းဆောင်ရွက်နေရန်တို့ကို နှစ်ဖက်သဘောတူညီမှု ရရှိခဲ့ကြောင်း ဖော်ပြရေးသားခဲ့သည်။

ဆက်လက်၍ နိုဝင်ဘာ ၁၉ ရက် ညနေပိုင်းတွင် ဒေါ်အောင်ဆန်းစုကြည်သည် နေပြည်တော် လွှတ်တော်ဝင်းအတွင်းရှိ တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီရုံး (I-12) တွင် နိုင်ငံတကာ သံရုံးနှင့် အဖွဲ့အစည်း ၄၁ ရုံးမှ သံတမန်များနှင့် တွေ့ဆုံကာ ရွေးကောက်ပွဲအလွန် တရားဥပဒေ စိုးမိုးရေး ကိစ္စရပ်များ ဆွေးနွေးခဲ့ကြသည်။

သမ္မတ ဦးသိန်းစိန်နှင့် တပ်မတော် ကာကွယ်ရေး ဦးစီးချုပ်တို့သည် ဒေါ်အောင်ဆန်းစုကြည်နှင့် တွေ့ဆုံရန် အချိန်ကြာညောင်းနေမှုအပေါ် ဝေဖန်မှုများ ရှိခဲ့ပြီး နိုဝင်ဘာ ၃၀ ရက်တွင် ဒေါ်အောင်ဆန်းစုကြည်နှင့် သမ္မတ ဦးသိန်းစိန်တို့သည် ဒီဇင်ဘာ ၂ ရက် နံနက်ပိုင်းတွင် တွေ့ဆုံဆွေးနွေးကြမည်ဟု နိုင်ငံတော် သမ္မတရုံးမှ လည်းကောင်း၊ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် မွန်းလွဲပိုင်းတွင် တွေ့ဆုံဆွေးနွေးကြမည်ဟု တပ်မတော် သတင်းမှန် ပြန်ကြားရေး အဖွဲ့က လည်းကောင်း အသီးသီး ကြေညာချက်များ ထုတ်ပြန်ခဲ့သည်။

သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့သည် ဒီဇင်ဘာ ၂ ရက်နံနက် ၉ နာရီမှ စတင်ကာ ၄၅ မိနစ်ကြာ နေပြည်တော်ရှိ နိုင်ငံတော်သမ္မတ အိမ်တော်ဧည့်ခန်းမဆောင်၌ တွေ့ဆုံခဲ့ပြီး အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင် ဦးဝင်းမြင့်နှင့် သမ္မတ၏ ပြောရေးဆိုခွင့်ရှိသူ ပြည်ထောင်စုဝန်ကြီး ဦးရဲထွဋ်တို့ ပါဝင် တက်ရောက်ခဲ့ပြီး ဆွေးနွေးမှုများ အနေဖြင့် နောင်ပေါ်ပေါက်လာမည့် အစိုးရကို အေးချမ်းတည်ငြိမ်ချောမွေ့စွာ တာဝန်လွှဲပြောင်းနိုင်ရေး၊ ပြည်သူများ အနေဖြင့် စိုးရိမ်ပူပန်မှုများ မရှိစေရေး နှစ်ဖက်ပူးပေါင်း ဆောင်ရွက်မည့် ကိစ္စရပ်များ၊ မြန်မာနိုင်ငံ အနေဖြင့် ဒီမိုကရေစီ အသွင်ကူးပြောင်းရာတွင် ယခင်က အစဉ်အလာ မရှိခဲ့သေးသည့် နိုင်ငံတော် အကြီးအကဲ တာဝန်များ စနစ်တကျ လွှဲပြောင်းပေးသည့် အစဉ်အလာကောင်း တစ်ခုကို ထူထောင်ရန်အတွက် ဆွေးနွေးခဲ့ကြောင်း သတင်းထုတ်ပြန်ခဲ့သည်။

ဒေါ်အောင်ဆန်းစုကြည်သည် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် မွန်းလွဲ ၂ နာရီမှ ၃ နာရီအထိ တစ်နာရီကြာ နေပြည်တော် တပ်မတော်ကာကွယ်ရေး ဦးစီးချုပ်ရုံး၊ ဘုရင့်နောင် ဧည့်ရိပ်သာ ဧည့်ခန်းမဆောင်တွင် တွေ့ဆုံဆွေးနွေးခဲ့ပြီး ပြည်သူလူထု၏ ဆန္ဒကို အလေးထား၍ တည်ငြိမ်းအေးချမ်းရေးနှင့် တရားဥပဒေ စိုးမိုးရေး၊ စည်းလုံးညီညွတ်ရေးနှင့် နိုင်ငံ ဖွံ့ဖြိုးတိုးတက်ရေးတို့အတွက် နှစ်ဖက်ညှိနှိုင်း ပူးပေါင်းဆောင်ရွက်ရန် သဘောတူညီကြောင်း တပ်မတော်ဘက်မှ သတင်းထုတ်ပြန်ခဲ့သည်။

ထိုသို့ တွေ့ဆုံမှုများနှင့် ပတ်သက်၍ ဒေါ်အောင်ဆန်းစုကြည်အား သမ္မတ ဦးသိန်းစိန်သည် သာမန်ဧည့်သည်တစ်ဦး တွေ့သကဲ့သို့ ထိုင်ခုံနေရာချထား တွေ့ဆုံပြီး တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ကမူ ခေါင်းဆောင်နှစ်ဦး တွေ့ဆုံ ဆွေးနွေးသကဲ့သို့ ထိုင်ခုံနေရာချထား တွေ့ဆုံခဲ့သဖြင့် သမ္မတ၏ ထိုင်ခုံနေရာချထားမှုအပေါ် ဝေဖန်မှုအချို့ ရှိခဲ့သည်။

ယင်းကဲ့သို့ တရားဝင် တောင်းဆိုတွေ့ဆုံမှုများ အပြီးတွင် တစ်နိုင်ငံလုံးအား အံ့သြစေခဲ့သော တွေ့ဆုံမှုအဖြစ် ဒေါ်အောင်ဆန်းစုကြည်သည် ယခင်တပ်မတော် အစိုးရ အကြီးအကဲဖြစ်ခဲ့သော ဗိုလ်ချုပ်မှူးကြီးဟောင်း ဦးသန်းရွှေနှင့် နေပြည်တော်ရှိ ဦးသန်းရွှေ၏ နေအိမ်တွင် ဒီဇင်ဘာ ၄ ရက် မွန်းလွဲ ၃ နာရီမှ စတင်ကာ နှစ်နာရီခွဲခန့် တွေ့ဆုံခဲ့ကြောင်း သတင်းများ ထွက်ပေါ်ခဲ့ပြီး သတင်းအား တရားဝင် အတည်ပြုပေးမည့်သူ မရှိဘဲ ဒီဇင်ဘာ ၅ ရက်တွင် အမျိုးသားဒီမိုကရေစီ အဖွဲ့ချုပ် ပြောရေးဆိုခွင့် ရှိသူများနှင့် ဗိုလ်ချုပ်မှူးကြီးဟောင်း ဦးသန်းရွှေ၏ မြေးဖြစ်သူ ကိုနေရွှေသွေးအောင်တို့က ဒေါ်အောင်ဆန်းစုကြည်နှင့် ဗိုလ်ချုပ်မှူးကြီးဟောင်း ဦးသန်းရွှေတို့ တွေ့ဆုံမှု သတင်းကို အတည်ပြု ထုတ်ပြန်ပေးခဲ့သည်။

သို့ရာတွင် တပ်မတော် အနေဖြင့် တွေ့ဆုံမှု ကိစ္စကို မသိရှိကြောင်း၊ တပ်မတော်နှင့်လည်း မပတ်သက်ကြောင်း ကာကွယ်ရေး ၀န်ကြီးဌာန၊ ပြည်သူ့ဆက်ဆံရေးနှင့် စိတ်ဓာတ်ဆင်ရေးဌာန ညွှန်ကြားရေးမှူး ဗိုလ်ချုပ်အောင်ရဲဝင်းက မီဒီယာ အချို့အား ပြောကြားခဲ့သည်။

ကိုနေရွှေသွေးအောင် ဒီဇင်ဘာ ၅ ရက် ည ၁၀ နာရီခန့်တွင် ၎င်း၏ ဖေ့စ်ဘွတ် စာမျက်နှာမှတစ်ဆင့် ရေးသားထုတ်ပြန်ချက်အရ ယင်းသို့ ရေးသားထားချက်အရ ဒေါ်အောင်ဆန်းစုကြည်က “တိုင်းပြည်အကျိုးကို ထိခိုက် ဆုတ်ယုတ်စေနိုင်သည့် အငြိုးအတေးနှင့် အာဃာတတရားများ မိမိတွင် လုံးဝမရှိ။ အနာဂတ် မြန်မာနိုင်ငံတော် အောင်မြင်စွာ တည်ထောင်နိုင်ရေးနှင့် တပ်မတော် အပါအ၀င် အဖွဲ့အစည်း အားလုံးနှင့် လက်တွဲပူးပေါင်း ဆောင်ရွက်နိုင်ရေးတို့အတွက် ဗိုလ်ချုပ်မှူးကြီး သန်းရွှေနှင့် တွေ့ဆုံဆွေးနွေးလို” ဟု ပြောကြားကြောင်း ဖော်ပြခဲ့သည်။

ထို့အတူ ဗိုလ်ချုပ်မှူးကြီးဟောင်း ဦးသန်းရွှေက “ရွေးကောက်ပွဲတွင် တရားဝင် အနိုင်ရရှိခဲ့ပြီးနောက် မြန်မာပြည်၏ အနာဂတ်ခေါင်းဆောင်သည် ဒေါ်အောင်ဆန်းစုကြည် ဖြစ်လာမည် မှာအားလုံးလက်ခံရမည့် အမှန်တရားပင်ဖြစ်။ သူမ အနေဖြင့် တိုင်းပြည် ဖွံ့ဖြိုးတိုးတက်ရေးအတွက် အမှန်တကယ် ကြိုးပမ်းဆောင်ရွက်မည်ဆို ပါက မိမိအနေဖြင့် တတ်နိုင်သည့်ဘက်မှ အစွမ်းကုန် ပံ့ပိုးကူညီမည်” ဟု ပြောကြားကြောင်း ကိုနေရွှေသွေးအောင်က ရေးသားခဲ့သည်။

တွေ့ဆုံဆွေးနွေးမှုများ၏ နောက်ဆက်တွဲအဖြစ် ဒီဇင်ဘာ ၁၀ ရက်တွင် ပြည်ထောင်စုလွှတ်တော် နာယက သူရဦးရွှေမန်းက ဒုတိယအကြိမ် လွှတ်တော်အသီးသီး၏ ပုံမှန် အစည်းအဝေး ခေါ်ယူကျင်းပနိုင်ရန်အတွက် ပြည်ထောင်စုဝန်ကြီးနှင့် ဒုတိယ၀န်ကြီးများ ပါဝင်သော ဗဟိုကော်မတီနှင့် လုပ်ငန်းကော်မတီများ၏ ညှိနှိုင်းအစည်းအဝေး ကျင်းပခဲ့ပြီး ပူးတွဲ သဘောတူညီချက်ကို အကောင်အထည် ဖော်နေခြင်းဖြစ်ကြောင်း သူရဦးရွှေမန်းက ပြောကြားခဲ့ကာ အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်လည်း အဆိုပါ အစည်းအဝေးသို့ တက်ရောက်ခဲ့သည်။

ထို့နောက် ဒီဇင်ဘာ ၁၁ ရက်တွင် နိုင်ငံတော် အကြီးအကဲတာဝန် လွှဲပြောင်းမှု အထောက်အကူပြု ကော်မတီကို ဖွဲ့စည်းလိုက်ကြောင်းနှင့် အဆိုပါ ကော်မတီနှင့် ညှိနှိုင်းပူးပေါင်း ဆောင်ရွက်ရန်အတွက် အမျိုးသားဒီမိုကရေစီ အဖွဲ့ချုပ်မှ အသွင်ကူးပြောင်းရေးအဖွဲ့ ဖွဲ့စည်းခဲ့ကြောင်း နိုင်ငံတော် သမ္မတရုံးက ထုတ်ပြန်ခဲ့ပြီး ဒီဇင်ဘာ ၁၆ ရက်တွင် ဒေါ်အောင်ဆန်းစုကြည် ဦးဆောင်ကာ နိုင်ငံတော် အကြီးအကဲတာဝန် လွှဲပြောင်းမှု အထောက်အကူပြု ကော်မတီနှင့် အသွင်ကူးပေ့ာင်းရေး အဖွဲ့၏ ပထမအကြိမ် အစည်းအဝေးကို ကျင်းပခဲ့သည်။

သို့ရာတွင် အမျိုးသားဒီမိုကရေစီ အဖွဲ့ချုပ် အနေဖြင့် ရွေးကောက်ပွဲတွင် အစိုးရတစ်ရပ် ဖွဲ့နိုင်လောက်သည့် လွှတ်တော်ကိုယ်စားလှယ် ပမာဏအား လွတ်လွတ်ကျွတ်ကျွတ် ရရှိထားချိန်တွင် နိုင်ငံ၏ ရေရှည်အကျိုးအတွက် တွေ့ဆုံဆွေးနွေးရမည့် တပ်မတော် တာဝန်ရှိသူများ၊ တိုင်းရင်းသား အဖွဲ့အစည်းများနှင့် အကြိမ်ကြိမ် တွေ့ဆုံခြင်းမျိုး မဟုတ်ဘဲ အခြားသော ပုဂ္ဂိုလ်များ တွေ့ဆုံမှုများ ပြုလုပ်ပြီး ဆွေးနွေးမှုများကိုလည်း ထုတ်ဖော်ပြောကြားမှု မရှိခြင်းတို့ကြောင့် တွေ့ဆုံမှုများသည် ရှုပ်ထွေးမှုများ ရှိနေကြောင်း နိုင်ငံရေး လေ့လာသူများက သုံးသပ်ကြသည်။

လက်ရှိအချိန်တွင် ရွေးကောက်ပွဲအလွန် ကာလတွင် အာဏာလွှဲပြောင်း ရယူရာတွင် တည်ငြိမ်အေးချမ်းမှု ရှိစေရေးအတွက် တွေ့ဆုံဆွေးနွေးမှုများမှာ ယေဘုယျအားဖြင့် အဆင်ပြေသည့် သဘောဆောင်လျက်ရှိပြီး ၂၀၁၆ ခုနှစ်တွင် လက်တွေ့ အာဏာလွှဲပြောင်းမှုမှာ အခက်အခဲပြဿနာ တစ်စုံတစ်ရာ မရှိဘဲ လွှဲပြောင်းနိုင်ခြင်း ရှိ၊ မရှိမှာ စောင့်ကြည့်ရမည် ဖြစ်ပေသည်။

Writer:
ကျော်ဇင်ဝင်း
Eleven Media Group


 နှစ်သစ်ကူး အထိမ်းအမှတ်ပွဲတွေ ကျင်းပ ကြမယ့် ဥရောပ နိုင်ငံက မြို့တော် တွေမှာ လုံခြုံရေး ၂ ဆ တိုးမြှင့် ချထား လိုက်ပါတယ်။

ဘယ်လ်ဂျီယံ နိုင်ငံ မြို့တော် ဘရက်ဆဲလ်မှာတော့ နှစ်သစ်ကူး ပွဲတော်မှာ တိုက်ခိုက်မယ်လို့ သံသယ ရှိသူ ၂ ဦးကို ဖမ်းဆီး ခဲ့ပြီး နောက်မှာ နှစ်သစ်ကူး ပွဲ ကျင်းပမယ့် အစီအစဉ်ကို ဖျက်သိမ်း လိုက်ပါတယ်။

ပြင်သစ် နိုင်ငံ မြို့တော် ပဲရစ်မှာတော့ မီးရှူး မီးပန်း ဖောက်ပြီး နှစ်သစ်ကူး ပွဲ ကျင်းပ မယ့် အစီအစဉ် ကို ဖျက်သိမ်း ခဲ့ပေမယ့် အထင်ကရ နေရာ တစ်ခု ဖြစ်တဲ့ ရှမ်ဇေ လီဇေ ကိုတော့ ဖွင့်လှစ် ထားမယ် လို့ မြို့တော် ဝန် က ပြောပါတယ်။

ရုရှ နိုင်ငံ မော်စကို မြို့က ရင်ပြင်နီကို အများပြည်သူ ဝင်ရောက်ခွင့်ကို ပိတ်ပင် ထားပြီး လုံခြုံရေးတွေ တိုးမြှင့် ချထား လိုက်ပါတယ်။

ပြီးခဲ့တဲ့ လက ဖြစ်ပွားခဲ့တဲ့ ပဲရစ်မြို့ တိုက်ခိုက်မှုမှာ ပါဝင်ခဲ့ကြသူတွေ လို့ သံသယ ရှိသူ လူ၁၀ ဦးကို ဖမ်းဆီး ခဲ့ကြောင်း ဘယ်လ်ဂျီယံ ရဲတပ်ဖွဲ့က ကြေညာခဲ့ပါတယ်။

BBC Burmese
https://www.facebook.com/bbcburmese

မြန်မာ့အသံနှင့် ရုပ်မြင်သံကြားတွင် ယနေ့ည (၁၁:၅၀) နာရီအချိန်တွင် အမျိုးသား လွှတ်တော် ဥက္ကဋ္ဌ ဦးခင်အောင်မြင့်၊ ပြည်ထောင်စုလွှတ်တော် နာယက၊ ပြည်သူ့လွှတ်တော် ဥက္ကဋ္ဌ သူရဦးရွှေမန်းနှင့် အမျိုးသားဒီမိုကရေစီအဖွဲ့ချုပ် ပါတီ ဥက္ကဋ္ဌ ဒေါ်အောင်ဆန်းစုကြည် တို့က လည်းကောင်း၊ (၁၁:၅၅) နာရီအချိန်တွင် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယသမ္မတ (၂) ဦးဥာဏ်ထွန်းနှင့် ဒုတိယသမ္မတ (၁) ဒေါက်တာစိုင်းမောက်ခမ်းတို့က လည်းကောင်း နှစ်သစ်ကူး ဆုတောင်းစကား ပြောကြားမှုများကို ထုတ်လွှင့်မည် ဖြစ်ပါသည်။

၎င်းနောက် နိုင်ငံတော်သမ္မတ ဦးသိန်းစိန်၏ နှစ်သစ်ကူး ဆုတောင်းစကား ပြောကြားမှုကို ထုတ်လွှင့်ပြီးနောက် နှစ်သစ်ကူး Countdown ရေတွက်မှုကို ထုတ်လွှင့်မည်ဖြစ်ကြောင်း သိရှိရပါသည်။

http://www.president-office.gov.mm/zg/?q=briefing-room%2Fnews%2F2015%2F12%2F31%2Fid-11043


ဘန်ကောက် ၊ ဒီဇင်ဘာ ၃၁ ။

အင်္ဂါနေ့ (၂၉-၁၂-၂၀၁၅) ညနေ ၅ နာရီ အချိန် ခန့်က ထိုင်းနိုင်ငံ၊ ဖူးခက်ကျွန်းအနောက်ဘက် ရေမိုင် ၅၀ ခန့်တွင်နစ်မြုပ်ခဲ့သော မြန်မာကုန်တင်သဘောင်္ပေါ်တွင် လိုက်ပါခဲ့သည့် မြန်မာသဘောင်္သား ၇ ဦးကို ထိုင်းရေတပ်က ကယ်တင်ပေးနိုင်ခဲ့ကြောင်း ဘန်ကောက်ပို့စ်သတင်းတွင် ဒီဇင်ဘာ ၃၁ ရက်ကဖော်ပြသည်။

နစ်မြုပ်သွားသော သဘောင်္မှာ "အောင်ချက်ဆာ " ဟုအမည်ပေးထားသောသဘောင်္ဖြစ်ကြောင်း၊
အလျား ( ၂၇ ) မီတာ ၊အနံ( ၅. ၅)မီတာ ရှိသော ကုန်တင်သဘောင်္ဖြစ်ကြောင်း၊ ၄င်းသဘောင်္သည် ရခိုင်ပြည်နယ်မှ မလေးရားနိုင်ငံ ပီနန်ကျွန်းသို့ထွက်ခွာလာသည့်သဘောင်္ဖြစ်ကြောင်း ဘန်ကောက်ပို့စ်သတင်းတွင်ဖော်ပြသည်။


၃၀-၁၂-၂၀၁၅ နံနက် ၂ နာရီတွင် သဘောင်္နစ်မြုပ်ကြောင်း သတင်းရရှိခဲ့ပြီး၊ ထိုင်းရေတပ် ကကူညီကယ်ဆယ်ရေးလုပ်ငန်းများဆောင်ရွက်နိုင်ရန်အတွက် လေယာဉ်တစ်စင်းနှင့်ရေတပ်သဘောင်္ တစ်စင်းတို့ကို စေလွှတ်ခဲ့ကြောင်း၊ တဖြည်းဖြည်းနစ်မြုပ်နေသော မြန်မာသဘောင်္ပေါ်မှသဘောင်္သားများကို ထိုင်းရေတပ်သဘောင်္က ည ၈ နာရီအချိန်ခန့်တွင်ရှာဖွေတွေ့ရှိကယ်တင်နိုင်ခဲ့ကြောင်း၊ လှိုင်းလေထန်သည့် ပင်လယ်ပြင်တွင် မြန်မာသဘောင်္သားများကိုခက်ခဲစွာကူညီ ကယ်တင်ခဲ့ရခြင်းဖြစ်ကြောင်း၊ မြန်မာသဘောင်္သားအားလုံးမှာ ဒဏ်ရာရရှိထားမှုမရှိကြောင်း၊ ၄င်းတို့အားလုံးကို ယနေ့ ( ၃၁-၁၂- ၂၀၁၅) နံနက်ပိုင်းတွင် ဖူးခက်ကမ်းခြေသို့ပို့ဆောင်ပေးခဲ့ပြီး နေရပ်ပြန်နိုင်ရေးအတွက် တာဝန်ရှိသူများက စီစဉ်ဆောင်ရွက်ပေးလျက်ရှိကြောင်း သတင်းတွင်ဖော်ပြသည်။

"မြန်မာသဘောင်္သားတွေ အရမ်းကိုပျော်နေကြပါတယ်.။ သူတို့ကပြောတယ် ၊သူတို့က တစ်စ တစ်စ နစ်မြုပ်နေတဲ့သဘောင်္နဲ့အတူ ရေပေါ်မှာပေါ်နေကြတာပါ တဲ့၊ သူတို့ကို ရေတပ်သဘောင်္သားတွေက ဓါတ်မီးအလင်း လေးနဲ့တာမြင်နိုင်တာပါ တဲ့ ၊ အရမ်းကံကောင်းပါတယ် တဲ့ .. ဟု ဖူးခက်ကမ်းခြေ အုပ်ချုပ်ရေးမှူး Chamroen Thipayaphongthada ကပြောကြောင်းလည်း ဘန်ကောက်ပို့စ်သတင်းတွင်ဖော်ပြသည်။

Kanbawza Tai News

PHOTO BY - Bangkok Post
https://www.facebook.com/kanbawzatai/

နောက်ဆုံးပေါ်ခေတ်မှီ နည်းပညာတွေ တည်ဆောက်ထားတဲ့ ပထမဆုံး တရုတ် လေယာဉ်တင်သင်္ဘော ( စက်တင်ဘာလ ၂၂၊ ၂၀၁၅) 
 တရုတ်နိုင်ငံဟာ သူ့ရေတပ်ကို နောက်ဆုံးပေါ်ခေတ်မှီ နည်းပညာတွေနဲ့ တဟုန်ထိုး ချဲ့ထွင်လာတဲ့အနေနဲ့ ဒုတိယမြောက် လေယာဉ်တင်သင်္ဘောကို စတင်တည်ဆောက်နေပြီလို့ ဒီကနေ့မှာ ကြေညာလိုက်ပါတယ်။

ပြည်တွင်းက နည်ပညာရှင်တွေရဲ့ ကြိုးပမ်းအားထုတ်မှုနဲ့ နိုင်ငံအရှေ့မြောက်ပိုင်းက ဆိပ်ကမ်းမြို့ဖြစ်တဲ့ Dalian မှာ ဒီလေယာဉ်တင်သင်္ဘောကို တည်ဆောက်နေတာလို့ ကာကွယ်ရေးဝန်ကြီးဌာန ပြောခွင့်ရ Yang Yujun ကပြောပါတယ်။

တရုတ်နိုင်ငံဟာ လေယာဉ်တင်သင်္ဘောတစီးကို တည်ဆောက်နေတယ်လို့ အစောပိုင်းတွေကထွက်ပေါ်ခဲ့တဲ့သတင်းကို တရုတ်နိုင်ငံရဲ့ ဒီကြေညာချက်က အတည်ပြုပေးလိုက်တာပါ။ ကာကွယ်ရေးနဲ့ပါတ်သတ်ပြီး စောင့်ကြည့်လေ့လာမှုတွေ လုပ်နေတဲ့ IHS Janes အဖွဲ့ရဲ့ စက်တင်ဘာတုန်းက ထုတ်ပြန်တဲ့ အစီရင်ခံစာမှာ တရုတ်နိုင်ငံဟာ ပထမဆုံး ပြည်တွင်းဖြစ် လေယာဉ်တင် သင်္ဘောကို တည်ဆောက်နေပြီး ဂြိုလ်တုက ရရှိတဲ့ ဓါတ်ပုံတွေအရ သင်္ဘောရဲ့ ပင်မအစိတ်အပိုင်းဟာ မီတာ ၂၄၀ အရှည်ရှိမယ်လို့ ဆိုပါတယ်။

တောင်တရုတ်ပင်လယ်တွင်းက ကျွန်းတွေကို သူပိုင်ကိုယ်ပိုင် အငြင်းပွါးမှုမှာပါဝင်တဲ့ တရုတ်ရဲ့ အိမ်နီးချင်းနိုင်ငံတွေအတွက်တော့ အခုလို လေယာဉ်တင် သင်္ဘော တည်ဆောက်နေတာကြောင့် စိုးရိမ်မှုတွေ ပိုတိုးလာနေပါတယ်။ တရုတ်နိုင်ငံရဲ့ ပထမဆုံး လေယာဉ်တင်သင်္ဘော Liaoning ကိုတော့ ယူကရိန်းနိုင်ငံက ၀ယ်ယူခဲ့ပြီး တရုတ်မှာ ပြုပြင်မွမ်းမံခဲ့တာပါ။

၂၀၁၂ ခုနှစ်မှာ အဲဒီသင်္ဘောကို တရုတ်နိုင်ငံရေတပ်မှာ စတင်အသုံးပြုခဲ့တာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

ဆစ်ဒ်နီဆိပ်ကမ်းမှာလုပ်မယ့် နှစ်သစ်ကြို မီးရှူးမီးပန်း ပစ်လွှတ်ပွဲ
 ကမ္ဘာတ၀န်းမှာ ၂၀၁၆ နှစ်သစ်ကို ကြိုဆိုကြမယ့်ထဲ အခု ကျနော်တို့ ရုပ်သံအစီအစဉ် လွှင့်နေချိန်မှာတော့ နှစ်သစ်ကို အစောဆုံး ကြိုဆိုတဲ့ နိုင်ငံတွေထဲကတခုဖြစ်တဲ့ နယူးဇီလန်နိုင်ငံမှာ နှစ်သစ်ကူးသွားပြီဖြစ်ပါတယ်။

ကမ္ဘာပေါ်က တခြားမြို့ကြီးအများအပြားမှာလိုပဲ နယူးဇီလန်နိုင်ငံ Wellington မြို့တော်နဲ့ တခြားမြို့ကြီးတွေက နှစ်သစ်ကြိုဆိုပွဲ တွေကို လုံခြုံရေးအထူးတင်းကျပ်ထားတဲ့အောက်မှာ ကျင်းပခဲ့ကြတာပါ။

သြစတြေးလျနိုင်ငံဟာလည်း နှစ်သစ်ကို ကြိုဆိုခွင့်ရတဲ့ ပထမဆုံးနိုင်ငံတခုဖြစ်ပြီး အခု ကျနော်တို့ ရုပ်သံအစီအစဉ် အဆုံးသတ် မယ့် မြန်မာစံတော်ချိန် ည ၇ နာရီခွဲမှာတော့ သြစတြေးလျနိုင်ငံမှာ နှစ်သစ်ကို ကြိုဆိုကြတော့မှာပါ။

ဆစ်ဒ်နီဆိပ်ကမ်းမှာလုပ်မယ့် နှစ်သစ်ကြို မီးရှူးမီးပန်း ပစ်လွှတ်ပွဲကို အကောင်းဆုံးနေရာကနေ ကြည့်ရဖို့အတွက် အခုချိန် ကတည်းကိုက လူထောင်ပေါင်းများစွာ စုဝေး စောင့်ဆိုင်းနေကြပြီး လူတသန်းကျော်ထိ ရှိမယ်လို့ ခန့်မှန်းထားကြပါတယ်။ အမေရိကန်ဒေါ်လာ ၅.၁ သန်းဖိုးလောက်ရှိမယ့် မီးရှူး မီးပန်းတန်ချိန်ပေါင်း ၇ တန်လောက် သုံးမယ်လို့ သတင်းတွေမှာ ဖော်ပြပါ တယ်။ သြစတြေးလျနိုင်ငံတ၀န်း ရဲတပ်ဖွဲ့ဝင်အင်အား တိုးချဲ့ချထားပြီးတော့ အဓိကမြို့ကြီးတွေမှာ မပြတ်ကင်းလှည့်နေကြပြီး လုံခြုံရေးကို အထူးတင်းကျပ်ထားပါတယ်။

ဒါပေမဲ့လည်း အကြမ်းဖက်ဝါဒကိုင်စွဲသူတွေက တိုက်ခိုက်နိုင်ခြေရှိတာကြောင့် ကမ္ဘာတ၀န်း တချို့မြို့ကြီးတွေမှာ နှစ်သစ်ကြိုဆိုပွဲ တွေကိုမလုပ်ဖြစ်ပါဘူး။ ဘယ်လ်ဂျီယံနိုင်ငံ၊ ဘရပ်ဆဲလ်စ်မြို့တော်မှာ နှစ်သစ်ကြိုဆိုပွဲကို မြို့တော်ဝန်က ပယ်ဖျက်ထားပါတယ်။ ပြင်သစ်နိုင်ငံ၊ ပါရီမြို့တော်မှာလည်း မီးရှူးမီးပန်း ပစ်ဖောက်မယ့်အစီအစဉ်ကို ပယ်ဖျက်ထားပြီး နှစ်သစ်ကြို ညနေခင်းအစီအစဉ် တွေကိုလည်း လျှော့ချထားပါတယ်။ နှစ်သစ်ကူးပွဲတော်ကာလအတွင်း တိုက်ခိုက်မယ်လို့ဆိုတဲ့ အကြံအစည်တခုကို ဖော်ထုတ် လိုက်နိုင်ပြီးတဲ့နောက် အင်ဒိုနီးရှားနိုင်ငံ၊ ဂျကာတာမြို့တော်မှာလည်း လုံခြုံရေး အထူးတင်းကျပ်ထားပါတယ်။

အမေရိကန်ပြည်ထောင်စု ဒေသအသီးသီးက နှစ်သစ်ကြိုဆိုပွဲတွေထဲမှာ အထင်ရှားဆုံးဖြစ်တဲ့ နယူးယောက်မြို့၊ Times Square က နှစ်သစ်ကြိုဆိုပွဲ လုံခြုံရေးအတွက် ရဲတပ်ဖွဲ့ဝင်ထောင်ပေါင်းများစွာကို ချထားပါတယ်။ ဒီပွဲကိုလည်း လူတသန်းကျော် လာမယ် လို့ ခန့်မှန်းထားပါတယ်။

နယူးယောက်နဲ့ အမေရိကန် တခြားမြို့ကြီးတွေမှာလုပ်မယ့် နှစ်သစ်ကြိုဆိုပွဲတွေကို တိုက်ခိုက်မယ်ဆိုပြီး အခိုင်အမာ ခြိမ်းခြောက် ထားတာမျိုး မရှိဘူးလို့ ရဲတပ်ဖွဲ့၊ FBI နဲ့ အမိမြေလုံခြုံရေးဌာန တာဝန်ရှိသူတွေကပြောပါတယ်။

ရန်ကုန်မြို့တော်တ၀န်း နှစ်သစ်ကိုကြိုဆိုကြမယ့်ပွဲတွေထဲမှာတော့ မိုင်ဒါကွင်နဲ့ သုဝဏ္ဏ မိုးလုံလေလုံ အားကစားကွင်းရှေ့တို့မှာ ကျင်းပမယ့် နှစ်သစ်ကြိုဆိုပွဲတွေက အကြီးဆုံးနဲ့ လူအများဆုံးသွားမယ့်ပွဲတွေ ဖြစ်ဖို့များပါတယ်။

ဒီနေ့ည ၁၁ နာရီ ၅၀ မိနစ်မှာ မြန်မာ့အသံနဲ့ရုပ်မြင်သံကြားကနေ အမျိုးသားလွှတ်တော်ဥက္ကဌ ဦးခင်အောင်မြင့်၊ ပြည်သူ့ လွှတ်တော်ဥက္ကဌ သူရဦးရွှေမန်း၊ အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်တို့ရဲ့ နှစ်သစ်ကူးဆုတောင်းစကား တွေကို ထုတ်လွှင့်ဖို့ရှိပါတယ်။ ၁၁ နာရီ ၅၅ မိနစ်မှာတော့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ ဒုတိယသမ္မတတွေဖြစ်တဲ့ ဦးဥာဏ်ထွန်းနဲ့ ဒေါက်တာစိုင်းမောက်ခမ်းတို့ရဲ့ နှစ်သစ်ကူး ဆုတောင်းစကားတွေကို ထုတ်လွှင့်ပါ့မယ်။ အဲဒီနောက် သမ္မတဦးသိန်းစိန်ရဲ့ နှစ်သစ်ကူးဆုတောင်းစကားကို ထုတ်လွှင့်ပြီး နှစ်သစ်ကူးချိန် စက္ကန့်ရေတွက်တာကို ထုတ်လွှင့် မှာဖြစ်ပါတယ်။ ပြည်သူ့လွှတ်တော်ဥက္ကဌ သူရဦးရွှေမန်းကတော့ နှစ်သစ်ကူးဆန္ဒမွန်ဆိုပြီး နှစ်သစ်နှုတ်ခွန်းဆက်စကား ပြောဆို ထားတဲ့ ဗွီဒီယိုကို သူ့ရဲ့ ဖေ့စ်ဘုတ်စာမျက်နှာမှာ တင်ထားပါတယ်။

ဗွီအိုအေ (မြန်မာပိုင်း)
http://burmese.voanews.com

စလုံး ၊ နေပြည်တော် ၊ ဒီဇင်ဘာ ၃၁ ရက်

လာမည့် အမျိုးသားဒီမိုကရေစီအဖွဲ့ ချုပ်ကဖွဲ့ စည်းမယ့်အစိုးရသစ်လက်ထက်မှာ နိုင်ငံပိုင် သတင်းစာ ၊ ရုပ်သံ ၊ရေဒီယိုတွေ ရှိသင့် ၊ မရှိသင့် နဲ့ ပက်သက်ပြီး လွှတ်တော်ကိုယ်စားလှယ်တွေကိုမေးမြန်းရာမှာတော့ ဒီမိုကရေစီနိုင်ငံမှာတော့ နိုင်ငံပိုင် ရုပ်သံ ၊ ရေဒီယို ၊ သတင်းစာတွေ မရှိသင့်ဘူးလို့ ပြောပါတယ် ။ လက်ရှိအစိုးရလက်ထက်မှာ နိုင်ငံပိုင်သတင်းစာတွေဟာ အုပ်ချုပ်ရေးဘက်ကိုဘက်လိုက်ရေးသားခဲ့ပြီး လွှတ်တော်ဆောင်ရွက်ချက်တွေကို ပျက်ရယ်ပြုတာ ၊ ဖိနှိပ်ရေးသားတာတွေရှိခဲ့တယ်လို့ ပြောကြားခဲ့ကြပါတယ် ။

ဦးခိုင်မောင်ရည် (အလုံမဲဆန္ဒနယ် ၊အမျိုးသားဒီမိုကရေစီအင်အားစုပါတီ)

တကယ်တော့ဒီမိုကရေစီစနစ်ရောက်လာတဲ့အခါတိုးတက်လာရမယ် နောက်ပြီးတော့ မိဒီယာလွတ်လပ်ခွင့်အရ သတင်းစာတွေက ကိုယ်ပိုင်သတင်းစာတွေဖြစ်ရမယ် နိုင်ငံပိုင်သတင်းစာကနိုင်ငံရဲ့ ခေါင်းကြီးပိုင်းဆောင်ရွက်နေတာတွေပဲတွေ့ ရတယ် အခုမြန်မာပြည်ရဲ့ အနေအထားက အုပ်ချုပ်ရေး ၊ ဥပဒေပြုရေး ၊ တရားစီရင်ရေးအပါအ၀င် သုံးပိုင်းရှိတာတောင်မှ အုပ်ချုပ်ရေးပိုင်းတစ်ပိုင်းတည်း ကိုပဲအဓိကထားနေတဲ့သတင်းစာတွေအဖြစ်တွေ့ ရတယ် ပြီးတော့ဒီမိုကရေစီကာလမှာ ဒီသတင်းစာတွေရဲ့ ပြည်သူ့ အပေါ် ပေးရမယ့် မက်ဆေ့ ပြည်သူကသတင်းစာတွေကရတဲ့မက်ဆေ့ အဲ့ဒါအခုထက်ထိပြည်သူတွေ နိုင်ငံပိုင်သတင်းစာတွေက ရတဲ့အကျိုးတရားအကြောင်းတရားခံစားခွင့် နည်းနေသေးတယ် အဲ့တော့ ပြည်သူပိုင်သတင်းစာတွေဖြစ်ဖို့ အတွက် ပြည်သူလုထုလွတ်လပ်စွာထုတ်ဝေတဲ့သတင်းစာ တွေပဲဖြစ်သင့်တယ်နိုင်ငံပိုင်သတင်းစာကဏ္ဍာဟာ လျော့ချတာကနေလုံးဝဖျက်သိမ်းသွားရမှာဖြစ်တယ် ။ မှန်တယ် အုပ်ချုပ်ရေးဌာနဘက်ကိုဘက်လိုက်တဲ့ သတင်းစာဖြစ်ခဲ့တယ်ဆိုတာ ကျတော်တို့  ရဲရဲကြီးပြောနိုင်တယ် ဘာကြောင့်လဲဆိုရင် ခုံရုံးနဲ့ လွှတ်တော် တစ်ချိန်က အတိုက်အခိုက်နဲ့ စွတ်စွဲမှုတွေဖြစ်ခဲ့တဲ့ ကာလမှာ ခုံရုံးဘက်ကနေ မှန်ပါတယ်ဆိုတဲ့ဆောင်းပါးကို နိုင်ငံပိုင်သတင်းစာမှာ ဖော်ပြခဲ့တယ် ဒါဟာ တိုက်ရိုက်တိုက်ခိုက်တာဖြစ်တယ် ၊ ဒီလိုပဲလွှတ်တော်ကိုအခြားတိုက်ခိုက်နည်းတွေနဲ့ တိုက်ခိုက်တာကို ဥပမာ ဒေါက်တာဆိတ်ဖွားလို ကိစ္စမျိုး လွှတ်တော်ကစုံစမ်းတွေ့ ရှိတယ် ဘယ်သူဘယ်ဝါဆိုတာ ပေါ်ပေမယ့် လွှတ်တော်ကအရေးမယူပါဘူး ၊ စုံစမ်းစစ်ဆေးသူထဲမှာ ကျတော်လဲပါတယ် ၊ ဒါပေမယ့် လွှတ်တော်ကဖြေလျှော့ပေးတယ် ၊ ဒါပေမယ့် လွှတ်တော်ရဲ့ ဆောင်ရွက်ချက်တွေကို ပျက်ရယ်ပြုတဲ့ပုံစံမျိုးတွေနဲ့ တစ်ချို့ဆောင်းပါးတွေမှာ တွေ့ ရတယ် လွှတ်တ်ေကိုယ်စားလှယ်တွေဆီကိုသတင်းစာ ဆောင်းပါးတွေကို ရိပ်သာမှာ (လွှတ်တော်ကိုယ်စားလှယ်များနေထိုင်သည့်နေရာ) ဖြန့် ဝေတဲ့အထိဖြစ်ခဲ့ပါတယ် ။

ဦးရဲထွန်း (သီပေါမဲဆန္ဒနယ် ၊ ရှမ်းအမျိုးသားတိုးတက်ရေးပါတီ )

ဒီမိုကရေစီနိုင်ငံတွေမှာ အစိုးရပိုင်သတင်းစာဆိုတာမရှိဘူး ၊ အစိုးရသက်ဆိုင်ရာဌာနတွေက သတင်းထုတ်ပြန်ပေးတာပဲရှိတယ် ၊ အဲ့တော့ဒီသတင်းစာတွေ မီဒီယာတွေကတော့ ပုဂ္ဂလိကပိုင်တွေပေါ့ ပုဂ္ဂလိကပိုင်တွေဆုိုတော့ သူတို့ ရဲ့ အမြင် သူတို့ ရဲ့ သတင်းတွေကို အချက်အလက်ရတဲ့အတိုင်း ရေးတယ် ၊ ပြီးတော့မှသူတို့ ရဲ့ ထင်မြင်ချက်တွေကိုရေးတယ်ပေါ့ ၊ များသောအားဖြင့်တော့ဒီလိုသတင်းစာဆိုတာဝါဒဖြန့် ချီရေးအတွက် တစ်ပါတီစနစ် ဆိုရှယ်လစ်နိုင်ငံတွေမှာ ကျင့်သုံးခဲ့တာများတယ် အစိုးရပိုင်တယ် အစိုးရကပဲ ပြည်သူထုကိုသူတို့ ပြောချင်တာပြောတယ် ပြီးခဲ့တဲ့ငါးနှစ်တာကာလအတွင်းမှာလွှတ်တော်တွေပေါ်လာတယ် ၊ လွှတ်တော်ကိုယ်စားလှယ်တွေပေါ်လာတယ် ပြည်သူလူထုကနေတစ်ဆင့် ရောင်ပြန်ဟပ်တဲ့ အဆင်မပြေတဲ့ အုပ်ချုပ်ရေးဆိုင်ရာကိစ္စ`ရပ်တွေနဲ့ ပက်သက်လို့ ချင်ရင် အစိုးရရဲ့ လုပ်ဆောင်ချက် ဝေဖန်ထောက်ပြတာပေါ့ လုပ်တဲ့အခါမှာ အစိုးရနဲ့ ဒီအုပ်ချုပ်ရေး ဦးဆောင်တဲ့အစိုးရ နဲ့ ဥပဒေပြုတဲ့ ဒီလွှတ်တော်နဲ့ ကြားမှာ အရင်တုံးက မကျင့်သုံးခဲ့ဘူးတဲ့ အတွေ့ အကြုံသစ်ပေါ့ အစိုးရကိုင်တဲ့မီဒီယာကကလည်း အစိုးရဘက်ကိုဘက်လိုက်ပြီးတော့ ရေးတဲ့ဟာတွေတွေ့ ရပါတယ် ဒါအမှန်ပါပဲ အစိုးရငသူတို့ သတင်းတွေကို လွတ်လပ်စွာရပိုင်ခွင့်ပေးမယ်ဆိုရင်တော့ မရှိသင့်ဘူးပေါ့နော် အရေးကြီးတာကတော့ အများပြည်သူ Public Service Media ဆိုပြီးလွှတ်တော်မှာတင်ထားတာရှိတယ် နောက်ပိုင်းမှာပြန်သုံးသပ်ဖို့ လိုတယ်ဆိုပြီးတော့ ပြန်ကြားရေးဝန်ကြီးဌာနကရုတ်သိမ်းသွားတယ် အဲ့ဒါက ပြဌာန်းလိုက်လို့ ချင်ရင်တော့ တချို့ တွေဒီအချို့  ချုပ်ကိုင်ထားတဲ့မိဒီယာတွေက အသွင်ပြောင်းသွားမလားလို့  ရမှာပေါ့ဆိုလိုတာက လွယ်လွယ်ကူကူမြင်သာအောင်ပြောမယ်ဆို BBC လိုဌာနမျိုးပေါ့ အဲ့ဒီကဥပဒေကလာမယ့်လွှတ်တော်အသစ်မှာ ပြန်ပြီးတော့ပြဌာန်းဖို့ ကြိုးစားလိမ့်မယ်လို့ ထင်တယ် အဲ့ဒီဟာအောက်မှာဒီသတင်းမီဒီယာတစ်ခုခုရဲ့  Board of Director တွေကိုလွတ်လပ်တဲ့ အဖွဲ့ တွေအဖြစ်လုပ်ဆောင်ဖို့ ပေါ်လစီတွေ ထည့်ပြီးရေးဆွဲလိမ့်မယ်လို့ ထင်ပါတယ် ။

သူရဦးအောင်ကို (ကန်ပက်လက်မဲဆန္ဒနယ် ၊ ပြည်သူ့ လွှတ်တော်ကိုယ်စားလှယ် ၊ ပြည်ထောင်စုကြံခိုင်ရေးနှင့်ဖွံ့ ဖြိုးရေးပါတီ )

ဒီမိုကရေစီနိုင်ငံတွေမှာ နိုင်ငံပိုင်သတင်းစာဆိုတာ မရှိဘူးလို့ သိထားပါတယ် ဒီမိုကရေစီနိုင်ငံတွေမှာ ခုနကပေါ့လေ ပုဂ္ဂလိကပိုင်ရယ် ၊ အဖွဲ့ အစည်းပိုင်ရယ် သတင်းမီဒီယာပဲရှိသလို သိရပါတယ် အကယ်၍ ဒီမိုကရေစီနိုင်ငံတစ်ခုမှာ နိုင်ငံပိုင်သတင်းစာရှိတယ်ဆိုရင် သူသည်ခုနက ဘက်မလိုက်တဲ့ မျှတစွာရပ်တည် ဖို့ လိုအပ်မယ်လို့ ယူဆပါတယ် ဘက်လိုက်တ်ဆိုတဲ့နေရာာမှာ နိုင်ငံပိုင်သတင်းစာဖြစ်တဲ့အတွက်မို့ လို့ အစိုးရဘက်ကလည်းမလိုက်ရဘူး ၊ အနိုင်ရပါတီဘက်ကလည်းမလိုက်ရဘူး ၊ နောက်အတိုက်အခံပါတီဘက်ကလည်းမလိုက်ရဘူး ၊ မျှမျှတတ ရပ်တည်သင့်တယ် ၊ အစိုးရဘက်လည်းမလိုက်ရဘူး ၊ လွှတ်တော်ဘက်လည်းမလိုက်ရဘူး ၊ အစိုးရဘက်လိုက်ပြီးမှ ခုနကဥပဒေပြုလွှတ်တော်ကို ဖိနှိပ်တာမျိုးဆိုလည်ားလုံးဝမဖြစ်သင့်ဘူး ၊ တကယ်တော့ အစိုးရဆိုတာ မဏ္ဍိုင်ကြီးသုံးရပ်ပေါင်းစပ်ဖွဲ့ စည်းထားတဲ့ Institution ကြီးဖြစ်ပါတယ် မဏ္ဍိုင်ကြီးသုံးရပ်ပေါင်းမှသာလျှင်အစိုးရဖြစ်ပါတယ် အခုဒီမှာဖြစ်နေတာက အုပ်ချုပ်ရေးမဏ္ဍိုင်တစ်ခုတည်းကိုပဲအစိုးရလို့ မြင်နေတာကိုက ခေတ်အဆက်ဆက်လက်ခံလာတဲ့ အားနည်းချက်တစ်ရပ်ဖြစ်ပါတယ် ဒါကြောင့်မို့ လို့ နိုင်ငံပိုင်သတင်းစာသည် မည်သည့် မဏ္ဍိုင်ဘက်မှလမြလိုက်ရဘူး ၊ မဏ္ဍိုင်တစ်ခုဘက်ကလိုက်ပြီးတော့မှ တရားရေးမဏ္ဍိုင်ကိုဖိနှိပ် တာမျိုးမလုပ်ရဘူး ၊ ပုဂ္ဂလိက သတင်းစာတွေအပေါ်ပုတ်ခတ်တာကန့်သတ်တာမလုပ်ရဘူး ၊ အကောင်းဆုံးကတော့ ဒီမိုကရေစီနိုင်ငံတွေမှာ နိုင်ငံပိုင်သတင်းမီဒီယာ ရှိဖို့ မသင့်ဘူး ၊ သတင်းစာတင်မဟုတ်ဘူး ၊ အသံလွှင့်မီဒီယာ ရုပ်သံမီဒီယာတွေအားလုံးကလည်း နိုင်ငံပိုင်မရှိသင့်ဘူးလို့ ထင်ပါတယ် ။

ဦးဝင်းမြင့် (ပုသိမ်မဲဆန္ဒနယ် ၊ ပြည်သူ့ လွှတ်တော်ကိုယ်စားလှယ် ၊ အမျိုးသားဒီမိုကရေစီအဖွဲ့ ချုပ် )

သတင်းစာဆိုတာကတော့ စာနယ်ဇင်းကျင့်ဝတ်နဲ့ အညီပေါ့ ဘက်လိုက်မှုကင်းကင်းနဲ့ လုပ်ရမယ် ၊ ဟုတ်တယ်မု့ိ လား ၊ ဒါက အနေအထားအမှန်ပဲလေ ။

The Street View

နှစ်ဟောင်းကို နှုတ်ဆက်ကာ နှစ်သစ်ကို ကြိုဆိုကြမည့်သူများအတွက် ပျော်ရွှင်
ရင်ခုန်ဖွယ်ရာ ကြုံတွေ့ရမည့် MYANMAR COUNTDOWN 2016 ကို ရန်ကုန်မြို့ရှိ
မိုင်ဒါကွင်း၊ သုဝဏ္ဏ မိုးလုံလေလုံ အားကစားကွင်း၊ ရွှေထွဋ်တင်၊ MCC အစရှိသည့်
နေရာများတွင် နိုင်ငံကျော် အနုပညာရှင်များစွာဖြင့် စည်ကားသိုက်မြိုက်စွာ
ပြုလုပ်ကျင်းပကြတော့မည် ဖြစ်သည်။

မိုင်ဒါကွင်းတွင် ပြုလုပ်မည့် MYANMAR COUNTDOWN 2016 ကို ၀င်ကြေးအခမဲ့
အဖြစ် သတ်မှတ်ထားပြီး မှတ်ပုံတင်တစ်ခုလျှင် လက်မှတ် နှစ်စောင်နှုန်းဖြင့် 4TV
Showroom များတွင် ထုတ်ယူနိုင်ပြီဖြစ်သည်။ အဆိုပါပွဲကို MRTV-4, Channel 7,
4HD - High Definition နှင့် For Tunes တို့က တိုက်ရိုက် Live ထုတ်လွှင့်ပြသ
ပေးသွားမည်ဖြစ်သည့် အပြင် ပရိသတ်များ အတွက် Signal မှ နှစ်သောင်းကျပ်တန်
Giftset ငါးခု၊ MPT မှ တီရှပ် ငါးထောင်နှင့် ဦးထုပ် တစ်သောင်းအပြင် OPPO Neo7
ဖုန်းငါးလုံး၊ OPPO မှလည်း Neo7 ဖုန်း ၁၆ လုံး၊ 4TV မိသားစုမှ 4TV စက်
ဆယ်လုံးနှင့် တစ်လ အခမဲ့ကြည့်ရှုခွင့်၊ Solmux မှ ကျပ်ငါးသောင်းတန် ချက်လက်
မှတ် အခု ၂၀ တို့ကို ကံစမ်းမဲ ဖောက်ပေးသွားမည် ဖြစ်သည်။

သုဝဏ္ဏမိုးလုံလေလုံ အားကစားကွင်း အရှေ့မျက်နှာစာတွင် ပြုလုပ်မည့် Coca-Cola
Countdown Musicfest & Fireworks Show ပွဲကြီး ကို ညနေ ၆ နာရီခွဲမှ ၁၂ နာရီခွဲ
အထိ ကျင်းပပေးသွားမည်ဖြစ်သည်။

လူငယ်တေးသံရှင်များဖြစ်သည့် လင်းလင်း၊ ချစ်သုဝေ၊ ဂျီလတ်၊ ပိုပို၊ ယုန်လေး၊
ဆိုတေး၊ ၀န၊ ဆူဇီ၊ နန်းဆုရတီစိုး၊ သားသား၊ ဂျက်ဆန်ထွန်း၊ Super Model၊
ဆန်းသစ်လ၊ ဂေဂေး နှင့် Coca-Cola Brand Ambassador မိစန္ဒီတို့က ပရိသတ်
အကြိုက် လက်ရွေးစင်တေးသီချင်းများဖြင့် ဖျော်ဖြေ တင်ဆက်ပေးသွားမည် ဖြစ်သည်။

ထို့ပြင် ဟာသလူရွှင်တော် လေးဦးဖြစ်သည့် ဧရာ၊ ဗေလုဝ၊ ပန်းသီး၊ ရာဇာပေါက်စီ
တို့၏ စိတ်အပန်းဖြေဖွယ် ရယ်စရာပြက်လုံးများကိုလည်း ခံစားနိုင်မည်ဖြစ်သလို
ရန်ခုန် စိတ်လှုပ်ရှားဖွယ် လှပသည့် ရောင်စုံမီးရှူးမီးပန်းများ ပစ်ဖောက်ပြီး
နှစ်သစ်ကို ကြိုဆိုနိုင်မည်ဟုလည်း သိရသည်။ Coca-Cola Countdown Musicfest
& Fireworks Show ကို MITV နှင့်အတူ MNTV၊ Channel 9၊ Sky Net HD
တို့ကလည်း တိုက်ရိုက်ထုတ်လွှင့် ပြသပေးသွားမည် ဖြစ်သည်။

ရွှေထွဋ်တင်၌ပြုလုပ်မည့် New Year Red Square CountDown Party ကိုတော့
ဝင်ကြေး ရှစ်ထောင် ကျပ် သတ်မှတ်ထားကြောင်း သိရသည်။ စတိတ်စင်နှစ်ခုနှင့်
တစ်ပြိုင်နက်ကျင်းပမည့် ထိုပါတီမှာတော့ HIP HOP အဆိုတော် များဖြစ်သည့်
စိုင်းစိုင်း၊ SNARE၊ လွှမ်းပိုင်၊ ဘန်နီဖြိုး၊ ရဲရင့်အောင်၊ ရွှေထူး၊ ထက်ယံ၊ LIL’Z၊
G-FATT၊ မိစန္ဒီနှင့် BOBBY SOXER တို့က ဖျော်ဖြေပေးသွားမည်ဖြစ်ပြီး ROCK
ဘက်မှာတော့ ဝေလ၊ ၀န၊ သာဒီးလူ၊ ဇွဲပြည့် အစရှိသူများက ဖျော်ဖြေပေးသွားမည်
ဖြစ်သည်။

DJ များအဖြစ် DJ Usher၊ DJ LU LU၊ DJ MICKEY ၊ DJ LEO ၊ DJ NAUNG
NAUNG နှင့် DJ DYNAMITE တို့က ပါဝင်အားဖြည့် ကြမည်ဟု သိရသည်။

သတင်း - ဇော်မင်းထွန်း
T The Ladies News Journal

လာမည့် ဇန်န၀ါရီလ ၁၂ ရက် တွင် ကျင်းပမည့် ပြည်ထောင်စု ငြိမ်းချမ်းရေး ညီလာခံ
ကို လွှတ်တော်တာဝန်များ များနေခြင်းကြောင့် တက်ရောက်မည် မဟုတ်ကြောင်း
ဒေါ်အောင်ဆန်းစုကြည်က RFA သတင်းဌာန၏ ဒီဇင်ဘာ ၃၁ ရက် တွင် ထုတ်လွှင့်
သည့် ဒီမိုကရေစီခရီးကြမ်းနှင့် ဒေါ်အောင်ဆန်းစုကြည် အစီအစဉ်တွင် ပြောကြား
လိုက်သည်။

“လွှတ်တော်မှာ အများကြီး အလုပ်တွေများပါတယ် ။ တခြား ကိုယ်စားလှယ်တွေ
လည်း ဒီမှာရှိနေဖို့လိုပါတယ် ။ များနိုင်သလောက် များများပေါ့နော် ။ ကိုယ်စားလှယ်တွေ ဒီမှာရှိနေဖို့လိုပါတယ်” ဟု ဒေါ်အောင်ဆန်းစုကြည်က
ပြောသည်။

ယင်းညီလာခံမှာ အစိုးရနှင့် တိုင်းရင်းသား လက်နက်ကိုင်အဖွဲ့ ၈ ဖွဲ့အကြား
နိုင်ငံလုံး ဆိုင်ရာ အပစ်ခတ်ရပ်စဲရေး လက်မှတ်ရေးထိုးမှု ပြုလုပ်ပြီးနောက်ပိုင်း
နိုင်ငံရေး ဆွေးနွေးမှုအနေဖြင့် စတင်ကျင်းပမည့် ညီလာခံဖြစ်ပြီး
အပစ်ရပ် ထားသည့် အဖွဲ့များအပြင် အပစ်မရပ်ထာသည့် ကေအိုင်အိုအပါဝင်
ကျန်တိုင်းရင်းသား လက်နက်ကိုင် အဖွဲ့များကိုပါ အထူး ဧည့်သည်တော်အဖြစ်
တက်ရောက်နိုင်ရန် ဖိတ်ကြားထားသည်။

ပြည်ထောင်စုငြိမ်းချမ်းရေး ညီလာခံ သို့ အမျိုးသား ဒီမိုကရေစီအဖွဲ့ချုပ်မှ
ကိုနိုင်ငံလင်း က အသေအချာ တက်ရောက်မည်ဖြစ်ပြီး အခြားတက်ရောက်ရန်
ရည်မှန်းထားသူများမှာ ဦးဉာဏ်ဝင်းနှင့် ဦးထွန်းထွန်းဟိန်တို့ဖြစ်ကြောင်း NLD ၏
ပြောရေးဆိုခွင့်ရှိသူ ဦးဝင်းထိန်က ပြောသည်။

လတ်တလော ပြုလုပ်သည့် ညီလာခံသည် လက်ရှိ တည်ဆဲအစိုးရ လက်ထက်တွင်
ပြုလုပ်ခြင်းကြောင့် အစိုးရ ကိုယ်စားလှယ်အဖြစ် လက်ရှိ ဦးသိန်းစိန်အစိုးရမှသာ
တက်ရောက်ရမည်ဖြစ်ပြီး လွှတ်တော် ကိုယ်စားလှယ်များဘက်မှလည်း ပြည်ခိုင်ဖြိုး
နှင့် တပ်ကိုယ်စားလှယ်များကသာ ညီလာခံတက်ရောက်မည့် လွှတ်တော်
ကိုယ်စားလှယ်များ အစုအဖွဲ့မှ နေရာအများစု တက်ရောက်ကြမည်ဖြစ်သည်။

နိုင်ငံရေးဆွေးနွေးမှု သဘောတရားအရ ဆွေးနွေးပွဲများမှာ နှစ်ချီကြာမြင့်တတ်ပြီး
ယခုအစိုးရ လက်ထက်တွင် အဖွဲ့အစည်း အစုံအလင် လက်မှတ်ရေးထိုးထားခြင်း
မရှိဘဲ လက်မှတ်မထိုးထားသော အဖွဲ့များမှာ နိုင်ငံရေး ဆွေးနွေးခွင့်ရမည် မဟုတ်
သောကြောင့် ဒေါ်အောင်ဆန်းစုကြည်အနေဖြင့် အနည်းငယ် ခေါင်းရှောင်လွှဲခဲ့ဖွယ်
ရှိသည်ဟု ရှမ်းတိုင်းရင်းသား ခေါင်းဆောင် ဦးခွန်ထွန်းဦးက သုံးသပ်ပြောဆိုသည်။

“အန်အယ်လ်ဒီအနေနဲ့ အာဏာလွှဲပြောင်းရေး အဆင်ပြေစေဖို့ အဲဒီ တပ်မတော်သား
ကိုယ်စားလှယ် ၁၅၀ ဆိုတဲ့ အရေအတွက်ကို အတည်ပြုပေးခဲ့တာလို့ ကောက်ချက်ချ
လို့ရတယ်” ဟု နိုင်ငံရေး မူဘောင်ရေးဆွဲရေးအတွက် ဆောင်ရွက်နေသည့်
ပြည်ထောင်စု အင်စတီကျူ့မှ ဦးခွန်ဆိုင်းက သုံးသပ်သည်။

“ဇန်န၀ါရီ ၁၂ ရက် ညီလာခံဆွေးနွေးပွဲ ပြီးဆုံးသော်လည်း ညီလာခံ ဆွေးနွေးသည့်
ကာလတစ်ရပ်ကို ဖြတ်သန်းကြရမည်ဖြစ်ရာ လာမည့် NLD အစိုးရလက်ထက်တွင်
လည်း ညီလာခံကို ဆက်လက် ကျင်းပရဦးမည်ဖြစ်သည်။ လက်ရှိ အနေအထားအရ
ဒေါ်အောင်ဆန်းစုကြည် သည် ရွေးကောက်ပွဲပြီးစ အနိုင်ရရှိထားခြင်း ဖြစ်သည့်
အတွက် အလုပ်တာဝန်များ များပြားနေမည်ဖြစ်ပြီး လက်ရှိအစိုးရ ပိုင်းအနေဖြင့်
အာဏာလွှဲပြောင်းခြင်း မခံရသေးသည့် အခြေအနေတွင် ၎င်းအနေဖြင့် ပြည်ထောင်စု
ငြိမ်းချမ်းရေး ညီလာခံအပေါ် တာဝန်ယူမှု တာဝန်ခံမှုသည် တစ်စုံတစ်ရာ အားနည်း
ခြင်းမျိုး ဖြစ်ကောင်းဖြစ်နိုင်သည်” ဟု ပအို့ဝ် အမျိုးသား လွတ်မြောက်ရေး အဖွဲ့ချုပ်
ဥက္ကဋ္ဌ ဦးခွန်မြင့်ထွန်းက The Ladies သို့ပြောသည်။

“NLD အစိုးရလက်ထက်မှာ ကျင်းပမယ့် ပြည်ထောင်စု ငြိမ်းချမ်းရေး ညီလာခံလိုမျိုး
မှာတော့ ဒေါ်အောင်ဆန်းစုကြည်က ဘယ်လိုဖြစ်ဖြစ် မဖြစ်မနေ တက်ရောက်မယ်
လို့ ကျွန်တော်တို့ မျှော်လင့်ပါတယ်။ အခု သူကညီလာခံကို မတက်တာ ကန့်ကွက်တာ သဘောမတူတာမျိုး မဟုတ်ဘူး သူ့ရဲ့ အလုပ်တာဝန်များမှုရယ် လက်ရှိ အခြေအနေကြောင့်ရယ်လို့ ကျွန်တော်ထင်ပါတယ်” ဟု ဦးခွန်မြင့်ထွန်းကThe Ladies သို့ ဆက်လက် ပြောကြားခဲ့သည်။

သတင်း - ဇော်မင်းထွန်း
The Ladies News Journal


 စစ်တွေ၊ ဒီဇင်ဘာ ၃၁

 ချင်းပြည်နယ်၊ ပလက်ဝမြို့နယ်၊ သပြုချောင်းကျေးရွာ မှ မြန်မာစစ်တပ် ၏ ပေါ်တာဆွဲ ခံရသည့် ရွာသားနှစ်ဦးတွင် တစ်ဦးမှာ တိုက်ပွဲအတွင်း ဒဏ်ရာ ရရှိသွားပြီး ကျန်တစ်ဦးမှာ ပျောက်ဆုံးနေကြောင်း သိရသည်။

ပေါ်တာဆွဲခံရ၍ ဒဏ်ရာရရှိသွားသူမှာ သပြုချောင်းကျေးရွာမှ ဦးသန်းစိန် (၃၂) ဖြစ်ပြီး ယခုအခါ စစ်တွေဆေးရုံတွင် တင်ထားရပြီး ကျန်တစ်ဦးမှာ သေမှန်း ရှင်မှန်း မသိ ပျောက်ဆုံးနေသည်ဟု ဦးသန်းစိန်၏ ဆွေမျိုးတစ်ဦးက ပြောသည်။

ဦးသန်းစိန်သည် ၎င်းဒဏ်ရာဖြင့် တောထဲတွင် ၃ရက်ခန့် နေခဲ့ရပြီး တိုက်ပွဲဖြစ်ပွားရာ နေရာမှ ထွက်ပြေး လွတ်မြောက် လာကာ ကျောက်တော်မြို့နယ် သရက်သတပင် ကျေးရွာ လူမှုကွန်ယက်အဖွဲ့မှ အကူအညီဖြင့် ကျောက်တော်ဆေးရုံသို့ ဒီဇင်ဘာ ၃၀ ရက်နေ့က ရောက်ရှိလာခဲ့သည်ဟု သိရသည်။

လက်မောင်းမှာ ကျိုးသွားပြီး ခွဲစိတ်ကုသမှု ခံယူရန် လိုအပ် သဖြင့် ကျောက်တော် ဆေးရုံမှ စစ်တွေဆေးရုံသို့ ဒီဇင်ဘာ ၃၀ ရက်နေ့ တွင်ပို့ဆောင်ခဲ့ရာ စစ်တွေဆေးရုံသို့ ည ၈နာရီ အချိန်တွင် ရောက်ရှိခဲ့သည်။

ဒီဇင်ဘာလ ၃၁ရက်နေ့ နံနက်ပိုင်းတွင် စစ်တွေ ဆေးရုံ၌ ခွဲစိတ်ကုသမှု ခံယူခဲ့ရပြီး လူနာမှာ စိုးရိမ်စရာမရှိဟု သိရသည်။

မြန်မာတပ်မတော်နှင့် ရက္ခိုင့်တပ်မတော်အကြား ရခိုင်ပြည်နယ်နှင့် ချင်းပြည်နယ် နယ်စပ် အကြား ကျောက်တော်မြို့နယ် ရမ်းချောင်း တောင်တန်း များတွင် တိုက်ပွဲများ ဖြစ်ပွားနေရာ ယခု အရပ်သား တစ်ဦး ထိခိုက် ဒဏ်ရာ ရရှိမှုမှာ ပထမဆုံး အကြိမ် ဖြစ်ကြောင်း သိရသည်။

ကျောက်တော်မြို့နယ် မဟာမုနိ ဘုရားအနီးရှိ သရက်တပင်ကျေးရွာမှ ဦးစံထွန်း ပြောပြချက်အရ တိုက်ပွဲဖြစ်ပွားနေသည့် နေရာမှာ သူတို့ရွာမှ ၄-၅ မိုင်ခန့် ကွာဝေးပြီး သေနက်သံများကိုလည်း နေ့စဉ် ကြားနေရသည်ဟု ဆိုသည်။

တိုက်ပွဲဖြစ်ပွားရာနေရာမှ သေနတ်သံများကို နေ့တိုင်းကြားနေကြရသဖြင့် ရွာသားများ အကြား စိုးရိမ်ထိတ်လန့် နေကြသည်ဟု သူက ဆိုသည်။

လက်မောင်းတွင် ဒဏ်ရာရရှိထားသော ဦးသန်းစိန်ကို စစ်တွေဆေးရုံကြီး တွင် ဆေးကုသခံယူနိုင်ရန်အတွက် သရက်တပင် လူမှုကွန်ရက်မှ ခုသောင်းကျပ်၊ ကျောက်တော်မြို့ လူမှုကွန်ယက်မှ တစ် သိန်း ကျပ်၊ ကျောက်တော်ဆေးရုံမှ ဆရာဝန် တစ်ဦးမှ တစ်သိန်းကျပ်နှင့် စစ်တွေ လူမှုအဖွဲ့အစည်းတစ်ခုမှ ငါးသောင်းကျပ် ကူညီ လှူဒါန်းခဲ့သည်ဟု သိရသည်။

စံမောင်သန်း၊ ဖြူနှင်းဝေ
Arakan State
https://www.facebook.com/NarinjaraNews

[youtube src="niEpUpJHR1A"/]
ရန်ကုန်တိုင်းဒေသကြီး၊ တာမွေမြို့နယ် မေတ္တာညွန့်ရပ်ကွက်မှာ ဒီဇင်ဘာလ ၃ဝ ရက်ညက ကျင်းပတဲ့ စာပေဟောပြောပွဲမှာ မင်းကိုနိုင်၊ ညီမင်းညိုနဲ့ ရုပ်ရှင်သရုပ်ဆောင် ဗေလုဝတို့က ဟောပြောခဲ့ပါတယ်။

လာမယ့် ၂ဝ၁၆ ခုနှစ်ကစပြီး တိုင်းပြည်ကောင်းမွန်အောင် ပြုပြင်ရေးမှာ အားလုံးပါဝင်ကူညီ ဆောင်ရွက်ကြဖို့ ဟောပြောကြပါတယ်။

RFA


ရှမ်းပြည်မြောက်ပိုင်း မူဆယ်မြို့နယ်ထဲမှာ ရှမ်းနှစ်သစ်ကူးပွဲသွားတဲ့ ဒေသခံတွေကို တိုင်းရင်းသား လက်နက်ကိုင်အဖွဲ့က ဖမ်းဆီးခေါ်ဆောင်သွားတယ်လို့ မူဆယ် ရှမ်းစာပေယဉ်ကျေးမှုအသင်းက ထုတ်ပြန်ပါတယ်။

ဒီဇင်ဘာ ၂၈ နဲ့ ၂၉ ရက်နေ့တွေက မူဆယ်မြို့နယ် ကောင်းနာ၊ နားဆီမု၊ မန့်တာ့လုံနဲ့ ဟိုနား စတဲ့ကျေးရွာက လူငယ်တွေဟာ မူဆယ်မြို့ အနောက်တောင်ဘက် မိုင် ၂၀ လောက်ဝေးတဲ့ နမ့်အုမ်ရွာရှိ ရှမ်းနှစ်သစ်ကူးပွဲတော်ကို သွားရောက်စဉ် လမ်းမှာ ဖမ်းဆီးခံခဲ့ကြရတယ်လို့ အသင်းရဲ့ အထွေထွေအတွင်းရေးမှူး ဦးစိုင်းမြတ်အောင်က ဒီဗွီဘီကို ပြောပါတယ်။

“နမ့်အုမ်ရွာမှာ နှစ်ကူးပွဲလုပ်တော့ အနီးနားဝန်းကျင်က ရွာတွေကိုပါ ဖိတ်တယ်လေ။ အဲဒါ လူငယ်တွေက ပွဲသွားရင်း တချို့က လမ်းပေါ်မှာ၊ တချို့က အသားကင်ဆိုင်မှာ ၀င်စားနေရင်း တအုပ်ကြီးကို ခေါ်သွားတာ၊ ကျနော်တို့သိရသလောက် စုစုပေါင်း ၁၅ ယောက်ရှိတယ်။ မိန်းကလေး ၃ ယောက်ပါတယ်။ အသက် ၁၄ နှစ်နဲ့ ၃၀ ကြား လူငယ်တွေ၊ ပလောင်လည်းပါတယ်၊ ရှမ်းလည်းပါတယ်။ နောက်ထပ် စာရင်းမသိရသူတွေလည်း ရှိသေးတယ်။ သူတို့ကို ဘယ်နားခေါ်သွားလဲ၊ ဘယ်နေရာရောက်နေလဲဆိုတာ ဒီနေ့ထိ မသိရလို့ မိဘဆွေမျိုးတွေ တော်တော်စိတ်ပူနေကြပါတယ်ခင်ဗျ။”

အဆိုပါ လူဖမ်းသွားတဲ့ လက်နက်ကိုင်အဖွဲ့ဟာ ကေအိုင်အေဦးထုပ်ဆောင်းပြီး ယူနီဖောင်းဝတ်တဲ့လူလည်း ပါကြောင်း၊ ကချင်စကားတွေ ပြောကြတယ်လို့ မျက်မြင်ရွာသားတွေက ပြောတယ်လို့ ဆိုပါတယ်။

ဒီမတိုင်ခင်က နမ့်အုမ်၊ တီးမ၊ မန့်တာလုံ စတဲ့ ကျေးရွာအုပ်စုထဲမှာ တရွာကို လူ ၆ ယောက် စစ်မှုထမ်းဖို့ ကေအိုင်အေက စာပို့ထားတာရှိကြောင်း၊ အဆိုပါ လူတွေကို ဒီဇင်ဘာ ၂၁ ရက်ကနေ ၂၆ ရက်နေ့အတွင်း ပို့ပေးရမယ်လို့ ပြောထားကြောင်း၊ ဒါပေမယ့် ရွာသူကြီးတွေက နှစ်ကူးပွဲတော်ရှိနေလို့ ဆိုင်းငံ့ပေးဖို့ ကေအိုင်အေအရာရှိတွေကို တောင်းပန်ထားရာက ပွဲမပြီးခင် ခုလို အဖမ်းခံကြရတာလို့ ဦးစိုင်းမြတ်အောင်က ဆက်ပြောပါတယ်။

ဒီကိစ္စနဲ့ပတ်သက်ပြီး မြစ်ကြီးနားရှိ ကေအိုင်အို၊ ကေအိုင်အေ ဆက်ဆံရေးရုံးကို ဒီဗွီဘီက ဆက်သွယ်မေးမြန်းရာမှာ တာဝန်ရှိသူတဦးဖြစ်တဲ့ ဦးဒေါင်းခါးက အခုလို ဖြေကြားပါတယ်။

“တိုက်ပွဲဖြစ်တဲ့နေရာမှာ စစ်သားမစုဆောင်းဘူးဆိုတာ ဒါက အဓိပ္ပာယ်မရှိဘူးလေ။ ပေါ်လစီရယ်လို့ မဟုတ်ပေမယ့် တိုက်ပွဲဖြစ်တဲ့နေရာတိုင်းမှာ အားလုံး စုဆောင်းနေတာပဲ။ အစိုးရကိုယ်တိုင်လည်း စုဆောင်းတယ်၊ တော်လှန်ရေးအဖွဲ့အစည်းတွေအားလုံး စုဆောင်းတယ်။ ဒါပေမယ့် အဲဒီမူဆယ်ဘက်က ကိစ္စ ကျနော်မသိဘူး။”

ဦးစိုင်းမြတ်အောင်ကတော့ အခုလို ရွာသားတွေ အဖမ်းခံရတဲ့ကိစ္စဟာ မြို့နယ်တွင်း အေးအတူပူအမျှ အတူတူနေထိုင်နေကြတဲ့ တိုင်းရင်းသားလူမျိုး အချင်းချင်းထဲမှာရော ရှမ်းပြည်နယ်ထဲရှိ တိုင်းရင်းသားအချင်းချင်းတွေ ကြားမှာပါ အထင်မြင်လွဲမှားမှု၊ ချစ်ကြည်ရင်းနှီးမှုတွေ ပျက်ပြားစေတဲ့အတွက် ရှမ်းစာပေယဉ်ကျေးမှုအဖွဲ့ အနေနဲ့ ဒီလုပ်ရပ်ကို ရှုတ်ချတယ်လို့ ပြောပါတယ်။

မူဆယ်ခရိုင် နမ့်ခမ်းမြို့နယ် မိုင်းဝီးကျေးရွာအုပ်စုထဲမှာလည်း ပြီးခဲ့တဲ့ နိုဝင်ဘာ ၂၇ နဲ့ ၂၈ ရက်နေ့တွေက ဟိုပန်၊ မိုင်းဝီး၊ မိုင်းခတ် စတဲ့ ကျေးရွာအုပ်စုထဲက ရွာသားပေါင်း ၂၀ ဦးကို တီအန်အယ်လ်အေ တအာင်းတပ်ဖွဲ့က ဖမ်းခေါ်သွားတာ ခုထိ သေသည်ရှင်သည် မသိရတဲ့အတွက် နိုင်ငံတော်သမ္မတဆီကိုရော တပ်မတော်ကာကွယ်ရေးဦးစီးချုပ်နဲ့ သက်ဆိုင်ရာ အဖွဲ့အစည်းတွေဆီ ဒီဇင်ဘာ ၂၄ ရက်နေ့ နေ့စွဲနဲ့ စာပို့ထားတယ်လို့ မိုင်းဝီးရွာသားတဦးက ပြောပါတယ်။

တီအန်အယ်လ်အေဘက်ကတော့ သူတို့ဖမ်းထားတဲ့ မန်တုံရွာသား ၈ ဦးကို ဒီဇင်ဘာ ၂၂ ရက်နေ့က ပြန်လွှတ်ပေးခဲ့ကြောင်း ၂၇ ရက်နေ့က ထုတ်ပြန်ထားပါတယ်။

ပြီးခဲ့တဲ့ နိုဝင်ဘာ ၂၇ ရက်နေ့ကစလို့ ရှမ်းပြည်တပ်မတော်တောင်ပိုင်းအဖွဲ့နဲ့ တီအန်အယ်လ်အေတပ်ကြား တိုက်ပွဲတွေ စတင်ဖြစ်ပွားပြီး ရွာသားတွေပါ ဖမ်းဆီးခံခဲ့ရသလို ဟိုပန်ကျေးရွာထဲကို လက်နက်ကြီးကျတဲ့အတွက် ရွာသားပေါင်း ၃၀၀ ကျော် မိုင်းဝီးကျေးရွာ ရှမ်းစာပေနဲ့ ယဉ်ကျေးမှုအသင်းတိုက်မှာ လာရောက်ခိုလှုံနေရကြောင်း၊ ရွာအနီးမှာ ပစ်ခတ်မှု မကြာမကြာ ဖြစ်ပွားနေဆဲမို့ ဒီနေ့ထိ အိမ်မပြန်နိုင်သေးဘဲ အလှူရှင်များရဲ့ ထောက်ပံ့မှုနဲ့ စားသောက်နေထိုင်နေရတယ်လို့ မိုင်းဝီးဒေသခံတဦးက ဒီဗွီဘီကို ပြောသွားပါတယ်။

By နန်းမြနဒီ/ ဒီဗွီဘီ

စလုံး ၊ နေပြည်တော် ၊ ဒီဇင်ဘာ ၃၁ ရက်

ပြည်ထဲရေးဝန်ကြီးဌာနက တင်သွင်းခဲ့သည့် နိုင်ငံတော်တာဝန်ထမ်းဆောင်ခဲ့သူ၏ လုံခြုံရေးဆိုင်ရာ ဥပဒေကြမ်းကို ဒီဇင်ဘာလ ၃၀ ရက်နေ့ က ကျင်းပသည့် ပြည်သူ့ လွှတ်တော်အစည်းအဝေးတွင် တစ်ပိုဒ်ချင်းစီအလိုက် ဆွေးနွေးအတည်ပြုခဲ့သည်။

ယင်းဥပဒေကြမ်းကို အတည်ပြုရာတွင် ဥပဒေကြမ်းကော်မတီ၏ ပြင်ဆင်ချက် ၁၃ ချက် ၊ ပြည်ထဲရေးဝန်ကြီးဌာန၏ ဖြည့်စွက်ချက် ၁ ချက် နှင့် လွှတ်တော်ကိုယ်စားလှယ် နှစ်ဦး၏ပြင်ဆင်ချက် ၃ ချက်ဖြင့် အတည်ပြုပေးခဲ့ခြင်းဖြစ်သည်။

ဥပဒေကြမ်းကော်မတီ၏ ပြင်ဆင်ချက် ၁၃ ချက် အနက် ပြင်ဆင်ခဲ့သည့် အခန်း () အပိုဒ် () အရ နိုင်ငံတော်သမ္မတကသူ၏ ကိုယ်ရံတော်အဖြစ်အမည်စာရင်းတင်သွင်းသူတစ်ဦးကို ပြည်ထဲရေးဝန်ကြီးဌာန၏ ညှိုနှိုင်းခန့် အပ်ရမည်ဖြစ်သည်။

ခန့် အပ်ခဲ့သည့် ကိုယ်ရံတော်၏လစာနှင့်စာရိတ်များကို ပြည်ထဲရေးဝန်ကြီးဌာန၏ ဘဏ္ဍာငွေမှကျခံရမည်ဟု ဥပဒေကြမ်းကော်မတီ၏ ပြင်ဆင်ချက် အခန်း () အပိုဒ် () တွင်ဖော်ပြထားသည်။

မူလဥပဒေကြမ်းအဆိုပြုချက်တွင်ပါဝင်သည့် အခန်း (၄) အပိုဒ် (၁၀) “ နိုင်ငံတော်သမ္မတတာဝန်ထမ်းဆောင်ခဲ့သူက နိုင်ငံတော်သမ္မတအဖြစ် ထမ်းဆောင်ခဲ့သည့် ကာလအတွင်း တာဝန်အရ ဆောင်ရွက်ချက်များကို အကြောင်းပြုလျက် ယင်းအား တရားစွဲဆိုခြင်းနှင့် အရေးယူခြင်းမရှိစေရ ။ ” ဟုပါရှိသည့်အပိုဒ်ကို ပယ်ဖျက်ပေးရန် ပြည်သူ့ လွှတ်တော်ကိုယ်စားလှယ် မြေပုံမဲဆန္ဒနယ်မှ ဦးဖေသန်းက တင်ပြခဲ့သည်။

ဦးဖေသန်းက သူ၏တင်ပြချက်အပေါ်ဆွေးနွေးရာတွင် ဖွဲ့ စည်းပုံအခြေခံဥပဒေ ပုဒ်မ (၃၇၃) တွင် “ ပြစ်မှုကျူးလွန်သူမည်သူကိုမဆို ယင်းပြစ်မှုကျူးလွန်သည့်အချိန်က အတည်ဖြစ်လျက်ရှိသော သက်ဆိုင်ရာဥပဒေအရသာပြစ်မှုထင်ရှားစီရင်ရမည် ။ ထို့ ပြင်ယင်းဥပဒေအရ ချမှတ်နိုင်သော ပြစ်ဒဏ်ထက်ပို၍ ချမှတ်ခြင်းမပြုရ ။” ဟုပါရှိသည့် အတွက် ယင်းအပိုဒ်အား ပယ်ဖျက်သင့်သည်ဟု ဆွေးနွေးခဲ့သည်။

ဦးဖေသန်း၏ တင်ပြဆွေးနွေးချက်နှင့် ပက်သက်၍ ပြည်ထဲရေးဝန်ကြီးဌာန က သဘောထားပေးရာတွင် မူလအဆိုပြုချက်ကို ထပ်မံဖြည့်စွက်ကာအတည်ပြုပေးစေလိုကြောင်း ၊ ကာကွယ်ရေးဝန်ကြီးဌာနကသဘောထားပေးရာတွင် မူလအဆိုပြုချက်အတိုင်းသာ ပြဌာန်းပေးရန်လည်းကောင်း ၊ ဥပဒေကြမ်းကော်မတီကသဘောထားပေးရာတွင် ပြည်ထဲရေးဝန်ကြီးဌာန၏ ဖြည့်စွက်ချက်အတိုင်း အတည်ပြုသင့်ကြောင်း သဘောထားမှတ်ချက်ပေးခဲ့ကြသည်။

မဲခွဲဆုံးဖြတ်ရာတွင် “ နိုင်ငံတော်သမ္မတတာဝန်ထမ်းဆောင်ခဲ့သည့် ကာလအတွင်း တာဝန် အရ ဆောင်ရွက်ချက်များကို အကြောင်းပြုလျက် ယင်အား တရားစွဲဆိုခြင်း နှင့် အရေးယူခြင်းမရှိစေရ ” ဆိုသည့်အစား ပြည်ထဲရေးဝန်ကြီးဌာန၏ ဖြည့်စွက်သည့် “ နိုင်ငံတော်သမ္မတတာဝန်ထမ်းဆောင်ခဲ့သည့် ကာလအတွင်း တာဝန် အရ ဥပဒေနှင့်အညီ ဆောင်ရွက်ချက်များကို အကြောင်းပြုလျက် ယင်အား တရားစွဲဆိုခြင်း နှင့် အရေးယူခြင်းမရှိစေရ ” ဟု အတည်ပြုပေးခဲ့သည်။


The Street View


၂၀၁၅ခုနှစ်ရဲ့ နောက်ဆုံးလိဂ်ပွဲတွေကို မနေ့က ကစားခဲ့အပြီးမှာတော့ ဘာစီလိုနာအသင်းရဲ့ တိုက်စစ် မှူး ၃ဦးဖြစ်တဲ့ မက်ဆီ၊ နေမာနဲ့ ဆွာရက်ဇ်တို့ဟာ တစ်နှစ်တာအတွင်း သွင်းဂိုးပေါင်း(၁၃၇)ဂိုးအထိရှိခဲ့ ပါတယ်။ ရီးယဲယ်ဘက်တစ်အသင်းနဲ့ ကစားတဲ့ပွဲမှာ မက်ဆီ(၁)ဂိုးနဲ့ ဆွာရက်ဇ်(၂)ဂိုးသွင်းယူခဲ့ပြီး ဘာစီလိုနာက အိမ်ကွင်းမှာ ၄ဂိုးပြတ်နဲ့ နိုင်ခဲ့လို့ ၂၀၁၅ခုနှစ်ကို ဖလား ၅လုံး၊ သွင်းဂိုး စုစုပေါင်း ၁၃၇ဂိုး နဲ့ အဆုံးသတ်နိုင်ခဲ့တာလည်းဖြစ်ပါတယ်။ ။ ဒါဟာ ဘောလုံးလောကအတွက်စံချိန်သစ်တစ်ရပ်ဖြစ်ခဲ့ပြီး ၂၀၁၅ ခုနှစ်အတွင်းဂျာမန်ချန်ပီယံဘိုင်ယန်မြူးနစ်အသင်း တစ်သင်းလုံးသွင်းထားတဲ့ (၁၃၂)ဂိုးထက် ၅ ဂိုးပိုများခဲ့ပါတယ်။ မက်ဆီ၊ ဆွာရက်ဇ်၊ နေမာတို့ရဲ့ MSN တိုက်စစ်အတွဲဟာ အဓိက ပြိုင်ဘက် ရီးယဲယ် က ဘေးလ်၊ ဘန်ဇီမာ၊ ရော်နယ်လ်ဒို တို့ရဲ့ BBC အတွဲထက် သွင်းဂိုး (၅၈) ဂိုးပိုများခဲ့ပြီး ဘာစီလိုနာအ သင်းသွင်းယူနိုင်ခဲ့တဲ့သွင်းဂိုးတွေရဲ့ ၇၆% အထိသွင်းယူနိုင်ခဲ့တာလည်းဖြစ်ပါတယ်။ ရီးယဲယ်တိုက်စစ် မှူး၃ယောက်ကတော့ ၂၀၁၄ခုနှစ်တုန်းက(၁၀၈) ဂိုးအထိသွင်းယူခဲ့ပြီး ၂၀၁၅ခုနှစ်မှာတော့(၇၉) ဂိုးသာ သွင်းယူနိုင်ခဲ့ပါတယ်။ မက်ဆီ၊ ဆွာရက်ဇ်၊ နေမာတို့ရဲ့ ဘာစီလိုနာအသင်းဟာ ၂၀၁၅ခုနှစ်အတွင်းမှာ ပြိုင်ပွဲအရပ်ရပ်ကနေ သွင်းဂိုးပေါင်း ၁၈၀ အထိသွင်းယူခဲ့ပြီး ၂၀၁၄ခုနှစ်က ရီးယဲယ်မက်ဒရစ်တင်ထား တဲ့ (၁၇၈) ဂိုးစံချိန်ထက် ၂ဂိုးပိုများခဲ့ပြီး ကမ္ဘာ့စံချိန်အဖြစ်မှတ်တမ်းတင်နိုင်ခဲ့ပါတယ်။

“၁၈၀ ဂိုးကို ဘယ်လိုသွင်းကြသလဲ”

Penalties 15
Left-footed 69
Right-footed 88
Headed 19
Outside of box 17
Free-kicks 7

“ဘယ်သူတွေသွင်းကြသလဲ”

Lionel Messi 48
Luis Suarez 48
Neymar 41
Rakitic 7
Pedro, Pique 5 each
Sandro, Mathieu 3 each
Rafinha, Munir, 2 each
Sergi Roberto,Iniesta,
Adriano,Bartra

Vermaelen, Xavi 1each
, Alves, Alba
Own goals 4

“၂၀၁၅ မက်ဆီ၊ဆွာရက်ဇ်၊ နေမာ (MSN) သွင်းဂိုး - ၁၃၇ဂိုး”
မက်ဆီ (၄၈)ဂိုး၊ ဆွာရက်ဇ် (၄၈)ဂိုး၊ နေမာ( ၄၁)ဂိုး

“၂၀၁၄ ဘေးလ်၊ ဘန်ဇီမာ၊ ရော်နယ်လ်ဒို (BBC) သွင်းဂိုး ၁၀၈ဂိုး”
ရော်နယ်လ်ဒို (၅၆)ဂိုး၊ ဘန်ဇီမာ (၂၈)ဂိုး၊ ဘေးလ် (၂၄)ဂိုး

“၂၀၁၅-၁၆ရာသီ အသင်းကြီးများရဲ့ တိုက်စစ်မှူးများ သွင်းဂိုး”

၁) မက်ဆီ (၁၃)ဂိုး၊ ဆွာရက်ဇ် (၂၆)ဂိုး၊ နေမာ (၁၆)ဂိုး - ၅၅ဂိုး (ဘာစီလိုနာ)
၂) လီဝန်ဒေါစကီး (၂၃)ဂိုး၊ မူလာ (၂၁)ဂိုး၊ ရော်ဘင် (၅)ဂိုး - ၄၉ဂိုး(ဘိုင်ယန်မြူးနစ်)
၃) ရော်နယ်လ်ဒို (၂၅)ဂိုး၊ ဘန်ဇီမာ (၁၁)ဂိုး၊ ဘေးလ် (၈)ဂိုး - ၄၈ဂိုး( ရီးယဲယ်မက်ဒရစ်)
၎) အူဘာမီယန် (၂၄)ဂိုး၊ Mkhitaryan (၁၀)ဂိုး၊ Reus (၉)ဂိုး- ၄၃ဂိုး( ဒေါ့မန်)
၅) အီဘရာဟီမိုဗစ် (၁၇)ဂိုး၊ ကာဗာနီ (၁၃)ဂိုး၊ ဒီမာရီယာ (၉)ဂိုး - ၃၉ဂိုး (PSG)

RFA

ဒေါ်အောင်ဆန်းစုကြည်ဟာ ရွေးကောက်ပွဲ အောင်နိုင်ရေးမှာ ပါဝင်ကူညီခဲ့တဲ့ ဆိုက်ကားဆရာတွေနဲ့ ဒီဇင်ဘာလ ၂၆ ရက်နေ့က တော်ဝင်နှင်းဆီခန်းမမှာ တွေ့ဆုံစဉ်။ Photo: Kyaw Zaw Win/RFA
 အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က နိုင်ငံပိုင်သတင်းစာတွေဆိုတာ ဒီမိုကရေစီစနစ်နဲ့ ကိုက်ညီခြင်းမရှိတဲ့အတွက် သူတို့အစိုးရလက်ထက်မှာ ဒီကိစ္စကို အမြန်ဆုံး ကိုင်တွယ်ဖြေရှင်းမယ်လို့ ပြောဆိုလိုက် ပါတယ်။

RFA က ပုံမှန်တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် မနေ့က ဆက်သွယ်မေးမြန်းခဲ့ရာမှာ သူက အခုလို ပြောကြားခဲ့တာပါ။

"အစိုးရပိုင် သတင်းစာတွေဘာတွေဆိုတာ ဒီမိုကရေစီနဲ့ သင့်လျော်တဲ့ကိစ္စတွေမဟုတ်ဘူးလို့ ထင်တယ်လေ၊ ဒါပေမဲ့ ဒါကို နေ့ချင်းညချင်း ကျမတို့ မလုပ်ပါဘူး၊ သေချာတိုင်ပင်ပြီးတော့မှလုပ်မှာပါ၊ ဒါပေမဲ့ သိပ်လည်းအချိန် မဆွဲချင်ဘူး၊ ဒီမိုကရေစီနည်းလမ်းကျအောင်လို့ အမြန်ဆုံးလုပ်မှပဲ ဒီနိုင်ငံဟာ အဆင်ချောသွားမှာပါ"

လာမယ့် ဇန်နဝါရီလ ၁၂ ရက်နေ့ကျင်းပမယ့် ငြိမ်းချမ်းရေးညီလာခံကို လွှတ်တော်တာဝန်တွေ များနေတာကြောင့် သူတက်ရောက်မှာ မဟုတ်ဘူးလို့ ဒေါ်အောင်ဆန်းစုကြည် က ပြောပါတယ်။

တဆက်တည်းမှာပဲ သူတို့ NLD လွှတ်တော်ကိုယ်စားလှယ်တွေအနေနဲ့ လစာငွေရရှိပြီးဖြစ်တဲ့အတွက် တလုံးတခဲ တည်း နိုင်ငံရေးပင်စင်ချီးမြှင့်ငွေတွေကို နိုင်ငံ့အကျိုးရှိမယ့် စီမံကိန်းတစ်ခုအတွက် လှူဒါန်းမှာဖြစ်တယ်လို့ လည်း ဒေါ်အောင်ဆန်းစုကြည် က ပြောကြားခဲ့ပါတယ်။

"အဲ့ဒီဟာတော့ ကျမတို့ ယူမယ်လေ၊ အားလုံးက ဥပဒေကရတယ်ဆိုတော့ ကျမတို့လွှတ်တော် ကိုယ်စား လှယ်တွေလည်းရတယ်၊ ကျမတို့ လွှတ်တော်ကိုယ်စားလှယ်တွေအားလုံး သဘောတူပြီးပြီ၊ ဒီငွေတွေကို ပူးပေါင်းပြီးတော့ နိုင်ငံကိုအကျိုးဖြစ်တဲ့ စီမံကိန်းတစ်ခုအတွက် လှူဖို့ဆိုပြီးတော့ ကျမတို့ ဆွေးနွေးထားတယ်"

ဒါ့အပြင် ဒေါ်အောင်ဆန်းစုကြည်က အခုလို တိုင်းပြည်ပြောင်းလဲချိန်မှာ အသက်ရှင်သန် နေထိုင်ခွင့် ရပြီး နိုင်ငံ့အကျိုးအတွက် ပါဝင်ထမ်းဆောင်နိုင်တဲ့ အခွင့်အရေးတစ်ခု ရရှိနေတာကို မြန်မာပြည်သူပြည်သား အားလုံး ဂုဏ်ယူဝမ်းမြောက်ကြပါလို့လည်း နှစ်သစ်ကူး စကားလက်ဆောင် ပါးလိုက်ပါတယ်။ အပြည့်အစုံကို ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်မှာ နားဆင်ပါ။

RFA Burmese
http://www.rfa.org/burmese
[soundcloud src="239785098"/]


ပုသိမ် - ချောင်းသာ ကားလမ်းဘေးရှိ ဥတိုကျေးရွာအနီးတွင် ခေါင်းပြတ်လျက်
သေဆုံးနေသည့် အမျိုးသား အလောင်းအတွက် ပြစ်မှုကျူးလွန်သူမှာ ကိုယ်တိုင်
လာရောက် အဖမ်းခံခဲ့ကြောင်း ချောင်းသာ ရဲစခန်းမှ သိရှိရသည်။

ဒီဇင်ဘာလ ၂၈ ရက်နေ့ ည ၉ နာရီခန့်က ဖြစ်ပွားခဲ့သော အမှုအတွက် ပြစ်မှု
ကျူးလွန်သူမှာ ညတွင်းချင်း ချောင်းသာရဲစခန်းသို့ လာရောက် အဖမ်းခံခဲ့ခြင်း
ဖြစ်ကြောင်း ချောင်းသာရဲစခန်မှူး ဦအုန်းကျော် က ပြောသည်။

“တစ်ယောက်နဲ့ တစ်ယောက် ရန်ငြိုးရန်စတော့ မရှိပါဘူး။ အခင်းဖြစ်ပွားတဲ့နေ့က
အထင်လွဲ ပြီး ဆဲကြဆိုကြရင်း နဲ့ ခေါင်းပြတ်တဲ့အထိ ဓားနဲ့ ခုတ်ခဲ့တာလို့
သိရပါတယ်” ဟု ချောင်းသာ ရဲစခန်းမှူးက ပြောသည်။

အခင်းဖြစ်ပွားသည့်နေ့က သေဆုံးသူမှာ ဖုန်းလိုင်းမကောင်းသည့်အတွက်
တစ်ဦးတည်း ဆဲဆိုနေရာမှ လမ်းတစ်ဖက်ရှိ ကိုင်းများ မီးရှို့နေသည့်
ပြစ်မှုကျူးလွန်သည်ဟု ဝန်ခံထားသူမှ မိမိကို ဆဲတာလားဟု မေးမြန်းရာမှ
တစ်ဖက်နှင့် တစ်ဖက် အပြန်အလှန် ဆဲဆိုကာ ဓားခုတ်မှုအထိ ဖြစ်ပွား
ခဲ့ခြင်းဖြစ်ကြောင်း ချောင်းသာရဲစခန်းမှ သိရသည်။

၎င်းတို့နှစ်ဦးနေသည့်နေရာမှာ ပုသိမ်-ချောင်းသာကားလမ်းဘေး တစ်ဖက်
တစ်ချက်တွင် ဖြစ်ပြီး တစ်ဦးနှင့် တစ်ဦးစိန်ခေါ်ကာ ဓားကိုယ်စီဖြင့် ထွက်ခဲ့ရာမှ
ကားလမ်းဘေးတွင် ခိုက်ရန် ဖြစ်ပွား ခြင်းဖြစ်ကြောင်း ဥတိုကျေးရွာ
ဒေသခံများထံမှ သိရသည်။

“သူတို့တွေနေတဲ့ အိမ်တွေက ရွာနဲ့ ဝေးတဲ့ တဲစုလေးတွေမှာနေတာ။ သေတဲ့
ကောင်လေးဆိုရင် ရာဘာခြံမှာ တစ်ယောက်တည်း လာလုပ်နေတာ။ ခုတ်တဲ့
ကောင်လေးကတော့ မိန်းမ ယောက္ခမနဲ့ အတူတူနေတာ။ အဲ့နေ့က သူက ညနေ ၄
နာရီ လောက်ကတည်းက ကိုင်းတွေ မီးရှို့နေတာတော့ တွေတယ်။ နောက်ပိုင်း
ဘာတွေ ဆက်ဖြစ်တယ် ဆိုတာတော့မသိဘူး” ဟု ဥတိုကျေးရွာနေ ဦးအုန်းသန်းက
ပြောသည်။

ယခုအခါ ပြစ်မှုကျူးလွန်သည်ဟု ရဲစခန်းတွင် ဝန်ခံထားသူ ဆိုးပေ ၂၆ နှစ်အား
ချောင်းသာ ရဲစခန်းက (ပ)၈၆/၂၀၁၅ ပြစ်မှု ပုဒ်မ ၃၀၂(က) ဖြင့် အမှုဖွင့်
ဖမ်းဆီး စစ်ဆေးလျက်ရှိကြောင်း သိရသည်။

သတင်း - MMK
The Ladies News Journal
https://www.facebook.com/News.TheLadies


 ထိုင်းနိုင်ငံမှာ မြန်မာရွှေ့ပြောင်းအလုပ်သမား လူငယ်နှစ်ဦးကို မုဒိမ်းမှု၊ လူသတ်မှု စွဲချက်တွေနဲ့ သေဒဏ် ချမှတ်လိုက်လို့ မြန်မာနိုင်ငံတွင်းမှာ မကျေမနပ် ဆန့်ကျင်ဆန္ဒပြပွဲတွေ ပေါ်ပေါက်နေပေမယ့် ၊ မြန်မာ့လေကြောင်းလိုင်း MAI ရဲ့ ရန်ကုန်နဲ့ ဘန်ကောက် ပျံသန်းပြေးဆွဲနေတဲ့ လေကြောင်းခရီးစဉ်တွေ ပုံမှန်အတိုင်းပဲရှိနေမှာ ဖြစ်ကြောင်း MAI က ပြောပါတယ်။

ခိုတောင်းကျွန်းအမှု စီရင်ချက်ကြောင့် ရန်ကုန် ဘန်ကောက် ခရီးစဉ်တွေကို လျှော့ချတာ၊ ဖျက်သိမ်းတာတွေ လုပ်မှာမဟုတ်ဘဲ၊ မူလအတိုင်း ပျံသန်းနေမှာဖြစ်ကြောင်း MAI ရဲ့ လက်ထောက် အထွေထွေမန်နေဂျာ က ပြောပါတယ်။

MAI ရဲ့ ရန်ကုန် ဘန်ကောက် ခရီးစဉ်ကို တစ်ရက် နှစ်ကြိမ် ပြေးဆွဲနေပါတယ်။

ရန်ကုန်မှာရှိတဲ့ ထိုင်းသံရုံးကတော့ ဆန္ဒပြပွဲတွေကြောင့် ဗီဇာ ဆိုင်ရာလုပ်ငန်းတွေကို ဒီဇင်ဘာ ၂၈ ရက်နေ့ကနေ ၃ဝ ရက်နေ့အထိ သုံးရက် ရပ်နားခဲ့ပါတယ်။

RFA Burmese
http://www.rfa.org/burmese


( မြန်မာ့အသံနှင့်ရုပ်မြင်သံကြားတွင် ၃၁-၁၂-၂၀၁၅ ရက်နေ့ညတွင် ထုတ်လွှင့်မည့် ပြည်ထောင်စုလွှတ်တော်နာယက၊ ပြည်သူ့လွှတ်တော်ဥ့က္ကဋ္ဌ၏ ပြည်သူများသို့ နှစ်သစ်ကူးဆုတောင်းအမှာစကား )

❖ ပြည်သူလူထုတစ်ရပ်လုံး ယနေ့မှစ၍ နှစ်ကုန်အထိ မင်္ဂလာအပေါင်းနှင့် ပြည့်စုံကြပါစေ။ ဘေးဘယာအပေါင်းနှင့် ကင်းဝေးကြပါစေ။

❖ တစ်ဦးနှင့်တစ်ဦး တစ်ဖွဲ့နှင့်တစ်ဖွဲ့၊ တစ်စုနှင့်တစ်စု စေတနာမေတ္တာ၊ သံယောဇဉ်တရားများကို မှန်ကန်စွာ ထိန်းသိမ်း ထားရှိ နိုင်ကြပါစေ။

❖ ယနေ့ကာလသည် ပြည်သူများ၏ဆန္ဒနှင့်အညီ အပြောင်းအလဲပြုလုပ်၍ အကောင်းများ ဖြစ်ပေါ်ရရှိရေးကို ပိုမိုမျှော်လင့် နိုင်ကြပြီဖြစ်သည်။

❖ ယနေ့ကာလသည် ပြည်သူလူထု၏ ကိုယ်စိတ်နှစ်ပါးလုံးကို လုံခြုံမှုပေးနိုင်ပြီး ငြိမ်းချမ်းသော၊ ခေတ်မီတိုးတက်သော ပြည်ထောင်စုကြီး ပေါ်ထွန်းရေးအတွက် အခွင့်အလမ်းများကို ပိုမိုရရှိလာပြီဖြစ်သည်။

❖ ယနေ့ကာလသည် ရရှိလာသောအခွင့်အလမ်းကောင်းများကို အမိအရ အသုံးပြုရမည့် အချိန်လည်းဖြစ်သည်။

❖ ဤသို့ဖြင့် အမျိုးသားအချင်းချင်း ပိုမိုပြန်လည်သင့်မြတ်ကြပြီး ထားရှိထိန်းသိမ်းသင့်သော မျိုးချစ်စိတ်ဓာတ်များ ရရှိလာမည် ဖြစ်ပါသည်။

❖ ဆက်လက်ပြီး စေတနာမှန် လုပ်နည်းမှန်များဖြင့် အစဉ်အမြဲ တိုင်ပင်ညှိနှိုင်းခြင်း ပူးပေါင်းဆောင်ရွက်ခြင်းများ ပြုလုပ်ကြပါလျှင် မြန်မာတို့၏ ဂုဏ်သိက္ခာကို တနေ့တခြား မြှင့်တင်နိုင်မည် ဖြစ်ပါသည်။

❖ ပြည်သူတစ်ဦးချင်းစီကလည်း ရောက်ရာအရပ်မှာ ကျရာတာဝန်ကို ကိုယ်စီကိုယ်ငှ တာဝန်ကျေစွာ ပါဝင်ထမ်းရွက်ပြီး နိုင်ငံအတွက်၊ ပြည်သူအတွက်၊ နိုင်ငံဂုဏ်သိက္ခာအတွက် မြှင့်တင်ဆောင်ရွက်နိုင်ကြပါစေကြောင်း ဆန္ဒပြု ဆုတောင်း လိုက်ပါတယ်။

✔ ကောင်းကျိုးလိုရာဆန္ဒများ ပြည့်ဝကြပါစေ။
✔ ကောင်းကျိုးလိုရာဆန္ဒများ ဖြည့်ဆည်းပေးနိုင်သည့် နိုင်ငံ့သားကောင်း၊ နိုင်ငံ့သမီးမွန်များ ဖြစ်ကြပါစေ။
သူရဦးရွှေမန်း၏ နှစ်သစ်ကူးဆန္ဒမွန်

သူရဦးရွှေမန်း၏ နှစ်သစ်ကူးဆန္ဒမွန် ❖ ပြည်သူလူထုတစ်ရပ်လုံး ယနေ့မှစ၍ နှစ်ကုန်အထိ မင်္ဂလာအပေါင်းနှင့် ပြည့်စုံကြပါစေ။ ဘေးဘယာအပေါင်းနှင့် ကင်းဝေးကြပါစေ။❖ တစ်ဦးနှင့်တစ်ဦး တစ်ဖွဲ့နှင့်တစ်ဖွဲ့၊ တစ်စုနှင့်တစ်စု စေတနာမေတ္တာ၊ သံယောဇဉ်တရားများကို မှန်ကန်စွာ ထိန်းသိမ်း ထားရှိ နိုင်ကြပါစေ။❖ ယနေ့ကာလသည် ပြည်သူများ၏ဆန္ဒနှင့်အညီ အပြောင်းအလဲပြုလုပ်၍ အကောင်းများ ဖြစ်ပေါ်ရရှိရေးကို ပိုမိုမျှော်လင့် နိုင်ကြပြီဖြစ်သည်။❖ ယနေ့ကာလသည် ပြည်သူလူထု၏ ကိုယ်စိတ်နှစ်ပါးလုံးကို လုံခြုံမှုပေးနိုင်ပြီး ငြိမ်းချမ်းသော၊ ခေတ်မီတိုးတက်သော ပြည်ထောင်စုကြီး ပေါ်ထွန်းရေးအတွက် အခွင့်အလမ်းများကို ပိုမိုရရှိလာပြီဖြစ်သည်။❖ ယနေ့ကာလသည် ရရှိလာသောအခွင့်အလမ်းကောင်းများကို အမိအရ အသုံးပြုရမည့် အချိန်လည်းဖြစ်သည်။❖ ဤသို့ဖြင့် အမျိုးသားအချင်းချင်း ပိုမိုပြန်လည်သင့်မြတ်ကြပြီး ထားရှိထိန်းသိမ်းသင့်သော မျိုးချစ်စိတ်ဓာတ်များ ရရှိလာမည် ဖြစ်ပါသည်။❖ ဆက်လက်ပြီး စေတနာမှန် လုပ်နည်းမှန်များဖြင့် အစဉ်အမြဲ တိုင်ပင်ညှိနှိုင်းခြင်း ပူးပေါင်းဆောင်ရွက်ခြင်းများ ပြုလုပ်ကြပါလျှင် မြန်မာတို့၏ ဂုဏ်သိက္ခာကို တနေ့တခြား မြှင့်တင်နိုင်မည် ဖြစ်ပါသည်။❖ ပြည်သူတစ်ဦးချင်းစီကလည်း ရောက်ရာအရပ်မှာ ကျရာတာဝန်ကို ကိုယ်စီကိုယ်ငှ တာဝန်ကျေစွာ ပါဝင်ထမ်းရွက်ပြီး နိုင်ငံအတွက်၊ ပြည်သူအတွက်၊ နိုင်ငံဂုဏ်သိက္ခာအတွက် မြှင့်တင်ဆောင်ရွက်နိုင်ကြပါစေကြောင်း ဆန္ဒပြု ဆုတောင်း လိုက်ပါတယ်။✔ ကောင်းကျိုးလိုရာဆန္ဒများ ပြည့်ဝကြပါစေ။✔ ကောင်းကျိုးလိုရာဆန္ဒများ ဖြည့်ဆည်းပေးနိုင်သည့် နိုင်ငံ့သားကောင်း၊ နိုင်ငံ့သမီးမွန်များ ဖြစ်ကြပါစေ။ (သူရ ဦးရွှေမန်း လူမှုကွန်ယက်မှ ကူးယူသည်။)

Posted by Mizzima - News in Burmese on Wednesday, December 30, 2015
H.E. Thura U Shwe Mann
https://www.facebook.com/HEThuraUShweMann


ဒီနေ့ဟာ ၂၀၁၅ ခုနှစ်ရဲ့ နောက်ဆုံးနေ့ ဖြစ်ပါတယ်။ မကြာခင်မှာ နှစ်ဟောင်းကုန်ဆုံးလို့ ၂၀၁၆ ခုနှစ်ကို ကူးပြောင်းတဲ့ မင်္ဂလာနှစ်သစ် အချိန်အခါသမယ ကျရောက်တော့မှာ ဖြစ်ပါတယ်။  ကမ္ဘာ့ နိုင်ငံ အသီးသီးက မြို့ကြီးတွေမှာ နှစ်သစ်ကို ကြိုဆိုဖို့ ပြင်ဆင်နေကြချိန်မှာ အမေရိကန်နိုင်ငံရောက် မြန်မာ ဘာသာရေး ခေါင်းဆောင်တွေကလည်း နှစ်သစ်အတွက် ဆုမွန်ကောင်း တောင်းပေးခဲ့ကြပါတယ်။ ဒီအကြောင်းကို ကိုရဲခေါင် က တင်ပြထားပါတယ်။

၂၀၁၅ ခုနှစ်မှာ မြန်မာနိုင်ငံရဲ့ အထွေထွေ ရွေးကောက်ပွဲ ကျင်းပနိုင်ခဲ့ပြီး၊ အတိုက်အခံပါတီက အမတ်နေရာ အများစု အနိုင်ရခဲ့တာလိုမျိုး အရေးကြီးတဲ့ အပြောင်းအလဲတွေ ကြုံခဲ့ရပါတယ်။ လာမယ့် ၂၀၁၆ ခုနှစ်မှာလည်း အနိုင်ရပါတီက ဖွဲ့စည်းလိုက်တဲ့ အစိုးရသစ်ကို အာဏာလွှဲပြောင်းပေးတာ အပါအ၀င် နိုင်ငံရေး၊ စီးပွားရေးနဲ့ ငြိမ်းချမ်းရေးအတွက် ပိုမိုကောင်းမွန်ခိုင်မာတဲ့ အပြောင်းအလဲတွေ ဆက်လက် ဖြစ်ထွန်းဖို့ မျှော်လင့်ချက်တွေ ရှိနေပါတယ်။

အခုလို နှစ်တစ်နှစ် ကုန်ဆုံးသွားတိုင်း အတိတ်က သင်ခန်းစာယူသလို၊ ပစ္စုပ္ပန်မှာ လမ်းမှား မရောက်အောင် သတိမူပြီး ရှေ့ဆက်သွားဖို့ လိုတယ်လို့ အမေရိကန် ပြည်ထောင်စု မြောက်ကယ်ရိုလိုင်းနားပြည်နယ် ဂျိမ်းစ်တောင်းမြို့ မြန်မာဗုဒ္ဓဘာသာ ဘုန်းတော်ကြီးကျောင်းက ဆရာတော် ဦးနန္ဒာဝံသက နှစ်သစ်အတွက် ဆုတောင်းသြ၀ါဒ မြွက်ကြားလိုက်ပါတယ်။

“ဦးဇင်းတို့ ဗုဒ္ဓဘာသာက အချိန်ကာလကို လက်ခံထားတဲ့ ဘာသာတရားဖြစ်တယ်။ အချိန်ဟာ အင်မတန်မှ တန်ဖိုးရှိတယ်။ အချိန်ကာလတွေ ပြောင်းတိုင်းပြောင်းတိုင်း ရောက်ရှိနေတဲ့ ပစ္စုပ္ပန်အချိန်ကာလမှာ နောက်ကို ပြန်ကြည့်ပြီးတော့ ရှေ့ကို သတိထားပြီးတော့ အခု ပစ္စုပ္ပန်လျှောက်နေတဲ့လမ်းကို မမှားမိဖို့က အင်မတန်မှ အရေးကြီးတယ်။ မဇ္ဈိမပဋိပဋာလမ်းစဉ်အတိုင်း လျှောက်မယ်ဆိုလို့ရှိရင် ဦးဇင်းတို့ အနာဂတ်ဟာလည်းပဲ ဦးဇင်းတို့ တောက်ပြောင်တဲ့ အနာဂတ်ဖြစ်လာမှာပါ။ လူသားတယောက်ပဲဖြစ်ဖြစ်၊ လူသားတယောက်ရဲ့ ပတ်ဝန်းကျင်ပဲဖြစ်ဖြစ်၊ မိမိတို့ နေထိုင်တဲ့ နိုင်ငံပဲဖြစ်ဖြစ်၊ မိမိတို့နေထိုင်တဲ့ ကမ္ဘာကြီးပဲဖြစ်ဖြစ် ပစ္စုပ္ပန်အချိန်မှာ လမ်းမမှားဖို့က အင်မတန်မှ အရေးကြီးပါတယ်။ ဒါကြောင့်မို့လို့ ဦးဇင်းတို့က ဒုက္ခတွေအများကြီး မခံစားချင်ဘူးဆိုရင် မိမိတို့ အတိတ်က မှားတဲ့အရာတွေကို သင်ခန်းစာယူပြီးတော့ ပစ္စုပ္ပန်မှာ အဲဒီအမှားကို အမှန်ဖြစ်အောင် လုပ်ကြရပါမယ်။ အဲဒါကြောင့်မို့လို့ ဒီ ၂၀၁၆ ခုနှစ်မှာ ဘုန်းကြီးအနေနဲ့ကတော့ နောက်ကိုပြန်ကြည့်၊ ရှေ့ကိုသတိထား၊ လမ်းမမှားစေနဲ့ ဆိုပြီးတော့ သြ၀ါဒပေးချင်ပါတယ်။”

အမေရိကန်နိုင်ငံ ကန်တကီပြည်နယ်က မြန်မာ ကက်သလစ် သင်းအုပ်ဆရာ Father Timothy ကလည်း နှစ်သစ်မှာ သာယာငြိမ်းချမ်းပြီး တည်ငြိမ်ဖွံ့ဖြိုးတဲ့ ကမ္ဘာမြေဖြစ်စေဖို့ ဆုတောင်းပေးလိုက်ပါတယ်။

“နှစ်သစ်ကူးဆုတောင်းကတော့ ဘုရားရှင်ယေရှုကနေပြီးတော့မှ လောကလူသားများအားလုံးကို စိတ်နှလုံးကို နူးညံ့စေဖို့၊ သိမ်မွေ့စေဖို့၊ နှိမ့်ချခြင်း ပါရမီအားဖြင့် တယောက်နဲ့တယောက် ကူညီဖြည့်ဆည်း  ပံ့ပိုးပေးလို့ရှိရင် စစ်မက်တွေ ရန်ငြိုးရန်စတွေ ဖျက်လိုဖျက်ဆီးဆိုတဲ့ မကောင်းတဲ့ စိတ်ထားတွေက ပပျောက်သွားမှာ ဖြစ်ပါတယ်။ နှစ်သစ်မှာ Father ဆန္ဒပြုတာကတော့ ဘုရားရဲ့ အပြည့်စုံဆုံး အကြွင်းမဲ့ပေးဆပ်တတ်တဲ့ ချစ်ခြင်းမေတ္တာ၊ ပြည့်ဝဆုံးသော အသေခံခြင်းအားဖြင့် တယောက်ကိုတယောက် ရိုင်းပင်းကူညီပြီးတော့မှ ပံ့ပိုးဖြည့်ဆည်းပေးခြင်းအားဖြင့် သာယာသော၊ ငြိမ်းချမ်းသော၊ အေးမြသော၊ တည်ငြိမ်သော၊ ဖွံ့ဖြိုးသော လူသားများရဲ့ ကမ္ဘာဖြစ်ပါစေလို့ ဆန္ဒပြု ဆုတောင်းပေးပါတယ်။”

ဒါ့အပြင် မြန်မာနိုင်ငံမှာ ဆက်လက်ဖြစ်ပွားနေတဲ့ ပြည်တွင်းပဋိပက္ခတွေ ရပ်တန့်ပြီး၊ ငြိမ်းချမ်းရေး ရဖို့ဆိုရင် စာရွက်ပေါ်မှာ လက်မှတ်ထိုးရုံတင်မဟုတ်ဘဲ၊ နှလုံးသားတိုင်းမှာ ဘုရားရှင်ရဲ့ ချစ်ခြင်း မေတ္တာနဲ့ လက်မှတ်ရေးထိုးမှသာလျှင် ပြည့်ဝတဲ့ ငြိမ်းချမ်းရေး ရနိုင်မယ်လို့ Father Timothy က ပြောကြားလိုက်ပါတယ်။

“စစ်မက်ဖြစ်နေတဲ့ ပြည်တွင်းစစ်ဒေသတွေမှာတော့ တကယ့်တကယ်မှာတော့ စစ်မှန်တဲ့ ငြိမ်းချမ်းရေးကို တည်ဆောက်ဖို့ဆိုရင် စာရွက်ပေါ်မှာတင် လက်မှတ်ထိုးတာ မဟုတ်ဘဲနဲ့ နှလုံးသားတိုင်းမှာ ဘုရားရှင်ရဲ့ ချစ်ခြင်းမေတ္တာဘောပင်နဲ့ ဘုရားရဲ့ ခွင့်လွှတ်ခြင်းစာရွက်ပေါ်မှာ လက်မှတ်ထိုးမှသာလျှင် တကယ့် ပြည့်စုံပြည့်ဝတဲ့ ငြိမ်းချမ်းခြင်းဆိုတာ ရှိမှာ ဖြစ်ပါတယ်။ ငြိမ်းချမ်းရေးဆိုတဲ့နေရာမှာ စစ်မက်ဖြစ်တာ၊ တိုက်ခိုက်မှု ကင်းမဲ့တာကို စစ်မှန်တဲ့ ငြိမ်းချမ်းရေးလို့ မခေါ်ပါဘူး။ ခွင့်လွှတ်ခြင်း၊ အကြွင်းမဲ့ ဆေးကြောသန့်စင်လိုက်တဲ့ ခွင့်လွှတ်ခြင်း ကိုယ့်မှာ အာဃာတ ရန်ငြိုးရန်စ မထားတော့တဲ့ မရှိတော့တဲ့ ဖြူစင်သန့်ရှင်းတဲ့ နှလုံးသားတွေနဲ့ ခွင့်လွှတ်ပေးနိုင်မယ်ဆိုရင်တော့ ဒါမှသာလျှင် ဘုရားပေးတဲ့ ဘုရားလိုလားတဲ့ ပြည့်စုံပြည့်ဝတဲ့ ငြိမ်းချမ်းခြင်းမျိုးဖြစ်မှာ။ အဲ့သလိုမျိုး ဘုရားပေးတဲ့ အပြစ်အနာအဆာ မရှိတော့တဲ့ ခွင့်လွှတ်ခြင်းနဲ့ ပြည့်စုံသော လူသားတိုင်းရဲ့ နှလုံးသားတိုင်းမှာ လူသားတိုင်းရဲ့ ဘ၀ထဲမှာ လူသားတိုင်းနေထိုင်တဲ့ နေရာဒေသ တိုင်း၊ ပြည်နယ် တနိုင်ငံလုံးမှာ ပြည့်စုံစွာ သက်ရောက်ပါစေလို့ Father ဆုတောင်းတဲ့ သတင်းစကားလေး ပေးချင်ပါတယ်။”

လာမယ့်နှစ်သစ်မှာ ကြုံတွေ့ရနိုင်တဲ့ စိန်ခေါ်မှုတွေကို ရင်ဆိုင်နိုင်ဖို့ဆိုရင် အတိတ်က ဖြစ်ရပ်တွေကို သင်ခန်းစာယူပြီး မဇ္ဈိမပဋိပဋာ လို့ခေါ်တဲ့ အလယ်အလတ်လမ်းစဉ်နဲ့ ဆက်လက်လျှောက်လှမ်းဖို့ လိုတဲ့အကြောင်း ဘာသာရေးခေါင်းဆောင်တွေက နှစ်သစ်အတွက် သတင်းစကား မြွက်ကြားခဲ့ကြတာ ဖြစ်ပါတယ်။

ရဲခေါင် / ဗွီအိုအေ (မြန်မာပိုင်း)
http://burmese.voanews.com


 ပြီးခဲ့တဲ့ နိုဝင်ဘာလ ရွေးကောက်ပွဲ အတွင်း ပေါ်ထွက်ခဲ့တဲ့ အနိုင်အရှုံး အဖြေ တွေ ကို မကျေနပ် လို့ ကန့်ကွက် တိုင်ကြား ထားတဲ့ အမှုတွေ ကို စစ်ဆေး တဲ့ အခါ ဘယ်တော့ အပြီး ဆုံးဖြတ် ပေးရမယ် ဆိုတဲ့ အချိန် ကန့်သတ်မှု မရှိဘူး လို့ ရွေးကောက်ပွဲ ကော်မရှင် က ပြောပါတယ်။

ကန့်ကွက်လွှာ တင်သွင်းထားတဲ့ အမှုပေါင်း ၄၀ ရှိနေပြီး၊ အဲဒီ တိုင်ကြားစာ ထဲက တချို့ကို ခုံရုံးဖွဲ့ စစ်ဆေး နေပြီ ဖြစ်တယ်လို့ ရွေးကောက်ပွဲ ကော်မရှင် ညွှန်ကြားရေးမှူး ဦးသိန်းဦး က ဘီဘီစီ ကို ပြောပါတယ်။

လက်ရှိ လွှတ်တော် သက်တမ်းဟာ ဇန်နဝါရီ လကုန်ရင် ပြီးဆုံး တော့မှာ ဖြစ်ပြီး နောက်လွတ်တော် အသစ် စတင်ရမှာ ဖြစ်ပါတယ်။

အဲဒီ့ အသစ် စတင်မယ့် လွှတ်တော် မှာ ကန့်ကွက် ခံထားရ လို့ အမှုကြား နာ မှု ခံယူ နေရတဲ့ ရွေးကောက်ပွဲ အနိုင်ရ လွှတ်တော် အမတ် တွေ ပုံမှန် အတိုင်း တက်ရောက် နိုင်တယ် လို့ ဦးသိန်းဦး က ပြောပါတယ်။

ရွေးကောက်ပွဲ ဆိုင်ရာ အငြင်းအခုံ ဖြစ်မှုတွေကို အချိန် အကန့် အသတ် အတိတကျ မသတ်မှတ် ထား ပေမယ့် နှစ်နဲ့တော့ ချီ မကြာ နိုင်ပဲ သက်ဆိုင်ရာ ရွေးကောက်ပွဲ ကော်မရှင် ခုံရုံးက လပိုင်း လောက်ပဲ အချိန်ယူကာ အပြီး အပြတ် အဆုံး အဖြတ် ပေးနိုင်တယ် လို့လည်း ဦးသိန်းဦးက ဆိုပါတယ်။

ရွေးကောက်မှာ တရားနည်းလမ်း အတိုင်း အနိုင်ရတာ မဟုတ်ပဲ ရွေးကောက်ပွဲ ဥပဒေ နဲ့ ငြိစွန်းကြောင်း မကျေနပ်ရင် လွှတ်တော် အမတ်တစ်ဦးချင်း အလိုက် အနိုင်ရ ကြေညာခဲ့တဲ့ နေ့ ကနေ ၄၅ ရက် အတွင်း ကော်မရှင်ထံ တိုင်ကြား နိုင်တာ ဖြစ်ပါတယ်။

ရွေးကောက် ပွဲရလဒ် နောက်ဆုံး ကြေညာခဲ့တာက နိုဝင်ဘာလ ၂၀ ရက်နေ့ ဖြစ်တဲ့အတွက် အဲ့ဒီ နောက်ဆုံး ကြေညာ ခံရတဲ့ သူတွေဟာ ဇန္နဝါရီလ ၄ ရက်နေ့မှာ ၄၅ ရက်အချိန် ပြည့်မှာ ဖြစ်ပါတယ်။

BBC Burmese
https://www.facebook.com/bbcburmese


 ဒေသခံ ရှမ်းနှင့် အခြားတိုင်းရင်းသူ အမျိုးသမီးများ အပါအ၀င် မူဆယ် ဒေသခံ
အနည်းဆုံး လူ ၂၀ ကျော်ခန့်ကို ကေအိုင်အေ တပ်မဟာ (၄) မှ ဖမ်းဆီးထားကြောင်း
မူဆယ်ဒေသခံများထံမှ သိရသည်။

‘ကျန်တေ်ာတို့ဆီမှာ စာရင်းရတာ အနည်းဆုံး ၁၅ ဦး ရှိနေပြီ ကျန်တဲ့ ရွာတွေမှာ
လည်း တစ်ရွာ ၇ ယောက်နှုန်းလောက်နဲ့ စစ်သားပေးဖို့ တောင်းနေတာ တချို့
လည်း ပေးနေရတယ်ကြားတယ် ။ စာရင်းကတော့ ထပ်စုနေဆဲပဲ ရက်ပိုင်းအတွင်း ၊
ဒီလထဲမှာကို ကေအိုင်အေက ဆွဲသွားတာ” ဟု မူဆယ် ရှမ်းစာပေနှင့် ယဉ်ကျေးမှု
အသင်းမှ စိုင်းယဉ်လိတ်က ဒီဇင်ဘာလ ၃၀ ရက်နေ့ ညပိုင်းတွင် The Ladies news
သို့ အတည်ပြုပြောဆိုသည်။

ပြီးခဲ့သည့် ဒီဇင်ဘာလ ၂၈ ရက်နေ့နှင့် ၂၉ ရက်နေ့တို့တွင် မူဆယ်မြို့နယ် နမ့်အွမ်း
ကျေးရွာအုပ်စု၌ ကျင်းပသည့် ရှမ်းနှစ်သစ် ကောက်သစ် ကောက်သစ်စားပွဲတော်ကို
ကျင်းပခဲ့ရာ အဆိုပါ ပွဲတော်ကို လာရောက်သည့် ရှမ်းနှင့် တအာင်းပလောင်
အမျိုးသမီးများ အပါဝင် စုစုပေါင်း ဒေသခံ ၁၅ ဦးကို ကေအိုင်အေမှ ဖမ်းဆီးသွားခဲ့
ကြောင်း ဒေသခံများမှ The Ladies news သို့ တညီတညွတ်တည်း ပြောဆိုသည်။

“ကျန်တော်တို့ နမ့်အွမ်ရွာက ပွဲတော်ကို လာတဲ့အချိန်မှာ ဖြစ်ကုန်တာ ၊ ရုပ်လည်း
ဆိုးတယ် ၊ ကေအိုင်အေ လုပ်ရပ်ကို ကန့်ကွက်ပါတယ်” ဟု နမ့်အွမ်ဒေသခံဖြစ်သူ
စိုင်းယီက ပြောသည်။

ကေအိုင်အေ တပ်မဟာ ၄ အနေဖြင့် ယင်းကဲ့သို့ ဖမ်းဆီးမှုများ အပါဝင် မူဆယ်
ဒေသတွင်း ကျေးရွာများကို တစ်ရွာလျှင် လူ (၇) ဦးကျ စစ်သားစုဆောင်းမှုအတွက်
ပေးကြရန် (သို့မဟုတ်) မပေးနိုင်ပါက ရန်ပုံငွေထည့်ရန်လည်း အကြောင်းကြားစာ
များ ပေးပို့ထားကြောင်း မူဆယ်ဒေသခံ ရှမ်းအသိုင်းဝိုင်းမှ အတည်ပြု ပြောဆိုပြီး
တအာင်းပလောင် လူငယ်များကလည်း တအာင်းပလောင် အမျိုးသမီးများပါ
ဖမ်းဆီးခံရမှုများ ရှိနေကြောင်း The Ladies သို့ အတည်ပြုပြောဆိုသည်။

‘မူဆယ် ပန်ဝိုင်းဘက်မှာ တအာင်းပလောင် လူငယ် အမျိုးသမီးတွေရော အမျိုးသား
တွေရော အဖမ်းခံလိုက်ရတယ် ကေအိုင်အေက ဆွဲသွားတာ’ ဟု တအာင်းပလောင်
ဒေသအတွင်း သတင်းများကို အဓိက ရေးသားထုတ်ဝေနေသည့် လားရှိုးအခြေစိုက်
မားနဂါးဂျာနယ်မှ အယ်ဒီတာ မိုင်းကောင်းဆိုင်က ပြောသည်။

ဖမ်းဆီးခေါ်ဆောင် သွားမှုများနှင့် ပတ်သက်၍ မူဆယ်အခြေစိုက် ရှမ်းစာပေ
ယဉ်ကျေးမှု အသင်းကလည်း ကန့်ကွက်ကြောင်း ကြေညာာချက်တစ်ရပ်ကို
ဒီဇင်ဘာလ ၃၀ ရက်နေ့ ရက်စွဲဖြင့် ထုတ်ပြန်ထားပြီး လူငယ်များကို မိဘများထံ
ပြန်လည် အပ်နှံရန်လည်း တောင်းဆိုထားသည်။

‘ကျန်တော်တို့က တိုင်းရင်းသား အရေးအတွက် တော်လှန်နေတဲ့ အဖွဲ့တွေကို ဘ၀တူ
တွေအဖြစ် သတ်မှတ်ပြီး တစ်ချိန်လုံး သူတို့ဘက်က ရပ်ခံပြောဆိုပေးခဲ့တယ်။ အခုလို
လက်နက်အားကိုးနဲ့ ပြည်သူတွေ အမျိုးသမီးတွေကို အနိုင်ကျင့်တာ တော်တော်
ရုပ်ဆိုးတယ် ။ ရှုံ့ချပါတယ်” ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD မှ
ပြောခွင့်ရ ဦးစိုင်းလိတ်က ပြောသည်။

ယင်းကိစ္စနှင့် ပတ်သက်၍ ကေအိုင်အေ ဒုတိယ စစ်ဦးစီးချုပ် ဗိုလ်ချုပ်ဂွန်မော်ထံ
The Ladies မှ ဆက်သွယ် မေးမြန်းခဲ့သော်လည်း ခရီးသွားနေသောကြောင့်
ဆက်သွယ်၍ မရခဲ့ပေ။

ကေအိုင်အေနှင့် နီးစပ်သူတစ်ဦးကမူ တပ်မဟာ (၄) မှ ဖမ်းဆီး သွားသည်
ဆိုသည်မှာ မှန်ကန်ပါက ကေအိုင်အေမှ ပြန်လည် စိစစ်ပေးသွားမည် ဖြစ်ကြောင်း
ပြောသည်။

“တပ်မဟာ (၄) က ရှမ်းပြည်နယ် မြောက်ပိုင်းမှာ ရှိနေတော့ ဗဟိုထိန်းချုပ်မှုနဲ့
အနည်းငယ်ဝေးနေတဲ့ အခြေနေမှာ ရှိနေပါတယ်” ဟု ကချင်ငြိမ်းချမ်းရေး ကွန်ရက်မှ
ဒေါ်ခွန်ဂျာက ပြောသည်။

ABSDF ကျောင်းသားတပ်မတော် ဥက္ကဋ္ဌဟောင်းနှင့် မြန်မာ့အရေး လေ့လာသူ
ဒေါက်တာနိုင်အောင်ကမူ “ကျန်တော့် အတွေ့အကြုံအရ တိုင်းရင်းသား
လက်နက်ကိုင်တွေ အနေနဲ့ တစ်ခါတစ်ခါ စစ်အစိုးရကို တော်လှန်ရင်း စစ်တပ်က
လုပ်နေတဲ့ လုပ်ရပ်တွေကိုပါ လိုက်ပြီး ကျူးလွန်မိတာတွေ ရှိတယ်။ အဓမ္မမှုဆိုတာ
မကောင်းပါဘူး။ ဒီပြသ၁နာတွေကို ဖြေရှင်းဖို့လိုတယ်။ ဥပမာအားဖြင့် ရှမ်းမြောက်မှာ
ကချင်တွေရှိနေတာ ၊ ကချင်ပြည်နယ်မှာ ရှမ်းတွေရှိနေတာ ခံနေရတာတွေကို
တော်လှန်ရေး လုပ်နေတာပဲဆိုပြီး မျက်ကွယ်မပြုသင့်ဘူး။ သက်ဆိုင်ရာ
တိုင်းရင်းသား ခေါင်းဆောင်တွေအနေနဲ့ ညှိနှိုင်းပြီး ဖြေရှင်းသင့်ပါတယ် ‘ ဟု
မှတ်ချက်ပြု ပြောဆိုသည်။

The Ladies News Journal
https://www.facebook.com/News.TheLadies

"" ကိုယ့်နိုင်ငံ ကိုယ့်လူမျိုးရဲ့ ရှေးဟောင်း ယဉ်ကျေးမှု အမွေ အနှစ်ကို ကိုယ်မှ တန်ဘိုးမထားရင် ဘယ်သူတွေက တန်ဘိုး ထားကြမှာတဲ့လဲ..! "
ပုဂံ ဘုရားဖူး သွားတဲ့ သယ်ရင်းတွေ နံရံပန်းချီစိတ်ဝင်စားရင် ရွှေဂူကြီးနဲ့ ရှင်အာနန္ဒာ အုဋ်ကျောင်း မှာ နံရံဆေးရေးပန်းချီ တော်တော်ကောင်းကောင်းတွေ ကျန်သေးတယ်နော်။ လုံးဝဓါတ်ပုံရိုက်ခွင့် မရှိပါဘူး။

အာနန္ဒာအုဋ်ကျောင်းက အာနန္ဒာစေတီတော် ကြီးရဲ့ အနောက်ဘက်မုဒ်စောင်းတန်းကနေ သွားရင်ရောက်ပါတယ် ။ သော့ခတ်ထားပါတယ် အစောင့်ကို သော့ ဖွင့် ခိုင်းပြီး ဝင်ကြည့် လို့ ရပါတယ်။
ကျန်တဲ့ဘုရားတွေ ရဲ့ ပန်းချီတွေတော်တော်များများကတော့ အများသိကြတဲ့ အတိုင်း
ဒကာတော် ရေမြေ့ ရှင်တွေ ရဲ့ ပညာမဲ့မှုကြောင့် ထုံးသင်္ကန်းအောက်ရောက်သွားရပါတယ်။

အခု ASI (Archaeological Survey of India )အိန္ဒိယ ရဲ့ အကူအညီတွေ နဲ့ နံရံပန်းချီတွေကို စနစ်တကျ အကွက်ဖော် ပြီးး ပြန် ဖော်ထုတ်ပေးထားပါတယ်။ ထုံးသုတ်ထားတဲ့ နေရာတွေမှာ သူတို့ ရဲ့ အဆင့်မြင့် နည်းပညာ နဲ့ထုတ်ထားတဲ့ ကပ်ခွာကော်တမျိုးနဲ့ ကပ် ချလိုက်ပြီး ပြန်ခွာတော့ ထုံးအလွှာက ကပ်ပါလာတဲ့ နည်း နဲ့ အလွှာလိုက် လုပ်ရတာပါ။အလွှာပေါင်း ၇ လွှာလောက်ခွာရတဲ့အပြင် တခါလုပ်ရင် 10sq-cm လောက်ဘဲ လုပ်လို့ရပါတယ်။ အနုစိပ်လုပ်ရတာပါ။ ပြန်ခွာတော့ ပန်းချီတွေ ပါ ကွာသွားလို့ လည်း မဖြစ်ပါဘူး။ဒါကြောင့် သေချာဂရုစိုက် လုပ်ရပါတယ် လောဘကြီးပြီး နေရာ အကျယ်ကြီး မြန်မြန် လုပ်လို့ လဲမရပါဘူး လို့ ပညာရှင်တွေက ပြောပါတယ်။နံရံကြီးတခု လုံး အမိုးတွေ ပါ ဆိုတော့ အချိန် လူအင်အား ငွေကြေး အတော်ကုန်ကျ တာပါ။ အလုပ်သမားသုံးလို့လဲ မရပါဘူး တတ်သိ ပညာရှင်က လုပ်ပေးရတာပါ။ အခြားဘုရားတွေတော်တော်များများ မှာ လည်း ပြန်ခွာပေးထားတာ တွေ့ရပါတယ်။ဒေါ်လာသန်းပေါင်းများစွာ ကုန်ကျပါတယ်တဲ့.!
အဲ့ဒါ တန်ဖိုး သိတဲ့ ပညာရှင်တွေ ဘယ်လောက် ပင်ပန်း ခံပြီး ခက်ခက် ခဲခဲ ပြန် လုပ်ယူရတယ်ဆို တာ သမိုင်းတရားခံကြီးကို ခေါ်ပြ ပြီး မေးမေး ပြီး ရိုက်ချင်ပါတယ်။
အခု လုပ်နေတဲ့ အိန္ဒိယ ပရောဂျက်က နံရံဆေးရေးပန်းချီ တွေ ပြန် ထိမ်းသိမ်းတဲ့ လုပ်ငန်းအပြင် အခြားသုတေသနတွေပါ ရောပါနေတာ ကို တော့ဖြင့် တော်တော်ဘဝင်မကျပါဘူး။
တန်ဘိုး မဖြတ်နိုင်တဲ့ ၁၈ ရာစု နံရံဆေးရေးပန်းချီတွေတော်တော်များများ ပြန်မြင်ခွင့်ရ လို့ ကျေး ဇူး တင်မိပေ မယ့် ဘဝင်မကျတာ ဘာလဲဆိုတော့ နံရံ အတွင်းသား အင်္ဂဒေအချို့နေရာတွေ ကို ခွာကြည့်ထားတာပါဘဲ။ အာနန္ဒာဘုရားကြီးရဲ့ တနေရာမှာ ကီးအုတ်ကို သဲကျောက်နဲ့ ညှပ်ပြီး ဘယ်လို စီခဲ့တယ် ဆိုတာ ကို ပြထားတဲ့နေရာတခု နဂို ကတည်းက ရှိပါတယ်။ ဒါပေမယ့် အခု သူတို့က နေရာ ၄, ၅နရာလောက်ခွာကြည့်ထားတာပါ။

၁၉၇၅ ငလျင်မှာတောင် မပြို ပျက်ဘဲကျန်ခဲ့တဲ့ ဒီ ရှေးဟောင်းအာနန္ဒာ ဟာ ဘာကြောင့် ခိုင်မြဲ ပြီး ကျန်နေခဲ့လဲဆိုတဲ့ တည်ဆောက်ထားတဲ့ ရှေးက နည်းပညာကိုလေ့လာတာပါ။
ပြီးတော့ ရင်ပြင်တော် က ကျောက်ပြား အခင်းတွေ ကို လည်း ခွာ တူး ကြည့်ထားပါတယ် ။ ရင်ပြင်တော် မှာ ကျောက်တွေ အုဋ်တွေ အထပ်ထပ်ခင်းထားခဲ့တာပါ။ အဲ့ဒါတွေကို တူး ပြီး ခွာ ကြည့်တယ် ပြီးတော့ သူတို့ လက်ရာ နဲ့ ပြန်စီခင်း ပေးထားတယ်။ ရှေးဟောင်းလက်ရာ ပျက်ပြီပေါ့။
အဆိုး တကာ့အဆိုးဆုံးကတော့ အာနန္ဒာစေတီ လှိုဏ်ဂူတော်ရဲ့ အတွင်းပါတ်လမ်း ရဲ့တနေရာ မှာ စင်္ကြန် ကျောက်ပြားတွေ ကို တူးခွာ ကြည့်ထားတာ ပါ။အထပ်ပေါင်း ၇ ထပ်တွေ့ ရပါတယ်(ဓါတ် ပုံ ရိုက်ခဲ့ပါတယ်။) အဲ့ဒီ နေရာရဲ့ နေရာကို ရွေးပြီး ၃ လက္မပါတ်လည် ရှိတဲ့ အပေါက် ဖေါက်ပြီး အတွင်းကို တူးထားတာပါဘဲ ၆ ပေလောက် အနက်ရောက်မှာ ကင်မရာချကြည့်ထားပြီပြီ။ သူတို့ နဲ့ စက်ကရိယာတွေ နဲ့ စမ်းသပ် ကြည့် ပြီး ပြီ။ ဆက်မတူးဘို့ နဲ့ ဆက်တူးရင် ဠာပနာတိုက်ကို ထိခိုက်နိုင်ဘွယ်ရှိကြောင်း အတိအကျ ပြောထားပါတယ်။
သူတို့ဟာ ဒီ ဘုရားကြီးဆီကို အထောက်အထားမဲ့ လာပြီး အကုန်ကျ ခံတာမဟုတ်ပါဘူး။ သူတို့ မှာ မြန်မာတွေ မသိတဲ့ သမိုင်း အထောက်အထား ဘယ်နေရာ ဘာရှိတယ် ဆိုတာမျိုး ကျိန်းသေ ရှိမှာပါဘဲ။

ဒါကြောင့် ဒီနေရာကို သူတို့ ရွေးပြီး တူးကြည့်တယ် ထင်တဲ့ အတိုင်းတွေ့ တယ်။ သူတို့ ဘာဒေတာတွေ ရသွားတယ်ဆိုတာလည်း ဘယ်သူမှမသ်သလို ၁၀၀% ကိုယ်တွေကို ပြောပြသွားလိမ့်မယ် လို့ လဲ မယုံ ကြည်ပါဘူး။
ရာဇဝင်ထဲမှာတော့ အာနန္ဒာရဲ့ ဌာပနာတိုက်ဟာ မြေအောက်ထဲမှာပါ။ ဘုရားရဲ့ဌာပနာတွေဟာ များလွန်းပြီး ဌာပနာတိုက်ကို မပိတ်ခင် ကျန်စစ်သားမင်းကြီးဟာ ကြည်ညိုလွန်းလို့ သူ့ကိုပါတခါထဲ ဌာပနာပိတ် ဘို့ တောင်းဆိုလို့ မယ်တော်က မြေလူးပြီး ငိုယိုတောင်းပန် ခဲ့ကြောင်း ရှင်အရဟံက ဘုရားကြည်ညိုတာ လူ့အသက်ကို ပေးဘို့မလိုကြောင်း တရားပြရတယ်လို့ ဆိုပါတယ်။
ဒီ လို ရာဇဝင်နဲ့ အထောက်အထား အတိအကျတွေ သူတို့ဆီမှာရထားနိုင်ပါတယ်။ အခုဆို သူတို့ကြည့်ခွင့်ရသွားပြီ။
အဆိုးဆုံးက တော့ တကယ့် အရေး ကြီးတဲ့ ရှေးဟောင်း တန် ဘိုး မဖြတ် နိုင်တဲ့ အရာတွေ ကို လက်ရာပျက်အောင်လုပ်နေတာတွေ ဖောက်ထွင်း နေတာတွေ ကိုမြန်မာအစိုးရ ဘက်က စောင့် ကြပ်နေတဲ့ ယူနီဖောင်းဝတ် လုံခြုံရေး ယူမထားခြင်းပါဘဲ။ တယောက်မှကို မရှိပါဘူး။ ကိုယ့် ဆီမှာတွင်းထဲချလို့ရတဲ့ ကင်မရာပါရင်တောင် ခိုးပြီးချကြည့် လို့ ရတဲ့အနေအထားပါ။အခုဆို စေတီရဲ့ လုံးတော်ပြည့် ရွှေသင်္ကန်းကပ်တဲ့နေရာတွေ မှာလဲသူတို့ တွေနဲ့ လုပ်နေတာပါ။ အတွင်းက ရုပ်ပွားတော်ပြီးတွေ ရွှေသင်္ကန်း ပြန်ကပ် တယ် ဆိုပြီး ငြမ်းတွေ နဲ့ လုပ်နေကြတာ လည်းသူတို့ပါဘဲ။

ကိုယ်ကတော့လေ ဒီ အစိုးရကို မယုံလို့လားမသိဘူး။ သူတို့ လုပ်ကိုင်နေတာတွေ ကို အရမ်းစိုးရိမ်မိတယ်။
စေတီအောက်ခြေနားမှာ ကပ်ထားတဲ့ ရှေးဟောင်း စဥ့် အုတ်ခွက်ပန်းချီတွေ ကို လည်း အချို့ ခွာထားတာ တွေ့ရတယ်။ ရင်မောစရာတွေချည်းပါဘဲ။ သူငယ်ချင်းတို့လည်း ကြုံရင်ဝင်ကြည့် ကြပါ။ အခု အဲ့ဒီ ပရောဂျက်က မပြီးသေးပါဘူး။
ထဲထဲ ဝင်ဝင် ဒီထက်ပိုသိရရင် သူငယ်ချင်းတို့တတ်နိုင်တဲ့ဘက်က ကူညီလို့ ရတာပေါ့နော်။ တားသင့်ရင်လည်း တားမြစ်တာမျိုးပေါ့။သေချာတာကတော့ ရှေးလက်ရာ အချို့ ကတော့ ASI ရဲ့ပရောဂျက်အောက်မှာ ပျက်စီးသွားခဲ့ ပါပြီ။

Cynthia Chit Win ( စမ်းသီတာချစ်)
30/12/2015

နှိပ်စက်ခံရသည့် အိမ်အကူ မိန်းကလေး နေထိုင်ခဲ့ရာ နေအိမ်အား မြင်တွေ့ရစဉ်

ဗဟန်းမြို့နယ်တွင် အသက်ရှစ်နှစ်အရွယ် မိန်းကလေးအား နှိပ်စက်ခဲ့သည့်နေအိမ်မှ တပ်မတော်သားကိုယ်စားလှယ် ဗိုလ်မှူးကျော်နုမော်အား တပ်မတော်မှ ပြင်းပြင်းထန်ထန် အရေးယူခဲ့ကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ်တစ်ဦးက ဒီဇင်ဘာ ၃၀ ရက်တွင် ပြောကြားသည်။

“ဒီအမှုနဲ့ ပတ်သက်ပြီး သက်ဆိုင်ရာလူကြီးတွေက ဗိုလ်မှူး ကျော်နုမော်ကို ပြင်းပြင်းထန်ထန် အရေးယူလိုက်တယ်လို့ သိရတယ်။ တပ်မတော် စစ်စည်းကမ်းအရလည်း သူ့ကို အရာရှိအဖြစ်က ထုတ်ပယ်လိုက်တယ်။ အခင်းစဖြစ်ကတည်းက လွှတ်တော်ကို တက်လို့မရတော့ဘူး။ တရားဥပဒေစိုးမိုးဖို့ ဒီလိုကိစ္စတွေ နောင်မဖြစ်ပွားဖို့ လိုတယ်”ဟု အဆိုပါ လွှတ်တော်ကိုယ်စားလှယ်က ဆိုသည်။

နိုဝင်ဘာ ၁၈ ရက်က ဗဟန်းမြို့နယ် ဆရာစံရပ်ကွက် တက္ကသိုလ်ရိပ်သာလမ်းသစ်ရှိ ခြံအမှတ် 25 (C-4) တွင် အသက်ရှစ်နှစ်အရွယ် မိန်းကလေးသည် ထမင်းအိုးအတွင်းသို့ လက်မဆေးဘဲ နှိုက်ခဲ့သောကြောင့် အဆူခံရသဖြင့် အိမ်သာအတွင်းသို့ ၀င်နေပြီး တံခါးချက်ချ ပိတ်ထားခဲ့သဖြင့် အိမ်အကူဖြစ်သူ မသန်းသန်းဝေက ပြူတင်းပေါက်မှ ၀င်ရောက်ကာ မိန်းကလေးအား ခေါ်ထုတ် ရိုက်နှက်ဆုံးမခဲ့ပြီး မီးဖိုခန်းအတွင်း လက်အား ထိုင်ခုံနှင့် ကြိုးချည်ထားခဲ့ကြောင်း၊ နိုဝင်ဘာ ၁၉ ရက်တွင် ဒေါ်သန်းနွဲ့က အပြစ်ပေးသည့် အနေဖြင့် အဆိုပါမိန်းကလေးအား ၎င်းနှင့်အတူ ကြမ်းတိုက်ခိုင်းရာ မလုပ်သဖြင့် နေအိမ်အရှေ့၌ အ၀တ်မပါဘဲ ကြိုးတုတ်၍ထားခဲ့ကြောင်း သိရသည်။
Writer:
အောင်မျိုးသန့်
Eleven Media Group


ဗြိတိန်နိုင်ငံသား ကမ္ဘာလှည့်ခရီးသည်နှစ်ဦးကို ထိုင်းနိုင်ငံ ကော့တောင် အပန်းဖြေကျွန်းမှာ သတ်ခဲ့တယ်ဆိုတဲ့ စွဲချက်နဲ့ သေဒဏ်ချမှတ်ခံလိုက်ရတဲ့ မြန်မာအလုပ်သမား ၂ ဦး ကိစ္စနဲ့ ပတ်သက်ပြီး ထိုင်းနိုင်ငံ တရားစီရင်ရေးကို ဆန့်ကျင်တဲ့ ဆန္ဒပြပွဲတွေ နေ့စဉ်ဆက်တိုက် ဖြစ်လာနေချိန်မှာ အခြေအနေကို အေးအေးဆေးဆေး ထိန်းသိမ်းကြဖို့ ထိုင်းနဲ့ မြန်မာ နှစ်နိုင်ငံ နိုင်ငံခြားရေး ၀န်ကြီးတွေက တိုက်တွန်းလိုက်ပါတယ်။

ဒီအမှုကို အခြေခံပြီး အရှိန်မြင့်လာတဲ့ ထိုင်းဆန့်ကျင်ရေး ဆန္ဒပြပွဲတွေကြောင့် နှစ်နိုင်ငံ သံတမန်ဆက်ဆံရေးကို မထိခိုက်စေချင်ဘူးလို့လည်း နှစ်နိုင်ငံ နိုင်ငံခြားရေး ၀န်ကြီးတွေက ပြောဆိုပါတယ်။ အပြည့်အစုံကို ကိုသိန်းထိုက်ဦးက တင်ပြထားပါတယ်။

ဗြိတိန်နိုင်ငံသား ကမ္ဘာလှည့် ခရီးသွားနှစ်ယောက်ကို သတ်မှုနဲ့ မြန်မာအလုပ်သမား နှစ်ယောက်ကို သေဒဏ်စီရင်ထားတာနဲ့ ပတ်သက်ပြီး ထိုင်းနိုင်ငံခြားရေးဝန်ကြီး Don Pramudwinai က မြန်မာအစိုးရ နိုင်ငံခြားရေးဝန်ကြီး ဦးဝဏ္ဏမောင်လွင်နဲ့ တယ်လီဖုန်းဆက် ပြောဆိုခဲ့တဲ့အကြောင်း မနေ့က သတင်းထောက်တွေကို ပြောပါတယ်။ ဒီအမှုမှာ ထိုင်းတရားရုံးရဲ့အမိန့်ဟာ နောက်ဆုံး ဆုံးဖြတ်ချက် မဟုတ်သေးတဲ့အတွက် အယူခံ ဆက်ဝင်ဖို့ ရှိနေတာကို သူ့အနေနဲ့ နားလည်တဲ့အကြောင်း ထိုင်းနိုင်ငံခြားရေးဝန်ကြီး ပြန်ပြောပြပါတယ်။

ဆန္ဒပြပွဲတွေကြောင့် ရန်ကုန်မှာရှိတဲ့ ထိုင်းသံရုံး ကောင်စစ်ဝန်ဌာန ယာယီ ပိတ်ထားရပြီး ဗီဇာလျှောက်တာနဲ့ ခရီးသွားလာခြင်းဆိုင်ရာ လုပ်ငန်းတွေ ရပ်နားထားရပါတယ်။ ဆန္ဒပြသူတချို့က မြန်မာနိုင်ငံသား ၂ ယောက်အပေါ် ချမှတ်ထားတဲ့ တရားရုံးဆုံးဖြတ်ချက်ကို ပြန်မပြင်ဘူးဆိုရင် ထိုင်း ကုန်ပစ္စည်းတွေကို သိပိတ်မှောက်မယ် ဆိုပြီးတော့တောင် ခြိမ်းခြောက်နေပါတယ်။ ထိုင်းနိုင်ငံဆိုင်ရာ မြန်မာသံအမတ်ကြီး ဦးဝင်းမောင်ကတော့ နှစ်နိုင်ငံ ချစ်ကြည်ရင်းနှီးမှုကို ငဲ့ပြီး မြန်မာလူငယ် ၂ ယောက်ဖြစ်တဲ့ ကိုဝင်းဇော်ထွန်းနဲ့ ကိုဇော်လင်းတို့အပေါ် ချမှတ်ထားတဲ့ ပြစ်ဒဏ်ကို ထိုင်းတရားရုံးက ပြန်လည် စဉ်းစားမယ်လို့ မျှော်လင့်တဲ့အကြောင်း မနေ့က ထိုင်းရှေ့နေများကောင်စီ အဖွဲ့ဝင်တွေနဲ့ မြန်မာသံရုံးက ဖွဲ့စည်းထားတဲ့ အထူးကော်မတီ အဖွဲ့ဝင်တွေနဲ့ တွေ့ဆုံချိန်မှာ အခုလို ပြောဆိုပါတယ်။

“အိမ်နီးချင်းနိုင်ငံလည်းဖြစ်တယ်။ နှစ်နိုင်ငံအစိုးရချင်းလည်း ရင်းရင်းနှီးနှီးရှိတယ်။ အဲဒါကြောင့်မို့ ဒီကလေးတွေဟာ တနည်းအားဖြင့်ပြောရင် နိုင်ငံခြားသား အလုပ်သမားဖြစ်တဲ့အတွက် ဒီအယူခံမှာ ဒီဥစ္စာတွေကိုလည်း နှစ်နိုင်ငံချစ်ကြည်ရေးကို ထောက်ရှုပြီးတော့ ထည့်သွင်း စဉ်းစားသွားလိမ့်မယ်လို့လည်း မျှော်လင့်ပါတယ်။”

ထိုင်းဝန်ကြီးချုပ်ကတော့ ဆန္ဒပြဖိအားပေးတာတွေကြောင့် ထိုင်းအစိုးရအနေနဲ့ ပြစ်ဒဏ်ကို ပြင်ပေးမှာ မဟုတ်တဲ့အကြောင်း ခုခံပြောဆိုထားပြီး ထိုင်းတရားဥပဒေ နည်းလမ်းအရ အယူခံဝင်နိုင်ခွင့် ရှိတဲ့အကြောင်း လမ်းဖွင့်ပေးထားပါတယ်။ ဒါနဲ့ ပတ်သက်ပြီး သံအမတ်ကြီး ဦးဝင်းမောင်က ပြောဆိုပါတယ်။

“ထိုင်းနိုင်ငံ အစိုးရနဲ့ ထိုင်းဥပဒေအရ ထိုင်းဝန်ကြီးချုပ်ကိုယ်တိုင် အယူခံဝင်နိုင်ကြောင်း လမ်းခင်းပေးတဲ့အတွက် ကျနော်တို့ ဆက်လက် အယူခံဝင်ပြီးတော့ ကျနော်တို့ ဒီကလေးတွေရဲ့ မျှော်လင့်ချက်ကို ဆက်လက်ပြီးတော့ ဆောင်ရွက်သွားမှာ ဖြစ်ပါတယ်။”

ထိုင်းရှေ့နေများကောင်စီဥက္ကဋ္ဌ Dej Udom ကတော့ ထိုင်းဥပဒေအရ ရက်သုံးဆယ်အတွင်း အယူခံဝင်မှာ ဖြစ်ပေမဲ့ ဒီအမှုနဲ့ ပတ်သက်လို့ အသေးစိတ် စစ်ဆေးဖို့ ကော်မတီတရပ် ဖွဲ့စည်းထားတဲ့အကြောင်းနဲ့ အယူခံဝင်ခွင့် သတ်မှတ်ရက် ထပ်တိုးပေးဖို့ တောင်းဆိုသွားမယ်လို့ ပြောပါတယ်။

“မြန်မာနိုင်ငံသားနှစ်ဦးရဲ့ အယူခံကို ထိုင်းအယူခံတရားရုံးက လက်ခံစဉ်းစားဖို့ တနှစ်ကနေ သုံးနှစ်အထိ ကြာနိုင်တယ်” - လို့လည်း ထိုင်းရှေ့နေများကောင်စီဥက္ကဋ္ဌ Dej Udom ပြောဆိုပါတယ်။

ဒီအတောအတွင်း အဂါင်္နေ့က မြန်မာနိုင်ငံဆိုင်ရာ ထိုင်းသံအမတ်ကြီး Pisanu Suvanajata ဟာ မြန်မာအစိုးရ နိုင်ငံခြားရေးဝန်ကြီး ဦးဝဏ္ဏမောင်လွင်နဲ့ နေပြည်တော်မှာ တွေ့ဆုံပြီး အမှုနဲ့ပတ်သက်လို့ ထိုင်းတရားရုံးရဲ့ ဆုံးဖြတ်ချက် အင်္ဂလိပ်၊ မြန်မာ နှစ်ဘာသာနဲ့ မိတ္တူတွေကို ပေးအပ်ခဲ့ပါတယ်။ မြန်မာအစိုးရ နိုင်ငံခြားရေးဝန်ကြီး ဦးဝဏ္ဏမောင်လွင်ကလည်း ထိုင်းတရားရေး လုပ်ထုံးလုပ်နည်းတွေနဲ့ အညီ အယူခံ အဆင့်ဆင့် တက်သွားမယ့်အကြောင်း ပြောဆိုတာကို မြန်မာအစိုးရပိုင် သတင်းတွေမှာ ဖော်ပြပါတယ်။ တရားရုံးရဲ့ ဆုံးဖြတ်ချက်နဲ့ ပတ်သက်လို့ မြန်မာဘက်က တာဝန်ရှိသူတွေအနေနဲ့ ထိုင်းအာဏာပိုင်တွေနဲ့ ထိတွေ့ဆောင်ရွက်မှုတွေ လုပ်ဆောင်သွားဖို့ မြန်မာသမ္မတ ဦးသိန်းစိန်က ညွန်ကြားထားသလို မြန်မာနိုင်ငံသား နှစ်ဦးအပေါ် ချမှတ်ထားတဲ့ ပြစ်ဒဏ်ကို ပြန်လည် စဉ်းစားပေးဖို့ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ကလည်း ထိုင်းနိုင်ငကို သ၀ဏ်လွှာပေးပို့ထားပါတယ်။

တနှစ်ကျော်ကြာ စစ်ဆေးခဲ့တဲ့ကာလအတွင်း ဒီအမှုကို စီရင်ချက် မချခင်ကတည်းက မြန်မာအစိုးရ တာဝန်ရှိသူတွေ၊ လွှတ်တော်ခေါင်းဆောင်တွေ ထိုင်းအာဏာပိုင်တွေကို မေတ္တာရပ်ခံခဲ့ပါတယ်။ ၂၀၁၄ ခုနှစ် စက်တင်ဘာလအတွင်း မြန်မာလွှတ်တော် ချစ်ကြည်ရေး ကိုယ်စားလှယ်အဖွဲ့ သွားရောက်ခဲ့တဲ့ အချိန်ကလည်း မြန်မာနိုင်ငံသား ၂ ယောက်ကို စွပ်စွဲခံထားတဲ့ ကိစ္စနဲ့ပတ်သက်ပြီး အမှုမှန် ပေါ်ပေါက်ရေး ဥပဒေဘောင်ထဲကနေ ကူညီဖို့ ထိုင်းအာဏာပိုင်တွေကို အမျိုးသားလွှတ်တော် ဥက္ကဋ္ဌ ဦးခင်အောင်မြင့်က မေတ္တာရပ်ခံခဲ့ဖူးပါတယ်။

လောလောဆယ် ထိုင်းရှေ့နေများကောင်စီက မြန်မာနိုင်ငံသားတွေကို ကူညီဖို့အတွက် အဖွဲ့ဝင် ၂၁ ဦးပါ ကော်မတီ ဖွဲ့စည်းထားပါတယ်။ ဒီရှေ့နေများအဖွဲ့၊ မြန်မာလူမှုကူညီရေးအဖွဲ့တွေနဲ့ ပူးပေါင်းပြီး နှစ်နိုင်ငံ ချစ်ကြည်ရေးကို ထောက်ရှုသောအားဖြင့် ထိုင်းနိုင်ငံဘက်က ပြစ်ဒဏ်လျော့ပေါ့ရေး စဉ်းစားပေးဖို့၊ ဥပဒေဘောင်ထဲက အယူခံဝင်မှာဖြစ်သလို၊ ဘန်ကောက်မှာရှိတဲ့ မြန်မာသံရုံးကလည်း သံတမန်ရေးဆိုင်ရာ လုပ်ငန်းအဆင့်ဆင့် အနီးကပ် ပါဝင်ကူညီမှာ ဖြစ်တဲ့အကြောင်း အမှုနဲ့ ပတ်သက်လို့ လွှတ်တော်အတွင်း ကြားနာပွဲတွေမှာ မြန်မာအစိုးရတာဝန်ရှိသူတွေ ဖြေကြားထားပါတယ်။

ဦးသိန်းထိုက်ဦး/VOA
http://burmese.voanews.com/content/koh-tao-murder-case-upd/3125537.html


လာမယ့် ၂၀၁၆ နှစ်သစ်မှာ မြန်မာနိုင်ငံတွင်း စစ်ပွဲတွေရပ်စဲပြီး၊ ငြိမ်းချမ်းတဲ့ဘ၀ကို ပြည်သူတွေရရှိ ခံစားနိုင်စေဖို့ပြည်တွင်းက ထင်ရှားတဲ့ အနုပညာရှင်တွေက မျှော်လင့်နေကြပါတယ်။ ၂၀၁၆ အတွက် သူတို့ရဲ့ နှစ်သစ်ကူး သန္နိဌာန်ကို ကိုဉာဏ်ဝင်းအောင်က စုစည်းတင်ပြထား ပါတယ်။

ဂီတနယ်မှာ ထင်ရှားတဲ့ တေးရေးဆရာ အဆိုတော်တဦးလည်းဖြစ်တဲ့ ဆောင်းဦးလှိုင်ကတော့ တိုင်းပြည်မှာ လာဘ်ပေးလာဘ်ယူမှု ပပျောက်ပြီး ၊ မတရားမှုတွေ ဆက်ရှိလာရင် ပြည်သူတွေနဲ့အတူ ရပ်တည်သွားမယ်လို့ နှစ်သစ်ကူး သံဓိဌာန် ချမှတ်ထားသူဖြစ်ပါတယ်။

“ကျနော်တို့ရဲ့အတွေ့အကြုံအရ ဖြတ်သန်းမှုအရ မျှော်လင့်တာကတော့ ၂ မျိုးဖြစ်လာနိုင်တယ်။တမျိုးကတော့ချောချောမွေ့မွေ့အာဏာလွှဲပြောင်းပြီးတော့ ဒေါ်အောင်ဆန်းစုကြည်တို့ အာဏာရပြီးတော့ တိုင်းပြည် ပြုပြင်ပြောင်းလဲရေး စနိုင်တဲ့ အနေအထားပေါ့။ ဒေါ်အောင်ဆန်းစုကြည်တို့ NLD ပါတီအနိုင်ရပြီဆိုရင် ဒီ လာဘ်ပေးလာဘ်ယူတွေ ပပျောက်သွားမလား။ မပပျောက်ဘဲနဲ့ ဆက်ရှိလာရင်လည်း ကျနော်တို့တိုက်တွန်းလှုံ့ဆော်မှုတွေ ဆက်လက် လုပ်သွားမယ်။ ဒါပေမယ့် ကျနော်တို့မျှော်လင့်တာကတော့ အမေ ဒေါ်အောင်ဆန်းစုကြည် လုပ်ပိုင်ခွင့်အာဏာရရင်တော့ ကျနော် ခုနပြောတဲ့အတိုင်း တိုင်းပြည်သူပြည်သားအများစုက စိတ်ချမ်းသာ မှုတော့ ကာလတိုအတွင်းမှာ စတင်ရရှိခံစားရမယ်လို့တော့ ကျနော် ယုံကြည် မျှော်လင့်တယ် ပေါ့နော်။ နောက်တချက်ကတော့ အာဏာလွှဲပြောင်းမှုဟာ အဆင်ပြေချောမွေ့ခြင်းမရှိပဲနဲ့ အချိန်ဆွဲတာတို့ နောက်ရွေးကောက်ပွဲရလဒ်ကို အကောင်ထည်ဖော်မှုမရှိဘူးဆိုရင်တော့ ကျနော်တို့ရဲ့ အနုပညာ စွမ်းအားနဲ့ပဲဖြစ်ဖြစ် ကိုယ့်ရဲ့ နိုင်ငံရေးအတွေ့အကြုံလေးတွေနဲ့ပဲဖြစ်ဖြစ် မတရားမှုတွေကို ဆက်လက်တွန်းလှန် သွားမှာပဲဗျ။”

ရုပ်ရှင်သရုပ်ဆောင် ထွန်းအိန္ဒြာဗိုလ်ကတော့ မြန်မာပြည်တွင်း စစ်ပွဲတွေရပ်စဲပြီး၊ အေးချမ်းသာယာလာစေဖို့ ဆုတောင်းပေးနေပါတယ်။

“နှစ်သစ်ကူးမှာကျမတို့တိုင်းပြည် နိုင်ငံတော်သစ်ကြီးနဲ့ အေးချမ်းသာယာဖွံ့ဖြိုးဖို့အတွက် မျှော်လင့်ချက် ရောင်ခြည်တွေလည်း အများကြီးသန်းလို့ရပြီ။ အမေရဲ့ ဦးဆောင်မှုမှာလည်း ပြည်သူပြည်သားအားလုံးက ညီညွတ်စွာ အမှိုက်ကောက်တာလေးက စလို့ အမေ့စကားနားထောင်ပြီးအားလုံးသွားနေကြတာ။ အဲဒီတော့ ကျမတို့ တိုင်းပြည်က အမေပြောသလိုပဲ နောက် ၁၀ နှစ်အတွင်းမှာ ဒီ Asia မှာတော်တော်လေးကို ထိပ်တန်းရောက်တဲ့တိုင်းပြည်ဖြစ်ကိုဖြစ်ရမှာပေါ့။ ကျမတို့ကတော့ ကိုယ်ကျရာနေရာ ကိုယ်လုပ်နိုင်တဲ့ အတိုင်းအတာကနေပြီးတော့မှ အမေအပါအ၀င်၊ အမေပြီးတော့ နောက်ဆက် တိုင်းပြည်အတွက် တကယ် ကောင်းအောင်လုပ်တဲ့ ဘယ်ခေါင်းဆောင်ကောင်းနောက်မှာမဆို ကျမတို့ နောက်လိုက်ကောင်းဖြစ်အောင် ကြိုးစားမှာပါ။ ကိုယ်တက်နိုင်တဲ့ ဖက်ကနေ အတက်နိုင်ဆုံးကူညီမှာပါရှင့်။ ကျမတို့ နိုင်ငံကတော့ အမြန်ဆုံး ငြိမ်းချမ်းပါစေ။ စစ်ပွဲတွေလည်းအမြန်ဆုံးရပ်နိုင်ပါစေ။ နိုင်ငံအတွင်းမှာရှိတဲ့ ပြည်သူပြည်သားများအားလုံး အေးချမ်းသာယာဝပြောပါစေလို့လည်း ဆုတောင်းပါတယ်ရှင်။”

ဟာသ သရုပ်ဆောင် ဒါရိုက်တာတဦးလဲဖြစ်သူ ဇာဂနာ(ခေါ်)ဦးသူရ ကတော့ ပြည်သူတွေ စားဝတ်နေရေးပြေလည်စေဖို့နဲ့ တိုင်းရင်းသားဒေသ တွေမှာ ငြိမ်းချမ်းရေး အမြန်ရလာစေဖို့ နှစ်သစ်ကူး ဆန္ဒပြုလိုက်ပါတယ်။

“တိုင်းပြည်အတွင်းမှာဖြစ်စေချင်တာကတော့ တိုင်းသူပြည်သားတွေ လက်တလော ရင်ဆိုင်နေကြတာကစားဝတ်နေရေးပြေလည်မှုက အရေးအကြီးဆုံးပဲ နဲ့တူတယ်။ အဲဒီဟာကိုအတက်နိုင်ဆုံးပြေလည်နိုင်မယ့် အခြေအနေကောင်းလေးတွေ အခွင့်အရေးကောင်းလေးတွေကို ကျနော်တို့ ဖန်တီးပေးနိုင်လိမ့်မယ်လို့ ၂၀၁၆ ကိုမျှော်လင့်ထားတယ်ပေါ့လေ။ နောက်တခု အရေးကြီးတဲ့ ကိစ္စကတော့ ကျနော်တို့ အနုပညာလောကပေါ့နော်။ အနုပညာလောကလူတွေ သူတို့ရဲ့အတွေးအခေါ်တွေ တိုးတက်ပြောင်းလဲလာလိမ့်မယ်လို့ မျှော်လင့်တယ်။ တတိယ တချက်ကတော့ တိုင်းရင်းသားတွေကြားထဲမှာ နားလည်မှုတွေရပြီးတော့ ငြိမ်းချမ်းရေးကို မြန်မြန်ဆန်ဆန်တည်ဆောက်နိုင်မယ်လို့ မျှော်လင့်ချက်နဲ့ ယုံကြည်နေတယ်။ ၂၀၁၆ ကိုတော့ ကောင်းတဲ့အမြင်နဲ့ပဲ ကြိုဆိုတယ်။

ရုပ်ရှင်ဒါရိုက်တာ ကြည်ဖြူရှင်ကတော့ လွှတ်တော်နဲ့လူထုအကြား ပေါင်းကူးပေးမယ့် ပရဟိတအဖွဲ့ကို ဖွဲ့စည်းလည်ပတ်သွားဖို့စိတ်ကူးထား သူပါ ။

“NLD ပါတီမှာလဲကျမ ထဲထဲဝင်ဝင်လုပ်ခဲ့တဲ့ အတွက်ကြောင့်မို့ အနုပညာနဲ့ ပတ်သက်ပြီး ကျမရဲ့ ပရော်ဖက်ရှင်နယ်ဘ၀က ပြောရရင် သုံးနှစ် လောက် ၀ိုးတိုးဝါးတား ပြန်ဖြစ်သွားတယ်ပေါ့လေ၊ အဲဒါကြောင့် ဒီဇန်န၀ါရီ ၁၆ မှာ ဇာတ်ကားတွေရိုက်ဖို့အတွက် စပြီးတော့ ပြင်ဆင်ထားတယ် ပေါ့လေ။ ဒါပေမယ့် အစိုးရသစ်ဖြစ်ပြီးတဲ့နောက်မှာ Register တင်ပြီးတော့ဖွဲ့ဖို့ ပရဟိတ အဖွဲ့တခုရှိတယ်။ ပြည်သူအခြေပြု လွှတ်တော်ရေးရာ အထောက်အကူပြု ပရဟိတအဖွဲ့ဆိုပြီးတော့။ အဓိကကတော့ ပြည်သူတွေ လွှတ်တော်အကြောင်း ကောင်းကောင်းသိဖို့ရယ်၊ လွှတ်တော် အမတ်တွေကို ကိုယ်တွေ ဘာအတွက် တင်မြှောက်ထားတာလဲ၊ သူတို့ကို ဘယ်လိုမျိုးခိုင်းမလဲပေါ့လေ ပွင့်ပွင့်လင်းလင်း ပြောရင်တော့။ ပြီးတဲ့ခါ လွှတ်တော်တွင်းမှာ ကိုယ်တွေရဲ့ဒုက္ခတွေကို ဘယ်လိုတင်ပြမလဲ၊ နောက်ဥပဒေ ရေးဆွဲတဲ့အခါ ပြည်သူတွေဟာ ဘယ်လိုဝင်ရောက် ပတ်သက်ရမလဲပေါ့၊ ဒီအဖွဲ့အနေနဲ့ကကျတော့ ကျမတို့က NLD အောက်ကမဟုတ်ဘူး လွတ်လပ်သော ပရဟိတအဖွဲ့၊ ဘယ်ပါတီမဆို တိုင်းပြည်အတွက် တကယ်စေတနာထားတဲ့သူ မှန်သမျှ ကျမတို့အဖွဲ့နဲ့ ချိတ်ဆက်ပြီးတော့ အလုပ်လုပ်လို့ရမှာပေါ့။ အဲဒါလေးကတော့ ကျမဒါ ရှေ့ဆက်လုပ်မယ့် ပရဟိတအဖွဲ့လေးပေါ့လေ”

၂၀၁၆ ခုနှစ်မှာ ပြည်တွင်းစစ်ရပ်စဲပြီး တရားဥပဒေစိုးမိုးရေးတွေ ရှိလာစေဖို့ ဆုတောင်းပေးသူကတော့ ရုပ်ရှင်သရုပ်ဆောင် ဇင်ဝိုင်းပါ။

“နှစ်သစ်ကူးပြီဆိုလို့ရှိရင်တော့ အကောင်းဆုံးကို မျှော်လင့်ကြတာပါပဲ။ ကျနော်တို့ နိုင်ငံအနေနဲ့လဲ အပြောင်းလဲလေးတခု ဖြစ်လာတဲ့ အခါကျတော့ နှစ်သစ်မှာ ကျနော်တို့နိုင်ငံသားများ အဓိကလိုအပ်နေတဲ့ တန်းတူညီမျှရေး ပြည်တွင်းစစ်များ ငြိမ်းချမ်းရေး၊ ဒီမိုကရေစီရေး တရားဥပဒေစိုးမိုးရေး ဒီအရေးတွေပြီးပြည့်စုံအောင် ဆောင်ရွက်နိုင်ပါစေလို့ပဲ မျှော်လင့်ပါတယ် ခင်ဗျ။ မည်သည့်အစိုးရတက်တက် မည်သည့် ပုဂ္ဂိုလ်များ အုပ်ချုပ်သည်ဖြစ်စေ ပြည်သူ့အတွက် နစ်နာမယ် ထိခိုက်မယ်ဆိုလို့ရှိရင် ပြည်သူ့ဖက်ကရပ်တည်ဖို့ ရည်ရွယ်ထားပါတယ်ခင်ဗျား”

မြန်မာပြည်သူတွေအပါအဝင် ကမ္ဘာ့ပြည်သူတွေပါအကြမ်းဖက်မှုကို ရှောင်ပြီး အေးချမ်းတဲ့စိတ် မွေးနိုင်ပါစေလို့ ဆုတောင်းမေတ္တာပို့သူကတော့ အဆိုတော် မီမီဝင်းဖေပဲ ဖြစ်ပါတယ်။

“နှစ်သစ်မှာတော့ မမီက မိသားစုကိစ္စဆိုရင်တော့ အဖေနဲ့အမေကို ပိုပြီးတော့ ၂၀၁၅ ထက်ပိုပြီး ၂၀၁၆ မှာအချိန်ပေးမယ်လို့ ဆုံးဖြတ်ထား ပါတယ်။ တိုင်းပြည်ကိစ္စ ဆိုလို့ရှိရင်တော့ ဟို လိုအပ်တဲ့နေရာက ပါမယ်လို့ဆုံးဖြတ်ထားပါတယ်။ မမီက ၂၀၁၆အတွက် ဆုတောင်းပေးချင် တာကတော့ ကိုယ့်မြန်မာနိုင်ငံသူ နိုင်ငံသားတွေ အပါအဝင်ပေါ့နော်၊ ကမ္ဘာကလူတွေအားလုံး အကြမ်းဖက်တဲ့ စိတ်ဓါတ်တွေ ပျောက်ဆုံး ပြီးတော့ပေါ့နော်၊ ငြိမ်းချမ်းတဲ့စိတ် အေးချမ်းတဲ့စိတ် မွေးနိုင်ပါစေလို့ ဆုတောင်းပေးပါတယ်။ တယောက်နဲ့ တယောက် ချစ်ချစ်ခင်ခင်နဲ့ အဲလို စိတ်ဓါတ်တွေ တိုးပွားပါစေလို့ တကမ္ဘာလုံးအတွက် ဆုတောင်းပေးပါတယ်”

၂၀၁၆ ခုနှစ်အတွက် မြန်မာအနုပညာရှင်တွေရဲ့မျှော်လင့်ချက်တွေကို စုစည်းတင်ပြခဲ့တာပါ။

ကိုဉာဏ်ဝင်းအောင်/VOA
http://burmese.voanews.com/content/new-year-resolution-for-artists-/3124520.html

 အင်းလျားကန်၊ ကန်တော်ကြီး နဲ့ သုဝဏ္ဏကွင်း အပါအဝင် လူတွေ စုဝေး ပျော်ရွှင်ကြမယ့် နေရာမျိုးတွေ ကို စာရင်း ကောက်ယူ ထားပြီး ရဲကားတွေ အသင့်ချ ထားမယ်။
နှစ်သစ်ကူး အကြိုည ပျော်ပွဲ ရွှင်ပွဲတွေ လုပ်ရာကနေ ခိုက်ရန် ဖြစ်ပွားတာတွေ၊ ယာဉ် မတော်တဆမှု ဖြစ်ရပ်တွေ ပါ တွဲပြီး ဖြစ်ပေါ်လေ့ ရှိခဲ့တဲ့ အရင့် အရင်နှစ် အတွေ့အကြုံတွေ ကို သုံးသပ်လို့ ၂၀၁၆ ခုနှစ် အကူး အကြိုည မှာ ရန်ကုန် မြို့တော် တခွင် လုံခြုံရေး အရ ပိုပြီး စနစ်တကျ ကိုင်တွယ် နိုင်ဖို့ ပြင်ဆင် နေတယ် ဆိုပြီး ရန်ကုန်တိုင်း ရဲတပ်ဖွဲ့က ပြောပါတယ်။

အင်းလျားကန်၊ ကန်တော်ကြီး နဲ့ သုဝဏ္ဏကွင်း အပါအဝင် လူတွေ စုဝေး ပျော်ရွှင်ကြမယ့် နေရာမျိုးတွေ ကို စာရင်း ကောက်ယူ ထားပြီး ရဲကားတွေ အသင့်ချ ထားမယ်လို့ ရန်ကုန် တိုင်း ဒုတိုင်း တပ်ဖွဲ့မှူး ရဲမှူးကြီး ဝင်းဗိုလ် က ဘီဘီစီ ကို ပြောပါတယ်။

နယ်မြေ အလိုက် ကား၊ ဆိုင်ကယ်၊ စက်ဘီးတွေ သုံးပြီး ရဲ လှည့်ကင်းတွေ ချ ထားမှာ ဖြစ်တယ်လို့လည်း ရဲမှူးကြီး ဝင်းဗိုလ် က ဆိုပါတယ်။

တရုတ်အစိုးရက ပေးထားတဲ့ လုံခြုံရေးရဲကား ၄၅စင်းကို ရန်ကုန်တိုင်း ထဲက မြို့နယ် ၄၅ မြို့နယ် မှာ တစ်စင်းဆီ လှည့်လည် မှာ ဖြစ်ပြီး တုတ် ဓား လက်နက် ကိုင်ဆောင်မှု ရှိမရှိ ကိုလည်း စစ်ဆေး ရှာဖွေဖို့ ရှိနေပါတယ်။

နှစ်သစ်ကူးည ဂီတပွဲတွေ၊ သန်းခေါင်းယံ ၁၂ နာရီ ထိုးကို ရေတွက်ကြတဲ့ countdown ပွဲ တွေ မှာ သောက်စား မူးယစ်တာ၊ ခိုက်ရန် ဖြစ်ပွားတာ အပြင် ယာဉ် မတော်တဆ ဖြစ်ရပ် တွေဟာ နှစ်တိုင်း ဖြစ်ပေါ်လေ့ ရှိ ပြီး တနိုင်ငံလုံး အတိုင်းအတာ အရလည်း ရန်ကုန်မှာ အဖြစ်အများဆုံး ဖြစ်ပါတယ်။

BBC Burmese
http://www.bbc.com


ကမ္ဘာ့ ဘော်လုံး အဖွဲ့ချုပ် FIFA နဲ့ ဆက်စပ်နေတဲ့ ဘဏ်စာရင်းတွေ ကို ဆွစ်ဇာလန် တရားရေး ဌာန က ထိန်းချုပ် လိုက် တာမှာ အဲဒီ့ ဘဏ်စာရင်း တွေ ထဲ ဒေါ်လာ သန်း ၈၀ ဝန်းကျင် ရှိပါတယ်။

FIFA ဟာ ငွေကြေး ဆိုင်ရာ အကျင့်ပျက် ခြစားမှု အရှုပ်အရှင်း တွေနဲ့ အမေရိကန် အာဏာပိုင်တွေ ရဲ့ စုံစမ်း စစ်ဆေးတာကို ခံနေရတာ ဖြစ်ပါတယ်။

အမေရိကန် အစိုးရ ရှေ့နေတွေ တောင်းဆို ထားတဲ့ အတိုင်း သက်သေ အထောက်အထားတွေ ရဲ့ ပထမ တစ်သုတ်ကို လွှဲပြောင်း ပေးလိုက်ပြီ လို့ ဆွစ် အာဏာပိုင် တွေက ဆိုပါတယ်။

နိုင်ငံတကာ ကစားပွဲ ပွဲကြီးတွေ ကို ပြသခွင့် မူပိုင်ရရှိဖို့ အတွက် FIFA အရာရှိ တွေကို လာဘ်ငွေတွေ ပေးခဲ့ရတယ် ဆိုတဲ့ စွဲချက် တွေကို အမေရိကန် တွေက စုံစမ်း နေကြတာ ဖြစ်ပါတယ်။

အခု ဆွစ်အာဏာပိုင်တွေ လွှဲပြောင်း ပေးခဲ့တဲ့ ငွေ အဝင်အထွက် ဘဏ်စာရင်း စာရွက်စာတမ်းတွေ ဟာ FIFA ထိပ်တန်း အရာရှိ တွေကို စွဲဆို နိုင်ဖို့ အဓိက သက်သေတွေ ဖြစ်လာမယ် လို့ မျှော်လင့် ရပါတယ်။

BBC Burmese
https://www.facebook.com/bbcburmese


ဒီတပတ် မြန်မာ့မျက်မှောက်ရေးရာ သုံးသပ်ချက်အစီအစဉ်မှာ ထိုင်းနိုင်ငံ Koh Tao ကျွန်းလူသတ်မှုမှာ တရားလိုဘက်က ယုတ္တိခိုင်တဲ့ သက်သေတင်ပြနိုင်ခြင်းမရှိဘဲ သေဒဏ်စီရင်လိုက်တာဟာ တရားမျှတမှု လုံးဝမရှိဘူးလို့ ရွှေ့ပြောင်းအလုပ်သမားတွေအရေး ဆောင်ရွက်နေသူ Andy Hall က ပြောကြားလိုက်ပါတယ်။ ပြစ်မှုထင်ရှားစီရင်ခံထားရသူ (၂) ဦး အယူခံမှာ လွတ်မြောက်လာလိမ့်မယ်လို့လဲ ယုံကြည်နေပါတယ်။ လူ့အခွင့်အရေးသမား Andy Hall နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ အခု အမှုမှာ တရားလိုဘက်က ယုတ်တိတန်တဲ့ အထောက်အထား မပြနိုင်ဘူး။ နောက်တခါ ဖြောင့်ချက်ယူတုန်းကလဲ ညှဉ်းပန်းနှိပ်စက်ခံရတယ်ဆိုတဲ့ အထောက်အထားတွေ ရှိတယ်လို့ပြောတယ်။ ပိုပြီးအရေးကြီးတာက DNA နဲ့လဲ မကိုက်ညီဘူးလို့ပြောတယ်။ ဒီလိုပြောရဲ့ သားနဲ့ ပြစ်မှုထင်ရှားတယ်ဆိုပြီး စီရင်လိုက်တယ်ဆိုတော့ ထိုင်းနိုင်ငံရဲ့  တရားဥပဒေဟာ အတော်လေး မေးခွန်းထုတ်စရာ ဖြစ်နေတယ်ပေါ့။

Andy Hall ။ ။ တရားခံတွေရဲ့  အကျိုးဆောင်တွေရဲ့  သဘောကတော့ တရားလိုဘက်က သူတို့ရဲ့  စွပ်စွဲချက်အတွက် သက်သေခိုင်လုံတဲ့ အထောက်အထားတွေ မပြနိုင်ပါဘူး။ စွပ်စွဲခံရသူ (၂) ယောက်၊ ပြစ်မှုကျူးလွန်ကြောင်း ယုတ်တိတန်တဲ့ အထောက်အထား မပြနိုင်ပါဘူး။ ဒါကြောင့် ဒီအမှုကို ပလပ်ရပါလိမ့်မယ်ဆိုတာ ဖြစ်ပါတယ်။ ကြားနာစစ်ဆေးတဲ့အခါမှာလဲ အထောက်အထားတွေ တင်ပြပါတယ်။ ဒါပေမဲ့ ပြစ်မှုဆိုင်ရာ အထောက်အထား၊ မှုခင်း ဆေးပညာအရ သဲလွန်စတွေ ရှာဖွေပေးတဲ့နေရာမှာ ညံ့ဖျင်းအားနည်းချက်တွေ ရှိနေပါတယ်။ ဒါဟာ ခိုင်လုံစိတ်ချရမှု မရှိပါဘူး။ နောက်တခါ DNA စစ်ဆေးရာမှာလဲ နည်းလမ်းမကျပါဘူး။ နောက်တခုက နှိပ်စက်ညှဉ်းဆဲတယ်ဆိုတာတွေပါ။ ဒီပြဿနာတွေအားလုံးကို ကျနော်တို့ ဖော်ထုတ်ရပါတယ်။ နောက်ပြီး CCTV ထဲမှာ တွေ့ရတာကလဲ၊ ဝေဖြိုး မဟုတ်ပါဘူး။ ဗြိတိန်အစိုးရနဲ့ ထိုင်းအစိုးရတို့ရဲ့  အလောင်းခွဲစိတ် စစ်ဆေးမှုတွေမှာလဲ ကွဲလွဲချက်တွေ ရှိနေပါတယ်။ ဒီလို သံသယ ဖြစ်စရာတွေ၊ အငြင်းပွားစရာတွေ အများကြီးပါ။ ဒါကို တရားသူကြီးတွေက ပြစ်မှုထင်ရှား စီရင်လိုက်ပါတယ်။ သေဒဏ်ချမှတ်လိုက်ပါတယ်ဆိုတော့ ကျနော်တို့ သဘောမတူပါဘူး။ လုံးဝကန့်ကွက်ပါတယ်။ ဒါကြောင့် ကျနော်တို့ အယူခံဝင်ပါမယ်။

ဦးကျော်ဇံသာ ။ ။ ဆိုတော့ ထိုင်းနိုင်ငံရဲ့  တရားစီရင်ရေးမှာ ဒီလိုပဲ မကြာခဏ ဖြစ်နေတာပဲလား။

Andy Hall ။ ။ အကုန်လုံကို အဲဒီလို ခြုံပြီးတော့ ပြောလို့မရနိုင်ပါဘူး။ ကျနော်တို့ တရားရုံးရဲ့  ဆုံးဖြတ်ချက်ဆိုတာကို လေးစားပါတယ်။ ထိုင်းတရားရုံးရဲ့  ဆုံးဖြတ်ချက်ကိုလည်း လေးစားပါတယ်။ ဒါပေမဲ့ ကျနော်တို့က သဘောမတူနိုင်ပါဘူး။ ဒါကြောင့် အယူခံတက်မှာ ဖြစ်ပါတယ်။ ထိုင်းနိုင်ငံရဲ့  တရားစီရင်ရေးအပေါ် သဘောထားတစုံတရာ ကြေညာစရာ မဟုတ်ပါဘူး။ ကျန်နိုင်ငံတွေရဲ့  တရားစီရင်ရေးစနစ်လိုပါပဲ။

ဦးကျော်ဇံသာ ။ ။ နောက်တခုက ဒီနေရာမှာ မြန်မာရွှေ့ ပြောင်းလုပ်သားတွေအပေါ်မှာ အပြင်းအထန် ခွဲခြားဆက်ဆံမှု ရှိနေတယ်လို့ လူတိုင်းပြောကြပါတယ်။ Discrimination အများကြီး ရှိတယ်ပေါ့။ ဒီလို အထောက်အထား မခိုင်လုံဘဲ ပြစ်ဒဏ်ချမှတ်တဲ့ကိစ္စဟာ မြန်မာရွှေ့ ပြောင်းလုပ်သားတွေမို့ ခွဲခြားဆက်ဆံတယ်ဆိုတဲ့ ကိစ္စနဲ့ ဆက်စပ်နေပါလား။

Andy Hall ။ ။ ထိုင်းမှာရောက်နေတဲ့ ရွှေ့ ပြောင်းလုပ်သားတွေအဖို့ တရားစီရင်ရေးနဲ့ ပတ်သက်လို့ အဓိက ပြဿနာတရပ်ကတော့ စကားပြန် ပြဿနာ ဖြစ်ပါတယ်။ ဖမ်းဆီးခံရတဲ့အခါမှာ၊ စစ်ဆေးမေးမြန်းတဲ့အခါမှာ၊ တရားစွဲဆိုခံရတဲ့အခါမှာ၊ တရားခွင်မှာ လုံလောက်ကောင်းမွန်တဲ့ ဘာသာပြန်ဆိုမှု မရှိပါဘူး။ ဒီအမှုမှာလဲ အလားတူပါပဲ။ ရဲဘက်က စကားပြန်နှစ်ယောက် သုံးပါတယ်။ ဘာသာစကား သိပ်အားနည်းပါတယ်။ ဒါကို ကျနော်တို့ တရားရုံးမှာ တွေ့ရပါတယ်။ သူတို့ ထိုင်းစကားတောင် ကောင်းကောင်းနားမလည်ပါဘူး။ ဒါက အဓိက ပြဿနာပါ။ နောက်ပြဿနာတရပ်ကတော့ ရွှေ့ ပြောင်းအလုပ်သမားတွေအနေနဲ့ ရှေ့ နေရှေ့ ရပ်ကောင်းကောင်း မရနိုင်ကြပါဘူး။ တရားဥပဒေအရ ခုခံကာကွယ်မယ့် အလုံအလောက်ရဖို့အတွက် အခက်အခဲတွေ ရှိပါတယ်။ တရားဥပဒေဆိုင်ရာ ပြဿနာက ထိုင်းနိုင်ငံမှာ ကြီးမားတဲ့ ပြဿနာတရပ်ပါ။ ရွှေ့ ပြောင်းအလုပ်သမားတွေသာမက ကျန်လူတော်တော်များများမှာလဲ ရှေ့ နေတွေရဲ့  မူဝါဒနဲ့ ဆန့်ကျင်ပြီးတော့ ခေါင်းပုံဖြတ်ခံရတာတွေ ရှိပါတယ်။ ဒါပေမဲ့ ဒီအမှုမှာတော့ ဇော်ဇော် နဲ့ ဝေဖြိုးတို့ဟာ တခြားရွှေ့ ပြောင်းအလုပ်သမားတွေထက်စာရင် တရားဥပဒေကြောင်းအရ ခုခံကာကွယ်မှု အများကြီးရရှိခဲ့တယ်လို့ ပြောနိုင်ပါတယ်။ ခင်များ မေးသလို ရွှေ့ ပြောင်းအလုပ်သမားတွေကို ခွဲခြားဆက်ဆံခံရသလားဆိုတဲ့ နေရာမှာတော့ ဘာသာပြန်ကိစ္စနဲ့ ဥပဒေအကြောင်းအရ လုံလောက်တဲ့ ခုခံချေပခွင့် မရရှိနိုင်တာအပါအဝင် တရားဥပဒေ စိုးမိုးမှု အားနည်းတာလဲ ပါဝင်ပါတယ်။ ရဲတပ်ဖွဲ့လို့ တရားဥပဒေ အကောင်အထည်ဖော်ရတဲ့လူတွေ ထင်သလို လုပ်နေကြတာပါ။ ရွှေ့ ပြောင်းအလုပ်သမားတွေဆိုရင် မကြာခဏ ခြိမ်းခြောက်ငွေတောင်းခံရတာ၊ ခေါင်းပုံဖြတ်ခံရတာတွေ ထိုင်းနိုင်ငံတဝှမ်းမှာ ရှိနေပါတယ်။

ဦးကျော်ဇံသာ ။ ။ ဒီအဖြေနဲ့ ပတ်သက်ပြီးတော့ ကျနော် အချက် (၂) ချက် မေးစရာ ရှိပါတယ်။ ပထမအချက် (၁) ချက်ကို မေးရမယ်ဆိုရင် အရည်အချင်းမပြည့်မီတဲ့ စကားပြန်ကို ထိုင်းရဲတွေက ရွေးချယ်တာလား။ ဆိုတော့ ဘာကြောင့် ဒီလူတွေဟာ ထိုင်းစကားကျွမ်းကျင်သူတွေ အမြောက်အမြား ရှိပါတယ် ထိုင်းနိုင်ငံမှာ။ မြန်မာတွေထဲက ရှိတယ်။ အထူးသဖြင့် ကရင်တိုင်းရင်းသားတွေ၊ မွန်တိုင်းရင်းသားတွေ အများအပြား ရှိပါတယ်။ ဘာကြောင့် ဒီလို အရည်အချင်းမပြည့်မီတဲ့၊ မကျွမ်းကျင်တဲ့ စကားပြန်တွေကို ရွေးရတယ်လို့ ထင်ပါလဲ။ ဒါက တမင်များ ရွေးသလား။

Andy Hall ။ ။ ဒါကို ကျနော်တို့ မသိပါဘူး။ တကယ်တော့ ခိုင်လုံစိတ်ချရတဲ့ ဘာသာပြန် ရှိနေဖို့၊ ပံ့ပိုးပေးဖို့ဆိုတာ ရဲဘက်က တာဝန်ပါ။ ဒါပေမဲ့ အဲဒီအမှုမှာ သူတို့က အဲဒီလို လုပ်မပေးပါဘူး။ အခု စကားပြန်နှစ်ယောက်ဟာ အရည်အချင်း လုံးဝညံ့ဖျင်းနေတယ်ဆိုတာ သိပ်ကိုထင်ရှားပါတယ်။ နောက်ပြီးတော့ စကားပြန်တွေ ရွေးချယ်တဲ့နေရာမှာလဲ စွပ်စွဲခံရတဲ့ နှစ်ဦးနဲ့ မတူကွဲပြားတဲ့၊ ဘာသာတရား မတူညီတဲ့သူတွေကို သိသိကြီးနဲ့ ရွေးချယ်ခဲ့တာကို တွေ့ရပါတယ်။ ဒါကြောင့်ပဲ တင်းမာမှုတွေ ပိုပြီးတော့ ဖြစ်ခဲ့ရပါတယ်။ ဒီနေရာမှာ ရဲတွေရဲ့  ဆုံးဖြတ်ချက်ဟာ လက်မခံနိုင်စရာပါ။ ဒီလို လုပ်ခဲ့တဲ့အတွက် စွပ်စွဲခံရသူ နှစ်ဦးအဖို့ အမှုစုံစမ်းစစ်ဆေးခံရတဲ့ ကာလမှာလဲ မှန်မှန်ကန်ကန် ကိုယ်စားပြုခြင်း မခံခဲ့ရဘူးဆိုတာ သေချာပါတယ်။

ဦးကျော်ဇံသာ ။ ။ နောက်တခုက ထိုင်းနိုင်ငံမှာ ရှိနေတဲ့ မြန်မာသံရုံးက မြန်မာနိုင်ငံသားတွေ အထူးသဖြင့် စွပ်စွဲခံရသူ နှစ်ဦးအတွက် လုံလောက်တဲ့ ကူညီပံ့ပိုးမှုတွေ ပေးခဲ့တယ်လို့ ထင်ပါသလား။ တကယ်တော့ သံရုံးဆိုတာ၊ ကောင်စစ်ဌာနဆိုတာ တခြားမြေမှာ ရောက်ရှိနေတဲ့ ကိုယ့်နိုင်ငံသားတွေရဲ့  အကျိုးကို ကာကွယ်ဆောင်ရွက်ပေးရတဲ့ အဖွဲ့အစည်းတွေပါ။

Andy Hall ။ ။ မရှိဘူးဗျ။ သံရုံးကိုယ်နှိုက်ကလဲ ဒီရွှေ့ ပြောင်းအလုပ်သမားတွေရဲ့  အရေးကိစ္စမှာ ကူညီပံ့ပိုးပေးတယ်ဆိုတာ သိပ်ပြီးနည်းပါးပါတယ်။ ဒါတွေမကပါဘူး သံရုံးမှာ ခြစားမှုတွေကလဲ ပြင်းထန်ပါတယ်။ ဒါတွေကို ထိုင်းမှာရှိတဲ့ သံရုံး၊ မလေးရှားမှာရှိတဲ့ သံရုံးတွေမှာ တွေ့ရပါတယ်။ အထူးသဖြင့် ရွှေ့ ပြောင်းအလုပ်သမားတွေနဲ့ ပတ်သက်ပြီးတော့ အကွက်ကျကျ အဂတိလိုက်စားတာတွေ၊ ငွေညစ်တောင်းခံတာတွေကို အလုပ်ရှာဖွေရေးအဖွဲ့တွေ၊ ပွဲစားတွေနဲ့ ဆက်သွယ်ပြီးတော့ ဆောင်ရွက်နေကြပါတယ်။ ဒီအမှုနဲ့ ပတ်သက်လို့ မေးခွန်းထုတ်စရာတွေ အများကြီးပါ။ ဇော်ဇော် နဲ့ ဝေဖြိုးတို့ကို အကူအညီပေးရတဲ့ မြန်မာအစိုးရအပေါ်လဲ မေးခွန်းထုတ်စရာတွေ အများကြီးပါ။ အခု သူတို့ ပြစ်ဒဏ်ကျခံပြီးမှ ဒီအပေါ်မှာ လူတွေ မကျေနပ်သံတွေ ထွက်ပေါ်လာတာပါ။ နောက်ကျနေပါပြီ။

ဦးကျော်ဇံသာ ။ ။ ဒီအမှု အထူးသဖြင့် သေဒဏ်စီရင်ချက်ဟာ ထိုင်း-မြန်မာ နှစ်နိုင်ငံ ဆက်ဆံရေးကို ဘယ်လောက်အထိ ထိခိုက်မှု ရှိပါလဲ။

Andy Hall ။ ။ ဒီအမှုကို ဘယ်လို ကိုင်တွယ်ခဲ့ကြသလဲဆိုတဲ့အပေါ် မူတည်ပါတယ်။ ဒီတရားရုံး ဆုံးဖြတ်ချက်ကြောင့် ရွှေ့ ပြောင်းအလုပ်သမားတွေနဲ့တကွ မြန်မာပြည်သူအများစု အထူးစိတ်ထိခိုက်ကြပါတယ်။ အခု ပြစ်ဒဏ်စီရင်ခံရသူ နှစ်ဦးဟာ စွဲဆိုချက်အတိုင်း ပြစ်မှုကျူးလွန်သူတွေ အစစ်အမှန် မဟုတ်ပါဘူး။ ထိုးကျွေးခံရသူတွေသာ ဖြစ်တယ်လို့ အားလုံးက ယူဆနေပါတယ်။ ကျနော့်အနေနဲ့ကတော့ သူတို့ အပြစ်မဲ့လား။ အပြစ်ရှိသလားဆိုတာကို မပြောလိုပါဘူး။ တရားမျှတတဲ့ စီရင်စစ်ဆေးမှုမျိုးပဲ ရစေချင်တာပါ။ သူတို့နှစ်ယောက်ဟာ မျှတတဲ့ တရားစီရင်မှု လုံးဝမရရှိခဲ့ပါဘူး။ တရားလိုဘက်က ဒီလူနှစ်ဦး ပြစ်မှုကျူးလွန်တယ်ဆိုတာ ခိုင်လုံတဲ့၊ သံသယရှင်းတဲ့ သက်သေအထောက်အထား မတင်ပြနိုင်ခဲ့ကြပါဘူး။ ဆိုတော့ သူတို့ကို တရားသေ လွှတ်ပေးရမှာပါ။ ဒီလို မမျှတမှုတွေ ထိုင်းနိုင်ငံမှာ တကယ်ဖြစ်နေတဲ့ ပြဿနာပါ။ နှစ်နိုင်ငံ ဆက်ဆံရေးကို ပြောရရင်တော့ ဒါဟာ အရေးကြီးတဲ့ ပြဿနာတရပ် ဖြစ်လာခဲ့ပါပြီ။ ဒီအမှုကို တရားဥပဒေ စိုးမိုးမှု အပြည့်အဝနဲ့ ကိုင်တွယ်ဖြေရှင်းရပါလိမ့်မယ်။ တရားစီရင်ရေး၊ တရားမျှတမှုသက်သက်နဲ့ ရှင်းပြရပါမယ်။ ဒါဟာ နိုင်ငံရေးအရ၊ အမျိုးသားရေးအရ ဖြေရှင်းရမယ့် ပြဿနာတရပ် မဟုတ်ပါဘူး။

ဦးကျော်ဇံသာ ။ ။ တကယ်လို့သာ စွပ်စွဲခံရတဲ့ နှစ်ယောက်ဟာ မြန်မာတွေမဟုတ်ဘဲ အမေရိကန်၊ ဂျပန်၊ တရုတ် ဒါမှမဟုတ် ထိုင်းနိုင်ငံနဲ့ ဆက်ဆံရေး သိပ်ကောင်းတဲ့ နိုင်ငံတနိုင်ငံ၊ ထိုင်းနိုင်ငံက လေးစားအားကိုးရတဲ့ နိုင်ငံတနိုင်ငံရဲ့  နိုင်ငံသားတွေ ဖြစ်ခဲ့ရင်ကော အခုလို စီရင်ဆုံးဖြတ်လိမ့်မယ်လို့ ထင်ပါလား။

Andy Hall ။ ။ ကျနော့်အနေနဲ့ကတော့ ဒီအမှုကို အမျိုးသားရေးအရသော်လည်းကောင်း၊ လူမျိုးရေးအရသော်လည်းကောင်း၊ ဘာသာရေးနဲ့သော်လည်းကောင်း ဆက်စပ်ပြီးတော့ မကြည့်လို့ပါဘူး။ အဲဒီ ရှုထောင့်တွေကို ကျနော် မဝေဖန်လိုပါဘူး။ ကျနော်တို့က ဒီအမှုမှာ မမျှတဘူး။ ဒါကြောင့် အယူခံတက်မယ်။ စွပ်စွဲခံ အကျိုးဆောင်အဖွဲ့ကလဲ ဒီအတွက် စိတ်အားထက်သန်နေကြပါတယ်။ အယူခံရုံးကို တက်မယ်။ မရရင် တရားရုံးချုပ်ကို တက်မယ်။ အဲဒီကြရင် သူတို့ လွတ်မယ်လို့ ကျနော်တို့ ယုံကြည်ပါတယ်။ အခု သူတို့ကို ထိန်းချုပ်ထားပုံကလဲ သိပ်ကြမ်းကြုတ်ပါတယ်။ (၂၄) နာရီလုံးလုံး ခြေချင်းခတ်ထားတယ်။ တိုက်ပိတ်ထားတယ်။ သေဒဏ်ကျစာရင်းမှာပါပြီးတော့ လုံခြုံရေးအထူး တင်းကြပ်ထားပါတယ်။ အခြေအနေ ဆိုးဝါးလှတဲ့ ထိုင်းအကျဉ်းထောင်မှာ ကြံ့ကြံ့ခိုင်နိုင်ဖို့ဆိုတာ လိုအပ်ပါတယ်။ အယူခံပြီးရင် သူတို့ လွတ်မှာပါ။

ဦးကျော်ဇံသာ ။ ။ ထိုင်းအယူခံ တရားရုံးကိုတော့ လုံးဝခိုင်လုံစိတ်ချရတယ်လို့ Andy တို့အနေနဲ့ လက်ခံတယ်ပေါ့။ အယုံအကြည်ရှိတယ်ဆိုတဲ့ သဘောပေါ့။

Andy Hall ။ ။  ထိုင်းနိုင်ငံရဲ့  တရားစီရင်ရေးစနစ်ကို ကျနော်တို့ လေးစားပါတယ်။ တရားဥပဒေ စိုးမိုးမှုနဲ့အညီ လုပ်လာမယ်လို့ တရားရုံးအပေါ် ကျနော်တို့ ယုံကြည်ပါတယ်။ အယူခံတရားရုံးဟာ အမှုရဲ့  အချက်အလက်ပိုင်းဆိုင်ရာ၊ ဥပဒေမူဝါဒပိုင်းဆိုင်ရာတွေကို စဉ်းစားစစ်ဆေးမှာပါ။ ပြစ်မှုထင်ရှားတယ်ဆိုတာ အစိုးရ ရှေ့ နေတွေ၊ တရားလို အကျိုးဆောင်တွေဘက်က သံသယကင်းရှင်းအောင် သက်သေမပြနိုင်ကြပါဘူး။ ဒါကြောင့် အယူခံတဲ့အခါမှာ လွတ်မယ်လို့ အခိုင်အမာ ယုံကြည်နေကြတာပါ။

ဦးကျော်ဇံသာ ။ ။ နောက်တခုက မြန်မာပြည်သူတွေ၊ တခါ ပြည်ပရောက်နေတဲ့ မြန်မာတွေ ထိုင်းသံရုံးတွေရှေ့  သွားရောက်ပြီးတော့ ဒီ တရားရုံးဆုံးဖြတ်ချက်ကို ကန့်ကွက်ဆန္ဒပြနေကြတာ တွေ့ရပါတယ်။ ဒီလုပ်ရပ်တွေဟာ တစုံတရာ အထောက်အကူ ဖြစ်စေလိမ့်မယ်လို့ Andy ထင်ပါလား။

Andy Hall ။ ။ လူထုအနေနဲ့ စွပ်စွဲခံရသူ နှစ်ဦးမှာ အပြစ်မရှိဘူး။ တမင် ထိုးကျွေးပြစ်ဒဏ်ခံရတာလို့ ယုံကြည်ပြီးတော့ ငြိမ်းချမ်းစွာ ဆန္ဒပြတယ်ဆိုတာကတော့ ဘာမှ ပြောစရာ မရှိပါဘူး။ လုပ်သင့်ပါတယ်။ ဒါပေမဲ့ ကျနော့်အဖို့ ဒီအမှုကို နီးနီးကပ်ကပ် စောင့်ကြည့်နေသူ တဦးအဖို့ကတော့ အပြစ်ရှိမရှိဆိုတာ မပြောလိုပါဘူး။ တရားရုံးရှေ့ မှောက်မှာ အချက်အလက်ဆိုင်ရာတွေကို ပြောချင်ပါတယ်။ ခိုင်လုံတဲ့ သက်သေခံနဲ့ သံသယကင်းအောင် ပြသနိုင်မှ အပြစ်ရှိနိုင်ပါတယ်။ မပြသနိုင်သမျှ အပြစ်မရှိပါဘူး။ ဆိုတော့ ဆန္ဒပြသူတွေ၊ ငြိမ်းချမ်းစွာ ဆန္ဒပြကြတယ်ဆိုတာ မှန်ကန်တဲ့ အလုပ်ပါ။ ဒါပေမဲ့ ဒီဆန္ဒပြမှုတွေဟာ ထိုင်းတရားရေး စီရင်မှုအပေါ် အကျိုးသက်ရောက်မှု ရှိပါ့မလား။ ကျနော် မသိပါဘူး။ နိုင်ငံရေးအရ အကျိုးသက်ရောက်နိုင်ပါတယ်။

ဦးကျော်ဇံသာ ။ ။ နောက်ဆုံးတခု မေးချင်တာကတော့ သေဆုံးသွားရတဲ့ လူနှစ်ဦးဟာ ဗြိတိန်နိုင်ငံသားတွေ ဖြစ်လို့၊ ဗြိတိန်အစိုးရကို ကျေနပ်အောင် ဒီလူငယ်နှစ်ဦးကို ထိုးကျွေးလိုက်တယ်ဆိုရင် မှန်ပါသလား။

Andy Hall ။ ။ ဗြိတိန်အစိုးရနဲံ့ သေဆုံးသူ နှစ်ဦးရဲ့  မိသားစုကပါ ဒီအမှုအတွက် အပြစ်မရှိသူတွေကို အပြစ်ဖို့ပြီးတော့ စီရင်တာမျိုး လိုလားကြမှာ မဟုတ်ပါဘူး။ မြန်မာဖြစ်ဖြစ်၊ ထိုင်းဖြစ်ဖြစ်၊ တခြားဘယ်လူမျိုးဖြစ်ဖြစ်ပါ ။ အခုအချိန်အထိ ပြစ်မှု အမှန်တကယ် ကျူးလွန်သူ ဘယ်သူဘယ်ဝါဆိုတာ ဘယ်သူမှ မသိနိုင်သေးပါဘူး။ မူခင်း ဖြစ်ပွားတဲ့နေ့က အဲဒီနေရာကို ကျနော်တို့လည်း ရောက်သွားပါတယ်။ ကမ်းခြေမှာ ဘာမှ မတွေ့ရပါဘူး။ ဒါကြောင့် သူတို့ဟာ တမင်ထိုးကျွေခံရတာလဲ ဖြစ်နိုင်ပါတယ်။ တရားလိုဘက်ကလည်း သက်သေအလုံအလျောက် မပြနိုင်ပါဘူး။

ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com