January 2015

စစ်အာဏာရှင်အငွေ့ မကင်းသေးသော အစိုးရတို့၊ လွှတ်တော်တို့မှာ ကျောင်းသားဆိုလျှင် အဖက်မတန်သလို သဘောထားသောကြောင့် သူတို့အတွက် အန္တရာယ်ကြီးလေသည် . . . ရွေးကောက်ပွဲ လုပ်သည်ဖြစ်စေ၊ မလုပ်သည်ဖြစ်စေ၊ တရားမျှတသည်ဖြစ်စေ၊ တရားမဲ့ သည်ဖြစ်စေ ကျောင်းသားများက ဂရုစိုက်မည် မဟုတ်ပေ။ သူတို့၏ တရားနည်းလမ်းကျသော အမျိုးသားပညာရေးဥပဒေ ပြင်ဆင်ရေးအတွက် သာ တောင်းဆိုကြပေ မည် . . .

~~~~~~~~~~~~~~~~~~~~~~~~~~~~~~~~~~~~~~~~~~~~

ဗကသများ အဖွဲ့ချုပ်နှင့် တကသများက တောင်းဆိုထားသည့် အမျိုးသားပညာရေး ဥပဒေကြမ်း ပြင်ဆင်ဖို့ တောင်းဆို ခဲ့သည်မှာ ယခုဆို ရက်ပေါင်း ၆၀ ကျော်လာပြီ ဖြစ်သည်။ ထိုဥပဒေ ရေးဆွဲစဉ် ကျောင်းသား သမဂ္ဂများကို အသိပေးခြင်း၊ ပါဝင်စေခြင်း မရှိခဲ့ပေ။ ကျောင်းသားသမဂ္ဂများကို လျစ်လျူရှု ထားခဲ့လေသည်။ ထို့ကြောင့် အမျိုးသား ပညာရေး ဥပဒေမှာ ဗဟိုချုပ်ကိုင်မှုများပြီး စစ်အာဏာရှင်တို့၏ ဥပဒေ အတိုင်း ဖြစ်နေ သောကြောင့် ပြင်ဆင်ဖို့ တောင်းဆို ဆန္ဒပြခဲ့ကြသည်။ သို့သော် အစိုးရက ဘာမှလုပ်မပေးဘဲ ကျောင်းသား ယူနီယံများသာ ဖွဲ့စည်းဖို့ လုပ်ဆောင်ခဲ့သည်။ ကျောင်းသားသမဂ္ဂ၏ သမိုင်းမှာ အလွန် အရေးကြီးသော အခန်းတွင် ရှိလေသည်။ လွတ်လပ်ရေး တိုက်ပွဲသမိုင်းတွင် ကျောင်းသားသမဂ္ဂက ဦးဆောင်မှု အခန်းတွင် ရှိခဲ့ လေသည်။ ရန်ကုန်တက္ကသိုလ် ကျောင်းသားသမဂ္ဂ အဆောက်အအုံမှာလည်း တိုင်းပြည် ခေါင်းဆောင်များကို မွေးထုတ် ခဲ့သော နေရာဖြစ်သည်။ ကျောင်းသားသမဂ္ဂကို ပစ်ပယ်ထား လျှင် ကျောင်းသားများ၏ ထောက်ခံမှုကို ရမည် မဟုတ်ပေ။ ယခင်ကတည်းက သမဂ္ဂဆိုသည်မှာ ဂုဏ်ပြောင်ခဲ့ပါသည်။ သမဂ္ဂကို အင်္ဂလိပ်လို Union ဟုခေါ်သည်။ ယခုအခါ ပညာရေးဝန်ကြီးဌာနက ယူနီယံကို ဘာသာမပြန်ဘဲ ယူနီယံ လုပ်လိုက် ပါတော့သည်။ စင်စစ် သမဂ္ဂကို အစောဆုံးဖွဲ့စည်း နာမည်ယူသည်မှာ ကျောင်းသားများဖြစ်သည်။ နောက်မှ အလုပ်သမား သမဂ္ဂ (Trade Union) ဖြစ်လာသည်။ စာရေးဆရာသမဂ္ဂ(Writer Union) ဖြစ်လာသည်။ ဆိုလိုသည်မှာ သမဂ္ဂကို အင်္ဂလိပ်လို ယူနီယံအဖြစ် သတ်မှတ်ထားခြင်း ဖြစ်သည်။ ယူနီယံသည် ယူနီယံမဟုတ်။ သမဂ္ဂဖြစ်သည်။ ကျောင်းသား ယူနီယံ ဖွဲ့လိုက်သည်ဆိုလျှင် ဘာသာပြန်ဆိုပါက မည်သို့ ဘာသာပြန်ဆို ကြမည်နည်း။ မော်တော်ကား ကို မော်တော်ကား၊ ရေဒီယိုကို ရေဒီယိုဟု ဘာသာပြန်ဆို၍ မဖြစ်ပါ။ ရေဒီယို၊ မော်တော်ကား ဆိုသည်မှာ မြန်မာများနားတွင် ရှောရှောရှူရှူ ၀င်ခဲ့သော အသုံးအနှုန်းများဖြစ်သည်။ ယူနီယံ ဆိုသည်မှာ နားထဲစိမ်းနေသည်။ ရည်ရွယ်ချက်မှာလည်း မကောင်းလှပေ။ သမဂ္ဂကို ဆန့်ကျင်၍ ယူနီယံဟု ပေးခြင်းဖြစ်၏။ ဆန်ကောလောက်မှ ဇောက်မနက်လှပေ။

ကျောင်းသားသမဂ္ဂများက အမျိုးသား ပညာရေးဥပဒေနှင့် ပတ်သက်ပြီး ၄ ပွင့်ဆိုင် တွေ့ဆုံဆွေးနွေးဖို့ လွန်ခဲ့ သည့် ၂ လကတည်းက တောင်းဆို ထားလေသည်။ ကျောင်းသားသမဂ္ဂ၊ အစိုးရ၊ လွှတ်တော်နှင့် မြန်မာနိုင်ငံ ပညာရေးစနစ် ပြုပြင်ပြောင်းလဲရေး နိုင်ငံရေးဆိုင်ရာကွန်ရက် (NNER)တို့ တွေ့ဆုံရေးကို တောင်းဆို ခဲ့ခြင်း ဖြစ်သည်။ သို့သော် ရက်ပေါင်း ၆၀ ရောက်သည်အထိ မည်သည့် ပြန်ကြားချက်မျှ မရှိသလို သမ္မတက အမျိုးသား ပညာရေး ဥပဒေပါ တချို့အချက်များကို ပြင်ဆင်ပေးဖို့ လွှတ်တော်ထံ ပေးပို့ခြင်းသာ ရှိခဲ့၏။ ကျောင်းသားအရေးကို ဓားမသွေးလောက်ဟု ထင်နေသလား မသိပေ။ လွန်ခဲ့သော နှစ်ပေါင်း ၅၀ ကျော်က စစ်အာဏာရှင်တို့ မလေးမခန့်လုပ်သလို ဂရုစိုက်စရာ မလိုသော ကျောင်းသားလေးများဟု သဘောထားလျှင် အမှားကြီးမှားပေမည်။ သမိုင်း၏ အရေးပါသော အပြောင်းအလဲများကို ဖော်ဆောင်ခဲ့သူ မှာ ကျောင်းသား များသာ ဖြစ်ပါသည်။ ယခုကျောင်းသားများ၏ တောင်းဆို ချက်မှာ မတရားသော တောင်းဆိုချက်များ မဟုတ်ပေ။ ကျောင်းသားသမဂ္ဂများ တရားဝင် ဖွဲ့စည်းခွင့်ပေးရန်၊ ဗဟိုချုပ်ကိုင်မှု တင်းကျပ်လွန်းခြင်း ကို ဖြေလျှော့ပေးရန်၊ တိုင်းရင်းသားများ၏ ဘာသာစကား လွတ်လပ်ခွင့်နှင့် မိခင်ဘာသာစကား၊ အခြေပြု ဘာသာ စကားများကို ထည့်သွင်းပေးရန်၊ ပညာရေးဘတ်ဂျက်ကို ပိုမိုသုံးစွဲပေးရန်တို့ ဖြစ်လေသည်။ ထိုဥပဒေရေးဆွဲ စဉ်ကလည်း ကျောင်းသားများကို အသိပေးခြင်း မရှိခဲ့ပါ။ ရက်ပေါင်း ၆၀ တိုင်အောင် ကျောင်းသားသမဂ္ဂများကို ဖုတ်လေတဲ့ငါးပိ ရှိတယ်လို့တောင် သဘောမထားသောကြောင့် မန္တလေးမှ ရန်ကုန်အထိ ချီတက်ခရီးရှည် သပိတ်ကြီးကို ဆင်နွှဲကြခြင်းဖြစ်သည်။ ကျောင်းသားထု၏ တောင်းဆိုချက်မှာ မတရားသော တောင်းဆို ချက်များ မဟုတ်ပေ။ ကျောင်းသားနိုင်ငံရေး မလုပ်ပါနှင့်။ လွှတ်တော်က ဥပဒေ အကောင်အထည် ဖော်တာကို စောင့်ကြည့် ပါဦး စသော ယခင်စစ်အစိုးရ လက်ထက်က သဘောထားအတိုင်း၊ လေသံ အတိုင်း ကျင့်သုံး လာခြင်းမှာ အစိုးရအဖွဲ့သစ်အဖို့ ယခင်နှင့်မထူးသော ကျင့်သုံးချက်များဟု ဆိုရပေမည်။ ယခု ကျောင်းသား များ၏ တောင်းဆိုချက်နှင့် ပတ်သက်ပြီး မုံရွာတက္ကသိုလ်မှ ဒေါက်တာစိုင်းခိုင်နူးထွန်းက-

““အဓိက ကျောင်းသားတွေကို ပြောချင်တာထက် တစ်ဖက်က တာဝန်ရှိသူတွေကို ပြောချင်တယ်။ ကျောင်း သားတွေ တောင်းဆိုထားတဲ့ ကာလအတွင်းမှာ ပြန်လည်တုံ့ပြန်မှု မရှိလို့ ဖြစ်ပေါ်လာတဲ့ အကြောင်းအရာတွေပဲ။ သူတို့ရဲ့ တာဝန်ပဲ ဖြစ်တယ်လို့ အဓိက ပြောချင်တယ်။ ကျောင်းသားတွေကသူတို့ လုပ်ရမယ့် အလုပ်ကို လုပ်နေတယ်လို့ မြင်ပါတယ်””ဟု ကောက်ချက် ချထားပါသည်။

ထို့အတူ ပုသိမ်တက္ကသိုလ် သမိုင်းဌာန လက်ထောက်ကထိက ဦးသန်းထိုက်အောင်ကလည်း-

““ကျောင်းသားတွေ အခုလိုဖြစ်သွားတာက ဖြစ်အောင်လုပ်တဲ့ သူတွေရှိလို့ပေါ့။ ကျောင်းသားတွေက စေ့စပ် ညှိနှိုင်းရေး လမ်းစဉ်ကို သွားချင်ကြတာ ဖြစ်ပါတယ်။ ရက်ပေါင်း ၆၀ အထိ စောင့်နေကြတယ်။ အဲဒီ အချိန်ထိ ပြန်ကြားချက် မလာတဲ့အခါ သူတို့ စေ့စပ်မဆွေးနွေးဘူး။ ကျောင်းသားတွေကို လမ်းပေါ်ရောက်အောင် လုပ်တယ်လို့ မြင်ပါတယ်။ သူတို့က မိဘပါလို့ ပြောနေကြတယ်။ ကိုယ့်သားသမီးတွေကို ကြင်နာပါမယ်လို့ ပြောနေကြတယ်။ တကယ်တမ်းကျတော့ မိဘပုံစံ ဟုတ်ရဲ့လားလို့ ပြန်စဉ်း စားဖို့လိုမယ်။ တကယ်တော့ ကျောင်းသားတွေက အာဏာ တောင်းနေတာလည်း မဟုတ်ဘူး။ သူတို့ဆီက အာဏာယူမှာလည်း မဟုတ်ဘူး။ ပညာရေးစနစ် ကောင်းအောင် တောင်းဆိုနေကြတာပဲ။ ဒါတွေ လုပ်နေတာဟာ သူတို့အာဏာရအောင် လုပ်နေ တာမဟုတ်ဘူး။ ပညာရေးစနစ် ကောင်းအောင် လုပ်နေတာ ဖြစ်တယ်။ ဒါကြောင့် သူတို့ကို အားပေးနေမယ်”” ဟု ထောက်ခံသည့် သဘောထား ပေးသွားလေသည်။

ယခုကျောင်းသား ပြဿနာမှာ အပ်နှင့်ထွင်လျှင် ထွင်၍ရသော ပြဿနာဖြစ်သည်။ စစ်အာဏာရှင် အငွေ့ မကင်းသေးသော အစိုးရတို့၊ လွှတ်တော်တို့မှာ ကျောင်းသားဆိုလျှင် အဖက်မတန်သလို သဘော ထားသောကြောင့် သူတို့အတွက် အန္တရာယ် ကြီးလေသည်။ ယခုအမျိုးသား ပညာရေး ဥပဒေမှာလည်း မမျှတသော အချက်များများစွာ ပါဝင်နေ၏။ ကျောင်းသားများနှင့် စေ့စပ်ညှိနှိုင်းခြင်း မရှိသည်ကပင် သူတို့၏ သဘောထား ကွက်ကွက်ကွင်းကွင်း ပေါ်လွင် လာစေပါသည်။ လွန်ခဲ့သော ၂ လ ကျောင်းသားတိုက်ပွဲများ၊ သပိတ်များ ပြုလုပ်နေကတည်းက ညှိနှိုင်းဆွေးနွေး လိုက်လျှင် ယခုလိုခရီးရှည် သပိတ်ကြီး ပေါ်လာမည် မဟုတ်ပေ။ မလောက်လေး မလောက်စား ကလေးအရွယ်လေးများက သူတို့လို စစ်ဗိုလ်ချုပ်ဟောင်းများ၊ အတွေ့အကြုံ ရင့်ကျက်သူများကို အန်တုရသလားဟု သဘောထားနေသည်မှာ ကိုယ့်သေတွင်း ကိုယ်တူးသလို ဖြစ်နေသည်။ သူ့စည်း ကိုယ့်စည်းဖြင့် သူ့အဆင့်ကိုယ့်အဆင့်ကို အသိအမှတ်ပြုလျှင် ဘာပြဿနာမျှ ဖြစ်စရာ အကြောင်း မရှိပေ။

ကျောင်းသားများ၏ သပိတ်တိုက်ပွဲမှာ မည်သည့် ပယောဂမှမရှိ။ မည်သူကမှ သွေးထိုး လှုံ့ဆော်ပေးခြင်း မရှိပေ။ မတရားသော ဥပဒေများ ပယ်ဖျက်ပေးရန် တောင်းဆိုခြင်းသာ ဖြစ်သည်။ တချို့နိုင်ငံရေးသမားများ၊ နိုင်ငံရေး ပါတီများက ၂၀၁၅ ရွေးကောက်ပွဲပျက်အောင် လုပ်နေခြင်းဖြစ်သည်ဟု စွပ်စွဲကြပေလိမ့်မည်။ ရွေးကောက်ပွဲ မ၀င်ရလျှင် သေသွားနိုင်သော နိုင်ငံရေးပါတီများက ကျောင်းသားများကို လက်ညှိုးထိုး စွပ်စွဲကြပေလိမ့်မည်။ ၂၀၀၈ ဖွဲ့စည်းပုံဖြင့် ပြုလုပ်သော ရွေးကောက်ပွဲဖြစ်ပါက မည်မျှပင် လွတ်လပ်ပြီး တရားမျှတသည်ဆိုဆို ဒီမိုကရေစီ ရွေးကောက်ပွဲမဖြစ်နိုင်ပေ။ ပြည်သူအတွက် ကောင်းလာမည် မဟုတ်ပေ။ ရွေးကောက်ပွဲ လုပ်သည် ဖြစ်စေ၊ မလုပ်သည်ဖြစ်စေ၊ တရားမျှတသည်ဖြစ်စေ၊ တရားမဲ့သည်ဖြစ်စေ ကျောင်းသားများက ဂရုစိုက်မည် မဟုတ်ပေ။ သူတို့၏ တရားနည်းလမ်းကျသော အမျိုးသားပညာရေး ဥပဒေ ပြင်ဆင်ရေး အတွက်သာ တောင်းဆိုကြပေမည်။ ကျောင်းသားများ၏ တိုက်ပွဲကို နိုင်ငံရေးပါတီများ၊ လူထုလူတန်းစား အသီးသီးက ထောက်ခံအားပေး သင့်လေသည်။ ကျောင်းသားတို့၏ ပညာရေးဥပဒေ ပြင်ဆင်ရေးတိုက်ပွဲကို ကျောင်းသားများချည်း ပြီးသွားမည်ဟု မထင်သင့်ပေ။ ဘက်ပေါင်းစုံ ဖိနှိပ်ခံနေရသော အလုပ်သမား၊ လယ်သမားများလည်း ပါလာနိုင်၏။ မိမိတို့ တောင်းဆိုချက်ကို မလိုက်လျောမချင်း ကျောင်းသားများက လျှော့ပေး လိမ့်မည်လည်း မဟုတ်ပေ။ ယခုဆိုလျှင် ကျောင်းသားတပ်ကြီးသည် မန္တလေးမှစ၍ ထွက်လာပေပြီ။ မနက်ဖြန်၊ သဘက်ခါ စသည့် ရက်များတွင် မြို့နယ်အသီးသီးရှိ သမဂ္ဂများ ပါဝင်လာလိမ့်မည်။ လူမှုရေး အဖွဲ့ အစည်းများ၊ နိုင်ငံရေး အကျဉ်းသားဟောင်းများနှင့် ဒီမိုကရေစီ ဘက်တော်သားများလည်း ပါလာလိမ့်မည်။ တိုက်ပွဲမှာ မုန်တိုင်းလို တဖြည်းဖြည်း စုစည်းကာ အားနည်းရာမှ အားကြီးလာပေမည်။ ထိုမုန်တိုင်းသည် အစိုးရ၏ နောက်ဆုံးကာလတွင် ဘယ်လောက် တိုက်ခတ်သွားမလဲ မပြောနိုင်ပေ။ ယခုအချိန်တွင် မုန်တိုင်း အားကောင်းမလာခင် ကျောင်းသား များနှင့် တွေ့ဆုံ စေ့စပ်ညှိနှိုင်း သင့်ပါသည်။

မြန်မာသံတော်ဆင့်သတင်းဌာန- http://www.facebook.com/myanmarherald





အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် ပျော်ဖွယ်မြို့ ဗိုလ်ချုပ်အောင်ဆန်း နှစ် (၁၀၀) ပြည့် အခမ်းအနားကျင်းပရာ ရွှေပြည်သာ ဘုရား ဟောပြောကွင်းသို့ နံနက် ၉ နာရီ ၁၀ မိနစ်တွင်ရောက်ရှိခဲ့သည်။ ၎င်းနောက် ပျော်ဖွယ်မြို့မှ မူလတန်း၊အလယ်တန်းကျောင်းသူ၊ကျောင်းသားလေးများ၏ ဗိုလ်ချုပ်အောင်ဆန်း နှစ် (၁၀၀) ပြည့်ဂုဏ်ပြုတေးသီချင်းများနှင့်ဖျော်ဖြေခြင်း၊ အမေ့အိမ်ကျောင်းသူ၊ကျောင်းသားလေးများ၏ ဗိုလ်ချုပ်မိန့်ခွန်းကောက်နုတ်ချက်များ ဟောပြောခြင်းများပြုလုပ်ခဲ့ပြီး ဥက္ကဋ္ဌ ဒေါ်အောင်ဆန်းစုကြည်မှ ဗိုလ်ချုပ်ရာပြည့် စာစီစာကုံးဆုရကျောင်းသူ၊ကျောင်းသားများကိုဆုချီးမြင့်ခဲ့ပြီးနောက် ပျော်ဖွယ်မြို့ပြည်သူလူထုအား ဖခင်ဗိုလ်ချုပ်အောင်ဆန်း နှစ်(၁၀၀)ပြည့်နှင့်ပတ်သက်၍ မိန့်ခွန်းပြောကြားခဲ့သည်။

သတင်း.photo ..NLD Chairperson
Video..Aye mya mya myo


ရှမ်းပြည်နယ် မြောက်ပိုင်းက ကချင်ဆရာမနှစ်ဦး အသတ်ခံရမှု စုံစမ်းစစ်ဆေးရာမှာ မှုခင်းနည်းပညာ အကူအညီပေးနိုင်ဖို့ အမေရိကန် အစိုးရက စဉ်းစားနေတယ်လို့ အမေရိကန် ထိပ်တန်းအရာရှိ တဦးကပြောကြောင်း အမေရိကန်အခြေစိုက် ကချင်အရေး လှုပ်ရှားသူ တွေကပြောပါတယ်။ အမေရိကန်သမ္မတ အိမ်ဖြူတော် ထိပ်တန်းအရာရှိတွေ အပါအ၀င် လူ့အခွင့်အရေးဆိုင်ရာ အမေရိကန် လက်ထောက်နိုင်ငံ ခြားရေး ၀န်ကြီး တို့နဲ့ ဇန်န၀ါရီလ (၃၀)ရက်နေ့က ကချင် မဟာမိတ်အဖွဲ့ ကိုယ်စားလှယ်တွေ သီးသန့်တွေ့ဆုံဆွေးနွေးခဲ့တဲ့အကြောင်း မအင်ကြင်းနိုင်ကပြောပြမှာပါ။

အမေရိကန်အစိုးရအနေနဲ့ ကချင်ပြည်နယ်က လက်ရှိအခြေအနေနဲ့ပတ်သက်လို့ အထူးစိုရိမ်မကင်းဖြစ်နေတဲ့ အပေါ်မှာ ဒီရက်ပိုင်းအတွင်း အမေရိကန်ပြည်ထောင်စု က ကချင်အရေး လှုပ်ရှားသူတွေ နဲ့ တွေ့ဆုံဆွေးနွေးနေပါတယ်။

ကချင်ဆရာမနှစ်ဦး အဓမ္မပြုကျင့်ခံရပြီး အသတ်ခံရမှုကို စုံစမ်းစစ်ဆေးရာမှာ ကျွမ်းကျင်သူတွေနဲ့အကူအညီပေးနိုင်တဲ့နည်းလမ်း အမေရိကန်ဘက်က စဉ်းစားနေကြောင်း လူ့အခွင့်အရေးဆိုင်ရာ အမေရိကန် လက်ထောက်နိုင်ငံခြားရေး ၀န်ကြီး Tom Malinowski ကပြောဆိုခဲ့တယ်လို့ သောကြာနေ့က သူနဲ့တွေ့ဆုံခဲ့တဲ့ ကချင်မဟာမိတ်အဖွဲ့ဥက္ကဋ္ဌ Gum San ကပြောပါတယ်။

" သူတို့က စုံစမ်းရေးမှာ လိုအပ်မယ့် အရာတွေပေါ့။ သူတို့အကူအညီပေးနိုင်မယ့် ဟာကို ရှာဖွေပေးမယ်ပြောပါတယ်။ နောက်တခုကတော့ ဒုက္ခသည်တွေကို အချိန်အကြာကြီး အကူအညီဖြတ်တောက်မှု လုပ်တာကတော့ နိုင်ငံရေးပဲဖြစ်ဖြစ် စစ်ရေးပဲဖြစ်ဖြစ် ဒုက္ခသည်တွေကို ပေးတဲ့အကူအညီကို မဖြတ်တောက်ပဲ ဖွင့်ပေးဖို့ ကျနော်တို့ပြောဖြစ်ပါတယ်။  အဲ့တာကို သူတို့က တောင်းဆိုခဲ့ တယ်။ နောက်ထပ်လည်း တောင်းဆိုပါ့မယ်လို့ ပြောပါတယ်။ အစိုးရကလည်း ဖွင့်ပေးမယ်လို့ ကတိပေးခဲ့တယ်လို့ သူတို့ကပြောပါတယ်။"

အလားတူ အမေရိကန်သမ္မတအိမ်ဖြူတော်က အမျိုးသားလုံခြုံရေး- အာရှ ပစိဖိတ်ဆိုင်ရာ ထိပ်တန်းအရာရှိတွေနဲ့လည်း ကချင်ဆရာမနှစ်ဦး အသတ်ခံရတဲ့ကိစ္စကို ဆွေးနွေးပြောဆိုခဲ့တယ်လို့ Gum San ကပြောပါတယ်။

" အမျိုးသမီးတွေကို ရက်စက်သတ်ဖြတ်မှုနဲ့ အရေးယူမှုတွေမှာ အကူအညီပေးဖို့ ကျနော်တို့ အဓိက ပြောခဲ့တာပါ။ နောက်တခုက ဒီဟာနဲ့ပတ်သက်ပြီးမှ ထိတွေ့ဆက်ဆံမှုအပေါ်မှာ Sanctions ဆိုတဲ့အရာဟာ အရေးကြီးတဲ့ အကြောင်းလည်း ကျနော်တို့ပြောဖြစ်ပါတယ်ခင်ဗျ။"

မအင်ကြင်းနိုင်။   ။ အဲ့လိုပေါ့နော် ကချင်ဆရာမနှစ်ဦး အသတ်ခံရတဲ့ကိစ္စမှာ အချက်အလက်တွေ ခိုင်မာအောင် ဘယ်လိုပြောပြနိုင်ခဲ့လဲရှင့်။

"ဟုတ်ကဲ့။ ကျနော်တို့ပြောဖြစ်ခဲ့တဲ့ ဟာထဲမှာတော့ ရွာသားတွေကို မေးဖြစ်တဲ့ဟာတွေ ရှိတယ်။ မေးတဲ့အခါမှာ ဖြစ်ရိုးဖြစ်စဉ်တွေ အားလုံးကို ကျနော်တို့ ရှင်းပြတယ်။ ဥပမာ ဒီအမျိုးသမီးတွေက စစ်သားတွေ ရောက်လာတဲ့ အချိန်မှာ ရွာသားတွေရဲ့ အိမ်မှာ နေတယ်။ ဒီတစ်ညပဲ မအိပ်ဖြစ်ဘူး။ ဘာဖြစ်လို့လဲဆိုတော့ မွေးနေ့တခုကအပြန် နောက်ကျသွားလို့ အိမ်ရှင်တွေကို ပြန်နှိုးရမှာ အားနာလို့ သူတို့က ဘုရားကျောင်းဝင်းထဲမှာ အိပ်လိုက်တာ။ အိပ်တဲ့ညမှာပဲ ဒီဟာဖြစ်တယ်။ နောက်တခုက အနီးဆုံး စစ်သားတွေ ကင်းစောင့်တာဖြစ်တဲ့ နေရာက ၆၅ကိုက် အကွာအဝေးမှာ ရှိတယ်။ နောက် ရွာတရွာလုံးမှာ စစ်သားတွေ ရှိတယ်။ နောက်တချို့ အချက်အလက်တွေ သူတို့ ပြောရရင် ပထမဆုံး တွေ့ရှိတဲ့အချိန်မှာ စစ်ဖိနပ် တွေ ကုတင်ပေါ်မှာ ရှိတာနဲ့ နောက်တခုက စစ်သားတွေ ပုံထားတဲ့နေရာ ရိုက်သတ်ထားတဲ့ သစ်ချောင်းရဲ့ပုံထားတဲ့ အနားမှာ စစ်ဖိနပ်ခြေရာတွေ မြင်ခဲ့တာ ကျနော်တို့ပြောဖြစ်ပါတယ်။ နောက်တခုကတော့ မိုးမလင်းခင် အချိန်မှာ စစ်သားအချို့ ကားနဲ့ ဆင်းသွားတယ်ဆိုတာ ကျနော်တို့ပြောဖြစ်တယ်။"

မအင်ကြင်းနိုင်။   ။ အခုလိုပေါ့နော် အမေရိကန်အစိုးရရော၊ အိမ်ဖြူတော်ရောပေါ့နော် နိုင်ငံခြားရေး တာဝန်ရှိသူတွေက ကချင်ကိစ္စနဲ့ ပတ်သက်ပြီးတော့ ဘာကြောင့် အခုလို သူတို့တွေ့ဆုံပြီးတော့ ဆွေးနွေးတယ်လို့ ယူဆလဲရှင့်။

" အော် စိုးရိမ်မှုရှိလို့ပါ။ မငြိမ်မသက်ဖြစ်လာနိုင်တဲ့ အခြေအနေကို ရောက်နိုင် ပါတယ်။ ဘာဖြစ်လို့လဲ ဆိုတော့ လူသိန်းနဲ့ချီပြီး လမ်းပေါ်ထွက်လျှောက် လာတယ်ဆိုတာက ပြည်သူလူထုရဲ့ ပေါက်ကွဲလုမတတ် ခံစားမှုက အများကြီးဖော်ပြနေတဲ့ဟာကို သူတို့မြင်တွေ့ရတယ်။ အဲ့လိုဆိုတော့ အစိုးရကလည်း စိုးရိမ်တယ် ဘာဖြစ်လို့လဲဆိုတော့ ဒီဟာတွေက ငြိမ်းချမ်းရေး ဖြစ်စဉ်ဖြစ်ဖြစ် ကျနော်တို့ မြန်မာပြည်ရဲ့ ဒီမိုကရက်တစ် ပြုပြင်ပြောင်းလဲရေး ဖြစ်စဉ်ကို ထိခိုက်လာနိုင်တယ်ဆိုတဲ့အမြင် သူတို့တွေက နားလည်ပုံ ကျနော်တို့ ခံစားရတယ်လေ။"

အမေရိကန်ပြည်ထောင်စုက ကချင်အရေးလှုပ်ရှားနေသူတွေဟာ ဇန်န၀ါရီ (၂၈)ရက်နေ့ကလည်း အရှေ့အာရှပစိဖိတ်ရေးရာ အမေရိကန် ဒုလက်ထောက် နိုင်ငံခြားရေးဝန်ကြီး Scott Marciel အပါအ၀င် အမေရိကန်နိုင်ငံခြားရေးဌာနက အဆင့်မြင့်အရာရှိတွေနဲ့ တွေ့ဆုံပြီး ကချင်ပြည်နယ်တွင်း လူ့အခွင့်အရေး ချိုးဖောက်မှုတွေ ကို ဖြေရှင်းပေးရေး မြန်မာအစိုးရကို ဖိအားပေးဖို့ ဆွေးနွေးပြောဆိုခဲ့ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com/content/kachin-news-update/2622519.html

အမျိုးသား ပညာရေး ဥပဒေကန့်ကွက် လမ်းလျှောက် သပိတ်မှောက် နေတဲ့ ကျောင်းသားများ (ဓာတ်ပုံ-မာတင်ဆွေ FB)
ကျောက်ပန်းတောင်းမြို့မှာ ရပ်နားနေတဲ့ သပိတ်မှောက် ကျောင်းသားတွေဟာ ဒီကနေ့ စနေနေ့ မှာတော့ ဆက်ပြီး ချီတက် ကြတော့မှာ ဖြစ်ပါတယ်။ ဖေဖော်ဝါရီလ (၁)ရက်နေ့ မှာ ပြုလုပ်မယ့် ဆွေးနွေးပွဲ ကို စောင့်ကြည့် နေချိန် အတွင်း ကျောက် ပန်းတောင်းမှာပဲ နားပြီးတော့ ဆန္ဒပြ လှုပ်ရှားမှုတွေကို ဆက်လုပ်သွားမယ် လို့ သောကြာနေ့ အစောပိုင်းမှာ ပြောခဲ့ပြီး တဲ့နောက် အခုတခါ ဆက်လက် ချီတက်ကြဖို့ ဆုံးဖြတ်ခဲ့ကြတယ်။ အခုလို ဘာ့ကြောင့်များ ဆုံးဖြတ်လိုက်ကြတာပါလဲ ဆိုတာနဲ့ ပါတ်သက်ပြီး ဆက်သွယ် မေးမြန်းထားတဲ့ ဗွီအိုအေရဲ့ ထိုင်းအခြေစိုက် သတင်းထောက် မအေးအေးမာက သတင်းပေးပို့ထားပါတယ်။

အမျိုးသား ပညာရေး ဥပဒေကို ဆန့်ကျင်ကန့်ကွက်နေတဲ့ ကျောင်းသားတွေဟာ အစိုးရ လွတ်တော်နဲ့ NNER တို့နဲ့ ဆက်လက် ညှိနှိုင်းသွားမှာဖြစ် သလို ကျောင်းသားတွေ တောင်းဆိုတဲ့ အချက် (၁၁)ချက်ကို အစိုးရနဲ့လွတ်တော်က လိုက်လျောဖို့ မသေချာသေးတာကတကြောင်း အစိုးရအနေနဲ့ ညှိနှိုင်းတဲ့ဖြစ်စဉ်မှာ အချိန်ဆွဲတဲ့ သာဓကတွေ ရှိခဲ့တဲ့အတွက် ဖေဖေါ်ဝါရီလ (၁) ရက်နေ့ကလွဲလို့ ခရီးရှည် ချီတက်မှုကို ဆက်လုပ်သွားမယ်လို့ သပိတ်ခေါင်းဆောင် ကိုမင်းသွေးသစ်က ဆိုပါတယ်။

"ဆွေးနွေးပွဲစမယ်။ ရန်ကုန်မှာ စိန်ရတုခန်းမမှာ ဆွေးနွေးပွဲစမယ်။ ၁ ရက်နေ့ကလွဲလို့ပေါ့။ အဲဒီ ၁ရက်နေ့မှာတော့ ကျနော်တို့ သပိတ်ကို (၁) ရက် ရပ်နားမယ်။ ကျန်တဲ့ရက်မှာတော့ ကျနော်က ရန်ကုန်ရောက်တဲ့အထိ ဆက်ပြီး ချီတက်သွားမယ် ဆိုပြီးတော့ ခရိုင်ပေါင်းစုံမှာ ရှိတဲ့ ကျောင်းသား ကျောင်းသူတွေ အားလုံး သဘောတူ ဆုံးဖြတ်ချက်နဲ့ ဒီကြေညာချက်ကို ထုတ်ပြန်လိုက်တာပါ"

ဇန်နဝါရီလ (၂၈)ရက်နေ့တုန်းကတော့ ပြည်ထောင်စုဝန်ကြီး ဦးအောင်မင်း ဦးဆောင်တဲ့ ကိုယ်စားလှယ်အဖွဲနဲ့ ဒီမိုကရေစီပညာရေး လှုပ်ရှားမှု ဦးဆောင်ကော်မတီက ကျောင်းသား (၁၀)ဦးတို့ တွေ့ဆုံပြီး ဖေဖေါ်ဝါရီလ (၁) ရက်နေ့မှာ ကျောင်းသားတွေ တောင်းဆိုထားတဲ့ (၄)ပွင့်ဆိုင်တွေ့ဆုံ ဆွေးနွေးရေး လုပ်ဆောင်ပေးမယ်လို့ ဆိုပြီး သဘောတူညီမှု လက်မှတ်ရေးထိုး ခဲ့တာပါ။

သဘောတူညီချက်ထဲမှာတော့ ဆွေးနွေးပွဲစတဲ့ ဖေဖေါ်ဝါရီလ (၁)ရက်နေမှာ သပိတ်ရပ်နားမယ် ဆိုပြီး ပါရှိပါတယ်။ ဗကသများအဖွဲ့ချုပ်ကတော့ အဲ့ဒီ (၁)ရက်ကိုသာ ရပ်နားထားမှာဖြစ်ပြီး ဆွေးနွေးမူတွေအောင်မြင်အောင် ပံ့ပိုးတဲ့အနေနဲ့ ဗကသများဦးဆောင်တဲ့ သပိတ်စစ်ကြောင်းကတော့ ရန်ကုန်အထိ ချီတက်သွားမယ်လို့ ဆိုပါတယ်။

"ကျနော်တို့ ဗကသက အစိုးရနဲ့တွေ့ဖို့ နေပြည်တော်ကို လွှတ်လိုက်တဲ့ ကိုယ်စားလှယ်တွေ (၃) ယောက်ပေါ့လေ။ ဒီ ခေါင်းဆောင်တွေ လက်မှတ်ရေးထိုးခဲ့တဲ့ အတိုင်းပဲ။ (၁) ရက်နေ့မှာ အခြေအနေစောင့်ကြည့်တဲ့ အနေနဲ့ ကျနော်တို့ သပိတ်ကို ရပ်မယ်။ ကျန်တဲ့နေ့တွေမှာတော့ ကျနော်တို့ ဆက်ပြီး ချီတက်မယ်။ ရန်ကုန်ရောက်တဲ့အထိ။ ဘာကြောင့်လည်းဆိုတော့ အစိုးရက ကျနော်တို့ကို စေတနာ အစောကြီးကတည်းက ရှိတယ်ဆိုရင် ရက်ပေါင်း ၆၀ ကာလအတွင်း ကတည်းက တွေ့ဆုံဆွေးနွေးပြီး ညှိနှိုင်းခဲ့မှာပေါ့။ အဲဒီ့တော့ သပိတ်စစ်ကြောင်းလျှောက်ရတဲ့ ရည်ရွယ်ချက်က အစိုးရနဲ့ တွေ့ဆုံဆွေးနွေးရင် ကျနော်တို့ ဗကသ က ခေါင်းဆောင်တွေအတွက် သပိတ်စစ်ကြောင်းက သူတို့ နိုင်နိုင်နင်းနင်း ရပ်တည်ပြီးတော့ ပြောလို့ရအောင် ပံ့ပိုးပေးနေတဲ့ အားတစ်ခုဖြစ်အောင်လို့ပါ"

မန္တလေးကနေ ရန်ကုန်ကို ခရီးရှည်ချီတက်ရင်းကျောက်ပန်းတောင်းမှာ ရပ်နားနေတဲ့ သပိတ်စစ်ကြောင်းဟာ သူတိုရဲ့ သဘောထားထုတ်ပြန်ချက်အရ ဇန်န၀ါရီလ (၃၁)ရက်နေ့မှာ တော့ နောက်မြို့ တမြို့ဆီကို ခရီးရှည်ချီတက်မူ ဆက်လုပ်တော့ မှာဖြစ်ပါတယ်။ ဒါပေမယ့်လည်း အာဏာပိုင်တွေ ဘက်က ခြိမ်းခြောက်မှုတွေ ဟန့်တားမူတွေရှိခဲ့တဲ့အတွက် သူတိုရဲ့ ခရီးစဉ်တွေအတွက် စိုရိမ်ပူပန်မှုတွေရှိနေကြောင်း သပိတ်စစ်ကြောင်းရဲ့ ခေါင်းဆောင်တဦးဖြစ်တဲ့ ကိုသီဟ၀င်းတင်က ဆိုပါတယ်။

"ကျနော်တို့တည်းတဲ့ ဘုန်းကြီးကျောင်း မြို့ထဲကိုပေါ့နော် စစ်ကားတွေ ဝင်လာတာတွေရှိတယ်။ မြို့ထဲလမ်းပေါ်မှာ စစ်ကားတို့ ရဲကားတို့နဲ့ ပါတ်ပြီးတော့ အဲလိုမျိုး ဖိအားပေးခြိမ်းခြောက်မှုတွေရှိတယ်။ ကျနော်တို့ တောင်သာကို အထွက် မြင်းခြံ နဲ့ တောင်သာကြားထဲမှာ ကျနော်တို့ကို ကင်းပုန်းချပြီးတော့ သတ်ကွင်းဆင်ပြီးတော့ တောင်ကြားနှစ်ခုကြားမှာ ထိုင်စောင့်နေ တာရှိတယ်။ ပြီးတော့ ကျနော်တို့ မြင်းခြံက ထွက်လာတော့ နောက်ကနေ တစ်ဆင့်ချင်းဆီ လိုက်ပိတ်တာရှိတယ်။ နှစ်ဘက်ချောင်ပိတ်တာပေါ့နော်။ ကျနော်စိတ်ပူတာ တစ်ခုက ကျနော်တို့ အဲလိုထွက်လာမယ်ဆိုတဲ့ အနေအထားမျိုးမှာ သူတို့အနေနဲ့အဲလိုမျိုး လုပ်နေတယ်ဆိုတဲ့ ဥစ္စာကိုတော့ ကျနော့်အနေနဲ့ နည်းနည်းစိတ်ပူတယ်ဆိုတာထက် တွေးမိတာပေါ့နော်။

အမျိုးသားပညာရေးဥပဒေကို ဆန့်ကျင်ကန့်ကွက်နေကြတဲ့ ကျောင်းသားတွေနဲ့ အစိုးရအာဏာပိုင်တွေကြား ပြီးခဲ့တဲ့ရက်က သဘောတူထားတာကတော့ အစိုးရ လွတ်တော် ပညာရေး စနစ်ပြုပြင် ပြောင်းလဲ ရေးနိုင်ငံလုံး ဆိုင်ရာကွန်ရက် (NNER) နဲ့ ဒီမိုကရေစီ ပညာရေးလှုပ်ရှားမူဦးဆောင်ကော်မတီ တို့ (၄)ပွင့်ဆိုင်ဆွေးနွေးမှုတွေ ကို ဖေဖေါ်ဝါရီလ (၁)ရက်နေ့မှာပြုလုပ်ဖို့ သဘောတူညီမူ ရခဲ့ပါတယ်။ လက်ရှိ တိုင်းနဲ့ပြည်နယ်အသီးသီးမှာ ကန့်ကွက် သပိတ်မှောက်နေကြတဲ့ ကျောင်းသားတွေ ကတော့ ဖေဖေါ်ဝါရီလ (၁)ရက်မှာ ထွက်လာမယ့်အဖြေကိုစောင့်ကြည်ြ့ပီး မန္တလေးက ခရီးရှည်ချီတက်နေတဲ့ သပိတ်မှောက်ကျောင်းသားတွေနဲ့ ပူပေါင်းလုပ်ဆောင်သွားမယ်လို့ဆိုပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com/content/marching-students-protesters-will-continue-their-march/2622544.html


လွှတ်တော် သက်တမ်း ၄ နှစ်ပြည့် အထိမ်းအမှတ် အခမ်းအနား နေပြည်တော် မှာ ပြုလုပ် ခဲ့ ပါတယ်။

ပြည်ထောင်စု လွှတ်တော် သက်တမ်း ၄ နှစ်ပြည့် ကာလ မှာ အလှည့်ကျ နာယက သူရ ဦးရွှေမန်း က ၆ ပွင့်ဆိုင် တွေ့ဆုံရေး ကို မလိုက်နာ ခဲ့ရင် ဥပဒေကို ချိုးဖောက်တာပဲ ဆိုပြီး ပြောလိုက် ပါတယ်။

အခြေခံ ဥပဒေ ပြင်ဆင်ရေး လို မြန်မာ့ နိုင်ငံရေး အကြပ်အတည်း တွေကို သမ္မတ၊ လွှတ်တော် ၂ ရပ် ဥက္ကဌ၊ ကာကွယ်ရေး ဦးစီးချူပ်၊ ဒေါ်အောင်ဆန်းစုကြည် နဲ့ တိုင်းရင်းသား ကိုယ်စားလှယ် အဖြစ် အမျိုးသား လွှတ်တော် အမတ် ဒေါက်တာ အေးမောင် တို့ ၆ ပွင့်ဆိုင် တွေ့ဆုံ ကြဖို့ ပြည်ထောင်စု လွှတ်တော် က ဆုံး ဖြတ်ထားတာ ဖြစ်ပါတယ်။

ဇန်နဝါရီ ၂၉ ရက် ကြာသပတေး နေ့ ကာလုံ အစည်းအဝေး အပြီး နောက်တစ်ရက် မှာ သူရ ဦးရွှေမန်း က အခုလို ထုတ်ပြောလာတဲ့ အတွက် ၆ ပွင့်ဆိုင် ဆွေးနွေးရေး နဲ့ ပတ်သက်လို့ ကာလုံ အစည်းအဝေး အတွင်း အတည်ပြု ခဲ့နိုင်တာ မျိုး ဖြစ်နိုင်တယ် ဆိုပြီး သတင်းထောက် တွေ က သုံးသပ်နေကြပါတယ်။

လွှတ်တော် သက်တမ်း ၄ နှစ်ပြည့် အထိမ်းအမှတ် အခမ်းအနား အပြီး ပြုလုပ် ခဲ့တဲ့ သတင်းစာ ရှင်းလင်းပွဲ မှာ သူရ ဦးရွှေမန်း က အခုလို ပြောလာတာ ဖြစ်ပါတယ်။

သက်တမ်း ၄ နှစ် ကာလထဲ မှာ လွှတ်တော် ရဲ့ လုပ်ငန်း ဆောင်ရွက်ပုံ တွေ တိုးတက်မှု အများကြီး ရှိလာတာ တွေ့ရသလို တစ်ဘက်မှာ လည်း အောက်ခြေ လူတွေ အကြား တကယ် ဖြစ်ပျက် တောင်းဆို နေကြတာ တွေ အပေါ် လွှတ်တော် အနေနဲ့ အဆက်ပြတ် နေတဲ့ ပုံစံမျိုး လည်း တွေ့နေရတယ် ဆိုပြီး တော့ ဆဲဗင်းဒေး ဂျာနယ် သတင်းထောက်ချုပ် ကိုအောင်သူရ က သုံးသပ် ပါတယ်။

ပြည်တွင်း သတင်းသမား တွေ ဝိုင်းဝန်း ကန့်ကွက် ခဲ့တဲ့ မီဒီယာ ဥပဒေ ကို ပြည်သူ့ လွှတ်တော် က အတည်ပြု ခဲ့ပုံ ကိုလည်း ကိုအောင်သူရ က ဥပမာ ပေး ပြောကြား ခဲ့ပါတယ်။

မီဒီယာ ဥပဒေ ကို ပြည်သူ့ လွှတ်တော် က အတည်ပြု ခဲ့တဲ့ နောက်ပိုင်း အပြင်းအထန် ဝေဖန်သံ တွေ ထွက်ပေါ် လာတဲ့ အခါကြမှ မီဒီယာ အဖွဲ့အစည်း ၃ ခုလုံးက ကန့်ကွက် ထားမှန်း လွှတ်တော် အနေနဲ့ မသိကြောင်း ပြောကြား ခဲ့တာမျိုး ရှိတယ် လို့ ကိုအောင်သူရ က ဆိုပါတယ်။

http://www.bbc.co.uk/burmese/burma/2015/01/150130_thrura_shewman


ကမ္ဘာကြီးရဲ့ နှလုံးသားဆိုတဲ့ ဟစ်ဟော့ သီချင်း တပုဒ် အွန်လိုင်းမှာ လတ်တလော အတော်လေး စိတ်ဝင်တစားနဲ့ နားထောင်နေကြ၊ ရှယ်နေကြပါတယ်။ ဒီသီချင်းကို ရေးသားခဲ့တဲ့ မစိုးရိမ်ဆရာတော် အရှင်ဝီရသူကို ဒီဗွီဘီက ဆက်သွယ် မေးမြန်း ထားပါတယ်။

ဒီသီချင်းကို အရှင်ဘုရား မန္တလေးအိုးဖိုထောင်မှာ အကျဉ်းကျခံနေရတုန်း ရေးထားတာလို့ သိရပါတယ်။ ဘယ်လိုခံစားချက်နဲ့ ဘာကြောင့် ဒီသီချင်းကို ရေးဖွဲ့ဖြစ်တယ်ဆိုတာ မိန့်ကြားပေးပါ။

“ဟုတ်ပါတယ်၊ ဒီသီချင်းကို ဦးဇင်းရေးထားတာပါ။ ဦးဇင်းတို့ ကျောင်းတော်ကြီးမှာ နေတုန်းက စာနယ်ဇင်းတွေ အမြဲတမ်းဖတ်ရတာပေါ့နော်။ အဲဒီအချိန် ရာသီဥတုနဲ့ ပတ်သက်တဲ့ဟာတွေ ကမ္ဘာကြီးဖောက်ပြန်နေတာတွေ၊ ပြည်သူလူထု သဘာဝဘေးအန္တရာယ်နဲ့ ကျရောက်နေတာတွေ အများကြီး တွေ့ရတဲ့အခါကျတော့ အဲဒါတွေကိုလေ့လာမိပြီးတော့ ပတ်ဝန်းကျင်းထိန်းသိမ်းရေးနဲ့ ပတ်သက်ပြီးတော့ ဦးဇင်းအမြင်လေးကို ရေးစပ်မိတာပေါ့နော်။”

ဘာကြောင့် ဟစ်ဟော့ပုံစံနဲ့ ဒီသီချင်းကိုရေးဖြစ်တာလဲ။ နောက်အဲဒီ သီချင်းရေးဖြစ်တဲ့နေ့က အတွေ့အကြုံ ကို အမှတ်တရ ပြန်ပြီးပြောပြပေးပါလား။

“မန္တလေးအိုးဖိုထောင်ထဲမှာပါ။ နာဂစ်ဖြစ်ပြီးတဲ့အချိန်၊ တညတည်းစပ်တာတော့မဟုတ်ပါဘူး၊ တကြောင်းသတိရလိုက် ကောက်ရေးလိုက်၊ တကြောင်း သတိရလိုက် ကောက်ရေးလိုက်နဲ့ နောက်ဆုံးကျမှ အချောသတ်လိုက်တာ။ ဦးဇင်းတို့ ၂၀၀၈ နောက်ပိုင်းကျတော့ FM သီချင်းတွေ နားထောင်ခွင့်ရလာတာပေါ့နော်။ ထောင်က လော်စပီကာနဲ့ ဖွင့်ပေးတဲ့အခါကျတော့ ဟစ်ဟော့သီချင်းတွေလည်း ဦးဇင်းတို့ အဲဒီကျမှ ကြားဖူးတာပါ။ ရာသီဥတုနဲ့ လိုက်ဖက်တဲ့ သီချင်းကို ဟစ်ဟော့နဲ့လိုက်ဖက်အောင် ဆိုပြီးတော့ ဦးဇင်းက ကဗျာရေးလိုက်တာ၊ အဲဒီကဗျာကို တေးသံသွင်းဌာန တခုကိုအပ်လိုက်တော့ သူတို့က ဟစ်ဟော့အဖြစ်လုပ်ပေးလိုက်တာ။”

ဒီသီချင်းကို ဘယ်သူက သီဆိုထားပြီး ဘယ်အချိန်မှာ အသံသွင်းဖြစ်ခဲ့တာပါလဲ။

“၂၀၁၂ ကျမှထောင်က ပြန်ရောက်လာပြီးမှ အသံပြန်သွင်းခိုင်းတာပါ။ ရန်ကုန်ကနေ မန္တလေးကိုလာတဲ့ လူငယ်လေး တစ်ယောက်က ဆိုပေးသွားတာပါ။ နာမည်က ဖိုးခွားတဲ့ ၀ါသနာရှင်ထဲကပါ။ မန္တလေးမှာပဲ မထင်မရှားနေရာလေးမှာပဲ အသံသွင်းထားတာပါ။”

ခုအချိန်မှာ ဒီသီချင်းကို ဘာကြောင့် အွန်လိုင်းမှာတင်လိုက်တာလဲ ဆိုတာ ရှင်းပြပေးပါလား။

“ပြီးခဲ့တဲ့ရက်ပိုင်းက ဦးဇင်းဆီကို အမေရိကန်ကအမျိုးသမီးတဦးလာတယ်  သူက သဘာဝပတ်ဝန်းကျင်းထိမ်းသိမ်းရေးအဖွဲ့ကပါ။ ဦးဇင်းရဲ့သဘောတရားကိုသူက မေးချင်တဲ့အခါကျတော့ သဘာဝကို ချစ်မြတ်နိုးမှုရှိမရှိ မေးတာနဲ့ ဦးဇင်းက သဘာဝဟာ ကမ္ဘာကြီးရဲ့ အလှတရားဖြစ်တယ်။ အဲဒီအလှတရားဟာ ကမ္ဘာကြီးရဲ့ နှလုံးသားဖြစ်တယ်လို့ပြောပြတော့ သူက သဘောကျသွားတာ။ ဦးဇင်းတောင် သီချင်းစပ်ထားတာရှိပါတယ်လို့၊ သီချင်းစာသားလေးကိုပြောပြတာ၊ သူက သဘောကျသွားပြီး သူအမေရိကန်ပြန်ရောက်ရင် အဲဒါလေးကို ဘယ်လိုလုပ်မယ် ဘယ်လိုလုပ်မယ်ဆိုပြီး ကတိပေးသွားတယ်။ အဲဒါနဲ့ပဲ ဦးဇင်းက သတိရပြီးတင်ဖြစ်တာ။ အစတုန်းကတော့ အင်တာနက် တင်ဖို့ အစီအစဉ်မရှိပါဘူး။”

ဦးဇင်းနောက်ထပ် ရေးထားတဲ့သီချင်းတွေရောရှိလား၊ ရှိရင်ပြောပြပေးပါလားဘုရား။

“သီချင်းတွေကတော့ရှိတယ်။ အကျဉ်းသားတွေကို ကိုယ်ချင်းစာပြီးရေးထားတဲ့ သီချင်းတွေလည်းရှိတယ် အဲဒါကတော့ ရွှေဝါရောင်အိပ်မက်များဆိုပြီးတော့၊ နောက်တပုဒ် ဦးဇင်းတို့ ၂၀၁၀ မှာ အန်အယ်လ်ဒီက ရွေးကောက်ပွဲကို သပိတ်မှောက်တုန်းကလည်း ဦးဇင်း သီချင်းစပ်ထားတာရှိတယ်။ ဟစ်ဟော့သံစဉ်သီချင်းတွေပါပဲ။ ဘာလို့လဲဆိုတော့ လူတွေကို များများ စားစားပြောနိုင်တဲ့ သီချင်းအမျိုးအစားဆိုလို့ ဒါသွားတွေ့တာ၊ အဲဒါနဲ့ ဦးဇင်း သူတို့နဲ့လိုက်ဖက်မယ့် စာသားလေး ကိုရေးဖြစ်တာ။”

ခုလိုအချိန်ပေးပြီးမိန့်ကြားပေးတဲ့အတွက် ဦးဇင်းကို ဒီဗွီဘီက  ကျေးဇူးတင်ပါတယ်။

“သာဓုပါ ဒီဗွီဘီ ၀ိုင်းတော်သားတွေ ကျန်းမာချမ်းသာဘေးရန်ကင်းကွာ လိုရာဆန္ဒပြည့်ဝပါစေ။”

By ပီတာအောင် (ဒီဗွီဘီ)
http://burmese.dvb.no/archives/79376

ကချင်ဆရာမလေးတွေ အသတ်ခံခဲ့ရတဲ့ နေရာဟာ KIA တပ်ဖွဲ့ လှုပ်ရှားတဲ့ နေရာ မဟုတ်ဘူးလို့ ပြောခွင့်ရ ပုဂ္ဂိုလ်ပြော 
ရှမ်းပြည်နယ် မြောက်ပိုင်း မူဆယ်ခရိုင် ကောင်းခါး ကျေးရွာ ကချင် ခရစ်ယာန် ဘုရားကျောင်းဝင်း အတွင်းမှာ ဇန်နဝါရီလ ၁၉ ရက်နေ့တုန်းက အဓမ္မ ပြုကျင့် အသတ်ခံ ခဲ့ရတဲ့ ကချင် လုပ်အားပေး ဆရာမတွေရဲ့ အမှုကိစ္စမှာ KIA ကချင် လွတ်မြောက်ရေး တပ်ဖွဲ့က ဒုတပ်ကြပ်တဦး ပါဝင် ပတ်သက်နေတယ် ဆိုတဲ့ သတင်းတွေ အင်တာနက် လူမှု ကွန်ရက်တွေပေါ်မှာ ပျံ့နှံ့နေပါတယ်။

အဲဒီ KIA ဒုတပ်ကြပ်ဟာ သေဆုံးသူ ဆရာမလေးတဦးနဲ့ ချစ်ကြိုက်နေသူ လို့လည်း ဖေါ်ပြထားပါတယ်။

ဒါပေမယ့် KIA ကတော့ ဒီကိစ္စဟာ သူတို့ရဲ့ တပ်ဖွဲ့ဝင်တွေနဲ့ လုံးဝ ပတ်သက်မှု မရှိဘူးလို့ ပြတ်ပြတ်သားသား ငြင်းဆိုလိုက်ပါတယ်။

အခင်းဖြစ်ပွားတဲ့ နေရာဟာ KIA တပ်ဖွဲ့ လှုပ်ရှားတဲ့ နေရာ မဟုတ်သလို သေဆုံးသူ ဆရာမနဲ့ KIA တပ်ဖွဲ့ဝင် ချစ်ကြိုက်နေတယ် ဆိုတဲ့ ပြောဆိုမှုတွေဟာလည်း အထောက်အထား မရှိဘူး လို့ KIA ပြောခွင့်ရ ပုဂ္ဂိုလ် ဦးလနန်းက ဘီဘီစီကို ပြောပါတယ်။

ဒီသေဆုံးမှုနဲ့ ပတ်သက်လို့ KIA တပ်ဖွဲ့ဝင်တွေကို စစ်ဆေး စုံစမ်းတာမျိုးကိုလည်း ခွင့်ပြုမှာ မဟုတ်ဘူးလို့ ဆိုပါတယ်။

အခင်းဖြစ်ပွားချိန်တုန်းက အဲဒီနေရာမှာ ရောက်ရှိ စခန်းချခဲ့တဲ့ အစိုးရ စစ်တပ် စစ်ကြောင်းက တပ်ဖွဲ့ဝင်တွေနဲ့ ဒေသခံတွေကို သက်ဆိုင်ရာက DNA စစ်ဆေးမှုတွေ လုပ်ထားပြီး လောလောဆယ်မှာတော့ လက်သည် တရားခံ မပေါ်သေးပါဘူး။

ဒီအမှု ကိစ္စနဲ့ ပတ်သက်လို့ အစိုးရ စစ်တပ် တပ်ဖွဲ့ဝင်တွေအပေါ် ပုတ်ခတ် ပြောဆိုတာတွေကို အမှုမှန်ပေါ်တဲ့ အချိန်မှာ ဥပဒေကြောင်းအရ အရေးယူသွားမယ်လို့ တပ်မတော်က သတိပေးချက် ထုတ်ပြန်ထားပါတယ်။

BBC Burmese
http://www.bbc.co.uk/burmese/burma/2015/01/150130_kachin_murder_investigation_kia


သပိတ်မှောက်ကျောင်းသားတို့ကို ကြိုဆိုနေကြသော ကျောက်ပန်းတောင်းမြို့ ဒေသခံများ (Lu Min / Facebook)
တနင်္ဂနွေနေ့ လေးပွင့်ဆိုင် ဆွေးနွေးပွဲတွင် အမျိုးသားပညာရေး ဥပဒေကို ရက်ပေါင်း ၃၀ အတွင်း အသစ်ပြန်လည် ရေးဆွဲရန် တောင်းဆိုမည်ဟု သပိတ်မှောက်ကျောင်းသားများက သောကြာနေ့တွင်  ဆုံးဖြတ်လိုက်ကြောင်း သိရသည်။

    ဥပဒေ ရေးဆွဲရာတွင် လွတ်လပ်သော ဆရာ၊ ဆရာမကိုယ်စားလှယ်၊ ကျောင်းသားကိုယ်စားလှယ်များ ပါဝင်ရေး၊ စာသင်ကျောင်းများတွင် ကျောင်းသားသမဂ္ဂ လွတ်လပ်စွာ ဖွဲ့စည်းခွင့်ပြုရေး စသည့် အချက်နှစ်ချက်ကိုလည်း တောင်းဆိုမည်ဟု  ဒီမိုကရေစီပညာရေး လှုပ်ရှားမှု ဦးဆောင်ကော်မတီမှ   ကိုအောင်နေပိုင်က ပြောကြားသည်။

"အစိုးရနဲ့ဆွေးနွေးတဲ့အခါမှာ ကျွန်တော်တို့ တောင်းဆိုထားတဲ့ အချက်တွေကို လိုက်လျောပေးမယ်ဆိုရင် အကောင်အထည်ပေါ်တဲ့အထိ ရန်ကုန်မှာ သပိတ်စခန်း ဖွင့်ပြီး အေးအေးဆေးဆေး စောင့်ကြည့်နေမယ်။   ချီတက်မှုကို ရပ်နားမယ်လို့ ပြောတာ မဟုတ်ဘူးနော်၊ သပိတ် (စခန်း) ဖွင့်ပြီးတော့ စောင့်ကြည့်မှာပါ" ဟု ကိုအောင်နေပိုင်က The Yangon Globe ကို သောကြာနေ့က ပြောသည်။

တောင်းဆိုချက် ၃ ခုကို အစိုးရက မလိုက်လျောလျှင် ဆန္ဒပြ လှုပ်ရှားမှုကို အရှိန်မြင့်ပြုလုပ်သွားမည်ဟု ဆိုသည်။
  ဗဟိုချုပ်ကိုင်မှုများ ပါဝင်နေပြီး လွပ်လပ်စွာ အဖွဲ့အစည်း ဖွဲ့ခွင့်ကို ပိတ်ပင်ထားသည်ဟု ကျောင်းသားများက ယူဆသည့်  အမျိုးသားပညာရေးဥပဒေကို ပြင်ဆင်ရန်  အစိုးရ၊ လွှတ်တော်၊ ပညာရေးစနစ်ပြုပြင်ပြောင်းလဲရေးဆိုင်ရာ  နိုင်ငံလုံးဆိုင်ရာကွန်ယက် (NNER)၊  ကျောင်းသားများ  လေးပွင့်ဆိုင် တွေ့ပြီး ညှိနှိုင်း အဖြေရှာရန် တောင်းဆိုထားသည်။
တောင်းဆိုချက်များ ရရှိရေးအတွက် အစိုးရကို ဖိအားပေးသည့် အနေဖြင့် မြို့ကြီးတချို့တွင် ကျောင်းသားလှုပ်ရှားမှုများ ပေါ်ပေါက်နေရာ မန္တလေးမှ ချီတက်လာသော သပိတ်မှောက်ကျောင်းသားများသည် သောကြာနေ့တွင်  ကျောက်ပန်းတောင်းမြို့တွင်  ဒုတိယညအဖြစ် ထပ်မံ ရပ်နားမည်ဖြစ်သည်။

ကျောက်ပန်းတောင်းမြိုသို့ရောက်ရှိနေသော သပိတ်မှောက်ကျောင်းသားများ မြို့တွင်း လှည့်လည်ဟောပြောရာ ဒေသခံ အများအပြားက ထောက်ခံအားပေးကြသည်ဟု သိရသည်။
စနေနေ့တွင် ချောက်မြို့နယ် ဂွေးပင်ရွာသို့ ချီတက်ရန် စီစဉ်ထားပြီး  ရန်ကုန်မြို့ ပညာရေးလေးပွင့်ဆိုင် ဆွေးနွေးပွဲရလဒ်ကို ထိုရွာမှ စောင့်ကြည့်မည်ဟု ဆိုသည်။

 အမျိုးသားပညာရေး ဥပဒေ ပြင်ဆင်ပေးရေးအတွက် ရက်ပေါင်း ၆၀ အတွင်း ညှိနှိုင်းရန် တောင်းဆိုထားခြင်းကို    အစိုးရဘက်က တုန့်ပြန်ခြင်း မရှိသည့်အတွက်   ကျောင်းသားများက ၎င်းတို့၏   ဆန္ဒပြပွဲကို ဇန်န၀ါရီ(၂၀)တွင်  အစပြုလိုက်ခြင်းဖြစ်သည်။

The Yangon Globe
https://www.facebook.com/TheYangonGlobe



(၁၉) ကြိမ်မြောက် ဗုဒ္ဓ သာသနာတော်လုံးဆိုင်ရာ ရွှေကျင် နိကာယ သံဃာ့အစည်းအဝေး ကြီးသို့ တက်ရောက်လာသော ရွှေကျင်သာသနာပိုင် မဟာဝိသုဒ္ဓါ ရုံကျောင်းတိုက် ဆရာတော်ကြီး နှင့် အခြားဆရာတော်ကြီးများကို အငြိမ်းစား ဗိုလ်ချုပ်မှူးကြီး ဦးသန်းရွှေ၏ဇနီးဖြစ်သူ ဒေါ်ကြိုင် ကြိုင်နှင့် မိသားစုဝင်များက လာ ရောက်ဖူးမြော်ခဲ့သည်။ ထိုသို့ လာ ရောက်ဖူးမြော်စဉ် ဒေါ်ကြိုင်ကြိုင် က အငြိမ်းစား ဗိုလ်ချုပ်မှူးကြီး ဦးသန်းရွှေ၏ ကျန်းမာရေး အခြေ အနေမှာ ကောင်းမွန်နေဆဲ ဖြစ် ကြောင်း သီတဂူ ဆရာတော်အား လျှောက်ထားခဲ့သည်ဟု သိရ သည်။



”နေကောင်းတယ် လို့တော့ ဒကာမကြီးက ပြောပါတယ်။ လူကြီး ရောဂါတွေတော့ ရှိမှာပေါ့။ အသက်တွေက ငယ်မှ မငယ်ကြ တော့တာကိုး။ အသေးစိတ်တော့ မမေး၊ မပြောဖြစ်ကြပါဘူး” ဟု သီတဂူဆရာတော် အရှင် ဥာဏိဿရက မိန့်သည်။
ဦးသန်းရွှေနှင့် နီးစပ်သူတစ် ဦးကလည်း ”သူက စိတ်ညစ်တတ်တဲ့သူ မဟုတ်သလို ကိုယ့်ကိုယ် ကိုယ် ကျန်းမာအောင်နေတတ်တဲ့ သူ”ဟု ပြောသည်။

မကြာသေးခင် ရက်များအ တွင်းကလည်း ဒေါ်ကြိုင်ကြိုင် မိသားစုနှင့် အငြိမ်းစား ဒုတိယ ဗိုလ်ချုပ်ကြီးများ၏ ဇနီးများသည် ဓမ္မဒူတဆရာတော် အရှင်ဆေကိန္ဒ အား လာရောက်ဖူးမြော်ခဲ့ကြသေး ကြောင်း သိရသည်။

မြန်မာနိုင်ငံကို ၁၉၉ဝမှ ၂ဝ၁ဝ အထိ အုပ်ချုပ်ခဲ့သော ယခင်တပ်မတော်အစိုးရ အကြီး အကဲ အငြိမ်းစား ဗိုလ်ချုပ်မှူးကြီး ဦးသန်းရွှေသည် ၂ဝ၁ဝ ရွေး ကောက်ပွဲအပြီး ပေါ်ပေါက်လာ သော ဦးသိန်းစိန် အစိုးရထံသို့ အာဏာ လွှဲပြောင်းပေးခဲ့ပြီးနောက်အများမြင်ကွင်းမှ ပျောက်ကွယ်နေ ခဲ့သည်။

သို့ရာတွင် ဦးသန်းရွှေသည် မြန်မာ့နိုင်ငံရေးတွင် အရေးပါ သော အခန်းကဏ္ဍတွင် ရှိနေဆဲ ဖြစ်သည်ဟု ယူဆရကြောင်း နိုင်ငံ ရေး လေ့လာသူ များက ဆိုထားကြ သည်။

မကြာသေးခင်က ဦးသန်းရွှေ ၏ ကျန်းမာရေး အခြေအနေ ဆိုးရွားလာပြီး လက်ရှိအစိုးရ အဖွဲ့အကြီးအကဲများကို နေပြည် တော်သို့ ခေါ်ယူတွေ့ ဆုံခဲ့ကြောင်း သတင်းများ ထွက်ပေါ်လာခဲ့သော် လည်း သမ္မတ ပြောရေးဆိုခွင့်ရှိသူ ဦးရဲထွဋ်က ရန်ကုန်မြို့ရှိ စာနယ် ဇင်းကောင်စီရုံးခန်း၌ မီဒီယာ များ နှင့် တွေ့ဆုံရာတွင်မူ ငြင်းဆိုထားခဲ့ သည်။

”သူက သာမန်ပြည်သူ တစ် ယောက်လို နေနေတာကြောင့် သူ့ ကျန်းမာရေး အခြေအနေကို ကျွန် တော် မသိပါဘူး” ဟု ၄င်းက ပြော ခဲ့သည်။
Popular Myanmar News Journal


သပိတ်မှောက်ကျောင်းသားများ ရန် ကုန်မြို့တွင် ဥပဒေမဲ့ဆန္ဒပြခြင်း၊ သပိတ်စခန်း ဖွင့်ခြင်းများဆောင်ရွက်လျှင် တည်ဆဲဥပဒေ များနှင့်အညီ အရေးယူဆောင်ရွက်သွားမည် ဟု ရန်ကုန်တိုင်းဒေသကြီး ခရိုင်ရဲမှူးကြီးက ပြောကြားလိုက်သည်။

''တိုင်းဒေသကြီးအစိုးရအဖွဲ့ရဲ့ လမ်းညွှန် ချက်နဲ့အညီ ပြီးတော့ ငါတို့ကတော့ တရားဝင် စီတန်းလှည့်လည်ခွင့်ပြုချက် ရှိ၊ မရှိ မေးမယ်။ မရှိဘူးဆိုရင် ဥပဒေနဲ့ အညီ ဆောင်ရွက်မယ်။ ဥပဒေရှိနေတာပဲလေ။ ကျောင်းသားတွေ ရန် ကုန်မှာ သပိတ်စခန်းဖွင့်တာတွေ၊ ဆန္ဒပြတာ တွေလုပ်မယ်ဆိုရင် တည်ဆဲဥပဒေအရ တရား ဝင် ဖြစ်ရမယ်။ တရားဥပဒေနဲ့ ကျောင်းသား တွေလုပ်ရပ် ဆန့်ကျင်ရင်တော့ ရဲလုပ်ထုံးလုပ် နည်းတွေနဲ့အညီ ဆောင်ရွက်မယ်''ဟု ပြော သည်။ရန်ကုန်တိုင်းဒေသကြီး အစိုးရအ ဖွဲ့အနေဖြင့် ကျောင်းသားသပိတ်များ နှင့်ပတ်သက်၍ ညင်သာစွာကိုင်တွယ် ဖြေရှင်းနိုင်ရန်အတွက် သက်ဆိုင်ရာ မြို့နယ်အုပ်ချုပ်ရေးမှူးများ၊ မြို့နယ်ရဲ မှူးများကို ဇန်နဝါရီ ၂၇ရက်တွင် ရန်ကုန် တိုင်းဒေသကြီး နယ်စပ်ရေးရာနှင့် လုံခြုံ ရေးအစည်းအဝေးတွင် အထူးမှာကြား ထားကြောင်း သိရသည်။

လက်ရှိအချိန်တွင် အမျိုးသားပညာ ရေးဥပဒေကြမ်းကို သပိတ်မှောက်သော မြန်မာနိုင်ငံအတွင်းရှိ သပိတ်မှောက် ကျောင်းသားများသည် ရန်ကုန်မြို့သို့ ဆုံရပ်အဖြစ် ချီတက်လာပြီး ¤င်းတို့ဖြတ် သန်းရာမြို့နယ်တိုင်းတွင် ပြည်သူများက ပူးပေါင်းပါဝင်လျက်ရှိကာ ဇန်နဝါရီ ၂၈ရက်တွင် ကျောက်ပန်းတောင်းမြို့သို့ ရောက်ရှိနေပြီဖြစ်ကြောင်း သိရသည်။

ဆန္ဒပြ ကျောင်းသားခေါင်းဆောင် ကိုရဲဇာနည်ထွန်းက ''ကျွန်တော်တို့က ရန်ကုန်ရောက်လဲ ခွင့်ပြုမိန့် တင်သွား မှာမဟုတ်ဘူး။ လက်ရှိ တည်ဆဲဥပဒေ အရပဲအရေးယူ ကျွန်တော်တို့ကတော့ နောက်ဆုတ်မှာမဟုတ်ပါဘူး။ ဆက်ပြီး ချီတက်မှာပါ။ သူတို့ဖမ်းမယ်ဆိုရင်လဲ ကျွန်တော်တို့က ရင်ဆိုင်ဖို့အသင့်ပါ'' ဟု ပြောသည်။

ကျောင်းသားသပိတ်နှင့် ပတ်သက် ၍ အကြမ်းဖက်သည့်ပုံစံမျိုးနှင့် တားဆီး ပိတ်ပင်ရန်မသင့်ဘဲ ညှိနှိုင်းဆွေးနွေးမှု များနှင့်သာ အဖြေရှာသင့်ကြောင်း၊ ပညာ ရေးနယ်ပယ်မှ တာဝန်ရှိသူများနှင့်သာ ညှိနှိုင်း ဆွေးနွေးသင့်ကြောင်းလည်း ရန်ကုန်အရှေ့ပိုင်းတက္ကသိုလ် သမိုင်း ကထိကဆရာမတစ်ဦးက ပြောသည်။
''တကယ်တွေ့သင့်တာ ပညာရေး နယ်ပယ်က ပြည်ထောင်စုဝန်ကြီးတွေပါ။ အခုက မဆိုင်တဲ့ဝန်ကြီးတွေနဲ့တွေ့တယ် ဆိုတာ စဉ်းစားစရာဖြစ်တယ်''ဟုပြော သည်။

အစိုးရ၏ကမ်းလှမ်းချက်အရ ဇန် နဝါရီ၂၈ရက်တွင် သမ္မတရုံးပြည်ထောင် စုဝန်ကြီးဦးအောင်မင်းနဲ့ ကျောင်းသား ကိုယ်စားလှယ်နှစ်ဦးဖြစ်သော ကိုနန္ဒ စစ်အောင်နှင့် ကိုအောင်မှိုင်းဆန်းတို့ တွေ့ဆုံခဲ့ကြသည်။

အမျိုးသားပညာရေးဥပဒေကြမ်း ကို ယမန်နှစ် နိုဝင်ဘာလတွင် တက္က သိုလ်အသီးသီးရှိ ကျောင်းသားများ လေး ရက်တိုင်တိုင် ကန့်ကွက်ဆန္ဒပြခဲ့ကြပြီး အဆိုပါဥပဒေကို ရက်ပေါင်း၆ဝအတွင်း ဖြေရှင်းပေးရန် ကြေညာချက်ထုတ်ပြန် ပြီး သက်ဆိုင်ရာအစိုးရထံ တောင်းဆိုခဲ့ ကြသော်လည်း သက်ဆိုင်ရာမှ ဆွေးနွေး မှုမရှိသောကြောင့် ၂ဝ၁၅ခုနှစ် ဇန်နဝါ ရီ ၂ဝရက်တွင် မန္တလေးမြို့ရှိ အိမ်တော် ရာဘုရားဝင်းမှ စတင်ပြီး ရန်ကုန်သို့ ဆန္ဒပြချီတက်လျက်ရှိသည်။

ဓါတ်ပုံ - AFP,
/အမျိုးသားပညာရေးဥပဒေကို ကန့်ကွက်ဆန္ဒပြနေသော မြန်မာကျောင်းသား လူငယ်များ မန္တလေးတွင် ဇန်နဝါရီ ၂ဝရက်က ဆန္ဒပြကြစဉ်။ /

TheYangonTimes


-နှင်းကို ၊ ငွေစန္ဒီ ၊ ရေးသည်။

ယခုနှစ်ထဲတွင် ကျင်းပဖို့ ရှိနေသည့် အထွေထွေရွေးကောက် ပွဲကတော့ တော်တော် ကြည့်ကောင်းလိမ့်မည်ဟု အသက် ၈ဝကျော်အရွယ်ရှိ အဘိုး ဦးသိန်းက ဆိုင်းမဆင့် ဗုံမဆင့် ဟောကိန်းထုတ်လိုက်သည်။အဘယ်ကြောင့်ဆိုသော် သူကြည့်နေကျ မြဝတီရုပ်မြင်သံ ကြားလိုင်းဖြင့် ချိတ်ဆက်ထားသည့် ဖလက်တီဗွီဖန်သားပြင် ပေါ်မှ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင် လှိုင်နှင့် Channel News Asia သတင်းဌာနတို့၏ တွေ့ဆုံ မေးမြန်းခန်းကို ကြည့်ရှုနားထောင်ခဲ့ရသည့်အတွက်ဖြစ်သည် ဟု အငြိမ်းစားကျောင်းဆရာဟောင်းကြီး ဦးသိန်းက ဆိုပါ သည်။

ဗိုလ်ချုပ်မှူးကြီးမင်းအောင်လှိုင်၏ စကားအသွားအလာ များသည် နိုင်ငံတော် သမ္မတရာထူးကို တာဝန်ယူလိုသည့် သဘောများပါဝင်နေသည်ဟု အဘိုးက ကောက်ချက်ချသည်။

အင်တာဗျူးတစ်ခုလုံးကို ခြုံကြည့်ရင်တော့ ဗိုလ်ချုပ်မှူးကြီး မင်းအောင်လှိုင်၏ ဖြေကြားချက်များသည် လှည့်ပတ်၊ ရှောင် ထွက်ပြီး ဖြေဆိုသွားခြင်းဖြစ်သည်မို့ ''လည်ဝယ်သူတစ်ယောက်'' ဟု သူက သုံးသပ်သည်။

မြောက်ဒဂုံမြို့နယ် (၃၄)ရပ်ကွက်အတွင်းရှိ အမည် မဖော်လိုသူ အငြိမ်းစား ဗိုလ်မှူးကြီး တစ်ယောက်ကလည်း ကာကွယ်ရေးဦးစီးချုပ်အနေဖြင့် နိုင်ငံတော်သမ္မတ တာဝန်ကို ထမ်းဆောင်ချင်နေသည့်သဘောမျိုး ဖြေသွားသည်ဟု သတိ ထားမိသည်။ သို့ဆိုလျှင် ''ယခု ဗိုလ်ချုပ်မှူးကြီးမင်းအောင် လှိုင်နှင့်အတူ လက်ရှိသမ္မတ ဦးသိန်းစိန်၊ လွှတ်တော်ဥက္ကဋ္ဌ သူရဦးရွှေမန်း၊ အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင် ဆန်းစုကြည်''ဟူ၍ မြန်မာနိုင်ငံတွင် သမ္မတဖြစ်လိုသူ လေးဦး အထိရှိလာပြီဟု သူက တွက်ဆလိုက်သည်။

CNA နှင့်တွေ့ဆုံမေးမြန်းခန်းတွင်
''သမ္မတတစ်ယောက် ဖြစ်ဖို့အတွက် ရည်မှန်းချက်ပေးနိုင်ပါသလား''ဟု မေးမြန်း ရာ ဗိုလ်ချုပ်မှူးကြီးမင်းအောင်လှိုင်က ယခုလို ဖြေဆိုသွားခဲ့ သည်။

''ကျွန်တော် ခုနက ပြောခဲ့ပြီးသားဖြစ်ပါတယ်။ ကျွန်တော့် အနေနဲ့တော့ နိုင်ငံသား တစ်ယောက်ဖြစ်တဲ့အတွက်ကြောင့် နိုင်ငံအနေနဲ့ နောက် ကျွန်တော့် အတွေ့အကြုံ၊ ကျွန်တော့် မှာလဲ အတွေ့အကြုံ အများကြီးရှိပါတယ်။ အထိအတွေ့ အများကြီးရှိပါတယ်။ နောက် နိုင်ငံသားတစ်ယောက်လဲဖြစ် တယ်။ နိုင်ငံသားတစ်ယောက်အနေနဲ့တော့ ခုနကပြောတဲ့ သုံးချက်ပေါ့။ သုံးချက်က တည်ငြိမ်အေးချမ်းရေး၊ စည်းလုံး ညီညွတ်ရေး၊ နောက် ဖွံ့ဖြိုးတိုးတက်ရေး ဒီသုံးချက်ကို ကျွန် တော် ပြောခဲ့တယ်။ ဒါ နိုင်ငံသားတိုင်းတော့ ကျရာနေရာက နေ တာဝန်ထမ်းဆောင်ရမှာဖြစ်တဲ့အတွက်ကြောင့် ကျွန်တော့် အနေနဲ့လဲ ဘယ်လိုပဲတာဝန်ယူရယူရပေါ့။ ကျွန်တော့်အနေ နဲ့ တာဝန် ထမ်းဆောင်သွားမှာဖြစ်ပါတယ်''ဟု လတ်တလော တွင်လည်း အမျိုးသားနိုင်ငံရေးကို လုပ်ကိုင်နေရသည့် အတွက် ''ဘယ်နေရာမှာပဲလုပ်ရလုပ်ရ အစွမ်းကုန် ကြိုးစားဆောင် ရွက်သွားမယ်''ဟု ဗိုလ်ချုပ်မှူးကြီးက ခံယူထားကြောင်း သိရ သည်။

ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် သာ နိုင်ငံတော် သမ္မတဖြစ်လာမည်ဆိုပါက ''နိုင်ငံတော်ရဲ့ လုံခြုံရေးကိစ္စတွေ၊ တပ်ပိုင်းဆိုင်ရာ ကိစ္စတွေကို ကျွမ်းကျင် ပြီးသားဖြစ်တဲ့အတွက် အရပ်သား သမ္မတတစ်ယောက်ထက် စာရင် သူက ပိုပြီးတော့ အမြင်ပိုရှိမယ်။ အတွေးအခေါ်တွေ ရင့်ကျက်နိုင်မယ်''ဟု အငြိမ်းစားဗိုလ်မှူးကြီးက ဆိုပါသည်။

သို့သော် သူ့ ဆန္ဒအရတော့ ယခု သမ္မတဖြစ်ချင်နေသူ လေးဦးစလုံးကို သမ္မတမဖြစ်စေချင်ဟု ၄င်းက ဆိုပါသည်။

''တခြားသူတစ်ယောက်ယောက် တက်၊ အရပ်သားထဲကတက်၊ မြန်မာနိုင်ငံက အရပ်သားထဲမှာ တကယ်ကို ပြောနိုင်ဆိုနိုင် တတ်သိနားလည် တတ်ကျွမ်းတဲ့သူတွေ ရှိပါတယ်။ အဲလိုလူ မျိုးတွေ ဘယ်နားမှာရောက်နေလဲတော့ မသိဘူး''ဟု အငြိမ်း စားဗိုလ်မှူးကြီးက မျှော်လင့်နေသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ပြည်သူ့ လွှတ်တော်ကိုယ်စားလှယ် ဦးတင်မောင်ဦးကလည်း ကာကွယ် ရေးဦးစီးချုပ်အနေဖြင့် နိုင်ငံတော် သမ္မတတာဝန်ကို မျှော် မှန်းနိုင်သည့် အနေအထားတွေ ရှိနေသည်ဟုဆိုပါသည်။

၂ဝဝ၈ခုနှစ် ဖွဲ့စည်းပုံအခြေခံဥပဒေအရကို နိုင်ငံသားတစ်ဦး ၏ မူလအခွင့်အရေး အနေဖြင့် သူ၏ရည်မှန်းချက်ကို လက်ခံ လို့ရသည်ဟု ဆိုသည်။

''လက်ရှိသမ္မတကြီးတောင်မှ တပ်မတော်မှာ ယခင်က ဗိုလ်ချုပ်ကြီးရာထူး ဖြစ်ပါတယ်။ မင်းအောင်လှိုင်ကျတော့ ဗိုလ်ချုပ်မှူးကြီးဖြစ်တော့ လက်ရှိ သမ္မတတာဝန်ထမ်းဆောင် နေတဲ့ ဗိုလ်ချုပ်ကြီးထက် တပ်မတော်ရာထူး အဆင့်အားဖြင့် ပိုမြင့်ပါတယ်။ မြင့်တဲ့အပြင် သူ့မှာလဲ လုပ်ရည်ကိုင်ရည်နဲ့ အတွေ့အကြုံလဲ များစွာရှိတယ်။ အသက် ၆ဝ ဝန်းကျင်ကို ရောက်လာပြီ''ဟု ဦးတင်မောင်ဦးက ဆိုသည်။ ဗိုလ်ချုပ်မှူး ကြီး မင်းအောင်လှိုင်သည် သမ္မတရာထူးဖြင့် မြန်မာနိုင်ငံရေး အခင်းအကျင်းကို ပြောင်းလဲပစ်နိုင်ဖို့ ဆိုသည်ကတော့ သူ၏ စိတ်ရင်းစေတနာအပေါ်တွင်သာ တည်လိမ့်မည်ဟု ၄င်းက ယူဆသည်။

''တချို့ သာမန်လူတွေထင်နေတာက တပ်မတော်သား မို့လို့ ဒီမိုကရေစီ ရေစီးကြောင်း ထဲမှာ မျောမပါနိုင်ဘူးပေါ့။ ဒါက ရာနှုန်းပြည့်တော့ မမှန်နိုင်ပါဘူး''ဟု ဦးတင်မောင်ဦးက ရှုမြင်သည်။ အဘယ်ကြောင့်ဆိုသော် သူကိုယ်တိုင် တပ်မတော် သားတစ်ဦး ဖြစ်ခဲ့ဖူးသည့်အတွက်ဖြစ်သည်ဟု ဆိုသည်။

''အတတ်နိုင်ဆုံး ဒီမိုကရေစီကျင့်စဉ်နဲ့ညီအောင် ပြည် သူဘက်က ကြိုးစား ရပ်တည်တယ်။ ဒီမိုကရေစီကို သေချာလိုက် လေ့လာတဲ့အခါ အနှစ်ချုပ်က အချက်နှစ်ချက်ပဲ ရှိတယ်။ ပူးပေါင်းဆောင်ရွက်ခြင်းနဲ့ မျှဝေခံစားနိုင်ခြင်းပဲ။ ဒါကိုလုပ် နိုင်ရင် အဲဒီလူရဲ့လုပ်ဆောင်ချက်က ဒီမိုကရေစီနည်းကျ တယ်လို့ ယုံကြည်တယ်''ဟု ၄င်းက ယခုလိုလည်း ဥပမာပေး သေးသည်။

ဥပမာ- လယ်သမားဆိုပါစို့။ သူ့အရေးကို သေချာခံစား နားထောင်ပြီး စိတ်ရှည်လက်ရှည်နဲ့ တင်ပြချက်တွေကို ဖြေ ရှင်းပေးနိုင်မယ်။ အလုပ်သမားဆိုလဲ အလုပ်သမား၊ ကျောင်း သား စသဖြင့် သူတို့တွေရဲ့လိုလားချက်တွေကို မျှဝေခံစားနိုင် လို့ရှိရင် အဲဒီလူရဲ့လုပ်ဆောင်ချက်က ဒီမိုကရေစီကျတယ်။ သို့သော် ဗိုလ်ချုပ်မှူးကြီးမင်းအောင်လှိုင်အနေဖြင့် တကယ် လို့ သမ္မတဖြစ်လာခဲ့ပါက လက်ရှိရပ်တည်နေသည့် တပ်မ တော်သားဘဝနှင့်တော့ လုံးဝခြားနားသည် ဆိုခြင်းကို သတိ ပြုရလိမ့်မည်။ နိုင်ငံရေးလောကထဲကို နယ်ကျွံခိုဝင်လာခဲ့ သည့်အတွက် အခက်အခဲတော့ရှိလိမ့်မည်ဟု ဦးတင်မောင် ဦးက သုံးသပ်သည်။

မြန်မာ့နိုင်ငံရေးလေ့လာသုံးသပ်သူ ဦးကျော်လင်းဦးက တော့ ဗိုလ်ချုပ်မှူးကြီး မင်းအောင်လှိုင်ကို နိုင်ငံတော်သမ္မတ ဖြစ်လာလိမ့်မည်ဟု မမြင်မိကြောင်း ဆိုပါသည်။ လက်ရှိ ဖွဲ့ စည်းပုံအခြေခံဥပဒေအရဆိုလျှင် ရွေးကောက်ခံကိုယ်စား လှယ်များက ရွေးချယ်သည့် ဒုတိယသမ္မတနှစ်ဦးနှင့် တပ် မတော်သား ကိုယ်စားလှယ်အစုအဖွဲ့မှ ရွေးချယ်သည့် ဒုသမ္မတ တစ်ဦးအဖြစ် ဒုသမ္မတအမည်စာရင်း သုံးဦးတွင်တော့ ကာကွယ် ရေးဦးစီးချုပ်အနေဖြင့် ပါကောင်းပါလာနိုင်သည်။

''သမ္မတတော့ သိပ်မသေချာဘူး။ ဖြစ်နိုင်ခြေအရှိဆုံး က ပြည်ထောင်စု လွှတ်တော်က မဲခွဲဆုံးဖြတ်တဲ့အခါ ပြည်သူ့ လွှတ်တော်က ရွေးချယ်တင်မြှောက်တဲ့ သမ္မတလောင်းကပဲ သမ္မတဖြစ်မှာ။ ကျန်တဲ့တပ်မတော်သားကိုယ်စားလှယ်တွေ နဲ့ အမျိုးသားလွှတ်တော်ကရွေးမယ့်သူတွေကတော့ ဒုတိယ သမ္မတတွေပဲ ဖြစ်မယ်။ တကယ်လို့များ ဗိုလ်ချုပ်မှူးကြီးမင်း အောင်လှိုင်က တပ်မတော်သား ကိုယ်စားလှယ်တွေ ရွေးချယ် တင်မြှောက်တဲ့ ပုဂ္ဂိုလ်ဆိုရင် ဒုတိယသမ္မတရာထူးပဲ ရမယ့် သူ''ဟု ဦးကျော်လင်းဦးက သုံးသပ်သည်။

ထို့ကြောင့် သမ္မတ လောင်းတစ်ဦးအနေဖြင့်တော့ မြန်မာ့နိုင်ငံရေးအခင်းအကျင်း ထဲတွင် ပြန်လည်ပါဝင်လာနိုင်သည်ဟု ၄င်းက ယူဆသည်။ သို့သော် ယခုအချိန်တော့ ဗိုလ်ချုပ်မှူးကြီး မင်းအောင်လှိုင် သည် သမ္မတအဖြစ် တာဝန်ယူဖို့တို့၊ နိုင်ငံရေးလုပ်ဖို့တို့ကို ဆုံးဖြတ်ချက်မချနိုင်သေးဟု ဦးကျော်လင်းဦးက တွက်ဆ သည်။

သေချာသည်က သူသည် မကြာခင်လပိုင်းအတွင်း အသက်(၆ဝ) ပြည့်တော့မည် ဖြစ်သည်။ တပ်မတော်မှ အငြိမ်း စားယူရတော့မည်ဆိုလျှင်လည်း မမှားနိုင်။ မဖြစ်မနေ မြန်မာ့ နိုင်ငံရေးအခင်းအကျင်းတွင် ဗိုလ်ချုပ်မှူးကြီးမင်းအောင်လှိုင် အနေဖြင့် ဆက်လက်ပါဝင်လာမည်ဆိုလျှင်တောင် အပြောင်း အလဲကြီး ပြောင်းလဲနိုင်ဖို့တော့ မမြင်ဟု ဦးကျော်လင်းဦးက ဆိုသည်။ သူက ယခုလို ထောက်ရှုကြည့်ခြင်းဖြစ်သည်။

ဥပမာ- သမ္မတရဲ့ ငါးနှစ်သက်တမ်းအခြေအနေကို ကြည့်တဲ့အခါ သမ္မတဦးသိန်းစိန်ရော၊ ဒုတိယသမ္မတနှစ် ယောက်ရော ကြည့်ရတာ ပူးပေါင်းပြီးမှလုပ် နေတဲ့သဘောဆိုတော့ ဗိုလ်ချုပ်မှူးကြီး မင်းအောင်လှိုင်ဟာ ဒုတိယရာထူး ရလို့ပဲ ဖြစ်ဖြစ်၊ သမ္မတရာထူးရလို့ပဲဖြစ်ဖြစ် သိပ် ပြီးတော့ မြန်မာ့နိုင်ငံရေးက ပြောင်းလဲ သွားမယ်လို့တော့ ကံသေကံမ ပြောလို့ တော့မရဘူး။

လက်ရှိအခြေအနေများအရတော့ ကာကွယ်ရေးဦးစီး ချုပ် ဗိုလ်ချုပ်မှူးကြီးမင်းအောင်လှိုင်သည် တပ်မတော်၏ အခန်းကဏ္ဍကိုတော့ ပြုပြင်ပြောင်းလဲဖို့ ကြိုးစားနေသည်ဟု ဦးကျော်လင်းဦးကရှုမြင်သည်။

အထူးသဖြင့် ငြိမ်းချမ်းရေးလိုကိစ္စမျိုးတွင် တစ်ပြည် လုံးအတိုင်းအတာဖြင့် အပစ်အခတ်ရပ်စဲရေး စာချုပ်ချုပ် ဆိုသည်ကို တွေ့လိုမြင်လိုသည့် သဘောရှိသည်ဟု ၄င်းက ဆိုသည်။

နောက်တစ်ခုကတော့ ကမ္ဘာ့နိုင်ငံများနှင့် မြန်မာ့တပ် မတော်ကို ပြန်လည်ချိတ်ဆက်ခြင်း၊ ဆက်ဆံသမှုပြုခြင်း အပါအဝင် တပ်မတော်၏ အကြီးအကဲတစ်ယောက်အနေ ဖြင့် နိုင်ငံတကာသို့ သွားရောက်လည် ပတ်လေ့လာနေသူ ဖြစ်ပြီး မြန်မာ့တပ်မတော်အား ခေတ်မီရေးအတွက် ကြိုး ပမ်းချက်များရှိနေသည်ဟု ဗိုလ်ချုပ်မှူးကြီး မင်းအောင်လှိုင် အပေါ် ဦးကျော်လင်းဦးက အကောင်းမြင်သည်။

ယခုအခါ CNA နှင့် တွေ့ဆုံမေးမြန်းခန်း ကိုအကြောင်း ပြုပြီး တပ်မတော် ကာကွယ်ရေးဦးစီးချုပ်အနေဖြင့် နိုင်ငံ တော်သမ္မတ လုပ်လိုသည့်သဘောများ ပါဝင်လာခြင်းဖြစ် သော်လည်း သူ့အရင်ပြောနှင့်ပြီးသား ပုဂ္ဂိုလ်များဖြစ်သည့် သမ္မတဦးသိန်းစိန်တို့၊ လွှတ်တော်ဥက္ကဋ္ဌဦးရွှေမန်းတို့၊ အမျိုး သားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်တို့ နှင့် နှိုင်းယှဉ်ကြည့်မည်ဆိုက ဗိုလ်ချုပ်မှူးကြီးမင်းအောင် လှိုင်၏ ပုံရိပ်ကို ထိုလူပုဂ္ဂိုလ်များက လွှမ်းမိုးသွားနိုင်သည်ဟု ပြည်သူ့လွှတ်တော် ကိုယ်စားလှယ် ဦးတင်မောင်ဦးက ဆိုသည်။

''ဖြစ်ချင်တယ်ဆိုတဲ့ဆန္ဒကတော့ သင့်တော်သောဆန္ဒ ပါ။ သို့သော် ယနေ့ နိုင်ငံရေးရေစီးကြောင်းထဲမှာ မျောပါ နေတဲ့သူတွေနဲ့ယှဉ်လိုက်ရင်တော့ ဟိုလူတွေက ရှေ့ရောက် နေတာကိုလဲတွေ့ရမှာ''။ သို့သော် နိုင်ငံအတွက် ဘယ်သူက ပိုအကျိုးရှိမည်၊ မည်သူက ပိုမိုအကျိုးပြုနိုင်မည်ဆိုသည် ကတော့ တွက်ဆကြည့်ဖို့ တော်တော်ခက်သည်ဟု ဦးတင် မောင်ဦးကဆိုသည်။
လက်တွေ့ဆောင်ရွက်ကြည့်မှပဲ သိ နိုင်မည်ဟု ၄င်းကဆိုသည်။

မြန်မာ့နိုင်ငံရေးလေ့လာသုံးသပ်သူ ဦးကျော်လင်းဦး ကတော့ ဗိုလ်ချုပ်မှူးကြီး မင်းအောင်လှိုင်အနေဖြင့် မြန် မာ့နိုင်ငံရေးလောကထဲကို ရောက်လာမည်။ ထို့ပြင် ဒီမို ကရေစီစနစ်ကို ယုံကြည်သည့် ဗိုလ်ချုပ်မှူးကြီးဟောင်း တစ်ယောက်အနေဖြင့် မြန်မာ့ဒီမိုကရေစီ စနစ်ကို ပိုမိုအခြေ ခိုင်အောင် စွမ်းဆောင်နိုင်လိမ့်မည်ဟု မျှော်လင့်နေသည်။ အိမ်နီးချင်းနိုင်ငံများတွင်ဆိုလျှင်လည်း ယင်းသို့သော တပ် မတော်သား ဗိုလ်ချုပ်ကြီးဘဝကနေပြီး နိုင်ငံတော်အကြီး အကဲဖြစ်လာသည့် အချိန်တွင် ဒီမိုကရေစီကို ပိုမိုအခြေခိုင် စေခဲ့သည့် သာဓကများလည်းရှိသည်ဟု ဦးကျော်လင်းဦး က ယခုလို ဥပမာပေးသည်။

ဥပမာ-ဖိလစ်ပိုင်မှာ ဗိုလ်ချုပ်ကြီးရားမို့စ်တို့၊ အင်ဒို နီးရှားမှာ ဗိုလ်ချုပ်ကြီးမိုလ်ဒိုကို တို့လို ပုဂ္ဂိုလ်မျိုးတွေကို စံ နမူနာပြုပြီးတော့ မြန်မာနိုင်ငံရဲ့ ဒီမိုကရေစီအပြောင်းအ လဲက ဒီထက်ပိုပြီး အောင်မြင်အောင် ကြိုးစားနိုင်ခဲ့မယ်ဆို ရင် ချီးကျူးရမယ့် နောက်ထပ် အရှေ့တောင်အာရှဒေသရဲ့ ချီးကျူးရမယ့် ဗိုလ်ချုပ်မှူးကြီးဟောင်း တစ်ယောက် ဖြစ် လာပါလိမ့်မယ်။

အမည်မဖော်လိုသူ အငြိမ်းစားဗိုလ်မှူးကြီးကတော့ လက်ရှိသမ္မတ ဦးသိန်းစိန်တုန်းကတောင် တပ်မတော်ယူနီ ဖောင်းချွတ်ပြီး သမ္မတတာဝန်ကို ရယူခဲ့သည်မို့ လေ့လာမှု၊ အရည်အချင်းနှင့် ယုံကြည်ချက်သာရှိလျှင် အကောင်းဆုံးဖြစ် နိုင်လိမ့်မည်ဟုထင်နေသည်။ သူဆိုလိုချင်သည်က သီတဂူ ဆရာတော်ကြီးမိန့်သလို ရှေ့ကဦးဆောင်သူတစ်ဦး၏ မူဝါဒ များကိုလျစ်လျူရှုပြီး ကိုယ့်မူ၊ ကိုယ့်နည်းနှင့် လမ်းသစ်ဖောက် မည်ဆိုက ပြုပြင်ပြောင်းလဲရေး လမ်းကြောင်းသည် နောက် သို့ ပြန်တွန့်သွားနိုင်သည်ဟု ၄င်းကယူဆသည်။

''ဦးရွှေမန်းလဲ ဦးသိန်းစိန်လုပ်သလို လုပ်တော့လုပ် နိုင်မှာပါ။ ဒါပေမဲ့ ဦးသိန်းစိန် အိုင်ဒီယာနဲ့ သူ့အိုင်ဒီယာတွေ က မတူဘူး။ ကိုက်ညီမှုမရှိတာကိုလဲ တွေ့နေရတာပဲ။ ဒီ တော့ ဦးရွှေမန်းသာသမ္မတဖြစ်ပြီးရင် သူ့မူနဲ့သူ တစ်ခါပြန် ပြင်မယ်ဆိုရင် တစ်ကနေ ပြန်စနေရပြန်ဦးမယ့်သဘောဖြစ် သွားနိုင်တယ်''။
သမ္မတဦးသိန်းစိန်၏ ဒီမိုကရေစီရေး ပြုပြင်ပြောင်း လဲရေး လုပ်ငန်းစဉ်တစ်လျှောက်တွင် တပ်မတော်၏အကြီး အကဲတစ်ဦးအနေနှင့် လိုက်ပါစီးမျောခွင့်ရခဲ့သည့် ကာ ကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် အနေ ဖြင့် လုပ်နိုင်သည့်အရည်အချင်းရှိပြီဟု ယူဆလို့သာ ယခု လို သမ္မတဖြစ်လိုသည့် အရိပ်အယောင်များပြောထွက်ခြင်း ဖြစ်လိမ့်မည်ဟု ဗိုလ်မှူးကြီးက သုံးသပ်သည်။

သူ့အနေဖြင့် ပင်စင်ယူပြီးတော့ ရွေးကောက်ခံမလား၊ ထပ်တိုးတာဝန်အဖြစ် ဆက်လက်တာဝန်ထမ်းဆောင်လေ မလားဆိုသည်ကတော့ ခန့်မှန်း ခက်နေသေးကြောင်း ၄င်း ကပြောသည်။

''အငြိမ်းစားယူပေမယ့်လဲ နိုင်ငံတော်ကနေ ပြီးတော့ သူ့ကိုလိုအပ်လို့ ထပ်မံပြီးတာဝန်ပေးမယ်၊ သူ ကိုယ်တိုင်ကလဲ ဆန္ဒရှိမယ်ဆိုရင် တာဝန်ဆက်ထမ်းဆောင် လို့ရတယ်''။

ဗိုလ်ချုပ်မှူးကြီး မင်းအောင်လှိုင်အနေဖြင့် မြန်မာ့ နိုင်ငံရေးအခင်းအကျင်းထဲသို့ တပ်မတော်သားကိုယ်စား လှယ်အစုအဖွဲ့ကို အကြောင်းပြုပြီး ရောက်လာသည်ဖြစ် စေ၊ တခြားပုံစံတစ်မျိုးနှင့် ရောက်လာသည်ဖြစ်စေ အရပ် ဘက် နိုင်ငံရေးအင်အားစုများ၊ တိုင်းရင်းသားအင်အားစု များနှင့် ရင်းရင်းနှီးနှီး ထိတွေ့ဆက်ဆံ၊ ဆွေးနွေးသည်မျိုး ပြုသင့်သည်ဟု ၈၈ မျိုးဆက်ကျောင်းသားခေါင်းဆောင် ဦးကိုကိုကြီးက ပြောဖူးသည်။

ဦးကိုကိုကြီးကိုယ်တိုင် လက်ခံထားသည့် အချက်တစ် ချက်လည်းရှိသေးသည်။ အချိန်၏ရွေ့လျားမှုအရ မျိုးဆက် များအဆက်ဆက် ပြောင်းလဲလာခြင်း ပင်ဖြစ်သည်။ ယခင် ခေတ်တုန်းက ပစ်ခဲ့၊ သတ်ခဲ့၊ ဖမ်းခဲ့၊ ဆီးခဲ့သော တပ်မတော် ၏ ထိပ်ပိုင်းခေါင်းဆောင်များသည် ယခုအခါ တပ်မတော် တွင် မရှိတော့ပြီ။ လက်ရှိတပ်မတော်၏ မျိုးဆက်သည် သူတို့ကိုယ်တိုင် မကျူးလွန်ခဲ့ရသော သမိုင်းကြွေးများ၊ အမွေ ဆိုးများကို ဆက်ခံနေရသည်ဟု ဦးကိုကိုကြီးက ယူဆသည်။

ထို့ကြောင့် တပ်မတော်နှင့် ပြည်သူအကြား နွေးထွေး သည့်၊ လေးစားသည့် ယုံကြည်မှုမျိုး၊ တိုင်းရင်းသားများနှင့် တပ်မတော်အကြား၊ တိုင်းရင်းသားနှင့် လူများစုဗမာများ အကြား အပြန်အလှန်လေးစားမှု၊ အပြန်အလှန်ယုံကြည်မှု များ ရရှိရေးအတွက် စဉ်းစားချိန်တန်ပြီဟု ၄င်းက တိုက် တွန်းသည်။

အထူးသဖြင့် မိမိတို့ သတိမမူမိသည်ကတော့ ပြီးခဲ့ သည့် တပ်မတော် အစိုးရလက်ထက် ထိပ်ပိုင်းခေါင်းဆောင် များ၊ အဆင့်မြင့်အရာရှိကြီးများသည် လတ်တလော ဒီမို ကရေစီ ပြုပြင်ပြောင်းလဲရေးလမ်းကြောင်းထဲတွင် တည့် တည့်တစ်မျိုး၊ ကန့်လန့်တစ်ဖုံ လိုက်ပါစီးမျောနေကြသူများ ဖြစ်နေကြသည်ဟု အငြိမ်းစားကျောင်းဆရာကြီး ဦးသိန်း က ဆင်ခြင်မိသည်။

သို့သော် သူကိုယ်တိုင် မျက်စိနှင့်၊ နား နှင့် ကြားသိမြင်တွေ့လိုက်ရသည့် ဗိုလ်ချုပ်မှူးကြီး မင်း အောင်လှိုင်၏ အဖြေတချို့ကိုတော့ သိပ်လက်မခံလို။

''၂ဝဝ၈ ဖွဲ့စည်းပုံအခြေခံဥပဒေရေးတုန်းက ပြည်သူ တွေရဲ့ဆန္ဒနဲ့ရေးတာဆိုတဲ့ အချက်ပဲ။ အဲဒါလိမ်တာပေါ့''။

‪‎TheYangonTimes‬

ဓာတ်ပုံ – Zaw Yann facebook
ဧရာဝတီတိုင်းက အမျိုးသား ပညာရေး ဥပဒေကို သပိတ်မှောက်တဲ့ ကျောင်းသူ ကျောင်းသားတွေ ဒီကနေ့ မနက်ကစပြီး ပုသိမ်မြို့ပေါ်က ကျောင်းတွေကို လှည့်လည်ဆန္ဒထုတ်ဖော် နေကြပါတယ်။

ပညာပါရမီ ကျောင်းတိုက်ကနေပြီး ပုသိမ်မြို့တော်ခန်းမဆီကို ချီတက်ပြီး အဲဒီကနေဆင့် မြို့တွင်းက ကျောင်းတွေကို လှည့်လည်စည်းရုံးမယ်လို့ ရန်ကုန်စီးပွားရေး တက္ကသိုလ်ကျောင်း သားများ သမဂ္ဂအတွင်းရေးမှူး ကိုတေဇာက ပြောပါတယ်။

“သွားမှာက ကျနော်တို့ ပထမဦးဆုံး မြို့ကို ပတ်မယ်။  ပတ်ပြီးတော့ ကျနော်တို့ ကျောင်းကို သွားမယ်ပေါ့နော်။ ကျောင်းတွေရှေ့မှာ တရားဟောမယ်၊ မြို့တော်ခန်းမရှေ့မှာ တရားဟော မယ်။ ပြီးရင် ဒီနေ့ထွက်တဲ့စစ်ကြောင်းကို နားမယ်။ နောက် ၃၁ ရက်နေ့ ကျနော်တို့ ထပ်ထွက်မယ်။”

ဒီရက်ပိုင်းမှာ မြို့ထဲကနေ မထွက်ဘဲ ကျောင်းတွေကိုပတ်သွားမှာဖြစ်ပြီး လာမယ့် ၁ ရက်နေ့ လေးပွင့်ဆိုင်ဆွေးနွေးပွဲအပေါ်မှာမူတည်ပြီး ထွက်ဖို့အစီစဉ်ရှိတယ်လို့လည်း ပြောပါတယ်။

ဧရာဝတီ သပိတ်စစ်ကြောင်းနဲ့အတူ မြေလတ်ဒေသ ကျောင်းသားသမဂ္ဂက လာရောက်ပူးပေါင်းသလို ညနေပိုင်းမှာလည်း ပခုက္ကူခရိုင်ကျောင်းသားသမဂ္ဂတွေ၊ မုံရွာနဲ့ ရန်ကုန်က ကျောင်းသားသမဂ္ဂတွေ လာရောက်ပူးပေါင်းမယ်လို့လည်း ကိုတေဇာက ပြောပါတယ်။

အမျိုးသားပညာရေးဥပဒေကို သပိတ်မှောက်ထားတဲ့ ကျောင်းသားတွေဟာ အစိုးရနဲ့ တွေ့ဆုံ ညှိနှိုင်းအဖြေရှာရေးအတွက် သတ်မှတ်ကာလရက် ၆၀ အလွန် လှုပ်ရှားမှုကို ဇန်န၀ါရီ ၂၀ ရက်နေ့က မန္တလေးနဲ့ ထားဝယ်မြို့မှာ စတင်ခဲ့တာ ဖြစ်ပါတယ်။

အမျိုးသားပညာရေးဥပဒေပြင်ဆင်ရေးအတွက် လေးပွင့်ဆိုင် (အစိုးရ၊ လွှတ်တော်၊ ဒီမိုကရေစီပညာရေးလှုပ်ရှားမှု ဦးဆောင်ကော်မတီနဲ့ မြန်မာနိုင်ငံ ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာ ကွန်ရက်တို့) ဆွေးနွေးပွဲကို လာမယ့် ဖေဖော်ဝါရီ ၁ ရက်နေ့မှာ စတင်ဖို့ အစိုးရနဲ့ ကျောင်းသားသပိတ်ခေါင်းဆောင်တွေ ဇန်န၀ါရီ ၂၈ ရက်နေ့က နေပြည်တော်ဆွေးနွေးပွဲမှာ သဘောတူညီကြပြီးနောက် သပိတ်စစ်ကြောင်းအချို့ ခေတ္တရပ်နားခဲ့ပါတယ်။

By နော်နိုရင်း (ဒီဗွီဘီ)


ပြည်ထောင်စု လွှတ်တော်က တောင်းဆိုထားတဲ့ ခြောက်ပွင့်ဆိုင် တွေ့ဆုံ ဆွေးနွေးပွဲဟာ အခုကျင်းပနေတဲ့ လွှတ်တော် အစည်းအဝေး ကာလမှာ ဖြစ်နိုင်ဖွယ်ရှိကြောင်း ပြည်ထောင်စု လွှတ်တော် နာယက သူရဦးရွှေမန်းက ဒီနေ့ ပြောပါတယ်။

နေပြည်တော် လွှတ်တော်ဝင်း အတွင်းမှာ ဒီကနေ့ကျင်းပတဲ့ သတင်းစာ ရှင်းလင်းပွဲမှာ သတင်းထောက် တစ်ဦးရဲ့ မေးမြန်းချက်ကို သူရဦးရွှေမန်းက ပြန်လည်ဖြေကြား ခဲ့တာပါ။

"ပြည်ထောင်စုလွှတ်တော်က မြန်မာနိုင်ငံမှာ အမြင့်ဆုံးဥပဒေပြု အဖွဲ့အစည်းဖြစ်တယ်၊ ဒါကြောင့်မို့လို့ ပြည်ထောင်စုလွှတ်တော်က ပြဌါန်းလိုက်တဲ့ဥပဒေ သို့မဟုတ် အဆိုတွေဟာ အခြားအခြားသော လွှတ်တော်၊ အခြားအခြားသောဆိုတာ တိုင်းနဲ့ပြည်နယ်လွှတ်တော်ကို အကုန်လုံးလွှမ်းမိုးပါတယ်၊ ပြည်ထောင်စုလွှတ်တော်က ပြဌါန်းထားတဲ့ဥပဒေ သို့မဟုတ် အဆိုတွေကို ဘယ်သူကမှသွားပြီးတော့ ဟန့်တားလို့မရဘူး၊ ချေဖျက်လို့မရဘူး၊ ဒါကြောင့်မို့လို့ ပြည်ထောင်စုလွှတ်တော်ရဲ့အဆိုဟာ အတည်ဖြစ်ပါတယ်၊ နောက်တစ်ခုကတော့ ၆ ပွင့်ဆိုင်ဆွေးနွေးပွဲကိစ္စဟာ ပြည်ထောင်စုလွှတ်တော်က ဆုံးဖြတ်ထားတဲ့ကိစ္စဖြစ်တဲ့အတွက် မလွှဲမသွေတွေ့နိုင်ကြဖို့အတွက် မိမိတို့ လွှတ်တော်ဆိုင်ရာအဖွဲ့အစည်းများက ဒီလိုပဲဆွေးနွေးထားပါတယ်"

ဒါ့အပြင် အခုကျင်းပနေတဲ့ လွှတ်တော်ကာလ အတွင်းမှာ ဖွဲ့စည်းပုံ အခြေခံ ဥပဒေ ပြင်ဆင်ရေးကို ဆောင်ရွက်သွားမှာ ဖြစ်တယ်လို့လည်း သူရဦးရွှေမန်းက ပြောပါတယ်။

မနေ့က ကျင်းပခဲ့တဲ့ နိုင်ငံတော် ကာကွယ်ရေးနဲ့ လုံခြုံရေး ကောင်စီ အစည်းအဝေးမှာ အမျိုးသား ပညာရေး ဥပဒေနဲ့ ပတ်သက်ပြီး ဆွေးနွေးမှုတွေ ရှိခဲ့ကြောင်း သူရဦးရွှေမန်းက ပြောပါတယ်။

သတင်းစာ ရှင်းလင်းပွဲကို သူရဦးရွှေမန်းနဲ့အတူ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ခေါင်းဆောင်တွေထဲက သူရဦးအေးမြင့်နဲ့ ဦးမောင်မောင်သိမ်းတို့ တက်ရောက်ခဲ့ပါတယ်။

RFA Burmese
https://www.facebook.com/pages/RFA-Burmese/39218993127?fref=nf


မကွေးမြို့ အေးစေတီ ဘုရားဝင်းမှာ ခွင့်ပြုချက်မရှိဘဲ ပုဒ်မ ၄၃၆ ပြင်ဆင်ရေး ဟောပြောပွဲ ကျင်းပ ခဲ့တယ်ဆိုပြီး ပိုင်နက်ကျူးလွန်မှုနဲ့ တရားစွဲ ခံထားရတဲ့ အန်အယ်လ်ဒီနဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်း လူ့အဖွဲ့ အစည်းက အဖွဲ့ဝင် ၁၁ ဦးကို အပြစ်မရှိကြောင်း မကွေးတိုင်း တရားရုံးက ဒီနေ့ အမိန့်ချ လိုက်ပါတယ်။

အဲ့ဒီဟောပြောပွဲကြောင့် အေးစေတီဘုရားဂေါပကအဖွဲ့ရဲ့ ဂုဏ်သိက္ခာထိခိုက်မှုမရှိခဲ့သလို ရပ်ရွာအေးချမ်းသာယာမှုကို ထိခိုက်မှုမရှိခဲ့တာကြောင့် အပြစ်မရှိကြောင်း တိုင်းတရားသူကြီးက အမိန့်ချလိုက်တာဖြစ်တယ်လို့ တရားစွဲခံခဲ့ရသူ မကွေးတိုင်းဒေသကြီး အမျိုးသားဒီမိုကရေစီအဖွဲ့ချုပ် အတွင်းရေမှူး ဦးနေမျိုးကျော်က ပြောပါတယ်။

"ဒီ ၂ဝဝ၈ အခြေခံဥပဒေ ပုဒ်မ ၄၃၆ ပြင်ဆင်နိုင်ရေးကော်မတီကနေမှ ကျင်းပတဲ့လူထုဟောပြောရေးဟာ ရပ်ရွာအေးချမ်းသာယာမှုတွေကိုလည်း ထိခိုက်မှုမရှိဘူး၊ လက်ရှိအေးစေတီကို တာဝန်ယူထားရတဲ့ ဒီဂေါပကအဖွဲ့ကိုလည်း စိတ်ငြိုငြင်မှု ဘာမှမရှိဘူး၊ ကွင်းထဲမှာဝင်ရောက်ပြီး ကျနော်တို့ တရားဟောပြောပွဲဟာ ခိုက်ရန်ဖြစ်ပွားမှုတွေလည်း မရှိတဲ့အပြင်မှာ လက်ရှိ ရှိနေတဲ့ ဂေါပကအဖွဲ့ကို ဂုဏ်သိက္ခာကိုညှိုးနွမ်းစေအောင် လုပ်ရပ်တွေ၊ ပြစ်မှုတစ်စုံတစ်ရာကျူးလွန်အောင် အကြံအစည်မျိုးတွေ ဘာမှမပါရှိတဲ့အတွက် ကျနော်တို့တွေဟာ အပြစ်မရှိဘူးလို့ လုံးဝလွှတ်ပေးလိုက်တဲ့ သဘောပါပဲဗျ"

ပြီးခဲ့တဲ့နှစ် ဇွန်လက ပုဒ်မ ၄၃၆ ပြင်ဆင်ရေးဟောပြောပွဲကို မကွေးမြို့ အေးစေတီဘုရားဝင်းမှာ ကျင်းပခဲ့ရာ ပွဲကျင်းပရေးကော်မတီဝင် ၁၁ ဦးကို မကွေးတိုင်းသာသနာရေးဦးစီးဌာန ညွှန်ကြားရေးမှူးချုပ်က ဇူလိုင်လမှာ ပိုင်နက်ကျူးလွန်မှုနဲ့ တရားစွဲခဲ့တာဖြစ်ပါတယ်။ ဟောပြောပွဲကျင်းပရေးကော်မတီက အေးစေတီဘုရားဝင်းမှာ ပွဲကျင်းပဖို့ ခွင့်ပြုချက်ကြိုတင်ပြီး ပြင်ဆင်နေစဉ် အုပ်ချုပ်ရေးအဖွဲ့က မြသလွန်ဘုရားဝင်းမှာ ပြောင်းရွှေ့ကျင်းပခိုင်းရာမှာ ငြင်းဆန်ခဲ့တဲ့အတွက် ခွင့်ပြုချက်မရှိပဲ ဟောပြောပွဲကျင်းပတယ်ဆိုပြီး တရားစွဲခံရတာဖြစ်ပါတယ်။

ပွဲကျင်းပရေးကော်မတီဝင် ၁၁ ဦးမှာ မကွေးတိုင်း အမျိုးသားဒီမိုကရေစီအဖွဲ့ချုပ်က ၆ ဦး နဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ၅ ဦး ပါဝင်ပါတယ်။

RFA Burmese
https://www.facebook.com/pages/RFA-Burmese/39218993127


ရှမ်းပြည်နယ်၊ မူဆယ်ခရိုင်၊ ကောင်းခါးကျေးရွာမှာ ကချင်နှစ်ခြင်း ခရစ်ယာန် အဖွဲ့ချုပ်က ကျောင်းဆရာမ နှစ်ဦး အသတ်ခံရတဲ့ အမှုနဲ့ ပတ်သက်ပြီး တပ်မတော် သားတွေနဲ့ ဒေသခံ ရွာသားတွေ ကို DNA မျိုးဗီဇ စစ်ဆေးမယ်လို့ ရဲတပ်ဖွဲ့က ပြောပါတယ်။

အခင်းဖြစ်ပွားခဲ့ညက ကောင်းခါးရွာမှာ တာဝန်ကျခဲ့သူ တပ်မတော်သား၂၅ ဦးနဲ့ ရွာသား ၁ဝ ဦးတို့ရဲ့ မျိုးဗီဇနမူနာတွေကို စုဆောင်းထားပြီး ဖြစ်တယ်လို့ ရှမ်းပြည်နယ် ရဲတပ်ဖွဲ့ ရဲမှူး ဦးစန်းလွင်က ပြောဆိုကြောင်း AFP သတင်းကဖော်ပြပါတယ်။

အဲ့ဒီ မျိုးဗီဇနမူနာတွေကို နေပြည်တော်ကို ပေးပို့ပြီး၊ အသတ်ခံရသူတွေရဲ့လက်ထဲကတွေ့ရှိခဲ့ရတဲ့ ဆံပင်တွေနဲ့ တိုက်ဆိုင်စစ်ဆေးမှာ  ဖြစ်တယ်လို့လည်း ပြောပါတယ်။

ဒီရာဇဝတ်မှုမှာ အနည်းဆုံး လူနှစ်ယောက် ပါဝင်ပတ်သက်မှုရှိမယ်လို့ ရဲကယူဆထားပါတယ်။
ဒီအမှုနဲ့ ပတ်သက်ပြီး စုံစမ်းစစ်ဆေး နေစဉ်ကာလ အတွင်း တပ်မတော်ကို ပုတ်ခတ်ရေးသား ပြောဆိုသူတွေ ရှိနေကြောင်း၊ အဲဒီစွပ်စွဲပြောဆိုမှုတွေကို တရားဥပဒေနဲ့အညီ ဆောင်ရွက်သွားမှာ ဖြစ်ကြောင်း တပ်မတော်က နိုင်ငံပိုင်သတင်းစာတွေမှာ သတိပေးထုတ်ပြန်ထားပါတယ်။

RFA Burmese
https://www.facebook.com/pages/RFA-Burmese/39218993127

ပုံစာ - သမ္မတဦးသိန်းစိန်နှင့် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် လက်မှတ်ထိုးထားသည့် နိုင်ငံတော်အလံ
ရန်ကုန်၊ ဇန်န၀ါရီ ၂၈

နိုင်ငံ၏ အမှတ်တံဆိပ် ဖြစ်သော နိုင်ငံတော် အလံပေါ်တွင် လက်မှတ် ထိုးခြင်း၊ ရေးခြစ်ခြင်းများ ပြုလုပ်ခြင်းသည် ဥပဒေနှင့် ငြိစွန်းကြောင်း တရားလွှတ်တော် ရှေ့နေ ဦးရောဘတ်စန်းအောင်က ဇန်န၀ါရီ ၂၈ ရက်တွင် မြန်မာသံတော်ဆင့်သို့ ပြောသည်။

ပြီးခဲ့သည့် ၂၀၁၄ ခုနှစ်အတွင်းက သမ္မတ ဦးသိန်းစိန်နှင့် ကာကွယ်ရေး ဦးစီးချုပ်တို့၏ ပူတာအို ခရီးစဉ်အတွင်း ဧ၀ရက် တောင်တက်ရန် အတွက် ပြင်ဆင်နေသည့် မြန်မာနိုင်ငံ သား တောင်တက် သမားများကို နိုင်ငံတော် အလံပေါ်တွင် လက်မှတ်ထိုး ပေးအပ်ခဲ့ခြင်းနှင့် ပတ်သက်၍ ဦးရောဘတ်စန်းအောင်က အထက်ပါ အတိုင်း ပြောကြားခြင်းဖြစ် သည်။

““အလံပေါ်မှာ လက်မှတ်ထိုးတာပဲဖြစ်ဖြစ်၊ ရေးခြစ်တာပဲဖြစ်ဖြစ် အဲဒါမလုပ်ရဘူးဗျ။ အဲဒါလုပ်ရင် ဥပဒေနဲ့ ငြိစွန်းတာပဲ။ အလံဆိုတာက တိုင်းပြည်နဲ့လူမျိုးအတွက် အမှတ်တရ အထိမ်းအမှတ် အလံတော်ကို ဘယ်လို နည်းနဲ့မှ မလုပ်ရဘူး။ အလံပေါ်မှာရေးခြစ်တာ၊ လက်မှတ်ထိုးတာ၊ သင်္ကေတတစ်ခုခုကို လုပ်တာ တွေဟာ ဒါဥပဒေနဲ့ ငြိစွန်းနေတယ်”” ဟုဦးရောဘတ်စန်းအောင်က ပြောသည်။ ၂၀၁၄ ခုနှစ် မတ်လအတွင်းက သမ္မတ ဦးသိန်းစိန်နှင့် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့၏ ပူတာအိုခရီးစဉ်အတွင်း ၎င်းတို့ လက်မှတ် ရေးထိုးထားသည့် နိုင်ငံတော် အလံ ကို တောင်တက်သမားများအား ပေးအပ်ခဲ့ခြင်းဖြစ်ပြီး ယင်း အဖွဲ့နှင့် အခမ်းအနားကို အစိုးရနှင့် နီးစပ်သူ စီးပွားရေးလုပ်ငန်းရှင် ဦးတေဇ၏ ထူးဖောင်ဒေးရှင်က ပြုလုပ်ပေး ခဲ့ခြင်းဖြစ်သည်။

အဆိုပါ အလံပေးအပ်မှုနှင့် ပတ်သက်၍ ““ပူတာအိုမှာ သမ္မတကြီး ခရီးစဉ်မှာ သမ္မတကြီးနဲ့ တပ်ချုပ်ကြီး ကနေပြီးတော့ မြန်မာနိုင်ငံတော် အလံပေါ်မှာ လက်မှတ်ထိုးပြီးတော့ အောင်နိုင်ရေး အလံအဖြစ်နဲ့ ပေးအပ် လိုက်ပါ တယ်။ ပေးအပ်တဲ့ အလံကို ကျွန်တော်တို့ ဒီနေ့ အခမ်းအနားမှာ လည်း တောင်တက်အဖွဲ့ ၅ ယောက်ကို အဲဒီအလံကို ပေးလိုက်ပါတယ်။ သူတို့က တောင်ပေါ်တက်ပြီးတော့ မြန်မာနိုင်ငံအလံ တပ်ချုပ်ကြီးနဲ့ သမ္မတကြီး ထိုးထားတဲ့ အလံကို သူတို့က အဲဒီမှာ စိုက်ထူမှာပါ””ဟု Htoo Foundation အမှုဆောင်အရာရှိချုပ် ဦီးပေါ်မြင့်ဦးက မီဒီယာများသို့ ပြောကြားခဲ့သည်။

၂၀၁၀ ပြည့်နှစ်က ပြဋ္ဌာန်းခဲ့သည့် နိုင်ငံတော်အလံ ဥပဒေပုဒ်မ ၁၃ (က)တွင် နိုင်ငံတော် အလံပေါ်တွင် စာလုံး၊ ဂဏန်း၊ ရုပ်ပုံနှင့်သင်္ကေတ စသော အမှတ်အသားတစ်ခုခုကို ရေးသားခြယ်လှယ်ခြင်း၊ တွယ်ကပ်ခြင်း၊ ပုံနှိပ်ခြင်း သို့မဟုတ် တစ်ခုခုဖြင့် အရာထင်စေခြင်း စသည်တို့ကို မည်သူမျှ မပြုလုပ်ရန် တားမြစ်ထားပြီး သမ္မတနှင့် ကာချုပ်က နိုင်ငံတော် အလံပေါ်တွင် လက်မှတ်ထိုးခဲ့သည့် ဖြစ်ရပ်အပေါ် တရားဝင် ရှင်းလင်း ထုတ်ပြန်ခြင်း မရှိခဲ့ပေ။

““ဒါသင့်လျော်ဘူးပေါ့ဗျာ။ ဦးစီးဦးဆောင် လုပ်နေတဲ့ ရှေ့ဆောင်တဲ့ ပုဂ္ဂိုလ်တွေက ရှောင်ကြဉ်သင့်တာပေါ့။ မရှောင်ကြဉ်ရင် ပြည်သူပြည်သားတွေ မှာ စံနမူနာလို ဖြစ်သွားရင် ရှင်းရခက်လိမ့်မယ်”” ဟု ဦးရောဘတ် စန်းအောင်က မှတ်ချက်ပြု ပြောကြားသည်။

နိုင်ငံတော် အလံပေါ်တွင် လက်မှတ်ရေးထိုးခြင်းနှင့် ပတ်သက်၍ ““အလံပေါ်မှာ လက်မှတ်ထိုးလို့ တော့ရတယ်။ မဖွယ်မရာ လုပ်တာ မဟုတ်ရင်။ နိုင်ငံတော် အလံ ဥပဒေရှိတယ်။ နိုင်ငံတော်အလံ ဥပဒေမှာ နိုင်ငံတော် အကြီးအကဲ အဲဒီလို လက်မှတ်ထိုးရုံနဲ့ အပြစ်ရှိတယ်လို့တော့ အဲဒီလို သတ်မှတ်မထားဘူး”” ဟု တရားလွှတ်တော်ရှေ့နေ ဦးဇော်လင်းက မှတ်ချက်ပေးသည်။

လတ်တလောတွင် အမျိုးသားပညာရေး ဥပဒေကို ကန့်ကွက်သည့် အနေဖြင့် မန္တလေးမြို့မှ ရန်ကုန်သို့ လမ်းလျှောက် လာနေသည့် ကျောင်းသားများက ဇန်န၀ါရီ ၂၆ ရက်က မြင်းခြံဒီဂရီ ကောလိပ် အတွင်းရှိ နိုင်ငံတော် အလံကို ဖြုတ်ချကာ ကျောင်းသားသမဂ္ဂအလံ လွှင့်ထူခဲ့သည့်အတွက် မြင်းခြံ ရဲစခန်းက နိုင်ငံတော် အလံဥပဒေ ပုဒ်မ ၁၆ ဖြင့် အမှုဖွင့် အရေးယူ ထားကြောင်း ဇန်န၀ါရီ ၂၇ ရက်ထုတ် နိုင်ငံပိုင် သတင်းစာများနှင့် တပ်မတော်က ထုတ်ဝေသည့် မြ၀တီသတင်းစာတို့တွင် ဖော်ပြပါရှိသည်။

ယင်းကဲ့သို့ နိုင်ငံတော်အလံအား ဖြုတ်ချ၍ ကျောင်းသားသမဂ္ဂအလံ လွှင့်ထူခဲ့ခြင်းမှာ ရည်ရွယ်ချက်ရှိရှိ လုပ်ဆောင်ခဲ့ခြင်း မဟုတ်ဘဲ အဆိုပါ ကျောင်းတာဝန်ရှိသူများက တားဆီးခြင်းနှင့် ယခင်ကတည်း ကပင် ကျောင်းသားသမဂ္ဂနှင့် သက်ဆိုင်သည့် ဆောင်ရွက်မှုများအား တင်းကြပ်စွာ တားမြစ်သည့် သတင်းများကြောင့် လုပ်ဆောင်ခဲ့မိခြင်းသာဖြစ်ကြောင်း အထက်ဗမာပြည် ဗကသအဖွဲ့ချုပ် တာဝန်ရှိသူတစ်ဦးက ယခုကဲ့သုိ့ ရှင်းပြသည်။

““ကျောင်းတံခါးဖွင့်ပေးတာ တောင်မှ တချို့ဆရာ၊ ဆရာမတွေက လမ်းဖယ်မပေးဘူး။ နောက်နဂိုတည်းက ဒီကျောင်းက တင်းကျပ်တယ်ဆိုတဲ့ သတင်းတွေက အဲဒီကျောင်းမှာရှိတဲ့ သမဂ္ဂရဲဘော်တွေဆီက ကြားထား တာတွေက အကုန်လုံး ရောသွားတော့ ကျောင်းသားတွေမှာ ခံစားချက်များပြီး လုပ်လိုက်တဲ့ သဘောပဲ။ နောက်တစ်ခုကအလံကို ဖြုတ်ချပြီးတော့ နင်းချေပြီးတော့ လုပ်လိုက်တာ မဟုတ်ဘူး။ တရိုတသေ ခေါက်ပြီးတော့ ထားတာပဲ။ ဘာရည်ရွယ်ချက်နဲ့မှ လုပ်တာ မဟုတ်ဘူး””ဟု အထက်ဗမာပြည် ဗကသမှ ကိုအောင်မှိုင်းဆန်းက မြန်မာသံတော်ဆင့်သို့ ပြောသည်။

ယခု စွဲဆိုထားသည့် ပုဒ်မ ၁၆ မှာ ယင်းဥပဒေပါ ပုဒ်မ ၁၃၊ ၁၄၊ ၁၅ တို့မှ တစ်ခုခုအား ချိုးဖောက်ပါက ယင်းပုဒ်မဖြင့် စွဲဆိုရမည်ဟု ပြဋ္ဌာန်း ထားခြင်းဖြစ်ပြီး ပုဒ်မ ၁၃ တွင်““နိုင်ငံတော် အလံပေါ်တွင် စာလုံး၊ ဂဏန်း၊ ရုပ်ပုံနှင့် သင်္ကေတစသော အမှတ်အသားတစ်ခုခုကို ရေးသားခြယ်လှယ်ခြင်း၊ တွယ်ကပ်ခြင်း၊ ပုံနှိပ်ခြင်း သို့မဟုတ် တစ်ခုခုဖြင့် အရာထင်စေခြင်း”” ဟုပါရှိပြီး ယင်းအား မည်သူမျှ မလုပ်ရဟု ပြဋ္ဌာန်းထားခြင်း ဖြစ်သည်။

“ဒီအလံကိုဖြုတ်ပြီးတော့ မီးရှို့လိုက်သလား၊ ဖျက်ဆီးသလား ကြည့်ရမယ်။ အဲဒီလိုမဟုတ်ဘဲနဲ့ တစ်ဖက် သတ်ကြီး လိုရာစွဲရင်တော့ မကောင်းဘူးပေါ့။ ကျွန်တော် နားလည်တာကတော့ အလံဥပဒေ ပုဒ်မ ၁၃မှာ ဘာနဲ့ငြိလဲ။ ပုဒ်မ ၁၄ မှာကော ဘာနဲ့ငြိလဲ။ အဲဒီအကြောင်းအရာတွေနဲ့ ဖြုတ်ချတယ်ဆိုပြီး ပုဒ်မတပ်မယ် ဆိုရင်တော့ ဖြုတ်ချတယ် ဆိုတဲ့ စကားလုံးက ဥပဒေမှာ မပါဘူး။ ရမိရရာ ပုဒ်မတပ်ပြီးတော့ ကျောင်းသား သပိတ်စစ်ကြောင်းကို နှေးကွေး သွားအောင် လုပ်တာဆိုရင်တော့ မကောင်းဘူးပေါ့ဗျာ။ ပုဒ်မ (၁၆) က ပုဒ်မ (၁၃) (၁၄) (၁၅) ပါ ပြဋ္ဌာန်းချက်ကို ချိုးဖောက်ရင် ၁၆ နဲ့ စွဲတာပေါ့””ဟု တရားလွှတ်တော် ရှေ့နေဖြစ်သူ ဦးရောဘတ်စန်းအောင်က သုံးသပ်ပြောကြားသည်။ နိုင်ငံတော်အလံ မီးရှို့မှုနှင့် ပတ်သက်၍ ၂၀၁၃ ခုနှစ် အောက်တိုဘာလ ၁၆ ရက်နေ့က ၂၇ ကြိမ်မြောက် ဆီးဂိမ်းစ်ပြိုင်ပွဲအဖြစ် မြန်မာအသင်းနှင့် အင်ဒိုနီးရှား အသင်း ဘောလုံးကစားရာတွင် မြန်မာအသင်း ရှုံးနိမ့်ခဲ့သည့်အတွက် မကျေနပ်သည့် ပရိသတ်များက နိုင်ငံတော်အလံ မီးရှို့ခြင်း၊ ကွင်းအတွင်းရှိ ထိုင်ခုံများ ဖျက်ဆီးခြင်း၊ ဆီးဂိမ်းစ်ပိုစတာများ မီးရှို့ခြင်းများ ပြုလုပ်ခဲ့ဖူးသည်။

ယင်းသို့ ပြုလုပ်ခဲ့မှုကြောင့် ကွင်းအတွင်း ဆင်းသက်သူ သုံးဦးနှင့် သောင်းကျန်းသူ ၆ ဦးကို သင်္ဃန်းကျွန်း ရဲစခန်းက ဖမ်းဆီးခဲ့သော်လည်း မြန်မာနိုင်ငံဘောလုံး အဖွဲ့ချုပ် ဦးဇော်ဇော်၏ ညှိနှိုင်းမှုဖြင့် ဖမ်းဆီးထားသူ များအား ပြန်လွှတ်ပေးခဲ့သည့်အပြင် နေရပ်ပြန်ရန်အတွက် ခရီးစရိတ်များပင် ထုတ်ပေးခဲ့သေးသည်။

၂၀၁၂ ခုနှစ် အောက်တိုဘာလ ၁၄ ရက်မှ ၁၇ ရက်အထိ နေပြည်တော်တွင် ပြုလုပ်ခဲ့သည့် ကြံ့ခိုင်ရေးပါတီ၏ ပထမအကြိမ် ပါတီညီလာခံတွင်လည်း နိုင်ငံတော်အလံအား ပြောင်းပြန်စိုက်ထူမှု ဖြစ်ပွားခဲ့သေးရာ ဝေဖန်မှုများ ထွက်ပေါ်ခဲ့သေးသည်။

MH-0030

မြန်မာသံတော်ဆင့်သတင်းဌာန- http://www.facebook.com/myanmarherald


ဒေါ်အောင်ဆန်းစုကြည် အကျယ်ချုပ် ကျခံနေရစဉ် တလျှောက် နေခဲ့ရတဲ့ တက္ကသိုလ်ရိပ်သာလမ်းက နေအိမ် ခြံဝင်း ဂိတ်တံခါးဟောင်းကို လက်ဝယ် ရရှိထားသူ တော်ဝင်နှင်းဆီ ဦးစိုးညွန့်က ကြမ်းခင်းဈေး ကျပ်သိန်း ၂၀၀၀ နဲ့ ဈေးပြိုင် ရောင်းချတော့မှာ ဖြစ်ပါတယ်။

ဂိတ်တံခါးဟောင်းနဲ့ အတူ အင်္ဂတေနဲ့ ထွင်းထုထားတဲ့ အိမ်နံပါတ် အမှတ် ၅၄ လည်း ပါဝင်မှာ ဖြစ်ပါတယ်။

ရောင်းရငွေကို ပါတီဌာနချုပ်ရုံး အသစ် ဆောက်လုပ်ရာမှာ သုံးစွဲမယ်လို့ သိရပါတယ်။

အဝါရောင်နဲ့ အနီရောင် သံပန်းဂိတ်တံခါးဟာ ဒေါ်အောင်ဆန်းစုကြည် နေအိမ် အကျယ်ချုပ်က လွတ်လာကာစ ၂၀၀၅၊ ၂၀၀၆ ကာလတွေမှာ အဲဒီ ဂိတ်တံခါးကနေ လူထုကို အပတ်စဉ် မိန့်ခွန်းပြောတာတွေ လုပ်ခဲ့တဲ့ နေရာလည်း ဖြစ်လို့ ကမ္ဘာ့ သတင်းမီဒီယာတွေမှာ ဖော်ပြခံခဲ့ရတဲ့ ထင်ရှားတဲ့ ဂိတ်တံခါး တစ်ခုလည်း ဖြစ်ပါတယ်။

BBC Burmese
https://www.facebook.com/bbcburmese


အမျိုးသား ပညာရေး ဥပဒေကို ကန့်ကွက်ဆန္ဒပြမယ့် ဧရာဝတီတိုင်းက ကျောင်းသားတွေ ပုသိမ်မြို့ကို စုစည်းရောက်ရှိနေ ပြီး သပိတ်စစ်ကြောင်း ချီတက်ပွဲ ဒီနေ့ စတင်မယ်လို့ ပြောကြားပါတယ်။

ပုသိမ်မြို့က ကျောင်းသားတွေ အပြင် မြောင်းမြ၊ မအူပင် အစရှိတဲ့မြို့တွေက ကျောင်းသားတွေလည်း ရောက်နေပြီး ရန်ကုန်က တက္ကသိုလ်တွေမှာ ဧရာဝတီတိုင်းကနေ သွားတက်ရောက်နေတဲ့ ကျောင်းသားတွေ လာရောက်ပူးပေါင်းကြ တာပါ။

ဧရာဝတီတိုင်း ပညာရေးဒီမိုကရေစီစစ်ကြောင်း အစီအစဉ်တွေကို ရန်ကုန်စီးပွားရေးတက္ကသိုလ် ကျောင်းသား သမဂ္ဂအဖွဲ့ဝင် ကိုတေဇာက ပြောပြပါတယ်။

"ကျနော်တို့ ဒီဧရာဝတီသပိတ်စစ်ကြောင်းက မနက် ၁ဝ နာရီကနေ စတင်ပြီးတော့ သပိတ်မှောက်သွား မှာပါခင်ဗျ၊ မနက် ၁ဝ နာရီနာရီကနေပြီး ကျနော်တို့စစ်ကြောင်းဟာ ပုသိမ်တစ်မြို့လုံးကိုပတ်မယ်၊ ပတ်ပြီး လို့ရှိရင် အချိန်အတိုင်းအတာပေါ်မူတည်ပြီးတော့ နားရင်လည်းနားမယ်ပေါ့နော်၊ မနားပဲနဲ့နောက်တစ်နေ့ ၃၁ ရက်နေ့ကို ကျနော်တို့ ကျောင်းတွေကိုလည်း ဆက်လက်ပြီးတော့ ချီတက်ပြီးတော့ ဆန္ဒပြဖို့စီစဉ်ထားပါတယ် ခင်ဗျ"

ပခုက္ကူက ကျောင်းသားတွေလည်း ဧရာဝတီတိုင်းက ကျောင်းသားတွေနဲ့ လာရောက်ပူးပေါင်း ကြမယ်လို့ ပြောပါတယ်။

အနယ်နယ်အရပ်ရပ်က ရောက်လာတဲ့ ကျောင်းသားတွေဟာ ဘုန်းတော်ကြီးကျောင်းတွေနဲ့ ပညာပါရမီစာသင်ဝိုင်းမှာ တည်းခိုကြတယ်လို့ဆိုပါတယ်။ အာဏာပိုင်တွေဘက်က အနှောင့်အယှက် တစုံတရာပေးတာ မရှိပေမဲ့ စောင့်ကြည့်နေ တယ်လို့လည်း ကျောင်းသားတွေက ပြောပါတယ်။

အမျိုးသား ပညာရေးဥပဒေ ပြင်ဆင်ရေးနဲ့ ပတ်သက်လို့ ရင်းနှီးပွင့်လင်းစွာဆွေးနွေးပြီး ပူးတွဲကြေညာချက်တစ်ရပ် ထုတ်ပြန်တယ်လို့ မနေ့ကထုတ် သတင်းစာတွေမှာ ပါရှိပါတယ်။

ဒီနေ့ထုတ် အစိုးရပိုင် ကြေးမုံသတင်းစာမှာတော့ လမ်းလျှောက်ဆန္ဒထုတ်ဖော်သည့် ကျောင်းသားအဖွဲ့ ကျောက် ပန်းတောင်းမြို့သို့ရောက်ရှိလို့ ပါရှိပါတယ်။

သပိတ်မှောက်ကျောင်းသားတွေဟာ အချက် ၁၁ ချက်တောင်းဆိုထားပြီး ဒီအထဲ ပညာရေးမူဝါဒနဲ့ ဥပဒေရေးဆွဲတဲ့ အခါ ကျောင်းသားနဲ့ ဆရာကိုယ်စားလှယ်တွေ ပါဝင်ဖို့နဲ့ ကျောင်းသားသမဂ္ဂတွေကို တရားဝင်ဖွဲ့စည်းခွင့်ပြုဖို့လည်း ပါရှိပါတယ်။

RFA Burmese
https://www.facebook.com/pages/RFA-Burmese/39218993127


အမျိုးသားပညာရေး ဥပဒေကို ဆန္ဒပြချီတက်နေတဲ့ ကျောင်းသားတွေရဲ့ ဒီမိုကရေစီ ပညာရေး သပိတ်စစ်ကြောင်း ကျောင်းပန်းတောင်မြို့မှာ ကြိုဆိုမှု မြင်ကွင်း
(ရိုက်ကူး - အာကာမင်း ) DVB TV


IS အစ္စလာမစ် နိုင်ငံ အဖွဲ့က ဖမ်းဆီးထားတဲ့ ဂျော်ဒန် တိုက်လေယာဉ်မှူး Moaz al-Kasasbeh ပြန်လည် လွတ်မြောက်ရေးကို အမြန်ဆုံး ဆောင်ရွက်ပေးဖို့ ဂျော်ဒန် နိုင်ငံတွင်းမှာ ဖိအားပေးမှုတွေ တိုးပွားလာနေချိန်မှာပဲ ဂျော်ဒန် အစိုးရအဖွဲ့တွင်း တွေ့ဆုံ ဆွေးနွေး နေကြပါတယ်။

အစောပိုင်းတုန်းက IS အဖွဲ့က ထိန်းသိမ်းထားတဲ့ နောက်ထပ် ဓားစာခံ ဂျပန်လူမျိုး Kenji Goto ရဲ့ အသံနဲ့ ပြောထားတဲ့ ရာဇသံကို IS အဖွဲ့က ထုတ်ပြန်ခဲ့ရာမှာ အသေခံ ဗုံးခွဲဖို့ ကြံစည်မှုနဲ့ ဂျော်ဒန်မှာ အကျဉ်းကျ ခံနေရတဲ့ အီရတ် အမျိုးသမီးကို ဒီကနေ့ နှောင်းပိုင်း မတိုင်ခင် ပြန်လွှတ်ပေးဖို့နဲ့ မဟုတ်ရင် အဲဒီ တိုက်လေယာဉ်မှူး Moaz al-Kasasbeh ကို သတ်ပစ်မယ်လို့ ရာဇသံ ပေးထားပါတယ်။

အကျဉ်းသားချင်း လဲလှယ်ပေးဖို့ ဂျော်ဒန် အစိုးရက သဘောတူထားပြီး ဖြစ်ပေမယ့် အဲဒီ တိုက်လေယာဉ်မှူး Moaz al-Kasasbeh အသက်ရှင် နေသေးကြောင်း သက်သေပြဖို့ ဂျော်ဒန် အစိုးရက တောင်းဆို ထားပါတယ်။

အဲဒီလို အကျဉ်းသား လဲလှယ်ရာမှာ ဂျပန်လူမျိုး ဓားစာခံ Kenji Goto လည်း ပါဝင်မယ် မပါဝင်ဘူး ဆိုတာကို ဖော်ပြခြင်း မရှိပါဘူး။

http://www.bbc.co.uk/burmese/world/2015/01/150129_jordan_discuss


ကျောက်ပန်းတောင်းမြို့  စက်မှု လက်မှု သိပ္ပံကျောင်းရှေ့ရောက် သပိတ်မှောက်စစ်ကြောင်း (ဓာတ်ပုံ - ဒီမိုကရေစီပညာရေး လှုပ်ရှားမှု ဦးဆောင်ကော်မတီ)
အမျိုးသားပညာရေးဥပဒေကို ကန့်ကွက်သည့် အနေဖြင့် ရန်ကုန်မြို့သို့ လမ်းလျှောက်ချီတက်နေသော သပိတ်မှောက်ကျောင်းသားများသည် ပြီးခဲ့သောရက်ပိုင်းအတွင်း အင်အားသုံးဟန့်တားခံရမည့် အနေအထားနှင့် ရင်ဆိုင်ခဲ့ရသော်လည်း   ကြာသပတေးနေ့ ပုပ္ပါး နှင့် ကျောက်ပန်းတောင်းမြို့ကြားလမ်းခရီးကို အေးချမ်းစွာ ဖြတ်ကျော်နိုင်ခဲ့သည်ဟု သိရသည်။
 ပုပ္ပါးမြို့မှ စတင်ထွက်ခွာချိန်တွင် ဒေသခံအာဏာပိုင်တို့ ရောက်လာပြီး ခွင်ပြုမိန့် ရရှိပြီးမှ  ဆန္ဒပြချီတက်ကြရန် အသိပေးပြောကြားမှုသာ ရှိသည်ဟု  ဒီမိုကရေစီပညာရေး လှုပ်ရှားမှု ဦးဆောင်ကော်မတီ ပြန်ကြားရေးတာဝန်ခံ ကိုရဲရင့်ကျော်ကပြောကြားသည်။

ချီတက်နေသူများ ကျောက်ပန်းတောင်းမြို့တွင် တစ်ညတာ နားခိုမည်ဖြစ်သည်။
  ကျောင်းသားများ တောင်းဆိုထားသည့် ပညာရေး လေးပွင့်ဆိုင်ဆွေးနွေးမှုကို အစိုးရ ဘက်က လက်ခံလိုက်ပြီဖြစ်သောကြောင့် လာမည့် တနင်္ဂနွေနေ့ ရန်ကုန်မြို့တွင်  တွေ့ဆုံ ကြမည်ဟု သိရသည်။
ဆွေးနွေးသည့်နေ့တွင် ချီတက်မှု ရပ်နားမည်ဟု အစိုးရကိုယ်စားလှယ်နှင့် တွေ့ဆုံအပြီး ထွက်ပေါ်လာသော သဘောတူညီချက်တွင်  တစ်ရက်တာ ရပ်နားမည် သို့မဟုတ် ထိုနေ့မှ စတင် ရပ်နားမည် ဆိုသည်ကို ရှင်းလင်းစွာ ဖော်ပြထားခြင်း မရှိပေ။

ဆက်လက်ချီတက်ရေးနှင့် ပတ်သက်ပြီး ကျောင်းသားများကြားတွင် သဘောထားကွဲလွဲမှု ပေါ်ပေါက်လာသည်ဟု သတင်းထွက်ပေါ်နေစဉ်
  တနင်္ဂနွေ  တစ်ရက်သာ ချီတက်မှု ရပ်နားမည် ဖြစ်ကြောင်း  ကော်မတီဝင်များက ယနေ့ ထပ်မံ ပြောကြားသည်။
"အားလုံး တိုင်ပင်ပြီးပြီ။ အခု ချီတက်တဲ့အတိုင်း ဆက်လက်သွားမယ်။ ဆွေးနွေးတဲ့အပိုင်းက ဆွေးနွေးမယ် ချီတက်တဲ့အပိုင်းက ချီတက်မယ်။
ဘာဖြစ်လို့လဲ ဆိုတော့ ကျွန်တော်တို့ တောင်းဆိုထားတဲ့ အတိုင်း အကောင်ထည်ပေါ်မလာသေးလို့ပဲ" ဟု  ကိုရဲရင့်ကျော်က ကြာသပတေးနေ့ ညနေပိုင်းတွင် ပြောကြားသည်။

ကော်မတီဝင် ကိုမင်းသွေးသစ်ကလည်း  "သမ္မတအနေနဲ့ ကျွန်တော်တို့ တောင်းဆိုတာကို လက်မခံဘူး ဆိုရင်တော့ ကျွန်တော်တို့ သတ်မှတ်ထားတဲ့ ရန်ကုန်မှာ အထိုင်သပိတ်စခန်းဖွင့်ပြီး တောင်းဆိုမှာပါ"
ဟု  ပြောသည်။

 သပိတ်စစ်ကြောင်းသည် ကျောက်ပန်းတောင်းမြို့ နည်းပညာတက္ကသိုလ်တွင် သွားရောက်ပညာရေးဥပဒေအား ကန့်ကွက်ရခြင်းအကြောင်း ဟောပြောခဲ့သည်။
အရပ်ဝတ် လူအုပ်စုတစ်ခုက ချီတက်နေသည့်ကျောင်းသားများကို ရန်မူဖွယ်ရှိသည်ဟူသော
သတင်းထွက်ခဲ့သည်။
ယမန်နေ့ကလည်း လုံထိန်းရဲတပ်သား တစ်ရာဝန်းကျင်က ချီတက်မည့် လမ်းကြောင်းကို ပိတ်ဆို့ထားခဲ့သည်။

https://www.facebook.com/TheYangonGlobe

ပျောက်ဆုံးသွားတဲ့ မလေးရှား လေကြောင်းပိုင် MH370 လေယာဉ်ဟာ မတော်တဆ ပျက်ကျ သွားတာ ဖြစ်ကြောင်းနဲ့ အသက်ရှင် ကျန်ရစ်သူ မရှိကြောင်း မလေးရှား အစိုးရက တရားဝင် ကြေညာလိုက်ပါတယ်။

ပြီးခဲ့တဲ့နှစ် မတ်လကတည်းက ပျောက်ဆုံးနေတဲ့ အဲဒီ လေယာဉ်ကို ခုချိန်အထိ အစအန မတွေ့ရသေးပေမယ့် ရှာဖွေမှုတွေ ဆက်လက် လုပ်ဆောင် နေကြောင်း၊ လေယာဉ်ပေါ် လိုက်ပါသွားသူ ၂၃၉ ဦးကိုတော့ သေဆုံး သွားပြီလို့ မှတ်ယူလိုက်ကြောင်း အရာရှိတွေက ပြောပါတယ်။

အိန္ဒိယ သမုဒ္ဒရာ တောင်ပိုင်းမှာ နိုင်ငံ ၂၅ နိုင်ငံက ကျွမ်းကျင်သူတွေ ပူးပေါင်း ရှာဖွေ နေကြပေမယ့် ခုချိန်ထိ လေယာဉ်ပျက် အစအနကို မတွေ့ရ သေးပါဘူး။

ခုလို လေယာဉ် ပျက်ကျကြောင်း တရားဝင် ကြေညာ လိုက်တဲ့အတွက် ကျန်ရစ်သူ မိသားစုတွေ အတွက် လျော်ကြေးငွေ ပေးဆောင်မှုတွေ ဆက်လက် လုပ်ဆောင် သွားဖွယ် ရှိပါတယ်။

http://www.bbc.co.uk/burmese/world/2015/01/150129_malaysia_declares_mh_370_accident

ကိုအောင်နိုင်ဝင်း
မလေးရှား လေဆိပ် အာဏာပိုင်တွေက မြန်မာနိုင်ငံသား တဦးကို အကြောင်းမဲ့ထိန်း သိမ်းရိုက်နှက်ခဲ့တဲ့ အပေါ် စုံစမ်း စစ်ဆေးဖို့ အာဆီယံ လူထုဖိုရမ် အပါအ၀င် မလေးရှာ လူမှုအဖွဲ့အ စည်းတချို့က တောင်းဆို ကြပါတယ်။

အာဆီယံလူထုဖိုရမ်တက်ဖို့ ဇန်န၀ါရီလ ၂၁ ရက်နေ့က မလေးရှားအသွား ကွာလာ လမ်ပူလေဆိပ်မှာ ကိုအောင်နိုင်ဝင်း (ခ) ရှိုင်း ရိုက်နှက်ခံခဲ့ရတဲ့ အပေါ် တောင်းဆိုခဲ့ကြ တာပါ။

ကာယကံရှင် ကိုအောင်နိုင်ဝင်း (ခ) ရှိုင်းက “အဲဒီနေ့က လေဆိပ်က လ၀က ကို ၀င်တဲ့ အခါကျတော့ ရုံးသွားခိုင်းတယ်။ ဟိုရောက်တော့ သူစာအုပ်ထပ်လိုက်တယ်။ ၁၀ မိနစ် လောက်ကြာတဲ့အခါကျတော့ ကျနော့်ကို အတွင်းထဲမှာဝင်ထိုင်ခိုင်းတယ်။ ဘာဖြစ်လို့ ထိုင်ခိုင်းလဲဆိုတော့လည်း ဘာမှ အကြောင်းမပြန်ဘူး။ ”

သူဟာ Malaysian Relief Agency (MRA) မှာ ညှိနှိုင်းဆောင်ရွက်ရေးမှူးအဖြစ်၂၀၁၂ ခုနှစ်ကတည်း အလုပ်လုပ်နေပြီး တလကို ၂ ကြိမ်လောက် ပုံမှန်အလုပ်ကိစ္စနဲ့ မလေးရှားကို သွားရောက်နေတာလို့ ပြောပါတယ်။

ဒီကိစ္စကို သူက MRA ကို အကြောင်းကြားသလို အာဆီယံလူထုဖိုရမ်ဆီကိုလည်း အကြောင်းကြားခဲ့ပါတယ်။ အဖွဲ့အစည်းတွေက ဆက်သွယ်မေးမြန်မှုတွေအပြီးမှာ ထိန်းသိမ်းရေး စခန်းကို ပို့ဆောင်ခံရသလို  တယ်လီဖုန်းနဲ့ တခြားပစ္စည်းတွေလည်း သိမ်းဆည်းခံရတယ်လို့ ဆိုပါတယ်။

သူက “ ကျနော်လေယာဉ်ဆိုက်တာက  ည ၈ နာရီ ၁၅၊  ၈ နာရီခွဲကျော်ကျော်လောက်မှာ ကျနော်တို့ကို မှန်ခန်းထဲ ထည့်ထားလိုက်တာပေါ့လေ။ ည ၁၂ နာရီလောက်မှာ ဗိုက်က တအား ဆာလာတယ်လေ။ အစားအသောက်လည်းမရှိတဲ့အခါကျတော့ ငါ့ကို ရေနဲ့ ငါ့အထုပ်ထဲမှာ မုန့်ပါတယ်၊ မုန့်ယူခွင့်ပေးပါလို့ သူက လုံးဝမလုပ်ဘူး။ နောက် ၃ နာရီလောက်မှာ ကျနော်သူတို့ကို ပြန်ပြောတယ်။ အဲဒီမှာ နှစ်ဘားနဲ့အရာရှိက ၀င်လာပြီး မျက်ကို ပိတ်ပိတ်ထိုးတာ။ မျက်နှာကိုရိုက်တယ်။ ပြီးတော့ ကျနော့် ဂျိုစောင်းကို လက်သီးနဲ့ ပိတ်ထိုးတာ။ မင်းတို့ငါ့ကို ဒီလို လုပ်ပိုင်ခွင့်မရှိဘူးလို့ ပြန်ပြောတော့ ထပ်ထပ်ပြီးရိုက်တယ်။ အဲဒါနဲ့ ကျနော်ဘာမှ မပြောဘဲ ထောင့်နားလေးမှာ သွားထိုင်နေလိုက်တယ်။ အထဲမှာလည်း လူအယောက် ၂၀၀ ကျော်လောက်ရှိတယ်” လို့ ပြောပါတယ်။

ဖုန်းသိမ်းခံရတဲ့အတွက် မလေးရှားနိုင်ငံက မြန်မာသံရုံးကိုတော့ အကြောင်းမကြားဖြစ် တော့ဘူးလို့ ပြောပါတယ်။

နောက်နေ့မှာတော့ အရာရှိ ၃ ဦးက သူ့ကို လာတွေ့ပြီး အခြေအနေအရ ပြည်ဝင်ခွင့်မပြုနိုင်ဘူးလို့ ပြောကြောင်း၊ ပြည်ဝင်ခွင့်မပြုရင် ပြန်ပို့ပါလို့ ပြောတဲ့အတွက် ၂၃ ရက်နေ့မှာ မြန်မာပြည်ကို ပြန်လာခွင့်ရခဲ့တယ်လုိ့ ဆိုပါတယ်။

ရန်ကုန်ပြန်ရောက်တဲ့အခါ မြန်မာနိုင်ငံဆိုင်ရာ မလေးရှားသံရုံးကို မေးမြန်းရာမှာလည်း သူတို့ကိုယ်တိုင် မပြောတတ်နိုင်ဘဲ ခုထက်ထိ ဘာကြောင့် ချုပ်နှောင်ထိုးကြိတ်ခံရတယ်ဆိုတာ မသိသေးဘူးလို့ဆိုပါတယ်။ ဒီကိစ္စကို မြန်မာအစိုးရအာဏာပိုင်တွေထံမှာ တိုင်ကြားခြင်းတော့ မရှိဘူးလို့ သူက ပြောပါတယ်။

သူ့ရုံးချုပ်ကလည်း မေးမြန်းချက်တွေအရ မလေးအာဏာပိုင်တွေက နာမည်ပျက်စာရင်း ပါတဲ့ နာမည်တခုနဲ့ မှားပြီး လုပ်လိုက်တဲ့ပုံစံမျိုးမှာရှိတယ်လို့ ပြောပါတယ်။

By နော်နိုရင်း (ဒီဗွီဘီ)
http://burmese.dvb.no/archives/79250

ဓာတ်ပုံ (Lauren Hebden ဖေ့ဘွတ်ခ်)

ထိုင်းနိုင်ငံ တောင်ပိုင်း လိပ်ကျွန်းမှာ နောက်ဆုံး တွေ့မြင်ခဲ့ ရပြီးနောက် ပျောက်ဆုံးသွားတဲ့ ဗြိတိန် ခရီးသွား အမျိုးသမီး တဦးကို အသည်း အသန် ရှာဖွေနေတယ်လို့ ဆိုပါတယ်။

ပျောက်ဆုံး နေသူဟာ အသက် ၂၇ နှစ်အရွယ် လော်ရန် ဟက်ဒန် ဖြစ်ပြီး နိုင်ငံရပ်ခြားမှာ ပျောက်ဆုံးသူများ ရှာဖွေရေး အဖွဲ့က ရှာဖွေနေတယ်လို့ ဗြိတိန် အခြေစိုက် The Mirror သတင်းမှာ ရေးပါတယ်။

၂၀၁၃ ခုနှစ် စက်တင်ဘာလက စတင် ခရီးသွားနေတာ ဖြစ်သလို အီးမေးလ်၊ စကိတ်တွေနဲ့ ပုံမှန် အဆက်အသွယ်ရှိပေမယ့် ၂၀၁၄ စက်တင်ဘာလမှာ ဆက်သွယ်မှု ပြတ်တောက်သွားတယ်လို ဆိုပါတယ်။

၂၀၁၄ ဒီဇင်ဘာမှာတော့ အီးမေးလ်တစောင် လက်ခံရရှိခဲ့သလို လော်ရန်နဲ့ ပတ်သက်တဲ့ စိုးရိမ်မှုတွေ မြင့်တက်နေတယ်လို့ ဒီအဖွဲ့က ထုတ်ပြန်ပါတယ်။

သူဟာ လိပ်ကျွန်းမှာ နောက်ဆုံး ရှိတယ်လို့ ယူဆရပြီး တခြားကျွန်းတွေကို သွားနိုင်တယ်လို့လည်း ခန့်မှန်းနေပါတယ်။

လော်ရန်ဟာ ခရစ္စမတ်နဲ့ နှစ်ကူးတွမှာလည်း မိသားစုကို ဆက်သွယ်ခဲ့ခြင်းမရှိဘူးလို့ အဖွဲ့ထုတ်ပြန်ချက်မှာ ရေးပါတယ်။

By ဒီဗွီဘီ
http://burmese.dvb.no/archives/79199



ဒီဇင်ဘာ ၂၈ ရက်နေ့က ဂျာဗား ပင်လယ်ပြင် ထဲကို ပျက်ကျ သွားခဲ့တဲ့ အဲအေးရှား လေယာဉ်ကို ပြင်သစ် နိုင်ငံသား တွဲဖက် လေယာဉ်မှူးက ပျက်ကျချိန်မှာ ထိန်းချုပ် မောင်းနှင်ခဲ့ကြောင်း စစ်ဆေး တွေ့ရှိရတယ်လို့ အင်ဒိုနီးရှား စုံစမ်း စစ်ဆေးသူတွေက ပြောပါတယ်။

လေယာဉ်မှူး အခန်းက အသံမှတ်တမ်းနဲ့ ပျံသန်းမှု မှတ်တမ်းတွေ အရ ပြင်သစ် နိုင်ငံသား တွဲဖက် လေယာဉ်မှူး Remi Plesel က ထိန်းချုပ် မောင်းနှင်ခဲ့တယ် ဆိုတာ ညွှန်ပြ နေကြောင်းနဲ့ အခုလို အကူ လေယာဉ်မှူးက ထိန်းချုပ် မောင်းနှင်တာဟာ ထုံးစံ ဖြစ်ကြောင်း အရာရှိတွေက ပြောပါတယ်။

လေယာဉ် ပျက်မကျမီမှာ အမြင့်ပေ ၃၂၀၀၀ ကနေ ပေ ၃၇၄၀၀ ကို စက္ကန့် ၃၀ အတွင်း မြင့်တက်ခဲ့ကြောင်း၊ အဲဒီနောက် အမြင့်ပေ ၃၂၀၀၀ ကို ပြန်လည် နိမ့်ဆင်းခဲ့ကြောင်း၊ ဒီလို အမြင့်ပေ ပြောင်းလဲတဲ့ ဖြစ်စဉ် တစ်ခုလုံးက ၃ မိနစ်သာ ကြာခဲ့ကြောင်း စုံစမ်း စစ်ဆေးသူတွေက ပြောပါတယ်။

အဲအေးရှား လေယာဉ်ဟာ ဆူရာဘာယာ ကနေ စင်ကာပူကို လူ ၁၆၂ ဦး တင်ဆောင် ပျံသန်းစဉ် ပျက်ကျခဲ့တာ ဖြစ်ပြီး ခုချိန်ထိ အလောင်း ၇၃ လောင်းကို ရှာတွေ့ပြီး ဖြစ်ပါတယ်။

BBC Burmese
http://www.bbc.co.uk/…/wor…/2015/01/150129_air_asia_co_pilot

သပိတ်မှောက် ကျောင်းသားများကို ကျောက်ပန်းတောင်းမြို့မှ မြို့လုံးကျွတ်နီးပါးကြိုဆို
ကျောင်းသားသပိတ် ကျောက်ပန်းတောင်းသို့ ရောက်ရှိ





သပိတ်မှောက် ကျောင်းသားများကို ကြိုနေကြသော အခြေခံပညာ ကျောင်းသား ကျောင်းသူများ
ဓါတ်ပုံ - BBC Burmese
https://www.facebook.com/bbcburmese

ဓာတ်ပုံ – အာကာ
ကျောင်းသား သပိတ်မှောက် စစ်ကြောင်း ပုပ္ပားမြို့ ပြည်အောင်စံ ကျောင်းကနေ ကျောက်ပန်းတောင်း ကို ဒီကနေ့ မနက်ပိုင်းက ဆက်လက် ချီတက်ထွက်ခွာ လာခဲ့ပါတယ်။

ကျောင်းသား သပိတ်မှောက် စစ်ကြောင်းနဲ့အတူ ဦးကျော်သူဦးဆောင်တဲ့ ပရဟိတကွန်ရက်၊ မန္တလေးရွှေဝါရောင်သံဃာတော်တွေ အပါအ၀င် ပုပ္ပားက အထက်တန်း ကျောင်းသားတွေပါ ပူးပေါင်းပါဝင် ထွက်ခွာလာခဲ့ပါတယ်။

By ဒီဗွီဘီ
http://burmese.dvb.no/archives/79164


မုံရွာ

ပြီးခဲ့သည့် ရက်ပိုင်းက ဖြစ်ပွားခဲ့သော မန္တလေးနန်းတွင်း စစ် အကျဉ်းထောင်ဖောက် လူသတ် ထွက်ပြေးမှုတွင် ပါဝင် ခဲ့သည့် တရားခံများ အနက်မှ နှစ်ဦး ကို ဇန်န၀ါရီလ (၂၈) ရက်နေ့၊ နံနက် (၁၀) နာရီခွဲ အချိန်တွင် ရွှေဘိုခရိုင် ရဲတပ်ဖွဲ့မှ ဖမ်းဆီးရမိ ခဲ့ကြောင်း သတင်း ရရှိသည်။ တပ်မတော်နဲ့ ဆိုင်တဲ့ အတွက် တပ်မတော် ရွှေဘို တပ်ဖွဲ့ကို လွှဲပြောင်းပေးလိုက် ပါတယ် ဟု ရွှေဘိုခရိုင် ရဲတပ်ဖွဲ့မှူးရုံးမှ ဒုရဲမှူးကြီး ခင်မောင်လတ်က The Messenger Media သို့ ပြောသည်။

အဆိုပါ တရားခံများကို ရွှေဘိုမြို့၊ ချီပါစုရပ်၊ မင်းကုန်းရွာ အနီးတွင် ဖမ်းဆီးရမိခဲ့ခြင်း ဖြစ်ပြီး၊ တရားခံ နှစ်ဦးကို ဖမ်ဆီးနိုင် ခဲ့ကာ၊ တရားခံ တစ်ဦးမှာ ထွက်မြောက်သွား ခဲ့ကြောင်း အဆိုပါ ဌာနမှ သတင်း ရရှိသည်။  မန္တလေး နန်းတွင်း စစ်အကျဉ်းထောင် အတွင်း လူသတ်မှုတွင် ပြစ်မှု ကျူးလွန်သူ ထောင်သား ရှစ်ဦးသည် ကတ်ကြေးကို အသုံးပြုကာ အချက်ပေါင်း များစွာ ထိုး၍ သတ်ဖြတ်ခဲ့ခြင်း ဖြစ်ပြီး၊ သေဆုံးသူ ထံမှ ငွေသုံးသိန်းကျပ်ကို ယူဆောင် ကာ ထွက်ပြေးသွား ခဲ့ခြင်း ဖြစ်ကြောင်း  သိရသည်။

ဇန်န၀ါရီလ (၂၄) ရက်နေ့ညက ဖြစ်ပွားခဲ့သည့် အဆိုပါ ဖြစ်စဉ်တွင် ပြစ်မှု ကျူးလွန်သူ များသည် နန်းမြို့ရိုး ထွက်ပေါက် မုခ်များမှ ထွက်ကြခြင်း မဟုတ်ဘဲ၊ နန်းတွင်း၏ ရာဟု ထောင့်ပြာပြသာဒ်၏  အရှေ့ဘက်၊ ဒုတိယမြောက် ပြအိုးပေါ်မှ တစ်ဆင့် စောင်များကို ကြိုးအဖြစ် အသုံးပြု ဆင်းကာ ကျုံးရေပြင်ကို ကူး၍ ထွက်ပြေးသွား ခဲ့ခြင်း ဖြစ်ကြောင်း မန္တလေး နန်းတွင်းတွင် နေထိုင်သူ တစ်ဦး ထံမှ သိရသည်။ ယင်းကဲ့သို့ တရားခံ နှစ်ဦးဖမ်းဆီးရ မိခဲ့သည့် အတွက် ထွက်ပြေး လွတ်မြောက်ဆဲ တရားခံ ခြောက်ဦး ကျန်ရှိနေဆဲ ဖြစ်ကြောင်း သိရသည်။  အဆိုပါ တရားခံ များကို ဖမ်းဆီးရမိရေး အတွက် တပ်မတော်နှင့် မြန်မာနိုင်ငံ ရဲတပ်ဖွဲ့ တို့ ပူးပေါင်း ဆောင်ရွက်လျက် ရှိကြောင်း သိရသည်။

လင်းလင်းမောင်
Messenger News Journal
http://www.messengernewsjournal.com/news/Local/detail.php?id=30789


ရန်ကုန် ဇန်နဝါရီ ၂၈

ရန်ကုန်မြို့၏ လူဦးရေမှာမူ အကျယ်အဝန်း ထက်စာလျှင် ပိုမို လျင်မြန်စွာ တိုးပွားလာခဲ့ပြီး တစ် နှစ်လျှင် ၂ ဒသမ ၆ ရာခိုင်နှုန်း တိုးပွား လာနေကြောင်း ကမ္ဘာ့ဘဏ် ၏ အစီရင်ခံစာ အရ သိရသည်။

မြန်မာနိုင်ငံနှင့် ပတ်သက်သော ကမ္ဘာ့ဘဏ် အစီရင်ခံစာဖြစ်သည့် အရှေ့အာရှ၏ ပြောင်းလဲနေသော မြို့ပြရှုမျှော်မြင်ကွင်း၊ အကျယ် အဝန်းတိုးပွားမှု ဆယ်စုနှစ်တိုင်း တာခြင်းအရ မြန်မာနိုင်ငံ၏ မြို့ပြ ဖွံ့ဖြိုးမှုသည် သက်တမ်းနုနယ်သေး သော်လည်း ကြီးထွားလာနေသည့် အဆင့်သို့ ရောက်နေပြီဖြစ်ကြောင်း၊ ၂ဝ၁ဝ ပြည့်နှစ်အထိ မြန်မာနိုင်ငံ တွင် အရှေ့အာရှအဆင့်အတန်း ဖြင့် တိုင်းပါက မဟာမြို့ပြ ဧရိယာကြီးများ မရှိသေးသော်လည်းရန်ကုန် နှင့်မန္တလေးတို့မှာမူ လူဦးရေ တစ် သန်းမှငါးသန်း အထိရှိသည့်အလယ် အလတ်မြို့ကြီးများ ဖြစ်ကြောင်း ဖော်ပြထားသည်။

ဆက်လက်၍ မြန်မာနိုင်ငံနှင့် သက်ဆိုင်သည့် အဓိကတွေ့ရှိချက် များအနေဖြင့် ၂ဝဝဝ ပြည့်နှစ် နောက်ပိုင်း ပထမဆယ်စုနှစ် အတွင်း မြန်မာနိုင်ငံ၏မြို့ပြဖွံ့ဖြိုး မှုမှာ အိမ်နီးချင်းနိုင်ငံများထက် နောက်ကျခဲ့ရခြင်းမှာ နိုင်ငံ၏စီး ပွားရေးအထီးကျန်မှုကြောင့် ဖြစ် နိုင်ဖွယ်ရှိပြီး ၂ဝ၁ဝ ပြည့်နှစ်အထိ ပင်ဖြစ်ကြောင်း၊ ဒေသတွင်းနိုင်ငံ အကျယ်အဝန်းအရ အကြီးဆုံးများ ထဲတွင်ပါဝင်သည့် မြန်မာနိုင်ငံ သည် ဗီယက်နမ်၊ မလေးရှားတို့ ထက် နှစ်ဆကျော်ကြီးမားသော် လည်း ဗီယက်နမ်မြို့ပြဧရိယာ၏ သုံးပုံတစ်ပုံအောက်နှင့် မလေးရှား ၏ ငါးပုံတစ်ပုံအောက်သာရှိခဲ့ ကြောင်း သိရသည်။

တစ်ဖန် နိုင်ငံ၏မြို့ပြဧရိယာ ပမာဏမှာ ယခုကာလအတွင်း စတုရန်းကီလိုမီတာ ၇၆ဝ မှ ၈၃ဝ သို့ တိုးတက်ခဲ့ရာ တစ်နှစ်လျှင် ဝ ဒသမ ၈ ရာခိုင်နှုန်းမြင့် တက် ခဲ့ခြင်းဖြစ်သော်လည်း ဒေသတွင်း အနိမ့်ဆုံးနှုန်းတစ်ခုဖြစ်ကြောင်း၊ နိုင်ငံလူဦးရေအနက် အများစုမှာ ကျေးလက်ဒေသမှာသာနေထိုင်ကြ သော်လည်း မြို့ပြလူဦးရေတိုး တက်နှုန်းမှာမူ မြို့ပြအကျယ်အဝန်း တိုးနှုန်းထက် ပိုမြန်နေခဲ့ကြောင်း၊ မြန်မာနိုင်ငံ၏မြို့ပြဧရိယာနေ လူဦး ရေသည် ၂ဝဝဝ ပြည့်နှစ်က ၄ ဒသမ ၇ သန်း(လူဦးရေ၏ ၁ဝ ရာခိုင်နှုန်း)မှ ၂ဝ၁ဝ ပြည့်နှစ်တွင် ၆ ဒသမ ၂ သန်း(လူဦးရေ၏ ၁၃ ရာခိုင်နှုန်း)သို့ မြင့်တက်ခဲ့ကြောင်း သိရသည်။

ဝိုင်းဝိုင်း
The Union Daily
http://uniondaily.net/News/DetailView.aspx…