May 2015

နိုင်ငံရေးပါတီတွေကတော့ပြောသည်။ လူရွေးမမှားဖို့၊ မဲပေးမမှားဖို့။ မဲဆန္ဒရှင်များ မဲရုံထဲဝင်သွားပြီးမှ လုပ်ရမည့်အလုပ်များကို ပြောနေကြခြင်းဖြစ်သည်။ မဲရုံထဲကို မဲဆန္ဒရှင်များဝင်နိုင်ဖို့အရေးသည် လွယ်ကူမည့်ကိစ္စမဟုတ်မှန်း ယခုတော့သိလာရပြီဖြစ်သည်။ မဲစာရင်းများကို ကြိုတင်ကြေညာထားမည်။ မဲစာရင်းများကို သွားရောက်ကြည့်ပါ။ မိမိအမည်မပါလျှင် အချက်အလက်လွဲနေလျှင် သက်မှတ်ပုံစံများဖြင့် ကော်မရှင်ကိုအကြောင်းကြားရမည်။ ကော်မရှင်က ပြင်ဆင်ထည့်သွင်းပေးမည်။

သာမန်ကြည့်လျှင် အင်မတန်ကို လွယ်ကူချောမွေ့သည့်စနစ်တစ်ခုကို ရွေးကောက်တင်မြှောက်ပွဲကျင်းပရေးကော်မရှင်က ကြိုတင်စီစဉ်ထားဟန်ရှိသည်။

သို့သော် တကယ့်အဖြစ်က သည်သို့မဟုတ်...။

ရွေးကောက်ပွဲမဲစာရင်းသည် ၂၀၁၄ သန်းခေါင်စာရင်းကိုအခြေပြုသည်မဟုတ်။ ပုံစံ-၆၆/၆ ခေါ် အိမ်ထောင်စုလူဦးရေစာရင်းကို အခြေပြုသည်ဟုဆိုခဲ့ရာ မိမိအိမ်ထောင်စုစာရင်းရှိရာမှ ရွှေ့ပြောင်းနေထိုင်ခဲ့လျှင် ယခုရောက်ရှိရာဒေသ၏ မဲဆန္ဒရှင်စာရင်း၌ မပါဝင်တော့။ အကယ်၍ လက်ရှိနေထိုင်ရာမှာ မဲဆန္ဒပေးလိုလျှင် ရက်ပေါင်း ၁၈၀ ကြိုတင်၍ ဧည့်စာရင်းတိုင်ထားရမည်ဟု ဆိုလိုက်ချေသေးသည်။ ယခု ရက် ၁၈၀ သတ်မှတ်ချက်ကို ကျော်သွားပြီးဟုပြောထားရာ။ ဘယ်ရက်နှင့်ဘယ်လိုသတ်မှတ်သည်မသိပါ။ ရွေးကောက်ပွဲ ဘယ်နေ့ကျင်းပမည်ကိုပင် ရွေးကောက်ပွဲကျင်းပရေးကော်မရှင်က မကြေညာနိုင်သေး၍ဖြစ်သည်။ အချို့ပါတီများကပင် ရွေးကောက်ပွဲကျင်းပမည့်ရက် မကြေညာမချင်း ရွေးကောက်ပွဲဝင်မည်မဝင်မည် အဖြေမပေးဟုဆိုနေပြန်ရာ ရွေးကောက်ပွဲကျင်းပမည့်ရက်အတိအကျ ဖော်ပြသတ်မှတ်ရေးသည် မည်မျှအရေးကြီး၊ အရေးပါသည်ကိုသိနိုင်ပါသည်။

သို့သော် ဤမျှအရေးပါသည်ကို မကြေညာနိုင်သေးသော်လည်း သတ်မှတ်ရက် ၁၈၀ ကျော်သွားပြီဆိုပြီး ဧည့်စာရင်းကြိုမတိုင်ထားသူများ မိမိလက်ရှိရောက်ရှိနေထိုင်ရာဒေသ၌ မဲပေးဖို့မမျှော်နဲ့တော့ဟုဆိုလိုက်သလိုပင်။ ဒီလောက်တောင်မှ မဲပေးလိုလျှင် မူလ ကိုယ့်နေရင်းအရပ်ကို ကိုယ့်ဘာသာစရိတ်အကုန်ခံ၊ အလုပ်ပျက်အကိုင်ပျက်ခံပြီး ကိုယ်နှစ်သက်လိုလားသည့်ပါတီ အနိုင်ရရှိရေးအတွက် သွားသာမဲပေးကြတော့ဟု ကော်မရှင်ဆိုတာကြီးက ပြည်သူတို့အပေါ် မေတ္တာတုံးကြီးထားလိုက်ပုံဖြစ်ပါသည်။ ထိုသို့အဖြစ်နှင့်ကြုံရမည့်သူများမှာ အသက်မွေးမှုအရ ရွှေ့ပြောင်းနေထိုင်ကြရသူများအများအပြား ရောက်ရှိနေသည့် ရန်ကုန်၊ မန္တလေးလို မြို့ကြီးများတွင် နည်းနည်းနောနောအရေအတွက်မဟုတ်ပါ။ ရပ်ဝေးဒေသမှလာကြသူတို့အနက် ကိုယ့်အရပ်ကိုယ်ဒုက္ခခံ ပြန်ပြီးမဲပေးမည့်သူ ဘယ်နှဦးရှိနိုင်မည်နည်း။ နီးနေရင်တော့ အကြောင်းမဆန်းပါ။ နိုင်ငံရေးပါတီများသတိထားကြဖို့ပင်။ စိတ်ကူးထဲမှာ အာဏာတိုက်အိမ်ကလေးဆောက်ဖို့မကြံခင် ယခုဖြစ်နေသည်များကို ဘယ်လိုဖြေရှင်းမလဲဆိုသည်ကိုသာ ကြိုတွေးထားဖို့ဖြစ်ပါသည်။ ထို့ကြောင့် မဲပေးရမည့်ရက် မကြေညာသေးဘဲ ရက် ၁၈၀ ပြည့်ပြီးပြီဟုပြောနေပုံမှာ သူတို့၏ ပင်ကိုယ်ညစ်စိတ်ကိုဖော်ပြနေခြင်းဖြစ်သလို ဤအဖြစ်ကို ဖော်ပြကန့်ကွက်ခြင်းမရှိသည့် နိုင်ငံရေးပါတီတို့၏ သွေးအေးစွာနှင့် တုန့်ပြန်မှုမရှိပုံကိုလည်း တစ်ချိန်တည်းမှာမြင်ခဲ့ရပါသည်။

နောက်တစ်ခုမှာ မဲဆန္ဒရှင်စာရင်းကို ကော်မရှင်ကကြေညာရာတွင် တစ်ပြည်လုံး၊ မဲဆန္ဒနယ်အားလုံး တစ်ချိန်တည်း တစ်ပြိုင်တည်း ကြေညာခြင်းမဟုတ်။ တိုင်းနှင့်ပြည်နယ်တစ်ခုချင်းမှာပင် တစ်ပြိုင်တည်းမကြေညာပါဘဲ အပိုင်းလိုက်ကြေညာနေခြင်းဖြစ်ရာ မည်သို့သောရည်ရွယ်ချက်များဖြင့် လုပ်နေသည်မသိရသော်လည်း ကော်မရှင်ဘက်မှ မဲရုံတာဝန်ကျမည့်သူများနှင့် ပတ်သက်၍မူဥပဒေအတိုင်းလုပ်၊ ဥပဒေပြဋ္ဌာန်းထားတဲ့အတိုင်း အညီလုပ်ရင် အမှားအယွင်းနည်းမည်ဟု ညွှန်ကြားနေသည်ဖြစ်ရာ "ဥပဒေတွင်မည်သို့ပင်ဆိုစေကာမူ" ဆိုသည်နှင့် တစ်လျှောက်လုံးယဉ်ပါးလာသူတို့က ယခုလို ဥပဒေနှင့်အညီဆိုတာကြီး ပြောလာလေတော့ ကြားရဖတ်ရသူတို့မှာ ကန့်လန့်တိုက်သွားကာ မျက်ခုံးများပင့်တက်၊ နားရွက်များထောက်တက်သွားကြရပါတော့သည်။

စစ်အစိုးရ၏ လွတ်လပ်၍တရားမျှတရပါစေ့မည်ဟု ကမ္ဘာသိကြေညာခဲ့ပြီး နာမည်ဆိုးနှင့် ကမ္ဘာကျော်ခဲ့သော ၁၉၉၀ ရွေးကောက်ပွဲ၊ မကြာသေးမီက ကျင်းပပြုလုပ်ခဲ့သော နာဂစ်ဖွဲ့စည်းပုံ ပြည်သူ့ဆန္ဒခံယူပွဲ၊ ၂၀၁၀ အထွေထွေရွေးကောက်ပွဲ၊ ၂၀၁၂ ကြားဖြတ်ရွေးကောက်ပွဲတို့တုန်းက မကြားခဲ့ရဖူးသောအသံများ ယခုအခါ လှိုင်ဘောလယ်အောင်ကြားလာရ၍ မျက်ခုံးတွေ နားရွက်တွေ အလုပ်ရှုပ်သွားရခြင်းဖြစ်ပါသည်။ ဆိုခဲ့ပါ ရွေးကောက်ပွဲနှင့် ဆန္ဒခံယူပွဲတို့တွင် ဘယ်လိုလုပ်ခဲ့ကြသနည်း။ မဲဆန္ဒရှင်စာရင်းကို ဘယ်လိုပြုစုလို့ ဘယ်လိုမဲပေးခဲ့ကြသနည်း။ ယခုလာမည့်ရွေးကောက်ပွဲအတွက် မဲဆန္ဒရှင်စာရင်းတွင် ပြဿနာဖြစ်လာနိုင်၍ အော်ချက်ထုတ်နေပုံမှာ တစ်မူထူးခြားပြီး လုပ်(ညစ်)ထားပုံရသည်ဟုသာ ခန့်မှန်းမိပါသည်။ ထိုသို့ပြောရခြင်းမှာ ရွေးကောက်ပွဲကော်မရှင်က ဒီတစ်ခါ တိုင်စာတွေများမယ်ဟု ကြိုတင်ခန့်မှန်းပြောကြားနေခဲ့၍ဖြစ်ပါသည်။

၂၀၁၅ ဟာ တော်တော်ပွတ်တိုက်မယ့် အခြေအနေရှိပါတယ်။ ၂၀၁၀ နဲ့မတူပါဘူး ၂၀၁၅ ဟာ ပါတီတွေလည်းများမယ်။ စောင့်ကြည့်တဲ့မီဒီယာတွေရှိတယ်။ CSO တွေ NGO တွေရှိမယ်။ သူတို့ဟာ ကျွန်တော်တို့လုပ်တာတွေကို ဘယ်လိုစောင့်ကြည့်မလဲဆိုတဲ့အခါကျတော့ ဥပဒေတွေ ညွှန်ကြားချက်တွေနဲ့အညီဆောင်ရွက်ဖို့လိုတယ်။ ဥပဒေနဲ့အညီလုပ်ရင် အမှားအယွင်းနည်းမယ်။ ...၂၀၁၅ မှာတွန်းတွန်းတိုက်တိုက်ဖြစ်တယ်။ ဆိုလိုတာက ပါတီတွေကတက်ကြွတယ်။ Confrontation လိုဟာမျိုးတွေ ပြုမူလာတယ်။ အခုလည်း တချို့မြို့နယ်တွေမှာ အဲဒီလိုပြုမူလာတယ်။ ကျွန်တော်တို့ကို Confrontation လုပ်မယ်ဆိုရင် ပါတီတွေက ကျွန်တော်တို့ ဥပဒေ နည်းဥပဒေတွေကို စနစ်တကျသိဖို့လိုပါတယ်...။ မေ ၂၀ ဟင်္သာတခရိုင်ထွေအုပ်ရုံးမှာ ခရိုင်မြို့နယ်ကော်မရှင်တွေကို တိုင်းကော်မရှင်မှ တာဝန်ရှိသူတစ်ဦးကမှာနေပုံဖြစ်ပြီး ၂၀၁၅ ရွေးကောက်ပွဲပြီးလျှင် တိုင်ကြားမှုများ များပြားနိုင်ကြောင်း ပြည်ထောင်စုရွေးကောက်ပွဲကော်မရှင်ကမျှော်မှန်းထားပြီး တိုင်ကြားမှုများကို တိုင်းအဆင့်တွင်ခုံရုံးဖွဲ့စစ်ရန် စီစဉ်ထားမှုရှိသည်ဟုလည်း ပြောဆိုသွားခဲ့ရာ သူတို့ကမူ ဘာမဆိုရင်ဆိုင်ရန်အသင့်ဟု ဆိုချင်နေပုံရသည်။

မြန်မာပြည်၏နောက်ဆုံးပေါ်မြို့နယ်များရှိရာ မြို့တော်သစ်ဆီမှ လွှတ်တော်ကိုယ်စားလှယ်တစ်ဦး၏ပြောကြားချက်အရ သူ့မြို့နယ်မဲဆန္ဒရှင်စာရင်းသည် ပြီးခဲ့သည့် ၂၀၁၂ ကြားဖြတ်ရွေးကောက်ပွဲမဲဆန္ဒရှင်စာရင်းနှင့် အလွန်အမင်းကွာဟနေကြောင်း ပြောကြားထားသည်ကိုတွေ့လိုက်ရပါသည်။ အဆိုပါအရပ်ဒေသရှိမြို့နယ်များတွင် ဝန်ထမ်းအများစုရှိနေ၍ ဤသို့ဖြစ်ရသည်ဟု သိနေရပါသည်။ အဆိုပါဝန်ထမ်းများအတွက်ကော ရွေးကောက်ပွဲဥပဒေအတိုင်း ရက် ၁၈၀ ကျော်သွားပြီမို့ ကိုယ့်အရပ်ဒေသ မြန်မာပြည်အနှံ့ ခွင့်နှင့်ပြန်ပြီး မဲပေးကြရမှာလား။ တာဝန်ကျရာဒေသတွင်ရှိနေသည့် ဝန်ထမ်းဟူသည် ဧည့်စာရင်းတိုင်၍ နေထိုင်သည်ဟုမကြားဖူးပါ။ ဝန်ထမ်းများသည် ကိုယ်တာဝန်ထမ်းဆောင်ရာဒေသမှာပင် မဲပေးဖို့စီစဉ်ထားသည်ဟု ဝန်ထမ်းအတော်များများကလည်း ပြောနေကြသည်။ သို့ဆိုလျှင် လွှတ်တော်ကိုယ်စားလှယ်ပြောသလို မဲစာရင်းကွာဟနေရသည်၏အကြောင်းသည် ဘာလဲ။ ဝန်ထမ်းများအတွက် ရက် ၁၈၀ ဧည့်စာရင်းကိစ္စသည် အရေးမပါဟုဆိုလျှင် သာမန်ရွှေ့ပြောင်းပြည်သူတွေအတွက်ကော မည်သို့စဉ်းစားထားသနည်း။ ဤအရေးနှင့်ပတ်သက်၍လည်း ပြောဆိုသံများမကြားရ။

ရက် ၁၈၀ သတ်မှတ်ချက်နှင့်ပတ်သက်၍လည်း မဲဆန္ဒရှင်စာရင်းကြေညာစဉ်တွင် ပုံစံ-၆၆/၆ မရှိသူ (မဲစာရင်းတွင် မပါဝင်သူ) ကမဲစာရင်းတွင် သူ့အမည်ကိုထည့်သွင်းပေးဖို့တောင်းဆိုလျှင် နိုင်ငံသားစိစစ်ရေးကတ်ပြသနိုင်ပါက ပေးသင့်သည်ဟုယူဆပါသည်။ စစ်အစိုးရခေတ်လို လူများကိုလုံခြုံရေးအကြောင်းပြနှိပ်ကွပ်ချင်၍ ဧည့်စာရင်းကိုတိုင်ခိုင်း၊ ဧည့်စာရင်းကိုအကြောင်းပြု၍ ဆယ်အိမ်ခေါင်း၊ ရာအိမ်ခေါင်းတို့က လုပ်စားခွင်ဖန်သည့်အကြောင်းများ ဒီဘက်ခေတ်တွင် အတော်များများ လျော့ကျသွားသဖြင့် ဧည့်စာရင်းတိုင်သည်ဆိုသည်မှာ အတော်ရှားပါးလာသည့်ကိစ္စတစ်ခုပင်ဖြစ်နေပါသည်။ သို့ဖြစ်ရာ ရက် ၁၈၀ (ဘယ်ရက်ရဲ့ Countdown ရက် ၁၈၀ လဲတော့မသိ) ကြို၍ဧည့်စာရင်းတိုင်ထားရမည်ဆိုခြင်းမှာ တမင်ဒုက္ခပေးနေသလိုပင်။

နောက်တစ်ခုမှာ ရွေးကောက်ပွဲတွင်ဖျက်မရသောမင်ဖြင့် ဘယ်ဘက်လက်သန်းပေါ်တို့ပေးလိုက်မည်။ လိမ်လည်၍ နှစ်ခါမဲပေးဖို့ကြိုးစားလျှင် ထောင်ကျခံရမည်ဟုပင်ဆိုထားရာ ထောင်ကျခံပြီးတော့ဖြင့် မဲမပေးလောက်ဟုယူဆပါလျှင် ရက် ၁၈၀ ဆိုတာကြီးပယ်ဖျက်သင့်ပါသည်။ သို့မဟုတ်လျှင်လည်း ရက် ၉၀၊ ၆၀ စသည်ဖြင့်လုပ်သင့်ပါသည်။

သိနေသည်မှာ တည်ငြိမ်သောမဲစာရင်းရဖို့ ကော်မရှင်အနေဖြင့် အတော်လုပ်ယူရမည်ဖြစ်ပါသည်။ ကြိုးစားမှုမရှိဘဲ ပြီးကပျစ်လုပ်လျှင် သို့မဟုတ် တမင်ကြံရွယ်ချက်ဖြင့် မဲဆန္ဒရှင်စာရင်းပါအချက်အလက်များကို မှားယွင်းခဲ့လျှင် မဲဆန္ဒပေးမည့်နေ့၌ ပြဿနာပေါင်းစုံတွေ့နိုင်သည်ဟု ယူဆမိပါသည်။ အဘယ့်ကြောင့်ဆိုသော် မဲဆန္ဒရှင်များက ကြိုတင်၍ကြေညာထားသည့် မဲစာရင်းကိုလာရောက်တိုက်ဆိုင်စစ်ဆေးနေကြမည် မဟုတ်၍ဖြစ်ပါသည်။ ဤအချက်ကြောင့်ပင် ရွေးကောက်ပွဲလုပ်သည့်နေ့ကျမှ အချက်အလက်မှားယွင်းမှုကြောင့် မဲရုံမှုး၏ငြင်းပယ်ခြင်းကိုခံရနိုင်သည့် အလားအလာများတွေ့နေရ၍ဖြစ်ပါသည်။ ကော်မရှင်ကလည်း ဥပဒေနှင့်အညီသာလုပ်၊ ဥပဒေနှင့်အညီသာဖြေရှင်းဆိုပြီး ဥပဒေမောင်းများ တဒေါင်းဒေါင်း တင်ပေးထားပြီးပေပြီ။ ထို့ကြောင့် ဥပဒေနှင့်အညီငြင်းပယ်ခံရမည့် မဲဆန္ဒရှင်များကို မြင်ယောင်နေမိသည်။

ယခုအခါ တရားဓမ္မတို့စိုးမိုးစေချင်လွန်း၍ မဲတစ်ပြားပေးရန်အတွက် အသည်းကြားတွင်သိမ်းထားသူ ပြည်သူများအနေဖြင့် ရွေးကောက်ပွဲအတွက် ကိုယ်လိုလားသည့်၊ အမှန်တရားကိုဖော်ဆောင်ပေးမည့်ပါတီကို မဲပေးကြရန်ကိုသာအားခဲထားကြသည်။ သို့သော် သူတို့ဆန္ဒပြည့်ဝပါမည်လော။ ကြိုတင်ကြေညာထားမည့်မဲဆန္ဒရှင်စာရင်းကို သွားကြည့်ဖို့အရေး၊ ကွဲလွဲချက်များကို သတ်မှတ်ပုံစံများဖြင့်တင်ပြပြီး ပြန်လည်ပြင်ဆင်ခိုင်းဖို့အရေးဆိုသည်တို့မှာ ရုံးပြင်ကန္နားသွားရန်လွန်စွာကြောက်ရွံ့သည့် မိမိတို့ပြည်သူများအတွက်သော် အခက်တကာ့အခက်ကြီးပင်။ ဤသည်ကိုသိ၍လည်း မေတ္တာတုံးရွေးကောက်ပွဲကော်မရှင်ကြီးက ဤသို့ပင် လုပ်ချလိုက်လေသည်ဟုသာ ပြောရပေတော့မည်။ ထိုအခါ ငါတစ်မဲမပေးလိုက်ရလို့လည်း ငါလိုလားတဲ့ပါတီမရှုံးနိုင်ပါဘူးဟု ဖြေသိမ့်စိတ်ကလေးများဖြင့် မဲရုံမှကျောခိုင်းထွက်လာကြမည့်သူများကို ကြိုမြင်နေရပေပြီ။ ထိုသို့ဖြစ်လာပြီဆိုပါက သူတို့အတွက် ဘယ်လိုစဉ်းစားမည်နည်း။ အချိန်တွေသိပ်မကျန်တော့ပါ။ အရေးဆိုစရာရှိသမျှ၊ တောင်းဆိုသင့်သည့် အချက်မှန်သမျှ၊ ကော်မရှင်မှထုတ်ပြန်ထားသည့် လိုက်နာရန်မသင့်သည့်အချက်မှန်သမျှကို ရွေးကောက်ပွဲကော်မရှင်နှင့် တိုက်ရိုက်ပတ်သက်နေသည့် နိုင်ငံရေးပါတီတို့က တောင်းဆိုကြရပေမည်။ ဤသည်မှာ Confrontation မဟုတ်ပါ။ ပြည်သူတို့၏ ဆန္ဒမဲပေးခွင့်မဆုံးရှုံးရအောင်၊ (မိမိတို့မကြိုက်နှစ်သက်သည်ဖြစ်စေ) ဖွဲ့စည်းပုံအခြေခံဥပဒေမှပေးထားသော နိုင်ငံသားတို့၏မူလအခွင့်အရေးကို မဆုံးရှုံးရအောင်ကာကွယ်ပေးခြင်းဖြင့် နိုင်ငံရေးပါတီတို့အနေဖြင့် သားရွှေအိုးထမ်းလာမည့်ကိန်းကို ရရှိပိုင်ဆိုင်နိုင်မည်ဖြစ်ပေသည်။

သို့ဆိုလျှင် ပြီးခဲ့သည့် ၉၀ ရွေးကောက်ပွဲ၊ ၂၀၀၈ နာဂစ်ဆန္ဒခံယူပွဲနှင့် ၂၀၁၀၊ ၂၀၁၂ ကြားဖြတ်ရွေးကောက်ပွဲများတွင် ဘာကြောင့် ဤလိုပြဿနာများမဖြစ်ပေါ်ခဲ့ရသနည်း။ ဘယ်ဖြစ်မတုံး။ ၂၀၀၈ နာဂစ်ဆိုလျှင် ဖောင်းပွလူဦးရေကိန်းဂဏန်းကြီးဖြင့် မနိုင်နိုင်အောင် လုပ်သွားခဲ့သည်မဟုတ်ပါလား။ ၂၀၁၀ နှင့် ၂၀၁၂ လည်းမထူးပါ။ ၂၀၁၀ မှာနိုင်ပြီးမှ နိုင်ဖဲတွေကိုယ့်လက်ထဲရောက်နေမှတော့ ၂၀၁၂ မှာ လွတ်လပ်ပြီး တရားမျှတပေးလိုက်ရုံပေါ့။

ဒါပေမယ့် ၂၀၁၅ က အရင်အခြေအနေများနဲ့မတူပါ။ ကိုယ်ရှုံးမည့်အရေးကိုမြင်နေလျှင် သူများနိုင်ဖို့ကိုလည်း အတက်နိုင်ဆုံးဖြိုဖျက်ပစ်မည်ဆိုသည့် ရည်ရွယ်ချက်များရှိနှင့်လေသလားဟု သံသယဝင်မိပါသည်။ ယခုလုပ်နေပုံများမှာ မဲရုံသို့ပြည်သူများ အတက်နိုင်ဆုံးမလာနိုင်အောင်လုပ်နေပုံရပါသည်။ ၁၉၉၀ လို၊ ၂၀၀၈ လို၊ ၂၀၁၀ လို၊ ၂၀၁၂ လိုသာ ၂၀၁၅ ကို လွှတ်ပေးလိုက်လို့ကတော့ ငါတို့ ဘင်္ဂလားပင်လယ်အော်ထဲကနေ လှေစီးပြေးဒုက္ခသည်တွေလို ထွက်ပြေးရတော့မယ်လို့ ထင်နေသည်လား မသိပါ။ ပြီးတော့ Confrontation လို စကားလုံးကြီးတွေက ပြင်းလွန်းလှသည်။ ထိုစကားလုံးကို ၁၉၈၉ ခုနှစ်က နဝတဥက္ကဋ္ဌဗိုလ်စောမောင်က ဒေါ်အောင်ဆန်းစုကြည်ကို သတိပေးပြောကြားခဲ့သောစကားဖြစ်ရာ အစိုးရနှင့် အာဏာရပါတီလို လူများကပြောသော်မှ ဆိုးဝါးပြင်းထန်လှသည်။ ယခုလို ဒိုင်လူကြီးဖြစ်သည့် ကော်မရှင်လူကြီးများကပြောသည်ဆိုတော့ ပို၍ပင်ဆိုးဝါးလှသည်။ သို့ကြောင့်ပင် ညစ်ကြတော့မည်ဟုပြောနေရခြင်းဖြစ်ပါသည်။

ကော်မရှင်ကတော့ ပြောနေသည်။ လာမည့်ရွေးကောက်ပွဲတွင် အတိုင်အတောပြဿနာထူပြောနိုင်သည်။ တိုင်းအဆင့်တွင်ခုံရုံးများဖွဲ့ပြီး ရှင်းမည်ဟုလည်းပြောသည်။ လွတ်လပ်ပြီး တရားမျှတသော ရွေးကောက်ပွဲဖြစ်အောင် တာဝန်ယူကျင်းပပေးပါမည်ဟု တာဝန်ယူကြောင်း အထပ်ထပ်ပြောထားလေသူများက အဘယ်ကြောင့်ထိုသို့ပြောရလေသနည်း။ ကော်မရှင်အနေဖြင့် ဘယ်လိုမှ မပြောသင့်သော စကားကို ပြောလာသည်ဆို၍၊ ရွေးကောက်ပွဲမတော်မတရားမှုများ ဖြစ်လာနိုင်သည်ဟု ကြိုမြင်ထားခဲ့၍လား တွေးစရာတော့ဖြစ်ပါသည်။ ဒါမျိုးစကားပြောသည့်ကော်မရှင်မျိုး တစ်ခါမျှမတွေ့ဖူးပါ။ ကိုယ့်အလုပ်ကို တော်တည့်မှန်ကန်စွာ လုပ်ဆောင်နေလျှင် ဒါမျိုးတွေပြောစရာမလို၊ ဒါမျိုးတွေလုပ်စရာမရှိဟုသာ ဆိုချင်ပါတော့သည်။ အာဏာ၏ မလွှတ်ရာမလွှတ်ကြောင်းကို အကြောင်းပြုပြီးသကာလ အဝိဇ္ဇာအမိုက်မှောင်များဖုံးပြီး ကိုယ်ဘာပြော၍ပြောနေမှန်း မသိသည့်ဘဝများအတွက်သော်ကား...။

ယခုပင်လျှင် အာဏာရပါတီက အာဏာခွဲတမ်းများချနေသည်ကို မြင်တွေ့နေရသည်။ ရွေးကောက်ပွဲကဖြင့် ဘယ်ဆီနေမှန်းမသိ၊ ရွေးကောက်ပွဲလျှင်ပင် နိုင်မည်ရှုံးမည်မှန်းမသိဖြစ်နေချိန် ထိုစကားများကြားနေရသည်ဖြစ်ရာ...။ ပြည်သူတို့သတိသာထားနေကြပေရော့။ လူလိမ်လူညစ်တို့ကား မြူးနေကြလေပြီ။
********************************

လေးစားစွာဖြင့်

Ko Soe Win


“ဒေါ်အောင်ဆန်းစုကြည်ကို သမ္မတတင်မြှောက်လိုက်ခြင်းဟာ စစ်တပ် အတွက် ထွက်ပေါက်ရနိုင်တယ် …”

ဒီစွပ်စွဲမှုတွေက သူတို့လို လူငယ်လေးတွေရဲ့ ထက်မြက်မှု၊ ထူးချွန်မှုတွေ ကို မှေးမှိန်အောင်လုပ်တဲ့ လုပ်ရပ်လို့ မြင်ပါတယ်။ ကျွန်တော် ငယ်ငယ် တုန်းကလည်း ဗကပတွေက ကျွန်တော့်ကို ကြိုးကိုင်နေတယ်လို့ စွပ်စွဲခဲ့ကြပါတယ် …

ဒီချုပ်က အမတ်နေရာအများစု ရတဲ့အတွက် ၄၃၆ နဲ့ ၅၉(စ) ကို ပြင်လာတဲ့အခါမှာ စစ်တပ်က ဘယ်လို တုံ့ပြန်မလဲ ဒီအချိန်ကျမှ စစ်တပ်က ဟန့်တားလာရင် တကယ့် Battle Ground ဖြစ် လာမယ်။ ထောက်ခံ လာရင်တော့ ဒီမိုကရေစီ ပြုပြင်ပြောင်းလဲမှု ဟာ အောင်မြင်သွားမှာပဲ။ ဒီအခြေအနေကို ဒေါ်စု၊ စစ်တပ်နဲ့ လူထုဟာ မလွဲမသွေ ဖြတ်သန်းရ . . .


~~~~~~~~~~~~~~~~~~~~~~~~~~~~~~~~~~~~~~~~~

အခြေခံဥပဒေ ပြင်ဆင်ရေး၌ အဓိကကျသည့် ပုဒ်မ ၄၃၆ နှင့် ပုဒ်မ ၅၉(စ) တို့အား ပြင်ဆင်ဖွယ် မရှိကြောင်းနှင့် လာမည့် ၂၀၁၅ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် (NLD ပါတီ)အနေဖြင့် နေရာအများစု အနိုင်ရအောင် လုပ်နိုင်မှသာ ယင်းဥပဒေများကို ပြင်ဆင်နိုင်ရန်အတွက် ဖိအားပေး လုပ်ဆောင်နိုင်မည် ဖြစ်ကြောင်း ၈၈ ကျောင်းသား ခေါင်းဆောင် တစ်ဦးဖြစ်သည့် အမေရိကန် ပြည်ထောင်စုတွင် နေထိုင်သူ ဦးမိုးသီးဇွန်က တိုက်တွန်း ပြောဆိုလိုက်သည်။

ဦးမိုးသီးဇွန်မှာ ဒီမိုကရေစီစနစ် ဖော်ဆောင်ရေးအတွက် လက်နက်ကိုင် လမ်းစဉ်ကို ရွေးချယ်ခဲ့သူတစ်ဦး ဖြစ်ပြီး ယခုအစိုးရသစ် လက်ထက် ကျမှသာ မြန်မာနိုင်ငံသို့ ခေတ္တပြန်လာခွင့် ရရှိခဲ့ပြီး မြန်မာနိုင်ငံ သို့ ခေတ္တ ပြန်လာခွင့် ရရှိစဉ်ကလည်း မြန်မာငြိမ်းချမ်းရေးစင်တာ(MPC)မှ ၀န်ကြီးဦးအောင်မင်း၊ ဦးစိုးသိန်းတို့နှင့်လည်း တွေ့ဆုံခွင့် ရရှိခဲ့ကာ ဒီမိုကရေစီ လုပ်ငန်းစဉ်အတွင်း ပါဝင်ခွင့် ရရှိရေးအတွက် လုပ်ဆောင်ခဲ့သော်လည်း နောက်ပိုင်း တွင် ပြည်ဝင်ခွင့် ပိတ်ပင်ခံထားရသူလည်း ဖြစ်သည်။

ထို့ပြင် ဒီမိုကရေစီပညာရေး အကောင်အထည်ဖော်ရန်အတွက် ဗကသ ကျောင်းသား ခေါင်းဆောင် များအား နောက်ကွယ်မှ ကြိုးကိုင်နေသူအဖြစ် စွပ်စွဲခံခဲ့ရသူ တစ်ဦးဖြစ်သည်။ လက်ရှိဖြစ်ပျက်နေသည့် နိုင်ငံရေး အခြေအနေများနှင့် ပတ်သက်၍ မြန်မာသံတော်ဆင့်၏ မေးမြန်းမှုကို မေလ ၂၄ ရက်တွင် အွန်လိုင်းမှတစ်ဆင့် ပြန်လည် ဖြေကြားခဲ့သည်များကို ဖော်ပြလိုက်ပါသည်။

မေး – အခုလက်ရှိ အမျိုးသားပညာရေးနဲ့ ပတ်သက်ပြီး သပိတ်မှောက် ကျောင်းသားတွေကို ဖမ်းဆီးချုပ်နှောင်ပြီး အမှုဖွင့် စစ်ဆေးနေပါတယ်။ ကျောင်းသားတွေဘက်က ဒါဟာ အစိုးရရဲ့ကတိပျက်မှုလို့ ဆိုထားပါတယ်။ အစ်ကို့အနေနဲ့ ဒီကိစ္စအပေါ် ဘယ်လိုများ သဘောထား ပေးချင်ပါသလဲ။

ဖြေ – အစိုးရအနေနဲ့က ကျောင်းသားတွေကို အမြန်ဆုံးအမှုကနေ တရားသေ ပြန်လွှတ်လိုက်ဖို့ သင့်ပါတယ်။ သူတို့ဟာ ရာဇ၀တ်သားတွေ မဟုတ်ဘူး။ သူတို့ဟာ ပညာရေး ပြုပြင်ပြောင်းလဲဖို့အတွက် တောင်းဆိုတဲ့ သူတွေပါပဲ။ ဦးသိန်းစိန်အစိုးရဟာ ဒီမိုကရေစီအသွင် ကူးပြောင်းဖို့ ဆုံးဖြတ်ထားပြီးပြီ။ အာဏာရှင်စနစ်ကို စွန့်လွှတ်ပြီး ပါလီမန်စနစ်ကိုသွားဖို့ ဦးတည်နေပြီလို့ ဆိုထားပါတယ်။ ပါလီမန် ဒီမိုကရေစီစနစ်မှာ အတိုက် အခံတွေ၊ ဆန္ဒပြတောင်းဆိုတာတွေ၊ ဝေဖန်တာတွေဟာ မလွဲမသွေ ရှိရမယ့် အရာတွေ (ingredients) ဖြစ်ပါ တယ်။ အစိုးရ၊ ပါလီမန်၊ ကျောင်းသား၊ ပညာရေးသုတေသီတွေ ၄ ပွင့်ဆိုင် ဆွေးနွေးကြ၊ အမြင်တွေ ဖလှယ်ကြတာတွေလည်း လုပ်ထားပြီးပြီဆိုတော့ ဆန္ဒပြတာလောက်ကို သဘောထား ကြီးသင့်တယ်။ ကျောင်းသားတွေကို အမြန်ဆုံးပြန်လွှတ်ပေးပါလုိ့ပဲ တိုက်တွန်းချင်ပါတယ်။

မေး – ဖမ်းဆီးခံ ကျောင်းသားတွေကို အစိုးရက ဗကသ ကျောင်းသားတွေ ဆိုတာထက် နောက်ကွယ်ကနေ ဗကပတွေက သွေးထိုးလို့လုပ်တာလို့ စွပ်စွဲချက်တွေ ရှိပါတယ်။ ဒီအပေါ်မှာကော အစ်ကို့အနေနဲ့ ဘာများ ပြောချင်သလဲ။

ဖြေ – အစိုးရရဲ မှားယွင်းတဲ့ ပေါ်လစီတွေကို ဆန့်ကျင်တဲ့ လှုပ်ရှားမှုတွေ၊ ဝေဖန်မှုတွေ ဖြစ်လာတိုင်း ဗကပတွေ နောက်က သွေးထိုးတယ် ဆိုတာကတော့ ရယ်စရာကောင်းတဲ့ ဟာသတစ်ခုလို ဖြစ်လာနေပါတယ်။ ဒီလို စွပ်စွဲချက်တွေကို သတိထားဖို့လိုပါတယ်။ အစိုးရအနေနဲ့ သိက္ခာကျစရာ ဖြစ်မှာပဲ။ ကျောင်းသားတွေရဲ့ ပညာရေး ပြောင်းလဲတောင်းဆိုတဲ့ လှုပ်ရှားမှုကို ဗကပရော၊ နိုင်ငံတကာ သံတမန်တွေရော၊ သမ္မတဟောင်း ဂျော့ဒဗလျူဘုရ်ှရော အားပေး ထောက်ခံကြတာပဲ။ မှန်ကန်တဲ့ လှုပ်ရှားမှုမုိ့ သူတို့ကိုထောက်ခံ အားပေးတိုင်း စွပ်စွဲနေလုိ့ မရဘူးလေ။

မေး – ဖမ်းဆီးခံထားရတဲ့ကျောင်းသား ခေါင်းဆောင် မဖြိုးဖြိုးအောင်နဲ့ တရားခံပြေးဖြစ်နေတဲ့ ဗကသဥက္ကဋ္ဌ ကိုကျော်ကိုကို တို့ကို အစ်ကိုက နောက်ကွယ်ကနေ ကြိုးကိုင်နေတယ် ဆိုတဲ့ပုံစံမျိုးဖြစ်အောင် ဓာတ်ပုံတွေ၊ စာတွေနဲ့ ဖေ့စ်ဘုတ်ပေါ်မှာ ဖြန့်ဝေမှုတွေ ရှိလာပါတယ်။ ဒါနဲ့ပတ်သက်ပြီးကော အစ်ကို့အနေနဲ့ ဘယ်လိုများ မှတ်ချက်ပေးချင်သလဲ။

ဖြေ – ကိုကျော်ကိုတို့၊ မဖြိုးဖြိုးတို့ကို ကျွန်တော်သိပါတယ်။ ခင်မင်ပါတယ်။ သူတုိ့ကို မြန်မာပြည် ပြန်ရောက် တုန်းက သိခွင့်ရတယ်။ အမြင်တွေ ဖလှယ်ခွင့်ရတယ်။ သူတို့ဟာ အလွန်ထက်မြက်တဲ့ လူငယ်လေးတွေ ဖြစ်တာတွေ့ရတော့ အားရတယ်။ သူတို့ကို ကျွန်တော်က ကြိုးကိုင်တယ်ဆိုတာ မမှန်ပါဘူး။ ဒီ စွပ်စွဲမှုတွေက သူတို့လို လူငယ်လေးတွေရဲ့ ထက်မြက်မှု၊ ထူးချွန်မှုတွေကို မှေးမှိန်အောင်လုပ်တဲ့ လုပ်ရပ်လို့ မြင်ပါတယ်။ ကျွန်တော် ငယ်ငယ်တုန်းကလည်း ဗကပတွေက ကျွန်တော့်ကို ကြိုးကိုင်နေတယ်လို့ စွပ်စွဲခဲ့ကြပါတယ်။

မေး – ၈၈ မျိုးဆက် ကျောင်းသား ခေါင်းဆောင်ဟောင်း အနေနဲ့ပေါ့။ ပြည်တွင်းမှာရှိတဲ့ ၈၈ မျိုးဆက် ကျောင်းသား တွေရဲ့ နိုင်ငံရေးလှုပ်ရှားမှု အခြေအနေနဲ့ လူထုထောက်ခံမှု ကျဆင်းလာတဲ့ အပေါ်မှာကော ဘယ်လိုများ မြင်မိသလဲ။ ဘယ်လိုမျိုး တိုက်တွန်းချင်သလဲ။

ဖြေ – ၈၈ မျိုးဆက်တွေအနေနဲ့ ရွေးကောက်ပွဲဝင်သင့်တယ်။ ပါလီမန်ထဲကို သွားသင့်တယ်လို့ မြင်တယ်။ သူတို့ အတိတ်က စွန့်လွှတ် ပေးဆပ်ခဲ့ပြီးပြီ။ ဒီအချိန်က တိုင်းပြည်ပြန်လည် တည်ဆောက်ရေးအတွက် သူတို့ ပါဝင် ရတော့မယ့် အချိန်ပါ။ လူတွေက သူတုိ့ရှိရမယ့်နေရာမှာ မြင်ချင်ကြပါတယ်။ သူတို့ကို အောင်မြင်စေချင်တယ်။

မေး – ၂၀၁၅ ရွေးကောက်ပွဲက နိုဝင်ဘာလဆန်းမှာ ကျင်းပမယ်လို့ ရွေးကောက်ပွဲ ကော်မရှင်က ဆိုထားပါတယ်။ လာမယ့် ရွေးကောက်ပွဲဟာ တရားမျှတရမယ်လို့လည်း ကတိက၀တ်တွေ ပေးထားပြန်ပါတယ်။ ဒါနဲ့ ပတ်သက်လို့ လာမယ့် ရွေးကောက်ပွဲကကော တကယ့်ကို တရားမျှတတဲ့ ရွေးကောက်ပွဲ ဖြစ်နိုင်ပါ့မလား ဆိုတာ သုံးသပ်ပေးပါဦး။

ဖြေ – ရွေးကောက်ပွဲကတော့ တရားမျှတတယ်၊ မမျှတဘူး မပြောနိုင်သေးဘူး။ မမြင်ရသေးဘူး။ ဒါပေမဲ့ ၂၀၁၅ ရွေးကောက်ပွဲကတော့ အရင်တုန်းက ရွေးကောက်ပွဲတွေထက် နိုင်ငံတကာက ပိုပြီးကြည့်ကြမယ်၊ လေ့လာ ကြမယ်၊ ပိုစိတ်ဝင်စားကြမယ် ဆိုတာတော့ မြင်နေရပါတယ်။ နောက်တစ်ခုက အမျိုးသားဒီမိုကရေစီ အဖွဲ့ချုပ်က ၁၉၉၀၊ ၂၀၁၂ တွေကလိုပဲ ပြတ်ပြတ်သားသား နိုင်ဦးမယ့် အနေအထားမှာ ရှိနေပါတယ်။

မေး – နောက်တစ်ခုကတော့ နိုင်ငံရေးကိစ္စပါပဲ။ အစ်ကို့ကို ဦးအောင်မင်း၊ ဦးစိုးသိန်းတို့ကတောင် အစ်ကိုကြီးလို့ ခေါ်ခဲ့သလို နိုင်ငံရေးနဲ့ပတ်သက်ပြီး တွဲလုပ်ခဲ့တာမျိုး ရှိပေမယ့် အခုကျတော့ ဘာလို့များ လိုင်းကွဲသွားတာလဲ။

ဖြေ – ဦးအောင်မင်း၊ ဦးစိုးသိန်းတို့နဲ့က ကျွန်တော် ပြဿနာ မရှိပါဘူး။ ကျွန်တော့်ကို ပြည်ထဲရေးက ဗီဇာ ထပ်မပေးသေးတာပါပဲ။ ဗီဇာထုတ်ပေးဖို့ကိုတော့ သူတို့က ပြောဖို့လိုမယ်ထင်တယ်။ ကျွန်တော် ဦးအောင်မင်းနဲ့ စတင်ဆွေး နွေးစဉ်ကတည်းကပဲ ဦးအောင်မင်းက သူတို့ပြောင်းလဲဖို့ ကြိုးစားနေပြီ။ ပြန်လာကြည့်ပါလို့ ဖိတ်ခေါ် တယ်။ ကျွန်တော်တို့ဘက်ကလည်း ဒီလိုကြားတော့ မယုံသေးဘူး။ လာကြည့်မယ်။ တွေ့ချင်တဲ့သူတွေနဲ့ တွေ့ခွင့်ရှိ မလား။ ကျွန်တော်တို့ မြင်တာတွေကို ပြောခွင့်ရှိ မလားလို့ မေးခဲ့တယ်။ ရှိပါတယ်လို့ သူတို့ ပြောတယ်။ ဒါကြောင့် ကျွန်တော် ပြန်လာတယ်။ တွေ့သင့်တဲ့သူတွေကို တွေ့တယ်။ ကျွန်တော် မြင်တာတွေကို ပြောခဲ့တာပဲ။ ကျွန်တော် မြင်တဲ့ ဟာတွေက တခြားသူတွေ မြင်သလိုပါပဲ။ ကျွန်တော်ပြောတဲ့ ဟာတွေကလည်း တခြားသူတွေ ပြောနေသလိုပါပဲ။

အစိုးရကို ချီးကျူးတာရော၊ ဝေဖန်တာရော ရှိခဲ့ပါတယ်။ ဘာမှ အထူးအဆန်းမပါဘူး။ နောက်တော့ ဦးလှမောင်ရွှေက ကျွန်တော့်ကို အစိုးရက ဗီဇာသက်တမ်း ထပ်မတိုးပေးဘူး၊ ဗီဇာကို အပြင်ထွက်ပြီး ပြန်လျှောက်ပါလို့ ပြောလာတယ်။ ကျွန်တော် ထိုင်းကိုထွက်ပြီး ပြန်လျှောက်တယ်။ ဗီဇာမပေးဘဲ နေနေပါတယ်။

သူတို့လည်း ဒီမိုကရေစီအသွင် ကူးပြောင်းချင်တယ်။ ငြိမ်းချမ်းရေး တည်ဆောက်ချင်တယ်။ ကျွန်တော်လည်း ဒီမိုကရေစီ အသွင်ကူးပြောင်းချင်တယ်။ ငြိမ်းချမ်းရေးကို တည်ဆောက်ချင်တယ်၊ ဘာလိုင်းကွဲစရာရှိသလဲ။ တူတာ တွဲလုပ်လို့ရသလို မတူတာ ခွဲလုပ်လို့ရတာပဲ။ ဒီမိုကရေစီမှာ သူတို့နဲ့ ကျွန်တော်တို့ဟာ မိတ်ဖက်တွေ အဖြစ် ရှိနိုင်ကြတာပဲ။ ပိုမကောင်းဘူးလား။

မေး – ဦးအောင်မင်း၊ ဦးစိုးသိန်းတို့နဲ့ လုပ်နေတဲ့ နိုင်ငံရေးစနစ် ပုံစံကိုကော ဘယ်လို သိထားသလဲအစ်ကို။ နောက်ပြီး ဘယ်အရာတွေကတော့ မှားယွင်းတယ်၊ ဘယ်အရာတော့ မှန်ကန်တယ်ဆိုတာကိုကော သုံးသပ် ပေးပါဦး။

ဖြေ – သူတို့လုပ်တဲ့ နိုင်ငံရေးပုံစံနဲ့ ဦးနေ၀င်း၊ ဦးခင်ညွန့် လက်ထက်က လုပ်တဲ့ပုံစံက အခြေခံအားဖြင့် သိပ်မကွာဘူး။ ဒါကတော့ အာဏာကို စစ်တပ် သို့မဟုတ် စစ်တပ်က အနားယူလာတဲ့ စစ်ဗိုလ်ဟောင်း ဆိုသူတွေက ကိုင်ထားမယ်။ ဆုံးဖြတ်ခွင့်တွေကို ယူထားမယ်။ Decision Making Process မှာ သူတို့ပဲ ယူထားမယ်။ သူတို့ ဆုံးဖြတ်ထားတာတွေကို အကောင်ထည်ဖော်တဲ့ နေရာတွေ (Implementation Process) မှာတော့ အရပ်သားတွေ၊ နိုင်ငံရေးသမားတွေက အကောင်ထည်ဖော်ပေးကြ ဆိုတာမျိုးပေါ့။ ပြဿနာက ဆုံးဖြတ်ချက်တွေက မမှန်ကန်လာတဲ့ အခါမှာတော့ အကောင်အထည် ဖော်ရတဲ့နေရာတွေမှာ မအောင်မြင် တော့ဘူးပေါ့။ ဒီနည်းကို ဦးနေ၀င်း၊ ဦးခင်ညွန်တို့ လုပ်ခဲ့ကြပါတယ်။ မအောင်မြင်ဘဲ ဖြစ်ခဲ့တာ လူတိုင်း အသိပါပဲ။

ဥပမာ အခု ဦးအောင်မင်းလုပ်နေတဲ့ ငြိမ်းချမ်းရေးအစီအစဉ်မှာ စစ်ပွဲတွေကို ရပ်ဆိုင်းပစ်ဖို့အတွက် ဆုံးဖြတ်ချက် ပေးမယ့်သူတွေဟာ ယခင်အစိုးရက ဗိုလ်ချုပ်ဟောင်းတွေ၊ လက်ရှိ စစ်ဗိုလ်ချုပ်တွေနဲ့ လက်ရှိအစိုးရက တာဝန်ရှိတဲ့ ၀န်ကြီးတွေ ဖြစ်နေတယ်။ စစ်ပွဲတွေကို ရပ်ဆိုင်းဖုိ့လိုကို လိုအပ်နေပြီဆိုတဲ့ ဆုံးဖြတ်ချက် ချမှတ်ဖို့ အရေးမှာ ဒီမိုကရေစီအင်အားစုတွေ၊ တိုင်းရင်းသားတွေက ဆုံးဖြတ်ချက်ချတဲ့ နေရာမှာမပါဘူး။

ဥပမာ ကိုးကန့်နဲ့ ဖြစ်တဲ့စစ်ပွဲ။ ဒါက မတိုက်သင့်တဲ့စစ်ပွဲ (Not Necessary War)။ ကိုးကန့်က နယ်ခြားစောင့် တပ် မလုပ်ချင်ဘူး။ ဒါက အဓိကပဲ။ ဒါကို မြန်မာဘက်က တုံ့ပြန်တာက ကိုးကန့်က ဘိန်းထုတ်တယ်၊ တရုတ် တွေ၊ ခွဲထွက်ဖို့ ကြိုးစားတယ် ဆိုတာတွေ လုပ်ကြတယ်။ ကိုးကန့် ခေါင်းဆောင်က သူတို့ခွဲမထွက်ဘူး၊ ပြည်ထောင်စုထဲမှာ နေမယ်လို့ အကြိမ်ကြိမ် ကတိပေးနေတာကို မကြားချင်ယောင်ဆောင်ပြီး ပြဿနာ ဖြစ်စေမယ့် မမှန်တဲ့ အခြမ်းကိုပဲ ယူတယ်။ မြင်တယ်။ ဒီတော့ ပြဿနာက ပိုကြီးဖို့ပဲရှိတယ်။ မေးစရာက စစ်တပ်က ပြဿနာကို ကြီးစေချင်တာလားလို့ မေးစရာရှိလာတယ်။

ပြဿနာဟောင်းကို ပြဿနာသစ်နဲ့ အစားထိုးတဲ့ နည်းစနစ်ပဲ အသုံးပြုလာတာကို ကြည့်ရင် မြင်နိုင်ပါတယ်။ နယ်ခြားစောင့်တပ်အဖြစ် မလုပ်ချင်တာက တိုင်းရင်းသားအဖွဲ့တိုင်းပဲ မလုပ်ချင်တာပါ။ ကိုးကန့်ကိုမှ ရွေးပြီး ပြဿနာရှာတာဟာ မှန်ကန်တဲ့ ဖြေရှင်းမှု မဟုတ်ဘူးလို့ ပြောချင်တယ်။

မေး – အခု အစ်ကိုက ပုဒ်မ ၄၃၆ ပြင်ဆင်ရေးထက် ပုဒ်မ ၅၉(စ)ကို ပြင်ဖို့အတွက် တိုက်တွန်းလာတာ တွေ့ရတယ်။ အဓိကကတော့ ဒေါ်အောင်ဆန်းစုကြည် သမ္မတ ဖြစ်လာနိုင်ရေးအတွက်ပေါ့။ ဒီတော့ ဒေါ်အောင်ဆန်းစုကြည် သမ္မတ ဖြစ်စေရေးအတွက် အစ်ကို့ရဲ့ သဘောထားအမြင်နဲ့ ဘာကြောင့် ဒေါ်အောင်ဆန်းစုကြည် ဖြစ်ထိုက်တာလဲ ဆိုတာလေး ရှင်းပြပါဦး။

ဖြေ – ကျွန်တော့် သုံးသပ်ချက်က အများပြောနေတဲ့ သီအိုရီဖြစ်တဲ့ ၄၃၆ ကို အရင်ပြင်၊ ပြင်လိုက်တော့ ဒီမိုကရေစီ အခြေခံဥပဒေဖြစ်၊ နောက် ၅၉(စ)ကို ပြင်ပေး၊ ဒါက လမ်းကြောင်းမှန် (Rational) နည်းလမ်းပေါ့။ ဒီလို Rational ဖြစ်တဲ့ နည်းလမ်းတွေက တစ်ခုမှ မြန်မာပြည်မှာ ဖြစ်မလာခဲ့ဘူး။ ဥပမာ၄၃၆ ပြင်ဆင်ဖို့အတွက် စတင်ဆွေးနွေး ကြပြီဆိုတာနဲ့ အခြေခံဥပဒေပြင်နိုင်ဖို့ ၄၃၆ ကို ပြင်ကြမယ်ဆိုရင် ၇၆ ရာခိုင်နှုန်းတော့ မပေးနိုင်ဘူး။ ၇၃ ရာခိုင်နှုန်းလုပ်မယ်။ တစ်ဖက်ကလည်း ရာခိုင်နှုန်း ၈၀ လုပ်မယ် စသဖြင့်၊ ဒါနဲ့တင် အချိန်က ၃ နှစ်၊ ၄ နှစ် ကြာသွားမယ်။

လက်ရှိဖြစ်နေတဲ့ ဘ၀အခြေအနေက ဒေါ်စုက အသက် ၇၀ ရှိလာပြီ။ နိုင်ငံတကာကရော၊ လူထုကပါ သူ့ကို သမ္မတအဖြစ်နဲ့ မြင်ချင်တယ်။ လူထုက သူ့ကိုတစ်ခဲနက် အားပေးနေတာ ထောက်ခံနေတာ အမြင်ပါပဲ။ ဒီမိုကရေစီ စနစ်ဆိုတာ လူထုရဲ့မဲ များများရတဲ့သူက အစိုးရဖွဲ့ရတာပါပဲ။

နောက်တစ်ခုက ကျွန်တော်တို့က ၈၈ ဒီမိုကရေစီ ဇာတ်လမ်းကို Happy Ending ဖြစ်ချင်နေပါတယ်။ ဒါကတော့ ဒေါ်စုသမ္မတဖြစ်သွား ရင် နောက်ဇာတ်လမ်းတွေကို စတင်လို့ရမယ်လို့ မြင်မိပါတယ်။ ဒီတစ်ပိုင်းကို ဖြတ်လိုက်ဖို့ လိုပါပြီ။ တစ်နည်းအားဖြင့် ဒေါ်စုကို သမ္မတ တင်မြှောက်လိုက်ခြင်းဟာ စစ်တပ်အတွက် ထွက်ပေါက်(Exit Strategy) ရနိုင်တယ်။ ကျွန်တော်တို့အတွက်လည်း Exit Strategy ရနိုင်ပါတယ်။

ဒီနေ့ မြန်မာပြည် အကျပ်အတည်းမှာ ဦးသိန်းစိန်၊ ဦးရွှေမန်း၊ ဦးမင်းအောင်လှိုင် ဘယ်သူ့ကိုမှ သမ္မတ တင်လို့ မရနိုင်တော့ဘူး။ တင်ချင်လည်းတင်ကြည့်ပါ၊ ပြဿနာက ပိုဆိုးဖို့ပဲရှိလာနိုင်တယ်။ ဒီအခါမှ လူထုရော၊ တပ်ရောပါ နာရုံပဲရှိမယ်။ ထိုင်းနိုင်ငံမှာက ၁၉၃၀ ခုနစ်ကတည်းက အခြေခံဥပဒေ ရှိခဲ့ပေမယ့် သူတို့ဟာ ၄၃၆ လို ပုဒ်မတစ်ခုကို တိုက်နေကြတာ အခုထိ မပြီးနိုင်သေးဘူး ဖြစ်နေတာကိုလည်း သတိပြုသင့်ပါတယ်။ ၄၃၆ ရော၊ ၅၉(စ) ကိုရောကို ၂၀၁၅မှာ အစိုးရက မပြင်ပါဘူး။ မပြင်ရင်လည်း ဒေါ်စုဦးဆောင်တဲ့ ပါတီအနေနဲ့ ရွေးကောက်ပွဲကိုဝင်ဖို့ တိုက်တွန်းချင်တယ်။ ရွေးကောက်ပွဲမှာ အများစုနိုင်အောင် လုပ်ရမယ်။ အများစုနိုင်တဲ့ အခါမှာ အနိုင်ရတဲ့ ပါတီအနေနဲ့က ပြင်ဆင်နိုင်ဖို့ လုပ်ပိုင်ခွင့် ရှိလာမှာ ဖြစ်တယ်။

ဒီအခါမှာ ဒီချုပ်က အမတ်နေရာ အများစုရတဲ့အတွက် ၄၃၆နဲ့ ၅၉(စ)ကို ပြင်လာတဲ့အခါမှာ စစ်တပ်က ဘယ်လို တုံ့ပြန်မလဲ။ ဒီအချိန်ကျမှ စစ်တပ်က ဟန့်တားလာရင် တကယ့် Battle Ground ဖြစ်လာမယ်။ ထောက်ခံလာရင်တော့ ဒီမိုကရေစီ ပြုပြင်ပြောင်းလဲမှုဟာ အောင်မြင်သွားမှာပဲ။ ဒီအခြေအနေကို ဒေါ်စု၊ စစ်တပ်နဲ့ လူထုဟာ မလွဲမသွေ ဖြတ်သန်းရမယ်။

မေး – နောက်တစ်ခုက အစ်ကိုက အစ်ကို့အမေအတွက် တံခါးကျည်းပေါင်ခွေပေးတဲ့ ဓာတ်ပုံမှတ်တမ်းကိုလည်း တွေ့ရပါတယ်။ အဲဒါနဲ့ ပတ်သက်ပြီးကော ပြောပြပါဦး။

ဖြေ – အမေ့အိမ်ကနေ ထွက်လာတာ၂၆ နှစ်ကျော်ရှိခဲ့တယ်။ အိမ်မှာ အမေနဲ့ညီမ အမျိုးသမီး နှစ်ယောက်ပဲ ရှိတယ်။ အိမ်ကို မပြင်နိုင်ကြဘူးပေါ့။ ရေချိုးခန်း၊ ဧည့်ခန်း၊ မီးဖိုချောင်တွေ၊ ကြမ်းခင်းတွေ ပြင်ဖို့လိုနေတယ်။ ကျွန်တော် ရောက်တုန်း တတ်နိုင်တာတွေ လုပ်ပေးခဲ့တယ်။ ၀ယ်ဖို့ကလည်း ဈေးကြီးလွန်းတယ်။ အခြေခံ လိုအပ်ချက် ပရိဘောဂတွေက အမေရိကန်ထက်ကို ဈေးကြီးနေတယ်။ စားပွဲကို ပြင်ပေးခဲ့တယ်။ စာအုပ်စင်၊ အမေ့ဆေးတွေထည့်တဲ့ စင်နဲ့ ရေချိုးခန်းကတံခါးကို ကျည်းပေါင် ပြန်ခွေပေးခဲ့တယ်။ ပျဉ်းကတိုးသား အဟောင်းကို သင်္ဃန်းကျွန်း သစ်ဆိုင်က၀ယ်ပြီး ပြန်လုပ်ပေးခဲ့တယ်။ မူလက သစ်ရိုင်းနဲ့ လုပ်ထားပုံပဲ၊ ဆွေးပြီးပျက်နေတယ်။ မီးဖိုချောင်ကို မပြင်ပေးလိုက်နိုင်ဘူး။ ပန်းကန်တွေထားဖို့ စင်နဲ့ ဓားတွေ ထည့်ဖို့ ဓားအိမ်တွေ လုပ်ပေးရဦးမယ်။ ဒီတစ်ခေါက် ပြန်ခွင့်ကြုံရင် လုပ်ပေးမယ်။ အမေ့အတွက် ပန်းချီကား ၃ ချပ်လည်း ဆွဲပေးခဲ့တယ်။ သူက ဇီးကွက်ပုံ လိုချင်တယ်ဆိုလို့ ဇီးကွက်ပုံတစ်ကား၊ လက်ပံပင်ပုံ တစ်ကားပေါ့။ ကြမ်းတွေလည်း တိုက်ပေးခဲ့ပါတယ်။

မေး – အစ်ကို့အနေနဲ့ လက်ရှိမြန်မာပြည်ရဲ့ နိုင်ငံရေးအခြေအနေနဲ့ ပတ်သက်ပြီး သီးခြားဖြည့်စွက် ပြောလိုတာ ရှိရင်လည်း ပြောပေးပါဦး။

ကျွန်တော့်အနေနဲ့ သီးခြားဖြေချင်တာကတော့ ကျွန်တော်အပါအ၀င် ၈၈ ပြည်ပတွေဟာ ၂၀၁၅ ရွေးကောက်ပွဲကို ၀င်ချင်တယ်။ နိုင်ငံတည်ဆောက်ရေးတွေမှာ ကျွန်တော်တို့ တတ်ထားတဲ့ ပညာတွေနဲ့ အလုပ် အကျွေး ပြုချင်တယ်။ ကျွန်တော်တို့ကို ဗီဇာထုတ်မပေးဘဲ ဘာကြောင့် လုပ်ထားတာလဲလို့ မေးချင်တယ်။

အောင်ထွန်းလင်း

××××× ကိုယ်ရေးအကျဉ်း ××××××

ဦးမိုးသီးဇွန်၏ အမည်ရင်းမှာ ဦးမျိုးသန်းထွဋ်ဖြစ်ပြီး ၁၉၈၈ ခုနှစ် မတ်လကတည်းက ကျောင်းသား လှုပ်ရှားမှု များတွင် ပါဝင်ခဲ့သူဖြစ်သည်။ ၁၉၈၈ ခုနှစ် ဇွန်လ ၂၁ ရက်က ရန်ကုန်တက္ကသိုလ် အဓိပတိလမ်းပေါ်တွင် မျက်နှာ အ၀တ်မစည်းဘဲ ဟောပြောရာမှ နာမည်ရလာသူ တစ်ဦးလည်း ဖြစ်ပြီး ၎င်းရေးသားသော ““မိုးသီးဇွန်”” ဟူသည့် ကဗျာခေါင်းစဉ်ကို အမည်ဝှက်အဖြစ် အသုံးပြုခဲ့ရာမှ ““မိုးသီးဇွန်””အဖြစ် လူသိများလာခဲ့သည်။

ထို့ပြင် ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်- ဗကသတွင် ကျောင်းသား ခေါင်းဆောင် (ဦး)မင်းကိုနိုင်က ဥက္ကဋ္ဌအဖြစ် တာဝန်ယူခဲ့စဉ် (ဦး)မိုးသီးဇွန်မှာ အတွင်းရေးမှူးအဖြစ် ဆောင်ရွက်ခဲ့သည်။

၁၉၉၀ ရွေးကောက်ပွဲဝင်ရန်အတွက် လူ့ဘောင်သစ် ဒီမိုကရက်တစ်ပါတီကို တည်ထောင်ခဲ့သူဖြစ်ကာ ယင်းနောက်ပိုင်းတွင် အစိုးရအား လက်နက်စွဲကိုင် တော်လှန်ရန်အတွက် တောခိုခဲ့ရာ ဗမာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF) ဥက္ကဋ္ဌအဖြစ် တာဝန်ထမ်းဆောင် ခဲ့ဖူးသူလည်း ဖြစ်သည်။

ယင်းနောက် ထိုင်းနိုင်ငံနှင့် အမေရိကန် ပြည်ထောင်စုတို့တွင် နေထိုင်ခဲ့ကာ သမ္မတရုံးဝန်ကြီး ဦးအောင်မင်း၏ ကမ်းလှမ်းမှုဖြင့် ၂၀၁၂ ခုနှစ် စက်တင်ဘာလ ၁ ရက်တွင် မြန်မာပြည်သို့ ပြန်လည်ခြေချခွင့် ရခဲ့သူဖြစ်သည်။ မြန်မာနိုင်ငံတွင် ဆက်လက် နေထိုင်ရန်အတွက် ထိုင်းနိုင်ငံရှိ မြန်မာသံရုံးတွင် ဗီဇာထပ်မံ လျှောက်ထား ခဲ့သော်လည်း ယခုအချိန်အထိ ပြည်ဝင်ခွင့်ဗီဇာ မရရှိခဲ့သူ ဖြစ်သည်။

အောင်ထွန်းလင်း
မြန်မာသံတော်ဆင့်သတင်းဌာန – http://www.facebook.com/myanmarherald




တောင်ကိုရီးယားနိုင်ငံမှာ မားစ်ရောဂါနဲ့ သေဆုံးသူ စုစုပေါင်း ၁၅ ဦးရှိသွားပြီလို့ တောင်ကိုရီးယား ကျန်းမာရေးဝန်ကြီးက ဒီနေ့ ထုတ်ပြန်ကြေညာပါတယ်။

တောင်ကိုရီးယားနိုင်ငံမှာ ရောဂါစတင်တွေ့ရှိခဲ့တဲ့ မေလ ၂၀ ရက်နေ့ကနေ လက်ရှိအချိန်အထိ သေဆုံးသူ ဦးရေဖြစ်တယ်လို့ ကျန်းမာရေးဝန်ကြီး Moon Hyung-pyo က သတင်းထောက်တွေကို ပြောဆိုခဲ့တာပါ။

ဝန်ကြီးဟာ သတင်းထောက်တွေနဲ့ မတွေ့ဆုံခင်မှာ တောင်ကိုရီးယား ကျန်းမာရေးအဖွဲ့ချုပ်ကို သွားရောက်ခဲ့ပြီး မားစ်ရာဂါကာကွယ်တားဆီးရေး ဆရာဝန်ကြီးတွေနဲ့ တွေ့ဆုံစည်းဝေးခဲ့ပါတယ်။

အရှေ့အလယ်ပိုင်း ဘာရိန်းနိုင်ငံ၊ ဆော်ဒီအာရေးဘီးယားနိုင်ငံနဲ့ ယူအေအီးနိုင်ငံ ၃ နိုင်ငံကို သွားရောက်ခဲ့တဲ့ တောင်ကိုရီးယားနိုင်ငံသားကနေတဆင့် ရောဂါကူးစက်ခဲ့တာလို့ တောင်ကိုရီးယားကျန်းမာရေးဝန် ကြီးဌာနက ထုတ်ပြန်ပါတယ်။

တောင်ကိုရီးယားနိုင်ငံထဲမှာ ဆက်လက်ကူးစက်ပြန့်ပွားမှု မရှိအောင် အစွမ်းကုန်ကြိုးစားသွားမယ်လို့လည်း ကျန်းမာရေးဝန်ကြီးက ဆိုပါတယ်။

ဒီမားစ်ရောဂါဟာ ၂၀၁၂ ခုနှစ်က လူသားတွေကို ပထမဆုံးစတင်ကူးစက်ခဲ့ပြီး ၂၀၀၃ ခုနှစ်က တရုတ်နိုင်ငံမှာ အပြင်းအထန် ဖြစ်ပွားခဲ့တဲ့ ဆားစ်ရောဂါဗိုင်းရပ်စ်နဲ့ မျိုးရင်းတူဗိုင်းရပ်စ်တမျိုးကြောင့်ဖြစ်ပွားရတာပါ။

နိုင်ငံပေါင်း ၂၃ နိုင်ငံမှာ ရောဂါကူးစက်ခံရသူ ၁၁၄၂ ဦးရှိပါတယ်။ မေလ ၁၆ ရက်နေ့အထိ ရောဂါကူးစက်ခံရသူ ၄၆၅ ဦး သေဆုံးခဲ့တယ်လို့ တောင်ကိုရီးယား ကျန်းမာရေးဝန်ကြီးဌာနက ပြီးခဲ့တဲ့တပတ်က ထုတ်ပြန်ခဲ့ပါတယ်။

 By ဒီဗွီဘီ
http://burmese.dvb.no

ဓာတ်ပုံ - Senior General Min Aung Hlaing facebook
စစ်တပ်အနေနဲ့ တိုင်းပြည်သယံဇာတများကို ခိုးထုတ်နေတဲ့ ခိုးထုတ်တာကို အကာအကွယ်ပေးနေတဲ့ ရန်သူကို တိုက်ခိုက်နေခြင်းဖြစ်ပြီး တိုင်းရင်းသားတွေကို တိုက်ခိုက်နေတာ မဟုတ်ဘူးလို့ ဗိုလ်ချုပ်မှူးကြီး မင်းအောင်လှိုင်က ပြောကြားလိုက်ပါတယ်။

မေလ ၃၀ ရက်က ပြုလုပ်ခဲ့တဲ့ ၂ဝ၁၅ ခုနှစ်၊ စစ်ဦးစီး၊ စစ်ရေး၊ စစ်ထောက်ညှိနှိုင်း အစည်းအဝေးမှာ ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်က ခုလို ပြောကြားခဲ့တာ ဖြစ်ပါတယ်။

“တပ်မတော် အနေဖြင့် တိုင်းရင်းသားများကို တိုက်ခိုက်နေခြင်း မဟုတ်ဘဲ တိုင်းပြည်၏ အချုပ်အခြာအာဏာကို ထိပါးသောရန်သူ၊ တိုင်းပြည်၏ သယံဇာတများကို ခိုးထုတ်နေသော၊ ခိုးထုတ်မှုကို ကာကွယ် ပေးနေသော ရန်သူနှင့် တကမ္ဘာလုံးက လက်မခံသည့် မူးယစ်ဆေးဝါး ထုတ်လုပ်နေသော ရန်သူများကိုသာ တိုက်ခိုက်နေခြင်းဖြစ်ကြောင်း။”

မြန်မာ့နိုင်ငံရေးဆောင်းပါးရှင် ဒေါက်တာရန်မျိုးသိန်းကတော့ လတ်တလောတိုက်ပွဲတွေကို ဆွေးနွေးညှိနှိုင်းဖြေရှင်းတဲ့နည်းနဲ့ ဖြေရှင်းမှ ရမယ်လို့မြင်ကြောင်း ပြောပါတယ်။

“မြန်မာနိုင်ငံ နယ်စပ်တလျှောက်မှာရှိတဲ့ တိုင်းရင်းသားလက်နက်ကိုင်အဖွဲ့အစည်းတချို့ဟာ သယံဇာတခိုးထုတ်တဲ့ ကိစ္စ၊မူးယစ်ဆေးဝါးကိစ္စ၊ ဒီကိစ္စတွေနဲ့ ပတ်သက်နေတယ်လို့ စွပ်စွဲချင်တဲ့သဘောနဲ့ ပြောတာလို့ မြင်တယ်။ ကျနော့်အမြင်ကတော့ တိုင်းရင်းသားလက်နက်ကိုင်တွေနဲ့ လတ်တလောဖြစ်နေတဲ့ ပဋိပက္ခတွေကို ဖြေရှင်းတဲ့နေရာမှာ လက်နက်ကိုင်တိုက်တဲ့ နည်းလမ်းမဟုတ်ဘဲနဲ့ နိုင်ငံရေးအရ တွေ့ဆုံဆွေးနွေးအဖြေရှာတဲ့နည်းလမ်းကို အလေးထားသင့်တယ်လို့ မြင်တယ်။”

သယံဇာတနဲ့မူးယစ်ဆေးဝါးကိစ္စတွေမှာ ပွင့်လင်းမြင်သာမှုရှိရှိ ဖော်ထုတ်ဖြေရှင်းသင့်ပြီး အပြန်အလှန်စွပ်စွဲပြောကြားနေရင်တော့ စစ်မှန်တဲ့ငြိမ်းချမ်းရေး မတည်ဆောက်နိုင်ဘူးလို့လည်း ပြောပါတယ်။

ဒါ့အပြင် ကာကွယ်ရေးဦးစီးချုပ်က ၂ဝ၁၁ ခုနှစ်မှ ၂ဝ၁၅ ခုနှစ်အတွင်း နိုင်ငံတော်အစိုးရနဲ့ တိုင်းရင်းသား လက်နက်ကိုင်အဖွဲ့အစည်းတွေ ငြိမ်းချမ်းရေးတွေ့ဆုံဆွေးနွေးမှုတွေကြောင့် ပြည်ထောင်စုအဆင့် လက်မှတ်ရေးထိုးပြီးတဲ့ အဖွဲ့ ၁၂ ဖွဲ့၊ ပြည်နယ်အဆင့် လက်မှတ်ရေးထိုးထားတဲ့ အဖွဲ့ ၂ ဖွဲ့တို့နဲ့ ငြိမ်းချမ်းရေး သဘောတူညီမှု ကတိကဝတ်တွေ ဆောင်ရွက်နိုင်ခဲ့ကြောင်း၊ တပ်မတော်အနေနဲ့ နိုင်ငံတော်ရဲ့ ငြိမ်းချမ်းရေး ဆောင်ရွက်မှု လုပ်ငန်းစဉ်မှာ အားသွန်ခွန်စိုက် ပါဝင် ဆောင်ရွက်နေတယ်လို့လည်း ပြောသွားပါတယ်။

လတ်တလော မြန်မာပြည်အရှေမြောက်ပိုင်းဒေသမှာ စစ်တပ်နဲ့ ကိုးကန့်တပ်ဖွဲ့တို့ကြား တိုက်ပွဲဖြစ်ပွားနေတာ ၄ လနီးပါး ကြာမြင့်နေပြီ ဖြစ်ပါတယ်။

 By ရွှေအောင် (ဒီဗွီဘီ)
http://burmese.dvb.no

'လှိုင်မှာ၊လှည်းတန်းမှာအရက်သမားတွေကိုစာအုပ်လိုက်ငှားပေးပါတယ်။ သူတို့စာတအုပ်ငှားဖတ်ပြီးစာအုပ်အကြောင်း ပြန်ပြောနိုင်တယ်ဆိုရင် ဇော်ဇော်က ငွေ ၁၀၀၀ ပေးပါတယ်။ အရက်သမားတယောက် ဇော်ဇော်ဆီက စာအုပ် ၅ အုပ်ဖတ်ပြီးပြီ ဆိုရင် ဇော်ဇော်ပေးတဲ့ငွေကို သူတို့မယူတော့ဘူး...'
----- ----- ----- -----

၂၀၁၀ ပြည့်နှစ်နောက်ပိုင်း၊ အာဏာပိုင်တွေ ဖြေလျှော့ပေးလာတဲ့အထဲမှာ၊ စာကြည့်တိုက်တွေ တည်ထောင်ခွင့်လည်းပါဝင်ပါတယ်။ ၁၉၆၂ ခုနှစ်မှာ ဗိုလ်ချုပ်ကြီးနေဝင်း တိုင်းပြည်အာဏာသိမ်းပြီးနောက်ပိုင်း၊ သတင်းစာတွေကို ပြည်သူပိုင်လုပ်ပြီး၊ အစိုးရပိုင်သတင်းစာတွေပဲ ထုတ်ဝေခဲ့တာ၊ အများသိကြပါတယ်။ ဒါ့အပြင် ဗိုလ်ချုပ်ကြီးနေဝင်း ပြည်တွင်းမှာလည်း သတင်းစာရှင်းပွဲ လုပ်လေ့လုပ်ထ မရှိသလို၊ ပြည်ပခရီးသွားတဲ့ အခါများမှာလည်း၊ တတ်နိုင်သမျှ သတင်းသမားတွေကို ရှောင်တယ်လို့ နာမည်ကြီးခဲ့သူပါ။

စစ်ဗိုလ်ချုပ်ကြီးတွေ၊ သတင်းမီဒီယာတွေကို ကြောက်တာ၊ မနှစ်သက်တာလူအများသိကြပေမယ့်၊သူတို့နောက်ထပ် ကြောက်တဲ့အရာတစ်ခုကိုတော့၊ လူအများသတိမထားမိကြပါဘူး။ အဲဒါကတော့ တိုင်းပြည်အတွင်းမှာ စာကြည့်တိုက်တွေ ဖွံ့ဖြိုးတိုးတက်မှာကို၊ မကြိုက်တာပါဘဲ။

ဒီလိုပြောတာ၊ သူတို့ကို မလိုမုန်းတီးစိတ်နဲ့မဟုတ်ပါ။ ၁၉၆၄ ခုနှစ်မှာ ထုတ်ပြန်ကြေညာခဲ့တဲ့၊ “ စာကြည့်တိုက်၊ ပြတိုက်နှင့် ပြပွဲ ‘’ ဥပဒေကြောင့်ပြောတာပါ။ဒီဥပဒေကို လေ့လာကြည့်ရင်၊စာကြည့်တိုက်၊ ပြတိုက် နဲ့ ပြပွဲတွေ လွယ်လွယ်ကူကူ မလုပ်နိုင်အောင်တားဆီးထားတာပါ။

အဲဒီကာလကို ပြန်ကြည့်လိုက်ရင်၊ စာအုပ်အငှားဆိုင်လေးတွေ ရပ်ကွက်တိုင်းမှာ မှိုလိုပေါက်လာပေမယ့်၊ စာကြည့်တိုက်တွေ မဖွင့်ရဲကြပါဘူး။ စာအုပ်အငှားဆိုင်လို့ပဲ နာမည်တပ်ပြီး စာအုပ်တွေငှားပေးခဲ့ကြပါတယ်။ စာအုပ်ကောင်းတွေငှားလို့ရပြီး၊ တစ်ရက် [ဆယ်ပြား ၁၀ ပြား] ပဲပေးရတာပါ။
တဘက်မှာတော့၊ ကျောင်းတွေမှာ စာကြည့်တိုက်အသုံးပြုချိန်၊ ကာယလေ့ကျင့်ချိန်၊ စိုက်ပျိုးရေးအချိန်၊ အိမ်တွင်းမှု အချိန်၊ ပန်းချီအချိန်တွေ တဖြည်းဖြည်း ပြုတ်ကုန်ကြတာ၊ နောက်ဆုံးတော့ အခုလက်ရှိ ပညာရေးပုံစံ ဖြစ်သွားခဲ့ပါတယ်။

နိုင်ငံတော်က ထောက်ပံ့မှုပေးရတဲ့စာကြည့်တိုက်တွေဘက်ကြည့်လိုက်ရင်လည်း၊ နိုင်ငံရဲ့ အမြင့်မားဆုံးနေရာကိုယူထားရမယ့်၊ အမျိုးသားစာကြည့်တိုက်တောင် နေရာတွေ တခုပြီး၊ တခုပြောင်းခဲ့ရတာ၊ ၁၉၆၂ နောက်ပိုင်းမှာပါ။
နောက်ဆုံး တာမွေသချိ င်္ုင်းမြေနေရာဟောင်းပေါ်မှာ ဆောက်ထားတဲ့ အမျိုးသားစာကြည့်တိုက်ကို၊ နေပြည်တော်ပြောင်းသွားလို့ ကျန်ခဲ့တဲ့၊ လူသူ အလွယ်တကူ မသိနိုင်၊မလာနိုင်တဲ့သီရိမင်္ဂလာလမ်းသွယ်ထဲရွှေ့စေခဲ့ပါတယ်။

အရင် မြင်သာထင်သာရှိတဲ့ မြင်းပြိုင်ကွင်းနဲ့ မျက်နှာချင်းဆိုင် အမျိုးသားစာကြည့်တိုက်နေရာကတော့၊ ထုံးစံအတိုင်း ပွင့်လင်းမြင်သာမှု မရှိဘဲ၊ မြေအငှားချလိုက်သလား။ အပြီးရောင်းစားကြသလား ဥာဏ်မမှီတော့ပါ။

ဒါကိုကြည့်ရင်၊ ဦးနေဝင်းက အစ၊ လက်ရှိ အုပ်ချုပ်နေသူတွေ အဆုံး၊ အမျိုးသားရေးလက္ခဏာတွေ၊ ဂုဏ်သိက္ခာတွေ၊ တိုင်းပြည်နဲ့ လူမျိုးရဲ့ စိတ်ယဉ်ကျေးမှုပြယုဂ် စာပေနဲ့ ယဉ်ကျေးမှု ကိုနားလည်းမလည်။ တန်ဖိုးလည်းမထား။ တန်ဖိုးထားရကောင်းမှန်းလည်းမသိကြောင်း ထင်ရှားလှပါတယ်။

တက္ကသိုလ်ကောလိပ်စာကြည့်တိုက်တွေလည်း၊ ၁၉၆၇ လောက်ကစပြီး၊ တက္ကသိုလ်ပညာရပ်ဆိုင်ရာ စာအုပ်တွေ၊ ဂျာနယ်တွေကို ဟိုတုန်းကလို နိုင်ငံခြားကို လှမ်းမှာခွင့် မရှိတော့ပါဘူး။ လွတ်လပ်ရေးရပြီး ၁၀ နှစ်လောက်ပဲ အုပ်ချုပ်ခဲ့ရတဲ့၊ ပါလီမန်အစိုးရ လက်ထက်မှာ၊ ဥာဏ်အမြော်အမြင်ကြီးလှတဲ့ ဦးသိန်းဟန် ( ဆရာဇော်ဂျီ ) က၊ ဗြိတိသျှစာကြည့်တိုက်ထဲရောက်နေတဲ့ ရှေးမြန်မာ ပြဇာတ်စာအုပ်တွေ၊ ဝတ္ထုစာအုပ်တွေကို ဓာတ်ပုံကော်ပီတွေ အဖြစ်ပြန်အရယူပါတယ်။

အင်္ဂလန်မှာရှိတဲ့ စာအုပ်အဟောင်းဆိုင်တွေရဲ့ ကက်တလောက်တွေက တဆင့် မြန်မာနိုင်ငံအတွက် ပြန်စုသင့်တဲ့ စာအုပ်တွေကို ပြန်ဝယ်ပါတယ်။
ဆရာဇော်ဂျီ ဒီလိုလုပ်တာတွေအတွက်၊ ပါလီမန်အစိုးရထံက ခွင့်ပြုချက်တွေ၊ အစိုးရက ပါဝင်စွက်ဖက်တာတွေ၊ ဘာမှ မရှိဘဲ လွတ်လွတ်လပ်လပ် လုပ်ခဲ့နိုင်တာပါ။ ဒါကြောင့် ပထမဆုံး ရန်ကုန်တက္ကသိုလ်စာကြည့်တိုက်မှုး ဦးခင်ဇော် ( ကလောင်အမည် - ကေ ) စုဆောင်းခဲ့တဲ့၊ စာအုပ်စာတမ်းတွေ၊ ဂျပန်အဆုတ်မှာ ဒိုက်နမိုက်နဲ့ ခွဲခံရလို့ ပြာဖြစ်ခဲ့ပေမယ့်၊ ဒုတိယစာကြည့်တိုက်မှုး ဆရာဇော်ဂျီက ကျားကုတ်ကျားခဲ ပြန်စုခဲ့တာပါ။

အခု အုပ်ချုပ်ရေးပိုင်းက၊ ပညာရေးပိုင်းက တာဝန်ရှိသူတွေ၊ အာဆီယံစာကြည့်တိုက်တွေနဲ့ မယှဉ်နိုင်ရင်တောင်၊ မျက်နှာမငယ်ရဘဲ အပြလှတဲ့ စာစုတွေ တက္ကသိုလ်များဗဟိုစာကြည့်တိုက် ( ယခင် ရန်ကုန်တက္ကသိုလ်စာကြည့်တိုက်) မှာ ရှိနေတာ၊ စာတန်ဖိုး၊ ပညာတန်ဖိုး၊ အမျိုးသားယဉ်ကျေးမှု တန်ဖိုးတွေကို နားလည် တန်ဖိုးထားခဲ့တဲ့၊ ဆရာဇော်ဂျီ ၊ ဆရာဦးသော်ကောင်း တို့ရဲ့ ကျေးဇူးကြောင့်ပါ။
သူတို့လိုသာ၊ နေရာကောင်းက မြေမှန်သမျှ လက်သိပ်ထိုးရောင်းဖို့၊ ငှားဖို့လောက်သာ နားလည်ခဲ့မယ်ဆိုရင်၊ ပြစရာကွက်ကွက်လေးတောင်၊ စာပေ နဲ့ယဉ်ကျေးမှု ဆိုင်ရာမှာ ကျန်တော့မယ် မဟုတ်ပါ။

ဘယ်စာကြည့်တိုက်ပဲ ဖြစ်ဖြစ်၊ ပြည်သူတွေအလွယ်တကူသွားလာလို့ရတဲ့နေရာ၊ လူအများထင်သာ၊ မြင်သာရှိတဲ့နေရာမျိုးမှာ ထားရတာပါ။
တမျိုးသားလုံးဂုဏ်ကို ဆောင်ရမယ့် အမျိုးသားစာကြည့်တိုက် ( ရန်ကုန်) က ၊ စာကြည့်တိုက်အ၈င်္ါရပ်နဲ့ ဘာတခုမှ မကိုက်ညီတဲ့ အတွင်းကျကျ နေရာမှာရှိနေပြီး၊ အမျိုးသားစာကြည့်တိုက် ( နေပြည်တော်) ကလည်း၊ သာမန်ပြည်သူတွေ အလွယ်တကူ မသွားနိုင်တဲ့နေရာပါ။

၂၀၀၅ ခုနှစ်မှာ၊အဲဒီတုန်းက ပြန်ကြားရေးဝန်ကြီးတာဝန်ယူထားသူတဦးရဲ့ ကြိုးပမ်းမှုကြောင့်၊ ကျေးလက်စာကြည့်တိုက်ငါးသောင်းကျော် မြန်မာနိုင်ငံတဝှန်းမှာ ဖွင့်ထားပြီလို့ အတိအကျ သတင်းတွေဖော်ပြလာပါတယ်။ ဒါပေမယ့် သက်ဆိုင်ရာ ကွင်းဆင်းလေ့လာရေးအဖွဲ့ တဖွဲ့က ၂၀၁၃ မှာ ကွင်းဆင်းလေ့လာလိုက်တော့၊တကယ်ရှိနေတာကျေးရွာစာကြည့်တိုက် လေးထောင်ကျော်လောက်သာ တွေ့ရပါတယ်။

ဦးသိန်းစိန်အစိုးရလက်ထက်မှာ၊ ၁၉၆၄ စာကြည့်တိုက်၊ ပြတိုက် နှင့် ပြပွဲ ဥပဒေ ကို မဖျက်သိမ်းသေးပေမယ့်၊ ကိုယ်ထူကိုယ်ထ စာကြည့်တိုက်လေးတွေ ဖွင့်လာတာကို ရန်မလုပ်တော့ပါဘူး။ ဒါကြောင့် ၂၀၁၀ နောက်ပိုင်း၊ အထိမ်းအမှတ်စာကြည့်တိုက်တွေ၊ အသင်းအဖွဲ့တွေက တည်ထောင်တဲ့ စာကြည့်တိုက်တွေ၊ပုဂ္ဂလိကစာကြည့်တိုက်လေးတွေ မြန်မာပြည်မှာ၊ နေရာအနှံ့ ပြန်ပေါ်လာကြပါတယ်။

မေလ၉ရက်နေ့က၊သပြေ(ကလေးလူငယ်ပညာရေးနှင့်ကျန်းမာရေး ထောက်ပံ့မှု အဖွဲ့) ၊ ညောင်ပင်သာစာကြည့်တိုက် အဖွဲ့နဲ့ ပညာရေးချိတ်ဆက်အသင်း ( Edu Net) တို့ပူးပေါင်းပြီး “ စာကြည့်တိုက်ဖွံ့ဖြိုးတိုးတက်ရေး နှင့်ကွန်ရက်ဖွဲ့စည်းခြင်း ဆွေးနွေးပွဲ ‘’ ကို၊ ကိုကျော်သူတို့ရဲ့နာရေးကူညီမှု အသင်းခန်းမ မှာကျင်းပခဲ့ပါတယ်။

ဒီပွဲမှာ ထူးခြားတာက၊ ကိုယ်ထူကိုယ်ထ စာကြည့်တိုက်များ၊ အသင်းအဖွဲ့စာကြည့်တိုက်များ၊ ကျေးရွာစာကြည့်တိုက်များကိုသာ ဖိတ်ကြားပြီး၊ ဌာနဆိုင်ရာ ဘယ်စာကြည့်တိုက်ကိုမှ မဖိတ်ကြားခြင်းပါ။ မနက် ၁၀ နာရီမှာ အခမ်းအနားဖွင့်လှစ်ပြီး၊ အဖွင့်အမှာစကားကို၊ အမျိုးသားစာကြည့်တိုက်(ရန်ကုန်)ညွှန်ကြားရေးမှုး ဒေါ်မြဦးက ပြောကြားပါတယ်။ နောက်ပြီး ဒေါက်တာသန့်သော်ကောင်းက၊ “ မြန်မာနိုင်ငံစာကြည့်တိုက်များ၏ ရှေ့အနာဂတ်’’ ၊ ဗီယင်နာမှာရှိတဲ့ အနုမြူစွမ်းအင် အေဂျင်စီ အဖွဲ့လက်အောက်ရှိ စာကြည့်တိုက်မှာ ၁၈ နှစ်ကြာတာဝန်ထမ်းပြီး၊ ပြန်လာတဲ့ ဒေါ်အဝင်းက “ ကွန်ရက်ဖွဲ့ခြင်း’’ နဲ့ ဦးမောင်မောင်စိုး ( ပန်းချီအောင်စိုး၏ သား)က “ စာကြည့်တိုက်ရှင်သန်စေမည့် နည်းလမ်းများ’’ အကြောင်း ပြောဆို ဆွေးနွေးကြပါတယ်။

ဒီပွဲမှာ စိတ်ဝင်စားစရာ ကြုံရတာတော့၊ လှည်းတန်းမှာ ငါးကင်ရောင်းပြီး၊ စာကြည့်တိုက် ၂ ခုဖွင့်ထားတဲ့ ဇော်ဇော်ဆိုတဲ့ လူငယ်လေးပါ။ ဇော်ဇော်က ကျောက်ပန်းတောင်းမြို့နယ်၊ ကတောအုပ်စု၊ စီသာရွာသားလေးပါ။ လေးတန်းထိပဲ ကျောင်းနေရပြီး၊ အိမ်စီးပွားရေးကြောင့် ကျောင်းထွက်ရပါတယ်။ အဘိုးဖြစ်သူနဲ့ သူတပါးပိုင် နှမ်းထောင် ( နှမ်း၊ ပဲ နှုတ်ပြီးပုံထားသည့်နေရာ) တွေကို စောင့်တဲ့ အလုပ်လုပ်ရပါတယ်။ သူတပါးပိုင် ပဲ၊ နှမ်းတွေကို စောင့်ရင်း၊ အဘိုးက သူဖတ်ခဲ့တဲ့ ရာဇဝင်၊ ပုံပြင် နဲ့ စာတွေ၊ ဝတ္ထုတွေကို ပြောပြပါတယ်။

အဘိုး အကြိုက်ဆုံး စာရေးဆရာတွေက၊ နန်းတော်ရှေ့ဆရာ
တင် နဲ့ လူထုဒေါ်အမာပါ။ ဒီလိုနဲ့ မြေးအဘိုး နှစ်ယောက် နှမ်းစောင့်ချိန်ကို အကျိုးရှိရှိ ကုန်အောင်နေခဲ့ကြရပါတယ်။ အညာမှာ စားဝတ်နေရေး မလွယ်တော့၊ ရွာက မြို့တက် အလုပ်လုပ်နေသူတွေနဲ့ချိတ်ပြီး၊ မန္တလေး၊ ရန်ကုန်စတဲ့ မြို့ကြီးတွေကို လာပြီး ရရာအလုပ် လုပ်ကြလေ့ရှိပါတယ်။
ဇော်ဇော်ရန်ကုန်ကို ရောက်တဲ့နေ့က တသက်မမေ့နိုင်စရာ၊ ရန်ကုန်ကို နာဂစ်ဝင်တဲ့နေ့ပါ။ လက်ထဲမှာ အဘိုးပေးလိုက်တဲ့ ငွေ ၇၀၀၀၊ ဗိုလ်ချုပ်အောင်ဆန်းပုံပါတဲ့ ငွေစက္ကူတချို့ နဲ့ စာအုပ်သုံးအုပ်ပါ။ ခင်ခင်ထူးရေးတဲ့ မအိမ်ကံဝတ္ထု၊ ချစ်ဦးညိုရဲ့ လင်္ကာဒီပချစ်သူ နဲ့ ဗျတ်ဝိ ဗျတ္တ စာအုပ်ပါးလေးပါ။

တာမွေက ဘီယာဆိုင် တဆိုင်မှာ ဇော်ဇော် စားပွဲထိုးရပါတယ်။ ဇော်ဇော်က ဆိုင်မှာ ဖင်ပေါ့တယ်။ ဘယ်အလုပ်မဆို မခိုမကပ်လုပ်ပေးတယ်။ ဆိုင်က တခြားအလုပ်သမားတွေနဲ့ တည့်အောင်နေတယ်။ ဒီနေ့ ထမင်းပေါင်းနည်းရအောင်သင်ပြီးရင်၊ နောက်နေ့ ခေါက်ဆွဲကြော် ကြော်နည်းသင်ယူတယ်။

ဘီယာဆိုင်ကပဲ ထမင်းကျွေးပြီး၊ ဆိုင်ကပေးတဲ့ နေရာမှာ ဘဝတူ အလုပ်သမားတွေနဲ့ အတူနေရတယ်။ လခ ၄၅၀၀ ရတယ်။ ဇော်ဇော်ပါလာတဲ့ စာအုပ်သုံးအုပ်ဖတ်ပြီးတဲ့နောက်၊ စာငတ်တဲ့ပြဿနာ၊ စာဖတ်ချင်တဲ့ ပြဿနာက ဇော်ဇော်အတွက် အတော်ကြီးမားပါတယ်။ တာမွေက စာကြည့်တိုက်တွေထဲ ဝင်ခွင့်မရ၊ ငှားခွင့်မရတာကို ဝမ်းနည်းမိတယ်။ စာမဖတ်ရရင် မနေနိုင်တော့၊ ကျောက်မြောင်းမှာ လာဖွင့်ထားတဲ့ စာပေလောက-၄ မှာ၊ စာအုပ်ဝယ်ဖတ်တယ်။ တနှစ်သာကုန်သွားရော။ ရွာကိုလည်း မယ်မယ်ရရ ငွေမပို့နိုင်။ ပိုင်ဆိုင်ထားတဲ့ စာအုပ်တွေကို ထားစရာနေရာက မရှိဖြစ်လာပါရော။

၂၀၀၈ ခုနှစ်ရောက်တော့၊ ဘီယာဆိုင်ကထွက်ပြီး၊ လက်တွန်းလှည်းလေးနဲ့ လှည်းတန်းမှာ ငါးကင်စရောင်းတယ်။ စည်ပင်ကြောင့် ငါးကင်ဆိုင်က ည ၈ နာရီမှ စဖွင့်ရတယ်။ လှည်းတန်းနဲ့ နီးတဲ့ ဆင်မလိုက်သင်္ဘောကျင်းက အိမ်တအိမ်မှာ၊ အခန်းငှားနေရတယ်။ ၆ လ အတွက် အိမ်လခ မပေးနိုင်ရင်၊ ရှိသလောက်ပေးပြီး အိမ်ရှင်ကျေနပ်အောင် ရေဆွဲပေးရတယ်။ ငါးကင်ရောင်းရင်း ဆင်မလိုက် လိုင်းခန်းမှာ စာအုပ်တွေကို သူများတွေ ပေးဖတ်တယ်။
ကိုယ့်တုန်းက စာဖတ်ချင်တာ၊ ဖတ်ခွင့်မရခဲ့တာမျိုး ကို တိုက်ဖျက်ချင်စိတ်က ရှိနေတယ်။ လှည်းတန်းကို စက်ဘီးစီးလာရင်၊ စက်ဘီးပေါ်မှာ စာအုပ်တွေတင်လာတယ်။ လှည်းတန်းက စာဖတ်ချင်သူတွေက ဇော်ဇော်အလာစောင့်ပြီး။ စာအုပ်လာငှားကြတယ်။ စာအုပ်တွေကို ဘယ်သူ့ကို မဆို စစ်ဆေးမေးမြန်းခြင်း၊ အထောက်အထားတောင်းခြင်း စတာတွေ မလုပ်ဘဲ၊ယုံကြည်မှုနဲ့ငှားပေးတယ်။
တချို့စာအုပ်တွေ ပြန်မရပေမယ့်၊ တချို့က သူတို့မှာရှိတဲ့ စာအုပ်တွေကို လာပေးကြတယ်။ လှည်းတန်းမှာ ဇော်ဇော်ရဲ့ မန္တလေးငါးကင်ဆိုင်ကို လူသိသလို၊ စာအုပ်ငှားတာကိုလည်း သိလာကြတယ်။ ငွေစုမိလာတော့၊ လှိုင်မြို့နယ်မှာ အခန်းငှားနေတယ်။

ည၈နာရီငါးကင်ဆိုင်ဖွင့်ဖို့၊ နေ့လယ်ကတည်းက အလုပ်စလုပ်ရတယ်။ ငှားနေတဲ့ တိုက်ခန်းက မြေညီထပ်ဆိုတော့၊ စာအုပ်တွေကို အခန်းရှေ့မှာ ခင်းကျင်းပြီး၊ ဗလာစာအုပ်တအုပ်နဲ့ ဘောပင်တချောင်းချထားပေးတယ်။
စာအုပ်ငှားချင်သူက သူငှားချင်တဲ့ စာအုပ်ကို ဗလာစာအုပ်ထဲမှတ်ပြီး ယူခွင့်ပြုထားတယ်။ ပြန်အပ်ရမယ့်နေ့ မသတ်မှတ်ထားဘူး။ လှိုင်မြို့နယ်ထဲနေသူတွေကို တခါငှား ၃ အုပ်ပေးပေမယ့်၊ ရွှေပြည်သာ၊ ပဲခူး စတဲ့နေရာမျိုးက လာသူတွေကိုတော့ တခါငှား ၁၀ အုပ်ခွင့်ပြုတယ်။ ညဘက် ငါးကင်ထွက်ရောင်းရင်လည်း၊ မြေညီထပ်မှာ ဖွင့်ထားတဲ့စာကြည့်တိုက်ကို ဖွင့်လျက်ထားခဲ့တယ်။

ငါးကင်ရောင်းတာ သိမ်းပြီး၊ အခန်းပြန်ရောက်ချိန်က ည ၁၂ နာရီပဲ။ ဒါကြောင့် စာကြည့်တိုက်ကို မနက် ၉ နာရီက ည ၁၂ နာရီထိဖွင့် ပေးထားတယ်။ စာကြည့်တိုက်ကို မန္တလေးစာကြည့်တိုက်လို့ နာမည်ပေးထားတယ်။

ဇာတိရွာကိုလည်း ကျေးဇူးပြုချင်တယ်။ ဒါကြောင့် ၈.၅. ၂၀၁၅ ရက်နေ့မှာ၊ ရွာမှာ မန္တလေးစာကြည့်တိုက်-၂ ကိုဖွင့်ပေးပါတယ်။ “ စာအုပ်စာပေ အခမဲ့ငှားပါသည် ခင်ဗျား ‘’ ဆိုတဲ့ စာတန်းကိုလည်း ချိတ်ဆွဲပေးထားပါတယ်။

လှိုင်မှာ၊လှည်းတန်းမှာအရက်သမားတွေကိုစာအုပ်လိုက်ငှားပေးပါတယ်။ သူတို့စာတအုပ်ငှားဖတ်ပြီးစာအုပ်အကြောင်း ပြန်ပြောနိုင်တယ်ဆိုရင် ဇော်ဇော်က ငွေ ၁၀၀၀ ပေးပါတယ်။ အရက်သမားတယောက် ဇော်ဇော်ဆီက စာအုပ် ၅ အုပ်ဖတ်ပြီးပြီ ဆိုရင် ဇော်ဇော်ပေးတဲ့ငွေကို သူတို့မယူတော့ဘူး။ ဒါ ဇော်ဇော်ရဲ့စေတနာကို အကောင်းဆုံး တုန့်ပြန်တာလို့ ခံစားရတာ၊ ဘာနဲ့မှ နှိုင်းယှဉ်လို့ မရပါဘူး။

ကလေးတွေကို တော့၊ ဇော်ဇော်က နည်းတမျိုးသုံးပါတယ်။ ဇယ်တောက်ခုံ ဆောင်ထားပြီး၊ စာအုပ်တအုပ်ဖတ်ပြီး၊ ပြန်ပြောနိုင်တဲ့ ကလေးကို ဇယ်တောက်ခွင့်ပြုပါတယ်။ လူငယ်တွေကိုတော့ တမျိုးပေါ့။ စာအုပ် ၂ အုပ်ငှားပြီးတိုင်း၊ တကယ်ဖတ်တာဆိုရင် ဂီတာ တလက်ကို ၂ ရက်ပေးငှားပါတယ်။

ဇော်ဇော်လုပ်ဆောင်ချက်တွေက၊ အကောင်အထည်ပေါ်လာပါတယ်။ မန္တလေးကသူဌေးတဦးက၊မန္တလေး၃ဆိုပြီးစာကြည့်တိုက်ဖွင့်ချင်ရင်၊ ဇော်ဇော်က နာမည်ခံရုံခံပါ။ သူကုန်ကျစရိတ်အားလုံးတာဝန်ယူမယ်လို့ ကမ်းလှမ်းလာပါတယ်။

သပြေအဖွဲ့က လုပ်တဲ့ ဒီစာကြည့်တိုက်ဆွေးနွေးပွဲမှာလည်း၊ ဇော်ဇော်ကို ဖိတ်စာနဲ့တကွလာဖိတ်တာပါ။ ဒီပွဲမှာတွေ့ရတဲ့ ဒေါက်တာသန့်သော်ကောင်းလို လူမျိုးက “ ကိုဇော်ဇော် ဘာစာအုပ် ဖြည့်ဆည်းပေးရမလဲ ‘’ မေးတာခံရတော့ ပင်ပင်ပန်းပန်း နေ့စဉ်ရှာဖွေပြီး ဖွင့်ခဲ့ရတဲ့ စာကြည့်တိုက်တွေက ပြန်ပေးတဲ့ ရလဒ်တွေပါလို့ ခံစားရပြီး၊ ကျေနပ်မိပါတယ်။

စာငတ်ခဲ့တဲ့ တောသားလေးတယောက်၊ ကိုယ်ချင်းစာစိတ်နဲ့ လူတွေကို စာမငတ်စေချင်တာ၊ စာအုပ်စာပေက ပေးတဲ့အသိတွေ၊ ဗဟုသုတတွေကို ကိုယ်ရသလို ရစေချင်တာ၊ ကလေးတွေစာဖတ်တဲ့ အကျင့်ရစေချင်တာ၊ လူငယ်တွေ စာဖတ်စေချင်တာ၊ အရက်သမားတွေ အရက်ပုလင်းကိုင်မယ့်အစား၊ စာအုပ်ကို လက်ကကိုင်စေချင်တာ၊ ဇော်ဇော့် စိတ်ရင်းစေတနာပါ။

ဇော်ဇော်ရဲ့စာငှားစနစ်ကို သဘောကျမိပါတယ်။ ဒါကြောင့် “ စာအုပ်ဘယ်လောက်ပျောက်သလဲ’’ မေးတော့၊ ဇော်ဇော်က ၂၀ ရာနှုန်းလို့ ပြန်ဖြေပါတယ်။

ကျွန်မစိတ်ထဲမှာ တော့ ဒီပွဲမှာတွေ့ရတဲ့၊ တနိုင်တပိုင် ကိုယ့်တိုင်းသူပြည်သားတွေ စာဖတ်ရဖို့အတွက်၊ တတ်နိုင်သမျှ လုပ်ဆောင်နေကြသူတွေအတွက်၊ အလွန်ဂုဏ်ယူမိပါတယ်။ လယ်စိုက်ယာစိုက်ပြီး၊ ရွာမှာ စာကြည့်တိုက်ဖွင့်နေသူတွေလည်း ပါကြပါတယ်။ သူတို့ရဲ့ အဆင်းတွေ ပြောင်ရောင်မနေပါဘူး။ ရွှေ တွေ စိန်တွေနဲ့ တလက်လက် မတောက်ပနေကြပါဘူး။ ဒါပေမယ့် မတော်လောဘနဲ့ နိုင်ငံပိုင်မြေ ကို မရောင်းစားသူတွေ၊ မပွင့်မလင်းနဲ့ နိုင်ငံပိုင် အဆောက်အအုံတွေကို ရောင်းသူ၊ ငှားသူတွေ မဟုတ်ဘဲ၊ လူပီသတဲ့ ဘဝကို ဂုဏ်ယူဖွယ်ပိုင်ဆိုင်ထားသူတွေပါလားဆိုတဲ့၊ အသိကြောင့် ပီတိဖြာမိပါတယ်။

ခင်နှင်းဦး
News Watch(စောင့်ကြည့်သတင်းဂျာနယ်)


ယခု ကျွန်မတို့နိုင်ငံမှာ ဒီမိုကရေစီစနစ်ထွန်းကားအောင် ကြိုးစားနေရတဲ့အချိန်ပါ။
ဒီလိုအချိန်မှာ လူကြိုက်များမှု စတားဖြစ်ရေးထက် အရေးကြီးတာက
လုပ်သင့်လုပ်ထိုက်တာတွေကို လူမုန်းခံပြီး လုပ်နိုင်ဖို့ပါပဲ။
နိုင်ငံရေးကို စိတ်ဝင်စားတဲ့လူငယ်တွေကို ဖေဖေ့ရဲ့ လက်သုံးစကားအဆိုလေးကို
ပြန်သတိပေးချင်ပါတယ်။

လုပ်ရဲတာက သတ္တိမဟုတ်ဘူး။ ခံရဲတာက သတ္တိတဲ့။ ဒါကို တလွဲအဓိပ္ပာယ်မကောက်ပါနဲ့။ ဘာမှမလုပ်ဘဲ ဖြစ်သမျှသာခံဆိုတဲ့ သဘောမဟုတ်ပါဘူး။ ကိုယ်လုပ်ဖို့ရာ ဆုံးဖြတ်လိုက်တဲ့ အလုပ်ရဲ့အကျိုးဆက်တွေကို ခံရဲရမယ်လို့ ဆိုလိုတာပါ။ ကန္တာရခရီးလမ်းကို ပန်းခင်းထားတဲ့
စတားလမ်းလို့ မထင်မိကြပါစေနဲ့။သိသိကြီးနဲ့ ရွေးပြီးလျှောက်ခဲ့တဲ့လမ်းမို့ မသည်းမညူ
ဆက်ကြရမှာပါ။ လမ်းခုလတ်ကဝင်ပြီး အကြော့သားလေး စတားလုပ်ချင်တဲ့
စိတ်တွေမွေးရင်တော့ ကျွန်မတို့နိုင်ငံကို အကျိုးပြုနိုင်မှာ မဟုတ်ပါဘူး။ ဒီလိုလူတွေကို
အားမကျ ကြပါနဲ့။

ကြယ်တွေဆိုတာ တကယ်တော့ ကြီးမားတဲ့ ဂြိုဟ်ကမ္ဘာကြီးတွေဖြစ်ပါတယ်။
မီးလျှံတွေဟုန်းဟုန်းတောက်နေလို့ ကျွန်မတို့ ကမ္ဘာကကြည့်လိုက်တော့လင်းလက်နေတာပါ။
စကြဝဠာကြီးရဲ့ ဝေးလံလှသော တစ်နေရာမှာရှိနေတဲ့ ကြယ်ကြီးအချို့ရဲ့ မီးလျှံတွေဟာ
ငြိမ်းသွားတာကြာလှပါပြီ။ ဒါပေမယ့် အလင်းရောင်ရဲ့ အမြန်နှုန်းနဲ့တောင်
အင်မတန်ကြာတဲ့ခရီးကိုဖြတ်ကျော်ခဲ့ရတာကြောင့် ဇစ်မြစ်ဖြစ်တဲ့ ကြယ်ကြီးတွေ
လောင်ကျွမ်းပျောက်ကွယ်သွားသည့်တိုင် ကျွန်မတို့အမြင်မှာတော့ တောက်ပဆဲအလင်းပွင့်
လေးများလို မြင်နေရပါတယ်။

အခုခေတ်မှာ " စတား " ဆိုတဲ့ " ကြယ် " လို့အဓိပ္ပာယ်ပေါက်တဲ့ စကားလုံးကိုတွင်တွင်သုံးကြ
ပါတယ်။ ရုပ်ရှင်အနုပညာရှင်များနဲ့ ပက်သက်လို့ အနောက်တိုင်းနိုင်ငံတွေမှာ
စတင်သုံးစွဲခဲ့တယ်လို့ထင်ပါတယ်။ စတားတွေဟာ အများအလယ်မှာရေပန်းစားပြီး အားကျစရာတွေ ဖြစ်လာတာကြောင့် ဒီစကားလုံးကို ရုပ်ရှင်အနုပညာရှင်များအပြင် ၊
အကြောင်းကြောင်းကြောင့် လူအကြိုက်များ ဝိုင်းပြီး အားကျ သြဘာပေးခံရသူတွေကိုလည်း " စတား " တွေလို့ ခေါ်တွင်လာတာပါပဲ။

ယခု ဆက်သွယ်ရေးတော်လှန်ရေးခေတ်ကြီးထဲမှာ ကမ္ဘာတစ်ဝှမ်းဖြစ်ပျက်နေသမျှကို
လျင်မြန်စွာ သိနိုင်မြင်နိုင်ဆိုတော့ " စတား " တွေကို လူအများက သိကြ၊ မြင်ကြရတာပေါ့။ အဲဒါကြောင့်ပဲ စတားရောဂါတွေ ထလာကြပါတယ်။ စတားရောဂါလို့ ကျွန်မပြောတာ
အဓိပ္ပာယ်နှစ်မျိးနဲ့ပါ။ တစ်မျိးကတော့ စတားတွေအပေါ် စိတ်ဝင်စားအာရုံစိုက်တာ။
စတားတွေအကြောင်းလေ့လာ။ စတားတွေကို အတုခိုးတာကိုဆိုလိုတာပါ။

ကိုယ်သဘောကျ အားကျတဲ့ ပုဂ္ဂိုလ်တွေနဲ့ ပက်သက်လို့ စိတ်အားထက်သန်တာကတော့
အပြစ်ကြီး မဟုတ်ပါဘူး။ ပတ်ဝန်းကျင်ကိုထိခိုက်လောက်အောင်အလွန်အကြူးဖြစ်ခဲပါတယ်။
ရောဂါဆိုပေမယ့် ရောဂါကြီး မဟုတ်ပါဘူး။ စတားဖြစ်ချင်တဲ့ ရောဂါကတော့ဆိုးနိုင်ပါတယ်။

အနုပညာလောကမှာ ဖြစ်ချင်တာကတော့ သဘာဝကျပါတယ်။ ရောဂါမလွန်ကျွံဖို့ပါပဲ။
ဒါပေမယ့် နိုင်ငံရေးလောကမှာ စတားဖြစ်ချင်လို့ကတော့ အန္တရာယ်များပါတယ်။
ဒီမီဒီယာခေတ်ကြီးထဲမှာ ထင်ပေါ်ကျော်ကြားမှုကို နိုင်ငံရေးလုပ်သူများ ပိုမို
အလေးထားလာကြသလို ဖြစ်ပါတယ်။ အများပြည်သူ ကမ္ဘာသူ ကမ္ဘာသားများရဲ့
ထောက်ခံမှုဆိုတာ မိမိအတွက်မဟုတ်ဘဲ မိမိရဲ့ ရည်မှန်းချက်ပန်းတိုင်
အတွက် ဖြစ်ရမယ်ဆိုတာကို အမြဲတစေမှတ်သားထားဖို့လိုပါတယ်။

ယခု ကျွန်မတို့တွေ ဒီမိုကရေစီလှုပ်ရှားမှုထဲမှာပါဝင်ဆောင်ရွက်ခဲ့ကြလို့
ပြည်တွင်းပြည်ပထောက်ခံအားပေးမှုတွေကို ရရှိနေကြတာပါ။ နှစ်ပေါင်းများစွာ
မူပေါ်မှာရပ်တည်ပြီး ဖိနှိမ်ချုပ်ချယ်မှုတွေကို ရင်ဆိုင်ကျော်လွှားနိုင်တာကို
လေးစားဂရုဏာထားတဲ့သဘောပါပဲ။ ထင်ပေါ်ကျော်ကြားမှုကို အပေါ်ယံ
ကြောသာမြင်၊ အားကျပြီး စတားလုပ်ချင်တဲ့စိတ်တွေ မဖြစ်ဖို့ အရေးကြီးပါတယ်။

* တကယ့်ကြယ်ဆိုတာ မီးလျှံတွေအားလုံးသေသွားပြီး ကာလရှည်ကြာစွာ အလင်းရောင်ကို ပေးနိုင်ပါတယ်။ လျှပ်တစ်ပြက် ဝင်းလက်သွားတာဟာ
ကြယ်စင် မဟုတ်ပါဘူး။ အတုအပ စတားသာဖြစ်ပါလိမ့်မယ်။ *
.
အောင်ဆန်းစုကြည်
.
၂၉ ရက် အောက်တိုဘာ ၂၀၁၂ ထုတ် ဒီလှိုင်းဂျာနယ်မှ
* ဒီစကား * ကို ကောက်နုတ်ရေးသားပါသည်။
… … … … … … … … … … … … … …

* အမေဒေါ်အောင်ဆန်းစုကြည်ရဲ့ စကားတွေဟာ နိုင်ငံရေးနယ်ပါယ်တွင်သာ
မဟုတ်ပါဘူး။ နယ်ပါယ်ရပ်တွေအားလုံးမှာပါ အကျိုးရှိစွာ အသုံးချနိုင်တဲ့
စကားရပ်တွေဖြစ်ပါတယ်။ တန်ဖိုးရှိတဲ့ စကားဆိုတာ အချိန်တိုင်းအတွက် တည်တံ့ခိုင်မြဲနေပါတယ်။ဒါကြောင့် မိမိတို့ရဲ့ သက်ဆိုင်ရာ နယ်ပါယ်တွေမှာ
တန်ဖိုးရှိစွာ အသုံးချပြီး နိုင်ငံတော်ကို မြှင့်တင်နိုင်ကြပါစေလို့ အကြံပြုမိပါတယ်။ *

လင်းသစ် Linn Thit ( Youth & Lost )
၃၁ ၊ ၅ ၊ ၂၀၁၅
.
ပြန်လည်မျှဝေပေးပါတယ်

ဂမ်မီအိုလဖ်ဆွန်အဖို့ သူ့ခြေထောက် ဘယ်လိုရွေ့လျားမလဲဆိုတာ တွေးနေစရာမလိုပါဘူး။ ဘာကြောင့်လဲဆိုတော့ သူ့ခြေထောက်က စက်ရုပ်ခြေတုဖြစ်နေလို့ပါပဲ။ သူ့အနေနဲ့ ခြေတုပေါ်မှာ ရုတ်ခြည်းထိန်းချုပ်နိုင်တဲ့ အာရုံသစ်ကို ခံစားခွင့်ရခဲ့ပါတယ်။

“ခြေတုတပ်ပြီးတာနဲ့ ၁၀ မိနစ်လောက်အတွင်း ထိန်းချုပ်နိုင်စွမ်းရှိလာတယ်။ ငေါက်ခနဲ ထရပ်ပြီး လမ်းလျှောက်သွားလို့ ရလာတယ်” လို့ ဂမ်မီအိုလဖ်ဖွန်က ပြောပါတယ်။

ဒီလိုထိန်းချုပ်နိုင်စွမ်းရှိတာဟာ ကျန်နေသေးတဲ့သူ့ခြေထောက်ကြွက်သားထဲက ဆင်ဆာလေးတွေကြောင့်ပါ။ ဒီဆင်ဆာတွေက နာဗ်ကြောအစွန်းက ဦးနှောက်အချက်ပြတွေကို ဖမ်းယူပြီး ခြေတုရဲ့ လှိုင်းဖမ်းစက်နဲ့ ချိတ်ဆက်ဆောင်ရွက်ပေးပါတယ်။

လူနာတွေကိုခွဲစိတ်ပြီး ဒီဆင်ဆာတွေထည့်ပေးခဲ့သူ အရိုးအကြောဆေးရုံအော်ဆာမှ ထော်ဘော်ဒါ အင်ဂ်ဗာဆန်က “ကျနော်တို့က ဆင်ဆာတွေကို ကြွက်သားတွေထဲကို ထည့်ပေးတယ်။ ဒီကြွက်သားတွေက ဦးနှောက်အချက်ပြတွေဖမ်းယူပြီး ခြေတုတွေဆီကို ပို့ပေးတယ်။ နောက်တော့ ခြေတုတွေက ဦးနှောက်အမိန့်အတိုင်း လိုက်ပြီးတုံ့ပြန်တယ်” လို့ ပြောပါတယ်။

အရိုးအကြောအထူးကုဆေးရုံဖြစ်တဲ့ အော်ဆာမှာ ကြွက်သားတွင်းလျှပ်စစ်ကို အာရုံခံတဲ့ အမေရိကန်လုပ် ဆင်ဆာတွေကို ခွဲစိတ်ထည့်သွင်းပြီး ကိုယ်တိုင်လုပ်စက်ရုပ်ခြေလက်တွေကို ပေါင်းစပ် အသုံးပြုပါတယ်။

အိုက်စ်လန်းဒစ်ကုမ္ပဏီကတော့ ခြေထောက်ဖြတ်ထားရသူတွေအဖို့ ခြေတုကို အလိုအလျောက် ထိန်းချုပ်နိုင်စွမ်းရှိလာတာဟာ ဒါပထမဆုံးပဲလို့ ဆိုပါတယ်။

များမကြမီ လူနာတွေဟာ လက်ရှိခြေတုတွေကို အဆင့်မြှင့်ပြီး စိတ်နဲ့တောင် ထိန်းချုပ်လာနိုင်တော့မှာပါ။ အနာဂတ်မှာ ဒီဆင်ဆာတွေကို သဘာဝပတ်ဝန်းကျင်နဲ့အလိုက်သင့်တုံ့ပြန်နိုင်အောင် တိုးတက်တီထွင်နိုင်တော့မှာ ဖြစ်ပါတယ်။

“ကျနော်တို့ရဲ့အန္တိမရည်မှန်းချက်ကတော့ ဆုံးရှုံးသွားတဲ့ခြေထောက်ရဲ့လုပ်ငန်းတွေကို အစားထိုး ပေးဖို့ပါ။ နောက်တစ်ဆင့်ကတော့ သဘာဝပတ်ဝန်းကျင်ကိုအာရုံခံပြီး တုန့်ပြန်ဆောင်ရွက်နိုင်ဖို့ပါပဲ” လို့ ထော်ဘော်ဒါ အင်ဂ်ဗာဆန်က ပြောပါတယ်။

ဂမ်မီအိုလဖ်ဆွန်က “ဒီခြေတုကို နေ့တိုင်းသုံးနေရတော့ ထိန်းချုပ်နိုင်စွမ်းပိုပြီး ရရလာတယ်။ နေ့စဉ်နေ့တိုင်း ဒီခြေထောက်နဲ့ ဘယ်လိုလမ်းလျှောက်ရမယ်၊ တောင်တက်တောင်ဆင်းဆိုရင် လှေကားအဆင်းဆိုရင် ဘယ်လို သုံးရမယ်၊ ထိုင်ခုံပေါ်ကို ဘယ်လိုထိုင်ရမယ် ထရမယ် စသဖြင့် ပိုပိုပြီး သိလာတာပေါ့နော်။”

အော်ဆာဆေးရုံကတော့ ဂမ်မီအိုလဖ်ဆွန်နဲ့ ဒုတိယလူနာရဲ့လက်ရှိခြေတုအပြင် စိတ်ထိန်းခြေတုတွေကိုလည်း တိုးချဲ့စမ်းသပ်သွားဖို့ စီစဉ်ထားပါတယ်။

ဒီနည်းပညာက ခြေထောက်ဖြတ်ထားရသူတွေအတွက် ခြေတုနဲ့ သူတို့ခန္ဓာကိုယ်ကို တသားတည်းပေါင်းစပ်ပေးနိုင်တော့မယ်လို့ ဆိုပါတယ်။

By ဒီဗွီဘီ
http://burmese.dvb.no/archives/95353

ရန်ကုန် (မဇ္ဈိမ)။ ။ ကမ္ဘာကျော် နည်းပညာကုမ္ပဏီ ဂူးဂဲလ်က အရည်အသွေးမြင့် ဓာတ်ပုံနှင့် ဗီဒီယိုများ အခမဲ့ သိမ်းဆည်းထားနိုင်မည့် ဝန်ဆောင်မှုကို စတင်မိတ်ဆက်ခဲ့သည်ဟု CNET သတင်းဌာနက ဖော်ပြထားသည်။
Google
ယင်းဝန်ဆောင်မှုအတွက် အခမဲ့ဝန်ဆောင်မှု ပေးခြင်းဖြစ်သည်ဟုလည်း CNET က ဆိုသည်။ ဓာတ်ပုံနှင့် ဗီဒီယိုများကို ပမာဏ အကန့်အသတ်မရှိ အခမဲ့ သိမ်းဆည်းထားနိုင်မည် ဖြစ်သည်။

Android သုံး စမတ်ဖုန်းနှင့် အခြားပစ္စည်းများမှ ဓာတ်ပုံနှင့် ဗီဒီယိုများကို ဂူးဂဲလ်ထံ အလိုအလျှောက် တိုက်ရိုက်သိမ်းဆည်းနိုင်မည် ဖြစ်သည်ဟုလည်း ဂူးဂဲလ်က ပြောဆိုထားသည်။ ယင်းကဲ့သို့ သိမ်းဆည်းထား သည့် ဓာတ်ပုံများ၏ ရိုက်ကူးချိန်၊ တည်နေရာနှင့် အချက်အလက်များကိုလည်း အလိုအလျှောက် မှတ်သားပေးထားမည်ဖြစ်သည်ဟု CNET က ဆိုသည်။

ဂူးဂဲလ်၏ ဝန်ဆောင်မှုတွင် ဓာတ်ပုံများကို တည်းဖြတ်နိုင်မည်ဖြစ်ပြီး လိုအပ်ပါက ဓာတ်ပုံများကို သီချင်းများဖြင့် ဗီဒီယိုအသွင် ပြင်ဆင်နိုင်ရန် စွမ်းဆောင်ချက်များလည်း ပါဝင်မည်ဖြစ်သည်။ ယင်း စွမ်းဆောင်ချက်များအားလုံးကို Google Photo မိုဘိုင်း App တစ်ခုတည်းဖြင့် ဖန်တီးနိုင်မည်ဖြစ်သည်ဟုလည်း CNET က ဆိုသည်။

ဂူးဂဲလ်၏ ဝန်ဆောင်မှုတွင် 16 MP အထက် အရည်အသွေးရှိ ဓာတ်ပုံများ၊ HD အရည်အသွေးရှိ ဗီဒီယိုများကို အရေအတွက်၊ ပမာဏ အကန့်အသတ်မရှိ သိမ်းဆည်းနိုင်မည်ဖြစ်သည်။

http://www.mizzimaburmese.com/2013-10-20-16-16-07/2014-09-12-10-43-43/item/45350-2015-05-31-09-26-57

အမျိုးသားပညာရေးဥပဒေကို ကန့်ကွက်သပိတ်မှောက် ဆန္ဒပြခဲ့ကြတဲ့ ဒီမိုကရေစီ ပညာရေးသပိတ်စစ်ကြောင်း မန္တလေးမြို့ကနေ ရန်ကုန်မြို့ကို စတင်ချီတက်စဉ်မှ အကြမ်းဖက်ဖြိုခွင်းခံရတဲ့အထိ မှတ်တမ်းတင်ထားတဲ့ ဓာတ်ပုံ၊ပန်းချီပြပွဲကို မန္တလေးမြို့ Community Center ၃၂x၃၃လမ်းကြား ၊၆၈x၆၉လမ်းကြားမှာ ၃၀ နဲ့ ၃၁ ရက်နေ့တွေမှာ ကျင်းပပြုလုပ်ခဲ့ပါတယ်။

ဓာတ်ပုံ – အိမ်ခိုင်မြဲ
By ဒီဗွီဘီ
http://burmese.dvb.no/archives/95303

တရားရုံးမှာ အမှုမစစ်ဆေးမီ မှုခင်းဆေးပညာအရ သက်သေတွေ ပြန်မစစ်ဆေးမှာကို စိုးရိမ်ကြောင်း ထိုင်းနိုင်ငံတောင်ပိုင်း လိပ်ကျွန်းမှာ ဗြိတိန် ၂ ဦး သတ်မှုနဲ့ တရားရင်ဆိုင်နေရတဲ့ မြန်မာ ရွှေ့ပြောင်းအလုပ်သမားတွေရဲ့ ရှေ့နေတွေက ပြောပါတယ်။

စွပ်စွဲခံ မောင်ဇော်လင်းနဲ့ မောင်ဝင်းဇော်ထွန်းတို့ရဲ့ ရှေ့နေတွေက ထိုင်းရဲတပ်ဖွဲ့က စုဆောင်းထားတဲ့ မှုခင်းဆေးပညာဆိုင်ရာ သက်သေတွေကို လွတ်လပ်တဲ့ ကျွမ်းကျင်သူတွေဆီ ပို့ဆောင်ဖို့ တောင်းဆိုထားပါတယ်။

ဒါပေမယ့် ဒီအမှုနဲ့ပတ်သက်တဲ့ တရားသူကြီးတွေက တရားရုံးမှာ အမှု စစ်ဆေးတဲ့ နေ့ ဇူလိုင် ၈ ရက် ရောက်မှာသာ မှုခင်းဆေးပညာဆိုင်ရာ အထောက်အထားတွေ ပြန်စစ်ဖို့ အမိန့် ထုတ်ပေးမယ်လို့ ရှေ့နေတွေကို ပြောပါတယ်။

“ပြောင်းလဲလာနေတဲ့ အခြေအနေကို ကျနော် အလွန်အမင်းကို စိုးရိမ်နေပါတယ်၊ မှုခင်း ဆေးပညာဆိုင်ရာ သက်သေ အထောက်အထားတွေက အမှုအတွက် အဓိက ကျပါတယ်။ ဒီသက်သေတွေကို တရားမျှတရေးဆိုင်ရာ ၀န်ကြီးဌာနရဲ့ ဗဟို မှုခင်းဆေးပညာ သိပ္ပံ အင်စတီကျူက ပြန်မစစ်ရင် ကြီးမားတဲ့ ရာဇ၀တ်မှုနဲ့ စွပ်စွဲခံထားရတဲ့ အမှုကို ခုခံချေပမယ့် သူ ၂ ဦးရဲ့ ခုခံနိုင်မယ့် အခြေအနေကို အဟန့်အတားဖြစ်စေမှာပါ” လို့ အမှုကို လိုက်ပါဆောင်ရွက်နေတဲ့ ရှေ့နေအဖွဲ့ ခေါင်းဆောင် နခွန်ချောင်ဖူချတ်က အမှုနဲ့ပတ်သက်တဲ့ ထုတ်ပြန်ချက်မှာ ပြောပါတယ်။

၂၀၁၄ စက်တင်ဘာ ၁၅ ရက်က ဗြိတိသျှလူမျိုး ၂ ဦး သေဆုံးခဲ့တဲ့ အမှုမှာ မြန်မာရွှေ့ပြောင်းအလုပ်သမား ၂ ဦးကို လူသတ်မှုနဲ့ စွပ်စွဲ ဖမ်း ဆီးထားတာ ဖြစ်ပါတယ်။

သေဆုံးမှုနဲ့ပတ်သက်ပြီး စုံစမ်းစစ်ဆေးချက်တွေဟာ ရှုပ်ထွေးနေသလို ရဲတပ်ဖွဲ့ရဲ့ လုပ်ဆောင်ချက်တွေ ညံ့ဖျင်းတယ်လို့ စွပ်စွဲချက်တွေရှိနေပါတယ်။

ဒီလူငယ် ၂ ဦးကို လူသတ်မှု၊ မုဒိမ်းမှု၊ ပြစ်မှုကြီးကျူးလွန်ပြီး လိမ်လည်မှု၊ ခိုးမှုနဲ့ တရားမ၀င်ဝင်ရောက်မှု စတဲ့ပုဒ်မ ၅ ခုနဲ့ စွဲဆိုထားပါတယ်။

By ဒီဗွီဘီ
http://burmese.dvb.no/archives/95285


စင်ကာပူနိုင်ငံမှာ အမေရိကန်ကာကွယ်ရေး ၀န်ကြီး တည်းခိုတဲ့ ဟိုတယ်ဝင်းထဲ အတင်းဝင်ရောက်ဖို့ ကြိုးစားတဲ့ ကားတစီးကို ရဲတပ်ဖွဲ့က ပစ်ခတ်ရာမှာ ၁ ဦး သေဆုံးပြီး ၂ ဦးကို ဖမ်းဆီးမိပါတယ်။

ဒီနေ့မနက်ပိုင်းမှာ ကားတစီးက အမေရိကန် ကာကွယ်ရေး ၀န်ကြီး Ash Carter  တည်းခိုတဲ့ Shangri-La  ဟိုတယ်ဝင်းထဲကို  ရဲအတားအဆီးကို အတင်းဖြတ်ကျော်ဖို့ ကြိုးစားတာကို ရဲက ပစ်ခတ် ဖမ်းဆီးခဲ့တာပါ။

Shangri-La  ဟိုတယ်ထဲမှာ ထိပ်တန်း လုံခြုံရေး အရာရှိတွေ သုံးရက်ကြာ အစည်းအဝေး ကျင်းပနေချိန်လည်း ဖြစ်ပါတယ်။

အမေရိကန် ကာကွယ်ရေး ၀န်ကြီးရော၊ တခြား အရာရှိတွေရော တစုံတရာ ထိခိုက်မှု မရှိဘူးလို့ ရဲအဖွဲ့က ပြောပါတယ်။

အမေရိကန် အရာရှိတွေ ကိုယ်တိုင်က အဖြစ်အပျက်ကို မသိခဲ့ဘဲ သတင်းတွေ ဖတ်ရတော့မှပဲ သိခဲ့တယ်လို့ ဆိုပါတယ်။

ဒီနေ့ မနက်ပိုင်းမှာပဲ အမေရိကန် ကာကွယ်ရေး ၀န်ကြီးနဲ့အဖွဲ့ဟာ ဗီယက်နမ်ကို ဆက်လက် ထွက်ခွာသွားပါတယ်။

ကားကို စစ်ဆေးရေးဂိတ်မှာ ရဲက တားခဲ့ပေမယ့် ကားဒရိုင်ဘာက နောက်တံခါးကို မဖွင့်ဘဲ အရှိန်မြှင့်မောင်းထွက်သွားလို့ ရဲက သေနတ်နဲ့ ပစ်ပြီး ဟိုတယ်လမ်းဘေး တနေရာမှာ ရပ်တန့်နိုင်ခဲ့ပါတယ်။

ဖမ်းဆီးထိန်းသိမ်းတဲ့ ၂ ဦးထဲက တဦးမှာ  မူးယစ်ဆေးလို့ ယူဆရတဲ့ ပစ္စည်းတွေ တွေ့ရှိရတယ်လို့ ရဲ့အဖွဲ့ရဲ့ ဖေ့စ်ဘွတ်ခ်မှာ သတင်းထုတ်ပြန်ထားပါတယ်။

By ဒီဗွီဘီ
http://burmese.dvb.no

ဒီမိုကရေစီ စံနှုန်းများနှင့် မကိုက်ညီသည့် ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးကို အစိုးရက မျက်ကွယ်ပြု ဆောင်ရွက် ချက်များသည် အဓိကကျသော မြန်မာ့နိုင်ငံရေး ပြဿနာများကို လျစ်လျူရှု ခြင်းဖြစ်ကြောင်း အမျိုးသားဒီမိုကရေစီအဖွဲ့ချုပ် (NLD)နှင့် ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းတို့၏ မေလ ၂၇ ရက်က ထုတ်ပြန်သော နိုင်ငံရေး ပူးတွဲကြေညာစာတမ်း၌ ဝေဖန်ထားသည်။

၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးနှင့် ပတ်သက်၍ လွှတ်တော် အရပ်ရပ်၌ ကော်မတီများ ဖွဲ့စည်း ဆောင်ရွက်လျက် ရှိသော်လည်း ယခုအချိန်အထိ အဆိုပါ ကော်မတီများ၏ လုပ်ဆောင်မှုများမှာ တိတိကျကျ ရုပ်လုံး ပေါ်လာမှု မရှိခြင်းနှင့် ၂၀၁၅ ခုနှစ် မေလလယ်တွင် လူထုဆန္ဒခံယူပွဲ ပြုလုပ်မည်ဟု ကြေညာထားသော် လည်း လက်တွေ့ကျကျ အကောင်အထည် ပေါ်လာခြင်းမရှိဘဲ ၎င်းနှင့် ပတ်သက်သော လုပ်ငန်းစဉ်များမှာ ယနေ့အချိန်အထိ အရိပ်အယောင်မျှပင် မမြင်တွေ့ရသောကြောင့် ဝေဖန်ထားခြင်းဖြစ်သည်။

““လွှတ်တော်ပြင်ပဆိုတာ အခြေခံဥပဒေ ပြင်ဆင်ရေးအတွက် တွန်းအားပေးရတဲ့ အင်အားစုပါ။ လက်တွေ့ အားဖြင့် ကတော့ ငြိမ်းငြိမ်းချမ်းချမ်း ပြောင်းစေချင်ရင်တော့ လွှတ်တော်ထဲမှာပဲ ပြောင်း ရမယ်။ ပြောင်းဖို့အတွက် မလုံလောက်လို့ အပြင်ကနေ ကျွန်တော်တို့ ၀ိုင်းပြီးတော့ လုပ်ရတယ်။ လူထုကို လက်မှတ် ကောက်တယ်လို့ ကမ်ပိန်း အမျိုးမျိုးမှာ ပြည်သူရဲ့ သဘောထား ဆန္ဒအမှန်ဘာရှိသလဲဆိုတာ သိအောင်လုပ်ရတယ်။ ပြီးတော့ ပူးပေါင်း ဆောင်ရွက်မှု ပါလာအောင် ကျွန်တော်တို့ ပြရတယ်။ အဲဒီ ၂ ချက်အပြင်ကို လွှတ်တော်ထဲကို တွန်းအားပေးနိုင်အောင် ဆောင်ရွက်ရတယ်။ ဒီနေ့အထိ ပြင်ဆင်မှု ဆိုတာက နောက်ဆုံးပန်းတိုင် မရောက် သေးဘူး။ တစ်ဖက်က ကတိစကားတွေရလိုက်၊ လက်တွေ့ကျရင် ကြန့်ကြာလိုက် ဖြစ်နေ တယ်””ဟု မေလ ၂၇ ရက်က ယင်းပူးတွဲ နိုင်ငံရေး ကြေညာစာတမ်း ထုတ်ပြန်မှုနှင့် ဆက်စပ်သည့် သတင်းစာရှင်းလင်းပွဲတွင် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးမင်းကိုနိုင်က ပြောသည်။

အမျိုးသားဒီမိုကရေစီအဖွဲ့ချုပ် (NLD) နှင့် ၈၈ မျိုးဆက်ငြိမ်းချမ်းရေးနှင့် ပွင့်လင်း လူ့အဖွဲ့အစည်းတို့ ပူးပေါင်းကာ ဖွဲ့စည်းပုံ အခြေခံဥပဒေ၏ အဓိကပုဒ်မ တစ်ခုဖြစ်သော ပုဒ်မ ၄၃၆ ပြင်ဆင်ရေးအတွက် လက်မှတ်ထိုး လှုပ်ရှားမှုများ ၂၀၁၄ ခုနှစ် မေလမှ ဇူလိုင်လအတွင်း ပြုလုပ်ခဲ့ပြီး ရရှိခဲ့သော လက်မှတ် ၅ သန်း နီးပါးအား လွှတ်တော်သို့ တင်သွင်းခဲ့သော်လည်း ယခုအချိန်အထိ မထူးခြားခဲ့ပေ။

““ဖွဲ့စည်းပုံ အခြေခံဥပဒေဖြစ်မယ် ဆိုတာကိုတော့ သဘောတူပြီးသားပေါ့။ ဒါပေမဲ့ပြင်မယ်လို့ ပြောပြီး တဲ့ နောက်ပိုင်းမှာ လုပ်တဲ့ အလုပ်ကျတော့ သိပ်ပြီးတော့ အားပါးတရ မရှိလှဘူးလေ။ အခုလည်း ၆ ပွင့်ဆိုင် လုပ်တာလည်းပဲ ထိုင်တာပြုတဲ့ ခုံတွေက အဝေးကြီးမှာ ထိုင်နေတာပဲ။ ပူးပေါင်းပြီးတော့ အေးအေး ဆေးဆေး ဆွေးနွေးကြတယ်ဆိုတဲ့ ပုံလည်း မဟုတ်ဘူးလေ။ အဲဒီတစ်ခါ တွေ့ပြီး တဲ့နောက် အခု ထပ်ထိလည်း တစ်ခါမှ မတွေ့ဘူးလေ””ဟု အမျိုးသား ဒီမိုကရေစီအဖွဲ့ချုပ် (NLD) နာယကသူရဦးတင်ဦးက မြန်မာသံတော်ဆင့်သို့ ပြောသည်။

အမျိုးသားဒီမိုကရေစီအဖွဲ့ချုပ် (NLD) နှင့် ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းတို့ ပူးတွဲ ကြေညာချက်တွင် ၂၀၁၅ ရွေးကောက်ပွဲကို လွတ်လပ်၍ တရားမျှတသော ရွေးကောက်ပွဲဖြစ်ပေါ် လာစေရေးအတွက် ပူးပေါင်း ဆောင်ရွက်ရန်၊ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး ကို ရွေး ကောက်ပွဲ နည်းလမ်း အပါအ၀င် လွှတ်တော်တွင်း လွှတ်တော်ပ လှုပ်ရှားဆောင်ရွက်မှုများဖြင့် ဆက်လက် ကြိုးပမ်း သွားရန်၊ ပြည်တွင်း ငြိမ်းချမ်းရေးဖော်ဆောင်ရာတွင် ဒီမိုကရေစီ ဖက်ဒရယ် ပြည်ထောင်စု တည်ဆောက်ရေး ဟူသည့် နိုင်ငံရေးဆန္ဒ၊ နိုင်ငံရေးရည်မှန်းချက်များအပေါ် အခြေခံ၍ တိုင်းရင်းသား အင်အားစုများနှင့်အတူ တက်ကြွစွာ လက်တွဲဆောင်ရွက်ရန်တို့ ပါဝင်သည်။

အမျိုးသားဒီမိုကရေစီအဖွဲ့ချုပ်(NLD) နှင့် ၈၈မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့၏ ပူးတွဲထုတ်ပြန် ကြေညာချက်ကို အပြည့်အ၀ထောက်ခံ ကြိုဆိုကြောင်းနှင့် စာတမ်းပါ လုပ်ငန်းစဉ်များ ကို နိုင်ငံရေး အင်အားစုအားလုံးနှင့် အတူလက်တွဲ၍ မမှိတ်မသုန် ဆောင် ရွက် သွားမည်ဖြစ်ကြောင်း မျိုးဆက်သစ် လူငယ်များ အဖွဲ့ကလည်း မေလ ၂၇ ရက်တွင် ထုတ်ပြန်လိုက်သည်။

ဝိုင်းမော်

မြန်မာသံတော်ဆင့်သတင်းဌာန – http://www.facebook.com/myanmarherald

စစ်ဗိုလ်ချုပ်ဟောင်းများ ပါဝင်မည်ဟု သတင်း ထွက်နေသော အမျိုးသားပါတီဥက္ကဋ္ဌ (နာယက)အဖြစ် ပါတီ မှတ်ပုံတင်နေဆဲ ကာလမှာပင် သမ္မတဦးသိန်းစိန် ၏ အကြံပေးအဖွဲ့ဝင် အဖြစ်မှ ဒေါက်တာ နေဇင်လတ်ကို တာဝန်မှ အနားယူခွင့်ပြုခဲ့ကြောင်း ပြည်ထောင်စု အစိုးရအဖွဲ့က ဧပြီ(၃၀)ရက်နေ့တွင် ထုတ်ပြန်ကြေညာ ခဲ့ခြင်းအတွက် ကိုယ်တိုင် စိတ်မကောင်း ဖြစ်မိကြောင်း ၎င်းထက်စီနီယာ သမ္မတရုံးအကြံပေး တစ်ဦးထံသို့ ဒေါက်တာနေဇင်လတ် က သွားရောက်စဉ် ပြောကြားခဲ့သည်။

အမည်မဖော်လိုသော သမ္မတရုံးအကြံပေး ပုဂ္ဂိုလ်က ““ဒေါက်တာနေဇင်လတ် လာသွားတယ်၊ သူ့ကို အကြံပေး အဖွဲ့က ထုတ်လိုက်မယ်မထင်ဘူး။ သူလည်း စိတ်ထဲခံစားရတယ် ပြောတယ်။ ပါတီထောင်ဖို့ မြှောက်ပေးတာ လည်း ဖြစ်နိုင်တာပေါ့။ သူကိုယ်တိုင် ပိုက်ဆံရှိတာပဲ။ နေဇင်လတ်က အဲဒီနေ့က လာတော့ပြောတယ်။ သူက ကိုယ့်ထက် ၅ နှစ်လောက် ငယ်တယ်။ အခု ဗိုလ်ချုပ်ကြီးတွေနဲ့ တစ်ရွယ်တည်း။ ပါတီထောင်မယ်ဆိုရင် သူ့စာသင်ကျောင်းက ကလေးတွေ ရှိတယ်လေ။ သူက ပါမောက္ခ လုပ်နေတယ်မလား””ဟု မြန်မာ သံတော်ဆင့်သို့ ပြောသည်။

ဒေါက်တာနေဇင်လတ်အား နိုင်ငံတော် သမ္မတအကြံပေးအဖြစ်မှ အနားယူခွင့် ပြုလိုက်ခြင်းသည် မှတ်ပုံတင် လျှောက်ထားဆဲဖြစ်သည့် အမျိုးသားပါတီ၏ နာယကအဖြစ် တာဝန်ယူထားခြင်းနှင့် စပ်လျဉ်းမှု ရှိမရှိကို ““အဓိကကတော့ နိုင်ငံရေးပါတီပေါ့။ နိုင်ငံရေးပါတီထောင်တာ နိုင်ငံသားတိုင်း လုပ်ခွင့်ရှိတယ်။ စိတ်ဝင် စားတယ်။ စိတ်အား ထက်သန်ရင် လုပ်လို့ရတယ်။ ထောင်တဲ့အချိန်မှာ ဒီဘက်က သမ္မတရဲ့ အကြံပေး ရာထူးကို ယူထားတယ်။ ဒီဘက်က နိုင်ငံရေးပါတီရဲ့ နာယကသော်လည်းကောင်း၊ ဥက္ကဋ္ဌ သော်လည်းကောင်း ယူထားတယ်လို့ သိရတော့ အများပြည်သူရဲ့ အမြင်မှာ ထင်မြင်ယူဆချက် အမျိုးမျိုး ဖြစ်လာနိုင်တယ်။ အဲဒါ လည်း ပါတယ်ပေါ့။ အဲဒါကြောင့်ပါ””ဟု သမ္မတရုံး ညွှန်ကြားရေးမှူး ဦးဇော်ဌေး(မှူးဇော်)က မေ ၂၆ ရက်တွင် မြန်မာသံတော်ဆင့် သို့ ပြောကြားခဲ့သည်။

အဆိုပါ အမျိုးသားပါတီ တည်ထောင်ခြင်း၏ နောက်ကွယ်တွင် သမ္မတရုံးမှ ပါဝင် ပတ်သက်နေခြင်းနှင့် ဒေါက်တာနေဇင်လတ်ပိုင် ဟိုတယ်တွင် လုပ်ကိုင်နေသည့် သတင်းများနှင့် ပတ်သက်၍ ဖော်ပြခဲ့ပြီးနောက် ယခုကဲ့သို့ အနားယူခွင့် ပြုခဲ့ခြင်းအပေါ် ဦးဇော်ဌေး (မှူးဇော်)က မည်သည့် မှတ်ချက်မျှ မပေးခဲ့ပေ။

နိုင်ငံတော်သမ္မတ အကြံပေးရာထူးမှ အနားယူခွင့် ပြုလိုက်ခြင်းနှင့် စပ်လျဉ်း၍ ဒေါက်တာနေဇင်လတ် အား မြန်မာသံတော်ဆင့်မှ မေ ၂၆ ရက်တွင် အကြိမ်ကြိမ် ဆက်သွယ် မေးမြန်းခဲ့သော်လည်း ၎င်းအနေဖြင့် မအားလပ်၍ ဖြေကြားမှု မပြုလုပ်နိုင်သေးကြောင်းနှင့် မြန်မာသံတော်ဆင့်မှ ဆက်သွယ်မေးမြန်းသော ဖုန်းနံပါတ်များအား Blacklist လုပ်ဆောင် လုပ်လိုက်သည်ကို တွေ့ရှိရသည်။

ဝတ်ရည်နွေးနွေး

မြန်မာသံတော်ဆင့်သတင်းဌာန – http://www.facebook.com/myanmarherald

အစိုးရ၀န်ကြီးဌာနများ အနေဖြင့် နိုင်ငံတော်ဘတ်ဂျက်များကို ပွဲဈေးတွင် ဆီးသီးဗန်းမှောက်သကဲ့သို့ လုယူ သုံး ဖြုန်းပစ်သူများဖြစ်ကြောင်း အမျိုးသားလွှတ်တော်ဥက္ကဋ္ဌ ဦးခင်အောင်မြင့်က ၂၀၁၄ ခုနှစ် လွှတ်တော် အစည်း အဝေး ကျင်းပစဉ်အတွင်း ဝေဖန်ပြောကြားခဲ့ကြောင်း မီဒီယာများ၌ ဖော်ပြခဲ့ပြီး အဆိုပါ ဆီးသီးဗန်းမှောက်သကဲ့ သို့ လုယူသုံးဖြုန်းပစ်ကြသူများမှာ အစိုးရကို ရည်ညွှန်းပြောကြားခြင်း မဟုတ်ဘဲ နိုင်ငံတော်ဘတ်ဂျက်များကို ကန်ထရိုက်များလုပ်၍ သုံးဖြုန်းပစ်ကြသည့် လွှတ်တော်ကိုယ်စားလှယ်များကို ရည်ညွှန်းပြောဆိုခြင်းဖြစ် ကြောင်း ဥက္ကဋ္ဌဦးခင်အောင်မြင့်က မေလ ၁၃ ရက်နေ့တွင် မြန်မာသံတော်ဆင့်သို့ ပြောကြားလိုက်သည်။

အမျိုးသားလွှတ်တော်ဥက္ကဋ္ဌ ဦးခင်အောင်မြင့်က ““အဘပြောတဲ့ အထဲမှာ အစိုးရအဖွဲ့လုံးဝမပါဘူး။ ကန်ထ ရိုက်တွေကိုပြောတာ။ တိုင်းဒေသကြီး လွှတ်တော်ကိုယ်စားလှယ်တွေ။ အစိုးရကို ပြောတာမဟုတ်ဘူး အစိုးရက အင်တိုက်အားတိုက်လုပ် နေတဲ့အချိန်မှာ ဒါကို စနစ်တစ်ခုနဲ့ လုပ်ဖို့လိုပြီ။ ကန်ထရိုက်ကနေ ဆပ် ကန်ထရိုက် ပေးတဲ့အချိန်မှာ ပွဲဈေးတန်းမှာ ဆီးသီးဗန်းမှောက်ကျသလို တစ်ယောက်တစ်ဆုပ် နှိုက်စားသလိုပဲဆိုပြီး အဘ က ထွက်သွားတာ။ ငယ်ငယ်တုန်းက တွေ့ခဲ့ဖူးလို့။ ဒါကစာထဲမှာ ဖတ်ခဲ့ဖူးတာ မဟုတ်ဘူး၊ ပွဲဈေးထဲမှာ ဆီးသီး သည် ဆီးသီးဗန်းမှောက် ကျတော့ နှိုက်စားတာပျော်ပေါ့။ ဟိုကတော့ စိတ်တွေညစ်လို့။ ပွဲဈေးတန်းဆိုတာ လူတကာ စုံတယ်မဟုတ်လား၊ တစ်ယောက်တစ်ဆုပ်နဲ့ များလာတော့ ဟိုကောင့်မှာ တစ်ဝက်လောက် ပဲကျန် တော့တယ်။ ဒါမြင်ခဲ့ဖူးလို့ ပေါ့၊ ဇာတ်ပွဲတွေမှာ၊ ဘုရားပွဲမှာ။ အဲဒါလွှတ်ကနဲ ထွက်သွားတာ””ဟု မြန်မာသံ တော်ဆင့် သို့ပြော သည်။…

အမျိုးသားလွှတ်တော်အစည်း အဝေးကျင်းပခဲ့သည့် ၂၀၁၄ ခုနှစ် သြဂုတ်လ ၂၉ ရက်နေ့က ချင်း ပြည်နယ်မဲ ဆန္ဒနယ် အမှတ် (၁၂) မှ ဦးဆလိုင်းခွဲယန် ပလက်ဝမြို့ နယ်၊ တိုင်ဝကျေးရွာနှင့် ကြက်မ အိုင်ကျေးရွာရှိ ကျေး လက်ကျန်း မာရေးဌာန(ခွဲ) အဆောက်အအုံများ ဆောက်လုပ်ရာတွင် သတ်မှတ်စံချိန် စံညွှန်း ကိုက်ညီမှု မရှိ သဖြင့် မည်သို့အရေးယူဆောင်ရွက်ထားသည်ကို သိရှိလိုခြင်းနှင့် စပ်လျဉ်းသည့် မေးခွန်းမေးမြန်းရာတွင် ““၂၀၁၃-၂၀၁၄ ဘဏ္ဍာရေးနှစ်မှာ ပလက်ဝမြို့နယ်ရှိ တိုင်ဝကျေးရွာ ကျေးလက် ကျန်းမာရေးဌာန(ခွဲ) နှင့် ကြက်မအိုင်ကျေး ရွာ ကျေးလက် ကျန်းမာရေးဌာန(ခွဲ)များအတွက် ရန်ပုံငွေ (၂၅ ဒသမ ၀၀)သန်းစီ ခွင့်ပြု ပေးခဲ့ကြောင်း သိရှိရပါတယ်။ လုပ်ငန်းဆောင်ရွက်မယ့် စီမံကိန်းကျေးရွာမှာ ကျေးလက်ကျန်းမာ ရေးဌာနနှင့် ၀န်ထမ်းအိမ်ရာ သံကူကွန်ကရစ်(၂၁၈၀ စ/ပေ)၊ ခြံစည်းရိုး (အုတ် ၁၅၀ ပေ ထ ၆ ပေ)၊ အုတ်ခုံတုံး+ ဒုပိတ် ၄၅၀ ပေ ထ ၆ ပေ၊(၂)လက်မအကျယ် အ၀ီစိတွင်း ခန့် မှန်းအနက် ၂၀၀ ပေ၊ ဂါလန် ၄၀၀ဆံ့ဖိုက်ဘာ ရေတိုင် ကီနှင့် ၁၆ ပေအမြင့် သံရေစင်၊ ဂါလန် ၈၀၀ ဆံ့အုတ်ရေကန်၊ ၃လက်မ နှစ်လုံး ထိုးလေမှုတ်စက်နှင့် ၂ကောင် အား မော်တာ၊ ၂ ကောင်အား ရေတင်စက်စသည်ဖြင့် ဖော်ပြထားတာကို တွေ့ရှိရပါတယ်။

လုပ်ငန်းတည်ရှိရာ ကြက်မ အိုင်ကျေးရွာကို ရောက်ရှိတဲ့အခါ မှာ ပြည်သူလူထုနှင့် တွေ့ဆုံပြီး တင်ပြချက်အရ ကိုယ်တိုင်သွားရောက် ကြည့်ရှုတဲ့အခါကျတော့ သတ်မှတ်စံချိန်စံညွှန်းနဲ့ မကိုက်ညီ တာ… ခြံစည်းရိုးတွေလည်း မပါရှိပါဘူး။ အ၀ီစိတွင်းတူးထားခြင်းလည်း မတွေ့ရပါဘူး။ သံရေစင်လည်း မတွေ့ရပါဘူး။ သစ်နဲ့ပဲ ဆောက် လုပ်ထားတာကို တွေ့ရှိ ရပါတယ်။ ရေတိုင်ကီလည်း မပါရှိပါဘူး။ အုတ်ရေကန်ကလည်း ဂါလန် ၈၀၀မဖြစ် နိုင်ကြောင်းကို တွေ့ရှိရပါတယ်။ … အဆောက်အအုံရဲ့အခန်းအတွင်းပိုင်းမှာလည်းပဲ မိုးယိုပြီးမှရေ၀ပ်နေတာ ကို ကိုယ်တိုင် တွေ့ရှိရပါတယ်။ ဆင်ဝင်ကလည်း ပြိုကျလုမတတ် ဖြစ်နေပါတယ်။

ကျေးလက်ကျန်းမာရေးဌာန (ခွဲ) အဆောက်အအုံဆောက်လုပ်ခြင်းနဲ့ ပတ်သက်လို့ ကန်ထရိုက်ရရှိ တဲ့ကုမ္ပဏီ က ကိုယ်တိုင်ကြီးကြပ် ဆောက် လုပ်ခြင်းမဟုတ်ဘဲနဲ့ အဆင့်ဆင့် ဆပ်ကန်ထရိုက် ဆောက်လုပ်ခဲ့ကြောင်း စုံစမ်းသိရှိရပါတယ်။

အဆောက်အအုံ အမှန်တကယ် ဆောက်လုပ်သူလက်ထဲကို သတ်မှတ်ခွင့်ပြုတဲ့ ငွေဟာလည်းပဲ မရောက် ရှိဘဲ နဲ့ (၂၄ဒသမ၀၀) သန်းသာ ရောက်ရှိကြောင်း စုံစမ်းသိရှိရပါတယ်””ဟူ၍ နိုင်ငံတော် ဘတ်ဂျက်များကို ကျပ် သန်းနှင့်ချီ၍ ကွာဟလုပ်ဆောင်ခဲ့သော အစိုးရတာဝန်ရှိသူများနှင့် ကန်ထရိုက်များ၏ လုပ်ဆောင်ချက်များ ကို တင်ပြခဲ့သည်။

ထိုစဉ်က ယင်းဖြစ်ရပ်အပေါ် လွှတ်တော်ဥက္ကဋ္ဌ ဦးခင်အောင်မြင့်က ““ဘာနဲ့တူလဲဆိုတော့ ပွဲဈေးတန်းထဲမှာ ဈေးရောင်းတာ ဆီးသီးဗန်းမှောက် ကျသလိုပဲ။ သူက ဆီးသီးရောင်းဖို့ ဆီးသီးဗန်းနဲ့ မှောက်ကျသလိုပဲ။ သူက ဆီးသီးရောင်းဖို့ ဆီးသီးဗန်းနဲ့သွားတာ မှောက်လဲကျရော ဟိုလူက တစ်ဆုပ်နှိုက်စား၊ ဒီလူက တစ်ဆုပ်နှိုက်စား နဲ့ တစ်ဝက်လောက်ပဲ ကျန်တယ်။ ဘတ်ဂျက်က အဲဒီလိုဖြစ်နေတာပေါ့။ ဒီကိစ္စက ဟိုတစ်နေ့ကလည်း ပြော ပြီးပြီ။ ဒါကြောင့်မို့လို့ ဘတ်ဂျက်တွေ ခွင့်ပြု၊ ခွင့်ပြုတဲ့ ဘတ်ဂျက်တွေက ကြားထဲက ဟိုလူနှိုက်စား၊ ဒီလူနှိုက်စား အဲဒီလို ဖြစ်နေတဲ့ အနေအထားရှိတယ်။ ဒါက တိုင်းဒေသကြီး/ပြည်နယ်တွေကပဲ အနီးကပ်ကြီးကြပ်တာပေါ့။ ဒီက ပြည်ထောင်စုဝန်ကြီးဌာနကတော့ သွားပြီးတော့ မကြီးကြပ်နိုင်ဘူး။ သို့သော် စနစ်တစ်ခုတီထွင်ဖို့တော့ လိုပြီထင်တယ်။ ဒီကာလမှာပေါ့။ ဒီတည်ဆောက်ရေးကိစ္စတွေ၊ အရင်တုန်းက လိုအပ်ချက်တွေကို အင်နဲ့ အားနဲ့ ဖြည့်ပေးနေတဲ့ ကာလအတွက် အထူးလုပ်ဆောင်ဖို့၊ စစ်ဆေးဖို့ စနစ်တစ်ခုတော့၊ အဖွဲ့တစ်ခုတော့ ရှိဖို့လိုပြီလို့ ထင်ပါတယ်””ဟု အစည်းအဝေး တက်ရောက်လာသော အစိုးရတာဝန်ရှိသူများနှင့် လွှတ်တော် ကိုယ်စား လှယ်များကို သတိပေးပြောကြားခဲ့သည်။

၂၀၁၀ ရွေးကောက်ပွဲအနိုင်ရ လွှတ်တော်ကိုယ်စားလှယ်များသည် ပြည်သူ့ လွှတ်တော်၊ အမျိုးသားလွှတ်တော်၊ တိုင်းဒေသကြီးလွှတ်တော်၊ ပြည်နယ် လွှတ်တော်များ၌ ပြည်ခိုင်ဖြိုးပါတီ ကိုယ်စားလှယ်များသာဖြစ်ပြီး အခြား ကိုယ်စားလှယ်များမှာလည်း ပြည်ခိုင်ဖြိုးပါတီနှင့် မကင်းရာမကင်းကြောင်း မိတ်ဖက်ပါတီများသာဖြစ်ကြသည်။ ၂၀၁၂ ကြားဖြတ်ရွေးကောက်ပွဲမှသာ NLD ပါတီမှ ကိုယ်စားလှယ် အနည်းငယ်မျှသာ နေရာလပ်ယှဉ် ပြိုင်၍ အနိုင်ရပါဝင်ခဲ့သည်။ တပ်မတော်အစိုးရလက်ထက်မှ သမ္မတ ဦးသိန်းစိန်အစိုးရသစ်တိုင်အောင် ပြည်ခိုင်ဖြိုး ပါတီ၌ပါဝင်ပြီး လူသိများသော လွှတ်တော်ကိုယ်စားလှယ်များဖြစ်ခဲ့ကြသည့် NLD မပါသော ၂၀၁၀ ရွေးကောက် ပွဲတွင် ပြည်ခိုင်ဖြိုးမှ ပါဝင်အနိုင်ရခဲ့သော အများသိကြသည့် ကန်ထရိုက်၊ ကုမ္ပဏီလုပ်ငန်းရှင် လွှတ်တော် ကိုယ် စားလှယ်သူဌေးကြီးများမှာ ဇေကမ္ဘာကုမ္ပဏီပိုင်ရှင် ဦးခင်ရွှေ၊ ပတ္တမြားနဂါးကုမ္ပဏီပိုင်ရှင် ဦးနေ၀င်းထွန်း၊ ယုဇန ဆောက်လုပ်ရေး ကုမ္ပဏီပိုင်ရှင် ဦးဌေးမြင့်၊ ဆောက်လုပ်ရေးကုမ္ပဏီများ ပိုင်ဆိုင်ထားကာ အားကစားဝန်ကြီး ဌာန ပြည်ထောင်စုဝန်ကြီး ဦးတင့်ဆန်း (ယခင် ACE ဆောက်လုပ်ရေး ကုမ္ပဏီပိုင်ရှင်)တို့ ဖြစ်ကြသည်။

တပ်မတော်အစိုးရ ရှိစဉ်ကလည်း ရန်ကုန်တိုင်းဒေသကြီး တာဝန်ခံပြည်ခိုင်ဖြိုး ဗဟိုအလုပ်မှုဆောင် မြို့တော် ၀န်၏ ခွင့်ပြုချက်ဖြင့် ဆင်ခြေဖုံးမြို့နယ်များတွင် ရေရရှိရေး၊ လမ်းခင်းရေးလုပ်ငန်းများ ကို ဆောင်ရွက်ခဲ့ရာ၌ ဒေသခံများက ကျပ်သိန်းထောင်ချီ၍ထည့် ၀င်ခဲ့ကြရသော လုပ်ငန်းအချို့တွင်လည်း အောက်ခြေမြို့ နယ် ပြည်ခိုင်ဖြိုးတာဝန်ရှိသူများကြောင့် ကန်ထရိုက်၊ ဆပ်ကန်ထရိုက်များ အဆင့်ဆင့်ပေးခဲ့ကြရာမှ လုပ်ငန်းများ မအောင်မြင်ခဲ့ဘဲ ငွေကြေး ထည့်ဝင်ခဲ့သော ပြည်သူများကပင် ယနေ့တိုင် ငွေလည်းဆုံး ရေလည်းမရ နစ်နာ ခံစားခဲ့ကြရသော ဖြစ်စဉ်များလည်း ရှိခဲ့သည်။

လွန်ခဲ့သောနှစ်က ပြည်ထောင်စုလွှတ်တော် ခွင့်ပြုချက်ဖြင့် တစ်မြို့နယ်လျှင် ကျပ်သိန်း ၁၀၀၀စီ ဒေသဖွံ့ဖြိုးရေး အတွက် ခွင့်ပြုပေးခဲ့ရာ မြို့နယ်များတွင် လွှတ်တော်ကိုယ်စားလှယ်များအနေဖြင့် ယင်းဘတ်ဂျက်ငွေများကို ဦးဆောင်အသုံးပြုခွင့်ရခဲ့ရာ ယင်းဖြစ်စဉ်အပေါ်လည်း ပြည်ခိုင်ဖြိုးပါတီ ဥက္ကဋ္ဌဖြစ်သော ပြည်ထောင်စုလွှတ် တော်နာယက သူရဦးရွှေမန်းက ပါတီနာမည်ကောင်းရရန် လုပ်ဆောင်မှုတစ်ရပ်အဖြစ် ရှုမြင်သူများရှိခဲ့ပြီး အခြား တစ်ဖက်တွင်လည်း နိုင်ငံတော်ဘတ်ဂျက်ငွေများ မှ နေရာအနှံ့ကြဲဖြန့်သလို သုံးစွဲခြင်းရှိခဲ့ကြောင်း ဝေဖန်မှုများ ခဲ့ကြသည်။ လွှတ်တော်မှ ချပေးသော ကျပ်သိန်း ၁၀၀၀စီ မြို့နယ်အလိုက် ဖွံ့ဖြိုးရေး အသုံးစရိတ်များကို မြို့ နယ်များတွင် လွှတ်တော်ကိုယ်စားလှယ်များ ကိုယ်ပိုင်ဆုံးဖြတ်သုံးစွဲခွင့်မရှိဘဲ အုပ်ချုပ်ရေးအာဏာပိုင်များ ပါဝင် သော ကော်မတီများဖွဲ့၍ ဒေသအလိုက် ဖွံ့ဖြိုးရေးလုပ်ငန်းများတွင် ထိထိရောက်ရောက် ထည့်ဝင်သုံးစွဲခဲ့သော ဒေသများလည်းရှိခဲ့သည်။

လွှတ်တော်တွင် လာရောက်ဖြေကြားခဲ့သော နိုင်ငံတော်က ပံ့ပိုးထားသည့် လုပ်ငန်းများနှင့် စပ်လျဉ်း၍ သက် ဆိုင်ရာအစိုးရအဖွဲ့၏ လိုအပ်ချက်များကိုလည်း လွှတ်တော်ဥက္ကဋ္ဌ ဦးခင်အောင်မြင့်က ““အဘက တစ်ခါ ပညာ ရေးဒုဝန်ကြီးကို ခင်ဗျားက အလွတ်ကျက်ပြီး လာဖြေနေတယ်လို့။ စိတ်ကကုန်သွားပြီ။ ဒီကျောင်းတွေ ဒီကျောင်း တွေ အဆင့်မြင့်ဖို့ နောက်တစ်နှစ်မှ လုပ်ပါမယ်၊ နောက်တစ်ခု အန္တရာယ်ရှိတဲ့ ကျောင်းဆောင်တွေကျတော့ လည်း ရွှေ့ဆိုင်းပါမယ်ဆိုတော့ စိတ်က မရှည်တော့ဘူး။ အန္တရာယ်ရှိတယ်ဆိုရင် မေးရတော့မယ်လေ။ သူ့ရဲ့မြို့ နယ်၊ ခရိုင်ကိုလှမ်းမေး၊ တကယ်ရှိတယ်ဆိုရင် လုပ်ရမှာပေါ့။ အန္တရာယ်ရှိနေပြီဟာကို ဒီအတိုင်းဖြေနေတော့ ခင်ဗျားက အလွတ်ကျက်ပြီး လာဖြေတယ်လို့””ဟု ပြင်းပြင်းထန်ထန် ဝေဖန်သတိပေးခဲ့ဖူးကြောင်း မြန်မာ သံတော်ဆင့်သို့ ပြောကြားခဲ့သည်။

ပုံညွှန်းစာ(၁) - ဦးသိန်းဇော်(ဗိုလ်မှူးချုပ်)၊ ဦးခင်အောင်မြင့်(ဗိုလ်ချုပ်) နှင့် ဦးသိန်းဆွေ(ဗိုလ်ချုပ်) တို့ ပြည်ခိုင်ဖြိုးပါတီညီလာခံ တက်ရောက်နေစဉ်
ပုံညွှန်းစာ(၂) - ဧရာဝတီတိုင်းဒေသကြီး လွှတ်တော်ကိုယ်စားလှယ် များဖြစ်ကြသော ပြည်ခိုင်ဖြိုးပါတီ မှ ၀န်ကြီးဦးသန်းထွန်း နှင့် ၀န်ကြီး ဦးဝင်းကိုကို တို့ကို တွေ့ရစဉ်

မြန်မာသံတော်ဆင့်သတင်းဌာန – http://www.facebook.com/myanmarherald

အစိုးရရဲတပ်ဖွဲ့ဝင်များ အကြမ်းဖက် ဖြိုခွဲခဲ့မှုကြောင့် ပျက်စီးခဲ့သော ဒီမိုကရေစီပညာရေး ပင်မသပိတ် စစ်ကြောင်းတွင် အသုံးပြုခဲ့ သည့် မော်တော်ကားမှာ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်က တာဝန်ယူ ငှားရမ်းထားသော ကားဖြစ်ပြီး ယခုအခါ အဆိုပါကားကို ရဲတပ်ဖွဲ့က သိမ်းဆည်း ထားသည့်အတွက် အသုံးပြုခွင့်မရဘဲ ကားဖိုးငွေ ငွေကျပ် ၃၅ သိန်း လတ်တလော ပေးချေရမည် ဖြစ်ကြောင်း ဗကသများ အဖွဲ့ချုပ်မှ ကိုရှိန်းရာဇာထွန်းက မေလ ၂၅ ရက်တွင် မြန်မာ သံတော်ဆင့်သို့ ပြောသည်။

အဆိုပါကားကို ဗကသများအဖွဲ့ချုပ်က တစ်ရက် ၅ သောင်းနှုန်းဖြင့် ငှားရမ်းထားခြင်းဖြစ်ပြီး ကားပိုင်ရှင်များ သည်လည်း အဆိုပါကားကို အရစ်ကျ ငွေပေးချေမှုဖြင့် ၀ယ်ယူထားခြင်းဖြစ်ရာ ယခုအခါ အဆိုပါကားမှာ သက်သေခံ ပစ္စည်းအဖြစ် ရဲတပ်ဖွဲ့က ထိန်းသိမ်း ထားသောကြောင့် ကားဖိုးငွေ ပေးချေရမည့် ၃၅ သိန်းကို ဗကသများအဖွဲ့ချုပ်က တာဝန်ယူရခြင်းဖြစ်သည်။

““ကျွန်တော်တို့က အဲဒီကားကို ပိုက်ဆံပေးပြီးတော့ ငှားထားတာပေါ့နော်။ အဲဒီကားက အရိုက်ခံရတဲ့အချိန်မှာ အဲဒီကားကို ကားပိုင်ရှင်တွေက အရစ်ကျစနစ်နဲ့ ၀ယ်ထားတာ။ သူတို့က အခုကလည်း ကားက သိမ်းထား ခံရတာ ဆိုတော့ အလုပ်မရှိတော့ အရစ်ကျကို မပေးနိုင်ဘူးပေါ့ဗျာ။ မပေးနိုင်တော့ ကျွန်တော်တို့ကို ပေးပေး ပါပေါ့။ ကျန်တဲ့ကိစ္စ ကတော့ နောက်မှ ဆက်ပြီးတော့ ရှင်းမယ်ပေါ့။ အမှုပြီးမှပဲ ရှင်းလို့ရမှာကိုး။ ၃၅ သိန်းပါ။ အဆင်ပြေသွားပြီလားဆိုတော့ အမှန်အတိုင်း ပြောရင်တော့ မပြေသေးဘူးပေါ့။ အားလုံးဝိုင်းပြီးတော့ စဉ်းစား ကြတော့ ကျွန်တော်တို့ထဲက တချို့က စိုက်ပေးထားတာ ၁၅ သိန်း၊ သိန်း ၂၀ လောက်တော့ရပြီ””ဟု ဗကသများအဖွဲ့ချုပ်မှ ကိုရှိန်းရာဇာထွန်းက ပြောသည်။

အစိုးရက လက်ပံတန်းရှိ ဒီမိုကရေစီပညာရေး ပင်မသပိတ်စစ်ကြောင်းကို အကြမ်းဖက် ဖြိုခွင်းခဲ့ရာ၌ ကျောင်းသားများ အသုံးပြုသော ကားများကို ဖျက်ဆီးရုံသာမက နာရေးကူညီမှုအသင်း(ရန်ကုန်)၏ လူနာတင် ယာဉ်များကိုပါ ခဲလုံးများဖြင့် ပစ်ခြင်း၊ ရိုက်နှက်ခြင်းတို့ ပြုလုပ်ခဲ့သည်။

““ငှားထားတာဆိုတော့ ငှားထားတဲ့ လူအပေါ်မှာတော့ တာဝန်ရှိတာပေါ့။ ဒါကတော့ ပြေပြေလည်လည် လုပ်ရမှာပဲ။ နှစ်ဦးနှစ်ဖက် အဆင်ပြေအောင်တော့ လုပ်ရမယ်။ ငှားထားတဲ့ ကားဖြစ်တဲ့အတွက် အစိုးရဘက်က ဘယ်လို စဉ်းစားပေးမလဲ။ ကားကတော့ မော်တော်ကားပဲ၊ သက်မဲ့ကို ဘာကြောင့် အဲဒီလောက် ဖျက်ဆီး တာလဲ။ ဒါတော့ အစိုးရဘက်က မှားတာပေါ့””ဟု နာရေး ကူညီမှုအသင်း(ရန်ကုန်)ဥက္ကဋ္ဌ ဦးကျော်သူက ပြောသည်။

ဝိုင်းမော်

မြန်မာသံတော်ဆင့်သတင်းဌာန – http://www.facebook.com/myanmarherald

(လူသတ်ကွင်းမှ သီသီလေးလွတ်မြောက်လာသော မျက်မြင်သက်သေများ)
*******************************************************************************
လူသုံးထောင်လောက်ပေါ်လာပြီး ယာဉ်တန်းကို ၀ိုင်းဝန်းတိုက်ခိုက်ကြတယ်။
ဒေါ်အောင်ဆန်းစုကြည်ကားကို ၀ိုင်းဝန်းတိုက်ခိုက်တာမှာ အန်အယ်ဒီလူငယ်များက လက်ချင်းယှက်ပြီး ကားကို ၀န်းရံကာကွယ်ခဲ့ကြတယ်။

ဒီပဲယင်းအကြမ်းဖက် တိုက်ခိုက်မှုကာလက မန္တလေးတိုင်း အနောက်မြောက်မြို့နယ် အမျိုးသမီးလုပ်ငန်းအဖွဲ့ တာဝန်ခံဖြစ်ပြီး၊ အခုအမေရိကန်ပြည်ထောင်စု အနောက် ဗာဂျီးနီးယားပြည်နယ်မှာ နေထိုင်နေတဲ့ ဒေါ်ခင်အေးမြင့်ကို အခင်းဖြစ်ပွားခဲ့တဲ့ညက ကိုယ်တွေ့ကြုံခဲ့ရပုံတွေကို ဒေါ်စမ်းစမ်းတင်က ဆက်သွယ်မေးမြန်းထားတာ နားဆင်နိုင်ပါတယ်။

RFA

boat-people-meeting-620 ထိုင်းနိုင်ငံ ဘန်ကောက်မြို့မှာ မေလ ၂၉ ရက်နေ့ကကျင်းပခဲ့တဲ့ ရွှေ့ပြောင်းသူတွေ အရေး နိုင်ငံတကာဆွေးနွေးပွဲကို တွေ့ရစဉ်

အာရှဒေသမှာ လူကုန်ကူးမှုပြဿနာကြီးတစ်ရပ်အဖြစ် ဦးတည်လာနေတဲ့ လှေစီးဒုက္ခသည်တွေအရေးနဲ့ ပတ်သက် လို့ မြန်မာနိုင်ငံဟာ ကိုယ်ပိုင်ဆုံးဖြတ်ချက် ချပိုင်ခွင့်ရှိပေမယ့်၊ အဲ့ဒီဆုံးဖြတ်ချက်ကြောင့် ဒေသတွင်းက တခြားနိုင်ငံတွေအပေါ် မထိခိုက်သင့်ဘူးလို့ မလေးရှားနိုင်ငံဝန်ကြီးချုပ် နာဂျစ်ရာဇတ်က သတိပေးပြောကြား လိုက်ပါတယ်။

အာဆီယံနိုင်ငံတွေအနေနဲ့ ရိုဟင်ဂျာဒုက္ခသည် ပြဿနာနဲ့ပတ်သက်လို့ အဖွဲ့ဝင်နိုင်ငံအချင်းချင်းအကြား ချစ်ကြည် ရင်းနှီးမှု မထိခိုက်စေတဲ့ အဖြေတစ်ခုရရှိအောင် ကြိုးပမ်းနေကြကြောင်း၊ အာဆီယံရဲ့ မူဝါဒအရ တခြား အာဆီယံနိုင်ငံတွေရဲ့ ပြည်တွင်းရေးကို ဝင်ရောက်စွက်ဖက်ခွင့်မရှိဘူးဆိုတာ မိမိတို့ နားလည်ကြောင်း ၊ မြန်မာနိုင်ငံအနေနဲ့ ကိုယ်ပိုင်ဆုံးဖြတ်ချက်တွေ ချမှတ်ပိုင်ခွင့်ရှိတာမှန်ပေမယ့်၊ အဲ့ဒီဆုံးဖြတ်ချက်တွေကြောင့် အိမ်နီးချင်းပတ်ဝန်းကျင်နိုင်ငံတွေမှာ ပြဿနာတွေ၊ အသက်ဆုံးရှုံးမှုတွေ မပေါ်ပေါက်စေသင့်ကြောင်း မလေးရှား ဝန်ကြီးချုပ် နာဂျစ်က သတင်းထောက်တွေကို မနေ့က ပြောကြားခဲ့တာပါ။

မလေးရှားအစိုးရဟာ ထိုင်းနဲ့ မလေးရှားနယ်စပ်အနီး တောအုပ်ထဲက လူမှောင်ခိုစခန်း ၂၈ ခုအနားမှာ လူ ၁၃၉ ဦး မြှုပ်နှံထားတဲ့နေရာတွေကို ဖော်ထုတ်တွေ့ရှိထားပြီး၊ အဲ့ဒီအမှုနဲ့ ပတ်သက်ဆက်နွယ်ကြောင်း သံသယရှိတဲ့ မလေးရှားရဲအရာရှိ ၁၂ ဦးကိုလည်း ဖမ်းဆီးထားပါတယ်။

RFA

ကိုပါကြီးထံမှ သိမ်းဆည်းရမိသည့် သက်သေခံပစ္စည်းများအား ပြည်သူ့ဘဏ္ဍာအဖြစ် သိမ်းဆည်းလိုက် ခြင်းမှာ တရားမျှတမှုမရှိဟု ကိုပါကြီး၏ဇနီးမသန္တာမှ မေလ(၂၅)ရက်နေ့က ပြောကြားသည်။

“ကျမခင်ပွန်းသည်မှာပါတဲ့ ပစ္စည်းကို ပြည်သူ့ဘဏ္ဍာအဖြစ်သိမ်းဆည်းတာ မတရားဘူး၊ ကျမ ယောင်္ကျား အသတ်ခံရစဉ်မှာ ဘာအပြစ်မှ ရှိတဲ့ လူတစ်ယောက် မဟုတ်ဘူး၊ ကျမ အမျိုးသားက အပြစ်ရှိတယ်ဆိုတဲ့ ဆုံးဖြတ်ချက် ဘယ်မှာမှ မချရသေးဘူး၊ ကျယောင်္ကျားရဲ့ အပြစ်ရှိမရှိ စစ်ဆေး နေတဲ့ ကာလပဲ ရှိသေးတယ်၊ သူဟာ နိုင်ငံသားဖြစ်တယ် ဘယ်တရားရုံးကမှ သူ့ကိုအပြစ် ပေးထား တာ မရှိဘူး၊ ဒါကြောင့် သူပစ္စည်းကို ပြည်သူ့ဘဏ္ဍာအဖြစ် သိမ်းပိုင်ခွင့်မရှိဘူး၊ သူ တကယ် အပြစ်ရှိလို့ တရားရုံးက အမိန့်ချပြီး သူသေသွားရင် သူ့ရဲ့ပစ္စည်းကို ပြည်သူ့ဘဏ္ဍာအဖြစ် သိမ်းတာက တမျိုးပေါ့၊ အခုက ဘာအပြစ်မှမရှိတဲ့သူ တစ်ယောက်ရဲ့ ပစ္စည်းကို ပြည်သူ့ဘဏ္ဍာ အဖြစ်နဲ့သိမ်းတာ တကယ်တော့ တရားမျှတမှုမရှိဘူး”ဟု မသန္တာက ဆိုသည်။

ကိုပါကြီးထံမှသိမ်းဆည်းရမိသည့်သက်သေခံပစ္စည်းများအား ပြည်သူ့ဘဏ္ဍာအဖြစ် သိမ်းဆည်းရာ၌ သိမ်းဆည်း ကြောင်းကို မည်သည့် သတင်းစာမှာမှ ကြေငြာမထည့်ကြောင်းနှင့် ပစ္စည်းသိမ်းဆည်း ခံရကြောင်း ယခုကဲ့သို့ သိရှိရသည်ဟု ၄င်းက ဆက်ပြောသည်။

“ ၃၀.၄. ၂၀၁၅ခုနှစ် မှာ ကျမ ကျိုက်မရော ရဲစခန်းကိုသွားတယ်၊ ရဲစခန်းက ကျမကို ပြောတယ်၊ ကိုပါကြီး အမှုကို သေမှုသေခင်းဖွင့်ပြီး တရားရုံးက အမှုစစ်ဆေးနေပြီး၊ ဒါကြောင့်ကျမ ကျိုက်မရော မြို့နယ် တရားရုံးကို သွားမေးတော့ ဒီနေ့က တတိယမြောက်ရုံးချိန်းဆိုတာကို ကျမသိရတယ်၊ ဒါကြောင့် ကျမ မရောက်ခင် စစ်ဆေး ထားတဲ့ သက်သေထွက်ချက်တွေနဲ့ အမှုတွဲကို တရားဝင် မိတ္တူကူးတဲ့ အခါမှာ တပ်မတော်ဘက်ကနေ ရဲစခန်း ကို အဝေးရောက် ထွက်ဆိုချက် ပေးတဲ့စာရွက်မှာ ကိုပါကြီးပစ္စည်းကို ပြည်သူ့ဘဏ္ဍာအဖြစ်နဲ့ သိမ်းလိုက်တယ် ဆိုတာ သိရတယ်”ဟု ပြောသည်။

တပ်မတော် အက်ဥပဒေပုဓ်မ-၁၅၅(၁)အရ ပစ္စည်ကို စီမံခန့်ခွဲရန်အမိန့်အား ၂၀၁၄ခုနှစ်၊ နိုဝင်ဘာ (၂၇)ရက် နေ့တွင် ချမှတ်လိုက်ရာ ကိုပါကြီးထံမှ သိမ်းဆည်းရမိသည့် ပစ္စည်း(၆၆)မျိုးနှင့်ပက်သက်၍ မြန်မာငွေစက္ကူ၊ ယိုးဒယားဘတ်ငွေ၊ ရွှေလက်စွပ်၊ ဖုန်း စသောပစ္စည်း(၁၇)မျိုးအား ပြည်သူ့ဘဏ္ဍာ အဖြစ် သိမ်းဆည်းပြီး၊ ကျန်ရှိသောပစ္စည်းများအား သက်ဆိုင်ရာဝန်ကြီးဌာနသို့ လွှဲပြောင်းပေးအပ်ရန် နှင့် ပစ္စည်း(၄၆)မျိုးအား ဖျက်ဆီးရန် ကြည်း ၂၂၆၅၈ ဗိုလ်မှူးကြီးနိုင်ဝင်း လက်မှတ်ထိုးထားသော အမိန့်အား ကျိုက်မရောမြို့နယ် တရားရုံးမှ တရားဝင်ကူးယူခဲ့သော မိတ္တူစာရွက်၌ ဖေါ်ပြထားကြောင်း မသန္တာထံမှ သိရသည်။

“ကိုပါကြီးရဲ ကျန်ရစ်ခဲ့တဲ့ပစ္စည်းဟာ ဥပဒေနဲ့ဆန့်ကျင်တဲ့ပစ္စည်းလည်း မဟုတ်ဘူး၊ ကိုပါကြီးဟာ တရားခံ တယောက်လည်း မဟုတ်ဘူး၊ သူ့ပစ္စည်းကို ပြည်သူ့ဘဏ္ဍာအဖြစ် သိမ်းတာက ဘာကြောင့် သိမ်းတယ်ဆိုတဲ့ အကြောင်းပြချက် မလုံလောက်ပဲ သိမ်းတာဖြစ်တဲ့အတွက် ဥပဒေအရ မှားယွင်း နေတယ်၊ အဲဒီလိုသိမ်းရ လောက်အောင် ဘယ်ဥပဒေပြဌာန်းချက်ကို အတည်ပြုပြီး လုပ်တာလဲ၊ ဇနီး မသန္တာရဲ့ သဘောတူ ခွင့်ပြုချက် မရှိသလို မသန္တာကိုလည်း ဆက်သွယ်ပြောကြားမှုမရှိပဲ အခုလို တဖက်သတ် ဆောင်ရွက်တာဟာ တပ်မတော် အပေါ်မှာ အထင်မြင်လွဲမှားမှုဖြစ်စေတယ်”ဟု တရား လွှတ်တော်ရှေ့နေ ဦးရောဘတ်စန်းအောင်က ပြောသည်။

ကိုပါကြီးအသတ်ခံရမှုကို ၂၀၁၄ ခုနှစ် အောက်တိုဘာ (၂၆) ရက်နေ့တွင် သေမှုသေခင်း အမှတ်စဉ်-၁၁/၂၀၁၄ ဖြင့် ကျိုက်မရောမြို့မရဲစခန်းမှ အမှုဖွင့်လှစ်ပြီး ၂၀၁၅ခုနှစ်မတ်လ(၃၀)ရက်နေ့တွင် ကျိုက် မရောမြို့မရဲစခန်းမှ ဒုရဲမှူး တင်ဦးမှ တရားလိုပြုလုပ်၍ ကျိုက်မရောမြို့နယ် တရားရုံးသို့ တရားစွဲဆို တင်ပို့ခဲ့ရာ တရားရုံးမှ ပြစ်ထွေမှု ၂၈/၂၀၁၅ဖြင့် အမှုလက်ခံစစ်ဆေးနေသည့် အမှု ဖြစ်သည်။

ချိုမာအောင်-မွန်ပြည်နယ်(မြစ်မခ)
Source : Shwe Myitmakha Media Group

ဒီပဲယင်း (၁၂) ပြည့် အထိမ်းအမှတ်ပွဲကို အဲဒီအချိန်က ကိုယ်တိုင်ကြုံတွေ့ဖြတ်သန်းခဲ့ရတဲ့ NLD နာယက သူရဦးတင်ဦး တက်ရောက်စဉ်။ (မေ ၃၀၊ ၂၀၁၅။ ဓာတ်ပုံ/မာတင်ဆွေ ဖဘ)

ဒီပဲယင်းအကြမ်းဖက်လုပ်ကြံမှုကြီးပေါ်ပေါက်ခဲ့တာ (၁ဝ) နှစ်ကျော်ကြာခဲ့ပေမယ့် ကျူးလွန်ခဲ့သူတွေကို တရားဥပဒေအရ အများပြည်သူရှေ့မှောက်မှာ ဖေါ်ထုတ်အရေးယူနိုင်ခြင်းမရှိသေးတာကြောင့် လက်ရှိအစိုးရမှာ တာဝန်အပြည့်ရှိတယ်လို့ ကိုယ်တိုင်တွေ့ကြုံခဲ့ရသူတွေကပြောပါတယ်။ ဒီ တိုက်ခိုက်မှု အတွင်း သေဆုံးခဲ့သူတွေကို ဂုဏ်ပြုအောင့်မေ့ဘွယ်အခမ်းအနားကို အကြမ်းဖက်တိုက်ခိုက်မှုဖြစ်ခဲ့တဲ့ စစ်ကိုင်းတိုင်း ဒီပဲယင်းမြို့နယ် ကျည်ရွာနဲ့ မုံရွာမြို့တို့မှာ ကျင်းပခဲ့ပြီး အမျိုးသားဒီမိုကရေစီအဖွဲ့ချုပ် နာယက ဦးတင်ဦးကိုယ်တိုင်တက်ရောက်ခဲ့ပါတယ်။ မအင်ကြင်းနိုင်က စုံစမ်းတင်ပြပေးထားပါတယ်။

မေလ (၃ဝ) ရက်နေ့က ကြည်ရွာမှာ ကျင်းပတဲ့ ဒီပဲယင်း (၁၂) ပြည့်အခမ်းအနားမှာ ကိုယ်တိုင်တက်ရောက်ခဲ့တဲ့ အမျိုးသားဒီမိုကရေစီအဖွဲ့ချုပ်နာယက ဦးတင်ဦးက စွမ်းအားရှင်တွေရဲ့အကြမ်းဖက်တိုက်ခိုက်မှုကို တတ်နိုင်သလောက်အကာအကွယ်ပေးခဲ့ကြတဲ့ ဒေသခံရွာသူရွာသားတွေကိုလည်း ကျေးဇူးတင်ကြောင်း ပြောဆိုခဲ့ပါတယ်။

အရင်စစ်အစိုးရလက်ထက် ၂ဝဝ၃ခုနှစ် မေလ (၃ဝ) ရက်နေ့က စစ်ကိုင်းတိုင်း ဒီပဲယင်းမြို့နယ်ကြည်ရွာနားမှာ အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်နဲ့ ဦးတင်ဦးတို့ လိုက်ပါလာတဲ့ ယာဉ်တန်းကို အမည်မသိတဲ့ စွမ်းအားရှင်အဖွဲ့ဝင်တွေ အကြမ်းဖက်ဝင်ရောက်တိုက်ခိုက်မှုကြောင့် မြန်မာပြည်သူတွေအပါအဝင် နိုင်ငံတကာအသိုင်းအဝိုင်းက အံသြတုန်လှုပ်ခဲ့ကြပါတယ်။ဒီတိုက်ခိုက်မှုကြောင့် လူပေါင်းဒါဇင်နဲ့ချီသေဆုံးပြီး ရာနဲ့ချီ ဒဏ်ရာရခဲ့တယ်လို့ လူ့အခွင့်အရေးနဲ့ဥပဒေစိုးမိုးရေး လှုပ်ရှားနေတဲ့အဖွဲ့တွေက ခန့်မှန်းထားပါတယ်။

ဒေါ်အောင်ဆန်းစုကြည်ရဲ့အသက်ကိုလုပ်ကြံဖို့ ရည်ရွယ်ပြီး သူရဲ့စည်းရုံးရေးခရီးစဉ်မှာ အကြမ်းဖက်တိုက်ခိုက်ခဲ့တာကြောင့် အမျိုးသားဒီမိုကရေစီအဖွဲ့ချုပ် ဝင်တွေနဲ့ လုံခြုံရေးလိုက်ပါဆောင်ရွက်ပေးတဲ့ ဒေသခံတချို့ သေဆုံးခဲ့တာပါ။

ဒီဖြစ်ရပ်ကို ထုတ်ဖေါ်အရေးယူတာမျိုးမရှိသေးတာကြောင့် လက်ရှိအစိုးရမှာ တာဝန်အပြည်ရှိတယ်လို့ဒီတိုက်ခိုက်မှုမှာ ကိုယ်တိုင်တွေ့ကြုံခဲ့ရတဲ့ အမျိုးသား ဒီမိုကရေစီအဖွဲ့ချုပ် မန္တလေးတိုင်းအဖွဲ့ဝင်တဦးဖြစ်ပြီး လက်ရှိအမေရိကန်ပြည်ထောင်စုမှာနေထိုင်နေတဲ့ မခင်အေးမြင့်ကပြောပါတယ်။

“အုပ်ချုပ်သူအစိုးရက အခုချိန်ထိအောင်ကို ဘာမှ လုပ်ကိုင်မပေးသေးဘူး။ (၁၂) သာပြည့်သွားတယ်၊ သူတို့ရဲ့လုပ်ပုံကိုင်ပုံ ပုံစံတွေဟာ ပြည်သူတွေကို ဒီမိုကရေစီဘက်တော်သားတွေကို နှိမ်နင်းချေဖျက်တဲ့ပုံစံတွေကတော့ အခုအချိန်အထိ အတူတူတွေပါပဲ၊ ဆင်တူတွေပါပဲ။ ဒေါ်ခင်ဝင်းသေဆုံးမှု၊ လက်ပံတောင်းတောင် အကြမ်းဖက်ခံရမှုတွေ၊ ပြီးတော့ အခု နောက်ဆုံးဖြစ်ပေါ်နေတဲ့ ကလေးတွေရဲ့အကြမ်းဖက်ခြင်းခံရပြီးတော့ အခု ကလေးတွေ သာယာဝတီထောင်မှာ -အဲဒီဖြစ်စဉ်တွေအကုန်လုံးက အမတို့ ဒီပဲယင်းဖြစ်စဉ်မှာ ဖြစ်ပေါ်နေတဲ့ သူတို့ လုပ်ရိုးလုပ်စဉ် စနစ်တွေနဲ့ပဲ လုပ်နေတယ်။ အဲဒီတော့ ဒီ အုပ်ချုပ်သူ စစ်အစိုးရကပဲ အဲဒီကိစ္စတွေကို လုပ်နေတယ်။ ဒါကြောင့်မို့ သူတို့ကိုယ်တိုင် လုပ်တဲ့ကိစ္စဖြစ်တဲ့အတွက် ဒီပဲယင်းလုပ်ကြံမှု အရေးအခင်းကလည်း သူတို့ ဖော်မပြနိုင်ဘူးဖြစ်ပါတယ်။”

ဒီအကြမ်းဖက်တိုက်ခိုက်မှုနဲ့ပတ်သက်လို့ တရားစွဲနိုင်ဖို့ အသင့်ပြင်ထားတဲ့အကြောင်း ဒီပဲယင်း တိုက်ခိုက်မှုမှာ ကိုယ်တိုင်တွေ့ကြုံခဲ့ရတဲ့ အမျိုးသားဒီမိုကရေစီအဖွဲ့ချုပ် မန္တလေးတိုင်းအဖွဲ့ဝင်တဦးဖြစ်ပြီး လက်ရှိအမေရိကန်ပြည်ထောင်စုမှာနေထိုင်နေတဲ့ ဒေါ်ညွန့်ညွန့်က ပြောပါတယ်။

“အန်တီညွန့်တို့မှာလည်း အထောက်အထားတွေကတော့ အများကြီးရှိပြီပေါ့နော်။ အထောက်အထားတွေ အကုန်လုံးရှိတယ်။ အန်တီညွန့်တို့မှာ မျက်မြင်သက်သေတွေလည်း ရှိတယ်။ အမတို့ဘေးက ဆိုင်ကယ်တွေ၊ ကလေးတွေလည်း အကုန်အရိုက်ခံရတယ်။ အမတို့ကားက အမိုးပါတဲ့အထဲမှာ ရိုက်ပြီးတော့ မနာဘူးဆိုပြီး တယောက်ချင်း တယောက်ချင်း အကုန်လုံး အပေါ်ကနေ ရိုက်ချတယ်။ အန်တီညွန့်ကိုကျတော့ ရိုက်ပြီးတော့ ဆယ်ပေလောက်၊ ဆယ့်ငါးပေလောက်ကို ဆွဲခေါ်သွားတယ်၊ အရပ်သားနှစ်ယောက်နဲ့ ပုဆိုးကွင်းသိုင်းတွေနဲ့ အဲဒီအထဲမှာ ကျောက်ခဲတွေ၊ ဓားတွေ၊ တုတ်တွေပါတယ်။ အဲဒါတွေနဲ့ အန်တီညွန့်ကိုလည်း ရိုက်တယ်။ အန်တီညွန့်တို့အဖွဲ့အကုန်လုံးက ပင်နီအင်္ကျီတွေအကုန်လုံးကို ကျောကနေ ဓားတွေခွဲထားတယ်။ အကုန်လုံးအန်တီညွန့်တို့ဆီမှာ အင်္ကျီမပါသလောက်ရှိတယ်။ အကုန်လုံး ယောက်ကျား၊ မိန်းမ အကုန်လုံး ဓားနဲ့ခွဲပစ်တယ်။”

ဒီပဲယင်း တိုက်ခိုက်မှုပြီးပြီိးချင်း စစ်အစိုးရဟာ ဒေါ်အောင်ဆန်းစုကြည်ကို ဖမ်းဆီးခဲ့ပြီး နေအိမ်အကျယ်ချုပ်ချထားခဲ့သလိုဦးတင်ဦးအပါအဝင် အဖွဲ့ဝင် အများအပြားကိုလည်း နှစ်ရှည်ထောင်ဒဏ်တွေချမှတ်ခဲ့ပါတယ်။

VOA
http://burmese.voanews.com/content/depayin-massacre-12-year-anniversary-celebrated-in-depayin-/2800944.html


ဧရာဝတီတိုင်း ဖျာပုံမြို့နယ်အပိုင် မြန်မာပိုင်နက်ရေပြင်မှာ မြန်မာရေတပ်က ဖမ်းမိခဲ့တဲ့ လှေစီးဒုက္ခသည် ၇ဝဝ ကျော်ဟာ ကမ်းခြေအလွန် ရေပြင်မှာပဲရှိနေသေးတယ်လို့ ရိုက်တာသတင်းဌာနက ဒီနေ့ ဖော်ပြပါတယ်။

ရိုက်တာသတင်းဌာနက ရေတပ် ဒုဗိုလ်မှူးကြီး စိုးမင်းကို ဆက်သွယ်လို့ ရရှိခဲ့ပြီး အဲ့ဒီလူတွေကို ဟိုင်းကြီးကျွန်း ရေတပ်စခန်းဖြစ်ဖြစ် ဒါမှမဟုတ် စစ်တွေလို တခြားတစ်နေရာကိုဖြစ်ဖြစ် ခေါ်သွားပြီး စစ်မေးဖို့ရှိတယ်လို့ပြောကြောင်း ဖော်ပြပါတယ်။

ဒါနဲ့ပတ်သက်ပြီး RFA က ရခိုင်ပြည်နယ် ဝန်ကြီးချုပ် ဦးမောင်မောင်အုန်းကို ဆက်သွယ် စုံစမ်းရာမှာ သူက

"ကျနော်တို့တော့ လက်ရှိတော့ မကြားသေးပါဘူး၊ ကျနော်တို့နဲ့ သိပ်တော့အဆက်အစပ် မရှိဘူးပေါ့နော်၊ မိတာလည်း ကျနော်တို့ပြည်နယ်မဟုတ်ပဲနဲ့ ဧရာဝတီတိုင်းဆိုတော့လေ၊ သူတို့အရေးနဲ့ပဲ ဆိုင်တာပေါ့နော်၊ ကျနော်တို့ဘက်ကို ဘာမှတော့ ညွှန်ကြားချက်တော့ မရှိပါဘူး၊ ကျနော်လည်းအခု ရခိုင်ကိုပြန်မရောက်သေး ပါဘူး၊ အစည်းအဝေးနဲ့ ရန်ကုန်မှာရောက်နေတာ မနက်ဖြန်မှ ပြန်သွားရမှာပါ" လို့ ပြောပါတယ်။

ဒီအတောအတွင်းမှာ ရခိုင်ပြည်နယ် မောင်တောမြို့နယ်မှာ ပြီးခဲ့တဲ့ မေလ ၂၁ ရက်နေ့က ဖမ်းဆီးရမိထားတဲ့ ဘင်္ဂလားဒေ့ရ်ှ နိုင်ငံသား ၂ဝဝ ကျော် စီးနင်းလိုက်ပါလာတဲ့ စက်လှေရဲ့ပိုင်ရှင်ဖြစ်သူ ထိုင်းနိုင်ငံသား အုမင့် ဆိုသူကို ရန်ကုန်တိုင်းဒေသကြီး မင်္ဂလာဒုံမြို့နယ်မှာ မြန်မာနိုင်ငံရဲတပ်ဖွဲ့က မနေ့က ဖမ်းဆီးလိုက်ပါတယ်။

သူနဲ့အတူပါလာတဲ့ လူ ၅ ဦးကိုလည်း စစ်ဆေးနေတယ်လို့ ရခိုင်ပြည်နယ် အမှတ် (၅) လူကုန်ကူးမှု တားဆီးနှိမ်နင်းရေး ရဲတပ်ဖွဲ့စုတာဝန်ခံ ဒုရဲမှူးကျော်ညွန့်က ပြောပါတယ်။

"ဘင်္ဂလီတင်ဆောင်ထားတဲ့ကိစ္စ စက်လှေပိုင်ရှင်ပေါ့၊ သူက ထိုင်းနိုင်ငံသား ရနောင်းမှာနေတာ အဲ့လိုနေတဲ့ အတွက်  ကော့သောင်ဖက်ကတက်လာတဲ့ ရထားနဲ့ပါလာတာ၊ ဘိတ်မှာတစ်ညအိပ်တယ် ပြီးတော့မှ ဒီကို ဆက်ထွက်လာတယ်၊ ၂၉ ရက်နေ့မှာ ရန်ကုန်တိုင်းရဲတပ်ဖွဲ့ကနေ ဖမ်းလိုက်တာပေါ့၊ သူအပါအဝင်ပေါ့ လောလောဆယ် ၅ ဦးလို့သိရတယ်"

မနေ့ကဖမ်းဆီးရမိလိုက်တဲ့ ထိုင်းနိုင်ငံသားနဲ့ ရိက္ခာပို့တဲ့စက်လှေပိုင်ရှင် ကိုခိုင်မြတ်ဆိုသူတို့ကို တရားခံ ပြေးအဖြစ် ရခိုင်ပြည်နယ် အမှတ် ၅ လူကုန်ကူးမှု တားဆီးနှိမ်နင်းရေးအဖွဲ့က အမှုဖွင့်ထားတာပါ။

RFA Burmese
http://www.rfa.org/burmese/


ကချင်ပြည်နယ် မြစ်ကြီးနားခရိုင် ချီဖွေနဲ့ ဆော့လော်မြို့နယ်ထဲမှာ လျှပ်စစ်ဓါတ်အား မဂ္ဂါဝပ် ၁၂ဝဝ ထွက်ရှိမယ့် "ငေါ်ချမ်းခ"ရေအားလျှပ်စစ်စီမံကိန်းကို တည်ဆောက်ဖို့ ကုမ္ပဏီတာဝန်ရှိသူတွေဟာ ဒေသခံတွေကို သွားရောက်တွေ့ဆုံပြီး စည်းရုံးရေးဆင်းနေပါတယ်။

စီမံကိန်း အကောင်အထည်ဖော်မယ်ဆိုရင် ဒေသခံလူထုရဲ့သဘောတူညီမှုကို ရယူပြီးမှဆောင်ရွက်ဖို့ ပြည်နယ် အစိုးရက တိုက်တွန်းထားတယ်လို့ ကချင်ပြည်နယ် လျှပ်စစ်နဲ့စက်မှုလက်မှုဝန်ကြီး ဦးစိုင်းမောင်ရွှေက RFA ကို ပြောပါတယ်။

"လုပ်မယ့်အဖွဲ့ကတော့ ပြည်နည်အစိုးရနဲ့တော့ လာတင်ပြတယ်၊ ပြည်ထောင်စု အစိုးရအဖွဲ့နဲ့လည်းပဲ လျှပ်စစ်စွမ်းအားအဖွဲ့နဲ့လည်းပဲ သူတို့ပေါ့ MOU တွေ ဘာတွေ အားလုံးထိုးထားကုန်ပြီပေါ့လေ၊ အခုလောလောဆယ်ပေါ့လေ သူတို့ အဲ့ဒေသကိုသွားရောက်ပြီးတော့မှ လူထုနဲ့တွေ့ဆုံတာ၊ ဧကပေါင်းကတော့ ၁၂ဝဝ ရှိတယ်၊ စီမံကိန်းကာလကတော့ ၁ဝ နှစ်တော့ပြောတာပဲ၊ ပြည်သူလူထုကို ကိုယ်ကျိုးမထိခိုက်ပဲနဲ့ နစ်နာမှုမရှိပဲနဲ့နော် လိုအပ်တဲ့အချက်တွေကို သူတို့ဖြည့်ဆည်းပေးမယ်ဆိုရင် ပြည်သူလူထုက ထောက်ခံတယ် အားပေးမယ်ဆိုရင်နော် ဒါကတော့ သူတို့က လူထုနဲ့တွေ့ဆုံပြီးတော့မှ ပြေပြေလည်လည်ဖြစ်အောင်လုပ်ပါ လို့လည်း ကျနော်တို့ ပြည်နယ်အစိုးရအနေနဲ့ သူတို့ကိုတိုက်တွန်းတယ်ပေါ့"

မြစ်ကြီးနားမြို့ရဲ့ အရှေ့မြောက်ဘက် ၁၂၅ မိုင်အကွာ ကချင်အထူးဒေသ (၁) နယ်မြေထဲမှာရှိတဲ့ အဲ့ဒီစီမံကိန်းကို တရုတ်နိုင်ငံ YPIC ကုမ္ပဏီနဲ့ မြန်မာနိုင်ငံက IGOEC ကုမ္ပဏီတွေက ပူးပေါင်း အကောင်အထည်ဖော်လုပ်ဆောင် ကြမှာဖြစ်ပါတယ်။

ပြည်ထောင်စုအစိုးရ လျှပ်စစ်စွမ်းအားဝန်ကြီးဌာနနဲ့လည်း ပြီးခဲ့တဲ့ ၂ဝဝ၉ ခုနှစ်မှာ MoU နားလည်မှုစာချွန်လွှာ လက်မှတ်ရေးထိုးခဲ့ပြီးဖြစ်တယ်လို့ သိရပါတယ်။

မေခမြစ်ရဲ့လက်တက်တစ်ခုဖြစ်တဲ့ ငေါ်ချမ်းခမြစ်ပေါ်မှာ တုံးရှင်းချောင်၊ လောင်းဒင်၊ ဂေါလန်၊ ခန်ကန်း စတဲ့ စီမံကိန်းလေးခုနဲ့ စုစုပေါင်းလျှပ်စစ်ဓါတ်အား ၁၂ဝဝ ထွက်ရှိမယ့် ဒီစီမံကိန်းကို လာမဲ့ ၂ဝ၁၇ ခုနှစ်မှာ စတင်အကောင်အထည်ဖော်ဖို့ ရှေးဦးလေ့လာမှုတွေပြုလုပ်နေတာဖြစ်ပါတယ်။

အခုလဆန်းပိုင်းကလည်း ကုမ္ပဏီတာဝန်ရှိသူတွေဟာ ချီဖွေမြို့နယ် မော်ဖီကျေးရွာနဲ့ ဆော့လော် မြို့နယ် မျှောဂျောင်ကျေးရွာတွေမှာ ဒေသခံတွေနဲ့ တွေ့ဆုံခဲ့ပါတယ်။

စီမံကိန်းကြောင့် ဒေသခံတွေရဲ့ ထိခိုက်နစ်နစ်မှုတွေအားလုံးကို နစ်နာကြေးပေးသွားမှာဖြစ်ကြောင်းနဲ့ ဖွံ့ဖြိုးရေး လုပ်ငန်းတွေကိုလည်း ဆောင်ရွက်ဖို့စီစဉ်ထားကြောင်း ကုမ္ပဏီဘက်က ပြောပါတယ်။

RFA Burmese
http://www.rfa.org/burmese


တောင်တရုတ်ပင်လယ်ထဲမှာ တရုတ်က မြေဖို့ကျွန်းဖော်နေတဲ့ ကိစ္စက နိုင်ငံတကာ ဥပဒေတွေကို ချိုးဖောက်တာဖြစ်ပြီး အငြင်းပွားစရာ ဖြစ်နေတဲ့ မြေပေါ်မှာ နောက်ထပ် စစ်ရေး ပြင်ဆင်ဆောင်ရွက်မှု လုပ်ရပ်မှန်သမျှကို အမေရိကန်က ကန့်ကွက်တယ်လို့ အမေရိကန် ကာကွယ်ရေးဝန်ကြီး Ashton Carter က ပြောကြားလိုက်ပါတယ်။

ရေအောက်ကျောက်တုံးတွေကို လေယာဉ်ပြေးလမ်းအဖြစ် အသွင်းပြောင်းလိုက်ရုံနဲ့ အချုပ်အခြာ အာဏာပိုင်တယ်လို့ ပြောခွင့်မရှိသလို နိုင်ငံတကာ လေကြောင်း၊ ရေကြောင်း သွားလာခွင့်တွေကိုလည်း ထိန်းချုပ်လို့မရပါဘူး၊ တောင်တရုတ်ပင်လယ်ထဲမှာ တရုတ်ရဲ့ ဆောင်ရွက်ချက်တွေဟာ နိုင်ငံတကာ ဥပဒေသတွေကို ဖောက်ဖျက်လိုက်တာဖြစ်သလို အာရှ-ပစိဖိတ်ဒေသတွင်း လုံခြုံရေးအစီအမံတွေနဲ့ သံခင်းတမန်းခင်းကို အဓိကထားဆောင်ရွက်မယ့် ဒေသတွင်း နားလည်ထားမှုတွေကို ဖောက်ဖျက်လိုက်တာပဲလို့ အမေရိကန်ကာကွယ်ရေးဝန်ကြီး Carter က ပြောကြားခဲ့တာဖြစ်ပါတယ်။

နိုင်ငံတကာ မဟာဗြူဟာလေ့လာရေး IISS က Singapore နိုင်ငံမှာ စီစဉ်ကျင်းပတဲ့ Shangri-La Dialogue ဆွေးနွေးပွဲမှာ ခုလို ပြောခဲ့တာဖြစ်ပါတယ်။ ပိုင်နက်အငြင်းပွားနေကြတဲ့ တခြားနိုင်ငံတွေထက်ကို တရုတ်နိုင်ငံက မြန်မြန်ဆန်ဆန်နဲ့ ပိုပြီးရှေ့ရောက်အောင် ဆောင်ရွက်နေတာဖြစ်တယ်လို့ Shangri-La Dialogue ဆွေးနွေးပွဲတက်ရောက်နေကြတဲ့ အာရှ-ပစိဖိတ်ဒေသတွင်းက ကာကွယ်ရေးဆိုင်ရာ တာဝန်ရှိသူတွေကို အမေရိကန်ကာကွယ်ရေးဝန်ကြီးက မိန့်ခွန်းပြောကြားခဲ့ပါတယ်။

တောင်တရုတ်ပင်လယ်ထဲက အဓိက ကမ္ဘာ့သင်္ဘောလမ်းကြောင်းတွေရှိရာ သဘာဝသယံဇာတကြွယ်ဝတဲ့ နေရာအားလုံးနီးပါးဟာ သူတို့ ပိုင်နက်ဖြစ်တယ်လို့ တရုတ်က အလေးထား ပြောနေတာပါ။ အဲဒီနေရာတချို့ကို ဖိလစ်ပိုင်၊ မလေးရှား၊ ဗီယက်နမ်၊ ထိုင်ဝမ်နဲ့ ဘရူနိုင်းနိုင်ငံတွေကလည်း ပိုင်ဆိုင်တယ်လို့ ပြောနေပါတယ်။

အာရှဒေသတွင်း လှေစီးပြေးပြဿနာအပေါ် စိုးရိမ်မှုနေကြတာနဲ့ ပတ်သက်လို့တော့ မလေးရှားကာကွယ်ရေးဝန်ကြီး Hishammuddin Hussein က ပြဿနာ အရင်းအမြစ်ကို အလုံးစုံ ဖြေရှင်းရမယ်လို့ ပြောကြားသွားပါတယ်။ မလေးရှားက ဦးဆောင်ပြီး ရိုဟင်ဂျာတွေအတွက် ယာယီ နေရာထိုင်ခင်းတွေ ပေးထားသလို လူကုန်ကူးသူတွေရဲ့ နောက်ထပ် အမြတ်ထုတ်မှုကို တားဆီးနိုင်အောင် ဆောင်ရွက်နေတယ်လို့ သူကပြောကြားသွားခဲ့ပါတယ်။

ဗွီအိုအေ (မြန်မာဌာန)
http://burmese.voanews.com

အပေါ်က ညွှန်ကြားချက်ကတော့ ပြန်ပေးဖို့ အောက်ကလူတွေက ရောလိမ်နေတာ တခြားမဟုတ်ဘူး။ သူတို့ပါ အကျိုးစီးပွားထဲ ပါနေတယ်။ သူတို့ပါ သက်ဆိုင်ရာတွေ ကို ရောင်းတဲ့အထဲမှာ ဝေစားမျှစား လုပ်ထားတော့ တောင်သူလယ်သမားတွေအနေနဲ့ အပေါ်တိုင်မရ ဘယ်တိုင်မရဖြစ်နေတယ်…

~~~~~~~~~~~~~~~~~~~~~~~~~~~~~~~~~~~~~~~~~

၂၀၀၈ ဖွဲ့စည်းပုံ အခြေခံဥပဒေဖြင့် တက်လာသည့် ဦးသိန်းစိန်အစိုးရ လက်ထက်တွင် အာဏာပိုင်များ၏ မြေယာသိမ်းဆည်းမှု နောက်ဆက်တွဲ ဆိုးကျိုးအဖြစ် မိမိမြေပေါ်တွင်စိုက်ပျိုးခွင့် ရရန်အတွက် ကိုယ့်ကိုယ်ကိုယ် ဓာတ်ဆီလောင်းကာ မီးရှို့ဆန္ဒဖော်ထုတ်ခဲ့သဖြင့် လူသေဆုံးရမှု ပထမဆုံးအကြိမ် ဖြစ်ပေါ်ခဲ့သည်။ ရှမ်းပြည်နယ် တောင်ပိုင်း၊ တောင်ကြီးမြို့၊ ကွမ်းလုံးကျေးရွာအုပ်စု၊ ရေပူရွာတွင်နေထိုင်သူ တောင်သူ ဦးမြင့်အောင်က စစ်တပ်က သိမ်းဆည်းထားသော မိမိ၏မြေပေါ်တွင် သီးစားခပေးကာ လုပ်ပိုင်ခွင့်ရပြီးမှ ထပ်မံဖယ်ရှား ခိုင်းခဲ့ခြင်းကြောင့် ယခုကဲ့သို့ မိမိကိုယ်ကိုယ် ဓာတ်ဆီလောင်း မီးရှို့ဆန္ဒဖော်ထုတ်ခဲ့သဖြင့် မေလ ၂၂ ရက်တွင် ကွယ်လွန်ခဲ့ခြင်း ဖြစ်သည်။

သိမ်းဆည်းခံ မြေယာကိစ္စများကြောင့် ယခုကဲ့သို့ မိမိကိုယ်ကိုယ် ဓာတ်ဆီလောင်း မီးရှို့ကာ ဆန္ဒဖော်ထုတ် ရခြင်းမှာ မြေယာသိမ်းဆည်းမှု များနှင့် ပတ်သက်၍ အစိုးရ၏ တာဝန်ခံမှု၊ တာဝန်ယူမှု အားနည်းခြင်းကြောင့် ဖြစ်ကြောင်း နိုင်ငံရေးပါတီများက ဝေဖန်လျက်ရှိသလို ယင်းကိစ္စကို အမြန်ဆုံး မဖြေရှင်းနိုင်ပါက အုံကြွမှု အဆင့်အထိ ဖြစ်နိုင်ကြောင်းလည်း သုံးသပ်မှုများရှိသည်။ ယင်းသို့ လယ်ယာမြေ သိမ်းဆည်းမှု ကိစ္စများနှင့် ဆက်စပ်၍ နယ်ပယ်အသီးသီးမှ ပုဂ္ဂိုလ်များ၏ သဘောထားအမြင်ကို စုစည်းကာ မြန်မာသံတော်ဆင့်မှ တင်ပြလိုက်ပါသည်။

ဝိုင်းမော်

● ဒေါက်တာစိုးထွန်း (ဥက္ကဋ္ဌ မြန်မာနိုင်ငံ တောင်သူလယ်သမားအသင်း)

အစိုးရအပိုင်းကော လွှတ်တော်အပိုင်းကောပေါ့နော်၊ သက်ဆိုင်ရာ တောင်သူ လယ်သမားတွေကော၊ တောင်သူ လယ်သမား အရေးဆောင်ရွက်တဲ့ သူတွေကော ပါဝင်ပြီးတော့ ကော်မတီ ဖွဲ့ပြီး ဆောင်ရွက်သင့် တယ်လို့ ထင်တယ်။ လွှတ်တော်ကနေ ဖွဲ့လိုက်တဲ့ မြေယာသိမ်းဆည်းရေးနဲ့ ပတ်သက်တဲ့ အစီရင်ခံစာ တင်တာတော့ တွေ့တယ်။ သို့သော်လည်း ဒါနဲ့ပတ်သက်ပြီး အကောင်အထည် ဖော်တာတော့ သိပ်မတွေ့ဘူး။ ဖြစ်နိုင်ရင် ဒီပြဿနာတွေ အမြန်ဆုံးဖြေရှင်းဖို့ လိုတယ်လို့ထင်တယ်။ မဟုတ်ရင် ခုလို မလိုလားအပ်တဲ့ အသက်ဆုံးရှုံးမှုတွေ ရှိတာတော့ စိတ်မကောင်းဘူးပေါ့။ ပူးပေါင်း ဆောင်ရွက်တဲ့ ဖြေရှင်းတဲ့ ကော်မတီတော့ ရှိပြီ။ လွှတ်တော်ကလည်း ကော်မတီဖွဲ့ပြီး စုံစမ်း စစ်ဆေးမယ်ပြောတယ်။ ခုနက ကျွန်တော်ပြောသလိုပဲ လယ်သမားတွေနဲ့ လယ်သမားအရေး ဆောင်ရွက်တဲ့သူတွေနဲ့ကော ပူးပေါင်းပါဝင်ပြီးလုပ်မှ အဖြေတစ်ခုရမယ်။ သူတို့မပါဘဲ ကိုယ့်ဘာသာကိုယ် ကော်မတီဖွဲ့တယ်၊ စစ်ဆေးချက်တင်တယ်ဆိုတာ ဘာတွေတင်လိုက်လဲ မသိဘူးပေါ့နော်။ Solution လည်း အများကြီး ထွက်လာတာမတွေ့ဘူး။

● ဒေါ်စုစုနွေး (ဥက္ကဋ္ဌ မြန်မာနိုင်ငံ တောင်သူလယ်သမားသမဂ္ဂ)

ဒီသတင်းကို facebook ပေါ်ကနေ သိရတယ်။ ဒီသတင်းကို သိရတဲ့အခါ ရင်ထဲမှာလည်း မချိဘူး။ ကိုယ့်ရဲ့ အသက်တစ်ချောင်းကို အမှန်တရားအတွက် အဖန်ငါးရာ ငါးကမ္ဘာကို သိရက်နဲ့ဆန္ဒပြ တောင်းဆိုသွားတာဟာ တကယ့်ကိုလည်း တုန်လှုပ်မိတယ်။ ပထမဆုံးမြန်မာနိုင်ငံမှာ ဖြစ်ပေါ်မှု ဆိုလည်း မမှားဘူးပေါ့နော်။ ကျွန်မတို့ မြန်မာနိုင်ငံ တောင်သူလယ်သမား သမဂ္ဂအနေနဲ့၊ လယ်သမားအရေး ဆောင်ရွက်နေတဲ့သူ တစ်ယောက် အနေနဲ့ လယ်ယာမြေ သိမ်းဆည်းမှုဟာ ကျွန်မတို့ မြန်မာနိုင်ငံမှာ တိုင်းနဲ့ပြည်နယ် အသီးသီးမှာ နိုင်ငံ အနှံ့အပြားမှာ ဒီပြဿနာတွေ ဖြစ်နေတယ်။ ကျွန်မတို့အစိုးရသစ် လက်ထက်မှာ ဒါတွေကို ပြီးပြတ်အောင် ဖြေရှင်းနိုင်မှာ မဟုတ်ဘူး။ အစိုးရက ဒီမိုကရေစီ အသွင်းကူးပြောင်းရေး ကာလကို ဦးသိန်းစိန် အစိုးရ လက်ထက်မှာ အပြီးပြတ် ဆောင်ရွက်ပေးရမယ် လို့ တောင်းဆိုရင်လည်း အစွန်းရောက်ရာကျမယ်။ အစိုးရက လည်း ဖြေရှင်းနိုင်မှာ မဟုတ်ဘူး။ နိုင်ငံတိုင်း နိုင်ငံတိုင်းမှာလည်း ဒီလိုမျိုး ပြဿနာတွေ ကြုံတွေ့ ရတယ်။ အစိုးရအနေနဲ့ ညှိနှိုင်းဆွေးနွေးနည်းနဲ့ တရားမျှမျှတတ ဆောင်ရွက်ဖို့လိုတယ်။

● ဦးသိန်းလွင်ဦး (ဥက္ကဋ္ဌ၊ တောင်သူလယ်သမား အခွင့်အရေး ကာကွယ်စောင့်ရှောက်မှု အကျိုးဆောင် ကော်မတီ)

လယ်သမားတွေ အနေနဲ့တော့ တော်တော့်ကို လူ့အခွင့်အရေး ဆုံးရှုံးနေတာ။ လူ့အခွင့်အရေး ဆုံးရှုံးနေတော့ လယ်သမားတွေဘ၀မှာ ပြောလို့လည်းမရ တစ်ဖက်သတ် ဖြစ်နေတယ်။ အပေါ်က ညွှန်ကြားချက်ကတော့ ပြန်ပေး ဖို့ အောက်ကလူတွေက ရောလိမ်နေတာ တခြားမဟုတ်ဘူး။ သူတို့ပါ အကျိုးစီးပွားထဲ ပါနေတယ်။ သူတို့ပါ သက်ဆိုင်ရာတွေကို ရောင်းတဲ့ အထဲမှာ ဝေစားမျှစား လုပ်ထားတော့ တောင်သူ လယ်သမားတွေ အနေနဲ့ အပေါ်တိုင်မရ ဘယ်တိုင်မရ ဖြစ်နေတယ်။ အခုခရိုင်ထိကတော့ မယုံတော့ဘူး။ ခရိုင်အထိတောင် မကောင်းဘူးကွ။ လယ်သမားတွေက အဲဒီမှာမခံမရပ်နိုင် ဖြစ်ကြတာပဲ။ ဥပဒေကြောင်းနဲ့ ပြောလဲမရဘူး။ ဇွတ်လုပ်နေတယ်။ ဒီအခက်အခဲက တော်တော်လေး အကျပ်အတည်းဖြစ်တဲ့ သဘောရှိတယ်။ ဘာမှ တိတိကျကျ ရတာမရှိသေးဘူး။

● ဒေါ်နန်းဝါနု (ပြည်သူ့လွှတ်တော်ကိုယ်စားလှယ်)

အခုလိုမျိုးကြီးတော့ မဖြစ်စေချင်ဘူးပေါ့နော်၊ ဘယ်လိုဖြစ်ဖြစ် ခုက လယ်ယာမြေပြဿနာကြောင့် တောင် သူ တော်တော် များများ စိတ်ဖိစီးမှုခံနေရတယ်။ သူတို့ရဲ့ မြေကွက် လယ်ယာမြေအသစ် ထပ် ဖော်မယ်ဆိုတဲ့ ကိစ္စကလည်း လွယ်တဲ့ကိစ္စ မဟုတ်ဘူး။ နောက်ပြီးတော့ မြေလွတ်မြေရိုင်းဆိုပြီး အကုန်လုံး သိမ်းသွားတော့ လယ်ယာမြေတွေ ပါသွားတဲ့အပြင် တကယ့်မြေလွတ်မြေရိုင်းတွေလည်း ပါသွားတယ်။ သူတို့မှာ မြေကွက်လည်း ထပ်ပြီးတော့ဖော်ဖို့ အနေအထားလည်း မရှိတော့ဘူး။ တပ်က သိမ်းတာလည်းရှိတယ်။ ထွေအုပ်က သိမ်းတာ လည်းရှိတယ်။ သစ်တောက သိမ်းတာလည်း ရှိတယ်။ အသီးသီးက သိမ်းသွားတဲ့ ပမာဏက အရမ်းများ လွန်းတယ်။ ဖြစ်နိုင်ရင် အမြန်ဆုံး ပြန်ပေးစေချင်တယ်။ ဒါကို ပြန်မပေးရင် နောက်တစ်ချိန်မှာ တော်တော် ကြီးမား ကျယ်ပြန့်တဲ့ အုံကြွမှုကြီး ဖြစ်လာနိုင်တယ်။ ကျွန်မတို့ သိသလောက်ဆိုရင် လယ်ယာမြေ ကော်မရှင် ၀န်ကြီးဌာနကို သွားတယ်။ ၀န်ကြီးဌာနကနေ သက်ဆိုင်ရာ တိုင်းဒေသကြီးနဲ့ ပြည်နယ်ပေါ့။ အဲဒီမှာ အောက် အထိ ချိတ်ဆက်တာ အချိတ်အဆက် မမိဘူး ဖြစ်နေတယ်။

● ဦးဝင်းချို(လယ်သမားအရေး ကူညီဆောင်ရွက်သူ)

လယ်ယာမြေ ပြဿနာတွေ အများစုက တကယ်စဖြစ်တာ န၀တ၊ နအဖ အလွဲပေါ့။ အဓိက အဆိုးဆုံး ဖြစ် သွားတယ်။ ဖွဲ့စည်းပုံ အခြေခံဥပဒေ မရှိဘူး။ မရှိတဲ့အခါ ကာကွယ်ရေး ဦးစီးချုပ်က သေဆိုသေ၊ ရှင်ဆိုရှင် ဆိုတဲ့ဘ၀မှာ ဒီနေရာကို ဘာလုပ်လို့ သိမ်းလိုက်ဆို ဥပဒေ ဖြစ်သွားတယ်။ အဲဒီလို သိမ်းထားတာတွေက တရားဝင်တယ်လို့ သူတို့က ယူဆထားကြတယ်။ ပြန်လည်စွန့်လွှတ်ဖို့ နဂိုကတည်းက အစီအစဉ် မရှိခဲ့ဘူး။ ဒါနဲ့ ၂၀၁၀ ရွေးကောက်ပွဲအပြီး ပထမဆုံးအကြိမ် လွှတ်တော်ခေါ်၊ ခေါ်ပြီး အရပ်သားအစိုးရဖွဲ့၊ ဖွဲ့စည်းပုံ အခြေခံဥပဒေ အာဏာ သက်ရောက်ပြီလို့ ကြေညာတာက ၂၀၁၁ မတ်လ ၃၀ ရက်နေ့ ဒီအချိန်အထိ ဘယ်သူ ကမှ တောင်းဆိုလို့ရတယ်လို့ မထင်ကြဘူး။ နေရာအနှံ့မှာ သိမ်းချင်သလို သိမ်းထားတာက မခံနိုင်တဲ့အခါ အကူအညီတွေ တောင်းကြရင်းနဲ့ လယ်ယာမြေအနေနဲ့ ပတ်သက်ပြီး လှုပ်ရှားလာကြတာ အဲဒီမှာပြန်ပေးမယ် ဆိုပြီး တပ်မတော်က ပြန်စွန့်လွှတ်တယ်။ လုပ်ငန်းရှင်တွေက ပြန်ပေးတယ်။ ဌာနဆိုင်ရာက ပြန်လာတယ်။ အဲဒီအချိန်လည်းကျရော ဖွဲ့စည်းပုံရဲ့ အားနည်းချက်ပေါ့။ ရပ်ကွက် အုပ်ချုပ်ရေးမှူးတွေကို ပေးထားတဲ့ ရပ်ကွက် အုပ်ချုပ်ရေးမှူး ခန့်ထားခြင်း ဥပဒေနဲ့ နည်းဥပဒေအရ ဥပဒေကို တလွဲအဓိပ္ပာယ် ကောက်တဲ့တစ်ခု ပေါ်လာတယ်။ ဒီနိုင်ငံတော်ထဲမှာရှိတဲ့ မြေတွေအားလုံးရဲ့ မူလပိုင်ရှင်က နိုင်ငံတော်ဖြစ်တယ်။ ဖွဲ့စည်းပုံ အခြေခံဥပဒေမှာ အဓိပ္ပာယ် ပြန်ဖွင့်တာက နိုင်ငံတော် ဆိုသည်မှာ ဥပဒေပြုရေးအာဏာနဲ့ အုပ်ချုပ်ရေး အာဏာကို တရားဝင်ပေးအပ်ထားတဲ့ သူတွေပေါ့လေ။ ဒီတော့ အုပ်ချုပ်ရေးမှူးတွေကလည်း နိုင်ငံတော် ကိုယ်စား ဆောင်ရွက်ခွင့် ရှိနေတယ်။ အဲဒီမှာ ပြန်လည် စွန့်လွှတ်တဲ့မြေတွေကို သူတို့က နိုင်ငံတော် ကိုယ်စား ပြန်လည် စွန့်လွှတ်တယ်ဆိုပြီး လုပ်ချင်ရာ လုပ်ကြရော။ ခုနောက်ဆုံး ကိုယ့်ကိုယ်ကိုယ် မီးရှို့တဲ့ကိစ္စမှာ လည်း ပြန်လည်စွန့်လွှတ်တဲ့ မြေတွေကိုပဲ မူလပိုင်ရှင်ကို ပြန်မပေးတာ။

မြန်မာသံတော်ဆင့်သတင်းဌာန – http://www.facebook.com/myanmarherald