June 2015




လွှတ်တော်ထဲ စစ်တပ်ကိုယ်စားလှယ် ၂၅% ပါဝင်ခွင့် ပေးထားတဲ့ ဖွဲ့စည်းပုံ အခြေခံဥပဒေကို ဆန့်ကျင်တဲ့ ဆန္ဒပြလှုပ်ရှားမှုကို ကျောင်းသားတွေ ဦးဆောင်ပြီး ရန်ကုန်မှာ ဒီကနေ့ ပြုလုပ်ခဲ့ကြပါတယ်။

ဖွဲ့စည်းပုံပြင်ရေး အဆိုပြုချက် လွှတ်တော်မှာ မအောင်မမြင် ဖြစ်ခဲ့တဲ့နောက်၊ အခုလို ကျောင်းသားဆန္ဒပြမှုတွေ ဖြစ်လာတာပါ။ အသေးစိတ်ကို မခင်ဖြူထွေးက တင်ပြထားပါတယ်။

လွှတ်တော်တွင်းမှာ လူထုက ရွေးကောက် တင်မြှောက်တာမဟုတ်တဲ့ စစ်တပ်ကိုယ်စားလှယ် ၂၅% ပါဝင်ခွင့်ပေးထားတဲ့ လက်ရှိ ဖွဲ့စည်းအုပ်ချုပ်ပုံ အခြေခံဥပဒေဟာ ပြည်သူ့ဆန္ဒနဲ့အညီ ရေးဆွဲထားတာ မဟုတ်ဘဲ လူတစု၊ တဖွဲ့ရဲ့ ကောင်းစားရေးကို အခြေခံ ရေးဆွဲထားတဲ့ ဖွဲ့စည်းပုံ ဖြစ်လို့ ဒါကို လက်မခံနိုင်ဘူးလို့ ဒီကနေ့ ရန်ကုန်မြို့မှာ လမ်းလျှောက်ဆန္ဒြုပကြတဲ့ ဦးဆောင် ကျောင်းသားတွေက ပြောပါတယ်။ ပြည်သူ့ဆန္ဒ၊ ဒီမိုကရေစီ စံနှုန်းစံညွှန်းတွေနဲ့ မညီသ၍ ဒီဖွဲ့စည်းပုံ ပြင်ဆင်ရေး ဆက်လက် တောင်းဆိုသွားမယ်လို့ ဦးဆောင် ဆန္ဒပြ ကျောင်းသားလူငယ်တဦးဖြစ်တဲ့ ကိုရဲဇာနည်က ပြောပါတယ်။

“အဓိကကဗျာ - ဖွဲ့စည်းပုံပြင်ဆင်ရေးကာလမှာ ကျနော်တို့က ပြည်သူ့ဆန္ဒ၊ ပြည်သူကလည်း ဖွဲ့စည်းပုံ ပြင်ဆင်ဖို့ ပြောနေတယ်ဗျာ။ အဲဒီကာလမှာ ကျနော်တို့က တပ်မတော်သား ၂၅ ရာခိုင်နှုန်းပေါ့ဗျာ ပြည်သူ့ဆန္ဒနဲ့အညီ မပြင်ဘဲနဲ့ လွှတ်တော်တခုလုံးကနေ ကန့်ကွက်နေတယ်ဗျာ။ အထူးသဖြင့် ရွေးကောက်ခံ မဟုတ်ဘဲနဲ့၊ ပြည်သူ့ကိုယ်စားလှယ် မဟုတ်ဘဲနဲ့ ဥပဒေအရ ၂၀၀၈ ဖွဲ့စည်းပုံအရ မတရားယူထားတဲ့ တပ်မတော် ၂၅% က ပြည်သူ့ဆန္ဒနဲ့အညီ မဟုတ်ဘဲနဲ့ တဦးတယောက်၊ တဖွဲ့တစည်းရဲ့၊ သူတို့အားထားရမယ့် အဖွဲ့အစည်းရဲ့ အကျိုးစီးပွားကို ကြည့်ပြီးတော့ ပြည်သူ့ဆန္ဒကို ငြင်းပယ်နေတာကိုတော့ ကျနော်တို့ လက်သင့် မခံနိုင်ဘူးလေ။ အဲဒီတော့ ကျနော်တို့က ဖွဲ့စည်းပုံ ပြင်ဖို့အတွက်ကို ကြိုးစားတာပေါ့။ ရုန်းကန်ကြတာပေါ့။”

ညနေ ၃ နာရီလောက်ကစပြီး သိမ်ကြီးဈေးကနေ ဆူးလေအထိ ကျောင်းသားတွေနဲ့ ပြည်သူတွေ ပါဝင်ပြီး လမ်းလျှောက် ချီတက်ခဲ့ကြတာမှာ အာဏာပိုင်တွေဘက်က အင်အားသုံး ဟန့်တားတာတွေ ရှိခဲ့တယ်လို့လည်း ကိုရဲဇာနည်က ပြောပြပါတယ်။

“လမ်းမှာကျနော်တို့ သုံးခါလောက် အပိတ်ခံရတယ်။ လမ်းမှာဆိုရင် ဒိုင်းတွေနဲ့ ရဲတွေက အင်အားသုံးပြီးတော့ မြန်မာနိုင်ငံ ရဲတပ်ဖွဲ့က အင်အားသုံးပြီးတော့ အကြမ်းဖက်ပုံစံမျိုး ပြုလုပ်တယ်ဗျာ။ ဒါပေမဲ့ ကျနော်တို့ ဖောက်ထွက်လာခဲ့တယ်ပေါ့ဗျာ။ ကျနော်တို့ ပြတဲ့အချိန်မှာ ကျောင်းသူတွေ အများကြီး ပါတယ်ဗျာ။ ကျနော်တို့က ငြိမ်းချမ်းစွာ ဆန္ဒပြတာလို့ ပြောတဲ့အခါမှာ ကျနော်တို့ ထွက်မယ်ဆိုတော့ တွန်းထားတယ်ဗျာ။ ရုန်းရင်းဆန်ခတ်ပဲဗျ။ ကိုယ်ထိလက်ရောက် ရှိလား မရှိလားတော့ စဉ်းစားသာကြည့်တော့။ ကျနော်တို့ အမျိုးသမီးတွေ ပါတယ်ဗျာ။ ကျောင်းသူတွေ။ ကျနော် ပြောချင်တာကတော့ အင်အားသုံးတာပေါ့ဗျာ။ ရဲအင်အား နှစ်တန်း သုံးတန်းလောက်ကို ထားပြီးတော့လေ။ ဒိုင်းက တတန်း၊ လူက တတန်း၊ နောက်မှာ လူနောက်တတန်း။ နှစ်တန်း သုံးတန်းလောက်ကို ထားပြီး ဒီလိုမျိုး အင်အားသုံးပြီးတော့ ကျနော်တို့ကို လုပ်တာ နိုင်ငံသား အခွင့်အရေးကို ချိုးဖောက်တာဗျာ။ ကျနော်တို့ကတော့ ဒီလိုပဲ ခံစားရတယ်။”

ဆန္ဒမပြခင်တုန်းကရော ဒီဆန္ဒပြပွဲအတွက် အာဏာပိုင်တွေဆီမှာ ကြိုတင်ပြီးတော့ ခွင့်ပြုချက် ယူခဲ့တာမျိုးတွေ ရှိသလား။

“ကျနော်တို့က အဲဒီခွင့်ပြုမိန့် ယူရမယ်ဆိုတဲ့ကိစ္စကို ကျနော်တို့က အယုံအကြည် မရှိဘူးဗျ ပွင့်ပွင့်လင်းလင်း ပြောရရင်။ ဘာလို့လဲဆိုတော့ ကျနော်တို့ နိုင်ငံသားအခွင့်အရေးဆိုတာ ဒါတွေလုပ်လို့ရပါတယ်။ ငြိမ်းချမ်းစွာ စုဝေးလို့ရပါတယ်။ ငြိမ်းချမ်းစွာ ဟောပြောလို့ရပါတယ်။ ငြိမ်းချမ်းစွာ ဖွဲ့စည်းပိုင်ခွင့် ရှိတယ်ဆိုတာ ဒါ နိုင်ငံသားအခွင့်အရေးဗျ။ မူလအခွင့်အရေးဗျ။ အဲဒါကို ကျနော်တို့က စုဖွဲ့ပါမယ်ဆိုပြီး သွားပြီးတော့ ခွင့်ပြုမိန့် တောင်းပြီးမှ လုပ်ရတယ်ဆိုတာ ကျနော်တို့ နိုင်ငံသား အခွင့်အရေးကို အဲဒီလိုမျိုး လုပ်ရမယ့်အရာ မဟုတ်ဘူးလို့ ကျနော်ကတော့ ထင်တယ်။ အဲဒီအတွက် ကျနော်တို့ ကျောင်းသားတွေ တောက်လျှောက်လုပ်ခဲ့တဲ့ ဆန္ဒပြပွဲမှန်သမျှ ကျနော်တို့ ခွင့်ပြုချက်တင်တယ်ဆိုတာ အယုံအကြည်မရှိတဲ့အတွက် တင်မှာမဟုတ်ဘူးလေ။”

ဆန္ဒပြပွဲမှာ ဦးဆောင် ပါဝင်ခဲ့သူတဦးဖြစ်တဲ့ ကိုရဲဇာနည် ပြောသွားတာပါ။ လောလောဆယ်မှာတော့ ဒီဆန္ဒပြပွဲနဲ့ ပတ်သက်လို့ ကျောင်းသားဆန္ဒပြသူတွေကို အရေးယူတာမျိုး၊ ဖမ်းဆီးတာမျိုး မကြားရသေးပါဘူး။

လက်ရှိ ဖွဲ့စည်းပုံ အခြေဥပဒေမှာ လူထုက ရွေးကောက်တင်မြှောက်တာ မဟုတ်ဘဲ တပ်မတော် ကာကွယ်ရေး ဦးစီးချုပ်က တိုက်ရိုက်ခန့်အပ်တဲ့ စစ်သားကိုယ်စားလှယ် ၂၅% ပါဝင်ခွင့် ပေးထားတာကြောင့် စစ်တပ်ရဲ့ ပါဝင်ချုပ်ကိုင်မှု အခန်းကဏ္ဍကို ဖယ်ရှားပေးဖို့ နိုင်ငံရေးပါတီ အဖွဲ့အစည်းတွေ၊ တက်ကြွလှုပ်ရှားသူတွေက တောင်းဆိုနေကြတာ ဖြစ်ပါတယ်။ စစ်အစိုးရ ဦးဆောင် ရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံဥပဒေမှာ စစ်တပ်က လွှတ်တော်မှာ ၂၅% နေရာယူထားတာအပြင် တခြား ဒီမိုကရေစီ စံနှုန်းတွေနဲ့ မကိုက်ညီတဲ့ ပြဌာန်းချက်တွေ၊ ကန့်သတ်ချက်တွေ ရှိနေတာကြောင့် ဒါကို ပြင်ဆင်ဖို့ ကြိုးပမ်းမှုတွေ ရှိနေသလို ပြီးခဲ့တဲ့ သီတင်းပတ်တုန်းကလည်း လွှတ်တော်တွင်းမှာ ဖွဲ့စည်းပုံ ပြင်ဆင်ရေး အဆိုပြုချက်နဲ့ ပတ်သက်လို့ မဲခွဲ ဆုံးဖြတ်ခဲ့ကြပါတယ်။ ဒါပေမဲ့ လွှတ်တော်အမတ် ၇၅% ထောက်ခံချက် မရခဲ့တာကြောင့် ဒီအဆိုပြုချက် လွှတ်တော်တွင်း မအောင်မမြင် ဖြစ်ခဲ့ရပါတယ်။

မခင်ဖြူထွေး / ဗွီအိုအေ (မြန်မာပိုင်း)
http://burmese.voanews.com



၂၀၀၈ ဖွဲ့စည်းပုံပြင်ဆင်ရေးအတွက် ပြည်ထောင်စုလွှတ်တော်မှာ ဆွေးနွေးနေရာမှာတပ်မတော်သား ကိုယ်စားလှယ်တွေက ကန့်ကွက်နေတာကြောင့်
တပ်မတော်သားလွှတ်တော်ကိုယ်စားလှယ် ၂၅ ရာခိုင်နှုန်း ကို လွှတ်တော်ထဲကနှုတ်ထွက်ပေးဖို့ ကျောင်းသား ကျောင်းသူ ၃၀ ကျော်က ဒီနေ့ရန်ကုန်မြို့မှာ
ဆန္ဒပြတောင်းဆိုခဲ့ကြပါတယ်။

RFA/Photo..Eleven media group


မြန်မာနိုင်ငံမှာ ရှိတဲ့ အလုပ်သမားတွေ အတွက် အနိမ့်ဆုံး လုပ်ခကို တစ်နာရီ ကျပ် ၄၅၀ နှုန်းနဲ့၊ ပုံမှန် အလုပ်ချိန် ၈ နာရီ အတွက် ၃၆၀၀ ကျပ် သတ်မှတ်လိုက်ပါတယ်။

အနည်းဆုံး အခကြေးငွေ သတ်မှတ်ရေးဆိုင်ရာ အမျိုးသား ကော်မတီ ကနေ အခုလို သတ်မှတ်ကြောင်း တနင်္လာနေ့မှာ ထုတ်ပြန် ကြေညာလိုက်တာပါ။ အကြံပြု လိုသူတွေနဲ့ ကန့်ကွက်လိုသူတွေ အနေနဲ့ နှစ်ပတ်အတွင်း စာနဲ့ ရေးသား တင်ပြနိုင်တယ် လို့လည်း ကြေညာချက်မှာ ဖော်ပြထားပါတယ်။

ဒီသတ်မှတ်ချက်ဟာ အလုပ်သမား ၁၅ ဦး အောက် ရှိတဲ့ တနိုင်တပိုင် လုပ်ငန်းငယ်တွေနဲ့ မိသားစု လုပ်ငန်းတွေမှ အပ မြန်မာ တစ်နိုင်ငံလုံးမှာ ရှိတဲ့ အလုပ်သမားတွေ အတွက် လုပ်ငန်း အမျိုးအစား နေရာဒေသ မခွဲခြားဘဲ သတ်မှတ်လိုက်တာပါ။

အခု သတ်မှတ်ချက်ကို အများစုက ကန့်ကွက်ခဲ့ရင်တော့ တွေ့ဆုံ ဆွေးနွေးမှုတွေ ပြန်လုပ်ရမယ့် သဘော ရှိတယ်လို့ အလုပ်သမား အလုပ်အကိုင်နဲ့ လူမှုဖူလုံရေး ဝန်ကြီးဌာန အမြဲတမ်း အတွင်းဝန် ဦးမျိုးအောင်က ပြောပါတယ်။

အနိမ့်ဆုံး လုပ်ခ အတွက် ကန့်ကွက်သူ မရှိဘူး ဆိုရင်တော့ ဒီသတ်မှတ်ချက်ဟာ ထုတ်ပြန်ပြီး ရက်ပေါင်း ၆၀ အတွင်းမှာ အတည်ဖြစ်လာမှာ ဖြစ်ပါတယ်။

အခုလို အနိမ့် ဆုံးလုပ်ခ သတ်မှတ်နိုင်တာဟာ အခု အစိုးရလက်ထက်မှာ ဆောင်ရွက်နိုင်ခဲ့တာလည်း ဖြစ်ပါတယ်။ အစိုးရ၊ အလုပ်ရှင်နဲ့ အလုပ်သမား ကိုယ်စားလှယ်တွေ၊ ပညာရှင်တွေ စုပေါင်းပြီး ၂ နှစ်ကျော် အချိန်ယူ ဆွေးနွေးခဲ့ပြီး အခုလို ထုတ်ပြန်နိုင်တာ ဖြစ်ပါတယ်။

BBC Burmese
http://www.bbc.com/burmese

ဂျပန်ကာကွယ်ရေးဆိုင်ရာဥပဒေနဲ့ ပတ်သတ်ပြီး ကန့်ကွက်တဲ့ အနေနဲ့ အထက်တန်းကျောင်းသားများအပါအ၀င် တက္ကသိုလ်ကျာင်းသားတွ လူမှုအင်တာနက် ဆက်သွယ်ရေးကတဆင့် လှုံ့ဆော်ပြီး ဇွန်လ ၂၇ ရက်နေ့က တိုကျိုမြို့ လူစည်ကားတဲ့နေရာဖြစ်တဲ့ ရှိဘူရာ (shibuya) စုဝေးဆန္ဒပြခဲ့ ကြပါတယ်။
Sealds လို့ ခေါ်တဲ့ ဂျပန်ကျောင်းသားများအရေးပေါ်လှုပ်ရှားမှုကော်မတီ က ဦးဆောင်ခဲ့ပြီး ဂျပန်နိုင်ငံတ၀ှမ်းက ကျောင်းသားစုစုပေါင်း ၂၅၀ ကျော် လာရောက်ပူးပေါင်းခဲ့ကြပါတယ်။
အိုဆာကာ၊နာဂိုယာ မြို့ ကြီးတွေနဲ့  ဟော်ကိုင်းဒိုးပြည်နယ်တွေမှာပါပြသခဲ့ ကြပါတယ်။
ရှင်ဇိုအာဘေးဦးဆောင်တဲ့ ဂျပန်အစိုးရဟာ အုပ်စုလိုက် ကာကွယ်ခွင့်ကာကွယ်ရေးဥပဒေနဲ့ ပတ်သတ်ပြီး အသက်ဝင်အောင် ကြိုးစားနေတာကို ပြည်သူတွေက နိုင်ငံတကာစစ်ပွဲတွေမှာ ဂျပန်အနေနဲ့ ဝင်ရောက်မှာကို စိုးရိမ်နေကြတာလည်း ဖြစ်ပါတယ်။
Tsukuba တက္ကသိုလ်က တတိယနှစ်ကျောင်းသားလှုပ်ရှားမှုခေါင်းဆောင် တဦးက “မိမိတို့အနေနဲ့ အေးအေးဆေးဆေး နေလို့ မရတော့ပါဘူး။ ကိုယ့်အခွင့်အရေးအတွက် ကိုယ်တိုင်ထုတ်ဖော်ပြောဆိုဖို့ အချိန်ရောက်လာလို့ပါ။ ဆက်လက်အရှိန်မြှင့် လှုပ်ရှားမယ်”လို့ ပြောကြားပါတယ်။

DVB

နယူးယောက် အကျဥ်းထောင်ကနေ ထောင်ဖောက်ထွက်ပြေးသွားတဲ့ ဒေးဗစ်ဆွပ်ကို ကနေဒါနယ်စပ်မှာ ရဲက ပစ်ခတ်ဖမ်းဆီးစဉ် သေမလောက် ဒဏ်ရာရခဲ့တဲ့အတွက် ဆေးရုံတင်ထားရတယ်လို့ အာဏာပိုင်တွေက ပြောပါတယ်။

ဇွန် ၂၈ ရက်နေ့က နယ်ခံဆေးရုံတရုံကို အရေးပေါ် ပို့လိုက်ပြီးနောက် အယ်ဘန်နီ ဆေးရုံကို ဆက်ပို့လိုက်ရာ အရေးပေါ် အခြေအနေမှာ ရှိနေတယ်လို့ ဆိုပါတယ်။

ဒေးဗစ် ဆွပ်ကို ဖမ်းမမိခင် ၂ ရက်ကတော့ သူနဲ့ ထောင်ဖောက်ပြေးဘက် ရစ်ချတ် မတ်ကို ရဲက အသေဖမ်းမိခဲ့ပါတယ်။

နှစ်ရှည်အကျဥ်းသား ၂ ယောက်ဟာ နယူးယောက်ပြည်နယ် ဒန်နီ မိုလာမြို့မှာရှိတဲ့ ကလင်တန် အကျဥ်းထောင်ကနေ ဇွန်လ ၆ ရက်နေ့ကတည်းက ထွက်ပြေးလွတ်မြောက်ခဲ့ကြတာပါ။

သူတို့ လွတ်မြောက်သွားခဲ့ပြီးနောက် သုံးပတ်လုံးလုံး ရဲက ပိုက်စိပ်တိုက် ရှာဖွေခဲ့ပြီး နောက်ဆုံးမှာတော့ နယူးယောက်ပြည်နယ် မြောက်ပိုင်းက တောအုပ်တွေထဲမှာ ရဲအင်အား ၁၃၀၀ လောက်က တောနင်းရှာခဲ့ရတာပါ။

ဇွန်လ ၂၈ ရက်နေ့ မနက် ၃ နာရီ ၂၀ လောက်မှာ ရဲတပ်ကြပ်ကြီး ဂျေးကွပ်က ဒေးဗစ်ဆွပ်ကို တွေ့ရှိခဲ့တယ်လို့ရဲအဖွဲ့က ပြောပါတယ်။

တရားခံက ထွက်ပြေးတဲ့အတွက် ကိုယ်ပိုင်းကို သေနတ်နဲ့ ၂ ချက် ပစ်ခဲ့တယ်လို့ ဆိုပါတယ်။

အဲဒီနောက် သေနတ်ဒဏ်ရာနဲ့ ဒေးဗစ်ဆွပ်ကို လက်ရဖမ်းဆီးမိပြီး အချုပ်ကနေတဆင့် နယ်ခံဆေးရုံကို ပို့ခဲ့ရတယ်လို့ ဆိုပါတယ်။

ထောင်ပြေး ၂ ယောက်ကို ခြေရာခံ ဖမ်းဆီးနိုင်ဖို့ ရဲအဖွဲ့ဟာ ဝေးလံခေါင်ဖျားပြီး တောတောင်ထူတဲ့ နယ်မြေတွေမှာ ၂၄ နာရီ မနားမနေ ကြိုးပမ်းခဲ့ရတာ ဖြစ်ပါတယ်။

ထောင်ပြေး ၂ ယောက်စလုံးကို ပြန်မမိခင်ကတည်းက ထောင်ဝန်ထမ်း အမျိုးသားတယောက်နဲ့ အမျိုးသမီးတယောက်တို့ကို ထောင်ဖောက်မှုမှာ အားပေးကူညီမှုနဲ့ တရားစွဲထားပါတယ်။

ရွှေဝါရောင်တော်လှန် ရေးကိုအစပြုပြီး ဘာသာရေးနှင့်ပတ် သက်လျှင် အမျိုးသားဒီမိုကရေစီအဖွဲ့ ချုပ်(NLD)အနေဖြင့် တာဝန်ကျေ ကြောင်း ရဲရဲကြီးအာမခံနိုင်သည်ဟု လူရွှင်တော်အနုပညာရှင် ဇာဂနာက ထုတ်ဖော်လိုက်သည်။

အဖွဲ့ချုပ်၏ ပါတီဝင်တစ်ဦး မဟုတ်သော်လည်း လူမှုကွန်ရက်နှင့် သတင်းမီဒီယာများတွင် ''မဟုတ်တာ တွေပြော၊ မမှန်တာတွေရေးသားနေ ကြတာတွေကို ကြည့်မနေနိုင်တော့''ဟုဆိုကာ သူ၏ဖေ့စ်ဘွတ်ခ်စာမျက်နှာ တွင်ထုတ်ဖော်ရေးသားခဲ့ခြင်းဖြစ်သည်။

ရွှေဝါရောင်တော်လှန်ရေး စတင်ခဲ့သည့် ၂ဝဝ၇ခုနှစ် စက်တင်ဘာ ၂၅ရက် ညပိုင်းတွင် NLD ပါတီဝင် ၃၁ဦးနှင့်အတူ ¤င်းလည်းအဖမ်းခံခဲ့ရ သည်ဟုဆိုပါသည်။

နိုင်ငံအရေးအရာ ပြက်လုံး၊ ပြ ကွက်များဖြင့် နာမည်ကျော်ခဲ့သော လူရွှင်တော်ဇာဂနာက ''သံဃာတော် တွေကို နေ့စဉ်ဆွမ်းကပ်၊ လမ်းတစ် လျှောက်လုံခြုံရေးယူပေးခဲ့တဲ့အပြင် မူးမော်လဲသွားတဲ့သံဃာတော်တွေကို ဆေးလိုက်ကုပေးတာ NLD တွေပါပဲ။ ဘယ်တစည၊ ဘယ်ကြံ့ခိုင်ရေးမှ မပါ ဘူး။ အခုမှ သံဃာနဲ့ NLD တွေ ထိပ် တိုက်မတွေ့စေနဲ့လို့ ပြောနေကြတာ တွေကို နားမလည်ပါဘူး။ ပြောနေတဲ့ သူအားလုံးကိုမေးချင်တယ်။ ရွှေဝါရောင် တုန်းက ခင်ဗျားတို့ဘာတွေလုပ်နေခဲ့ ကြသလဲ။

NLD ကတော့ သူ့တာဝန် သူကျေပွန်ခဲ့တယ်လို့ ရဲရဲကြီးအာမခံ တယ်''ဟုက သူ့ဖေ့စ်ဘွတ်ခ်တွင်ရေး သားခဲ့သည်။ ထို့ပြင် အကျဉ်းထောင် အတွင်း သံဃာတော်များအပေါ်ဆက် ဆံခဲ့ပုံများကိုလည်း ရှင်းပြထားသည်။

Yangon Media Group

မနေ့က အစ်ိတ်သားတွေ လက်ခုတ်လက်ဝါးတီး လွှတ်တော်ထဲမှာ အောင်ပွဲခံခဲ့တယ် ကိစ္စနဲ့ ပါတ်သက်ပြီး ရန်ကုန်မှာ ရှိတဲ့ အမေရိကန် သံရုံးက ပြောရေးဆိုခွင့်ရှိသူက အခုလို ဝေဖန်ထောက်ပြ သွားပါတယ်။

မြန်မာ ဖွဲ့စည်းပုံမှာ အရပ်ဘက်က စစ်ဘက်ကို ထိန်းချုပ်နိူင်မှု မရှိ၊ ဖွဲ့စည်းပုံ ပြင်ဆင်ရာမှာ စစ်တပ်က ဗီတိုအာဏာနဲ့ ပါယ်ချနိူင်မှု အစရှိတာတွေ ပါနေခြင်းကြောင့် အခြေခံ ဒီမိုကရေစီ မူဝါဒတွေနဲ့ ကွဲပြားနေတဲ့အတွက် ဒီမိုကရေစီ နိူင်ငံတခုနဲ့ လျော်ညီစွာ ဖြစ်ပေါ်လာရေး ပြင်ဆင်ရန် လိုအပ်နေဆဲဟု ဆိုပါတယ်။

၇၀% သဘောတူမှ ပြင်ရန်ဆိုတဲ့ အပိုဒ်တောင် စစ်တပ်ဘက်က စစ်စစ်ထိ မခံ ပါယ်ချတာတွေ့ရပါတယ်။ သဘောတူလိုက်တဲ့ “စစ်ရေးအမြင်’ မှ ‘ကာကွယ်ရေးအမြင်’ လို့ ပြောင်းလဲလိုက်တာအတွက် တနိူင်ငံလုံးမှာ ငွေကုန်ကြေးကြ အချိန်တွေ အကုန်ခံပြီး ပြည်လုံးကျွတ် ဆန္ဒခံယူပွဲ ကြီး လုပ်ပေးရအုန်းမှာ ဖြစ်ပါတယ်။

အရေးကြီးတဲ့ ပုဒ်မ ၅၉ (စ) ကို စစ်တပ် ကိုယ်စားလှယ်က ဝေဖန်ရာမှာ နိူင်ငံခြားသား သြဇာ လွှမ်းမိုးခံရဘို့ ရှိတယ် လို့ လုပ်ပြန်ပါတယ်။ ဒီကိစ္စက မသိနားမလည်တဲ့ သူတွေ ပြောရင် အံ့သြစရာ မရှိပါဘူး၊ ဒါပေမယ့် ဒီလို စစ်တပ်က လွှတ်တော်မှာ လူသိရှင်ကြား ပြောဆိုလာတာက အတော်ကို နားမလည်စရာပါ၊ တမင် ညစ်ပြော ပြောနေတာလား၊ မသိလောက်အောင် ဦးနှောက်သန့်စင် ခံခဲ့ရလား ပြောသူကိုယ်တိုင်ပဲ သိမှာပါ၊

ဒီနေရာမှာ အိန္ဒိယ ဖွဲ့စည်းပုံနဲ့ ပါတ်သက်ပြီး အနည်းငယ် ဆွေးနွေးလိုပါတယ်။ အိန္ဒိယ ဖွဲ့စည်းပုံဟာ ၁၉၅၀ ဂျန်န၀ါရီလ ၂၆ ရက်နေ့မှာ စတင် အာဏာသက်ရောက်ခဲ့ပြီး ယခုအကြိမ်အထိ အကြိမ်ပေါင်း ၉၈ ကြိမ် ပြင်ဆင်ခဲ့ပြီး ဖြစ်ပါတယ်။

အဓိက ပြောလိုတာက ဆိုနီယာ ဂန္ဒီရဲ့ အခန်းကဏ္ကပါ၊ မစ္စက်စ် ဂန္ဒီဟာ လုပ်ကြံခံရပြီး ကွယ်လွန်သွားတဲ့ ၀န်ကြီးချုပ် ရာဂျစ်ဂန္ဒီရဲ့ ဖနီး အီတလီ နိူင်ငံသူ စစ်စစ် ဖြစ်ပါတယ်။ အီတလီ နိူင်ငံ တူရင် (Turin) မြို့ အနီးမှာ ကြီးပြင်းခဲ့ပြီး ၁၉၆၈ မှာ ရာဂျစ် နဲ့ လက်ထပ်ခဲ့ပါတယ်။ သားတယောက် သမီးတယောက် ထွန်းကားခဲ့ပါတယ်။

အိန္ဒိယ နိူင်ငံသား အဖြစ် ပြောင်းလဲ ခံယူခဲ့ပါတယ်၊ ၁၉၉၁ မှာ ရာဂျစ် လုပ်ကြံ သတ်ဖြတ်ခံရပြီးနောက် အိန္ဒိယ ကွန်ဂရက် ပါတီမှာ ခေါင်းဆောင်မဲ့လူ ကင်းမဲ့လာတာကြောင့် ၀န်ကြီးချုပ် အဖြစ် တာဝန်ယူဘို့ ပါတီခေါင်းဆောင်တွေက မည်မျှပင် တောင်းပန်တိုးသျှိုးကြသော်လည်း ငြင်းပါယ်ခဲ့ပြီး ၁၉၉၇ မှ အိန္ဒိယ ကွန်ဂရက် ပါတီရဲ့ ဥက္ကဌ တာဝန်ကို ယူလာခဲ့တာ အခုထိပါပဲ၊

ဒီနေရာမှာ ဘာတွေ့ရလဲ ဆိုတော့ ဆိုနီယာ ဂန္ဒီဟာ အီတလီ နိူင်ငံသူ စစ်စစ် ဖြစ်ပေမယ့် အိန္ဒိယ မှာ သြဇာ အရှိဆုံး ရာထူး ဖြစ်တဲ့ ၀န်ကြီးချုပ် ရာထူးကို အချိန်မရွေး ယူနိူင်တယ် ဆိုတဲ့ အချက်ပါ၊ ဒါပေမယ့် ယူဘို့ ငြင်းပါယ်ခဲ့ပြီး မာမိုဆင်းကိုပဲ ၀န်ကြီးချုပ် အဖြစ်တင်မြှောက်ခဲ့ပြီး အိန္ဒိယရဲ့ အဓိက နိူင်ငံခြားရေး စီးပွားရေး မူဝါဒတွေကို နောက်ကွယ်က ကြိုးကိုင် စီမံခန့်ခွဲခဲ့တာ တကမ္ဘာလုံး အသိပါ၊

ဘယ်လောက်ထိလဲ ဆိုရင် အိန္ဒိယမှာ နိူင်ငံရေး အကြပ်အတည်း ကြုံလာတိုင်း သူမရဲ့ အိမ်ကို ကားကြီးကားငယ် အသွယ်သွယ်နဲ့ နိူင်ငံရေးသမားတွေ ခြေရှုပ်နေကြတာ မြင်မကောင်းဘူးလို့ သတင်းထောက်တွေ ရေးယူရတဲ့ အထိပါ၊

သူမလို အီတလီ နိူင်ငံသူ ရေမရော စစ်စစ်ကြီးကို အိန္ဒိယ ဖွဲ့စည်းပုံက ၀န်ကြီးချုပ် ဖြစ်လာအောင် ဘယ်လို ရေးဆွဲထားခဲ့သလဲ လေ့လာကြည့်တဲ့ အခါမှာ ဖွဲ့စည်းပုံ အခြေခံ ဥပဒေ ရဲ့ အပိုဒ် ၇၄ မှာ အခုလို သွားတွေ့ရတာကို ကူးယူ တင်ပြပါတယ်။

To eligible for the position of Prime Minister of India a person should:
(1) Be a citizen of India
(2) Be a member of either the Lok Sahha or the Rajya Sabha
(3) Complete 25 years of age if he is a member of the Lok Sabha or 30 years if he is a member of the Rajya Sabha

ဒါပါပဲ ခပ်တိုတိုပါ၊ ဘာသာပြန်ရရင် (၁) အိန္ဒိယ နိူင်ငံသား ဖြစ်ရမယ် (၂) Lok Sabha လို့ ခေါ်တဲ့ အိန္ဒိယ အောက်လွှတ်တော် ဒါမှမဟုတ် Rajya Sabha လို့ ခေါ်တဲ့ အထက်လွှတ်တော်ရဲ့ အမတ် ဖြစ်ရမယ်။ (၃) အောက်လွှတ်တော် အမတ်ဆိုရင် အသက် ၂၅ နှစ် ပြည့်ပြီး ဖြစ်ရမယ်၊ အထက်လွှတ်တော် အမတ်ဆိုရင် အသက် ၃၀ ပြည့်ပြီး ဖြစ်ရမယ်။

စာဖတ်သူတွေ စဉ်းစား ဆင်ခြင်နိူင်အောင် တင်ပြလိုက်ပါတယ်။ အိန္ဒိယ နိူင်ငံလောက် လူမျိုးရေး ဘာသာရေး ရှုပ်ထွေးပြီး ပြသာနာ ပေါင်းစုံ နိူင်ငံမှာတောင် ဒီလို ရှိနေသေးရင် စဉ်းစားသာ ကြည့်ပါဗျာ၊ ဘယ်သူက ဘယ်လို အာဃာတ နဲ့ တိုင်းပြည်အတွက် ခေါင်းဆောင်ကောင်း ရဘို့ ညစ်ပါတ် ယုတ်မာတဲ့ အကြံနဲ့ ကြံစည်ခဲ့လည်း ဆိုတာကိုပါ။

အားရစရာ ကောင်းတဲ့ အချက်ကတော့ အစိတ်သား ကိုယ်စားလှယ်တွေ ဖယ်ပြီး ကျန်တဲ့ ရွေးချယ်ခံ ကိုယ်စားလှယ် ၉၀% က ထောက်ခံတာကို ကြည့်ရင် လူမိုက်နဲ့ လျှောင်သွေလွှဲလာတာကို ပြနေပါပြီ။

အသိညဏ် မဲ့ပြီး နိူင်ငံတကာက ပညာရှင်တွေ ကြား ချပြောလို့ မရတဲ့ စကားတွေ ပြောဆိုသုံးနှုန်းပြီး တိုင်းပြည်ကို ထင်တိုင်းလုပ်နေကြတဲ့ သူတွေကို တော့ ဝေးဝေးက လျောင်လို့ မရတော့တာ ကို တဖြေးဖြေး သိသာလာပါတယ်။

HSW

BrainWave ဉာဏ်လှိုင်း

ခြေ/ဥ ပြင်ရေး မပြင်ရေးကို လွှတ်တော်မှာ မဲခွဲဆုံးဖြတ်တဲ့အခါ ဘယ်သူတွေ ဘယ်လိုပဲ ပြင်ချင်သည်ဖြစ်ပစေ တပ်မတော်က မပြင်လိုတဲ့အတွက် အဆိုရှုံးနိမ့်သွားတယ်၊ ပြင်ဆင်ခွင့်မရနိုင်ဘူး ဆိုလို့ တပ်မတော်သားကိုယ်စားလှယ်တွေခမျာ ဝမ်းသာအားရ လက်ခုပ်လက်ဝါးတီးပြီး “ရိုက်လိုက်ပါဦး ရိုက်လိုက်ပါဦး” လုပ်တဲ့သူကလုပ်၊ “ကြေနပ်တယ် အားရတယ် ဝမ်းသာတယ် ပီတိဖြစ်တယ်” ဆိုပြီး ဖနောင့်သံစူး မြောက်ကြွမြောက်ကြွဖြစ်တဲ့သူကဖြစ်။ “ကိုင်း အခုတော့ နင်တို့အမေ သမ္မတ မဖြစ်နိုင်တော့ဘူး။ ဘယ့်နှယ်ရှိစ” ဆိုပြီး အောင်ပွဲကြီးတွေ ခံနေကြပါတယ်။ သနားဖို့ကောင်းတာတောင် ဘယ်လိုသနားရမှန်း မသိတော့ပါဘူး။

သူတို့မြင်တာ သည်ပုဒ်မတွေ ပြင်ခြင်း မပြင်ခြင်းဟာ ဒေါ်စုအတွက်၊ မင်းအောင်လှိုင်အတွက်၊ ဦးရွှေမန်းအတွက်၊ ဦးသိန်းစိန်အတွက် လို့ပဲ တွေးတတ်ကြတယ်။ တကယ်တော့ နောက် ဆယ်နှစ် အနှစ်နှစ်ဆယ်ဆိုရင် အဲသည်လူတွေ တစ်ယောက်မှ မရှိလောက်တော့ဘူး။ နိုင်ငံတစ်ခုရဲ့ အခြေခံဥပဒေဆိုတာက ဘယ်သူတစ်ဦးတစ်ယောက်ကိုမှ ရည်ရွယ်ပြီး ခွင့်ပြုထားခြင်း တားဆီးထားခြင်း ရှိရတာ မဟုတ်။ ဘယ်နိုင်ငံသားတိုင်းမဆို အကျုံးဝင်ပြီး နိုင်ငံသားတိုင်းကို တန်းတူအခွင့်အရေးခံစားစေရမှာ။ ဥပဒေကို ဥပဒေလို မမြင်ပဲ လူတွေကို အာရုံထားနေတဲ့အတွက် သည်ဥပဒေဟာ ဘာအတွက်ကြောင့် ပြင်ဖို့လိုသလဲ သူတို့ဥာဏ်မမီဘူး ဖြစ်နေတယ်။

ကဲ။ အဲ့တော့ သားတို့ နားလည်အောင် ကလေးတန်းဆင်းပြီး သူငယ်တန်းဘာသာနဲ့ ရှင်းပြမယ်။ ကလေးတို့ရေ လာကြ လာကြ။ ကြားလိုက်အောင် နားစိုက်ထောင်ကြ။ ပထမဦးဆုံးအချက်ကတော့ သည်အခြေခံဥပဒေကို ပြင်ချင်ရင် ၇၅% အထက် ထောက်ခံမှုကိုရမှ ပြင်နိုင်မယ်တဲ့။ လွှတ်တော်မှာ လူတစ်ရာရှိရင် ၇၆ ယောက် သဘောတူမှ ပြင်လို့ရမယ် လို့ ပြောတာ။ ဒါပေမယ့် လွှတ်တော်ထဲမှာ အရေခွံချွတ်မထားတဲ့ တပ်မတော်သားက တစ်ရာမှာ ၂၅ ယောက်နှုန်း ဝင်ထိုင်နေကြတယ်။ ဆိုလိုတာက တပ်မတော်သား အနည်းဆုံး တစ်ယောက်က မထောက်ခံရင် မြန်မာတစ်ပြည်လုံး ကျန်တဲ့အရပ်သား သန်း ၅၀ မကျေနပ်ရင် လဲသေကြ။ ဘယ်လိုမှ ပြင်လို့မရနိုင်ဘူး ပေါ့နော်။ ဒီအထိ လက်ခံပြီလား။

အဲ့ဒီတော့ ပြင်ချင်သပဆိုရင် တပ်မတော်ကြီးကို အလိုတူအောင် မြှူဆွယ်ချေဦး လို့ အဓိပ္ပါယ်ထွက်တာပေါ့။ အမလေး ဘာခက်တာလိုက်လို့။ အနှစ် ၅၀ ကျော်အောင် ပေါင်းလာတာ။ တပ်ထဲကလူတွေ ဘာကြိုက်တုန်း သိလွန်လွန်းလို့။ စိန်လိုချင်ရင် စိန်ဖြစ်ရမယ်။ အိမ်လိုချင်ရင် အိမ်ဖြစ်ရမယ်။ ဇိမ်လိုချင်ရင် ဇိမ်ခန်းကြီးပါ စပွန်ဆာပေးပလိုက်မှာပေါ့။

တို့တပ်မတော်သားတွေကို သည်လို သွေးခွဲရင် မှားသွားမှာပေါ့ မောင်ရင်။ သူတို့ဟာ တစ်ကျိပ်ပဲ ရှိသည်ဖြစ်စေ၊ အစိတ်ပဲ ရှိသည်ဖြစ်စေ။ တစ်စိတ်တည်း တစ်ဝမ်းတည်း တစ်ကျိတ်တည်း တစ်ဥာဏ်တည်းမို့ အစိတ်သားမဲပေးဖို့လိုလာရင် “တိတ်နှိပ်သုံ တိတ်နှိပ်သုံ တိတ်နှိပ်သုံ တိတ်” လို့ တညီတညာတည်း အော်ပြီးတော့ကို တစ်မဲတည်းကို လူဦးရေနဲ့ မြှောက်ပြီး ပေးကြတယ်။ သူတို့ကို တစ်သွေးတစ်သံတစ်မိန့် နဲ့ ချုပ်ထားပြီးသား။ ဟိုတလောက ကာချုပ်ကြီးက “သူတို့သဘောနဲ့သူတို့ စဉ်းစားဆုံးဖြတ်ခွင့်ပေးထားပါတယ်” ဆိုလို့ ဟိုက “ဟတ်လား။ ဝမ်းသာပါတယ်။ ဒါဆို အိမ်အလည်လာကြပါဦး။ နိုင်ငံရေးအကြောင်း လုံးဝမပြောပါဘူး။ အလွတ်သဘော ထမင်းလေးဘာလေး လက်ဆုံစားရအောင်။” လို့ ကစ်ထည့်လိုက်သေးတာ မှတ်မိသေးလား။ အဲ့ကတည်းက သူတို့ခမျာ ပြုံးတောင် မပြရဲတော့ဘူး။ (ထမင်းစားဖိတ်လို့တောင် အိမ်လည်မလာရဲပါဘူးဆိုနေ။ လာခဲ့ရင် ရန်တွေ့မှာမို့လားနော့။)

တပ်က တပ်အထာနဲ့ မှန်သော်လည်းပဲ တပ်ကလူတွေ လွှတ်တော်ထဲလာထိုင်ပြီး စစ်ရေးပြလုပ်သလို မဲပေးတဲ့အခါ မမှန်တော့ဘူး။ ဒီမိုကရေစီဆိုတာ လူတစ်ဦးချင်း တစ်ဦးချင်းရဲ့ဆန္ဒကို အရှိအတိုင်း တင်ပြပြီး အများသဘောနဲ့ အဆုံးအဖြတ်ပေးတာ။ တပ်မတော်သားကိုယ်စားလှယ်များ အားလုံးရဲ့ ဆန္ဒမဲဟာ ကာချုပ်ကြီး တစ်ဦးတည်းရဲ့ ဆန္ဒကို ကိုယ်စားပြုတဲ့အတွက် အဲသည်မှာတင် ဒီမိုကရေစီရေခဲတုံးကြီး အငွေ့ပျံသွားပြီ။

ကာချုပ်ကြီးရဲ့ ဆန္ဒမဲဟာ လွှတ်တော်မှာ ဗီတိုအာဏာအဖြစ် ကိုင်စွဲထားတဲ့အတွက် လွှတ်တော်ကြီးကလည်း ဒီမိုကရေစီ အနှစ်သာရပျောက်သွားတယ်။ နောက်ဆုံးတော့ ရုပ်လုံးပေါ်လာတာက သူတို့တတွေ တဖွဖွ ကြွေးကြော်နေတဲ့ မြန်မာနည်းမြန်မာ့ဟန် ဒီမိုကရေစီဆိုတာကြီးဟာ ဒီမိုကရေစီအရေခြုံထားသော အာဏာရှင်စံနစ်ကြီးပါ ဆိုတာ ဘွားဘွားကြီး ပေါ်လာတယ်။ နိုင်ငံသားအများစုရဲ့ သဘောဆန္ဒအပေါ်မှာ လူတစ်ဦးတစ်ယောက်က အတင်းအဓမ္မချုပ်ကိုင်လွှမ်းမိုးထားရင် အဲ့ဒါ အာဏာရှင်စံနစ် မဟုတ်လို့ ဘယ်လိုခေါ်ချင်သေးသတုန်း ပြော။ သိသာသိစေ မမြင်စေနဲ့ဆိုတဲ့ အဲသည်အမှန်တရားကြီးဟာ အခုလို ပြတ်ပြတ်သားသား မဲခွဲပြလိုက်မှပဲ လယ်ပြင်မှာ ဆင်သွားသလို အထင်အရှားကြီး ပေါ်လာတော့တယ်။ (ပေါ်ပလေ့စေအေ။ တို့က မရှက်တတ်ပေါင်။)

အရေးကြီးတာ နင်တို့ဘွားတော်ကြီး သမ္မတ မဖြစ်ပြီးရောဆိုပြီး ပွဲခံနေတဲ့သူတွေ ရင်ဆို့သွားအောင် ဆက်ဘေးတီးလိုက်ပါဦးမယ်။ “အခုအဆို ရှုံးသွားပေမယ့် ပြင်ဆင်ဖို့အဆို တင်သွင်းခဲ့ကြောင်း မှတ်တမ်းတင်ပေးပါ” လို့ ပြောတာကို ထကတော့မတတ် ပျော်နေတဲ့ မျက်နှာပေးကြီးနဲ့ “အိုခေ အိုခေ” လုပ်လိုက်ပါရောလား။ အဲ့ဒါ ခများတို့ကို သမိုင်းတင်လိုက်ပါပြီလို့ပြောတာ။ သဘောလည်း မပေါက်ဘူး။ အခုအချိန်မှာ ဘယ်လိုမှ ပြင်မပေးနိုင်ပါဘူးဆိုတဲ့ ၄၃၆ ကြီးဟာ နောင်ကျတော့ အဲသည် အပြိန်း အတုံးကြီးတွေ သေကုန်တဲ့အခါ ဘယ်အစိုးရပဲတက်တက် ပြင်ကို ပြင်ပေးရမယ့်အချက်ကြီး။ မပြင်ရင် သူလည်း အာဏာရှင်ခြေမန်းကွင်းကြီးအောက်မှာ ငုတ်တုတ်မေ့နေရမှာလေ။ ဒီအခါမှာ နောင်လာနောက်သားတွေဟာ ဒီလောက် အဓိပ္ပါယ်မရှိ လက်တွေ့မကျတဲ့ဟာကြီးကို ဘယ်သူတွေကများ အရှက်မရှိ ရေးဆွဲသွားပါလိမ့်ဆိုရင် ညောင်နှစ်ပင်က လက်ညှိုးထောင် ခေါင်းငြိမ့်တွေက တစ်တရားခံ။ အာဏာရပါတီရော အတိုက်အခံပါတီရော လက်တွေ့မကျလို့ ပြင်ဆင်ရန် အဆိုတင်သွင်းခဲ့ပေမယ့် ပုဂ္ဂိုလ်ရေးအာဃာတတွေရော၊ အာဏာရှင်ဟောင်းကို အကာအကွယ်ပေးလိုစိတ်နဲ့ရော အပြင်းအထန် ကန့်ကွက်သွားတာက လက်ရှိ ကာချုပ်ကြီးအမှူးပြုသော ရုပ်သေးကိုယ်စားလှယ်တော်များ ဖြစ်တယ်ဆိုတာ ဘယ်လိုမှ မငြင်းနိင်အောင် လက်ပူးလက်ကြပ် မိတော့တာကိုး။

ဖေဖေ့တပ်မတော်မို့ မောင်နှမတော်ပါတယ်လို့ ဘယ်လိုပင် အမျိုးစပ်သော်ငြား သူတို့ကတော့ ဦးစောခြေရာနင်းကြတာပါ မေမေ။ ဒါကိုမှ ရာဇဝင်ရိုင်းတယ် မခေါ်ရင် ဘယ်လိုခေါ်ကြမလဲ။

နေဝင်ရီတရော မှိုးမှိုးမှောင်မှောင် အချိန်ရောက်လာရင် နွားရိုင်းသွင်းချိန် လို့ ခေါ်သတဲ့။ အဲ့လိုအချိန်ဆိုရင် မကောင်းဆိုးဝါး တစ္ဆေမိစ္ဆာများ မြူးတူးလူးလာကြတယ်တဲ့။ အခုလည်း နိုင်ငံရေးဆည်းဆာချိန်ရောက်ပြီဆိုတော့ အာဏာအပမှီတဲ့သူတွေမှာ အငမ်းမရ အိနြေ္ဒမဆည်နိုင် ဖြစ်ကုန်ကြပြီလေ။ ရွှေတိဂုံဖျားကြီး ပြန်ပေးဆွဲသလိုလုပ် မဲဆွယ်တဲ့သူဆွယ်၊ မဘသတွေ ၉၆၉တွေနဲ့ တစ်အိမ်တက်ဆင်း မဲထည့်နည်းရှင်းပြမယ် ဆိုလိုဆို။ ဘယ်လိုနည်းနဲ့ပဲ အာဏာရရ အာဏာရသွားတဲ့အခါ လုပ်သမျှ တင့်တယ်လိမ့်မယ် လို့ ထင်တာကိုး။ မဲတွေခိုးပြီး ဝန်ကြီးတက်လုပ်နေတဲ့သူကလည်း ပြည်သူတွေကသာ မမေ့သေးတာ။ သူခိုးထားတဲ့မဲ သူကိုယ်တိုင် မေ့ပလိုက်လို့ မမှတ်မိတော့ဘူး။ ဘယ်တုန်းက ခိုးဖူးလို့လဲ။ မဟုတ်တာပြောရင် တရားစွဲမှာနော် လို့ ဖြစ်ကုန်ပြီ။ ဟုတ်တယ်လေ။ အပမှီတဲ့သူဆိုတာ သူ့ဘာသူ ဘာလုပ်လို့ လုပ်ခဲ့မှန်း မှတ်မိတာ ဟုတ်ဘူးရယ်။

စစ်တုရင် ကစားပွဲ ကစားဖူးသလား။ ကိုယ်တိုင် မကစားတတ်ပဲနဲ့ သူများ နောက်ကွယ်က ကြိုးဆွဲရာပဲ ကတတ်ရင် အရုပ်ကြိုးပြတ်ဖြစ်တဲ့တစ်နေ့ ပုံလျက်သားကလေး ဖြစ်ရုံအပြင် မရှိဘူး။ ပါးစပ်ကြီးနဲ့ ပြောရတာတော့ လွယ်သပေါ့လေ။ သမ္မတ မကလို့။ သမ္မတထက်ကြီးတာ တက်လုပ်ရလည်း ဖြစ်ပါတယ် ဘာတယ်။ လက်တွေ့ကျတော့ ဝန်ကြီးလေး တစ်ဌာနလုပ်တုန်းကတောင် သူသာကျိကျိတက်ချမ်းသာသွားတာ၊ သူ့လက်အောက်က စက်ရုံအလုပ်ရုံတွေ သည်နေရာမှာ ရပ်လိုက်ရင် ဘယ်လောက်ပေးမလဲ လွှတ်တော်ထဲတင်ယူရတယ်။ အခုဆို အခွံတောင် မကျန်ဘူး။ ရောင်းစား ငှားစားလို့ ကုန်ပေါ့။ သူ့လက်ထဲ သည်နိုင်ငံကြီး ယုံယုံကြည်ကြည် အပ်လိုက်ရမယ်ဆိုရင် စဉ်းစဉ်းစားစားလည်း ပြောပါကွယ်။

ဟိုဘွားတော်မှာ သူ့လက်ထဲ သူ့အသက်ကာကွယ်ဖို့ စစ်သားတစ်ယောက်တောင် မရှိဘူး။ ဒါပေမယ့် ရှိသမျှ စစ်အင်အားနဲ့ အသေအလဲတိုက်နေရတဲ့ ကိုးကန့်စစ်မီးဟာ ပီကင်းကို သူ့ခြေတစ်ဘက်ချလိုက်ရုံနဲ့ ဟုတ်ကနဲ ငြိမ်းသွားတယ်။ “တိုက်ဆိုင်လိုက်တာများကွာ။ ဖေဖော်ဝါရီလ ကိုးရက်” လို့ ဆိုကြတာနဲ့ ဖုန်ကျားရှင်ကြီးကတောင် “တရုတ်ပြည်သူ့သမ္မတနိုင်ငံတော်အစိုးရ၏ မေတ္တာရပ်ခံချက်အရ..” လို့ အတိအလင်း သတင်းထုတ်ပြန်ရတယ်။ သူများတကာလို အခန်းဝ ငုတ်တုတ်ထိုင်စောင့်ရတဲ့အစား မဟုတ်ဘူး။ ကော်ဇောနီခင်းပြီး နိုင်ငံတော်အခမ်းအနားနဲ့ ကြိုရတဲ့သူ။

စစ်တပ်မှအပဖြစ်သော မြန်မာနိုင်ငံသားအားလုံးက တခဲနက်ထောက်ခံထားပြီး မြန်မာပြည်နဲ့ ဆက်ဆံသမျှ နိုင်ငံတကာအစိုးရတိုင်းက တလေးတစား အရေးထားရတဲ့ ခေါင်းဆောင်တစ်ယောက်၊ ဦးနှောက်သုံးပြီး အဆုံးအဖြတ်ပေးရမယ့် အခြင်းအရာတိုင်းမှာ ဘယ်သူနဲ့မှ ပြန်တိုင်ပင်စရာမလို၊ ဘယ်သူ့အမိန့်မှ ပြန်လည်နာခံစရာ မလိုပဲ တမဟုတ်ချင်း မှန်မှန်ကန်ကန် တုန့်ပြန်နိုင်စွမ်းရှိတဲ့သူ။ သူများက ဖြစ်စေဆိုမှ ဖြစ်လာရတာ မဟုတ်ဘူး။ သူ့အရည်အချင်းနဲ့သူ ဘယ်သူကမှ တားဆီးဆို့ပိတ် လို့ မရတာကြောင့် ဖြစ်လာတဲ့သူ။ အဲ့ဒါကြောင့် သူဟာ စစ်တပ်ကရော ဖွဲ့စည်းပုံအခြေခံဥပဒေကရော ဘယ်လိုပင် အသိအမှတ်မပြုစေသော်ငြား တစ်နိုင်ငံလုံးရဲ့ အမျိုးသားခေါင်းဆောင် ဖြစ်နေပြီးသား။ သမ္မတ ထပ်လုပ်ရင် တိုင်းပြည်အတွက်ပဲ အကျိုးရှိချင်ရှိမယ်။ သူ့အတွက်တော့ ချီးထုပ်ကြီး ခေါင်းပေါ်ရွက်ရမှာ။ ငါးတကာ ယိုသမျှချေး ပုဇွန်ဆိတ်ခေါင်းပေါ်စု ဆိုတာ ကြားဖူးတယ် မဟုတ်လား။

အဲသည် ညောင်နှစ်ပင် ဖွဲ့စည်းပုံအခြေခံဥပဒေကြီးကို နိုင်ငံသား ၉၂%က တခဲနက် ထောက်ခံထားပါတယ် ဆိုတာကြီးကို မျက်စိစှုံမှိတ်ပြီး အော်နေတာကိုက သူတို့ဥာဏ်တိမ်တာ တကမ္ဘာလုံးသိကုန်ပြီ။ သူတို့ကသာ မသိတာ။ ဖင်လှန် ခေါင်းမြီးခြုံပြီး ငါ့ဘယ်သူမှ မမြင်ဘူးလို့ ထင်နေတဲ့သူလိုပဲ။ ဘယ်ဒီမိုကရေစီနိုင်ငံမှာမှ ဆန္ဒခံယူပွဲကို အဲ့သလောက် အပြတ်အသတ်ဖြစ်တယ်ဆိုတာ မရှိသေးဘူး။ တစ်ရာနား ကပ်လေလေ။ အာဏာရှင် ဆိုတဲ့ ရုပ်လုံးပေါ်လာလေလေပဲ။ ရှိပါတယ်။ အဲ့လိုနိုင်ငံတွေ။ ဇင်ဘာဘွေတို့၊ မြောက်ကိုရီးယားတို့။ တကယ်တမ်းကျတော့ အဲ့သည်ပွဲတုန်းက ကိုယ်ကိုယ်တိုင် ဘာတွေဘယ်လိုလုပ်ခဲ့တယ်ဆိုတာ အာဏာအပမှီနေတာနဲ့ မမှတ်မိတော့ဘူး။ မေ့ကုန်ပြီ။ ကိုယ်တွေကတော့ ဘယ်မေ့မလဲ။

တစ်ညလုံး ကျောင်းဆရာမတွေနဲ့ ငုတ်တုတ်ထိုင် ထောက်ခံမဲစာရင်းဖြည့်ခဲ့ကြရတာကိုး။ နောက်တစ်နေ့ကျတော့ အရပ်ဝတ်ထားသော စစ်သားတွေနောက်က တို့အရေး တို့အရေး နဲ့ အော်ပြီး လမ်းလျှောက်ထွက်ရတာ လောက်ကိုင်က တရုတ်တွေမှာ အထူးအဆန်းဖြစ်လို့။ “နီစောစမော နီစောစမော” နဲ့ လိုက်မေးကြတယ်။ နောက်ဆုံးတော့ အဲ့ဒါကြီးကို ယုံတဲ့သူဆိုတာ သူတို့ကလွဲရင် ဘယ်သူမှ မရှိတော့ဘူး။ သူများကိုလိမ်ရင်းကနေ ကိုယ့်ကိုယ်ကိုယ် လိမ်တာ ဖြစ်သွားတာလေ။ အခုကြည့်ပါလား။ တကယ့်ကို ဘုရားစူး မိုးကြိုးပစ်၊ ၉၈% ကြီးပါ လို့ ကျမ်းကျိမ်နေတုန်း။ (ပြိတ်သတ်ကြီး။ ယုံလား။ ယုံရင် ပျော့ပြဖို့ စိတ်ကူးပြီးသားကွယ်။)

စစ်အစိုးရဟာ ကိုယ်တို့တိုင်းပြည်ကြီးတစ်ခုလုံးကို သူ့စိတ်တိုင်းကျ လက်ခုပ်ထဲကရေလို သွန်လိုသွန် မှောက်လိုမှောက် အုပ်ချုပ်နိုင်တာဟာ သူ့မှာ လက်နက်ရှိလို့။ တို့က လက်နက်မရှိလို့ သူလုပ်သမျှခံရတာ လို့ ထင်နေတာ မှားပါတယ်။ ကိုယ်ကိုယ်တိုင်လည်း အစက အဲ့သလိုပဲ ထင်ခဲ့တယ်။ မတတ်သာလို့ အားမတန် မာန်လျှော့ရတိုင်း “လုပ်ထားဦးပေါ့ရှင်။ ရှင်တို့က ရဲတွေကိုး။” လို့ အောင့်မေ့ခဲ့တယ်။ ဒါပေမယ့် အခု လွှတ်တော်ထဲ မဲခွဲပြီး ဘွားတော်ကြီး ကစားသွားတဲ့ အကွက်ကို မြင်ရတဲ့အခါ ကိုယ့်ခေါင်းထဲမှာ ဥာဏ်အလင်းပွင့်သွားသလို ပွင့်သွားတယ်။

တကယ်တော့ စစ်တပ်က ကိုယ်တို့ကို လက်နက်နဲ့ အုပ်ချုပ်နိုင်တာဟာ ကိုယ်တို့က သူတို့ထက် ဥာဏ်ရည်မသာလို့ အုပ်ချုပ်လို့ရတာ။ သူတို့ထက် ဥာဏ်ရည်သာရင် ကိုယ်တို့က ပြန်အုပ်ချုပ်လို့ရတယ်။ ဆင်မြင်းကျွဲနွား သားရဲတိရိစ္ဆာန်မှန်သမျှ လူကခိုင်းစားတာချည့်ခံရစမြဲပဲ။ မွေးကတည်းက ကိုယ်စွမ်းကိုယ်စ မရှိအောင် ဖိနှိပ်ထားတဲ့ နိုင်ငံအတွင်းမှာ ငါ့မိဘ ဘာမှ မဟုတ်ရင် ငါ ဘာမှ မဖြစ်နိုင်ဘူး ဆိုတဲ့အသိက အရိုးစွဲသလို စွဲနေလို့သာပါ။ လူမစွမ်းရင်သာ နတ်မဖို့လိုတာ။ လူစွမ်းကောင်းမှန်ရင် နတ်က ပြန်စောင့်ရှောက်ရသတဲ့။ အရပ်ဘက် လူ့အဖွဲ့အစည်းမှာ ဥာဏ်ရည်သာတဲ့ လူစွမ်းကောင်းများများပေါ်လာရင် ဟိုဘက်က သူများခိုင်းမှ ထိုင်ဆိုထိုင် ထဆိုထ လုပ်ရတဲ့သူတွေကို အပြန်အသတ် ကျော်တက်သွားမှာ။ ဘော်ဒါတို့။ မထိုင်းကြနဲ့။ မမှိုင်းကြနဲ့။ မျက်စိမမှိတ်နဲ့။ မျက်တောင် မခတ်နဲ့။ အဆင့်မြင့်သိုင်းကွက်တွေကို မြင်အောင်ကြည့်ပြီး အတုယူလိုက်ရအောင်။

တစ်ကမ္ဘာလုံးက လက်ဖျားခါရတဲ့ ဘွားတော်အနေနဲ့ သည်အဆိုကို လွှတ်တော်ထဲမဲခွဲရင် နိုင်မလား ရှုံးမလားဆိုတာ ဗေဒင်မေးစရာ မလိုပါဘူး။ ကိုယ်လို နလပိန်းတုံးကောင်တောင် နိုင်မှာ မဟုတ်မှန်း သိတယ်။ ပြောခဲ့ဖူးသားပဲ။ မဝေနိုင်လို့ လုထားပါတယ်ဆိုမှ ပြန်ပေးစရာလား။ သူလိုချင်တာ “သည်မှာ မတွေ့ဘူးလား။ ရှုံးတယ်” ဆိုတဲ့အဖြေပါ။ နောင်ကျ လွှတ်တော်အဆက်ဆက် သည်ဥပဒေကို သည်လို မပြင်ပဲထားသ၍ သည်လိုပဲ ပြည်သူ့ဆန္ဒသဘောထားတွေ မျက်ကွယ်ပြုခံရလိမ့်မယ် ဆိုတာကို အားလုံးသဘောပေါက်အောင် သက်သေပြသွားတာ။ ဘယ်လိုမှ မငြင်းနိုင်ဘူး။

သူတို့မှာသာ ဥာဏ်မမီလို့၊ အတ္တမောဟတွေ ဖုံးနေလို့ သဘောမပေါက်တာ။ ဝမ်းသာစရာကောင်းတာကတော့ အဲသည်အဖြေကို ကိုယ်တစ်ယောက်တည်း သဘောပေါက်လိုက်တာ မဟုတ်ဘူး။ ဖေ့စ်ဘုတ်ပေါ်မှာ အရေမရ အဖတ်မရ ကိုယ့်ထမင်းကိုယ်စားပြီး လမ်းသလားနေတဲ့လူငယ်တွေ တော်တော်များများ သဘောပေါက်ကြတယ်။ ကိုယ်ရေးတဲ့စာက သူတို့ရေးထားတာထက် အများကြီး နောက်ကျတာ။ သူတို့က ချက်ဆို နားခွက်က တောက်နှင့်ပြီးသား။ လွှတ်တော်ထဲ ဆယ်သိန်းယူ ထိုင်ငိုက်နေတဲ့ မီးကျိုးမောင်းပျက်တွေကသာ “နိုင်ပြီ။ ဖေကြီး။ သားတို့နိုင်ပြီ။” နဲ့ ကျောချလို့ ဓါးပြမှန်း မသိအောင် ပိန်းနေကြတာ။ ဖေ့စ်ဘုတ်ပေါ်ကလူတွေဖြင့် မအပေါင်။ သည်အိုင်ကျူနဲ့ သည်အိုင်ကျူ ဆက်ကစားရရင်ဖြင့် ရေရှည်မှာ ဘယ်သူက ဘယ်သူ့ကို အသာရမလဲ စိတ်ပူစရာ မရှိလှပါဘူး။

သူတို့ဘက်က ၂၀၁၅ လောက်ကို မျက်မွှေးတဆုံး အသည်းအသန် ကာကွယ်ခုခံနေချိန်မှာ ကိုယ်တို့ဘက်ကတော့ နောင်လာမယ့် လူငယ်မျိုးဆက်သစ်တွေကို ဟိုမှာကြည့်စမ်း။ မင်းတို့ အဲ့သလို မဖြစ်စေနဲ့ လို့ သွန်သင်လေ့ကျင့်ပေးထားရမယ်။ သူတို့လိုမျိုး အခွင့်အရေး မျှော်ကိုး၊ အရှင်မွေးမှ နေ့ချင်းကြီး၊ လူကြီးခိုင်းရင် ဘာပဲလုပ်ရလုပ်ရ၊ အမိန့်နာခံမှု အားနည်းမစိုးလို့ ကိုယ်ပိုင်စဉ်းစားဆင်ခြင်ဥာဏ်ကို အညွန့်တုံးအောင်နှိမ်ထားရင် မြင်တဲ့အတိုင်းပဲ အရင်းလဲတိုင်း အဖျားတွေ ထင်းဖြစ်ဖြစ်ကုန်တာ တွေ့တယ် မဟုတ်လား။ ကိုယ့်မှာ ဦးနှောက်မရှိရင် ဦးနှောက်ရှိတဲ့သူက ကိုယ့်လာခိုင်းမှာ အသေအချာပဲ။ နောက်ကွယ်က ကြိုးကိုင်ခံထားရတဲ့ ရုပ်သေးအစိုးရနဲ့ ကိုယ့်ကြမ္မာကိုယ်ဖန်တီးနိုင်စွမ်းရှိတဲ့ အစစ်အမှန်အစိုးရ ဘယ်လိုတွေ ကွာသလဲဆိုတာ သက်သေပြချင်တဲ့အတွက် ကိုယ်တစ်ချိန်က ရေးခဲ့ဖူးတဲ့ “ဘာပဲပြောပြော ရာဇဝင်ရှိတယ်” စာအုပ်ထဲက တရုတ်ရာဇဝင်ကလေးကို ပြန်ထုတ်နှုတ်ပြပါ့မယ်။

ပထမမြောက်ဧကရာဇ်ကြီး နတ်ရွာစံတဲ့အခါ အရည်အချင်းမရှိတဲ့ သူ့သားအငယ်ကောင်ကို မိန်းမထိန်းလူလည်ကြီးက နောက်ကွယ်က ကြိုးကိုင်ပြီး ရှင်ဘုရင်အဖြစ် နန်းတင်ပေးပါတယ်။ သူကိုယ်တိုင် ဘာလို့ ဘုရင် မလုပ်သလဲဆိုတော့ ထီးရိုးနန်းရိုး မဟုတ်မှ မဟုတ်တာ။ အရည်အချင်းမရှိတဲ့သူကို အထွဋ်အထိပ်တင်ချင်ရင် အရင်ဆုံး လုပ်ရတဲ့အလုပ်က အရည်အချင်းရှိတဲ့သူတွေ အားလုံးကို ကောက်ကျစ် ယုတ်မာတဲ့နည်းနဲ့ သုတ်သင်ရှင်းလင်းပစ်ရပါတယ်။ ကြားနေသလိုလို၊ ကိုယ်နဲ့မဆိုင်သလိုလို နေတဲ့သူတွေကိုတော့ ကိုယ့်ဆူးညှောင့် ခလုတ်တွေကို ရက်ရက်စက်စက် နှိမ်နှင်းပြလိုက်ရင် အလိုလို ဦးကျိုးသွား တာပါပဲ။ နောက်ဆုံးတော့ အရည်အချင်း မရှိတဲ့သူဟာ ရှင်ဘုရင်ဖြစ် သွားလည်း တိုင်းပြည်အုပ်ချုပ်ဖို့တော့ မတတ်ပါဘူး။ စည်းစိမ်ခံစားဖို့၊ ပြည်သူ့ဘဏ္ဍာကို မကုန်ကုန်အောင်ဖြုန်းဖို့သာ တတ်ပါတယ်။

အဲ့ဒါကြောင့် တကယ့်အုပ်ချုပ်ရေးအာဏာကို သူ့အကျိုးကို လိုလားတဲ့ ကောက်ကျစ်ယုတ်မာသူကိုသာ လွှဲအပ်ထားပါတယ်။ ဒါပေမယ့် အာဏာဆိုတာ ကိုင်မိသူကို အယုတ်အလတ် အမြတ်မရွေး ယစ်မူးစေတယ် မဟုတ်လား။ အိမ်စောင့်အစိုးရ ပေးလုပ်လိုက်မိတာ တသံသရာလုံးမှောက်သွားမှန်း ဘဘကြီးဦးနုလောက် သိတဲ့သူ ဘယ်ရှိမလဲ။ (သူ့သမီး ဒေါ်သန်းသန်းနု ရှိသေးတယ်လေ။ မေးကြည့်ပါလား) အခုလည်း မိန်းမစိုးကြီးကို အာဏာအပ်မိတော့ ဟိုကသူ့လက်ထဲ အာဏာမြဲအောင် ဆင်ကြံကြံပါတော့တယ်။

အဲသည်လိုကြံဖို့ ပထမဦးဆုံး အားစမ်းတဲ့အလုပ်က အခုလိုပဲ လွှတ်တော်ထဲမှာ မဲခွဲတာနဲ့ စရတာပေါ့။ နန်းရင်ပြင်ထဲ သမင်တစ်ကောင်ခေါ်လာပြီး “မြင်းရိုင်းတစ်စီး ဆက်ပါရစေ။” လို့ လျှောက်တယ်။ သမင်ကြီး မြင်လျက်သားနဲ့ မြင်းလို့ ပြောတာဟာ ရယ်စရာမှတ်လို့ မိန်းမစိုးကြီးကို ငြင်းတဲ့အခါ ဟိုက သမင်လား မြင်းလား လွှတ်တော်မှာရောက်နေတဲ့အမတ်တွေကို မဲခွဲကြည့်ပါလားလို့ အကဲစမ်းပါသတဲ့။ ဒါပေမယ့် လွှတ်တော်ထဲက မူးမတ်တွေအကုန်လုံးက သမင်ကို မြင်လျက်နဲ့ပဲ မြင်းပါ လို့ ထွက်ဆိုသွားပါတယ်။ သည်အဖြေကို မြင်တဲ့အတွက် နိုင်ငံရဲ့အာဏာဟာ ရှင်ဘုရင်ဆီမှာလား မိန်းမစိုးဆီမှာလားဆိုတာ ပရိသတ်ဗိုလ်ပုံ အကုန်သဘောပေါက်သွားခဲ့တာပေါ့။ ငါတို့တိုင်းပြည်ကလည်း လွန်ခဲ့တဲ့ နှစ်ပေါင်းနှစ်ထောင်ကျော်လောက်က တရုတ်ပြည်က ကျားကျားမီးယပ် ဇာတ်လမ်းဟောင်းကြီးကို အခုထက်ထိ တုကနေသေးတာ သိပ်အံ့သြဖို့ကောင်းတာပဲ။

သူတို့ထက် ပိုအ တာကတော့ “အဲ့ဒါ သမင် မဟုတ်ဘူး။ မြင်းလေ။ ဘယ်မှာပဲတွေ့တွေ့ မြင်းလို့ခေါ်ရမယ် မှတ်ထား” လို့ ငယ်ငယ်ကတည်းက အသင်ခံထားရတဲ့သူတွေပေါ့။ “မိမိ ဘဝရှေ့ရေးနှင့် ကိုယ်ကျိုးစီးပွားအတွက် ယနေ့မှစ၍ သမင်ကိုမြင်စေကာမူ အမိန့််အရ မြင်း ဟု မှတ်ယူပါတော့အံ့။” လို့ သစ္စာ အဓိဋ္ဌာန် ပြုထားသူများ ဖြစ်ပါလိမ့်မယ်။ တစ်လ ဆယ်သိန်း ရနေမှတော့ သမင် မြင်းလုပ်စီးရတာ ဘာအပန်းကြီးတာလိုက်လို့။ အိမ်း ... သည်လူတွေကို ရန်လုပ်မနေပဲ သူတို့ကို “ဆင်လို့ခေါ်လိုက်စမ်း မြင်းလို့ခေါ်လိုက်စမ်း” အမိန့်ပေးနိုင်တဲ့သူ ဖြစ်အောင် ကြိုးစားကြရုံရှိတာပေါ့လေ။ သူတို့ကိုတော့ သည်အတိုင်းပဲ ထားတာ ကောင်းပါတယ်။ နို့မို့ အထွန့်တက်နေရင် ဘယ်လိုအုပ်ချုပ်မလဲနော့။ မြင်းလှည်းသမားများဟာ သူတို့မြင်းကို ဘာဖြစ်လို့ သားရေပြားအမည်းလေးနဲ့ ကာပေးထားသလဲ သိလား။ လိုချင်တဲ့ဆီကို ကြိမ်တို့လို့ မရမှာစိုးလို့ဗျ။ စစ်ရေးအမြင် အဲလေ ကာကွယ်ရေးအမြင်ရှိတဲ့သူဆိုတာ ကိုယ့်လက်အောက်က တပ်ကို ဘာမှ ပေးမသိတာ ကောင်းတယ်။

ဟိတ်ကောင်တွေ။ ဘီဘီစီ နားမထောင်နဲ့။ ဗီအိုအေ နားမထောင်နဲ့။ ငါတို့ ခွင့်ပြုထားတာမဟုတ်ပဲ ဖေ့စ်ဘုတ် မသုံးနဲ့။ မင်းတို့ဖတ်ချင် လုပ်သား ကြေးမုံ ဖတ်ကြ။ မင်းတို့ကြည့်ချင် မြဝတီလိုင်းတွေ ကြည့်ကြ။ မင်းတို့ရေးချင် စရဏတို့၊ အာရောဂျံတို့ထဲ ဝင်ရေးကြ။ အင်တာနက်သုံးချင် ရဲမိုးတို့ ရောင်နီဦးတို့ ရှိတယ်။ ကျုပ်ဆိုရင်တော့ အဲ့သလို ဆက်အုပ်ချုပ်ထားမှာပဲဗျား။ ကိုင်း တွေ့လား။ သံသရာကိုလည်လို့။

ငွေစန်းရောင်

The Ladies News Journal ပါ သရော်စာဆောင်းပါး


ကမ္ဘာပတ် ခရီးစဉ် ပျံသန်းနေတဲ့ နေစွမ်းအင်သုံး ဆိုလာ လေယာဉ်ဟာ အရှည်ဆုံး ခရီးပိုင်း ဖြစ်တဲ့ ပစ္စိဖိတ် သမုဒ္ဒရာ ဖြတ်ပျံတဲ့ ခရီးကို ဒုတိယမြောက် ကြိုးပမ်းမှု အဖြစ် ပျံသန်းခဲ့ရာမှာ အခုတော့ ပြန်လှည့်ဖို့ မဖြစ်နိုင်တော့တဲ့ အကွာအဝေးကို ရောက်ရှိ ကျော်ဖြတ်ခဲ့ပြီလို့ သိရပါတယ်။

Solar Impulse လေယာဉ်ဟာ ဂျပန်နိုင်ငံ နာဂိုယာ မြို့ကနေ ဒေသ အချိန် တနင်္ဂနွေနေ့ ညနေပိုင်းက စတင် ထွက်ခွာ ခဲ့တာ ဖြစ်ပြီး ဟာဝိုင်ယီကို ရောက်ရှိဖို့ ၅ ရက်ကြာ ပျံသန်းရမှာ ဖြစ်ပါတယ်။

ဒီခရီးပိုင်းမှာ အရေးပေါ် အခြေအနေ ကြုံခဲ့ရင် ဆင်းသက်စရာ ကုန်းမြေ မရှိတဲ့ အတွက် လေယာဉ်မှူး အနေနဲ့ စွန့်စွန့်စားစား ပျံသန်းနေရတာ ဖြစ်ပါတယ်။

အရေးပေါ် ဆင်းသက်စရာ ကုန်းမြေ မရှိတဲ့အတွက် လေယာဉ်မှူး အတွက် စွန့်စားရတဲ့ ခရီးဖြစ်။ 
ဒါပေမယ့် မိုးလေဝသ ခန့်မှန်းချက်တွေ ကောင်းမွန် နေတဲ့အတွက် လေယာဉ်မှူး André Borschberg အနေနဲ့ ခရီးပန်းတိုင်ကို ရောက်ရှိ နိုင်မယ်လို့ ယုံကြည်ကြောင်း ခရီးစဉ် စီစဉ်သူတွေက ပြောကြပါတယ်။

ဆိုလာ လေယာဉ်ဟာ အခုလ အစောပိုင်းက မိုးလေဝသ အခြေအနေ ဆိုးရွားမှုကြောင့် ကြိုတင် စီစဉ်မထားဘဲ ဂျပန်နိုင်ငံမှာ အရေးပေါ် ဆင်းသက် ခဲ့ရတာ ဖြစ်ပြီး ဒီခရီးပိုင်းကို ဆက်ဖို့ သီတင်း ၃ ပတ်ကျော်ကြာ စောင့်ဆိုင်းနေခဲ့ရတာ ဖြစ်ပါတယ်။

လေယာဉ်မှူး André Borschberg ဟာဝိုင်ယီကို ချောချောမွေ့မွေ့ ရောက်ရှိခဲ့မယ် ဆိုရင်တော့ လေယာဉ် ပျံသန်းမှု သမိုင်းမှာ တစ်ဦးတည်း အချိန်အကြာဆုံး ပျံသန်းမှု ဖြစ်လာမှာ ဖြစ်သလို နေစွမ်းအင် တစ်ခုတည်းနဲ့ ခရီးအရှည်ဆုံး ပျံသန်းမှုလည်း ဖြစ်လာမှာ ဖြစ်ပါတယ်။

ပစ္စိဖိတ် သမုဒ္ဒရာ ဖြတ်ပျံတဲ့ ခရီးဟာ ဆိုလာ လေယာဉ်ရဲ့ ကမ္ဘာပတ် ခရီးစဉ် အတွင်း ၈ ခုမြောက် ခရီးပိုင်း ဖြစ်ပါတယ်။

BBC Burmese
http://www.bbc.com/burmese


‘ပြည်သူလူထုအများစုကြီးဟာ အနာဂတ်နိုင်ငံရေးမှာ တပ်မတော်ရဲ့ အခန်းကဏ္ဍရှေ့တန်းမှ ပါဝင်ရမယ်ဆိုတဲ့ ၂၀၀၈ ဖွဲ့စည်းပုံဥပဒေပါပြဋ္ဌာန်းချက်ကို မကြိုက်ပါဘူး။ ဒါဟာ ပြည်သူ့အကျိုး၊ ပြည်သူ့အခွင့်အရေးကို နောက်တန်းပို့ရာရောက်တယ်။’
------ ------ ------ ------

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီအနေနဲ့ မမှန်မကန်လုပ်ဆောင်နေတဲ့ လူနည်းစုရဲ့ အမုန်းခံမလား၊ ပါတီကို အဆုံးခံမလား ရွေးချယ်ရတော့မည့် အချိန်အခါကျရောက်ပြီဖြစ်ကြောင်း ပြည်ခိုင်ဖြိုးပါတီ ဗဟိုအတိုင်ပင်ခံ ဦးတင်ထွတ်က ဝေဖန် သုံးသပ်ကြောင်း သိရပါတယ်။

''ပါတီတွင်း အားနည်းချက်များမှာ ပါတီဝင်များတွင် အာဏာငန်းဖမ်းနေသူများ၊ နေရာလိုချင်သူများ၊ ထင်ပေါ်လိုသူများ၊ ပြည်သူက အမြင်မကြည်သူများ ရောထွေးနေကြောင်း၊ ကြံ့ခိုင်ရေးပါတီဝင်များကိုယ်တိုင် အခြားပါတီသို့ မဲပေးကြောင်း၊ ရပ်ကျေး၊ မြို့နယ်၊ ခရိုင်၊ ပြည်နယ်နှင့် တိုင်းဒေသကြီး ပါတီကော်မတီများတွင် ပါတီကေဒါနဲ့မတူဘဲ လခစား ၀န်ထမ်းဆန်ဆန် ပြုမူခြင်း၊ ထောက်ပံ့ကြေးနှင့် ကုန်ကျစရိတ်မရလျှင် အလုပ်မလုပ်ခြင်း၊ စစ် အလေ့အထရောဂါ၊ အာဏာငန်းရူးရောဂါ၊ အချောင် သမားရောဂါ၊ သူလှျိုဒလန်ရောဂါ၊ အကျင့်ပျက်ရောဂါတည်းဟူသော သူငယ်နာငါးမျိုး စွဲကပ်နေခြင်း၊ ၀န်ကြီးဌာနအများစုသည် တပ်မတော် အရာရှိ ကြံ့ခိုင်ရေးပါတီဝင်များ၊ ဗဟိုအလုပ်အမှုဆောင်များဖြစ်ကြပြီး ထိုသူများအပေါ် မကျေနပ်၊ မနှစ်သက်၊ မကြည်ညိုမှုများသည်လည်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီအပေါ် မကောင်းသောဆိုးကျိုးများ ကျရောက်စေခဲ့ပါတယ်''ဆိုပြီး ၂၀၁၂ ခုနှစ် ကြားဖြတ်ရွေးကောက်ပွဲ ရှုံးနိမ့်ရခြင်းနှင့်ပတ်သက်ပြီး ပြည်ခိုင်ဖြိုးဗဟိုအတိုင်ပင်ခံ ဦးတင်ထွတ်က သုံးသပ်ခဲ့တယ်လို့ ဆိုပါတယ်။

ဒါပြင် ''အစိုးရအုပ်ချုပ်ရေးအဆင့်ဆင့်ရဲ့ အကျင့်ပျက်လာဘ်စားမှု၊ အနိုင်ကျင့်မှု၊ ကိုယ်ကျိုးရှာမသမာမှုများရှိနေခြင်း၊ အထက်မှအောက်သို့ အမိန့်ပေး၊ အမိန့်စီးဆင်းသည့် 'စစ်အလေ့ထရောဂါ'ကို ပြည်သူများရော၊ ၀န်ထမ်းများပါ ကြုံတွေ့စားနေရ၍ ကောင်းမွန်သော အုပ်ချုပ်ရေးစနစ် အပြောင်းအလဲကို တမ်းတမျှော်လင့်နေကြောင်း တွေ့ရှိရပါသည်။ ပြည်ခိုင်ဖြိုးပါတီသည် လက်ရှိအစိုးရအပေါ် မိမိတို့ တင်မြှောက်ထားသည့် မိမိတို့၏အစိုးရဟုလည်းကောင်း၊ အဖွဲ့ဝင်များကို ရဲဖော်ရဲဖက်များ၊ လုပ်ဖော်ကိုင် ဘက်များဟုလည်းကောင်း၊ သဘောထားပြီး သက်ညှာသော၊ ကြင်နာသော၊ ကူညီပံ့ပိုးလိုသဖြင့် အစိုးရ၏ ငြိုငြင်မှုခံရမှာကို စိုးရိမ်သောစိတ်ထားဖြင့် အစိုးရအပေါ် ဝေဖန်ခြင်း၊ ထောက်ပြခြင်းပြုလုပ်ရန် တုံ့နှေးလျက် ရှိကြောင်း တွေ့ရှိရပါသည်။ ယင်းလုပ်ရပ်များအပေါ် ပြည်သူများက အားမလို အားမရဖြစ်လျက်ရှိပါသည်''လို့ ဦးတင်ထွတ်က သုံးသပ်ထားပါတယ်။

ဆက်လက်ပြီး ဦးတင်ထွတ်က ''ကောင်းမွန်သော အုပ်ချုပ်ရေးစနစ်နှင့် သန့်ရှင်းသောအစိုးရဖြစ်ပေါ်ရေးကို ပါတီကဦးဆောင်၍ ပြုပြင်ပေးမှသာလျှင် ပါတီ၏အနာဂတ်အရေး ကောင်းမွန်လှပမည်ဖြစ်သည်။ ထို့ကြောင့် ပုဂ္ဂိုလ်ရေးသံယောဇဉ်၊ အဖွဲ့အစည်းသံယောဇဉ်များကို ဖြတ်တောက်လျက် တိုင်းပြည်နှင့်လူမျိုးအကျိုးတခုတည်းကိုသာ ကြည့်ရှုထောက်ထားပြီး ရဲရဲဝံ့ဝံ့ သတ္တိရှိရှိ ဆောင်ရွက်သွားရန်မှတပါး အခြားနည်းလမ်းမရှိကြောင်း ထင်မြင်ယူဆပါသည်။ မမှန်မကန်လုပ်နေသော လူနည်းစု၏ အမုန်းခံမလား၊ ပါတီကို အဆုံးခံမလား၊ ရွေးချယ်ရတော့မည့် အချိန်အခါဖြစ်ကြောင်း တင်ပြအပ်ပါသည်''ဆိုပြီး ဝေဖန်ရေးလုပ်ထားပါတယ်။

အမှန်ဆိုရရင် ပြည်ခိုင်ဖြိုးပါတီဟာ ဗိုလ်ချုပ်မှူးကြီးသန်းရွှေ ဥုံဖွ မန်းမှုတ်ပြီး ဖန်တီးမှုကြောင့် ပေါ်ပေါက်လာတဲ့ နိုင်ငံရေးပါတီဖြစ်ပါတယ်။ ပါတီမဖြစ်မီ အသင်းဘ၀က အသင်းရဲ့ ဗဟိုအလုပ်အမှုဆောင်အစိုးရအဖွဲ့ဝင် ၀န်ကြီးတွေ၊ ဌာနဆိုင်ရာအကြီးအကဲတွေဟာ အသင်းအမှုဆောင် သင်တန်းဆင်းပွဲကိုမှ မှန်မှန်ကန်ကန် မတက်ရောက်တာမို့ ဗိုလ်ချုပ်မှူးကြီးသန်းရွှေကိုယ်တိုင် ခေါ်ယူသတိပေးခဲ့ကြောင်း သိရပါတယ်။ အမှန်တော့ နိုင်ငံရေးသမားမဟုတ်သူများ၊ နိုင်ငံရေးအပေါ် စိတ်မ၀င်စားသူများကို တာဝန်ပေးလို့၊ တာဝန်ပေးခံရပြီး မတတ်၍ ၀င်ရောက်လုပ်ကိုင်သူများ ပေါင်းစည်းရာမှာ ဖြစ်ပေါ်လာတဲ့ အဖွဲ့အစည်းဖြစ်ပါတယ်။ ရပ်ကွက်၊ ကျေးရွာ၊ မြို့နယ်စတဲ့ ပြည်ခိုင်ဖြိုးစည်းရုံးမှုအချို့ဟာ နိုင်ငံရေးကို စိတ်ဝင်စားလို့၊ အများအကျိုး၊ တိုင်းပြည်အကျိုး သယ်ပိုးချင်လို့မဟုတ်ဘဲ အခွင့်အရေးလိုချင်လို့ လူရာဝင်ချင်လို့ ပြည်ခိုင်ဖြိုးအသင်းကြီးကို ၀င် ရောက်ခဲ့ကြသူများ ဖြစ်ကြပါတယ်။ ဒါကြောင့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်းကြီးဘ၀မှာ နိုင်ငံရေးပါတီအဖြစ် အသွင်ပြောင်းခဲ့တဲ့ ပြည်ခိုင်ဖြိုးပါတီဟာ မျိုးစေ့မမှန်ဘူးလို့ ဆိုပါတယ်။

ဒီလိုပါတီမျိုးမှာ အာဏာငန်းဖမ်းသူတွေ၊ နေရာလိုချင်သူတွေ၊ ထင်ပေါ်လိုသူတွေ၊ ပြည်သူ အမြင်မကြည်လင်သူတွေ ပေါများနေတာဟာ ထူးပြီးမဆန်းတဲ့ကိစ္စဖြစ်ပါတယ်။ ဒါ့ပြင် ပြည်ခိုင်ဖြိုးပါတီရဲ့ ထိပ်ပိုင်းခေါင်းဆောင်များဟာ စစ်ဗိုလ် လူထွက်တွေဖြစ်တာမို့ စစ်အလေ့အထရောဂါ၊ အမိန့်ပေးအမိန့်ခံရောဂါ၊ အာဏာငန်းရူးရောဂါ စွဲကပ်နေတယ်ဆိုတဲ့ ဦးတင်ထွတ်ရဲ့ သုံးသပ်ချက်ဟာ ရာနှုန်းပြည့်မှန်ဖို့ များပါတယ်။
မြန်မာ့အရေး လေ့လာသူ သုတေသီတဦးက ပြည်သူလူထုရဲ့ ရင်ထဲမှာဖြစ်ပေါ်နေတဲ့ စစ်တပ်အပေါ်အမုန်း၊ အစိုးရအပေါ်အမုန်း၊ အာဏာရ ပြည်ခိုင်ဖြိုးပါတီအပေါ် အမုန်းတရားများကြောင့် လာမည့် ၂၀၁၅ ရွေး ကောက်ပွဲမှာ ပြည်သူလူထုရဲ့အမုန်းမဲများဟာ အတိုက်အခံအမျိုးသား ဒီမိုကရေစီအဖွဲ့ချုပ်နှင့် အခြားသော ဒီမိုကရေစီအင်အားစုများ၊ တိုင်းရင်းသားပါတီများထံ ရောက်သွားနိုင်ကြောင်း သုံးသပ်ပါတယ်။

ပြည်သူလူထုအများစုကြီးဟာ အနာဂတ်နိုင်ငံရေးမှာ တပ်မတော်ရဲ့ အခန်းကဏ္ဍရှေ့တန်းမှ ပါဝင်ရမယ်ဆိုတဲ့ ၂၀၀၈ ဖွဲ့စည်းပုံဥပဒေပါပြဋ္ဌာန်းချက်ကို မကြိုက်ပါဘူး။ ဒါဟာ ပြည်သူ့အကျိုး၊ ပြည်သူ့အခွင့်အရေးကို နောက်တန်းပို့ရာရောက်တယ်။ တပ်မတော်ဟာ လုပ်ပိုင်ခွင့်အာဏာနဲ့ ပတ်သက်ပြီး မိမိတို့သာရယူဖို့ ၂၀၀၈ ဖွဲ့စည်းပုံဥပဒေကို အကွက်ကျကျ ရေးဆွဲခဲ့တယ်လို့ ပြည်သူလူထုအများစုကြီးက ယူဆကြပါတယ်။ ဒါ့ပြင် ရွေးချယ်ခံမဟုတ်တဲ့ တပ်မတော်သားကိုယ်စားလှယ် ၂၅ ရာခိုင်နှုန်း လွှတ်တော်အဆင့်ဆင့်မှာ အခန့်သား ၀င်ထိုင်နေတာကို ပြည်သူလူထုက မကြိုက်ကြပါဘူး။ တပ်မတော်ဟာ တိုင်းပြည်ကာကွယ်ရေးသက်သက် တာဝန်မထမ်းဆောင်ဘဲ ကိုယ်တိုင်စီးပွားရေးဝင်လုပ်တယ်။ အထူးသဖြင့် နိုင်ငံတ၀န်း မြေသိမ်းယာသိမ်းကိစ္စအများစုတွင် စစ်တပ်မှပါဝင်ပတ်သက်နေတာကို ပြည်သူအများစုက မနှစ်သက်ကြပါဘူး။

ပြည်ခိုင်ဖြိုးပါတီဟာ တပ်ခေါင်းဆောင်များကိုဗဟိုပြုပြီး ဖွဲ့စည်းထားပါတယ်။ ၂၀၁၀ ရွေးကောက်ပွဲမှာ ပြည်ခိုင်ဖြိုးပါတီ အနိုင်ရပြီး သမ္မတဦးသိန်းစိန် အစိုးရပေါ်လာပါတယ်။ ဒီအစိုးရဟာ တပ်မတော်အပေါ် ကျောထောက်နောက်ခံပြုထားတယ်လို့ ပြည်သူလူထုက ယူဆတာမို့ ဒီယူဆချက်ဟာ ၂၀၁၅ ရွေးကောက်ပွဲမှာ ပြည်ခိုင်ဖြိုးအတွက် ဆိုးကျိုးသက်ရောက်နိုင်ပါတယ်။

၂၀၁၁ ခုနှစ် နှစ်ဆန်းပိုင်းမှာ သမ္မတဦးသိန်းစိန်အစိုးရ တက်လာပါတယ်။ သမ္မတအဖြစ် ကျမ်းသစ္စာကျိန်ဆိုပွဲမှာ ဦးသိန်းစိန်က ပြည်သူဗဟိုပြုတဲ့ မူဝါဒ၊ သန့်ရှင်းတဲ့ အစိုးရ၊ ကောင်းမွန်တဲ့ အုပ်ချုပ်ရေးစကားလုံးတွေ မိန့်ကြားခဲ့တဲ့အတွက် ပြည်သူလူထုဟာ အားတက်ပြီး မျှော်လင့်ချက်ထားခဲ့ကြပါတယ်။ အထူးသဖြင့် သမ္မတဦးသိန်းစိန်က NLD ဥက္ကဋ္ဌ ဒေါ်အောင်ဆန်းစုကြည်နဲ့ တွေ့ဆုံဆွေးနွေးပြီး တိုင်းပြည်အတွက် လက်တွဲ လုပ်မယ့် အရိပ်အယောင်ပြတဲ့အခါ ပိုပြီး ၀မ်းမြောက်ဝမ်းသာဖြစ်ခဲ့ကြပါတယ်။ ဒါပေမဲ့ သမ္မတဦးသိန်းစိန်အစိုးရရဲ့ သက်တမ်းကုန်ခါနီးပါပြီ။ ပြည်သူလူထုအများစုကြီးဟာ သမ္မတကြီးပြောတဲ့ ပြုပြင်ပြောင်းလဲမှုရဲ့ အကျိူးကျေးဇူးများကို ဘာတခုမျှ မခံစားရပါဘူး။ ဆင်းရဲချမ်းသာ ပိုပြီး ကွာဟလာပါတယ်။ ဒီမိုကရေစီအရေး တက်ကြွလှုပ်ရှားသူတွေ၊ လယ်သိမ်းခံ လယ်သမားတွေ၊ လုပ်ခတိုးတောင်းတဲ့ အလုပ်သမားတွေ၊ အမျိုးသားပညာရေးဥပဒေပြင်ဆင်ပေးဖို့ ဆန္ဒဖော်ထုတ်တဲ့ ကျောင်းသားတွေ အများအပြား သမ္မတဦးသိန်းစိန်အစိုးရလက်ထက်မှာ ထောင်ထဲရောက်နေကြပါတယ်။ နေစရာမရှိတဲ့ ကျုးကျော်သူတွေကို အာဏာပိုင်များက အင်အားသုံး ဖယ်ရှားနေပါတယ်။ ဒီလို ပြည်သူလူထုတွေရဲ့ အမုန်းတရားတွေ၊ အမုန်းမဲတွေ ၂၀၁၅ ရွေးကောက်ပွဲမှာ ဘယ်သူတွေဆီ ရောက်မယ်လို့ ထင်ပါသလဲ။

ရွေးကောက်ပွဲနီးခါမှ ''ဒံပေါက်တထုပ်ကျွေးရုံနှင့် သည်လူကတော့ ကျေးဇူးရှင်ထင်မည် မဟုတ်။ ရာဇ၀င်အူပေါက်ကို သိသူချည်း ဖြစ်သည်။ ရွေးကောက်ပွဲနီးမှ ငွေလာချေးရုံနှင့်လည်း ထောက်ခံမည် မဟုတ်။ သည် ပိုက်ဆံတွေသည် လူထုပိုက်ဆံတွေဆိုတာ လူထုသိပြီးဖြစ်တယ်လို့ ဆရာဖေမြင့်က 'အတ္တနောမတိများ'ဆောင်းပါး၌ ဖော်ပြထားပါတယ်။

အာဏာရပြည်ခိုင်ဖြိုးပါတီအနေနဲ့ ၂၀၁၅ ရွေးကောက်ပွဲမှာ သန့်သန့်ရှင်းရှင်း တရားမျှတစွာ ယှဉ်ပြိုင်ပါ့မလားဆိုပြီး ပြည်သူလူထုအတွင်း သို့လောသို့လော ဖြစ်ပေါ်နေပါတယ်။ ပြည်ခိုင်ဖြိုးပါတီခေါင်းဆောင်တဦးက ပါတီဟာ ၂၀၁၂ ကြားဖြတ်ရွေးကောက်ပွဲ ရှုံးနိမ့်မှုမှ သင်ခန်းစာယူပြီး ပြင်ဆင်ပြောင်းလဲမှုတွေ လုပ်ထားတယ်။ ပြည်သူ့ဗဟိုပြုစည်းရုံးရေးမဟာဗျုဟာတွေ ချမှတ်ထားတယ်လို့ ပြောပါတယ်။

အာဏာရပါတီဟာ ငွေကြေးအင်အား တောင့်တင်းပါတယ်။ ရွေးကောက်ပွဲအတွက် တလလျှင် သိန်းပေါင်းသောင်းချီပြီး သုံးစွဲနေတယ်လို့ ဆိုပါတယ်။ အာဏာလက်ရှိဖြစ်လို့ ခရီးသွားဟန်လွဲ စည်းရုံးနိုင်ပါ တယ်။ ဒါပေမဲ့ ပါတီဟာ စစ်အစိုးရလက်ထက်က နိုင်ငံပိုင်အဆောက်အအုံတွေ၊ ငွေကြေးတွေကို ဆက်ခံသုံးစွဲနေတယ်လို့ ပြည်သူလူထုက ယူဆပါတယ်။ ဥပမာတခုပြရရင် ၂၀၁၀ ရွေးကောက်ပွဲနဲ့ ၂၀၁၂ ကြား ဖြတ်ရွေးကောက်ပွဲများက ရန်ကုန်မြို့တွင်းရပ်ကွက်တွေမှာ စည်ပင်က လမ်းခင်းပေးပြီး ပြည်ခိုင်ဖြိုးပါတီက လုပ်အားထည့်ဝင်သည်ဆိုပြီး နာမည်ကောင်းဝင်ယူခဲ့တာတွေ ရှိပါတယ်။ နောက်ပြီး လ၀ကမြို့နယ်ရုံးတွေ၊ ရပ်ကွက်ဝတ်အသင်းတွေဆီက ဓာတ်ပုံတွေယူ၊ ကာယကံရှင်မသိဘဲ ပါတီဝင်ကတ်ပြားမှာကပ်ပြီး ပါတီဝင်အဖြစ် အင်အားပြတာမျိုးတွေ ပြည်ခိုင်ဖြိုးရွာ၊ ပြည်ခိုင်ဖြိုးမြို့၊ ရခိုင်တိုင်းရင်းသားများရဲ့ ပြည်ခိုင်ဖြိုးပါတီ၊ ချင်းတိုင်းရင်းသားများရဲ့ ပြည်ခိုင်ဖြိုးပါတီဆိုပြီး မလိမ့်တပတ်လုပ်တာတွေ ရှိပါတယ်။ ဒီလို ပွင့်လင်းမြင်သာမှုမရှိ၊ ရိုးသားမှုမရှိတဲ့ ပြည်ခိုင်ဖြိုးပါတီရဲ့ လုပ်ရပ်အမှားများကို ပြည်သူလူထုက မုန်းတီးကြပါတယ်။

အာဏာရအုပ်စုဝင်များဟာ နိုင်ငံရေး၊ စီးပွားရေး၊ စစ်ရေးနဲ့အာဏာတို့အကြားမှာ နက်နက်ရှိုင်းရှိုင်းဆက်နွယ် ပတ်သက်နေကြပါတယ်။ ဒါကြောင့် သူတို့အနေနဲ့ ၂၀၁၅ ရွေးကောက်ပွဲမှာ ဘယ်နည်းလမ်းနဲ့မဆို အနိုင်ရအောင်လုပ်ကြမှာဖြစ်ပါတယ်။ ဒါပေမဲ့ မြန်မာပြည်သူလူထုဟာ ၂၀၀၈ နာဂစ်ဖွဲ့စည်းပုံဥပဒေ ပြည်သူ့ဆန္ဒခံယူပွဲကျင်းပတုန်းက လူထုမဟုတ်တော့ပါဘူး။ ၂၀၁၀ ခုနှစ် ရွေးကောက်ပွဲတုန်းက ကြိုတင် မဲအထုပ်လိုက်နဲ့ ပြည်ခိုင်ဖြိုးပါတီ အနိုင်ရစဉ်က မြန်မာပြည်သူလူထု မဟုတ်ကြတော့ပါဘူး။ နိုင်ငံရေးအသိ၊ နိုင်ငံရေးခံယူချက် နိုးကြားလာကြပါပြီ။ ဒီအစိုးရ၊ ဒီအာဏာရပါတီ အာဏာရနေသမျှကာလပတ်လုံး ငါတို့တတွေရဲ့ဘ၀တွေ ဘယ်လိုမှတိုးတက်မှာ မဟုတ်ဘူး။ မြန်မာနိုင်ငံဟာ အိမ်နီးချင်းနိုင်ငံများရဲ့ ဖွံ့ဖြိုးတိုးတက်မှုအဆင့်ကို ဘယ်တော့မှ အမီလိုက်နိုင်မှာ မဟုတ်ဘူး။ အရာရာကို ပြုပြင်ပြောင်းလဲမှ ဖြစ်တော့ မယ်။ လူရော မူရော ပြောင်းလဲရမယ်ဆိုပြီး ပြည်သူလူထုတရပ်လုံးက အားခဲထားကြပါတယ်။

ဒါကြောင့် အာဏာရပါတီ၊ အစိုးရနဲ့ တပ်မတော်အပေါ်ထားရှိတဲ့ ပြည်သူလူထုရဲ့ အမုန်းမဲပြားတွေဟာ အဓိကအတိုက်အခံပါတီ၊ ဒီမိုကရေစီအင်အားစုများ၊ တိုင်းရင်းသားပါတီများထံ ရောက်သွားပြီး ၉၀ ပြည့်နှစ် ရွေးကောက်ပွဲတုန်းကလိုမျိုး 'သမိုင်းတကျော့ပြန်လည်လာနိုင်တယ်' ဆိုပြီး နိုင်ငံရေးပညာရှင်များ၊ သုတေသီများက ဟောကိန်းထုတ်နေကြ ကြောင်းပါဗျာ။

ဝိုင်းတော်သားတဦး
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

 ရန်ကုန်တိုင်းဒေသကြီး ရပ်ကွက်တစ်ခုမှာ မဲစာရင်း လာရောက်ကြည့်ရှုဖို့ နှိုးဆော်ကြော်ငြာထားစဉ် Photo: Aung Thain Kha/ RFA

အခုလာမယ့် အောက်တိုဘာလကုန် ဒါမှမဟုတ် နိုဝင်ဘာလဆန်းမှာ ကျင်းပဖို့ရှိတဲ့ ရွေးကောက်ပွဲ မှာ ပြည်ပရောက်မဲဆန္ဒရှင်တွေ မဲဆန္ဒပေးနိုင်ဖို့ စာရင်းပေး သွင်းနိုင်တယ်လို့ အမေရိကန် ပြည်ထောင်စု ၀ါရှင်တန် ဒီစီမြို့တော်မှာ အခြေစိုက်တဲ့ မြန်မာသံရုံးက ကြေငြာချက်ထုတ်ပြန်ထားပါတယ်။

မြန်မာအစိုးရရဲ့ ခွင့်ပြုချက် ဒါမှမဟုတ် သက်ဆိုင်ရာနိုင်ငံတွေကို တရားဝင်ရောက် ရှိနေပြီး မြန်မာနိုင်ငံကူး လက်မှတ် ကိုင်ဆောင်ထားတဲ့ အသက် ၁၈ နှစ်ပြည့်ပြီး သူတွေ စာရင်းပေးသွင်းနိုင်တယ်လို့ ဖော်ပြထားပါတယ်။ ဒီနှစ် အောက်တိုဘာလကုန်မှာ အသက် ၁၈ နှစ်ပြည့်မယ့် သူတွေပါ စာရင်းသွင်းနိုင်တယ်လို့ ဆိုပါတယ်။

အမေရိကန်ပြည်ထောင်စုမှာ ရောက်ရှိနေတဲ့ မြန်မာနိုင်ငံသားတွေဟာ အရှေ့ဘက်ခြမ်း ၀ါရှင်တန်ဒီစီမြို့တော်မှာ ရှိတဲ့ မြန်မာသံရုံး၊ နယူးယောက်မြို့မှာရှိတဲ့ မြန်မာ အမြဲတမ်းကိုယ်စားလှယ်အဖွဲ့ရုံး၊ အနောက်ဘက်ခြမ်း ကယ်လီ ဖိုးနီးယားပြည်နယ် လော့အိန်ဂျလိစ်မြို့မှာရှိတဲ့ မြန်မာကောင်စစ်ဝန်ရုံးတွေကို စာရင်းပေးသွင်းနိုင်တယ်လို့ ပြော ပါတယ်။

အသေးစိတ်ကို သံရုံးအင်တာနက် စာမျက်နှာ www.mewashingtondc.com မှာ ၀င်ရောက် ကြည့်ရှုနိုင်ပါတယ်။

RFA Burmese
http://www.rfa.org/burmese


ခတ္တမန္ဒူ ဇွန် ၂၈

နီပေါနိုင်ငံ အနောက်ပိုင်း တွင် မိုးသည်း ထန်စွာ ရွာသွန်းပြီး ရေကြီးမှု များဖြစ်ပေါ် ခဲ့ခြင်းကြောင့် အနည်းဆုံး လူလေးဦး သေဆုံးပြီး နေအိမ် အများအပြား ရေနစ်မြုပ် လျက်ရှိကြောင်း ဒေသတွင်း သတင်း ဌာနကြီး တစ်ခု က ဇွန် ၂၈ ရက်တွင် ဖော်ပြ ထားသည်။ နိုင်ငံ အတွင်း၌ လွန်ခဲ့သည့် သုံးရက်မှ စ၍ မိုးသည်း ထန်စွာ ရွာသွန်းမှု ကြောင့် ကာအီ လာလီ၊ ဒိုတီနှင့် ကန်ချာပူရ စသည့်ခရိုင် သုံးခုတွင် ဇွန် ၂၇ ရက်က လူ သေဆုံးမှုများ ဖြစ်ခဲ့ပြီး ဒေသ အတွင်းရှိ နေအိမ် ၂၅ဝဝ ကျော် မှာ ရေနစ်မြုပ်မှု ဒဏ်နှင့် ကြုံတွေ့ ရလျက်ရှိ ကြောင်း ဒေသတွင်းရှိ ရဲတပ်ဖွဲ့က ပြောကြား ထားသည်။

 အလားတူ ရေကြီးမှု ကြောင့် နိုင်ငံ အနောက်ပိုင်း နှင့် ဆက်သွယ် ထားသည့် လမ်းမကြီးများ မှာ ရေလွှမ်းမိုး ခြင်းခံခဲ့ရပြီး မဟာကာလီ မြစ်မှ လျှံတက်လာ သည့် မြစ်ရေများ ကြောင့် ဘန်းဂါ ဘာဂါ ဒေသရှိ နေအိမ် သုံးလုံးမှာ ရေစီးနှင့် မျောပါ သွားခဲ့ကြောင်း သိရသည်။

ထို့အပြင် မြို့တော် ခတ္တမန္ဒူ ၏ အနောက် ဘက် ကီလိုမီတာ၂ဝဝ အကွာရှိ ဂေါကာ ခရိုင် တွင် မြေပြိုမှုများ ဆက်လက် ဖြစ်ပွားလျက်ရှိ သောကြောင့် မြစ် ကမ်းပါးနှင့် နီးစပ်သည့် ဒေသများရှိ ဒေသခံ ပြည်သူ များကို ဘေးလွတ် ရာသို့ အာဏာပိုင် များက ပြောင်းရွှေ့ ပေးထားကြောင်း နှင့် ယင်း ဒေသရှိ ဗောဓိဂန် ဒါကီ မြစ်မှာလည်း မြင့်တက် လျက်ရှိကြောင်း အာဏာပိုင် များက ပြောကြား ခဲ့သည်။ မြေပြို မှုများကြောင့် ယာယီ ကယ်ဆယ်ရေး စခန်း ၂ဝ ခန့် ပြိုကျ ခဲ့ကြောင်း ထုတ်ပြန် ချက်များ အရ သိရသည်။

Pyi Chit thar
http://www.pyichitthar.com


 သမ္မတဦးသိန်းစိန် လက်မှတ်ရေးထိုး အတည်ပြု ပြဌာန်း လိုက်တဲ့ အမျိုးသား ပညာရေးဥပဒေကို ပြင်ဆင်တဲ့ ဥပဒေကို ဗကသများ အဖွဲ့ချုပ်က ဆန့်ကျင် ကန့်ကွက်လိုက်ပါတယ်။ ပညာရေးမှာ အစိုးရရဲ့ဗဟိုချုပ်ကိုင်မှု စနစ် လျော့ချရေး ဆိုတဲ့ ကျောင်းသားတွေ အဓိကတောင်းဆိုထားတဲ့ အနှစ်သာရ ဒီပြင်ဆင်တဲ့ ဥပဒေမှာ လုံးဝမပါဝင်ခဲ့ဘူးလို့ ဗကသများအဖွဲ့ချုပ် ပြောခွင့်ရပုဂ္ဂိုလ်က ဗွီအိုအေကိုပြောပါတယ်။မအင်ကြင်းနိုင်က အပြည့်အစုံ တင်ပြပေးထား ပါတယ်။

ပြည်ထောင်စုလွှတ်တော်က ဆုံးဖြတ်လိုက်တဲ့ အမျိုးသားပညာရေးဥပဒေကိုပြင်ဆင်တဲ့ဥပဒေကို သမ္မတဦးသိန်းစိန်က ဇွန်လ (၂၅) ရက်နေ့ ရက်စွဲနဲ့ လက်မှတ်ရေးထိုးပြီး ပြဌာန်းလိုက်တာပါ။ အဲဒီ ပြင်ဆင်တဲ့ ဥပဒေထဲက အခန်း (၄) ဟာ အဓိကအငြင်းပွားစရာဖြစ်နေပြီး အရင် မူလဥပဒေ အတိုင်း ပညာရေးလွတ်လပ်ခွင့်ကို ထိန်းချုပ်ထားတဲ့အချက်တွေပါဝင်နေဆဲဖြစ်တယ်လို့ ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ် ဗကသ ဒုဥက္ကဋ္ဌ ကိုလင်းထက်နိုင်က ပြောပါတယ်။

“အမျိုးသားပညာရေးကော်မရှင်ရဲ့လုပ်ပိုင်ခွင့်နဲ့ ဖွဲ့စည်းပုံအရ တော်တော်ကြီးကို၊ တနိုင်ငံလုံးရဲ့ပညာရေးကို အဲဒီကော်မရှင်က ပြန်ပြီး ထိန်းချုပ်လိုက်တယ်။ အဲဒီကော်မရှင်က ဘယ်လိုတွေ ဖွဲ့စည်းလဲဆိုရင် အဲဒီဥပဒေမှာ သမ္မတကခန့်အပ်တာ၊ ပြည်သူ့လွှတ်တော်ကခန့်အပ်တာ၊ အမျိုးသားလွှတ်တော်က ခန့်အပ် တာ၊ ဝန်ကြီးဌာနကခန့်အပ်တာ စသည်ဖြင့် ခန့်အပ်မှုတွေပါပြီးတော့ ဒီသဘောအရ အောက်ခြေ ပြည်သူနဲ့ကျောင်းသားဘက်ကနေ ပြန်ပြီး ကိုယ်စားလှယ် ထည့်ခွင့်မပါဘူး။ အစိုးရဘက်က ကိုယ်စားလှယ်တွေနဲ့ပဲ ကော်မရှင်ကို ပြန်ပြီးတော့ ဖွဲ့မယ်။ အဲဒီကော်မရှင်ကပဲ သင်ရိုးညွှန်းတမ်းကို လည်းကောင်း၊ ပညာရေး၊ တက္ကသိုလ်တွေရဲ့ပေါ်လစီတွေကိုသော်လည်းကောင်း မူဝါဒတွေကို ပြန်ပြီးတော့ ထိန်းချုပ်မယ်ဆိုပြီးတော့ ဥပဒေမှာ အခိုင်အမာ နေရာပြန်ယူသွားတယ်။”

ဒါ့အပြင် လေးပွင့်ဆိုင်ဆွေးနွေးပွဲသဘောတူညီချက်အရ ပညာရေးအသုံးစရိတ်ကို (၅) နှစ်အတွင်း နိုင်ငံရဲ့ဘဏ္ဍာငွေ (၂ဝ%) ထိသုံးစွဲဖို့ ဆိုတဲ့ အချက်နဲ့ ပတ်သက်လို့ ပြင်ဆင်လိုက်တဲ့ပညာရေးဥပဒေမှာ ၂ဝ % အထိ ရောက်ရှိရေး ရည်မှန်း သုံးစွဲမယ်ဆိုပေမယ့် နှစ်ကာလနဲ့ပတ်သက်လို့ အတိအကျ ဖေါ်ပြထားခြင်း မရှိဘူးလို့ ကိုလင်းထက်နိုင်ကပြောပါတယ်။

“ဥပဒေမှာ ယေဘုယျဆန်တယ်ပေါ့နော်၊ သုံးချင်လည်းသုံးမယ်၊ တနှစ်ထက်တနှစ် တိုးချင်လည်းတိုးမယ်၊ နည်းချင်လည်းနည်းသွားမယ်ဆိုတဲ့ ဥပဒေမျိုးနဲ့ ပြဌာန်းလိုက်တာဖြစ်တဲ့အတွက် ကျနော်တို့နိုင်ငံရဲ့ပညာရေးက ထိထိရောက်ရောက်ဖြစ်စေနိုင်တဲ့ အပြောင်းအလဲမျိုး မဖြစ်ဘဲနဲ့ ဒုံရင်း ဒုံရင်းပဲ ဖြစ်နေအုံးမယ့် အနေအထားမျိုး ပြန်ရောက်သွားတယ်လို့ ကျနော်ယူဆပါတယ်။”

အခန်း (၄) မှာ အရင်က အမျိုးသားပညာရေးကော်မရှင်ဆိုတဲ့အမည်ကို အမျိုးသားပညာရေးမူဝါဒကော်မရှင်ဆိုပြီး ပြောင်းလဲထားတာ တွေ့ရပါတယ်။ ဒါ့အပြင် ပြင်ဆင်ထားတဲ့ဥပဒေမှာ အရင်ကလက်မခံခဲ့တဲ့ သမဂ္ဂဆိုတဲ့အသုံးအနှုန်းကို ဖေါ်ပြထားပါတယ်။ အဲဒီမှာ ကျောင်းသားသမဂ္ဂများနဲ့ ဆရာသမဂ္ဂများကို သက်ဆိုင်ရာ တက္ကသိုလ်ပဋိညာဉ်စာတမ်းနဲ့အညီ လွတ်လပ်စွာ ဖွဲ့စည်းခွင့်ရသည်လို့ ရေးသားထားပါတယ်။

အခုလို ကော်မရှင်နာမည်ပြောင်းပြီး သမဂ္ဂတွေဖွဲ့စည်းခွင့်ရှိတယ်လို့ ဖေါ်ပြထားပေမယ့် တက္ကသိုလ်ပဋိဥာဉ်စာတမ်းဆိုတာကို မေးခွန်း ထုတ်စရာ ဖြစ်နေတဲ့အပြင် လွတ်လပ်စွာ သမဂ္ဂတွေဖွဲ့စည်းခွင့်ဆိုတဲ့ ကျောင်းသားတွေတောင်းဆိုထားချက်နဲ့ ကိုက်ညီမှုမရှိဘူးလို့ ကိုလင်းထက်နိုင်က ပြောပါတယ်။

“ကျနော်တို့တောင်းဆိုတာနဲ့တော့ ကွာပါတယ်။ အဓိပ္ပာယ်ကလည်းကွာသလို အနှစ်သာရလည်း ကွာပါတယ်။ ကျနော်တို့တောင်းဆိုတာက အခြေခံပညာ ကျောင်းတွေအထိ တောင်းဆိုတာဖြစ်ပါတယ်။ နောက်တချက်က တက္ကသိုလ်ပဋိဉာဉ်ဆိုတဲ့နေရာမှာ ပြဿနာက တက္ကသိုလ်ပဋိဉာဉ်ကို ဘယ်သူဆွဲမှာလဲ ဆိုတာ ရှိလာပါတယ်။ အစောက ပြောသလို အမျိုးသားပညာရေးပေါ်လစီကော်မရှင်ဆိုပြီးတော့ ဗဟိုကဖွဲ့စည်းမှု၊ ဗဟိုဆိုတာကတော့ အစိုးရတို့ လွှတ်တော်တို့ကနေ ဖွဲ့စည်းတဲ့ကော်မရှင်က ဒီပဋိဉာဉ်ကိုဆွဲမယ်ဆိုရင်တော့ သူတို့ဥပဒေက ဘယ်လိုပဲ လွတ်လပ်စွာလို့ ပြောပေမယ့် ဒါက လုံးဝ လွတ်လပ်မှုဖြစ်စေမှာ မဟုတ်ဘူး။ ကျောင်းသားတွေအနေနဲ့ကတော့ ကျေနပ်စရာတခုမှ မရှိဘူး။ မှန်ကန်တဲ့ပြုပြင်ပြောင်းလဲမှုအတွက် လမ်းပေါ်ထွက်ပြီး ဆန္ဒပြခဲ့ကြတာပဲ။ ဒါကို အားလုံးလည်း သိပြီးသားပါ။ ရလဒ်က ပြင်မယ်ဆိုပြီးတော့ လေးပွင့်ဆိုင်ဆွေးနွေးခဲ့ကြတယ်။ လေးပွင့်ဆိုင်ဆွေးနွေးတုန်းကတော့ ကျနော်တို့တောင်းဆိုတဲ့ အချက် (၁၁)ချက်ပေါ့။ ကျောင်းသားသမဂ္ဂ၊ ဆရာသမဂ္ဂစတဲ့ဖွဲ့စည်းခွင့်ရရှိရေးတို့၊ ပညာရေး ဗဟိုချုပ်ကိုင်မှုလျှော့ချရေးတို့ စသဖြင့် အစိုးရကော၊ လွှတ်တော် ကိုယ်စားလှယ်ကောက သဘောတူညီခဲ့တဲ့၊ ပြင်ပါမယ်ဆိုပြီး ကတိကဝတ်လက်မှတ်ထိုးပြီးတော့မှ အခုအချိန်မှာ ပြန်ပြီးတော့ ဥပဒေပြင်ဆင်တဲ့ အခါကျတော့ ပြင်ဆင်တဲ့သဘော မသက်ရောက်ဘဲနဲ့ ယေဘုယျဆန်တဲ့ စကားလုံးအပြောင်းအလဲတွေ၊ ဘာမှ အနှစ်သာရမပြောင်းလဲဘဲနဲ့ သူတို့အနေနဲ့ ဥပဒေပြင်ဆင်တယ်ဆိုပြီးတော့ ပြန်ထုတ်တယ်။ နောက်မျိုးဆက် နှစ်ဆက်လောက်အထိ ဒီဥပဒေအတိုင်းဆက်သွားမယ်ဆိုရင် နောက် မျိုးဆက် နှစ်ဆက်လောက်အထိ အစိုးရရဲ့စစ်အုပ်ချုပ်ရေး ယန္တယားရဲ့ပညာရေးကျွန်ဖြစ်နေအုံးမှာပဲ။ ကျနော်တို့တိုင်းပြည်က ပညာမတတ်ပဲ ဘွဲရဆိုတဲ့ နွံထဲမှာဆက်ပြီး နစ်နေအုံးမှာပဲ။”

အမျိုးသားပညာရေးဥပဒေပြင်ဆင်ရေး ငြိမ်းချမ်းစွာ တောင်းဆိုလှုပ်ရှားခဲ့ကြတဲ့ ကျောင်းသားကျောင်းသူတွေကို မတ်လအစောပိုင်းက အစိုးရကနေ အကြမ်းဖက်နှိမ်နင်းခဲ့ပြီး ဗကသများအဖွဲ့ချုပ် ခေါင်းဆောင်တွေအပါအဝင် ကျောင်းသူကျောင်းသားတွေနဲ့ ထောက်ခံတဲ့ပြည်သူ (၇ဝ) ကျော်ကို သာယာဝတီထောင်မှာ ထိန်းသိမ်းထားပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

 လားရှိုးမြို့ "ဝ"အမျိုးသား စည်းလုံးညီညွှတ်ရေးပါတီဗဟိုဌာနချုပ်ရုံးကို တွေ့ရစဉ် photo: Kan Thar/RFA
 သတင်းမီဒီယာတွေအနေနဲ့ ဝ ကိုယ်ပိုင်အုပ်ချုပ်ခွင့်ရ နယ်မြေနဲ့ ပတ်သက်ပြီး ရေးသားရာမှာ သမိုင်းကြောင်းကို နားမလည်ဘဲ ရေးသားကြတဲ့အတွက် နစ်နာမှုရှိကြောင်း ဝ အမျိုးသားစည်းလုံး ညီညွတ်ရေးပါတီက ပြောပါတယ်။

လားရှိုးမြို့"ဝ"အမျိုးသား စည်းလုံးညီညွှတ်ရေးပါတီဗဟိုဌာနချုပ်ရုံးမှာ စနေနေ့ က ဒေသခံမီဒီယာတွေနဲ့ တွေ့ ဆုံစဉ် ပါတီဒုတိယဥက္ကဌ ဦးဆန်ဆောင်းကားက ပြောကြားလိုက်တာဖြစ်ပါတယ်။

"တချို့မီဒီယာတွေက ဘယ်လိုရေးလဲဆိုတော့ "ဝ"တွေမနေ့တစ်နေ့ကမှ မြန်မာပြည်ကနေ ပေါ်လာတယ် ပြီးတော့မှ သူတို့က လက်နက်အင်အားကောင်းလို့ သူတို့အဲ့ဒါ အခွင့်ကောင်းယူပြီးတော့မှ သူတို့ပြည် နယ်တောင်းတယ်၊ ကိုယ်ပိုင်အုပ်ချုပ်ရေး တိုင်းအဆင့်ပေးတာတောင်မှ သူတို့မကျေနပ်ပဲနဲ့ ကိုယ်ပိုင် အုပ်ချုပ်ရေး ပြည်နယ်အဆင့်အထိတောင်မှ သူတို့တိုးပြီးတောင်းလာခြင်းဟာ မလွန်လွန်းဘူးလား ဆိုပြီးတော့မှ တချို့တွေက ထင်ကြေးတွေပေးကြတာ၊ ကျနော်တို့ လူမျိုးနဲ့ပတ်သက်ပြီးတော့မှ ရေးတဲ့အခါမှာ ကျနော်တို့ရဲ့ သမိုင်းကြောင်းကိုလည်း အပြည့်အဝလေ့လာစေချင်ပါတယ်၊ ကျနော်တို့က မွန်ခမာအနွယ်ကနေ မြန်မာပြည်ကို အဦးဆုံးရောက်လာတယ်၊ မွန်ခမာအနွယ် ကျနော်တို့ အစဉ်အလာကြီးမားတဲ့ လူမျိုးစုတစ်စုဖြစ်တယ်ဆိုတာ မီဒီယာကို ကျနော်အသိပေး ပြောကြားချင်ပါတယ်ခင်ဗျ"

လက်ရှိမှာ ရှမ်းပြည်နယ်မြောက်ပိုင်းအတွင်းမှာ ဟိုပန်၊ မိုင်းမော၊ ပန်ဝိုင်း၊ နားဖန်း၊ မက်မန်း၊ ပန်ဆန်း စတဲ့ ခြောက်မြို့နယ်ကို ခရိုင်နှစ်ခုဖွဲ့ပြီး "ဝ"ကိုယ်ပိုင်အုပ်ချုပ်ခွင့်ရတိုင်းအဖြစ် ၂ဝဝ၈ဖွဲ့စည်းပုံ အခြေခံဥပဒေမှာ ထည့်သွင်းသတ်မှတ်ပေးထားပါတယ်။

ကျိုင်းတုံမြို့ အပါအဝင် သံလွင်အရှေ့ခြမ်းဒေသတွေကိုပါ စုပေါင်းပြီး "ဝ"ကိုယ်ပိုင်အုပ်ချုပ်ခွင့်ရ ပြည်နယ်အဖြစ် ပြန် လည်သတ်မှတ် ပေးဖို့တောင်းဆိုနေကြတာ ဖြစ်ပါတယ်။

RFA Burmese
http://www.rfa.org/burmese

အမျိုးသား ဒီမိုကရေစီ အင်အားစု NDF ပဲခူးတိုင်းဒေသကြီး ပါတီ ရုံးခွဲဖွင့်ပွဲတွင် အောက်တိုဘာ ၇ ရက်နေ့က ပါတီခေါင်းဆောင် ဦးခင်မောင်ဆွေ မိန့်ခွန်းပြော ကြားနေပုံ Photo: AFP
အမျိုးသား ဒီမိုကရေစီ အင်အားစုပါတီ (NDF) ဟာ၂၀၁၅ ရွေးကောက်ပွဲအတွက် ၀င်ရောက်ယှဉ်ပြိုင်မယ့် လွှတ်တော် ကိုယ်စားလှယ်လောင်း ၁၇၀ ကို ရွေးချယ် လိုက်ပါတယ်။

တိုင်းနဲ့ ပြည်နယ် ၁၁ ခုအတွက် ကိုယ်စားပြုဖို့ ရွေးချယ်ထားတာဖြစ်ပြီး အပြီးသတ်စာရင်း မဟုတ်သေးကြောင်း အမျိုးသားဒီမိုကရေစီအင်အားစုပါတီ  ပါတီ ဥက္ကဋ္ဌ ဦးခင်မောင်ဆွေက ပြောပါတယ်။

လွှတ်တော်ကိုယ်စားလှယ်လောင်းတွေကို ရွေးချယ်ရာမှာ နိုင်ငံနဲ့ ပြည်သူအကျိုးကို အမှန်တကယ် စိတ်ဝင်စားတဲ့ သူတွေ၊ ပါတီအပေါ်သစ္စာရှိသူတွေ၊ နိုင်ငံရေး အမြင်ရှိသူတွေနဲ့ ဖက်ဒရယ်ပြည်ထောင်စုလမ်းကြောင်းကို လက်ခံ သူ စတဲ့ သတ်မှတ်ချက်တွေအပြင် အသက် ၆၀ ထက်မကြီးသူတွေအဖြစ် ကန့်သတ်ထားတယ်လို့ သိရပါတယ်။

ဒါ့အပြင် ပညာရှင်တွေ ၊ ပြည်သူလူထုလက်ခံသူတွေကိုလည်း လွှတ်တော် ကိုယ်စားလှယ်လောင်းအဖြစ် ရွေးချယ် သတ်မှတ်ထားတယ်လို့ ပြောပါတယ်။

အမျိုးသားဒီမိုကရေစီအင်အားစု ပါတီဟာ ၂၀၁၀ခုနှစ်မှာနိုင်ငံရေးပါတီအဖြစ် စတင်တည်ထောင်ခဲ့တာ ဖြစ်ပြီး လက်ရှိပြည်သူနဲ့ အမျိုးသားလွှတ်တော်မှာ လွှတ်တော်ကိုယ်စားလှယ် ၇ ဦး နေရာ ရရှိထားပါတယ်။

RFA Burmese
http://www.rfa.org/burmese

သစ်တွေ ဖမ်းတာ ကနေ တင်းမာမှု တွေ စတင် လာတဲ့ စီးပွားရေး ကိစ္စ ဖြစ်တယ်လို့ သုံးသပ်နေ။
ဝ တောင်ပိုင်း ဒေသမှာ UWSA ဝ တပ် တွေ နဲ့ အစိုးရ စစ်တပ် ကြား တင်းမာ မှု တွေ လျှော့ချ နိုင်ဖို့ ဝ ဘက်က ခရိုင်မှုး အဆင့် ကိုယ်စားလှယ် တွေ နေပြည်တော် ကို လာပြီး ဆွေးနွေး ခဲ့ ကြ ပေမယ့် လက်တွေ့ မြေပြင် မှာ တော့ နှစ်ဘက် တပ်တွေ အင်အား တိုးမြှင့် ချထား ဆဲ ဖြစ် ပါတယ်။

နေပြည်တော် အစည်းအဝေး တုန်း ကတော့ အစိုးရ ရဲ့ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့ ရဲ့ ဒုဥက္ကဌ ဦးသိန်းဇော် နဲ့ ဝ ကိုယ်စားလှယ် တွေ တွေ့ဆုံ ခဲ့ပြီး နှစ် ဘက် တပ်တွေ အကြား ခြေလွန်လက်လွန် တွေ ဖြစ်မလာ အောင် ထိန်းသိမ်း နိုင်ရေး ဆွေးနွေး ခဲ့တယ် ဆိုပြီး ဝ ကိုယ်ပိုင် အုပ်ချုပ်ခွင့်ရတိုင်း က အမျိုးသား လွှတ်တော် အမတ် ဦး စိုင်းပေါင်းနပ် က ဘီဘီစီ ကို ပြောပါတယ်။

ဒါပေမယ့် တင်းမာမှု တွေ ဖြစ်နေတဲ့ နေရာ မှာတော့ နှစ် ဘက် ဆွေးနွေး တာမျိုး မရှိသေး ပဲ နှစ်ဘက် လုံးရဲ့ တပ် အင်အားတွေ အများအပြား ရှိနေ တယ် လို့လည်း ဦး စိုင်းပေါင်းနပ် က ဆိုပါတယ်။

သစ်တွေ ဖမ်းတာ ကနေ တင်းမာမှု တွေ စတင် လာတဲ့ စီးပွားရေး ကိစ္စ ဖြစ်လို့ နှစ်ဦးနှစ်ဘက် မနစ်နာ အောင် ညှိနှိုင်း ဆောင်ရွက် မယ်ဆိုရင်တော့ ပြေလည် သွားနိုင်တယ် ဆိုပြီး ဦး စိုင်းပေါင်းနပ် က ပြောပါတယ်။

BBC Burmese
http://www.bbc.com/burmese

(တောင်ကုတ်တွင် အဆိုးရွားဆုံး ရေကြီးနေစဉ်- ဓာတ်ပုံ- ရက္ခ)
ဇွန်လ ၂၈

တောင်ကုတ်မြို့နယ်တွင် မကြုံစဖူး ရေကြီးမှုကြောင့် လူနှစ်ဦးသေဆုံးကာ နှစ်ဦးပျောက်ဆုံးနေသည်ဟု သတင်းရကြောင်း PSC ပြည်သူ့အကျိုးဆောင် ကော်မတီ (တောင်ကုတ်)မှ ကိုဇေယျာကျော်က ပြောကြားသည်။

“ အဖိုးကြီးတစ်ဦးနဲ့ ကလေးမလေး တစ်ဦး အလောင်းတော့ ရပြီ။ ကျန် နှစ်ဦးကတော့ ရေစီးနဲ့ မျောပါသွားပြီး ပျောက်ဆုံးနေတယ်လို့ သိရပါတယ်” ဟု သူက ပြောသည်။

တောင်ကုတ်မြို့နယ် ရဲစခန်းသို့ နိရဉ္စရာမှ ဇွန်လ ၂၇ ဆက်သွယ်မေးမြန်းရာ သေဆုံးသူ တစ်ဦးသာ သတင်းရသေးကြောင်း၊ ယင်းသေဆုံးသူ အမျိုးသမီးငယ်မှာ ကိုင်းရှည်ရွာမှ မရတနာစိုး ဖြစ်ကြောင်း အတည်ပြု ပြောကြားသည်။

ယနေ့တောင်ကုတ် ရဲစခန်းသို့ ဆက်သွယ်ရာ ဖြေကြားမည့်သူ မရှိသဖြင့် တောင်ကုတ်၏ နောက်ဆုံး အခြေအနေကို မေးမြန်းတင်ပြနိုင်ခြင်းမှာ မရှိပါ။

ကိုဇေယျာကျော်မှ တောင်ကုတ်တွင် ရေကျသွားပြီ ဖြစ်သော်လည်း တင်ကျန်နေရစ်သော ရွံ့နွံများကို ရှင်းထုတ်နေရကြောင်း၊ လူအများအပြား ၀မ်းရောဂါ ခံစားနေရကြောင်း၊ ဆေးဝါး၊ သောက်သုံးရေ၊ ဓာတ်ဆားထုတ်၊ အစားအစာများ အပူတပြင်းလိုအပ်နေကြောင်း ပြောဆိုသည်။

တောင်ကုတ်မြို့နယ် အထွေထွေ အုပ်ချုပ်ရေးမှူးရုံးသို့ ဆက်သွယ်ရာ အုပ်ချုပ်ရေးမှူးမှာ ခရီးထွက်သွားကြောင်း ပြောဆိုပြီး တာဝန်ကျ အရာရှိမှာလည်း မရှ်ိဟု ပြောဆိုသဖြင့် အဆက်အသွယ် ရရှိခြင်း မရှိခဲ့ပါ။

 Narinjara
https://www.facebook.com/pages/Narinjara

လိင်မှတစ်ဆင့်ကူးစက်တတ် တဲ့ရောဂါရှိတယ်ဆိုရင် အရောင် ပြောင်းသွားမယ့် ကွန်ဒုံးတစ်မျိုး ကို ဆယ်ကျော်သက်ကျောင်းသားသုံးဦး က ပူးပေါင်းတီထွင်ခဲ့ကြတယ်လို့ သိရပါ တယ်။

အဆိုပါကွန်ဒုံးအသုံးပြုသူဟာ ကာလသားရောဂါလိုမျိုး လိင်ကတစ်ဆင့် ကူးစက်နိုင်တဲ့ရောဂါ ရှိနေမယ်ဆိုရင် ကွန်ဒုံးက အလွယ်တကူသိရှိပြီး အရောင် ပြောင်းသွားမှာဖြစ်ပါတယ်။

လန်ဒန်အရှေ့ပိုင်း အီစက်နယူ တန်အကယ်ဒမီမှာ တက်ရောက်နေကြတဲ့ ဆက်ကျော်သက် ကျောင်းသားသုံးဦးက ယင်းကွန်ဒုံးကိုတီထွင်ဖို့ စိတ်ကူးရခဲ့တာ ဖြစ်ပါတယ်။ မော့စ်နာဝက်ဇ်(၁၃နှစ်)၊ ချီ ရက်ဆက်ရှ်(၁၄နှစ်)နဲ့ အလီ(၁၄နှစ်)
တို့ ဖြစ်ပါတယ်။

ဗြိတိန်နိုင်ငံမှာ လိင်မှတစ်ဆင့် ကူးစက်တဲ့ရောဂါ ပြန့်ပွားလျက်ရှိကြောင်း သူတို့သိလိုက်ရချိန်မှာ ဒါကိုတီထွင်ဖို့စိတ် ကူးညဏ် ရသွားခဲ့ကြတာဖြစ်ပါတယ်။ ဒီ ဆန်းသစ်မှုက ရာပေါင်းများစွာသောလူ တွေရဲ့အသက်ကို ကယ်နိုင်မယ်လို့ ယူဆ ပြီး ကွန်ဒုံးကို ဖန်တီးခဲ့ကြတာဖြစ်တယ်လို့ ကျောင်းသားတစ်ဦးဖြစ်တဲ့ ဆက်ရ်ှက ပြော ဆိုခဲ့ပါတယ်။

ယင်းကွန်ဒုံးကို အသုံးပြုတဲ့သူ တွေမှာ ရောဂါရှိတာ သိနိုင်ရုံတင်မကဘဲ သူ့ရဲ့အဖော်မှာပါ ရောဂါရှိမရှိကို ကွန် ဒုံးက သိနိုင်စွမ်းရှိတယ်လို့ ဆိုပါတယ်။

Ref: DailyMail, BBC, TIME

Yangon Media Group


ရန်ကုန်၊ ဇွန်လ ၂၈

သံတွဲမြို့နယ် ဒါဝရွာတွင် လေဆင်နှာမောင်း တိုက်ခတ်၍ အနည်းဆုံး အိမ် ၃၆ လုံး ပျက်စီးသွားပြီး လူပေါင်း ၃၀၀ ခန့် ဘေးလွှတ်ရာတွင် ခိုလုံနေရကြောင်း သံတွဲ ဒေသခံများက နိရဉ္စရာသို့ ပြောဆိုသည်။

သံတွဲမြို့နယ် အုပ်ချုပ်ရေးမှူးကမူ မိုးနှင့် အတူ လေပြင်းတိုက်ခတ်ရာမှ အိမ် ၂၀ ကျော် လုံးဝ ပြိုလဲ ပျက်စီးသွားခဲ့သည်ဟု ပြောသည်။

“ အဲဒီ ဒါဝရွာမှာ မိုးနဲ့ လေပြင်းတိုက်ခတ်တဲ့ အတွက် အိမ်ခြေ ၉၁ လုံးမှာ အိမ် ၂၀ ကျော်က လုံးဝ ပြိုလဲ ပျက်စီးသွားပါတယ်။ ကျန်တဲ့ အိမ်တွေလည်း ခေါင်းမိုးတွေ ကွာကျတာတို့၊ အိမ်ထရံတွေ လန်တာတို့ ဖြစ်သွားခဲ့ပါတယ်။ လူပေါင်း ၃၀၀ ကျော်ကိုတော့ နီးစပ်ရာ ဘုန်းကြီးကျောင်းတို့၊ စာသင်ကျောင်းတို့မှာ နေရာချပေးထားရပါတယ်” ဟု အုပ်ချုပ်ရေးမှူးကို မေးမြန်းစဉ် နိရဉ္စရာကို ထိုကဲ့သို့ ဖြေဆိုသွားခဲ့သည်။

ယခုအခါ ရှေ့ပြေး ကယ်ဆယ်ရေး အဖွဲ့ဝင်များကို ယင်းကျေးရွာသို့ စေလွှတ်ပြီး နေရာချထားရေး၊ အစားအစာ ထောက်ပံ့ရေး အပါအ၀င် လိုအပ်သည်များကို ကူညီဆောင်ရွက်နေပြီ ဖြစ်ကြောင်း မြို့နယ် အုပ်ချုပ်ရေးမှူးက ပြောဆိုသည်။

“ ရှေ့ပြေး ကယ်ဆယ်ရေး အဖွဲ့တွေ စေလွှတ်ပြီး ဆေးကုသမှုတို့၊ ကျန်းမာရေး စောင့်ရှောက်မှုတွေကိုလည်း လုပ်ပေးနေပါတယ်။ အစစ အရာရာ လိုအပ်တာတွေ ကူညီဆောင်ရွက်ပေးနေပါပြီ” ဟု ဆိုသည်။

ရွှေလှေကျေးရွာတွင်လည်း မြစ်ကမ်းနှင့် နီးသဖြင့် အိမ် ခုနှစ်လုံးကို ဘေးလွှတ်ရာသို့ ရွှေ့ပြောင်းခဲ့ရသည်ဟုဆိုသည်။

ယနေ့ နံနက် ၇ နာရီ ခန့်က လုံးဝ ရေကျသွားပြီ ဖြစ်ကြောင်း၊ ယခုအခါ ခိုလုံခဲ့ရသော ဒုက္ခသည်များကို သူတို့၏ နေအိမ်များသို့ ပို့ဆောင်နေပြီ ဖြစ်ကြောင်း၊ ရုံး- ဈေး- ကျောင်းစသည့် အဆောက် အဦးများကို သန့်ရှင်းရေး လုပ်နေရကြောင်း၊ ၀မ်းလျှော့ ရောဂါ ဖြစ်ပွားခြင်း မရှိကြောင်း ပြောကြားသည်။

နေဇော် / Narinjara
https://www.facebook.com/pages/Narinjara


အလုံမြို့နယ်မဲစာရင်းတွင် တပ်မတော်က သေနတ်ဖြင့် ပစ်ခတ်သဖြင့် သေဆုံးသွားသည့် ကိုပါကြီး မဲစာရင်းပါနေပြီး ဇနီးဖြစ်သူ မသန္တာမဲစာရင်းမှာ မပါသေးသည့် အတွက် ပြန်လည် လျှောက်ထားမည်ဖြစ် ကြောင်း မသန္တာ ဇွန် ၂၇ရက်က The Ladies သတင်းဂျာနယ်၏ ဖုန်းဆက်မေးမြန်းမှုကို ပြန်လည်ဖြေကြားသည် ။

မသန္တာက ``အော်ဟုတ်တယ်။ မပါဘူး ။ အဲ့ဒီင်္အတွက် ပုံစံသုံးနဲ့ပြန်ရောက်ရမှာဖြစ်တယ်။ ကိုပါကြီး ကပါတယ်။ကျွန်မနာမည်က မပါဘူး။အဲ့ဒီအတွက် ပုံစံ(၃)နဲ့ပြန်လျှောက် မှာဖြစ်တယ်´´ဟု ပြောသည်။

ကိုပါကြီးသည် ၂၀၁၄စက်တင်ဘာလ ၂၈ ရက်နေ့က ကျိုက်မရောမြို့နယ် အတွင်း ပျောက်ဆုံးသွားခဲ့ခြင်းဖြစ်ပြီး၂၀၁၄ နိုဝင်ဘာလ ပထမပတ်အတွင်း မွန်ပြည်နယ် ကျိုက်မရောမြို့နယ် ရွှေဝါချောင်ကျေးရွာတွင်တပ်မတော်က မြှုပ်နှံထားခဲ့သော ကိုပါကြီး အလောင်းကို ပြန်လည် တူးဖော်စစ်ဆေးပြီး ကျည်ဆန် ဒဏ်ရာ ၅ ချက်တွေ့ရှိရသည်ဟု စစ်ဆေးရာတွင် ပါဝင်ခဲ့သည့် မှုခင်းဆရာဝန်ကဇနီးဖြစ်သူ မသန္တာသို့ပြောခဲ့ပြီး ကျည်ဆန် ဒဏ်ရာ တချက်မှာ မေးစေ့အောက်မှ ဦးခေါင်းသို့ ဖောက်ထွက်သည့် ဒဏ်ရာမျိုး ဖြစ်ကြောင်း သတင်းများတွင်ဖော်ပြခဲ့ကြသည်။


တပ်မတော်ဘက်က ထုတ်ပြန်ချက်တွင် ကိုပါကြီးသည် စက်တင်ဘာ ၃၀ ရက်က အစောင့် စစ်သား၏ သေနတ်ကို လုယူထွက်ပြေးရန် ကြိုးစားသောကြောင့် ပစ်ခတ် ဖမ်းဆီး ရခြင်း ဖြစ်ကြောင်း ဖော်ပြထားသည်။ကိုပါကြီးသေဆုံးမူနှင့် ပတ်သက်ပြီး မွန်ပြည်နယ် ကျိုက်မရောမြို.နယ် ရဲစခန်းက သေမှုသေခင်း အမှတ် (ပ) ၁၁/၂၀၁၄ ဖြင့် ယခု အချိန်အထိ ဇနီးမသန္တာ က အမူဖွင့်ထားဆဲ ဖြစ်ကြောင်း သိရသည်။

လက်ရှိတွင် ပြည်သူလူထုများအနေဖြင့် ရွေးကောက်ပွဲတွင်မဲပေးခွင့်ရမရ ကြည်နိုင်ရန် အတွက် ပြည်ထောင်စုရွေးကောက်ပွဲကော်မရှင်မှ အခြေခံမဲစာရင်းများကောက်ယူလျက်ရှိပြီး မဲစာရင်းတွင် မိမိအမည် မပါရှိပါက ဖြည့်သွင်းပေးရန်တောင်းဆိုခြင်း၊မိမိ မိသားစု ၀င်ထဲမှ သေဆုံးနေသူများ ပါဝင်နေပါက အမည် ပယ်ဖျက်ရန်တောင်းဆိုခြင်းနှင့် အချက်အလက် မှားယွင်းနေပါက ပြန်လည်ပြင်ဆင်ခြင်းများပြုလုပ် ရန် လိုအပ်ကြောင်း ရွေးကောက်ပွဲကော်မရှင် ထံမှ သိရသည်။

မိမိတို့သန်းခေါင်စာရင်းဖြင့်နေထိုင်ရာ ရပ်ကွက်ရုံးတွင် မဲစာရင်းများ သွားရောက် စစ်ဆေးပါက မဲစာရင်းပါခြင်းရှိမရှိ အရင်ဆုံးစစ်ဆေးရမည်ဖြစ်ပြီး မဲစာရင်းတွင် မိမိ အမည်မပါရှိပါက ရပ်ကွက်ရုံးမှ ပုံစံ(၃) တောင်းယူဖြည့်စွက် တင်ရမည်ဖြစ်သည်။ ယင်းသို့ မဲစာရင်းတွင် မိမိ မိသားစုအတွင်းကွယ်လွန်ခဲ့သူများ ပါဝင်နေပါကလည်း ပုံစံ(၄) ကိုတောင်းယူကာ ကန့်ကွက်နိုင်ကြောင်း ဆိုထားသည်။

ယင်းအပြင် မိမိကိုယ်ရေးအချက်အလက်များမှားယွင်းနေပါက မဲပေးရာတွင် အငြင်းပွားဖွယ်ရာဖြစ်နိုင်သည့်အတွက် ပုံစံ (၄-ဂ) အားတောင်းယူပြီး အချက်အလက် မှားယွင်းမှုများ အမြန်ဆုံးသွားရောက်ပြင်ဆင်ဆောင်ရွက်ရန် လိုအပ်ကြောင်း သိရသည်။

မဲပေးနိုင်ရေးအတွက် ဇွန် ၂၂ရက် မှ ဇူလိုင် ၅ရက်အတွင်း အရေးကြီးသည့် အခြေခံ မဲစာရင်း သွားရောက်ကြည်ရှုရန်လိုအပ်ကြောင်း နိုင်ငံရေးပါတီအချို့မှလည်း လူစည်ကား ရာနေရာများတွင် ကမ်ပိန်းသဘောမျိုးဖြင့် ဆော်သြနေမှုများရှိကြောင်း သိရသည်။

နိုင်ငံကျော်တေးသံရှင် မဖြူဖြူကျော်သိန်းသည့် ဇွန်၂၅ရက်က ယင်းနေထိုင်ရာ မူရင်းအိမ်ထောင်စု စာရင်းရှိတဲ့စမ်းချောင်း(တောင်)ရပ်ကွက်ရုံးတွင် သွားရောက်ကြည့် ရာတွင် မပါဝင်ခဲ့သည့်အကြောင်း ယင်းအတွက် မဲစာရင်းတွင် ပါဝင်ရေးအတွက် ပုံစံ(၃) ကိုဖြည့်ပြီးတောင်းဆိုခဲ့ကြောင်း ယင်း ကိုယ်ပိုင် ဖေဘုတ်စာမျက်နှာ တွင် ဖော်ပြခဲ့ခြင်းများ ရှိကြောင်း သိရသည်။

သတင်းထောက် - စိုင်းဟန်
The Ladies News Journal
https://www.facebook.com/News.TheLadies


  ရန်ကုန်၊ ဇွန်၂၈ရက်(ဆင်ဟွာ)

    ဇူလိုင်၁ရက်နေ့တွင် ထုတ်ဝေမည့် ငွေစက္ကူကျပ် ၁၀,၀၀၀ တန်သည် သက်တမ်းပိုမိုကြာရှည်ရန် ပြုလုပ်ထားပြီး၊ တောက်ပသည့် မြစိမ်းရောက်ပုံစံဂဏန်းသစ်၊ ရေစာသစ်နှင့် မျက်နှာပြင်နှစ်ဘက်ကို ဗားနစ်(Varnish) အလွှာဖြင့် ဖုံးအုပ်ကာကွယ်ထားကြောင်း မြန်မာနိုင်ငံတော်ဗဟိုဘဏ်မှ ယနေ့ ကြေညာချက်ထုတ်ပြန်သည်။

မြန်မာနိုင်ငံတော်ဗဟိုဘဏ်မှ တာဝန်ရှိသူက “အခုထုတ်မယ့်  တစ်သောင်းကျပ်တန် ငွေစက္ကူက တောက်ပတဲ့  မြစိမ်းရောင် ဂဏန်းပုံစံ အသစ်၊ ရေစာအသစ်နဲ့ ငွေစက္ကူ မျက်နှာပြင် နှစ်ဘက်ကို ဗားနစ် (Varnish) အလွှာနဲ့  ဖုံးအုပ် ကာကွယ်ထားခြင်းတကလွဲပြီး ကျန်တဲ့  ငွေစက္ကူ အရွယ်အစား၊ ပုံသဏ္ဍာန်နဲ့ အရောင် သတ်မှတ်ချက်တွေက မူလ တစ်သောင်းကျပ်တန် ငွေစက္ကူ အတိုင်း ပဲ’’ ဟုဆင်ဟွာကိုပြောသည်။ထိုကဲ့သို့ ကျပ်၁၀,၀၀၀ တန်ငွေစက္ကူအသစ်ကို ထုတ်ဝေခြင်းအားဖြင့် မြန်မာငွေတန်ဖိုး ကျဆင်းနိုင်ခြင်းမရှိဟု ဆိုသည်။

ငွေစက္ကူကို အနေအထား ပြောင်းလဲ ကြည့်လျှင် ယင်းဂဏန်း၏ တောက်ပမှု အလင်းရောင်သည် အထက်အောက် ရွေ့လျား နေသည့်အပြင် ဂဏန်း၏ အရောင်သည် မြစိမ်းရောင်မှ အပြာရင့်ရောင်သို့ ပြောင်းလဲ နိုင်ပါတယ်။

တစ်သောင်းကျပ်တန် ငွေစက္ကူ မျက်နှာစာ၏ လက်ဝဲဘက် အပိုင်းတွင် ပုံစံသစ်ဖြင့် ပြုလုပ်ထားသည့် ကြာဖြူပွင့်ပုံ ရေစာပါရှိပြီး၊ ငွေစက္ကူကို အလင်းရောင်တွင် ကြည့်ပါက ရေစာကို တွေ့ရမည် ဖြစ်သည်။ အဆိုပါ ငွေစက္ကူကို ဖုံးအုပ် ကာကွယ် ထားသည့် ဗားနစ် (Varnish) အလွှာသည် ပြင်ပမှ ရေခိုးရေငွေ့များ၊ အရည်များနှင့် အရောင် စွန်းထင်းနိုင်သည့် အရာများကြောင့် ငွေစက္ကူ အရည်အသွေး နိမ့်ကျ ပျက်စီးခြင်းကို ကာကွယ် စေသဖြင့် ငွေစက္ကူ၏ အသုံးပြုနိုင်မှု သက်တမ်းကို ပိုမို ရှည်ကြာ စေကြောင်း၊၎င်းအပြင် ငွေစက္ကူ၏ ရှေ့မျက်နှာစာ ဘယ်/ ညာ အစွန်းများတွင် ဖောင်းကြွ လိုင်းတိုများကို ထည့်သွင်း ထားသည်ဟု သိရသည်။

ငွေစက္ကူကို ကြည့်သည့် အနေအထားပေါ် မူတည်၍ လုံခြုံရေးကြိုး၏ အရောင်သည် ပန်းခရမ်းရောင်မှ အစိမ်းရောင်သို့ ပြောင်းလဲနိုင်သည်ဟု ကြေညာချက်ထဲတွင်ပါရှိသည်။

အဆိုပါငွေစက္ကူကျပ်၁၀,၀၀၀ တန်အသစ်များထုတ်ဝေသော်လည်း  ၂၀၁၂ခုနှစ် ဇွန်လ ၁၅ ရက်နေ့ မှ ထုတ်ဝေခဲ့သည့် ငွေစက္ကူကျပ် ၁၀,၀၀၀ တန်ကိုလည်း ဆက်လက်အသုံးပြုနိုင်မည်ဖြစ်ကြောင်း သိရသည်။

(Xinhua)
http://www.xinhuamyanmar.com

ရန်ကုန်မြို့ တော်ဝင်နှင်းဆီ စားသောက်ဆိုင်မှာကျင်းပတဲ့ ဗိုလ်ချုပ်အောင်ဆန်းဖောင်ဒေးရှင်း သတင်းစာရှင်းလင်းပွဲက်ို ဇွန်လ ၂၇ ရက်နေ့က တွေ့ရစဉ် Photo: Kyaw Zaw Win/RFA
မကွေးတိုင်း နတ်မောက်မြို့မှာ ကျင်းပခဲ့တဲ့ ဗိုလ်ချုပ်အောင်ဆန်း နှစ် ၁ဝဝ ပြည့်ပွဲတော်က ရရှိတဲ့ရန်ပုံငွေ ကျပ်သိန်းတစ်ထောင်ကို မတည်ပြီး ဗိုလ်ချုပ်အောင်ဆန်းဖောင်ဒေးရှင်း တည်ထောင်ဖို့ဖောင်ဒေးရှင်း ယာယီဖြစ်မြောက်ရေးကော်မတီက ဆုံးဖြတ်လိုက်ပါတယ်။

ရန်ကုန်မြို့ တော်ဝင်နှင်းဆီ စားသောက်ဆိုင်မှာကျင်းပတဲ့ သတင်းစာရှင်းလင်းပွဲမှာ ဖောင်ဒေးရှင်း ယာယီ ဖြစ်မြောက်ရေးကော်မတီ ဒုဥက္ကဌ ဒေါက်တာ စိုးမင်းက ဗိုလ်ချုပ်အောင်ဆန်းဖောင်ဒေးရှင်းအကြောင်း အခုလို ပြောပါတယ်။

"ဗိုလ်ချုပ်အောင်ဆန်း နှစ်တစ်ရာပွဲကျင်းပကတည်းက ရည်ရွယ်ချက်ရှိခဲ့တာပေါ့နော်၊ အဲ့ဒီတော့ ဗိုလ်ချုပ်အောင်ဆန်း နှစ်တစ်ရာပွဲကျင်းပစဉ်တုန်းက ကျင်းပခြင်းရည်ရွယ်ချက်ဆိုတာပါပါတယ်၊ ဗိုလ်ချုပ်အောင်ဆန်းကဲ့သို့ ဘက်စုံပေါ့နော် ထူးချွန်တဲ့ အနာဂတ်မျိုးဆက်သစ်များ ပေါ်ထွန်းရေးဆိုတဲ့ ကျနော်တို့ ရည်ရွယ်ချက်တစ်ခုပါပါတယ်၊ အဲ့ဒီရည်ရွယ်ချက်ကို အကောင်အထည်ဖော်တဲ့သဘောနဲ့ ကျနော်တို့ ပိုလျှံတဲ့ငွေတွေကို ဗိုလ်ချုပ်အောင်ဆန်း ဖောင်ဒေးရှင်းဖြစ်ပါတယ်"

ဗိုလ်ချုပ်အောင်ဆန်းဖောင်ဒေးရှင်းရဲ့ ရည်ရွယ်ချက် ၆ ချက်ထဲမှာ ဗိုလ်ချုပ်လို ဂုဏ်အရည်အချင်းရှိနေတဲ့ လူငယ်တွေကိုဖော်ထုတ်ပြီး အောင်ဆန်းဂုဏ်ရည်ဆုကို နှစ်စဉ်ချီးမြှင့်သွားမယ်လို့လည်း ပါရှိပါတယ်။

ဒါ့အပြင် မြန်မာနိုင်ငံအနှံ့ ဘုန်းတော်ကြီးကျောင်းတွေကို ထောက်ပံ့မယ့်အစီစဉ်၊ အခြေခံပညာအထက်တန်းကို ထူးထူးချွန်ချွန်နဲ့အောင်ပြီး တက္ကသိုလ်ဆက်တက်ဖို့ ခက်ခဲနေတဲ့ကျောင်းသား ကျောင်းသူတွေ၊ ပညာရေး ထူးချွန်ပြီး နိုင်ငံအကျိုးပြုမယ့် လူငယ်တွေကိုရွေးချယ်ပြီး နိုင်ငံတကာအဆင့်မီ ကျောင်းတွေကိုပို့ပြီး ပညာသင် ကြားဖို့ထောက်ပံမယ့် အစီစဉ်တွေကိုလည်း ပြုလုပ်သွားမယ်လို့ ပြောပါတယ်။

လာမယ့်နှစ် ၂ဝ၁၆ ခုနှစ်ကစပြီး ဖောင်ဒေးရှင်းလုပ်ငန်းတွေကို စတင်အကောင်အထည်ဖော်သွားမယ်လို့ သိရပါတယ်။

RFA Burmese
http://www.rfa.org/burmese

 ရှမ်းပြည်နယ် တောင်ပိုင်း တောင်ကြီးမြို့တွင် မဲစာရင်းကြည့်ရှုနေသူ တစ်ဦးကို တွေ့ရစဉ် Photo: RFA

လာမယ့်၂၀၁၅ခုနှစ် ရွေးကောက်ပွဲအတွက် ပြည်ပမှာ ရောက်နေတဲ့ မဲပေးနိုင်သူ လူဦးရေ စာရင်းတွေကို ကြိုတင် မဲ ပေးနိုင်ဖို့ ပြည်ထောင်စုရွေးကောက် ပွဲကော်မရှင်က သံရုံးတွေကနေတစ်ဆင့် စတင် ကောက်ယူနေပါတယ်။

ပြည်ပမှာရှိနေတဲ့ မဲဆန္ဒရှင်တွေအတွက် ကြိုတင်မဲပေးနိုင်အောင် လူဦးရေစာရင်း စတင် ကောက်ယူနေတာ ဖြစ် တယ်လို့ ရန်ကုန်တိုင်းဒေသကြီးရွေးကောက် ပွဲကော်မရှင် ဥက္ကဋ္ဌ ဦးကိုကို က ပြောပါတယ်။

"မဲပေးတဲ့အချိန်ကျရင် သူတို့အဆင်ပြေအောင် ပြည်ပမှာရှိတဲ့လူရဲ့စာရင်းကို နိုင်ငံခြား ရေးဌာနက ပို့ပေးလို့ အဲ့ဒါတွေစစ်ဆေးတာဖြစ်ပါတယ်၊ မဲပေးတဲ့ အချိန် ပြည်ပကြိုတင်မဲ ပေးတဲ့အခါကျတော့ ဒါတွေက အဆင် သင့်ကော်မရှင်လက်ထဲမှာရှိ နေမယ်လေ၊ ပြည်ပ ရောက်နေတဲ့သူတွေ ဘယ်သူတွေ ဆိုတာ ကော်မရှင်က သိထားဖို့ပါဘဲ၊ သူတို့ကလည်း သာမန်မဲစာရင်းထဲမှာ သူတို့ပါတယ်လေ၊ အခုပြုစုနေတဲ့ အခြေခံမဲစာရင်းထဲမှာ သူတို့ ပါပြီးသား၊ အဲ့ထဲက ဘယ်သူကနိုင်ငံခြားကိုရောက်နေတယ်ဆိုတာ နိုင်ငံခြားရေး ဝန်ကြီးကပေးတဲ့ လိပ်စာနဲ့ တိုက်ဆိုင်စစ်ဆေးပြီးတော့ မှတ်သားထားပါတယ်"

ရွေးကောက်ပွဲကျင်းပမယ့်အချိန် နိုင်ငံပြင်ပမှာရောက်နေတဲ့ သံတမန်တွေ၊ ပညာတော် သင်တွေနဲ့ မိသားစုဝင်တွေ၊ အစိုးရရဲ့ခွင့်ပြုချက်နဲ့ နိုင်ငံပြင်ပရောက်ရှိနေတဲ့ သူတွေရဲ့ လူဦးရေစာရင်းတွေ ရယူနေတာ ဖြစ်တယ်လို့ဆိုပါတယ်။

ပြည်ပမှာရှိနေတဲ့မဲဆန္ဒရှင်တွေရဲ့ ကြိုတင်မဲစာရင်းတွေကို ရွေးကောက်ပွဲကျင်းပမယ့် ရက်အတိအကျ ကြေညာပြီး မှသာ ကောက်ယူသွားမှာဖြစ်တယ်လို့ သိရပါတယ်။

RFA Burmese
http://www.rfa.org/burmese

ကျောင်းသားတွေကို ရန်သူ သဖွယ် သဘောထားတာ

_____ တည်ငြိမ်ရေး၊ မတည်ငြိမ်ရေးဆိုတာက တကယ်တမ်း ပြောမယ် ဆိုလို့ရှိရင် နိုင်ငံရေးလမ်းစဉ်ကြီး တစ်ခုလုံး ကောင်းမွန်မှ တည်ငြိမ်မှာ . . . ၂၀၀၈ ဖွဲ့စည်းပုံအောက်မှာ ဘယ်တော့မှ တည်ငြိမ်မှာ မဟုတ်ပါဘူး … ရွေးကောက်ပွဲ ရှိသည်ဖြစ်စေ၊ မရှိသည်ဖြစ်စေ လူတွေ ဒုက္ခရောက်နေတယ်၊ ငတ်နေတယ်ဆိုရင် တည်ငြိမ်မှာ မဟုတ်ဘူး …

____ သမဂ္ဂကျောင်းသား ဆိုတာက ကျောင်းသားတွေ အားလုံးဟာ သမဂ္ဂကို ၀င်ခွင့်ရှိတယ်။ ဘယ်ကျောင်းသားကိုမှ သမဂ္ဂထဲ မ၀င်ရဘူးလို့ ကန့်သတ်ထားတာ မဟုတ်ဘူး။ သမဂ္ဂအမှုဆောင် ကော်မတီမှာ ၀င်ရောက် ယှဉ်ပြိုင်ချင်လည်း လွတ်လပ်စွာ ယှဉ်ပြိုင်ခွင့်ရှိတယ်။ လူတိုင်းမှာ မဲပေးပိုင်ခွင့်ရှိသလို ရွေးချယ်ခံပိုင်ခွင့်လည်း ရှိတယ် . . . အဲဒါဒီမိုကရေစီပဲ။ ဒီ,ဒီမိုကရေစီ အလေ့အထကို တက္ကသိုလ်တွေ၊ ကျောင်းတွေထဲမှာ လွတ်လွတ် လပ်လပ် ကျင့်သုံးဖို့အတွက် သမဂ္ဂဆိုတာ ပေါ်ပေါက်လာတာ …

~~~~~~~~~~~~~~~~~~~~~~~~~~~~~~~~~~~~~~~~~

အမျိုးသားပညာရေး ဥပဒေကို ပြန်လည် ပြင်ဆင်သည့် ဥပဒေ တွင် လေးပွင့်ဆိုင် ကတိက၀တ်များ ကို ဖောက်ဖျက်ကာ အတည်ပြုမည်ဆိုပါက ရပ်နားထားသည့် သပိတ်စစ်ကြောင်းများကို ပြန်လည် စတင်မည် ဖြစ်ကြောင်း ဒီမိုကရေစီ ပညာရေး ဦးဆောင်ကော်မတီဝင် ကိုအောင်နေပိုင်က ဇွန်လ ၂၀ ရက်တွင် ပြုလုပ်သည့် မြန်မာနိုင်ငံ ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် ဒုတိယအကြိမ် ညီလာခံ နောက်ဆုံးနေ့ သတင်းစာ ရှင်းလင်းပွဲတွင် ပြောဆိုလိုက်သည်။

ဇွန်လ ၁၈ ရက်က ပြည်ထောင်စု လွှတ်တော်၌ ယင်းဥပဒေကို ပြင်ဆင်သည့် ဥပဒေကြမ်းတွင် ပြင်ဆင်ချက် ၅၁ ချက်ဖြင့် အတည်ပြုလိုက်ရာ ယင်းဥပဒေထဲတွင် တက္ကသိုလ် ကောင်စီ၌ ကျောင်းသားသမဂ္ဂကိုယ်စားလှယ် ဆိုသည့်စကားရပ်အား ကျောင်းသား ကိုယ်စားလှယ်ဆိုသည့် စကားရပ်ဖြင့် အတည်ပြုကာ ကျောင်းသားသမဂ္ဂ ၏ အခန်းကဏ္ဍအား ချန်လှပ်ထားခဲ့သည်။ လတ်တလော အစိုးရဘက်က ၄ ပွင့်ဆိုင် အကြို သဘောတူညီ ချက်တွင် ပါရှိသော ကတိက၀တ်များကို ချိုးဖောက်၍ ကျောင်းသားနှင့် ၀န်းရံပြည်သူ ၁၀၀ ကျော်ကို အကြမ်းဖက် ဖြိုခွင်းကာ တရားစွဲဆိုထားပြီး အချို့သော ကျောင်းသား ခေါင်းဆောင်များမှာ ဖမ်းဝရမ်း ထုတ်ခံထားရသည့်အတွက် တိမ်းရှောင်နေရသည်။

ယင်းသို့ တိမ်းရှောင်နေရသူများထဲမှ ဗမာနိုင်ငံလုံးဆိုင် ရာ ကျောင်းသားသမဂ္ဂများ အဖွဲ့ချုပ် – (ဗကသ)ဥက္ကဋ္ဌ ကိုကျော်ကိုကိုအား လက်ရှိဖြစ်ပျက်နေသည့် အမျိုးသားပညာရေး ဥပဒေနှင့် သပိတ်တိုက်ပွဲ ပြန်စလာနိုင်သည့် အခြေအနေ၊ အစိုးရက ကျောင်းသားများအား သပ်လျှိုသွေးခွဲနေမှု၊ လက်ပံတန်း အကြမ်းဖက် ဖြိုခွဲခံရမှုတွင် ကျောင်းသားများ ရလိုက်သည့် အတွေ့အကြုံနှင့် ဗကသဥက္ကဋ္ဌ၏ သဘောထားများကို ဇွန်လ ၂၃ ရက်တွင် ဖုန်းဖြင့် ဆက်သွယ်မေးမြန်းကာ ဖော်ပြလိုက်ပါသည်။

ဝိုင်းမော်

မေး – အချက်အလက်တွေပြင်ဖို့ ပြောဆိုခဲ့တဲ့ အမျိုးသားပညာရေး ဥပဒေကို အခုအမျိုးသား လွှတ်တော်မှာလည်း ဒါကိုပြန်ပြီးတော့ ပြင်ပြီးတော့ အတည်ပြုပြီးသွားပြီပေါ့။ ဒီ အပေါ်မှာ နဂိုပြောဆို ခဲ့တာတွေနဲ့ ဘယ်လောက် အတိုင်းအတာအထိ ပြောင်းလဲထားတယ်လို့ ထင်သလဲ။

ဖြေ – ကျွန်တော်တို့ ပြောင်းလဲဖို့၊ ပြင်ဆင်ဖို့ပြောခဲ့တဲ့ ပညာရေးဥပဒေနဲ့ သူတို့လွှတ်တော်မှာ အတည်ပြုလိုက်တဲ့ ပညာရေးဥပဒေနဲ့က ကွာခြားတယ်ဗျ။ ကျွန်တော်တို့ ပြောင်းလဲပြင်ဆင်ဖို့ ဆိုတဲ့နေရာမှာ ဒီမိုကရေစီပညာရေး ကို ဦးတည်သွားဖို့အတွက် အချက်အလက်တွေနဲ့ ပြောခဲ့တာရှိတယ်။ ပြီးတော့ပညာရေး ပုံစံတွေ အကုန်လုံး၊ တစ်ခုလုံးကို ပြောင်းလဲပစ်ဖို့အတွက် ကျောင်းသားသမဂ္ဂရဲ့ အရေးပါတဲ့ အခန်းကဏ္ဍတွေ လိုအပ်တယ် ဆိုတာကို ပြောခဲ့တယ်။ ဒါပေမဲ့လက်တွေ့ပိုင်းမှာ အဲဒီအတိုင်း ဖြစ်မလာတာကို တွေ့ရတယ်။

နောက် ကျွန်တော်တို့ ပြောတဲ့ဆိုတဲ့ ပညာရေးဥပဒေဟာ အခုရေးဆွဲပြီး အတည်ပြုလိုက်တဲ့ ဥပဒေနဲ့ကြားထဲမှာ အင်မတန်မှ ကွာဟချက်တွေ ရှိနေတယ်။ အနှစ်သာရချင်း ခြားနားနေတယ် ဆိုတာကို တွေ့ရပါတယ်။

မေး – အရင်တုန်းက အမျိုးသားပညာရေး ဥပဒေကို စဆွေးနွေးတဲ့အခါမှာ ၄ ပွင့်ဆိုင်နဲ့ သွားမှသာလျှင် အဆင်ပြေမယ်ပေါ့။ လွှတ်တော်ကတစ်ဆင့် ဒါမျိုးသွားမယ်ဆိုလို့ရှိရင် ကျောင်းသားတွေ လိုချင်တဲ့ပုံစံအတိုင်း ဖြစ်မလာနိုင်ဘူးလို့ သုံးသပ်တာတွေ ရှိတယ်ပေါ့။ အခုလည်း အဲဒီလိုပုံစံမျိုး ဖြစ်လာတယ်ပေါ့။ အဲဒီ အယူအဆကိုကော ဘယ်လိုမြင်သလဲ ခင်ဗျ။

ဖြေ – ၄ ပွင့်ဆိုင်ဆိုတာက ကျွန်တော်တို့ လိုအပ်လို့ ပြောခဲ့ တာ၊ တောင်းဆိုခဲ့တာ။ ၄ ပွင့်ဆိုင်ဆိုတာက လွှတ်တော်ပြင်ပမှာ ညှိနှိုင်းပြီးတော့ အကောင်းဆုံး ဖြစ်ဖို့အတွက် နည်းမျိုးစုံနဲ့ တောင်းဆိုပြီးတော့မှ ဖြစ်မြောက်အောင်လို့ ဆောင်ရွက်ခဲ့တယ်။ ဒါပေမဲ့ ကျောင်းသားတွေ ရေးဆွဲထားတဲ့ ၄ ပွင့်ဆိုင် တောင်းဆို ချက်တွေ၊ ၄ ပွင့်ဆိုင် သဘောတူညီချက်တွေကို လက်ပံတန်းမှာ ရိုက်နှက်ဖြိုခွဲပြီး နောက်ပိုင်းမှာ တွေ့ရတာက လက်နဲ့ရေးခဲ့သမျှကို ခြေနဲ့ဖျက်ခဲ့တယ်လို့ ကျွန်တော်တို့က သဘောထားတယ်။ နောက် အခုအနေအထားက လေးပွင့်ဆိုင် ဆိုတဲ့အနေအထားနဲ့ ဆွေးနွေးထားတာတွေကို လျစ်လျှူရှုပြီးတော့ လွှတ်တော်ထဲမှာ သူတို့ အလိုကျ ပုံစံမျိုး ပြန်ပြီးရေးဆွဲတယ် ဆိုတာတစ်နည်းအားဖြင့် ပြောရရင် လွှတ်တော်ရယ်၊ အစိုးရရယ်၊ တရားရေးဆိုတဲ့ မဏ္ဍိုင် ၃ ခုပေါ့။ မဏ္ဍိုင် ၃ ရပ်ကို လက်ရှိ အုပ်ချုပ်နေတဲ့ စစ်တစ်ပိုင်း အစိုးရ လက်ထဲမှာပဲ ဆုပ်ကိုင်ထားဖို့သူတို့ အဓိက ထားတယ်။ အပြင်မှာ ကျွန်တော်တို့ တောင်းဆိုတဲ့ ၄ ပွင့်ဆိုင် တွေ့ဆုံဆွေးနွေး ပွဲကို အသိအမှတ်မပြုရာ ရောက်နေတယ်လို့ တွေ့ရှိရတယ်။

မေး – ဒီဥပဒေနဲ့ ပတ်သက်ပြီး ကျောင်းသားသပိတ်စစ်ကြောင်းတွေက သပိတ်ပြန်စဖို့ ကြေညာချက်တွေ ထွက်လာပါတယ်။ ဒီတော့ သပိတ်တိုက်ပွဲ ပြန်စလာမယ်ဆိုရင် ဘယ်လိုပုံစံမျိုး တိုက်ပွဲဝင်တာက ပိုသင့် တော်မယ်လို့ ထင်ပါသလဲ။ ဒီလိုမျိုး သပိတ်တိုက်ပွဲ ပြန်စဖို့ ဆိုတဲ့အပေါ်မှာကော ဗသက ဥက္ကဋ္ဌအနေနဲ့ ဘာများ ပြောချင်သလဲ။

ဖြေ – တိုက်ပွဲဝင်မယ်ဆိုလို့ရှိရင် ကျွန်တော်တို့က ရှေ့မှာ သင်ခန်းစာတွေကော၊ အတွေ့အကြုံတွေကော အများကြီးရထားတယ်။ အဲဒီတော့ ကျွန်တော်တို့ အနေနဲ့က ဒါ ကမူးရှူးထိုး လုပ်လို့တော့ မရဘူးလေ၊ ဒါတစ်ခုက တိုက်ပွဲလုပ်မယ်ဆိုရင် စနစ်တကျ ပြင်ဆင်ထားဖို့တော့ လိုတယ်။ အရင်တစ်ခါက ကျွန်တော်တို့ ရန်ကုန်မြို့ ၄ ရက် သပိတ်ဆန္ဒပြပွဲတွေ၊ နောက်ပြီးတော့ မန္တလေးက ရန်ကုန်ချီတက်ခဲ့တဲ့ လမ်းလျှောက် ချီတက်ပွဲတွေမှာ ကျွန်တော်တို့ အနေနဲ့ ပြည်သူတွေပါတယ်။ တစ်နည်းအားဖြင့် ပြောရင် အားပေးထောက်ခံ ၀န်းရံသူတွေပါတယ်။ ဒါပေမဲ့ လိုအပ်ချက်တွေတော့ ရှိနေတယ်။ ဆိုတော့ ဒီတစ်ခေါက်မှာ လိုအပ်ချက်တွေ မရှိအောင် လိုလေသေးမရှိ အရာရာ ပြည့်စုံအောင် လုပ်ဖို့တော့ လိုတယ်။ ဆိုတော့တိုက်ပွဲကို အလောတကြီး တိုက်လို့မရပါဘူး။ တိုက်ပွဲတိုက်တယ်ဆိုတာ ပုံသဏ္ဌာန် ကြွယ်ဝဖို့လည်း လိုတယ်၊ နည်းနာကြွယ်ဝဖို့လည်း လိုတယ်။ နည်းပရိယာယ်တွေ ကြွယ်ဝဖို့လည်း လိုတယ်လို့ မြင်တယ်။

တိုက်ပွဲတိုက်ဖို့ ကိစ္စကို အလောသုံးဆယ်တော့ ကျွန်တော့်အနေနဲ့ အားမပေးနိုင်ဘူး။ စနစ်တကျ ပြင်ဆင် ပြီးတော့ လုပ်ဖို့လိုတယ်။ ဒီကိစ္စဟာ ထောက်ခံတဲ့၊ ၀န်းရံတဲ့ ပြည်သူနဲ့တင်မပြီးဘဲနဲ့ အဖွဲ့အ စည်းပေါင်းစုံ ကနေပြီးတော့ တစ်သမတ်တည်း ဒီအပေါ်မှာ ခိုင်ခိုင်မာမာ ရပ်တည်နိုင်တဲ့ အနေအထားအထိ ဆွဲတင်ဖို့လိုတယ် ဆိုတာကို ပြောချင်ပါတယ်။

မေး – လက်ရှိ နိုင်ငံရေး အနေအထားမှာ ဒီိမိုကရေစီ အသိုင်းအ၀ိုင်းဘက်က လူတွေကပါ ရွေးကောက်ပွဲ နီးလာတဲ့ အတွက်ကြောင့်မို့လို့ ကြားကာလ နိုင်ငံရေး တည်ငြိမ်မှုဆိုတာကို အဓိကထား ပြော လာကြတာ တွေ့ရတယ်။ ဒီအပေါ်မှာ အစိုးရအနေနဲ့ ပညာရေး ဥပဒေ အတွက် တိုက်ပွဲဝင်တဲ့အခါမှာ နိုင်ငံရေး အမြတ်ထုတ်ပြီးတော့ ကျောင်း သားတွေဘက်ကို အပြစ်ပုံချလာနိုင်မလား။

ဖြေ – အစိုးရကတော့ အခုဟာက ကျောင်းသားကော၊ လယ်သမား၊ အလုပ်သမားကော ဘယ်လှုပ်ရှားမှုပဲ လုပ်လုပ် အားလုံးအပေါ် အပြစ်ပုံချဖို့ ဒါအမြဲတမ်း အဆင်သင့် ပြင်ဆင်ထားတယ်။ ဘာကြောင့်လဲဆိုတော့ သူတို့သွားချင်တဲ့ လမ်းကြောင်းကို ထိခိုက်မယ်၊ အနှောင့်အယှက် ပေးမယ်လို့ သူတို့ယူဆလို့ပဲ။ သူတို့ သွားချင်တဲ့လမ်းကြောင်း က ၂၀၀၈ ဖွဲ့စည်းပုံ အခြေခံဥပဒေအောက်မှာ ဘယ်ရွေးကောက်ပွဲပဲ လုပ်လုပ် လက်ရှိ အစိုးရက အမြဲတမ်းနိုင်အောင်လို့ သူတို့ ဖန်တီးထားတယ်။ လက်ရှိအစိုးရ မနိုင်၊ နိုင်အောင်လို့ လုပ်မယ့် နည်းလမ်းတွေလည်း သူတို့မှာ အပြည့်အစုံရှိတယ်။ အဲဒီတော့ အဲဒီလို အခြေအနေမျိုးကို တိမ်းစောင်းသွား စေနိုင်တဲ့ ဘယ်သူ့လုပ်ရပ်မျိုးမဆို သူတို့ လက်သင့်ခံမှာ မဟုတ်ဘူး၊ ဖြိုခွဲမှာပဲ။ အဲဒီတော့ ကျွန်တော်တို့ ကျောင်းသားတွေကော၊ လယ်သမား အလုပ်သမားတွေကော ဒီအချိန်မှာ တိုက်ပွဲဝင်တယ်ဆို ဖြိုခွဲဖို့ ကြိုးစားမယ်။ ဖြိုခွဲပြီးသွားရင် ဒါဘယ်သူတွေ၊ ဘယ်ဝှါတွေ နောက်ကွယ်က သွေးထိုးပါတယ်၊ လှုံ့ဆော် ပါတယ် ဆိုတာမျိုး အပြစ်ပုံချမယ်။ ကျောင်းသားတွေရဲ့ ကြီးကျယ်တဲ့၊ ကြီးမြတ်တဲ့ လှုပ်ရှားမှု မှန်သမျှကိုလည်း သေးသိမ် သွားအောင် ဖန်တီးမယ်။ နာမည်ဖျက်ဖို့ အမျိုးမျိုး ပြင်ဆင်ထားကြတာကို တွေ့ရတယ်။ အဲဒီတော့ ကြားကာလ တည်ငြိမ်ရေးဆိုတာသည် ကျွန်တော်သိပ်တော့ စိတ်မ၀င်စားဘူး။ တည်ငြိမ်ရေး၊ မတည်ငြိမ်ရေး ဆိုတာက တကယ်တမ်း ပြောမယ်ဆိုလို့ ရှိရင်နိုင်ငံရေး လမ်းစဉ်ကြီး တစ်ခုလုံးကောင်းမွန်မှ တည်ငြိမ်မှာ။ ၂၀၀၈ ဖွဲ့စည်းပုံအောက်မှာ ဘယ်တော့မှ တည်ငြိမ်မှာ မဟုတ်ပါဘူး။ ရွေးကောက်ပွဲရှိသည်ဖြစ်စေ၊ မရှိသည်ဖြစ်စေ လူတွေ ဒုက္ခရောက်နေတယ်၊ ငတ်နေတယ်ဆိုရင် တည်ငြိမ်မှာ မဟုတ်ဘူး။ အဲဒီတော့ တည်ငြိမ်ရေးလို့ ဆိုတာ ထက်ကို အဓိက ဘာကိုစဉ်းစားရမလဲဆိုရင် ကျွန်တော်တို့ လုပ်တဲ့ လုပ်ရပ်မှန်သမျှ အောင်မြင်ဖို့ စဉ်းစားရမယ်။ အကျအရှုံး နည်းနည်းနဲ့ ထိထိရောက်ရောက်နဲ့ လိုချင်တဲ့ရလဒ်တွေ၊ ရည်မှန်းချက်တွေ ရောက်ဖို့ ကျွန်တော်တို့ စဉ်းစားရမယ်။ အဲဒါကိုပဲ ကျွန်တော်တို့ အဓိကထား စဉ်းစားသင့်တယ်လို့ ထင်တယ်။ အစိုးရက ပုံဖျက်တာတော့ ပုံမှန်လုပ်မှာပဲ။ ကျွန်တော်တို့အနေနဲ့က အဲဒီလို ပုံဖျက်တဲ့ဟာကို မခံရအောင် ဘယ်နည်းဘယ်ပုံနဲ့ အကောင်းဆုံး ဖန်တီးမလဲဆိုတာပဲ စဉ်းစားသင့်တယ်လို့ ထင်တယ်။

မေး – နောက်တစ်ခုက အစိုးရက ဗကသကို ဆိုလို့ရှိရင်ခါးခါးသီးသီး ကို ဖြစ်နေတယ်ပေါ့။ ခါးခါးသီးသီး ဖြစ်တဲ့အပြင်ကို မှိုင်းတိုက်တာတွေပါ လုပ်လာတယ်ပေါ့။ အဲဒီမှာ တချို့လူတွေပါဆိုရင် အဲဒီမှိုင်းတိုက်တာကို မိသွားတာမျိုးတွေရှိတယ်။ ဒီအပေါ်မှာ အစိုးရက အခုလိုလုပ်တာဟာ ဘာကြောင့်လို့ ပြောနိုင်မလဲ။

ဖြေ – အစိုးရက ခါးခါးသီးသီး ဖြစ်နေတာနဲ့ တချို့လူတွေ မှိုင်းတိုက်ခံနေတာ နှစ်ခုက ခွဲပြောမှရမယ်။ အစိုးရက ခါးခါးသီးသီး ဖြစ်နေတာကတော့ ဒါနှစ်ပရိစ္ဆေဒပေါင်း များစွာကြာမြင့်ပြီး ဗကသနဲ့ စစ်အာဏာရှင် အစိုးရ ကြားထဲမှာ ရှိတဲ့ ပြဿနာတွေဗျ။ တစ်နည်းအားဖြင့်ပြောရင် အစိုးရက ကျွန်တော်တို့အပေါ် အငြိုးအတေး ထားပြီး တိုက်ခိုက်တဲ့သဘောပဲ။ ဘာကြောင့်လဲဆိုရင် အာဏာရှင်စနစ် သမိုင်းက အမြစ်တွယ်လာပြီ ဆိုကတည်းက ကျောင်းသားသမဂ္ဂက စတင်ကန့်ကွက်ခဲ့တယ်။ ဒီလိုမျိုး အာဏာကို ပြည်သူ့လက်ထဲကနေ လုယူသိမ်းပိုက်ပြီး အုပ်ချုပ်တာကို မသင့်တော်ဘူးဆိုတာကို ၁၉၆၀ ခုနှစ် မတိုင်ခင် ကတည်းကကော၊ ၁၉၅၈ ခုနှစ် လောက်ကတည်းကကော ကန့်ကွက်ခဲ့တယ်။ အိမ်စောင့်အစိုးရ လက်ထက်ပေါ့။ ၆၂ မှာလည်း ကျောင်းသားတွေက ကန့်ကွက်တယ်။ အဲဒီလို ကန့်ကွက်တဲ့ အတွက် ကျောင်းသားသမဂ္ဂကို ဖြိုခွဲဖျက်ဆီး၊ ဒိုင်းနမိုက်နဲ့ ဖြိုခွဲပြီး ကျောင်းသားပေါင်း ၁၀၀ ကျော်ကို သတ်တယ် ဆိုကတည်းက အငြိုးအတေးကသူတို့မှာ တော်တော်ကြီးမားတယ် ဆိုတာကို ပြသနေတာ။ လာမယ့် ၇ လပိုင်းဆို ၅၃ နှစ် ပြည့်တော့မယ်။ ဒီလို အခြေအနေမျိုးမှာ ဆိုလို့ရှိရင်တော့ အခုအချိန်အထိ အငြိုးအတေး မပြေသေးဘူး။ အခုအချိန်အထိ ကလဲ့စား ချေချင်တဲ့ စိတ်တွေက ရှိနေတုန်းပဲလို့ ကျွန်တော်တို့က ဒီလိုပဲသွားတွေ့ရတယ်။ အဓိကက အာဏာ ပြဿနာပဲ။ ကျောင်းသားတွေဟာ အစိုးရအနေနဲ့၊ စစ်အာဏာရှင်တွေ အနေနဲ့ အာဏာကို ဖြတ်လမ်းက ယူထားတာကို လက်သင့်မခံဘူး။ အဲဒီအပေါ်မှာ ဝေဖန်လို့ အငြိုးအတေးထားတာ၊ ကျောင်းသားတွေကို ရန်သူသဖွယ် သဘောထားတာ။

မှိုင်းတိုက်တာကတော့ခုနက ပြောသလို ကျွန်တော်တို့ရဲ့ လှုပ်ရှားမှုတွေကို အင်အား ချည့်နှဲ့သွားအောင် ဖန်တီးတာ။ သူတို့ အာဏာဆက်လက် တည်မြဲရေး၊ သူတို့ဆက်လက် ဗိုလ်ကျစိုးမိုးဖို့အတွက်၊ ပြည်သူလူထု ကိုလုပ်ချင်တာ လုပ်ဖို့ ထင်တိုင်းကျဲဖို့အတွက် ထွက်လာမယ့် အညွန့်အတက်တွေကို ဖျက်ပစ်တာပဲ။ အဲဒီအပေါ်မှာ မှိုင်းတိုက်ခံရတဲ့ လူတချို့ဆိုတာဟာ သမိုင်းကို သေချာ နားမလည်တဲ့ သူတွေပဲဖြစ်မယ်။ ဆိုတော့ နိုင်ငံရေးပါတီ တချို့လည်းပါမယ်၊ နိုင်ငံရေး အင်အားစုတချို့လည်း ပါမယ်၊ သာမန်ပြည်သူ တချို့လည်းပါမယ်။ အဲဒီ တချို့တချို့သော သူတွေဟာ နိုင်ငံရေး နယ်ပယ်ထဲမှာ ရှိကောင်းရှိနေလိမ့်မယ်။ သမိုင်းကို စနစ်တကျ လေ့လာထားဖို့ လိုအပ်တယ်။ သမိုင်းကို စနစ်တကျ မလေ့လာဘဲနဲ့ အဆင်ပြေရေးနဲ့ အမျိုးသားပြန်လည် ရင်ကြားစေ့ရေးဆိုတဲ့ ဘက်ကိုပဲ ဦးတည်ပြီးသွားမယ် ဆိုလို့ရှိရင် ကျောင်းသားသမဂ္ဂရဲ့ အခန်းကဏ္ဍကို ပစ်ပယ်ရာ ရောက်လိမ့်မယ်။ ပြီးတော့ ကျဆုံးသွားတဲ့ ကျောင်းသား ရဲဘော်တွေနဲ့ အပြစ်မဲ့ ပြည်သူတွေရဲ့ အနစ်နာခံမှု အပေါ်မှာလည်း လျစ်လျှူရှုရာ ရောက်လိမ့်မယ်။ ကျွန်တော်တို့အနေနဲ့ မဖြစ်စေချင် ဘူး။ အသွင်ကူးပြောင်းမှု ကာလမှာ ကျွန်တော်တို့ တရားမျှတရေးကို အမြဲတမ်း ထည့်စဉ်းစားပါတယ်။ တရားမျှတရေးကို ထည့်မစဉ်းစားဘဲနဲ့ အသွင်ကူးပြောင်းရေးကို ဇွတ်လုပ်မယ် ဆိုလို့ရှိရင် ခုနကပြောသလို ရန်သူနဲ့ ပူးပေါင်းတာပဲ ဖြစ်လိမ့်မယ်။ အနှစ်သာရရှိတဲ့ တွေ့ဆုံဆွေးနွေးပွဲရမှာ မဟုတ်ဘူး။ အနှစ်သာရပြည့်ဝတဲ့ အသွင် ကူးပြောင်းမှုဆိုတာ လည်း ဖြစ်လာမှာ မဟုတ်ဘူး။ အနှစ်သာရပြည့်ဝတဲ့ ဒီမိုကရေစီဆိုတာလည်း ရှိလာမှာ မဟုတ်ဘူး။ အဲဒီတော့ တစ်နည်းအားဖြင့် ပြောမယ်ဆိုလို့ ရှိရင် ကျောင်းသားသမဂ္ဂရဲ့ အခန်းကဏ္ဍကို လုံးဝ လျစ်လျှူရှုပြီးတော့ အစိုးရနဲ့အဆင်ပြေရေး တစ်ခုတည်း သွားတယ်ဆိုတာ တစ်နည်းအားဖြင့် ပြောမယ် ဆိုရင် လက်နက်ချတာ၊ ရန်သူနဲ့ပူးပေါင်းတာ၊ အညံ့ခံတာပဲ ဖြစ်တယ်လို့ ကျွန်တော်တို့က မြင်တယ်။

မေး -နောက်တစ်ခုက ဗကသနဲ့ တကသကို ဆိုလို့ရှိရင် အစိုးရက ထုံးစံအတိုင်း သပ်လျှိုသွေးခွဲရေး လုပ်လာတဲ့ အနေအထား မျိုးတွေ တွေ့ရတယ်ပေါ့။ နောက်တချို့သူတွေရဲ့ တွေးခေါ်မှုအပိုင်းမှာ ကွဲလာတာတွေလည်း တွေ့နေရတယ်။ အဲဒီတော့ အစိုးရရဲ့ သပ်လျှိုသွေးခွဲမှုလုပ်ရပ်ဟာ အောင်မြင်တယ်လို့ကော သုံးသပ်နိုင်မလား။

ဖြေ – ဗကသနဲ့ တကသကို သွေးခွဲတာဟာ အခုမှမဟုတ်ဘူးဗျ။ ဗကသ၊ တကသ ဆိုတဲ့ အခုခေတ်မတိုင်ခင် ၁၉၈၈ တုန်းကလည်း ဗကသနဲ့မကသဆိုပြီး သွေးခွဲခဲ့တယ်။ ဒီလိုပဲ ဟိုးအရှေ့တွေမှာလည်း တပ်ဦးနဲ့ DSO ကို သွေးခွဲခဲ့တယ်။ အစိုးရ အဆက်ဆက်ကတော့ ကျောင်းသားသမဂ္ဂရဲ့ အင်အား ကောင်းလာမှာကို စိတ်ပူတဲ့ အတွက်ကြောင့်မို့လို့ အတိုက်အခံ ဖြစ်လာနိုင်တဲ့ ကျောင်းသားတွေ အလားအလာ ကောင်းတွေကို ဖြိုခွဲဖို့ အတွက်ကို အမြဲတမ်း ကျောင်းသားလောကထဲမှာ သပ်လျှိုသွေးခွဲမှုတွေ လုပ်မှာပဲ။ လုပ်လေ့လုပ်ထလည်း ရှိတယ်။ အဲဒီတော့ ကျွန်တော်တို့တွေဟာ ကျောင်းသားစိတ်နဲ့ ကျောင်းသားအသိနဲ့ ဒီသပ်လျှိုသွေးခွဲမှုကို ဖယ်ရှားပစ်ရမယ်။ ကျွန်တော်တို့ ရင်ဆိုင် တွန်းလှန်ပစ်ရမယ်။ ကျွန်တော်တို့ တညီတညွတ်တည်း ရပ်ရမယ်။ ကျွန်တော်တို့ တောက်လျှောက် ပြောခဲ့တယ်။ အလံတစ်လံတည်း အောက်မှာ အသံတစ်သံတည်း ထွက်ရမယ် ဆိုတဲ့ အနေအထားကို ပြောခဲ့တယ်။ သံပြိုင်ဆိုတဲ့ သီချင်းသံဟာ လောကတစ်ခွင်လုံး ဟိန်းထွက်လာတယ်လို့ ဆောင်းပါးတစ်ပုဒ်လည်း ရေးဖူးတယ်။ ကျွန်တော်တို့ ညီညွတ်ဖို့ လိုတယ်လို့ ပြောတာ အဓိကကတော့။ ဒါပေမဲ့ အခု မညီညွတ်ဘူး။ Ideology အခြေခံကွဲတယ်ဆိုတာ ဘာဖြစ်လာတာလဲ ဆိုတော့ အဓိက,ကတော့ ဖြတ်သန်း လာရတဲ့ဘ၀တွေ မတူတဲ့ အနေအထားနဲ့ ရရှိလာနိုင်တဲ့ အခွင့်အရေး အပေါ်မှာထားတဲ့ စိတ်နေ သဘောထားတွေ ကွာခြားတဲ့သဘောပဲ။ တချို့တွေက ဥပမာ အခွင့်အရေးအပေါ် သာယာတာမျိုး ရှိနိုင်တယ်။ ဥပမာဗျာ…လက်ရှိအစိုးရရဲ့ ပါလီမန် ဒီမိုကရေစီ လမ်းကြောင်းကို သွားပြီး လွှတ်တော် အမတ်ဖြစ်ချင်တဲ့ သူတွေလည်း ကျောင်းသားလောကမှာ ရှိကောင်းရှိနေမယ်။ အဲဒီလိုလူငယ်တွေကို သွေးဆောင်ဖြား ယောင်းတဲ့ အခါကျတော့ သူတို့ကနေပြီးတော့ ကျွန်တော်တို့ သွားနေတဲ့ တိုက်ပွဲလမ်းကြောင်း ဆိုတဲ့ဟာကို ရှောင်ဖယ် ရှောင်ဖယ် လုပ်လာလိမ့်မယ်။ သူတို့သွားမှာမဟုတ်ဘူး၊ အဲဒီလိုလမ်းကြောင်းအတိုင်း လျှောက်မှာ မဟုတ်ဘဲနဲ့ အဆင်ပြေရေး လမ်းကြောင်း ဒလိမ့်ကောက်ကွေး ပါသွားနိုင်တယ်။ ဒါကိုကြည့်ခြင်းအားဖြင့် ကျောင်းသားထု ထဲမှာ သွေးခွဲဖို့အတွက်က မက်လုံးပေးပြီး ဖြိုခွဲတာနဲ့ ခုနကပြောသလို ညီညွတ်ရေးကိုဖြိုခွဲဖို့ အတွက် ကြောက်ခမန်းလိလိဖြစ်အောင် ကျွန်တော်တို့ ဗကသကို ပုံဖျက်ပြီးတော့မှ သွေးခွဲတာ နှစ်မျိုးရှိတယ်ဗျ။ အဲဒီနှစ်ခုစလုံးက အစိုးရက ကျွမ်းကျွမ်းကျင်ကျင် ပိုင်ပိုင်နိုင်နိုင် အသုံးချနိုင်တဲ့ အတွက်ကြောင့်မို့လို့ ကျောင်းသား ညီညွတ်ရေးဟာ ကျွန်တော်တို့ ထင်သလို တည်ဆောက်လို့ မရဘူး ဆိုတာကို သွားတွေ့ရတယ်။ သူတို့ဘက်က အောင်မြင်သလား ဆိုရင်တော့ အတိုင်းအတာ တစ်ခုအထိတော့ အောင်မြင်တယ်။ အပြည့် အ၀တော့ အောင်မြင်တာ မဟုတ်ဘူး။

မေး – တချို့ကျောင်းသားတွေ ကြားထဲမှာ အတွေးအခေါ်တစ်ခုက အစိုးရနဲ့ ပေါင်းပြီး တစ်စတစ်စနဲ့ ပြုပြင်ရေး လမ်းစဉ်နဲ့ သွားချင်တာမျိုး ရှိတယ်။ အဲဒါကိုကော ဗကသ ဥက္ကဋ္ဌ တစ်ယောက်အနေနဲ့ လက်ခံသလား။

ဖြေ – ကျွန်တော်တုိ့ဟာ အစိုးရနဲ့ပူးပေါင်းပြီး တစ်စတစ်စ ပြုပြင်ရေးဆိုတဲ့ လမ်းကြောင်းကို လေ့လာ ကြည့်တယ်။ လေ့လာကြည့်တဲ့ အခါမှာ နိုင်ငံတကာ အခြေအနေကိုလည်း လေ့လာရမယ်၊ ပြည်တွင်း အခြေအနေကိုလည်း လေ့လာရမယ်။ ကျွန်တော်တို့ သိသလောက်ကတော့ ပြည်တွင်း အခြေအနေကို လေ့လာတဲ့အခါမှာ အစိုးရနဲ့ ပူးပေါင်းပြီး တစ်စတစ်စ ပြုပြင်ပြောင်းလဲရေး လမ်းကြောင်းဟာ ဘယ်တော့မှ မအောင်မြင်ခဲ့ဘူး ပြည်တွင်းမှာ။ မအောင်မြင်ဘူးဆိုတာ နိုင်ငံရေးအရ မအောင်မြင်ခဲ့ဘူး လို့ပြောတာ။ ဒေါက်တာဘမော်ခေတ်က ညွန့်ပေါင်းအစိုးရတွေ ဖွဲ့တယ်၊ အင်္ဂလိပ် ကိုလိုနီနယ်ချဲ့နဲ့ ပူးပေါင်းပြီးတော့၊ ၅၀၀၀ စားအမတ်တွေ ပူးပေါင်းပြီးတော့ ၀င်ပူးသတ်ရေးဆိုပြီး သွားတယ်။ အဲဒီလူတွေ အကုန်လုံး ရှုံးနိမ့်သွားတယ်။ တစ်နည်းအားဖြင့် ပြောရင် တော်လှန်တဲ့၊ တိုးတက်တဲ့ ကျောင်းသားတွေပဲ၊ သမဂ္ဂထဲက ကျောင်းသားတွေလိုမျိုး ဗိုလ်အောင်ဆန်းတို့လို၊ သခင်ဗဟိန်းတို့လို လူငယ်တွေပဲ အောင်မြင်လာခဲ့တယ်၊ နိုင်ငံရေးအရမှာ။ ပူးပေါင်း ဆောင်ရွက်တဲ့ လမ်းကြောင်းက ရှုံးနိမ့်တယ်။ ဒါက ပြည်တွင်း အခြေအနေ။ နိုင်ငံတကာက အခြေအနေကို ကြည့်မယ် ဆိုလုိ့ရှိရင်လည်း နိုင်ငံတကာမှာ အခုလိုမျိုးပေါ့။ ဖိနှိပ်တဲ့ အစိုးရကို တော်လှန်တဲ့ နိုင်ငံတွေလည်း ရှိတယ်။ အဲဒီနိုင်ငံတွေကို ကြည့်လိုက်လေ။ အနီးစပ်ဆုံးဆို တောင်အာဖရိကလို နိုင်ငံမျိုးမှာ အစိုးရနဲ့ စေ့စပ် ဆွေးနွေးတယ် ဆိုတဲ့နေရာမှာလည်း မင်ဒဲလားတို့ရဲ့ ANC အားကောင်းပြီးတော့ သူတို့လှုပ်ရှားမှုတွေ လုပ်နိုင် လို့သာလျှင် တောင်အာဖရိက လူဖြူအစိုးရကတွေ့ဆုံ ဆွေးနွေးတာဗျ။ တစ်ချိန်လုံး ကပ်ဖားရပ်ဖားလုပ် နေမယ်၊ ပူးပေါင်းဆောင်ရွက်ရေး လုပ်နေမယ်ဆိုရင် အခုအချိန်အထိ လူမဲတွေ လွတ်လပ်ခွင့်ရမှာ မဟုတ်ဘူး။ ဆိုလိုတာက နိုင်ငံတကာ အခြေအနေမှာလည်း တိုက်ရဲတယ်၊ တော်လှန်ရဲတယ် ဆိုတဲ့သူတွေသာ လွတ်မြောက်တာကို တွေ့ရတယ်။ ကျောင်းသား လှုပ်ရှားမှုတွေ မှန်သမျှ အင်ဒိုနီးရှားမှာလည်း ဖြစ်ခဲ့တာပဲ၊ ထိုင်းမှာလည်း ဖြစ်ခဲ့တာပဲ၊ ဖိလစ်ပိုင်မှာလည်း ဖြစ်ခဲ့တာပဲ။ နေရာတိုင်းမှာ ကျောင်းသား လှုပ်ရှားမှုတွေ၊ လူထုလှုပ်ရှားမှုတွေ ဖြစ်ခဲ့တယ်။ မားကို့စ်တို့ ဘာတို့ဖြုတ်ချတာလည်း လူထုလှုပ်ရှားမှုနဲ့ပဲ ဖြုတ်ချတာပဲ။

အစိုးရက ဘယ်လိုအစိုးရလဲ၊ ဒီနိုင်ငံကို အုပ်ချုပ်နေတာ။ ဖိနှိပ်တဲ့ အာဏာရှင် အစိုးရဆိုလို့ရှိရင် ကျွန်တော်တို့ အနေနဲ့လူထု လှုပ်ရှားမှုလိုကို လိုအပ်တယ်။ တိုက်ပွဲလိုကို လိုအပ်တယ်။ အဲဒီလိုမဟုတ်ဘဲနဲ့ ပူးပေါင်း ဆောင်ရွက်ရေး၊ တစ်စတစ်စပြုပြင် ပြောင်းလဲရေးဆိုတာဟာ စိတ်ကူးယဉ်မှု သက်သက်ပဲ ဖြစ်လိမ့်မယ်။ ဘယ်တော့မှ အဲဒီလမ်းကြောင်းက အောင်မြင်မှာ မဟုတ်ဘူး။ အဲဒီလမ်းကြောင်းအတိုင်း သွားမယ်ဆိုလို့ရှိရင် တစ်နည်းအားဖြင့် ပြောမယ်ဆိုရင်အစိုးရရဲ့ ကြိုက်သလို ဆောင်ရွက်မှု၊ သူတို့ရဲ့ ထင်တိုင်းခြယ်လှယ်မှု အောက်မှာပဲ ပြားပြားဝပ် ကျရောက်သွားမှာပဲလို့ မြင်တယ်ဗျ။

မေး – အခုဆိုသမဂ္ဂနဲ့ ပတ်သက်လို့ တက္ကသိုလ် ကောင်စီမှာ ကျောင်းသား တိုင်းဟာ သမဂ္ဂအဖွဲ့ဝင် ဟုတ်ချင်မှ ဟုတ်မယ် ဆိုတဲ့ ပြောတာမျိုးနဲ့ ပတ်သက်ပြီး သဘောထား တော်တော်ကွဲလွဲကြတယ်။ ဒီအပေါ် နှစ်ဖက်ကွဲလွဲမှု တွေလည်း ရှိတယ်။ ဒီလိုမျိုး ကွဲလွဲရခြင်းရဲ့ အဓိက အကြောင်းအရင်းက ဘာလို့ ထင်ပါသလဲ။

ဖြေ – အဲဒါက သမိုင်းကြောင်းဆိုင်ရာ ပြဿနာပဲ။ သမဂ္ဂဆိုတာကို အစိုးရအဆက်ဆက်က လုံးဝနားထဲမှာကို မကြားချင်လောက်အောင် မုန်းတီးပြီး မြင်ပြင်းကပ်တယ်။ သမဂ္ဂဆိုတဲ့ အသုံးအနှုန်း ဝေါဟာရက ဥပဒေထဲ ရောက်လာမှာကို အကြောက်ဆုံးဖြစ်တယ်။ အဲဒီတော့တစ်ဖက်က အစိုးရက ကြောက်နေတဲ့ဟာကို ဖိတဲ့ အခါကျတော့ အစိုးရ လက်သင့်ခံနိုင်လောက်အောင် ပူးပေါင်းဆောင်ရွက်ချင်တဲ့သူတွေက သမဂ္ဂဆိုတဲ့ စကားလုံး ဝေါဟာရနဲ့ သမဂ္ဂရဲ့ အနှစ်သာရကို ဖြုတ်ချလိုက်မယ်။ ဒီဥပဒေမှာ ဖြုတ်ချလိုက်ရင် အောင်မြင် သွားလိမ့်မယ်လို့ တွေးပုံရတယ်။ တကယ်တမ်းကျတော့ အဲဒီကိစ္စက လွယ်လင့်တကူ လျှော့ပေးရမယ့်ကိစ္စ မဟုတ်ဘူး။ သမဂ္ဂကျောင်းသားဆိုတာက ကျောင်းသားတွေ အားလုံးဟာ သမဂ္ဂကို ၀င်ခွင့်ရှိတယ်။ ဘယ် ကျောင်းသားကိုမှ သမဂ္ဂထဲ မ၀င်ရဘူးလို့ ကန့်သတ်ထားတာ မဟုတ်ဘူး။ သမဂ္ဂ အမှုဆောင် ကော်မတီမှာ ၀င်ရောက် ယှဉ်ပြိုင်ချင်လည်း လွတ်လပ်စွာ ယှဉ်ပြိုင်ခွင့်ရှိတယ်။ လူတိုင်းမှာ မဲပေးပိုင်ခွင့်ရှိသလို ရွေးချယ် ခံပိုင်ခွင့်လည်းရှိတယ်။ အဲဒါဒီမိုကရေစီပဲ။ ဒီ ဒီမိုကရေစီ အလေ့အထကို တက္ကသိုလ်တွေ၊ ကျောင်းတွေထဲမှာ လွတ်လွတ်လပ်လပ် ကျင့်သုံးဖို့ အတွက် သမဂ္ဂဆိုတာ ပေါ်ပေါက်လာတာ။ ဒီမိုကရေစီကို လိုလားပါတယ် ဆိုတဲ့လူတွေက သမဂ္ဂနဲ့ သမဂ္ဂ မဟုတ်တဲ့ ကျောင်းသားနဲ့ ခွဲခြားတယ်ဆိုတာ ဒါ ဒီမိုကရေစီ မဟုတ်တော့ဘူး။ ကျောင်းသားအားလုံး ကျောင်းသားသမဂ္ဂမှာ လွတ်လွတ်လပ်လပ် ဆောင်ရွက်ပိုင်ခွင့် ရှိသည်ဆိုတဲ့ လမ်းကြောင်းပေါ်က ရပ်ပြီးတော့ ပြောရလိမ့်မယ်။ ကျောင်းသားအားလုံးကို သမဂ္ဂက ကိုယ်စားပြုသည်ဆိုတဲ့ ရှုထောင့်ကနေပြီးတော့ ချဉ်းကပ်ရလိမ့်မယ်။ အဲဒီလို မဟုတ်ဘဲနဲ့ ကျောင်းသားကသပ်သပ်၊ သမဂ္ဂကသပ်သပ် ခွဲမယ်ဆိုလို့ရှိရင် ဒါဟာတစ်နည်းအားဖြင့် ဒီမိုကရေစီကိုပါ ငြင်းပယ်ရာ ရောက်သွားပြီ။ ဒီမိုကရေစီဆိုတာ မရှိတော့ဘူး အဲဒီကျလို့ရှိရင်။ အဲဒါဆိုလို့ရှိရင် သမဂ္ဂလုပ်တာလည်း အပိုပဲ ဖြစ်လိမ့်မယ်။ ကျောင်းတက် တာလည်း အဓိပ္ပာယ်မရှိ

ဗိုလ်ချုပ်မှူးကြီးက နိုင်ငံတော်အာဏာကို ပါတီကို လွှဲခဲ့တာ … အစိုးရကိုပေးတာမှ မဟုတ်ဘဲ … လျှို့ဝှက်ချက် ဘယ်သူမှ မသိသေး

၂၀၁၅ ရွေးကောက်ပွဲအလွန် နီးကပ်လာသော အချိန်ဖြစ်သည့် ယခုလတွင် အာဏာရ ပြည်ခိုင်ဖြိုးပါတီ ထိပ တန်း ဗဟိုကော်မတီဝင်များနှင့် သမ္မတဦးသိန်းစိန်၏ နိုင်ငံရေးအာဏာ ဆက်လက်ဖက်တွယ်ထား လိုသူများ အကြား အပြန်အလှန် သဘောသက်ရောက်သည့် စောင်းပါးရိပ်ခြည်ပြော ဆိုသည်များ တွေ့လာရ သည့်နည်း တူ ဒေါ်အောင်ဆန်းစုကြည် သမ္မတဖြစ်စေနိုင်သည့် ဖွဲ့စည်းပုံအခြေခံဥပဒေပြင်ဆင်ရေး အဓိကလုပ်ပိုင် ခွင့်ရှိသော ပြည်ထောင်စုလွှတ်တော်တွင်လည်း လွှတ်တော်ကိုယ်စားလှယ်ပိုင်းမှ ကြံ့ခိုင်ရေးပါတီတည်ထောင်ခဲ့သူ ဗိုလ်ချုပ်မှူးကြီးသန်းရွှေ၏ နိုင်ငံရေးသြဇာကို တစ်စိတ်တစ်ဒေသ ဖော်ပြလိုက်သည့် ပြောကြားမှုများ ထွက်ပေါ် လာခဲ့သည်။…

ဗိုလ်ချုပ်မှူးကြီးသန်းရွှေ၏ လက်ရုံးတစ်ဆူအဖြစ် စစ်အစိုးရ သက်တမ်းတစ်လျှောက် သြဇာအာဏာကြီးမားခဲ့ သူ အာဏာရပြည်ခိုင် ဖြိုးပါတီဗဟိုအတိုင်ပင်ခံ ဦးအောင်သောင်း က တောင်တွင်းကြီးမြို့နယ်၊ ပြည်ခိုင်ဖြိုး ပါတီ ၀င်များနှင့် ဇွန်လ ၂၀ ရက်နေ့တွေ့ဆုံစဉ်က ““တိုင်းပြည်တည်ဆောက်ရေးနဲ့ပတ်သက် ပြီးအတွေ့အကြုံများတဲ့ သူတွေ များတယ်။ အရည်အချင်းရှိတဲ့ သူတွေများတယ်။ တိုင်းပြည်ကို တည်ဆောက်ရမှာလား၊ ဘယ်လိုလုပ်ရ မှာလဲ၊ ကဏ္ဍအသီးသီးကို ပိုင်နိုင်တဲ့ အတွေ့အကြုံရှိတဲ့သူတွေ အများကြီးရှိတယ်။ ဘယ်သူနဲ့ယှဉ်ယှဉ် သမ္မတ လုပ်မလား ရှိတယ်။ သမ္မတထက်ကြီးတဲ့ ရာထူးလုပ်ဦးမလား၊ လုပ်နိုင်တဲ့သူတွေရှိတယ်။ ၀န်ကြီး အလုပ်လုပ်ဦး မလား၊ လုပ်နိုင်တဲ့သူ ရှိတယ်။ ဌာနတွေကို သွားဦးမလား အကုန်လုပ်နိုင်တယ်။ အရည်အချင်း လုပ်ရည်ကိုင် ရည် ပြည့်ဝသောပါတီဖြစ်တယ်။

ဒီလိုအင်္ဂါရပ်နဲ့ ပြည့်စုံတယ် —– အဲလိုပါတီ မျိုးဖြစ်တယ်။ နောက်ပြည်ခိုင်ဖြိုး ပါတီက ဘယ်သူမှ ကျွန်မခံဘူး။ ဘယ်တိုင်းပြည်၊ ဘယ်အဖွဲ့အစည်းနဲ့မှ ကျွန်လည်းမဟုတ်ဘူး။ အဲဒါလေးသိဖို့လိုတယ်။ ဘယ်သူ့ကိုမှ မမှီခိုဘူး။ အယူဝါဒအရ၊ ငွေကြေး အရ၊ နည်းနာနိဿယျအရ ဟုတ်လား။ အကူအညီတောင်းစရာလည်း မလိုဘူး။ ကျေးဇူးတင်ခံစရာလည်း မလိုဘူး။ ဒီလိုမျိုး ပြည့်စုံတဲ့ ပါတီဖြစ်တယ်။ နောက်ပြီးတော့မှ ဘယ်ဝါဒရဲ့ကျေးကျွန်မှ မဟုတ်ဘူး။ နောက်ပြီးတော့ သူများနိုင်ငံရဲ့ ၀ါဒကျွန်လည်းမဟုတ်ဘူး။ နောက် ကျွန်တော်တို့ပါတီဟာ ဘဏ္ဍာ ငွေလုံလောက်သောပါတီ ဖြစ်တယ်။ ပြည်သူနဲ့ အနှစ်နှစ်ဆယ် လွတ်ခဲ့တယ်ဆိုတာ မရှိဘူး။ ပြည်သူ့အကျိုးကို အဆက်မပြတ်လုပ်နိုင်တာ ဒီတစ်ပါတီပဲရှိတယ်။ ပြည်သူနဲ့အထိ တွေ့ဆုံး၊ ပြည်သူလူထုရဲ့ အကျိုးကို အလုပ် နိုင်ဆုံးပါတီဖြစ်တယ်””ဟု ဦးအောင်သောင်းက ပြောကြားခဲ့ကြောင်း USDP myanmar ၏အင်တာနက် သတင်း၌ ဖော်ပြခဲ့သည်။

ထို့ပြင် သမ္မတဦးသိန်းစိန်၏ နိုင်ငံရေးအာဏာသြဇာ ထိပါးစေသော ပြောဆိုဝေဖန်မှုများအတွက်လည်း သမ္မတ ပြောရေးဆိုခွင့်ရှိသူ ပြန်ကြားရေးဝန်ကြီး ဦးရဲထွဋ်၏ အင်တာနက်ဖေ့စ်ဘုတ်တွင် တရားစွဲ မည်ဖြစ်ကြောင်း စောင်းပါးရိပ် ခြည် တုံ့ပြန်ပြောဆိုမှုများ ရေးသားလာခဲ့သည်။ ထိုကဲ့သို့တုံ့ပြန်မှုသည် မည်သူမည်ဝါကို တိကျစွာ ဖော်ပြထားခြင်း မရှိသည့်အတွက် သမ္မတနှင့် အစိုးရရုံးမှလွဲ၍ ကျန်သည့်နယ်ပယ် အသီးသီးမှ ပုဂိ်္ဂုလ်များကို ခြိမ်းခြောက်ကြိမ်းမောင်းပြောဆိုသည့် သဘောဖြစ်ကြောင်းတွေ့ရသည်။

ထို့ပြင် စစ်ဝါဒီများ မလိုလားသည့် လူထုခေါင်းဆောင် ဒေါ်အောင်ဆန်းစုကြည် နိုင်ငံတော်သမ္မတ တာဝန်ထမ်း ဆောင်ခွင့်ရရန် ပိတ်ပင်ထားသည့် ဖွဲ့စည်းပုံအခြေခံဥပဒေ ပြင်ဆင်ရေး အတွက်လည်း ပြည်ထောင်စု လွှတ် တော်တွင် အချေအတင် ဆွေးနွေးနေကြရာ ဇွန် ၂၄ ရက်၊ ပြည်ထောင်စုလွှတ်တော် အစည်းအဝေး၌ ဖွဲ့စည်း ပုံအခြေခံ ဥပဒေကိုပြင်ဆင်သည့် ဥပဒေမူ ကြမ်းပုဒ်မ ၄၃၆၊ ပုဒ်မခွဲ(က)နှင့် စပ်လျဉ်း၍ ချင်းပြည်နယ် မဲဆန္ဒ နယ်အမှတ်(၁)၊ အမျိုးသားလွှတ် တော်ကိုယ်စားလှယ် ဦးကျွန်ခဲန်းက တပ်မတော်အကြီးအကဲသည် ဗိုလ်ချုပ် မှူးကြီးသန်းရွှေဖြစ်ကြောင်း၊ အရေးကြီးသောပုဒ်မ ၄၃၆(က)ကို ပြင်ဆင်ရန် အခြေခံမူပိုင်ဖြစ်သော ဗိုလ်ချုပ် မှူးကြီးသန်းရွှေထံသွား၍ တင်ပြပြီး နည်းနာခံယူရန်နှင့် ၎င်း၏နှုတ်မိန့်ခံယူပြီးမှ ပြင်ဆင်ရမည် ဟုယုံကြည် ကြောင်း လွှတ်တော်အတွင်းဆွေးနွေးခဲ့ခြင်း၊ ပြည်ခိုင်ဖြိုး ပါတီတွင်း ထိပ်တန်းခေါင်းဆောင်တစ်ဦးဖြစ်သည့် ဗဟိုအတွင်းရေး မှူး သူရဦးအောင်ကိုကလည်း သမ္မတရွေးချယ်တင်မြှောက်ရေးအဖွဲ့၊ တစ်ဖွဲ့စီက ဒုတိယ သမ္မတတစ်ဦးစီကို လွှတ်တော်ကိုယ်စားလှယ်များထဲမှ ဖြစ်စေ၊ လွှတ်တော်ကိုယ်စားလှယ် မဟုတ်သူများထဲ မှဖြစ်စေ ရွေးချယ် တင်မြှောက်ရမည်ဆိုသည့် ပြဋ္ဌာန်းချက်ကိုပယ်ဖျက်သင့်ကြောင်း၊ ပြည်သူက ရွေးကောက် တင်မြှောက် ပြည်ထောင် စုလွှတ်တော် ကိုယ်စားလှယ်များထဲမှသာ သမ္မတ၊ ဒုတိယသမ္မတများကို ရွေးချယ် တာဝန်ပေးအပ် သင့်ကြောင်း ပြည်ထောင်စုလွှတ်တော် ၌ ဆွေးနွေးခဲ့ကြသည်။

မီဒီယာများနှင့် နိုင်ငံရေးစိတ် ၀င်စားသူများအကြား ပွက်လော ရိုက်နေသည့် ဒေါ်အောင်ဆန်းစုကြည် သမ္မတ ဖြစ်ရေးနှင့် သမ္မတဦးသိန်းစိန်ပြောရေးဆိုခွင့်ရှိသူများ ဘက်မှ မောဟကြီးမားစွာ တုံ့ပြန် ပြောဆိုပုံများ သည် ရွေးကောက်ပွဲ နီးလာချိန်တွင် နိုင်ငံရေး အာဏာကို လက်လွတ်ဆုံးရှုံး မခံနိုင်သော၊ ပြည်သူ့ ဆန္ဒကိုကျော ခိုင်းပြီး မိမိတို့အာဏာတည်မြဲရေးနှင့် မိမိတို့နှင့် သဘောထား မတိုက်ဆိုင်သူများကို တိုင်းရင်းသားချင်းပင်ဖြစ်စေ အာ ဏာလက်ကိုင် အနိုင်ကျင့်လိုသော သဘောထားများတွေ့မြင်လာရပြီ ဖြစ်ကြောင်း၊ မြန်မာ့နိုင်ငံရေးသည် စစ်ဝါဒီ ရှိသော ပုဂိ်္ဂုလ်များကြောင့် အရုပ်ဆိုးအကျည်းတန်ရကြောင်း၊ နိုင်ငံတော်ဗဟို သံဃာ့ဝန်ဆောင်အဂ္ဂ မဟာသဒ္ဓမ္မ ဇောတိကဓဇ ဒေါက်တာ ဘဒ္ဒန္တပညာသာမိနှင့် ၀ါရင့်သတင်းစာဆရာများက မြန်မာသံတော် ဆင့်သို့ သုံးသပ်ပြော ဆိုသည်။

သမ္မတဦးသိန်းစိန်အပါအ၀င် ကြံ့ခိုင်ရေးအစိုးရကို ပါတီဦးဆောင်မှုပေးနေရသည့် သဘောထားအမြင်များ အတွက်လည်း ““ ဟုတ်တယ်လေ။ အခုလည်း ဒီအတိုင်းပဲလေ။ ဒီလိုဆိုရင်လိုက်နာမလားလို့ ဆက်မေး လိုက် ပေါ့။ ပြည်ခိုင်ဖြိုးပါတီက အာဏာရပဲ။ နိုင်ငံတော်အလံကို ပါတီကို ပေးထားတာပဲ။ အစိုးရကို ပေးတာမှ မဟုတ်ဘဲ။ အစိုးရကို ရော့ဒါလုပ်ဆိုပြီးတော့ ပါတီကလွှဲထားတာ။ နောက်ဆုံးနယက အစည်းအဝေးမှာ ဗိုလ်ချုပ် မှူးကြီးက နိုင်ငံတော်အာဏာကို ပါတီကိုလွှဲခဲ့တာ””ဟု ဗဟိုအတိုင်ပင်ခံ ဦးအောင်သောင်းက မြန်မာသံတော် ဆင့်နှင့်တွေ့ဆုံစဉ် ပြောကြားခဲ့သည်။ ““န၀တထဲမှာ ကျွန်တော် န၀တ၀န်ကြီးက ကျွန်တော် န၀တအုပ်စု ကပဲ ကျန်ခဲ့တယ်။ ကျန်တာတွေ အားလုံးက နာယကပဲ။ ကျွန်တော်တုိ့ သက်တော်ရှည်မူနဲ့ လုပ်လို့ရ တာပေ့ါ။

ဒီမိုကရေစီကို ဗိုလ်ချုပ်မှူးကြီး သန်းရွှေတို့က အစပျိုးပေးခဲ့တယ်ဆိုတာ မှန်ပါတယ်။ ပြောလို့လည်း ရပါတယ်။ ပြောလို့ရတာက ပြည်သူလူထု အခြေအနေ၊ နိုင်ငံတကာ အခြေအနေကြောင့်ပါ။ အဲဒီအခြေအနေ အရပ်ရပ်အရ နှစ်ကာလကလည်း အထိုက် အလျောက်ကြာလာတော့ ပြောင်း ဖို့ သင့်တယ်ပေ့ါ။ လျှို့ဝှက်ချက်ကတော့ ရှိတယ်။ အဲဒါဒီနေ့ထိ ဘယ်သူမှမသိသေးတဲ့ ကိစ္စ။ ပေါ်လည်းမပေါ်ဘူး။ ကျွန်တော် မနေ့တစ်နေ့ကစဉ်းစားတယ်။ ဒါလေးကိုရေးမယ်လို့ စိတ်ကူးတယ်။

တစ်ခုတော့ရှိတာပေ့ါ။ နောက်နှစ်အနည်းငယ်ကြာတဲ့အခါ ခင်ဗျားနဲ့ ကျွန်တော် အဲဒီကိစ္စကို ဆွေးနွေးမယ်။ အရင် နာယကကချမှတ်ပေး ခဲ့တယ်ဆိုတာ မှန်ပါတယ်။ ဒါစဉ်း စားကြည့်လေ။ ညီလာခံမှာမူကြမ်းတွေဖတ် ကြည့် လိုက်ရင် ဒီမိုကရေစီအကောင် အထည် ဖော်ဖို့သွားမယ်ဆိုတာ၊ ပါတီစုံစနစ်ကို လုပ်မယ်။ လူတိုင်းပါဝင်ခွင့် ရှိရ မယ်။ ဒီမိုကရေစီဖော်ဆောင်သွားမယ်။ ပြည်သူ့ ကိုအခြေပြုရမယ်။ ပြည်သူလူထုအခြေပြုသောစနစ်တွေနဲ့ အုပ်ချုပ်မှုတွေ၊ တရားစီရင်မှုတွေ လုပ်ရမယ်လို့ ပါတယ်။။ အဲဒါတွေ မပါဘဲနဲ့ အခြေခံဥပဒေဘယ်လိုမှ မဖြစ်နိုင် ဘူး။အဲဒါတွေပါလို့ အခြေ ခံဥပဒေ ဒီနေ့ဖော်ဆောင်ခြင်း ဖြစ်တယ်။ ဗိုလ်ချုပ်မှူးကြီးတစ်ယောက် တည်းတော့ မဟုတ်ပါဘူး။ ဒီခေတ် ဒီအခါတော့ ဖြစ်ကိုဖြစ်ရမယ်။ ဘာကြောင့်ဖြစ်ရမယ်ဆိုတာတော့ အသေးစိတ်ရှိတယ်။ ဘယ်သူမှ လည်းမပြော၊ ကျွန်တော်လည်း ပြောလို့မဖြစ်ဘူး””ဟု ဦးအောင်သောင်းက ပြောကြားခဲ့သည်။

ယင်းအခြေအနေများကြောင့် ဒေါ်အောင်ဆန်းစုကြည် သမ္မတဖြစ်ရေးအတွက် ဖွဲ့စည်းပုံအခြေခံ ဥပဒေပြင်ဆင် နိုင်ရန်မှာ လက်ရှိ ပြည်ခိုင်ဖြိုးပါတီ ဗဟိုအတိုင်ပင်ခံများ လက်ဝယ်ရှိနေသော နိုင်ငံရေးအာဏာကို ထုတ်သုံးမှ သာ ဖြစ်နိုင်ကြောင်း တွေ့ရှိရပေသည်။ လွှတ်တော်ကိုယ်စား လှယ် ဆွေးနွေးသကဲ့သို့ ဗိုလ်ချုပ်မှူးကြီး သန်းရွှေ ပါဝင်၍လည်း နိုင်ငံရေးကိစ္စဆောင်ရွက် နိုင်မည်မဟုတ်တော့ဘဲ အမှန်တကယ်အာဏာ ရှိနေ သည့် ပြည်ခိုင် ဖြိုးပါတီဘက်မှ အမှန်တကယ်မလှုပ်ရှားသရွေ့ ယနေ့မြန်မာ့နိုင်ငံရေး အပြောင်းအလဲသည် ခက်ခဲနေမည် သာ ဖြစ်ကြောင်း သုံးသပ်ရပေသည်။

ဗိုလ်ချုပ်မှူးကြီးသန်းရွှေသည် ၎င်း၏ ဘ၀နောက်ဆုံးအချိန်များကို ယုံကြည်စိတ်ချရသော ၀ါရင့်နိုင်ငံရေးသမား တပည့်ကျော်များနှင့် ခိုင်မာသောဖွဲ့စည်းပုံအခြေခံ ဥပဒေကိုချမှတ်ထားပြီး စိတ်ချလက်ချ အနားယူ လျက် နိုင်ငံ ရေးသြဇာ ထူထောင်ထားပြီးဖြစ်ကြောင်း လည်း သေချာစွာလေ့ လာကြည့် လျှင် တွေ့ နိုင်မည်ဖြစ်ပေ သည်။ ပြည် ထောင်စု အစိုးရအဖွဲ့ဝင်များကို လိုအပ်ပါက ခေါ်ယူ၍ လမ်းညွှန် တာဝန်ပေးနိုင်ကြောင်း ပြောကြား ခဲ့သည့် ပြည်ခိုင်ဖြိုးပါတီဗဟိုအတိုင်ပင်ခံ အမျိုးသားလွှတ်တော်ဥက္ကဋ္ဌ ဦးခင်အောင်မြင့်ကို မြန်မာသံတော် ဆင့်နှင့်တွေ့ ဆုံစဉ် က ယင်းကိစ္စရပ်များ ထည့် သွင်းမေးမြန်းခဲ့ရာ-

““ဗိုလ်ချုပ်မှူးကြီးကလည်း ဒါ နဲ့ပတ်သက်ပြီးတော့ ဘယ်လောက် ကြာရှည်နားမယ်ဆိုတာမျိုးလည်း မရှိပါဘူး။ သူက အလွန်စိတ်ပြတ်တယ်။ လွှဲသွားတဲ့အခါမှာ နယက ကိုဖျက်သိမ်းလိုက်ပြီဆိုတာ အဘ ကြေညာရတာ။ ပြည်ထောင်စု လွှတ်တော်မှာ အဘကြေညာရတာ။ (ဗိုလ်ချုပ်မှူးကြီးသန်းရွှေ) မလာဘူး။ လုံးဝပြတ်သွားတာ။ စိတ်ကို ပြတ်သွားတာ။ ငါလုပ်ပေးခဲ့ပြီ။ အခု ဖြစ်နေတဲ့ ဒီမိုကရေစီက အဲဒီ ၂၀၀၈ ဖွဲ့စည်းပုံအခြေခံဥပဒေက ပေးတဲ့ အခွင့်အရေးတွေပဲ။ အဲဒီမှာ မပေးခဲ့ရင် ဘာမှလုပ်လို့မရဘူး”” ဟူ၍ လည်းကောင်း၊

ဖွဲ့စည်းပုံအခြေခံဥပဒေအရ ဒေါ်အောင်ဆန်းစုကြည် သမ္မတဖြစ်စေ၊ ဦးသိန်းစိန်သမ္မတဖြစ်စေ လုပ်ပိုင်ခွင့်မှာ အပြည့်အ၀မရှိဘဲ အများထိန်းညှိ၍ ဒီမိုကရေစီနည်း လမ်းကျကျသာ လုပ်ဆောင်၍ရကြောင်း –

““ဒီလိုခေတ်မျိုး သမ္မတ ဘာလို့လုပ်ရမလဲ။ သမ္မတလုပ်ရင် ငရဲကျမှာပေါ့။ လောဘတွေ၊ ဒေါသတွေ၊ မောဟ တွေ —”” ဟူ၍ လည်းကောင်း၊

ဖွဲ့စည်းပုံအခြေခံဥပဒေပြင်ဆင်ရေးနှင့် ပြည်သူလူထုသည်းသည်း လှုပ်ဖြစ်နေသော ဒေါ်အောင်ဆန်းစုကြည် အတွက် နိုင်ငံရေးနေရာစဉ်း စားမှုအခြေအနေများကိုလည်း –

““၄၃၆ကတော့ တိုင်းရင်းသားအရေးနဲ့ ပတ်သက်ပြီး ဒီအတွက်ပဲ အဘတို့စဉ်းစားတယ်။ တိုင်းရင်း သားအရေးနဲ့ ပတ်သက်ပြီး တိုင်းရင်းသားတွေရဲ့တောင်းဆိုချက်တွေ ဘာတွေပါလာမလဲ။ ပါလာတဲ့ အပေါ်မူတည်ပြီးတော့ စဉ်းစားမယ်။ စဉ်းစားတယ်ဆိုတာက ပရမ်းပတာကြီးပြင်ဖို့ မဟုတ်ဘူး။ ပြင်သင့်တဲ့ အတိုင်းအတာပေါ့။ ၅၉(စ) လည်း ပြည်သူလူထုက တကယ်လိုလားတယ်ဆိုရင် ပြင်သင့်တဲ့ အတိုင်းအတာတော့ ပြင်ရမယ်။ ဒေါ်အောင် ဆန်းစုကြည်အတွက်ပဲဆိုရင် တချို့လည်း ပြောနေကြတယ်။ သူလွန်သွားရင် ဘယ်လိုလုပ်မလဲ။ တိုင်းပြည် အတွက် စဉ်းစားတယ်ဆိုတာ လူတစ်ဦးတစ်ယောက်ရဲ့ သက်တမ်းတစ်ခုတည်း အတွက် စဉ်းစားလို့မရဘူး။ ဒါ အဘတစ်ဦးတည်းရဲ့ခံယူချက်ပေါ့။ ပြင်သင့်ပြင်ထိုက်တာကိုတော့ ပြင်ရမှာပဲ။ သူ(ဒေါ်အောင်ဆန်းစုကြည်) လည်း လူတော်တစ်ယောက်ပဲ။ image လည်း ကောင်းတယ်။ ပါသင့်တယ်။ အားလုံးပါသင့်တယ် လို့ထင် တယ်။ မပါလို့ လည်းမဖြစ်ဘူး။ ဒီနိုင်ငံမှာ အကုန်ပါမှရမယ်။ မပါသမျှကတော့ ခုနပြောသလို ငြိမ်သက်မှာ မဟုတ်ဘူး။ ညင်သာ ချောမွေ့မှာမဟုတ်ဘူး။ အကုန်ပါပြီးတော့ အကုန်လုံးညီညီညွတ်ညွတ်နဲ့ ဖြစ်စေချင် တယ်။

လွှတ်တော်ဥက္ကဋ္ဌကတော့ သူ (ဒေါ်အောင်ဆန်းစုကြည်) ရွေးထားလား၊ မရွေးထားလား မသိဘူး ပေါ့နော်။ အခုအချိန်အထိ ၅၉(စ) မပြင်ရင်တော့ သူမရနိုင်သေးဘူးပေါ့။ ၅၉(စ)ပြင်သင့်ပါတယ်။ မေးတဲ့အခါမှာ ပြင် သင့်တယ်။ ဘယ်လောက် အတိုင်းအတာအထိ ပြင် ဖို့တော့မပြောလိုဘူး။ ဒါက အများဆုံးဖြတ်မယ်။ ဒါပေမဲ့ ၇၅ ရာခိုင်နှုန်းကျော်ဆိုတာကြီးကတော့ ကျွန်တော်မကြိုက်ဘူးလို့ အဘကတော့ ဒီလိုပဲပြောလိုက်တယ်။ မကြိုက် ဘူး။ ၅၉(စ)လည်း သားသမီးအထိ ထားရင်တော့တစ်မျိုးပေါ့။ ချွေးမရော၊ သမက်ရောဆိုတော့ ဘယ် ကြိုက်မ လဲ။ ဒီလောက်ကြီးကတော့ လွန်တယ်။ မဖြစ်သင့်၊ မဖြစ်ထိုက်ဘူး။ ဖြစ်သင့်ဖြစ်ထိုက်တဲ့ အတိုင်း ဥပဒေပြင်ဖို့ ဆုံးဖြတ်ရတာပေါ့။ ဒါကတော့ မတတ်နိုင်ဘူး ကြုံလာတော့လည်း တိုင်းပြည်ကံကြမ္မာပေါ့။ လုပ်တတ်လို့ရှိရင် လုပ်ပေါ့၊ မလုပ်တတ်လို့ရှိရင်နေပေါ့။ သူကလည်း ပြန်ပြီးတော့ ဒီလူတွေကို ပြန်သုံးမယ်ဆိုရင်လည်း သုံးပေါ့။ သူ့အောက်မှာသုံးရင်လည်းသုံးပေါ့။ တစ်ခုရှိတာက သူက ခေါင်းမာတယ်။ သူကိုယ်တိုင်ကလည်းပြော တယ်။ ကျွန်မက ခေါင်းမာတယ် ဦးခင်အောင်မြင့်ရဲ့တဲ့။ အဲဒီတစ်ခုပဲ အားနည်းချက်က အဲဒါပဲ။ သူများ ပြောလို့မရဘူး။ အဘကတော့ ပြောစရာရှိလည်းပြောတယ်။ အဘပုံစံ အတိုင်းပဲပြောတယ်။ အဘကို ပြောလည်း လက်ခံတယ်။ နည်း နည်း သူ့ပါတီကလည်း ပြောလို့မရ ဘူး။အဲလိုဖြစ်နေတယ်။ အဲဒီတစ်ခုပဲ။ နောက်တစ်ခုက သူကလည်း သူ့ရဲ့ Imgae ကို ယုံကြည်ပုံရတယ်လေ။ icon ကို ယုံကြည်ပုံရတဲ့အခါ ကျတော့ ပရိယာယ်သိပ်မသုံးဘူး ပေါ့”” ဟူ၍ ဗိုလ်ချုပ်မှူးကြီးသန်းရွှေ၏ အဓိကလက်ရုံးကြီးဟု နိုင်ငံရေးနယ်ပယ်တွင် လူသိများသော ဥက္ကဋ္ဌ ဦးခင်အောင်မြင့်က မြန်မာသံတော်ဆင့်သို့ ထုတ်ဖော်ပြောကြားခဲ့သည်။

ဦးသိန်းစိန်အပါအ၀င် သမ္မတဖြစ်လိုသူများအတွက် လည်း ရွေးကောက်ပွဲအောင်နိုင်ရေးသာ ရိုးရိုးသားသားဝင် ရောက် ယှဉ်ပြိုင်ရန်သာ အရေးကြီးကြောင်း –

““အခုဟာက ဒီမိုကရေစီစနစ်အရ ရွေးကောက်ပွဲနိုင်မှလေ။ ဗြိတိန်ကအဖွဲ့တွေ ပါလီမန်ဥက္ကဋ္ဌတို့လာတယ်။ သူတို့မေးတယ်။ ရွေးကောက်ပွဲနိုင်ရင် ဘာလုပ်မလဲ။ လွှတ်တော်ကိုယ်စားလှယ်လုပ်မယ်။ ခင်ဗျား ဥက္ကဋ္ဌ မလုပ်တော့ဘူးလားတဲ့။ ဥက္ကဋ္ဌ ကျွန်တော် လုပ်ချင်တိုင်းလုပ်လို့မှ မရဘဲလို့။ ရွေးကောက်တင် မြှောက်ခြင်းခံရ ရင် မလွှဲသာရင် လုပ်ရင်လုပ်မှာပေါ့။ လွှဲသာရင်တော့လည်း လွှတ်တော်ကိုယ်စားလှယ် ကပိုကောင်းမယ်ထင် တယ်။ ဥက္ကဋ္ဌက ဘာမှလည်းပြောလို့မရ၊ ဆိုလို့ မရ၊ အဆိုလည်းတင်လို့မရ၊ ဆွေးနွေးလို့လည်း မရဘူးလေ။ သူက In Proper Order ဖြစ်အောင် ထိန်း ရတော့မယ်။ ဥပဒေ၊ နည်းဥပဒေနဲ့ ထိန်းရတော့မယ်။ သမ္ဘာနဲ့ ထိန်း ရမယ်၊ ၀ါနဲ့ထိန်းရမယ်။ ကိုယ်က ပြောချင်တယ်။ မျိုချလိုက်ရတယ်။ ဒီလွှတ်တော်က ငါ့လွှတ်တော် မဟုတ်ဘူး ဆိုတဲ့စိတ်ကိုမွေးတယ်။ အဲဒါလည်း တချို့မှားတာရှိတယ်။ တချို့က ကိုယ့်ကိုယ်ကိုယ် ငါ့လွှတ်တော်လုပ်တာ ရှိတယ်။ ကော်မတီကို ဟိုဟာလုပ်လိုက်၊ ဒီဟာ လုပ်လိုက်။ ငါလုံးဝမပြောဘူး၊ မေးကြည့်ပါလား ငါ့ကော်မတီ တွေကို။ ကိုယ့်ဟာနဲ့ကိုယ်လုပ်။ In Proper Order ဖြစ်အောင်ပဲထိန်းပေးတယ်။

အဘက စာဖတ်တာလောက်ပဲ စိတ်ဝင်စားတာကိုး။ ကျန်တာက အင်တာနက်လည်း မကြည့်၊ ဖေ့စ် ဘုတ်လည်း မကြည့်။ ပါတီထဲမှာ ဆွေးနွေးရင်တော့လည်း စည်းရုံးရေးပုံစံ၊ စည်းရုံးရေးနည်းလမ်းလေး တွေတော့ဆွေးနွေး တယ်။ ကျန်တဲ့ သတင်းတွေဘာတွေတော့ မသိတဲ့ အခါကျတော့ မပြောနိုင်ဘူးပေါ့။ ရွေးကောက်ပွဲက တအား အရေးကြီးတယ်။ လုပ်နည်းလုပ်ဟန်တွေ တအားအရေးကြီးတယ်””ဟူ၍ ဥက္ကဋ္ဌ ဦးခင်အောင်မြင့်က မြန်မာ သံတော်ဆင့်သို့ ပြောကြားခဲ့သည်။

ယင်းအခြေအနေများကြောင့် စစ်အုပ်စုဝင်များဖြင့် ရပ်တည်နေသော ပြည်ခိုင်ဖြိုးပါတီသည် ပြည်သူလူထု သည်း သည်းလှုပ်ဖြစ်နေသော ဒေါ်အောင်ဆန်းစုကြည် သမ္မတဖြစ်နိုင်ရေးအတွက် ဖွဲ့စည်းပုံအခြေခံဥပဒေ တစ်စိတ် တစ်ဒေသကို ပြင် လိုက်ခြင်းဖြင့် ရွေးကောက်ပွဲ နီးကပ်ချိန်တွင် လူထုထောက်ခံမှု ပြန်လည်ရရှိမည်ဖြစ်ပြီး အများ ယူဆသလို နိုင်ငံတော်အာဏာအလုံးစုံသည် သမ္မတထံတွင်မရှိ၍ ထိုကဲ့သို့ အခြေခံဥပဒေကို အဓိကပြုပြင် နိုင်သည့်နိုင်ငံရေး အာဏာ ပြည်ခိုင်ဖြိုးပါတီဗဟိုမှ သုံးစွဲမည်ကိုလည်း ကြိုတင်အကွက်ချ ထားခဲ့ပြီး နိုင်ငံရေး သြဇာ ကြီးလျက်ရှိနေသော ဗိုလ်ချုပ်မှူးကြီးသန်းရွှေ စိတ်ချလက်ချလျစ်လျူရှုနေကာ နိုင်ငံရေး စွက်ဖက်မှု တစ်စုံတစ်ရာပြုမည် မဟုတ်ကြောင်း တွေ့ရှိသုံးသပ်ရပေသည်။

MH-0011

မြန်မာသံတော်ဆင့်သတင်းဌာန – https://www.facebook.com/myanmarherald