01/04/15

ဖမ်းဆီးခံနိုင်ငံရေးအကျဉ်းသားများ လွတ်မြောက်ရေးအတွက်ဖယောင်းတိုင်ထွန်း၍ဆုတောင်းပွဲကျင်းပ

၎-၁-၂၀၁၅ ညနေ ၅း၂၀

မန္တလေးရှိ တော်ဝင်နှင်းဆီ ပုဂ္ဂလိကဆေးရုံတွင် ကျွမ်းကျင်လက်မှတ်မရှိဘဲ ဆေးကုသခြင်း၊ လက်ကမ်းစာစောင်များ ဖြန့်ဝေရာတွင် ညစ်ညမ်းစာများ၊ ညစ်ညမ်းပုံများအသုံးပြ ကြော်ငြာနေခြင်းတို့ကြောင့် ဆေးရုံပိုင်ရှင်နှင့် ဗီဇာသက်တမ်းကုန်ဆုံးနေသည့် တရုတ်နိုင်ငံသား ခြောက်ဦးကို ချမ်းအေးသာစံမြို့နယ်ရဲစခန်းတွင် အမှုဖွင့်ထားကြောင်း သိရသည်။

ညစ်ညမ်းစာနှင့် ညစ်ညမ်းပုံများ ဖြန့်ဝေမှုကြောင့် တော်ဝင်နှင်းဆီဆေး ရုံပိုင်ရှင် ဒေါ်နန်းလှစိန် (အုပ်ချုပ်မှုဒါရိုက်တာ)နှင့် ဆေးရုံသုံးလွှာတွင် ဖွင့်လှစ်ထားသော Health News အထူးကုဌာနမှ လုပ်ငန်းရှင် Mr. Cia Guosen၊ တာဝန်ခံမန်နေဂျာ Mr.Lin Jianguo တို့အား ပြစ်မှုပုဒ်မ ၂၉၂(က)ဖြင့် အမှုဖွင့်ထားကြောင်း သိရသည်။

ထို့အပြင် အဆိုပါဌာနတွင် အလုပ်လုပ်ကိုင်နေသော တရုတ်နိုင်ငံသားများဖြစ်သည့် လုပ်ငန်းရှင် Mr.Cia Guosen၊ တာဝန်ခံမန်နေဂျာ Mr.Lin Jianguo တို့အပါအဝင် ဆရာဝန်၊ သူနာပြုခြောက်ဦးကို တည်းခိုသည့်နေရာတွင် ရောက်ရှိနေထိုင်ကြောင်း သက်ဆိုင်ရာ မြို့နယ် လဝကရုံးသို့ အကြောင်းကြားခဲ့ခြင်းမရှိသဖြင့် လဝကအက်ဥပဒေ ပုဒ်မ ၅(၁) အရလည်းကောင်း၊ နေအိမ်တွင် နေထိုင်ခွင့် ခွင့်ပြုမိန့်မရရှိဘဲ နေထိုင်ခြင်းတို့ကြောင့် လဝကအက်ဥပဒေ ပုဒ်မ ၁၃(၁) အရလည်းကောင်း အမှုဖွင့်ထားကြောင်း သိရှိရသည်။

“ဆေးရုံမှာဖွင့်ထားတဲ့ Health News အထူးကုဌာနကို ဝင်ရောက်စစ်ဆေးတဲ့အခါ အမျိုးသမီးအင်္ဂါ ပြုပြင်ပြောင်းလဲဖို့နဲ့ ပတ်သက်တဲ့ ကြော်ငြာတွေမှာ ညစ်ညမ်းတဲ့စာတွေ၊ ညစ်ညမ်းတဲ့ပုံတွေကို အသုံးပြုနေတယ်။ ပြီးတော့ သူတို့မှာလည်း ကျွမ်းကျင်လက်မှတ် မရှိဘူး။ နောက် သူတို့တွေရဲ့ ဗီဇာသက်တမ်းဟာလည်း ၂ဝ၁၄ ခုနှစ် နိုဝင်ဘာကတည်းက သက်တမ်းကုန်နေတာတွေကို စစ်ဆေးတွေ့ရှိရလို့ အမှုဖွင့်ထားတာပါ” ဟု မန္တလေးခရိုင် ဒုရဲမှူးကြီး စိန်ထွန်းက ပြောကြားသည်။

အဆိုပါ တရုတ်နိုင်ငံသားများမှာ စီးပွားရေးလုပ်ငန်းဗီဇာ Visa EV(B) ဖြင့် လာရောက်နေထိုင်ခဲ့ခြင်းဖြစ်ပြီး ဗီဇာသက်တမ်းကုန်ဆုံးပြီးနောက် ခရီးသွားကုမ္ပဏီသုံးခုနှင့် ပူးပေါင်းလေ့လာရန် ရောက်ရှိလာသူများဟု လိမ်လည်ကာ ဟိုတယ်နှင့် ခရီးသွားဝန်ကြီးဌာနသို့ နေထိုင်ခွင့်သက်တမ်းတိုးရန် လျှောက်ထားခဲ့ခြင်းဖြစ်ပြီး လက်ရှိတွင် အဆိုပါတရုတ်နိုင်ငံသားများမှာ ထွက်ပြေးတိမ်းရှောင်လျက်ရှိကြောင်း သိရသည်။

အဆိုပါကိစ္စကို တော်ဝင်နှင်းဆီဆေးရုံသို့ သွားရောက်မေးမြန်းခဲ့သော်လည်း တာဝန်ရှိသူများနှင့် တွေ့ဆုံမေးမြန်းခွင့် မရရှိခဲ့ပေ။ -

Eleven media group

တင့်ကားတွေ၊ ဂျက်လေယဉ်ပျံတွေသုံးစွဲပြီးကျင်းပခဲ့တဲ့ နေပြည်တော် ဗိုလ်ရှုသဘင် အခမ်းအနားကို မတက်ရောက်ခဲ့တဲ့ ဒေါ်အောင်ဆန်းစုကြည်ဟာ ယနေ့နေ့လည် ၁ နာရီမှာတော့ ၆၇ နှစ်မြောက် လွတ်လပ်ရေးအတွက် အမျိုးသားဒီမိုကရေစီအဖွဲ.ချုပ်က ပြုလုပ်တဲ့ အခမ်းအနားကိုတော့ တက်ရောက်မိန့်ခွန်းပြောကြားခဲ့ပါတယ်။ ဒေါ်အောင်ဆန်းစုကြည်က မျက်မှောက်မြန်မာပြည်၏ အခြေအနေအရပ်ရပ်သည် ကျေနပ်အားရစရာမရှိကြောင်း၊ ထို့ကြောင့် အားလုံးကြိုးစားပြီး တိုင်းပြည်၏အခြေအနေကို မြှင့်တင့်ရန်ကြိုးပမ်းရမည်ဖြစ်ကြောင်းနှင့် ယခင်က မြန်မာပြည်တွင်ရှိခဲ့သော တန်ဖိုးများ၊ အရည်အချင်းများကို ပြန်လည်ရယူရန် ကြိုးပမ်းအားထုတ်ရမည်ဖြစ်ကြောင်း ပြောကြားခဲ့သည်။

(ဓာတ်ပုံ။ ငြိမ်းချမ်း/Yangon Globe)


လက်ပံတောင်းကျိန်စာ
-------------------------
လက်ပံတောင်း
အသက်ပေါင်းများစွာစတေး
သွေးနဲ့မော်ကွန်းတင်
ရာဇဝင်သမိုင်းအသစ်
အရိုင်းတစ်ခေတ်ကိုကဗျည်းထိုးပြီ။

ဒါဒို့ရေ ဒါဒို့မြေ
ငါတို့တတွေပိုင်တဲ့တောင်တွေကိုဖျက်
လယ်ကွက်မြေကွက်အဓမ္မလု
မမျှမတတဲ့ လူ့အခွင့်အရေး
အသက်ကိုပါပေးရတဲ့အဖြစ်
လက်ပံတောင်းတောင်စစ်တလင်း
သွေးချင်းချင်းနီ
ပြည်သူကိုသတ်တဲ့ကျည်ဆံ
သမိုင်းကိုမှန်ပြီးကျန်ခဲ့။

တောပျောက်တောင်ပျောက်
လယ်ပျောက်ယာပျောက်
ရွာပျောက်လူပျောက်
ဖျောက်ချင်တာဖျောက်
ပျောက်ချင်တာပျောက်
ဖျောက်တိုင်းမပျက်
ဖျက်တိုင်းမစင်
ရာဇဝင်ရိုင်း
သွေးသမိုင်းကို
ပြည်သူတွေ တွေးတိုင်းတွေးတိုင်း
နာကျည်းစေ။

မောင်စိန်ဝင်း ( ပုတီးကုန်း )
၂၃ -၁၂ -၂၀၁၄

ဖဆပလ ပါလီမန် ဒီမိုကရေစီ ခေတ် တုန်း ကလည်း ဗိုလ်ရှုခံပွဲ ကျင်းပ ခဲ့ကြပါတယ်။
ဒီကနေ့ ဇန်နဝါရီလ ၄ ရက် ၆၇ ကြိမ်မြောက် လွတ်လပ်ရေးနေ့ နေပြည်တော် မှာ ကျင်းပမယ့် ဗိုလ်ရှု့ခံ သဘင် ဆိုတာ စစ်တပ် အင်အားကို ပြတဲ့ အခမ်းအနား ဖြစ်တယ် လို့ ဝါရင့် နိုင်ငံရေးသမား သခင်ချန်ထွန်း က ပြောပါတယ်။

ပါလီမန် အစိုးရ ခေတ် ဖဆပလ အစိုးရ လက်ထက် တုန်းက အလားတူ ဗိုလ်ရှုခံ ပွဲကို ရန်ကုန်မြို့ ပြည်လမ်း တလျှောက် ကျင်းပခဲ့ကြ ပေမယ့် ကုန်ကျစားရိတ် ကြီးကြီးမားမား မသုံးစွဲပဲ တပ်မတော် အပါအဝင် ဖဆပလ ရဲ့ အလုပ်သမား လယ်သမား အစည်းရုံးတွေ နဲ့ အတူ မြို့ခံ တွေလည်း ကိုယ့် အစီစဉ်နဲ့ကိုယ် ပါဝင် ချီတက်ခဲ့ ကြတယ် လို့လည်း ပါလီမန် အတွင်းဝန် တစ်ဦး ဖြစ်ခဲ့တဲ့ ဦးချန်ထွန်း က ဆိုပါတယ်။

ပါလီမန်ခေတ် ဂုဏ်ထူးဆောင် ရာထူးဖြစ် တဲ့ သမ္မတကို ချီတက် အလေးပြုကြ တဲ့ ဗိုလ်ရှုခံ အခမ်းအနား ဟာ ၆၂ စစ်အာဏာသိမ်းပြီး နောက်ပိုင်းမှာ ဆက်လက် ကျင်းပခဲ့ခြင်း မရှိပဲ ဒီနှစ်မှာ မှ ပြန်လည် ကျင်းပ လာတာ ဖြစ်ပါတယ်။

အခုလို စစ်အင်အား ပြခြင်း မျိုးနဲ့တော့ ပြည်သူတွေ ရဲ့ တပ်မတော် အပေါ် သဘောထား ဟာ ထူးထူး ခြားခြား ပြောင်းလဲ သွားမှာ မဟုတ်ပဲ လွတ်လပ်စွာ ရွေးကောက် တင်မြှောက် ထားတဲ့ အစိုးရ ပေါ်ပေါက် လာဖို့သာ ပြည်သူ အများက လိုချင်တာ ဖြစ်တယ် လို့ ဦးချန်ထွန်း က မှတ်ချက် ချခဲ့ပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2015/01/150103_independenceday_parade_naypyidaw


လက်ပံတောင်းဒေသခံတွေဆီသွားရောက်တွေ့ဆုံခဲ့တဲ့ မြန်မာနိုင်ငံ ရှေ့နေများကွန်ယက်အဖွဲ့ဝင်များ။ (ဓာတ်ပုံ-နေသီဟ)
မကြာသေးခင်ကဖြစ်ခဲ့တဲ့ပဋိပက္ခတွေအတွင်း အာဏာပိုင်တွေဘက်က ပစ်ခတ်နှိမ်နင်းမှုကြောင့် သေဆုံးဒဏ်ရာရခဲ့သူတွေအတွက် သက်ဆိုင်ရာမိသားစုတွေကနေ ဆားလင်းကြီးမြို့နယ်ရဲစခန်းမှာ မနေ့ကစတင်အမှုဖွင့်လိုက်ပါတယ်။ သေနတ်ဒဏ်ရာနဲ့သေဆုံးရသူ ဒေါ်ခင်ဝင်းအပါအဝင် ထိခိုက်ဒဏ်ရာရသူ ၁၀ ဦးအတွက် မြန်မာ-ဝမ်ပေါင်ကုမ္ပဏီ၊ မြန်မာ့စီးပွားရေးဦးပိုင် လိမိတက်နဲ့ တာဝန်ရှိသူ ရဲဝန်ထမ်းတွေ သက်ဆိုင်ရာ မိသားစုဝင်တွေကနေ မြန်မာနိုင်ငံ ရှေ့နေများကွန်ယက်နဲ့ပေါင်းပြီး စနေနေ့က ဆားလင်းကြီးမြို့နယ်ရဲစခန်းမှာ အမှုဖွင့်ခဲ့တာဖြစ်ပါတယ်။ အပြည့်အစုံကို ဆက်သွယ်စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

စစ်ကိုင်းတိုင်း၊ ယင်းမာပင်ခရိုင်၊ ဆားလင်းကြီးမြို့နယ်ထဲမှာ အကောင်အထည်ဖော်နေတဲ့ ကြေးနီစီမံကိန်းကို ကန့်ကွက်ဆန္ဒပြရင်း ၂၀၁၅ ခုနှစ် ဒီဇင်ဘာလ ၂၂ ရက်နေ့မှာ တောင်သူ ဒေါ်ခင်ဝင်း သေနတ်ဒဏ်ရာနဲ့ သေဆုံးခဲ့ရတာပါ။ ဒါကြောင့် ကွယ်လွန်သူ ဒေါ်ခင်ဝင်းနဲ့ သေနတ်ဒဏ်ရာ ရခဲ့တဲ့ မိုးကြိုးပြင်ရွာက တောင်သူ ၁၀ ဦးတို့အတွက် တာဝန်ရှိသူတွေကို အမှုဖွင့်တိုင်ကြားခဲ့ကြောင်း မြန်မာနိုင်ငံ ရှေ့နေများကွန်ယက်က တရားလွှတ်တော်ရှေ့နေ ဦးအောင်သိန်းက ဆိုပါတယ်။

“သေမှုသေခင်းဖွင့်တယ်ဆိုတာက ကျနော်တို့က တရားခံတန်းမသိတဲ့အနေအထားတွေမှာ ရဲစခန်းတွေက အဲဒါမျိုးကို အမှုဖွင့်ပြီးလုပ်ပိုင်ခွင့်ရှိတယ်။ ဘယ်သူပစ်လဲဆိုတာလည်း သိနေပါလျှက်နဲ့ ကျနော်တို့က သိတဲ့လူတွေကို တရားခံအဖြစ် ထစွဲပြီးတော့ စွဲတာပေါ့နော်။ မြန်မာ့စီးပွားရေးဦးပိုင် လိမိတက်နဲ့ တရုတ်ဝမ်ပေါင်ကုမ္ပဏီတို့အတွက် ကြီးကြပ်သူအရာရှိများနဲ့ လုံခြုံရေးတာဝန်ရှိသူများရဲ့ပစ်ခတ်မှုကြောင့် ထိခိုက်သေဆုံးသူတို့အတွက် အမှုဖွင့် အရေး ယူပေးဖို့ တိုင်ကြားတာပါပဲ။ ဆားလင်းကြီးမြို့မရဲစခန်းမှာ သွားအမှုဖွင့်တာပေါ့။ ဖွင့်တဲ့အခါမှာ အဲဒီဒေါ်ခင်ဝင်းက သေဆုံးတယ်၊ ထိခိုက်ဒဏ်ရာရသူက ဆယ်ဦးလောက်ရှိတယ်ပေါ့နော်။ အဲဒီလို သေဆုံးမှုနဲ့ ထိခိုက်ဒဏ်ရာရမှုဖြစ်အောင် တာဝန်ရှိတဲ့တရားခံတွေကတော့ မြန်မာ့စီးပွားရေးဦးပိုင်ကုမ္ပဏီနဲ့ ကုမ္ပဏီက တာဝန်ရှိတဲ့ဦးလှထိန်တို့၊ နောက် တရုတ်ဝမ်ပေါင်ကုမ္ပဏီက ထျန်းရီနဲ့ လောဆုံတို့၊ နောက် စစ်ကိုင်းတိုင်းရဲမှူးကြီး ဦးနေထွန်းတို့၊ ယင်းမာပင် ခရိုင် ရဲတပ်ဖွဲ့မှူး ဦးတင်မိုးတို့၊ ဆားလင်းကြီးမြို့နယ် ရဲတပ်ဖွဲ့မှူး ဦးအောင်ကျော်၊ နယ်စပ်ရေးရာနဲ့ လုံခြုံရေးရာဝန်ကြီး ဗိုလ်မှူးကြီးကြည်နိုင်တို့ဟာ ကြီးကြပ် ကွပ်ကဲပြီး အမိန့်ပေးမှုတို့ကြောင့် အခုလို လုံခြုံရေးတပ်ဖွဲ့ဝင်များက ပစ်ခတ်တာ သိရှိရတယ်ဆိုပြီး ကျနော်တို့ သွားရောက်ပြီး အမှုဖွင့်တဲ့ကိစ္စပါ။ စခမ်းမှူးကတော့ လောလောဆယ်အမှုကို သူလက်ခံထားလိုက်ပါ့မယ်၊ ပ-နံပါတ်တော့ မပေးသေးပါဘူး။ အထက်ကိုတင်ပြပြီးတော့မှ သူအဖြေပေးနိုင်မယ်လို့ ကျနော်တို့ကို ပြောလိုက်တယ်ပေါ့နော်။”

ဒီအမှုနဲ့ပတ်သက်လို့ ရှေ့နေများကွန်ယက်က လိုက်ပါ ဆောင်ရွက်ပေးမယ်လို့ ဆိုပါတယ်။ မြန်မာနိုင်ငံ ရှေ့နေများကွန်ယက်က ရှေ့နေတွေဟာ ဇန်နဝါရီလ ၃ ရက်နေ့က လက်ပံတောင်းတောင်က မိုးကြိုးပြင်ရွာနဲ့ ဆည်တဲရွာတွေကို သွားရောက်ခဲ့ပြီး ပစ်ခတ်မှုအတွင်း ဒဏ်ရာရသူတွေကို စုံစမ်းမေးမြန်းခဲ့ပြီး အမှုဖွင့်ပေးခဲ့တာဖြစ်ပါတယ်။ ဆည်တဲရွာဘက်မှာလည်း သေနတ်ဒဏ်ရာရသူတွေ ၁၉ ဦးခန့်ရှိတယ်လို့ တရားလွှတ်တော်ရှေ့နေ ဦးအောင်သိန်းက ပြောပါတယ်။

“ဆည်တဲရွာဘက်ကိုရောက်တဲ့အခါ ဆည်တဲရွာမှာလည်း ထိခိုက်ဒဏ်ရာရသူပေါ့ဗျာ၊ ပြင်းထန်တာက ၁၉ ယောက်လောက်တောင် ရှိတယ်ဗျ။ ဒါပေမယ့် သူတို့က ရဲစခန်းကို အရင်ကလည်း အမှုဖွင့်တယ်။ ရဲစခန်းက ဖွင့်တဲ့သူကိုပါ ပြန်ဖမ်းတာ၊ ဆီးတာလုပ်ခဲ့ဖူးတဲ့ အတွေ့အကြံရှိလို့ အမှုသွားမဖွင့်တော့ဘဲ သူတို့ဟာသူတို့ ဆေးမြီးတိုတွေနဲ့ သူတို့က ကုနေတယ်။”

ခြံစည်းရိုးကာရံတာကို ဖျက်ဆီးမှုအပါအဝင် တခြားအမှုတွေနဲ့ တောင်သူတွေကို မြန်မာ-ဝမ်ပေါင်နဲ့ မြန်မာ့စီးပွားရေးဦးပိုင် ကုမ္ပဏီလိမိတက်တို့ ဘက်ကလည်း တရားစွဲဆိုထားတာရှိကြောင်း ရဲစခန်းကသိခဲ့ရတယ်လို့လည်း မြန်မာနိုင်ငံ ရှေ့နေများကွန်ယက်က ပြောပါတယ်။

နှစ်ဘက် တင်းမာမှုတွေဖြစ်ခဲ့ပြီးနောက် လက်ပံတောင်းအရေးနဲ့ပတ်သက်လို့ မြန်မာနိုင်ငံတဝှမ်းမှာ ဆန္ဒပြမှုတွေဖြစ်ပေါ်နေပြီး ဆန္ဒပြသူတွေကိုတော့ နိုင်ငံတော် အကြည်ညိုပျက်စေမှုအပါအဝင် တခြားပုဒ်မတွေနဲ့ တရားစွဲဆို ဖမ်းဆီးတာတွေရှိနေပါတယ်။

လက်ပံတောင်းအရေးနဲ့ပတ်သက်လို့ အမြန်ဆုံ စုံစမ်းစစ်ဆေးပေးဖို့ အမေရိကန်နိုင်ငံက တောင်းဆိုထားသလို တရုတ်ကလည်း စိုးရိမ်မကင်းဖြစ်ကြောင်း ပြောထားပါတယ်။ လက်ပံတောင်းတောင်မှာ ဖြစ်ခဲ့တဲ့ ပဋိပက္ခတွေအတွင်း လူတစ်ဦးသေဆုံးခဲ့ရပြီး နှစ်ဘက် ဒဏ်ရာရမှုတွေ ရှိခဲ့သလို စီမံကိန်းခြံစည်းရိုးကာရံတာကို နှောင့်ယှက်တာကြောင့် အဓိကရုဏ်းနှိမ်နင်းရေး လက်နက်ကို သုံးခဲ့ရကြောင်းလည်း အစိုးရဘက်က သတင်းထုတ်ပြန်ခဲ့ပါတယ်။

ဒေသခံတွေဘက်ကလည်း လျော်ကြေးယူမထားတဲ့ လယ်မြေတွေ ပြန်ရရေးအတွက် သပိတ်စခန်းဖွင့် တောင်းဆိုနေပါတယ်။ သပိတ်စခန်းအနီးတဝိုက်မှာတော့ အာဏာပိုင်တွေဘက်ကလည်း ကတုတ်ကျင်းတွေတူးပြီး လုံခြုံရေးအပြည့်နဲ့ နေရာယူထားပါတယ်။ လက်ရှိမှာတော့ စိုက်ပျိုးထားပြီးသားတောင်ယာတွေကို ခြံစည်းရိုးခတ်လိုက်တဲ့အတွက် တောင်သူတွေအနေနဲ့ စားဝတ်နေရေးအကြပ်အတည်းနဲ့ ရင်ဆိုင်နေရကြောင်းလည်း ဒေသခံတွေက ပြောပါတယ်။

VOA
http://burmese.voanews.com/content/lappadaung-protest-dead-charge-for-murder-/2584842.html

ဓာတ်ပုံ – နေသီဟ
လက်ပံတောင်းတောင်သူ ဒေါ်ခင်ဝင်း အသတ်ခံရမှုကို မိသားစုဝင်က ဆားလင်းကြီး ရဲစခန်းမှာ သွား ရောက် တိုင်ကြားခဲ့ပြီး စခန်းက တိုင်ကြားစာကို လက်ခံထား ပေမယ့် တိုင်ချက်ဖွင့်ပေးဖို့ အထက်ကို တင်ပြအုန်းမယ်လို့ အကြောင်းပြန်လိုက်ပါတယ်။

ဇန်န၀ါရီ ၃ ရက်မှာ မြန်မာနိုင်ငံရှေ့နေများကွန်ရက်က အမှုဆောင်အဖွဲ့ဟာ သေဆုံးသူ ဒေါ်ခင်ဝင်းနေအိမ်ကို သွားရောက်ခဲ့ပြီး ကာယကံရှင်တွေရဲ့ဆန္ဒအရ ရဲစန်းမှာ အမှုဖွင့် ခဲ့တာလို့ ရှေ့နေဦးသိန်းသန်းဦးက ပြောပါတယ်။

“ဒေါ်ခင်ဝင်းအိမ်ကို ကျနော်တို့သွားပြီး အတူနေမိသားစုတွေဖြစ်တဲ့ သမီး ၂ ယောက်နဲ့ ယောင်းမ ဒေါ်ခင်မာအေးတို့နဲ့ တွေ့ပါတယ်။ နောက် ဒဏ်ရာရတဲ့ ရွာသားတွေနဲ့ မျက်မြင်သက်သေအားလုံးနဲ့ တွေ့ပြီး ဓာတ်ပုံမှတ်တမ်းယူပါတယ်။ ဗီဒီယိုဖိုင်တွေ ကြည့်တဲ့အခါ ဒေါ်ခက်ဝင်းအသတ်ခံရတာ ထင်ရှားတဲ့အတွက် ကာယကံရှင်တွေဆနအရ ဆားလင်းကြီးရဲစခန်းမှာ အမှုသွားဖွင့်ပါတယ်။ ရဲစခန်းက စခန်းမှူး ဒုရဲမှူးဦးသန်းနိုင်က ရှေ့မှာ သေမှုသေခင်းနဲ့ တခါ အမှုဖွင့်ထားလို့ နောက်တခါ ထပ်ဖွင့်လို့ မရဘူးလို့ ငြင်းပါတယ်။ သေမှုသေခင်းဆိုတာက လူတယောက်သေတာ ဘာဖြစ်လို့ သေမှန်း မသိတဲ့အခါ စုံစမ်းစစ်ဆေးတဲ့ ရဲစစ်ဆေးမှုပေါ့။ အခုဟာက ဒေါ်ခင်ဝင်းက သေနတ်နဲ့ ပစ်သတ်လို့ အသတ်ခံရတာဖြစ်တယ်။ မျက်မြင်သက်သေ အပြည့်အစုံရှိတယ်။ ရဲ ဘယ်သူတွေ ပါတယ်။ အမိန့်ပေးတာ ဘယ်သူတွေလို့ မြင်တွေ့ထားတဲ့အတွက် ဒါဟာ ပထမသတင်းချက်ဖွင့်တာ ဖြစ်တယ်။ ဒီနှစ်ခု မတူပါဘူးလို့ ပြောတော့ ဒုရဲမှူးက သူ့အဆင့်နဲ့ ဒါကို ဆုံးဖြတ်မပေးနိုင်ပါဘူး။ ဥပဒေအကြံပေးလည်း တောင်းပါမယ်။ အထက်ကို တင်ပြပြီး အကြောင်းပြန်ပါမယ်လို့ ပြောပါတယ်။”

စစ်ကိုင်းတိုင်း နယ်စပ်လုံခြုံဝန်ကြီး၊ တိုင်း၊ ခရိုင်နဲ့ မြို့နယ် ရဲတပ်ဖွဲ့မှူးတို့ကို တိုင်ချက်ဖွင့် ထားတာ ဖြစ်တယ်လို့လည်း ရှေ့နေ ဦးသိန်းသန်းဦးက ပြောပါတယ်။
တရုတ်ဝမ်ပေါင်ကုမ္ပဏီက ဒေသခံရွာသား ၇၀ကျော်ကို ခိုးမှု၊ အကျိုးဖျက်ဆီးမှုတို့နဲ့ ဆားလင်းကြီးရဲစခန်းမှာ အမှုဖွင့်ထားတာကို လက်ခံထားပြီး အခု ဒေါ်ခင်ဝင်း အသတ်ခံရမှုကို တိုင်ချက် ဖွင့်မပေးတဲ့အတွက် ခံပြင်းစရာကောင်းတယ်။ ဒါ့ကြောင့် ရှေ့နေများကွန်ရက်က လိုက်ပါ ကူညီဆောင်ရွက်ပေး နေတာဖြစ်တယ်လို့လည်း ဆိုပါတယ်။

သမ္မတပြောခွင့်ရ ဦးရဲထွဋ်ကတော့ လက်ပံတောင်းအရေးမှာ မြန်မာနိုင်ငံရဲတပ်ဖွဲ့က ဒေါ်ခင်ဝင်း သေဆုံးမှုနဲ့ ပတ်သက်ပြီး သေမှုသေခင်းဖွင့် စုံစမ်းစစ်ဆေးနေတယ်။ စစ်ကိုင်းတိုင်းဒေသကြီးအစိုးရက ကော်မရှင်ဖွဲ့စည်း စစ်ဆေးနေသလို ဦးလှထွန်း ခေါင်းဆောင်တဲ့ လက်ပံတောင်းတောင်စီမံကိန်းလုပ်ငန်းကော်မတီကလည်း ကွင်းဆင်း စစ်ဆေးနေတယ်လို့ ဒီဗီဘီကို ပြောထားပါတယ်။

ဒီဇင်ဘာ ၂၂ ရက်နေ့က စစ်ကိုင်းတိုင်း လက်ပံတောင်းတောင်ကြေးနီစီမံကိန်းမှာ လျော်ကြေးမယူထားတဲ့ လယ်ယာမြေတွေပေါ်မှာ ၀မ်ပေါင်ကုမ္ပဏီက  ခြံစည်းရိုးခတ်နေစဉ်  ဒေသခံလယ်သမား တွေက တားဆီးစဉ် ရဲတပ်ဖွဲနှင့် လက်ပတောင်းဒေသခံများကြား အဓိကရုဏ်းမှာ မိုးကြိုးပြင်အလယ်ရွာသူ ဒေါ်ခင်ဝင်း သေနတ်ထိမှန်သေဆုံးခဲ့တာ ဖြစ်ပါတယ်။

By ရွှေအောင် (ဒီဗွီဘီ)
http://burmese.dvb.no/archives/75940

၂ဝ၁၅ ခုနှစ်၌ အိမ်၊ ခြံ၊ မြေဈေး ကွက်အတွင်း ရောင်းလိုအား များပြားလာပြီး ကွန်ဒိုတိုက်ခန်း တစ်ခန်းလျှင် ကျပ်သိန်း ၂ဝဝ ခန့်အရှုံးခံကာ ဈေးလျှော့၍ ရောင်းချ လာကြောင်း အိမ်ခြံမြေ အကျိုးဆောင်များ က သုံးသပ်ပြောကြားသည်။

လက်ရှိအချိန်တွင် ဈေးကွက်အတွင်း ကျပ်သိန်း ၃၅ဝဝ၊ ၄ဝဝဝ၊ ၄၅ဝဝ ရှိ ကွန်ဒိုတစ်ခန်းလျှင် ကျပ်သိန်း ၁ဝဝ မှ ၂ဝဝ ဝန်းကျင်အထိ ဈေးလျှော့ကာ ရောင်း ချမှုမျိုးရှိလာကြောင်း သိရသည်။ ''ရောင်းလိုအားကောင်းပြီး ဝယ်လို အားနည်းနေတယ်။ အဲ့ဒီလိုဖြစ်နေတော့ အိမ်၊ ခြံ၊ မြေဈေးနှုန်းတွေ အနည်းငယ်တော့ ကျလာဖို့ရှိတယ်။ ကွန်ဒိုဈေးကွက်မှာ တော့ ဈေးလျှော့ပြီး ရောင်းချလာတာတွေ တွေ့ရတယ်။ ကျပ်သိန်း ၄ဝဝ၊ ၅ဝဝ ဝန်းကျင် ရိုးရိုးကန်ထရိုက်တိုက်ခန်းတွေ ကတော့ ဝယ်တဲ့သူတွေ ရှိကြပါတယ်။ အဝယ်နည်းနည်းပါးလာတာပဲရှိတယ်'' ဟု ရွှေရာပြည့်အိမ်၊ ခြံ၊ မြေအကျိုးဆောင်မှ မန်နေဂျာဦးမြင့်ဌေးကပြောသည်။

၂ဝ၁၄ ခုနှစ်အတွင်း ရန်ကုန်မြို့တွင်း ကွန်ဒိုတိုက်ခန်းတည်ဆောက်မှုများပြား လာပြီး ၂ဝ၁၅ ခုနှစ်၌ ဈေးကွက်အနေ အထားနှင့် ဈေးနှုန်းများအကျဘက်သို့ ဦးတည်နေပြီး ကွန်ဒိုနှင့်အိမ်ရာ အားလုံးနှင့် သက်ဆိုင်သော မှန်ကန်သည့် ဥပဒေတစ်ရပ် ထွက်ရှိလာမှသာ အိမ်ခြံမြေဈေးကွက် အနေအထားပြန်လည်ကောင်းမွန်လာမည် ဖြစ်ကြောင်း၊ လက်ရှိ အချိန်တွင် ပြည်တွင်း၌ အိမ်ခြံမြေဈေးကွက်၊ကားဈေးကွက်၊ရွှေဈေးကွက်နှင့် ဒေါ်လာဈေးကွက်အားလုံးသည် ဈေးကစား၍ မကောင်းသည့် အနေအထားသို့ပင် ရောက်ရှိနေကြောင်း အိမ်ခြံမြေအကျိုးဆောင်များက သုံးသပ် ပြောကြားသည်။

လက်ရှိအိမ်ခြံမြေဈေးကွက် အတွင်း ဈေးနှုန်းများအကျဘက်သို့ ဦးတည်နေ သော်လည်း အငှားဈေးကွက်မှာ ကျဆင်း လာခြင်းမရှိကြောင်း ရွှေရာပြည့် အိမ်ခြံမြေ အကျိုးဆောင်မှ မန်နေဂျာဦးမြင့်ဌေးက ပြောသည်။

ရန်ကုန်မြို့နေ ပြည်သူများ အတွက် အခြေခံလိုအပ်ချက်ဖြစ်သော အိမ်ရာလိုအပ်လျက်ရှိပြီး အငှားဈေးကွက် တွင် ဈေးနှုန်းများထိန်းညှိပေးနိုင်ခြင်းမရှိ ဘဲ အတက်ဘက်သို့သာ ဦးတည်နေသည်ဟု ဆိုသည်။ ''အခုအချိန်မှာတော့ အငှားဈေးကွက် က ကျသွားဖို့မရှိဘူး။ အိမ်ရာလိုအပ်ချက် ကတော့ ရှိတာပေါ့။ ရန်ကုန်မြို့ထဲမှာနေတဲ့ သူ အများစုဖြစ်တဲ့ အစိုးရဝန်ထမ်း၊ပုဂ္ဂလိက ဝန်ထမ်းတွေကတော့ ကန်ထရိုက်တိုက် ခန်းငှားနေကြတာတွေ ရှိတာပေါ့။ အငှား ဈေးကွက်က ဈေးနှုန်းကျသွားဖို့မရှိပါဘူး'' ဟု ဦးမြင့်ဌေးကပြောသည်။

ဒဂုံမြို့သစ်(မြောက်ပိုင်း)မြို့နယ်တွင် အိမ်ငှားရမ်းခမှာ တစ်လလျှင် ပေ(၂ဝx ၆ဝ) သစ်သားအိမ်တစ်လုံးလျှင် ငှားရမ်းခ ကျပ်ရှစ်သောင်း ဝန်းကျင်ရှိပြီး ပေ ၂ဝx ၆ဝ နှစ်ခန်းတွဲကို ငှားရမ်းခကျပ်ငါးသောင်း ဝန်းကျင်ရှိကြောင်း၊ ပေ(၁ဝx၆ဝ) လုံးချင်း အိမ်ဆိုလျှင်ငှားရမ်းခများမှာ ကျပ်ခြောက် သောင်းဝန်းကျင်ရှိကြောင်းအိမ်ခြံမြေအကျိုး ဆောင်လုပ်ငန်း လုပ်ကိုင်သူများထံမှ သိရ သည်။

တောင်ဥက္ကလာပမြို့နယ်ရှိ ငှားရမ်းခ တစ်လလျှင် ကန်ထရိုက်တိုက်ခန်း (၁၅x ၅၅)ပေတိုက်ခန်း ပထမထပ်ကို ကျပ် ၂၂ဝဝဝဝ ဝန်းကျင်ရှိပြီး ဒုတိယထပ်ကို ကျပ် ၂ဝဝဝဝဝ၊ တတိယထပ်တစ်ခန်းလျှင် ကျပ် ၁၈ဝဝဝဝ ဝန်းကျင်ရှိကာ စတုတ္ထ ထပ်မှာ တစ်ခန်းလျှင် ကျပ် ၁၅ဝဝဝဝ ဝန်းကျင်ရှိကြောင်း၊ ရန်ကုန်မြို့တွင်း လမ်းမတော်မြို့နယ်၊ လသာမြို့နယ်၊ ကျောက်တံတားမြို့နယ်တို့တွင် စတုတ္ထ ထပ်ကိုပင် ငှားရမ်းခ ကျပ် ၂ဝဝဝဝဝ ဝန်းကျင်ရှိကြောင်း သိရသည်။

ချယ်ရီ
The Union Daily
https://www.facebook.com/pages/The-Union-Daily/139677556201764


မြန်မာပြည်သူလူထုကို ဒီမိုကရေစီနဲ့ မထိုက်တန်သေးဘူးလို့ ပြောတဲ့သူတွေဟာ ဒီမိုကရေစီစနစ်ကို မကျင့်သုံးချင်တဲ့ လူတွေဖြစ်တယ်လို့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်က ပြောကြားလိုက်ပါတယ်။

ပဲခူးတိုင်းဒေသကြီး ရွှေမော်ဓေါစေတီ အနောက်ဘက်မုဒ်က ကွင်းထဲမှာ ဒီနေ့ကျင်းပတဲ့ ဗိုလ်ချုပ်အောင်ဆန်း နှစ်တစ်ရာပြည့်အကြိုပွဲမှာ ဒေါ်အောင်ဆန်းစုကြည်က အခုလို ပြောလိုက်တာပါ။

"မကြာခဏ ကျမ အနှစ် ၂ဝ ကျော်၊ ၃ဝ အတွင်းမှာ ကြားခဲ့ရပါတယ်၊ ဗမာပြည်သူလူထုဟာ ဒီမိုကရေစီနဲ့ မတန်သေးဘူးတဲ့၊ အဲလိုစကားပြောတဲ့သူတွေရှိပါတယ်၊ အဲ့လိုပြောတဲ့သူတွေကတော့ ဒီမိုကရေစီ မပေးချင်သေးတဲ့သူတွေပေ့ါ၊ အဲ့တော့ ကျမတို့နိုင်ငံမှာ ဒီမိုကရေစီဖွံ့ဖြိုးဖို့ဆိုလို့ရှိရင် ပြည်သူလူထုကို ဒီမိုကရေစီအခွင့်အရေးတွေပေးဖို့လိုတယ်၊ တစ်နည်းအားဖြင့်ဆိုလို့ရှိရင် ပြည်သူလူထုကို ယုံကြည်ရမယ်၊ အဲ့လိုပေးတဲ့အခါကျရင်လည်း အခွင့်အရေးတွေကို အလွဲသုံးစားမလုပ်ဖို့ရာ ပြည်သူတွေရဲ့တာဝန်ဖြစ်ပါတယ်"

ဒါ့အပြင် ဒီမိုကရေစီစနစ်ဖြစ်တဲ့ လွတ်လပ်မှု၊ လုံခြုံမှုကို အစိုးရက ဖော်ဆောင်ပေးရမှာဖြစ်ပြီး ပြည်သူတွေကလည်း စည်းကမ်းရှိတဲ့ပြည်သူဖြစ်လာဖို့ ဆောင်ရွက်ရမယ်လို့ ဒေါ်အောင်ဆန်းစုကြည်က ပြောခဲ့ပါတယ်။

ဒီနေ့ အခမ်းအနားကို အမျိုးသားဒီမိုကရေစီချုပ် နာယက ဦးတင်ဦးလည်း တက်ရောက်အဖွင့် မိန့်ခွန်း ပြောကြားခဲ့ပြီး ဒေသခံပြည်သူ တစ်သောင်းနီးပါးခန့် တက်ရောက်ခဲ့ကြပါတယ်။

RFA Burmese
https://www.facebook.com/pages/RFA-Burmese/39218993127

အင်ဒိုနီးရှား ခရီးသည်တင် AirAsia Flight 8501 ရဲ့အစိတ်အပိုင်းကြီးတွေကို ဂျာဗားပင်လယ်ပြင်အတွင်းက ဆယ်ယူလာစဉ်။ (ဒီဇင်ဘာ ၃၊ ၂၀၁၅)
ပျက်ကျခဲ့တဲ့ Air Asia ရဲ့ အစိတ်အပိုင်းကြီး ၄ ခု ကို ရေအောက် ၉၈ ပေ အနက် ပင်လယ်ကြမ်းပြင်မှာ တွေ့ခဲ့တယ်လို့ ခရီးသည်တင်လေယာဉ် ရှာဖွေရေးအဖွဲ့က ကြီးမားတဲ့ ပြောလိုက်ပါတယ်။

အကြီးဆုံးအစိတ်အပိုင်းတခုက ပေ ၆၀ နီးပါးရှည်တယ်၊ ဒါ့အပြင် လေယာဉ်အလယ်ပိုင်း ဝမ်းပေါက်နားကို လက်လှမ်းမီကာ နောက်ထပ်အလောင်းတွေ ထုတ်နိုင်ဖို့နဲ့ လေယာဉ်အချက်အလက်မှတ်တမ်းစက် Black Box ရနိုင်ဖို့ ဆက်ကြိုးပမ်းနေတယ်လို့ ဂျာဗားပင်လယ်ထဲမှာ ရှာဖွေရေးလုပ်နေတဲ့ ဒီအင်ဒိုနီးရှားအဖွဲ့က ဆိုပါတယ်။

ဒီလေယာဉ်ပျက်ကျမှုမှာ သေဆုံးခဲ့သူတွေရဲ့ မိသားစုတွေကလည်း ခုလိုရှာဖွေတွေ့ရှိမှုကြောင့် နောက်ထပ်အလောင်းတွေ ထပ်ရဖို့ မျှော်လင့်နေတယ်လို့ အင်ဒိုနီးရှားနိုင်ငံမှာ ပြောဆိုနေပါတယ်။

မိသားစုဝင်တဦးဖြစ်တဲ့ အင်ဒိုနီးရှားနိုင်ငံသား Ongko Gunawan က လေယာဉ်ပျက်ကျအပြီး ၆ ရက်ရှိလာတာမို့ အခုလို လေယာဉ်အစိတ်အပိုင်းကြီးလို့ ယူဆနိုင်တာတွေ တွေ့လိုက်တာကြောင့် အလောင်းတွေ မကြာခင်ထပ်တွေ့နိုင်တယ်၊ ဒါဆိုသူတို့ကို ဈာပနအခမ်းအနားလုပ်ပေးလို့ရတယ်၊ သိပ်ကြာသွား ရင် အလောင်းတွေရှာမတွေ့တော့မှာ စိုးရိမ်နေရတယ်လို့ ဆိုပါတယ်။

ရှာဖွေရေးအဖွဲ့ခေါင်းဆောင် Banbang Soelistyo က ရှာဖွေရေးသမားတွေအနေနဲ့ ရေအောက်သွား အဝေးထိန်းယာဉ်သုံးပြီး လေယာဉ်ရဲ့ အပျက်အစီး ပုံရိပ်တွေရဖို့ ဆက်ကြိုးပမ်းနေတယ်လို့ ဒီကနေ့မှာ ပြောလိုက်ပါတယ်။

ပထမဆုံးရှာတွေ့ခဲ့တဲ့ အစိတ်အပိုင်းကြီး ၂ ခုထဲက တခုကတော့ အလျား ပေ ၃၀ အနံ ၁၅ ပေ နဲ့ အထူ ၁ပေခွဲရှိပြီး၊ နောက်တခုကတော့ အလျား ၂၃ ပေနဲ့ အထူ ၁.၆ ပေရှိတယ်၊ ဒီ ၂ ခုကို နီးနီးကပ်ကပ်တွေ့ခဲ့ရတယ်လို့ ရှာဖွေရေးအဖွဲ့ ခေါင်းဆောင်က ဆိုပါတယ်။

အင်ဒိုနီးရှားအများစုပါတဲ့ လူပေါင်း ၁၆၂ ဦးတင်ဆောင်သွားတဲ့ Air Asia လေယာဉ်အနေနဲ့ အင်ဒိုနီးရှားကနေ စင်္ကာပူ ခရီးစဉ်ကို ပျံသန်းခဲ့စဉ် တနင်္ဂနွေနေ့က ပျက်ကျခဲ့တာဖြစ်ပြီး တပတ်ခန့်ကြာလာတဲ့ အခုချိန်ထိတော့ အလောင်းပေါင်း ၃၀ ကို ရှာဖွေတွေ့ရှိပြီးဖြစ်ပါတယ်။

ဗွီအိုအေ (မြန်မာဌာန)
http://burmese.voanews.com/content/big-4-objects-found-in-java-sea-in-airasia-search-/2584403.html

အမျိုးသမီးတွေ အဓမ္မပြုကျင့်ခံရမှုပြဿနာ ဖြေရှင်းပေးရေး မွမ်ဘိုင်းမြို့မှာ ကျောင်းသူတွေ ကန့်ကွက် ဆန္ဒပြနေပုံ။ 
အိန္ဒိယနိုင်ငံ အရှေ့ပိုင်းမှာ ဂျပန်အမျိုးသမီးတဦးကို အုပ်စုလိုက် အဓမ္မပြုကျင့်မှုနဲ့ သံသယရှိသူ အမျိုးသား ၃ ဦးကို ဖမ်းဆီးလိုက်ကြောင်း အိန္ဒိယရဲတွေက ပြောပါတယ်။

ဘုရားဖူးတွေ အများအပြား လာရောက်ရာ ဗုဒ္ဓဂါယာအနီးက ရွာတရွာမှာ ဂျပန်ကျောင်းသူတဦးကို သီတင်း ၃ ပတ်လောက် ပြန်ပေးဆွဲသွားတာ ဖြစ်ကြောင်းနဲ့ အသက် ၂၀ အရွယ် ကျောင်းသူလေးကို ဖမ်းထားတဲ့အမျိုးသားက စုစုပေါင်း ၅ ယောက်ရှိမယ်လို့ ယုံကြည်ရကြောင်း အာဏာပိုင်တွေက ပြောပါတယ်။

သံသယနဲ့ ဖမ်းထားသူတွေထဲက အနည်းဆုံးတယောက်ဟာ ခရီးသွားလမ်းညွှန်ဖြစ်ပြီး ကျောင်းသူလေးကို အခုလို ပြန်ပေးဆွဲဖမ်းဆီးပြီး အဓမ္မပြုကျင့်ခဲ့တဲ့ ဗုဒ္ဓဂါယာဘက်ကို လိုက်ပို့ခဲ့သူလို့ ဆိုပါတယ်။

ပြီးခဲ့တဲ့လက သူမဟာ ဖမ်းထားသူတွေလက်ထဲက လွတ်မြောက်အောင်ထွက်ပြေးနိုင်ခဲ့ပြီး Kolkata မြို့ကိုအရောက်သွားနိုင်ခဲ့တာမို့ အဲဒီက ဂျပန် ကောင်စစ်ဝန်ရုံးကို သွားရောက် တိုင်ကြားခဲ့တယ်လို့ ရဲတွေက ပြောပါတယ်။

၂၀၁၂ ခုနှစ်တုန်းက ဘတ်စကားတစီးပေါ်မှာ လိုက်ပါလာတဲ့အသက် ၂၃ နှစ်အရွယ် အမျိုးသမီးတဦးကို ရက်ရက်စက်စက် အုပ်စုလိုက် အဓမ္မပြုကျင့်မှု ပေါ်ပေါက်ခဲ့တဲ့နောက်မှာ အိန္ဒိယနိုင်ငံဟာ အမျိုးသမီးတွေကို လိင်ပိုင်းဆိုင်ရာ အကြမ်းဘက်မှုတွေများပြားလှတဲ့ နိုင်ငံအဖြစ် နိုင်ငံတကာက သတိထားလာ မိကြတာဖြစ်ပါတယ်။အဲဒီအချိန်ကစပြီး ဥပဒေတွေနဲ့ တင်းတင်းကြပ်ကြပ် ကိုင်တွယ်လာခဲ့ပေမယ့် တကယ်တမ်း အမျိုးသမီးတွေအပေါ် ခြိမ်းခြောက် စော်ကားမှုတွေနဲ့ အကြမ်းဘက်မှုတွေ တိုက်ဖျက်ဖို့ အိန္ဒိယလူမှုအသိုင်းအဝိုင်းကို သူတို့ရဲ့ သဘောထားအမြင်နဲ့ ဆက်ဆံမှုတွေ သေသေချာချာ ပြောင်းလဲအောင်လုပ်ပေးဖို့တော့လိုအပ်နေသေးတယ်လို့ တက်ကြွလှုပ်ရှားသူတွေက ပြောပါတယ်။

ဗွီအိုအေ (မြန်မာဌာန)
http://burmese.voanews.com/content/three-suspects-arrested-in-india-in-rape-of-japanese-woman-/2584845.html

Author Name

Contact Form

Name

Email *

Message *

Powered by Blogger.