01/07/15


၂၀၁၅ ခုနှစ် အထွေထွေ ရွေးကောက်ပွဲကို အောက်တိုဘာ လကုန်နဲ့ နိုဝင်ဘာ လဆန်းလောက်မှာ ကျင်းပမယ်လို့ ကော်မရှင်က ကြေငြာထားပါတယ်။ ဒီအချိန်မှာ မြန်မာနိုင်ငံက အထင်ရှားဆုံး နိုင်ငံရေးခေါင်းဆောင် တစ်ယောက် ဖြစ်တဲ့ ဒေါ်အောင်ဆန်းစုကြည်ရဲ့ အနေအထားက ဘယ်လို ရှိပါသလဲ။ ပြည်တွင်း မဲဆန္ဒရှင်တွေကြားမှာ ထောက်ခံမှုတွေ အခိုင်အမာ ရရှိထားပေမယ့် လက်ရှိ ဖွဲ့စည်းပုံ အခြေခံဥပဒေ အရ ဒေါ်အောင်ဆန်းစုကြည်ရဲ့ သမ္မတ ဖြစ်နိုင်မယ့် အခွင့်အလမ်း မရှိသေးပါဘူး။ ဒီအပေါ်မှာ သူမရဲ့ အမြင်က ဘယ်လိုပါလဲ။ ဒေါ်အောင်ဆန်းစုကြည်ရဲ့ မဲဆန္ဒနယ်ဖြစ်တဲ့ ကော့မှုးမြို့နယ်ကို ဒေါ်စု သွားရောက်ချိန်မှာ ဘီဘီစီက သီးသန့် လိုက်ပါ သတင်းယူခွင့် ရခဲ့ပါတယ်။ မဲဆန္ဒ နယ်မြေအတွင်းမှာ သူမ လုပ်ဆောင်နေတဲ့ ဖွံ့ဖြိုးရေး လုပ်ငန်းတွေနဲ့ မြန်မာနိုင်ငံရဲ့ အနာဂတ်ကို သူမ ဘယ်လို ပုံဖော် မျှော်လင့်ထားလဲ ဆိုတာကို ဘီဘီစီက ဂျိုနာ ဖစ်ရှာက တင်ဆက်ပေးထားပါတယ်။

BBC


ရန်ကုန်စည်ပင်သာယာ ရွေးကောက်ပွဲမှာ အရွေးခံရတဲ့ ကိုယ်စားလှယ်တွေ နိုင်ငံ့ ဝန်ထမ်းအဖြစ် ကျမ်းသစ္စာကျိန်ဆိုရမဲ့ ရန်ကုန်တိုင်း အစိုးရအဖွဲ့က အသိပေးလာတဲ့ အပေါ် လက်မခံနိုင်တဲ့ အကြောင်း အနောက်ပိုင်းခရိုင် ကိုယ်စားပြု အရွေးခံ ကိုယ်စားလှယ် က ပြောပါတယ်။ ပြည်သူက ရွေးချယ် လိုက်တဲ့ ကိုယ်စားလှယ်တွေ ဟာ ဝန်ထမ်းတွေ မဟုတ်တဲ့အတွက် ဝန်ထမ်းအဖြစ်ကျမ်းကျိန်စရာ မလိုအပ်ဘူးလို့ ဥပဒေပညာရှင်တွေက ပြောပါတယ်။ အပြည့်အစုံကို ဆက်သွယ် မေးမြန်းထားတဲ့ ဗွီအိုအေ မြန်မာပိုင်း သတင်းထောက် ကိုအောင်ရဲမောင်မောင်က တင်ပြပေးထားပါတယ်။

ဇန်နဝါရီလ ၆ ရက် ဒီကနေ့ မနက် ၉ နာရီမှာ စည်ပင်သာယာရေးကော်မတီ ဝင်အဖြစ် အရွေးခံထားရတဲ့ ကိုယ်စားလှယ်တွေကို ကျမ်းသစ္စာကျိန်ဆိုဖို့ ရန်ကုန်တိုင်းဒေသကြီး အစိုးရအဖွဲ့က အသိပေးလာတာပါ။ ဒီလို ကျမ်းကျိန်ဖို့ပေးပို့လာတဲ့ပုံစံထဲမှာ ပြည်သူက ရွေးချယ်ထားတဲ့ ကိုယ်စားလှယ်တွေကို နိုင်ငံဝန်ထမ်းဥပဒေ၊ နည်းဥပဒေတွေအတိုင်း လိုက်နာရမယ်လို့ ပါရှိနေတဲ့အကြောင်း အနောက်ပိုင်းခရိုင် ကိုယ်စားပြုအရွေးခံထားရတဲ့ ဦးခင်လှိုင်က ပြောပါတယ်။ ကျမ်းကျိန်ဖို့ထဲမှာ ဒီအချက်ပါရှိနေတာကို ဘာကြောင့် လက်မခံနိုင်သလဲဆိုတာနဲ့ပတ်သက်ပြီး သူက အခုလို ဆက်ပြောပါတယ်။

“နောက်တခုက ကျနော်တို့ ဘာကြောင့် အခက်တွေ့စေလဲဆိုတော့ နိုင်ငံဝန်ထမ်းဥပဒေ…ကို ကျနော်တို့ လေးစားပါတယ်။ ကျနော်တို့က လိုက်နာဖို့ကျ တာဝန်မရှိဘူးဗျ။ ဘာကြောင့်လဲဆိုတော့ အရိုးသားဆုံး ပြောရမယ်ဆိုရင် နိုင်ငံတော်အတွင်းမှာရှိတဲ့ ဒီဝန်ထမ်းတွေအတွက် လုပ်ကိုင်နေတဲ့ လုပ်ငန်းခွင်တွေကိစ္စရပ်တွေနဲ့ ပတ်သက်လို့ရှိရင် လျှို့ဝှက်ပေါက်ကြားမှု ဆိုတာ ရှိပါတယ်။ အပြင်ကို မပြောရဘူးဆိုတာ ရှိပါတယ်။ ဘာတွေလုပ်ရမယ်၊ ဘယ်လိုဆိုတာ မပြောရဘူးဆိုတာ ပါပါတယ်။ အဲဒါကို ကျနော်တို့ နှုတ်ပိတ်နေလို့ မရပါဘူး။ ပြည်သူက ရွေးချယ်လိုက်ပြီးတော့မှ ကျနော်တို့က ဒီအထဲမှာ နှုတ်ပိတ်ပြီးနေရမယ်ဆိုရင် ကျနော်တို့ မလုပ်လိုပါဘူး။ ဒီကိစ္စကို။ ပြည်သူကိုလည်း ကျနော်တို့ အသိပေးရမှာဖြစ်ပါတယ်။ ပြည်သူက ရွေးလိုက်တာဖြစ်လို့ ပြောရမယ့်တာဝန် ရှိပါတယ်။ အဲဒီတော့ နိုင်ငံ့ဝန်ထမ်း ဥပဒေအရ၊ နည်းဥပဒေအရ ကျနော်တို့ ချုပ်ကိုင်လိုက်မယ်ဆိုရင် ပြည်သူကို ကျနော်တို့ ဘာမှ သတင်းပေးလို့ မရဘူးဖြစ်နေပါတယ်။ ကျနော်တို့က သတင်းပေးလိုက်မယ်ဆိုလည်း လျှို့ဝှက်ဥပဒေကို ပေါက်ကြားစေမှုနဲ့ ပြဿနာတက်နိုင်ပါတယ်။ ဒါကြောင့် ဒီဟာကို ကျနော်တို့ မဆိုနိုင်ပါဘူး။ ကျနော် မလုပ်ပေးနိုင်ပါဘူး။”

ဒီအချက်နဲ့ပတ်သက်ပြီး စည်ပင်ရွေးကောက်ပွဲတွေ မကျင်းပခင်ကတည်းက သူ့အနေနဲ့ကန့်ကွက်ခဲ့ပြီး စည်ပင်ဥပဒေမှာ နိုင်ငံဝန်ထမ်းအဖြစ် ကျမ်းကျိန်ရမယ်ဆိုတဲ့အချက်မပါရှိသလို ကော်မရှင်ကရွေးဆွဲတဲ့ နည်းဥပဒေထဲမှာကျမှ ဒီအချက်ပါဝင်ခဲ့တာလို့လည်း ဦးခင်လှိုင်က ပြောပါတယ်။

 “ကျနော်ပြောတာနော်၊ ကျနော်ဆန့်ကျင်တာက ရန်ကုန်မြို့တော် ရွေးကောက်ပွဲကော်မရှင်မှာ နည်းဥပဒေမှာ ပါတဲ့ဟာကို ဆန့်ကျင်တာဖြစ်ပါတယ်။ ….. ဥပဒေကို ကျနော် ထောက်ခံပါတယ်။ ထောက်ခံလို့ ဒီစကားပြောတာပါ။ -- ဥပဒေမှာ ဒါကို ပယ်ဖျက်ပြီးသား ဖြစ်ပါတယ်။ ဒါကြီးကို --- တော့ ဘာဖြစ်လဲဆိုတော့ ဝန်ကြီးချုပ်အနေနဲ့လည်း သိက္ခာကျပါတယ်။ အဲဒီကိစ္စနဲ့ပတ်သက်လို့ရှိရင် ကျနော် ဘာပြောသေးလဲဆိုတော့ ဒေါ်ညိုညိုသင်းတို့၊ ကျနော်တို့ ရန်ကုန်တိုင်းဒေသကြီးလွှတ်တော်အတွင်းမှာလည်း ဒီကိစ္စကို ပြောပြပြီးသားဖြစ်တဲ့အခါ၊ သူက ဘာပြောလဲဆိုတော့ အဲဒီမှာ ပါတဲ့ဥစ္စာတွေက ကျမတို့ မဆွဲလိုက်ရဘူး၊ ကျမတို့ မသိရဘူးလို့ လွှတ်တော်ကိုယ်စားလှယ်တွေက ပြောပါတယ်။ လွှတ်တော်ကိုယ်စားလှယ်တွေက အဲဒီကျရင် အခုလာမယ့် သူတို့ရဲ့…ရန်ကုန်တိုင်းဒေသကြီး (အစည်းအဝေးကျရင်) တင်ပြမှာဖြစ်ပါတယ်။”

နိုင်ငံ့ဝန်ထမ်းအဖြစ်ကျမ်းကျိန်ဖို့ သက်ဆိုင်ရာက တွန်းအားပေးလာတာဟာ အစိုးရဝန်ထမ်းနဲ့ ပြည်သူကိုယ်စားလှယ်ကို ကွဲကွဲပြားပြားနားမလည်နိုင်တဲ့ သဘောကြောင့် အခုလို တွန်းအားပေးတဲ့ပုံစံ ဖြစ်နေတာလ ရှုမြင်နိုင်တဲ့အကြောင်း တရားလွှတ်တော်ရှေ့နေ ဦးကိုနီက ပြောပါတယ်။

“နိုင်ငံ့ဝန်ထမ်းဆိုတာက နိုင်ငံတော်ရဲ့လစာကို စားပြီးတော့ ပြည်သူ့ဝန်ကိုထမ်းဖို့၊ အရွေးကောက်ခံရတဲ့ပုဂ္ဂိုလ်တွေရဲ့ အဓိပ္ပာယ်ကျတော့ သူက ပြည်သူ့ကိုယ်စားလှယ်ဖြစ်နေတယ်။ ပြည်သူ့ဝန်ထမ်းမဟုတ်ဘူး။ ပြည်သူတို့ရဲ့ကိုယ်စားလှယ်၊ ပြည်သူတို့ရဲ့ကိုယ်စား ဒီလုပ်ငန်းတာဝန်တွေကို ဆောင်ရွက်ရမှာ။ ဒါကြောင့် သူတို့ကို ပြည်သူ့ဝန်ထမ်းစည်းမျဉ်းကို လိုက်နာမယ်ဆိုတဲ့ ကျန်းကျိန်ခိုင်းလို့ မရဘူး။ အဲဒါဆိုရင်တော့ တော်တော့်ကို မဆီလျော်သောကိစ္စ ဖြစ်သွားပြီ။ ”

စည်ပင်သာယာရေး ကော်မတီဝင်တွေကို အခုလို နိုင်ငံ့ဝန်ထမ်းအဖြစ် အလုပ်လုပ်ခိုင်းဖို့ ရည်ရွယ်တယ်ဆိုရင် အစောပိုင်းထဲက ရွေးကောက်ပွဲဝင်ခိုင်း စရာတောင် မလိုအပ်ဘူးလို့ ၈၈ မျိုးဆက် ငြိမ်းချမ်းရေးနဲ့ပွင့်လင်း လူမှုအဖွဲ့အစည်းက ခေါင်းဆောင်တစ်ဦးဖြစ်တဲ့ ကိုဂျင်မီက ပြောပါတယ်။

“စည်ပင်သာယာရွေးကောက်ပွဲကတက်လာတဲ့ ကိုယ်စားလှယ်တွေပေါ့။ ဒါ ပြည်သူလူထုရဲ့ကိုယ်စားလှယ်တွေပဲ။ အဲဒီကိုယ်စားလှယ်တွေကတော့ လူထုကိုယ်စား ဆောင်ရွက်နိုင်ခွင့် ရှိမယ်လို့ မျှော်လင့်ထားတယ်လေ။ အခုက ဝန်ထမ်းဥပဒထဲကို သွတ်သွင်းတယ်ဆိုတဲ့အခါကျတော့ မေးစရာ တခုရှိတာက ဘာလဲဆိုတော့ ဒါ အစိုးရဝန်ထမ်းလား၊ ပြည်သူလူထုကိုယ်စားလှယ်လားဆိုတဲ့ မေးခွန်းတစ်ခုပဲ ကျနော်တို့ မေးကြရလိမ့်မယ်။ အစိုးရဝန်ထမ်း၊ စည်းမျဉ်းစည်းကမ်းအောက်မှာလုပ်မယ်ဆိုရင် လူထုက ရွေးချယ်စရာအကြောင်းကို မရှိဘူး။”

နှစ်ပေါင်း ၆၅ နှစ်ကြာပြီးမှ တစ်ကျော့ပြန် ပြန်လည်ကျင်းပတဲ့ ရန်ကုန်မြို့တော် စည်ပင်သာယာရေး ကော်မတီဝင်အဆင့်ဆင့် ရွေးကောက်ပွဲတွေကို ဒီဇင်ဘာလ ၂၇ ရက်က ကျင်းပခဲ့တာပါ။

ရန်ကုန် စည်ပင်သာယာရေးကော်မတီကို အသစ်ပြန်လည်ဖွဲ့စည်းမှာဖြစ်တဲ့အတွက် အဲဒီ ကော်မတမှာ ပါဝင်မဲ့ ကိုယ်စားလှယ်တွေကို ရွေးချယ်တာလည်း ဖြစ်ပါတယ်။ မြို့တော်ဝန်ကိုတော့ နိုင်ငံတော်သမ္မတက တိုက်ရိုက်ခန့်မှာဖြစ်ပြီး ပြည်သူက မဲပေးရွေးချယ်တဲ့ ရန်ကုန်မြို့တော် စည်ပင်သာယာရေး ကော်မတီဝင် ၄ ဦး၊ တိုင်းဒေသကြီးအစိုးရက တိုက်ရိုက်ရွေးချယ်မယ့်သူ ၄ ဦးနဲ့ပြန်ဖွဲ့မှာလည်း ဖြစ်ပါတယ်ခင်ဗျား။

အောင်ရဲ မောင်မောင် / ဗွီအိုအေ (မြန်မာပိုင်း)
http://burmese.voanews.com/content/yangon-municipal-election-representatives-have-to-vow-/2587074.html


စစ်ကိုင်းတိုင်းအတွင်းက လက်ပံတောင်းတောင် ကြေးနီ စီမံကိန်းအရေး ဒေသခံ ပြည်သူနဲ့ ရဲလုံခြုံရေး တွေကြား ပဋိပက္ခအတွင်း သေနတ်ဒဏ်ရာနဲ့ သေဆုံး ခဲ့ရတဲ့ ဒေါ်ခင်ဝင်းအမှုကို မြန်မာနိုင်ငံ လူ့အခွင့်အရေး ကော်မရှင်ရဲ့ ကွင်းဆင်းစုံစမ်းမှု အဆုံးသတ်ပြီဖြစ်ပြီး နိုင်ငံတော်သမ္မတကို တင်ပြတော့မှာ ဖြစ်ပါတယ်။ တချိန်တည်းမှာပဲ သေဆုံးသူ ဒေါ်ခင်ဝင်းအမှု မျှတတဲ့ တရားစီရင်မှု ရစေဖို့ ရဲစခန်းမှာ အမှုဖွင့်ထားသလို ပုဒ်မ ၁၄၄ ချိုးဖောက်မှု ခြံစည်းရိုး ဖျက်မှုအပါအဝင် ပုဒ်မမျိုးစုံနဲ့ တရားစွဲခံနေရတဲ့ လက်ပံတောင်း တောင်သူချို့ရဲ့အမှုတွေကို မြန်မာနိုင်ငံရှေ့နေများ ကွန်ယက်အဖွဲ့ကလည်း ဆောင်ရွက်နေပါတယ်။ လက်ပံတောင်းတောင်အရေး ဆန္ဒပြသူအချို့လည်း ဖမ်းဆီးထိန်းသိမ်းခံနေရတဲ့ အခြေအနေအသေးစိတ်ကို ဆက်သွယ်စုံစမ်းထားတဲ့ မဆုမွန်က တင်ပြပေးထားပါတယ်။

ပြီးခဲ့တဲ့ ၂၀၁၄ ခုနှစ်၊ ဒီဇင်ဘာလ ၂၂ ရက်နေ့က လက်ပံတောင်းတောင် ကြေးနီစီမံကိန်းနယ်မြေအတွင်း လျော်ကြေးမယူထားတဲ့ တောင်သူ လယ်သမားတွေရဲ့ လယ်မြေကို ခြံစည်းရိုးခတ်တဲ့အပေါ် ဒေသခံပြည်သူတွေက တားဆီးကြရင်းရဲလုံခြုံရေးတွေနဲ့ အကြမ်းဖက် ပဋိပက္ခတွေနဲ့ တင်းမာမှုတွေဖြစ်ချိန် ဦးခေါင်းမှာ သေနတ်ဒဏ်ရာရပြီးတော့ မိုးကြိုးပြင်ရွာသူ တောင်သူဒေါ်ခင်ဝင်းသေဆုံးခဲ့ရတာပါ။ ဒီအမှုနဲ့ ပတ်သက်လို့ လူ့အခွင့်အရေးချိုးဖောက်ခံရခြင်း ရှိ-မရှိ အထူးစုံစမ်းရေးကော်မရှင်ဖွဲ့ပြီး ကွင်းဆင်းသက်သေစစ်ဆေးချက် ယူခဲ့တာ ဇန်နဝါရီလ (၃) ရက်နေ့မှာ အဆုံးသတ်ပြီလို့ မြန်မာနိုင်ငံ လူ့အခွင့်အရေးကော်မရှင် ဒုဥက္ကဋ္ဌ ဦးစစ်မြိုင်ကပြောပါတယ်။

“ကျနော်တို့ကော်မရှင်ကတော့ အဖွဲ့တဖွဲ့လွှတ်ပြီး စုံစမ်းစစ်ဆေးတာပေါ့ဗျာ။ စုံစမ်းစစ်ဆေးတဲ့အဖွဲ့ကတော့ ကျနော်တို့သိသလောက် ၃ ရက်နေ့မှာပြီးသွားပြီလေ။ စစ်တာကတော့ ဦးဇော်ဝင်း၊ နောက် ဒေါက်တာဉာဏ်ဇော်၊ ဦးစိုးဖုန်းမြင့်တို့ သုံးဦး၊ ကျနော်တို့ ကော်မရှင်လူကြီးသုံးဦး။ သူတို့ဖွဲ့ပြီးတော့သွားစစ်တာပါ။ အဓိကကတော့ ဒေါ်ခင်ဝင်းသေဆုံးမှုနဲ့ပတ်သက်လို့ ဘယ်လိုဖြစ်ပွားသလဲ၊ လူ့အခွင့်အရေး ထိခိုက်နစ်နာမှု ရှိသလားဆိုတဲ့အချက်ကို စစ်ဆေးတာပါ။”

လူ့အခွင့်အရေးကော်မရှင်ရဲ့ စုံစမ်းစစ်ဆေးချက်တွေကို နိုင်ငံတော်သမ္မတထံ သမ္မတရုံးကတဆင့် တင်ပြအစီရင်ခံမှာဖြစ်ပြီး အများပြည်သူ သိရှိနိုင်အောင် သတင်းထုတ်ပြန်မှာဖြစ်တယ်လို့ မြန်မာနိုင်ငံလူ့အခွင့်အရေးကော်မရှင်ဒုဥက္ကဋ္ဌက ပြောပါတယ်။

“ကွင်းဆင်းစစ်ဆေးတာတွေကိုတော့ နိုင်ငံတော် သမ္မတရုံးကို တင်ပြပါမယ်။ ပြီးရင် ကျနော်တို့ရဲ့အင်တာနက်ကနေပြီးတော့ ပြည်သူကိုလည်း ကျနော်တို့ သတင်းထုတ်ပြန်ပါမယ်။”

ဒီလိုလူ့အခွင့်အရေးကော်မရှင်က စုံစမ်းစစ်ဆေးမှုအဆုံးသတ်တဲ့နေ့ဇန်နဝါရီ (၃)ရက်နေ့မှာ ဒေါ်ခင်ဝင်းအမှုကို ဆားလင်းကြီးရဲစခန်းမှာ သက်ဆိုင်ရာ မိသားစုက အမှုဖွင့်တိုင်ကြားလိုက်ပါတယ်။ ဒီအမှုကို ဥပဒေအကြံပေးအဖြစ် ဆောင်ရွက်ပေးနေတဲ့ မြန်မာနိုင်ငံ ရှေ့နေများကွန်ရက်အဖွဲ့က ရှေ့နေကြီး ဦးသိန်းသန်းဦးက တိုင်ကြားမှုရဲ့နောက်ဆုံးအခြေအနေ အခုလိုရှင်းပြပါတယ်။

“နောက်ဆုံးအခြေအနေထိကတော့ ကျနော်တို့ကို အကြောင်းမကြားသေးပါဘူး။ ဒါပေမယ့် အဖြေပေးရမှာပါ။ မပေးလို့မရဘူးလေ။ ဒေါ်ခင်မာအေးက တရားလိုလုပ်ပီးတော့ ဖွင့်တာပေါ့။ လူသတ်မှုနဲ့ဖွင့်တာ။ ကျနော်တို့က သေမှုသေခင်းလို့ ပြောရအောင်က ဘယ်သူသတ်လို့သတ်မှန်းမသိတဲ့ အနေအထားမျိုး မဟုတ်ဘူးလေ။ ….. အခုဟာက သေနတ်နဲ့ပစ်သတ်တာ မြင်နေရတာကို။ ဘယ်သူတွေပစ်တယ်ဆိုတာလည်း ရွာသားတွေ မြင်တဲ့ သက်သေအထောက်အထားတွေရှိတော့ ဒါတွေ စုံစမ်းစစ်ဆေးဖို့ တာဝန်ရှိတာပေါ့။ ပြည်သူတယောက်ကပထမသတင်းတရပ် ဖွင့်လှစ်တယ်ဆိုရင် အဲဒီ --- ကို ဖွင့်ပေးရမှာပဲ။ ဒီတိုင်ချက်အတိုင်း စုံစမ်းစစ်ဆေးဖို့ လိုတယ်၊ မလိုဘူးဆိုတာက နောက်တပိုင်းပေါ့ဗျာ။ အဲဒီတော့ ကျနော်တို့ကတော့ ရွာသားတွေဆီက ထွက်ချက်တွေကို စုစည်းပြီးတော့ သူတို့ဖြစ်ချင်တဲ့ သူတို့ဆန္ဒအတိုင်း ကျနော်တို့က တင်ပေးလိုက်တာပဲ။ သူ့ခေါ်စစ်ရင်လည်း အမှန်တိုင်း အကုန်ပြောနိုင်ပါတယ်။ အဲဒိအမကြီးက။”

မြန်မာနိုင်ငံရှေ့နေများကွန်ယက်က ဥပဒေအကျိုးဆောင်ရှေ့နေတွေဟာ ဇန်နဝါရီလ ၃ ရက်နေ့က လက်ပံတောင်းတောင်ကြေးနီ စီမံကိန်းနယ်မြေ အနီးက မိုးကြိုးပြင်ရွာနဲ့ ဆည်တဲရွာနဲ့ အနီးနားကရွာတွေကသူတွေဆီ သွားရောက်ခဲ့ပြီး ပစ်ခတ်မှုအတွင်း ဒဏ်ရာရသူတွေ ကို စုံစမ်းမေးမြန်းခဲ့ပြီး မျက်မြင် သက်သေတွေ အပေါ်စစ်ဆေးချက်တွေနဲ့ လုံလောက်တဲ့ သက်သေခံပစ္စည်းတွေကိုလည်း စုဆောင်းထားရှိတယ်လို့ ဦးသိန်းသန်းဦးက ရှင်းပြပါတယ်။

“သူတို့ လက်ခံသည်ဖြစ်စေ၊ လက်မခံသည်ဖြစ်စေ ဥပဒေကြောင်းအရ ဆက်သွားစရာတွေ ပြင်ပြီးသားပါ။ ကျနော်တို့မှာ အထောက်အထားတွေ ရှိပါတယ်။ ရာနဲ့ချီတဲ့ မျက်မြင်သက်သေတွေ ရှိပါတယ်။ ဆရာဝန်ဆေးစစ်ချက်တွေရှိတယ်။ ဒဏ်ရာရတာကို ပစ်ထားတာ၊ ဘယ်လို လုပ်ကိုင်ဆောင်ရွက်တာ လက်ကိုင်ဖုန်းနဲ့ရိုက်ထားတဲ့ ဗွီဒီယိုမှတ်တမ်းတွေ ရှိတယ်၊ ဓာတ်ပုံတွေရှိတယ်။”

ဒေါ်ခင်ဝင်းအမှုအပြင် လက်ပံတောင်းတောင်ကြေးနီစီမံကိန်းနယ်မြေ ခြံစည်းရိုးခတ်ထားတာကို ဖျက်ဆီးမှုအပါအဝင် ပုဒ်မ ၁၄၄ ချိုးဖောက်မှုစတဲ့ အမှုပေါင်းစုံနဲ့ ရင်ဆိုင်နေရတဲ့ ဒေသခံပြည်သူတွေရဲ့ အမှုတွေကိုလည်း လိုက်လံဆောင်ရွက်ပေးမှာဖြစ်တယ်လို့ မြန်မာနိုင်ငံရှေ့နေများ ကွန်ရက်က ပြောပါတယ်။

“တရုတ်ကုမ္ပဏီကနေပြီး ရွာသားတွေ သံဆူးကြိုးခိုးတယ်ဆိုပြီးတော့ တရားစွဲထားတာ ၇၀ ကျော် ရှိတယ်။ အဲဒါလည်း ပြည်သူလူထုဘက်က ကာကွယ်ပြီးတော့ ကျနော်တို့လိုက်မှာပါ။ နောက်ထပ် သူတို့ မတရားစွဲအုံးမှာတွေ အများကြီးပဲ။ အဲဒါတွေအတွက်လိုက်မယ်။ တဘက်က ခုနက လူသတ်မှုနဲ့ပတ်သက်တဲ့အပိုင်းကို ကျနော်တို့ ပံ့ပိုးမယ်။ ပြီးတော့ ပြည်သူတွေရဲ့နစ်နာမှုအတွက် ကုစားနိုင်တာတွေ ရသမျှ နစ်နာကြေးတောင်းတာတို့၊ နောက် ပုဒ်မ ၁၄၄ ထုတ်ပြန်ထားတာဟာ ဖွဲ့စည်းပုံအခြေခံဥပဒေနဲ့ ကိုက်ညီမှု မရှိဘူးဗျ။ အဲဒါကို ပြည်ထောင်စု တရားလွှတ်တော်ချုပ်ကို ဆက်တက်မလို့။”

အခုလို လက်ပံတောင်းတောင်အရေး ဒေသခံပြည်သူတွေနဲ့ ရဲလုံခြုံရေးကြား တင်းမာမှုတွေဖြစ်နေချိန်မှာပဲ ဒေသခံပြည်သူတွေနဲ့အတူ ဆန္ဒတူ တက်ကြွ လှုပ်ရှားသူတွေက ရန်ကုန်၊ မန္တလေးနဲ့ အခြားမြို့ကြီးတွေမှာလည်း ဆန့်ကျင်ဆန္ဒပြပွဲတွေပြုလုပ်နေချိန်ဖြစ်ပါတယ် ဒီဆန္ဒပြပွဲတွေကို ဦးဆောင်တဲ့ တက်ကြွလှုပ်ရှားသူအချို့လည်း ဖမ်းဆီးထိန်းသိမ်းခံနေရသလို အာဏာပိုင်တွေဘက်က လိုက်လံဖမ်းဆီးမှုရှိလို့ တိမ်းရှောင်နေရသူတွေလည်း ရှိတယ်လို့ သိရပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com/content/lappadaung-daw-khin-win-murder-case-/2587054.html


လက်ပံတောင်း ကြေးနီစီမံကိန်း အလုံးစုံ ပျက်သုန်းသွားအောင် လူနည်းစုတစုက စနစ်တကျ လှုံ့ဆော်နေတယ်လို့ စွပ်စွဲချက်အပါအ၀င် အကောင်အထည် ဖော်ရေး ကော်မတီရဲ့ ထုတ်ပြန်ချက်ကို ပညာရှင်တွေ၊ တက်ကြွ လှုပ်ရှားသူတွေနဲ့ ရွာသားတွေက ပယ်ချလိုက်ပါတယ်။

ဒီဇင်ဘာ ၂၂ ရက်နေ့က လက်ပံတောင်းတောင်ဒေသမှာ လုံခြုံရေးအင်အားသုံးပြီး မြန်မာ ၀မ်ပေါင်ကုမ္ပဏီက အတင်းအကျပ်ခြံစည်းရိုးခတ်မှုမှာ လယ်ယာမြေလျော်ကြေး မယူတဲ့ ရွာသားတွေနဲ့ အဓိကရုဏ်းဖြစ်ပွားလို့  တောင်သူ ဒေါ်ခင်ဝင်း သေနတ်ထိမှန်သေဆုံး ခဲ့သလို အများအပြားဒဏ်ရာရခဲ့ပါတယ်။

LaPaDaung Protest 29122014ဒီအဓိကရုဏ်းဖြစ်ပွားစေတဲ့ မကျေမနပ်မှုတွေဟာ လက်ပံတောင်းတောင်ကြေးနီစီမံကိန်း စုံစမ်းစစ်ဆေးရေး အစီရင်ခံစာ အကြံပြုချက်တွေကို အကောင်အထည်ဖော်မှုပိုင်း အားနည်း ခဲ့လို့ ဖြစ်ခဲ့တာလို့ ကော်မရှင်ဥက္ကဋ္ဌ ဒေါ်အောင်ဆန်းစုကြည်က ရှင်းလင်းခဲ့ပြီးတဲ့နောက် ရက်ပိုင်းအကြာမှာ ကော်မတီက ကြေညာချက်ထုတ်ပြန် တုံ့ပြန်ခဲ့တာဖြစ်ပါတယ်။

ဇန်န၀ါရီ ၅ ရက်နေ့ ထုတ်ပြန်ချက်မှာ  စီမံကိန်း အလုံးစုံပျက်သုဉ်းရေးကို ဦးတည်တဲ့ လူနည်းစုက ပြင်ပအဖွဲ့အစည်းတွေ အကူအညီနဲ့ လှုံ့ဆော်မှုတွေ စနစ်တကျ လုပ်ဆောင်ပြီး အမြဲတစေပြဿနာတခုမဟုတ် တခုဖြစ်အောင် ဖန်တီးနှောင့်ယှက်နေတယ်လို့ ပါရှိပါတယ်။

စီမံကိန်းအတွက် သိမ်းဆည်းခဲတဲ့မြေတွေ အတွက် ၂၀၁၁ ခုနှစ်က မြေသိမ်း ဥပဒေနှင့်အညီ မြေခွန်၏ ၂၀ ဆနှုန်းနဲ့ လျော်ကြေးပေးခဲ့ရာ ဒေသခံများအားလုံး ထုတ်ယူခဲ့ပြီး ဖြစ်တဲ့အတွက် စီမံကိန်း မြေသိမ်းဆည်းအမိန့် ထုတ်ပြန်ပြီး စီမံကိန်း နယ်မြေလုံခြုံရေးအတွက် ပုဒ်မ ၁၄၄ ကို ထုတ်ပြန်ကြေညာခဲ့တယ်လို့ ပါရှိခဲ့ပါတယ်။

အစီရင်ခံစာ အကောင်အထည်ဖော်ရေးကော်မတီရဲ့ ထုတ်ပြန်ချက်အပေါ် ဒေသခံရွာသား၊ ပညာရှင်တွေနဲ့ လွှတ်တော်အမတ်တွေက ဝေဖန်ကြပါတယ်။

စိမ်းလန်းအမိမြေ ပတ်ဝန်းကျင်ထိန်းသိမ်းရေး အသင်းက ဦးဝင်းမျိုးသူက တဧက အတွက် မြေခွန် ပေးဆောင်ရတာ ကျပ်ငွေ ရာဂဏန်းလောက်သာ ရှိသလို အဆ ၂၀ ပေးရင်တောင် အင်မတန် နည်းပါးနေဆဲ ဖြစ်တယ်လို့ ပြောပါတယ်။

“မြေခွန်ရဲ့ ပမာဏ တဧကက ၁၀ ဂဏန်း ရာဂဏန်းလောက်ရှိတာပဲ ထားပါတော့ ၁၀၀ လောက် ရှိတယ်ဆိုရင် အဆ ၂၀ ဆိုရင် ငွေလေး ၃ သောင်း ၄ သောင်းပေးတာနဲ့ တရား ဥပဒေအတိုင်းလုပ်ပြီလို့ ပြောတာတောင် ကိုယ်လိပ်ပြာကိုယ်မရှက်တဲ့ သူတွေပဲပြောရမယ်။ ဒါခတ်စနစ်နဲ့ ဘယ်လိုမှ မကိုက် ညီတဲ့ အခြေအနေမှာ ရှိနေတယ်။ ဒါအစိုးရက သိမ်းပြီးသား ဖြစ်တယ်လို့ ပြောတာက ဘယ်လိုမှ တရားမျှတမှုမရှိဘူး။ မပြောသင့်တဲ့ အချက်ကို ပြောတယ်လို့ ဒီလိုပဲ ယူဆပါတယ်” လို့ ဦးဝင်းမျိုးသူက ပြောပါတယ်။

ထုတ်ပြန်ချက်မှာ ဒီစီမံကိန်းနဲ့ပတ်သက်ပြီး စုံစမ်းစစ်ဆေးရေး ကော်မရှင်ရဲ့ သုံးသပ် အကြံပြုချက်တွေကို အလေးထားဆောင်ရွက်နေသလို လက်ပံတောင်းတောင်ကြေးနီ စီမံကိန်းဆိုင်ရာ သဘောတူစာချုပ်ကို ပြန်လည်ချုပ်ဆိုခဲ့ပြီး မြေယာလျော်ကြေးနဲ့ ထောက်ပံ့ကြေးငွေကျပ် သိန်း ၁၀၇,၉၆၆.၉၂ သိန်းထုတ်ပေးခဲ့ပြီးဖြစ်တယ်လို့ ရေးပါတယ်။

စုံစမ်းစစ်ဆေးရေး ကော်မရှင်အဖွဲ့ဝင်အဖြစ် တာဝန်ထမ်းဆောင်ခဲ့သူ ပြည်သူ့လွှတ်တော် အမတ် ဒေါ်ခင်စန်းလှိုင်ကတော့ ထုတ်ပြန်ချက်ထဲမှာပါတဲ့ အချက်တွေက ဒေသခံနဲ့ လွှတ်တော်ကိုယ်စားလှယ်တွေကို ရှင်းပြနေတဲ့ စကားတွေသာ ဖြစ်သလို ပြည်သူတွေက လက်မခံနိုင်တဲ့ အတွက် ပြဿနာတွေ ဆက်ဖြစ်နေကို ကြည့်ခြင်းအားဖြင့် အပြောနဲ့ လက်တွေ့ ကွာဟနေတယ်လို့ ပြောပါတယ်။

“အဓိကကတော့ အောက်ခြေမှာ ဖြစ်နေတဲ့ ပြဿနာတွေကို အကောင်ထည်ဖော်ရေး ကော်မတီက ဖြေရှင်းမပေးနိုင်သလို မြန်မာဝမ်ပေါင် ကုမ္ပဏီကလည်း ဖြေရှင်းပေးနိုင်တာကို ကျမတို့ မတွေ့ရဘူး။ အဓိကကတော့ အောက်ခြေဒေသခံတွေရဲ့ အထွေထွေ မကျေနပ်ချက်တွေနဲ့ ဒေသခံတွေရဲ့ အပေါ်မှာ ကော်မတီက လူတွေလို တန်ဖိုးထား လေးစားတာမျိုးမတွေ့ရဘူး” လို့ ဒေါ်ခင်စန်းလှိုင်က ပြောပါတယ်။

ဒါအပြင် အကောင်ထည်ဖော်တဲ့ကော်မတီနဲ့ ၀မ်ပေါင်ကုမ္ပဏီရဲ့ ဆောင်ရွက်ချက်ဟာ ဘယ်လောက် အားနည်းသလဲဆိုတာကို လယ်တီသိမ်ပြောင်းရွှေ့တာနဲ့ ပတ်သက်တဲ့ စုံစမ်းစစ်ဆေးရေးကော်မတီရဲ့ အစီရင်ခံစာပါ အချက်နဲ့ ထောက်ပြလို့ရတယ်လို့ သူက ပြောပါတယ်။

လက်ပံတောင်းဒေသခံ မသွဲ့သွဲ့ဝင်းကတော့ အကောင်အထည်ဖော်ရေးကော်မတီ ရဲ့ ထုတ်ပြန်ချက်ဟာ ဒေသခံတွေ တကယ်ဖြစ်နေတာနဲ့ တခြားစီဖြစ်နေတယ်လို့   ပြောပါတယ်။

“သွေးထိုးလှုံဆော်သူတွေရှိတယ်လို့ သူတို့ဘက်က ဂဃနဏ ပြောနိုင်ရင် အဲဒီလူတွေ ရှိတာ သေချာပေါက် သိလိုရှိရင် အဲဒီလူတွေကို လာပြီး ဥပဒေအရ အရေးယူဖမ်းဆီးပြီးတော့ ထောင်ချပါလား။  အဲဒီလို အရေးယူဆောင်ရွက်ခြင်းလည်း မရှိဘဲနဲ့ သွေးထိုးလှုံ့ဆော်တယ် လှုံ့ဆော်တယ်နဲ့ ပါးစပ်ကပြောလို့ အရာမရောက်ဘူး။ ဥပဒေရှိရင် ဥပဒေအတိုင်း အရေးယူမှ”လို့ သူက ပြောပါတယ်။

ဂုဏ်သိက္ခာရှိတဲ့ ကော်မတီ ဖြစ်တယ်ဆိုရင် အခုလို ထုတ်ပြန်ချက်တွေ ထုတ်ပြန်စရာ မလိုဘူးလို့လည်း မသွဲ့သွဲ့ဝင်းက ပြောပါတယ်။

တပ်မတော်အစိုးရလက်ထက်က ဒီကြေးနီစီမံကိန်းကို  စစ်တပ်ပိုင် ဦးပိုင်ကုမ္ပဏီနဲ့ တရုတ်ဝမ်ပေါင်ကုမ္ပဏီ တို့က အကျိုးအမြတ်အများစု ရယူပြီး နိုင်ငံအတွက် အနည်းငယ်သာ ခံစားဖို့ ချုပ်ဆိုခဲ့ပါတယ်။

၂၀၁၂ ခုနှစ်မှာ စီမံကိန်းဖျက်သိမ်းရေးဆန်ဒပြပွဲကို  ဖြိုခွင်းပြီးနောက် ဒေါ်အောင်ဆန်းစုကြည် ဦးဆောင်တဲ့ လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေးကော်မရှင်က အကျိုးအမြတ်ကို နိုင်ငံတော်က ၅၁ ရာခိုင်နှုန်း၊ ဦးပိုင်က ၁၉ ရာခိုင်နှုန်း၊ မြန်မာဝမ်ပေါင်ကုမ္ပဏီက ၃၀ ရာခိုင်နှုန်းခံစားဖို့အပါအ၀င် ကျယ်ပြန့်တဲ့ အကြံပြုချက်တွေကို တင်ပြခဲ့ပါတယ်။

By ကို​ထွေး​ (ဒီဗွီဘီ)
http://burmese.dvb.no/archives/76117


အီရတ်အစိုးရ သတင်းပေး အဖြစ် စွပ်စွဲခံရသူ အီရတ်ရဲတပ်ဖွဲ့ဝင် ၈ ဦးအား ကွပ်မျက်သည့် ဓါတ်ပုံများကို IS အဖွဲ့က ထုတ်လွှင့်လိုက်သည်။ အဆိုပါ ဓါတ်ပုံများသည် နောင်တွင်ထုတ်လွှင့်မည့် ဗီဒီယိုမှ ဖမ်းယူထားခြင်းဖြစ်သည်။

“တရားစီရင်သည့်နေ့”ဟု အမည်ပေးထားသည့် အဆိုပါ ဓါတ်ပုံများတွင် အီရတ် ၈ ဦးအား (အမေရိကန် က အကြမ်းဖက်သမားအား ဖမ်းဆီးစစ်ဆေးသည့်)ဂွမ်တာနာမိုဘေး အကျဉ်းစခန်းမှ အကျဉ်းသားဝတ်စုံနှင့် ဆင်တူသော လိမ္မော်ရောင် ၀တ်စုံများဖြင့် မြင်တွေ့ရသည်။

နေ့ခင်းကြောင်တောင် လူအစုလိုက်အပြုံလိုက် သတ်ဖြတ်ခြင်းများပြုလုပ်လေ့ရှိသော ဆိုးသွမ်းလှသည့် IS အဖွဲ့ဝင်များက အဆိုပါအီရတ် ၈ ဦး၏အနောက်တွင် ပစ္စတိုကိုင်၍ မတ်တပ်ရပ်နေသည်ကို မြင်တွေ့ရသည်။

ကွပ်မျက်ခံရသူအချို့၏ အမည်နာမများ ဖော်ပြထားပြီး မိုက်ခရိုဖုန်းများ တပ်ဆင်ပေးထားသည်ကို တွေ့ရရာ ၎င်းတို့အား မကွပ်မျက်မီ ဗီဒီယိုအင်တာဗျုး ပြုလုပ်ခဲ့ဖွယ်ရှိသည်။

အဆိုပါ ၈ဦးအဖွဲ့၏ ခေါင်းဆောင်မှာ ရဲမှူး ဟာဆန်ဆာလေးဘနော့ရှ် ဆိုသူဖြစ်ပြီး ဘနော့ရ်ှနှင့် ရဲတပ်ဖွဲ့ဝင် ၇ ဦးတို့သည် ဆူနီမွတ်စလင်အဖြစ် ပြောင်းလဲခံယူပြီးမှ IS အဖွဲ့နှင့် ပူးပေါင်းခဲ့သူများဖြစ်ကြောင်း IS သတင်းမီဒီယာ က ထုတ်ပြန်သည်။

၎င်းတို့ ၈ ဦးသည် IS အဖွဲ့ဝင်ဖြစ်လာပြီးချိန်မှစ၍ အီရတ်အစိုးရအတွက် လျှို့ဝှက်ထောက်လှမ်းပေးခဲ့သည်ဟုဆိုသည်။
ယင်းတို့သည် မဟာမိတ်တပ်ဖွဲ့များအတွက် လေကြောင်းမှတိုက်ခိုက်မှုပြုနိုင်ရန် ပစ်မှတ်များအပါအ၀င် ထောက်လှမ်းရရှိသည့် သတင်းများကို အီရတ်အစိုးရထံ ပေးပို့ခဲ့သည်ဟု စွပ်စွဲခံခဲ့ရသည်။

အာမက်ဘာဆေးလ်ရာမဒန်ဆိုသည့် လူငယ်မှာ IS တပ်ဖွဲ့ဝင်တို့၏ နေအိမ်တည်နေရာများကို ထောက်လှမ်းသတင်းပေးခဲ့သည်ဟုဆိုသည်။
မာဝမ်ဟာဘိဆာအိဒ် ဆိုသူက ပစ်မှတ်နေရာများနှင့်ပတ်သက်၍ သတင်းပေးခဲ့သည်ဟု ဆိုသည်။

ဓါတ်ပုံများတွင် အဆိုပါ စွပ်စွဲခံ ၈ဦးအား မျက်စိကို အ၀တ်စဖြင့် ပိတ်စည်းထားပြီး လက်နောက်ပြန်ကြိုးတုပ်ကာ IS အဖွဲ့ဝင်တို့က တဦးချင်းစီကို လည်ဂုတ်မှ ကိုင်လျက် ယူဖရေးတီးမြစ်ဟု ယူဆရသော မြစ်ကမ်းနားတလျောက် ဆွဲခေါ်သွားပုံကို တွေ့ရသည်။
ထို့နောက် ၎င်းတို့အား ဒူးထောက်ထိုင်စေပြီး IS တပ်သားများက ဦးခေါင်းကို ပစ္စတိုဖြင့် ပစ်ကာ ကွပ်မျက်ခဲ့သည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


လွန်ခဲ့သည့် (၄) နှစ်ခန့်ကပင် ဦးခေါင်းခွံ အရင်းပိုင်း အကျိတ်ကြောင့် မျက်လုံးပြူးထွက်လာသည့် အမျိုးသမီးငယ်မှာ ရန်ကုန်ဆေးရုံကြီးတွင် အခမဲ့ ခွဲစိတ်ကုသမှု ရတော့မည် ဖြစ်ကြောင်း သိရသည်။

အဆိုပါ အမျိုးသမီးငယ်မှာ ၂၁ နှစ် အရွယ် မခိုင်ယဉ်မွန်ဖြစ်ပြီး ဟင်္သာတမြို့နယ်၊ ကံကြီးတောင်ကျေးရွာကဖြစ်ကြောင်း၊ ၂၀၁၁ ခုနှစ်ကပင် မျက်လုံးပြူးလာသည့်အတွက် ကျန်းမာရေးစစ်ဆေးရာ ဦးနှောက်အစပ်နှင့် မျက်လုံးအပေါ် ကြားတွင် အကျိတ်ဖြစ်နေကြောင်း သိရကြောင်း၊ သို့သော်လည်း ငွေကြေးမတတ်နိုင်သည့်အတွက် မကုသခဲ့ကြောင်း သိရသည်။

လွန်ခဲ့တဲ့ ရက်ပိုင်းက ဟင်္သာတမြို့နယ်အတွင်း နယ်လှည့်ဆေးကုသပေးသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ နယ်လှည့်ဆေးကုသအဖွဲ့က တွေ့ရှိရာမှ ရန်ကုန်ဆေးရုံကြီး အရေးပေါ်ကိုရောက်ရှိကြောင်း၊ ယင်းမှတစ်ဆင့် ပြင်ပလူနာဌာနကိုရောက်ရှိရာ စမ်းသပ်စစ်ဆေးပြီး လာမည့် တပတ်အတွင်း ဦးနှောက်နှင့်အာရုံကြော အထူးခွဲစိတ်ကုသဆောင်တွင် ခွဲစိတ်ကုသပေးသွားမည်ဖြစ်ကြောင်း သိရသည်။

"သမီးမျိုးရိုးမှာလည်း ဒီလိုဖြစ်တာမရှိဘူး။ဖြစ်ဖြစ်ချင်း ဘယ်လိုမှမခံစားရဘူး။နောက်ပိုင်းတော့ မျက်စိမှုန်လာတယ်။ ၀ါးလာတယ်။ အခုဆိုရင် သိပ်မမြင်တော့ဘူး။ အခုလို ကုသပေးမယ့်သူပေါ်လာတယ်။ကုသဖို့အခွင့်အရေးရတယ်ဆိုတော့ပျော်ပါတယ်"ဟု မခိုင်ယဉ်မွန်က ပြောသည်။

ရန်ကုန်ဆေးရုံကြီးတွင် အဆင့်မြင့်စက်ကိရိယာများ တပ်ဆင်ပေးထားကာ မြန်မာနိုင်ငံ၏ တခုတည်းသော စီတီစကင် (CT Scan) ဖြင့် ဦးခေါင်းအတွင်းပိုင်းကဲ့သို့နေရာများကို တိတိကျကျ ပြတ်ပြတ်သားသား ရိုက်ကူး၍ ရောဂါရှာဖွေပေးလျက်ရှိကြောင်း၊ မခိုင်ယဉ်မွန်ကိုလည်း စီတီစကင် (CT Scan) ထပ်မံရိုက်ကူးကာ စစ်ဆေးခဲ့ခြင်းဖြစ်ကြောင်း သိရသည်။

"အရိုးခွံပေါ်မှာ ဖြစ်တဲ့အကျိတ်ပါ။ မျက်လုံးရဲ့အပေါ်အရိုးပေါ်မှာ ဖြစ်တာပါ။ဦးခေါင်းခွံရဲ့ အရင်း မျက်လုံးရဲ့ အပေါ်မှာ ကင်ဆာမဟုတ်ဘဲ ရိုးရိုးအကျိတ်ဖြစ်ဖို့ များပါတယ်။ တကယ်က ၂၀၁၁ ကပဲ တွေ့ထားတာပါ။ ချို့တဲ့တော့ မခွဲဖြစ်ဘူး။ကွန်ပျူတာလည်း ထပ်ရိုက်ထားတယ်။ နေဖို့ထိုင်ဖို့၊ စားဖို့သောက်ဖို့ ကူညီသူရှိတော့ ကောင်းသွားတာပေါ့၊ ခွဲပစ်ရင်တော့ကောင်းသွားမှာပါ။အောင်မြင်ဖို့ များပါတယ်။ ဦးနှောက်ခွဲစိတ်အဖွဲ့၊မျက်စိနားနှာခေါင်းအဖွဲ့တွေနဲ့ပူးပေါင်းဆောင်ရွက်သွားမှာပါ"ဟု ဦးနှောက်နှင့်အာရုံကြောခွဲစိတ်ဌာန၊ ပါမောက္ခ ဌာနမှုး ဒေါက်တာမြတ်သူက ပြောသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

Author Name

Contact Form

Name

Email *

Message *

Powered by Blogger.