01/12/15

ဓါတ်ပုံ- ဂျေပိုင်(ဧရာဝတီ)
အစိုးရ၊ လွှတ်တော်၊ တပ်မတော်နဲ့ နိုင်ငံရေးအင်အားစုတွေက တာဝန်ရှိသူတွေဟာ ဒီမိုကရေစီအသွင်ကူးပြောင်းရေး၊ နိုင်ငံရေးဆွေးနွေးပွဲတွေ ကျင်းပရေးနဲ့ ၂၀၁၅ ရွေးကောက်ပွဲ အောင်မြင်စွာကျင်းပနိုင်ရေးကိစ္စတွေကို အပြန်အလှန် ဆွေးနွေးအဖြေရှာခဲ့ တယ်လို့ အစိုးရ က ထုတ်ပြန်ပါတယ်။

နိုင်ငံတော်သမ္မတက ဦးစီးဖိတ်ကြားတဲ့ မြန်မာ့နိုင်ငံရေးဆွေးနွေးပွဲကို ဒုတိယ အကြိမ်မြောက် နေပြည်တော်မှာ ကျင်းပရာမှာ သမ္မတ၊ ကာကွယ်ရေးဦးစီးချုပ်၊ လွှတ်တော်အကြီးအကဲ၊ ဒေါ်အောင်ဆန်းစုကြည်၊ တိုင်းရင်းသားရေးရာဝန်ကြီးတွေနဲ့ တိုင်းရင်းသား ကိုယ်စားလှယ် ခေါင်းဆောင်တွေ အပါအ၀င် စုစုပေါင်း ၄၈ ဦးတို့ ဆွေးနွေးပြီး ထုတ်ပြန်တာပါ။

ဒီကနေ့မနက်ကနေ ညနေထိ တံခါးပိတ် ဆွေးနွေးပွဲအပြီး ထုတ်ပြန်ချက်မှာ ဒီမိုကရေစီ အသွင်ကူးပြောင်းရေးနှင့် ပြုပြင်ပြောင်းလဲရေးများ ဆက်လက် ဖြစ်ထွန်းရေး၊ ငြိမ်းချမ်းရေးဖြစ်စဉ်ကို အခြေခံတဲ့ အမျိုးသားပြန်လည် စည်းလုံးညီညွတ်ရေးဆိုင်ရာ နိုင်ငံရေးဆွေးနွေးပွဲများ စတင်ကျင်းပနိုင်ရေး ဆွေးနွေးခဲ့တယ်လို့ ဖော်ပြပါတယ်။

ဒါ့အပြင် ၂၀၁၅ အထွေထွေ ရွေးကောက်ပွဲကို အောင်မြင်စွာ ကျင်းပပြုလုပ်နိုင်ပြီး ညင်သာသော အသွင်ကူးပြောင်းမှု နိုင်ငံရေးလုပ်ငန်းစဉ်များ ပေါ်ပေါက်ရေးနဲ့ ကျန် ကြားကာလ နိုင်ငံရေးတည်ငြိမ်မှုရှိရေးကိစ္စတို့ အပါအ၀င် နိုင်ငံရေးကိစ္စရပ်များကို အပြန်အ လှန်ဆွေးနွေး အဖြေရှာတယ်လို့လည်း ထုတ်ပြန်ချက်မှာ ရေးပါတယ်။

ဒီလိုဆွေးနွေးပွဲတွေကို အချိန်အခါနဲ့ အခြေအနေပေါ် မူတည်ပြီး အားလုံး ညှိနှိုင်းပြီး ထပ်မံ ပြုလုပ်သွားမှာ ဖြစ်တယ်လို့လည်း ဆိုပါတယ်။

ပထမအကြိမ် နေပြည်တော်မှာ ကျင်းပတဲ့ နိုင်ငံရေးအင်အားစုကြီးငါးစုပါဝင်တဲ့ ဆွေးနွေးပွဲကို မနှစ်နိုဝင်ဘာလမှာ ကျင်းပခဲ့ပြီး အစိုးရ၊ လွှတ်တော်၊ တပ်မတော်နဲ့ နိုင်ငံရေးပါတီက ခေါင်းဆောင်တွေ စုစုပေါင်း ၁၄ ဦး တက်ရောက်ခဲ့ပါတယ်။

အဲဒီ ၁၄ ဦးတွေ့ဆုံပွဲကို ၁၄ ပွင့်ဆိုင်လို့ လူပြောများခဲ့ပြီးနောက် ပြည်ထောင်စုလွှတ်တော်က ၆ ပွင့်ဆိုင် တွေ့ဆုံဆွေးနွေးကြဖို့ ဆုံးဖြတ်ချက်ချခဲ့ပါတယ်။

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က တွေ့ဆုံပွဲအပြီး သတင်းစာ ရှင်းလင်းပြောဆိုရာမှာ ပြည်ထောင်စုလွှတ်တော်က ဆုံးဖြတ်ထားတဲ့ ၆ ပွင့်ဆိုင်ကိုတော့ ဖြစ်အောင်လုပ်ရမယ်လို့ ယုံကြည်ကြောင်း ပြောဆိုပါတယ်။

သူက “ဒါနဲ့ ၆ ပွင့်ဆိုင်ကို အစားထိုးလို့ မရဘူး။ ဘာဖြစ်လိုလဲဆိုတော့ အခုဆွေးနွေးတဲ့ဟာတွေက ၆ ပွင့်ဆိုင် ပုံစံမှ မဟုတ်ဘဲ၊ တိုင်းပြည်နယ်က တိုင်းရင်းသား ၀န်ကြီးတွေ ပါတယ်လေ။ တိုင်းရင်းသား ၀န်ကြီးတွေဆိုတာက တကယ်တော့ အစိုးရအဖွဲ့ပဲ တိုင်းရင်းသားဝန်ကြီးတွေ တွေ့ဆုံဆွေးနွေးတယ်ဆိုတာက တမျိုးပေါ့။ အစိုးရအဖွဲ့နဲ့ နိုင်ငံရေး ပါတီတွေ ဆွေးနွေးတယ်ဆိုက အန်တီတို့ အမြင်မှာတော့ ဘယ်လိုမူအရ ဒီပုဂ္ဂိုလ်တွေ ဖိတ်တယ်ဆိုတာ အန်တီတော့ မရှင်းဘူး” လို့ ပြောပါတယ်။

DVB
http://burmese.dvb.no/archives/76885



၂၀၁၅ ခုဇန်န၀ါရီလ ၁၂ ရက်နေ့မှာ ကျရောက်တဲ့ အရွယ်ရောက်သူများနေ့ အခမ်းအနားကို ဂျပန်နိုင်ငံတ၀ှမ်းမှာ ကျင်းပခဲ့ပြီး အခုနှစ်မှာ ၁.၂၆ သန်းရှိကာ အရင်နှစ်ကထက် ၅ သောင်းကျော် ပိုများခဲ့ပါတယ်။

ဂျပန်နိုင်ငံမှာ အသက် ၂၀ ပြည့်သူများကို အရွယ်ရောက်သူများလို့ သတ်မှတ်ပြီး အစိုးရက တရားဝင်ဂုဏ်ပြုလွှာပေးအပ်သလို ရိုးရာပွဲထိုင် ကီမိုနိုများဝတ်ဆင်ကာ ဘုရားကျောင်းများမှာ ၀တ်ပြုဆုတောင်းကြပါတယ်။ လွန်ခဲ့တဲ့ ဂျပန်စီးပွားရေးပူဖောင်း ပေါက်ကွဲပြီး စီးပွားရေး စတင်ကျဆင်းချိန် မွေးဖွားခဲ့သူများအဖြစ်လည်း သတ်မှတ်ပါတယ်။

ဂျပန်နိုင်ငံမှာ စီးပွားရေး ဆက်လက်ကျဆင်းနေတဲ့အတွက် ယာယီသက်တမ်းခန့်၊ အလုပ်ခေါ်ယူမှုက တိုးပွားလာပြီး အတည်တကျအလုပ်အကိုင် ရဖို့အတွက် ဂျပန်လူငယ်များအနေနဲ့ ခက်ခဲနေတာလည်း ဖြစ်ပါတယ်။

ဂျပန်မှာ သက်ကြီးအိုရွယ်တွေ များပြားလာတာနဲ့အတူ လူမှုဖူလုံရေးအတွက် အခွန်အခတွေ ကြီးမြင့်လာတာတွေက ဂျပန်လူငယ်တွေ အလုပ်အကိုင်ရှားပါးလာမှုနဲ့အတူ ရင်ဆိုင်နေရ ပါတယ်။

အခုနှစ်အရွယ်ရောက်သူတွေကို စစ်တမ်းတွေ ကောက်ခံမှုများအရ အာမခံရှိတဲ့ အလုပ်အကိုင်တွေ ရရှိချင်ပြီး လူဘောင်တိုးတက်ရေး လူမှုအကျိုးပြုအလုပ်တွေ လုပ်ချင်ပါတယ်လို့ အခုနှစ် အရွယ်ရောက် သူတွေကို စစ်တမ်းတွေ ကောက်ခံမှုများအရ သိရှိရပါတယ်။

DVBဇော်ဇော်လှိုင်
http://burmese.dvb.no/archives/76878

ဧရာဝတီတိုင်း ၀ါးခယ်မမြို့နယ်က လယ်ယာမြေ အငြင်းပွားမှုကို ကွင်းဆင်းစစ်ဆေး ပါမယ်လို့ ပြည်သူ့လွှတ်တော် မှာ ဆွေးနွေးခဲ့ပေမဲ့ ကွင်းဆင်း မစစ်ဆေး တဲ့အပြင်၊ မူလ ပိုင်ရှင်လယ်သမားနဲ့ သူ့သားနှစ်ဦး ဖမ်းဆီးခံရပြီး၊ ဇနီးဖြစ်သူ မှာလည်း ကျေးရွာအာဏာ ပိုင်တွေက ဖမ်းဆီးမယ်ခြိမ်းခြောက်တဲ့အတွက် တိမ်းရှောင်နေရတယ်လို့ လယ်သမား အကျိုးဆောင် ကွန်ရက်အဖွဲ့က ပြောပါတယ်။

ဝါးခယ်မမြို့နယ်၊ ဘိုးဘေးအညာစုကျေးရွာအုပ်စု၊ ဓနိချောင်းကျေးရွာက လယ်သမားကြီး ဦးရွှေချိန် ကမြို့နယ် ပြည်သူ့ လွှတ်တော်ကိုယ်စားလှယ် ဒေါ်မြင့်မြင့်စန်း ကို မနှစ်က စက်တင်ဘာလအတွင်း တင်ပြခဲ့တဲ့ လယ်ယာမြေ အငြင်းပွားနေ တဲ့ ကိစ္စကို အောက်တိုဘာလမှာ ကျင်းပတဲ့ ပြည်သူ့လွှတ်တော် အစည်းအဝေး မှာ မေးမြန်းခဲ့တာလို့ တောင်သူ လယ်သမား အကျိုးဆောင် ကွန်ရက်အဖွဲ့က ဦးဇော်ရမ်းက ပြောပါတယ်။

"ဝါးခယ်မမြို့နယ် ပြည်သူ့လွှတ်တော်ကိုယ်စားလှယ် ဒေါ်မြင့်မြင့်စန်းကိုယ်တိုင် လွှတ်တော် မှာ မေးခွန်းတွေမေးပြီးတော့ ရှင်းခိုင်းထားတယ်၊ အဲ့ချိန်မှာ လယ်ယာ စိုက်ပျိုးရေး ဒုဝန်ကြီး ဦးအုန်းသန်း ကိုယ်တိုင် ကွင်းဆင်းပြီးပြန်လည်စစ်ပါမယ် ဆိုပြီးတော့ ပြောထားပါလျှက်နဲ့ ခရိုင်အဆင့်၊ မြို့နယ်အဆင့်၊ တိုင်းအဆင့်တွေက လယ်ကွင်းထဲကို လုံးဝမရောက်ဘဲနဲ့ အောက်ခြေကဆုံးဖြတ်ချက်ကိုပဲ ထပ်ခါထပ်ခါ အတည်ပြုနေတဲ့အတွက် ဦးရွှေချိန်က တအား နစ်နာတဲ့အတွက် အခုတစ်ခါထပ်ပြီးတော့ စာတင်ထားတယ်၊ သူစိုက်ထားတဲ့ စပါးတွေကို တစ်ဖက်လူကလာပြီးတော့ ဖျက်စီးတယ်၊ သူကပြန်စိုက်တယ်၊ အခုမှည့်လာတဲ့ အချိန်ကျတော့ သူကဆင်းရိတ်တယ်၊ အဲ့ဒါကိုတစ်ဖက်က ခိုးမှုဆိုပြီးတော့ စပါး ၁၀၀ ကျော်ကို သိမ်းထား လိုက်ပြီးတော့ ရဲတွေကနေ သူ့သားတွေရော၊ ဦးရွှေချိန်ကိုပါ ဖမ်းထားတာပါ"

လယ်သမားကြီး ဦးရွှေချိန်ကို မနှစ်က ဒီဇင်ဘာ ၃၁ ရက်နေ့က ဖမ်းဆီးသွားတဲ့ အမှုရဲ့ အရင်းခံ ဖြစ်ရပ်ကိုလည်း ဦးဇော်ရမ်းက အခုလို ပြောပြပါတယ်။

" ၃၇၉ တပ်လိုက်တယ်၊ ဦးရွှေချိန်ပိုင်တဲ့မြေကို တခြားလူပိုင်တယ်ဆိုပြီးတော့ အငြင်းပွားပြီးတော့ ဦးရွှေချိန် နဲ့ ပြိုင်ဖက်ကနေပြီးတော့ ကျေးရွာ အုပ်ချုပ်ရေးမှူးနဲ့ လူကြီးတွေကို ငွေကြေးအင်အား အသုံးပြုပြီးတော့ အဲ့လယ်ကို သူ့ဖက်ပါအောင် လုပ်လိုက်တာ၊ ဦးရွှေချိန်ရဲ့လွန်ခဲ့တဲ့ ၆ နှစ်ထိပြေစာတွေ ကရှိနေတယ်"

ဦးအုန်းလွင်နဲ့ လယ်ယာမြေကိစ္စ အငြင်းပွားတာဖြစ်ပြီး ဒီနှစ် ဇန်န၀ါရီ ၂ ရက်နေ့မှာ ဦးရွှေချိန်ရဲ့ သား ဦးနိုင်ဝင်း နဲ့ ဦးဘိုဘိုတို့ကိုပါ ထပ်မံဖမ်းဆီးပြီး ဇနီး နဲ့ ဆွေမျိုးတွေကိုပါဖမ်းဆီးမယ်လို့ ကျေးရွာအာဏာပိုင်တွေက ခြိမ်းခြောက်တဲ့ အမှုလည်းဖြစ်ပါတယ်။

ဦးရွှေချိန်တို့ အမှုကို ခုလာမယ့် ၁၄ ရက်နေ့မှာ တရားရုံးတင်မယ်လို့လည်း ဦးဇော်ရမ်း က ပြောပါတယ်။

၈၈ စစ်အာဏာသိမ်းပြီးနောက်ပိုင်း ပိုမိုကြီးထွားလာပြီး ဦးသိန်းစိန်အစိုးရလက်ထက်မှာ လူသိပိုများလာတဲ့ လယ်ယာမြေအငြင်းပွားမှုတွေ အကြောင်း တောင်သူလယ်သမား အကျိုးဆောင်ကွန်ရက်အဖွဲ့ဝင် ဦးဇော်ရမ်း ကို ဒေါ်စမ်းစမ်းတင်က ဆက်သွယ် မေးမြန်းထားပါတယ်။

RFA


ထိုင်းနိုင်ငံ အလယ်ပိုင်း ပရကျူတ်ခီရီခန် ခရိုင်ထဲမှာ မြန်မာနိုင်ငံ သားတွေ တင်ဆောင်လာတဲ့ ကားတစီး တိမ်းမှောက်ပြီး ၃ ဦး သေဆုံးကာ ၆ ဦး ဒဏ်ရာရတယ်လို့ ထိုင်းရတ်သတင်းမှာ ဖော်ပြပါတယ်။

မြန်မာနိုင်ငံသား ၇ ဦးနဲ့ ထိုင်းနိုင်ငံသား ကားမောင်းသမားနဲ့ အဖော်ဖြစ်သူ စုစုပေါင်းလူ ၉ ဦး တင်ဆောင်လာတဲ့ အဖြူရောင်မှန်လုံ ဟိုင်းလပ်စ်ကားဟာ ထိုင်းတောင်ပိုင်း ဟတ်ယိုင်မြို့ကနေ ထိုင်းနိုင်ငံအနောက်ပိုင်း ကန်ကျနပူရီခရိုင်ကိုအသွား ဇန်န၀ါရီ ၁၁ ရက်နေ့ မနက် ၅ နာရီအချိန် မတော်တဆထိခိုက်မှု ဖြစ်ခဲ့တယ်လို့ ပကျူတ်ခီရီခန်ခရိုင် ရဲတပ်ဖွဲ့တာဝန်ရှိသူ ဗိုလ်မှူး ယုဒ်ဝရစ် ထောင်းန်ဆုန်က သတင်းထောက်တွေကို ပြောပါတယ်။

စစ်ဆေးတွေ့ရှိချက်တွေအရ မြန်မာနိုင်ငံသား ၇ ဦးဟာ ကန်ကျနပူရီခရိုင် ဆန်ခရပူရီ မြို့နယ် ဘုရားသုံးဆူဘက်ကို သွားဖို့ အဲဒီကားကို စင်းလုံးငှားခဲ့တာလို့ ဆိုပါတယ်။

အဆိုပါကားဟာ ဖစ်ကဆဲမ်လမ်းမပေါ်မှာ မောင်းနှင်ရင်း  ကော်လပ်ရပ်ကွက် နောင်ဗိုဘုန်းကြီးကျောင်း နားအရောက် အရှိန်လွန်ပြီး သစ်ပင်နဲ့ တိုက်မိတဲ့အတွက် လမ်းဘေးဘက်ကို တိမ်းမှောက်သွားတာလို့ တာဝန် ကျရဲအရာရှိ ကပြောပါတယ်။

ဒီမတော်တဆထိခိုက်မှုမှာ ယာဉ်မောင်းသူဟာ အိပ်ငိုက်ပြီး အမြန်နှုန်းနဲ့ မောင်းနှင် လာတဲ့အတွက် အရှိန်မထိန်းနိုင်ဘဲ သစ်ပင်ကို ၀င်တိုက်တာလို့ ရဲစခန်းက သုံးသပ်ထားပါတယ်။

ယာဉ်တိမ်းမှောက်မှုကြောင့် မြန်မာနိုင်ငံသား အမျိုးသမီး ၂ ဦးနဲ့ ၁ နှစ်ရွယ် ကလေးငယ်တဦးတို့ ပွဲချင်းပြီး သေဆုံးခဲ့ပြီး ကျန်သူ ၆ ဦးကို ပရကျူတ်ခီရီခန်ဆေးရုံသို့ ပို့ဆောင်ထားကာ ယာဉ်မောင်းဖြစ်သူ ထိုင်းလူမျိုးမှာ ဒဏ်ရာပြင်းထန်ပြီး အရေးပေါ်ခန်းကို ပို့ဆောင်ထားတယ်လို့ ရဲအရာရှိက သတင်းထောက်တွေကို ပြောသွားပါတယ်။

By ဒီဗွီဘီ
http://burmese.dvb.no/archives/76810


ပဲခူးတိုင်း တောင်ငူမြို့ ဈေးကြီးထဲက ရုံ ၁၅ မှာ  မပေါက်ကွဲသေးတဲ့ ဗုံတလုံး ဒီမနက် တွေ့ရှိခဲ့ပါတယ်။

ဈေးရုံမှာ ရေယိုတတယ်ဆိုပြီး စည်ပင်သာယာ ဈေးကော်မီတီက ခေါင်မိုးက သွပ်ပြားတွေ ဖျက်နေတုန်း ရေတံလျှောက်ထဲမှာ မပေါက်ကွဲ သေးတဲ့ လက်ပစ်ဗုံး တွေ့ရှိတာ ဖြစ်တယ်လို့ တောင်ငူမြို့ခံ ကိုသားကြီးက ပြောပါတယ်။

“ဈေးကော်မီတီက အလုပ်သမားတွေခေါ်ပြီး သွပ်တွေဖြတ်တာ ရေတံလျှောက်ထဲမှာ တွေ့တာ ၉၁ လက်ပစ်ဗုံးအမျိုးအစား။ သံချေးတက်နေတယ်။ စနက်တံကွင်းက တပ်လျှက် ဖြစ်တယ်။”

နေ့ခင်းပိုင်းမှာတော့ စစ်မြေပြင်အင်ဂျင်နီယာတပ်က လာပြီးရှင်းနေတယ်လို့ ပြောပါတယ်။

တောင်ငူဈေးကြီးမှာ ပြီးခဲ့တဲ့ နှစ်ဖေဖော်ဝါရီလက အကြီစားမီးလောင်မှု ဖြစ်ပွားခဲ့ပေမယ် ရုံ ၁၅ မှာ မီးလောင်ကျွမ်းခြင်း မရှိခဲ့ပါဘူး။

မီးလောင်ခဲ့တဲ့ ဈေးကို ပြန်ဆောက်ဖို့ ရုံ ၁၅ ပါဖျက်ခိုင်းပေမယ့် ရုံ ၁၅ မှာ ဈေးရောင်းသူတွေက မဖျက်ချင်ကြပါဘူး။ ဒီလိုဖြစ်နေတဲ့အချိန်မှာ အခုလို ဗုံးတွေ့ရှိတာတဲ့အတွက် ဈေးသူဈေးသားတွေက သံသယ ဖြစ်နေကြတယ်လို့  ပြောပါတယ်။

“ရုံ ၁၅ ကြီးက မီးမလောင်တော့ အဲဒီက လူတွေက မဖျက်ပေးချင်ကြဘူးလေ။ ဈေးကြီးကို ပြန် ဆောက်ဖို့ အတွက်ကိုလေ။ ဒါပေမယ့် ဗုံးကြီးက အဟောင်းဖြစ်နေတယ်။ နောက် ခေါင်မိုးပေါ်မှာဆိုတော့ ဒီဗုံးသီးကို ခေါင်မိုးပေါ် ဘယ်သူက တင်လို့ရမတုန်းတဲ့ ဈေးသူဈေးသားတွေက အဲလို ပြောနေတကြတယ်။”

ဈေးရုံ ၁၅ မှာ ရွှေဆိုင်တွေ၊ အ၀တ်အထည်ဆိုင်တွေ အများစု ရောင်းချတယ်လို့ ဒေသခံတွေက ပြောပါတယ်။

By ဒီဗွီဘီ
http://burmese.dvb.no/archives/76804


အဲအေးရှားလေယာဉ်ရဲ့  ပျံသန်းမှု မှတ်တမ်းတင်စက် (black box)ကို အောင်မြင်စွာ ဆယ်ယူနိုင် လိုက်ပြီလို့ အစိုးရ အရာရှိက ပြောပါတယ်။

အင်ဒိုနီးရှား ရေတပ်က ရေငုပ်တပ်ဖွဲ့က ဒီနေ့ မနက် ၇ နာရီ ၁၁ မိနစ်မှာ အောင်မြင်စွာ ဆယ်ယူနိုင်လိုက်တယ်လို့ ကယ်ဆယ်ရှာဖွေရေး အဖွဲ့ ခေါင်းဆောင် ဘန်ဘမ်း စိုးလစ်ယိုက သတင်းစာရှင်းလင်းပွဲမှာ ပြောပါတယ်။

လူ ၁၆၂ ယောက် လိုက်ပါသွားခဲ့တဲ့  အဲအေးရှားလေယာဉ် QZ8501 ဟာ လွန်ခဲ့တဲ့ နှစ်ပတ်က ဂျားဗားပင်လယ်ပြင်ထဲမှာ ပျက်ကျခဲ့တာဖြစ်ပါတယ်။

အင်ဒိုနီးရှားနိုင်ငံ ဒုတိယ အကြီးဆုံးမြို့ ဆူရာဘာယာမြို့ကနေ စင်ကာပူဆီကို ပျံသန်းရင်း ပျက်ကျခဲ့တာဖြစ်ပြီး လက်ရှိအချိန်အထိ ခရီးသည်အလောင်း အနည်းဆုံး ၄၈ လောင်းကို ဆယ်ယူရရှိထားပါတယ်။

လေယာဉ်ပျက်ကျပြီးနောက်ပိုင်း ရာသီဥတုအခြေအနေက တောက်လျောက်ဆိုးရွား ခဲ့တာကြောင့် လေယာဉ်ပျက်နဲ့ ခရီးသည် ရုပ်အလောင်း ရှာဖွေဆယ်ယူရေး လုပ်ငန်းတွေဟာ အတော့်ကို နှောင့်နှေးခဲ့ရပါတယ်။

အခု black box ကို ရှာတွေ့ပြီး ဖြစ်လို့ လေယာဉ်ပျက်ကျရတဲ့ အကြောင်းရင်းကို သဲလွန်စ နိုင်ရနိုင်မယ် ကျွမ်းကျင်သူတွေက မျှော်လင့်နေကြပါတယ်။

By ဒီဗွီဘီ
http://burmese.dvb.no/archives/76778


စပိန်နိုင်ငံ ဘာစီလိုနာမြို့မှာ မြေအောက်ရထား စီးသူတွေဟာ ပြီးခဲ့တဲ့ ဇန်န၀ါရီ ၁၁ ရက်နေ့က လူစိတ်ဝင်စားစရာ၊ ပျော်စရာရွှင်စရာ လျှပ်တပြတ်ပွဲလေးတခု ပြုလုပ်ခဲ့ကြ ပါတယ်။ ပွဲလေးကတော့ နှစ်စဉ် ပြုလုပ်လာတဲ့ ဘောင်းဘီချွတ်ရထား စီးပွဲလေးပါ။

ဇန်န၀ါရီလ ၁၁ ရက်နေ့ ဘာစီလိုနာမြို့ မြေအောက်ရထားထဲ ခရီးသည် ၁၅၀ လောက် ခရီးသည်တွေကြားမှာ ဘောင်းဘီချွတ်ခဲ့ကြတာပါ။
ဒီလှုပ်ရှားမှုလေးဟာ ၂၀၀၂ ခုနှစ်က လူ ၇ ယောက်ထဲနဲ့ စတင်ခဲ့တာလို့ သိရပါတယ်။ နောက်ပိုင်း ကမ္ဘာ့မြို့ကြီးတွေမှာ ပြုလုပ်လာကြပြီး အခုနှစ်မှာတော့ ကမ္ဘာ့မြို့ကြီး ၅၄ မြို့က မြေအောက်ရထားတွေထဲမှာ ပြုလုပ်ခဲ့ကြပါတယ်။

ဘာစီလိုနာမြို့မှာတော့ အခုနှစ် အပါအ၀င် ၃ ကြိမ်မြောက်လည်း ဖြစ်ပါတယ်။ ဘောင်းဘီချွတ်ရထားစီးပွဲလေးမှာ ပါဝင်သူတဦးက “ပျော်စရာရွှင်စရာလေးပါ။ ဒီလို ရထားစီးရတဲ့ စိတ်ကူးလေးကလည်း တမျိုးဆန်းတာပေါ့”လို့ ပြောပြခဲ့ပါတယ်။

ဘယ်ဂျီယံနိုင်ငံက မိသားစုနဲ့ ပါဝင်ခဲ့တဲ့ ဂျူလီကလည်း ဘာမှအထူးအဆန်း မဟုတ်ပါဘူး။ လွတ်လွတ်လပ်လပ်ပါပဲလို့ ပြောဆိုပါတယ်။
မြေအောက်ရထား စင်္ကြတလျှောက် ဘောင်းဘီချွတ်ကပွဲလေးဟာလည်း တခြားခရီးသွားတွေအတွက် ရီစရာမောစရာဖြစ်ခဲ့သလို တချို့ကလည်း အံ့သြနေကြပါတယ်။

ဂျွန်နာဆိုသူ ခရီးသည်တဦးကတော့ ဒီပွဲလေးဟာ ကောင်းတာဆိုးတာထက် ပျော်စရာရယ်စရာပွဲလေးပါပဲလို့ ပြောဆိုခဲ့ပါတယ်။

By ဒီဗွီဘီ
http://burmese.dvb.no/archives/76807


အမျိုးသား ဒီမိုကရေစီ အဖွဲ့ချုပ် ပညာရေးကွန်ရက် ၄ နှစ်ပြည့် ရံပုံငွေ ဂီတဖျော်ဖြေပွဲ၊ ရန်ကုန်မြို့ ပြည်သူ့ရင်ပြင် (ဇန်နဝါရီလ ၁၁ ရက်၊ ၂၀၁၅ ခုနှစ်)

ရိုက်ကူး - ကျော်ဇောဝင်း၊ ကျော်လွင်ဦး

RFA Burmese -


NLD ဥက္ကဋ္ဌ ဒေါ်အောင်ဆန်းစုကြည်၏ ယွန်းအုပ်ကို လေလံတင်ခဲ့ရာ သိန်း ၂၆၀ ရရှိခဲ့ကြောင်း သိရသည်။
NLD ပညာရေး ကွန်ရက် (၄)နှစ် ပြည့်ရဲ့ ရန်ပုံငွေ ဂီတပွဲတော် ဒုတိယနေ့တွင် လေလံတင် ဈေးနှုန်း ခေါ်ယူ ခဲ့ရာ နောက်ဆုံးသိန်း ၂၆၀ ဖြင့် လေလံအောင်မြင်ခဲ့ကြောင်း NLD ပညာရေးကွန်ရက် ညှိနှိုင်းရေးမှူး ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းက ဇန်န၀ါရီ ၁၂ ရက်က News Watch သို့ ပြောသည်။

“လေလံက သိန်း ၂၆၀ နဲ့ ကိုတိုး အောင်ကျော်ဇော ရုပ်ရှင်ထုတ်လုပ်ရေးက ရသွားတယ်။ လေလံက ဒီတခုတည်းပဲ။ လေလံက (၁)ရက်ထဲရတော့ ပထမနေ့ မှာ လေလံမလုပ်ဖြစ်လိုက်ဘူး။ SkyNet က Live လွှင့်ပေးတယ်”ဟု ၎င်းက ပြောသည်။

ယခု NLD ပညာရေးကွန်ရက် (၄)နှစ်ပြည့် ရန်ပုံငွေဂီတပွဲတော်မှရရှိသော ငွေများကို အမေ့အိမ်ပညာဒါန NLD ပညာရေးကွန်ရက်မှ ကျောင်းသား၊ ဆရာ၊ ဆရာမများ၏ စွမ်းရည်မြှင့်သင်တန်းများ ပေးရန် နယ်စပ်ဒေသများတွင် ပဋိပက္ခဖြစ် နေသောနေရာများအတွက် ကူညီရန်၊ နိုင်ငံတကာ အဖွဲ့အစည်းများနှင့် တွေ့ဆုံပြီး ပညာရေး မြှင့်တင်မှု ဆောင်ရွက်ရန်နှင့် ပညာသင်ထောက်ပံ့ကြေးများပေးရန် အသုံးပြုသွား မည်ဖြစ်ပြီး ၂ ရက်တိုင်တိုင် ကျင်းပသော ရန်ပုံငွေဂီတပွဲတော်မှ ကျပ်သိန်းတထောင်ကျော် ရရှိကာ ကုန်ကျစရိတ်မှာ သိန်း ၅၀၀ ၀န်းကျင်ရှိကြောင်း ၎င်းက ပြောသည်။

ယမန်နှစ်က ကျင်းပခဲ့သော NLD ပညာရေးကွန်ရက် (၃)နှစ်ပြည့် ရန်ပုံငွေဂီတပွဲတော်တွင် ဒေါ်အောင်ဆန်းစုကြည် ကိုယ်တိုင်ထိုးခဲ့သော ဆွယ်တာအင်္ကျီ ၂ ထည် လေလံတင်ခဲ့ရာ ကျပ်သိန်းတထောင် ကျော်ရရှိခဲ့ကြောင်း သိရသည်။ ယခုနှစ်များ တွင် နှစ်စဉ်တက်ရောက်အားပေးကြသော ပြည်ထောင်စုဝန်ကြီးဦးအောင်မင်းနှင့် အစိုးရတာဝန်ရှိသူများ ယခုကျင်းပသောပွဲကို ကိုယ်တိုင်လာရောက်တက်ရောက်နိုင်ခြင်းမရှိသော်လည်း အလှူငွေများ ထည့်ဝင်လှူဒါန်းခဲ့ကြကြောင်း သိရသည်။

ကိုဗညား
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ဇန်န၀ါရီ ၁၁ ရက်က ပြုလုပ်သည့် သမိုင်းဝင် ပါရီချီတက်ပွဲ၌ ပြင်သစ်သမ္မတ အော်လွန်း ဦးဆောင်ပါဝင်မှုနှင့်အတူ ကမ္ဘာ့ခေါင်းဆောင်များ ပါဝင်ချီတက်နေကြသည်ကို တွေ့ရစဉ် (Photo:AFP)

လူပေါင်း ၁၇ ဦး သေဆုံးခဲ့ရသည့် အစ္စလာမ် အစွန်းရောက်များ၏ တိုက်ခိုက်မှုပြီးနောက် အစွန်းရောက်ဝါဒအား ကမ္ဘာလုံးဆိုင်ရာ ဆန့်ကျင်မှုအဖြစ် ဇန်န၀ါရီ ၁၁ ရက်တွင် ပါရီ၌ သမိုင်းဝင် ချီတက်ပွဲကြီးတစ်ရပ် ပြုလုပ်ရာ လူပေါင်းတစ်သန်းကျော်နှင့် ကမ္ဘာ့ခေါင်းဆောင်များ ဒါဇင်နှင့်ချီလျက် ပါဝင်ဆင်နွှဲခဲ့ကြောင်း သိရသည်။

ပါရီတိုက်ခိုက်ခံရမှု၌ သေဆုံးခဲ့သူများထဲတွင် ဂျူးဘာသာဝင်များအပြင် မွတ်စလင် ရဲအရာရှိတစ်ဦးလည်း ပါဝင်ခဲ့ပြီး ပါရီချီတက်ပွဲ၌ မမျှော်လင့်ဘဲ အစ္စရေးနှင့် ပါလက်စတိုင်းခေါင်းဆောင်များ ပါဝင်လာကြောင်း သိရသည်။

Charlie Hebdo သရော်စာ မဂ္ဂဇင်းရုံးချုပ်နှင့် ဂျူးစူပါမားကက်တစ်ခု တိုက်ခိုက်ခံရပြီးနောက် လုံခြုံရေး တင်းကျပ်ထားသည့် ပါရီမြို့တွင် ချီတက်ပွဲကို စောင့်ရှောက်ရန်အတွက် ထောင်ပေါင်းများစွာသော စစ်သားများနှင့် ရဲတပ်ဖွဲ့ဝင်များ ထပ်မံချထားပြီး ချီတက်ရာလမ်းတစ်လျှောက် လက်ဖြောင့်သေနတ်သမားများကိုလည်း နေရာယူထားစေခဲ့သည်ဟု ဆိုသည်။

“လွတ်လပ်မှုကို ချစ်မြတ်နိုးမှုနဲ့ လူမှုရေးစိတ်ထားကောင်းကို ချစ်မြတ်နိုးမှုကို ပြသဖို့ လူပေါင်းသန်းနဲ့ချီပြီး လာကြမယ်ဆိုတာ သံသယဖြစ်ဖွယ် မရှိပါဘူး” ဟု ပြင်သစ်ဝန်ကြီးချုပ် မန်နျူယယ်ဗောက ဇန်န၀ါရီ ၁၀ ရက်က သေနတ်သမားတစ်ဦးက စူပါမားကက်အတွင်း ဓားစာခံလေးဦးကို ပစ်သတ်ခဲ့သည့် နေရာအနီး၌ ပြောကြားခဲ့သည်။

ဇန်န၀ါရီ ၁၁ ရက်က ပါရီချီတက်ပွဲတွင် နေတန်ယာဟု(အစ္စရေး)၊ ကီတာ(မာလီ)၊ အော်လွန်း(ပြင်သစ်)၊ မာကယ်(ဂျာမနီ)၊ ဒေါ်နယ်(အီးယူ)၊ အဘားစ်(ပါလက်စတိုင်း)တို့ကို တွေ့ရစဉ် (၀ဲမှယာ)

ပါရီချီတက်ပွဲ မတိုင်မီမှာပင် ဇန်န၀ါရီ ၁၀ ရက်က ပြင်သစ်နိုင်ငံတစ်လွှား မြို့ကြီးများရှိ လမ်းများပေါ်သို့ လူပေါင်း ၇၀၀,၀၀၀ ကျော် ရောက်ရှိလာပြီး “ငါဟာ ချာလီဖြစ်တယ်” ဟု အဓိပ္ပာယ်ရသော စာတန်းများ ကိုင်ဆောင်လျက် လှည့်လည်ခဲ့ကြသည်။ တမန်တော် မိုဟာမက်ကို သရော်ခဲ့သောကြောင့် Charlie Hebdo ရုံးချုပ် တိုက်ခိုက်ခံခဲ့ရခြင်းဖြစ်ရာ လူပေါင်းများစွာတို့ကလည်း လွတ်လပ်စွာ ဖော်ထုတ်ပြသခွင့် သင်္ကေတ ကလောင်တံပုံများကို ကိုင်မြှောက်ခဲ့ကြသည်။

ပါရီချီတက်ပွဲ၌ အစ္စရေးဝန်ကြီးချုပ် ဘင်ဂျမင်နေတန်ယာဟုနှင့် ပါလက်စတိုင်း သမ္မတ မာမွတ်အဘားတို့အပြင် ဂျော်ဒန်ဘုရင်နှင့် မိဖုရားနှင့် ဂျာမန်ဝန်ကြီးချုပ် အင်ဂျလာမာကယ်၊ ဗြိတိန်ဝန်ကြီးချုပ် ဒေးဗစ်ကင်မရွန်းတို့ အပါအ၀င် ထိပ်တန်းဥရောပ ခေါင်းဆောင်များလည်း ပါဝင်ခဲ့သည်။ အမေရိကန်သမ္မတ ဘာရက်အိုဘားမားကို ကိုယ်စားပြုလျက် ရှေ့နေချုပ် အဲရစ်ဟိုဒါက ပါဝင်ပြီး ဟိုဒါသည် အစ္စလာမ္မစ် အစွန်းရောက်များ၏ ခြိမ်းခြောက်မှုနှင့် ပတ်သက်၍ ဆွေးနွေးမည့် ပြည်ထဲရေးဝန်ကြီးများ အရေးပေါ် အစည်းအဝေးသို့ တက်ရောက်မည်ဖြစ်သည်။ ချီတက်ပွဲကို ပြင်သစ်သမ္မတဖရန်ဆွာ အော်လွန်းက ဦးဆောင်လျက် ပါရီတိုက်ခိုက်မှု၌ ဓားစာခံဖြစ်ခဲ့ရသူများကို ဂုဏ်ပြုမှုများ ပြုလုပ်ခဲ့သည်။

Ref:AFP
Eleven Media Group
http://news-eleven.com/



ခင်နွယ်ဝင်းနှင့် ထက်ထက်အောင် စုစည်းရေးသားသည်

ရန်ကုန် (မဇ္ဈိမ)။ ။ ဇန်န၀ါရီ ၇ ရက်က ပြင်သစ်နိုင်ငံ၊ ပါရီမြို့ရှိ Charlie Hebdo (ချာလီဟက်ဘ်ဒူ) မဂ္ဂဇင်းတိုက်ကို သေနတ်သမားများက ဝင်ရောက်ပစ်ခတ်ပြီး မဂ္ဂဇင်းတိုက်မှ အယ်ဒီတာနှင့် ကာတွန်းဆရာများ သေဆုံးခဲ့သည့် ဖြစ်စဉ်တစ်ခု ဖြစ်ပွားခဲ့သည်။ သရော်စာများ တင်ဆက်ရေးသားနေသည့် ချာလီဟက်ဘ်ဒူမဂ္ဂဇင်းတွင် တမန်တော် မိုဟာမက်ကို လှောင်ပြောင်သရော်သည့် ကာတွန်းများ ဖော်ပြခဲ့ မှုကြောင့် အစ္စလာမ်မစ် အစွန်းရောက်များက တိုက်ခိုက်ခဲ့ခြင်းဟု ဆိုသည်။
ပြင်သစ်နိုင်ငံ၊ တူလုစ်မြို့တွင် သိန်းနှင့်ချီသည့် လူထုက ချာလီဟက်ဘ်ဒူ မဂဇင်းနှင့် အတူရှိနေပါကြောင်း တနင်္ဂနွေနေ့က ဆန္ဒပြနေကြစဉ်။ (ဓာတ်ပုံ - အီးပီအေ) ချာလီဟက်ဘ်ဒူမဂ္ဂဇင်းတွင် ဖော်ပြခဲ့သည့် ကာတွန်းများကို မနှစ်မြို့သည့် အစွန်းရောက်များ၏ အကြမ်းဖက် တိုက်ခိုက်မှုတွင် ၁၇ ဦး သေဆုံးခဲ့ပြီးဖြစ်သည်။
ယခုကဲ့သို့ မဂ္ဂဇင်းတိုက်မှ အယ်ဒီတာနှင့် ကာတွန်းဆရာများ အပါအ၀င် လူ ၁၂ ဦး သေဆုံးခဲ့သည့် ဖြစ်ရပ် သည် ကမ္ဘာတစ်ဝန်းက မီဒီယာအဖွဲ့အစည်းများ ထိတ်လန့်တုန်လှုပ်ခဲ့ရသလို လွတ်လပ်စွာ ထုတ်ဖော်ရေး သားမှုအပေါ် အစွန်းရောက်နည်းလမ်းဖြင့် တုံ့ပြန်ဖြေရှင်းမှုနှင့် ပတ်သက်၍ ဝေဖန်မှုများ၊ မေးခွန်းများစွာ ထွက်ပေါ်လာခဲ့သည်။

အဆိုပါအကြမ်းဖက်တိုက်ခိုက်မှု၏ ဇာစ်မြစ်မှာ မျက်နှာဖုံးသရုပ်ဖော်ကာတွန်းကြောင့်ဖြစ်သည်။ အနုပညာနှင့် ပတ်သက်၍ ထင်ရှားကျော်ကြားပြီး လွတ်လပ်စွာ ဖော်ပြခွင့်ရသည့် ပြင်သစ်နိုင်ငံမျိုးတွင် သရုပ်ဖော် ကာတွန်းကြောင့် အကြမ်းဖက် တိုက်ခိုက်ခံရမှုသည် အလွန်ဝမ်းနည်းစရာ ကောင်းကြောင်း သရုပ်ဖော် ကာတွန်းဆရာ စိုးသော်တာက ပြောသည်။

လွတ်လပ်စွာ ထုတ်ဖော်ရေးသားမှုကို အစွန်းရောက်မှုနည်းလမ်းဖြင့် ပြန်လည် တုံ့ပြန်ခြင်းသည် လက်သင့်ခံစရာ အခြေအနေတစ်ရပ် မဟုတ်ပေ။

မြန်မာနိုင်ငံ စာနယ်ဇင်းကောင်စီ (ယာယီ) အတွင်းရေးမှူး ဦးကျော်မင်းဆွေက “သတင်းမီဒီယာသမားတစ် ယောက်အနေနဲ့ရော လူသားတစ်ယောက်အနေနဲ့ရော ကန့်ကွက်တယ်။ အကြမ်းဖက်တာကို အကြမ်းဖက် တဲ့နည်းနဲ့ မတုံ့ပြန်သင့်ဘူး” ဟု သူ့အမြင်ကို ပြောသည်။

ကာတွန်းဖြစ်စေ၊ စာဖြစ်စေ လူ့အခွင့်အရေးရှုထောင့်မှ ရေးသားထားသည့် မည်သည့်လက်ရာမဆို အငြင်းပွားစရာဖြစ်ကောင်း
ဖြစ်နေနိုင်ကြောင်း၊ ကာတွန်းတစ်ပုဒ် စာတစ်ပုဒ်အတွက်ဖြင့် ဖန်တီးသူများကို ခြိမ်း ခြောက်ခြင်း၊ အကြမ်းဖက် နှုတ်ပိတ်ခြင်းများကို ဆန့်ကျင်ကန့်ကွက်ကြောင်း Pen Myanmar အဖွဲ့မှ မသီတာ (စမ်းချောင်း) က ပြောသည်။

“စကားလုံးတွေ၊ ကာတွန်းတွေက ပြစ်မှုတွေ၊ ရာဇ၀တ်မှုတွေ မဟုတ်ပါဘူး။ ကျည်ဆန်တွေကတော့ ကျိန်းသေပေါက် ရာဇဝတ်မှု ကို ဖြစ်စေတာပဲလေ။ ဒီလို အကြမ်းဖက် တိုက်ခိုက်တာတွေက လွတ်လပ်စွာထုတ်ဖော်ရေးသားခွင့်နဲ့ အလုပ်လုပ်နေသူတွေ ကိုတော့ အနှောင့်အယှက် ဖြစ်စေတာ အမှန်ပဲ”ဟု ၎င်းက ပြောသည်။

ထို့ကြောင့် လွတ်လပ်စွာ ထုတ်ဖော်ရေးသားမှု၏ နောက်ဆက်တွဲ သက်ရောက်မှုသည် အစွန်းရောက်မှုများဆီ ဦးတည်သွားနိုင်သလား ဆိုသည်မှာ မေးခွန်းထုတ်စရာ ဖြစ်လာသည်။

အဆိုပါအချက်နှင့်ပတ်သက်၍ မသီတာ (စမ်းချောင်း) က “ဖန်တီးသူတွေကလည်း လူ့အခွင့်အရေး ကြေ ညာစာတမ်းမှာပါတဲ့ အခြားသူများရဲ့ right ကိုလည်း လေးစားလိုက်နာပြီးတော့ အလုပ်လုပ်မယ်ဆိုရင် သူတို့တွေရဲ့ ဘဩယ်အတွေးအခေါ် ဘယ်တင်ပြမှုကမဆို တစ်ပါးသူကို မထိခိုက်အောင် တာဝန်ယူနိုင်မှာ ဖြစ်တယ်” ဟု ထောက်ပြပြောဆိုထားသည်။

လွတ်လပ်စွာ ထုတ်ဖော်ရေးသားမှုသည် သတင်းအမှန်ကို အများပြည်သူသိရှိ နိုင်သည့် အခွင့်အရေး တစ်ရပ်ဖြစ်သော်လည်း တစ်စုံတစ်ဦး၊ အဖွဲ့အစည်း တစ်ခုခုအတွက် ထိခိုက်နစ်နာမှုများ ရှိလာနိုင်သည်ကိုလည်း ငြင်းဆန်မရနိုင်ပါ။

“စာနယ်ဇင်းတွေမှာ လွတ်လပ်စွာ ရေးသားထုတ်ဖော်ခွင့် ရှိကိုရှိရပါမယ်။ ဘယ်အပိုင်းကို မဆို ပုဂ္ဂလ ဓိဋ္ဌာန်နဲ့မရေးဘဲ ဓမ္မဓိဋ္ဌာန်ကျကျ အမှန်တရားဘက်က ရေးသားသင့်တယ်။ ဒါပေမဲ့ ကိုယ့်ဖန်တီးမှု တစ်ခုက ဘာသာရေး၊ လူမျိုးရေး အစွန်းရောက်သူတွေဖတ်မိရင် အဆိုးဘက်ဦးတည်တဲ့အမြင်တွေ ဖြစ်နိုင်မဖြစ်မနိုင် စာနယ်ဇင်းသမားဘက်ကလည်း ပြန်စဉ်းစားရပါမယ်” ဟု ကာတွန်း စိုးသော်တာက ပြောသည်။

“အခုလို ဘုရားသခင်ကို ခုတုံးလုပ်ပြီး အကြမ်းဖက်သွားတာကသာ ဘုရားသခင်ရဲ့ ပုံရိပ်ကို ထိခိုက်စေတာ ပါ။ ခုဖြစ်တဲ့ကိစ္စကတော့ လွတ်လပ်စွာ ဖော်ထုတ်ရေးသားခွင့်ကို တိုက်ခိုက်လိုက်တာပါပဲ”ဟု ကာတွန်း သရုပ်ဖော်လူကြီးမင်းက ပြောသည်။

ဦးကျော်မင်းဆွေကမူ မီဒီယာများ ကျင့်ဝတ်နှင့်ညီရန်၊ သရော်စာ ကာတွန်းများကလည်း တစ်ဖက်သိက္ခာ မကျစေရန် ကျင့်ဝတ်နှင့် ညီရန်လိုကြောင်း ထောက်ပြပြောဆိုသည်။

သတင်းစာဆရာများ၊ ကာတွန်းဆရာများ၏ လွတ်လပ်စွာ ထုတ်ဖော်ပြောဆိုရေးသားမှုသည် ထိရှလွယ်သော ဘာသာရေးနှင့် ပွတ်တိုက်မှုဖြစ်လာသည့်အခါ အစွန်းရောက်များအတွက် အကြမ်းဖက်ရန် အကြောင်းပြချက်ကောင်းတစ်ခု ဖြစ်လာသည်။ သို့သော် ဘာသာရေးခေါင်းဆောင်များနှင့် အခြားနယ်ပယ် အသီးသီးက ၎င်းသည် မှန်ကန်သော ဖြေရှင်းနည်းတစ်ရပ် မဟုတ်ကြောင်း ပြောကြားခဲ့ကြသည်။

ဘာသာပေါင်းစုံ ငြိမ်းချမ်းရေး အမြုတေအဖွဲ့ဝင် အလ်ဟြဟ် ဦးအေးလွင်က လွတ်လပ်စွာ ထုတ်ဖော်ရေးသားမှုကို အပြည့်အဝ လက်ခံပြီး လွတ်လပ်စွာ ထုတ်ဖော်ရေးသားမှုကြောင့် အကြမ်းဖက်မှုနှင့် ပဋိပက္ခများ မဖြစ်စေရန် နိုင်ငံတည်ဆဲဥပဒေများ၊ နိုင်ငံတကာဥပဒေများအရ ထိထိရောက်ရောက် အရေးယူနိုင်သည် ဟု ပြောသည်။

ဘာသာရေးအကြောင်းပြု အစွန်းရောက်မှုများကို ထိန်းကွပ်ရန် ဘာသာပေါင်းစုံ၊ လူ့အဖွဲ့အစည်းအားလုံးနှင့် သက်ဆိုင်သည် ကိုလည်း ထောက်ပြခဲ့ကြသည်။

“ဘာသာရေးတိုင်းတွင် အစွန်းထွက်မှုလေးတွေ ရှိပါတယ်။ အစွန်းကို ထွက်စေတဲ့ အကြောင်း တရားတွေ ကို ထိန်းချုပ်ရပါမယ်။ ဘာသာရေးအကြောင်းပြပြီး လူတွေကို ဘေးဖယ်တာတို့၊ နှိမ်ချတာမျိုးလုပ်ရင် အဲဒီ လူတွေဟာ အစွန်းထွက်ဖို့၊ အကြမ်းဖက်ဖို့ သိမ်းသွင်းခံရနိုင်ပါတယ်” ဟု အလ်ဟြဟ် ဦးအေးလွင်က ရှင်းပြ သည်။

တမန်တော်မိုဟာမက်အား သရော်လှောင်ပြောင်သည့် ကာတွန်းဖော်ပြခဲ့သဖြင့် ချာလီဟက်ဘ်ဒူ မဂ္ဂဇင်း တိုက်သို့ ၀င်ရောက် အကြမ်းဖက် တိုက်ခိုက်ခြင်းသည် “အစ္စလာမ်တရားနဲ့ လုံးဝမပတ်သက်ပါဘူး။ အဲဒီ လို အကြမ်းဖက်တုံ့ပြန်တဲ့သူတွေကိုလည်း အစ္စလာမ်ဘာသာဝင်လို့ မသတ်မှတ်ပါဘူး” ဟု ဦးအေးလွင်က ပြောဆိုလိုက်သည်။

ကာဒီနယ် ရန်ကုန်ကက်သလစ်ဂိုဏ်းချုပ် ဆရာတော် ချားစ်ဘိုကလည်း အကြမ်းဖက်မှုများကို လက်မခံ ကြောင်း၊ တစ်ဖက်သားဘာသာကို ရိုသေလေးစားကာ ထိခိုက်သည့်၊ ရှုတ်ချသည့် စကားများ မပြောရန် အရေးကြီးကြောင်း မဇ္ဈိမနှင့်တွေ့ဆုံစဉ် ပြောကြားခဲ့ဖူးသည်။

လူတိုင်း လွတ်လပ်စွာ ထုတ်ဖော်ရေးသား တင်ဆက်ပိုင်ခွင့်ရှိသည်ဆိုသည့် အချက်ကို အစွန်းရောက်မှုဖြင့် ပြန်လည် တုံ့ပြန်ခံခဲ့ ရသော ပြင်သစ်မဂ္ဂဇင်း ချာလီဟက်ဘ်ဒူဖြစ်ရပ်က မေးခွန်းများစွာ ပေးခဲ့ခြင်းသာ ဖြစ် သည်။

http://mizzimaburmese.com/2013-10-20-16-16-07/2013-11-01-01-48-27/item/36834-2015-01-12-02-30-29


အမျိုးသား လွှတ်တော် ဥက္ကဌ ဦးခင်အောင်မြင့်နဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်း လူ့အဖွဲ့အစည်းက ခေါင်းဆောင်တချို့ဟာ ၂ဝဝ၈ ဖွဲ့စည်းပုံ အခြေခံ ဥပဒေပြင်ဆင်ရေး၊ အမျိုးသား ပြန်လည်သင့်မြတ်ရေးနဲ့ တစ်နိုင်ငံလုံး အပစ်ခတ်ရပ်စဲရေး ကိစ္စတွေကို ဒီနေ့ နေပြည်တော်မှာ တွေ့ဆုံဆွေးနွေး ခဲ့ကြပါတယ်။

ပုဒ်မ ၄၃၆ ပြင်ဆင်နိုင်ဖို့ ဆောင်ရွက်ခဲ့တာတွေကို ရှင်းပြခဲ့သလို မြန်မာနိုင်ငံရဲ့ နိုင်ငံရေးအကျပ်အတည်းတွေကို ဖြေရှင်းနိုင်ဖို့အတွက် ညှိနှိုင်းဆောင်ရွက်ဖို့ လိုအပ်ကြောင်းကို ဆွေးနွေးခဲ့ကြတယ်လို့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ခေါင်းဆောင်တစ်ဦးဖြစ်တဲ့ ကိုကိုကြီးက ပြောပါတယ်။

"ကျနော်တို့ကတော့ လက်ရှိနိုင်ငံမှာ ဖြစ်နေတဲ့အခြေအနေတော်တော် များများကို ခြုံငုံပြီးတော့ပြောဖြစ်ပါတယ်၊ ဖွဲ့စည်းပုံပြင်ဆင်ဖို့အတွက် ဆွေးနွေးနေတဲ့ အချက်တွေကတော့ ပုဒ်မတွေ ၂ဝဝ ကျော်ပေါ၊့ အဲ့ဒီအထဲမှာ အရေးပါတဲ့ဖွဲ့စည်းပုံ ပြင်ဆင်ရေး ၄၃၆ နဲ့ပတ်သတ်လို့ ကျနော်တို့ ဆောင်ရွက်ခဲ့တာတွေ ကျနော်တို့ သဘောထားတွေကို ပြောဖြစ်ဆွေးနွေးဖြစ်ပါတယ်၊ အဓိကကတော့ ကျနော်တို့ ဦးတည်ပြီးဆွေးနွေးတဲ့ အမျိုးသားပြန်လည် သင့်မြတ်ရေးနဲ့ တိုင်းရင်းသား တန်းတူညီမျှရေး အပစ်အခတ်ရပ်စဲရေး ငြိမ်းချမ်းရေးကိစ္စ အဲ့ဒါတွေကိုပဲ အဓိက ဆွေးနွေးခဲ့ကြပါတယ်"

တွေ့ဆုံပွဲကို ကိုမင်းကိုနိုင်၊ ကိုကိုကြီး၊ ကိုမြအေး၊ ကိုပြုံးချို နဲ့ ကိုထွန်းမြင့်အောင် စတဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ကျောင်းသားခေါင်းဆောင်တွေ တက်ရောက်ခဲ့တယ်လို့ သိရပါတယ်။

ဖွဲ့စည်းပုံအခြေခံဥပဒေ ပုဒ်မ ၄၃၆ ပြင်ဆင်ရေးအတွက် ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက အမျိုးသားဒီမိုကရေစီ အဖွဲ့ချုပ်နဲ့ ပူးပေါင်းပြီး ပြီးခဲ့တဲ့နှစ် မေလ ၂၇ရက်နေ့ကနေ ဇူလိုင်လ ၁၉ ရက်နေ့အထိ တစ်နိုင်ငံလုံးအနှံ့မှာ ဆန္ဒသဘောထားလက်မှတ်တွေကို ကောက်ခံခဲ့တာဖြစ်ပါတယ်။

အဲ့ဒီလှုပ်ရှားမှုကနေ ရရှိလာတဲ့ လက်မှတ် ၅သန်းကို အမျိုးသားဒီမိုကရေစီအဖွဲ့ချုပ်က လွှတ်တော်ထံ တင်ပြထားပါတယ်။

RFA Burmese
https://www.facebook.com/pages/RFA-Burmese/39218993127

AirAsia Flight 8501 က ဆယ်ယူလာတဲ့ လေယာဉ်ပျက်အပိုင်းအစ (ဇန်နဝါရီ ၁၁၊ ၂၀၁၅)
ပျောက်ဆုံးသွားခဲ့ပြီး ပင်လယ်ပြင်အတွင်းမှာ နစ်မြုပ်နေတဲ့ AirAsia လေကြောင်း ခရီးစဉ် ၈၅၀၁ လေယာဉ်ပျက် ရောက်ရှိ နေတဲ့ နေရာနဲ့ လေယာဉ်ပျံသန်းမှု မှတ်တမ်းတင်ကိရိယာ blackbox ရှိတဲ့ နေရာတွေကို အမှတ်အသား ပြုလုပ်ထားနိုင်ပြီ ဖြစ်တယ်လို့ အင်ဒိုနီးရှား အာဏာပိုင်တွေက ပြောပါတယ်။

Blackbox ဟာ လေယာဉ်ပျက်ရဲ့ အစိတ်အပိုင်းတွေကြားမှာ ညပ်နေတယ်လို့ ယုံကြည်ရပြီး ဆယ်ရခက်နေတယ်လို့ ရေကြောင်းဆိုင်ရာ တာဝန် ရှိသူတွေက ပြောပါတယ်။

လေယာဉ်ရဲ့ နောက်မြီးပိုင်းကို ရေပေါ်ပေါ်စေတဲ့ ကရိယာတွေ အသုံးပြုပြီး စနေနေ့က ဆယ်ယူနိုင်ခဲ့ပေမယ့် အင်ဒိုနီးရှား စုံစမ်းစစ်ဆေးရေး တာဝန် ရှိသူတွေဟာ အဲဒီထဲက ပျံသန်းမှု မှတ်တမ်းတင် ကိရိယာကို ရှာမတွေ့ခဲ့ပါဘူး။ ဒီပစ္စည်းကို ရှာဖွေတွေ့ရှိမှသာ လူပေါင်း ၁၆၂ ဦး စီးနင်း လိုက်ပါသွားတဲ့ လေယာဉ် ဘာကြောင့် ပျက်ကျခဲ့ရတယ်ဆိုတဲ့ အရေးကြီးတဲ့အဖြေကို သိနိုင်မှာဖြစ်ပါတယ်။

ရှာဖွေနေကြသူတွေဟာ ပျက်ကျသွားခဲ့တဲ့ လေယာဉ်ရဲ့ blackbox က အချက်ပေးသံကို သောကြာနေ့မှာ ဖမ်းယူရရှိခဲ့တာပါ။ ဒါပေမယ့် ဒီကိရိယာဟာ လေယာဉ်အမြီးပိုင်းနဲ့ တကွဲတပြားစီဖြစ်သွားပုံရတယ်လို့ တာဝန်ရှိသူတွေက ပြောပါတယ်။

ဗွီအိုအေ (မြန်မာဌာန)
http://burmese.voanews.com/content/black-box-did-not-find-at-tail-of-plane-/2594483.html


ပြင်သစ်နိုင်ငံမှာ ပြီးခဲ့တဲ့ သီတင်းပတ် အတွင်း အစ္စလာမ်မစ် အစွန်းရောက် သမားတွေ ရဲ့ တိုက်ခိုက်မှု ခံခဲ့ရပြီးတဲ့ နောက် ဇန်နဝါရီလ ၁၁ ရက် တနင်္ဂနွေနေ့ က ပါရီမြို့တော် အပါအဝင် အခြား ပြင်သစ် မြို့တွေမှာ အကြမ်းဖက် ဝါဒ ကို ဆန့်ကျင်တဲ့ အပေါ် ညီညွတ် ပေါင်းစည်းမှု ကို ပြသတဲ့ ချီတက်ပွဲတွေ ပြုလုပ်ခဲ့ ကြပြီး လူပေါင်း ၃ သန်း မက ပါဝင် ချီတက် ခဲ့ကြပါတယ်။

ဒါဟာ ပြင်သစ်ပြည် သမိုင်းမှာ အင်အား အကြီးမားဆုံး ချီတက်ပွဲပဲလို့ ပြင်သစ် အစိုးရ က ပြောပါတယ်။

ပါရီ ချီတက်ပွဲ အတွင်း ကမ္ဘာ့ နိုင်ငံပေါင်း ၄၀ က ခေါင်းဆောင် တွေနဲ့ လက်ချင်းချိတ် ချီတက်ခဲ့တဲ့ ပြင်သစ် သမ္မတ ဖရော်န်ဆွာ အိုလော်န့် က ပါရီ ဆိုတာ ကမ္ဘာကြီးရဲ့ မြို့တော် ဖြစ်တယ် လို့ ဆိုပါတယ်။

ဘာသာပေါင်းစုံ၊ အသွေးရောင် ပေါင်းစုံ ပါဝင်တဲ့ ပြင်သစ် ပြည်သူတွေ လည်း ပုခုန်းချင်း ယှဉ် ပြီး ပါရီမြို့ တလျှောက် ချီတက် ခဲ့ကြတာ မှာ ရွှင်လန်း ကြည်နူးစိတ် နဲ့ ဝမ်းနည်းစိတ် တွေ ရောယှက် ဖြစ်ထွန်း ခဲ့ပါတယ်။

ပါရီ စုပေါင်း ချီတက်ပွဲ မှာ ဂျော်ဒန်ဘုရင် နဲ့ ပါလက်စတိုင်း သမ္မတ မာမွတ် အဘတ်စ် တို့ အပါအဝင် အရှေ့အလယ်ပိုင်း က ခေါင်းဆောင် တွေလည်း ပူးပေါင်း ပါဝင် ခဲ့ကြပါ တယ်။

မော်ရိုကို နိုင်ငံကတော့ ပြင်သစ် အကြမ်းဖက် ခံခဲ့ရတဲ့ အပေါ် ဝမ်းနည်းကြောင်း ပြောဆိုဖို့ သူတို့ရဲ့ နိုင်ငံခြားရေး ဝန်ကြီးကို စေလွှတ် ခဲ့ပေမယ့် ရှာလီအက်ဘ်ဒို မဂ္ဂဇင်း ရဲ့ ကာတွန်း ပုံတွေ ဟာ ဘာသာရေး ကို စော်ကားရာ ရောက်တယ် လို့ ယူဆတဲ့ အတွက် ချီတက်ပွဲ မှာ တော့ ပါဝင်မှာ မဟုတ်တဲ့ အကြောင်း ပြောခဲ့ပါ တယ်။

ဂျူး ကုန်တိုက်မှာ သေဆုံးခဲ့တဲ့ ဂျူးလူမျိုး ဓားစာခံ ၄ ဦး အတွက် ဆုတောင်းပွဲ ကိုလည်း ပါရီမြို့ ဂျူး ဘုရားကျောင်းမှာ ကျင်းပခဲ့တာ မှာ အစ္စရေး ဝန်ကြီး ချူပ် ဘဲန်ဂျမင် နာတန်ယာဟု နဲ့ အတူ ပြင်သစ် သမ္မတ ဖရော်န်ဆွာ အိုလော်န့် လည်း တက်ရောက် ခဲ့ပါတယ်။

မစ္စတာ နာတန်ယာဟု က ဂျူး ကုန်တိုက် အကြမ်းဖက်မှု မှာ ဓားစာခံ အမြောက်အများ ကို ကယ်တင်ခဲ့ တဲ့ မွတ်ဆလင်မ် ဝန်ထမ်း လာဆားနား ဘတ်သီလီ ကို ကျေးဇူး စကား ဆိုခဲ့ပြီး အစ္စရေး အနေနဲ့ အစွန်းရောက် မှု အပေါ် သာ ဆန့်ကျင်တာ ဖြစ်ပြီး၊ အစ္စလာမ် ဘာသာတရား အပေါ် ဆန့်ကျင်မှု မရှိကြောင်း ပြောခဲ့ပါတယ်။

BBC
http://www.bbc.co.uk/burmese/world/2015/01/150111_france_march_synagogue

Author Name

Contact Form

Name

Email *

Message *

Powered by Blogger.