01/13/15


သမ္မတ၊ ကာကွယ်ရေးဦးစီးချုပ်၊ လွှတ်တော်အကြီးအကဲ၊ ဒေါ်အောင်ဆန်းစုကြည်နှင့် တိုင်းရင်းသားရေးရာဝန်ကြီးတွေအပါအ၀င် နိုင်ငံရေးအစုအဖွဲ့များမှ ကိုယ်စားလှယ် စုစုပေါင်း ၄၈ ဦးတို့ရဲ့ ထိပ်သီးတွေ့ဆုံဆွေးနွေးပွဲ ဒီကနေ့ညနေပိုင်းမှာ ကျင်းပပြီးစီး သွားပါတယ်။
ဒီဆွေးနွေးပွဲမှာ ပါဝင်တက်ရောက်ခဲ့သူတချို့ရဲ့ ပြောကြားချက်တွေကို စုစည်းတင်ဆက်ပေး လိုက်ပါတယ်။

ဒေါ်အောင်ဆန်းစုကြည် (အမျိုးသားဒီမိုကရေစီအဖွဲ့ချုပ်)
အခုလိုမျိုး ဆွေးနွေးပွဲတွေပြုလုပ်နေတာဟာ ၆ပွင့်ဆိုင်ကို ရှောင်ဖို့တော့ မဖြစ်သင့်ဘူးလို့ သမ္မတ ဦးသိန်းစိန်ကို ပြောခဲ့ပေမယ့် ဦးသိန်းစိန်ဘက်ကနေ ဒီနေ့ ဒေါ်အောင်ဆန်းစုကြည် ပြောတဲ့အကြောင်းအရာ အားလုံးနဲ့ပတ်သက်ပြီး တစုံတရာ တုံ့ပြန်ပြောဆိုခြင်းမရှိဘူးလို့ ဆိုပါတယ်။


ဒေါက်တာ တူးဂျာ (ကချင်ပြည်နယ် ဒီမိုကရေစီပါတီခေါင်းဆောင်)
အဓိကကတော့ ဒီကျနော်တို့ နိုင်ငံမှာ ၂၀၁၀ ရွေးကောက်ပွဲပြီးတဲ့နောက်မှာ ပြုပြင်ပြောင်းလဲရေးတွေနဲ့ ဒီမိုကရေစီ တည်ဆောက်ရေးတွေကို စတင်နေပြီ၊ ဒါကြောင့်မို့ နိုင်ငံတကာကလည်းဘဲ အသိအမှတ်ပြုမှု အထိုက်အလျောက် ရှိကောင်း ရှိနေပါတယ်။ ဒါပေမယ့် ပြည်သူလူထု လိုလားသလောက် မြန်မြန်ဆန်ဆန် ဖြစ်ထွန်းမှုတွေ မတွေ့ခဲ့ရဘူး။ အဲလို ဖြစ်ရတာ ဘာကြောင့်လဲဆိုတော့ အစိုးရက စိန်ခေါ်မှု အမျိုးမျိုးနဲ့ ရင်ဆိုင်ရတာက တကြောင်း ပြုပြင်ပြောင်းလဲမှုကို ထောက်ခံအားပေးမှု မရှိတဲ့ လူတစုရဲ့ နည်းမျိုးစုံနဲ့ နှောင့်ယှက် ဟန့်တားမှု ဖြစ်မယ်လို့ ယူဆတယ်၊ အဲဒါတချက်ပေါ့။ နောက်တချက် ကျနော်တို့နိုင်ငံမှာ ပြည်သူအများ အလိုလားဆုံးဟာ ငြိမ်းချမ်းရေး ဖြစ်တယ်။ နိုင်ငံတော်အနေနဲ့ အလိုအပ်ဆုံးဟာလည်း ငြိမ်းချမ်းရေး ဖြစ်တယ်။ ရွေးကောက်ပွဲ ကော်မရှင် ဥက္ကဋ္ဌအနေနဲ့ကလည်း လွတ်လပ်ပြီး တရားမျှတတဲ့ ရွေးကောက်ပွဲကို အမှန်တကယ် ကျင်းပပေးမယ်လို့ ပြောသွားတာရှိတော့ ကျနော့်အနေနဲ့လည်း ၀မ်းသာအားရ ဖြစ်မိပါတယ်လို့ ပြောခဲ့ပါတယ်။ အပစ်အခတ်ရပ်စဲရေးနဲ့ ပတ်သက်ပြီး ပြောမယ်ဆိုရင် တိုက်ပွဲရှိနေသရွေ့ အပစ်အခတ်ရပ်စဲရေး လက်မှတ်မရေးထိုးနိုင်ဘူး။ ဘာကြောင့်လဲဆိုတော့ ယုံကြည်မှုကို လျော့ချပေးတဲ့ ဖြစ်ရပ်တခုဖြစ်နေတယ်ပေါ့။
ကျနော့်အမြင်ပြောရမယ်ဆိုရင် ပထမဆုံး တိုက်ပွဲလုံးဝမရှိအောင် ရပ်စဲထားရမယ်။ ပြီးရင် အပစ်အခတ်ရပ်စဲရေး ဆွေးနွေးပွဲ လက်မှတ်ရေးထိုးထားက အကောင်းဆုံးဖြစ်မယ်လို့ မြင်တယ်လို့ ပြောပြခဲ့ပါတယ်။

ဦးခင်မောင်ဆွေ (အမျိုးသားဒီမိုကရေစီ အင်အားစုပါတီ ခေါင်းဆောင်)
နိုင်ငံရေး ဆွေးနွေးပွဲတွေကို အမြန်ဆုံးပြန်လည် ကျင်းပပေးဖို့ ဒီမြန်မာနှစ်သစ်ကူး မတိုင်ခင်မှာ ပြည်သူတွေကို နိုင်ငံရေးဆွေးနွေးပွဲလက်ဆောင်ပေးဖို့ ငြိမ်းချမ်းရေး အတွက် နိုင်ငံရေး ဆွေးနွေးပွဲတွေ စမှာ ဖြစ်မယ်၊ ငြိမ်းချမ်းရေးဟာတိုင်းပြည်အတွက် အဓိက လိုအပ်ချက်ဖြစ်တယ်ဆိုတာကို ပြောပြီးတော့ အဲဒါတွေကို ကြေညာချက် ထုတ်ပေးပါလို့လည်း မှာခဲ့တယ်၊ ၄၈ ယောက်မှာ နိုင်ငံရေး ဆွေးနွေးပွဲ ပြန်စဖို့ ပြောတာက ၄၂ ယောက်လောက် ပြောကြတယ်။ ဒေါ်အောင်ဆန်းစုကြည် အပါအ၀င်ပေါ့၊ ဒေါ်အောင်ဆန်းစုကြည်လည်း ပြောတယ်။ တပ်ချုပ်လည်း ပြောတယ်၊ သမ္မတလည်း ပြောတယ်၊ တပ်ချုပ်လည်း ပြောတယ်။ တိုင်းရင်းသား လူမျိုးခေါင်းဆောင်တွေလည်း ပြောတယ်၊ ပြောတော့ ပြောတာပေါ့ကွာ ကြေညာချက်မှာက အဲဒါမပါဘူးလေ၊ ဒီဆွေးနွေးပွဲက အပြန်အလှန်ဆွေးနွေးပွဲ မဟုတ်သော်လည်းဘဲ ပြီးတဲ့အခါမှာ သမ္မတရယ်၊ ဦးရွှေမန်းတို့ ဥက္ကဋ္ဌ ၂ ယောက်ရယ်၊ တပ်ချုပ်ရယ် ကော်မတီ ဥက္ကဋ္ဌတွေက လိုအပ်တာတွေကို ပြန်လည် ဖြေကြားတယ်။ သူတို့ မေးတဲ့ဟာတွေ ပြန်ဖြေကြားတယ်။ ထူးခြားချက်တခုကတော့ နိုင်ငံရေး ဆွေးနွေးပွဲမှာ Third Party ပေါ့ဖွဲ့ဖို့လိုအပ်ရင်လည်း ဖွဲ့မယ်ပေါ့၊ သမ္မတက အဲလို ပြောတယ်၊ ဒါပါဘဲ။

စိုင်းအိုက်ပေါင်း (ရှမ်းတိုင်းရင်းသား ဒီမိုကရက်တစ်ပါတီ)
ဒီနေ့မှာ ပါတီခေါင်းဆောင်တွေရော တိုင်းရင်းသားရေးရာဝန်ကြီးတွေရော အားလုံး ၄၈ ဦး တက်တယ်။ ဒီတခါတော့ မြိုင်မြိုင်ဆိုင်ဆိုင် ရှိတာပေါ့။ သမ္မတကြီးက ဆွေးနွေးဖို့ အချက် ၃ ချက်ပေးထားတယ်။ အဲဒီအပေါ်မှာ ပွင့်ပွင့်လင်းလင်းဆွေးနွေးကြပါတယ်။ ကောင်းပါတယ်။ အလားအလာက အဓိက ငြိမ်းချမ်းရေးရယ် ဒီမိုကရေစီ ပြုပြင်ပြောင်းလဲရေး အခြေခိုင်မာဖို့အတွက်လေ အားလုံးကလည်း ဖြစ်စေချင်တယ်။ ပြည်ထောင်စုနေ့မှာ အပစ်အခတ်ရပ်စဲရေး လက်မှတ်ရေးထိုးနိုင်ဖို့ သမ္မတကြီးရော တပ်ချုပ်ကိုရော အကုန်လုံး တိုက်တွန်းကြတယ်။ ပြီးတော့ နိုင်ငံရေးဆွေးနွေးပွဲတွေ သွားဖို့ပေါ့။ နောက်ပြီးတော့ ၂၀၁၅ မှာ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ဖို့။ အဲဒါလည်း ရွေးကောက်ပွဲကော်မရှင်ဥက္ကဋ္ဌ ဦးတင်အေးကလည်း ကတိပေးထားပါတယ်။ သူတို့ဆီလည်း လာလေ့လာပါ။ ပါတီတွေလည်း အကြံပေးပါပေါ့။ အရမ်းကောင်းပါတယ်။ အရင်ထက်စာ ပွင့်လင်းပါတယ်။ ကျနော်တို့အဓိက ဆွေးနွေးတာက အပစ်အခတ်ရပ်စဲရေး အမြန်ဆုံး လက်မှတ်ရေးထိုးနိုင်ဖို့ ပေါ့နော်။ သမ္မတကြီး ကြေညာတဲ့ ဖေဖော်ဝါရီလ ၁၂ ရက်နေ့မှာ ပြည်ထောင်စုနေ့လည်း ဖြစ်တယ်၊ ၁၆ ဖွဲ့လုံးပါတဲ့ အပစ်အခတ် ရပ်စဲရေး လက်မှတ်ရေးထိုးနိုင်ဖို့ သမ္မတကြီးကိုလည်း တပ်ချုပ်ကိုလည်း တိုက်တွန်းတယ်။ ပြီးတော့ နိုင်ငံရေးမူဘောင်ကိုလည်း ကျနော်တို့က ဆွဲထားပြီးသားလေ။ ပြီးတော့ နိုင်ငံရေးဆွေးနွေးပွဲ သွားနိုင်အောင်။ အားလုံးက ပြည်ထောင်စုကြီးကို ငြိမ်းချမ်းစေချင်တယ်။

ဦးခွန်ထွန်းဦး (ယူအဲန်အေခေါင်းဆောင်)
ခါတိုင်းလိုပါဘဲ။ လက်ရှိ နိုင်ငံရေးအခြေအနေရယ်၊ ရွေးကောက်ပွဲရယ်၊ နောက်ပြီးတော့ ငြိမ်းချမ်းရေးဘဲလေ၊ ဒါနဲ့ဘဲ ထပ်နေတယ်။ တက်တဲ့လူက ၄၈ ယောက်ရှိတယ်ပြောတာဘဲ၊ လူကများပြီးတော့ ဆွေးနွေးတဲ့ခေါင်းစဉ်အကြောင်း အရာက ၃ ခုဘဲဆိုတော့ ထပ်နေတာပေါ့။ ကျနော်လည်း ၅ မိနစ်လောက်ဘဲ ပြောပါတယ်။  ဒီဟာတွေကို ၀ိုင်းဝန်းလုပ်ကြပါ၊ ဘာညာ ပြောရတာပေါ့၊ မပြောချင်လည်း ပြောရတာဘဲ။ ဒါက ၀ိုင်းဝန်းလုပ်ကြပါပေါ့။ ဒီဘာသာရပ်ကို လူ ၅၀ လောက်က ၀ိုင်းဆွေးနွေးတာလေ။ ဘာထူးမှာလဲတဲ့၊ အရင်အတိုင်းဘဲပေါ့ဗျာ။
ဦးဇော်အေးမောင်  (ရခိုင်တိုင်းသားရေးရာဝန်ကြီး)
ကျနော့်အနေနဲ့ကတော့ ငြိမ်းချမ်းရေးဆွေးနွေးပွဲတွေမှာ အပစ်ခတ်ရပ်ရေးကို ဦးစားမပေးဘဲ နိုင်ငံရေးဆွေးနွေးပွဲကိုသာ ဦးစားပေးဖို့၊ ၁ လ ၂ လအတွင်း ဆွေးနွေးပွဲ အမြန်ဆုံး အကောင်အထည်ဖော်ဖို့ အကြံပြုတင်ပြခဲ့ပါတယ်။ နိုင်ငံရေးဆွေးနွေးပွဲ အောင်မြင်ရင် အပစ်အခတ်ရပ်ကိစ္စက လိုက်ပြီးပြေလည်လာမယ်လို့ ကျနော်ယုံကြည်ကြောင်း ပြောခဲ့ပါ တယ်။ ငြိမ်းချမ်းရေးဆိုတာမှာ လက်နက်ကိုင်အဖွဲ့တွေနဲ့ ငြိမ်းချမ်းရေး ဆောင်ရွက်သလို ကျနော်တို့ ရခိုင်ပြည်နယ်တွင်းဖြစ်ပွားခဲ့တဲ့ ပဋိပက္ခတွေလည်း ချုပ်ငြိမ်းဖို့လိုတယ်လို့ ကျနော်ပြောပါတယ်။ အခုလို တွေ့ဆုံဆွေးနွေးပွဲတွေ မကြာမကြာလုပ်ဖို့ တက်ရောက်သူတွေ အကြံပြုကြတယ်။ နောက်တကြိ်မ် ဆွေးနွေးပွဲတွေမှာ ကိုယ်ပိုင်အုပ်ချုပ်ခွင့်ရဒေသက ခေါင်းဆောင်တွေပါ ပါဝင်လာဖို့ တိုက်တွန်းကြတယ်။ ပိုမိုကျယ်ပြန့်တဲ့ တိုင်းရင်းသားခေါင်းဆောင်တွေ၊ နိုင်ငံရေးခေါင်းဆောင်တွေ ပါဝင်လာဖို့ သဘောတူခဲ့ကြပါတယ်။ သမ္မတကြီးကလည်း သဘောတူခဲ့ပါတယ်။

ဦးစောထွန်းအောင်မြင့် (ကရင်တိုင်းရင်းသားရေးရာဝန်ကြီး)
“အန်ကယ့်အနေနဲ့ကတော့၁ ကတော့ ရွေးကောက်ပွဲနီးနေပြီဖြစ်တဲ့အတွက်ကြောင့်မို့လို့ ဖွဲ့စည်းပုံအခြေခံဥပဒေကိုလေ အမြန်ဆုံး ဆွေးနွေးပြင်ဆင်ဖို့အတွက်ကို အကြံပြုတယ်။ ၂ ကတော့  ရွေးကောက်ပွဲနီးနေတဲ့အတွက် အပစ်ခတ်ရပ်စဲရေးအတွက်ကို အနိုင်ငံလုံး အပစ်ခတ်ရပ်စဲရေး အမြန်ဆုံးလုပ်ဖို့ပေါ့နော်။ သမ္မတကြီးကနေပြီးဖေဖော်ဝါရီ ၁၂ ရက်နေ့မှာ ဆန္ဒပြုထားတာပေါ့နော်။ အဲဒါ အမြန်ဆုံးဖြစ်အောင် ထောက်ခံအကြံပြုလိုက်တယ်။ ၃က တိုင်းရင်းသားရေးရာဝန်ကြီးတွေဟာ တိုင်းအလိုက်ပေ့ါနော် မြို့နယ်တွေကနေ လူထုတွေက ရွေးတင်ထားတာဖြစ်တာကိုး။ အဲဒီအတွက်ကြေင့်မို့လို့ ဒီငြိမ်းချမ်းရေးဆွေးနွေးပွဲတွေမှာ သူတို့ကို ထဲထဲဝင်ဝင်ပါဝင်ဖို့ အကြံပြုတယ်။ ၄ ကတော့ အစိုးရပြုပြင်ပြောင်းလဲရေး နိုင်ငံရေး၊ စီးပွားရေး၊ လူမှုရေး ပြုပြင်ပြောင်းလဲရေး ကဏ္ဍတွေမှာ ပိုပြီးတော့ ထိရောက်အောင် ပါတီတွေက ခေါင်းဆောင်တွေကို ထည့်သွင်းဖို့ အကြံပြုတယ်။ ၅ ကတော့ ရွေးကောက်ပွဲမှာ လွတ်လပ်ပြီး တရားမျှတတဲ့ ရွေးကောက်ပွဲဖြစ်အောင် တိုင်းရင်းသားရေးရာဝန်ကြီးတွေရယ်၊ ပါတီက ခေါင်းဆောင်တွေရယ် တတ်နိုင်တဲ့ အတိုင်းအတာအထိ ၀ိုင်းကူလုပ်ဆောင်ရေး ထည့်သွင်းပေးဖို့။  ဒါဆိုရင် ရွေးကောက်ပွဲဟာ လွတ်လပ်ပြီး တရားမျှတမှု ပိုရမယ်ပေါ့နော်။ နောက်တခုကတော့ ဘာသာရေးနဲ့ပတ်သက်လို့ ကိုယ်တို့ တိုင်းပြည်က တခြား တိုင်းပြည်တွေထက် ထိလွယ်ရှလွယ်တယ်လေ။  ဆိုတော့ ပူးပေါင်းလုပ်ဆောင်တဲ့ လုပ်ငန်းတွေရှိတယ်လေ။ ကိုယ်တို့ ဘာသာပေါင်းစုံအတူတကွ ပူးတွဲနေထိုင်ရေးလေ။ အဲဒီအဖွဲ့တွေကို ကိုယ်တို့ကနေပြီးတော့ ဟိုအောက်ခြေအဆင့်အထိ တိုင်း၊ ခရိုင်၊ မြို့နယ် ရပ်ကြေးပေါ့နော် အဲဒါကို တိုင်းရင်းသားရေးရာဝန်ကြီးတွေရယ်၊ ပါတီက လူကြီးတွေရယ်၊ ဒီအဖွဲ့အတွင်းမှာထည့်သွင်းပြီးဆောင်ရွက်ရင် ပိုပြီးတော့ တိုင်းပြည်ဟာ စည်းလုံးညီညွတ် မယ်ပေါ့။ အဲဒီ ၆ ချက်ကို ပြောလိုက်ပါတယ်။”

http://burmese.dvb.no/archives/76853


နိုင်ငံတော်သမ္မတ ဦးသိန်းစိန်ဟာ တပ်မတော် ကာကွယ်ရေး ဦးစီးချုပ်၊ လွှတ်တော်ဥက္ကဌ နှစ်ဦးနဲ့ အမျိုးသား ဒီမိုကရေစီအဖွဲ့ချုပ် ဥက္ကဌ အပါအ၀င် နိုင်ငံရေးပါတီ ခေါင်းဆောင်တွေ၊ တိုင်းရင်းသား ရေးရာ ၀န်ကြီးတွေ စုစုပေါင်း ၄၈ ဦးတို့နဲ့ နေပြည်တော်မှာ ဒီနေ့ တွေ့ဆုံ ဆွေးနွေး ခဲ့ပါတယ်။

အဲဒီတွေ့ဆုံပွဲမှာ ဖေဖော်ဝါရီလ ၁၂ ရက်နေ့ ပြည်ထောင်စုနေ့မှာ တစ်နိုင်ငံလုံး အပစ်ခတ်ရပ်စဲရေး သဘောတူ လက်မှတ်ရေးထိုးလိုတယ်ဆိုတဲ့ သမ္မတရဲ့စကားကို အားလုံးကကြိုဆိုခဲ့ကြပါတယ်။

ဆွေးနွေးပွဲအပြီးကျင်းပတဲ့ သတင်းစာရှင်းလင်းပွဲမှာ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးရဲထွဋ်က

"အပိုင်း (၁) ယနေ့ပြုလုပ်သည့် တွေ့ဆုံဆွေးနွေးပွဲသို့ နိုင်ငံတော်သမ္မတနှင့် နိုင်ငံရေးခေါင်းဆောင်များ တိုင်းရင်းသားရေးရာဝန်ကြီးများနဲ့ တိုင်းရင်းသား ကိုယ်စားလှယ်ခေါင်းဆောင်များ စုစုပေါင်း ၄၈ ဦး တွေ့ဆုံဆွေးနွေးခဲ့ပါသည်၊ ထိုဆွေးနွေးပွဲတွင် (က) ဒီမိုကရေစီ အသွင်ကူးပြောင်းရေးနှင့် ပြုပြင်ပြောင်းလဲရေးများ ဆက်လက်ဖြစ်ထွန်းစေရေးကိစ္စ၊ (ခ) ငြိမ်းချမ်းရေးဖြစ်စဉ်ကို အခြေခံသည့် အမျိုးသားပြန်လည် စည်းလုံးညီညွှတ်ရေးဆိုင်ရာ နိုင်ငံရေးဆွေးနွေးပွဲများ စတင်ကျင်းပနိုင်ရေးကိစ္စ (ဂ) လွတ်လပ်ပြီး တရားမျှတသော ၂ဝ၁၅ ခုနှစ် အထွေထွေရွေးကောက်ပွဲများ အောင်မြင်စွာကျင်းပပြုလုပ်နိုင်ရေး ညင်သာသော အသွင်ကူးပြောင်းဖို့ နိုင်ငံရေးလုပ်ငန်းစဉ်များ ပေါ်ပေါက်ရေးနှင့် ကျန်ရှိသေးသည့်ကြားကာလ နိုင်ငံရေးတည်ငြိမ်မှုအရေး ကိစ္စတို့အပါအဝင် နိုင်ငံရေးကိစ္စရပ်များကို ရှုထောင့်အသီးသီးမှ ရင်းနှီးပွင့်လင်းစွာ အပြန်အလှန် ဆွေးနွေးအဖြေရှာခဲ့ကြပါတယ်"

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကတော့ ဖွဲ့စည်းပုံအခြေခံဥပဒေ ပြင်ဆင်ရေးဟာ လွှတ်တော်ရဲ့တာဝန်သာဖြစ်တယ်ဆိုတဲ့ ဆွေးနွေးချက်ကို လက်မခံကြောင်း ပြောပါတယ်။

"သူတို့အနေနဲ့ကတော့ ဘယ်လိုမူကို အခြေခံပြီးတော့ ဒီပုဂ္ဂိုလ်တွေကို ရွေးပြီးဖိတ်သလဲဆိုတာ မသိဘူး၊ နည်းနည်းစဉ်းစားရခက်တယ်၊ ဒါပါတီခေါင်းဆောင်တွေလည်း မဟုတ်ဘူး၊ နောက်လွှတ်တော်ထဲက အဖွဲ့ခေါင်းဆောင်တွေလည်း မဟုတ်ဘူး၊ အဲတော့ ဘာကိုအခြေခံပြီး ဖိတ်မှန်းမသိဘူး၊ ကျမတို့တင်ပြချက်ထဲမှာ ရှင်းရှင်းလင်းလင်းပါတယ်၊ ဒါဟာ ခြောက်ပွင့်ဆိုင်ကို ရှောင်ဖို့အတွက်တော့ မဖြစ်သင့်ဘူး၊ သူတို့ခေါင်းစဉ် ၃ ခု ရှိတယ်မဟုတ်လား၊ ခေါင်းစဉ် ၃ ခုအပေါ်မှာ ကျမတို့အဖွဲ့ချုပ်က CEC ထိုင်ပြီးတော့ ဆုံးဖြတ်တာပဲ၊ အဲတော့ အဖွဲ့ချုပ်က တင်ပြတဲ့ဟာတွေကို နောက်အဖွဲ့ချုပ်ကနေပြီးတော့ ထုတ်ပြန်လို့ရပါတယ်"

ဒီနေ့ တွေ့ဆုံပွဲမှာ ဖွဲ့စည်းပုံအခြေခံဥပဒေ ပြင်ဆင်ရေးနဲ့ ၂၀၁၅ ရွေးကောက်ပွဲ ကျင်းပနိုင်ရေးတို့ကိုလည်း ဆွေးနွေးခဲ့ကြတယ်လို့ သိရပါတယ်။ ပြီးခဲ့တဲ့နှစ် အောက်တိုဘာလ ၃၁ ရက်နေ့က နိုင်ငံတော်သမ္မတ၊ ကာကွယ်ရေးဦးစီးချုပ်နဲ့ ဒေါ်အောင်ဆန်းစုကြည်အပါအ၀င် နိုင်ငံရေးပါတီခေါင်းဆောင်တွေ စုစုပေါင်း ၁၄ ဦး ပထမဆုံးအကြိမ် တွေ့ဆုံခဲ့ပါတယ်။

RFA Burmese
https://www.facebook.com/pages/RFA-Burmese/39218993127

Author Name

Contact Form

Name

Email *

Message *

Powered by Blogger.