02/18/15

ဒီမိုကရက်တစ်အစိုးရတရပ်ရဲ့သွင်ပြင်လက္ခဏာတွေထဲမှာ စစ်တပ်ဟာ အရပ်သားအစိုးရလက်အောက်မှာ ရှိရမယ်ဆိုတာပါဝင်တယ်။ အဲဒီလက္ခဏာဟာ တချို့နိုင်ငံတွေမှာမရှိဘူး။ တကယ်လို့များ စစ်တပ်ဟာ နိုင်ငံရဲ့အချုပ် အခြာအာဏာသုံးရပ်ဖြစ်တဲ့ ဥပဒေပြုရေးအာဏာ ၊ တရားစီရင်ရေးအာဏာ ၊ စီမံအုပ်ချုပ်ရေးအာဏာလက်အောက် ကနေ လွတ်ကင်းနေလို့ရှိရင် လွတ်တော်အမတ်ပဲဖြစ်ဖြစ် ၊ တရားသူကြီးပဲဖြစ်ဖြစ် ၊ သမတပဲဖြစ်ဖြစ် စစ်တပ်အပေါ် မှာ သြဇာသက်ရောက်တော့မှာမဟုတ်ဘူး။

အဲဒီလိုပဲ စစ်တပ်ခေါင်းဆောင်တဦး ဒါမှမဟုတ် စစ်တပ်ခေါင်းဆောင်တွေက သူတို့အပေါ် လွှတ်တော် အမတ်တို့ တရားသူကြီးတို့ သမတတို့ရဲ့သြဇာသက်ရောက်တာမရှိဘူးလို့ယူဆလာလို့ရှိရင် လွှတ်တော်ကိုဖျက် သိမ်းတာ ၊ တရားစီရင်ရေးကိုဝင်ရောက်စွက်ဖက်တာ ၊ သမတကို ရာထူးကနေဖယ်ရှားတာတွေလုပ်လာလိမ့်မယ်။

ပြီးခဲ့တဲ့လထဲကပဲ မြန်မာနိုင်ငံကလွှတ်တော်မှာ လွှတ်တော်ကိုဖျက်သိမ်းပိုင်ခွင့်နဲ့ပတ်သက်ပြီး စစ်တပ်ကို လုပ်ပိုင်ခွင့်ပေးဖို့ စစ်တပ်ကိုယ်စားလှယ်တွေက လွှတ်တော်မှာအဆိုတင်သွင်းခဲ့တယ်ဆိုတာကို သတိထားမိကြမှာ ပေါ့။ အဲဒါဟာ မြန်မာနိုင်ငံမှာ ဒီမိုကရေစီအရေခြုံပြီး စစ်တပ်ကြီးစိုးရေးလမ်းစဉ်ကို အခိုင်အမာအကောင်အထည် ဖော်ဖို့လုပ်တာပဲ။ စစ်ယူနီဖောင်းနဲ့အုပ်ချုပ်ရင် နိုင်ငံတကာအလယ်မတင့်တယ်တာကြောင့် အဲဒီအပေါ်ကနေ တိုက်ပုံနဲ့ပုဆိုးကိုထပ်ဝတ် စစ်ဦးထုပ်နေရာမှာ ခေါင်းပေါင်းစွပ်လိုက်တာပေါ့။

ပြည်သူ့ကိုယ်စားလှယ်တဦးဦးကိုဖမ်းဆီးချုပ်နှောင်တာ ၊ ဖယ်ရှားတာကို စစ်တပ်ခေါင်းဆောင်တွေက လုပ် လာလို့ ကန့်ကွက်ဆန္ဒပြလာတဲ့အခါမျိုးမှာ စစ်တပ်က ရွေးကောက်ခံပြည်သူ့ကိုယ်စားလှယ်တွေ ၊ တရားသူကြီး တွေဟာ အကျင့်ပျက်လာဘ်စားတာကို သည်းညည်းမခံနိုင်လို့ဆိုပြီး အကြောင်းပြတာ ဒါမှမဟုတ် ဆူပူမှုတွေဖြစ်တဲ့ အတွက် စစ်တပ်အစိုးရကပဲ တိုင်းပြည်တွင်းကပြည်သူတွေလတ်တလောရင်ဆိုင်ကြုံတွေ့နေရတဲ့အခြေအနေတွေ ကို ဖြေရှင်းပေးနိုင်မှာဆိုပြီး ဆင်ခြေပေးလိမ့်မယ်။

စစ်အာဏာရှင်တွေဟာ ဒီမိုကရေစီကိုအကြောင်းပြပြီး အရပ်သားပြည်သူ့ကိုယ်စားလှယ်နေရာမှာ စစ်တပ် ကိုယ်စားလှယ်တွေသေချာပေါက်ရယူနိုင်ဖို့ ရွေးကောက်ပွဲတွေကို အကွက်ချစီစဉ်လုပ်ဆောင်လေ့ရှိသလို သီးခြား နေရာသတ်မှတ်ခွဲဝေရယူတာမျိုးလုပ်လေ့ရှိတယ်။ အခုဆိုရင် ၂၀၀၈ ဖွဲ့စည်းပုံအခြေခံဥပဒေအရ စစ်တပ်ဟာ လွှတ်တော်အဆင့်ဆင့်မှာ အမတ်နေရာ ၂၅%ကို ယူထားပြီးဖြစ်တယ်။ အဲဒါဟာ မြန်မာနိုင်ငံမှာ စစ်တပ်လက်ဝါးကြီး အုပ်တဲ့ အမည်ခံဒီမိုကရေစီနိုင်ငံဖြစ်လာဖို့ လုပ်ဆောင်တာပဲဖြစ်တယ်။

ဒါကြောင့် မြန်မာပြည်သူပြည်သားအားလုံးရဲ့ မဟာဗျူဟာက စစ်တပ်ကို နိုင်ငံရေးလောကကနေထွက်ခွာ သွားစေဖို့နဲ့ အရပ်သားအုပ်ချုပ်မှုအောက်မှာ စစ်တပ်ကိုထားရှိဖို့ပဲဖြစ်တယ်။ အဲဒီမဟာဗျူဟာကိုအကောင်အထည် ဖော်ဖို့အတွက် နည်းဗျူဟာတွေကို ကာလံဒေသံပယောဂံနဲ့အညီ နိုင်ငံရေးသမားတွေနဲ့ပြည်သူတွေပူးပေါင်းလုပ် ဆောင်ရမယ်။ လက်ရှိမြန်မာနိုင်ငံရဲ့အခြေအနေတွေအရ ပြည်သူလူထုနဲ့အတူပူးပေါင်းလုပ်ဆောင်တာမျိုးမလုပ်တဲ့ ဘယ်နိုင်ငံရေးလှုပ်ရှားမှုမှ မအောင်မြင်ဘူးဆိုတာကို မြန်မာနိုင်ငံထဲမှာရှိတဲ့ နိုင်ငံရေးသမားအားလုံး နိုင်ငံရေးပါတီ အားလုံးနားမလည် ၊ လက်တွေ့မကျင့်သုံးလို့ကတော့ စစ်မှန်တဲ့ဒီမိုကရေစီထွန်းကားရေးတို့ စစ်မှန်တဲ့ဖက်ဒရယ် ပြည်ထောင်စုတည်ဆောက်ရေးတို့ဆိုတာဟာ လေထဲမှာ တိုက်အိမ်ဆောက်နေတယ်လို့သာမှတ်ပေတော့။

လွှတ်တော်အခြေပြုအစိုးရနဲ့ စစ်တပ်အကြောင်းကို နည်းနည်းဆက်ရေးပါဦးမယ်။

ကျော်ကျော်စိုး (ဂျပန်)
ဖေဖော်ဝါရီ ၁၇ ။ ၂၀၁၅ ခုနှစ်

ရန်ကုန်တိုင်းဒေသကြီး ဗိုလ်တထောင်မြို့ နယ်ရှိ အ.ထ.က. ၄ ကျောင်းမှ အဌမတန်း အတန်းပိုင်ဆရာမသည် သူမ၏ အတန်း၌ ပညာသင်ကြားနေသော ကျောင်းသူတစ်ဦးအား ဆုံးမရာတွင် ပါးရိုက်ခဲ့ကြောင်း သတင်းရရှိသည်။

ပါးရိုက်ခံရသည် ကျောင်းသူ က ပါးမရိုက်ပါနှင့် တခြားနည်းဖြင့် ဆုံးမပါ ဟု ပြောကြားခဲ့သည်ဟု သိရသည်။ အခြား ဆရာမများ ရောက် လာကာ ကျောင်းသူအား ဖြောင်းဖြ့ပီး ဆရာမကို ခံပြောမိသည့် အတွက် တောင်းပန်ရန် တိုက်တွန်းသဖြင့် ကျောင်းသူ ကလေးမှ ထိုင်ကန်တော့ရာ အဆိုပါ အတိုင်းပိုင်ဆရာမက နင် ကန်တော့လဲ ငါမကျေနပ်ဘူး။ ပါးရိုက် လို့အလုပ်ပြုတ်တဲ့ဥပဒေမရှိဘူးပြောဘူးဟုပြောပြီး ထပ်မံပါးရိုက်ခဲ့ဟု သိရသည်။

အဆိုပါ ဆရာမက ဒေါသချောင်းချောင်းထွက်နေရာ ဆက်လက်ပြီး ကျောင်းသူအား ပါးရိုက်ရန် ကြိုးစားသဖြင့်အခြား ဆရာမ များက ဆွဲခေါ်တားဆီးခဲ့ရပါသည်။

အဆိုပါ ဖြစ်ရပ်ကို ကြားသိကြသည့် ကျောင်းသားမိဘများအားလုံး မခံမရပ်နိုင်ဖြစ်နေဟု ဆိုသည်။ အရွယ် မရောက်သေးသော ကျောင်းသူ တဦးအား ဆရာမများက အုပ်ချုပ်သော ကျောင်းပိုင်နက်အတွင်း တရားလွန် ဆင့်ကဲပါးရိုက်ခြင်း၊ ရန်သူတစ်ဦးကို တုန့်ပြန်သကဲ့သို့ ငယ်ရွယ်သည့် ကျောင်းသူ အား ဥပဒေမဲ့ လုပ်ဆောင်ခြင်းအတွက် မိမိ၏ သမီး ၂ ဦးအတွက်လည်း ထိလန့်မိကြောင်း အမည်မဖော်လိုသည့် မိဘတစ်ဦးက The Ladies သို့ ပြောကြားခဲ့သည်။

၁၄ နှစ်အရွယ် မိန်းကလေးတစ်ဦးကို ပါးရိုက်ဆုံးမခြင်းသည် ကာအိဒြေကို ပျက်စီးစေကြောင်း၊ ယခုအခါတွင် စာမေးပွဲများ အလွန်နီးကပ်နေသဖြင့် ကလေးများ စိတ်အနှောက်အယှက်ဖြစ်မည်ကို စိုးရိမ်ကြောင်း၊ နောင်လာမည့် စာသင်နှစ်တွင် သမီးဖြစ်သူအား အခြားကျောင်းသို့ ပြောင်းရွှေ့သွားမည်ဖြစ်ကြောင်း ကျောင်းသူဖခင်တစ်ဦး The Ladies မှ ဖုန်းဖြင့် ဆက်သွယ်မေးမြန်းမှုကို ဖြေကြားခဲ့သည်။

သတင်း - မောင်နိုး

The Ladies News Journal
https://www.facebook.com/News.TheLadies

ဓါတ်ပုံ = Kyaw Lin (fb)
မကွေးတိုင်း ရေနံချောင်းမြို့   မြို့မဈေးကြီးမှာ ဒီနေ့မနက် လင်းအားကြီးက မီးလောင်ကျွမ်းရာမှာ   ဈေးအနောက် ဘက်၊ ဈေးအရှေ့ထိပ်နှင့် အရှေ့တောင်ထောင့်ရှိ ဆိုင်ခန်းများမှအပ ဈေးအတွင်းနှင့် ဘေးပတ်လည်ရှိ ဆိုင်ခန်းပေါင်း ၃၁၂ ခန်း ပျက်စီးဆုံးရှုံးသွားပါတယ်။

ဆုံးရှုံးမှုတန်ဖိုး အတိအကျ ခန့်မှန်းရန်ခက်သော်လည်း တစ်ဦးတည်း ကျပ်သိန်း ၅၀၀ ကျော်အထိ ဆုံးရှုံးခဲ့သူ ဈေး သည်များရှိတယ်လို့ သိရပါတယ်။ မီးလောင်မှုကို ရေနံချောင်း၊ မကွေး၊ ချောက်၊ ကျောက်ပန်းတောင်းမြို့များမှ မီးသတ်ကားပေါင်းများစွာ လာရောက်မီးငြိမ်းသတ်ခဲ့ပြီး နံနက် ၃ နာရီခွဲခန့်တွင်မီးညွန့်ကျိုးသွားပါတယ်။ ဈေးအရှေ့ ဘက်တန်းရှိ ထုထည်ကြီးမားသော အဆောက်အဦများကြောင့် လူနေအိမ်များသို့ မီးကူးစက်လောင်ကျွမ်းမှု မရှိပဲ၊ ထိခိုက်ဒဏ်ရာရသူလည်း မရှိခဲ့ကြောင်းသိရပါတယ်။

မနက် ၂ နာရီလောက်က မီးစတင်လောင်ကျွမ်းခဲ့တာဖြစ်ပြီး ဈေးရုံ ၉ ရုံက ဆိုင်ခန်းတွေအားလုံး ပျက်စီးသွားတယ်လို့ ကုန်စုံဆိုင်မီးထဲပါသွားတဲ့ ကိုဇော်မိုးအောင်က ပြောပါတယ်။

"၂ ရက် သူတို့သန့်ရှင်းရေးအကုန်လုပ်မယ်၊ ဘူဒိုဇာတွေနဲ့ ထိုးပစ်လိုက်ပြီး ၃ ရက်နေလို့ရှိရင် ယာယီဆိုင်ခန်း ကျနော်တို့ကို ပြန်ချပေးမယ်၊ ၃၁၂ ခန်းတဲ့ သူတို့မနက်ကသတင်းထုတ်တာ၊ ကျန်တာက (က) ရုံနဲ့ (ခ) ရုံ နှစ်ရုံကျန်တယ်"

တစ်နာရီကျော်ကြာ မီးလောင်ခဲ့တာဖြစ်ပြီး ပျက်စီးသွားတဲ့အထဲမှာ အထည်ဆိုင်တွေ အများဆုံးဖြစ်တယ်လို့ သိရပါတယ်။

အဲဒီမြို့မဈေးမှာ ဆိုင်ခန်းပေါင်း ၅၀၀ ကျော်ရှိပြီး လွန်ခဲ့တဲ့ ၁၉၉၇ ခုနှစ်ကလည်း မီးလောင်မှုဖြစ်ပွားခဲ့ရာ ဆိုင်ခန်း ၃၀၀ ကျော်ပျက်စီးခဲ့ပါတယ်။

အလားတူပဲ ရန်ကုန်တိုင်းဒေသကြီး ကြည့်မြင်တိုင်မြို့နယ် တစ်ဖက်ကမ်းက ဘလုတ်ညွှန့်ကျေးရွာမှာလဲ  မနေ့ညက မီးလောင်မှုဖြစ်ပွားခဲ့ရာ အိမ်ခြေ ၂၀၀ နီးပါး ပျက်စီးခဲ့ပြီ့း  လူဦးရေ ၉၀၀ နီးပါး အိုးမဲ့အိမ်မဲ့ဖြစ်ခဲ့ပါတယ်။

RFA Burmese
http://www.rfa.org/burmese/news/yaynanchaung-bazaar-fire-02172015092132.html


မြန်မာနိုင်ငံ၏ သမိုင်းကြောင်း တလျှောက်လုံးတွင်အုပ်စိုးသူအမျိုးမျိုးနှင့်ကြုံတွေ့ ခဲ့ရ၏။ အချို့အုပ်စိုးသူတို့ ကား အမျှော်အမြင် ကြီးမား၍ အရည်အချင်း ပြည့်မီကြ၏ ။ ထိုအုပ်စိုးသူတို့ လက်ထက်တွင် တိုင်းပြည်သည်စည်ပင် ၀ပြောလျှက် ပြည်သူပြည်သားတို့ ငြိမ်းချမ်း ကြကုန်၏။ အချို့  အုပ်စိုးသူတို့ကား ဆိုးဝါးခက်ထန်လျှက် အမျှော် အမြင်နည်းပါးကြကုန်၏ ။ ပြည်သူပြည်သားတို့အား နှိပ်စက်ညှင်းပန်းကြ၍ အနိုင်ထက်ပြုကျင့်ဗိုလ်ကျကြကုန်၏ ။ တိုင်းပြည်မှာလည်း ဆင်းရဲတွင်းနက်၍ ပြည်သူပြည်သားတို့ မှာ ဒုက္ခပင်လယ်ဝေကြရ၏ ။

ယနေ့ ခေတ် မြန်မာနိုင်ငံရောက်ရှိနေသည့် နိုင်ငံရေး စီးပွားရေး ကျန်းမာရေး၊ ပညာရေး အထွေထွေ အခြေအနေ အဆင့်အတန်းကို ကြည့်ရုံမျှဖြင့် လက်ရှိ အုပ်စိုးသူစစ်အာဏာရှင်တို့၏ အရည်အချင်းနှင့် စေတနာကို မြင်နိုင်ကြသည်။ ၁၉၆၂ မှသည် ယနေ့ ထက်တိုင် ရာစု တ၀က်နီးပါး စစ်ဖိနပ်အောက် ကျရောက်ခဲ့သော ခေတ်ကို အမှောင်ခေတ်ဟု ခေါ်ဆိုအပ်၏။ နိုင်ငံသားတိုင်း လူ့တန်ဘိုးများ နေ့ စဉ် နင်းခြေခံရလျှက် အကြောက်တရားဖြင့် ရှင်သန်ရင်း ဆင်းရဲတွင်း နစ်သည်ထက် နစ်လာနေသည့် ဘ၀များ၊ သောက အဖုံဖုံ နှင့် ကြိမ်မီးအုံးသို့နှယ် ပူလောက်နေရသည့် ဘ၀များပိုင်ဆိုင်ကြရ၏။ မျိုးချစ်စိတ်ကို ဘန်းပြအရေခြုံလျှက် မျိုးမမှန် သန္ဓေမမှန်ဘဲ မြန်မာ့မြေပေါ်တွင် ပေါ်ပေါက်လာသည့် စစ်အာဏာရှင် အဆိပ်ပင်ကြီးသည် အသီး တဝေေ၀နှင့် အရွက်ဝေစည်ကာ ရှင်သန်လျှက်ရှိပေသည်။

ထိုအဆိပ်ပင်ကြီးနှင့် အသီးများကို မှီခိုကာ စာေးသာက်နေထိုင်ကြကုန်သော ကပ်ပါးမျောက် စစ်ဗိုလ်ချုပ်ကြီးငယ် အပေါင်းတို့ကို ခွဲခြမ်း စိတ်ဖြာ ကြည့်သောအခါ အောက်ပါအတိုင်း ကြန်အင် လက္ခဏာရှိသည့် လူအမျိုးအစားများကို သာတွေ့ ရပေသည်။

၁။ အမှန်နှင့် အမှားကို မခွဲခြားတတ်သည့် လူဖျင်း လူနုံများ ၊
၂။ ဆင်ခြင်တုံတရားအားနည်းပြီးယုံလွယ်တတ်သည့် လူရိုးလူအများ ၊
၃။ အကြင်နာ ကင်းမဲ့၍ ခက်ထန် ကြမ်းတမ်းစွာ နှိပ်စက်တတ်သည့် လူမိုက်လူသွမ်းများ ၊
၎။ သစ္စာမတည်ကြည်ဘဲ ကောက်ကျစ်လှည့်ဖြားတတ်သော လူရှုပ်၊ လူယုတ်များ ၊
၅။ ခေတ်ပညာတတ်လျှက် မိုက်မဲသော လူတော် လူလျှော်များ ၊
၆။ မကောင်းမှုတွင်မွေ့ လျှော်တတ်သည့် လူ့ဗာလ လူအန္ဓများ ၊
၇။ အတ္တလွန်ကဲပြီး လောကကို အကျိုးမပြုတတ်သော လူ့ အမှိုက်များ ၊
၈။ ကျေးဇူးမဲ့တတ်၍ ကျွေးသော လက်ကို ကိုက်တတ်သော လူ့တိရစ္ဆာန်များ ၊
၉။အခွင့်အလမ်းရရေးသစာကြည့်တတ်၍ လူအများကို ခုတုံးလုပ် နင်းကျော်တတ်သည့် လူပေါ်လူဇော်များ ၊
၁၀။ ဟီရိသြတ္တပ္ပ ကင်းမဲ့၍ မကောင်းမှုကိုရဲရင့်စွာ ကျူးလွန်တတ်သော လူ့ဘီလူးများ ၊
၁၁။ လူ့ အဖွဲ့ အစည်းကို အဆိပ်အေတောက် ဖြစ်စေလျှက် လှိုက်စား ဖျက်ဆီးတတ်သော လူ့ လောက်လန်းများ ၊
၁၂။ တဒ၈င်္ ခဏစည်းစိမ်ချမ်းသာအတွက် လူ့အကျင့် သိက္ခာကို မြေသို့ နင်ေးခြတတ်သည့် လူစုတ်၊ လူပုပ်များ ၊
၁၃။ ကြီးမားသော အမှားများ ထပ်တလဲလဲ ကျူးလွန်၍ နောင်တစိတ်မရှိသော လူ့ တဇောက်ကန်းများ ၊
၁၄။ ဆရာ သမားများနှင့် အမိအဘ ကဲ့သို့ တူသော ပြည်သူ ရဟန်းများ ကိုပင် စော်ကား၊ သတ်ရဲသည့် လူ့ ဒေ၀ဒတ်များ ။

ထိုကဲ့သို့ အော့နှလုံး နာဖွယ်ကောင်းသည့် စစ်ဗိုလ်ချုပ်ကြီးများသည် တိုင်းပြည်ကို အုပ်ချုပ်ဖျက်ဆီး လျှက်ရှိကြသည်။
၂၀၁၀ ရွေးကောက်ပွဲဖြင့် နိုင်ငံတော်အာဏာ ကိုဗြောင်လိမ် လုယူခဲ့ကြကုန်၏။ ၂၀၀၈ ဖွဲ့စည်းပုံ အခြေခံဥပဒေ ကို ပြည်သူလူထုအလိုမတူဘဲ ဇွတ်အတင်းအဓမ္မ ပြဌာန်းခဲ့၏ ။ “ စည်းကမ်းပြည့်ဝသောဒီမိုကရေစီ ခေါင်းစီးလေးတပ်ပြီး -စစ်ကျွန်ကရေစီ” စနစ်ကို မွေးဖွားခဲ့ကြ၏။ (၂၀၀၈)ဖွဲ့ စည်းပုံအခြေခံဥပဒေသည် အချုပ်အခြာအာဏာကိုတပ်မတော်လက်ထဲထိုးထဲ့ထား၏ ။ ဥပဒေအထက်မှာ တပ်မတော်ကိုနေရာပေးထား၏ ။ တပ်မတော်ကို ပြည်သူတွေအပေါ် တရားဝင်ဗိုလ်ကျ အနိုင်ကျင့်ခွင့်၊ မြေယာသိမ်းခွင့် အချိန်မရွေးအာဏာသိမ်းခွင့် စတဲ့အခွင့်ထူးတွေပေးပြီးဖျက်ဆီးထားခြင်းသာဖြစ်၏ ။
ထိုထိုသော သမိုင်းအညစ်အကြေးတို့ ပေကြံနေသော စစ်ဗိုလ်ချုပ်ကြီးများသည် ပြည်သူအလိုမတူသော (၂၀၀၈) ဖွဲ့ စည်းပုံအုပ်ချုပ်ပုံအခြေခံဥပဒေပြင်ဆင်ရေးကို နေ့ ရွေ့  ညရွေ့ နှင့်အချိန်ဆွဲထားသည့်အပြင် လာမည့် (၂၀၁၅) အထွေထွေရွေးကောက်ပွဲကြီးတွင် နောက်ထပ်ဆက်လက်အုပ်ချုပ်ခွင့်ရရန်စိုင်းပြင်းလျှက်ရှိ ကုန်၏ ။ လိပ်ခဲတည်းလည်းဖြစ်နေသော နိုင်ငံရေးအကြပ်အတည်းကို ကျော်လွှားနိုင်ဖို့ လူထုခေါင်းဆောင် ဒေါ်အောင်ဆန်းစုကြည်၏ အကြံပြု တောင်းဆိုမေတ္တာရပ်ခံထားသည့် လေးပွင့်ဆိုင်တွေ့ ဆုံ ညှိနိုင်းရေး ကိုလည်း အသိအမှတ်မပြုဘဲ မထီမဲ့မြင်ပြုလျှက်ရှိ၏ ။

လူတိုင်းလူတိုင်းရဲ့ဘ၀တွေ လုံခြုံစေဘို့ တရားဥပဒေ စိုးမိုးဖို့ လူမျိုးငယ်စုပြဿနာကို ဖြေရှင်းနိုင်ဖို့ စစ်မှန်တဲ့ငြိမ်းချမ်းရေးတည်ဆောက်နိုင်ဖို့အတွက် ပြသနာအားလုံးရဲ့အရင်းမြစ်ဖြစ်တဲ့ မီးခဲပြာဖုံးစစ်အာဏာရှင် စနစ်ကို အကြွင်းမဲ့ဖျက်သိမ်းနိုင်ဘို့ နှင့်(၂၀၀၈) ဖွဲ့ စည်းအုပ်ချုပ်ပုံအခြေခံဥပဒေကို ထိထိရောက်ရောက် ပြင်နိုင်ဖို လိုပါသည်။

နှစ်ပေါင်း(၆၀)ကျော်ဘ၀လုံခြုံမှု့ကင်းမဲ့နေတဲ့ပြည်သူတွေကို ဘ၀လုံခြုံမှု့ပေးနိုင်အောင် (၂၀၀၈) ဖွဲ့ စည်းအုပ်ချုပ်ပုံအခြေခံဥပဒေကို ၂၀၁၅ ရွေးကောက်ပွဲမတိုင်ခင် ရိုးရိုးသားသား ပြင်ဆင်ကြဖို့ မဖြစ်မနေ လိုနေပါသည် ။

မြန်မာနိုင်ငံသားတဦးချင်းစီထမ်းဆောင်ရမည့်အမျိုးသားရေးတာဝန်တရပ်သည် စစ်တပိုင်းအစိုးရမပြင်ခြင်သော (၂၀၀၈ ) ဖွဲ့ စည်းအုပ်ချုပ်ပုံအခြေခံဥပဒေကို ထိထိရောက်ရောက်ပြင်နိုင်အောင်၊ အောက်ခြေမခိုင်တဲ့မြေပေါ်မှာ ဆောက်နေတဲ့အိမ်ကြီးကို ဖြိုချနိုင်ဖို့ ကိုယ့်အထွာနဲ့ ကိုယ်၊ မိမိမှာပေးလါတဲ့အခြေအနေ၊ မိမိတတ်နိုင် တဲ့စွန့် လွှတ်နိုင်မှု့၊ မိမိမှာရှိတဲ့ကိုယ်စွမ်း ဥာဏ်စွမ်းတွေ အသုံးချလို့ ညီညီညွှတ်ညွှတ် ၀ိုင်းဝန်းပါဝင်တိုက်တွန်း လုပ်ကိုင်ကြဖို့ ဘဲဖြစ်ပါ၏ ။ စစ်အာဏာရှင်များ ပေးသမျှလေးနဲ့ တင်းတိမ်နေလို့ မရနိုင်ပါ ။ ကိုယ်ပိုင်တဲ့အရာ တွေကိုရဲရဲဝံ့ဝံ့ပြန်ယူတတ်ဖို့ လိုပါ၏ ။

အဘဲ့ကြောင့်ဆိုသော့်..ဒီကိစ္စကြီးသည်..နိုင်ငံသားအားလုံး၏လက်ရှိဘ၀နှင့်အနာဂါတ်ဘ၀များ ကောင်းကျိုး ချမ်းသာရအောင်ပေးစွမ်းနိုင်သည့်၊ မြန်မာနိုင်ငံအား စစ်ညွှံထဲမှ ဆွဲထုတ်မတင်နိုင်မည့်၊ လူတိုင်းလူတိုင်း အတွက် အမိမြန်မာပြည်ကို ခွင့်တူညီမျှ … ဝါဒဖြူစင်တဲ့မြေ ဖြစ်စေနိုင်စေမည့် တခုတည်းသော အရင်းခံ ကိစ္စကြီးဖြစ်နေခြင်းကြောင့်ပါတည်း။

လေးစားစွာဖြင့်
( မင်းကောင်းချစ် )

ဒီမိုကရေစီကိုစတင်ထူထောင်မယ့်နိုင်ငံတွေ ဒါမှမဟုတ် နုနယ်စဒီမိုကရေစီနိုင်ငံတွေကို ဒုက္ခအပေးနိုင်ဆုံးနဲ့ အဖျက် ဆီးနိုင်ဆုံးအင်အားစုဟာ ရွေးချယ်တင်မြှောက်ခံနိုင်ငံရေးခေါင်းဆောင်တွေက အပြည့်အ၀ထိန်းချုပ်နိုင်တာမျိုးမရှိတဲ့ စစ်တပ်ပါပဲ။

လက်နက်တွေကိုင်ဆောင်ထားတယ်၊ ပြီးတော့ စစ်ရေးစစ်ရာကိစ္စတွေကို စနစ်တကျနဲ့တတ်မြောက်ထားတဲ့ တောင့် တင်းခိုင်မာတဲ့စစ်တပ်ဟာ ဒီမိုကရေစီရေးအားပေးကြိုးပမ်းချက်တွေကို တန်ပြန်နှောင့်ယှက်ဖျက်ဆီးချင်ရင် ဖျက်ဆီး နိုင်တဲ့အနေအထားမှာရှိတယ်ဆိုတာကို ကောင်းကောင်းနားလည်ထားဖို့လိုတယ်။

စစ်တပ်ဟာ လူထုရွေးချယ်ထားတဲ့အရပ်သားကိုယ်စားလှယ်တွေရဲ့ထိန်းချုပ်မှုအောက်မှာရှိရမယ်ဆိုတာဟာ ဒီမို ကရေစီနိုင်ငံတိုင်းမှာ ခိုင်ခိုင်မာမာကိုင်စွဲပြီး တန်ဖိုးထားကျင့်သုံးနေတဲ့စံနှုန်းတွေထဲက တခုပါ။ ဒီမိုကရေစီအရင့်အမာ နိ်ုင်ငံတွေဖြစ်တဲ့ ကနေဒါ ၊ သြစတြေးလျား၊ ဗြိတိန် ၊ အမေရိကန်ပြည်ထောင်စု စတဲ့နိုင်ငံတွေမှာ စစ်တပ်ကို အရပ် သားအုပ်ချုပ်မှုအောက်မှာထားရမယ်ဆိုတာကို စစ်သားတွေကရော အရပ်သားတွေက အခြေခံယုံကြည်ချက်အဖြစ် နဲ့လက်ခံကျင့်သုံးနေကြတယ်။

မှတ်မိကြဦးမှာပါ၊ အမေရိကန်သမတ ဘားရက်အိုဘားမား ရန်ကုန်တက္ကသိုလ် ဘွဲ့နှင်းသဘင်ခန်းမဆောင်မှာ ပြောခဲ့တဲ့မိန့်ခွန်းထဲမှာ I am commander in chief ကျနော်ဟာ ကာကွယ်ရေးဦးစီးချုပ်ဆိုတာ ပါတယ်လေ။ ဒီစကားက စစ်တပ်ဟာ အရပ်သားလက်အောက်မှာရှိတယ်ဆိုတာကို သက်သေထူတဲ့စကားပဲ။ အဲဒါကို နားမလည် သေးတဲ့သူတွေကို ရည်ရွယ်ပြီး မစ္စတာ အိုဘားမားပြောသွားခဲ့တာ။

အဲဒီနိုင်ငံတွေမှာ စစ်သားတွေ ၊ စစ်တပ်အကြီးအကဲတွေကို လူထုက လေးစားချစ်ခင်ကြတဲ့အကြောင်းရင်းတွေထဲ မှာ အရပ်သားအုပ်ချုပ်မှုအောက်မှာနေတဲ့အချက်လည်းပါတယ်လေ။ နောက်ပြီးတော့ အဲဒီနိုင်ငံတွေမှာ စစ်မှုထမ်း တွေ စစ်တပ်ကနေထွက်တဲ့အခါ ၊ အငြိမ်းစားယူတဲ့အခါ ကိုယ့်ရဲ့အရည်အချင်း ၊ ထင်ရှားကျော်စောမှုတွေနဲ့အညီ ၀င်ရောက်လုပ်ကိုင်နိုင်တဲ့အခွင့်အလမ်းတွေကိုဖန်တီးပေးထားတာကိုတွေ့ရတယ်။ စီးပွားရေးလောက၊ ပညာရေး နယ်ပယ်၊ လူမှုအသိုင်းအ၀ိုင်းအတွင်း ၊ ပြည်သူ့ကိုယ်စားလှယ်စသဖြင့် ၀င်ရောက်လုပ်ကိုင်လှုပ်ရှားကြတယ်။
ဗိုလ်ချုပ်ကြီးတွေ အများအပြားဟာ နိုင်ငံ့ခေါင်းဆောင်တွေ၊ သမတတွေ ၊ ၀န်ကြီးချုပ်တွေ ၊ စသဖြင့် အရွေးချယ်ခံ ကြရတယ်လေ။ အင်ဒိုနီးရှားနိုင်ငံမှ သမတတာဝန်ထမ်းဆောင်ခဲ့တဲ့ စူစီလိုဘန်ဘန် ယူဒိုယိုနို ဟာ ဗိုလ်ချုပ်ကြီး ဟောင်းပါ။ သမတအဖြစ်ကနေအငြိမ်းစားယူသွားတာ ပူပူနွေးနွေးလေးပဲရှိသေးတယ်။

အရည်အချင်းရှိတဲ့ စစ်ဗိုလ်ချုပ်ကြီး တယောက်ကို နိုင်ငံရေးသမားတွေက သမတလောင်းအဖြစ်ဝင်အရွေးခံပါဆိုပြီး မေတ္တာရပ်ခံခဲ့တဲ့ သမိုင်းအဖြစ်အပျက်တခုပြောရဦးမယ်။

ဒုတိယကမ္ဘာစစ်တွင်းမှာ မြောက်ဥရောပမဟာမိတ်တပ်ဖွဲ့တွေရဲ့ စစ်ဦးစီးချုပ်က အမေရိကန်ဗိုလ်ချုပ်ကြီး ဒွိုက် အိုင်စင်ဟောင်ဝါ Dwight Eisenhower ဟာ အရည်အချင်းပြည့်ဝတဲ့ဗိုလ်ချုပ်ကြီးဖြစ်တယ်။ လူအများရဲ့လေးစားမှုကို ရတယ်။ ဒီတော့ အမေရိကန်နိုင်ငံရေးပါတီတွေက စစ်ပြီးခေတ်သမတရွေးကောက်ပွဲမှာ သူတို့ပါတီတွေရဲ့ သမတ လောင်းအဖြစ်ကိုယ်စားပြုအရွေးခံဖို့ ဖိတ်ကြားခံခဲ့ရတယ်။ အဲဒီတုန်းက နိုင်ငံရေးသမားတွေဟာ အိုင်စင်ဟောင်ဝါရဲ့ လူထုကြားရေပန်းစားမှုနဲ့ လူကြိုက်များမှုကိုသုံးပြီး သမတလောင်းအဖြစ်ပါဝင်စေလိုတယ်လေ။ အိုင်စင်ဟောင်ဝါက ရီပတ်ဗလီကင်ပါတီကိုယ်စားပြုသမတလောင်းအဖြစ် ရွေးကောက်ပွဲဝင်ခဲ့တယ်။ သမတဖြစ်လာခဲ့တယ်။ သမတဖြစ်လာ တော့ နိုင်ငံကိုအုပ်ချုပ်တဲ့အခါ စစ်တပ်ခေါင်းဆောင်တဦးပုံစံမျိုးနဲ့အုပ်ချုပ်တာမျိုးမလုပ်ဘူး။ အရပ်သားသမတတဦး အဖြစ်နဲ့အုပ်ချုပ်ခဲ့တယ်။ သမတတာဝန်ထမ်းဆောင်ချိန်အတွင်း အိုင်စင်ဟောင်ဝါဟာ စစ်တပ်နဲ့ဆက်နွယ်နေတဲ့ လုပ်ငန်းတွေ နိုင်ငံတွင်းမှာအားကောင်းနေတာဟာ ဒီမိုကရေစီကိုခြိမ်းခြောက်ရာရောက်နိုင်တယ်ဆိုပြီး ပြည်သူတွေကို သတိပေးခဲ့တယ်။

ဒါကြောင့် အစိုးရဘတ်ဂျက်မှာ စစ်တပ်နဲ့သက်ဆိုင်တဲ့အသုံးစရိတ်တွေကို လျှော့ချဖို့ကြိုးပမ်းလုပ်ဆောင်ခဲ့တယ်။ စစ်တပ် နဲ့လက်နက်ဆိုင်ရာအသုံးစရိတ်တွေများပြားတာဟာ အရပ်ဘက်ဆိုင်ရာအသုံးစရိတ်တွေဖြစ်တဲ့ ပညာရေး ကျန်းမာရေး လူမှုရေးအသုံးစရိတ်တွေနဲ့ လူသုံးကုန်ပစ္စည်းတွေထုတ်လုပ်ရေးအတွက် အသုံးစရိတ်တွေကို လျော့နည်းစေတဲ့အတွက် အဲဒီလိုလုပ်ခဲ့တာပါ။

နောက်ထပ်အဖြစ်အပျက်တခုကိုပြောဦးမယ်။ ဒီမိုကရေစီအရင့်အမာနိုင်ငံတွေမှာ စစ်တပ်ခေါင်းဆောင်ဟာ သူရဲ့ဦးစီးချုပ် ရဲ့အမိန့်ကိုမနာခံရင် ရာထူးချခံရတာ ဒါမှမဟုတ် ထုတ်ပယ်ခံရတဲ့သာဓကတွေလည်းရှိခဲ့တယ်။ အမေရိကန်ဗိုလ်ချုပ်ကြီး ဒေါက်ဂလပ်စ် မက်အာသာ Douglas MacArthur ဟာ အင်မတန်နာမည်ကြီးတဲ့ ပုဂ္ဂိုလ်ပါ။ ဂျပန်နိုင်ငံရဲ့ဒီမိုကရေစီနဲ့ ဖွဲ့စည်းပုံအခြေခံဥပဒေကိုရေးဆွဲအကောင်အထည်ဖော်ခဲ့တဲ့သူအဖြစ်နဲ့လည်း ထင်ရှားတယ်။

ဗိုလ်ချုပ်ကြီးမက်အာသာဟာ ကိုရီးယားစစ်ပွဲအတွင်းမှာ သူ့ရဲ့ကာကွယ်ရေးဦးစီးချုပ် သမတ ဟယ်ရီထရူးမင်း ရဲ့အမိန့် အတိုင်းမဟုတ်ပဲ သူ့သဘောအတိုင်းဆုံးဖြတ်လုပ်ကိုင်တာတွေရှိလာတယ်။ စစ်ပွဲအတွင်းမှာ သူ့ရဲ့ကိုယ်ပိုင်အတွေ့ အကြုံတွေအပေါ်အခြေခံပြီး မူဝါဒတွေချမှတ်လုပ်ကိုင်တော့ ဒီမိုကရေစီရဲ့အခြေခံဥပဒေသတခုဖြစ်တဲ့ အရပ်သား ဦးစီးချုပ်ရဲ့အမိန့်ကိုနာခံဖို့ပျက်ကွက်ခဲ့တယ်။ ဒီတော့ သမတက သူ့ကို ရာထူးအဆောင်အယောင်တွေရုပ်သိမ်းပြီး အငြိမ်းစားပေးလိုက်တယ်။

သမတက အဲဒီလိုလုပ်ရမလားဆိုပြီး အမေရိကန်အထက်လွှတ်တော်နဲ့အောက်လွှတ်တော် ၂ ရပ်စလုံးက အမတ်တွေ ၀ိုင်းပြီး အပြစ်တင်ကြ ဝေဖန်ကြတာပေါ့။ ဗိုလ်ချုပ်ကြီးမက်အာသာကို ရာထူးအဆောင်အယောင်တွေပြန်ပေးဖို့တောင်းဆို ခဲ့ကြတယ်။ သမတထရူးမင်းက ပြတ်တယ်။ လုံးဝလက်မခံဘူး၊ ပယ်ချပစ်ခဲ့တယ်။ နောက်ပိုင်းကျမှ အမတ်အများစုက သမတရဲ့လုပ်ရပ်ဟာမှန်တယ်၊ လိုအပ်တဲ့လုပ်ဆောင်ချက်ဖြစ်တယ်၊ ဒီမိုကရေစီအတွက် မှန်ကန်တဲ့လုပ်ရပ်ဖြစ်တယ်ဆိုပြီး လက်ခံခဲ့ကြတယ်။

ဘာကြောင့်လဲဆိုတော့ စစ်တပ်ခေါင်းဆောင်မှန်သမျှ အရပ်သားအစိုးရအဖွဲ့အကြီးအကဲရဲ့လက်အောက်မှာ အမိန့်နာခံ ရမယ်ဆိုတဲ့ ဒီမိုကရေစီရဲ့အခြေခံကျတဲ့ကျင့်စဉ်တခုကြောင့်ဖြစ်တယ်။

သမတအမိန့်ကိုမနာခံတဲ့ ကာကွယ်ရေးဦးစီးချုပ် ၊ အစိုးရရဲ့အထက်မှာ နိုင်ငံကာကွယ်ရေးနဲ့လုံခြုံရေးကောင်စီရှိနေတာ၊ စစ်တပ်ရဲ့ဘတ်ဂျက်ကို လွှတ်တော်က ၀င်ရောက်စွက်ဖက်ပိုင်ခွင့်မရှိတာ၊ ကာကွယ်ရေးဦးစီးချုပ်က ခန့်တဲ့စစ်သားတွေ လွှတ်တော်ထဲမှာ မိုးကျရွှေကိုယ်အဖြစ်နဲ့ဝင်ပြီးနေရာယူထားတဲ့နိုင်ငံမျိုးမှာ စစ်တပ်ဟာ ဒီမိုကရေစီကိုခြိမ်းခြောက်နေတာ ပဲဖြစ်တယ်။ အဲဒါဟာ ဒီမိုကရေစီထူထောင်မယ့်နိုင်ငံအတွက် အန္တရာယ်ပဲ။
အရပ်သားအစိုးရက စစ်တပ်ကိုအပြည့်အ၀ထိန်းချုပ်ရမယ်ဆိုတာနဲ့ဆက်နွယ်တာကို နောက်ဆက်ရေးပါဦးမယ်။

ကျော်ကျော်စိုး (ဂျပန်)
ဖေဖော်ဝါရီ ၁၆ ၊ ၂၀၁၅ ခုနှစ်

ရန်ကုန်တိုင်းဒေသကြီး ရွှေပြည်သာစက်မှုဇုန် ၃ မှာ အခြေခံလုပ်ခလစာ တိုးပေးဖို့ သပိတ်စခန်း ဖွင့် တောင်းဆိုနေကြတဲ့ အလုပ်သမားတွေဟာ အလုပ်ရှင်နဲ့ အလုပ်သမားဝန်ကြီးဌာန ကိုယ်စားလှယ်တွေနဲ့ ဆွေးနွေးရာမှာ ပြေလည်မှု မရခဲ့ဘူးလို့ အလုပ်သမားတွေက ပြောပါတယ်။

အလုပ်သမားတွေက တစ်လကို လုပ်ခလစာ ကျပ် သုံးသောင်း တိုးပေးဖို့ တောင်းဆိုနေတာဖြစ်ပါတယ်။ အဲဒီတောင်းဆိုချက်ကို ဒီနေ့ဆွေးနွေးပွဲမှာ အလုပ်ရှင်ကိုယ်စားလှယ်တွေက ပယ်ချလိုက်တယ်လို့ E-Lan Myanmar အထည်ချုပ်စက်ရုံက အလုပ်သမား ကိုမျိုးမင်းမင်းက ပြောပါတယ်။

"ကျနော်တို့တောင်းတာက ၃ သောင်း၊ ဒါပေမဲ့ သူတို့ပေးတာက ၁၂ဝဝဝ၊ တစ်နေ့ကို ၄ဝဝ နှုန်းနဲ့ တစ်လလျှင် ၁၂ဝဝဝ နှုန်း၊ ဒီနေ့ပြည်ထောင်စုဝန်ကြီး ကိုယ်တိုင်လာညှိတာတောင် ဒီ့ထက်ထပ်တိုးမပေးနိုင်ဘူးတဲ့"

အလုပ်ရှင်၊ အစိုးရနဲ့ အလုပ်သမား ကိုယ်စားလှယ်တွေဟာ အင်းစိန်မြို့နယ် အထွေထွေအုပ်ချုပ်ရေးမှူးရုံး မှာ ဆွေးနွေးခဲ့တာ ဖြစ်ပါတယ်။

E-lan Myanmar ၊ Costec ၊ Ford Glory ၊ ဟန်ကျင်းအထည်ချုပ်စက်ရုံက အလုပ်သမား ၅၀၀ ကျော်က လုပ်ခလစာ တိုးမြှင့်ပေးဖို့အတွက် သပိတ်စခန်းဖွင့်တောင်းဆိုနေတာ တစ်ပတ်ကျော်ရှိနေပြီဖြစ်ပါတယ်။

RFA
https://www.facebook.com/pages/RFA-Burmese/39218993127?fref=photo

အမျိုးသားပညာရေးဥပဒေကို ပြင်ဆင်ပေးဖို့ တောင်း ဆိုနေတဲ့ ပင်မသပိတ်စစ်ကြောင်းဟာ ရန်ကုန်အထိ ဆက်လက်ချီတက်ဖို့ မသေချာသေးဘဲ မနက်ဖြန် မှာ ဆွေးနွေးဆုံးဖြတ်မယ်လို့ ကျောင်း သားခေါင်းဆောင်တွေက ပြောပါတယ်။

ပင်မသပိတ်စစ်ကြောင်း လက်ပံတန်းမြို့ကို ဒီနေ့ရောက် ရှိလာချိန်မှာ ကျောင်းသားခေါင်းဆောင်တစ်ဦးဖြစ်တဲ့ ကိုမင်းသွေးသစ်က ပြောပါတယ်။

"မနက်ဖြန် လက်ပံတန်းမှာ ကျောင်းသားတွေ စာမေးပွဲ စတဲ့ရက်ပေါ့၊ တစ်ရက်နားမယ်၊ နားတဲ့အချိန်မှာ ကျနော်တို့ အစည်းအဝေးလုပ်မယ်၊ ကျောင်းသား အကုန်လုံးကို လက်ရှိအခြေအနေ အားလုံးရှင်းပြ မယ်၊ ကျောင်းသားတွေရဲ့ ဆုံးဖြတ်ချက်တွေတောင်း မယ်၊ သူတို့ရဲ့သဘောထားတွေတောင်းမယ်၊ အဲ့သဘောထားအတိုင်း ဆက်သွားသင့်၊ မသင့် သတင်းထုတ်ပြန်မယ်"

အဲဒီ့သပိတ်စစ်ကြောင်း ကျောင်းသား ကျောင်းသူ ၁၀၀ ကျော် ပါဝင်ပြီး ပြီးခဲ့တဲ့ ဇန်န၀ါရီလ ၂၀ ရက်နေ့က မန္တလေးမြို့က ထွက်ခွာလာတာ ဖြစ်ပါတယ်။

ဧရာဝတီ၊ ထားဝယ်၊ မော်လမြိုင်၊ ပခုက္ကူ နဲ့ မုံရွာက သပိတ်မှောက်စစ်ကြောင်းတွေဟာ မနေ့က သပိတ်တွေကို ရပ်နားလိုက်ပါတယ်။

RFA
https://www.facebook.com/pages/RFA-Burmese/39218993127?fref=photo

လောက်ကိုင်ဒေသ တိုက်ပွဲဖြစ်ပွားရာပြမြေပုံ။ (ဓာတ်ပုံ- ပြန်ကြားရေးဝန်ကြီးဌာန)
မြန်မာနိုင်ငံမှာ အစိုးရစစ်တပ်နဲ့ ကိုးကန့် လက်နက်ကိုင် အဖွဲ့အကြား တိုက်ပွဲ တွေကြောင့် ဒုက္ခသည် ထောင်ပေါင်းများစွာဟာ တရုတ်နိုင်ငံ အနောက် တောင်ပိုင်း ယူနန်ပြည်နယ်ထဲကို ထွက်ပြေး လာကြ တယ်လို့ တရုတ်နိုင်ငံက ပြောလိုက်ပြီး ထိန်းထိန်း သိမ်းသိမ်း လုပ်ကြဖို့ ထပ်ပြီး တောင်းဆို လိုက်ပါတယ်။

“အခုချိန်ထိဆိုရင် မြန်မာနိုင်ငံ နယ်စပ်ဒေသမှာ နေထိုင်သူ ၃ သောင်းကျော်ဟာ တရုတ်နိုင်ငံထဲဝင်လာပြီး နေထိုင်နေတယ်လို့ ယူနန်ပြည်နယ်က သတင်းထုတ်ပြန်ထားပါတယ်။ လူသားချင်း စာနာထောက်ထားတဲ့ အရင်းခံနဲ့ အစားအစာ၊ ဆေးဝါးနဲ့ ကပ်ရောဂါကာကွယ်ရေးလို သင့်တင့်လျောက်ပတ်တဲ့ အစီအစဉ်၊ အကူအညီတွေ တရုတ်နိုင်ငံက ပေးထားပါတယ်။” - လို့ တရုတ် နိုင်ငံခြားရေးဌာနပြောခွင့်ရ Hua Chunying က ပြောသွားတာပါ။

ပဋိပက္ခမှာပါဝင်နေတဲ့ ဘက်အားလုံးအနေနဲ့ ထိန်းထိန်းသိမ်းသိမ်း လုပ်ဆောင်ပြီး အထူးသဖြင့် တရုတ်နိုင်ငံဘက်ခြမ်းက လုံခြုံရေးအပေါ် သက်ရောက်မှု မရှိအောင် ရှောင်ရှားပြီး ငြိမ်းချမ်းရေးနဲ့ တည်ငြိမ်ရေး ရစေဖို့အတွက် နောက်ထပ် အရှိန်တက်လာစေမယ့် အခြေအနေမျိုးကို ရှောင်ရှားကြပါလို့လည်း တရုတ်နိုင်ငံခြားရေးပြောခွင့်ရက တောင်းဆိုသွားပါတယ်။

တရုတ်နိုင်ငံအနေနဲ့ သူတို့ဆီမှာရောက်နေတဲ့ မြန်မာနိုင်ငံက ဒုက္ခသည်အရေအတွက်ကို ထုတ်ဖော်ကြေညာတာ ဒါဟာ ပထမဆုံး အကြိမ်ပါပဲ။ မြန်မာနိုင်ငံ အရှေ့မြောက်ပိုင်း ရှမ်းပြည်နယ်မှာ MNDAA လို့ခေါ်တဲ့ ကိုးကန့်လက်နက်ကိုင်တပ်ဖွဲ့တွေနဲ့ အစိုးရစစ်တပ်အကြား တိုက်ပွဲတွေကြောင့် ဒေသတွင်းမှာ မတည်မငြိမ်ဖြစ်နေတာပါ။

ဗွီအိုအေ (မြန်မာပိုင်း)
http://burmese.voanews.com/content/kokant-refugee-china/2647178.html



လောက်ကိုင်၊ ဖေ (၁၄) သမန်းကျား

ကိုးကန့် ဒေသတွင် အစိုးရတပ်များနှင့် ဖုန်ကြားရှင် ဦးဆောင်သော ကိုးကန့် တိမ်းရှောင်အဖွဲ့ တို့ အကြား တိုက်ပွဲများ ဖြစ်ပွားနေသည့် အချိန်ဝယ် လောက်ကိုင်မြို့ ပေါ်ရှိ ဖုန်းဟန်းဆက်ဆိုင်၊ ရွှေဆိုင် အများအပြား ဖောက်ထွင်းဖျက်စီး ခိုးယူခံခဲ့ရပြီး ကိုယ်ပိုင်မော်တော်ယာဉ် အမြောက်အများလည်း အခိုးခံခဲ့ရကြောင်း ဒေသခံ ပြည်သူများက ပြောပြသည်။

ဖေဖော်ဝါရီလ (၉) ရက်နေ့ မှာ တိုက်ပွဲတွေစဖြစ်တယ်။ မြို့ ပေါ်မှာ ဘယ်သူမှမနေရဲတော့ဘူး။ တရုတ်လူမျိုးတွေက တရုတ်နိုင်ငံ၊ နန်စီမြို့ ထဲကို ပြေးကြတယ်။ နယ်ကအလုပ်လာလုပ်တဲ့သူတွေကတော့ ကိုယ့်အစီအစဉ်နဲ့ ကိုယ် လားရှိုးဘက်ကို ပြန်ပြေးကြတယ်။ ဆိုင်ပိုင်ရှင်တွေက သော့ခတ်ပြီးထွက်သွားရုံကလွဲလို့  ဘာမှမတတ်နိုင်ဘူး။ ကားတွေဆိုတာလည်း အားလုံးယူမသွားနိုင်ဘူး။ ကိုယ်မောင်းနိုင်သလောက်ပဲယူပြီး ကျန်တာထားခဲ့ရတယ်။ အခု မြင်တဲ့အတိုင်း ဆိုင်တံခါးတွေကိုဖျက်ပြီးဝင်တယ်၊ အထဲက မှန်ကောင်တာတွေကို ရိုက်ခွဲတယ်။ ဖုန်းဟန်းဆက်တွေ ဘာတစ်ခုမှ မကျန်တော့ဘူး။ အဲဒီလိုအဖျက်ခံ၊အခိုးခံခဲ့ရတဲ့ ဖုန်းဟန်းဆက်ဆိုင်တွေ အများဆုံးပဲ ဟု လောက်ကိုင် မြို့  တွင် Oppo ဖုန်းဟန်းဆက်များရောင်းချသူတစ်ဦးက ပြောပြသည်။

ကိုးကန့် လူကြီးတွေဖွင့်ထားတဲ့ ရွှေဆိုင်တွေလည်း အဖောက်ခံရတယ်။ ဘာဆိုဘာမှမကျန်တော့ဘူး။ စစ်ဖြစ်လို့  အသက်လုပြေးရတာတစ်မျိုး၊ စီးပွားပျက်တာတစ်မျိုး၊ အခုလိုသိန်းပေါင်းများစွာအခိုးခံရတာကတစ်မျိုး၊ ဒီစစ် မဖြစ်မှ အလုပ်လုပ်စားလို့ ရမှာ ဟု ကိုးကန့် ဦးစီးကော်မတီအသိုင်းအ၀ိုင်းနှင့် နီးစပ်သူတစ်ဦးက ပြောပြသည်။

ဖုန်းဟန်းဆက်ဆိုင်များ၊ ရွှေငွေရတနာဆိုင်များကို ဖောက်ထွင်းခိုးယူမှုများ ရှိနေသကဲ့သို့  ပိုင်ရှင်များ ယူမသွားနိုင်ဘဲ ချန်ထားရစ်ခဲ့သော မော်တော်ယာဉ်များကိုလည်း မသမာသူများက ယူဆောင်နေသည်ကို တွေ့ နေရပြီး ဟန့် တား ခြင်းငှာ မစွမ်းသာဘဲ ပိုင်ရှင်များမှာ စိတ်မကောင်းဖြစ်နေကြကြောင်း သိရသည်။

Lashio News Diary
https://www.facebook.com/lashio.news.city




အစိုးရနဲ့ ကိုးကန့်တိမ်းရှောင် အဖွဲ့အကြား တိုက်ပွဲဖြစ်နေတဲ့ ရှမ်းပြည်မြောက်ပိုင်း လောက်ကိုင်မြို့ကနေ စစ်ဘေးဒုက္ခသည်တွေ သယ်ဆောင်တဲ့ ကြက်ခြေနီ ကယ်ဆယ်ရေး ယာဉ်တန်း သေနတ်ပစ်ခံရပြီး ၂ ဦးဒဏ်ရာရတယ်လို့ ယာဉ်ပေါ်လိုက်ပါတဲ့ ဒီဗွီဘီသတင်းထောက် ကိုခွန်ဇော်ဦးက ပြောပါတယ်။

ချင်းရွှေဟော်ကနေ လောက်ကိုင်ကို ဒုက္ခသည်တွေ သွားခေါ်တဲ့ ကားကြီး ၃ စီးနဲ့ ကားလေး ၃ စီး စုစုပေါင်း ယာဉ် ၆ စီးအနက် ရှေ့ဆုံးကားကို ဒီကနေ့ နေ့ခင်း ၃ နာရီခွဲခန့်မှာ ပစ်ခတ်ခံခဲ့ရတာဖြစ်ပါတယ်။ ပစ်ခတ်မှုကြောင့် ယာဉ်မောင်းနဲ့ ရှေ့ခန်းမှာ ထိုင်တဲ့အမျိုးသား ဒဏ်ရာရခဲ့တယ်လို့ ကိုခွန်ဇော်ဦးက ပြောပါတယ်။

ကိုခွန်ဇော်ဦးက “ကျနော်တို့ကား အပစ်ခံရတာ။ ကျည်ထိသွားတဲ့အခါကျတော့ ကားက ထိုးရပ်သွားတယ်။ ယာဉ်မောင်း ကိုဇော်မင်းထိုက်က မျက်စိမှာ မှန်စ၀င်တယ်။ ဘေးမှာ ထိုင်နေတဲ့ ကြက်ခြေနီအကိုကြီး ကိုမိုးကျော်က ဗိုက်မှာ သွားမှန်တယ်။ ကွမ်လုံဆေးရုံ က လူနာတွေ အသက်အန္တရာယ် မစိုးရိမ်ရဘူးတဲ့” လို့ ပြောပါတယ်။

ကျန်တဲ့ခရီးသည်တွေ ဘာမှမဖြစ်ကြဘဲ ကားပေါ်မှာပဲ ၂ နာရီခန့်ကြာ ၀ပ်နေခဲ့ကြ တယ်လို့ ဆိုပါတယ်။

အပစ်ခံရတဲ့နေရာဟာ ခလရ ၁၂၈ အခြေပြုတောင်ကုန်းဝန်းကျင်က ပါစီကျေးရွာ အကျော်မှာ ဖြစ်ပြီး အဲဒီနားမှာ တိုက်ပွဲဖြစ်နေကြတယ်လို့ ဆိုပါတယ်။

လောက်ကိုင်က ဒုက္ခသည်တွေကို ချင်းရွှေဟော်မှာဖွင့်ထားတဲ့ ကယ်ဆယ်ရေးစခန်းဆီ ခေါ်ဆောင်ပြီး အလှူရှင်တွေက ကျွေးမွေးကုသကြသလို နေရပ်ပြန်နိုင်အောင် ကူညီနေကြောင်းနဲ့ စုရပ်ကိုတော့ ကွမ်းလုံကို သတ်မှတ်ထားပါတယ်။

ဘယ်အဖွဲ့အစည်းက ပစ်ခတ်တယ်ဆိုတာတော့ မသိရဘဲ ကားမှာ ကြက်ခြေနီအလံတင်ပြီး သွားနေတာကို ပစ်ခတ်ခဲ့တာဖြစ်ပါတယ်။

သူက “ကျနော်တို့က ကြက်ခြေနီအဖွဲ့နဲ့အတူ ချင်းရွှေဟော်ကနေ လောက်ကိုင်ကိုသွားပြီး ဒုက္ခသည်တွေကို သွားခေါ်တာ အပြန်မှာ အပစ်ခံရတာပဲ။ ဒုက္ခသည်ယာဉ်တန်းပါ ကျနော်တို့ကားက ရှေ့ဆုံးကကား။ ကားက အပြာရောင်။ ဘာလက်နက်ကိုင်မှ မပါဘူး။ အရပ်ဝတ်တွေပဲ ၀တ်ထားကြတာ။ သိသိကြီးနဲ့ ပစ်တာခင်ဗျ။ ကျနော်တို့ ကားတိုင်း (ကား ၃စီး) မှာ ကြက်ခြေနီအလံတွေ အဖြူပေါ်မှာ အနီကြား ကြက်ခြေနီအလံတွေ ထောင်ထားတယ်။ ကယ်ဆယ်ရေးအဖွဲ့တွေမှာလည်း လူတွေမှာလည်း ကြက်ခြေနီဝတ်စုံတွေ အကုန်လုံး ၀တ်ထားပါတယ်။ စစ်သားလို့ ထင်ရလောက်အောင်ဘာမှ မ၀တ်ထားဘူး”လို့ ပြောပါတယ်။

ကားတစီးစီမှာ ကလေးနဲ့ သက်ကြီးရွယ်အိုတွေ အပါအ၀င် စစ်ဘေးဒုက္ခသည် ၄၀ ခန့်စီ စုစုပေါင်း ၁၂၀ လောက် လိုက်ပါလာတယ်လို့ ဆိုပါတယ်။ လောက်ကိုင်ကိုယ်ပိုင်အုပ်ချုပ်ခွင့်ရ ဒေသမှာ ကိုးကန့်တိမ်းရှောင်အဖွဲ့နဲ့ အစိုးရ အလွန်ခဲ့တဲ့ သီတင်းပတ်ကတည်းက ကြားတိုက်ပွဲတွေ ပြင်းထန်ခဲ့ပြီး အစိုးရက ပုဒ်မ ၁၄၄ ထုတ်ထားပါတယ်။

ကလေးတွေနဲ့ သက်ကြီးရွယ်အိုတွေအပါအ၀င် ဒီစစ်ဘေးဒုက္ခသည်တွေဟာ ပိတ်မိနေတဲ့အ တွက် အခုမှ ကယ်ထုတ်နေရတာ ဖြစ်တယ်လို့ ဆိုပါတယ်။

ကိုခွန်ဇော်ဦးက “ရင်ခွင်ပိုက်ကလေး ခြောက်လသားကနေ သက်ကြီးရွယ်အိုအထိ ပါတာပေါ့။ တချို့ကျတော့ ပိတ်မိနေတာ။ ကျနော်တို့နဲ့ လိုက်လာတဲ့အဖွဲ့ဆိုရင် ကြံခုတ်နေရာကနေ တရုတ်နယ်စပ်ကနေ ၄ နာရီလောက် ခြေကျင်လျောက်ပြီးမှ ကြိုဆိုတဲ့ နေရာကို လာရတယ်။” လို့ ပြောပါတယ်။

လောက်ကိုင်မြို့ ဒီကနေ့မြင်ကွင်းကို သူက “ဒီနေ့ မြို့ထဲသွားတော့ တိုက်တချုို့မီးရှို့ခံထားရတယ်။ တိုက်ကြီးတွေ မီးလောင်နေတာ တွေ့တယ်။ ဆိုင်တွေ ဖောက်ခံထားရတာ တွေ့တယ်။ လမ်းပေါ်မှာ အလောင်း ၃ လောင်းတွေ့ခဲ့တယ်။ လမ်းလည်ကောင်မှာ” လို့ ပြောပါတယ်။

By အေးနိုင် (ဒီဗွီဘီ)
http://burmese.dvb.no/archives/82139


ပြည်ထောင်စုသမ္မတမြန်မာနိုင်ငံတော်
နိုင်ငံတော်သမ္မတရုံး
ဥပဒေကဲ့သို့အာဏာတည်သော အမိန့်အမှတ် (၂/၂၀၁၅)
၁၃၇၆ ခုနှစ်၊ တပို့တွဲလပြည့်ကျော် ၁၄ ရက်
(၂၀၁၅ ခုနှစ်၊ ဖေဖော်ဝါရီလ ၁၇ ရက်)
စစ်အုပ်ချုပ်ရေးအမိန့်ထုတ်ပြန်ခြင်း
▄▄▄▄▄▄▄▄▄▄▄▄▄▄▄▄▄▄▄
®®®®®®®®®®®®®®®®®®

၁။ ဥပဒေကဲ့သို့ အာဏာတည်သောအမိန့် (၁/၂၀၁၅)ဖြင့် အရေးပေါ်အခြေအနေ ကြေညာထားသည့် ကိုးကန့် ကိုယ်ပိုင်အုပ်ချုပ်ခွင့်ရ ဒေသတွင် မူလအခြေအနေသို့ အမြန်ပြန်လည် ရောက်ရှိစေခြင်းငှာ ပြည်ထောင်စုသမ္မတ မြန်မာနိုင်ငံတော်၊ ဖွဲ့စည်းပုံအခြေခံဥပဒေပုဒ်မ ၄၁၃၊ ပုဒ်မခွဲ (ခ)အရ စစ်အုပ်ချုပ်ရေး အမိန့် ထုတ်ပြန်လိုက်သည်။

၂။ ကိုးကန့်ကိုယ်ပိုင်အုပ်ချုပ်ခွင့်ရဒေသတွင် အုပ်ချုပ်ရေးဆိုင်ရာ လုပ်ပိုင်ခွင့်များနှင့် တာဝန်များကို လည်းကောင်း၊ ရပ်ရွာအေးချမ်းသာယာရေး၊ တရားဥပဒေစိုးမိုးရေးနှင့် သက်ဆိုင်သည့် တရားစီရင်ရေးဆိုင်ရာ လုပ်ပိုင်ခွင့် တာဝန်များကို လည်းကောင်း တပ်မတော်ကာကွယ်ရေး ဦးစီးချုပ်အား အပ်နှင်းလိုက်သည်။

၃။ တပ်မတော်ကာကွယ်ရေးဦးစီးချုပ်သည် ယင်းလုပ်ပိုင်ခွင့်နှင့် တာဝန်များကို မိမိကိုယ်တိုင် ကျင့်သုံး ဆောင်ရွက်ခြင်း သို့မဟုတ် သင့်လျော်သည့် စစ်ဘက်အာဏာပိုင် တစ်ဦးဦးကို ကျင့်သုံးဆောင်ရွက်စေခြင်း ပြုနိုင်သည်။

(ပုံ)သိန်းစိန်
နိုင်ငံတော်သမ္မတ
ပြည်ထောင်စုသမ္မတမြန်မာနိုင်ငံတော်

MOI Webportal Myanmar
https://www.facebook.com/MOIWebportalMyanmar

ဓာတ်ပုံ (ရိုက်တာ)
အစိုးရလက်အောက်ခံ ကိုးကန့် နယ်ခြားစောင့် တပ်ရင်း တစ်ရင်းဟာ အစိုးရ တပ်တွေနဲ့ တိုက်ခိုက်နေတဲ့ ဦးဖုန်ကြားရှင် ခေါင်းဆောင်တဲ့ ကိုးကန့် တိမ်းရှောင်တပ်တွေနဲ့ ပူးပေါင်း လိုက်ပါတယ်။

ဖေဖော်ဝါရီလ ၁၆ ရက်နေ့က တပ်ရင်းမှူး ရန်ရှောင်ကျင့် ဦးဆောင်တဲ့ ကိုးကန့်နယ်ခြားစောင့်တပ် အမှတ် ၁၀၀၆ က တပ်ရင်းတစ်ခုလုံး သူတို့အဖွဲ့နဲ့ လာရောက်ပူး ပေါင်းခဲ့တယ်လို့ ကိုးကန့်တိမ်းရှောင်တပ်လို့ လူသိများတဲ့ မြန်မာအမျိုးသား ဒီမိုကရေစီမဟာမိတ်တပ်ဖွဲ့ (အမ်အန်ဒီအေအေ) ပြောရေးဆိုခွင့်ရှိသူ ဦးထွန်းမြတ်လင်း က ဒီဗွီဘီကို ပြောပါတယ်။

ရှမ်းပြည်အရှေ့မြောက်ပိုင်း ကိုးကန့်ကိုယ်ပိုင်အုပ်ချုပ်ခွင့်ရဒေသထဲမှာ တိုက်ပွဲ အပြင်း အထန်ဖြစ်ပွားနေစဉ်ကာလမှာ ပူးပေါင်းကြတာဖြစ်ပြီး ပူးပေါင်းတဲ့ အင်အား၊ လက်နက် အပါအ၀င် အသေးစိတ်ကိုတော့ ဦးထွန်းမြတ်လင်းက ဖြေကြားခြင်းမရှိပါဘူး။

ဦးဖုန်ကြားရှင်ဦးဆောင်တဲ့ကိုးကန့်တပ်ဟာ ၂၀၀၉ ခုနှစ်မှာ နယ်ခြားစောင့်တပ်ဖွဲ့ဖို့ကို ငြင်းဆန်ခဲ့အပြီးမှာ အစိုးရက မူးယစ်ဆေးဝါးလုပ်တယ်ဆိုပြီး တပ်မတော်က တိုက်ခိုက် မောင်းထုတ်ခဲ့တာဖြစ်ပြီး ကိုးကန့် အင်အားစုတချို့က နယ်ခြားစောင့်တပ်အဖြစ် အသွင်ကူးပြောင်းခဲ့ကြပါတယ်။

By ဒီဗွီဘီ
http://burmese.dvb.no/archives/82116

၂၀၁၁ ခုနှစ် မတ်လ က ဆူနာမီ ဖြစ်ပွားခဲ့စဉ်
ဂျပန်နိုင်ငံအရှေ့မြောက်ပိုင်း စန်ရိခု တိုဟိုခုဒေသမှာ အင်အား ရစ်ချတ်တာစကေး ၆.၉ရှိတဲ့ ငလျင်တခု ဖေဖော်ဝါရီ ၁၇ ရက် ဒီနေ့မှာ လှုပ်ခတ်ခဲ့လို့ ကမ်းရိုးတန်းဒေသမှာ ဆူနာမီရေလှိုင်း အကြံပြုချက် ထုတ်ပြန်ထားတယ်လို့ ဂျပန်မိုးလေဝသဌာန(ဂျေအန်အေ)က ပြောပါတယ်။

ကပ်ဘေး ကြိုတင်ကာကွယ်ရေး လုပ်ဆောင်ချက်အနေနဲ့ ဆူနာမီ အကြံပြု ချက် ထုတ်ပြန်တာ ဖြစ်တယ်။

ဂျပန်မိုးလေဝသဌာန ငလျင်ပညာရှင် ယာစုဟိရို ယိုရှိဒကတော့ “ပင်လယ်နဲ့ကမ်းရိုးတန်းက အင်မတန် အန္တရာယ် ရှိတယ်။ ပင်လယ်ထဲ ရောက်နေတဲ့သူတွေအားလုံး ကုန်းပေါ်လာဖို့နဲ့ ကမ်းခြေနဲ့ ဝေးဝေးနေဖို့ အကြံပြု ထားတယ်”လို့ ပြောပါတယ်။

မြို့တော် တိုကျိုကနေ မိုင် ၃၇၀ ဝေးတဲ့ အိဝတဲခရိုင် ကမ်းရိုးတန်းကိုတော့ ၄ လက်မကနေ ၈ လက်မကြား လှိုင်းသေးတွေ ရောက်လာတယ်။ ဒေသတွင်း ထောင်နဲ့ ချီတဲ့ ဒေသခံတွေ နေရာရွှေ့ပြောင်းကြဖို့ အမိန့်ထုတ်ထားတယ်လို့ ဂျပန်ရုပ်သံ အန်အိပ်ခ်ျကေ(NHK) က ပြောပါတယ်။

ထိခိုက် ပျက်စီး ဒဏ်ရာရမှု အစီရင်ခံစာတော့ မရသေးပါဘူး။ ဂျေအန်အေကတော့ ၂၀၁၁ ခုနှစ် ငလျင်မှာ မြေပြင်တုန်ခါမှုတွေကနေ အကြီးစား ဆူနာမီ  ဖြစ်စေခဲ့ပြီး ဖုကူးရှီးမား နျူးကလီးယား ကပ်ဘေးကို ဖြစ်စေခဲ့တယ်လို့ ပြောပါတယ်။

ဖေဖော်ဝါရီ ၁၇ ရက်နေ့ ငလျင်က မြေအောက်အနက် ၆ မိုင် မှာ လှုပ်ရှားခဲ့တာလို့ တိုင်းတာ ရရှိထားပါတယ်။

ဟာဝိုင်ယီအခြေစိုက် ပစိဖိတ်ငလျင်သတိပေးဌာနက ပစိဖိတ်တလွှား ဆူနာမီ သက်ရောက်မယ့် ဘေးမရှိခဲ့ဘူးလို့ ပြောပါတယ်။

ကမ္ဘာ့ ငလျင်အလှုပ်ဆုံးနေရာတွေထဲက တခုဖြစ်တဲ့ ဂျပန်မှာ ငလျင်က အမြဲလှုပ်နေကျပါ။ တကမ္ဘာလုံးမှာ လှုပ်ခဲ့တဲ့ ရစ်ချတ်တာစကေးလ် ၆ အထက် ရှိတဲ့ ငလျင်စုစုပေါင်းရဲ့ ၂၀ ရာခိုင်နှုန်းဟာ ဂျပန်နိုင်ငံမှာ လှုပ်ခဲ့တာပါ။

By ဒီဗွီဘီ
http://burmese.dvb.no/?p=82078

Author Name

Contact Form

Name

Email *

Message *

Powered by Blogger.