02/19/15


 
ဒီစွဲဆိုချက်ဟာ မစ္စ ယင်လတ်ရဲ့ နိုင်ငံရေး လမ်းကြောင်းကို ချိုးဖျက်ဖို့ လုပ်ဆောင်ချက် တစ်ခုအဖြစ် ရှုမြင်ကြ
ထိုင်းနိုင်ငံမှာ အငြင်းပွား နေတဲ့ စပါး စီမံကိန်းနဲ့ ပတ်သက်ပြီး ဝန်ကြီးချုပ်ဟောင်း ယင်လတ် ရှင်နာဝပ်ကို အစိုးရ ရှေ့နေချုပ်က ရာဇဝတ်မှုနဲ့ တရားစွဲ လိုက်ပါတယ်။

စပါးစိုက် လယ်သမားတွေကို ဒေါ်လာ ဘီလျံနဲ့ချီ ကုန်ကျတဲ့ ထောက်ပံ့ရေး အစီအစဉ်နဲ့ ပတ်သက်ပြီး ရာဇဝတ်မှု မြောက်တဲ့ တာဝန် ပေါ့ဆမှုနဲ့ မစ္စ ယင်လတ်ကို အစိုးရ ရှေ့နေချုပ်က စွဲချက် တင်လိုက်တာပါ။

ဒီပြစ်မှု ထင်ရှား ခဲ့မယ်ဆိုရင် မစ္စ ယင်လတ် အနေနဲ့ ထောင်ဒဏ် ၁၀ နှစ်အထိ ကျခံရဖွယ် ရှိပါတယ်။

ပြီးခဲ့တဲ့ လကလည်း ဒီ စပါးစီမံကိန်းနဲ့ ပတ်သက်ပြီး မစ္စ ယင်လတ်ကို နိုင်ငံရေး လုပ်ခွင့် ၅ နှစ် ပိတ်ပင် ခဲ့ပါတယ်။

အခု စွဲဆိုချက်ဟာ မစ္စ ယင်လတ်ရဲ့ အနာဂတ် နိုင်ငံရေး လမ်းကြောင်းကို ချိုးဖျက်ဖို့ ရည်ရွယ် ဆောင်ရွက်တာ ဖြစ်တယ်လို့ သူ့ကို ထောက်ခံသူတွေက ရှုမြင်ကြောင်း ဘီဘီစီ သတင်းထောက်က ပြောပါတယ်။

BBC Burmese
http://www.bbc.co.uk/burmese/world/2015/02/150219_thai_yingluck_indicted


လွန်ခဲ့တဲ့ရက်ပိုင်းက ကြက်ခြေနီ ၂ ဦး ဒဏ်ရာရခဲ့တဲ့ ကယ်ဆယ်ရေး ယာဉ်တန်းကို ပစ်ခတ်ခဲ့ခြင်း မရှိဘူးလို့ ကိုးကန့် လက်နက်ကိုင်တပ်ဖွဲ့က ငြင်းဆန်လိုက်ပြီး အခင်းဖြစ်တဲ့နေရာ ဟာ တပ်မတော်ထိန်းချုပ် နယ်မြေအတွင်းမှာ ဖြစ်တယ်လို့ တုံ့ပြန်ပါတယ်။

ရှမ်းပြည်မြောက်ပိုင်း ကိုးကန့်အထူးဒေသ (လောက်ကိုင်) မှာ တိုက်ပွဲဖြစ်ပြီး လောက်ကိုင်ကနေစစ်ရှောင်ဒုက္ခသည်တွေ တင်ဆောင်လာတဲ့ ကြက်ခြေနီယာဉ်တန်းဟာ ဖေဖော်ဝါရီ ၁၇ ရက်က ချင်းရွှေဟော်အနီး ပစ်ခတ်ခံခဲ့ရတာဖြစ်ပါတယ်။

အစိုးရ ပြန်ကြားရေးဝန်ကြီးဌာနရဲ့ အခင်းဖြစ်တဲ့ညပိုင်း သတင်းထုတ်ပြန်ချက်မှာ ပစ်ခတ်သူဟာ ကိုးကန့်တပ်ဖွဲ့ကလို့ စွပ်စွဲခဲ့ပါတယ်။ သတင်းမှာ “ယနေ့မွန်းလွဲ (၂) နာရီခန့်၌ ပါစင်ကျော်နှင့် ချင်းရွှေဟော်အကြား သို့ရောက်ရှိစဉ် အဆိုပါ ဖြတ်သန်းမောင်းနှင် လာသော ယာဉ်အား ကိုးကန့်တိမ်းရှောင်အဖွဲ့က ချုံခို ပစ်ခတ်တိုက်ခိုက်ခဲ့သည်” လို့ ဖော်ပြခဲ့ပါတယ်။   ပစ်ခတ်သူကို အချိန်တိုအတွင်း ဘယ်လိုဖော်ထုတ် အတည်ပြုချက်ရယူခဲ့တယ်ဆိုတာတော့ သတင်းမှာမဖော်ပြပါဘူး။

အစိုးရဘက်က စွပ်စွဲချက်နဲ့ ပတ်သက်လို့ ကိုးကန့်တပ် မြန်မာ အမျိုးသားဒီမိုကရက်တစ်မဟာမိတ်တပ်ဖွဲ့က  ပြောခွင့်ရသူ ဦးထွန်းမြတ်လင်းက “ကျနော်တို့ တိုက်တာမဟုတ်ပါဘူး။ လောက်ကိုင်မြို့ကို သူတို့ကနေပြီးတော့ ထိန်းချုပ်ထားတယ်ခင်ဗျ။ လောက်ကိုင်ကနေ ချင်းရွှေဟော် တောက်လျှောက် သူတို့ ထိန်းချုပ်နယ်မြေဖြစ်ပါတယ်။ ကျနော်တို့လူတွေ အဲဒီမှာ မရှိပါဘူး။ ကပ်လို့တောင် မရပါဘူးခင်ဗျ။ တိုက်ပွဲဖြစ်ရင်တောင်မှ လမ်းမကြီးမှာ မဖြစ်နိုင်ဘူးခင်ဗျ။ ခင်ဗျားတို့ (သတင်းသမားတွေ) ပြောနေတဲ့ လုံထမ်ဆိုတာတောင်မှ လမ်းမကြီးနဲ့ နည်းနည်းလှမ်းပါသေးတယ်။ တိုက်ပွဲဖြစ်နေတာက ဟိုးဘက်ခြမ်းမှာ ဖြစ်နေတာပါခင်ဗျ။ ဒီလမ်းမကြီးနား ကျနော်တို့ မကပ်နိုင်ပါဘူးခင်ဗျ။” လို့ ပြောပါတယ်။

လောက်ကိုင်မှာ ကျန်ရှိတဲ့ စစ်ရှောင်ဒုက္ခသည်တွေကို ကယ်ထုတ်လာတဲ့ယာဉ်တန်းမှာ ကြက်ခြေနီအလံတွေထောင်၊ ကြက်ခြေနီအ၀တ်အစားတွေ ထင်ထင်ရှားရှား ၀တ်ဆင်ထားတဲ့ ကြားက ပစ်ခတ်ခံခဲ့ရ တာဖြစ်ပြီး ယာဉ်ဦးခန်းမှာလိုက်ပါလာတဲ့ ကြက်ခြေနီ ၂ ဦး ဒဏ်ရာရခဲ့ပါတယ်။

ဒီဖြစ်ရပ်နဲ့ပတ်သက်ပြီး အပြည်ပြည်ဆိုင်ရာ ကြက်ခြေနီကော်မတီနဲ့ လခြမ်းနီ လှုပ်ရှားမှုအဖွဲ့တို့က ကန့်ကွက်ခဲ့ကြပြီး ကြက်ခြေနီတွေရဲ့ လုံခြုံရေးကို အာမခံဖို့နဲ့ အတားအဆီးမရှိ ကယ်ဆယ်ကူညီခွင့်ပြုဖို့ တိုက်ပွဲဖြစ်စဉ်တွေမှာ ပါဝင်သူတွေအားလုံးကို တောင်းဆိုကြပါတယ်။

တိုက်ပွဲကြောင့် လောက်ကိုင်ဒေသခံတွေ တရုတ်နိုင်ငံဘက်ခြမ်းနဲ့ မြန်မာနိုင်ငံအတွင်းဘက်ကို ထွက်ပြေးခိုလှုံခဲ့ကြသလို ဒီလ ၁၇ ရက်နေ့ညမှာ အစိုးရက ကိုးကန့် ကိုယ်ပိုင်အုပ်ချုပ်ခွင့်ရ ဒေသကို အရေးပေါ်အခြေအနေနဲ့ စစ်အုပ်ချုပ်ရေးကြေညာပါတယ်။

By ဒီဗွီဘီ
http://burmese.dvb.no/?p=82335


ဖေဖော်ဝါရီ ၁၅ ရက်ကနေ  ၁၇ ရက်အထိ ကိုးကန့်ဒေသ လောက်ကိုင် ထိတွေ့တိုက်ပွဲ ဖြစ်ပွားမှုတွေမှာ အစိုးရတပ်က ၃ ဦး ကျဆုံးခဲ့ပြီး အရာရှိ ၁ ဦးနဲ့ စစ်သည် ၂၆ ဦးတို့ ဒဏ်ရာရရှိခဲ့ပါတယ်။

တိုက်ပွဲတွေကြောင့် ဒေသခံပြည်သူ ၂ ဦး သေဆုံးပြီး ၆ ဦး ဒဏ်ရာရရှိခဲ့တယ်လုို့ ကာကွယ်ရေးဝန်ကြီးဌာနရဲ့ ဖေ့ဘုတ်စာမျက်နှာမှာ ဖော်ပြထားပါတယ်။

လောက်ကိုင်ဒေသကို သွားရောက်တဲ့ တပ်မတော်စစ်ကြောင်းနဲ့ စစ်ကူတွေအပါအ၀င် အုပ်ချုပ်မှု ကိစ္စရပ်တွေ အခက်အခဲ ဖြစ်စေဖို့ ရည်ရွယ်ပြီး ကိုးကန့်တပ်ဖွဲ့တွေအပြင် ကချင်လွတ်လပ်ရေးတပ်မတော် (ကေအိုင်အေ)၊ တအာင်းအမျိုးသားလွတ်မြောက်ရေး တပ်မတော် (တီအန်အယ်လ်အေ) ရှမ်းပြည်တပ်မတော် (ဝမ်ဟိုင်း) အဖွဲ့တွေပူးပေါင်းပါဝင် တိုက်ခိုက်တယ်လုို့ ရေးသားထားပါတယ်။

ဒါဟာ အစိုးရဘက်က ကိုးကန့်တပ်ဖွဲ့တွေနဲ့ ပူးပေါင်းပါဝင်တဲ့ တပ်ဖွဲ့အမည်တွေကို ပထမဆုံးထုတ်ဖော်ပြောဆိုတာဖြစ်ပါတယ်။

ကာကွယ်ရေးဦးစီးချူပ်နဲ့ တိုင်းရင်းသားခေါင်းဆောင်တွေ နေပြည်တော်မှာ တွေ့ဆုံစဉ်က ကာကွယ်ရေးဦးစီးချပ်က  အခုတိုက်ပွဲတွေမှာ အချို့တိုင်းရင်းသား လက်နက်ကိုင်အဖွဲ့တွေ  ပါဝင်ပတ်သက်တဲ့ အထောက်အထားတွေ ရှိနေပြီး အဲဒီ့အတွက် တာဝန်ယူရမယ်လုို့ ပြောကြား ခဲ့ပေမယ့် ဘယ်အဖွဲ့အစည်းတွေဆိုတာတော့ ထည့်သွင်းမပြောဆိုခဲ့ဘဲ အခုမှ အဖွဲ့နာမည်တွေကို ထုတ်ပြောလာတာဖြစ်ပါတယ်။

ကေအိုင်အေကတော့ ကိုးကန့်တပ်ဖွဲ့တွေနဲ့ ပူးပေါင်းတိုက်ခိုက်မှု မရှိကြောင်း ကေအိုင်အေပြောခွင့်ရ ဦးလနန်က ဒီဗွီဘီကို ပြောကြားထားပါတယ်။

တီအန်အယ်လ်အေကတော့  ကိုးကန့်တပ်တွေနဲ့ ပူးပေါင်းတိုက်ပွဲဝင်နေကြောင်း အစောပိုင်းကတည်းက ဒီဗွီဘီ ကိုပြောပါတယ်။

By ဒီဗွီဘီ
http://burmese.dvb.no/?p=82295

ဧရာဝတီ သပိတ်စစ်ကြောင်း ယာယီရပ်နားပြီး အိမ်ပြန်ကြမယ် ဆိုတဲ့ သတင်းအပေါ် ကြိုဆိုပါတယ် ။

ရန်ကုန်ကို ဆက်လက်ချီတက်ကြမယ့် သပိတ်စစ်ကြောင်းများကိုလည်း ထောက်ခံပါတယ် ။

ဧရာဝတီသပိတ် စစ်ကြောင်းမှ ကျောင်းသားကျောင်းသူတွေကို အကြံပြုချင်ပါတယ် ။

ပညာရေးဥပဒေ ပြင်ဆင်မှု

အတည်ပြုမှု

ဘာ့ဂျက်ခွဲဝေမှု

နည်းဥပဒေများ ဆက်လက်ရေးဆွဲမှု

သင်ရိုးညွှန်းတမ်းများပြင်ဆင်ဖြည့်စွက်မှု

လွတ်လပ်သောကျောင်းကောင်စီ ကျောင်းသား သမဂ္ဂများ ဖွဲ့စည်းမှု

တိုင်းရင်းသားစာပေသင်ကြားမှုအတွက် လိုအပ်သည်များပြင်ဆင်မှု

စာမေးပွဲစနစ်ကို အိုင်တီနည်းပညာဖြင့်ပေါင်းစပ်မြှင့်တင်မှု

အွန်လိုင်းမှ မာလတီမီဒီယာဖြင့် စာသင်ကြားနိုင်ရန် ပြင်ဆင်မှု

မူလတန်းအရွယ် အလယ်တန်းအရွယ် ကျောင်းမတက်နိုင်သည့် ကလေးများ စာရင်းကောက်ယူမှု

ိုနိုင်ငံတကာသင်ရိုးများနှင့် နှိုင်းယှဉ်ချိန်ထိုး၍ လိုအပ်သည်များကို ပွင့်လင်းမြင်သာစွာဖော်ပြမူ

အခြေခံပညာကျောင်းသားများစုဖွဲ့ပြီး ကျေးလက်ပညာပေးရေဒီယို အစီအစဉ်များ ကျောင်းအလ်ိုက် ထုတ်လွှင့်နိုင်ရန်ပြင်ဆင်မှု

စဉ်ဆက်မပြတ် ပညာသင်ကြားရေးအတွက် သက်ကြီးပညာသင်ရိုးများရေးဆွဲမှု

နွေရာသီကျောင်းပိတ်ရက် ကျောင်းသားများ ဒေသန္တရလေ့လာရေး အစီအစဉ်များ ဖော်ဆောင်မှု

ဘက်စုံအောင်မြင်သောကျောင်းသာများဖြစ်ရန် နွေရာသီအားကစား အနုပညာ စာပေ နှင့် အခြားစိတ်ဝင်စာဖွယ်ရာသင်တန်းများ ပြင်ဆင်မှု

ကျောင်းတိုင်းကျောင်းတိုင်း ကျောင်သားသတင်း လက်ကမ်းစာစောင်များ အပတ်စဉ်ထုတ်ဝေနိုင်ရန် ပြင်ဆင်မှု

နိုင်ငံတကာရှိကျောင်းများ သက်မွေးပညာကောလိပ်များ တက္ကသိုလ်ကြီးများသို့ လေ့လာရေးခရီးသွာရောက်နိုက်ရန်ပြင်ဆင်မှု

မူလတန်းကြို ပညာရေး ပီပြင်စွာ အကောင်အထည်ဖော်နိုင်ရန် သင်ရိုး ရောင်စုံပုံပြဖတ်စာအုပ် စသည်များ အသင့်ပြင်မှု

လက်ရှိကင်းထောက်လူငယ် အစီအစဉ်ကို ပြင်ဆင်၍ အမိန့်နာခံတတ်ရေးထက် နိုင်ငံဖွံ့ဖြိုးတိုးတက်ရေးကို စိတ်ဝင်စားသော အသိဥာဏ်ဦးစားပေး ကင်းထောက်လူငယ် အစီအစဉ်အဖြစ်ပြောင်းလဲသွားရန်

ကျောင်းသားများအကြား အောင်မြင်မှုမျာကို စာရင်းလိမ်ဖော်ပြသော အကျင့်ဆိုးအကျင့်ပျက်များ ကူးစက်မလာနိုင်စေရန် ပွင့်လင်းမြင်သာဝေဖန်ပိုင်းခြား အလေ့အထများကို ထူထောင်သွားရန်

ိုနိုင်ငံတကာ ပညာရေးဆိုင်ရာ ဆက်စပ်ပွဲများကို သွားရောက်လေ့လာခြင်းများဆောင်ရွက်ရန်

စသဖြင့် စသဖြင့်
ဆက်လုပ်စရာတွေ အများကြီးကျန်ပါသေးတယ်

၁။ သပိတ်မှောက်မှတ်တမ်းကို ရက်စွဲအလိုက်အားလုံးပြုစုပြီး မှတ်တမ်းတင်ပါ ၊ မှတ်တမ်းစာအုပ် ဆက်လက်ထုတ်ဝေပါ ၊ သမိုင်းတု သမိုင်းလိမ်များ မပေါ်ပေါက်စေရန် ကာကွယ်ပြီးသားဖြစ်သွားပါတယ် ။

၂။ ငွေစာရင်းရှင်းတမ်းကို မှတ်တမ်းတင် အတည်ပြုပါ ၊ ကျောင်းသားသပိတ်ကို ငွေကြေးအရှုပ်အရှင်းတွေ ဖြစ်ခဲ့တယ်ဆိုတဲ့ စွပ်စွဲပြောဆိုမှုများအတွက် ကြိုရှင်းပြီသားဖြစ်သွားပါမယ် ။

၃။ သပိတ်စထွက်ရာ ပုသိမ်မြို့မှာ ပြန်လှန်သုံးသပ် အစည်းအဝေးပြုလုပ်ပြီး ကြေငြာချက်များ ထုတ်ပြန်ပါ ၊ ကျောင်သားထုအတွင်း ညီညွတ်ရေးကို ပိုမိုခိုင်မာစေပြီး လူမှုရေးအရှုပ်အရှင်းများ ဖြစ်နေသယောင် ကောလာဟလများကို တားဆီးပြီးသားဖြစ်သွားပါမယ် ။

၎။ သပိတ်စစ်ကြောင်းမှာ ပါဝင်ခဲ့တဲ့ ကျောင်းသားတိုင်း ကျန်းမာရေး ဆေးစစ်မှု ခံယူပါ ။ မိဘများစိတ်ချမ်းသားစေပါတယ် ။

၅။ သပိတ်အောင်ပွဲ ကျင်းပပါ ၊ သပိတ်မှောက်ကျောင်းသား ရဲ့ ဆွေမျိုးပတ်ဝန်းကျင်မှာ မှန်ရာကိုလုပ်ရဲတဲ့ စွန်ဝံ့သူအဖြစ် မှတ်တမ်းဝင်ဂုဏ်ယူစေရန်ဖြစ်ပါတယ် ၊ ၈၈ နောက်ပိုင်းမှာ နိုင်ငံရေးပါဝင်ခဲ့တဲ့ ကျောင်သား နဲ့ မိသားစု ပတ်ဝန်းကျင်ကို ဖိအားအမျိုးမျိုရပေးပြီး ခေါင်းမဖော်နိုင်အောင် ယုတ်မာခဲ့တာတွေဖြစ်ခဲ့လ်ို့ပါ ။

၆။ သပိတ်စစ်ကြောင်း ဖြတ်သန်းခဲ့ရာလမ်းတလျှောက် မြို့တွေရွာတွေက မိဘပြည်သူတွေကို အောင်မြင်မှုကို မျှဝေပေးလို့ လိုက်လံနှုတ်ဆက် ကျေးဇူးတုန့်ပြန်ပါ ။ ဆရာတော်များကို ကန်တော့ပါ ။ သြဝါဒ ခံယူပါ ။

၇။ သပိတ်စစ်ကြောင်း အတွေ့အကြုံများကို အချင်းချင်းဖလှယ် သောအစီအစဉ်ကိုပြုလုပ်ပြီး နောက်တစ်ကြိမ် အတွက် ပိုပြီး ပြည့်စုံ သပ်ရပ် ထိရောက်သော သပိတ်ကြီးအတွက် တရားဝင်ကြိုတင်ပြင်ဆင်မှုများ စလုပ်ပါ ၊ သမိုင်းမကောင်းသော ပြည်ခိုင်ဖြိုး အစိုးရအတွက် ကတိကဝတ်များဖော်ဆောင်ရာတွင် အကြောင်းပြ အချိန်ဆွဲနေခြင်း ကို ကာကွယ်ပြီးသာဖြစ်သွားမည် ၊ မျိုးဆက်သစ်များ အသင့်ပြင်ပြီးသားဖြစ်သွားပါမည် ။

သပိတ်မှောက်ကျောင်းသားများသည် မြန်မာ့သမိုင်းဝင် သူရဲကောင်းများ ဖြစ်သွားကြပါပြီ။

သာဓု သာဓု သာဓု

Credit. Pyawpyawshwinshwin Myittar

ဒီမိုကရေစီပညာရေး ကျောင်းသားသပိတ်စစ်ကြောင်း ရန်ကုန်မြို့ကို ချီတက်လာစဉ် / Photo: Hset Paing Toe/RFA
ပဲခူးတိုင်းဒေသကြီး လက်ပံတန်းမြို့ကို ရောက်ရှိနေတဲ့ ပညာရေးဥပဒေ သပိတ်မှောက် စစ်ကြောင်းဟာ သပိတ်ကို ဒီလ၂၆ ရက်နေ့အထိ ယာယီရပ်နား လိုက်ပါတယ်။

မနက်ဖြန်ကစပြီး အခြေခံပညာကျောင်းတွေမှာ စာမေးပွဲဖြေဆိုကြမှာဖြစ်တာကြောင့် စာမေးပွဲပြီးမယ့် ဒီလ ၂၆ ရက်နေ့အထိ လက်ပံတန်းမြို့မှာ သပိတ်ကို ရပ်နားထားမှာဖြစ်တယ်လို့ သပိတ်မှောက် ကျောင်းသားခေါင်းဆောင် ကိုမင်းသွေးသစ် က ပြောပါတယ်။

"ကျနော်တို့ဆုံးဖြတ်ချက်က မူလတန်း၊ အလယ်တန်းတွေစာမေးပွဲဖြေနေတဲ့ ကာလ အတွင်းမှာ ဒီကလေးတွေအနှောက်အယှက်အဟန့်အတား မဖြစ်အောင်၊ မိဘတွေ စိတ်ပူနေတာတွေလဲ မဖြစ်အောင်ကျနော်တို့ရောက်နေတဲ့လက်ပံတန်းမြို့မှာပဲသပိတ် ထိုင်မယ်၊ စာမေးပွဲတွေပြီးသွားတဲ့အချိန်မှာ ကျနော်တို့ရန်ကုန်ကိုဆက် ချီတက်မယ်ပေါ့၊ ဒီကာလအတွင်းမှာပဲ လွှတ်တော်ကိုကျနော်တို့ ကြေညာချက်ထုတ်ပြီးတော့ ကျနော်တို့ အမျိုးသား ပညာရေးပြန်လည်ပြင်ဆင်ရေးဥပဒေမူကြမ်းကိစ္စကို အမြန်ဆုံးလွှတ်တော်မှာ အတည်ပြုပြဌာန်းပေးဖို့ ကျနော်တို့တောင်းဆိုတဲ့စီမံချက်ပို့မယ်"

ဧရာဝတီ၊ ထားဝယ်၊ မော်လမြိုင်၊ ပခုက္ကူ နဲ့ မုံရွာ သပိတ်မှောက်ကျောင်းသား ကျောင်းသူတွေကလည်း သပိတ်တွေကို ဒီလ ၁၆ ရက်နေ့က ယာယီရပ်နား ထားပါတယ်။

အမျိုးသားပညာရေးဥပဒေ ပြင်ဆင်တဲ့ ဥပဒေကြမ်းကို ပညာရေးဝန်ကြီးဌာနက ပြည်ထောင်စုလွှတ်တော်နာယက သူရဦးရွှေမန်းထံ မနေ့ကပေးအပ် လိုက်ပြီး ဖြစ်ပါတယ်။

RFA Burmese
http://www.rfa.org/burmese/news/main-students-march-10-days-halt-02182015100318.html


သက်ကြီးရွယ်အိုတွေ အပါအ၀င် မိကျောင်းကန်ဆန္ဒပြသမား ၁၄ ဦးကို ကျောက်တံတားမြို့နယ် တရားရုံးက ထောင်ဒဏ် စုစုပေါင်း ၆ လ စီ ဒီကနေ့ ချမှတ်လိုက်ပါတယ်။

ရန်ကုန်မြို့တော်ခန်းမ အ၀င်လမ်းကို ပိတ်ဆို့ဆန္ဒပြတဲ့အတွက် ထောင်ဒဏ်ချခံရတာဖြစ်ပြီး ထောင်ကျသွားသူတွေထဲမှာ အသက် ၆၈ နှစ်အရွယ် အဘွားအိုတွေလည်း ပါဝင်တယ်လို့  ဆန္ဒပြသူတွေရဲ့ ရှေ့နေ ဦးရောဘတ်ဆန်းအောင်က ပြောပါတယ်။

“မိကျောင်းကန်ကသူတွေကို ဒုရဲမှူး ဦးတင်လှကနေပြီးတော့ ငြိမ်းစုစီဥပဒေပုဒ်မ ၁၈ နဲ့ ၂ မှုဖွင့်တယ်။ ရန်ကုန်မြို့တော် စည်ပင်သာယာရေးကော်မီတီက စီမံဌာနမှူး ဦးမောင်မောင်ဇော်ကလည်း ပုဒ်မ ၁၄၃၊  ၃၄၁ အရ အမှုဖွင့်တယ်။ အဲဒါကို တရားသူကြီးက ပုဒ်မ ၁၈ တခုကို ၁လ – ၁လနဲ့  နှစ်မှုတွဲ ၂ လ။ နောက်တတိယအမှုမှာကျတော့ ပုဒ်မ ၁၄၃ အတွက် ၃ လ၊ ပုဒ် ၃၄၁ အတွက် ၁ လ ဆိုပြီး စုစုပေါင်း ၆ လဖြစ်သွားတယ်။”

ထောင်ချခံရတဲ့ ၁၄ ယောက်ထဲမှာ ၁၂ ယောက်က အမျိုးသမီးတွေဖြစ်ပါတယ်။ ရန်ကုန် မြို့တော်ခန်းမအ၀င်လမ်းမှာဖွင့်လှစ်ထားတဲ့ သပိတ်စခန်းကို ပြီးခဲ့တဲ့ ဒီဇင်ဘာလ ၂၃ ရက်နေ့မှာ အာဏာပိုင်တွေက သွားရောက်သိမ်းဆည်းပြီး ၁၄ ဦးကို ဖမ်းဆီးခဲ့ပါတယ်။

ဒီနောက်ဆန္ဒပြသမား ၁၄ ယောက်ကို ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့်ဆိုင်ရာ ဥပဒေ ပုဒ်မ ၁၈ နဲ့ အမှု ၂ မှု၊  မတရားတားဆီးကန့်ကွက်မှု  ပုဒ်မ  ၃၄၁၊  ပြည်သူပိုင်လမ်းပိတ်ဆို့မှု ပုဒ်မ ၁၄၃ တို့နဲ့ ကျောက်တံတားမြို့နယ်ရဲ စခန်းမှူး က တရားလိုလုပ်တရားစွဲဆိုခဲ့တာပါ။
ဆန္ဒပြသူတွေကို အခုလိုထောင်ချလိုက်တာနဲ့ပတ်သက်ပြီး ရှေ့နေ  ဦးရောဘတ်ဆန်းအောင်က      “လူတွေကိုထောင်ချတာက ဖြစ်ပေါ်နေတဲ့ ပြဿ     နာကို ဖြေရှင်းတာမဟုတ်ဘူး။ ဖြစ်ပေါ်နေတဲ့ပြဿ      နာကို ပိုမိုကြီးထွားလာအောင်လုပ်သလိုဖြစ်တာပဲ”  လို့ ပြောပါတယ်။

သင်္ဃန်းကျွန်းမြို့နယ်တွင်း စစ်တပ်သိမ်းထားတဲ့မြေတွေ ပြန်လည်ရရှိရေးအတွက် မိကျောင်း ကန်ပြည်သူတွေက မဟာဗန္ဓုလပန်းခြံမှာ ပြီးခဲ့တဲ့ ၂၀၁၄ ခုနှစ် မတ်လကတည်းက သပိတ်စခန်းဖွင့် တောင်းဆိုနေတာဖြစ်ပါတယ်။

By နော်နိုရင်း (ဒီဗွီဘီ)
http://burmese.dvb.no/archives/82230


ဒီတပတ် မြန်မာ့မျက်မှောက်ရေးရာ အစီအစဉ်မှာတော့ ရှစ်လေးလုံးကာလ စစ်အစိုးရအနေနဲ့ ကိုးကန့်ခေါင်းဆောင် ဦးဖုန်ကျားရှင်တို့နဲ့ အပေးအယူ လုပ်ခဲ့တာဟာ နောင် ရှုပ်ရှုပ်ထွေးထွေး ဖြစ်လာနိုင်တယ်ဆိုတဲ့အချက်ကို ထည့်မစဉ်းစားဘဲ ဆူလွယ်နပ်လွယ် သဘောမျိုး လုပ်ခဲ့တာလား၊ နိုင်ငံရေး ပြေလည်မှုမရှာဘဲ ဘာကြောင့် စစ်ရေး စီးပွားရေး အခွင့်အရေးတွေ ပုံအောပေးခဲ့ရသလဲဆိုတာကို ထိုစဉ်က စစ်ထောက်လှမ်းရေးအရာရှိ ဦးအောင်လင်းထွဋ် နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။ ထိုစဉ်က ဗကပတပ်မှူး ဦးဖုန်ကျားရှင်နဲ့ စတင် ဆက်သွယ်ဖြစ်ခဲ့ပုံကို ဦးအောင်လင်းထွဋ် ကအခုလိုစပြောပါတယ်။

ဦးအောင်လင်းထွဋ် ။ ။ ၈၈ နောက်ပိုင်း မိုင်းယန် တိုက်ပွဲမှာ ဗကပတွေရဲ့  ရည်မှန်းချက်က သံလွင်မြစ်အရှေ့ ခြမ်း သိမ်းပိုက်ရေးဆိုတာ ပျောက်သွားပြီး၊ ဗကပ အတွင်းပိုင်းမှာလည်း ခေါင်းဆောင်မှုအပိုင်းကို မယုံကြည်တဲ့အပိုင်းတွေ ဖြစ်လာတယ်။ နောက်တချက်က တရုတ်ပြည်ကလည်း ဗကပကို ထောက်ခံမှုက သိသိသာသာ လျော့ကျသွားတယ်။ နောက်ပိုင်းမှာ လုံးဝမပေးတဲ့ အနေအထားမျိုးရှိတယ်။ ပြန်ကောက်ရရင်တော့ မိုင်းယန်တိုက်ပွဲမှာ ကျသွားတဲ့အချိန်အခါမှာ ကျနော်တို့ ပြည်တွင်းမှာလည်း ၈၈ အရေးအခင်းနဲ့ အခြေအနေက ဆိုးနေတဲ့ အချိန်အခါမျိုးမှာ လော်စစ်ဟန်ကတဆင့် ..အဲဒီအချိန်မှာ လော်စစ်ဟန် ပါလာပါပြီ။ ဖုန်းကြာရှင်တို့က ဗမာအစိုးရနဲ့ ငြိမ်းချမ်းရေးလုပ်ချင်တယ်။ ဒါပေမဲ့ သူတို့အနေနဲ့ အရင်ဗမာအစိုးရ ဦးနေဝင်းလက်ထက်က ပေါ်လစီမျိုးလို လက်နက်ချရမယ့် ပေါ်လစီမျိုးကိုတော့ မလိုချင်ဘူး။ တခြားနည်းလမ်း သူတို့နဲ့ ငြိမ်းချမ်းရေး လုပ်ပေးနိုင်မလဲ။ အဲဒီလို ငြိမ်းချမ်းရေး လုပ်ပေးမယ်ဆိုရင် သူတို့ ဗမာပြည်ကွန်မြူနစ်ပါတီကနေ ခွဲထွက်ပြီးတော့ အစိုးရနဲ့ ပူးပေါင်းပါမယ်ဆိုတဲ့ ကမ်းလှမ်းမှုမျိုးကို အဓိကတော့ ကျနော်တို့ တပ်မတော် ထောက်လှမ်းရေးကို သတင်းပို့တယ်။ အဲဒီအချိန်တုန်းကတော့ နဝတ ဥက္ကဋ္ဌက ဗိုလ်ချုပ်မှူးကြီးစောမောင်။ ပြည်တွင်း အစိုးပိုင်းကနေ စဉ်းစားတဲ့အခါကြတော့ ၈၈ အရေးအခင်းပြီးတဲ့နောက်ပိုင်းမှာ ဗမာအစိုးရက တော်တော်လေး အကြပ်အတည်း ရှိပါတယ်။ ကုန်ကုန်ပြောရရင် နိုင်ငံခြားသုံးငွေ တပြားမှ မရှိတဲ့အပြင် စစ်စရိတ်နဲ့ စစ်တွေ တိုက်ရမယ်ဆိုတဲ့ အနေအထားက အဲဒီအချိန်အခါမှာ လုံးဝမဖြစ်နိုင်ဘူး။ တဘက်ကလဲ ကျနော်တို့ တပ်မတော်ရဲ့  တသက်လုံး အဓိက ရန်သူဟာ ဗမာပြည်ကွန်မြူနစ်ပါတီပါ။ ဗမာပြည်ကွန်မြူနစ်ပါတီကို ထိုးနှက်လိုက်လို့ သူပြိုကွဲသွားရင် တရုတ်ပြည်ဘက်ရဲ့  စစ်ရေးအားလုံးဟာ အတော်လေး အေးချမ်းသွားမယ်ဆိုရင် တဘက်က စစ်တပ်အစိုးရအနေနဲ့ နိုင်ငံရေးအရ အမြတ်ရမယ်ဆိုတဲ့ အနေအထားမျိုးရှိတယ်။ တဘက်ကလဲ ကျနော်တို့ တပ်မတော် ထောက်လှမ်းရေးနဲ့ တရုတ် ထောက်လှမ်းရေးတို့က အဲဒီအချိန်ကတည်းက အောက်ခြေပိုင်းမှာ Connection ရှိပါတယ်။ အဲဒီတော့ ဖုန်ကြားရှင်တို့ရဲ့  ကမ်းလှမ်းမှုက တကယ်လား၊ ဟုတ်လား၊ မဟုတ်လားဆိုတာကို တဘက်က ပြန်ပြီးတော့ စဉ်းစားတဲ့အခါမှာ Confirm ဖြစ်တဲ့အတွက်ကြောင့်မို့ …

ဦးကျော်ဇံသာ ။ ။ ပြန်ပြီး စဉ်းစားတယ်ဆိုတာ တရုတ် ထောက်လှမ်းရေးကို ပြန်ပြီး check လုပ်တယ်ပေါ့။

ဦးအောင်လင်းထွဋ် ။ ။ ကျနော်တို့ Counter check ပေါ့။ အောက်ခြေပိုင်းကတော့။

ဦးကျော်ဇံသာ ။ ။ ငြိမ်းချမ်းရေး လုပ်ပြီးတော့နောက်ပိုင်းမှာ ဖုန်ကြားရှင်တို့ ဒေသကို အထူးဒေသ (၁) ဆိုပြီးတော့ အခွင့်အရေးတွေ အများကြီး ပေးခဲ့တယ်။ တချိန်တုန်းက ဗိုလ်ချုပ်နေဝင်း လက်ထက်ကလည်း သူတို့ပါတီကို ရပ်တည်ခွင့်ပေး၊ လက်နက်တပ်ဆင်ခွင့်ပေး။ နောက်ပြီးတော့ အဲဒီဒေသကို ကိုယ်ပိုင်အုပ်ချုပ်တဲ့ဒေသအဖြစ် ပေးဖို့ဆိုတာကို ဗကပ တို့ ကမ်းလှမ်းခဲ့တယ်လို့ ထင်ပါတယ်။ သခင်ဘသိန်းတင် အနေနဲ့။ အဲဒီတုန်းက လက်မခံခဲ့ဘူး။ ဒါပေမဲ့ အဲဒီလို အခွင့်အရေးမျိုးကို ဖုန်ကြားရှင်နဲ့ စေ့စပ်တဲ့အခါမှာ ပေးခဲ့တယ်လို့ ဆိုပါတယ်။ ဟုတ်ပါလား။

ဦးအောင်လင်းထွဋ် ။ ။ ပွင့်ပွင့်လင်းလင်း ပြောရရင်တော့ မင်းတို့လည်း လက်နက်ကိုင်ထား။ ငါတို့လည်း လက်နက်ကိုင်ထားမယ်။ မင်းတို့က ချင်းရွှေဟောရဲ့  အောက်ကို မလာနဲ့၊ ငါတို့က မင်းတို့ရဲ့  ချင်းရွှေဟောကို ကျော်ပြီး မင်းတို့ကိုလာပြီး မတိုက်ဘူးဆိုတဲ့ ကတိကဝတ် တပ်နေရာချထားရေးလို့ ပြောရမှာပေါ့။ ဒါကတချက်။ နောက်တခုက တို့က အဲဒီအချိန်တုန်းက တပ်မတော်အစိုးရအနေနဲ့ ဦးနေဝင်းခေတ်ကလို အပိုင်စားပေးတဲ့ အာဏာ ငါတို့မှာ မရှိဘူး။ ခေတ္တခဏ ထိန်းထားတာ။ တချိန် နောင်တက်လာမယ့် အစိုးရကြရင် မင်းတို့ အဲဒီနိုင်ငံရေးကိစ္စတွေ ဆွေးနွေး။ အခုလက်ရှိ ငါတို့ စစ်တပ်အစိုးရခေတ်မှာတော့ မင်းတို့နဲ့ ငါတို့ အပစ်အခတ် ရပ်စဲထားမယ်။ ဒါပေမဲ့ မင်းတို့ဒေသ တိုးတက်ဖွံ့ဖြိုးအောင် ဒေသဖွံ့ဖြိုးရေးတွေကို ငါတို့ လုပ်ပေးမယ်။ မင်းတို့ ငါတို့နဲ့ ပူးပေါင်းဆိုတဲ့ အနေအထားမျိုး၊ အဲဒီ အခွင့်အရေးမျိုး ပေးခဲ့တယ်။ အဲဒီမှာ အများထင်ကြတာကတော့ ကိုးကန့်တွေကို စီးပွားရေး အခွင့်အလမ်းတွေ အများအပြား ပေးခဲ့တယ်လို့ ထင်ကြမှာပေါ့။ ဘာကြောင့်လဲဆိုတော့ ကိုးကန့် စဖွင့်လိုက်လို့ တရုတ်ပြည်နဲ့ ဗမာပြည်ရဲ့  စီးပွားရေးလမ်းကြောင်းက မူဆယ်၊ ကွတ်ခိုင်၊ ကွန်လုံ အားလုံးလမ်းကြောင်းတွေ ပွင့်လာတဲ့ အနေအထားရှိတယ်။ ဒုတိယ ဆက်ပြောချင်တာက ကိုးကန့်ပြီးတဲ့အခါမှာ “ဝ” ။ “ဝ” က အခုချိန်အထိ အင်အားလည်း အကောင်းဆုံး။ အဲဒီအချိန်တုန်းက အင်အားလည်း အကောင်းဆုံး လက်နက်ကိုင် အဖွဲ့အစည်း။ “ဝ” မှာ အဲဒီအချိန်တုန်းက ကျောက်နီလိုင်လို့ အဖွဲ့တွေ။ ပေါက်ယူချမ်း က စစ်ဦးစီးချုပ်။ ကိုးကန့်ရဲ့  နမူနာကို ပြလိုက်တဲ့အခါမှာ “ဝ” လည်း လိုက်လာတယ့်သဘော ရှိပါတယ်။ တလျှောက်တည်းမှာ ဟိုဘက် ရှမ်းအခါ ခေါ် မိုင်လားအဖွဲ့လည်း ငြိမ်းချမ်းရေး ယူလာတယ်။ နောက် SSA ဦး… တို့ကလည်း one two three four အထူးဒေသ (၁) (၂) (၃) (၄) ဆိုပြီး လုပ်ခဲ့တဲ့အခါမှာ အဲဒီအချိန်တုန်းကတော့ နိုင်ငံရေးအရ အကျိုးစီးပွားတခုပဲကြည့်ပြီး နိုင်ငံရေးအမြတ်၊ တိုင်းပြည်အေးချမ်းသာယာရေးကို ကြည့်ပြီးမှ ငြိမ်းချမ်းရေးလုပ်ခဲ့တာပါ။

ဦးကျော်ဇံသာ ။ ။ အခုနောက်ကြောင်းကို ပြန်ကြည့်ရင် ဘယ်လောက်အထိ အလျှော့မပေးခဲ့ဘဲနဲ့ ဘယ်အချက်ကို ငါတို့ တင်းခဲ့ရင် ကောင်းလေမလားဆိုတဲ့ စဉ်းစားမှုမျိုး ဦးအောင်လင်းထွဋ် စိတ်ထဲမှာ ပေါ်မိပါလား။

ဦးအောင်လင်းထွဋ် ။ ။ ကျနော့်အမြင် ပြောရရင်တော့ အဲဒီအချိန် ၁၉၈၉-၉၀ လောက်က လုပ်ထားတဲ့ ပေါ်လစီတွေက ၁၉၉၂ ခုနှစ် ဗိုလ်ချုပ်မှူးကြီးသန်းရွှေ နဲ့ ဗိုလ်ချုပ်ကြီးမောင်အေး ဖြစ်လာတဲ့အချိန်မှာ အဲဒီဟာတွေကို သူတို့ မကြိုက်ဘူး။ မကြိုက်တော့ အဲဒီမှာ ဗိုလ်ချုပ်ကြီးခင်ညွှန့်အပိုင်းနဲ့ ဗိုလ်ချုပ်မှူးကြီးသန်းရွှေ နဲ့ ဗိုလ်ချုပ်ကြီးမောင်အေးအပိုင်းမှာ သဘောထား ကွဲလွဲတာတွေ အများကြီးရှိတယ်။ အထူးသဖြင့် ဗိုလ်ချုပ်ကြီးမောင်အေး က “ဝ” တွေ၊ ကိုးကန့်တွေကို လုံးဝကြည့်မရဘူး။ “ဝ” ဆိုရင် ပိုဆိုးသေးတယ် အမြဲတမ်း ပြဿနာရှာတယ်။ သူကိုယ်တိုင်ကလည်း တပ်မ (၇၇) တပ်မမှူး ဖြစ်ခဲ့တယ်။ အရှေ့ တိုင်းပိုင်း၊ အရှေ့ မြောက်ပိုင်းတိုင်း လားရှိုး၊ တောင်ကြီးတွေမှာ တပ်ရင်းမှူး ဖြစ်ခဲ့တော့ ဗမာပြည်ကွန်မြူနစ် တပ်တွေနဲ့ “ဝ”၊ ကိုးကန့်တပ်တွေနဲ့ အသေတိုက်ခဲ့တော့ သူ့စစ်သည်တွေ ကျဆုံးခဲ့တာကို ခံစားမှုတွေ ရှိကောင်းရှိပါလိမ့်မယ်။ ဗိုလ်ချုပ်မှူးကြီးသန်းရွှေ တက်လာတဲ့အခါကြတော့ အဲဒီပေါ်လစီတွေက လုံးဝလက်မခံတဲ့အပိုင်း ရှိတယ်။ သို့သော် ဗိုလ်ချုပ်မှူးကြီးသန်းရွှေ က လိမ္မာပါတယ်။ အသာလေး အချိုသပ်ပြီးတော့ ဗိုလ်ချုပ်ခင်ညွှန့်ကို မွေးပြီးတော့ အမျိုးသားညီလာခံဆိုတဲ့ ပုံကိုဖော်ပြီးတော့ ကိုးကန့်အပါအဝင် အားလုံးကို နိုင်ငံရေးအရ ဆွေးနွေးမယ်ဆိုတဲ့ ပုံစံမျိုးနဲ့ ခေါ်ပြီးတော့ တောက်လျှောက်ခေါ်သွားတာ။ နှစ်တွေလည်း အကြာကြီး ဖြစ်သွားတယ်။ (၁၄) နှစ်လောက် ဆွေးနွေးတဲ့ အနေအထားရှိတယ်။

ဦးကျော်ဇံသာ ။ ။ အဲဒီလို ဆွေးနွေးခဲ့ပေမယ့် အဲဒီလို ပြီးလွယ်နပ်လွယ်လို့ တချို့ က သုံးသပ်ကြမှာပေါ့။ လောလောဆယ်မှာ ပြဿနာပြေရင် ပြီးရောဆိုပြီတော့။ နောင်ရေးအတွက် နိုင်ငံရေးပြဿနာ ဘယ်လိုဆိုတဲ့ မူ ကင်းမဲ့နေခဲ့တယ်လို့ တချို့ က သုံးသပ်ကြပါတယ်။ အဲဒါကို ဘယ်လို ပြောလိုပါလဲ။

ဦးအောင်လင်းထွဋ် ။ ။ အဲဒီလို နိုင်ငံရေးအရ အချိန်ဆွဲခဲ့ကြတယ်။ ဗိုလ်ချုပ်မှူးကြီးသန်းရွှေ စိတ်ထဲမှာတော့ ထင်တာကတော့ တိုင်းရင်းသားလက်နက်ကိုင်တွေကို ဘယ်လို ဖြေရှင်းမယ်ဆိုတဲ့ အဖြေ ကျနော်တို့မှာ ဟုတ်တိပတ်တိ နဲ့ တိတိကျကျ မရှိခဲ့ဘူး။ ဒါကြောင့် ၂၀၀၉ ခုနှစ်မှာ အရင်တုန်းက မပြောထားတဲ့ နယ်ခြားစောင့်ဆိုတဲ့ ပုံစံမျိုးကို ပုံဖော်လိုက်တယ်။ ပုံဖော်ပြီးတော့ အင်အားနည်းတဲ့ ပလောင်တို့ ဘာတို့တော့ နည်းနည်းပါးပါး ပါသွားတယ်။ ကိုးကန့်နဲ့ ကျန်တဲ့လူတွေက အာခံတယ်။ အဲဒီမှာ ကိုးကန့်က အင်အားနည်းတဲ့ အခါကြတော့ နဂိုကလဲ ကိုးကန့်နယ်မြေကို စီးဖောက်တာက ကျနော် ပြောခဲ့ဖူးတယ်။ ၁၉၉၅ ခုနှစ်လောက်မှာ ယမ်မိုးလျံ၊ ဖုန်ကြားရှင် အရေးအခင်းကို ဗမာစစ်တပ်တွေက မဝင်ရဘူးဆိုတဲ့ ချင်းရွှေဟော အထက်ကို လောက်ကိုင်အထိ သွားပြီးတော့ အခုစစ်ဖြစ်နေတဲ့ တပ်ရင်း (၁၀) ရင်းနဲ့ တပ်မ သဘောမျိုး လောက်ကိုင်ဒေသ ကွပ်ကဲမှုဆိုပြီး ဖွဲ့လိုက်တာရှိတယ်။ ဒါပေမဲ့ ဖုန်ကြားရှင်တို့ကလည်း သူတို့ မျှော်လင့်တာက တချိန်ချိန်မှာ ကိုယ်ပိုင်အုပ်ချုပ်ခွင့် ရလို့ရှိရင် သူတို့အနေနဲ့ နိုင်ငံရေးအရ ပေးမလား။ သူတို့တပ်တွေကို ပေးမလားဆိုတဲ့ အနေအထားနဲ့ မျှော်လင့်ခဲ့တယ်။ ဒါပေမဲ့ အဲဒီအခြေအနေမျိုးကို မပေးတဲ့အတွက်ကြောင့်မို့ မပေးလည်း မပေးနိုင်တဲ့အခါမှာ တရုတ်အစိုးရက အတန်တန် တားတဲ့ကြားထဲက နယ်စပ်ဒေသမှာ တည်တည်ငြိမ်ငြိမ် ဖြစ်ချင်ပါတယ်ဆိုတဲ့ကြားထဲက ၂၀၀၉ ခုနှစ် ဧပြီလမှာ ကိုးကန့်ကို ဝင်တိုက်ပစ်တယ်။ အခု ရှိနေတဲ့ ဖုန်ကြားရှင်တို့ ထွက်ပြေးသွားတဲ့ အနေအထားမျိုး ရှိတယ်။ ဒါက နောက်ခံသမိုင်းကြောင်းလေး တခုပေါ့။

ဦးကျော်ဇံသာ ။ ။ အခုနောက်ပိုင်းမှာ စောစောက ဦးအောင်လင်းထွဋ် ပြောတဲ့အထဲမှာ တိုက်ပွဲတွေ ဖြစ်လာတဲ့အခါမှာ။ ဗကပတို့နဲ့ ဖြစ်ခဲ့တယ်။ ဖုန်ကြားရှင် က ဗကပ က တပ်မှုးအနေနဲ့ တိုက်တယ်။ အဲဒီတုန်းက လက်နက်တွေက အကုန်လုံး တရုတ်လက်နက်တွေဆိုပြီး ပြောတယ်။ အဲဒီနောက်ပိုင်းမှာ အခု ဖုန်ကြားရှင်တို့ ပစ်နေတဲ့ လက်နက်တွေဆိုရင်လဲ တပ်မတော်ဘက်က အတော်လေး ထိခိုက်တယ်ဆိုတော့ လက်နက်အင်အားတော့ မသေးဘူးလို့ ထင်ပါတယ်။ တရုတ်နဲ့ ဆက်သွယ်ရေးဟာ ဘယ်လို ရှိနေတယ်လို့ ဦးအောင်လင်းထွဋ်တို့အနေနဲ့ သဘောပေါက်ခဲ့ပါသလဲ။ တကယ်တော့ ကိုးကန့်ဆိုတာ ၉၀ ရာခိုင်နှုန်းသော ကိုးကန့်ပြည်သူတွေက ဟန် တရုတ်နွယ်ဝင် တရုတ်လူမျိုးတွေ ဖြစ်နေတယ်။

ဦးအောင်လင်းထွဋ် ။ ။ မှန်ပါတယ်။ သမိုင်းကြောင်းအရ ကိုးကန့်က ကျနော်တို့ ဗမာပြည်ဘက်ခြမ်း ပါတယ်ဆိုပေမယ့် အားလုံး ကိုးကန့်တနယ်လုံးက တရုတ်စကားပဲ ပြောပါတယ်။ “ဝ” တနယ်ပဲ ”ဝ” စကားပြောတဲ့ အနေအထား ရှိပါတယ်။ တရုတ်ကတော့ အနီးစပ်ဆုံးပါ။ ကိုးကန့်ဆိုတာ ယူနန် တရုတ်တွေ အများစုနေတဲ့ ဒေသလို့ပဲ ပြောရမယ်။ ဒါပေမဲ့ နယ်နမိတ် ပိုင်းခြားတဲ့ ပိုင်းခြားချက်အရ ဗမာပြည်နယ်ထဲမှာ ရောက်နေတဲ့ ဒေသလူမျိုးတွေ ဖြစ်နေတယ်။ သို့သော် သူတို့က တရုတ် အာဏာပိုင်တွေနဲ့ ကွန်မြူနစ်လက်ထက်ကတည်းက အခုအချိန်အထိ ဆက်စပ်မှု ရှိပါတယ်။ လက်နက်ကတော့ သိပ်တော့ အဲဒီနယ်စပ်ဒေသမှာ အဆန်းအပြားတော့ မဟုတ်ပါဘူး။ ထူးထူးခြားခြား သူတို့ဆီမှာ အာပီဂျီ လောင်ခြာတွေ ရှိမယ်။ လေယာဉ်၊ ရဟတ်ယာဉ် ပစ်တဲ့ဟာတွေက ဗကပ လက်ထက်ကတည်းက သူတို့ဆီမှာ ရှိပါတယ်။ အခုလည်း သူတို့ ဒီလက်နက်တွေက သူတို့ ပိုက်ဆံရှိတဲ့အတွက်ကြောင့် အချိန်မရွေး ဝယ်လို့ရတယ်။ ဘာလို့ ပိုက်ဆံရှိလဲဆိုရင် ပွင့်ပွင့်လင်းလင်း ပြောရရင် ကိုးကန့်က ကျနော်တို့နဲ့ ငြိမ်းချမ်းရေးလုပ်တဲ့ကာလ ၉၀ နောက်ပိုင်းမှာ ဘိန်းမဖျက်ခင်၊ ဘိန်းမလုပ်တော့ဘူး ကာလအတွင်းမှာ ဘိန်းနဲ့ပတ်သက်ပြီး ကိုးကန့်ဒေသက အရမ်းလုပ်တယ်။ ပိုက်ဆံအများအပြားလည်း ဘိန်းကနေ ရတဲ့ဟာက တော်တော်များပါတယ်။ တပ်မတော်ကလည်း စစ်တပ်အပါအဝင် ကျနော်တို့က ပြောမယ့်သာပြောတာပါ ဘာဖြစ်လို့လဲဆိုရင်တော့ ကျနော် ပြောရရင် အဲဒီအချိန် အဲဒီအခါမှာ ဗမာအစိုးရမှာ အားလုံးသိတဲ့အတိုင်း ဂျပန်မှာရှိတဲ့ သံရုံးရောင်းစားရတဲ့ ဘဝမျိုး ရောက်တဲ့အနေအထား ရှိတယ်။ ကျန်တဲ့လုပ်ငန်းကြီးတွေမှာ ဗမာအစိုးရက ဘယ်ကမှလဲ ချေးငွေမရဘူး။ နိုင်ငံခြားငွေ မရှိဘူး။ အဲဒီမှာ မျက်စိမှိတ်ထားတဲ့ အနေအထားလည်း ရှိကောင်းရှိပါတယ်။ ဒီအပေါ်မှာ မူတည်ပြီးတော့ ကိုးကန့်က လက်နက်အင်အား စုဆောင်းနိုင်တယ်။ ပိုက်ဆံလည်း ရှိလာတော့ အခု ကျနော်တို့လူမျိုးတွေ မကြိုက်တဲ့ ကိုးကန့်သားတွေ မန္တလေးတို့ ဘာတို့မှာ နေရာယူလာတဲ့ဟာမျိုးက အများကြီး နိုင်ငံရေးနဲ့ ဆက်စပ်တဲ့ အနေအထား ရှိပါတယ်။

ဦးကျော်ဇံသာ ။ ။ နောက်ဆုံးတခု မေးချင်တာက ဒီနေ့ဆိုရင် စစ်အုပ်ချုပ်ရေး ကြေညာလိုက်ပြီ။ ဖွဲ့စည်းပုံအရ ပေးထားတဲ့ အခွင့်အရေးကို ရုတ်သိမ်းပြီးတော့ သူတို့က စစ်တပ်ရဲ့  ထိန်းချုပ်မှု၊ အုပ်ချုပ်မှုအောက်မှာ လုံးဝကြေညာလိုက်ပြီ ဖြစ်ပါတယ်။ အခြေအနေက ဘယ်လောက်အထိ ဆိုးလာနိုင်လဲ။ ဘယ်လို ပြေလည်မှု ရသွားနိုင်မယ်လို့ ထင်ပါလဲ။ အကျဉ်းရူံး ပြောပေးပါ။

ဦးအောင်လင်းထွဋ် ။ ။ စကားမပြောမချင်းကတော့ စစ်အုပ်ချုပ်ရေးပဲထုတ်ထုန်၊ ဘာအုပ်ချုပ်ရေးပဲထုတ်ထုတ် ကိုးကန့်ဒေသမှာ ပြေလည်စရာ မရှိပါဘူး။ တဘက်မှာ တရုတ်နိုင်ငံရှိတယ်။ ရှိတဲ့ ဖုန်ကြားရှင်တို့ကလည်း “ဝ” ကို သွားခိုလည်းရတယ်။ တရုတ်ဘက် သွားနေလည်း ရတယ်။ သူ့လူမျိုးတွေနဲ့ သူ့ဒေသ ကျွမ်းကျင်ပြီသား။ စစ်အုပ်ချုပ်ရေး ထုတ်ရင်လဲ စစ်သားတွေပဲ ရှိမယ်။ အဲဒီ စစ်သားတွေကိုလည်း ပျောက်ကျားနည်းနဲ့ လိုက်ပြီးတော့ တိုက်နေခိုက်နေအုံးမယ့် အနေအထားမျိုး ရှိပါတယ်။ အဲဒီတော့ ငြိမ်းငြိမ်းချမ်းချမ်းနဲ့ ဖြစ်စေချင်ရင်တော့ တရုတ်အစိုးရကို ကြားခံထားပြီးတော့ ပြောဆိုမှ ရလိမ့်မယ်လို့ မြင်ပါတယ်။

ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com/content/weekly-analysis-kokang-conflicts/2648349.html

မြန်မာကြက်ခြေနီဝန်ထမ်းတဦး ပြင်းထန်စွာ ဒဏ်ရာရရှိ။
ကိုးကန့်ဒေသ ပဋိပက္ခ ပိုမိုဆိုးရွားလာတာကြောင့် ဖွဲ့စည်းပုံအရ စစ်အုပ်ချုပ်ရေး ကြေညာချက်ကို သမ္မတ ဦးသိန်းစိန်အစိုးရက ဖေဖော်ဝါရီလ ၁၇ ရက်နေ့ ကြေညာလိုက်ပါတယ်။ တချိန်တည်းမှာပဲ မြန်မာနယ်စပ်ဒေသ ထိပ်တိုက်ရင်ဆိုင်မှု အခြေအနေတွေ ပြင်းထန်လာတဲ့အပေါ် အထူးစိုးရိမ်နေကြောင်း ကုလသမဂ္ဂကလည်း အင်္ဂါနေ့က ပြောလိုက်ပါတယ်။

တိုင်းရင်းသား လက်နက်ကိုင်အဖွဲ့တွေကလည်း ကိုးကန့်ပဋိပက္ခကို စစ်ရေးထက် နိုင်ငံရေးပြဿနာ ဖြစ်တာကြောင့် နိုင်ငံရေးနည်းလမ်းနဲ့ ညှိနှိုင်းဆွေးနွေးဖို့ မြန်မာအစိုးရကို တိုက်တွန်းလိုက်ပါတယ်။ မအင်ကြင်းနိုင်က တင်ပြထားပါတယ်။

နှစ်ဘက်တိုက်ပွဲတွေ ပြင်းထန်နေတာကြောင့် ကိုးကန့်ကိုယ်ပိုင်အုပ်ချုပ်ခွင့်ဒေသကို ဖွဲ့စည်းပုံအခြေခံဥပဒေအရ သမ္မတ ဦးသိန်းစိန်အမိန့်နဲ့ စစ်အုပ်ချုပ်ရေး လွှဲပြောင်းလိုက်ကြောင်း အင်္ဂါနေ့ညက ထုတ်လွှင့်တဲ့ မြန်မာ့ရုပ်မြင်သံကြား အစီအစဉ်မှာ အခုလို ကြေညာသွားပါတယ်။

“ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၄၁၂ ပုဒ်မခွဲ (က) ကိုးကန့်ကိုယ်ပိုင်အုပ်ချုပ်ခွင့်ရ ဒေသအတွင်း ယနေ့မှစ၍ အရေးပေါ် အခြေအနေ ကြေညာလိုက်သည်။ အပိုဒ် ၃ ဤအမိန့်သည် ယနေ့မှစ၍ ရက်ပေါင်း ၉၀ အထိ အတည်ဖြစ်သည်။ ပုံ သိန်းစိန် (နိုင်ငံတော်သမ္မတ)၊ ပြည်ထောင်စုသမ္မတ မြန်မာနိုင်ငံတော်ဟု ဖော်ပြပါရှိပါတယ်ခင်ဗျာ။”

၂၀၀၈ ဖွဲ့စည်းပုံအခြေခံဥပဒေအရ ဒါဟာ ပထမဆုံးအကြိမ် တပ်မတော် ကာကွယ်ရေးဦးစီးချုပ်ကို နယ်မြေဒေသတခုအတွက် လွှဲပြောင်းအုပ်ချုပ်ခွင့် ပေးလိုက်တာပါ။ ဖေဖော်ဝါရီလ ၉ ရက်နေ့က စတင်ခဲ့တဲ့ ကိုးကန့်ဒေသတွင်း တိုက်ပွဲတွေကြောင့် ဖေဖော်ဝါရီလ ၁၂ ရက်နေ့မှာ ပုဒ်မ ၁၄၄ ညမထွက်ရ၊ လူ ၅ ဦးထက် ပိုမစုရ စတဲ့ တားမြစ်မိန့်ကို ထုတ်ပြန်ခဲ့ပေမဲ့ တိုက်ပွဲတွေ ပိုပြီး ကျယ်ပြန့်လာတာကြောင့် အုပ်ချုပ်ရေးလုပ်ငန်းတွေကို ဆောင်ရွက်နိုင်ခြင်း မရှိတော့တာကြောင့် ဖွဲ့စည်းပုံအခြေခံဥပဒေအရ အခုလို အရေးပေါ် ကြေညာချက် ထုတ်ပြန်လိုက်တာ ဖြစ်တယ်လို့လည်း ဆိုပါတယ်။

အခုလို ကိုးကန့်ဒေသမှာ မြန်မာအစိုးရတပ်တွေနဲ့ ကိုးကန့်လက်နက်ကိုင်တပ်တွေကြား တိုက်ပွဲတွေကြောင့် နယ်စပ်ဒေသ ပဋိပက္ခနဲ့ ထိပ်တိုက်ရင်ဆိုင်မှု အလားအလာကို  အထူးစိုးရိမ်မကင်းဖြစ်နေကြောင်း ကုလသမဂ္ဂဘက်ကလည်း  ပြောလိုက်ပါတယ်။ သက်ဆိုင်တဲ့ အဖွဲ့အစည်းအားလုံး အတတ်နိုင်ဆုံး ထိန်းထိန်းသိမ်းသိမ်းလုပ်ကြဖို့နဲ့ နောက်ထပ် ထိပ်တိုက် စစ်မက်ဖြစ်ပွားမယ့် အခြေအနေကို ရှောင်ရှားကြဖို့လည်း ကုလသမဂ္ဂက တိုက်တွန်းပါတယ်။ ကိုးကန့်ဒေသမှာရှိနေတဲ့ လက်နက်ကိုင် အဖွဲ့တွေအားလုံး အပါအ၀င် မြန်မာအစိုးရရော နောက်ထပ်တိုက်ပွဲတွေ ထပ်မဖြစ်ရအောင် တင်းမာနေတဲ့ အခြေအနေတွေကို ၀ိုင်းဝန်းထိန်းသိမ်းခြင်းအားဖြင့် သေဆုံးသွားသူတွေ၊ ထိခိုက်ဒဏ်ရာရသူတွေကို တိုက်ပွဲနဲ့ဝေးရာကို သယ်ဆောင်နိုင်ပြီး အရပ်သားတွေအပေါ် နောက်ထပ် ထိခိုက်မှုမရှိအောင် ရှောင်ရှားနိုင်မှာဖြစ်တယ်လို့ ကုလသမဂ္ဂက တိုက်တွန်းလိုက်ပါတယ်။

အခုလို ကိုးကန့်ဒေသမှာ စစ်အုပ်ချုပ်ရေး ကြေညာလိုက်တာဟာ အရင် နအဖ စစ်အစိုးရ လက်ထက်ကအတိုင်း ပြဿနာကို စစ်ရေးနဲ့ ဖြေရှင်းတဲ့နည်းလမ်းကို ရွေးချယ်တာပဲဖြစ်တယ်လို့ KIA ကချင်လွတ်မြောက်ရေးတပ် ဒုဗိုလ်မှူးကြီး နော်ဘိုက သုံးသပ်ပါတယ်။

“တပ်မတော်ကတော့ ကျနော်တို့ ဒီတိုင်းရင်းသားနယ်မြေမှာ စစ်အစိုးရပုံစံနဲ့ သူတို့ကတော့ စစ်နဲ့ပဲအုပ်ချုပ်ချင်လို့ ဒီလိုမျိုး အကြိမ်ကြိမ် ဖြစ်နေတယ်လို့ ကျနော် တဦးတယောက်ရဲ့ အမြင်ကတော့ ဒီလိုရှိပါတယ်။ လက်နက်နဲ့ စစ်နဲ့ဖြေရှင်းတဲ့ ပုံစံကတော့ ဘယ်နည်းနဲ့ဖြစ်ဖြစ် ကျနော်တို့တိုင်းပြည်ကတော့ ငြိမ်းချမ်းမှာမဟုတ်ဘူးလို့ ကျနော်ကတော့ ယူဆပါတယ်။ ဒါကြောင့် ဘာပဲဖြစ်ဖြစ် နိုင်ငံရေးအခြေခံပြီးဖြစ်လာတဲ့ ဒီပြဿနာတွေကို နိုင်ငံရေးနည်းလမ်းနဲ့ပဲ ကျနော်တို့ ဖြေရှင်းလို့ရမယ်လို့ ကျနော်တို့ ယူဆပါတယ်။”

ကချင်ပြည်နယ် မြောက်ဖျားမှာလည်း မကြာသေးခင် ရက်ပိုင်းအတွင်း မြန်မာအစိုးရတပ်နဲ့ KIA တပ်ကြား တိုက်ပွဲအချို့ဖြစ်ခဲ့တယ်လို့ ဒုဗိုလ်မှူးကြီး နော်ဘို က ပြောပါတယ်။

“ကချင်ပြည်နယ်ဘက်မှာတော့ ပူတာအိုဘက်မှာ နည်းနည်း ကြိုကြားကြိုကြား ဖြစ်တယ်လို့ကြားတယ်။ နောက်ပြီးတော့ သိတဲ့အတိုင်း တပ်မဟာ ၄ ရှမ်းပြည်မြောက်ပိုင်းပေါ့ အဲ့ဒီဘက်မှာ ကျနော်တို့ ကချင်နဲ့ နည်းနည်းဖြစ်တယ်လို့ ကြားရတယ်။ လိုင်ဇာဌာနချုပ်တ၀ိုက်မှာတော့ ဘာမှအသံတော့မကြားပါဘူး။”

SSPP ရှမ်းပြည်တိုးတက်ရေးပါတီ၊ ရှမ်းပြည်တပ်မတော်ကလည်း ကိုးကန့်ဒေသ ပဋိပက္ခဟာ နိုင်ငံရေးပြဿနာ ဖြစ်တာကြောင့် စစ်ရေးနည်းနဲ့ မဖြေရှင်းဘဲ နိုင်ငံရေးနည်းလမ်းနဲ့ ဖြေရှင်းဖို့ မြန်မာအစိုးရကို တိုက်တွန်းထားပါတယ်။

ဒီအတောအတွင်းမှာပဲ ကိုးကန့်ခေါင်းဆောင် ဦးဖုန်ကြားရှင် ဦးဆောင်တဲ့ မြန်မာအမျိုးသား ဒီမိုကရက်တစ် မဟာမိတ် တပ်မတော် MNDAA ကတော့ ကိုးကန့်ဟာ တိုင်းရင်းသား မျိုးနွယ်စု ၁၃၅ မျိုးမှာ ပါဝင်နေတာကြောင့် တိုင်းရင်းသား တန်းတူအခွင့်အရေး ပေးပြီး တိုင်းရင်းသား ရင်ကြားစေ့ရေးကို သော့ချက်အဖြစ် အသုံးပြုကာ ငြိမ်းချမ်းရေး တံခါးဖွင့်ပါဆိုပြီး သမ္မတ ဦးသိန်းစိန်ကို အိတ်ဖွင့်ပေးစာကို ဖေဖော်ဝါရီလ ၁၆ ရက်နေ့က ပေးပို့ခဲ့ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com/content/kokang-un-concerns/2648319.html


အမျိုးသား ပညာရေး ဥပဒေကို ဆန့်ကျင်ကန့်ကွက်ပြီး ချီတက်နေတဲ့ ပင်မ ကျောင်းသား သပိတ် စစ်ကြောင်းက ပဲခူးတိုင်း မင်းလှမြို့ကနေ လက်ပံတန်းမြို့ကို ဆက်လက် ချီတက်နေပြီး တိုင်းနဲ့ ပြည်နယ်အသီးသီက ကယန်းနဲ့ ချင်းတိုင်းရင်းသား သမဂ္ဂတွေနဲ့ တခြား သမဂ္ဂ၀င် မဟုတ်သူတွေကလည်း လာရောက် ပူပေါင်းမှုတွေကို ရှိနေတယ်လို့ ဆိုပါတယ်။

တနင်္သာရီ၊ မွန်၊ မြေလတ် သပိတ်စစ်ကြောင်းက ကျောင်းသားတွေရဲ့ သပိတ်စစ်ကြောင်းနဲ့ ဧရာဝတီစစ်ကြောင်းကတော့ ခေတ္တရပ်နားထားပါတယ်။ အပြည့်အစုံကို ဗွီအိုအေသတင်းထောက် မအေးအေးမာ က သတင်းပေးပို့ထားပါတယ်။

ဒီမိုကရေစီ ပညာရေး ပင်မ သပိတ်စစ်ကြောင်းကတော့ မင်းလှမြို့ကနေ လက်ပံတန်းမြို့ကို ဆက်လက် ချီတက်နေပြီး တိုင်းနဲ့ ပြည်နယ် အသီးသီးမှာရှိတဲ့ ခရိုင်သမဂ္ဂပေါင်း ၁၉ ခုနဲ့အတူ ဦးဆောင်ချီတက်နေတယ်လို့ ပင်မသပိတ်ခေါင်းဆောင် ကိုမင်းသွေးသစ် က ဆိုပါတယ်။

“ကျနော်တို့ ပင်မသပိတ်စစ်ကြောင်းက ရန်ကုန်တောင်ပိုင်းခရိုင် ကျောင်းသားသမဂ္ဂရယ်၊ ရန်ကုန်အရှေ့ပိုင်းခရိုင် ကျောင်းသားသမဂ္ဂရယ်၊ နောက်ပြီး တောင်ငူခရိုင် ကျောင်းသားသမဂ္ဂ၊ ပဲခူးခရိုင်ကျောင်းသားသမဂ္ဂ၊ ဧရာဝတီတိုင်းမှာဆိုရင် မအူပင်ခရိုင် ကျောင်းသားသမဂ္ဂ၊ နောက် မြောင်းမြခရိုင် ကျောင်းသားသမဂ္ဂ၊ ပုသိမ်ခရိုင် ကျောင်းသားသမဂ္ဂ၊ ဖျာပုံခရိုင် ကျောင်းသားသမဂ္ဂ ပါတယ်။ အထက်ဘက်မှာဆိုရင်တော့ ကျောက်ဆည်ခရိုင်၊ မန္တလေးခရိုင်၊ မြင်းခြံခရိုင်၊ တောင်ငူခရိုင်၊ မုံရွာခရိုင်၊ မိတ္ထီလာခရိုင်၊ ဒီခရိုင်တွေမှာရှိနေတဲ့ ကျောင်းသားသမဂ္ဂတွေ ပါပါတယ်။ လောလောဆယ် ကျနော်တို့ ထွက်ပြီး ပူးပေါင်းလာတာသည် မြေလတ်ဒေသမှာရှိနေတဲ့ ကျောင်းသားတွေပေါ့၊ သမဂ္ဂ၀င် မဟုတ်တဲ့ မကွေးတို့၊ ရေနံချောင်းတို့၊ ကျောက်ပန်းတောင်တို့က ကျောင်းသားတွေ ထွက်ပြီး ပူးပေါင်းလာတယ်။ နောက် ပြည်ခရိုင်က ကျောင်းသားသမဂ္ဂကလည်း ပူးပေါင်းလာတယ်။ နောက် ပဲခူးတိုင်း အနောက်ခြမ်းမှာရှိနေတဲ့ ပဲခူးအနောက်ခြမ်း ကျောင်းသားသမဂ္ဂပေါ့၊ ပေါင်းတည်၊ ပြည်၊ မြစ်ဝ ဒီဟာတွေပါတဲ့ ပဲခူးအနောက်ခြမ်း မြို့နယ်တွေမှာရှိနေတဲ့ ကျောင်းသားတွေ စုပေါင်းထားတဲ့ ပဲခူးအနောက်ခြမ်း ကျောင်းသားသမဂ္ဂလည်း ပါပါတယ်။”

တနင်္သာရီ၊ မွန်၊ မြေလတ် ကျောင်းသားတွေရဲ့ သပိတ်စစ်ကြောင်း ရပ်နားလိုက်ပေမဲ့ မုံရွာခရိုင်နဲ့ မြေလတ်က ဗကသ ကျောင်းသားတော့ ပင်မသပိတ်ကို လာရောက် ပူးပေါင်းကြမှာဖြစ်သလို တကသ ဦးဆောင်တဲ့ ဧရာဝတီ သပိတ်စစ်ကြောင်းအနေနဲ့ သပိတ်ရပ်နားထားပေမဲ့ သပိတ်လှန်မယ်ဆိုရင် ဒေးဒရဲမြို့မှာရောက်နေတဲ့  ဧရာဝတီစစ်ကြောင်းက ဗကသအဖွဲ့ဝင်တွေက ပင်မသပိတ်နဲ့ လာရောက် ပူးပေါင်းသွားမယ်လို့ ပြောကြပါတယ်။

သပိတ်မှောက်နေတဲ့ ကျောင်းသားတွေကို နေပြည်တော်မှာရှိတဲ့ ရေဆင်းတက္ကသိုလ် ၃ ခုက ကန့်ကွက်ရှုတ်ချကြောင်း နိုင်ငံပိုင်သတင်းတွေက ထုတ်ပြန်မှုနဲ့ ပတ်သက်လို့ စိုက်ပျိုးရေးတက္ကသိုလ်၊ မွေးမြူရေးတက္ကသိုလ်၊ သစ်တောတက္ကသိုလ် စတဲ့ ရေဆင်းတက္ကသိုလ် ၃ ခုကနေ သူတို့သဘောထားမဟုတ်ကြောင်း ဖေဖော်ဝါရီလ ၁၇ ရက်နေ့မှာ ထုတ်ပြန်ကြေညာခဲ့ပါတယ်။ ဒီကြေညာချက်ထဲမှာတော့ သူတို့တက္ကသိုလ်တွေဟာ ၀န်ကြီးဌာနတွေရဲ့ လက်အောက်တွေမှာ ရှိတဲ့အတွက် သမဂ္ဂတွေ ဖွဲ့စည်းဖို့ အခွင့်မသာပေမဲ့ ဒီမိုကရေစီ တိုက်ပွဲဝင် ကျောင်းသားတွေနဲ့ တသားတည်းရှိကြောင်း ၄ ပွင့်ဆိုင် ဆွေးနွေးရေးကနေ လွှတ်တော်ကို တင်သွင်းထားချက်တွေနဲ့ ပတ်သက်လို့ ကျောင်းသားတွေရဲ့ ဆန္ဒသဘောထားနဲ့ ကိုက်ညီမှုမရှိပါက နောက်တဖန် သပိတ်မှောက်ရာမှာ ရေဆင်းတက္ကသိုလ်အနေနဲ့ စစ်ကြောင်းတခုအနေနဲ့ ပါဝင်လာမှာဖြစ်ကြောင်း ထုတ်ပြန်ထားပါတယ်။ အစိုးရဘက်က သတင်းထုတ်ပြန်အပြီးမှာတော့ ရေဆင်းတက္ကသိုလ် ကျောင်းသားတွေက ကျောင်းသားသပိတ်တွေကို ထောက်ခံကြောင်း ပင်မသပိတ်စစ်ကြောင်းကို ဆက်သွယ်လာတဲ့အကြောင်း၊ ပင်မသပိတ်ခေါင်းဆောင် ကိုမင်းသွေးသစ် က ပြောပြပါတယ်။

“ရေဆင်းတက္ကသိုလ်က သဘောထားထုတ်ပြန်တာ အစိုးရရဲ့ သတင်းစာထဲမှာပါတဲ့ ဥစ္စာပေါ့လေ အဲ့ဒါထုတ်ပြန်ပြီးတဲ့နောက်မှာ ချက်ခြင်းပဲ ကျနော်တို့ ခုနကဆိုရင် ကျနော်တို့ဆီကို နေ့ခင်းကတည်းက ဆက်သွယ်ထားတယ် ကျောင်းသားတွေ အစည်းအဝေးထိုင်နေတယ်။ ၀န်ကြီးဌာနမတူတဲ့အတွက် သမဂ္ဂဖွဲ့ဖို့ အဆင်မပြေဘူး။ ဒါပေမဲ့ အဲ့ဒီမှာရှိနေတဲ့ ကျောင်းသားတွေက အကုန်လုံး စုပေါင်းပြီးတော့ အစိုးရသတင်းစာထဲမှာပါတဲ့ ဒီမိုကရေစီ ပညာရေး သပိတ်ကို မထောက်ခံဘူးဆိုတဲ့ ကြေညာချက်က သူတို့ရဲ့ သဘောထားမဟုတ်ဘူးပေါ့။ ဒီက ဆရာ၊ ဆရာမတွေနဲ့ သူတို့နဲ့ ရင်းနှီးတဲ့ လက်တဆုပ်စာ ကျောင်းသားတွေကပဲ တကျောင်းလုံးရဲ့ သဘောထားဟုတ်သယောင်နဲ့ ထုတ်ပြန်တယ်ပေါ့။ အဲ့ဒါကို သူတို့လက်မခံဘူး။ သူတို့အနေနဲ့ ဒီမိုကရေစီ ပညာရေးစစ်ကြောင်းနဲ့ ဒီမိုကရေစီ ပညာရေး သပိတ်တိုက်ပွဲကို ထောက်ခံတယ်၊ လက်ခံတယ် ဆိုတဲ့ဟာကို နာရီပိုင်းလေး ကြေညာချက် အခု ထုတ်ပြန်လိုက်ပါပြီ။ ကျနော်တို့ဆီကိုလည်း ဖုန်းဆက်ပြီးတော့ အသိပေးပါတယ်။”

ပင်မသပိတ်စစ်ကြောင်းအနေနဲ့ ရန်ကုန် ၀င်ရေး၊ မ၀င်ရေးနဲ့ ပတ်သက်လို့ အာဏာပိုင်တွေဘက်ကကော လူပုဂ္ဂိုလ်တဦးချင်းအရကော ဖိအာပေးမှုတွေ လုပ်နေတဲ့အတွက် မနက်ဖြန်မှာ ပင်မသပိတ်စစ်ကြောင်းမှာ ပါဝင်တဲ့ ခရိုင်အသီးသီးက ကျောင်းသားတွေရဲ့ သဘောထားဆန္ဒတွေကို မေးမြန်းပြီး ဆုံးဖြတ်ချက် ချသွားမယ်လို့ ပင်မသပိတ်ခေါင်းဆောင် ကိုမင်းသွေးသစ် က ဆိုပါတယ်။

“နောက်ဆုံး ဆုံးဖြတ်ချက်ကတော့ ကျနော်တို့ ရန်ကုန်ဝင်မယ်လို့ ဆုံးဖြတ်ထားပါတယ်။”

ပင်မသပိတ်စစ်ကြောင်း ရန်ကုန်ကို ၀င်ရောက်ဖို့အတွက် မိုင် ၁၀၀ ကျော်လောက်သာ ကျန်တော့တဲ့အချိန်မှာ ပင်မ သပိတ်စစ်ကြောင်းက ကျောင်းသားတွေရဲ့ ပုဂ္ဂိုလ်ရေး ထိခိုက်စေနိုင်တဲ့ ၀ါဒဖြန့်ချီရေးတွေ လူမှုကွန်ယက်တွေမှာ ပျံ့နှံ့လာသလို သပိတ်စစ်ကြောင်း ရန်ကုန်မ၀င်ရေးနဲ့ ပတ်သက်လို့ လူထုကြားမှာ နာမည်ကြီးတဲ့ သီတဂူက မေတ္တာရပ်ခံတာတွေ လုပ်လာပါတယ်။ ကျောင်းသားတွေကတော့ တားဆီးမှု ဝေဖန်မှုတွေက ပယ်ချခဲ့ပြီး လက်ပံတန်းမြို့မှာ တရက်နားချိန် ရန်ကုန် ၀င်ရေး၊ မ၀င်ရေးအတွက် ကျောင်းသားတွေအချင်းချင်းကြားမှာ ဆွေးနွေးပြီး နောက်ဆုံးသဘောထားတွေ ရယူသွားမှာဖြစ်ကြောင်း ဗကသများ ဦးဆောင်တဲ့ ပင်မသပိတ်စစ်ကြောင်းက ပြောဆိုခဲ့ပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com/content/student-protests/2648338.html

လောက်ကိုင်ဒေသမှာ တိုက်ပွဲဖြစ်ပွားနေတဲ့ နေရာပြမြေပုံ။ Photo: Hmuu Zaw
မြန်မာ့တပ်မတော် ကာကွယ်ရေး ဦးစီးချုပ် တာဝန်ယူခဲ့တဲ့ ဗိုလ်ချုပ်ကြီးဟောင်း ဦးတင်ဦးက ကိုးကန့်ဒေသ မှာ ဖြစ်ပွားနေတဲ့ တိုက်ပွဲတွေဟာ ပြည်တွင်းက တရုတ်ကုမ္ပဏီတွေရဲ့ အကျိုးစီးပွားနဲ့ ဆက်စပ်မှု ရှိနိုင်တယ်လို့ ဝေဖန်ပြောကြား လိုက်ပါတယ်။

ဒီပြသနာရဲ့ နောက်ကွယ်မှာ လက်ပံတောင်းတောင် ၊ မြစ်ဆုံစတဲ့ စီမံကိန်းတွေနဲ့ ပတ်သက်ပြီး လက်ရှိ အခြေအနေတွေအပေါ် မကြေနပ်မှုပယောဂတွေ ပါဝင်နိုင်တယ်

လို့ RFA က ဗုဒ္ဓဟူးနေ့ မနက် ဆက်သွယ်မေးမြန်း ခဲ့ရာမှာ ဦးတင်ဦးက ပြောကြားလိုက်တာဖြစ်ပါတယ်။

"မြှောက်ပြုပေးတဲ့ဟာပါတယ်ပေါ့၊ လက်ပံတောင်း ကိစ္စတို့ ဘာတို့ကလည်း ရှိတာတစ်မျိုး နောက်မြစ်ဆုံ တို့ ဘာတို့က ဖြစ်တာတွေကကတစ်မျိုး အဲဒီ့ဟာတွေရှိတဲ့ အခါကျတော့ ဒါတစ်နေရာမှာ အခြေအနေ မတည်မငြိမ်အောင်များ အမှန်ကတော့ ဗျာ ပြေလည်နေလို့ရှိရင်တော့ သူတို့မွေးထားတဲ့ သူတွေကို ငြိမ်စေပေါ့နော်၊ နည်းနည်းပါးပါး သူတို့ဘက်က ဟိုဒင်းဖြစ်လာတယ်ထင် လာရင်တော့ အဲဒီ့မွေးထားတဲ့သူတွေကို အဲဒီ့မွေးထားတဲ့အတိုင်းပဲ ဒုက္ခပေးတတ်တာ ကတော့ သတိထားနေရတာပဲ"

သူ့ရဲ့စစ်ရေးအတွေ့အကြုံအရ အဲဒီ့ဒေသမှာရှိတဲ့ အဖွဲ့အစည်းတွေကို မြန်မာ့တပ်မတော်အနေနဲ့ ယုံကြည်စိတ်ချလို့ မရနိုင်ဘူးလို့လည်း ဦးတင်ဦးကပြောပါတယ်။

ဒီအတောအတွင်း နိုင်ငံတော်သမ္မတ ဦးသိန်းစိန်က ဖေဖေါ်ဝါရီလ ၁၇ ရက် မနေ့က နေ့စွဲနဲ့ အမိန့် ၂ စောင် ထုတ်ပြန်ခဲ့ပါတယ်။ ပထမကြေညာချက်မှာ ကိုးကန့်ဒေသကို အုပ်ချုပ်ဖို့အတွက် ဖေဖေါ်ဝါရီလ ၁၂ ရက်နေ့က ထုတ်ပြန်ခဲ့တဲ့ ပုဒ်မ ၁၄၄ နဲ့ မလုံလောက်တဲ့အတွက် မနေ့ကစပြီး ရက်ပေါင်း ၉ဝ အတည်ဖြစ်မယ့် အရေးပေါ် အခြေအနေကို ကြေညာလိုက်ကြေင်း ဖေါ်ပြထားပြီး ဒုတိယအမိန့်မှာတော့ ကိုးကန့်ဒေသအုပ်ချုပ်ရေးအတွက် စစ်အုပ်ချုပ်ရေး အမိန့်ထုတ်ပြန်ကာ တပ်မတော်ကာကွယ်ရေး ဦးစီးချုပ်ကို အုပ်ချုပ်ရေးနဲ့ တရားစီရင်ရေး အာဏာတွေ အပ်နှင်းလိုက်ကြောင်း ဖေါ်ပြထားပါတယ်။

တဆက်တည်းမှာပဲ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က လောက်ကိုင်မှာ ရှိတဲ့ ဒေသကွပ်ကွဲရေးမှူး ဗိုလ်မှူးကြီး စောမြင့်ဦးကို ကိုးကန့်ဒေသအုပ်ချုပ်ရေးနဲ့ တရားစီရင်ရေးဆိုင်ရာ လုပ်ပိုင်ခွင့်တွေ လွှဲအပ်လိုက်ကြောင် ကြေညာခဲ့ပါတယ်။

ဒီအတောအတွင်း လောက်ကိုင်ဒေသက ထွက်ပြေးလာတဲ့ ဟန်တရုတ်လူမျိုး ငါးသောင်းကို ယူနန်အာဏာပိုင်တွေက ကူညီစောင့်ရှောက်ထားကြောင်းနဲ့ ကိုးကန့်လက်နက်ကိုင်အဖွဲ့ ခေါင်းဆောင် ဦးထွန်းမြတ်လင်းက သူတို့အနေနဲ့ ကိုယ်ပိုင်အုပ်ချုပ်ခွင့်ကို လိုလားပေမဲ့ တိုင်းပြည်ပြိုကွဲမှာကိုတော့ မဖြစ်စေချင်ပါဘူးလို့ ပြောဆိုကြောင်း ဒီကနေ့ထုတ်ဝေတဲ့ တရုတ်ပြည်သူ့နေ့စဉ်သတင်းစာမှာ ဖေါ်ပြထားပါတယ်။

ရန်ကုန်ကလာတဲ့ တခြားသတင်းတစ်ပုဒ်မှာတော့ လောက်ကိုင်ဒေသမှာ ပိတ်မိနေတဲ့ အရပ်သားတွေကို သွားရောက်ကယ်ဆယ်တဲ့ မြန်မာနိုင်ငံကြက်ခြေနီအဖွဲ့ မော်တော်ယဉ်တန်းကို မနေ့မနက်က လောက်ကိုင်နဲ့ ချင်းရွှေဟော်အကြား တိုက်ခိုက်ခံရလို့ လူ ၂ ဦး ဒဏ်ရာရကြောင်း ဖေါ်ပြထားပါတယ်။ ကိုးကန့်အဖွဲ့က တိုက်ခိုက်တယ်လို့ သတင်းထွက်ပေမဲ့ အတည်ပြုနိုင်ခြင်းမရှိသေးပါဘူး။

RFA Burmese
http://www.rfa.org/burmese/news/utinoo-speaks-koe-kant-battle-02172015234349.html

မနေ့က ဆန္ဒပြနေကြစဉ်- ဓာတ်ပုံ အိမမမွန်
ရန်ကုန်တိုင်းဒေသကြီးအစိုးရက လုပ်ခလစာတိုမြင့်ရေး အလုပ်သမား ဆန္ဒပြမှုတွေအတွင်း ဆောင်ရွက်ချက်တွေနဲ့ပတ်သက်လို့  ဥပဒေအရ အရေးယူမယ်လို့ သတိပေး ချက်ထုတ် ပြန်ပါတယ်။

ရန်ကုန်၊ ရွှေပြည်သာနဲ့ လှိုင်သာယာ စက်မှုဇုန်ရှိ စက်ရုံတချို့က အလုပ်သမားဆန္ဒပြပွဲတွေကို

ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေကိုယ်တိုင် မနေ့က ကြားဝင်ညှိနှိုင်းပြီး နာရီပိုင်းအကြာ မှာ ထုတ်ပြန်ခဲ့တာပါ။

ဒီသတင်းထုတ်ပြန်ချက်မှာ ရပ်ရွာအေးချမ်းသာယာရေးနဲ့ တရားဥပဒေစိုးမိုးရေးကို ထိခိုက် ပျက်ပြားစေဖို့ ဆောင်ရွက်သူတွေကို အလုပ်ရှင်၊ အလုပ်သမား မခွဲခြားဘဲ တည်ဆဲဥပဒေတွေနဲ့အညီ အရေးယူ ဆောင်ရွက်မယ်လို့ ဆိုပါတယ်။

ဆန္ဒပြအလုပ်သမားတွေဟာ ၀င်ထွက်မရအောင် စက်ရုံတွေကို ပိတ်ဆို့တာ၊ အလုပ်ဝင် ရောက်လုပ်ကိုင်သူတွေကို ဟန့်တားတာ၊ စက်ရုံပိုင်ရှင်နဲ့အဖွဲ့တွေကို စက်ရုံအတွင်း ပိတ်ဆို့တာ၊ Container ယာဉ်အ၀င်အထွက်ကို ပိတ်ဆို့တားဆီးတာတွေ လုပ်ဆောင်ကြတယ်လို့ ဆိုပါတယ်။

Ford Glory Garment, Costec International, E,land Myanmar Garment နဲ့  Han jen အထည်ချုပ်စက်ရုံတွေ အလုပ်သမားတွေဟာ အခြေခံလစာ ၃ သောင်းကနေ ၆ သောင်းအထိ တိုးမြှင့်ပေးဖို့၊ အမြဲတမ်း ဝန်ထမ်းနဲ့ နေ့စားဝန်ထမ်းတွေကို အကျိုးခံစားခွင့်တန်းတူရရှိရေး၊ နှစ်ပြည့်လုပ်သားတွေကို နှစ်တိုးကြေး (နှစ်ပြည့်ကြေး) ပေးအပ်ဖို့နဲ့ လုပ်ငန်းခွင်စည်းကမ်းတွေကို အလုပ်သမားသမဂ္ဂနဲ့ ညှိနှိုင်းရေးဆွဲဖို့ စတဲ့အချက်တွေတောင်းဆိုပြီး လွန်ခဲ့တဲ့သီတင်းနှစ်ပတ်ခန့်က စတင်ဆန္ဒပြနေကြပါတယ်။

အလုပ်သမားရေးရာဝန်ကြီး ဦးဇော်အေးမောင် ဦးဆောင်တဲ့ အလုပ်သမားရေးရာညှိနှိုင်းရေး အဖွဲ့ဟာ  အလုပ်သမားသပိတ်ခေါင်းဆောင်တွေနဲ့  ဒီကနေ့ ဆက်ဆွေးနွေးကြပြီး လစားတိုးမြှင့်ရေး ကို အထိုက်အလျောက်လိုက်လျောခဲ့ပါတယ်။

ဒီကနေ့ဆွေးနွေးရာမှာ အခြေခံလစာ ၃ သောင်း တိုးမြှင့်ရေးမှာ ၁၂၀၀၀ အထိ တိုးပေးဖို့ လိုက်လျောလာတယ်လို့ အလုပ်သမားခေါင်းဆောင် ကိုမျိုးမင်းမင်းက ပြောပါတယ်။ တခြားတောင်း ဆိုချက်တွေကိုတော့ မလိုက်လျောဘဲ မနက်ဖြန်ကစ အရေးယူမယ်ဆိုပြီး သတိပေးတယ်လို့  ပြောပါတယ်။

“အလုပ်သမားဝန်ကြီး (ဦးဇော်အေးမောင်) နဲ့ တွေ့တဲ့အချိန်မှာ ရတာတခုက ဘာလဲဆိုတော့ အလုပ်သမားတွေဘက်က တောင်းဆိုထားတဲ့ ၃ သောင်းကို ၁ သောင်း ၂ ထောင်ပေးမယ်ပေါ့။ ကျန်တဲ့ကိစ္စကို ဘာတခုမှမပေးဘူး။ အဲဒါကို ဘယ်နှကြိမ် ဆွေးနွေးဆွေးနွေး ဒီစကားပဲ ထွက်လာ တယ်။ မနေ့က ထုတ်ပြန်တဲ့ အစိုးရရုံးဘက် သဘောထားထုတ်ပြန်ချက်ပေါ့လေ။ မနက်ဖြန်ကစပြီး Action စယူမယ်။ ကျနော်တို့ ပိတ်ဆို့မှုတွေကို ဥပဒေအရ လုပ်ဆောင်သွားမယ်လို့ ပြောပါတယ်။”

အလုပ်သမားတွေဘက်ကလည်း သူတို့တောင်းဆိုချက်တွေမရတဲ့အတွက် ဒီထက်ပိုမိုပြင်း ထန်တဲ့ သပိတ်စစ်ကြောင်းတွေ ထွက်မယ်လို့ ပြောပါတယ်။

ဆန္ဒပြတဲ့ Costec စက်ရုံက အလုပ်သမားခေါင်းဆောင် မစုက “ကျမတို့ကတော့ ဆက် တိုက်မှာ။ ကျမတို့က ဆန္ဒပြတောင်းဆိုနေတာမဟုတ်ဘူး သပိတ်မှောက်နေတာ။ ရှင်းရှင်း ပြောရရင် အစိုးရက အခြေခံလုပ်ခလစာကို ပြဋ္ဌာန်းထားခြင်း မရှိသရွေ့ ကျမတို့ အလုပ်သမားတွေ ဒီလိုပဲဖြစ်နေဦးမှာပဲ” လို့ ပြောပါတယ်။

အခြေခံလုပ်ခလစာပြဋ္ဌာန်းနိုင်ဖို့အတွက် အစိုးရ၊ အလုပ်ရှင်၊ အလုပ်သမား ကိုယ်စားလှယ်တွေ ဟာ နိုင်ငံတ၀န်းက မြို့နယ် ၁၀၀ ကျော်မှာ ကွင်းဆင်းစစ်တမ်းကောက်နေပြီး ဒီနှစ် အောက်တိုဘာလ လောက်မှာ အနိမ့်ဆုံးလုပ်ခလစာတရပ်ကို ပြဋ္ဌာန်းနိုင်ဖွယ်ရှိတယ်လို့ အစိုးရတာဝန်ရှိသူက ထုတ်ဖော်ပြောဆိုထားပါ တယ်။

By နော်နိုရင်း (ဒီဗွီဘီ)
http://burmese.dvb.no/archives/82268


 
တောင်းဆိုချက် အတည် မဖြစ်မချင်း သပိတ် ဆက်မယ်
အမျိုးသား ပညာရေး ဥပဒေ ပြင်ဆင်ရေး ကို ကန့်ကွက် ဆန္ဒပြတဲ့ ကျောင်းသား ပင်မ သပိတ် စစ်ကြောင်း ဟာ မနေ့ က မင်းလှမြို့ က ဆက်လက် ချီတက် ပြီး လက်ပံတန်း မြို့မှာ ညအိပ် ရပ်နား ခဲ့ပါတယ်။

ဒီနေ့ အခြေခံ ပညာ ကျောင်း စာမေးပွဲ တွေ စ ဖြေချိန် ဖြစ်တဲ့ အတွက် ပင်မ သပိတ်စစ်ကြောင်းက ချီတက်မှုတွေ ရပ်နား ထားမယ်၊ နောက်ရက် ဆက်ချီတက် မယ် ဆိုရင်လည်း ကြွေးကြော်သံ အော်ဟစ်တာလို တောင်းဆိုမှုတွေ မလုပ်ဘဲ ချီတက်မယ်လို့ သပိတ် ဦးဆောင်အဖွဲ့ဝင် ကိုမင်းသွေးသစ် က ပြောပါတယ်။

ပညာရေး ဥပဒေ ပြင်ဖို့ လွှတ်တော် မှာ ဆက် ဆောင်ရွက် နေကြတဲ့ အတွက် တချို့ သပိတ် စစ်ကြောင်းတွေ ရပ်နားသူ ရပ်နား၊ တချို့လည်း မြစ်ဝ ကျွန်းပေါ် မြို့ရွာ တွေမှာ လှည့်လည် ရှင်းပြ တာတွေ လုပ်နေပါတယ်။

မန္တလေးက ထွက်လာတဲ့ ပင်မ သပိတ်စစ်ကြောင်းကတော့ တောင်းဆို ချက် တွေကို အစိုးရ နဲ့ မူ အရ သဘော တူညီမှု တွေ ရပြီးနောက် လွှတ်တော်က ဥပဒေ အတည်ပြု သမ္မတ လက်မှတ်ထိုးပြီး တဲ့ အထိ ချီတက်မှုတွေ ဆက်လုပ် သွားမယ်လို့ သပိတ် ဦးဆောင် အဖွဲ့ဝင် ကိုမင်းသွေးသစ် က ပြောပါတယ်။

BBC Burmese
http://www.bbc.co.uk/burmese/burma/2015/02/150217_student_march


အစ္စလာမ္မစ် (အိုင်အက်စ်)အဖွဲ့က လူခန္ဓာကိုယ် အစိတ်အပိုင်းတွေကို ဖြုတ်ယူပြီး စစ်ဆင်ရေး အတွက် ငွေကြေး ထောက်ပံ့ဖို့ လုပ်ဆောင်နေတယ်ဆိုတဲ့ စွဲချက်ကို ကုလသမဂ္ဂ လုံခြုံရေး ကောင်စီက စုံစမ်းပေးဖို့ အီရတ်နိုင်ငံဆိုင်ရာ ကုလ ကိုယ်စားလှယ်က လုံခြုံရေး ကောင်စီမှာ တောင်းဆိုလိုက်ပါတယ်။

ခွဲစိတ်ရာတွေနဲ့ ကျောက်ကပ်နဲ့ တခြား ခန္ဓာကိုယ် အစိတ်အပိုင်းတွေ ပျောက်ဆုံးနေတဲ့ အလောင်းတွေ မြုပ်ထားတာကို အရင်အပတ်က တွေ့ခဲ့ရတယ်လို့ သံအမတ် မိုဟာ မက်အယ်လ်ဟာကင်က ပြောဆိုချက်ကို ကိုးကားပြီး အေပီသတင်းက ရေးပါတယ်။

ခန္ဓာကိုယ် အစိတ်အပိုင်းတွေကို လာစစ်ဆေးဖို့နဲ့ အဓိက အစိတ်အပိုင်းတွေ ပျောက်နေတယ်လို့ သူက ပြောပါတယ်။

ခန္ဓာကိုယ် အစိတ်အပိုင်းတွေ ရယူတာကို လုပ်ဆောင်ဖို့ ငြင်းဆန်တဲ့ အီရတ်မိုဆိုက ဒါဇင်နဲ့ချီတဲ့ ဆရာဝန်တွေလည်း အသတ်ခံရတယ်လို့ ဆိုပါတယ်။

ဒီအကြောင်းအရာတွေကို ကောင်စီမှာ အယ်လ်ဟာကင်က အစီရင်ခံခဲ့သလို အိုင်အက်စ်ကို လူအစုလိုက်အပြုံလိုက် သတ်ဖြတ်တဲ့ ရာဇ၀တ်မှု ကျူးလွန်တယ်လို့ စွပ်စွဲလိုက်ပါတယ်။

ဇန်န၀ါရီမှာ လူ ၇၉၀ အကြမ်းဖက် ပဋိပက္ခကြောင့် သတ်ဖြတ်ခံရသလို အလောင်းတွေက ခန္ဓာကိုယ် အစိတ်အပိုင်းတွေကို စစ်တိုက်ရာမှာသုံးဖို့ ငွေကြေးရရှိဖို့ ရောင်းချတာတွေ လုပ်နေတယ်လို့ အီရတ် ကုလသံအရာရှိဟောင်းကလည်း ပြောဆိုခဲ့ပါတယ်။

အီရတ်နိုင်ငံမှာလည်း အိုင်အက်စ်အဖွဲ့က နယ်မြေအမြောက်အမြားကို သိမ်းယူထားတာကိုလည်း အီရတ်က ပြန်ရချင်နေပါတယ်။

By ဒီဗွီဘီ
http://burmese.dvb.no/archives/82206

ကိုးကန့်ဒေသမှ ထွက်ပြေးလာကြသည့် စစ်ပြေးဒုက္ခသည်များ
မြန်မာအစိုးရ တပ်တွေနဲ့ ကိုးကန့် တပ်ဖွဲ့တွေ အကြား တိုက်ပွဲတွေ ပြင်းထန် နေတာကြောင့် ဒေသခံပြည်သူတွေ တရုတ်နိုင်ငံ တောင်ပိုင်း ယူနန်ပြည်နယ်ထဲက ဘေးလွတ်ရာကို ထွက်ပြေး တိမ်းရှောင်နေကြရပါတယ်။

တရုတ်အစိုးရက အပစ်အခတ်ရပ်စဲဖို့ အကြိမ်ကြိမ် တောင်းဆို နေတဲ့ကြား တိုက်ပွဲတွေ ပြင်းထန်နေတာကြောင့် တရုတ်နိုင်ငံ ဘက်မှာလည်း စိုးရိမ်မှုတွေ ထွက်ပေါ်နေပါတယ်။ ဒီအကြောင်း ဗွီအိုအေ သတင်းထောက် Bill Ide ဘေဂျင်းမြို့ကနေ သတင်းပေးပို့ ထားတာကို ကိုဇော်ဝင်းလှိုင်က တင်ပြထားပါတယ်။

လွန်ခဲ့တဲ့ သီတင်းပတ်အတွင်းစတင်ခဲ့တဲ့ ကိုးကန့် လူနဲစုတွေနဲ့ မြန်မာအစိုးရတပ်ဖွဲ့အကြားက တိုက်ပွဲတွေကြောင့် ဒါဇင်နဲ့ချီ သေဆုံးခဲ့ရပြီး ဖြစ်ပါတယ်။ မြန်မာပြည်ဘက်က ထွက်ပြေးလာတဲ့ ဒုက္ခသည်တွေကို ယူနန်ပြည်နယ်အစိုးရက လူသားချင်းစာနာတဲ့ အကူအညီပေးနေတဲ့အကြောင်း တရုတ်နိုင်ငံခြားရေးဌာန ပြောခွင့်ရအမျိုးသမီး Hua Chunying က ပုံမှန် သတင်းစာရှင်းလင်းပွဲအတွင်း ပြောပါတယ်။

“နယ်စပ်ဒေသ မြန်မာပြည်ဘက်အခြမ်းကနေ ဒုက္ခသည် ၃ သောင်းလောက် တရုတ်ပြည်ဘက်ကို ထွက်ပြေးလာပြီး တရုတ်ပြည်ဘက်မှာ လာနေနေကြတယ်လို့ ယူနန် အစိုးရက ပြောပါတယ်။ တရုတ်အစိုးရအနေနဲ့လည်း လူသားချင်းစာနာတဲ့ အနေနဲ့ အစားအသောက်၊ ဆေးဝါးနဲ့ ကူးစက်ရောဂါ ပြန့်ပွားမှုကို ဟန့်တားတဲ့ပစ္စည်း စတဲ့ လိုအပ်တဲ့ အကူအညီတွေကို ပေးနေပါတယ်။”

အခုထွက်ပြေးလာသူ အရေအတွက်ဟာ ကိုးကန့်တွေကို မြန်မာအစိုးရတပ်တွေက ၂၀၀၉ ခုနှစ်မှာ ထိုးစစ်ဆင် တိုက်ခိုက်တုန်းက အရေအတွက်လောက် ရှိတယ်လို့ နယ်စပ်မှာ ဈေးဆိုင်ဖွင့်ထားတဲ့ Yang ဆို အမျိုးသားက ပြောပါတယ်။

“သူ့မိသားစုဝင် ၁၀ ယောက်လောက် နယ်စပ်ဖြတ်ကျော်ပြီး ထွက်ပြေးသွားတာ မနေ့ညက ဟိုဘက်အခြမ်းကို ရောက်သွားပါပြီတဲ့။ မြန်မာနိုင်ငံဘက်အခြမ်းမှာ အလုပ်လာလုပ်နေကြတဲ့ တရုတ်လူမျိုးတွေလည်း ပြည်မကြီးဘက်ကို ပြန်ပြေးကုန်ကြပြီး အခြေအနေတွေ ပြန်လည် တည်ငြိမ်မှာကို စောင့်ဆိုင်းနေကြတယ်လို့ ပြောသွားတာပါ။”

အခြေအနေတွေ ပိုဆိုးမသွားအောင် ထိန်းသိမ်း လုပ်ဆောင်ကြဖို့ နိုင်ငံခြားရေးဌာန ပြောခွင့်ရအမျိုးသမီး Hua Chunying က အခုလို ဆက်ပြောပါတယ်။

“ဒီပဋိပက္ခမှာ ပါဝင်ပတ်သက်နေသူအားလုံးအနေနဲ့ အခြေအနေတွေ ပိုဆိုးမသွားအောင် ထိန်းထိန်းသိမ်းသိမ်း လုပ်ဆောင်ကြဖို့၊ နယ်စပ်ဒေသမှာ တည်ငြိမ်းအေးချမ်းမှုရှိဖို့နဲ့ အထူးသဖြင့်တော့ တရုတ်နိုင်ငံဘက်အခြမ်းမှာ လုံခြုံရေးကို ထိခိုက်စေမယ့် ကိစ္စတွေ မဖြစ်အောင် ရှောင်ရှားကြဖို့ တရုတ်အစိုးရအနေနဲ့ တောင်းဆိုလိုပါတယ်။”

မြန်မာနိုင်ငံ မြောက်ပိုင်းဒေသမှာ ငြိမ်းချမ်းရေး တည်ရှိမှုဟာ တရုတ်နိုင်ငံအတွက် အင်မတန် အရေးကြီးတဲ့အကြောင်း တနင်္လာနေ့ထုတ် အစိုးရပိုင် Global Times သတင်းစာ ခေါင်းကြီးပိုင်းမှာ ရေးသား ဖော်ပြထားပါတယ်။ ဒါ့အပြင် ကိုးကန့်တွေဟာ တရုတ်တိုင်းရင်းသားတွေ ဖြစ်တာကြောင့် တရုတ်နိုင်ငံအတွင်း ဒီကိစ္စအပေါ် အာရုံစိုက်မှု ပိုများနေပြီး ရုရှားနဲ့ ယူကရိန်းအကြား ပိုင်ဆိုင်မှု အငြင်းပွားနေတဲ့ Crimea ဒေသလို ဖြစ်လာမလားဆိုတဲ့ မှားယွင်းစွာ ခိုင်းနှိုင်း ပြောဆိုမှုတွေ ထွက်ပေါ်နေတယ်လို့လည်း အဲဒီ ခေါင်းကြီးပိုင်းမှာ ရေးသားထားပါတယ်။

ဒီပဋိပက္ခကြောင့် တရုတ်အစိုးရအနေနဲ့ အခုချိန်မှာ သံတမန်ရေးအရ စိန်ခေါ်မှုတွေနဲ့ ရင်ဆိုင်နေရတာကြောင့် တရုတ် လူမှုအသိုင်းဝိုင်းအနေနဲ့ မြန်မာနိုင်ငံ မြောက်ပိုင်းဒေသမှာဖြစ်နေတဲ့ ကိစ္စတွေမှာ ကြားဝင်ပါတာမျိုး မလုပ်ကြဖို့လည်း Global Times သတင်းစာ ခေါင်းကြီးပိုင်းမှာ ရေးသားထားပါတယ်။ အဲဒီလို အစိုးရပိုင်းက ဟန့်တား ပြောဆိုမှုတွေ ရှိနေတဲ့ကြားပဲ ကိုးကန့်လူမျိုးစုတွေဟာ တရုတ်အမိမြေက ပိုင်ဆိုင်တယ်ဆိုတဲ့ ပြောဆိုမှုတွေ အွန်လိုင်းပေါ်မှာ ရေးသား ပြောဆိုနေကြပါတယ်။

ကိုးကန့် လူမျိုးစုတွေလို့ဆိုတဲ့ သွေးသံရဲရဲနဲ့ သေဆုံးနေသူတွေရဲ့ အလောင်းတွေကို ရိုက်ယူထားတဲ့ ဓာတ်ပုံတွေ တရုတ်အစိုးရက ဆင်ဆာအဖွဲ့က အင်တာနက်ပေါ်က ဖြုတ်မချခင်အထိ အွန်လိုင်းပေါ်မှာ ခန ပြန့်နှံ့သွားခဲ့ပါတယ်။

အွန်လိုင်းပေါ်က ဓာတ်ပုံတွေကို ဖြုတ်ချလိုက်ပေမယ့် တရုတ်အစိုးရက ဆင်ဆာလုပ်ထားတဲ့ သတင်း၊ ဓါတ်ပုံတွေကို တင်နေတဲ့ FreeWeibo. အင်တာနက် ၀ပ်ဆိုက်မှာ ကိုးကန့်လူမျိုး အလောင်း ၃ လောင်းထပ်ပုံကို တက်ကြည့်လို့ ရနေတုန်း ဖြစ်ပါတယ်။ အခုဖြစ်နေတဲ့ ပဋိပက္ခမှာ ဘယ်သူမှန်တယ်၊ ဘယ်သူမှားတယ်ဆိုတာကို ကြည့်မနေပဲ တရုတ်အစိုရအနေနဲ့ တရုတ်လူမျိုးလို့ သတ်မှတ်ခံထားရတဲ့ ကိုးကန့်တွေ သတ်ဖြတ်ခံနေရတဲ့ကိစ္စမှာ ကြားဝင်ဆောင်ရွက်ပေးဖို့ အဲဒီ ၀ပ်ဆိုက်မှာ ရေးသား တောင်းဆိုထားပါတယ်။ အဲဒီ ၃ လောင်းထပ်ပုံဟာ ကိုးကန့်တွေဟုတ်တယ် မဟုတ်ဘူးဆိုတာကိုတော့ သီးခြား အတည်ပြုလို့ မရသေးပါဘူး။ အဲဒီ ၀ပ်ဆိုက်မှာပဲ တင်ထားတဲ့ တခြား ရေးသားမှုတခုမှာတော့ - ကိုယ့်အိမ်တံခါးပေါက်ဝမှာ ဖြစ်နေတဲ့ပြဿနာကို မဖြေရှင်းနိုင်ပဲနဲ့

တရုတ်စီးပွားရေးလုပ်ငန်းတွေကို ကူညီမယ်ဆိုပြီး ရေကြောင်း ပိုးလမ်းမကြီးနဲ့ ပိုးလမ်းမကြီးအသစ်တခု တည်ဆောက်ပြီး ကမ္ဘာကို ထိုးဖောက်နိုင်ဖို့ ကုန်သွယ်ရေးလမ်းကြောင်းတွေ ဖွင့်မယ်လို့ ပြောနေတဲ့ အစိုးရရဲ့လုပ်ရပ်ကို ဘယ်လို ထောက်ခံနိုင်မလဲဆိုပြီး နိုင်ငံခြားရေးဌာနရဲ့ ရပ်တည်ချက်အပေါ် ဝေဖန် ရေးသားထားပါတယ်။ ဒါ့အပြင် ကြားထဲမှာ မြေစာပင်ဖြစ်နေတဲ့ တရုတ်လူမျိုးတွေအတွက်လည်း အာဏာပိုင်တွေက လုံလုံလောက်လောက် ရပ်တည် ဆောင်ရွက်ပေးခြင်း မရှိဘူးလို့ ဝေဖန် ရေးသားထားပါတယ်။

ကိုးကန့်ဒေသမှာ အခုလို တိုက်ပွဲတွေ ပြန်ဖြစ်လာတာဟာ တရုတ် မန်ဒါရင်းဘာသာစကားနဲ့ Peng Jiashen လို့ခေါ်တဲ့ ဖုန်ကျားရှင်ကြောင့် ဖြစ်တယ်လို့ မြန်မာအစိုးရဘက်ကတော့ အပြစ်ဖို့ထားပါတယ်။ ဖုန်ကျားရှင်ကို တရုတ်ပြည်ဘက်ကနေ အကူအညီပေးနေသူတွေကို တားဆီးပေးဖို့ မြန်မာအစိုးရဘက်က တရုတ်ကို ကမ်းလှမ်းထားတယ်လို့ ဆိုပါတယ်။

သူ့ရဲ့လက်ထောက်က မြန်မာအစိုးရနဲ့ ပူးပေါင်းသွားတဲ့ ၂၀၀၉ ခုနှစ်ကစလို့ ဖုန်ကျားရှင်ဟာလည်း ထွက်ပြေး တိမ်းရှောင်နေခဲ့ရာက မကြာသေးခင်ကမှ ဒီဒေသကို ပြန်လာပြီး တပ်ဖွဲ့အင်အား ၁၀၀၀ လောက်ကို စုစည်းနိုင်ခဲ့တယ်လို့ လေ့လာသူတွေက ပြောဆိုနေတာပါ။

အခုနှစ်ကုန်ပိုင်းမှာ အထွေထွေ ရွေးကောက်ပွဲကြီး ကျင်းပဖို့ ပြင်ဆင်နေတဲ့ တချိန်ထဲမှာပဲ မြန်မာအစိုးရဟာ လက်နက်ကိုင် တိုင်းရင်းသားတွေနဲ့ တနိုင်ငံလုံးဆိုင်ရာ အပစ်အခတ် ရပ်စဲရေး သဘောတူညီချက် ရနိုင်ဖို့ ကြိုးပမ်း ဆောင်ရွက်နေတာ ဖြစ်ပါတယ်။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com/content/china-kokang-refugee/2648257.html



ဘဂ္ဂဒက် ၊ ၁၈-၂-၂ဝ၁၅

ISIS စစ်သွေးကြွ များသည် အီရတ်နိုင်ငံ အနောက်ပိုင်းရှိ မြို့တစ်မြို့တွင် လူပေါင်း ၄၅ ဦးကို မီးရှို့သတ်ဖြတ် ခဲ့ကြောင်း သိရသည်။

အဆိုပါ ISIS စစ်သွေးကြွ များသည် ယခု သတ်ဖြတ်ခြင်း ခံရသူများကို မည်သည့် အကြောင်းအရင်း ကြောင့် သတ်ဖြတ်ခဲ့ခြင်း နှင့် သတ်ဖြတ်ခံ ရသူများမှာ မည်သူတို့ ဖြစ်ကြောင်းကို အတိအကျ မသိရသေး သော်လည်း မီးရှို့ သတ်ဖြတ် ခံရသူများမှာ ISIS စစ်သွေးကြွ အဖွဲ့က လွန်ခဲ့သည့် ရက်သတ္တပတ် အတွင်း က ဖမ်းဆီးခံ ရသည့် အင်အာဆတ် လေတပ် အခြေစိုက်စခန်း အနီးရှိ အယ်လ်ဘတ်ဂ်ဒါဒီ မြို့မှ လုံခြုံရေး တပ်ဖွဲ့ဝင်များ ဖြစ်နိုင်ခြေ ရှိကြောင်း ဒေသတွင်းရှိ ရဲတပ်ဖွဲ့မှ အကြီးအကဲ က ပြောကြား ခဲ့သည်။

ယခုအခါ ISIS စစ်သွေးကြွ များ၏ တိုက်ခိုက်မှုမှ ကာကွယ်ပေးရန် အတွက် အစိုးရနှင့် နိုင်ငံတကာ အသိုက်အဝန်း အား အကူအညီ တောင်းဆို ထားကြောင်း ၄င်းက ထပ်လောင်း ပြောကြား ခဲ့သည်။

လစ်ဗျားနိုင်ငံ အတွင်းရှိ ISIS စစ်သွေးကြွ များသည် အီဂျစ် နိုင်ငံသား ၂၁ ဦးကို ခေါင်းဖြတ် ကွပ်မျက် ခဲ့ခြင်းကြောင့် အီဂျစ်အစိုးရ က ဖေဖော်ဝါရီ ၁၆ ရက်တွင် လေကြောင်း မှ တိုက်ခိုက် ခဲ့ရာ ISIS စစ်သွေးကြွ အနည်းဆုံး ၄ဝ ဦးခန့် သေဆုံးခဲ့ ကြောင်းနှင့် ယင်း စစ်သွေးကြွ များသည် ဂျော်ဒန်နှင့် အမေရိကန် ဦးဆောင်သည့် ညွန့်ပေါင်း တပ်ဖွဲ့များ၏ ဗုံးကြဲ တိုက်ခိုက်ခြင်း ကိုလည်း ခံရလျက် ရှိကြောင်း သိရသည်။

PyiChitThar
http://www.pyichitthar.com/2015/02/isis_40.html

Author Name

Contact Form

Name

Email *

Message *

Powered by Blogger.