02/25/15

မြန်မာပြည်အနှံ့ အကျဉ်းထောင်တွေကနေ လွတ်မြောက်လာတဲ့ နိုင်ငံရေး အကျဉ်းသားဟောင်းအများစုဟာ ထောင်တွင်းမှာ နည်းလမ်းပေါင်းမျိုးစုံနဲ့ တနည်းမဟုတ်တနည်း နှိပ်စက်ခံခဲ့ရတယ်လို့ နိုင်ငံရေးအကျဉ်းသားဟောင်းတွေရဲ့ လူမှုစီးပွားဘ၀တွေကို သုတေသန စစ်တမ်းကောက်ထားတဲ့ ကြားဖြတ် အစီရင်ခံစာမှာ ဖော်ပြပါတယ်။

နိုင်ငံရေးအကျဉ်းသားများ ကူညီစောင့်ရှောက်ရေအသင်း (မြန်မာနိုင်ငံ)နဲ့ ပြည်တွင်းက နိုင်ငံရေးအကျဉ်းသားဟောင်းများအဖွဲ့တို့ ကမကထလုပ်ပြီး ၂၀၁၄ မတ်လကတည်းက စစ်တမ်း စကောက်ယူ ကြားဖြတ်အစီရင်ခံစာ ထုတ်ပြန်လိုက်တာပါ။

စစ်တမ်းအရ နိုင်ရေးအကျဉ်းသားဟောင်း ၇၄ ရာခိုင်နှုန်းဟာ ကိုယ်ထိလက်လက်ရောက် နှိပ်စက်ညှဉ်းပမ်းခံခဲ့ရပြီး ၇၆ ရာခိုင်နှုန်းကတော့ စိတ်ပိုင်းဆိုင်ရာ ညှဉ်းပန်းနှိပ်စက်ခံခဲ့ရတယ်လို့ ကြားဖြတ်အစီရင်ခံစာမှာ ဖော်ပြပါတယ်။

နိုင်ငံရေး အကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ)က တွဲဖက် အတွင်းရေးမှူး ဦးတိတ်နိုင်က “ဒီညှဉ်းပန်းနှိပ်စက်မှုဒဏ်ကို လူတော်တော်များများက ခံစားခဲ့ရတယ်။ ၁၉၉၀ ခုနှစ်ကနေ ၂၀၀၀ ခုနှစ်အစပိုင်းတွေမှာဆိုရင် အကျဉ်းထောင်ထဲကို ရောက်ခဲ့တဲ့ နိုင်ငံရေးအကျဉ်းသားတွေက နှိပ်စက်ညှဉ်းပန်းမှုမခံရတဲ့လူ မရှိပါဘူး။ ဒါကြောင့် သူတို့က စိတ်ပိုင်းဆိုင်ရာ၊ ရုပ်ပိုင်းဆိုင်ရာ နာတာရှည်ရောဂါတွေ သူတို့ ခံစားနေရတယ်”လို့ ဒီဗွီဘီကို ပြောပါတယ်။

နှိပ်စက်ညှဉ်းပန်းခံရမှုပုံစံတွေထဲမှာ ထောင်တွင်းနဲ့ စစ်ကြောရေးကာလ အစာနဲ့ရေ၀လင်စွာ မစားသောက်ရတာ၊ မအိပ်ရတာ၊ ရိုင်းစိုင်းကြမ်းတမ်းစွာပြောဆိုဆက်ဆံခံရတာ၊ လိင်ပိုင်းဆိုင်ရာ စော်ကားခံရတာ၊ ကျန်းမာရေး စောင့်ရှောက်မှု မရတာတွေပါဝင်ပြီး လူသားတစ်ယောက်ရဲ့ ဂုဏ်သိက္ခာချိုးဖောက်ခံရပြီး တိရစ္ဆာန်ကဲ့သို့ ဆက်ဆံခံရတာ၊ သောက်ရေတောင်းတာ မရလို့ အိမ်သာသုံးရေ သောက်ခဲ့ရတဲ့ အတွေ့အကြုံတွကို နိုင်ငံ ရေးအကျဉ်းသားဟောင်း တွေက ဖွင့်ဟထားကြပါတယ်။

ထောင်ကနေ ပြန်လွတ်လာချိန်မှာလည်း နိုင်ငံရေးအကျဉ်းသားအများစုဟာ ရောဂါပေါင်းစုံစွဲကပ်နေပြီး ပညာရေး အဆက်ပြတ်ခဲ့တဲ့အတွက် စားဝတ်နေရေးအတွက် အလုပ်အကိုင်အခွင့်အလမ်းတွေနည်းပါးမှုနဲ့ ကြုံတွေ့နေရတယ်လို့ ဆိုပါတယ်။

ဒါ့အပြင် နိုင်ငံရေးအကျဉ်းသားဟောင်းတွေကို ပတ်ဝန်းကျင်အသိုင်းအ၀ိုင်းအတွင်း အဆင်ပြေချောမွေ့စွာ ပြန်လည်ဝင်ဆန့်နိုင်ရေးအတွက် အစိုးရက ကူညီဆောင်ရွက်ပေးမှု မရှိတဲ့အကြောင်း၊ ဒီပျက်ကွက်မှုကြောင့် နိုင်ငံရေးအကျဥိးသားဟောင်းတွေရဲ့ မိသားစုဘ၀တွေကို သာမက မြန်မာနိုင်ငံရဲ့ အသွင်ကူးပြောင်းရေးအတွက် အားထုတ်မှုကိုပါ ထိခိုက်စေတယ်လို့ ကြားဖြတ်အစီရင်ခံစာမှာ ထောက်ပြထားပါတယ်။

မြန်မာနိုင်ငံ တ၀န်းမှာ စစ်အစိုးရ အဆက်ဆက် ထောင်သွင်းအကျဉ်းကျခံခဲ့ရတဲ့ နိုင်ငံရေး အကျဉ်းသားအရေအတွက် ၇၀၀၀ မှ ၁၀၀၀၀ လောက်အထိရှိမယ်လို့ နိုင်ငံရေး အကျဉ်းသားများ ကူညီစောင့်ရှောက်ရေးအသင်းက ခန့်မှန်းပါတယ်။ ကွယ်လွန်သွားပြီဖြစ်တဲ့ နိုင်ငံရေး အကျဉ်းသားပေါင်းကတော့ ၄၆ ဦးရှိပြီး အကျဉ်းထောင်တွင်း ဒါမှမဟုတ် စစ်ကြောရေးမှာ ကွယ်လွန်ခဲ့ကြ သူကတော့ ၈ ဦးရှိတယ်လို့ ဆိုပါတယ်။

အပြီးသတ် စစ်တမ်းကောက်ယူမှု လုပ်ငန်းတွေကတော့ ၂၀၁၅ နှစ်လည်လောက်မှာပြီးဆုံးမယ်လို့ ခန့်မှန်းထားပြီး စစ်တမ်းကောက်ယူပြီးစီးပါက ရရှိတဲ့ အချက်အလက်တွေကို အခြေခံကာ နိုင်ငံရေးအကျဉ်းသားများအား တရားလက်လွတ် ညှဉ်းပန်းနှိပ်စက်မှုအစီရင်ခံစာနဲ့ အမျိုးသားပြန်လည်သင့်မြတ်ရေးဆိုင်ရာ အစီရင်ခံစာ ၂ စောင်ကိုထုတ်ပြန်သွားဖို့ ရှိနေပါတယ်။
.
Credit : DVB

စစ်တွေမြို့နယ် သက္ကယ်ပြင်ကျေးရွာမှာ ထုတ်ပေးထားတဲ့ White Card တစ်ခုကို မြင်ရစဉ် ။ Photo: Min Thein Aung/RFA
ယာယီသက်သေခံ လက်မှတ် ကိုင်ဆောင်ထားသူတွေကို မဲပေးခွင့်ပြုထားတဲ့ ပြည်လုံးကျွတ်ဆန္ဒ ခံယူပွဲဥပဒေနဲ့ ရွေးကောက်ပွဲဥပဒေတွေကို ပြန်လည်ပြင်ဆင်မှာ ဖြစ်ကြောင်း ပြည်ထောင်စု လွှတ်တော်က ဆုံးဖြတ်လိုက်ပါ တယ်။

ယာယီသက်သေခံလက်မှတ် ကိုင်ဆောင်ထားသူတွေကို ဆန္ဒမဲပေးခွင့်ပြုထားတာဟာ ဖွဲ့စည်းပုံအခြေခံဥပဒေနဲ့ မညီကြောင်း ခုံရုံးက ဆုံးဖြတ်လိုက်တဲ့အတွက် အတည်ပြုပြဌာန်းထားတဲ့ သက်ဆိုင်ရာဥပဒေတွေကို ပြင်ဆင်ဖို့ လိုအပ်တယ်လို့ ဥပဒေကြမ်းပူးပေါင်းကော်မတီဝင် ဦးသိန်းထွန်းဦးက ဒီနေ့ တင်ပြခဲ့တာဖြစ်ပါတယ်။

"ယာယီသက်သေခံလက်မှတ် ကိုင်ဆောင်ထားသူဆိုတဲ့ စကားရပ်များကို ပယ်ဖျက်ပြီး ပြင်ဆင်သည့် ဥပဒေကြမ်းများကို လွှတ်တော်ကိုယ်စားလှယ် တစ်ဦးချင်းအနေဖြင့်ဖြစ်စေ၊ ပြည်ထောင်စုအဆင့် အဖွဲ့အစည်းကဖြစ်စေ တည်ဆဲဥပဒေများနဲ့အညီ ပြည်ထောင်စုလွှတ်တော်သို့ တင်သွင်းရန် လိုအပ်မည်ဖြစ်ပါကြောင်း အစီရင်ခံစာတင်ပြအပ်ပါသည်"

ယာယီသက်သေခံလက်မှတ် ကိုင်ဆောင်ထားသူတွေကို မဲပေးခွင့်ပြုတာဟာ ဖွဲ့စည်းပုံအခြေခံဥပဒေနဲ့ မညီကြောင်း ဖွဲ့စည်းပုံအခြေခံဥပဒေခုံရုံးက ဒီလ ၁၆ရက်နေ့က ဆုံးဖြတ်ခဲ့တာဖြစ်ပါတယ်။

ဝှိုက်ကဒ် ခေါ် ယာယီသက်သေခံလက်မှတ်တွေကို ပြန်လည်အပ်နှံဖို့ နိုင်ငံတော်သမ္မတက ကြေညာထားပေမဲ့ မဲပေးခွင့်ပြုထားတဲ့ ဥပဒေတွေရှိနေသေးတာကြောင့် အဲဒီဥပဒေတွေကိုပါ ရုပ်သိမ်းပေးဖို့ ရခိုင်ပြည်နယ် စစ်တွေမြို့မှာ မြို့ခံတွေ ပြီးခဲ့တဲ့ရက်ပိုင်းက ဆန္ဒပြတောင်းဆိုခဲ့ကြပါတယ်။

RFA Burmese
http://www.rfa.org/burmese/news/whitecard-voting-rights-amend-02242015095007.html

(ဓာတ်ပုံ - မြန်မာ့အလင်းသတင်းစာ)
အမျိုးသား ပညာရေး ဥပဒေကို ပြန်ပြင်တဲ့ ဥပဒေကြမ်းနဲ့ ပတ်သက်ပြီး နိုင်ငံပိုင် သတင်းစာတွေရဲ့ ဖော်ပြချက်တချို့ကို NNER နဲ့ ဒီမိုကရေစီ ပညာရေး ဦးဆောင် လှုပ်ရှားမှု ကော်မတီ ခေါင်းဆောင်ပိုင်း တချို့က ဝေဖန်လိုက်ပါ တယ်။

ပြန်ကြားရေးဝန်ကြီးကတော့ အခု ဖော်ပြချက်ဟာ ပြည်သူတွေ အမြင်တချို့ကို အစိုးရပိုင် သတင်းစာက ဖော်ပြပေးတာလို့ ပြန်လည် တုံ့ပြန်ပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေသတင်းထောက် ကိုအောင်ရဲမောင်မောင် က သတင်းပေးပို့ထားပါတယ်။

အစိုးရပိုင် နေ့စဉ်ထုတ် သတင်းစာတွေမှာ လွှတ်တော်ကို တင်ပြလိုက်ပြီဖြစ်တဲ့ အမျိုးသား ပညာရေး ဥပဒေကြမ်းကို ပြန်ပြင်တဲ့ ဥပဒေကြမ်းမှာ လိုအပ်ချက်တွေ ရှိခဲ့ပြီးတော့ NNER နဲ့ ကျောင်းသားတွေက သူတို့လိုချင်တဲ့ ပုံစံရအောင် စိတ်ကြိုက် ပြင်ဆင်ခဲ့တဲ့အကြောင်း သဘောထားအမြင် ဆောင်းပါးတွေကို နေ့စဉ် ဖော်ပြနေတာပါ။ အခုလို ဖော်ပြနေတာနဲ့ ပတ်သက်ပြီး ဒီမိုကရေစီ ပညာရေး ဦးဆောင် လှုပ်ရှားမှု ကော်မတီက ခေါင်းဆောင်ပိုင်းတဦးဖြစ်တဲ့ မဖြိုးဖြိုးအောင်က ဝေဖန်လိုက်ပါတယ်။

“ကျမတို့အနေနဲ့ကတော့ ပွင့်ပွင့်လင်းလင်းပြောရရင် ဒီကိစ္စက NNER နဲ့ ကျောင်းသားတွေ စတင်ရေးဆွဲခဲ့တာ မှန်သော်ငြားလည်း၊ အစိုးရရော၊ လွှတ်တော်မှာရော ဒါကို သူတို့ သဘောတူပေးထားတာ ဖြစ်တဲ့အတွက် အစိုးရအဖွဲ့ကလည်း ဒါကို တာဝန်ခံဖို့ လိုတယ်။ အဲဒီလို တာဝန်ခံဖို့ လိုလျက်သားနဲ့ အစိုးရကနေ တဘက်လှည့်နဲ့ ဒါကို ကန့်ကွက်တဲ့ပုံစံမျိုး ဒါကို သဘောမတူတဲ့ ပုံစံမျိုးတွေနဲ့ ပုံဖျက်တာက၊ ကိုယ်တာဝန်ယူရမှာကို တာဝန်မယူတတ်မှုကို ပြတယ်လို့ပဲ ကျမအနေနဲ့ မြင်ပါတယ်ရှင့်။”

ပြည်ထောင်စု အစိုးရအဖွဲ့ရဲ့ ပြောခွင့်ရှိသူလည်းဖြစ်၊ ပြန်ကြားရေးဝန်ကြီးလည်းဖြစ်တဲ့ ဦးရဲထွဋ်ကတော့ အစိုးရပိုင် မီဒီယာတွေရဲ့ ဖော်ပြချက်ဟာ မျှတတဲ့ ဖော်ပြချက်တခု ဖြစ်တဲ့အကြောင်း အခုလို ချေပြပါတယ်။

“တင်တဲ့ ပညာရေးဝန်ကြီးဌာနက တလုံးတပါဒမှာ ညှိနှိုင်းပြင်ဆင်ခွင့် မရခဲ့ဘူးဆိုတာကို သိဖို့အတွက် ကျနော်တို့ ရှေ့မှာ အကြီးဖော်ပြတယ်။ ပြီးရင် ပြည်သူတွေ လေ့လာနိုင်အောင်လို့ ကျနော်တို့ နှိုင်းယှဉ်ဖော်ပြခဲ့တယ်။ ပြီးလို့ရှိရင် ပြည်သူကို အကြံပြုဖို့ဆိုပြီးတော့ လွှတ်တော်က ဖိတ်ခေါ်တယ်။ ကျနော်တို့ကလည်း ဆောင်းပါးတွေ ရေးဖို့ဆိုပြီးတော့ ဖိတ်ခေါ်ခဲ့တယ်။ အဲ့ဒီဆောင်းပါးတွေကို ကျနော်တို့ အခု သတင်းစာတွေထဲမှာ ထည့်ပေးနေတယ်။ ၂ ကတော့ ကျနော်တို့က သတင်းစာတွေမှာ ဖော်ပြတဲ့အခါမှာ တဘက်က မဖော်ပြချင်တဲ့အတွက်ကြောင့်မို့ ကျနော်တို့ဆီကို လာနေတဲ့ ဆောင်းပါးတွေက ဝေဖန်တဲ့ ဆောင်းပါးတွေချည်းပဲ ဖြစ်နေလို့ ပြီးခဲ့တဲ့ ဖေဖော်ဝါရီလ ၂၀ ရက်နေ့မှာ ကျနော်တို့ရဲ့ သတင်းနဲ့ စာနယ်ဇင်းက ဦးသန်းလွင်တို့နဲ့ နောက်တခါ ဒေါ်သူသူမာ တို့ကို ကျနော်တို့ ဆက်သွယ်ပြီးတော့မှ ခင်ဗျားတို့ဘက်ကပဲ ဆရာသိန်းလွင်တို့ဘက်ရော၊ ဒေါ်သူသူမာတို့ဘက်ကရော ရေးပါလို့ ဆောင်းပါးတောင်းတယ်။ အခုအချိန်ထိ သူတို့က မပေးနိုင်သေးဘူး။ သို့သော် မနေ့က သူတို့လုပ်တဲ့ သတင်းစာရှင်းလင်းပွဲတို့၊ ဒီကနေ့ သတင်းစာမှာတို့ ဖော်ပြပေးလိုက်တယ်။”

ဒီကနေ့ အင်္ဂါနေ့ထုတ် အစိုးရပိုင် သတင်းစာတွေမှာတော့ မနေ့တုန်းက လုပ်ခဲ့တဲ့ NNER နဲ့ ဒီမိုကရေစီ ပညာရေး ဦးဆောင် လှုပ်ရှားမှု ကော်မတီရဲ့ သတင်းစာရှင်းလင်းပွဲတွေအတွင်း ပြောဆိုချက်တွေကို ဖော်ပြပေးထားတာကိုလည်း တွေ့ရပါတယ်။ ၄ ပွင့် ဆွေးနွေးပွဲလုပ်ပြီး သဘောတူညီချက်ရခဲ့လို့ လက်ရှိအချိန်မှာ လွှတ်တော်ကို ပေးပို့လိုက်ပြီးဖြစ်တဲ့ အမျိုးသားပညာရေးဥပဒေကို ပြန်ပြင်တဲ့ ဥပဒေကြမ်းနဲ့ ပတ်သက်ပြီး အစိုးရပိုင်သတင်းစာတွေမှာ ပြန်လည်ပြီး ဝေဖန်ပြောဆိုနေတာဟာ မသင့်တော်ဘူးလို့ မြန်မာ့နိုင်ငံရေး လေ့လာအကဲဖြတ် ဒေါက်တာ ရန်မျိုးသိမ်း က ပြောပါတယ်။

“မြန်မာနိုင်ငံရဲ့ အမျိုးသားပညာရေး လိုအပ်ချက်၊ အမျိုးသားပညာရေး စိန်ခေါ်မှုကို အဖြေရှာတဲ့ ပုံစံမျိုးဘက်ကို ဦးမတည်ဘဲနဲ့ နော် ပြဿနာဘက်တွေကို ထပ်မံ မွေးဖွားတဲ့ ပုံစံဘက်ကို ဦးတည်နေတာဟာ ဒါ ရင်လေးစရာဖြစ်တယ်လို့ မြင်ပါတယ်။”

၎ ပွင့်ဆွေးနွေးပွဲတွေအပြီး လွှတ်တော်ကို တင်ပြထားတဲ့ ပညာရေးဥပဒေကို ပြင်ဆင်တဲ့ ဥပဒေကြမ်းနဲ့ ပတ်သက်ပြီး ဒီလ ၂၈ ရက်နေ့ နောက်ဆုံးထားပြီး လွှတ်တော်ဘက်က ဆောင်ရွက်ပေးဖို့ လိုတယ်လို့ မဖြိုးဖြိုးအောင် က ဆိုပါတယ်။

ဒါပေမဲ့ လွှတ်တော်ဘက်ကတော့ ဒီကိစ္စဟာ မြန်မြန် အကောင်အထည် မဖော်နိုင်ဘဲ လုပ်ထုံလုပ်နည်းတွေအရ တစ်လနီပါးလောက် ကြာဖို့ ရှိနိုင်သေးတဲ့အတွက် ကျောင်းသားတွေအနေနဲ့ နားလည်ပေးဖို့ လိုမယ်လို့ မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်း က ပြောပါတယ်။

“ဒီလို ၂၈ ရက်နေ့ကို နောက်ဆုံးထားပြီးတော့ တောင်းဆိုတာကတော့ ကျနော်တို့ လွှတ်တော်က ဘယ်လိုမှ ပြီးနိုင်မှာ မဟုတ်ဘူး။ အဲ့လို ကသောကမျော လုပ်ရင်လည်းပဲ ဥပဒေမှာ ထပ်ပြင်စရာတွေ အကြောင်းရှိလာနိုင်တယ်။ တဘက်ကလည်း ဒါတွေကို ကန့်ကွက်ပြီးတော့ ဆွေးနွေးမယ့်လူတွေလည်း ရှိဦးမှာဆိုတော့ ကျနော်တို့ ဒါကိုတော့ ကျောင်းသားတွေ တောင်းဆိုသလို မဖြစ်နိုင်ဘူးပေါ့ဗျာ။ ကျောင်းသားတွေဘက်ကလည်း နည်းနည်းပါးပါး သည်းခံပြီးတော့ စောင့်ဖို့ လိုအပ်တယ်လို့ မြင်ပါတယ်။”

ဒီမိုကရေစီ ပညာရေး လှုပ်ရှားနေတဲ့ ဆန္ဒပြကျောင်းသားတွေရဲ့ ဆန္ဒပြသပိတ်စစ်ကြောင်းတွေကို လတ်တလောမှာ ရပ်နားထားတာပါ။ ဒါပေမဲ့ ပင်မ သပိတ်စစ်ကြောင်းကတော့ လက်ပံတန်းမြို့မှာ ရောက်ရှိနေပြီးတော့ မတ်လ ၁ ရက်နေ့မှာ ရန်ကုန်မြို့ကို ဆက်လက် ချီတက်မှာ ဖြစ်တယ်လို့ ဒီမိုကရေစီ ပညာရေး ဦးဆောင် လှုပ်ရှားမှု ကော်မတီက တရားဝင် ပြောဆိုထားပါတယ်။

အောင်ရဲ မောင်မောင် / ဗွီအိုအေ (မြန်မာပိုင်း)
http://burmese.voanews.com/content/draft-educational-law/2656427.html

ကိုးကန့်ဒေသ လောက်ကိုင်မြို့ စီအောအကျဉ်းထောင် က အကျဉ်းသားတွေကိုတင်ဆောင်ပြီး လားရှိုးဘက် ကို မောင်းလာတဲ့ မော်တော်ယာဉ်တစ်စီး မနေ့က တိုက်ခိုက်ခံရပြီး တိမ်းမှောက်သွားတာကြောင့် အကျဉ်းသူ အမျိုးသမီး ၄၅ ယောက်လုံး ဒဏ်ရာရရှိပြီး အဲဒီအထဲကနှစ်ဦးဟာ ဒဏ်ရာပြင်းထန်တဲ့အတွက် ကွမ်းလုံဆေးရုံမှာ ဆေးကုသမှုခံယူနေရပါတယ်။

ကျန်တဲ့အကျဉ်းသားတွေကို လားရှိုးအကျဉ်းထောင် ကို ပြောင်းရွှေ့ပေးလိုက်ပြီဖြစ်တယ်လို့ ကွမ်းလုံမြို့နယ် အုပ်ချုပ်ရေးမှူး ဦးမင်းဆွေက ပြောပါတယ်။

"ဒီမနက် ၁၁ နာရီကပဲ ကွမ်လုံကနေပြီးတော့ လားရှိုးကို ဆက်လက်ထွက်ခွာသွားပါပြီ၊ စိုးရိမ်ရတဲ့သူ မနေ့ကရောက်ရောက်ခြင်း သုံးယောက်ပါလာပါတယ်၊ ဒီမနက် ကွမ်လုံဆေးရုံးမှာ နှစ်ယောက်ပဲ ကျန်ပါတော့ တယ်ခင်ဗျာ၊ သူတို့ဒဏ်ရာက စိုးရိမ်ရတဲ့အခြေ အနေတော့မရှိပါဘူး၊ လောလောဆယ်ရွှေ့ဖို့အတွက် ကို စိတ်မချရတဲ့အတွက်ကြောင့်မို့လို့ လိုအပ်တဲ့ ကုသမှုတွေ ပြည့်စုံအောင်လို့ ထပ်လုပ်ပေးတဲ့အတွက်ကြောင့် ထားခြင်းဖြစ်ပါတယ်"

အဲဒီအကျဉ်းထောင်ကားဟာ ချင်းရွှေဟော်အနီးမှာ ပစ်ခတ်ခံရတာဖြစ်ပြီး သေနတ်ဒဏ်ရာကြောင့်မဟုတ်ဘဲ ကားတိမ်းမှောက်သွားတာကြောင့် ဒဏ်ရာရရှိခဲ့ကြတာဖြစ်ပါတယ်။

လောက်ကိုင်မြို့အနီးတ၀ိုက်မှာ အစိုးရတပ်မတော်နဲ့ ကိုးကန့်တပ်တွေ မနေ့ကလည်း တိုက်ပွဲတွေဆက်လက် ဖြစ်ခဲ့ပါတယ်။

ဒီအတောအတွင်း ရှမ်းပြည်နယ်မြောက်ပိုင်း လောက်ကိုင်မြို့မှာ အစိုးရနဲ့ ကိုးကန့်အဖွဲ့တွေရဲ့ တိုက်ပွဲတွေကြောင့် ထွက်ပြေးလာခဲ့တဲ့ ဒုက္ခသည်တွေဟာ လားရှိုးမြို့က မန်ဆူရှမ်း ဘုန်းတော်ကြီးကျောင်းမှာ ရောက်ရှိနေကြပါတယ်။ ဒီနေ့ဆိုရင်လည်း စစ်ရှောင်ဒုက္ခသည် ၄၅၀ လောက် ထပ်မံရောက်ရှိလာတယ်လို့ သိရပါတယ်။

RFA

နိုင်ငံတကာအစိုးရတွေနဲ့ အဖွဲ့အစည်းတွေက အကူအညီပေးတဲ့ ချေးငွေ၊ ထောက်ပံ့ငွေတွေကို ရယူသုံးစွဲနေတဲ့ ၀န်ကြီးဌာနတချို့မှာ မသမာမှုတွေ ၊ အလွဲသုံးစားမှုတွေရှိနေကြောင်း ပြည်သူ့လွှတ်တော် ကိုယ်စားလှယ် သူရဦးအောင်ကိုက ပြောလိုက်ပါတယ်။

အစိုးရ၀န်ကြီးဌာနတွေရဲ့ ငွေကြေးသုံးစွဲမှုနဲ့ ပတ်သက်ပြီး သူရဦးအောင်ကိုက လွှတ်တော်မှာ မနေ့က ဆွေးနွေးခဲ့တာနဲ့ပတ်သက်လို့ RFA မေးမြန်းချက်ကို သူက အခုလို ဖြေကြားခဲ့တာပါ။

"တချို့အပိုင်းတွေမှာ ပွင့်လင်းမြင်သာမှု မရှိတဲ့အခါ ကျတော့ လေလွင့်ဆုံးရှုံးမှုတွေလည်း ဖြစ်ပေါ်လာပါ တယ်၊ တချို့ဆိုရင် ဌာနစရိတ်ဆိုပြီးတော့ ၁ဝ ရာ ခိုင်နှုန်းဖြတ်တာတို့ နောက်အဆင့်ဆင့်ဖြတ်တာနဲ့ ဆိုရင် ဒီထောက်ပံ့ချေးငွေတွေ မြေပြင်ပြည်သူတွေ အပေါ်မှာ အပြည့်အဝ အကျိုးသက်ရောက်မှု မရှိဘူးလို့ ဝေဖန်ထောက်ပံ့မှုရှိနေပါတယ်၊ ထောက်ပံ့ချေးငွေတွေ အမြောက်အများရရှိခြင်းအားဖြင့် အစိုးရအဖွဲ့ရဲ့ ငွေကြေးအသုံးစရိတ်က အင်မတန်ကြီးမားလာပြီးတော့မှ ငွေအလုံးလိုက်အခဲလိုက် ကိုင်သုံးလိုက်တဲ့အတွက်ကြောင့်မို့ သက်ဆိုင်ရာဝန်ကြီးဌာနအလိုက် တာဝန်ရှိတဲ့လူတွေကြားမှာလည်း ပဲ ငွေကြေးအလွဲသုံးစားမှုတွေ၊ မသမာမှုတွေ ဖြစ်လာလေ့ရှိပါတယ်"

အစိုးရ၀န်ကြီးဌာနတချို့အနေနဲ့ နိုင်ငံတကာအကူအညီနဲ့ ချေးငွေတွေကို ရယူသုံးစွဲရာမှာ လေလွင့်ဆုံးရှုံး မှု လျော့နည်းပပျောက်အောင် စစ်ဆေးကြပ်မတ်နိုင်မှု ရှိ မရှိ သူရဦးအောင်ကိုက ပြည်သူ့လွှတ်တော် အစည်းအဝေးမှာ မေးမြန်းခဲ့ရာ ပြည်ထောင်စုဝန်ကြီးတွေ ဦးဆောင်ပြီး နိုင်ငံခြားအကူအညီတွေကို စီမံဆောင်ရွက်နေတဲ့အဖွဲ့ရှိကြောင်း အမျိုးသားစီမံကိန်းနဲ့ စီးပွားရေး ဖွံ့ဖြိုးတိုးတက်မှုဝန်ကြီးဌာန ဒုတိယ၀န်ကြီး ဒေါ်လဲ့လဲ့သိန်းက ပြန်လည်ဖြေကြားခဲ့ပါတယ်။

မြန်မာနိုင်ငံ ဒီမိုကရေစီအသွင်ကူးပြောင်းရေး စတင်ချိန်ကစလို့ ဒီကနေ့အထိ နိုင်ငံတကာအစိုးရတွေ အဖွဲ့အစည်းတွေထံက ပေးအပ်တဲ့ချေးငွေနဲ့ အထောက်အပံ့ငွေဟာ အမေရိကန်ဒေါ်လာ ၁၀ ဘီလီယံလောက် ရှိနေပြီဖြစ်ကြောင်း၊ သုံးစွဲခွင့်များများရရှိတဲ့ဝန်ကြီးဌာနတွေမှာ လေလွင့်မှုပိုများကြောင်းလည်း ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ကန်ပက်လက်မြို့နယ် ပြည်သူ့လွှတ်တော်ကိုယ်စားလှယ် သူရဦးအောင်ကို က ပြောပါတယ်။ သူရဦးအောင်ကိုဟာ ဗိုလ်ချုပ်မှူးကြီးသန်းရွှေ ဦးဆောင်တဲ့ ယခင်စစ်အစိုးရလက်ထက်က သာသနာရေးဝန်ကြီးဌာန ဒုတိယ၀န်ကြီး တာဝန်ထမ်းဆောင်ခဲ့သူလည်း ဖြစ်ပါတယ်။

RFA
https://www.facebook.com/pages/RFA-Burmese/39218993127?fref=photo

မန္တလေးတိုင်းဒေသကြီး စဥ့်ကိုင်မြို့နယ်က ပလိပ်ချည် မျှင်နဲ့ အထည်စက်ရုံရှေ့မှာ သပိတ်စခန်းဖွင့် ဆန္ဒပြနေကြတဲ့ အလုပ်သမားတွေထဲက နှစ်ဦးဟာ ကျန်းမာရေးဆိုးဝါးပြီး ကွယ်လွန်သွားပါတယ်။

အဲဒီအလုပ်သမား နှစ်ဦးဟာ ကျန်းမာရေးမကောင်း တဲ့ကြားက သပိတ်စခန်းမှာ ဆန္ဒပြနေတာဖြစ်တယ်လို့ ဆန္ဒပြအလုပ်သမားခေါင်းဆောင်တစ်ဦးဖြစ်တဲ့ ဦးလှကို က ပြောပါတယ်။

"ကျန်းမာရေးမကောင်းလည်း ကိုယ့်ရဲ့တောင်းဆို ချက်တွေ မရမချင်း သေချင်သေသွားပါလေ့စေ ဒီထဲမှာပဲ ဆက်တိုက်မယ်ပြောတယ်၊ ပြောတဲ့ အခါကျတော့ တားလို့မရတာနဲ့ မှေးပြီးနေခိုင်း လိုက်တယ်၊ ဒီတစ်ရက် နှစ်ရက်လောက်ပဲရှိသေးတယ်၊ အိမ်ပြန်ပြီးနားတာ၊ ခုဆုံးသွားတာပေါ့နော်၊ စိတ်ပင်ပန်းတာတွေလည်းပါမှာပေါ့၊ နောက်ပြီး ထိုင်လာတဲ့အခါကျတော့ အောက်ကကတ္တရာလမ်းနဲ့ဆိုတော့ အအေးပတ်တာတွေလည်းပါတယ်လေ"

ပလိပ်ချည်မျှင်နဲ့ အထည်စက်ရုံက အလုပ်သမားတစ်ထောင်လောက်ဟာ လုပ်သက်ခွင့်၊ ဆေးခွင့်နဲ့ တစ်ပတ် နားရက်နှစ်ရက်ရရှိဖို့အတွက် စက်ရုံရှေ့မှာဆန္ဒပြနေတာ နှစ်လကျော်ကြာပြီဖြစ်ပါတယ်။ အဲဒီစက်ရုံကို အမှတ် ၁ စက်မှုဝန်ကြီးဌာနက ပြီးခဲ့တဲ့ ၂၀၁၃ ခုနှစ်မှာ Panda Textile ကုမ္ပဏီထံ လွှဲပြောင်းပေးလိုက်တာဖြစ်ပါတယ်။

ကုမ္ပဏီထံ လွှဲပြောင်းပြီးနောက်မှာ အဲဒီကုမ္ပဏီက ထုတ်ပြန်တဲ့ စည်းမျဉ်းစည်းကမ်းတွေနဲ့ အလုပ်ရှင် အလုပ်သမား သဘောတူစာချုပ်အသစ်ကို လက်မခံနိုင်တာကြောင့် အလုပ်သမားတွေက စာချုပ်ကိုလက်မှတ်မထိုးကြဘဲ ဆန္ဒပြနေတာဖြစ်ပါတယ်။

RFA
https://www.facebook.com/pages/RFA-Burmese/39218993127?fref=photo


အမျိုးသားပညာရေးဥပဒေ ပြင်ဆင်ပေးဖို့ သပိတ်မှောက်တောင်းဆိုနေတဲ့ ကျောင်းသားတွေဟာ ပညာရေးဥပဒေကို ပြင်ဆင်ဖို့ ဘာကြောင့်ကြိုးစားရသလဲ ဆိုတာနဲ့ပတ်သက်ပြီး ရန်ကုန်တိုင်း တောင်ဒဂုံမြို့နယ် မှာရှိတဲ့ ကောင်းကင်ခေတ် ပုဂ္ဂလိကသင်တန်းကျောင်းမှာ ဖေဖော်ဝါရီလ ၂၁ ရက်နေ့က ရှင်းလင်းပြောကြားခဲ့ပါတယ်။ ကိုသီဟထွန်းက တင်ပြထားပါတယ်။

RFA
http://www.rfa.org/burmese/multimedia/students-explain-strike-02242015012202.html


အမျိုးသားပညာရေးဥပဒေ (မူကြမ်း) နဲ့ပတ်သက်ပြီး နားလည်မှုလွဲမှားနေတဲ့ အချက်တွေနဲ့ ပတ်သက်ပြီး ပညာရေးစနစ် ပြုပြင်ပြောင်းပြောင်းလဲရေးကွန်ရက်- NNER နဲ့၊ ဒီမိုကရေစီပညာရေးလှုပ်ရှားမှု ဦးဆောင်ကော်မတီတို့ ၂ဝ၁၅ ဖေဖော်ဝါရီလ ၂၂ ရက်နေ့က ရန်ကုန်မြို့မှာ သတင်းစာရှင်းလင်းပွဲ ပြုလုပ်ခဲ့ပါတယ်။ မဝေမာထွန်းက စုစည်း တင်ပြထားပါတယ်။

http://www.rfa.org/burmese/multimedia/students-protest-controversy-02242015011248.html


အခုဆိုရင် အစိုးရ၊ လွှတ်တော်၊ ကျောင်းသား၊ NNER (မြန်မာနိုင်ငံ ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်)
လေးပွင့်ဆိုင် ကိုယ်စားလှယ်တွေ ညှိနှိုင်းတိုင်ပင်ရေးဆွဲ သဘောတူခဲ့တဲ့ အမျိုးသား ပညာရေး ဥပဒေကို ပြင်ဆင်တဲ့ ဥပဒေကြမ်းလွှတ်တော်ကို ရောက်သွားပါပြီ။ ဥပဒေကို ပြင်ပေးဖို့ တောင်းဆိုကြတဲ့ သပိတ်မှောက် ကျောင်းသားတွေထဲက တချို့ စစ်ကြောင်းတွေ ရပ်နားလိုက်ပြီး၊ ပင်မ သပိတ်စစ်ကြောင်းကတော့ လွှတ်တော်အခြေအနေ စောင့်ကြည့်ဖို့ ယာယီရပ်နားထားပါပြီ။
လွှတ်တော်ကသာ ကျောင်းသားတွေနဲ့ NNER ဘက်က သဘောတူ နိုင်လောက်တဲ့ သင့်တင့်တဲ့ ဥပဒေတစ်ခု အတည်ပြု ပေးနိုင်ခဲ့ရင်
ပြဿနာ အေးငြိမ်းသွားမှာဖြစ်ပြီး သမိုင်းဝင် ရလဒ်ကောင်းတစ်ခု ရလာမှာဖြစ်ပါတယ်။ တိုင်းပြည် အတွက်လည်း ကောင်းမွန်တဲ့ ဥပဒေ တစ်ခုရ၊ ဒီဥပဒေဖြစ်လာရေး ဆောင်ရွက်ပေးတဲ့ အစိုးရနဲ့ လွှတ်တော် ဘက်ကလည်း အနိုင်ရ၊ ကျောင်းသားနဲ့ NNER ဘက်ကလည်း လိုချင်တာရ အားလုံးအနိုင်ရတဲ့ ရလဒ်မျိုး ဖြစ်လာပါလိမ့်မယ်။ ဒါပေမယ့် ပြဿနာက ဒီလောက်မရိုးရှင်းပါဘူး။ ဒီပြဿနာနဲ့ ပတ်သက်ပြီး အစိုးရကို ပြည်သူတွေ ဘာကြောင့် မယုံကြသလဲဆိုတာ ဒီကနေ့ ဆွေးနွေးတင်ပြသွားပါ့မယ်။

ဥပဒေကြမ်း လွှတ်တော်ထဲရောက်သွားပေမယ့် ပြဿနာတွေ အေးမသွားနိုင်တာကတော့ အစိုးရဘက်က လုပ်ကိုင်ဆောင်ရွက်မှုတွေကြောင့်ပါ။ ပြင်ဆင်ချက် ဥပဒေမူကြမ်း အစိုးရပိုင် သတင်းစာတွေကနေ မူသုံးခု ဖော်ပြခဲ့ပါတယ်။ ဥပဒေမူကြမ်းနှစ်ခုကို 'NNER ကိုယ်စားလှယ်များနှင့် ဒီမိုကရေစီ ပညာရေးလှုပ်ရှားမှု ဦးဆောင် ကော်မတီမှ ကျောင်းသား ကိုယ်စားလှယ်များကိုယ်စား ဒေါက်တာ သိန်းလွင်၊ ဒေါက်တာ ညိုညိုသင်းနှင့် ဦးအောင်မှိုင်းဆန်းတို့ ရေးဆွဲ လက်မှတ်ထိုးထားသည့် အမျိုးသား ပညာရေး ဥပဒေကို ပြင်ဆင်သည့် ဥပဒေ (မူကြမ်း) ပါ ပြင်ဆင် ဖြည့်စွက်သည့် ပြဋ္ဌာန်းချက်များနှင့် တည်ဆဲ အမျိုးသား ပညာရေး ဥပဒေပါ ပြဋ္ဌာန်းချက်များ နှိုင်းယှဉ်ဇယား' ဆိုပြီး ခေါင်းစဉ် တပ်ဖော်ပြထားပါတယ်။ နောက်တစ်မူကတော့ ''NNER နှင့် ကျောင်းသားတောင်းဆိုသည့် ၁၁ ချက်နှင့် စပ်လျဉ်း၍ ပညာရေးဝန်ကြီးဌာနက ပြင်ဆင်ပေး ပို့ထားသည့် ဥပဒေပြင်ဆင်ချက်' ဆိုပြီး ဖော်ပြထားပါတယ်။

တကယ်တော့ ဥပဒေကြမ်းရေးဆွဲတင်သွင်းရေးနဲ့ ပတ်သက်ပြီး အစိုးရ၊ လွှတ်တော်၊ ကျောင်းသားနဲ့ NNER ကိုယ်စားလှယ်တွေ တွေ့ဆုံဆွေးနွေးခဲ့ကြတာပါ။ ဆွေးနွေးပွဲအစမှာ ပညာရေးဝန်ကြီးဌာနက တင်လာတဲ့ ဥပဒေကြမ်း တစ်မူ၊ ကျောင်းသားတွေနဲ့NNER ဘက်က တင်လာတဲ့တစ်မူ နှစ်ခုဖြစ်ခဲ့ပါတယ်။ ဆွေးနွေးပွဲမှာ ငြင်းခုံရင်း ကျောင်းသားတွေနဲ့ NNER ဘက်က တင်ပြလာတဲ့ ဥပဒေမူကြမ်းကို အခြေတည်၊ အဲဒီ ဥပဒေကြမ်းပေါ်မှာ လေးပွင့်ဆိုင်ဆွေးနွေးပြီး အတည်ပြုခဲ့တာ ဖြစ်ပါတယ်။ အဲဒီမူကိုပဲ 'လေးပွင့်ဆိုင် ဆွေးနွေး ပွဲရလဒ် ဥပဒေကြမ်း' အဖြစ် လွှတ်တော်ကို တင်ရမှာဖြစ်ပါတယ်။ နဂိုဆွေးနွေးစဉ်တုန်းက ဥပဒေကြမ်းနှစ်ခု ဖြစ်နေတယ်၊ ဥပဒေကြမ်း နှစ်ခုစလုံးကို အပြိုင်တင်မယ်ဆိုပြီး ပြောဆိုသဘောတူညီချက် ရယူတာမျိုး မရှိခဲ့ပါဘူး။ အဲဒီလို သဘောတူညီချက် မရှိခဲ့တဲ့ အစိုးရဘက်က တင်ပြတဲ့ ဥပဒေကြမ်းကို သတင်းစာမှာ ဖော်ပြတာ၊ လေးပွင့်ဆိုင် သဘောတူညီချက် ဥပဒေကြမ်းကို ကျောင်းသားတွေနဲ့ NNER ရဲ့ မူကြမ်းအဖြစ်ပဲ ပုံဖော်ပြသတာတွေဟာ မရိုးသားရာ ရောက်ပါတယ်။ ဆွေးနွေးပွဲဆိုင်ရာ ကတိကဝတ်ကို ဖောက်ဖျက်ရာ ရောက်ပါတယ်။

ပြောရရင် ပညာရေးဥပဒေ ပြင်ဆင်ပေးဖို့ တောင်းဆိုဆန္ဒပြပွဲ ကာလတစ်လျှောက်လုံး ကျောင်းသားတွေဟာ အစိုးရနဲ့ လွှတ်တော်ကို လုံးဝယုံကြည်မှုရှိတာ မဟုတ်ပါဘူး။ ဒါကြောင့်လည်း တချို့ကျောင်းသားခေါင်း ဆောင်တွေဟာ သူတို့လိုလားတဲ့ 'ပညာရေး ဥပဒေကို ပြင်ဆင်တဲ့ ဥပဒေ' အတည်ပြု မပြီးမချင်း သပိတ် မှောက် တိုက်ပွဲဆင်တာကို မရပ်ချင်ကြပါဘူး။ အကြောင်းကတော့ သူတို့ ရှေ့မျိုးဆက် ကျောင်းသားတွေဟာ မကောင်းတဲ့ အစိုးရ၊ ကတိမတည်တဲ့ အစိုးရ၊ ကလိမ်ကကျစ် အစိုးရ၊ ဖိနှိပ်တဲ့ အစိုးရမျိုးကိုပဲ ကြုံခဲ့ရပြီး အလဲလဲအကွဲကွဲ ဖိနှိပ်တာခံခဲ့ရဖူးလို့ပါပဲ။ ဒါပေမဲ့လည်း အခုနောက်ဆုံး ကျောင်းသားသပိတ်ဖြစ်စဉ်မှာ သမ္မတ ဦးသိန်းစိန် အစိုးရဘက်က လေးပွင့်ဆိုင်ဆွေးနွေးရေးကို လက်ခံတာ၊ ဥပဒေကြမ်းတစ်ခုရသည် အထိ လိုက်လျောပေးခဲ့တာကိုကြည့်ပြီး သီတဂူဆရာတော်ကြီးလို ငြိမ်းချမ်းရေးကိုမျှော်လင့်တဲ့ ဆရာတော် ကြီးတွေ၊ တခြားအမြော်အမြင်ရှိသူတွေရဲ့ နားချမှု၊ စိတ်ရှည်ဖို့ ဖျောင်းဖျမှုတွေကြောင့် ကျောင်းသားတချို့၊ သပိတ်စခန်းသိမ်း၊ ကျောင်းသားတချို့ သပိတ်ယာယီရပ်နားဆိုတဲ့ အခြေအနေရောက်သွားတာပါ။ အစိုးရနဲ့ လွှတ်တော်ကို ယုံကြည်သွားလို့ မဟုတ်ပါဘူး။

ဒါပေမယ့် ခုအခါတော့ အစိုးရဘက်က ဇာတိရုပ် ပြလာပါတယ်။ ပညာရေး ဥပဒေမူကြမ်းနဲ့ ပတ်သက်ပြီး အစိုးရ သတင်းစာမှာ မမှန်မကန် ဖော်ပြလာတာ၊ တက္ကသိုလ်နဲ့ ကျောင်းတချို့မှာ ကျောင်းသားသပိတ် ဆန့်ကျင်ရေး ဆန္ဒပြပွဲတွေဖြစ်အောင် တန်ပြန်အကောင်အထည်ဖော်လာတာတွေဟာ ပညာရေးဥပဒေ ကြမ်း အတည်ပြုရေးနဲ့ပတ်သက်ပြီး အဆင်ပြေချောမွေ့မှု မရှိအောင် လုပ်တဲ့သဘော၊ ကျောင်းသားထုနဲ့ ပြည်သူလူထုအတွင်း မတည်မငြိမ် ပြန်ဖြစ်အောင် လုပ်တဲ့သဘော သက်ရောက်စေပါတယ်။ မြွေပူရာ ကင်းမှောင့်ဆိုသလို အမျိုးဘာသာ သာသနာ စောင့်ရှောက်ပါမယ်ဆိုတဲ့ ဆရာတော်၊ သံဃာတော်တွေနဲ့ ဖွဲ့စည်းထားတဲ့ မဘသအဖွဲ့ကြီးကလည်း ပညာရေးဥပဒေကြမ်းထဲမှာ 'တိုင်းပြည်နဲ့ လူမျိုးအနာဂတ်အတွက် ရတက်မအေးစရာများ၊ ကျောချမ်းစရာ ယိုပေါက် ဟာပေါက်များ၊ ကြီးမားသော ဘေးထွက်ဆိုးကျိုးများ၊ မသိမသာ မလိမ့်တပတ် နားလှည့်ပါးရိုက်မှုများ စသည် စသည် မြောက်မြားစွာ ပါဝင်နေသည်' ဆိုပြီး မမှန်မကန် ကြေညာချက်ထုတ်လာပါတယ်။ ဒါကို အစိုးရသတင်းစာကလည်း အားရဝမ်းသာ ဖော်ပြပေးခဲ့ တာတွေ့ရပါတယ်။ (အဲဒီ ထုတ်ပြန် ချက်မမှန်ကန်ကြောင်းNNER နဲ့ ကျောင်းသားတွေ သတင်းစာရှင်း လင်းပွဲလုပ် ရှင်းခဲ့ပြီမို့ အကျယ်မရှင်းလိုတော့ပါဘူး။)

ပြောရရင် အခု ပညာရေး ဥပဒေ ပြင်ဆင်ရေးကိစ္စမှာ လက်ရှိအစိုးရဟာ အရင်စစ်အာဏာရှင်အစိုးရ အဆက်ဆက်လိုပဲ မပြောင်းမလဲရှိနေဆဲ၊ မရိုးမသားလုပ်နေဆဲဆိုတာ ထင်ရှားလာပါတယ်။ ဒီလိုလုပ်ခြင်းဟာ ကျောင်းသား သပိတ်ပြဿနာ အေးအေးငြိမ်းငြိမ်း ပြေလည်သွားရမယ့်အစား၊ ထိပ်တိုက်တိုးမှုတွေ၊ အကြမ်းဖက် ဖိနှိပ်မှုတွေနဲ့အတူ အရင်ခေတ်ဟောင်းတုန်းကပုံစံအတိုင်း မပြေမလည် နိဂုံးချုပ်သွားနိုင်မယ့် အန္တရာယ်လည်း မြင်နေရပါတယ်။ အစိုးရရဲ့ ကျောင်းသားတွေနဲ့ တွေ့ဆုံဆွေးနွေးမှု ဘယ်လိုလုပ်တယ်၊ ဘယ်လို သဘောတူညီချက်ရယူတယ် စတာတွေနဲ့ ပတ်သက်ပြီး ပြည်သူတွေတင်မက တိုင်းရင်းသား လက်နက်ကိုင်တပ်ဖွဲ့တွေကလည်း စောင့်ကြည့်နေပါတယ်။ အစိုးရအနေနဲ့ ဒီလိုသာ မရိုးမဖြောင့်တဲ့ သဘောဆက်လုပ်နေရင် ကျောင်းသားနဲ့ ပြည်သူတွေရဲ့ ယုံကြည်ကိုးစားမှုရလာမှာ မဟုတ်သလို၊ တိုင်းရင်းသားတွေနဲ့ တွေ့ဆုံဆွေးနွေးရာမှာလည်း ပြေလည်မှုရအောင် ဆောင်ကျဉ်းနိုင်မှာ မဟုတ်ကြောင်း သုံးသပ် တင်ပြလိုက်ပါတယ်။

http://www.mizzimaburmese.com/2013-10-20-17-18-22/2013-10-20-16-34-57/item/39582-2015-02-24-03-01-08

ပြန်ကြားရေးဝန်ကြီးနဲ့ သမ္မတရုံး ပြောခွင့်ရပုဂ္ဂိုလ်တို့ရဲ့ Facebook စာမျက်နှာပေါ်က ရေးသားထားတဲ့ ကျောင်းသားတွေရဲ့ ပညာရေးပြုပြင်ပြောင်းလဲမှုကိုထိခိုက်စေတဲ့ သုံးသပ်ချက်တွေ၊ မြို့နယ်အုပ်ချုပ်ရေး အာဏာပိုင်တွေက ရပ်နားထားတဲ့ သပိတ်စစ်ကြောင်းတွေကို ခြိမ်းခြောက်ဖိအားပေးဖို့ လူအင်အား စုဆောင်းနေမှုတွေ၊ မြို့နယ်နဲ့ကျေးလက်ဖွံ့ဖြိုးမှု အထောက်အကူပြု အဖွဲ့တွေကိုသုံးပြီး လေးပွင့်ဆိုင် သဘောတူညီချက်ရလဒ်ကို ထိခိုက်စေတဲ့ ကန့်ကွက်စာတွေ စုဆောင်းနေမှုတွေဟာ ပညာရေးဝန်ကြီး ဦးဆောင်တာဝန်ခံတဲ့ လေးပွင့်ဆိုင် သဘောတူညီချက်ကို ဖောက်ဖျက်ရာ ရောက်တာကြောင့် တားဆီးပေးဖို့ ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် (NNER) နဲ့ သပိတ်မှောက်ကျောင်းသားတွေက ဖေဖော်ဝါရီ ၂၁ရက်နေ့ ရက်စွဲနဲ့ အစိုးရကို အိတ်ဖွင့်ပေးစာ ပေးပို့လိုက်ပါတယ်။

အစိုးရသတင်းစာတွေမှာ လေးပွင့်ဆိုင်သဘောတူညီချက်အရ ရေးဆွဲခဲ့တဲ့ ပညာရေးဥပဒေ ပြင်ဆင်တဲ့ဥပဒေကြမ်းကို ဒေါက်တာသိန်းလွင်၊ ဒေါက်တာညိုညိုသင်းနဲ့ ဦးအောင်ဆန်းမှိူင်းတို့ ရေးဆွဲတဲ့ ဥပဒေကြမ်းလို့ ခေါင်းစဉ်တပ်ခေါ်ဝေါ်ခဲ့သလို သပိတ်မှောက်ကျောင်းသားတွေရဲ့ စစ်ကြောင်းတွေ ရန်ကုန်ဝင်လာရင် အရေးယူမယ်လို့ ခြိမ်းခြောက်တာဟာ လေးပွင့်ဆိုင်ဆွေးနွေးပွဲ သဘောတူညီချက်တွေကို ဆန့်ကျင်ချိုးဖောက်ရာ ရောက်တယ်လို့ အိတ်ဖွင့်ပေးစားထဲမှာ ဖော်ပြထားပါတယ်။

တက္ကသိုလ်အသီးသီးက ပါမောက္ခချုပ်တွေ၊ ဆရာတွေဦးဆောင်ပြီး လုပ်ဆောင်နေတဲ့ လုပ်ရပ်တွေဟာ ငြိမ်းချမ်းစွာ ပညာသင်ကြားရေးကို ပျက်စီးစေတဲ့လမ်းကို ဦးတည်နေပြီး သပိတ်မှောက်ကျောင်းသားတွေ လိုလားတဲ့ ဥပဒေကြမ်းတို့ကို ပျက်စီးစေနိုင်တာကြောင့် အမြန်ဆုံးရပ်တန့်ပေးဖို့ ပညာရေးဝန်ကြီးဆီ ဦးတည်ပေးပို့တဲ့ စာထဲမှာ ဖော်ပြထားပါတယ်။

ဒီအိတ်ဖွင့်ပေးစာကို ပြည်သူ့လွှတ်တော်နဲ့ အမျိုးသားလွှတ်တော်ဥက္ကဌတွေဆီလည်း ပူးတွဲပေးပို့မှာဖြစ်တယ်လို့ ဆိုပါတယ်။ အမျိုးသားပညာရေးဥပဒေကို ပြင်ဆင်တဲ့ ဥပဒေကြမ်း လေးပွင့်ဆိုင် ဆွေးနွေးပွဲရဲ့ သဘောတူညီချက်နဲ့ ရေးဆွဲပြီး လွှတ်တော်ကို ပညာရေးဝန်ကြီးဌာနက တင်သွင်းထားချိန်မှာ တက္ကသိုလ်အသီးသီးက ဆရာမတွေက ဒီဥပဒေမူကြမ်းထဲက အချက်အလက်တွေ ပြန်လည်ပြင်ဆင်ဖို့ ဆွေးနွေးမှုတွေ လုပ်ခဲ့ပြီး သပိတ်မှောက်ကျောင်းသားတွေကို ဝါဒဖြန့် တိုက်ခိုက်မှုတွေ နေ့စဉ်ရက်ဆက်ဆိုသလို ပေါ်ထွက်လာခဲ့ပါတယ်။

Credit : Kamayut Media



ဖေဖေါ်ဝါရီ ၂၄ ရက် ၂၀၁၅

သျှမ်းပြည်မြောက်ပိုင်း ကိုးကန့်ကိုယ်ပိုင် အုပ်ချုပ်ခွင့်ရ ဒေသအတွင်း ဖြစ်ပွားနေသော တိုက် ပွဲတွင် သျှမ်းပြည်တပ်မတော် SSPP/SSA ပါဝင်ပတ်သက်မှု ရှိသည်ဆိုသည့် အစိုးရ၏ စွပ်စွဲ ချက်သည် မဟုတ်မှန်သောကြောင့် ရုပ်သိမ်းပေးပါရန် နိုင်ငံတော် သမ္မတထံ အိတ်ဖွင့်ပေး စာတစောင် ပို့လိုက် သည်။

ဖေဖေါ်ဝါရီ ၂၃ ရက်နေ့ ရက်စွဲဖြင့် သျှမ်းပြည်တိုးတက်ရေးပါတီ သျှမ်းပြည်တပ်မတော် SSPP/SSA မှ နိုင်ငံတော် သမ္မတ ဦးသိန်းစိန် ထံသို့ - ‘ကိုးကန့်ဒေသအတွင်းလက်နက်ကိုင်ပဋိပက္ခတွင် ၎င်းတို့ ပါဝင် ပတ်သက်ခြင်းမရှိကြောင်း၊ နိုင်ငံရေးပြဿနာကို စစ်ရေးနည်းလမ်းဖြင့် ဖြေရှင်းခြင်းမဖြစ်သင့် ကြောင်း၊ နိုင်ငံရေးနည်းလမ်းအရ တဦးပေါ်တဦးအပြန်အလှန်အလေးပေး တန်ဖိုးထား၍ တွေ့ဆုံ ဆွေးနွေးအဖြေရှာခြင်းသာတခုတည်းသောနည်းလမ်းဖြစ်ကြောင်း” အစရှိပါဝင်သော အချက် ၅ ချက်ပါ အိတ်ဖွင့်ပေးစာတစောင် ပေးပို့ခဲ့သည်။

“ကျနော်တို့ ရရှိထားတဲ့ အပစ်ခတ်ရပ်စဲရေး မပျက်ပြားစေရေးအတွက် ကျနော်တို့ အတတ် နိုင်ဆုံး ကြိုးစားပြီး ထိန်းသိမ်းနေပါတယ်။ ငြိမ်းငြိမ်းချမ်းချမ်းနဲ့ အမြန်ဆုံး နိုင်ငံရေးတွေ့ဆုံ ဆွေးနွေးပွဲ ကိုပဲ မျှော်လင့်တောင့်တနေပါတယ်။ ဒီလိုအခြေအနေမျိုးမှာ ဒီစွပ်စွဲချက်က မဟုတ်မှန်ပါဘူး။ လက် ရှိအနေ အထားရ အစိုးရတပ်ကို ကင်းပုန်းတိုက်ခိုက်တာတွေတောင်မှ လုံးဝမရှိစေဖို့၊ မလုပ်ဖို့ ကျနော် တို့ တားမြစ်ထားတယ်။ ဒီစွပ်စွဲချက်တွေ ပြန်ရုပ်သိမ်းပေးပါလို့ သမ္မတထံ စာပေးပို့ရတာပါ ” - ဟု ပါတီအထွေထွေ အတွင်းရေးမှူး စဝ်ခွန်ဆိုင် က ပြောသည်။

ဖေဖေါ်ဝါရီ ၂၁ ရက်နေ့ နေပြည်တော် သတင်းစာရှင်းလင်းပွဲတွင် ကိုးကန့်တိုက်ပွဲမှာ တိုင်းရင်းသား လက်နက်ကိုင်တပ်ဖွဲ့တွေဖြစ်သည့် ကချင်လွတ်လပ်ရေးတပ်မတော် KIA ၊ သျှမ်းပြည်တပ်မတော် SSPP/SSA ၊ မိုင်းလားတပ်ဖွဲ့အမည်ရ NDAA-ESS ၊ UWSA ဝ တပ်ဖွဲ့ နှင့် ပလောင်တပ်ဖွဲ့အမည်ရ TNLA တို့ ပါဝင်ပတ်သက်နေသည်ဟု နေပြည်တော်အစိုးရက ပြောသည်။

အစိုးရမှ ယခုကဲ့သို့ စွပ်စွဲပြောဆိုသည့် - ကိုးကန့်ပြဿနာသည် အချုပ်အခြာအာဏာကို ထိပါး လာနေသည်ဆိုသည့်ကိစ္စ၊ ကိုးကန့်ဒေသအား တပ်မတော်ထံ အာဏာလွှဲပေးသည့်ကိစ္စရပ်များ သည် ကျောင်းသားဆန္ဒဖေါ်ထုတ်မှု၊ မြေယာပြဿနာ နှင့် လက်ပံတောင်းပြဿနာများမှ အာရုံလွှဲလိုသော ကြောင့် ဖန်တီးလာခြင်းဖြစ်နိုင်သည်ဟု ကိုယ်ရေးအမြင်ဖြင့် စဝ်ခွန်ဆိုင် က သုံးသပ်ပါသည်။

သျှမ်းသံတော်ဆင့်
https://www.facebook.com/Panglong.burmese


တောင်ငူ ဖေဖော်ဝါရီ ၂၃

အသက် (၄၆)နှစ်အရွယ် အမျိုး သားတစ်ဦး၏ လည်ပင်းထဲသို့ လုံးပတ် ငါးလက်မ၊ အရှည် ငါးပေ ရှိ သစ်ချောင်းကြီး ထုတ်ချင်းပေါက် ဝင်ခဲ့သော်လည်း တောင်ငူခရိုင် ပြည်သူ့ဆေးရုံကြီးမှ ခွဲစိတ်ဆရာဝန် များက အောင်မြင်စွာ ခွဲစိတ်နိုင်ခဲ့ ကြောင်း သိရသည်။

ပဲခူးတိုင်းဒေသကြီး ကျောက် ကြီးမြို့နယ် ကျောက်ခဲကြီးကျေးရွာ နေ ဦးမျိုးခိုင်သည် ဖေဖော်ဝါရီ ၂၁ ရက် နံနက် ၇ နာရီခန့်က မီးဖို ချောင်သုံး ထင်းအတွက် ပျဉ်းကတိုး ပင်ပေါ်တက်၍ ကိုင်းဖျား ကိုင်းနားများ တက်ခုတ်ရာ သစ် ပင်ပေါ်မှပြုတ်ကျပြီး အောက်ရှိ ခုတ်ပြီးစ ထောင်နေသည့် သစ် ချောင်းပေါ်သို့ မှောက်လျက်အနေ အထားကျသဖြင့် လည်ပင်းထဲသို့ ထုတ်ချင်းပေါက်နစ်ဝင်ခဲ့ခြင်းဖြစ် ကြောင်း သိရသည်။

လူနာအား ကျောက်ကြီးမြို့နယ် ဆေးရုံမှ တောင်ငူခရိုင်ဆေးရုံကြီးသို့ လွှဲပြောင်းပေးခဲ့ရာ ဖေဖော်ဝါရီ ၂၁ ရက် ည ၇ နာရီတွင် တောင်ငူ ခရိုင်ဆေးရုံကြီးမှ ခွဲစိတ်ကု ဆရာဝန်ကြီးများက တစ်နာရီကြာ ခွဲစိတ်ကုသ၍ သစ်ချောင်းကြီးကို ဖယ်ရှားပေးနိုင်ခဲ့ကြောင်း သိရသည်။

''သူကံကောင်းသွားတာက အဓိက သွေးကြောမကြီးတွေကို မထိဘဲ ကြွက်သားငယ်လေးတွေကိုပဲ ထိသွားလို့ တစ်နာရီလောက်ပဲကြာ ပါတယ်။ အသက်အန္တရာယ်မစိုး ရိမ်ရတော့ပါဘူး။ အသားပြန်တက် လာရင်တော့ အသေးစားခွဲစိတ် ကုသမှုလေးတွေ လုပ်ရပါဦးမယ်''ဟု တောင်ငူခရိုင် ဆေးရုံကြီး ခွဲစိတ်ကုသဆောင်မှ တာဝန်ရှိသူ ဆရာဝန်တစ်ဦးက ပြောကြားသည်။

ကျော်စွာ(တောင်ငူ)
The Mirror Daily
https://www.facebook.com/TheMirrorDaily


ထိုင်းနိုင်ငံ အယုဒ္ဓယခရိုင် ဘန်ပါဟန်မြို့နယ်မှာ ထိုင်းစစ်တပ်နဲ့ ရဲတပ်ဖွဲ့ဝင်တွေက တရားမ၀င် မြန်မာအလုပ်သမား ၅၄ ဦး တင်ဆောင်လာတဲ့ ကား ၈ စီးကို ရပ်တန့်ဖမ်းဆီးခဲ့တယ်လို့ ရဲအရာရှိရဲ့ ပြောဆိုချက်ကို ကိုးကားပြီး ဘန်ကောက်ပို့စ်သတင်းမှာဖော်ပြပါတယ်။

တရားမ၀င်မြန်မာအလုပ်သမားတွေကို အာရှလမ်းမကြီးကနေ ဘန်ကောက်မြို့ကို ပို့ဆောင်မယ်လို့ သတင်းရပြီးနောက် တာဝန်ရှိသူတွေက ဒီကနေ့ ကြားဖြတ်ဖမ်းဆီးခဲ့တာလို့ ပြည်တွင်းလုံခြုံရေးဆိုင်ရာ အယုဒ္ဓယရုံးရဲ့ လက်ထောက်ညွန်ကြားရေးမှူးကပြောပါတယ်။
ဖမ်းဆီးမိသူတွေထဲမှာ မြန်မာ အမျိုးသား ၂၈ ဦး၊ အမျိုးသမီး ၂၃ ဦးနဲ့ ကလေး ၃ ဦးပါဝင်ပြီး အားလုံးကို တရားမ၀င်ဝင်ရောက်မှုနဲ့ တရားစွဲ နေရပ်ပြန်ပို့မယ်လို့ဆိုပါတယ်။

အာဏာပိုင်တွေက ရပ်တန့် ဖမ်းဆီးခဲ့တဲ့ ကား ၈ စီးထဲက ၃ စီးဟာ မီတာတက္ကစီကားတွေဖြစ်ပြီး ထိုင်းကားမောင်းသမားတွေကိုလည်းဖမ်းဆီးထားကာ အလုပ်သမားတွေကို တရားမ၀င်ပို့ဆောင်မှု အပြင် လူကုန်ကူးမှုနဲ့ပါ တရားစွဲခံရနိုင်တယ်လို့ သတင်းမှာရေးပါတယ်။

မြန်မာအလုပ်သမားတွေဟာ မြန်မာနယ်စပ် တာချီလိတ်တစ်ဖက်ခြမ်းမှာရှိတဲ့ ချင်းရိုင်ခရိုင် မယ်ဆိုင်ကနေ ဘန်ကောက်မြို့က အလုပ်ရှင်ဆီမှာ အလုပ်လုပ်ဖို့ပို့ ဆောင်ပေးခဲ့ရ တယ်လို့ ကားမောင်းသမားတွေက ပြောပါတယ်။

By ဒီဗွီဘီ
http://burmese.dvb.no/archives/83064


ရှမ်းပြည်အရှေ့မြောက် ကိုးကန့်ဒေသမှာ ပဋိပက္ခပိုပြီး ကြီးလာနေတာကို အထူးစိုးရိမ်မကင်း ဖြစ်နေကြောင်း အမေရိကန်အစိုးရက တနင်္လာနေ့မှာ ပြောခဲ့ပါတယ်။ စစ်မှန်တဲ့ အမျိုးသား ရင်ကြားစေ့ရေး အတွက် မြန်မာအစိုးရတပ်နဲ့ တိုင်းရင်းသား လက်နက်ကိုင်တပ်တို့ကြား စေ့စပ်ဆွေးနွေးဖို့ တိုက်တွန်းလိုက်ပါတယ်။ တချိန်တည်းမှာပဲ စစ်ပြေး ဒုက္ခသည်တွေ အတွက် လူသားချင်း စာနာမှု အကူအညီတွေကို အနှောင့်အယှက်ကင်းစွာ ခွင့်ပြုဖို့ အစိုးရ အာဏာပိုင်တွေကို အမေရိကန်အစိုးရက မေတ္တာရပ်ခံလိုက်ပါတယ်။ မအင်ကြင်းနိုင်က အကြောင်းစုံ တင်ပြပေးထားပါတယ်။

မြန်မာနိုင်ငံမှာ အခုလို အစိုးရတပ်တွေနဲ့ တိုင်းရင်းသားလက်နက်ကိုင်အဖွဲ့ကြား ပဋိပက္ခ တိုက်ပွဲတွေ ဖြစ်နေတဲ့အခြေအနေကို အမေရိကန် အစိုးရက အထူးပဲ စိုးရိမ်မကင်းဖြစ်မိသလို ကြက်ခြေနီ ယာဉ်တန်းတွေ အပစ်ခံရတာနဲ့ပတ်သက်လို့လည်း စိုးရိမ်မိကြောင်း အမေရိကန် နိုင်ငံခြားရေးဌာနပြောခွင့်ရအမျိုးသမီးကပြောပါတယ်။

“ကိုးကန့်ဒေသမှာ တိုက်ပွဲတွေဆက်ပြီးဖြစ်နေတဲ့အခြေအနေတွေကို အမေရိကန်ပြည်ထောင်စုအနေနဲ့ အလွန်ပဲစိုးရိမ်မကင်းဖြစ်ရပါတယ်။ အထူးသဖြင့် ကြက်ခြေနီ လုပ်သားနှစ်ဦး အပစ်ခံရတဲ့ သတင်းတွေနဲ့ ပတ်သက်လို့ စိုးရိမ်မိပါတယ်။”

ဒါ့အပြင် စစ်မှန်တဲ့ငြိမ်ချမ်းရေးနဲ့ အမျိုးသားရင်ကြားစေ့ရေးအတွက် တခုတည်းသောနည်းလမ်းဖြစ်တဲ့ တွေ့ဆုံဆွေးနွေးရေးကို ပြန်ပြီး ဆောင်ရွက်ဖို့ သက်ဆိုင်ရာလက်နက်ကိုင်အဖွဲ့တွေကိုလည်း အမေရိကန်အစိုးရကတိုက်တွန်းကြောင်းလည်း ပြောခွင့်ရအမျိုးသမီးက အခုလိုပြောပါတယ်။

“မြန်မာအစိုးရတပ်ရော၊ တိုင်းရင်းသားလက်နက်ကိုင်တပ်တွေပါ ထိန်းထိန်းသိမ်းသိမ်းလုပ်ကြပြီး မြန်မာနိုင်ငံမှာ စစ်မှန်ပြီး၊ ခိုင်မာတဲ့ငြိမ်းချမ်းရေး၊ တည်ငြိမ်ရေးနဲ့ဖွံဖြိုးတိုးတက်ရေးတို့အတွက် တခုတည်းသောနည်းလမ်းဖြစ်တဲ့ စေ့စပ်ဆွေးနွေးပွဲကို ပြန်ပြီးဆောင်ရွက်ဖို့ အမေရိကန်အစိုးရက တိုက်တွန်းပါတယ်။ နှစ်ပေါင်း (၆ဝ)ကျော်ကြာမြင့်နေတဲ့ ပဋိပက္ခတွေချုပ်ငြိမ်းရေးအတွက် အမျိုးသားပြန်လည်ရင်ကြားစေ့ရေးကို ရှာဖွေနေတဲ့ ဖြစ်စဉ်ဟာ ဒီတိုက်ပွဲတွေကြောင့် ပျက်ပြားသွားစေနိုင်ပါတယ်။”

တိုက်ပွဲကြောင့် သောင်းနဲ့ချီတဲ့ ဒေသခံစစ်ပြေးဒုက္ခသည်တွေဟာ တရုတ်နိုင်ငံနယ်စပ်နဲ့ လားရှိုးမြို့ဘက်ကို ထွက်ပြေး တိမ်းရှောင်ခဲ့ကြရ တာပါ။ တနင်္လာနေ့ကထုတ်ပြန်တဲ့မြန်မာတပ်မတော်ရဲ့ သတင်း ကြေညာချက်မှာတော့ လောက်ကိုင်မြို့မှာ အခြေအနေတွေ တည်ငြိမ်စ ပြုလာပြီဖြစ်တာကြောင့် ဖေဖေါ်ဝါရီလ (၂၂) ရက်နေ့ကစပြီး ဒေသခံတွေ ပြန်ပြီးပြောင်းရွှေ့နေထိုင်လာကြတာ လောက်ကိုင်မြို့မှာ လူဦးရေ စုစုပေါင်း (၇၉၆) ဦးရှိသွားပြီလို့ဖေါ်ပြထားပါတယ်။

အမေရိကန်အစိုးရဘက်ကလည်း ကိုးကန့်စစ်ပြေးဒုက္ခသည်တွေအတွက် နိုင်ငံတကာအဖွဲ့အစည်းတွေရဲ့ လူသားချင်းစာနာမှု အကူအညီတွေကို အနှောင့်အယှက်ကင်းစွာခွင့်ပြုဖို့ မြန်မာအစိုးရအာဏာပိုင်တွေကို အခုလိုတိုက်တွန်းခဲ့ပါတယ်။

“ကိုးကန့်ဒေသတိုက်ပွဲကြောင့် ဒုက္ခရောက်နေတဲ့ စစ်ပြေးဒုက္ခသည်တွေအတွက်အရေးပေါ်ကယ်ဆယ်ရေးနဲ့ လူသားချင်းစာနာကူညီတဲ့ အထောက်အပံ့တွေ ခွင့်ပြုဖို့ မြန်မာအစိုးရနဲ့ဒေသဆိုင်ရာအာဏာပိုင်တွေကို အမေရိကန်အစိုးရအနေနဲ့ တိုက်တွန်းပါတယ်။”

ကိုးကန့် စစ်ပြေးဒုက္ခသည် သုံးသောင်းကျော်လောက်ထွက်ပြေးလာပြီး တရုတ်ပြည်ဘက်မှာ လာခိုလှုံနေကြတယ်လို့ ယူနန်အစိုးရက ပြောကြောင်း တရုတ်နိုင်ငံခြားရေး ဝန်ကြီးဌာနပြောခွင့်ရ အမျိုးသမီးကလည်း ပြီးခဲ့သတင်းပတ်သတင်းစာရှင်းလင်းပွဲမှာပြောထားပါတယ်။ လူသားချင်း စာနာတဲ့အနေနဲ့ အစားအသောက်၊ ဆေးဝါးနဲ့ ကူးစက်ရောဂါ ပြန့်ပွားမှုဟန့်တားတဲ့ပစ္စည်း စတဲ့ လိုအပ်တဲ့ အကူအညီတွေကို တရုတ်အစိုးရကပေးနေကြောင်းလည်းသူကပြောသွားပါတယ်။ တရုတ်အစိုးရရဲ့ကိုးကန့်အရေး ရပ်တည်ချက်နဲ့ပတ်သက်လို့ တရုတ်မြန်မာဆက်ဆံရေးလေ့လာနေသူ ဒေါက်တာလှကျော်ဇောက အခုလိုပြောပါတယ်။

“တရုတ်ဘက်ကလည်း ကိုးကန့်စစ်ပြေးဒုက္ခသည်တွေကို လက်ခံထားလိုက်တဲ့အောက်မှာ ဦးသိန်းစိန်အစိုးရ နည်းနည်းတော့ အနေတော့ ချောင်သွားတာပေါ့လေ၊ တရုတ်အစိုးရအနေနဲ့ ဗမာအစိုးရကိုရော၊ ကိုးကန့်ဘက်ကိုရော တစုံတရာဖျောင်းဖျတာတော့ ရှိကောင်း ရှိနိုင်ပါလိမ့်မယ်။ ကိုးကန့်အဖွဲ့ရဲ့ ရည်ရွယ်ချက်ကတော့ သူတို့ကို ငြိမ်းချမ်းရေးဆွေးနွေးပွဲစားပွဲမှာ ပြန်ပြီးတော့ လက်ခံဆွေးနွေးဖို့ ကြိုးစားတာပဲ။ ဒါက သူတို့တတ်နိုင်တဲ့ဘက်က သူတို့ ကြိုးစားတာ၊ အစောပိုင်းတုန်းကတော့ သူတို့ အမျိုးမျိုး နည်းပေါင်းစုံနဲ့ အစိုးရကို တင်ပြတယ်။ အခြားလက်နက်ကိုင်အဖွဲ့အစည်းတွေကလည်း တင်ပြတယ်။ ဒီ ကိုးကန့်ကို ထည့်သွင်းသင့်တယ်ဆိုတာ၊ ကိုးကန့်လူမျိုးဆိုတာ ကျမတို့တိုင်းရင်းသားလူမျိုးပဲဖြစ်တာကိုး နော်။ တိုင်းရင်းသားပဲဖြစ်တော့ သူတို့က အဲဒီဟာကို ပြန်လိုချင်တာပဲ။ ဒါကြောင့် သူတို့ရဲ့တိုက်ခိုက်မှုကလည်း အကန့်အသတ်ပဲဖြစ်မယ်။”

ကိုးကန့်ဒေသမှာ တနင်္လာနေ့ကဖြစ်တဲ့တိုက်ပွဲကြောင့် မြန်မာတပ်မတော်ဘက်က (၃) ဦးကျဆုံး၊ (၇) ဦးဒဏ်ရာရပြီး ကိုးကန့်တပ်က (၆) ဦးကျဆုံးတယ်လို့ မြန်မာတပ်မတော်က ဖေဖေါ်ဝါရီလ (၂၃)ရက်နေ့က သတင်းထုတ်ပြန်ခဲ့ပါတယ်။

အခုလို ကိုးကန့်ဒေသမှာ မြန်မာအစိုးရတပ်တွေနဲ့ ကိုးကန့်လက်နက်ကိုင်တပ်တွေကြား တိုက်ပွဲတွေကြောင့် နယ်စပ်ဒေသ ပဋိပက္ခနဲ့ ထိပ်တိုက်ရင်ဆိုင်မှု အလားအလာကို အထူးစိုးရိမ်မကင်းဖြစ်နေကြောင်း ကုလသမဂ္ဂဘက်က ပြီးခဲ့တဲ့ ဖေဖေါ်ဝါရီလ (၁၇)ရက်နေ့ကကြေညာချက်ထုတ်ပြန်ထား ပါတယ်။လက်နက်ကိုင်အဖွဲ့အစည်းအားလုံး ထိန်းထိန်းသိမ်းသိမ်းလုပ်ကြဖို့နဲ့ နောက်ထပ် ထိပ်တိုက် စစ်မက်ဖြစ်ပွားမယ့် အခြေအနေကို ရှောင်ရှားကြဖို့လည်း ကုလသမဂ္ဂက တိုက်တွန်းပါတယ်ရှင်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com/content/america-concerns-about-continues-fighting-in-north-east-shan-state-/2656149.html


ထိုင်းအစိုးရလုပ်ပေးတဲ့ အလုပ်သမား လက်မှတ် ပန်းရောင်ကဒ်ရှိပြီးသား ရွှေ့ပြောင်း အလုပ်သမားတွေ  အနေနဲ့ နိုင်ငံကူးလက်မှတ် လုပ်ဖို့ မှတ်ပုံတင်နဲ့ သန်းခေါင်စာရင်း အဆင်သင့်မဖြစ်သေးရင် လောလောဆယ် ဘယ်သူဘယ်ဝါ ဖြစ်ကြောင်း အထောက်အထား လက်မှတ်ဖြစ်တဲ့ အစိမ်းရောင် စာအုပ်ကို မြန်မာသံရုံးကနေ ဘန်ကောက်အပါအဝင် နေရာ ၅ ခုမှာ ကြီးကြပ်ရေးရုံးဖွင့်ပြီး ထုတ်ပေးသွားဖို့ ရှိပါတယ်။ အပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ထိုင်းအစိုးရလုပ်ပေးထားတဲ့ အလုပ်သမားလက်မှတ်နဲ့အတူ နိုင်ငံကူး လက်မှတ်လုပ်ဖို့ မှတ်ပုံတင်နဲ့သန်းခေါင်စာရင်းတွေအဆင်သင့်မရှိသေးရင် ဘယ်သူ ဘယ်ဝါဖြစ်ကြောင်း သက်သေအထောက်အထားစာအုပ် ထုတ်ပေးသွားမှာ ဖြစ်ကြောင်း ဘန်ကောက်မြို့ မြန်မာသံရုံးက အလုပ်သမား သံအရာရှိ ဦးသိန်းနိုင်က ပြောပါတယ်။

“မည်သူမည်ဝါဖြစ်တဲ့အကြောင်း ထုတ်ပေးမယ့် Certificate of Identity လေ၊ အထောက်အထားမပြည့်စုံတဲ့အခါကျတော့ ထိုင်းနိုင်ငံက ‘ဘတ်’ ကဒ် ရထားတဲ့သူတွေတော့လည်း (၆) သိန်း၊ (၅) သောင်းလောက် ရှိတယ်လေ။ သူတို့ကလည်း ၂၀၁၅ ၊ မတ် (၃၁) ဆိုရင် သူတို့က သက်တမ်းကုန်ပြီ။ အထောက်အထားတွေ မပြည့်မစုံဘဲနဲ့တင်ရင် ထပ်ပြီးတော့ အလုပ်သမားရေးရာလေးတွေ ပြဿနာရှိမှာစိုးလို့ လောလောဆယ်အားဖြင့် ပတ်စ်ပို့တွေ ထုတ်မပေးနိုင်ခင်စပ်ကြားမှာ ယာယီသက်သေခံအထောက်အထားအနေနဲ့ ထုတ်ပေးတာပါ။ ပန်းရောင်ကဒ်ရှိတဲ့သူတွေက မှတ်ပုံတင်လည်းရှိတယ်၊ သန်းခေါင်စာရင်းလည်းရှိတယ်ဆိုရင် ပတ်စ်ပို့လျှောက်လို့ရတယ်။ အခုက ဘာမှ အထောက်အထားမရှိတဲ့သူကိုလေ၊ အရမ်းနောက်ကျနေမှာစိုးလို့လေ။”

ထိုင်းနိုင်ငံမှာရှိတဲ့ မြန်မာသံရုံးရဲ့အစီအစဉ်နဲ့ ဘန်ကောက်အပါအဝင် နေရာ ၅ ခုမှာ ကြီးကြပ်ရေးရုံးတွေဖွင့်သွားမှာဖြစ်ကြောင်း၊ ထိုင်းအစိုးရနဲ့ညှိနှိုင်းပြီး တရားဝင်ထုတ်ပြန်သွားမှာဖြစ်ကြောင်းနဲ့ မတ်လအတွင်းမှ စတင်ဖို့စီစဉ်ထားတယ်လို့ အလုပ်သမား သံအရာရှိ ဦးသိန်းနိုင်ကပဲ ပြောပါတယ်။

“ကျနော်တို့က ကြီးကြပ်ရေးကောင်စီရုံး (၅) ရုံး ဖွင့်ပါမယ်။ ထိုင်းနိုင်ငံမှာ၊ ဘန်ကောက် (၁) ရယ်၊ ဘန်ကောက် (၂) ရယ်၊ မဲဆိုင်၊ မဲဆောက်၊ ရနောင်းမှာ၊ အဲဒီမှာ လျှောက်လို့ရပါတယ်။ ဖွင့်ဖို့အတွက် ထိုင်းကို ကျနော်တို့က Schedule လည်း တင်ထားပါတယ်။ တရားဝင် အမိန့်ထုတ်ပြန်ချက်ကိုပဲ စောင့်နေတာပါ။ များမကြာခင်တော့ ဆောင်ရွက်နိုင်မှာပါ။”

အခုလက်ရှိလုပ်ပေးမယ့် မည်သူမည်ဝါဖြစ်ကြောင်း သက်သေအထောက်အထားစာအုပ်အတွက် အချက်အလက်တွေ ဖြည့်စွက်ရာမှာ အချက် ၂၇ ချက် ပါဝင်ပြီး လျှောက်ထားသူရဲ့ ကိုယ်ရေးအချက်အလက်တွေအပါအဝင် လျှောက်ထားသူရဲ့ မိသားစု၊ ဆွေမျိုးအရင်းအချာတွေရဲ့ အလုပ်အကိုင်တွေ၊ နေရပ်လိပ်စာတွေလည်း ဖြည့်စွက်ပေးရမှာဖြစ်ပါတယ်။ ဒါ့အပြင် လျှောက်ထားသူဟာ ပြစ်မှု၊ တရားမမှုအရ အရေးယူခံရမှုရှိခဲ့ရင်လည်း ဖြည့်စွက်ပေးဖို့ ပါဝင်ပါတယ်။ ဒါ့အပြင် ယခင် နိုင်ငံကူးလက်မှတ်လျှောက်ထားရင်လည်း ဖြည့်စွက်ပေးရမှာဖြစ်ပါတယ်။ အချက် ၂၇ ချက်ကို ဖြည့်စွက်ပြီးမှသာ Certificate of Identity လို့ခေါ်တဲ့ သက်သေအထောက်အထားစာအုပ် အစိမ်းရောင်ကို ထုတ်ယူနိုင်မှာဖြစ်ပါတယ်။

ထိုင်းနိုင်ငံမှာ အလုပ်လုပ်နေတဲ့ အလုပ်သမားတွေအတွက် မြန်မာအစိုးရက ယာယီနိုင်ငံကူးလက်မှတ်ကနေ မှတ်ပုံတင်နဲ့ သန်းခေါင်စာရင်း ရှိရင်တော့ ထိုင်းနိုင်ငံအပြင် တခြားနိုင်ငံတွေကိုပါသွားနိုင်တဲ့ နိုင်ငံကူးလက်မှတ် အနီရောင်စာအုပ် ထုတ်ပေးမှာဖြစ်ကြောင်း ပြီးခဲ့တဲ့နှစ်တွေက ပြောထားတာ ရှိပါတယ်။

ထိုင်းနိုင်ငံရောက် ရွှေ့ပြောင်းအလုပ်သမားaတ်ာတော်များများကတော့ မြန်မာပြည်ပြန်ပြီး မှတ်ပုံတင်နဲ့သန်းခေါင်စာရင်း လုပ်ဖို့ ငွေကြေး အပါအဝင် တခြားအခက်အခဲတွေဗကြာင့် အဆင်သင့်မဖြစ်ကြဘဲ အတော်များများက နိုင်ငံကူးလက်မှတ် မလုပ်နိုင်ကြသေးဘဲ ဖြစ်နေပါသေးတယ်။

ပြီးခဲ့တဲ့နှစ်က ထိုင်းစစ်အစိုးရသစ်လက်ထက်မှာ အလုပ်သမားလက်မှတ်တွေကို နေ့ချင်းပြီး လုပ်ဆောင်ပေးခဲ့တာတောင်မှ သန်းနဲ့ချီရှိတဲ့ မြန်မာတွေထဲက ၆ သိန်းကျော်ပဲ အလုပ်သမားလက်မှတ်လုပ်ခဲ့ကြတာပါ။ အဲဒါကြောင့် ဒီနှစ်ဆန်းမှာ မြန်မာအလုပ်သမားတွေ မကြာခန ဖမ်းဆီးခံရမှုတွေလည်း ရှိနေတာ ဖြစ်ပါတယ်။ ထိုင်းနိုင်ငံမှာ အလုပ်လုပ်နေကြတဲ့ မြန်မာအလုပ်သမား နှစ်သန်းကနေ ၃ သန်းလောက် ရှိနိုင်တယ်လို့ နှစ်နိုင်ငံအစိုးရတွေက ခန့်မှန်း ထားကြပေမယ့် နေ့စဉ် အလုပ်အကိုင် ရှာဖွေနေသူတွေ များလာတာကြောင့် ဒိထက်မကလည်း ရှိနိုင်တယ်လို့ အလုပ်သမားရေးလုပ်နေတဲ့ အဖွဲ့အစည်းတွေက သုံးသပ်နေကြပါတယ်ရှင်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com/content/myanmar-migrant-workers-in-thai-can-apply-for-temporary-passport-/2656135.html

Author Name

Contact Form

Name

Email *

Message *

Powered by Blogger.