03/09/15

ပင်မကျောင်းသားသပိတ်ကို တားဆီးသဖြင့် ထိုင်သပိတ်ဆင်နွှဲနေသော ကျောင်းသားများအား အပူရှိန်ပြင်းပြင်း အောက်တွင် မတ် ၈ ရက် မွန်းတည့် ၁၂ နာရီခန့်က တွေ့ရစဉ် -

အမျိုးသားပညာရေးဥပဒေ ပြင်ဆင်ရေးအတွက် မန္တလေးမှ ရန်ကုန်သို့ လမ်းလျှောက်ချီတက် ဆန္ဒပြခဲ့သော ဒီမိုကရေစီပညာရေး (ပင်မ) သပိတ်စစ်ကြောင်းမှ ကျောင်းသားများသည် မတ် ၃ ရက်မှစတင်ကာ လက်ရှိအချိန်အထိ ၎င်းတို့ရောက်ရှိနေရာ လက်ပံတန်းမြို့၌ပင် မလူးသာမလွန့်သာ အခြေအနေ ဖြစ်ပေါ်နေရသည်။

ရဲအင်အား ၃ဝဝ ခန့်၊ ရဲကားများ၊ အဓိကရုဏ်းနှိမ်နှင်းရေး အသုံးပြုသည့် ရေကားများဖြင့် လက်ပံတန်းမြို့ ဝင်ပေါက်ထွက်ပေါက် အားလုံးနှင့် ပင်မသပိတ်စစ်ကြောင်း ရောက်ရှိရာ နေရာများကို ဝန်းရံပိတ်ဆို့ ထားကြခြင်းကြောင့် ဖြစ်သည်။

ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ဦးဆောင်သော ဒီမိုကရေစီပညာရေး ပင်မသပိတ် စစ်ကြောင်းသည် အမျိုးသားပညာရေး ဥပဒေကို ပြင်ဆင်သည့် ဥပဒေမူကြမ်းကို ဖေဖော်ဝါရီ ၂၈ ရက် နောက်ဆုံးထားပြီး အတည်ပြုပေးရန် တောင်းဆိုခဲ့သည်။
ကျောင်းသားသပိတ်စစ်ကြောင်း ရှိရာသို့ တာဝန်ချိန်းရန် ရောက်ရှိလာသည့် ရဲတပ်ဖွဲ့ဝင်များကို မတ် ၈ ရက်က တွေ့ရစဉ်

သို့သော်လည်း ဥပဒေပြုရေးဆိုင်ရာ လွှတ်တော်၏ လုပ်ထုံးလုပ်နည်းများမှာ ၎င်းတို့တောင်းဆိုသည့်အတိုင်း ဖြစ်ပေါ်လာနိုင်စရာ မရှိသည့်အပြင် အုပ်ချုပ်သူ အစိုးရဘက်မှလည်း လေးပွင့်ဆိုင် တောင်းဆိုဆွေးနွေးခဲ့သော အချက်များကို ဖောက်ဖျက်သည့်ကိစ္စများ ထင်ထင်ရှားရှား ရှိနေခြင်းကြောင့် သပိတ်စစ်ကြောင်းမှာ မတ် ၂ ရက်မှစတင်ကာ ရန်ကုန်သို့ ဆက်လက်လမ်းလျှောက် ချီတတ်ရန် ဆုံးဖြတ်ခဲ့ကြသည်။

ပိတ်ဆို့ခံအခြေအနေ

မတ် ၂ ရက်တွင်ပင် ကျောင်းသားများ၏ ဆက်လက်လမ်းလျှောက်မည့် အစီအစဉ်များကို ဟန့်တားရန် ရဲအင်အား အလုံးအရင်း၊ ရဲကားများ၊ အဓိကရုဏ်း နှိမ်နှင်းသည့် ရေကားများ ရောက်ရှိလာပြီး ၎င်းတို့ရောက်ရှိရာ နေရာဖြစ်သည့် အောင်မြေဗိမာန် ဘုန်းတော်ကြီးကျောင်းကို ဝိုင်းလိုက်ကြသည်။

ထို့ကြောင့် ကျောင်းသားများမှာ နယ်လုံဝန်ကြီးအဆင့်ဖြင့် ဆွေးနွေးမှုများပြုလုပ်ပြီး ရန်ကုန်သို့ ဆက်လက်ဝင်ရောက်ရန် အပါအဝင် အချက်ရှစ်ချက်ကို တောင်းဆိုခဲ့သည်။ တာဝန်ရှိသူများကမူ ငါးချက်သာ သဘောတူညီခဲ့သည်။

တောင်းဆိုချက်များမရသည့် ကျောင်းသားများမှာ မတ် ၃ ရက်တွင် ဆက်လက်လမ်းလျှောက်ရန် ဆုံးဖြတ်ခဲ့ရာ အောင်မြေဗိမာန် ဘုန်းကြီးကျောင်းမှ ပေ ၁ဝဝ အကွာ သာသာကိုသာ လျှောက်လှမ်းခွင့်ရပြီး ယင်းနေရာတစ်ဝိုက် ဝင်ပေါက်ထွက်ပေါက် အားလုံးကို ရဲတပ်ဖွဲ့က ပိတ်ဆို့ခဲ့ကြခြင်း ဖြစ်သည်။
သပိတ်မှောက် ကျောင်းသားများ၏ ကျန်းမာရေး၊ စားရေး သောက်ရေး

ယခုဆိုလျှင် ပိတ်ဆို့ခံထားရသည်မှာ ငါးရက်မြောက် ရှိလာခဲ့ပြီဖြစ်သည်။ ကတ္တရာလမ်းမပေါ်ထိုင်ပြီး အသက် ၂ဝ ဝန်းကျင် ကျောင်းသားများမှာ မတ်လ၏ ပူပြင်းသော ရာသီဥတုအောက်တွင် ဆန္ဒပြနေကြသည်။ ညဘက်တွင်လည်း ၎င်းတို့၏အိပ်ရာ အခမ်းအနားမှာ အဆိုပါ ကတ္တရာလမ်းမသာပင် ဖြစ်သည်။

“ဟိုနေ့ကဆို ကျောင်းသူလေးတစ်ယောက် မူးလဲသွားတယ်။ လက်ရှိအချိန်မှာလည်း ဆန္ဒပြတဲ့ ကျောင်းသားတွေမှာ သွေးပေါင်ချိန် မမှန်တာတွေ၊ အားနည်းတာတွေ ဖြစ်ပေါ်နေတယ်။ ကျန်းမာရေး စောင့်ရှောက်မှုပေးတဲ့ အဖွဲ့တွေတော့ရှိတယ်။ ဒါပေမဲ့ အမြဲတမ်း ဆရာဝန်မရှိတဲ့ အတွက်တော့ စိုးရိမ်ရပါတယ်” ဟု သပိတ်စစ်ကြောင်းတစ်လျှောက် လိုက်ပါလာပြီး ကျောင်းသား၊ ကျောင်းသူများ၏ အထွေထွေကိစ္စ အဝဝကို တာဝန်ယူ ဆောင်ရွက်နေသည့် ကိုမြတ်သူက ပြောကြားသည်။

ပိတ်ဆို့ခံထားရသည့် ရက်မှစကာ သပိတ်မှောက် ကျောင်းသားများ၏ စားရေး သောက်ရေး၊ နေရေးထိုင်ရေးအတွက် အလှူရှင်များက မုန့်များ၊ ရေသန့်ဘူးများ၊ ငွေကြေးများ လာရောက်လှူဒါန်း နေကြသည်။ သို့သော်လည်း ထိုရိက္ခာတို့မှာ လက်ချိုးရေလို့ရသော နေ့ရက်များအတွင်းပင် ကုန်သွားနိုင်သည်။

“အစားအသောက်ဆိုလည်း ဒီလိုပါပဲ။ အဓိက,က ရေပြတ်လပ် သွားနိုင်တာမျိုးတွေ ရှိတယ်။ လတ်တလောကတော့ အနီးအပါးဝန်းကျင်က ဆိုင်တွေမှာရယ် အလှူရှင်တွေက လာလှူတာတွေကို စားသောက်နေရတယ်” ဟု ကိုမြတ်သူက ထပ်မံပြောကြားသည်။

ကြံ့ကြံ့ခံသပိတ်

ရဲအင်အား ၃ဝဝ ခန့်ဖြင့် အချိန်မရွေး ဖြိုခွင်းခံရနိုင်သည့် အနေအထား၊ နေရေးစားရေး၊ ကျန်းမာရေး အခက်အခဲများ ကြားမှပင် သပိတ်မှောက် ကျောင်းသားများမှာ ၎င်းတို့၏ မူလရည်မှန်းချက်ဖြစ်သည့် အမျိုးသားပညာရေးဥပဒေ ပြင်ဆင်ရေးအတွက် ကြံ့ကြံ့ခံ သပိတ်ဆက်မှောက် နေကြသည်။

ကျောင်းသားသပိတ်စစ်ကြောင်း ရှိရာသို့ တာဝန်ချိန်းရန် ရောက်ရှိလာသည့် ရဲတပ်ဖွဲ့ဝင်များကို မတ် ၈ ရက်က တွေ့ရစဉ်

မတ် ၆ ရက် နံနက်ပိုင်းကဆိုလျှင် သပိတ်မှောက် ကျောင်းသားငါးဦးမှာ လက်ပံတန်းမြို့ထဲသို့ထွက်ပြီး ရန်ကုန်တွင် ကျောင်းသားများကို အကြမ်းဖက်မှုနှင့် ၎င်းတို့ကို ပိတ်ဆို့ထားမှုအား အလိုမရှိကြောင်း လက်ပံတန်းမြို့မဈေး အနီးတွင် ဆန္ဒပြခဲ့ကြသည်။

ယင်းသို့ ဆန္ဒပြမှုကြောင့် ရဲတပ်ဖွဲ့ဝင်များကလည်း ကျောင်းသူတစ်ဦး၊ ကျောင်းသားလေးဦးကို ဖမ်းဆီးခေါ်ဆောင် သွားခဲ့သည်။ သို့ရာတွင် အဆိုပါ ကျောင်းသားများမှာ မတ် ၇ ရက် နေ့လယ်ပိုင်းတွင်တော့ ပြန်လည်လွတ်မြောက် လာခဲ့ကြပြီး သပိတ်စခန်းရှိ ကျောင်းသားများဖြင့် ပြန်လည်ပူးပေါင်းခဲ့သည်။

သပိတ်စစ်ကြောင်း၏ အလားအလာ

ယခုကဲ့သို့ ကျောင်းသားသပိတ်အား ပိတ်ဆို့ထားမှုမှာ ရက်မည်မျှကြာသွား နိုင်သည်ကို မသိနိုင်ပေ။

ထိုနည်းတူစွာ အကြမ်းဖက်ဖြိုခွဲနိုင်ခြေ ရှိ၊ မရှိလည်း မသိနိုင်ပေ။ အစိုးရ၏ ကျောင်းသားများအပေါ်ထားသော စေတနာပေါ်တွင်သာ မူတည်နေပြီဖြစ်သည်။

ဖြေဆိုရန် ရက်ပိုင်းမျှသာ လိုတော့သည့် တက္ကသိုလ်ဝင် စာမေးပွဲများကလည်း ရှိနေပြန်သည်။ ထို့ကြောင့် ကျောင်းသားသပိတ်အတွက် တိကျရေရာသော ဆုံးဖြတ်ချက်တစ်ခုကို အစိုးရနှင့် ကျောင်းသားများက ဆွေးနွေးညှိနှိုင်း ရတော့မည်ဖြစ်ကာ လက်ရှိအချိန်တွင်တော့ အဆုံးအဖြတ် ပေးနိုင်စွမ်းရှိသော အဆင့်ရှိသည့် မည်သည့်အစိုးရ တာဝန်ရှိသူမှ သပိတ်စခန်းသို့ လာရောက်ညှိနှိုင်းမှုများ မရှိသေးပေ။
ပင်မကျောင်းသားသပိတ်ကို တားဆီးသဖြင့် ထိုင်သပိတ်ဆင်နွှဲနေသော ကျောင်းသားများအား အပူရှိန်ပြင်းပြင်း အောက်တွင် မတ် ၈ ရက် မွန်းတည့် ၁၂ နာရီခန့်က တွေ့ရစဉ် (ဓာတ်ပုံ-ကြည်နိုင်)

“လျာထားတဲ့ လမ်းကြောင်းတစ်ခုတော့ ရှိတယ်။ ဒါပေမဲ့ အဲဒါက အများသဘောတူ ဆုံးဖြတ်ချက် မကျသေးဘူး။ ၁ဝ တန်းစာ မေးပွဲမတိုင်ခင်မှာ ကျွန်တော်တို့ကိစ္စကို အစိုးရအနေနဲ့ ဘယ်နှရက်အတွင်း ဖြေရှင်းပေးဖို့ဆိုပြီး ကြေညာချက်ထုတ်ဖို့ရှိတယ်။ ဒါက စီစဉ်ထားတာပါ။ ကျွန်တော်တို့ကတော့ အချက်ရှစ်ချက်အပေါ် အကန့်အသတ်နဲ့ ခွင့်ပေးစေချင်တယ်။ အစိုးရက တကယ်တမ်း ၁ဝ တန်းစာမေးပွဲရှိလို့ သပိတ်နားစေ ချင်တယ်ဆိုတာ စေတနာမပါဘူး။ သပိတ်စစ်ကြောင်း ရပ်သွားအောင်ပဲပြောတာ။ ကျွန်တော်တို့က တကယ်ဒီပညာရေးကို စိုးရိမ်နေတာပါ။ ၁ဝ တန်းစာမေးပွဲ မတိုင်ခင်နဲ့ ၁ဝ တန်းဖြေနေတဲ့ ရက်အတွင်းမှာ ကျွန်တော်တို့လမ်းပေါ်မှာ သပိတ်စစ်ကြောင်း ရှိမနေစေချင်ဘူး။ သပိတ်လှန်မှာတော့ မဟုတ်ဘူး။ သပိတ်ရပ်နားတာမျိုးပဲ ဖြစ်ချင်တယ်။ အဲဒီအတွက် သပိတ်ရပ်နားပြီးတော့ လွှတ်တော်ရဲ့လုပ်ငန်းကို စာမေးပွဲကာလအတွင်း စောင့်ကြည့်တာမျိုး လိုချင်တယ်။ အချက်ရှစ်ချက်ကို အကန့်အသတ်နဲ့ လိုက်လျောပေးစေချင်တယ်။ ရန်ကုန်ကို ကားတွေနဲ့သွားတာမျိုး လုပ်ချင်တယ်။ ကျွန်တော်တို့ဘက်က မညှိနှိုင်းတာတော့ မဟုတ်ဘူး။ နယ်လုံဝန်ကြီး အဆင့်နဲ့ ညှိနှိုင်းခဲ့တယ်။ နယ်လုံဝန်ကြီးကလည်း ဆုံးဖြတ်ချက်ချနိုင်တဲ့ အနေအထား မဟုတ်ဘူး။ တကယ်လို့ အစိုးရဘက်က ပြည်ထောင်စုအဆင့် ဆုံးဖြတ်ချက်ချနိုင်တဲ့ အနေအထားမျိုးနဲ့ ညှိနှိုင်းမယ်လို့ ဆက်သွယ်လာရင်တော့ ဒီဟာကို ဆုံးဖြတ်ချက်ချနိုင်မယ် ထင်တယ်” ဟု သပိတ်စစ်ကြောင်းတွင် ဦးဆောင်ပါဝင်သူ တစ်ဦးဖြစ်သည့် ကိုမင်းသွေးသစ်က ပြောကြားသည်။

ကိုမင်းသွေးသစ်၏ ပြောစကားအရဆိုလျှင် သပိတ်မှောက် ကျောင်းသားများဘက်ကမူ ၎င်းတို့တောင်းဆိုသည့် အချက်များကို လျှော့ပေါ့ပေးနိုင်သလောက် လျှော့ပေါ့ပေးပြီး ဆွေးနွေးမှုများ ပြုလုပ်ချင်ပုံရသည်။ အစိုးရဘက်မှလည်း အတိုင်းအတာတစ်ခုအထိ လျှော့ပေါ့ပေးရန် လိုအပ်လာပြီဖြစ်သည်။ မတ် ၅ ရက်က ရန်ကုန်တွင် ဖြစ်ပျက်သွားသော ကိုင်တွယ်ပုံမျိုးနှင့် ဆိုလျှင်တော့ ကမ္ဘာ့အလယ်တွင် သိက္ခာကျပြီးရင်း ကျမည်ပင်ဖြစ်သည်။ သို့မဟုတ်ပါက ပညာရေးစနစ် ပြုပြင်ပြောင်းလဲရန် သပိတ်မှောက်နေသော ကျောင်းသားများ ဘက်ကလည်း ရွေးစရာလမ်း ရှိတော့မည် မဟုတ်ပေ။

“အချက်ရှစ်ချက်ကို ရက်သတ်မှတ်ပြီး တောင်းဆိုမယ်။ ဒီရက်သတ်မှတ်ပြီး တောင်းဆိုတဲ့အထဲမှာမှ အစိုးရဘက်က ဘာမှမလုပ်ပေးဘူး ဆိုရင်တော့ စစ်ကြောင်းမှာရှိတဲ့ ကျောင်းသားတွေနဲ့ အစည်းအဝေးလုပ်ပြီး တိုးမလား၊ မတိုးဘူးလားဘဲ ဆုံးဖြတ်ရတော့မှာပဲ” ဟု ကိုမင်းသွေးသစ်က ပြောကြားသည်။

Writer:
သက်မင်း၊ ကြည်နိုင်
- Eleven media group

မြောင်းမြခရိုင်တရားရုံး၌ လာဘ်ပေးလာဘ်ယူပြု တရားစီရင်မှုများနှင့် အကျင့်ပျက် ၀န်ထမ်းများအတွက် ဒေသခံများစုပေါင်း၍ ဖေဖော်ဝါရီ ၂၅ ရက်က ဆန္ဒထုတ်ဖော်ခဲ့စဉ် (ဓာတ်ပုံ-မင်းသူဝင်းထွဋ်) -
(၁)

“မြောင်းမြခရိုင်တရားရုံးတွင် လာဘ်ပေးလာဘ်ယူပြု တရားစီရင်မှုများနှင့် အကျင့်ပျက် ၀န်ထမ်းများ အရေးယူပေးရေး ဒေသခံများ ဆန္ဒထုတ်ဖော်ကြသလို ရှေ့နေများနှင့် တရားရေးတာဝန်ရှိသူများက ပြန်လည်ရှင်းလင်း”

(၂၆-၂-၂ဝ၁၅ The Daily Eleven နေ့စဉ်သတင်းစာ စာမျက်နှာ-၂၄)

ဒါကတော့ ထူးလျက်နှင့် မဆန်းသတင်း တစ်ခုပါလာတာပဲ။ တရားစီရင်ရေးအပေါ် ပြည်သူတွေတိုး၍ တိုး၍ မကျေနပ်လာကြောင်း ဖော်ပြနေတဲ့သတင်း ဖြစ်ပါတယ်။ ထပ်တိုးလာတဲ့ သတင်းကတော့ “ရှေ့နေများ၊ အမှုလိုက်ရှေ့နေ၊ ဥပဒေအရာရှိများ၊ အမှုပွဲစား ဒလန်တားရှေ့နေ အလိုမရှိ” ဆိုတဲ့ ကြွေးကြော်သံတွေ ပါလာတာပဲ။

သတင်းက ဒီမှာတင် ရပ်မနေဘဲ ဘယ်လိုဆက်ပါလဲဆိုတော့ “ဆန္ဒထုတ်ဖော်ရာတွင် ကြွေးကြော်ခဲ့သည့် ကြွေးကြော်သံများ နှင့်ပတ်သက်၍ မြောင်းမြခရိုင်ရှေ့နေများအသင်းက ဆန္ဒထုတ်ဖော်သူများကို တရားဥပဒေအရ ပြန်လည်တုံ့ပြန်သွားမည်ဖြစ်ကြောင်း” ဆိုတာ ဆက်ပါလို့လည်း အခုလို ဒီဆောင်းပါးကို ရေးသားဖြစ်သွားတာပါ။

(၂)

မြောင်းမြခရိုင် တရားသူကြီး ဒေါ်အက်စ်ဂနက်ဆိုတာက စာရေးသူလည်းသိတဲ့ တရားသူကြီး တစ်ဦးပါ။ ပြည်မြို့မှာ သူ တာဝန်ထမ်းဆောင်ခဲ့စဉ်တုန်းက ပုဒ်မ-၅ (ည) နဲ့ ပြည်မြို့ ခေတ္တရာမြို့သစ်ဘက်က NLD နိုင်ငံရေးတက်ကြွလှုပ်ရှားသူ အမျိုးသမီးခေါင်းဆောင်တစ်ဦးကို သတင်းတပ်ဖွဲ့က တရားစွဲဆိုစဉ်က အမှုမမြောက်ဘူးဆိုပြီးတော့ တရားသေ လွှတ်ပေးရဲခဲတဲ့ တရားသူကြီးတစ်ဦးပါ။ လက်ရှိ NLD နာယကကြီး ဦးတင်ဦး ကိုယ်တိုင် ဒေါ်အောင်ဆန်းစုကြည်အိမ်ရှေ့ တရားပွဲတစ်ခုမှာ ထုတ်ဖော်ချီးကျူးခံရတဲ့သူ တစ်ဦးပါ။ အဲဒီ့အချိန်က တပ်မတော် ထောက်လှမ်းရေးအဖွဲ့ကို ဗိုလ်ချုပ်ခင်ညွန့်က ဦးဆောင်နေပြီး NLD ကို အပြတ်ချေမှုန်းနေတဲ့ကာလ ဖြစ်ပါတယ်။ တရားသူကြီးတစ်ယောက်အနေနဲ့ အင်မတန်မှ စွန့်စွန့်စားစား ဆုံးဖြတ်ခဲ့ရတာပါ။

အခုအချိန်မှာ တရားစီရင်ရေးအနေနဲ့ လုံးဝလွတ်လပ်သွားပြီလို့ မဆိုနိုင်သေးသလို စစ်အာဏာရှင်အောက်မှာ ၂၆ နှစ်နေခဲ့ရစဉ်က ကျင့်သုံးခဲ့တဲ့ လာဘ်ပေးလာဘ်ယူမှု၊ တရားမမျှတမှု အလေ့အထတွေလည်း မပြောင်းမလဲဘဲ ပကတိအတိုင်း ကျန်နေပါသေးတယ်။
စာရေးသူကိုယ်တိုင်လည်း ဒီအကြောင်းတွေကို အခါအားလျော်စွာ ဆောင်းပါးများ ရေးသားခြင်း၊ စာနယ်ဇင်းများတွင် တွေ့ဆုံမေးမြေန်းခန်းများ၌ ဖြေကြားခြင်းများနှင့် ဟောပြောပွဲများတွင် ထည့်သွင်းဟောပြောခြင်းများကို တရားစီရင်ရေးစနစ် ပိုမိုကောင်းမွန်လာစေရေးနှင့် တရားဥပဒေစိုးမိုးရေးတို့အတွက် ကြိုးပမ်းအားထုတ် ဆောင်ရွက်လျက် ရှိပါတယ်။

တရားသူကြီးများအနေနဲ့လည်း “တရားစီရင်ရာတွင် အမှန်ကို ဆုံးဖြတ်ရုံသာမကဘဲ ထိုသို့ အမှန်တရားကို စီရင်ကြောင်း အများမြင်စေရာသည်“ { ပြည်ထောင်စုမြန်မာနိုင်ငံတော်နှင့် မောင်ရွှေ (ခ) မောင်ရှေပါ-၂} ၊ ၁၉၆၆ ခုနှစ်၊ မြန်မာနိုင်ငံစီရင်ထုံး {တရားရုံးချုပ်) စာ-၆၁၆ } ဟူသော စီရင်ထုံးပါ မူအတိုင်း “ပြည်သူကို မျက်နှာမူ၍” ပြည်သူလူထု အမြင်ရှင်းအောင် ကျင့်ကြံလုပ်ဆောင် နေထိုင်သင့်တယ်လို့ ထင်မြင်ယူဆမိပါတယ်။

(၃)

ဘဝတူ လုပ်ဖော်ကိုင်ဖက် မြောင်းမြခရိုင် ရှေ့နေအသင်းမှ ဥက္ကဋ္ဌနှင့် အမှုဆောင်လူကြီးများ၊ မိတ်ဆွေရှေ့နေ ရှေ့ရပ်များကိုလည်း တစ်ဆက်တစ်စပ်တည်း အသိပေးလိုတာကတော့ စာရေးသူဟာ အသက် ၇ဝ ခန့်ရှိ ရှေ့နေကြီးတစ်ဦး ဖြစ်ပါတယ်။ မြန်မာနိုင်ငံ ရှေ့နေကွန်ရက်မှာလည်း တာဝန်ရှိ လူကြီးတစ်ဦးအဖြစ် အများပြည်သူအကျိုးအတွက် ဥပဒေရေးရာကိစ္စများကို လက်တွေ့ကူညီ ဆောင်ရွက်ပေးနေသူတစ်ဦးဖြစ်သလို တရားရုံးများ ရှေ့မှောက်တွင်လည်း အမှုလိုက်ပါ ဆောင်ရွက်နေသူတစ်ဦးလည်း ဖြစ်ပါတယ်။

စာရေးသူ၏ ကြီးမားစွာသော လက်တွေ့အတွေ့အကြုံများအရ စာရေးသူတို့ ရှေ့နေရှေ့ရပ်လောကမှာ မြောင်းမြမှ ဆန္ဒပြပြည်သူများ ဆန္ဒပြတောင်းဆိုသည့်အတိုင်း အဖြစ်အပျက်များဟာ အမှန်တကယ် ဖြစ်ပျက်လျက်ရှိကြောင်း ရှေ့နေရှေ့ရပ်များကိုယ်တိုင် သိရှိသလို အများပြည်သူတစ်ရပ်လုံးလည်း သိရှိကြပါသည်။ မြောင်းမြခရိုင် တစ်ခုတည်းသာမက တစ်ပြည်လုံးဒီလိုဖြစ်ရပ်တွေ အမှန်တကယ် တည်ရှိဖြစ်ပွားလျက် ရှိပါတယ်။ စာရေးသူတို့လည်း အဲဒီလိုရှေ့နေများ၊ ဥပဒေဝန်ထမ်းများ၏ဒဏ်ကို အလူးအလဲ ခံခဲ့ကြရသူတွေပါ။

၁၉၈၈ ခုနှစ်နောက်ပိုင်း တစ်ပြည်လုံး ဌာနဆိုင်ရာ အသီးသီး အကျင့်စာရိတ္တပျက်စီးကြရာမှာ ရှေ့နေရှေ့ရပ်တွေလည်း တောင့်မခံနိုင်ဘဲ စားဝတ်နေရေးအရ ပါဝင်ပတ်သက်ခဲ့ကြရပါတယ်။ သိက္ခာ၊ သမာဓိကို ထိန်းသိမ်းပြီး မိမိ၏ အသက်မွေးဝမ်းကျောင်းကို လုပ်ကိုင်နေသူများရှိသကဲ့သို့ “မြောင်းမြမှ ဆန္ဒထုတ်ဖော်ကြသော ပြည်သူများ ရည်ညွှန်းဖော်ထုတ်သလို” ရှေ့နေရှေ့ရပ်များ၊ ဥပဒေဝန်ထမ်းများလည်း၊ နေရာအနှံ့ အမှန်တကယ်ရှိနေကြောင်း ဥပဒေလောကသားများ သိရှိကြပါတယ်။ ထို့အတူ ပြည်သူများလည်း သိရှိကြပါတယ်။ အဆန်းတကြယ် မဟုတ်ပါဘူးခင်ဗျာ။ ပေါ်ပေါ်ထင်ထင်ပါပဲ။

(၄)

အဆန်းတကြယ် ဖြစ်ရတာကတော့ ဆန္ဒပြသူများပြောသလို အမှန်တကယ် ဖြစ်ရပ်မှန်များ ရှိပါလျက်၊ ထိုဆန္ဒပြသူများကို ဥပဒေအရ ပြန်လည်တုံ့ပြန် အရေးယူဆောင်ရွက်မည်ဟူသော စာရေးသူတို့၏ မိတ်ဆွေ လုပ်ဖော်ကိုင်ဖက်ရှေ့နေများရဲ့ တုံ့ပြန်ပြောဆိုချက်ပင် ဖြစ်ပါတယ်။ စာရေးသူအနေဖြင့် ရှေ့နေများအကြောင်း ရှေ့နေလောကအကြောင်း ထဲထဲဝင်ဝင် သိနေသူတစ်ဦးဖြစ်၍လည်း ထိုသို့ တုံ့ပြန်ပြောဆိုချက်အပေါ် လူထုကိုယ်စား များစွာဝမ်းနည်း အံ့ဩရပါတယ်။ ဒါကြောင့် ဒီကိစ္စကိုတော့ ဆရာတို့အနေနဲ့ ပြန်စဉ်းစားပေးကြစေလိုပါတယ်။ မေတ္တာရပ်ခံလည်း မေတ္တာရပ်ခံပါတယ်။

တကယ်တော့ စာရေးသူတို့ ရှေ့နေလောကတွင် ဖြစ်ပျက်နေသော “ဆန္ဒဖော်ထုတ်သူတို့ ရည်ညွှန်းပြောဆိုသည့်” ရှေ့နေရှေ့ရပ်များအဖြစ် မိမိကိုယ်တိုင် မဖြစ်စေရန် အများပြည်သူရှေ့တွင် ကျင့်ကြံနေထိုင် လုပ်ကိုင်ကြရန်သာ ဖြစ်သင့်ပါတယ်။ တစ်ဆက်တည်းမှာပဲ ထိုဆန္ဒထုတ်ဖော်သူတို့ ရည်ညွှန်း ပြောဆိုသည့် ရှေ့နေရှေ့ရပ်များကိုလည်း မိမိတို့ကိုယ်တိုင် ဝိုင်းဝန်းကြိုးပမ်း ဖော်ထုတ်တားမြစ်သင့်ပါတယ်။ ဒါ့ပြင် ဝါရင့်ရှေ့နေကြီးများမှ ဦးစီး၍ လူငယ်တို့အား ရှေ့နေသင်တန်းများပေး၍ ထိုဖြစ်ရပ်မျိုးများ ပပျောက်အောင် သင်ကြားပေးသင့်တယ်လို့ ထင်မြင်မိပါတယ်။

(၅)

နိဂုံးချုပ်အနေနဲ့ တင်ပြလိုတာကတော့ စာရေးသူတို့အပါအဝင် ရှေ့နေရှေ့ရပ်များ အနေဖြင့် “ပြည်သူကို မျက်နှာမူ၍” ပြည်သူများအား ကူညီ၍ စာနာထောက်ထားပြီး အမှန်တရား ရရှိရေးကို ဝိုင်းဝန်းကြိုးပမ်း အားထုတ်ပေးသင့်ကြပါတယ်။ ပြည်သူတွေကို ပြန်လည်ရန်တုံ့ မမူစေလိုပါ။ သူတို့တွေဟာလည်း ဘဝတွေနဲ့ ရင်းနှီးထားကြရတဲ့သူတွေပါ။ အဲဒီလိုဆိုရင်တော့ ရှေ့နေရှေ့ရပ်များ နှင့် တရားစီရင်ရေးလောကအပေါ် ပြည်သူတို့မှ အမြင်ကြည်လင်၍ လေးစားမှု ပြန်လည်ရရှိလာမည်ဟု ယုံကြည်ကြောင်းပါ ခင်ဗျာ။

Writer:
ဦးကြီးမြင့် (တရားလွှတ်တော်ရှေ့နေ)
- See more at: http://news-eleven.com/%E1%80%B1%E1%80%86%E1%80%AC%E1%80%84%E1%80%B9%E1%80%B8%E1%80%95%E1%80%AB%E1%80%B8%E1%80%99%E1%80%BA%E1%80%AC%E1%80%B8/%E1%80%BB%E1%80%95%E1%80%8A%E1%80%B9%E1%80%9E%E1%80%B0%E1%80%80%E1%80%AD%E1%80%AF-%E1%80%99%E1%80%BA%E1%80%80%E1%80%B9%E1%82%8F%E1%80%BD%E1%80%AC%E1%80%99%E1%80%B0%E1%81%BE%E1%80%80%E1%80%95%E1%80%AB#sthash.C81ncU02.dpuf

 
တောင်းဆိုထားချက် တွေကို အင်္ဂါနေ့ အမီ တုန့်ပြန်ဖို့ ဗကသ ထုတ်ပြန်။
လက်ပံတန်း မြို့မှာ ပိတ်ဆို့ ခံထားရတဲ့ သပိတ်မှောက် ကျောင်းသား တွေ ရဲ့ အရေးပေါ် ကြေညာချက် ဆိုပြီး တနင်္ဂနွေ နေ့ က ထွက်လာတာ မှာ သပိတ် စစ်ကြောင်း ရန်ကုန် ကို အမြန်ဆုံး ရောက် နိုင်ရေး အတွက် အာဏာပိုင် တွေ နဲ့ ဆွေးနွေး တောင်းဆို ထားတာ တွေ ကို အခု လာမယ့် ၁၀ ရက် နေ့ အင်္ဂါနေ့ မနက် ၁၀ နာရီ နောက်ဆုံး ထားပြီး အစိုးရ တာဝန် ရှိသူတွေ က ဖြေရှင်း ပေးပါ လို့ ပါဝင် ပါတယ်။

ကျောင်းသား တွေ ကို လက်ပံတန်းမြို့ ကျွန်းကလေး လမ်းဆုံ မှာ လုံခြုံရေး တပ်ဖွဲ့ဝင် တွေ က ပိတ်ဆို့ ထားတာ သီတင်းတစ်ပတ် ရှိလာပြီ ဖြစ်ပါတယ်။

ပိတ်ဆို့ ခံရပြီး နောက်တစ်ရက် ပဲခူးတိုင်း နယ်လုံဝန်ကြီး နဲ့ ကျောင်းသား တွေ တွေ့ဆုံစဉ် မှာ သပိတ် စစ်ကြောင်း အနေနဲ့ သာယာဝတီ အထိ လမ်းလျှောက်ပြီး ရန်ကုန် ကို ကားနဲ့ ဝင်ရောက် ဖို့ အပါအဝင် အချက် ၈ ချက် ကို တောင်း ဆို ထားတာ ဖြစ်ပါတယ်။

အာဏာပိုင် တွေ ဘက်က တုန့်ပြန်ဖို့ အချိန်ဆွဲ ပြီး ဆက်လက် ပိတ်ဆို့ ထားတဲ့ အတွက် ၁၀ တန်း စာမေးပွဲ တွေ မစတင် မီ ဖြေရှင်းပေး ဖို့ အခုလို တောင်း ဆိုရတာ ဖြစ်တယ် လို့ ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် ဗကသ ရဲ့ ပြန်ကြား ရေး တာဝန်ခံ ကိုရဲရင့်ကျော် က ဘီဘီစီ ကို ပြောပါတယ်။

ဒေသခံ ရဲ အာဏာ ပိုင် အကြီးအကဲ ကတော့ အခု ပိတ်မိနေ တဲ့ ကျောင်းသားတွေ ကို အကြမ်းဖက် ဖြိုခွဲ တာမျိုး မလုပ်ပါဘူး ဆိုပြီး မီဒီယာ တွေ ကို ပြောထားတာ ရှိပါတယ်။


BBC Burmese
http://www.bbc.co.uk/burmese

ကိုထက်လွင်အောင်
ဆန္ဒပြနေတဲ့ကျောင်းသားသပိတ်ကို အကြမ်းဖက်မှုတွေမလုပ်ဖို့ ရန်ကုန်မြို့မှာ တကိုယ်တော်ဆန္ဒပြနေတဲ့ ကိုထက် (ခ)ကိုထက်လွင်အောင်ဟာ စနေနေ့ အစောပိုင်းက ကားတိုက်ခံရပြီး သေဆုံးသွားခဲ့ပါတယ်။ လက်ပံတန်းမှာ ပိတ်မိနေတဲ့ကျောင်းသားတွေအပေါ် အာဏာပိုင်တွေက ကန့်သတ်မှုတွေ ပိုမို လုပ်လာနေတဲ့ကြားကပဲ သပိတ်ကျောင်းသားတွေဟာ သူတို့အတွက်သာမက တောင်သူလယ်သမားတွေနဲ့ အများအကျိုးကြိုးပမ်းဆောင်ရွက်ခဲ့တဲ့ ကိုထက်လွင်အောင်အတွက် ဝမ်းနည်းခြင်း အထိမ်းအမှတ်ပြုလုပ်ခဲ့ကြပါတယ်။ အပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးအေးမာက တင်ပြပေးထားပါတယ်။

ပဲခူးတိုင်း၊ လက်ပံတန်းမြို့မှာ တပတ်ခန့်ကြာအောင် ပိတ်ဆို့တားဆီးခံထားရတဲ့ ကျောင်းသားသပိတ်ရှိတဲ့နေရာကို ဆေးဝါး၊ ရေနဲ့အစားအသောက်တွေ သယ်ယူခွင့်ခက်ခဲအောင် အာဏာပိုင်တွေက ကန့်သတ်မှုတွေလုပ်လာတဲ့အကြောင်း သပိတ်ခေါင်းဆောင် ကိုသီဟဝင်းတင်က ဆိုပါတယ်။

“မနေ့ကစပြီးဖြတ်တာအမ၊ မနေ့တုန်းကဆို သုံးယောက်စာလောက်ဝင်လို့ရတဲ့လမ်းကို barricade နဲ့ထပ်ပိတ်လိုက်တော့ မနေ့ကဆိုလို့ရှိရင် လူတယောက်စာလောက်ကိုတောင်မှ တစောင်းပဲဝင်လို့ရတော့တယ်၊ ဒဲ့ (အတည့်)-ဝင်လို့မရတော့ဘူး။ တစောင်းဝင်ရတာဆိုတော့ ရေသန့်ဗူးတို့၊ အစားအသောက်တို့ ယူလာဖို့ဆိုရင် အဲဒီဥစ္စာတွေက တော်တော် ခက်ခက်ခဲခဲကို သယ်ပြီးတော့ ဝင်နေရတော့ - နောက်တခုက အရင်ကထက် ပိုပြီးတင်းကြပ်တော့ လူထုက ဝင်လာရမှာကြောက်တယ်ပေါ့နော်။ ကြောက်အောင် ခြောက်ထားတဲ့သဘောမျိုး၊ အဲလိုမျိုးပုံစံဖြစ်လာတယ်။ ပြီးတော့ နာရေးကူညီမှုကားတွေ ပြန်လဲဖို့ကို အပြင်ထွက်ဖို့ကို ထွက်ခွင့်မပေးဘူး။ ထွက်ခွင့်မပေးတော့ နာရေးကူညီမှုကားတွေက တချို့ကားတွေဆို ပြန်မလဲရသေးဘူး။ အဲလိုမျိုးတွေ ရှိတယ်။”

မနေ့ကတော့ ပညာရေးစနစ် ပြုပြင်ပြောင်းလဲရေးနိုင်ငံလုံးဆိုင်ရာ ကွန်ယက် (NNER) ၊ စည်းလုံးညီညွတ်သော တိုင်းရင်းသားလူမျိုးများ မဟာမိတ်အဖွဲ့ (UNA) တပ်ပေါင်းစုအဖွဲ့ နှစ်ဖွဲ့အပါအဝင် အဖွဲ့ပေါင်း ၂၃ ဖွဲ့က ကျောင်းသားသပိတ်ကို ငြိမ်းချမ်းစွာဖြေရှင်းပေးဖို့ သမ္မတဦးသိန်းစိန်ကို မေတ္တာရပ်ခံစာတစောင် ပေးပို့ခဲ့ပါသေးတယ်။

ဒီလို အခြေအနေမှာပဲ ဆန္ဒပြကျောင်းသားသပိတ်ကို အကြမ်းမဖက်ဖို့ ရန်ကုန်မြို့မှာ တကိုယ်တော်ဆန္ဒပြလှုပ်ရှားနေခဲ့တဲ့ ကိုထက် (ခေါ်) ကိုထက်လွင်အောင်ဟာ စနေနေ့ အစောပိုင်းက ကားတိုက်ခံရပြီး သေဆုံးသွားခဲ့ပါတယ်။

ရန်ကုန်ပြည်သူ့အကျိုးဆောင်ကွန်ယက်က လူငယ်တဦးဖြစ်တဲ့ကိုထက် (ခ)ကိုထက်လွင်အောင်ဟာ မနက်အစောကြီးမှာ အမျိုးသားပညာရေးဥပဒေကို ဆန့်ကျင်ကြောင်း လမ်းမတွေပေါ်မှာ ဆေးပက်ဖျန်းလှုပ်ရှားမှုကို ဆောင်ရွက်နေစဉ် သေဆုံးခဲ့ရတာဖြစ်လို့ လက်ပံတန်းကျောင်းသားသပိတ်က သူ့အတွက် ဝမ်းနည်းခြင်းအထိမ်းအမှတ်ပဲလုပ်ခဲ့ကြောင်းလည်း ကိုသီဟဝင်းတင်က ဆက်ပြောပြပါတယ်။

“ရန်ကုန်က ပြည်သူ့အကျိုးဆောင်ကွန်ယက်က ကိုထက် ကွယ်လွန်သွားတာ၊ သူလှုပ်ရှားခဲ့တာကလည်း သူ့ကျွန်ပညာရေး အလိုမရှိ- ဆိုတဲ့ ကျောင်းသားနဲ့ ဆိုင်တဲ့ လှုပ်ရှားမှုတခုကိုလည်း သူလုပ်တယ်။ နောက် ကျောင်းသားနဲ့မဆိုင်တဲ့ ပြည်သူ့အရေးအတွက်တွေလည်းလုပ်နေတဲ့ ရဲဘော်တယောက်ပဲလေ။ အဲဒီတော့ ကျနော်တို့ အလံကို တိုင်ဝက်ထားပြီးတော့ ကိုထက်ကို အလေးပြုခဲ့ကြတယ်။ ကိုထက်ကိုအလေးပြုပြီး ကျနော်တို့ ကမ္ဘာမကြေဘူးသီချင်းဆိုခဲ့ကြတယ်၊ ဝမ်းနည်းခြင်းအထိမ်းအမှတ်အနေနဲ့ပေါ့နော်။ ကိုထက်က အလုပ်သမားအရေး၊ လယ်သမားအရေးတွေလုပ်တယ်။ ပြီးတော့ လက်ပံတောင်းမှာ အချိန်ပြည့် အမြဲတန်း လယ်သမားတွေကို ကူညီနေတယ်။ အဲလိုမျိုးတွေလုပ်တယ်။ ပြီးတော့ သူ့အနေနဲ့ ပြည်သူ့အရေး အကုန်လုံးနီးပါးကိုလည်း လုပ်တယ်လို့ ပြောလို့ရတယ်ဗျ။”

ကိုထက်ဟာ လက်ပံတောင်းအရေး၊ မိုးထိမိုးမိအလုပ်သမားအရေး၊ ကျောင်းသားသပိတ်နဲ့ ရန်ကုန် အလုပ်သမားသပိတ်တွေကို ထောက်ခံကူညီပေးခဲ့သူ တဦးဖြစ်ပြီး လက်ပံတောင်းအရေးကြောင့်လည်း ဖမ်းဝရမ်းထုတ်ခံထားရတဲ့ လူငယ်တဦးဖြစ်ပါတယ်။ သူမသေဆုံးခင်ညတုန်းက သူ့ကို လူငါးဦးက ရိုက်နှက် နှောင့်ယှက် ခြိမ်းခြောက်မှုတွေရှိတယ်လို့ သူငယ်ချင်းတွေကို ဆက်သွယ်ပြောကြားခဲ့တယ်လို့ ဆိုပါတယ်။ သူသေဆုံးမှုဟာ ကားတိုက်မှုအပြင် တခြားအကြောင်းအရာတွေနဲ့ ပတ်သက်နေသလားဆိုတာလည်း စဉ်းစားရခက်ကြောင်း ဆေးရုံမှာ သွားရောက်ကြည့်ရှုခဲ့တဲ့ သူ့မိတ်ဆွေ ကိုဝေမှူးသွင်က ပြောပါတယ်။

“သူ့အဝတ်အစားတွေ၊ ပုဆိုးတွေ စုတ်ပြဲ၊ ပေါက်ပြဲနေတဲ့ပုံစံကို ကြည့်ရတာ ကားတိုက်ပြီး တနေရာကိုလွင့်စင်ပြီးတော့ ခိုက်မိဒဏ်ရာဆိုတဲ့ လက္ခဏာတွေလည်းပါတယ်။ နောက်တခါကျတော့ ကားတိုက်တာနဲ့သိပ်မဆိုင်ဘဲနဲ့ - မဆိုင်ဘူးလို့ ထင်ရတဲ့ဟာမျိုး - ဂျိုစောင်းလိုနေရာမျိုးမှာ ညိုမည်းပြီးတော့ တခုခုနဲ့ထုနှက်ခံထားရတဲ့ဟာမျိုးတွေ့ရတယ်။ နောက်ပြီး နံရိုး နံကြားမှာ အမည်းအကွက်ကြီးတွေ့ရတယ်ဆိုတော့ ကားတိုက်တာ ဘယ်လိုဖြစ်အောင် တိုက်လဲဆိုတာ - ဝိုင်းဝိုင်းအကွက်ကြီးပေါ့။ အဲလိုမျိုးဟာတွေက နားမလည်နိုင်ဘူးပေါ့နော်။ ဒါပေမယ့် ဆရာဝန်တွေရဲ့ပြောပြချက်အရ ဓာတ်မှန်ရဲ့တွေ့ရှိချက်အရကျတော့ ဦးနှောက်ထဲမှာ သွေးခဲသွားတာလို့ ပြောတယ်ပေါ့နော်၊ ကားတိုက်တဲ့ဟာ မတိုင်ခင်မှာ သူ့ကို လူငါးယောက်က ဝိုင်းရိုက်လို့ ထွက်ပြေးပါတယ်ဆိုတဲ့ဟာ - ‘ကျနော့်ကို ဝိုင်းရိုက်လို့ ထွက်ပြေးပါတယ်’ ဆိုတဲ့ဟာ ဖုန်းဆက်တာ၊ သူငယ်ချင်းတယောက်ကို ဖုန်းဆက်တဲ့အခါကျတော့ အဲဒီသတင်းကလည်း ရှိနေတယ်။”

ကိုထက်ဟာ လက်ပံတောင်းအရေးကြောင့် ဖမ်းဝရမ်းထုတ်ခံရသူတဦးဖြစ်တာကြောင့် သူ့အိမ်မှာနေထိုင်နိုင်ခြင်းမရှိဘဲ စောင့်ကြည့်ခံနေရတဲ့ လူငယ်တဦး ဖြစ်တယ်လို့လည်း ပြောပါတယ်။

“လက်ပံတောင်းတောင်မှာ ဝရမ်းထုတ်ခံထားရတဲ့ တက်ကြွလှုပ်ရှားသူတဦးလည်းဖြစ်တဲ့အခါကျတော့ ဘယ်လိုပြောရမှန်းကို မသိဘူးပေါ့နော်။ သူ့ကို လိုက်ဖမ်းနေတဲ့ဟာလည်း ရှိတဲ့အခါကျတော့ နားမလည်ဘူး၊ သူကလည်း အဲဒီမှာ ရန်ကုန်မှာနေတယ်ဆိုပေမယ့် ဝရမ်းရှိတဲ့အခါကျ တချို့အိမ်တွေမှာ ပုန်းနေရတာတွေ ရှိတယ်။ သူ့ရပ်ကွက်ထဲမှာသူနေတာတောင် သိပ်မရှိဘူး။ သူရောက်လို့ရှိရင် သတင်းပေးဖို့အတွက် သတင်းပေးတွေက စောင့်ကြည့်နေတာမျိုးတွေလည်း သူခံရတယ်။”

လယ်သမားအရေး၊ အလုပ်သမားအရေးအပြင် အခု နောက်ဆုံးကျောင်းသားသပိတ်ကို ထောက်ခံတဲ့လှုပ်ရှားမှုတွေ ကျောင်းသားသပိတ်ကို အကြမ်းဖက်ခြင်းမလုပ်ဖို့ လှုံ့ဆော်နေရင်း မတ်လ (၇) ရက်နေ့၊ မနက် ၂ နာရီကျော်အချိန်မှာ ကားတိုက်ခံရပြီး သေဆုံးသွားခဲ့ရတာကိုပဲ သိရှိခဲ့ရကြောင်း သူ့မိတ်ဆွေတွေက အတည်ပြု ပြောကြားပါတယ်။ ကိုထက်ရဲ့နောက်ဆုံးအချိန်မှာ သူဘာတွေဖြစ်ခဲ့သလဲဆိုတာကိုတောင် မပြောနိုင်ခဲ့ဘဲ သေဆုံး သွားခဲ့ရတာလို့ ဆိုပါတယ်။ ကိုထက်ဟာ အရပ်သားသတင်းထောက် (CJ) တယောက်ဖြစ်သလို လယ်သမားအရေး၊ အလုပ်သမားအရေးလှုပ်ရှားရင်း သူရိုက်ကူးခဲ့တဲ့ ဓာတ်ပုံ၊ ဗွီဒီယိုတွေကိုလည်း သတင်းဌာနတွေကို ပေးပို့နေခဲ့သူတဦးလည်း ဖြစ်ပါတယ်ရှင်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.