03/21/15

အခုဆို တည်ဆောက်မယ့် နေရာဆိုရင် အညိုရောင် သတ်မှတ်ထားတဲ့မြေ၊ တိုင်းရင်း သားတွေနဲ့ ပြဿနာ၊ ပဋိပက္ခတွေ ဖြစ်လာမှာ စိုးရိမ်တယ်။ တိုက်ပွဲတွေ ဖြစ်လာမှာ စိုးရိမ်တယ်။ ရင်းနှီးမြှုပ်နှံမှုကတော့ အကျိုးစီးပွား တစ်ခုအတွက်ပဲ ကြည့်ပြီး မြှုပ်နှံမှာ၊ တကယ်တမ်း ပြဿနာဖြစ် ဒုက္ခရောက်ရင် ဒေသခံတွေပဲ စစ်ပြေးစစ်ရှောင်တွေက အများကြီးရှိတယ် . . .

~~~~~~~~~~~~~~~~~~~~~~~~~~~~~~~~~~~~~~~~~

မတ်လ (၁၄) ရန်ကုန်

ဒေသခံများအတွက် လုံးဝနီးပါး အကျိုးမရှိဘဲ ထိုင်းနှင့် တရုတ်နိုင်ငံများ အတွက် အဓိက အကျိုးရှိမည့် သံလွင်မြစ်ပေါ်ရှိ အစိုးရ၏ ဆည်တည်ဆောက်ရေး စီမံကိန်းကြီးများကို ဒေသခံများ၊ ပညာရှင်များက အကြိမ်ကြိမ် ကန့်ကွက်နေသည့်တိုင် လုံးဝရပ်တန့်သွားခြင်း မရှိဘဲ ရှေ့ဆက်နေဆဲ ဖြစ်သည်။

ရှမ်းပြည်နယ် အတွင်းရှိ သံလွင်မြစ်နှင့် ၄င်း၏မြစ်လက်တက် ဖြစ်သည့် နမ့်မမြစ်ပေါ်ရှိ ရေကာတာကြီး ၄ ခု အပါအ၀င် သံလွင်မြစ်ပေါ်တွင် စီမံကိန်း ချထားသော စုစုပေါင်း ရေကာတာ စီမံကိန်း (၄၃) ခုအနက် စီမံကိန်း၏ တစ်ဝက်ခန့်မှာ ရှမ်းပြည်နယ် အတွင်းရှိ မြစ်ချောင်းများပေါ်၌ ဆောက် လုပ်ရန် စီစဉ်ထားပြီး ဖြစ်သည်။

ရှမ်းပြည်နယ် လူထုက မြန်မာအစိုးရနှင့် နိုင်ငံခြား မှ ရေကာတာ ဆောက်လုပ် အကောင်အထည်ဖော်မည့် သူများ၊ ရင်းနှီးမြှုပ်နှံသူများအား ပဋိပက္ခများအကြား တည်ရှိသည့် ရှမ်းပြည်နယ်အတွင်း မြစ်ချောင်းများ ပေါ်တွင် အကြီးစား ရေကာတာ စီမံကိန်းများ တည်ဆောက်ရန် အကောင်အထည်ဖော် နေမှုများအားလုံး ချက်ချင်းရပ်ဆိုင်းရန် မတ်လ ၁၄ ရက်နေ့က တောင်းဆိုခဲ့သည်။

““ပဋိပက္ခတွေ ပြဿနာတွေကြောင့် သံလွင်မြစ်ပေါ်က ရေကာတာ တစ်ခုကို ရပ်ဆိုင်း လိုက်ရပြီးနောက်မှာ တောင်တရုတ်နဲ့ ထိုင်းနိုင်ငံ က ရေကာတာ ဆောက်လုပ် ဖော်ဆောင်မယ့် ကုမ္ပဏီတွေ ရှမ်းပြည်နယ်ထဲမှာ တခြား ရေကာတာ စီမံကိန်းတွေ ထပ်ဆောက်ဖို့ ဆောင်ရွက်နေတယ်။ စစ်ပွဲနဲ့ပဋိပက္ခတွေ ဖြစ်ပွားနေ တဲ့ နေရာတွေမှာတောင် ဒီရေကာတာ စီမံကိန်းကြီးများ ဆောက်လုပ်မယ် ဆိုတော့ ပျက်စီးဆုံးရှုံးမှုတွေနဲ့ ရင်ဆိုင် ရမှာ သူတို့ သတိမပြုမိ မတွေးမိကြဘူးလား”” ဟုရှမ်းပြည်နယ်အတွင်း မြစ်ချောင်းများအရေး လှုပ်ရှားသူများ အဖွဲ့မှ စိုင်းခေးဆိုင်က ပြောကြားသည်။

ယင်းသို့ တည်ဆောက်မည့် ဆည်များအနက် တစ်ခုအပါအ၀င် ဖြစ်သည့် မိုင်းတုံ (ခေါ်) တာဆန်းဆည်သည် ထိုင်းကုမ္ပဏီတစ်ခု ဖြစ်သည့် Thailand’s EGAT International နှင့် တရုတ်ကုမ္ပဏီ China’s Sinohydro, Three Gorges Corporation and China Southern Power Grid(CSG) ကုမ္ပဏီတို့ ဖက်စပ်ပူးပေါင်း ဆောက်လုပ်မည့် စီမံကိန်းဖြစ်ပြီး လျှပ်စစ်စွမ်းအင်(၇၀၀၀) မဂ္ဂါဝပ်ခန့် ထုတ်လွှတ်မည်ဖြစ်ပြီး ထွက်ရှိလာသည့် စွမ်းအင်ပမာဏ (၉၀%) ရာခိုင်နှုန်းခန့်ကို တရုတ်နှင့် ထိုင်းနိုင်ငံသို့ တင်ပို့ ရောင်းချမည် ဖြစ်သည်။

သံလွင်မြစ်ပေါ်တွင် တည်ဆောက်မည့် ရေကာတာ စီမံကိန်းများဖြစ်သော ရှမ်းပြည်နယ်အတွင်းရှိ ကွမ်းလုံ၊ နောင်ဖာနှင့် တာဆန်းရေကာတာ၊ ကရင်ပြည်နယ် အတွင်းရှိ ဟက်ကြီးရေကာတာများအား ချက်ချင်း ရပ်တန့်ပေးရန် ရှမ်း၊ ကရင်နှင့် မွန်ပြည်နယ်အတွင်းရှိ ပြည်သူ ၃၃၅၃၈ ဦးနှင့် နိုင်ငံရေးပါတီအပါ အ၀င် လူမှု အဖွဲ့အစည်း ၁၃၁ ဖွဲ့မှ လက်မှတ်ရေးထိုးကာ ၂၀၁၄ ခုနှစ် မတ် ၁၄ ရက်ကလည်း တောင်းဆို ခဲ့သေးသည်။

အီဂျစ်နိုင်ငံ နိုင်းမြစ်ရှိ ၁၉၇၀ ခုနှစ်တွင် တည်ဆောက်ပြီးစီးခဲ့သည့် အက်စ၀မ်ဟိုင်း ရေကာတာသည် နှစ်ကာလ ကြာရှည်စွာ ရေစီးဒေသ များ၏ ရေနှင့်ပတ်သက်သည့် ပြဿနာများ၊ ငှက်ဖျားရောဂါ တိုက်ဖျက်ရေး တို့ကို အောင်မြင်စွာ ဖြေရှင်းနိုင်ခဲ့သည့်အပြင် လျှပ်စစ်ဓါတ် အား ပေးဝေမှုနိုင်သည် အထိ ဆောင်ရွက်နိုင်သည့်အထိ အီဂျစ်နိုင်ငံ၏ တိုးတက်မှုများကို အထောက်အပံ့ ဖြစ်စေနိုင်ခဲ့သည်။

သို့ရာတွင် ရေကာတာကြောင့် နိုင်းမြစ်ဝှမ်းရှိ သဲနုန်းများစီးဆင်း လည်ပတ်မှု ပြတ်တောက်ခဲ့ ကာ မြစ်ညာပိုင်းရှိ နိုင်းမြစ် မြစ်ဝကျွန်းပေါ် ပုံသဏ္ဌန်ကို ပြောင်းလဲသွားရသည်အထိ ကြီးမားသော ပြဿနာများ ပေါ်ပေါက် လာခဲ့ရသည်။ လက်တွေ့တွင် နိုင်းမြစ်မြစ်ဝကျွန်းပေါ် တစထက်တစ သေးငယ်လာသည်မှာ ရေကာတာကြောင့် ဖြစ်ရသော ဆိုးကျိုးများအတွက် သိသာသော ပြယုဂ်တစ်ခု ဖြစ်သည်။

သံလွင်မြစ်ပေါ်တွင် တည်ဆောက်မည့် ရေအားလျှပ်စစ် စီမံကိန်းများတွင်ငလျင်နှင့် ဆက်နွှယ်သော သဘာဝ ဘေးအန္တရာယ်နှင့် ပတ်သက်၍ ““ရေရှည်ကို ကြည့်ဖို့လို တယ်”” ဟု ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က မတ်လ(၁၄)ရက်နေ့ မြန်မာသံတော်ဆင့် သို့ ပြောသည်။

““သံလွင်မြစ်ပေါ်မှာ ဆည်တွေ တည်ဆောက်မှာနဲ့ ပတ်သက်ပြီး သံလွင်မြစ်က ကျောက်တန်း ပြတ်ရွေ့ကြီး ပေါ်မှာ တည်ရှိနေတာ ငလျင်လှုပ်နိုင်တဲ့ ဒေသကြီးဖြစ်နေတဲ့အတွက် စိုးရိမ်ပူပန်မှုတွေ ရှိပါတယ်။ မြန်မာနိုင်ငံထဲမှာ တရုတ်နိုင်ငံက ပညာရှင်တွေနဲ့ တိုင်းထွာပြီးပြီ။ ဆွစ်ဇာလန်နိုင်ငံက ပညာရှင်တွေနဲ့ လေ့လာတွက်ချက်ပြီးသားကို ဒုဝန်ကြီးက နှစ် ၁၀၀၀ထိ အာမခံနိုင်တဲ့ သဘောမျိုးနဲ့ ပြောသွားတာ၊ သံလွင်မြစ်ပေါ်က စီမံကိန်းတွေနဲ့ ပတ်သက်ပြီး ဘယ်သူအာမခံမှာလဲ။ အကြောင်းတခုခုကြောင့် ဆည်တစ်ခုခု ပြိုလဲသွားရင် ဆက်တိုက် အောက်မှာရှိတဲ့ ဆည်တွေပါ ပြဿနာ တက်လာမယ်။ ရေတိုကြည့်ဖို့ မဟုတ်ဘူး။ ရေရှည်ကို ကြည့်ဖို့လိုတယ်””ဟု ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က မတ် (၁၄)ရက်နေ့ တွင် မြန်မာသံတော်ဆင့်ကို ပြောသည်။

သဘာဝပတ်ဝန်းကျင် ထိန်းသိမ်းရေး ပညာရှင် ဦးဝင်းမျိုးသူကလည်း အဆိုပါ စီမံကိန်းကြောင့် နောင်ဖြစ် လာမည့် ဆိုးကျိုးများကို မည်သူက တာဝန်ခံမည်နည်းဟု မေးခွန်းထုတ်ခဲ့သည်။

““လက်တလုံးခြား မပြောဖို့တယ်။ ငလျင်ကို စိုးရိမ်တဲ့အတွက် ရှုထောင့် ၂ ခုရှိတယ်။ ငလျင်လှုပ်ရင် ပြိုမလား။ ဆည်တည်ဆောက်တာ ခိုင်ခံတဲ့အတွက် ဖြစ်နိုင်တယ်။ ဆည်ကြောင့် ငလျင်လှုပ်မလား။ ရေ၀ိတ်ကို အများကြီး တင်လိုက်တဲ့ အတွက် ငလျင်ကြောပေါ်မှာ ရှိနေတယ်ဆိုရင် ငလျင်လှုပ်ဖို့ ဖြစ်နိုင်တယ်။ ငလျင်လှုပ်လာရင် ဖြစ်လာတဲ့ ဆိုးရွားမှုကို ဘယ်လို တာဝန်ယူမှာလဲ။ ဒါကိုကျတော့ ဘယ်သူမှ မပြောဘူး။ မြစ်ဆုံတုန်းကလည်း သူတို့ဆည် ဘယ်လောက်ခိုင်တယ် ဆိုတာပဲ ပြောတာ။ ဆည်ကြောင့် ငလျင်လှုပ်ရင် ဘယ်လို တာဝန်ယူမှာလဲ ဆိုတာ မပြောကြဘူး”” ဟု သဘာဝပတ်ဝန်း ကျင်ထိန်းသိမ်းရေး ပညာရှင်ဦးဝင်းမျိုးသူက မတ် ၁၄ ရက်နေ့တွင် မြန်မာသံတော်ဆင့် ကိုပြောသည်။

တိုင်းရင်းသားဒေသများတွင် ဆည်ကြီးများ တည်ဆောက်နေခြင်းသည် သဘာဝပတ်ဝန်းကျင်ကို ထိခိုက်သည် သာမက တိုင်းရင်းသား ပဋိပက္ခကိုပါ ရှည်ကြာစေရန် တွန်းအားပေးသည့် လောင်စာတစ်ခု ဖြစ်နေသည်။

ဆည်လုံခြုံရေး အကြောင်းပြပြီး စစ်အင်အားများ တိုးချဲ့ခြင်းသည် ဒေသရှိ တိုင်းရင်းသား လက်နက်ကိုင်များနှင့် ပဋိပက္ခကို ပိုမိုကြီးထွားစေပြီး ယင်းနှင့်ဆက်စပ်ကာ အတိတ်ကာလက ဖြစ်ပွားခဲ့သည့် မုဒိမ်းကျင့်မှု၊ ကလေး စစ်သား စုဆောင်းမှု၊ အတင်းအဓမ္မ ခိုင်းစေမှုများ ပိုမိုဖြစ်ထွန်း လာစေနိုင်ကြောင်း ရှမ်းလူ့ အခွင့်အရေးအဖွဲ့၏ အစီရင်ခံစာတွင်လည်း ဖော်ပြထားသည်။

ဒေသခံများ၏ လက်ရှိစိုက်ပျိုးနေဆဲ မြေယာများ ဆည်မြောင်းစီမံကိန်း၊ စီမံကိန်းအတွက် အသုံးပြုမည့် လမ်း၊ တံတား စီမံကိန်းများကြောင့် ဆုံးရှုံးမှု ဖြစ်ပေါ်နိုင်ခြင်း၊ စစ်ဘေးကြောင့် နေရပ်စွန့်ခွာနေရသည့် ဒေသခံများ၏ မြေယာများ အလားတူ ဆုံးရှုံးနိုင်ခြင်းတို့လည်း ဖြစ်ပွားလာနိုင်ကြောင်း အစီရင်ခံစာတွင် ဖော်ပြထားသည်။

ပဋိပက္ခများကြောင့် ကွမ်းလုံရေကာတာ ဆောက်လုပ်ရေးစီမံကိန်း ရပ်ဆိုင်းလိုက်သည့် နမူနာရှိ နေသည့်တိုင် အစိုးရသည် အခြားစီမံကိန်းများ ဆက်လက် အကောင်အထည်ဖော် လာခြင်းလည်း ဖြစ်သည်။

““အခုဆို တည်ဆောက်မယ့် နေရာဆိုရင် အညိုရောင် သတ်မှတ်ထားတဲ့မြေ၊ တိုင်းရင်းသားတွေနဲ့ ပြဿနာ၊ ပဋိပက္ခတွေ ဖြစ်လာမှာ စိုးရိမ်တယ်။ တိုက်ပွဲတွေ ဖြစ်လာမှာ စိုးရိမ်တယ်။ ရင်းနှီးမြှပ်နှံမှုကတော့ အကျိုးစီးပွား တစ်ခုအတွက်ပဲ ကြည့်ပြီးမြှုပ်နှံမှာ၊ တကယ်တမ်း ပြဿနာဖြစ် ဒုက္ခရောက်ရင် ဒေသခံတွေဘဲ၊ စစ်ပြေး စစ်ရှောင်တွေက အများကြီးရှိတယ်။ ပြန်မလာတဲ့ သူတွေလည်း ရှိနေတော့ ပြန်လာရင်လည်း ဆည်တွေ ဆောက်နေတဲ့အတွက် ဒေသခံတွေအတွက် နဂိုမူလ လုပ်ကိုင်စားသောက်နေတဲ့ မြေနေရာ၊ သဘာဝ ပတ်ဝန်းကျင်တွေ၊ နေထိုင်တဲ့ရွာတွေ ပျောက်ဆုံးသွားနိုင် သေချာ စဉ်းစားပြီးမှ လုပ်သင့်တယ်။ ပြည်သူထဲကမှ ဒေသခံတွေရဲ့ အသံကတော့ သေသေချာချာ နားထောင်သင့်တယ်။ ဒေသခံတွေက ကန့်ကွက်နေ၊ ပြောဆို တာတွေရှိ၊ လျစ်လျှူ မရှုသင့်ဘူး””ဟုဒေါ်ခင်စန်းလှိုင်က ပြောသည်။

ကချင်ပြည်နယ်တွင် ပြည်တွင်း စစ်ပြန်လည်ဖြစ်ပွားသည့် အကြောင်းရင်းများအနက် တာပိန် မြစ်ပေါ်တွင် တည်ဆောက်သည့် ရေကာတာ စီမံကိန်းကလည်း အကြောင်းတရား တစ်ခုအဖြစ် ပါဝင်နေသည်။

ဆည်ဆောက်ရင် ငြိမ်းချမ်းရေး ပျက်ပြားမယ်။ ဆည်တွေက အကျိုးအမြတ်အားဖြင့် မမြတ်စွန်းဘူး။ နိုင်ငံတကာက မြတ်ပါတယ် ပြောမှာပဲ။ ကိုယ်လုပ်တဲ့ လုပ်ငန်းတစ်ခုက ပတ်ဝန်းကျင် ထိခိုက်ရင်တောင် ကိုယ်က ချမ်းသာရင် ပြန်ပေးလိုက်မယ်။ ပတ်ဝန်းကျင် ထိခိုက်တာတော့ မလုပ်နိုင်ဘူး။ စီးပွားရေး တွက်ခြေ မကိုက်ရင် လုပ်ပါမယ်ဆိုတဲ့ EIA ပတ်ဝန်းကျင် စီမံခန့်ခွဲတာတွေ ဘယ်လုပ်နိုင်မှာလဲ။ စီးပွားရေး တွက်ချေ ကိုက်မှုကို မရှိဘူး။ ဒါကို ပြောထားပြီးတာကို ထပ်ခါတလဲလဲ လုပ်တာတော့ နားမလည်နိုင်ဘူး””ဟု ဦးဝင်းမျိုးသူက ဝေဖန်သည်။

အစိုးရအနေဖြင့် ရေကာတာ တည်ဆောက်ရေး လုပ်ငန်းများကို အလောသုံးဆယ် ဆက်လက် လုပ်ကိုင်လျက် ရှိသော်လည်း ရေကာတာ တည်ဆောက်ရာတွင် လိုက်နာ ကျင့်သုံးရမည့် နိုင်ငံတကာ စံချိန်စံနှုန်းများဖြစ်သော ပွင့်လင်းမြင်သာမှု ရှိခြင်းနှင့် စီမံကိန်း အကျိုးသက်ရောက်မှုကို ခံစားရမည့် ဒေသခံ ပြည်သူများ၏ အခွင့်အရေး များကို လေးစားခြင်းတို့ကို လိုက်နာကျင့်သုံးခြင်း မရှိသည့်အပြင် စီမံကိန်း ဧရိယာများကို လုံခြုံရေး တင်းကျပ်စွာ ချထားပြီး ဒေသခံ ပြည်သူများမှာလည်း စီမံကိန်းနှင့် ပတ်သက်ပြီး မည်သည့် သတင်းအချက် အလက်ကိုမှ မရရှိကြောင်း ရှမ်းပြည်နယ်နှင့် ကရင်ပြည်နယ်ရှိ မြစ်ချောင်းများ ထိန်းသိမ်းရေး လှုပ်ရှားသည့် အရပ်ဖွဲ့အစည်းများ၏ အကြိမ်ကြိမ် ထုတ်ပြန်ထားသော လေ့လာချက် အစီရင်ခံစာများအရ သိရသည်။

ထို့ပြင်ရေကာတာ စီမံကိန်း အောက်ပိုင်း ဒေသများတွင် နေထိုင်သော ဒေသခံများသည် မြစ်အောက်ပိုင်း ရေစီးနှုန်း၊ ငါးဖမ်းလုပ်ငန်းနှင့် စိုက်ပျိုးရေး လုပ်ငန်းများပေါ် သက်ရောက်မည့် ရေကာတာ စီမံကိန်းသည် အကျိုးသက်ရောက်မှု မည်မျှရှိနိုင်ပြီး ရေကာတာပြိုကျနိုင်ခြေ မည်မျှအတိုင်းအတာ ရှိသည်၊ ရေကာတာ ပြိုကျပါက မည်မျှဘေး အန္တရာယ် ရှိသည် စသည့် အချက်အလက် များကိုလည်း မသိရှိရပေ။

““သံလွင်မြစ် တစ်ခုလုံး ဆည်ဆောက်ရင် အောက်ဆုံးပိုင်းဖြစ်နေတဲ့ ရှမ်း၊ မွန်၊ ကယား အပါအ၀င် ကရင် ရေလွှမ်းခံရမှု အန္တရာယ်တွေ ရှိတယ်။ ရေရှည်ရဲ့အန္တရာယ် ကျရောက်နိုင်မယ့် အပေါ်မှာ စိုးရိမ်မှု၊ ပူပန်မှုနဲ့ ပြောတာပါ။ ၀န်ကြီးက လက်လွတ်စပယ် ပြောသွားပြီး ကျွန်မတို့ကတော့ ဆက်လက်ပြီး ပညာရှင်တွေက ဆောင်ရွက်ရမှာပါ။ ပညာရှင်တွေက ဆက်ပြီးဆောင်ရွက်ပါလို့ တိုက်တွန်းချင်ပါ။ လူထုရဲ့ စိုးရိမ်ပူပန်မှုတွေနဲ့ ကို လွှတ်တော်ကနေပဲ ပြောပေးနိုင်မှာပါ။ အဓိကကတော့ အပြင်မှာရှိနေတဲ့ ပညာရှင်တွေက သေချာ ဆောင်ရွက်ပြီး ၀န်ကြီးဌာနတွေကို တိုက်တွန်းတာတွေ၊ အကြံပေးတာတွေလုပ် သင့်တယ်လို့ ထင်ပါတယ်””ဟု ဒေါ်ခင်စန်းလှိုင်က ပြောသည်။

ဝန်ကြီးဌာန၏ တာဝန်ယူမှု၊ တာဝန်ခံမှုအပေါ် ဒေါ်ခင်စန်းလှိုင်ကပင် ဆက်လက် မေးခွန်းထုတ်ထားသည်။

““၀န်ကြီးကတော့ အားလုံးကို လေ့လာထားပါပြီ။ ကျေနပ်အောင် ဆောင်ရွက်ပါမယ်။ ဘယ်နိုင်ငံတွေ လေ့လာ ထားပါတယ် ပြောပေမယ့် အဲဒီနိုင်ငံတွေရဲ့ နောက်ဆက်တွဲ ပြဿနာတွေကို သေချာလေ့လာ ထားရဲ့လား ဆိုတာ မေးချင်ပါတယ်။ ၀န်ကြီးဌာနတွေ အနေနဲ့ တာဝန်ယူမှုမရှိဘူး။သူ့ရဲ့ ညွှန်ကြားချက် ကိုယ်တိုင်က တာဝန်ယူ၊ တာဝန်ခံမှုမရှိဘူးဆိုတာ သိသာနေပါတယ်။ ပညာရှင်တွေက ၀ိုင်းဝန်းပြီး တိုက်တွန်းပါ။ ဒေသခံတွေက ကိုယ်လက်မခံနိုင်ဘူး၊ ဒေသမှာ ဖြစ်ပေါ်လာနိုင်တဲ့ ပြဿနာတွေကို ရှင်းရှင်းလင်းလင်း ပွင့်ပွင့် လင်းလင်း သိအောင်ဖော်ထုတ်ပြရမယ်။

မြန်မာနိုင်ငံတွင် လက်ရှိအချိန်ထိ ပြည်သူ ၆၇ ရာခိုင်နှုန်းခန့်၏ လျှပ်စစ်ဓာတ်အား သုံးစွဲမှုမှာလည်း ကီလိုဝပ်နာရီ ၁၉၀ ခန့်သာ သုံးစွဲနိုင်ပြီး အရှေ့တောင်အာရှ နိုင်ငံများထဲတွင် အနိမ့်ဆုံးဖြစ်သည်။

သို့သော်လည်း ရေအားလျှပ်စစ် စီမံကိန်းတိုင်းသည် ပြည်ပကို ထုတ်ရောင်းရန် အတွက်ချည်းသာ ဖြစ်နေပြီး အစွန်းထွက် မျှလောက်သော ပမာဏကိုသာ ပြည်တွင်းအတွက် ရည်မှန်းထားသည်။

တရုတ်နိုင်ငံနှင့် ထိုင်းနိုင်ငံအတွက် အဓိက အကျိုးဖြစ်ထွန်း၍ မြန်မာနိုင်ငံရှိ ရှမ်းပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့အား ဘေးထွက်ဆိုးကျိုးများ ခံစားရနိုင်သည့် သံလွင်မြစ်ပေါ်တွင် တည်ဆောက်မည့် ရေကာတာ ရေအားလျှပ်စစ် စီမံကိန်းများအား ပြန်လည် သုံးသပ်သင့်ကြောင်း ကရင် မြစ်ချောင်းများ စောင့်ကြည့်ရေး အဖွဲ့ကလည်း ပြင်းပြင်းထန်ထန် ဝေဖန်ထားသည်။

““ ၂၀၁၅ မတိုင်မီ တက်သုတ်ရိုက်ပြီး အမီလုပ်နေတာလည်း သူတို့၊ အာဏာရှိတုန်း ဒီလိုလုပ်ငန်းမျိုးတွေက အကျိုးအမြတ် ရဖို့အတွက် အပြေးပေါ့ဗျာ””ဟု ဦးဝင်းမျိုး သူက ဝေဖန်သည်။

သဇင်လှိုင်၊ သူရိန်ကျော်

မြန်မာသံတော်ဆင့်သတင်းဌာန – https://www.facebook.com/myanmarherald

မတ်လ ၁၀ ရက် ရဲတပ်ဖွဲ့ရဲ့ကျောင်းသားထုအပေါ် အကြမ်းဖက်မှုဖြစ်စဉ်ဟာ အစိုးရကနဦး သက်တမ်း မျက်နှာ ပန်းလှခဲ့တဲ့ ဦးသိန်းစိန်အစိုးရကို မျက်နှာအိုးမည်းသုတ်လိုက်တာ ဖြစ်သလို သမ္မတဦးသိန်းစိန်ရဲ့ ကမ္ဘာသိ ပေးထားတဲ့ ကတိတွေ မတည်ကြောင်း ပေါ်လွင်စေခဲ့ ပါ တယ်။ ပြည်တွင်းပြည်ပရဲ့ ဦးသိန်းစိန်အစိုးရ အပေါ် ထားတဲ့ ယုံကြည်မှုလည်း အထူးကျဆင်း သွားစေပါတယ်။ ဒါကြောင့် လက်ပံတန်းအကြမ်း ဖက်မှုဖြစ်စဉ်မှာ “ကျောင်းသားတွေ နိုင် တယ်” . . .

~~~~~~~~~~~~~~~~~~~~~~~~~~~~~~~~~~~~~~~~~~~~~

သွေးစွန်းတဲ့နွေ …။ အချိန်က မတ် လ ၁၀ ရက်၊ မနက် ၁၀ နာရီ ၁၀ မိနစ်။ ကျောင်းသားခေါင်းဆောင် တွေဖြစ် တဲ့ကိုအောင်မှိုင်းဆန်း၊ မဖြိုးဖြိုးအောင်နဲ့ NNER က ဒေါက်တာသိန်းလွင်၊ ဒေါက်တာညိုညိုသင်း တို့လက်ပံ တန်းပင်မ ကျောင်းသားစစ်ကြောင်း ငြိမ်းခြိမ်းချမ်းချမ်းနဲ့ ရန်ကုန်ကို ၀င်ရောက် နိုင်ရေးအတွက် ပဲခူးတိုင်းနယ် လုံဝန်ကြီးနဲ့ ညှိနှိုင်းပေးခဲ့တာ အဆင်ပြေချော့မွေ့သွားပြီ ဆိုတဲ့သတင်း က ကျောင်းသားထုကြားထဲ ရောက်ရှိ လာပါတယ်။ အဲဒီသတင်း ကျောင်းသားတွေကို ကြေညာပေးလိုက်တဲ့အချိန်မှာ ကျောင်းသားတွေပျော်ရွှင်စွာနဲ့ သီချင်း သံပြိုင်ဆိုနေကြတယ်။ နောက် ၂ နာရီ လောက်အကြာမှာ ရက်စက်ကြမ်းကြုတ်တဲ့ အနိဋ္ဌာရုံအကြမ်း ဖက်မှုကြီး ပေါ်ပေါက်တော့ မယ်ဆိုတာ မသိတဲ့ကျောင်းသားတချို့ရဲ့ ပျော်ရွင်မှု ဟာ နာရီပိုင်းအကြာမှာတင် ရပ် တန့်သွားပါတယ်။…

ညှိနှိုင်းပေးသူထဲက တစ်ဦးအပါအ၀င်ဖြစ်တဲ့ ဒေါက်တာညိုညိုသင်း ရဲ့ပြောကြားချက်အရ ပထမညှိနှိုင်းတဲ့ အချိန်မှာပဲ နယ်လုံဝန်ကြီးဟာ အကြမ်းဖက်ဖို့ အစီအစဉ်မရှိဘူးလို့ တဖွဖွပြောတယ်လို့ ဆိုပါ တယ်။ သီချင်းတွေ ဆိုနေတဲ့ ကျောင်းသားတွေလည်း နေပူထဲမှာရပ်ပြီး အတား အဆီးတွေဖယ်ရှားပေးမ လား စောင့်ဆိုင်း နေခဲ့ ပါတယ်။ အဲဒီအချိန်မှာပဲ လက်ပံတန်း မိဘပြည်သူများရဲ့ ပန်ကြားချက်ဆိုပြီး ကျောင်းသားတွေ ကိုနှင်တဲ့သဘောနဲ့ စပီကာနဲ့ အော်ဟစ်သံစကြားရပါတယ်။ ““လက်ပံ အတန်းမိဘပြည်သူတွေ”” ဆိုတာကို မြို့မိ မြို့ဖတွေ မသိသလို သက်ဆိုင်ရာတာဝန်ရှိ လုံခြုံရေးအကြီးအကဲတွေကလည်း မသိ ဘူးလို့ဆိုပါတယ်။ မြို့မိမြို့ဖ တွေတောင် မသိတဲ့ ““လက်ပံတန်း မိဘပြည်သူဆိုတာ”” ဘယ်မိုးပေါ်ကကျလာတာလဲ။ စဉ်းစား စရာ ကောင်းတဲ့အချက်ပါ။ ဒါနဲ့ နောက်ထပ်တစ် ကြိမ်ကျောင်း သားခေါင်းဆောင်တွေနဲ့ NNER တို့က လုံခြုံရေးဝန်ကြီး နဲ့ ထပ်မံဆွေးနွေးတဲ့အခါ မူလသဘောတူညီချက်က ရုတ် ခြည်း ဆိုသလိုပြောင်းလဲသွားပါတယ်။

ပထမ သဘောတူညီထားတဲ့ ပင်မသပိတ်စစ်ကြောင်း ထိုင်သပိတ်လုပ်နေရာကနေ ကိုက် ၃၀၀ အထိလမ်းလျှောက်ဖို့ ကိုတောင် ခွင့်မပြုတော့ပါဘူး။ ၁၅ မိနစ်ခြား ကားနဲ့ရန်ကုန် ထိတိုက်ရိုက်သွားရမယ်။ အလံထောင်ခွင့်၊ နဖူးစည်း တပ်ခွင့်မရှိ။ ကိုက် ၃၀၀လောက် လမ်းလျှောက်ဖို့ကိစ္စကို ခွင့်ပြုမပေးနိုင်တာ ဟာ ပြဿနာရဲ့မီးပွားကို ဘယ်သူ ကစတင် လဲဆိုတာ စဉ်းစားစရာကောင်းတဲ့ အချက်ပါပဲ။ ကျောင်းသားတွေ မဲခွဲလိုက်တဲ့အခါ နယ်လုံဝန်ကြီး ရဲ့ပြောင်းလဲလိုက်တဲ့ အကန့်အသတ်နဲ့ ခွင့်ပြုမှုကို ကျောင်းသားတွေ သဘောမတူပါဘူး။ ကျောင်းသားတွေ ဘက်က အတားအဆီးကို ဖွင့်ပေးပါ။ ၅ယောက် တစ်ဖွဲ့ထွက်မယ်။ ဖမ်းချင်ဖမ်းပါ။ အကြမ်း မဖက်ပါနဲ့ဆိုပြီး တောင်းဆိုပါတယ်။ ကျောင်းသားနဲ့ အာဏာပိုင်တွေကြား ညှိနှိုင်းဆောင် ရွက်ပေးတဲ့ ဒေါက်တာညိုညိုသင်းက ““အဖမ်းခံပြီးအညံ့ခံပြီး ၀င်လာတယ်ဆိုရင် ဘာရိုက်စရာလိုလဲကွယ်။ အဲဒီလိုမျိုးဖြစ်တာကွယ့်။ ရန်သူကို ဆက် ဆံသလိုမျိုး အသေအလဲ ရိုက်နှက်တာ၊ အမုန်းတရားတွေ ကြီးမားနေတာကို အရမ်းအံ့သြ သွားတယ်။ ပြည်သူ လူထုအပေါ်မှာ ဒီလောက်တောင် မေတ္တာမရှိဘူး လားလို့ တော်တော်လေးကို ကြေကွဲတယ်။ ဒီမြင်ကွင်းတွေ မြင်ရ တာကိုပေါ့””ဟု မြန်မာသံတော်ဆင့်ရဲ့ ဆက်သွယ်မေးမြန်းမှု ကို ပြန်လည်ဖြေကြားပါတယ်။

(စာကိုး – မြန်မာသံတော်ဆင့်ဂျာနယ် အတွဲ ၄၊ အမှတ် ၁)

အဖမ်းခံမယ်၊ အတားအဆီးတွေဖွင့် ပေးပါလို့ တောင်း ဆိုတဲ့ ကျောင်းသားတွေ ရဲ့တောင်းဆိုချက်ကို အာဏာ ပိုင်တွေဘက် ကလက်မခံဘဲ ရဲအင်အား၃ထပ်နဲ့ တံတိုင်းလုပ်ပြီး ကျောင်းသားထုကို ပိတ်ဆို့ပါတယ်။ အချိန်က ပူပြင်းလောင်မြိုက်နေတဲ့ နေ့လယ် ၁၂နာရီခန့်။ အင်အားချင်းမမျှတဲ့ ကျောင်း သားထုဟာ တံတိုင်း ၃ ထပ်ကာ ထားတဲ့ ရဲတပ်ဖွဲ့ဝင်တွေကို တိုးထွက်ဖို့ ကြိုးစား ပေမယ့် ဘယ်လိုမှ ခရီးမပေါက်တဲ့အပြင် ကျောင်းသူတချို့ အမောဆို့လဲကျကုန်တဲ့ အထိဖြစ်ပြီး လူနာတင်ကားဆီ ပို့လိုက်ရပါ တယ်။ အတားအဆီးလုပ်ထားတဲ့ သံဆူး ကြိုးကာတွေ ကို ဟိုဘက်ဆွဲဒီဘက်ဆွဲနဲ့ အခြေအနေ ရုတ်ရုတ်သဲသဲဖြစ်နေပေ မယ့် အကြမ်းဖက်မှုမျိုးတော့ မရှိ သေးပါဘူး။ အဲ ဒီအချိန်မှာ ကျောင်းသားထုကြားထဲကို ၀န်းရံလက်ပံတန်းပြည်သူတချို့ ရိုက်နှက်ခံ ရတယ် ဆို တဲ့ ကောလာဟလသတင်းတချို့ ပျံ့လွှင့်လာပါတယ်။ ““ကျောင်းသားတွေကို လုပ်ပါ””““၀န်းရံပြည် သူတွေ ကို မလုပ်ပါနဲ့”” ဆိုတဲ့ ကျောင်းသားထုရဲ့ နာကြည်းသံတချို့ ထွက်လာပါတယ်။

နေ့လယ်ခင်း ၁ နာရီခွဲခါ နီးပါပြီ။ ရေသန့်ဘူးတစ်ဘူး ရဲတွေခေါင်းပေါ် ပျံဝဲသွားပါတယ်။ ကျောင်းသားဘက် ကိုလည်းနံပါတ် တုတ်တစ်ခု ၀ဲပျံလာပါတယ်။ နောက်တော့ အချင်း ၄ လက်မလောက်ရှိတဲ့ ခဲလုံးတွေ ရဲတွေ ဘက်ကနေ သပိတ်အုပ်စုဘက်ကို ရောက်လာပြီး ကမ္ဘာပျက်မတတ် ငရဲခန်း စတင်ပါတော့တယ်။ ရိုက်တဲ့ ရဲတပ်ဖွဲ့ဝင် တွေပြေးဝင် လာပြီး ကျောင်းသားထုကို ရိုက်ပါတော့တယ်။ ပိတ်ဆို့ထားတဲ့ ရဲတံတိုင်း လဲပြိုသွား ပါတယ်။ ရိုက်နှက်တဲ့ရဲတွေဟာ ကားဆီးထားတဲ့ရဲတွေ မဟုတ်ပါဘူး။ လည်ပတ်နီတွေနဲ့ကျောက ဂဏန်းက ၁၁ တပ်ထားတဲ့ စစ်ဦးဘီလူးတွေ။

(စာကိုး- Messengerဂျာနယ် အတွဲ ၅၊ အမှတ် ၄၂၊ ရှင်ဒေ၀ီ)

အပ်တိုတစ်ချောင်း မပါတဲ့ ကျောင်းသားကျောင်းသူတွေ၊ ၀န်းရံပြည်သူတွေနဲ့ မီဒီယာသမားတွေကို သွေး ဆူ နေတဲ့ လက်မရွံ့လည်ပတ်နီ ရဲတပ်ဖွဲ့ဝင်တွေဟာ နံပါတ် တုတ်တွေနဲ့ ၀င်ရောက် ရိုက်နှက်ပါတော့ တယ်။ လူ သားချင်းမစာနာမှုလား။ လူစိတ် ပျောက်ဆုံးနေတာလားမသိ။ စိတ်ရိုင်းနှစ်ခု ပေါင်းထားတဲ့ ရဲသွေးရဲမာန်ကြွ နေတဲ့ လက်မရွံ့တွေရဲ့ မည်းမည်းမြင်ရာ လိုက်လံရိုက်နှက် အကြမ်းဖက်မှုကြီးကို အသက်ဘေးလု ပြေးနေရ တဲ့ ကြားတည်းက တာဝန်သိ သတင်းမီဒီယာသမားတွေက ဗီဒီယိုဖိုင်နဲ့ မှတ်တမ်းတင်နိုင်ခဲ့ပါတယ်။ ဒီမှာတင် လက် ပံတန်းငရဲခန်းအကြမ်းဖက်မှုကြီးဟာ တိုင်းသိပြည်သိ ကမ္ဘာသိအဖြစ် မြန်မာ့သမိုင်းမှာ အမည်းစက်စွန်း ထင်ကျန်ခဲ့ပါတော့တယ်။

” Camera never lies” ဆိုတဲ့စကားလိုပဲ၊ သတင်းဌာနတချို့ မှတ်တမ်းတင်နိုင်ခဲ့တဲ့ ဗီဒီယိုဖိုင်ထဲမှာ ခြေကုန် သုတ်ထွက်ပြေး တဲ့ ကျောင်းသားတစ်ယောက်နောက်ကို လက်မရွံ့ရဲသား ၇ ယောက်ကပြေး လိုက်ဖမ်း။ မိလာ တဲ့ကျောင်းသားကို ၇ ယောက် လောက် ဖမ်းချုပ်ထားပါရဲ့နဲ့ တခြားရဲတစ် ယောက်က ခြေနဲ့ဝင်ကန်၊ နောက် ရဲတစ် ယောက်က နံပါတ်တုတ်နဲ့ အတင်းပြေး ရိုက်၊ တွေ့ရတဲ့ရှုခင်းကတော့ သွေးပျက် ဖွယ်ရာပါပဲ။ သံဃာ တော် တချို့လည်း ရုန့် ရင်းကြမ်းတမ်းစွာပြောဆိုခံရ၊ ပုံစံထိုင်ခိုင်း တာထိုင်ရပြီး ရိုက်နှက်ဖမ်းဆီးခြင်းခံလိုက် ရပါတယ်။ မီဒီယာသမား၂ဦး မီဒီယာကတ် ထိုးပြပါလျက် ရိုက်နှက်ထိန်းသိမ်းခံရပြီး တခြားမီဒီယာသမား တွေ လည်း အသက် လုပြေးခဲ့ကြရပါတယ်။ နိုင်ငံခြား သတင်းဌာန တချို့ကတော့ မတ်လ ၁၀ ရက်၊ လက်ပံ တန်း အကြမ်းဖက် ငရဲခန်းကို ကမ္ဘာကိုတိုက် ရိုက်ထုတ်လွှင့်ပြသနိုင်ခဲ့ပါတယ်။

““သွေးစွန်းတဲ့ လက်ပံတန်းအကြမ်း ဖက်ငရဲခန်း””မှာ ကျောင်းသားပြည်သူ ၁၂၇ ဦးနဲ့ သံဃာ ၁၀ ပါး ရိုက်နှက် ဖမ်းဆီးခံရပြီး သာယာဝတီ အကျဉ်းထောင်ကိုပို့ဆောင် ခံရပါတယ်။ မတ်လ ၁၁ ရက်က သံဃာ ၁၀ပါးကို ပြန် လွှတ်ပေး လိုက်ပြီး မတ်လ ၁၂ရက်မှာ ကျောင်းသားကျောင်း သူ ၁၇ဦး၊ မတ်လ ၁၃ရက်မှာတော့ ကျောင်း သား ကျောင်းသူ ၉ ဦးနဲ့သတင်းထောက် ၂ဦးကိုပြန်လွှတ်ပေးခဲ့ပါတယ်။ မတ် ၁၄ ရက် အထိတော့ ဖမ်းဆီး ခံ ကျောင်းသားပြည်သူ ၉၉ ဦး ကျန်ရှိနေပါသေးတယ်။

လူစုလူဝေး ဖြေရှင်းပုံနဲ့ ပတ်သက်ပြီး ပဲခူးတိုင်း၊ ရဲမှူးကြီး ၀င်းစိန်ကို 7days ဂျာနယ်က မတ်လ ၁၃ရက်က တွေ့ ဆုံမေး မြန်းရာမှာ ““ဥရောပသမဂ္ဂ(EU) ကနည်းနဲ့ ဖြေရှင်းတာ””ဆိုပြီး မြန်မာ့ရဲတပ်ဖွဲ့ဝင်တွေ ကို သင်တန်းပေး နေတဲ့ EU ရဲ့ နည်းစနစ် တွေအတိုင်း ဖြေရှင်းတာပါဆိုပြီး ရဲမှူးကြီး ၀င်းစိန်ကပြောဆိုခဲ့ပါတယ်။ ဒါပေမဲ့ ကျောင်း သားတွေအကြမ်းဖက်ခံရတဲ့ မတ်လ ၁၀ ရက်၊ ညနေပိုင်းမှာပဲ ဥရောပသမဂ္ဂ (EU) ကအကြမ်းဖက်ဖြိုခွဲမှု ကိုကန့် ကွက်ကြောင်း ကြေညာချက်ထုတ်ပြန် ခဲ့ပြီးပါပြီ။ EU က ပြောဆိုရာမှာ အခုလို အကြမ်းဖက်ပုံစုံဖြို ခွင်းတာကို သင်ကြားပေးထားပုံတွေနဲ့ မကိုက်ညီကြောင်း ထုတ်ပြန်ကြေညာ ခဲ့ပြီး ဖြစ်ပါတယ်။ EU ကို အခု ရဲမှူးကြီးဝင်းစိန် ပြောကြားချက်တွေအတွက် သက်ဆိုင်ရာ တာဝန်ရှိသူတွေ တာဝန်ယူဖြေရှင်းသင့်ပါ တယ်။ EU ပြောကြားချက် မှန်လား၊ အာဏာပိုင်ပြောကြားချက် မှန်လား၊ ပြည်သူကို အခုလိုအကြမ်းဖက်ဖြိုခွဲနည်းကို EU က တကယ်ပဲ သင်ကြားပေးခဲ့လား။ မေးစရာ မေးခွန်းတွေ ပေါ်လာပါပြီ။

ရဲတပ်ဖွဲ့ရဲ့ အကြမ်းဖက်ဖြိုခွဲမှုဖြစ်စဉ်အပြီး လူမှုကွန်ရက်စာမျက်နှာတွေမှာ ““ကျောင်းသားတွေ နိုင်တယ်””ဆို တဲ့ ရေးသားဖြန့်ဝေလှုပ်ရှားမှုတွေ ပေါ် လာပါတယ်။ အကြမ်းဖက်ရိုက်နှက် ဖမ်းဆီးခံရပြီး သပိတ် စခန်းဖြိုခွဲခံ လိုက်ရတဲ့ ကျောင်းသားတွေ ဘာလို့နိုင်သွားပါသလဲ။ ကျွန်တော်တို့သုံး သပ်ကြည့်ရအောင်ပါ။

(၁) ၁၉၆၂ ဇူလိုင် ၇ ရက် ကျောင်းသားသမဂ္ဂ အဆောက်အအုံကြီး ဖြိုခွဲခံရပြီးတဲ့နောက် ဆရာကြီးသခင် ကိုယ်တော်မှိုင်း ကရာဇ၀င် တွင်ကျန်ရစ်မယ့် စကားတစ်ခွန်း ပြောခဲ့ပါတယ်။

““သမဂ္ဂကို ဖျက်ဆီးလို့ရပေမယ့် အမောင်တို့ရင်ထဲက သမဂ္ဂစိတ်ဓာတ်ကိုတော့ မဖျက်ဆီးနိုင်ပါဘူး”” ဆိုပြီး အားမာန်အပြည့်နဲ့ ပြောကြားခဲ့ပါတယ်။ အခု ဖြစ်ရပ်မှာလည်း သပိတ်စခန်း ဖြိုခွဲခံလိုက်ရပေမယ့် ကျောင်း သား တွေရဲ့ သမဂ္ဂစိတ်ဓာတ်ကတော့ ယိုင်လဲပြိုဆင်းသွားခြင်း မရှိပါဘူး။ လက်ပံတန်းပြိုပေမယ့် အကြမ်းဖက်မှု ကန့်ကွက်ဆန္ဒပြပွဲတွေ ရန်ကုန်မှာ လုပ်တယ်။ ထားဝယ်မှာလုပ်တယ်။ မန္တလေးမှာ လုပ်တယ်။ တိုင်းနိုင်ငံအနှံ့ ကန့်ကွက်ပွဲတွေ ပြုလုပ်ကြတယ်။ ကျောင်းသားရဲ့စိတ်ဓာတ်ဟာ ပိုမာကျောလာတယ်။ ယိုင်မ ဆင်းသွားဘူး။ ဒါကြောင့် …

““ကျောင်းသားတွေ နိုင်ပါတယ်””

(၂) အရင် အာဏာပိုင်ခေတ် ၂၀၀၇ ရွှေဝါရောင် တော်လှန်ရေးမှာ ကျောင်းသူ၊ ပြည်သူ၊ ရဟန်းရှင်လူတွေ အကြမ်းဖက်ဖြို ခွင်းထောင်သွင်း အကျဉ်းချခံရပြီး နောက်ပိုင်းမှာ မျိုးဆက်သစ်နိုင်ငံရေးတက်ကြွလှုပ် ရှားသူ မျိုးဆက်တစ်ဆက် မြန်မာ့သမိုင်းမှာ မွေးဖွားလာပါတယ်။ အခု ၂၀၁၅ မတ်လ ၁၀ ရက် လက်ပံတန်းကျောင်း သားသပိတ် အကြမ်းဖက်ဖြိုခွဲ နှိမ်နင်းခံရပြီး ကျောင်း သား၊ကျောင်းသူ၊ ရဟန်းပြည်သူတွေ ဖမ်းဆီးခံရပါ တယ်။ နိုင်ငံရေးမျိုးဆက်သစ်တစ် ရပ်ထပ်မံ ပေါ်ထွန်းလာဦးမှာ ဧကန်ပါ။ ဒီလို နိုင်ငံရေးတက်ကြွလှုပ်ရှားသူ မျိုးဆက် သစ်တစ်ရပ်ပေါ်ထွန်းလာဖို့ရာမှာ အဓိကလက်သည် တရားခံကတော့ အာဏာပိုင်တွေပါပဲ။ တာဝန်ခံ တာဝန် ယူဖြေရှင်းမှုဆိုတာတော့ အခုထိမတွေ့ရသေးပါဘူး။ လူငယ်နိုင်ငံရေး မျိုးဆက်သစ် တစ်ရပ် မြန်မာ့ သမိုင်းမှာ ပေါ်ထွန်းလာပါတော့မယ်။ ဒီအတွက် လက်ပံတန်း အကြမ်းဖက်ဖြိုခွင်းမှုမှာဖြင့်-

““ကျောင်းသားတွေ နိုင်လိုက်ပါတယ်””

(၃) ၂၀၁၁ ခုနှစ် နိုင်ငံတကာမှာ မျက်နှာပန်းလှဖို့ ဖြေလျှော့မှုတွေပြုလုပ်ပြီး တက်လာတဲ့ ဦးသိန်းစိန်အစိုးရရဲ့ မင်းသား ခေါင်းဟာတဖြည်းဖြည်းကျွတ်ကျပြီး ၂၀၁၅ အရောက်မှာတော့ ပကတိသွင်ပြင်အစစ် အမှန်ကို ပြည် သူတွေ မျက်ဝါးထင်ထင်တွေ့ လိုက်ရပါတယ်။ ကြံ့ခိုင်ရေးပါတီနဲ့ တပ်မတော်ကျောထောက် နောက်ခံပြု ထား တဲ့ ဦးသိန်းစိန်အစိုးရကို ပြည်သူထောက်ခံမှု သိသိသာသာကျဆင်းလာပါတယ်။ လောက် ကိုင်တိုက်ပွဲမှာ တပ်မ တော်ရဲ့ ပုံရိပ်ကိုမြှင့် တင်ဖို့ကြိုးစားခဲ့ကြပေမယ့် မတ်လ ၄ရက်၊ မတ်လ ၅ရက်မှာ စွမ်းအားရှင်တွေ ထုတ် သုံးပြီး အလုပ်သမားနဲ့ ကျောင်းသားဆန္ဒပြမှုကို ဖြိုခွဲခဲ့မှုနဲ့ မတ်လ ၁၀ရက် သွေးစွန်း တဲ့ လက်ပံတန်းအကြမ်း ဖက်ဖြိုခွဲ မှု အပြီးမှာတော့ အစိုးရနဲ့ တပ်မတော်ပုံရိပ်ဟာ ပြန်လည်ကျဆင်းသွားပါတယ်။ ရဲတပ်ဖွဲ့ဝင် တွေ အမိန့် စီးဆင်း ပုံရဲ့ထိပ်ဆုံးမှာ အခြေခံဥပဒေအရ ကာကွယ်ရေးဦးစီးချုပ်ဖြစ်နေ လို့ပါပဲ။ ၂၀၁၅ရွေးကောက်ပွဲမှာ အာဏာရ ကြံ့ခိုင်ရေးပါတီဟာ လူထုထောက်ခံမှုရအောင် ပြန်အဖတ်ဆယ်ဖို့ အတော့်ကိုရုန်း ကန်ရမယ့်အနေ အထားပါ။ ဒါကြောင့် မတ်လ ၁၀ ရက်သပိတ်စခန်းပြိုကွဲမှုမှာ …

““ကျောင်းသားတွေ နိုင်ပါတယ်””

(၄) အမျိုးသား ဒီမိုကရေစီအဖွဲ့ချုပ်က ရဲတပ်ဖွဲ့ရဲ့ အကြမ်းဖက်နိမ်နှင်းခြင်းဟာ ယဉ်ကျေးတဲ့ လူ့အဖွဲ့အစည်း မှာ မရှိသင့်၊ မရှိထိုက်ကြောင်း ကြေညာချက်ထုတ်ပြန် ခဲ့သလို နိုင်ငံပါတီအသီးသီး၊ ပြည်တွင်း အရပ်ဘက် အဖွဲ့ အစည်းတွေနဲ့ တိုင်းရင်းသား လက်နက်ကိုင်များကပါ ကန့်ကွက်ရှုတ်ချကြောင်း ကြေညာချက်တွေ အသီးသီး ထုတ်ပြန်ခဲ့ပါတယ်။ သပိတ်မှောက်ကျောင်း သားတွေကို အကြမ်းဖက်ဖြိုခွင်းမှုနဲ့ ပတ်သက်ပြီး ပြည် ပရောက် မြန်မာတွေကလည်း မလေးရှားနိုင်ငံ၊ ဂျပန်နိုင်ငံ၊ အမေရိကန် ပြည်ထောင်စု၊ သြစတြေးလျနိုင်ငံ၊ ကနေ ဒါနိုင်ငံ တို့မှာ ကန့်ကွက်ဆန္ဒပြမှုတွေ ပြုလုပ်ခဲ့ကြပါတယ်။

ပြီးတော့ မြန်မာ့ရဲတပ်ဖွဲ့ဝင်တွေကို အဓိကရုဏ်းဖြိုခွဲနည်း သင်ကြားပေးနေတဲ့ ဥရောပသမဂ္ဂ (EU) က မတ်လ ၁၀ ရက် ညနေပိုင်းမှာ တင်ကန့်ကွက်ကြောင်း ကြေညာချက်ထုတ်ပါတယ်။ အမေရိကန်ကွန် ဂရက်ကလည်း အခုလို ကျောင်းသားတွေကို အကြမ်းဖက်ဖြိုခွင်းတာဟာ သမ္မတ အိုဘားမားကို သမ္မတဦးသိန်းစိန်ပေးထား တဲ့ကတိတွေနဲ့ ဆန့်ကျင်နေကြောင်း ကန့်ကွက်ပြောဆိုပါတယ်။ အမေရိကန်ကွန် ဂရက်အမတ် Joe Crowley က ““မြန်မာနိုင်ငံက ကျောင်းသားတွေဟာ မူဝါဒပြောင်းလဲဖို့ တောင်းဆိုနေရုံသာဖြစ်တယ်။ သူတို့ ကို ရန်သူ အနေနဲ့သတ်မှတ်ပြီး မဆက်ဆံသင့်ဘူး””ဆိုပြီးပြောဆိုခဲ့သလို နိုင်ငံတကာ လွတ်ငြိမ်းချမ်းသာရေးအဖွဲ့ကလည်း ““လို တာထက်ပိုပြီး အင်အားသုံးဖြိုခွင်းပြီး မြေပြင်ပေါ်လဲနေသူတွေကို ရက်ရက်စက်စက် ရိုက်နှက်တာဟာ လူသားမဆန်ကြောင်း”” ဝေဖန်ပြောကြားခဲ့ပါတယ်။

ဗြိတိန်နိုင်ငံက လည်း ကန့်ကွက်ကြောင်း ကြေညာချက် ထုတ်သလို နိုင်ငံတကာ လူ့အခွင့်အရေး လေ့ လာစောင့်ကြည့်ရေးအဖွဲ့ကလည်း ပြု ပြင်ပြောင်းလဲမှုတွေ ပိုမို ယိမ်းယိုင်လာကြောင်းနဲ့ အကြမ်းဖက်မှုမှာပါဝင်တဲ့ ရဲတပ်ဖွဲ့ဝင်တွေကို စုံစမ်းစစ်ဆေးအရေးယူပေးဖို့ တောင်း ဆိုလိုက်ပါတယ်။ မတ်လ ၁၀ ရက် ရဲတပ် ဖွဲ့ရဲ့ကျောင်းသားထုအပေါ် အကြမ်းဖက်မှု ဖြစ်စဉ်ဟာ အစိုးရ ကနဦး သက်တမ်းမျက်နှာ ပန်းလှခဲ့တဲ့ ဦးသိန်းစိန်အစိုးရကို မျက်နှာ အိုးမည်းသုတ်လိုက်တာ ဖြစ်သလို သမ္မတ ဦးသိန်း စိန်ရဲ့ ကမ္ဘာသိပေးထားတဲ့ ကတိတွေမတည်ကြောင်း ပေါ်လွင်စေခဲ့ပါတယ်။ ပြည်တွင်းပြည်ပရဲ့ ဦးသိန်းစိန် အစိုးရအပေါ် ထားတဲ့ ယုံကြည်မှုလည်း အထူးကျဆင်း သွားစေပါတယ်။ ဒါကြောင့် လက်ပံတန်း အကြမ်းဖက် မှုဖြစ်စဉ်မှာ ““ကျောင်းသား တွေနိုင်တယ်””လို့ ဆိုရခြင်းဖြစ်ပါတယ်။

(၅) တိုင်းပြည်ရဲ့ အိမ်တိုင်းအိမ်တိုင်းမှာ ကျောင်းသားမရှိတဲ့ အိမ်ဟာမရှိသ လောက်ကိုရှားပါတယ်။ အကြမ်း ဖက်တဲ့ရဲ တပ်ဖွဲ့ဝင်တွေ ကိုယ်တိုင်မှာတောင် ကျောင်းသား ရင်သွေးတွေရှိကြမှာပါပဲ။ ဆိုလိုချင် တာက မြန်မာ ပြည်မှာ ကျောင်းသားနဲ့ ပြည်သူဟာ တစ်သားတည်းဖြစ်နေတာပါ။ ဒါ ကြောင့်ပဲ လက်ပံတန်း အကြမ်းဖက်မှုကို နိုင်ငံအ၀န်းက ပြည်သူတွေ ကန့်ကွက်ကြတယ်။ ရှုတ်ချကြတယ်။ နိုင်ငံရေးပါတီတွေ နဲ့လက်နက်ကိုင်တိုင်းရင်း သားတွေပါမကျန် ကန့်ကွက်ရှုတ်ချခဲ့ကြတယ်။ ဒါပေမဲ့ ပြန်ကြားရေးဝန်ကြီးအပါအ၀င် အာဏာပိုင် တွေက ဥပဒေနဲ့ လုပ်တာပါဆိုပြီး ပြောဆို တယ်။ တိုင်းသိပြည်သိ ကမ္ဘာသိ ဥပဒေနဲ့ မညီမှန်းသိပါလျက်နဲ့ ပြန်ကြားရေး ၀န်ကြီးက ဥပဒေနဲ့အညီ ဆောင်ရွက်ချက်ဆိုပြီး ပြောဆိုတယ်။ ထိုင်နေအကောင်းသား၊ ထမှကျိုးမှန်းသိဆိုသလို အစိုးရသိက္ခာလည်း သမ္မတပြောရေး ဆိုခွင့်ရှိသူ ပြန်ကြားရေး ၀န်ကြီး ဦးရဲထွဋ်ပြောခါမှ ရစရာ မရှိအောင် ကျဆင်းကုန်တယ်။ နောက် သတင်းထောက်တွေ သတင်းထောက် ကတ်ပြားပြတာတောင် ရိုက်နှက်ဖမ်းဆီးခံ ခဲ့ရတာကို သိပါလျက်နဲ့ ပြန်ကြားရေးဝန်ကြီး က““သတင်းထောက် မှန်းသိသာတဲ့ ထင်ရှားတဲ့ အမှတ်အသား တွေ ချိတ်ဆွဲထားရ မယ်””ဆိုပြီး နိုင်ငံပိုင်သတင်း စာပေါ်မှာ ဖြေကြား လိုက်တော့ ဖာလိုက်ထေးလိုက်မှ အစိုးရ သိက္ခာအိုးကြီး ခွမ်းခနဲကျကွဲ သွားပါတော့တယ်။ ဒါကြောင့် သွေး စွန်းသော လက်ပံတန်း အကြမ်းဖက်ဖြိုခွင်း မှုကြီးမှာ ဘယ်သူနိုင်သွားလဲဆိုရင်ဖြင့်

““ကျောင်းသားတွေ နိုင်ပါတယ်””

ဒါကြောင့်ပဲ Bloody Black March 10 ဖြစ်စဉ်ကြီးအပြီး မှာ ကျောင်းသား၊ ပြည်သူ၊ ရဟန်း ရှင်လူတွေကြား တညီ တညွတ်တည်းဟစ်ကြွေးသံကတော့ …

““ကျောင်းသားတွေ နိုင်တယ်””

ဖြစ်နေတော့တာပေါ့ခင်ဗျာ။

မြန်မာသံတော်ဆင့်သတင်းဌာန – https://www.facebook.com/myanmarherald

အကျဉ်းထောင်တွင်း ကွယ်လွန်သွားပြီဖြစ်တဲ့ ၀ါရင့်နိုင်ငံရေးသမားကြီး ဦးခင်မောင်မြင့်ရဲ့ နိယာမသဘာဝ ဥပဒေအရ တုံ့ပြန်ဆောင်ရွက်ပုံတစ်ခုကို ကြားခဲ့ရဖူးတယ်။ အကျဉ်းထောင် တွင်းမှာ နိုင်ငံရေးအရ ထောင် ကျနေ တဲ့ နိုင်ငံရေးသမားများကို ရာဇ၀င်လူမိုက်အကျဉ်း သားများက အန္တရာယ်ပြု ခြိမ်းခြောက်မှုတစ်ခုနဲ့ ကြုံတွေ့ ခဲ့ရတယ်။ ဦးခင်မောင်မြင့်က ဖန်ပုလင်း တစ်ခုကို ရိုက်ခွဲပြီး သတိ်္တရှိတဲ့လူ ရှေ့တက်ခဲ့လို့ မျက်နှာ ချင်းဆိုင် စိန်ခေါ် ဖြေရှင်းလိုက်တယ်။ ဦးခင်မောင်မြင့်က လူဆိုးလူမိုက်တွေကို သဘော တရားတွေ၊ မျောသား တွေ ပြောပြနေလို့ နားလည်မှာမဟုတ်ဘူး။ သူတို့နားလည်တာနဲ့မှ ရှင်းလို့ရတယ် …

~~~~~~~~~~~~~~~~~~~~~~~~~~~~~~~~~~~~~~~~~~~~

မြန်မာပြည်သူတွေဟာ တစ်လျှောက်လုံး ရုန်းကန်လှုပ်ရှားတောင်းဆိုနေကြ ရပါ တယ်။ ကျောင်းသားတွေ တောင်း ဆိုကြ တယ်။ အလုပ် သမားတွေ တောင်းဆိုကြတယ်။ လယ်သမားတွေ တောင်းဆိုကြတယ်။ ပြည် သူ တွေ တောင်းဆိုကြတယ်။ ဘာတွေကို တောင်းဆိုပြီး ဘာတွေကိုရခဲ့ ကြပါသလဲ။ ၁၉၆၂ ခုနှစ် က ကျောင်း သား တွေ ကျောင်းဆောင် စည်းကမ်းတွေလျှော့ ပေါ့ပေး ဖို့ တောင်းဆိုခဲ့ကြတယ်။ ကျောင်းသား သမဂ္ဂ ဖြိုဖျက်ခံခဲ့ရပြီး ကျောင်းသားတွေ ရာနဲ့ချီသတ်ဖြတ်ခံခဲ့ရတယ်။ အလုပ်သမားတွေ ဆန်ရှားပါးလို့ ဆန်တောင်း တယ်။ အုပ်ချုပ် သူတွေက ကျည်ဆန်ပေးခဲ့တယ်။ ဆန်ပြတ်လပ်လို့ စစ်တွေမှာ ဆန်တောင်းခဲ့တယ်။ ရာနဲ့ချီပြီး ပစ်သတ်ခံရ တယ်။ ဦးသန့်ကို သင့်တင့်လျောက်ပတ်စွာ သင်္ဂြိုဟ်ဖို့တောင်းဆိုခဲ့ကြတာတဲ့။

ကျောင်းသားတွေ စာရင်းပျောက် အင်းပျောက် သတ်ဖြတ်ခံ ရတာ ပြန်ရခဲ့တယ်။ ၁၉၈၈ ခုနှစ်မှာ ပြည်သူတွေ ဒီမိုကရေစီတောင်း ခဲ့တယ်။ ပြည်သူတွေ ထောင်နဲ့ချီ ပစ်ခတ် သတ်ဖြတ်ခံရတာ ပြန်ရခဲ့တယ်။ ၂၀၀၇ ခုနှစ်မှာ သံဃာတော်တွေနဲ့ ပြည်သူတွေ အမျိုးသားပြန်လည် ရင်ကြားစေ့ရေးနဲ့တွေ့ ဆုံဆွေးနွေးရေးတောင်း ဆိုခဲ့တယ်။ ဂျပန် သတင်းထောက် ခန်ဂျီနာဂအိစံနဲ့ ပြည်သူတွေ ကျည်ဆန်တွေရခဲ့ပြီး နံပါတ်တုတ်နဲ့ လည်း အကျွေးခံခဲ့ရ တယ်။ ကျောင်းသားတွေ အမျိုးသား ပညာရေးဥပဒေပြင်ဆင် ပေးဖို့ တောင်းဆိုကြတယ်။ အုပ်ချုပ်သူတွေ က နံပါတ်တုတ်တွေနဲ့ ရက်စက်စွာ ဖြိုခွင်းတာ ပြန်ပေးခဲ့တယ်။…

မြန်မာလူမျိုးတွေဟာ ၁၉၆၂ ခုနှစ် စစ်တပ်က အာဏာသိမ်းခဲ့ပြီးကတည်း ကနေ ယနေ့အထိ အမျိုးအမည်စုံ တဲ့ တောင်းဆိုမှုများ ပြုလုပ်နေခဲ့ကြ ရတယ်။ ဒါပေမဲ့ နံပါတ်တုတ်၊ ကျည်ဆန်၊ မီးလောင်ဗုံး စသဖြင့် တစ်မျိုးတစ်စား တည်းသာ အုပ်ချုပ် သူတို့ဆီက ရရှိခဲ့တယ်။ တောင်းဆိုမှု တိုင်းဟာ လက်ချည်းဗလာ ““ငြိမ်းချမ်းစွာ”” ဆိုတဲ့အတိုင်း လက်သီး လက်မောင်း လက်နက်ကြွေးကြော်သံများဖြင့်သာ တောင်းဆို ခဲ့ကြရ တယ်။ ရက်စက်စွာ ဖိနှိပ်ဖြိုခွဲမှုဆို တာကလွဲပြီး ကျွန်တော်တို့ ဘာတွေများ ပြန် လည်ရရှိခဲ့ကြပါသလဲ။ ကျွန်တော် တို့ ဘယ်လောက် များ ရရှိနေကြပါပြီလဲ။

၁၉၆၂ခုနှစ် ကျောင်းသားခေါင်းဆောင်တစ်ဦးဖြစ်တဲ့ စာရေးဆရာအောင်သာ (ပီပီပီ-ဦးလှရွှေ)က ၎င်းရဲ့ အတွေ့ အကြုံတစ် ခုကိုမျှဝေပေးခဲ့တယ်။ ၎င်းပထမဦးဆုံး အကြိမ်ထောင်ကျစဉ်က အကျဉ်းထောင် ၀န်ထမ်းငယ် တစ်ဦးဟာ ၎င်း ၆ ကြိမ်မြောက် ထောင်ကျချိန်မှာ အကျဉ်းထောင်အရာခံ ၀န်ထမ်းအိုကြီးအဖြစ် ပြန်တွေ့ရတယ် လို့ ဆိုတယ်။ အဆိုပါဝန်ထမ်းအိုကြီးက ဦးလှရွှေကို ““ဟ…လှရွှေကြီး ၀င်လာပြန်ပလား ဟ၊ မင်းတို့ကဆော် ရတယ်မရှိပါဘူး၊ မင်းတို့ချည်းပဲခံနေရတယ်။ ဒီတစ်ခါ ကလေးတွေ အများကြီးပါပါလာပါလားဟ””လို့ လှမ်း ပြီး နှုတ်ခွန်းဆက်စကား ပြောတယ်လို့ ဆိုပါတယ်။ ဒါဟာ ဆရာအောင်သာ(ပီသုံးလုံး)ရဲ့ သီးသန့်အတွေ့ အကြုံ သာ မဟုတ်ပါဘူး။ ၁၉၆၂ခုနှစ်ကနေ ယနေ့အထိ မြန်မာ ပြည်သူလူထုကြီးတစ်ရပ်လုံးရဲ့ အတွေ့ အကြုံဖြစ် လို့နေပါပြီ။ အထက်တန်းကျောင်းသူ မ၀င်းမော်ဦးတို့လို ကလေးငယ်လေး တွေကနေ ကျောင်းသား၊ ပြည်သူ၊ ရဟန်း ရှင်လူအမြောက်အမြား အသက်တွေပေးခဲ့ ရတယ်။ အကျဉ်းထောင်တွေထဲ ၀င်ခဲ့ကြရ ပါတယ်။ တော တွေတောင်တွေကြားရောက် ရှိသွားခဲ့ကြရပါတယ်။ ပြည်သူလူထုအများ စုကြီးဟာ ကြောက်ရွံ့၊ စိုးထိတ်စွာဖြင့် လူ့ဘ၀ကြီးကို ဖြတ်သန်းနေကြရပါတယ်။ ကိုယ်စိတ်နှလုံး ရွှင်ပြုံးကြည်သာစွာဖြင့် စိတ်အေးချမ်းသာစွာ တစ် ရက်တလေမှ မဖြတ်သန်းခဲ့ကြရပါဘူး။ မြန်မာလူထုရဲ့ ဘ၀ထဲမှာ စိတ်ချမ်းသာမှုဆိုတာ မရှိတော့ သလို ဖြစ်နေ ပါပြီ။

၁၉၈၈ ခုနှစ်မှာ မြန်မာတစ်ပြည်လုံး လှည်းနေလှေအောင်း မြင်းဇောင်းမကျန် ဒီမိုကရေစီတောင်းခဲ့တယ်။ အုပ် ချုပ်သူ စစ်အာဏာရှင်တွေက ကျည်ဆန်တွေပေးခဲ့တယ်။ နိုင်ငံတကာဆိုသူတွေက နိုဘယ် ဆုပေးခဲ့တယ်။ ပြည်သူတွေက အသက်တွေ၊ ဘ၀တွေ ပေးခဲ့ရတယ်။ ၂၀၀၇မှာ ရွှေဝါရောင်သံဃာတွေ နဲ့ ပြည်သူတွေက တိုင်း ပြည်ရဲ့ ရှေ့ရေးအတွက် အမျိုးသား ပြန်လည်ရင်ကြားစေ့ရေးနဲ့ တွေ့ဆုံေ ဆွး နွေးရေး တောင်းခဲ့တယ်။ စစ် အာဏာရှင် တွေက နံပါတ်တုတ်နဲ့ ကျည်ဆန်တွေပေး ခဲ့တယ်။ ၂၀၀၈ နာဂစ်မုန်တိုင်းကြီးကြောင့် ပြည်သူ တွေ သိန်းနဲ့ ချီသေဆုံးခဲ့ကြရတယ်။ ပြည်သူတွေရဲ့ ဒုက္ခတွေအတွက် ၂၀၀၈ အခြေခံဥပဒေပေးခဲ့တယ်။ လက်ပံ တောင်း ဒေသခံပြည်သူတွေက အဓမ္မသိမ်းပိုက်ခံရတဲ့ လယ်ယာမြေတွေ အတွက် တောင်းဆိုခဲ့တယ်။ မီးလောင် ဗုံးနဲ့ ကျည်ဆန်တွေပဲရခဲ့တယ်။ ရဟန်းရှင်လူများ ဒဏ်ရာအနာတရ နဲ့အသက်တွေပေးခဲ့ရတယ်။ အခုနောက် ဆုံးကျောင်းသားတွေ အမျိုးသားပညာရေး ဥပဒေပြင်ဆင်ပေး ဖို့ တောင်းဆိုကြတယ်။ ရက်စက်စွာအကြမ်းဖက် ဖြိုခွင်းခံရတယ်။ မတရားမှုများနဲ့ ရက်စက်မှုများကို လိုက်လံ ဖာထေးရတဲ့ ဖာထေးဝန်ကြီးကတော့ တရား ဥပဒေ နဲ့ အညီ ဆောင်ရွက်တာပါလို့ ဖာပေးပြန်ပါတယ်။

၂၀၀၇ ရွှေဝါရောင် သံဃာ့အရေးအခင်းမှာ ဗုဒ္ဓဘာသာနိုင်ငံမှာ ရဟန်းသံဃာတွေ ရိုက်နှက်ဖမ်းဆီးခံရတယ်။ ကျွန်တော်တို့ ပြည်သူတွေ အသည်းနာရတယ်၊ အသည်း ပေါက်ခဲ့ရတယ်။ ၂၀၀၈မှာ ဧရာဝတီတိုင်း က ပြည်သူ တွေ သိန်းချီသေဆုံးခဲ့တယ်။ ပြည်သူတွေ အသည်းပေါက် ရပြန်တယ်။ ၂၀၀၈ အခြေခံဥပဒေကို ၉၉.၀၇ ရာခိုင် နှုန်းနဲ့ အတည်ပြုတယ်လို့ ဆိုပြန်တယ်။ အသည်းပေါက်ခဲ့ရပြန်တယ်။ ၂၀၁၀ ရွေး ကောက်ပွဲမှာ အသည်းတစ်ခါ ပေါက်ခဲ့ရ ပြန်တယ်။ လက်ပံတောင်းမှာ သံဃာတော်တွေ မီးလောင်ဗုံးဒဏ်ကြောင့် အရေခွံတွေ လန်ကုန် တယ်။ အသည်းပေါက်ရပြန်ပါ တယ်။ လယ်သူမကြီးဒေါ်ခင်ဝင်း နဖူးကို သေနတ်မှန်လို့ သေရပြန်တယ်။ အသက် ၈၀ နှစ်ကျော်၊ ၇၀ ကျော် ဘိုးဘွားများ ထောင်ဒဏ်ကျခံရတယ်။

လက်ပတ်နီစွမ်း အားရှင်လူဆိုး လူမိုက်တွေက ကျောင်းသူ လေးတွေ၊ကျောင်း သားလေးတွေကို ရန်ကုန် မြို့လယ်ကောင်မှာ အကြမ်းဖက်ဖမ်း ဆီးကြတယ်။ အခုလက်ပံတန်းမှာရှိတဲ့ ကျောင်း သားသပိတ်စစ်ကြောင်း က ကျောင်းသူလေးတွေ၊ ကျောင်းသား လေးတွေ ရိုက်နှက်ဖြိုခွဲခံရပြန်တယ်။ ကျွန်တော်တို့ မိဘပြည်သူ တွေဟာ အသည်းနာရလွန်းလို့၊ အသည်း ပေါက်ရလွန်းလို့ ကြွေလုလုဖြစ်ကုန်ကြပြီ ဖြစ်ပါတယ်။ ငြိမ်းငြိမ်းချမ်း ချမ်းနဲ့ ဖြစ်ပေါ် တိုးတက်လိုတဲ့ ကျွန်တော် တို့ရဲ့ဆန္ဒတွေအတွက် ကျွန်တော်တို့ ပြည်သူလူထုကြီးမှာ ထပ်ပေးစရာ လက်ကျန်နည်းသွားပါပြီ။

အုပ်ချုပ်သူစစ်အာဏာရှင်တို့က အကြမ်းဖက်ဆောင်ရွက်မှုတိုင်းကို ဥပဒေနဲ့ အညီဆိုပြီး ပြောဆို အကြောင်း ပြကြတယ်။ ပြည်သူလူထုကြီးရဲ့ ငြိမ်းချမ်းစွာတောင်းဆို မှုအားလုံးကို ဥပဒေနဲ့မညီကြောင်း နည်း လမ်းမျိုးစုံနဲ့ ၀ါဒဖြန့်ကြတယ်။ ဥပဒေဆိုတာ ပြည်သူအတွက်မဟုတ်တော့ဘဲ အုပ် စိုးသူရဲ့ဖိနှိပ်ချုပ်ချယ်ရေး လက်နက် ဖြစ်လာတော့တယ်။ စွမ်းအားရှင်လက်ပတ်နီ တွေကိုတောင် ဥပဒေနဲ့အညီပါလို့ ပြောဆို နေတော့ ဥပဒေအရ ပြည်သူတွေရဲ့ လုံခြုံရေးဆိုတာ ဘာမှမရှိတော့ဘူးလို့ ယူဆရ မလိုဖြစ်နေပါပြီ။ ဥပဒေဟာ ခေတ်အဆက် ဆက်အုပ်ချုပ်သူတွေက သူတို့ရဲ့အုပ်စိုးမှု ကို အကာအကွယ်ပြုဖို့ တီထွင်ပြဋ္ဌာန်းထား သလိုဖြစ်နေပါတယ်။ လူလုပ်ဥပဒေတွေ ဟာ ပြည်သူလူထုကြီးကို အကာအကွယ် မပြုနိုင်တော့ပေမယ့် လူထုကြီးရဲ့ လက်ထဲမှာ သယံဇာတဥပဒေလို့ဆိုကြတဲ့ နိယာမ သဘာဝဥပဒေကြီးရှိနေပါတယ်။ လူ့အဖွဲ့ အစည်းမှာ ခေတ်အဆက် ဆက် အုပ်ချုပ်သူများက နိယာမသဘာဝတရားတွေကို ၎င်းတို့အကျိုးစီးပွားအတွက် ဥပဒေမျိုးစုံနဲ့ ကန့်သတ် ချုပ်ချယ်ခဲ့တယ်။ြ

ပည်သူတွေဟာ ရင်ဆိုင်ကြုံတွေ့နေရတဲ့ အခြေအနေ၊ သဘောသဘာဝကို သဘာဝ ကျကျ တုံ့ပြန် ဖြေရှင်းတာ နိယာမသဘာဝဥပဒေဖြစ်တယ်။ လူ့အဖွဲ့စည်းတိုးတက်မှု ဖြစ်စဉ်တစ်လျှောက် မှာ ရိုင်းစိုင်း ကြမ်းတမ်းတဲ့ သဘာဝအခြေ အနေကိုယှဉ်ပြိုင်ပြီး သဘာဝကျကျတုံ့ပြန် ထိန်းချုပ်ခဲ့ကြတယ်။ သမိုင်းဦးဘုံ မြေစနစ် ပျက်သုဉ်းပြီး ဖြစ်ပေါ်လာတဲ့ သက်ဦးဆံပိုင် စနစ်၊ ကျေးပိုင်ကျွန်ပိုင်စနစ်၊ ပဒေသရာဇ် စနစ်စသဖြင့် ဖိနှိပ်မှုမျိုးစုံကို သဘာဝဥပဒေ အရတွန်းလှန်ရုန်းကန်ရင်း ယနေ့ခေတ်လူ့ အဖွဲ့အစည်းကို ရောက်ရှိလာခြင်း ဖြစ်တယ်။ လူ့အဖွဲ့အစည်းကြီးဟာလည်း အာဏာနဲ့ ဥစ္စာဓနလက်ဝါးကြီးအုပ်ပြီး လူ့အဖွဲ့အစည်းကို ဖိနှိပ်လို သူများနဲ့ ဖိနှိပ်ခံ ဧရာမပြည်သူ ပြည်သားများရဲ့ ပြင်းထန်တဲ့ တိုက်ပွဲကြီးများအကြားမှ အဆင့်ဆင့်တိုးတက်လာ ခြင်းဖြစ်တယ်။

တရုတ်ပြည်သူ့တော်လှန်ရေးကာလမှာ မော်စီတုန်းက ““အာဏာဟာ သေနတ် ပြောင်းကထွက်တယ်”” ဆိုတဲ့ စကားဟာ ကမ္ဘာ့လက်သုံး နိုင်ငံရေးစကားဖြစ်လာခဲ့တယ်။ ပြည်သူ့လွတ်မြောက်ရေး တပ်မတော်နဲ့ချန် ကေရှိတ်ရဲ့ ကူမင်တန်တပ်တို့ရဲ့ တိုက်ပွဲများမှာ ပြည်သူပြည်သားများရဲ့ သေနတ် ပြောင်းက ချန်ကေရှိတ်ကူ မင်တန်တို့ရဲ့ သေနတ်ပြောင်းထက်သာလွန်ပါက တော်လှန်ရေးအောင်မြင်လိမ့်မယ်ဆိုတာကို ရည် ညွှန်းပြော ဆိုသွားကြခြင်းဖြစ်ပါတယ်။ ဒါကို ကမ္ဘာ့အာဏာရှင်နိုင်ငံများက အာဏာရှင်များက ပြည်သူလူထုအတွက် မဟုတ်ဘဲ ၎င်းတို့ရဲ့အာဏာနဲ့ ကိုယ်ကျိုးအတွက် အသုံးချခဲ့ကြတယ်။ သေနတ်ပြောင်း မရှိတဲ့ကမ္ဘာ့ ပြည်သူတွေ ဟာ အာဏာရှင်တို့ရဲ့သေနတ် ပြောင်းအောက်မှာ အစတေးခံခဲ့ကြရတယ်။ ကမ္ဘာ့ပြည်သူလူထုကြီးဟာ လက် နက်မပါ လက်ဗလာနဲ့ စုပေါင်းတောင်းဆိုခဲ့ကြတယ်။ အာဏာရှင်များကလည်း သေနတ်ပြောင်းများစွာနဲ့ ဖိနှိပ် သတ်ဖြတ်နေတာကို ကမ္ဘာအနှံ့ တွေ့မြင်နေရပါတယ်။

ကျွန်တော်တို့ မြန်မာပြည်သူတွေကို အကြမ်းမဖက်ရေး၊ ငြိမ်းချမ်းစွာအသွင်ကူး ပြောင်းရေး၊ သည်းခံ စိတ်မွေး ရေးတို့ကို သူတော်စင် နိုင်ငံရေးသမားတွေက အချိန်မလပ် သင်ကြားခဲ့ကြတယ်။ ကျွန်တော်တို့ ပြည် သူလူထု ကြီးကလည်း ယနေ့ထိ လိုက်နာခဲ့ ကြတယ်။ ကျွန်တော်တို့စားမလောက်တာ ကို လုပ်ခလစာတိုးပေးဖို့ လက်သီး လက်မောင်း၊ ကြွေးကြော်သံ၊ လက်ခုပ်လက်ဝါးနဲ့ တောင်းဆိုခဲ့ကြတယ်။ အဓမ္မသိမ်းပိုက်ခံရ တဲ့ လယ်ယာမြေ တွေပြန်ပေးဖို့ လက်သီး လက်မောင်း၊ ကြွေးကြော်သံ၊ လက်ခုပ် လက်ဝါးနဲ့ တောင်းဆိုခဲ့ကြ တယ်။ ကျောင်းသား တွေ ငြိမ်းချမ်းစွာ ချီတက်လမ်းလျှောက် ဆန္ဒပြတောင်းဆိုခဲ့ကြတယ်။ ရဟန်း၊ သံဃာတွေ ငြိမ်းချမ်းစွာ မေတ္တာပို့ လမ်းလျှောက်ခဲ့ ကြတယ်။ ပြည်သူလူထု လူတန်းစားမျိုးစုံ ဟာ တောင်းဆိုမှုမျိုးစုံကို လက်သီးလက် မောင်း၊ ကြွေးကြော်သံ၊ လက်ခုပ်များဖြင့် ငြိမ်းချမ်းစွာ တောင်းဆိုခဲ့ကြတယ်။ ကျွန်ုပ်တို့ပြည်သူလူ ထုကြီး ဘာတွေများ ပြန်လည် ရရှိခဲ့ကြပါသလဲ။ ကျွန်ုပ်တို့ဟာ အရာရာကို စေ့စပ်ညှိနှိုင်းအဖြေရှာလိုတယ်။ ဘယ်လိုများ အဖြေတွေ ပေးခဲ့ကြပါသလဲ။

ပြည်သူလူထုကြီးဟာ ၎င်းတို့ရဲ့ တရားမျှတမှုအတွက် လက်သီးလက်မောင်းတွေ၊ လက်ခုပ်သြ ဘာတွေ၊ ကြွေး ကြော် သံတွေနဲ့ နှစ်ပေါင်းများစွာ တောင်းဆိုခဲ့တယ်။ နောင်ကိုလည်း ဆက်လက်တောင်း ဆိုနေဦး မှာ ပဲဖြစ်တယ်။ တရားမျှတတဲ့ အခြေအနေကို မရောက်မချင်း သမိုင်းနဲ့ချီပြီး တောင်း ဆို နေကြမှာပဲဖြစ်တယ်။ ဒီလိုတောင်းရင် ဒီလို ရမယ်ဆိုတာလည်း သိနေကြပြီဖြစ်တယ်။ အကျဉ်းထောင်တွင်း ကွယ်လွန်သွားပြီဖြစ်တဲ့ ၀ါရင့်နိုင်ငံရေး သမားကြီး ဦးခင်မောင်မြင့်ရဲ့ နိယာမသဘာဝဥပဒေအရ တုံ့ပြန်ဆောင် ရွက်ပုံတစ်ခုကို ကြားခဲ့ရဖူးတယ်။ အကျဉ်းထောင်တွင်းမှာ နိုင်ငံရေးအရ ထောင် ကျနေတဲ့ နိုင်ငံရေးသမားများကို ရာဇ၀င်လူမိုက် အကျဉ်းသား များက အန္တရာယ် ပြုခြိမ်းခြောက်မှု တစ်ခုနဲ့ ကြုံတွေ့ခဲ့ရတယ်။ ဦးခင်မောင်မြင့်က ဖန်ပုလင်းတစ်ခု ကိုရိုက် ခွဲပြီး သတိ်္တရှိတဲ့လူ ရှေ့တက်ခဲ့လို့ မျက်နှာချင်းဆိုင်စိန်ခေါ်ဖြေရှင်းလိုက်တယ်။

ဦးခင်မောင်မြင့်က လူဆိုးလူမိုက် တွေကို သဘော တရားတွေ၊ မျောသားတွေ ပြောပြနေလို့ နားလည်မှာ မဟုတ်ဘူး။ သူတို့နားလည် တာနဲ့မှ ရှင်း လို့ရတယ်လို့ ရှင်းပြခဲ့တယ်လို့ ဆိုတယ်။ နိုင်ငံရေး သဘော တရားရေးရာမှာ ခေါင်းပေါ်တင်ရလောက်တဲ့ လူ တစ်ဦး ရဲ့ နိယာမသဘာဝဥပဒေကို အသုံးချသွားပုံပါ။ သဘော တရားတွေ၊ သီအိုရီနိယာမ တွေဟာ လက် တွေ့သဘာဝဖြစ်စဉ်ကို အဆီအနှစ် ထုတ်ထားတာတွေပါ။ ကျွန်ုပ်တို့ မြန်မာပြည်ရဲ့ လက်တွေ့ဘ၀ဖြစ်စဉ် တွေထဲကနေ မြန်မာပြည်နဲ့ ကိုက်ညီမယ့်သဘော တရားတစ်ခု စစ်ထုတ်ဖို့လိုနေပြီလို့ ယူဆမိပါတယ်။

မြန်မာသံတော်ဆင့်သတင်းဌာန – https://www.facebook.com/myanmarherald

ဒီမိုကရေစီ ဒီမိုကရေစီနဲ့
အတည်တကြည်အော်မြည်နေတာ
ရီ(ရယ်)စရာကြီးပါ…။

ဒီမိုကရေစီရဲ့ အဓိက သာဓကဟာ
အနှစ်မပါလှတဲ့ အစိုးရကို
လူထုမဲဆန္ဒအရ ဖြုတ်ချနိုင်ရမယ်…။

ကိုယ့်လုပ်သမျှ ပြည်သူ့ဆန္ဒနဲ့
လုံးဝဆန့်ကျင်နေရင် တရားဝင်မဲပေးစနစ်နဲ့
တထစ်ချ ဖြုတ်ချနိုင်ရမယ်…။

မဲနိုင်တဲ့ပါတီလက်ထဲလည်း အာဏာကိုမလွဲ
လွှဲပြောင်းပေးနိုင်ရမယ်…။

အစိုးရအား အကြံပေး
အခွင်းရေးတောင်းဆိုသူမှန်သမျှ
အဓမ္မနည်းနဲ့ ဖမ်းစီးထောင်ချနေတာ
နည်းလမ်းမကျပါ…။

လက်ပံတန်းကျောင်းသားသပိတ်မှ
လက်ထိပ်ခတ် ထောင်ချသွားတဲ့
ကျောင်းသားများ မပျက်မယွင်း
ချက်ချင်းပြန်လွှတ်ပေးကြပါ…။

ကျောင်းသားတခေတ်
ဖြစ်ပေါ်နေတဲ့ပြဿနာကို
အဖြေရှာပါ အပြစ်မရှာပါနဲ့…။

အစိုးရလုပ်သမျှ မဟုတ်မကဖြစ်လို့
ယုတ်စွအဆုံး တစ်ပြည်လုံးဆန္ဒပြလာရင်
အဓမ္မနည်းနဲ့ ဖိစီးနှိမ်နင်း
ဖြိုးခွင်းထောင်သွင်းအုံးမှာလား…။

ဇါတ်လမ်းဟောင်းသာပြန်က
အမှောင်ကျ ထောင်ချနေရင်
ပြောင်သမျှမျက်နှာ ကမ္ဘာကိုပြလိုက်ပါ…။
စေတနာကောင်းနဲ့တင်ပြခြင်းပါ
ထိခိုက်မယ်ထင်ပါရင်တောင်းပန်ပါတယ်…။

တက္ကသိုလ်ဘုန်းကြွယ်(မတ် ၂၀ ၁၅)

UPDATED.... ကျောင်းသားများအား အကြမ်းဖက်မှုကို ရှုတ်ချ ဆန္ဒပြသူများသည် မန္တလေးမြို့ ၈၄လမ်း၊ ၃၄ လမ်း နှင့် ၃၅ လမ်းကြားရှိ ဗိုလ်ချုပ် နှစ် ၁၀၀ပြည့် ခန်းမသို့ သွားကာ ဗိုလ်ချုပ်ရုပ်ထုရှေ့တွင် ကမ္ဘာမကျေသီချင်း သံပြိုင်သီဆို၍ အလေးပြုလျက်ရှိသည်။

အလေးပြုအပြီးတွင် ရတနာပုံတက္ကသိုလ် ကျောင်းသားသမဂ္ဂ ဥက္ကဋ္ဌ ကိုနိုင်ရဲဝေက ဟောပြောခဲ့သည်။

ထိုမှတစ်ဆင့် စတင်ထွက်ခွာလာရာ မြတောင်ကျောင်းတိုက်သို့ ဆက်လက်ထွက်ခွာမည် ဖြစ်သည်

မန္တလေး (မဇ္ဈိမ) ။ ။ လက်ပံတန်းကျောင်းသားသပိတ် အကြမ်းဖက် ဖြိုခွင်းကာ ဖမ်းဆီးခံရမှုကို ရှုတ်ချကာ မန္တလေးမြို့တိုင်း အတွင်းရှိ တက္ကသိုလ် အသီးသီးမှ ကျောင်းသားများ၊ နိုင်ငံရေး တက်ကြွ လှုပ်ရှားသူများ ၁၅၀ကျော်က မတ်လ ၂၁ရက် နံနက် ၉နာရီတွင် မန္တလေးမြို့ မြတောင်ကျောင်းတိုက်ရှေ့တွင် လူစုကာ ၉နာရီခွဲတွင် ထိုနေရာမှ စတင်ထွက်ခွာ ဆန္ဒပြပြီ ဖြစ်သည်။

မူလက မတ်လ ၁၆ ရက်တွင် အင်အား ၁,၀၀၀ ခန့်ဖြင့် ဆန္ဒပြရန် စီစဉ်ထားသော်လည်း မြို့မိမြို့ဖများနှင့် သံဃာတော်များ၏ မေတ္တာရပ်ခံမှုကြောင့် တက္ကသိုလ်ဝင်တန်းစာမေးပွဲ အပြီး မတ်လ ၂၁ရက်သို့ ပြောင်းရွှေ့ လိုက်ကြောင်း ဦးဆောင်သူ တစ်ဦးဖြစ်သည့် ကိုတိုးကြီးက မဇ္ဈိမကို ပြောသည်။

ကျောင်းသားသပိတ်ဖြိုခွင်းမှု ရှုတ်ချသည့် မန္တလေးဆန္ဒပြသူများသည် နံနက် ၁၀နာရီခန့်တွင် မန္တလေးမြို့ လမ်း ၈၀ နှင့် ၃၄ လမ်းကြားသို့ ရောက်ရှိပြိ ဖြစ်ကာ လမ်း ၈၀ထိပ်တွင် ဟောပြောလျက်ရှိသည်။

၎င်းတို့က မန္တလေး မြတောင်ကျောင်းတိုက်ရှေ့မှ စတင်ထွက်ခွာခဲ့ကာ ချမ်းအေးသာစံ၊ အောင်မြေသာစံနှင့် မဟာအောင်မြေမြို့နယ်များကို ဖြတ်သန်း၍ မြို့ပတ်ကာ ဆန္ဒပြသွားမည် ဖြစ်သည်။ သို့သော် ယခင် ခွင့်ပြုမိန့် တင်ထားသည့် လမ်းများအတိုင်း သွားမည်မဟုတ်ဘဲ မြို့တွင်းလမ်းများမှ ဖြတ်သန်းမည်ဟု သိရသည်။

ဆန္ဒပြသူ အင်အား ၂၀၀ခန့်ရှိပြီး သံဃာ ၁၀ပါးခန့် နှင့် တောင်သူများကလည်း ဝန်းရံကြသည်။ လုံခြုံရေး ရဲတပ်ဖွဲ့ဝင် အချို့လည်း လိုက်လံ စောင့်ကြည့်မှု ရှိသော်လည်း တားဆီးပိတ်ပင်မှု မတွေ့ရပေ။

(မဇ္ဈိမ)

ကိုမျိုးသန့်ရေ
ကျွန်တော့်ရဲ့လုပ်ဖော်ကိုင်ဖက်နှစ်ယောက်ဖြစ် တဲ့မြန်မာပို့စ်ဂျာနယ် အယ်ဒီတာချုပ် ကိုသန်းထိုက်သူနဲ့ ဒု -သတင်းထောက်ချုပ် ကိုဆန်းမိုးထွန်း တို့နှစ်ယောက် ဂျာနယ်မှာဖော်ပြခဲ့တဲ့ နယ်သတင်း တစ်ပုဒ်နဲ့ ပတ်သက်ပြီး မွန်ပြည်နယ်မော်လ မြိုင်မြို့နယ် တရားရုံးမှာ ပုဒ်မ ၅၀၀အသရေဖျက် မှုမြောက်တယ် ဆိုပြီးထောင် ဒဏ်နှစ်လ ချမှတ်ခံလိုက် ရတယ်ဗျာ။ တကယ့်အဖြစ်မှန်က သူတို့နှစ်ယောက်စလုံး ဒီကိစ္စမှာ ဘာမှမကျူးလွန် ခဲ့သူတွေပါ။ ကျွန်တော်က အဲဒီကိစ္စ သူတို့ရှင်းပြ လို့အစအဆုံး သိနေရတော့ ဒီကိစ္စကနေ ဘာတွေ သင်ခန်းစာယူ ရမလဲပြောပြ ချင်မိတယ်ဗျာ။
SuthuAungMyint

ပြီးခဲ့တဲ့ ၂၀၁၄ ဇန်န၀ါရီ ကမော်လမြိုင်မြို့က အလွတ်တန်း သတင်းထောက် သံလွင်မောင်မောင် ဟာမြန်မာပို့စ် ဂျာ နယ်ကို  နယ်သတင်း တစ်ပုဒ်ရေးသားပေး ပို့ပါတယ်။ အဲဒါကို လက်ခံရပြီးနောက် အယ်ဒီတာ ကိုဇော်မင်းနိုင်က ဒုသ တင်းထောက်ချုပ် ကိုဆန်းမိုးထွန်း ကိုပြုပြင်ရေးသားစေပါတယ်။နောက် သတင်းရေး သားတည်းဖြတ် ပြီးနောက် ဇန် န၀ါရီလ ၂၉ ရက်ထုတ်မြန်မာ ပို့စ်ဂျာနယ် မှာဖော်ပြ ခဲ့ပါတယ်။
ခေါင်းစဉ်က “ပညာရည်နိမ့်ကျမှုကြောင့် တပ်မတော် သားများ လွှတ်တော် တွင်ပါဝင်နေ ရခြင်းဟု တပ်မတော်သား လွှတ်တော်ကိုယ်စားလှယ် တစ်ဦးဆို” ဖြစ်ပြီး မျက်နှာဖုံးမှာ လည်းဖော်ပြခဲ့ ပါတယ်။ သတင်း မှာဖော်ပြ ထားတာက “ပညာရည်နိမ့်ကျ မှုကြောင့်  အချို့သော ဆုံးဖြတ်ချက်များတွင် Check and Balance လုပ်နိုင်ရန် လွှတ်တော်တွင် ပါဝင်နေရခြင်းဖြစ်ကြောင်းမွန်ပြည်နယ် လွှတ်တော်မှတပ်မတော်သား လွှတ်တော် ကိုယ်စားလှယ် ဗိုလ်မှူးသိန်းဇော် ကမွန်ပြည် နယ်လွှတ်တော်တွင် ကျင်းပခဲ့သော Meeting and Workshop with member of Mon State Hluttaw ပွဲတွင်ပြောကြား ခဲ့သည်” လို့ဖြစ် ပါတယ်။

ဆက်ပြီး တိုက်ရိုက်ပြော စကားအနေ နဲ့ဖော်ပြ ထားတာက “ကျွန်တော် တို့ တိုင်းပြည် အနေအထား နဲ့ကြည့်ရင် လွှတ်တော် ကိုယ်စား လှယ်တွေဆွေးနွေး ခဲ့သလိုပဲ ပညာရေးနဲ့ ပတ်သက် ပြီးတော်တော်လေး အားနည်းခဲ့တဲ့ အပိုင်းလေးတွေ ရှိတယ်။ ဒါကြောင့် မို့လည်းတချို့ ဆုံးဖြတ်တဲ့ အပိုင်းတွေမှာ Check and Balance လုပ်ဖို့အတွက် ကို ကျွန်တော်တို့တွေ ပါဝင်နေရခြင်း ဖြစ်ပါတယ်ဟု အဆိုပါ တပ်မတော်သား လွှတ်တော် ကိုယ်စားလှယ် ကပြောသည်” လို့ဖော်ပြ ထားပါတယ်။
ဒီသတင်းဖော်ပြ ပြီးနောက် အဲဒီ တပ်မတော် သားအမတ်က သူပြောတာ မဟုတ်ပါဘူး။ ဒါကိုပြန် ပြီးဖော်ပြပေးပါလို့ ဂျာနယ်တိုက် ကိုတောင်းဆို တယ်လို့ ဆိုပါ တယ်။ နယ်သတင်းထောက်ကလည်း သူသတင်းရေးသားပေးပို့တာ အဲလိုမဟုတ် ဘူး။ပြန်ပြင်ရေးထား လို့ပြဿနာပေါ် ရတာလို့ ဆိုပါတယ်။ အဲလိုပြန်တောင်း ပန်ပေးဖို့တောင်း ဆိုတာကို အယ်ဒီတာ ကိုဇော်မင်းနိုင်ကလက်ခံရ ပြီးပြန်တောင်းပန်တာ ၊ပြန်ပြုပြင်ဖော်ပြတာ မလုပ်ခဲ့သလို၊ အယ်ဒီတာချုပ် ကိုသန်းထိုက်သူ ကိုလည်း အသိမပေး ခဲ့ဘူးလို့ ကျွန်တော် သိရပါတယ်။

ကိုမျိုးသန့်ရေ
နောက်တော့ အဲဒီ   တပ်မတော်   သားအမတ်   ကမော်လမြိုင်  တရားရုံးမှာ အသရေ ဖျက်မှုနဲ့ တရားစွဲ ပါတယ်။ တရားစွဲတော့ ထုံးစံ အတိုင်းရေး သားသူ သံ လွင်မောင်မောင်၊ ကိုဆန်းမိုးထွန်း၊ အယ်ဒီတာချုပ် ကိုသန်းထိုက် သူသုံးယောက်ကို စွဲခဲ့တာပါ။
အဲဒီထဲမှာ မူလ သတင်းရေး သားပေးပို့တဲ့ သံလွင်မောင်မောင်က သူရေး သားပေးပို့တာ ကိုပြုပြင်ဖော်ပြ  တယ်ဆိုပြီး တရားရုံး သက်သေ အနေနဲ့ လုပ်လိုက်ပါ တယ်။ ဒီအတွက် ကိုသန်းထိုက်သူနဲ့ ကိုဆန်းမိုးထွန်း တို့နှစ်ယောက်မော်လမြိုင် တရားရုံး ကိုသွားပြီး ရုံးချိန်း အကြိမ်ကြိမ် တက်ရပါတယ်။အဲလို တစ်မြို့နယ်မှာ တရားသွား ရင်ဆိုင်ရတာ အတော် ဒုက္ခရောက် ကြပါတယ်။ငွေလည်း အတော် ကုန်ပါတယ်။   

အဲ … အချိန်အတော်လေးနောက် ကျပြီးမှ ကျွန်တော့် စိတ်ထင် လွန်ခဲ့တဲ့နှစ်လ သုံးလလောက်ရောက်မှ အယ်ဒီတာချုပ် ကိုသန်းထိုက်သူက ဒီအမှုကို ကျူးလွန် ခဲ့သူအယ်ဒီတာ ကိုဇော်မင်းနိုင်ကို တိုက်တွင်း အရေးယူဖို့ လုပ်ပါတယ်။ အရေး မယူခင် ဘယ်နည်းဘယ်ပုံ အရေးယူ မယ့်အကြောင်း ကျွန်တော့် ကိုလည်းတိုင် ပင်ပါတယ်။   သူအရေးယူ ဖို့ပြင်ဆင် ထားတဲ့ စာကြမ်းကို လည်းပြပါတယ်။  ကျွန်တော်  ကတော့ အရေး ယူတာ လုပ်ပါ၊ ဒါပေမယ့် လူ့ဂုဏ် သိက္ခာ ထိခိုက်မှု မရှိအောင်တော့ လုပ်ပါလို့ ပြောခဲ့ပါတယ်။ ဒါက တိုက်တွင်းပြဿနာပါ။

နောက်တစ် ပိုင်းကတော့ တရားရုံးရဲ့ စစ်ဆေး မှုအပိုင်းပါ။ တစ်နှစ်ကျော်စစ်ဆေးပြီးနောက် အသရေဖျက်မှု ကျူးလွန်တယ်လို့ တရားရုံး ကဆုံးဖြတ် ပြီးထောင် ဒဏ်နှစ်လ ချလိုက် တာပါ။ ဒါနဲ့ပတ် သက်ပြီး စာနယ်ဇင်း သမားတွေ ကတော့ မကျေ နပ်ကြပါဘူး။ အခု ယာယီ စာနယ် ဇင်းကောင်စီက လည်းကြေ ညာချက် တစ်စောင် ထုတ်မယ် လို့တော့ပြော ပါတယ်။

ကျွန်တော် သုံးသပ်လို့  ရသလောက်  ကတော့ တကယ် လို့သာ  ဒီအမှုဖြစ်  ပွားစဉ်က  သတင်း  မီဒီယာ  ဥပဒေသာ  ရှိပြီး၊  အဲဒီဥပဒေနဲ့ တရားစွဲခံ ရမယ်ဆို ရင်ထောင်ဒဏ် ဆိုတာ မရှိပါဘူး။ငွေဒဏ်ပဲရှိ ပါတယ်။နောက် တချို့ဝေဖန် သူတွေ ကတော့  အင်္ဂလိပ်ခေတ်  ကတည်းက ရှိခဲ့တဲ့ အဲဒီ ပုဒ်မ ၅၀၀ နဲ့ထောင်ချခဲ့ တယ်ဆိုတာမရှိဘူး။ အခုလိုချတာဟာ သတင်းစာဆရာတွေ မို့ဖြစ်တယ်ဆိုပြီး ပြောပါတယ်။ ရှေ့မှာ ဘယ်လိုအရေးယူခဲ့တယ်ဆိုတဲ့သမိုင်း ကျွန်တော်မသိတော့ ဒါကို အတည်မပြုနိုင်ပါ ဘူး။

ကိုမျိုးသန့် သိပြီးဖြစ်တဲ့အတိုင်း ကျွန်တော်ကိုယ်တိုင်လည်း အလဲဗင်းက အဲဒီ ပုဒ်မ ၅၀၀ နဲ့ပဲ  ငါးမှုလောက်စွဲနောက် ထပ်စွဲဦးမယ်လို့ အကြိမ်ကြိမ် ခြိမ်းခြောက် ခံထားရသူပါ။ အမယ် အလဲဗင်းက ကျွန်တော့်ကိုစွဲတာ ကျပ်ငွေ သိန်း ၅,၀၀၀ ရလိုမှု၊ တရားမမှုတစ်မှုတောင်ပါသေး။ တရားရင်ဆိုင်နေရဆဲ။
အခုဖြစ်စဉ်မှာ ဂျာနယ်တိုက်က တာဝန်ရှိအယ်ဒီတာ တစ်ယောက်ကသတင်းကိုကြီးအောင်ချဲ့ ပြီးခေါင်းစဉ်တပ် တာကစတာပါ။ ဒါနဲ့ပတ်သက်ရင် ကျွန်တော်က သတင်းစာ ပညာ သင်တန်းပေး တဲ့အခါ အမြဲ တစေပြောလေ့ ရှိပါတယ်။ သတင်းထောက် တစ်ယောက်ဟာ သတင်း တစ်ပုဒ် ကိုကြီးအောင် လုပ်လို့ မရ သလို ငယ်အောင်လည်း လုပ်လို့မရဘူး။ လုပ်ဖို့လည်းမလိုဘူး။
သတင်းခေါင်းစဉ်တပ်တယ်ဆိုတာ လူစိတ်ဝင်စားရင်ပြီးရော ပြူးပြူးပြဲပြဲ မလုပ်ကောင်းဘူး။ သတင်းကိုခြုံငုံမိတာကို မှခေါင်းစဉ်တပ်ရမယ်စသဖြင့် အကြိမ်ကြိမ် ရှင်းပြဖူးပါတယ်။ပြော ရရင်အခုဖြစ်စဉ်ဟာ စာနယ်ဇင်းကျင့်ဝတ် ဆိုင်ရာပြဿနာ ၊ရေးသားမှုဆိုင်ရာပြဿနာပါ။
ဒီပြဿနာကြောင့်ထောင်ဒဏ် ချမှတ်ရတယ် ဆိုတာမျိုးကိုတော့ ကျွန်တော် လည်း လုံးဝ သဘောမ ကျပါဘူး။
ဒါပေမဲ့လည်း ပုဒ်မ ၅၀၀ ဟာ  တည်ဆဲ ဥပဒေဖြစ်နေတယ်။ ဥပဒေအရ တရား သူကြီး  ကပြစ်မှု  ကျူးလွန်ကြောင်း  ဆုံးဖြတ်ခဲ့  ရင်ထောင်  ဒဏ်နှစ်နှစ် အထိ ချနိုင် တယ်။ငွေဒဏ် သက်သက်လည်း ချနိုင်တယ်။နှစ်မျိုး စလုံးလည်း  ချနိုင်တယ် ဆိုပြီးပြဋ္ဌာန်း ထားတာပါ။ ဘယ်လိုပဲဖြစ်ဖြစ် အာဏာ ပိုင်တွေဟာ ဒီလိုပုဒ်မ ဒီလိုပြဋ္ဌာန်း ချက်မျိုး ကိုသုံးပြီး စာနယ်ဇင်း သမားတွေကို ဖိနှိပ်မှု လုပ်လာနိုင်တဲ့ အန္တရာယ်တော့ ရှိနေပါတယ်။

အရင်စစ်အစိုးရခေတ်ကတော့ ခုလိုပဲ တည်ဆဲဥပဒေနဲ့ တရားရုံးတွေကို အသုံးချပြီး မတရား ဖိနှိပ်ခဲ့တဲ့ သာဓကတွေ ရှိခဲ့ပါတယ်။ ခုဆိုရင်ပြန် ကြားရေး ၀န်ကြီး ဌာနကဒေါက်တာ သန်းထွဋ်အောင် အပါအ၀င် အလဲဗင်းက  လူတစ်စုကြီးကို  ပုဒ်မ ၅၀၀  နဲ့နေပြည်တော် တရားရုံးမှာ  တရားစွဲ  ထားပါတယ်။ သူတို့အတွက် ကျွန်တော် စိုးရိမ်ပါတယ်။ ဘယ်လိုပဲဖြစ်ဖြစ် ကျွန်တော်တို့ စာနယ်ဇင်းသမားတွေဟာ သတင်းစာ ကျင့်ဝတ်ကိုတော့ အသေအချာ လိုက်နာကြရပါမယ်။

နောက် သတင်းသမားတွေကို မတရား ဖမ်းဆီးထောင်ချဆိုတဲ့ အဖြစ်မျိုးမဖြစ်အောင်၊ တည်ဆဲဥပဒေ ဆိုတာတွေကို သုံးပြီး တစ်ဖက်လှည့်နဲ့ မတရား ဖိနှိပ်တာ မခံရအောင် ဘယ်လိုနည်းတွေနဲ့ ကာကွယ်ကြမလဲ ဆွေးနွေးတိုင်ပင်ကြဖို့လိုပြီ ထင်ကြောင်းပါ။

ကျန်းမာပျော်ရွှင်ပါစေ
စည်သူအောင်မြင့်

http://www.mizzimaburmese.com/2013-10-20-17-18-22/2013-10-20-16-34-57/item/41636-2015-03-21-04-24-49

မြိတ်၊ မတ် ၁၉

လက်ပံတန်းမြို့တွင် ကျောင်းသားသပိတ် အကြမ်းဖက် ဖြိုခွဲမှုကိုဆန့်ကျင်ကန့်ကွက်သည့် အဖြူရောင် လက်ပတ်လှုပ်ရှားမှုကို မြိတ်မြို့ဆိပ်ငယ်ဈေးကြီးတွင် မတ်လ ၁၉ ရက်နေ့ နံနက် ၁၀ နာရီခန့်က စတင်ပြုလုပ်ခဲ့သည်။

We Are Students. Respect Our Rights.စာတမ်းပါ အဖြူရောင်လက်ပတ် ၇၀၀ ခုဖြင့် လှုပ်ရှားမှုကို ပြုလုပ်ခဲ့ခြင်းဖြစ်ကာဆိပ်ငယ်ဈေးကြီးအပြင် ကမ်းနားလမ်းတစ်လျှောက်ပြုလုပ်သွားမည်ဖြစ်ကြောင်း မြိတ်ခရိုင် လူငယ်ကွန်ရက် အဖွဲ့ဝင်များထံမှ သိရသည်။

ယင်းကဲ့သို့ လှုပ်ရှားမှုများပြုလုပ်စဉ် သက်ဆိုင်ရာကနောက်မှ တောက်လျှောက်သတင်းလိုက်ယူနေကြသည်အတွက် လက်ပတ်ဖြူပတ်ရန် ကြောက်သူများလည်းရှိသည်ဟုလူငယ်ကွန်ယက် အဖွဲ့ဝင်တချို့က ဆိုသည်။
“ဈေးအထဲမှာတော့ အောင်မြင်ပြီးဈေးအပြင်ဘက်မှာတော့ ကြောက်နေတဲ့သူတွေလည်းရှိပါတယ်” လူငယ်ကွန်ယက်မှ အဖွဲ့ဝင် မသီတာစိုးကပြောပြသည်။

ထားဝယ်မြို့တွင်မူယင်းလှုပ်ရှားမှုပြုလုပ်ရန်အတွက် မတ်လ ၁၉ မွန်းလွဲအထိ၈၈ မျိုးဆက်များ၊ ကျောင်းသားများနှင့် လူမှုရေးအဖွဲ့အစည်းများ အစည်းအဝေး ပြုလုပ်နေဆဲဖြစ်သည်။

အဆိုပါ အဖြူရောင်လက်ပတ်လှုပ်ရှားမှုကိုမတ်လ ၁၉ ရက်နေ့တွင် တစ်နိုင်ငံလုံးအတိုင်းအတာဖြင့် မြို့နယ် ၁၉ မြို့နယ်တွင် ပြုလုပ်နေကြသည်ဟု လူငယ်ကွန်ယက်ထံမှ သိရသည်။

မြိတ်ခရိုင် လူငယ်ကွန်ယက်သည် ကျောင်းသားဆန္ဒပြပွဲကို အကြမ်းဖက်ဖြိုခွင်းဖမ်းဆီးမှုနှင့် ပတ်သက်ပြီး လေးကျွန်း ဆီမီးသိမ်တော်ကြီးတွင် မတ်လ ၁၃ ရက်နေ့ ညနေ ၅ နာရီခွဲအချိန်ခန့်က ကျောင်းသားများအတွက် ဆုတောင်းပွဲပြုလုပ်ခဲ့ပြီး သဘောထားထုတ်ပြန်ချက် တစ်စောင်ကိုထုတ်ပြန်ခဲ့ဖူးသည်။

Dawei Watch
The Myanma Age


 မြန်မာ ပြည် ပြုပြင်ရေး တွေ နောက်ပြန်ဆုတ်မှု တွေ ရှိနေတာကို တွေ့ရလို့ စိုးရိမ်။

မြန်မာ နိုင်ငံ လူ့အခွင့်အရေး အခြေအနေ နဲ့ ပတ်သက်ပြီး ကုလသမဂ္ဂ လူ့အခွင့်အရေး ကော်မရှင် ထံကို အီးယူ ဥရောပ သမဂ္ဂ က ဦးဆောင် တင်သွင်း ထားတဲ့ ဆုံးဖြတ်ချက် အစီရင်ခံစာ ကို ကုလသမဂ္ဂ လူ့ အခွင့်အရေး ကော်မရှင် က လာမယ့် သီတင်းပတ် ထဲမှာ အတည်ပြု ဆုံးဖြတ်ချက် ချပါ့မယ်။

ဒီ အစီရင်ခံစာ မှာ မြန်မာ ပြည် ပြုပြင်ရေး ဟာ နောက်ပြန် ဆုတ်မှု တွေ ရှိနေတာ ကို တွေ့ရ လို့ စိုးရိမ်ကြောင်း ဖော်ပြ ထားပါတယ်။

မြန်မာ နိုင်ငံ လတ်တလော အချိန်မှာ လူ့အခွင့်အရေး လှုပ်ရှားသူ တွေ၊ ငြိမ်းချမ်းစွာ ဆန္ဒပြ သူတွေ ကို ဖိနှိပ် ဖမ်းဆီးမှု တွေ ရှိနေတာ ကို လူ့အခွင့်အရေး ကော်မရှင်က စိုးရိမ် ပူပန်ကြောင်း လည်း အစီရင်ခံစာ က ဆိုပါတယ်။

ဒီ ဆုံးဖြတ်ချက် အစီရင်ခံစာ ထွက်ပေါ် လာခဲ့ တဲ့ ဂျီနီဗာ လူ့အခွင့်အရေး ကော်မရှင် ကြားနာပွဲ မှာ မြန်မာ နိုင်ငံ အတွက် ကုလ သမဂ္ဂ လူ့အခွင့်အရေး အထူး ကိုယ်စားလှယ် မစ္စယန်ဟီးလီး လည်း တက်ရောက် ပြီး မြန်မာ နိုင်ငံ ဆိုင်ရာ အစီရင်ခံစာ တင်သွင်း ခဲ့ပါတယ်။

ဒါ့အပြင် မြန်မာ ပြည် မှာ လတ်တလော ဖြစ်ပွားခဲ့ တဲ့ ကျောင်းသား ဆန္ဒပြမှု ဖြိုခွဲတဲ့ ကိစ္စကို ဆွေးနွေး ပြောဆိုမှုတွေ လည်း ရှိခဲ့ ပါတယ်။
BBC Burmese
http://www.bbc.co.uk/burmese

မြန်မာနိုင်ငံဆိုင်ရာ ကုလ လူ့အခွင့်အရေး အထူးကိုယ်စားလှယ် Yanghee Lee ရန်ကုန်ကို ဆိုက်ရောက်စဉ်။ (ဇန် ၆၊ ၂၀၁၅)

ကုလသမဂ္ဂ လူ့အခွင့်အရေး အထူးကိုယ်စားလှယ် Ms. Yanghee Lee ကို မြန်မာနိုင်ငံမှာ လူသိရှင်ကြား စော်ကားမော်ကား ပြောဆိုတာတွေ၊ အမုန်းပွားအောင် လှုံ့ဆော်ဟောပြောတာတွေ ကို နိုင်ငံတကာဥပဒေနဲ့အညီ အရေးယူပေးဖို့ မြန်မာအစိုးရကို ကုလသမဂ္ဂက သောကြာနေ့က တိုက်တွန်းလိုက်ပါတယ်။ အမုန်းတရားနဲ့ Ms. Lee ကို ထပ်ခါတလဲလဲ တိုက်ခိုက် ပြုမူပြောဆိုနေတာတွေကိုလည်း ကုလသမဂ္ဂအထူးကိုယ်စားလှယ်အဖွဲ့က ကန့်ကွက်ရှုတ်ချလိုက်တာပါ။ မအင်ကြင်းနိုင်က အကြောင်းစုံကိုပြောပြမှာပါ။

မတ်လ (၂၀)ရက်နေ့က ထုတ်ပြန်တဲ့ ကုလသမဂ္ဂ အထူးကိုယ်စားလှယ်များ အဖွဲ့ရဲ့ ကြေညာချက်မှာ မကြာသေးခင် သီတင်းပတ်တွေတုန်းကလည်း Ms. Yanghee Lee ကို ပုဂ္ဂိုလ်ရေးအရစော်ကားတိုက်ခိုက်ပြောဆိုပြီး လူသိရှင်ကြား ခြိမ်းခြောက်တဲ့ဟောပြောပွဲတွေ မြန်မာနိုင်ငံမှာ အနည်းဆုံးနှစ်ကြိမ်လောက်ပြုလုပ်ခဲ့ တယ်လို့ ဖေါ်ပြထားတာပါ။

ဒီဟောပြောပွဲတွေဟာ မြန်မာအစိုးရအနေနဲ့တိုက်ရိုက်မပတ်သက်ဘူးဆိုပေမယ့် ဒီလိုတိုက်ခိုက်ပြောဆိုချက်တွေကို မြန်မာအစိုးရအနေနဲ့ အရေးယူဖြေရှင်းဆောင်ရွက်ဖို့ ၊ Ms. Yanghee Lee ကို အမုန်းတရားနဲ့ အကြမ်းဖက်အောင် လှုံ့ဆော်တာတွေကို နိုင်ငံတကာဥပဒေနဲ့အညီ အရေးယူပေးဖို့ ကုလသမဂ္ဂ အထူးကိုယ်စားလှယ်များ အဖွဲ့အနေနဲ့ မြန်မာ အာဏာပိုင်တွေကို တောင်းဆိုထားပါတယ်။

ဒါအပြင် ကုလသမဂ္ဂ တာဝန်အပ်နှင်းထားတဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ်အနေနဲ့ လာရောက်တဲ့Ms. Lee ရဲ့ မြန်မာနိုင်ငံ ခရီးစဉ်အတွင်း သူရဲ့ လုံခြုံရေးနဲ့ ဂုဏ်သိက္ခာကို မထိခိုက်အောင် မြန်မာအစိုးရ အနေနဲ့ အပြည့်အ၀ တာဝန်ယူဆောင်ရွက်ပေးဖို့လည်း ကုလသမဂ္ဂ အထူးကိုယ်စားလှယ်တွေက တိုက်တွန်းထားပါတယ်။

ဇန်န၀ါရီလက မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေး အထူးကိုယ်စားလှယ် Ms. Yanghee Lee ရဲ့ ဒုတိယအကြိမ်မြောက် မြန်မာနိုင်ငံခရီးစဉ် အပြီးမှာလည်း ဦးဝီရသူက စကားလုံး ကြမ်းကြမ်းတမ်းတမ်းသုံးပြီး အများပြည်သူရှေ့ တိုက်ခိုက်ပြောဆိုခဲ့ပါတယ်။

ဒီလို ဗုဒ္ဓဘာသာဝင် ဘုန်းကြီးတပါး အနေနဲ့ ပြုမူပြောဆိုတယ်ဆိုရင် သာသနာညှိုနွမ်းစေမှု၊ နိုင်ငံရဲ့ ဂုဏ်သိက္ခာကို ထိခိုက်ပျက်ပြားအောင် လုပ်ဆောင်မှုစတဲ့ ပုဒ်မတွေနဲ့အရေးယူလို့ရတယ်လို့ ဟောင်ကောင် အခြေစိုက် အာရှ လူ့အခွင့်အရေးကော်မရှင် မြန်မာနိုင်ငံဆိုင်ရာတာဝန်ခံ ဦးမင်းလွင်ဦးကပြောပါတယ်။

" Ms. Yanghee Lee ရဲ့ အစီရင်ခံစာအပေါ်မှာ မတ်လ ၁၀ရက်နေ့တုန်းက ထုတ်ပြန်တဲ့ အစိုးရရဲ့ တုန့်ပြန်မှုကို ကြည့်ရင် ကျနော်တို့ အဲ့ဒီ့မှာ ရှာပြီးတော့ တွေ့နိုင်တယ်။ အဲ့တော့ အဲ့ဒီ့မှာ လူတဦးချင်းကိုသော်လည်းကောင်း၊ လူမျိုးတမျိုးနဲ့ တမျိုးကိုသော်လည်းကောင်း၊ လူတစုနဲ့ တစုကိုသော်လည်းကောင်း၊ အမုန်းပွားအောင် လှုံ့ဆော်ဖန်တီးတဲ့ စကားတွေကို ပြောဆိုတယ်ဆိုလို့ရှိရင် ထိရောက်စွာ အရေးယူနေပါတယ်ဆိုပြီးတော့မှ မြန်မာအစိုးရကနေပြီးတော့ စာရေးဆရာ ထင်လင်းဦးကို အရေးယူခဲ့တဲ့ဟာကို သာဓက ပြပြီးတော့ အမှုစွဲဆိုထားတာတွေ ရှိပါတယ်။ အဲ့တော့ ကုလသမဂ္ဂရဲ့ အထူးကိုယ်စားလှယ် Ms. Yanghee Lee အပေါ်မှာ အခု ဗုဒ္ဓဘာသာဝင် ဘုန်းတော်ကြီးတပါးကနေပြီးတော့ ဒီလိုမျိုး ရဟန်းတော် ကျင့်ဝတ်တွေနဲ့ မညီအောင် ပြောဆိုချက်တွေကို မြန်မာ အစိုးရအနေနဲ့ နောက်ကွယ်ကနေ တမင်ဖန်တီးပြီး လုပ်ဆောင်နေသလား၊ လူတဦးနဲ့တဦး အမုန်းပွားအောင် စီမံဖန်တီးနေသလားဆိုတာတွေကို သံသယကင်းကင်းဖြစ်သွားအောင် လုပ်မယ်ဆိုရင်တော့ မြန်မာပြည်တွင်းမှာ ပြဌာန်း ထားတဲ့ ပြစ်မှုဆိုင်ရာ ဥပဒေတွေအရ ထိုက်သင့်တဲ့ပုဒ်မတွေနဲ့ အရေးယူဆောင်ရွက်ပေးဖို့ လိုတယ်လို့ပဲ ကျနော်ကတော့ ပြောချင်တယ်။"

ကုလသမဂ္ဂ အထူးကိုယ်စားလှယ်တွေရဲ့ အကဲဖြတ်အစီရင်ခံစာတွေကို ကန့်ကွက်ခွင့်၊ ဝေဖန်ပြောဆိုခွင့်ဆိုတာရှိပေမဲ့ အဖွဲ့ဝင်နိုင်ငံပေါင်း (၄၇)နိုင်ငံပါဝင်တဲ့ ကုလသမဂ္ဂ လူ့အခွင့်အရေးကောင်စီက တာဝန်အပြည့် အပ်နှင်းထားတဲ့ အထူး ကိုယ်စားလှယ်တွေကို အကြမ်းဖက်ခြိမ်းခြောက်တာ၊ လူသိရှင်ကြားစော်ကားမော်ကားပြောတာတွေကို ကုလသမဂ္ဂအနေနဲ့ လက်မခံနိုင်ဘူးလို့ သောကြာနေ့က ထုတ်ပြန်ချက်မှာ ဖေါ်ပြထားပါတယ်။

မြန်မာနိုင်ငံအနေနဲ့လည်း ကုလသမဂ္ဂလူ့အခွင့်အရေးကောင်စီမှာ အဖွဲ့ဝင်ပါ။ ဒါကြောင့် သံတမန်ရေးအရ လာရောက်တဲ့ ကုလသမဂ္ဂကိုယ်စားလှယ်ကို တိုက်ခိုက်ပြောဆိုတာတွေကို မြန်မာအစိုးရအနေနဲ့ အရေးယူဆောင်ရွက် သင့်တယ်လို့ ဦးမင်းလွင်ဦးကပြောပါတယ်။

" ကျနော်တို့ မြန်မာနိုင်ငံရဲ့ပုံရိပ်ပေါ့နော်။ ညိုးနွမ်းပျက်စီးစေတဲ့ အတွက် ဒါမျိုးကိုတော့ ထိထိရောက်ရောက် အရေးယူသင့်တယ်လို့ ကျနော်ကတော့ မြင်ပါတယ်။ ကုလသမဂ္ဂ လူ့အခွင့်အရေး အထူးကိုယ်စားလှယ်က ကျနော်တို့ တကမ္ဘာလုံးနဲ့ ဆိုင်တဲ့ လူ့အခွင့်အရေးကောင်စီကလည်း ခန့်အပ်ထားတာဖြစ်တယ်။ အဖွဲ့ဝင်အဖြစ် ကျနော်တို့ မြန်မာနိုင်ငံကလည်း ပါဝင်နေတာဖြစ်တယ်။ အဲ့တော့ ဒီလိုမျိုး သံခင်းတမန်ခင်း လာတဲ့သူကို မခြေမငံ ဆက်ဆံတဲ့ ကိစ္စရပ်မျိုး ကတော့ ထိုက်သင့်တဲ့ အရေးယူမှုမျိုး ဆောင်ရွက်သင့်တယ်လို့ ကျနော်တို့ကတော့ ပြောချင်ပါတယ်။"

ဇန်န၀ါရီလ (၁၆)ရက်နေ့က Ms. Yanghee Lee ကို ကြမ်းတမ်းတဲ့စကားလုံးတွေနဲ့ ဦးဝီရသူက တိုက်ခိုက်ပြောဆိုချက်တွေနဲ့ပတ်သက်လို့ ကုလသမဂ္ဂ လူ့အခွင့်အရေး မဟာမင်းကြီး Zeid Ra’ad Al Husseinu ကိုယ်တိုင်လည်း ဇန်န၀ါရီလ (၂၂)ရက်နေ့က ပြင်းပြင်းထန်ထန် ကန့်ကွက် ရှုတ်ချထားပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


တိုင်းရင်းသားတွေ တင်တဲ့ အဆိုတွေကို အစိုးရက ထိရောက်အောင်လုပ်တာ မရှိလို့ ဒေါ်ဒွဲဘူဆို
၂၀၀၈ ဖွဲ့စည်းပုံအရ သတ်မှတ်ထားတဲ့ ပြည်နယ်၊ တိုင်းတွေနဲ့ ကိုယ်ပိုင် အုပ်ချုပ်ခွင့်ရ ဒေသ တွေမှာ အာဏာ ခွဲဝေမှု၊ သယံဇာတ နဲ့ အခွန် အကောက်ခွဲဝေမှုတွေ ပီပီပြင်ပြင် ဖြစ်လာအောင် ဥပဒေ၊ နည်း ဥပဒေတွေကို လိုအပ်သလို ပြင်ဆင် ပြဌာန်းပေးဖို့ တိုက်တွန်းတဲ့ အရေးကြီး အဆိုကို ပြည်ထောင်စုလွှတ်တော်မှာ မတ်လ ၂၀ ရက်နေ့က တင်သွင်းခဲ့ပါတယ်။

ပြည်ထောင်စု လွှတ်တော်နဲ့ ပြည်ထောင်စု အစိုးရကို တိုက်တွန်း ထားတဲ့ ဒီအရေးကြီး အဆိုကို တိုင်းရင်းသား ဒေသတွေက ကိုယ်စားလှယ်တွေက တင်သွင်းတာ မဟုတ်ဘဲ တပ်မတော်သား ကိုယ်စားလှယ် ဗိုလ်မှူးချုပ် တင်ဆန်းက တင်သွင်းခဲ့တာ ဖြစ်ပါတယ်။

ဒီအဆိုကို ထောက်ခံ ဆွေးနွေးခဲ့သူ တစ်ယောက် ဖြစ်တဲ့ ကချင်ပြည် အင်ဂျန်းယန် မဲဆန္ဒနယ် ပြည်သူ့ လွှတ်တော် ကိုယ်စားလှယ် ဒေါ်ဒွဲဘူက ၂၀၀၈ ဖွဲ့စည်းပုံ အခြေခံ ဥပဒေမှာ ပါတဲ့ အာဏာ ခွဲဝေမှု၊ သယံဇာတ နဲ့ အခွန် အကောက်ခွဲဝေမှုတွေ နဲ့ ပတ်သက်လို့ တိတိကျကျ ပြဌာန်းထားတာ မရှိတဲ့ အတွက် သက်ဆိုင်ရာ ပြည်နယ်နဲ့တိုင်းဒေသတွေမှာ ဆောင်ရွက်ရတာ အခက်အခဲတွေ ရှိနေတယ်လို့ ပြောပါတယ်။

နည်းဥပဒေတွေ တိတိကျကျ မရှိတာကြောင့် အငြင်းပွားမှုတွေ ရှိနေလို့ အရေးကြီး အဆိုတင်ဖို့ လိုတယ်လို့ ယူဆတဲ့ အတွက် ထောက်ခံတာလို့ ဒေါ်ဒွဲဘူက ပြောပါတယ်။

လက်ရှိ အစိုးရ သက်တမ်း ၁၀ လလောက်ပဲ ကျန်တော့တဲ့ အခု အချိန်ကျမှ တပ်မတော်သား ကိုယ်စားလှယ် ဘက်က အခုလို တင်သွင်းတဲ့ အကြောင်းရင်းက တာကတော့ တိုင်းရင်းသား ငြိမ်းချမ်းရေး ဖြစ်စဉ် တိုးတက်လာတာနဲ့လည်း ပတ်သက်နိုင်တယ်လို့ မြင်ကြောင်း သူက ပြောပါတယ်။

အခု လက်ရှိ ငြိမ်းချမ်းရေး ဆွေးနွေးမှုမှာ အတိုင်းအတာ တစ်ခု အထိ တိုးတက်လာတဲ့ အတွက် တပ်မတော်သား ကိုယ်စားလှယ်တွေ ဘက်ကလည်း ခြေတစ်လှမ်း တိုးလာတာလို့ ဒေါ်ဒွဲဘူက မြင်ကြောင်း ပြောပါတယ်။

ဒီအဆို အကောင် အထည်ပေါ်လာစေဖို့ကတော့ ဥပဒေတွေ၊ နည်းဥပဒေတွေ ပြင်ဆင်မှု ဘယ်လောက်ကြာမယ် ဆိုတဲ့ အပေါ် မူတည်တယ်လို့လည်း ဒေါ်ဒွဲဘူက ပြောပါတယ်။

ဒီအဆိုကို ပြည်ထောင်စုလွှတ်တော်မှာ အားလုံးက ထောက်ခံခဲ့ကြပေမဲ့ အရေးကြီး အဆိုအဖြစ် သတ်မှတ်ဖို့ သင့်မသင့် မေးခွန်း ထုတ်သူတွေ ရှိခဲ့ပြီး ပြည်ထောင်စု လွှတ်တော် နာယက သူရ ဦးရွှေမန်းက အရေးကြီး အဆိုအဖြစ် သတ်မှတ်ခဲ့ပါတယ်။


ထိုင်းနိုင်ငံ ခရိုင် ၁၅ ခုက ဆင်းရဲသား မြေယာမရှိသူတွေ နေထိုင်လုပ်ကိုင်ဖို့အတွက်  လယ်ယာမြေ ဧက ၅ သောင်းကျော် (ရိုင် ၁၁၁၂၁၀)ကို ပေးအပ်ဖို့ ထိုင်းအစိုးရက အတည်ပြု လိုက်ပါတယ်။

မေလမှာ မြေယာတွေကို ခွဲပေးသွားမှာ ဖြစ်ပြီး မြေယာအများစုဟာ သီးသန့်ဖယ်ထားတဲ့ မြေတွေ ဖြစ်တယ်လို့ အမျိုးသား မြေယာ မူဝါဒ ကော်မတီကို ကိုးကားပြီး ဘန်ကောက်ပိုစ့်သတင်းက ရေးပါတယ်။

တနှစ်ကို ဘတ် ၃သောင်းအောက် ၀င်ငွေရှိတဲ့လူတွေကို အစိုးရက ခွဲဝေပေးသွားမှာလို့ သတင်းက ရေးပါ တယ်။

လက်ခံမယ့်လူစာရင်းကို စစ်ဆေးပြီး ဒီလူတွေဟာ မြေယာ အမှန်တကယ်မရှိသူတွေ ဖြစ်တယ်ဆိုတာ ခရိုင် အစိုးရတွေက စစ်ဆေးရမယ်လို့လည်း ဆိုပါတယ်။

ဒီအထဲကဧက ၂ သောင်းကျော်ကတော့ ခရိုင် ၁၁ ခုအတွက်ဖြစ်ပြီး ကျန်တဲ့ ခရိုင် ၄ ခုကိုလည်း မြေယာတွေ ခွဲဝေပေးမယ်လို့ ဆိုပါတယ်။

၂၀၁၄ ဒီဇင်ဘာနဲ့ ၂၀၁၅ ဖေဖော်ဝါရီမှာလည်း ဧက ၂ သောင်းကျော်ကို ချင်းမိုင်၊ နမ်ခေါင်ဖနုံ၊ မူဒါဟန်၊ ချွန်ဖောင်းခရိုင်တွေမှာ အစိုးရက ခွဲဝေပေးခဲ့ပါတယ်။

By ဒီဗွီဘီ
http://burmese.dvb.no



အမျိုးသား လွှတ်တော် မှာ အမျိုးသား ပညာရေး ဥပဒေကို ပြင်ဆင် တဲ့ ဥပဒေကြမ်း အစီရင်ခံစာ ကို ဥပဒေကြမ်း ကော်မတီ က တင်သွင်း လိုက်တာ မှာ မူလ အမျိုးသား ဥပဒေ ကို အနည်းမျှ သာ ပြောင်းလဲ ထားတာ တွေ့ ရတယ် ဆိုပြီး ဝေဖန်သံ တွေ ထွက် ပေါ်လာပါတယ်။

အဲဒီ့ ဥပဒေကြမ်း အစီရင် ခံစာ ဟာ ၄ ပွင့် ဆိုင် ဆွေး နွေး ပွဲ တုန်း က သဘောတူ ထားတာ တွေ ကို အတော် များများ ကို ချန်လှပ် ထား တယ် ဆိုပြီး NNER ပညာရေးစနစ် ပြုပြင် ပြောင်းလဲရေး နိုင်ငံလုံး ဆိုင်ရာ ကွန်ယက် က ဒေါက်တာ ညိုညိုသင်း က ပြောပါတယ်။

အမျိုးသား ပညာရေး ကော်မရှင် ဖွဲ့စည်း ရေး ဆိုပြီး မူလ ပညာရေး ဥပဒေ မှာ ပါဝင် တဲ့ အခန်း ကို ၄ ပွင့်ဆိုင် တုန်းက ပယ်ဖျက် ဖို့ သဘော တူ ထား ခဲ့ပေမယ့် အခု ပြင်ဆင်တယ် ဆိုတဲ့ ဥပဒေ ကြမ်း မှာ တော့ ပြန်ပြီး ထည့် သွင်း ထားပြန် တယ် လို့လည်း ဒေါက်တာ ညိုညိုသင်း က ဆိုပါတယ်။

ကျောင်းသား သမဂ္ဂ နဲ့ ဆရာ သမဂ္ဂ တွေ ကို ဖွဲ့ခွင့် ပေးဖို့ အဆိုပါ ဥပဒေကြမ်း အစီရင် ခံစာ က ဆိုပေမယ့် သက်ဆိုင်ရာ တက္ကသိုလ် တွေ ရဲ့ ပဋိညာဉ် နဲ့ အညီ ဖွဲ့ ရမယ် လို့ စည်းကမ်း သတ်မှတ် ထားပါတယ်။

အဆိုပါ ပဋိညာဉ် စည်းကမ်းချက် တွေ ကို သတ်မှတ် ရေးဆွဲ ရာမှာ ရေး ကျောင်းသား နဲ့ ဆရာ ကိုယ်စားလှယ် တွေ ပါဝင် နိုင်မှာလား ဆိုတဲ့ မေးခွန်း ထုတ်ဖွယ် ဖြစ်လာရကြောင်း လည်း ဒေါက်တာ ညိုညိုသင်း က သုံးသပ် ထားပါတယ်။

BBC Burmese
http://www.bbc.co.uk/burmese


နိုင်ငံရေးအပြောင်းအလဲတွေနဲ့ ပတ်သက်ပြီး သမ္မတရဲ့ ခံယူချက်သဘောထား

ဘီဘီစီရဲ့ မြန်မာနိုင်ငံဆိုင်ရာ သတင်းထောက် ဂျိုနာဖစ်ရှာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံပြီး မြန်မာ့နိုင်ငံရေး၊ ပြုပြင်ပြောင်းလဲရေး လုပ်ငန်းစဉ်တွေ၊ တပ်မတော်က နိုင်ငံရေးမှာ ပါဝင်ပတ်သက်နေတဲ့ အပိုင်း၊ ဒေါ်အောင်ဆန်းစုကြည် သမ္မတ ဖြစ်လာနိုင်မယ့် အလားအလာ၊ ကျောင်းသားဆန္ဒပြမှုတွေကို အကြမ်းဖက် နှိမ်နင်းမှု အကြောင်းတွေကို မေးမြန်းခဲ့ပါတယ်။

အပိုင်း ၂

ဂျိုနာဖစ်ရှာ -- ဒေါ်အောင်ဆန်းစုကြည် ရဲ့ သားတွေဟာ ဗြိတိသျှနိုင်ငံသားတွေ ဖြစ်နေလို့ဆိုပြီး သူ မြန်မာနိုင်ငံမှာ သမ္မတ ဖြစ်ခွင့်မရှိပဲ ဖြစ်နေပါတယ်။ တကယ်လို့ လာမယ့် နိုဝင်လာလမှာ လုပ်မယ့် ရွေးကောက်ပွဲမှာ လူထုက ဒေါ်အောင်ဆန်းစုကြည်နဲ့ သူ့ရဲ့ပါတီကို တခဲနက် ရွေးချယ်မဲပေးခဲ့ကြမယ် ဆိုရင် သမ္မတကြီး စောစောကပြောခဲ့သလို လူထုဆန္ဒအရ ဖွဲ့စည်းပုံကို ကျော်ပြီး သမ္မတ ဖြစ်ပိုင်ခွင့် မရသင့်ဘူးလား။

ဦးသိန်းစိန် -- လာမယ့် ၂၀၁၅ ရွေးကောက်ပွဲမှာ အနိုင်ရလာမယ့် ပါတီက အစိုးရဖွဲ့ နိုင်တဲ့ အင်အားရှိရင် အစိုးရ ဖွဲ့ရမှာဖြစ်ပါတယ်။ဘယ်ပါတီပဲ ဖြစ်ဖြစ် အနိုင်ရသူက အစိုးရဖွဲ့မယ်။ လွှတ်တော်ထဲမှာလည်း အများစုဖြစ်လာမယ်။ ဒေါ်အောင်ဆန်းစုကြည် သမ္မတ ဖြစ်ရေး မဖြစ်ရေးဟာ constitution နဲ့ ဆိုင်ပါတယ်။ Constitution အရလည်း တိုင်းပြည်ရဲ့အချုပ် အခြာ တည်တန့်ခိုင်မြဲဖို့ကျွန်တော်တို့ရဲ့ ခေါင်းဆောင်အဆက်ဆက်က ဟိုတုန်းကတည်းက ဒီမူဝါဒတွေကို ချခဲ့တာလို့ထင်ပါတယ်။ ကျွန်တော့် အနေနဲ့ ကတော့ မြန်မာနိုင်ငံသား တိုင်းရင်းသား ဘယ်သူ့ကို မဆို နိုင်ငံရေးမှာ အဟန့် အတား မရှိစေချင်ပါဘူး။ သို့သော်လည်းပဲမြန်မာပြည်ရဲ့အချုပ်အချာခိုင်မြဲဖို့ အထက်ကနေ ခေါင်းဆောင် အဆင့်ဆင့်ကနေ ချမှတ် ခဲ့တာ ဖြစ်လို့လွှတ်တော် ထဲမှာ အားလုံးသဘောတူပြီးလို့ပြင်ဆင်ကြလို့ဖြစ်တယ်ဆိုရင်လည်း ကျွန်တော်က ဘာမှ ပြောစရာ မရှိပါဘူး။ သူ့ကို မဖြစ်စေချင်တဲ့ဆန္ဒ မရှိပါဘူး။

ဖွဲ့စည်းပုံ အခြေခံ ပြင်ဆင်တဲ့နေရာ မှာ အပိုင်း နှစ်ပိုင်း ရှိပါတယ်။ တစ်ပိုင်းကတော့လွှတ်တော်ထဲမှာ ပြင်လို့ရတဲ့ ဥပဒေ တွေ ပါသလို တချို့ ကတော့ ပြည်သူတွေရဲ့သဘောဆန္ဒကို ရယူပြီးတော့မှ referendum လုပ်ပြီးတော့မှ ပြင်ရတာတွေ ပါပါတယ်။ ပြည်သူလူထုက သဘောတူတယ် ဆိုရင် ကျွန်တော်က ပြည်သူထဲက တစ်ဦးဖြစ်လို့ ဘာမှ ငြင်းကွယ် စရာ မရှိပါဘူး။ သို့သော်လည်းပဲ ခင်ဗျားသိဖို့က ကျွန်တော်တို့ အရှေ့တိုင်းသား တွေဟာ အနောက်တိုင်းသားတွေနဲ့ဓလေ့ စရိုက်မတူပါဘူး။ ကိုယ့်တိုင်းပြည်ကို အုပ်ချုပ်တဲ့သူက ကိုယ့်နိုင်ငံသားတွေပဲ ဖြစ်စေချင်ပါတယ်။ အမျိုးသားကလည်း ကိုယ့်နိုင်ငံသား၊ ကိုယ့်တိုင်းရင်းသားဖြစ်စေချင်တယ်။အမျိုးသမီးကလည်း ကိုယ့်နိုင်ငံသား ၊ ကိုယ့်တိုင်းရင်းသား ဖြစ်စေချင်တယ်။ ဥပမာ မလေးရှားကို ကြည့်ရင် မလေးရှား ဘုရင်ကလည်း မလေးရှားနိုင်ငံသားပါပဲ။ မိဘုရားကလည်း မလေးရှား နိုင်ငံသား ပါပဲ။ ဝန်ကြီးချုပ်ကလည်း မလေးရှားနိုင်ငံသားပါပဲ။ ဝန်ကြီးချုပ် ကတော်ကလည်း မလေးရှား နိုင်ငံသားပါပဲ။ အင်ဒိုနီးရှား နိုင်ငံကိုပဲ ကြည့်ကြည့်၊ စင်္ကာပူပဲကြည့်ကြည့်၊တရုတ်ပဲ ကြည့်ကြည့်၊အိန္ဒိယပဲ ကြည့်ကြည့် ဒါတွေ နမူနာ အားဖြင့် တွေ့ရမှာပါ။ ကျွန်တော်တို့ ပြည်သူလူထုရဲ့ဆန္ဒက အဲဒီလို ရှိနေပါတယ်။ ပြည်သူလူထုသဘောတူလို့ပြင်တယ်ဆိုရင် ကျွန်တော် ဘာမှ ပြောစရာ မရှိပါဘူး။

မေး -- ဒီအခုဖွဲ့စည်းပုံမှာ သမ္မတ ဖြစ်ပိုင်ခွင့်နဲ့ ပတ်သက်ပြီးတော့ လူတစ်ဦး တစ်ယောက်ချင်းရဲ့ အရည်အချင်းသာမက သူတို့ရဲ့သားသမီးတွေ၊ ဇနီး ခင်ပွန်းတွေနဲ့ ပတ်သက်ပြီးတော့ ဖော်ပြထားတာဖြစ်လို့ တရားမျှတမှု ရှိနိုင်ပါ့မလား၊ ဒီတော့ လူထုဆန္ဒအတိုင်းဖြစ်အောင် လွှတ်တော်က လူထုဆန္ဒခံယူပွဲ ကျင်းပပြီးတော့ ဆုံးဖြတ်နိုင်အောင် လုပ်သင့်တယ်လို့ ထင်ပါသလား။ သမ္မတကြီးရဲ့ ကိုယ်ပိုင်အမြင်ကို သိပါရစေ။

ဖြေ -- ကျွန်တော် ပြောချင်တာကတော့ ဒီပုဒ်မဟာ ဒေါ်အောင်ဆန်းစုကြည်ကို ရည်ရွယ်ပြီး ပြဌာန်းထားတာ မဟုတ်ပါဘူး။ သူရဲ့အဖေ လက်ထက် ၁၉၄၇ ခုနှစ် ဖွဲ့စည်းအုပ်ချုပ်ပုံ ကတည်းက ထည့်ထားတာ ဖြစ်ပါတယ်။ ဘာကြောင့်လည်း ဆိုတော့ ကျွန်တော်တို့နိုင်ငံက လူဦးရေ များတဲ့ တရုတ်နိုင်ငံ နဲ့အိန္ဒိယ နိုင်ငံ ကြားထဲမှာ နေနေရတာ။ တိုင်းပြည်ရဲ့အချုပ်အခြာကို ကာကွယ်ချင်လို့အဲဒါကို ထည့်ထားတာ။ နို့မို့ဆိုရင် ကျွန်တော်တို့ နိုင်ငံကို လူဦးရေ များတဲ့နိုင်ငံတွေက ဝါးမျိုသွားမှာပေါ့။ အောင်ဆန်းစုကြည်ကို ရည်ရွယ်ပြီးလုပ်ထားတာ မဟုတ်ပါဘူး။ ဟိုတုန်းက constitution မှာကတည်း အစဉ်အဆက် ကတည်းက ထည့်ခဲ့တာ ဖြစ်ပါတယ်။ ဒါပေမယ့် လွှတ်တော်ကလည်း ဒါကို ပြင်ခြင်တယ်။ လွတ်တော်ရဲ့ လုပ်ထုံးလုပ်နည်း အတိုင်း referendum လုပ်မယ်။ ပြည်သူလူထုကလည်း ပြင်ချင်တဲ့ဆန္ဒရှိလို့ပြင်မယ်ဆိုရင် ကျွန်တော် အနေနဲ့ သဘောတူရမှာပါ။ ဘာမှကန့်ကွက်စရာ မရှိပါဘူး။

ကျောင်းသား လှုပ်ရှားမှုကို ရဲတွေ အကြမ်းဖက် ဖြိုခွဲခြင်းအပေါ် သဘောထား
ရဲတွေက စည်းမျဉ်းနဲ့ အညီပဲ ကိုင်တွယ်ခဲ့တယ်လို့ ပြော

မေး -- လက်ပံတန်းမှာ ဆန္ဒပြနေတဲ့ ကျောင်းသားတွေနဲ့ ကျွန်တော် စကားပြောခဲ့ ပါတယ်။ သူတို့ဟာ ရဲတွေရဲ့ ထိန်းသိမ်းခံနေရချိန်မှာ အရိုးကျိုးတဲ့သူ ကျိုး ဖြစ်ခဲ့ပါတယ်။ သမ္မတကြီးလည်း ဗီဒီယိုတွေ ကြည့်ရမယ် ထင်ပါတယ်။ ရဲတွေဟာ ကားမှန်တွေကို ရိုက်ခွဲ၊ ကျောင်းသားတွေနဲ့ ဘုန်းကြီးတွေကို လိုက်ရိုက်တာတွေ ရှိခဲ့ပါတယ်။ ဒါနဲ့ ပတ်သက်လို့ စုံစမ်းစစ်ဆေးမှု လုပ်မယ်ဆိုတဲ့ ကြေငြာချက်မျိုးတွေ မတွေ့ရသေးပါဘူး။ ရဲတွေရဲ့ လုပ်ရပ်တွေအပေါ် သမ္မတကြီး ဘယ်လို သဘောရပါသလဲ။

ဖြေ -- ဒါနဲ့ပတ်သက်ပြီးတော့ ကျွန်တော်တို့ တစ်နိုင်ငံတည်း မဟုတ်ပါဘူး။ အနောက်နိုင်ငံတွေရဲ့ဖြစ်စဉ်ဖြစ်ရပ်တွေကိုလည်း ခင်ဗျားတို့တွေ့ မှာပါ။ ကျွန်တော်တို့ထက် ပိုဆိုးပါတယ် ကိုင်တွယ်တာ။ မကြာခင်ကပဲ အမေရိကန်မှာ ဖြစ်တဲ့ ကိစ္စမှာ ပစ်သတ်တာတောင်မှ ရှိပါတယ်။ ရဲလုပ်ငန်းမှာ အဆင့်ဆင့် ရှိပါတယ်။ အဲတော့ ဒီဟာကို အကြမ်းဖက် ဖြိုခွဲတယ် ဆိုပေမယ့်လည်း ကျွန်တော်တို့မှာ ဟိုက ရိုက်လို့ဒီကပြန်ပြီး ရိုက်ရတဲ့ သဘောပဲ ရှိတယ်။ ဟိုက ခဲနဲ့ပေါက်လို့ဒီက ကာကွယ်ရတဲ့သဘောပဲရှိတယ်။ တစ်ချက်မှ မျက်ရည်ယို ဗုံးတို့ဘာတို့နဲ့ပစ်ပြီး ဖြိုခွဲရတာတွေ၊ water canon နဲ့ ပစ်ပြီးတော့ဖြိုခွဲရတာတွေ၊ နောက်တခါ rubber bullet နဲ့ပစ်ပြီးတော့ ဖြိုခွဲရတာတွေ ဒါတွေ တစ်ခါမှ ကျွန်တော်တို့မရှိခဲ့ပါဘူး။ ဒါတွေဟာ ရဲလုပ်ငန်းမှာ အဆင့်ဆင့်ရှိပါတယ်။ ခင်ဗျားတို့ အီးယူကလည်း ရဲလုပ်ငန်းနဲ့ပတ်သက်ပြီးတော့ လာပြီးတော့ စနစ်တကျ သင်ကြားပေးနေတာတွေ ရှိပါတယ်။ အဲဒီတော့ ရဲဟာ နိုင်ငံတော် ကာကွယ်ရေး အတွက် တည်ငြိမ်အေးချမ်းရေး အတွက် သူရဲ့လုပ်ငန်းကို သူ အဆင့်ဆင့် လုပ်တာပဲ ဖြစ်ပါတယ်။ ဒါဟာ international practice ထက် ဘယ်ဟာ တစ်ခုမှ ကျော်လွန်ခြင်း မရှိပါဘူး။ ဒါထက် ဆိုးတဲ့ ထိန်းသိမ်းမှုတွေ အနောက်နိုင်ငံတွေမှာ ဒီကနေ့ထိ ဖြစ်နေတာပါပဲ။ နောက်တစ်ခု ကလည်း ခင်ဗျားတို့ကလည်း ရဲတွေ ဘက်က ဒီလို ဖြစ်တာကို တစ်ဖက်တည်း ကြည့်တာကိုး။ ဆန္ဒပြတဲ့သူတွေဘက်က ရဲတွေကို ခဲနဲ့ ပေါက်တာ ရဲအမျိုးသမီးတွေ ခေါင်းတွေ ကွဲသွားတာ၊ ရဲကားတွေ မှန်တွေ ကွဲသွားတာ၊ ရဲ အတားအဆီးတွေကို ရိုက်ချိုးပြီး ဖျက်ဆီးတာ ဒါတွေ အများကြီးပါပဲ။ ဒါတွေနဲ့ balance လုပ်ပြီး ကြည့်ဖို့ကောင်းတယ်။

မေး -- အဲဒီလိုလက်ပံတန်းမှာ ရိုက်နှက်ဖြိုခွင်းမှုတွေကြောင့် တချို့ကလည်း သမ္မတကြီးရဲ့ ပြုပြင်ပြောင်းလဲရေးတွေဟာ အပေါ်ယံကြောပဲ၊ နက်နက်နဲနဲ မရှိဘူးလို့ မြင်ကြတာကို ဘာပြောချင်ပါသလဲ။

ဖြေ -- ပြုပြင်ပြောင်းလဲစ နိုင်ငံတွေမှာ ပြည်သူတွေရဲ့မျှော်လင့်ချက်တွေဟာ များပါတယ်။ ပြည်သူတွေရဲ့မျှော်လင့်ချက်တွေကို အကုန်အပြည့်အဝ အစိုးရ သက်တမ်း တစ်ခုနဲ့ ဖော်ဆောင်ပေးဖို့ဆိုတာ ဘယ်အစိုးရ မှ လုပ်နိုင်တဲ့ အနေအထား မရှိပါဘူး။ ကျွန်တော်တို့ရဲ့လေးနှစ်တာ ကာလအတွင်းမှာ ကျွန်တော်တို့ရဲ့ပြုပြင်ပြောင်းလဲ ခဲ့တဲ့ ဖြစ်ရပ်တွေ၊ နောက် ကျွန်တော်တို့ရဲ့ တိုးတက် အောင်မြင်မှုတွေဟာ ဒါတွေကို ခင်ဗျားတို့ ကိန်းဂဏန်းနဲ့ ချကြည့်မယ် ဆိုရင် ကျွန်တော်တို့တွေဟာ ပြည်သူတွေရဲ့မျှော်လင့်ချက်တွေကို အပြည့်အဝ မဖန်တီးပေးနိုင်သော်လည်းပဲ ကျွန်တော်တို့ရဲ့ ပြုပြင်ပြောင်းလဲမှုတွေဟာ ပြည်သူတွေ အတွက် များစွာ အကျိုးတွေ ဖြစ်ထွန်းစေတယ် ဆိုတာ ခင်ဗျား သိမှာပါ။

တရုတ် မြန်မာ နယ်စပ်က တိုက်ပွဲတွေ

မေး -- အခု တရုတ်မြန်မာ နယ်စပ်မှာ ကိုးကန့်တပ်ဖွဲ့တွေနဲ့ တိုက်ပွဲတွေ ဖြစ်နေပါတယ်။ အဲဒီမှာလည်း သူပုန်အဖွဲ့ သုံးဖွဲ့ထက်မနည်း ပါဝင်ပတ်သက် နေပါတယ်။ အဲဒီ ကိစ္စမှာ တရုတ်ရဲ့ ပါဝင်ပတ်သက်မှုနဲ့ ပတ်သက်ပြီး ဘာပြောနိုင်ပါသလဲ။ နယ်စပ်မှာ သူပုန်တွေ လှုပ်ရှားနေတာကို တရုတ်တို့ အနေနဲ့ ဒီ့ထက်ပိုပြီး တားဆီးပေးနိုင်တယ်လို့ ယူဆပါသလား။

ဖြေ -- ဒီကိစ္စက ပြည်တွင်းမှာ ဖြစ်ပွားနေတဲ့ ပြည်တွင်းရေး ကိစ္စပါပဲ။ ကိုယ့်ပြည်တွင်းမှာ ဖြစ်နေတဲ့ပြဿနာမို့လို့ကိုယ်ပဲ ဖြေရှင်းရမှာ ဖြစ်ပါတယ်။ တရုတ်က ဝင်ပြီး ဖြေရှင်းပေးလို့မရပါဘူး။ ဒါ ကျွန်တော်တို့ဘာသာ ကျွန်တော်တို့ဖြေရှင်းရမယ့် ကိစ္စပဲဖြစ်တယ်။ တရုတ်ကလည်း တခြား နိုင်ငံတွေရဲ့ ပြည်တွင်းရေးမှာ ဝင်မစွက်ဘူးဆိုတဲ့ ရပ်တည်ချက်လည်း ရှိပါတယ်။

မေး -- အဲဒီ သူပုန်အဖွဲ့တွေဟာ တရုတ်နယ်စပ်ကို ဖြတ်ကျော်ဝင်ထွက် နေကြတယ်၊ ကိုးကန့်ခေါင်းဆောင် ဖုန်ကြားရှင်ဆိုလည်း တရုတ်နိုင်ငံထဲမှာ အချိန်တော်တော်ကြာကြာ နေခဲ့တယ်။ ဆိုတော့ အဲဒီအဖွဲ့တွေ တရုတ်နိုင်ငံထဲမှာ လူပြန်စုပြီး မြန်မာနိုင်ငံကို ပြန်ဝင်မတိုက်နိုင်အောင် တရုတ်တို့ အနေနဲ့ တားဆီးချင်တယ်ဆို တားဆီးနိုင်လိမ့်မယ်လို့ မယူဆဘူးလား။

ဖြေ -- ကျွန်တော်တို့နဲ့တရုတ်နိုင်ငံတို့ဟာ ရင်းနှီး ချစ်ကြည် ကြတဲ့ နိုင်ငံတွေဖြစ်ပါတယ်။ နယ်စပ်ဒေသတွေ မှာတော့ ဒီလိုပဲ လူမျိုးစုတွေက အသွင်သဏ္ဍန်အားဖြင့် တူကြပါတယ်။ ဟိုဘက်ကလည်း ဒီဘက်မှာလာပြီး အလုပ်အကိုင် လုပ် ၊ ဒီဘက်ကလည်း တရုတ်ဘက်မှာ အလုပ်သွားလုပ်တာ ရှိပါတယ်။ သို့သော်လည်းပဲ တရုတ်ကတော့ သူ့နိုင်ငံထဲမှာ အခြေချပြီးတော့မှ မြန်မာနိုင်ငံကို နှောင့်ယှက် တိုက်ခိုက်တာတွေကို လက်မခံဘူးလို့ပြောထားပြီး ဖြစ်ပါတယ်။ တရုတ်ကလည်း လက်ခံမှာ မဟုတ်ပါဘူး။ သို့သော်လည်း တချို့ ကိစ္စတွေက လူသားချင်း စာနာထောက်ထားတဲ့ အနေနဲ့သူတို့ အကူအညီ ပေးရတာတွေ ရှိပါတယ်။ ဥပမာ ထွက်ပြေးသွားတဲ့သူတွေ၊ ဒဏ်ရာရလာတဲ့ သူတွေ ကို တော့လူသားချင်းစာနာ ထောက်ထားတဲ့ အနေနဲ့ကူညီပေးတာပါ။ မြန်မာနိုင်ငံကို နှောင့်ယှက်ဖို့သူ့နိုင်ငံထဲမှာ ခြေကုပ် ယူပြီးတော့ ဒီလို လုပ်တာကို တရုတ်ကလည်း ခွင့်မပြု ပါဘူး။ ဒီကိစ္စတွေက ကျွန်တော်တို့ နှစ်နိုင်ငံ ညှိနှိုင်း ဆောင်ရွက်နေပါတယ်။ နှစ်နိုင်ငံ ညှိုနှိုင်း ဆောင်ရွက်ရင်းနဲ့ အဆင်ပြေသွားမယ့် ကိစ္စတွေ ဖြစ်ပါတယ်။ အဆင်ပြေချောမြေ့ သွားအောင်လည်း ကျွန်တော်တို့ ညှိနှိုင်း ဆောင်ရွက်နေပါတယ်။


နိုင်ငံရေးအပြောင်းအလဲတွေနဲ့ ပတ်သက်ပြီး သမ္မတရဲ့ ခံယူချက်သဘောထား

ဘီဘီစီရဲ့ မြန်မာနိုင်ငံဆိုင်ရာ သတင်းထောက် ဂျိုနာဖစ်ရှာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံပြီး မြန်မာ့နိုင်ငံရေး၊ ပြုပြင်ပြောင်းလဲရေး လုပ်ငန်းစဉ်တွေ၊ တပ်မတော်က နိုင်ငံရေးမှာ ပါဝင်ပတ်သက်နေတဲ့ အပိုင်း၊ ဒေါ်အောင်ဆန်းစုကြည် သမ္မတ ဖြစ်လာနိုင်မယ့် အလားအလာ၊ ကျောင်းသားဆန္ဒပြမှုတွေကို အကြမ်းဖက် နှိမ်နင်းမှု အကြောင်းတွေကို မေးမြန်းခဲ့ပါတယ်။

ဂျိုနာဖစ်ရှာ -- သမ္မတကြီးခင်ဗျား၊ သမ္မတကြီး နိုင်ငံတော်ကို တာဝန်ယူတာ လေးနှစ်ရှိပါပြီ။ အခုလုပ်နေတဲ့ ဒီမိုကရေစီကို ရှေ့ရှုတဲ့ ပြုပြင်ပြောင်းလဲရေးတွေ ဘာကြောင့် လုပ်ခဲ့သလဲဆိုတာ ဘယ်သူကမှ တိတိကျကျ ပြည့်ပြည့်စုံစုံ ပြောဆိုတာမျိုး မကြားခဲ့ရသေးပါဘူး။ လူတွေကတော့ ပြောကြပါတယ်၊ စီးပွားရေးကြောင့်၊ တရုတ်အပေါ် မှီခိုအားထားနေရတာတွေ လျော့နည်း သွားအောင် ဒီလို ပြင်ပကမ္ဘာနဲ့ ဆက်ဆံပြီး ဒီလို နိုင်ငံရေး ပြုပြင် ပြောင်းလဲရေးတွေ လုပ်တာလို့ တချို့ကပြောကြပါတယ်။ သမ္မတကြီး ဒီလို ပြုပြင်ပြောင်းလဲရေးတွေ လုပ်ခဲ့တာ ဘာကြောင့်ပါလဲ။

ဦးသိန်းစိန် -- ခင်ဗျားတို့သိတဲ့အတိုင်းပါပဲ။ ကျွန်တော်တို့နိုင်ငံမှာ တပ်မတော် အစိုးရ အနေနဲ့ အုပ်ချုပ်လာတာ နှစ်ပေါင်း ၄၀ ကျော် ကြာခဲ့ပါတယ်။ ပြည်သူတွေကလည်း ဒီမိုကရေစီ စနစ်ကို လိုလားနေကြာတာ ဖြစ်သည့်အတွက် တပ်မတော်က ဒီမိုကရေစီ ပြုပြင်ပြောင်းလဲရေး အစကို ပျိုးခဲ့ပါတယ်။ အစပျိုးခဲ့လာတာ ပြုပြင်ပြောင်းလဲရေး ၇ ချက်နဲ့တစ်ဆင့်ပြီးတစ်ဆင့် ပြောင်းလဲ လာတယ်။ စစ်တပ်အုပ်ချုပ်တဲ့ စနစ်ကနေ ပြည်သူကရွေးချယ်တဲ့ အရပ်သား အုပ်ချုပ်တဲ့စနစ်ကို သွေးထွက်သံယိုမှု နည်းနည်းနဲ့ သွေးထွက်သံယိုမှု မရှိဘဲနဲ့ ငြင်ငြင်သာသာ နဲ့ကျွန်တော်တို့ ကူးပြောင်း နိုင်ခဲ့တာဟာ ကျွန်တော်တို့ရဲ့ ကြီးမားတဲ့အောင်မြင်မှုတစ်ခု လုပ်ဆောင်မှု တစ်ခု ဖြစ်ပါတယ်။ အမှန်ကတော့ တရုတ်နိုင်ငံရဲ့လွမ်းမိုးမှု လျော့အောင်တို့ ဘာတို့ မဟုတ်ပါဘူး။ ကျွန်တော်တို့ရဲ့ ပြုပြင်ပြောင်းလဲမှုဟာ ပြည်သူတွေရဲ့ ပြုပြင်ပြောင်းလဲလိုတဲ့ ဆန္ဒကို ဖြည့်ပေးခြင်းပဲ ဖြစ်ပါတယ်။ ပြည်သူတို့ရဲ့ဆန္ဒကလည်း အဓိက ကျတာ နှစ်ခုပါပဲ။ တစ်ခုကတော့ တိုင်းပြည်မှာ အေးအေးချမ်းချမ်းနဲ့တည်တည်ငြိမ်ငြိမ် နဲ့ ရှိခြင်တယ်။ လှုမှုစီးပွား ဘ၀တွေ တိုးတက် ဖွံ့ဖြိုးလာချင်တယ်။ ပြည်သူ့ဆန္ဒကို အဓိက ထားပြီးတော့ပဲ ပြုပြင်ပြောင်းလဲမှု အဓိက လုပ်ခြင်းဖြစ်ပါတယ်။ ကျန်တဲ့ဟာတွေနဲ့သက်ဆိုင် ပတ်သက်ခြင်း မရှိပါဘူး။

မေး -- အခု ကျွန်တော်တို့ တွေ့နေရတဲ့ ပြုပြင်ပြောင်းလဲရေးတွေဟာ နောက်ကြောင်းပြန်မလှည့်တော့တဲ့ အနေအထားကို ရောက်နေပြီလား။ အခုရနေတဲ့ လွတပ်လပ်ခွင့် တွေဟာ စစ်တပ်ကြောင့် တစ်မျိုး တစ်ဖုံ ပြောင်းလဲပြီး နောက်ကြောင်းပြန်လှည့်တာမျိုး ဖြစ်သွားနိုင်ပါသေးလား။

ဖြေ -- ကျွန်တော် ပြောရဲပါတယ်။ ပြုပြင်ပြောင်းလဲရေးတွေဟာ နောက်ကြောင်းပြန်လှည့်စရာ အကြောင်း မရှိပါဘူး။ ကျွန်တော်တို့ ပြုပြင်ပြောင်းလဲရေးတွေကို wave by wave နဲ့ တစ်ဆင့်ပြီး တစ်ဆင့် သွားနေတာ ဖြစ်ပါတယ်။ နောက်ကြောင်းကိုပြန်ပြီး လှည့်စရာ မရှိပါဘူး။ လက်ရှိမှာလည်း ဒီမိုကရေစီ လမ်းကြောင်းပေါ်ကို ရောက်နေပါတယ်။ ပုံမှန်လည်း လျှောက်လှမ်းနေပြီ ဖြစ်ပါတယ်။

မေး -- ပြုပြင်ပြောင်းလဲမှုတွေဟာ ရပ်ဆိုင်းနေပြီလို့ တချို့က ပြောကြပါတယ်။ သမ္မတကြီးက ပြုပြင်ပြောင်းလဲရေးတွေ လုပ်နေပေမယ့် စစ်တပ်က လုပ်ပိုင်ခွင့် အာဏာတွေ ရှိနေတုန်းဆိုတော့ တပ်မတော်ဟာ ပြုပြင်ပြောင်းလဲရေးတွေ လုပ်မယ်လို့ သန္နိဋ္ဌာန်ချထားတဲ့ အနေအထားမှာ ရှိနေပါသလား။

ဖြေ -- ပြုပြင်ပြောင်းလဲရေးတွေဟာ ရပ်ဆိုင်းနေတယ် ဆိုတာ လုံးဝ မဟုတ်ပါဘူး။ ကျွန်တော်တို့ဟာ အရှိန်အဟုန်နဲ့ သွားနေခြင်းပဲ ဖြစ်ပါတယ်။ စောစောက ပြောသလိုပါပဲ။ ပြုပြင်ပြောင်းလဲရေးတွေကို အရှိန်အဟုန်နဲ့ တွန်းအားပေးပြီး တော့မှ ဆောင်ရွက်နေတာ ဖြစ်ပါတယ်။ ပထမ first wave မှာ သွေးထွက်သံယို မရှိဘဲ ဒီမိုကရေစီ စနစ်ကို ကူးပြောင်းနိုင်တယ်။ second wave ကတော့ပြည်သူတွေ လိုလားနေတဲ့ တည်ငြိမ်အေးချမ်းတဲ့ လူမှုစီးပွားဘ၀ ဖွံ့ဖြိုးရေး အတွက် နိုင်ငံရေး ပြုပြင်ပြောင်းလဲမှုတွေကို၊ စီးပွားရေးပြုပြင် ပြောင်းလဲမှုတွေ၊ အုပ်ချုပ်ရေး ပြုပြင်ပြောင်းလဲမှုတွေ၊ နောက် ပုဂ္ဂလိက ကဏ္ဍ မြှင့်တင်ရေးတွေ ကို အရှိန်အဟုန် နဲ့ ပြောင်းလဲ လာခဲ့တယ်။ အဲဒါတွေက second wave ပါ။ Third wave က အခုသွားနေတယ်။ အစိုးရ သက်တမ်း ကလည်း တစ်နှစ်လောက်ပဲ ကျန်တော့တယ်။ တစ်နှစ်လောက် ကျန်တဲ့ကာလမှာ ကျွန်တော်တို့လုပ်ထားတဲ့လုပ်ငန်းတွေရဲ့ အောင်မြင်မှု database ကို အခြေခံပြီးတော့မှ ပြည်သူလူထုကို လတ်တလော အကျိုးခံစားခွင့်ရမယ့် ဟာတွေ၊ နောက် ရေရှည် အတွက် အခြေအနေကောင်းတွေကို အုတ်မြစ်ကောင်းတွေကို ချထားမယ်။ ဒါတွေကို အင်တိုက်အားတိုက်နဲ့ လုပ်နေပါတယ်။ ပြုပြင်ပြောင်းလဲရေးတွေဟာ တုံ့ဆိုင်းသွားတယ် လုံးဝ ရပ်ဆိုင်း သွားတယ်ဆိုတာ လုံးဝ မမှန်ပါဘူး။ တပ်မတော်ကြောင့် ပြုပြင်ပြောင်းလဲရေးတွေ တုံ့ဆိုင်းသွားရတာ၊ နှေးကွေးသွားရတာ လုံးဝ မဟုတ်ပါဘူး။ တပ်မတော်က party politics ကို မလုပ်ပါဘူး။ အမျိုးသား နိုင်ငံရေးကို လုပ်တာပဲ ဖြစ်ပါတယ်။ အမျိုးသားနိုင်ငံရေးကို လုပ်တာ မို့လို့တပ်မတော် အနေနဲ့ ပြည်သူတွေအတွက် အကျိုးရှိတာ မှန်သမျှကို ဘယ်အဖွဲ့အစည်းနဲ့ မဆို ပူးပေါင်း ဆောင်ရွက် နိုင်တာ ဖြစ်ပါတယ်။ တပ်မတော်ကြောင့် နှေးကွေးသွားတာ၊ တုံ့ဆိုင်းသွားတာ မဟုတ်ပါဘူး။
လိုအပ်သမျှ နိုင်ငံရေးမှာ တပ်မတော်က ဆက်ပါနေမယ် လို့ဆို

လိုအပ်သမျှ နိုင်ငံရေးမှာ တပ်မတော်က ဆက်ပါနေမယ် လို့ဆို
မြန်မာ့နိုင်ငံရေးနဲ့ တပ်မတော်ရဲ့ အခန်းကဏ္ဍ

မေး -- ဒီလိုဆိုရင် မြန်မာ့ ဒီမိုကရေစီရေးမှာ စစ်တပ်ရဲ့ အခန်းကဏ္ဍဟာ ဘယ်လောက်ကြီးကြီးမားမား ဆက်ပြီးတော့ ရှိနေဦးမှာပါလဲ။ သမ္မတကြီးရဲ့ အမြင်ကို သိပါရစေ။

ဖြေ -- ဒီမိုကရေစီ စနစ်ကို ပြုပြင်ပြောင်းလဲ ဖို့တပ်မတော်က ပုံဖော်ပေးတာ ဖြစ်ပါတယ်။ ၂၀၀၃ ခုနှစ်ကတည်းက ဒီမိုကရေစီ စနစ်ကို ပြုပြင်ပြောင်းလဲဖို့ road map ၇ ချက်ကို ချပြီး တစ်ဆင့်ပြီး တစ်ဆင့် ဒီမိုကရေစီစနစ် ကို ပြောင်းလဲ လာတာဖြစ်ပါတယ်။ ဒီမိုကရေစီ စနစ်ကို ပြောင်းလဲတာမှာ တပ်မတော်က အဖက်ဖက် ကနေ အကူအညီ ပေးနေတာပဲ ဖြစ်ပါတယ်။

မေး -- မြန်မာ့နိုင်ငံရေးမှာ စစ်တပ်ရဲ့ အခန်းကဏ္ဍ လုံးဝ မပါတော့တဲ့ အထိ သမ္မတကြီး အနေနဲ့ လုပ်ဆောင်သွားဖို့ ရည်မှန်းချက် ရှိပါသလား။

ဖြေ -- မြန်မာနိုင်ငံရဲ့နိုင်ငံရေးမှာ တပ်မတော်ရဲ့အခန်းကဏ္ဍ ကို ချန်ထားခဲ့လို့ မရပါဘူး။ ဘာကြောင့်လဲ ဆိုတော့ တပ်မတော် က ပြည်သူလူထုနဲ့ လက်တွဲပြီးမှ တစ် အချက်က လွတ်လပ်ရေးကို ရယူပေးခဲ့တယ်။ နောက်တစ်ခုက တိုင်းပြည်မှာ အခက်အခဲတွေ ပြသနာတွေ တိုင်းပြည် ပြိုကွဲပျက်စီးမယ့် အခြေအနေမျိုး ကြုံတွေ့တိုင်းမှာ တပ်မတော်က ဝင်ရောက် ကယ်တင်ခဲ့ရတာပဲ ချည်းပဲဖြစ်ပါတယ်။ ဒါကြောင့် မြန်မာ့ရဲ့နိုင်ငံရေးမှာ တပ်မတ်ာက သူ့ကို ချန်ထားခဲ့လို့တော့ မရဘူး။ သို့သော်လည်းပဲ တပ်မတော် သားတွေဟာ ပါတီဝင် မဟုတ်ပါဘူး။ ပါတီ နိုင်ငံရေးကို မလုပ်ပါဘူး ။အမျိုးသား နိုင်ငံရေးကို တော့ ဆက်ပြီး လုပ်သွားမှာ ဖြစ်ပါတယ် ။ တိုင်းပြည်အတွက် အကျိုးရှိမယ့် အမျိုးသား နိုင်ငံရေး တိုင်းပြည် အတွက် လုပ်သွားတာပါ။ တိုင်းပြည်အတွက်ပဲ ဦးတည်ပြီးလုပ်သွားမှာပါ။သူတို့မှာ ပါတီနိုင်ငံရေး ဆိုတာ မရှိပါဘူး။ ပါတီဝင်တွေလည်း မဟုတ်ပါဘူး။ တပ်မတော် ရဲ့အဓိက အလုပ်က နှစ်ခုပါ။ တစ်ခုကတော့ တိုင်းပြည်မှာ လိုအပ်လာလို့ရှိရင် တိုင်းပြည်ကို ကာကွယ်ဖို့အတွက် စစ်တိုက်ဖို့က သူတို့ရဲ့ အဓိက အလုပ်တစ်ခုပါ။ စစ်တိုက်ဖို့မရှိဘူးဆိုရင် ပြည်သူလူထုရဲ့ အကျိုးစီးပွားတွေကို ပါဝင်ကူညီဆောင်ရွက်ဖို့ဖြစ်ပါတယ်။ ပြည်သူလူထုရဲ့ အကျိုးစီးပွားကို ပါဝင်ကူညီ ဆောင်ရွက်ခြင်းဟာ national politics ပဲ ဖြစ်ပါတယ်။

မေး -- အဲဒီတော့ တပ်မတော် လွှတ်တော်ထဲမှာ၂၅ ရာခိုင်နှုန်း ဆက်လက်ပါဝင်နေဦးမယ်၊ ဖွဲ့စည်းပုံ ပြင်ဆင်ရေး ကိစ္စတွေမှာ ဗီတိုသုံးပယ်ချခွင့် ဆက်ရှိနေဦးမယ်ဆိုတဲ့ သဘောလား။

ဖြေ -- မှန်ပါတယ် လွတ်တော် ထဲမှာ တပ်မတော်က ၂၅ ရာနှုန်းပါဝင်နေပါတယ်။ ၂၅ ရာနှုန်း ပါဝင်ရတဲ့အကြောင်းရင်းကလည်း စောစော က ပြောသလို မြန်မာ့နိုင်ငံရေးမှာ တပ်မတော်ကို ချန်လှပ် ထားခဲ့လို့မရလို့ ဖြစ်ပါတယ်။ သူလုပ်နေတာ ပါတီ တစ်ခုအတွက် မဟုတ်ပါဘူး။ နိုင်ငံအကျိုးအတွက်ကာ ကွယ်စောင့်ရှောက်ဖို့ပါဝင်ပေးနေခြင်းပဲ ဖြစ်ပါတယ်။ Balance ဖြစ်အောင်လုပ်ဖို့ ပါဝင်ပေးနေခြင်းပဲ ဖြစ်ပါတယ်။ သိတဲ့အတိုင်းပဲ ဒီမိုကရေစီ စနစ်ကိုပြောင်းတာ လေးနှစ်ပဲ ရှိသေးတယ်။ ဒီမိုကရေစီ အတွေ့အကြုံတွေကလည်း အင်မတန်မှ နည်းသေးတယ်။ အလေ့အကျင့်တွေကလည်း အင်မတန်မှ နည်းသေးတယ်။ ဒီမိုကရေစီ အတွေ့အကြုံတွေဒီမိုကရေစီ အလေ့အထ တွေ ပါတီတွေက ရင့် ကျက် လာတာနဲ့ အမျှ တပ်မတော်က သူရဲ့အခန်းကနေ တဖြည်းဖြည်း ပြောင်းလဲ သွားမှာဖြစ်ပါတယ်။

မေး -- တဖြည်းဖြည်းဆိုတာက ဘယ်လိုမျိုးလဲခင်ဗျ၊ လာမယ့် လွှတ်တော် သက်တမ်းမှာ တပ်မတော်က ကိုယ်စားပြုတဲ့ အရေအတွက် လျှော့ချတာ မြင်ရနိုင်ပါသလား၊ ဒါမှ မဟုတ် ဒီလို တဖြည်းဖြည်းချင်း လျှော့ချဖို့ အချိန်တော်တော် ယူရဦးမှာပါလား။

ဖြေ -- ကျွန်တော်ပြောချင်တာက ဒီမိုကရေစီ စနစ်ကို ပြောင်းလဲစမှာ တပ်မတော်ရဲ့ အခန်း ပါဝင်နေတာဟာ ကျွန်တော်တို့တစ် နိုင်ငံ တည်း မဟုတ်ပါဘူး။ အင်ဒိုနီးရှားလည်း ဒီမိုကရေစီ စနစ်ကို ပြောင်းတာ ကျွန်တော်တို့ ကမှ လွှတ်တော်ထဲမှာ ၂၅ ရာနှုန်းပဲ ပါတယ်။ အင်ဒိုနီးရှားဆို ၄၀ ရာနှုန်းထိပါ ပါတယ်။ တဖြည်းဖြည်းနဲ့သူဟာနဲ့ သူ လျှော့သွားတာပဲ ဖြစ်ပါတယ်။ နှစ်အကန့် အသတ်တော့ ပြောရတာ ခက်ပါတယ်။ သို့သော်လည်း တဖြည်းဖြည်းနဲ့ ဒီမိုကရေစီ အလေ့အထတွေ များလာတယ် ရင့်ကျက်လာတယ်ဆိုရင် တပ်မတော်ကလည်း တဖြည်းဖြည်းနဲ့လျော့သွားမှာ ဖြစ်ပါတယ်။ ဒါကလည်း ပြည်သူ့ဆန္ဒအပေါ် မူတည်ပါတယ်။

ဒေါ်အောင်ဆန်းစုကြည် သမ္မတဖြစ်ခွင့်ရှိမရှိ၊ ကျောင်းသားဆန္ဒပြသူတွေကို ရဲတွေက အကြမ်းဖက်ဖြိုခွဲခဲ့ခြင်း၊ တရုတ်နယ်စပ်က တိုက်ပွဲတွေအကြောင်းနဲ့ ပတ်သက်တဲ့ မေးခွန်းတွေကို ဖြေကြားထားတဲ့ ဒုတိယပိုင်းကို ဒီနေရာမှာ ဆက်လက် ဖတ်ရှုနိုင်ပါတယ်။

BBC Burmese
http://www.bbc.co.uk/burmese


ပတ္တနာ မတ် ၂ဝ

အိန္ဒိယနိုင်ငံအရှေ့ပိုင်း ဘီဟာပြည်နယ်တွင် မသမာသောနည်းဖြင့် ဖြေဆိုခဲ့ကြသည့် ဂရိတ်(၁ဝ) ကျောင်းသား ၆ဝဝ ခန့်ကို ကျောင်းမှ ထုတ်ပယ်ခဲ့ကြောင်း ပညာရေးဝန်ကြီး ဌာနမှ တာဝန်ရှိသူများကပြောကြားခဲ့သည်။

ကျောင်းသားမိဘများနှင့် ကျောင်းသားများ၏ သူငယ်ချင်းများက ကျောင်းသားများ စာမေးပွဲဖြေဆိုနေစဉ် ကျောင်းနံရံများမှ အဖြေများပါသော စာရွက်အပိုင်းအစ များပေးကာ စာဖြေရာတွင် မသမာသောနည်းလမ်းဖြင့် အကူအညီပေးနေခဲ့ကြသည်။ ထိုသို့မသမာသောနည်းလမ်းဖြင့် ကူညီ မှုပြုနေသည့် ကျောင်းသား မိဘများကို အင်ဒီးယန်းတီဗွီက ဗီဒီယိုမှတ် တမ်းတင်ရိုက်ကူးထားပြီး နိုင်ငံတစ်ဝန်း ထုတ်လွှင့်ပြသခဲ့သည်။

ဘီဟာပြည်နယ်တစ်ဝန်းရှိ အထက်တန်းကျောင်း ၁၂ဝဝ ကျော်တွင် ဂရိတ် (၁ဝ) ကျောင်းသားပေါင်း ၁ ဒသမ ၄ သန်းကျော်ဖြေဆိုကြသည်။ ဂရိတ် (၁ဝ) စာမေးပွဲအောင်မြင်မှသာ နောက်ထပ်အဆင့်မြင့်ပညာဆက်လက်သင်ကြားနိုင်မည်ဖြစ်သဖြင့် ယင်းစာမေးပွဲသည် ကျောင်းသားများအတွက် အလွန်ပင်အရေးပါသည်။

စာမေးပွဲတွင် မသမာသောနည်းများဖြင့် ဖြေဆိုခဲ့သည့် ကျောင်းသားအရေအတွက် ရာနှင့်ချီရှိကြောင်း စာမေးပွဲအခန်းတာဝန်ကျ ဆရာ၊ ဆရာမများက ဆိုသည်။

''စာမေးပွဲမှာ မသမာတဲ့နည်းလမ်း နဲ့ဖြေဆိုတာတွေကို တားမြစ်ဖို့ဆိုတာ မလွယ်ပါဘူး။ ကျောင်းသားမိဘတွေရဲ့ ပူးပေါင်းဆောင်ရွက်မှုလိုအပ်တယ်''ဟု အိန္ဒိယအရှေ့ပိုင်းရှိ ဘီဟာပြည်နယ်၏ ပညာရေးဝန်ကြီးကဆိုသည်။

စာစစ်ဌာနကျောင်းများတွင် လုံခြုံရေးရဲများ တာဝန်ချထားသော်လည်း ကျောင်းသားမိဘများကို ပိတ်ပင်တားဆီးရန် မလွယ်ကူကြောင်း ရဲအရာရှိများကပြောသည်။ ကျောင်းသား မိဘ ၂ဝ ကျော်ကို ဖမ်းဆီးထားပြီး အချိန်အတော်အတန်ကြာသည့် အခါတွင် ပြန်လည်လွှတ်ပေးခဲ့ကြောင်း ရဲအရာရှိများက ဆက်လက်ပြောကြားခဲ့သည်။

ကျောင်းသားများ စာမေးပွဲဖြေဆိုရာတွင် ရိုးသားမှုရှိရန် အထူးကြပ်မတ်မှုများ လုပ်ဆောင်ရန်လိုအပ်ကြောင်း ပတ္တနာမြို့တရားရုံးချုပ်က ဘီဟာပြည်နယ်ရဲအရာရှိချုပ်ကို သတိပေးပြောကြားထားသည်။

စာမေးပွဲဖြေဆိုရာတွင် မသမာမှုများ တွေ့ရှိသဖြင့်စာစစ်ဌာန လေးခုကို နိုင်ငံ့ပညာရေးအာဏာပိုင်များက ဖျက်သိမ်းခဲ့သည်။ မသမာမှုဖြင့် ဖြေဆိုသော ကျောင်းသားများကိုလည်း စာမေးပွဲဖြေဆိုခွင့် သုံးနှစ်ပိတ် ပင်သည်အထိ အရေးယူနိုင်သည့် အပြင်ငွေဒဏ် (သို့) ထောင်ဒဏ်ချမှတ်နိုင်ကြောင်းသိရသည်။ အေပီ။

The Mirror Daily
https://www.facebook.com/TheMirrorDaily

“ တန်ခိုးရှိတဲ့ အသဲကြားက မဲတပြား ”

မြန်မာနိုင်ငံမှာ ရာစုနှစ်ဝက်ကျော် လှိုက်စားလောင်မြိုက်နေတဲ့ တစ်ခုတည်းသောအဓိက ပဋိပက္ခဟာ အကျိုးစီးပွားနဲ့ ဘ၀လုံခြုံမှု့ ဆိုင်ရာ ပဋိပက္ခဖြစ်တယ် ။
 အဖိနှိပ်ခံအများစုနဲ့ ဖိနှိပ်သူလူနည်းစုကြားက အကျိုးစီးပွားနဲ့ ဘ၀လုံခြုံမှု့ ဆိုင်ရာပဋိပက္ခ၊
 အခွင့်အရေးမရတဲ့လူများစုကြီးနဲ့ အခွင့်ထူးခံလူနည်းစုကြားက အကျိုးစီးပွားနဲ့ ဘ၀လုံခြုံမှု့ ဆိုင်ရာပဋိပက္ခ၊
 ဓမ္မ၀ါဒီနဲ့ အဓမ္မ၀ါဒီတွေကြားက အကျိုးစီးပွားနဲ့ ဘ၀လုံခြုံမှု့ ဆိုင်ရာပဋိပက္ခ၊
 မိဘပြည်သူနဲ့ စစ်အာဏာရှင်ကြားက အကျိုးစီးပွားနဲ့ ဘ၀လုံခြုံမှု့ ဆိုင်ရာပဋိပက္ခ
စသည်ဖြင့် ဘယ်လိုပဲခေါ်ခေါ် မြန်မာပြည်သူပြည်သား ခုနှစ်ရက်သားသမီးအားလုံးကို မျက်ရေကျစေ၊ သောကဝေစေတဲ့ တစ်ခုတည်းသော အခရာ ပဋိပက္ခကြီးဘဲဖြစ်တယ် ။

ဒီပဋိပက္ခကြီးကို တချို့လူတွေက လောလောဆယ် မိမိဘ၀လေးတွေအတော်အတန်အခြေကျနေလို့ ဘဲဖြစ်ဖြစ် မရယူအပ်တဲ့အခွင့်အလမ်းတွေရနေလို့ ဘဲဖြစ်ဖြစ် နိုင်ငံရေး ကိုကိုယ်နဲ့ မဆိုင်ဘူးထင်ပြီးလက်ရှောင်နေသူတွေ ရှိတယ်။ ကြားနေသူတွေရှိတယ် ။ အုပ်ချုပ်ပုံစနစ်မမှန်ကန်ဘဲ တိုင်းပြည်တစ်ပြည်နိမ့်ပါးဆင်းရဲနေပြီဆိုရင် အာဏာရှိတဲ့လူ၊ အာဏာမဲ့တဲ့သူ၊ ချမ်းသာတဲ့သူ၊ ဆင်းရဲတဲ့သူ ဘယ်သူမဆို အဲ့ဒီနိမ့်ပါးဆင်းရဲမှု့ဒါဏ်ရဲ့ ရိုက်ခပ် မှု့ကိုခံကြရမှာပါ။ စစ်အာဏာရှင်စနစ်ဟာ အီဘိုလာ ဗိုင်းရပ်စ်ပိုးထက် ကြောက်စရာကောင်းတယ်။ ရှောင်လို့  မလွတ်နိုင်ပါဘူး ။ တနည်းမဟုတ်တနည်း၊ တကြောင်းမဟုတ်တကြောင်း နဲ့ ဆက်နွယ်ကူးစက် လောင်မြိုက် တတ်တယ်။
တရားဥပဒေမစိုးမိုးတဲ့နိုင်ငံမှာ့ ကိုယ်ဝန်ဆောင်ဗိုက်ထဲကသန္ဓေသားလောင်းကနေ သင်းချိုင်းဂုံးရောက်နေ တဲ့ရုပ်ကလပ်ဟောင်းထိ ဘယ်သူ့ တွေရဲ့ဘ၀မှ လုံခြုံမှု့မရှိဘူး။ စစ်အာဏာရှင်ကြီးဦးနေ၀င်းဘ၀တောင် ဘယ်လိုနိဂုံးသပ်ခဲ့ရသလဲ။ အလွန်သံဝေဂရစရာကောင်းတယ် ။ မသန့် ပြန့် တဲ့လေတွေနေစဉ်ရှူရမယ်၊ ပတ်ဝန်းကျင်ကရောဂါပိုးတွေကူးစက်တာခံရမယ်၊ ကျန်းမာရေးနဲ့ မညီညွတ်တဲ့အစားအစာတွေရှောင်လို့  မလွတ်နိုင်ဘူး ၊ သုံးစွဲရမယ်၊ရောဂါထူမယ်၊အသက်တိုမယ်။ အရည်အသွေးနိမ့်ကျတဲ့ လမ်းပန်းဆက်သွယ်ရေး ကြောင့်နေ့ စဉ်ငရဲခံရမယ်၊ ပင်ပမ်းဆင်းရဲကြီးမယ်၊ ပညာရေးညံ့ဖျင်းမှု့ဒါဏ်ကိုကိုယ့်သားသမီးမြေးမြစ်တွေ ကျော်တဲ့အထိခံကြရမယ်၊ ဆင်းရဲပြီးအသိတရားနိမ့်ပါးနေတဲ့ဝန်းကျင်နဲ့ ဆက်ဆံနေထိုင်ရင်းအကုသိုလ်တွေ နေ့ စဉ်ရနေမယ်၊ ရေးမယ်ဆိုရင်သက်ရောက်မဲ့ဆိုးကျိုးတွေကရေးလို့ မကုန်နိုင်ဘူး ။ ဆိုလိုခြင်တာကဒီနေ့ ဖြစ် နေတဲ့နိုင်ငံရေးပဋိပက္ခကြီးဟာလူတိုင်းနဲ့ ဆိုင်တဲ့ကိစ္စဖြစ်တယ်။
လူသားတွေအပါအ၀င် သက်ရှိသတ္တ၀ါတွေဟာ ကိုယ့်အတ္တကို အမြဲရှေ့တန်းတင်လေ့ရှိကြတယ်။ မိမိလိုအင် ဆန္ဒနဲ့ လိုအပ်ချက်တွေပြည့်စုံဖို့ ကျိုးစားကြတဲ့နေရာမှာအင်အားကြီးသူကအင်အားနည်းသူကို၊လက်နက်ရှိသူကမရှိသူကိုအနိုင်ကျင့်တတ်ကြတယ်မဟုတ်လား။ ပုထုဇဉ်လူသားတွေူမှာ လောဘ၊ ဒေါသနဲ့ မောဟဆိုတဲ့ မကောင်းတဲ့တရားဓါတ်ခံတွေရှိနေပြီးသားမို့ လက်နက်ဆိုတဲ့အရာပိုင်ဆိုင်တာနဲ့ တစ်ခြားသူတွေကိုအနိုင်ကျင့်တတ်ကြတယ်။ လက်နက်ကိုင်ခွင့်ရှိတဲ့လူဘဲဖြစ်ဖြစ်၊ လက်နက်ကိုင်ဘယ်အဖွဲ့ စည်းဘဲဖြစ်ဖြစ် သူတို့ မှာအကြွင်း မဲ့အာဏာရသွားရင်သိပ်အန္တရာယ်များတယ် ။ လက်နက်နဲ့ အာဏာပူးထားလိုက်ရင် ကျားကိုအတောင်တပ်ပေး သလိုမျိုးဖြစ်ပြီး လူများစုကိုဒုက္ခကောင်းကောင်းပေးတတ်တယ်။ ရာစုနှစ်ဝက်ကျော်မြန်မာပြည်သူတွေပင်ပမ်း ဆင်းရဲကြီးစွာ စစ်ဖိနပ်အောက်မှာ ငရဲခံခဲ့ရစေတဲ့ စစ်အာဏာရှင်စနစ်ဟာထင်ရှားတဲ့သာဓကဖြစ်တယ်။

အခုလက်ရှိ(၂၀၀၈)ဖွဲ့ စည်းပုံအခြေခံဥပဒေဟာအချုပ်အခြာအာဏာကိုတပ်မတော်လက်ထဲထိုးထဲ့ထားတယ်။ ဥပဒေအထက်မှာ တပ်မတော်ကိုနေရာပေးထားတယ်။ တပ်မတော်ကို ပြည်သူတွေအပေါ်တရားဝင် ဗိုလ်ကျ အနိုင်ကျင့်ခွင့်၊ အချိန်မရွေးအာဏာသိမ်းခွင့် စတဲ့အခွင့်ထူးတွေပေးပြီးဖျက်ဆီးထားတာဖြစ်တယ်။ ဒါကြောင့် လက်နက်နဲ့ အာဏာကိုခွဲထုတ်ဖို့ (၂၀၀၈)ဖွဲ့ စည်းပုံအခြေခံဥပဒေကိုမဖြစ်မနေပြင်ကြရမယ်။ လက်နက်ကိုင် တပ်မတော်ဟာနိုင်တော်အာဏာပိုင်ရှင်အမှန်ဖြစ်တဲ့ ပြည်သူကရွေးကောက်တင်မြှောက်တဲ့ အစိုးရရဲ့ လက် အောက်ခံအဖွဲ့ စည်းဖြစ်အောင် ဖွဲ့ စည်းပုံအခြေခံဥပဒေက အာမခံချက်ပေးနိုင်မှသာလူတိုင်းရဲ့ဘ၀လုံခြုံပြီး အေးချမ်းမှု့ရနိုင်လိမ့်မယ်။
မြန်မာနိုင်ငံကိုစစ်လှောင်ချိုင့်ထဲက ဆွဲထုတ်ကယ်တင်ဖို့ ဆိုရင် …..
“ ပုဒ်မ (၄၃၆) သော့ခလောက်ကြီးကို ညီညီညာညာ ရိုက်ချိုးဖွင့်လှစ်ဖို့ လိုတယ် ”
ပုဒ်မ (၄၃၆) ကိုမပြင်ဘဲ ဆောင်ရွက်တဲ့ ပြုပြင်ပြောင်းလဲမှု့တွေနဲ့  လွတ်လပ်ခွင့်တွေဆိုတာ ထောင်ဗူးဝတံခါး မကြီးကိုမဖွင့်ဘဲ ထောင်အတွင်းနံရံတွေ ဆေးသုတ် ထောင်အတွင်းက အခန်းတခါးလေးတွေ အပြဖွင့်ပေးသလို မျိုးလို့ ဘဲပြောရမှာပါ ။ (၂၀၀၈) ဖွဲ့ စည်းအုပ်ချုပ်ပုံအခြေခံဥပဒေဆိုတဲ့ စစ်အကျဉ်းထောင်ကြီး အောက်မှာ စစ်မှန်တဲ့ ပြုပြင်ပြောင်းလဲမှု့တွေနဲ့  လွတ်လပ်ခွင့်တွေ ဘယ်သောအခါမှ ဖြစ်မလာနိုင်ဘူး ။

မြန်မာနိုင်ငံသားတိုင်း မဖြစ်မနေ ထမ်းဆောင်သင့်တဲ့ တာဝန်ကြီးတရပ်ကတော့ အဓမ္မ၀ါဒီတွေ၊ ဖိနှိပ်သူတွေ၊ အခွင့်ထူးခံတွေ၊ စစ်အာဏာရှင်တွေကို ပြတ်ပြတ်သားသား ငြင်းပယ်ကြောင်းပြသဘို့ မကြာမှီလာတော့မဲ့ ဖွဲ့ စည်းပုံပြင်ဆင်ရေး ဆန္ဒခံယူပွဲမှာဘဲဖြစ်ဖြစ် (၂၀၁၅ ) အထွေထွေ ရွေးကောက်ပွဲမှာဖြစ်ဖြစ် ကိုယ့်အသဲကြား က မဲတပြားကို တခုတည်းသော ပြည်သူ့ ပါတီကြီးဖြစ်တဲ့ အမျိုးသား ဒီမို ကရေစီအဖွဲ့ ချုပ် နဲ့  ရိုးသားစစ်မှန်တဲ့ တိုင်းရင်းသားပါတီတွေကိုသာမဲပေးရလိမ့်မယ် ။ ဒါမှသာ ပြည်သူ့ အစိုးရ တရပ်ပေါ်ထွန်းလာပြီး နှစ်ပေါင်း (၆၀) ကျော် ခံစားခဲ့ရတဲ့ အနိဌာရုံတွေအားလုံးကိုချုပ်ငြိမ်းစေလိမ့်မယ် ။

ပြည်ထောင်စုကြံ့ခိုင်ရေးနဲ့ ဖွံ့ ဖြိုးတိုးတက်ရေးပါတီနဲ့  တိုင်းရင်းသားစည်းလုံးညီညွတ်ရေးပါတီ ( တစည) တွေဟာ … စစ်အာဏာရှင်စနစ်ကို ကိုယ်စားပြုတဲ့၊ စစ်အာဏာရှင်စနစ်က ဖွားမြင်လိုက်တဲ့ ပါတီတွေဖြစ်တာ မို့ အဲ့ဒီပါတီတွေနဲ့ မဟာမိတ်ပါတီတွေမှန်သမျှကို ယောင်လို့ မှ မဲမပေးမိဘို့ သတိပြုရလိမ့်မယ် ။

တို့ နိုင်ငံမှာ ဘယ်သောအခါမှ …စစ်အာဏာရှင်စနစ် တဖန်ပြန်လည် အမြစ်ထွက်ရှင်သန်မလာစေဘို့  အပြီးတိုင်ရှင်းလင်းသုတ်သင်ပစ်နိုင်အောင်စွမ်းအားကြီးတဲ့ မဲတပြားဟာ … ပြည်သူတိုင်းက ပိုင်ဆိုင်ထားတာမို့ ထိထိရောက်ရောက်အသုံးချကြဖို မေတ္တာရပ်ခံလိုက်ပါတယ်။

လေးစားစွာဖြင့်
(မင်းကောင်းချစ်)
မတ်လ (၂၀) ရက် ၂၀၁၅ ခုနှစ်

နာရေးကူညီမှုအသင်း(ရန်ကုန်)မှ ယမန်နေ့က ပညာရေးပြုပြင်ပြောင်းလဲမှုအတွက် ငြိမ်း ချမ်းစွာ ဆန္ဒထုတ်ဖော် တောင်းဆိုနေသော ကျောင်းသား/သူများနှင့် ပြည်သူ လူထုတို့ကို ရက်စက်စွာ အကြမ်းဖက် နှိမ်နင်းမှုအား ကန့်ကွက်ရှုံ့ချခြင်းနှင့် ဖမ်းဆီးထိန်းသိမ်းထားသော ကျောင်းသားများ အမြန်ပြန်လွှတ်ပေးရေး တောင်းဆိုချက်များ လက်မှတ်ရေးထိုးခြင်းနှင့် အနက်ရောင်လှုပ်ရှားမှု (Black Campaign) အဖြစ် တစ်လက်မ အရွယ်အစားခန့် အနက်ရောင်ပိတ်စ ရင်ဘတ်တွင် ဝတ်ဆင်၍ ဆန္ဒထုတ်ဖော်ခဲ့ကြပါသည်။ (အကြမ်းဖက်မှုအပေါ် ပြင်းထန်စွာကန့်ကွက်ရှုံ့ချပါကြောင်းနှင့် ဖမ်း ဆီးထိန်းသိမ်းခံ ကျောင်းသား/သူများ အမြန်ဆုံးပြန်လည် လွှတ်ပေးရန် တောင်းဆိုချက်အား ဆန္ဒသဘောထား တူညီသူမည်သူမဆို အောက်ပါစာ ရွက်ပေါ်တွင် လက်မှတ်ရေးထိုးပြီး info@ffssyangon.org သို့ ပြန်လည်ပေး ပို့နိုင်ပါသည်။)

Copied From: နာရေးကူညီမှုအသင်း-ရန်ကုန်

ဗကသကို စီကြောင်၊ နီကြောင်တွေဆိုပြီး စွပ်စွဲတယ်။ ရန်ကုန်ကို ဝင်ချင်တာဟာ သပိတ်စုံသူပုန်ထဖို့ ဆိုပြီး စွပ်စွဲတယ်။ ဗကသဟာ ဒီမိုကရေစီပညာရေးအလံကိုမကိုင်စွဲဘူးဆိုပြီး စွပ်စွဲတယ်။ ဗကသကို ကွန်မြူနစ် တွေကစီးထားတယ် ဗဟိုဦးစီးစနစ်နဲ့ မသိနားမလည်သူတွေကို အသုံးချတယ်ဆိုပြီး စွပ်စွဲတယ်။ ဗကသ ဟာ ကျောင်းသားအဖွဲ့အစည်းမဟုတ် ဗကပလက်ဝေခံတွေဆိုပြီး စွပ်စွဲတယ်။ လက်ဝဲတွေမို့လို့ ဒီအစိုးရက ခြေမှုန်း တာဆိုပြီး အပုပ်ချတယ်။ ဗကသဟာ ကျောင်းသားထုညီညွတ်ရေးကို အလိုမရှိဘူးဆိုပြီး စွပ်စွဲတယ်။ ဒါတွေကို အချိန်ကျလာပြီမို့ တစ်ချက်ချင်းရှင်းမယ်။

ဗကသကို စီကြောင်၊နီကြောင်လို့ စွပ်စွဲသူ ငကြောင်များသို့
...............................................................................

ဗကသမှာ အယူစုံ၊ ဝါဒစုံ၊ ကိုးကွယ်ရာဘာသာစုံ၊ လူမျိုးစုံကျာင်းသားလူငယ်တွေ ရှိတယ်။ ဒါ ခေတ်အဆက်ဆက်ထဲက ဒီနေ့အထိပဲ။ ဗကသအလံအောက်မှာ ဘယ်ဘာသာဝင်ပဲရှိရမယ်၊ ဘယ် နိုင်ငံရေး အယူအဆပဲ လက်ခံရမယ်ဆိုပြီး ကန့်သတ်မထားဘူး။ ဗကသရဲ့ မူငါးချက်ကို လက်ခံရင် ဗကသအဖွဲ့ဝင် ဖြစ်မယ်။ ဒါဒီနေ့အထိ ဗကသရဲ့ ရပ်တည်ချက်ပဲ။ ဗကသ ခေါင်းဆောင်ပိုင်းထဲမှာကို ကွဲပြားတဲ့ နိုင်ငံရေး အယူအဆတွေရှိကြတယ်။ ဗကသမှာ ဘယ်အယူအဆကမှ အမှန်၊ ကျန်တာတွေက အမှားဆိုပြီး ခွဲခြား ကန့်သတ်ထားတာမျိုးမရှိဘူး။ ဒါကို မယုံကြည်ရင် ကြိုက်တဲ့ ဗကသ ကျောင်းသား/သူကို မေးကြည့်လို့ရတယ်။ ဗကသရဲ့ အမြင့်ဆုံးအာဏာပိုင်ဖြစ်တဲ့ ဗဟိုလုပ်ငန်းကော်မတီဥက္ကဌ ကိုကျော်ကိုကိုက အစ မူငါးချက်ကို ကျော်ပြီး သူဖြစ်ချင်တာ၊ သူလုပ်ချင်တာကို လုပ်လို့မရဘူး။ ဗကသ ကျောင်းသားတွေရဲ့ တစ်ဦးချင်း ယုံကြည်ချက်ဟာ သူနဲ့သာဆိုင်ပြီးတော့ ဗကသအနေနဲ့ကတော့ ဘယ်အရေးကိစ္စမဆို၊ ဘယ်အကြောင်းအရာ ကို မဆို မူငါးချက်နဲ့ ချိန်ထိုးပြီးတော့သာ လုပ်ကိုင်ဆုံးဖြတ်တယ်။ ပြီးတော့ ကျောင်းသားဆိုတာ အရောင်စုံ၊ အသွေးစုံ အယူဝါဒစုံရှိတယ်ဆိုတာ ဒီနေ့ ကိုယ့်ဘာသာကိုယ် လစ်ဘရယ်လို့ကြွေးကျော်နေသူ ဗမာ့နည်းဗမာ့ဟန် လစ်ဘရယ်သမားများက လက်ခံချင်ကြပုံမရဘူး။ ဒါကိုက ဗမာပြည်ရဲ့နိုင်ငံရေးဟာ ဘယ်လောက်ပြဿနာကြီးနေပြီလဲဆိုတာကို ပြနေတာပါပဲ။ ကွန်မြူနစ်အလားဂျစ်တစ်ဖတ်ပိတ်၊ တစ်ယူသန် ဗမာ့နည်းဗမာ့ဟန်လစ်ဘရယ်နိုင်ငံရေးသမားဆိုသူတွေက တော်လှန်ရေး လမ်းဆုံလမ်းခွမှာ ကားယားကြီးခွထိုင်နေပြီး ဗကသနဲ့ပြည်သူကို လက်တွဲဖြုတ်အောင်လုပ်နေတာဟာ သမိုင်း စာမျက်နှာမှာ မြင်မကောင်းလောက်အောင် ပုပ်ပွပြီးပေါ်လာမှာက စိတ်မကောင်းစရာပါပဲ။

သပိတ်တွေစုံမှာ၊ သူပုန်တွေထမှာကြောက်နေတဲ့ တော်လှန်ရေးစားဖားများသို့
.........................................................................................................

ဗကသအားကြီးလာမှာ၊ ဗကသဒီထက်ပိုပြီး ပြည်သူ့အကျိုးဆောင်နိုင်မှာကို မလိုလားတဲ့၊ စိုးရွံလှတဲ့ သဘောထားမမှန်သူ နိုင်ငံရေးစားဖားများက စစ်အစိုးရရဲ့ မွေးစားသားပီသစွာ ဗကသကို ရန်သူ့အကြိုက် လိုက်ပြီး ဒီအဖွဲ့ရန်ကုန်ကို ဝင်ချင်တာဟာ သပိတ်စုံ၊ သူပုန်ထချင်လို့ဆိုပြီး တိုးတိုးတစ်မျိုး ကျယ်ကျယ်တဖုံ ဝါဒဖြန့်နေတာကို ကျနော်တို့ အကြမ်းဖက်ဖြိုခွဲမခံရခင် မတ်လ၁၀ရက်နေ့အထိ ကြားနေရတယ်။ ရန်ကုန်ကို ဝင်ချင်တယ်ဆိုတာက ရှင်းရှင်းလေးပါ။ ကျနော်တို့ဟာ ရန်ကုန်ဝင်တယ်ဆိုတာ ဇွဲသတ္တိအပြည့် ခရီးရှည်ချီတက်ပြီး ဒီမိုကရေစီပညာရေးအတွက် တိုက်ပွဲဝင်ခဲ့တဲ့ တိုက်ပွဲဝင်စိတ်ဓာတ်ကို မျှဝေချင်လို့ ပြီးတော့ ခရီးလမ်းတလျှောက်လုံး ကျနော်တို့ကို အစစအရာရာ ထောက်ပံ့ပေးခဲ့တဲ့ ပြည်သူလူထုတရပ်လုံးကို မိမိတို့ရဲ့ အိမ်အပြန်လမ်းမှာ ကျေးဇူးတင်စကားပြောဖို့ ။ ကိုယ့်အိမ်ကိုယ် တရားဝင်ပြန်တာ၊ မိမိတို့ရဲ့ တိုက်ပွဲဝင်စိတ်ဓာတ်ကို မျှဝေတာဟာ တရားမျှတတဲ့ အကြောင်းပြချက်လို့ ကျနော်တို့ ယူဆတယ်။ မန္တလေး ကနေ ရန်ကုန်အထိ လမ်းလျှောက်လာခဲ့တာဟာ အစိုးရစီစဉ်ပေးတဲ့ ကားနဲ့ လူမသိသူမသိ တိုးတိုးတိတ်တိတ် အိမ်ပြန်ရအောင် ကျနော်တို့က အစိုးရဖွဲ့ပေးထားတဲ့ အဖွဲ့မဟုတ်ဘူးဆိုတာ ပထမဦးစွာ ရှင်းရှင်းလင်းလင်း သိထားဖို့လိုပါတယ်။ ကျနော်တို့ အများစုက ရန်ကုန်ကလာတဲ့သူတွေ။ ပြီးတော့ အလုပ်လုပ်ဖို့ အဓိက အချက်အချာကျတဲ့နေရာဟာလည်း ရန်ကုန်ပဲဖြစ်တယ်။ အဲဒါကြောင့် ရန်ကုန်ကိုဝင်မယ်။ စောင့်ကြည့်သပိတ် အဖြစ် ပုံစံပြောင်းမယ်။ အေးအေးဆေးဆေးလူစုခွဲမယ်။ ဒါကို ကျနော်တို့ ရှင်းရှင်းလင်းလင်း ကြေညာပြီးသား။ အစိုးရက လာညှိနှိုင်းတဲ့အခါမှာလည်း ကျနော်တို့ ရန်ကုန်ဝင်မယ်ဆိုတာ တိုက်ပွဲဝင်စိတ်ဓာတ်ကို မျှဝေချင်လို့၊ လူထုကို ကျေးဇူးတင်စကားဆိုချင်လို့၊ ကိုယ့်အိမ်ကိုယ်ပြန်ကြဖို့ ဒါကိုမှ မယုံရင် ကျနော်တို့နဲ့အတူ လုံခြုံရေး ယာဉ်တန်းလိုက်ခဲ့ပါ။ ကျနော်တို့ဘက်က ရန်ကုန်ကိုဝင်တာနဲ့ သပိတ်စုံသူပုန်ထပုံစံများလုပ်လိုက်ရင် တစ်ခါထဲ ဖမ်းပါလို့ကို ပြတ်ပြတ်သားသားပြောပြီးသား။ ပြီးတော့ ရန်ကုန်ကိုဝင်ချင်တဲ့ အကြောင်းအချက်တွေကို ကျနော်တို့ လူသိရှင်ကြားပြောပြီးသား။ ဒါကိုမှ ကျနော်တို့ ရန်ကုန်ဝင်ချင်တာဟာ သက်သက်မဲ့ဆူပူချင်လို့ဆိုပြီး အစိုးရက ဝါဒဖြန့်တာကို ဒီအစိုးရဝမ်းမနာသားတွေက လက်ခုပ်တီးပြီး ဗကသ နောက်ကျောကို ဓါးနဲ့ထိုးတယ်။ အကယ်၍ ဗကသကများ လူသိရှင်ကြားကြေညာထားပြီးသားအချက်တွေကို ချိုးဖောက်မယ်ဆိုရင် ဗကသကို လူထုက ဒဏ်ခတ်လိမ့်မယ်။ ရန်ကုန်လူထုဟာ ရိုးအနေတဲ့သူတွေမဟုတ်ဘူး။ နိုင်ငံရေးရေချိန်ရှိပြီးသား ဒါကို စားဖားတွေက မသိမဟုတ် သိတယ်။ သက်သက်မဲ့ ဗကသကို အပုပ်ချတာ၊ ချောက်ထဲတွန်းတာ၊ အခွင့်သာတုန်း လုပ်လိုက်မဟဲ့ဆိုပြီး လက်သီးပုန်းထိုးတာ။ ဗကသဟာ ပြည်သူကို အမြဲယုံကြည်တယ်။ ပြည်သူရဲ့ ယုံကြည်မှုကိုလည်း ဘယ်တော့မှ သစ္စာဖေါက်မှာ မဟုတ်ဘူး။ ဒါကို ဗကသအဖွဲ့ဝင်တိုင်းက သဘောပေါက် နားလည်ထားတယ်။

ဗကသကို ဒီမိုကရေစီပညာရေးအလံက သွေဖယ်တယ်လို့ဆိုတဲ့ မျက်နှာရူးများသို့
............................................................................................................

ဒီမိုကရေစီပညာရေးလှုပ်ရှားမှုဦးဆောင်ကော်မတီမှာ ဗကသအနေနဲ့သာ ရန်ကုန်-မန္တလေး ဒီမိုကရေစီပညာရေးအတွက် ခရီးရှည်ချီတက်ဖို့ အဆိုမတင်ခဲ့ဖူးဆိုရင်။ ဇန်နဝါရီလ ၂၅ရက်နေ့မှာ သိန်းချီတဲ့ မြင်းခြံပြည်သူတွေက ဗကသရဲ့ပင်မစစ်ကြောင်းကို မကြိုဆိုခဲ့ဖူးဆိုရင်။ ၂၇ရက်နေ့မှာသာ တောင်သာမှာ ပိတ်ဆို့ တားဆီးမခံရဖူးဆိုရင်။ ဒီနေ့ လူပြောသူပြောများနေတဲ့ လေးပွင့်ဆိုင်တို့၊ လွှတ်တော်ကြားနာပွဲတို့ ဖြစ်မလာခဲ့ဖူး ဆိုတာ မျက်နှာရူးတွေ သိထားဖို့လိုတယ်။ ဗကသဟာ ချွေးနဲ့တင်မက သွေးနဲ့ပါရင်းပြီး ဒီမိုကရေစီပညာရေး အတွက် စွန့်စားခဲ့တာ။ အကယ်၍သာ တောင်သာမှာပိတ်ဆို့ထားတဲ့အချိန် ဗကသစစ်ကြောင်းက မြင်းခြံကနေ လှည့်ပြန်ပါပြီတဲ့။ ဒီနေ့ ပြောနေကြတဲ့ လေးပွင့်ဆိုင်ကြီးတွေ၊ လွှတ်တော်ကြားနာပွဲကြီးတွေ ပေါ်လာပါ့မလားဆိုတာ စဉ်းစားစရာပဲ။ နိုဝင်ဘာလ လေးရက်သပိတ်၊ ပြီးတော့ ရက်ပေါင်းခြောက်ဆယ် ရာဇသံ။ အဲဒီကာလအတွင်းမှာ တွေ့ဆုံဆွေးနွေးရေးစားပွဲဝိုင်းကြီးက သူ့အလိုလို ဖြစ်လာခဲ့တာလား။ ဗကသနဲ့ ပြည်သူ လက်တွဲညီတဲ့အချိန် ပေါ်လာခဲ့တာလားဆိုတာ ပြန်လှန်ကြည့်ဖို့ ပြောချင်တယ်။ ဗကသအနေနဲ့ အစိုးရရဲ့ အချိန် ဆွဲတတ်တဲ့ အလေ့အထကို သိလို့ ပုပ္ပါးမှာရပ်ခိုင်းတုန်းက မရပ်ခဲ့ဘူး။ အန္တရာယ်တွေကြားက ဆက်ချီတက် ခဲ့တယ်။ တွေ့ဆုံဆွေးနွေးရေးတွေ အဆင်ပြေချောမွေ့ ပြီး ခိုင်မာတဲ့ရလာဒ်တစ်ခုရရှိဖို့အထိ ဗကသဟာ သွေးနဲ့ ရင်းခဲ့တာ လူထုသက်သေပဲ။ ဒီနေ့ခေတ်လို မီဒီယာပွင့်လင်းတဲ့ခေတ်မှာ ဗကသဟာ ဒီမိုကရေစီပညာရေး အတွက် မဟုတ်ပဲ လုပ်ချင်တာလုပ်နေတယ်လို့ ရူးရူးနှမ်းနှမ်းစွပ်စွဲရဲတာ တော်တော်မျက်နှာပြောင်တိုက်တဲ့ ကိစ္စပါ။ ဗကသအနေနဲ့ လက်ပံတန်းမှာ စတင်ပိတ်ဆို့ခံခဲ့ရတဲ့ အချိန်မှာတောင် ကျန်တဲ့သူတွေ လွှတ်တော် ဆွေးနွေးပွဲသွားတဲ့ ကိစ္စမျိုးကို မကန့်ကွက်ခဲ့ဘူး။ ဒီနေ့လို ဖြိုခွင်းခံရတဲ့အချိန်မှာတောင် ဗကသ ကိုယ်စားလှယ် တွေ မတရားဖမ်းဆီးထောင်ချခံနေရတဲ့ အချိန်မှာတောင် တခြားအဖွဲ့တွေက ဗကသဆီကခွင့်ပြုချက်မပါပဲ လွှတ်တော်တက်တာကို ဗကသအနေနဲ့ တားဆီးကန့်ကွက်တာမျိုး မလုပ်ဖူး။ ဒီနေ့ တွေ့ဆုံပွဲက ငါတို့ကြောင့်ပါဆိုပြီးလည်း အသားလွတ်မာန်တက်ပြမနေဘူး(ဒီကိစ္စတွေတောင် ဗကသကို အကောင့်တုတွေနဲ့တမျိုး ကွယ်ရာတဖုံ တိုက်ခိုက်လာလို့သာ ပြန်ရှင်းရတာဖြစ်တယ်)။ ဗကသ အနေနဲ့ ကန့်ကွက်မယ်ဆိုရင် တရားဝင်မီဒီယာတွေကနေကန့်ကွက်မယ်၊ ကြေညာချက်ထုတ်ပြီး ကန့်ကွက်မယ် ဒါရှင်းနေတဲ့ ကိစ္စပဲ။ ဗကသဟာ ပုဆိုးခြုံထဲကလက်သီးပြတတ်တဲ့ အဖွဲ့ မဟုတ်သလို နောက်ကြောကို ဓါးနဲ့ထိုးတတ်တဲ့ အဖွဲ့လည်း မဟုတ်ဘူး။ တခြားသူတွေ မရင်းရဲခင်က ရင်းခဲ့တယ်။ တခြားသူတွေ နောက်ဆုတ်တော့လည်း ဆက်ရင်းတယ်။ ဗကသကျောင်းသားတွေဟာ ဒီမိုကရေစီပညာရေးအတွက် ဘဝတစ်ခုလုံးကို ရင်းခဲ့တယ်။ ဒါကိုမှ ဆက်စော်ကား နေရင် မည်သည့်လူကိုမဆို၊ အဖွဲ့အစည်းကိုမဆို ကျနော်တို့ ဗကသအဖွဲ့ဝင်တွေ အနေနဲ့ ပြတ်ပြတ်သားသား ရင်ဆိုင်ရလိမ့်မယ်။

ဗကသကို ကွန်မြူနစ် တွေကစီးထားတယ် ဗဟိုဦးစီးစနစ်နဲ့ မသိနားမလည်သူတွေကို အသုံးချတယ် ဆိုသူများသို့
............................................................................................................

ဗကသကို ကွန်မြူနစ်တွေက စီးထားတယ်ဆိုတဲ့ ကိစ္စကိုတော့ ဗမူငါးချက်နဲ့ ရှင်းပြီးသား ကိစ္စပါ။ ဗမူ ငါးချက်မှာ ပြည်သူကို သွေဖယ်တာဘာပါသလဲ၊ ဒီမိုကရေစီကို သွေဖယ်တာ ဘာပါသလဲ၊ နိုင်ငံရေးအယူဝါဒ တစ်ရပ်ရပ် ကို ခေါင်းစဉ်တပ်တာ ဘာပါသလဲဆိုတာနဲ့တင် ရှင်းနေတဲ့ ကိစ္စပါပဲ။ ဗကသကို ကွန်မြူနစ်တွေက စီးထားတယ်ဆိုတာ တကယ်တော့ ဗကသအားကြီးမှာ၊ ပြည်သူ့အကျိုးထမ်းရွက်မှာကို မလိုသူတွေက ဗကသကို ပြည်သူက မထောက်ခံအောင် ကွန်မြူနစ်ဆေးခါးကြီးတိုက်လိုက်တာပါပဲ။ ဗကသဟာ တိုက်ပွဲတလျှောက်မှာ အထက်မှ အောက်၊ အောက်မှ အထက် အပြန်အလှန် စီးဆင်းနေတဲ့ အစည်းအဝေးပုံစံနဲ့သာ အလုပ်လုပ်ခဲ့တယ်။ လူတစ်ဦးတစ်ယောက်က အမိန့်ပေးစေခိုင်းတာထက် အစည်းအဝေးနဲ့သာ လုပ်ပိုင်ခွင့်ကို ပိုင်းဖြတ်ထားတယ်။ ကျနော်ဆိုရင် အများစုတာဝန်ပေးချက်အရ ရှေ့ပြေးတာဝန်ကို ယူရတယ်။ ဗကသရဲ့ တိုက်ပွဲ အတွင်း အစည်းအဝေးပုံစံတွေဟာဆိုရင် (၁) ခရိုင်တစ်ခုချင်းအစည်းအဝေး (၂) ခရိုင်ပေါင်းစုံအစည်းအဝေး (၃) ဗဟိုလုပ်ငန်းကော်မတီအစည်းအဝေး (၄) ခရိုင်ကိုယ်စားလှယ်တွေနဲ့ ဗဟိုလုပ်ငန်းကော်မတီအစည်းအဝေး စတဲ့ အစည်းအဝေးပုံသဏ္ဍန်လေးခုကို ဖြတ်သန်းပြီးမှသာ ဆုံးဖြတ်ခဲ့တာများတယ်။ ဗဟိုလုပ်ငန်းကော်မတီအနေနဲ့ အကြွင်းမဲ့ဆုံးဖြတ်ခွင့်ကိုတောင်းခံတာတောင် လက်ပံတန်းမှာသာ စစ်ကြောင်းအစည်းအဝေးလုပ်ပြီးမှ အောက်ခြေထုဆီက တောင်းဆိုခဲ့တာဖြစ်ပြီးတော့ ဗဟိုလုပ်ငန်းကော်မတီက ဆုံးဖြတ်သမျှကိုလည်း အောက်ခြေ ကျောင်းသားထုကို အမြဲတမ်း အသိပေးတင်ပြခဲ့တယ်။ ဒါကို စစ်ကြောင်းမှာ ပါလာတဲ့ ရဲဘော်တွေ တင်မကပဲ၊ လိုက်ပါဝန်းရံနေတဲ့ ပြည်သူတွေအသိပဲဖြစ်တယ်။ ဗကသအနေနဲ့ ဖြိုခွဲမခံရခင် နောက်ဆုံးအကြိမ် အစိုးရနဲ့ ညှိနှိုင်းမှုလုပ်ခဲ့တာကိုတောင် ကျောင်းသားထုကို မီဒီယာနဲ့ပြည်သူရှေ့မှာတင် ပြန်လည်တင်ပြပြီး သဘောတူမတူ မဲခွဲခဲ့တယ်။ ဒါကို မီဒီယာတွေနဲ့ ပြည်သူတွေ သက်သေရှိတယ်။

ဗကသ ဟာ ကျောင်းသားအဖွဲ့အစည်းမဟုတ် ဗကပလက်ဝေခံတွေဆိုသူများသို့
..................................................................................................

ဒီစွပ်စွဲသံက အစိုးရက စထွက်လာပြီး တချို့ ဆရာတွေ၊ ဆရာမတွေကပါ အဟုတ်တွေထင်ပြီး ဗကသကို ကွယ်ရာမှာ တိုးတိုးတမျိုး ကျယ်ကျယ်တဖုံ အပုပ်ချနေတဲ့ အသံပါပဲ။ ကျနော်တို့အနေနဲ့ ဒါကို ဟာသလို့ မှတ်ပြီး မရှင်းခဲ့တာပါ။ အခုချိန်မှာတော့ ထောင်ထဲကရဲဘော်တွေနဲ့ပြည်သူတွေကို ကာကွယ်ဖို့ မရယ်ရတဲ့ဟာသတွေကို ရှင်းပါပြီ။ ပထမဆုံးအနေနဲ့ ယုတ္တိကျအောင် ဗကသဟာ ဗကပလက်ဝေခံပါလို့ စွပ်စွဲမယ့်အစား အခိုင်အမာ သက်သေပြဖို့ အစိုးရကိုကော တခြားအပုပ်ချသူတွေကိုပါ စိန်ခေါ်တယ်။ ပြီးတော့ ဗကသရဲ့ ဦးဆောင်သူတွေ ဖြစ်တဲ့ ဗဟိုလုပ်ငန်းကော်မတီဝင်တွေဟာ အစိုးရရဲ့ ကျောင်းတက်ခွင့် ပိတ်ပင်ခံရသူတွေနဲ့ ကျောင်းတက်ဆဲ ကာလမှာ ထောင်ချခံရပြီးတော့ ထောင်ကထွက်မှ ကျောင်းပြန်တက်ရသူတွေဖြစ်တယ်။ ဗကသအနေနဲ့ ညီလာခံ တစ်ခု ခေါ်ယူမရခင်အထိသာ သူတို့က ဝင်ရောက်လုပ်ကိုင်ပေးရသူတွေဖြစ်ပြီးတော့ သူတို့ဟာ ဗဟိုလုပ်ငန်းကော်မတီသာ ဖြစ်တယ် ဗဟိုအလုပ်အမှုဆောင်ကော်မတီမဟုတ်ဘူးဆိုတာကို ပြည်သူကို ရှင်းရှင်းလင်းလင်း တင်ပြလိုပါတယ်။ ပြည်သူနဲ့ ဗကသကြား နားလှည့်ပါးရိုက်နဲ့ အပုပ်ချနေသူတွေကိုလည်း ဗကသဟာ ဗကပ လက်ဝေခံဆိုရင် ခင်ဗျားတို့ရဲ့ သက်သေခံအထောက်အထားတွေကို တင်ပြပါလို့ ထပ်မံစိန်ခေါ်လိုပါတယ်။ အင်တာနေရှင်နယ်သီချင်းကိစ္စနဲ့ ဗကသကို ပုံဖျက်လွန်းလို့ ဗကသကျောင်းသားတွေအနေနဲ့ စစ်ကြောင်း တလျှောက်လုံး အင်တာနေရှင်နယ်သီချင်းကို မဆိုခဲ့ဘူး။ ပြီးတော့ အင်တာနေရှင်နယ်အကြောင်းကိုပါ ဒီနေရာမှာ တဆက်တည်းပြောလိုတယ်။ အင်တာနေရှင်နယ်သီချင်းဟာ ဗမာပြည်ကွန်မြူနစ်ပါတီရဲ့ ပါတီသီချင်း မဟုတ်ဘူး။ ဗမာပြည်ကွန်မြူနစ်ပါတီရဲ့ ပါတီသီချင်းဟာ သက်သက်ရှိတယ်။ အင်တာနေရှင်နယ်သီချင်းကို တီအန်မန်ရင်ပြင် ကျောင်းသားလှုပ်ရှားမှုမှာလည်း တရုတ်ကွန်မြူနစ်ပါတီရဲ့ သတ်ဖြတ်ချေမှုန်းတာကို ခံခဲ့ရတဲ့ တရုတ်ကျောင်းသားတွေဆိုခဲ့သလို ကမ္ဘာပေါ်က ကျောင်းသားလှုပ်ရှားမှုတော်တော်များများမှာလည်း အင်တာနေရှင်နယ်သီချင်းဆိုကြတယ်။အင်တာနေရှင်နယ်သီချင်းရဲ့ အဓိပ္ပါယ်ကတော့ ဖိနှိပ်ခံမှန်သမျှ ရုန်းထဖို့အတွက် သီချင်းပါပဲ။ ဒီနေ့ခေတ်မှာ အင်္ဂလိပ်စာနည်းနည်းပါးပါးတတ်ရုံ၊ အင်တာနက် သုံးတတ်ရုံလောက်နဲ့ သိရမယ့် ကိစ္စတွေမှာ အပျင်းကြီး၊ အဖျင်းလွန်ပြီးတော့ ဘာကိုမှမလေ့လာပဲနဲ့ ထုံထိုင်းနေတဲ့ ငနုံငအတွေက အင်တာနေရှင်နယ်သီချင်းဟာ ဗမာပြည်ကွန်မြူနစ်ပါတီရဲ့ သီချင်းပါဆိုပြီး အစိုးရထိုးပေးတဲ့ ဘိန်းမှိန်းမှိန်းပြီး ဗကသကို ပုံဖျက်နေတာဟာ တော်တော်ရယ်စရာကောင်းတဲ့ ကိစ္စပါ။

လက်ဝဲတွေမို့လို့ ဒီအစိုးရက ခြေမှုန်း တာဆိုပြီး အပုပ်ချတဲ့ ကိစ္စ
....................................................................................

ဒီအသံကတော့ စိတ်ပျက်စရာအကောင်းဆုံး အသံပါပဲ။ အကြမ်းဖက်မှုကို ကာကွယ်တဲ့၊ ဓမ္မကို ကျောခိုင်းတဲ့၊ အသိဥာဏ်မဲ့တဲ့ ကိစ္စပါ။ ဆိုပါစို့ ကျောင်းသားတွေက လက်ဝဲမို့လို့ ဒီအစိုးရက ချေမှုန်းတယ်ဆိုရင် ကျောင်းသားတွေက လက်ယာဖြစ်နေရင်ကော မချေမှုန်းဖူးတဲ့လား။ ပြောတဲ့သူတွေအနေနဲ့ သာမာန် စဉ်းစားတတ်တဲ့ ဦးဏှောက်ရှိရင်တောင် ဒီလို ပေါက်လွှတ်ပဲစားစကားကို ပြောမှာမဟုတ်ဘူးလို့ ကျနော် ယုံချင်ပါတယ်။ အင်တာနေရှင်နယ်သီချင်းမဆိုပဲ မေတ္တာသုတ်ရွတ်တဲ့ သံဃာတော်တွေကို လက်ပံတောင်းမှာ မီးလောင်ဗုံးနဲ့ ပစ်ခဲ့တဲ့ အစိုးရကို ရှေ့နေလိုက်ဖို့အတွက် ကိုယ့်ထမင်းကိုယ်စား လူစကားမဆိုတဲ့သူတွေကို သမိုင်းမှာ မှတ်တမ်းတင်ပေးပါလို့ ကျနော် ဒီနေရာကနေ တိုက်တွန်းလိုပါတယ်။

ဗကသဟာ ကျောင်းသားထုညီညွတ်ရေးကို အလိုမရှိဘူးဆိုတဲ့ အသံ
.....................................................................................

ဗကသအနေနဲ့သာ ကျောင်းသားထုညီညွတ်ရေးကို အလိုမရှိခဲ့ဘူးဆိုရင် ပထမလေးရက်သပိတ်မှာတင် ကျောင်းသားထုဟာ နှစ်ခြမ်းကွဲသွားလိမ့်မယ်။ ဗကသဦးဆောင်သူတွေအနေနဲ့ လေးရက်သပိတ်တုန်းက ကြွေးကြော်သံကိစ္စတွေ၊ ပိုစတာတွေကိစ္စတွေကအစ ဗကသရဲဘော်အငယ်တွေနဲ့ တခြားကျောင်းသား အဖွဲ့အစည်းတွေကြား ထိပ်တိုက်ရင်ဆိုင်မှုတွေဖြစ်ပွားခဲ့တာကို ကိုယ့်ရဲဘော်တွေဘက်တောင် သိပ်မလိုက်ပဲ တစ်ဘက်က ညီညွတ်ရေးပျက်မှာကို ထိန်းသိမ်းပေးခဲ့တာ ကျနော့် မျက်မြင်ပါပဲ။ မန္တလေးကနေ မြစ်သားအထိ ဗကသရဲဘော်တွေရဲ့ စိတ်ဆန္ဒကို ချိုးနှိမ်ခိုင်းပြီး သီချင်းတွေကအစ တစ်ဘက်က လူနည်းစုအလိုကျ ဖွင့်ခဲ့တာလည်း အဲဒီသူတွေ သက်သေရှိတယ်။ သူတို့ကိုယ်တိုင်သိတယ်။ နောက်ဆုံး ဗကသအနေနဲ့ မြေလတ်ရောက်ရင် မီးဒုတ်မီးဒုတ်ရှို့ ရှို့ ဆိုတဲ့ ကြွေးကြော်သံကို မဖြုတ်နိုင်ဘူး ပြီးတော့ ခရီးစဉ်တလျှောက် ကိုယ်နဲ့အတူ သေဖို့အထိပြင်ဆင်ထားတဲ့ သေဖေါ်ရှင်ဖက်ရဲဘော်တွေရဲ့  ထောင်မကြောက်သီချင်း A las barricade ကို မဆိုဖို့ မတားနိုင်တော့လို့သာ သူတို့နဲ့ လမ်းခွဲခဲ့တာ။ မန္တလေးက စထွက်လာထဲက ဗကသ ရဲဘော်အများစု တကသက ဆယ်ဂဏန်းသာပါတယ်။ ကိုယ့်လူအများစုဆိုပြီး ငါတို့လုပ်ချင်တာသာ လုပ်မယ်ဆိုရင် မန္တလေးကနေ မြစ်သားအထိကို တကသ ကျောင်းသားတွေ ပါလာမှာမဟုတ်ဘူး။ ညီညွတ်ရေးကို ဗကသခေါင်းဆောင်ပိုင်းက ထိန်းနိုင်သလောက်ထိန်းခဲ့တာ သိသာတယ်။ ကိုယ့်သေဖေါ်ရှင်ဖက်ရဲဘော်တွေရဲ့ ညိုညင်ခံရတဲ့ အထိ ထိန်းတယ်။ ဒါဟာ ဗကသသမိုင်းပဲလို့ ကျနော်နားလည်တယ်။ ဗကသအနေနဲ့ ကွဲပါတယ်ဆိုပြီးလည်း လူသိရှင်ကြားမကြေညာဖူးဘူး။ စစ်ကြောင်းကြီးသုံးကြောင်းပူးတွဲကြေညာချက်ဆိုတဲ့ ဟာမျိုးထုတ်ပြီး ငါတို့သာ ဒီမိုကရေစီပညာရေးအလံကို ကိုင်စွဲတယ်ဆိုပြီးလည်း မဏ္ဍပ်တိုင်မတက်ပြခဲ့ဘူး။ ငါတို့တော့ လွတ်ပါစေ သူတို့ကို ရိုက်ဆိုပြီး အဓိပ္ပါယ်ရတဲ့ စကားမျိုးအသံမျိုးကို ဗကသရဲဘော်တွေ မပြောခဲ့ဖူးဘူး။ ဒါကို သတင်းစာတွေသက်သေရှိတယ်။ Facebook စာမျက်နှာတွေ သက်သေရှိတယ်။ သန့်စင်တဲ့လိပ်ပြာနဲ့ ထောင်ထဲမှာ နစ်နာနေရတဲ့ဘဝတွေ သက်သေရှိတယ်။

အကျဉ်းချုပ်ပြောရရင် ဗကသခေါင်းဆောင်ပိုင်းအများစုဟာ ဒီနေ့မှာဆိုရင် မတရားဖမ်းဆီးခံထားရတယ်။ ကျန်တဲ့ ခေါင်းဆောင်ပိုင်းတွေကိုလည်း အတင်းအကျပ်လိုက်လံဖမ်းဆီးလို့ ပုန်းရှောင်ရင်း တိုက်ပွဲဝင်နေရတယ်။ ဖမ်းဆီးရာက လွှတ်ပေးလိုက်တဲ့သူတွေနောက်ကိုလည်း ထောက်လှမ်းရေးတွေ လိုက်နေတယ်။ ဒီလို အချိန်မျိုးမှာ ရန်ဖြစ်နေဖို့ထက် ကျနော်တို့ရဲဘော်တွေ လွတ်မြောက်ရေးအတွက်သာ ကျနော်တို့ တိုက်ပွဲဝင်လိုတယ်။ ဒါပေမယ့် ကျနော်တို့တွေ မတရားရိုက်နှက်ခံခဲ့ရတာ၊ ဖမ်းဆီးထောင်ချခံခဲ့ရတာတောင်မှ ကျနော်တို့မှားခဲ့လိုပါဆိုတဲ့ အချိုးမျိုးအော်ပြီး အစိုးရရဲ့မတရားမှုတွေကို အခမဲ့ကူလီထမ်းပေးနေတဲ့ ဗကသ နောက်ကြောဓါးနဲ့ထိုးသူတွေကြောင့်သာ ဗကသအဖွဲ့ဝင်တစ်ယောက်အနေနဲ့ ဒီစာကို ရေးလိုက်ရတာဖြစ်တယ်။ ဗကသဟာ ဒီနေ့အထိ ပြည်သူ့အကျိုးစီးပွားကနေ သွေဖယ်တဲ့လုပ်ဆောင်ချက်တစ်ခုကိုများ လုပ်မိပါသလား။ လုပ်မိတယ်ဆိုရင်ပြောပါ။ သေချာဝေဖန်ထောက်ပြပါ။ ကျနော်တို့ ဗကသအဖွဲ့ဝင်တွေအနေနဲ့ ပြင်ပါ့မယ်။ ဗကသက ပြည်သူ့အကျိုးကို ထမ်းရွက်နေတာကိုမှ ဗကသ ပြည်သူ့အကျိုးကို မထမ်းရွက်နိုင်အောင်၊ ပြည်သူ့အရေးမလုပ်နိုင်အောင် ဗကသကို ချောက်တွန်းမယ်၊ လက်သီးပုန်းထိုးနေတယ်ဆိုရင်တော့ ပြည်သူကိုပါ သစ္စာဖေါက်တာပါပဲဆိုတာ အားလုံးကိုသိစေချင်ပါတယ်။

မြတ်သူ