05/08/15


 မြန်မာအစိုးရရဲ့  ပြုပြင်ပြောင်းလဲရေး အစီအစဉ် အောင်မြင်ဖို့အတွက် စစ်ဗိုလ်တွေရဲ့  ထောက်ခံအားပေးမှု လိုတယ်လို့ ယူဆကြပါတယ်။ ဒီမိုကရေစီ ပြုပြင်ရေးနဲ့ အလှမ်းဝေးနေတဲ့ စစ်ဗိုလ်ဟာ လူ့အခွင့်အရေး၊ တရားဥပဒေ နဲ့ ဒီမိုကရေစီကို သဘောပေါက်လာရင် အသွင်ကူးပြောင်းရေးကို အထောက်အကူ ပြုနိုင်တယ်လို့ အင်္ဂလိပ်နဲ့ အမေရိကန်အစိုးရတွေက ယူဆပါတယ်။ ဒါကြောင့် ဗမာတပ်မတော်နဲ့ တိုက်ရိုက်ဆက်သွယ်ပြီး ပညာပေးသင်တန်းနဲ့ အလုပ်ရုံ ဆွေးနွေးပွဲတွေ လုပ်ပါတယ်။ ၂၀၁၃ မှာ ကျင်းပတဲ့ ထိုင်း-အမေရိကန် မြွေဟောက် စစ်ရေးလေ့ကျင့်ရေးကစပြီး မြန်မာစစ်ဗိုလ်တွေကို လေ့လာခွင့်ပြုပါတယ်။

အမေရိကန်အစိုးရရဲ့  အပြည်ပြည်ဆိုင်ရာ စစ်ပညာပေးအစီအစဉ်အရ (၁၉၈၈) ခုနှစ် မတိုင်မီ အမေရိကန်မှာ သင်တန်းတက်ခဲ့တဲ့ ဗမာစစ်ဗိုလ် (၂၀၀) နီးပါး ရှိပါတယ်။ ဒါပေမဲ့ အခုလုပ်တဲ့ အလုပ်ရုံ ဆွေးနွေးပွဲနဲ့ သင်တန်းတွေကတော့ လူ့အခွင့်အရေး နဲ့ စစ်ပွဲတွေမှာ လိုက်နာရမယ့် စည်းမျဉ်းဥပဒေတွေကို သင်ပေးတာ ဖြစ်ပါတယ်။ ဒါတွေကို နားလည်သဘောပေါက်လာရင် ဗမာစစ်ဗိုလ်တွေ စစ်မှုထမ်း ပီသလာလိမ့်မယ်လို့ အမေရိကန် နဲ့ အင်္ဂလိပ်က မျှော်လင့်ပါတယ်။ စစ်မှုထမ်း ပီသမှုဆိုတာ နိုင်ငံရေး ကင်းရှင်းမှု ဖြစ်တယ်လို့ အမေရိကန် နဲ့ အင်္ဂလိပ်က ယူဆပြီး ဗမာစစ်ဗိုလ်တွေကို သင်တန်းပေးနေတာ ဖြစ်ပါတယ်။

ဒါပေမဲ့ နှစ်ပေါင်းအစိတ်လောက် ဗမာစစ်ဗိုလ်တွေ ဆိုရှယ်လစ် သဘောတရား သင်တန်းတက်ခဲ့တာကို အမေရိကန် နဲ့ အင်္ဂလိပ် မေ့နေပုံ ရပါတယ်။ ဗိုလ်ချုပ်မှုးကြီးသန်းရွှေဟာ ဗိုလ်ကြီးဘဝမှာ ၁၉၆၃ ခုနှစ်ကနေ ၁၉၆၇ အထိ ဗဟိုနိုင်ငံရေးသိပ္ပံကျောင်းမှာ နည်းပြဆရာလုပ်ခဲ့ပြီး ဆိုရှယ်လစ်သဘောတရားကို ပို့ချခဲ့သူ ဖြစ်ပါတယ်။ ဗိုလ်ချုပ်ကြီးနေဝင်းရဲ့  တသွေးတသံတမိန့် စနစ်အတိုင်း ဆိုရှယ်လစ်လမ်းစဉ်ကို စစ်ဗိုလ်စစ်သားတွေ ယုံကြည်ခဲ့ကြပါတယ်။ ဗမာဘုရင်ဓလေ့နဲ့ စစ်တပ်စနစ် ပေါင်းစပ်လိုက်တဲ့အခါမှာ ဗမာစစ်သားတွေဟာ ခိုင်းသမျှ အကုန်လုပ်ပါတော့တယ်။ ဒါကြောင့် အလုပ်သမား၊ လယ်သမား အကျိုးသယ်ပိုးမယ်ဆိုတဲ့ ဆိုရှယ်လစ်စစ်ဗိုလ်တွေဟာ ၁၉၈၈ ခုနှစ်ကစပြီး အရင်းရှင်ကို ထောက်ခံအားပေးတဲ့ သူဌေးစစ်ဗိုလ်တွေ ဖြစ်လာပါတယ်။ စစ်ခေါင်းဆောင်ရဲ့  အလိုကျ စစ်တပ်က လိုက်လုပ်တာ ဖြစ်ပါတယ်။

တသွေးတသံတမိန့်ကိုသာ အဓိကထားတဲ့ စစ်အာဏာရှင်စနစ်ကို ဗိုလ်ချုပ်ကြီးနေဝင်းက (၂၅) နှစ်၊ ဗိုလ်ချုပ်မှုးကြီးသန်းရွှေက (၁၉) နှစ် စုစုပေါင်း (၄၄) နှစ် ကျင့်သုံးခဲ့ပြီးမှ နေပြည်တော်မှာ အရပ်သားတပိုင်း အစိုးရစနစ် ပေါ်ထွက်လာတာကို သတိပြုသင့်ပါတယ်။ ကွာခြားတာကတော့ စစ်တပ်နဲ့ အစိုးရဟာ ဗိုလ်နေဝင်းခေတ်မှာ ဆင်းရဲနေပြီး ဗိုလ်သန်းရွှေခေတ်မှာ ချမ်းသာလာတာပါ။ ဓါတ်ငွေ့နဲ့ အခြားသယံဇာတ ရောင်းစားလို့ ချမ်းသာလာတဲ့အခါ အာဏာရှင် ဗိုလ်ချုပ်မှုးကြီးသန်းရွှေဟာ ဗမာမင်းတို့ အစဉ်အလာအတိုင်း နေပြည်တော်ကို တည်ဆောက်ပါတယ်။ ဗိုလ်ချုပ်မှုးကြီးသန်းရွှေရဲ့  အမိန့်အရ ဗိုလ်ခင်ညွှန့် နဲ့ ဗိုလ်မောင်အေး ဦးစီးပြီး နေပြည်တော်ကို လျှို့ ဝှက်စွာ တည်ဆောက်ရတယ်လို့ မှော်ဝန်းသား ဦးခင်ညွှန့်ရဲ့  “ကြုံတွေ့ရတဲ့ ကျွန်တော်ဘဝ အထွေထွေ” ဆိုတဲ့ ကိုယ်ရေးအထ္တုပ္ပတ္တိစာအုပ်မှာ ဖော်ပြထားပါတယ်။

တိုင်းပြည်ဆင်းရဲနွမ်းပါးချိန်မှာ အာဏာရှင်အမိန့်နဲ့ တည်ဆောက်ခဲ့တဲ့ နေပြည်တော်ဟာ ဝန်ထုပ်ဝန်ပိုးကြီး ဖြစ်လာပါတယ်။ မြို့ တော်သစ်ဟာ အုပ်ချုပ်သူ လူတန်းစားရဲ့  လုံခြုံရေးအတွက်သာ ဖြစ်ပါတယ်။ ဘုရင်နန်းစိုက်ရာ မြို့ တော်ကို ဗဟိုပြုတဲ့ မြန်မာမင်း အုပ်ချုပ်ရေးပုံစံကို ဦးသန်းရွှေက ပြန်လည်ကျင့်သုံးနေတာ ဖြစ်ပါတယ်။ ရှေးမြန်မာတပ်ဟာ လခစားတဲ့ အဖွဲ့အစည်း မဟုတ်တဲ့အတွက် ကုန်ဘောင်ခေတ်တပ်မှုးတွေဟာ ပုဂ္ဂိလိက လုပ်ငန်းရှင်တွေလို ကိုယ့်နည်းကိုယ့်ဟန်နဲ့ တပ်သားစုဆောင်းပြီး ရပ်တည်ခဲ့ကြတာဟာ အခုခေတ် တပ်မှုးတွေနဲ့ ဆင်ပါတယ်။ ဗမာစစ်ဗိုလ်လောကမှာ ဆရာ-တပည့် ဆက်ဆံရေးနဲ့ အမိန့်နာခံရေးဟာ အဓိက ဖြစ်နေတာမို့ စစ်မှုထမ်း ပီသရေး၊ သဘောတရားရေးနဲ့ ယုံကြည်ချက်အတွက် နေရာမရှိပါဘူး။ ဒါကြောင့် မဆလခေတ်မှာ ပေးတဲ့သင်တန်းတွေအားလုံးဟာ နောက်ဆုံးမှာ အဟောသိကံ ဖြစ်ကုန်ပါတယ်။

မြန်မာပြည်မှာ စစ်တပ်က ဦးဆောင်ပြီး အသွင်ကူးပြောင်းနေတာမို့ ပြုပြင်ရေးစိတ်ဓါတ်ရှိတဲ့ စစ်ခေါင်းဆောင်တွေကို အမေရိကန်က ကူညီမယ်လို့ ဝါရှင်တန်အခြေစိုက် ပညာရှင် Stanley Weiss က ဆိုပါတယ်။ ဒါကြောင့် အရင်ကရှိခဲ့ဖူးတဲ့ စစ်သင်တန်းတွေ ပြန်ဖွင့်ပြီး ဗမာစစ်ဗိုလ်တွေကို သင်တန်းပေးရင် စိတ်ဓါတ်ပြောင်းလဲလာဖွယ် ရှိပါတယ်။ တချိန်က ဂျပန်တပ်ကို ထောက်ခံပြီးမှ ဆန့်ကျင်ခဲ့တဲ့ အစဉ်အလာရှိတာမို့ လက်ရှိ စစ်ဗိုလ်တွေဟာ မိမိဆန့်ကျင်ခဲ့တဲ့ ဒီမိုကရေစီကို ထောက်ခံလာနိုင်တယ်လို့ stanley Weiss က ဆိုပါတယ်။ သင်တန်းပေးရင် ဖြစ်တယ်ဆိုပြီး အလွယ်တကူ ပြောနေတာ ဖြစ်ပါတယ်။

အင်ဒိုနီးရှားနိုင်ငံမှာလည်း စစ်မှုထမ်း ပီသရေး၊ အပြည်ပြည်ဆိုင်ရာ လူ့အခွင့်အရေး နားလည်ရေး နဲ့ စစ်ဘက်အရပ်ဘက် ဆက်ဆံမှုကောင်းမွန်ရေးအတွက် စစ်ဗိုလ်တွေကို အမေရိကန်က သင်တန်းပေးပါတယ်။ အမေရိကန် စစ်တက္ကသိုလ်တွေမှာ ပညာသင်ကြားခဲ့ကြတဲ့ အင်ဒိုနီးရှား စစ်ဗိုလ် (၃) ထောင်ကျော် ရှိပါတယ်။ ဒါပေမဲ့ ၁၉၇၅ မှာ အင်ဒိုနီးရှားစစ်တပ်က အရှေ့ တီမော်ကို သိမ်းပိုက်တဲ့အခါ (၅) နှစ်အတွင်း အရပ်သား (၂) သိန်းကျော် သေဆုံးခဲ့ရပါတယ်။ လူဦးရေ သုံးပုံတပုံကို အစိုးရတပ်က သတ်ဖြတ်လိုက်တဲ့ သဘောပါ။ သင်တန်းပေးတာနဲ့ လက်တွေ့လုပ်ပုံ တခြားစီ ဖြစ်တာကို သက်သေပြတာ ဖြစ်ပါတယ်။

ဦးအောင်ခင်, ကျော်ကျော်သိန်း / ဗွီအိုအေ (မြန်မာပိုင်း)
http://burmese.voanews.com


 ရန်ကုန်တိုင်းဒေသကြီး ဒဂုံဆိပ်ကမ်းမြို့နယ် စက်မှုဇုန် ၂မှာရှိတဲ့ ရွှေစံကား အထည်ချုပ်စက်ရုံက အလုပ်သမားတွေ ကို သံလျင်မြို့နယ်၊ သီလ၀ါစက်မှုဇုန်က ရွှေစံကားစက်ရုံမှာ ပြောင်းရွှေ့လုပ်ကိုင်ဖို့ စက်ရုံပိုင်ရှင်က ကြေညာ ထားတဲ့အပေါ် အလုပ်သမား ၅၀၀ လောက်က ကန့်ကွက်ကြောင်း စက်ရုံရှေ့မှာ ဒီနေ့ဆန္ဒပြခဲ့ကြပါတယ်။

သီလ၀ါစက်မှုဇုန်အထိ သွားရောက်အလုပ်လုပ်ကိုင်ဖို့ ဝေးလွန်းတာကြောင့် မပြောင်းချင်တာဖြစ်တယ်လို့ ဆန္ဒပြအလုပ်သမား မမင်းမင်းစိုးက ပြောပါတယ်။

"ဒီမှာမိသားစုရော၊ ကလေးကျောင်းတွေရော၊ ယောက်ျားတွေရဲ့ အလုပ်တွေပါ အခြေချထိုင်ထားတာ ဆိုတော့လေ ဝေးလည်းဝေးတယ်ဆိုတော့ မလိုက်ချင်တော့ဘူး၊ ကျမတို့ကို မနက် ၆ နာရီ ဖယ်ရီနောက်ကျလို့ မလိုက်နိုင်ဘူးဆိုရင် ကျမတို့ကို သုံးသောင်း ရက်ဖြတ်တော့မှာ၊ နည်းနည်းဝေးတာမဟုတ်ဘူး၊ အဲ့နားမှာလိုင်း ကားလည်းမရှိဘူး၊ ဖယ်ရီပဲအကြိုအပို့လုပ်ပေးမှာ၊ ထမင်းထွက်စားချင်ရင်လည်း ဆိုင်တွေမရှိဘူး"

အဲဒီအလုပ်သမားတွေဟာ အလုပ်ရှင်ကိုယ်စားလှယ်တွေ အလုပ်သမားဖြန်ဖြေရေးရုံး တာဝန်ရှိသူတွေနဲ့ သုံးရက်ကြာ ညိနှိုင်းခဲ့ပေမယ့် အဆင်မပြေတဲ့အတွက် အခုလို ဆန္ဒပြကြတာဖြစ်တယ်လို့ သိရပါတယ်။

ရွှေစံကားစက်ရုံမှာ အလုပ်သမားတစ်ဦးဟာ အခြေခံလစာတစ်လကို ကျပ် ၁၈၀၀၀ ကနေ ၄၅၀၀၀ အထိ ရရှိကြပြီး တခြားခံစားခွင့်တွေပါ ထည့်တွက်မယ်ဆိုရင်တစ်လကို ကျပ် ၁၅၀၀၀၀ လောက်အထိ ရရှိကြပါတယ်။

သီလ၀ါစက်မှုဇုန်မှာရှိတဲ့ စက်ရုံထံ မပြောင်းရွှေ့လိုတဲ့ အလုပ်သမားတွေအနေနဲ့ လက်ရှိစက်ရုံမှာပဲ လုပ်ကိုင်မယ်ဆိုရင် တခြားခံစားခွင့်တွေမပေးဘဲ အခြေခံလစာသာ ပေးနိုင်မှာဖြစ်ကြောင်းလည်း အလုပ်ရှင်က ပြောထားတယ်လို့ သိရပါတယ်။

 RFA Burmese
http://www.rfa.org/burmese

ကျိုက်မရောမြို့နယ်တရားရုံးက ကိုပါကြီးအမှုအား ရိုးရိုးသေမှုသေခင်းဖြင့် အမှုဖွင့်စစ်ဆေးပြီး ရုံးချိန်း ၃ချိန်း တိုင်အောင် မသန္တာအား ဆင့်ခေါ်စာပေးပို့ခြင်းမရှိကြောင်း မသန္တာက The Ladies သို့ မေ၆ရက်ကပြောသည်။

မသန္တာက``ရုံးချိန်းက ၃ချိန်းရှိသွားပြီ မေ၁၁ရက်နေဆိုရင် စတုတ္ထအကြိမ်ဖြစ်သွားပြီ ကျိုက်မရောမြိုနယ် စခန်းမှူးက တရားလိုပြုပြီးတော့ ကျိုက်မရောမြို့နယ်တရားရုံးမှာ စွဲတာဖြစ် တယ်။ သေမှုသေခင်းအမှုဆိုပြီး တရားလိုပြုပြီး တိုင်ကြားထားတာလို့ သိရတယ်။ ၁၁ရက်နေသွားကမယ်။ ဒီအမှုကိုလည်း အစ်မဧပြီ ၃၀ရက်နေက သွားတော့မှ ဆင့်ခေါ်စာကို ရတာဖြစ်တယ်။ အစ်မ ကိုယ်တိုင်ယူလာတာ ဖြစ်တယ်။ ပထမရက် တွေထဲက ရုံးချိန်းတွေတုန်း က သမ္မာန်စာမပို့ဘူး ရုံးချိန်းတွေကို သိလည်းမသိဘူး´´ဟု ပြောသည်။

ကျိုက်မရောမြို့နယ်တွင် ယခုကဲ့သို့ သေမှုသေခင်းဖြင့် အမှုဖွင့်ကာ စစ်ဆေးနေခြင်း အား အဆိုပါမြို့နယ်မှ ဒေသခံ သတင်းထောက်တစ်ဦး အကြောင်းကြားသည့် အခါမှသာ သိရှိရခြင်း လိုက်သွားသည့် အခါတွင်လည်း သမ္မာန်စာအား မသန္တာ ကိုယ်တိုင် မရရှိသော်လည်းနှစ်ကြိမ်တိုင်တိုင်ပေးပြီးဖြစ်သည့် ဟုဆိုကြောင်း ယင်းက ဆက်လက်ပြောသည်။

အဆိုပါအမှုလိုက်ပေးမည့် ရှေ့နေဦးရောဘတ်စန်းအောင်က``ကိုပါကြီးအမှုက ဘယ်လိုလည်းဆိုရင် သမ္မာန်စာထုတ်တယ်ထုတ်ပြီးတော့ မသန္တာကို မလာလို့ ဆိုပြီးသူတိုဟာ သူတို့ စစ်နေတယ်။တကယ်တမ်း အမှန်မှန် မသန္တာက ၂၀၁၄ခုနှစ် အောက်တိုဘာ ၁၉ရက်မှာ ပထမဆုံး ဦးဆုံးလူပျောက်ဖွင့်တယ်။ အောက်တိုဘာ ၂၆ရက်နေ့ မှာ သေမှုသေခင်းဖွင့်တယ်။ပင်မ နစ်နာသူ မသန္တာကို စစ်မှ မီးရထားခေါင်းတွဲ လိုပဲ နောက်က ကွင်းဆက်တွေပါမှာဖြစ်တယ်။ အခုဟာက မသန္တာကို သူတိုက နည်းလမ်း တကျခေါ်ယူစစ်ဆေးမှုမရှိဘဲနဲ့ သေမှုသေခင်းကို ဒုရဲမှူးဦးတင်ဝင်းက စစ်တယ်´´ ဟု မေ၅ရက်က The Ladies သို့ ပြောသည်။

ကိုပါကြီး(ခ)ကိုအောင်ကျော်နိုင် အမှုသည် သာမန်ရိုးရိုးလူသေမှုဖြစ် သည့် သေမှုသေခင်း အမှုမျိုးမဟုတ်ဘဲ အသတ်ခံထားရသည့် အမှုဖြစ်ကြောင်း ယင်းအမှုအား စစ်ဆေးရန် သမ္မတဦးသိန်းစိန်မှ စုံစမ်းစစ်ဆေးရေးကော်မရှင်ဖွဲကာ စစ်ဆေးစေ ခဲ့သည့် အမှုဖြစ်ကြောင်း ယခုကဲ့သို့ ကာယကံရှင်အား အကြောင်းကြားခြင်း မရှိဘဲစစ်ဆေးခြင်းသည် တရားမျှတမှုမရှိကြောင်း ကာယကံရှင်မသန္တာက ပြောသည်။

မသန္တာက``ဒီအမှုကမတရားမှုဘဲဖြစ်တယ်။ မေ ၁၁ရက်နေ့ရုံးချိန်းသွားမယ်။ အဲ့ကျရင် ရှေ့နေလည်းပါရမယ်။အဲ့နေကျရင်သက်သေအဖြစ်စစ်ကမှာ အဲ့ဒီစစ်ဆေးတဲ့ အခြေအနေပေါ်မှုတည်ပြီး ဘယ်လိုဆက်လုပ်ရမလည်း ဆိုတာ ရှေ့နေနဲ့ တိုင်ပင်ပြီး ဆက်လုပ်ရမှာဖြစ်တယ်။အဲ့နေအဖြေပေါ်မူတည်ပြီး ရှေ့ဆက် ဘာလုပ်ရမလည်း ဆို ဆုံးဖြတ်ရမှာဖြစ်တယ်´´ဟု ရှေ့ဆက်လုပ်ဆောင်မည့် အခြေအနေများကို ပြောသည်။

ကိုပါကြီးသည် စက်တင်ဘာလ ၂၈ ရက်နေ့က ကျိုက်မရောမြို့နယ် အတွင်း ပျောက်ဆုံး သွားခဲ့ခြင်းဖြစ်ပြီး ယင်းနှင့်ပတ်သက်ပြီး ကျိုက်မရောမြို့မ ရဲစခန်းမှာ အောက်တိုဘာ ၁၉ ရက်နေ့က လူပျောက် မှုဖွင့်ခဲ့ကြောင်း ကိုပါကြီး အမှုအား စုံစမ်းစစ်ဆေးရေးအတွက် အမျိုးသားလူ့အခွင့်အရေးကော်မရှင် အနေဖြင် စစ်ဆေးပြီး သမ္မတ ဦးသိန်းစိန်ထံ တင်ပြရန် သမ္မတရုံးက ညွန်ကြားထားကြောင်း အောက်တိုဘာ ၃၁ရက်နေ့စွဲ အစိုးရသတင်းစာများတွင်ဖော်ပြပါရှိခဲ့သည်။

ကိုပါကြီး သေဆုံးရမှုအတွက် အမှုမှန် ပေါ်ပေါက်ရန် လူ့အခွင့်အရေး ကော်မရှင်က စစ်ခုံရုံး ဥက္ကဋ္ဌ၊ ပြည်နယ်ဝန်ကြီး၊ ဗိုလ်မှူးကြီး၊ ဒု ဗိုလ်မှူးကြီးများ အပါအ၀င် စုစုပေါင်း ၄၅ ဦးကျော်ကို စစ်ဆေးခဲကြောင်းသိရသည်။

ယင်းနောက် နိုဝင်ဘာလ ပထမပတ်အတွင်း မွန်ပြည်နယ် ကျိုက်မရောမြို့နယ် ရွှေဝါချောင်ကျေးရွာတွင် မြှုပ်နှံထားသော ကိုပါကြီး အလောင်းကို ပြန်လည် တူးဖော်စစ်ဆေးအပြီး သေနတ် ကျည်ဆန် ဒဏ်ရာ ၅ ချက်တွေ့ရှိ ရသည်ဟု စစ်ဆေးရာတွင် ပါဝင်ခဲ့သည့် ဆရာဝန်များက ပြောကြားထားပြီး ကျည် ဆန် ဒဏ်ရာ တချက်မှာ မေးစေ့အောက်မှ ဦးခေါင်းသို့ ဖောက်ထွက်သည့် ဒဏ်ရာမျိုး ဖြစ်ကြောင်း သတင်းများတွင်ဖော်ပြချက်အရ သိရသည်။

ကိုပါကြီးအလောင်းကို နိုဝင်ဘာ ၅ ရက်က ပြန်လည် တူးဖော်ခဲ့ပြီး မော်လမြိုင် ဆေးရုံတွင် စစ်ဆေး၍ မိသားစု၏ ဆန္ဒအရ ရန်ကုန် သို့ ပြန်သယ်လာပြီး ရေဝေးသုသာန်တွင် နိုဝင်ဘာ ၇ ရက်က ဂူသွင်း သင်္ဂြိုဟ်ခဲ့သည်။ကိုပါကြီး သေဆုံးမူနှင့် ပတ်သက်ပြီး မွန်ပြည်နယ် ကျိုက်မရောမြို.နယ် ရဲစခန်းက သေမှုသေခင်း အမှတ် (ပ) ၁၁/၂၀၁၄ ဖြင့် ယခု အချိန်အထိ အမူဖွင့်ထားဆဲ ဖြစ်ကြောင်း သိရသည်။

တပ်မတော်ဘက်က အောက်တိုဘာ ၂၃ ရက်က ထုတ်ပြန်ချက်တွင် ကိုပါကြီးသည် စက်တင်ဘာ ၃၀ ရက်က အစောင့်စစ်သား၏ သေနတ်ကို လုယူထွက်ပြေးရန် ကြိုးစားသောကြောင့် ပစ်ခတ် ဖမ်းဆီးရခြင်း ဖြစ်ကြောင်း ဖော်ခဲ့သည်။

သတင်းထောက် - စိုင်းဟန်
The Ladies News Journal


ချင်းမိုင်၊ မေ ၇။ ။ ကချင်ပြည်နယ် ဗန်းမော်ခရိုင် မန်စီမြို့နယ် နမ်လင်းပါ ကျေးရွာအနီး အစိုးရ စစ်တပ်က တိုက်လေယာဉ် နှစ်စီးဖြင့် ဗုံးကြဲတိုက်ခိုက်ခဲ့ပြီး လက်ရှိ တိုက်ပွဲများ ဆက်လက် ဖြစ်ပွားနေသည်ဟု KIA တပ်ရင်း ၁၂ တပ်ရင်းမှူး ဗိုလ်မှူး ဂျွန်းအောင်က မဇ္ဈိမကို ပြောသည်။

“ဒီနေ့ နေ့လယ် ၁ နာရီ ၂ နာရီကြားမှာ တိုက်လေယာဉ် ၂ စီးနဲ့ ဗုံးတွေ လာကြဲသွားတယ်။ နာရီဝက်လောက် လာကြဲသွားတယ်။ ဗုံး ဘယ်နှစ်လုံးလဲ ဆိုတာ မရေတွက်နိုင်တော့ဘူး။ အခုလည်း ကျနော်တို့ဘက်က ပစ်ဖို့ ပြင်ဆင်နေပြီ”ဟု ဗိုလ်မှူး ဂျွန်းအောင်က ပြောသည်။

KIA တပ်မဟာ ၃ လက်အောက်ခံ တပ်ရင်း ၁၂ နယ်မြေအတွင်း မန်စီမြို့နယ် နမ့်လင်းပါ ကျေးရွာအနီး ကချင်လွတ်လပ်ရေးတပ်မတော် (KIA) နှင့် အစိုးရ စစ်တပ်တို့ မေလ ၇ ရက် နံနက် ၅ နာရီချိန် မှစတင်၍ မြေပြင်တိုက်ပွဲ ဖြစ်ပွားနေရာမှ မွန်းလွဲပိုင်း ၁ နာရီချိန်တွင် အစိုးရ တပ်မတော်က တိုက်လေယာဉ်နှစ် စီးဖြင့် လာရောက်တိုက်ခိုက်ခဲ့ခြင်း ဖြစ်သည်ဟု ဆိုသည်။

ကချင်ပြည်နယ် ဒုတိယ ပြည်နယ်ရဲတပ်ဖွဲ့မှူး ရဲမှူးကြီး ချစ်ဦး "မန်စီရဲ့ အနောက်တောင်ဘက် ၃၁ မိုင်ဝေးတယ်။ အစိုးရဘက် တပ်ရင်း ၁၄၂ နဲ့ ဟိုဘက် တပ်ရင်း ၁၂ နဲ့ပါ။ ၁၁ နာရီလောက်ကနေ ၁၁ နာရီ ၁၅ လောက်ထိ ဖြစ်ကြတယ်တဲ့။ တိုက်ပွဲက ပြင်းထန်လား ဆိုတော့ ၁၅မိနစ်လောက်ဆိုတော့ ...။ ဒီဘက် က တပ်ရင်းမှူး စစ်ကြောင်းလို့ ပြောတယ်။ အသေအပျောက်တော့ မရှိဘူး ပြောတယ်။ စိစစ်နေတုန်းပဲ"ဟု မဇ္ဈိမကို ပြောသည်။

လက်ရှိ သတင်းရေးသားချိန် ညနေ ၅ နာရီခွဲချိန်ထိ တိုက်ပွဲ ဆက်လက်၍ ပြင်းပြင်းထန်ထန် ဖြစ်ပွားနေသည်ဟု ဗိုလ်မှူး ဂျွန်းအောင်က ပြောသည်။ မေလ ၆ ရက်က KIA တပ်ရင်း ၁၂ ရှိရာသို့ အစိုးရ တပ်မတော် တပ်ရင်း ၃ ရင်းက ဝင်ရောက်လာသဖြင့် တိုက်ပွဲ စတင်ဖြစ်ပွားခဲ့ရာ မေ ၇ ရက်တွင်လည်း တပ်ရင်း ၂ ရင်းခန့် ထပ်မံ အားဖြည့်မှုများ ရှိနေသဖြင့် တိုက်ပွဲ ဆက်လက် ပြင်းထန်မည့် အခြေအနေ ဖြစ်နေသည်ဟု ၎င်းက ဆိုသည်။

မဇ္ဈိမ
https://www.facebook.com/MizzimaDaily?fref=ts

ဓာတ်ပုံတစ်ခုဟူသည် သမိုင်းဖြစ်သည်။ အထူးသဖြင့် ထိုသမိုင်းသည် သံမဏိအမျိုးသမီးဟု ကမ္ဘာကအမည် နာမတပ် ရသည်အထိ လေးစားကြသော မြန်မာ့ဒီမိုကရေစီ အရေးအတွက် ဘဝကို ပေးဆပ်မြှုပ်နှံထားခဲ့သည့် လူထုခေါင်းဆောင် ဒေါ်အောင်ဆန်းစုကြည်၏ ရှေ့တန်းရောက်ခွင့်မရသော မိသားစုသမိုင်း။

၁၉၈၇ ခုနှစ် ဇန်နဝါရီလ ၁ဝ ရက်၊ စနေနေ့က မိဘနှစ်ပါးစုံညီစွာ ဖြင့် သားနှစ်ဦးကို ရှင်ပြုအလှူတော်မင်္ဂလာ ကျင်းပခွင့်ရခဲ့သည့် မှတ်တမ်းဓာတ်ပုံ။

အသံမဲ့ စကားလုံးများက ခံစားတတ်သူတိုင်း၏
နှလုံးသားကို ခပ်ပြင်းပြင်းခေါက်လိုက်သလိုပင်ဖြစ်သည်။

ထိုပုံကို အင်တာနက်ဖေ့စ်ဘွတ်တွင် တင်ခဲ့သူက မစီစီရိုဇာ။ သူက ထိုပုံကို ကျော်ကြားမှုနှင့် အကျိုးမျှော်လင့်ချက် တစ်စုံ တစ်ရာအတွက် တင်ခဲ့ခြင်း မဟုတ်။

ထိုပုံ တင်ဖြစ် ခဲ့ခြင်း တွင် အဓိပ္ပာယ်များစွာ ရှိပြီး ထိုဓာတ်ပုံတွင်လည်း ပြန် လည်တူးဆွစရာသမိုင်းနှင့် ခံစားချက်များစွာရှိပါသည်။

”မေမေစု အကြောင်း ဆိုရင် သူ အကျယ်ချုပ်တုန်း က ဆင်းရဲဒုက္ခခံခဲ့ရတာတွေ ပဲ လူတွေက ပြောကြတယ်။ မိသားစုလည်း ဥကွဲ သိုက် ပျက် ဒုက္ခရောက်ခဲ့ရတယ်။ မိသား စုဆိုတာက ပင်လယ် သမုဒ္ဒရာတွေခြားနေရတယ်။ ဒီမှာကျတော့လည်း ယောက်ျားလည်းမရှိ၊ သားတွေလည်းမရှိ၊ အဖေလည်းမရှိ အမေလည်းမရှိနဲ့ မြန်မာပြည်သူ သန်း ၆ဝ အတွက်ပဲ သူနေခဲ့တာပါ။ တကယ်တော့ ဒီပုံတင်တာဟာ ဗိုလ် ချုပ်မို့ မဟုတ်ဘူး၊ ဒေါ်အောင်ဆန်းစုကြည်မို့လို့ မဟုတ်ဘဲ၊ အဲဒါ တွေ ကြားချပြီး လူသားဆန်ဆန်နှလုံးသားတွေကို ပြချင်တာပါ” ဟု မစီစီက သူပုံတင်ဖြစ်ခြင်း၏ ခံစားချက်ကို ပြောသည်။

သူ့ခံစားချက်က ပြောစရာများသည်။ တကယ်တော့လည်း အမှန်တရားဖြစ်ပါသည်။ ဒေါ်စု၏ ခင်ပွန်းဖြစ်သူက ကင်ဆာ ရောဂါဖြစ်ပွားချိန်တွင် ကျန်းမာရေးအကြောင်းပြ ချက်ဖြင့် ပြည်ဝင် ခွင့်မရခဲ့ချိန်တွင်တော့ စိတ်ဂျုံးဂျုံးကျကာ ကွယ်လွန်ခဲ့ခြင်း ဖြစ် သည်။

ထို့ပြင် ထိုဓာတ်ပုံတွင် ဒေါ်စုက သားဖြစ်သူကို ငေးကြည့်နေ သည့် မျက်ဝန်းများကိုလည်း မစီစီက”ပုံထဲမှာ သားကိုပဲ ကြည့်နေ တာ။ သားကို ဘယ်လောက်ချစ်လဲ ဆိုတာ ပေါ်လွင်နေတာပဲ”ဟု သူ့ခံစားချက်ကို ပြောသည်။

တကယ်တမ်း မစီစီသာမက ဖတ်ဖူးသည့်လူသားတိုင်း စိတ်မကောင်းဖြစ်ရသည်က Noriko Otsu ၏ Letter for Aung San Su Kyi (မသီတာ-စမ်းချောင်းဘာ သာပြန်) ‘ဒေါ်အောင် ဆန်းစုကြည်အတွက် စာတစ်စောင်’စာအုပ်ထဲမှ ဒေါ်စုက ခင်ပွန်း ဖြစ်သူကို နောက်ဆုံးပြောခဲ့သည့်စကား ဖြစ်သည်။

”အဲဒီစာကိုဖတ်ရတာ စိတ်ထိခိုက်ရတယ်။ အဲဒီမှာရေးတာက ”မိုက်..မင်းနဲ့ငါနဲ့အချစ်ကို ဘယ်သူမှ ရွေ့လျားလို့ မရနိုင်ပါဘူး တဲ့”ဟု မစီစီက သူ့ခံစားဖြင့် မျှဝေပြောပြ သည်။

သူကပင်ဆက်၍ ”ဒီစာအုပ်က မြန်မာပြည်သားတိုင်း လူတိုင်းဖတ်သင့်တဲ့စာအုပ်ပါ။ ဒီစာအုပ်ကို ဖတ်ရင် နှလုံးသားရှိတဲ့သူငိုမှာပဲ။ မငိုတဲ့သူဟာ နှလုံးသားမရှိတဲ့ သူဖြစ်မှာပါ”ဟုလည်း လှိုက်လှဲစွာဆိုခဲ့သည်။

ထိုဓာတ်ပုံတွင် ခင်ပွန်းဖြစ်သူ မိုက်ကယ်က ဇနီးနှင့် သား များကိုချစ်မြတ်နိုးကာ ဗုဒ္ဓဘာသာထုံးတမ်းစဉ်လာအတိုင်း သံဃာ တော်တွေကို ရှိခိုးကန်တော့ခဲ့သည်ကို လည်း မြင်နိုင်ပြီး ထိုဓာတ် ပုံကို ဒေါ်စု အကျယ်ချုပ်မှ လွတ်မြောက်စဉ်က မစီစီကိုယ်တိုင် ဒေါ်စုထံပေးခဲ့ဖူးပြီး ထိုမှတ်တမ်းများ အယ်လ်ဘမ်နှင့် ရှိသည်ဟု လည်း ပြောခဲ့ သည်ဟု မစီစီက သမိုင်းကို ဖြည့်စွက်ခဲ့သည်။

တကယ်တော့ ဒေါ်အောင် ဆန်းစုကြည်သည်လည်း လူ သားတစ်ဦးပင်ဖြစ်ရာ မြန်မာ ပြည်သူများအတွက် ကြံ့ကြံ့ခံရပ်တည်ရင်ဆိုင်နေသော်လည်း သူ၏နှလုံးသားထဲ လူသားဆန်သော အလွမ်း၊ ဆုံးရှုံးမှုနှင့် မျိုသိပ်ခံစားရခြင်းများလည်း ရှိနိုင်ပေရာ ထိုဓာတ်ပုံကအမှတ်မထင်လှပ်ပြနိုင်ခဲ့ခြင်းပင် ဖြစ်သည်။

Popular Myanmar


ရွှေပြည်သာစက်မူဇုန် Ford Glory နဲ့ Costec အထည်ချုပ်စက်ရုံတွေက ဆန္ဒပြအလုပ်သမားတွေကို ကူညီသူ ကိုစိုင်း (ခေါ်) ကိုကျော်ဇောလင်းက မေ ၇ ရက်နေ့ ၆ ကြိမ်မြောက်ရုံးချိန်းမှာ အကျဉ်းထောင်ဟာ ကြောက်စရာမကောင်းဘဲ စစ်ကျွန်စနစ်ကသာ ကြောက်စရာကောင်းတယ်လို့ ပြောလိုက်ပါတယ်။

အာမခံလွှတ်ပေးထားတဲ့ ဆန္ဒပြအလုပ်သမား ၁၃ ယောက်နဲ့အတူ အင်းစိန်တရားရုံးမှာ ရုံးထုတ်ခံရ တဲ့ကိုစိုင်းက အလုပ်သမားတွေကို ထောင်ထဲထည့်နေရုံနဲ့ ဒီနိုင်ငံမှာတရားမျှတတဲ့ အစိုးရဖြစ်လာမှာ မဟုတ်သလို အကျဉ်းထောင်တွေထက် စစ်အုပ်ချုပ်ရေးစနစ်ကသာ ကြောက်စရာပိုကောင်းတယ်လို့ ဆိုပါတယ်။

အင်းစိန်ထောင်မှာဖမ်းဆီးထိန်းသိမ်းခံထားရတဲ့ အလုပ်သမားရေးကူညီသူကိုစိုင်းနဲ့အတူ အာမခံလွှတ်ထားတဲ့ အလုပ်သမား ၁၃ ယောက်ကို မေ ၇ ရက်နေ့ ၆ ကြိမ်မြောက်ရုံးချိန်းမှာလည်း ရုံးပြောင်းလျှောက်ထား တာကြောင့် စစ်ဆေးခြင်းမရှိခဲ့ဘဲ မေ ၂၁ ရက်နေ့ကို ထပ်မံရုံးချိန်းပေးခဲ့ပါတယ်။

ဒီနေ့ရုံးပြောင်းဖို့အတွက် စာရွက်စာတမ်းတွေ အလုပ်သမားတွေကို ပေးလိုက်ပြီး မေ ၁၂ ရက်နေ့ ရန်ကုန်တိုင်းတရားရုံးမှာ သွားရောက်ကြားနာဖို့ လျှောက်လွှဲချက်တွေကို ကိုယ်တိုင်သွားတင်ရမှာဖြစ်တယ်လို့ တရားစွဲဆိုခံရသူအလုပ်သမား မယမင်းကပြောပါတယ်။ ရုံးပြောင်းဖို့အတွက် ရန်ကင်းတရားရုံးလို့ကြားနေရပြီး လောလောဆယ်မှာ အလုပ်လက်မဲ့ဖြစ်နေတာကြောင့် စားစရိတ်၊ လမ်းစရိတ် အခက်အခဲတွေရှိနေတယ်လို့ ဆိုပါတယ်။

အလုပ်သမားတွေ အဘက်ဘက်ကနစ်နာခဲ့ရတာတွေကို သမ္မတရုံး၊ ပြည်သူ့လွှတ်တော်၊ အမျိုးသားလွှတ်တော်အပြင် သက်ဆိုင်ရာရုံးတွေကို မေလ ၈ ရက်နေ့မှာ သွားတင်ဖို့ရှိတယ်လို့ ပြောပါတယ်။ ကိုစိုင်းနဲ့အလုပ်သမား ၁၃ ယောက်ကို ရွှေပြည်သာတရားရုံးမှာ ပုဒ်မ ၁၈၊ အင်းစိန်တရားရုံးမှာတော့ အလုပ်သမား ၁၃ ယောက်ကိုပုဒ်မ ၁၈၊ ၁၄၇ နဲ့ ကိုစိုင်းကိုတော့ ပုဒ်မ ၁၈၊ ၁၄၇၊ ၅၀၅ (ခ)နဲ့ တရားစွဲဆိုထား တာဖြစ်ပါတယ်။
ရန်ကင်း၊ တောင်ဥက္ကလာပဘက် ရုံးပြောင်းဖြစ်ခဲ့ရင်တော့ ယဉ်ပိတ်ဆို့မှုတွေ၊ စားစရိတ်တွေကြောင့် အလုပ်သမားတွေအတွက် အခက်အခဲရှိသလို တရားစီရင်ရေးမှာလည်း နှောင့်နှေးမှုတွေရှိနိုင်တာမို့ ပြောင်းဖြစ်ခဲ့ရင်တောင် မြောက်ပိုင်းခရိုင်တရားရုံးတစ်ခုကို ပြောင်းတာပိုကောင်းမယ်လို့ တရားလွှတ်တော်ရှေ့နေဦးနေလင်းအောင်က မှတ်ချက်ပေးခဲ့ပါတယ်။

Kamayut Media

ဒီဇင်ဘာ ၃၀ သတင်းစာရှင်းလင်းပွဲမှာ ဒေါ်အောင်ဆန်းစုကြည်က ၂၀၁၅ ရွေးကောက်ပွဲမှာ NLD ဝင်မယ် မဝင်ဘူးကို ယတိပြတ်မပြောသေးပါ။ ၂၀၁၄ အစိုးရရဲ့ လုပ်ဆောင်မှုများကိုလည်း အကောင်းဘက်မှာ ပြစရာမရှိတဲ့အကြောင်းကိုလည်း ပြောသွားပါတယ်။ အဲဒီနောက်ပိုင်း ဧပြီလထဲမှာ Reuters သတင်းဌာနနဲ့ အင်တာဗျူးမှာ ရွေးကောက်ပွဲရွှေ့နိုင်တယ်၊ ရွေးကောက်ပွဲကို သပိတ်မှောက်ခြင်းဟာ ရွေးစရာနည်းလမ်းတစ်ခုဖြစ်တယ်ဆိုပြီးပြောခဲ့တာအပြင် ဧပြီ ၆ မှာ ကနေဒါက The Global and Mail သတင်းစာနှင့်တွေ့တော့ ၂၀၁၅ ရွေးကောက်ပွဲမှာ NLD နိုင်ခဲ့ရင် စစ်တပ်ကအသိအမှတ်မပြုမှာကို လူထုကစိုးရိမ်နေတယ်လို့ပြောခဲ့တယ်။ အဲဒီမတိုင်ခင်မှာ သမ္မတကိုယ်တိုင်ကငြိမ်းချမ်းရေးလုပ်ငန်းစဉ်က ရွေးကောက်ပွဲထက်အရေးကြီးတယ်လို့ ပြောထားခဲ့ပြီးဖြစ်တယ်။

ဒီဇင်ဘာ ၃၁ မှာတော့ ကော်မရှင်က အောက်တိုဘာနောက်ဆုံးပတ်နဲ့ နိုဝင်ဘာပထမပတ်အတွင်း ရွေးကောက်ပွဲလုပ်မယ်ပြောလာသလို၊ သမ္မတရဲ့ လစဉ် မိဘပြည်သူများခင်ဗျားမှာတော့ ဒီမိုကရေစီအခြေတည် ခိုင်မာရေးနဲ့ အသွင်ကူးပြောင်းရေး အောင်မြင်ရေးတို့အတွက် အင်အားစုအားလုံး အချင်းချင်းနားလည်မှု၊ ယုံကြည်မှု၊ စိတ်ရှည်သီးခံမှုများအခြေခံပြီး ပူးပေါင်းဆောင်ရွက်ရန်ဆိုပြီး တိုက်တွန်းခဲ့သလို အရပ်ဘက်လူ့အဖွဲ့အစည်းများ၊ နိုင်ငံရေးတက်ကြွလှုပ်ရှားသူများအပါအဝင် ၅၁.၄ သန်းသော ပြည်သူတစ်ဦးချင်းရဲ့ ပူးပေါင်းပါဝင်မှုလိုအပ်ကြောင်းပြောခဲ့တယ်။ ဆက်ပြီး လွတ်လပ်ရေးရပြီးနောက်ပိုင်း ရွေးကောက်ပွဲတွေမှာ အဓိကကျတဲ့နိုင်ငံရေးအင်အားစုတစ်ရပ်၏ ဆန့်ကျင်မှု၊ မပါဝင်မှု အမြဲတစေကြုံတွေ့ခဲ့ရပြီး နိုင်ငံရေးအင်အားစုအားလုံးပါဝင်တဲ့ အခြေအနေကိုမဖန်တီးနိုင်ခဲ့ကြောင်း၊ ဒါကြောင့် အားလုံးပါဝင်နိုင်မယ့်ရွေးကောက်ပွဲကို ၂၀၁၅ ခုနှစ်မှာ ပထမဆုံးအကြိမ်ကျင်းပနိုင်မယ်လို့ဆိုပါတယ်။

ဒီနေရာမှာ မသိချင်ယောင်ဆောင်ပြောတာလား၊ သိသိကြီးနဲ့(လိမ်တယ်လို့တော့မပြောလိုပါ) ပြောနေတာလား မသိရတဲ့အကြောင်းနှစ်ခုတွေ့နေရပါတယ်။

ပထမအကြောင်းက နိုင်ငံလူဦးရေ ၅၁.၄ သန်းပါ။ အဲဒီစာရင်းကအတည်ဖြစ်ပြီလား။ အဲဒါဆိုရင် နာဂစ်ဖွဲ့စည်းပုံအတည်ပြုတုန်းက လူဦးရေစာရင်းကိန်းဂဏန်းတွေနဲ့ပတ်သက်လို့ အစိုးရနဲ့ အဲဒီအချိန်က ဆန္ဒခံယူပွဲကော်မရှင်အနေနဲ့က တစ်စုံတစ်ရာရှင်းလင်းဖို့ လိုအပ်လာပြီဖြစ်ပါတယ်။ ဘာကြောင့်လည်းဆိုတော့ တာဝန်ရှိသူတွေဟာ ၂၀၀၈ က လူဦးရေ ၅၇၃၇၀၇၁၃၊ ၁၈ နှစ်ပြည့်ပြီး မဲပေးနိုင်သူ ၂၇၂၈၈၈၂၇၊ ထောက်ခံသူ ၂၄၇၆၄၁၂၄၊ နာဂစ်ဖွဲ့စည်းပုံထောက်ခံမှု ၉၂.၄၈% ဆိုပြီး တစ်ချိန်လုံးပြောခဲ့ရာက (အဲဒီအထဲ ကာချုပ်လည်းပါ) ခုကျတော့ အရင်ကိန်းဂဏန်းတွေ ဘယ်ပျောက်မှန်းမသိ။ အဲဒါကို တာဝန်ယူမယ့်သူလည်းမရှိ။ ဒါပေမယ့် ခုလုပ်မယ့် ၂၀၁၅ ရွေးကောက်ပွဲအတွက် မဲစာရင်းတွေလုပ်တဲ့အခါ ၂၀၁၄ သန်းခေါင်စာရင်းအရ လူဦးရေကိုအခြေပြုမှာမဟုတ်ဘူးဆိုပြီး ကော်မရှင်ကကြေညာပြန်ပါတယ်။ ဒါဆို နာဂစ်ကိန်းဂဏန်းကိုပဲ ဆက်ပြီးအတည်ပြုဦးမှာလားမသိ။ ရပ်ကွက်အုပ်ချုပ်ရေးမှုးနဲ့ လဝကမှာရှိတဲ့ ၆၆/၆ အရလူဦးရေအတိုင်းပဲလို့ဆိုပြန်ပါတယ်။ သန်းခေါင်စာရင်းကိုလည်း လဝကကကောက်ခံခဲ့တာပဲမဟုတ်လား။ သေဆုံးသူများကို စာရင်းထဲကမဖျက်တာတွေ အိမ်ထောင်စုဇယားအပြောင်းအရွှေ့မှာ နှစ်မြို့နယ်ထပ်ပါနေတာတွေ၊ ဆိုလိုချင်တာက ဖောင်းပွနေတဲ့စာရင်းများလို့ပြောချင်တာ။ ဒါကအကင်းလေးပဲရှိပါသေးတယ်။ အဲဒီစာရင်းမျိုးတွေနဲ့ ၂၀၀၈ ဆန္ဒခံယူပွဲနဲ့ ၂၀၁၀ ရွေးကောက်ပွဲတွေကိုလုပ်ခဲ့ရာမှာ မဟားဒယားထောက်ခံမဲတွေ စုပြုံတက်လာခဲ့တာဖြစ်တယ်။ ခုလည်း ဒီစာရင်းကိုပဲအခြေပြုမယ်ဆိုတော့။ သမ္မတကြီးကိုးကားတဲ့ ၅၁.၄ သန်းထက်ပိုလာနိုင်ပါတယ်။ ဒါကြောင့် ၂၀၁၅ ရွေးကောက်ပွဲကို လူတွေက မယုံနိုင်ဘူး၊ စိတ်မချနိုင်ဘူးလို့ပြောနေကြတာဖြစ်ပါတယ်။

ဒုတိယအကြောင်းက နိုင်ငံရေးအင်အားစုအားလုံး ၂၀၁၅ ရွေးကောက်ပွဲမှာပါစေချင်ပါတယ်ဆိုတာပါ။ ရွေးကောက်ပွဲဆိုတာ မသေချာတဲ့အကြောင်းပဲလို့ ကော်မရှင်ဥက္ကဋ္ဌရဲ့ မကြာခဏပြောင်းလဲတက်သောစကားတွေအရ သိနေရပါတယ်။ ဒီကြားထဲ တိုင်းပြည်မတည်ငြိမ်ရင် စစ်တပ်ကအာဏာပြန်သိမ်းမှာဆိုပြီး ကြော်ငြာဝင်ထိုးနေလို့ ခုလို ခန့်မှန်းရက်ကိုပြောတာတောင် မယုံနိုင်သေးပါ။ ဒီကြားထဲ သမ္မတက ခုလိုပြောလိုက်ပြန်တော့ ပိုစဉ်းစားလာရပါတယ်။ နိုင်ငံရေးပါတီတွေက ရွေးကောက်ပွဲကို လွတ်လပ်ပြီးတရားမျှတစေဖို့တောင်းဆိုကြတာပါ။ ဆက်ပြောရင် ရွေးကောက်ပွဲမတိုင်ခင်မှာ ရွေးကောက်ပွဲလုပ်နေစဉ်နဲ့ ရွေးကောက်ပွဲအပြီး အနိုင်အရှုံးကြေညာချိန်အထိ တစ်လျှောက်လုံး လွတ်လပ်ပြီးတရားမျှတဖို့ တောင်းဆိုတာဖြစ်ပါတယ်။ တစ်ခြားနိုင်ငံရေးအင်အားစုတွေဖြစ်တဲ့ တိုင်းရင်းသားလက်နက်ကိုင်တွေကိုပါ ရည်ညွှန်းတယ်ဆိုရင်တော့ အခြေအနေက ပိုကျယ်ပြန့်လာမှာဖြစ်ပါတယ်။ ခုပြောခဲ့တာတွေအပြင် နာဂစ်ဖွဲ့စည်းပုံကိုပါပြင်ပေးပြီးမှ ဖြစ်ပါလိမ့်မယ်။ ဒါတွေဟာ မသိချင်ယောင်ဆောင်ပြီး ကျော်သွားရမယ့်ကဏ္ဍတွေမဟုတ်ပါ။ ပြီးတော့ လွယ်လွယ်ပြောရမယ့်စကားတွေလည်းမဟုတ်ပါ။ ဒါကြောင့်သမ္မတအနေနဲ့ ကိုယ်ပြောတဲ့စကားတွေအပေါ် တာဝန်ယူမှု တာဝန်ခံမှု ဘယ်လောက်ထိရှိမလဲဆိုတာ ပြည်သူတွေက စောင့်ကြည့်နေကြတာဖြစ်ပါတယ်။ ပေးနေကျကတိများနဲ့တော့ အလုပ်မဖြစ်တော့ပါ။

၂၀၁၅ ရွေးကောက်ပွဲမှာ အားလုံးပါဝင်ရေးဆိုရာမှာ အားလုံးပါဝင်နိုင်အောင် ရွေးကောက်ပွဲဟာ လွတ်လပ်ရုံသာမက အားလုံးပါဝင်ယှဉ်ပြိုင်နိုင်အောင် ဥပဒေအရကန့်သက်ချက်တွေကို ပယ်ဖျက်ပေးဖို့ကလည်းလိုမှာဖြစ်ပါတယ်။ ပါးစပ်ကနေပေးတဲ့ကတိစကားများက ဘာမှသုံးစားမရပါ။ ပုဒ်မ ၅၉(စ)ကိုမဖျက်ဘဲနဲ့အားလုံးပါဝင်ရေးတို့၊တရားမျှတရေးတို့ဆိုတာဘယ်လိုမှ ပြောလို့မဖြစ်တဲ့
ကိစ္စဖြစ်သလို ပေးတဲ့ကတိဟာလည်း လေထဲမှာတင်ပျောက်ကွယ်သွားမှာဖြစ်ပါတယ်။

၂၀၁၅ ရွေးကောက်ပွဲနဲ့ပတ်သက်လို့ တကယ်လုပ်မလုပ် တကယ်လုပ်လည်း လွတ်လပ်မျှတပါ့မလားဆိုတာ နိုင်ငံရေးပါတီတွေနဲ့ ပြည်သူတွေက သံသယရှိနေခဲ့တာဖြစ်တယ်။ တကယ်လုပ်ဖြစ်တော့ကော နိုင်တဲ့ပါတီကိုအာဏာလွှဲပေးဖို့ရာမှာ ၉၀ ရွေးကောက်ပွဲတုန်းကလိုဖြစ်မဖြစ် ဘယ်သူပြောနိုင်မှာလဲဆိုတဲ့မေးခွန်းတွေဟာ တစ်တိုင်းပြည်လုံးမှာလျှံကျနေတာသိရက်သားနဲ့ ခုရွေးကောက်ပွဲကော်မရှင်ဥက္ကဋ္ဌဆက်ပြီးမြဲနေသေးတာအပေါ် သမ္မတမှာလည်း တာဝန်မကင်းဘူးလို့ မြင်နေရတာဖြစ်ပါတယ်။ အဲဒီဥက္ကဋ္ဌဟာ ခရိုင်ကော်မရှင်တွေအထိ မိုးပေါ်ကျများနဲ့ထိုးထည့်ပြီး ပြင်ဆင်နေခဲ့တာဖြစ်တယ်။ ၂၀၁၅ ရွေးကောက်ပွဲကို တကယ်လွတ်လပ်ပြီးတရားမျှတတဲ့ ရွေးကောက်ပွဲဖြစ်စေရမယ်လို့ တကမ္ဘာလုံးကို ကတိတွေပေးနေမယ့်အစား နာဂစ်ဖွဲ့စည်းပုံ ပုဒ်မ ၃၉၈ (က)အရ ကိုယ်ခန့်ထားခဲ့တဲ့ တက္ကသိုလ်တက်ဖော် သူငယ်ချင်းအရင်းကြီးကို ကော်မရှင်ဥက္ကဋ္ဌအဖြစ်ကနေ အရင်ဆုံးဖယ်ရှားပြီး ကျင့်ဝတ်သိက္ခာရှိပြီး တစ်နိုင်ငံလုံးလေးစားနိုင်မယ့်သူတစ်ဦးနဲ့ အမြန်ဆုံးလဲလှယ်အစားထိုးသင့်ပြီဖြစ်ပါတယ်။ ဒီတစ်ခါတော့ ကိုယ်တက်ခဲ့တဲ့ တက္ကသိုလ်ထွက်တွေထဲကမဖြစ်ဖို့လိုပါတယ်။

ဘာဖြစ်လို့ ရွေးကောက်ပွဲကော်မရှင်ကိစ္စကို ဇောင်းပေးပြောနေရသလဲဆိုတော့ ၂၀၁၅ ရွေးကောက်ပွဲရဲ့ မီတာတစ်ခုလို့ပြောနိုင်တဲ့ ရန်ကုန်စည်ပင်သာယာရွေးကောက်ပွဲက အခြေအနေတစ်ခုကိုဖော်ပြနေခဲ့လို့ဖြစ်ပါတယ်။ အဲဒီရွေးကောက်ပွဲမှာ အိမ်ထောင်ဦးစီး မဲလာမပေးနိုင်ရင် အိမ်ထောင်စုဝင် ၁၈ နှစ်ကျော်သူတစ်ဦးလာပေးနိုင်တယ်လို့ ပြဋ္ဌာန်းခဲ့ပေမယ့် နှုတ်မိန့်အရဆိုပြီး တချို့နေရာတွေမှာ မဲပေးခွင့်မရခဲ့တဲ့ ဖြစ်ရပ်တွေရှိခဲ့တာမို့ ဥပဒေမည်သို့ပင်ပြဋ္ဌာန်းစေကာမူဆိုတဲ့ ထင်တိုင်းကြဲ တစ်တော တစ်ကြက်ဖ ရုံးတစ်ရုံး ဓါးတစ်စင်းဆိုတဲ့ စစ်အာဏာရှင်ကာလကို ပြန်ပြောင်းသတိရစရာဖြစ်လာလို့ ခုလိုပြောနေရခြင်းဖြစ်ပါတယ်။

တကယ်ရွေးကောက်ပွဲကျင်းပဖြစ်ရင်တောင် စောင့်ကြည့်ရေးအဖွဲ့တွေအနေနဲ့ အတော်ကို ကြပ်ကြပ်မတ်မတ်လုပ်ကြရလိမ့်မယ်လို့ မျှော်လင့်ထားကြရမှာဖြစ်ပါတယ်။ အကြိုကာလမှာ မဲဆန္ဒရှင်စာရင်းမှာ ပါသင့်သူမပါ မပါသင့်သူပါဆိုတဲ့ဖြစ်ရပ်တွေ၊ ကြိုတင်မဲဆိုတာတွေကို စာရင်းနဲ့တကွ မဲရုံမဖွင့်ခင် မဲရုံမှုးလက်ထဲရှိရောက်နေအောင်၊ မဲလာပေးတဲ့သူတွေကိုလည်း တစ်ဦးချင်းမှတ်တမ်းတင်ထားနိုင်အောင် လိုအပ်ရင် မဲဆန္ဒရှင်စာရင်းနဲ့တိုက်စစ်နိုင်အောင် လုပ်သွားရမယ်ဆိုတာဟာ အနိမ့်ဆုံးလိုအပ်ချက်ဖြစ်ပြီး ကျန်ဖြစ်ပေါ်လာနိုင်တာတွေကတော့ သာမန်ပြည်သူတွေထက် စောင့်ကြည့်မဲ့အဖွဲ့အစည်းများက ကြိုတင်သိပြီးဖြစ်မယ်လို့ ယူဆရသလို လိုအပ်ရင် ပြည်သူတွေကို အကူအညီတောင်းသင့်ရင်တောင်းရမှာဖြစ်ပါတယ်။ ဒါကလည်း ဆောက်ဖြစ်မှကျောင်းဒကာပါ နှုတ်ခမ်းနာနဲ့တည့်ပါ့မလားလို့ ပြောနေရတဲ့သူအတိုင်းပါပဲ။ ဒါပေမယ့် လက်ရှိအစိုးရဟာ ပြည်သူတွေအတွက်တော့ အရူးလင်လုပ်နေရသူတွေလို ဖြစ်နေတာမို့ ဗလောင်းဗလဲပြောတက်လုပ်တက်သူတွေ ကတိတွေ လွယ်လွယ် အမျိုးမျိုးပေး လွယ်လွယ်နဲ့ ရူးသလို ကြောင်သလိုလုပ်ပြီး ဖျက်နေတက်သူတွေနဲ့ရင်ဆိုင်နေရတာမို့ ဖြစ်နိုင်တာမှန်သမျှမျှော်လင့်ထားပြီး ပြင်ဆင်နေကြရမယ့်အနေအထားဖြစ်ပါတယ်။

လက်ရှိအခြေအနေမှာ သမ္မတရဲ့ မူလ ကတိကဝတ်တွေဖြစ်တဲ့ လာဘ်ပေးလာဘ်ယူပပျောက်ရေးကိစ္စတွေ၊ ဆင်းရဲသားပပျောက်ရေးကိစ္စတွေ၊ သန့်ရှင်းသောအစိုးရ၊ ကောင်းမွန်သောအုပ်ချုပ်ရေးကိစ္စတွေဆိုတာ လေထဲလွင့်သွားတဲ့ ဖုန်မှုန့်လေးများလိုပါပဲ။ ပိုပြီးလေးနက်တဲ့ ဒီမိုကရေစီလမ်းကြောင်းပေါ် လျှောက်လှမ်းမယ့်ကိစ္စတွေဖြစ်တဲ့ သတင်းစာလွတ်လပ်ခွင့်တို့၊ လူ့အခွင့်အရေးတို့၊ ဖွဲ့စည်းပုံပြင်ရေးတို့၊ စစ်တပ်အခန်းကဏ္ဍလျှော့ချရေးတို့ဆိုတာကတော့ အိပ်မက်လို့တောင်မရတော့ပါ။ ကောင်းတာတွေရှာမရတဲ့အထဲ နောက်ထပ်အဆိုပြုချက်အသစ်တွေ၊ ကတိအသစ်တွေအတွက် ဘယ်လိုခံစားမှုမျိုးမှ ပြည်သူတွေအတွက် ဖြစ်ပေါ်မလာတော့ပါ။

ခုလိုသမ္မတရဲ့စကားတွေကြောင့် အခြေအနေရှုပ်ထွေးနေဆဲမှာ လာမယ့်လွှတ်တော်အစည်းအဝေးမှာ ဖွဲ့စည်းပုံအခြေခံဥပဒေပြင်ဆင်ရေးဥပဒေကြမ်းတွင် ပြည်သူများပြင်ဆင်ရန်လိုလားသည့် ပုဒ်မ-၄၃၆ နဲ့ ၅၉ (စ) တို့ ပါဝင်လာဖွယ်ရှိတဲ့အကြောင်း ပြင်ဆင်ရေးအကောင်အထည်ဖော်မှုကော်မတီ အတွင်းရေးမှုးဆိုတာက ပြောချလိုက်ပြန်ပါတယ်။ ခုလိုပဲ လက်တွေမပါဝင်တဲ့အပြော၊ တရားမဝင်တဲ့အပြောတွေနဲ့သာ တရားဝင်သူတွေကပြောနေကျဆိုတာ အရင်ကတည်းကပြောနေကျ ဖြစ်နေကျဆိုတော့ ဒီစကားအပေါ်မှာလည်း ပြည်သူတွေက သိပ်စိတ်မဝင်စားကြတော့ပါ။

ပုဒ်မ-၄၃၆ တို့ ၅၉ (စ) တို့ပြင်ဖို့ဆိုတာ ဒီလောက်မလွယ်မှန်းသိပါတယ်။ ပြီးခဲ့တဲ့နှစ် ၂၀၁၄ နိုဝင်ဘာလအတွင်း လွှတ်တော်ထဲမှာ စစ်ကိုယ်စားလှယ်များရဲ့ ခါးခါးသီးသီးပြောနေပုံများက သာဓကဖြစ်ပါတယ်။ ဒါပေမယ့် ပြင်ပေးချင်ရင်လည်း အလွယ်လေးပါပဲ။ လူတစ်ဦးတစ်ယောက်ရဲ့ဆန္ဒပဲမဟုတ်လား။ လွယ်နေတာကိုခက်အောင်၊ ရှင်းနေတာတွေကိုရှုပ်အောင် တမင်လုပ်နေသူများဟာ အိပ်ချင်ယောင်ဆောင်နေသူတွေပါ။ (ရူးချင်ယောင်ဆောင်နေသူတွေလို့ပြောလည်းရပါတယ်။)

ပြည်သူတွေမြင်နေရတဲ့ အစိုးရရဲ့ ခုတလောလုပ်ကိုင်ပုံတွေကတော့ ကျောင်းသားသမဂ္ဂနဲ့စင်ပြိုင် ကျောင်းသားအဖွဲ့အစည်းကိုဖွဲ့တယ်။ ရွှေဝါရောင်သံဃာတွေနဲ့အပြိုင် သံဃာ့အဖွဲ့အစည်းတွေပေါ်လာတာကို ကိုယ်ကိုယ်တိုင်မဖွဲ့ပေမယ့် အားပေးအားမြှောက်ပြုတယ်။ သန္တိသုခကိစ္စလို အေးအေးချမ်းချမ်းရှင်းရမယ့်ကိစ္စမှာ အင်အားသုံးပြီး ကြမ်းကြမ်းတမ်းတမ်းလုပ်နေပုံတွေဟာ အတော်စိတ်ပျက်စရာကောင်းလှပါတယ်။ ဒီနိုင်ငံမှာ ခိုင်မြဲတဲ့ Institution ဆိုလို့ စစ်တပ်ရယ် သံဃာရယ်နဲ့ ကျောင်းသားရယ်ပဲ ရှိတာမဟုတ်လား။ ဒီတော့ သူတို့ကလွဲလို့ ကျန်တဲ့ခိုင်မာတဲ့ Institution ဖြစ်တဲ့ သံဃာနဲ့ ကျောင်းသားထုကို ပြိုကွဲအောင်များ အစီအစဉ်ရှိရှိ တမင်လုပ်နေကြသလားလို့ထင်မိတဲ့အထိ အဲဒီ Institution နှစ်ခုဟာ ဖြိုခွဲခံနေရတယ်လို့တောင် ယူဆမိပါတယ်။

မေလထဲမှာ ပြန်စမယ့်လွှတ်တော်မှာလည်း ဖွဲ့စည်းပုံပြင်ဆင်ရေးကို အဓိကထားဆွေးနွေးမယ်လို့ပြောနေကြသလို၊ ဒုတိယအကြိမ်ပြန်တွေ့မယ့် ခြောက်ပွင့်ဆိုင်မှာလည်း ဖွဲ့စည်းပုံပြင်ဆင်ရေးကိုပဲ အဓိကဆွေးနွေးမယ်လို့ပြောနေကြပြန်တာကြောင့် ငါးသန်းသောပြည်သူ (အမှန်အကန်) တွေမှာတော့ နတ်ကရာ ကြည့်မောသလိုပါပဲ။ ပြောချင်တဲ့အဓိကအချက်ကတော့ အစိုးရဟာ ပြည်သူတွေနဲ့ဝေးကွာလွန်းလှတယ်ဆိုတာပါပဲ။ မဖြစ်နိုင်တဲ့ကတိတွေကိုသာ အထပ်ထပ်ပေးနေပြီး ပြည်သူတွေနဲ့အဝေးဆုံးအရပ်မှာ ရောက်နေတယ်လို့ ပြည်သူတွေကခံစားနေရတာပါပဲ။

ဥပမာ အမျိုးသားပညာရေးဥပဒေပြင်ဆင်ရေးလို ကိစ္စမျိုးတွေကိုကြည့်လိုက်တာနဲ့တင် တော်ရုံအခြေအနေတွေကို ပြတ်ပြတ်သားသားမြင်သွားရစေပါတယ်။ အစိုးရအပေါ် အရင်ကအကောင်းမြင်မိသူတွေတောင်၊ သမ္မတကြီးရဲ့ မိဘပြည်သူများဆိုတဲ့လေသံကို နားယောင် မျက်စိလည်ခဲ့သူတွေတောင် အမြင်အကြားတွေပိတ်ဆို့ သလ္လာဖုံးနေတာတွေလည်း ကွာကျသွားစေပြီး အမှန်ကို မြင်သွားမိစေခဲ့ပါတယ်။ ဘာလို့လဲဆိုတော့ အမျိုးသားပညာရေးဥပဒေကို ပြင်ဖို့ကြိုးစားတဲ့ကိစ္စမှာ အစိုးရ၊ လွှတ်တော်၊ ကျောင်းသား၊ NNER တို့နဲ့ လေးပွင့်ဆိုင်သဘောတူညီချက်တွေကို ချိုးဖောက်ပြီး ပင်မသပိတ်စစ်ကြောင်းကို အကြမ်းဖက်ဖြိုခွဲခဲ့တာတို့၊ ကျောင်းသားတွေကို အာမခံမရစေတဲ့ပုဒ်မတွေတပ်ပြီး ထောင်ချဖို့ကြိုးစားတာတို့ဟာ အစိုးရရဲ့ ကတိပျက်ကွက်ခဲ့တာဆိုတာ တစ်နိုင်ငံလုံးက စိတ်မကောင်းစွာနဲ့ သိမြင်ခဲ့ကြရတာဖြစ်ပါတယ်။ ကတိစကားကို အစိုးရဆိုသူက အလွယ်ချိုးဖောက်တက်တဲ့ဓလေ့ကို အရင်အာဏာရှင်တွေရဲ့ အမွေခံတွေဆိုတဲ့အတိုင်း ဆက်လက်ထိန်းသိမ်းနေဆဲဖြစ်တာကို ရှည်ရှည်ဝေးဝေးရှင်းပြစရာမလိုဘဲ ပြည်သူတွေက သိသွားရတာဖြစ်ပါတယ်။

အရေးကြီးပြီး အမြင်သာဆုံးအချက်ကတော့ အစိုးရဟာ သူပေးခဲ့တဲ့ ကတိတွေကို မတည်ဘူးဆိုတာနဲ့ သူလုပ်ချင်တာဆိုရင် ပြောချင်တာဆိုရင်လည်း ဘာမှရှေ့နောက်မကြည့်ဘဲ လုပ်ချ ပြောချနေကြသလားလို့ပဲမြင်နေရပါတယ်။ ဘာကြောင့်လည်းဆိုတော့ တာဝန်ယူမှု တာဝန်ခံမှုအလျဉ်းမရှိတော့လို့ဖြစ်ပါတယ်။ ဒါကြောင့် လတ်တလော တိုင်းပြည်ထဲမှာမြင်နေရတာက ဖွဲ့စည်းပုံပြင်ဆင်ရေးနဲ့ ၂၀၁၅ ရွေးကောက်ပွဲတကယ်လုပ်ဖြစ်ရင် သမာသမတ်ကျဖို့ဖြစ်သလို နောက်ဆုံးမေးခွန်းတစ်ခုကတော့ ၉၀ ရွေးကောက်ပွဲတုန်းကလို တကယ်အနိုင်ရပါတီကို အမှန်တကယ် အာဏာလွှဲပေးမလားဆိုတာပါ။ ဘာလို့မေးရသလဲဆိုတော့ သမ္မတဆိုတဲ့ ကတိပေးနေကျပုဂ္ဂိုလ်က ဒီကတိတစ်ခုကိုတော့ဖြင့် ခုထိမပေးသေးလို့ဖြစ်ပါတယ်။ နောက်တစ်ခုက သူကအဲဒီကတိကိုသာမပေးတာ သူ့ပါတီနိုင်မယ် မနိုင်မယ်မသိသေးပေမယ့် နောက်ထပ်သမ္မတသက်တမ်းဆက်လုပ်ချင်ပါတယ်ဆိုတဲ့ ကတိကျတော့ တစ်ကြိမ်မကပေးခဲ့ပြီးပါပြီ။
*********************************

လေးစားစွာဖြင့်

Ko Soe Win

ယနေ့ နာမည်ကျော်ပါတယ် ဆိုတဲ့ မဘသ ထဲက ဆရာတော်ဟာ ဒေ၀ဒတ်လောက် နာမည်ကျော်လို့လား။ ဒေ၀ဒတ်လောက် ဈာန်အဘိဥာဏ်တွေ ရကြလို့လား။ ဈာန်အဘိဥာဏ်ရမှုနဲ့ ကြော်ကြားမှု တစ်ခုတည်းကိုပဲ ကြည့်ပြီး လိုက်သွားတဲ့၊ သောတာပန် ဖြစ်နိုင်လောက်အောင် ပါရမီ ပါလာတဲ့ အဇာသသတ်ဟာ သူ့အဖေကို သတ်မိသည်အထိ လမ်းမှားသွားတာ သူ့ရဲ့ သန္တာန်မှာ ၀ိဘဇ္ဇဥာဏ် မရှိလို့ပဲ သူငယ်ချင်း၊ ဒါကြောင့် ငါကတော့ မဘသ အဖွဲ့ကြီးထဲကို လုံးဝ လုံးဝ မ၀င်ရေးချ မ၀င်ပဲ သူငယ်ချင်းရေ”

“၀ိဘဇ္ဇ ပဲ့တင်သံ ”
စည်သူအောင်မြင့်
မြန်မာတိုင်းမ် ဂျာနယ်၊ ၂၉-၄-၁၅။

ပြီးခဲ့တဲ့ ဧပြီလ ၂၅ ရက်နေ့က ရန်ကုန် ဗိုလ်အောင်ကျော်လမ်း၊ Home ခန်းမမှာ အလွန်ထူးခြားတဲ့ စာအုပ် မိတ်ဆက်ပွဲ တစ်ခု ကျင်းပခဲ့ပါတယ်။ စာအုပ်နာမည်က “ ၀ိဘဇ္ဇ ပဲ့တင်သံ” ဖြစ်ပြီး စာအုပ်ကို မိတ်ဆက်ကြတာကလည်း ဆရာတော်၊ သံဃာတော်တွေချည်း ဖြစ်နေလို့ပါပဲ။ လက်ရှိ မြန်မာနိုင်ငံထဲမှာ ဘာသာရေး၊ လူမျိုးရေးကို အခြေခံတဲ့ အကြမ်းဖက်မှုတွေ ဖြစ်ပွားနေချိန်၊ ဘုန်းတော်ကြီးတစ်ချို့နဲ့ လူပုဂ္ဂိုလ်တစ်ချို့က ဘာသာခြား အမုန်းတရား ဖြန့်ဖြူးနေကြချိန်၊ အေးမြငြိမ်းချမ်းတဲ့ မြတ်ဗုဒ္ဓသာသနာဟာလည်း နိုင်ငံတကာ့အလည်မှာ အထည်အမြင်လွဲ ခံနေရချိန် ခုလို စာအုပ် ထွက်ပေါ်လာတာပါ။ ဒီ စာအုပ် ဘယ်လို ဖြစ်ပေါ်လာသလဲ၊ ဘယ်သူတွေ က ဘာအကြောင်းအရာတွေ ပါဝင်ရေးသားကြသလဲ၊ ဘာတွေထူးခြားမှု ရှိသလဲဆိုတာ ဒီတစ်ပါတ် ဆွေးနွေးတင်ပြသွားပါ့မယ်။
ဒီစာအုပ် ဖြစ်မြောက်လာရေးအတွက် ကနဦး ကမကထ ပြုလုပ်ခဲ့တဲ့ သံဃာတော် နှစ်ပါးကတော့ အမေရိကန်ပြည်ထောင်စုမှာ သီတင်းသုံးတော်မူတဲ့ ဆရာတော်ဦးဇ၀န နဲ့ ဂျာမဏီနိုင်ငံမှာ သီတင်းသုံးတဲ့ ဆရာတော် ဦးရာဇိက တို့ပဲ ဖြစ်ပါတယ်။ ဆရာတော်တွေ စဉ်းစားမိကြတာက ၂၀၀၇ သံဃာ့အရေးအခင်း ရွှေဝါရောင် တော်လှန်ရေး ကာလတုန်းက မြန်မာနိုင်ငံက ရဟန်းသံဃာတွေဟာ ဖိနှိပ်ခံနေရပြီး၊ ဆင်းရဲမွဲတေနေတဲ့ ပြည်သူလူထု ဘက်က မားမားမတ်မတ် ရပ်ကာ၊ အကြမ်းမဖက် ငြိမ်းချမ်းတဲ့ နည်းနဲ့ အစိုးရကို ဆန္ဒပြခဲ့ကြကြောင်း၊ နေပူ မိုးရွာကြီးထဲမှာ ဖိနပ်မပါ၊ ထီးမပါ မေတ္တာပို့ လမ်းလျောက် ကြွချီကြတဲ့ သံဃာတော်တွေရဲ့ ပုံရိပ်ကို မြင်ကြရတဲ့ နိုင်ငံတကာ မိသားစုဟာ မေတ္တာဂရုဏာ သက်ခဲ့ကြတဲ့အကြောင်း၊ ဗုဒ္ဓသာသနာရဲ့ ပုံရိပ်ဟာ ကမ္ဘာ့အလည်မှာ တင့်တယ်ခဲ့ကြောင်း၊ ဒါပေမယ့် ကံအကြောင်းမလှစွာပဲ သမ္မတ ဦးသိန်းစိန် အစိုးရအဖွဲ့သစ် တက်လာပြီးနောက် ဘာသာရေးကို အခြေခံတဲ့ အကြမ်းဖက်မှုတွေ ဖြစ်ပွားလာ၊ အဲဒီ ပဋိပက္ခထဲမှာ ဗုဒ္ဓဘာသာ ဘုန်းတော်ကြီးတစ်ချို့က ပုံစံမျိုးစုံနဲ့ ပါဝင်ပါတ်သက်မှုတွေ ရှိလာတော့ ကမ္ဘာ့အလည်မှာ ဗုဒ္ဓဘာသာ ပုံရိပ် ညှိးနွမ်း ညစ်ထေး ခဲ့ရကြောင်း၊ ဒါကြောင့် ပုံရိပ်ကောင်း ပြန်ထင်ဟပ်နိုင်ဖို့၊ မြန်မာနိုင်ငံမှာ ဗုဒ္ဓဘာသာရဲ့ တကယ့် တရားစစ်တရားမှန် ပြန်ပြီး ထွန်းကားလာစေဖို့ ဒီ “ ၀ိဘဇ္ဇ ပဲ့တင်သံ” ဆိုတဲ့ စာအုပ် ရေးသား ပြုစု ထုတ်ဝေဖို့ လုပ်ကိုင်ခဲ့ကြတာ ဆိုပြီး ဘ၀အလင်း ဆရာတော်က မိတ်ဆက်ပွဲမှာ မိန့်ပါတယ်။

ဒီစာအုပ်ထဲ ပါဝင်ရေးသားခဲ့တဲ့ ဆရာတော် သံဃာတော်တွေကတော့ မြ၀တီမင်းကြီး ဆရာတော်၊ ဓမ္မဘေရီ အရှင်ဝီရိယ (တောင်စွန်း)၊ သန္တိသုခ ဆရာတော်(ဒါးက)၊ ကံထွန်းသစ်၊ ဓမ္မဒူတ ဒေါက်တာ အရှင်ပညိဿရ၊ အရှင်ဇ၀န၊ မင်းသုည(ဗုဒ္ဓတက္ကသိုလ်)၊ သစ္စာနွယ်(ကျောက်တိုင်)၊ သားအေးည၊ အရှင်ဓမ္မိသာရ၊ ကိုသစ် (သီတဂူ)၊ ဓမ္မဂ္ဂင်္ါ၊ အရှင်ထာဝရ၊ ဦးသောဘိတ (ဘ၀အလင်း)၊ ဘုန်းဘုန်း ဦးကောဝိဒ၊ အရှင်ဓမ္မ- ဒေလီ၊ အရှင်ရာဟုလာ (မစိုးရိမ်)၊ အရှင်သံဝရာ လင်္ကာရ၊ အဝေရာမောင်၊ ဦးရာဝိက၊ အရှင်စန္ဒိမာ (မွန်စိန်တောရ)၊ အရှင်နိယာမ (အောင်သာဝတီ)၊ အရှင်ညာဏိန် (မစိုးရိမ်)၊ အရှင်နန္ဒမာလာ (မာဂဓ တက္ကသိုလ်)၊ မိုးသု (မန္တလေး)၊ ၀တီနွယ် တို့ဖြစ်ကြပါတယ်။ စုစုပေါင်း ဆရာတော် သံဃာတော် ၂၆ ပါးရဲ့ စာတွေပါ။

စာအုပ်ထဲ ရေးသားထားတာတွေထဲက တစ်ချို့ကို ကောက်နှုတ်ဖော်ပြရရင် မဘသ အဖွဲ့နဲ့ ပတ်သက်ပြီး ဆရာတော် အရှင် ဇ၀န က “ မဘသ တို့ဇ။် အမျိုးစောင့်ဥပဒေသည် အမျိုးစောင့်ရာ မရောက်ပဲ တိုင်းပြည်ပျက်ဖို့ လှုံ့ဆော်နေသလို ဖြစ်နေတော့သည်။ တိုင်းရင်းသားတို့ဇ။် (ဗမာ) မြန်မာ များအပေါ် သံသယက ပြည်တွင်းစစ်မီးဇ။် မူလ အကြောင်းဖြစ်သည်။ တိုင်းရင်းသားတို့ဇ။် သံသယကို ပိုမို ခိုင်မာစေမည် ဖြစ်သော ဥပဒေ ”။ “ ဘာသာရေးနှင့် နိုင်ငံရေးကို မရောထွေးပါနှင့်ဟု ခေတ်အဆက်ဆက်က အုပ်စိုးသူတွေ လက်ကိုင်ပြု ပြောကြားခဲ့ကြသည်။ သူတို့တွေပင် ဘာသာရေးကို အသုံးချပြီး လူတွေကို စည်းရုံးကြပြန်သည်။ အထူးသဖြင့် စစ်အာဏာရှင်သည် ဘာသာရေးကို နိုင်ငံရေးအတွက် အသုံးချမှု အများဆုံးဟု ဆိုရမည်” ဆိုပြီး ရေးသားခဲ့ပါတယ်။ (စာ- ၄၅)
မင်းသုည (ဗုဒ္ဓတက္ကသိုလ်) ကတော့ “ ဒို့ဘုရားရဲ့ ၀ါဒဟာ အမှားအမှန်တွေကို ဥာဏ်ပညာနဲ့ သေခြာပိုင်းခြား စိစစ်ပြီးမှ လက်ခံတဲ့ ၀ိဘဇ္ဇ၀ါဒ ဖြစ်တယ်၊ ဘယ်ဆရာတော်ကြီးမို့လို့ ဘိဝံသ ဘွဲ့တွေရလို့ စာတတ်ပေတတ် အကျော်အမော်ဖြစ်လို့ မှားမှားမှန်မှန် မျက်စေ့စုံမှိတ် လက်ခံရမယ် ဆိုတဲ့ ၀ါဒ မဟုတ်ဘူး။ ယနေ့ နာမည်ကျော်ပါတယ် ဆိုတဲ့ မဘသ ထဲက ဆရာတော်ဟာ ဒေ၀ဒတ်လောက် နာမည်ကျော်လို့လား။ ဒေ၀ဒတ်လောက် ဈာန်အဘိဥာဏ်တွေ ရကြလို့လား။ ဈာန်အဘိဥာဏ်ရမှုနဲ့ ကြော်ကြားမှု တစ်ခုတည်းကိုပဲ ကြည့်ပြီး လိုက်သွားတဲ့၊ သောတာပန် ဖြစ်နိုင်လောက်အောင် ပါရမီ ပါလာတဲ့ အဇာသသတ်ဟာ သူ့အဖေကို သတ်မိသည်အထိ လမ်းမှားသွားတာ သူ့ရဲ့ သန္တာန်မှာ ၀ိဘဇ္ဇဥာဏ် မရှိလို့ပဲ သူငယ်ချင်း၊ ဒါကြောင့် ငါကတော့ မဘသ အဖွဲ့ကြီးထဲကို လုံးဝ လုံးဝ မ၀င်ရေးချ မ၀င်ပဲ သူငယ်ချင်းရေ” လို့ ရေးသားထားပါတယ်။ (စာ-၅၅)

ဆရာတော် ဦးရာဝိက ကတော့ “ ဗုဒ္ဓဘာသာ အသိုင်းအ၀ိုင်းဟာ မိမိကိုယ်မှာ ဗုံးပတ်ပြီး အသေခံ ဗုံးခွဲသူများနဲ့ မဖွဲ့စည်းစေချင်ဘူး။ ဗုဒ္ဓဘာသာကို အထူးအခွင့်အရေးပေးရမယ်လို့ အစိုးရကို အကြပ်မကိုင်ရဘူး။ မဲရအောင် မဘသ ကို ထောက်ခံကြလို့ မပြောဟောဘူး။ ငါတို့ကို မထောက်ခံရင် နာပြီသာမှတ်လို့ မခြိမ်းခြောက်ဘူး။ ဗုဒ္ဓဘာသာဆိုတာ အင်မတန်မှ သိမ်မွေ့နူးညံ့တယ်။” လို့ဆိုပါတယ်။ (စာ-၁၄၁)
ဒါတွေကတော့ စာမြည်း နမူနာလောက်ပါ။ စာအုပ်ထဲမှာ ဆရာတော်၊ သံဃာတော်တွေ ရေးထားတဲ့ အခြားသော ဖတ်စရာ မှတ်စရာ၊ မြတ်ဗုဒ္ဓရဲ့ တရားစစ် တရားမှန်နဲ့ ပတ်သက်ပြီး စဉ်းစားစရာ အချက်အလက် များစွာ ပါပါတယ်။ အခြားတစ်ဖက် လက်ရှိ မြန်မာနိုင်ငံထဲက အခြေအနေကို ပြန်ကြည့်လိုက်ရင် ဘာသာခြား အမုန်းတရား ဖြန့်ဖြူးမှု အရှိန်အဟုန် ကောင်းနေဆဲပါ။ ဘွဲ့ရ ပညာတတ် ဘုန်းတော်ကြီးတစ်ချို့ဟာ တရားပွဲတွေမှာ ဘာသာခြား မုန်းတီးရေး ပြောင်ပြောင်တင်းတင်း ဟောပြောနေကြသလို၊ တစ်ချို့ အဖွဲ့အစည်းတွေကတော့ နွေရာသီ ကလေး တရားစခန်းလို နေရာမျိုးမှာတောင် ကလေးသူငယ်တွေ မကြည့်အပ်၊ မမြင်အပ်တဲ့ သွေးရဲရဲသံရဲရဲ သတ်ဖြတ်ထားတဲ့ ဗီနိုင်း ပိုစတာကြီးတွေ ချပြပြီး ဘာသာခြား မုန်းတီးရေး ကျယ်ကျယ်ပြန့်ပြန့် လုပ်ဆောင်နေကြတာ တွေ့မြင်ကြရပါတယ်။
အဲလို ဘာသာခြား အမုန်းတရား ဖြန့်ဖြူးသူတွေထဲမှာ ဘုန်းတော်ကြီးတွေ၊ လူပုဂ္ဂိုလ်တွေ အများအပြား ပါဝင်ကြသလို၊ သူတို့လက်ထဲမှာ အပတ်စဉ် ဂျာနယ် ထုတ်ဝေတာ အပြင် လုံးချင်းစာအုပ် ထုတ်ဝေမှုကအစ မီဒီယာ တစ်ချို့ကို အသုံးပြု လုပ်ကိုင်နေတာလည်း တွေ့ကြရပါတယ်။ အခု ၀ိဘဇ္ဇ ပဲ့တင်သံ စာအုပ်ကတော့ ဆရာတော် သံဃာတော် အပါး နှစ်ကျိပ်ကျော်ရဲ့ ဆောင်းပါးတွေကို ပထမ ဦးဆုံးအကြိမ်
စုစည်းထားတာ ဖြစ်လေတော့ ရှိနေနှင့်ပြီးသား အစွန်းရောက် အမုန်းတရားတွေကို ဘယ်လောက် ဖေါက်ထွင်းနိုင်မလဲ၊ ဘယ်လောက် ကျယ်ပြန့်လေမလဲ မမှန်းဆနိုင်သေးပါဘူး။

တကယ်တော့ မြန်မာနိုင်ငံမှာ အစွန်းရောက် ၀ါဒ ခြေချစ ပြုလာတဲ့ဆီမှာ ဗုဒ္ဓဘာသာဝင် ဘုန်းတော်ကြီးတစ်ချို့ ပါဝင်ပတ်သက်နေသလို၊ စစ်မှန်တဲ့ ဗုဒ္ဓရဲ့ ၀ိဘဇ္ဇ၀ါဒ ထွန်းကားလာရေးမှာလည်း ဆရာတော် သံဃာတော်တွေကပဲ အဓိက စွမ်းဆောင်နိုင်မှာ ဖြစ်ပါတယ်။ အခု စာအုပ်ကိုတော့ ဆရာတော် ဦးကောဝိဒ က အင်္ဂလိပ်လို ဘာသာပြန်ပြီး နိုင်ငံတကာမှာ ဖြန့်ဝေဖို့ အစီအစဉ် ရှိတယ်လို့လည်း ဆိုပါတယ်။ တကယ့်တကယ် မြန်မာနိုင်ငံမှာ စစ်မှန်တဲ့ ဗုဒ္ဓရဲ့ တရားတော်တွေ ထွန်းကားလာဖို့၊ အစွန်းရောက် ၀ါဒတွေကို ထိထိရောက်ရောက် ဟန့်တား တိုက်ဖျက်နိုင်ဖို့ ဆိုတာဟာ နိုင်ငံတကာ မိသားစု အမြင်ကောင်းလာရေးထက် ပိုပြီး အရေးကြီးနေပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်။


 သီတင်း တပတ်ကျော်ကြာ ဖမ်းဆီးခံထားရတဲ့ မြန်မာ သဘောင်္သားတွေ ပါဝင်တဲ့ Maersk Tigris ကုန်တင်သဘောင်္ကို အီရန်တို့ ပြန်လွှတ်ပေးလိုက်ပြီလို့ အီရန် နိုင်ငံခြားရေး ၀န်ကြီးဌာန တာဝန်ရှိသူတွေရဲ့ အပြောကို ကိုးကားပြီး အီရန်ပြည်တွင်း သတင်းတွေ က ရေးသားဖော်ပြကြ ပါ တယ်။ မြန်မာနိုင်ငံ ရေကြောင်း ပို့ဆောင်ရေး ဦးစီးဌာနဘက်ကလည်း ဒီသတင်းကို အတည်ပြုပြီး သဘောင်္နဲ့အတူ သဘောင်္ဝန်ထမ်းတွေပါ လွတ်မြောက် လာပြီ ဖြစ်ကြောင်းနဲ့ မြန်မာ သဘောင်္သားတွေ ကျန်းမာရေး အခြေအနေ ကောင်း မွန်ပြီး မိသားစုနဲ့လည်း အဆက်အသွယ် ရှိတယ်လို့ ပြောဆိုပါတယ်။ အသေးစိတ်ကို
မသိင်္ဂီထိုက်က စုစည်းတင်ပြပေးပါမယ်။

အီရန်နိုင်ငံက သတင်းတပတ်ကျော်ကြာ ဖမ်းဆီးထားတဲ့ Marshall Island အလံတင် ကုန်တင် သဘောင်္ Maersk Tigris ကုန်တင်သဘောင်္ကို ကြာသပတေးနေ့ မှာ အီရန် ရေပိုင်နက် အတွင်းကနေ ပြန်ပြီး ထွက်ခွာခွင့်ပေးလိုက်ပြီ ဆိုပြီး အီရန် နိုင်ငံခြားရေး ၀န်ကြီးဌာန အရာရှိတွေကို ကိုးကားပြီး အီရန် သတင်းအေဂျင်စီတွေ ဖြစ်ကြတဲ့ Iran Students News Agency (ISNA) နဲ့ အီရန်နိုင်ငံပိုင် သတင်းဌာန IRNA က ဖော်ပြကြပါတယ်။

အီရန်တို့ ဖမ်းဆီးထားတဲ့ သဘောင်္ပေါ်မှာ လိုက်ပါခဲ့တဲ့ သဘောင်္ဝန်ထမ်း ၂၄ ဦးတို့ထဲမှာ မြန်မာ သဘောင်္သား ၁၃ ဦးတို့လိုက်ပါခဲ့တာဖြစ်ပါတယ်။ သဘောင်္နဲ့ အတူ သဘောင်္သားတွေ အားလုံး အီရန်ရေပိုင်နက်ထဲကနေ ထွက်ခွာနေပြီဆိုတာကို မြန်မာ ရေကြောင်းပို့ဆောင်ရေး ဦးစီးဌာန သဘောင်္သားဌာနခွဲ ညွှန်ကြားရေးမှူး ဦးတိုးမြင့်က အတည်ပြု ပြောပါတယ်။

"ကျနော်လည်း ခုနတုန်းကမှ အဲဒီသတင်းရတယ်ခင်ဗျ။ ပြန်လွတ်သွားပြီလို့ သတင်းရပါတယ်။ ကုမ္ပဏီ ကတော့ အဲဒီ သတင်း ကျနော်တို့ဆီ မရောက်လာသေးပါဘူး။ အပြင်သတင်းအရတော့ ရပါပြီ။"

အီရန်ဘက်က ဖမ်းထားတဲ့ သဘောင်္ ပြန်လွှတ်လိုက်ပြီ ဆိုတာကို ကမ္ဘာ့ အကြီးဆုံး ကုန်တင်သဘောင်္ လိုင်း ဒိန်းမတ်နိုင်ငံရဲ့Maersk သဘောင်္လိုင်းကို စီမံခန့်ခွဲနေတဲ့ Rickmers Shipmanagement ကလည်း ကြေညာချက် ထုတ်ပြန်ပြောဆိုပါတယ်။

အခုဆိုရင် အမေရိကန် အလံတင် သဘောင်္ Maersk Tigris သဘောင်္ဟာ အီရန်လက်က လွတ်မြောက်ပြီး သူ့ရဲ့ မူလ ခရီးစဉ်ကို ပြန်လည် စတင်နိုင်ခဲ့ပြီ ဖြစ်တဲ့အကြောင်းနဲ့ သဘောင်္ဝန်ထမ်းအားလုံးတို့ဟာလည်း ကျန်းမာရေး ကောင်းမွန်တဲ့ အကြောင်း ကြေညာချက်မှာ ဖော်ပြပါတယ်။

သဘောင်္ပေါ်မှာ လိုက်ပါခဲ့ကြတဲ့ သဘောင်္ဝန်ထမ်းတွေ အနေနဲ့လည်း အခုလို အခက်အခဲ ကြုံခဲ့ရတဲ့ အခြေအနေမှာ စိတ်အေးလက်အေးထားပြီး အခြေအနေကို လိမ္မာပါးနပ်စွာ ကိုင်တွယ်ခဲ့ကြတဲ့ အပေါ် Rickmers Groups က ကျေးဇူးတင် ရှိပါကြောင်းလည်း ကြေညာချက်မှာ ဖော်ပြထားပါတယ်။

သဘောင်္ပေါ်မှာ လိုက်ပါခဲ့ကြတဲ့ သဘောင်္ဝန်ထမ်းတွေထဲမှာဗြိတန်၊ ဘူလ် ဂေးရီးယား နဲ့ ရိုမေးနီးယားနိုင်ငံသားတွေနဲ့ အတူ မြန်မာနိုင်ငံသားတွေလည်း ပါရှိခဲ့တာပါ။ ဒီမြန်မာနိုင်ငံသားတွေ အတွက် လိုအပ်တဲ့ အကူအညီတွေ ကို မြန်မာ့ ရေကြောင်းပို့ဆောင်ရေး ဦးစီးဌာနဘက်ကလည်း ကူညီပေးသွားမယ်လို့လည်း ညွှန်ကြားရေးမှူး ဦးတိုးမြင့်က ပြောပါတယ်။

"SRPS ကုမ္ပဏီ ခေါ်ပါတယ် UNITEAM ကုမ္ပဏီက Maersk လိုင်းက သဘောင်္ကို Charter ငှားပြီး ဆွဲတာပါ ခင်ဗျ။ အဲဒါကြောင့် အဲဒီ သဘောင်္မှာ ရှိတဲ့ အခု အီရန်က ဖမ်းတယ်ဆိုတာကလည်း ကျနော်တို့ သဘောင်္ကို ဖမ်းတာ ဖြစ်ပေမယ့် သဘောင်္သားတွေ သဘောင်္ပေါ်မှာ ရှိတဲ့သူတွေက လွတ်လပ်ခွင့် ရှိပါတယ်။ အဲတော့ သဘောင်္သားတွေကလည်း ကျနော်တို့ သိသလောက် ဆိုရင် အိမ်တွေနဲ့လည် အဆက်အသွယ် ရပါတယ်။ အစားအသောက်ရော လစာရော ဘာမှ မဖြတ်ပါဘူး။ အဲတော့ ဒီကုမ္ပဏီနဲ့ သူတို့ ဒီ Maersk လိုင်း ကုမ္ပဏီနဲ့ အီရန် အစိုးရကြား အဆင်ပြေတယ်ဆိုရင် ဒီ ကျနော်တို့ UNITEAM ကုမ္ပဏီနဲ့ ကျနော်တို့ Charter လုပ်ငန်း ဆက်ပြီး ဆောင်ရွက်မှာပါ။

အဲဒီတော့ သဘောင်္သားတွေက ဒီလုပ်ငန်းပေါ်မှာ ခုနက ပြောတဲ့ဟာပေါ်မှာ မူတည်ပြီးတော့မှ တကယ်လို့ သဘောင်္သားက ဟို သဘောင်္က သူတို့ ဆက်ပြီး Charter Run ဖို့ ဆက်ပြီး ရှိပါလိမ့်မယ်။ တကယ်လို့မှ သူတို့ သဘောင်္သားတွေရဲ့ ဆန္ဒအရ ပြန်ချင်တဲ့ ဆန္ဒရှိရင်လည်း ဒါ သူတို့ UNITEAM ကုမ္ပဏီက စီစဉ်ပေးပါလိမ့်မယ်။ ဒါက ကုမ္ပဏီ အနေနဲ့ ဆောင်ရွက်မယ့် ကိစ္စပါ။ တကယ်လို့များ ကျနော်တို့ ဌာနကို ကုမ္ပဏီ အနေနဲ့ လိုအပ်တာတွေ အကူအညီတောင်းလာရင် ကျနော်တို့ ကူညီဆောင်ရွက်ပေးပါမယ်ခင်ဗျ။"

အီရန် ကုမ္ပဏီ တခုနဲ့ ဒိန်းမတ်နိုင်ငံက Maersk သဘောင်္လိုင်းတို့ကြား တရားတဘောင် ကိစ္စကြောင့် ဖမ်းဆီးခံရတဲ့ Maersk သဘောင်္လိုင်းပိုင် Maersk Tigris ကုန်တင် သဘောင်္ကို ပါရှန်းပင်လယ်ကွေ့ Hormuz ရေလက်ကြား မှာ ပြီးခဲ့တဲ့ သတင်းပတ်က အီရန်တို့က ဖမ်းဆီးခဲ့တာ ဖြစ်ပါတယ်။ဖမ်းခံခဲ့ရတဲ့ Maersk Tigris ကုန်တင်သဘောင်္ကို ဒိန်းမတ် Maersk သဘောင်္လိုင်းက လတ်တလော စီမံခန့်ခွဲနေတာ မဟုတ်ဘဲ တခြား ကုမ္ပဏီ တခုကို ငှားယမ်းထားတာဖြစ်ပြီး Marshall Island အလံတင်ထားတဲ့ ကုန်တင်သဘောင်္လည်းဖြစ်ပါတယ်။

အီရန် ကုမ္ပဏီ တခုနဲ့Maersk Tigris သဘောင်္ရဲ့ ပိုင်ရှင် Maersk သဘောင်္လိုင်း ကြား ငွေကြေး အပေးအယူ ကိစ္စ နဲ့ ပတ်သက်လို့တော့ အီရန်ဘက်ကရော ကုမ္ပဏီဘက်ကပါ ထုတ်မပြောသေးပါဘူး။ ပြီးခဲ့တဲ့ သတင်းပတ်က အီရန်တို့က Marshall Island အလံတင် သဘောင်္ကို ဖမ်းဆီးလိုက်တာကြောင့် Hormuz ရေလက်ကြားကို ဖြတ်တဲ့ အမေရိကန် အလံတင် သဘောင်္တွေကို အမေရိကန် ရေတပ်က လိုက်ပါစောင့်ရှောက်မှုကိုလည်း စတင်ခဲ့တာပါ။

သဘောင်္ရေကြောင်း လုံခြုံရေးကို တာဝန်ယူထားတဲ့ အီရန်တို့ဘက်ကတော့ အခု ဖမ်းဆီးမှုဟာ အီရန် ရေပိုင်နက် အတွင်း အီရန်ရဲ့ တရားဥပဒေကြောင်းအရ ဖမ်းဆီးခဲ့တာသာ ဖြစ်ပြီး နိုင်ငံရေးအရရော လုံခြုံရေးအရရော မဟုတ်ရပါဘူးဆိုပြီး အီရန်တာဝန်ရှိသူတွေက ခုခံ ပြောဆိုခဲ့ကြပါတယ်။

သိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com


မန္တလေးတိုင်းဒေသကြီး မြင်းခြံ ဒီဂရိကောလိပ်မှာ စိုက် ထူထားတဲ့ နိုင်ငံတော်အလံကို ဖြုတ်ချမှုနဲ့ တရားစွဲ ခံထားရ သူ ကျောင်းသား ငါးဦးထဲက နှစ်ဦးကို မြင်းခြံ မြို့နယ် တရားရုံးမှာ ဒီကနေ့ ဒုတိယအကြိမ်မြောက် ရုံးထုတ်ခဲ့ပါတယ်။

နိုင်ငံတော်အလံဥပဒေ ပုဒ်မ ၁၆ နဲ့ မြင်းခြံ အကျဉ်းထောင်မှာ ဖမ်းဆီးထိန်းသိမ်းခံထားရ သူ ကျောင်းသားနှစ်ဦးဟာ အလံဖြုတ်ချမှုမှာ မပါဝင်ခဲ့ဘူးဆိုတာကို သက်သေပြဖို့ ပြင်ဆင် ထားကြောင်း ကျောင်းသားနှစ်ဦးရဲ့အမှုကို ဆောင် ရွက်ပေးမယ့် တရားလွှတ်တော်ရှေ့နေ ဦးချမ်းမြေ့ က ပြောပါတယ်။
"ကျနော်တို့က အမှုသည်ဆီက ညွှန်ကြားချက်တွေ ကို ပြည့်ပြည့်စုံစုံယူထားတဲ့အခါမှာ သူတို့အထဲမှာ မပါဝင်တဲ့အကြောင်း ကျနော်တို့သိတယ်၊ ဒီအခွင့် အရေးကို ကျနော်တို့က အပြည့်အဝတောင်းပေး မှာလေ၊ သူတို့က စွပ်စွဲခံရတဲ့အဆင့်ပဲရှိတာကိုး၊ ကျနော်တို့မှာလည်း သက်သေစုဆောင်းထားတာလည်းရှိတယ်လေ"

ဒီကနေ့ ရုံးထုတ်စစ်ဆေးခံရသူတွေဟာ အလံဖြုတ်ချရာမှာ မပါဝင်ဘဲ အဖမ်းခံထားရတာလို့ ရတနာပုံ တက္ကသိုလ် ကျောင်းသားသမဂ္ဂကလည်း ပြောထားပါတယ်။
ဒီနှစ်ဆန်း ဇန်နဝါရီလ ၂၆ ရက်နေ့က ကျောင်းသားသပိတ်စစ်ကြောင်း မြင်းခြံမြို့ကို ရောက်ရှိစဉ်မှာ စစ်ကြောင်းမှာပါဝင်သူတချို့က မြင်းခြံဒီဂရီကောလိပ်မှာ စိုက်ထူထားတဲ့ နိုင်ငံတော်အလံကို ဖြုတ်ချပြီး ခွပ်ဒေါင်းအလံကို လွှင့်တင်ခဲ့တာဖြစ်ပါတယ်။

အဲဒီအမှုနဲ့ပတ်သက်ပြီး ကိုမင်းသွေးသစ်၊ ကိုမင်းမင်းဇော်၊ ကိုစိုးလှိုင်၊ ကိုဇင်ကိုသန့်နဲ့ ကိုမြတ်မင်းသူ တို့ကို မြင်းခြံဒီဂရီကောလိပ် ကျောင်းအုပ်ကြီး ဦးကိုကိုမြင့်က တရားလိုလုပ်ပြီး စွဲဆိုထားတာဖြစ်ပါတယ်။
တရားစွဲခံရသူ ၅ဦးထဲက ကိုမင်းသွေးသစ်နဲ့ ကိုမင်းမင်းဇော်တို့ဟာ သာယာဝတီအကျဉ်းထောင်မှာ ဖမ်းဆီးခံထားရပြီး ကိုမြတ်မင်းသူကိုတော့ ဖမ်းဝရမ်းထုတ်ထားပါတယ်။

RFA Burmese
http://www.rfa.org/burmese/news/investigation-students-05072015104913.html


 မကွေးတိုင်းဒေသကြီး စေတုတ္တရာမြို့နယ်မှာ တပ်မတော် ကာကွယ်ရေး ပစ္စည်းစက်ရုံ တည်ဆောက်ဖို့ သိမ်းယူခဲ့တဲ့ လယ်ယာမြေတွေနဲ့ ပတ်သက်ပြီး နစ်နာကြေး ကိစ္စကို ဒေသခံ တောင်သူတွေနဲ့ ဒီနေ့ တွေ့ဆုံဆွေးနွေးဖို့ စီစဉ် ထားပေမယ့် တပ်မတော်ဘက်က ပျက်ကွက်ခဲ့တယ်လို့ ဒေသခံတွေက ပြောပါတယ်။

စေတုတ္တရာမြို့နယ် တောင်ခေတ္တရာရပ်ကွက် ဓမ္မာရုံမှာ ကပစ ၂၀က တပ်ကိုယ်စား လှယ်တွေနဲ့ ဒီနေ့ တွေ့ဆုံဖို့ မြို့နယ်အုပ်ချုပ်ရေးမှူးကတဆင့် ချိန်းဆို ခဲ့တာ ဖြစ်တယ်လို့ ဒေသခံတောင်သူ ဦးစိန်မောင်က ပြောပါတယ်။

"ကျနော်တို့ရဲ့ တင်ပြတောင်းဆိုချက်တွေကို တပ်မတော်ကလိုက်လျောပေးပါ့မယ်၊ ခင်ဗျားတို့ကျေနပ် တဲ့ နေရာမှာချိန်းပါ၊ ကျနော်တို့ အဆင့်သင့်ဖြစ်အောင် လုပ်ပေးပါ့ မယ်လို့ ပြောပါတယ်၊ သို့သော်လည်း ကျနော်ပြန်ပြီးတော့ ချိန်းလိုက်တဲ့အချိန်မှာ အဆက်အသွယ်မရဘဲ ဖြစ်နေတာပါခင်ဗျ၊ ရပ်ကွက်အုပ်ချုပ်ရေးမှူး ကနေ ဆက်သွယ်ပြီးတော့ ကျနော်တို့တွေ့ဖို့ရှိပါတယ်၊ တောင်ခေတ္တရာရပ်ကွက် ဓမ္မာရုံမှာ တောင်သူများနဲ့ တပ်ဘက်စစ်ဆေးမယ့် ပုဂ္ဂိုလ်များ တွေ့ဆုံညှိနှိုင်းမယ် ဆိုပြီးတော့ ကျနော်တို့ အုပ်ချုပ်ရေးမှူးနဲ့ ဆက်သွယ်ထား ပါတယ်"

ပြီးခဲ့တဲ့ ၂၀၀၇ ခုနှစ်မှာ ကာကွယ်ရေးပစ္စည်းစက်ရုံ တည်ဆောက်ဖို့အတွက် တပ်မတော်က သစ်တောဦးစီးဌာန ပိုင်မြေဧက ခြောက်သောင်းဝန်းကျင်ကို သိမ်းယူ ရာမှာ စေတုတ္တရာမြို့နယ် တောင်ခေတ္တရာရပ်ကွက်ရွာ၊ အောက် ပုံကျေးရွာ၊ အောင်းကျေးရွာ၊ ခိုဝင်ရွာနဲ့ မထိန်းကျေးရွာတွေက တောင်သူတွေပိုင်တဲ့ မြေဧက ၂၀၀ ကျော်လည်း သိမ်းခံခဲ့ရတာဖြစ်တယ်လို့ သိရပါတယ်။

သိမ်းဆည်းခံရတဲ့ တောင်သူတွေရဲ့ မြေတွေထဲက ဧက ၁၀၀ လောက်မှာ တပ်မတော်က အဆောက်အဦး ဆောက် လုပ်ထားပြီး ကျန်တဲ့ဧက ၁၀၀ လောက်က ပိုလျှံနေတာ ဖြစ်တယ်လို့ တောင်သူတွေက ပြောပါတယ်။

အဲဒီလယ်ယာမြေတွေကို သိမ်းယူစဉ်က နစ်နာကြေးအဖြစ် မြေတစ်ဧကအတွက် ကျပ် ၅ ထောင်ပေးခဲ့ရာမှာ လက်ခံခဲ့တဲ့ တောင်သူတွေရှိသလို နစ်နာကြေး မထုတ်ယူခဲ့တဲ့ တောင်သူတွေလည်းရှိတယ်လို့ သိရပါတယ်။

တောင်သူတွေဟာ လက်ရှိခေတ်ကာလနဲ့ သင့်တော်တဲ့ လျော်ကြေးငွေတွေပေးဖို့နဲ့ ပိုလျှံနေတဲ့ လယ်ယာမြေဧက ၁၀၀ လောက်မှာ ၀င်ရောက်စိုက်ပျိုးခွင့်ပေးဖို့ အတွက် လယ်ယာမြေ စုံစမ်းရေး ကော်မရှင်၊ နိုင်ငံတော်သမ္မတနဲ့ ဒုတိယသမ္မတတို့ထံ စာပေးပို့ ထားတယ်လို့ သိရပါတယ်။

RFA Burmese
http://www.rfa.org/burmese

 ရန်ကုန်မြို့မှာကျင်းပတဲ့ အပြည်ပြည်ဆိုင်ရာ ငြိမ်းချမ်းရေးနေ့ အခမ်းအနားမှာ ဝန်ကြီး ဦးအောင်မင်းကို တွေ့ရစဉ်။ photo: RFA/ Myo Zaw Ko
ဦးဖုန်ကြားရှင်ရဲ့ MNDAA ကိုးကန့်တပ်နဲ့ AA ရက္ခိုင့် တပ်မတော်တို့ကို တိုက်ခိုက်မှုတွေကို လျှော့ချပေးဖို့ တိုက်တွန်းပြောဆိုပေးမယ်ဆိုရင် မိမိအနေနဲ့လည်း အစိုးရတပ်မတော်ဘက်က စစ်ရှိန်လျှော့ချလာအောင် တိုက်တွန်းပေးသွားမယ်လို့ ပြည်ထောင်စုငြိမ်း ချမ်းရေး ဖော်ဆောင်ရေးကော်မတီ ဒုတိယဥက္ကဌ ဝန်ကြီး ဦးအောင်မင်းက ပြောကြားလိုက်ပါတယ်။

UWSA တပ်ဖွဲ့ ခေါင်းဆောင်တွေနဲ့ ဝန်ကြီးဦးအောင်မင်းတို့ ဒီကနေ့မနက်ပိုင်းက တယ်လီဖုန်းနဲ့ ဆက်သွယ်ပြောဆိုရာမှာ ၀န်ကြီးက အခုလို တိုက်တွန်းခဲ့တာဖြစ်ကြောင်း UWSA အဖွဲ့ ပြောခွင့်ရသူ ဦးအောင်မြင့်က ပြောပါတယ်။

"ဒီနေ့မနက် ဦးအောင်မင်းနဲ့ စကားပြောမိပါတယ်၊ အပစ်အခတ်ရပ်စဲရေးနဲ့ ပတ်သက်လို့ ထပ်ဖြစ်နေတဲ့ တိုက်ခိုက်မှုတွေဟာ ကိုးကန့်က စတိုက်တာဖြစ်တယ်၊ ရခိုင်က စတိုက်တာဖြစ်တယ်၊ တိုက်ပွဲက ဒီလိုပြင်းထန်လာ တာဖြစ်တယ်၊ ဒါကြောင့်မို့ ကျနော်တို့ကိုလည်းပြောပါတယ်၊ ကျနော်တို့ဘက်ကနေလည်း ဒီအဖွဲ့တွေကို တိုက်ပွဲအရှိန်လျော့ဖို့ ဆွေးနွေးပေးပါ၊ ပြောကြားပေးပါ၊ ဒီအဖွဲ့တွေက တိုက်ပွဲအရှိန်လျော့နိုင်တယ်ဆိုရင် တပ်မတော်ဘက်ကလည်း အရှိန်လျော့ဖို့ သူတို့လည်းဆွေးနွေးပေးပါမယ်ဆိုပြီးတော့ ပြောပါတယ်"

UWSA အနေနဲ့ ဝန်ကြီး ဦးအောင်မင်းရဲ့ ဒီပြောကြားချက်နဲ့ပတ်သက်ပြီး တိုင်းရင်းသား လက်နက်ကိုင် အဖွဲ့ခေါင်းဆောင်တွေထံ အကြောင်းကြားတင်ပြထားတယ်လို့လည်း သိရပါတယ်။

ဒီအတောအတွင်း တိုင်းရင်းသားတွေနဲ့ တစ်နိုင်ငံလုံး အပစ်အခတ်ရပ်စဲဖို့ အဆင်သင့်ဖြစ်နေကြောင်း သမ္မတ ဦးသိန်းစိန်က အခုလ ၄ ရက်နေ့ ရေဒီယိုမိန့်ခွန်းမှာ ပြောဆိုလိုက်တဲ့အပေါ် မေးခွန်းထုတ်စရာဖြစ်နေကြောင်း UNFC ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ အထွေထွေအတွင်းရေးမှူးနဲ့ NCCT ခေါင်းဆောင်တစ်ဦးဖြစ်သူ ခူဦးရယ်က ပြောကြားလိုက်ပါတယ်။

"အဆင်သင့်ဖြစ်တယ်လို့ သူတို့ပြောလိုက်တာက ဘာကိုအဆင်သင့်ဖြစ်သလဲလို့ မေးစရာအကြောင်းရှိပါတယ်၊ တချို့အဖွဲ့အစည်းတွေကိုတော့ သူတို့အသိအမှတ်မပြုနိုင်ဘူး၊ ပါဝင်ခွင့်မပေးဘူး၊ သူတို့လက်မှတ်မထိုးနိုင်ဘူး လို့ပြောလိုက်ရင် ထိန်ချန်ထားခံရတာပဲ၊ လက်နက်ကိုင်ပြီး ထိန်ချန်ထားခံရတဲ့ အဖွဲ့အစည်းတွေကတော့ ဆက်လက်ပြီး တိုက်ပွဲဝင်သွားမှာပဲ၊ သူတို့ကို အသိအမှတ်မပြုဘူးဆိုရင်တော့ လက်နက်ကိုင်တပ်ဖွဲ့က ဆက်သွားနေဦးမှာပဲ၊ အဲ့ဒါကြောင့်မို့ အားလုံးပါဝင်တဲ့ လက်မှတ်ရေးထိုးမှုကို မြင်ချင်တယ်ဆိုတာ ဒါကိုဆိုလိုခြင်းဖြစ်ပါတယ်"

အခု မေလ ၁ ရက်နေ့ကနေ ၆ ရက်နေ့အထိ UWSA ၀တပ်ဖွဲ့ဌာနချုပ် ပန်ဆန်းမှာ ကျင်းပတဲ့ တိုင်းရင်းသား လက်နက်ကိုင်အဖွဲ့ ထိပ်သီးခေါင်းဆောင်တွေရဲ့ ဆွေးနွေးပွဲမှာ လက်ရှိအပစ်အခတ် မရပ်စဲနိုင်သေးတဲ့ တိုင်းရင်းသားလက်နက်ကိုင် အဖွဲ့အစည်းတွေအားလုံး ပါဝင်နိုင်ရေးအပါအဝင် အချက် ၁၂ ချက်ကို သဘောတူညီခဲ့ကြပါတယ်။

RFA Burmese
http://www.rfa.org/burmese



ကရင်နီအမျိုးသား တိုးတက်ရေးပါတီ (ကေအန်ပီပီ) တပ် နယ်လှည့် လူထု တွေ့ဆုံ ဆွေးနွေး သည့် စစ်ကြောင်း လမ်းတလျောက် ချထားသည့် အစိုးရ တပ်များ ရှေ့ဆက် မတိုးရန် မေ ၇ ရက်က အကြောင်းကြားထားသည်။

စစ်ကြောင်း လမ်းကြောင်းတွင် အစိုးရတပ်များ ချထားသည့် အတွက် ၂ ဖက် ရင်ဆိုင် တိုက်ပွဲများ မဖြစ်ပေါ်ရန် ပြည်နယ်လုံခြုံရေးနှင့် နယ်စပ်ရေးရာဝန်ကြီးဌာနနှင့် ဒေသ ကွပ်ကဲရေးစစ်ဌာနချုပ်သို့ ကေအန်ပီပီက အသိပေးထားသည်ဟု လွိုင်ကော် ဆက်ဆံရေးရုံးတာဝန်ခံ ဦးပလုရယ်ကပြောသည်။

“လွိုင်ကော် ရှားတောလမ်းဖက်မှာ ရှိတဲ့ရွာတွေ၊ လွိုင်ကော် လွယ်လင်ဖက်က လင်ဖုံ၊ တီးစဲခါး၊ ကွန်နားတို့ဖက်မှာ ဗမာတပ်တွေလိုက်ချထားတယ်၊ ဒီမနက်တော့ သွားပြော လိုက်ပြီ ရောက်တဲ့နေရာက ရှေ့ဆက်မသွားဖို့ပေါ့”ဟု ဦးပလုရယ်ကပြောသည်။

လက်ရှိ ကေအန်ပီပီ စစ်ကြောင်းကိုလည်း ရှေ့ဆက် မသွားရန် ဒေသကွပ်ကဲရေးမှူးများက ကေအန်ပီပီခေါင်းဆောင်များကို မေ ၂ ရက် တွေ့ဆုံစဉ်ပြောဆိုခဲ့သည်။

ရှားတောမြို့နယ် အနီးတ၀ိုက်ရှိ ကျေးရွာများသို့ ကေအန်ပီပီ အဖွဲ့ဝင် ၂၀၀ ၀န်းကျင်သည် လက်နက်များ ကိုင်ဆောင်၍ နယ်လှည့်ကွင်းဆင်း စည်းရုံးရန် မေလဆန်းက လုပ်ဆောင် ခဲ့ကြောင်း၊ စည်းရုံးရေး လုပ်ငန်းစဉ်များ အတွက် သံလွင်မြစ် အနောက်ခြမ်း၌ အခြေပြု နေထိုင်လျက်ရှိကြောင်း၊ ထို့ကြောင့် စစ်ပွဲများ ထပ်မံ ဖြစ်ပွားလာမည်ကို ဒေသခံ ပြည်သူ များက စိုးရိမ်နေကြကြောင်း မေ ၆ရက် အစိုးရ သတင်းစာများ၌ ဖော်ပြထားသည်။

မတ် ၃၁ရက်က ကေအန်ပီပီနှင့်ပြည်နယ်အစိုးရတို့တွေ့ဆုံဆွေးနွေးချိန် မေလအတွင်း ကရင်နီတပ်မတော်များမှ နယ်လှည့်လူထုတွေ့ဆုံဆွေးနွေးရေး စစ်ကြောင်းပြုလုပ်မည့် ကိစ္စကို အသိပေးဆွေးနွေးခဲ့သည်။

ကန္တာရ၀တီတိုင်(မ်း)
https://www.facebook.com/kantarawaddytimes


 လက်ပံတန်း ကျောင်းသားသပိတ် အကြမ်းဖက် ဖြိုခွင်းခဲ့တဲ့​နေရာမှာ အီးယူက သင်တန်း​ပေးထားတဲ့ ရဲတပ်ဖွဲ့ဝင်​တွေမပါဝင်ဘူးလို့ မြန်မာနိုင်ငံဆိုင်ရာ အီးယူသံအမတ်ကြီး မစ္စတာ ရိုလန်ကိုဘီယာ က ဒီဗွီဘီကို ​ပြောပါတယ်။

မြန်မာနိုင်ငံဆိုင်ရာ ဥရောပသမဂ္ဂရုံး (အီးယူ) အခြေစိုက်ရာ ကမာရွတ်မြို့နယ်၊ လှည်းတန်းစင်တာ အီးယူရုံးမှာ ဥ​ရောပ​နေ့နဲ့ ပတ်သက်ပြီး ပြုလုပ်တဲ့ သတင်းစာရှင်းလင်းမှာ ဒီဗွီဘီရဲ့ မေးမြန်းမှုကို အခုလို ပြောကြားခဲ့တာပါ။

မစ္စတာ ရိုလန်ကိုဘီယာက “လက်ပံတန်းဖြစ်စဉ်နဲ့ ပတ်သက်ပြီး အများစုက ကျ​နော်တို့ကို​ ဝေဖန်တာ​တွေ ရှိပါတယ်။ မြန်မာနိုင်ငံမှာ ရဲတပ်ဖွဲ့ဝင် ၇ ​သောင်း​ကျော်ရှိတဲ့အထဲက ၄​ ထောင်​လောက်ကိုပဲ သင်တန်း​ပေးခဲ့တာပါ။ လက်ပံတန်း​ကျောင်းသားသပိတ် ဖြိုခွင်းခံရတဲ့​ နေရာမှာ အီးယူက သင်တန်း​ပေးထားတဲ့ ရဲတပ်ဖွဲ့​တွေ မပါဝင်ခဲ့ပါဘူး။ ဖြစ်ခဲ့တဲ့အဖြစ်အပျက်က ​တော်​တော်ကိုဆိုးပါတယ်။ ဒါနဲ့ပတ်သတ်ပြီး အီးယူ အ​နေနဲ့ စိုးရိမ်မိတဲ့အ​ကြောင်းလည်း ပြောပြီးဖြစ်ပါတယ်။ ဒီကိစ္စဟာ လက်ခံဖွယ်ရာမရှိသလို ကြိုက်လည်းမကြိုက်ပါဘူး။ ကျ​နော်တို့အ​နေနဲ့ အစိုးရကို စုံစမ်းစစ်​ဆေး​ရေး​ကော်မရှင်ဖွဲ့ဖို့ တိုက်တွန်းထားပါတယ်” လို့ ပြောပါတယ်။

မြန်မာနိုင်ငံ ရဲတပ်ဖွဲ့ ပြုပြင်​ပြောင်းလဲ​ရေးနဲ့ပတ်သက်ပြီး အီးယူက သင်တန်းပို့ချဖို့ အစိုးရဘက်ရော၊ ​ဒေါ်​အောင်ဆန်းစုကြည်ကပါ ​ထောက်ခံအဆိုပြုခဲ့တာလို့လည်း သံအမတ်ကြီးက ဆိုပါတယ်။

“အစိုးရ​ရော၊ အန်အယ်လ်ဒီ​ရော၊ မြန်မာနိုင်ငံရဲတပ်ဖွဲ့ကို ပြုပြင်ပြောင်းလဲ လုပ်ဖို့ ကမ်းလှမ်းခဲ့တဲ့အတွက် အီးယူက ​ဆောင်ရွက်ခဲ့တာပါ။ ဒါခက်ခဲမယ်ဆိုတာ ကျ​နော်တို့​တွေ သိပါတယ်။ လုံခြုံ​ရေးဆိုင်ရာ ပြုပြင်​ပြောင်းလဲမှူ​တွေ လုပ်တဲ့​နေရာမှာ မြန်မာမှမဟုတ်ပါဘူး တကမ္ဘာလုံးမှာ ခက်ခဲမယ်ဆိုတာ သိပါတယ်။  စိန်​ခေါ်မှုတွေရှိတာကို သိသိနဲ့ လုပ်ခဲ့တာပါ” လို့ ပြောပါတယ်။

အီးယူအနေနဲ့ မြန်မာနိုင်ငံ ရဲတပ်ဖွဲ့ကို ၂ဝ၁၃ ခုနှစ် ကစပြီး လေ့ကျင့်သင်ကြားပေးခဲ့တာ ဖြစ်ပြီး ဒီသင်တန်းတွေရဲ့ ရည်ရွယ်ချက်က လူ့အခွင့်အရေးကို လေးစား လိုက်နာမှု မြှင့်တင်ပြီး အရေးပါတဲ့ ညှိနှိုင်းဆွေးနွေးမှုတွေ လုပ်ဖို့၊ လူစုလူဝေး ဖြိုခွဲမှုတွေကို နောက်ဆုံး အဆင့်မှာသာ ထားပြီး လုပ်ဆောင်ကြဖို့တွေကို ရည်ရွယ် သင်ကြားပေးခဲ့တာပါ။

အီးယူက မြန်မာနိုင်ငံရဲတပ်ဖွဲ့​တွေအတွက် ရဲဝန်ဆောင်မှုလုပ်ငန်းနဲ့ဆိုင်တဲ့ လက်တွေ့အသုံးချနိုင်မယ့် သင်ခန်းစာ​တွေကို ၁၈ လကြာသင်တန်း​ပေးခဲ့တာဖြစ်ပြီး ယူရိုငွေ ၁၀ သန်း (မြန်မာကျပ်ငွေ ၁၃.၂ ဘီလီယံခန့်) ကုန်ကျခဲ့တာပါ။

 By ကျော်ဇေယျာဝင်း  (ဒီဗွီဘီ)
http://burmese.dvb.no


နိုင်ငံတကာအာကာသစခန်းကို ရိက္ခာပို့လွှတ်လိုက်တဲ့ မောင်းသူမဲ့ ရုရှားဂြိုဟ်တုဟာ အာကာသစခန်းကို မရောက်ပဲ မေလ ၈ ရက်မှာ ကမ္ဘာမြေပေါ် ပြန်ကျလာတော့မှာဖြစ်ပါတယ်။
ဓာတ်ပုံ – space.com
ပြီးခဲ့တဲ့ ဧပြီလ ၂၈ ရက်နေ့က Kazakhstan နိုင်ငံ၊ ဒုံးပျံလွှတ်တင်ရေးစခန်းကနေ ရိက္ခာအစားအသောက်၊ လောင်စာနဲ့ တခြားထောက်ပံ့ရေးပစ္စည်းတွေကို ဒုံးပျံနဲ့ တင်လွှတ်လိုက်တာပါ။

ဂြိုဟ်တုပတ်လမ်းထဲရောက်ရှိပြီး ခဏအကြာမှာ အဆက်အသွယ်ပြတ်သွားခဲ့ပြီး ရေဒါ အချက်အလက်တွေအရ ကမ္ဘာမြေပေါ် ပြန်ကျလာတာကို တွေ့ရတာပါ။ မေလ ၈ ရက်နေ့ ဗြိတိန်စံတော်ချိန် မနက် ၉ နာရီမှာ ကမ္ဘာမြေပေါ် ကျရောက်မယ်လို့ အမေရိကန်လေတပ်က ဆိုပါတယ်။

ပြန်အကျမှာ ကမ္ဘာ့လေထုထဲ မီးလောင်ကျွမ်းသွားနိုင်ပြီး အပိုင်းအစတွေပဲ ပင်လယ်ထဲ ကျရောက်နိုင်ခြေများတယ်လို့လည်း ရုရှားအာကာသအေဂျင်စီက ဆိုပါတယ်။

ဘာကြောင့် နိုင်ငံတကာအာကာသစခန်းနဲ့ မချိတ်ဆက်မိပဲ ပြန်ကျလာလဲဆိုတာကို စုံစမ်းနေပြီး မေလ ၁၃ ရက်နေ့မှာ ရုရှားအာကာအေဂျင်စီက ကနဦးတွေ့ရှိချက်တွေ ထုတ်ပြန်ပေးမယ်လို့ ဆိုပါတယ်။

ဒီရိက္ခာသယ်ဂြိုဟ်တု အာကာသစခန်းကို ရောက်မသွားပေမယ့် အာကာသယာဉ်မှူးတွေ အတွက် ၄ လစာရိက္ခာ အလုံအလောက်ရှိတယ်လို့ နာဆာက ပြောပါတယ်။

၁၉၇၉ ခုနှစ်က အမေရိကန် Skylab အာကာသစခန်းအပါအ၀င် အာကာသယာဉ် အပိုင်းအစတွေ အရင်ကလည်း ကမ္ဘာမြေပေါ် အထိအခိုက်မရှိ ပြန်ကျခဲ့ဖူးပါတယ်။

By ဒီဗွီဘီ
http://burmese.dvb.no/

ဂျက်ကီချန်းရဲ့သား ဂျေစီချန်း ထောင်ဒဏ် ၆ လ ချမှတ် ခံခဲ့ရ။
စင်ကာပူ နိုင်ငံရဲ့ မူးယစ်ဆေးဝါး တိုက်ဖျက်ရေး ဂုဏ်ထူးဆောင် သံအမတ် အဖြစ် ခန့်အပ် ခံထားရတဲ့ ဟောင်ကောင် မင်းသား ဂျက်ကီချန်းက မူးယစ်ဆေးဝါးနဲ့ ပတ်သက်တဲ့ တချို့ တရားခံတွေ အပေါ် သေဒဏ် ချမှတ်တာကို ထောက်ခံတယ်လို့ ပြောပါတယ်။

ကွန်ဖူး မင်းသား ဂျက်ကီချန်းက သူ့ရဲ့ သားဖြစ်သူ ကိုယ်တိုင် မူးယစ်ဆေးဝါးနဲ့ ပတ်သက်ခဲ့တာကို သိခဲ့ရချိန်က အလွန် ရှက်မိပြီး စိတ်ဆိုးမိတယ် လို့လည်း ပြောပါတယ်။

သူ့ရဲ့ သား ဂျေစီချန်းဟာ အခုနှစ် စောစောပိုင်းက မူးယစ်ဆေးဝါး လက်ဝယ် တွေ့မှု၊ မူးယစ်ဆေး သုံးစွဲသူတွေကို နေရာပေးမှု တွေနဲ့ တရုတ်နိုင်ငံမှာ ထောင်ဒဏ် ၆ လ ချမှတ် ခံခဲ့ရပါတယ်။

သူ့မိသားစုမှာ ဒီလို အဖြစ်မျိုး ဖြစ်လာမယ် ဆိုတာ ဘယ်တုန်းကမှ မတွေးမိခဲ့ကြောင်း၊ မူးယစ်ဆေးဝါးဟာ လူငယ်တွေကို ပျက်စီးစေတာတင် မကဘဲ သူတို့ရဲ့ မိသားစုတွေကိုပါ ထိခိုက် နစ်နာစေကြောင်း မင်းသား ဂျက်ကီချန်းက သတင်းထောက်တွေကို ပြောပါတယ်။

ဂျက်ကီချန်းဟာ စင်ကာပူ နိုင်ငံရဲ့ မူးယစ်ဆေး တိုက်ဖျက်ရေး ဆိုင်ရာ ပထမဆုံး သံအမတ် ဖြစ်သလို၊ ၂၀ဝ၉ ခုနှစ် ကလည်း တရုတ် ရဲတပ်ဖွဲ့ရဲ့ မူးယစ်ဆေး ထိန်းချုပ်ရေး သံအမတ် အဖြစ် ခန့်အပ် ခံခဲ့ရပါတယ်။

BBC Burmese
http://www.bbc.com/burmese

ဓာတ်ပုံ -thairath

ထိုင်းနိုင်ငံတောင်ပိုင်း ဖန်ငခရိုင် တကွာပါမြို့နယ်ထဲမှာ  ကားနောက်ဖုံးမှာတင်လာတဲ့ တရားမ၀င် မြန်မာ ၁၀ ဦးကို ဖမ်းဆီးရမိတယ်လို့  ထိုင်းရတ်သတင်းမှာ ဖော်ပြပါတယ်။

မေလ  ၆ ရက် ညနေ ၄ နာရီကျော်လောက်က တကွာပါမြို့နယ် ဗန်မုန့်ကျေးရွာအုပ်စု ထဲမှာ မသင်္ကာဖွယ် နစ်ဆန်းအမျိုးအစား ဆလွန်းကားတစီး  ရွာအ၀င်ဂိတ်ကိုဖြတ်ပြီး  ခေါက်တုံ့ ခေါက်ပြန်သွားလာနေတာကို ကျေးရွာအုပ်ချုပ်ရေးမှူးအဖွဲ့က တွေ့ရတဲ့အတွက် သင်္ကာမကင်း ဖြစ်ပြီး အထူးလုံခြုံရေးအဖွဲ့ကို အကြောင်းကြားခဲ့ကြောင်း၊ အထူးအဖွဲ့က  စောင့်ဆိုင်းစစ်ဆေးရာ မှာ ကားနောက်ဖုံးမှာ  တရားမ၀င် ၀င်ရောက်လာသူတွေကို တွေ့ရတယ်လို့  တာဝန်ရှိသူတဦး က သတင်းထောက်ကို ပြောပါတယ်။

ဆက်လက်စစ်ဆေးချက်အရ  အဲဒီကားကို ထိုင်းလူမျိုး နိုင်းဖောဒေချ တွန့်ချေ့ ဆိုသူက ရနောင်း ဘက်ကနေ  တရားမ၀င်အလုပ်သမားတွေ တင်ဆောင် မောင်းနှင်လာတာ ဖြစ်ပြီး  စစ်ဆေးရေး ဂိတ်မှာ တာဝန်ရှိသူတွေမသိအောင် ကားနောက်ဖုံးကနေ တကြိမ်လျှင် ၂ ယောက် ၃ ယောက် ခွဲပြီးတင်ဆောင်ခဲ့ကြောင်း၊  လူကုန်မှ အားလုံးကို ကားပေါ်တစုတည်း ပြန်တင်ပြီး ခရီးဆက် သွားဖို့ ဖြစ်တယ်လို့  ယာဉ်မောင်းက ထွက်ဆိုဝင်ခံခဲ့ပါတယ်။

ဓာတ်ပုံ -thairath

ဒီခရီးစဉ်မှာ တရားမ၀င်သူ ၁၀ ဦး ပါလာပြီး အားလုံးမြန်မာနိုင်ငံသားတွေ ဖြစ်ကာ လ၀ကဥပဒေအရ အရေးယူဆောင်ရွက်သွားမယ်လို့ အထူးလုံခြုံရေးအဖွဲ့ တာဝန်ရှိသူတဦးက သတင်းထောက်တွေကို ပြောသွားပါတယ်။

By ဒီဗွီဘီ
http://burmese.dvb.no


 မေလ ၇ ရက် ၂၀၁၅

 မေ ၁ - ၆ ရက်နေ့ အထိ ၀ ပြည်သွေးစည်း ညီညွှတ်ရေးပါတီ ကမကထပြု၊ ကချင်လွတ်လပ်ရေး တပ်မတော်နဲ့ မိုင်းလားတပ်မတော်တို့ ကူညီ ပံ့ပိုးမှု နဲ့ ရှမ်းပြည်အရှေ့ပိုင်း ပန်ဆန်းမြို့မှာ တိုင်း ရင်းသားလက်နက် ကိုင် တပ်ဖွဲ့ ၁၂ ဖွဲ့ရဲ့ ထိပ်သီးခေါင်းဆောင်တွေ စုံညီတဲ့ ညီလာခံ တရပ် ကျင်းပ ကြပါတယ်။ အိမ်ရှင် ၀ တပ်ဖွဲ့က ကိုယ်ပိုင် ပြည်နယ် ထူထောင်နိုင်ရေးအတွက် ထောက်ခံ မှုရဖို့ ညီလာခံလက်ခံကျင်းပ ရခြင်းရဲ့ ရည်ရွယ်ချက် များ ထဲက အဓိကထဲက တခုပါဝင်ပါတယ်။

ညီလာခံ ပထမ နေ့ အဖွင့်မိန့်ခွန်းမှာဘဲ ၀ တပ်ဖွဲ့ခေါင်းဆောင် ပေါက်ယူ ချန်းက ၂၀၀၈ ဖွဲ့စည်း ပုံအရ ရှမ်းပြည် အရှေ့ပိုင်း ဟိုပန်ခရိုင်အတွင်း ၃ မြို့နယ်၊ မက်မန်းခရိုင်အတွင်း သုံးမြို့နယ် ကို စုစည်းပြီး ၀ ကိုယ်ပိုင် အုပ်ချုပ်ရတိုင်းအဖြစ် သတ်မှတ်ပေးထားတဲ့အဆင့်ကို တက်ပြီး ပြည်နယ် အဆင့် သတ်မှတ်ပေးဖို့ နေပြည်တော်အစိုးရထံ ၀ တပ်ဖွဲ့ တင်ပြတောင်း ဆိုရင် ထောက်ခံ အသိ အမှတ်ပြုပေးဖို့ ပန်ဆန်း ရောက် တိုင်းရင်းသား လက်နက် ကိုင်တပ်ဖွဲ့ ၁၁ ဖွဲ့ ရဲ့ ကိုယ်စား လှယ် တွေထံ ၀ ခေါင်းေ ဆာင် ပေါက် ယူချန်းက တောင်းဆိုလိုက်ပါတယ်။

ရှမ်းပြည်တပ်မတော် ခေါင်းဆောင် ဒုတိယ ဗိုလ်ချုပ်ကြီးယွက်စစ်ကတော့ ၀ ပြည်နယ်တည် ထောင်နိုင်ရေး အတွက် ကြိုးပမ်းတာဟာ ၄င်းတို့ရဲ့ အခွင့်အရေးဖြစ်တယ်။ သတ်မှတ် အတည် ပြုဖို့ က တော့ တဦးတယောက်၊ တသင်းတဖွဲ့ တည်းနဲ့ အဆုံးအဖြတ်ပေးနိုင်မှာမဟုတ်ဘဲ ပိုင်ရှင်ဖြစ်တဲ့ ရှမ်းပြည်သားတွေကသာ အဆုံးအဖြတ်ဖြစ်တယ်လို့ ပြောပါတယ်။

အစည်းအဝေး နောက်ဆုံးနေ့ သဘောထားထုတ်ပြန်ကြေငြာချက် ၁၂ ချက် ထဲက ၁၁ ချက် မြောက်မှာလည်း တက်ရောက် လာတဲ့ တိုင်းရင်းသားေ ခါင်းဆောင်အများစုက ၀ အမျိုးသား ပြည်နယ်အဆင့် တောင်းဆိုခြင်းအပေါ် နားလည်ထောက်ခံကြတယ်လို့ ထည့်သွင်းရေးသား ထားပါတယ်။

၂၀၀၈ ဖွဲ့စည်းပုံအခြေခံဥပဒေ ပုဒ်မ ၅၃ က မှ စ အထိမှာ - ကိုယ်ပိုင် အုပ်ချုပ်ခွင့်ရဒေသ ၊ ကိုယ်ပိုင်အုပ်ချုပ်ခွင့် ရတိုင်း၊ တိုင်းဒေသကြီး၊ ပြည်နယ် စတာတွေ နယ်နိမိတ်ပြောင်းလဲ လိုရင် သို့မဟုတ် အသစ်သတ် မှတ်လိုရင် ပထမ အဆင့် ဒေသခံ တွေရဲ့ ထောက်ခံမှု ထက်ဝက်ကျော် ရယူရမယ်။

ဒုတိယ အဆင့် ဆိုင်ရာ ပြည်နယ်၊ တိုင်းဒေသကြီးရဲ့ ဒေသခံ ၄ ပုံ ၃ ပုံနဲ့ အထက် ထောက်ခံမှု ရယူရမှာဖြစ်ပြီးတော့ တတိယအဆင့်မှာ လည်း ပြည်ေ ထာင် စုလွှတ်တော်ကိုယ်စား လှယ် အားလုံးရဲ့ထောက်ခံမဲ ၄ ပုံ ၃ ပုံနဲ့အထက် ရယူပြီးမှသာလိုအပ်သလိုပြင်ဆင်သတ်မှတ်ပေး နိုင်မှာဖြစ် တယ်လို့ ဖော်ပြ ထား ပါတယ်။

သို့သော် စစ်အစိုးရခေတ်က မည်သူ့ထံမှ သဘောထား ဆန္ဒရယူခြင်းမရှိဘဲ သျှမ်းပြည်နယ် မြောက်ပိုင်း နမ့်ဆန် နဲ့ မန်တုံမြို့နယ် နှစ်မြို့နယ်ကို ပလောင် ကိုယ်ပိုင်အုပ်ခွင့်ရဒေသအဖြစ် လည်းကောင်း၊ ကုန်းကြမ်း နဲ့ လောက်ကိုင်ကို ကိုးကန့်ကိုယ်ပိုင်အုပ်ချုပ်ခွင့်ရဒေသ အဖြစ်လ ည်း ကောင်း၊ သျှမ်းပြည်ေ တာင်ပိုင်း ဆီဆိုင်၊ ဟိုပုံး နဲ့ ပင်လောင်း သုံးမြို့နယ်ကို ပအိုဝ်းကိုယ်ပိုင်အုပ် ချုပ်ခွင့် ရဒေသအဖြစ်လည်းကောင်း၊ ရွာငံ နဲ့ ပင်းတယ နှစ်မြို့နယ်ကို ဓနု ကိုယ်ပိုင် အုပ်ချုပ်ခွင့်ရ ဒေသအဖြစ်လည်းကောင်း၊ ဟိုပန်၊ ပန်ဝိုင်၊ နားဖန်း၊ မိုင်းမော၊ ပန်ဆန်း နဲ့ မက်မန်းကို ၀ ကိုယ်ပိုင် အုပ်ချုပ် ခွင့်ရဒေသတိုင်း အဖြစ်လည်းကောင်း သတ်မှတ်ပေးထားပါတယ်။

မည်သို့ပင်ဆိုစေ လက်ရှိအနေအထားရ ၀ ဒေသ ကတော့ ကိုယ်ပိုင်အုပ်ချုပ် ခွင့်ရတိုင်းဒေသ ထက်မက တခြားပြည်နယ် နဲ့ တိုင်းဒေသကြီးရထားတဲ့ အဆင့်တွေထက် အခွင့်ထူးတွေပိုရနေ ပါတယ်။ ၀ ဒေသ အုပ်ချုပ်ရေး ယန္တယားတခုလုံး မြန်မာအစိုးရ တစိတ်တပိုင်းမျှ ၀င်ရောက်စွက် ဖက်နိုင်ခြင်းမရှိပါ။ ကိုယ်ပိုင်ငွေကြေးတာ ထုတ်လုပ် သုံးစွဲမယ်ဆိုရင် မည်သူ့ထံမှ ကိုယ်ပိုင်ပြည် နယ် တောင်းဆိုဖို့မလိုဘဲ ကိုယ်ပိုင် နိုင်ငံတော် အဆင့် ရှိနေပါပြီလို့ ၀ စစ်မှု ထမ်းဟောင်း တခမ်းဆိုင် က ပြောပါတယ်။

ဝ ဒေသ အတွင်းမှာ ၀ ကိုယ်ပိုင်စစ်တပ်၊ ကိုယ်ပိုင်ရဲ တပ်ဖွဲ့ ကိုယ်ပိုင် စီမံ အုပ်ချုပ်မှု တွေနဲ့ ဒေသခံ ၆ သိန်းကျော် ကို စောင့်ရှောက်မှုပေးနေတာပါ။ ၄င်းတို့ထိန်းချုပ်ထားတဲ့ နယ်မြေဒေသ ဟာလဲ ၁၇၀၀၀ စတုရန်းကီလိုမီတာ ကျယ်ဝန်းပြီး ရန်ကုန်တိုင်းဒေသကြီးထက် တစ်ဆ နည်းပါး ပိုကြီးနေပါတယ်။

ရန်ကုန်တိုင်းဒေသကြီးဟာ စတုရန်းကီလိုမီတာ ၁၀၀၀၀၊ ကယားပြည်နယ် က ၁၁၀၀၀၊ မွန်ပြည်နယ်က ၁၂၀၀၀ စတုရန်းကီလိုမီတာရှိတယ် လို့ တောင်ကြီးခရိုင် မြေတိုင်း အရာရှိ တဦးကပြောပါတယ်။

ဝ တပ်ဖွဲ့ဟာ လက်ရှိ ထိန်းချုပ်ထားတဲ့ မြောက်ပိုင်းနယ်မြေ ပန်ဝိုင် နားဖန်း မိုင်းမော ပန်ဆန်းမြို့ နယ်တွေ အပြင် တောင်ပိုင်း ထိုင်းနယ်စပ် တာချီလိတ် ခရိုင်အတွင်း နဲ့ မိုင်းဆတ်ခရိုင်အတွင်း ဒေသ တချို့ကိုလည်း တောင်ပိုင်း ၀ ပြည်နယ်အဖြစ် ထည့်သွင်းသတ်မှတ်ပေးဖို့ နိုင်ငံတော် အစိုးရ ထံ တောင်း ဆိုထားပါတယ်။

ဝ ခေါင်းဆောင်တွေကတော့ မည်သို့ပင်ဆိုစေ ၀ တပ်ဖွဲ့ထိန်းချုပ်ထား တဲ့ဒေသဟာ ပြည်ထောင် စုကြီးရဲ့ အစိတ်အပိုင်းတခုသာ ဖြစ်ပြီး ဘယ်ေ တာ့မှ ခွဲထွက်မှာမဟုတ်ဘူးလို့ ပြောပါတယ်။

အိုက်မူး(မိုင်းယော်)
သျှမ်းသံတော်ဆင့်
https://www.facebook.com/Panglong.burmese