05/18/15

အင်ဒိုနီရှားနိုင်ငံ Lhoksukon မှာ မေလ ၁၁ ရက်နေ့က ရိုဟင်ဂျာဒုက္ခသည်တွေကို တွေ့ရစဉ်

ပြည်ထောင်စုအစိုးရအဖွဲ့ဝင် ၀န်ကြီးတချို့နဲ့ နိုင်ငံတကာသံတမန်များ နှစ်လတစ်ကြိမ် ပုံမှန်တွေ့ဆုံနေကြ စည်းဝေးပွဲကို ဒီနေ့ကျင်းပရာမှာ သံအမတ်ကြီးတွေက လောလောဆယ်ဖြစ်ပေါ်နေတဲ့ လှေစီးဒုက္ခသည်တွေအရေး၊ ပြည်တွင်းငြိမ်းချမ်းရေးနဲ့ ယာယီသက်သေခံလက်မှတ် ကိုင်ဆောင်သူတွေအရေးကို မေးမြန်းခဲ့ကြပါတယ်။

လှေစီးဒုက္ခသည်တွေအရေးကိစ္စကို နိုင်ငံအားလုံးက ဝိုင်းဝန်းဖြေရှင်းဖို့ ထိုင်း၊ မလေးရှားနဲ့ ဘင်္ဂလားဒေ့ရှ် သံအမတ်ကြီးတွေက ပြောဆိုဆွေးနွေးကြတယ်လို့ မြန်မာငြိမ်းချမ်းရေးစင်တာက ဒေါက်တာဆလိုင်းငွန်ကျုံးလန် က ပြောပါတယ်။

"လောလောဆယ်ဖြစ်နေတဲ့ လှေစီးဒုက္ခသည်လို့ ပြောမလား၊ ဒီဟာတွေက တချို့သတင်းဌာနတွေက မြန်မာနိုင်ငံကပဲ ထွက်ပြေးသလိုလိုမျိုး ပြောနေကြတယ်လေ၊ အဲ့ကိစ္စတွေနဲ့ ပတ်သက်ပြီးတော့ သံရုံးတွေဘက်ကနေ သူတို့ရဲ့အတွေ့အကြုံတွေ ရင်ဆိုင်နေရတဲ့ အခက်အခဲတွေကို ရှင်းပြတယ်၊ နောက်ပြီးတော့ ကျနော်တို့ အစိုးရဘက်ကလည်း ဒီကိစ္စနဲ့ ပတ်သက်ပြီးတော့ အစိုးရရဲ့ သဘောထားတွေ အဲ့ဒါတွေပြန်ရှင်းပြတယ်၊ ကျနော်ကြားတာတစ်ခုက မလေးရှားသံအမတ်ကြီးရော၊ ဒီထိုင်းသံအမတ်ကြီးရော၊ နောက်ပြီးတော့ ဘင်္ဂလားဒေ့ရ်ှက သံအမတ်ကြီးရော ပြောတာက ဒီကိစ္စနဲ့ ပတ်သက်ပြီးတော့ အားလုံးပူးပေါင်းဆောင်ရွက်ကြရင် မကောင်းဘူးလားဆိုတဲ့ဟာကတော့ သူတို့ပြောတာကြားရတယ်"

ဒါ့အပြင် အမျိုးသားလွှတ်တော်မှာ ဆွေးနွေးနေတဲ့ မျိုးစောင့်ဥပဒေကြမ်းနဲ့ ယာယီသက်သေခံလက်မှတ် အပ်နှံပြီးနောက်ပိုင်းလုပ်ငန်းစဉ်တွေကိုလည်း မေးမြန်းခဲ့တယ်လို့ သိရပါတယ်။

သမ္မတရုံးဝန်ကြီးဌာန ပြည်ထောင်စုဝန်ကြီး ဦးအောင်မင်း၊ ဦးစိုးသိန်း၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးခင်ရီ၊ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးရဲထွဋ်၊ ပြည်ထောင်စုရှေ့နေချုပ် ဒေါက်တာထွန်းရှင်၊ မြန်မာနိုင်ငံအခြေစိုက်သံရုံးတွေက သံအမတ်ကြီး ၄၁ ဦး နဲ့ ကုလသမဂ္ဂအရာရှိတွေ တွေ စုစုပေါင်း ၈၀ ကျော် တက်ရောက်ခဲ့ပါတယ်။

အဲဒီ့စည်းဝေးပွဲအပြီးမှာ ဝန်ကြီး ဦးရဲထွဋ်က ဒီလှေစီးဒုက္ခသည်တွေအရေးနဲ့ ပတ်သက်ပြီး နိုင်ငံတကာရဲ့ စိုးရိမ်ပူပင်မှုကိုနားလည်ကြောင်း မြန်မာနိုင်ငံအပေါ် အပြစ်ပုံချနေကြမယ့်အစား ဒေသတွင်းနိုင်ငံတွေ ဝိုင်းဝန်းအဖြေရှာကြဖို့ လိုအပ်ကြောင်း ပြောကြားသွားပါတယ်။

RFA

ပင်လယ်ထဲက စက်လှေတွေပေါ်မှာ ထောင်နဲ့ချီတဲ့ ဒုက္ခသည်တွေ ပိတ်မိနေဟု ယုံကြည်ရ။
ပင်လယ်ထဲမှာ ဒုက္ခရောက်နေကြတဲ့ ထောင်နဲ့ချီတဲ့ လှေစီး ဒုက္ခသည်တွေကို ကယ်ဆယ်ဖို့ ငြင်းဆန် နေတဲ့ အရှေ့တောင် အာရှ နိုင်ငံတွေကို ကုလ သမဂ္ဂက ရှုတ်ချ လိုက်ပါတယ်။

ပြီးခဲ့တဲ့ သောကြာနေ့က လှေစီး ဒုက္ခသည် ၇၀၀ ကျော် အင်ဒိုနီးရှား နိုင်ငံ၊ အာချေး ဒေသကို ရောက်ရှိ သွားခဲ့ပြီး နောက်ပိုင်း ဒီသတင်းပတ် အကုန်မှာ ဒုက္ခသည်တွေကို ထပ်မံ ကယ်တင်မှု မရှိခဲ့တာဟာ မကောင်းတဲ့ လက္ခဏာ ဖြစ်တယ်လို့ ဘန်ကောက်မှာ ရှိတဲ့ ကုလသမဂ္ဂ ဒုက္ခသည်များဆိုင်ရာ အေဂျင်စီ UNHCR ရဲ့ ပြောခွင့်ရသူ Vivian Tan က ပြောပါတယ်။

UNHCR အနေနဲ့ အဲဒီ ဒုက္ခသည်တွေကို မှတ်ပုံတင် နိုင်ဖို့နဲ့ လိုအပ်တာတွေကို စိစစ် အဖြေရှာဖို့ အစိုးရတွေကို ကူညီသွားမှာ ဖြစ်ပေမယ့် ပတ်ဝန်းကျင် နိုင်ငံတွေ အနေနဲ့ အဲဒီ ဒုက္ခသည်တွေကို အရင်ဆုံး ကယ်ဆယ်ဖို့ လိုပါတယ်လို့ သူက ပြောပါတယ်။

အင်ဒိုနီးရှား အစိုးရကတော့ နစ်မြုပ်နေတဲ့ စက်လှေ၊ ဒါမှမဟုတ် ရေနစ်နေတဲ့ လူတွေက လွဲလို့ ပင်လယ်ထဲ မျောနေတဲ့ လှေစီး ဒုက္ခသည်တွေကို မကယ်တင်ဖို့ ပြောထားကြောင်း အင်ဒိုနီးရှား ငါးဖမ်းသမား တွေက ပြန်ပြောပါတယ်။

အင်ဒိုနီးရှား၊ ထိုင်းနဲ့ မလေးရှား နိုင်ငံတွေရဲ့ ပိုင်နက် ပင်လယ်ပြင်ထဲမှာ ထောင်နဲ့ချီတဲ့ လှေစီး ဒုက္ခသည်တွေ ပိတ်မိ နေကြတယ်လို့ ယူဆရပြီး သူတို့ နိုင်ငံ ကမ်းခြေတွေကို ချဉ်းကပ် လာကြတဲ့ စက်လှေတွေကို အဲဒီ သုံးနိုင်ငံစလုံးက ပင်လယ်ထဲ ပြန်မောင်းထုတ် ခဲ့ကြပါတယ်။

အဲဒီ လှေစီး ဒုက္ခသည်တွေဟာ မြန်မာ နိုင်ငံနဲ့ ဘင်္ဂလာဒေ့ရှ် နိုင်ငံတို့မှာ နှိပ်ကွပ်မှုတွေနဲ့ ဆင်းရဲမွဲတေမှုတွေကြောင့် ထွက်ပြေး လာကြသူတွေ ဖြစ်ကြပါတယ်။

မြန်မာ အစိုးရကတော့ ရခိုင်နဲ့ ဘင်္ဂလားဒေ့ရ်ှက ထွက်ပြေးကြတဲ့ ဒုက္ခသည် ပြဿနာဟာ လူကုန်ကူးမှု ပြသနာသာ ဖြစ်တယ်လို့ တုံ့ပြန် ပြောဆို ထားပါတယ်။

မြန်မာနိုင်ငံက ထွက်ပြေးတယ် ဆိုတဲ့ ဒုက္ခသည်တွေဟာ ရခိုင်ပြည်နယ်မှာ ဖြစ်နေတဲ့ အခြေအနေ တွေကြောင့် ထွက်ပြေးကြတာ မဟုတ်ဘဲ လူကုန်ကူးမှု ပြဿနာတွေရဲ့ အကျိုးဆက်သာ ဖြစ်ကြောင်း၊ ဒီလူတွေဟာ မြန်မာ နိုင်ငံက လာတာ မှန်တယ် ဆိုတဲ့ အထောက်အထား ပြနိုင်ရင် စိစစ်ပြီး ပြန်လည် ခေါ်ယူမှာ ဖြစ်ကြောင်း သမ္မတရဲ့ ပြောရေးဆိုခွင့် ရှိသူ ပြန်ကြားရေး ဝန်ကြီး ဦးရဲထွဋ်က ပြည်ပ သံတမန်တွေ၊ ကုလ သမဂ္ဂ အရာရှိတွေနဲ့ တွေ့ဆုံပွဲမှာ ပြောခဲ့ပါတယ်။

လှေစီး ဒုက္ခသည်တွေ အရေးနဲ့ ပတ်သက်ပြီး မြန်မာ အစိုးရ အနေနဲ့ ပိုမို တာဝန်ယူ ကိုင်တွယ် ဖြေရှင်းဖို့ တိုက်တွန်း ပြောဆိုမှုတွနဲ့ ပြစ်တင် ပြောဆိုမှုတွေကိုတော့ မြန်မာ အစိုးရက ပယ်ချခဲ့ပါတယ်။

BBC Burmese
http://www.bbc.com/burmese





ကွတ်ခိုင်၊ မေ (၁၈) ။

၂၀၁၅ ခုနှစ်၊ မေလ ၁၈ ရက် နံနက် ၇ နာရီခန့် တွင် လားရှိုး-မူဆယ်ပြည်ထောင်စုလမ်းမကြီးပေါ်ရှိ ကွတ်ခိုင်မြို့  နယ်၊ နမ့်ဖတ်ကာကျေးရွာနှင့် နမ့်မွှေးကျေးရွာကြား၊ ပန်ဂျရော့ကုန်းဆင်းအနီးတွင် TNLA (ပလောင်) အဖွဲ့ မှ အင်အား ၆၀ ဦးခန့် သည် လမ်းမကြီးပေါ်တွင် ဖြတ်သန်းသွားလာလျက်ရှိသော မော်တော်ယာဉ်များအား ၂၂ ဘီး တစ်စီးလျှင် ၅ သိန်းကျပ်နှူန်း၊ ၆ ဘီးယာဉ်တစ်စီးလျှင် ၂ သိန်းကျပ်နှူန်း၊ အငှားယာဉ်တစ်စီးလျှင် ၂၀၀၀၀ ကျပ် နှူန်း ကောက်ခံလျက်ရှိပြီး ယခင်ကောက်ခံပြီးသား ကားများကို တစ်စီးလျင် ကျပ် ၅၀၀၀ နှူန်း ကောက်ခံလျက် ရှိကြောင်း ကိုယ်တိုင်ကြုံတွေ့ ခဲ့ရသူ လားရှိုးမြို့ ခံတစ်ဦးက မေလ ၁၈ ရက် နေ့လယ်ပိုင်းတွင် Oriental News သို့ပြောသည်။

ကျွန်တော်မနေ့ က မူဆယ်ကိုရောက်တယ်။ အခုမနက် လားရှိုးပြန်မယ်ဆိုတော့ ၁၀၅ မိုင်ကို ကျော်မရဘူး။ ဒီမှာပဲ သက်ဆိုင်ရာကတားထားတယ်။ လမ်းမှာ TNLA နဲ့ တပ်မတော် တိုက်ပွဲဖြစ်နေတယ်လို့  ကြားတယ်။ အခြေအနေ မကောင်းရင် မူဆယ်ပဲပြန်အိပ်တော့မယ်ဟု လားရှိုးမြို့ မှ မူဆယ်မြို့ သို့ ရောက်ရှိနေသော ခရီးသည်တစ်ဦးက ပြောသည်။

ပြည်ထောင်စုလမ်းမပေါ်တွင် ငွေကြေးကောက်ခံနေသော TNLA(ပလောင်)အဖွဲ့ နှင့် နမ့်ဖတ်ကာနယ်မြေခံတပ်ရင်း ဖြစ်သော အမှတ် (၁၂၃) ခြေလျင်တပ်ရင်းတို့  ထိတွေ့ တိုက်ပွဲများဖြစ်ပွားခဲ့ပြီး ယခု ညနေပိုင်း ၃း၃၀ အချိန်အထိ တိုက်ပွဲဖြစ်ပွားနေဆဲ ဖြစ်ကြောင်းသိရသည်ဟု ကွတ်ခိုင်မြို့ခံတစ်ဦးကပြောသည်။

TNLA(ပလောင်)အဖွဲ့ သည် ပြည်ထောင်စုကားလမ်းမကြီးတွင်
ငွေကြေးကောက်ခံသည်မှာ ဒုတိယအကြိမ်ဖြစ်ပြီး ဧပြီလ ၂၉ ရက်နေ့ ကလည်း ဖော်ပြပါနေရာတွင်ပင် ဖော်ပြပါအတိုင်း ငွေကြေးကောက်ခံခဲ့သေးသည်ကြောင်း ခရီးသည် များကပြောသည်။

ပြည်ထောင်စုလမ်းပေါ်တွင်ငွေကြေးကောက်ခံသည့်ကိစ္စနှင့်ပတ်သက်၍ TNLA အဖွဲ့ထံ ဆက်သွယ်မေးမြန်းသော်လည်းဆက်သွယ်၍ မရခဲ့ပေ။

မာန်ဟုန်ချီ ၊ အောင်ခန့်မော် ( Oriental News)
https://www.facebook.com/orientalnewsmyanmar
PHOTO BY – ခရီးသွားပြည်သူတစ်ဦး


ကျနော်တို့ လေ့လာ ဖတ်ရှုခဲ့ရတဲ့ မြောက်ကိုရီးယား တော်လှန်ရေး ခေါင်းဆောင်ကြီး ကင်အီဆွန်းရဲ့သမိုင်းနဲ့ သူ့ရဲ့တော်လှန်ရေး အတွေးအခေါ်တွေ ကိုယ်ကျိုးစွန့် အနစ်နာခံမှုတွေ မြောက်ကိုရီးယားပြည်သူတွေ လွတ်မြာက်ရေးအတွက် တော်လှန်ရေးလုပ်ခဲ့တာတွေကို ပြန်ပြီး အမှတ်ရနေမိ ပါသေးတယ်။

ဒါပေမယ့်သူသား ကင်ဂျုံအီလက်ထက် မြောက်ကိုရီးယားနိုင်ငံရဲ့ အခြေအနေကို တွေ့ရတော့ အများကြီး စိတ်မကောင်းဖြစ်ရပြန်တယ်။ တတိုင်းပြည်လုံးက ပြည်သူတွေကို လုံးဝ မျက်စေ့ပိတ်နားပိတ်ထားပြီး ကိုရီးယား မျိုးချစ်သတင်းတွေ၊ သီချင်းတွေနဲ့ ကိုရီးယား အမျိုးသားလွတ်မြောက်ရေး တော်လှန်ရေးအတွေးအခေါ်တွေကိုပဲ သွတ်သွင်းပေးခဲ့ပြီး လူ ဆိုတဲ့ သက်ရှိတွေရဲ့ ပုဂ္ဂိုလ်ရေး ခံစားချက်တွေ၊ အခွင့်အရေးနဲ့ လွတ်လပ်ခွင့်တွေကို ကန့်သတ်ထိမ်းချုပ် ပိတ်ပင်ထားခဲ့တာတွေကို နိုင်ငံတကာသတင်းမီဒီယာတွေမှာ နေ့စဉ်နဲ့အမျှ ဖတ်နေကြည့် နေရပါတယ်။

မြောက်ကိုရီးယားဟာ ကွန်မြူနစ်နိုင်ငံပါ။ ကွန်မြူနစ်တွေရဲ့ အတွေးအခေါ်ကိုလည်း သူတို့ရဲ့ အတွေးအခေါ်ဆိုင်ရာ သဘောတရားကျမ်းတွေမှာ အတိအလင်း ဖတ်ရှုနိုင်ကြပါတယ်။ သူတို့မှာ မျိုးရိုးစဉ်ဆက် ပဒေသရာဇ်တွေလို အာဏာ လက်ဆင့်ကမ်းတာမျိုးတွေကို လက်ခံတဲ့ အတွေးအခေါ် မရှိကြပါဘူး။ ပြည်သူလူထုက တကယ်လက်ခံ ရွေးချယ်တဲ့ လူကိုပဲ သူတို့ရဲ့ ခေါင်းဆောင်အဖြစ် တင်မြှောက်ကြတာဟာ ပြည်သူ့ဒီမိုကရေစီဆိုတဲ့ ကွန်မြူနစ် ဒီမိုကရေစီ ဖြစ်ပါတယ်။ ဒါပေမယ့် မြောက်ကိုရီးယားကတော့ ခေါင်းဆောင်ကြီးကင်အီဆွန်းနောက် သူ့ရဲ့ သား ကင်ဂျုံအီကိုပဲ ခေါင်းဆောင်တင်မြှောက် မြောက်ကိုရီးယားကို ရသေ့နိုင်ငံလို့ နိုင်ငံတကာက ရေးသား တင်စားရတဲ့ အထိ အထီးတည်းဖြစ် စီးပွားရေးအရ သူများပေးစာကမ်းစာကို လက်ခံ စားသောက်ရတဲ့အထိ ဖြစ်အောင်လုပ်ခဲ့တာကို ကမ္ဘာတ၀ှမ်းလုံးသိရှိပြီး ဖြစ်ပါတယ်။

ဒါပေမယ့် သူနိုင်ငံက ပြည်သူတွေ ပိုင်ဆိုင်တဲ့ ဘဏ္ဍာာငွေကြေးတွေကို နျူးကလီးယား လက်နက် ထုတ်လုပ်ဖို့ အသုံးပြုခဲ့ပြီး နျူကလီးယား ဒုံးကျည်တွေ ထုတ်လုပ် ဂျပန်နိုင်ငံကိုတောင် ကျော်ပစ်ပြပြီး လက်နက်နိုင်ငံ ထူထောင်ခဲ့တာကို တွေ့ခဲ့ရပါတယ်။

ကိုယ့်နိုင်ငံက ပြည်သူတွေ စားရမဲ့မဲ့၊ သောက်ရမဲ့မဲ့ နိုင်ငံတကာက ထောက်ပံ့ ပေးကမ်းတာတွေကို စားနေရတဲ့အချိန်မှာ ဒေါ်သာသန်းချီ အကုန်အကျရှိတဲ့ နျူးကလီးယား လက်နက်တွေ ထုတ်လုပ်နေတဲ့ အဲဒီခေါင်းဆောင်ဆိုသူရဲ့ အတွေးအခေါ်ကို စဉ်းစားကြည့်ရင် သူ ဘာဆိုတာကို သိကြမှာပါ။

ခုတော့ မြောက်ကိုရီးယားက ကျုပ်တို့နျူကလီးယား ဒုံးနဲ့ ပစ်လိုက်မှာနော် မပစ်စေချင်ရင် ကျုပ်တို့ တောင်းတာပေးလို့ လက်နက်ပြ ငွေညှစ်နေတဲ့ ဓားပြနိုင်ငံဖြစ်နေပြီဆိုတာကို အားလုံး သိနေကြပါပြီ။

ခုတခါ အသက် ၃၀ တောင် မပြည့်သေးတဲ့ ရုရှား စစ်ကျောင်းတက်ခဲ့တာက လွဲလို့ လူ့လောကအကြောင်း ဘာမှမသိသေးတဲ့ ကင်ဂျုံအွန်း ဆိုတဲ့ ကလေးကို နိုင်ငံခေါင်းဆောင် တင်မြှောက်လိုက်တာကတော့ အလွန့်အလွန် မိုက်မဲတဲ့ကိစ္စလို့ ပြောရမှပါပဲ။ ဒါကို မြောက်ကိုရီးယားပြည်သူတွေ အပြစ်လို့ ပြောလို့ မရပါဘူး။ အာဏာရှင်စနစ်အောက်မှာ သူတို့ ဘာမှ ပြောရေးဆိုခွင့် မရှိကြသလို ဘာမှ လည်း မသိကြပါဘူး။ အပေါ်ပိုင်းက သက်ကြားအို

စစ်ဗိုလ်ချုပ် ဆိုသူတွေက အစဉ်အလာအရ ကြောက်ဒူးတုန်ပြီး ခေါင်းငြိမ့် လက်ခံခဲ့ ကြလို့ ဖြစ်ရတာပါ။

အခုတော့ အဲဒီ ရူးကြောင်ကြောင်ကလေးက သူကို အာဏာကုလားထိုင်ပေါ် တင်ပေးတဲ့တဲ့ ဦးလေးတော်စပ်သူကို ခွေးတွေရဲ့အစာကြွေး သတ်ဖြတ် ပစ်လိုက်ပြီး သူအာဏာ ကုလားထိုင်ကို ကာကွယ်ခဲ့သလို သူ့ချစ်သူ အနုပညာရှင် အဆိုတော်မလေးကိုလည်း သေနတ်နဲ့ ပစ်သတ် ကွပ်မျက်လိုက်ခဲ့ပြီးပါပြီ။ အဲဒီလို တရားလက်လွတ် ငါနိုင်ငံထဲ ငါလုပ်ချင်သလို လုပ်မယ့် အချုပ်အချာ အာဏာကို မထိပါးနဲ့ ဆိုတာမျိုးကို နိုင်ငံတကာလူ့အဖွဲ့အစည်းက ကြည့်နေတော့မှာပါလား။ စဉ်းစားသင့်ကြပြီလို့ ထင်ပါတယ်။

အာဆီယံနိုင်ငံတွေရဲ့ ၀င်ရောက်မစွက်ဖက်ရေးမူကြောင့် မြန်မာနိုင်ငံ စစ်ဗိုလ်ချုပ်တွေ ပြည်သူတွေကို  ထင်တိုင်း မတရားပြုနေခဲ့ကြတာကို တွေ့မြင်နေကြရပါပြီ။ ခု မြောက်ကိုရီးယား အာဏာရှင်ကလေးက စစ်အခမ်းအနားတခု မှာ အိပ်ငိုက်နေလို့ သူကို တန်ပြန်ပြောဆိုလို့ ဆိုပြီး သူရဲ့ လက်နက်ကိုင်တပ်များရဲ့ ဦးစီးချုပ် ကာကွယ်ရေးဝန်ကြီးကို လေကြောင်းပစ် လက်နက်နဲ့ ပစ်ခတ် သတ်ဖြတ်ပစ်လိုက်ပြန်ပါပြီ။ အဲဒီကိစ္စက တရားမျှတပါရဲ့လား။ သူနိုင်ငံရဲ့ ပြည်တွင်းရေးပဲလို့ သဘောထားကြမှာပါလား။ စဉ်းစားရင် လူတယောက်ကို သေဒဏ်ပေးတဲ့ ကိစ္စပါ။ ဒါပေမယ့် ဒီလို အာဏာရှင်တွေက ထင်သလိ်ု လုပ် လူအခွင့်အရေး ချိုးဖောက်နေတာတွေ ကို ကုလသမဂ္ဂ အပါအ၀င် နိုင်ငံတကာ က ဒီအတိုင်းလက်ပိုက်ကြည့် နေကြတော့မှာပါလား။

မြောက်ကိုရီးယားပြည်သူတွေနဲ့ တောင်ကိုရီးယားပြည်သူတွေရဲ့ အခြေအနေကို နှိုင်းယှဉ် ကြည့်ကြပါ။ စားစရာ မရှိ၊ မလုံလောက်ဘဲ အစိုးရ ဆန့်ကျင်ရေး ပြောမိရင် တမိသားစုလုံး ထောင်ကျ၊ အဲဒီလို ဖြစ်နေတဲ့ အခြေအနေဆိုတာ လူလောကအကြောင်း စိတ်ဝင်စားတဲ့ သူတွေ အားလုံးသိကြမှာပါ။ မတရားမှုတွေကို နယ်မြေ အကန့်အသတ်နဲ့ ကျူးလွန်ခွင့် ရှိပါသလား။ အချုပ်အချာ အာဏာပိုင်နိုင်ငံတခုထဲမှာ ဆိုပြီး မတရားမှု လူ့အခွင့်အရေးချိုးဖောက်မှုတွေကို အဲဒီ နိုင်ငံကို အုပ်ချုပ်နေတဲ့အစိုးရတရပ်က လုပ်ဆောင်ခွင့်ရှိပါသလား။ ကမ္ဘာ့ ကုလသမဂ္ဂဆိုတဲ့ အဖွဲ့အစည်းကြီးက ကြည့်နေမှာပါလား။

 By ဒီဗွီဘီ
http://burmese.dvb.no


 လေဆင်နှာမောင်း တိုက်ခတ်မှုကြောင့် မန္တလေးတိုင်း မြင်းခြံမြို့နယ် ရွှေဘုံသာရွာ တရွာလုံးနီးပါး ပျက်စီးသွားခဲ့တယ်လို့ ရွာခံ ကိုကျော်ဆန်းလွင်က ပြောပါတယ်။

မေလ ၁၇ ရက်နေ့ ညနေ ၄ နာရီကနေ ည ၈ နာရီအထိ တိုက်ခတ်ခဲ့ပြီး ရွာတွင်းရှိ အိမ် ၆ လုံး လုံးဝ ပျက်စီးသွားသလို ရွာတွင်းက အိမ်ခြေ ၆၀ လောက်အပြင် စာသင်ကျောင်းနဲ့ ဘုန်ကြီးကျောင်းတွေပါ ပျက်စီးသွားခဲ့တယ်လို့ ဦးကျော်ဆန်းလွင်က ပြောပါတယ်။

“မနေ့ကညနေ ၄ နာရီလောက်ကနေ ည ၈ နာရီအထိ လေဆင်နှာမောင်းကျတာ။ အိမ် ၆ အိမ်လောက်ပြိုတယ်။ အိမ် ၅၀ – ၆၀ လောက်ကတော့ အပေါ်က သွပ်တွေလံတယ်။ အချပ်လိုက်ပြီး ကွာကျတယ်။ အဲလိုတော့ဖြစ်တယ်။ လူတွေကတော့ ထိခိုက်သေဆုံးတော့ မရှိပါဘူး။ ဒါ့ပေမယ့် တော်တော်လေးတော့ ဒုက္ခတွေရောက်ကုန်တာပေါ့။ အိမ်ပြိုတာကလည်း ၂ ထပ်အိမ် ၂လုံး တတပ်အိမ်က ၄ လုံးပါတယ်။ အခုလောလောဆယ် သွပ်တွေဘာတွေ ပြိုသွားတာကတော့ တော်တော်များတယ်။ အပေါ်သွပ်တွေ ပါသွားတာနဲ့ ဟာလဟင်းလင်း ကျန်နေတဲ့တာနဲ့။ ဘုန်ကြီးကျောင်းက ဘုရားထီးကောက်ကုန်တယ်။ စာသင်ကျောင်းတွေလည်း ၁၆ ပေ စာသင်ကျောင်းရယ်၊ ၈ ပေ စာသင်ကျောင်းရယ် အဲဒီနှစ်ကျောင်းကလည်း တခြမ်းတွေပါကုန်တာ သွတ်တွေဘာတွေလည်း ၃ ဖာလုံလောက် လွင့်သွားတယ်။ ”

ရွှေဘုံသာရွာမှာ အိမ်ခြေ ၁၁၀ လောက်ရှိပြီး ၈၀ ရာခိုင်နှုန်း ပျက်စီးသွားတယ်လို့ ပြောပါတယ်။ ထိခိုက်သေဆုံးမှုတွေမရှိပေမယ့် တိရိစ္ဆာန်တချို့ထိခိုက်သေဆုံးတာတွေရှိတယ်လို့ ဆိုပါတယ်။

ရွှေဘုံသာရွာအပြင် အနီးနားက ရွာတွေလည်း လေဆင်နှာမောင်းအဖျားခတ်တောတွေ ရှိပေမယ့် ပျက်စီးမှု မရှိဘူးလို့လည်း ဆိုပါတယ်။

လတ်တလောက်မှာတော့ အိမ်ပျက်စီးသွားတဲ့ရွာသူရွာသား အိမ်မပျက်တဲ့သူတွေဆီမှာ ခိုလုံနေထိုင်ကြရတယ်လို့လည်း ဆိုပါတယ်။

ပျက်စီးမှုတွေနဲ့ပတ်သက်ပြီး မြင်းခြံမြို့နယ်မှူးနဲ့ တာဝန်ရှိသူတချို့ ဒီကနေ့မှာ သွားရောက် လေ့လာခဲ့ပြီး ပျက်စီးမှုစာရင်းကိုတင်ဖို့သာ ပြောဆိုခဲ့တယ်လို့ ဆိုပါတယ်။

By ဒီဗွီဘီ
http://burmese.dvb.no

ရထားစီးမယ့် ခရီးသည်တချို့ကို ဘူတာရုံမှာတွေ့ရစဉ် Photo: AFP

မြန်မာ့မီးရထားရဲ့ ရန်ကုန် မန္တလေး ရထားလမ်းမှာ  ဒစ်ဂျစ်တယ် အချက်ပြစနစ် အပါအဝင် ဗဟိုထိန်း ချုပ် စောင့်ကြည့်စနစ်တပ်ဆင်ရေး စီမံကိန်းအတွက် ဂျပန် ဟီတာချီ ကုမ္ပဏီက ဒေါ်လာ ၈၃ သန်းတန် လုပ်ကိုင်ခွင့် ရရှိ သွားပါတယ်။

မိုင် ၃၇ဝ ကျော် ရှည်တဲ့ ရန်ကုန် မန္တလေး ရထားလမ်း ရဲ့ ၈၆ မိုင် အရှည် အစိတ်အပိုင်းအတွက် ခေတ်မီ ဒစ်ဂျစ်တယ် အချက်ပြစနစ် တပ်ဆင်ရေး အတွက် ဒေါ်လာ သန်း ၂ဝ နီးပါး ကုန်ကျမှာဖြစ်ပြီး၊ ၂ဝ၁၇ ခုနှစ် ဇွန်လမှာ ပြီးစီးမယ်လို့ခန့်မှန်းထား ပါတယ်။

ကျန်တဲ့အပိုင်းကိုလည်း ဟီတာချီ ကုမ္ပဏီကပဲ ဆက်လက် လုပ်ကိုင်ခွင့်ရဖွယ် ရှိပါတယ်။ကုန်ကျငွေ စုစုပေါင်းကို ဂျပန်နိုင်ငံတကာ ပူးပေါင်းဆောင်ရွက်ရေးအဖွဲ့ JICA က ပံ့ပိုးပေးမှာဖြစ်ပါတယ်။

မြန်မာနိုင်ငံမှာ ရထားလမ်းတွေရဲ့ စုစုပေါင်း အရှည် ၃၇၃ဝ မိုင် ဝန်းကျင်ရှိပါတယ်။ ရထားလမ်းတွေ ဟောင်းအိုနေ ပြီဖြစ်လို့ လမ်းချော်တာတွေ၊ ခရီးနှောင့်နှေးတာတွေ မကြာခဏ ဖြစ်ပေါ်နေပါတယ်။

RFA Burmese
http://www.rfa.org/burmese

အမေရိကန် ပြည်ထောင်စုကို ရွေးကောက်ပွဲ လေ့လာရေးခရီး ရောက်ရှိ လာခဲ့ကြသော မြန်မာ လွှတ်တော်ကိုယ်စားလှယ်များ ဗွီအိုအေရုံးရှေ့မှာ အမှတ်တရ။
အမေရိကန် ရွေးကောက်ပွဲ စနစ်လေ့လာရေး ခရီးစဉ်ရဲ့ အတွေ့အကြုံတွေကို မြန်မာနိုင်ငံမှာ လက်တွေ့ ပြန်အသုံးချနိုင်တာ တွေရှိသလို အမေရိကန်စနစ် အတိုင်း အပြည့်အဝ ပွင့်လင်းမြင်သာမှု ရှိနိုင်ဖို့ အတွက် အချိန်လိုလိမ့်မယ်လို့ ယုံကြည်ကြောင်း ခရီးစဉ်မှာပါဝင်တဲ့ မြန်မာလွှတ်တော် အမတ်တွေက ပြောပါတယ်။ မြန်မာလွှတ်တော်အမတ် စုစုပေါင်း (၉) ဦးနဲ့ အရပ်ဘက်အဖွဲ့အစည်းခေါင်းဆောင် (၃) ဦးတို့ပါဝင်တဲ့ကိုယ်စားလှယ်အဖွဲ့ဟာ အမေရိကန် ပြည်နယ်ရွေးကောက်ပွဲအပါအဝင် လွှတ်တော်နဲ့ ဖက်ဒရယ်စနစ်အုပ်ချုပ်ပုံတွေကို သုံးပတ်ကြာလေ့လာခဲ့ကြပါတယ်။ မအင်ကြင်းနိုင်က အပြည့်အစုံ တင်ပြပေးထားပါတယ်။

ဒီခရီးစဉ်အတွင်း အမေရိကန်ရွေးကောက်ပွဲစနစ်မှာ မဲပေးဖို့ မှတ်ပုံတင်တာကစလို့ မဲပေးပုံစနစ်၊ မဲရေတွက်ပုံစနစ်တွေကို အဓိကထား လေ့လာခဲ့ကြရ တယ်လို့ အမျိုးသားဒီမိုကရေစီအဖွဲ့ချုပ် အမျိုးသားလွှတ်တော်အမတ် ဦးအောင်ကြည်ညွန့်ကပြောပါတယ်။

“လာတဲ့မူရင်းရည်ရွယ်ချက်ဖြစ်တဲ့ electoral system နဲ့ပတ်သက်ပြီးတဲ့အခါကျတော့ သူတို့ ဒီမှာ ပြည်နယ်အသီးသီးမှာ ဘယ်လိုတွေ ဆောင်ရွက် နေကြသလဲ၊ နောက် သူတို့တွေရဲ့ မဲပေးပုံစနစ်နဲ့ မဲပေးဖို့ရာ မှတ်ပုံတင်တဲ့စနစ် ဘယ်လောက်အထိ တိတိကျကျရှိသလဲ။ LA မှာဆိုရင် မဲတွေကို ရေတွက်တဲ့ ပုံစံတွေကအစ အခု နောက်ဆုံးလေ့လာခဲ့ရတာလေ။ အဲဒီတော့ သူတို့တွေရဲ့ဆောင်ရွက်မှုဟာ ဘယ်လောက် စည်းစနစ်တကျ ရှိတယ် ဆိုတဲ့ဥစ္စာ အတုယူစရာတွေ အများကြီးရပါတယ်။”

သုံးပတ်ကြာခရီးစဉ်မှာ မြန်မာကိုယ်စားလှယ်အဖွဲ့ဟာ အင်ဒီယားနား၊ တက္ကဆက်နဲ့ ကာလီဖိုးနီးယားပြည်နယ်တွေက ရွေးကောက်ပွဲစနစ်တွေအပြင် ဝါရှင်တန်မြို့တော်မှာ အမေရိကန်အစိုးရနဲ့ လွှတ်တော် တွေကိုလည်း သွားရောက်လေ့လာခဲ့တာပါ။ ဒီအတွေ့အကြုံတွေကိုအခြေခံပြီး မြန်မာနိုင်ငံရဲ့ ပြုပြင်ပြောင်းလဲရေးမှာ ကိုက်ညီသလို အသုံးပြုသွားနိုင်တဲ့ အချက်တွေရှိပါတယ်လို့ ဦးအောင်ကြည်ညွန့်က ပြောပါတယ်။

“တချို့ဟာတွေဆိုရင် သင်ခန်းစာယူပြီးတော့ ဆောင်ရွက်လို့ရနိုင်တာတွေရှိတယ်။ တချို့ဟာတွေကတော့ ဘယ်လိုမှ လတ်တလောဆောင်ရွက်လို့ ရနိုင်တာမရှိသေးဘဲနဲ့ နောင်အနာဂတ်အတွက် မှတ်တမ်းတင်ထားလို့ရတာတွေ ရှိတယ်။ အဲဒီထဲမှာ အန်ကယ်တို့ လေ့လာတွေ့ရှိချက်ထဲကနေ ပြုပြင်သင့်တဲ့၊ လိုက်နာသင့်တဲ့၊ အမှတ်အသားပြုသင့်တဲ့အချက်အလက်တွေကိုဆိုရင် အန်ကယ်တို့က ဆိုင်ရာ ဆိုင်ရာအဖွဲ့အစည်းတွေ၊ လွှတ်တော်ကိုပဲဖြစ်စေ၊ ပါတီကိုပဲဖြစ်စေ၊ အစိုးရအဖွဲ့ကိုပဲဖြစ်စေ ဒါက အစီရင်ခံစာတင်တာတွေ ရှိလာမှာပါ။ အဲလိုရှိလာတဲ့အပေါ်မှာမူတည်ပြီးတော့ အချို့ကိစ္စရပ်တွေဆိုရင် လွှတ်တော်ထဲမှာ မေးခွန်းမေးမြန်းခြင်းတွေ၊ အဆိုမေးမြန်းခြင်းတွေနဲ့လည်း ဆောင်ရွက်သင့် ဆောင်ရွက်ထိုက်တဲ့ အချက်အလက်တွေ ရှိတာကို တွေ့ရပါတယ်။ အဲဒါတွေက နောက်ပိုင်း လိုအပ်သလို စီစဉ်ဆောင်ရွက်သွားရမှာပေါ့။”

အမေရိကန်ပြည်ထောင်စုရဲ့ဖယ်ဒရယ်စနစ်မှာပြည်နယ်အစိုးရတွေကို ကိုယ်ပိုင်အုပ်ချုပ်ခွင့်အာဏာအပြည့်အဝပေးထားပေမဲ့ မြန်မာနိုင်ငံမှာတော့ ဗဟိုအစိုးရရဲ့ချုပ်ကိုင်ထားမှုက ပိုများနေဆဲဖြစ်ပါတယ်။ ဒါကြောင့် ပြည်နယ်အစိုးရတွေမှာ လုပ်ပိုင်ခွင့်တွေပိုရနိုင်ရင် ပိုကောင်းမယ်လို့ ချင်းပြည်နယ် အမျိုးသားလွှတ်တော်အမတ် ဇုန်လှယ်ထန်းကပြောပါတယ်။

“ကျနော်တို့ဆီမှာ ကွာခြားသွားတာကတော့ ကျနော်တို့က ပြည်ထောင်စုကပဲ အကုန်လုံးယူတာ။ ပြည်နယ်ကို နည်းနည်းပဲပေးတယ်။ သဘောတရား လောက်ပဲပေးတာ။ လုပ်ပိုင်ခွင့်တွေလေ- သူ့ရဲ့ဖက်ဒရယ်စနစ်က တော်တော်လေး ကွာသွားတာ။ သူ့ရဲ့ပြည်ထောင်စုစနစ်မှာ ကောင်းတာတခုက ဘာလဲဆိုတော့ ပြည်နယ်တွေကို အဲလို အာဏာခွဲဝေပေးတဲ့အပေါ်မှာ သူက အခြေခံဥပဒေ ရေးဆွဲခွင့်ပြုလိုက်တယ်။ ပြည်နယ်က သူတို့လိုချင်တဲ့ ပုံစံအတိုင်းပေါ့နော်- ဥပဒေတွေပြော၊ ပြီးတော့ အုပ်ချုပ်ရေးကဏ္ဍတွေ၊ ကျန်တဲ့စီးပွားရေးကဏ္ဍတွေ၊ ကျန်တဲ့အစိုးရအဖွဲ့အစည်းလုပ်ရမယ့် ကဏ္ဍတွေမှာလည်း သူက လွတ်လွတ်လပ်လပ် သူက လုပ်ခွင့်ပေးလိုက်တယ်၊ ပြည်နယ်ကို-”

အမေရိကန်အစိုးရနဲ့ လွှတ်တော်တို့ကြား အုပ်ချုပ်ရေးနဲ့ ဥပဒေပြုရေးပိုင်းမှာ တဘက်နဲ့တဘက် အပြန်အလှန်ထိန်းကျောင်းပေးထားတဲ့စနစ်လိုမျိုး မြန်မာနိုင်ငံမှာ ဖြစ်လာဖို့ ၂ဝ၁၅ ရွေးကောက်ပွဲက အဆုံးအဖြတ်ပေးမှာဖြစ်တယ်လို့ ကြံ့ခိုင်ဖွံဖြိုးရေးပါတီ ပြည်သူ့လွှတ်တော်ကိုယ်စားလှယ် ဦးတင်မောင်ဦးက ပြောပါတယ်။

“ကျနော်တို့ ဒီနှစ်ရပ်အကြောင်း စပြောရမယ်ဆိုရင် ဥပဒေပြုရေးနဲ့အုပ်ချုပ်ရေး ခွဲယူတာတွေကို သွားတွေ့ပါတယ်။ ကျနော်တို့နိုင်ငံမှာတော့ ကူးပြောင်းစ ကာလဖြစ်တဲ့အတွက်ကြောင့် လာမယ့် ၂၀၁၅ ရွေးကောက်ပွဲက အဖြေပေးပါလိမ့်မယ်။ အဲဒီမှာ ကျနော်တို့ ဒီနိုင်ငံပုံစံမျိုးသွားမလား၊ ဒါမှမဟုတ် အုပ်ချုပ်ရေးအဖွဲ့ရော ဥပဒေပြုတဲ့အဖွဲ့မှာရော မျှခြေဖြစ်အောင် ကြိုးစားမလားဆိုတာတော့ စဉ်းစားရမှာဖြစ်ပါတယ်။ ကျနော့်အမြင် တယောက်တည်း သုံးသပ်ချက်အရ ပြောရရင်တော့ အုပ်ချုပ်ရေးအဖွဲ့ရော၊ ဥပဒေပြုရေးအဖွဲ့ရော၊ အာဏာရပါတီရော၊ အတိုက်အခံပါတီရော မျှမျှတတနဲ့ဝင်ရောက်ပြီး လုပ်ကိုင်ရင်တော့ တိုင်းပြည်ရဲ့တိုးတက်မှု ပိုကောင်းမှာပေါ့။ သို့သော် မြန်မာနိုင်ငံရဲ့ပုံစံကတော့ သူက ထိန်းကျောင်းမှုအားပိုကောင်းတာကို သွားတွေ့ရမှာ ဖြစ်ပါတယ်။”

မြန်မာကိုယ်စားလှယ်အဖွဲ့ဟာ မေလ (၁၆) ရက်န့ အမေရိကန်က ပြန်လည်ထွက်ခွာသွားပြီဖြစ်ပါတယ်။အမေရိကန်အစိုးရရဲ့ IVLP နိုင်ငံတကာ ခေါင်းဆောင်မှု အစီစဉ်နဲ့ မြန်မာကိုယ်စားလှယ်အဖွဲ့လာရောက်ဖို့ ရန်ကုန်အမေရိကန်သံရုံးက စီစဉ်ပေးခဲ့တာဖြစ်ပါတယ်။ ဒီကိုယ်စားလှယ်အဖွဲ့ထဲမှာ ပြည်သူ့လွှတ်တော်ကိုယ်စားလှယ် သုံးယောက်၊ အမျိုးသားလွှတ်တော်ကိုယ်စားလှယ် လေးယောက်၊ တိုင်းဒေသကြီးလွှတ်တော်ကိုယ်စားလှယ် နှစ်ယောက်နဲ့ လူထုအခြေပြုအဖွဲ့အစည်းခေါင်းဆောင် သုံးဦး စုစုပေါင်း (၁၂) ဦး ပါဝင်ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


ထိုင်းနိုင်ငံ အနောက်မြောက်ပိုင်း ကန်ကျနပူရီခရိုင်ထဲမှာ ပြီးခဲ့တဲ့ ရက်ပိုင်းက ပျောက်ဆုံးသွာတဲ့ ၄ နှစ်ရွယ် မြန်မာ မိန်းကလေးငယ် တစ်ဦးကို အ၀တ်အစားဗလာနဲ့ ပြန်တွေ့ပြီလို့ မန်နေဂျာအွန်လိုင်း ထိုင်းသတင်းမှာ ဖော်ပြပါတယ်။

ကလေးပျောက်ကြောင်း မိခင်ဖြစ်သူက တိုင်ချက်ဖွင့်ထားပြီး ရဲတပ်ဖွဲ့က ရှာမတွေ့သေးခင် မေလ ၁၅ ရက်နေ့ မနက်ခင်းက ကန်ကျနပူရီ နဲ့ မခမ်တေ့ကျေးရွာကြား လမုတောစပ်မှာ အ၀တ်မပါဘဲ ငိုကြွေးနေတဲ့ ကလေးကို တပ်ကြပ်ကြီးတစ်ဦးက အလုပ်သွားရင်း တွေ့ရှိပြီး ကယ်တင်ခဲ့တာလို့ ကန်ကျနပူရီခရိုင် အထူးစုံစမ်းစစ်ဆေးရေး ရဲအရာရှိ ရဲမှူး ဆုခွန်းရတ်ဆ်အိမ့် က သတင်းထောက်ကို ပြောပါတယ်။

ကလေးငယ်ကို စတွေ့စဉ်က အခိုးခံရတဲ့ကလေးမှန်းမသိဘဲ လမ်းဘေးမှာ အ၀တ်မပါ ငိုကြွေးရင်း လျှောက်သွားနေပြီး အဲဒီလမ်းပေါ်မှာ အဝေးပြေးကားတွေ အမြန်မောင်းနေကြတဲ့ အတွက် မတော်တဆကားတိုက်မိမှာစိုးလို့ ဆင်းကယ်ခဲ့ကြောင်း၊ ကလေးကိုလည်း သူ့ကားပေါ်ပါလာတဲ့ မြေးရဲ့အ၀တ်နဲ့ ၀တ်ဆင်ပေးပြီး ရဲစခန်းကို ဆက်သွယ်ခဲ့တာလို့ ထိုင်းတပ်ကြပ်ကြီးက ပြောပါတယ်။


အထူးစုံစမ်းရေး ရဲတပ်ဖွဲ့က မိန်းကလေးငယ်ကို လိုအပ်တဲ့ဆေးစစ်ချက်တွေ လုပ်ဆောင်ခဲ့သလို အဲဒီတောစပ်တလျှောက် စစ်ဆေးရှာဖွေရာမှာ မိန်းကလေးဝတ်ဆင်သွားတဲ့ အ၀ါရောင်အကျီင်္ နဲ့ အနီရောင်ဘောင်းဘီ ပစ်ထားတာ တွေ့ရကြောင်း၊ ကလေးငယ်ရဲ့ ဘောင်းဘီမှာ အမျိုးသား တန်ဆာမှ အမွေးအမျှင် ကပ်တွယ်နေတဲ့အတွက် တရားခံကို ဖမ်းမိဖို့ ဒီအန်အေ စစ်ဆေးမှုပြုနေကြောင်း၊ မိန်းကလေးရဲ့ ဆေးစစ်ချက်မှာ မုဒိမ်းကျင့်ခံရတာ မရှိတဲ့အတွက် တရားခံဟာ ပြုကျင့်ဖို့ကြံရွယ်ပေမယ့် အထမမြောက်လို့ ကလေးကို ပစ်သွားဟန်တူကြောင်း၊ ကလေးငယ်မှာ အကြမ်းဖက်မှု မခံရတာ အင်မတန်ကံကောင်းတယ်လို့ ခရိုင်ရဲစခန်း တာဝန်ရှိသူက ပြောပါတယ်။

ဒီမတိုင်ခင် ပြီးခဲ့တဲ့ မေလ ၁၄ ရက်နေ့ညက ကန်ကျနပူရီခရိုင် ထောင်းဖာဖူးမြို့နယ်မှာ နေထိုင်သူ မြန်မာအလုပ်သမား မထွေးထွေး (၃၃ နှစ်)ဟာ မတော်တဆထိခိုက်မှုကြောင့် ဖဟွန်ဖယုဟဆေနားဆေးရုံရောက်နေတဲ့ ဆွေမျိုးတစ်ဦးကို လာစောင့်ရင်း အဲဒီညက လူနာစောင့်တည်းခိုဆောင်မှာ သားသမီး ၃ ဦးနဲ့ အတူ အိပ်စက်နေကြောင်း၊ တရေးနိုးတဲ့အခါ ဘေးမှာ အိပ်နေတဲ့သမီး ပျောက်ဆုံးသွားတဲ့အတွက် ရဲစခန်းမှာ တိုင်ချက်ဖွင့်ထားတာလို့ ဆိုပါတယ်။

ရဲတပ်ဖွဲ့ရဲ့ စောင့်ကြည့်ကင်မရာ စစ်ဆေးတွေ့ရှိချက်အရ တရားခံမှာ အသက် ၂၅ မှ ၃၀ ၀န်းကျင် လူရွယ်တဦးဖြစ်ပြီး အင်္ကျီမီးခိုးရောင်အင်္ကျီနဲ့ ဘောင်းဘီတို ၀တ်ဆင်ထားကြောင်း၊ ဒါပေမယ့် မှောင်နေတဲ့အတွက် မျက်နှာကို မမြင်ရသလို ထွက်သွားတဲ့လားရာကိုလည်း မတွေရကြောင်း၊ စစ်ဆေးမေးမြန်းချက်အရ တရားခံဟာ အဲဒီမတိုင်ခင် လူနာစောင့် ခုံတန်းလျားမှာ မထွေးထွေးနဲ့ နာရီဝက်ထိုင် စကားပြောခဲ့တယ်လို့ သက်သေတွေက ပြောတဲ့ အတွက် တရားခံရဲ့ရုပ်ကို မှန်းဆရေးဆွဲပြီး အမြန်ဆုံး ဖမ်းမိနိုင်အောင် ကြိုးစားနေတယ်လို့ ရဲတပ်ဖွဲ့က ပြောပါတယ်။

ဒီအမှုဖြစ်ပြီးတဲ့နောက် ခရိုင်ကျန်းမာရေးဌာနက ခရိုင်ထဲမှာရှိတဲ့ အစိုးရဆေးရုံရော၊ ပုဂ္ဂလိက ဆေးရုံပါ အားလုံးကို အရေးပေါ် အစည်းအဝေး တရပ်ခေါ်ယူပြီး မိမိဆေးရုံ လုံခြုံရေးအတွက် တိုးမြှင့်ဆောင်ရွက်ဖို့ ညွှန်ကြားခဲ့ကြောင်း မန်နေဂျာအွန်လိုင်းမှာ ဖော်ပြသွားပါတယ်။

 By ဒီဗွီဘီ
http://burmese.dvb.no

ဓာတ်ပုံ – manager online

ရိုဟင်ဂျာ ရွှေ့ပြောင်းနေထိုင်သူတွေကို ထိုင်းတပ်မတော် ရဟတ်ယာဉ်တွေက အစားအသောက်များချပေးစဉ်။ (မေ ၁၄၊ ၂၀၁၅)
အရှေ့တောာင်အာရှနိုင်ငံတွေဆီ လှေစီးပြေး ဒုက္ခသည်တွေ ရောက်လာနေတဲ့ ပြဿနာဟာ နိုင်ငံဖြတ်ကျော် ရာဇဝတ်မှု ဖြစ်တယ်လို့ အင်ဒိုနီးရှား နိုင်ငံဆိုင်ရာ ဘင်္ဂလားဒေ့ရှ် သံအမတ်ကြီးက ပြောကြားလိုက်ပါတယ်။ ဘင်္ဂလားဒေ့ရ်ှနိုင်ငံက ရွှေ့ပြောင်း အလုပ်သမားတွေနဲ့ မြန်မာနိုင်ငံကလို့ဆိုတဲ့ ရိုဟင်ဂျာတွေ ထောင်နဲ့ချီပြီး မလေးရှားနဲ့ အင်ဒိုနီးရှားနိုင်ငံတွေကို ရောက်လာတဲ့ ပြဿနာနဲ့ပတ်သက်ပြီး ဘင်္ဂလားဒေ့ရ်ှနိုင်ငံခြားရေးဝန်ကြီးက အခုလို ပြောဆိုလိုက်တာ ဖြစ်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။

ပြီးခဲ့တဲ့ရက်ပိုင်းတွေအတွင်းက အင်ဒိုနီးရှားနိုင်ငံ၊ Aceh ကျွန်းက ယာယီစခန်းတွေ ရောက်လာတဲ့ ရာနဲ့ချီတဲ့ဒုက္ခသည်တွေကို တနင်္ဂနွေနေ့က မှတ်တမ်းတင်တဲ့အချိန်မှာပဲ ဒီလူတွေ ဘာကြောင့် ရောက်လာကြတယ်ဆိုတာနဲ့ပတ်သက်လို့ သူ့ရဲ့ သဘောထားအမြင်ကို အင်ဒိုနီးရှားနိုင်ငံဆိုင်ရာ ဘင်္ဂလားဒေ့ရ်ှနိုင်ငံ သံအမတ်ကြီး Mohammad Nazmul Quaunine က ပြောကြားလိုက်တာပါ။

“အခုလို ဒီလူတွေ အစုလိုက်အပြုံလိုက် ဒီကိုရောက်လာကြတာဟာ နိုင်ငံဖြတ်ကျော် ရာဇဝတ်မှုကြောင်း ဖြစ်ပါတယ်။ သူတို့တွေ ဘယ်ကဆိုတာထက် ရာဇဝတ်သမားတွေ၊ လူမှောင်ခိုကူးတဲ့သူတွေကြောင့် ရောက်လာကြတာပါ။ ဒါကြောင့် သူတို့တွေ ဘယ်သူတွေဖြစ်တယ်ဆိုတာကို စိစစ်ပြီး သက်ဆိုင်သူတွေကို ဥပဒေကြောင်းအရ အရေးယူနိုင်ဖို့ လုပ်ရပါမယ်။”

အင်ဒိုနီးရှားနဲ့ မလေးရှားနိုင်ငံတွေဆီကို ပြီးခဲ့တဲ့ သီတင်းပတ်အတွင်း စုစုပေါင်း ရောက်လာတဲ့ လှေစီးပြေးဒုက္ခသည်ပေါင်း ၃,ဝဝဝ လောက် ရှိပါတယ်။ အခု Aceh ယာယီစခန်းမှာ ရှိနေကြသူတွေကတော့ အင်ဒိုနီးရှား ငါးဖမ်းလှေတွေ ကယ်တင်လာတဲ့ ဘင်္ဂလားဒေ့ရှ် ရွှေ့ပြောင်းလုပ်သားတွေနဲ့ မြန်မာနိုင်ငံကလို့ ဆိုတဲ့ ရိုဟင်ဂျာတွေ ဖြစ်ကြပါတယ်။

Aceh ကျွန်း၊ Langsa မှာ ရောက်နေကြတဲ့ ဒုက္ခသည်တွေကို ဘင်္ဂလားဒေ့ရှ် သံအမတ်ကြီးက သွားရောက် တွေ့ဆုံတဲ့အချိန် အဲဒီလို ပြောကြားလိုက်တာ ဖြစ်ပြီး ဒီနိုင်ငံတွေကို ဒုက္ခသည်တွေ အသုတ်လိုက် ရောက်လာနေကြတာဟာ လူသားချင်း စာနာမှုဆိုင်ရာနဲ့ လုံခြုံရေးအရ ကြီးမားတဲ့ ပဋိပက္ခဖြစ်တယ်လို့ သံအမတ်ကြီးက ပြောပါတယ်။

“ဒီကိစ္စဟာ စိုးရိမ်စရာကောင်းတဲ့ လူသားချင်းစာနာမှုဆိုင်ရာ လုံခြုံရေး ပဋိပက္ခ ဖြစ်လာနေပါပြီ၊ နိုင်ငံတကာ အသိုင်းဝိုင်းကလည်း ဒီကိစ္စကို ဝိုင်းဝန်း လုပ်ဆောင်နေကြပြီလို့ ကျနော် ထင်ပါတယ်။ ပင်လယ်ထဲမှာလည်း အများကြီး ရှိနေပါသေးတယ်၊ လတ်တလော အခြေအနေအရ အဲဒီလူတွေအသက်ကို ကယ်တင်ပြီး နောက်ပိုင်းမှာ ပြဿနာရဲ့ အခြေခံဇစ်မြစ်ကို ကိုင်တွယ် ဖြေရှင်းရမှာ ဖြစ်ပါတယ်။”

လူမှောင်ဂိုဏ်းတွေ အဓိကရှိတဲ့ ထိုင်းနိုင်ငံမှာ လူမှောင်ခိုကူးသူတွေကို ထိုင်းအစိုးရက စတင် နှိမ်နှင်းခဲ့ပြီးနောက်မှာ ခုလို တရားမဝင်နိုင်ငံထဲဝင်ဖို့ ကြိုးစားကြသူတွေပါလာတဲ့ စက်လှေတွေကို လူမှောင်ခိုတွေက ပင်လယ်ထဲမှာ စွန့်ပစ်ထားခဲ့ကြတာဖြစ်ပါတယ်။ အရှေ့တောင်အာရှ နိုင်ငံတွေက ကမ်းခြေတွေကို ဆိုက်ရောက်လာနေတဲ့ ဒီ လှေစီးပြေး ဒုက္ခသည်တွေအရေး တဖြည်းဖြည်း ကြီးမား နက်ရှိုင်းလာတာနဲ့အမျှ မလေးရှားနိုင်ငံကလည်း ဒီကိစ္စ ဖြေရှင်းနိုင်ဖို့အတွက် အိမ်နီးချင်းနိုင်ငံတွေနဲ့ အဆင့်မြင့် တွေ့ဆုံ ဆွေးနွေးမှုတွေ ပြုလုပ်နေပါတယ်။

လာမယ့် သီတင်းပတ်အတွင်း အင်ဒိုနီးရှားနဲ့ ထိုင်းနိုင်ငံတို့က နိုင်ငံခြားရေးဝန်ကြီးတွေနဲ့ မတွေ့ဆုံခင် မလေးရှားနိုင်ငံခြားရေးဝန်ကြီး Anifah Aman ဟာ ဘင်္ဂလားဒေ့ရှ် နိုင်ငံခြားရေးဝန်ကြီးနဲ့ တနင်္ဂနွေနေ့က တွေ့ဆုံခဲ့ပါတယ်။ ဒီအတောအတွင်း ရွေ့ပြောင်း နေထိုင်သူတွေအတွက် ရန်ပုံငွေရှာပွဲတွေကို မလေးရှားနိုင်ငံမြို့တော် ကွာလာလမ်ပူမှာ တနင်္ဂနွေနေ့က ပြုလုပ်ခဲ့ကြပါတယ်။

ဒုက္ခသည်တွေအတွက် အစားအသောက်တွေနဲ့ ဆေးဝါး အထောက်အပံ့တွေကို သူတို့အနေနဲ့ အလှူခံထားပြီး ဖြစ်ကြောင်း၊ အာဏာပိုင်တွေထံက ခွင့်ပြုချက်ရတာနဲ့ ပို့ဖို့အဆင်သင့်ဖြစ်နေပြီလို့ ကွာလာလမ်ပူမြို့က တက်ကြွ လှုပ်ရှားသူတွေက ပြောပါတယ်။

ဒါ့အပြင် အခုလို ဒုက္ခသည်တွေ ထွက်ပြေးနေကြတာ ရပ်တန့်ဖို့အတွက် မလေးရှား အစိုးရအနေနဲ့ မြန်မာနိုင်ငံကို ဖိအားပေး ပြောဆိုသင့်တယ်လို့ ယူဆကြောင်း တက်ကြွလှုပ်ရှားသူ တဦးဖြစ်တဲ့ Marina Mahathir ဆိုသူက ပြောလိုက်တဲ့အချိန်မှာပဲ မလေးရှား ဒုတိယဝန်ကြီးချုပ် Muhyiddin Yassin ကလည်း ဒီပြဿနာ မလေးရှားနိုင်ငံအပေါ် စုပြုံကျမလာခင် မြန်မာအစိုးရအနေနဲ့ ဒီကိစ္စကို အချိန်မီထိန်းချုပ်ဖို့ လိုကြောင်း မလေးရှား အခြေစိုက် Bernama သတင်းဌာကို ပြောကြားခဲ့ပါတယ်။

အခု ထွက်ပြေးလာကြသူ အများစုဟာ မူဆလင်နိုင်ငံဖြစ်တဲ့ မလေးရှားနိုင်ငံမှာ အလုပ်အကိုင် အခွင့်အလမ်း ရှာဖွေဖို့အတွက် ထွက်လာကြသူတွေဖြစ်ပြီး လွန်ခဲ့တဲ့ နှစ်အနည်းငယ်အတွင်း မလေးရှားနိုင်ငံအနေနဲ့ ရိုဟင်ဂျာ လေးသောင်းခွဲလောက်ကို လက်ခံထားပြီး ဖြစ်ပေမယ့် နောက်ထပ် ထပ် လက်မခံနိုင်တော့ဘူးလို့ ဆိုပါတယ်။ အင်ဒိုနီးရှားနဲ့ ထိုင်းနိုင်ငံတို့ကလည်း ဒီဒုက္ခသည်တွေကို လက်ခံမထားနိုင်ဘူးလို့ ပြောဆိုထားပြီး ဖြစ်ပါတယ်။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com

အင်ဒိုနီးရှား ကမ်းလွန်ပြင် ကို ရောက်လာတဲ့ ဘင်္ဂ္လားဒေ့ရှ် နဲ့ မြန်မာ နိုင်ငံ က ထွက် လာခဲ့ သူတွေ ရဲ့ လှေ တစ်စီး ပေါ် မှာ အစာရေစာ အတွက် အချင်းများ ရာက တိုက်ခိုက် မှုတွေ ဖြစ်ပေါ် ခဲ့ပြီး လူ ၁၀ဝ ဝန်းကျင် လောက် သေခဲ့ ကြရတယ်လို့ ပြောနေသူတွေ ရှိပါတယ်။ 
အရှေ့တောင် အာရှ ဒေသတွင်း ပင်လယ်ပြင် မှာ မျောပါ နေ ကြ ရတဲ့ ဒုက္ခသည် များ အတွက် စိုးရိမ်မှု တွေ မြင့်တက် နေရတယ် လို့ ကုလသမဂ္ဂ အတွင်း ရေးမှုးချုပ် ဘန်ကီ မွန်း က ပြောလိုက် ပြီး ဒီ ဒုက္ခသည် တွေ ကို ကယ်ဆယ်ရေး မှာ ကုလသမဂ္ဂ အနေနဲ့ အကူအညီ တွေ ပေး သွားမယ် လို့လည်း ဆိုပါတယ်။

အတွင်း ရေးမှုးချုပ် ဘန် ဟာ ဒီ အရေး ကို ကိုင်တွယ် ဖို့ မလေးရှား နဲ့ ထိုင်း နိုင်ငံ ဝန်ကြီး ချုပ် တွေ ဆီ တယ်လီဖုန်း နဲ့ ဆက်သွယ် စကား ပြောခဲ့ ပါတယ်။

အဲဒီ့ ဆွေးနွေး မှု တွေ ထဲ မှာ လူ့ အသက် တွေ ကို ကာကွယ် ဖို့ နဲ့ နိုင်ငံတကာ ဥပဒေ ကို လေးစား လိုက်နာ ဖို့ အရေး ကြီးပုံ ကို အထူး အလေးထား ပြောဆို ခဲ့ ကြတယ် လို့ ကုလသမဂ္ဂ ရဲ့ ထုတ်ပြန် ချက် ထဲ မှာ ပါဝင် ပါတယ်။

အင်ဒိုနီးရှား ကမ်းတွေ ကို နောက်ထပ် အသစ် ထပ်ရောက် လာကြတဲ့ လှေစီး ဒုက္ခသည် တွေ ကို ထားရှိရာ Langsa မှာရှိတဲ့ စခန်း ဆီ အင်ဒိုနီးရှား ဆိုင်ရာ ဘင်္ဂလားဒေ့ရှ် သံအမတ် Mohammad Nazmul Quaunine သွားရောက် ခဲ့ ပါတယ်။

အခု ဖြစ်ပေါ် နေတာ ဟာ နိုင်ငံတကာ အဆင့် လူအခွင့်အရေး နဲ့ လုံခြုံရေး ဆိုင်ရာ ပြဿနာ အကြပ်အတည်း ဖြစ်ပြီး လောလောဆယ် အချိန် မှာ လူ့ အသက်တွေ ကို ကယ်တင် ရ မှာ ဖြစ်သလို၊ ပြဿနာ ရဲ့ ဇစ်မြစ် ကိုလည်း ကိုင်တွယ် သွားဖို့ လိုအပ် ပါတယ် ဆိုပြီး ဘင်္ဂလားဒေ့ရှ် သံအမတ် က ပြောပါတယ်။

ထိုင်း၊ အင်ဒိုနီးရှား နဲ့ မလေးရှား နိုင်ငံ တို့ အကြား က ပင်လယ်ပြင်မှာ လူမှောင်ခို တွေ က စွန့်ပစ် ထား ခဲ့ ကြတဲ့ ဘင်္ဂလားဒေ့ရှ် နဲ့ မြန်မာ နိုင်ငံ တို့က လှေစီးဒုက္ခသည် ထောင်ပေါင်း များစွာ မျောပါ နေကြရတယ် လို့ ယူဆ ရပါတယ်။

BBC Burmese
http://www.bbc.com/burmese


င်္ဂလားဒေ့ရ်ှနိုင်ငံ ရရှိထားသော ပထ၀ီ၊လူဦးရေ၊ နိုင်ငံရေးပြဿနာများအကြား ဘင်္ဂလားဒေ့ရ်ှပြည်သူလူထု၏ နေမှု၊ ထိုင်မှု၊ စားဝတ်နေရေးပြဿနာများကို ဖြေရှင်းကြရန် နိုင်ငံကိုစွန့်ခွာထွက်ပြေးနေသူတို့ အရေးကား အချိန်ကြာလာလေလေ ပိုမိုဆိုးရွားလာလေလေ ဖြစ်နေချေပြီ။

ကြားသိနေရသော လှေစီး ပြေးဒုက္ခသည် သတင်းများက စိုး ရိမ်စရာ။ လွန်ခဲ့သော ရက်ပိုင်းက ပင် အင်ဒိုနီးရှားကမ်းခြေသို့ လှေ စီးပြေးဒုက္ခသည် ၅၀၀ ခန့်ရောက် ရှိသွားသည်ဟု ဆိုသည်။ အထူး သဖြင့် ထိုင်းနိုင်ငံတောင်ပိုင်း မလေးရှားနယ်စပ်မှာ လူကုန်ကူး သူများ လက်ချက်ဖြင့် သေဆုံး ကွယ်လွန်ခဲ့ကြပြီး တောတောင် များထဲတွင် တိတ်တဆိတ် မြှုပ် နှံထားခြင်း ခံခဲ့ရသူများ၏ အ လောင်းများကို တွေ့ရှိရသော သတင်းများက ကြားသိရသူတိုင်း ကို တုန်လှုပ်ချောက်ချားစေခဲ့ သည်။

ထိုကိစ္စတွင် ရိုဟင်ဂျာအရေး ဟု ကြွေးကြော်သံကို ကျယ်ကျယ် လောင်လောင် အော်ဟစ်ပေးနေ ကြသော ဘင်္ဂါလီထိပ်ပိုင်း ခေါင်းဆောင်များပင် ပါဝင်ပတ်သက်နေ သည်ဆိုသော သတင်းများကို လည်း ဖေ့စ်ဘွတ်ခ်စာမျက်နှာများတွင် တွေ့မြင်ဖတ်ရှုနေရ၍ အံ့သြမိသည်။ ၀ါဒဖြန့်ချိရေး စကားများကို သိပ်ပြီးကျယ်ကျယ်လောင်

လောင် ပြောလာလျှင် နောက်ကွယ်မှာ မရိုးသားမှု၏ လျှို့ဝှက်ချက်တွေ ရှိနေတတ်သည်က လည်း လောကသဘာဝပင်။

ကျွန်မ တစ်ခါကရေးခဲ့ဖူး သည်ကို မှတ်မိကြမည် ထင် သည်။ ဘင်္ဂါလီကုန်းတွင်းပြေး၊ လှေစီးပြေးဒုက္ခသည်များ အရေး သည် ဘင်္ဂလားဒေ့ရ်ှနိုင်ငံ အစိုးရ နှင့် နိုင်ငံရေးသမားများမှာ အဓိ က တာဝန်ရှိကြောင်း။ နိုင်ငံတစ်ခု ၏ နိုင်ငံရေး၊ စီးပွားရေးမူဝါဒများ ကို နိုင်ငံ၏လိုအပ်ချက်နှင့်အညီ အပြောင်းအလဲ မလုပ်နိုင်လျှင် တိုင်းသူပြည်သားများခမျာ နိုင်ငံ ကို စွန့်ခွာထွက်ပြေးတတ်ကြတတ် သည်မှာ ထုံးစံဖြစ်ကြောင်း ရေး သားခဲ့ဖူးသည်။

ကျွန်မတို့ မြန်မာပြည်မှာ လည်း စစ်ခေါင်းဆောင်များ၏ နိုင်ငံရေး၊ စီးပွားရေး အထွေထွေ မူဝါဒများ နည်းမမှန်၊ လမ်းမမှန် ဖြစ်နေသောကြောင့် နိုင်ငံသား ပြည်သူဆယ်သန်းခန့် နိုင်ငံပြင်ပ သို့ သွားရောက်လုပ်ကိုင်နေကြ ရသည်။ ဘင်္ဂလားဒေ့ရ်ှနိုင်ငံ၏ အခြေအနေက ကျွန်မတို့ မြန်မာ ပြည်ထက်ပင် ပထ၀ီအရ၊ နိုင်ငံ ရေးအရ၊ စီးပွားရေးအရ နိုင်ငံ သားများအတွက် မနေသာ၊ မထိုင်သာ အခြေအနေကို ဆိုက်ရောက်နေသည်မှာ ထင်ရှားနေသည်။ ကျွန်မတို့ ပြည်သူများမှာ ပင်လယ်ပြင်ကို လှေစီး၍ ပြေးလောက်အောင် အခြေအနေမဆိုးလှ။

လက်ရှိ အခြေအနေမှာ မြန်မာဘက်ခြမ်းသို့ ရောက်ရှိနေ သော ကုန်းတွင်းပြေး ဘင်္ဂါလီဒုက္ခ သည်များ အရေးကို ရိုဟင်ဂျာအ ရေးဟု ရှေ့တန်းတင်ပြောဆိုနေ မှုများကလည်း အသံပြန်လည် ကျယ်လောင်လာသည်။ မြန်မာ ပြည်မှာကော တာဝန်မရှိဘူးလား။ မြန်မာစစ်ခေါင်းဆောင်များ၏ တာဝန်မဲ့မှုကြောင့် တာဝန်ရှိတန်သလောက်တော့ ရှိပါလိမ့်မည်။နယ်စပ်တွင် လူမျိုးနှောယှက်မှု တွေ အထိုက်အလျောက်ရှိနေနိုင် သည်ကိုလည်း မငြင်းဆန်လို။ သို့သော် ထိုင်း၊ အင်ဒိုနီးရှား၊ မလေးရှား၊ သြစတြေးလျတိုက်အထိ လှေစီးပြေးနေသူမှန်သမျှ ဘင်္ဂါလီလူမျိုးအားလုံးကို မြန်မာရိုဟင်ဂျာဟု ခေါင်းစဉ်တပ်ပြောဆို လောက်အောင်တော့ တာဝန်ရှိမည်မထင်။

ယခုအချိန်မှာ ဘင်္ဂါလီဒုက္ခ သည် ပြဿနာကြီးမားလာလေ လေ၊ ကမ္ဘာ့မီဒီယာများ၏ အသံ ကလည်း မြန်မာပြည်အပေါ်လှည့် ချလေလေ ဖြစ်လာနေသည်။ ထို အချက်ကို စဉ်းစားရာမှာ ခေတ် ကြီးကလည်း လော်ဘီခေတ် ဆိုလေတော့ မြန်မာစစ်ခေါင်းဆောင်များ၏ နယ်စပ်မျဉ်းများကို ခိုင်လုံအောင် မကာကွယ်နိုင်ခြင်းအပေါ် အခွင့်ကောင်းယူကာ လော်ဘီငှားပြောဆိုနေခြင်းသာ ဖြစ်နိုင်သည်။ ဒီလိုနှင့် ပြဿနာ၏ အဓိကတာဝန်ရှိသူ ဘင်္ဂလားဒေ့ရ်ှခေါင်းဆောင်များအပေါ်မှာ အပြစ်တင်ခံရသည်ထက် မြန်မာနိုင်ငံအပေါ်မှာ တာဝန်တွေ ထိုးတင်ရန် အခွင့်သာနေသည့်ပုံရ သည်။

ဘင်္ဂါလီဒုက္ခသည်များအား မြန်မာရိုဟင်ဂျာဟု သုံးစွဲနေသော စကားရပ်ကို အမှန်တကယ်အ နက် အဓိပ္ပာယ်ရှိ၊ မရှိ။ ယုတ္တိတန်၊မတန် ဘင်္ဂလားဒေ့ရ်ှနိုင်ငံအ ကြောင်းကို လေ့လာကြည့်မိ သည်။ ဘင်္ဂလားဒေ့ရ်ှနိုင်ငံတွင် လူဦးရေသန်း ၁၇၀ ခန့်ရှိရာ လူဦးရေ၏ ၉၈ ရာခိုင်နှုန်းမှာ ဘင်္ဂါလီ လူမျိုးများသာ ဖြစ်သည်။ ကျန် ၂ရာခိုင်နှုန်းကသာ တိုင်းရင်းသား လူနည်းစု Ethnic Group မှာအကျုံးဝင်သည်။ လူနည်းစုတိုင်းရင်းသား အစုများမှာ တောင်တန်းဒေသများတွင် နေထိုင်ကြသူများ ဖြစ်သည်။

လူနည်းစုအုပ်စုများတွင် လူဦးရေ များများစားစား မရှိ။ အဓိကလူမျိုးစုများထဲမှ Mandi, Hajong တို့က ဘင်္ဂလားဒေ့ရ်ှနိုင်ငံ မြောက်ပိုင်းမှာ နေထိုင်ကြသည်။ Manipuri and Khasiai တို့က အရှေ့မြောက်ပိုင်းမှာ နေထိုင်ကြ သည်။ Chakma, Tripura, Marma, Rakhain, Mru, Tanchyanga, Murong တို့က အရှေ့ပိုင်းနှင့် အရှေ့တောင်ပိုင်း။ Santal and Rajbangshi ဘင်္ဂ လားဒေ့ရ်ှနိုင်ငံ၏ အနောက်ဘက် ခြမ်းမှာ နေထိုင်ကြသည်။ အ ထက်ပါ လူမျိုးစုများသည် ဘင်္ဂ လားဒေ့ရ်ှနိုင်ငံတွင် အဓိကတိုင်း ရင်းသားအစုအဖွဲ့များ ဖြစ်သည်။

သေချာသည်ကတော့ ဘင်္ဂလားဒေ့ရ်ှနိုင်ငံအတွင်းရှိ တိုင်းရင်းသားအစုများတွင် Roewenhnya, Rohengya, Rohingya စသည့် ရိုဟင်ဂျာဆို သော စကားလုံးနှင့် ခပ်ဆင်ဆင်တူသော လူမျိုးကို မတွေ့ရခြင်းပင် ဖြစ်သည်။ နယ် စပ်မှာ လူမျိုးရောနှောနိုင်သည်ဟု ဆိုနိုင်သော်လည်း ဘင်္ဂလားဒေ့ရှ် တွင် အဓိကမှာ ဘင်္ဂါလီလူမျိုး ၉၈ ရာခိုင်နှုန်းနှင့် လူနည်းစု ၂ ရာ ခိုင်နှုန်းအတွင်း ရိုဟင်ဂျာလူမျိုး ဟူ၍ မရှိခြင်းက ထိုရိုဟင်ဂျာဟူ သော စကားလုံးနှင့် လူမျိုးတစ်မျိုး သည် အမှန်တကယ် မရှိနိုင် ကြောင်း သက်သေထူနေသည်။ ယခုအချိန်မှာ မြန်မာရိုဟင်ဂျာ အ မည်ခံကာ ကမ္ဘာတစ်ပတ်ရောက် ရှိနေသည့် ဘင်္ဂါလီအရေအတွက် မှာ သန်းနှင့် ချီ၍ ရှိနေပြီ။

ကျွန်မတို့ မြန်မာပြည်တွင် ဖဆပလအစိုးရလက်ထက်မှာ ထို စကားလုံးကို ၀န်ကြီးချုပ်ဦးနုက လက်ခံခဲ့ကြောင်း ထိုစဉ်က လွှတ် တော်အမတ်ဖြစ်ခဲ့သူ သခင်ချန် ထွန်းက ပြည်ပမီဒီယာတစ်ခုမှာ ပြောဆိုခဲ့ဖူးသည်။ နောက်မှ လွှတ်တော်မှာ ၀ိုင်းဝန်းကန့်ကွက်ကြ သဖြင့် ထိုစကားလုံးပျောက်ကွယ် သွားသည်ဟု ဆိုသည်။ ယုတ္တိ ဗေဒကျကျ ပြောဆိုရလျှင် ထိုစဉ် ကတည်းက မရှိကို အရှိလုပ်ခဲ့ သည်ကို ၀န်ကြီးချုပ်ဦးနုပါ အလိမ်ခံရသည်ဟု ဆိုရမည် ထင်သည်။

ဥပမာ -မွန်လူမျိုးများ၊ ကရင်လူမျိုးများ ထိုင်းနိုင်ငံဘက် မှာလည်း ရှိသည်။ မြန်မာမှာရှိ လည်း မွန်၊ ထိုင်းမှာလည်း မွန်။ ကရင်လူမျိုးသည် မြန်မာမှာ လည်း ကရင်။ ထိုင်းနိုင်ငံဘက်ခြမ်း မှာလည်း ကရင်။ ကချင်သည် တရုတ်ပြည်မှာ ရှိလျှင်လည်း ကချင်။ မြန်မာဘက်မှာရှိလျှင် လည်း ကချင်။ နာဂလူမျိုးတွေ အိန္ဒိယဘက်မှာ ရှိသည်။ အိန္ဒိယ မှာလည်း နာဂ။ မြန်မာမှာလည်း နာဂ။ ဘင်္ဂလားဒေ့ရ်ှနယ်စပ်မှာမှ ဟိုဘက်၊ ဒီဘက်လူမျိုး မတူ။ ဘင်္ဂါလီနယ်စပ်ကိစ္စကျမှ တစ်မူထူးခြားနေသည်။ ဟိုဘက်ခြမ်းမှာ ရိုဟင် ဂျာမရှိ။ ဒီဘက်ခြမ်းမှာလာ၍ ရို ဟင်ဂျာရှိနေသည်မှာ အလွန်ကို ယုတ္တိဗေဒနှင့် ဝေးလွန်းသည်။

ယခုအချိန်ကာလမှာ ရိုဟင် ဂျာဇာတ်လမ်းကို ဇွတ်တရွတ်ပြော ဆိုနေသည့် ကိစ္စမှာ သန်းနှင့်ချီ သော လူကုန်ကူးသူများက ဘင်္ဂါ လီလူမျိုးများကို မြန်မာပြည်တွင်း သို့ ခိုးသွင်းနိုင်ရန် စီမံချက်လည်း ဖြစ်ကောင်း ဖြစ်နေမည်။ လတ် တလောအခြေအနေမှာ ဘင်္ဂါလီ လူမျိုးလှေစီးပြေး၊ ကုန်းတွင်းပြေး ပြဿနာသည် သေးငယ်သော ကိစ္စမဟုတ်တော့။ ကမ္ဘာ့ခေါင်း ဆောင်ကြီးများ ခေါင်းစားလာရ တော့မည့် ခေါင်းစဉ်တစ်ခုဖြစ် လာနေကြောင်း ထိုင်းနိုင်ငံတောင် ပိုင်းတွင် ဖြစ်ပျက်ခဲ့သော ဖြစ်ရပ် များက သက်သေခံနေသည်။

ထိုအချိန်တွင် မှန်မှန်ကန် ကန် နည်းလမ်းတကျ ဖြေရှင်းနိုင် ကြရန် အလေးအနက်ထားစဉ်း စားကြတော့မည်။ ပြဿနာ၏ ရင်းမြစ်ကို အလိမ်အညာမပါဘဲ ထုတ်ဖော်ကြရန် လိုသည်။ ထုတ် ဖော်ပြောဆိုမှုများကလည်း ယုတ္တိ တော့ ကျရပေမည်။လူသားအရေးမို့ ကိုယ့်တာဝန် ကိုယ်တော့ ယူကြရမည်သာ။

ကျွန်မတို့ မြန်မာနိုင်ငံသားများအနေဖြင့် အနောက်ဘက်ဒေသမှာရှိသော ဘင်္ဂါလီလူဦးရေပမာဏသည် ဖြစ်သင့်သည်ထက်များ လွန်နေသည်ဟုသာ ယုံကြည် သည်။ နှစ်နိုင်ငံတာဝန်ရှိသူများ တိတိကျကျ စိစစ်၍ ကိုယ့်တာဝန် ကိုယ် မှန်မှန်ကန်ကန် ယူကြရန် လိုသည်။ လူသားများအရေးမို့ မုသားတွေလည်း မပါစေနှင့်။ အဂတိလည်း မလိုက်စားနှင့်။

သေချာသည်မှာ မြန်မာဘက်ခြမ်းနယ်စပ်ရှိ ယခုဘင်္ဂါလီလူမျိုး များ နေထိုင်သည့် ကျေးရွာများ ဖြစ်သော ပြင်ဖြူချောင်း၊ မြို့သစ် ချောင်း၊ စံပယ်ပင်ရင်း၊ အင်းဒင်၊ စပ်ချကုန်း၊ ငတိုး၊ အလယ်သံ ကျော်၊ ငစံဘော်၊ မောင်နှမ၊ ဒိုးတန်း၊ မန်အောင်၊ သာစည်၊ ရွာမ၊ ပုလဲတောင်၊ ဒါးပိုင်ဆရာ၊ ကြာညိုပြင်၊ ဥယျာဉ်သာ၊ လက်ဝဲတက်၊ စေတီတောင်၊ ကင်းတောင်၊သပိတ်တောင်၊ သိမ်တောင်၊ တပ်ရာ၊ ကျောင်းတောင်စသည့် ကျေးရွာအမည်နာမများသည် မြန်မာဒေသခံတို့၏ အမည် နာမခေါ်တွင်ခဲ့သော ကျေးရွာများ ဖြစ်နေသည်။ အကယ်၍သာ မူလကပင် ဘင်္ဂါလီလူမျိုးပင်ဖြစ် စေ၊ ရိုဟင်ဂျာလူမျိုးပင်ဖြစ်စေ နေထိုင်ခဲ့သည်မှန်ပါက ဘင်္ဂါလီ အမည်၊ ရိုဟင်ဂျာအမည်သာတွင် ခဲ့ပေမည်။ ဤသည်မှာလည်း ယုတ္တိလွဲချော်မှု အခြားအချက် တစ်ခုဟု ထင်မြင်သည်။

နိုင်ငံရပ်ခြား တိုင်းပြည်တစ်ခုက မိမိဖြစ်ချင်သည့် အကြောင်းအရာတစ်ခုအတွက် အမေရိကန် အစိုးရ၊ လွှတ်တော်နှင့် နိုင်ငံရေးသမားများကို ရွှေနားတော်သွင်း ဧချင်းလုပ်စေလိုလျှင် အမေရိကန်မှာ လော်ဘီလုပ်ရန် အငှားလိုက်သော ကုမ္ပဏီပေါင်းသောင်း နှင့်ချီ၍ ရှိနေသည်ဟု ကြားသိရ သည်။ ဒါကြောင့်လည်း မြန်မာပြည်အစိုးရကပင် အမေရိကန်အ စိုးရနှင့် အဆင်ပြေစေရန် တစ်နှစ် ကိုဒေါ်လာ ၈၄,၀၀၀ ပေးပြီး ငှားရမ်းခဲ့သည် မဟုတ်ပါလား။

နယ်စပ်ကျူးကျော် ဘင်္ဂါလီ လူမျိုးများကိစ္စမှာလည်း ရိုဟင် ဂျာအမည်ကို တီထွင်ထားသူ များက လော်ဘီငှားပြောဆိုပြီး အောင်မြင်နေဟန် တူသည်။ ကုလသမဂ္ဂအကြီးအကဲ မစ္စတာ ဘန်ကီမွန်းအပါအ၀င် ကမ္ဘာ့ ခေါင်းဆောင်ကြီးများ၊ မီဒီယာ များကိုယ်တိုင် အတော်လေးနား ၀င်နေကြဟန် တူသည်။ ရှိစေ တော့။ အမှန်တရားကတော့ မကြာခင်ပေါ်လာမည် ထင်ပါ သည်။

အလွန်စနစ်တကျ စစ်တမ်း ကောက်ယူတတ်သော အင်္ဂလိပ် များ အုပ်ချုပ်စဉ်က မြန်မာပြည်၏ ဒေသအလိုက်၊ မျိုးနွယ်အလိုက်၊ မျိုးနွယ်စုအလိုက်ပြုစုထားခဲ့ သည့် မြန်မာပြည်တွင် နေထိုင် သော ဒေသခံတိုင်းရင်းသား လူ မျိုးစုစာရင်းတွင်လည်း ဘင်္ဂါလီ လူမျိုးဟူ၍သော်လည်းကောင်း၊ ရိုဟင်ဂျာလူမျိုးဟူ၍သော်လည်း ကောင်း မပါရှိသည်မှာ သေချာ သည်။

ယခုအခါ လှေစီးပြေး။ ကုန်း တွင်းပြေး ဘင်္ဂါလီဒုက္ခသည်များ အရေးသည် အတော်လေး စိုးရိမ် ဖွယ်ရာဖြစ်လာသည်ကိုလည်း မည်သူမျှ မငြင်းသာ။ လူသားအ ရေးဖြစ်၍ စာနာပါသည်။ သို့ သော် ထိုပြဿနာကို ကိုင်တွယ် ဖြေရှင်းရာမှာ မြန်မာရိုဟင်ဂျာ ပြဿနာဟု အမြဲခေါင်းစဉ်တပ် ပြောဆိုနေခြင်းကိုမူ လုံးဝလက် မခံနိုင်။ မုသားသည် အမှန်တရား မဟုတ်ပါချေ။ ကျွန်မတို့နိုင်ငံမှာ လည်း ပြည်တွင်း ပြည်ပမှာ ဒုက္ခသည် အမျိုးမျိုးရှိနေသည်။ ကျွန်မ တို့နိုင်ငံသား ပြည်သူတွေက မြန်မာပြည်၏ နိုင်ငံရေးအဆင် ပြေချောမွေ့လာသည်နှင့် တစ် ပြိုင်နက် ကိုယ့်နိုင်ငံသား ပြည်သူ မှန်လျှင် ပြန်လည်ခေါ်ငင်တာဝန် ယူကြမည်သာ။ ယခုလည်း ထိုင်း ငါးဖမ်းသင်္ဘောများတွင် ကျွန်အ ဖြစ် ရောင်းစားခံနေရပြီး အင်ဒို နီးရှားကို ရောက်ရှိနေသော သူ များကို မိမိနိုင်ငံသားမှန်ကန်၍ ပြန်လည်ခေါ်ယူနေသည် မဟုတ်လား။

မြန်မာမှာ သုံးလေ့ရှိသော ဆိုရိုးတစ်ခု ရှိသည်။ နူနာရောဂါ ကို ယားနာပျောက်ဆေးနှင့် ကု၍ မရနိုင်ဆိုသော ဆိုရိုးစကားဖြစ် သည်။ ဘင်္ဂလားဒေ့ရ်ှနိုင်ငံသား များ လွင့်စဉ်နေခြင်း ပြဿနာကို မြန်မာနိုင်ငံကိုချည်း အပြစ်တင် နေရုံမျှဖြင့်တော့ မပြေလည်နိုင်။ အဓိကလက်သည် တရားခံဖြစ် သော ဘင်္ဂလားဒေ့ရ်ှအစိုးရ၏ နိုင်ငံရေး၊ စီးပွားရေး၊ လူမှုရေး၊ လူဦးရေထိန်းချုပ်မှု ဆင်းရဲမွဲတေ မှု ပပျောက်ရေးစီမံကိန်းများကို ထိထိရောက်ရောက် မျှတကောင်း မွန်စွာ အကောင်အထည်ဖော် ဆောင်ရွက်မှသာ ပြေလည်မည်။ ထိုကိစ္စအတွက် ကမ္ဘာ့နိုင်ငံကြီး များကလည်း ၀ိုင်းဝန်းကူညီရန် ထပ်မံတိုက်တွန်းလိုပါသည်။

နိဂုံးချုပ်ရလျှင် ဘင်္ဂါလီဒုက္ခ သည် ပြဿနာမီးခဲကို ပွဲစားလော် ဘီတို့၏ ရွှေနားတော်သွင်း ဧချင်း ကောင်းတိုင်း ဖက်ရွက်နှင့် ထုပ် ပိုးနေရုံဖြင့်တော့ လုံခြုံနိုင်မည် မဟုတ်ပါချေ။ ။

7 Days Daily

ညီအကို ၂ ဦးကို သတ်ပြီး အင်းတကော်မှာ အလောင်းလာပစ်မှုကိုစိတ်ဝင်စားမိတာက သေသူတွေနဲ့  တရပ်ကွက်တည်းနေခဲ့တာကြောင့်ဖြစ်တယ်။
ညွန့် ဆွေ၊ ညွန့် ဝေ ညီအကို အသတ်ခံရမှုအကြောင်း အွန်လိုင်းမှတ်ချက်တွေမှာ 'ဒီလိုလူလိမ်တွေ အသတ်ခံရတာကောင်းတယ်၊ ဒါမျိုးက သတ်ပစ်ရမှာ'ဆိုပြီး
တရားခံတွေဘက်က ထောက်ခံတဲ့ ရေးချွတ်မှုမျိုးတွေ ဖတ်ရတဲ့အပြင်အပြင်လောကမှာလည်း ဒီလိုအမြင်မျိုးနဲ့  ပြောဆိုတာတွေကို နားနဲ့ ဆတ်ဆတ်
ကြားမိတော့ အင်းတကော် လူသတ်မှုမှာ တရားခံလူငယ်တွေဘက်ကရပ်တည်ကြတဲ့သူတွေ အမှန်တကယ် များပြားနေပြီလို့  ကောက်ချက်ချရမယ်။
ဒီအသံတွေကိုလည်း ရဲဘက်ဌာနတွေက မှတ်တမ်းပြုစုထားနိုင်တယ်။

မိမိဆန္ဒနဲ့  လာရောက်အဖမ်းခံတဲ့ လူသတ်တရားခံ ကျော်သူရ ကို ဖမ်းမိပြီးချိန်မှာအခြား လွတ်နေသေးတဲ့ ပြစ်မှုအားပေးကူညီသူများကို ရဲဘက်က သိပ်ပြီး
နေ့ မအား ညမနား အားစိုက်လိမ့်မယ် မထင်တော့ပါ။ ကျော်သူရနဲ့  အောင်ကျော်စွာ၂ ဦးစလုံးကို ဖမ်းချုပ်နိုင်ပြီဖြစ်လို့  လူတွေ ထောက်ခံမှုရတဲ့ လူသတ်သမားများကို
ဘယ်လိုအမှုစွဲတင်ပြီး ဘယ်နှနှစ် အမိန့် ချပစ်မလဲဆိုတာကို စိတ်ဝင်စားနေကြပါပြီ။ အဓိက တရားခံတဦးဖြစ်သူ ကျော်သူရရဲ့  အင်တာဗျူးတခုမှာ သူအခုလို
လာရောက်အဖမ်းခံရခြင်းဟာ ဇနီးဖြစ်သူရဲ့  တိုက်တွန်းချက်ကြောင့်လို့  ပြောသွားပါတယ်။ ထွက်ပြေးတိမ်းရှောင်နေတဲ့ကာလမှာ ဇနီးဖြစ်သူနဲ့  ရဲဌာနကလူတွေရဲ့ 
ဆက်ဆံရေးတချို့  နီးနီးကပ်ကပ် ရှိနိုင်ပါတယ်။ ဇနီးဖြစ်သူ ခံစားနေရတဲ့ရောဂါဝေဒနာကို ကုသဖို့  ငွေအနည်းအကျဉ်း တောင်းတဲ့အချိန်မှာ သေဆုံးသူ
ညီအကိုတွေက မပေးချင်ဘဲ 'ပိုင်ရာဆိုင်ရာတွေ ငါတို့ မှာရှိတယ်'လို့  ကျော်သူရ ကိုပြောခဲ့တဲ့အကြောင်းလည်း ဖတ်ရပါတယ်။ ကျော်သူရရဲ့  ဒီပြောဆိုချက်ဟာ
အမှန်နဲ့ နီးစပ်နိုင်ပါတယ်။ သေဆုံးသူထဲက တဦးဟာ မဆလခေတ် နိုင်ငံတော်ကောင်စီဝင် လူကြီးတယောက်ရဲ့ သမက်တော်စပ်သူဖြစ်တယ်လို့  သေဆုံးသူ
မိသားစုများနဲ့  ရင်းနှီးသူတို့ က ပြောပြတာ ကြားဖူးပါတယ်။

ဂျပန်ပို့ ပေးမယ်ပြောပြီး ငွေလိမ်သွားတဲ့အတွက် စမ်းချောင်းတရားရုံးမှာတရားတဘောင်ဖြစ်နေကြတာ ၁ နှစ်နီးပါးခန့်  ကြာမြင့်နေပြီဖြစ်လို့  မိမိတို့  ဆုံးရှုံး
နစ်နာခဲ့ရတဲ့ငွေကြေးများကို ပြန်လည် ရနိုင် မရနိုင်ဆိုတဲ့ အခြေအနေ အရပ်ရပ်ကိုငွေလိမ်ခံရတဲ့ လူငယ် ၆ ဦး နားလည်သိရှိပြီးလောက်ပြီလို့  ယူဆရပါတယ်။
ငွေကြေးချို့ တဲ့သူ၊ နောက်ခံအဆက်အသွယ် ညံ့ဖျင်းသူတွေအတွက် တရားရေးဌာနဘက်က တုံ့ ပြန်မှုတွေဟာ သမာသမတ်ကျဖို့  သံသယဖြစ်စရာတွေချည်းဘဲဆိုတာ
လက်တွေ့ ရင်ဆိုင်ဖြတ်သန်းခဲ့ဖူးတွေ အသိဆုံးနေမှာပါ။ မိမိဘက်က မှန်ပေမယ့်တရားသဖြင့် ဆုံးဖြတ်ချက် တိတိကျကျကို ခံစားရမယ်လို့  တပ်အပ်မပြောနိုင်ပါ။
ကျော်သူရ အင်တာဗျူးမှာ ပြောသလို ပိုင်ရာဆိုင်ရာလူတွေနဲ့  ငွေထုတ်ထမ်းဝင်သူတွေရဲ့  ခြေသွက်လက်သွက် လုပ်ဆောင်မှုတွေကို တဖက်က တန်းတူဖက်ပြိုင်ဖို့ 
ခက်ခဲလွန်းပါတယ်။ ဒီအခါ ဘယ်တရားရေး၊ ဘယ်ရဲမှ အားမကိုးနိုင်တော့မယ့်အခြေအနေနဲ့  မိမိ မိသားစု ဘ၀ရပ်တည်ရေး အကြပ်အတည်း ဂိတ်ဆုံးဆိုက်ချိန်
ပေါင်းဆုံမိတဲ့အခါ လူသတ်မှုကို ကျူးလွန်ဖို့ ရာ ဘူးသီးကို ဓားနဲ့ ထိုးတာထက်ပင်လွယ်ကူတဲ့အလုပ်မျိုး ဖြစ်သွားတတ်တာ အဆန်းတကျယ် မဟုတ်ပါ။ ဒီမှာတင်
ညွန့် ဆွေနဲ့  ညွန့် ဝေတို့  အသက်ပျောက်သွားကြတာဖြစ်တယ်။ တရားရုံးတွေကိုအားမကိုး မယုံကြည်တော့တဲ့အခါ၊ မတရားတဲ့ ဥပဒေတွေ စိုးမိုးနေတဲ့အခါ
ခံရသူတွေဘက်က အခုလို တောတွင်းဥပဒေများနဲ့  ရင်ဆိုင်ဖြေရှင်းမှုတွေ ပေါ်ပေါက်လာနေပြီး ဒါမျိုးကို ပြည်သူအများစုက ကြိတ်ပြီး ထောက်ခံနေကြတာဟာ
အင်းတကော် လူသတ်မှုနဲ့  ဆက်နွယ်နေတဲ့ နောက်ထပ်စိတ်ဝင်စားစရာအချက်ပါ။

Aungmyo Tun

မနက်ကသံဖြူဇရပ်ကအမေစုရဲ့လူထုဟောပြောပွဲမှာစာရွက်တွေဝေနေတဲ့ငါးမင်းဆွေနဲ့ထိပ်တိုက်တွေ့ခဲ့ရတယ်..ကျွန်တော်နဲ့မိတ်ဆွေတစ်ယောက်ကအရင်ဆုံးအေးအေးဆေးဆေးသွားပြောတယ် ...ပါတီလုံခြုံရေးတွေကလည်းပြေပြေ လည်လည်နဲ့ဖြေရှင်းကြပါတယ်...သူကလက်မခံပါဘူး..ဒါနဲ့ဘေးကလူတစ်ချို့နဲ့ပြဿနာစတက်ပါတယ်...ပွဲခင်းထဲမှာလည်းရုတ်ရုတ်သဲသဲတော့ဖြစ်သွားပါတယ်...အဲဒီလိုဖြစ်တော့ကားလမ်းမကြီးအစပ်မှာသွားဝေပြန်ပါတယ်...သူပြောတာလေးနားထောင်ကြည့်ပါဦး.."..ကျုပ်ကငြိမ်းငြိမ်းချမ်းချမ်းနဲ့စာရွက်လာဝေတာ...တစ်ယောက်ထဲလာတာ...ဒီနေရာမျိုးတွေမှမဝေရရင်အလှူအိမ်သွားဝေရမှာလား..မကျေနပ်ရင်ရိုက်သွားတဲ့..."လူတွေစိတ်အနှောင့်အယှက်ဖြစ်ကြပေမဲ့သူ့အကြောင်းသိသူတွေကတော့အရေးမလုပ်ကြပါဘူး....ပြည်သူတစ်ယောက်ကပေါက်ကွဲပြီးအော်ဟစ်သံကြားလိုက်ပါတယ်..."ဒီမှာတိုင်းပြည်တစ်ခုလုံးကထောက်ခံနေတဲ့လူထုခေါင်းဆောင်ဟောပြောနေတာကွ...မင်းမနှောင့်ယှက်နဲ့....မင်းကငါးမင်းဆွေမဟုတ်ဘူး...ဖားမင်းဆွေကွ...ဖားမင်းဆွေကွ...အစိုးရကိုဖော်လံဖားပြီးလုပ်စားနေတဲ့ကောင်တဲ့..."

အမျိုးသားဒီမိုကရေစီဥက္ကဌ ဒေါ်အောင်ဆန်းစုကြည်၏ ခရီးစဉ် တစ်ခုဖြစ်သည့် သံဖြူဇ၇ပ် မြို့ ဟောပြောပွဲတွင် စီမံချက်ဖြင့် အစိုးရတာဝန်ရှိသူများမှ မသိကျိုး ဟန် ဆောင်ကာဖြင့်
မော်လမြိုင်မြို့ မှ သံဖြူဇရပ်သို့  ကြိုတင်ရောက်ရှိနေကြောင်း ကနဦးကတည်းမှ သတင်းရရှိထားခဲ့ပါတယ်။

လုံခြုံရေးတာဝန်ယူနေသောလူငယ်များနှင့် အခြေအတင်စကားများခဲ့ပြီး လူငယ်များမှ အချိ်န်မှီတားဆီးနိုင်ခဲ့သော်လည်း အဖွဲ့ဝင်အနည်းငယ်သာပါသည့် ငါမင်းဆွေနှင့်အဖွဲ့ အား အချေအတင်စကားများခဲ့ကြောင်းသိရှိရပါတယ်။

သူဘာတွေလုပ်ခဲ့သလဲ
******************************

အဲဒီလူကတွေ့သမျှလူတွေကိုစာရွက်တွေလိုက်ဝေတယ်...လမ်းမကြီးလည်းနည်းနည်းတော့ပိတ်ဆို့ကုန်တယ်..နောက်လမ်းမကြီးကနေဟောပြောပွဲနားထပ်ဝင်လာပြန်တယ်:..
ကျွန်တော်တို့လုံခြုံရေးတွေကတားတော့သူကတစ်ယောက်ထဲလာတာ..မကျေနပ်ရင်ရိုက်သွား..ဒီနေရာမျိုးမှဒီစာရွက်တွေမဝေရရင်အလှုအိမ်သွားဝေရမှာလား..ဘာညာနဲ့လုံခြုံရေးတွေကိုဒေါသထွက်အောင်လုပ်တယ်အကို..

ဘေးကပြည်သူတချို့ကစိတ်ဆိုးလာပြီးအော်ကြဟစ်ကြတော့ပရိတ်သတ်လည်းလန့်ကုန်တာပေါ့အကို..ဘာဖြစ်သလဲဆိုပြီး...အဲဒီတော့ဒီလူကတစ်နေရာပြီးတစ်နေရာလျှောက်ဝေနေတယ်..တစ်ယောက်ထဲဆိုပေမဲ့တစ်ခုခုဖြစ်လာရင်သူ့ဘက်မှာကြိုတင်ကြံစည်လာတဲ့အခြေအနေမျိုးတွေ့ရတယ်
သူ့နောက်မှာလည်းလူတချို့ရစ်သီရစ်သီနဲ့ပါလာသေးတယ်လို့  ခရီးစဉ်မှာလိုက်ပါဆောင်ရွက်နေတဲ့ကိုစိုးဂျူလိုင်က ကျနော့်အားပြောပြခဲ့ပါတယ်။

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ မွန်ပြည်နယ် သံဖြူဇရပ်မြို့မှာရှိတဲ့ ဓနသဟာယ စစ်သချိုင်္င်းအနီးက ကြာကန်ဘောလုံးကွင်းမှာ မြို့ခံတွေနဲ့တွေ့ဆုံပြီး မိန့်ခွန်းပြောကြားခဲ့ပါတယ်။

ယခုမော်လမြိုင်ခရီးစဉ်အပြီး တွင်ဒေါ်ဆောင်ဆန်းစုကြည်၏ ကချင်ပြည်နယ်ခရီးစဉ်အား

ပူတာအိုမြို့သို့ မေ ၂၂ ရက်တွင် သွားရောက်မည်ဖြစ်ပြီး
မေ ၂၃ ရက်တွင် ပူတာအိုဒေသခံများနှင့်
တွေ့ဆုံမည်ဖြစ်ပါတယ်။

မြစ်ကြီးနား မနောကွင်း (သို့မဟုတ်) မနောအားကစားဥယျာဉ်၌ ...
မေ ၂၄ ရက် နံနက် ၉ နာရီတွင်
ဟောပြောပွဲလုပ်မည်ဖြစ်ကြောင်း လုံခြုံရေးများအတွက် အရေးကြီးနေသေးကြောင်းသတင်းရရှိပါတယ်။

လေးစားလျှက်
သတင်း Tun Wai
Photo ကိုစိုးဂျူလိုင်


ပုဒ်မ ၅၉ (စ)ဟာ မိမိကို ဦးတည်ပြီး ထည့်သွင်းထားတဲ့ ပုဒ်မဆိုတာသိနေတာကြောင့် ပြင်ဆင်ပေးဖို့ တောင်း ဆိုနေရတာကိုက မျက်နှာပူ စရာဖြစ်နေကြောင်း၊ နိုင် ငံရေးအရ ပြင်ဆင်ရမယ် လို့ ပြည်သူတွေက တောင်း ဆိုလာတယ်ဆိုရင် အဲဒီပုဒ်မကို ပြင်ဆင်နိုင်ဖို့ အရှိန် အဟုန်မြှင့်ပြီး လုပ်ဆောင် သွားမယ်လို့ ဒေါ်အောင် ဆန်းစုကြည်က ပြောပါတယ်။

ဒီကနေ့ မွန်ပြည်နယ် သံဖြူဇရပ်မြို့ ကြာကန်ဘောလုံး ကွင်း လူထုဟောပြောပွဲမှာ တက်ရောက်လာတဲ့ ပရိသတ်တစ်ဦးက ၅၉(စ) ကိုပြင်လို့မရခဲ့ ရင် ပြည်ထောင်စုဝန်ကြီးချုပ်ဆိုပြီး ရာထူးအသစ်နဲ့ ကမ်းလှမ်းခဲ့ရင် လက်ခံမလားလို့ မေးမြန်းရာ မှာ ဒေါ်အောင်ဆန်းစုကြည်က အဲဒီလို ဖြေကြား ခဲ့တာ ဖြစ်ပါတယ်။

"ကျမတို့ရဲ့ ပြည်သူလူထုဟာ ၅၉ (စ) ကိုပြင်ဆင်ချင်တဲ့စိတ်ရှိမှာလား၊ အဲ့ဒါကို ကျမမေးရတဲ့အကြောင်းက ပွင့်ပွင့်လင်းလင်းပြောရရင် ၅၉ (စ)က ကျမအတွက် ဆွဲထားတဲ့ပုဒ်မကိုး၊ ကိုယ့်အတွက်ဆွဲထားတဲ့ပုဒ်မကို ဖျက်ပေးပါလို့ပြောရတာ တစ်ခါတစ်လေလည်း ကျမမျက်နှာပူတယ်၊ ဒါပေမယ့် တစ်ဘက်ကစဉ်းစားလိုက်ရင် လည်း နိုင်ငံရေးအရ ဖျက်သင့်ဖျက်ထိုက်တဲ့ပုဒ်မဆိုရင် နိုင်ငံရေးအရဖျက်ပေးဖို့ ကျမတို့ တောင်းဆို ရမှာဘဲ အဲ့ဒါကြောင့်မို့လို ကျမကမေးတာပါ"

၂၀၀၈ဖွဲ့စည်းပုံ အခြေခံဥပဒေပါ ပုဒ်မ ၅၉(စ) ဟာ နိုင်ငံတော်သမ္မတနဲ့ ဒုတိယသမ္မတ ဖြစ်ခွင့် အရည်အချင်းတွေ ကို ကန့်သတ်ထားတဲ့ ပုဒ်မဖြစ်ပြီး နိုင်ငံခြားသားနဲ့ အိမ်ထောင် ဖက် သို့မဟုတ် သားသမီးတွေဟာ နိုင်ငံခြား သားဖြစ်နေရင် ဖြစ်ခွင့်မရှိလို့ ဖော်ပြထားတဲ့ ပုဒ်မဖြစ်ပါတယ်။

သံဖြူဇရပ်မြို့ လူထုဟောပြောပွဲဟာ ၁၉၄၆ ခုနှစ်က ဖခင်ဗိုလ်ချုပ်အောင်ဆန်း ဖွင့်လှစ်ပေးခဲ့တဲ့ ဓနသဟာယ စစ်သင်္ချိုင်း အထိမ်းအမှတ် အဖြစ် ကျင်းပခဲ့တာ ဖြစ်ပါတယ်။

ဒေါ်အောင်ဆန်းစုကြည်က ပြည်သူတွေတင်ပြထားတဲ့ ပုဒ်မ ၄၃၆ ပြင်ဆင်ရေး တောင်းဆိုမှု လက်မှတ် ငါးသန်းဟာ အလဟဿ မဖြစ်ကြောင်းလည်း ပြောခဲ့ပါတယ်။

ဒီကနေ့ သံဖြူဇရပ် လူထုဟော ပြောပွဲကို ဒေသခံ လူဦးရေ ၄ ထောင်ကျော် တက်ရောက်ခဲ့ကြပြီး ဒေါ်အောင်ဆန်း စုကြည်ကို မေးခွန်းတွေ မေးမြန်းခဲ့ကြပါတယ်။

RFA
http://www.rfa.org/burmese/news/dassk-speaks-prepared-section-59-05172015095036.html

Author Name

Contact Form

Name

Email *

Message *

Powered by Blogger.