05/20/15


အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်ရဲ့ မွန်ပြည်နယ်ခရီးစဉ်အတွင်း ဒေသခံတိုင်းရင်းသားပြည်သူအတော်များများ ကြိုဆိုပြီး၊ လူထုတွေ့ဆုံပွဲတွေမှာလည်း တက်ရောက်ကြတာမို့ ဒီခရီးစဉ်ဟာ ၂၀၁၅ ရွေးကောက်ပွဲအကြို ဒေါ်အောင်ဆန်းစုကြည်ရဲ့ အောင်မြင်တဲ့ စည်းရုံးရေးခရီးစဉ်လို့ မြင်ကြပါတယ်။

ဒါပေမဲ့လည်း လာမယ့် ၂၀၁၅ ရွေးကောက်ပွဲမှာ NLD နဲ့ တိုင်းရင်းသားနိုင်ငံရေးပါတီတွေအကြား ကြီးမားတဲ့ ထိပ်တိုက်တွေ့မှု ဖြစ်လာမလား စိုးရိမ်မှုတွေလည်း ရှိပါတယ်။ ဒါနဲ့ပတ်သက်လို့ မြန်မာ့အရေးလေ့လာသူ ဒေါက်တာရန်မျိုးသိမ်းကို ကိုသားညွန့်ဦးက ဆက်သွယ်မေးမြန်းထားပါတယ်။

မေး။ ။ ဒေါ်အောင်ဆန်းစုကြည်ရဲ့ ဒီနှစ်အတွင်းမှာ တိုင်းရင်းသားဒေသကိုထွက်တဲ့ ပထမဆုံးခရီးစဉ်ပေါ့နော် မွန်ပြည်နယ်ခရီးစဉ်က ဒီအပေါ်မှာ ကိုရန်မျိုးသိမ်း ဘယ်လိုမြင်သလဲခင်ဗျ။ ထူးထူးခြားခြားပေါ့ အောင်မြင်မှုရှိတယ်လို့ မြင်သလား။ ထူးထူးခြားခြား ဘာများ သတိထားမိသလဲ။

ဖြေ။ ။ “လတ်တလောပေါ့လေ မွန်ပြည်နယ်ခရီးစဉ်က ဒေါ်အောင်ဆန်းစုကြည်အနေနဲ့ အောင်မြင်တဲ့ခရီးစဉ်တခုလို့ ပြောလို့ရပါတယ်။ အမျိုးသားဒီမိုကရေစီအဖွဲ့ချုပ်နဲ့ ဒေါ်အောင်ဆန်းစုကြည်ရဲ့ အောင်မြင်တဲ့ခရီးစဉ်တခုလို့တော့ ပြောလို့ရပါတယ်။ ဒါပေမဲ့ အဲဒီနေရာမှာ ကျနော်က နည်းနည်းလေး စိုးရိမ်တဲ့အပိုင်းကပေါ့လေ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားပါတီတွေကြားမှာ သူနိုင်ကိုယ်နိုင် အခင်းအကျင်းတခုကို စနစ်တကျ ချမှတ်ပြီးတော့ ၂၀၁၅ ရွေးကောက်ပွဲကို ကျော်ဖြတ်နိုင်မှသာ ဒီမိုကရက်တစ် အင်အားစုတွေအတွက် အခြေအနေကောင်းမယ်လို့ မျှော်လင့်တယ်။”

မေး။ ။ ဟုတ်ကဲ့ အဲဒီအချက်ကိုပဲ ကျနော်ကလည်း မေးချင်တာပါ။ အခု မွန်ပြည်နယ်ခရီးစဉ်ထွက်တဲ့အခါမှာ မွန်တိုင်းရင်းသားပါတီတွေ ရှိပါတယ်။ မွန်နိုင်ငံရေးပါတီတွေ၊ ဒီပါတီတွေနဲ့ အပြိုင်အဆိုင် သဘောမျိုးလည်းဖြစ်လာနိုင်တော့ ဒီအပေါ်မှာ တိုင်းရင်းသားပါတီတွေရဲ့ စိုးရိမ်ချက်ကိုရော ကိုရန်မျိုးသိမ်း ဘယ်လိုများ တီးခေါက်မိသလဲ။

ဖြေ။ ။ “ဒီမွန်ပြည်နယ်ခရီးစဉ်က ၂၀၁၅ ရွေးကောက်ပွဲ အတော်လေး နီးကပ်နေတဲ့ အခြေအနေမှာ သွားတာဖြစ်တဲ့အခါကျတော့ မွန်တိုင်းရင်းသားပါတီတွေဘက်ကလည်း ဒီအပေါ်မှာ အဓိက စိုးရိမ်မှုရှိနိုင်တယ်လို့ ကျနော်က မြင်ပါတယ်။ အဲတော့ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်အနေနဲ့ပေါ့လေ တိုင်းရင်းသားပါတီတွေ၊ ဒေသခံ တိုင်းရင်းသား လူမျိုးစုပါတီတွေနဲ့ စနစ်တကျ ညှိနှိုင်းပြီးတော့ ရွေးကောက်ပွဲကို ၀င်သင့်တယ်လို့ မြင်တယ်။ တိုင်းရင်းသားပါတီတွေနဲ့ လက်တွဲပြီးတော့ ရွေးကောက်ပွဲကို ၀င်မှသာလျှင် ဒေါ်အောင်ဆန်းစုကြည်ပြောတဲ့ အမျိုးသားဒီမိုကရေစီအဖွဲ့ချုပ်ဟာ ပြည်ထောင်စုပါတီဆိုတဲ့ အသုံးအနှုန်းကိုက်ညီမယ်လို့ ကျနော်ကတော့ ယူဆပါတယ်ခင်ဗျ။”

မေး။ ။ ဟုတ်ကဲ့ခင်ဗျ သူ့ရဲ့မိန့်ခွန်းတရပ်မှာပဲ ဒီပြည်ထောင်စုပါတီဆိုပြီးတော့ သုံးနှုန်းထားတဲ့ဟာ တွေ့ရပါတယ်ခင်ဗျ။ ဒီအပေါ်မှာရော ပြည်ထောင်စုပါတီဖြစ်ပါတယ်ဆိုတဲ့ အယူအဆအပေါ်မှာရော ကိုရန်မျိုးသိမ်း ဘယ်လိုမြင်ပါသလဲ။

ဖြေ။ ။ “ဒေါ်အောင်ဆန်းစုကြည်က ပြည်ထောင်စုပါတီလို့ ပြောပေမဲ့လို့ တိုင်းရင်းသား လူမျိုးစုတွေဘက်ကတော့ လက်ရှိ အမျိုးသားဒီမိုကရေစီအဖွဲ့ချုပ်ဟာ အဲဒီအဆင့်ကို မရောက်သေးဘူးလို့ မြင်နေတယ်လို့ ကျနော်ကတော့ မြင်ပါတယ်။ တကယ်တမ်း အမျိုးသားဒီမိုကရေစီအဖွဲ့ချုပ်ဟာ ပြည်ထောင်စုပါတီစစ်စစ် ဖြစ်ဖို့ဆိုရင် ကျနော့်အမြင်ကတော့ တိုင်းရင်းသားဒေသတွေမှာရှိတဲ့ လူမျိုးစုအခြေပြု တိုင်းရင်းသားပါတီတွေနဲ့ ကျယ်ပြန့်တဲ့ မဟာမိတ် ကွန်ယက်တခုကို တည်ဆောက်နိုင်မယ်ဆိုရင် ဒေါ်အောင်ဆန်းစုကြည်ပြောတဲ့ ပြည်ထောင်စုပါတီ တိုင်းရင်းသားလူမျိုးစုအားလုံးကို ကိုယ်စားပြုတဲ့ပါတီ ဖြစ်လာမယ်လို့ ယူဆပါတယ်။ အဲဒီလိုပြင်ဆင်မှု ဆောင်ရွက်မှုတွေ မရှိဘဲနဲ့ အမျိုးသားဒီမိုကရေစီအဖွဲ့ချုပ်ဟာ ပြည်ထောင်စုပါတီပဲလို့ ပြောမယ်ဆိုရင်တော့ ဒါဟာ တိုင်းရင်းသားပါတီတွေဘက်ကလည်း လက်ခံနိုင်မယ်လို့ မထင်ပါဘူး။”

မေး။ ။ ဟုတ်ကဲ့ ဒါပေမဲ့ ကျနော်တို့ လေ့လာမိသလောက်လည်း အမျိုးသားဒီမိုကရေစီအဖွဲ့ချုပ်က သူတို့ခေါင်းဆောင်ပိုင်းတွေ အပြောအရဆိုရင် သူတို့ နေရာတိုင်းမှာ ၀င်ပြိုင်မယ်၊ နေရာအားလုံး အနိုင်ရဖို့ ကြိုးစားမယ်၊ ဒါပေမဲ့ တိုင်းရင်းသားပါတီတွေနဲ့ ရွေးကောက်ပွဲအတွက်ပေါ့နော် မဟာမိတ်ပြုမယ့် လက္ခဏာတော့ မတွေ့ရသေးဘူးဗျ အခြေအနေက။

ဖြေ။ ။ “အဲဒီလို ၂၀၁၅ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားပါတီတွေအကြား အကြိတ်အနယ် ယှဉ်ပြိုင်ကြရပြီဆိုရင် ၂၀၁၅ အလွန် နိုင်ငံရေးမှာလည်းပဲ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားပါတီတွေကြားမှာ နိုင်ငံရေးအရ အကြိတ်အခဲတွေ ဖြစ်လာနိုင်တဲ့ အနေအထားမျိုးတွေ ရှိနေတာကို တွေ့ရပါတယ်။ ကျနော့်အမြင်အားဖြင့်တော့ နိုင်ငံရေးအရ ပြည်သူလူထုကို မျက်နှာမူတဲ့ အကျိုးပြုမှု ဖြစ်မလာနိုင်ဘူးလို့ ကျနော်က မြင်ပါတယ်။ နောက်ပြီးတော့ တဘက်ကပြန်ကြည့်ရင်လည်း လွတ်လပ်ရေးရပြီးကတည်းက ရှိလာတဲ့ ကျနော်တို့ တိုင်းရင်းသားတွေနဲ့ကြားမှာ ယုံကြည်မှု၊ နားလည်မှု၊ ပျက်ယွင်းမှုတွေကို ပြန်ပြီးတော့ တည်ဆောက်တဲ့အပိုင်းမှာလည်းပဲ အားနည်းချက်တွေ ဖြစ်လာနိုင်တယ်လို့ ကျနော်က မြင်ပါတယ်။”

မေး။ ။ ဟုတ်ကဲ့ ကျနော် နောက်ဆုံးတခုမေးချင်တာက အခု မွန်ပြည်နယ်ခရီးစဉ်အတွင်းမှာ တိုင်းရင်းသားပြည်သူတွေ တော်တော်များများ ထွက်လာကြတယ်။ သူ့စည်းရုံးရေးခရီးစဉ်မှာ ထွက်ပြီးတော့ သူ့မိန့်ခွန်းပြောတာကို လာနားထောင်ကြတာ လူတော်တော်များများ တွေ့ရပါတယ်ခင်ဗျ။ တကယ်တမ်းပဲ ဒီထွက်လာတဲ့လူတွေက အမျိုးသားဒီမိုကရေစီအဖွဲ့ချုပ်ရဲ့ အမာခံတွေ၊ ထောက်ခံတဲ့အင်အားစုတွေလို့ ပြောနိုင်လား။

ဖြေ။ ။ “ထွက်လာတဲ့လူအားလုံးဟာ အမျိုးသားဒီမိုကရေစီအဖွဲ့ချုပ်ရဲ့ အမာခံတွေ၊ အမျိုးသားဒီမိုကရေစီအဖွဲ့ချုပ်ကို ထောက်ခံသူတွေလို့ ယတိပြတ်ပြောဖို့ကတော့ ခက်ပါတယ်ခင်ဗျ။ ဒါပေမဲ့ နိုင်ငံတ၀ှမ်းလုံးမှာတော့ ဒေါ်အောင်ဆန်းစုကြည်ကို လွတ်လပ်ရေးဗိသုကာကြီး ဗိုလ်ချုပ်အောင်ဆန်းရဲ့ သမီးအဖြစ်အနေနဲ့ ထောက်ခံမှုကတော့ မြင့်မားနေဆဲပဲဆိုတာ ငြင်းလို့မရပါဘူးခင်ဗျ။”


VOA
http://burmese.voanews.com/content/daw-suu-mon-trip/2777646.html

၂၀၀၈ ဖွဲ့စည်းပုံ အခြေခံဥပဒေ ပြင်ဆင်ဖို့အတွက် အရေးကြီးတဲ့ ခြောက်ပွင့်ဆိုင်တွေ့ဆုံဆွေးနွေးပွဲ ဒီရက်ပိုင်းအတွင်းဖြစ်မြောက်ဖို့ အစိုးရဘက်က တက်ကြွမှုရှိတာ မတွေ့ရဘူးလို့ အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်က ပြောကြား လိုက်ပါတယ်။

ဒီကနေ့ ပြည်သူ့လွှတ်တော် အစည်းအဝေးအပြီးမှာ သတင်းထောက်တွေက ဒီရက်ပိုင်းအတွင်း ခြောက်ပွင့် ဆိုင်တွေ့ဆုံပွဲ ဖြစ်လာနိုင်သလားလို့ မေးမြန်းရာ မှာ ဒေါ်အောင်ဆန်းစုကြည်က ဆွေးနွေးပွဲဖြစ်သင့်တယ် လို့ မြင်ပေမဲ့ လက်တွေ့အစိုးရဖက်က မတက်ကြွဘူး လို့ ဖြေကြားခဲ့တာ ဖြစ်ပါတယ်။

"ကျမတို့ကတော့ ဖြစ်သင့်ပါတယ်၊ ဖြစ်တာမဖြစ်တာကတော့ ကျမတို့နဲ့ မဆိုင်ဘူးပေါ့နော်၊ ကျမတို့က ဆုံးဖြတ်တာမှမဟုတ်တာ၊ ဒါပေမဲ့ ဖြစ်သင့်တာတော့ဖြစ်တယ်"

ပထမဆုံးအကြိမ် ခြောက်ပွင့်ဆိုင် တွေ့ဆုံပွဲကို ပြီးခဲ့တဲ့ ဧပြီလ ၁၀ ရက်က ကျင်းပခဲ့ပြီးနောက် တစ်လအတွင်းမှာ ထပ်မံတွေ့ဆုံမယ်လို့ ဆုံးဖြတ်ခဲ့ကြပေမယ့် အခုချိန်ထိ မတွေ့ဆုံနိုင်သေးပါဘူး။

နိုင်ငံတော်သမ္မတ၊ တပ်မတော်ကာကွယ်ရေးဦးစီးချုပ်၊ လွှတ်တော်ဥက္ကဌ နှစ်ဦး၊ ဒေါ်အောင်ဆန်းစုကြည်နဲ့ တိုင်းရင်းသားကိုယ်စားလှယ် တစ်ဦးတို့ ပါဝင်တဲ့ ခြောက်ပွင့်ဆိုင်တွေ့ဆုံဆွေးနွေးပွဲ ကျင်းပပေးဖို့ ပြည်ထောင်စု လွှတ်တော်က ပြီးခဲ့တဲ့နှစ် နိုဝင်ဘာလက ဆုံးဖြတ်ခဲ့ပါတယ်။

အခုလ ၁၆ ရက်နေ့က မွန်ပြည်နယ် မော်လမြိုင်မြို့ လူထုတွေ့ဆုံပွဲမှာ ဒေါ်အောင်ဆန်းစုကြည်က ၆ ပွင့်ဆိုင် တွေ့ဆုံဆွေးနွေးပွဲတွေကို "ခပ်စိပ်စိပ်" ကျင်းပပေးဖို့ နိုင်ငံတော်သမ္မတ ဦးသိန်းစိန်ကို တိုက်တွန်းပြောကြားခဲ့ပါတယ်။

RFA


အပစ်အခတ်ရပ်စဲရေးစာချုပ် အမြန်ဆုံး လက်မှတ်ရေးထိုးပြီး မူဘောင်ရေးဆွဲဖို့နဲ့ ၂ဝဝ၈ ဖွဲ့စည်းပုံပြင်ဖို့ နိုင်ငံရေးပါတီတွေက တောင်းဆိုဆွေးနွေးတဲ့အခါ သမ္မတက တချို့ကိစ္စတွေပြီးပြတ်နိုင်ဖို့ သူ့သက်တမ်းအတွင်း မဖြစ်နိုင်ဘူးလို့ ပြောလိုက်ပါတယ်။ ပြုပြင်ပြောင်းလဲမှုတွေအတွက် ဦးသိန်းစိန် အချိန်ထပ်လိုနေသေးလို့လား။

မြန်မာနိုင်ငံရဲ့ငြိမ်းချမ်းရေးဖြစ်စဉ်ဟာ တိုးတက်ပြောင်းလဲမှုရှိပြီး NCA မူကြမ်းမှာလက်မှတ်ရေးနိုင်သလို အပစ်အခတ်ရပ်စဲရေး စာချုပ်အချောမှာလည်း အောင်မြင်နိုင်မယ်လို့ဆိုသူက အကောင်းမြင်သူ ဦးအောင်သိန်းလင်းပါ။ ၁၆ ဖွဲ့နဲ့ပဲအရင်လက်မှတ်ထိုးတာကနေစပြီး တဆင့်ပြီးတဆင့်ဆက်သွားရင် တစ်နိုင်ငံလုံးငြိမ်းချမ်းရေးရမှာပါလို့ ပြောပါတယ်။

ဝဒီမိုကရက်ပါတီက စိုင်ပေါင်းနပ်ကတော့ ငြိမ်းချမ်းရေးအကောင်အထည်ဖော်တဲ့နေရာမှာ ဝအနေနဲ့ ဘယ်အဖွဲ့အစည်းကိုမှ မထားခဲ့စေချင်ဘဲ တစ်ဖွဲ့လောက်ကျန်နေရင် မပြီးနိုင်တဲ့ဇာတ် ခင်းနေရဦးမှာမို့ တိုင်းပြည်ပဲနစ်နာမယ်လို့ ထောက်ပြပါတယ်။ အပစ်အခတ်ရပ်စဲရေးစာချုပ် တကယ်တမ်းလက်မှတ်ထိုးတဲ့အခါ လက်နက်ကိုင်အဖွဲ့တွေအားလုံးပါနိုင်ဖို့ မျှော်လင့်တယ်လို့ဆိုပါတယ်။

ငြိမ်းချမ်းရေးတည်ဆောက်နေချိန်မှာ ပြည်နယ်တောင်းဆိုတဲ့ဝဟာ တစ်ဖက်နိုင်ငံနဲ့ပေါင်းပြီး ခွဲထုတ်မှာမဟုတ်ဘဲ ဝတွေဟာလည်း တိုင်းရင်းသားတွေပါလို့ ပြောပါတယ်။ နိုင်ငံရေးပါတီ ၆၈ ခုနဲ့ မေ ၁၈ ကတွေ့ဆုံရာမှာ သမ္မတဦးသိန်းစိန်က ငြိမ်းချမ်းရေးလက်မှတ်ထိုးဖို့ တိုင်းရင်းသားလက်နက်ကိုင်တွေ အသင့်ဖြစ်ချိန်ကိုသာ စောင့်နေတာဖြစ်ပြီး သူ့ဘက်ကတော့ အဆင်သင့်ဖြစ်နေတဲ့အပြင် လာမယ့်ရွေးကောက်ပွဲကိုလည်း လွတ်လပ်မျှတဖို့ အစွမ်းကုန်ဆောင်ရွက်ပေးသွားမယ်လို့ ပြောခဲ့ပါတယ်။

ရက္ခိုင့်တပ်မတော် AA နဲ့ မြန်မာစစ်တပ်ကြားကတိုက်ပွဲတွေကြောင့် ဒုက္ခရောက်နေသူတွေကို အမြန်ဆုံးကယ်တင်ပေးဖို့တောင်းဆိုခဲ့သူ ခမီဖွံ့ဖြိုးရေးပါတီကဦးကျော်ထွန်းခိုင်ကတော့ သူတို့တိုင်းရင်းသားတွေဟာ ၈၈ အရေးခင်းပြီးကတည်းက ဒုက္ခမျိုးစုံခံစားခဲ့ရလို့ နောက်ကြောင်းပြန်မိမှာ စိုးရိမ်တယ်လို့ ပြောပါတယ်။

Kamayut Media


ပြန်ကြားရေးဝန်ကြီးဌာန အဆောက်အအုံများ ဆောက်လုပ်ခြင်း၊ ရောင်းချခြင်း၊ ငှားရမ်းခြင်းလုပ်ငန်းကော်မတီက ခေါ်ယူခဲ့တဲ့ တင်ဒါကြော်ငြာတစ်ခုကို မေ ၁၅ ရက်ထုတ် အစိုးရသတင်းစာတွေမှာ ဖော်ပြခဲ့ပါတယ်။

ဒါကတော့ ပြန်ကြားရေးဝန်ကြီးဌာန၊ မြန်မာ့အသံနှင့်ရုပ်မြင်သံကြား၊ ရန်ကုန်တိုင်းဒေသကြီး၊ မရမ်းကုန်းမြို့နယ်မှာရှိတဲ့ ရေကူးအသံလွှင့်စက်ရုံဝင်းနေရာမှာ မီဒီယာနဲ့ပတ်သက်တဲ့ အဆောက်အအုံတွေ ဆောက်လုပ်ခြင်း၊ လက်ရှိ အသံလွှင့်စက်ပစ္စည်းများကို ပြောင်းရွှေ့တည်ဆောက်ရေး စီမံကိန်းအကောင်အထည်ဖော် ဆောင်ရွက်ဖို့ ခေါ်ယူတဲ့တင်ဒါ ဖြစ်ပါတယ်။

သူတို့ ခေါ်ယူထားတဲ့ အစိုးရသတင်းစာတင်ဒါကြော်ငြာထဲမှာ မြေဧက ၈၀ ကျော် ဖြစ်တယ်လို့ ဖော်ပြထားပြီး လုပ်ငန်း လုပ်ကိုင်ခွင့်ရသူဟာ စက်ရုံဝင်းအတွင်းမှာ မီဒီယာဆိုင်ရာ လုပ်ငန်းများ လုပ်ကိုင်ခွင့်ရမယ်လို့ ဆိုထားပါတယ်။

မေ ၁၅ ရက် အစိုးရသတင်းစာမှာဖော်ပြတဲ့ တင်ဒါကြော်ငြာကို ဆက်ပြီး စုံစမ်းတဲ့အခါ ဒီတင်ဒါဟာ မီဒီယာလုပ်ငန်းဖွံ့ဖြိုးဖို့ထက် လုပ်ပိုင်ခွင့်ရမယ့်သူ ပိုထောမယ့် ဂွင် (ခွင်) မျိုးဖြစ်နေပါတယ်။

ကျပ် ၁၀ သိန်းတန် လျှောက်လွှာ

ပုံမှန်အားဖြင့် ကြည့်ရင် သူတို့ ခေါ်ယူတဲ့ တင်ဒါပုံစံက ဘာမှမဟုတ်သလိုပါပဲ။

ဒါပေမဲ့ တင်ဒါပုံစံ(လျှောက်လွှာ)ကို ငွေကျပ် ၁၀ သိန်းနဲ့ ရောင်းခဲ့တယ်။ ငွေကျပ် ၁၀သိန်းပေးဝယ်မှ တင်ဒါစည်းကမ်းမှာ ဘယ်လိုအချက်တွေ ပါလဲဆိုတာ သိနိုင်မှာပါ။ ဒါကို ကြည့်ခြင်းအားဖြင့် တင်ဒါစည်းကမ်းတွေကို အများပြည်သူနဲ့ မီဒီယာတွေ အလွယ်တကူ မသိနိုင်အောင် လုပ်ထားတဲ့ သဘောဖြစ်နေပါတယ်။

ပြောရရင်တော့ သူတို့ခေါ်ထားတဲ့ တင်ဒါအကြောင်းရေးတဲ့ ဒီဆောင်းပါးက ကျပ် ၁၀ သိန်း တန်ပါတယ်။

တင်ဒါစည်းကမ်းချက်တွေမှာ အချက် ၁၇ ချက်ကို ထည့်သွင်းထားတယ်။ ဒါပေမဲ့ ရှေ့ပိုင်းအချက်တွေကို ကြည့်ရုံနဲ့ ဒီတင်ဒါ ဟာ ဘယ်သူတွေအတွက်ဆိုတာ ထင်ရှားစေပါတယ်။ ဒီစည်းကမ်းချက်တွေကို ဘယ်သူတွေက ဦးဆောင်ရေးဆွဲခဲ့သလဲ မသိပါဘူး။

ရွှေသံလွင်လား၊ Forever လား

တင်ဒါစည်းကမ်း ပထမအချက်မှာတင် ဒီတင်ဒါဟာ မီဒီယာလုပ်ငန်း လုပ်ကိုင်လိုသူ အားလုံးအတွက် မဟုတ်ပါဘူး။

“တင်ဒါတင်သွင်းလိုသူသည် မီဒီယာလုပ်ငန်းကို အနည်းဆုံး လွန်ခဲ့သော သုံးနှစ်ကစပြီး ယခုတိုင် ထိတွေ့လုပ်ကိုင်နေသည့် မြန်မာနိုင်ငံသားပိုင် ကုမ္ပဏီဖြစ်ရမည်။ အထူးသဖြင့် ရုပ်သံမီဒီယာလုပ်ငန်း အတွေ့အကြုံ ရှိသူ ဦးစားပေးဆောင်ရွက်ခွင့်ပြုမည်။
စည်းကမ်းလိုက်နာမှုနှင့် အရည်အချင်းပြည့်မီမှု (တောင်းဆိုသည့် အချက်အလက်များ ပြည့်စုံမှု၊ လက်မှတ်ရ စာရင်းစစ်မှ စစ်ဆေးထားသော အများပြည်သူသို့ ထုတ်ပြန်သည့် နှစ်ပတ်လည် ဘဏ္ဍာရေးရှင်းတမ်း၊ ကုမ္ပဏီမှတ်ပုံတင်မိတ္တူ၊ ဆက်သွယ်ရန်လိပ်စာ)၊ ဘဏ္ဍာရေးဆိုင်ရာ ခိုင်မာမှု (လုပ်ငန်းလည်ပတ်မှုနှင့် အခြားရင်းနှီးမြှုပ်နှံမှုများ ပြုလုပ်ပြီး ငွေပိုပမာဏ၊ လက်ငင်းရပိုင်ခွင့်နှင့် ပေးရန်ရှိ တာဝန်အချိုး)၊ နည်းပညာဆိုင်ရာ အတွေ့အကြုံရှိမှုနှင့် အဆိုပြုလုပ်ငန်း ပုံစံကောင်းမွန်မှု (ဆောက်လုပ်ရေးလုပ်ငန်း အတွေ့အကြုံရှိမှု၊ ရုပ်သံလွှင့်ခြင်းဆိုင်ရာ လုပ်ငန်းကျွမ်းကျင်သူများ ပါဝင်ဖွဲ့စည်းမှု) စ သည်တို့ ပြည့်စုံစွာပါရှိရမည်” လို့ တင်ဒါစည်းကမ်း ပထမအချက်မှာ ဖော်ပြထားပါတယ်။

ဒါကို ကြည့်ခြင်းအားဖြင့် သတ်မှတ်စည်းကမ်းချက်နဲ့ ကိုက်ညီတဲ့ (မီဒီယာလုပ်ငန်းကို လွန်ခဲ့တဲ့ သုံးနှစ်ကစပြီး အခုထိ လုပ်ကိုင်နေတဲ့ မြန်မာနိုင်ငံသားပိုင်ကုမ္ပဏီ၊ ရုပ်သံမီဒီယာလုပ်ငန်း အတွေ့အကြုံရှိသူ ဦးစားပေးဆောင်ရွက်ခွင့်ပြုမယ်ဆိုတဲ့ အချက်များအရ) ပြည်တွင်းလုပ်ငန်းရှင် လောလောဆယ် နှစ်ဦးပဲရှိ နိုင်ပါတယ်။ ဒါက Forever နဲ့ ရွှေသံလွင် ဖြစ်ပါတယ်။

ဒီကုမ္ပဏီနှစ်ခုကို ထပ်ပြီးခွဲခြားတဲ့အခါ တင်ဒါစည်းကမ်းချက်မှာပါတဲ့ “ဆောက်လုပ်ရေးလုပ်ငန်းအတွေ့အကြုံရှိမှု” အချက်နဲ့ ချိန်ထိုးရင်း Forever ကုမ္ပဏီအတွက် အခက်အခဲရှိနိုင်ပါတယ်။ ရွှေသံလွင်ကုမ္ပဏီအတွက် မခက်ခဲပါဘူး။

ဒါပေမဲ့ Forever ကုမ္ပဏီက တင်ဒါကြေညာထားတဲ့ ရေကူးအသံလွှင့်စက်ရုံဝင်းထဲမှာပဲ မြေဧကနှစ်ဧကအတွက် တစ်လငှားရမ်းခ ကျပ်သိန်း ၁၀၀ နဲ့ ငါးနှစ်ငှားရမ်းမှုအတွက် လုပ်ပိုင်ခွင့် ရထားပါတယ်။ ၂၀၁၃ ခုနှစ်မှာ ရရှိထားခဲ့တဲ့ အဲဒီလုပ်ပိုင်ခွင့်က ၂၀၁၈ နောက်ပိုင်းအထိ ဆက်ရှိနေမှာ ဖြစ်ပါတယ်။ သူလည်း ပြန်ကြားရေးဝန်ကြီးဌာနဆီကနေ အခွင့်အရေးရတဲ့ ရုပ်သံမီဒီယာပါပဲ။

ရွှေသံလွင်မီဒီယာအနေနဲ့ကတော့ ရုပ်သံလိုင်းထောင်ခွင့်အပြင် ဘယ်သူမှမရတဲ့ သုံးနှစ်ဆက်တိုက် အခွန်အခကင်းလွတ်ခွင့်၊ ပြည်လမ်းမပေါ်က မြန်မာ့အသံဝင်းနေရာကို မြေငှားရမ်းခပေးစရာမလိုဘဲ အသုံးပြုခွင့်တွေ ရထားတဲ့အထိ အခွင့်အရေးအများဆုံးရတဲ့ မီဒီယာပါ။ ရွှေသံလွင်ဟာ မီဒီယာလုပ်ငန်းအပြင် အခြားလုပ်ငန်းပေါင်းများစွာကို လုပ်ကိုင်ခွင့်ရထားပါသေးတယ်။ ဒီတော့ အခုတင်ဒါခေါ်တဲ့ စည်းကမ်းချက်တွေနဲ့ ကိုက်ညီမှု အရှိဆုံးဖြစ်နေတာ ရွှေသံလွင်ပါပဲ။

သတင်းစာကြော်ငြာမှာ ဧက ၈၀ ကျော်၊ တကယ်ပေးတော့ ဧက ၉၀

အများပြည်သူ သိအောင် တရားဝင်ထုတ်ပြန်ထားတဲ့ အစိုးရသတင်းစာ ကြော်ငြာမှာ လုပ်ငန်းလုပ်ကိုင်ခွင့်ရသူဟာ မြေဧရိယာ ဧက ၈၀ ကျော်ရမယ့်သဘော ရေးထားပါတယ်။

တင်ဒါစည်းကမ်းမှာ ဖော်ပြထားချက်အရတော့ တင်ဒါခေါ်ထားတဲ့ စက်ရုံဟောင်း မြေဧရိယာဟာ ၁၂၀ ဧကခန့် ရှိနေတယ်။ ဒီအထဲ ဧက ၃၀ ကို မြန်မာ့အသံနဲ့ ရုပ်မြင်သံကြားအတွက် ထုတ်နုတ်ပြီး ကျန်မြေ ဧ က ၉၀ ခန့်ကို တင်ဒါရရှိသူအား အပြီးအပိုင်လွှဲပြောင်းပေးအပ်မယ်လို့ ဆိုထားပါတယ်။

ဒါကိုကြည့်ခြင်းအားဖြင့် တစ်ချိန်မှာ ရန်ကုန်မြို့ရဲ့ အချက်အချာဖြစ်လာနိုင်တဲ့ နေရာ၊ ယာဉ်ကြောပိတ်ဆို့ ကင်းရှင်းတဲ့ အဓိကနေရာတစ်ခုမှာ ဧက ၉၀ ခန့် တစ်ဆက်တစ်စပ်တည်း မြေနေရာကို တင်ဒါအောင်မြင်သူက ရရှိသွားမှာပါ။

တင်ဒါစည်းကမ်းတွေအရ တင်ဒါရရှိခဲ့သူဟာ အစိုးရကို ပြန်လုပ်ပေးရမှာတွေ ရှိပါတယ်။ ရန်ကုန်မြို့တော် စည်ပင်သာယာရေး နယ်နိမိတ်အတွင်းမှာပဲ တစ်ဆက်တစ်စပ်တည်းရှိပြီး ပြန့်ပြူးတဲ့ မြေဧ ၁၅၀ ကို မြန်မာ့အသံနှင့် ရုပ်မြင်သံကြားအတွက် အစားပြန်ပေးရမယ်၊ စက်ရုံသစ်ကို စက်ပစ္စည်းတွေသာမက ၀န်ထမ်းအိမ်ရာတွေကိုလည်း တည်ဆောက်ပေးရမယ်၊ စက်ရုံဟောင်း မြေနေရာမှာ ချန်ထားပေးရမယ့် မြေဧက ၃၀ ထဲက ၁၅ ဧကမှာ လက်ရှိ အဆောက်အအုံဟောင်းဖြစ်တဲ့ အသံလွှင့်စက်ရုံနှစ်ရုံ၊ စတူဒီယိုသုံးရုံကို ဆက်ထားပြီး အသုံးပြုမယ်၊ ကျန်တဲ့ မြေ ၁၅ ဧက နေရာမှာ ပြန်ကြားရေးဝန်ကြီးဌာနက ၀န်ထမ်းမိသားစု ၃၀၀ နေထိုင်နိုင်တဲ့ ၀န်ထမ်းအိမ်ရာ ဆောက်ပေးရမယ်လို့ ဆိုထားပါတယ်။

ဒါ့အပြင် တင်ဒါရခဲ့သူဟာ သူရရှိမယ့် မြေဧက ၉၀ ပေါ်မှာ ရုပ်သံထုတ်လွှင့်မှုဆိုင်ရာ အဆောက်အအုံတွေ၊ စတူဒီယိုတွေ၊ ပရိသတ် တစ်သောင်းခွဲဆံ့တဲ့ မိုးလုံလေလုံဇာတ်ရုံ၊ ပရိသတ်ငါးသောင်းဆံ့တဲ့ အမိုးဖွင့်ဇာတ်ရုံ၊ Multi-Media တက္ကသိုလ် ကျောင်း၊ အပန်းဖြေရိပ်သာ၊ အများပြည်သူနဲ့ သက်ဆိုင်တဲ့ အဆောက်အအုံတွေကိုလည်း ဆောက်လုပ်ပေးရမယ်လို့ စည်းကမ်းသတ်မှတ်ထားပါတယ်။

မီဒီယာလုပ်ငန်းဖွံ့ဖြိုးဖို့ဆိုတဲ့ ခေါင်းစဉ်တပ်ထားပေမယ့် ဟိုတယ်၊ တည်းခိုခန်း၊ အပန်းဖြေရိပ်သာ၊ ဘဏ်ရုံးခွဲလို အဆောက်အအုံတွေဖြစ်တဲ့ စီးပွားဖြစ်လုပ်ငန်းတွေကိုလည်း လုပ်ကိုင်ခွင့် ပေးထားပါတယ်။

ဒီနေရာမှာ အပိုင်းနှစ်ပိုင်းရှိပါတယ်။ ပထမအပိုင်းအနေနဲ့ အစိုးရကို ပြန်လုပ်ပေးရမယ့် နေရာသစ်ပေးမှု၊ စက်ရုံပစ္စည်း တပ်ဆင်ပေးမှုတွေက ရွှေသံလွင်ကုမ္ပဏီဆိုရင် ခက်ခဲမှုမရှိနိုင်ပါဘူး။ မြေနေရာသစ်အတွက် ဖြေရှင်းနိုင်မယ့် နည်းလမ်းတွေ သူတို့ဆီမှာ ရှိထားပြီး ဖြစ်တဲ့အပြင် စက်ပစ္စည်းပိုင်းဆိုင်ရာ တပ်ဆင်ပေးမှုကလည်း သူတို့အတွက် များပြားတဲ့ ငွေကြေးမဖြစ်နိုင်ပါဘူး။

ဒုတိယတစ်ပိုင်းဖြစ်တဲ့ မြေဧက ၉၀ ပေါ်မှာ ဆောက်လုပ်ရမယ်ဆိုတဲ့ အရာတွေ က သကာလောင်း၊ မက်လုံးပေးပြီး အများပြည်သူ အမြင်တင့်အောင်လုပ်ထားတဲ့ သဘောမျိုးပါပဲ။

ပြိုင်ဘက်မထားတဲ့ နံပါတ် ၁၂ အချက်

တင်ဒါစည်းကမ်း ၁၇ ချက်မှာ နံပါတ် ၁၂ အချက်က တင်ဒါအတွက် ပြိုင်ဘက်မထားဘဲ ပေးချင်သူကိုပေးမယ်ဆိုတဲ့ သဘော သက်ရောက်နေပါတယ်။

တင်ဒါစည်းကမ်းချက် ၁၂ မှာ “တင်ဒါတင်သွင်းသူများ၏ အဆိုပြုလွှာများကို တင်ဒါစိစစ်ရေးအဖွဲ့မှ စိစစ်ရာတွင် ဈေးနှုန်းတစ်ခုတည်းကို အခြေခံ၍ အဆုံးအဖြတ်ပြုမည်မဟုတ်ဘဲ တင်ဒါတင်သွင်းသူ၏ လုပ်ငန်းအတွေ့အကြုံနှင့် အရည်အသွေး၊ တည်ဆောက်ပေးနိုင်သည့် စီမံကိန်းအရည်အသွေးတို့ကိုလည်း ထည့်သွင်းစဉ်းစားပြီး မီဒီယာလုပ်ငန်း ဖွံ့ဖြိုးတိုးတက်မှုကို အထောက်အကူအပြုနိုင်ဆုံး တင်ဒါကိုသာ စိစစ်ရွေးချယ်မည်ဖြစ်ပါသည်”လို့ ဆိုထားပါတယ်။

တစ်နည်းအားဖြင့် ဈေးသက်သာသည် ဖြစ်စေ၊ မသက်သာသည်ဖြစ်စေ၊ ကောင်းသည်ဖြစ်စေ၊ မကောင်းသည် ဖြစ်စေ တင်ဒါတင်ထားသူများ အောင်မြင်မှု၊ မအောင်မြင်မှုဟာ တင်ဒါစိစစ်ရွေးချယ်ရေးအဖွဲ့ရဲ့ လက်ထဲမှာ ရှိနေတယ်လို့ အသိပေးတဲ့ အချက်ပါပဲ။

ကျပ်ဘီလျံ ၂၀၀ ကနေ ၄၀၀ အထိ နစ်နာမယ်

ဝေဇယန္တာလမ်းမပေါ်က ရေကူးအသံလွှင့်စက်ရုံဝင်းဟောင်းဟာ အခုချိန်မှာ နေရာကောင်းဖြစ်ပြီး ရန်ကုန်မြို့ရဲ့ အချက်အချာကျတဲ့ နေရာမှာ ရှိပါတယ်။ မြောက်ဒဂုံမြို့နယ်၊ တောင်ဥက္ကလာပမြို့နယ်၊ မြောက်ဥက္ကလာပမြို့နယ်စတဲ့ မြို့နယ်သုံးခုနဲ့ စပ်ဆက်နေတဲ့ ဗဟိုချက်အနီးမှာ ရှိပါတယ်။

ဒါ့အပြင် မြို့ပြင်ထွက်ဖို့ အမှတ်(၃) လမ်းမကြီးနဲ့ မဝေးသလို မြို့ထဲကိုလည်း ကမ္ဘာအေးဘုရားလမ်းက တစ်ဆင့် အလွယ်တကူသွားနိုင်တဲ့ နေရာကောင်းမှာ ရှိနေပါတယ်။ ဝေဇယန္တာလမ်းဆိုတာကလည်း ရန်ကုန်မြို့ရဲ့ အချက်အချာကျတဲ့ လမ်းမကြီးတစ်ခုပါပဲ။

အဲဒီနေရာဟာ မီဒီယာလုပ်ငန်းပဲ လုပ်ရမယ်ဆိုပြီး အတင်းထိုးရောင်းဆိုရင်တောင် တစ်ပေပတ်လည် အနိမ့်ဆုံးဈေး ကျပ် ၈၀,၀၀၀ လောက်ရပါမယ်။ ဧက ၉၀ အတွက် ဆို ကျပ်ဘီလျံပေါင်း ၃၀၀ ကျော် (အမေရိကန် ဒေါ်လာ သန်း ၃၀၀ ကျော်)အထိ တန်ကြေးရှိပါတယ်။

ကာလပေါက်ဈေးနဲ့ဆိုရင် တစ်ပေပတ်လည် ကျပ် ၁၅၀,၀၀၀ ပေါက်ဈေးရှိပါတယ်။ ဧက ၉၀ ဆိုရင် ကျပ်ဘီလျံပေါင်း ၅၀၀ ကျော်(အမေရိကန်ဒေါ်လာ သန်း ၅၀၀ ကျော်အထိ) တန်ကြေး ရှိပါတယ်။

အချက်အချာကျပြီး နေရာကောင်းမှာ ရှိနေတာဖြစ်လို့ နောက်ပိုင်း ဒီထက်ဈေးပိုရဖို့ပဲ ရှိတဲ့နေရာပါ။

တင်ဒါပုံစံမှာပါတဲ့အတိုင်းဆိုရင် လုပ်ကိုင်ခွင့်ရသူက စက်ရုံသစ်အတွက် မြေဧက ၁၅၀ အစားပြန်ရှာပေးရပါမယ်။ ရန်ကုန်စည်ပင်သာယာနယ်နိမိတ်အတွင်း၊ မြန်မာ့အသံက လက်ခံတဲ့နေရာလို့ပဲ ပါတဲ့အတွက် ထောက်ကြန့်အစွန်ဘက်က မြေအစားပေးလည်း ရပါတယ်။ လမ်းမကြီးပေါ်လို့မပါဘဲ လမ်းမကြီးအနီးဆိုတဲ့အတွက် လမ်းမကြီးပေါ်မဟုတ်ဘဲ အတွင်းဘက်က လယ်မြေ အလွတ်တွေ ရှာပေးရင်လည်း ဖြစ်နိုင်တာပါပဲ။

အစွန်ဘက်က လယ်မြေဆိုရင် တစ်ဧက သိန်း ၁၀၀ နဲ့ ၂၀၀ ကြားဆိုရင် ရနေပါပြီ။ ဧက ၁၅၀ ဆို တော့ ကျပ် ၁ ဒသမ ၅ ဘီလျံက နေ ကျပ် ၃ ဘီလျံလောက်ဆို ရနေပါပြီ။ ၀န်ထမ်းအိမ်ရာနဲ့ အသံလွှင့်ရုံသစ် ပြန်ဆောက်ပေးတာကလည်း ကျပ်ဘီလျံ ၃၀၊ ၄၀(ဒေါ်လာ သန်း ၃၀၊ ၄၀) ဆိုရလောက်မှာပါ။

ရန်ကုန်မြို့ရဲ့ နေရာကောင်းဖြစ်ပြီး အချက်အချာကျတဲ့အပြင် ကျပ်ဘီလျံ ၃၀၀ ကျော် ကနေ ၅၀၀ ကျော်အထိ တန်ကြေးရှိတဲ့ မြေဧက ၉၀ ရသွားမယ့်သူဟာ ကျပ်ဘီလျံ ၂၀၀ ကနေ ၄၀၀ အထိ အကျိုးအမြတ်ရှိသွားမှာ ဖြစ်သလို အခုအတိုင်းသာ ပေးလိုက်မယ်ဆိုရင် နိုင်ငံတော်အနေနဲ့ ကျပ်ဘီလျံ ၂၀၀ ကနေ ၄၀၀ လောက်အထိ နစ်နာသွားနိုင်ပါတယ်။

ရွှေသံလွင်ဆိုလို့

ဒီတင်ဒါမှာ ရနိုင်ခြေအများဆုံးရှိတာက ရွှေသံလွင်ကုမ္ပဏီပါ။

ရွှေသံလွင်ကုမ္ပဏီမှာ ဆက်စပ်ပတ်သက်တဲ့ ကုမ္ပဏီပေါင်း ၂၀ ကျော်လောက် ရှိပါတယ်။ ဒါပေမဲ့၂၀၁၂-၂၀၁၃ စည်းကြပ်နှစ်ကဆို ရင် ထိပ်တန်းအခွန်ထမ်း ၅၀၀ ဦးစာရင်းထဲမှာ ရွှေသံလွင်အမည်နဲ့တောင် ပါမလာဘဲ ဆက်စပ်တဲ့ကုမ္ပဏီတစ်ခုပဲ ပါလာပါတယ်။

၂၀၁၃-၂၀၁၄ စည်းကြပ်နှစ်ရောက်တော့လည်း ရွှေသံလွင်အပါ အ၀င် ကုမ္ပဏီသုံးခုပဲ ထိပ်တန်းအခွန်ထမ်းစာရင်းမှာ ပါလာပါတယ်။

ဒါပေမဲ့ ရွှေသံလွင်ကုမ္ပဏီဟာ ဘဏ်တည်ထောင်ခွင့်ကိုပါ ရရှိထားပြီး ကျပ် ၁၀ ဘီလျံအထိ မ,တည်ထားတယ်။ ရလမ်းပြနိုင်တဲ့ ငွေနဲ့ပဲ ဘဏ်တည်ထောင်ကြရတာပါ။ ဒီတော့ နှစ်တိုင်း ထိပ်တန်းအခွန်ထမ်းစာရင်းမှာ ပါမလာဘဲ အခုတစ်နှစ်လောက်မှာပဲ ပါလာတဲ့ ရွှေသံလွင်ကုမ္ပဏီနဲ့ ဆက်စပ်ကုမ္ပဏီတွေရဲ့ အခွန်ဆောင်မှုနဲ့ ရလမ်းပြနိုင်တဲ့ ငွေပမာဏကလည်း ကိုက်ညီမှု ရှိ မရှိ မေးခွန်းထုတ်စရာ ကောင်းပါတယ်။

တကယ်လို့ ရွှေသံလွင်ကုမ္ပဏီက တင်ဒါတင်ခဲ့ပြီဆိုရင် သူတို့ရဲ့ ဘဏ္ဍာရေးရှင်းတမ်းကို အခုထက်ပိုမိုပွင့်လင်းမြင်သာတဲ့ စိစစ်မှုတွေနဲ့ တင်ဖို့လိုပါတယ်။

တင်ဒါကို ဘာကြောင့် အမြန်ခေါ်သလဲ

အခုခေါ်ယူတဲ့ တင်ဒါပုံစံကို ကြည့်ခြင်းအားဖြင့် မြို့ပြနှင့် ရုပ်သံမီဒီယာဖွံ့ဖြိုးရေးလုပ်ငန်းများ လုပ်ကိုင်ရန်လို့ ခေါင်းစဉ်တင်ထားပေမယ့် မီဒီယာလုပ်ငန်း လုပ်ကိုင်လိုသူတိုင်း ၀င်ပြိုင်နိုင်တဲ့ အခြေအနေမရှိပါဘူး။ ဒီလိုမရှိအောင်လည်း တင်ဒါပုံစံ စည်းကမ်းတွေနဲ့ ကန့်သတ်ထားပါတယ်။

ဒါ့အပြင် မီဒီယာခေါင်းစဉ်တင်ပြီး စီးပွားရေးလုပ်ငန်းတွေကိုလည်း လုပ်ကိုင်ခွင့်ပေးထားတယ်။

ဒီကိစ္စမှာ အဓိကကျနေတာက လုပ်ငန်းအမျိုးအစားထက် မြေတန်ဖိုးပါပဲ။ ရန်ကုန်မှာ အခုလိုအချက်အချာကျပြီး တစ်ဆက်တစ်စပ်တည်းရှိနေတဲ့ မြေပမာဏ မရှိတော့ပါဘူး။ ဒီမြေကို ဘာကြောင့် ရောင်းလိုတာလဲ။

သမ္မတ ဦးသိန်းစိန် အစိုးရအဖွဲ့အတွက် အချိန်လည်း သိပ်မကျန်တော့ပါဘူး။ အချိန် ငါးလကျော်လောက်ပဲ ရှိပါတော့တယ်။ ဒီအသံလွှင့်ရုံ တင်ဒါကိစ္စကို နောက်အစိုးရ လက်ထက်ရောက်မှလုပ်ရင် ရနိုင်ပါလျက် အခုချိန်မှာ ဘာလို့ ထလုပ်ရတာလဲ။ အခုလို တင်ဒါပုံစံမျိုးနဲ့ မြန်မာနိုင်ငံအနှံ့ မြေကွက်တွေ၊ စက်ရုံတွေကို ဘယ်လောက်တောင် လွှဲပြောင်းပြီးနေပြီလဲ။

နောက်ပြီး ပြန်ကြားရေးဝန်ကြီးဌာန၊ မြန်မာ့အသံနဲ့ ရုပ်မြင်သံကြားအနေနဲ့ စက်ရုံဟောင်းတစ်ခုကို ဘာကြောင့် အလျင်စလို ရွှေ့ပြောင်းလိုတာလဲ။ နေပြည်တော်မှာလည်း စက်ရုံသစ်ကြီးတွေ ရှိနေပြီပဲ။ နောက်ထပ်စက်ရုံသစ်တစ်ခု ကောက်ကာငင်ကာ ဘာကြောင့်လိုတာလဲ။ ဒီနောက်ကွယ်မှာ မေးစရာတွေ အများကြီးရှိပါတယ်။

ဒီကိစ္စကို မေးခွန်းထုတ်ရပါမယ်။ အဂတိလိုက်စားမှု တိုက်ဖျက်ရေးကော်မရှင်ရော၊ မီဒီယာတွေရော၊ လွှတ်တော်ရော၊ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်(NLD) ရော၊ နိုင်ငံရေးသမားတွေပါ ဒါကိုမေးကြရပါမယ်။

မေးခွန်းက သုံးခုပဲ ရှိပါတယ်။

(၁) ဘာကြောင့် ဒီမြေကွက်ကို အလောတကြီး ရောင်းထုတ်ချင်ရတာလဲ။

(၂) တင်ဒါစည်းကမ်းတွေကို ဘယ်သူတွေက ရေးဆွဲတာလဲ။

(၃) ဒီတင်ဒါခေါ်ယူဖို့ ဘယ်သူက စေခိုင်းတာလဲ။ သမ္မတဦးသိန်းစိန်လား၊ ဒုတိယသမ္မတတွေဖြစ်တဲ့ ဒေါက်တာ စိုင်းမောက်ခမ်း လား၊ ဦးဉာဏ်ထွန်းလား၊ ဦးစိုးသိန်း၊ ဦးတင်နိုင်သိန်း အပါအ၀င် သမ္မတရုံး ပြည်ထောင်စုဝန်ကြီးတွေလား၊ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးရဲထွဋ်လား၊ ပြန်ကြားရေးဝန်ကြီးဌာန ဒုတိယ၀န်ကြီး ဦးပိုက်ထွေးလား၊ ပြန်ကြားရေးဝန်ကြီးဌာနလက်အောက်က ညွှန်ကြားရေးမှူးချုပ်တွေလား၊ ဒုတိယညွှန်ကြားရေးမှူးချုပ် တွေလား။

ဦးရဲထွဋ်ကို အတုယူပါ

အခုချိန်မှာ အစိုးရအဖွဲ့ဝင် ပြည်ထောင်စုဝန်ကြီး၊ ညွှန်ကြားရေးမှူးချုပ်တွေ ကိုယ့်ရဲ့ ပိုင်ဆိုင်မှုကို ထုတ်ပြထားဖို့ လိုပါပြီ။

ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးရဲထွဋ်ကတော့ လူမှုကွန်ရက် စာမျက်နှာ Facebook ကတစ်ဆင့် သူ့ရဲ့ ပိုင်ဆိုင်မှုတွေကို ထုတ်ပြောထားပြီးပါပြီ။

၂၀၁၄ ခုနှစ်တုန်းက ဦးရဲထွဋ်ရဲ့ ပိုင်ဆိုင်မှုတွေအပေါ် မေးခွန်းထုတ်မှုတွေ ရှိခဲ့ပါတယ်။ သူရတဲ့ လစာငွေနဲ့ သူ့ပိုင်ဆိုင်မှုတွေကို မေးခဲ့ကြတာပါ။

ဒါတွေကို ပြန်ဖြေတဲ့အခါ ဦးရဲထွဋ်က သူညွှန်ချုပ်ဘ၀က ဆောက်ခဲ့ဖူးသည့် အိမ်သေးသေးတစ်လုံးရှိဖူးကြောင်း၊ ဇနီးသည် နာမကျန်းဖြစ်စဉ်မှာ ကုန်ကျခဲ့တဲ့ ငွေကျပ် သိန်း ၂၀၀ အတွက် စက်မှုဝန်ကြီးဌာနကို လျှောက်ထားပြီးရခဲ့တဲ့ ဆူဇူကီး R+ ရောင်းရတဲ့ ငွေကို အသုံးပြုခဲ့ကြောင်း ပြောခဲ့ပါတယ်။ ဒါ့အပြင် မြေကွက်တစ်ကွက် ၀ယ်ခဲ့ဖူးကြောင်း၊ အဲဒီမြေကွက် ရောင်းရငွေနဲ့ လက်ရှိမှာ တိုက်ခန်းဝယ်ယူကြောင်းသဘောဆောင်တဲ့ ဖြေကြားမှုတွေကို ဦးရဲထွဋ်က ပြောထားပါသေးတယ်။

ကျွန်တော်တို့ရဲ့ စုံစမ်းမှုအရလည်း ဦးရဲထွဋ် အမျိုးသမီးက တိုက်ခန်းတွေကို ကြိုပွိုင့်ဝယ်ထားတယ်၊ ပြီးသွားတဲ့ တိုက်ခန်းတွေကို အတွင်းပိုင်း ပြင်ဆင်မှုတွေ လုပ်ခဲ့တယ်၊ ကြိုပွိုင့်တိုက်ခန်းအတွက်လည်း အရစ်ကျကျန်တဲ့ငွေတွေကို ထပ်သွင်းနေတယ်။ ဒါတွေဟာ မြေကွက်ရောင်းရတဲ့ ငွေကတစ်ဆင့် လုပ်တာ ဖြစ်နိုင်ပါတယ်။

အဲဒီတော့ ဦးရဲထွဋ်မှာ ငွေကျပ် သိန်း ၃၀၀၀ ၀န်းကျင်လောက် တန်ဖိုးရှိတဲ့ တိုက်ခန်းနှစ်ခန်းလောက်ပဲ ပိုင်ဆိုင်မှုရှိတဲ့ သဘောပါပဲ။ သူရတဲ့လစာနဲ့ ချိန်ထိုးရင် ဒီထက်လည်း ပိုမရှိနိုင်ပါဘူး။ လက်ခံနိုင်တဲ့ ပမာဏပါပဲ။

အလောတကြီး မလိုအပ်ဘဲ ရေကူးအသံလွှင့်စက်ရုံ တင်ဒါကိုမရပ်ဘဲ ဆက်ခေါ်နေ မယ်ဆိုရင် ကျန်တဲ့သမ္မတအစ၊ ပြည်ထောင်စုဝန်ကြီးတွေ အလယ် နေပြည်တော်မှာ ဘီယာဆိုင်တွေဖွင့်ထားတဲ့ MD အဆုံး ဦးရဲထွဋ်လို ပိုင်ဆိုင်မှုတွေ ထုတ်ပြထားဖို့ လိုပါတယ်။
ဒီတော့မှ တင်ဒါခေါ်ပြီး နောက်ပိုင်းအနားယူသွားတဲ့အခါ မိမိတို့ ပြောတဲ့ ပိုင်ဆိုင်မှုထက် ပို၊ မပို သိရမှာပါ။

ပိုနေပြီဆိုရင်တော့ ဒီတင်ဒါကိစ္စမှာ မသမာမှုတွေ ရှိနေပြီပေါ့။ လောလောဆယ်တော့ ဦးရဲထွဋ်ကို အတုယူပြီး ပိုင်ဆိုင်မှုတွေ ထုတ်ပြထားဖို့ လိုပါတယ်။

ဘယ်သူတွေက ကြိုသိနေလဲ

နောက်ပြီး တင်ဒါစည်းကမ်းမှာ ဖော်ပြထားတဲ့ သတ်မှတ်ချက်တွေအတိုင်း အဆောက်အအုံတွေ၊ ဟိုတယ်တွေ၊ အပန်းဖြေရိပ်သာတွေနဲ့ အခြားစီးပွားရေးဆိုင်ရာ အဆောက်အအုံတွေပါဝင်တဲ့ လုပ်ငန်းစီမံကိန်းပေါင်း ၃၀ ကျော်ပါဝင်တဲ့ အဆိုပြုလုပ်ငန်းပုံစံကို အသေအချာလုပ်မယ်ဆိုရင် အချိန်တစ်လအတွင်း ဘယ်လိုလုပ်ကြမလဲ။

စီမံကိန်းလုပ်ငန်းရပ် တစ်ခုချင်းစီအလိုက် ဒီဇိုင်း၊ အခန်းဖွဲ့စည်းမှု၊ ဧရိယာ၊ ကုန်ကျစရိတ်၊ ကြာမြင့်ချိန်တွေကို တစ်ရက်မှာ စီမံကိန်းတစ်ခုနှုန်းအမြန်လုပ်ရင်တောင် သတ်မှတ်ချိန်အတွင်း တင်နိုင်ဖို့ မလွယ်ပါဘူး။

ဒါပေမဲ့ တင်ဒါကြော်ငြာကို မေ ၁၅ ရက် အစိုးရသတင်းစာမှာ ထည့်တယ်။ တင်ဒါပုံစံတွေကို မေ ၁၈ ရက်မှာ စတင်ဝယ်ယူခွင့်ပြုတယ်။ ဇွန် ၁၉ ရက် နောက်ဆုံးထားပြီး တင်သွင်းရမယ်ဆိုတော့ အချိန်တစ်လပဲ ပေးထားတာပါ။

ဒါကို ကြိုမသိထားသူတွေအတွက် ပေးထားတဲ့ အချိန်တစ်လအတွင်း ပြီးပြည့်စုံတဲ့ တင်ဒါပုံစံတင်ဖို့ မဖြစ်နိုင်ပါဘူး။ ကြိုသိထားတဲ့သူဆိုရင် အဆင်ပြေနိုင်တာပေါ့။

ဒါကြောင့် ဒီသတင်းကို ဘယ်သူတွေ ကြိုသိထားသလဲ မေးခွန်းထုတ်စရာ ဖြစ်ပါတယ်။ တင်ဒါကိစ္စတွေနဲ့ ပတ်သက်လာရင် သတင်းကြိုပေါက်တာ၊ လုပ်ငန်းရှင်နဲ့ လက်ဝါးချင်းရိုက်ပြီးမှ ခေါ်ဖူးတဲ့သာဓကတွေလည်း ရှိခဲ့ဖူးပါတယ်။

ဥပမာ-7 Day ဂျာနယ်မှာ ဖော်ပြဖူးတဲ့ “ထူးမခြားနား လေလံပွဲများ”ဆာင်းပါးမှာဆိုရင် “တင်ဒါမခေါ်ပေမယ့် လုပ်ငန်းရှင်ကို ကြိုပြောထားတယ်။ လိုအပ်တဲ့ ဒီဇိုင်း လိုဂိုပုံစံတွေ အားလုံးကြိုလုပ်ခိုင်းထားတယ်။ ပြီးတော့မှ တင်ဒါခေါ်တယ်”ဆိုပြီး ဆောက်လုပ်ရေးလုပ်ငန်းရှင်ကိုယ်တိုင် ပြောထားတယ်။ နောက်ထပ်ပြီးတော့လည်း “မေးခွန်းကြို ပေါက်တဲ့ကိစ္စကလည်း တရားမျှတမှု မရှိဘူး”ဆိုပြီး လေလံခဏခဏဆွဲတဲ့လုပ်ငန်းရှင် ကိုယ်တိုင်ပြောထားဖူးတယ်။

အခုချိန်မှာတော့ ရေကူးအသံလွှင့်စက်ရုံးဟောင်းနေရာ တင်ဒါစည်းကမ်းတွေက မေးခွန်းထုတ်စရာတွေ အများကြီးရှိနေပါ တယ်။ လုပ်နိုင်တာချင်း တူလာရင်တောင် ကိုယ်ပေးချင်တဲ့သူကို ပေးလို့ရတဲ့အနေအထားမျိုးပါပဲ။နောက်ပြီး ဒါက ပြည်သူအတွက် အရေးတကြီးလိုအပ်တဲ့အရာ၊ အရေးတကြီး လုပ်ဆောင်ရမယ့်အရာလည်း မဟုတ်ပါဘူး။ တင်ဒါမှာပါနေတဲ့ ဟိုတယ်တို့၊ လူသောင်းချီဆံ့တဲ့ ကဇာတ်ရုံတို့ဆိုတဲ့ မက်လုံးတွေကလည်း ပြည်သူလူထုအတွက် မဖြစ်မနေ လိုနေတာတွေ မဟုတ်ပါဘူး။

ဒါနဲ့ ဆက်စပ်ပြီးပြောရင် နိုင်ငံပိုင်တွေကို ပုဂ္ဂလိကပိုင် လွှဲပြောင်းခဲ့တဲ့ တင်ဒါတွေကို ပြန်စိစစ်ဖို့ ကောင်းပါတယ်။ ဒါဟာ အခုတွေ့လိုက်ရတဲ့ တင်ဒါစည်းကမ်းတွေကို ကြည့်ပြီး ပြောတာပါ။ ကျွန်တော်တို့လည်း အရင်ကလုပ်ခဲ့တဲ့ တင်ဒါ စည်းကမ်းတွေကို အသေးစိတ် လေ့လာနိုင်ခွင့် မရှိခဲ့ပါဘူး။ အခုချိန် လေ့လာတဲ့အခါ တင်ဒါစည်းကမ်းတွေကို ပြန်စိစစ်ဖို့လိုတယ်ဆိုတာ တွေ့လာပါတယ်။ ဒီလိုပဲ ကျန်နေတဲ့သူတွေလည်း တင်ဒါစည်းကမ်းတွေကို အလွယ်တကူ သိကြမှာမဟုတ်ပါဘူး။ (ဒါကြောင့် ရေကူးအသံလွှင့်စက်ရုံဟောင်းနေရာ တင်ဒါစည်းကမ်းတွေကို Eleven Media Group ရဲ့ Facebook နဲ့ Website ကတစ်ဆင့် အများပြည်သူသိနိုင်အောင် အပြည့်အစုံဖော်ပြထားပါတယ်။ အဲဒီတင်ဒါစည်းကမ်းတွေကိုကြည့်ပြီး ကျွန်တော်တို့ မှန်သလား၊ မှားသလားဆိုတာ အများပြည်သူတွေ ၀င်ရောက်ဖတ်ရှုဆုံးဖြတ်နိုင်ပါတယ်)

သမ္မတကြီး ဖြေရှင်းပေးပါ

နောက်ပြီး အခုတင်ဒါကိစ္စနဲ့ ပတ်သက်ပြီး ပြည်သူတွေ ထင်ယောင်ထင်မှားမဖြစ်အောင် ရှင်းလင်းဖို့ လိုလာပါတယ်။

ဘာကြောင့်လဲဆိုရင် အခုတင်ဒါခေါ်ယူမှုမှာ အောင်မြင်နိုင်ခြေအရှိဆုံးက ရွှေသံလွင်ကုမ္ပဏီ ဖြစ်ပါတယ်။ ပြီးတော့ ရွှေသံလွင်ကုမ္ပဏီမှာ ဦးသန်းရွှေရဲ့ မိသားစုတွေ ရှယ်ယာပါတယ်ဆိုတဲ့ သတင်းတွေ ထွက်ခဲ့ပါတယ်။ ပြန်ကြားရေးဝန်ကြီး အဆက်ဆက်နဲ့လည်း မကင်းဘူးဆိုတဲ့ သတင်းတွေရှိခဲ့ပါတယ်။ အခုလည်း သမ္မတကြီးနဲ့ နီးစပ်မှုအများဆုံး ဒီကုမ္ပဏီဖြစ်တယ်ဆိုပြီး ပြည်သူတွေ ကြားထဲမှာ ထင်ယောင်ထင်မှား ဖြစ်နေပါတယ်။ အခုနောက်ပိုင်းဆို ဘဏ်ထောင်ခွင့်အပါအ၀င် ယမကာစက်ရုံလုပ်ငန်းတွေကို ရွှေသံလွင်က အစိုးရသစ်လက်ထက်မှာ လုပ်ပိုင်ခွင့်ရတာတွေ ကြည့်ပြီးပြည်သူတွေ ထင်ယောင်ထင်မှား ဖြစ်နေတာပါ။

ဒါကြောင့် သမ္မတကြီးဟာ ရွှေသံလွင် နဲ့ ကင်းရှင်းကြောင်း သက်သေပြဖို့ အရေးကြီးသလို သမ္မတကြီးဟာ အရင်လိုပဲ ရိုးသားကြောင်း ရှင်းလင်းဖို့ အရေးကြီးပါတယ်။ ဒါမှသာလျှင် ပြည်သူတွေ ထင်ယောင်ထင်မှားဖြစ်နေမှု ပပျောက်သွားမှာပါ။

ဒီတင်ဒါကိစ္စမှာအတွက် ဘယ်သူ့မှာ တာဝန်အရှိဆုံးလဲ။ သမ္မတကြီးက ရှင်းလင်းပေးပါ။ ပြည်သူတွေက ဆုံးဖြတ်ပါလိမ့်မယ်။

နောက်တစ်ချက် အခုပုံစံအတိုင်း တင်ဒါရွေးချယ်မယ်ဆိုရင် နိုင်ငံတော် ဘဏ္ဍာငွေ ကျပ်ဘီလျံ ၂၀၀ ကျော်ကနေ ၄၀၀ လောက် နစ်နာမှာ သေချာပါတယ်။

သမ္မတကြီးခင်ဗျာ။ အစိုးရအဖွဲ့ သက်တမ်းမကုန်ခင် သိပ်မလိုတော့တဲ့ လေး ငါး ခြောက်လအတွင်းမှာ ဂွင် (ခွင်) ရှာနေကြတာကို စုံစမ်းကြည့်ပါဦး။ အဲဒီခွင်တွေထဲမှာတော့ ဒီခွင်က အရမ်းကြီးပါတယ်။

(အောက်ပါ Link တွင် ရေကူးအသံလွှင့်စက်ရုံဟောင်းနေရာ တင်ဒါစည်းကမ်းချက်များ PDF)

http://www.mediafire.com/downlo…/z2f8196bxous7ef/MOI+PDF.pdf

Eleven Media Group






အသက်တွေကို ကယ်တင်နိုင်တဲ့ထမင်းတစ်ပန်းကန်ဟာ အခုတော့ အန္တရာယ်ဖြစ်စေပြီး သေတောင်သေစေနိုင်ပါတယ်။
အဆိပ်အတောက်ရှိတဲ့ ကော်စေ့တွေနဲ့ပြုလုပ်ထားတဲ့ ပလတ်စတစ်ဆန်ဟာ အာရှနိုင်ငံအများအပြားရဲ့ဆိပ်ကမ်းတွေဆီ ဆိုက်ရောက်နေတယ်လို့ ဆိုပါတယ်။ ဆန်ဟာ ချက်ပြီးတဲ့နောက်လည်း မာကျောနေတုန်းပဲလို့ သိရပါတယ်။

အာလူး၊ ကန်စွန်းဥနဲ့ ကော်စေ့တွေနဲ့ပြုလုပ်ထားတယ်ဆိုတဲ့ ပလတ်စတစ်ဆန်ကို ဆန်အစစ်ပုံစံဖြစ်အောင် ပုံသွင်းပြီး လူဦးရေများပြားတဲ့ အိန္ဒိယ၊ အင်ဒိုနီးရှားနဲ့ ဗီယက်နမ်တို့လို နိုင်ငံတွေဆီတင်ပို့တယ်လို့ သတင်းတွေထွက်နေပါတယ်။ ဧပြီလကသတင်းတစ်ပုဒ်မှာ တရုတ်က ၀င်လာတဲ့ ဆန်အတုတွေကို အိန္ဒိယဈေးကွက်မှာ တွေ့ရကြောင်းပါရှိပါတယ်။

ကောလာဟလတစ်ခုမှာဆိုရင် ဆန်အတုဟာ စင်ကာပူထဲဝင်နေပြီလို့ ထွက်ပေါ်နေပေမယ့် သေချာစစ်ဆေးတဲ့အခါ အဲသည်သတင်းထွက်ခဲ့တာ ငါးနှစ်ထက်မနည်းရှိပြီလို့ သိရပါတယ်။
အဲသည်ဆန်အတုကိုစားသုံးမိရင် သေစေနိုင်သလို အစာချေစနစ်ကို ပြင်းထန်စွာထိခိုက်စေနိုင်တယ်လို့ ကျန်းမာရေးကျွမ်းကျင်သူတွေနဲ့ အာဟာရဆိုင်ရာကျွမ်းကျင်သူတွေက သတိပေးကြပါတယ်။
တရုတ်ဈေးကွက်တွေမှာ၊ အထူးသဖြင့် ရှန်စီပြည်နယ် တိုင်ယွမ်မှာရောင်းချနေတဲ့ ဆန်အတုသတင်းဟာ WhatsApp နဲ့ Facebook လိုမျိုး လူမှုကွန်ရက်တွေပေါ်မှာလည်း ပျံ့နှံ့နေပါတယ်။

ဒါပေမယ့် မလေးရှားလယ်ယာစိုက်ပျိုးရေးနဲ့ လယ်ယာအခြေခံစက်မှုလုပ်ငန်းဝန်ကြီးက ဆန်အတုနဲ့ပတ်သက်တဲ့သတင်းတစ်စုံတရာမရကြောင်း ပြောပါတယ်။
ဝန်ကြီး အစ္စမေးလ် ဆာဘရီယာကော့ဘ်က အဲသည်သတင်းတွေကို ငြင်းဆန်ပြီး စားသုံးသူတွေကို ဆန်အတုနဲ့အစစ် ဘယ်လိုခွဲမလဲဆိုတာ သင်ကြားပေးမှာဖြစ်ကြောင်း ပြောပါတယ်။

ရေးသားသူ စုပြည့်စုံ
Ref: StraitTimes, May 19th

Kumudra


 နိုင်ငံဘဏ္ဍာငွေ သန်းပေါင်းများစွာ အရှုံးပြခဲ့တဲ့ နိုင်ငံတော် ဆန်ဝယ်ယူရေးအစီအစဉ်ကို သိလျက်နဲ့ လျစ်လျူရူ့ခဲ့တယ်ဆိုပြီး စွပ်စွဲခံထားရတဲ့ ထိုင်းဝန်ကြီးချုပ်ဟောင်း ယင်လတ်ရှင်န၀ပ်ကို ဒီနေ့မှာ ပထမဆုံး ရုံးထုတ်ပြီး နိုင်ငံခြား ထွက်ခွာခွင့် ပိတ်ပင်လိုက်ပါတယ်။

ပြစ်မှုထင်ရှားရင် ထောင်ဒဏ် ၁၀ နှစ်ကျခံရနိုင်တဲ့အတွက် အာမခံအဖြစ် ထိုင်းဘတ်ငွေ သန်း ၃၀ နဲ့ ဒုတိယရုံးချိန်းကို ဇူလိုင်လ ၂၁ ရက်နေ့ သတ်မှတ်လိုက်ပါတယ်။

ထိုင်းဖွဲ့စည်းပုံ အခြေခံ ဥပဒေ ခုံရုံးက ယင့်လခ်ကို လွန်ခဲ့တဲ့ တနှစ်က အာဏာအလွှဲသုံးမှုနဲ့ ရာထူးကနေ ဖယ်ရှားခဲ့ပါတယ်၊ ရက်သတ္တပတ်အတွင်းမှာပဲ စစ်တပ်က အာဏာသိမ်းပြီး လက်ကျန် အစိုးရအဖွဲ့ကိုလည်း ဖယ်ရှားခဲ့ပါတယ်။

ဇန်န၀ါရီလတုန်းကလည်း စစ်တပ်က ကျောထောက်နောက်ခံပေးထားတဲ့ လွှတ်တော်က ယင်လတ်ကို ဒီအမှုမှာ အပြစ်ရှိတယ်လို့ ဆုံးဖြတ်ပြီး နိုင်ငံရေးလုပ်ခွင့် ၅ နှစ် ပိတ်ပင်ခဲ့ပါတယ်။

မေလ ၁၉ ရက်နေ့ ရုံးချိန်မှာ ယင့်လခ်ကို ထောက်ခံသူ ၂၀၀ လောက်က တရားရုံးအပြင်ဘက်မှာ စောင့်ဆိုင်းခဲ့ကြပြီး ပန်းစည်း ကမ်းခဲ့ကြပါတယ်။ ယင်လတ်ကတော့ စွပ်စွဲချက်တွေကို ငြင်းဆန်ပြီး သူ့ကို နိုင်ငံရေး ရည်ရွယ်ချက်နဲ့ အမှုဆင်တာလို့ ချေပပါတယ်။

ဝန်ကြီးချုပ်အဖြစ် တာဝန်ထမ်းခဲ့တဲ့ ကာလတလျှောက်မှာ တာဝန်တွေကို ဖွဲ့စည်းပုံ အခြေခံ ဥပဒေနဲ့အညီ ရိုးရိုးသားသား မှန်မှန်ကန်ကန် ဆောင်ရွက်ခဲ့တယ်လို့ ယင်လတ်က ကိုယ်ပိုင်ဖေ့ဘွတ်မှာ ရေးသားထားပါတယ်။

ဝေဖန်သူတွေကတော့ စပါးဝယ်ယူရေး အစီအစဉ်ဟာ လယ်သမားတွေဆီက ထောက်ခံမှု ရအောင် လူပြိန်းကြိုက် လုပ်ခဲ့တဲ့ မူဝါဒအဖြစ် မြင်ကြပါတယ်။ ဈေးကွက်ပေါက်ဈေးထက် ဈေးပိုပေးခဲ့တဲ့ စပါးဝယ်ယူရေး အစီအစဉ်ကြောင့် နိုင်ငံဘဏ္ဍာငွေ ဒေါ်လာ ၁၆ ဒသမ ၄၆ ဘီလီယံ ဆုံးရှုံးခဲ့တယ်လို့ ဘဏ္ဍာရေးဝန်ကြီးက ဖေဖော်ဝါရီလက ပြောပါတယ်။

 By ဒီဗွီဘီ
http://burmese.dvb.no

၂၀၀၈ ဖွဲ့စည်းပုံ အခြေခံဥပဒေဆိုတာ ရှင်းရှင်းပြောရရင်တော့..
ကာကွယ်ရေး ဦးစီးချုပ်ကပဲ ရွေးချယ်တဲ့
တပ်မတော်သားလွှတ်တော်ကိုယ်စားလှယ်တွေက
လွှတ်တော်အတွင်းမှာ ၂၅ ရာခိုင်နှုန်း
ကြိုတင် ခုံနေရာဦးထားပိုင်ခွင့်ရှိတဲ့ ဥပဒေ ။

ပြီးတော့..
သူတို့နဲ့ အဆင်ပြေတဲ့သူတွေက ရွေးကောက်ပွဲမှာ ရှုံးခဲ့ပေမယ့်လည်း
လွှတ်တော်အတွင်းမှာ နောက်ထပ် ၂၆ ရာခိုင်နှုန်း ရရုံနဲ့တင်
သမ္မတဖြစ်နိုင်ခွင့် ရှိတဲ့ ဥပဒေ။

ပြည်သူတွေက သဘောကျ နှစ်သက်လို့ ရွေးကောက်တင်မြှောက်ပြီး
တနိုင်ငံလုံး အတိုင်းအတာနဲ့
၅၀ ရာခိုင်နှုန်းကျော် နိုင်ခဲ့ရင်တောင်
သမ္မတဖြစ်ခွင့် မရနိုင်သေးတဲ့ ဥပဒေ။

အဆိုးဆုံးကတော့.. .
တပ်မတော်က
၂၅ ရာခိုင်နှုန်း
ကြိုတင် နေရာဦးထားပြီးမှ
အချို့ ဥပဒေတွေကို ပြင်ဆင်ချင်ရင်
လွှတ်တော်အမတ်အားလုံးရဲ့ ၇၅ ရာခိုင်နှုန်းကျော် ထောက်ခံမှု့ ရမှသာ
ပြင်ဆင်ခွင့် ရှိမယ်လို့ ...
ရေးထားတဲ့ ဥပဒေ ။

၂၅ ရာခိုင်နှုန်းကိုလည်း ကြိုတင်ယူထားပြီးမှ
ပြည်သူတွေ အမှန်တကယ်ရွေးချယ်ထားတာက
၇၅ ရာခိုင်နှုန်းပဲ ရှိတဲ့ အတိုင်းအတာမှာ
ဘယ်လိုလုပ်ပြီး ၇၅ ရာခိုင်နှုန်းကျော်တော့မှာလဲ။
ဒါဆိုရင် ညီမျှမှု့ မရှိတဲ့ ဥပဒေတွေကို ဘယ်လိုလုပ်ပြီး ပြင်နိုင်မှာလဲ။

ဒီလိုမျိုးတွေကို ထည့်သွင်းရေးဆွဲထားတဲ့ ဖွဲ့စည့်ပုံ အခြေခံဥပဒေဟာ
နိုင်ငံသူ.နိုင်ငံသားတွေရဲ့ အပေါ်မှာ မျှတမှု့ ရှိနိုင်ပါရဲ့လား။
ညီမျှမှု့.ရှိတဲ့ ဥပဒေ
သမာသမတ်ကျတဲ့ ဥပဒေ တစ်ခုရော ဖြစ်ရဲ့လားဆိုတာ ထမင်းစားပြီး
ကြီးလာသူတိုင်း သိပါတယ် ။

ဒီလို ဖွဲ့စည်းပုံ အခြေခံဥပဒေကို ပြင်ဆင်စရာမလိုပါဘူးလို့ ပြောနေသူတွေဟာလည်း
ဘယ်လိုလူမျိုးတွေ ဖြစ်နိုင်ပါသလဲ။
ကာကွယ်စောင့်ရှောက်ဖို့ ပြောနေတဲ့ သူတွေကရော
ဘယ်လိုလူမျိုးတွေ ဖြစ်မှာလဲ။

စာရေးသူကတော့..
အဲ့ဒီလို လူတွေဟာ
မျှတမှု့ မရှိတဲ့သူ
ကိုယ့်အတွက်ကိုယ်ပဲ ကြည့်တဲ့သူ
ဒါမှမဟုတ်.. .
အသိဥာဏ် မရှိတဲ့သူတွေပဲ ဖြစ်ပါလိမ့်မယ်ဟု ရေးသားရင်း ...

ဘုန်းထက်ကြယ်

တာဝန်ကနေ ယာယီရပ်နားခံရတဲ့ ကျောင်းဆရာ ဦးဝေယံအောင် ကို ဖေဖော်ဝါရီလ ၁၄ ရက်နေ့က ဖျာပုံမြို့မှာတွေ့ရစဉ်

ဧရာဝတီတိုင်းဒေသကြီး ပုသိမ်မြို့မှာ ကျောင်းသား သပိတ်စစ်ကြောင်းကို ထောက်ခံခဲ့တဲ့ ပုသိမ်နည်းပညာ တက္ကသိုလ်က ကျောင်းဆရာတစ်ဦးကို ပုဒ်မ ၁၈ တရားမ၀င် စီတန်းလှည့်လည်ခြင်းဆိုင်ရာ ပုဒ်မနဲ့ တရားစွဲထားပြီး တက္ကသိုလ်တာဝန်ရှိသူတွေက သူ့ကို တာဝန်ကနေ ယာယီရပ်နားထားလိုက်ပါတယ်။

တရားစွဲခံရတဲ့ အစိုးရ၀န်ထမ်းတိုင်းကို တာဝန်ကနေ ယာယီရပ်နားထားရမယ်ဆိုတဲ့ နိုင်ငံ့ဝန်ထမ်းစည်းမျဉ်း ဥပဒေအရ သရုပ်ပြဆရာတာဝန်ကနေ ရပ်နားခံရ တာဖြစ်တယ်လို့ တရားစွဲခံထားရတဲ့ ဦးဝေယံအောင် က ပြောပါတယ်။

"လက်ပံတန်းကကျောင်းသားတွေကို အကြမ်းဖက် မခံရရေးအတွက် ကျနော်တို့ ဧရာဝတီသပိတ် စစ်ကြောင်းက လုပ်တာပေါ့နော်၊ အဲ့ကိစ္စနဲ့ ပတ်သက်ပြီးတော့ ပုဒ်မ ၁၈ နဲ့ အမှုဖွင့်ပြီး တရားစွဲတယ်၊ ၆ ရက်နေ့မှာ ကျောင်းကနေပြီးတော့ ယာယီတာဝန်ရပ်နားတယ်လို့ ပြောသွားပါတယ်၊ ဘာပြောလဲဆိုတော့ ဝန်ထမ်းစည်းမျဉ်းဥပဒေအရ တရားစွဲခံထားရတဲ့ ဝန်ထမ်းတိုင်းကို တာဝန်ခေတ္တရပ်နား ရတယ်လို့ ပြောပါတယ်ခင်ဗျ၊ ကျနော့်အမှုကို တရားရုံးကလည်း ၂၂ ရက်နေ့ကျရင် စီရင်ချက်ချမယ်လေ၊ စီရင်ချက်ချပြီးနောက်ပိုင်းတော့ ဘာဖြစ်မလဲ မသိသေးဘူးပေါ့နော်"

ဦးဝေယံအောင်ဟာ ဧရာဝတီသပိတ်စစ်ကြောင်းမှာ ပါဝင်ခဲ့သူဖြစ်ပြီး ပြီးခဲ့တဲ့ မတ်လ ၅ရက်နေ့က လက်ပံတန်းမြို့ ကျောင်းသားသပိတ်စစ်ကြောင်းကို အကြမ်းမဖက်ဖို့ ဆန္ဒပြခဲ့တာကြောင့် ပုသိမ်မြို့နယ် ရဲစခန်းက တရားစွဲထားတာဖြစ်ပါတယ်။

ဧရာဝတီ ကျောင်းသားသပိတ်စစ်ကြောင်းဟာ ပြီးခဲ့တဲ့ ဖေဖော်ဝါရီလ ၃ ရက်နေ့ကစပြီး ပုသိမ်၊ ကံကြီးထောင့်၊ ကျောင်းကုန်းနဲ့ ဒေးဒရဲမြို့တွေမှာ ၁၈ ရက် ကြာ ချီတက်ဆန္ဒပြခဲ့တာဖြစ်ပါတယ်။ ပုသိမ်မြို့နယ်အပြင် ကျန်တဲ့ မြို့နယ် ၉ ခုကလည်း တက္ကသိုလ်နည်းပြဆရာ ဦးဝေယံအောင်ကို ပုဒ်မ ၁၈ နဲ့ အမှုဖွင့်ထားပါတယ်။

RFA
http://www.rfa.org/burmese/news/law-suit-teacher-waiyanaung-05192015101509.html


အမေရိကန်ပြည်ထောင်စု အင်ဒီယားနားတက္ကသိုလ်ကနေ ပထမဆုံးအကြိမ် အမေရိကန်-မြန်မာ နှစ်နိုင်ငံဆက်ဆံရေး ညီလာခံ မကြာခင်ရက်ပိုင်းအတွင်း ကျင်းပဖို့ပြင်ဆင်နေပါတယ်။ ၂ဝ၁၅ ရွေးကောက်ပွဲနီးလာချိန် မြန်မာနိုင်ငံက ပြုပြင်ပြောင်းလဲရေးမှာ ကြုံတွေ့နေရတဲ့ စိန်ခေါ်မှုတွေနဲ့ပတ်သက်လို့ မြန်မာအပေါ်ထားတဲ့ အမေရိကန်မူဝါဒကို ညီလာခံကိုတက်ရောက်လာမယ့် အမေရိကန်အစိုးရအဖွဲ့ဝင်တွေ၊ ပညာရှင်တွေ သုံးသပ်ကြမှာဖြစ်တယ်လို့ ဦးဆောင် စီစဉ်သူ တဦးဖြစ်တဲ့ Elaisa Vahnie (အီလိုင်ဇာ ဗာနီး) က ပြောပါတယ်။ အပြည့်အစုံကိုတော့ မအင်ကြင်းနိုင်က အကြောင်းစုံ တင်ပြပေးထားပါတယ်။

အမေရိကန်-မြန်မာ ဆက်ဆံရေးညီလာခံကိုတော့ အမေရိကန်ပြည်ထောင်စု၊ အင်ဒီယားနားပြည်နယ်မြို့တော် Indianapolis မှာ မေလ ၂၉ ရက်နေ့မှာ ကျင်းပမှာ ဖြစ်ပါတယ်။

ဒီညီလာခံကျင်းပရတဲ့ ရည်ရွယ်ချက်နဲ့ပတ်သက်လို့ ဦးဆောင်စီစဉ်တဲ့ မြန်မာ-အမေရိကန် လူမှုအဖွဲ့အစည်းရဲ့ညွန်ကြားရေးမှူး အီလိုင်းဇာ ဗာနီးက ဗွီအိုအေကိုအခုလိုပြောပြပါတယ်။

“အထွေထွေရွေးကောက်ပွဲပေါ့၊ ၂၀၁၅ မှာလာမယ်ဆိုတော့ အဲဒါကိုလည်း ကျနော်တို့ awareness ရှိအောင်ပေါ့လေ၊ ပြန်လုပ်ချင်တယ်။ မြန်မာနိုင်ငံကလည်း ပွင့်လင်းလာပြီ၊ နိုင်ငံတကာကိုလည်း သူတို့ဖိတ်ထားတယ်။ သမ္မတကြီး ဦးသိန်းစိန်ကနေပြီးတော့မှ အပြင်မှာရောက်နေတဲ့ ကျနော်တို့ မြန်မာနိုင်ငံသားတွေကိုလည်း ပြန်လာပြီးတော့မှ ကူညီဖို့ရာလည်း သူ ဖိတ်ထားတယ်။ ပြီးတော့ အမေရိကန်နဲ့ ကျနော်တို့ မြန်မာနိုင်ငံကြားမှာလည်း ရင်းနှီးမှုတွေပိုပြီးတော့မှ အတူတူအလုပ်လုပ်တဲ့ဟာတွေလည်း ကျနော်တို့ တွေ့ရတယ်။ အဲဒါကြောင့် အမေရိကန်နိုင်ငံကနေရှိတဲ့ သူတို့ရဲ့ပေါ်လစီမူဝါဒကို ပထမဆုံး မြန်မာနိုင်ငံမှာထားတဲ့မူဝါဒကို ကျနော်တို့ ပြန်ကြည့်ချင်တယ်။ ဒုတိယအချက်အနေနဲ့ ကျနော်တို့ မြန်မာနိုင်ငံမှာဖြစ်ပျက်နေတဲ့ နိုင်ငံရေးနဲ့စီးပွားရေးမှာ ….ပြန်ကြည့်ပီးတော့မှလေ ကျနော်တို့ ပြန်သုံးသပ်ပြီး၊ expert တွေခေါ်ပြီးတော့မှ ပြန်သုံးသပ်ချင်တယ်။”

မေး။ ။ အဲဒီတော့ ဒီ ကွန်းဖရင့်စ်ကရော အမေရိကန်အစိုးရရဲ့မြန်မာအပေါ်ထားတဲ့ မူဝါဒကိုရော ဘယ်လို အကျိုးထိရောက်မှုရှိနိုင်မလဲရှင့်။

ဖြေ။ ။ ဒီဟာ ကျနော်တို့ ဥပမာအားဖြင့် ပြန်ကြည့်မယ်ဆိုလို့ရှိရင် president obama တက်လာပြီးတဲ့နောက်ပိုင်းမှာ ကျနော်တို့မြန်မာနိုင်ငံအစိုးရနဲ့ လက်တွဲပြီးတော့မှ လုပ်နိုင်မယ့်ဟာတွေကို လုပ်ဖို့ဝါဒမျိုး သူတို့စွဲကိုင်လာတာ ကျနော်တို့ တွေ့ရတယ်။ အဲလိုဖြစ်ပေမယ့်လည်း တကယ့်တကယ် အတွင်းရေးမှာ ပြဿနာရှိနေသေးတယ်။ ကျနော်တို့လက်နက်ကိုင် တိုင်းရင်းသားအဖွဲ့အစည်းတွေနဲ့ ဖြစ်ပျက်နေတဲ့…ပဲဖြစ်ဖြစ်၊ ပြီးတော့မှ တခြား အခြေခံဥပဒေနဲ့ပတ်သက်ပြီးတော့မှ ပြင်ဆင်သင့်တဲ့၊ ပြင်ဆင်ထိုက်တဲ့ဟာတွေ ဆက်ပြီးတော့မှ လုပ်ရာမှာပဲဖြစ်ဖြစ်၊ …တတ်ကျွမ်းတဲ့ပညာရှင်တွေပဲဖြစ်ဖြစ် အတူတူလာပြီးတော့မှ တကယ့်တကယ် ဆွေးနွေးစဉ်းစားဖို့ရာ ကျနော်တို့က အဲလိုလုပ်တယ်ဆိုလို့ရှိရင် အကုန်လုံးအတွက် ကောင်းတဲ့အဖြေတွေ ပိုပြီးတော့မှ ပေါ်လာမယ်လို့ ကျနော်တို့ကတော့ တွက်ထားပါတယ်။

မေး။ ။ အဲဒီတော့ ဒီ ကွန်းဖရင့်စ်ကနေရော ဘာတွေ ရနိုင်မယ်လို့ ရည်မှန်းထားလဲရှင့်။

ဖြေ။ ။ ကျနော်တို့ ဒီ ကွန်ဖရင့်စ်ကနေ ရနိုင်တဲ့ဟာတွေက ပထမဦးဆုံးအနေနဲ့ မြန်မာနိုင်ငံမှာ ဖြစ်ပျက်နေတဲ့ နိုင်ငံရေးအခြေအနေနဲ့ စီးပွားရေး အခြေအနေတွေကို အစိုးရပဲဖြစ်ဖြစ်၊ ဒီ အမေရိကန်နိုင်ငံမှာ ကျနော်တို့ကိုကူညီတဲ့၊ မြန်မာနိုင်ငံကိုလည်း စိတ်ဝင်စားတဲ့လူတွေကနေပြီးတော့မှ ပိုမိုပြီးတော့မှ သိလာနိုင်အောင် ပထမဆုံးရည်ရွယ်တယ်၊ ပြီးတော့မှ ဒုတိယအချက်အနေနဲ့ ကျနော်တို့ မြန်မာနိုင်ငံသူ၊ မြန်မာနိုင်ငံသားတွေ ဒီမှာ ရောက်ပြီးတော့မှ ကျောင်းပဲတက်တက်၊ ပြီးတော့ အလုပ်ခွင်မှာပဲ ဝင်ပြီးတော့လုပ်နေတဲ့သူတွေ- ကျနော်တို့ မြန်မာနိုင်ငံမှာ အခု လတ်တလော အခြေအနေ၊ မြန်မာနိုင်ငံရေးနဲ့ စီးပွားရေးအခြေအနေတွေကို သူတို့ သိပြီးတော့မှ အဲဒါ သိလို့ရှိရင် ဘယ်လို ပုံစံမျိုးနဲ့ ကိုယ်ကနေပြီးတော့မှ ပါဝင်ကူညီနိုင်မလဲဆိုတဲ့ဟာတွေကိုလည်း ကျနော်တို့ သိခွင့်ရလာမယ်။ အဲဒီတော့ ကျနော်တို့ မြန်မာနိုင်ငံအထက်မှာရှိတဲ့ ကျနော်တို့ မြန်မာနိုင်ငံသူ၊ နိုင်ငံသားတွေနဲ့ အပြင်မှာ ရောက်နေတဲ့ အထူးသဖြင့် အမေရိကန်မှာရောက်နေတဲ့ မြန်မာပြည်သားတွေနဲ့ ဒီ အဆက်အသွယ်၊ connection ထပ်ပြီးတော့မှ ကျနော်တို့ တိုးမြှင့်စေချင်တယ်။

ဒီညီလာခံအတွက် အဖွင့်မိန့်ခွန်းကိုတော့ အမျိုးသားဒီမိုကရေစီအဖွဲ့ချုပ်ဥက္ကဌ ပြည်သူလွှတ်တော် ကိုယ်စားလှယ် ဒေါ်အောင်ဆန်းစုကြည်က ဗွီဒီယိုမိန့်ခွန်းခွေကို ပေးပို့မှာ ဖြစ်ပါတယ်။

ဒါ့အပြင် နယူးရောက်အခြေစိုက် ကုလသမဂ္ဂဌာနချုပ် မြန်မာအမြဲတန်းကိုယ်စားလှယ် သံအမတ်ကြီး ဦးကျော်တင်လည်း တက်ရောက်ပြီး ညီလာခံမှာ အဖွင့်မိန့် ခွန်းပြောကြားမှာ ဖြစ်သလို မြန်မာ သံရုံးက တခြားတာဝန်ရှိသူတွေ၊ အမေရိကန်အစိုးရရဲ့ ကုန်သွယ်ရေးဌာနက တာဝန်ရှိသူတွေ၊ အမေရိကန် ပြည်ထောင်စု နိုင်ငံတကာ ဖွံ့ဖြိုးရေးအေဂျင်စီ USAID က တာဝန်ရှိသူတွေ နဲ့အတူ မြန်မာပညာရှင်တွေ၊ အမေရိကန်ပညာရှင်တွေလည်း တက်ရောက်ကြမှာဖြစ်ပါတယ်။

အင်ကြင်းနိုင်.VOA
http://burmese.voanews.com/content/american-myanmar-reltionship-conference-will-hold-/2776897.html


သာသနာညှိုးနွမ်းစေမှုနဲ့ တရားစွဲခံထားရတဲ့ စာရေးဆရာ ထင်လင်းဦး အမှုကို မေလ ၁၉ ရက်နေ့က ချောင်းဦးမြို့နယ် တရားရုံးမှာ  နှစ်ဖက်လျှောက်လွှဲချက်တွေ အပြီးသတ် ကြားနာ စစ်ဆေးပါတယ်။


စာရေးဆရာ ထင်လင်းဦးကို သာသနာညှိုးနွမ်းစေမှု ပုဒ်မ ၂၉၅ (က)၊ တခြားသူများ ကိုးကွယ်ယုံကြည်ရာ ဘာသာကို ပုတ်ခတ် ပြောဆိုမှု ပုဒ်မ၂၉၈တို့နဲ့ ချောင်းဦးမြို့နယ် တရားရုံးမှာ တရားစွဲဆုိုထားတာပါ။

နှစ်ဘက်လျှောက်လွဲချက်တွေကို အပြီးသတ်ကြားနာခဲ့ပြီးပြီဖြစ်လို့  လာမယ့် ဇွန်လ ၂ ရက်နေ့ ရုံးချိန်း မှာ အမိန့်ချမယ်လို့ရှေ့နေ  ဦးသိန်းသန်းဦးက ပြောပါတယ်။

စာရေးဆရာထင်လင်းဦးဟာ ဟောပြောပွဲတခုမှာ  သူ့ရဲ့ ဟောပြောချက်တွေနဲ့ ပက်သက်လို့  ပြီးခဲ့တဲ့ ဇန်န၀ါရီလ ၁၅ ရက်နေ့က  ချောင်းဦးမြို့နယ်မှာ သံဃာတော်တွေကို အခမ်းအနားနဲ့  ၀န်ချတောင်းပန်ခဲ့ရာမှာ  သံဃာတော်တွေကလည်း ကျေနပ်ခွင့်လွှတ်ပြီးသားဖြစ်ပါတယ်။

ဒါပေမယ့် တရားခွင်ကိုလာတဲ့ သက်သေတွေထဲမှာ ယံဃာတော်တွေ မပါတဲ့အပေါ်မှာ  တရား လွှတ်တော် ရှေ့နေဦးသိန်းသန်းဦးက “သူပြောတဲ့ အပြောအဆုို အသုံးအနှုန်းတွေ ပြင်းထန်ကောင်း ပြင်းထန်မယ်။ တမင် မသမာတဲ့ ရည်ရွယ်ချက်နဲ့ မဟုတ်ဘူး။ စေတနာနဲ့ပြောတာမျိုး ရည်ရွယ်ချက်နဲ့ စော်ကားတယ်ဆုိုတာ မပေါ်ပါဘူး။ အဓိကက အဲ့ဒါ ဘယ်သူသက်သေပြမလဲ ဘယ်သူမှ သက်သေမပေါ်ဘူး။ ဒီကိစ္စက သံဃာတော်တွေ စိတ်နှလုံးမသာလုို့ လုပ်ရတယ်ဆုိုပေမယ့် သံဃာမပြောနဲ့ ဖုိုးသူတော်တောင် မပါဘူး။ သက်သေက မယ်သီလ လည်း မပါဘူး၊ ရသေ့လည်း မပါဘူး။  ဘယ်သူမှလဲ သက်သေမခံဘူး။ အဲ့တော့ ဒီဟာကြီးက သံဃာတော်တွေ မကျေနပ်ဘူးဆုိုတာ ဟုတ်ရဲ့လားလို့ သံသယဖြစ်ဖွယ်ရှိ ပါတယ်”လို့ ပြောပါတယ်။

ပြီးခဲ့တဲ့ အောက်တိုဘာ ၂၃ ရက်နေ့က စစ်ကိုင်းတိုင်း မုံရွာခရိုင် ချောင်းဦးမြို့နယ် သုံးပန်လှကျေးရွာ စာပေဟောပြောပွဲမှာ  ဦးထင်လင်းဦးရဲ့ ဟောပြောချက်နဲ့ပတ်သက်လို့ သာသနာ ညိုးနွမ်းစေ တယ်ဆိုပြီး သူကို ဖမ်းဆီး စွဲချက်တင်ခဲ့တာ ဖြစ်ပါတယ်။

အခုဆုို အမှုကို ၈ လကျော်ကြာ စစ်ဆေးခဲ့တာဖြစ်ပြီး ရုံးချိန်းပေါင်း ၁၉ ကြိမ်မြောက် ရှိသွားပြီဖြစ်ပါတယ်။

 By ဒီဗွီဘီ
http://burmese.dvb.no

သံဃာနဲ့ လူထုက တရားစီရင်တာကို ကျေနပ် 
ကရင် ပြည်နယ် မှာ ကေအင်ယူ ကနေ ခွဲထွက်သွားတဲ့ ကရင် လက်နက်ကိုင် အဖွဲ့အစည်းတွေက ကေအင်ယူနဲ့ ပြည်နယ် အတွင်း တရား ဥပဒေ စိုးမိုးရေး လုပ်ငန်းတွေကို ဆောင်ရွက် နေပြီလို့ ကေအင်ယူ ပြည်ထဲရေး ဝန်ကြီး ကပြောပါတယ်။

တနင်္လာ နေ့ က KNU တပ်မဟာ ၇ ဌာနချုပ် မှာ ပြုလုပ်တဲ့ အထူး ခုံရုံး လူသတ်မှု စီရင်ချက်ချ အပြီးမှာ ပြောသွားတာပါ။

၂ဝ၁၄ အောက်တိုဘာ လ ၁၈ ရက်က ဦးထိန်မောင်ရဲ့ ငြိမ်းချမ်းရေး ကောင် စီက တပ်ခွဲမှူး စောတာဝါး နဲ့ နောက်လိုက် ၄ ယောက်၊ ဘုန်းကြီး တပါး ပူးပေါင်းပြီး ပိုင်ကျုံ မြို့နယ်ခွဲ၊ မယ်လ ရွာသစ် က ကျောင်းထိုင် ဆရာတော် ဦးကုသလ ကို သတ်တဲ့ အမှု ဖြစ်ပါတယ်။

အဲဒီ အမှုနဲ့ ပတ်သက်ပြီး ကရင် ပြည်နယ်က သံဃာ တွေကော လူထုတွေပါ အပြင်းအထန် မကျေမနပ် ဖြစ်ခဲ့တယ်လို့ ဆိုပါတယ်။

လူသတ်မှု ကျူးလွန် တဲ့ ၆ ယောက် ထဲက စောတာဝါး နဲ့ ဘုန်းကြီး ဦးဗုဒ္ဓဝံသ တို့ဟာ ထွက်ပြေး လွတ် မြောက်နေလို့ သူတို့ကို မျက်ကွယ်မှာ အလုပ်ကြမ်းနဲ့ ထောင်ဒဏ် တသက်စီ ချမှတ် ပါတယ်။

နောက်လိုက် ၄ ယောက် ထဲက ၃ ယောက် ကို အလုပ်ကြမ်း နဲ့ ထောင်ဒဏ် ၁ဝ နှစ်စီ နဲ့ တယောက် ကို အလုပ်ကြမ်း နဲ့ ၇ နှစ် ထောင်ဒဏ် ချမှတ် ပါတယ်။

ပြစ်ဒဏ် ချမှတ် ခံရသူ တွေဟာ ရက် ၄ဝ အတွင်းမှာ အယူခံ ဝင်နိုင်ပါတယ်။

တရား စီရင် တာ ကို တက်ရောက် နားထောင် ကြတဲ့ ပြည်တွင်းက ကြွလာတဲ့ သံဃာတွေနဲ့ လူထု ကတော့ အခု လို တရား စီရင် တာကို ကျေနပ်ကြတယ် လို့ ပြောကြပါတယ်။

ကရင် ပြည်နယ်ထဲက ကရင်လူထု အပေါ် အနိုင်ကျင့် ပြီး မြေယာသိမ်း နေတာ တွေ၊ မတရားမှု၊ရာဇ၀တ်မှု တွေ၊ မူးယစ် ဆေးဝါး မှု တွေနဲ့ လူကုန်ကူး မှု တွေပါ ဖြစ်နေ တာကြောင့် ကေအင်ယူ၊ ဗိုလ်ချုပ်ထိန်မောင် ရဲ့ ငြိမ်းချမ်းရေး ကောင်စီ၊ BGF နယ်ခြားစောင့် တပ် နဲ့ DKBA စတဲ့ ကရင် လက်နက် ကိုင် ၄ ဖွဲ့က ပူးပေါင်း ပြီး ဆောင်ရွက် နေတာပါ။

ကေအင်ယူ ပြည်ထဲရေး ၀န်ကြီး ဗဒို စောအားတိုး က အခု ကရင့်လက်နက်ကိုင် အဖွဲ့ တွေ ပြန်လည် စည်းလုံးဖို့ ကော်မီတီ ဖွဲ့ပြီး လုပ်ဆောင်နေပြီ ဖြစ်တယ်။ အခု ဒီနေ့ခုံရုံး ကနေ စီရင် လိုက်တဲ့ အမှု က ပထမဆုံး ခြေလှမ်း လို့ ပြောသွားပါတယ်။

BBC Burmese
http://www.bbc.com/burmese

Author Name

Contact Form

Name

Email *

Message *

Powered by Blogger.