06/01/15

တစ်ရွာလုံးကသူတွေ ဇွန်လ (၃၀) ရက်နေ့ မှာ မွေးကြသတဲ့လား။

မဲစာရင်းမှာ ဒီလို မွေးရက်တွေ တူနေကြတာ မိသားစုတစ်စုတည်းမှာရော တစ်ရွာတည်းမှာရော ဖြစ်နေကြတာ မဲစာရင်းပြုစုတွေ ရိုးသားမှု မရှိတာတွေ၊ ရွေးကောက်ပွဲကော်မရှင်ရဲ့  လမ်းညွှန်မှုတွေ ရိုးသားမှု မရှိတာတွေဟာ ၂၀၁၅ ခုနှစ် ရွေးကောက်ပွဲအတွက် စိုးရိမ်စရာဘဲ။

အရေးကြီးတဲ့ ၂၀၁၅ ခုနှစ် ရွေးကောက်ပွဲမှာ စစ်မှန်တဲ့ ပြည်သူ့ အစိုးရတစ်ရပ်ပေါ်ပေါက်ရေးအတွက် မဲဆန္ဒပြုလိုကြသူ ပြည်သူပြည်သားတွေအနေနဲ့  ဒီကိစ္စကို သာမန်လွဲမှားမှုလို့  မယူဆကြပါနဲ့ ။ လစ်လျူမရှူကြပါနဲ့ ။

ဒီမရိုးသားမှုရဲ့  နောက်ကွယ်က ကြီးမားတဲ့ လိမ်လည်လှည့်ဖြားမှုကြောင့် စစ်မှန်တဲ့ မဲတွေ ပယ်မဲအဖြစ်သို့  ရောက်ရှိသွားမှာ စိုးရိမ်ရပါတယ်။

မဲစာရင်းတွင်း မှားယွင်းနေသော အချက်အလက်များကို အမြန်ဆုံး ပြင်ဆင်ပြီး မဲပေးပိုင်ခွင့် ရရှိကြောင်း သက်သေအချက်အလက် တောင်းဆိုကြစေလိုပါတယ်။

၂၀၁၅ ခုနှစ် ရွေးကောက်ပွဲမှာ မရိုးသားသော လိမ်ညာလှည့်ဖြားသော ကောက်ကျစ်ဖန်တီးသော လုပ်ရပ်များကို ယခုကတည်းက ၀ိုင်းဝန်းဖော်ထုတ်ပေးကြစေလိုပါတယ်။

Nik Nayman

တရုတ်နိုင်ငံခြားရေးဌာန ပြောခွင့်ရ Hua Chunying
တရုတ်-မြန်မာနယ်စပ်နား ဖြစ်ပွားနေတဲ့ မြန်မာနဲ့ ကိုးကန့်တပ်ဖွဲ့တွေကြား တိုက်ပွဲကြောင့် တရုတ်နိုင်ငံထဲကို မကြာခနဗုံးဆံကျခဲ့တဲ့ ယူနန်ပြည် နယ်မှာ ဒီသီတင်းပတ်ထဲ တရုတ်စစ်တပ်က စစ်ရေးလေ့ကျင့်သွားမယ့်အကြောင်း တရုတ်နိုင်ငံက ကြေညာလိုက်ပါတယ်။ မြေပြင်နဲ့ ဝေဟင် ပူးတွဲ စစ်ရေးလေ့ကျင့်မှုတွေကို မနက်ဖြန်စတင်မှာဖြစ်ပြီး တကယ့်တိုက်ပွဲတွေမှာလို ကျည်ဆံအစစ်တွေကို အသုံးပြုသွားမှာ ဖြစ်တယ်လို့လည်း တရုတ် ကာကွယ်ရေးဝန်ကြီးဌာနက ပြောပါတယ်။

စစ်ရေးလေ့ကျင့်မှုတွေကို ယူနန်ပြည်နယ်က ဒေသ နှစ်ခုမှာ လုပ်သွားမယ်လို့ တရုတ် ကာကွယ်ရေးဝန်ကြီး ဌာနက ပြောပါတယ်။ ဒါပေမယ့် စစ်အင်အား ဘယ်လောက်နဲ့ လေ့ကျင့်သွားမယ် ၊ ဘယ်တော့အဆုံးသတ်မယ် ဆိုတာကိုတော့ ထုတ်ပြောခြင်း မရှိပါဘူး။ အဲဒီဒေသမှာ ပျံသန်းမယ့် လေယာဉ်တွေ ကိုလည်း သတိပေးထားပါတယ်။ ဒီလိုစစ်ရေးလေ့ကျင့်မှုတွေ လုပ်သွားမယ့်အကြောင်း မြန်မာအစိုးရကို အသိပေးထားပြီး ဖြစ်ပါတယ်။

မြန်မာစစ်တပ်နဲ့ MNDAA ကိုးကန့်တပ်ဖွဲ့တွေကြား တိုက်ပွဲတွေအတွင်း မြန်မာတိုက်လေယာဉ်တွေက ကြဲလိုက်တဲ့ဗုံးတွေကြောင့် မတ်လထဲမှာ လူ ၅ ယောက် သေဆုံးခဲ့တဲ့ အဖြစ်အပျက် အပါအ၀ဝင် နယ်စပ်ဖြတ်ကျော် ဖြစ်ပွားနေတဲ့ မတော်တဆမှုတွေ ကြုံနေရချိန်မှာပဲ တရုတ်နိုင်ငံဘက်က စစ်ရေးလေ့ကျင်မှုတွေ ပြုလုပ်လာတာပါ။

တရုတ်နိုင်ငံခြားရေး ဝန်ကြီးဌာန ပြောခွင့်ရသူ Hua Chunying ကတော့ မြန်မာနိုင်ငံတွင်းက လက်နက်ကိုင် ပဋိပက္ခတွေဟာ တည်ငြိမ် အေးချမ်းရေးကို ထိခိုက်နေတယ်လို့ တရုတ်နိုင်ငံက ယူဆထားတဲ့အကြောင်းပြောဆိုခဲ့ပေမဲ့ စစ်ရေးလေ့ကျင့်မှုဟာ လုပ်ရိုးလုပ်စဉ် အစီအစဉ်သာ ဖြစ်တယ်လို့သာ ဒီကနေ့ ဘေဂျင်းမြို့တော်က သတင်းစာရှင်းလင်းပွဲမှာ ပြောဆိုခဲ့တာပါ။ တရုတ်ရဲ့ စစ်ရေးလေ့ကျင့်မှုတွေကြောင့် ဒေသခံတွေရဲ့ နေ့စဉ်ပုံမှန်ဘဝကို ထိခိုက်မှာမဟုတ်ဘူးလို့ ကာကွယ်ရေးဝန်ကြီးဌာနက ပြောပါတယ်။

ဗွီအိုအေ (မြန်မာဌာန)
http://burmese.voanews.com

ဘင်္ဂလားဒေ့ရ်ှနိုင်ငံသား ရွှေ့ပြောင်းဒုက္ခသည်များကို မေလ ၂၃ ရက်နေ့က အလယ်သံကျော်ကျေးရွာမှာ တွေ့ရစဉ် Photo: Min Thein Aung/RFA
လှေစီးဒုက္ခသည်တွေ အရေးကိစ္စကို အစိုးရအနေနဲ့ နိုင်ငံတကာရဲ့ အကူအညီတွေရယူပြီး ဖြေရှင်းဆောင်ရွက်ဖို့ လိုအပ်ကြောင်း အမျိုးသား ဒီမိုကရေစီအဖွဲ့ချုပ် NLD က ဒီကနေ့ ကြေညာချက်ထုတ်ပြန်ပြီး တိုက်တွန်း လိုက်ပါတယ်။

လူသားအချင်းချင်း စာနာတဲ့စိတ်ထားနဲ့ ကူညီကြဖို့ NLD အနေနဲ့ တောင်းဆိုတာဖြစ်ကြောင်း ဗဟိုအလုပ်အမှုဆောင်ကော်မတီဝင် ဦးဝင်းထိန်က ပြောပါတယ်။

"ဒီလိုကြေညာချက် ထုတ်ပြန်တယ်ဆိုတာက အဲဒီ့ လှေစီးဒုက္ခသည်တွေရဲ့ ဒုက္ခတွေကို ကျနော်တို့က စာနာစိတ်နဲ့ နောက်တစ်ချက်က နိုင်ငံတကာအသိုင်းအဝိုင်းနဲ့လုပ်မှ အဆင်ပြေမယ်ဆိုတဲ့အချက်ကို ကျနော်တို့ထုတ်ပြန်တာပါ"

လှေစီးဒုက္ခသည်ကိစ္စဟာ ပြီးခဲ့တဲ့ ၃နှစ်ခန့်လောက်က ရခိုင်ပြည်နယ်အတွင်း ဖြစ်ပေါ်ခဲ့တဲ့ ပဋိပက္ခတွေနဲ့ ဆက်စပ်မှုရှိတယ်လို့ ယူဆတဲ့အတွက် အချိန်မဆွဲဖို့ လိုအပ်ကြောင်းလည်း NLD ရဲ့ ကြေညာချက်မှာ ပါရှိပါတယ်။

လှေစီးဒုက္ခသည်တွေ ထပ်မံမပေါ်ပေါက်ရေးအတွက်လည်း အချက် ၆ချက်ကို တောင်းဆိုလိုက်ပါတယ်။ အဲဒီအချက်တွေထဲမှာ တရားဥပဒေစိုးမိုးရေး၊ နယ်စပ်လုံခြုံရေး ၊ နယ်စပ်ဒေသနဲ့ သက်ဆိုင်တဲ့ အာဏာပိုင်တွေ အဂတိလိုက်စားမှုကင်းရှင်းရေး၊ ဒုက္ခသည်စခန်းတွေမှာ နေထိုင်သူတွေကို ပြန်လည်နေရာချထားရေး၊ ဒေသတွင်း လူမှုစီးပွားတိုးတက်ရေး စတဲ့အချက်တွေပါဝင်ပါတယ်။

ဒါ့အပြင် လူကုန်ကူးသူတွေကိုလည်း ဖေါ်ထုတ်အရေးယူပေးဖို့ ကြေညာချက်မှာ တိုက်တွန်းထားပါတယ်။

RFA Burmese
http://www.rfa.org/burmese

စစ်တွေမြို့က ဒုက္ခသည်စခန်းတစ်ခုမှာ ရခိုင်အမျိုးသမီးနဲ့ ကလေးများကို တွေ့ရစဉ် photo: RFA/ Min Thein Aung
ရခိုင်ပြည်နယ်မှာ နေထိုင်တဲ့ ကမန်လူမျိုး ခုနစ်ထောင်လောက်ဟာ နိုင်ငံသား မှတ်ပုံတင်မရှိတဲ့ အတွက် လာမယ့် ၂၀၁၅ ရွေးကောက်ပွဲမှာ မဲပေးခွင့် ဆုံးရှုံးနိုင်ကြောင်း ကမန်အမျိုးသား တိုးတက်ရေး ပါတီ ခေါင်းဆောင်တွေ က ပြောပါတယ်။

ပြီးခဲ့တဲ့ ၂၀၁၂ ခုနှစ်က ဖြစ်ပွားခဲ့တဲ့  ဘာသာရေး ပဋိပက္ခတွေမှာ သူတို့ရဲ့ နိုင်ငံသား မှတ်ပုံ တင်ကဒ်ပြားတွေ မီးလောင်ပျက်စီးခဲ့ တာကြောင့် အဲဒီလူဦးရေ ၇၀၀၀ လောက်ဟာ မဲပေးခွင့် ဆုံးရှုံးနိုင်ဖွယ်ရှိတယ်လို့ ကမန်အမျိုးသား တိုးတက်ရေး ပါတီ အထွေထွေ အတွင်းရေးမှူး ဦးတင်လှိုင်ဝင်းက ပြောပါတယ်။

"အဓိကကတော့ ကျနော်တို့ရခိုင်ပြည်နယ် ပဋိပက္ခမှာပေါ့ဗျာ မီးထဲပါသွားတယ်လေ၊ လူဦးရေး ခုနှစ်ထောင်လောက်ရှိပါတယ်ခင်ဗျာ၊ ရမ်းဗြဲမှာဆို တစ်ရွာလုံးပေါ့ဗျာ မီးထဲမှာပါသွားကြပါတယ်၊ တချို့က မှတ်ပုံတင် တစ်ပိုင်းပဲကျန်တယ်၊ တချို့ကဘာမှမကျန်ဘူး၊ သံတွဲမှာ သုံးထောင်ကျော်လောက်ရှိပါတယ်၊ မှတ်ပုံတင်ပြီးမဲရွေးဖို့ ဘယ်လိုမှမဖြစ်နိုင်ဘူး၊ အဲ့ဒါကြောင့် ကျနော်တို့လည်း ရွေးကောက်ပွဲ ဝင် မဝင် ကိုပဲ စောင့်ကြည့်နေတယ်ပေါ့ဗျာ၊ ကျနော်တို့လူတွေ မဲစာရင်းမှာမပါဘဲနဲ့ ကျနော်တို့ ဘာလို့ဝင်မှာလဲ"

ရခိုင်ပြည်နယ် စစ်တွေ၊ ရမ်းဗြဲ၊ ကျောက်ဖြူ နဲ့ သံတွဲမြို့နယ်တွေမှာ ကမန်လူမျိုး ၂သောင်းခွဲကျော်လောက် နေထိုင် ကြပြီး တစ်နိုင်ငံလုံး အတိုင်းအတာနဲ့ဆိုရင် ကမန် လူဦးရေ ၄သောင်းကျော်လောက် ရှိတယ်လို့ သိရပါတယ်။

ပြီးခဲ့တဲ့ ၂၀၁၂ ခုနှစ် ဇွန်လ နဲ့ ၂၀၁၃ ခုနှစ်အတွင်း ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခတွေကြောင့် ကမန်လူမျိုးတွေရဲ့ နေအိမ် တစ်ထောင်နီးပါးလောက် မီးရှို့ဖျက်ဆီးခံခဲ့ရပါတယ်။

နေအိမ် ပျက်စီးဆုံးရှုံးခဲ့ရတဲ့ ကမန်လူမျိုးတွေကို  နေရာပြန်လည်ချထားပေးဖို့ နဲ့ နိုင်ငံသားမှတ်ပုံတင်ကဒ်တွေ ပြန် လည်ထုတ်ပေးဖို့အတွက် ကမန်အမျိုးသား တိုးတက်ရေးပါတီဟာ ရခိုင်ပြည်နယ် ၀န်ကြီးချုပ်နဲ့ လာမယ့် ဇွန်လ ၈ ရက်နေ့ စစ်တွေမြို့မှာ တွေ့ဆုံဆွေးနွေးမှာဖြစ်တယ်လို့ သိရပါတယ်။

RFA Burmese
http://www.rfa.org/burmese



နေရောင်ခြည် စွမ်းအင်သုံး လေယာဉ်နဲ့ ကမ္ဘာတစ်ပတ် ပျံသန်းတဲ့ ခရီးစဉ်အတွင်း တရုတ်နိုင်ငံ ကနေ အမေရိကန် နိုင်ငံကို ပျံသန်းမယ့် ခရီးစဉ်ကို ရာသီဥတု အခြေအနေကြောင့် ယာယီ ရက်ရွှေ့ဆိုင်း လိုက်ရပါတယ်။

တရုတ် နိုင်ငံကနေ ဟာဝိုင်ယီ ကျွန်း အထိ စံချိန်တင် ၆ ရက်ကြာ ပစ္စိဖိတ် သမုဒ္ဒရာကို ဖြတ်ပျံရမယ့် ခရီးစဉ် အတွင်းမှာ ရာသီဥတု အခြေအနေ ဆိုးရွား လာတဲ့အတွက် ဆက်လက် မပျံသန်း နိုင်တော့ဘဲ ဂျပန်နိုင်ငံမှာ ဆင်းသက်ခဲ့ရတာ ဖြစ်ပါတယ်။

၆ ရက်ကြာ တောက်လျှောက် ပျံသန်းရမယ့် ခရီးပိုင်းမှာ ၃၆ နာရီကြာ ပျံသန်းခဲ့ပြီးမှ ဂျပန်နိုင်ငံမှာ ခုလို ဆင်းသက်ခဲ့ရတာပါ။

ဂျက်လေယာဉ်တွေရဲ့ တောင်ပံ အရွယ်အစား ရှိပြီး အိမ်သုံးကား တစ်စီးစာလောက် လေးတဲ့ Solar Impulse လေယာဉ်အတွက် သူ့ခရီးစဉ် အဆင့်ဆင့်ကို စီစဉ်ထားတဲ့ အတိုင်း ပျံသန်းနိုင်ဖို့အတွက် တိမ်ကင်းစင်တဲ့ ကောင်းကင်နဲ့ မျှော်လင့်ထားတဲ့ လေတိုက်နှုန်းတွေ လိုအပ်ပါတယ်။

အခုတော့ ဟာဝိုင်ယီကျွန်း အထိ ပျံသန်းရမယ့် ခရီးကို ဆက်ပျံနိုင်ဖို့ ဆိုလာလေယာဉ် အဖွဲ့သားတွေ ဂျပန်နိုင်ငံမှာ ရာသီဥတု အခြေအနေကို စောင့်ကြည့် နေကြပါတယ်။

BBC Burmese
https://www.facebook.com/bbcburmese

အီရတ်နိုင်ငံက လူငယ်တစ်ဦး ဆံပင်ညပ်ခံစဉ် (Credit: Reuters) 
အီရတ်နိုင်ငံ ​Mosul ​မိုဆူးလ် ​မြို့မှာ ​နေထိုင်တဲ့ ​အမျိုးသားတွေ ​အားလုံး ​မှုတ်ဆိတ်မွေး ​အရှည်ထားရမယ် ​ဆိုတဲ့ ​ဥပဒေကို ​IS ​က ​ကျင့်သုံးနေပြီ ​ဆိုတဲ့ ​သတင်းတွေ ​ထွက်ပေါ်နေပါတယ်။

ပြီးခဲ့တဲ့ ​သတင်းပတ်တွေကစပြီး ​IS ​က ​မှုတ်ဆိတ်မွေးကို ​အရှည်ထားရမယ့်အကြောင်း၊ ​ဇွန်လ ​၁ ​ရက်နေ့ကစပြီး ​မှုတ်ဆိတ် ​မရိတ်တော့ဖို့ ​ပြောဆိုထားပြီး ​ဘာကြောင့် ​မှုတ်ဆိတ်တွေ ​အရှည်ထားသင့်သလဲ ​ဆိုတာတွေကို ​ရေးသားထားပါတယ်။

ဆံပင်ညပ်ဆိုင်မှာ ​မှုတ်ဆိတ်ရိတ်နေတာတွေဟာ ​အပြစ်ဖြစ်တယ်လို့ ​ရေးသားထားပြီး ​တမန်တော် ​မိုဟာမက် ​ပြောဆိုခဲ့တဲ့ ​စကားလုံးတွေကို ​ရေးသားထားပါတယ်။

အစ္စလာမ်မစ် ​ရဲတွေက ​လိုက်လံ ​ကြည့်ရှုမှာ ​ဖြစ်ပြီး ​မှုတ်ဆိတ်မွေး ​အရှည်မထားတဲ့လူတွေကို ​ဖမ်းဆီး ​ထိန်းသိမ်းမယ်လို့လည်း ​ပါရှိပါတယ်။

အသက် ​၁၈ ​အရွယ် ​Laith ​Ahmed ​က ​သူ့မှာ ​မှုတ်ဆိတ်မွေး ​မရှိတာကြောင့် ​စိုးရိမ်နေပါတယ်။

သူက ​မှုန့်ဖုတ်တဲ့ ​ဆိုင်ရာ ​အလုပ်လုပ်တာကြောင့် ​IS ​အဖွဲ့နဲ့ ​နေ့တိုင်း ​ကြုံတွေ့နေရတယ်လို့လည်း ​သူက ​ပြောပါတယ်။

တချို့ကလည်း ​မှုတ်ဆိတ် ​အရှည်ထားရင် ​ယားယံတဲ့ ​ဝေဒနာ ​ခံစားရတဲ့အတွက် ​စိုးရိမ်ကြပါတယ်။

ကျန်းမာရေးကို ​အကြောင်းပြပြီး ​မှုတ်ဆိတ်ရှည်ထားလို့ ​မရကြောင်း ​ပြောပေမယ့် ​လက်မခံဘူးလို့ ​အမျိုးသား ​တစ်ဦးက ​ပြောပြပါတယ်။

မိုဆူးလ် ​မြို့ကနေ ​ထွက်ခွာလိုပေမယ့် ​IS ​အဖွဲ့ကို ​အရင် ​တိုင်ကြားပြီး ​ထောက်ခံချက် ​ရယူရမှာ ​ဖြစ်တဲ့အတွက် ​အခက်အခဲ ​ဖြစ်နေပါတယ်။

မိုဆူးလ် ​မြို့ဟာ ​အီရတ်နိုင်ငံရဲ့ ​ဒုတိယ ​အကြီးဆုံးမြို့ဖြစ်ပြီး ​လူပေါင်း ​၂ ​သန်း ​ရှိတဲ့မြို့ ​ဖြစ်ခဲ့ပေမယ့် ​တချို့လူတွေ ​အချိန်မှီ ​ထွက်ခွာတာမျိုး ​ရှိခဲ့ပါတယ်။

ABC Radio Australia
http://www.radioaustralia.net.au/burmese


မြန်မာ့တပ်မတော်က သိမ်းဆည်းယူငင်ထားတဲ့ တောင်ယာခြံမြေတွေကို ပြန်ပေးဖို့ မိမိကိုယ်ကို မီးရှို့ဆန္ဒပြ ကွယ်လွန်ခဲ့သူ ဦးမြင့်အောင်ရဲ့ တူမ ၂ ဦးကို အရှေ့ပိုင်းတိုင်းစစ်ဌာနချုပ်က တပ်မတော်အရာရှိတဦးက အမှု ၂ မှုနဲ့ ရွှေညောင်ရဲစခန်းမှာ တရားစွဲဆိုပါတယ်။

ရှမ်းပြည်နယ် တောင်ကြီးမြို့ ကွန်လုံကျေးရွာအုပ်စု ရေပူကျေးရွာနေ ဦးမြင့်အောင် ကွယ်လွန်ပြီးနောက် တူမတွေဖြစ်ကြတဲ့ ဒေါ်မော်မော်ဦးနဲ့ ဒေါ်စန်းမြင့်တို့ ၂ ဦးကို တရားစွဲတာ ဖြစ်ပါတယ်။

ဦးမြင့်အောင်ဖြစ်စဉ်မှာ ကူညီသူ တောင်ကြီးခရိုင် အမျိုးသားဒီမိုကရေစီအဖွဲ့ချုပ်က ဦးတင်မောင်တိုးက “၂၁ ရက် (မေလ) နေ့ ညနေ ၅ နာရီ ၁၅ မှာ စိုက်ကွင်းတာဝန်ခံ ဗိုလ်ကြီး ၀င်းထွန်းအောင်ကနေ မမော်ရယ်၊ မစန်းရယ်ပေါ့နော်၊ ဦးမြင့်အောင်ရဲ့ တူမ ၂ ယောက်ကို ပိုင်နက်ကျူးလွန်မှု၊ တပ်မြေပေါ်မှာ ထွန်ယက်စိုက်ပျိုးမှုဆိုပြီးတော့ ပုဒ်မ ၄၂၇၊ ၄၄၇ နဲ့ တရားစွဲထားတယ်ခင်ဗျ။ မနေ့က (မေ ၃၁ ရက်နေ့) ညနေ ၃ နာရီလောက်မှာ ရွှေညောင်ရဲစခန်းမှူးနဲ့ သူ့ရဲ့တပ်ဖွဲ့ဝင်တွေဟာ အိမ်မှာသွားရှာတယ်ပြောတယ်ဗျ။ အဲဒီမှာ မမော်တို့ မစန်းတို့က အိမ်မှာမရှိဘူး။ ပြန်လာရင် ဖုန်းဆက်ပါလို့ မှာသွားတယ်” လို့ ပြောပါတယ်။

ဒီတောင်သူအမျိုးသမီး ၂ ဦးအတွက် အာမခံရရေး၊ တရားဥပဒေ လမ်းကြောင်းအရ ရင်ဆိုင်နိုင်ရေး ကိစ္စတွေကို ကူညီမယ်လို့ ဦးတင်မောင်တိုးက ပြောပါတယ်။

ဒေါ်မော်မော်ဦးကတော့ သူတို့အပေါ် တရားစွဲဆိုတယ် ဆိုတာသာ ကြားသိရုံပဲ ရှိသေးတယ်လို့ ပြောပါတယ်။ “အကြောင်းကြားစာတော့ မလာသေးဘူးရှင့်။ ကျမတို့ကို ရဲစခန်းမှာ အမှုဖွင့်ထားတယ်လို့တော့ ပြောတယ်။ အိမ်ကို ရဲစခန်းမှူး၊ နောက်တခါ ရဲအုပ် ဦးဇော်လင်းနိုင်နဲ့ ရဲတယောက် လာသွားတယ်ဆိုတာ သိရတယ်။ ဘာအမှုတွေရယ်လို့တော့ မသိဘူး” လို့ ပြောပါတယ်။

သူက “ဘာပြောစရာရှိမလဲဆိုတော့ ကျမတို့က ဒီဥစ္စာနဲ့ပတ်သက်ပြီးတော့ ကျမတို့က မှန်မှန်ကန်ကန်ပဲ ဖြစ်စေချင်တဲ့ ဆန္ဒပဲရှိတယ်ပေါ့နော်။ မတရားလုပ်တာတို့၊ မတရားခံရတာတို့ မဖြစ်ချင်ဘူးပေါ့” လို့ ပြောပါတယ်။

ရွှေညောင်ရဲစခန်းတာဝန်ကျ ဒု-ရဲအုပ် ထွန်းမြတ်ကျော်က “ကျနော်အမှုတခုတော့ သိတယ်။ ပုဒ်မ ၄၄၇ တခုပဲ သိပါတယ်။ ကျန်တဲ့အမှုတော့ ကျနော်လည်း မသိဘူး။ တာဝန်မှူးတွေက အချိန်းအပြောင်းရှိတော့လေ။ တပ်မတော်က အရာရှိကဖွင့်တာ။ သူပဲ တရားလိုလုပ် ဖွင့်ရမှာလေ” လို့ ပြောပါတယ်။

အရှေ့ပိုင်းတိုင်းစစ်ဌာနချုပ် (ရပခ) က ရေပူ၊ ကျောက်နီ၊ ကွန်လုံရွာတွေဘက်မှာ ဧက ၅၀၀၀ ကျော်ကို ရပခ ကျောက်နီအထူးစိုက်ကွင်း စီမံချက်အဖြစ် ၁၉၉၄ ခုနှစ်ကတည်းက တပ်ပိုင်အဖြစ် သိမ်းဆည်းခဲ့ပါတယ်။ အဲဒီမြေတွေပေါ်မှာ တောင်သူတွေကို သီးစားခကောက်ယူပြီး လုပ်ခွင့်ပေးခဲ့ရာက ၂၀၁၃ ခုနှစ်ကစပြီး မကောက်ခံတော့ဘူးလို့ ဆိုပါတယ်။

မေ ၁၉ ရက်နေ့က စိုက်ကွင်းတာဝန်ခံ ရပခက ဗိုလ်ကြီး ၀င်းထွန်းအောင် ဦးစီးတဲ့အဖွဲ့ဟာ  ဦးမြင့်အောင်တို့မိသားစု ပြောင်းစိုက်ထားတဲ့ ခြံထဲမှာ ဘားတိုက်ဆောက်မယ်ဆိုပြီး သစ်တွေ၊ သွပ်တွေ ချရာက ရွာသားတွေနဲ့ အချေအတင် ဖြစ်ပါတယ်။

နောက်နေ့ ၂၀ ရက်နေ့ မနက် ၇ နာရီ ဒေါ်မော်နဲ့ ဒေါ်စန်းတို့ရဲ့ ဦးလေး ဦးမြင့်အောင် (အသက် ၆၃ နှစ်) ဟာ လယ်သိမ်းတာကို မကျေနပ်လို့ မီးရှို့ဆန္ဒပြရာမှာ ဒဏ်ရာပြင်းထန်ပြီး စပ်စံထွန်းဆေးရုံမှာ ၂၁ ရက် နေ့ခင်းမှာ ကွယ်လွန်ခဲ့ပါတယ်။ ဦးမြင့်အောင် ကွယ်လွန်ပြီး နာရီပိုင်းအကြာမှာ သူ့တူမနှစ်ဦးကို တရားစွဲဆိုခဲ့တာ ဖြစ်ပါတယ်။

ဦးမြင့်အောင်ရဲ့ ရက်လည်ဆွမ်းသွပ်တရားနာတဲ့ မေလ ၂၈ ရက်နေ့ ညနေပိုင်းက ကျေးရွာအုပ်ချုပ်ရေးမှူးက ရွာသားတွေနဲ့ တွေ့ဆုံရာမှာ တပ်ပိုင်မြေပေါ်မှာ ဆက်လက်မစိုက်ပျိုးဖို့ စစ်တပ်က တားမြစ်ခိုင်းတယ်ဆိုတာကို  သတိပေးပြောဆိုခဲ့တယ်။

 By ဒီဗွီဘီ
http://burmese.dvb.no


ကိုးကန့်ဒေသနဲ့ ကချင်လွတ်လပ်ရေး တပ်မတော် (ကေအိုင်အေ) ထိန်းချုပ်ဒေသတွေမှာ အခုရက်ပိုင်း အတွင်း တိုက်ပွဲတွေ ဆက်ဖြစ်နေတယ်လို့ ကိုးကန့်နဲ့ ကေအိုင်အို တာဝန်ရှိသူတွေက ဒီဗွီဘီကို ပြောပါတယ်။

မေ ၃၁ ရက်နေ့မှာ ကိုးကန့်ဒေသ နန်ထိန်မန်တလျှောက်နဲ့ မြောက်ဘက်ဒေသတွေမှာ တိုက်ပွဲတွေ ဖြစ်ပွားနေတာလို့ ကိုးကန့် ပြောခွင့်ရသူ ဦးထွန်းမြတ်လင်းက ပြောပါတယ်။

“မနေ့က ညနက်အထိ ကျနော်တို့ မြန်မာစံတော်ချိန် ည ၁၂ နာရီအထိ ဖြစ်နေတုန်းဗျာ။ ဒီနေ့တော့ ကျနော် မမေးကြည့်သေးဘူး။ ဖြစ်တာက တုံရှမ်း နမ်ထိန်မန်ရဲ့ မြောက်ဘက်ပေါ့။ မနေ့ နေ့လည်ပိုင်း ၁၁ နာရီလောက် သူတို့ လက်နက်ကြီးနဲ့ လှမ်းပစ်တယ်။”

အလားတူ အခုရက်ပိုင်းအတွင်း ရှမ်းပြည်နယ်မြောက်ပိုင်း ကေအိုင်အေ တပ်မဟာ (၄) လက်အောက်ခံ ကေအိုင်အေတပ်ရင်း (၂) နဲ့ တပ်ရင်း (၃၆) တွေမှာလည်း အစိုးရတပ်နဲ့ ရင်ဆိုင်တိုက်ပွဲ ဖြစ်ပွားခဲ့တယ်လို့ ကေအိုင်အို တာဝန်ရှိသူတဦးက ပြောပါတယ်။

“ကြီးကြီးမားမား တကယ့်စစ်ဆင်ရေးအကြီးနဲ့ တိုက်ပွဲဖြစ်တာတော့ မရှိဘူး။ ဒါပေမယ့် ထိတွေ့တိုက်ခိုက်မှုတော့ ဖြစ်ပါတယ်။ ဒါက ကချင်ပြည်နယ်တ၀ိုက်မှာ ဖြစ်ပါတယ်။ ဟို ရှမ်းပြည်နယ်မြောက်ပိုင်း ကျနော်တို့ တပ်မဟာ ၄ နယ်မြေဘက်မှာလည်း ဖြစ်ပါတယ်။ လောလောဆယ် ကျနော်တို့လည်း အပစ်ခတ်လက်မှတ် မထိုးထားဘူးဆိုတော့ တဘက်ဘက်က လှုပ်ရှားတာနဲ့ ဖြစ်နိုင်တဲ့ အခြေအနေတော့ များပါတယ်။”

ခုရက်ပိုင်းဖြစ်ပွားတဲ့ တိုက်ပွဲတွေကြောင့် နှစ်ဘက်ထိခိုက်သေဆုံးမှု သတင်းတွေတော့ မသိရသေးပါဘူး။

ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကတော့ စစ်တပ်အနေနဲ့ တိုင်းပြည်သယံဇာတတွေ ခိုးထုတ်တာကို အကာအကွယ်ပေးနေတဲ့ ရန်သူကို တိုက်ခိုက်နေတာဖြစ်ပြီး တိုင်းရင်းသားတွေကို တိုက်ခိုက်နေတာ မဟုတ်ဘူးလို့ မေ ၃၀ ရက်က ပြုလုပ်ခဲ့တဲ့ စစ်ဦးစီး၊ စစ်ရေး၊ စစ်ထောက်ညှိနှိုင်း အစည်းအဝေးမှာ ပြောကြားခဲ့ပါတယ်။

By ဒီဗွီဘီ
http://burmese.dvb.no

တခါ ထုတ်ရင် ဒေါ်လာ ၅ ထောင် ပဲ ထုတ် ရမယ်။ 
အမေရိကန် ဒေါ်လာ နဲ့ လဲလှယ် ရာ မှာ မြန်မာ ကျပ် ငွေ တန်ဖိုး ဆက်လက် ကျဆင်း နေတာ ကို ထိန်းချုပ် နိုင်ဖို့ ရည်ရွယ်ပြီး ဗဟိုဘဏ် က ကန့်သတ်ချက် တချို့ ချမှတ် လာပါတယ်။

နိုင်ငံခြား သုံးငွေ ဘဏ်စာရင်း ဖွင့်လှစ် ထားသူတွေ ကို တစ်ပတ် ကို ၂ ကြိမ် သာ ငွေထုတ် ခွင့် ပေးပြီး တခါ ထုတ်ရင် လည်း ဒေါ်လာ ၅ ထောင် ပဲ ထုတ် ရမယ် လို့ ကန့်သတ် လိုက် သလို ပြည်တွင်း လုပ်ငန်း တွေမှာ ငွေပေး ချေ တဲ့ အခါ လည်း နိုင်ငံခြား ငွေမသုံး ရပဲ ကျပ်ငွေ သုံးစွဲ ရမယ် လို့ ဗဟိုဘဏ် က ထုတ်ပြန် ပါတယ်။

ပြည်တွင်း မှာ ဒေါ်လာ လိုအပ်ချက် မြင့်မား လာပြီး ကျပ်ငွေ ရဲ့ အသုံးဝင် မှု ကဏ္ဍ လျော့ကျ နေရင် ငွေလဲနှုန်း မတည်မငြိမ် ဖြစ်ပြီး ဘဏ္ဍာရေး ဆိုင်ရာ ထိခိုက် မှု တွေ ဖြစ်စေ နိုင်တယ် လို့ ဗဟိုဘဏ် က အကြောင်း ပြ ချက် ပေး ပါတယ်။

ဒါပေမယ့် ဒီ လို ဖြေရှင်း ပုံ ဟာ ရေတို အတွက် သာ အလုပ် ဖြစ် နိုင်ပြီး ၊ ဒေါ်လာ ကို အစိုးရ က လိုသလောက် ထုတ်ပေး နိုင်မှသာ မျှော်မှန်း ထား သလို ဈေး ကို ထိန်း နိုင် လိမ့်မယ် လို့ မြန်မာနိုင်ငံ ဘဏ်များ အသင်း ဥက္ကဌ ဦးသိန်းထွန်း က သုံးသပ် ပါတယ်။

အမေရိကန် ဒေါ်လာ နဲ့ ကျပ်ငွေ လဲလှယ်နှုန်းဟာ သင်္ကြန် မတိုင်ခင်တုန်း က တစ်ဒေါ်လာ ကို ၉၀ဝ ကျော် ရှိရာ ကနေ အခုတော့ တစ်ဒေါ်လာ ကို ၁၁၄၀ ဈေး ပေါက်နေတာ ဖြစ်ပါတယ်။

BBC Burmese
http://www.bbc.com/burmese

အပူဒဏ်ကြောင့် မျက်နှာကို ရေဖျန်းနေတဲ့ အိန္ဒိယအမျိုးသားတဦး။ (မေ ၂၄၊ ၂၀၁၅)
အိန္ဒိယနိုင်ငံတဝှမ်း ဖြစ်ပေါ်နေတဲ့ အပူလှိုင်းဒဏ်ကြောင့် လူပေါင်း ၂,၂၀၀ ကျော် သေဆုံးခဲ့ပြီးတဲ့နောက် နှစ်စဉ်ကျရောက်တဲ့ မုတ်သုန်မိုး ရောက်လာမယ့် အချိန်ကို အများစုက စောင့်မျှော်နေကြပါတယ်။

တိုင်းပြည် တောင်ပိုင်းဒေသတချို့မှာ တနင်္ဂနွေနေ့က လိုအပ်နေတဲ့မိုး ရွာပြီး မိုးသက်မုန်တိုင်း ကျရောက်ခဲ့တဲ့အတွက် တချို့ သက်သာရာရခဲ့ပေမယ့် အပူလှိုင်းဒဏ် အဆိုးရွားဆုံး ခံစားနေရတဲ့ Andhra Pradesh နဲ့ Telangana ပြည်နယ်တွေမှာတော့ နောက်ထပ်တရက် အပူလှိုင်း ဆက်ရှိနေဦးမယ်လို့ အာဏာပိုင်တွေက ပြောပါတယ်။

သီတင်းပတ်ကုန် ရက်ပိုင်းအတွင်း ပြီးသွားတဲ့ အပူလှိုင်းကြောင့် အဲဒီ ပြည်နယ်နှစ်ခုအတွင်းက နေ့အပူချိန်ဟာ ၁၁၃ ကနေ ၁၁၆ အထိနဲ့ ညီမျှတဲ့ ၄၅ နဲ့ ၄၇ ဒီဂရီ Celsius အကြား ရှိခဲ့တယ်လို့ ဆိုပါတယ်။ Andhra Pradesh ပြည်နယ်အတွင်း စနေနေ့က သေဆုံးသူ ၁၄၆ ယောက် ရှိခဲ့တဲ့အတွက် အဲဒီ ပြည်နယ်တခုထဲတင် သေဆုံးသူ အရေအတွက်ဟာ ၁,၆၃၆ ယောက်အထိ ရှိသွားပြီ ဖြစ်ပါတယ်။

အပူချိန် လျော့ကျစေမယ့် မုတ်သုန်မိုးဟာ အိန္ဒိယနိုင်ငံ မြောက်ပိုင်းကို တဖြည်းဖြည်းချင်း ရွေ့မသွားခင် တောင်ပိုင်းဒေသမှာ အခုသီတင်းပတ်အတွင်း ကျရောက်ဖို့ ရှိနေပါတယ်။ မုတ်သုန်မိုးဟာ အခုချိန်ကစပြီး စက်တင်ဘာလအထိ ကြာမှာ ဖြစ်ပါတယ်။

ဗွီအိုအေ (မြန်မာဌာန)
http://burmese.voanews.com

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကို မေလ ၁၇ ရက်နေ့က မွန်ပြည်နယ်၊ သံဖြူဇရပ်ခရီးစဉ်တွင် တွေ့ရစဉ်။ Photo: Kyaw Zaw Win/ RFA

မြန်မာနိုင်ငံရဲ့ အခြေအနေဟာ အရေးကြီးတဲ့သမိုင်းအချိုးအကွေ့တစ်ခုကို ရောက်ရှိနေပြီ ဖြစ်တယ်လို့ အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်း စုကြည်က ပြောကြားလိုက်ပါတယ်။

အမေရိကန်ပြည်ထောင်စု မြောက်ပိုင်းရှိ အင်ဒီးယားနားတက္ကသိုလ်မှာ သောကြာနေ့ ညက ကျင်းပတဲ့ “ မြန်မာ နိုင်ငံရဲ့ ဖွဲ့စည်းပုံပြုပြင်ပြောင်းလဲရေးနဲ့ စီးပွားရေး ဖွံ့ဖြိုး တိုးတက်မှု” ဆိုတဲ့ ခေါင်းစဉ်နဲ့ဆွေးနွေးပွဲကို ပေးပို့တဲ့ ဗီဒီယိုမိန့်ခွန်းမှာ မြန်မာနိုင်ငံဟာ စစ်မှန်တဲ့ဒီမိုကရေစီလမ်းကြောင်းကိုရောက်မလား၊ စစ်မှန်တဲ့ ဖွံ့ဖြိုးတိုးတက်မှု ရနိုင်မလား ဒါမှမဟုတ် အာဏာရှင်အစိုးရထက်ဘာမှပိုမထူးခြားတဲ့ အတုအယောင်ဒီမိုကရေစီနဲ့ဘဲ ဆက်လက် ရင်ဆိုင်နေရဦးမှာလားဆိုတာ လာမယ့် လအနည်းအငယ်က အဆုံးအဖြတ်ပေးပါလိမ့်မယ်လို့ ဒေါ်အောင်ဆန်း စုကြည်က ပြောကြားခဲ့တာဖြစ်ပါတယ်။

ဒီအခမ်းအနားမှာ ကုလသမဂ္ဂဆိုင်ရာ မြန်မာသံအမတ် ဦးကျော်တင့်ကလည်း မြန်မာနိုင်ငံပြုပြင်ပြောင်းလဲရေးတွေ နဲ့ပတ်သက်ပြီး မိန့်ခွန်းပြောကြားခဲ့ပါတယ်။

ပြုပြင်ပြောင်းလဲရေးတွေ အရှိန်အဟုန် နှေးကွေးနေတယ်ဆိုတာ မဟုတ်မှန်ကြောင်း၊ နောက်ပြန်လှည့်သွားမှာ မဟုတ်ကြောင်း သူက ပြောသွားပါတယ်။

ဒီအစီအစဉ်ကို အင်ဒီယာနာတက္ကသိုလ် နိုင်ငံတကာစီးပွားရေးပညာနဲ့ သုတေသနဌာန၊ BACI - မြန်မာ-အမေရိကန် ကွန်မြူနတီ အင်စတီကျုနဲ့  အင်ဒီယာနာ တက္ကသိုလ် Kelly နိုင်ငံတကာစီးပွားရေးပညာသိပ္ပံ တို့က ပူးပေါင်းစီစဉ် တာဖြစ်ပြီး၊  အင်ဒီယားနား ပြည်နယ်ရောက် မြန်မာနိုင်ငံသားတွေအပါအဝင် ပရိသတ် စုစုပေါင်း ၁၅၀ လောက် တက်ရောက်ခဲ့ပါတယ်။

RFA Burmese
http://www.rfa.org/burmese


လူကုန်ကူးမှုနဲ့ပတ်သက်လို့ ထိုင်းဘက်ကအလိုရှိနေတဲ့ ထိုင်းနိုင်ငံသား စက်လှေပိုင်ရှင်ကို ရန်ကုန်တိုင်းအတွင်းမှာဖမ်းမိခဲ့ပြီးသူနဲ့ဆက်စပ်နေသူတွေကို ဖမ်းမိထားတယ်လို့ မြန်မာနိုင်ငံ လူကုန်ကူးမှု တားဆီနှိမ်နင်းရေး ရဲတပ်ဖွဲ့က ပြောပါတယ်။ မလေးရှားနိုင်ငံဘက်သွားဖို့ ကြိုးပမ်းစဉ် ရခိုင်ပြည်နယ် ရေပိုင်နက်ထဲ မကြာသေးခင်က ဖမ်းဆီးရမိခဲ့တဲ့ ဘင်္ဂလားဒေ့ရ်ှနဲ့ မြန်မာနိုင်ငံသားတချို့ပါတဲ့ လှေပိုင်ရှင်ဟာ ထိုင်းလူမျိုးဖြစ်တယ်ဆိုတာ ခြေရာခံမိရာက အခုလို ဖမ်းဆီးနိုင်ခဲ့တာဖြစ်ပါတယ်။ အပြည့်အစုံကို ဆက်သွယ်စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ပြီးခဲ့တဲ့မေလ ၂၁ ရက်နေ့က မောင်တောမြို့နယ်ထဲမှာ မြန်မာ့ရေတပ်က လှေစီးပြေးဒုက္ခသည် ၂၀၀ ကျော်ကို ဖမ်းဆီးမိခဲ့ပြီးနောက် စုံစမ်းစစ်ဆေးရာကနေ လှေပိုင်ရှင်ဟာ ထိုင်းနိုင်ငံ၊ ရနောင်းမြို့က ‘ဖိမင့်’ ဆိုသူဖြစ်ကြောင်း သတင်းထုတ်ပြန်ခဲ့ပါတယ်။ အဲဒီနောက်ပိုင်း ထိုင်းနဲ့မြန်မာ သတင်းဖလှယ်ပူးပေါင်းပြီး လူကုန်ကူးသူတွေကို ဖမ်းဆီးခဲ့ရာမှာ ထိုင်းစက်လှေပိုင်ရှင်ကို မြန်မာနိုင်ငံ၊ ရန်ကုန်တိုင်းနယ်နိမိတ်အတွင်းမှာ ဖမ်းမိခဲ့တယ်လို့ လူကုန်ကူးမှုတားဆီး နှိမ်နင်းရေး ရဲတပ်ဖွဲ့က ရဲမှူးချုပ်ဝင်းနိုင်ထွန်းက ပြောပါတယ်။

“Au Mint က ရန်ကုန်တိုင်းအတွင်းထဲမှာမိတာပါ။ အဲဒီလူက ထိုင်းကအလိုရှိနေတဲ့လူဖြစ်တယ်လို့ - ထိုင်းကအလိုရှိတဲ့အတွက် ဒီဘက်ကို အကြောင်းကြားတဲ့အတွက် ဒီဘက်က ရှာဖွေပြီးတော့ ဖမ်းလိုက်တာပေါ့နော်။ လောလောဆယ်တော့ စိစစ်ဆဲပဲရှိပါသေးတယ်။ ရန်ကုန်တိုင်းရဲတပ်ဖွဲ့က စိစစ်နေဆဲဖြစ်တော့ ကျနော်တို့က အရေအတွက်တော့ မသိသေးဘူး။ လောလောဆယ် သူနဲ့ဆက်နွယ်ပြီးတော့ ပါဝင်ပတ်သက်တဲ့သူတွေ နှစ်ယောက် သုံးယောက်လောက်တော့ စိစစ်နေတဲ့အပိုင်းပဲရှိပါသေးတယ်။ ကျနော်တို့အခုသိသလောက်တော့ ထိုင်းနိုင်ငံသားဖြစ်တယ်၊ သွားလိုက်လာလိုက်ဆိုတဲ့ သဘောပဲ ရတယ်။ သူ့ရဲ့ဖြေကြားချက်ပေါ်ပဲမူတည်တယ်။ အခုလောလောဆယ်လေ၊ ကျနော်တို့သတင်းရနေတာတော့ ထိုင်းဘက်ကပြောတဲ့ သတင်း အရတော့ မြန်မာဘက်မှာလည်းနေတယ်။ ထိုင်း citizen ဖြစ်တယ်။ ထိုင်းလူမျိုးဖြစ်တယ်၊ အဲဒါကိုပဲ ကျနော်တို့ စိစစ်တဲ့အပိုင်းပဲ ရှိပါသေးတယ်။”

ထိုင်းနိုင်ငံမှာ မြန်မာနဲ့ဘင်္ဂလားဒေ့ရ်ှနိုင်ငံသားလို့ ယူဆရတဲ့ ရွှေ့ပြောင်းလုပ်သားတွေရဲ့ရုပ်အလောင်းတွေ တွေ့ရှိခဲ့ပြီးတဲ့နောက် လူကုန်ကူးမှုမှာ ပါဝင် ပတ်သက်တယ်လို့ယူဆရသူတွေကို ထိုင်းအစိုးရက ပြင်းပြင်းထန်ထန် ဖမ်းဆီးခဲ့ပါတယ်။ အဲဒီအထဲမှာ ဒေသဆိုင်ရာ အာဏာပိုင်တွေကိုပါ ဖမ်းဆီး အရေးယူမှုတွေလည်း ပါဝင်ခဲ့ပါတယ်။ ဒီလိုအရေးယူမှုတွေအတွင်း လှေစီးပြေးဒုက္ခသည်တွေကို သယ်ဆောင်ပေးတဲ့ ထိုင်းနိုင်ငံ၊ ရနောင်းမြို့က စက်လှေပိုင်ရှင်ကိုလည်း ထိုင်းနိုင်ငံဘက်က အရေးယူနိုင်ဖို့အတွက် မြန်မာနိုင်ငံဘက်ကိုလည်း အကူအညီတောင်းခံခဲ့တယ်လို့ ဆိုပါတယ်။ ဖမ်းမိထားတဲ့ စက်လှေပိုင်ရှင်ကို မြန်မာနိုင်ငံဘက်က စစ်ဆေးနေဆဲဖြစ်ပြီး ထိုင်းနိုင်ငံကို လွှဲပြောင်းမပေးရသေးဘူးလို့ ဆိုပါတယ်။ ထိုင်းနိုင်ငံသားစက်လှေပိုင်ရှင်ကို ရန်ကုန်တိုင်း၊ မင်္ဂလာဒုံမြို့နယ်ထဲမှာ မေလ ၂၉ ရက်နေ့က ဖမ်းဆီးမိခဲ့ကြောင်း မြန်မာနိုင်ငံ ပြန်ကြားရေးဝန်ကြီးဌာနကလည်း ပြည်ထဲရေးဌာနကို ကိုးကားပြီး သတင်းထုတ်ပြန်ခဲ့ပါတယ်ရှင်။

VOA
http://burmese.voanews.com/content/thai-human-trafficking-boat-owner-arrested-in-yangon-myanmar-/2802017.html

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပါတီဗဟိုကော်မတီ စတုတ္ထအကြိမ် အစည်းအဝေး။ (မေ ၃၁၊ ၂၀၁၅/ ဓာတ်ပုံ- The Union Daily)
၂၀၁၅ ရွေးကောက်ပွဲ အောင်နိုင်ရေး လက်ရှိအာဏာရ ပါတီဖြစ်တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ပါတီဥက္ကဋ္ဌ သူရဦးရွှေမန်း ကိုယ်တိုင် ပါတီအောင်နိုင်ရေး ဗဟိုကော်မတီဖွဲ့ပြီး ဦးဆောင်ဆောင်ရွက်မှာ ဖြစ်တယ်လို့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီက ပြောဆိုလိုက်ပါတယ်။ နေပြည်တော်ပါတီဌာနချုပ်မှာ သုံးရက်တာ ကျင်းပခဲ့တဲ့ ဗဟိုကော်မတီအစည်းအဝေးမှာ လာမယ့် ၂၀၁၅ရွေးကောက်ပွဲအောင်နိုင်ရေးနဲ့ ပါတီ ကိုယ်စားလှယ်လောင်းရွေးချယ်မှု မူဘောင်သတ်မှတ်နိုင်ရေး အဓိကဆွေးနွေးခဲ့ကြတာဖြစ်ပြီး တပ်မတော်ကာကွယ်ရေးဦးစီးချုပ်အနေနဲ့ ပါတီဝင်အဖြစ် ဝင်ရောက်အရွေးခံမယ်ဆိုရင် ပါတီက ကြိုဆိုမှာဖြစ်တယ်လို့ ကိုယ်တိုင်တက်ရောက်ခဲ့တဲ့ ဗဟိုကော်မတီဝင်က ပြောဆိုလိုက်ပါတယ်။ ဆက်သွယ်စုံစမ်းထားတဲ့ မဆုမွန်ကတင်ပြပေးထားပါတယ်။

အောက်တိုဘာလကုန် နိုဝင်ဘာလဆန်းမှာ ကျင်းပဖို့ရှိတယ်လို့ ပြည်ထောင်စု ရွေးကောက်ပွဲကော်မရှင်ဘက်က ကြေညာထားတဲ့ ၂၀၁၅ ပါတီစုံ ရွေးကောက်ပွဲမှာ ပါဝင်ယှဉ်ပြိုင်ကြမယ့် ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီ ကိုယ်စားလှယ်လောင်း ရွေးချယ်မှုဆိုင်ရာ အခြေခံ မူဝါဒ သတ်မှတ်ချက်တွေနဲ့ ပတ်သက်လို့ စတုတ္ထအကြိမ် ဗဟိုကော်မတီ အစည်းအဝေးမှာ အတည်ပြုချမှတ်လိုက်ပြီဖြစ်ပါတယ်။

ဗဟိုကော်မတီအစည်းအဝေးကနေ ချမှတ်လိုက်တဲ့ ပါတီကိုယ်စားလှယ်ရွေးချယ်မှု - မူ တွေနဲ့ပတ်သက်လို့ ဗဟိုအလုပ်အမှုဆောင်အဖွဲ့ က ဦးအောင်သောင်း ဥက္ကဋ္ဌ အဖြစ် တာဝန်ယူတဲ့ ပြည်သူ့လွှတ်တော် ဘဏ်များနဲ့ငွေကြေးဆိုင်ရာ ဖွံ့ဖြိုးတိုးတက်ရေးကော်မတီရဲ့ အတွင်းရေးမှူးလည်းဖြစ် မန္တလေးတိုင်း ပြည်ခိုင်ဖြိုးပါတီ ဗဟိုကော်မတီဝင် ဦးဝင်းမြင့်က ဗွီအိုအေမြန်မာပိုင်းကို အခုလိုပြောပါတယ်။

“ကိုယ်စားလှယ်လောင်းတွေ ရွေးချယ်မှုကတော့ ၂၀၁၀ တုန်းက သက်ဆိုင်ရာမဲဆန္ဒနယ်မြေအလိုက် ဝင်ထားတဲ့ပုဂ္ဂိုလ်တွေရှိတယ်။ အခု သူတို့ လက်ရှိ ပြည်ထောင်စုလွှတ်တော်၊ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးလွှတ်တော်တွေမှာ ကျနော်တို့ ငါးနှစ်သက်တမ်းမှာ တာဝန်ယူနေတဲ့ပုဂ္ဂိုလ်တွေရှိတယ်။ အဲဒီလူတွေကို ကျနော်တို့ ဆန္ဒမေးထားတယ်။ ဒီပုဂ္ဂိုလ်တွေဟာ ဆက်လက်အရွေးခံလိုခြင်း ရှိမရှိ၊ ကျန်းမာရေး ကောင်းမကောင်းပေါ့လေ။ အဲလိုတွေ မေးထားတာရှိတယ်။ ကျနော်တို့က ဗဟိုအလုပ်အမှုဆောင်ကော်မတီကနေ ရွေးချယ်ဖို့အတွက် ဗဟိုအလုပ်အမှုဆောင်ကော်မတီ CEC ကို ကျနော်တို့က တာဝန်လွှဲလိုက်တာပါပဲ။ မကြာခင်မှာ CEC ကနေပြီးတော့ ဒါကို ထုတ်ပြန်ပေးမှာဖြစ်အပါတယ်။”

၂၀၁၀ ရွေးကောက်ပွဲတုန်းက အနိုင်ရပါတီဖြစ်ခဲ့ပြီးတော့ အစိုးရအဖွဲ့ ဖွဲ့စည်းနိုင်ခဲ့တဲ့ ပြည်ခိုင်ဖြိုးပါတီအနေနဲ့ ၂၀၁၅ ရွေးကောက်ပွဲ အောင်နိုင်ရေး အတွက် - လက်ရှိပါတီ ဥက္ကဋ္ဌ သူရဦးရွှေမန်း ခေါင်းဆောင်တဲ့ အောင်နိုင်ရေး ဗဟိုကော်မတီဖွဲ့ ပြီး ပါတီအောင်နိုင်ရေး ဆောင်ရွက်နေပါတယ်လို့ သူက ပြောပါတယ်။

“၂၀၁၀ မှာ အပြတ်အသတ် Landslide နိုင်ပြီးတော့ ကျနော်တို့က အစိုးရဖွဲ့နိုင်တာ။ ၁၅ မှာလည်း နိုင်ဖို့အတွက် အောင်နိုင်ရေးပါတီဆိုတာ အခု လက်ရှိ လွှတ်တော်ဥက္ကဋ္ဌကြီး သူရဦးရွှေမန်း ခေါင်းဆောင်ပြီးတော့ ကျနော်တို့ အောင်နိုင်ရေးကော်မတီပြန်ဖွဲ့ပါတယ်။ ပြန်ဖွဲ့တာမှာ တိုင်းနဲ့ပြည်နယ်က ပါတီဥက္ကဋ္ဌတွေလည်း ပါပါတယ်။ တိုင်းနဲ့ပြည်နယ် ပါတီဥက္ကဋ္ဌတွေဟာဆိုရင် လက်ရှိ ကျနော်တို့ပါတီရဲ့ဝန်ကြီးချုပ်တွေဖြစ်ပါတယ်။ ကျနော်တို့ပါတီက ဖြစ်ပါတယ်။ အားလုံး-ကျနော်တို့ ပြည်သူရဲ့ယုံကြည်မှုရအောင်၊ ပြည်သူတွေရဲ့ Mandate ပေးနိုင်အောင် ကျနော်တို့က ၁၅ မှာလည်းရအောင် ကျနော်တို့က ကြိုးစားမှာဖြစ်ပါတယ်။”

လာမယ့် ၂၀၁၅ရွေးကောက်ပွဲမှာ ပြည်ခိုင်ဖြိုးပါတီဘက်ကနေ တပ်မတော်သားတွေက ပါတီဝင်အဖြစ် ကိုယ်စားလှယ်လောင်း ရွေးချယ်ယှဉ်ပြိုင်ဖို့ ရှိပါသလားဆိုတဲ့ မေးခွန်းအပေါ်မှာတော့-

“တပ်မတော်သားတွေဆိုတာလည်း ပြည်သူထဲက ပြည်သူတယောက်ဖြစ်ပါတယ်။ ကိုယ်က တပ်မတော်မှာတာဝန်မထမ်းဆောင်လိုတော့ရင် တပ်မတော်ကနေ နုတ်ထွက်ခွင့်တောင်းပြီးတော့ အရပ်သားတယောက်၊ ပြည်သူတယောက်ဖြစ်သွားတဲ့အတွက် မိမိကြိုက်နှစ်သက်ရာပါတီတခုမှာ ဝင်ရောက်ပြီးတော့ နိုင်ငံရေးကိုဆောင်ရွက်လို့ရပါတယ်။ ဒါ သူ့ရဲ့ right ပါ။ တကယ်တန်းကျတော့လည်း တပ်မတော်နဲ့ကျနော်တို့ပါတီနဲ့ဟာ ၁၉၉၃ အမျိုးသားအသင်းကြီးစတင်ဖွဲ့စည်းစဉ်ကတည်းက ကျနော်တို့ရဲ့နာယကတွေဟာ တပ်မတော်ကာကွယ်ရေးဦးစီးချုပ်နဲ့ တပ်မတော်က အကြီးအကဲတွေဖြစ်ပါတယ်။ တပ်မတော်နဲ့ကျနော်တို့နဲ့က အဆက်ဆက်ကတည်းက အဆင်ပြေချောမွေ့ခဲ့တဲ့ နှစ်ဦးနှစ်ဘက် ဆက်ဆံရေးကောင်းခဲ့တဲ့ ပါတီများထဲက တခုဖြစ်ပါတယ်။”

အခုလို တပ်မတော်နဲ့ပြည်ခိုင်ဖြိုးပါတီရဲ့ အမျိုးသားအကျိုးစီးပွား ပတ်သက်မှုတွေအရ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အနေနဲ့ ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီဘက်ကနေ သမ္မတလောင်းအဖြစ် ဝင်ရောက်ယှဉ်ပြိုင်အရွေးခံဖို့ ရှိပါသလားဆိုတော့ ဗိုလ်ချုပ်မှူးကြီးအနေနဲ့ အငြိမ်းစားယူပြီး ပြည်ခိုင်ဖြိုးပါတီကို ဝင်ရောက်လာမယ်ဆိုရင် ကြိုဆိုရမှာဖြစ်တယ်လို့ အခုလိုဖြေပါတယ်။

“ဗိုလ်ချုပ်မှူးကြီးမင်းအောင်လှိုင်ကတော့ လက်ရှိတာဝန်ယူနေတဲ့ DSA အပတ်စဉ် ၁၉ ကဖြစ်ပါတယ်။ ပင်စင်ယူလိုက်ရင် သူက အရပ်သားတယောက် ဖြစ်သွားတဲ့အတွက် မည်သည့်ပါတီကိုမဆို သူဝင်လို့ရပါတယ်။ လက်ရှိနိုင်ငံ့ဝန်ထမ်းတယောက်အနေနဲ့တော့ ပါတီဝင်လို့မရဘူး။ သူ့ရဲ့တဦးချင်း စဉ်းစားဆုံးဖြတ်မှုအပေါ်မှာပဲ မူတည်မှာပါ။ ကျနော်တို့ဘက်က ပြည်ခိုင်ဖြိုးဘက်က အဲဒီလို တပ်မတော်ကနေအနားယူပြီးတော့ ဝင်လာမယ်ဆိုရင်လည်း ကျနော်တို့က ကြိုဆိုရမှာပါ။”

အရပ်သားအစိုးရ လက်ထက် ပထမဆုံးအကြိမ် ကျင်းပမယ့် ရွေးကောက်ပွဲဖြစ်တဲ့ အတွက် လွတ်လပ်ပြီး တရားမျှတမှုရှိတဲ့ ရွေးကောက်ပွဲ တရပ်ဖြစ်ပေါ်လာနိုင်ရေး အနိုင်ရ အာဏာရပါတီပြည်ခိုင်ဖြိုးပါတီဘက်က ဘယ်လို ပူးပေါင်းဆောင်ရွက်မှုရှိနိုင်ပါသလဲဆိုတာ သူက အခုလိုရှင်းပြပါတယ်။

“၂၀၁၅ ရွေးကောက်ပွဲဟာ အပြည်ပြည်ဆိုင်ရာက စောင့်ကြည့်အဖွဲ့တွေလည်း ဖိတ်ထားတယ်။ လွတ်လပ်ပြီးတော့ ပွင့်လင်းမြင်သာစွာလုပ်ပေးဖို့ ပြည်သူလူထုကလည်းတောင်းဆိုတယ်။ တခြားပါတီတွေကလည်း တောင်းဆိုတယ်။ ကျနော်တို့ ပါတီအနေနဲ့လည်း လွတ်လပ်ပွင့်လင်းစွာ၊ တရားမျှတစွာ ရွေးကောက်ပွဲတခုဖြစ်ဖို့နဲ့ ရွေးကောက်ပွဲအပြီးမှာလည်း တည်ငြိမ်အေးချမ်းတဲ့အစိုးရတခု- နော်- ဖြစ်ဖို့ဆိုပြီးတော့ အတည်ပြုဆုံးဖြတ်ချက် ရှေ့လုပ်ငန်းစဉ်ထဲမှာလည်း တခုပါပါတယ်ဗျာ။”

မေလ ၂၉ ရက်နေ့ကနေ မေလ ၃၁ ရက်နေ့အထိ နေပြည်တော် ပါတီဌာနချုပ်မှာ ကျင်းပတဲ့ ပါတီဗဟိုကော်မတီဝင် စတုတ္ထအကြိမ် အစည်းအဝေးကို တိုင်းနဲ့ပြည်နယ်အသီးသီးက ဗဟိုအလုပ်အမှုဆောင် ၊ ဗဟိုကော်မတီဝင်နဲ့ အရံဗဟိုကော်မတီဝင် စုစုပေါင်း ၂၈၂ ယောက် တက်ရောက်ခဲ့ပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com


ဒမ်မန် မေ ၃ဝ

ယမန်နေ့က ဆော်ဒီအာရေဗျနိုင်ငံ ဒမ်မန်မြို့ရှိ ရှီးယိုက်မွတ်စလင်တို့၏ ဝတ် ပြုဆုတောင်းရာ ဗလီတစ်ခုကို IS အဖွဲ့က အသေခံဗုံးဖောက်ခွဲခဲ့ရာ ဗုံးဖောက်ခွဲသူ အပါအဝင် လေးဦးသေဆုံးခဲ့ကြောင်း ဒေး လီးမေးလ်သတင်းဌာနကဖော်ပြထားသည်။ အသေခံဗုံးခွဲသူမှာ သောကြာနေ့ဝတ်ပြုဆု တောင်းသူများကို လုပ်ကြံရန်ရည်ရွယ်ခဲ့ ပြီး အမျိုးသမီးခေါင်းမြီးခြုံဝတ်စုံကို ဝတ် ဆင်ကာ အမျိုးသမီးဂိတ်ပေါက်မှဖြတ် သန်းစဉ် လုံခြုံရေးကသတိထားမိသွားပြီး နောက် အဆိုပါနေရာတွင်အသေခံဗုံး ခွဲ ခဲ့ခြင်းဖြစ်သည်။

ယခုဗုံးဖောက်ခွဲမှုသည် ဆော်ဒီအာရေ ဗျတွင် ၂၁ဦး သေဆုံးစေခဲ့သည့် အသေခံ ဗုံးဖောက်ခွဲမှုဖြစ်ပွားခဲ့ပြီးနောက် IS အဖွဲ့ ၏ဒုတိယအကြိမ်အသေခံဗုံးဖောက်ခွဲမှုနှင့် ကြုံရခြင်းဖြစ်သည်။

 ယခုဗုံးဖောက်ခွဲမှုနှင့် ပတ်သက်ပြီး IS အဖွဲ့က ၄င်းတို့၏လက် ချက်ဖြစ်ကြောင်း လူမှုကွန်ရက်စာမျက်နှာ တွင်ကြေညာထားသည်။

T 1 P (Ref: CNN)
The Union Daily
http://uniondaily.net

Author Name

Contact Form

Name

Email *

Message *

Powered by Blogger.