06/02/15

ထိုင်းမှာ လူကုန်ကူးမှုနဲ့ ပတ်သက်ပြီး ဖမ်းဆီးမှုတွေထဲမှာ ပထမဆုံး စစ်တပ် အရာရှိကြီးတစ်ဦး ပါဝင်လာခဲ့။ 
ထိုင်းနိုင်ငံမှာ လူကုန်ကူးမှုနဲ့ ပတ်သက်တယ်လို့ စွပ်စွဲ ခံရတဲ့ ထိုင်းစစ်တပ် အဆင့်မြင့် အရာရှိကြီး တစ်ယောက်ကို ထိုင်းတရားရုံးက ဖမ်းဝရမ်း ထုတ်လိုက်ပါတယ်။

ဒုတိယ ဗိုလ်ချုပ်ကြီး မာနတ်တ် ခေါ်န်ပန် Manas Kongpan ဟာ ထိုင်းစစ်တပ်ရဲ့ စစ်ဆေး မေးမြန်းမှု ခံရမှာ ဖြစ်ပြီး ရာဇဝတ်မှု စွဲချက်နဲ့ ရင်ဆိုင်ရဖွယ် ရှိပါတယ်။

သူ့ကို ဖမ်းဆီး ထိန်းသိမ်းလိုက်ပြီလား ဆိုတာကိုတော့ ရှင်းရှင်းလင်းလင်း မသိရသေးပါဘူး။

ဒီလုပ်ဆောင်မှုဟာ ထိုင်းနိုင်ငံကို ဖြတ်ပြီး လူကုန်ကူးတဲ့ လမ်းကြောင်းကို ပိတ်ပင်ဖို့ ထိုင်းအစိုးရရဲ့ ကြိုးပမ်းမှု တစိတ်တပိုင်းလည်း ဖြစ်ပါတယ်။ မြန်မာ နိုင်ငံနဲ့ ဘင်္ဂလားဒေ့ရ်ှက လာတဲ့ ရွှေ့ပြောင်းသူတွေကို လူကုန်ကူးသူတွေက မလေးရှားနိုင်ငံဆီ ခေါ်မသွားခင် ထိုင်းတောင်ပိုင်းက စခန်းတွေမှာ ထားခဲ့ကြတာ ဖြစ်ပါတယ်။

လွန်ခဲ့တဲ့ နှစ်အတန်ကြာကတော့ အဲဒီ ဗိုလ်ချုပ်ကြီးက ထိုင်းနိုင်ငံ အနေနဲ့ ရွှေ့ပြောင်း လုပ်သားတွေကို လူသားချင်း စာနာစွာ ဆက်ဆံပါတယ်လို့ ပြောခဲ့ဖူးပါတယ်။

BBC Burmese
http://www.bbc.com/burmese


ထိုင်းနိုင်ငံ ဘန်ကောက်ခရိုင်တွင်း ညအချိန်မတော် လူသွားလမ်းပေါ် ဆိုင်ကယ် အပြိုင် မောင်းနှင်တဲ့ လူငယ်စုံတွဲ ၄၃၇ ယောက်ကို ဖမ်းဆီးအရေးယူလိုက်တယ်လို့  ထိုင်းရတ် သတင်းမှာ ဖော်ပြပါတယ်။

အဲဒီလူငယ်တွေကို ဘန်ကောက်ခရိုင် နယ်မြေ ၈ ထဲမှာ ရှိတဲ့ တလတ်ဖူးလ်၊ ဘန်ယိလေးနဲ့ ဆမ်လဲ့မြို့နယ် ရဲစခန်း ၃ ခုက ရဲတပ်ဖွဲ့ဝင်အင်အား ၁၀၀ ကျော် ပူးပေါင်းပြီး   မေ ၃၁ ရက်နေ့ မနက် ၂ နာရီအချိန်က လူငယ်တွေ ဆိုင်ကယ်ပြိုင်မောင်းလေ့ရှိတဲ့ လမ်းမကို ပိတ်ဆို့ ဖမ်းဆီးခဲ့တာလို့  နယ်မြေ ၈ ရဲတပ်ဖွဲ့က  ရဲမှူးကြီး ၀ိဆန် ဖန်းထုမ့်မနီး က သတင်းထောက်တွေကို ပြောပါတယ်။

ဖမ်းဆီးထားတဲ့ လူငယ်တွေထဲမှာ အမျိုးသား  ၃၇၇ ယောက်၊ အမျိုးသမီး ၆၆ ယောက် ပါဝင်ပြီး အသက် ၁၈ နှစ်အောက် လူငယ်က ၁၂၅ ယောက် ပါဝင်တယ်လို့ ဆိုပါတယ်။

အချိန်မတော် သောင်းကျန်းတဲ့ လူငယ်တွေကို ဖမ်းမိဖို့ အထူးစီမံချက်ဖွဲ့စည်းပြီး ၃ ပတ်ကြာ အချိန်ယူ ပြင်ဆင်ခဲ့ရတယ်လို့  ရဲမှူးကြီးက ဆက်ပြောပါတယ်။

အဲဒီလူငယ်တွေကို မူးယစ်ဆေးဝါးနဲ့ အရက်သေစာသောက်စားမှုတွေကိုပါ စစ်ဆေးရာမှာ ကိုယ်ဝန် ၈ လ ရှိ အသက် ၂၀ အရွယ် မိန်းကလေးငယ်တဦးပါ ပါဝင်တယ်လို့ ဆိုပါတယ်။

ဒီလူငယ်တွေနဲ့အတူ ပိုင်ရှင်ရှိ မော်တော်ဆိုင်ကယ်  ၂၅၁ စီး၊ ပိုင်ရှင်မဲ့ ဆိုင်ကယ် ၂၁ စီးကိုပါ ဖမ်းဆီး ထိန်းသိမ်းထားပြီး ပိုင်ရှင်မဲ့ဆိုင်ကယ်ကတော့ ထွက်ပြေးလွတ်မြောက်နေတဲ့ လူငယ်တွေရဲ့ ဆိုင်ကယ်ဖြစ်နိုင်ကြောင်း၊ ပိုင်ရှင်က လိုက်မလာရင် နိုင်ငံပိုင်အဖြစ် သိမ်းဆည်း သွားမယ်လို့ ဆိုပါတယ်။

လောလောဆယ် အသက်မပြည့်တဲ့ ဆိုင်ကယ်မောင်းလူငယ်တွေကို လူငယ် အကျဉ်းထောင်မှာ ထိန်းသိမ်းထားပြီး ၁၈ နှစ်အထက် လူငယ်တွေကိုတော့ ရဲစခန်း ၃ ခုမှာ ခွဲပြီး ထိန်းသိမ်းထားကြောင်း၊ သူတို့ကို အများပြည်သူလုံခြုံရေးကို မထေမဲ့မြင်ပြုမူမှုနဲ့ အရေးယူ သွားမယ်လို့ ရဲမှူးကြီးက ပြောပါတယ်။

အနောက်ကနေ လိုက်စီးတဲ့ လူငယ်တွေကိုတော့ လူတဦးကို ဘတ် ၅၀၀ ဒဏ်ငွေရိုက်ပြီး ရဲစခန်းမှာ မင်နီတားပြီး မှတ်တမ်းတင်ထားကြောင်း၊ ဒါ့အပြင် မိမိသားသမီးကို ဂရုမစိုက်၊ ဆိုဆုံးမခြင်း မရှိတဲ့ မိဘအုပ်ထိန်းသူတွေပါ ခေါ်ယူသတိပေးခဲ့တယ်လို့ ထိုင်းသတင်းမှာ ဖော်ပြ သွားပါတယ်။

 By ဒီဗွီဘီ
http://burmese.dvb.no


လှေစီးဒုက္ခသည် ဘင်္ဂလီ ၇၂၇ ယောက်ပါ သင်္ဘောတစီးကို မြန်မာရေတပ်က ဘင်္ဂလားဒေ့ရှ် ရေပိုင်နက်အတွင်းသို့ ပို့ဆောင်ပေးခဲ့ကြောင်း သိရသည်။ အဆိုပါ သင်္ဘောကို လွန်ခဲ့သော ၄ ရက်က ကပ္ဗလီပင်လယ်အတွင်း တွေ့ရှိ ထိန်းသိမ်းခဲ့ခြင်းဖြစ်ကြောင်း ပြန်ကြားရေးဝန်ကြီး က ပြောသည်။

ကပ္ဗလီပင်လယ်တွင် မျောနေသော ငါးဖမ်းသင်္ဘောသည် ဘင်္ဂလားဒေ့ရ်ှနိုင်ငံသို့ သွားရောက်လိုသူများသာဖြစ်ကြောင်း သမ္မတ၏ပြောရေးဆိုခွင့်ရှိသူ ပြန်ကြားရေးဝန်ကြီး ဦးရဲထွဋ် က ပြောသည်။

“မြန်မာရေတပ်က သူတို့ကို ဘင်္ဂလားဒေ့ရ်ှဘက်ကို လိုက်ပို့ပေးမှာပါ။ သူတို့အတွက် အစာရေသာနဲ့ အခြားလိုအပ်တဲ့ပစ္စည်းတွေ ထည့်ပေးလိုက်မှာပါ။”ဟု ဦးရဲထွဋ်က Reuters သို့ ဖုန်းဖြင့်ဖြေကြားသည်။

“ဒါဟာ သူတို့ရဲ့ဆန္ဒအပေါ်လိုက်ပြီး ဆောင်ရွက်ပေးတာပါ။ သူတို့နဲ့ပူးပေါင်းပြီး ဘင်္ဂလားဒေ့ရ်ှကို ပို့ပေးမှာပါ။”

၎င်းရွှေ့ပြောင်းနေထိုင်လိုသူများသည် မည်သည့်နိုင်ငံမှဖြစ်ကြောင်းကိုမူ ဦးရဲထွဋ်က မဖြေကြားခဲ့ချေ။

Reuters
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ဓါတ်ပုံ- မေလ ၂၂ ရက်နေ့က ကွယ်လွန်သွားသော ဦးမြင့်အောင်
ဂျွန်လ ၁ ရက်၂၀၁၅

မြေသိမ်းခံရမှုကြောင့် မိမိကိုယ်ကိုဓါတ်ဆီလောင်း မီးရှို့ဆန္ဒပြကာသေ ဆုံးသွားသူ ဦးမြင့်အောင်၏ မိသားစုဝင်များအား မိမိပိုင်မြေယာတွင် စိုက်ပျိုးရေးလုပ်ကိုင်နေပါလျှက် အရှေ့ပိုင်းတိုင်း စစ်ဌာန ချုပ် ရ.ပ.ခ ပိုင်စိုက်ခင်းကျူးကျော်မှုဆိုကာ ဗိုလ်မှူးကြီး ၀င်းထွန်းအောင်က ရွှေညောင်ရဲ စခန်း တွင် အမှုဖွင့် တိုင်တန်းထားသည်ဟုသိရသည် ။

ရပခ တိုင်းရုံးစိုက်ခင်းအဖြစ် သိမ်းပိုက်ခံရသည့် မိမိဘိုးဘွားပိုင်ယာမြေအား အာဏာပိုင်ဘက်မှ ပြန်မပေးသဖြင့် မိမိကိုယ်မိမိ ဓါတ်ဆီလောင်းမီးရှို့ ဆန္ဒပြကာ သေဆုံးသွားသူ ဦးမြင့်အောင်၏ တူမ ဒေါ်မော်မော် ဦးနှင့် ဒေါ် စန်းမြင့်တို့သည် အသိမ်းခံရ မိမိတို့မြေတွင် ဆက်လက် စိုက်ပျိုးနေသည့် အပေါ် ဗိုလ်မှူးကြီး ၀င်းထွန်းအောင်က တပ်ပိုင်မြေအား ကျူးကျော် စိုက်ပျိုးသည်ဟုဆိုကာ ၄င်းတို့နှစ်ဦးအား အရေးယူပေးပါရန် ရွှေညောင် နယ် မြေရဲစခန်းသို့ တိုင်တန်းထားသည့်အတွက် ရဲစခန်းမှ ၄င်းတို့နှစ်ဦးအား (ပ)၄၁/၂၀၁၅၊ ပြစ်မှု ၄၄၃ ၊ ၄၂၇ အရအရေးယူထားကြောင်း တာဝန်ရှိသူများထံမှ သိရှိရပါသည် ။

" ဒီလိုလုပ်ရပ်မျိုးဟာ လူသားချင်းစာနာမှုမရှိတဲ့လုပ်ရပ်ပဲ ၊ သေတဲ့လူ ကလည်း သေသွားပြီးပြီ ၊ဒီလို လုပ်ရပ်မျိုးကို ရှုတ်ချတယ် ၊ အားလုံးကလည်း လျစ်လျူရှုမထားပါဘူး၊ စောင့် ကြည့်နေကြပါ တယ် ။ ကျနော်တို့အနေနဲ့ အာမခံရအောင်နဲ့ ဥပဒေလမ်းကြောင်းအရ နစ်နာ သူမိသားစုတွေဘက်က အားလုံး ကူညီပေးဖို့အ ဆင်သင့်ပါ " ဟု တောင်ကြီးခရိုင် NLD ဥက္ကဌ ဦးတင်မောင်တိုး ကပြောသည် ။

ရ.ပ.ခပိုင်စိုက်ခင်းအတွင်းကျူးကျော်စိုက်ပျိုးနေသူများအားစာဖြင့်လည်းကောင်း၊ နှုတ်ဖြင့်လည်း ကောင်း၊ ရပ်ကွက်အုပ်ချုပ်ရေးမှူး များအားသက်သေ အဖြစ်ထားကာ ကျူးကျော်ဝင်ရောက် စိုက်ပျိုး ခြင်းမပြုရန်အကြိမ်ကြိမ် သွားရောက် တားမြစ်သတိပေးသည်ဟုလည်း အာဏာပိုင်များက ဆိုပါသည်။

မေလ (၂၁) ရက်နေ့ နံနက်(၇) နာရီ ၀န်းကျင်ခန့်တွင် ဦးမြင့်အောင် ဆိုသူ သည် " (ရ.ပ.ခ) ကသိမ်းယူထားတဲ့ ငါတို့ပိုင်မြေယာတွေပြန်ပေး ၊ ရေပူရွာ က ရာအိမ်မှူး နဲ့မြေတိုင်းစာရေး တို့အကျင့်ပျက်ခြစားမှုတွေကြောင့် ငါတို့ လယ်ယာမြေတွေဆုံးရှုံးသွားတာမကျေနပ်ဘူး " ဟူ၍ သေတမ်းစာရေးကာ အိမ်သားများမရှိချိန်တွင် မိမိကိုယ်ကိုဓါတ်ဆီလောင်း မီးရှို့ဆန္ဒပြကာ သေဆုံးသွားခဲ့မှုဖြစ်ပွားခဲ့ပါသည် ။

သျှမ်းသံတော်ဆင့် (ယိင်းတိုင်း)
https://www.facebook.com/Panglong.burmese

အိမ်ဖြူတော်မှာ သမ္မတနဲ့ တွေ့ဆုံခွင့်ရကြတဲ့ အရှေ့တောင်အာရှလူငယ်တွေထဲက သမ္မတကို ဖိတ်ခေါ်ဖို့ ရွေးချယ်ခံခဲ့ရသူ မဇင်မာမြင့်။ 
မြန်မာလူငယ်တွေရဲ့ကြိုးပမ်းချက်တွေကို အမေရိကန်သမ္မတ အိုဘားမားကိုယ်တိုင်ချီးကျူး ပြောဆို ခဲ့တဲ့ အတွက်ဂုဏ်ယူ အားတက်မိကြောင်း တနင်္လာနေ့က အမေရိကန်သမ္မတအိမ်ဖြူတော်မှာ ကျင်းပတဲ့ သမ္မတအိုဘားမားနဲ့တွေ့ဆုံပွဲကိုတက်ရောက်ခဲ့တဲ့ မြန်မာလူငယ်တွေက ပြောပါတယ်။ သမ္မတအိုဘားမားရဲ့ (YSEALI) အစီအစဉ်မှာပါဝင်တဲ့ အာဆီယံလူငယ်ခေါင်းဆောင်များတွေ့ဆုံပွဲမှာ မြန်မာလူငယ်စုစုပေါင်း (၉) ဦးပါဝင်ခဲ့တာပါ။ အဲဒီထဲက တချို့ကို မအင်ကြင်းနိုင်ကဆက်သွယ်မေးမြန်းတင်ပြထားပါတယ်။

အမေရိကန်သမ္မတရဲ့ (YSEALI) လို့ခေါ်တဲ့ အရှေ့တောင်အာရှ လူငယ်ခေါင်းဆောင်များ ဦးဆောင်ဦးရွက်ပြုမှု အစီအစဉ်အရ ရွေးချယ်ခံရတဲ့ အာဆီယံဒေသတွင်း လူငယ် (၇၅) ဦးဟာ အမေရိကန်ပြည်ထောင်စုတဝန်းက သူတို့နဲ့သက်ဆိုင်တဲ့ နယ်ပယ်တွေမှာ သွားရောက်ပြီး သီတင်း ငါးပတ်ကြာလေ့လာနေကြတာပါ။ အမေရိကန်သမ္မတ ဘရက်ခ်အိုဘားမားနဲ့ မနေ့ကတွေ့ဆုံပွဲမှာ YSEALI အဖွဲ့မှာပါတဲ့လူငယ်တွေကို ကိုယ်စားပြုပြီး မြန်မာလူငယ်တဦးဖြစ်တဲ့ မဇင်မာမြင့်က အဖွင့်အမှာစကားပြောခွင့်ရခဲ့ပါတယ်။ သူဟာ ပညာပဒေသာဂျာနယ်ရဲ့ အယ်ဒီတာ တဦး ဖြစ်ပါတယ်။

“”

သမ္မတအိုဘားမားမိန့်ခွန်းမှာလည်း မြန်မာလူငယ် ဆရာဝန်တဦးဖြစ်တဲ့ ဒေါက်တာခိုင်သစ္စာမောင်အနေနဲ့ နှုတ်ခမ်းကွဲနေတဲ့ကလေးသူငယ်တွေကို အခမဲ့ခွဲစိတ်ကုသပေးရေးမှာကူညီပါဝင်နေသူတဦးအနေနဲ့ ချီးကျူးဂုဏ်ပြုစကားပြောသွားပါတယ်။

“Hello Everyone, မင်္ဂလာပါ။ My name is Zin Mar Myint. And I’m from Yangon, Myanmar… ”

မေး။ ။ သမ္မတအိုဘားမားနဲ့တွေ့ဆုံပွဲမှာ မဇင်မာမြင့်ကပေါ့နော် မြန်မာတဦးအနေနဲ့ အရှေ့တောင်အာရှက လာတဲ့ လူငယ်ခေါင်းဆောင်အားလုံးကို ကိုယ်စားပြုပြီးတော့ သမ္မတအိုဘားမားကို ဖိတ်ခေါ်ခွင့်ရတဲ့အပေါ်မှာ အဲဒီအတွေ့အကြုံကို ပြောပါအုံးရှင့်။

ဖြေ။ ။ အရမ်းဝမ်းသာရတာပေါ့နော်၊ အားလုံးထဲမှာမှ၊ လူတွေ အများကြီးထဲမှာမှ မြန်မာကိုရွေးတယ်ဆိုတော့ ကမ္ဘာ့အလယ်မှာ မြန်မာတဦးအနေနဲ့ ပြောခွင့်ရတဲ့အတွက်တော့ ကျေးဇူးလည်းတင်ရတာပေါ့နော်။ အရမ်းလည်းဂုဏ်ယူမိပါတယ်။ အရမ်းလည်း ဝမ်းသာမိပါတယ်အမ။

မေး။ ။ သမ္မတအိုဘားမားကို ဖိတ်ခေါ်ဖို့ ဘယ်လိုပြင်ဆင်ခဲ့လဲရှင့်။

ဖြေ။ ။ ပထမကတော့ State Department က ဆက်သွယ်လာတုန်းကတော့ Introduce လုပ်ဖို့ဆိုပြီး မသိဘူး။ သူတို့က ညီမရဲ့ story ကို စ်ိတ်ဝင်စားတယ်။ Introduce လုပ်ဖို့လူကောင်းတယောက်ဖြစ်မယ်ဆိုပြီးတော့ သူတို့က လာပြီးတော့ ဆက်သွယ်လာတာ။ လက်ခံလိုက်တယ်။ ဒါပေမယ့် ချက်ခြင်းပဲသူတို့က ဘာပြောမှာလဲတဲ့။ အဲလိုဆိုတော့ Preparation လုပ်ထားတာမရှိတော့ နှစ်နာရီလောက်တော့ အချိန်ပေးပါ-ပေါ့နော်၊ အဲလိုဆိုလို့ရှိရင် သေချာ Prepare လုပ်ပြီးရင် ပြန်ပြောပေးပါမယ်ဆိုပြီးတော့ ပြင်ဆင်လိုက်တာ။ ဒါပေမယ့် အဓိက-ကတော့ ကိုယ့်အကြောင်းကိုပဲ ကိုယ်ပြင်ဆင်တယ်။ ကိုယ့်ရဲ့ Background လေးကိုပြောတယ်။ ပြီးတော့ YSEALI ကြောင့် ရခဲ့တဲ့သင်ခန်းစာတွေ - အဲဒီဟာတွေ ပြောတယ်။ YSEALI ကို သိခဲ့တာကလည်း သမ္မတအိုဘားမား ဂျူဘလီဟောလ်မှာ ပြောခဲ့တဲ့ Speech ကို နားထောင်ပြီးတော့ပဲ သိခဲ့တာဆိုတော့ အဲဒါလေးကိုပဲ ပြန်ပြီးတော့ အစဖော်ရင်ကောင်းမယ်ဆိုပြီးတော့ အဲလိုမျိုး စဉ်းစားပြီးတော့ ရေးလိုက်တာ။ အဲဒါကိုမှ သူတို့က ပြန်နားထောင်သေးတယ်။ သူတို့ကြိုက်တော့မှပဲ လက်ခံလိုက်တာ။

သမ္မတအိုဘားမားမိန့်ခွန်းမှာလည်း မြန်မာလူငယ် ဆရာဝန်တဦးဖြစ်တဲ့ ဒေါက်တာခိုင်သစ္စာမောင်အနေနဲ့ နှုတ်ခမ်းကွဲနေတဲ့ကလေး သူငယ်တွေကို အခမဲ့ခွဲစိတ်ကုသပေးရေးမှာ ကူညီပါဝင်နေသူတဦးအနေနဲ့ ချီးကျူးဂုဏ်ပြုစကားပြောသွားပါတယ်။

မေး။ ။ သမ္မတအိုဘားမားကိုယ်တိုင် မခိုင်သစ္စာမောင်ကို မိတ်ဆက်ပြီး သူပြောသွားတယ်ပေါ့နော်။ အခု သူတွေ့ခဲ့တဲ့ ဆရာဝန်တွေထဲမှာ မခိုင်သစ္စာမောင်က အသက်အငယ်ဆုံးဆရာဝန်အဖြစ်ပေါ့နော်- သမ္မတကနေ ဒီလို ချီးကျူးသွားတာကို မခိုင်သစ္စာမောင်ရော ဘယ်လိုမြင်လဲရှင့်။

“အော်- ညီမလား၊ အရမ်းလည်း ဝမ်းသာပါတယ်၊ အရမ်းလည်း ဂုဏ်ယူပါတယ်။ ကိုယ်လုပ်ခဲ့တဲ့အလုပ်တွေအတွက် ပွဲပြီးတဲ့အချိန်မှာ လာနှုတ်ဆက်တဲ့ အချိန်မှာလည်း ‘Thank you for …. Everything you’re doing…တဲ့။’ ပြီးတော့လည်း တကယ်ပါ-တဲ့။ seriously you look like your 14 တဲ့ သူက ဆက်ပြောတယ်အမ။ ညီမစိတ်ထဲမှာ အရမ်းလည်း ကျေလည်းကျေနပ်တယ်။ ပျော်လည်းအရမ်းပျော်ပါတယ်။”

မေး။ ။ ဟုတ်ကဲ့၊ အဲဒီတော့ မခိုင်သစ္စာမောင်က မြန်မာနိုင်ငံမှာ ဆရာဝန်တဦးအနေနဲ့ ဘာတွေများ ဆောင်ရွက်နေပါလဲရှင့်။

ဖြေ။ ။ ဝိတိုရိယဆေးရုံမှာ ညီမ အလုပ်လုပ်ပါတယ်။ International relation နဲ့ Public relation …. အလုပ် လုပ်နေပါတယ်။ ညီမအားနေတဲ့ free time တွေအကုန်လုံးမှာ ညီမက ဗစ်တိုးရီးယား …. ဖောင်ဒေးရှင်းဆိုတဲ့ ဖောင်ဒေးရှင်းနဲ့ ညီမက အာခေါင်ကွဲ၊ နှုတ်ခမ်းကွဲကလေးတွေ၊ မတတ်နိုင်တဲ့ကလေးတွေအကုန်လုံးကို ညီမတို့ကနေပြီးတော့ အခမဲ့ ခွဲစိတ်ကုသပေးပါတယ်။ မနှစ်က ၂၀၁၄ မှာ အယောက် ၂၀၀ ကျော် ခွဲခဲ့ပါတယ်။ ဒီနှစ် ၂၀၁၅ ၊ အောက်တိုဘာမှာလည်း အယောက်တရာကျော် ထပ်ခွဲဖို့ရှိပါတယ်။ နောက်ပြီးတော့ ညီမတို့က နားမကြားတဲ့ကလေးတွေအတွက်လည်း copier implant ပေါ့နော်၊ နားအကြားအာရုံထည့်ပေးတဲ့ စက်ကလေး၊ implant လေးကိုလည်း နားထဲထည့်ပေးပြီးတော့ ဒီကလေးကို စကားပြောတတ်အောင် ထပ်ပြီးတော့ သင်ပေးပါတယ်။ အဲလိုတွေလည်း လုပ်ပေးပါတယ်။ ပြီးတော့လည်း နယ်လှည့်ပြီးတော့ ဆေးကုသတဲ့အစီအစဉ် ဆရာဝန်ကြီးတွေနဲ့ တတ်ကျွမ်းတဲ့ဆရာဝန်ကြီးတွေ အကုန်လုံးကိုလည်း ခေါ်သွားပြီးတော့ နယ်လှည့်ပြီးတော့ ဆေးကုသတာကိုလည်း ကျမတို့ ၇ ခေါက် သွားပြီးပါပြီရှင့်။

တက်ရောက်လာတဲ့ အာဆီယံဒေသတွင်းလူငယ်တွေဘက်က သမ္မတအိုးဘားမားနဲ့အပြန်အလှန်မေးခွန်းမေးရာမှာ မြန်မာနိုင်ငံမှာ ခရီိးသွားလုပ်ငန်းလုပ်ကိုင်နေတဲ့ ချင်းတိုင်းရင်းသားလူငယ် မုန်ပီးတယောက်လည်းပါပါတယ်။

မေး။ ။ သမ္မတအိုဘားမားနဲ့တွေ့ဆုံပွဲမှာ မုံပီး ကိုယ်တိုင် မေးခွန်းမေးသွားတဲ့ဟာနဲ့ အတွေ့အကြုံကို ပြောပြပါအုံးရှင့်။

ဖြေ။ ။ ဟုတ်ကဲ့၊ ကျနော်မေးတဲ့မေးခွန်းကပေါ့နော်၊ ဒီမြန်မာနိုင်ငံမှာ ကြီးပွားပိုင်းဆိုင်ရာနဲ့ပတ်သက်ပြီး အမေရိကန်နိုင်ငံက ဘယ်လိုမျိုး contribute လုပ်နိုင်မလဲ၊ အခြေအနေဘယ်လိုရှိလဲဆိုတဲ့ဟာ ဘာတွေ တွေ့ထားတယ်ဆိုတဲ့ဟာ ကျနော်မေးတဲ့မေးခွန်းပေါ့နော်။ သူလည်း ဖြေထားတာတော့ ကျနော်တို့နိုင်ငံမှာ အများကြီးပိုပြီးတော့ လုပ်ဖို့ လိုသေးတယ်။ transparent – ဒီ ကျနော်တို့ institution ပိုင်းမှာဖြစ်ဖြစ် လုပ်ငန်းပိုင်းဆိုင်ရာမှာ transparency အများကြီးဖြစ်ဖို့ လိုသေးတယ်။ ပြီးတော့ စင်ကာပူကို ဥပမာပေးပြီးတော့ ပြောသွားတာပေါ့နော်။ သူတို့မှာ ဘာမှကို မရှိဘူး။ ဒါပေမယ့် သူတို့မှာက ဒီလိုမျိုး ကမ္ဘာကို service ပေးနိုင်တဲ့အရည်အချင်းရှိတဲ့ဟာမျုိးမှာ ကျနော်တို့ စင်ကာပူနိုင်ငံကနေ အများကြီး သင်ယူလို့ရတယ်ဆိုတဲ့ဟာမျိုး ကြီးပွားရေးပိုင်းဆိုင်ရာမှာ လွတ်လွတ်လပ်လပ် လုပ်ပိုင်ခွင့်တွေ ပေးသင့်တယ်၊ အဲလိုမျိုး ဦးစားပေးပြီး ပြောသွားတာပေါ့နော်။

အမေရိကန်သမ္မတရဲ့ (YSEALI) လို့ခေါ်တဲ့ အရှေ့တောင်အာရှ လူငယ်ခေါင်း ဆောင်များ ဦးဆောင်ဦးရွက်ပြုမှု အစီအစဉ်အရ အာဆီယံ ဒေသတွင်း နိုင်ငံရေး၊ လူမှုရေး၊ စီးပွားရေးနဲ့ကျန်းမာရေး နယ်ပယ်အသီးသီးမှာ ထူးထူးချွန်ချွန်ဆောင်ရွက်လုပ်ကိုင်နေတဲ့ လူငယ်တွေကို အမေရိကန်ပြည်ထောင်စုမှာ လာရောက်လေ့လာဖို့ ဖိတ်ခေါ်တာဟာ ပထမဆုံးအကြိမ် ဖြစ်ပါတယ်ရှင်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com/

ဓာတ်ပုံ (Getty)
ဇွန်၂ ရက် ယူ ၂၀ ကမ္ဘာ့ဖလား ဘောလုံးပြိုင်ပွဲအဖြစ် မြန်မာနဲ့ယူကရိန်းတို့ ကစားရာမှာတော့ မြန်မာ အသင်းက ယူကရိန်းအသင်းကို ၆ ဂိုး ဂိုးမရှိနဲ့ ရှုံးနိမ့်သွားပါတယ်။

ပထမပိုင်းမှာတော့ ဂိုးမရှိသရေကျခဲ့ပေမယ့် ဒုတိယပိုင်းပွဲချိန် ၁၀ မိနစ်အတွင်းမှာ ယူကရိန်းအသင်းက အဖွင့်ဂိုး အပါအ၀င် ၃ ဂိုးသွင်းယူသွားတာ ဖြစ်ပါတယ်။

ဂိုးပြတ်ရှုံးနိမ့်သွားတဲ့အတွက် မြန်မာ အသင်းရဲ့ အုပ်စု ဒုတိယအဆင့်တက်ရေး မျှော်လင့်ချက်ဟာ မှေးမှိန်ခဲ့ပါတယ်။

ဒုတိယပိုင်းစပြီး မြန်မာ အသင်းက ထိုးဖောက်တိုက်စစ်ဆင်ဖို့ ကြိုးစားခဲ့ပေမယ့် ယူကရိန်း ဂိုးပေါက်ကို ထိရောက်တဲ့ ခြိမ်းခြောက်မှုတွေ မလုပ်နိုင်ခဲ့ပါဘူး။

ပွဲစပြီး ၄၇ မိနစ်မှာ မြန်မာ အသင်း ဂိုးရှေ့မှာ ပြစ်ဒဏ်ဘော ယူကရိန်း အသင်းက ကန်ခွင့်ရခဲ့ပါတယ်။ ဒါပေမယ့် ယူကရိန်းအသင်းက ကန်သွင်းရာမှာ ဘောလုံးကများပြီး ဂိုးဘားတန်းကျော်သွားပါတယ်။

ဒုတိယပိုင်း မိနစ် ၅၁ မှာတော့ ယူကရိန်း အသင်းက ခေါင်းတိုက်ပြီး ဦးဆောင်ဂိုး ရရှိသွားခဲ့ပါတယ်။ ဒုတိယပိုင်း ၅၄ မိနစ်မှာတော့ ယူကရိန်းအသင်းက တန်ပြန်တိုက်စစ်ကနေ တဆင့် ဒုတိယဂိုး ရရှိသွားပါတယ်။ ဒုတိယပိုင်း ၅၇ မိနစ်မှာတော့ ယူကရိန်း အသင်းက တတိယဂိုး သွင်းယူသွားပါတယ်။

ဒုတိယပိုင်း ၆၇ မိနစ်မှာ ယူကရိန်းအသင်း စတုတ္တဂိုး ရရှိသွားပါတယ်။ ဒီပွဲမှာ ယူကရိန်း အသင်းက ခပ်မာမာ ကစားသွားပါတယ်။ ပွဲချိန် ၇၁ မှာတော့ ယူကရိန်းအသင်းက ပဉ္စမဂိုး သွင်းယူသွားခဲ့ပါတယ်။

ပထမဂိုး ပေးခဲ့ရပြီးတဲ့နောက် မြန်မာ အသင်းက နောက်တန်းလူတွေ ကစားကွက်ပျက်သွားခဲ့သလို မြန်မာ အသင်း ဂိုးသမား ရှေ့ကို အရမ်းထွက်နေတာကို ယူကရိန်းအသင်းက အခွင့်ကောင်းရယူသွားနိုင်ပါတယ်။ ယူကရိန်းအသင်းက ရှေ့တန်း ကစားသမားတွေကို မြန်မာ အသင်း နောက်တန်းလူတွေ သေချာ ကပ်မကစားဘဲ လွတ်ထားခဲ့ပါတယ်။

ပွဲချိန် ၇၃ မိနစ်မှာ မြန်မာ ကစားသမား သီဟထက်အောင် ယူကရိန်းအသင်းက ဂိုးသွင်းတာကို လက်နဲ့ ပုတ် လိုက်တဲ့ အတွက် အနီကတ်ပြခဲ့ပြီး ပင်နယ်တီပေးခဲ့ပါတယ်။ ယူကရိန်း အသင်းက ပင်နယ်တီကို ၀င်အောင် ကန်နိုင်ခဲ့ခြင်း မရှိပါဘူး။

ပွဲချိန် ၇၆ မိနစ်မှာ ယူကရိန်း အသင်းက ဆဋ္ဌမဂိုး သွင်းယူသွားခဲ့ပါတယ်။

မြန်မာ အသင်းထိုးဖောက်ခဲ့ပေမယ့် ယူကရိန်း အသင်းနောက်တန်းကို ကျော်နိုင်ခြင်း မရှိပါဘူး။ တဦးခြင်း ဘောလုံးစွမ်းရည်၊ ခန္ဓာကိုယ် ကြံ့ခိုင်တောင့်တင်းမှုနဲ့ အပြေးမှာ မြန်မာ အသင်းက ယူကရိန်းကို ယှဉ်နိုင်ခဲ့ခြင်းမရှိပါဘူး။

By ဒီဗွီဘီ
http://burmese.dvb.no

(၁)

အခုတလော...မီဒီယာတွေထဲက ..
ထူးခြားတဲ့သတင်းတစ်ခုကိုတွေ့ရပါတယ်

အဲဒါကဘာလဲဆိုတော့..
မြန်မာ U-20 အသင်းကို အမေရိကန်နည်းပြက..
ချီးကျုးပြီး..၊ သူတို့တွေမထင်မှတ်လောက်အောင်
မြန်မာအသင်းက ထက်မြက်တယ်..လို့
ဝန်ခံလိုက် တဲ့သတင်းရယ်..၊

ပြီးတော့ ..မြန်မာ-အမေရိကန် အုပ်စုပွဲကျင်းပတဲ့..
နယူးဇီလန်နိုင်ငံရဲ့
နယူးဇီလန်နိုင်ငံ Whangarei မြို့တော်ဝန်က
မြန်မာအသင်းနားနေဆောင်အထိလာပြီး..
သူတို့မြို့သူမြို့သားတွေက...
မြန်မာအသင်းကိုပဲအားပေးတယ်ဆိုတဲ့အကြောင်း
သူကိုယ်တိုင်လဲ မြန်မာအသင်းရဲ့..
ကြိုးစားမှုတွေကိုကြည့်ပြီး..
မြန်မာအသင်းကိုပဲအားပေးကြောင်း
သတင်းတွေဖြစ်ပါတယ်...၊

------------------------

(၂)

အဲဒီသတင်းတွေကိုကြည့်ပြီး..
ကျွန်တော်တို့စိတ်ထဲမှာ..
အတိုင်းထက်အလွန်ဂုဏ်ယူသွားသလို..
ဝမ်းနည်းစိတ်မကောင်းလဲဖြစ်သွားရပါတယ်..

ဘာကြောင့်လဲ..သိလား..?

ဝမ်သာဂုဏ်ယူမိတာက...
ကျွန်တော်တို့မြန်မာအသင်းကို..
သူတို့တွေအသိအမှတ်ပြုကြောင်း..
လေးစားကြောင်း...၀န်ခံသွားလို့ပါ..၊

ကျွန်တော်တို့မြန်မာအသင်းရဲ့..
စွမ်းဆောင်မှုတွေကို..
အသိအမှတ်ပြုပြီး..ချီးကျူးသွား
တဲ့အတွက်..
မြန်မာနိုင်ငံသားတစ်ယောက်အနေနဲ့
ကျွန်တော်တို့၈ုဏ်ယူမိတာပါ..

----------------

(၃)

ဝမ်းနည်းရတာကတော့..

ကျွန်တော်တို့မြန်မာအသင်းကို..
ချီးကျူးတဲ့သူတွေလိုမျိုး..
စိတ်ဓာတ်တွေ..

ကျွန်တော်တို့နိုင်ငံက..လူတွေမှာ..
မရှိလို့ပါ...၊

အထူးသဖြင့်...
အဲဒီလိုမျိုး..စိတ်ဓာတ်ကောင်းတွေဟာ..
အုပ်ချုပ်သူလူတန်းစားမှာ..
လုံးဝမရှိပါဘူး..

သူတို့ဟာ...
ငါသိငါတတ်လူတန်းစာတွေ
ဖြစ်နေလို့ပါပဲ..၊

--------------------------

(၄)

ကျွန်တော်တို့ဆီက..
အာဏာရှင်အနွယ်တွေဟာ..

လူတစ်ယောက်က..
အမှန်တကယ်..ပညာတတ်တာကို
အရည်အချင်းရှိတာကို..
ကိုယ့်ထက်အဆများစွာသာတာကို...
ချီးကျူးလေးစားတဲ့စိတ်မျိုးတွေ၊

အရည်အချင်းရှိသူကို...
လူသိရှင်ကြားချီးကျူးပြီး..
သူတို့အားနည်းချက်ကို...
ဝန်ခံတဲ့စိတ်မျိုးတွေ..၊

ဇွဲသတ္တိရှိရှိနဲ့ ကြိုးစားနေတဲ့သူကို..
ပွင့်လင်းစွာ ချီးကျုးတဲ့စိတ်မျိုးတွေ..၊

ကျွန်တော်တို့နိုင်ငံရဲ့
အုပ်ချုပ်သူအာဏာပိုင်တွေမှာ..
လုံးဝ...လုံးဝ...မရှိပါဘူး..၊

အဲဒါကြောင်လဲ..

ကျွန်တော်တို့နိုင်ငံရဲ့..
အုပ်ချုပ်ရေးယန္တရားထဲမှာ...
ပညာရှင်တွေနေရာမရတဲ့အပြင်..

နိုင်ငံတကာကလေးစားတဲ့..
အမျှော်အမြင်ကြီးမားတဲ့..
လူထုခေါင်းဆောင်ကိုတောင်မှ..

အကြီးအကျယ်..ကလိန်ကကျစ်လုပ်ပြပြီး..

အောက်တန်းကျကျ တိုက်ခိုက်နေတာကို
ထင်ထင်ရှားရှားတွေရပါတယ်..၊

အဲဒီရဲ့အကျိုးဆက်ကတော့..

တိုင်းပြည်မတိုးတက်ပဲ..
ဇောက်ထိုးဆင်းပြီး..
အခွံပဲကျန်တဲ့အထိ..
ဖြစ်သွားတာပါပဲ...၊

-----------------------

(၅)

သေချာတာကတော့..

အဲဒီအတိုင်းသာဆက်သွားရင်..၊

တိုင်းပြည်စုန်းစုန်းမြုပ်ဖို့က..
ရာခိုင်နှုန်းများနေပါတယ်..၊

အခုလဲ..
စုတ်ပြတ်သတ်နေပါပြီ..

အဖြေကတော့..

ကိုယ့်ကိုယ်ကို..
ငါသိ..ငါတတ်..လို့.

ထင်မြင်နေကြတဲ့..

ကမ္ဘာ့သောက်သုံးမကျဆုံး..၊
ချေးဘရိန်း မျိုးဆက်တွေကြောင်းပဲ..
ဖြစ်ပါတယ်...၊

( Pa Yit)

ထိပ်တန်းစစ်တပ် အရာရှိဟောင်းတွေဦးဆောင်ပြီး စစ်တပ်နဲ့ အနီးစပ်ဆုံးလို့ဆိုနိုင်တဲ့ လက်ရှိအာဏာရ ကြံ့ခိုင်ရေးပါတီဟာ လာမယ့်ရွေးကောက်ပွဲမှာ ယူနီဖောင်းချွတ်ပြီး အသွင်ပြောင်းဝင်လာကြမယ့် စစ်သားတွေထဲကမှ ပါတီနဲ့လူထု လက်ခံနိုင်မယ့်သူတွေကိုသာ ရွေးချယ်သွားမှာဖြစ်ပြီး နိုင်ခြေရှိသူတွေကိုပဲ ဆွဲခေါ်သွားမယ်လို့ ကြံ့ခိုင်ရေးပါတီက ပြောလိုက်ပါတယ်။

လာမယ့်ရွေးကောက်ပွဲမှာ ပြည်ခိုင်ဖြိုးပါတီရဲ့မျှော်လင့်ချက်ကတော့ ၂ဝ၁ဝ တုန်းကလိုအနိုင်ရတာမျိုး မဟုတ်သလို ၂ဝ၁၂ ကလို အရှုံးမျိုးလည်းမဟုတ်ဘဲ ပါတီရဲ့အဓိကပြိုင်ဘက်ကတော့ NLD နဲ့ တိုင်းရင်းသား ပါတီတွေဖြစ်မယ်လို့ ပြောရေးဆိုခွင့်ရှိသူ ဦးသိမ်းဆွေကဆိုပါတယ်။

နေပြည်တော်က ပါတီရုံးချုပ်မှာ မေ ၂၉ ကနေ ၃၁ရက် အထိ သုံးရက်ကြာပြုလုပ်တဲ့ ပါတီဗဟိုကော်မတီအစည်းအဝေးမှာ ၂ဝ၁၅ ရွေးကောက်ပွဲအတွက် သမ္မတလောင်းနဲ့ကိုယ်စားလှယ်လောင်းတွေ လျာထားရွေးချယ်မယ်ဆိုပေမယ့် ဘယ်သူဘယ်ဝါဆိုတာကိုတော့ ထုတ်ဖော်ပြောဆိုခဲ့ခြင်းမရှိပါဘူး။

လွှတ်တော်နဲ့အစိုးရ သဘောထား မတိုက်ဆိုင်မှုတွေ မကြာခဏဖြစ်တတ်လို့ ပါတီတွင်းပါသဘောထားကွဲလွဲမှုတွေ ရှိနေတယ်ဆိုပြီး သုံးသပ်ကြပေမယ့်လည်း လွှတ်တော်ရော၊ အစိုးရရော ကိုယ့်တာဝန်နဲ့ ကိုယ်လုပ်ကိုင်နေကြတာ ဖြစ်တယ်လို့ ပြည်သူ့လွှတ်တော်ကိုယ်စားလှယ်ဦးစိုးနိုင်ကဆိုပါတယ်။

လွှတ်တော်နဲ့အစိုးရဟာ တစ်ပါတီတည်းလိုဖြစ်နေပြီး တပ်ထဲမှာလည်းနှစ်ပေါင်း ၂ဝ ကျော်အတူနေလာတာမို့ မပြောနိုင်မဆိုနိုင်အဖြစ်တွေ မရှိသလို လုပ်ငန်းသဘောအရ သဘောထား မတိုက်ဆိုင်တာတွေကတော့ ရှိမှာပဲလို့ ပြောပါတယ်။

ပါတီအသုံးစရိတ်နဲ့ပတ်သတ်လို့ ကြံ့ခိုင်ရေးပါတီအနေနဲ့ အစိုးရေဘက်က ငွေရေးကြေးရေး တစုံတရာ ထောက်ပံ့မှုမယူသလို အသင်းစုဆောင်းထားတာတွေနဲ့ ဘဏ်အပ်ထားတဲ့အတိုးလေးတွေ ချွေတာသုံးနေရပြီး အများပြောစရာဖြစ်မှာစိုးလို့ စီးပွားရေးလုပ်ငန်းတွေလည်း လုပ်ကိုင်တာမရှိဘူးလို့ပြောပါတယ်။

Kamayut Media



တရားရင်ဆိုင်နေရဆဲနဲ့ ပြစ်ဒဏ်ကျခံနေရတဲ့ နိုင်ငံရေးအကျဉ်းသားတွေကို ၂ဝ၁၅ ရွေးကောက်ပွဲမတိုင်ခင်မှာ ခြွင်းချက်မရှိ အမြန်ဆုံးလွှတ်ပေးရမယ်လို့ မေလ ၃၁ရက်နေ့က သင်္ဃန်းကျွန်း ဓမ္မပိယကျောင်းတိုက်မှာ ပြုလုပ်ခဲ့တဲ့ တတိယအကြိမ် နိုင်ငံရေးအကျဉ်းသားဟောင်းများအဖွဲ့ ညီလာခံကနေ တောင်းဆိုလိုက်ပါတယ်။

နိုင်ငံရေးအကျဉ်းသားတွေ မရှိတော့ဘူးဆိုပြီး အစိုးရဘက်က တရားဝင်ပြောဆိုနေကြပေမယ့်လည်း နိုင်ငံရေးအကျဉ်းသား အဓိပ္ပာယ်ဖွင့်ဆိုချက်နဲ့ ကိုက်ညီတဲ့ဘယ်သူ့ကိုမဆို ရွေးကောက်ပွဲမတိုင်မီ အမြန်ဆုံးလွှတ်ပေးဖို့ အစိုးရနဲ့လွှတ်တော်ကိုတောင်းဆိုသွားမှာဖြစ်သလို ပြည်တွင်းပြည်ပ အဖွဲ့အစည်းတွေနဲ့ပေါင်းပြီးတော့လည်း အားသွန်ခွန်စိုက်ကြိုးစားသွားမယ်လို့ ဦးဆောင်ကော်မတီဝင် ကိုထွန်းကြည်ကပြောပါတယ်။

မေ ၃ဝ နဲ့ ၃၁ နှစ်ရက်ကြာပြုလုပ်ခဲ့တဲ့ နိုင်ငံရေးအကျဉ်းသားဟောင်းများ ညီလာခံ နောက်ဆုံးနေ့မှာ ပြစ်ဒဏ်ကျခံနေတဲ့ နိုင်ငံရေးအကျဉ်းသား တစ်ရာကျော်နဲ့ အမှုရင်ဆိုင်နေဆဲ အယောက် ငါးရာကျော်ကို လွှတ်ပေးဖို့၊ ပုဒ်မ ၄၃၆ နဲ့ ၅၉ (စ) အပါအဝင် ပြောင်းဖို့လိုအပ်တဲ့ အခြေခံဥပဒေပါ ပုဒ်မတွေကို ပြင်ပေးဖို့နဲ့ တိုင်းရင်းသားလက်နက်ကိုင်အဖွဲ့တွေပါဝင်တဲ့ ပြည်တွင်း ငြိမ်းချမ်းရေးလုပ်ငန်းစဉ်တွေကို အရှိန်အဟုန်မြင့် ဆောင်ရွက်ဖို့စတဲ့ တောင်းဆိုချက် ၃ ချက်နဲ့အတူ အချက် ၁၂ ချက်ပါ ကြေငြာချက်ကို ထုတ်ပြန်ခဲ့ပါတယ်။

နိုင်ငံရေးအကျဉ်းသားတွေ အရင်ကထက် ပိုများလာတာကတော့ အစိုးရအနေနဲ့ နိုင်ကျဉ်းပြဿနာကို ဥပဒေ ရှုထောင့်တစ်ခုထဲကနေ ဖြေရှင်းနေကြတာကြောင့်လို့ဆိုသူက ကိုတင်မောင်ဦးပါ။ နိုင်ကျဉ်းပြဿနာဟာ ဥပဒေရှုထောင့်တစ်ခုထဲနဲ့ ဆိုင်တာမဟုတ်ဘဲ အမျိုးသားပြန်လည်သင့်မြတ်ရေး၊ လူ့အခွင့်အရေး၊ နိုင်ငံသားအခွင့်အရေး စတဲ့ရှုထောင့်တွေကနေ စဉ်းစားအဖြေရှာရမှာဖြစ်ပြီး လူတွေကိုဖမ်းထောင်ထဲထည့်နေရုံနဲ့ ဖြေရှင်းနိုင်မှာမဟုတ်ဘူးလို့ ဆိုပါတယ်။

Kamayut Media


လှေစီးဒုက္ခသည်အရေး ဘယ်လိုဖြေရှင်းမလဲ ဆိုတဲ့ ခေါင်းစဉ်နဲ့ ဒီဗွီဘီ ဒီဘိတ် အစီအစဉ်ကို ဦးမောင်မောင်အုန်း (ရခိုင်ပြည်နယ် ၀န်ကြီးချုပ်) ၊ ဒေါက်တာအေးမောင် (အမျိုးသားလွှတ်တော်အမတ်)၊ အလ်ဟာဂ်ျဦးအေးလွင် (ဘာသာပေါင်းစုံငြိမ်းချမ်းရေးအဖွဲ့ (မြန်မာနိုင်ငံ) အမြုတေအဖွဲ့ဝင်)နဲ့ ဦးဝင်းထွန်းစိုး (ရခိုင်ပြည်နယ် ငြိမ်းချမ်းရေးနှင့်ဖွံ့ဖြိုးတိုးတက်ရေးအဖွဲ့ ဒါရိုက်တာ)တို့က ဦးဆောင်ဆွေးနွေးပြီး ဒီဗွီဘီရုပ်မြင်သံကြားလိုင်းမှာ ဇွန်လ ၁ ရက်နေ့က ထုတ်လွှင့်ပါတယ်။
————————————————–
ဦးမောင်မောင်အုန်း – ရခိုင်ပြည်နယ် ၀န်ကြီးချုပ်
“ကျနော်တို့ရခိုင်ပြည်နယ်ထဲမှာ ရဲလုံခြုံရေး အများဆုံးရှိပါတယ်။ တခြား နယ်ခြားစောင့်တပ်တို့၊ ကြည်းတပ်တို့ စသည်ဖြင့် ရှိတယ်။ မြန်မာ့ရေတပ်လုံခြုံရေးနဲ့ပတ်သက်လို့လည်း သံသယမရှိ စေချင်ဘူး။ အခုက ဘင်္ဂလားဒေ့ရ်ှကလာတဲ့ ဒုက္ခသည်လှေတွေ ပြဿနာဖြစ်တော့ မြန်မာ့ရေပိုင်နက်ထဲမှာဖြစ်တာနဲ့ ဒီလူတွေအကုန် မြန်မာနိုင်ငံကဆိုတာ လက်မခံပါဘူး။”
အလ်ဟာဂ်ျဦးအေးလွင် – ဘာသာပေါင်းစုံငြိမ်းချမ်းရေးအဖွဲ့(မြန်မာနိုင်ငံ)အမြုတေအဖွဲ့ဝင်
“လှေစီးပြေးဒုက္ခသည်တွေဟာ ဓားစာခံတွေဖြစ်နေတယ်. နောက်ကွယ်မှာအသုံးချသူတွေရှိနေတယ်။ အဲဒီ အသုံးချခံရတဲ့သူတွေရဲ့ ပြဿနာ ပြေလည်ဖို့ ကျနော်တို့တွေအားလုံးက ခိုင်မာသေချာတဲ့ အချက်အလက်တွေနဲ့ အခြေခံပြီး ဖြေရှင်းဖို့လိုနေပြီ”
ဒေါက်တာအေးမောင် – အမျိုးသားလွှတ်တော်အမတ်
“လှေစီးပြေးဒုက္ခသည်တွေကိစ္စမှာ သူတို့ဘာကြောင့်ထွက်လဲ သူတို့ဘ၀လုံခြုံဖို့နောက်တခုက ဆွဲဆောင်မှုတွေရှိတယ်၊ နာမည်တခုနဲ့သုံးပြီးထွက်ရင် တခြားနိုင်ငံသားတွေထက် အခွင့်အရေး ပိုရတယ် ဒါကြောင့်ထွက်တယ်”
ဦးဝင်းထွန်းစိုး – ရခိုင်ပြည်နယ်ငြိမ်းချမ်းရေးနှင့်ဖွံ့ဖြိုးတိုးတက်ရေးအဖွဲ့ ဒါရိုက်တာ
“ဘာကြောင့်သူတို့ လှေစီးပြီး ရွှေ့ပြောင်းသွားလာကြလဲ ကား၊ ရထား၊ လေယာဉ်တွေနဲ့ ခရီးသွားလာဖို့ မလွယ်ကူဘူး။ ဒုက္ခသည်စခန်းတွေမှာ ဒုက္ခပေါင်းစုံခံစားနေရတယ်၊ တသက်လုံးသူတို့ဟာ နိုင်ငံတကာနဲ့ အစိုးရရဲ့ အထောက်အပံ့နဲ့ပဲ အသက်ရှင်နိုင်ပါ့မလား.သူတို့လူမှုဘ၀တွေကို စီစဉ်ပေးဖို့လဲ လိုပါတယ်။ ဒါကြောင့်သာ ရေကြည်ရာမြက်နုရာ ရွှေ့ပြောင်းသွားလာနေရတာ”

By ဒီဗွီဘီ
http://burmese.dvb.no/archives/95518

ဇွန်၂ ရက်မှာတော့ နယူးဇီလန် ယူ ၂၀ ကမ္ဘာ့ဖလားပြိုင်ပွဲဝင် မြန်မာအသင်းဟာ ယူကရိန်းအသင်းနဲ့ ကစားရမှာ ဖြစ်ပါတယ်။ ဒုတိယအဆင့်ကို တက်ရောက်နိုင်ရေး ဒီပွဲဟာ ၂ သင်းစလုံးအတွက် အရေးပါနေပါတယ်။ အုပ်စုတွင်းက အင်အားအတောင့်တင်းဆုံး အမေရိကန်ကို ခြေရည်တူ ကစားနိုင်ခဲ့တဲ့အတွက် မြန်မာဘောလုံးပရိသတ်က ဒီပွဲမှာ မြန်မာအသင်းပေါ်ကို အရမ်းကို မျှော်လင့်ထားပါတယ်။ ယူကရိန်းနဲ့ပွဲမှာ မြန်မာအသင်းအနေနဲ့ မထင်မှတ်တဲ့ စွမ်းဆောင်မှုတွေနဲ့ တခုခုလုပ်ပြနိုင်မယ်လို့လည်း ပရိသတ်တွေက မျှော်လင့်နေပါတယ်။ နယူးဇီလန်အထိ သွားရောက်ပြီး မြန်မာအသင်းကို အားပေးနေတဲ့ ဦးရဲမျိုးဟိန်းကို ဒီဗွီဘီက ဆက်သွယ်မေးမြန်းထားပါတယ်။

နယူးဇီလန်မှာ မြန်မာအသင်းကို ပရိသတ်တွေ အားပေးမှုက ဘယ်လိုရှိလဲ။

“ပရိသတ်တွေ အားပေးမှုက တော်တော်လေးကို အံသြစရာကောင်းလောက်ပါတယ်။ ဘာဖြစ်လိုလဲဆိုတော့ ဒီလောက် နယူးဇီလန်လို ကျနော်တို့နိုင်ငံနဲ့ ဝေးတဲ့နေရာမျိုးမှာ ဒီလောက် ပရိသတ်တွေ လာမယ်လို့ကို မထင်ဘူး။ ဟိုနေ့က ဟိုဘက်တခြမ်းအပြည့်လုံးနဲ့ ဒီဘက်အခြမ်းမှာလည်း တော်တော်များများ ကျနော်တို့ ပရိသတ်တွေပါပဲ။ အကုန်လုံးကလည်း တက်တက်ကြွကြွနဲ့ လာပြီးအားပေးကြတယ်။ ဆေးရောင်တွေဘာတွေခြယ်ပြီးတော့ လာအားပေးကြတယ်။ နယူးဇီလန်မှာရှိနေတဲ့ နယူးဇီလန်နိုင်ငံသားတွေကလည်း မြန်မာအသင်းကို တက်တက်ကြွကြွ အားပေးကြတာကို တွေ့ရပါတယ်။”

နယူးဇီလန်မှာ မြန်မာအသင်းကို အားပေးကြတာ မြန်မာပြည်ကလာတဲ့ ပရိသတ်တွေများလား။ နယူးဇီလန်ရောက်နေတဲ့ မြန်မာနိုင်ငံသားတွေပဲလား။

“နယူးဇီလန်မှာရှိနေတဲ့ မြန်မာတွေက များပါတယ်။ သူတို့ နေရာစုံကနေလာတယ်။ နေရာစုံကနေ ၀မ်ဂရိုင်ကို ရောက်အောင်လာကြပါတယ်။”

ပရိသတ်တယောက်အနေနဲ့ မြန်မာအသင်းအပေါ် ဘယ်လိုမြင်လဲ။ သူတို့အခြေအနေကရော ဘယ်လိုရှိလဲ။

“ပထမဆုံးနေ့က ကန်သွားတဲ့ ခြေစွမ်းကိုတော့ ကျနော်တို့အနေနဲ့ အတိုင်းအတာတခုထိ ကျေနပ်အားရမှု ရှိပါတယ်။ ဘာဖြစ်လိုလဲဆိုတော့ အမေရိကန်အသင်းက ကျနော်တို့အုပ်စုမှာ အတောင့်တင်းဆုံး အသင်းဆိုတာ အားလုံးအသိပါပဲ။ ယူ ၂၀ ကမ္ဘာ့ဖလားကို ၁၄ ကြိမ်လောက် ၀င်ရောက်ယှဉ်ပြိုင်ထားတာ၊ ကျနော်တို့က ဒါ ပထမဆုံး မျက်နှာသစ်အနေနဲ့ လာပြိုင်တဲ့ အချိန်ကျတော့ သူတို့ကလည်း ပထမတော့ ကျနော်တို့ကို အထင်တော်တော်လေး သေးထားပုံရတယ်။ ဒါပေမယ့် တကယ်လည်းကန်လိုက်ရော မြန်မာအသင်းခြေစွမ်းကို သူတို့ကိုယ်တိုင်ပဲ တော်တော်လေး အံ့အားသင့်တာ တွေ့ရတယ်။ အသင်းတသင်းလုံး ညီညီညွတ်ညွတ်နဲ့ အကောင်းဆုံး ကစားသွားနိုင်တာ၊ ဒါ ဘယ်သူမှ မထင်မှတ်နိုင်လောက်တဲ့ ခြေစွမ်းမျိုးပါပဲ။ ရှုံးပေမယ့်လည်း ပရိသတ်တယောက်အနေနဲ့ တော်တော်လေး ကျေနပ်အားရမှုရှိပါတယ်။”

မနက်ဖြန်မှာ ကစားမယ့် ယူကရိန်းနဲ့ ပွဲအပေါ်ကိုရော ဘာတွေ မျှော်လင့်ထားလဲ။

“ပွင့်ပွင့်လင်းလင်း ပြောရရင်တော့ ၃ ပွဲလုံးက မလွယ်ပါဘူး။ ယူကရိန်းရော၊ အမေရိကန်ရော၊ နယူးဇီလန်ရော။ ဘာဖြစ်လို့လဲဆိုတော့ သူတို့က ကမ္ဘာ့ဖလားပြိုင်ပွဲ အတွေ့အကြုံရှိတယ်။ ပါဝါနဲ့ အားနဲ့ တဦးချင်း ဘောလုံးကျွမ်းကျင်မှုက ကျနော်တို့ထက် အများကြီးသာပါတယ်။ ပွင့်ပွင့်လင်းလင်းပြောမယ်ဆိုရင် ၀င်ပြိုင်တဲ့အသင်းတွေထဲမှာ ကျနော်တို့အသင်းက အင်အားအနည်းဆုံးလို့ အကုန်လုံးက သတ်မှတ်ထားကြတာပါ။ ဘွတ်ကီတွေ တွက်တာရော၊ နောက် သတင်းစာထဲကနေပြီးတော့ သုံးသပ်တာကိုရော ကြည့်ရင် ကျနော်တို့အသင်းက အင်အားအနည်းဆုံး အသင်းပါပဲ။ ဒါပေမယ့် ကျနော်တို့ကလေးတွေ မထင်မှတ်တဲ့ စွမ်းဆောင်မှုတွေနဲ့ ယူကရိန်းကို အမေရိကန်နဲ့ပွဲမှာလို၊ အမေရိကန်နဲ့ပွဲထက် ပိုကောင်းပြီး တခုခုလုပ်ပြနိုင်မယ်လို့ ကျနော်တော့ မျှော်လင့်ပါတယ်။”

မြန်မာအသင်းကို အားပေးတဲ့ ပရိသတ်တဦးအနေနဲ့ မြန်မာအသင်း စိတ်ဓာတ်ကို ဘယ်လိုထင်လဲ။

“စိတ်ဓာတ်ကတော့ မယုံနိုင်လောက်အောင်ပါပဲ။ အမှန်တော့ သူတို့တွေက စိတ်ဓာတ်နဲ့ အဓိကထားပြီး သွားကစားနေကြတာပါ။ ဘောလုံးပညာရော၊ ဘောလုံးကျွမ်းကျင်မှုရော၊ ဖွံ့ဖြိုးမှုရော၊ တဦးချင်း ကာယအနေအထားရော၊ ကြံ့ခိုင်မှုရော အားလုံးပေါင်းလိုက်ရင် ပြိုင်ဘက်အသင်းတွေကို ယှဉ်ဖို့မလွယ်ပါဘူး။ ဒါပေမယ့် သူတို့ စိတ်ဓာတ်နဲ့ အကောင်းဆုံး ကစားပြီးတော့ ဒီလိုမျိုးအဆင့်ထိ ရောက်လာတာပါ။ ခြေစွမ်းကို ပြနေတာပါ။ စိတ်ဓာတ်ကတော့ ဟိုနေ့က သီဟထက်အောင်ဆိုရင်လည်း နှုတ်ခမ်းကွဲသွားပေမယ့်လည်း ချက်ချင်းပြန်ပြီးတော့ ကွင်းထဲဝင်ကစားဖို့ ကြိုးစားတယ်။ တခြားကစားသမားတွေရဲ့ စိတ်ဓာတ်ကလည်း တကယ့်ကို မယုံနိုင်လောက်အောင်ပါပဲ။”

By ဒီဗွီဘီ
http://burmese.dvb.no/archives/95438

မေလ ၂၉ ရက်မှာတော့ အထူးသဖြင့် အရှေ့တောင်အာရှနိုင်ငံတွေနဲ့ တောင်အာရှနိုင်ငံတွေမှာ ကြုံတွေ့နေရတဲ့ ရွှေ့ပြောင်းဒုက္ခသည်တွေအရေးကို အဖြေရှာ ဖြေရှင်းဖို့ နိုင်ငံတကာ ညီလာခံတရပ်ကို ထိုင်းနိုင်ငံ ဘန်ကောက်မြို့မှာ ကျင်းပနေပြီ ဖြစ်ပါတယ်။

ဒီလိုညီလာခံကြီးကျင်းပဖို့ ဖြစ်လာရတာကတော့ ပြီးခဲ့တဲ့လအတွင်း ငတ်မွတ်ခေါင်းပါး၊ မျှော်လင့်ချက်ကင်းမဲ့နေကြတဲ့ လှေစီးဒုက္ခသည် ၃၀၀၀ ကျော်ဟာ အင်ဒိုနီးရှား၊ ထိုင်းနဲ့ မလေးရှားနိုင်ငံ ကမ်းခြေတွေကို ၀င်ရောက်လာခဲ့ကြပြီး အဲဒီနိုင်ငံတွေက လက်သင့်မခံ ပြန်နှင်ထုတ်ခဲ့ကြလို့ ပင်လယ်ပြင်မှာ အတိဒုက္ခရောက်ကြ၊ သေဆုံးကြသလို လူမှောင်ခို ကုန်ကူးသူတွေရဲ့လျှို့ဝှက်ထိန်းသိမ်းရေးစခန်းတွေမှာ ပိတ်လှောင်ခံရ၊ နာဖျားလို့၊ ညှဉ်းပန်းနှိပ်စက်လို့ သေဆုံးခဲ့ကြရသူတွေရဲ့ သချုင်္ိင်းရာတွေကို မလေးရှားနဲ့ ထိုင်းနယ်စပ်တွေမှာ တွေ့ရှိခဲ့ကြလို့ နိုင်ငံတကာရဲ့ စိုးရိမ်ပူပန်မှုတွေကို ဖြစ်ပေါ်စေခဲ့သလို ဒီလိုလှေစီးဒုက္ခသည်တွေ ထွက်ပေါ်လာစေတဲ့နိုင်ငံလို့ ယူဆရတဲ့ မြန်မာနိုင်ငံအစိုးရကိုလည်း မလေးရှား၊ အင်ဒိုနီးရှား နိုင်ငံတွေက နိုင်ငံခြားရေးဝန်ကြီးတွေနဲ့ အမေရိကန် ဒုတိယနိုင်ငံခြားရေးဝန်ကြီးတို့ လာရောက်ဆွေးနွေး တောင်းဆိုမှုတွေ လုပ်ခဲ့ကြလို့ပဲ ဖြစ်ပါတယ်။ ဒါကို လှေစီးဒုက္ခသည်အရေး တင်ပြခဲ့တဲ့ ကျနော့်ရဲ့ ရှေ့ဆောင်းပါးထဲမှာ ရေးသားဖော်ပြခဲ့ပြီး ဖြစ်ပါတယ်။

အပြည်ပြည်ဆိုင်ရာ ရွှေ့ပြောင်းနေထိုင်သူများအဖွဲ့ရဲ့ အဆိုအရ ၂၀၁၅ ခုနှစ် ပထမ ၃ လ အတွင်း အရှေ့တောင်အာရှ ဒေသအတွင်းမှာ လှေစီးရွှေ့ပြောင်းလာသူ ဒုက္ခသည် အရေအတွက်ဟာ ခန့်မှန်းခြေ ၂၅၀၀၀ ကျော်ရှိတယ်လို့ သိရပါတယ်။ ဒီလိုဖြစ်ရပ်တွေ ဖြစ်လာခဲ့တာ နှစ်နဲ့ချီကြာနေခဲ့ပြီ ဖြစ်ပေမယ့် အရှေ့တောင်အာရှနိုင်ငံတွေက အစိုးရအချင်းချင်း လူသိရှင်ကြား ဝေဖန်ပြောဆိုမှုမလုပ်တဲ့ မူဝါဒကြောင့် တိတ်တိတ်ဆိတ်ဆိတ် မသိသလို လျစ်လျူရှုထားခဲ့ကြတယ်လို့ ဆိုရမှာပါပဲ။ ဒါပေမယ့် ခုချိန်မှာတော့ ဒီလိုညီလာခံကြီး ကျင်းပလာရတဲ့အထိဖြစ်အောင် ရွှေ့ပြောင်းဒုက္ခသည် ပြသနာက ကြီးထွားလာခဲ့ပါပြီ။

ညီလာခံကို လက်ခံကျင်းပပေးတဲ့ ထိုင်းနိုင်ငံက သြစတြေးလျ၊ ဘင်္ဂလားဒေ့ရှ်၊ ကမ္ဘောဒီးယား၊ အိန္ဒိယ၊ အင်ဒိုနီးရှား၊ လာအို၊ မလေးရှား၊ မြန်မာ၊ ဖိလစ်ပိုင်၊ ဗီယက်နမ်၊ နယူးဇီလန်၊ ပါပူဝါနယူးဂီနီ၊ သီရိလင်္ကာ၊ ပါကစ္စတန်၊ အာဖဂန်နစ္စတန်နဲ့ အီရန်နိုင်ငံတို့ကို ဖိတ်ကြားခဲ့ပါတယ်။ ဒါကြောင့် ထိုင်းနိုင်ငံ အပါအ၀င် နိုင်ငံပေါင်း ၁၇ နိုင်ငံက ကိုယ်စားလှယ်တွေက ရွှေ့ပြောင်းဒုက္ခသည်အရေးကို ဆွေးနွေးကြမှာ ဖြစ်ပါတယ်။

အမေရိကန်ပြည်ထောင်စု၊ ဂျပန်နဲ့ ဆွစ်ဇာလန်နိုင်ငံတွေက ကိုယ်စားလှယ်တွေကလည်း ကုလသမဂ္ဂဒုက္ခသည်အေဂျင်စီ၊ မူးယစ်ဆေးဝါးနဲ့ ရာဇ၀တ်မှုဆိုင်ရာအေဂျင်စီနဲ့ အပြည်ပြည်ဆိုင်ရာ ရွှေ့ပြောင်းနေထိုင်သူများအဖွဲ့တို့က ကိုယ်စားလှယ်တွေနဲ့အတူ လေ့လာသူအဖြစ် ဒီအစည်းအဝေးကို တက်ရောက်လာခဲ့ကြပါတယ်။

အဖွဲ့ဝင် ၅ ဦးပါ ဘင်္ဂလားဒေ့ရှ် ကိုယ်စားလှယ်အဖွဲ့ကို နိုင်ငံခြားရေးဝန်ကြီး မိုဟာမက် ရှာဟီဒူလ်ဟိတ်က ဦးဆောင်ပြီး အိန္ဒိယက သမုဒ္ဒရာအတွင်း ပုံမှန်မဟုတ်တဲ့ ရွှေ့ပြောင်းနေထိုင်သူများအရေး အထူးအစည်းအဝေးလို့ အမည်တပ်ထားတဲ့ အစည်းအဝေးကြီးကို တက်ရောက်လာပါတယ်။

ဘင်္ဂလားဒေ့ရ်ှနိုင်ငံအနေနဲ့ ဒုက္ခသည်တွေထဲက ဘင်္ဂလားဒေ့ရ်ှနိုင်ငံသားလို့ စိစစ်တွေ့ရှိရသူတွေကို နိုင်ငံကို ပြန်ပြီးခေါ်ယူသွားမယ်လို့ အာမခံ ပြောဆိုခဲ့ပါတယ်။ နိုင်ငံခြားရေးဌာနရဲ့ သတင်းအရတော့ ဘင်္ဂလားဒေ့ရှ် ကိုယ်စားလှယ်အဖွဲ့ဟာ ဘင်္ဂလားဒေ့ရ်ှနိုင်ငံထဲမှာ တရားမ၀င် လာရောက်နေထိုင်နေကြတဲ့ မြန်မာနိုင်ငံက ရိုဟင်ဂျာ ဒုက္ခသည် ၅၀၀၀၀၀ ရဲ့ အကျပ်အတည်းကို အလေးထား တင်ပြသွားမယ်လို့ ဆိုပါတယ်။ အမြဲတမ်းဖြစ်မယ့် အဖြေတခုရဖို့လည်း တောင်းဆိုသွားမယ်လို့ သိရပါတယ်။

နိုင်ငံတကာ အဖွဲ့အစည်း ၃ ခုဖြစ်တဲ့ ယူအင်အိပ်ခ်ျစီအာ၊ အိုင်အိုအမ်နဲ့ ယူအင်အိုဒီစီတို့ ပူးပေါင်းပြီး အရှေ့တောင်အာရှ ဒုက္ခသည်များအရေး ကိုင်တွယ်ဖြေရှင်းဖို့ အချက် ၁၀ ချက်ပါ လုပ်ငန်းအစီအမံတခုကို အဆိုပြု တင်ပြသွားမယ်လို့ ယူအင်အိပ်ခ်ျစီအာက ပြောပါတယ်။ သက်ဆိုင်ရာအစိုးရတွေကို လူမှောင်ခိုတွေရဲ့လက်ထဲမှာ အသက်စွန့် လှေစီးထွက်ပြေးကြတဲ့လူတွေကို အကူအညီပေးရေးဟာ ဒေသဆိုင်ရာ စိန်ခေါ်မှုတခု ဖြစ်လာတဲ့အတွက် ခိုင်မာတဲ့ ဆောင်ရွက်မှုတွေ ချမှတ်ကိုင်တွယ် ဆောင်ရွက်ကြဖို့ တောင်းဆိုသွားမယ်လို့လည်း ယူအင်အိပ်ခ်ျစီအာ ပြောရေးဆိုခွင့်ရှိသူက ဆိုပါတယ်။

“ယူအင်အိပ်ခ်ျစီအာက မေလ ၂၉ ရက် အစည်းအဝေးကြီးမှာ ပါဝင်ဆွေးနွေးကြတဲ့ အစိုးရတွေအနေနဲ့ လူသားချင်း စာနာထောက်ထားမှုဆိုင်ရာ အကျပ်အတည်းကို ကိုင်တွယ်ဖြေရှင်းဖို့နဲ့ ရွှေ့ပြောင်းဒုက္ခသည်တွေ ထွက်ပေါ်နေရတဲ့ အဓိကဇာစ်မြစ်ကို ရင်ဆိုင်ဖြေရှင်းဖို့ ပူးပေါင်းဆောင်ရွက်ရေး သဘောတူညီကြလိမ့်မယ်လို့ မျှော်လင့်ပါတယ်” လို့ ယူအင်အိပ်ခ်ျစီအာရဲ့ အကြီးတန်း ဒေသဆိုင်ရာ ပြန်ကြားရေးအရာရှိ ဗီဗီယန်တန်က ပြောပါတယ်။ သူက အဲဒီပူးပေါင်းဆောင်ရွက်မှုမှာ ပင်လယ်ပြင်က ဒုက္ခသည်တွေကို ကမ်းခြေကို ကယ်တင်ခေါ်ယူပြီး ဆေးဝါးကုသပေးဖို့၊ အစာရေစာပေးဖို့တွေ၊ ကယ်ဆယ်ရေး လုပ်ငန်းတွေလည်း ပါဝင်တယ်လို့ သူက ဆိုပါတယ်။

လူ့အခွင့်အရေးစောင့်ကြည့်ရေး အဖွဲ့ကြီးရဲ့ အာရှညွှန်ကြားရေးမှူး ဘရက်အဒမ်ကတော့ “ဒေသဆိုင်ရာ အစိုးရတွေအနေနဲ့ ဒီကြေကွဲစရာ လူ့အဖြစ်အတွက် မဖြစ်မနေ လုပ်ဆောင်ရမယ့် အဖြေတွေအပေါ် သဘောတူညီမှုရဖို့ ကုလသမဂ္ဂနဲ့ တခြားအဖွဲ့အစည်းတွေနဲ့ အတူတွဲ အလုပ်လုပ်သင့်တယ်လေ” လို့ ပြောခဲ့ပါတယ်။ သူ့အဖွဲ့က ရွှေ့ပြောင်းဒုက္ခသည်တွေ တောင်းဆိုနေတဲ့ ဒုက္ခသည်အဆင့် သတ်မှတ်ရေးကို အကဲဖြတ်နိုင်ဖို့ ရွှေ့ပြောင်းဒုက္ခသည်တွေကို ကယ်ဆယ်ပေးမယ့် နိုင်ငံတကာ အသိအမှတ်ပြု ယူအင်အိပ်ခ်ျစီအာနဲ့ အိုင်အိုအမ်လို အဖွဲ့မျိုးတွေကို အတားအဆီးမရှိ ခြွင်းချက်မရှိ ၀င်ရောက်ခွင့်ပေးရေး တောင်းဆိုသွားမယ်လို့ ပြောပါတယ်။

ဒါ့အပြင် မြန်မာနိုင်ငံကို ပြသနာရဲ့ အဓိကရင်းမြစ် နိုင်ငံအဖြစ် ရိုဟင်ဂျာတွအတွက် အခြေခံ ကျန်းမာရေးစောင့်ရှောက်မှု၊ ပညာရေးနဲ့ တခြားဝန်ဆောင်မှုတွေ ပေးအပ်ပြီး တရားမ၀င် ရွှေ့ပြောင်းမှုကို ကိုင်တွယ်ထိန်းချုပ်နိုင်ရေး အားထုတ်ကြိုးပမ်းပေးဖို့ တက်ရောက်လာတဲ့ နိုင်ငံတွေက ဖိအားပေးသင့်တယ်လို့လည်း လူ့အခွင့်အရေးစောင့်ကြည့်အဖွဲ့က ပြောပါတယ်။

ဘရက်အဒမ်ကပဲ “သက်ဆိုင်ရာ အစိုးရတိုင်းက ထိရောက်တဲ့ ရှာဖွေကယ်ဆယ်ရေး လုပ်ငန်းတွေလုပ်ပြီး ဒုက္ခသည်တွေရဲ့လိုအပ်မှုကို အကာအကွယ်ပေးရေး၊ လူမှောင်ခိုတွေကို အရေးယူ အပြစ်ပေးရေးနဲ့ ဒီ စိုးရိမ်စရာလူတွေ လှေစီးထွက်ပြေးရအောင် ဖြစ်လာတဲ့ ဇာစ်မြစ်အကြောင်းရင်းကို တကယ်ဆောင်ရွက်ကြမှသာ ဒီဒေသဆိုင်ရာ အစည်းအဝေးကြီး အောင်မြင်မှုရပါလိမ့်မယ်။” လို့ ပြောခဲ့ပါတယ်။

အခုတင်ပြခဲ့တဲ့ အချက်တွေက ဒေသဆိုင်ရာ အစည်းအဝေးကြီးကို တက်ရောက်လာခဲ့ကြတဲ့ နိုင်ငံကိုယ်စားလှယ်တွေနဲ့ လေ့လာသူအဖြစ် တက်ရောက်ကြမယ့် အဖွဲ့အစည်းတွေက သူတို့ပြင်ဆင်လာတဲ့ တင်ပြတောင်းဆိုမယ့် အချက်တွေ ပြောပြခဲ့ကြတာ ဖြစ်ပါတယ်။

တကယ်တန်း အစည်းအဝေး စပြီးကျင်းပ တင်ပြဆွေးနွေးကြတဲ့အချိန်မှာ ကုလသမဂ္ဂအဖွဲ့ကြီး အပါအ၀င် တက်ရောက်လာတဲ့ နိုင်ငံအများစုက ဒီရွှေ့ပြောင်းဒုက္ခသည်တွေ အခုလို အသက်စွန့် လူမှောင်ခိုကုန်ကူးသူတွေရဲ့လက်ထဲ အသက်ကို ၀ကွက်အပ် ထွက်ပြေးခဲ့ကြတဲ့ အရင်းခံ ပြသနာဟာ မြန်မာနိုင်ငံအစိုးရရဲ့ ရိုဟင်ဂျာတွေအပေါ် ခွဲခြားဆက်ဆံ ဖိနှိပ် နှိပ်စက်မှုတွေကြောင့်သာ ဖြစ်ရတဲ့အတွက် မြန်မာနိုင်ငံအနေနဲ့ ဒီကိစ္စကို အလေးအနက်ထား ကိုင်တွယ်ဆောင်ရွက်ဖို့၊ သူတို့ကို နိုင်ငံသားအဖြစ် သတ်မှတ်ပေးလိုက်ဖို့ တိုက်တွန်း ပြောဆိုခဲ့ကြပါတယ်။

တက်ရောက်လာတဲ့ နိုင်ငံအများစုနဲ့ အဖွဲ့အစည်းအများစုရဲ့ လက်ညှိုးထိုးမှုကို မြန်မာနိုင်ငံက ခံခဲ့ရတယ်လို့ ပြောရမှာပါပဲ။ တကယ်တော့ ဒီအစည်းအဝေးကို အစက မြန်မာနိုင်ငံက မတက်ရောက်ဘဲနေဖို့တောင် စီစဉ်ထားခဲ့တာပါ။ မြန်မာစစ်အာဏာရှင် အစိုးရက ဒီလိုဖြစ်လာလိမ့်မယ်လို့ တွက်ဆထားပြီးဖြစ်ပါတယ်။ ဒါပေမယ့် အစည်းအဝေး မကျင်းပခင် မလေးရှားနဲ့ အင်ဒိုနီးရှား နိုင်ငံခြားရေးဝန်ကြီးတွေက မြန်မာနိုင်ငံကို လာရောက်ဆွေးနွေးခဲ့သလို အမေရိကန် ဒုတိယနိုင်ငံခြားရေးဝန်ကြီးကလည်း လာရောက်ဆွေးနွေး ပြောဆိုမှုတွေရှိလာ၊ နိုင်ငံတကာက အလေးထား ပူပင်တာတွေ ရှိလာတဲ့အတွက် ထိုင်းနိုင်ငံက အိမ်ရှင်အဖြစ် လက်ခံကျင်းပပေးတဲ့ ဒီအစည်းအဝေးကို မတတ်သာလို့ တက်ရောက်ခဲ့တာ ဖြစ်ပါတယ်။ ဒါကြောင့်လည်း နိုင်ငံခြားရေးဌာန ညွှန်ကြားရေးမှူးချုပ် အဆင့်ကိုပဲ စေလွှတ်တက်ရောက်စေခဲ့တာ ဖြစ်ပါတယ်။

ညွှန်ကြားရေးမှူးချုပ် ဦးထင်လင်းကလည်း ဒီရွှေ့ပြောင်းဒုက္ခသည်အရေးမှာ မြန်မာနိုင်ငံ တနိုင်ငံတည်းကိုပဲ လက်ညှိုးထိုး အပြစ်ပုံချတာကို လက်မခံနိုင်တဲ့အကြောင်း တုံ့ပြန်ပြောကြားခဲ့ပြီး မြန်မာနိုင်ငံအနေနဲ့ အမှန်တကယ် လူကုန်ကူးမှုတိုက်ဖျက်ရေးကို ကြိုးစားဆောင်ရွက်နေတာ ဖြစ်တဲ့အကြောင်း ချေပ ပြောဆိုသွားခဲ့ပါတယ်။

သူက “အချုပ်အခြာအာဏာပိုင် နိုင်ငံတိုင်းမှာ သူ့စိန်ခေါ်ချက်၊ သူ့ပြသနာနဲ့သူ ရှိနေကြပါတယ်။ ဒါပေမယ့် တချို့ကိစ္စတွေကတော့ သူ့နိုင်ငံရဲ့ ပြည်တွင်း စီရင်ဆုံးဖြတ်ခွင့်ထဲမှာသာ ရှိနေပါတယ်။” လို့လည်း ပြောဆိုသွားခဲ့ပါတယ်။

မြန်မာနိုင်ငံ အစိုးရကလည်း ဒုတိယ၀န်ကြီးတဦး ဦးဆောင်တဲ့ ကော်မတီတခုကို ဖွဲ့စည်းပြီး လူကုန်ကူးမှု ရပ်ဆိုင်းသွားရေး ဆောင်ရွက်နေပြီ ဖြစ်တဲ့အကြောင်း၊ အစိုးရရဲ့ လုပ်ရပ်တွေထက် လူကုန်ကူးသူတွေကြောင့်သာ ဖြစ်ရတာ ဖြစ်တယ်လို့ ရှောင်တိမ်း ဆွေးနွေးသွားခဲ့တာ တွေ့ရပါတယ်။

တက်ရောက်လာတဲ့ အမေရိကန် လက်ထောက်နိုင်ငံခြားရေးဝန်ကြီး အင်းရစ်ချတ်ကတော့ သူ့နိုင်ငံက ဒီကိစ္စကို ဒေသဆိုင်ရာ အစိုးရတွေ ကိုင်တွယ်ဖြေရှင်းနိုင်ဖို့ ယူအင်အိပ်ခ်ျစီအာ ဦးဆောင်တဲ့ ပြန်လည်နေရာချထားရေး အစီအစဉ်ကို ဆက်ပြီး ပံ့ပိုးကူညီသွားမယ့်အကြောင်း၊ ဒေသဆိုင်ရာ ပင်လယ်ပြင်ထဲမှာ ပိတ်မိနေတဲ့ လှေစီးဒုက္ခသည်တွေကို ရှာဖွေကယ်ဆယ်ပေးဖို့ လေကြောင်းက စောင့်ကြည့်ပျံသန်းမှုတွေကိုပါ လုပ်ပေးမယ့်အကြောင်း ပြောကြားသွားခဲ့ပါတယ်။ မြန်မာနိုင်ငံနဲ့ ဘင်္ဂလားဒေ့ရ်ှနိုင်ငံ ကိုယ်စားလှယ်တွေကတော့ အဓိကဇာစ်မြစ် ပြသနာကို ကိုင်တွယ်ဖြေရှင်းကြဖို့ သဘောတူခဲ့ကြတယ်လို့ ဆိုပါတယ်။

အစည်းအဝေး မစခင်ကတည်းက မလေးရှားနဲ့ အင်ဒိုနီးရှားနိုင်ငံက လူသားချင်း စာနာထောက်ထားမှုအရ လှေစီးဒုက္ခသည်တွေနဲ့ ပတ်သက်တဲ့ သူတို့ရဲ့ မူဝါဒကို ပြင်ဆင်ပြီး လူဦးရေ ၇၀၀၀ ကို လက်ခံပေးမယ့်အကြောင်း၊ ဒုက္ခသည်တွေကို ရှာဖွေကယ်ဆယ်ပေးမှာဖြစ်ပြီး ဖမ်းဆီးအရေးယူမှာ မဟုတ်တဲ့အကြောင်း တရားဝင် ထုတ်ပြန်ကြေညာ ဆောင်ရွက်နေပါပြီ။ ထိုင်းနိုင်ငံကလည်း ခုချိန်မှာ လှေစီးဒုက္ခသည်တွေကို ကယ်ဆယ်ရေး စတင်လုပ်ဆောင်လာပါပြီ။

မြန်မာနိုင်ငံကတော့ သူ့ရဲ့ ရိုဟင်ဂျာတွေအပေါ်ထားတဲ့ သဘောထား မူဝါဒကို မပြောင်းလဲပေမယ့် ကယ်ဆယ်ရေးကို စတင်ဆောင်ရွက်လာပြီလို့ သတင်းတွေမှာ ဖော်ပြလာပါတယ်။

အိန္ဒိယသမုဒ္ဒရာအတွင်း ပုံမှန်မဟုတ်တဲ့ ရွှေ့ပြောင်းနေထိုင်သူများအရေး အထူးအစည်းအဝေး ကြီးကတော့ မြန်မာနိုင်ငံကို ဘာမှ မဖြစ်မနေ ဆောင်ရွက်ရမယ့် အချက်တွေကို ချမှတ်ပေးနိုင်ခဲ့တာ မတွေ့ရပါဘူး။ ထုံးစံအတိုင်း ကျနော်တို့ ကြိုးစားဆောင်ရွက်နေပါတယ်၊ ဒါ ကျနော်တို့ ပြည်တွင်းရေးသာ ဖြစ်ပါတယ်ဆိုတဲ့ စကားကိုပဲ မချစ်သော်လည်း အောင့်ကာနမ်း၊ မနမ်းသော်လည်း ပင့်သက်ရှူ လုပ်ခဲ့ကြရပုံပါပဲ။ ။

By ဒီဗွီဘီ
http://burmese.dvb.no/archives/95512



ကြေညာချက်အမှတ်-၀၁/၀၆/၂၀၁၅

ပြီးခဲ့သောရက်သတ္တပတ်များတွင် မြန်မာ့ပင်လယ်ပြင်၌လည်းကောင်း၊ အာဆီယံနိုင်ငံအချို့၏ ပင်လယ်ပြင်၌လည်းကောင်း လှေစီးဒုက္ခသည်များပါသောရေယာဉ်များကို အကြိမ်ကြိမ်ဖမ်းမိခဲ့ကြောင်း သိရှိရပါသည်။ ၎င်းတို့ကြုံတွေ့ခဲ့ရသော အစားဆင်းရဲခြင်းဒုက္ခနှင့် အနေဆင်းရဲခြင်းဒုက္ခများအပြင် ကျန်းမာရေးချို့တဲ့မှု ဖြစ်ရပ်များကိုပါ ကြားသိခဲ့ရပါသည်။ အဆိုးရွားဆုံးအချက်မှာ အချို့သော ဒုက္ခသည်များသည် အသက်ပင်ဆုံးရှုံးခဲ့သည်အထိ ဒုက္ခရောက်ခဲ့ရပါသည်။

ဒုက္ခသည်များပါဝင်သော ရေယာဉ်များ ဆက်တိုက်ရှာဖွေတွေ့ရှိခဲ့ရာ စုစုပေါင်းလူဦးရေမှာ သောင်းဂဏန်းကျော်မည်ဟု ခန့်မှန်းရပါသည်။ အများစုမှာ ဘင်္ဂလားဒေ့ရ်ှနိုင်ငံမှ ဖြစ်သော်လည်း မြန်မာနိုင်ငံမှလည်း ပါဝင်သည်ဟု သတင်းများအရ သိရှိရပါသည်။ ပထမဦးစွာ လှေစီးဒုက္ခသည်များ၏ လုံခြုံရေးနှင့် သက်တောင့်သက်သာနေနိုင်ရေးအတွက် အမြန်ဆုံးဆောင်ရွက်ပေးရန် လိုအပ်ပါသည်။ နိုင်ငံတကာအကူအညီများ ရယူ၍ ၎င်းတို့ လတ်တလော ရင်ဆိုင်နေရသော ပြဿနာများကို ကူညီဖြေရှင်း ပေးရပါမည်။ ၎င်းတို့သည် မည်သည့်နိုင်ငံမှဖြစ်သည်ကိုလည်း သေချာစွာ စီစစ်အတည်ပြုရပါမည်။

လှေစီးဒုက္ခသည်များကိစ္စသည် ရခိုင်ပြည်နယ် ဘူးသီးတောင်၊ မောင်တောဒေသများတွင် လွန်ခဲ့သော သုံး၊ လေးနှစ်ခန့်မှစ၍ ဖြစ်ပေါ်ခဲ့သော ပဋိပက္ခများနှင့် ဆက်စပ်မှုရှိသည်ဟု ရှုမြင်ကြပါသည်။ တကမ္ဘာလုံးက စိုးရိမ်ပူပန်နေသော လူကုန်ကူးခြင်းပြဿနာ (Human Trafficking) ကိုလည်း ထိရောက်စွာ ကိုင်တွယ်ရပါမည်။ ဤကိစ္စနှင့်ပတ်သက်၍ နိုင်ငံတကာအသိုက်အဝန်းက ၀ိုင်းဝန်းကူညီဖြေရှင်း သင့်ပါသည်။ အချိန်ဆွဲလေ ပြဿနာကြီးလေဖြစ်မည်ကို အထူးသတိပြုကြစေလိုပါသည်။

ရခိုင်ပြည်နယ်တွင်း လူမှုရေးပဋိပက္ခများကို ဖြေရှင်းရာ၌ လူ့အခွင့်အရေး၊ ဒီမိုကရေစီရေး၊ တရားဥပဒေစိုးမိုးရေးနှင့် ပဋိပက္ခမီးများကို တောက်လောင်စေသည့် အပြောအဆို၊ အပြုအမူများ ရှောင်ကြဉ်ရေးတို့ကို အခြေခံအလေးထားရမည်ဖြစ်ကြောင်း အမျိုးသားဒီမိုကရေစီအဖွဲ့ချုပ်အနေနှင့် လည်းကောင်း၊ အဖွဲ့ချုပ်ဥက္ကဋ္ဌအနေနှင့်လည်းကောင်း မကြာခဏ ထုတ်ဖေါ်ပြောကြားခဲ့ပြီး ဖြစ်ပါသည်။ အမျိုးသားဒီမိုကရေစီအဖွဲ့ချုပ်သည် ပြဿနာရပ်တိုင်းကို ဖြေရှင်းရာတွင် အကြမ်းမဖက်သော နိုင်ငံရေး လမ်းစဉ်ကို တစိုက်မတ်မတ် ခိုင်မာစွာ ဆွဲကိုင်ထားပါသည်။ ရေရှည်အမြင်ဖြင့် အခြေအနေကို သေချာစွာ လေ့လာဆန်းစစ်ပြီး သိမ်မွေ့စွာ ကိုင်တွယ်ရပါမည်။
ရခိုင်ပြည်နယ်ရှိ ပြဿနာများနှင့်ပတ်သက်၍ ပြောဆိုမှုများ၊ ကြေညာချက်များ အမျိုးမျိုး ထုတ်ပြန်ခဲ့ကြသော်လည်း ထိုမျှနှင့် မလုံလောက်ပါ။ ထိရောက်သောလုပ်ငန်းရပ်များကို ဘက်စုံအမြင်ဖြင့် ညင်သာစွာ ကိုင်တွယ်ဖြေရှင်းရပါမည်။

ရခိုင်ပြည်နယ်အတွင်း လူမျိုးရေးပဋိပက္ခများ ပြေငြိမ်းစေရန်လည်းကောင်း၊ လှေစီးဒုက္ခသည်များ ထပ်မံမပေါ်ပေါက်လာစေရန်လည်းကောင်း အောက်ပါတို့ကို အလေးထားဆောင်ရွက်ရန် လိုအပ်ပါသည်။
- တရားဥပဒေစိုးမိုးရေး၊
- နယ်စပ်လုံခြုံရေး၊
- နယ်စပ်ဒေသနှင့် သက်ဆိုင်သော အာဏာပိုင်များ အဂတိလိုက်စားမှုကင်းရှင်းရေး၊
- လူသားချင်းစာနာသော အကူအညီအထောက်အပံ့များ လိုအပ်သူများထံ လျင်မြန်ပြည့်ဝစွာ ရောက်ရှိစေရေး၊
- ဒုက္ခသည်စခန်းတွင်း နေထိုင်သူများ အမြန်ဆုံး ပြန်လည်နေရာချထားရေး၊
- ဒေသတွင်းနေထိုင်သူများ၏ လူမှုစီးပွားအခြေအနေ ဖွံ့ဖြိုးတိုးတက်ရေး၊
- နိုင်ငံသားဖြစ်မှုဆိုင်ရာကိစ္စရပ်များကို တရားမျှတ ပွင့်လင်းစွာ အမြန်ဆုံးဆောင်ရွက်ရေး။
လူကုန်ကူးမှုပြဿနာများ ပပျောက်သွားစေရန်လည်းကောင်း၊ ရခိုင်ပြည်နယ်တွင်း လူမှုရေးပဋိပက္ခများ ငြိမ်းအေးစေရန်လည်းကောင်း ဆောင်ရွက်ရာ၌ လူ့အခွင့်အရေး၊ ဒီမိုကရေစီ အခွင့်အရေးနှင့် ရေရှည်လိုအပ်ချက် ဖြစ်သော ငြိမ်းချမ်းစွာ အားလုံးနေထိုင်နိုင်ရေး ရည်မှန်းချက်များကို အစဉ်တစိုက် သတိပြုသွားရမည် ဖြစ်ပါသည်။ သက်ဆိုင်ရာ ဒေသတွင်းအစိုးရများ၊ နိုင်ငံတကာ အဖွဲ့အစည်းများ၊ ပြည်တွင်းအင်အားစုများအားလုံး ပူးပေါင်းဆောင်ရွက်ကြရမည်ဖြစ်ပါသည်။

ဗဟိုအလုပ်အမှုဆောင်အဖွဲ့
အမျိုးသားဒီမိုကရေစီအဖွဲ့ချုပ်
.
Credit : NLD Chairperson

Author Name

Contact Form

Name

Email *

Message *

Powered by Blogger.