06/08/15

ဗကသအထွေထွေအတွင်းရေးမှူး မဖြိုးဖြိုးအောင်ကို တွေ့ရစဉ် Photo: Kyaw Zaw Win/ RFA
ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ် အထွေထွေ အတွင်းရေးမှူး မဖြိုးဖြိုးအောင်ကို ၂ဝ၁၅ ခုနှစ်အတွက် ပြည်သူ့ဂုဏ်ရည်ဆု ချီးမြှင့်လိုက်ကြောင်း မနေ့က ကြေညာပါတယ်။

ပြည်သူ့ဂုဏ်အသင်းကကြီးမှူးပြီး အမေရိကန်ပြည်ထောင်စု အရှေ့ဘက်ခြမ်း နယူးယောက်ပြည်နယ် ယူတီကာ မြို့မှာကျင်းပတဲ့ အခမ်းအနားမှာ အနောက်ဘက်ခြမ်း ကယ်လီဖိုးနီးယားပြည်နယ် လော့စ်အိန်ဂျလိစ်မြို့ ဌာနခွဲ တာဝန်ခံတစ်ဦးဖြစ်တဲ့ စာရေးဆရာမ မိုးချိုသင်းက ကြေညာခဲ့ပါတယ်။

"၂ဝ၁၅ ခုနှစ်အတွက် ပြည်သူ့ဂုဏ်ရည်ဆုတွေ ဂုဏ်ပြုတဲ့သူကတော့ ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ် အထွေထွေအတွင်းရေးမှူး မဖြိုးဖြိုးအောင် ဖြစ်ပါတယ်ရှင်"

မဖြိုးဖြိုးအောင်ကိုယ်စား နယူးယောက်ပြည်နယ် Albany မြို့မှာ သီတင်းသုံးနေတဲ့ နိုင်ငံရေးအကျဉ်းသားဟောင်း အရှင်ဇဝနက ဆုကိုလက်ခံပါတယ်။

ဒီဆုဟာ ပြည်တွင်းက ပရဟိတလူမှုရေးလုပ်ငန်းတွေကို ကိုယ်ကျိုးစွန့်ပြီး စေတနာ့ဝန်ထမ်း စွမ်းစွမ်းတမံ ဆောင် ရွက်နေသူတွေက်ို ၂ဝ၁ဝ ပြည့်နှစ်က စတင်ချီးမြှင့်နေတဲ့ဆုဖြစ်ပါတယ်။

ဒီနှစ် ဆဌမအကြိမ်မြောက် ပြည်သူ့ဂုဏ်ရည် အထူးဆုတွေကို ပရဟိတသူရဲကောင်းအဖြစ် တနိုင်တပိုင် အခမဲ့ စာကြည့်တိုက်ဖွင့်လှစ်တဲ့ ကိုဇော်ဇော်နဲ့ တန်ဖိုးသင့်ညစာ အစီအစဉ်နဲ့ ဆင်းရဲနွမ်းပါးသူတွေ အဆင်ပြေအောင် ကြိုးစား ဆောင်ရွက်ပေးနေတဲ့ ဧရာဝတီတိုင်း အင်္ဂပူမြို့က ဒေါက်တာနန္ဒဝင်းတို့ ဆွတ်ခူးပါတယ်။

ပြည်သူ့ဂုဏ်ရည်အသင်းကို ပြည်ပရောက် မြန်မာနိုင်ငံဖွား တိုင်းရင်းသားမိသားစုတွေနဲ့ ဖွဲ့စည်းထားပြီး ပြည်သူ့ ဂုဏ်ရည်ဆုနဲ့ ထိုက်တန်သူကို ပြည်သူ့ဂုဏ်ရည်အသင်း အင်တာနက်စာမျက်နှာ www.citizenofburma.org မှာ တင်သွင်းလာတဲ့ အမည်စာရင်းထဲက ရွေးချယ်ချီးမြှင့်တာပါ။

ပြည်သူ့ဂုဏ်ဆုအတွက် အမေရိကန်ဒေါ်လာ တစ်သောင်းနဲ့ အထူးဆုအတွက် ဒေါ်လာတစ်ထောင်စီ ချီးမြှင့်ပါတယ်။

ဆုချီးမြှင့်ဂုဏ်ပြုပွဲကို ပြည်တွင်းမှာပါ ကျင်းပခွင့်ရှိလာတာမို့ ရန်ကုန်တိုင်း၊ ဗဟန်းမြို့နယ်၊ တော်ဝင်နှင်းဆီခန်းမမှာ ဒီလ ၁၄ ရက်နေ့မှာ ကျင်းပဖို့စီစဉ်ထားပါတယ်။

၂ဝ၁၆ ခုနှစ်အတွက် ပြည်သူ့ဂုဏ်ရည်ဆု ကြေညာမယ့်အခမ်းအနားကိုတော့ အမေရိကန်ပြည်ထောင်စု အရှေ့ဘက်ခြမ်း မေရီလဲန်းပြည်နယ်မှာ ကျင်းပမယ်လို့ သိရပါတယ်။

RFA Burmese
http://www.rfa.org/burmese

ကိုယ်ကျိုး စွန့်လွှတ် အနစ်နာခံ မှု၊ ကျယ်ပြန့် ထိရောက် မှု နဲ့ နိုင်ငံသား တွေ အတွက် စံပြ ဖြစ်မှု ဆိုတဲ့ အခြေခံ မူ တွေ နဲ့ ရွေးချယ် ဆုပေး တာ ဖြစ်။
 မြန်မာပြည် အကျိုး ထူးခြား ဆောင်ရွက် သူတွေ အဖြစ် နိုင်ငံတကာ ရောက် မြန်မာ မိသားစု အသိုင်းအဝိုင်း က ရွေးချယ် ပေးအပ် တဲ့ ပြည်သူ့ ဂုဏ်ရည် ဆု ကို ဒီနှစ် အတွက် လက်ရှိ အကျဉ်းကျခံ နေရတဲ့ ဗကသ ကျောင်းသူ မဖြိုးဖြိုးအောင် က ရရှိ သွားပါတယ်။

ကိုယ်ကျိုး စွန့်လွှတ် အနစ်နာခံ မှု၊ ကျယ်ပြန့် ထိရောက် မှု နဲ့ နိုင်ငံသား တွေ အတွက် စံပြ ဖြစ်မှု ဆိုတဲ့ အခြေခံ မူ တွေ နဲ့ ရွေးချယ် ဆုပေး တာ ဖြစ်တယ် လို့ ပြည်သူ့ ဂုဏ်ရည် အသင်းရဲ့ ပြန်ကြားရေး တာဝန်ခံ ကိုထိန်လင်း က ရှင်းပြ ပါတယ်။

အထူးဆု ၂ ဆု လည်း ပေးခဲ့တာ မှာ လည်း တန်ဖိုးသင့် ညစာ ဆိုပြီး ငွေကြေး မတောင့်တင်းသူ တွေ ဈေးနှုန်း ချိုချိုသာသာ အဟာရ ပြည့်ပြည့် စားရ စေဖို့ ဆောင် ရွက် ခဲ့တဲ့ ဒေါက်တာ နန္ဒဝင်း နဲ့ အခမဲ့ တနိုင်တပိုင် စာကြည့် တိုက် ဖွင့်လှစ်ခဲ့တဲ့ ကိုဇော်ဇော် တို့ ကို ပေးခဲ့ ပါတယ်။

အခုလို ဆုရ စာရင်းကို ဇွန်လ ရ ၇ ၇က်နေ့ မှာ အမေရိကန် နယူးယောက် ပြည်နယ် ယူတီကာ မြို့ မှာ အခမ်းအနား ကျင်းပ ပြီး ကြေညာ ပေးခဲ့တာ ဖြစ်ပါတယ်။

ပြည်သူ့ ဂုဏ်ရည် ဆု ရှင် ကို ဒေါ်လာ တစ်သောင်း နဲ့ အထူးဆုရှင် တွေ ကို ဒေါ်လာ တစ်ထောင်စီ ချီးမြှင့် မှာ ဖြစ် ပါတယ်။

နိုင်ငံတကာရောက် မြန်မာ အသိုင်း အဝိုင်း က စုစုစည်းစည်း နဲ့ အခုလို ပြည်သူ့ ဂုဏ်ရည် ဆု ဆိုပြီး ရွေးချယ် ပေးအပ် လာတာ ၆ ကြိမ် ရှိပြီ ဖြစ် ပါတယ်။

BBC Burmese
http://www.bbc.com/burmese

 dassk-students-620.jpg အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် ဇွန်လ ၇ ရက်နေ့က တက္ကသိုလ်ကျောင်းသား၊ ကျောင်းသူတွေနဲ့ ရန်ကုန်မြို့ တက္ကသိုလ်ရိပ်သာလမ်း နေအိမ်မှာ တွေ့ဆုံနေစဉ်

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် က ကျောင်းသားသမဂ္ဂတွေ ဖွဲ့စည်းရေးကို ထောက် ခံကြောင်း ဒီကနေ့ တက္ကသိုလ်ကျောင်း သား ကျောင်းသူ ၆၀ ကျော်နဲ့ တွေ့ဆုံဆွေးနွေးပွဲမှာ ပြောကြားလိုက်ပါတယ်။

ရန်ကုန်မြို့တက္ကသိုလ်ရိပ်သာလမ်းက ဒေါ်အောင်ဆန်းစုကြည် နေအိမ်မှာ တွေ့ဆုံစဉ် ပြောကြားခဲ့တာလို့ အစည်း အဝေးအပြီးမှာ တက္ကသိုလ်ကျောင်းသားများ သမဂ္ဂ တကသ ဥက္ကဌ ကိုဇေယျာလွင် က ပြောပါတယ်။

"သမဂ္ဂကိစ္စ ဒီနေ့ ကျနော်တို့တော်တော်များများဆွေးနွေးဖြစ်တယ်၊ သမဂ္ဂနဲ့ ပတ်သက်ပြီးတော့ စိုးရိမ်နေတဲ့ စိုးရိမ်ချက်တွေနဲ့ ပတ်သက်ပြီးတော့ အဓိကထားဆွေးနွေးတယ်၊ ဒီနေ့ ဆွေးနွေးချက်မှာ ပါဝင်တဲ့ကျောင်းသား တချို့သည် ကျောင်းသားသမဂ္ဂကို ကျောင်းသားသမဂ္ဂမဟုတ်ဘဲနဲ့ တက္ကသိုလ်ဥပဒေကို အဆင့်မြင့်ပညာဥပဒေ မှာ ရေးဆွဲနိုင်ဖို့အတွက် ဆွေးနွေးတာရှိတယ်၊ အဲ့လိုဆွေးနွေးချက်ကို အန်တီအနေနဲ့ လုံးဝလက်မခံခဲ့ပါဘူး၊ အန်တီဒေါ်အောင်ဆန်းစုကြည်အနေနဲ့က ကျောင်းသား သမဂ္ဂအမည်ကလွဲပြီးလုံးဝလက်မခံခဲ့ပါဘူး၊ ကျောင်း သားသမဂ္ဂသည် ရှေ့လာမယ့် တက္ကသိုလ်ကျောင်းသားတွေအတွက် အားကိုးအားထားရမယ့် အဖွဲ့အစည်း တစ်ခု ဖြစ်ရမယ်၊ တိုင်းပြည်ပညာရေးအတွက် တစ်ကယ်အထောက်အကူပြုတဲ့ အဖွဲ့အစည်း တစ်ခုအဖြစ် သူရှုမြင်တယ်၊ အဲ့တော့ ကျောင်းသားသမဂ္ဂရှိကိုရှိရမယ်၊ ကျောင်းသားသမဂ္ဂအပြင် တခြားနာမည်နဲ့ အဖွဲ့ အစည်းတစ်ခုကိုတော့ သူလုံးဝမလိုလားပါဘူး"

ဒါ့အပြင် သာယာဝတီအကျဉ်းထောင်မှာ ဖမ်းဆီးခံထားရတဲ့ ကျောင်းသား ကျောင်းသူတွေအမှုနဲ့ပတ်သက်ပြီး ကာယကံရှင်တွေက လက်ခံမယ်ဆိုရင် အန်အယ်လ်ဒီ ဥပဒေအထောက်အကူပြုအဖွဲ့အနေနဲ့ ကူညီဖို့ အဆင်သင့် ရှိကြောင်း ဒေါ်အောင်ဆန်းစုကြည်က ပြောတယ်လို့လည်း သိရပါတယ်။

ရန်ကုန်၊ မန္တလေး၊ ချောက်၊ ထားဝယ် စတဲ့ မြို့နယ်တွေက ကျောင်းသားသမဂ္ဂ အဖွဲ့ဝင် ၆၀ ကျော်ဟာ ပညာရေး နဲ့ဆက်စပ်တဲ့ ဥပဒေတွေရေးဆွဲရမှာ ပါဝင် လိုကြောင်းတင်ပြခဲ့ပါတယ်။

ဒေါ်အောင်ဆန်းစုကြည်က မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ် ကိုယ်စားလှယ်တွေနဲ့ ဒီနေ့မနက် မှာ တွေ့ဆုံခဲ့ပြီး အဆင့်မြင့် ပညာရေးဥပဒေအပေါ် သဘောထားတွေကို မေးမြန်းခဲ့တယ်လို့ သိရပါတယ်။

အမျိုးသားပညာရေးဥပဒေ အတည်ပြုပြီးနောက် ဆက်လက်ရေးဆွဲရမယ့် အဆင့်မြင့်ပညာရေး ဥပဒေ ကို ဒေါ်အောင်ဆန်းစုကြည် ဦးဆောင်ပြီး ရေးဆွဲ ဖို့ ပြင်ဆင်နေတာဖြစ်ပါတယ်။

RFA
http://www.rfa.org/burmese/news/dassk-holds-meeting-students-06072015100924.html

Author Name

Contact Form

Name

Email *

Message *

Powered by Blogger.