06/24/15


မြန်မာနိုင်ငံရဲ့ ၂၀၀၈ ဖွဲ့စည်းပုံအခြေခံဥပဒေဟာ စတင်ရေးဆွဲစဉ်က စပြီး မူမမှန်ခဲ့ဘူးလို့ ပြည်ထောင်စုလွှတ်တော်မှာ ကျင်းပတဲ့ ပြင်ဆင်ရေး ဥပေဒမူကြမ်း ဆွေးနွေးပွဲမှာ အမျိုးသားဒီမိုကရေစီအဖွဲ့ချုပ်ပါတီ ကိုယ်စားလှယ် ၂ ဦးက ဝေဖန်သွားပါတယ်။

ပုဒ်မ ၄၃၆ ပုဒ်မခွဲ (က) ပတ်သက်တဲ့ လတ်တလောပြင်ဆင်သင့်တဲ့ ပုဒ်မ ၄ ခုကို ဒီကနေ့ ဆွေးနွေးပွဲမှာ အဓိက ဆွေးနွေးခဲ့ကြပါတယ်။ အပြည့်အစုံကို ဗွီအိုအေသတင်းထောက် ကိုမိုးဇော်က သတင်းပေးပို့ထားပါတယ်။

ပြည်ထောင်စုလွှတ်တော်မှာ ၂၀၀၈ ဖွဲ့စည်းပုံပြင်ဆင်ရေးနဲ့ ပတ်သက်ပြီး စတင်ဆွေးနွေးကြရာမှာ ဖွဲ့စည်းပုံပြင်ဆင်ရေးအတွက် အဓိက အချက်ဖြစ်တဲ့ ပုဒ်မ ၄၃၆ ပုဒ်မခွဲ (က) နဲ့ ပတ်သက်တဲ့ အချက်တွေကို အဓိက ဆွေးနွေးခဲ့ကြပါတယ်။ ပုဒ်မ ၄၃၆ ပုဒ်မခွဲ (က) ဟာ ဖွဲ့စည်းပုံပါ ပုဒ်မပေါင်း ၉၀ ကျော်ကို ပြင်ဆင်လိုတယ်ဆိုရင် ပြည်ထောင်စု လွှတ်တော်ကိုယ်စားလှယ် ၇၅ ရာခိုင်နှုန်းကျော်က ပြင်ဆင်ဖို့ ထောက်ခံရမယ်။ ဒီလို ထောက်ခံပြီးတဲ့နောက်မှာ ပြည်လုံးကျွတ်ဆန္ဒခံယူပွဲကျင်းပပြီး မဲပေးပိုင်ခွင့်ရှိသူအားလုံးရဲ့ ထက်ဝက်ကျော်ဆန္ဒမဲနဲ့သာ ပြင်ဆင်ရမယ်လို့ ပါရှိတာဖြစ်ပါတယ်။

ဒီလိုအချက်တွေ ပါဝင်ခဲ့တာဟာ ၂၀၀၈ ဖွဲ့စည်းပုံစတင်ရေးဆွဲတဲ့ အမျိုးသားညီလာခံကစပြီး ပြည်သူကို ကိုယ်စားမပြုခဲ့တာ ဖြစ်တယ်လို့ အမျိုးသားဒီမိုကရေစီအဖွဲ့ချုပ် NLD က လွှတ်တော်ကိုယ်စားလှယ် ဦးဝင်းမြင့်က လွှတ်တော်အတွင်း ဆွေးနွေးစဉ်မှာ ဝေဖန်ခဲ့ပါတယ်။

“၁၉၉၀ ပြည့်နှစ် ပါတီစုံ ဒီမိုကရေစီ အထွေထွေ ရွေးကောက်ပွဲအတွက် ပြဌာန်းခဲ့တဲ့ ပြည်သူ့လွှတ်တော် ရွေးကောက်ပွဲဥပဒေ ပုဒ်မ ၃ မှာ လွှတ်တော်ကို မဲဆန္ဒနယ်များမှ ဤဥပဒေနဲ့အညီ ရွေးကောက်တင်မြှောက်လိုက်သော လွှတ်တော်ကိုယ်စားလှယ်များဖြင့် ဖွဲ့စည်းရမည်ဟု ပြဋ္ဌာန်းခဲ့ပါတယ်။ ဒါပေမဲ့ အဲဒီတုန်းက အာဏာပိုင်တွေက ဥပဒေကို ချိုးဖောက်ပြီး လွှတ်တော်ခေါ်ယူ ဖွဲ့စည်းပေးခဲ့ခြင်း မရှိပါ။ ကြေညာချက်အမှတ် ၁/၉၀ ကို ထုတ်ပြန်ပြီး ယနေ့အချိန်တွင် ပြည်သူများက ရွေးကောက်တင်မြှောက်လိုက်သော ကိုယ်စားလှယ်များသည် အနာဂတ် ဒီမိုကရေစီနိုင်ငံတော် ဖွဲ့စည်းပုံအခြေခံဥပဒေကို ရေးဆွဲကြရန် တာဝန်ရှိသည့် ပုဂ္ဂိုလ်များဖြစ်သည်ဟု အပိုဒ် ၂၀ တွင် ဖော်ပြခဲ့ပါတယ်။ သို့သော်လည်း ဖွဲ့စည်းပုံအခြေခံဥပဒေကို ပြည်သူက ရွေးကောက်တင်မြှောက်လိုက်သော ကိုယ်စားလှယ်များ ရေးဆွဲခွင့် မရခဲ့ပါ။ ဖွဲ့စည်းပုံအခြေခံဥပဒေ ရေးဆွဲရေးအတွက် အခြေခံမူများ ချမှတ်နိုင်ရန် ကျင်းပခဲ့တဲ့ အမျိုးသားညီလာခံ ကျိုက္ကဆံမှာ မဲဆန္ဒရှင်ပြည်သူလူထုက လုပ်ပိုင်ခွင့်အာဏာ အပ်နှင်းလိုက်တဲ့ ပြည်သူ့လွှတ်တော်ကိုယ်စားလှယ် ၁၅ ဒဿမ ၂၄ ရာခိုင်နှုန်းခန့်သာ ပါဝင်ခွင့်ရခဲ့ပြီး၊ အမျိုးသားညီလာခံ ညောင်နှစ်ပင်မှာ ၁ ရာခိုင်နှုန်းခန့်သာ ပါဝင်ခွင့် ရခဲ့ပါတယ်။ ”

NLD ပါတီရဲ့ လွှတ်တော်ကိုယ်စားလှယ်တဦးဖြစ်တဲ့ ဒေါက်တာဇော်မြင့်မောင်ကလည်း ၂၀၀၈ ဖွဲ့စည်းပုံအခြေခံဥပေဒကို ရေးဆွဲရာမှာ ပြည်သူ့လွှတ်တော်ကိုယ်စားလှယ် ၁၃ ဦးသာ ပါဝင်တယ်လို့ ထောက်ပြပါတယ်။

“ဗိုလ်ချုပ်ကြီးခင်ညွန့်ထုတ်ခဲ့တဲ့ အမိန့် ၁ အမှတ် ၉၀ ဟာ ဖွဲ့စည်းပုံအခြေခံဥပဒေကို ရွေးကောက်ခံထားတဲ့ လွှတ်တော်ကိုယ်စားလှယ်များ ရေးဆွဲရပါမယ်ဆိုတဲ့ ပြဌာန်းထားချက်ဖြစ်ပါတယ်။ အဲတော့ ညီလာခံကြီးကျင်းပတဲ့အခါ တကယ်တမ်းကျတော့ အလွှာ ၈ လွှာပါပေမဲ့ ဘယ်လိုရွေးသလဲဆိုတာ ကျနော်တို့ ပွင့်လင်းမြင်သာစွာ မသိခဲ့ရဘူး။ လွှတ်တော်ကိုယ်စားလှယ်လည်း အနည်းငယ်သာ ပါပါတယ်။ ဒီမိုကရေစီ လုပ်ထုံးလုပ်နည်းနဲ့ မညီလို့ အမျိုးသားဒီမိုကရေစီအဖွဲ့ချုပ်က ဒါတွေပြင်ပေးဖို့ ညီလာခံမှာ တင်သွင်းသော်လည်း မရခဲ့ပါဘူး။ အဲတော့ နောက်ဆုံး ၂၀၀၈ ဖွဲ့စည်းပုံအခြေခံဥပဒေကြီး ရေးဆွဲတဲ့အခါမှာ ကိုယ်စားလှယ် ၁၃ ဦးပဲ ပါတယ်လို့ ကျနော် ကြားသိရပါတယ်။”

တပ်မတော်သား လွှတ်တော်ကိုယ်စားလှယ် ဗိုလ်မှူးချုပ် တင်စန်းနိုင်ကလည်း ၂၀၀၈ ဖွဲ့စည်းပုံကို ပြည်သူလူထု ၉၂ ရာနှုန်းကျော် ထောက်ခံမှုနဲ့ အတည်ပြုထားတာလို့ တင်ပြပြောဆိုခဲ့ပါတယ်။

“လက်ရှိ ကျင့်သုံးနေတဲ့ ၂၀၀၈ ဖွဲ့စည်းပုံ အခြေခံဥပဒေဟာလည်း အမျိုးသားညီလာခံစတင်ခဲ့တဲ့ ၉ ရက် ၁ လ ၁၉၉၃ ကနေ ဥပဒေရေးဆွဲပြီးစီးခဲ့တဲ့ ၃ ရက် ၉ လ ၂၀၀၇ အထိ ၁၅ နှစ်တာကာလအတွင်းမှာ ၆ နှစ်နဲ့ ၅ လကြာ အချိန်ယူ ရေးဆွဲခဲ့ပြီးတော့ ရေးဆွဲတဲ့နေရာမှာလည်း နိုင်ငံရေး၊ လုံခြုံရေး၊ အုပ်ချုပ်ရေး၊ လူမှုရေးနဲ့ ဥပဒေရေးရာ ရှုထောင့်မျိုးစုံက လူတန်းစားအလွှာ ၈ လွှာမှ အင်အား ၁၀၈၈ ဦးနဲ့ ရေးဆွဲပြဌာန်းခဲ့ခြင်း ဖြစ်ပါတယ်။ ဒါ့အပြင် ဒီမိုကရေစီနည်းလမ်းအရ ပြည်သူ့ဆန္ဒ ပြည်သူ့သဘောထားများ ရယူပြီး ပြည်သူ ၉၂ ဒဿမ ၄၈ ရာခိုင်နှုန်း ထောက်ခံ အတည်ပြုထားတာပဲ ဖြစ်ပါတယ်။ ”

ပြည်ထောင်စုလွှတ်တော်မှာ တပ်မတော်သား ကိုယ်စားလှယ် ၂၅ ရာခိုင်နှုန်းပါဝင်တာကြောင့် ဖွဲ့စည်းပုံကို ၇၅ ရာခိုင်နှုန်းကျော် ထောက်ခံမှ ပြင်ဆင်နိုင်တယ်ဆိုတဲ့ အချက်အရ တပ်မတော်ကိုယ်စားလှယ်တွေ ပါဝင် ထောက်ခံမှသာ ဖွဲ့စည်းပုံပြင်ဆင်နိုင်မယ့် အခြေအနေရှိတာ ဖြစ်ပါတယ်။ လောလောဆယ်မှာတော့ ပြည်ထောင်စုလွှတ်တော်မှာ လွှတ်တော်ကိုယ်စားလှယ် အားလုံးရဲ့ ၇၅ ရာခိုင်နှုန်းကျော်အစား ၇၀ ရာခိုင်နှုန်းအထိ လျှော့ချခဲ့သလို လူထုဆန္ဒခံယူပွဲ ကျင်းပရာမှာလည်း မဲပေးပိုင်ခွင့်ရှိသူ အားလုံးရဲ့ ထက်ဝက်အစား မဲပေးသူအားလုံးရဲ့ ထက်ဝက်လို့ ပြင်ဆင်ဖို့ ဆွေးနွေးနေပါတယ်။ တပ်မတော်သား လွှတ်တော်ကိုယ်စားလှယ် ဗိုလ်မှူးချုပ် တင်စန်းနိုင်က ၄၃၆ ပြင်ဆင်ရေးနဲ့ပတ်သက်ပြီး အခုလို ဆက်လက် ဆွေးနွေးပါတယ်။

“နိုင်ငံတကာမှာရှိတဲ့ နိုင်ငံအချို့ရဲ့ အသွင်ကူးပြောင်းရေးကာလ အခြေအနေများကို လေ့လာရာမှာ အများအားဖြင့် သွေးထွက်သံယိုမှု၊ ပျက်စီးဆုံးရှုံးမှုများနဲ့ ကြုံတွေ့ ကူးပြောင်းနေကြတာကို တွေ့ရှိရမှာ ဖြစ်ပါတယ်။ ဥပမာအားဖြင့် အီဂျစ်၊ ဆီးရီးယား၊ လစ်ဗျား၊ ပြင်သစ်နိုင်ငံတို့ကို လေ့လာလျှင် တွေ့ရှိရမှာ ဖြစ်ပါတယ်။ မြန်မာနိုင်ငံဟာ တိုင်းရင်းသားလူမျိုးပေါင်းစုံ ၁၀၀ ကျော် နေထိုင်ပြီး၊ ဒီမိုကရေစီစနစ်ကို ညှင်သာစွာ ကူးပြောင်းနိုင်ခဲ့တာကို တွေ့ရှိရမှာဖြစ်ပါတယ်။ လက်ရှိကာလမှာလည်း အထိုက်အလျောက် ဖွံ့ဖြိုးတိုးတက်လျက်ရှိပြီး၊ ဆက်လက် ဖွံ့ဖြိုးတိုးတက်မယ့် အရိပ်အယောင်များကိုလည်း မြင်တွေ့နေရပြီဖြစ်ပါတယ်။ ပြည်သူများနဲ့ ဖွဲ့စည်းထားတဲ့ ပြည်သူ့တပ်မတော် အနေနဲ့လည်း ဒီမိုကရေစီ အသွင်ကူးပြောင်းရေးရဲ့ ကနဦးအဆင့်မှာ ယာယီအားဖြင့် ပါဝင်ခြင်းဟာ ဒီမိုကရေစီ ဖွံ့ဖြိုးတိုးတက်ရေးကို အထောက်အကူ ပေးနိုင်မှာဖြစ်တဲ့အပြင် အချို့သောနိုင်ငံများမှာ အနာဂတ် ဒီမိုကရေစီ ပေါ်ထွန်းရေးအတွက် တပ်မတော်ကဲ့သို အာမခံချက်ပေးနိုင်တဲ့ အဖွဲ့အစည်း မရှိတာကို တွေ့ရှိရမှာဖြစ်ပါတယ်။ ဒါကြောင့် ၂၀၀၈ ခုနှစ် ဖွဲ့စည်းပုံအခြေခံဥပဒေနဲ့ ပတ်သက်ပြီး ပြင်ဆင်သင့်သည်ကို ပြင်ဆင်ရေး၊ မပြင်သင့်သည်ကို မပြင်နိုင်ရေးအတွက် တပ်မတော်သား လွှတ်တော်ကိုယ်စားလှယ်များရဲ့ ပါဝင်မှုရာခိုင်နှုန်းနဲ့ ထိန်းသိမ်းဆောင်ရွက်ပေးနေခြင်းသာ ဖြစ်ပါတယ်။ နောင်တချိန် တိုင်းပြည်တည်ငြိမ်အေးချမ်းမှု အခိုင်အမာရှိလာချိန်မှာ အခြေအနေအရပ်အရပ်တွေ ကောင်းလာတဲ့အချိန်မှာ ပုဒ်မ ၄၃၆ ပြင်ဆင်ရေးဟာ အဓိကမကျကြောင်း သိရှိလာမှာ ဖြစ်ပါတယ်။”

တပ်မတော်သားလွှတ်တော်ကိုယ်စားလှယ်က ၄၃၆ မပြင်ရေးအတွက် တင်ပြ ဆွေးနွေးပါတယ်။ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီနဲ့ အခြားပါတီတချို့က ၄၃၆ ပြင်ဆင်ထားတဲ့အချက်ကို ထောက်ခံပြီး NLD ပါတီကတော့ ဒီပြင်ဆင်တာဟာ လုံလောက်မှုမရှိကြောင်း တင်ပြထားပါတယ်။

ဒီကနေ့ လွှတ်တော်မှာ ဆွေးနွေးတဲ့ ပုဒ်မတွေမှာတော့ ပုဒ်မ ၅၉ (ဃ)၊ ပုဒ်မ ၅၉ (စ)၊ ပုဒ်မ ၆၀ (ဂ)၊ ပုဒ်မ ၄၁၈ (ခ)၊ ပုဒ်မ ၄၃၆ (က) စတဲ့ ပုဒ်မတွေကို လွှတ်တော်ကိုယ်စားလှယ် ၁၅ ဦး က ဆွေးနွေးခဲ့ပါတယ်။ ဖွဲ့စည်းပုံပြင်ဆင်ရေးဆိုင်ရာ ဥပဒေမူကြမ်းကို ဗုဒ္ဓဟူးနေ့မှာလည်း ဆက်လက် ဆွေးနွေးဖို့ရှိပြီး ကြာသပတေးနေ့ ဆွေးနွေးချက်တွေ ပြီးဆုံးချိန်မှာတော့ ဥပဒေမူကြမ်း တပိုဒ်ချင်းစီကို လွှတ်တော်ရဲ့ အဆုံးအဖြတ် ရယူမှာ ဖြစ်ပါတယ်။

ကိုမိုးဇော်/VOA
http://burmese.voanews.com/content/burma-constitution/2834075.html

ပဲခူးတိုင်းဒေသကြီး ကျောက်ကြီးမြို့နယ် စက်လှဲကျေးရွာအနီးမှာ ရတနာစိုင်းကောင်းမြတ်ကျော် ကုမ္ပဏီက သတ္တုတူးဖော်နေစဉ် Photo: ဒေသခံတစ်ဦး
ပဲခူးတိုင်းဒေသကြီး ကျောက်ကြီးမြို့နယ် စက်လှဲကျေးရွာအနီးမှာ ရတနာစိုင်းကောင်းမြတ်ကျော် ကုမ္ပဏီက သတ္တုတူးဖော်နေစဉ် Photo: ဒေသခံတစ်ဦး
ပဲခူးတိုင်းဒေသကြီး ကျောက်ကြီးမြို့နယ် စက်လှဲကျေးရွာအနီးက မြေဧက ၇သောင်းနီးပါးမှာ ရတနာစိုင်းကောင်းမြတ်ကျော် ကုမ္ပဏီက သတ္တုတူးဖော်နေတာကို ရပ်ဆိုင်းပေးဖို့ ဒေသခံ ၄၀၀၀ နီးပါးက လက်မှတ်ရေးထိုး တောင်းဆိုလိုက်ပါတယ်။

ကုမ္ပဏီကို သတ္တုတူးဖော်ခွင့် ပေးလိုက်တဲ့မြေနေရာတွေမှာ တောင်တွေပါဝင်ပြီး ဒေသခံတွေဟာ အဲဒီတောင်တွေကို မှီခိုနေကြတဲ့လူတွေဖြစ်တဲ့အတွက် ကန့်ကွက်တာလို့ ဒေသခံတစ်ဦးဖြစ်သူ မခင်စန်းဝေက ပြောပါတယ်။

"ဒေသခံတွေကတော့ တော်တော်လေးကို သဘောမကျဘူး၊ သူတို့ယူထားတဲ့ မြေဧက ၇ သောင်းကျော် ဟာ တောင်တန်းကြီးပေါ့နော်၊ ကျမတို့ကတော့ အရှေ့တောင်လို့ခေါ်တာ၊ ဒီအရှေ့တောင်မှာပဲ ဒီနယ်က လူတွေအားလုံးဟာ သစ်ခုတ် ဝါးခုတ် မျှစ်တူး အဲ့ဒါနဲ့လုပ်ကိုင်စားပြီး အသက်မွေးဝမ်းကျောင်း ပြုနေကြတဲ့ သူတွေက တော်တော်များတယ်၊ ဒီလိုသိမ်းပြီး ဒီတောင်ပျောက်သွားရင် သူတို့ဘာလုပ်စားရမလဲ ဒါကနံပါတ် ၁ ပေါ့နော်၊ ၂ ကတော့ အဲ့ကထွက်လာမယ့် ဒုက္ခတွေပေါ့နော်၊ ရေတွေ၊ ခဲကိစ္စတွေ ဖြစ်မယ်ဆိုတာတွေကိုလည်း သူတို့တချို့သိတယ်ပေါ့၊ လက်ပံတောင်းတောင်ကိုလည်း သူတို့မြင်ထားလို့ အဲ့လိုပျောက်သွားမယ်ဆိုလို့ရှိရင် စားဝတ်နေရေးအတွက် အခက်အခဲဖြစ်မယ်ဆိုတာကို သူတို့စိုးရိမ်တယ်"

ဒေသခံတွေဟာ ပြီးခဲ့တဲ့ ဇွန်လ ၅ရက်နေ့ကစပြီး လက်မှတ်တွေကို ကောက်ယူနေတာဖြစ်ပါတယ်။ အဲဒီ့လက်မှတ်တွေကို ပြည်ထောင်စုလွှတ်တော် နာယက သူရဦးရွှေမန်းထံ ပေးပို့ထားပြီး နိုင်ငံတော်သမ္မတနဲ့ KNU ကရင်အမျိုးသားအစည်းအရုံးတို့ထံ ဆက်လက်တင်ပြသွားမှာ ဖြစ်တယ်လို့ သိရပါတယ်။

ပဲခူးတိုင်းဒေသကြီးအစိုးရနဲ့ KNU တပ်မဟာ ၃ တို့က ရတနာစိုင်းကောင်းမြတ်ကျော် ကုမ္ပဏီထံ ပြီးခဲ့တဲ့နှစ်ကုန်ပိုင်းမှာ သတ္တုတူးဖော်ခွင့်ပေးခဲ့တာဖြစ်တယ်လို့ ဒေသခံတွေက ပြောပါတယ်။

အဲဒီကုမ္ပဏီက သတ္တုတူးဖော်နေတာ ၆လလောက်ရှိပြီဖြစ်ပြီး အရပ်ဘက်လူမှုအဖွဲ့အစည်းတွေနဲ့ ဒေသခံ ၁၀၀ ကျော်ဟာ ပြီးခဲ့တဲ့ ဇွန်လ ၅ရက်နေ့က သတ္တုတူးဖော်မှုကို ရပ်ဆိုင်းပေးဖို့အတွက် လုပ်ငန်းခွင်အနီး မှာ တောင်းဆိုခဲ့ကြပါတယ်။

RFA Burmese
http://www.rfa.org/burmese

အံဒင်ကျေးရွာမှာ တည်ဆောက်မယ့် ကျောက်မီးသွေးသုံး လျှပ်စစ်ဓာတ်အားပေးစက်ရုံစီမံကိန်း ဖျက်သိမ်းပေးဖို့ မေလ ၅ ရက်နေ့ က ဒေသခံ ၇ ထောင်ကျော် ကန့်ကွက်ဆန္ဒပြစဉ် Photo: Kyaw Lwin Oo/RFA
မွန်ပြည်နယ် ရေးမြို့နယ်မှာ အံဒင်ကျောက်မီးသွေးစက်ရုံ တည်ဆောက်ဖို့အတွက် မြေနေရာတွေ လိုက်လံဝယ်ယူ သူတွေကို ကန့်ကွက်တဲ့ ဒေသခံ ၂၆ ယောက်ကို အကျိုးပျက်စီးစေမှု၊ ပိုင်နက်ကျူးလွန်မှု စတဲ့ ပုဒ်မ ၄ခုနဲ့ ရေးမြို့နယ် မြို့မရဲစခန်းမှာ ဒီနေ့ အမှုဖွင့်စစ်ဆေးနေပါတယ်။

ရေးမြို့နယ် နှစ်ကရုပ်ကျေးရွာအုပ်ချုပ်ရေးမှူး အပါအ၀င်ဒေသခံ ၂၆ ယောက်ကို မြို့မရဲစခန်းမှာ စတင်စစ်ဆေးနေ တယ်လို့ အံဒင်ကျေးရွာအုပ်စု အုပ်ချုပ်ရေးမှူး ဦးမောင်ရှင်းက ပြောပါတယ်။

"သူ့ခြံစည်းရိုးကိုဖျက်တယ်၊ အိမ်ပေါ်တက်တယ်လို့ စွပ်စွဲပြီးတရားစွဲတယ်၊ ဒါက တစ်ယောက်မှမတက်ကြဘူး၊ ရာအိမ်မှူးတစ်ယောက်ပဲပေ့ါ၊ အဲ့အနီးအနားမှာ သူ့အိမ်ပေါ်မတက်ဖို့ လူအန္တရာယ်မဖြစ်ဖို့ ထိန်းသိမ်းစောင့်ရှောက် တဲ့ သဘောပဲရှိတယ်"

ကျောက်မီးသွေးစက်ရုံ တည်ဆောက်ဖို့အတွက် တိုယိုထိုင်းကုမ္ပဏီနဲ့ အကျိုးတူပူးပေါင်းထားတဲ့ ရောင်နီဦးကုမ္ပဏီက အံဒင်ကျေးရွာနဲ့ နှစ်ကရုပ်ကျေးရွာတို့မှာ မြေနေရာတွေ လိုက်ဝယ်နေတာဖြစ်ပါတယ်။

ပြီးခဲ့တဲ့ မေလ ၁၅ ရက်နေ့က နှစ်ကရုပ်ကျေးရွာမှာ မြေ၀ယ်ယူဖို့ ရောက်ရှိလာသူတွေ တည်းခိုတဲ့နေအိမ်ရှေ့မှာ အံဒင်ကျေးရွာနဲ့ နှစ်ကရုပ်ကျေးရွာက ဒေသခံ ၂၀၀ ကျော်က သွားရောက်ကန့်ကွက်ခဲ့တာဖြစ်ပါတယ်။

ကန့်ကွက်ရာမှာ ပါဝင်ခဲ့တဲ့ နှစ်ကရုပ်ကျေးရွာသား ၁၁ ယောက်၊ အံဒင်ကျေးရွာသား ၁၄ ယောက်နဲ့ ၀င်ရောက်ဖြန်ဖြေပေးတဲ့ ကျေးရွာအုပ်ချုပ်ရေးမှူး ၁ယောက်တို့ကို မြေ၀ယ်သူတွေ တည်းခိုခဲ့တဲ့ နေအိမ်ပိုင်ရှင်က အကျိုးပျက်စီးစေမှု၊ ပိုင်နက်ကျူးလွန်မှု၊ သာမန်လက်ရောက်မှု၊ ခြိမ်းခြောက်မှုတို့နဲ့ ရေးမြိုမရဲစခန်းမှာ အမှုဖွင့်ထားတာ ဖြစ်ပါတယ်။

ကျောက်မီးသွေးစက်ရုံကို အံဒင်ကျေးရွာအနီးက မြေဧက ၅၀၀ မှာ တိုယိုထိုင်းကုမ္ပဏီက လာမယ့် ၂၀၁၆ ခုနှစ်ကစပြီး ၄ နှစ်ကြာ ဆောက်လုပ်မှာဖြစ်ပါတယ်။

RFA Burmese
http://www.rfa.org/burmese

အမျိုးသားပညာရေးဥပဒေကို သပိတ်မှောက်ခဲ့ရာက ရိုက်နှက်ဖမ်းဆီး တရားစွဲခံထားရတဲ့ ကျောင်းသားတွေနဲ့ ၀န်းရံပြည်သူ ၆ ဦးအတွက် ဒီကနေ့ သာယာဝတီ ခရိုင်တရားရုံးမှာ အာမခံ လျှောက်ပါတယ်။

လက်ရှိရန်ကုန်ဆေးရုံမှာ ဆေးကုသမှုခံယူနေရတဲ့ ဦးတင်ဝင်းနဲ့ ဦးခင်လှိုင် အပါအ၀င် ၀န်းရံပြည်သူတွေဖြစ်တဲ့ ဒေါ်အေးသန်း၊ ဦးကြည်မင်းနဲ့ ၆ ဦးအတွက် ဒီနေ့ အာမခံတင်တာလို့ တရားလွှတ်တော် ရှေ့နေ ဦးလှမျိုးမြင့်က ပြောပါတယ်။

ဒီကနေ့ အာမခံလျှောက်တဲ့ သူတွေဟာ မြို့နယ်တရားရုံးမှာ အာမခံပယ်ချခံရတဲ့သူတွေ ဖြစ်တယ်လို့လည်း ဆိုပါတယ်။

ဒါ့အပြင်ပြီးခဲ့တဲ့ ၁၆ ရက်နေ့က ကျောင်းသားနဲ့ ၀န်းရံပြည်သူ အာမခံလျှောက်သူ ၈ ဦးအတွက် အာမခံလျှောက်ထားပြီး ဒီကနေ့ လျေက်လဲချက်ပေးဖို့ ချိန်းဆိုပေမယ့် လျောက်လဲချက်မပေးရဘဲ လာမယ့်အပတ် ဇွန်လ ၃၀ ရက်နေ့မှ ကြားနာဖို့ ချိန်းဆိုတယ်လို့ ဦးလှမျိုးမြင့်က ပြောပါတယ်။

“ဒီကနေ့က လျှောက်လဲချက် ပေးခွင့်မပြုဘူး။ ကျနော်က ပေးဖုိ့အဆင်သင့်ပဲ။ ပေးခွင့်မပြုတာ။ နောက်တင်တဲ့ ၆ ယောက်အတွက်က ဒီကနေ့မှာ ဖော်ပြရက်ချိန်း ချိန်းတာကို။ အမှုက တမှုတည်းက ပေါက်ဖွားလာတာဖြစ်တဲ့အတွက်ကြောင့် ခရိုင်ဥပဒေ၀န်ထမ်း ဦးဌေးအောင် ကနေပြီးတော့ တရားသူကြီးကို တင်ပြပါတယ်။ တရားသူကြီး ၅ မှုစလုံးကို တပြိုင်နက် ကြားနာပါမယ်ဆိုပြီးတော့ ၃၀ ရက်နေ့ကို ကြားနာဖို့ ပြန်ချိန်းလိုက်ပါတယ်။”

လာမယ့် ဇွန်လ ၃၀ ရက်နေ့မှာ ခရိုင်တရားရုံးမှာ အာမခံလျှောက်သူအတွက် ကြားနာဖို့ရှိသလို မြို့နယ်တရားရုံးမှာလည်း ကျောင်းသားတွေကို ရုံးထုတ်စစ်ဆေးဖို့ရှိတယ်လို့လည်း ပြောပါတယ်။

လက်ပံတန်းကျောင်းသားသပိတ်ကြောင့် သာယာဝတီအကျဉ်းထောင်၊ အင်းစိန်နဲ့မြင်းခြံ အကျဉ်းထောင်တွေမှာ ဖမ်းဆီးခံကျောင်းသားနဲ့ ၀န်းရံပြည်သူအပါအ၀င် ၁၀၀ နီးပါးလောက် အမှုရင်ဆိုင် နေရပါတယ်။

သာယာဝတီထောင်မှာတော့ သပိတ်မှောက်ကျောင်းသားတွေနဲ့ ၀န်းရံပြည် သူ ၇၀ လောက်ကို နိုင်ငံတော် အကြည်ညို ပျက်စေမှု အပါအ၀င် ပုဒ်မ ၅ ခုနဲ့ တရားစွဲဆိုထားတာ ဖြစ်ပါတယ်။

By နော်နိုရင်း
http://burmese.dvb.no/archives/99186


မွန်ပြည်နယ် ကျိုက်မရောမြို့နယ်တရားရုံးက အလွတ်သတင်းထောက် ကိုပါကြီးဟာ ဓမ္မတာအတိုင်း သေဆုံးတာမဟုတ်ဘဲ တစုံတယောက်ရဲ့ ပယောဂကြောင့် သေဆုံးခဲ့တာလို့ ဒီကနေ့ ဆုံးဖြတ်ပါတယ်။

စစ်တပ်က ဖမ်းဆီးထားစဉ် သေနတ်ဒဏ်ရာနဲ့ သေဆုံးသူ ကိုပါကြီးအမှုကို ကျိုက်မရောမြို့မ ရဲစခန်းမှူး ဒု-ရဲမှူး ဦးတင်ဦးက တရားလိုလုပ်ပြီး ‘သေမှုသေခင်း’ အနေ နဲ့အမှုဖွင့် စစ်ဆေးနေ တာပါ။ ဒီကနေ့ ၉ ကြိမ်မြောက် ရုံးထုတ်မှာတော့ ပစ်ခတ်မှုနဲ့ဆက်စပ်ပတ်သက်တဲ့ စစ်သားကို ဆင့်ခေါ်စစ်ဆေးပြီးနောက် ဆုံးဖြတ်ချက်ချခဲ့တာ ဖြစ်ပါတယ်။

တရားခွင်တက်ရောက်တဲ့ ကိုပါကြီးရဲ့ဇနီး ဒေါ်သန္တာက “ဒီကနေ့ အမိန့်ချပါတယ်။ ဓမ္မတာအတိုိုင်းသေတာ မဟုတ်ဘူးပေါ့နော်။ လူတဦးရဲ့ ပယောဂကြောင့်၊ သေနတ်ဒဏ်ရာကြောင့် သေဆုံးသွားတာ မှန်ပါတယ်ဆိုတာကို အမိန့်ချလိုက်ပါတယ်။” လို့ ပြောပါတယ်။

ဒီသေဆုံးမှုကို တရားမျှတမှုနဲ့ အမှုမှန်ပေါ်ပေါက်ရေးအတွက် ရှေ့နေနဲ့တိုင်ပင်ပြီး ဥပဒေဘောင်အတွင်းက ဆက်လက်ကြိုးစားမယ်လို့ သူက ပြောပါတယ်။

ဒီကနေ့ရုံးထုတ်မှာ တရားသူကြီးရဲ့ ဆင့်ခေါ်ချက်အရ တပ်မတော်သား ၁၁ ဦးက သက်သေအနေနဲ့ လာရောက်စစ်ဆေးခံခဲ့တယ်လို့ ကိုပါကြီးရဲ့ဇနီး မသန္တာက ပြောပါတယ်။

“ဟုတ်ကဲ့ တရားသူကြီး ဆင့်ခေါ်စာနဲ့ ၂ ယောက်ပေါ့နော်။ စစ်ခုံရုံးက တရားသေ လွှတ်ထား တယ်ဆိုတဲ့ တပ်သား နိုင်လင်းထွန်းနဲ့ ဒု-တပ်ကြပ်ကျော်ကျော်အောင်၊ တပ်စုမှုးဗိုလ်ရဲထွတ် တပ်ခွဲမှုး ဗိုလ်ကြီးလူဇော်တို့ သက်သေအစစ်ခံခဲ့တယ်။ သူတို့ ထွက်ဆိုချက်မှာ တယောက်နဲ့တယောက်ကွာဟမှုတွေ၊ မညီမျှမှုတွေ၊ ရှေ့နောက်မညီမှုတွေ အများကြီးတွေ့လာရတယ်။”

ကိုပါကြီးကို ပစ်ခတ်တဲ့ တပ်မ ၂၂ လက်အောက်ခံ တပ်ရင်း ၂၁၀ က တပ်သားနိုင်လင်းထွန်း၊ ဒု-တပ်ကြပ်ကျော်ကျော်အောင်တို့ကို စစ်ဘက်တရားရုံးက မေလ ၈ ရက်နေ့က တရားသေ လွှတ်မိန့်ချမှတ်ခဲ့ပါတယ်။ စစ်မှုထမ်းနေချိန် ဖြစ်ပွားခဲ့တာမို့ စစ်တရားရုံးနဲ့ပဲ စစ်သင့်တယ်ဆိုပြီး စစ်ဆေးပြီး တရားသေလွှတ်ခဲ့တာ ဖြစ်ပါတယ်။

ကိုပါကြီးဟာ မနှစ် စက်တင်ဘာလကုန်ပိုင်းက ကျိုက်မရောမြို့နယ်မှာ ဒီမိုကရေစီအကျိုးပြုကရင့် တပ်မတော် (ဒီကေဘီအေ) နဲ့ အစိုးရစစ်တပ် တိုက်ပွဲသတင်းလိုက်ပြီး အပြန် စစ်တပ်က ဖမ်းဆီးခေါ်ဆောင်သွားစဉ် သေနတ်ဒဏ်ရာနဲ့ သေဆုံးခဲ့တာပါ။

ကိုအောင်နိုင် ခေါ် ကိုအောင်ကျော်နိုင် ခေါ် ကိုပါကြီး သေဆုံးမှုနဲ့ပတ်သက်ပြီး လူ့အခွင့်အရေးကော်မရှင်က စုံစမ်းတွေ့ရှိချက်အစီရင်ခံစာမှာ ဦးခေါင်းနဲ့ ခန္ဓာကိုယ်ပေါ်မှာ သေနတ်ဒဏ်ရာတွေနဲ့ သေဆုံးခဲ့တာကို အတည်ပြုခဲ့ပြီး ဒီအမှုနဲ့ပတ်သက်လို့ နယ်ဘက်ဆိုင်ရာ တရားရုံးတွေမှာ အမှုစစ်ဆေးဖို့ တိုက်တွန်းခဲ့ပါတယ်။

By နော်နိုရင်း
http://burmese.dvb.no/archives/99209


ဦးတင်အေး ဦးတင်အေး

ရွေးကောက်ပွဲအတွက် စစ်တပ်တွေထဲကို သွားရောက် မဲဆွယ်ခွင့်မရှိဘဲ မီဒီယာတွေကနေတဆင့်ပဲ စည်းရုံးဖို့ ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးတင်အေးက ပြောပါတယ်။

နေပြည်တော်မှာပြုလုပ်တဲ့ ရွေးကောက်ပွဲမှာ မသန်စွမ်းသူတွေ ပိုမိုပါဝင်နိုင်ရေး ဆွေးနွေးပွဲအတွင်း သတင်းထောက်တွေ မေးမြန်းတာကို ဖြေကြားလိုက်တာပါ။

“မဲဆွယ်တဲ့အခါမှာ တပ်ထဲတော့ ၀င်လို့မရဘူး။ တခြားနည်းလမ်းနဲ့ မဲဆွယ်လို့ ရပါတယ်။” လို့ ဆုိုပါတယ်။

ဒါပေမယ့် ဘယ်လိုလုပ်ရမယ်၊ လုပ်နိုင်တယ် ဆိုတာကိုတော့ သေချာ ပြောမသွားပါဘူး။

အရှေ့တောင်အာရှမှာ ဒုတိယအကြီးဆုံး အင်အားရှိတဲ့ မြန်မာ့တပ်မတော်မှာ မိသားစုဝင်တွေမပါဘဲ အင်အား ၅ သိန်းဝန်းကျင်ရှိတယ်လို့ ခန့်မှန်းထားကြပြီး ၂၀၀၈ ဖွဲ့စည်းပုံ ဥပဒေအရ ပြုလုပ်နေတဲ့ ရွေးကောက်ပွဲ ၂ ကြိမ်လုံးမှာ တပ်နယ်မြေတွေထဲကို ၀င်ရောက်မဲဆွယ်ခွင့် မရခဲ့ပါဘူး။

အခုဆိုရင် လာမယ့်ရွေးကောက်ပွဲအတွက် အမှားအယွင်းတွေ အများကြီးရှိနေတဲ့ အခြေခံ မဲစာရင်းကို ထုတ်ပြန်ထားပြီး မကြာခင်မှာတော့ အပြီးသတ်မဲစာရင်းကို ကြေညာဖို့ ရှိနေပါတယ်။

By ဒီဗွီဘီ
http://burmese.dvb.no/archives/99101


ဖွဲ့စည်းပုံအခြေခံဥပဒေ ပုဒ်မ ၄၃၆(က) မပြင်ဆင်ရေးအတွက် တပ်မတော်သား လွှတ်တော်ကိုယ်စားလှယ် ဆွေးနွေးခဲ့ပါတယ်။ ဒီသတင်းကို ဦးနေဖြိုးဝင်းက နေပြည်တော်ကနေ ပေးပို့ထားပါတယ်။

DVB TV

ဒိကနေ့june 22 ရက် မှာ ပြည်ထောင်စုရွေးကောက်ပွဲကော်မရှင်မှ ရန်ကုန်တိုင်း
အတွင်းမှာရှိတဲ့ ကျန်ရှိမြို့နယ်များရဲ့ မဲစာရင်းများကို ကြေငြာခဲ့ပြိ ဖြစ်ပါတယ် ။

အဲ့ဒိမဲစာရင်းတွေမှာကျတော်တို့မရမ်းကုန်းမြို့နယ် အမှတ် ၁ ရပ်ကွက်ရဲ့မဲစာရင်းလည်း
ပါဝင်ခဲ့ပါတယ် အဲ့ဒိမဲစာရင်းကို ကြည့်ပြိးတဲ့အချိန်မှာ ထင်ထားတာထက်ပိုပြိးယုတ်မာတဲ့
စစ်အာဏာရှင်တဖြစ်လဲ ဒိမိုကရေစီ ယောင်ဝါးအစိုးရရဲ့ အကွက်ကျကျ ယုတ်မာပက်စက်မှု
ကို အမျိုးသားဒိမိုကရေစိ အဖွဲ့ချုပ်အနေနဲ့ဘယ်လိုတုန့်ပြန်မယ် ဘယ်လိုကြေငြာချက်ထုပ်
ပြန်မယ်ဆိုတာ ရင်မောစွာစောင့်နေမိပါတယ် ။

မဲစာရင်းဟာ ၁၀၀% မှာ ၈၀% မှားပါတယ်ကျတော်တို့ရပ်ကွက်မှာ လူဦးရေ ၃၀၀၀၀ ခန့်
မဲပေးပိုင်ခွင့် ၁၇၀၀၀ ခန့်ရှိပါတယ် အဲ့ဒိလူတွေအကုန်လုံး ဟာ ၁၄ ရက်အတွင်းမှာ အုပ်ချုပ်ရေးမှုးရုံး သို့မဟုတ် ရပ်ကွက်ကော်မရှင် ရုံးကို မဲစာရင်းမဖြစ်မနေသွားကြည့်ရမှာဖြစ်ပါတယ်

၁ ။ နာမည်မှားပါတယ်
၂ ။ လိပ်စာမှားပါတယ်
၃ ။ မှတ်ပုံတင်မှားပါတယ်
၎ ။ မိဘအမည်မှားပါတယ်

အထက်ပါအချက်အလက် တစ်ခုမှားတာနဲ့မဲပေးပိုင်ခွင့်ဆုံးရှုံးပြိဖြစ်ပါတယ် အဲ့ဒိလိုမှားအောင် ပြည်ထောင်စု ရွေးကောက်ပွဲကော်မရှင်ဟာအကွက်ကျကျ စိစဉ်ထားပြိး
စိစဉ်ထားခဲ့ပြိးဖြစ်ပါတယ် ဒါကြောင့် ကိုယ်ရဲ့မဲပေးပိုင်ခွင့် မဆုံးရှုံးရအောင် မဖြစ်မနေ မဲစာ
ရင်းမှာ ပါမပါ မှားမမှား မဖြစ်မနေသွားကြည့်ရတော့မှာဖြစ်ပါတယ် သွားကြည့်ဖို့စိစဉ်ပြိးတာ
နဲ့ မိမိတို့ဆိမှာ ၆၆ / ၆ ခေါ်တဲ့ သန်းခေါင်စာရင်းမိတ္တူ တစ်ပါးထဲ ယူဆောင်သွားဖို့လိုပါလိမ့်မယ်
ဘာဖြစ်လို့လဲဆိုတော့ တစ်မိ့သားစုမှာ တစ်ခုမှားနေမှာသေချာတယ်လို့ပြောနိုင်လို့ပါပဲ ဒါကြောင့် တစ်ခါထဲ ပုံစံ ၄ အရ ပြင်ဆင်ခွင့်ရရှိအောင် သန်းခေါင်စာရင်း မိတ္တူ ယူဆောင်သွား
ဖို့လိုပါတယ် စာရှည်လာပါပြိ အားနာပါတယ်

အဓိက ပြောချင်တာကတော့

၁။ ၂၀၀၈ အခြေခံဥပဒေမှာ မှန်ခဲ့တဲ့မဲစာရင်း
၂။ ၂၀၁၀ ရွေးကောက်ပွဲမှာ မှန်ခဲ့တဲ့မဲစာရင်း
၃။ ၂၀၁၂ ကြားဖြတ်ရွေးကောက်ပွဲမှာ မှန်ခဲ့တဲ့မဲစာရင်း( မှတ်ချက် ။ အမည် လိပ်စာ
မိဘအမည် မှတ်ပုံတင် မှန်ခဲ့ခြင်းကို
ဆိုလိုသည် ) ဟာ ၂၀၁၅ ရွေးကောက်ပွဲမှာ အလွန်ထူးဆန်းစွာ မှားရွင်းနေခြင်းဟာနိုင်ငံတော်အစိုးရနဲ့ ရွေးကောက်ပွဲကော်မရှင် ဗိုလ်ချုပ်တင်အေး ပြည်ထောင်စု ရွေးကောက်ပွဲကော်မရှင်ဥက္ကဌရဲ့ မြန်မာနိုင်ငံနှင့် ပြည်သူတွေရဲ့အပေါ်မှာထားတဲ့ ယုတ်မာတဲ့စေတနာသာ ဖြစ်ပါတယ် ဒါကြောင့် မဲဆန္ဒရှင်
ပြည်သူများအနေနဲ့ အခုလိုရက်စက်ယုတ်မာမှုအပေါင်းကို ခေါင်းငုံမခံပဲ ညီညွတ်စွာဝိုင်းဝန်း ကန်ကွက်ကျပါစို့ ။

သတိ့လက်မလွတ်ပါစေနဲ့ ။

Credit: Min Ko Ko

 kyaikmayaw-620.jpg မွန်ပြည်နယ်၊ ကျိုက်မရောမြို့ တရားရုံးပုံ

မွန်ပြည်နယ် ကျိုက်မရောမြို့နယ်အတွင်း တပ်မတော်က ဖမ်းဆီးချုပ်နှောင်ထားစဉ် သေဆုံးခဲ့တဲ့ အလွတ်သတင်းထောက် ကိုပါကြီးဟာ သေမှုသေခင်းနဲ့ သေဆုံးခဲ့တာဖြစ်ကြောင်း ကျိုက်မရောမြို့နယ် တရားရုံးက အမိန့်ချလိုက်ပါတယ်။

ကိုပါကြီးကို တစ်စုံတစ်ဦးက သေဆုံးအောင်ပြုလုပ်ခဲ့တာလို့ တရားရုံးက အမိန့်ချလိုက်တာဖြစ်ကြောင်း ကိုပါကြီးရဲ့ဇနီးဖြစ်သူ မသန္တာက ပြောပါတယ်။

"အမိန့်ချတာကတော့ တစ်စုံတစ်ယောက်ရဲ့ ပယောဂကြောင့် သေနတ်ဒဏ်ရာနဲ့ သေဆုံးတာ မှန်တယ်ဆိုတာ အမိန့်ချလိုက်တာပါ၊ သေမှုသေခင်းအထိကတော့ အမိန့်ချတဲ့အထိကတော့ ပုံစံသိပ်မပြောင်းဘူးပေါ့၊ တကယ့်တကယ်ဆို သေမှုသေခင်းမှာ Criminal Case အဖြစ် ရာဇဝတ်မှုကြောင်းအရ ထပ်စွဲမယ်ဆိုလို့ရှိရင် သူက ဦးဆောင်ပြီးစွဲရမှာ၊ ကျမက ဒုတိယတရားလိုပဲ၊ ခုတရားလိုလုပ်တဲ့ ကျိုက်မရောရဲစခန်းမှူးက ထပ်စွဲရမှာ"

ကိုပါကြီးဇနီး မသန္တာအပါအ၀င် အရပ်ဘက်သက်သေတွေ၊ ရဲတပ်ဖွဲ့ဝင်တွေ၊ တပ်မ ၂၂ လက်အောက်ခံ တပ်ရင်း ၂၁၀ ကအရာရှိတွေ၊ တပ်သားတွေအပါအဝင် သက်သေ ၃၀ကျော်ကို စစ်ဆေးပြီး အခုလိုအမိန့်ချလိုက်တာလို့ သိရပါတယ်။ လက်ရှိမှာ ဘယ်သူက ကိုပါကြီးကို သတ်တယ်ဆိုတဲ့အဆင့် မရောက်သေးဘဲ သေဆုံးပုံကိုသာ အမိန့်ချတာဖြစ်ပါတယ်။

ကိုပါကြီးသေဆုံးတဲ့အမှုကို အဓိကတရားလိုဖြစ်တဲ့ ကျိုက်မရောက်မြိုနယ် ရဲစခန်းမှူးက ထပ်မံတရားစွဲရမှာဖြစ် တယ်လို့လည်း သိရပါတယ်။

အလွတ်သတင်းထောက် ကိုပါကြီးကို မွန်ပြည်နယ် ကျိုက်မရောမြို့နယ်မှာ ပြီးခဲ့တဲ့ ၂၀၁၄ခုနှစ် စက်တင်ဘာလ ၃၀ ရက်နေ့က အမှတ် ၂၁၀ ခြေမြန်တပ်ရင်းက ဖမ်းဆီးခံတာဖြစ်ပြီး တပ်မတော်က ဖမ်းဆီးထားစဉ် အောက်တိုဘာလ ၄ ရက်နေ့မှာ သေနတ်ဒဏ်ရာနဲ့ သေဆုံးခဲ့တာဖြစ်ပါတယ်။

ကိုပါကြီး အသတ်ခံရမှုနဲ့ ပတ်သက်ပြီး ဆက်နွယ်သူလို့ယူဆရသူ လုံခြုံရေးစစ်သား ၂ ဦးကို စစ်ဘက်တရားရုံးက တရားသေလွှတ်ပေးလိုက်ကြောင်း မြန်မာနိုင်ငံ အမျိုးသားလူ့အခွင့်အရေးကော်မရှင်က သတင်းထုတ်ပြန် ထားပါတယ်။

RFA
http://www.rfa.org/burmese/news/court-sentenced-kopargyi-cause-06232015104625.html

နေပြည်တော်ရှိ ပြည်ထောင်စုလွှတ်တော်တွင် မေလ ၂၇ ရက်နေ့က လွှတ်တော်အစည်းအဝေး ကျင်းပနေစဉ်။ Photo: RFA

၂၀၀၈ ဖွဲ့စည်းပုံ အခြေခံဥပဒေ ပြင်ဆင်တဲ့ မူကြမ်းပါ ပုဒ်မ ၄ခုကို ပြည်ထောင်စု လွှတ်တော်မှာ ကိုယ်စားလှယ် ၁၅ ယောက်က ဒီနေ့ဆွေးနွေးရာ အန်အယ်လ်ဒီပါတီနဲ့ ပြည်ခိုင်ဖြိုးပါတီ ကိုယ်စားလှယ်တွေက ပုဒ်မ ၄၃၆ မှာ ရာခိုင်နှုန်း လျှော့ချပြင်ဆင်ထားတာကို ထောက်ခံ ဆွေးနွေးကြပါတယ်။

ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီ ပြည်သူ့လွှတ်တော်ကိုယ်စားလှယ် သူရဦးအေးမြင့်က ပုဒ်မ၄၃၆(က) ပြင် ဆင်ချက်ကို အခုလိုထောက်ခံဆွေးနွေးခဲ့ပါတယ်။

"ပုဒ်မ ၄၃၆(က)နဲ့ ပတ်သက်ပြီး ဆွေးနွေးတင်ပြပါမယ်၊ အဆိုပါပြဌာန်းချက်မှာ ပြဌာန်းချက်များကို ပြင်ဆင် လိုလျှင် ပြည်ထောင်စုလွှတ်တော် ကိုယ်စားလှယ်အားလုံးရဲ့ ၇၅ ရာခိုင်နှုန်းကျော်က ပြင်ဆင်ရန် သဘောတူ လက်ခံပြီးနောက် ပြည်လုံးကျွတ်ဆန္ဒခံယူပွဲကျင်းပပြီး မဲပေးပိုင်ခွင့်ရှိသူအားလုံးရဲ့ ထက်ဝက်ကျော်ဆန္ဒမဲဖြင့် ပြင် ဆင်ရမယ်ဟု ဖော်ပြထားပါတယ်၊ ၇၅ ရာခိုင်နှုန်းကျော်လို့ သတ်မှတ်ထားခြင်းမှာ တပ်မတော်ကိုယ်စားလှယ် အနည်းဆုံးတစ်ဦးပါဝင်မှသာ ပြင်ဆင်နိုင်မည့် သဘောဖြစ်သဖြင့် ဖွဲ့စည်းပုံအခြေခံဥပဒေ ပြင်ဆင်နိုင်ရန်မှာ မဖြစ်နိုင်တဲ့ အခြေအနေ ခက်ခဲတင်းကြပ်လွန်းတယ်လို့ ယူဆရပါတယ်၊ ၇ဝ ရာခိုင်နှုန်းအောက်မလျော့သော လွှတ်တော်ကိုယ်စားလှယ်များက ပြင်ဆင်သင့်ပါကြောင်း တင်ပြအပ်ပါတယ်"

ဒီနေ့ ပါဝင်ဆွေးနွေးတဲ့ တပ်မတော်သားကိုယ်စားလှယ် ဗိုလ်မှူးချုပ်တင်စန်းနိုင်ကတော့ ပုဒ်မ ၄၃၆ ကို မပြင်ဆင်သင့်ကြောင်း ကန့်ကွက်ဆွေးနွေးသွားပါတယ်။

ပုဒ်မ ၅၉(စ) မှာ နိုင်ငံတော်သမ္မတအဖြစ် ရွေးကောက်ခံမယ့်သူရဲ့ ချွေးမနဲ့ သားမက်ဟာ နိုင်ငံခြားသား မဖြစ်ရဆိုတာကို ဖြေလျှော့ပေးထားချက်အပေါ် ပြည်ခိုင်ဖြိုးပါတီကိုယ်စားလှယ်တွေက ထောက်ခံဆွေးနွေးခဲ့ပြီး အန်အယ်လ်ဒီပါတီ ကိုယ်စားလှယ်တွေကတော့ ပုဒ်မ ၅၉(စ)တစ်ခုလုံးကို ပယ်ဖျက်ပေးဖို့ ဆွေးနွေးခဲ့ပါတယ်။

ပြည်ထောင်စုလွှတ်တော်ထံ တင်ထားတဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်တဲ့မူကြမ်းမှာ ပုဒ်မပေါင်း ၃၄ ခုကို ပြင်ဆင်ထားပါတယ်။ အဲဒီထဲက ပုဒ်မ ၅၉၊ ပုဒ်မ ၄၃၆၊ ပုဒ်မ ၄၁၈ နဲ့ ပုဒ်မ ၆၀ တို့ကို ကိုယ်စားလှယ် ၁၅ ယောက်က ဆွေးနွေးတာဖြစ်ပြီး နောက်ထပ်ကိုယ်စားလှယ် ၂၃ ယောက်က ဆက်လက်ဆွေးနွေးမှာဖြစ်ပါတယ်။

RFA Burmese
http://www.rfa.org/burmese


ဇွန်လ ၂၃ ရက်နေ့က ပြည်ထောင်စု လွှတ်တော်မှာ အခြေခံ ဖွဲ့စည်းပုံပြင်ဆင်ရေး ပုဒ်မ ၄၃၆(က) နဲ့ ပတ်သက်လို့ ဆွေးနွေးနေရာမှာ စစ်တပ်ပြည်သူ့ လွှတ်တော်ကိုယ်စားလှယ်ဗိုလ်မှူးချုပ်တင်စန်းနိုင်က ဖွဲ့ စည်းပုံအခြေခံဥပဒေ အခန်း ( ၁၂ ) ပုဒ်မ ၄၃၆ ( က ) နဲ့ ( ခ ) ကို မူလအတိုင်းသာ ထားသင့်ကြောင်း ဆွေးနွေးသွားခဲ့ပါတယ်

ပြည်ထောင်စုသမ္မတ မြန်မာနိုင်ငံတော်အနေနဲ့ နိုင်ငံရေးစနစ်ဟောင်းတစ်ခုမှ ဒီမိုကရေစီစနစ်သို့ အသွင်း ကူးပြောင်းဆဲ ကာလအတွင်း နိုင်ငံတော် တည်ငြိမ်အေးချမ်းရေးလုံခြုံရေးနဲ့ အမျိုးသားအကျိုးစီးပွါးအတွက် ဒီမိုကရေစီ အလေ့အကျင့်များ မရင့်ကျက်သေးတဲ့အချိန် ဒီမိုကရေစီသက်တမ်း နုနယ်သေးတဲ့အချိန် ဖြစ်တဲ့အတွက် ၂၀၀၈ ခုနှစ်ဖွဲ့ စည်းပုံ အခြေခံဥပဒေ အခန်း ၁၂ ပုဒ်မ ၄၃၆ ( က ) နဲ့ ( ခ ) ပါ ရာခိုင်နှုန်းများ ကို ပြင်ဆင်ရန် မသင့်ပဲ မူလအတိုင်းသာ ထားရှိသင့်ကြောင်း ဗိုလ်မှူးချုပ်တင်စန်းနိုင် ဆွေးနွေးသွားခဲ့ပါတယ်။

BBC Burmese
https://www.facebook.com/bbcburmese


ပါကစ္စတန် နိုင်ငံမှာ အပူလှိုင်း ဒဏ်ကြောင့် တောင်ပိုင်း ဆင်းဒ်ပြည်နယ် အတွင်း သေဆုံးသူ ၇၀၀ နီးပါး အထိ ရှိခဲ့ပြီးနောက် အရေးပေါ် ဆောင်ရွက်မှုတွေ လုပ်ဖို့ ဝန်ကြီးချုပ် နာဝက်ဇ် ရှာရစ်ဖ်က တောင်းဆိုလိုက်ပါတယ်။

သေဆုံးသူ အများစုဟာ ဝင်ငွေ နည်းပါးတဲ့ မိသားစုတွေက သက်ကြီးပိုင်းတွေ ဖြစ်ကြပြီး အများစုက ကရာချိ မြို့သားတွေ ဖြစ်တယ်လို့ ကျန်းမာရေး အရာရှိတွေက ပြောပါတယ်။

အဲဒီ ကရာချိ မြို့မှာ အခု ရက်ပိုင်း အတွင်း အပူချိန် ၄၅ ဒီဂရီ ဆဲလ်ဆီးယပ်စ် (၁၁၃ ဒီဂရီ ဖာရင်ဟိုက်) အထိ ရောက်ရှိခဲ့ပါတယ်။


ပါကစ္စတန်ရဲ့ သဘာဝ ဘေးအန္တရာယ် ဆိုင်ရာ စီမံရေး အဖွဲ့ကတော့ အပူလျှပ်တဲ့ လူနာတွေ အတွက် အရေးပေါ် ကယ်ဆယ်ရေး စခန်းတွေကို စစ်တပ်ရဲ့ အကူအညီနဲ့ ဖွင့်လှစ်နေပါတယ်။

ပါကစ္စတန်မှာ အပူချိန် မြင့်မားမှုက ထုံးစံ ဖြစ်ပေမယ့် မူဆလင် ဥပုသ်လ ဖြစ်တဲ့ အခု ကာလအတွင်း လျှပ်စစ်အား ပြတ်တောက်မှုတွေက အခြေအနေကို ပိုမို ဆိုးရွားသွားစေတယ်လို့ ဘီဘီစီ သတင်းထောက်က ဆိုပါတယ်။

BBC Burmese
http://www.bbc.com/burmese


ရန်ကုန်၊ ဇွန်လ ၂၃

မြန်မာ နယ်ခြားစောင့်ရဲတပ်ဖွဲ့က ဇွန်လ ၁၇ ရက်နေ့က ဖမ်းဆီးမိခဲ့သော ဘင်္ဂလာဒေ့ရှ် နယ်ခြားစောင့်တပ်ဖွဲ့မှ ဗိုလ်အဆင့်ရှိသူ Nayek Abdur Razzak ကို လက်ထိပ်ခတ်ပြီး ဖမ်းဆီးပစ္စည်းများနှင့် အတူ မီဒီယာများတွင် ဓာတ်ပုံ ဖော်ပြမှုမှာ ဘင်္ဂလာဒေ့ရ်ှအား အမျက်ဒေါသ ထွက်စေသည်ဟု  CBN (Cox’sbazar News) တွင် ဖော်ပြထားသည်။

ယခုကဲ့သို့ ဖော်ပြခြင်းမျိုးကို မပြုလုပ်သင့်ကြောင်း၊ ယခုကဲ့သို့ ဓါတ်ပုံ ဖော်ပြခြင်းမှာ ၁၆ ကုဋေ ( သန်း ၁၆၀) ရှိသော ဘင်္ဂလာဒေ့ရ်ှပြည်သူများကို အမျက်ဒေါသ ဖြစ်ပေါ်စေကြောင်း ၊ ယခုကဲ့သို့ ချည်နှောင်ထားခြင်းမှာ ဘင်္ဂလာဒေ့ရှ် လူပေါင်း ၁၆ ကုဋေ ကို ချည်နှောင်ထားသလို ခံစားရကြောင်း  ဘင်္ဂလီလို ရေးသားထားသော  ‘হাতকড়া ১৬ কোটি মানুষের হাতে’ တွင် ဖော်ပြသည်။

ဇွန်လ ၁၇ ရက်နေ့က မြန်မာ နိုင်ငံ အနောက်ဘက်နယ်စပ် နတ်မြစ်အတွင်းရှိ ရေတွင်းကျွန်း (ရေတွင်းပြင်) အနီးတွင် မြန်မာနယ်ခြားစောင့် ရဲတပ်ဖွဲ့နှင့် ဘင်္ဂလာဒေ့ရှ် နယ်ခြားစောင့်တပ်ဖွဲ့တို့အကြား အပြန်အလှန် ပစ်ခတ်မှုများ ပေါ်ပေါက်ခဲ့သည်။

ယင်းဖြစ်စဉ်အတွင်း ဘင်္ဂလာဒေရှ့်မှ ဗိုလ်အဆင့်ရှိသူ Nayek Abdur Razzak ကို လက်နက် ခဲယမ်းများနှင့် အတူ  မြန်မာဘက်က ဖမ်းဆီးမိခဲ့ပြီး နောက်ထပ် ဘင်္ဂလာဒေ့ရ်ှမှ တပ်သား တစ်ဦး ဖြစ်သူ ဘီးပလု ကူမာရ်တွင် ဒဏ်ရာ ရရှိခဲ့၍ ကော့စ်ဘဇား ဆေးရုံကို တင်ပို့ခဲ့သည်။

မြန်မာနိုင်ငံ နယ်ခြားစောင့်တပ်ဖွဲ့ တာဝန်ရှိသူများသို့ ဇွန်လ ၁၇ ရက်နေ့က တစ်ကြိမ်၊ ဇွန်လ ၁၈ ရက်နေ့က တစ်ကြိမ် ၎င်းဖြစ်စဉ်နှင့် ပတ်သက်ပြီး တွေ့ဆုံရန် ကမ်းလှမ်းခဲ့သော်လည်း တစ်စုံတစ်ရာ အကြောင်း မပြန်ကြောင်း ယင်းသတင်းတွင် ဖော်ပြသည်။

မြန်မာ အစိုးရသည် ဘင်္ဂလာဒေ့ရှ် နယ်ခြားစောင့်တပ်ဖွဲ့ဝင်အား လွဲပြောင်း မပေးသည်သာမက ယခုအခါ တရားမ၀င် ကျူးကျော်ဝင်ရောက်မှုဖြင့် တရားစွဲဆိုရန် စီစဉ်နေသည်ဆိုသော သတင်းများလည်း ထွက်ပေါ်နေကြောင်း ယင်းသတင်းတွင် ဖော်ပြထားသည်။

မြန်မာ နယ်ခြားစောင့်တပ်ဖွဲ့အား ဖမ်းဆီးခံထားရသော တပ်ဖွဲ့ တစ်ဦးကိစ္စ ဆွေးနွေးရန် ဘင်္ဂလာဒေ့ရှ် နယ်ခြားစောင့်တပ်ဖွဲ့အား အကြောင်းကြားရာတွင် မြန်မာနိုင်ငံ နိုင်ငံခြားရေး ၀န်ကြီးဌာမှ အ ကြောင်းကြားစာ မလာသေးဟု ဆိုကာ တွေ့ဆုံရန် ငြင်းဆိုနေကြောင်းဖြင့်လည်း သတင်းတွင် ဖော်ပြထားသည်။

တက်ကနက် အခြေစိုက် ဘီဂျီဘီ တပ်ရင်းမှူးမှ ဖမ်းဆီးခံထားရသူ Nayek Abdur Razzak နှင့် ဖုန်းမှ တဆင့် စကားပြောလိုကြောင်း မြန်မာ နယ်စပ်တာဝန်ရှိသူများအား အကြောင်းကြားရာ တရားခံနှင့် စကားပြောခွင့် မရှိဟု ဆိုကာ မြန်မာဘက်က ငြင်းဆိုခဲ့သည်ဟုဆိုသည်။

တစ်ခြား ဘင်္ဂလာဒေ့ရှ် သတင်းတစ်ပုဒ်တွင် ဘင်္ဂလာဒေ့ရ်ှဆိုင်ရာ မြန်မာသံအမတ်အား ဇွန်လ ၁၈ ရက်နေ့က ဘင်္ဂလာဒေ့ရ်ှနိုင်ငံခြားရေး ၀န်ကြီး ရုံးမှ ဆင့်ခေါ်ခဲ့ပြီး ဖမ်းဆီး ခေါ်ဆောင်သွားသော ဘင်္ဂလာ နယ်ခြားစောင့်တပ်ဖွဲ့မှ ဗိုလ် Nayek Abdur Razzak ကို အမြန်ဆုံး ပြန်လည် လွဲပြောင်းပေးရန် တောင်းဆိုခဲ့ကြောင်း ဖော်ပြသည်။

လက်ရှိ အတိုက်အခံ ပါတီ BNP မှ Nayek Abdur Razzak  ပြန်လွှတ်ရေးအတွက် လက်ရှိ အစိုးရ၏ သံတမန်နည်းအရ ကြိုးပမ်းမှုမှာ လုံလောက်မှု မရှိဟု ဆိုကာ ပြစ်တင် ဝေဖန်ထားသည်။

နိရဉ္စရာ
http://www.narinjara.com/burmese


ရှမ်းပြည်နယ် အရှေ့ပိုင်းဒေသ၊ မိုင်းဆတ်ခရိုင်အတွင်း `၀´စစ်တပ်နှင့် မြန်မာစစ်တပ်တို့၏ စစ်ဘက်ရေးရာ တည်ငြိမ်မှု မရှိခြင်းကြောင့် ဒေသခံများ စိုးရိမ်မှုဖြစ်ပွားလျှက်ရှိပြီး ကုန်စည်စီးဆင်းမှုများ ရပ်တန့်နေလျှက်ရှိကြောင်း သိရသည်။

"အဓိကတော့ `၀´တပ်ဖက်က ပစ်မယ်ပစ်မယ်လို့ ခဏခဏခြိမ်းခြောက်နေသံတွေကြားနေတာ အဲ့ဒါကြောင့် လူတွေလည်း အပြင်မထွက်ရဲဘူး၊ မြန်မာစစ်တပ်ဘက်ကတော့ `၀´စစ်တပ်ဖက်ကပစ်ရင် ပြန်ပစ်ဖို့ အမိန့်ပေးထားပြီလို့ သိရတယ်၊ ဒီအတိုင်း ဆက်ပြီး တင်းမာနေမယ်ဆိုရင်တော့ တိုက်ပွဲ ဖြစ်နိုင်တယ်....."ဟု မိုင်းဆတ်မြို့ ဒေသခံဖြစ်သူ မစန်းအေးမှ တာချီလိတ်သတင်းအေဂျင်စီသို့ ပြောသည်။

နှစ်ဖက် စစ်ရေးတင်းမာမှုကြောင့် မိုင်းဆတ်မြို့ ကုန်စည်စီးဆင်းမှုမှာလည်း အေးစက်လျှက်ရှိကြောင်းနှင့် စစ်ဆေးရေးဂိတ်များတွင်လည်း ကားများနှင့် ခရီးသွားလာမှုအား ကြပ်မတ်စွာ စစ်ဆေးလျှက်ရှိကြောင်း ဒေသခံများထံမှ သိရသည်။

"အရင်က ဟင်းသီးဟင်းရွက်တို့ အသားငါးတို့ နေ့တိုင်း သွားရောင်းတယ်၊ ကျွန်တော့်လို သွားရောင်းတဲ့သူ အများကြီး၊ အခု သိပ်မသွားရဲတော့ဘူး၊ တာချီလိတ်ကနေပြီးပေါ့ အဓိကသွားရောင်းတဲ့နေရာကတော့ မိုင်းဆတ်သွားလမ်းတစ်လျှောက် အခုတော့ မသွားတော့ဘူး၊ နယ်မြေဂိတ်တွေမှာလဲ `၀´တပ်ရော၊မြန်မာတပ်တွေရော စစ်ဆေးကြတာဆိုတော့ ကြောက်တာလည်းပါတယ်.."ဟု မော်တော်ဆိုင်ကယ်ဖြင့် ကုန်ပစ္စည်းသွားရောက်ရောင်းချသူ တစ်ဦးမှပြောသည်။

မိုင်းဆတ်မြို့နှင့်မိုင်းတုံမြို့နယ်များတွင် `၀´စစ်တပ်ဖက်မှ သစ်ခိုးထုတ်သည်ဟု စွတ်စွဲချက်ဖြင့် နှစ်ဖက်စစ်ရေးတင်းမာမှုများမှာ ယနေ့အထိ ရပ်တန့်ခြင်းမရှိသေးကြောင်းသိရပြီး ရှမ်းပြည်နယ်အရှေ့ပိုင်း ကျန်ဒေသများတွင် အနည်းငယ်စိုးရိမ်မှုများရှိကာ မိုင်းလားမြို့တွင် တည်ငြိမ်အေးချမ်းလျှက်ရှိကြောင်း ဒေသခံများ၏ ပြောကြားချက်အရ သိရသည်။

ကျိုင်းတုံမြို့နှင့်နီးစပ်သည့် မိုင်းလားကိစ္စနှင့် ပတ်သက်၍လည်း "မိုင်းလားကို ဒီနံနက်က ဖုန်းဆက်မေးတာ၊ မြို့တွင်းအခြေအနေကောင်းတယ်တဲ့၊ ဘာမှမဖြစ်ဘူးလို့ ပြောတယ်၊ အရောင်းအ၀ယ်ကတော့ ပုံမှန်ပဲ၊ မစိုးရိမ်ရဘူးလို့ပြောတယ်..."ဟု ဒေသခံ တစ်ဦးက ပြန်လည် ပြောပြသည်။

"တကယ်လို့များ '၀'အဖွဲ့နဲ့ မြန်မာစစ်တပ်တို့ တိုက်ပွဲတွေ ဖြစ်လာခဲ့ရင် နယ်စပ်တစ်လျှောက်က ပြည်သူတွေအနေနဲ့ စစ်ဘေးရှောင်လာရင် အကာအကွယ်ပေးနိုင်ရန်နဲ့ ကယ်ဆယ်မှုတွေ ဆောင်ရွက်နိုင်ရန်အတွက် ဆိုပြီးတော့ မယ်ဆိုင်ဘက်မှာတော့ ထိုင်းစစ်တပ်၊ မြို့ပိုင် နဲ့ လူမှုရေးအသင်းအဖွဲ့တွေ သင်တန်းပို့ချနေတာကို တွေ့ခဲ့ရတယ်.."ဟု မယ်ဆိုင်မြို့တွင် သွားရောက် အလုပ်လုပ်ကိုင်သူ မြန်မာနိုင်ငံသား ကိုဝင်းမြင့်က ပြောပြသည်။

နှစ်ဖက်အခြေအနေနှင့် ပတ်သက်၍"ပြီးခဲ့တဲ့ ရက်က ကျွန်တော်တို့ဘက်က ပြန်ရုတ်သိမ်းပေးလိုက်တာကို သူတို့ဘက်က အရမ်းစိုးရိမ်သွားတဲ့ သဘောဖြစ်နေပြီး လူအင်အားတွေ ဖြည့်နေတယ်၊ ကျွန်တော်တို့ဘက်က သာမာန် အသွားအလာလောက်ကိုတောင် သူတို့ဘက်က အရမ်းအာရုံထားလာတယ်၊ ဒီကာလက သူ့ဘက်ကိုယ့်ဘက် အမှားမခံတဲ့ အခြေအနေပေါ့.."ဟု အမည်မဖော်လိုသူ မြန်မာ့တပ်မတော်မှ အရာရှိတစ်ဦး၏ ပြောပြချက်အရ သိရသည်။

မိုင်းတုံ၏ အခြေအနေနှင့် ပတ်သက်၍ " '၀'ဘက်ကတော့ လမ်းမကြီးပေါ်တောင် တပ်ဖက်ကဆိုရင် ပေးမသွားဘူး၊ အရပ်သားတွေကိုပဲ ပေးသွားတယ်၊ ကျွန်တော်တို့ ဘက်ကတော့ သူတို့ကို မတားဆီးထားဘူး ပေးသွားတယ်၊ သူတို့ဘက်ကတော့ ပိတ်ထားပြီး ကျွန်တော်ဘက်က ပြန်ပိတ်ပြန်ရင်လည်း ပြဿနာဖြစ်အုံးမယ်။ သူတို့ဘက်က မစဘဲနဲ့တော့ ကျွန်တော်တို့ဘက်က ဘာမှ မလုပ်ပါဘူး"ဟုမှ မြန်မာ့တပ်မတော် အရာရှိတစ်ဦးက ပြောပြသည်။

"အချိန်အကြာကြီး တင်းမာနေရင်တော့ ဘယ်သူ့ဘက်မှ မကောင်းဘူး၊ ပြည်သူတွေလည်း ကြောက်စိတ်တွေတိုးလာမယ်၊ နစ်နာမှုတွေ ဖြစ်လာမယ်၊ ငြိမ်းချမ်းရေးနည်းနဲ့ ဖြေရှင်းမယ်ဆိုရင် ဖြေရှင်း၊ မဖြေရှင်းရင်တော့ တစ်ချိန်မဟုတ် တစ်ချိန်တော့ တိုက်ပွဲဖြစ်နိုင်တယ်..."ဟု ၎င်းမှ သုံးသပ်ပြောဆိုသည်။

ပြီးခဲ့သည့် ဇွန်လ(၂၀)ရက်နေ့က တပ်မတော်ဒုတိယကာကွယ်ရေးဦးစီးချုပ် ဗိုလ်ချုပ်ကြီးစိုးဝင်းမှ မိုင်းဆတ်မြို့သို့ နံနက်ပိုင်းတွင် ရောက်ရှိလာကြောင်း ဒေသခံများ၏ ပြောပြချက်အရ သိရသည်။

Tachileik News Agency
http://www.tachileik.net

ရန်ကုန်မြို့ Green Hill Hotel မှာ ဇွန်လ ၂၃ ရက်နေ့ကကျင်းပတဲ့ သတင်းစာရှင်းလင်းပွဲမှာ NCCT အဖွဲ့ခေါင်းဆောင် ဦးနိုင်ဟံသာကို တွေ့ရစဉ် Photo: Kyaw Lwin Oo/ RFA
အစိုးရနဲ့ အပစ်ခတ်ရပ်စဲရေး ဆွေးနွေးနိုင်ဖို့အတွက် တိုင်းရင်းသားလက်နက်ကိုင် အဖွဲ့တွေဘက်က အသစ်ဖွဲ့စည်း လိုက်တဲ့ "တစ်နိုင်ငံလုံး အပစ်အခတ်ရပ်စဲရေး ဆိုင်ရာ အဆင့်မြင့်ညှိနှိုင်းရေး ကိုယ်စားလှယ်အဖွဲ့" ကို အစိုးရဘက် က လက်မခံသေးကြောင်း တိုင်းရင်းသားကိုယ်စားလှယ်တွေက ပြောပါတယ်။

ဒီနေ့ ရန်ကုန်မြို့ Green Hill ဟိုတယ်မှာ ပြုလုပ်တဲ့ သတင်းစာရှင်းလင်းပွဲမှာ တိုင်းရင်းသားလက်နက်ကိုင်အဖွဲ့တွေနဲ့ ဖွဲ့စည်းထားတဲ့ NCCT အဖွဲ့ခေါင်းဆောင် တစ်ဦးဖြစ်သူ ဦးနိုင်ဟံသာက ပြောခဲ့တာပါ။

"သူတို့ကတော့ အခုလို အဖွဲ့သစ်ဖွဲ့လိုက်တဲ့အပေါ်မှာ အမြင်မရှင်းဘူး၊ ဘာကြောင့်ဖွဲ့လဲ အရင် NCCT အနေနဲ့ ဆက်ဆွေးနွေးရင် သူတို့အတွက် ပြဿနာမရှိဘူး၊ အခုလို အဖွဲ့သစ်ဖွဲ့လိုက်တဲ့အခါမှာတော့ သူတို့အထက် ကခေါင်းဆောင်တွေ အမြင်မရှင်းဘူး၊ လက်ခံသင့်၊ မသင့်ဆိုတာ အဆုံးအဖြတ်မပေးနိုင်သေးဘူး၊ ဆိုပြီးတော့ အဲ့ဒါပြောတယ်"

အစိုးရနဲ့ တစ်နိုင်ငံလုံး အပစ်ခတ်ရပ်စဲရေး သဘောတူညီချက်ရဖို့အတွက် တိုင်းရင်းသား လက်နက်ကိုင်အဖွဲ့တွေရဲ့ ကိုယ်စား NCCT ခေါ် တစ်နိုင်ငံလုံး အပစ်ခတ်ရပ်စဲရေး ညှိနှိုင်းရေးအဖွဲ့က တာဝန်ယူခဲ့တာဖြစ်ပါတယ်။

နောက်ဆုံးကျင်းပခဲ့တဲ့ ကရင်ပြည်နယ် လော်ခီးလာညီလာခံကနေ နောက်ထပ် ကိုယ်စားလှယ်အဖွဲ့အသစ်ကို ဖွဲ့စည်းခဲ့ပြီး အဆင့်မြင့်ကိုယ်စားလှယ်အဖွဲ့အဖြစ် အစိုးရနဲ့ ဆက်လက်ဆွေးနွေးဖို့ ဖွဲ့စည်းခဲ့တာဖြစ်ပါတယ်။

အဲဒီ့အဖွဲ့မှာ အဖွဲ့ခေါင်းဆောင်တွေက KNU ဒုတိယဥက္ကဌ နော်စီဖိုးရာစိန်၊ KIO အထွေထွေအတွင်းရေး မှူး ဒေါက်တာလဂျာ၊ CNF အထွေထွေအတွင်းရေးမှူးချုပ် ပူးဇင်ကျုံး တို့ဖြစ်ပြီး အဖွဲ့ဝင်တွေအဖြစ် ဦးနိုင်ဟံသာ၊ ဗိုလ်ချုပ်ဂွမ်မော်၊ စောမြရာဇာလင်း၊ ဗိုလ်မှူးကြီး ခွန်ဥက္ကာ စတဲ့ ၁၂ ဦးနဲ့ ဖွဲ့စည်းထားတာဖြစ်ပါတယ်။

ဒါ့အပြင် လော်ခီးလာညီလာခံကနေ ပြင်ဆင်ဖြည့်စွက်လိုက်တဲ့ အပစ်ခတ်ရပ်စဲရေးစာချုပ်မူကြမ်းကို အစိုးရက လက်မခံဘဲ ပြီးခဲ့တဲ့မတ်လ ၃၁ ရက်နေ့ က နိုင်ငံတော်သမ္မတကိုယ်တိုင် ပါဝင်လက်မှတ်ရေးထိုးခဲ့တဲ့ NCA မူကြမ်း အတိုင်းသာထားရှိလိုတဲ့ ဆန္ဒရှိတယ်လို့လည်း ဦးနိုင်ဟံသာက ပြောပါတယ်။

RFA Burmese
http://www.rfa.org/burmese


EU ဥရောပသမဂ္ဂ ကောင်စီက ၂ဝ၁၃ ဇူလိုင်လ ၂၂ ရက်နေ့တုန်းက ပြည့်ပြည့်စုံစုံနဲ့ အပြီးသတ်ချမှတ်ခဲ့တဲ့ လုပ်ငန်းစဉ်အတိုင်း မြန်မာနိုင်ငံရဲ့ ဒီမိုကရေစီရေး၊ စီးပွားရေး အသွင်ကူးပြောင်းမှုတွေအပေါ် ထောက်ခံအားပေးသွားမှာဖြစ်တဲ့အကြောင်း သံန္နိဌာန်ချမှတ်ထားမှုကို ဆက်လက်ဆွဲကိုင် သွားမယ်လို့ တနင်္လာနေ့က ပြောဆိုလိုက်ပါတယ်။

 ၂ဝ၁၅ နှစ် မြန်မာနိုင်ငံမှာကျင်းပဖို့ရှိတဲ့ ရွေးကောက်ပွဲဟာ နိုင်ငံရဲ့အသွင်ကူးပြောင်းရေးမှာ အရေးပါတဲ့ သမိုင်းမှတ်တိုင်တခုဖြစ်သလို ပြုပြင်ပြောင်းလဲရေး လုပ်ဆောင်နေမှုဟာ နောက်ပြန်လှည့်နေတာမဟုတ်ဘူးဆိုတာကို သက်သေထူနိုင်မယ့် အခွင့်အရေးတခုလည်း ဖြစ်တဲ့အကြောင်း EU ရဲ့ သတင်း ထုတ်ပြန်ချက် ထဲမှာ ဖေါ်ပြထားပါတယ်။ ရွေးကောက်ပွဲကျင်းပရာမှာ ဒီမိုကရေစီနည်းကျပြီး အုပ်စုအားလုံး ပါဝင်ဖို့အပြင် ပွင့်လင်းမြင်သာမှု ရှိဖို့လည်း တိုက်တွန်းထားပြီး နိုင်ငံတွင်းရှိလူနည်းစုအားလုံးနိုင်ငံရေးအခွင့်အရေး ရကြပြီး မဲပေးပိုင့်ခွင့်ရှိကြဖို့နဲ့ ပါဝင်ယှဉ်ပြိုင်ကြသူ ကိုယ်စားလှယ်အားလုံး တန်းတူ အခွင့်အရေးရရှိကြဖို့နဲ့ အထူးသဖြင့် အမျိုးသမီးများပါဝင်ခွင့်ကို ထောက်ခံအားပေးဖို့ တိုက်တွန်းထားပါတယ်။

၂ဝ၁၅ ရွေးကောက်ပွဲကို ဥရောပသမဂ္ဂအနေနဲ့ လေ့လာစောင့်ကြည့်ရေးအဖွဲ့ စေလွှတ်ဖို့ မြန်မာနိုင်ငံရွေးကောက်ပွဲ ကော်မရှင်ရဲ့ ဖိတ်ကြားချက်ကိုလည်း ဝမ်းမြောက်ဝမ်းသာ ကြိုဆိုပါကြောင်း ဖေါ်ပြထားပါတယ်။

ရွေးကောက်ပွဲနဲ့ ပတ်သက်ပြီး ပြင်ဆင်တဲ့နေရာမှာ ဥရောပသမဂ္ဂ အနေနဲ့ နိုင်ငံတကာ မိတ်ဆွေတွေနဲ့ ပူးပေါင်းဆောင်ရွက်နိုင်မှုအပေါ် တန်ဖိုးထား ကြောင်းနဲ့ ရွေးကောက်ပွဲ စီမံခန့်ခွဲမှုတွေ ပြုလုပ် ဆောင်ရွက်တဲ့နေရာမှာ နိုင်ငံတကာ စံချိန်စံညွှန်းတွေနဲ့အညီ ဖြစ်စေဖို့အတွက် ကူညီပံ့ပိုးမှုတွေ ပေးနေကြောင်း သတင်းထုတ်ပြန် ကြေညာချက်မှာ ရေးသားထားပါတယ်။

ဒါ့အပြင် မြန်မာနိုင်ငံရဲ့ နိုင်ငံရေးဖြစ်စဉ်မှာ အရေးပါတဲ့ ပါဝင်သူတွေဖြစ်ကြတဲ့ သမ္မတ၊ လွှတ်တော်သဘာပတိ၊ ကာကွယ်ရေးဦးစီးချုပ်၊ အတိုက်ခံ နိုင်ငံရေးပါတီခေါင်းဆောင်၊ တိုင်းရင်းသားနိုင်ငံရေးပါတီခေါင်းဆောင်တွေပါဝင်တဲ့ ၆ ပွင့်ဆိုင် နိုင်ငံရေး ညှိနှိုင်းဆွေးနွေးမှု ကျင်းပတာကိုလည်း ဥရောပ သမဂ္ဂကောင်စီ အနေနဲ့ ကြိုဆိုပါတယ်လို့ ရေးသားထားပါတယ်။

တိုင်းရင်းသားလက်နက်ကိုင်အဖွဲ့အစည်းတွေနဲ့ မြန်မာအစိုးရတို့ကြား တနိုင်ငံလုံး အပစ်ခတ်ရပ်စဲရေးအတွက် ညှိနှိုင်းဆွေးနွေးနေတာကို ဥရောပသမဂ္ဂ ကော်မရှင်အနေနဲ့ မျက်ခြေမပြတ်လေ့လာ စောင့်ကြည့်နေပြီး သဘောတူလက်မှတ် ရေးထိုးနိုင်ကြဖို့ ဆက်လက် အားပေးတိုက်တွန်းနေကြောင်း၊ မြန်မာ နိုင်ငံသူ နိုင်ငံသားတွေရဲ့ မျှော်လင့်ချက်အတိုင်း ငြိမ်းချမ်းရေးနဲ့ တမျိုးသားလုံး ပြန်လည်ရင်ကြား စေ့ရေး အတွက် ခေါင်းဆောင်တွေအားလုံးက အတူတကွ လက်တွဲ လုပ်ဆောင်ကြဖို့ ကိုလည်း EU ဥရောပသမဂ္ဂ ကောင်စီသတင်းထုတ်ပြန် ကြေညာချက်မှာ တိုက်တွန်းထားပါတယ်။

ဗွီအိုအေ (မြန်မာဌာန)
http://burmese.voanews.com

မဝေဝေနု (Women for Justice) 
အမေရိကန်ပြည်ထောင်စု ဝါရှင်တန်ဒီစီမြို့တော်က အိမ်ဖြူတော်မှာ ဒီညကျင်းပမယ့် အစ္စလာမ်ဘာသာဝင်တွေ အထွဋ်အမြတ်ထားရာ “ဝါဖြေ ညစာစားပွဲ” ကို တက်ရောက်ဖို့ မြန်မာနိုင်ငံက လူ့အခွင့်အရေးလှုပ်ရှားသူ မဝေဝေနုကို အမေရိကန်သမ္မတက ဂုဏ်ပြုဖိတ်ကြားထားပါတယ်။ မြန်မာနိုင်ငံတွင်းက လူ့အခွင့်အရေး အခြေအနေတွေ၊ ၂၀၁၅ ရွေးကောက်ပွဲအနေအထားနဲ့ အာရှဒေသတွင်း နိုင်ငံတကာက အာရုံစိုက်နေရတဲ့ လှေစီးပြေး ဒုက္ခသည်တွေ အရေးတွေကို အမေရိကန်သမ္မတအပါအဝင် အမေရိကန်အစိုးရ ထိပ်တန်းခေါင်းဆောင်တွေနဲ့ တွေ့ဆုံတဲ့အခါ အဓိက ဆွေးနွေးသွားမှာဖြစ်တယ်လို့ ဖိတ်ကြားခံရတဲ့ မဝေဝေနုက ပြောပါတယ်။ ဆက်သွယ်မေးမြန်းထားတဲ့ မဆုမွန်က တင်ပြပေးထားပါတယ်။

ဇွန်လ ၂၂ ရက်နေ့ အမေရိကန်စံတော်ချိန် တနင်္လာနေ့ညပိုင်း အမေရိကန်ပြည်ထောင်စု ဝါရှင်တန်ဒီစီမြို့တော် အမေရိကန်သမ္မတရဲ့အိမ်ဖြူတော်မှာ ကျင်းပမယ့် “ဝါဖြေညစာစားပွဲ” ကို တက်ရောက်ဖို့ အမေရိကန်သမ္မတအိမ်ဖြူတော်က မြန်မာနိုင်ငံက လူ့အခွင့်အရေးနဲ့ အမျိုးသမီးရေးလှုပ်ရှားသူ မဝေဝေနုကို ဖိတ်ကြားခဲ့ပါတယ်။ အစ္စလာမ်ဘာသာဝင်တွေရဲ့ ဥပုသ်သီတင်းလမှာ အထွဋ်အမြတ်ထားကျင်းပတဲ့ ဝါဖြေညစာစားပွဲကို မြန်မာနိုင်ငံတွင်းမှာ ဘာသာရေးဖိနှိပ်မှု လူမျိုးရေးခွဲခြားဆက်ဆံမှုမထားဘဲ အုပ်ချုပ်သူ အစိုးရတာဝန်ရှိသူတွေကိုယ်တိုင် အခုလို အမေရိကန်အစိုးရလိုမျိုး မတူကွဲပြားတဲ့ ဘာသာတရားတွေအပေါ် လေးစားမှုနဲ့ ကျင်းပ ဆောင်ရွက်ပေးမယ်ဆိုရင် အမုန်းတရားနဲ့ စိတ်ဝမ်းကွဲပြားမှုတွေ ရှိတော့မှာမဟုတ်ဘူးလို့ မဝေဝေနုက ပြောလိုက်ပါတယ်။

“…ဝါဖြေတဲ့ညစာစားပွဲပေါ့နော်။ ဝါဖြေညစာစားပွဲဟာ ကျမအတွက်ပိုပြီး အဓိပ္ပာယ်ရှိပါတယ်။ ဘာကြောင့်လဲဆိုတော့ ကျမတို့နိုင်ငံမှာ ကျမတို့က မတူကွဲပြားမှု၊ တခြား ဘာသာတရားတွေကိုကျမတို့ လေးစားမှု၊ ဂုဏ်ပေးမှုတွေကို ကျမတို့မတွေ့ရပါဘူး။ မတွေ့ရဘဲနဲ့ သူများနိုင်ငံမှာလာပြီးတော့ သူများနိုင်ငံကနေပြီးတော့ ဒီလိုမျိုးဖိတ်ပြီးတော့ ကျမတို့ကို လေးစားဂုဏ်ပြုပေးတယ်ဆိုတဲ့ဟာ အရမ်းကို အင်မတန် ဝမ်းမြောက်ဝမ်းသာစရာ ဖြစ်ပါတယ်။ …ဆိုတော့ ဒါမျိုး အလေ့အထတွေကို ကျမတို့ ပြည်တွင်းထဲမှာလည်း ကျမတို့မြန်မာနိုင်ငံအစိုးရကလည်း လုပ်ပေးတာမျိုးကို မြင်ချင်ပါတယ်။ အဲဒါမှ ပြည်တွင်းထဲမှာရှိနေတဲ့ စိတ်ဝမ်းကွဲမှုတွေ၊ ခွဲခြားဆက်ဆံမှုတွေ၊ ပြည်သူတွေအချင်းချင်းကြားထဲမှာ မယုံကြည်မှုတွေ ပပျောက်သွားမှာ ဖြစ်ပါတယ်။ အစိုးရတွေ ကိုယ်နှိုက်ကိုက ဦးဆောင်ဦးရွက်ပြုပြီးတော့ ဘာသာတရားတွေကို လေးစားပေးတယ်၊ ဂုဏ်ပြုပေးတယ်ဆိုလို့ရှိရင် ဝမ်းမြောက်ဝမ်းသာဖြစ်ပြီးတော့ မယုံကြည်မှုတွေ သောကတွေ ပျောက်သွားမယ်လို့ ထင်ပါတယ်ရှင့်။”

အမေရိကန်သမ္မတ အိုဘားမားကိုယ်တိုင် တက်ရောက်ချီးမြှင့်မှာဖြစ်တဲ့ ဒီဝါဖြေညစာစားပွဲအတွင်း မြန်မာနိုင်ငံတွင်းမှာ လူ့အခွင့်အရေး ချိုးဖောက်ခံနေရဆဲ အခြေအနေတွေကို အဓိကဆွေးနွေးတင်ပြသွားမှာဖြစ်တယ်လို့ မဝေဝေနုက ပြောပါတယ်။

“အမေရိကန်အနေနဲ့ မြန်မာနိုင်ငံရဲ့ဒီမိုကရေစီအပြောင်းအလဲမှာ အားပေးတာကို ကျမတို့ထောက်ခံတယ်-ပေါ့နော်၊ ဒါပေမယ့် အဲဒီ ဒီမိုကရေစီ အပြောင်းအလဲဟာလည်း စစ်မှန်တဲ့ဒီမိုကရေစီအပြောင်းအလဲ ဖြစ်ဖို့လိုတယ်ပေါ့နော်၊ ရိုးသားတဲ့ဒီမိုကရေစီအပြောင်းအလဲဖြစ်ဖို့ လိုတယ်၊ လူတွေရဲ့ အခွင့်အရေးတွေကို အာမခံချက်ပေးနိုင်တဲ့ ဒီမိုကရေစီဖြစ်ဖို့လိုတယ်-ပေါ့နော်။ နောက်တခါကျတော့ အားလုံးပါဝင်နိုင်တဲ့ဒီမိုကရေစီ ဖြစ်ဖို့လိုတယ်၊ လူနည်းစု တစုကိုပဲဖြစ်ဖြစ်၊ တချို့သောလူတွေကိုပဲဖြစ်ဖြစ် ဖယ်ကျဉ်ပြီးတော့၊ ဒါမှမဟုတ်ရင် နှိပ်ကွပ်ပြီးတော့မှ ရတဲ့ဒီမိုကရေစီမျိုး မဖြစ်သင့်ဘူးဆိုတဲ့ ဟာမျိုးပေါ့။ အဓိက စစ်မှန်တဲ့ ဒီမိုကရေစီရဖို့အတွကို ကျမတို့ကို အားပေးသွားပါ-လို့ ကျမက ပြောချင်တယ်။ နောက်တခါကျတော့ လောလောဆယ် ဖြစ်ပေါ်နေတဲ့ တကယ့်ကို အခြေခံကျတဲ့လူ့အခွင့်အရေးချိုးဖောက်မှုတွေအားလုံးကို အရင်ဆုံးဖြေရှင်းပေးဖို့ မြန်မာအစိုးရကို တိုက်တွန်းသွားဖို့လည်း ကျမ ပြောချင်တယ်။ အထူးသဖြင့် ရခိုင်ဒေသမှာရှိတဲ့ပဋိပက္ခတွေ၊ နောက်ပြီးတော့ ကချင်စစ်ပွဲတွေ၊ စစ်ပွဲတွေနဲ့ ပဋိပက္ခတွေကို အဓိက အမြန်ဆုံးဖြေရှင်းဖို့ မြန်မာအစိုးရကို တိုက်တွန်းဖို့ ကျမပြောချင်တယ်။ နောက်တခါ တရားမျှတမှုနဲ့ဆိုင်တဲ့ကိစ္စတွေ”

မြန်မာ့နိုင်ငံရေးမှာ အရေးကြီး အပြောင်းအလဲဖြစ်တဲ့ မြန်မာနိုင်ငံမှာ မကြာခင်ကျင်းပတော့မယ့် ၂၀၁၅ ရွေးကောက်ပွဲမှာ မဲဆန္ဒရှင်ပြည်သူအချို့မဲပေးခွင့် မရှိဘဲ နိုင်ငံသားအခွင့်အရေး မရကြတာတွေ၊ ပြည်သူ့ကိုယ်စားလှယ်အဖြစ် ဝင်ရောက်ရွေးချယ်ပိုင်ခွင့် မရကြတဲ့ အနေအထားတွေကိုလည်း ရှင်းပြသွားမယ်လို့ မဝေဝေနုကပြောပါတယ်။

အာရှဒေသတွင်း ပင်လယ်ပြင်တွေမှာ ဒုက္ခရောက်နေကြရတဲ့ အကူအညီမဲ့ လှေစီးပြေးဒုက္ခသည်တွေအရေး ဘာကြောင့် သူတို့ဟာ နေရပ်ရင်းကို စွန့်ခွာ ထွက်ပြေးကြရပါသလဲဆိုတဲ့ အကြောင်းရင်းကို အဓိကထား ဦးစားပေးစုံစမ်းပေးဖို့ တိုက်တွန်းသွားမှာဖြစ်တယ်လို့လည်း ဆိုပါတယ်။ လူ့အခွင့်အရေး ချိုးဖောက်မှုတွေရှိနေဆဲ မြန်မာနိုင်ငံကို အုပ်ချုပ်နေတဲ့ ဦးသိန်းစိန်ခေါင်းဆောင်တဲ့ အရပ်သားအစိုးရအပေါ် အမေရိကန်အစိုးရဘက်က ဖြေလျော့မှုတွေနဲ့ ဆက်ဆံနေတဲ့မူဝါဒသဘောထားတွေနဲ့ပတ်သက်လို့ ပြန်လည်သုံးသပ်ပေးဖို့ကိုလည်း ဆွေးနွေးသွားမှာဖြစ်တယ်လို့ မဝေဝေနုက ဆိုပါတယ်။

Justice for Women အဖွဲ့ ဦးဆောင်သူ မဝေဝေနုဟာ အမေရိကန်သမ္မတဟောင်း Gorge W. Bush ရဲ့  Bush Center က စီစဉ်တဲ့ လွတ်လပ်မှုနဲ့ ခေါင်းဆောင်မှု ( Liberty and Leadership) သင်တန်းရဲ့ သင်တန်းဆင်းဂုဏ်ပြုလက်မှတ်လက်ခံရယူဖို့ အမေရိကန်ပြည်ထောင်စုကို ရောက်ရှိနေတာ ဖြစ်ပြီး ပြီးခဲ့တဲ့နှစ်က ဒီသင်တန်းကို ပညာရေးပြုပြင်ပြောင်းလဲရေးလှုပ်ရှားနေကြတဲ့ ဗမာနိုင်ငံလုံးဆိုင်ရာ ကျောင်းသားများသမဂ္ဂက ကျောင်းသား ခေါင်းဆောင်တွေဖြစ်တဲ့ မဖြိုးဖြိုးအောင်နဲ့ ကိုလင်းထက်နိုင်တို့အတူ တက်ရောက်ခဲ့တာဖြစ်ပေမဲ့ မဖြိုးဖြိုးအောင်ကတော့ ဖမ်းဆီးထိန်းသိမ်းခံရပြီး တရား ရင်ဆိုင်နေရဆဲဖြစ်ပါတယ်။ ကိုလင်းထက်နိုင်ကတော့ အာဏာပိုင်တွေရဲ့ လက်ကလွတ်မြောက်အောင် တိမ်းရှောင်နေရဆဲဖြစ်လို့ သူတို့နှစ်ဦးဟာ အမေရိကန်ပြည်ထောင်စုကို လာရောက်ပြီး သင်တန်းဆင်းပွဲကို တက်ရောက်နိုင်ခြင်းမရှိပါဘူး။

မဆုမွန် / ဗွီအိုအေ (မြန်မာပိုင်း)
http://burmese.voanews.com


Eleven နေ့စဉ်သတင်းစာ အယ်ဒီတာအဖွဲ့ဝင် ၁၇ ဦးကို တရားရုံးမထေမဲ့မြင် ပြုမှုနဲ့ ပြန်ကြားရေးဝန်ကြီးဌာနက တရားစွဲဆိုထားတဲ့ကိစ္စနဲ့ ပတ်သက်ပြီး ဇွန်လ ၂ဝ ရက်၊ ပြီးခဲ့တဲ့စနေနေ့က ရန်ကုန်မြို့ နိုဗိုတယ်ဟိုတယ်မှာ Eleven အယ်ဒီတာအဖွဲ့က သတင်းစာရှင်းလင်းပွဲ ပြုလုပ်ခဲ့ပါတယ်။

RFA

၁၉၈၉ခုနှစ်၊ ဒီဇင်ဘာလအတွင်းက ဖြစ်သည်။ ဒေါ်အောင်ဆန်းစုကြည် ပုသိမ်မြို့သို့ ရောက်လာသည်။ ဒေါ်အောင်ဆန်းစုကြည် ပုသိမ်မြို့သို့ ရောက်သောအခါ ထိုစဉ်ကဧရာဝတီတိုင်း၊ တိုင်းမှူးအဖြစ် တာဝန်ထမ်း ဆောင်နေသောတိုင်းမှူး ဗိုလ်ချုပ်မြင့်အောင်က အမိန့် အမျိုးမျိုးထုတ်ပြီး ဒေါ်အောင်ဆန်းစုကြည်နှင့် ပြည်သူ လူထုမတွေ့နိုင်အောင်လုပ်သည်။ ဒေါ်အောင်ဆန်းစု ကြည် ပုသိမ်မြို့ပေါ်က ကားတွေငှားမရအောင် နည်း အမျိုးမျိုးဖြင့် ပိတ်ပင်သည်။ ယာဉ်ပိုင်ရှင်တွေကို ခြိမ်း ခြောက်သည်။ လူ ငါးယောက်ထက်ပိုမစုရဟု အမိန့် ထုတ်သည်။ ယင်းသို့ဆောင်ရွက်သည့်အတွက် ဒေါ်အောင် ဆန်းစုကြည်တစ်ယောက် သူတည်းခိုရာနေအိမ်မှ ပုသိမ်မြို့ထဲသို့ ဝင်မရ၊ ပုသိမ်မြို့ခံများနှင့်လည်း တွေ့ဆုံခွင့်ရလိမ့်မည်မဟုတ်ဟုတိုင်းမှူး ဗိုလ်ချုပ်မြင့် အောင်က တွက်ဆထားပုံရသည်။
သို့သော် နိုဘယ်ငြိမ်းချမ်းရေးဆုရှင်၊ လူထုခေါင်း ဆောင်ဒေါ်အောင်ဆန်းစုကြည်က တိုင်းမှူးဗိုလ်ချုပ် မြင့်အောင် ထင်မှတ်မထားသည့် ပုံစံဖြင့် ပုသိမ်မြို့ ထဲ ဝင်လာခဲ့သည်။ ဖြစ်သည့်နည်းဖြင့် ပုသိမ်မြို့ထဲ ဝင်လာ သည့် ဒေါ်အောင်ဆန်းစုကြည်ကိုမြင်တော့ ပုသိမ်မြို့ခံ တွေက အံသြဝမ်းသာကြသည်။ ဒေါ်အောင်ဆန်းစုကြည်သည် ပြည်သူလူထုနှင့်တစ်သားတည်းရှိသော ခေါင်းဆောင်ကောင်းတစ်ယောက်ဖြစ်ခဲ့သည်။

ဒေါ်အောင်ဆန်းစုကြည် ပုသိမ်မြို့ထဲဝင်ပုံက ထူးခြားသည်။ ကားတွေ ငှားမရတော့ စက်ဘီး တစ်စီး ရှာခိုင်းသည်။ ရှာလို့ရသည့် စက်ဘီးကို ကိုယ်တိုင်နင်း ပြီး ပုသိမ်မြို့ ထဲဝင်ခဲ့ခြင်းဖြစ်သည်။ ညနေစောင်း လူ အစည်ကားဆုံးအချိန်တွင် ပုသိမ်မြို့တွင်းလမ်းတွေပေါ် မှာ စက်ဘီးစီးနင်းနေသော ဒေါ်အောင်ဆန်းစုကြည်ကို ပုံပါအတိုင်းမြင်တွေ့နိုင်သည်။
ခြိမ်းခြောက်မှုတွေ ရှိနေသော်လည်း ဒေါ်အောင် ဆန်းစုကြည်က ရဲရင့်ရွှင်လန်းစွာဖြင့် ပုသိမ်မြို့က လမ်း တွေပေါ် မှာ တည်ငြိမ်ပျော်ရွှင်စွာစက်ဘီးစီးနေခဲ့သည်။ ပုသိမ်မြို့သူမြို့သားတွေက ဒေါ်အောင်ဆန်းစုကြည် လွတ်လပ်စွာ စက်ဘီးစီးခွင့်ရရှိအောင် ကူညီစောင့်ရှောက် ပေးခဲ့သည်လားဟု ကျွန်တော်တွေးမိသည်။
(ဒေါက်တာစစ်တင် (GP ))

ဆောင်းပါးရှင် ဒေါက်တာစစ်တင် G-P သည် ၁၉၉ဝ ပြည့်နှစ်ရွေးကောက်ပွဲ၌ အမျိုးသားဒီမိုကရေစီ အဖွဲ့ချုပ်မှ ဝင်ရောက်အရွေးခံခဲ့ပြီး ငပုတောမြို့နယ်၊ လွှတ်တော်ကိုယ်စားလှယ်အဖြစ်ရွေးကောက်ခံခဲ့ရသူ တစ်ဦးဖြစ်သည်။
ငပုတောမြို့နယ်၊ အမျိုးသားဒီမိုကရေစီအဖွဲ့ချုပ် စည်းရုံးရေး တာဝန်ခံအဖြစ် ၁၉၉ဝ ပြည့်နှစ်မှ ၁၉၉၅ ခုနှစ် အထိ ဆောင်ရွက်ခဲ့သူတစ်ဦးလည်းဖြစ်သည်။
ယခုအခါ မိသားစုနှင့်အတူ ပုသိမ်မြို့ တွင် နေထိုင် လျက်ရှိသည်။ဆောင်းပါးရှင်
ဒေါက်တာစစ်တင် ( G-P ) ၏ ကျွန်တော်နှင့် ဒေါ်အောင်ဆန်းစုကြည် ဆောင်းပါးကို Oriental News ဂျာနယ်တွင် ဆက်လက်ဖော်ပြပေး သွားမည်ဖြစ်သည်။
အယ်ဒီတာအဖွဲ့
.
Credit : OrientalNews