07/11/15


ထိုင်းတောင်ပိုင်း ကော်တောင်ကျွန်းမှာ ဗြိတိန်နိုင်ငံသား ၂ ယောက် အသတ်ခံရမှုနဲ့ ပတ်သက်လို့ ဒီနေ့ ထပ်မံစစ်ဆေး ခဲ့ပါတယ်။

ဒီအမှုကို ကျူးလွန်တယ်လို့ စွတ်စွဲခံထားရတဲ့ ဇော်လင်းနဲ့ ဝင်းဇော်ထွန်း ခေါ် ဝေဖြိုးတို့ အမှုနဲ့ပတ်သက်ပြီး တရားလိုပြ သက်သေတွေကို တရားရုံးမှာ ၃ ရက်မြောက်အဖြစ် ဒီကနေ့ ထပ်မံစစ်ဆေးရာ မှာ

တရားလို သက်သေအဖြစ် အခင်း ဖြစ်ပွားတဲ့နေ့မှာ သက်သေခံပစ္စည်း စစ်ဆေးတဲ့ ရဲနဲ့ အလောင်းကို ခွဲစိတ်သူလည်းဖြစ် ဒီအဲန်အေ စစ်ဆေးသူလည်းဖြစ်တဲ့ ရဲဆရာဝန်တို့က တွေ့ရှိချက်တွေကို ထွက်ဆိုခဲ့ပါတယ်။

သေဆုံးသူ ဗြိတိန်နိုင်ငံသား အမျိုးသမီးနဲ့ အမျိုးသားဆီက တွေ့ရှိတဲ့ ဒီအဲန်အေ စစ်ဆေးချက်တွေကို စစ်ဆေးနိုင်ခဲ့တယ်လို့ ရဲဆရာဝန်က ပြောပါတယ်။

ရဲဆရာဝန်ရဲ့ထွက်ဆိုချက်မှာတော့ အဓမ္မပြုကျင့် ခံရတယ်လို့ ပြောတဲ့အကြောင်း တရားခံရှေ့နေ ဖြစ်တဲ့ ထိုင်းရှေ့နေများ ကောင်စီက နခေါန်း ချုမ်းဖူးချတ်က ရှင်းပြရာမှာတော့ အလောင်း ခွဲစိတ်တဲ့ဆရာဝန်က ဒဏ်ရာ ဒဏ်ချက်တွေ တွေ့ရှိတယ်၊ အဓမ္မပြုကျင့် ခံရတယ်လို့ပြောကြောင်း၊ ဒါပေမယ့် ကွဲလွဲနေတာက ပထမဆုံး အလောင်းစစ်ဆေးတဲ့ ဆရာဝန်ပြောတာက အမြင်အရ အဓမ္မပြုကျင့်တယ်ဆိုတာ မသိနိုင်ဘူးလို့ ဆိုတဲ့ အကြောင်းနဲ့ ၊ ပထမဆုံး အလောင်းစစ်ဆေးတဲ့ ဆရာဝန်နဲ့ ဒီကနေ့ ထွက်ဆိုသွားတဲ့ ဆရာဝန်နဲ့က ကွဲလွဲချက်တွေ ရှိနေတာကိုတွေ့ရတယ်လို့ ပြောပါတယ်။

ဒါပေမယ့် ဘယ်သူဘယ်ဝါရဲ့ ဒီအဲန်အေဖြစ်တယ်လို့ ထုတ်ဖေါ်ပြောဆိုခြင်းမရှိသေးပါဘူး။

ပထမရုံးချိန်ဖြစ်နေလို့ အကုန်မထုတ်ပြောတာ ဖြစ်နိုင်တယ်လို့ ကော်စမွီတရားရုံးမှာ ဝင်ရောက် နားထောင်နေတဲ့ ဘီဘီစီသတင်းထောက်က ပြောပါတယ်။

BBC Burmese
http://www.bbc.com/burmese

 MAT နဲ့ မြန်မာသံရုံးအရာရှိတွေက ထိုင်းရဲတပ်ဖွဲ့အကူအညီ နဲ့ မေလ ၁၂ ရက်နေ့ ညပိုင်းမှာ ရောင်းစားခံထားရ တဲ့ မြန်မာနိုင်ငံသား ၄၄ ယောက် ကိုကယ်တင်ခဲ့စဉ် Photo:Aung Moe Myint/RFA
 ထိုင်းနိုင်ငံ ဘန်ကောက်မြို့အနီး မဟာချိုင်မြို့ကော့စမွတ်အရပ်မှာ လူကုန်ကူး ခံထားရတဲ့ မြန်မာနိုင်ငံသား ၆၄ ယောက်ကို  မနေ့က  ဇူလိုင်လ ၁၀ ရက်နေ့မှာ ထိုင်းစစ်တပ်နဲ့ မြန်မာသံရုံးက အလုပ်သမားကူညီစောင့်ရှောက်ရေး ကော်မတီ အပါအ၀င် ထိုင်းနိုင်ငံရောက် မြန်မာနိုင်ငံသားများအဖွဲ့ MAT တို့ပူးပေါင်းပြီး ကယ်ဆယ်နိုင်ခဲ့သလို  မြန်မာနိုင်ငံသား လူပွဲစားဂိုဏ်ခေါင်းဆောင် တွေကိုပါ ဖမ်းဆီးနိုင်ခဲ့တယ်လို့ သိရပါတယ်။

အခုလို ကယ်ဆယ်နိုင်ခဲ့တာဟာ  ပြီးခဲ့တဲ့ ဇူလိုင်လ ၁ ရက်နေ့က မွန်တိုင်းရင်းသား ဆန်းမိုးအောင် ဆိုသူက လူပွဲစားတွေထံကနေ ထွက်ပြေးလွတ်မြောက်လာ ခဲ့ပြီး မြန်မာသံရုံးနဲ့ ထိုင်းနိုင်ငံရောက် မြန်မာနိုင်ငံသားများအဖွဲ့ MAT ကို အကူအညီတောင်းခံ လာတဲ့အတွက် ထိုင်းရဲတပ်ဖွဲ့နဲ့ ပူးပေါင်းစုံစမ်းစစ်ဆေးမှုတွေရယူ ခဲ့ပြီး ဇူလိုင်လ ၉  ရက်နဲ့ ၁၀ ရက်တွေမှာ ၀င်ရောက်ဖမ်းဆီး ကယ်တင်နိုင်ခဲ့တာလို့   MAT အဖွဲ့က ကိုစိုင်းအေး က ပြောပါတယ်။

"ပထမနေ့ကတော့ စစ်တပ်နဲ့ လ၀က ကနေ၀င်ဖမ်းလိုက်တယ် ဖမ်းလိုက်တော့ ၅၇ ယောက်ရတယ်၊ အဲ့ထဲမှာ ကယ်ဆယ်ရလို့တဲ့ထဲမှာ ပွဲစားတွေ မပါတော့ နောက်က စပါယ်ရှယ်ဘရန့်ကနေပြီးတော့ သူ့မှာ ဖမ်းဝရမ်းရထားတယ်ဆိုတော့ ထပ်ပြီး ထပ်ဖမ်း တာ ဒီမှာ ပွဲစားတွေ ထပ်ပြီးရလာခဲ့တာပေါ့နော်၊ လူကုန်ကူးခံရတဲ့လူကတော့ အားလုံး ၆၄ ယောက် ပွဲစားတွေ ဖမ်းမိတာတော့ ၆ ယောက်လောက်တော့ ရှိတာပေါ့နော်၊ အဲ့ထဲမှာ ဂိုဏ်းကြီးတစ်ယောက် ပါတယ်၊ ဂိုဏ်းကြီးတစ်ယောက်က ဒီ ထိုင်းနိုင်ငံမှာ နေတာ နှစ် ၂၀ ကျော်လောက်လည်း ရှိနေပြီး မြန်မာနိုင်ငံသား မွန်လူမျိုး သူ့နာမည် ကိုထုန် လို့ခေါ်တယ် အသက်ကတော့ ၆၀ နီးပါးရှိတယ်"

လူကုန်ကူးခံထားရတဲ့ မြန်မာနိုင်ငံသားတွေဟာ မြန်မာပြည်အရပ်ရပ်ကနေ  လူပွဲစား တွေကတဆင့် ထိုင်းနိုင်ငံမှာ လာရောက်အလုပ်လုပ်ကိုင်သူတွေ ဖြစ်ကြပြီး အခန်းပေါင်း ၈၀ ကျော်ရှိတဲ့ အလုပ်ရုံဟောင်း တစ်ခုမှာ ပိတ်လှောင်ခံထားရသူတွေဖြစ်တယ်လို့ လည်း ကိုစိုင်းအေး က ဆက်ပြောပါတယ်။

"သူတို့ပြောပြချက်ကတော့ ထားဝယ်ဖက်ကနေပြီးတက်တယ် ဒီမဟာချိုင်းနယ်မြေ ကော့စမွတ်ထဲမှာ လာပြီးတော့ အဲ့ထဲမှာ ပွဲစားတွေ အများကြီးရှိတယ် ပွဲစားတွေက အဲ့အခါကြတော့ လူတွေကို သူ့လူကိုယ့်လူ ရွေးထုတ်ပြီးတော့ နည်းနည်း လည်လည် ၀ယ်ဝယ် ဆိုလို့ရှိရင် သူတို့ကတော့ သော့ခတ် ပြီးတော့ လောင်ထားလိုက်တယ်၊ လောင်ထားပြီးတော့ မင်းအမျိုးရှိရင် လာရွေး၊ မရွေးရင် အမျိုးမရှိရင် အလုပ်လုပ် ချင်တယ် ဘာညာဆိုရင်လည်း ပို့ပေးမယ် ဆိုပြီးတော့ အဲ့လိုမျိုး ပြောပြီးတော့ ထားထားတာ အဲ့ဒါ အလုပ်ရှိတယ် သွားလုပ်မယ်ဆိုလည်း နောက်ကနေ သူတို့ကနေ လိုက်လာတယ် သူတို့လုပ်အားခတွေ ယူတယ်၊ ယူပြီးတော့ နောက်ပြီးတော့ အချိန်တန်ကြရင် သူတို့ကို ပြန်ပို့ပေးတယ်၊ နောက် တချို့တ၀က်ကလည်း ဟိုမှာပြောတုန်းကတော့ တစ်သောင်းခြောက်ထောင်နဲ့ ဒီရောက်တော့ နှစ်သောင်းခွဲ သုံးသောင်း အဲ့လိုမျိုးတွေ ဖြစ်သွားတာ ရွေးနိုင်လို့ရှိရင် လာရွေးတဲ့ မရွေးနိုင်လို့ရှိရင် ဒီလိုပဲ သူတို့အတွက်ကို အလုပ်ဆက်လုပ်ပေးနေရတယ်၊ သူတို့က အတိုးတွေက တဖြည်းတဖြည်းများများလာပြီးတော့ တချို့ဆိုလို့ရှိရင် တစ်နှစ်နှစ်နှစ်လောက် လုပ်ရတာလည်း အကြွေးမကျေဘူး"

လူကုန်ကူးဂိုဏ်းခေါင်းဆောင်တွေနဲ့ အတူ ၊ လူကုန်ကူးခံရသူတွေကိုတော့ စုံစမ်းစစ်ဆေး မေးမြန်းမှုတွေ ဆက်လုပ်ဖို့ လိုသေးတဲ့အတွက် မဟာချိုင်ရဲစခန်းမှာ ထိန်းသိမ်းထားပြီး ထိုင်းနိုင်ငံရဲ့ ဥပဒေအရ အရေးယူသွားမှာဖြစ်ကြောင်း ကိုစိုင်းအေး က ဆက်ပြောပါတယ်။

MAT အဖွဲ့ဟာ ထိုင်းနိုင်ငံအတွင်း လူကုန်ကူးခံရတဲ့ မြန်မာနိုင်ငံသားတွေကို ထိုင်းလူကုန်ကူးမှု တားဆီးနှိမ်နင်းရေးအဖွဲ့နဲ့ ပူးပေါင်းပြီး အခုနှစ် ၂၀၁၅ ခုနှစ်အတွင်း လူကုန်ကူးမှုပေါင်း ၁၄ ကြိမ် ကူညီခဲ့ပြီး လူကုန်ကူးခံရသူ ၁၃၉  ယောက်ကို ကယ်တင်နိုင်ခဲ့ပြီး လူပွဲစား ၆ ယောက်ကိုလည်း ဖမ်းဆီးနိုင်ခဲ့တယ်လို့ သိရပါတယ်။

RFA Burmese
http://www.rfa.org/burmese

ကျောင်းသား တွေ ကို အကြမ်း မဖက်ဖို့ ပြီးခဲ့တဲ့ မတ်လ တုန်းက မိထ္ထီလာ ရေလယ် ဘုရား မှာ ဝတ်ပြု ဆုတောင်းခဲ့သူတွေ ထောင်ကျ။
အစိုးရ က ကြောက်ရွံ့ နေ တဲ့ အတွက် ပြည်သူ တွေ ကို ထောင်ချ နေ တာ ဖြစ် တယ် ဆိုပြီး ထောင် ၄ လ အချ ခံ လိုက် ရတဲ့ မိတ္ထိလာ ပြည်သူ့ အကျိုးဆောင် ကွန်ယက် က ဒေါ်မြင့်မြင့်အေး က စီရင်ချက် ချအပြီး ရုံးအထွက်မှာ ပဲ သတင်း သမား တွေ ကို ပြောလိုက် ပါတယ်။

ဒီမိုကရေစီ ပညာရေး သပိတ် မှောက် ကျောင်းသား တွေ အရေး ကို ထောက်ခံပြီး ကျောင်းသား တွေ ကို အကြမ်း မဖက်ဖို့ ပြီးခဲ့တဲ့ မတ်လ တုန်းက မိထ္ထီလာ ရေလယ် ဘုရား မှာ ဝတ်ပြု ဆုတောင်း ခဲ့တဲ့ ဒေါ်မြင့်မြင့်အေး အပါအဝင် အမျိုး သမီး ၃ ယောက် ကို ဇူလိုင် ၁၀ ရက် သောကြာ နေ့တုန်း က မိထ္ထီလာ မြို့နယ် တရားရုံး က နေ ထောင် ၄ လ ချ ခဲ့တာ ဖြစ်ပါတယ်။

တောင်သူလယ်သမား အခွင့် အရေး လှုပ်ရှား မှု နဲ့ ထောင် ဒဏ် ၂ လ ကျ ခံနေရ ဆဲ ဖြစ် တဲ့ ဒေါ်မြင့်မြင့်အေး က မြန်မာ အာဏာ ပိုင် တွေ ဟာ လယ်သမား၊ ကျောင်းသား နဲ့ ပြည်သူ တစ်ရပ် လုံးရဲ့ အခွင့် အရေး တွေ ကို မျက်ကွယ်ပြု နေတယ် ဆိုပြီး တော့ လည်း ဝေဖန် ခဲ့ ပါတယ်။

အခု အမှု မှာ ဒေါ်မြင့်မြင့်အေး နဲ့ အတူ မိတ္ထိလာခရိုင် အန်အယ်လ်ဒီ ပါတီဝင် ဒေါ်ခင်မေစီ၊ ၈၈မျိုးဆက် ပွင့်လင်းအဖွဲ့ က ဒေါ်မေသက်ဦးတို့လည်း ထောင် ၄ လ စီ ချမှတ် ခံခဲ့ ရပါတယ်။

မိတ္ထိလာမြို့နယ်တရားသူကြီး ဦးမောင်လွင် ကတော့ အခု အမှု ဟာ သာမန် ဘုရား ပေါ် မှာ ဝတ်ပြု ဆုတောင်း တာ မဟုတ် ပဲ ချီတက် စုဝေး ဟော ပြော တာ မျိုး တွေ ပြု လုပ် ခဲ့ တဲ့ အတွက် ခွင့် ပြုချက် မရ ယူ ပဲ စုရုံး တဲ့ ပုဒ်မ ၁၈ နဲ့ ငြိစွန်းတယ် လို့ ဆို ပါတယ်။

ပုဒ်မ နဲ့ ဆီလျော် ရာ ပြစ်ဒဏ် ကို သူ့ရဲ့ ဆင်ခြင်တုံ တရား နဲ့ ဆုံးဖြတ် ပြီး ထောင်ဒဏ် ၄ လ ချ မှတ် ခဲ့တယ် လို့ တရားသူကြီး ဦးမောင်လွင် က ဆိုပေမယ့် ပြဒ်ဒဏ် စီရင် ခံ ရသူ တွေ ရဲ့ ရှေ့ နေ ကတော့ အခု လို အမိန့် အမျိုး ဟာ အထက် အဆင့်ဆင့် က ညွှန်ကြား ချက် နဲ့ လာတာ လို့ ပြောပါတယ်။

အယူခံ တက် လည်း နိုင် မှာ မဟုတ် ပေမယ့် ဥပဒေ ကြောင်း အရ ဆက်လက် ရင်ဆိုင် ဖို့ ကတော့ အယူခံ တင် သွားမယ် လို့လည်း ရှေ့နေ ဒေါ်ဟန်စုယဉ် က ဆိုပါတယ်။

BBC Burmese
http://www.bbc.com/burmese


 ကုလသမဂ္ဂ အတွင်းရေးမှူးချုပ်ရဲ့ ကလေးသူငယ်နဲ့ လက်နက်ကိုင်ပဋိပက္ခရေးရာ အထူးကိုယ်စားလှယ် Leila Zerrougui ဟာ မြန်မာနိုင်ငံကို ဇူလိုင် ၁၁ရက်နေ့ကနေ ၁၇ရက်နေ့အထိ သွားရောက်ပါလိမ့်မယ်။ လက်နက်ကိုင်ပဋိပက္ခတွေကြောင့် ကလေးသူငယ်တွေ ဘယ်လို ဒုက္ခရောက်ရတယ်ဆိုတဲ့ အခြေအနေ ၊ ၂၀၁၂က မြန်မာအစိုးရ လက်မှတ်ရေးထိုးခဲ့တဲ့ ကလေးစစ်သားစုဆောင်းမှု အဆုံးသတ်ရေးအတွက် ဘယ်လောက်အထိ တိုးတက်အောင် ဆောင်ရွက်ထားသလဲ ဆိုတာ လေ့လာအကဲဖြတ်ဖို့ သွားရောက်မှာဖြစ်တယ်လို့ ကုလသမဂ္ဂရဲ့ ထုတ်ပြန်ချက်မှာ ဖော်ပြထားပါတယ်။

ရန်ကုန်ကတဆင့် နေပြည်တော် မန္တလေး မြစ်ကြီးနားတို့ကိုလည်း သွားရောက်ပါလိမ့်မယ်။ မြန်မာအရာရှိတွေ UNICEF အပါအဝင် ကုလသမဂ္ဂ ဝန်ထမ်းတွေ သက်ဆိုင်ရာ အရပ်ဖက်အဖွဲ့အစည်းတွေအပြင် လက်နက်ကိုင်ပဋိပက္ခနဲ့ပတ်သက်ခဲ့ဖူးတဲ့ ကလေးသူငယ်တွေနဲ့လည်း တွေ့ဆုံမှာဖြစ်ပြီး ဇူလိုင်လ ၁၆ရက်မှာတော့ ရန်ကုန် UNICEF ရုံးမှာ သတင်းစာရှင်းလင်းပွဲ တရပ်ပြုလုပ်မယ်လို့လည်း ကြေညာချက်မှာ  ဖော်ပြထားပါတယ်။

ဗွီအိုအေ (မြန်မာပိုင်း)
http://burmese.voanews.com

ရှမ်းလူမျိုးစု တွေ အခြေချ နေထိုင်မှု များ တဲ့ ကချင်ပြည်နယ် တောင်ဘက်ခြမ်း မှာ ၂၀၁၀ တုန်း ကတော့ ရှမ်း ပါတီ တစ်ခု ဖြစ်တဲ့ ကျားဖြူ ပါတီက အမတ် တချို့ အနိုင်ရ ထား ပါတယ်။
၂၀၁၅ ရွေးကောက်ပွဲ ကျင်းပတဲ့ အခါ ကချင် ပြည်နယ် ထဲ က မဲဆန္ဒနယ် တွေ အားလုံး မှာ ဝင်ရောက် ယှက်ပြိုင် သွားဖို့ ကြိုးစား နေတယ် ဆိုပြီး ကချင် ဒီမိုကရက်တစ် ပါတီ က ပြောပါတယ်။

ပြည်နယ် လွှတ် တော် အတွက် ၃၆ နေရာ အပြင် ပြည်သူ့ လွှတ်တော် အတွက် ၁၈ နေရာ နဲ့ အမျိုးသား လွှတ်တော် အတွက် ၁၂ နေရာ စုစုပေါင်း အမတ် နေရာ ၆၆ နေရာ အတွက် ကချင် ပြည် နယ် ထဲ မှာ ရွေးကောက် ကြ ရမှာ ဖြစ်ပါတယ်။

လူမျိုးစု ဝန်ကြီး တွေ နေရာ အတွက် ဗမာ နဲ့ ရှမ်း လူမျိုး တွေ ထဲ က ရထိုက် ပါတယ် ဆိုပြီး တော့လည်း ကချင် ဒီမိုကရက်တစ် ပါတီ ဥက္ကဌ ဒေါက်တာ တူးဂျာက ဘီဘီစီ ကို ပြောပါတယ်။

ဒေါက်တာ တူးဂျာ ဟာ ကေအိုင်အို ကချင်ပြည် လွတ်မြောက်ရေးအဖွဲ့ မှာ ဒုတိယ ဥက္ကဌ အဖြစ် တာဝန် ယူခဲ့သူလည်း ဖြစ် လက်ရှိ ဖွဲ့စည်းပုံ ရေးဆွဲ တုန်း ကလည်း ပါဝင် ခဲ့သူ ဖြစ်ပြီး ၂၀၁၀ ရွေးကောက်ပွဲ တုန်းကတော့ ပါတီ တည်ထောင်ခွင့် မရခဲ့ သူ ဖြစ် ပါတယ်။

၂၀၁၀ ရွေးကောက်ပွဲ ကတည်းက ကြံ့ခိုင် ဖွံ့ဖြိုးရေး ပါတီနဲ့ မဟာမိတ် လုပ်ပြီး ရွေးကောက်ပွဲ ဝင်ခဲ့ တဲ့ စည်းလုံး ညီညွတ်ရေးနှင့် ဒီမိုကရေစီ ပါတီ (ကချင်ပြည်နယ်) က လက်ရှိ ပြည်သူ့ လွှတ်တော် အမတ် ဒေါ်ဒွဲဘူး က တော့ ကချင် ပါတီ အချင်းချင်း မစုစည်း နိုင်တဲ့ အတွက် သူတို့ ပါတီ အနေနဲ့ အနိုင်ရနိုင် တဲ့ ၁၃ နေရာ ၁၄ နေရာတွေ ကိုပဲ ရွေးပြီး ဝင်သွားမယ် လို့ ပြောပါတယ်။

ရှမ်းလူမျိုးစု တွေ အခြေချ နေထိုင်မှု များ တဲ့ ကချင်ပြည်နယ် တောင်ဘက်ခြမ်း မှာ ၂၀၁၀ တုန်း ကတော့ ရှမ်း ပါတီ တစ်ခု ဖြစ်တဲ့ ကျားဖြူ ပါတီက အမတ် တချို့ အနိုင်ရ ထား ပါတယ်။

တိုင်းလိုင်(ရှမ်းနီ) အမျိုးသားများ ဖွံ့ဖြိုးတိုးတက်ရေး ပါတီ နှစ်ခြမ်းကွဲပြီး သီးသန့် ပါတီ တစ်ခု ခွဲထောင်ခဲ့တဲ့ ရှမ်းနီ (တိုင်းလိုင်) နှင့် မြောက်ပိုင်း ရှမ်းမျိုးနွယ်စုများ သွေးစည်း ညီညွတ်ရေးပါတီ အနေနဲ့ ရှမ်းတွေ အနေများတဲ့ ကချင် ၈ မြို့နယ် မှာ ဝင်ရောက် ယှဉ်ပြိုင် မယ် လို့ ပါတီ ရဲ့ အထွေထွေ အတွင်းရေးမှူး ဦးစောဝင်းထွန်း က ပြောပါတယ်။

တိုင်းရင်းသား ပါတီ တွေ အချင်းချင်း က ညှိနှိုင်းလို့ မရတဲ့ အခြေအနေ ရှိတာကြောင့် အချင်းချင်း လည်း ပြိုင်ရမှာ ဖြစ်သလို ပြည်မထဲက ပါတီကြီးတွေ ဖြစ်တဲ့ အဲန်အယ်လ်ဒီ နဲ့ ကြံ့ခိုင်ဖွံ့ဖြိုးရေး ပါတီတွေ ကလည်း နေရာတိုင်း မှာ ဝင်ရောက် ယှဉ်ပြိုင်ဖို့ ရှိနေတာကြောင့် အကြိတ်အနယ် ယှဉ်ပြိုင်ကြရမယ့် အနေအထား မှာ ရှိနေပါတယ်။

BBC Burmese
http://www.bbc.com/burmese


 ဇူလိုင် ၁၀ရက်၊ ၂၀၁၅ခုနှစ်။ (ကေအိုင်စီ)

 တိုက်ပွဲကြောင့် ရက်သတ္တပတ်ကျော်ကြာ ပိတ်ထားလိုက်ရသည့် မြ၀တီ-ကော့ကရိတ် အဝေးပြေး အာရှလမ်းမကို ဇူလိုင်လ ၁၀ ရက်(ယနေ့)မှစ၍ နံနက် ၆နာရီမှ ညနေ ၅နာရီအထိ သွားလာခွင့်ပြုလိုက်သော်လည်း မိုင်းရှင်းလင်းရေးလုပ်ငန်းများမှာ ဆက် လက် လုပ်ဆောင်နေရဆဲဖြစ်ကြောင်း နယ်ခြားစောင့်တပ် (BGF) ပြောခွင့်ရ ဗိုလ်မှူးနိုင်မောင်ဇော်က ပြောသည်။

၎င်းက “အခု ကားတွေ လွှတ်နေပြီလေ။ ကားတွေ လွှတ်နေတဲ့အခါကျတော့ ခရီးသွားပြည်သူက ကားရပ်ပြီး အပေါ့သွားတာတို့ ဘာတို့ အဲလိုမျိုးနေရာဆို မိုင်းတွေ တော်တော်များတယ်။ အဲဒါကို တပ်မတော်က အဖွဲ့တွေနဲ့ ကျနော်တို့အဖွဲ့တွေနဲ့ ပူးပေါင်းပြီး မိုင်းရှင်းလင်းရေးလုပ်နေတယ်။ ဖော်လို့မရတာတွေ ခွဲလိုက်တယ်။ ပြည်သူတွေ ထိခိုက်သွားမှာစိုးတယ်״ဟု ပြောသည်။

လတ်တလော မိုင်းရှင်းလင်းမှုကို လူထုသွားလာသည့် လမ်းကိုသာ အဓိက ရှင်းလင်းနေခြင်းဖြစ်ကာ တောင်ကုန်းပေါ်ရှိ များစွာ ကျန်ရှိနေသေးသော မိုင်းများကို တဖြည်းဖြည်း ဆက်လက် ရှင်းလင်းသွားမည်ဖြစ်ကြောင်း ဗိုလ်မှူးနိုင်မောင်ဇော်က ဆက်ပြော သည်။

ဒီမိုကရေစီအကျိုးပြု ကရင်တပ်မတော်(DKBA)နှင့် အစိုးရတပ်မတော်တို့ကြား တိုက်ပွဲစတင်ဖြစ်ပွားသည့် ဇူလိုင်လ ၂ရက်နေ့မှစ ၍ အာရှလမ်းမကို ပိတ်ထားခဲ့ရပြီး ပြီးခဲ့သည့်ရက်ပိုင်းက အစိုးရတပ်မတော်နှင့် နယ်ခြားစောင့်တပ် တပ်ဖွဲ့ဝင်များ ပူးပေါင်း၍ အဆိုပါလမ်းမကို ပြန်လည်ထိန်းချုပ်နိုင်ခဲ့ပြီးနောက် ယခုလို ပြန်ဖွင့်လိုက်ခြင်းဖြစ်သည်။

ခရီးသွားလာမှုကို နံနက် ၆နာရီမှ ညနေ ၅နာရီ ခွင့်ပြုထားသော်လည်း လမ်းမကြီးလုံခြုံရေးဟုဆိုကာ အစိုးရတပ်မတော်နှင့် နယ် ခြားစောင့်တပ်ဖွဲ့များ နေရာယူထားဆဲဖြစ်သလို ယနေ့မွန်းလွဲပိုင်းတွင် လမ်းဟောင်းဘက်၌လည်း ပစ်ခတ်မှုများ ဖြစ်ပွားနေဆဲ ဖြစ်သည်ဟု ခရီးသွားများက ပြောဆိုနေကြသည်။

ခရီးသည်တစ်ဦးဖြစ်သူ ကိုနိုင်စိုးက “အရမ်းစိတ်ချမ်းသာတယ်။ သွားရတာလည်း လွယ်လွယ်ကူကူပဲ ဘယ်လိုပြောမလဲ ငြိမ်းချမ်း ရေးတွေ ရပြီးတော့ အန္တရာယ်တွေ မကျရောက်ရတဲ့ ဘ၀မျိုး လိုချင်တာပေါ့။ အခုဆို သေနတ်သံကြားထဲက သွားနေရတယ်ဆို တော့ စိုးရိမ်မှုတစ်ခုတော့ ရှိတာပေါ့״ဟု ပြောသည်။

ယခု ဇူလိုင်လအတွင်း အာရှလမ်းမကြီးကို ဖွင့်လှစ်ပွဲ ပြုလုပ်ကျင်းပရန်အတွက် လမ်းမပေါ်ရှိ လက်နက်ကိုင်အဖွဲ့အစည်းများကို ဖယ်ရှားခိုင်းရာမှ လမ်းမကြီး၏ ကော့ကရိတ်အထွက် တတန်ကူးဂိတ်ရှိ DKBA တပ်မတော်နှင့် အစိုးရတပ်မတော်တို့ကြား ပစ် ခတ်မှုများ စတင် ဖြစ်ပွားခဲ့ခြင်းဖြစ်သည်။

ထိုပစ်ခတ်မှုကြောင့် နှစ်ဘက် ထိခိုက်ကျဆုံးမှုများရှိခဲ့သလို ရာနှင့်ချီသော ကော့ကရိတ်ဒေသခံများလည်း ဘေးကင်းလုံခြုံရာသို့ သွားရောက်ခိုလှုံမှုများရှိခဲ့သည်ဟု သိရှိရသည်။

ကေအိုင်စီ - KIC News
http://kicnews.org

 naymyozin-lathar-620 တရုတ်သံရုံးရှေ့အထိ လမ်းလျှောက်ဆန္ဒပြခဲ့ကြတဲ့ ကိုနေမျိုးဇင်အပါအဝင် ဆန္ဒပြခေါင်းဆောင်တွေကို ဇူလိုင်လ ၁ဝ ရက်နေ့က လသာမြို့နယ်တရားရုံးမှာ အမိန့်ချမှတ်စဉ်

လက်ပံတောင်းတောင် ကြေးနီစီမံကိန်းပဋိပက္ခကြောင့် တောင်သူဒေါ်ခင်ဝင်းသေဆုံးမှု အမှုမှန်ပေါ်ပေါက်ဖို့ အတွက် တရုတ်သံရုံးရှေ့အထိ လမ်းလျှောက်ဆန္ဒပြခဲ့ကြတဲ့ ကိုနေမျိုးဇင်၊ ဒေါ်နော်အုံးလှ၊ ကိုသန်းဆွေ၊ ကိုတင်ထွဋ်ပိုင်နဲ့ ဦးဘမြင့်တို့ကို လသာမြို့နယ်တရားရုံးက တရားမဝင်စီတန်းလှည့်လည်မှု ပုဒ်မ ၁၈ နဲ့ ထောင်ဒဏ် ၄ လစီ ချမှတ်လိုက်ပါတယ်။

ရန်ကုန်မြို့တော်ခန်းမရှေ့ကနေ တရုတ်သံရုံးရှေ့အထိ ချီတက်ရာမှာ ဖြတ်သန်းခဲ့တဲ့ မြို့နယ် ၆ ခုက တရားစွဲ ထားတာတွေကို အမိန့်ချတာဖြစ်တယ်လို့ ဗိုလ်ကြီးဟောင်း နေမျိူးဇင်က ပြောပါတယ်။

"သူတို့ကလည်း ကြမ်းခင်းဈေးလိုဖြစ်နေတယ်၊ တခြားတရားရုံးတွေ မြို့နယ်တရားရုံးတွေ ၄ လချရင် သူလည်း ၄ လချရမှာပေါ့၊ တရားသူကြီးဆိုတာ အရိပ်အကဲနဲ့အထက်လူကြီး မျက်နှာရိပ်ကိုကြည့်ပြီးချနေရတဲ့အခြေအနေ၊ အုပ်ချုပ်ရေးမဏ္ဍိုင်အောက်ကနေ မလူးသာမလွန့်သာနဲ့ သူတို့အသက်မွေဝမ်းကြောင်းနဲ့ တရားရေး ဝန်းထမ်းတွေဆိုတာ အမည်ခံထားရတဲ့ကာလဆိုတော့ အခုလိုအမိန့်ချလိုက်တာကို ကျနော်တို့က ဘာမှမပြော လိုပါဘူး၊ အခုလောလောဆယ်တော့ ရှေ့တစ်ပတ်မှာဆိုရင်တော့ နှစ်ရုံးကျန်သေးတာပေါ့၊ ကျန်တာတွေ ကတော့ အမှုဖွင့်မယ်လို့ပဲ ပြောထားတာတွေရှိတယ်၊ ရှေ့တစ်ပတ် ၁၆ ရက်နေ့ကို ကျနော်တို့က အလုံ၊ ၂ဝ ရက်နေ့ကို ကျောက်တံတား"

သူတို့ ဆန္ဒပြတဲ့အချိန်မှာ ဖြတ်သန်းခဲ့တဲ့ လသာ၊ ဒဂုံ၊ ကျောက်တံတား၊ လမ်းမတော်၊ အလုံနဲ့ ပန်းပဲတန်းမြို့နယ် ရဲစခန်းတွေက တရားစွဲဆိုခဲ့တာဖြစ်ပါတယ်။ အဲ့ဒီမြို့နယ် ၆ မြို့နယ်ထဲက ဒီနေ့အထိ ၄ မြို့နယ်က အမိန့်ချပြီးဖြစ်ရာ တစ်ယောက်ကို တစ်နှစ်နဲ့ ၄ လစီ ကျခံရမှာဖြစ်တယ်လို့ သိရပါတယ်။

ဒီအတောအတွင်း လက်ပံတန်းမြို့ ကျောင်းသားသပိတ်စစ်ကြောင်းကို အကြမ်းမဖက်ဖို့အတွက် ပြီးခဲ့တဲ့ မတ်လ ၃ ရက်နေ့က မိတ္ထီလာမြို့မှာ ဝတ်ပြုဆုတောင်းခဲ့တဲ့ ဒေါ်မြင့်မြင့်အေး အပါအဝင် ၃ ယောက်ကို မိတ္ထီလာမြို့နယ် တရားရုံးက တရားမဝင်စီတန်းလှည့်လည်မှုဆိုင်ရာ ပုဒ်မ ၁၈ နဲ့ ထောင်ဒဏ် ၄ လစီ ဒီနေ့ ချမှတ်လိုက်ပါတယ်။

အမိန့်ချခံရသူတွေရဲ့ မိသားစုဝင်တွေကို မြို့နယ်တရားရုံးထဲ ဝင်ခွင့်မပေးပဲ အမိန့်ချလိုက်တာဖြစ်တယ်လို့ တရားရုံးချိန်းကို သွားရောက်ခဲ့တဲ့ လယ်သမားအရေးကူညီသူ ဘိုကလေးမြို့က ဦးအောင်မြင့်က ပြောပါတယ်။

"ဒီနေ့အခြေအနေဆိုလို့ရှိရင် တရားရုံးကို ရဲစခန်းကိုဝင်ကြောင်း အသိပေးပို့ထားပြီးတော့ နောက်အမှုတွေကို ကြားနာခွင့်မပေးဘူးပေါ့နော်၊ နံနက် ၁ဝ နာရီခွဲလောက်မှာ အရှေ့ပေါက်ကနေမဝင်ပဲ ဘေးပေါက်ကနေ တိတ်တဆိတ်သွင်းပြီးတော့ နာရီဝက်လောက် သူတို့အကျဉ်းချုံ့စစ်ပြီးတော့ ၁၁ နာရီလောက်မှာ သူတို့အမိန့် ချလိုက်တယ်"

မိတ္ထီလာမြို့နယ် ပြည်သူ့အကျိုးဆောင်ကွန်ရက်က ဒေါ်မြင့်မြင့်အေး၊ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့ အစည်းက ဒေါ်မေသက်ဦးနဲ့ မိတ္ထီလာခရိုင် အန်အယ်လ်ဒီ ပြန်ကြားရေးတာဝန်ခံ ဒေါ်ခင်မေစီတို့ကို ထောင်ဒဏ် ၄ လစီ ချမှတ်လိုက်တာဖြစ်ပါတယ်။

သူတို့ ၃ ဦး ခေါင်းဆောင်ပြီး မြို့ခံ ၃ဝ လောက်ဟာ အမျိုးသားပညာရေးဥပဒေကို ပြင်ဆင်ပေးဖို့ ဆန္ဒပြခဲ့ကြတဲ့ လက်ပံတန်းမြို့က ကျောင်းသား သပိတ်စစ်ကြောင်း အကြမ်းဖက်ဖြိုခွင်းမခံရဖို့အတွက် မိတ္တီလာမြို့က ရေလယ် ဘုရားမှာ ဆုတောင်းခဲ့ကြတာဖြစ်ပါတယ်။ ဒေါ်မြင့်မြင့်အေးဟာ ဝမ်းတွင်းမြို့နယ်က လယ်ယာမြေသိမ်းဆည်း ခံရမှုအတွက် ကူညီဆောင်ရွက်ပေးခဲ့တာကြောင့် ထောင်ဒဏ် ၂ လ ချမှတ်ခံထားရသူလည်း ဖြစ်ပါတယ်။
<div id="fb-root"></div><script>(function(d, s, id) {  var js, fjs = d.getElementsByTagName(s)[0];  if (d.getElementById(id)) return;  js = d.createElement(s); js.id = id;  js.src = "//connect.facebook.net/en_US/sdk.js#xfbml=1&version=v2.3";  fjs.parentNode.insertBefore(js, fjs);}(document, 'script', 'facebook-jssdk'));</script><div class="fb-video" data-allowfullscreen="1" data-href="/39218993127/videos/vb.39218993127/10153534890438128/?type=1"><div class="fb-xfbml-parse-ignore"><blockquote cite="https://www.facebook.com/39218993127/videos/10153534890438128/"><a href="https://www.facebook.com/39218993127/videos/10153534890438128/"></a><p>လက်ပံတောင်းတောင် ကြေးနီစီမံကိန်းမှာ တောင်သူဒေါ်ခင်ဝင်း သေနတ်မှန် သေဆုံးမှုနဲ့ ပတ်သက်ပြီး အမှုမှန်ပေါ်ပေါက်ဖို့ လမ်းလျှောက်ဆန္ဒပြခဲ့ကြတဲ့ ကိုနေမျိုးဇင်၊ ဒေါ်နော်အုံးလှ၊ ကိုသန်းဆွေ၊ ကိုတင်ထွဋ်ပိုင်နဲ့ ဦးဘမြင့်တို့ကို ဒီနေ့ လသာမြို့နယ် တရားရုံးက တရားမဝင်စီတန်းလှည့်လည်မှု ပုဒ်မ ၁၈ နဲ့ ထောင်ဒဏ်လေးလစီ ချမှတ်လိုက်ပါတယ်။ RFA သတင်းထောက် သီရိမင်းဇင်က တင်ပြထားပါတယ်။ရိုက်ကူး - အောင်သိင်္ခ၊ ထက်အာကာ</p>Posted by <a href="https://www.facebook.com/pages/RFA-Burmese/39218993127">RFA Burmese</a> on Friday, July 10, 2015</blockquote></div></div>
RFA
http://www.rfa.org/burmese/news/activists-continue-prison-07102015122015.html

students-protest-chaunk-620
 ၂ဝဝ၈ ဖွဲ့စည်းပုံအခြေခံဥပဒေကို ပြင်ပေးဖို့အတွက် ကျောင်းသားကျောင်းသူတွေနဲ့ မြို့ခံတွေ ဇူလိုင်လ ၁ဝ ရက်နေ့က ချောက်မြို့မှာ ဆန္ဒပြတောင်းဆိုစဉ်

မကွေးတိုင်းဒေသကြီး ပခုက္ကူမြို့နယ်မှာ ၂ဝဝ၈ ဖွဲ့စည်းပုံအခြေခံဥပဒေကို ပြင်ပေးဖို့အတွက် ကျောင်း သား ကျောင်းသူတွေနဲ့ မြို့ခံတွေက ဒီနေ့ ဆန္ဒပြတောင်းဆိုကြပါတယ်။

ဆန္ဒပြရာမှာပါဝင်တဲ့ ပခုက္ကူ နည်းပညာတက္ကသိုလ် ကျောင်းသားများသမဂ္ဂ ဥက္ကဌ ကိုစိုးထွဋ်ဝင်းက ၂ဝဝ၈ ဖွဲ့စည်းပုံကိုပြင်မှသာ ပညာရေး၊ ကျန်းမာရေးကဏ္ဍတွေ တိုးတက်ကောင်းမွန်လာမှာဖြစ်တယ်လို့ ပြောပါတယ်။

"ပညာရေးစီးပွားရေးနဲ့ပတ်သက်ပြီးတော့ ဖွဲ့စည်းပုံအခြေခံဥပဒေကောင်းမှသာ ကျနော်တို့နိုင်ငံရဲ့ အနာဂတ် ကလည်း ကောင်းနိုင်မှာဖြစ်ပါတယ်၊ အခြေခံဥပဒေပြင်နိုင်မယ်ဆိုလို့ရှိရင် ကျနော်တို့ဟာ အခု ၂ဝ၁၅ မှာတက်လာမယ့် ပြည်သူလက်ခံတဲ့အစိုးရဖြစ်လာမယ်၊ ပညာရေးဥပဒေဟာလည်း ကျနော်တို့ ကျောင်း သားတွေကိုယ်စား ပညာရေးတစ်ခေတ်ကို ရောက်နိုင်မယ်ဆိုတဲ့ ရည်ရွယ်ချက်နဲ့ ကျနော်တို့ ၄၃၆ ကို အခုလို ဆန္ဒပြတာပါ"

ပြီးခဲ့တဲ့ရက်ပိုင်းက ၂ဝဝ၈ ဖွဲ့စည်းပုံအခြေခံဥပဒေ ပြင်ဆင်ဖို့အတွက် ပြည်ထောင်စုလွှတ်တော်မှာ မဲခွဲဆုံးဖြတ်ရာ တပ်မတော်သားကိုယ်စားလှယ်တွေက ကန့်ကွက်ခဲ့တာကြောင့် ပြင်ဆင်ချက်အားလုံးနီးပါး ရှုံးနိမ့်ခဲ့တာဖြစ်ပါတယ်။

ဆန္ဒပြပွဲကို ပခုက္ကူတက္ကသိုလ်၊ ပခုက္ကူနည်းပညာတက္ကသိုလ်က ကျောင်းသားကျောင်းသူတွေနဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း၊ အမျိုးသားဒီမိုကရေစီအဖွဲ့ချုပ်နဲ့ မြို့ခံတွေ စုစုပေါင်း ၅ဝဝ လောက် ပါဝင်ခဲ့ကြတယ်လို့ သိရပါတယ်။

RFA
http://www.rfa.org/burmese/news/constitution-reform-pakokku-protest-07102015120448.html


dkba-620.jpg
DKBA ကလို့ထူးဘော တပ်ဖွဲ့ဝင်တချို့ စစ်ရေးပြနေစဉ်
Photo: Kyaw Lwin Oo/RFA

DKBA ဒီမိုကရေစီအကျိ်ုးပြု တပ်မတော်တပ်တွေနဲ့ အစိုးရတပ်တွေအကြား အာရှလမ်းမကြီးပေါ်မှာ တိုက်ပွဲဖြစ် ပွားတာမရှိပေမယ့် တောင်ကြောတွေပေါ်မှာတော့ ဒီနေ့ တိုက်ပွဲတွေ ဆက်လက်ဖြစ်ပွားနေတယ်လို့ DKBA တပ်မှူး ဗိုလ်မှူးချုပ်ကျော်သက်က RFA ကိုပြောပါတယ်။

DKBA တပ်တွေအနေနဲ့ လမ်းမပေါ်မှာ နေရာယူထားတာကို တောင်ကြောပေါ်ကို ဆုတ်ခွာပေးလိုက်ရပေမယ့် မနေ့ကညပိုင်းနဲ့ ဒီနေ့မနက်ပိုင်းတွေမှာ အစိုးရဘက်က လက်နက်ကြီးနဲ့ပစ်ပြီး မွန်းလွဲ ၂ နာရီနောက်ပိုင်းမှာ လူပါတက်လာတာကြောင့် တိုက်ပွဲဖြစ်ပွားရတာဖြစ်တယ်လို့ DKBA တပ်ဖွဲ့အရာရှိ ဗိုလ်မှူးချုပ်ကျော်သက် က ပြောပါတယ်။

"တိုက်ပွဲအခြေအနေက ဒီညနေက သူတို့တက်လာပစ်တယ်ဗျ ကျနော်တို့ နေရာမှာနော်၊ လက်နက်ကြီးနဲ့ ပစ်တဲ့လူလည်းတက်လာတယ်နော်၊ ကျနော်တို့ ဘယ်လိုမှမလုပ်ပါဘူး၊ ကျနော်တို့ကို ပထမ လက်နက်ကြီးနဲ့ ပစ်တယ်၊ ကျနော်တို့နေရာမှာပဲ ကျနော်တို့ပြန်လာနေတယ်၊ သူတို့ကတောင်မှလာပစ်နေရင် ကျနော်တို့ ကပြန်ပစ်မယ် ဒါပဲရှိတယ်၊ ကျနော်တို့ဆုတ်ပေးလိုက်တယ်လေ၊ မဟုတ်ရင်တော့ လူထုတွေဘာတွေ ဒုက္ခရောက်မှာကြောက်လို့ ဆုတ်ပေးလိုက်တာလေ"

တိုက်ပွဲမှာ နယ်ခြားစောင့်တပ်တွေ ပါဝင်ခြင်းမရှိပဲ ဒေသခံအစိုးရတိုင်းတပ်ရင်းက ဖြစ်နိုင်တယ်လို့ ပြောပါတယ် ။ ကော့ကရိတ်ဒေသက တိုက်ပွဲတွေနဲ့ပတ်သက်လို့ အစိုးရက သတင်းထုတ်ပြန်ရာမှာ ပြီးခဲ့တဲ့ဇူလိုင်လ ၂ ရက်နေ့ကစလို့ တိုက်ပွဲ ၂၉ ကြိမ် ဖြစ်ပွားခဲ့ကြောင်း၊ ခုချိန်မှာ အာရှလမ်းမကြီးကို ပြန်ဖွင့်လှစ်နိုင်ပြီဖြစ်ကြောင်း ထုတ်ပြန်ထားပါတယ်။

ဒီအတောအတွင်းမှာပဲ KPNS ကရင်ငြိမ်းချမ်းရေးကွန်ရက်အဖွဲ့ဝင် ၂၅ ဖွဲ့က အစိုးရအနေနဲ့ အာရှလမ်းမကြီးကို တိုင်းရင်းသားတွေနဲ့ ငြိမ်းချမ်းရေးရယူပြီး သဘောတူညီချက်တွေ အတိအကျရရှိပြီးမှသာ ဖွင့်လှစ်သင့်တယ်လို့ ဇူလိုင်လ ၁ဝ ရက်နေ့ နေ့စွဲနဲ့ ကြေညာချက် ထုတ်ပြန်ထားပါတယ်။ လတ်တလောဖြစ်ပွားနေတဲ့ တိုက်ပွဲတွေနဲ့ ပတ်သက်ပြီး အာရှလမ်းမကြီးဟာ ကရင်ပြည်နယ်ရဲ့ ငြိမ်းချမ်းရေးကို ထိခိုက်စေတယ်လို့ KPNS အဖွဲ့ရဲ့ ကြေညာ ချက်မှာ ထုတ်ပြန်ထားပါတယ်။

တချိန်တည်းမှာပဲ သမ္မတ ဦးသိန်းစိန် ဇူလိုင် ၉ ရက်နေ့က တိုင်းပြည်ကို ပြောကြားသွားတဲ့ ရေဒီယိုမိန့်ခွန်းမှာ တစ်နိုင်ငံလုံး အပစ်အခတ်အရပ်စဲရေးစာချုပ်ကို ရွေးကောက်ပွဲမတိုင်ခင် ရေးထိုးနိုင်ရေးဆောင်ရွက်နိုင် လိမ့်မယ်လို့ ပြောကြားခဲ့ပေမယ့် တိုင်းရင်းသားတွေဘက်က အခက်အခဲတွေ အများကြီးကျော်လွှားရဦးမယ်လို့ သုံးသပ်ပါတယ်။

RFA
http://www.rfa.org/burmese/news/dkba-govt-fight-07102015114439.html

Unity Journal ဂျာနယ်ရဲ့အမှုဆောင် အရာရှိချုပ် ဦးတင့်ဆန်းနဲ့ သတင်းထောက် ကိုလူမော်နိုင် ဓါတ်ပုံ- ချိုနွယ်ဦး
Unity Journal ဂျာနယ်ရဲ့အမှုဆောင် အရာရှိချုပ် ဦးတင့်ဆန်းနဲ့ သတင်းထောက် ကိုလူမော်နိုင် ဓါတ်ပုံ- ချိုနွယ်ဦး

နှစ်ရှည်ထောင်ဒဏ်ချမှတ်ထားတဲ့သတင်းထောက်တွေကို ပြန်လွှတ်ပေးဖို့ လူ့အခွင့်အရေးအဖွဲ့တခုဖြစ်တဲ့ Amnesty International အဖွဲ့ကြီးက မြန်မာ အာဏာပိုင်တွေကို တောင်းဆိုလိုက်ပါတယ်။ ယူနတီဂျာနယ်နဲ့ BI မွန်းတည့်နေ ဂျာနယ်က သတင်းထောက်နဲ့ ထုတ်ဝေသူ စုစုပေါင်း ၁၀ ဦးတို့ကို ထောင်ဒဏ် ချမှတ်အပြီး တနှစ်အကြာ ဒီကနေ့မှာ အခုလို ကြေညာချက် ထုတ်ပြန် တောင်းဆိုလိုက်တာပါ။

လွတ်လပ်စွာထုတ်ဖေါ်ပြောဆိုခွင့်အပေါ် ဖိနှိပ်တဲ့ ဥဒေတွေကို နိုင်ငံတကာ စံနှုန်းထားတွေနဲ့အညီ ပြောင်းလဲ ပြင်ဆင်ဖို့ ကိုလည်း AI အဖွဲ့က မြန်မာအစိုးရကို တိုက်တွန်းထားပါတယ်။ အခုလိုမျိုး သတင်းထောက်တွေ အပေါ် ထောင်ဒဏ်တွေ ချမှတ်လိုက်တာဟာ မြန်မာနိုင်ငံက သတင်းထောက်တွေနဲ့ မီဒီယာလုပ်ငန်းခွင်က ၀န်ထမ်းတွေအနေနဲ့အနှောက်အယှက်တွေ၊ ခြိမ်းခြောက်မှုတွေကို ရင်ဆိုင်နေရတယ်ဖြစ်တယ်ဆိုတာကို ဖေါ်ပြနေတာဖြစ်တယ်လို့ လွန်ခဲ့တဲ့လက ထုတ်ပြန်တဲ့ AI ရဲ့ အစီရင်ခံစာမှာ ဖေါ်ပြထားပါတယ်။

လာမယ့် နိုဝင်္ဘာလမှာ ရွေးကောက်ပွဲ ကျင်းပမှာဖြစ်တာကြောင့် လူထုအတွက် သတင်းတွေ၊ သုံးသပ်ချက်တွေကို လွတ်လပ်တဲ့မီဒီယာတခုအနေနဲ့ တင်ပြပေးဖို့ဟာ ခါတိုင်းထက် ပိုအရေးကြီးကြောင်းကိုလည်း AI အဖွဲ့ရဲ့ ကြေညာချက် မှာ ဖေါ်ပြထားပြီး မြန်မာ အာဏာပိုင်တွေအနေနဲ့ သတင်းထောက်တွေရဲ့ လုပ်ပိုင်ခွင့်ကို အနှောက်အယှက်ပေး ခြိမ်းခြောက်ဟန့်တားတာမျိုး မလုပ်ဖို့ လိုကြောင်း ပြောဆိုထားပါတယ်။

မကွေးတိုင်းဒေသကြီး ပေါက်မြို့နယ်အတွင်းက ကာကွယ်ရေးပစ္စည်းစက်ရုံ သတင်းဖော်ပြခဲ့တာကြောင့် ယူနတီဂျာနယ်က အမှုဆောင်အရာရှိချုပ်နဲ့ သတင်းထောက် ၄ဦးကို လွန်ခဲ့တဲ့နှစ် ဇူလိုင်လအတွင်းထောင်ဒဏ် ၁၀နှစ်ချမှတ်ခဲ့သလို ဒေါ်အောင်ဆန်းစုကြည်နဲ့ တိုင်းရင်းသား ဒီမိုကရေစီ အင်အားစုတွေကို ကြားဖြတ်အစိုးရအဖြစ် ပြည်သူတွေက တင်မြှောက်ကြောင်း ဒီမိုကရေစီရေး စဉ်ဆက်မပြတ် လှုပ်ရှားသူများအဖွဲ့ ရဲ့ ထုတ်ပြန်ချက်ကို ဖေါ်ပြခဲ့တဲ့ BI မွန်းတည့်နေ ဂျာနယ်က ထုတ်ဝေသူ၊ အယ်ဒီတာအဖွဲ့နဲ့ သတင်းထောက် စုစုပေါင်း ၅ ဦးကို ထောင်ဒဏ် ၂ နှစ်ချမှတ်ခဲ့ပါတယ်။

VOA
http://burmese.voanews.com/content/amnesty-international-calls-immediately-release-imprisoned-journalists/2856346.html

တောင်သာမြို့နယ် ပြည်သူ့လွှတ်တော် ကိုယ်စားလှယ် ဦးအောင်သောင်း။
တောင်သာမြို့နယ် ပြည်သူ့လွှတ်တော် ကိုယ်စားလှယ် ဦးအောင်သောင်း။

ပြည်ခိုင်ဖြိုးပါတီရဲ့ အကြီးအကဲတဦးဖြစ်တဲ့ တောင်သာမြို့နယ် ပြည်သူ့လွှတ်တော် ကိုယ်စားလှယ် ဦးအောင်သောင်းဟာ နေပြည်တော်က နေအိမ်မှာ ရုတ်တရက် သတိမေ့မျောပြီး စင်္ကာပူနိုင်ငံက ဆေးရုံကြီးတခုမှာ အရေးပေါ်ကုသမှု ခံယူနေရတယ် ဆိုတဲ့သတင်းကို -မြန်မာပြည်သူ တွေကြား ဝေဖန်မှုအမျိုးမျိုး ထွက်ပေါ်နေပါတယ်။ အရင် စစ်အစိုးရလက်ထက်က ဦးအောင်အောင်း ရဲ့လုပ်ဆောင်ချက်တွေပေါ်မှာ တုန့်ပြန် ပြောဆိုမှုတွေလဲ ရှိနေပါတယ်။ ဒါနဲ့ ပတ်သက်ပြီး ကိုဉာဏ်ဝင်းအောင်က စုစည်းတင်ပြထားပါတယ်။

ဗုဒ္ဓဟူးနေ့ညက နေပြည်တော် နေအိမ်မှာ ရုတ်တရက် သတိလစ်မေ့မျော သွားတဲ့ ပြည်ခိုင်ဖြိုးပါတီ အကြီးအကဲ ဦးအောင်သောင်းကို ဇူလိုင်(၉) ရက် မနေ့မနက်ပိုင်းက စင်္ကာပူနိုင်ငံက ဆေးရုံကြီးမှာ အရေးပေါ်ကုသနေတာပါ။ သူ့ကျန်းမာရေးနောက်ဆုံး အခြေအနေ အတိအကျကိုတော့ ထုတ်ပြန်နိုင်ခြင်း မရှိသေးပါဘူး။ ဦးအောင်သောင်း အခုလို သေရေးရှင်ရေးဖြစ်နေ ချိန်မှာ မြန်မာပြည်သူတွေကြား အမျိုးမျိုးဝေဖန်နေကြပါတယ်။

ဦးအောင်သောင်းရဲ့ကျန်းမာရေးသတင်းကို လူတွေစိတ်ဝင်စားကြတာဟာ အရင် စစ်အစိုးရလက်ထက် သူ့လုပ်ဆောင်ချက်တွေပေါ် မူတည် တယ် လို့ မြန်မာ ဂျာနယ်လစ်ကွန်ယက်ရဲ့ အထွေထွေအတွင်းရေးမှူး ဦးမြင့်ကျော်က မှတ်ချက်ပေး ပါတယ်။
"သူက လက်ရှိ ပါတီရဲ့ သြဇာရှိတဲ့သူ၊ အဖျက်အမှောင့်နဲ့ပတ်သက်တဲ့ လုပ်ငန်းတွေက သူနဲ့ပတ်သက်တယ်လို့ လူတွေက ယုံကြည်ကြတယ်။ ဒါကြောင့် သူ့ရဲ့ကျန်းမာရေးကို လူတွေက စိတ်ဝင်စားတာလို့ ကျနော်ထင်တယ်။ ဥပမာအားဖြင့် လူမျိုးရေး အဓိကရုဏ်း ဘာသာရေးအဓိကရုဏ်းတွေ ဖြစ်ပျက်တဲ့ကိစ္စမှာ သူနဲ့ဆက်စပ်မှုရှိတယ်လို့ လူတွေက ယုံကြည်တယ်။ သံသယရှိတယ်ပေါ့နော်။ အထောက်အထားတော့ ခိုင်ခိုင်မာမာ မပြနိုင်ပေမဲ့ သံသယရှိတယ်။ ဒီပဲရင်းကိစ္စမှာ သူပါဝင်ပတ်သက်တယ်လို့ အဲ့သလို သံသယတွေရှိတယ်။ ဆိုတော့ အဲ့ဒီ့အချက်အလက်တွေက နောက်လာမယ့် နိုင်ငံရေးမှာလည်း သူရှိနေရင် ဒါမျိးတွေကို စိုးရိမ်မှုတွေက ရှိနေတာပေါ့။ ဒါကြောင့် စိတ်ဝင်စားတယ်လို့ ကျနော်ထင်ပါတယ်။ လူတယောက်အနေနဲ့ ပြောရင်တော့ ချစ်ခြင်း မုန်းခြင်း ဘာမှမရှိဘူး။ သို့ပေမဲ့ သူ မရှိတော့ရင် အဲ့လို အကြောင်းအရာမျိုးတွေ မလုပ်နိုင်တော့ဘူးပေါ့နော်။ အဲ့တာမှ မြန်မာနိုင်ငံရေးမှာ အကျိုးသက်ရောက်မှု တစုံတရာ ရှိလိမ့်မယ်လို့ လူတွေက ယူဆတယ်ပေါ့နော် "

မန္တလေးမြို့ခံတဦးဖြစ်သူ ကိုနိုင်ကလည်း ဦးအောင်သောင်းရဲ့သေရေး ရှင်ရေး သတင်းကို လူတွေ စိတ်ဝင်စားနေတဲ့ကိစ္စပေါ်မှာ ခုလိုဝေဖန် ပြောဆိုပါတယ်။

"သူက ကျန်ာတို့ နဝတ လက်ထက်မှာ အာဏာအရှိဆုံး ပုဂ္ဂိုလ်ရဲ့ အယုံကြည်ရဆုံးလူ တယောက်လို့ အကုန်လုံးက သတ်မှတ်ခဲ့ကြတာကိုး အဲ့ဒီ့အပေါ်မှာ သူ့ရဲ့ လုပ်ရပ်တွေကို အားလုံးက စိတ်ဝင်စားခဲ့တယ်လေ။ တိုင်းပြည်အတွက် ဘယ်လောက် အလုပ်လုပ်ခဲ့လဲ။ သူ့အတွက် ဘယ်လောက် လုပ်ခဲ့လဲဆိုတာ အားလုံးက ပိုပြီးတော့ စိတ်ဝင်စားကြတယ်လေ။ အဓိက ကတော့ သူ့ရဲ့လုပ်ရပ်ကို စိတ်ဝင်စားတဲ့အတွက် သူ့ရဲ့ဖြစ်ရပ်အပေါ်မှာလည်း လူတွေက ပိုပြီးတော့ စိတ်ဝင်စားတယ်လို့ ကျနော်တော့ အဲ့လိုလေးတော့ ထင်ပါတယ်။ အဲ့ သူ့ရဲ့လုပ်ဆောင်ချက်က ကောင်းတယ်လို့တော့ ပြောလို့မရဘူးပေါ့ဗျာ။ ဒါပေမဲ့ ကျနော်တို့ကတော့ ချစ်တာမုန်းတာထက် သူ့ရဲ့သမိုင်းကြောင်းက ဘယ်လိုလဲ။ သူလာခဲ့တဲ့ လမ်းကြောင်းက ဘယ်လိုလဲ ကိုယ်နေထိုင်ခဲ့တဲ့ ဘဝတခုကြီးက ဘယ်လောက်တန်ဖိုးရှိလဲ။ တန်ဖိုးမရှိဘူးလား။ ကိုယ် ဘယ်လိုတွေ လ်ုပခဲ့လဲဆိုတဲ့အပေါ်မှာတော့ မူတည်တာပေါ့ဗျာ။ "

ရန်ကုန်မြို့က စီးပွားရေးလုပ်ငန်းရှင် ဒေါ်နန်းနီနီအောင်ကတော့ ဦးအောင်သောင်း သတင်းပေါ်မှာ ဘယ်လိုစိတ်ခံစားမှုမျိုးမှ မဖြစ်မိဘူးလို့ ပြောပါတယ်။

" သူတို့ဟာသူတို့ ဘာဖြစ်ဖြစ် စိတ်မဝင်စားဘူး။ ကိုယ့်ကို ထမင်းမှ မကျွေးတာ ။ သူတို့နဲ့ပတ်သက်ပြီးတော့ ဘာဖီလင်မှ မရှိဘူး။ သူ့ကံအကြောင်းတရားပဲ။ သူ့ဟာသူ နိုင်ငံတော်ကို ကောင်းတာလုပ်ခဲ့တာပဲဖြစ်ဖြစ် ဆိုးတာ လုပ်ခဲ့တာဖြစ်ဖြစ် သူ့ကံအကြောင်းတရားနဲ့သူပဲ။ အန်တီက ဘာသာရေးပဲ လိုက်တယ် ပြောရင်လည်း ပြောပေါ့နော်။ သူ့အကြောင်းတရားနဲ့သူ ဖြစ်လာတဲ့ ကိစ္စမှာ ကိုယ်က မကောင်းတာဖြစ်ပါစေလို့ ပြောစရာအကြောင်း မရှိသလို ကောင်းတာဖြစ်ပါစေလို့လဲ ပြောစရာအကြောင်း မရှိဘူး။"

တပ်မတော်သားဟောင်းတဦးကတော့ ဦးအောင်သောင်းကို ဆေးရုံပေါ်မှာပဲ ဆက်ရှိစေချင်တယ်လို့ ဆိုပါတယ်။

" အခု မကျန်းမမာ ဖြစ်နေတဲ့ကိစ္စဟာ အဲ့အတိုင်းနေတာပဲ ကောင်းတယ် ၊ အလုပ်လုပ်နေရင် ပြည်သူလူထုက ကြိုက်မှ မကြိုက်ဘဲ။ အခုလုပ်နေလဲ အလကားပဲ ဥစ္စာကို။ (ရယ်လျက်) ဒီအတိုင်းပဲ ကောင်းပါတယ်။ အဲ့ မကျန်းမာနေရင် ကျန်းမာရေးမကောင်းပဲ နေတာပဲ ကောင်းတယ်။ "

၂၀၀၃ခုနှစ် ဒီပဲရင်းလုပ်ကြံတိုက်ခိုက်မှုမှာ နောက်ကွယ်က စီစဉ်သူအဖြစ် ဦးအောင်သောင်းပေါ် လူတွေက သံသယရှိပေမယ့် ဦးအောင်သောင်းကတော့ ဒီကိစ္စမှာ သူ ပါဝင်ပတ်သက်ခြင်း မရှိဘူးလို့ ပြည်တွင်းထုတ် သတင်းဂျာနယ်တခုကို ထုတ်ဖော်ပြောဆိုခဲ့ပါတယ်။

VOA
http://burmese.voanews.com/content/public-opinions-on-u-aung-thaung-health-concersn/2856615.html

ဘားအံမြို့နယ်၊ အိန္ဒုကျေးရွာ၌ သေနတ်ဖြင့် ပစ်သတ်ခံခဲ့ရသည့် NLD ရပ်/ကျေးဥက္ကဋ္ဌ ဦးစောဂျော် နီ၏ မိသားစုဝင်များသည် နေထိုင်ရာတွင် အခက်အခဲများရှိပြီး ညပိုင်းအချိန်များတွင် လုံခြုံမှုမရှိကြောင်း မိသားစုဝင် များအား ကူညီဆောင် ရွက်ပေးနေသူ ဘားအံမြို့နယ် NLD အလုပ်အမှုဆောင်အဖွဲ့၊ ဘဏ္ဍာရေးမှူး ဦးမောင် မောင် က ဇူလိုင် ၈ ရက်တွင် မြန်မာသံတော်ဆင့်သို့ ပြောသည်။

NLD ရပ်ကျေးဥက္ကဋ္ဌ ဦးစောဂျော်နီမှာ ဇူလိုင် ၂ ရက် နံနက် ၁ နာရီဝန်းကျင်တွင် အိန္ဒုကျေးရွာ ရှိနေအိမ်၌ အမည်မသိသူများ၏ သေနတ်ဖြင့် ပစ်ခတ်သတ်ဖြတ်ခံခဲ့ရပြီး ၎င်း၏မိသားစုဝင်များမှာ လက်ရှိနေထိုင် ရာ နေအိမ်တွင်လည်း လုံခြုံမှုမရှိသည့်အတွက် နေထိုင်ရေး အခက်အခဲများဖြစ်ပေါ်နေခြင်း ဖြစ်သည်။…

““ဇူလိုင် ၇ ရက်မှာရက်လည် ဆွမ်းသွတ်တော့ ကျေးရွာ ၃ရွာက ရွာသူရွာသား ၅၀၀ ကျော်လောက် လာကြပါ တယ်။ NLD အဖွဲ့ကလည်း လာကြပါတယ်။ ဒီနေ့က ဇူလိုင် ၈ရက်။ သူ့အမျိုးသမီးဆီသွားတော့ သူက အခုနေ ထိုင်ရတာ မလုံခြုံဘူး။ ညဘက်အိပ်ရင်တောင်မှ သူများအိမ်တွေမှာ ပုန်းပြီးအိပ်နေရတယ်။ ညဘက်တွေက မလုံခြုံတဲ့ အတွက် သူ့မိသားစုဝင်တွေအနေနဲ့ နေထိုင်မှု အခက်အခဲတွေနဲ့ ရင်ဆိုင်နေရတယ်လို့ ပြောတယ်။ ရဲစခန်းမှာ အမှုဖွင့်ထားတာလည်း ဘာမှထူး ခြားမှုမရှိသေးဘူး။ ကိုဂျော်နီက လယ်ကိစ္စအတွက် ကူညီပေးခဲ့တဲ့ တစ်ယောက်ကတော့ သူ့ရဲ့အိမ်နားမှာလာနေဖို့ ပြောထားတယ်။ အခု ကတော့နေထိုင်ဖို့အတွက်အိမ်ကို ရှာနေတုန်းပါပဲ””ဟုဘားအံမြို့နယ်၊ NLD အလုပ်အမှုဆောင်အဖွဲ့ဘဏ္ဍာရေးမှူး ဦးမောင်မောင်ကပြောသည်။

လတ်တလောတွင် ဦးစောဂျော် နီသေဆုံးမှုအတွက် NLD ပါတီ ဗဟိုမှလည်း စောင့်ကြည့်မှုများရှိနေပြီး ကူညီ စောင့်ရှောက် မှုများ ပြုလုပ်ပေးနေကြောင်းကို ““သူတို့ကို ကျွန်မတို့ ဆောင်ရွက်ပေးတာကတော့ မိသားစု အပိုင်းကတော့ တစ်ပိုင်းပေါ့နော်။ စုံစမ်းစစ်ဆေးတဲ့အဖွဲ့ကိုလည်း ဘယ်လိုစုံစမ်းနေလဲဆိုတာ အိန္ဒုရဲစခန်းမှာ သွားမေးပေမယ့် ကျယ်ကျယ်ပြန့်ပြန့် စစ်တာမတွေ့ရဘူး။ စိတ်တိုင်းတော့မကျဘူး။ ကျွန်မတို့ စုံစမ်းတော့ လည်း ဘယ်သူ့မေးမေး ဘာမှမသိဘူးဆို တော့ဘာအဖြေမှမရဘူး။ ပါတီတွင်းကလူတွေကလည်း အိမ်က ဝေးတော့ ထူးထူးခြားခြား အကြောင်းတောင် မသိဘူး။ ဘေးနားကအိမ်တွေမေးလည်း မပြောရဲဘူး။ တိတိကျ ကျ ဘယ်သူမှလည်း မသိဘူး။ မိသားစုကလည်း အခုအိမ်မှာမနေရဲတော့ အိမ်လိုက်ရှာပေးနေတယ်””ဟု NLD ပါတီမှ ကရင်ပြည်နယ်ဥက္ကဋ္ဌ ဒေါ်နန်းခင်ထွေးမြင့်ကပြောသည်။

သေဆုံးသူ ဦးစောဂျော်နီသည် ဒေသအတွင်းရှိ လယ်ယာမြေကိစ္စရပ်များကို ကူညီဆောင်ရွက်ပေးနေ သူတစ်ဦး ဖြစ်ကာ မူးယစ်ဆေးဝါး အမှုကိစ္စများကိုလည်း ဆောင်ရွက်ပေးနေသူတစ်ဦးဖြစ်သည်။ သေဆုံးချိန်တွင် ၈ တန်း ကျောင်းသူ သမီးတစ်ဦး၊ ၅ တန်းနှင့် ၂ တန်းအရွယ် သားနှစ်ဦးနှင့် ဇနီးဖြစ်သူ ဒေါ်နန်း မူစေးတို့ ကျန်ရစ်ခဲ့ သည်။ ဦးစောဂျော်နီ အသတ်ခံရမှုနှင့် ပတ်သက်၍ အိန္ဒုနယ်မြေရဲစခန်း မှ (ပ)၃၉၊၂၀၁၅ ပြစ်မှု ပုဒ်မ ၃၀၂ ဖြင့် အမှုဖွင့်စစ်ဆေးလျက်ရှိသည်။

သူရိန်ကျော်

မြန်မာသံတော်ဆင့်သတင်းဌာန – https://www.facebook.com/myanmarherald

 mitch-mcconnell-620 အမေရိကန် ဆီးနိတ်အထက်လွှတ်တော်အမတ် Mitch McConnell ပုံ

အမေရိကန်ပြည်ထောင်စုအနေနဲ့ မြန်မာနိုင်ငံမှာ နိုဝင်ဘာရွေးကောက်ပွဲ ကျင်းပပြီးစီးတဲ့အထိ မြန်မာအပေါ် ကုန်သွယ်ရေး အထောက်အပံ့တွေ ဖြည့်ဆည်းမပေးသင့်ကြောင်း အမေရိကန် အထက်လွှတ်တော်မှာ သြဇာကြီးမားတဲ့ ရီပါဘလီကင် အမတ် Mitch McConnell က မနေ့က တိုက်တွန်းပြောဆိုလိုက်ပါတယ်။

မြန်မာနိုင်ငံမှာ စစ်အစိုးရလက်ထက်က ရေးဆွဲခဲ့တဲ့ ဖွဲ့စည်းပုံအခြေခံဥပဒေမှာ စစ်တပ်ကို တချက်လွှတ် အာဏာပေးထားတာ၊ ဒေါ်အောင်ဆန်းစုကြည်ကို သမ္မတ မဖြစ်နိုင်အောင် တားဆီးထားတာ စတဲ့အရေးကြီး အချက်တချို့ ပြင်ဆင်ရေးကို လွှတ်တော်မှာ ပိတ်ဆို့ထားလိုက်တဲ့အပေါ် အမတ် Mitch McConnell က - မြန်မာနိုင်ငံဟာ ကိုယ်စားပြုအစိုးရ ပိုပြီးပီသလာမယ့် လမ်းကြောင်းကနေ နောက်ကိုပြန်ဆုတ်သွားခဲ့ပြီ လို့ ဝေဖန်လိုက်ပါတယ်။

အဲ့ဒါကြောင့် ကုန်သွယ်ခွန်ကင်းလွတ်ခွင့်ပြုတဲ့ ကုန်သွယ်ရေး ထောက်ပံ့မှုအစီအစဉ်ထဲမှာ မြန်မာကို ထည့်သွင်းတာ မျိုး ပုံမှန်ဆက်ဆံရေးအဆင့်တွေကို ရွေးကောက်ပွဲပြီးတဲ့အထိ ဆိုင်းငံ့ထားသင့်တယ်လို့ ပြောဆိုပါတယ်။ ဒါ့ပြင် အခြေခံဥပဒေ မပြင်ဆင်နိုင်တာကြောင့် လာမယ့်ရွေးကောက်ပွဲဟာ လွတ်လပ်ပြီး မျှတမှုရှိတယ် ဆိုဦးတော့ ပြည်သူ့ ဆန္ဒကို ထင်ဟပ်မှာတော့ မဟုတ်ဘူးလို့ ရီပါဘလီကင် အမတ် Mitch McConnell က ပြောပါတယ်။

ဒီအတွင်း အမေရိကန် နိုင်ငံခြားရေးဌာန ပြောခွင့်ရပုဂ္ဂိုလ် Mark Toner က မြန်မာနိုင်ငံမှာ ပါတီစုံဒီမိုကရေစီ အထွေထွေ ရွေးကောက်ပွဲတွေကို နိုဝင်ဘာလ (၈) ရက်နေ့ တနင်္ဂနွေနေ့မှာ ကျင်းပမှာဖြစ်ကြောင်း ပြည်ထောင် စု ရွေးကောက်ပွဲကော်မရှင်က ကြေညာလိုက်တဲ့အပေါ် ကြိုဆိုကြောင်း ပုံမှန်သတင်းစာရှင်းလင်းပွဲမှာ ပြောကြား ခဲ့ပါတယ်။ အားလုံးပါဝင်နိုင်ပြီး ထင်သာမြင်သာရှိတဲ့ ရွေးကောက်ပွဲဖြစ်အောင် ပြည်ထောင်စု ရွေးကောက်ပွဲကော်မရှင် အပါအဝင် နိုင်ငံရေးပါတီတချို့နဲ့ လူထုအခြေပြု အဖွဲ့အစည်းတွေကို နည်းပညာပိုင်းဆိုင်ရာ အကူအညီတချို့ အမေရိကန်အစိုးရက ထောက်ပံ့ပေးနေကြောင်း၊ ရွေးကောက်ပွဲ မတိုင်ခင်မှာ ပါတီအဖွဲ့စွဲမရှိသူ လူ ငါးထောင်ကျော် ကို ရွေးကောက်ပွဲ စောင့်ကြည့်ရေး သင်တန်းတွေ ပို့ချပေးသွားမှာ ဖြစ်ကြောင်းလည်း Mark Toner က ပြောဆို ခဲ့ပါတယ်။

RFA
http://www.rfa.org/burmese/news/mitch-mcconnell-urge-to-suspened-myanmar-support-07102015001000.html

၂၀၀၈ အခြေခံဥပဒေပြင်ဆင်ရေးနဲ့ ပတ်သက်ပြီး ဒီကနေ့ မနက်ပိုင်းက ပခုက္ကူနဲ့ ချောက်မြို့တွေမှာ ရာနဲ့ချီတဲ့ ပြည်သူတွေ ဆန္ဒထုတ်ဖော်ခဲ့ကြပါတယ်။

ပခုက္ကူမြို့မှာ တက္ကသိုလ်ကျောင်းသား ဦးဆောင်ပြီး ဖွဲ့စည်းပုံ အခြေခံဥပေဒပြင်ဆင်ရေး ဆန္ဒပြတာလို့ ဦးဆောင်ဆန္ဒပြတဲ့ ပခုက္ကူ တက္ကသိုလ်ကျောင်းသားသမဂ္ဂအဖွဲ့ ဥက္ကဋ္ဌ ကိုပြည့်ဖြိုးကျော် ပြောပါတယ်။

“ကျနော်တို့ အနေနဲ့က အခြေခံဥပဒေပြင်ဆင်ရေးနဲ့ ပုဒ်မ ၄၃၆ ကို အတုအယောင် ပြင်ဆင်မှု မဟုတ်ဘဲနဲ့ စစ်မှန်တဲ့ ပြင်ဆင်ရေးတခုကို လိုလားလို့ ကျနော်တို့ ဆန္ဒပြခဲ့တာပါ။ လွှတ်တော်ထဲမှာ သူတို့ဆွေးနွေးပြီး အဖြေရှာခဲ့ကြတယ်။ ဒါပေမယ့် တပ်မတော်သား ကိုယ်စားလှယ်တွေက အခြေခံဥပဒေ ပြင်ဆင်ရေးမှာ အဓိက အခန်းကဏ္ဍဖြစ်တဲ့ ပုဒ်မ ၄၃၆ ကို တပ်မတော်သား ကိုယ်စားလှယ်တွေက မပြင်ချင်ဘူး။ ပြင်မယ်ဆိုတဲ့ အချိန်မှာလည်း သူတို့က အတုအယောင် ပြင်ဆင်မှုနဲ့ ဥပမာ ပုဒ်မ ၄၃၆ (ခ) ပါ ပြင်ဆင်ချက်မှာဆိုရင် သူက စစ်ရေးအမြင်ဆိုတဲ့ နေရာမှာ ကာကွယ်ရေးအမြင်ဆိုတဲ့ သဘောတရားကို သူတို့က ပေးတယ်။ ဒါ သဘောတရားလောက်ပဲ ပြင်တဲ့ အနေအထားပဲ ဖြစ်နေတယ်။ စစ်မှန်တဲ့ ပြင်ဆင်မှု မဟုတ်ဘူး။ အဲလို စစ်မှန်တဲ့ ပြင်ဆင်မှုမျိုး မဟုတ်တဲ့အတွက် ကျနော်တို့ ကျောင်းသားတွေ ဦးဆောင်ပြီးတော့ ပခုက္ကူမြို့မှာ ဆန္ဒပြခဲ့တာပါခင်ဗျာ။”

ဒီဆန္ဒပြပွဲကို မနက် ၈ နာရီကနေ ၁၀ နာရီအထိ ပခုက္ကုမြို့တွင်း လှည့်လည် ဆန္ဒပြခဲ့တာဖြစ်ပြီး လူပေါင်း ၃၀၀ လောက် ပါဝင် ဆန္ဒထုတ်ဖော်ခဲ့ကြတယ်လို့လည်း ကိုပြည့်ဖြိုးကျော်က ပြောပါတယ်။

ဒီလို အလားတူပဲ ချောက်မြို့မှာလည်း အခြေခံဥပဒေပြင်ဆင်ရေး ဆန္ဒထုတ်ဖော်ခဲ့ကြပါတယ်။

“ကျနော်တို့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး၊ ပုဒ်မ ၄၃၆ ပြင်ဆင်ရေး၊ ပြည်သူမရွေးကောက်တဲ့ လွှတ်တော်အမတ်များ မပါဝင်အောင်၊ အဲဒီအတွက် ဆန္ဒပြကြတာပါ။” လို့ ဆန္ဒပြပွဲကို ဦးဆောင်သူ ချောက်တက္ကသိုလ်ကျောင်းသားသမဂ္ဂ အတွင်းရေးမှူး ကိုတင်မိုးအောင်က ပြောပါတယ်။

ချောက်မြို့မှာလည်း လူပေါင်း ၁၅၀ လောက် ပါဝင်ဆန္ဒပြခဲ့တယ်လို့လည်း ပြောပါတယ်။ အခြေခံဥပဒေပုဒ်မ ၄၃၆ (ခ) မှာ အကျုံးဝင်တဲ့ ပြင်ဆင်တဲ့ မူကြမ်းကို ဇူလိုင် ၈ ရက်နေ့ ကျင်းပတဲ့ ပြည်ထောင်စုလွှတ်တော်မှာ မဲခွဲဆုံးဖြတ်ရာ ရှုံးနိမ့်ခဲ့ပါတယ်။

သတင်းဓာတ်ပုံ – Zaw Phay
နော်နိုရင်း ။DVB
http://burmese.dvb.no/archives/102131

ထောင်တွင်း အကျဉ်းကျခံနေရဆဲဖြစ်တဲ့ နိုင်ငံရေးတက်ကြွလှုပ်ရှားသူ ဦးနေမျိုးဇင်၊ နော်အုန်းလှ၊ ကိုတင်ထွဋ်ပိုင်နဲ့ ဦးဘမြင့်တို့ ၄ ဦးကို ဒီနေ့ လသာမြို့နယ် တရားရုံးက ထောင်ဒဏ် ၄ လစီ ထပ်မံ ချမှတ်လိုက်ပါတယ်။

ပြီးခဲ့တဲ့ နှစ်ကုန်ပိုင်းက လက်ပံတောင်း အဓိကရုဏ်းမှာ မိုးကြိုးပြင် အလယ်ရွာသူ ဒေါ်ခင်ဝင်း သေနတ်ထိမှန် သေဆုံးရတဲ့ ဖြစ်ရပ် အမှုမှန် ပေါ်ပေါက်ရေးနဲ့ ကြေးနီစီမံကိန်း ရပ်ဆုိုင်းပေးရေးအတွက် တရုတ်သံရုံးရှေ့ ဆန္ဒပြခဲ့လို့ လသာမြို့နယ်မှာ ပုဒ်မ ၁၈ နဲ့ တရားစွဲဆိုခံရပြီး စီရင်ချက်ချခံရတာလို့ ဦးနေမျိုးဇင်ရဲ့ ဇနီး ဒေါ်ဇင်မျိုးမော်က ပြောပါတယ်။

“သူတို့ စွဲတဲ့ပုဒ်မတွေက မတရားဘူးဆိုတာ ပြောချင်တယ်။ ဘာဖြစ်လို့လဲဆိုတော့ သူတို့က ဒေါ်ခင်ဝင်းနဲ့ ပတ်သက်ပြီးတော့ သူတို့ တရုတ်သံရုံးရှေ့ကို ဆန္ဒသွား ဖော်ထုတ်တယ်ဆိုတဲ့ ကိစ္စလေးကို သူတို့သွားတဲ့လမ်းမှာ သူတို့ရှေ့ကနေ ဖြတ်သွားလို့ ဆိုပြီးတော့ မတရားသဖြင့် ပုဒ်မ ၁၈ တပ်ပြီးစွဲတဲ့ ကိစ္စဆိုတော့ ကျမကတော့ မတရားသဖြင့် အမှုစွဲတယ်လို့ပဲ ပြောချင်တာပေါ့နော်။”

တရုတ်သံရုံးရှေ့ သွားရောက်ဆန္ဒပြမှုနဲ့ ပတ်သက်ပြီးတော့လည်း သူတို့တွေဟာ ကျောက်တံတားမြို့နယ်နဲ့ အလုံမြို့နယ်တွေမှာ ပုဒ်မ ၁၈ နဲ့ ထောင်တွင်း အမှုရင်ဆိုင်နေရဆဲ ဖြစ်ပါတယ်။

နိုင်ငံရေး တက်ကြွလှုပ်ရှားသူ နော်အုန်းလှ၊ ဦးနေမျိုးဇင်၊ ဒေါ်စိန်ဌေး၊ ဒေါ်ဆန်းဆန်းဝင်း (ခေါ်) ဒေါ်လေးလေးနဲ့ ကိုတင်ထွဋ်ပိုင်တို့ အပါအ၀င် ၇ ဦးကို ၀တ္တရား နှောင့်ယှက်မှု ပုဒ်မ ၃၅၃၊ နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ) အပါအ၀င် ပုဒ်မ ၅ ခုနဲ့ ပြီးခဲ့တဲ့ မေလတုန်းက ထောင်ဒဏ် ၄ နှစ်နဲ့ ၄ လ ချမှတ်ခံထားရသူတွေ ဖြစ်ပါတယ်။

ဒါ့အပြင် နော်အုန်းလှဟာ ၂၀၀၇ ခုနှစ်ကတည်းက ဒေါ်အောင်ဆန်းစုကြည် လွတ်မြောက်ရေး ရွှေတိဂုံဘုရားမှာ ၀တ်ပြုဆုတောင်းခဲ့တဲ့ ကိစ္စနဲ့ ပတ်သက်ပြီး သူ့ကို အများပြည်သူ နှောင့်ယှက်တဲ့ပုဒ်မနဲ့ စွပ်စွဲပြီး ပြီးခဲ့တဲ့ ဇွန်လ ၂၆ ရက်နေ့က ထောင်ဒဏ် ၆ လ ချမှတ်ခံခဲ့ရပါတယ်။

မနှစ် ဒီဇင်ဘာလအတွင်းဖြစ်တဲ့ လက်ပံတောင်းဒေသ အဓိကရုဏ်းမှာ မိုးကြိုးပြင် အလယ်ရွာသူ ဒေါ်ခင်ဝင်း သေနတ်ထိမှန် သေဆုံးရတဲ့ ဖြစ်ရပ် အမှုမှန် ပေါ်ပေါက်ရေးနဲ့ ကြေးနီစီမံကိန်း ရပ်ဆုိုင်းပေးရေးအတွက် တရုတ်သံရုံးရှေ့မှာ လူရာနဲ့ချီ ဆန္ဒပြခဲ့ကြတာပါ။

By နော်နိုရင်း။/DVB
http://burmese.dvb.no/archives/102141


အခု ဇူလှိုင်လ ၁၀ ရက်နေ့မှာ ပခုက္ကူ တက္ကသိုလ်ကျောင်းသားများ ဦးဆောင်ပြီး ပုဒ်မ ၄၃၆ ပြင်ဆင်ရေး ဆန္ဒပြပွဲတခုပြုလုပ်ခဲ့ပါတယ်။ ဦးမြင့်နိုင်သတင်းပေးပို့ထားပါတယ်။ DVB TV

တလောက ဖေ့ဘုတ်ပေါ်မှာ မြန်မာပြည်က ပတ္တမြား တလုံး စင်ကာပူပြပွဲမှာ လာပြလို့ဆိုပြီး ရေးကြ ဝေဖန်ကြတာ တွေ့ပါတယ်။ အဲဒီ ပတ္တမြားဘဲလားတော့မသိ။ နေပြည်တော်ရတနာပြပွဲမှာ ရတီ၉၅၀ရှိ ပတ္တမြားတလုံးကို ယူရို ရှစ်သိန်းနဲ့ရောင်းရတယ်လို့ တွေ့ပါတယ်။ တချို့က ခေတ်သစ်ငမောက်လို့ တင်စားကြတာတွေလဲ ဖတ်ရတယ်။ မြန်မာ့အဖိုးတန် ပတ္တမြားကြီး အစိုးရကြောင့် ပြည်ပရောက်ပြီပေါ့။ အပစ်တင် ဝေဖန်သံ ဆူညံသွားပါတယ်။
.
ကောင်းပါပြီ၊ အဲဒီပတ္တမြား ယူရို ရှစ်သိန်း၊ ဒေါ်လာတသန်းဘဲ ထားပါ။ မြန်မာတွေ အရမ်းဂုဏ်ယူတမ်းတနေတဲ့ ငမောက်ပတ္တမြားကြီးရော ဘယ်လောက်တန်မယ် ထင်ပါသလဲ။ အဆတရာ ၊ ဒေါ်လာသန်းတရာ တန်တယ်ပေါ့။ ဒီနေ့ ဘိုအင်း ခရီးသည်တင် လေယာဉ်တစီးဖိုးဘဲ ရှိပါတယ်။ ဘိုအင်းကုမ္ပဏီက တလကို သန်းတရာတန် လေယာဉ် အစီး၅၀ ထုတ်နေပါတယ်။ ဒီပတ္တမြားမျိုး ဒီနိုင်ငံမှ ဘယ်လောက်ထွက်မှာလဲ။
.
ခေတ်လူငယ်တွေ စဉ်းစားစေချင်တာပါ။ ရှေးခေတ် နည်းပညာ မကြွယ်ဝခင်က ပြည်တန်ပတ္တမြားဆိုပြီး ကြွားလာလိုက်တာ ခုထိ ယုံသူယုံနေကြတုံး။ လူငယ်တွေ ဒီအထဲ မပါစေချင်ပါ။ သဘာဝသယံဇာတကို တန်ဖိုးထားကြွားနေတဲ့ခေတ် ၂၀ရာစု တဝက်ထဲက ကုန်ခဲ့ပါပြီ။ ဒီခေတ်က နည်းပညာခေတ်ပါ။ ပညာတတ်ရင် တကယ်ပြည်တန် ရတနာတပါးပါ။ တိုင်းပြည်တပြည်မှာ သယံဇာတ မရှိရင်နေ၊ ပညာတတ် လူ့စွမ်းအားကောင်းရင် နိုင်ငံချမ်းသာတယ်ဆိုတာ လက်တွေ့မြင်နေကြရပါပြီ။
.
နောက်တဆင့် စဉ်းစားတော့ နိုင်ငံသားအားလုံး ပညာတတ်ကြီးတွေဖြစ်ဖို့ မလွယ်ကူပါ။ ဘယ်လောက်ချမ်းသာတဲ့ နိုင်ငံဖြစ်ပါစေ၊ တံမျက်စည်းလှဲတဲ့သူတွေ ရှိပါတယ်။ ကားမောင်းရတဲ့သူတွေ ရှိပါတယ်။ စာသင်တဲ့ ဆရာတွေ ရှိပါတယ်။ ဆေးကုတဲ့ ဆရာဝန်တွေ ရှိနေတာပါဘဲ။ သူ့အရည်အချင်းနဲ့သူ အလုပ်လုပ်နေကြတာပါဘဲ။ ဒါဖြင့် ဘာလို့ ချမ်းသာတဲ့နိုင်ငံက ချမ်းသာပြီး မြန်မာပြည်လို ဆင်းရဲတဲ့နိုင်ငံက ဆင်းရဲနေပါသလဲ။ အားလုံးကတော့ လူသားစွမ်းရည်အပေါ် မူတည်နေတာပါဘဲ။
.
ရှင်းပါတယ်။ အုပ်ချုပ်တဲ့ အစိုးရကွာသွားလို့ပါဘဲ။ အစိုးရကောင်းတော့ ဒီအလုပ် ဒီလူတွေ လုပ်နေရင်းဘဲ ချမ်းသာနေတာပါ။ ကားမောင်းသူကမောင်းပြီး ဆေးကုသူက ကုနေတာပါ။ ဘယ်ချမ်းသာတဲ့နိုင်ငံမဆို ကိုယ့်အလုပ် ကိုယ်လုပ်နေကြတာပါ။ ဒါတွေအားလုံးကို စီမံပေးတဲ့ အစိုးရ အရည်အချင်း အပေါ်မူတည်ပြီး ချမ်းသာဆင်းရဲ ကွာသွားတာ ခေတ်လူငယ်တွေ သတိထားမိစေချင်တယ်။ ဘာသာရေး လူမျိုးရေး အခြားအရေးမျိုးစုံ စိတ်စွဲနေတဲ့ လူကြီးတွေကိုတော့ မပြောချင်တော့ပါဘူး။ လူငယ်တွေကို အားကိုးမှ မြန်မာပြည် ချမ်းသာတဲ့အဆင့် တက်လှမ်းနိုင်မှာပါ။
.
ဒီတော့ မြန်မာပြည်မှာ ချမ်းသာအောင် လုပ်နိုင်မဲ့အစိုးရ လိုနေတာ လက်ခံပြီထင်ပါတယ်။ တိုင်းပြည်ချမ်းသာအောင် လုပ်မဲ့အစိုးရနော်၊ ဝန်ကြီးတွေ ချမ်းသာအောင်လုပ်မဲ့ အစိုးရမဟုတ်ဘူး။ ဒီလိုအစိုးရမျိုး ဖော်ဆောင်နိုငိမဲ့သူကမှ ပြည်တန်ပတ္တမြား အစစ်ပါ။ လက်ရှိ မြန်မာနိုင်ငံမှာလဲ တယောက်ရှိနေပါပြီ။ သူခေါင်းဆောင်ပြီး ပြည်သူအများစုမဲနဲ့ အစိုးရဖွဲ့နိုင်ပြီဆို နိုင်ငံကြွယ်ဝမှုက လက်တကမ်းမှာပါ။ ခုလာတော့မဲ့ ရွေးကောက်ပွဲမှာ သူခေါင်းဆောင်တဲ့ပါတီကို မဲပေးလိုက်ကြရအောင်။ သူ ဘယ်သူဆိုတာတော့ မပြောတော့ပါ။ ပြည်တန်အောင် စွမ်းဆောင်နိုင်သူ ဘယ်သူဆိုတာ စဉ်းစားတတ်တဲ့ လူငယ်တွေသိမှာပါ။

Credit.. Brain Wace


 နိုင်ငံတော်သမ္မတ ဦးသိန်းစိန်ဟာ ၂ဝ၁၅ ရွေးကောက်ပွဲမှာ ဘယ်မဲဆန္ဒနယ်ကနေ ၀င်ရောက်ယှဉ်ပြိုင်မယ်ဆိုတာ မသိသေးကြောင်း ပြည်ထောင်စုကြံ့ခိုင်ရေးနဲ့ ဖံွ့ဖြိုးရေးပါတီ ပြောရေးဆိုခွင့်ရှိသူ ဦးစိုးနိုင်က ပြောပါတယ်။

ပြည်ခိုင်ဖြိုးပါတီက ကိုယ်စားလှယ်လောင်း အမည်စာရင်းစိစစ်နေပြီး၊ သမ္မတ ဦးသိန်းစိန်အနေနဲ့ ပါတီကိုယ်စားပြု ဝင်ရောက်ယှဉ်ပြိုင်ဖို့ အစီအစဉ်ရှိ၊ မရှိ သတင်းထောက်တွေက မေးမြန်းရာ ပါတီဗဟိုအလုပ်အမှုဆောင် အဖွဲ့ဝင် ဦးစိုးနိုင်က အခုလိုဖြေကြားခဲ့တာ ဖြစ်ပါတယ်။

"သမ္မတကြီးက သူဂျပန်မှာတွေ့တုန်းက ပြောထားတယ်လေ၊ ပြည်သူလူထုကဆန္ဒရှိရင် သူဒုတိယအကြိမ် ပြန်အရွေးခံမယ်လို့ အဲ့လိုပဲပြောထားတယ်၊ အဲ့ဒါပဲသိတယ် ဘယ်ကရွေးကောက်ပွဲဝင်မယ်ဆိုတာတော့ အဲ့ဒါတွေဘာမှမသိဘူး"

သမ္မတ ဦးသိန်းစိန်ဟာ ပြီးခဲ့တဲ့ ၂ဝ၁ဝ ရွေးကောက်ပွဲမှာ နေပြည်တော် ဇမ္ဗူသီရိမြို့နယ် ပြည်သူ့လွှတ်တော် ကိုယ်စားလှယ်အဖြစ် ရွေးကောက်ခံခဲ့ရတာဖြစ်ပါတယ်။ စင်္ကာပူနိုင်ငံမှာ ဆေးကုသမှုခံယူနေရတဲ့ ဦးအောင်သောင်းကတော့ သူ့မဲဆန္ဒနယ်တောင်သာက ဝင်ရောက်ယှဉ်ပြိုင်မှာ မဟုတ်တော့ပဲ ပါတီဗဟိုကော်မတီဝင် ဦးဝင်းမြင့်ကို တာဝန်ပေးထားတယ်လို့ သိရပါတယ်။

RFA Burmese
http://www.rfa.org/burmese

ရန်ကုန်၊ ဇူလိူင် ၁၀

နိုင်ငံကူး လက်မှတ် မပါဘဲ ရန်ကုန်- စစ်တွေ လမ်းကြောင်းမှတဆင့် ရခိုင်ပြည်နယ်ထဲသို့ ၀င်ရောက်လာသော ဘင်္ဂလာဒေ့ရ်ှနိုင်ငံသားတစ်ဦးနှင့် ဖိလစ်ပိုင် နိုင်ငံသူ တစ်ဦးတို့ကို ဘူးသီးတောင်တွင် ဖမ်းဆီးထိန်းသိမ်းထားသည်ဟု သတင်းရရှိသည်။

“ ထိန်းသိမ်းထားတာ ဟုတ်မှန်ပါတယ်။ ဘူးသီးတောင်မြို့မှာ လ၀ကနဲ့ ရဲ ပူးပေါင်းတပ်ဖွဲ့က စစ်ဆေးတော့ အထောက်အထားမပါတဲ့ အတွက် ဖမ်းဆီးထိန်းသိမ်းထားပါ” ဟု ဘူးသီးတောင် မြို့နယ်ရဲမှူး ဦးအောင်ဗလေးက အတည်ပြု ပြောကြားသည်။

သူတို့နှစ်ဦးမှာ နိုင်ငံကူး ပတ်စ်ပို့ပျောက်ဆုံးသွားသဖြင့် မင်္ဂလာဒုံမြို့နယ် ရဲစခန်းမှ ထုတ်ပေးသော ထောက်ခံချက်ဖြင့် ခရီးသွားလာနေခြင်း ဖြစ်ပြီး ဘူးသီးတောင်တွင် ယခုလ ၅ ရက်နေ့က ဖမ်းမိသိရသည်။

သူတို့နှစ်ဦးမှာ ထိုင်း-မြန်မာနယ်စပ် မြ၀တီမှ တဆင့် ဇူလှိုင်လ ၂ ရက်နေ့က ၀င်ရောက်လာခဲ့ကြသူများ ဖြစ်ကြောင်း ထွက်ဆိုပြီး အမှန်တကယ် နိုင်ငံကူး လက်မှတ်နှင့် တရားဝင် ၀င်ရောက်ခဲ့သူများဟုတ်/မဟုတ်နှင့် မြန်မာနိုင်ငံတွင် သူတို့၏ ပတ်စ်ပို့ ပျောက်ဆုံးခဲ့ခြင်း ဟုတ်မဟုတ်ကို သက်ဆိုင်ရာက စုံစမ်း စစ်ဆေးမှုများ ပြုလုပ်နေကြောင်း သိရသည်။

ယနေ့အချိန်ထိ ဘူးသီးတောင် စခန်းတွင် ရဲစခန်းထိန်းသိမ်းထားပြီး သူတို့အား သက်ညှာသောအားဖြင့် ပြည်နှင်ဒဏ်ပေးသွားမည်ဟု ဆိုသည်။

ရဲစခန်း ထောက်ခံချက်တစ်ခုဖြင့် နိုင်ငံခြားသားများ သွားလာရန် ခွင့်မပြုသော ဘူးသီးတောင်ထိ ၀င်ရောက်လာနိုင်ခဲ့သည့် အပေါ် အများပြည်သူက အံ့သြသင့်လျက်ရှိကြောင်း သတင်း ရရှိသည်။

Narinjara
https://www.facebook.com/pages/Narinjara

 ဗြိတိန်နှစ်ယောက်ကို သတ်ခဲ့တယ်လို့ ထိုင်းရဲက စွပ်စွဲဖမ်းဆီးထားတဲ့ မြန်မာနှစ်ဦးကို မြင်ရစဉ် Photo: BangKok Post
 ဗြိတိန်နိုင်ငံသား ၂ ယောက် အသတ်ခံရမှုနဲ့ပတ်သက်ပြီး တရားခံအဖြစ် စွပ်စွဲခံထားရတဲ့ မြန်မာနိုင်ငံသား ကိုဝင်းဇော်ထွန်းနဲ့ ကိုဇော်လင်းတို့ရဲ့အမှုကို ကော့စမွေတရားရုံးမှာ မနေ့က ဒုတိယမြောက်နေ့အဖြစ် စစ်ဆေးခဲ့ ရာမှာ တရားလိုပြသက်သေတွေရဲ့ ထွက်ဆိုချက်တွေဟာ ကွဲလွဲနေဆဲဖြစ်တယ်လို့ မြန်မာသံရုံးကိုယ်စားပြု ရှေ့နေ ဦးအောင်မျိုးသန့်က ပြောပါတယ်။

ထွက်ဆိုချက်တွေနဲ့ပတ်သက်ပြီး ဦးအောင်မျိုးသန့်က အခုလို သုံးသပ်ပြောဆိုပါတယ်။

"အမှုစစ်ရဲနဲ့ အမှုစစ်ဆရာဝန်နဲ့လည်း ကွဲလွဲချက်တွေရှိနေပါတယ်၊ နောက်တခါ သူတို့ ၄ ယောက်စလုံးရဲ့ ထွက်ဆိုချက်ကို ပေါင်းကြည့်မယ်ဆိုလို့ရှိရင်လည်း ဘယ်သူမှ ထင်သာမြင်သာအောင်ပြောနိုင်တာ မရှိပါဘူးခင်ဗျ၊ နောက်တခါ ဒီနေ့သက်သေဖြစ်တဲ့ အနှိပ်သည်မိန်းကလေးကလည်း ၃ ဦးကိုတွေ့တယ် ဘယ်သူတွေမှန်းသဲကွဲစွာမမြင်ရဘူး အမှောင်ကြီးလို့ ပြောပါတယ်၊ ကွဲလွဲတာတစ်ချက်ကိုပြောမယ်ဆိုရင် ရဲတွေက သေသွားတဲ့ ၂ နာရီကို လှမ်းကြည့်တဲ့အခါမှာ ရဲအတွေ့အကြုံအရ မုဒိန်းကျင့်ခံရတယ်ဆိုတဲ့ ပုံစံမျိုးပြောပါတယ်၊ ဒါပေမဲ့ အဲ့လိုပဲခန္ဒာကိုယ်စစ်ခဲ့တဲ့ ဆရာဝန်ကိုယ်တိုင်က ပြောတာက အဲ့လိုကြည့်ရုံနဲ့ မုဒိန်းကျင့်ခံရတယ် အကျင့်မခံရဘူးဆိုတာ ပြောလို့မရဘူးဆိုတဲ့ ဆရာဝန်စစ်ဆေးချက်ရှိပါတယ်၊ ဒီကိစ္စ ဆေးပညာပိုင်းဆိုင်ရာဖြစ်တာကို ဆရာဝန်ထွက်ချက်နဲ့ အမှုစစ်တဲ့ရဲထွက်ချက် ကွဲလွဲနေပါတယ်"

ကိုဝင်းဇော်ထွန်းနဲ့ ကိုဇော်လင်းတို့ရဲ့ DNA မျိုးဗီဇထပ်မံစစ်ဆေးခွင့်ကို တရားရုံးမှာ ပြန်လည်လျှောက်ထားခဲ့တာနဲ့ ပတ်သက်လို့လည်း မနေ့က အမှုစတင်မစစ်ဆေးခင်မှာ တရားသူကြီးက ငြင်းပယ်ခဲ့တယ်လို့ ရှေ့နေ ဦးအောင်မျိုးသန့်က ပြောပါတယ်။

"သူတို့ပြောချင်တာကတော့ ရဲမှူးကြီးကို ပါလာတဲ့အမှုတွေမှာ DNA စစ်ခွင့်ပြုလိုက်ခဲ့ရင် နောက်ပိုင်းမှာ DNA ပါတဲ့အမှုတွေက ဒီလိုပဲတောင်းဆိုပြီးတော့ ပြန်စစ်ဖို့ပြောလာခဲ့ရင် တရားခံဖြစ်သွားမယ်လို့ သူတို့ငြင်းဆန်ခဲ့တာပါ၊ သူတို့ပြောတာကတော့ လောလောဆယ်မှာ အကျဉ်းဦးစီးဌာနနဲ့ပေါင်းပြီးတော့ စစ်မယ်ဆိုရင် ပူးပေါင်းဆောင်ရွက်ဖို့လောက်ပဲပြောပါတယ်"

တရားလိုနဲ့ တရားလိုပြသက်သေ ၆၅ ယောက်ကို ဒီနေ့ ဇူလိုင် ၁ဝ ရက်နေ့အထိ စစ်ပြီးရင်၊ ဇူလိုင်၂၂ ရက်နေ့မှာ ထပ်မံစစ်ဆေးမှာဖြစ်ပြီး၊ တရားခံနဲ့ တရားခံပြသက်သေတွေကိုတော့ သြဂုတ်လကုန်ပိုင်းမှာ စစ်ဆေးမယ်လို့သိရပါတယ်။

မြန်မာနိုင်ငံသားနှစ်ယောက်ရဲ့အမှုမှာ အဓိကကျတဲ့ မျိုးဗီဇထပ်မံစစ်ဆေးဖို့ တရားပြိုင်ဘက်က တောင်းဆိုနေတာနဲ့ ပတ်သက်ပြီး ထိုင်းရဲတပ်ဖွဲ့က သေဆုံးသူ အမျိုးသမီးရဲ့လက်ထဲမှာတွေ့ခဲ့ရတဲ့ ဆံပင်တွေလို၊ စီးကရက်တိုတွေပေါ် က ဇီဝဗေဒဆိုင်ရာ နမူနာတွေလို၊ အရေးကြီးတဲ့ မျိုးဗီဇ နမူနာတချို့ဟာ စစ်ဆေးစပ်သပ်ပြီးစီးသွားပြီဖြစ်သလို၊ တချို့လည်း ပြန်မရနိုင်တော့ဘူးလို့ ပြောဆိုကြောင်း ရိုက်တာသတင်းက ဖော်ပြပါတယ်။

ဒါပေမဲ့ တရားပြိုင်ဘက်က ဦးဆောင်လိုက်ပါနေတဲ့ ရှေ့နေ နာခွန်က ပြောဆိုရာမှာတော့  အမှုမှာ လူသတ် လက်နက်အဖြစ် အသုံးပြုခဲ့တယ်ဆိုတဲ့ ဂေါ်ပြားကို ထပ်မံစစ်ဆေးနိုင်တယ်လို့ သိရကြောင်း၊ သက်ဆိုင်ရာဌာနကို ဆက်သွယ်စုံစမ်းကြည့်တဲ့အခါ အရေးပေါ်ကိစ္စအဖြစ် စမ်းသပ်ပေးရမယ်ဆိုရင် ၃ ရက်ကနေ ၇ ရက်အတွင်း စစ်ဆေးပေးနိုင်တယ်လို့ အကြောင်းပြန်ကြောင်း၊ ဒါကြောင့် ဂေါ်ပြားကို ထပ်မံစစ်ဆေးမှာဖြစ်ကြောင်း သတင်းထောက်တွေကို ပြောကြားခဲ့ပါတယ်။

ဒီနေ့ထုတ် ဘန်ကောက်ပို့စ် သတင်းမှာလည်း မှုခင်းဆိုင်ရာ သဲလွန်စတွေကို ပြန်လည်စစ်ဆေးရေးနဲ့ ပတ်သက်ပြီး ကော့စမွေခရိုင်တရားရုံးက ဒီနေ့ အဆုံးအဖြတ်ပေးဖွယ်ရှိတယ်လို့ ဖော်ပြပါတယ်။

RFA Burmese
http://www.rfa.org/burmese

ဗိုလ်မှူးချုပ်ကျော်သက်နှင့် (ဒီကေဘီအေ) တပ်မှူးအချို့  ။
ဇူလိုင် - ၁၀ - ၂၀၁၅

 မြ၀တီ - ကောကရိတ် ဒေါနတောင်ကျော် ကားလမ်းဟောင်းအနီး ကော့ကရိတ်မြို့နယ်ထဲမှာ မြန်မာစစ်တပ်နဲ့ (ဒီကေဘီအေ) ဒီနေ့မွန်းလွှဲ ၂ နာရီကျော်မှာ ရင်ဆိုင်တိုက်ပွဲ ဖြစ်ပွားခဲ့တယ်လို့ ဗိုလ်မှူးချုပ်ကျော်သက်က အတည်ပြု ပြောဆိုပါတယ်။

၎င်းက" ကျနော်တို့ တပ်စွဲထားတဲ့ နေရာကို လာတိုက်လို့ ပြန်တိုက်ရတာဖြစ်တယ်၊ ဒီနေ့ ၂ နာရီကျော်လောက်မှာပါ တိုက်ပွဲက မီနစ်ပိုင်းလောက်ဘဲ ကြာပါတယ် အခုတော့ငြိမ်သွားပြီ" ဟု ဆိုသည်။

၎င်းတို့ကိုလာတိုက်သည့် မြန်မာစစ်တပ်ကို ဒီကေဘီအေဘက်က အတိအကျပြောဆိုခြင်း မရှိသေးသော်လည်း ဒေသခံများက ခမရ ၂၇၅ ဖြစ်သည်ဟု ပြောဆိုကြသည်။

ဒီကေဘီအေအဖွဲ့သည် မြ၀တီ - ကော့ကရိတ်ကို ဆက်သွယ်ထားသည့် ပင်မလမ်းနှစ်သွယ် အနီးမှတပ်များ ဆုတ်ခွာသွားပြီး ယခင်တပ်စွဲထားသည့် နေရာနှင့် မနီးမဝေးတွင် တပ်များ ပြန်လည်ချထားသည်ဟု ဒီကေဘီအေက ပြောသည်။

ယခုနောက်ဆုံးဖြစ်ပွားခဲ့သည့် တိုက်ခိုက်မှုသည် မြန်မာစစ်တပ်က ဒီကေဘီအေကို လာရောက် တိုက်ခိုက်ခြင်းကြောင့် ပြန်လည်တိုက်လိုက်ရခြင်း ဖြစ်သည်ဟု ဒီကေဘီအေ ကလို့ထူးဝါးအခြေချ စစ်ဗျူ ဟာမှူး ဗိုလ်မှူးချုပ်ကျော်သက်က ပြောဆိုသည်။

မြ၀တီ - ကော့ကရိတ်လမ်းဟောင်းအနီး ယနေ့တွင်တိုက်ခိုက်မှု ဖြစ်ပွားခဲ့သော်လည်း အဆိုပါလမ်းကို ခရီးသွားများ ပုံမှန်အသုံးပြုလျှက်ရှိသည်ဟု ယာဉ်မောင်းသမားများက ပြောသည်။

သတင်းနှင့်ဓာတ်ပုံ - ကရင်အမျိုးသား (မီဒီယာ)
https://www.facebook.com/knm.karen


၁၉ ဇူလိုင်တွင် အာဇာနည် ခေါင်းဆောင်ကြီးများအား ဂုဏ်ပြုသည့်အနေဖြင့် ရန်ကုန်တိုင်းဒေသကြီးအတွင်း နိုင်ငံသာများ မိမိဆန္ဒ အရ သြသြော် ဆွဲခြင်း၊ ဟွန်းတီးခြင်းတို့ အား ရန်ကုန်တိုင်းဒေသကြီးအစိုးရအဖွဲ့မှ ကန့်ကွက်တားမြစ်မည် မဟုတ်ကြောင်း ရန်ကုန်တိုင်းဒေသကြီး အစိုးရ အဖွဲ့မှ တာဝန်ရှိ အရာရှိတစ်ဦးက News Watch သို့ ဇူလိုင် ၉ ရက်နေ့ တွင် ပြောသည်။

“သြသြော်ဆွဲဖို့ ကန့်လည်း မကန့်ကွက်ဘူး။ တားလည်း မတားမြစ်ဘူး။မိမိ ရဲ့ ဆန္ဒ အရလုပ်နိုင်တယ်။ သြသြော် ဆွဲခြင်းလည်း နေ၊ မဆွဲခြင်းလည်း နေ။ မိမိရဲ့ သဘောသဘ၀ အတိုင်းပဲ လွတ်လွတ်လပ်လပ် လုပ်လို့ရတယ်။ အန်တီတို့လည်း နိုင်ငံသားတစ်ယောက်နေနဲ့ ဗိုလ်ချုပ်ကြီးကိုလေးစားတယ်။ခွင့်ပြုဖို့ ၊ကန့်ကွက်ဖို့ဆိုတဲ့ တစ်ခြားဘာမှ သဘောထားထုတ်ပြန်ဖို့မရှိပါဘူး။” ဟု ၄င်းကဆိုသည်။

ဗိုလ်ချုပ်အောင်ဆန်း နှင့် အာဇာနည် ပုဂ္ဂိုလ်များလုပ်ကြံခံရကာ ကျဆုံးခဲ့ရသည့် ဇူလိုင် လ ၁၉ ရက်နေ့ ၊ နံနက် ၁၀ နာရီ ၃၇ မီနစ် တွင် မြန်မာ နိုင်ငံသူ၊နိုင်ငံသားတို့မှာ ၀မ်းနည်း၊ကြေးကွဲ သည့်အထိမ်းအမှတ်ဖြင့် ရထားသြသြော်ဆွဲခြင်း၊ ကားဟွန်းတီးခြင်းများ ၁ မီနစ်ခန့်ပြုလုပ်မှုများ ယခင် မဆလ အစိုးရ လက်ထက်တွင် ပြုလုပ်ခဲ့ပြီးနောက် န၀တ အစိုးရ တက်လာသည့်အချိန်တွင် ယင်းကဲ့သို့ ပြုလုပ်မှုများပပျောက်ခဲ့ပြီးနောက် ယင်းနေ့တွင် ရထားသြသြော်ဆွဲခြင်းများ၊ ကားဟွန်တီးခြင်းများပြုလုပ်ပါက အရေးယူမှုများပြုလုပ်ခဲ့သည်။ယခုတွင် အစိုးရသစ် သက်တမ်း ကုန်ခါနီအချိန်ရောက်မှ တရားဝင်ခွင့်ပြုခဲ့ခြင်းဖြစ်ကြောင်းသိရသည်။

“အာဇာနည်နေ့ကိုလည်း ဂုဏ်ပြုဖို့အတွက် အန်တီတို့က သေသေချာချာ ခမ်းခမ်းနားနား လုပ်ပေးမယ်။အဲ့ဒီအတွက်လည်း ကြိုတင်ပြီး အစည်းအဝေးထိုင်ပြီး လုပ်နေပါတယ်။အန်တီတို့က အာဇာနည်နေ့မှာ ရန်ကုန်တိုင်းဝန်ကြီးချုပ် ဦးဆောင်ပြီးတော့ ဂုဏ်ပြုပန်းခွေချမယ်လေ။အဲ့ဒါ အန်တီတို့ ဂုဏ်ပြုတာပါ။ဒီနှစ်လည်း ဂုဏ်ပြုဖို့အစီအစဉ် ရှိပါတယ်။” ဟု ရန်ကုန်တိုင်းဒေသကြီး အစိုးရ အဖွဲ့မှ တာဝန်ရှိ အရာရှိတစ်ဦးက News Watch သို့ ဇူလိုင် ၉ ရက်နေ့ တွင် ပြောသည်။

ရန်ကုန်တိုင်းဒေသကြီးအတွင်းပြေးဆွဲလျှက်ရှိသည့် ယာဉ်လိုင်းများအနေဖြင့်လည်း အာဇာနည်နေ့တွင် ၁မီနစ်ခန့် ကားဟွန်းတီးကာ မိမိရောက်ရှိသည့် နေရာတွင် ရပ်တန့် အလေးပြုမည်ဖြစ်ကြောင်း ယာဉ်မောင်းများကဆိုသည်။

“တိုင်းဒေသကြီးအစိုးရ အဖွဲ့က အခုလို ခွင့်ပြုပေးတော့ ၀မ်းသာစရာပေါ့ဗျာ ။ ကျွန်တော်တို့က တကယ်လို့ ခွင့်မပြုခဲ့ရင်တောင် မိမိရဲ့ အသိစိတ်ဓါတ် နဲ့ ကားဟွန်းတီးပြီး အလေးပြုဖို့ အစီအစဉ် ရှိပြီးသားပါ။ မနှစ်ကလည်း ဟွန်းတီးပြီး အလေးပြုခဲ့ပါတယ်။ ဟု ယာဉ်မောင်းတဦးက ဆိုသည်။”

နေမင်းခ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

( ပြတိုက်မှ ယူဆောင်ခံရသော ရှေးဟောင်း ပစ္စည်းများ/ဓာတ်ပုံ - Man Man)
စစ်တွေ၊ ဇူလိုင် ၁ဝ

ရခိုင်ပြည်နယ် ယဉ်ကျေးမှုပြတိုက်မှ ရှေးဟောင်း ပစ္စည်းများအား ရန်ကုန်သို့ ပို့ဆောင်ရန် စီစဉ်ခဲ့မှု
 အပေါ် စစ်တွေ ဒေသခံများက တားမြစ်ခဲ့မှုကြောင့် ရန်ကုန်သို့ မပို့တော့ဘဲ ယဉ်ကျေးမှု ပြတိုက်တွင် တစ်လတိတိ အခမဲ့ပြသ သွားမည် ဖြစ်ကြောင်း စစ်တွေမြို့မ ရဲစခန်းမှ ရဲအုပ်အေးခင်မောင်က နိရဉ္စရာသို့ပြောသည်။

“အားလုံးရဲ့ဆန္ဒနဲ့ အဲဒီရှေးဟောင်း ပစ္စည်းတွေကို ပြည်သူတွေ လာရောက် လေ့လာလို့ရအောင် ယဉ်ကျေးမှု ပြတိုက်ရဲ့အပြင်မှာ တစ်လတိတိ ပြသပေးသွားမှာပါ။ တစ်လပြည့်ရင်တော့ ပြတိုက်ရဲ့အတွင်းမှာ နဂိုအတိုင်း ထိန်းသိမ်းပေးသွားမယ်” ဟု ယင်းက ဆိုသည်။

အဆိုပါရှေးဟောင်းပစ္စည်းများမှာ ရခိုင်ဝေသာလီခေတ်လက်ရာတစ်ခုဖြစ်သော ကျောက်စာများဖြင့် ရေးထွင်းထားသည့် ကျောက်ပြားတစ်ချပ်၊ ဝေသာလီခေတ်လက်ရာ ကြာဖူးကိုင်ထားသော ကျောက်ရုပ်တုတစ်ခုနှင့် မြောက်ဦးခေတ် ကျောက်သံလျက် တစ်လက်တို့ဖြစ်သည်ဟု ရဲအုပ်အေးခင်မောင်က ဆိုသည်။

အဆိုပါပစ္စည်းများကို ပြတိုက်မှူးဖြစ်သူ ဒေါ်သူဇာဇံက ဇူလိုင်လ ၉ ရက်နေ့၊ မွန်းလွဲ ၁ နာရီခန့်တွင် စစ်တွေ အဝေးပြေးကားဂိတ်မှ တဆင့် ရန်ကုန်သို့ ပို့ဆောင်ရန်စီစဉ်ခဲ့ရာ စစ်တွေရှိ လူမှုအဖွဲ့အစည်းအချို့နှင့်
ဒေသခံအချို့ သိရှိသွား၍ ကားဂိတ်သို့သွားရောက်တားမြစ်ခဲ့ကြကြောင်း သိရသည်။

“ဒီလ ၁၅ ရက်နေ့မှာ နေပြည်တော်မှာလုပ်မယ့် ယဉ်ကျေးမှုပြတိုက်ကြီးဖွင့်ပွဲမှာ တိုင်းနဲ့ပြည်နယ်က ရှေးဟောင်း ပစ္စည်းလေးတွေကို ပြမှာဖြစ်တဲ့အတွက် တိုင်းနဲ့ပြည်နယ်အားလုံးက ပို့ရမှာလို့ ပြတိုက်မှူးက ပြောတယ်။ရခိုင်ကလည်း အခုလိုပို့ဖို့စီစဉ်တာပေါ့နော်။ ဒါပေမယ့် ဒေသခံတွေက တားလိုက်တဲ့အတွက် မပို့ဖြစ်တော့ပါဘူး” ဟုကားဂိတ်သို့ သွားရောက်တားမြစ်သည့်အဖွဲ့နှင့် ပြတိုက်မှူးတို့ ရုန်းရင်းဆန်ခတ်မဖြစ်အောင် ထိန်းသိမ်းပေးခဲ့ရသည့် ရဲအုပ်အေးခင်မောင်က ပြောသည်။

ရခိုင်တစ်မျိုးသားလုံးအတွက်တန်ဖိုးကြီးသည့်ရှေးဟောင်းပစ္စည်းများအား လူမသိ၊ သူမသိပို့ဆောင်ခြင်းမှာ ဥပဒေနှင့် မညီသည့်အတွက် ယခုကဲ့သို့တားမြစ်လိုက်ခြင်းဖြစ်သည်ဟု သွားရောက်တားမြစ်ခဲ့သူများက ဆိုသည်။

ယခုကိစ္စနှင့်ပတ်သက်ပြီး စစ်တွေယဉ်ကျေးမှုပြတိုက်မှ တာဝန်ရှိသူများအား အကြိမ်ကြိမ်ဆက်သွယ်ခဲ့သော်လည်း ဆက်သွယ်မရခဲ့ပါ။

မာန်ယုကျော် (ရွှေဝမြေ)
Narinjara
https://www.facebook.com/pages/Narinjara

 ပါကစ္စတန် JF-17 Thunder အမျိုးအစား တိုက်လေယာဉ်တစ်စီးကို တွေ့ရစဉ် Photo: dunyanews.tv
 မြန်မာနိုင်ငံဟာ ပါကစ္စတန်က JF-17 Thunder အမျိုးအစား တိုက်လေယာဉ်တွေကို ပထမဆုံးဝယ်ယူ တဲ့ နိုင်ငံဖြစ်သွားပြီလို့ ပါကစ္စတန် သတင်းတွေက မနေ့က ဖော်ပြကြပါတယ်။

ပါကစ္စတန်က မြန်မာကို JF-17 Thunder တိုက်လေယာဉ် ၂၄ စီး ရောင်းချဖို့ ကမ်းလှမ်းထားပြီး၊ မြန်မာက ပထမအသုတ်အနေနဲ့ ၁၆ စီးဝယ်ယူမှာဖြစ်တယ်လို့ သိရပါတယ်။

ဒီကိစ္စအတွက် နှစ်နိုင်ငံ ပြီးခဲ့တဲ့ မတ်လက စတင်ဆွေးနွေးခဲ့ကြတာဖြစ်ပါတယ်။ ပါကစ္စတန်အနေနဲ့ အဲ့ဒီ တိုက်လေယာဉ်တွေ ထိန်းသိမ်းပြုပြင်ရေးတွေကို တာဝန်ယူဆောင်ရွက်ပေးဖို့လည်း နှစ်နိုင်ငံသဘောတူညီခဲ့ကြတယ်လို့ သိရပါတယ်။

ဒီအတွင်း မြန်မာနိုင်ငံဟာ ကုလသမဂ္ဂ ဓာတုလက်နက်တားမြစ်ရေးအဖွဲ့ OPCW မှာ ၁၉၁ နိုင်ငံမြောက် အဖွဲ့ဝင်အဖြစ် ဇူလိုင်လ ၈ ရက်နေ့က သဘောတူလက်မှတ် ရေးထိုးလိုက်ပါတယ်။

OPCW အဖွဲ့ဝင်နိုင်ငံတွေကို ဓာတုလက်နက် ထုတ်လုပ်မှု၊ စမ်းသပ်မှု၊ ပိုင်ဆိုင်ထားရှိမှု၊ သိုလှောင်မှု၊ လွှဲပြောင်းမှုနဲ့ အသုံးပြုမှုတွေ တားမြစ်ထားပြီး၊ အဖွဲ့ဝင်နိုင်ငံတွေအနေနဲ့ အရင်ပိုင်ဆိုင်ထားတဲ့ ဓာတုလက်နက်တွေနဲ့ ထုတ်လုပ်တဲ့စက်ရုံတွေ ဖျက်သိမ်းရမှာဖြစ်သလို ဓာတုလက်နက်ဟောင်းတွေကိုလည်း စွန့်ပစ်ရမှာဖြစ်ပါတယ်။ ဒါ့ပြင် နိုင်ငံတွင်း ဓာတုလက်နက် ကင်းရှင်းကြောင်း နိုင်ငံတကာ စောင့်ကြည့်ရေးအဖွဲ့ရဲ့ အစစ်ဆေးခံရ မှာလည်း ဖြစ်ပါတယ်။

RFA Burmese
http://www.rfa.org/burmese

မျိုးစောင့် ဥပဒေ တွေ ကို သုံးသပ် ပြုပြင် ဖို့ ရာ ကတော့ မြန်မာ နိုင်ငံသားတွေ ကိုယ်တိုင် ချမှတ် ဖော်ဆောင် သွားမှ ရမယ်။ 
 မျိုးစောင့် ဥပဒေတွေထဲ ပါတဲ့ ဗုဒ္ဓဘာသာ မိန်းမများ အထူး ထိမ်းမြား လက်ထပ်ခြင်း ဆိုင်ရာ ဥပဒေ ကို ပြည်ထောင်စု လွှတ်တော် ကနေ အတည်ပြု ပေးလိုက်တာ ဟာ မြန်မာ နိုင်ငံ ရဲ့ ပြုပြင် ပြောင်းလဲမှု တွေကို ထိခိုက် လာစေ နိုင်တယ် လို့ ဥရောပ သမဂ္ဂ အီးယူ အဖွဲ့ က ဝေဖန် လိုက်ပါတယ်။

ဒီ ဥပဒေဟာ ဗုဒ္ဓဘာသာဝင် အမျိုးသမီးတွေ ကို ဗုဒ္ဓဘာသာဝင် မဟုတ်သူ တွေနဲ့ လက်ထပ်ခွင့်ကို ကန့်သတ် လိုက်တာ ဖြစ်သလို၊ တခြား ဘာသာဝင် လူနည်းစု တွေ ကိုလည်း ခွဲခြား ဆက်ဆံ ရာ လည်း ရောက် တဲ့ အတွက် နိုင်ငံတကာ လူ့အခွင့်အရေး စံနှုန်းတွေ ကို မလိုက်နာတာ ပဲ လို့ အီးယူ အဖွဲ့ ရဲ့ ပြောခွင့်ရ မာယာ ကွန်စီယန်းချစ်ခ်ျ က ဘီဘီစီ ကို ပြောပါတယ်။

ဒီ လက်ထပ် ခြင်း ဆိုင်ရာ ကန့်သတ် တဲ့ ဥပဒေ ဟာ မြန်မာနိုင်ငံ မှာ ကြိုးစား တည်ဆောက် နေတဲ့ ပွင့်လင်းပြီး ဒီမိုကရေစီဆန် တဲ့ လူ့အဖွဲ့အစည်း တရပ် ဖြစ်ပေါ် လာဖို့ နဲ့ အမျိုးသား ပြန်လည် စည်းလုံးရေး တွေ အပေါ် မှာ လည်း ထိခိုက်မှု ရှိလာနိုင် တယ် ဆိုပြီး တော့ လည်း မာယာ ကွန်စီယန်းချစ်ခ်ျ က ဆို ပါတယ်။

မျိုးစောင့် ဥပဒေတွေ ပြဌာန်း ဖို့ ကြိုးစား လာခဲ့တာ ကို အီးယူဘက် က စောင့်ကြည့် နေခဲ့ပြီး အီးယူ ကိုယ်စားလှယ်တွေ အနေနဲ့ လည်း မြန်မာ အာဏာပိုင် တွေ ကို အီးယူ ရဲ့ သဘောထား ကို ပြောကြား ခဲ့ပြီး ဖြစ် တယ် လို့ ဆို ပါတယ်။

ဒါပေမယ့် ပြဌာန်းလိုက် တဲ့ မျိုးစောင့် ဥပဒေ တွေ ကို သုံးသပ် ပြုပြင် ဖို့ ရာ ကတော့ မြန်မာ နိုင်ငံသားတွေ ကိုယ်တိုင် ချမှတ် ဖော်ဆောင် သွားမှ ရမယ် လို့ မစ္စ ကွန်စီယန်းချစ်ခ်ျ က ပြောသလို မြန်မာနိုင်ငံ အတွင်း ထိရောက် တဲ့ တရား စီရင်ရေး စနစ် တခု ဖွံ့ဖြိုး တိုးတက် လာဖို့ အတွက် အီးယူ အနေနဲ့ ကူညီ နေတယ် လို့ ပြောပါတယ်။

BBC Burmese
http://www.bbc.com/burmese

စီးပွားရေးလုပ်ငန်းရှင် ဦးတေဇ။
 ကွယ်လွန်သွားပြီဖြစ်တဲ့ ၀န်ကြီးချုပ်ဟောင်း ဒုဗိုလ်ချုပ်ကြီး စိုးဝင်း၊ ဒုဗိုလ်ချုပ်ကြီး မောင်ဘိုတို့ အပါအ၀င် စီးပွားရေးလုပ်ငန်းရှင် ခရိုနီ ဦးတေဇရဲ့ ဇနီး ဒေါ်သီတာဇော်တို့ သုံးဦးကို အမည်မည်း စာရင်းကနေ ပယ်ဖျက် လိုက်ကြောင်း အမေရိကန် ဘဏ္ဍာရေးဝန်ကြီးဌာနက မနေ့က ကြေညာချက် ထုတ်ပြန် လိုက်ပါတယ်။ မြန်မာနိုင်ငံမှာ လူ့အခွင့်အရေး ဆက်ပြီးချိုးဖောက်နေတဲ့ အာဏာပိုင်တွေကိုလည်း အမေရိကန်ဘဏ္ဍာရေးဝန်ကြီးဌာနရဲ့ အမည်မည်း စာရင်း မှာထပ်တိုးပြီး ထုတ်ပြန်သင့်တယ်လို့ HRW လူ့အခွင့်အရေးစောင့်ကြည့်ရေး အဖွဲ့က ပြောပါတယ်။ အကြောင်းစုံကို မအင်ကြင်းနိုင်ကတင်ပြမှာပါ။

ဇူလိုင် (၉)ရက်နေ့ရက်စွဲနဲ့ ကြေညာချက်မှာ အမေရိကန် ဘဏ္ဍာရေးဝန်ကြီးဌာန လက်အောက်ခံ OFAC ခေါ် နိုင်ငံခြားပိုင်ဆိုင်မှုပစ္စည်း ထိန်းချုပ်ရေးဌာနရဲ့ SDN ခေါ် ပစ်မှတ်ထား ဒဏ်ခတ်ပိတ်ဆို့ အရေးယူဖို့ အထူးသတ်မှတ်ထားတဲ့ နိုင်ငံတွေနဲ့ လူပုဂ္ဂိုလ်တွေ စာရင်းကနေ သူတို့သုံးဦးရဲ့နာမည်တွေကို ပယ်ဖျက်ကြောင်း ဖေါ်ပြထားတာပါ။

ဒုဗိုလ်ချုပ်ကြီး စိုးဝင်းနဲ့  ဒုဗိုလ်ချုပ်ကြီး မောင်ဘိုတို့ နှစ်ဦး ကွယ်လွန်သွားပြီးဖြစ်တဲ့ အတွက် အရင်က အမည်မည်း စာရင်းသတ်မှတ်ချက်တွေနဲ့ ကိုက်ညီခြင်း မရှိတော့တာကြောင့် သူတို့အမည်တွေကို ပယ်ဖျက်လိုက်တာဖြစ်တယ်လို့ အမေရိကန် ဘဏ္ဍာရေးဝန်ကြီးဌာနရဲ့ ပြောခွင့်ရအမျိူးသမီးကဗွီအိုအေ မြန်မာပိုင်းကို အီးမေးလ်နဲ့ ပေးပို့တုန့်ပြန်တဲ့စာမှာ ဖေါ်ပြထားပါတယ်။

ဒါအပြင် ဒေါ်သီတာဇော်ကို စစ်ဗိုလ်ချုပ်တွေနဲ့ နီးစပ်တဲ့ စီးပွားရေးလုပ်ငန်းရှင် ခရိုနီ ဦးတေဇရဲ့ ဇနီးဖြစ်လို့  ၂၀၀၇ခုနှစ် ဖြည့်စွက်ချက် အမည်မည်းစာရင်းမှာ ပူးတွဲ ထည့်သွင်းခဲ့တာဖြစ်ပေမဲ့ အခုသူရဲ့ အခြေအနေပြောင်းလဲသွားပြီဖြစ်ပြီး အရင် သတ်မှတ်ချက်တွေနဲ့မကိုက်ညီတော့တဲ့အတွက် သူကိုလည်း အမည်မည်း စာရင်းကပယ်လိုက်ကြောင်းအမေရိကန်ဘဏ္ဍာရေးဝန်ကြီးဌာနရဲ့ ပြောခွင့်ရ အမျိုးသမီးရဲ့စာမှာ ရေးသားထားပါတယ်။

အခုလို အမေရိကန်ဘဏ္ဍာရေးဝန်ကြီးဌာနက မြန်မာအမည်မဲစာရင်းတချို့ ပယ်ဖျက် လိုက်တာကိုကြိုဆိုပေမဲ့လည်း ခိုင်လုံတဲ့အကြောင်းအရင်းတွေကို အများပြည်သူ သိအောင် ဘဏ္ဍာရေးဝန်ကြီးဌာနကဖေါ်ပြသင့်တယ်လို့ နယူးရောက်အခြေစိုက် HRW လူ့အခွင့်အရေးစောင့်ကြည့်ရေးအဖွဲ့ကြီးရဲ့ အာရှရေးရာတာဝန်ခံ Dave Matheison ကဗွီအိုအေကိုပြောပါတယ်။

"သူတို့ကြေညာချက်မှာဖေါ်ပြထားတဲ့စကားလုံးတွေကိုကြည့်ရင် ကျနော်တို့အတွက် ဘာကြောင့်ဆိုတဲ့ အချက်တွေသိရဖို့ ခက်ခဲပါတယ်။ ဘဏ္ဍာရေးဝန်ကြီးဌာနအနေနဲ့ ဘယ်လို အချက်တွေကြောင့် အမည်မဲစာရင်းကနေ သူတို့ကိုပယ်ဖျက်သလဲဆိုတာ အများပြည်သူသိခွင့်မရှိတဲ့ သဘောမျိုးဖြစ်နေပါတယ်။

ဒါအပြင် အမေရိကန်ဘဏ္ဍာရေးဝန်ကြီးဌာနအနေနဲ့ မြန်မာနိုင်ငံမှာ လူ့အခွင့်အရေးဆက်ပြီးချိုးဖောက်နေတဲ့ အာဏာပိုင်တွေရဲ့ အမည်စာရင်းတွေကိုလည်း ထပ်တိုးပြီး ထုတ်ပြန်သင့်တယ်လို့ မြင်ကြောင်း Dave Matheison ကပြောပါတယ်။

"ဒီကနေ့ထုတ်ပြန်တဲ့သတင်းဟာ အမည်မည်း စာရင်းထပ်ပြီး တိုးတယ် ဆိုတာမျိုးဖြစ်သင့်ပါတယ်။ အမေရိကန်အစိုးရရဲ့ အလုပ်ဖြစ်တဲ့ မူဝါဒအနေနဲ့ မြန်မာနိုင်ငံမှာ လူ့အခွင့်အရေးကို စနစ်တကျချိုးဖောက်နေသူတွေ ဒါမှမဟုတ် ပြုပြင်ပြောင်းလဲရေးကိုနှောင့်ယှက်နေသူတွေရဲ့ အမည်စာရင်းတွေကို ဖေါ်ပြသင့်တာပါ။"

ပြီးခဲ့တဲ့ ဧပြီလက SDN အမည်မည်း စာရင်းကနေ ပယ်ဖျက်ခံရသူတွေ စာရင်းမှာ မြန်မာနိုင်ငံက ထင်ရှားတဲ့ စီးပွားရေး လုပ်ငန်းရှင် တဦးဖြစ်တဲ့ ဦးဝင်းအောင်ရဲ့အမည်ကို ဖေါ်ပြခဲ့ပါတယ်။

 ပြောခွင့်ရအမျိုးသမီးရဲ့ ဗွီအိုအေမြန်မာပိုင်းကို တုန့်ပြန်တဲ့ စာမှာတော့ အမေရိကန် အစိုးရအနေနဲ့ မြန်မာနိုင်ငံရဲ့ ပြုပြင်းပြောင်းလဲရေးကို ဆက်ပြီး အကူအညီပေး သွားမှာဖြစ်ပေမဲ့ နိုင်ငံတွင်းပြောင်းလဲတဲ့ အခြေအနေတွေပေါ်မူတည်ပြီး တုန့်ပြန်ဖို့အတွက် နောက်ထပ် အမည်မဲစာရင်းတွေတိုးတာ ဒါမှမဟုတ် ပယ်ဖျက်တာမျိုးတွေ ရှိနေမှာဖြစ်တယ်လို့လည်း ဖေါ်ပြထားပါတယ်။

ပြီးခဲ့တဲ့ နိုဝင်ဘာလက SDN အမည်မဲစာရင်းထဲ ထပ်တိုးဖေါ်ပြခဲ့ရသူတွေထဲမှာ လက်ရှိအာဏာရ ကြံခိုင်ဖွံဖြိုးရေးပါတီအတွင်း သြဇာကြီးမားသူ တဦးဖြစ်ပြီး လွှတ်တော် ကိုယ်စားလှယ်တဦးလည်းဖြစ်တဲ့ ဦးအောင်သောင်း ကို ဖေါ်ပြခဲ့ပါတယ်။ သူဟာ မြန်မာနိုင်ငံရဲ့ ပြုပြင်ပြောင်းလဲရေးကို အားနည်းအောင် အကြမ်းဖက် ဖိနှိပ်မှုတွေနဲ့ အဂတိလိုက်စားမှုတွေကို ရည်ရွယ်ချက်ရှိရှိ လုပ်ဆောင်ခဲ့သူတဦးဖြစ်တယ်လို့ အမေရိကန်ဘဏ္ဍာရေး ၀န်ကြီးဌာနရဲ့ကြေညာချက်မှာရေးသားခဲ့ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

အထက်လွှတ်တော် လက်နက်ကိုင်တပ်ဖွဲ့များ ဆိုင်ရာကော်မတီ ကြာသပတေးနေ့ ကြားနာပွဲအတွင်း ဗိုလ်ချုပ်ကြီး Dunford မိန့်ခွန်းပြော။ (ဇူလိုင် ၉၊ ၂၀၁၅)
 အမေရိကန်ပြည်ထောင်စု လုံခြုံရေးမှာ ရုရှားနဲ့ တရုတ်တို့ကို နံပါတ် ၁ နဲ့ ၂ အကြီးမားဆုံး ခြိမ်းခြောက်မှုတွေ အဖြစ် အမေရိကန် ဗိုလ်ချုပ်ကြီးတဦးက သတ်မှတ် ပြောဆိုလိုက်ပါတယ်။

ရုရှားဟာ အမေရိကန်လုံခြုံရေးအတွက် အကြီးမားဆုံး ခြိမ်းခြောက်မှု ဖြစ်ပါတယ် လို့ ရေတပ်ဗိုလ်ချုပ်ကြီး Joseph Dunford က ပြောလိုက်တာပါ။ ပူးတွဲ စစ်ဦးစီးချုပ်များ အဖွဲ့ အကြီးအကဲသစ်အဖြစ် ခန့်အပ်မှုကို အတည်ပြုပေးမယ့် အထက်လွှတ်တော် လက်နက်ကိုင်တပ်ဖွဲ့များဆိုင်ရာကော်မတီ ကြာသပတေးနေ့ ကြားနာပွဲအတွင်း ဗိုလ်ချုပ်ကြီး Dunford က အဲဒီလိုပြောတာပါ။ ရုရှားရဲ့ ပြုမူ လုပ်ဆောင်ပုံအပေါ် အမြဲတမ်း သတိထားနေရတယ်လို့ သူက ဆိုပါတယ်။

အမေရိကန်အနေနဲ့ ယူကရိန်းကို တိုက်ခိုက်ရေး စစ်လက်နက် ပစ္စည်းကိရိယာတွေ ထောက်ပံ့သင့်သလားဆိုတဲ့ မေးခွန်းနဲ့ ပတ်သက်ပြီး စစ်ရေးအမြင် အရဆိုရင်တော့ အဲဒါဟာ ကျိုးကြောင်းဆီလျော်တဲ့ တုန့်ပြန်လုပ်ဆောင်မှုပါလို့ ဗိုလ်ချုပ်ကြီး Dunford က ပြန်ဖြေပါတယ်။

တရုတ်နဲ့ပတ်သက်လို့တော့ အမေရိကန်ရဲ့ ရန်သူမဟုတ်ပေမဲ့လဲ အမေရိကန် လုံခြုံရေးနဲ့ ပတ်သက်လာရင် တရုတ်နိုင်ငံရဲ့ စစ်ရေး စွမ်းဆောင်ရည်ကို လေ့လာဆန်းစစ်ရမှာ သူ့ရဲ့တာဝန်ပဲဖြစ်ပါတယ်လို့ ပြောပါတယ်။

ဗွီအိုအေ (မြန်မာပိုင်း)
http://burmese.voanews.com

အမေရိကန်နဲ့ အာရပ်စော်ဘွားများနိုင်ငံ UAE။
 အမေရိကန် နဲ့ အာရပ်စော်ဘွားများနိုင်ငံတွေက IS အစ္စလာမ်အစွန်းရောက်တွေကို၊ တန်ပြန်တဲ့ ကြိုးပမ်းမှု အသစ်တရပ်ကို ဗုဒ္ဓဟူးနေ့မှာ စတင်လိုက်ပါတယ်။ IS စစ်သွေးကြွ အယူဝါဒတွေကို ရင်ဆိုင်ဖို့ လူမှုကွန်ရက်စာမျက်နှာတွေကို အသုံးချပြီး၊ ဒေသတွင်းက သဘောထား မတင်းမာတဲ့ သူတွေနဲ့ လွတ်လပ်ခွင့်ကို လက်ခံတဲ့ သဘောထားတွေကို ဖော်ပြသွားဖို့ဖြစ်ပါတယ်။

အဘူဒါဘီအခြေစိုက် ဆာဝက်စင်တာက - Twitter နဲ့ Youtube စာမျက်နှာတွေမှာ ဖော်ပြတဲ့ သတင်းစကားတွေနဲ့ ဗီဒီယိုတွေမှာတော့၊ စစ်သွေးကြွတွေဟာ အမုန်းတရားတွေ၊ အကြောက်တရားတွေနဲ့ ဘာသာရေးမတူကွဲပြားမှုတွေကို လက်မခံတဲ့အယူအဆတွေကို ပျံနှံဖို့အောင် အစ္စလာမ်ဘာသာကို မလိမ့်တပတ်လုပ်နေတယ်လို့ ပြောပါတယ်။

တချိန်တည်းမှာပဲ ၊ အမေရိကန်လွတ်လပ်ရေးနေ့မတိုင်ခင် သီတင်းပတ်တွေအတွင်း အကြမ်းဖက် တိုက်ခိုက်မယ့် အစီအစဉ်တချို့ကို FBI ပြည်ထောင်စု စုံစမ်းရေးဗြူရိုက နှိမ်နှင်းနိုင်ခဲ့တယ်လို့ FBI အကြီးအကဲ James Comey က ကြာသာပတေးနေ့မှာ ပြောလိုက်ပါတယ်။

၁၀ ယောက်ထက်မနည်းကို ဖမ်းဆီးနိုင်ခဲ့တယ်လို့ သူကပြောပါတယ်။ ဒါပေမဲ့ အဲဒီလူတွေဟာ ဘယ်နေရာမှာ ဘာကို တိုက်ခိုက်ဖို့ကြံစည်နေတယ်ဆိုတာကိုတော့ အသေးစိတ်ပြောသွားခြင်းမရှိခဲ့ပါဘူး။

ဗွီအိုအေ (မြန်မာပိုင်း)
http://burmese.voanews.com