07/12/15

အခြေခံမဲစာရင်း မှားယွင်းမှုများ အတွက် ပြည်ထောင်စု ရွေးကောက်ပွဲ ကော်မရှင်အနေဖြင့် နိုင်ငံရေးပါတီများ နှင့် ထပ်မံတွေ့ဆုံတော့မည် မဟုတ်ဟု ရွေးကောက်ပွဲဌာန သတင်းထုတ် ပြန်ရေးအဖွဲ့ဝင် ဦးသောင်းလှိုင်က ပြောကြားလိုက်သည်။

အခြေခံမဲစာရင်း မှားယွင်းမှုများအတွက် နိုင်ငံရေး ပါတီများ အနေဖြင့် ဆွေးနွေးမည်ဆိုပါက မြို့နယ်၊ ရပ်ကျေး ကော်မရှင်အဖွဲ့များထံသာ တိုက်ရိုက် ပြင်ဆင်ပေးရန် ထုတ်ပြန်ထားပြီးဖြစ် သည်။

ပြည်ထောင်စု ရွေးကောက်ပွဲကော် မရှင်သည် NLD နှင့် လက်ခံတွေ့ဆုံ ကာ NLD ဗဟိုကော်မတီဝင်များက ဆွေးနွေးတင်ပြသည့် အခြေခံမဲစာရင်း မှားယွင်း သည့်စာရင်းများကို သက်ဆိုင်ရာ မြို့နယ်၊ ရပ်ကျေး ကော်မရှင်အ ဖွဲ့ဝင်များထံ ပေးပို့ကာ ပြင်ဆင်ရမည် ဖြစ်သည်။

ဇူလိုင် ၆ ရက် NLD ပါတီနှင့် တွေ့ဆုံအပြီး တွင် ပြည်ထောင်စုရွေး ကောက်ပွဲကော်မရှင်က ထုတ်ပြန်ကြေညာချက် တစ်စောင်ကိုလည်း ထုတ် ပြန်ခဲ့သည်။

“နိုင်ငံရေးပါတီတွေနဲ့ ထပ်မတွေ့ တော့ဘူး။ မှားယွင်းတာတွေ လာပြတာ ကြိုဆိုပါတယ်။ NLD က ပေး ပို့တဲ့ မဲစာရင်း မှားတာတွေကို လည်း အောက်ခြေ က ကော်မရှင်အဖွဲ့တွေဆီ ပြင်ပေးဖို့ လည်းညွှန်ကြားပြီးပြီ။ အမှားတစ်ခု ထပ်တွေ့တိုင်း ထပ်တလဲလဲ တွေ့ဖို့က မဖြစ်နိုင်ဘူး” ဟု ပြည်ထောင်စု ရွေးကောက်ပွဲကော်မရှင်၊ ရွေးကောက်ပွဲဌာန သတင်းထုတ်ပြန်ရေးအဖွဲ့ဝင် ဦးသောင်းလှိုင်က ပြောသည်။

နိုင်ငံရေးပါတီများအနေဖြင့် အခြေ ခံမဲစာရင်း မှားယွင်းမှုနှင့် အားနည်း ချက်များထပ်မံတွေ့ရှိပါက ပြည်ထောင်စု ကော်မရှင်ထံ တိုက်ရိုက် လာရောက် တွေ့ဆုံရန်မလိုတော့ဘဲ မဲစာရင်းမပါ သူများကို ပုံစံ ၃ ဖြင့် လည်းကောင်း၊ ကန့်ကွက်လိုသူများက ပုံစံ ၄ ဖြင့် လည်ကောင်း၊ အချက် အလက် ပြင် ဆင်လိုသူများက ပုံစံ ၄-ဂ ဖြင့်လည်း ကောင်း ပြင်ဆင် ရမည်ဖြစ်သည်။

ဇူလိုင် ၆ ရက်က ကြေညာချက်တွင် ထုတ်ပြန်ထားသည့်အတိုင်း မြို့ နယ်၊ ရပ်ကျေးကော်မရှင် အဖွဲ့များထံ ပြင်ဆင်ဖြည့်စွက်ပေး ရန် ပြည်ထောင်စု ရွေးကောက်ပွဲကော်မရှင်၊ ရွေးကောက် ပွဲဌာန၊ သတင်း ထုတ်ပြန်ရေးအဖွဲ့ထံက သိရသည်။

“ပါတီတွေဘက်က မဲစာရင်း ပြင် ဆင်ဖြည့်စွက်ချင်တာတွေ တွေ့ရှိထား တယ်ဆိုရင် မြို့နယ်၊ ရပ်ကျေးက ကော်မရှင်အဖွဲ့တွေဆီ တိုက်ရိုက်တွေ့ ဆုံပြီး ပြင်ဆင်လို့ရပါတယ်” ဟု ဦး သောင်းလှိုင်က ပြောသည်။

NLD ပါတီက ဆွေးနွေးတင်ပြ သည့် အခြေခံမဲစာရင်းတွင် မှားယွင်း မှုများကို ကော်မရှင်ဘက်မှ လိုက်လျော မှုများဖြင့် ပြင်ဆင်ပေးမည့်အပေါ် ကြိုဆိုကြောင်း၊ မြို့နယ်၊ ရပ်ကျေးကော်မ ရှင်များက ထိရောက်သည့် ဖြေရှင်းမှု များမရှိပါက ပြည်ထောင်စုရွေးကောက် ပွဲ ကော်မရှင်ထံ ထပ်မံတွေ့ဆုံရန် လိုလားကြောင်း အမျိုးသား ဒီမိုကရေစီ အဖွဲ့ချုပ် ဗဟိုကော်မတီဝင် ဦးထွန်းထွန်းဟိန်က ပြောသည်။

“ပြည်စုံပြီထင်လို့ နိုင်ငံရေးပါတီ တွေနဲ့ မတွေ့တော့ဘူးလို့ ကော်မရှင် ဘက်က အမြင်ရှိတာ ဖြစ်ပါလိမ့်မယ်။ NLD ဘက်ကလည်း အခြေခံမဲစာ ရင်းတွေက မှားယွင်းမှုတွေနဲ့ ပတ်သက်ပြီး ထိရောက်တဲ့ ဖြေရှင်းချက်တွေ မရခဲ့ရင် ပြည်ထောင်စု ကော်မရှင်နဲ့ ထပ်တွေ့ခွင့်တောင်းမှာ၊ မဲစာရင်းကြေညာရက် ရုပ်သိမ်းသွားတာနဲ့ မဆိုင်ဘူး။ NLD က မဲစာရင်းတွေ အမြဲ ကွင်းဆင်းစစ်ပြီး မှားယွင်းမှုတွေကိုပြု စုနေမှာပါ” ဟု ၎င်းကပြောသည်။

MMK

The Ladies News Journal

အမေရိကန် ဆီးနိတ်လွှတ်တော်၏ အများစု ပါတီခေါင်းဆောင် မစ်ခ်ျမက်ကွန်နယ် သည် မြန်မာနိုင်ငံတွင်ဖြစ်ပေါ်နေ သည့် ပြောင်းလဲမှု များနှင့်ပတ်သက်၍ စိတ်ပျက်ရကြောင်း ကြာသပတေးနေ့နံနက်ပိုင်းက ဆီးနိတ်လွှတ်တော်တွင် ပြောကြားခဲ့သည်။

ကန်တက်ကီပြည်နယ်၊ ရီပက်ဘလီကန်အမတ်မစ်ခ်ျက မြန်မာနိုင်ငံတွင် အခြေခံဥပဒေပြင်ဆင်ရေး တားဆီးခံရ ပြီးနောက် အမေရိကန်၏ ကုန်သွယ်ရေးဆက်ဆံမှုများကို ဆိုင်းငံ့ထားရန် တွန်းအားပေးခဲ့သည်။ ၎င်းက
“မြန်မာနိုင်ငံအကြောင်း စောင့်ကြည့်နေတဲ့ ကျွန်တော်သိထားတာက သမိုင်း တစ်လျှောက် စစ်တပ်ဟာ ပြောင်းလဲရမှာကြောက်ရွံ့နေတယ်။ တိုင်းရင်းသားပြဿနာတွေ ဖြစ်နေတယ်။ ပိုပြီးဒီမိုကရက်တစ်ဖြစ်တဲ့ အစိုးရပေါ်ပေါက်လာဖို့ မသေချာဘူးဆိုတာတွေပါပဲ။ ဒါတွေကို သေချာ သိထား ပါတယ်။ ဒါပေမဲ့ အမေရိကန်နဲ့ ဆက်ဆံရေးတိုးမြှင့်ဖို့ ဆိုတာ နှစ်နိုင်ငံ လုံးက စွန့်စားဖို့လိုပါတယ်။ ဒါဟာ မြန်မာစစ်တပ်အတွက် နောက်ထပ်အရေးပါတဲ့ ခြေလှမ်းလှမ်းရမယ့် အချိန်ဖြစ်ပြီး အဲ့သည်အခွင့်အရေးကို သူတို့ လက်လွှတ်ခဲ့ပါတယ်” ဟု ပြောကြားသည်။

ထို့အပြင် မစ်ခ်ျက “စစ်မှန်တဲ့ကိုယ်စားပြုမှုရှိတဲ့ အစိုးရဖြစ်ဖို့ဆိုရင် မြန်မာနိုင်ငံရဲ့ အခြေခံဥပဒေမှာ အားနည်းချက်တွေ အများကြီးရှိတယ်ဆိုတာ သံသယရှိစရာမလိုပါဘူး။ ပထမဆုံးအနေနဲ့ သမ္မတဖြစ်ခွင့်အတွက် ကန့်သတ်ချက်များစွာထားရှိပြီး နိုင်ငံရဲ့လူကြိုက်အများဆုံး အတိုက်အခံခေါင်းဆောင်ကို သမ္မတမဖြစ်အောင် ပိတ်ပင်ဖို့ သိသိသာသာ ကြိုးစားနေပါတယ်။ ဒါပေမဲ့ ပိုပြီးနက်နဲတာက အခြေခံဥပဒေပြင်ဆင်တာကို စစ်တပ်က ဗီတိုအာဏာသုံး တားဆီးနိုင်တာပါ။ အခြေခံဥပဒေ ပြင်ဆင်ဖို့ အမတ်ဦးရေ ၄ ပုံ ၃ ပုံကျော် ထောက်ခံမှုလိုပြီး အမတ်နေရာ ၄ ပုံ ၁ ပုံကို စစ်တပ်က ရယူထားပါတယ်” ဟု ထပ်လောင်းပြောကြားခဲ့သည်။

အမေရိကန်ဆီးနိတ်အမတ်မစ်ခ်ျက မြန်မာအတိုက်အခံခေါင်းဆောင် ဒေါ်အောင်ဆန်းစုကြည်ကို ရှင်းလင်းစွာရည် ညွှန်းပြောကြား ခဲ့ခြင်းဖြစ်သည်။ မြန်မာနိုင်ငံတွင် ရွေးကောက်ပွဲကျင်းပပြီးချိန်အထိ ပုံမှန် ဆက်ဆံရေးအချို့ကို ဆိုင်းငံ့ထားရန် မစ်ခ်ျမက်ကွန်နယ်က တောင်းဆို ခဲ့သည်။

“အခြေခံဥပဒေပြင်ဖို့ တားဆီးခံခဲ့ရတဲ့အတွက် မြန်မာနိုင်ငံကို GSP အစီအစဉ်မှာ ထည့်သွင်းတာအပါအဝင် အစီအစဉ်အချို့ကို ရွေးကောက် ပွဲပြီးချိန်အထိ ဆိုင်းငံ့ထားသင့်တယ်လို့ ယုံကြည်ပါတယ်။ မြန်မာနိုင်ငံ မှာ ရွေးကောက်ပွဲလုပ်ပြီး သင့်တော်မှန်ကန်တဲ့ ပြောင်းလဲ မှုတွေပြုလုပ်ပြီးမှသာ ပုံမှန်ဆက်ဆံရေးလုပ်သင့်ပါတယ်” ဟု မစ်ခ်ျကပြောကြားခဲ့သည်။

KHTun

The Ladies News Journal

ပဋိပက္ခဒေသတွေအတွင်း ဖွံ့ဖြိုးရေးလုပ်ငန်းတွေ ဆောင်ရွက်တာ စီမံကိန်း လုပ်ငန်းတွေကို ဆောင်ရွက်ရာမှာ အားလုံးရဲ့ သဘောဆန္ဒတွေ ပါဝင်ဖို့ တစ်ဖက်သတ်မဖြစ်ဖို့ အရေးကြီးတယ်ဆိုတာ ကရင်ပြည်နယ်အတွင်း လတ်တလော ဖြစ်ပွားနေတဲ့ တပ်မတော်နဲ့ ဒီကေဘီအေအဖွဲ့တွေရဲ့ တိုက်ပွဲတွေက သက်သေသာဓကပြစရာအဖြစ် ရှိနေပါတယ်။

တပ်မတော်နဲ့ ဒီမိုကရေစီအကျိုးပြု ကရင့်တပ်မတော် (ဒီကေဘီအေ) တို့ အကြား အာရှလမ်းမသစ်လို့ခေါ်တဲ့ မြ၀တီ-ကော့ကရိတ် အကြားဒေသမှာ အခုရက်ပိုင်းအတွင်း ဖြစ်ပွားနေတဲ့ တိုက်ပွဲတွေကြောင့် ဇူလိုင်လ ၂၀ ရက်နေ့ကျရင် ဖွင့်လှစ်ဖို့ စီစဉ်ထားခဲ့တဲ့ လမ်းဖွင့်လှစ်မယ့် ရက်ကတော့ ရွှေ့ဆိုင်း လိုက်ပါပြီ။

မဟာမဲခေါင်စီမံကိန်းမှာ ပါဝင်ပြီး အရှေ့တောင်အာရှ နိုင်ငံတွေအကြား ဆက်သွယ်မယ့် အာရှလမ်းမကြီးရဲ့ အစိတ်အပိုင်း တစ်ရပ်ဖြစ်တဲ့ အဲဒီ လမ်းမဟာ အာရှဖွံ့ဖြိုးရေးဘဏ်ရဲ့အကူ ထိုင်းနိုင်ငံအခြေစိုက် See Sang ဆောက် လုပ်ရေးကုမ္ပဏီက ဖောက်လုပ်နေခဲ့တာပါ။ ဇူလိုင်လ ၂ ရက်နေ့က စတင်ခဲ့တဲ့ တိုက်ပွဲဟာ လမ်းမနားမှာသာ ဖြစ်ခဲ့ပေ မယ့် နောက်ဆုံး မှာတော့ လမ်းသစ်ရော၊ လမ်းဟောင်းနေရာတွေ အပြင် ကော့ကရိတ်မြို့အနီးမှာပါ တိုက်ပွဲတွေ ဖြစ်လာခဲ့ပြီး အရပ်သား ခရီးသွားအချို့ ထိခိုက်ဒဏ်ရာ ရတာတွေလည်း ရှိလာခဲ့ပါတယ်။

ဇူလိုင်လ ၇ ရက်နေ့မှာတော့ ကော့ကရိတ်မြို့အထွက် မြ၀တီ-ကော့ကရိတ် လမ်းဟောင်းအနီးမှာပဲ အနီးကပ်တိုက်ပွဲတွေဖြစ်ပွား ခဲ့ပြီး ကော့ကရိတ်မြို့ပေါ် မှာရှိတဲ့ အထက ၄ စာသင်ကျောင်းပေါ် ကို မော်တာကျည်ဆံ ကျရောက်ပေါက်ကွဲ ခဲ့တာတွေလည်း ရှိခဲ့ပါတယ်။ အာရှလမ်းမပေါ်မှာရှိတဲ့ ဒီကေဘီအေ တပ်ဖွဲ့ရဲ့ဂိတ်ကို လမ်းဖွင့်ပွဲအတွက် ဖယ်ရှားခိုင်ရာက စတင်လို့ဖြစ်ပွားခဲ့တဲ့ တိုက်ပွဲကြောင့် နယ်စပ် ကုန်သွယ်ရေး အတွက်ပါ အရေးပါတဲ့ မြ၀တီ -ဘားအံ လမ်းကြောင်း ကိုပါ ခေတ္တပိတ်ထားရတဲ့အထိ ဖြစ်လာခဲ့ပါတယ်။ အခုလို အာရှလမ်းမကြီး အဖြစ် ဖြစ်လာတော့မယ့် လမ်းပေါ်မှာ တိုက်ပွဲဖြစ်နေ တာကတော့ အင်မတန် ရုပ်ဆိုး အကျည်းတန်တဲ့ ကိစ္စဖြစ်ပြီး ဒီတိုက်ပွဲတွေကတော့ အဲဒီလမ်းပေါ်မှာ တရားမဝင် အခွန်ကောက်ခံတာတွေနဲ့ ပတ်သက်လို့ မီဒီယာတွေက အဆက်မပြတ်ဖော်ပြမှုတွေ ရှိလာခဲ့ပြီးနောက်မှာ ဖြစ်လာ ခဲ့တာလည်း ဖြစ်ပါတယ်။

ဒီမတိုင်ခင် အဲဒီမှာရှိတဲ့ ဂိတ်တွေဖယ်ပေးဖို့ တောင်းဆိုမှုအချို့ရှိခဲ့ပြီး ကရင် ဝန်ကြီးချုပ် ကိုယ်တိုင်လည်း အဲဒီနေရာနားမှာပဲ အထင်လွဲခံရပြီး သေနတ်နဲ့ အချိန်ခံရမှုတွေက ပြီးခဲ့တဲ့ မေလအတွင်းကလည်း ဖြစ်ခဲ့တာပါ။ တကယ်တော့ ဒီတိုက်ပွဲတွေက အစိုးရနဲ့ တိုင်းရင်းသား လက်နက်ကိုင် အဖွဲ့တွေအကြား နယ်မြေသတ်မှတ်မှု အတည်တကျမရှိတာ၊ ယုံကြည်မှု မရှိသေးတာနဲ့ ရပ်တည်မှု အကျိုးစီးပွားဆိုင်ရာ ကိစ္စတွေကြောင့်နဲ့ ပတ်သက်နေတာပါ။

အရေးပါဆုံးအချက်ကတော့ ဒီအာရှလမ်း မသစ်စီမံကိန်းက ပဋိပက္ခဒေသတွေ အတွင်း စီမံကိန်းတွေကို အကောင်ထည်ဖော် ဆောင်ရွက်ရာမှာ အားလုံးရဲ့ သဘောဆန္ဒ မပါဝင်ခဲ့တာကြောင့်လည်း ဖြစ်ပါတယ်။ အဲဒီအထဲမှာမှ ပဋိပက္ခဒေသတွေအတွင်း စီမံကိန်းတွေကို အကောင်ထည်ဖော်ရာမှာ အားလုံးရဲ့ သဘောဆန္ဒနဲ့ အကျိုးခံစားခွင့်ဆိုတဲ့ ကိစ္စက တော်တော် အရေးကြီးတယ်ဆိုတာ တွေ့ရပါတယ်။

ဒီကေဘီအေ(ကလိုထူးဘော)

ဒီကေဘီအေ အဖွဲ့ရဲ့မူလအစဟာ ကေအန်ယူကနေ ခွဲထွက်လာခဲ့တာ ဖြစ်ပါတယ်။ ၂၀၀၈ အခြေခံဥပဒေအတည်ပြုပြီး နောက်မှာတော့ ငြိမ်းချမ်းရေးယူထားတဲ့ အဖွဲ့တွေအနေနဲ့ ပြည်သူ့စစ် သို့မဟုတ် နယ်ခြားစောင့်တပ်အဖြစ် အသွင်ပြောင်းရမယ်ဆိုတဲ့ မူဝါဒကြောင့် နယ်ခြားစောင့်တပ် မလုပ်လိုတဲ့ ဗိုလ်မှူးချုပ်စောလားဘွယ် (ဗိုလ်နှုတ်ခမ်းမွှေး) ဦးဆောင်တဲ့ ဒီကေဘီအေ အဖွဲ့တချို့က မြ၀တီမြို့ကို ၂၀၁၀ ရွေးကောက်ပွဲကျင်းပတဲ့နေ့မှာ ဝင်သိမ်းပြီး တပ်မတော်နဲ့ တိုက်ပွဲဖြစ်ခဲ့ရာကစလို့ ဒီကေဘီအေအဖွဲ့က တပ်မတော်နဲ့ ပြန်လည်တိုက်ပွဲဖြစ်ပွားခဲ့တယ်လို့ ဆိုရမှာပါ။ သူတို့အ ဖွဲ့ ပြန်ထွက်လာခဲ့တဲ့ ၂၀၁၀ ဝန်းကျင်လောက်ကဆိုရင် မြ၀တီ-ကော့ကရိတ်လမ်း ညာဘက်ခြမ်းဒေသကနေ ကြာအင်းဆိပ်ကြီးနဲ့ ဘုရားသုံးဆူအကြား ဒေသတွေမှာ လှုပ်ရှားနေခဲ့တာ ဖြစ်ပါတယ်။ ဒီကေဘီအေအဖွဲ့အနေနဲ့ အဲဒီလို တပ်မတော်နဲ့ တိုက်ပွဲတွေပြန်ဖြစ်ခဲ့တဲ့ ၂၀၁၀ နောက်ပိုင်း ကစလို့ ကေအန်ယူနဲ့ တိုက်ပွဲတွေ လည်း မဖြစ်တော့ပါဘူး။ စထွက်စက လူအင် အား ၅၀၀ လောက်သာရှိခဲ့ပေမယ့် နောက်ပိုင်း မှာတော့ အင်အား ၁ç၅၀၀ လောက်နဲ့ ဗျူဟာ ၃ ခု လောက်အထိ ရှိလာခဲ့ပါတယ်။ ဗျူဟာနှစ်ခုကတော့ ကော့ကရိတ်၊ မြ၀တီ၊ ကြာအင်းဆိပ်ကြီး ဒေသတွေမှာ လှုပ်ရှားနေခဲ့တာဖြစ်ပြီး ဗျူဟာတစ်ခုကတော့ လှိုင်းဘွဲ့မြို့နယ်အတွင်းမှာ လှုပ်ရှားနေတာပါ။ ၂၀၁၂ ခုနှစ် အရောက်မှာတော့ ဒီကေဘီအေအဖွဲ့ဟာ အခြား ကရင်တိုင်းရင်းသားလက်နက်ကိုင်အဖွဲ့တွေဖြစ်တဲ့ ကေအန်ယူ ကရင်အမျိုးသားအစည်းရုံး၊ KNU။ KNLA ငြိမ်းချမ်းရေးကောင်စီတို့လိုပဲ ရှေ့ဆင့်နောက်ဆင့်ဆိုသလို အစိုးရနဲ့ ပြည်ထောင်စုအဆင့် အပစ်ခတ်ရပ်စဲရေးစာချုပ်တွေကို ချုပ်ဆိုလာခဲ့ပါတယ်။

ရပ်တည်ရေးအတွက် လုပ်ပိုင်ခွင့်

အပစ်ရပ်ပြီးနောက်ပိုင်း ဒီကေဘီအေအဖွဲ့ ရပ်တည်ဖို့ နေရာရခဲ့တဲ့ ဒေသတွေကလည်း ကျန်တဲ့အဖွဲ့တွေလောက် တပ်ဖွဲ့ရပ်တည်ရေးအတွက် စီးပွားရှာလို့ကောင်းတဲ့ နေရာတွေ မဟုတ်ပါဘူး။ ကရင်ပြည်နယ်အတွင်းမှာ နယ်မြေကျယ်ပြန့်မှုနဲ့ လုပ်ပိုင်ခွင့်ရမှုတွေကို ပြန်ကြည့်မယ်ဆိုရင် ကေအန်ယူ ကရင်အမျိုးသားအစည်းအရုံးနဲ့ နယ်ခြားစောင့်တပ်တွေက ရှေ့တန်းမှာ ရှိပါတယ်။ မူလ ဒီကေဘီအေဖြစ်ခဲ့တဲ့ နယ်ခြားစောင့်အဖွဲ့တွေက သောင်းရင်းမြစ် တစ်လျှောက်မှာ ဂိတ်တွေဖွင့်နေခဲ့တာ ကြာပြီဖြစ်ပြီး သစ်နဲ့သတ္တုကုန်သွယ်မှုအပြင် တခြားလုပ်ငန်းတွေကိုလည်း နှစ်ပေါင်းများစွာဆောင်ရွက်ခွင့် ရခဲ့တာကြောင့် ခေါင်းဆောင်ပိုင်းတွေဆိုရင် တော်တော်လေးကို ချမ်းချမ်းသာသာ ဖြစ်နေခဲ့ပါပြီ။ တပ်ဖွဲ့ဝင်တွေကိုလည်း ယူနီဖောင်းက အစ၊ လက်နက်အဆုံး အဆင့်မြင့်မြင့် တပ်ဆင်ပေးထားနိုင်ပါတယ်။ ကေအန်ယူကတော့ မနေ့တစ်နေ့ကမှ အပစ်ရပ်တယ် ဆိုပေမယ့် ကြီးမားကျယ်ပြန့်တဲ့ နယ်မြေရှိတာကြောင့် ရပ်တည်ရေးအတွက်တော့ အခက်အခဲ မရှိလှပါဘူး။ တပ်မဟာ အချို့ဆိုရင် တော်တော်လေးကို လုပ်ပိုင်ခွင့်ရနေပြီ။ ဂျပန်အစီစဉ်နဲ့ လုပ်တဲ့ ဖွံ့ဖြိုးရေးစီမံကိန်း တော်တော်များများကလည်း ကေအန်ယူနယ်မြေထဲမှာ လုပ်နေတာပါ။

ဒီကေဘီအေ အနေနဲ့ကတော့ ခြားနားလှပါတယ်။ လုပ်ပိုင်ခွင့်အချို့ ရှိနေပေမယ့် အင်အားထောင်နဲ့ချီရှိလှတဲ့ တပ်ဖွဲ့ရဲ့ရပ်တည် ရေးအတွက် တရားမဝင်ဂိတ်တွေက တစ်ရက်တစ်ရက်ကို သိန်းဆယ်နဲ့ချီရနေတဲ့ ဝင်ငွေတွေက တော်တော်လေးအရေးပါတဲ့ အနေအထားပါ။

နိုင်ငံရေးအရ ရပ်တည်မှု

အပစ်ရပ်ပြီးနောက်ပိုင်း ကရင်လက်နက်ကိုင်အဖွဲ့ ၃ ဖွဲ့နဲ့ မြန်မာအစိုးရအကြား ဆက်ဆံရေးကို ပြန်ကြည့်မယ်ဆိုရင် ကေအန်ယူနဲ့က အကောင်းဆုံး အခြေနေမှာရှိပြီး ငြိမ်းချမ်းရေး ကောင်စီ KNU ။ KNLA (PC) နဲ့က မဆိုးတဲ့အခြေအနေမှာရှိနေကာ ဒီကေဘီအေနဲ့ကတော့ သိပ်ပြီး ဆက်ဆံရေး ကောင်းမွန်လှတာ မဟုတ်ပါဘူး။ အပစ်ရပ်ပြီးနောက်ပိုင်း ၂၀၁၄ ခုနစ်အတွင်းမှာ တိုက်ပွဲတွေဖြစ်ခဲ့သလို အခု ၂၀၁၅ ခုနစ်အတွင်းမှာလည်း ပြန်ဖြစ်နေခဲ့ပါတယ်။ ဒီလိုဖြစ်ရတာကလည်း တစ်ဖွဲ့နဲ့တစ်ဖွဲ့ ရပ်တည်နေမှုခြင်း မတူသလို နိုင်ငံရေးအရ ရပ်တည်ပုံတွေ ကွဲပြားခြားနားတာကြောင့်လည်း ဖြစ်တယ်လို့ ကရင့်အရေး လေ့လာသူတွေက ဆိုကြပါတယ်။ အစိုးရနဲ့ တိုင်းရင်းသား လက်နက်ကိုင် အဖွဲ့တွေအကြား နိုင်ငံလုံးဆိုင်ရာ အပစ်ခတ်ရပ်စဲရေးအတွက် ဆွေးနွေးတဲ့အခါ တိုင်း အန်စီစီတီအဖွဲ့မှာ ပါဝင်ခဲ့တဲ့ ဒီကေဘီအေ အဖွဲ့အနေနဲ့ ကေအန်ယူလို မဟုတ်ဘဲ ကချင် လွတ်မြောက်ရေးအဖွဲ့နဲ့ ကျန်တဲ့အဖွဲ့တွေလို သေချာပြီး အာမခံချက်ရှိတဲ့ အပစ်ခတ်ရပ်စဲရေး ဖြစ်ပေါ်လာဖို့ အစဉ်တစိုက် တောင်းဆိုခဲ့တာ ကြောင့်လည်း ဖြစ်တယ်လို့ ကရင့်အရေးလေ့လာသူတွေက ဆိုထားပါတယ်။

လမ်းမက စိုးမိုးနယ်မြေနဲ့ လုံခြုံမှုအရအရေးပါနေ

ဒီကေဘီအေ အပစ်ရပ်ပြီးချိန်အထိ အာရှလမ်းမ လမ်းမသစ်က မရှိသေးပါဘူး။ လက်ရှိ လမ်းမသစ်က ကော့ကရိတ်မြို့အဝင် (ဘားအံဘက်မှ အဝင်) လှိုဏ်ဝကျေးရွာကနေ မြို့ကို ညာဘက်ခြမ်းကနေ ပတ်ကျော်ပြီးမှ ဒေါနတောင်ခြေကတစ်ဆင့် မြ၀တီမြို့အထွက် သင်္ကန်းညီနောင်အကျော်က ဒေါနတောင် အတက်အဆင်း နေရာတွေမှာ နဂိုလမ်းဟောင်းနဲ့ ပြန်ချိတ်ဆက်ထားတာ ဖြစ်ပါတယ်။ အဲဒီလမ်းသစ်ကနေ ဆင်းသွားရင် ဒီကေဘီအေရဲ့ အရေးပါတဲ့ တပ်စခန်းဖြစ်တဲ့ ဝေါလေကို ရောက်နိုင်ပါတယ်။ အရင်ကတော့ တောလမ်းသာဖြစ်တဲ့အတွက် ကားတွေနဲ့ စစ်ယာဉ်တန်းတွေအဖို့ သူတို့ဌာနချုပ်ကို သွားဖို့ အချိန်အတော်ယူရဖွယ် ရှိနေပေမယ့် လမ်းတွေကောင်းလာတဲ့အတွက် သွားဖို့က အရင်ကလောက် အချိန်မယူ ရတော့ပါဘူး။ ဒီကေဘီအေအနေနဲ့ အာရှလမ်းမပေါ်မှာ ဂိတ်ကို အခိုင်အခံ့ ဆောက်လုပ်ထား ခဲ့တာဟာ တပ်ဖွဲ့ရပ်တည်ရေးအတွက် အခွန်ရဖို့အပြင် လုံခြုံရေးဆိုင်ရာ ရှုထောင့်ကနေလည်း ပါဝင်ခဲ့ပုံရပါတယ်။

ဒါကြောင့်လည်း ခေတ္တခဏပဲဖြစ်ဖြစ် မဆုတ်ပေးခဲ့တာ နေမှာပါ။ ဒီကေဘီအေတာဝန် ရှိသူတွေကတော့ ခဏဖြစ်ဖြစ် ဖယ်ပေးလိုက်ရင် နောက်ကို ပြန်လည်အခြေချလို့ မရတော့မှာ ဖြစ်တဲ့အတွက်လို့ ဆိုပါတယ်။ ဒီအခြေ အနေကလည်း အပစ်ရပ်ပြီး ကာလအတန်ကြာလာတဲ့အထိ တစ်ဖက်နဲ့တစ်ဖက် ယုံကြည်မှု မတည်ဆောက်နိုင်သေးမှုရဲ့ ပြယုဂ်တစ်ခုပါပဲ။

ပဋိပက္ခဒေသအတွင်း ဖွံ့ဖြိုးရေးနဲ့

စီမံကိန်းမှာ မှားယွင်းတဲ့ချဉ်းကပ်မှု

ဒီအာရှလမ်းကိစ္စမှာ အရေးကြီးဆုံးအချက်က ပဋိပက္ခဒေသအတွင်း ဖွံ့ဖြိုးရေးလုပ်ငန်းတွေ ဆောင်ရွက်ရာမှာ တာဝန်ရှိသူတွေနဲ့ အဲဒီစီမံကိန်းကို ဆောက်လုပ်နေတဲ့ ထိုင်းကုမ္ပဏီနဲ့ အဓိက ထောက်ပံ့သူဖြစ်တဲ့ အေဒီဘီ အာရှ ဖွံ့ဖြိုးရေးဘဏ်တို့ရဲ့ ပေါ့လျော့မှုတွေပါ။ သူတို့တွေအနေနဲ့ စီမံကိန်း စတင်ဖို့အတွက် ဒေသခံတွေရဲ့ သဘောထားဆန္ဒ ရယူတာတွေ ရှိခဲ့ပေမယ့် ဒေသခံလက်နက်ကိုင်အဖွဲ့တွေရဲ့ သဘောထား ရယူရာမှာတော့ ပေါ့လျော့မှုတွေ ရှိခဲ့ပါတယ်။ လက်နက်ကိုင်အဖွဲ့တွေထဲက ကေအန်ယူတစ်ဖွဲ့နဲ့သာ မေးမြန်းဆွေးနွေးမှုတွေ ရှိခဲ့ပြီး လမ်းဖြတ်သန်းသွားလာမယ့် နေရာတွေကို စိုးမိုးနယ်မြေအဖြစ် သတ်မှတ်ထားတဲ့ ဒီကေဘီအေအဖွဲ့ဆီက သဘောဆန္ဒရယူခဲ့တာ မရှိပါဘူး။

“သူတို့အဖွဲ့တွေရော အစိုးရကပါ ပဋိပက္ခဖြစ်ပွားနေတဲ့ ဒေသအတွင်း စီမံကိန်းကြီးတွေ အကောင်ထည်ဖော်ရာမှာ ဒေသခံ လက်နက်ကိုင် အဖွဲ့အစည်းတွေရဲ့ သဘောဆန္ဒရယူဖို့ ပျက်ကွက်ခဲ့တာက ဒီကေဘီအေနဲ့ တိုက်ပွဲတွေ ပြန်ဖြစ်လာရတာရဲ့ အဓိကကျတဲ့ အချက်တစ်ချက်ပါပဲ။ ဒီလိုလုပ်တာဟာ ပဋိပက္ခတွေကို ဆွေးနွေးမှု အခြေပြုဖြေရှင်းခြင်း Conflict sensitive resolution သဘောတရားနဲ့လည်း ဆန့်ကျင်နေပါတယ်” လို့ ကရင့်ရေးရာကော်မတီရဲ့ အထွေထွေအတွင်းရေးမှူးဖြစ်တဲ့ စောကျော်စွာက မှတ်ချက်ပြုပါတယ်။

ကေအန်ယူ ကရင်အမျိုးသားအစည်းအရုံး ဒုတိယဥက္ကဋ္ဌ နော်စီဖိုးရာစိန်ရဲ့ အစ်ကိုလည်း ဖြစ်တဲ့သူက နိုင်ငံလုံးဆိုင်ရာ အပစ်ခတ်ရပ်စဲရေး ပြုလုပ်ရာမှာ တိုင်းရင်းသားလက်နက်ကိုင် အဖွဲ့တွေအတွက် နယ်မြေသတ်မှတ်မှုနဲ့ အပစ်ရပ်ပြီး နိုင်ငံရေးအရ သဘောမတူခင် ကြားကာလတွေမှာ အခွန်ကောက်ခံခွင့်၊ ပညာရေး၊ စီးပွားရေး၊ ကျန်းမာရေးဆိုင်ရာ လုပ်ပိုင်ခွင့်ကိစ္စရပ်တွေ၊ နေရာချထားရေးနဲ့ နယ်မြေသတ်မှတ် မှုဆိုင်ရာ ကိစ္စရပ်တွေမှာ သဘောတူညီမှု မရသေးတာကလည်း ခုလိုတိုက်ပွဲဖြစ်တဲ့ ကိစ္စတွေနဲ့လည်း ဆက်စပ်နေတယ်လို့ ဆိုပါတယ်။ ဒါတွေကတော့ အပစ်ရပ်စာချုပ်ပါ အချက်တွေ နဲ့ ပတ်သက်တာပါ။ လတ်တလော အနေထားအရ နိုင်ငံတစ်ဝန်းက တိုင်းရင်းသားဒေသတွေကို ပြန်ကြည့်မယ်ဆိုရင် သေနတ်သံတွေ တိတ်မသွားသေးတဲ့အပြင် တိုက်ပွဲတွေ တော်တော်များများနဲ့ စစ်ရေးတင်းမာမှုတွေကလည်း စီးပွားရေးအရ အရေးပါတဲ့နေရာတွေနဲ့ စီမံကိန်းတွေနားမှာ ဖြစ်နေတာပါ။

ဥပမာအားဖြင့် သံလွင်ရေကာတာစီမံကိန်း တွေဟာဆိုရင် စီမံကိန်းအားလုံးဟာ ပဋိပက္ခနဲ့ တိုင်းရင်းသား နယ်မြေဒေသတွေအတွင်းမှာ ကျရောက်နေပါတယ်။ စီမံကိန်းတွေနဲ့ လုံခြုံ ရေးအကြောင်းပြ တပ်နေရာချထားမှုတွေက လည်းရှိလာဆိုတော့ ဒေသခံတွေ အဖို့ကတော့ စိုးရိမ်မှုတွေ အပြည့်ပါပဲ။ ပြီးခဲ့တဲ့ ၂၀၁၃ ခုနှစ် ကလည်း သံလွင်စီမံကိန်းတွေဖြစ်တဲ့ နောင်ဖနဲ့ မန်တောင်း စီမံကိန်းတွေကြောင့် အစိုးရနဲ့ ရှမ်းပြည်တပ်မတော် မြောက်ပိုင်းတပ်တွေအကြား တိုက်ပွဲတွေဖြစ်ခဲ့ပြီး ဒေသခံတွေ ထောင်နဲ့ချီ ဘေးလွတ်ရာကို နေရပ်စွန့်ခွာ ထွက်ပြေးခဲ့ရပါတယ်။ နောက်ထပ် စီမံကိန်းတွေလုပ်မယ့် နေရာတွေကိုလည်း လုံခြုံရေး အကြောင်းပြချက်နဲ့ တပ်နေရာ ချထားမှုတွေ များစွာလုပ်နေကြတယ်လို့ လေ့လာစောင့်ကြည့်သူတွေက ဆိုကြပါတယ်။ အဲဒီစီမံကိန်းတွေကိုလည်း ဒေသခံပြည်သူတွေက ကန့်ကွက်နေကြတာပါ။ မိုင်းတုံစီမံကိန်းဆိုရင် စဖို့တောင်လုပ်နေကြပါပြီ။

အကောင်းဆုံး သာဓက

မြန်မာအနေနဲ့လည်း ကုလသမဂ္ဂရဲ့ မူလတိုင်းရင်းမျိုးနွယ်စုတွေရဲ့ အခွင့်ရေးဆိုင်ရာ ကြေညာစာတမ်း UN Declaration on Rights of Indigenous People ကို ဆွေးနွေးစဉ်ကတည်းကလည်း မဲပေးထားခဲ့သလို စာတမ်းမှာလည်း လက်မှတ်ရေးထိုးထားပါတယ်။ အဲဒီစာတမ်းထဲမှာမှာလည်း ဒေသဖွံ့ဖြိုးရေးလုပ်ငန်းတွေကို ဆောင်ရွက်ရာမှာ ဒေသခံတွေရဲ့ ရပိုင်ခွင့်တွေနဲ့ ရပ်တည်မှုတွေကို ထိခိုက်ခြင်းမရှိစေရလို့ ဖော်ပြထားပြီး ဆောင်ရွက်ရာမှာလည်း အားလုံးရဲ့ သဘောဆန္ဒနဲ့အညီ ထိခိုက်ခြင်းမရှိအောင် ရယူပြီးမှ အကောင်ထည်ဖော် ဆောင်ရွက်ရမယ်လို့ ဖော်ပြထားပါတယ်။

“မြန်မာနိုင်ငံမှာက အစိုးရကလည်း လိုက်နာမှုမရှိတော့ နိုင်ငံတကာ အဖွဲ့အစည်းတွေကလည်း အဲဒါတွေကို လိုက်နာမှုမရှိကြဘူး။ လက်တလုံးခြားလုပ်ကြတယ်။ စီမံကိန်းတွေ ဖွံ့ဖြိုးရေးလုပ်ငန်းတွေကအစပေါ့” လို့ ကချင်ငြိမ်းချမ်းရေးကွန်ရက်မှ ဒေါ်ခွန်ဂျာက ပြောပါတယ်။

အခုဆိုရင် ငြိမ်းချမ်းရေးက မရေမရာဖြစ် နေချိန် ကာလအတွင်းမှာကို ပဋိပက္ခနယ်မြေ တွေအတွင်းမှာပဲ စီမံကိန်းတွေ ဖွံ့ဖြိုးရေးလုပ်ငန်းတွေ ဆက်လက်ဆောင်ရွက်ဖို့ ပြင်ဆင်မှုတွေ များစွာလုပ်လာနေတာကို အထင်းသား မြင်တွေ့နေရပါတယ်။ ဖွံ့ဖြိုးရေးဆိုတဲ့ ရည်ရွယ်ချက်က ကောင်းမွန်ပေမယ့် တစ်ဖက်မှာလည်း ငြိမ်းချမ်းရေးမရခင်မှာ အားလုံးရဲ့ သဘောဆန္ဒတွေမပါဘဲ ပြုလုပ်ဖို့ ပြင်ဆင်နေတာကတော့ မေးခွန်းထုတ်စရာ အခြေအနေ ဖြစ်နေပါတယ်။ ဒီအထဲကမှ အာရှလမ်းမသစ်တစ်လျှောက် လတ်တလောဖြစ်ပွားနေတဲ့ တိုက်ပွဲတွေကတော့ အကောင်းဆုံး ဥပမာပြစရာ အခြေအနေတစ်ရပ် ဖြစ်နေပါတယ်။

စိုင်းထွန်းအောင်လွင်

The Ladies News Journal

ပြည်ထောင်စု လွှတ်တော်တွင် ဇူလိုင် ၉ ရက်က ဆွေးနွေးအတည် ပြုခဲ့သည့် အသက် ၆၀ ပြည့်လျှင် ပင်စင်ယူရမည်နှင့် ပတ်သက်၍ အသက်ခြောက်ဆယ်ကျော် တပ်မတော်သားများ အရပ်ဘက် မရောက်စေရန် ပင်စင်သက်တမ်းကို ခြောက်ဆယ်အတိုင်းသာ ထားခြင်းဖြစ်နိုင်သည်ဟု လွှတ်တော်ကိုယ်စားလှယ်များက ပြောသည်။

“တပ်မတော်သား ကိုယ်စားလှယ် ဖြေသွားတာ သူတို့ဘက်မှာ စစ်တပ်က အုပ်ချုပ်တဲ့ဟာက တပ်ဥပဒေသီးသန့်ရှိပါတယ်။ အဲဒါနဲ့ အုပ်ချုပ် တယ်ပြော တယ်။ အဲဒါ စစ်တပ်ဘက်မှာတော့ နေပါစေလေ။ အရပ်ဘက်ကို လာတဲ့အခါ စစ်တပ်ကနေပြောင်းလာတဲ့အခါ အသက် ၆၀ ကျော် ရင် ပြောင်းလို့ မရတော့အောင် နောင်ဖြစ် ပေါ်လာမယ့်ဟာတွေ အကုန်လုံး အတွက် လုပ်လိုက်တာ။ ၆၀ ကျော်ရင် နားလိုက်တော့။ တပ်ကနေ အရပ်ဘက်ကိုလည်း လာပြီးတော့ ဝန်ကြီးမလုပ်နဲ့။ ဝန်ကြီးဆိုရင်လည်း အသက် ၆၀ ဆိုနား။ အဲဒါကို ဦးရွှေမန်းက သိတဲ့အခါ ကိုင်တွယ်လိုက်တာ” ဟု လွှတ်တော်ကိုယ် စားလှယ် ဒေါ်စန္ဒာမင်းက The Ladies သို့ပြောသည်။

ဝန်ထမ်းများအနေဖြင့် ဝန်ထမ်းစည်းမျဉ်းနှင့် အညီဆိုလျှင် အသက် ၆၀ ပြည့် ပါက မဖြစ်မနေပင်စင်ယူရမည် ဆိုသော်လည်း တပ်မတော်နှင့်ပတ်သက်၍ ဖွဲ့စည်းပုံအခြေခံဥပဒေ ပုဒ်မ ၂၉၁ တွင် တပ်မတော်တွင် ထူးခြားသည့် သဘာဝအခြေအနေအရ တပ်စည်းမျဉ်းစည်းကမ်းကို တပ် ကိုယ်တိုင် ဆုံးဖြတ် လုပ်ဆောင်နိုင်သည်ဟု ပါရှိသည်။

“ဆွေးနွေးသွားတာမှာတော့ အဲဒီဖွဲ့စည်းပုံကို ထောက်ပြီး ဆွေးနွေးသွားတာ မတွေ့ဘူး။ တပ်ကတော့ တပ်မတော်သား ကိုယ်စားလှယ်တွေက လိုအပ်ရင် ဆိုတဲ့ ပုံစံမျိုးဆွေးနွေးသွား တာပေါ့။ ဒါပေမဲ့ ဒါက တပ်မှာလည်း တချို့ဆွေးနွေးတဲ့အခါမှာ နုပျိုတဲ့တပ်မတော် ဖြစ်နေရမှာပေါ့နော်။ ၆၀ ပြည့်လို့ သူများယူတဲ့ အချိန်အခါမှာ သူမယူဘူး။ နောက်ထပ်သုံးနှစ် တိုးမယ်ဆိုရင် နောက်က ဝန်ထမ်းတွေ၊ နောက်က ရာထူးတက်မယ့်သူတွေ ရဲ့ လမ်း ကိုပိတ်ထားသလိုလည်း ဖြစ်တယ်။ နောက်တစ်ခါ အလုပ်သစ်တွေ၊ ဝန်ထမ်းအသစ်တွေ သူတို့မှာလည်း နေရာပျောက်တယ် ဆိုပြီး ဆွေးနွေးကြ တာ” ဟု ပြည်သူ့လွှတ်တော် ကိုယ်စားလှယ် ဦးဖေသန်းက The Ladies သို့ပြောသည်။

အသက် ၆၀ ပြည့်လျှင် ပင်စင်ယူရမည့် ကိစ္စရပ်နှင့် ပတ်သက်၍ တပ်မတော် ဟု မပြောသော်လည်း တပ်မတော်ကို ဦးတည်၍ ဆွေးနွေးခဲ့ကြခြင်းဖြစ် သည်။ တပ်မတော်သား ကိုယ်စားလှယ်များကလည်း ပြန်လည်၍ ၎င်းတို့ ဘက်တွင် ထူးခြားသည့် အခြေအနေအရ လိုအပ်လျှင် ထပ်တိုးသင့်သည် ဟု ဆွေးနွေးသွားသည်များရှိကြောင်း ဦးဖေသန်းကဆိုသည်။

“ဒီပွဲတစ်ခုလုံးကို ကြည့်ရတာတော့ မြင်သာပါတယ်။ ဒါ တပ်ကို၊ ကာကွယ်ရေး ဦးစီးချုပ်ကို ရည်ရွယ်ပြီး ပြောတယ် ဆိုပြီးတော့လေ။ ကာကွယ်ရေး ဦးစီးချုပ်လို့သာ မပြောတာ။ တပ်ကလည်း သူ့အပိုင်းသူ ကာကွယ်တယ်။ ပြီးတော့ ဆွေးနွေးတဲ့အခါမှာလည်း တပ်မတော်ဘက် ကို ညွှန်းပြီးတော့ ဆွေးနွေးကြတယ်။ တပ်ကို တပ်မတော် ကာကွယ်ရေး ဦးစီးချုပ်က နောက်ထပ်သုံးနှစ် အဲဒီလိုပုံစံမျိုး သတင်းကထွက် နေတာကိုး။ ဒီတော့ ကျွန်တော်တို့ကတော့ သိပ်ပြီး ထဲထဲဝင်ဝင် မပြောချင်ဘူးပေါ့။ ဒါပေမဲ့ အဲလိုဟာကို ကာကွယ်ဖို့လုပ်တယ်ဆိုတာတော့ သေချာတယ်။ သက်သေပြပါဆိုရင် ပြဖို့တော့ခက်တာပေါ့” ဟု ဦးဖေသန်းက ဆက်လက်ပြောသည်။

တပ်မတော် ကာကွယ်ရေးဦးစီးချုပ်ကို အဘယ်ကြောင့် အနားယူစေချင်သည် ဆိုသည်မှာ ပြည်ခိုင်ဖြိုးပါတီ၏ သဘောထားပေါ်တွင် မူတည်သည်။ ယင်းအဆိုကို ပြည်ခိုင်ဖြိုးပါတီက တင်သွင်းပြီး ထောက်ခံဆွေးနွေးသည့် အထဲတွင် ပြည်ခိုင်ဖြိုးပါတီ နှင့် အမျိုးသား ဒီမိုကရေစီအဖွဲ့ချုပ်ပါတီမှ ကိုယ်စားလှယ်များက ဆွေးနွေးခဲ့ကြသည်။ မဲခွဲဆုံးဖြတ်သည့် အခါတွင်လည်း တပ်မတော်သား ကိုယ်စားလှယ်များကသာ ကန့်ကွက်ခဲ့ပြီး ကျန် ကိုယ်စားလှယ် များ အားလုံးထောက်ခံခြင်းကြောင့် အပြတ်အသတ် အနိုင်ရရှိခဲ့သည်။

“ဒါပြည်ခိုင်ဖြိုးပါတီမပါရင် ထောက် ခံလို့မရဘူး။ လွှတ်တော်မှာ အဆိုတွေ က ပြည်ခိုင်ဖြိုးပါတီကတင်ရင် ဦးတည်ချက်နဲ့တင်တာ။ ဥက္ကဋ္ဌ ခွင့်ပြုချက်နဲ့ တင်တာများတယ်။ အဲဒါတွေကလည်း နိုင်ဖို့သေချာတဲ့ ဟာမျိုးကိုပဲတင်တာ။ ပြီးတော့ သူတို့လိုချင်တဲ့ ဥစ္စာမျိုးကို ရွေးပြီးတော့ တင်တာဆိုတော့ ဒါဟာ ရည်ရွယ်ချက်နဲ့ တစ်စုံတစ်ယောက်ကို ၆၀ နှစ်ထက်ပိုပြီးတော့ တာဝန် မထမ်း ဆောင်စေချင်လို့ အရေးကြီးအဆိုတင် တယ်ဆိုတာ ကတော့ သေချာပါတယ်” ဟု ဦးဖေသန်းက ဆက်လက်ပြောဆိုခဲ့သည်။

ဇော်မင်းထွန်း

The Ladies News Journal


သတင်းစာရှင်းလင်းပွဲအတွင်း တွေ့ရသည့် ဒေါ်အောင်ဆန်းစုကြည်။ ဇူလိုင် ၁၁၊ ၂၀၁၅။
သတင်းစာရှင်းလင်းပွဲအတွင်း တွေ့ရသည့် ဒေါ်အောင်ဆန်းစုကြည်။ ဇူလိုင် ၁၁၊ ၂၀၁၅။

၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ပြောင်းလဲဖို့ ဖြစ်မလာတဲ့အချိန် အခုလို၂၀၁၅ ရွေးကောက်ပွဲ ၀င်တာဟာ NLD ရဲ့ ဆုံးဖြတ်ချက်သာဖြစ်တယ်လို့ NCGUB အဝေးရောက် ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ ၀န်ကြီးချုပ်ဟောင်း ဒေါက်တာစိန်ဝင်းကပြောပါတယ်။ ဒါ့အပြင် ရွေးကောက်ပွဲ တရားမျှတမှုဖြစ်ပါ့မလားဆိုတာကိုလဲ သူ့အနေနဲ့ သံသယရှိနေတယ်လို့ ဗွီအိုအေကိုပြောပါတယ်။ ဆက်သွယ်မေးမြန်းထားတဲ့မအင်ကြင်းနိုင်က တင်ပြထားပါတယ။်

၂၀၁၅ ရွေးကောက်ပွဲအတွက် တနိုင်ငံလုံးအတိုင်းအတာအရ မဲဆန္ဒနယ်မြေ စုစုပေါင်း ၁၂၀၀ ကျော်ထဲက အများစုနေရာတွေမှာ NLD ကိုယ်စားလှယ်လောင်းတွေ ၀င်ရောက်ယှဉ်ပြိုင်သွားမှာဖြစ်တယ်လို့ NLD အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်က မနေ့က နေပြည်တော်မှာ ကျင်းပတဲ့ သတင်းစာရှင်းလင်းပွဲမှာ ကြေညာသွားပါတယ်။

တဖက်မှာလည်း ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးဆိုတဲ့အခြေအနေ ဖြစ်မလာသေးတဲ့အချိန်မှာ ရွေးကောက်ပွဲဝင်မယ်ဆိုတဲ့ကြေညာချက်ဟာ NLD ရဲ့ ဆုံးဖြတ်ချက်သာဖြစ်တယ်လို့ ၁၉၉၀ ရွေးကောက်ပွဲအနိုင်ရခဲ့ပြီး ဖွဲ့စည်းခဲ့တဲ့ NCGUB ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ ၀န်ကြီးချုပ်ဟောင်း ဒေါက်တာစိန်ဝင်းက ဗွီအိုအေကိုပြောပါတယ်။

ဒီ NLD ကနေပြီးတော့ ဒါ သူတို့ရဲ့ဆုံးဖြတ်ချက်ပေါ့နော်။ ကျနော်တို့အနေနဲ့ ဘာမှမပြောလိုဘူး။ သို့သော်လဲ ရွေးကောက်ပွဲတိုင်းဟာ တရားမျှတဖို့ လိုတယ်။ နောက် ကျနော်တို့ကြားနေရတဲ့ သတင်းတွေအရတော့ မဟန်ဘူး။ မဲဆန္ဒရှင်စာရင်းတွေက စပြီးတော့ ကမောက်ကမဖြစ်နေတယ်။ စစ်လို့အလွယ်ဆုံးပဲ။ ဒီရွေးကောက်ပွဲ မဲစာရင်းဆိုတာ။ အဲဒီကစပြီးမှားနေရင်တော့ အတော်ရင်လေးစရာကောင်းပါတယ်။”

NLD အနေနဲ့ ၂၀၁၅ ရွေးကောက်ပွဲ ၀င်ရောက်ယှဉ်ပြိုင်ဖို့ ဆုံးဖြတ်တာဟာ လွှတ်တော်တွင်း ဖွဲ့စည်းပုံပြင်ဆင် ရေးကို ဆက်ပြီး ကြိုးစားသွားမယ်လို့ မြင်ကြောင်း NCGUB အဖွဲ့ဝင်ဟောင်းလည်းဖြစ်၊ ၁၉၉၀ ရွေးကောက်ပွဲအနိုင်ရခဲ့တဲ့ NLD ပုလဲလွှတ်တော်ကိုယ်စားလှယ်ဟောင်း ဒေါက်တာတင့်ဆွေကပြောပါတယ်။

“ဘာလို့လဲဆိုတော့ NLD က လွှတ်တော်လမ်းကို ရွေးလိုက်တာကို။ လွှတ်တော်ထဲမှာ လုပ်ဆောင်ချက်ကို ကြည့်လို့ရှိရင် ကျနော်ကတော့ ပွင့်ပွင့်လင်းလင်း အားမနာတမ်းသုံးသပ်ရရင် အင်္ဂတေလောင်း၊ welding ဆော်၊ သံမှိုစွဲထားတဲ့ ကျောက်တုံးကြီးတခုကို တွန်းရင်တွန်းကြည့်ကြပါလားဆိုပြီး တွန်းခိုင်းကြတဲ့အခါမှာ ကျောက်တုံးပေါ်မှာ ထင်ကျန်နေရစ်တဲ့လက်ရာတွေလောက်ပဲ လွှတ်တော်မှာ မပိုဘူး။ NLD ရဲ့ လက်ရာက တော့ ထင်ထင်ရှားရှားရှိတာပေါ့လေ။ ဒီကျောက်တုံးကတော့ ရွေ့မသွားဘူး။ NLD တွန်းခဲ့တယ်၊ လက်ရာ ထင်ထင်ရှားရှား ကျန်ရစ်ခဲ့တယ်။ သို့သော် ဘယ်အရာမှ တည်မြဲတာမဟုတ်ပါဘူး။ နိုင်ငံရေး ပိုတောင်မှ အနိစ္စ သဘောရှိတာကိုး။ အဲတော့ NLD ဟာ ဆက်ကြိုးစားမယ်၊ ဆက်ကြိုးစားပါအုံးမယ်ဆိုတဲ့ကတိနဲ့ ၂၀၁၅ ရွေးကောက်ပွဲကို ၀င်လိမ့်မယ်လို့ ယူဆတယ်။ ဆက်ပြီးတော့ ကြိုးစားမယ်ဆိုတာကိုလည်း မလွဲမသွေယုံကြည်ပါတယ်ခင်ဗျာ့။”

မနေ့က သတင်းစာရှင်းလင်းပွဲမှာ ဖွဲ့စည်းပုံအခြေခံဥပဒေ ပြင်ဆင်ရေး လွှတ်တော်တွင်း မအောင်မြင်ခဲ့ပေမဲ့ ၂၀၁၅ ရွေးကောက်ပွဲမှာ NLD အနိုင်ရမယ်ဆိုရင် အမြန်ဆုံးပြုပြင်ပြောင်းလဲနိုင်မှာဖြစ်တယ်လို့ ဒေါ်အောင်ဆန်းစုကြည်က သတင်းထောက်တွေကို ပြောသွားပါတယ်။

အင်ကြင်းနိုင်/VOA
http://burmese.voanews.com/content/reacts-nld-election/2858462.html


လက်ရှိအနေအထားများအရ ကိုယ့်အမျိုးသားခြင်း စစ်ခင်းရမည့်အခြေအနေများ မလွဲမရှောင်သာဖြစ်ပွားနိုင်သည့်အတွက် လွန်စွာစိတ်ပျက်မိသည်ဟု (ဒီကေဘီအေ) တပ်မှူးကြီး ဗိုလ်မှူးချုပ်ကျော်သက်က ယနေ့ညနေပိုင်းတွင် ပြောဆိုသည်။

လက်ရှိ၎င်းတို့တပ်စွဲထားသည့်နေရာကို မြန်မာစစ်တပ်က အလုံအရင်းနှင့်ထိုးစစ်ဆင် ပိတ်ဆို့မှုများ ပြုလုပ်ရာတွင် (ကရင်ပြည်နယ်) နယ်ခြားစောင့်တပ် (BGF) တပ်များ အဓိကနေရာမှ ပူးတွဲပါဝင်နေသဖြင့် စစ်ရေးတင်းမာမှုများ ဆိုရွားစွာဖြစ်ပေါ်ခဲ့ပါက အချင်းချင်းပြန်တိုက်ရမည့် အနေအထားများရှိနေသောကြောင့် လွန်စွာစိတ်ပျက်မိသည်ဟု ပြောဆိုခြင်းဖြစ်သည်။

(ကရင်ပြည်နယ်) နယ်ခြားစောင့်တပ်ဖက်မှ ၎င်းတို့အဖွဲ့အား မြ၀တီ - ကော့ကရိတ်ကားလမ်းပေါ်မှ ဖယ်ရှားပေးရန် ဆွေးနွေးညှိနှိုင်းသဘောတူညီချက်များအရ တပ်များဆုတ်ခွာပေးခဲ့သော်လည်း မြန်မာစစ်တပ်ဘက်က ၎င်းတို့အား အလုံးအရင်းနှင့်လိုက်လံတိုက်ခိုက်နေဆဲ ဖြစ်သည့်အတွက် တန်ပြန်တိုက်ခိုက်မှုများ ပြုလုပ်ရတော့မည်ဟုလည်း ဗိုလ်မှူးချုပ်ကျော်သက်က ဖြည့်စွက်ပြောဆိုသည်။

(ကရင်ပြည်နယ်) နယ်ခြားစောင့်တပ်မှူးများအနေနှင့် ယခင်ပြောဆိုထားသည့် ကတိက၀တ်များကို မျက်နှာလွှဲခဲပစ်အလုပ်ဘဲ လိုက်နာမှုပြုလုပ်ကြရန် (ဒီကေဘီအေ) က တိုက်တွန်းပြောဆိုသည်။

ယနေ့နံနက် ၅ နာရီခန့်မှစတင်ကာ နံနက် ၇ နာရီအထိ (ဒီကေဘီအေ) မှ တပ်စွဲထားသည့် ကော့ကရိတ်အပိုင်ရှိ ကောင်းမှုတောင်ကြောနေရာများကို မြန်မာစစ်တပ်က ၁၂၀ မမ အပါအ၀င် လက်နက်ကြီးမျိုးစုံဖြင့် တိုက်ခိုက်ခဲ့သည်ဟု ကလို့ထူးဝါး အခြေချစစ်ဗျူ ဟာက အတိအလင်းပြောဆိုခဲ့သည်။

ဒေသခံများက (ဒီကေဘီအေ) အဖွဲ့ကို မြန်မာစစ်တပ်များက ကားလမ်းဟောင်းဘက်မှ ပိတ်ဝိုင်းထားပြီး (BGF) တပ်ဖွဲ့များက ကားလမ်းသစ်ဘက်မှနေရာယူကာ နှစ်ဘက်ညှပ်ကာ ၀ိုင်းထားသည်ဟု ပြောဆိုသည်။

ယခုလ ၂ ရက်နေ့မှစတင်ကာ မြ၀တီ - ကော့ကရိတ် ပင်မကားလမ်းနှစ်သွယ် အနီးတွင် ဖြစ်ပွားခဲ့သည့် နှစ်ဖက်ပဋိပက္ခများမှာ ယနေ့တိုင်အဆုံးသတ်နိုင်ခြင်း မရှိသေးသည့်အတွက် စိုးရိမ်မှုများဖြစ်နေရဆဲဟု ဒေသခံများက ပြောဆိုကြသည်။

ပုံစာ - ဗိုလ်မှူးချုပ်ကျော်သက်။
သတင်းနှင့်ဓာတ်ပုံ - ကရင်အမျိုးသား မီဒီယာ

လူတွေများနေတဲ့အခါကျတော့။ ဗိုလ်ချုပ်မှူးကြီးကလည်း ညည်းပါတယ်၊ ကျုပ်ကဗျာတဲ့ ခင်မင်မှုနဲ့တွေ့တဲ့အခါ စကားကြောရှည်တော့ ကျုပ်မှာ ရွတ်စရာ ဖတ်စရာ မပြီးဘူးဗျတဲ့။ ညမအိပ်ရတော့ဘူးတဲ့။ အကုန်ပြန်ရွတ် ရတာ ဒါတွေက။ ဂုဏ်တော် ၁၀၀၀ ကို ၁၀၀၀ ပြည့်အောင် စိပ်ရတာ။ ကိုယ့်အဓိဋ္ဌာန်နဲ့ကိုယ် ဖြစ်နေတာဆိုတော့ မစိပ်လို့လည်း မဖြစ်ဘူး။ ကျွန်တော်နဲ့ စကားပြောကောင်းတဲ့အခါမျိုးဆိုရင် နောက်ည ၂ ညလောက်က မအိပ်ရတော့ဘူး။ ဒါတွေပြန်ချနေရတာ …

____ သမ္မတဦးသိန်းစိန်၏ လုပ်ဆောင်ချက်အချို့ကို မနှစ်သက်ကြောင်း ပြောကြားခဲ့သည့် ဗိုလ်ချုပ် မှူးကြီး သန်းရွှေသည် ဘာသာရေး လုပ်ငန်းများကို စိတ်ဝင်စားလျက် အဓိဋ္ဌာန်များဖြင့် တရားအားထုတ် နေသော်လည်း တပ်မတော်နှင့် ကြံ့ခိုင်ရေးပါတီတို့မှ တပည့်များလာရောက် ဂါရ၀ပြုပြောဆိုခြင်းများ လက်ခံတွေ့ဆုံနေရ …

____ အကြံပေးလိုသည်မှာ ကြံ့ခိုင်ရေးကို ထောက်ခံသော တပ်မတော်ရှိနေသရွေ့ ရွေးကောက်ပွဲနိုင် သည်ဖြစ်စေ၊ ရှုံးသည်ဖြစ်စေ လွှတ်တော်နှင့်အစိုးရအဖွဲ့သို့ ၀င်ရောက်ရန် တပ်မတော် ကာကွယ်ရေးဦးစီးချုပ်၏ အခွင့်အာဏာ တံခါးပေါက်က အသင့်ရှိနေရာ ဗိုလ်ချုပ်မှူးကြီး မင်းအောင်လှိုင် ယုံကြည်မှုဖြင့် ဗိုလ်ချုပ်ဟောင်းများဖြစ်သည့် ကြံ့ခိုင်ရေးပါတီမှ ပုဂ္ဂိုလ် များ မျှော်မှန်းနိုင်ပေသည် … ဗိုလ်ချုပ်မှူးကြီး အနေဖြင့်လည်း တပ်မတော် တည်ထောင် ထားသော ကြံ့ခိုင်ရေးပါတီမှ ပုဂ္ဂိုလ်များကိုသာ ယုံကြည်မည်ဖြစ်ပြီး ကြံ့ခိုင်ရေးပါတီမှ လက်မခံသော ပုဂ္ဂိုလ်များကို ယုံကြည်ဖွယ်ရာမရှိ …

~~~~~~~~~~~~~~~~~~~~~~~~~~~~~~~~~~~~~~~~~

၁၉၉၃၊ စက်တင်ဘာ ၁၅ ရက်နေ့တွင် ရန်ကုန်မြို့၊ မြို့တော်ခန်းမ၌ ဖွဲ့စည်းခဲ့သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်းကို စတင်တည်ထောင် ပေးခဲ့သူမှာ ထိုစဉ်က တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးသန်းရွှေ ဖြစ်ပါသည်။ ကြံ့ခိုင်ရေးအသင်း လူထုထောက်ခံမှု၊ အားကိုးမှု ရရှိစေရန်အတွက် ဗိုလ်ချုပ်မှူးကြီး သန်းရွှေသည် ၎င်း၏ နိုင်ငံရေး သြဇာအာဏာကို အသုံးပြုပြီး အစိုးရ အဖွဲ့ဝင်များအားလုံး၊ တပ်မတော် အရာရှိများအားလုံး၊ ဌာနဆိုင်ရာ ၀န်ထမ်းများအားလုံး အသင်းဝင်ဖြစ်စေခဲ့ကာ နိုင်ငံတော်နေရာ အနှံ့ ကြံ့ခိုင်ရေး အသင်းဝင်များ၏ ပြည်သူ့အကျိုးပြု လုပ်ငန်းများကို အစိုးရထောက်ခံမှုဖြင့် အောင်မြင်စွာ လုပ်ဆောင်စေခဲ့ သည်။ ခေတ်အဆက်ဆက် အခြေအနေများထက် သာလွန်၍ တပ်မတော်ကိုလည်း ဖွဲ့စည်းမှု အင်အား အဆောင်အယောင် များ တောင့်တင်းစေခဲ့ကာ တပ်မတော်၏ အာဏာရှိန် အပြင်းဆုံး နိုင်ငံရေး ကာလများကို ယင်းကြံ့ခိုင်ရေးအသင်း နိုင်ငံရေးဖြတ်သန်းရာ ကာလများနှင့် ယှဉ်တွဲ၍ ဗိုလ်ချုပ်မှူးကြီး သန်းရွှေ ဦးဆောင်ခဲ့ရာ ၁၉၉၃ မှ ၂၀၁၀ အထိ ၁၇နှစ်တာ (နှစ် ၂၀ခန့်) သက်တမ်းရှည် အခိုင်အမာ တည်ဆောက် နိုင်ခဲ့သည်။ ထို့ကြောင့်ပင် ယနေ့အာဏာရ ကြံ့ခိုင်ရေးပါတီနှင့် တပ်မတော်၏ဖခင်ဟု ဆိုနိုင်သော ဗိုလ်ချုပ်မှူးကြီး သန်းရွှေ အငြိမ်းစားယူသည် ဆိုစေကာမူ ၎င်း၏ နိုင်ငံရေး သြဇာအာဏာကို တပ်မတော်နှင့် ကြံ့ခိုင်ရေးပါတီတို့က လွန်ဆန်၍ မရနိုင်ပေ။

ဤသည်မှာ လောကဓမ္မတရားအရ ရှုမြင်နိုင်ပြီး အာဏာရှင် ပေါ်ပေါက်သော ခေတ်တွင် အကောင်းအဆိုး ဒွန်တွဲဖြစ်ပေါ်တတ်သော ရှေးအစဉ်အလာများနှင့် ချိန်ထိုးကြည့်နိုင်ပါသည်။ ထူးခြားသည်မှာ မြန်မာနိုင်ငံ၌ အစိုးရအဆက်ဆက် အပြောင်းအလဲတွင် ဖမ်းဆီးထိန်းသိမ်းခြင်း၊ နေအိမ် အကျယ်ချုပ်ထားခြင်းများ ဖြစ်ခဲ့ပါလျက် တပ်မတော်အစိုးရမှ သမ္မတဦးသိန်းစိန်အစိုးရ အပြောင်းအလဲတွင် တပ်မတော်အစိုးရ ခေါင်းဆောင် များ အေးချမ်း သာယာစွာ နေနိုင်ကြခြင်းဖြစ်ပါသည်။ ထိုမျှမက မြန်မာနိုင်ငံ နေရာအနှံ့ ကြံ့ခိုင်ရေး အစိုးရနှင့်ပြည်သူလူထု ထိပ်တိုက်တွေ့နေသော အခြေအနေ မြောက်များစွာ တို့အပေါ် တပ်မတော်မှ တစ်စုံ တစ်ရာ ၀င်ရောက် ပါဝင်ခြင်းမပြုဘဲ လျစ်လျူရှုသကဲ့သို့ ဖြစ်နေခြင်း၊ အစိုးရဘက်မှ နေရာပေး မဆက်ဆံသော လူထုခေါင်းဆောင် ဒေါ်အောင်ဆန်းစုကြည်ကို လွှတ်တော်ဘက်မှ လွန်စွာနေရာပေး ဆက်ဆံ၍ ကြံ့ခိုင်ရေး ပါတီ ထိပ်တန်း ခေါင်းဆောင်များအကြား စိတ်အနှောင့်အယှက် ဖြစ်ပေါ်နိုင်မှုကိုလည်း တပ်မတော်မှ အေးဆေးစွာနေပြီး တစ်စုံတစ်ရာ ဝေဖန်စွက်ဖက်မှု မရှိခြင်းစသော အခြေအနေများအရ မြန်မာ့နိုင်ငံရေး အခြေအနေသည် ပြည်သူလူထုအတွက် အကျိုးရှိသော၊ ပြည်သူလူထု လိုလား တောင်းဆိုနေသော အခြေ အနေများ ပြောင်းလဲဖြစ် ပေါ်လာခြင်းမရှိဘဲ နိုင်ငံတော် အာဏာအရပ်ရပ်ကို ချုပ်ကိုင်ထားနိုင်သည့် ဗိုလ်ချုပ်မှူးကြီး သန်းရွှေ၏ သားတပည့်များ ဖြစ်ကြသော အာဏာရ ကြံ့ခိုင်ရေးပါတီနှင့် တပ်မတော် အကြီးအကဲများ နိုင်ငံရေး ကစားနေကြခြင်းဖြင့်သာ ၄ နှစ်တာ အချိန်ကို ကုန်လွန်ခဲ့ရသည်။

ပါဝင်ခဲ့သော အတွေ့အကြုံများအရ ဗိုလ်ချုပ်မှူးကြီး သန်းရွှေ၏ တပည့်များဖြစ်ကြသည့် တပ်မတော် အကြီးအကဲများနှင့် ကြံ့ခိုင်ရေးပါတီ ထိပ်တန်းခေါင်းဆောင်များသည် ဒေါ်အောင်ဆန်းစုကြည် နိုင်ငံရေး လှုပ်ရှားမှုများအပေါ် ချောက်ချားမှု၊စိုးရိမ်မှု မရှိတတ်ကြဘဲ ၎င်းတို့ အချင်းချင်း အာဏာနှင့်နေရာ အလိုက် တာဝန်ထမ်းဆောင်မှုများ အတွင်းမှာပင် ၀ိရောဓိပဋိပက္ခများ အပေါ်မှာသာ ခံစားလျက် ဖြစ်ပေါ်တတ်ကြသည် ကများပေသည်။ သာဓကတစ်ခုအနေဖြင့် တပ်မတော်အစိုးရ လက်ထက်မှ ယနေ့တိုင်အောင် အကြီးအကဲ တစ်ဦးဖြစ်နေသော ပြည်ထောင်စု ရွေးကောက်ပွဲကော်မရှင် ဥက္ကဋ္ဌ၊ ဒုတိယဗိုလ်ချုပ်ကြီး(ငြိမ်း) ဦးတင်အေးပြော ကြားသော စီးပွားရေး ပိတ်ဆို့မှုများကို မကြောက်ရွံ့ကြောင်း ပြောကြားချက်နှင့် ကြံ့ခိုင်ရေးပါတီတွင်း လူထု ထောက်ခံမှု သိသာစွာ ရလာသော ဗဟိုကော်မတီဝင် စစ်ဗိုလ်ချုပ်ဟောင်းအချို့ကို အာဏာရထိပ်ပိုင်းမှ လက်သံ ပြောင်ပြောင် နှိပ်ကွပ်ခဲ့သော ဖြစ်ရပ်များက အချင်းချင်း ပြိုင်ဆိုင်မှု၌သာ အားသန်နေသော အခြေအနေ တစ်ရပ်ကို သက်သေထူလျက်ရှိနေပေသည်။

အတိုက်အခံ အင်အားကြီးနိုင်သည့် နိုင်ငံရေး အခြေအနေအပေါ် ဂရုမစိုက်သော ကြံ့ခိုင်ရေးပါတီ၏ အခြေအနေကို ကြည့်ပါက ၎င်းပါတီကို တည်ထောင်ပေးသည့် တပ်မတော်၏ အားပေးအားမြှောက် ပြုလုပ်ခြင်း များက အဓိကဖြစ်ပေသည်။ ကြံ့ခိုင်ရေး အသင်းကို ပါတီအသွင်ပြောင်းခဲ့သည့် ၂၀၁၀ ပြည့်နှစ်တွင် ရွေးကောက်ပွဲ ပြုလုပ်ပြီးခဲ့သည့် နောက်ပိုင်း ဗိုလ်ချုပ်မှူးကြီးသန်းရွှေက နိုင်ငံတော်အာဏာကို အစိုးရကို မလွှဲဘဲ ပါတီကို လွှဲသည့်အနေဖြင့် နောက်ဆုံးနိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ အစည်းအဝေးတွင် အစိုးရအသီးသီး တာဝန်များ လျာထားခံရသူ တပ်မတော် အရာရှိဟောင်းများရှေ့၌ နိုင်ငံတော်အလံအား ပါတီကို ပေးအပ်ခဲ့ကြောင်း ကြံ့ခိုင်ရေးပါတီ ဗဟိုအတိုင်ပင်ခံ ဦးအောင်သောင်းက မြန်မာသံတော်ဆင့်သို့ ထုတ်ဖော်ပြောကြားခဲ့ရာ နိုင်ငံရေးနယ်ပယ်တွင် ပွက်လောရိုက်သွားခဲ့သည်။

ထိုကဲ့သို့သော အခြေအနေများအတွင်း အငြိမ်းစား ဒုတိယဗိုလ်ချုပ်ကြီးများကလည်း တပ်မတော်နှင့် ကြံ့ခိုင်ရေး ပါတီအကြား ကတိက၀တ်ရှိကြောင်း၊ ဗိုလ်ချုပ်မှူးကြီးသန်းရွှေက စနစ်တကျလက်ဆင့်ကမ်း နိုင်ငံတာဝန် ထမ်းဆောင်နိုင်ရန် လူများကို လျာထားပေးခဲ့ကြောင်း၊ ပထမသက်တမ်း၊ ဒုတိယသက်တမ်း၊ တတိယသက် တမ်းအထိ တာဝန်ထမ်းဆောင်နိုင်ရန် အသက်အရွယ်၊အတွေ့အကြုံများနှင့် ပိုင်း ဖြတ်၍အစိုးရ၊ လွှတ်တော်များတွင်တာဝန် ချထားခဲ့ကြောင်း၊ ထုတ်ဖော် ပြောကြားခဲ့ကြသည့် နည်းတူ တပ်မတော်နှင့် ပြည်ခိုင် ဖြိုးပါတီအကြား နောက်ကွယ်မှ ကတိက၀တ် အပါအ၀င် ဆက်ဆံရေး အခြေအနေနှင့် စပ်လျဉ်း၍လည်း လက်ရှိ ဗဟိုအတိုင်ပင်ခံ ဦးအောင်သောင်းက ““ကတိက၀တ်ဆိုတာကတော့ ကန့်သတ်ထားတာတော့ မရှိဘူး။ ပါတီက တပ်မတော်ကြောင့် ပေါက်ဖွားလာတာ။ ဒီအ သင်းဟာ တပ်မတော်ကလုပ်တာ။ တပ်မတော်က မွေးထုတ်ပေး လိုက်တယ်။ တပ်မတော်ကြောင့် ဖြစ်လာတယ်။ ကန့်သတ်ချက်တော့ မရှိပါဘူး။ မဆုံးနိုင်ဘူး ဆိုတာလည်း မရှိနိုင်ဘူးဆိုသလိုပေ့ါ။ ဘယ်တော့ပြီးမယ်လို့လည်း ဆုံးဖြတ်ပိုင်ခွင့်မရှိဘူး။ အမြဲတမ်းသဟဇာတ ဖြစ်ပြီး ပေါင်းဖက်နိုင်ဖို့ လိုတာပေ့ါ။ အဓိပ္ပာယ်က အဲဒီသဘောပဲ ဆောင်တယ်။ သူ့ရဲ့နောက်ကွယ်မှာ အဲဒီလို ရည်ရွယ်ချက် ကလေးတွေနဲ့ပေ့ါ။ အဲဒီသဘော။ တကယ့်ပါတီက ခေါင်းဆောင်တွေ သဘောတရားရေးအရ ညီညွတ်မှုအများကြီးလိုတယ် —-။

ဖွဲ့စည်းပုံအရတော့ ပြောလို့ရတယ်။ ပြောလို့ရမယ့်အချက်တွေ အများကြီးပါ။ လွှတ်တော်ထဲမှာ ၂၅ ရာခိုင်နှုန်းပါတယ်။ ဥပဒေတင်သွင်းရင် တပ်မတော်တစ်မဲမှမ ပါရင် မရဘူး။ နောက်တစ်ခါ တပ်မတော် ကခန့်နိုင်တာ ဒုသမ္မတ။ ကာ/လုံမှာသူက ပါတယ်။ ဒါတွေက တပ်မတော်ရဲ့ အားသာချက်။ ရည်ရွယ်ချက် ကတော့ အချိန်အခါကျရင်တော့ လျှော့ရမှာပေ့ါ။ အခု ၂၄ ရာခိုင်နှုန်း။ ဒါတဖြည်းဖြည်းတော့ လျှော့ရမှာပေ့ါ။ ဒီမိုကရေစီ စံချိန်စံညွှန်းနဲ့တော့ သွားတိုင်းလို့မရဘူး။ တစ်နေ့ကျရင် ဒီမိုကရေစီစံနှုန်း ပြည့်မယ်။ အတတ်ဆုံး ဆိုတာလည်း ရန်ကုန်မှာရှိတယ်။ အချမ်းသာဆုံးလည်း ရန်ကုန်မှာရှိတယ်။ အလည်ဆုံးဆိုတာလည်း ရန်ကုန်မှာ ရှိတယ်။ ရန်ကုန်ကလွဲပြီး ဘယ်မှာရှိလဲ။ဘယ်မှာမှမရှိဘူး။ ဒီမိုကရေစီသိတဲ့ လူက ရန်ကုန်မှာ နည်းနည်း လေးပဲရှိတယ်။ ကျန်တဲ့တစ်ဝက်ဆိုတာတော့ သူ့ထမင်းဝအောင်ပဲရှိတယ်။ အူမတောင့်မှဆိုရင် သူဘာမှ မသိတော့ဘူး။ ဒီမိုကရေစီလည်း မသိတော့ဘူး။ သူ့သားသမီး ကျောင်းတက်ဖို့၊ မိသားစုဒါပဲသိတယ်။ အဲလိုထင်တယ်။

(တပ်မတော်နှင့် ပြည်ခိုင်ဖြိုးအကြား ကတိက၀တ်အပေါ်)လိုက်နာတယ်၊ မလိုက် နာဘူးဆိုတဲ့ လူပေါ်မှာပဲ မူတည်တယ်။ ဆင့်ကဲ့တာဝန်ကတော့ရှိတာပဲ။အခြေခံဥပဒေ ပေါ်ပေါက်အောင် လုပ်တာလည်း ဒီပါတီပဲ။ ပါတီက လုပ်လို့အောင်မြင်ခဲ့တာ။ ဈေးကွက် စီးပွားရေးစနစ်ကို ပြန်ကြည့်မယ် ဆိုရင်လည်း အကောင်အထည် ဖော်ပေးတယ်။ ညင်သာစွာ ပြုပြင်ပြောင်းလဲရေးနှင့် အရှေ့အလယ်ပိုင်းကဲ့သို့ လုပ်ရမယ့် တာဝန်တွေရှိတယ်။ မလုပ်လို့လည်းမရဘူး””ဟု မြန်မာသံတော်ဆင့်နှင့် တွေ့ဆုံစဉ် ပြောကြား ခဲ့သည်။

ဒီမိုကရေစီစနစ်အရ လူထုနှင့်အစိုးရ အချေအတင်ဖြစ်ပေါ်လာသော ပဋိပက္ခများကို အာဏာသုံး၍ ဖြေရှင်းခြင်း ကြောင့် ကြံ့ခိုင်ရေးပါတီ ဥက္ကဋ္ဌဟောင်း သမ္မတဦးသိန်းစိန်အပေါ် ပြည်တွင်းပြည်ပ ဝေဖန်ပြောဆိုမှုများဖြင့် ပြစ်တင်မှု များလာချိန်တွင် သတင်းအမှောင်ချ၍ အစိုးရကို လူထုနှစ်ခြိုက်နေသော အသွင်သဏ္ဌာန်ဖြင့်ရှိနေ သယောင်လှုပ်ရှားမှုများလည်း တွေ့မြင် လာရသည်။ ယင်းအခြေအနေမှာ ၂၀၁၂ တွင် ကြားဖြတ် ရွေးကောက်ပွဲ မလုပ်မီ ပါတီဥက္ကဋ္ဌ သူရဦးရွှေမန်း အလိမ်ခံရသော ဖြစ်စဉ်နှင့် အလားသဏ္ဌာန် တူနေပေသည်။ ရန်ကုန်တိုင်း ဒေသကြီးသို့ လှည့်လည်စဉ် ကျိန်းသေ အနိုင်ရမည့် တွက်ချက်နည်းများ ဖြင့်တင်ပြသော ဗဟိုအလုပ် အမှုဆောင်များကို ယုံစား၍ နေပြည်တော်သို့ ပြန်သွားရာ အမှန်တကယ်ကြား ဖြတ်ရွေးကောက်ပွဲ ၌ မဲဆန္ဒနယ်မြေ အားလုံး ရလဒ်ဆိုးဖြင့် နေပြည်တော်ပါမကျန် ရှုံးနိမ့်ခဲ့ခြင်းကို သံဝေဂ ယူသင့်ပေသည်။

ပြည်သူလူထုမှာ မည်မျှမွန်းကျပ်နေသော ဘ၀များကို ဖြတ်သန်းနေရသည်ကို ကြံ့ခိုင်ရေးအစိုးရ သိသင့်ပြီ ဖြစ်သည်။ ထို့အတူ အခြေခံဥပဒေအရ မထောက်ခံ၍မရသော အခြေအနေဖြင့် တပ်မတော်မှ အစိုးရနှင့် ကြံ့ခိုင်ရေးပါတီကို ထောက်ခံ ပေးနေခြင်းကလည်း ပြည်သူလူထုနှင့် အာဏာပိုင်များအကြား ပဋိပက္ခများ တိုးပွား လာနေပေသည်။ ဤသည်တို့မှာ ဗဟိုဦးစီးစနစ်၏ ဆိုးကျိုးများနှင့် အချင်းချင်း မညီညွတ်ကြသော နိုင်ငံရေး အမွေဆိုးများပင် ဖြစ်ပေသည်။

တပ်မတော်နှင့် ကြံ့ခိုင်ရေးပါတီတို့၏ ဖခင်တစ်ဦးဖြစ်သော ဗိုလ်ချုပ်မှူးကြီးသန်းရွှေ အေးချမ်းစွာ အနားယူ လျက်ရှိပြီး စာဖတ်လျက်ရှိကြောင်း သမ္မတ ဦးသိန်းစိန်၏ ပြည်ထောင်စုဝန်ကြီး အချို့နှင့် ကြံ့ခိုင်ရေးပါတီ ထိပ်တန်းခေါင်းဆောင် တစ်ဦးတလေတို့က မီဒီယာသို့ ထုတ်ဖော်ပြောဆိုရုံမျှဖြင့် မြန်မာ့နိုင်ငံရေးသည် စိတ်ဝင် စားဖွယ်ရာ မရှိပေ။ အမှန်တကယ် တပ်မတော်နှင့် ကြံ့ခိုင်ရေးပါတီတို့၏ သဘောထား ရပ်တည်ချက် အပြောင်းအလဲ ကောင်းများကို ပြည်သူများအတွက် ဆောင်ကြဉ်းစေလိုသော ဗိုလ်ချုပ်မှူးကြီးသန်းရွှေ၏ သဘောထားများသည် ၎င်းကိုယ်တိုင် ရင်ဖွင့်ပြောကြားချက်များမှ ထင်ဟပ်နေပေသည်။

ဗိုလ်ချုပ်မှူးကြီးသန်းရွှေ အနားမယူမီ အစိုးရသစ်တွင် သမ္မတရာထူးဖြင့် တာဝန်ထမ်းဆောင်ရန်အတွက် ပထမဆုံး လျာထားခဲ့သော ထောက်လှမ်းရေး ဗိုလ်ချုပ်ကြီး ခင်ညွန့်ကို ၀န်ကြီးချုပ်ရာထူးဖြင့် ခန့်အပ်ကာ အစိုးရကို ဦးဆောင်နိုင်သည့် အတွေ့အကြုံကောင်း ဖန်တီးပေးခဲ့သော်လည်း ထောက်လှမ်းရေးအဖွဲ့၏ ပြည်သူအပေါ် အနိုင်ကျင့်၊ ရက်စက်မှုများအား ၀န်မခံ၊ တာဝန်မယူလိုသည့် ဗိုလ်ချုပ်ကြီး ခင်ညွန့်အပေါ် မျှော်လင့်ချက်များ ပျက်ပြား ဆုံးရှုံးခဲ့ ရသည်။ ဗိုလ်ချုပ်မှူးကြီးသန်းရွှေက ယင်းအခြေအနေများကို နိုင်ငံတော် အကြံပေး ဦးအံ့မောင်အား ရင်ဖွင့် ပြောကြားခဲ့ပေသည်။

လက်ရှိ သမ္မတရုံး အကြံပေးနှင့် တပ်မတော်အစိုးရ လက်ထက် နိုင်ငံတော်အကြံပေး ဖြစ်ခဲ့သူ သာသနာရေးဆိုင်ရာ ပညာရှင် ဦးအံ့မောင်က ““ဗိုလ်ချုပ်မှူးကြီး သန်းရွှေက ဘာကိုတစ်ခု ဖြစ်ချင်လဲဆိုတော့ ဒီ NIB ဆိုတာက ဦးနေ၀င်းလက်ထက်က ဖွဲ့ခဲ့တာ။ ဟိုတုန်းက ပြည်ထဲရေးဝန်ကြီး ဦးဘိုနီက အတွင်းရေးမှူးဗျ NIB မှာ။ National Intelligence Bureau (NIB) ပေါ့ဗျာ။ ရှိသမျှ သတင်းတွေက စစ်ထောက်လှမ်းရေးက MI။ MI က တက်လာရင်လည်း NIB ကို တက်ရတယ်။ နောက်တစ်ခါ PSI ၊ စုံစမ်းစစ်ဆေးရေး ဒါလည်း NIB ကို တက်ရတယ်။ နောက်တစ်ခါ အထူးရဲထောက်လှမ်းရေးအဖွဲ့ SB ကလည်း အဲဒီကိုတင်ရတယ်။ နောက်တစ်ခါ ရာဇ၀တ် ထောက်လှမ်းရေးက CID ။ အဖွဲ့လေးဖွဲ့ရှိတယ်။ PSI ရယ်၊ SB ရယ်၊ MI ရယ် ဒီ ၄ ဖွဲ့လုံး က NIB ကိုတက်ရတယ်။ NIB ကဒါတွေ အကုန်လုပ်ပြီးမှ တင်ပြတယ်။ တင်ပြတဲ့အခါကျတော့ ဗိုလ်ချုပ်မှူးကြီး သန်းရွှေက ဘာကို သဘောပေါက်သွားလဲ ဆိုတော့ နောက်ကျတော့ ဗိုလ်ချုပ်မှူးကြီးက ဖွင့်ပြောတာ NIB ထားလို့ရှိရင် ကျုပ်တို့ ရတဲ့ သတင်းတွေကို မူရင်းအတိုင်း မဖတ်ရဘူး။ CID ကလည်း တင်လိုက်တယ်။ NIB က အချောကိုင်တယ်။ အကုန်လုံး NIB က အချောကိုင်တယ်။ ချောပြီးမှ သတင်းဖတ်ရတဲ့ အခါကျတော့ တကယ့် အဖြစ်အပျက် မသိဘူး။ အဲဒီတော့ ဘာပဲဖြစ်နေနေ NIB ကိုဖြုတ်ပစ်လိုက်။ ဒါရိုက်တင်။ ကက(ကြည်း) ပေါ့ဗျာ။ ဗိုလ်ချုပ်မှူးကြီး သန်းရွှေကို တင်ချင်တင်၊ မတင်ချင်လည်း ကက(ကြည်း)ဆို သူတို့ပဲဖတ်တယ်။ သူတို့ ၄ ယောက် မျက်နှာချင်းဆိုင်ပြီးမှ ဆုံးဖြတ်မယ်။ အဲဒီတော့ S1 လည်းပါတာပဲ။ အဲဒါကို NIB ဖျက်လိုက်တာကို ဦးခင်ညွန့်က ငါ့ကိုလက်မောင်းဖြုတ်ပြီ အဲလိုထင်တာဗျ။ အမှန်က သူ့ကိုပေးဖို့ရာ လုပ်ပြီးသား။ ၀န်ကြီးချုပ် ပေးရင် သူသမ္မတ တက်ရမှာလေဗျာ။

အကုန်လုံးက ခုနပြောသလို NIB က အကုန်ကိုင်ထားတော့ အဲဒါကြောင့် ဗိုလ်ချုပ်မှူးကြီး သန်းရွှေက NIB ကိုဖျက်ပြီး သတင်းအကြမ်းအတိုင်း ဖတ်ချင်တယ်။ မူရင်းသတင်းအတိုင်း အကြမ်းတိုင်း ဖတ်ချင်တယ်။ အချော ကိုင်ပြီးသား မလိုချင်ဘူး။ အားလုံးကသဘောတူတယ်။ S1 ကို အဲဒါပြောတဲ့ အခါကျတော့ S1 က မကျေမလည် ဖြစ်နေပြီ။ မကျေမလည် ဖြစ်တာကို ဗိုလ်ချုပ်မှူးကြီးက ၂ ယောက်ချင်း ခေါ်ပြောတာ။

ဗိုလ်ချုပ်မှူးကြီးက ကျွန်တော့်ကို အသေးစိတ် ပြောပြတယ်။ ကျုပ်ကဗျာတဲ့ ကျုပ်တို့သတင်းတွေကို အမှန်အတိုင်း မတွေ့ရဘူး။ အချောကိုင်ပြီးမှ တွေ့ရတယ်။ မူရင်းအတိုင်း ဖတ်ချင်တယ်။ နှစ်ယောက်ချင်း ခေါ်ပြီးပြောတာ။ ကိုခင်ညွန့် ကျုပ်တို့တပ်မှာ ဗိုလ်ချုပ်ကြီးက တစ်နေရာပဲရှိတယ်။ ခင်ဗျားက ၀န်ကြီးချုပ် ဖြစ်နေပြီ။ ၀န်ကြီးချုပ်ဆိုတာ တပ်နဲ့မဆိုင်တော့ဘူး။ ဒါပေမဲ့ လုပ်ရေးကိုင်ရေးကအစ မျက်နှာပွင့်အောင်၊ ဂုဏ်မငယ်အောင်ဆိုပြီးတော့ ဗိုလ်ချုပ်ကြီးရာထူးပေးမယ်။

ဗိုလ်ချုပ်ကြီးသူရရွှေမန်း ရှင်းတာကို ဗိုလ်ချုပ်မှူးကြီးက သူကိုယ်တိုင် ကျွန်တော့်ကိုပြောတာ။ အဲဒါကြောင့်။ သူကိုယ်တိုင်ကိုပြောတာ။ ဦးရွှေမန်းက တစ်ဆင့်ရှင်းတာပေါ့ဗျာ။ သူကိုယ်တိုင်ကိုပြောတာ နေပြည်တော် ရောက်မှ ရှင်းပြတာ။ ကျုပ်တို့ကဗျာတဲ့ လုပ်တယ်ဆိုရင် ၄ ယောက် တိုင်ပင်လုပ်တာပါတဲ့။ ဆုံးဖြတ်တဲ့အခါ Decision ပေးရင် ဒီလေးယောက်ပဲ ဆုံးဖြတ်တာပါတဲ့။ အဲဒီတော့ သူလည်းပါတာပဲဗျ ဆုံးဖြတ်တဲ့ အခါကျတော့။ ခင်ဗျားကို ကျွန်တော် ဂုဏ်မငယ်အောင်ဆိုပြီး ဗိုလ်ချုပ်ကြီး ရာထူးပေးထားတာပါ။ ဒါဆိုရင် တော့ ခင်ဗျားသိလောက်ပါပြီ ဆိုပြီးပြောတာ။ ကျေနပ်အောင် ရှင်းပြတာပေါ့။ မကျေမလည်နဲ့ ထွက်သွားတယ်။ ထွက်သွားပြီးတော့ ထောက်လှမ်းရေး ဗိုလ်ချုပ်တွေရှိတယ်။ အဲဒီဗိုလ်ချုပ်တွေကို လက်သီးနဲ့ထိုးတယ်။ အဲလိုဖြစ်တဲ့ အချိန်မှာသူ့တပည့်တွေက စုလာပြီးတော့ ဗိုလ်ချုပ်ကြီးခင်ဗျား တိုင်းမှူးတပ်မမှူးတွေမှာလည်း ဒီလိုအဖြစ်မျိုးတွေ အများကြီးပါ။ ချွန်လိုက်တဲ့အခါကျတော့ ဗိုလ်ချုပ်ခင်ညွန့်က ဟေဟုတ်လား။ ဒါဆို အဲဒါတွေ စုထားကွာ၊ ငါကက်ဘိနက်ကျ ဖွင့်ချလိုက်မယ်။ အဲလိုပြောလိုက်တာ။ ဗိုလ်ချုပ်မှူးကြီးက အဲဒီမှာ သတိထား သွားပြီ။ သာမန်မကျေနပ်ပဲ မဟုတ်တော့ဘူး။ ကက်ဘိနက် ဖွင့်ချမယ်ဆိုတဲ့အထိ၊ ကက်ဘိနက်မှာ အရပ်သား တွေပါတယ်။ အရပ်သားတွေပါရင် တပ်တွင်းဖြစ်တဲ့ ကိစ္စကို အရပ်သားတွေကို ဖွင့်ချလိုက်ရင် စစ်တပ်နှစ်ခြမ်း ကွဲသွားမယ်။ သူကြိုက်၊ ကိုယ်ကြိုက်၊ ဟိုဘက်ပါ၊ ဒီဘက်ပါ ဖြစ်သွားမယ်။ မဖြစ်ဘူးဆိုပြီးတော့ အရေးယူလိုက် ရတာ””ဟု မြန်မာသံတော်ဆင့်သို့ ပြောသည်။

လက်ရှိ သမ္မတ ဦးသိန်းစိန်၏ လုပ်ဆောင်ချက်အချို့ကို မနှစ်သက်ကြောင်း ပြောကြားခဲ့သည့် ဗိုလ်ချုပ်မှူးကြီး သန်းရွှေသည် ဘာသာရေး လုပ်ငန်းများကို စိတ်ဝင်စားလျက် အဓိဋ္ဌာန်များဖြင့် တရားအားထုတ် နေသော်လည်း တပ်မတော်နှင့် ကြံ့ခိုင်ရေးပါတီတို့မှ တပည့်များလာရောက် ဂါရ၀ပြုပြောဆိုခြင်းများ လက်ခံ တွေ့ဆုံနေရသည့် အပေါ် ““လူတွေများနေတဲ့အခါကျတော့။ ဗိုလ်ချုပ်မှူးကြီးကလည်း ညည်းပါတယ်။ ကျုပ်ကဗျာ … တဲ့၊ ခင်မင်မှု နဲ့ တွေ့တဲ့အခါ စကားကြောရှည်တော့ ကျုပ်မှာ ရွတ်စရာဖတ်စရာ မပြီးဘူးဗျတဲ့။ ညမအိပ်ရတော့ဘူးတဲ့။ အကုန်ပြန်ရွတ်ရတာ ဒါတွေက။ ဂုဏ်တော် ၁၀၀၀ ကို ၁၀၀၀ ပြည့်အောင်စိပ်ရတာ။ ကိုယ့်အဓိဋ္ဌာန်နဲ့ကိုယ် ဖြစ်နေတာဆိုတော့ မစိပ်လို့လည်း မဖြစ်ဘူး။ ကျွန်တော်နဲ့ စကားပြောကောင်းတဲ့ အခါမျိုးဆိုရင် နောက်ည ၂ ညလောက်က မအိပ်ရတော့ဘူး။ ဒါတွေပြန်ချနေရတာ။ အကြွေးဆပ်ရတာ””ဟု ၂၀၁၅ ခုနှစ်တွင် ဗိုလ်ချုပ် မှူးကြီး သန်းရွှေ ထောက်ခံ မတည်လှူဒါန်းထားသော ရဟန်းတော်များအတွက် ပညာပါရမီ တက္ကသိုလ်ကို ဦးဆောင်လျက် ရှိသည့် နိုင်ငံတော်အကြံပေး ဦးအံ့မောင်က မြန်မာသံတော်ဆင့်သို့ ပြောသည်။

လတ်တလော အခြေအနေများအရ တပ်မတော် ထောက်ခံမှု ရရှိမှသာ နိုင်ငံရေး အခြေအနေ ပြောင်းလဲနိုင် မည်ကို ပြည်သူများ သိရှိနေပြီး ကြံ့ခိုင်ရေးပါတီနှင့် တပ်မတော်အပေါ် သြဇာညောင်းသော ဗိုလ်ချုပ်မှူးကြီး သန်းရွှေ ဤတစ်ကြိမ်တွင် သမ္မတလောင်းအဖြစ် မည်သူကို ထောက်ခံလိုက်မည် ဆိုခြင်းမှာ မြန်မာ့နိုင်ငံရေး နောက်ကွယ်မှ အရေးအပါဆုံးနှင့် စိတ်ဝင်စားစရာ အကောင်းဆုံးဖြစ်လာသည်။ ကြံ့ခိုင်ရေးပါတီနှင့် ပါတီကို တည်ထောင်သူ တပ်မတော်တို့ကြောင့် မြန်မာ့နိုင်ငံရေး ပြောင်းလဲမည်ဆိုသော သုံးသပ်ချက်များ၏ အခြား တစ်ဖက်တွင် လက်ရှိအစိုးရအဖွဲ့သည် သီးခြားဆန်သော အခြေအနေနှင့် ပါတီဦးဆောင်မှု ကင်းလွတ်နေသော အစိုးရအဖွဲ့ဝင် ကြံ့ခိုင်ရေး ဗဟိုကော်မတီဝင်ဟောင်းများ၏ နိုင်ငံရေးအာဏာ ဆက်လက်ရယူလိုသော လှုပ်ရှား မှုများသည်လည်း ထိန်းမနိုင်သိမ်းမရ ပေါ်ထွက်လာပေသည်။ ပါတီ၏ ဦးဆောင်မှုကို ခံယူခြင်းမရှိသော အစိုးရ အဖွဲ့ဝင်များရှိကြောင်း ဗဟိုအတိုင်ပင်ခံအချို့က မြန်မာသံတော်ဆင့်သို့ ပြောကြားခဲ့ပြီးဖြစ်ရာ ယခု ရွေးကောက် ပွဲနီးလာချိန်တွင် ပါတီမှ ဆုံးဖြတ်သော မဲဆန္ဒနယ်ကိုဝင် မပြိုင်လိုဘဲ မိမိတို့သဘောဆန္ဒဖြင့် ရွေး ချယ်ထား သောနယ်မြေများတွင် ဇာတိရပ်ရွာမဟုတ်ဘဲ မက်လုံးပေး စည်းရုံးရေးနည်းများဖြင့် ရွေးကောက်ပွဲဝင်နိုင်ရေး ကြိုးပမ်းကြသည့် အခြေအနေများ ပေါ်ထွက်လာပေသည်။

သာဓကအနေဖြင့် သမ္မတရုံး ပြည်ထောင်စုဝန်ကြီး ဦးစိုးသိန်းနှင့် ဦးအောင်မင်းတို့ ယခင်ပြိုင်ခဲ့သော မဲဆန္ဒ နယ်မြေများဖြစ်သည့် တနင်္သာရီတိုင်းဒေသကြီး၊ ကျွန်းစုမြို့နယ်နှင့် ပဲခူးတိုင်းဒေသကြီး၊ တောင်ငူမြို့နယ်တို့ကို လျစ်လျူရှုကာက ယားပြည်နယ် မြို့နယ်များသို့ ကွင်းဆင်းကာ ရွေးကောက်ပွဲဝင်ရေး ခြေလှမ်းပြင်မှုအပေါ် ပါတီမှ တားဆီးလိုက်ပြီး မူရင်းမဲ ဆန္ဒနယ်မြေများမှ ၀င်ပြိုင်ရန် ၎င်းတို့၏ အကြီးအကဲ သမ္မတထံ စာပို့ ရသည်အထိ ဖြစ်ပေါ်လာသည်။ ပါတီမှ ခွင့်မပြုပါက တစ်သီးပုဂ္ဂလ ၀င်ရောက် ယှဉ်ပြိုင်မည်ဟူ၍ ပင်သတင်းများလည်းထွက်ပေါ်လာသည်။ ဤသို့ဆိုလျှင် ပါတီစည်းကမ်းအရ အရေးယူ အပြစ်ပေးလိုက်ပါက ကြံ့ခိုင်ရေးပါတီဝင် မဟုတ်တော့သော ပုဂ္ဂိုလ်များကို လူထုနှစ်ခြိုက်မည်ဟူသည့် အတွေးအခေါ် အယူအဆမျိုး ခံယူ ထားသလောဟူ၍ စဉ်းစားမိသည်။

ဤနေရာတွင် အကြံပေးလိုသည်မှာ ကြံ့ခိုင်ရေးကို ထောက်ခံသော တပ်မတော် ရှိနေသရွေ့ ရွေးကောက်ပွဲ နိုင်သည် ဖြစ်စေ၊ ရှုံးသည်ဖြစ်စေ လွှတ်တော်နှင့် အစိုးရအဖွဲ့သို့ ၀င်ရောက်ရန် တပ်မတော် ကာကွယ်ရေး ဦးစီးချုပ်၏ အခွင့်အာဏာ တံခါးပေါက်က အသင့်ရှိနေရာ ဗိုလ်ချုပ်မှူးကြီး မင်းအောင်လှိုင် ယုံကြည်မှုဖြင့် တပ်မတော်သား လွှတ်တော်ကိုယ်စားလှယ် အမည်စာရင်း သို့မဟုတ် ကာကွယ်ရေးဦးစီးချုပ် အဆိုပြုသော ဒုတိယသမ္မတလောင်း၊ ပြည်ထဲရေးဝန်ကြီး၊ နယ်/လုံဝန်ကြီး၊ ကာကွယ်ရေးဝန်ကြီးနေရာများတွင် တပ်မတော် ဗိုလ်ချုပ် ဟောင်းများဖြစ်သည့် ကြံ့ခိုင်ရေးပါတီမှ ပုဂ္ဂိုလ်များ မျှော်မှန်းနိုင်ပေသည်။ ဗိုလ်ချုပ်မှူးကြီး မင်းအောင်လှိုင် အနေဖြင့်လည်း မင်းမှာကတိ လူမှာသစ္စာဆိုသည့် စကားကျင့်သုံးမည့် ပုဂ္ဂိုလ်ဖြစ်သဖြင့် တပ်မတော် တည်ထောင်ထားသော ကြံ့ခိုင်ရေးပါတီမှ ပုဂ္ဂိုလ်များကိုသာ ယုံကြည်မည်ဖြစ်ပြီး ကြံ့ခိုင်ရေးပါတီမှ လက်မခံသော ပုဂ္ဂိုလ်များကို ယုံကြည်ဖွယ်ရာ မရှိပေ။

ယင်းအခြေအနေများနှင့်အတူ တစ်ဖက်တွင်လည်း အစိုးရနှင့် ပါတီခေါင်းဆောင်များ၏ မှားယွင်းမှုများကို မကြောက်မရွံ့ ဝေဖန်ပြစ်တင်လျက်ရှိသော အမျိုးသားလွှတ်တော်ဥက္ကဋ္ဌ ဦးခင်အောင်မြင့်သည် ပါတီမှ အားကိုး လျက်ရှိကြောင်း၊ ဘာသာရေး သက်သက်ကိုသာ လိုက်စားပြီး ငရဲကျမည့် သမ္မတအလုပ် စသော နိုင်ငံရေးကို မလုပ်လိုတော့သော်လည်း ဗိုလ်ချုပ်မှူးကြီး သန်းရွှေက ၂၀၁၅ ရွေးကောက်ပွဲဝင်ရန် ပြောခဲ့ကြောင်း မြန်မာ သံတော်ဆင့်သို့ ပြောကြားခဲ့သည့် ကြံ့ခိုင်ရေးပါတီ ဗဟိုအတိုင်ပင်ခံလည်းဖြစ်သူ ဦးခင်အောင်မြင့်သည် ပျော်ဘွယ်မြို့နယ်မှ အခြေစိုက်၍ ရွေးကောက်ပွဲဝင်ရန် လွှတ်တော် အားလပ်ရက် စနေ၊ တနင်္ဂနွေရက်များတွင် ပျော်ဘွယ်၊ ရမည်းသင်းမြို့နယ်များသို့ ဒေသဖွံ့ဖြိုးရေး လုပ်ငန်းများကို စည်းရုံးရေး အသွင်ဆောင်ကာ သွားရောက် လုပ်ဆောင်လျက် ရှိသည်ကိုလည်း တွေ့မြင်နေရသည်။ ဤသည်မှာ လက်ရှိဥပဒေပြု မဏ္ဍိုင် အကြီးအကဲနှင့် ကြံ့ခိုင်ရေးပါတီ ထိပ်တန်းခေါင်းဆောင် တစ်ဦးအပေါ် ဗိုလ်ချုပ်မှူးကြီးသန်းရွှေ၏ သြဇာသက်ရောက်မှု တစ်ရပ်ပင်ဖြစ်သည်။

မြန်မာပြည်သူလူထုအပေါ် သက်ရောက်နေသည့် ၂၀၀၈ ဖွဲ့စည်းပုံ အခြေခံ ဥပဒေအရ တပ်မတော်၏ နိုင်ငံရေး ရပ်တည်ချက် သဘောထားအရေးကြီးသည်ဖြစ်၍ တပ်မတော်အပေါ် သြဇာညောင်းလျက်ရှိသော အာဏာရ ကြံ့ခိုင်ရေးပါတီနှင့် လက်ရှိ တပ်မတော်အကြီးအကဲများ၏ ဖခင်သဖွယ်ဖြစ်သော ဗိုလ်ချုပ်မှူးကြီး သန်းရွှေ၏ ရင်တွင်း ခံစားချက်များနှင့် အလိုဆန္ဒသည်သာ အနာဂတ် နိုင်ငံတော်သမ္မတလောင်း အဆုံးအဖြတ် ဖြစ်လာ ပေတော့မည်။ ပြည်သူများ၏ လိုလားချက်သည် အတိုက်အခံပါတီဖြစ်သော အမျိုးသား ဒီမိုကရေစီအဖွဲ့ချုပ် အနိုင်ရ စေကာမူ ဒေါ်အောင်ဆန်းစုကြည်ကိုယ်တိုင် လက်ခံထားသော ၂၀၀၈ ဖွဲ့စည်းပုံ အခြေခံဥပဒေအရ ကြောင့်လည်း ဗိုလ်ချုပ်မှူးကြီးသန်းရွှေ၏ ဆန္ဒသဘောထား ထင်ဟပ်သော တပ်မတော်၏ ထောက်ခံချက် ဖြင့်သာ အနာဂတ် သမ္မတလောင်း၊ ပြည်သူ့လွှတ်တော်ဥက္ကဋ္ဌလောင်း၊ အမျိုးသားလွှတ်တော် ဥက္ကဋ္ဌလောင်းများ ပေါ်ထွက်လာမည်ဖြစ်ပေသည်။ လက်ရှိတွင် ဘာသာရေးနှင့် တရားဓမ္မများကို ဗုဒ္ဓဘာသာဝင်များ အစဉ်အလာ အတိုင်း အထူးယုံကြည် အားထုတ်နေသော ဗိုလ်ချုပ်မှူးကြီးသန်းရွှေ အနေဖြင့် ပြီးခဲ့သည့် သက်တမ်းအတွင်း အများပြည်သူအပေါ် အနိုင်ကျင့် ဆက်ဆံခဲ့သူများအား ခွဲခြားသိမြင်ပြီး ပြည်သူလူထုအပေါ် ရင်ဝယ်သားကဲ့သို့ အုပ်ချုပ်နိုင်သည့် ခေါင်းဆောင်ကောင်းကိုလည်း စဉ်းစားထားပြီး ဖြစ်ကြောင်း ယုံမှားသံသယရှိစရာ မလိုတော့ပေ။ လာမည့် ၅ နှစ်သက်တမ်းအတွက် နိုင်ငံအေးချမ်း တည်ငြိမ်ရေး တပ်မတော်နှင့် အာဏာရ ကြံ့ခိုင်ရေး ပါတီအကြား တည်ဆောက်ထားသော ကတိက၀တ်များသည် သမ္မတ ဦးသိန်းစိန်အစိုးရ လက်ထက် ပြည်သူနှင့် နိုင်ငံတကာကို ပေးခဲ့သော ကတိများထက် တည်တံ့ခိုင်မာနေမည်သာ။

မောင်ရေစက်

ပုံ(၂) - အငြိမ်းစားဗိုလ်ချုပ်မှူးကြီးသန်းရွှေမိသားစု လှူဒါန်းသော နေပြည်တော်၊ ပျဉ်းမနားမြို့ သံဃာ့ဆေးရုံ ပန္နက်ချပွဲတွင် တက်ရောက်နေသော သမ္မတရုံးပြည်ထောင်စုဝန်ကြီး ဦးသိန်းညွန့်နှင့် အာဏာပိုင်များကို တွေ့ရစဉ်

မြန်မာသံတော်ဆင့်သတင်းဌာန – https://www.facebook.com/myanmarherald

သုဘရာဇာဇာတ်ရုပ် ‘ပရော်ဖက်ဆာဒေါက်တာဆိတ်ဖွား’ဇာတ်ကားဖြင့် အနုပညာလောကသို့ တစ်ကျော့ပြန် ပြန်လည်ဝင်ရောက်လာသည့် ကျော်သူက ဂျပန်ခေတ်တောင်သူလယ်သမားတစ်ယောက်၏ဘဝကို ပုံဖော်ရိုက်ကူးမည့် ‘ငဘ’ရုပ်ရှင် တွင် ပါဝင်ရိုက်ကူးရန် လက်ခံထားကြောင်း ပြောသည်။

‘‘ဆရာကြီးမောင်ထင်ရဲ့ ‘ငဘ’ကိုရိုက်မှာပါ။ အရင်ကတည်းကပြောထားတဲ့အတိုင်း ပြည်သူ လူထုအတွက် အကျိုးရှိမယ့်ဟာ ဆိုရင် လုပ်မယ်လို့ပြောထားတယ်။ ဒါကလည်း တောင်သူလယ်သမားတွေရဲ့ ဘဝအတွက် ရေးထားတဲ့ဇာတ်မို့လို့ လက်ခံဖြစ် တာ’’ဟု ၎င်းကပြောသည်။

ယင်းရုပ်ရှင်ကို ဒါရိုက်တာ ခင်စောမျိုးနှင့်မျိုးထူးတို့က တာဝန်ယူရိုက်ကူးမည်ဖြစ်ပြီး ဇူလိုင်လကုန်ပိုင်း၌ စတင်ရိုက်ကူးမည် ဟု သိရသည်။ အဆိုပါရုပ်ရှင်ရိုက်ကူးရန် ဇာတ်လမ်းကို လွန်ခဲ့သည့်တစ်ပတ်က တင်ထားပြီး ကျော်သူနှင့်အတူ ကျော်ရဲအောင် လည်း ပါဝင်မည်ဖြစ်ကြောင်း ဒါရိုက်တာခင်စောမျိုးကပြောသည်။ ကျော်သူသည် ရုပ်ရှင်လောကမှ နှစ်အတန်ကြာအနားယူခဲ့ပြီး ယခုနှစ်အတွင်း ပရော်ဖက်ဆာ ဒေါက်တာဆိတ်ဖွားရုပ်ရှင်ကို ပြန်လည်ရိုက်ကူးခဲ့သည်။

http://www.7daydaily.com/story/41450

လာမည့် အစိုးရသက်တမ်းအတွက် ကြံ့ခိုင်ရေးပါတီမှ သမ္မတလောင်းအဖြစ် တင်သွင်းခံရမည်ဟု တစ်ပေး ခံထားရသော ပါတီအထွေထွေ အတွင်းရေးမှူးဖြစ်သူ ဦးမောင်မောင်သိမ်းနှင့် ၎င်းမိသားစုဝင်တို့၏ အမည်များ မှာ ၂၀၁၅ ရွေးကောက်ပွဲအတွက် ဆန္ဒမဲပေးပိုင်ခွင့်ရှိသူ လူစာရင်းတွင် မပါဝင်ဘဲ ကျန်ရစ်ခဲ့ကြောင်း ဇူလိုင်လ ၈ ရက်တွင် ဦးမောင်မောင်သိမ်းက မြန်မာသံတော်ဆင့်သို့ အတည်ပြု ပြောကြား လိုက်သည်။

ဦးမောင်မောင်သိမ်းသည် ယခင်က မွေးမြူရေးနှင့် ရေလုပ်ငန်းဝန်ကြီးဌာန ၀န်ကြီးအဖြစ် တာဝန်ထမ်းဆောင် ခဲ့ပြီး ၂၀၁၀ အထွေထွေ ရွေးကောက်ပွဲ တွင် ခရမ်းမြို့နယ် ပြည်သူ့လွှတ်တော် ကိုယ်စားလှယ်အဖြစ် ရွေးကောက် တင်မြှောက်ခြင်းခံရပြီး လက်ရှိပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ အထွေထွေ အတွင်းရေးမှူးအဖြစ် ပူးတွဲ တာဝန်ထမ်းဆောင်နေကာ လာမည့် အစိုးရသစ် သက်တမ်းအတွက် ပါတီ၏ သမ္မတလောင်းအဖြစ် လျာထားခံရသူဟု နာမည်ထွက်နေသူလည်း ဖြစ်သည်။

““အဲဒီ သတင်းမှန်ပါတယ်။ ကျွန်တော်တို့ တစ်မိသားစုလုံး မဲစာရင်းမှာ မပါပါဘူး”” ဟု ရန်ကုန်တိုင်း၊ တာမွေ မြို့နယ်တွင် နေထိုင်သူ ဦးမောင်မောင်သိမ်းက ပြောသည်။

ပြည်ထောင်စု ရွေးကောက်ပွဲ ကော်မရှင် ပြည်နယ်နှင့်တိုင်းအလိုက် မဲပေးပိုင်ခွင့် ရှိသူတို့၏ မဲစာရင်းများကို သက်ဆိုင်ရာ ရပ်/ကျေး အထွေထွေ အုပ်ချုပ်ရေးမှူးရုံးများနှင့် ရပ်ကွက်ရုံးများတွင် ၂၀၁၅ ခုနှစ် မေလလယ်မှ စ၍ စတင်ကြေညာခဲ့ရာ မွေးနေ့တူ၊ အဖအမည်တူ စသည့် မဲစာရင်းမှားယွင်းမှုများ ဖြစ်ပေါ်ခဲ့သည်။

အခြေခံမဲဆန္ဒရှင်စာရင်း ထုတ်ပြန်ခဲ့သော ရန်ကုန်တိုင်း ၁၀ မြို့နယ်တွင် အမှားအများဆုံး မြို့နယ်မှာ ၈၀ ရာခိုင်နှုန်းထိ အမှားရှိပြီး အမှားအနည်းဆုံး မြို့နယ်မှာ ၃၀ ရာခိုင်နှုန်းအထိ ရှိကြောင်း ရွေးကောက်ပွဲ လေ့ လာ စောင့်ကြည့်ရေး အဖွဲ့၏ သတင်းထုတ်ပြန်ချက်တွင် ပါရှိသည်။

မဲစာရင်း မှားယွင်းမှုများအပေါ် ဝေဖန်ခံနေရ သည့် ရွေးကောက်ပွဲ ကော်မရှင်သည် မြန်မာသံတော်ဆင့် ဂျာနယ်ပါ သတင်းတစ်ပုဒ်နှင့် ပတ်သက်၍ အသုံးအနှုန်းများအား ဥပဒေနည်းဥပဒေနှင့်အညီ ရေးသားရန် မြန်မာနိုင်ငံ စာနယ်ဇင်းကောင်စီ (ယာယီ)ထံ လိပ်မူပြီး မြန်မာသံတော်ဆင့်သို့ မိတ္တူပေးပို့ခဲ့သည့် စာတွင်လည်း ရွေးကောက်ပွဲ ကော်မရှင်အစား “ရွေးကော်ပွဲကော်မရှင်” ဟုမှားယွင်း ရေးသားဖော်ပြခဲ့သည်။

မဲစာရင်း မှားယွင်းမှုများသည် အမည်စာရင်းမပါဝင်ခြင်း၊ သေဆုံး သူအမည်များ ထည့်သွင်းထားခြင်း၊ မွေးနေ့၊ မွေးလ၊ ခုနှစ်များ တူညီခြင်း၊ အဖအမည်များ တူညီခြင်း စသည်ဖြင့် လွဲမှားမှုများ တစ်နိုင်ငံလုံး အတိုင်းအတာ ၈၀ ရာခိုင်နှုန်းထိ မှားယွင်းခဲ့သည်။

ဝတ်ရည်နွေးနွေး

မြန်မာသံတော်ဆင့်သတင်းဌာန – https://www.facebook.com/myanmarherald

တရုတ်နိုင်ငံအရှေ့ပိုင်း Zhejiang ပြည်နယ်၊ Wenling နားက မုန်တိုင်းကြောင့်တက်လာတဲ့ လှိုင်းလုံးတွေကို တွေ့ရစဉ်။ (ဇူလိုင် ၁၀၊ ၂၀၁၅) 
 အင်အားပြင်း ချန်ဟွန်း (Chan-hom) ဧရာမတိုင်ဖုန်းမုန်တိုင်းကြီးဟာ တရုတ်နိုင်ငံ အရှေ့ဘက် ကုန်းတွင်းပိုင်းကို ၀င်ရောက်တိုက်ခတ်ခဲ့ပါတယ်။

တစ်နာရီကို ကီလိုမီတာ ၁၆၀ နှုန်းနဲ့ ချန်ဟွန်းတိုင်ဖုန်း မုန်တိုင်းဟာ စနေနေ့ နေ့ခင်းက ဇီဂျန်းပြည်နယ် ဇောင်ရှန်းမြို့ကို ၀င်ရောက် တိုက်ခတ်ခဲ့တာပါ။ ထိခိုက်ပျက်စီးမှုတွေနဲ့ ပတ်သက်လို့တော့ လတ်တလော မသိရသေးပါဘူး။

chan-hom
နိုင်ငံပိုင်မိုးလေ၀သဌာနကတော့ အခုဝင်ရောက်လာတဲ့ မုန်တိုင်းဟာ ဒီဒေသမှာ ကြုံခဲ့ဖူးတဲ့ အင်အားအပြင်းဆုံး မုန်တိုင်းတွေထဲက တခု ဖြစ်နိုင်တယ်လို့ ဆိုပါတယ်။
ဇီဂျန်းပြည်နယ် ကမ်းခြေဒေသတွေက လူပေါင်း ၈ သိန်း ၆ သောင်း ၅ ထောင်လောက်ကိုလည်း ဘေးကင်းရာဆီ ရွှေ့ပြောင်းထားပြီး သင်္ဘော ၃ သောင်းနီးပါးကိုလည်း ဆိပ်ကမ်းကို ပြန်လာကြဖို့ ညွှန်ကြားထားတဲ့အကြောင်း တရုတ်အာဏာပိုင်တွေက ပြောဆိုပါတယ်။

chan-hom
မုန်တိုင်းကြောင့် ဒေသတွင်းက လေယာဉ်၊ ရထားနဲ့ ဘတ်စ်ကား ခရီးစဉ် တော်တော်များများဟာလည်း နှောင့်နှေးမှုတွေနဲ့ ကြုံနေရပါတယ်။ မုန်တိုင်းဟာ တရုတ်နိုင်ငံကို မရောက်မီ ဂျပန်နဲ့ ဖိလစ်ပိုင်မြောက်ပိုင်းကို တိုက်ခတ်ခဲ့တာလည်း ဖြစ်ပါတယ်ရှင်။

ဗွီအိုအေ (မြန်မာဌာန)
http://burmese.voanews.com

 လုံခြုံရေးယူထားသည့် KIA စစ်သားတချို့ကို တွေ့မြင်ရစဉ်။ Photo:RFA/Kyaw Myo Min
 မြန်မာနိုင်ငံမြောက်ဖျား ကချင်ပြည်နယ် ပူတာအိုခရိုင် ဆွမ်ပရာဘွမ်မြို့နယ်ထဲမှာ ကေအိုင်အေတပ်မဟာ ၁ လက်အောက်ခံတပ်ရင်း ၇ နဲ့ အစိုးရတပ်တွေအကြား ဒီနေ့မနက်ပိုင်းက တိုက်ပွဲဖြစ်ပွားလို့ ကေအိုင်အေ ရဲ့ ရှေ့တန်းစခန်းငယ်တစ်ခု ဆုတ်ခွာပေးလိုက်ရတယ်လို့ သိရှိရပါတယ်။

အစိုးရဘက်က တိုက်လေယာဉ်တစ်စီးအသုံးပြုပြီး တိုက်ခိုက်ခဲ့တာဖြစ်တယ်လို့ မြစ်ကြီးနားမြို့အခြေစိုက် ငြိမ်းချမ်းရေးအကျိုးဆောင် အဖွဲ့ဝင်တစ်ဦးဖြစ်တဲ့ ဦးဆန်းအောင်က RFA ကို ပြောပါတယ်။

တိုက်ပွဲဖြစ်ပွားတဲ့နေရာဟာ မလိခမြစ်အနောက်ဘက်ကမ်း ဆွမ်ပရာဘွမ်မြို့ရဲ့ အရှေ့ဘက် ၁ဝ မိုင် ကျော်အကွာ မလိယန်ကျေးရွ့ာနားမှာ ဖြစ်ပါတယ်။

ဒီကိစ္စနဲ့ပတ်သက်ပြီး နှစ်ဘက်တပ်တာဝန်ရှိသူတွေထံက သီးခြားအတည်ပြုချက် မရရှိသေးပါဘူး။

ပြီးခဲ့တဲ့လအတွင်းကလည်း မလိယန်ကျေးရွာအနီးမှာ အစိုးရနဲ့ကေအိုင်အေတပ် တွေအကြားတိုက်ပွဲ ဖြစ်ပွားခဲ့ ပါတယ်။

ဒီအတောအတွင်း မိုးကောင်း-ဖားကန့်လမ်းပေါ် ကာမိုင်းမြို့အနီး ကထန်ယန်ကျေးရွာအနီးမှာ အစိုးရ နဲ့ ကေအိုင်အေတပ်တွေအကြား မနေ့က တိုက်ပွဲနှစ်ကြိမ် ဖြစ်ပွားခဲ့ပါတယ်။

အဲ့ဒီတိုက်ပွဲအတွင်းမှာ ဖားကန့်ဘက်ကနေ မိုးကောင်းဘက်ဆင်းလာတဲ့ ရဲတပ်ရင်း ၁၄ ဟာ ကေအိုင်အေတပ်ရင်း ၆ ရဲ့တိုက်ခိုက်မှုကိုခံရပြီး ရဲတပ်သားတွေ ထိခိုက်သေဆုံးမှုရှိခဲ့တယ်လို့ သိရပါတယ်။

အစိုးရဒေသအာဏာပိုင်တွေနဲ့ ကေအိုင်အေတပ်ရင်း ၆ တပ်ရင်းမှူးတို့က ပစ်ခတ်မှုဖြစ်ပွားခဲ့တာ မှန်ကန်ကြောင်း အတည်ပြုပြောဆိုပေမယ့် အသေးစိတ်ကိုတော့ စိစစ်နေဆဲလို့ ဆိုပါတယ်။

RFA Burmese
http://www.rfa.org/burmese

 ကျားဖြူပါတီ ခေါ် ရှမ်းတိုင်းရင်းသားများ ဒီမိုကရက်တစ်ပါတီိ SNDP ရဲ့ ရှမ်းပြည်နယ် မြောက်ပိုင်း မူဆယ်မြို့ရုံးခွဲ ဖွင့်ပွဲကို ၂ဝ၁ဝ ခုနှစ် နှစ်လယ်ပိုင်းက ကျင်းပနေစဉ် Photo: Shan Land
 ရှမ်းတိုင်းရင်းသားများ ဒီမိုကရက်တစ်ပါတီ (ခေါ်) ကျားဖြူပါတီရဲ့ ရှမ်းပြည်နယ် သီပေါမြို့နယ် ဥက္ကဌ ဦးစိုင်းသာလိန်ဝမ်းနဲ့ ပါတီဝင်အတော်များများဟာ ကျားဖြူပါတီကနေ ဒီလ ၇ ရက်နေ့က နှုတ်ထွက်လိုက်ကြပါတယ်။

ကျားဖြူပါတီကနေ နှုတ်ထွက်အနားယူလိုက်တာနဲ့ ပတ်သက်ပြီး ဦးစိုင်းသာလိန်ဝမ်းက အခုလို ပြောပါတယ်။

"ရွေးကောက်ပွဲပြဿနာ ဖြေရှင်းရေးကော်မတီကို တစ်ပါတီဆိုရင် တစ်ယောက်ကို ထည့်ပေးရတယ်လေ၊ လွှတ်တော်ကိုယ်စားလှယ်တွေက အဲ့ဒါနဲ့ကို ၂၅ ရက်နေ့မနက်မှာ ကျနော်ကိုတာဝန်လာတယ်၊ အဲ့ဒီနေ့ကို ကျနော်ခရိုင်အရောက်ပို့ပေးရမယ်ဆိုပြီးမှ ကျနော်ကတော့ လက်လှမ်းမီသလောက် ကျနော်ပို့ပေးလိုက်တယ်၊ ဌာနချုပ်ကို သူတို့ကသတင်းမပို့လို့တဲ့ ဖုန်းတစ်ချက်မယူလို့တဲ့ ကျနော်က မြို့နယ်ဥက္ကဌတစ်ယောက်ခန့်အပ်ခံ ထားရတာ ကိုယ့်လုပ်ပိုင်ခွင့်ရှိတယ်လေ၊ ကျနော် ကိုယ့်သဘောနဲ့ပဲကိုယ်ပို့လိုက်တော့ ကျနော်မှားတယ်တဲ့၊ မှားရင်လည်း ကျနော်နားလည်မယ်လို့ သူတို့က အဲ့ဒါလေးတောင်မှမကြည့်ဘူး သူတို့က စကား ခပ်မာမာလေး ပြောလိုက်တော့ ကျနော်ကတော့ စိတ်ပျက်ပြီးတော့မှ အဲ့ဒါကစပြီးတော့မှ ကျနော်အနားယူမယ်"

သီပေါမြို့နယ်မှာ ကျားဖြူပါတီဝင် အင်အား ၄ သောင်းကျော်ရှိပြီး ရှမ်းပြည်နယ်အတွင်း ပါတီဝင်အင်အားအများဆုံး မြို့နယ်တစ်ခုလည်းဖြစ်ပါတယ်။

ဦးစိုင်းသာလိန်ဝမ်း နှုတ်ထွက်လိုက်တဲ့အတွက် မြို့နယ်အတွင်းက ပါတီဝင်အတော်များများကလည်း သူနဲ့အတူ လိုက်ပါနှုတ်ထွက်ကြတာဖြစ်တယ်လို့ ပြောပါတယ်။ သူနှုတ်ထွက်မယ်ဆိုရင် ပါတီဝင်ကနေထွက်မယ့် အရေအတွက် တစ်သောင်းကျော်လောက်ရှိမယ်လို့ ဦးစိုင်းသာလိန်ဝမ်းက ပြောပါတယ်။

သူ့အနေနဲ့ လာမယ့် ၂ဝ၁၅ ရွေးကောက်ပွဲမှာ ဝင်ရောက်လှုပ်ရှားမှာ မဟုတ်ကြောင်း၊ နောက်ထပ် ဘယ်လိုနိုင်ငံရေးပါတီမျိုးကိုမှလည်း ဝင်ရောက်မှာ မဟုတ်တော့ဘူးလို့ ပြောပါတယ်။ ကျားဖြူပါတီဟာ ပြီးခဲ့တဲ့ ၂ဝ၁ဝ ရွေးကောက်ပွဲမှာ လွှတ်တော်ကိုယ်စားလှယ် ၅၇ ယောက် ရွေးချယ်ခံထားရပြီး လွှတ်တော်ထဲမှာ တတိယအင်အားအများဆုံးပါတီ ဖြစ်ပါတယ်။

လက်ရှိအချိန်ထိ ကျားဖြူပါတီကနေ နှုတ်ထွက်ပြီး ရှမ်းတိုင်းရင်းသားများဒီမိုကရေစီအဖွဲ့ချုပ် (ကျားခေါင်း) ပါတီထံ ကူးပြောင်းလိုက်တဲ့ လွှတ်တော်ကိုယ်စားလှယ် ၁၆ ယောက်ရှိပြီး ပါတီဝင်အတော်များများလည်း ကူးပြောင်းထား ကြပါတယ်။

RFA Burmese
http://www.rfa.org/burmese


 မြန်မာနိုင်ငံတွင် အာဏာရ အဖွဲ့အစည်းများဖြစ်သော သမ္မတဦးသိန်းစိန် အစိုးရ၊ ပြည်ထောင်စု ကြံ့ခိုင်ရေး နှင့်ဖွံ့ဖြိုးရေးပါတီ (USDP) နှင့် တပ်မတော်တို့ကြား စည်းလုံးမှုမှာ တဖြည်းဖြည်း လျော့ပါးလာနေသည်။ အကျိုးစီးပွားချင်း ပြိုင်ဆိုင်မှုများကြောင့် USDP မှာ စစ်တပ်နှင့် ဖယ်ခွာလာပြီး ၎င်းတို့ ကိုယ်ကိုယ် သီးခြားနိုင်ငံရေး အင်အားစုတစ်ခုအဖြစ် ပုံဖော်လာသည် ကို တွေ့ရသည်။ စစ်တပ်က အမျိုးသားနိုင်ငံရေးအသွင် ပြန်လည် ပုံဖော် လာပြီး ပြည်ခိုင်ဖြိုးပါတီကမှု ယခင်စစ်အစိုးရ၏ ကိုယ်ပွား မဟုတ်သကဲ့သို့ ပုံဆောင်လာကြသည်။

ယခုနှစ်အတွင်း အစိုးရနှင့် လွှတ်တော်တို့၏ အာဏာကို ထိထိရောက်ရောက် ထိန်းချုပ်နိုင်ရန် USDP မှ လွှတ်တော်အမတ်များက ကြိုးစားသည့်အခါ တင်းမာမှု များဖြစ်ပေါ်ခဲ့သည်။ မြန်မာနိုင်ငံ၏ ဒီမိုကရေစီ အရုဏ်ဦး အချိန် အဖြစ် တစ်ချိန်က ရှုမြင်ခဲ့ကြသည့် အထွေထွေရွေးကောက် ပွဲကို နိုဝင်ဘာ ၈ ရက်နေ့တွင် ကျင်း ပရန် ကြေညာခဲ့ကြသည်။

စစ်ဗိုလ်ချုပ်များ ဖွဲ့စည်းခဲ့သည့် ပြည်ခိုင်ဖြိုးပါတီသည် အသစ်ထွက်ပေါ် လာမည့် လွှတ်တော်တွင် နေရာအများစုနိုင်လိမ့်မည် မဟုတ်ချေဟု အများက သုံးသပ်ထားကြသည်။ သို့ သော် (စစ်တပ်က ရေးဆွဲသည့်) ၂၀၀၈ ခုနှစ် ဖွဲ့စည်းပုံ အခြေခံဥပဒေအရ တာဝန်ထမ်းဆောင်ဆဲ တပ်မတော် အရာရှိများ က လွှတ်တော်နေရာ ၂၅ ရာခိုင်နှုန်း ဆက်လက် ရရှိနေဦးမည် ဖြစ်ရာ ၎င်းတို့ကနိုင်ငံရေးတွင် တပ်မတော် ပါဝင်နေမှုကို ဆက်လက်ထိန်းသိမ်း ထားနိုင်ရန် လုံလောက်ပါလိမ့်မည်။

လွန်ခဲ့သည့် ၂ ပတ်ခန့်တွင် လွှတ်တော်တွင်းရှိ အရပ်သား ပါတီများက အခြေခံ ဥပဒေ၏ အဆိုပါ အခန်းကဏ္ဍများအား ပြောင်းလဲရန် ကြိုးစားခဲ့ကြသော်လည်း မအောင်မြင်ခဲ့ပေ။ ပြည် ခိုင်ဖြိုးပါတီက အဆိုပြု ထားသည့် ပြောင်းလဲပြင်ဆင်မှု အားလုံးကို ပယ်ချရန် စစ်သား၂၅ ရာခိုင်နှုန်း ရှိသည့် ကန့်ကွက်ရေး လူနည်းစုအင်အားကို အသုံးပြုခဲ့ကြခြင်းဖြစ်သည်။

ရွေးကောက်ပွဲတွင် မည်သည့်ရလဒ် ထွက်ပေါ်လာသည်ဖြစ်စေ စစ်တပ် အနေဖြင့် အခြေခံဥပဒေက ကာကွယ်ပေးထားသည့် အာဏာများဆက် လက်ရှိနေမည်ဖြစ်သည်။ ဤပွဲကမြန်မာ စစ်ဗိုလ်ချုပ်များအတွက်တော့ ၎င်းတို့အနိုင်ရ ကစားပွဲတစ်ခုဖြစ်သည်။

၂၀၁၅ ရွေးကောက်ပွဲ အပြီးတွင်လည်း စစ်တပ်သည် အနိုင်ရသူ အဖြစ် နောက်တစ်ကြိမ် ပေါ်ထွက်လာဦးမည် ဖြစ်သည်။ ၂၀၀၈ ဖွဲ့စည်းပုံ အခြေခံဥပဒေအရ မဲအားလုံး၏ ၂၅ ရာခိုင်နှုန်းက အခြေခံဥပဒေ ပြင်ဆင်ရေး ကို ကန့်ကွက် တားဆီးနိုင်စွမ်းရှိလေရာ (လွှတ် တော်တွင်း စစ်ယူနီဖောင်း ဝတ်ဆင်ထားပြီး တပ်မတော် ကာကွယ်ရေး ဦးစီးချုပ်၏ အမိန့်အရ တညီတညွှတ် တည်း မဲပေးတတ်သည့်) အဆိုပါ တပ်မတော် ကိုယ်စားလှယ်များက နိုင်ငံရေးတွင် ဆက်လက် လွှမ်းမိုးနေဦးမည်။ ထို့အပြင် အရေးပေါ် အခြေအနေ ကြေညာပြီး အလိုရှိ သည့်အချိန်တွင် အာဏာသိမ်းနိုင်ရန် အခြေခံဥပဒေက စစ်တပ်အား ခွင့်ပြုထားခြင်းလည်း ရှိသည်။

သမ္မတကို ပြည်သူက တိုက်ရိုက် ရွေးချယ်တင်မြှောက်ခြင်း မဟုတ်ဘဲ လွှတ်တော်ကိုယ်စားလှယ်များက ရွေးချယ်တင်မြှောက်ခြင်းဖြစ်သဖြင့် လွှတ်တော်အမတ်နေရာ ၂၅ ရာခိုင်နှုန်း ရယူထားသည့် စစ်တပ်က ကြီးမားသည့် သက်ရောက်မှုရှိသည်။

ထို့အပြင် သမ္မတလောင်း ၃ ဦးအတွက် စစ်တပ်က တစ်ဦး အဆိုပြုခွင့် ရှိသည်။ ကာကွယ်ရေး၊ ပြည်ထဲရေးနှင့် နယ် စပ်ရေးရာဝန်ကြီးဌာနများ အတွက် ဝန်ကြီးများကို စစ်တပ်ကသာအဆိုပြုခွင့် ရှိပြီး အားလုံးမှာ တာဝန် ထမ်းဆောင်ဆဲ စစ်ဘက်အရာရှိများ ဖြစ်သည်။

အခြေခံဥပဒေ ပြင်ဆင်ရေးကို ဗီတိုအာဏာသုံးတားဆီးနိုင်ခြင်း၊ လွှတ်တော် အတွင်း ထိန်းချုပ်ကိုင်တွယ်နိုင် ခြင်းတို့ကြောင့် စစ်တပ်သည် ၎င်းတို့၏ အကျိုးစီးပွားကို အစိုးရသစ်က ထိ ပါးမလာအောင် ကာကွယ်နိုင်စွမ်းရှိသည်။ ထို့ကြောင့် ၂၀၁၅ ရွေးကောက် ပွဲသည် နိုင်ငံရေးတွင် စစ်တပ်ပါဝင်မှုကို အဆုံးသတ်ဖွယ်မရှိပေ။

သို့သော် စစ်တပ်အနေဖြင့်လည်း လွှတ်တော်တွင်းတွင် မဟာမိတ်များ အလုံအလောက်မရှိလျှင် တပ်မတော်က အလိုရှိသည့် ဥပဒေပြဋ္ဌာန်းရေး မအောင်မြင်နိုင်ချေ။ ထိုအခါ ၎င်းတပ်မတော်သား အမတ်များ သည် ပြည်သူ က ရွေးချယ်တင်မြောက်ထားသည့် ကိုယ်စားလှယ်များ၏ အဆိုအချို့ကို ကန့်ကွက်နိုင်ရေး အရန်အင်အားအနေ ဖြင့်သာ ရှိနေလေသည်။

ဒေါ်အောင်ဆန်းစုကြည်က နိုဝင်ဘာလ ရွေးကောက်ပွဲများတွင် ဝင် ရောက် ယှဉ်ပြိုင်ရန် သူမ၏အမျိုးသား ဒီမိုကရေစီအဖွဲ့ချုပ်ကို ဦးဆောင်မည်လော သို့မဟုတ် ၂၀၁၀ တုန်းကကဲ့သို့ ရွေးကောက်ပွဲ သပိတ်မှောက်မည်လော ဆိုသည်ကို စနေနေ့ မတိုင်မီတွင် သူမက ဆုံးဖြတ်ချက်ချရန် ရှိနေသည်။

အခြေခံသဘောအားဖြင့် ခက်ခဲ သည့် ဆုံးဖြတ်ချက်မဟုတ်။ သူမ၏ ပါတီ သည် နိုင်ငံတစ်ဝန်းနိုင်ရန် ရှိနေ သည်။ အမှန်တွင်လည်း အနိုင်ရဖွယ် ရှိသည်။

သို့သော် သူမသည် သမ္မတမဖြစ် နိုင်သေးချေ။

၂၀၁၀ တွင် နေအိမ်အကျယ်ချုပ်မှ လွတ်မြောက်လာပြီးနောက်ပိုင်း ယခင် စစ်အစိုးရလက်ထက်မှ ဝန်ကြီးချုပ်အဖြစ် တာဝန်ထမ်းဆောင်ခဲ့သည့် သမ္မတဦးသိန်းစိန်နှင့် တွေ့ဆုံကာ နောက်ပိုင်း ၂၀၁၁ ကြားဖြတ် ရွေးကောက်ပွဲတွင် NLD ပါတီ ဝင်ရောက် ယှဉ်ပြိုင်ရန် ဦးသိန်းစိန်နှင့် ညှိနှိုင်းမှုအချို့ ပြုလုပ်ကာ ရယူခဲ့ပြီး သူမကိုယ်တိုင်လည်း လွှတ်တော်တွင် နေရာတစ်ခုယူခဲ့သည်။

ဤသည်မှာ အလောင်းအစား တစ်ရပ်သာဖြစ်ကြောင်း၊ သို့သော် အစဉ်အလာအရ ကတိကဝတ် အတည်မထားသည့် ဗိုလိချုပ်ဟောင်းများ၏ လှည့်ဖျားမှုကို ခံလိုက်ရသည်ကို သူမယုံမှားသံသယမရှိ နားလည်ခဲ့သည်။ သို့သော် ထိုသည်မှာ သူမ၏ အမှားမဟုတ်။

သူမတွင် အခြား လက်တွေ့ကျကျ ရွေးချယ်စရာလည်း ထိုအချိန်ကလည်း မရှိချေ။ ၂၀၁၀ ရွေးကောက်ပွဲကို မဝင်သည့် သူမ၏ ပါတီကို ကော်မရှင်က ပယ်ဖျက်ရန် စိုင်းပြင်းနေချိန်ဖြစ်သည်။

ထို့ကြောင့် ယခုအခါ အရပ်သား လုပ်ပိုင်ခွင့် ကန့်သတ်ထားသော် လည်း နိုဝင်ဘာ ရွေးကောက်ပွဲများတွင် ဝင်ပြိုင်ရန်၊ လွှတ်တော်တွင်း သူမအတွက် နေရာတစ်ခုရယူရန်နှင့် ပူးပေါင်း ဆောင်ရွက်ခြင်းဖြင့် အများယုံကြည်မှု ရှိစေခဲ့သည်။ စစ်တပ်က ရေးဆွဲသည့် စနစ်အတွင်း အပြောင်းအလဲအတွက် လုပ်ဆောင်ရန်မှတစ်ပါး ၂၀၁၁ ခုနှစ် က သူမရွေးချယ်ခဲ့သည့် လမ်းအတိုင်း လျှောက်လှမ်းခဲ့ရာ သူမတွင် အခြားလက်တွေ့ကျကျ ရွေးချယ်စရာလည်း ယခုအချိန်တွင်မရှိချေ။

အကျင့်သီလ ကြီးကျယ်မြင့်မြတ်မှုကို ကိုယ်စားပြုသည့် ခေါင်းဆောင် တစ်ဦး လည်းဟုတ်ခဲ့သည့် ဒေါ်အောင်ဆန်းစုကြည်သည် ယခုအခါတွင် လက်တွေ့ ကျသည့် နိုင်ငံရေးသမားတစ်ဦး ဖြစ်နေပြီးမရိုးသားသူများ၊ သူရဲဘောကြောင် သူများဖြင့် ပတ်သက်လာရတော့မည်ဖြစ်သည်။

သို့သော် သူမသည် ကစားပွဲ အတွင်း အားကောင်းသန်မာသည့် တိုက်စစ်မှူး အဖြစ် ရှိနေဆဲဖြစ်သည်။

နိဂုံးချုပ်အားဖြင့် ၂၀၁၅ ရွေးကောက်ပွဲသည် နိုင်ငံရေးတွင် စစ်တပ်ပါဝင်မှုကို အဆုံးသတ်ဖွယ်မရှိဘဲ ပထမဆုံး အရပ်ဘက် စစ်ဘက် ပေါင်းစပ် အစိုးရကိုသာ ပေါ်ပေါက်လာစေမည်ဖြစ်သည်။

လွှမ်းမိုးချုပ်ကိုင်နိုင်ဆဲ ဖြစ်သည့် စစ်တပ်မဟုတ်သည့် ပြည်သူ့ ကိုယ်စားလှယ်များ အာဏာတစ်စိတ် တစ်ပိုင်း ရရှိလာနိုင်ခြင်းက အရေးပါ သည့် တိုးတက်မှုဖြစ်လာမည်ဖြစ်သည်။

မောင်နိုး
The Ladies News Journal
https://www.facebook.com/News.TheLadies


ဧရာဝတီတိုင်းဒေသကြီး၊ ပုသိမ်မြို့ရှိ ဧရာဝတီ ယူနိုက်တက် ဘောလုံး ကွင်းတွင် ဇူလိုင်လ (၄) ရက်၌ ပြုလုပ်သော မြန်မာနေ ရှင်နယ်လိဂ် ဘော လုံးပြိုင်ပွဲ ဧရာဝတီယူနိုက်တက်နှင့် ဟံသာဝတီယူနိုက် တက်အသင်းတို့ ယှဉ်ပြိုင် ကစားကြ သည့် ဘောလုံး ပွဲစဉ်တွင် ကြံ့ခိုင်ရေး မျိုးဆက်သစ် လူငယ်ကြယ် တစ်ပွင့်ဆိုသူက ပွဲကြည့်ပရိသတ်များအား သကြား လုံးနှင့် ကြံ့ခိုင်ရေး ပါတီအတွက် မဲဆွယ်သည့် စာရွက် စာတမ်းများ လိုက်လံဝေငှခဲ့ကြောင်း ဘောလုံးပွဲကြည့်ရှုခဲ့သူများက မြန်မာသံတော်ဆင့်သို့ အတည်ပြု ပြောကြား သည်။

““ကျွန်တော်တို့ကို ဘောလုံးကွင်းထဲမှာ ကြံ့ခိုင်ရေးဝတ်စုံနဲ့ လူငယ်တစ်ယောက် ရောက်လာပြီး သကြားလုံး ၂ လုံး ဝေပါတယ်။ နောက် A-4 စာရွက်တွေ ဝေပါတယ်။ အဲဒီစာရွက်မှာ အပေါ်ဆုံးက မြန်မာနိုင်ငံ အလံပုံ၊ အောက်က ဗိုလ်ချုပ်အောင်ဆန်းပုံ၊ နောက်ကြံ့ခိုင်ရေးပါတီ တံဆိပ်နဲ့ အလံပုံ၊ အောက်မှာ သမ္မတဦးသိန်းစိန်ပုံ၊ ဦးရွှေမန်းပုံပါတယ်။ နောက် “ဗိုလ်ချုပ်ဝါဒ ဖော်ဆောင်နေသည် တို့ပါတီ”၊ “ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ – နေပြည်တော်”ဆိုတဲ့ စာပါတယ်။ နောက်တစ်ရွက်မှာက “ဘောလုံးပွဲမှသည် နိုင်ငံချစ်စိတ် ဆီသို့”ဆိုတဲ့ ခေါင်းစဉ်နဲ့ စာတစ်ပိုဒ်ရေးထားတယ်။ စာရဲ့ဆိုလိုရင်း အဓိပ္ပာယ်က ဘောလုံးပွဲရဲ့ စုစည်းမှုကို အရယူပြီး နိုင်ငံရေးမှာလည်း စုစုစည်းစည်း ညီညီညာညာ လုပ်ကြဖို့ နှိုးဆော် တိုက်တွန်းတဲ့ သဘောပဲ။ အောက်က ကလောင်နာမည်နေရာမှာ ကြံ့ခိုင်ရေး မျိုးဆက်သစ်လူငယ် ကြယ်တစ်ပွင့်လို့ ရေးထားပါတယ်””ဟု ဘောလုံးပွဲအတွင်း သကြားလုံးပေးကာ ကြံ့ခိုင်ရေးပါတီအတွက် မဲဆွယ်စာရွက်များ ဝေငှခဲ့မှုနှင့် ပတ်သက်၍ ကြုံတွေ့ခဲ့ရပုံကို ဘောလုံးပွဲအား သွားရောက်ကြည့်ရှုခဲ့သူ ဦးမျိုးမင်းထွန်းက ပြောပြသည်။

အဆိုပါလူငယ်မှာ ယခင်က ဘောလုံးပြိုင်ပွဲများနှင့် အခြားပွဲလမ်း သဘင်များတွင်လည်း ယခုကဲ့သို့ ကြံ့ခိုင်ရေး ပါတီအတွက် မဲဆွယ် သည့်သဘော သက်ရောက်သော စာရွက်စာတမ်းများ လိုက်လံ ဝေငှခဲ့ဖူးကြောင်းလည်း ပုသိမ်မြို့နေ ဦးမြင့်စိုးက မြန်မာသံတော်ဆင့်သို့ ပြောသည်။

အဆိုပါကိစ္စနှင့် ပတ်သက်၍ ကြံ့ခိုင်ရေးပါတီ ဗဟိုကော်မတီဝင်နှင့် တိုင်းအတွင်းရေးမှူး ဦးအောင်တင်မြင့်၊ ပါတီ ဗဟိုကော်မတီဝင်နှင့် တိုင်းအစိုးရအဖွဲ့ ဘဏ္ဍာရေးဝန်ကြီး ဦးဝင်းကိုကို၊ ပါတီ ဗဟိုကော်မတီဝင် (ပုသိမ် ခရိုင်တာဝန်ခံ)နှင့် လူမှုရေးဝန်ကြီး ဒေါ်ခင်စောမူတို့အား ဖုန်းဖြင့် ဆက်သွယ် မေးမြန်းခဲ့သော်လည်း ဖုန်းပိတ် ထားသဖြင့် ဆက်သွယ်၍ မရခဲ့ပေ။

ယင်းသို့ ကြံ့ခိုင်ရေးပါတီအတွက် မဲဆွယ် စာရွက်စာတမ်းများ ဝေငှမှုနှင့် ပတ်သက်၍ ပုသိမ်မြို့နယ် ရွေးကောက်ပွဲ ကော်မရှင်အဖွဲ့ခွဲ အနေဖြင့် မည်သို့ ဆောင်ရွက်ထားသည်ကို သိရှိလိုကြောင်း မေးမြန်းခဲ့ရာ““အဲဒီကိစ္စ ဆရာတို့ မသိသေးဘူးကွ။ အထက်ကော်မရှင် အဆင့်ဆင့်ကို တင်ပြပြီးဟုတ်၊ မဟုတ် စုံစမ်းစစ်ဆေးပြီးမှ အကြောင်းပြန်ပါ့မယ်။ အရေးကြီးတဲ့ ကိစ္စတစ်ခုဖြစ်နေတဲ့အတွက် ဆရာ့သဘောဆန္ဒ တစ်ခုတည်း ပြောလို့မဖြစ်ဘူးလေ။ အားလုံးစည်းဝေးပြီးတော့ မှ ပြန်ပြောပါ့မယ်””ဟု မြို့နယ်ကော်မရှင်အဖွဲ့ခွဲ ဥက္ကဋ္ဌ ဦးတင်စိုးက ပြောသည်။

ရဲရင့်ထွန်း(ပုသိမ်)

မြန်မာသံတော်ဆင့်သတင်းဌာန – https://www.facebook.com/myanmarherald

 dassk-press-620 အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ နေပြည်တော်မှာ ဇူလိုင်လ ၁၁ ရက်နေ့က သတင်းစာရှင်းလင်းပွဲပြုလုပ်စဉ်

အမျိုးသားဒ်ီမိုကရေစီအဖွဲ့ချုပ် NLD ပါတီဟာ လာမယ့် ၂ဝ၁၅ ရွေးကောက်ပွဲမှာ မဲဆန္ဒနယ် တစ်ထောင့်နှစ်ရာ နီးပါးမှာ ဝင်ရောက်ယှဉ်ပြိုင်သွားမှာဖြစ်ကြောင်း အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် က ပြောလိုက်ပါတယ်။

ဒီနေ့ နေပြည်တော် ဒေါ်အောင်ဆန်းစုကြည်ရဲ့နေအိမ်မှာ NLD ပါတီရဲ့ ဗဟိုအလုပ်အမှုဆောင် အစည်းအဝေး အပြီး သတင်းစာရှင်းလင်းပွဲမှာ ဒေါ်အောင်ဆန်းစုကြည်က ပြောလိုက်တာပါ။

"ကျမတို့ ဒီနေ့သတင်းစာရှင်းလင်းပွဲ လုပ်ရတဲ့အကြောင်းကတော့ ရွေးကောက်ပွဲနဲ့ ပတ်သက်နေပါတယ်၊ အားလုံးသိတဲ့အတိုင်းပဲ ရွေးကောက်ပွဲတွေကို သြဂုတ်လ ၈ ရက်နေ့အပြီး ကိုယ်စားလှယ်စာရင်းတွေ တင်ပြီးတော့ နိုဝင်ဘာလ ၈ ရက်နေ့မှာ ကျင်းပမယ်ဆိုတာကတော့ ကြေညာပြီးသားဖြစ်ပါတယ်၊ အဲ့ဒီတော့ အမျိုးသားဒီမိုကရေစီအဖွဲ့ချပ်အနေနဲ့ ဒီနေ့ ဗဟိုအလုပ်အမှုဆောင်အဖွဲ့ အစည်းအဝေးခေါ် ပြီးတော့ ရွေးကောက်ပွဲဝင်ရေး မဝင်ရေးကို ဆွေးနွေးခဲ့ပါတယ်၊ အဲ့ဒီတော့ တိုတိုပြောရမယ်ဆိုလို့ရှိရင်တော့ ကျမတို့အဖွဲ့ချုပ်အနေနဲ့ ရွေးကောက်ပွဲကိုဝင်ဖို့ဆုံးဖြတ်ခဲ့ပါတယ်၊ ရွေးကောက်ပွဲကိုဝင်ဖို့ ဆုံးဖြတ်တယ် ဆိုတာကတော့ အဓိကအားဖြင်တော့ မပြီးသေးတဲ့ဒီမိုကရေစီ ပြုပြင်ပြောင်းလဲရေးလုပ်ငန်းကို ဆက်လက် ပြီးတော့ အကောင်အထည်ဖော်ဖို့ပါပဲ"

ဒေါ်အောင်ဆန်းစုကြည်ဟာ ၂ဝ၁၂ ကြားဖြတ်ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ရန်ကုန်တိုင်းဒေသ ကြီး ကော့မှူးမြို့နယ် မဲဆန္ဒနယ်က ဝင်ရောက်ယှဉ်ပြိုင်မှာ ဖြစ်ပါတယ်။ ကိုယ်စားလှယ်လောင်းရွေးချယ်ရာမှာ ပညာအရည်အချင်းတစ်ခုတည်းကို ကြည့်မှာမဟုတ်ပဲ လူငယ်တွေ၊ အမျိုးသမီးတွေနဲ့ တိုင်းရင်းသားတွေကို ဦးစားပေးရွေးချယ်သွားမှာ ဖြစ်ကြောင်း ပြောပါတယ်။

RFA


လက်ပံတောင်းတောင် ကြေးနီစီမံကိန်းမှာ တောင်သူဒေါ်ခင်ဝင်း သေနတ်မှန် သေဆုံးမှုနဲ့ ပတ်သက်ပြီး အမှုမှန်ပေါ်ပေါက်ဖို့ လမ်းလျှောက်ဆန္ဒပြခဲ့ကြတဲ့ ကိုနေမျိုးဇင်၊ ဒေါ်နော်အုံးလှ၊ ကိုသန်းဆွေ၊ ကိုတင်ထွဋ်ပိုင်နဲ့ ဦးဘမြင့်တို့ကို လသာမြို့နယ်တရားရုံးက ဇူလိုင်လ ၁ဝ ရက်နေ့ ထောင်ဒဏ်လေးလစီ ချမှတ်လိုက်ပါတယ်။

RFA


ဒီမိုကရေစီ ပညာရေးအတွက် မတရားဖမ်းဆီးခံထားရသော ကျောင်းသား များနှင့် အစိုးရ၏ မတရားဖမ်းဆီး ထောင်ချခံထားရသော နိုင်ငံရေး တက်ကြွလှုပ်ရှားသူ ပြည်သူများ ပြန်လည် လွတ်မြောက်ရေးအတွက် ဗမာ နိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ)က လူထုလူတန်းစား တစ်ရပ်လုံးနှင့် ပူးပေါင်းကာ တိုက်ပွဲဝင်သွား မည် ဖြစ်ကြောင်း တော်လှန်ရေး ကောင်စီလက်ထက် သမဂ္ဂအဆောက်အအုံ ဗုံးခွဲဖျက်ဆီး ခံရသော သမိုင်းဝင်နေ့ရက်ဖြစ်သည့် 7 July အခမ်းအနား ၅၃ နှစ်မြောက်နေ့တွင် ဗကသက ထုတ်ပြန် ကြေညာ လိုက်သည်။

အဆိုပါသမိုင်းဝင် အခမ်းအနား ၅၃ နှစ်မြောက် အထိမ်းအမှတ်ကို ဇူလိုင် ၇ ရက် မနက် ၈ နာရီ၌ ရန်ကုန် တက္ကသိုလ် သမဂ္ဂမြက်ခင်းပြင်တွင် ဗကသများအဖွဲ့ချုပ်မှ ကျောင်းသား ၂၀ ခန့်က ဦးဆောင်ကျင်းပ ခဲ့ပြီး မြန်မာနိုင်ငံ ရဲတပ်ဖွဲ့က တားဆီးမှုများ၊ လုံခြုံရေးတင်းကျပ်မှုများ ပြုလုပ် ခဲ့ကာ ရန်ကုန်တက္ကသိုလ်မှ တာဝန်ရှိ သူများကလည်း ကျောင်းဝင်းတံခါး ပိတ်ထားသဖြင့် ကျောင်းသားခေါင်းဆောင်များ ၀င်ရောက်ညှိနှိုင်းပြီးမှသာ ၀င်ခွင့်ရခဲ့သည်။

ယင်းအခမ်းအနားတွင်““ဗကသမှာ နဂိုကတည်းကိုက ရှိတဲ့အခြေခံမူပါ။ ကျောင်းသားတွေချည်းပဲ သီးသန့် နေမှာ မဟုတ်ဘူး။ အလုပ်သမားအရေး၊ လယ်သမားအရေး တက်ကြွ လှုပ်ရှားသူတွေနဲ့လည်း ပူးပေါင်း ဆောင်ရွက်မယ်။ နိုင်ငံရေးပါတီတွေ၊ တိုင်းရင်း သားခေါင်းဆောင်တွေ အားလုံးနဲ့ ပူးပေါင်းပြီးတော့ အကျဉ်းသားများ လွတ်မြောက်ရေးသာမက လိုအပ်တာ၊ လုပ်သင့်တာမှန်သမျှ ပူးပေါင်းပြီး လုပ်မယ်ဆိုတာကို ပြောတာပါ””ဟု ဗမာနိုင်ငံလုံးဆိုင် ရာ ကျောင်းသားသမဂ္ဂများ အဖွဲ့ချုပ် (ဗကသ)အဖွဲ့ဝင် ကိုရှိန်းရာဇာထွန်း ကပြောသည်။

ထို့နောက် အမှတ်တရ အထိမ်းအမှတ်အဖြစ် ပန်းခွေချခြင်း၊ ၀မ်းနည်းခြင်း အထိမ်းအမှတ်အဖြစ် တစ်မိနစ် ငြိမ်သက်ခြင်းတို့ ပြုလုပ်ခဲ့ပြီး ကမ္ဘာမကျေဘူး သီချင်းသီဆိုကာ အခမ်းအနားကို၊ ရုပ်သိမ်းခဲ့သည်။

၁၉၆၂၊ မတ်လ ၂ ရက်တွင် တိုင်းပြည် အာဏာသိမ်းယူခဲ့သည့် ဗိုလ်ချုပ်နေ၀င်း ဦးဆောင်သော တော်လှန်ရေး ကောင်စီက ရန်ကုန်တက္ကသိုလ်ကို ၁၉၆၂ ခုနှစ်၊ မေလ ၁၇ ရက်တွင် အစိုးရ ထိန်းချုပ်မှုအောက် သွတ်သွင်း ခဲ့သောကြောင့် ရန်ကုန် တက္ကသိုလ် ကျောင်းသားများက ဆုံးရှုံးသွားသည့် ကျောင်းသား အခွင့်အရေးများကို ပြန်လည်ရရှိရန် တောင်းဆို တိုက်ပွဲဝင်ခဲ့ရာ အစိုးရနှင့် ကျောင်းသားထုအကြား ပဋိပက္ခ ကြီးထွားလာခဲ့ပြီး အစိုးရဘက်မှ ကျောင်းသားထုအတွင်း သောင်းကျန်းသူများ ပါဝင်သည်ဟု တစ်ဖက်သတ် စွပ်စွဲ၍ အကြမ်းဖက် နှိမ်နင်းမှုများ ပြုလုပ်ခဲ့ပြီး ၁၉၆၂ ခုနှစ်၊ ဇူလိုင် ၈ ရက်တွင် သမိုင်းဝင် ကျောင်းသားသမဂ္ဂ အဆောက်အအုံကို ဗုံးခွဲ ဖြိုဖျက်ခဲ့သည့်အတွက် ဆဲဗင်းဇူလိုင်အဖြစ် ကျောင်းသားများက သတ်မှတ်ခဲ့သည်။

ဝိုင်းမော်

- 7 July ၅၃ နှစ်မြောက် နှစ်ပတ်လည်အခမ်းအနားကို ဗကသကျောင်းသား များက ဇူလိုင်လ ၇ ရက်တွင် ရန်ကုန်တက္ကသိုလ် သမဂ္ဂမြက်ခင်း ပြင် တွင် ပြုလုပ်ခဲ့စဉ်

မြန်မာသံတော်ဆင့်သတင်းဌာန – https://www.facebook.com/myanmarherald

ပဲခူးတိုင်းဒေသကြီး၊ သဲကုန်းမြို့နယ်၊ အုတ်ဖိုအုပ်စု၊ အောင်ကုန်းကျေးရွာမှ လယ်သမားများ၏ သိမ်းဆည်းခံ လယ်ယာမြေများကို ပြန်လည် ပေးအပ်ခြင်း မရှိပါက လယ်ယာမြေများ မရမချင်း သပိတ်စခန်း ဖွင့်လှစ်ကာ တောင်းဆို သွားမည်ဖြစ်ကြောင်း လယ်ယာမြေ သိမ်းဆည်းခံထားရသူ ဒေါ်ညို (ခ) ဒေါ်ဌေးဌေးညိုက ဇူလိုင် ၃ ရက်တွင် မြန်မာသံတော်ဆင့်သို့ပြောသည်။

အောင်ကုန်းကျေးရွာမှ သိမ်းဆည်းခံ လယ်ယာများနှင့် ပတ်သက် ၍ ဇူလိုင် ၃ ရက်က ရန်ကုန်မြို့ မြန်မာ ဂျာနယ်လစ် ကွန်ရက်၌ ပြုလုပ်သော လယ်ယာမြေ ပြန်လည်ရရှိရေး သပိတ်ကော်မတီ၏ ရှင်းလင်းပွဲတွင် ပါဝင်သော ဦးပေါက်စ၊ ဒေါ်ညို၊ ဒေါ်မုန်း၊ မခင်မာအေး၊ ကိုသန့်ဇင်ထက် တို့မှာ ယင်းလယ်ယာမြေများ ပြန်လည်ရရှိရေး ဆန္ဒပြမှုကြောင့် ပုဒ်မ ၁၈၊ ၅၀၅(ခ)တို့ဖြင့် ထောင်ဒဏ်ချမှတ်ခံခဲ့ရပြီး ပြန်လည် လွတ်မြောက် လာသူများ ဖြစ်သည်။

““ကျွန်မတို့ သိမ်းဆည်း ခံထားရတဲ့ လယ်မြေတွေ ပြန်ရဖို့တောင်းဆိုတာကို မပေးဘဲ ထောင်ချခဲ့တယ်။ အရင်တပ်က သိမ်းထားတာကို သ/မ ဥက္ကဋ္ဌ ဦးထိုင်ထိုင်က သီးစားချပြီးတော့ လုပ်တယ်။ ငါးကန်တွေလုပ် တယ်။ သူတို့ပြောတော့ ဥပဒေနဲ့အညီ တောင်းဆိုလို့တောင်းတယ်။ ဒါပေမဲ့ပြန်မပေးဘူး။ အခုကျွန်မတို့က စားစရာလည်း မရှိတော့ဘူး။ ငတ်ရင်း အသေမခံဘဲ တိုက်ရင်းသေမယ် ဆိုတဲ့စိတ်နဲ့ လယ်ယာမြေတွေ မရမချင်း သပိတ်စခန်း ဆက်ဖွင့်ပြီးတော့ တောင်းဆိုသွားမယ်””ဟုလယ်ယာမြေ သိမ်းဆည်းခံရသူ ဒေါ်ညို(ခ) ဒေါ်ဌေးဌေးညိုက ပြောသည်။

အောင်ကုန်းကျေးရွာမှ လယ်ယာမြေ ဧကပေါင်း ၁၁၅၉ ဒသမ ၅၅ကို ၂၀၀၀ ပြည့်နှစ်တွင် တပ်မ ၆၆ (ခလရ ၈၀) က သိမ်းယူခဲ့ပြီး သမ၀ါယမလီမိတက် ဒုဥက္ကဋ္ဌ ဦးထိုင်ထိုင်(ခ)ဦးလှမိုးကို လုပ်ပိုင်ခွင့်ပေးခဲ့ရာ ၎င်းက လယ်မြေများကို သီးစားချခြင်း၊ ရောင်းချခြင်းများ ပြုလုပ် ခဲ့သောကြောင့် လယ်သမားများက ၂၀၁၂၊ ဒီဇင်ဘာ ၄ ရက်တွင် ထွန်တုံးတိုက်ပွဲဆင်နွှဲခဲ့ပြီး ၂၀၁၄၊ ဖေဖော်ဝါရီ ၂ ရက်တွင် သပိတ်စခန်း ဖွင့်လှစ်ကာ အင်အား ၁၀၀၀ ခန့်ဖြင့် ဆန္ဒပြခဲ့ရာ ဦးဆောင်သူ ဦးပေါက်စ၊ ဒေါ်ညို အပါအ၀င် ၅ ဦးကို ထောင်ဒဏ် ချမှတ်ခဲ့သည်။

““တပ်ကသိမ်းသွားတာ၊ ကျွန်တော်က ဧက ၂၀ လောက်ပါတယ်။ သမဥက္ကဋ္ဌ ဦးထိုင်ထိုင်ကလည်း လယ်ယာမြေတွေကို သီးစားပြန်ချပြီး လုပ်ကိုင်နေပေမယ့် ကျွန်တော်တို့မှာတော့ လယ်လုပ်စရာ မရှိတော့ဘူး။ ပဲခူးတိုင်း အစိုးရ အဖွဲ့လည်း အသနားခံစာတွေ ပို့ထားတယ်။ ဘာမှမထူးဘူး။ သပိတ် စခန်းဖွင့်တုန်းက သပိတ်လှန်ဖို့ပြောတဲ့ သံဃာတွေလည်းရှိတယ်။ ကျွန်တော်တို့ကတော့ လယ်မြေမရမချင်း ဆက်ပြီး သပိတ်စခန်း ဖွင့်ထားပြီး တောင်းသွားမယ်””ဟု လယ်မြေသိမ်းခံရသူ ကိုဝမ်းဇော်က ပြောသည်။

သိမ်းဆည်းခံ လယ်သမားများ၏ လယ်ယာမြေ ပြန်လည်ရရှိရေး သပိတ်ကော်မတီကလည်း ““ငတ်ရင်းမသေ၊ တိုက်ရင်းသေမည့် စိတ်ဓာတ်အရင်းခံကာ သပိတ်မှောက်ခဲ့ကြသည်၊ သပိတ်ကော်မတီဝင် များဖမ်းဆီး ထောင်ချ ခံရသော်လည်း အားလုံးနီးပါး လွတ်မြောက်လာသောကြောင့် သပိတ်ကော်မတီ တိုးချဲ့ပြီး ဆက်လက် တိုက်ပွဲဝင်မည်၊ လယ်သမား၊ အလုပ်သမား၊ ကျောင်းသားများနှင့် လက်တွဲကာ မြေရှင်စနစ်ဆိုးကို တိုက်ထုတ်မည်”” ဟူ၍ ဇူလိုင်လ ၂ ရက်တွင် ထုတ်ပြန်ကြေညာထားသည်။

သူရိန်ကျော်

မြန်မာသံတော်ဆင့်သတင်းဌာန – https://www.facebook.com/myanmarherald


 လာမယ့် နိုဝင်ဘာ ၈ ရက်မှာ ကျင်းပမယ့် (၂၀၁၅) ပါတီစုံ ဒီမိုကရေစီ အထွေထွေရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ်ဝင်ရောက်ယှဉ်ပြိုင်မှာ ဖြစ်တယ်လို့ အမျိုးသား ဒီမိုကရေစီ အဖွဲ့ချုပ်က တရားဝင်ကြေညာလိုက်ပြီ ဖြစ်ပါတယ်။ ဒီကနေ့ နေပြည်တော်က NLD ဥက္ကဋ္ဌဒေါ်အောင်ဆန်းစုကြည် နေအိမ်မှာ ကျင်းပတဲ့ ဗဟိုအလုပ်အမှုဆောင် အစည်း အဝေးအပြီး ပါတီရဲ့ ဆုံးဖြတ်ချက်ကို အခုလိုကြေညာလိုက်တာပါ။ သမ္မတလောင်းရွေးချယ်မှု၊ ပါတီရဲ့ ဆုံးဖြတ်ချက် စတဲ့ သတင်းအသေးစိတ်ကို ကိုယ်တိုင်တက်ရောက်ခဲ့တဲ့ ဗဟိုအလုပ်အမှုဆောင်အဖွဲ့ဝင်ကို ဆက်သွယ် မေးမြန်းထားတဲ့ မဆုမွန်က တင်ပြပေးထားပါတယ်။

၂၀၁၅ ရွေးကောက်ပွဲကို လာမယ့်နိုဝင်ဘာ ၈ ရက်နေ့မှာ ကျင်းပမယ်လို့ ပြည်ထောင်စု ရွေးကောက်ပွဲကော်မရှင်က ကြေညာပြီး နောက် ဒီကနေ့ ဇူလိုင်လ ၁၁ ရက်နေ့မှာ အတိုက်အခံနိုင်ငံရေး ပါတီကြီးဖြစ်တဲ့ အမျိုးသားဒီမိုကရေစီ အဖွဲ့ချုပ်အနေနဲ့ ၂၀၁၅ ရွေးကောက်ပွဲကို ဝင်ရောက် ယှဉ်ပြိုင်မှာဖြစ်တယ်လို့ တရားဝင်ကြေညာလိုက်ပါတယ်။ အဖွဲ့ချုပ်ရဲ့ မပြီးဆုံးသေးတဲ့ စစ်မှန်တဲ့ဒီမိုကရေစီရရှိရေး ဆက်လက် အကောင်အထည်ဖော်နိုင်ဖို့ NLD အနေနဲ့ ရွေးကောက်ပွဲဝင်ဖို့ အခုလို ဆုံးဖြတ်လိုက်တာဖြစ်တယ်လို့ ဗဟိုအလုပ်အမှုဆောင် ဒေါက်တာဇော်မြင့်မောင်ကပြောပါတယ်။

“ဘာကြောင့်ရွေးကောက်ပွဲဝင်သလဲဆိုရင် NLD ထောင်ကတည်းကိုက ကျနော်တို့ စစ်မှန်တဲ့ဒီမိုကရေစီနဲ့ ပြည့်ဝတဲ့လူ့အခွင့်အရေးတွေရဖို့ ဆောင်ရွက်မယ်ဆိုပြီးတော့ ကျနော်တို့ သံန္နိဌာန်ချထားတာလေ။ ၂၀၁၂ တုန်းကလည်း ဒီလိုပဲ ကြားဖြတ်ရွေးကောက်ပွဲဝင်ခဲ့တုန်းကလည်း ပြည်တွင်းငြိမ်းချမ်းရေး၊ တရားဥပဒေစိုးမိုးရေးနဲ့ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးဆိုတာ ကြွေးကျော်ပြီးဝင်ခဲ့တာ။ ဒီဟာတွေကိုဆက်အကောင်အထည်ဖော်ဖို့ ရွေးကောက်ပွဲဝင်ဖို့ ကျနော်တို့ ဆုံးဖြတ်တာပါ။”

နေပြည်တော်က NLD ဥက္ကဋ္ဌဒေါ်အောင်ဆန်းစုကြည် နေအိမ်မှာ ဒီကနေ့ကျင်းပတဲ့ ဗဟိုအလုပ်အမှုဆောင် အစည်းအဝေးအတွင်း တက်ရောက်လာတဲ့ ဗဟိုအလုပ်အမှုဆောင် (၁၅) ဦးစလုံးက တညီတညွတ်တည်း ရွေးကောက်ပွဲဝင်ဖို့ ဆုံးဖြတ်လိုက်တာဖြစ်တယ်လို့ အစည်းအဝေးကို ကိုယ်တိုင်တက်ရောက်ခဲ့တဲ့ ဗဟိုအလုပ်အမှုဆောင် ကော်မတီဝင်လည်းဖြစ် ပြည်သူ့လွှတ်တော်ကိုယ်စားလှယ်လည်းဖြစ်တဲ့ ဒေါက်တာဇော်မြင့်မောင်ကပြောပါတယ်။

“ကျနော်တို့အကုန်တက်ပါတယ်။ ဒီကနေ့ ပျက်ကွက်မရှိ ၁၅ ယောက်စလုံး အကုန်တက်တယ်။ consensus decision ပါ။”

ပါတီအောင်နိုင်ခဲ့ရင် သမ္မတလောင်းရွေးချယ်မှုမှာ ပြည်သူလက်ခံနိုင်တဲ့ သမ္မတလောင်း အရည်အချင်းနဲ့ ပြည့်မီတဲ့ သမ္မတလောင်းရွေးချယ်ဖို့ အသင့်ရှိတယ်ဆိုတာကိုလည်း NLD ဥက္ကဋ္ဌဒေါ်အောင်ဆန်းစုကြည်က ဒီနေ့ ဗဟို အလုပ်အမှုဆောင် အစည်းအဝေးအပြီး နေပြည်တော်နေအိမ်မှာပြုလုပ်တဲ့ သတင်းစာရှင်းလင်းပွဲမှာ ပြောဆိုလိုက်တဲ့ အကြောင်း ဒေါက်တာဇော်မြင့်မောင်က ပြောပါတယ်။

 “ကျနော်တို့အစိုးရဖွဲ့နိုင်တယ်ဆိုလို့ရှိရင် သမ္မတလောင်းဆိုတာလည်း ကျနော်တို့မှာ အစီအစဉ်ရှိပါတယ်။ ဒေါ်အောင်ဆန်းစုကြည်- ဒီအတိုင်းပဲ အခုပေးနေတဲ့သတင်းစာရှင်းလင်းပွဲမှာ အဲဒီအတိုင်းပဲ၊ ကျနော်တို့ခေါင်းဆောင်ဆီမှာ အစီအစဉ်ရှိပါတယ်။ ပြည်သူလက်ခံနိုင်မယ့်သူပေါ့နော်၊ အမျိုးသားဒီမိုကရေစီအဖွဲ့ချုပ်ထဲက သမ္မတလောင်း တင်နိုင်အောင် ကြိုးစားမှာပါ။”

NLD အနေနဲ့ တနိုင်ငံလုံးအတိုင်းအတာနဲ့ မဲဆန္ဒနယ်အများစုကို ဝင်ရောက်ယှဉ်ပြိုင်မှာဖြစ်ပေမဲ့လို့ CRPP ပြည်သူ့ လွှတ်တော် ကိုယ်စားပြုကော်မတီ တိုင်းရင်းသားခေါင်းဆောင်တွေ ဝင်ရောက်ယှဉ်ပြိုင်မယ့် မဲဆန္ဒနယ်တွေကို ခြွင်းချက်အဖြစ် ချန်ထားမှာဖြစ်တယ်လို့ သိရပါတယ်။.

“ကျနော်တို့ နေရာအများစုမှာ ၀င်ပြိုင်ပါမယ်။ မပြိုင်နိုင်တဲ့နေရာတချို့ရှိနိုင်ပါတယ်။ အဲဒါကလည်း ဆယ်ဂဏန်းလောက်ပဲရှိမှာပါ။ ကိုယ်စားလှယ်ဆိုလို့ရှိရင် တိုင်းနဲ့ပြည်နယ်ရယ်၊ ပြည်သူ့လွှတ်တော်ရယ်၊ အမျိုးသားလွှတ်တော်ရယ်ပေါင်းရင် နေရာက (၁,၂၀၀) လောက်ရှိပါတယ်။ ကျနော်တို့ တော်တော်များများဝင်ပြိုင်မှာပါ။ တကယ်လို့ မပြိုင်နိုင်ဘူးဆိုရင်တောင် ရွေးကောက်ပွဲမကျင်းပနိုင်တဲ့နေရာတွေနဲ့ ပြည်နယ်တချို့ပေါ့- ဆယ်ဂဏန်းလောက်ပဲရှိမှာပါ။ ကျန်တဲ့နေရာတွေ ကျနော်တို့အကုန်လုံးဝင်မှာပါ။”

၂၀၁၅ ရွေးကောက်ပွဲကို ပါဝင်ယှဉ်ပြိုင်ကြမယ့်ကိုယ်စားလှယ်လောင်းတွေကို အမျိုးသမီး၊ လူငယ်နဲ့ တိုင်းရင်းသားတွေကို ဦးစားပေးရွေးချယ်မှာဖြစ်တယ်လို့လည်း ပြောပါတယ်။

“ပြည်သူကို ကိုယ်စားပြုနိုင်တဲ့၊ ကိုယ်စားလှယ်လောင်းအရည်အချင်းရှိတဲ့ ကိုယ်စားလှယ်တွေကို ရွေးချယ်ရမှာပေါ့ဗျာ၊ နော။ အဓိက-ကတော့ ဒီမိုကရေစီအပေါ်မှာ နှစ်သက်ယုံကြည်ပြီးတော့၊ သက်ဝင်ယုံကြည်ပြီးတော့ ပြည်သူကို အကျိုးပြုနိုင်တဲ့ အရည်အချင်းပြည့်တဲ့ကိုယ်စားလှယ်လောင်းတွေ ကျနော်တို့ရွေးရမှာကလည်း challenging တခု၊ အဲဒီအလုပ်လည်း လုပ်နေမှာပါ။”

အဖွဲ့ချုပ်အနေနဲ့ ရွေးကောက်ပွဲ မကျင်းပခင်အချိန်အထိ မဲဆန္ဒရှင်စာရင်းလွဲချော်မှားယွင်းမှုတွေနဲ့ပတ်သက်ပြီးလည်း ဆက်လက်ပြီး ပြည်သူ့တွေရဲ့ နိုင်ငံသားအခွင့်အရေး မဆုံးရှုံးကြစေရေး အင်တိုက်အားတိုက်ဆောင်ရွက်မှာဖြစ်တယ်လို့ သိရပါတယ်။

“ကျနော်တို့တတွေ စည်းရုံးရေးတွေ လုပ်ရတော့မှာပေါ့ဗျာ။ campaign ပြီးပေမယ့်။ အခုလောလောဆယ်က ကျနော်တို့ ဘာနဲ့အလုပ်များနေလဲဆိုတော့ မဲစာရင်းက နေရာတော်တော်များများတိုင်းမှာ စိစစ်လိုက်တယ်ဆိုလို့ရှိရင် မှားနေတာပေါ့နော်၊ သူက criteria (၈) ခုရှိတာပေါ့ဗျာ။ တခုမဟုတ်တခု မှားနေတာပေါ့။ အဲဒီဟာတွေစစ်တာ အဓိက-ကတော့ ကျနော်တို့ အမျိုးသားဒီမိုကရေစီအဖွဲ့ချုပ်ကပဲ လုပ်နေရတာခင်ဗျ။ ဒီလုပ်ငန်းကြီးကလည်း မပြီးနိုင်ဘူး။ တချက်ပဲရှိတယ်။ ကျနော်တို့ ရုံး အီးစီအနေနဲ့ ရွေးကောက်ပွဲကော်မရှင်နဲ့တခုတော့ ထိုးရမှာပေါ့နော်။ ဥပမာ - မှတ်ပုံတင် နံပါတ်ရှိတယ်။ မှတ်ပုံတင်ရှိတယ်၊ နောက်ပြီးကျတော့ မဲစာရင်းထဲမှာပါတယ်၊ အဲဒီလိုဆိုလို့ရှိရင် ဒီလူတွေအကုန်လုံးဟာ မဲပေးပိုင်ခွင့်ရတယ်ဆိုတဲ့ဟာမျိုးတခုကို လုပ်ပေးရင်တော့ ရလိမ့်မယ်။ ရွှေ့ပြောင်းအလုပ်သမားတွေဆိုလို့ရှိရင်လည်း ဒီနေရာမှာ ၆ လ နေတာ ရပ်ကွက်အုပ်ချုပ်ရေးမှူးက ထောက်ခံတယ်ဆိုလို့ရှိရင် မဲပေးခွင့်ပေးရမယ်။ ကျန်တဲ့ဟာတွေ ကြည့်နေလို့ မရတော့ဘူး။ ကျနော်တို့က အခု ဒီဟာတွေအပေါ်မှာပဲ ကြောင့်ကျမှုရှိတာပဲဗျာ။ အဲဒီတော့ ဒီမဲစာရင်းတခုကိုကြည့်ပြီးတော့ လွတ်လပ်ပြီးတရားမျှတတဲ့ရွေးကောက်ပွဲလားဆိုရင်တော့ အဲဒီဟာ ပြောရင်တော့ သိပ်ပြီးတော့ တရားမျှတတယ် မထင်သေးဘူးပေါ့။”

ရွေးကောက်ပွဲပါတီအောင်နိုင်ရေး မဲဆွယ်စည်းရုံးမှုလုပ်ငန်းစဉ်တွေကိုလည်း NLD ရဲ့ဗဟိုအလုပ်အမှုဆောင်လမ်းညွှန်ချက်နဲ့ ဆက်လက်ဆောင်ရွက်သွားဖို့ရှိပါတယ်လို့ အမျိုးသား ဒီမိုကရေစီအဖွဲ့ချုပ်က ပြောလိုက်ပါတယ်ရှင်။

မဆုမွန် / ဗွီအိုအေ (မြန်မာပိုင်း)
http://burmese.voanews.com

ပြည်ထောင်စု ကြံ့ခိုင်ရေးနှင့် ဖွံ့ ဖြိုးရေး ပါတီဥက္ကဌ သူရ ဦးရွှေမန်း သတင်းစာရှင်းလင်းပွဲ ပြုလုပ်နေစဉ် (ဆင်ဟွာ)
    ရန်ကုန် ၊ ဇူလိုင် ၁၁ ရက် (ဆင်ဟွာ)

  ယခုနှစ် နိုဝင်ဘာတွင် ပြုလုပ်မည့် အထွေထွေ ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ ဖြိုးရေး ပါတီ (USDP) သည် တရားမျှတစွာနှင့် သန့် ရှင်းစွာ အောင်နိုင်ရေးအတွက် ဆောင်ရွက်ရာတွင် ရွေးကောက်ပွဲဆိုင်ရာ ဥပဒေ စည်းမျဉ်း/စည်းကမ်းများ ၊ နိုင်ငံရေး ပါတီများနှင့် ကိုယ်စားလှယ်လောင်းများ အတွက် ကျင့်ဝတ်များ (Code of Conduct for Political Parties and Candidates) နှင့် အညီ ပြိုင်ဆိုင်ကြရမည်ဟု ပါတီဥက္ကဌ သူရ ဦးရွှေမန်း က ပြောကြားခဲ့ကြောင်း သိရသည်။

ပြည်ခိုင်ဖြိုး ပါတီဥက္ကဌ သူရ ဦးရွှေမန်း သည် ဇူလိုင်လ ၁၁ ရက် နံနက်ပိုင်းတွင် နေပြည်တော် ကောင်စီ နယ်မြေရှိ ပါတီဌာနချုပ်၌ ပါတီ ဗဟိုကော်မတီဝင်များ ၊ ပါတီ အလုပ်အမှုဆောင်များ ၊ ခရိုင်/ မြို့ နယ် ပါတီ အတွင်းရေးမှူးများနှင့် တွေ့ ဆုံခဲ့ရာတွင် ယင်းသို့ ပြောကြားခဲ့ကြောင်း တရားဝင် သတင်း ထုတ်ပြန်ခဲ့သည်။

နိုဝင်ဘာလ ၈ ရက်တွင် လွတ်လပ်ပြီး တရားမျှတသော အထွေထွေ ရွေးကောက်ပွဲ ကျင်းပ ပြုလုပ်မည်ဟု ပြည်ထောင်စု ရွေးကောက်ပွဲ ကော်မရှင်၏ ကြေငြာမှုကို ကြိုဆို ဂုဏ်ပြုကြောင်း ၊ ပါတီ၏ မူဝါဒမှာ  ရွေးကောက်ပွဲဝင် ကိုယ်စားလှယ်များသည် တည်ကြည်ဖြောင့်မတ်ပြီး စိတ်ရင်း စေတနာ ကောင်းမွန်သော၊ နိုိင်ငံတော်နှင့် နိုင်ငံသားတို့ ၏ အကျိုးစီးပွားကို ဆောင်ရွက်နိုင်သော၊ အများအကျိုး ဆောင်ရွက်လိုသော သူများကိုသာ ရွေးချယ် တာဝန် ပေးအပ်သွားမည် ဖြစ်သည်။ ပါတီ ကိုယ်စားပြုသူများသည် ဥပဒေများ ၊ စည်းမျဉ်းကျင့်ဝတ်များနှင့်အညီ ယှဉ်ပြိုင်ပြီး ဖယ်ဒရယ် ဒီမိုကရေစီ ပြည်ထောင်စု နိုင်ငံတော် တည်ဆောက်ရာတွင် တတပ်တအား ပါဝင်ကြရန် ဖြစ်သည်ဟု ပြောကြားခဲ့ကြောင်း သိရသည်။

ယခုနှစ်တွင် ကျင်းပမည့် ပါတီစုံ အထွေထွေ ရွေးကောက်ပွဲတွင် တစ်နိုင်ငံအနှံတွင် မဲဆန္ဒနယ်ပေါင်း ၁,၁၇၁ နယ်မြေအား ပြည်ထောင်စု ရွေးကောက်ပွဲ ကော်မရှင်မှ သတ်မှတ် ထုတ်ပြန်ထားပြီး ပြည်ခိုင်ဖြိုးပါတီမှ နေရာပြည့်နီးပါး ဝင်ရောက် ယှဉ်ပြိုင်သွားရန် စီစဉ်ထားကြောင်း သိရသည်။

 (Xinhua)
http://www.xinhuamyanmar.com

အမျိုးသား ဒီမိုကရေစီအဖွဲ့ချုပ် (NLD) ဥက္ကဌ ဒေါ်အောင်ဆန်းစုကြည် အား နေပြည်တော်ရှိ သူမ၏ နေအိမ်တွင်ပြုလုပ်သော သတင်းစာရှင်းလင်းပွဲ၌ မြင်တွေ့ရစဉ် (ဆင်ဟွာ)
  နေပြည်တော်၊ ဇူလိုင် ၁၁ ရက် (ဆင်ဟွာ)

 ၂၀၁၅ ပါတီစုံ ဒီမိုကရေစီ အထွေထွေ ရွေးကောက်ပွဲ၌ အမျိုးသား ဒီမိုကရေစီ အဖွဲ့ချုပ် (NLD) သည် မဲဆန္ဒနယ် အများစုတွင် ဝင်ရောက် ယှဉ်ပြိုင်မည်ဖြစ်ကြောင်း အဖွဲ့ချုပ် ဥက္ကဌ ဒေါ်အောင်ဆန်းစုကြည်က ယနေ့ သတင်းစာ ရှင်းလင်းပွဲတွင် ကြေငြာလိုက်သည်။

အဖွဲ့ချုပ်မှ ကိုယ်စားလှယ် ရွေးရာတွင် ၂၀၁၂ ရွေးကောက်ပွဲအတွက် ရွေးချယ်ခဲ့ပုံနှင့် မကွာခြားဘဲ အရည်အချင်းရှိသူ၊ အမျိုးသမီး၊ လူငယ်နှင့် တိုင်းရင်းသားများ ဦးစားပေးမည်ဖြစ်ကြောင်း ဒေါ်အောင်ဆန်းစုကြည်က ဆိုသည်။၂၀၀၈ ဖွဲ့စည်းပုံ အခြေခံ ဥပဒေပါ သမ္မတ အရည်အချင်း သတ်မှတ်ချက် ဖြစ်သော ပုဒ်မ ၅၉ (စ) မပြင်နိုင်သည့် အတွက် သမ္မတလောင်း နှင့်ပတ်သက်၍ ပြည်သူတွေ လက်ခံနိုင်သည့် အစီအစဉ်တစ်ခု လုပ်သွားမည် ဖြစ်ကြောင်း ၎င်းကပြောကြားသည်။

တိုင်းရင်းသား ပါတီများ ဝင်ရောက်ယှဉ်ပြိုင်မည့် မဲဆန္ဒ နယ်မြေများကို NLD အနေဖြင့် ပူးပေါင်း ဆောင်ရွက်သွားမည် ဖြစ်ပြီး တိုင်းရင်းသား ပါတီများနှင့် ဆက်ပြီး ဆွေးနွေးသွားမည် ဖြစ်သည်။

၂၀၁၂ ကြားဖြတ် ရွေးကောက်ပွဲ ဝင်ရောက် ယှဉ်ပြိုင်ခဲ့သည့် တိုင်းဒေသကြီးနှင့် ပြည်နယ်များတွင် ဝင်ရောက် ယှဉ်ပြိုင်မည်ဖြစ်ပြီး လွှတ်တော် အတွင်းရောက် ပြီးသည့် အတွေ့ကြုံရှိ ကိုယ်စားလှယ်လောင်းများကို တိုင်းဒေသကြီးနှင့် ပြည်နယ်များတွင် ဝင်ရောက် ယှဉ်ပြိုင်ခိုင်းမည် ဖြစ်ကြောင်း သတင်းစာ ရှင်းလင်းပွဲတွင် ဆိုသည်။

အမျိုးသား ဒီမိုကရေစီအဖွဲ့ချုပ် (NLD) ဥက္ကဌ ဒေါ်အောင်ဆန်းစုကြည် အား နေပြည်တော်ရှိ သူမ၏ နေအိမ်တွင်ပြုလုပ်သော သတင်းစာရှင်းလင်းပွဲ၌ မြင်တွေ့ရစဉ်  (ဆင်ဟွာ)
အဖွဲ့ချုပ် ဥက္ကဌ ဒေါ်အောင်ဆန်းစုကြည် ကိုယ်တိုင်လည်း ကြားဖြတ် ရွေးကောက်ပွဲ၌ ဝင်ရောက် ယှဉ်ပြိုင်ခဲ့သည့် ကော့မှူးမြို့နယ် မဲဆန္ဒနယ်မှ ထပ်မံ ဝင်ရောက် ယှဉ်ပြိုင်မည်ဖြစ်ကြောင်း ဒေါ်အောင်ဆန်းစုကြည်က ပြောကြားသည်။

ရွေးကောက်ပွဲ ဝင်ရောက်ရေးနှင့် ပတ်သက်ပြီး နေပြည်တော်၌ ဗဟို အလုပ်အမှုဆောင် အစည်းအဝေး ပြုလုပ်ကာ ရွေးကောက်ပွဲ ဝင်ရောက်မည် ဟူသော ဆုံးဖြတ်ချက်ကို ချမှတ်ခဲ့ပြီး မပြီးဆုံးသေးသည့် ဒီမိုကရေစီနှင့် ပြုပြင်ပြောင်းလဲရေးကို ဆက်လက် လုပ်ကိုင်မည်ဟု ယနေ့ ပြုလုပ်သော သတင်းစာ ရှင်းလင်းပွဲတွင် ၎င်းကဆိုသည်။

ကြားဖြတ် ရွေးကောက်ပွဲကို ၂၀၁၂ ခုနှစ် ဧပြီ တစ်ရက်နေ့တွင် လစ်လပ်နေရာ ၄၅ နေရာအတွက် ကျင်းပခဲ့ရာ အတိုက်ခံ ပါတီတစ်ခုဖြစ်သည့် အမျိုးသား ဒီမိုကရေစီအဖွဲ့ချုပ် (NLD)မှ ၄၃ နေရာ အနိုင်ရခဲ့ပြီး ပြည်သူ့လွှတ်တော်တွင် ဒေါ်အောင်ဆန်းစုကြည် နေရာရရှိခဲ့သည်။

၂၀၁၅ အထွေထွေ ရွေးကောက်ပွဲကို ယခုနှစ် နိုဝင်ဘာ ၈ ရက်နေ့၊ တနင်္ဂနွေနေ့တွင် ကျင်းပမည် ဖြစ်သည်။

(Xinhua)
http://www.xinhuamyanmar.com


အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် နေပြည်တော် နှင်းဆီစံအိမ်မှာ စီအီးစီ အစည်းအဝေးအပြီး သတင်းစာရှင်းလင်းပွဲပြုလုပ်ခဲ့သော အသံဖိုင်

Posted by National League for Democracy on Saturday, July 11, 2015
အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် နေပြည်တော် နှင်းဆီစံအိမ်မှာ စီအီးစီ အစည်းအဝေးအပြီး သတင်းစာရှင်းလင်းပွဲပြုလုပ်ခဲ့သော အသံဖိုင်

ဇူလိုင်လ ၁၁ ရက်နေ့ ယနေ့မွန်းလွဲ ၅ နာရီက အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် နေပြည်တော် နှင်းဆီစံအိမ်မှာ စီအီးစီ အစည်းအဝေးအပြီး သတင်းစာရှင်းလင်းပွဲပြုလုပ်ခဲ့ပါတယ် ၎င်း သတင်းစာရှင်လင်းပွဲတွင် ဥက္ကဋ္ဌ မှ ရွေးကောက်ပွဲဝင်ရောက်ယဉ်ပြိုင်မည်ဟု ပြောကြားခဲ့သည်။ ကိုယ်စားလှယ်လောင်းရွေးချယ်ရာတွင် ပြည်သူကို အကြိုးပြုနိုင်တဲ့ အရည်အချင်းကို အဓိကထား၍ ရွေးချယ်မည်ဟုလည်းပြောကြားခဲ့သည်။

ဓါတ်ပုံ - National League for Democracy


 ရှမ်းပြည်နယ်အရှေ့ပိုင်း မိုင်းတုံ - ပုံပါကျင်ဒေသ အတွင်းရှိ အစိုးရတပ်မတော်နှင့် 'ဝ' တပ်ဖွဲ့တို့၏ လက်ရှိ စစ်ရေးတင်းမာမှုမှာ ပြန်လည်ဖြေလျှော့သွားကာ ဆုတ်ခွါသွားခြင်းကြောင့် ဒေသအခြေအနေမှာ တည်ငြိမ်သွားပြီဖြစ်ကြောင်း ပုံပါကျင်ရှိ အစိုးရ တပ်မတော်နှင့် နီးစပ်သူ ဒေသခံတစ်ဦးက ဇူလိုင်လ(၁၀)ရက် ညပိုင်းက တာချီလိတ်သတင်းအေဂျင်စီသို့ အတည်ပြုပြောကြားလာသည်။

"အရင်က မိုင်းတုံ ပုံပါကျင် လမ်းပေါ်မှာ တပ်မတော်နဲ့ '၀'အပြန်အလှန် နေရာယူထားတာတွေ အခု မရှိတော့ဘူး၊ '၀'တပ်ဖွဲ့က လမ်းပေါ်မှာ နေရာချထားတဲ့ တပ်သားတွေကိုလည်း အကုန်ရုပ်သိမ်းလိုက်ပြီ၊ နောက်ပြီး '၀'နဲ့ အစိုးရတပ်နဲ့ မျက်နှာချင်းဆိုင် လမ်းခြားပြီး နေရာယူထားတဲ့ အဖွဲ့တွေလည်း မရှိတော့ဘူး..."ဟု ပုံပါကျင်မှ တပ်နှင့် နီးစပ်သူ ဒေသခံ တစ်ဦးက ပြောလာသည်။

အစိုးရတပ်မတော်အနေဖြင့် ပြဿနာစဖြစ်သည့် နေရာတွင် သာမန်လုံခြုံရေးယူသည့် အနေအထားသာ ရှိတော့ကြောင်း၊ '၀'ရွာများတွင်လည်း ရွာသားများ ပြန်လာနေကြပြီး၊ မိုးရာသီဖြစ်သည့်အတွက် လယ်စိုက်ရန် ပြင်ဆင်နေကြောင်း နှင့် ဟွေအောရွာရှိ 'ဝ'ခေါင်းဆောင်တစ်ဦး၏ နေအိမ်တွင် အလှူလုပ်ကာ 'ဝ'တပ်ဖွဲ့ဝင်များ ပျော်ပါး သောက်စားနေကြတာကို တွေ့ရှိရပြီး ယခင်လို ပုံမှန်အတိုင်း သွားလာနေကြပြီဖြစ်ကြောင်း ၎င်းမှ ဆက်လက်ပြောပြသည်။

"အခု တစ်ခေါက် တပ်မတော် နဲ့ 'ဝ'တပ် စစ်ရေးတင်းမာမှုကြောင့် 'ဝ'ဘက်က အင်အားဖြည့်တဲ့အနေနဲ့ 'ဝ'စစ်မှုထမ်းဟောင်းတွေပါ ပြန်ခေါ်ထားတာလို့ သိရတယ်၊ အဲ့ဒါကြောင့် ရွာထဲမှာ လူတွေပျောက်နေပြီး အခု မှ ပြန်လာကြတာ.."ဟု ဒေသခံ တစ်ဦးမှ ပြောပြသည်။

"စစ်မဖြစ်တော့ဘူး ၊ နယ်မြေ တကယ်တည်ငြိမ်သွားပြီဆိုတော့ ၀မ်းသာစရာဘဲ ကိုယ့်နိုင်ငံသားအချင်းချင်း အပြန်အလှန် တိုက်ခိုက်နေတာ မကောင်းပါဘူး၊ ကျွန်တော်တို့လဲ နေရတာ စိတ်မချမ်းသာဘူး သတင်းတွေက အမျိုးမျိုးထွက်နေတာ အခုတော့ အေးဆေးသွားပြီဆိုတော့ ကိုယ့်အလုပ်ကိုယ် ပြန်လုပ်ရုံပေါ့.."ဟု ဒေသခံတစ်ဦးမှပြောသည်။

Tachileik News Agency
http://www.tachileik.net