07/13/15

 hantharwaddy-u-wintin-foundation-620.jpg
 နိုင်-ကျဉ်းများနဲ့ လူငယ်များအတွက် ဟံသာဝတီ ဦးဝင်းတင်ဖောင်ဒေးရှင်းက ဇူလိုင်လ ၁၂ ရက်နေ့က တော်ဝင်နှင်းဆီ စားသာက်ဆိုင်မှာ ကျင်းပနေစဉ်

လက်ရှိအကျဉ်းထောင်တွေထဲမှာရှိနေတဲ့ နိုင်ငံရေးအကျဉ်းသားတွေနဲ့ စာနယ်ဇင်းသမားတွေ၊ နိုင်ငံရေးအကျဉ်း သားဟောင်း ၁၄ ဦးနဲ့ လူငယ်ဘုံရိပ်သာအတွက် ဟံသာဝတီဦးဝင်းတင်ဖောင်ဒေးရှင်းက အလှူငွေကျပ် ၄၂ သိန်းကို မိသားစုဝင်တွေထံ ပေးအပ်လှုဒါန်းခဲ့ပါတယ်။

အမျိုးသားဒီမိုကရေစီအဖွဲ့ချုပ် နာယက သူရဦးတင်ဦးက ဦးဝင်းတင်သေဆုံးခဲ့ပေမယ့် နာမည်ကျန်ရစ်ဆဲဖြစ်တဲ့ ဒီဖောင်ဒေး ရှင်းကို တိုးတက်အောင် အားလုံးက ပံ့ပိုးပေးကြဖို့ ပြောပါတယ်။

"ကျနော်တို့ ဆိုရိုးစကားတိုင်း လူသာသေသွားတယ်၊ သူရဲ့နာမည်ကတော့ မသေဘူး၊ တစ်နည်းအားဖြင့်ပြောမယ် ဆိုရင် ဟံသာဝတီဦးဝင်းတင်ဟာ မသေဘူး၊ ရှိနေသေး တယ်၊ ပြည်သူလူထုရဲ့စိတ်ထဲမှာ ကျန်နေတယ်ဆိုတဲ့ သဘောသက်ရောက်တယ်၊ ဒါကြောင့်မို့လို့လည်း ဒီဖောင်ဒေးရှင်းကို ဆက်လက်ပြီးတော့ ရှင်သန်စေချင်ပါတယ်၊ ဒါကို အားလုံးပြည်သူလူထုကသိပြီးတော့ ဝိုင်းဝန်းပြီး အားထုတ်ပြီးတော့ လုပ်ကိုင်ပေးကြပါ"

လှူဒါန်းပွဲကို ရန်ကုန်မြို့ တော်ဝင်နှင်းဆီစားသောက်ဆိုင်မှာ ကျင်းပခဲ့တာဖြစ်ပြီး ဟံသာဝတီဦးဝင်းတင် ဖောင်ဒေးရှင်းရဲ့ ၂၁ ကြိမ်မြောက် လှူဒါန်းမှုဖြစ်ပါတယ်။

အဲဒီလို လှူဒါန်းတဲ့အထဲမှာ လက်ပံတောင်းကြေးနီစီမံကိန်းဒေသမှာ သေနတ်ထိမှန် သေဆုံးခဲ့ရတဲ့ ဒေါ်ခင်ဝင်း အမှုမှန် ပေါ်ပေါက်ရေးအတွက် တရုတ်သံရုံးရှေ့မှာ ဆန္ဒပြ လို့ အဖမ်းခံရတဲ့ ဗိုလ်ကြီးဟောင်းနေမျိုးဇင်၊ ဒေါ်လေးလေး၊ ကိုတင်ထွဋ်ပိုင် တို့နဲ့ နိုင်ငံရေးအကျဉ်းသားဟောင်းနဲ့ စာနယ်ဇင်းသမား ၁၄ ဦးတို့အတွက် အလှူငွေကျပ် ၂ သိန်းစီ လှူဒါန်းခဲ့ပါတယ်။

ဟံဟာဝတီ ဦးဝင်းတင်ဖောင်ဒေးရှင်းကို ၂၀၁၂ ခုနှစ်က စတင်တည်ထောင်ခဲ့တာဖြစ်ပြီး အကျဉ်းကျနေတဲ့ နိုင်ငံရေး သမားတွေ၊ စာနယ်ဇင်းသမားနဲ့ နိုင်ငံရေး အကျဉ်းသားဟောင်း စုစုပေါင်း ၆၆၀ ဦးအတွက် ထောက်ပံ့ငွေကျပ်သိန်း တစ်ထောင့်ခြောက်ရာကျော် ပေးအပ်လှူဒါန်းခဲ့ပြီးဖြစ်ပါတယ်။

RFA
http://www.rfa.org/burmese/news/political-prisoners-youth-donation-07122015231640.html


အမျိုးသား ဒီမိုကရေစီ အဖွဲ့ချုပ်ပညာရေး ကွန်ရက်ရဲ့ ပညာဒါနကျောင်းတွေကနေ တက္ကသိုလ်ဝင်တန်း အောင်မြင်ခဲ့ တဲ့ ကျောင်းသူ၊ ကျောင်းသားတွေနဲ့ ရန်ကုန်တိုင်း အတွင်းက ပညာဒါနကျောင်းတွေအတွက် ထောက်ပံ့ငွေကျပ် သိန်း ၃၀၀ ကျော် ပေးအပ်ပွဲကို ရန်ကုန်မြို့ တော်ဝင်နှင်းဆီစားသောက်ဆိုင်မှာ ကျင်းပခဲ့ပါတယ်။

အမျိုးသားဒီမိုကရေစီအဖွဲ့ချုပ် ပညာရေးကွန်ရက် ညှိုနှိုင်းရေးမှုး ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းက ပညာဒါနကျောင်းတွေ ဖွင့်လှစ်ခဲ့တာနဲ့ ပတ်သက်ပြီး အခုလို ပြောပါတယ်။

"ပညာရေးနဲ့ ပတ်သက်ပြီးတော့ အမျိုးသားဒီမိုကရေစီအဖွဲ့ချုပ်ဟာ အခက်ခဲဆုံး နေရာမှာရှိတဲ့ အခက်ခဲဆုံးမိသား စုတွေရဲ့ဘဝကို ကူညီနိုင်ဖို့အတွက် ပညာဒါန ကျောင်းတွေဖွင့်ဖို့ ကြိုးပမ်းခဲ့ပါတယ်၊ ကြိုးပမ်းဆောင်ရွက်မှုတွေဟာ လွယ်လွယ်နဲ့ အောင်မြင်မှုရခဲ့တာမဟုတ်ပါဘူး၊ ကျနော်တို့ဟာ အတားဆီးအမျိုးမျိုး၊ ပိတ်ဆို့ခံရမှု အမျိုးမျိုးကြားကနေ ကျနော်တို့ကြိုးပမ်းဆောင်ရွက်ခြင်းအားဖြင့် ကျနော်တို့ဆောင်ရွက် နိုင်ခဲ့ခြင်းဖြစ်ပါတယ်၊ ဒီလိုဆောင်ရွက်နိုင်ခဲ့တဲ့ အတွက်လည်း ပြည်သူလူထုက အဖွဲ့ချုပ်ကို အစဉ်တစိုက်ထောက်ခံအားပေးနေခဲ့ကြတာဖြစ်ပါတယ်"

၂၀၁၄-၂၀၁၅ ပညာသင်နှစ်မှာ ရန်ကုန်တိုင်းအတွင်းရှိ ပညာဒါနကျောင်းတွေက တက္ကသိုလ်ဝင်တန်းအောင်မြင် တဲ့ ကျောင်းသား၊ ကျောင်းသူ စုစုပေါင်း ၂၂၆ ဦးနဲ့ ဂုဏ်ထူးရကျောင်းသား ၂၇ ဦးအထိ ရှိခဲ့ပါတယ်။

အမျိုးသားဒီမိုကရေစီအဖွဲ့ချုပ် ပညာရေးကွန်ရက်ကဖွင့်လှစ်ထားတဲ့ ပညာဒါန ကျောင်းပေါင်း နိုင်ငံတ၀ှမ်းမှာ၂၀၀ အထိရှိ ပြီး ကျောင်းသား ကျောင်းသူ စုစုပေါင်း နှစ်သောင်းကျော် ပညာသင်ကြားနေပါတယ်။

RFA Burmese
http://www.rfa.org/burmese

ဘုန်းတော်ကြီး Tenzin Delek Rinpoche လွတ်မြောက်ဖို့ ဝိုင်းဝန်း တောင်းဆိုနေခဲ့ကြ။
တရုတ် နိုင်ငံမှာ အကျဉ်းထောင် အတွင်း ၁၃ နှစ်ကြာ အကျဉ်းချ ခံထားရတဲ့ တိဘက် ဘုန်းတော်ကြီး တစ်ပါး ထောင်ထဲမှာပဲ ပျံလွန်တော်မူသွားပါတယ်။

သက်တော် ၆၅ နှစ် ရှိပြီ ဖြစ်တဲ့ ဘုန်းတော်ကြီး Tenzin Delek Rinpoche ဟာ ဗုံးတွေ ခွဲမှုမှာ ပတ်သက်တယ် ဆိုပြီး ၂၀၀၂ ခုနှစ်က တရုတ် အစိုးရရဲ့ သေဒဏ် ချမှတ်တာကို ခံခဲ့ရပြီး၊ နောက်တော့ ထောင်ဒဏ် ၂၅ နှစ်အထိ လျှော့ပေးတာ ခံခဲ့ရပါတယ်။

ဘုန်းတော်ကြီးဟာ ထောင်ထဲမှာ ကျန်းမာရေး ဆိုးရွား နေခဲ့တယ်လို့ ယူဆရပါတယ်။
သူ့ကို ထောင်ချတာဟာ တရုတ် အစိုးရကို ပြင်းပြင်းထန်ထန် ဝေဖန်ခဲ့လို့ ဖြစ်နိုင်တယ်လို့ ဘုန်းတော်ကြီးကို ထောက်ခံ သူတွေက ယူဆကြပါတယ်။

သူ့ကို ပြန်လွှတ်ပေးဖို့ တိဘက်လူမျိုး ထောင်သောင်း ချီပြီး လက်မှတ်တွေ ရေးထိုး တောင်းဆို ခဲ့ကြသလို၊ နိုင်ငံတကာကလည်း တရုတ်အစိုးရကို တောင်းဆို နေခဲ့တာ ဖြစ်ပါတယ်။

BBC Burmese
http://www.bbc.com/burmese


 ရခိုင်ပြည်နယ်မှာ White Card လို့ခေါ်တဲ့ ယာယီသက်သေခံလက်မှတ် အပ်နှံသူ ၄ သိန်းနီးပါး အတွက် နိုင်ငံသားစစ်ဆေးခံရမယ့်သက်သေခံကဒ်ပြား အစိမ်းရောင်နေထိုင်ခွင့်ကဒ်တွေ အသစ် ထပ်မံထုတ်ပေးနေရာမှာ အစိမ်းရောင်ကဒ် ထုတ်ယူသူ ၁,၆၀၀ ရှိတယ်လို့ လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဌာနက ပြောပါတယ်။ ပြီးခဲ့တဲ့လထဲက White Card ခေါ် ယာယီ သက်သေခံ လက်မှတ်တွေကို ပြန်လည်အပ်နှံဖို့ ကြေညာခဲ့ပေမယ့် အခုထိအပ်နှံထားသူ အများစုဟာ အစိမ်းရောင်ကဒ်ထုတ်ယူမှုမရှိသေးပါဘူး။ ဒီသတင်းကို ဗွီအိုအေမြန်မာပိုင်း သတင်းထောက် မေခက ပေးပို့ထားပါတယ်။

White Card အပ်နှံသူတွေကို ကဒ်အသစ်တမျိုး ဖြစ်တဲ့ နိုင်ငံသားစစ်ဆေးခံရမည့် သက်သေခံ ကဒ်ပြား အစိမ်းရောင်ကို ပြန်လည် ထုတ်ပေးနေပါတယ်။ ပြီးခဲ့တဲ့လ ပထမအပတ်ထဲက ဒီလိုကတ်အသစ်တွေပြန်လည်ထုတ်ပေးခဲ့တာဖြစ်ပေမယ့် အချို့က စိုးရိမ်မှုတွေကြောင့် လာရောက်ထုတ်ယူခြင်းမရှိသေးကြောင်း၊ လောလောဆယ် တနိုင်ငံလုံးမှာ အစိမ်းရောင်ကဒ် ထုတ်ယူသူ (၄) သောင်းခန့်သာရှိပြီး ရခိုင်ပြည်နယ်မှာတော့ အစိမ်းရောင်ကဒ်ကို ထုတ် ယူသူ ထောင်ကျော်ခန့်သာရှိတယ်လို့ လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေး ဦးစီးဌာနက ညွှန်ကြားရေးမှုးချုပ်ဦးမောင်မောင်သန်းက ပြောပါတယ်။

“အခု နိုင်ငံသားစိစစ်ခံမည့်သူလက်မှတ်-ဆိုတဲ့ဥစ္စာပေါ့၊ အဲဒီ လက်မှတ်တွေကို အခု ပြန်ထုတ်ပေးနေတယ်။ တချို့တွေလည်း လာလုပ်ကြတယ်ပေါ့။ ကျန်တဲ့သူတွေကတော့ လုပ်ဖို့အတွက်ကို ဟောပြောပြီးတော့ ဆောင်ရွက်နေပါတယ်။ အဲဒီကြားထဲမှာတော့ မဟုတ်မမှန် အသံလွှင့်တဲ့ - ရိုဟင်ဂျာ-လို့ပေးမှယူမယ်ဆိုပြီးတော့ မြှောက်ပေးနေတဲ့လူတွေ၊ ဒါမျိုးတွေ ကတော့ ရှိတာပေါ့။ အဖျက်အမှောင့်လုပ်တယ်ဆိုတာကတော့..”

အစိမ်းရောင်ကဒ်ပြားသစ် ထုတ်ပေးချိန်မှာပဲ နိုင်ငံသားလျှောက်ထားတာကို တပါတည်း လက်ခံဆောင်ရွက်ပေးနေတာကြောင့် လာလဲလှယ်သူအနေနဲ့ နိုင်ငံသားလျှောက်ထားလိုရင် စိစစ်ပေးနေတယ်လို့ပြောပါတယ်။ လက်ရှိ ထုတ်ပေးတဲ့ အစိမ်းရောင်ကဒ်ပြား သစ်ဟာ နေထိုင်ခွင့် အတွက် အာမခံပြီး နိုင်ငံသားလျှောက်ထားပြီးနောက် နိုင်ငံသား၊ ဧည့်နိုင်ငံသား၊ နိုင်ငံသားပြုခွင့်ရသူ စတဲ့ သတ်မှတ်ချက်အပေါ် မူတည်ပြီး ဥပဒေအရ ခံစားခွင့်ပေးသွားမှာဖြစ်တယ်လို့ ဦးမောင်မောင်သန်းက ပြောပါတယ်။ ဒီအစိမ်းရောင်ကဒ်ပြား သက်တမ်းဟာ ၂ နှစ်ဖြစ်ပြီး ၂ နှစ်ပြည့်ရင် ပြန်လဲလှယ်ရမှာပါ။ လက်ရှိ နိုင်ငံသားလျှောက်ထားမှုနဲ့ပတ်သတ်ပြီး ရခိုင်ပြည်နယ် လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဌာနက ညွှန်ကြားရေးမှူး ဦးခင်စိုးက ခုလိုပြောပါတယ်။

“သက်သေခံလက်မှတ်အပ်ရင်တော့ နိုင်ငံသားသာ အစစ်မခံသေးဘူးဆိုရင် ဒီမှာနေထိုင်ခြင်းကို အထောက်အကူပြုစေတဲ့ အဲဒီကဒ်ပြားကို လဲကိုင်ရမှာပါ။ တချို့ နိုင်ငံသားအစစ်ခံပါ့မယ်လို့ လျှောက်ထားလာရင် စစ်ပေးတာတွေ ရှိတာပေါ့။ ဇန်နဝါရီ ၁၀ ရက်နေ့ကစပြီးတော့ ကနေ့အထိဆို နိုင်ငံသား အစစ်ခံမှုအတွက် လျှောက်တဲ့သူပေါင်းက လျှောက်လွှာစိစစ်လက်ခံပြီးတာက ၄၀၆ မှုရှိတယ်။ ၄၀၆ မှုရှိတဲ့အနက်က အဲဒီထဲကနေပြီးတော့မှ မြို့နယ် နိုင်ငံသားစုံစမ်းစစ်ဆေးရေးအဖွဲ့အနေနဲ့ ဖွဲ့ပြီးတော့ စစ်လိုက်တာ။ မြို့နယ်အဖွဲ့ကလည်းစစ်တယ်၊ စစ်ပြီးတော့ ပြည်နယ်ဘုတ်အဖွဲ့ကိုတင်တာ (၇၀) ရှိပါတယ်။ အဲဒီ (၇၀) ကို ပြည်နယ်ဘုတ်အဖွဲ့ကလည်းပဲ ဗဟိုကို တင်ပြပြီး ဖြစ်ပါတယ်။”

ဒီလိုလျှောက်ထားနိုင်ပြီး နိုင်ငံသားပြုခွင့်ရသူတွေဟာ White Card လို့ခေါ်တဲ့ ယာယီသက်သေခံလက်မှတ်ကိုင်ဆောင်ထားသူတွေ ခံစားရတဲ့ အခွင့်အရေးသာရလျက်ရှိကြောင်း လွတ်လပ်စွာသွားလာခွင့်ကျောင်းတက်ခွင့်မရကြောင်း စစ်တွေမြို့က ဘင်္ဂလီတဦးက အခုလိုပြောပါတယ်။

“ဘာဖြစ်လို့လဲဆိုတော့ မြေပုံမှာလုပ်ပြီးပြီလေ။ မြေပုံမှာ ၃ လအတွင်းမှာ သူတို့ နိုင်ငံသားလက်မှတ် ထုတ်ပေးတာ တွေ့ပါတယ်။ ဒါတော့မှန်တယ်၊ ၃ လအတွင်းမှာရတာ။ ကျနော်တို့နိုင်ငံသား စိစစ်ခံလို့ရပါတယ်။ ဒါပေမယ့် ရတဲ့လူတွေဟာ အဲဒီနိုင်ငံသားလက်မှတ်ကို ကိုင်လို့ ဘယ်လိုမှ လုပ်လို့မရသေးဘူးခင်ဗျ။ မြေပုံကလူတွေ ဘယ်ကိုမှ သွားလို့မရသေးဘူးခင်ဗျ။ ကျနော်တို့ လုံးပမ်းမယ်ဆိုရင်တော့ရတယ်။ ဘင်္ဂလီနဲ့ရမယ်ဆိုတာလည်း သိတယ်။ နိုင်ငံတော် တက္ကသိုလ်ကျောင်းတက်လို့မရဘူး။ အဲဒါမျိုးတွေကို ကျနော်တို့ ပြောချင်တာပါ။”

လောလောဆယ်မှာတော့ အစိုးရက ဘင်္ဂါလီလို့ အသိအမှတ်ပြုတဲ့ ရခိုင်ပြည်နယ်က အစ္စလာမ်ဘာသာဝင်တွေကို သူတို့နေထိုင်ရာမြို့နယ်က ကျော်လွန်ပြီး ခရီးသွားလာမယ်ဆိုရင် သက်ဆိုင်ရာမြို့နယ်ဦးစီးဌာနက ခွင့်ပြုချက်ရယူဖို့ လိုအပ်နေပါတယ်။ သက်တမ်းကုန်ဆုံးနေတဲ့ ယာယီသက်သေခံကဒ်ပြားကို ဆက်လက်ကိုင်ဆောင် အသုံးပြုမယ်ဆိုရင် ဒါမှမဟုတ် အစိမ်းရောင်ကဒ် ကိုင်ဆောင်ခြင်းမပြုသူတွေကို အမျိုးသားမှတ်ပုံတင်နည်းဥပဒေနဲ့ ငြိစွန်းပြီး ပြစ်မှုထင်ရှားရင် ၂ နှစ်ထက်မပိုတဲ့ အလုပ်ကြမ်းနဲ့ ထောင်ဒဏ်ဖြစ်စေ၊ အလုပ်မဲ့ ထောင် ဒဏ်ဖြစ်စေ၊ ငွေ ၅,၀၀၀ ကျပ်ထက် မပိုတဲ့ ငွေဒဏ်ဖြစ်စေ၊ ထောင် ဒဏ်ဖြစ်စေ၊ ငွေဒဏ်၊ ထောင်ဒဏ် ၂ ရပ်စလုံးဖြစ် စေကျခံရမှာ ဖြစ်ပါတယ်။

ဒီလိုကြေညာထားပေမယ့် သွားရောက်ထုတ်ယူမှုနည်းနေတာနဲ့ ပတ်သတ်ပြီး စစ်တွေမြို့ခံဘင်္ဂလီတဦးကတော့ ခုလိုပြောပါတယ်။

“၁၉၅၃ ခုနှစ်၊ မြန်မာနိုင်ငံသားဥပဒေအရလည်း ဒီ White Card ကိုထုတ်ပေးတော့ ကျနော်တို့ White Card ကိုရပါတယ်။ ဒါပေမယ့် အခု ဒီ Green Card ထုတ်ပေးတဲ့အချိန်မှာကျတော့ အဲဒီလို မဟုတ်တော့ဘူးခင်ဗျ။ ဘင်္ဂလီလူမျိုးများ၊ နိုင်ငံသားစစ်ဆေးမှုခံယူမည့်ကဒ်ပြား-ဆိုပြီးတော့ ပေးလာတယ်။ အဲဒီတော့ စောစောက preparation အနေနဲ့ ကျနော်တို့ကို ဘင်္ဂလီလူမျိုးများဆိုပြီးတော့ နိုင်ငံခြားကနေ ခိုးဝင်လာပြီးတော့မှ နိုင်ငံသားစစ်ဆေးမှု ခံယူရမယ်ဆိုတဲ့အနေအထားဆိုတော့ ကျနော်တို့ လက်ခံလို့မရဘူးခင်ဗျ။ အဲဒါကို လူတွေက လက်မခံကြတာပါ။”

မြန်မာနိုင်ငံသားဥပဒေအရ နိုင်ငံသားစိစစ်တဲ့ မိုးပွင့်-အထူးစီမံချက်ကို အရှိန်မြှင့်ဆောင်ရွက်နေတာကြောင့် ယာယီသက်သေခံ လက်မှတ် (White Card) သက်တမ်းကုန်ဆုံးရက်ကို ဒီနှစ် မတ်လ ၃၁ ရက်နေ့ သတ်မှတ်ခဲ့ပြီး ဧပြီလ ၁ ရက်နေ့ကနေ မေလ ၃၁ ရက်အတွင်း ပြန်လည်အပ်နှံဖို့ နိုင်ငံတော် သမ္မတရုံးက ဖေဖော်ဝါရီလက ထုတ်ပြန်ကြေညာခဲ့တာဖြစ်ပါတယ်။ ဒီ White Card ကို ပြန်လည်သိမ်းယူပြီး နိုင်ငံသားစစ်ဆေးခံရမည့် သက်သေခံကတ်ပြားလို့ခေါ်တဲ့ အစိမ်းရောင်ကဒ်ကို ဇွန်လ ၅ ရက်နေ့က စတင်ပြီး ထုတ်ပေးနေတာဖြစ်ပါတယ်။

မေခ / ဗွီအိုိအေ (မြန်မာပိုင်း)
http://burmese.voanews.com


 လွန်လေပြီးသော နှစ်ပေါင်း ၇၀ ကျော် ၁၉၅၀ ခုနှစ်ဝန်းကျင် စာရေးသူတို့ မမွေးမီက လယ်ဝေးမြို့နယ် ရန်အောင်မြင် သစ်တောကြိုးဝိုင်းထဲတွင် ပျဉ်းမနားခရိုင် 'မဲထီးရွာ'မှ မသန်းကြည်တို့ မိသားစုတွေ နှမ်းစိုက်၊ ပဲစိုက်၊ လယ်ယာမြေမှာစပါးစိုက်ပျိုးပြီး အေးချမ်းသာယာစွာလုပ်ကိုင်စား သောက်ခဲ့ကြသည်။ ပဲခူးရိုးမထဲ ဗမာပြည် ကွန်မြူနစ်ပါတီအုပ်စိုးစဉ် အသက် အန္တရာယ် မြူမှုန်တမှုန်စာတောင်မှမထိမခိုက်ကိုယ်လယ်ကိုယ် အေးချမ်းစွာလုပ် ကိုင်စားသောက်ခွင့်ရခဲ့ကြောင်း တော်လှန် ရေးကောင်စီခေတ်၊ မဆလခေတ်တွေမှာ ဇေယျဝတီ၊ ပျဉ်းမနားသကြားစက်အတွက် လိုအပ်တဲ့ကြံတွေကို တာဝန်ကျေစိုက်ပျိုး ပေးခဲ့ရကြောင်း News Watch ကို ပြောပြပါ တယ်။

ပြောပြသူကတော့အသက်၉၅နှစ်ရှိပြီဖြစ်တဲ့ ဒေါ်သန်းကြည်ပဲဖြစ်ပါသည်။သူတို့တွေနှစ်ပေါင်း ၆၀ ကျော် ၇၀ နီးပါး အခြေချလုပ်ကိုင်စားသောက်နေတဲ့ လယ် ယာမြေ ဧက ၃၀ ကျော်ကို ၂၀၀၄ ခုနှစ် မှာ မြို့ပြစီမံကိန်းလုပ်ဖို့ ဟိုတယ်ဇုန်၊ သံတမန်ရပ်ကွက်လုပ်ဖို့ပြောပြီး ဖယ်ခိုင်း ခဲ့ကြောင်း၊ အစားမပေး နှစ်ပေါင်း ၆၀ နီးပါး တောတွေခုတ်၊ တောတွေရှင်းလုပ် ထားတဲ့ လုပ်ကိုင်စားသောက်နေတဲ့ လယ် ယာမြေအတွက် လျော်ကြေးမပေးဘဲ ဖယ် ခိုင်းခဲ့ကြောင်း၊ ၂၀၀၄ ခုနှစ် ဖယ်ခိုင်းတဲ့ အချိန်မှာ ရန်အောင်မြင်ကြိုးဝိုင်းကွင်းစမ်း ချောင်းလို ရွာလေးတွင် ဒေါ်သန်းကြည် မိသားစုဝင်အပါအ၀င် တဲ ၁၇ လုံး လူဦး ရေ ၅၀ နီးပါးရှိကြောင်း၊ မဲထီးရွာက ထွက် လာခဲ့သည်မှာ နှစ်ပေါင်း ၇၀ နီးပါးရှိပြီဖြစ် လို့ ပိုင်ဆိုင်တဲ့နေရာ နေစရာအိမ်မရှိတော့ ကြောင်း၊ လယ်လုပ် ယာလုပ်ရင်း တပ်မ တော်အစိုးရလက်ထက် ဖယ်ခိုင်းသော် လည်း မဖယ်နိုင်ခဲ့ဘဲ ဒီလိုပဲ လုပ်ကိုင်စား သောက်နေခဲ့ရာမှ ၂၀၁၅ ခုနှစ် ၆ လပိုင်း ၂ ရက်နေ့တွင် ဒေါ်သန်းကြည် ၉၅ နှစ် အပါအ၀င် ဦးမင်းမင်း၊ ဦးခင်မောင်ဝင်း၊ ဦးကျော်ကျော်၊ ဦးစန်းလင်းအောင်၊ ဒေါ်သန်းသန်းအေးတို့ ၆ ဦးကို နေပြည် တော်စည်ပင်က ပုဒ်မ ၂၆ နဲ့ စတင်တရား စွဲခဲ့ကြောင်း၊ အစားပြန်ပေးရင် နေစရာ နေရာလေးတခုပေးရင် ဖယ်ပေးပါမယ်လို့ တာဝန်ရှိသူတွေကို ပြောပြသော်လည်း အစားမပေး လျော်ကြေးမပေးတဲ့အပြင် အသက် ၉၅ နှစ်ကျော် အမေအိုကြီးအပါ အ၀င် ၆ ဦးကို ရုံးချိန်း ၃ ချိန်းမြောက် အဖြစ် ၈-၇-၂၀၁၅ ရက်နေ့ကို ထပ်မံချိန်း ဆိုထားကြောင်း၊ စည်ပင်က တရားစွဲရင် တော့ ကြီးကြီးငယ်ငယ် ထောင်ကျတော့မှာ ဖြစ်ကြောင်း၊ စည်ပင်တရားရုံးက ထောင် ဒဏ် တလအပြစ်ပေးခံခဲ့ရသည့် အသက် ၈၀ ကျော် အမေအိုကြီးတယောက်၏ ပြောသံကြားခဲ့ရပါသည်။

ထွန်း(နေပြည်တော်)

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


 လာမည့်ေ၇ွးကောက်ပွဲတွင် ပြည်ခိုင်ဖြိုးပါတီက ၀င်ရောက်ယှဉ်ပြိုင်အရွေးခံမည့် ကိုယ်စားလှယ်လောင်းစာ ရင်းတွင် သမ္မတ ဦးသိန်းစိန်၏ နာမည်မပါရှိသေးကြောင်း ပါတီဗဟိုကော်မတီဝင် သူရဦး အောင်ကို ကပြော ပါတယ်။

အခုချိန်ထိကိုယ်စားလှယ်လောင်း စာရင်းတွင် မပါဝင်တော့သဖြင့် လာမည့်ရွေး ကောက်ပွဲတွင်သမ္မတဦးသိန်းစိန်အနေဖြင့် ပြည်ခိုင်ဖြိုး ပါတီကနေ၀င် ရောက်ယှဉ်ပြိုင်မှာ မဟုတ်တော့ကြောင်း ပါတီခေါင်းဆောင်တွေ ကပြောပါတယ်။

ဒါ့အပြင်သမ္မတဦးသိန်းစိန်အနေဖြင့် ပါတီကိုပြန်မလာတော့ဘူး လို့ ထင်မြင် ယူဆကြောင်းလဲ သူရဦးအောင်ကိုကဒီ ကနေ့ သ တင်း ထောက် များကိုပြောကြားခဲ့ပါတယ်။

သမ္မတနေဖြင့်ပါတီကိုပြန်လာမည်ဆိုပါက ပါတီကလက်ခံမှာဖြစ်သော်လည်း ပါတီဥက္ကဌ ရာထူးအတွက်ကိုမူ ၂၀၁၆ ခုနှစ် နှစ်ဆန်းပိုင်းတွင်ပြုလုပ်မဲ့ ပါတီညီလာခံတွင် ပြန်လည်ရွေးချယ် ရမှာဖြစ်တယ်လို့ ပါတီခေါင်းဆော င်တွေက ပြောပါတယ်။

သမ္မတ ဦးသိန်းစိန်ဟာ ၂၀၁၀ ခုနှစ်ရွေးကောက်ပွဲတွင်ပြည်ခိုင်ဖြိုးပါတီ ဥက္ကဌ အဖြစ် ဇဗ္ဗူသီရိမြို့ နယ် က၀င်ရောက်ယှဉ်ပြိုင်ခဲ့တာပါ။သမ္မတ အဖြစ်ရွေးချယ်ခံရပြီးတဲ့အချိန်ကစလို့ ဖွဲ့ စည်းပုံအခြေခံ ဥပဒေအရ ပါတီနိုင်ငံရေးလုပ်ခွင့်မရှိတော့သည့်အတွက်ပါတီဥက္ကဌ ရာထူးအား သူရဦးရွှေမန်းကိုလွဲပြောင်း ပေးခဲ့တာဖြစ်ပါတယ်။

BBC Burmese
https://www.facebook.com/bbcburmese


 ဇူလိုင် ၁၂ရက်၊ ၂၀၁၅ခုနှစ်။

 ကရင်ပြည်နယ်အတွင်း မြ၀တီမှ ကော့ကရိတ်သို့ သွားလာရန် ဖောက်လုပ်ထားသည့် အာရှလမ်းမကြီးတွင် ဇူလိုင်လဆန်းက ဖြစ်ပွားခဲ့သည့် ဒီမိုကရေစီအကျိုးပြုကရင်တပ်မတော်-DKBA နှင့် အစိုးရစစ်တပ်ကြား တိုက်ပွဲများကြောင့် ပြည်နယ်အတွင်း ငြိမ်းချမ်းရေးကို ထိခိုက်လျော့ပါးစေသည်ဟု ကရင်ငြိမ်းချမ်းရေး အထောက်အကူပြုကွန်ယက်-KPSN က ကြေညာစာတမ်း ထုတ်ပြန်လိုက်သည်။

ဇူလိုင်လ ၁၀ရက်နေ့စွဲဖြင့် ထုတ်ပြန်သည့် ၎င်းကြေညာစာတမ်း၌ တည်မြဲသော အပစ်အခတ်ရပ်စဲရေးနှင့် နိုင်ငံရေးသဘောတူ ညီချက်များ မရရှိသေးချိန်တွင် အကြီးစားဖွံ့ဖြိုးရေး စီမံကိန်းများ အကောင်အထည်ဖော်ခြင်းသည် ပဋိပက္ခကို ပိုမို ဆိုးရွားစေပြီး ကရင်ပြည်နယ်အတွင်းရှိ ငြိမ်းချမ်းရေးကို ထိခိုက်လျော့ပါးစေကာ ပြည်သူ့လုံခြုံရေးကို ထိခိုက်စေနိုင်သည်ဟု ဖော်ပြပါရှိသည်။

၎င်းကြေညာစာတမ်းနှင့်ပတ်သက်၍ ပဋိပက္ခများအပေါ် ပြောဆိုဆွေးနွေးမှုများ၌ တိကျခိုင်မာသည့် သဘောတူညီမှုမရှိသည့် အခြေအနေတွင် ဤကဲ့သို့ ဖွံ့ဖြိုးမှုစီမံကိန်းကြီးများကို လုပ်ဆောင်နေခြင်းသည် ငြိမ်းချမ်းရေးပုံစံဖြစ်မနေဘဲ ပစ်ခတ်တိုက်ခိုက်မှု များ ဖြစ်ပွားစေပြီး သဘာဝပတ်ဝန်းကျင်ကိုလည်း ထိခိုက်ဆုံးရှုံးမှုများ ဖြစ်ပေါ်စေသည်ဟု KPSN ၏ ပြောခွင့်ရသူ နော်ဆာမူးက ကေအိုင်စီသို့ ပြောသည်။

“ကျမတို့အနေနဲ့ စစ်မက်ဖြစ်ပွားတာကို မလိုလားပါဘူး။ ဒီလိုစီမံကိန်းကြီးတွေကို နိုင်ငံအတွင်းမှာ တိကျခိုင်မာတဲ့ ငြိမ်းချမ်းရေးရှိ မှလုပ်တာ ကောင်းပါမယ်။ နှစ်ဖက်အဖွဲ့အစည်းတွေမကဘူး။ အားလုံးအတွက် အကျိုးဖြစ်စေပြီးတော့ ပဋိပက္ခကို ဖန်တီးပြီး ငြိမ်း ချမ်းရေးဖြစ်စဉ်တွေကို ထိခိုက်စေမဲ့ ဖွံ့ဖြိုးမှုစီမံကိန်းကြီးလမ်းစဉ် ပုံစံကို မဖြစ်စေချင်ဘူး״ဟု နော်ဆာမူးက ပြောသည်။

၎င်းကြေညာစာတမ်း၌ အဝေးပြေးလမ်းမနှင့်ဆက်စပ်သည့် ကိစ္စပြဿနာများကို တာဝန်ရှိအဖွဲ့များအနေဖြင့် ရန်လိုတိုက်ခိုက်နေ မှုများကို ရှောင်ရှားကာ ငြိမ်းချမ်းရေးလုပ်ငန်းစဉ်အတွင်း ညှိနှိုင်းဆွေးနွေးကာ ကေအဲန်ယူအနေဖြင့်လည်း ကြားဝင်ဖျန်ဖြေမှုဖြင့် ငြိမ်းချမ်းသည့်အဖြေရရှိအောင် လုပ်ဆောင်သင့်သည်ဟုလည်း (၇)ချက်ကိုပါ ထည့်သွင်းအကြံပြုထားသည်။ ကရင်ငြိမ်းချမ်းရေး အထောက်အကူပြုကွန်ယက်-KPSN ၏ ကြေညာစာတမ်းကို KPSN အဖွဲ့ဝင်ပေါင်း ၂၅ဖွဲ့က တရားဝင် ထောက်ခံထားသည်။

ကရင်အမျိုးသားအစည်းအရုံး-ကေအဲန်ယူအနေဖြင့် အဆိုပါပဋိပက္ခကို သိမ်မွေ့စွာဖြင့် ကိုင်တွယ်ဖြေရှင်းရသည့် အခြေအနေ၌ ရှိနေသည်ဟု ကေအဲန်ယူ တွဲဖက်အတွင်းရေးမှူး(၂) ပဒိုမန်းမန်းမန်းက လက်ရှိဖြစ်ပွားနေသည့် ပစ်ခတ်တိုက်ခိုက်မှု ပဋိပက္ခနှင့် ပတ်သက်၍ ကေအိုင်စီသို့ ယခုလို ပြောသည်။

၎င်းက “နိုင်ငံရေးရဲ့ အခြေခံပြဿနာတွေကို မဖြေရှင်းနိုင်သေးဘဲနဲ့ ဒီလိုဖွံ့ဖြိုးရေးတွေ၊ စီးပွားရေးတွေကို တဟုန်ထိုး ထိုးတင် လာမယ်ဆိုရင်တော့ မမျှတမှုတွေ၊ လူ့အခွင့်အရေးချိုးဖောက်မှုတွေ အများကြီးဖြစ်ပေါ်လာမှာပါ။ ဒီအပေါ်မှာ အဆင့်မြင့်တိုင်းရင်း သားကိုယ်စားလှယ်တွေနဲ့ အစိုးရ မကြာခင်ရက်ပိုင်းမှာ တွေ့ဆုံသွားခဲ့ရင် ဒီလိုဖြစ်ပေါ်လာတဲ့ အကျိုးဆက်တွေကို ထောက်ပြ ဆွေးနွေးသွားမယ်လို့ ယုံကြည်ပါတယ်״ဟု ဆက်ပြောသည်။

မြန်မာအစိုးရ အရှေ့တောင်တိုင်းစစ်ဌာနချုပ်တိုင်းမှူး၏ ခရီးစဉ်လုံခြုံရေးကိစ္စအပေါ် အခြေခံ၍ ဇူလိုင်လ ၂ရက်နေ့က DKBA နှင့် အစိုးရဘက်မှ စစ်ဆင်ရေးကွပ်ကဲမှုဌာနချုပ်-စကခ(၁၂) လက်အောက်ခံ ခမရ(၂၃၁)တို့ တိုက်ပွဲများ စတင်ဖြစ်ပွားခဲ့ရာ ယခုအချိန်ထိဖြစ်သည်။

စအိုင်စူး
ကေအိုင်စီ - KIC News
http://kicnews.org

အသက် ၁၈ နှစ် ရှိသွားပြီ ဖြစ်တဲ့ နိုဘယ်လ်ငြိမ်းချမ်းရေး ဆုရှင် မာလာလာ (Credit: AFP) 
 နိုဘယ်လ်ငြိမ်းချမ်းရေး ​ဆုရှင် ​Malala ​Yousafzai ​က ​သူ့ရဲ့ ​၁၈ ​နှစ်ပြည့် ​မွေးနေ့ပွဲကို ​ဆီးရီးယား ​အမျိုးသမီးငယ်တွေအတွက် ​ကျောင်းတစ်ကျောင်းဖွင့်ပြီး ​ကျင်းပလိုက်ပါတယ်။

လက်ဘနွန်နိုင်ငံမှာ ​ရှိပြီး ​ဆီးရီးယား ​ဒုက္ခသည်တွေအတွက် ​ဖွင့်လှစ်တဲ့ ​စာသင်ကျောင်းရဲ့ ​ဖွင့်ပွဲကို ​ကျင်းပပေးခဲ့တာ ​ဖြစ်ပါတယ်။

မာလာလာဟာ ​အမျိုးသမီး ​ပညာရေးအတွက် ​လှုပ်ရှားသူဖြစ်တဲ့အတွက် ​၂၀၁၂ ​ခုနှစ်တုန်းက ​တာလီဘန် ​စစ်သွေးကြွတွေရဲ့ ​လုပ်ကြံမှုကို ​ခံခဲ့ရပါတယ်။

လုပ်ကြံခံရပြီးနောက်ပိုင်းမှာ ​လူသိ ​ပိုများလာပြီး ​သူ့ရဲ့ ​ပညာရေး ​လုပ်ငန်းကို ​ပိုလုပ်ကိုင် ​လာနိုင်ခဲ့ပါတယ်။

အခုဆိုရင် ​လူပေါင်း ​၂၀၀ ​ဆန့်တဲ့ ​ကျောင်းတစ်ကျောင်းကို ​ဖွင့်ပေးခဲ့တာလည်း ​ဖြစ်ပါတယ်။

ကလေးငယ်တွေရဲ့ ​အသံကို ​နားထောင်ဖို့ ​မာလာလာက ​ကမ္ဘာ့ခေါင်းဆောင်တွေကို ​တိုက်တွန်းလိုက်ပါတယ်။

မာလာလာက ​သူ့ရဲ့ ​အသံက ​သူ့ရဲ့ ​အသက်နဲ့ ​မဆိုင်တဲ့အကြောင်း၊ ​သူလုပ်ကိုင်တဲ့ ​အလုပ်အကိုင်နဲ့သာ ​သက်ဆိုင်ပြီး ​ဒီမှာရှိတဲ့ ​ကလေးငယ်တွေအတွက်လည်း ​အတူတူပဲ ​ဖြစ်တယ်လို့ ​ပြောသွားခဲ့ပါတယ်။ ​ကမ္ဘာ့ခေါင်းဆောင်တွေအနေနဲ့ ​ကျည်ဆံတွေမှာ ​ရင်းနှီးမြုပ်နှံမယ့်အစား ​စာအုပ်ဖက်မှာ ​ရင်းနှီးမြုပ်နှံဖို့လည်း ​တိုက်တွန်းခဲ့ပါတယ်။

ABC Radio Australia
http://www.radioaustralia.net.au/burmese

လိပ်ကျွန်းမှာ ဖြစ်ခဲ့တဲ့ လူသတ်မှုကို ထိုင်းရဲတွေ စစ်ဆေးစဉ် (Credit: AFP) 
ထိုင်းနိုင်ငံ ​လိပ်ကျွန်းမှာ ​ဖြစ်ခဲ့တဲ့ ​လူသတ်မှုနဲ့ ​ပတ်သက်တဲ့ ​DNA ​အထောက်အထားတွေကို ​ပြန်လည် ​စစ်ဆေးလို့ ​မရတော့ဘူးလို့ ​သိရပါတယ်။

မြန်မာနိုင်ငံသား ​ဇော်လင်းနဲ့ ​ဝင်းဇော်ထွန်းတို့ဟာ ​ဗြိတိန်နိုင်ငံသား ​David ​Miller ​နဲ့ ​Hannah ​Witheridge ​တို့ကို ​သတ်ပစ်မှုနဲ့ ​တရားစွဲဆိုခံထားရပါတယ်။

ထိုင်းရဲတွေကတော့ ​မုဒိမ်းကျင့်ခံရတဲ့ ​Hannah ​Witheridge ​ရဲ့ ​ကိုယ်ခန္စာမှာ ​တွေ့ခဲ့တဲ့ ​DNA ​အထောက်အထားအရ ​မြန်မာနိုင်ငံသား ​နှစ်ဦးက ​တရားခံ ​ဖြစ်တယ်လို့ ​ဆိုပါတယ်။

အဲဒီလို ​အရေးကြီးတဲ့ ​DNA ​ကို ​သီးသန့်လွတ်လပ်စွာ ​ထပ်မံ ​စစ်ဆေးခွင့်ရဖို့ ​မြန်မာနှစ်ဦးကို ​ကိုယ်စားပြုတဲ့ ​ရှေ့နေအဖွဲ့က ​ကြိုးစားတဲ့အခါ ​ထိုင်းတရားရုံးက ​စစ်ဆေးခွင့် ​ပေးခဲ့ပေမယ့် ​စစ်ဆေးလို့ ​မရတော့တဲ့ ​အခြေအနေမှာ ​ရောက်သွားပြီလို့ ​သိရပါတယ်။

မြန်မာနှစ်ဦးကို ​ကိုယ်စားပြုတဲ့ ​ရှေ့နေ ​Nakhon ​Chomphuchart ​ကတော့ ​တချို့ ​ပစ္စည်းတွေကိုသာ ​စစ်ဆေးခွင့်ရပြီး ​အရေးကြီးတဲ့ ​ပစ္စည်းတချို့ကိုတော့ ​DNA ​စစ်လို့မရတော့ဘူးလို့ ​တနင်္ဂနွေနေ့က ​အေအက်ဖ်ပီကို ​ပြောပြခဲ့ပါတယ်။

ထိုင်းပြည်သူနဲ့ ​မြန်မာကို ​ကိုယ်စားပြုတဲ့ ​ရှေ့နေတွေကတော့ ​မှုခင်းဖြစ်တဲ့ ​နေရာကို ​ရဲတွေက ​တားဆီးမှုတွေ ​မလုပ်သလို၊ ​ကျန်းမာရေး ​ပညာရှင်တွေကိုလည်း ​အလောင်းတွေ ​တွေ့ပြီး ​နာရီပေါင်း ​များစွာကြာမှ ​ခေါ်တဲ့အပေါ် ​ဝေဖန်နေကြပါတယ်။

တရားခံရှာဖို့ ​ဖိအားပေးခံရတဲ့ ​ထိုင်းရဲတွေဟာ ​အလွယ်နည်းနဲ့ ​မြန်မာနိုင်ငံသားတွေကို ​ဓားစာခံ ​လုပ်လိုက်တာ ​ဖြစ်မယ်လို့ ​ယူဆနေကြပါတယ်။

ဒီအမှုက ​အောက်တိုဘာလမှာ ​ပြီးဆုံးမယ်လို့ ​မျှော်လင့်ရပြီး ​ဇော်လင်းနဲ့ ​ဝင်းဇော်ထွန်းတို့မှာ ​အပြစ်ရှိကြောင်း ​တွေ့ရှိရင်တော့ ​သေဒဏ် ​ချမှတ်ခံရနိုင်ပါတယ်။

ဇူလိုင်လ ​၂၂ ​ရက်နေ့ကျရင် ​တရားရုံးမှာ ​ထပ်မံ ​အမှုကြားနာဖို့ ​ရှိနေပါတယ်။

ABC Radio Australia
http://www.radioaustralia.net.au/burmese


ဂျူလိုင်လ ၁၃ ရက် ၂၀၁၅

သျှမ်းပြည်ပြန်လည်ထူထောင်ရေးကောင်စီ RCSS/SSA မှ ဌာနချုပ် နှင့် ကုန်သွယ်ရေးစခန်းအဖြစ် သတ်မှတ်ပေးရန်အစိုးရထံ တောင်းဆိုထားသည့် နယ်မြေတွင် UWSA ၀ တပ်ဖွဲ့မှ ၀င်ရောက် တပ်စခန်းချထားမှုများ ရှိနေေ ကြာင်း RCSS/SSA တာဝန်ရှိသူက ပြောသည်။

သျှမ်းပြည်နယ်အရှေ့ပိုင်း မိုင်းတုံမြို့နယ် မိုင်းထားမြို့နယ်ခွဲတွင် ပဏာမ အဆင့် အပစ်စရပ်စဉ်က တည်းက RCSS/SSA အနေဖြင့် မိုင်းထားဒေ သအား ဌာနချုပ် နှင့် ဒေသဖွံ့ဖြိုးရေးအတွက် ကုန် သွယ်ရေးစခန်းများ အဖြစ် သတ်မှတ်ပေးရန် အစိုးရထံ တောင်းဆိုထားသည့်နောက်ပိုင်း ၀ တပ်ဖွဲ့ အား ၀င်ရောက်တပ်စွဲမှုများ ဖြစ်ပေါ်လာခြင်း ဖြစ်သည်။
‘‘ ကျနော်တို့ရဲ့ တောင်းဆိုထားချက်ကိုတောင် ပြန်စဉ်းစားရတော့မလို ဖြစ်လာနေပြီ တောင်းဆို လိုက်တဲ့အတွက် မလိုလားအပ်တဲ့ ပြသနာ ပေါ်လာ သလို ဖြစ်နေလို့ပါ။ အရင်တုန်းက ၀ တပ်တွေ မရှိဘူး တောင်းလိုက်မှပဲ အဲဒီနယ်တွေထဲ ၀င်လာတယ်လေ၊ ပိုပြီးလည်း များများလာနေတာ တွေ့ရ တယ် ’’ ဟု ပြောရေးဆိုခွင့်ရှိသူ ဗိုလ်မှူးကြီးစိုင်းလှက ဂျူလိုင်လ ၁၁ ရက်နေ့တွင် ပြောသည်။

UWSA ၀ တပ်ဖွဲ့ လက်အောက်ခံ ဝေရှောက်ယင် ဦးဆောင်သည့် အမှတ် ၁၇၁ စစ်ဒေသသည် သျှမ်းပြည်အရှေ့ပိုင်း တာချီလိတ်ခရိုင် နှင့် မိုင်းဆတ် ခရိုင် အတွင်း ထိုင်းနယ်စပ်တလျှောက် မြန်မာအစိုးရ ၏ သဘောတူညီမှုဖြင့် အခြေချနေထိုင်သည်။

’’ကျနော်တို့ က နဂိုကတည်းက ဒီမှာနေတာပါ။ အခု မှ လာတာမဟုတ်ဘူး။ ဖယ်ဖို့လဲ ဘာအထက် အမိန့်ကျမလာဘူး။ လိုအပ်ချက်အရ အင်အား ထပ်ဖြည့် လာတာတော့ရှိတယ်လေ။ ဒီလဆန်းပိုင်း တုန်းကပေါ့’’ - ၀ အရာရှိငယ် အိုက်ဆမ် က ပြောသည်။

ဌာနချုပ် ဗဟိုရုံးစိုက်ရန် အတွက် RCSS/SSA မှ မိုင်းတုံမြို့နယ် မိုင်းထားမြို့ နယ်ခွဲနှင့် လင်းခေး ခရိုင် မိုင်းပန်မြို့နယ် ဟိုမိန်းမြို့နယ်ခွဲ တို့အားတောင်း ဆိုထားခြင်းဖြစ်သည်။ မိုင်းထား ဒေသ က ထိုင်းနိုင်ငံ ချင်းမိုင်(ဇင်းမယ်) ၀ိန်းဟိုင်မြို့နယ် နှင့် ကပ်လျက်တည်ရှိပြီး ဟိုမိန်းမြို့ကမူ ထိုင်းနိုင်ငံနယ်စပ်မြို့ - မယ်ဟောင်ဆောင် ခရိုင် မယ်ဟောင်ဆောင်မြို့နှင့် ကပ်လျက် တည်ရှိ သည်။

အစိုးရနှင့် တိုင်းရင်းသား လက်နက်ကိုင်အဖွဲ့များအကြား ဆွေးနွေးနေ သည့် နိုင်ငံလုံးဆိုင်ရာအ ပစ်ခတ်ရပ်စဲရေး စာချုပ်တွင် မတရားအသင်းနှ င့်ဆက်သွယ်မှု ပုဒ်မ ၁၇၊၁ မှာ အပစ်ရပ်စာချုပ် လက်မှတ်ရေးထိုးပြီးမှ ပယ်ဖျက်မည်ဖြစ်ပြီး နေရာသတ်မှတ်မှုများမှာလည်း ယင်းနောက်ပိုင်းမှ စတင်ဆောင်ရွက်ကြမည်ဟု ပါရှိသည်။

သျှမ်းပြည်တပ်မတော် နှင့် မြန်မာအစိုးရ တို့သည် ပြည်ထောင်စု အဆင့် လက် မှတ်ရေးထိုးထားပြီး ငြိမ်းချမ်းရေးဆိုင်ရာ ပြည်ထောင်စုနေ့လက်မှတ်ရေး ထိုး ထားသည်။ ထို့အပြင် မူးယစ်ဆေးဝါး ပူးပေါင်းတိုက်ဖျက်ရန်လည်း သဘော တူ ထားသည်။ သို့သော် မြို့တွင်းဝင်ပါက လက်နက် ကိုင် ဆော င်ခြင်း မပြု ဘဲ လူ ထု၊ လူအဖွဲ့အစည်း၊ ပါတီတို့ နှင့်တွေ့ဆုံခြင်း၊ ဆက်ဆံရေးရုံး ဖွင့်လှစ်ခြင်း အစရှိအချက်များမှ လွှဲ၍ အခြားသဘောတူထားသည့် အချက်များ လက်တွဲ အကောင် အထည် ဖေါ်နိုင်ခြင်း မရှိသေးပေ။

သျှမ်းသံတော်ဆင့်/ စိုင်းထွန်းအောင်လွင်
https://www.facebook.com/Panglong.burmese


 မြန်မာနိုင်ငံမှာ ၂၀၁၅ ရွေးကောက်ပွဲ နီးကပ်လာချိန် အမုန်းစကားတွေကြောင့် အကြမ်းဖက် ပဋိပက္ခတွေ ထပ်မံမဖြစ်ပေါ်ရအောင် မြန်မာကျောင်းသား လူငယ်တွေကနေ My Friend Campaign ကို အရှိန်မြှင့် လုပ်ဆောင်နေပါတယ်။ ဘာသာပေါင်းစုံ၊ လူမျိုးပေါင်းစုံ ပါဝင်တဲ့ ကျောင်းသားလူငယ်တွေဟာ တနင်္ဂနွေနေ့က ရန်ကုန်မြို့မှာ ဘာတွေလှုပ်ရှားခဲ့ကြသလဲ ဆိုတာကိုတော့ မအင်ကြင်းနိုင်က တင်ပြထားပါတယ်။

မြန်မာနိုင်ငံမှာ ခွဲခြားဆက်ဆံမှုနဲ့ အမုန်းစကားတွေကို ဆန့်ကျင်တဲ့ လှုပ်ရှားမှုအဖြစ် မနေ့က ရန်ကုန်မြို့ ရွှေတိဂုံစေတီအနီး ကန်တော်မင်ပန်းခြံမှာ ဆယ်ကျော်သက်အရွယ် ကျောင်းသူကျောင်းသားတွေဟာ လူမျိုး၊ ဘာသာ မတူညီကြပေမဲ့ ညီညွတ်ချစ်ခင်ကြတယ်ဆိုတဲ့ အထိမ်းအမှတ်အဖြစ် Selfie ဓာတ်ပုံတွေရိုက်ပြီး လူမှုကွန်ယက် အင်တာနက် စာမျက်နှာပေါ်မှာ ဖြန့်နေကြတာပါ။

ဒီလှုပ်ရှားမှုဟာ My Friend Campaign ရဲ့ Selfie လှုပ်ရှားမှုအနေနဲ့ မိုဘိုင်လ်တယ်လီဖုန်း အင်တာနက်ကို အသုံးပြုပြီး လူမှုအသိုင်းအ၀ိုင်း ခွဲခြားဆက်ဆံမှုတွေ နည်းနိုင်သမျှနည်းအောင် လှုပ်ရှားဆောင်ရွက်ဖို့ ရည်ရွယ်ထားတာ ဖြစ်တယ်လို့ ဦးဆောင်လှုပ်ရှားသူတွေက ပြောပါတယ်။ အထူးသဖြင့် နိုဝင်ဘာလ ၈ ရက်နေ့မှာ ကျင်းပမယ့် အထွေထွေ ရွေးကောက်ပွဲ နီးကပ်လာချိန် နိုင်ငံတွင်း အမုန်းစကားတွေ လှုံ့ဆော်မှု တိုးမြှင့်လာတာတွေ ရှိနေတာကြောင့် အခုလို လူငယ်တွေက လူမှုအသိုင်းအတွင်း ငြိမ်းချမ်းရေးအတွက် အရှိန်အဟုန်နဲ့ ဆောင်ရွက်လာတာ ဖြစ်တယ်လို့  ဦးဆောင် လှုပ်ရှားနေသူတဦးဖြစ်တဲ့ လူ့အခွင့်အရေး တက်ကြွလှုပ်ရှားသူ မဝေေ၀နုက ဗွီအိုအေ ကို ပြောပါတယ်။

“အခုက အမုန်းစကားနဲ့ ပတ်သက်လို့ ကျမတို့ နိုင်ငံမှာက ဘယ်တွေမှာသွားပြီး ထိခိုက်မလဲဆိုတော့ ငြိမ်းချမ်းရေးဖြစ်စဉ်တွေမှာပါ ထိခိုက်တယ်ပေါ့နော်။ အမုန်းစကားလို့ ပြောလိုက်လို့ရှိရင် လူတွေက ဒီ ဘာသာခြား တိုင်းပြည်တွင်းမှာပဲ မြန်မာနိုင်ငံထဲမှာပဲ အတူတူ တမြေတည်း၊ တရေတည်း နေလာပြီးတော့မှ ဘာသာခြားရယ်လို့ ဒီနေရာမှာ အမုန်းစကားနဲ့ ပတ်သက်လို့ ထိခိုက်လာတာ ရှိတယ်။ လူမျိုးကြားထဲမှာ အဖွဲ့အစည်းကြားထဲမှာ အဲဒီလို ထိခိုက်လာတာရှိတယ်။ နောက်ပြီးတော့ တဦးနဲ့တဦး အမုန်းစကား ပြန့်ပွားဖို့အတွက် အဓိက လုပ်ဆောင်နေတာမျိုးတွေကိုလည်း ကျမတို့ ကြားနေရတယ်။ ကျမတို့ ဘယ်လောက်လိုက်ပြီးတော့ ကာကွယ်နိုင်မလဲပေါ့နော်။ ပတ်ဝန်းကျင်မှာ ကျမတို့ လက်လှမ်းမီသ၍ကတော့ ဒါဟာ အမုန်းစကား ပြန့်ပွားစေတဲ့ စကားလုံးတွေ ဒါတွေ မလုပ်သင့်ဘူးလို့ ပြောနေပေမဲ့ ကျမတို့ထက် ပိုပြီး ထိရောက်အောင် သူတို့က အမုန်းစကားတွေ ဖြန့်ချိတာမျိုးကိုလည်း ကျမတို့ တွေ့ရတယ်။ အခု ၂၀၁၅ နီးလာပြီ။ မြန်မာနိုင်ငံမှာ ကြုံတွေ့ရမယ့် ရွေးကောက်ပွဲကာလအတွင်းမှာ အဲဒါမျိုးတွေ ထပ်မဖြစ်စေချင်ပါဘူး။ ကျမတို့ ပြည်သူကြားမှာ စိတ်ဝမ်းကွဲတာတွေ၊ ညှိနှိုင်းလို့မရတဲ့ ဖြစ်စဉ်မျိုးတွေ ကျမတို့ မကြုံတွေ့ချင်ဘူး။ ဒီအမုန်းစကားကြောင့်။ ၂၀၁၅ မှာ ပိုပြီး အရေးကြီးလာပြီလို့ ကျမတို့ ထင်တယ်။”

လက်ရှိအခြေအနေမှာလည်း နယ်တွေမှာ ရွေးကောက်ပွဲနဲ့ ဆိုင်တဲ့ အမုန်းစကားတွေကို ပိုပြီး ဖြန့်နေကြတယ်လို့ မဝေေ၀နုက ပြောပါတယ်။

“ဒီဘာသာရေး၊ လူမျိုးရေး အမုန်းစကား ဖြန့်ချိနေတဲ့ သူတွေကလည်း သူတို့ရဲ့ အဓိကသတ်မှတ်တဲ့ နယ်မြေတွေဟာ ကျေးလက်ဒေသတွေ ဖြစ်နေတယ်။ အဲဒီဒေသတွေမှာ အမုန်းစကားတွေကို ပိုပြီး ဖြန့်ချိနေတာ ကျမတို့ တွေ့ရတယ်။ ဥပမာ - အတိုက်အခံပါတီဘက်ကဆိုလို့ရှိရင် NLD ဘက်က ဆိုလို့ရှိရင် အဲလိုမျိုးလေးတွေ ပြောဆိုခံရတာပေါ့။ ဥပမာ - ခွပ်ဒေါင်းက မွတ်ဒေါင်းဖြစ်သွားပြီ ဆိုတဲ့ စကားလုံးမျိုးလေးတွေ၊ NLD ကို မဲပေးရင် ကုလားကြီးစိုးသွားမယ်ဆိုတဲ့ စကားလုံးမျိုးတွေ၊ အဲတော့ ဒီလူထုကြားထဲမှာ ရွေးကောက်ပွဲနဲ့ ပတ်သက်ပြီး ခုတလောအတွင်းမှာ ပိုပြီးတော့ ကျေးလက်ဒေသမှာ ဖြန့်ချိတာ ကျမတို့ တွေ့ရတယ်။”

မကြာသေးခင် နှစ်တွေအတွင်း အသိုင်းအ၀ိုင်း နှစ်ဘက်ကြား သေဆုံး၊ ဒဏ်ရာရစေခဲ့တဲ့ အကြမ်းဖက် ပဋိပက္ခတွေဟာ မိတ္ထီလာ၊ မန္တလေး စတဲ့ မြို့ကြီး တချို့မှာ ဖြစ်ခဲ့တာပါ။ ဒီအတောအတွင်း သဘောထား တင်းမာတဲ့ ဗုဒ္ဓဘာသာ သံဃာတော်တွေ ဖွဲ့စည်းထားတဲ့ မဘသ အဖွဲ့ဟာ မူဆလင် လူနည်းစုတွေ ဆန့်ကျင်ရေးအတွက် ဆန္ဒပြပွဲတွေ၊ အင်တာနက် အွန်လိုင်းကနေ အမုန်းတရား လှုံ့ဆော်တာတွေ ရှိနေတယ်လို့ နိုင်ငံတကာ လူ့အခွင့်အရေး အဖွဲ့အစည်းတွေက ဝေဖန် ထောက်ပြနေကြတာပါ။ အခုလို နိုင်ငံတွင်း အမုန်းတရား ပြန့်ပွားအောင် လှုံ့ဆော်နေတာကို ရပ်တန့်ရေး အတွက် အစိုးရဘက်က ဆောင်ရွက်မှုတွေမှာ အားနည်းတာတွေ ရှိနေတယ်လို့ ဘလော့ဂါ ကိုနေဖုန်းလတ်က AFP သတင်းဌာနကို ပြောပါတယ်။ ဒါ့အပြင် အချို့အုပ်စုတွေဟာ အမုန်းတရား ပြန့်ပွားအောင် ရည်ရွယ်ချက်ရှိရှိ လုပ်ဆောင်နေကြတာကို တွေ့နေရတယ်လို့ သူက အင်္ဂလိပ်ဘာသာစကားနဲ့ အခုလို ပြောသွားပါတယ်။

“နည်းပညာကို လူတချို့က ကောင်းတဲ့ကိစ္စတွေအတွက် အသုံးပြုပေမဲ့ အခြားတဘက်မှာတော့ မကောင်းတဲ့သူတွေက မကောင်းတာလုပ်ဖို့ ဒီနည်းပညာကို အသုံးချနေကြတာပါ။ အဲဒါကြောင့် လူတွေရဲ့ နားလည်သဘောပေါက်မှုအပေါ်မှာ မူတည်နေတဲ့အပြင် လူတွေရဲ့ အသိပညာဥာဏ်ဟာလည်း အလွန်အရေးကြီးပါတယ်။”

သူကိုယ်တိုင်လည်း လူမှုကွန်ယက် အင်တာနက်စာမျက်နှာဖြစ်တဲ့ Facebook မှာ အမုန်းတရား လှုံ့ဆော်မှုတွေကို စောင့်ကြည့်ပြီး အစီရင်ခံတင်ပြနေတဲ့ ပန်းစကားအဖွဲ့ကို ဦးဆောင်နေသူ ဖြစ်ပါတယ်။ My Friend Campaign ရဲ့ Selfie ဓာတ်ပုံရိုက်လှုပ်ရှားမှုမှာ ဗုဒ္ဓဘာသာဝင် လူငယ်တွေနဲ့ အစ္စလာမ်ဘာသာဝင် လူငယ်တွေ ပျော်ပျော်ရွှင်ရွှင်နဲ့ အတူတကွ ဓာတ်ပုံရိုက်နေကြတာကို တွေ့မြင်ရပါတယ်။

ဧပြီလကစတင်ခဲ့တဲ့ My Friend Campaign လှုပ်ရှားမှုမှာတော့ လူမျိုး၊ ဘာသာပေါင်းစုံက ကျောင်းသားလူငယ်တွေ ပါဝင်နေပြီး မိတ်ဆွေသူငယ်ချင်းတွေအဖြစ် သူတို့မှာ ခွဲခြားမှုဆိုတဲ့ အကန့်အသတ် နယ်နိမိတ် မရှိကြဘူးလို့ အဖွဲ့ရဲ့တရားဝင် လူမှုကွန်ယက်စာမျက်နှာမှာ ဖော်ပြထားပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

ဒီကေဘီအေအဖွဲ့က ဗိုလ်မှူးစောဆန်းအောင် ကော့ကရိတ်မြို့နယ်အတွင်းက တိုက်ပွဲသတင်းအခြေအနေကို ဖုန်းနဲ့နားထောင်နေစဉ်။ (ဇန်န၀ါရီ ၁၉၊ ၂၀၁၅)

 ကရင်ပြည်နယ် ကော့ကရိတ်မြို့နယ်ထဲမှာ မြန်မာအစိုးရတပ်တွေက အာရှလမ်းသစ်နဲ့ ၁၀ မိုင်အကွာလောက်မှာရှိတဲ့ ဒီကေဘီအေရှိနိုင်တဲ့နေရာတွေကို လက်နက်ကြီးနဲ့ပစ်ခတ်နေတယ်လို့ ဆိုပါတယ်။ ဒီကေဘီအေအပါအ၀င် တိုင်းရင်းသားနယ်မြေတချို့မှာ အခုလို ထိုးစစ်ဆင်နေတာတွေဟာ တနိုင်ငံလုံး အပစ်ရပ်စဲရေး လက်မှတ်ထိုးနိုင်ရေးမှာ ထိခိုက်နိုင်ကြောင်း တိုင်းရင်းသားခေါင်းဆောင်တွေနဲ့ စုစည်းထားတဲ့အဆင့်မြင့် ညှိနှိုင်းရေးကိုယ်စားလှယ်အဖွဲ့ တာဝန်ရှိသူတွေက ပြောပါတယ်။ အပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ပြီးခဲ့တဲ့တပတ်ကျော်ကစပြီး မြန်မာ့တပ်မတော်က အာရှလမ်းသစ်ဖွင့်နိုင်ရေး အကောက်ခွန်ဂိတ်တွေကို ဖယ်ရှားရင်း နယ်မြေရှင်းတယ်ဆိုပြီး ဒီကေဘီအေ နဲ့ တိုက်ပွဲတွေဖြစ်နေတာပါ။ ပြီးခဲ့တဲ့ရက်ကတော့ နယ်မြေရှင်းလင်းနိုင်ခဲ့ပြီလို့ တပ်မတော်ဘက်ကဆိုပါတယ်။ ဒါပေမယ့် မြန်မာအစိုးရတပ်တွေဟာ ဒီကေဘီအေ ထိန်းချုပ်ရာနေရာတွေကို ဒီကနေ့အထိ ဆက်တိုက် လက်နက်ကြီးနဲ့ ဆက်လက်ပစ်ခတ်နေတယ်လို့ ဒီကေဘီအေ၊ ကလိုထူးဘော အခြေချ ဗျူဟာက ဗိုလ်မှူး စောဆန်းအောင်က ဆိုပါတယ်။

“အခြေအနေက နေ့တိုင်းကိုဖြစ်နေတယ်။ အခု မနက် ၅ နာရီခွဲကနေပြီးတော့ ကျနော်တို့ရှိတဲ့တောင်ကုန်းကို ၁၂၀ နဲ့လှမ်းပစ်နေတယ်။ အလုံး ၃၀ လောက် ရှိနေပြီပေါ့။ မနက် ၅ နာရီခွဲက အလုံး ၂၀ လောက်ရှိပြီ။ ကျနော်တို့လူကြီးတွေက ကျနော်တို့ကို ကြေးနန်းရိုက်တယ်၊ လမ်းမကြီးကနေ ခွာပေးလိုက်- အထက် လူကြီးတွေပေါ့လေ၊ ကေအန်ယူရဲ့ခေါင်းဆောင်တွေ ကျနော်တို့ အထက်လူကြီးတွေနဲ့ညှိတယ်လို့ ပြောတာပေ့ါလေ။ ကျနော်တို့ကို ခွာခိုင်းတယ်။ လုံးဝ သေနတ်တောင်မဖောက်ရဘူးလို့ ပြောတယ်။ လုံးဝလှုပ်ရှားမှုမရှိဘူး။ ဒါပေမယ့် အခု ကျနော်တို့နေတဲ့တောင်ကြောတွေကို လိုက်ပစ်နေတယ်။ အရင်တုန်းကတော့ လမ်းကို ရှင်းတယ်လို့ပြောတယ်။ အခု ဒါ လမ်းနဲ့မဆိုင်တော့ဘူး။ အခု ပစ်ခတ်မှုကတော့ လမ်းနဲ့မဆိုင်ဘူး။”

ဒီကေဘီအေအပါအ၀င် တိုင်းရင်းသားနယ်မြေတွေမှာ မြန်မာ့တပ်မတော်ဘက်က လက်နက်ကြီးနဲ့ပစ်ခတ်မူတွေရှိနေတဲ့အတွက် တနိုင်ငံလုံး အပစ် ရပ်စဲရေး လက်မှတ်ရေးထိုးရေးကို ထိခိုက်နိုင်တယ်လို့ တိုင်းရင်းသားခေါင်းဆောင်တွေနဲ့ စုဖွဲ့ထားတဲ့ အဆင့်မြင့်ညှိနှိုင်းရေး ကိုယ်စားလှယ်အဖွဲ့ ခေါင်းဆောင်တဦးဖြစ်တဲ့ နိုင်ဟံသာက ပြောပါတယ်။

“အရမ်းလည်း စိုးရိမ်နေတယ်။ ဘာကြောင့်လဲဆိုတော့ တဖြည်းဖြည်းနဲ့ပြင်းထန်လာရင်ပေါ့ဗျာ - အန်ကယ်လ်တို့ဆွေးနွေးနေတဲ့ တနိုင်ငံလုံးအပစ်အခတ်ရပ်စဲရေးကို ထိခိုက်စေနိုင်တယ်လို့ အန်ကယ်လ်မြင်တယ်လေ။ ယုံကြည်မှုတွေ လျော့ကျနိုင်တယ်၊ ပိုပြီးတော့မှ ခိုင်မာအောင်သာ ဆွေးနွေးရမယ်ဆိုတော့ အဲဒါတော့ စိုးရိမ်တယ်။ အန်ကယ်လည်း မြင်တယ်လေ။ အဲဒီအလားအလာကတော့ မကောင်းဘူး။ ပလောင်နယ်မြေမှာဖြစ်တယ်။ အခု ဒီကေဘီအေမှာဖြစ်တယ်။ ဒါတွေက ပိုပြင်းထန်တာပေါ့လေ။ ဒိထက်နည်းနည်းလျော့တာကတော့ ကချင်ပြည်နယ်မှာဖြစ်တယ်။ ကိုးကန့်နယ်မှာလည်း ရပ်သွားတယ်ဆိုတဲ့အနေအထားအထိ မရောက်သေးဘူး။ မကြာမကြာ လက်နက်ကြီးတွေနဲ့ လှမ်းလှမ်းပြီးတော့ ပစ်နေတာတော့ ရှိတယ်။”

ပစ်ခတ်မှုတွေကြောင့် ကားလမ်းအဟောင်းပိတ်ထားရတယ်လို့ သတင်းတွေထွက်နေပေမယ့် ကော့ကရိတ်မြို့နယ်ရပ်တပ်ဖွဲ့မှူးရုံးကတော့ ကားလမ်းတွေ ပိတ်မထားကြောင်း ပြောပါတယ်။ ကော့ကရိတ်မြို့ခံတဦးကတော့ လက်နက်ကြီးသံတွေ မနက်ကတည်းက ကြားနေရတယ်လို့ ပြောပါတယ်။

“ဒီမနက် ၅ နာရီခွဲကတည်းက စပစ်နေတာ။ ၁၀ နာရီခွဲ၊ ၁၁ နာရီလောက်မှ တိတ်သွားတာ။”



 ဒီကေဘီအေတွေ ရှိနိုင်တယ်လို့ ယူဆရတဲ့ အောက်ဘိုတဲဆိုတဲ့နေရာကိုတော့ လက်နက်ကြီးနဲ့ပစ်နေတာတွေရှိကြောင်း မြ၀တီမြို့က ပြည်သူတဦးကလည်း ဆိုပါတယ်။

“…အောက်ဘိုတဲမှာတော့ လူတွေတော့ မရှိဘူး။ အကုန်လုံးဖယ်ကြဆိုပြီး ဖယ်ထားခိုင်းတယ်။ အဲဒီမှာ ဒီကေဘီအေအဖွဲ့တွေ တော်တော်များများရှိတယ်။ မိသားစုတွေလည်း ရှိကြတယ်။ မနက်က အလုံး ၃၀ ကျတဲ့အခါကျတော့ ခနပိတ်ထားလိုက်တာ စစ်တပ်ကနေပြီး..”

တပ်မတော်ဘက်က ဇူလိုင်လ ၁၁ ရက်နေ့ သတင်းထုတ်ပြန်ချက်မှာတော့ မြ၀တီသင်္ကန်းညီနောင် အာရှလမ်းမသစ်နဲ့ လမ်းဟောင်းကို နယ်မြေရှင်းလင်း ထိန်းချုပ်ပြီး ဖွင့်လှစ်ထားတယ်လို့ ဆိုပါတယ်။ လမ်းဟောင်းမှာ တိုက်ပွဲဖြစ်တာ ၁၉ ကြိမ်နဲ့ အာရှလမ်းသစ်မှာ အကြိမ် ၂၀ ဖြစ်ခဲ့ပြီး တပ်မတော်ဘက်ကကော ကရင်လက်နက်ကိုင်တွေဘက်ကပါ နှစ်ဘက် ထိခိုက်မှုတွေရှိကြောင်း ရေးထားပါတယ်။ ကရင်လက်နက်ကိုင် ၃ ဦးကိုလည်း အရှင်ဖမ်းမိထားတယ်လို့ ဆိုပါတယ်။ ဒါ့အပြင် ဆုတ်ခွာသွားတဲ့ ကရင်လက်နက်ကိုင်တပ်တွေကိုလည်း ဆက်လက် ရှင်းလင်းတိုက်ခိုက်နေတယ်လို့ ရေးသားထားပါတယ်ရှင်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com

 လှုပ်ရှားသွားလာနေသော အစိုးရတပ်သားတချို့ကို တွေ့ရစဉ် Photo: Kyaw Myo Min/ RFA

 ကချင်ပြည်နယ် ဆွမ်ပရာဘွမ်ဒေသမှာ အစိုးရတပ်တွေနဲ့ KIAတပ်တွေ မနေ့က တိုက်ပွဲတွေဖြစ်ပွားခဲ့ပြီး ဒီနေ့မှာလည်း မနက်အစောပိုင်းကတည်းက အစိုးရ ဘက်က လက်နက်ကြီးတွေနဲ့ ပစ်ခတ်နေတယ်လို့ KIA စစ်မဟာဗျူဟာဌာန က RFAကို ပြောပါတယ်။

မနေ့က ဖြစ်ပွားတဲ့ တိုက်ပွဲတွေမှာ အစိုးရဘက်က တိုက်လေယဉ်နဲ့ နှစ်ကြိမ်တိုက်ခိုက်ခဲ့တယ်လို့ ဆိုပါတယ်။ တိုက် ပွဲတွေမဖြစ်ပွားခင် ဇူလိုင်လ ၁၀ ရက်နေ့၊ ညနေ ၅ နာရီက ဆွမ်ပရာဘွမ်မှာရှိတဲ့ KIA စခန်းကို နေရာပြောင်းရွှေ့ပေးဖို့ အစိုးရတပ်ဘက်က စာပေးပို့ခဲ့တယ်လို့ KIA စစ်မဟာဗျူဟာဌာန အကြီးအကဲ ဗိုလ်မှူးကြီး ဇော်တောင် က ပြောပါတယ်။

"သူတို့ကတော့ ပြောတယ်၊ KIA ရဲ့နယ်မြေက ဧရာဝတီရဲ့အရှေ့ဘက်ကမ်းမှာဘဲ၊ ဒီအနောက်ဘက် ကမ်းမှာမဟုတ်ဘူး၊ ဒါကြောင့် အနောက်ဘက်ကမ်းက စခန်းကို ရွှေ့ပေးဖို့ဆိုပြီးမှ ညနေ ၅ နာရီလောက်မှာ စာဝင်တယ်၊ နောက်နေ့ ၉ နာရီလောက်မှာ တိုက်ပွဲဖြစ်တယ်၊ ၁၁ ခွဲလောက်မှာ တစ်ကြိမ်၊ ညနေ ၃ နာရီလောက်မှာ တစ်ကြိမ်၊ ဒီမနက်မှာတော့ လက်နက်ကြီးနဲ့ ပစ်တယ်ဆိုတာဘဲကြားတယ်၊ ကျန်တဲ့ နောက်ဆက်တွဲကတော့ မကြားရသေးပါဘူး"

ဒီနေ့မနက် ၅ နာရီဝန်းကျင်ကတည်းက အစိုးရတပ်ဘက်က လက်နက်ကြီးနဲ့ ပစ်ခတ်နေပြီး၊ မြေပြင်ထိုးစစ်တွေလည်းရှိခဲ့ တယ်လို့ ပြောပါတယ်။

မနေ့ကတော့ အစိုးရတပ်တွေ လေကြောင်းကနေတိုက်ခိုက်တဲ့ KIAရဲ့ မလိယန် ရှေ့တန်းစခန်းကို ဆုတ်ခွာပေး လိုက်တယ်လို့ သိရပါတယ်။

အခုတိုက်ပွဲတွေဖြစ်ပွားတဲ့နေရာဟာ ဧရာဝတီမြစ်အနောက်ဘက်ကမ်း၊ ကချင်ပြည်နယ်တွင်းမှာဖြစ်ပေမယ့် အစိုးရ တပ်တွေကတော့ အဲဒီနေရာတွေဟာ KIA နယ်မြေမဟုတ်ဘူးလို့ အကြောင်းပြထားတယ်လို့ ဆိုပါတယ်။

RFA Burmese
http://www.rfa.org/burmese



အာရှလမ်းမကြီးနား တိုက်ပွဲတွေ ဖြစ်နေလို့ဆို 
 မြဝတီ ကော့ကရိတ် အာရှ အဝေးပြေး လမ်းသစ်နဲ့ လမ်းဟောင်း ကို အစိုးရက ထိန်းချုပ်နိုင်ပြီလို့ ကြေညာ ခဲ့ပေမယ့် ဒီနယ်မြေမှာ ဆက်ပြီး တနင်္ဂနွေ နေ့ထိ တိုက်ပွဲတွေ ဆက်ဖြစ် နေပါတယ်။

အာရှ လမ်းမကြီးနဲ့ တမိုင်ကျော်လောက် ဝေးတဲ့ ဒီကေဘီအေ ကလော့ထူးဝါး အခြေစိုက် စခန်းနားမှာ တိုက်ပွဲတွေ ဆက်ဖြစ်နေတုန်းပဲ လို့ ဒီကေဘီအေ က တပ်မှူး တယောက်က ဘီဘီစီ ကိုပြောပါတယ်။

ဒီကေဘီအေ နဲ့ အစိုးရ ကြား တိုက်ပွဲတွေ ဖြစ်နေတာ ဆယ်ရက်လောက် ရှိသွားပါပြီ။

အစိုးရ တပ်တွေနဲ့ အတူ ဘီဂျီအက်ဖ် လို့ ခေါ်တဲ့ နယ်ခြားစောင့် တပ် တတပ်ဖြစ်တဲ့ ကရင်လက်နက်ကိုင် အဖွဲ့ တခု ကလည်း ပူးပေါင်းပြီး ဒီကေဘီအေ ကို တိုက်ခိုက် နေပါတယ်။

အပစ်ရပ်ရေး အတွက် အထက် အဆင့်မှာ ညှိနှိုင်း နေဆဲ ဖြစ်ပြီး တိုက်ပွဲ ဆက်ဖြစ်နေရင် ရွေးကောက်ပွဲ အတွက် ထိခိုက်နိုင်တယ် လို့ ဒီကေဘီအေ ကလို့ထူးဝါး စစ်ကွပ်ကဲရေး ဌာနချုပ် ဗိုလ်မှူးချုပ် ကျော်သက်က ပြောပါတယ်။

BBC Burmese
http://www.bbc.com/burmese

 ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ရဲ့ ပထမဆုံးအကြိမ်ရုံးဖွင့်ပွဲကို လွိုင်ကော်မြို့ မင်္ဂလာရပ်ကွက်က သရဖီလမ်းမှာ ဇွန်လ ၂၄ ရက်နေ့က ဖွင့်လှစ်နေစဉ် Photo: Nay Thwae/ RFA
ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီက ရှမ်းပြည်နယ်က မဲဆန္ဒနယ်မြေတွေအားလုံးနဲ့ မန္တလေးတိုင်း၊ ကယားနဲ့ ကချင်ပြည်နယ်တွေက မဲဆန္ဒ နယ် ၁၆၀ လောက်မှာ ဝင်ရောက်ယှဉ်ပြိုင်မယ်လို့ SNLD ပါတီက ပြောပါတယ်။

ကိုယ်စားလှယ်လောင်းတွေကို ပါတီဗဟိုဌာနချုပ်က ရွေးချယ်မှာမဟုတ်ပဲ သက်ဆိုင်ရာ မြို့နယ်ပါတီဝင်တွေက ရွေးချယ် လိုက်တဲ့ သူတွေကိုပဲ ဝင်ရောက်ယှဉ်ပြိုင် သွားမှာဖြစ်တယ်လို့ SNLD ပါတီဥက္ကဌ ဦးခွန်ထွန်းဦး က ပြောပါတယ်။

"အားလုံး ကျနော်တို့ပြင်ဆင်ထားပါတယ်၊ ကျနော်တို့ကအခုဆိုရင် နေရာပေါင်း ၁၆၀ လောက်ဝင်ပြိုင်မယ်၊ ရှမ်းပြည်တစ်ပြည်လုံးပြိုင်မယ်ပေါ့ဗျာ၊ ရှမ်းပြည်ရယ်၊ ကယားရယ်၊ မန္တလေးတိုင်းရယ်၊ ကချင်ပြည်နယ်ရယ် ကျနော်တို့ဝင်ပြိုင်မယ်၊ ကိုယ်စားလှယ်ကတော့ ၁၆၀ လောက်ရှိမယ်"

လာမယ့် ဇူလိုင်လ ၁၄ ရက်နေ့ကနေ ၁၆ ရက်နေ့အထိ ကျင်းပတဲ့ ပါတီဗဟို ကော်မတီအစည်းအဝေးမှာ ၂၀၁၅ ရွေးကောက်ပွဲအတွက် အပြီးသတ်ဆုံးဖြတ် သွားမှာ ဖြစ်ပါတယ်။ ပါတီဥက္ကဌ ဦးခွန်ထွန်းဦးကတော့ ရှမ်းပြည် နယ်မြောက်ပိုင်း သီပေါမြို့နယ်မှာ ဝင်ရောက်အရွေးခံဖို့ လျာထားတယ်လို့ ပြောပါတယ်။

ရှမ်းတိုင်းရင်းသားများဒီမိုကရေစီအဖွဲ့ချုပ်ပါတီဟာ ၁၉၉ဝ ပြည့်နှစ် ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ်ပြီးရင် ဒုတိယမဲအများဆုံး အနိုင်ရခဲ့တဲ့ ပါတီဖြစ်ပြီး၊ ပြီးခဲ့တဲ့ ၂ဝ၁ဝ ရွေးကောက်ပွဲနဲ့ ၂၀၁၂ ကြားဖြတ် ရွေးကောက်ပွဲတွေကို မ၀င်ခဲ့ပါဘူး။

ကရင်ပြည်သူ့ပါတီ (KPP) ကတော့ ဧရာဝတီတိုင်းဒေသကြီးနဲ့ ကရင်ပြည်နယ်က မဲဆန္ဒနယ်မြေတွေမှာ ဝင်ရောက် ယှဉ်ပြိုင်ဖို့ ကိုယ်စားလှယ်လောင်း ၁၁၀ ကျော် ရွေးချယ်ထားပြီးပြီလို့ ပြောပါတယ်။တိုင်းဒေသကြီးနဲ့ ပြည်နယ်တွေမှာ ကရင်တိုင်းရင်း သားရေးရာဝန်ကြီး ၅ ဦး ရနိုင်ဖို့ အဓိကထားယှဉ် ပြိုင်မယ်လို့ ကရင်ပြည်သူ့ ပါတီ အထွေထွေ အတွင်းရေးမှူး စောစေးဝါး က ပြောပါတယ်။

"၁၁၀ ကျော်ရွေးထားတယ်၊ စည်းရုံးရေးအပိုင်းမှာတော့ တတ်နိုင်သလောက် ပါတီအနေနဲ့ ကူညီမယ်၊ တစ်ယောက်ကို အနည်းဆုံး ၂ သိန်း၊ ၃ သိန်းဘဲ ကူညီနိုင် မယ်၊ တိုင်းရင်းသားရေးရာဝန်ကြီး ၅ နေရာကို အဓိကထားပြီး ဝင်ပြိုင်မယ်၊ ဒေသလိုအပ်ချက် ပေါ်မှာ မူတည်ပြီးတော့ လွှတ်တော်ကိုယ်စားလှယ်တွေက ဖြည့် ဆည်းပေးရမှာပေါ့၊ ပြည်သူလူထုကို"

ကိုယ်စားလှယ်လောင်းတွေအနေနဲ့ ရွေးကောက်ပွဲကုန်ကျစားရိတ်ကို ကိုယ်တိုင်ကျ ခံရမှာဖြစ်ပြီး ပါတီအနေနဲ့ အနည်းငယ်လောက်ပဲ ပံ့ပိုးပေးနိုင်မှာဖြစ်တယ် လို့လည်း ပြောပါတယ်။

ကရင်ပြည်သူ့ပါတီကို ၂၀၁၀ ခုနှစ်မှာ စတင်တည်ထောင်ခဲ့ပြီး ၂၀၁၀ ရွေးကောက်ပွဲမှာ ပြည်သူ့လွှတ်တော်၊ အမျိုးသား လွှတ်တော်နဲ့ တိုင်းဒေသကြီးနဲ့ ပြည်နယ် လွှတ်တော်ကိုယ်စားလှယ် ၆ နေရာကနေ ရွေးချယ်ခံခဲ့ရပါတယ်။

ပါတီရဲ့ အားအကောင်းဆုံးနေရာဟာ ဧရာဝတီတိုင်းဒေသကြီးဖြစ်ပြီး မြန်မာ တစ်နိုင်ငံလုံးမှာ ပါတီဝင် အရေအတွက် တစ်သိန်းကျော်ရှိတယ်လို့ ပြောပါတယ်။

ပြည်သူ့လွှတ်တော်ကိုယ်စားလှယ် ဦးသိန်းညွန့်ဦးဆောင်တဲ့ အမျိုးသားဒီမိုကရေစီ ပါတီသစ်ကလည်း ရန်ကုန်တိုင်းဒေသ ကြီးအတွင်း ကိုကိုးကျွန်းမြို့နယ် အပါအ၀င် မြို့နယ် ၁၂ ခုမှာ ၀င်ရောက် ယှဉ်ပြိုင်မယ်လို့ ပြောပါတယ်။

ကိုကိုးကျွန်းမြို့နယ်ဟာ လက်ရှိအချိန်အထိ ပြည်ခိုင်ဖြိုးပါတီတစ်ခုတည်းက ပြိုင်ဖက်မရှိဖြစ်နေတာမို့ ဝင်ရောက်ယှဉ်ပြိုင်ဖို့ စီစဉ်ထားတာလို့ အမျိုးသား ဒီမိုကရေစီ ပါတီသစ် ဥက္ကဋ္ဌ ဦးသိန်းညွန့် က ပြောပါတယ်။

"အနည်းဆုံးတော့ မြို့နယ် တစ်ဒါဇင်လောက်မှာ ရန်ကုန်တိုင်းမှာ အပြည့်သော်လည်းကောင်း၊ တိုင်းလွှတ်တော်ကိုယ် စားလှယ်သော်လည်းကောင်း ဝင်ပြိ်ုင် ဖို့ ပြင်ဆင်ပြီးသားပါ၊ ကိုကိုးကျွန်းကတော့ ကျနော်တို့ရရှိတဲ့သတင်းအချက် အလက်အရ ကိုကိုးကျွန်းက ပြည်ခိုင်ဖြိုးပါတီတစ်ခုတည်း ယှဉ်ပြိုင်ဖို့ ဖြစ်သွားနိုင်တယ်၊ အဲ့ဒါကြောင့် ကျနော်တို့ တိုင်းလွှတ်တော်ကိုယ်စားလှယ်တစ်နေရာမှာတော့ ကျနော်တို့ဆီက လူငယ်တွေ အသက် ၃၀ တောင်မပြည့်သေးဘူး ထင်တယ်၊ သူ့ကို လွှတ်ပြီး ကျနော်ပြိုင်ခိုင်းဖို့ ကျနော်စီစဉ်ထားပါတယ်"

ရန်ကုန်တိုင်းအတွင်းက သင်္ဃန်းကျွန်း၊ တောင်ဒဂုံ၊ ဒဂုံဆိပ်ကမ်း၊ လှိုင်သာယာ၊ ရွှေပြည်သာ စတဲ့မြို့နယ်တွေမှာ အမျိုးသားလွှတ်တော်၊ ပြည်သူ့လွှတ်တော်နဲ့ တိုင်းဒေသကြီးလွှတ်တော် သုံးနေရာစလုံး အတွက် ၀င်ရောက် ယှဉ်ပြိုင် သွားမှာ ဖြစ်သလို ကမာရွတ်၊ လှိုင်၊ ကိုကိုးကျွန်း စတဲ့မြို့နယ်တွေမှာတော့ တိုင်းဒေသကြီး လွှတ်တော်ကိုယ်စား လှယ်နေရာအတွက် ၀င်ရောက်ယှဉ်ပြိုင်သွားမယ်လို့ ပြောပါတယ်။

ဒါ့အပြင် ဦးသိန်းညွန့်ဟာ သင်္ဃန်းကျွန်းမြို့နယ် ပြည်သူ့လွှတ်တော်ကိုယ်စားလှယ် နေရာကဘဲ ထပ်မံယှဉ်ပြိုင်သွားမှာဖြစ် ပါတယ်။

အမျိုးသားဒီမိုကရေစီပါတီသစ်ဟာ ၂၀၁၀ ရွေးကောက်ပွဲတုန်းက ပြည်သူ့လွှတ်တော် ၊ အမျိုးသား လွှတ်တော်နဲ့ ရန်ကုန် တိုင်းဒေသကြီး လွှတ်တော်ကိုယ်စားလှယ်တွေ အတွက် ကိုယ်စားလှယ် ၄ ဦး အရွေးချယ်ခံခဲ့ရပါတယ်။

RFA Burmese
http://www.rfa.org/burmese


 နာမည်ဆိုးနဲ့ကျော်ကြားတဲ့ မက္ကဆီကို မူးယစ်ရာဇာတဦးဟာ နှစ်ပေါင်း ၁၄ နှစ်အတွင်း ဒုတိယအကြိမ်မြောက်အဖြစ် အတင်းကျပ်ဆုံး လုံခြုံရေးအဆင့်အတန်းသတ်မှတ်ထားတဲ့ အကျဉ်းထောင်ကနေ ထွက်ပြေးလွတ်မြောက်သွားခဲ့ပါတယ်။

နိုင်ငံတကာနဲ့ ကူးလူးဆက်ဆံပြီး မူးယစ်ဆေးဝါး ရောင်းဝယ်ဖောက်ကားမှုတွေလုပ်တဲ့ Sinaloa အဖွဲ့ရဲ့ခေါင်းဆောင် Joaquin El Chapo Guzman ကို Altiplano အကျဉ်းထောင်က ရေချိုးခန်းမှာ စနေနေ့က နောက်ဆုံးတွေ့ရတာ ဖြစ်တယ်လို့ လုံခြုံရေး ကော်မရှင်က ပြောပါတယ်။ အခုအခါမှာ လုံခြုံရေးတွေက အဲဒီမူးယစ်ရာဇာကို လိုက်လံ ရှာဖွေနေပြီး မက္ကဆီကိုမြို့အပြင်ဘက်မှာရှိတဲ့ အကျဉ်းထောင်အနီးက Toluca လေဆိပ်ကိုလည်း ပိတ်ထားလိုက်ပါတယ်။

ဆယ်စုနှစ်ကျော်ကြာ ထွက်ပြေးလွတ်မြောက်နေတဲ့ Guzman ကိုလွန်ခဲ့တဲ့နှစ် ဖေဖေါ်ဝါရီလက ပြန်လည် ဖမ်းဆီး မိခဲ့တာပါ။ ၁၉၉၃ ခုနှစ်တုန်းက ပထမဆုံးအကြိမ်ဖမ်းဆီးခဲ့ပြီးနောက် ၂၀၀၁ ခုနှစ်မှာ အကျဉ်းထောင်ဝန်ထမ်းတွေရဲ့ အကူအညီနဲ့ ထွက်ပြေးလွတ်မြောက်သွားခဲ့တဲ့ မူးယစ်ရာဇာ Guzman ကို အမေရိကန်ပြည်ထောင်စုကလည်း အလိုရှိနေတာပါ။ အမေရိကန်နဲ့ မက္ကဆီကိုနယ်စပ်ကို ဖြတ်ကျော်ပြီး သယ်ယူပို့ဆောင်တဲ့ မူးယစ်ဆေးဝါး တော်တော် များများကိုSinaloa မူးယစ်ဂိုဏ်းက ထိန်းချုပ်ထားတာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.