07/21/15

kokogyi-620.jpg ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ခေါင်းဆောင် ဦးကိုကိုကြီး ကို တွေ့ရစဉ်

လာမယ့် ၂၀၁၅ ရွေးကောက်ပွဲမှာ အမျိုးသား ဒီမိုကရေစီအဖွဲ့ချုပ်ကို ကိုယ်စားပြုပြီး ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ကိုယ်စားလှယ်လောင်း ၂၁ ယောက်ခန့် ၀င်ရောက်ယှဉ်ပြိုင်မယ်လို့ သိရပါတယ်။

NLD ပါတီကနေ ၀င်ရောက်ယှဉ်ပြိုင်မယ့်သူတစ်ဦးဖြစ်တဲ့ ၈၈ မျိုးဆက် ခေါင်းဆောင်တစ်ဦးဖြစ်သူ ဦးကိုကိုကြီး က တောင်ဥက္ကလာပ မြို့မရဲစခန်းမှာ ပုဒ်မ ၁၉ နဲ့ အမှုရင်ဆိုင်နေရတဲ့အမှုက သူ့ရဲ့ကိုယ်စားလှယ်လောင်းဖြစ်ခွင့်ကို ထိခိုက်မှာကို မစိုးရိမ်ဘူးလို့ ပြောပါတယ်။

ပြည်ထောင်စု ရွေးကောက်ပွဲကော်မရှင်က ပြဌာန်းထားတဲ့ ကိုယ်စားလှယ်လောင်း အရည်အချင်းသတ်မှတ်ချက်ထဲ မှာ ထောင်ကျခံနေရသူတွေ ရွေးကောက်ပွဲဝင်ခွင့်မရှိပါဘူး။

ဦးကိုကိုကြီးဟာ ပြီးခဲ့တဲ့နှစ် ဒီဇင်ဘာလက တောင်ဥက္ကလာပ ၉ ရပ်ကွက်၊ သစ္စာလမ်းနဲ့ ဝေဇယန္တာလမ်းမကြီးပေါ်မှာ ရှိတဲ့ ကလေးကစားကွင်းနေရာကို ကြံ့ခိုင်ဖွံ့ဖြိုးရေးပါတီကသိမ်းယူပြီး အထပ်မြင့်အဆောက်အအုံ ဆောက်လုပ်ခဲ့ တာကြောင့် ရပ်ကွက်နေပြည်သူတွေနဲ့အတူ ဆန္ဒပြကန့်ကွက်ခဲ့ပါတယ်။ အဲဒီဆန္ဒပြပွဲကြောင့် ဦးကိုကိုကြီး အပါအ၀င် ၅ ဦးကို တောင်ဥက္ကလာပ မြို့မရဲစခန်းက ပုဒ်မ ၁၉ နဲ့ အမှုဖွင့်ပြီး လာမယ့် ၂၂ ရက်နေ့မှာ စွဲချက်တင်ဖို့အတွက် ဆင့်ခေါ်ထားပါတယ်။

၈၈ မျိုးဆက်အဖွဲ့က ၀င်ရောက်ယှဉ်ပြိုင်မယ့်သူတွေထဲမှာ ဦးကိုကိုကြီး၊ ဦးဇော်ဇော်မင်း၊ ဦးပဏ္ဍိတ်ထွန်း၊ ဦးမြအေး၊ ဒေါ်သက်သက်အောင်၊ ဒေါ်မာမာဦး၊ ဒေါ်မီးမီး စတဲ့ခေါင်းဆောင်တွေ ပါဝင်တယ်လို့ ဆိုပါတယ်။ ၀င်ရောက်ယှဉ်ပြိုင်မယ့်သူတွေ အမည်စာရင်းကို ညှိနှိုင်းနေဆဲဖြစ်တဲ့အတွက် လာမယ့်ရက်ပိုင်းအတွင်းမှာ ထုတ်ပြန်သွားမယ်လို့ သိရပါတယ်။

RFA
http://www.rfa.org/burmese/news/88-elections-07202015111603.html

dassk-kawmu-620 အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် ကော့မှူးမြို့ ဒေသခံတွေနဲ့ ဧပြီလ ၂၇ ရက်နေ့က တွေ့ဆုံစဉ်

၂၀၁၅ ရွေးကောက်ပွဲ အောင်နိုင်ရေးအတွက် NLD ပါတီ ဥက္ကဌ ဒေါ်အောင်ဆန်းစုကြည်နဲ့ နာယက သူရ ဦးတင်ဦး တို့ဟာ တစ်ပြည်လုံးက မဲဆန္ဒနယ်မြေအတော်များများမှာ မဲဆွယ်စည်းရုံးတာတွေ လုပ်ဆောင်သွားမယ်လို့ NLD ပါတီတာဝန်ရှိသူတွေက ပြောပါတယ်။

NLD ပါတီအနေနဲ့ အားနည်းတဲ့ မဲဆန္ဒနယ်မြေတွေကို ဦးစားပေးပြီး စည်းရုံးရေး လုပ်ဆောင်သွားမယ်လို့ NLD ဗဟိုအလုပ်အမှုဆောင်ကော်မတီဝင် ဒေါ်နန်းခင်ထွေးမြင့်က ပြောပါတယ်။

"အန်ကယ် ဦးတင်ဦးနဲ့ ကျမတို့ခေါင်းဆောင် ဒေါ်အောင်ဆန်းစုကြည်နဲ့ပေါ့၊ အန်တီတို့ပါတီကလူတွေ သူတို့ရဲ့ ကြိုစားအားထုတ်မှုတွေ အသိအမှတ်ပြုတဲ့အနေနဲ့ အဲ့လိုနေရာမျိုးတွေသွားပေးမယ်၊ တကယ်အခြေအနေ အကျပ်အတည်း အခက်အခဲ ဖြစ်နေတဲ့နေရာတွေကိုလည်း သွားပေးမယ်၊ ဒါတွေကဦးစားပေးပေါ့"

၂၀၁၅ ရွေးကောက်ပွဲကျင်းပဖို့ တစ်ပြည်လုံးမှာ မဲဆန္ဒနယ်မြေ တစ်ထောင်ကျော်ရှိတာမို့ နယ်မြေအားလုံးကိုတော့ သွားရောက်စည်းရုံးဖို့ရှိမှာ မဟုတ်ဘူးလို့ ပြောပါတယ်။ ပြီးခဲ့တဲ့ ၂၀၁၂ ခုနှစ် ကြားဖြတ်ရွေးကောက်ပွဲတုန်းကလည်း မဲဆန္ဒနယ်မြေအများစုကို ဒေါ်အောင်ဆန်းစုကြည် ကိုယ်တိုင်မဲဆွယ်စည်းရုံးခဲ့ပါတယ်။

ပြည်ထောင်စုရွေးကောက်ပွဲကော်မရှင်ကတော့ ပါတီတွေ မဲဆွယ်စည်းရုံးရမယ့်နေ့ကို မကြေညာသေးပါဘူး။
RFA

 တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ကို ရခိုင်ပြည်နယ် စစ်တွေမြို့မှာ ၂ဝ၁၃ ခုနှစ် ဒီဇင်ဘာလ ၃ ရက်နေ့က တွေ့ရစဉ်

 လာမယ့် နိုဝင်ဘာလမှာ ကျင်းပမယ့် ၂ဝ၁၅ ရွေးကောက်ပွဲရဲ့ ရလဒ်ကို လက်ခံလိုက်နာသွားမှာဖြစ်တယ် လို့  မြန်မာ့တပ်မတော်  ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားလိုက်ပါတယ်။

 ဗြိတိန်အခြေစိုက် BBC သတင်းဌာနနဲ့ တွေ့ဆုံမေးမြန်းခန်းမှာ အခုလိုဖြေကြားလိုက်တာဖြစ်ပြီး အဲဒီတွေ့ ဆုံမေးမြန်းခန်း အပြည့်အစုံကို တပ်မတော်ပိုင် မြဝတီသတင်းမီဒီယာကလည်း ဒီကနေ့ ထုတ်လွှင့်ခဲ့ပါတယ်။

 ဗိုလ်ချုပ်မှူးကြီးက ဒီ ၂၀၁၅ ရွေးကောက်ပွဲဟာ လွတ်လပ်မှုနဲ့ တရားမျှတမှုရှိမယ်လို့ ယုံကြည်ပြီး ရွေးကောက် ပွဲကော်မရှင်က ကြေညာတဲ့ရလဒ်ကို လက်ခံရမှာ ဖြစ်ကြောင်း၊ ရွေးကောက်ပွဲမှာ ဘယ်သူပဲအနိုင်ရရ လက်ခံသွားမှာဖြစ်ကြောင်းလည်း ဖြေကြားခဲ့ပါတယ်။

 တပ်မတော်ရဲ့ နိုင်ငံရေးမှာ ပါဝင်နေမှုနဲ့ ပတ်သက်လို့ မေးမြန်းရာမှာတော့ တပ်မတော်အနေနဲ့ တိုင်းပြည် တည်ငြိမ်ရေးနဲ့ ငြိမ်းချမ်းရေး အာမခံချက်ရှိမှုတွေအပေါ်မှာ မူတည်တယ်လို့ ဖြေကြားထားပါတယ်။ ဒါ့အပြင် လာမယ့် ၂ဝ၁၆ မှာ အသက် ၆ဝ ပြည့်တဲ့အခါ တပ်မတော်က အငြိမ်းစားယူဖို့ စဉ်းစားမှာဖြစ်သလို သမ္မတရာထူး အတွက် တောင်းဆိုတာရှိရင်လည်း စဉ်းစားသွားမှာဖြစ်ကြောင်း ဗိုလ်ချုပ်မှူးကြီး မင်းအောင်လှိုင်က ဖြေကြားထား ပါတယ်။

RFA Burmese
http://www.rfa.org/burmese

Author Name

Contact Form

Name

Email *

Message *

Powered by Blogger.