07/24/15

SSA (North) ရှမ်းပြည်မြောက်ပိုင်းတပ်နဲ့ မြန်မာတပ် တိုက်ပွဲဖြစ်ပွားစဉ်။ (၂၀၁၃)
 ရှမ်းပြည်နယ် မိုင်းရှုးမြို့နယ်ထဲက ရှမ်းမြောက်ပိုင်းတပ်နဲ့ မြန်မာ့ တပ်မတော်ကြား တိုက်ပွဲတွေ ပိုပြင်းထန်လာပြီး မြန်မာ့ တပ်မတော်ဘက်က စစ်အင်အား ထပ်မံဖြည့်တင်းနေပါတယ်။ တပ်မတော်ရဲ့ ထိုးစစ်တွေကို ရပ်ပေးဖို့ အတွက် ရှမ်းတပ်မတော်ရဲ့ တောင်းဆိုချက်ကိုတော့ သမ္မတထံကို တင်ပြပေးမယ်လို့ ဒီကနေ့မှာဘဲ မြန်မာ အစိုးရ ငြိမ်းချမ်းရေး ကိုယ်စားလှယ်ခေါင်းဆောင်တို့က ကတိပေးခဲ့ပေမယ့် စစ်ပွဲတွေ ရပ်ဆိုင်းနိုင်ဖို့ကတော့ မသေမချာ ဖြစ်နေဆဲပါ။ တိုက်ပွဲတွေကြောင့် ဒေသတွင်း လမ်းပန်းဆက်သွယ်ရေး အပါအ၀င် လက်ရှိ ဆွေးနွေးနေတဲ့ အပစ်ရပ်ရေး ဆွေးနွေးမှုအပေါ်မှာပါ ဘယ်လို ရိုက်ခတ်မှုတွေ ရှိနေသလဲ ဆိုတာကို မသိင်္ဂီထိုက် ဆက်သွယ် တင်ပြထားပါတယ်။

ရန်ကုန်မြို့မှာ တိုင်းရင်းသား လက်နက်ကိုင်တို့ရဲ့ အဆင့်မြင့် ခေါင်းဆောင် အဖွဲ့နဲ့ မြန်မာ အစိုးရ ငြိမ်းချမ်းရေး ကိုယ်စားလှယ် အဖွဲ့တို့ကြား တနိုင်ငံလုံး အပစ်ရပ်ရေး ဆွေးနွေးချိန် နဲ့ အချိန်ကိုက် ဆိုသလို ဖြစ်ပေါ်လာခဲ့တဲ့ ရှမ်းပြည်မြောက်ပိုင်း တပ်မတော် SSPP/SSA ရဲ့ တောတွင်း စခန်းတွေကို မြန်မာ့ တပ်မတော်က အရှိန်မြှင့် ထိုးစစ်ဆင်နေပါတယ်။ မိုင်းရှုးမြို့နယ်ထဲက တောတွင်း စခန်းတွေမှာ ဒီကနေ့မှာလည်း တိုက်ပွဲတွေ ရှိခဲ့တယ်လို့ SSA မြောက်ပိုင်းရဲ့ အထွေထွေ အတွင်းရေးမှူး စ၀်ခွန်ဆိုင် က ပြောပါတယ်။

" ကနေ့ကလည်း သူတို့က စစ်ကူလာနေတယ်။ စစ်ကူလာပြီးတော့မှ မိုင်းရှုးရဲ့ အရှေ့မြောက်ဖက် သံလွင်အထိ အဲ့တာတွေကို သူတို့တိုက်မယ်လို့ သတင်းထွက်နေတယ်။ အဲ့ဒီ့တော့ ကျနော်တို့ဘက် ကလည်း တောထဲမှာ နေတဲ့ အဖွဲ့တွေဆိုတော့ နေစရာမရှိဘူးလေ။ တောထဲမနေလို့ မြို့တွင်းမှာလည်း ကျနော်တို့ မနေဘူး။ လမ်းကြောင်းကြီးမှာလည်း ပြည်ထောင်စု ကားလမ်းမကြီးမှာလည်း မနေဘူး။ အဲ့လိုအချိန်မှာ တောထဲမှာ ထပ်လာပြီး တိုက်မယ်ဆိုရင်တော့ ကျနော်တို့က မလွှဲမရှောင်သာ ကျနော်တို့ နေစရာမရှိတော့ ကိုယ့်ကိုကိုယ် ခုခံတဲ့အနေဖြစ်သွားမယ်။ ကျနော်တို့က သူတို့စခန်းတွေကို သွားတိုက်တာမျိုး မဟုတ်ဘူး။ "

ရန်ကုန်မြို့မှာ အပစ်ရပ်ရေး ဆွေးနွေးပွဲကို တက်ရောက်နေတဲ့ SSA မြောက်ပိုင်းရဲ့ အတွင်းရေးမှူး စ၀်ခွန်ဆိုင်က ဒီကနေ့မှာဘဲ ထိုးစစ်တွေ ရပ်ပေးဖို့ အတွက် မြန်မာ အစိုးရ ငြိမ်းချမ်းရေး ကိုယ်စားလှယ် အဖွဲ့နဲ့ အရပ်ဘက်နဲ့ စစ်ဘက် ခေါင်းဆောင်တွေ ကို တောင်းဆိုခဲ့တယ်လို့ ပြောပါတယ်။

" ကချင်မှာလည်း တိုက်ပွဲတွေဖြစ်နေတယ်။ ရှမ်းမှာလည်း အခုတိုက်ပွဲတွေဖြစ်နေ တယ်။ နောက် ကရင်မှာလည်း တိုက်ပွဲတွေဖြစ်နေတယ်။ အဲ့တာမျိုးတွေကို အမြန်ဆုံး ရပ်ဆိုင်းဖို့ ကျနော်တို့ မေတ္တာရပ်ခံတာပေါ့ မရပ်ဘူးဆိုလို့ရှိရင် ကျနော်တို့ အခု ဆွေးနွေးနေတဲ့ NCA ကလည်း ယုံကြည်မှု ပိုပျက်ပြားသွားမယ်။ တန်ဖိုးလည်း ကျတယ် နော့  ။ ကျနော်တို့ နိုင်ငံတော် သမ္မတကြီးဆီကို မနက်ဖြန် အစည်း အဝေးပြီးရင် သူတို့ချက်ခြင်းတင်ပြမယ်။ ရပ်ဆိုင်းဖို့ သူတို့လုပ်မယ် ဆိုတဲ့ သဘော တူညီမှုတော့ ရပါတယ်။ ဒါပေမဲ့အခိုင်အမာတော့ ဘယ်လိုဖြစ်လာမလဲ ဆိုတာ လက်တွေ့ပဲ ကျနော်တို့ စောင့်ကြည့်ရ မှာပေါ့ မျှော်လင့်တာကတော့ အကောင်းဆုံး က ရပ်စဲသွားဖို့ပဲ။ "

တနိုင်ငံလုံး အပစ်ရပ်ရေး နှစ်ဘက်တို့ ဆွေးနွေးနေကြချိန်မှာ ကချင်ပြည်နယ်၊ ရှမ်းပြည်နယ် နဲ့ ကရင်ပြည်နယ်တို့ထဲမှာ မြန်မာ့ တပ်မတော်က ထိုးစစ်ဆင် တိုက်ခိုက်နေမှုတွေက အပစ်ရပ်ရေး အပေါ်မှာ ဆိုးကျိုးသက်ရောက်စေ လိမ့်မယ် လို့လည်း SSA မြောက်ပိုင်းရဲ့ ပြောခွင့်က ပြောပါတယ်။

" အခုက ကျနော်တို့က တွေ့ဆုံဆွေးနွေးပွဲလုပ်ပြီးတော့ အပစ်အခတ်ရပ်စဲရေး NCA လုပ်နေတဲ့ကိစ္စမှာ ဒီအတိုင်းဆိုရင်တော့ ယုံကြည်မှုက ပျက်ပြားပြီးတော့မှ ဘယ်လောက်ပဲ အပြောကောင်းကောင်း စာရွက်ထဲမှာပဲ ရှိနေတဲ့ စာချုပ်မျိုးဆိုရင် ကျနော်တို့ဟာ သိက္ခာလည်းမရှိဘူး။ အားလုံးကလည်း ကျနော်တို့ကို တရားခံဖြစ်သွားနိုင်တယ်။ ကျနော်တို့က။ ကျနော်တို့က စိတ်လည်းမကောင်းဘူး။ သူတို့က ဆင်ခြေဆင်လက်တွေ အများကြီးပေးလိမ့်မယ် ထုံးစံအတိုင်းပဲ။ အဲ့တာမျိုးတွေဟာ မမှန်ဘူး။ လူကြီးလူကောင်း မဆန်ဘူးဗျာ။ ကျနော်တို့ နားလည်တယ်။ ကျနော်တို့ လူကြီးလူကောင်းဆန်ဆန် အလုပ်လုပ်ဖို့ လိုပါတယ်။ "

ရှမ်းပြည်တိုးတက်ရေး ပါတီ SSPP/ SSA မြောက်ပိုင်းတပ်တို့ကို မြန်မာ အစိုးရက ပြီးခဲ့တဲ့ နှစ်ကတည်းက ထိုးစစ်ဆင်ခဲ့တာ ဖြစ်ပါတယ်။ ပြီးခဲ့တဲ့နှစ်တုန်းက မြန်မာ အစိုးရတပ်ရဲ့ ပြင်းထန်တဲ့ ထိုးစစ်ကြောင့်SSA ရှမ်းပြည်နယ် မြောက် ပိုင်း ကျေးသီးမြို့နယ် တွင်းက တာ့ဖာဆောင် ကနေ ဆုတ်ခွာပေးခဲ့ရပြီး အခုအခါမှာ တောတွင်း စခန်းတွေမှာ အခြေချ နေကြရတာ ဖြစ်ပါတယ်။

အရင်တုန်းကတော့ မြန်မာ အစိုးရနဲ့ တိုက်ပွဲတွေ ဖြစ်ခဲ့တိုင်း ဒေသတွင်း လမ်းပန်းဆက်သွယ်ရေးကို ဖြတ်တောက် တိုက်ခိုက်မှုတွေ လုပ်ခဲ့တဲ့ ရှမ်းပြည် မြောက်ပိုင်းတပ်တို့ အနေနဲ့ အခုအခါမှာတော့ မိုင်းရှုးကို ဆက်သွယ်တဲ့ လမ်းမကြီးကို တိုက်ခိုက်မှု မရှိသလို အခုချိန်ထိလည်း တိုက်ခိုက်ဖို့ အစီအစဉ် မရှိသေးဘူးလို့လည်း ရှမ်းမြောက်ပိုင်းတပ်ရဲ့ ပြောခွင့်ရက ပြောပါတယ်။

သိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com


 ဇူလိုင်လ ၂၃ ရက် နေ့ မနက်က စင်ကာပူ နိုင်ငံမှာ ကွယ်လွန် သွားခဲ့တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ဗဟိုအတိုင်ပင်ခံ ဦးအောင်သောင်းရဲ့ ဈာပနကို ဇူလိုင် ၂၇ ရက် တနင်္လာနေ့မှာ ပြုလုပ်မှာ ဖြစ်ပါတယ်။

အဲဒီနေ့ မနက်ပိုင်း မီးသဂြိုဟ် ပြီးတဲ့ အခါ အရိုးကို တောင်သာ မြို့နယ် ကျောက်ကာရွာကို သယ်ယူသွားပြီး လွန်ခဲ့တဲ့ ၂ နှစ်က ကွယ်လွန်ခဲ့တဲ့ ဦးအောင်သောင်း ဇနီးရဲ့ အုတ်ဂူ နံဘေးမှာပဲ ဂူသွင်း မယ်လို့ မိသားစုနဲ့ နီးစပ်သူတစ်ယောက်က ဘီဘီစီကို ပြောပါတယ်။

ဦးနှောက် သွေးကြောပေါက်တဲ့ ရောဂါကြောင့် စင်ကာပူနိုင်ငံမှာ သွားရောက် ဆေးကုသခံယူရင်း ကွယ်လွန်သွားခဲ့တဲ့ ဦးအောင်သောင်းရဲ့ အလောင်းကို မြန်မာ နိုင်ငံဆီ ပြန်လည် သယ်ဆောင်ဖို့ စီစဉ်ခဲ့ပါတယ်။

ပြီးခဲ့တဲ့ ဇူလိုင်လ ၈ ရက်နေ့ ညသန်းခေါင်ချိန်အနီးမှာ ဦးနှောက်သွေးကြောပေါက်တဲ့ အတွက် ဦးအောက်သောင်းဟာ နေပြည်တော် ဆေးရုံမှာ တက်ရောက် ကုသမှုခံယူခဲ့ပြီး နောက်တနေ့မှာ စင်္ကာပူ ဆေးရုံကို အထူး လေယာဉ်နဲ့ သွားရောက်ခဲ့တာ ဖြစ်ပါတယ်။

ဆေးကုသမှု ခံယူစဉ် ကာလ အတွင်း တစ်ကြိမ်တော့ သတိ ပြန်လည်လာခဲ့သေးပေမဲ့ စကားတော့ မပြောနိုင်ခဲ့ဘူးလို့ စောစောက ပြောတဲ့ မိသားစုနဲ့ နီးစပ်သူကပဲ ပြောပါတယ်။

ဦးအောင်သောင်းဟာ န၀တ အစိုးရလက်ထက်မှာ စက်မူ(၁) ၀န်ကြီးအဖြစ်တာဝန်ထမ်းဆောင်ခဲ့ပြီး အငြိမ်းစား ဗိုလ်ချုပ်မှူးကြီးသန်းရွှေနဲ့ ရင်းနှီးသူဖြစ်သလို သြဇာကြီးမားတဲ့ ၀န်ကြီးတစ်ဦးလည်း ဖြစ်ပါတယ်။

၂၀၁၀ အထွေထွေရွေးကောက်ပွဲမှာ တောင်သာမြို့နယ် ပြည်သူ့လွှတ်တော် ကိုယ်စားလှယ်အဖြစ် ၀င်ရောက်အရွေးချယ်ခံပြီး အနိုင်ရရှိခဲ့ပါတယ်။

ဦးအောင်သောင်းကို ၁၉၄၀ ခုနှစ် ဒီဇင်ဘာ ၁ ရက်နေ့မှာ မွေးဖွားခဲ့ပြီး လာမယ့် ဒီဇင်ဘာလမှာ အသက် ၇၅ နှစ် ပြည့်မှာ ဖြစ်ပါတယ်။

BBC Burmese
http://www.bbc.com/burmese


 စင်ကာပူနိုင်ငံ မြို့လယ် နာမည်ကြီး Orchard လမ်းမကြီးပေါ်ရှိ ဟိုတယ်တခုတွင် အသက် ၃၇ နှစ်အရွယ်ရှိ ဟွန်ယွန်မီဆိုသော တောင်ကိုရီးယားအမျိုးသမီးတဦးကို ပြည်တန်ဆာမှုဖြင့် ရဲက ဖမ်းဆီးစဉ် သူမအား မဖမ်းရန် လာဘ်ပေးခဲ့မှုဖြင့် အရေးယူခံခဲ့ရသည်။

ပြီးခဲ့သော ဇွန်လ ၁၉ ရက်နေ့က မစ္စဟွန်ယွန်မီကို Jen ဟိုတယ်တွင် ရဲကဖမ်းဆီးစဉ် သူမက ဒုစရိုက်နှိမ်နှင်းရေးရဲသားများအား စင်ကာပူဒေါ်လာ ၁၅၅၀ (မြန်မာငွေ ၁၄ သိန်းဝန်းကျင်) ပါသော စက္ကူဘူးတဘူးကိုချပေးပြီး ''ငွေကိုယူလိုက်ပါ။ ကျွန်မ မနက်ဖြန် ကိုရီးယားကို ပြန်ချင်တယ်''ဟု အင်္ဂလိပ်စကားဖြင့်ပြောခဲ့သည်။ သို့သော်လည်း ရဲက လက်မခံဘဲ ငြင်းပယ်ခဲ့သည်။

မစ္စဟွန်ယွန်မီသည် ရက် ၉၀ အလည်အပတ်ဗီဇာ ခွင့်ပြုချက်ဖြင့် စင်ကာပူသို့ ရောက်ရှိနေစဉ် ယခုကဲ့သို့ ပြည်တန်ဆာလုပ်ကိုင်ခဲ့ခြင်းဖြစ်သည်။ မစ္စဟွန်ယွန်မီကို ထောင်ဒဏ်နှစ်လချမှတ်ကြောင်း စင်ကာပူတရားရုံးက အမိန့်ချမှတ်ခဲ့သည်။ မစ္စဟွန်ယွန်မီကလည်း တရားရုံးတွင် ရဲများကို လာဘ်ပေးပြီးပြန်လွှတ်ပေးရန် ကမ်းလှမ်းခဲ့ကြောင်း ၀န်ခံခဲ့သည်။

စင်ကာပူနိုင်ငံတွင် လာဘ်ပေးလာဘ်ယူ အကျင့်ပျက်ပြားမှုကို ကြီးလေးစွာ အပြစ်ဒဏ်ချလေ့ရှိသည်။ မစ္စဟွန်ယွန်မီသည် ယခုတကြိမ် ပထမဦးဆုံး ပြစ်မှုကျုးလွန်ခဲ့ပြီး ယခင်က ပြစ်ချက်မရှိခဲ့၍ ယခုကဲ့သို့ ပြစ်ဒဏ်လျော့ပေါ့ချမှတ်ခဲ့ခြင်းဖြစ်သည်။ သို့မဟုတ်ပါက ငွေဒဏ်ဒေါ်လာ တသိန်း နှင့်ထောင်ဒဏ် ငါးနှစ်အထိ ချမှတ်ခံရနိုင်သည်။

ထွဋ်ဝင်းထွဋ်
The straits times
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

 susunway-620 မြန်မာနိုင်ငံ တောင်သူလယ်သမားသမဂ္ဂ အဖွဲ့တာဝန်ခံ မစုစုနွေး ကိုတွေ့ရစဉ်

လယ်သမားအရေးကိစ္စတွေကို လိုက်ပါကူညီပေးနေတဲ့ မြန်မာနိုင်ငံ တောင်သူလယ်သမားသမဂ္ဂ အဖွဲ့တာဝန်ခံ မစုစုနွေးကို ဒီနေ့ညနေပိုင်းမှာ ပဲခူးတိုင်း၊ အင်းတကော်ရဲစခန်းက ပိုင်နက်ကျူးလွန်မှု ပုဒ်မ ၄၄၇ နဲ့ ဖမ်းဆီးခဲ့ပြီး ပဲခူးအကျဉ်းထောင်ကို ပို့လိုက်ပါတယ်။

အင်းတကော်ရဲစခန်းကနေ အင်းတကော်မြို့နယ်တရားရုံးကို ချက်ချင်းပို့ဆောင်ခဲ့ပြီး တရားသူကြီးက အာမခံယူမလားလို့မေးမြန်းရာ မစုစုနွေးက အာမခံမယူတဲ့အတွက် ထောင်ထဲကို ပို့လိုက်တာဖြစ်တယ်လို့ မစုစုနွေးအဖမ်းခံရာမှာ အတူရှိနေခဲ့တဲ့ မခင်မို့မို့သိမ့်က ပြောပါတယ်။

"ညောလေးပင်မြို့နယ်ကနေပြီးတော့ အပြန်လမ်းမှာပေါ့နော် အင်းတကော်ရဲစခန်းရှေ့မှာ ရဲအင်အား ၃ဝ လောက်နဲ့ လိုင်းကားကို သူတို့ကတားတယ်၊ တားပြီးတော့ စခန်းထဲကိုတခါတည်းတိုးဝင်ပြီးတော့ အစ်မကို ဆင်းခိုင်းတယ်ပေါ့၊ အစ်မကို ဗိုလ်ကြီး ဟိန်းဇော် ကနေပြီးတော့ ၄၄၇ နဲ့ တရားစွဲဆိုထားတဲ့ကိစ္စကို သူတို့ကပြောတယ်၊ ပြီးတော့ သမီးတို့ကို တရားရုံးထဲကိုခေါ်သွားတယ်၊ တရားရုံးပေါ်ကို တင်တယ်ပေါ့နော်၊ တရားသူကြီးကနေပြီးတော့ သူ့ကိုအာမခံယူမလားလို့မေးတယ်၊ အစ်မက အာမခံမယူဘူးပေါ့နော် အဲ့လိုမျိုးပြန်ဖြေတယ်၊ နောက် အစ်မကို နောက်တစ်ချက်က ရုံးချိန်းအတွက်ကို မစုစုနွေးအနေနဲ့ ဘယ်နေ့ကိုယူချင်လဲလို့ မေးတဲ့အခါကျတော့ အစ်မက ကျမအနေနဲ့ရုံးချိန်းကို ယူစရာမလိုဘူးပေါ့နော် တရားသူကြီးကနေပြီးတော့ ၂၉ ရက်နေ့ကို ရုံးချိန်းပေးလိုက်တယ်၊ အစ်မနေပြီးတော့ ရုံးချိန်ကိုလည်း သူထွက်မှာမဟုတ်ဘူးလို့ ပြောထားခဲ့တယ်"

မြန်မာနိုင်ငံ တောင်သူလယ်သမားသမဂ္ဂအဖွဲ့ တာဝန်ခံ မစုစုနွေးနဲ့ အင်းတကော်မြို့နယ်က လယ်သမားတွေဟာ ပြီးခဲ့တဲ့နှစ် ဇွန်လက အမှတ် ၁ ခဲယမ်းမီးကျောက်တပ်က သိမ်းဆည်းထားတဲ့ လယ်ယာမြေတွေ ပြန်လည်ရရှိဖို့ အတွက် စစ်တပ်က အုတ်တံတိုင်းမခတ်ရသေးတဲ့ နေရာတွေမှာ ဝင်ရောက်ထွန်ယက်ခဲ့တာဖြစ်ပါတယ်။

ဒါ့အပြင် မစုစုနွေးက စစ်တပ်က အုတ်တံတိုင်း ခတ်ထားတဲ့အပေါ်ကိုတက်ပြီး မှတ်တမ်းဓါတ်ပုံရိုက်ခဲ့တာကြောင့် ခဲယမ်းမီးကျောက်တပ်က ဗိုလ်ကြီး ဟိန်းဇော်က ပိုင်နက်ကျူးလွန်မှုနဲ့ တရားစွဲထားတာကြောင့် ဖမ်းဆီးစစ်ဆေး ရတာဖြစ်တယ်လို့ ဒီနေ့ မြို့နယ်တရားရုံးမှာ တရားသူကြီးက ပြောကြားခဲ့တယ်လို့ သိရပါတယ်။

ပဲခူးတိုင်း၊ အင်းတကော်မြို့နယ်၊ သာယာကုန်းကျေးရွာအုပ်စုအတွင်းက အလံကွဲ၊ ရွှေလေး၊ ဂုံညှင်းတန်း ၊ ကျောက်ကုန်း၊ ကျွဲဒညင်းကုန်းနဲ့ မြေနီကုန်းစတဲ့ ကျေးရွာ ၈ ရွာက လယ်ယာမြေဧက ခြောက်ထောင်နီးပါးကို အမှတ်(၁) ခဲယမ်းမီးကျောက်တပ်က ၁၉၉၆ ခုနှစ်အတွင်း သိမ်းဆည်းခဲ့တာဖြစ်ပါတယ်။

RFA
http://www.rfa.org/burmese/news/bago-police-arrested-susungway-07232015103658.html

ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ရဲ့ ဗဟိုအတိုင်ပင်ခံ ဦးအောင်သောင်း။
ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ရဲ့ ဗဟိုအတိုင်ပင်ခံ ဦးအောင်သောင်း။

လက်ရှိ အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီမှာ သြဇာကြီးတဲ့ ပါတီရဲ့ ဗဟိုအတိုင်ပင်ခံ ပြည်သူ့လွှတ်တော် ကိုယ်စားလှယ် ဦးအောင်သောင်းဟာ ဒီကနေ့ ကြာသပတေးနေ့ မနက် ၈ နာရီကျော်မှာ စကာင်္ပူနိုင်ငံမှာ ကွယ်လွန် အနိစ္စရောက်ခဲ့ပါတယ်။ ဒီလ ၈ ရက်နေ့က သွေးတိုးပြီး ဦးနှောက် သွေးယိုစီး မှုကြောင့် နေပြည်တော် ဆေးရုံကြီးမှာ ကုသမှု ခံယူခဲ့ရတာပါ။ ဒီနောက် စကာင်္ပူနိုင်ငံကို ပို့ဆောင် ဆေးကုသမှု ခံယူပြီး ၂ ပတ် အကြာမှာ ကွယ်လွန် ခဲ့တာ ဖြစ်ပါတယ်။

အသက် ၇၄ နှစ် အရွယ်မှာ ကွယ်လွန်ခဲ့တဲ့ အရင် စစ်အစိုးရ အဖွဲ့ဝင် ၀န်ကြီးဟောင်း ဦးအောင်သောင်းဟာ ဆိုရင် စစ်အာဏာရှင် ဗိုလ်ချုပ်မှူးကြီး သန်းရွှေရဲ့ အားကိုးရတဲ့ လက်ရုံး တဆူလို့ သတ်မှတ်ခံရသလို စစ်အစိုးရရဲ့ နံပတ် ၂ အဆင့်ရှိသူ ဒုတိယ ဗိုလ်ချုပ်မှူးကြီး မောင်အေးနဲ့လည်း ခမည်း ခမက် တော်စပ်သူ ဖြစ်ပါတယ်။ လက်ရှိ အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီတွင်း သြဇာကြီးသူ၊ နောက် အတိုက်အခံတို့ အပေါ်မှာ နှိပ်ကွပ်ခဲ့သူ အဖြစ်လည်း ပြည်တွင်း ပြည်ပ သတ်မှတ်ခံရသူ ဖြစ်ပါတယ်။

၂၀၀၃ ခုနှစ်က ဒီပဲယင်းမြို့နယ်တွင်းမှာ ဒေါ်အောင်ဆန်းစုကြည်ရဲ့ ယာဉ်တန်းကို တိုက်ခိုက်မှုတွေရဲ့ လက်သည် အဖြစ်လည်း စွပ်စွဲခံရသူ ဖြစ်ပါတယ်။ နောက်ပိုင်း အရပ်သား အစိုးရ ပြောင်းလာချိန်မှာလည်းပြုပြင်ပြောင်းလဲရေး လုပ်ငန်းစဉ်မှာ သဘောထား တင်းမာသူ အဖြစ် ယူဆခံရပြီး အမေရိကန် အစိုးရရဲ့ ဒဏ်ခတ် ပိတ်ဆို့မှုကို ခံခဲ့ရပါတယ်။ ဇာတိမြေ တောင်သာမြို့ရဲ့ ပြည်သူ့လွှတ်တော် ကိုယ်စားလှယ် ဦးအောင်သောင်း ဟာ ပြည်သူ့လွှတ်တော် ဘဏ်များ နှင့်ငွေကြေးဆိုင်ရာ ဖွံ့ဖြိုးတိုး တက်ရေးကော်မတီ၏ ဥက္ကဋ္ဌ အဖြစ်လည်း တာဝန်ယူထားတာပါ။

တပ်မတော်မှာ ဗိုလ်မှူးကြီး အဆင့်ထိ တာဝန်ထမ်းဆောင်ခဲ့ပြီး စစ်အစိုးရ လက်ထက်မှာတော့ ကုန်သွယ်ရေး ဒုဝန်ကြီး၊ မွေးမြူရေးနဲ့ ရေလုပ်ငန်း ၀န်ကြီး၊ စက်မှု (၁) ၀န်ကြီးအဖြစ် အဆင့်ဆင့် တာဝန်ထမ်းဆောင်ခဲ့ပါတယ်။

စစ်အစိုးရလွန် ကာလမှာတော့ ဦးအောင်သောင်းရဲ့ မိသားစုဝင်တွေဟာ ဘဏ်လုပ်ငန်း၊ ဟိုတယ်လုပ်ငန်း၊ ဆောက်လုပ်ရေး လုပ်ငန်းတွေ၊ တခြားစီးပွားရေး လုပ်ငန်း အများအပြားနဲ့ မြန်မာ့ ထိပ်တန်း ငွေကြေး ချမ်းသာသူတွေ အဖြစ်ရပ်တည်ခဲ့ကြပါတယ်။

ကွယ်လွန်ချိန်မှာတော့ သားသမီးတွေ ကျန်ရစ်ခဲ့ပါတယ်။ ၁၉၄၀ ပြည့်နှစ် ဒီဇင်ဘာလ ၁ ရက်နေ့မှာ တောင်သာမြို့မှာ မွေးဖွားခဲ့သူ လွှတ်တော် အမတ် ဦးအောင်သောင်း အသက် ၇၄ နှစ် အရွယ်မှာ ကွယ်လွန်ခဲ့ရတဲ့ အတွက် ဒီကနေ့ ပြည်ထောင်စု လွှတ်တော်မှာ ၀မ်းနည်းကြေကွဲမှု အထိမ်းအမှတ်အဖြစ်နဲ့ လွှတ်တော်အမတ်တွေ၂ မိနစ် ငြိမ်သက် ဆုတောင်း မေတ္တာပို့ခဲ့ကြပါတယ်။

VOA
http://burmese.voanews.com/content/u-aung-thaung-ahardliner-in-the-ruling-party-dies/2874663.html


 ယနေ့ ဇူလိုင် ၂၃ ရက်တွင် ကျင်းပသော ပထမအကြိမ် ပြည်သူ့လွှတ်တော် (၁၂) ကြိမ်မြောက်ပုံမှန် အစည်းအဝေး ၈၀ ရက်မြောက်နေ့တွင် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ၏ ဗဟိုအတိုင်ပင်ခံ ပြည်သူ့လွှတ်တော် ဘဏ္ဍာရေးနှင့် ငွေကြေးဆိုင်ရာ ဖွံဖြိုးတိုးတက်ရေး ကော်မတီ ဥက္ကဋ္ဌ
ဦးအောင်သောင်း ကွယ်လွန်ခြင်း ၀မ်းနည်းကြောင်း အဆိုကို အမရပူရမြို့နယ် ပြည်သူ့လွှတ်တော် ကိုယ်စားလှယ် ဦးသိန်းထွန်းဦးက တင်သွင်းခဲ့သည်။

ဦးအောင်သောင်းသည် စင်ကာပူနိုင်ငံ Mount Elizabeth ဆေးရုံတွင် ၂၀၁၅ ခုနှစ် ဇူလိုင်လ ၂၃ ရက် ကြာသပတေးနေ့ ဒေသစံတော်ချိန် နံနက် ၉း၄၅ နာရီအချိန်၌ ကွယ်လွန်အနိစ္စရောက်ခဲ့ခြင်း ဖြစ်သည်။

“ ‘မန္တလေးတိုင်းဒေသကြီးတောင်သာ မဲဆန္ဒနယ် ပြည်သူ့လွှတ်တော်ကိုယ်စားလှယ်၊ ပြည်သူ့လွှတ်တော်ဘဏ် များနဲ့ ငွေကြေးဆိုင်ရာ ဖွံ့ဖြိုးတိုးတက်ရေးကော်မတီဥက္ကဋ္ဌ၊ သီရိပျံချီဦးအောင်သောင်းသည် စင်ကာပူနိုင်ငံတွင် ဆေးကုသမှုခံယူရင်း ၂၃-၇-၂၀၁၅ ရက်နေ့ စင်ကာပူစံတော်ချိန် နံနက် ၉း၄၅ နာရီ၊ မြန်မာစံတော်ချိန် နံနက် ၈း၁၅ နာရီအချိန်တွင် ဘ၀တပါးသို့ ကူးပြောင်းကွယ်လွန်သွားပါသဖြင့် အထူးဝမ်းနည်းကြောင်းကို ဤလွှတ်တော်က မှတ်တမ်းတင်ပေးရန် အဆိုတင်သွင်းမှာဖြစ်ပါကြောင်း`ပြောကြားပြီး ကိုယ်ရေးအတ္ထုပ္ပတ္တိကို ဖတ်ကြားခဲ့သည်။

`အဘဦးအောင်သောင်းဟာ မန္တလေးတိုင်းဒေသကြီး တောင်သာမြို့နယ်၊ ကျောက္ကာရွာဒေသ ဇာတိဖြစ်ပြီး ၁၉၆၂ ခုနှစ်မှာ မန္တလေးတက္ကသိုလ်မှ ဘွဲ့ရရှိခဲ့ပါကြောင်း၊ အထက်တန်းပြ ဆရာအဖြစ် တာဝန်ထမ်းဆောင်ခဲ့ပြီး ၁၉၆၄ ခုနှစ် မှော်ဘီဗိုလ်သင်တန်း အမှတ်စဉ် (၃၁)သို့ တက်ရောက်ခဲ့ပြီး တပ်မတော်တွင် စတင်တာဝန်ထမ်း ဆောင်ခဲ့ပါကြောင်း၊ ခ.လ.ရ (၉၅)၊ ခ.လ.ရ (၆၇)၊ တ.မ.ခ (၆၆)၊ ခ.မ.ရ (၁၀၉)၊ ကစတ (၁)၊ ခ.လ.ရ (၇)၊ ရ.ပ.က၊ လ.ပ.ကတပ်များတွင် တပ်ရင်းမှူး၊ ဗျူဟာမှူးအဆင့်ထိလည်းကောင်း၊ ၁၉၉၁ ခုနှစ်တွင် မကွေးတိုင်း တ.၀.တ ဥက္ကဋ္ဌအဖြစ်လည်းကောင်း တာဝန်ထမ်းဆောင်ခဲ့သူ ဖြစ်ပါတယ်။`

‘၁၉၉၃ ခုနှစ်မှစ၍ ကုန်သွယ်ရေးဝန်ကြီးဌာန ဒုတိယ၀န်ကြီး ၁၉၉၆ ခုနှစ်တွင် မွေးမြူရေးနှင့် ရေလုပ်ငန်းဝန်ကြီးအဖြစ်လည်းကောင်း၊ ၁၉၉၇ ခုနှစ်မှစ၍ ၂၀၁၀ ပြည့်နှစ်အချိန်ထိ စက်မှု (၁)၀န်ကြီးအဖြစ်လည်းကောင်း တာဝန်ထမ်းဆောင်ရင်း ပြည်ခိုင်ဖြိုးအသင်းမှာ ဗဟိုအတွင်းရေးမှူးတာဝန်နှင့် ကချင်ပြည်နယ်နှင့် မန္တလေးတိုင်း တာဝန်ခံအဖြစ် ဆောင်ရွက်ခဲ့ပါတယ်။ နောက်ဆုံးကွယ်လွန်ချိန်အထိ ပြည်ခိုင်ဖြိုးပါတီ ဗဟိုအတိုင်ပင်ခံအဖြစ် တာဝန်ယူဆောင်ရွက်ခဲ့သူ ဖြစ်ပါတယ်။’

‘၂၀၁၀ ပြည့်နှစ် ပါတီစုံ အထွေထွေရွေးကောက်ပွဲတွင် တောင်သာမဲဆန္ဒနယ် ပြည်သူ့လွှတ်တော်ကိုယ်စားလှယ် အဖြစ် မဲဆန္ဒရှင်ပြည်သူတို့၏ တခဲနက်ထောက်ခံမှုဖြင့် လွှတ်တော်တွင် ရောက်ရှိလာပြီး ပြည်သူ့လွှတ်တော် ဘဏ်များနှင့် ငွေကြေးဆိုင်ရာ ဖွံ့ဖြိုးတိုးတက်ရေးကော်မတီဥက္ကဋ္ဌအဖြစ်နှင့် လွှတ်တော်က အခါအားလျော်စွာ ပေးအပ်သောတာဝန်များကို ကျန်းမာရေးအရ ဆေးရုံသို့မရောက်ခင်အချိန်ထိ စွမ်းစွမ်းတမံ ဆောင်ရွက်ခဲ့သူ ဖြစ်ပါတယ်။’

‘သို့ဖြစ်ပါ၍ မန္တလေးတိုင်းဒေသကြီး တောင်သာမဲဆန္ဒနယ် ပြည်သူ့လွှတ်တော်ကိုယ်စားလှယ်၊ ပြည်သူ့လွှတ်တော်ဘဏ်များနှင့် ငွေကြေးဆိုင်ရာ ဖွံ့ဖြိုးတိုးတက်ရေးကော်မတီဥက္ကဋ္ဌ၊ သီရိပျံချီ အဘဦးအောင် သောင်းသည် ဘ၀တပါးသို့ ကူးပြောင်းကွယ်လွန်ခြင်းအတွက် အထူးဝမ်းနည်းကြောင်း ဤပြည်ထောင်စုလွှတ် တော်ကြီးက မှတ်တမ်းတင်ပေးပါရန်’
”ဟု ဦးသိန်းထွန်းဦး က အဆိုကို ဖတ်ကြားခဲ့သည်။

ထို့နောက် မြင်းခြံမဲဆန္ဒနယ်အမတ် ဦးဝင်မြင့်က “အဘဦးအောင်သောင်း ဘ၀တပါးသို့ ယနေ့နံနက်မှာ ပြောင်းရွှေ့ကွယ်လွန်သွားတဲ့အတွက် ဤလွှတ်တော်မှဝမ်းနည်းကြောင်း မှတ်တမ်းတင်ပေးပါရန်အဆိုကို ထောက်ခံတင်ပြအပ်ပါတယ်”ဟု ထောက်ခံဆွေးနွေးခဲ့သည်။

လွှတ်တော်နာယကကြီး သူရဦးရွှေမန်းက လွှတ်တော်သဘောထား ၃ ကြိမ်မေးမြန်းပြီး ကန့်ကွက်သူမရှိသဖြင့် အတည်ပြုပေးခဲ့သည်။

ထို့နောက် ၀မ်းနည်းကြောင်းအထိမ်းအမှတ်အဖြစ် လွှတ်တော်ကိုယ်စားလှယ်များအာလုံး ၂ မိနစ်ကြာ မတ်တပ်ရပ်၍ ငြိမ်သက်မေတ္တာပို့ခဲ့ကြကြောင်း သိရသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

 ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ပထမအကြိမ် ပါတီညီလာခံတွင် ဗဟိုအတိုင်ပင်ခံ ဦးအောင်သောင်း မိန့်ခွန်းပြောကြားနေစဉ် (ဆင်ဟွာ)
    ရန်ကုန်၊ ဇူလိုင်၂၃ ရက် (ဆင်ဟွာ)

    ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ၏ ဗဟိုအတိုင်ပင်ခံ ၊ တောင်သာမြို့နယ် ပြည်သူ့လွှတ်တော် ကိုယ်စားလှယ် ဦးအောင်သောင်းသည် ဇူလိုင်လ ၂၃ ရက် မြန်မာစံတော်ချိန် နံနက် ၈ နာရီ ၁၅ မိနစ်ခန့်က စင်ကာပူနိုင်ငံ၌ ကွယ်လွန်ခဲ့၍ ယနေ့ ပြည်ထောင်စု လွှတ်တော်တွင် ဝမ်းနည်းကြောင်း အဆိုတင်သွင်း ခဲ့သည်။

၎င်းဝမ်းနည်းကြောင်း အဆိုကို ပြည်သူ့ လွှတ်တော် ကိုယ်စားလှယ် ဦးသိန်းထွန်းဦးက တင်သွင်းခဲ့ခြင်း ဖြစ်ပြီး၊ ပြည်ခိုင်ဖြိုးပါတီမှ ကိုယ်စားလှယ် ဦးဝင်းမြင့်က ထောက်ခံခဲ့ပြီး၊ ပြည်ထောင်စု လွှတ်တော်က ဝမ်းနည်းကြောင်း အဆိုအား အတည်ပြုခဲ့သည်။ဦးအောင်သောင်း ကွယ်လွန်ခြင်းအတွက် ဝမ်းနည်းကြောင်း ၂ မိနစ် ငြိမ်သက်ကာ မေတ္တာပို့ ဆုတောင်းခြင်း ပြုလုပ်ခဲ့ ကြသည်။

ဦးအောင်သောင်းသည် ၁၉၄၀ ခုနှစ် ဒီဇင်ဘာလ ၁ ရက်နေ့တွင် မွေးဖွားခဲ့ခြင်း ဖြစ်ပြီး၊ ကွယ်လွန်ချိန်တွင် အသက် ၇၅ နှစ်ရှိပြီ ဖြစ်သည်။

တောင်သာမြို့နယ် အမတ် ဦးအောင်သောင်းသည် ဇူလိုင်လ ၈ ရက်နေ့ ည ၁၁း၃၀ နာရီတွင် ဦးနှောက် သွေးကြော ပေါက်သဖြင့် နေပြည်တော် ခုတင် တစ်ထောင် ဆေးရုံသို့ တင်ပို့ ခဲ့ရပြီး အခြေအနေ စိုးရိမ်ရသဖြင့် စင်ကာပူ နိုင်ငံတွင် ဆေးကုသရန် ဇူလိုင်လ  ၉ ရက်နေ့တွင် နေပြည်တော် အပြည်ပြည်ဆိုင်ရာ လေဆိပ်မှ စင်ကာပူ နိုင်ငံသို့ ပို့ဆောင် ကုသမှု ခံယူခဲ့ပြီး ၁၅ ရက်အကြာ မောင့် အယ်လီဇဘတ် ဆေးရုံတွင် ကွယ်လွန် ခဲ့ခြင်း ဖြစ်သည်။

၁၉၆၂ ခုနှစ်တွင် မန္တလေး တက္ကသိုလ်မှ ဝိဇ္ဇာဘွဲ့ရရှိခဲ့ပြီး အထက်တန်းပြ ဆရာအဖြစ် တာဝန်ထမ်းဆောင် ခဲ့သည်။ ၁၉၆၄ ခုနှစ်၌ မှော်ဘီ ဗိုလ်သင်တန်း အပတ်စဉ် (၃၁) သို့ တက်ရောက်ခဲ့ပြီး တပ်မတော်၌ စတင်တာ ဝန်ထမ်းဆောင်ခဲ့ပါသည်။ ၁၉၉၁ ခုနှစ်တွင် မကွေးတိုင်း တဝတ ဥက္ကဋ္ဌအဖြစ် တာဝန် ထမ်းဆောင်ခဲ့သူလည်း ဖြစ်ပါသည်။

၁၉၉၃ ခုနှစ်မှစ၍ ကုန်သွယ်ရေး ဝန်ကြီး ဌာန၏ ဒုတိယဝန်ကြီး အဖြစ်လည်းကောင်း၊ ထို့နောက် ဗိုလ်မှူးကြီး အဆင့်ဖြင့် အငြိမ်းစားယူခဲ့ပြီး ၁၉၉၆ ခုနှစ်တွင် မွေးမြူရေးနှင့် ရေလုပ်ငန်း ဝန်ကြီးဌာန ဝန်ကြီး တာဝန်များ ရယူခဲ့သည်။

ထို့နောက် ၁၉၉၇ ခုနှစ်၌ နိုင်ငံတော် ငြိမ်ဝပ် ပိပြားမှု တည်ဆောက်ရေးအဖွဲ့မှ နိုင်ငံတော်အေးချမ်း သာယာရေးနှင့် ဖွံ့ဖြိုးရေး ကောင်စီသို့ ပြောင်းလဲ ပြီးချိန်တွင် ဦးအောင်သောင်းသည် စက်မှု (၁) ဝန်ကြီးဌာန ဝန်ကြီး ဖြစ်လာခဲ့ပြီး အဆိုပါတာဝန်ကို ၂၀၁၀  အထိ တာဝန်ယူ ခဲ့သည်။

ဦးအောင်သောင်းတွင် သားသမီး လေးဦးရှိပြီး ဗိုလ်မှူးချုပ်မိုးအောင်၊ ဦးနေအောင်၊ ဦး ပြည်အောင် (ဒုတိယဗိုလ်မှူးကြီးငြိမ်း) နှင့် ဒေါ်ခင်ငုရည်ဖြိုးတို့ ဖြစ်ကြောင်း သိရသည်။

 (Xinhua)
http://www.xinhuamyanmar.com/myanmar/politics-law-military/739-2015-07-23-09-15-24


ဇူလိုင် ၂၃

 မနေ့က ညောင်လေးပင်မြို့ကို တောင်သူလယ်သမားကိစ္စနဲ့ သွားရောက်ခဲ့တဲ့ မစုစုနွေးနဲ့အဖွဲ့ဟာ၊ ဒီကနေ့မနက် ပြန်အလာမှာ ပဲခူးရဲစခန်းကနေ ခရီးသည်တင်ကားကို ရဲစခန်းထဲ မောင်းခိုင်းပြီး ဖမ်းဆီး စစ်ဆေး နေပါတယ်။
တရားရုံးတင်မယ်ဆိုပြီး ခေါ်တာကို မစုစုနွေးက မသွားပဲ ပဲခူးရဲစခန်းက မိုးရေထဲမှာ မတ်တပ်ရပ်ပြီး ဆန္ဒပြနေတယ်လို့ သိရပါတယ် .... ။

 """၂၀၁၅ ရွှေးကောက်ပွဲအတွက် လက်ရှိအစိုးရနဲ့ စစ်တပ်က ကြောက်လို့ ဖမ်းတာပါ မိတ်ဆွေအားလုံး မစိုးရိမ်ပါနဲ့ ။ ကျမတော့ အမှားမလုပ်တဲ့အတွက် အာမခံမလုပ်ဘူး။ """ လို့ လည်း မစုစုနွေး က သူမရဲ facebook စာမျက်နှာမှာ ရေးသားထားပါတယ်။

သတင်း - ဓါတ်ပုံ ။ ။ Kyaw Kyaw Htwe (FB)
BY THIT HTOO LWIN 


 စစ်တွေ၊ ဇူလိုင် (၂၃)

 ရခိုင်ပြည်၊ စစ်တွေမြို့တွင် တက္ကသိုလ်ကျောင်းသားများ တက္ကသိုလ်ကြိုပို့ကားခ ၃၀၀ ကျပ်အထိတိုးမြှင့်ကောက်ခံသဖြင့် ညှိနှိုင်းပေးရန် ယနေ့ ၂၃.၇.၂၀၁၅ ရက်နေ့နေ့လည်ပိုင်းတွင် ရခိုင်ပြည်နယ်အစိုးရ အဖွဲ့ရုံးရှေ့သို့ လာရောက်ကာ ဆန္ဒထုတ်ဖော်မှု ပြုလုပ်ခဲ့ကြောင်း သိရသည်။

အဆိုပါ ကျောင်းသားများ၏ တောင်းဆိုမှုကြောင့် ကျောင်းသား ခေါင်းဆောင်များအား အစိုးရအဖွဲ့မှ ချက်ချင်းခေါ်ယူဆွေးနွေးမှု ပြုလုပ်လျှက်ရှိကြောင်း သိရသည်။

မိုး (မြောက်ဦး)
The Street View
https://www.facebook.com/pages/The-Street-View


 တောင်ကိုရီးယား နိုင်ငံမှာ မားစ်ရောဂါ ဖြစ်ပွားခဲ့မှုနဲ့ နိုင်ငံခြားတင်ပို့ကုန်တွေ ဆက်တိုက်ဆိုသလို ကျဆင်းခဲ့တဲ့အတွက် စီးပွားရေး ထိခိုက်ခဲ့တယ်လို့ ဆိုပါတယ်။

တောင်ကိုရီးယားရဲ့ စီးပွားရေးတိုးတက်မှုနှုန်းဟာ ဒီနှစ် ပထမ သုံးလပတ်မှာ ၀.၈ ရာခိုင်နှုန်းရှိခဲ့ပြီး ဒုတိယ သုံးလပတ်မှာတော့ ၀.၃ ရာခိုင်နှုန်းသာ ရှိခဲ့ပါတယ်။

မားစ်ရောဂါဖြစ်သွားခဲ့တဲ့အတွက် အရောင်းအ၀ယ်တွေနဲ့ အရေးကြီးတဲ့ကမ္ဘာလှည့်ခရီးသွားလုပ်ငန်းတွေ ကျဆင်းခဲ့ရပြီး ပြည်ပပို့ကုန်တွေ ထိုးကျခဲ့တဲ့အတွက် တောင်ကိုရီးယားဟာ စီးပွားရေး အခက်အခဲနဲ့ ရင်ဆိုင်နေရတာ ဖြစ်ပါတယ်။

ပြီးခဲ့တဲ့ မေလ ၂၀ ရက်နေ့ကစပြီး မားစ်ရောဂါကြောင့် သေဆုံးသူ ၃၆ ဦးနဲ့ မားစ်ရောဂါ ကူးစက်ခံရသူပေါင်း ၁၈၆ ဦး ရှိနေပြီး ကူးစက်မှုနှုန်းဟာ မျှော်လင့်ထားတာထက် ဆိုးတယ်လို့ ဆိုးလ်မြို့ရှိ Market Force Company ရဲ့ ဥက္ကဌ James Rooney က ဘီဘီစီကို ပြောပါတယ်။

မေလထဲမှာ မားစ်ရောဂါ စတင်ဖြစ်ပွားခဲ့ပြီးနောက် ဇွန်လထဲမှာ ပြည်တွင်းကုန်ပစ္စည်းဝယ်ယူမှုနှုန်း ကျဆင်းခဲ့ပြီး ကမ္ဘာလှည့်ခရီးသွား အရေအတွက်လည်း ၄၀ ရာခိုင်နှုန်းကျော် ကျဆင်းသွားခဲ့ပါတယ်။

ဒီနှစ်တတိယ သုံးလပတ်အထိ စီးပွားရေးလုပ်ငန်းတွေ ဆက်လက် ထိခိုက်နိုင်တယ်လို့ မျှော်လင့်ရပြီး ကမ္ဘာလှည့်ခရီးသွားတွေဟာလည်း ဒီနှစ်နှောင်းပိုင်း ဆောင်းဦးရာသီအစထိ ပုံမှန်ပြန်မဖြစ်နိုင်သေးဘူးလို့ မစ္စတာ Rooney က ပြောပါတယ်။

BBC Burmese
https://www.facebook.com/bbcburmese

 ထိုင်းနိုင်ငံ ခိုထောင်းကျွန်း လူသတ်မှုနဲ့ တရားစွဲခံရတဲ့ မြန်မာနှစ်ဦးကို တွေ့ရစဉ် www.thairath.co.th
 ထိုင်းနိုင်ငံ ခိုတောင်းကျွန်းမှာ ဗြိတိန်နိုင်ငံသား ၂ ဦးအသတ်ခံရမှုနဲ့ပတ်သက်ပြီး ဖမ်းဆီးခံနေရတဲ့ မြန်မာအလုပ် သမား ကိုဝင်းဇော်ထွန်းနဲ့ ကိုဇော်လင်းတို့အမှုနဲ့ပတ်သက်ပြီး  တရားလိုပြသက်သေ အဖြစ် ထိုင်း မှုခင်းစုံစမ်းရေး တပ်ဖွဲ့က ရဲဗိုလ်မှူးကြီးတစ်ဦးကို ကော့စမွေတရားရုံးမှာ ဇူလိုင်လ ၂၂ ရက်နေ့က စစ်ဆေးခဲ့ပါတယ်။

အဲ့ဒီ ထိုင်း ရဲဗိုလ်မှူးကြီး ထွက်ချက်ခဲ့တာနဲ့ ပတ်သက်ပြီး မြန်မာအလုပ်သမားတွေရဲ့ရှေ့နေ ဦးအောင်မျိုးသန့်က

"အမှုစစ်ရဲအရာရှိကြီးကို စစ်တယ်၊ တရားလိုဖက်ကပဲစစ်ပြီးတယ်၊ အန်ကယ်တို့ဖက်က မစစ်လိုက်ရဘူး၊ မနက် ၉  နာရီက အခု ည ၈ နာရီခွဲလောက်မှ ပြီးတာ၊ အမှုစစ်မှာ သူက အမှတ် ၈ ဒေသ ရဲမှူးကြီးဆိုတော့ အမှုနဲ့ ပတ်သက်တဲ့ CCTV တို့ မြေပုံတို့ CD တို့ကို အကြောင်းပြပြီးတော့ ကလေးတွေဟာ ဒီအမှုနဲ့ ပတ်သက်လို့ ပါဝင်ပတ်သက်တယ်ဆိုတာမျိုးကို သူက တင်ပြသွားတာပေါ့။ သေတဲ့လူတွေဟာ မနက် ၂ နာရီခွဲကနေ ၅ နာရီကြားမှာသေတယ်လို့ ဆုံးဖြတ်တယ်။ ဒီကလေးတွေကလည်း အဲ့ဒီညမှာ ဆိုင်ကယ်လေးနဲ့ ဆဲဗန်းအီလဲဗင်း သွားပြီးတော့ အရက်ဝယ်တယ်၊ ဆေးလိပ်ဝယ်တယ် ဆိုတာလေးကပေါ်တယ် ၁ နာရီနဲ့ ၉  မိနစ်အထိ အဲ့တော့ အဲ့ဒါတွေကနေ ဆက်စပ် ဆက်စပ်ပြီးတော့ ဒီကလေးတွေနဲ့ ပတ်သက်တယ်ဆိုတဲ့အပေါ်မှာ လုပ်ထားတာပေါ့"

မနေ့က ထွက်ဆိုခဲ့တဲ့ ရဲမှူးကြီးဟာ CCTV မှတ်တမ်းတွေကို စစ်ဆေးဖို့ တာဝန်ယူရသူဖြစ်ပြီး အခင်းဖြစ်ပွားခဲ့ တဲ့နေရာနဲ့ ဆက်စပ်နေရာ လမ်းကြောင်းတစ်လျှောက်က CCTV အလုံးတစ်ရာကျော်ကို စစ်ဆေးခဲ့ပြီး အဲ့ဒီထဲက အမှုနဲ့သက်ဆိုင်တဲ့ CCTV ၁၇ လုံးက မှတ်တမ်းတွေကို ထုတ်နှုတ်တင်ပြခဲ့တာ ဖြစ်တယ်လို့လည်း သိရပါတယ်။

တရားရုံးမှာ အမှုစစ်ရဲမှုးကြီးရဲ့ ထွက်ဆိုတင်ပြချက်တွေဟာ တရားခံ နှစ်ယောက်က သတ်တယ်ဆိုတာ မြင်တွေ့ခဲ့ တာမျိုး မရှိတဲ့အတွက် ဒီကနေ့ ဇူလိုင်လ ၂၃ ရက်နေ့မှာ တရားခံရှေ့နေတွေဖက်ကနေပြီး ပြန်လည်မေးခွန်းထုတ် သွားမယ်လို့ ရှေ့နေ ဦးအောင်မျိုးသန့်က ပြောပါတယ်။

မနေ့က ကိုဝင်းဇော်ထွန်းနဲ့ ကိုဇော်လင်းတို့ရဲ့ မိခင်နှစ်ဦးလည်း တရားရုံးမှာ ကြားနာခွင့်ရခဲ့ပြီး သားဖြစ်သူတွေ နဲ့ တွေ့ဆုံခွင့်ရခဲ့တယ်လို့ သိရပါတယ်။

RFA Burmese
http://www.rfa.org/burmese

Author Name

Contact Form

Name

Email *

Message *

Powered by Blogger.