07/26/15

တိုင်းရင်းသား လက်နက်ကိုင်တပ် ဖွဲ့များ တောင်းဆိုနေသည့် လက်နက်ကိုင် အဖွဲ့အစည်းများ အားလုံး ပါဝင်လက်မှတ်ရေးထိုးရေးကို အစိုးရက လက်မခံပါက အပစ်အခတ် ရပ်စဲရေးစာချုပ်ကို လက်မှတ်ရေးထိုးမည် မဟုတ်ဟု အပစ်အခတ်ရပ်စဲရေး စာချုပ်ဆိုင်ရာ အဆင့်မြင့်ညှိနှိုင်းရေးအဖွဲ့ဝင် တိုင်းရင်းသား လက်နက်ကိုင် ခေါင်းဆောင်များက ပြောသည်။

ရန်ကုန်မြို့ ရွှေလီလမ်းရှိ မြန်မာန်ိုင်ငံ ငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာနတွင် ဇူလိုင်လ ၂၂ ရက်နေ့မှ စတင်ပြုလုပ်နေသည့် အပစ်အခတ်ရပ်စဲရေးဆိုင်ရာ ၈ ကြိမ်မြောက် အစည်းဝေး ပထမနေ့ အပြီးတွင် ယခုကဲ့သို့ ပြောကြားခဲ့ခြင်း ဖြစ်သည်။

“အားလုံး မပါဝင်ဘူးဆိုရင်တော့ ကျွန်တော်တို့ရည်ရွယ်နေတဲ့ တစ်နိုင်ငံလုံး အပစ်အခတ်ရပ်စဲရေးဆိုတာ မပီပြင်ဘူး။ ပြီးတော့လည်း ကျွန်တော်တို့ နိုင်ငံအေးချမ်းဖို့ ဆိုတာလည်း မဖြစ်နိုင်ဘူး။ ဒါကြောင့်မို့လို့ ကျွန်တော်တို့ အနေနဲ့ လက်ခံဖို့ ခက်ခဲပါလိမ့်မယ်” ဟု အပစ်အခတ်ရပ်စဲရေး စာချုပ်ဆိုင်ရာ အဆင့်မြင့် ညှိနှိုင်းရေးအဖွဲ့ဝင် နိုင်ဟံသာက ပြောသည်။

လက်ရှိတွင် တိုင်းရင်းသား လက်နက်ကိုင်တပ်ဖွဲ့များက အပစ်အခတ် ရပ်စဲရေးစာချုပ်အား တိုင်းရင်းသား လက်နက်ကိုင်တပ်ဖွဲ့အားလုံးပါဝင် လက်မှတ်ရေးထိုးနိုင်ရေး တောင်းဆို နေခြင်းဖြစ်ပြီး အစိုးရအနေဖြင့် ပြည်နယ် အဆင့် အပစ်အခတ်ရပ်စဲရေးစာ ချုပ်ချုပ်ဆိုထားသည့် အဖွဲ့ ၁၄ ဖွဲ့နှင့် ကချင်လွတ်မြောက်ရေးအဖွဲ့ (KIO / KIA ) တို့ နှင့်သာ လက်မှတ်ရေးထိုးရန် သဘောထားရှိခြင်းဖြစ်သည်။

“ပြည်ထောင်စု ဘက်ကပြောတာ ကတော့ ဘယ်သူမပါဘူးပြောတာ မဟုတ်ဘူး။ ချန်ထားတာ မဟုတ်ဘူး။ NCA လက်မှတ်ရေးထိုးပြီးရင် ဒါကို နှစ်ဖက်တပ်တွေက လိုက်နာကြဖို့လိုပါတယ်။ လက်မှတ်ရေးထိုးပြီး ချက်ချင်း လိုက်နာနိုင်ခြေရှိတဲ့ အဖွဲ့တွေကို ရည်ညွှန်းတာပါ။ လိုက်နာဖို့ဆိုတာမှာ ၁၄ ဖွဲ့နဲ့ကတော့ နှစ်ဖက်သဘော တူညီမှုရှိပါတယ်။ KIO နဲ့ကတော့ ပြည်နယ်အဆင့် စာချုပ်မချုပ်နိုင်တာတောင်မှ သူတို့နဲ့ ခိုင်မာတဲ့သ ဘောတူညီမှု ရှိပါတယ်။ ဒါကြောင့် ဒီ ၁၅ ဖွဲ့နဲ့ အရင်လက်မှတ်ရေးထိုးဖို့ အဆိုပြုတာပါ။ အဲဒီ အဆိုပြုချက် အတိုင်းပဲ ပြည်ထောင်စုဘက်ကတော့ သဘောရှိပါတယ်” ဟု မြန်မာနိုင်ငံ ငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာန အကြီးတန်း အကြံပေး ဦးလှမောင်ရွှေက ပြောသည်။

တိုင်းရင်းသား လက်နက်ကိုင်တပ်ဖွဲ့များအနေဖြင့် ပြည်နယ် အဆင့်၊ ပြည်ထောင်စုအဆင့် အပစ်အခတ်ရပ်စဲရေး လက်မှတ်မရေးထိုး ရသေးသည့် အဖွဲ့များပါ တစ်နိုင်ငံလုံး အပစ်အခတ်ရပ်စဲရေးစာချုပ်တွင် ပါဝင်လက်မှတ် ရေးထိုးလိုကြပြီး ယင်းအချက်နှင့်ပတ်သက်၍ ဇူလိုင် ၂၃ ရက်နေ့တွင် ဆက်လက် ဆွေးနွေးသွားမည် ဖြစ်သည့်အတွက် ယင်းဆွေးနွေးမှု၏ ရလဒ်ပေါ်တွင် မူတည်ကြောင်း သိရသည်။

MMK

The Ladies News Journal

လူတွေက ဝေသာလီပြည် ဘီလူးကျတယ်ဆိုတာသာပြောကြတာ ဘာကြောင့် ဝေသာလီပြည် ဘီလူးကျရတယ် ဆိုတာတော့ သိသူရှားပါလိမ့်မယ်။

ဒီမိုကရေစီအစ ဝေသာလီကဗျ။ ဝေသာလီမင်းဆက် ၇၇၀၇ ပါးတိုင်အောင် ဒီမိုကရေစီနည်းကျကျ အုပ်ချုပ်ခဲ့ ကြတယ်။ ဘာကြောင့် ဒီမိုကရေစီလို့ ပြောနိုင်သလဲဆိုရင် "အပရိဟာနိယဓမ္မ" နဲ့ အုပ်ချုပ်ကြလို့ပဲ။ အပရိဟာနိယဓမ္မဆိုတာကို အတိုချုံ့ပြောမယ်ဆိုရင်

- ဘယ်ကိစ္စကိုမဆို အားလုံး တညီတညွတ်တည်း ဆုံးဖြတ်ပြီးမှ လုပ်တယ်

- ဘာဆုံးဖြတ်ဖြတ် အစည်းအဝေးခေါ်တယ်။ သတ်မှတ်ထားတဲ့ အရေအတွက်ပြည့်မှ ဆုံးဖြတ်တယ်

- အများ ဆုံးဖြတ်ချက်ကိုသာ ဦးစားပေးတယ်

- သတ်မှတ်ထားတဲ့ ထုံးဓလေ့တွေကို ကျော်ပြီး ဘာမျှ လုပ်ဆောင်လေ့မရှိဘူး (ဥပဒေပေါ့)

- နိုင်ငံအတွင်း အနိုင်အထက်ပြုမူခြင်းမရှိဘူး

- လူတိုင်း လွတ်လပ်စွာပြောနိုင်တယ်။ ပြည်သူတို့ပြောသမျှကို အလေးထား လုပ်ဆောင်ပေးရတယ်

- အားလုံးဆုံးဖြတ်ချက်အတိုင်း လုပ်တယ်ဆိုပေမယ့် ပြည်သူကို တရားသဖြင့် အကာအကွယ်ပေးပြီး လုပ်ဆောင်လေ့ရှိတယ်

အဲဒီလို "အပရိဟာနိယဓမ္မ" နဲ့ အုပ်ချုပ်တယ်ဆိုတာ ဒီမိုကရေစီနည်းကျကျ အုပ်ချုပ်ခြင်းပေါ့။ ၇၇၀၇ မင်းဆက် နောက်ပိုင်းမင်းတွေဟာ တရားမဲ့လာတယ်ဆိုတာ လူတွေက ကိုယ့်အလုပ် ကိုယ်မလုပ်ကြတော့တာကစတယ်။ ကိုယ်ကျင့် တရားပျက်ခြင်းအစ ကိုယ့်တာဝန်ကိုယ် မလုပ်ဆောင်ကြတာပဲ။

စစ်သားက တိုင်းပြည်တက်ပြီး အုပ်ချုပ်ချင်တယ်။ သူကြွယ်က လွှတ်တော်ထဲဝင်ပြီး နေရာ လိုချင်တယ်။ လယ်သမားက မြင်းထိန်းချင်တယ်။ ဈေးသည်က အထိန်းတော်လုပ်ချင်တယ်။ သမီးတော်တွေက အခွန်တော် တွေကို ချုပ်ချင်တယ်။ သားတော်တွေက မူးယစ်သောက်စား သားပျိုသမီးပျိုတွေကို ဖျက်ဆီးချင်တယ်။ ၀န်တွေ အမတ်တွေက လောင်းကစားဝိုင်းထောင်တယ်။ ဘုရင့် အမတ်ကြီးက ပြည့်တန်ဆာခန်းထောင်တယ်။

အဲဒီလိုလုပ်ချင်တိုင်း လုပ်လာတော့ တိုင်းပြည်မှာ "အပရိဟာနိယဓမ္မ" မရှိတော့ဘုး။ လယ်သမား စပါးမစိုက် တော့ ငတ်လာတာပေါ့။ တံငါသည်တွေကလည်း ဘုရင့်အကြံပေးတွေဖြစ်နေတော့ ငါးဖမ်းမယ့်သူ မရှိတော့ဘူး။ စိုက်ပျိုးသူမရှိ၊ သားမွေး ငါးရှာသူမရှိတော့ အစာရေစာရှားလာတယ်။ အစာရေစာရှားတော့ ငတ်မွတ်ခေါင်းပါး တယ်။ ငတ်တော့ ရောဂါထူတယ်။ ရောဂါထူပြီး မစိုက်မပျိုးနိုင်တော့ မိုးခေါင်၊ ငတ်ပြတ် ကပ်ရောဂါကျပြီး သေလိုက်ကြတာ။

လူတွေသေတော့ သုဿာန်မှာ အလောင်းတွေ သွားပစ်ထားရတယ်။ သုဘရာဇာက လွှတ်တော်ထဲရောက် နေလို့ အလောင်းမြှုပ်ပေးမယ့်သူမရှိဘူး။ လူသေတွေနဲ့ ပုပ်ဟောင်နေတဲ့ အနံ့တွေကို ဘီလူးတွေကရတော့ ဝေသာလီပြည်ကို ရောက်လာကြတယ်။ ဘီလူးတွေက ပထမ သုဿာန်ထဲက အလောင်းလောက်ပဲစားတာ။ နောက်ပိုင်း တိုင်းပြည်ထဲဝင်ကြည့်တော့ ရှင်နေတဲ့ လူတွေကလည်း လူသေတွေလိုဖြစ်နေလို့ ဘီလူးစားလိုက်တာ တိုင်းပြည်ပျက်ကိန်းပါရောက် တယ်။

ဝေသာလီဘာကြောင့်ပျက်၊ ဘီလူးကျလို့ ပျက်တယ်။ ဘီလူးဘာကြောင့်ကျ၊ ကိုယ့်အလုပ် ကိုယ်မလုပ်ကြလို့ဗျ။ ကိုယ့်အလုပ် ကိုယ်မလုပ်တော့ တိုင်းပြည်လည်းပျက်၊ ဒီမိုကရေစီလည်း ပျက်တော့တာပေါ့။

၂၆.၇.၂၀၁၅
Tin Nyunt


မနေ့ (ဇူလိုင် ၂၅၊ ၂၀၁၅) က ကင်ညာနိုင်ငံရောက်နေတဲ့ အမေရိကန်သမ္မတ အိုဘားမားနဲ့ ကင်ညာသမ္မတ ကင်ညက်တာတို့ရဲ့ ပူးတွဲသတင်းစာရှင်းလင်းပွဲကို တိုက်ရိုက်ကြည့်ရတယ်။ သမ္မတနှစ်ယောက်လုံးက အပြောကောင်းတွေဖြစ်လို့ သတင်းစာဆရာတွေ မေးတဲ့ မေးခွန်းတွေကို ပတ်ပတ်နပ်နပ် ဖြေနေတာ ကြည့်လို့ကောင်းတယ်။ (မြန်မာပြည်မှာလည်း အဲဒီလို တော်တဲ့ ထက်တဲ့ ကမ္ဘာ့ အဆင့်မီတဲ့ ခေါင်းဆောင်အရည်အသွေးရှိတဲ့ ခေါင်းဆောင် ရှိပါရက်နဲ့ မသုံးနိုင်တာကို စိတ်မကောင်းဖြစ်မိတယ်၊ မြန်မာပြည်ရဲ့ ကံကြမ္မာ၊ မြန်မာပြည်သူတွေရဲ့ ကံကြမ္မာပေါ့)။

အဲဒီမှာ ဘာသွားစဉ်းစားမိသလဲဆိုတော့ သူတို့နှစ်ယောက်စလုံးရဲ့ အဖေတွေက ကင်ညာနိုင်ငံသားတွေ။ ကင်ညာတစ်ယောက်ရဲ့သားက အမေရိကန်သမ္မတဖြစ်လာပြီး၊ နောက်ကင်ညာတစ်ယောက်ရဲ့သားက ကင်ညာသမ္မတဖြစ်လာတယ်။ ဘယ်လောက်မိုက်သလဲ။ အားကျတာ မဟုတ်ပါဘူး၊ အားရတာပါ။ လူ့အခွင့်အရေးဆိုတာ ဒါပဲဖြစ်ရမယ်။ ထွန်းပေါက်ရင် ကြိုးစားသလောက် အမြင့်ဆုံးကို တက်ပိုင်ခွင့်ရှိတယ်။ (ကင်ညက်တာရဲ့ အဖေကတော့ ကင်ညာနိုင်ငံကို ထူထောင်သူ လွတ်လပ်ရေးဖခင်နဲ့ ပထမဆုံးသမ္မတပါ)။

အာဖရိကန်တွေ၊ လူမည်းတွေအတွက်တော့ သမ္မတအိုဘားမားဟာ အထူးစံပြ ပုဂ္ဂိုလ်ဖြစ်ပါတယ်။ ကြိုးစားစမ်းပါ၊ အမေရိကန်သမ္မတအထိ ဖြစ်နိုင်တယ်ဆိုတာ အိုဘားမားက သက်သေပြခဲ့ပါတယ်။ ကင်ညာသားရဲ့သားဟာ အမေရိကန်သမ္မတဖြစ်ပြီးနောက်မှာ ကင်ညာကို အလည်လာတဲ့ ပထမဆုံး အမေရိကန်သမ္မတလည်း ဖြစ်ပါတယ်။ ဒါ့အပြင် သမ္မတအိုဘားမားရဲ့ သမ္မတသက်တမ်းအတွင်း နိုင်ငံငါးဆယ်မြောက် အလည်ရောက်တဲ့ နိုင်ငံလည်း ဖြစ်ပါတယ်။ အဲဒီ နိုင်ငံ ၅၀ ထဲမှာ မြန်မာနိုင်ငံလည်း ပါပါတယ်။

မြန်မာနိုင်ငံဆိုလည်း ပထမဆုံးအမေရိကန်သမ္မတအနေနဲ့ အိုဘားမား လာခဲ့တာပါ။ အိုဘားမားဟာ အမေရိကန်သမိုင်းမှာ သမိုင်းဝင်ဖြစ်ရပ်တွေကို အများဆုံး ကြုံတဲ့၊ အများဆုံး လုပ်ဆောင်ခွင့်ရတဲ့ အမေရိကန်သမ္မတလည်း ဖြစ်ပါတယ်။ (မြန်မာပြည်မှာတော့ သမိုင်းဝင်လုပ်ရပ်တွေကို လုပ်ခွင့်ရသူတွေ၊ လုပ်ပိုင်ခွင့်ရှိသူတွေဟာ မလုပ်ကြဘဲ မိမိတို့အကျိုးအတွက်ပဲ လုပ်သွားကြတာကတော့ စိတ်မကောင်းစရာပါ)။

လူတန်းစားတစ်ရပ်ကပဲ အာဏာရခွင့်ရှိတာ၊ ချမ်းသာခွင့်ရှိတာ၊ လူဝါးဝခွင့်ရှိတာမျိုးဟာ မမှန်ကန်ပါဘူး။ နိုင်ငံတော်လုံခြုံရေး၊ အမျိုးသားရေးနဲ့ အကြောင်းအရာပေါင်း မြောက်မြားစွာ ဆွေးနွေးစရာ ရှိနိုင်ပါသေးတယ်။ ဒါပေမဲ့ နိုင်ငံသားတစ်ဦးဟာ နိုင်ငံသားဖြစ်တာနဲ့ နိုင်ငံသားတိုင်း ရပိုင်ခွင့် အခွင့်အရေးကို ရရမှာပါ။ ငါတို့ကမှ ပိုရခွင့်ရှိတာ၊ ငါတို့ပဲ အမျိုးသားနိုင်ငံရေးမှာ ဦးဆောင်ခွင့်ရှိတာ၊ ငါတို့ပဲ တိုင်းပြည်သယံဇာတကို လုပ်ချင်တိုင်း လုပ်ခွင့်ရှိတာ၊ ငါတို့ပဲ သိမ်းချင်တဲ့မြေ သိမ်းလို့ရတာ ဆိုတာမျိုးကတော့ လုံးဝမဖြစ်သင့်ပါဘူး။ တို့ပြည်တို့မြေ၊ တို့ဘိုးဘွားအမွေဆိုတာ အမေ့လင်ပစ္စည်း မဟုတ်ပါဘူး။

Myo Tha Htet

အမျိုးသားဒီမိုကရေစီအဖွဲ့ချုပ်ဥက္ကဋ္ဌဒေအောင်ဆန်းစုကြည်သည် ဇူလိုင်လ ၂၆ ရက်နေ့ယနေ့နံနက် ၉ နာရီ ၃၀ မိနစိက ဧရာဝတီတိုင်း မော်လမြိုင်ကျွန်းမြို့တွင် ရွေးကောက်ပွဲဆိုင်ရာ ဟောပြောပွဲကို စတင်ဟောပြောနေစဉ်

မော်ကျွန်းမြို့တွင်ပြောကြားသောလူထုခေါင်းဆောင်၏ မိန့်ခွန်း

Posted by Aye Mya Mya Myo on Saturday, July 25, 2015
National League for Democracy
video..Aye Mya Mya Myo

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်သည်။ ဇူလိုင်လ ၂၅ ရက်နေ့ ယနေ့နံက်က ရန်ကုန်မြို့ တက္ကသိုလ် ရိပ်သာလမ်း နေအိမ်မှ ဧရာဝတီတိုင်း ကျိုက်လတ် မြို့သို့သွားရောက်၍ ရွေးကောက်ပွဲဆိုင်ရာ ကိစ္စရပ်များနျှင့်ပတ်သက်၍ ပြည်သူလူထုအား မိန့်ခွန်းပြောကြားခဲ့သည်။ ၎င်း လူထုဟောပြောပွဲသို့ အဖွဲ့ချုပ် ဗဟိုအလုပ်မှုဆောင်အဖွဲ့ဝင် ပြည်သူ့လွှတ်တော်ကိုယ်စားလှယ် ဦးဝင်းမြင့်လဲ လိုက်ပါခဲု့သည်။


ဧရာဝတီတိုင်း ကျိုက်လတ်မြို့တွင် ပြည်သူလူထုအားပြောကြားသောလူထုခေါင်းဆောင် ဒေါ်အောင်ဆန်းစုကြည်၏ မိန့်ခွန်း
Posted by National League for Democracy on Saturday, July 25, 2015

National League for Democracy

ကျိုက်လတ်မြို့မှာ ရွေးကောက်ပွဲ ပညာပေးစည်းရုံးလှုပ်ရှားနေတဲ့ NLD ပါတီဥက္ကဋ္ဌ ဒေါ်အောင်ဆန်းစုကြည်။ (ဇူလိုင် ၂၅၊ ၂၀၁၅)
ကျိုက်လတ်မြို့မှာ ရွေးကောက်ပွဲ ပညာပေးစည်းရုံးလှုပ်ရှားနေတဲ့ NLD ပါတီဥက္ကဋ္ဌ ဒေါ်အောင်ဆန်းစုကြည်။ (ဇူလိုင် ၂၅၊ ၂၀၁၅
နိုင်ငံရေးမှာ အရင်က ၀င်မပါခဲ့တဲ့ တတ်သိပညာရှင်တွေ၊ အလုပ်အကိုင် ကျွမ်းကျင်သူတွေဟာ သူတို့ရဲ့ ပညာ အရည်အချင်း၊ ကျွမ်းကျင်မှုတွေနဲ့ နိုင်ငံကို အကျိုးပြုနိုင်သူတွေဖြစ်တာကြောင့် အမျိုးသားဒီမိုကရေစီအဖွဲ့ချုပ် ကိုယ်စားလှယ်လောင်းတွေအဖြစ် ၀င်ရောက်ယှဉ်ပြိုင်ဖို့ ဖိတ်ခေါ်သွားမှာဖြစ်တယ်လို့ ဥက္ကဋ္ဌဒေါ်အောင်ဆန်းစုကြည်က ပြောကြား လိုက်ပါတယ်။ ဒါ့အပြင် ၂၀၁၅ ရွေးကောက်ပွဲရလဒ်ဟာ မြန်မာနိုင်ငံရဲ့ အနာဂတ်အပြောင်းအလဲကို အကောင် အထည်ဖေါ်မှာ ဖြစ်တယ်လို့ သူ့အနေနဲ့ယုံကြည်ကြောင်း မနေ့က ကျိုက်လတ်မြို့မှာကျင်းပတဲ့ လူထုဟောပြောပွဲမှာ ဒေါ်အောင်ဆန်း စုကြည်က ပြောကြားသွားပါတယ်။ အပြည့်အစုံကို မအင်ကြင်းနိုင်က တင်ပြပေးထားပါတယ်။

နိုဝင်ဘာလ (၈) ရက်နေ့မှာကျင်းပမယ့် အထွေထွေရွေးကောက်ပွဲမှာ ၀င်ရောက် ယှဉ်ပြိုင်မယ်လို့ ပြီးခဲ့တဲ့ သီတင်းပတ်တွေ အတွင်း အမျိုးသားဒီမိုကရေစီအဖွဲ့ချုပ် NLD အနေနဲ့ ကြေညာပြီးနောက် ဥက္ကဋ္ဌ ဒေါ်အောင်ဆန်းစုကြည်ဟာ ပထမဆုံး အကြိမ် လူထုမဲဆွယ်စည်းရုံးရေးခရီးစဉ်အဖြစ် ဧရာဝတီတိုင်း ကျိုက်လတ်မြို့ကို မနေ့က သွားရောက်ခဲ့ပါတယ်။

NLD အနေနဲ့ ကိုယ်စားလှယ်လောင်းတွေကိုရွေးချယ်တဲ့ အခါမှာ နိုင်ငံကိုအကျိုးပြုနိုင်မယ့်အရည်အချင်းကို ပထမ ဦးစားပေးအဖြစ် သတ်မှတ်ထားကြောင်း ဒေါ်အောင်ဆန်းစုကြည်က သူရဲ့မိန့်ခွန်းမှာ အခုလို အလေးအနက်ထား ပြောသွားပါတယ်။

“အမျိုးသားဒီမိုကရေစီအဖွဲ့ချုပ်ကနေပြီးတော့ ၀င်ရောက်ယှဉ်ပြိုင်ဖို့ တကယ်တော်တဲ့ပုဂ္ဂိုလ်ကြီးများ၊ ပညာရှင်များ၊ အတွေ့အကြုံ၊ အလုပ်အကိုင် ….များ၊ ကျွမ်းကျင်သူများကို ဖိတ်ခေါ်တယ်။ တချို့က နည်းနည်းမကျေနပ်ချင်ဘူး။ ဒီလူတွေက ဒီပုဂ္ဂိုလ်တွေက အစတုန်းက အဖွဲ့ချုပ်ဝင်တွေလည်းမဟုတ်ဘူး၊ အခုမှဝင်လာပြီးတော့ သူတို့ကို ကိုယ်စားလှယ်နေရာပေးမှာလား ဆိုပြီးတော့ မေးတဲ့လူတွေရှိတယ်။ ဟုတ်တယ်၊ ကျမတို့ ပေးရမယ်။ ဘာဖြစ်လို့လဲဆိုတော့ ဒီပုဂ္ဂိုလ်တွေက အရင်တုန်းက နိုင်ငံရေးထဲမှာ ၀င်မပါခဲ့ပေမယ့် မိမိတို့ရဲ့ကျွမ်းကျင်မှုအရ၊ မိမိတို့ရဲ့ပညာအရ နိုင်ငံကိုအကျိုးပြုတယ်၊ နောက်ပြီးတော့လည်း ဒီမိုကရေစီကို ထိပါးအောင် မလုပ်ခဲ့ဘူးဆိုရင် ကျမတို့ ဒီလိုပုဂ္ဂိုလ်တွေကို နိုင်ငံ့အတွက် သုံးရမှာပဲ။ ကျမတို့က နိုင်ငံ့အတွက်တာဝန်ပေးတာ။ နိုင်ငံ့အတွက် လုပ်ရမှာပဲ။”

၂၀၁၅ ရွေးကောက်ပွဲဟာ မြန်မာနိုင်ငံအနာဂတ် အပြောင်းအလဲကို အကောင်အထည်ဖေါ်မှာဖြစ်တယ်လို့ သူ့အနေနဲ့ ယုံကြည်ကြောင်းလည်း ဒေါ်အောင်ဆန်းစုကြည်က ဆိုပါတယ်။ ဒါကြောင့် စစ်မှန်တဲ့ ဒီမိုကရေစီစနစ်ပေါ်ပေါက်ဖို့ တိုင်းရင်းသား ပြည်သူအားလုံး မဖြစ်မနေ မဲပေးကြဖို့ အရေးကြီးတယ်လို့ ဒေါ်အောင်ဆန်းစုကြည်က အခုလို ပြောသွားပါတယ်။
ကျိုက်လတ်မြို့မှာ ဒေါ်အောင်ဆန်းစုကြည်ရဲ့ လူထုစည်းရုံးဟောပြောပွဲကို တက်ရောက်နားထောင်သူ ဒေသမံများကိုတွေ့ရစဉ်။ (ဇူလိုင် ၂၅၊ ၂၀၁၅)
“၂၀၁၅ ခုကိုရောက်လာပြီ။ ဒီရွေးကောက်ပွဲဟာလည်း နိုင်ငံ့ရဲ့ကံကြမ္မာကို ဆုံးဖြတ်ပေးမယ့် ရွေးကောက်ပွဲပဲ။ တချို့က ကျမကိုမေးပါတယ်။ ၁၉၉၀ ခုနှစ်တုန်းကလိုပဲ ပြန်ဖြစ်ရင်တဲ့ ဘယ်နှယ်လုပ်မလဲ တဲ့။ ကျမတော့ ပွင့်ပွင့်လင်းလင်း ပြောမယ်။ ၁၉၉၀ တုန်းကလိုဖြစ်မယ်-ဆိုပြီးတော့ ပြည်သူကို ခြိမ်းခြောက်နေတဲ့ပုဂ္ဂိုလ်တွေ ရှိတယ်။ နားမယောင်ပါနဲ့၊ အဲဒါ အမျိုးသားဒီမိုကရေစီအဖွဲ့ချုပ်ကို မဲပေးမှာစိုးလို့ ပြောတဲ့သူတွေဖြစ်တယ်။”

ကျိုက်လတ်မြို့မှာကျင်းပတဲ့ ရွေးကောက်ပွဲဆိုင်ရာ ပညာပေးဟောပြောပွဲမှာ တက်ရောက်လာတဲ့ ဒေသခံပြည်သူတွေရဲ့ မေးခွန်းတွေကိုလည်း ဒေါ်အောင်ဆန်းစုကြည်က ဖြေဆိုသွားပါတယ်။

“၂၀၁၅ မှာ ၁၀၀ % နိုင်လို့ရှိလို့ရှိရင် အခုထက်တော့ ဘယ်လိုမှ မဆိုးနိုင်ဘူးဆိုတာ သေချာပေါက်ပဲ။ နောက်တဆင့်က ဘာလဲဆိုတော့ ကျမတို့ဟာ ၁၀၀ % နိုင်တာနဲ့အမျှ ၁၀၀ % သဘောထားကြီးမှုကို ပေး-ပြပြီးတော့ ကျမတို့နိုင်ငံမှာ အမျိုးသားရင်ကြားစေ့ရေးအတွက် လုပ်သွားမယ်ဆိုတာကို အာမခံတယ်။ ကျမတို့နိုင်ငံမှာ အမျိုးသားရင်ကြားစေ့ရေး မရှိဘဲနဲ့၊ ညီညွတ်မှုမရှိဘဲနဲ့ ဘယ်တော့မှ တိုးတက်မှု မရှိနိုင်ဘူး။”

ဒါ့အပြင် မြန်မာနိုင်ငံမှာ တရားဥပဒေစိုးမိုးရေးရှိဖို့ ၂၀၀၈ ဖွဲ့စည်းပုံအခြေခံဥပဒေကိုပြင်ဆင်တာ၊ ဥပဒေပညာရှင်တွေရဲ့ အရည်အချင်းမြင့်မားလာဖို့နဲ့ ရဲတပ်ဖွဲ့တွေရဲ့ အရည်အသွေးမြင့်မားလာဖို့ စတာတွေကို ဆောင်ရွက်ဖို့လိုအပ်နေကြောင်း ဒေါ်အောင်ဆန်းစုကြည်က ပြောဆိုခဲ့ပါတယ်။ ဒီကျိုက်လတ်မြို့ကဟောပြောပွဲကို ဒေသခံပြည်သူ ထောင်နဲ့ချီ တက်ရောက်ခဲ့ပါတယ်။

ဒေါ်အောင်ဆန်းစုကြည်ရဲ့ ဧရာဝတီတိုင်း စည်းရုံးရေးခရီးစဉ်မှာ ကျိုက်လတ်မြို့အပြင် ဒီကနေ့မှာ မော်ကျွန်းမြို့မှာ လူထုဟောပြောပွဲ ဆက်လက်ကျင်းပဖို့ရှိပါတယ်ရှင်။
VOA
http://burmese.voanews.com/content/if-nld-landslide-it-will-work-on-national-reconciliation-/2878860.html


ဗြိတိသျှ ပါလီမန်ဘေးမှာ ရှိတဲ့ ကာလေမြို့သားကြီးများ ပန်းပုရုပ်အစု။

လာမယ့် ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် (NLD) ကနေ ဝင်ပြီး အရွေးခံမယ့် ကိုယ်စားလှယ်လောင်း တစ်ချို့ရဲ့ နာမယ်စာရင်း ထွက်လာတော့ လှုပ်လှုပ်ရွရွ အသံတွေ ကြားရတယ်။ စာရင်းမှာ ဆရာဝန်ဒေါက်တာတွေ၊ ပါရဂူဒေါက်တာတွေနဲ့ ၈၈ ခေါင်းဆောင်တွေ ပါဝင်တော့ ပြောကြဆိုကြ ဝေဖန်ကြတာပေါ့လေ။

ကျနော့ တစ်ဦးချင်း စိတ်သဘောကို ပြောရရင် ဆရာဝန်တွေ များနေသလားလို့ အောက်မေ့မိတယ်။ ကျနော် ဆိုလိုချင်တာက လွှတ်တော်မှာ လူတန်းစားအလွှာအသီးသီးက လူပေါင်းစုံ မျှမျှတတ ပါဝင်နေမှသာ diversity ဆိုတဲ့ ထွေပြားစုံလင်မှု ရှိလိမ့်မယ်။ ကိစ္စရပ်တစ်ခု၊ ပြဿနာတစ်ခုအပေါ် ရှုထောင့်အမြင်တွေ ကွဲပြားခြားနားလိမ့်မယ်။

တစ်ဖက်ကလည်း ဒေါ်စိန်အေးကျောင်းဆင်းတွေချည်းပဲ။ ဒီဖက်ကလည်း ဆရာဝန်တွေ တစ်လှေကြီး။ ပြောရရင်၊ မြန်မာပြည်မှာ ဆရာဝန်တွေကလည်း အစုံလုပ်တာဗျ။ ကုမ္ပဏီ CEO ၊ သတင်းမီဒီယာ၊ ကုန်သည်ပွဲစား၊ အိတ်စပို့-အင်ပို့၊ ကားဝယ်ရောင်း၊ သင်္ကန်းပရိက္ခရာဆိုင်၊ ဆေးနဲ့ ဆေးပစ္စည်းဆိုင်၊ စိန်ရွှေရတနာဆိုင်၊ စာရေးဆရာ၊ အဆိုတော်၊ ရုပ်ရှင်သရုပ်ဆောင်၊ ကျူရှင်ဆရာ… အို အများကြီး ရှိပါသေးတယ်ဗျာ။

NLD ရဲ့ အမတ်လောင်းစာရင်းမှာ ပညာတတ်၊ အသိပညာရှင်၊ အတတ်ပညာရှင်တွေ ပါဝင်လာတာကို နှစ်ထောင်းအားရ ကြိုဆိုသူတွေ ရှိသလို ပြစ်တင်ကဲ့ရဲ့သူတွေလည်း မနည်းပါဘူး။ သူတို့ကို “မိုးကျရွှေကိုယ်” တွေရယ်လို့ လက်ညှိုးထိုးပြန်ပါတယ်။ NLD စပြီး တည်ထောင်ကတည်းက ထောင်ကျခံ၊ အလုပ်ပြုတ်ခံ၊ စီးပွားပျက်ခံ အားလုံး ခံဖက်က ကြံ့ကြံ့ခံရင်း ဒူပေဒါပေ လုပ်လာကြတဲ့ “အမာခံ” တွေကို ဘေးဖယ်ပြီး “မိုးကျရွှေကိုယ်” တွေကို ပွဲထုတ်လေသလား အပြစ်တင်စကားတွေ ကြားလာရပြီလေ။

ဟိုဘက်ပါတီကြီးမှာတော့ ဒေါ်စိန်အေးကျောင်းဆင်းမဟုတ်ရင် ပွဲဝင်လို့ မရတာကြောင့်၊ ဒီဘက်က NLD မှာ ဖျာဝင်ခင်းတယ်လို့ စကားတင်းဆိုကြလေရဲ့။ အမတ်လစာ တစ်လ ၁၀ သိန်း မက်လို့ အခုမှ နိုင်ငံရေးဖက် ခြေဦးလှည့်ဖော်ရတယ်လို့ မြင်သူတွေလည်း မရှားပါဘူး။

တစ်ကယ်ဆိုတော့၊ ငါးစာသာ မြင်ပြီး ငါးမျှားချိတ်ကို မမြင်ဘဲ ဖြစ်နေသလား တွေးမိပါတယ်။ ၁၉၉၀ ပြည့်နှစ် ရွေးကောက်ပွဲတုန်းက အနိုင်ရတဲ့ NLD အမတ်တွေကို ဖမ်းပြီး ထောင်ထဲထည့်၊ နယ်စပ်ကို ထွက်ပြေးသူတွေလည်း ပြေး၊ ကျန်ခဲ့သူတွေလည်း ဆရာဝန်၊ ရှေ့နေတွေ လိုင်စင်သိမ်းခံရ၊ စီးပွားရေး လုပ်ကိုင်စားလို့ မရအောင် နည်းမျိုးစုံ ဒုက္ခပေးခဲ့တာ မေ့သွားကြပြီလား။

ခုတော့ ခေတ်ပြောင်းသွားပြီလို့ မပြောပါနဲ့။ လူတွေက မပြောင်းဘူး၊ မူတွေက မပြောင်းဘူး။ ယူနီဖောင်းသာ ပြောင်းပြီး ခေါင်းပေါင်းနဲ့ ဖြစ်နေတာပါ။ ညစ်ပတ်ကောက်ကျစ်တဲ့ စိတ်ဓာတ်တွေက တစ်ရွေးသားတောင် မလျော့ တင်းပြည့်ကျပ်ပြည့် ရှိနေဆဲပဲ။ (ဥပမာတစ်ခုပဲ ထောက်ပြလိုက်မယ်။ အခြေခံဥပဒေ ပြင်ဆင်ဖို့ မဲခွဲရာမှာ ပျက်ကွက်သူတွေကို ကန့်ကွက်မဲ အဖြစ် သတ်မှတ်တယ်လေ။ ဘယ်နိုင်ငံမဆို ပျက်ကွက်မဲကို ထည့်တွက်လေ့ မရှိဘူး။ မြန်မာ့လွှတ်တော်ကျမှ အဲဒီလို ပေါ်တင်ညစ်ပတ်တာ။)

ပြီးတော့လည်း၊ ရွေးကောက်ပွဲ မတိုင်ခင်ဖြစ်စေ၊ ရွေးချယ်ခံရပြီးဖြစ်စေ၊ အန္တရာယ်အသွယ်သွယ် ဝိုင်းနေတာ သတိထားကြရပါမယ်။ ဘိန်းပစ်ဖမ်းတာ၊ အမှုဆင်တာတွေ ရှိလိမ့်မယ်။ အသက်ကို အန္တရာယ်ပေးမယ့် လုပ်ကြံမှုတွေ ကြုံနိုင်တယ်။ ပစ္စည်းလုတဲ့ ဓားပြသတ်သွားတယ်၊ KTV ကောင်မလေးကိစ္စကြောင့် ကုံးသီးတပ် လေးခွနဲ့ ပစ်တယ် ဆိုတာမျိုးတွေနဲ့ အသက်ရော၊ ဂုဏ်သိက္ခာပါ ထိခိုက်အောင် လုပ်ကြံနိုင်တယ်။ (ကိုယ့်မျက်စိရှေ့တင် တစ်ကယ်ဖြစ်ပျက်သွားတဲ့ ကိစ္စတွေနော်။) NLD ကို မုန်းတီးတဲ့ ပြည်သူလူထုက သည်းမခံနိုင်လို့ ဝိုင်းရိုက်ကြပါတယ်ဆိုပြီး ဒီပဲယင်းမှာ သေကျေဒဏ်ရာရကြတယ်လေ။ လက်သည် မပေါ်ဘူး။ အရေးလုပ်ပြီး စုံစမ်းဖော်တောင်မရဘူး။ ပြောင်ပြောင်ပဲ။

ခုလို အခြေအနေတွေ မြင်တွေ့နေရတော့ ကျနော့စိတ်က ဗြိတိသျှ ပါလီမန်လွှတ်တော်ကို ရောက်သွားပါတော့တယ်။
************************************************
လန်ဒန်မြို့တော်ရဲ့ သိမ်းမြစ် ကမ်းနဖူးက ပါလီမန်အဆောက်အအုံကြီးနဲ့ ဘစ်ဘင်နာရီကြီးကို ကျနော်သွားကြည့်တုန်းက စိတ်ထဲမှာ ပေါ်လာတဲ့ အတွေးပါ။ အချွန်အတက်တွေနဲ့ ရှေးအင်္ဂလိပ်လက်ရာ ပါလီမန်အဆောက်အအုံကြီးက ခန့်ညားထယ်ဝါတယ်။ ကမ္ဘာပေါ်မှာ ပါလီမန် ဒီမိုကရေစီစနစ် ပထမဆုံး မွေးဖွားရှင်သန်ခဲ့တဲ့ ဗြိတိသျှပါလီမန်အဆောက်အအုံ နဘေးတစ်နေရာမှာ တွေ့လိုက်တဲ့ ပန်းပုရုပ်တွေကြောင့် ကျနော် ခြေလှမ်းတုန့်သွားပါတော့တယ်။

ကာလေမြို့သားကြီးများ (The Burghers of Calais) ဆိုတဲ့ ပန်းပုရုပ်အစုကို ကျနော် မြန်မာပြည်ကတည်းက ရင်းနှီးနေတာပါ။ နိုင်ငံခြားက အနုပညာစာအုပ်၊ မဂ္ဂဇင်းတွေမှာ ချီးကျူးဖော်ပြတဲ့ နာမည်ကျော် လက်ရာတစ်ခု ဖြစ်ပါတယ်။ ပြင်သစ် ပန်းပုပညာရှင် ဩဂတ်စ် ရိုဒင်ကို နာမယ်သာ မသိရင် ရှိရမယ်၊ သူ့ရဲ့ ကမ္ဘာကျော် ဂန္ထဝင်လက်ရာ “တွေးသူ” (The Thinker) ဆိုတဲ့ ပန်းပုရုပ်ကတော့ မမြင်ဘူးသူ မရှိသလောက်ပဲလေ။ အတွေးအခေါ်စာအုပ်တွေ မျက်နှာဖုံးမှာ ခဏခဏ တွေ့ရတတ်ပါတယ်။ (ဓာတ်ပုံထည့်ပေးထားတယ်။)

အခု ကျနော်ပြောနေတဲ့ “ကာလေမြို့သားကြီးများ” ပန်းပုရုပ်က ပြင်သစ်မှာ ဖြစ်ပျက်ခဲ့တဲ့ သမိုင်းဝင် ဖြစ်ရပ်တစ်ခုကို ဖော်ကျူးထားတာ။ ပြင်သစ်မြို့သားတွေရဲ့ ပန်းပုရုပ်က ဘာဆိုင်လို့ ဗြိတိသျှ ပါလီမန် လွှတ်တော်မှာ ရောက်နေတာပါလိမ့်လို့ ကျနော် တွေးမိတာပေါ့။ တစ်ကယ်ဆိုရင် အဲဒီဖြစ်ရပ်က အင်္ဂလိပ်နဲ့ ပြင်သစ် စစ်ဖြစ်ရာက ပေါ်ပေါက်ခဲ့တာလေ။

ဥရောပ အလယ်ခေတ်တုန်းက အင်္ဂလန်ပြည့်ရှင် တတိယမြောက် အက်ဒ်ဝပ်ဘုရင်က ပြင်သစ်ကို စစ်ခင်းရာမှာ ကာလေမြို့ကို ဝိုင်းရံထားပါတယ်။ ပြင်သစ်ဘုရင် ဆဋ္ဌမမြောက် ဖိလစ်က ကာလေမြို့သူမြို့သားတွေကို ဘယ်နည်းနဲ့မှ မြို့အကျမခံရဘူးလို့ အမိန့်ထုတ်ဆင့်ပေမယ့် ဝိုင်းရံထားတဲ့ အင်္ဂလိပ်တပ်တွေကို တိုက်ထုတ်မပေးနိုင်ဘူး။

အချိန်ကြာလာတော့ ကာလေတစ်မြို့လုံး ငတ်မွတ်ပြီး ဒုက္ခရောက်ကုန်ကြပြီ။ အဲဒီအချိန်မှာ အက်ဒ်ဝပ်ဘုရင်က ကာလေမြို့သား ၆ ယောက် သူ့ရှေ့မှောက်မှာ လာပြီး ကွပ်မျက်ခံမယ်ဆိုရင် ကျန်မြို့သူမြို့သားတွေကို ချမ်းသာပေးမယ်လို့ ရာဇသံပေးလာတယ်။ သူတောင်းဆိုတာက ကာလေမြို့တံခါးနဲ့ ရဲတိုက်ရဲ့ သော့တွေကို ဆောင်ယူလာရမယ့်အပြင် မြို့သား ၆ ဦးက ကိုယ့်လည်ပင်းမှာ ကြိုးကွင်းတွေလည်း စွပ်လာရဦးမတဲ့။ အလွန် တုန်လှုပ်ခြောက်ခြားစရာ အမိန့်ရာဇသံပါ။

ကာလေမြို့ရဲ့ အချမ်းသာဆုံး ပုဂ္ဂိုလ်ကြီး စိန့်ပီယဲက မြို့အတွက် အသက်စွန့်မယ်လို့ ရဲရဲဝံ့ဝံ့ ဆန္ဒပြုတယ်။ သူ့စိတ်ဓာတ်ကို စံနမူနာယူပြီး တစ်ခြား မြို့သား ငါးဦးလည်း ထွက်လာခဲ့တယ်။

မြို့သူမြို့သားတွေ အသက်ချမ်းသာစေရေးအတွက် ကိုယ့်ကိုယ်ကို စတေးဖို့ မြို့တံခါးက ထွက်ခွာလာခဲ့ကြတဲ့ မြို့သားကြီး ၆ ယောက်ရဲ့ တိုင်းပြည်ချစ်စိတ်၊ ရဲရင့်တဲ့ သတ္တိ၊ သေအံ့ဆဲဆဲ ကိုယ့်မိသားစုနဲ့ မခွဲခွာလိုတဲ့ သံယောဇဉ်စတဲ့ စိတ်ခံစားချက်တွေ ပေါ်လွင်အောင် ပန်းပုဆရာ ရိုဒင်က အနုပညာမြောက်စွာ ထုလုပ်ဖော်ကျူးခဲ့ပါတယ်။

အက်ဒ်ဝပ်ဘုရင် ရှေ့မှောက်ကို လည်ပင်းမှာ ကြိုးကွင်းစွပ်ပြီးသား ရောက်လာကြတဲ့ မြို့သားကြီး ၆ ယောက်ရဲ့ အသက်ကို ချမ်းသာပေးဖို့ မိဖုရားကြီးက ဝင်ရောက် အသနားခံလို့သာ သေဘေးက လွတ်သွားရလေရဲ့။ ဒါပေမယ့် သူတို့ရဲ့ စွန့်လွှတ်အနစ်နာခံမှုကတော့ ကမ္ဘာတည်သရွေ့ မော်ကွန်းတင်သွားခဲ့ပါပြီ။

ဒီလို မြင့်မြတ်တဲ့ စိတ်ဓာတ်မျိုးကို ရန်သူ အင်္ဂလိပ်တွေကတောင် လေးစားကြည်ညိုကြလို့သာ သူတို့နိုင်ငံရဲ့ ပါလီမန်လွှတ်တော်ဘေးမှာ စိုက်ထူ ဂုဏ်ပြုထားတာပါ။ ပြည်သူလူထုက ယုံကြည်စွာ မဲပေးရွေးချယ်လို့ လွှတ်တော်မှာ တက်ရောက်လာတဲ့ ကိုယ်စားလှယ်တော် အမတ်မင်းများလည်း ကာလေမြို့သားကြီး ၆ ယောက်လို ကိုယ့်အသက်ကိုပင် စွန့်လွှတ်အနစ်နာခံပြီး နိုင်ငံနဲ့ ပြည်သူကို အကျိုးပြုကြဖို့ လှုံ့ဆော်အားပေးထားတဲ့ ပန်းပုရုပ်တွေပါပဲ။
*********************************************************
ကျနော်တို့ မြန်မာနိုင်ငံမှာလည်း အခုလောလောဆယ်တော့ အဲဒီလို စိတ်ဓာတ်ခံယူချက် လိုအပ်မယ် ထင်ပါတယ်။ အနာခံချိန်တုန်းက အလူးအလှိမ့် ခံခဲ့ရသူတွေကို အသာစံရမယ့် အချိန်ကျမှ ကန်ထုတ်ပြီး မိုးကျရွှေကိုယ်တွေကို နေရာပေးရသလားလို့ စိတ်ဝမ်းကွဲပြား အတွေးမမှားကြပါနဲ့။

အခုလာမယ့် ရွေးကောက်ပွဲမှာ ကိုယ့်ဖက်က အမတ်နေရာ များနိုင်သမျှ များများရအောင် ယူဖို့ အရေးကြီးတဲ့ အခြေအနေပါ။ ကုန်ကုန်ပြောရရင် အမတ်နေရာ အားလုံးရမှ ဖြစ်မယ်။ ကိုယ့်ဖက်က ၇၅% အပြည့်ရှိနေတာတောင် ကျပ်မပြည့် တစ်မတ်သားတွေကို နိုင်ဖို့ ခက်သေးတယ်။

ဒီတော့ မဲပေးမယ့် ပြည်သူအများ တွေဝေယိမ်းယိုင်မှု မဖြစ်ရလေအောင် လူရိုသေ ရှင်ရိုသေ အသိပညာရှင်၊ အတတ်ပညာရှင်တွေရဲ့ အင်အားကို ယူရမယ့်သဘော ဖြစ်ပါတယ်။ တစ်ဖက်က စစ်ဗိုလ်ဟောင်းနဲ့ ဒီဖက်က ပညာရှင် နှိုင်းချင်ကြည့်ဖို့မလိုတဲ့ ကြောင်ချေးနဲ့ နံ့သာဆီဆိုတာ ပြည်သူတွေ ရှင်းရှင်းလင်းလင်း မဲပေးနိုင်အောင် လုပ်ရမယ့် အခြေအနေမျိုးပေါ့။

ကိုယ့်ဖက်မှာ ကုလားထိုင်များနိုင်သမျှ များများရထားမှ လွှတ်တော်အတွင်း အင်အားရှိမှာ ဖြစ်ပါတယ်။ အခု ရွေးကောက်ပွဲက သူ့ဘက်နဲ့ ကိုယ့်ဘက် ကုလားထိုင်လုရတဲ့ ပွဲပါ။ ကိုယ့်အချင်းချင်း ကုလားထိုင်လုရမယ့်ပွဲ မဟုတ်သေးဘူးလေ။ နိုင်ငံအတွက်၊ ပြည်သူအတွက်ဆိုတဲ့ စိတ်ဓာတ်ကို မွေးမြူနိုင်ရင် ကိုယ့်ဖက်က အနိုင်ရထားတဲ့ ကုလားထိုင်ပေါ်မှာ ဘယ်သူပဲထိုင်ထိုင် အနာဂတ်အတွက် အုတ်မြစ်ခိုင်ခိုင် စိုက်နိုင်ပါလိမ့်မယ်။

ကာလေမြို့သားကြီး ၆ ယောက်လို အသက်မစွန့်ရင်တောင် ကုလားထိုင်စွဲအတ္တကို စွန့်ပယ်နိုင်ရင် တိုင်းပြည်အကျိုးရှိပါလိမ့်မယ်။

Min Myat Maung

(၁)

ကျန်တာတော့သိပ်မပြောချင်ပါဘူး..

ကျွန်တော်တို့ ဦးအောင်သောင်းကိုမုန်းပါတယ်
ထရိုက်ချင်လောက်အောင်ကို...မုန်းပါတယ်၊

ဘာလို့လဲဆိုတော့..
တိုင်းပြည်ဘဏ္ဍာတွေ ခိုးစားလို့ ၊

ပြီးတော့ ဒေါ်စုကိုလုပ်ကြံလို့..

နောက်တစ်ခုက ဘာသာရေးကိုအရောင်ဆိုးရာမှာ
တာဝန်ရှိသူတစ်ယောက်ဖြစ်နေလို့...

မုန်းတာဖြစ်ပါတယ်..

------------------

(၂)

အခု....ဒေါ်အောင်ဆန်းစုကြည်ဟာ..

ဦးအောင်သောင်း နာရေးကို သွားပြီး..
လွမ်းသူ့ ပန်းခြင်းတွေပို့တဲ့အချိန်မှာ..

ဖွတ်တွေဆီကနေ..
အသံထွက်လာပါတယ်..

"ဒီမိုတွေကမုန်းနေပေမဲ့..
.ဒေါ်စုကသွားတယ်..."
ဆိုတဲ့စကားပါ....

သဘောကတော့..
ဒေါ်စုကပျော့ပြောင်းတယ်
ဒေါ်စုကိုဝန်းရံသူတွေကခေါင်းမာတယ်ပေါ့...

ဒီစကားဟာ..အရမ်းကလေးဆန်ပါတယ်..၊
နိမ့်ကျတဲ့အတွေးအခေါ်ကိုလဲ..
ဖေါ်ပြရာရောက်ပါတယ်..

ဒေါ်အောင်ဆန်းစုကြည်က
သဘောထားကြီးပေမဲ့..
ကျွန်တော်တို့တွေ
သဘောထားကြီးချင်မှကြီမှာဖြစ်ပါတယ်၊

ဘာလို့လဲဆိုတော့ ကျွန်တော်တို့ဟာ..
ဒေါ်အောင်ဆန်းစုကြည် မဟုတ်လို့ပဲဖြစ်ပါတယ်...၊

ဒေါ်အောင်ဆန်းစုကြည်ကို ကျွန်တော်တို့တွေ
ခေါင်းဆောင်တင်ထားတာဟာလဲ..
ဒေါ်စုရဲ့ သဘောထားကြီးမှုနဲ့အမျှော်မြင်ရှိမှုကို
ယုံကြည်လို့ဖြစ်ပါတယ်...

ကျွန်တော်တို့ မလုပ်နိုင်တာကို
သူမကလုပ်နိုင်လို့ဖြစ်ပါတယ်။

ဒါကတစ်ချက်ဖြစ်ပါတယ်။

-----------------------------

(၂)

နောက်တစ်ချက်ကတော့...

မေတ္တာလက်နက်ဖြစ်ပါတယ်..

ဦးအောင်သောင်း ပြုစုပျိုးထောင်ခဲ့တဲ့...
အမျိုးချစ်အစွန်းရောက်တွေကိုယ်တိုင်..
နားမလည်သေးတဲ့အချက်ကတော့..
မြတ်စွာဘုရားရဲ့အောင်ခြင်း (၈) ပါးဟာ.
မေတ္တာဓာတ်နဲ့အောင်နိုင်ခဲ့ခြင်းသာဖြစ်ပါတယ်..
တိုက်ခိုက်ပုတ်ခတ်မှုနဲ့အောင်ခဲ့တာမဟုတ်ပါဘူး..

နေ့စဉ်မပျက်မကွက် ပုံမှန်တရားထိုင်တဲ့..
ဒေါ်စုအနေနဲ့..သမာဓိနဲ့ ခန္တီတရားကို..
နားလည်ပြီးဖြစ်သလို မေတ္တာတရားကိုလဲ..
ဆင်ခြင်တတ်တဲ့သူတစ်ယောက်ဖြစ်ပါတယ်..

အဲဒီအတွက်ကြောင့် အခုပွဲမှာ ဒေါ်စုဟာ..
သူ့ကိုအညှိုးကြီးကြီးနဲ့ လုပ်ကြံတိုက်ခိုက်ခဲ့တဲ့..
သူတစ်ယောက်အပါအ၀င် အုပ်စုတစ်စုကို...
မေတ္တာပြည့်ဝတဲ့လွမ်းခြုံမှုနဲ့..အနိုင်ယူခဲ့ပါတယ်၊

ဒေါ်စုကို နှစ်ပေါင်းများစွာအညှိုးထားပြီး
လုပ်ကြံပုတ်ခတ်ခဲ့ကြတဲ့
ဦးအောင်သောင်းအုပ်စုဟာ....
ဒေါ်စုရဲ့ နာရီပိုင်းလောက်ပဲရှိတဲ့
အပြုအမူလေးတစ်ခုအောက်မှာ....
ခွက်ခွက်လန်အောင်..
အရှုံးပေးသွားရပါတယ်။

မြတ်စွာဘုရားရဲ့...
အောင်ခြင်းရှစ်ပါးကိုလေ့လာလိုက်ရင်..

မြတ်စွာဘုရားရှင်ဟာ...
အစွန်းရောက်တဲ့သူကို ချွတ်တော်မူချင်ရင်..
အဲဒီနေရာကို တစ်ကူးတက သွားပါတယ်..
ပြီးရင်...မေတ္တာလွှမ်းခြုံတဲ့တရားကိုပြသခဲ့ပါတယ်၊
အဲဒီမှာ မြတ်စွာဘုရားကို တိုက်ခိုက်တဲ့သူတွေဟာ
အကျွတ်တရားရခဲ့တာဖြစ်ပါတယ်၊

အခုဖြစ်စဉ်ကိုလဲ ...
ဒီတရားတွေနဲ့ချိန်ထိုးကြည့်စေချင်ပါတယ်

ဒါဆိုအဖြေက ရှင်းလောက်ပါပြီ..

-----------------------

(၃)

ဥာဏ်တိမ်တဲ့သူတွေကတော့....

ဒေါ်စုရဲ့ဒီအပြုအမူဟာ..

သူတို့တွေက်..
စုတ်ပြတ်နေအာင်
ရှုံးသွားတဲ့အရှုံးတစ်ခု.ဆိုတာ
အခုထက် ထိ
မစဉ်းစားတတ်သေးတာကိုတွေ့ရပါတယ်..

"ဒီမိုတွေကသာမုန်းနေပေမဲ့...
ဒေါ်စုကကျ သွားတယ်..."တဲ့လားဗျာ..

အလွန်ကို ပိန်းလှပါပေတယ်.. ၊

( Pa Yit )

ထိုင်းနိုင်ငံအတွင်း မြန်မာနယ်စပ်အနီးရှိ အကျဉ်းစခန်းတစ်ခုသဖွယ် ကာရံထားသော ဒုက္ခသည်စခန်းအတွင်း ခြေဗလာဖြင့် ဘောလုံး ကစားနေ သည့် အသက် ၁၀ နှစ်အရွယ် ကရင်လူငယ် ကလာဟဲနှင့် မိသားစုများ၊ မိတ်ဆွေများမှာ နယ်မြေသစ်တစ်ခုခုတွင် ဘ၀သစ်စတင်၍ စိတ်ကူး အိပ်မက်များရှိကြသည်။ ကရင်ပြည်နယ်အတွင်း မငြိမ်းချမ်းမှုများကြောင့် တိုင်းရင်းသားလူနည်းစု ကရင်မိသားစုမှ ထိုင်းနိုင်ငံဒုက္ခသည် စခန်းတစ်ခု တွင် ကလာဟဲကို မွေးဖွားခဲ့ခြင်းဖြစ်သည်။

သူတို့မိသားစုမှာ သြစတြေးလျ သို့ ပြောင်းရွှေ့ရန် ကြိုးပမ်းမှု မအောင်မြင် ခဲ့ပြီးနောက် ဒုက္ခသည်စခန်း မှ မည်သည့်အခါမှ မထွက်ခွာနိုင်တော့ဟု ထင်မှတ်ခဲ့ကြသည်။ ကလာဟဲက “ကျွန်တော်တို့ အပြင်ထွက်လို့မရပါဘူး။ ဘယ်သူ့မှာမှ ပတ်စပို့မရှိတဲ့အတွက် ထိုင်းနိုင်ငံထဲဝင်လို့မရသလို သာမန် လူတွေလို သွားလာလို့ မရပါဘူး” ဟု ကလာဟဲ ရှင်းပြသည်။ ။

အင်္ဂလန်မြောက်ပိုင်းရှိ တစ်ချိန်က စက်မှုမြို့်တော်တစ်ခုဖြစ်ခဲ့သော်လည်း ၁၉၈၀ ပြည့်လွန်နှစ်များတွင် စတီးလုပ်ငန်း ကျဆင်းမှုကြောင့် ရုန်းကန်နေခဲ့ရသည့် ရှက်ဖီးမြို့မှာ ကလာဟဲတို့ ပြောင်းရွှေ့အခြေချရန် ဖြစ်နိုင်ဖွယ်ရှိသည့် ဒေသစာရင်းတွင် မည်သည့်အခါကမှ ပါဝင်ခြင်းမရှိပေ။ သို့သော် ၂၀၀၆ တွင် ကုလသမဂ္ဂ၏ အစီအစဉ်ဖြင့် ကလာဟဲတို့ မိသားစု ၅ ဦးအပါအ၀င် ဒုက္ခသည်အချို့မှာ ရှက်ဖီးမြို့သို့ ပြောင်းရွှေ့ခြေချခွင့်ရခဲ့သည့် အင်္ဂလိပ်စကား ကောင်းစွာမပြောနိုင်သေးသည့် ကလာဟဲက ဘောလုံးကစားရန် အာရုံစိုက်ခဲ့ပြီး ကျောင်းအဆင်းနှင့် တနင်္ဂနွေလိဂ်ပွဲများတွင် ပါဝင်ကစားခဲ့သည်။ အင်္ဂလန်လက်ရွေးစင် ကိုင်းလ်ဝေါလ်ကာအား လက်ရွေးစင်ဖြစ်သည်အထိ ကူညီပေးခဲ့သည့် အဆိုပါ အသင်းကို ပါဝင်နိုင်ရန် ကြိုးပမ်းခဲ့သည်။ ရှက်ဖီးမြို့မှာ ဘောလုံးအားကစားကြောင့် ကလာဟဲအတွက် နွေးထွေးသည့် နေရပ်သစ်ဖြစ်ခဲ့သည်။

အင်္ဂလန်တွင် ၄ နှစ်ကြာ နေထိုင်ခဲ့ပြီးနောက် ထိုင်းလမ်းမများပေါ်တွင် သင်ယူတတ်မြောက်ခဲ့သည့် ကျွမ်းကျင်မှုများမှာ ကလာဟဲ၏ စိတ်အားထက်သန်မှုနှင့် ကြိုးစားမှုတို့ကြောင့် အင်္ဂလန် တတိယတန်း ကလပ် ရှက်ဖီးယူနိုက်တက်၏ ဘောလုံးအကယ်ဒမီသို့ ၀င်ရောက်ရန် ထိုက်တန်ကြောင်း ပြသနိုင်ခဲ့သည်။ အက်ဖ်အေဖလားချန်ပီယံ ၄ ကြိမ်နှင့် ၁၈၉၈ အင်္ဂလန် ချန်ပီယံဖြစ်ခဲ့သည့် ရှက်ဖီးယူနိုက်တက်နှင့် ပထမဆုံး ပရိုဖက်ရှင်နယ်စာချုပ် ချုပ်ဆိုနိုင်ခဲ့သည့် အသက် ၁၈ နှစ်ရှိပြီဖြစ်သော ကလာဟဲမှာ အိပ်မက်သစ်များ ထပ်မံထားရှိရန် အခွင့်အရေး ရလာခဲ့သည်။

ကလာဟဲက “ကျွန်တော်တစ်နေ့ကျရင် ပရီးမီးယားလိဂ်မှာ ကစားချင်ပါတယ်။ ဒါပေမဲ့ လက်ရှိရည်မှန်းချက်ကတော့ အသင်းမန်နေဂျာ နီဂျယ်အက်ကင်နဲ့ ယူ ၂၁ နည်းပြ ခရစ်မော်ဂန်တို့ သဘောကျ နှစ်ခြိုက်စေဖို့နဲ့ ကျွန်တော့်အပေါ်ထားတဲ့ ရှက်ဖီးအသင်းရဲ့ ယုံကြည်မှုအတွက် ပြန်လည်ပေးစပ်ဖို့ဖြစ်ပါတယ်” ဟု ရိုက်တာသို့ ပြောကြားခဲ့သည်။

“ကျွန်တော်က ကစားသမားတစ်ဦးအဖြစ် ကြီးပြင်းလိုပြီး ခရစ်မော်ဂန်ရဲ့ လမ်းညွှန်မှုနဲ့ လုပ်ဆောင်နိုင်မယ်လို့ ယုံကြည်ပါတယ်။ ကျွန်တော်က ရည်မှန်းချက်ကြီးတဲ့ ကစားသမားတစ်ဦးဖြစ်ပြီး တစ်နေ့မှာ မြန်မာ (သို့) ထိုင်းအသင်းတွေရဲ့ အသင်းခေါင်းဆောင်အဖြစ် နိုင်ငံတကာပွဲတွေမှာ ကစားလိုပါတယ်။ ပရီးမီးယားလိဂ်နဲ့ ချန်ပီယံလိဂ်လို အဆင့်အမြင့်ဆုံး ပွဲစဉ်တွေမှာလည်း ကစားလိုပါတယ်” ဟု ကလာဟဲကဆိုသည်။

ကလာဟဲသည် ရှက်ဖီးယူနိုက်တက် ယူ ၂၁ အသင်း၏ တောင်ပံ ကစားသမား အဖြစ် ယခုနှစ်တွင် ကစားမည်ဖြစ်သည်။ ပြီးခဲ့သည့် ရာသီက လိဂ်ဖလားဆီမီးဖိုင်နယ်အထိ ရောက်ရှိခဲ့သည့် ရှက်ဖီးပထမအသင်းတွင် ပါဝင်ခွင့်ရရန် အလွန်နီးကပ်သည့် အခြေအနေသို့ ရောက်ရှိခဲ့ပြီးမှ ဒုတိယအသင်းတွင် ပြန်လည်ပါဝင်ခဲ့ရသည်။

ကလာဟဲက ဇွန်လ ဆီးဂိမ်းပြိုင်ပွဲ ဘောလုံး ဗိုလ်လုပွဲတွင် ထိုင်းက မြန်မာကို အနိုင်ရခဲ့သည့်ပွဲအား ကြည့်ရှုခဲ့သည်ဟုဆိုသည်။ ထိုနိုင်ငံများကို ကိုယ်စားပြု ကစားလိုသော်လည်း သူ၏ တိုင်းရင်းသားဖြစ်မှုနှင့် ပတ်စပို့မရှိမှုတို့ကြောင့် အခွင့်အရေးရရန် ရှုပ်ထွေးမှုများရှိနေသည်ဟုဆိုသည်။

ကိုင်းလ်ဝေါးလ်ကာ ကစားသမားဘ၀ စတင်ခဲ့သည့် ရှက်ဖီးဘောလုံးအကယ်ဒမီသို့ ၀င်ရောက်ခွင့်ရရန် ကလာဟဲ ကြိုးစားခဲ့ရပြီး ပထမ ၂ ကြိမ်တွင် မအောင်မြင်ခဲ့ဘဲ တတိယအကြိမ်မှသာ ၀င်ရောက်ခွင့်ရခဲ့သည်။ ဘောလုံးအကယ်ဒမီ မန်နေဂျာ နစ်ကောက်စ်က “အကယ်ဒမီရဲ့ အဆင့်သတ်မှတ်ချက်မှာ တိုးတက်လာအောင်လုပ်ဖို့က ခက်ခဲတဲ့ စိန်ခေါ်မှုပါ။

ကလာဟဲက မရင်းနှီးသေးတဲ့ ယဉ်ကျေးမှုသစ်၊ ဘာသာစကားသစ်နဲ့ အသားကျအောင် ကြိုးစားနေရတဲ့ တစ်ချိန်တည်းမှာပဲ ဒါကို လုပ်နိုင်ခဲ့ပါတယ်။ ကလပ်မှာ ပရိုဖက်ရှင်နယ်စာချုပ် ချုပ်နိုင်တာဟာ ထူးခြားတဲ့ အောင်မြင်မှုပါ” ဟု ပြောကြားခဲ့သည်။

လက်ရှိတွင် ဗြိတိန်ပက်စပို့ ကိုင်ဆောင်ထားသည့် ကလာဟဲက ၂၀၁၂ တွင် ထိုင်းနိုင်ငံသို့ ပြန်လည်သွားရောက်ခဲ့ပြီး လူဦးရေ ၁၃၀၀၀ ခန့် နေထိုင်နေသည့် အမ်ပိုင်မိုင် ဒုက္ခသည်စခန်းကို သွားရောက်ခဲ့သည်။

ပရီးမီးယားလိဂ်အား အလွန်အားပေးသည့် ဒေသတွင်းတွင် မိမိလူမျိုးတစ်ဦး ထိုပွဲစဉ်များ၌ ပါဝင်ကစားသည်ကို မြင်တွေ့လိုသည့် မျှော်လင့်ချက်အား သယ်ဆောင်ထားရသည်ကို ပျော်ရွှင်မိသည်ဟု ကလာဟဲကဆိုသည်။

“ကျွန်တော်က ကိုယ့်ကိုယ်ကိုယ် အပြင်၊ မိသားစု၊ သူငယ်ချင်းတွေနဲ့ မြန်မာနဲ့ထိုင်းက လူအားလုံးကို ကိုယ်စားပြုနေတယ်ဆိုတာ သိပါတယ်။ ဒုက္ခသည်စခန်းအပြင်ဘက်မှာ ပုံမှန်ဘ၀ တည်ဆောက်နိုင်ကြောင်း မျှော်လင့်ချက်ရဲ့ ကောင်းမွန်တဲ့ သင်္ကေတတစ်ခုအဖြစ် ရပ်တည်ချင်ပါတယ်” ဟု ကလာဟဲက ပြောကြားခဲ့သည်။

KHTun

The Ladies News Journal

စစ်ကိုင်းတိုင်းအတွင်း ကန့်ဘလူနဲ့ ခင်ဦးမြို့နယ်က ကျေးရွာတွေမှာလည်း ရေတွေ ဝင်လာပြီး ဆည်အသေးတွေ ကျိုးကုန် 
 မြန်မာပြည် အထက်ပိုင်း ရေကြီးမှုတွေအတွင်း သပိတ်ကျင်းမြို့နယ်မှာ လတ်တလော လူ ၈ ဦး သေဆုံးပြီး ကျွဲနား အကောင်ရေ ၂၀ ကျော် ပျောက်ဆုံးနေပါတယ်။

သပိတ်ကျင်းမြို့နယ် တွင်းငယ်၊ ဒေါင်းပုန်း၊ တောင်လယ်နဲ့ သီးကုန်းရွာတွေမှာ တောင်ကျ ချောင်းရေတွေ များပြီး ရွာတွေထဲ ရေတွေ လျှံတက်လာခဲ့တယ်လို့ သိရပါတယ်။

မိုးကုတ်မြို့မှာလည်း မနေ့ညကရေလျှံပြီး မြေပြိုမှုတွေ ဖြစ်ခဲ့သလို သီပေါ နမ့်ဆမ် ကားလမ်းပိုင်းမှာလည်း တံတားတခုကျိုးခဲ့တဲ့အတွက် အသွားအလာတွေ ရပ်တန့်ထားရပါတယ်။

စစ်ကိုင်းတိုင်းအတွင်းမှာလည်း အရင်ရက်က ရေမဝင်သေးတဲ့ ကန့်ဘလူနဲ့ ခင်ဦးမြို့နယ်က ကျေးရွာ ၆ ရွာထက် မနည်းမှာလည်း စနေနေ့ ညနေပိုင်းက ရေတွေ ဝင်လာပြီး ဆည်အသေးတွေ ကျိုးကုန်တယ် လို့ ဒေသခံတွေက ဘီဘီစီ ကို ပြောပါတယ်။

BBC Burmese
http://www.bbc.com/burmese

 ushwemann-620 ပြည်သူ့လွှတ်တော် ဥက္ကဌ သူရဦးရွှေမန်းကို ထားဝယ်မြို့ တောင်သူလယ်သမားရေးရာတွေ့ဆုံပွဲမှာ ဇန်နဝါရီလ ၂ ရက်နေ့က တွေ့ရစဉ်

နိုဝင်ဘာလ ရွေးကောက်ပွဲမှာ ပြည်သူ့လွှတ်တော်ဥက္ကဋ္ဌ သူရဦးရွှေမန်းဟာ သူ့ရဲ့ဇာတိ ပဲခူးတိုင်း ဖြူးမြို့နယ်က ဝင်ရောက်ယှဉ်ပြိုင်မယ်လို့ သူရဦးရွှေမန်းရဲ့ အင်တာနက်ဖေ့စ်ဘွတ်စာမျက်နှာမှာ ပြောထားပါတယ်။

အမျိုးသားလွှတ်တော်ဥက္ကဋ္ဌ ဦးခင်အောင်မြင့်ဟာ သူ ၂ဝ၁ဝ ရွေးကောက်ပွဲတုန်းက အနိုင်ရခဲ့တဲ့ မန္တလေးတိုင်း ပျော်ဘွယ်နဲ့ ရမည်းသင်းမြို့နယ်က အမျိုးသားလွှတ်တော် ကိုယ်စားလှယ်လောင်းအဖြစ် ထပ်မံယှဉ်ပြိုင်သွားမယ်လို့ မနေ့က အမျိုးသားလွှတ်တော် အစည်းအဝေးအပြီးမှာ ပြောကြားခဲ့ပါတယ်။

လွှတ်တော် ဥက္ကဋ္ဌ နှစ်ဦးဟာ ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီကနေ ဝင်ရောက်ယှဉ်ပြိုင်သွားမှာဖြစ်ပြီး ပါတီအနေနဲ့ လာမယ့် ၂ဝ၁၅ ရွေးကောက်ပွဲမှာ မဲဆန္ဒနယ်အားလုံးကို ဝင်ရောက်ယှဉ်ပြိုင်သွားမှာ ဖြစ်ပေမယ့် ကိုယ်စားလှယ်လောင်း စာရင်းကိုတော့ အတိအကျ ထုတ်ပြန်ထားခြင်း မရှိသေးပါဘူး။

RFA
http://www.rfa.org/burmese/news/parliament-speakers-november-elections-07252015105407.html

Author Name

Contact Form

Name

Email *

Message *

Powered by Blogger.