08/04/15

ပဲခူးတိုင်း အနောက်ပိုင်းဒေသကြီး၊ ပြည်ခရိုင် ဧရာဝတီမြစ်ရေ စိုးရိမ်ရေမှတ်အထက် ၅၅ စင်တီမီတာတွင် တန့်နေကြောင်းသိရသည်။ အရေးပေါ် ရေဘေးရွှေ့ပြောင်းသူများအတွက် ကျန်းမာရေး ကူညီစောင့်ရှောက်မှု အဓိကလိုအပ်နေပြီး ရွှေတောင်မြို့နယ်ရှိ ရေနစ်မြှပ်ရပ်ကွက်အချို့တွင် လျှပ်စစ်မီးအန္တရာယ် စိုးရိမ်နေရကြောင်း သတင်းရရှိသည်။
ပြည်ခရိုင်တွင်း ဧရာဝတီမြစ်ရေ စိုးရိမ်ရေမှတ်မှာ သြဂုတ်လ ၃ ရက်နေ့ နေ့လည် ၁၂ နာရီခွဲ တိုင်းထွာချက်များအရ စိုးရိမ်ရေမှတ်အထက် ၅၅ စင်တီမီတာတွင် တန့်နေပြီး နောက်သုံးရက်ခန့် စိုးရိမ်ရေမှတ် အထက်တွင် ရှိနေအုံးမည် ဖြစ်ကြောင်း ပြည်ခရိုင် မိုးလေ၀သနှင့် ဇလဗေဒညွှန်ကြားမှု ဦးစီးဌာနက သိရသည်။
ကယ်ဆယ်ရေး စခန်းများတွင် ရောက်ရှိနေသူများအတွက် အစားစာ လှူဒါန်းမှုများ အသင့်တင့် ရှိနေသော်လည်း ကျန်းမာရေး စောင့်ရှောက်ပေးမှုများမှာ အားနည်းနေပြီး အချို့နေရာများတွင် လုံးဝမရှိသည့် အခြေနေတွင်ရှိကာ အချိန်ကြာလာသည်နှင့်အမျှ ကလေးများတွင် ၀မ်းပျက်ဝမ်းလျှောနှင့် တုပ်ကွေးဖျားနာများ၊
သွေးလွန်တုပ်ကွေးများပါ ကူးစက်လာနိုင်ကြောင်း အဓိကလိုအပ်ချက်မှာ ကျန်းမာရေး စောင့်ရှောက်မှု ဖြစ်ကြောင်း အရပ်ဘက်အဖွဲ့များထံမှ သိရသည်။
ရွှေတောင်မြို့နယ်အတွင်း အုပ်ချုပ်ရေးပိုင်း၏ စာရင်းဇယားများအရ ရေနစ်မြှပ်နေအိမ်ခြေ ၂၂၂၀ ရှိလာကာ အချို့ရေနစ်မြုပ် ရပ်ကွက်များတွင် လျှပ်စစ်မီး ဖြတ်တောက်ထားခြင်း မရှိသေးသည့်အတွက် မီးဘေအန္တရာယ် စိုးရိမ်ရကြောင်း ဒေသခံများထံမှ သိရသည်။




http://news-eleven.com/flooding-news/%E1%80%B1%E1%80%9B%E1%82%8A%E1%80%B1%E1%80%90%E1%80%AC%E1%80%84%E1%80%B9%E1%81%BF%E1%80%99%E1%80%AD%E1%80%B3%E1%82%95%E1%80%94%E1%80%9A%E1%80%B9%E1%80%90%E1%80%BC%E1%80%84%E1%80%B9-%E1%80%B1%E1%80%9B%E1%80%94%E1%80%85%E1%80%B9%E1%80%BB%E1%80%99%E1%80%BD%E1%80%95%E1%80%B9-%E1%80%A1%E1%80%AD%E1%80%99%E1%80%B9%E1%80%B1%E1%80%BB%E1%80%81-%E1%81%82%E1%81%80%E1%81%80%E1%81%80-%E1%80%B1%E1%80%80%E1%80%BA%E1%80%AC%E1%80%B9%E1%80%9B%E1%80%BD%E1%80%AD%E1%80%9C%E1%80%AC%E1%81%BF%E1%80%95%E1%80%AE%E1%80%B8

မြန်မာနိုင်ငံ တိုင်းနဲ့ ပြည်နယ် အတော်များများမှာ ရေကြီးမှု မြေပြိုမှုတွေကြောင့် သေဆုံးသူ ၄၆ ယောက်ထက် မနည်း ရှိသွားပြီလို့ အာဏာပိုင်တွေက ပြောပါတယ်။

ရခိုင်ပြည်နယ် မြောက်ဦးမှာ နောက်ထပ် သေဆုံးသူ ၅ ယောက် ရှိတယ်လို့ ဒေသခံတွေက ဘီဘီစီကို ဒီကနေ့ တနင်္လာနေ့မှာ ပြောပါတယ်။ ဒါကြောင့် ရခိုင်ပြည်နယ် အတွင်းမှာတင် သေဆုံးသူ ၃၀ ကျော်သွားပြီ ဖြစ်ပါတယ်။ ။

ကုလ သမဂ္ဂကတော့ သေဆုံးသူအရေအတွက် အခု ထက် ပိုများနိုင်တယ်လို့ပြောဆိုပါတယ်။

ရေကြီး ရေလျှံမှုကြောင့် ထိခိုက်ရသူ နှစ်သိန်းကျော် ရှိတယ်လို့လည်း ဆိုပါတယ်။

မကြာသေးခင် ရက်တွေ အတွင်း မုတ်သုန်မိုး များတဲ့ အတွက် တံတားတွေအတော်များများ ပျက်စီးပြီး လမ်းပန်း ဆက်သွယ်ရေးတွေ ခက်ခဲနေပါတယ်။

နေအိမ်တွေထောင်နဲ့ချီ ပျက်စီးခဲ့တဲ့ အပြင် စိုက်ခင်းတွေလည်း သောင်းနဲ့ချီရေမြုပ် ပျက်စီးခဲ့ပါတယ်။

ရေဘေးသင့် ဒေသတွေအားလုံးကို ကယ်ဆယ်ရေး အဖွဲ့တွေ ရောက်နိုင်တဲ့ အနေအထားလည်း မရှိသေးပါဘူး။

လောလောဆယ်မှာ အစိုးရပိုင်းကရော ပုဂ္ဂလိက အလှုရှင်တွေကပါ ရေဘေး သင့်သူတွေအတွက် အကူအညီတွေ ပို့ဆောင်ပေးနေပေမဲ့ လုံလောက်မှု မရှိသေးဘူးလို့ ဒေသခံတွေက ပြောပါတယ်။

ရခိုင်ပြည်နယ်က ရေဘေး ဒုက္ခသည်တွေကို ကူညီ ထောက်ပံ့ နေတဲ့ ပြည်နယ် နာရေးကူညီ ကူညီမှု အသင်းက ကိုနိုင်ဝင်းက အဓိက အရေးအကြီးဆုံးက သောက်ရေ လိုအပ်နေတယ်လို့ ဆိုပါတယ်။

ရေဘေးသင့် ဒေသတွေမှာ သက်ဆိုင်ရာ မြို့နယ်တွေက လွှတ်တော် ကိုယ်စားလှယ်တွေ အနေနဲ့ ကူညီ ကယ်ဆယ်ရေးတွေမှာ ပူးပေါင်း လုပ်ဆောင် နိုင်စေဖို့ ပြည်ထောင်စု လွှတ်တော် ကျင်းပမယ့် ရက်ကို ရွှေ့ဆိုင်းကြောင်း ပြည်ထောင်စု လွှတ်တော် နာယက သူရ ဦးရွှေမန်းက ထုတ်ပြန် ကြေညာပါတယ်။

ရန်ကုန်မြို့ အမေရိကန် သံရုံးကတော့ ရေဘေးကြောင့် ပျက်စီးမှုတွေကို ခန့်မှန်း တွက်ချက်ဖို့နဲ့ လိုအပ်တဲ့ အကူအညီတွေ ပေးဖို့အတွက် အဖွဲ့အစည်း အသီးသီးနဲ့ ပူးပေါင်း ဆောင်ရွက်နေတယ်လို့ သတင်းထုတ်ပြန်ပါတယ်။





BBC Burmese

ရေကြီးတဲ့ ဒေသမှာ ဆန် တစ်အိတ်ကို သောင်းချီ ဈေးတက် သွားတယ်လို့ သတင်းတွေ ထွက်ခဲ့ ပါတယ်။ ဆန်ကို အဓိက ဖြန့်နေတဲ့ ရန်ကုန်မှာတော့ ဆန် တစ်အိတ်ကို ၂ ထောင်ကျော်လောက် တက်သွားပါတယ်။

စိုက်ပျိုး ဧက ၁ သန်း နီးပါးလောက် ရေမြုပ်သွားတဲ့အကြောင်း လယ်ယာနဲ့ ဆည်မြောင်း ဝန်ကြီးဌာနက ညွှန်ကြားရေးမှူးချုပ် ဒေါက်တာ တင်ထွဋ်က ပြောပါတယ်။

ဆန်ဈေးကို ထိန်းနိုင်ဖို့ အတွက်တော့ ဆန်ကုန်သည် အသင်းနဲ့ ဆန်စပါး အသင်းချုပ်တို့က စတင် ဆောင်ရွက်နေပြီ ဖြစ်ပါတယ်။

ဆန်ဈေး မတက်အောင်၊ လိုသလောက် ထုတ်ရောင်းပေး သွားမယ်လို့ မြန်မာနိုင်ငံ ဆန်စပါး ကုန်သည်များအသင်း အထွေထွေ အတွင်းရေးမှူး ဒေါက်တာ မျိုးအောင်ကျော်က ပြောပါတယ်။

မြန်မာနိုင်ငံမှာ တစ်နှစ်ကို စပါး စိုက်ဧက သန်း ၂၀ ကျော် ရှိတာကြောင့် ဆန်ပြတ်လပ်စရာ အကြောင်း မရှိတဲ့အတွက်၊ ဆန်ဈေးတက်အောင် ဆန် ဝယ်ယူ စုဆောင်းတာမျိုး မလုပ်ဖို့ ဆန်ကုန်သည်အသင်းက ဒေါက်တာ မျိုးအောင်ကျော်က ပြောပါတယ်။

ရေပြန်ကျပြီးရင် အချိန်မီ စပါး ပြန်စိုက်နိုင်ဖို့ အတွက်ကိုလည်း မြန်မာနိုင်ငံ ဆန်စပါး အသင်းချုပ်ကနေ အကူအညီပေးဖို့ စတင် ဆောင်ရွက်နေပြီလို့ ဆန်စပါး အသင်းချုပ် ဗဟို အလုပ် အမှုဆောင် ဦးသောင်းဝင်းက ပြောပါတယ်။

BBC Burmese

phyuphyuthin-object-620.jpg မင်္ဂလာတောင်ညွန့်မြို့နယ် မဲဆန္ဒနယ်က ၀င်ရောက်ယှဉ်ပြိုင်မယ့် ဒေါ်ဖြူဖြူသင်းကို သြဂုတ်လ ၃ ရက်နေ့က NLD မြို့နယ်အောင်နိုင်ရေးအဖွဲ့ဝင်တချို့က ကန့်ကွက်လိုက်ပြီး ကိုယ်စားလှယ်လောင်းတစ်ဦးနဲ့ အစားထိုးရွေးချယ်ပေးဖို့ တောင်းဆိုစဉ်

နိုဝင်ဘာလ ရွေးကောက်ပွဲမှာ ရန်ကုန်တိုင်း မင်္ဂလာတောင်ညွန့်မြို့နယ် မဲဆန္ဒနယ်ကနေ ၀င်ရောက်ယှဉ်ပြိုင်မယ့် ကိုယ်စားလှယ်လောင်း ဒေါ်ဖြူဖြူသင်းကို NLD မြို့နယ်အောင်နိုင်ရေးအဖွဲ့ဝင်တချို့က ကန့်ကွက်လိုက်ပြီး နောက်ထပ် ကိုယ်စားလှယ်လောင်းတစ်ဦးနဲ့ အစားထိုးရွေးချယ်ပေးဖို့ တောင်းဆိုသွားမယ်လို့ ပြောပါတယ်။

ကန့်ကွက်စာကို အမျိုးသားဒီမိုကရေစီအဖွဲ့ချုပ် (ဗဟို)ထံ သတ်မှတ်ပေးထားတဲ့ ၅ ရက်အတွင်း ပေးပို့သွားမယ်လို့ ဒီနေ့ပြုလုပ်တဲ့ သတင်းစာရှင်းလင်းပွဲမှာ မင်္ဂလာတောင်ညွန့်မြို့နယ် အောင်နိုင်ရေးအဖွဲ့ဘဏ္ဍာရေးမှူး ဦးဋ္ဌေးမြင့် က ပြောပါတယ်။

"အပေါ်ကချပေးထားတဲ့ မူဝါဒရွေးချယ်မှုပုံစံကို ကျနောတို့မကျေနပ်လို့ ကန့်ကွက်တာမဟုတ်ပါဘူး၊ ကျနော်တို့ဖြစ်စေချင်တဲ့ပုံစံ ဒီကိုယ်စားလှယ်တွေ ကျနော်တို့မှာ ၃ နှစ်ရခဲ့ပါပြီ၊ နောက် ၅ နှစ်အတွက် အာမခံရမှာဖြစ်ပါတယ်၊ ခုနကပြောခဲ့သလိုပဲ အသံဗလံတွေကြောင့် နောင် ၅ နှစ်အတွက်ကို ၁ဝဝ ရာခိုင်နှုန်း မဲအပြည့်မရမှာ စိုးရိမ်ပါတယ်၊ ဒါကြောင့်မို့ ကိုယ်စားလှယ်လဲပေးဖို့ တောင်းဆိုပါတယ်၊ ပြောမယ်ဆိုရင် ကန့်ကွက်လို့ရတယ်ဆိုပြီး သူတို့ကပြောဆိုတာပါ ကျနော်တို့က အမှန်တော့ လဲလှယ်ပေးဖို့ တောင်းဆိုတာပါ"

မင်္ဂလာတောင်ညွန့်မြို့နယ်မှာရှိတဲ့ အမျိုးသားဒီမိုကရေစီအဖွဲ့ချုပ် အောင်နိုင်ရေးအဖွဲ့နဲ့ ရပ်ကျေးအဖွဲ့ဝင်တွေက တင်သွင်းတဲ့ ကိုယ်စားလှယ်လောင်းစာရင်းမှာ ၈၈မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ကိုမြအေး အပါအ၀င် ၃ ဦးကို ရွေးချယ်ခဲ့ပေမယ့် ဗဟိုက ဆုံးဖြတ်လိုက်တဲ့စာရင်းမှာ သူတို့ပေးတဲ့တစ်ဦးမှ ရွေးချယ်မခံခဲ့ ရဘူးလို့ ပြောပါတယ်။

လက်ရှိ ပြည်သူ့လွှတ်တော်ကိုယ်စားလှယ် ဒေါ်ဖြူဖြူသင်းဟာ ၂၀၁၂ ကြားဖြတ်ရွေးကောက်ပွဲမှာ မင်္ဂလာတောင်ညွန့်မြို့နယ်က ၀င်ရောက်ယှဉ်ပြိုင်ပြီး အရွေးချယ်ခံခဲ့ရသူတစ်ဦးဖြစ်ပေမယ့် ဒီသုံးနှစ်အတွင်း မြို့နယ်ရဲ့ လိုအပ်ချက်တွေကို ဖြည့်ဆည်းပေးဖို့ ပျက်ကွက်မှုတွေရှိတဲ့အတွက် ကန့်ကွက်ကြတာလို့လည်း ပြောပါတယ်။

အမျိုးသားဒီမိုကရေစီအဖွဲ့ချုပ် NLD က ၂ဝ၁၅ ရွေးကောက်ပွဲမှာ ၀င်ရောက်ယှဉ်ပြိုင်မယ့် ကိုယ်စားလှယ်လောင်း စာရင်းကို ပြီးခဲ့တဲ့သြဂုတ်လ ၁ရက်နေ့က ထုတ်ပြန်ခဲ့တာဖြစ်ပြီး အဲဒီ့ကိုယ်စာလှယ်လောင်းတွေကို ကန့်ကွက်လိုပါက ငါးရက်အတွင်း ကန့်ကွက်နိုင်တယ်လို့ ကြေညာထားပါတယ်။

RFA
http://www.rfa.org/burmese/news/mingalar-taungnyunt-nld-object-phyuphyuthin-08032015104909.html

လက်ရှိ ဟင်္သာတ ရေအခြေနေပါ ရေက တာတမံရဲ့နူတ်ခမ်း နားရောက်နေပါပြီ နောက်နှစ်ပေ လောက်ထပ်ပြီးရေ တက် ရင် နာမည်ကြီး ဟင်္သာတ ဦးပါရဲ ဘုရားလည်း အန္တရာယ် ရှိနေပြီ. လောလောဆယ် စစ်သားနဲ့ အရပ်ဘက်အဖွဲ့စည်းတွေ ကင်းစောင့် သဲအိပ်ဖို့ အဆင်သင့် ပြင်ထားကြပါတယ်
လို့ သတင်းပေးလာပါတယ်

Kumudra

မုံရွာ စိုးရိမ်ရေမှတ်ကျော်နေတဲ့ အခြေအနေ။ (ဓာတ်ပုံ - မုံရွာမှာ ဘာတွေဖြစ်နေလဲ)
 မုတ်သုန်မိုးသည်းထန်ခဲ့တာနဲ့ မုန်တိုင်းအရှိန်ကြောင့် တိုင်းဒေသကြီးတွေနဲ့ ပြည်နယ်တချို့မှာ ရေကြီးတာ၊ မြေပြိုတာတွေဖြစ်ပွားနေချိန်မှာ မြန်မာပြည်က အဓိက မြစ်ကြီး ၄ စင်းမှာလည်း ရေကြီးပြီး မြို့ကြီးအတော်များများဟာ စိုးရိမ်ရေမှတ်အထက်ကို ကျော်လွန်နေပါတယ်။ ဒီကနေ့မှာတော့ ချင်းတွင်းမြစ်ရေဟာ စစ်ကိုင်းတိုင်းဒေသကြီး မုံရွာမြို့မှာ စိုးရိမ်ရေမှတ်အထက် ၄ ပေခွဲကျော်ရောက်ရှိပြီး နှစ် ၅ဝ အတွင်းမှာ အမြင့်ဆုံးဖြစ်ခဲ့ပါတယ်။ လတ်တလော မြန်မာပြည်အဝှမ်းမြစ်ရေကြီးမှု အခြေအနေတွေကို ဗွီအိုအေ မြန်မာပိုင်းက ကိုမိုးဇော်က တင်ပြထားပါတယ်။

မြန်မာပြည်ရဲ့ အဓိကမြစ်ကြီးတွေဖြစ်တဲ့ ဧရာဝတီ၊ ချင်းတွင်း၊ စစ်တောင်းနဲ့ သံလွင်မြစ်တွေမှာ မြစ်ရေမြင့်တက်တာကြောင့် မြို့ကြီး အတော် များများမှာ စိုးရိမ်ရေမှတ်အထက်ကိုကျော်လွန်နေပြီး အထူးသဖြင့် ဧရာဝတီနဲ့ ချင်းတွင်းမြစ်ရေကြီးတာကြောင့် ဧရာဝတီမြစ်ဝကျွန်းပေါ်ဒေသ ဟာ ရေလွှမ်းမိုးမယ့် အခြေအနေကို သတိထားနေရတဲ့ အခြေအနေကို ရောက်ရှိနေတာဖြစ်ပါတယ်။

ဒီကနေ့ ၁၂ နာရီခွဲအချိန်တိုင်းထွာချက်အရ ဧရာဝတီနဲ့ ချင်းတွင်းမြစ်ရေကြီးတဲ့အခြေအနေကို မိုးလေဝသနဲ့ ဇလဗေဒ ညွှန်ကြားမှု ဦးစီးဌာနရဲ့ ညွှန်ကြားရေးမှုးချုပ် ဒေါက်တာ ဟာရင် နိုင်တီယမ်က အခုလို ပြောပါတယ်။

“ဒီနေ့ထုတ်ပြန်တာအနေနဲ့တော့ ဧရာဝတီမှာဆိုရင် စိုးရိမ်ရေအမှတ်အထက်မှာရှိတာက ပခုက္ကူ၊ မြောက်ဦး၊ မင်းဘူး၊ မကွေး၊ အောင်လံ၊ ပြည်၊ ဆိပ်သာ၊ ဟင်္သာတ၊ ဇလွန် - ဧရာဝတီစခန်းတွေမှာတော့ စိုးရိမ်မှတ်အထက်မှာ ရှိနေတယ်။ နောက် ချင်းတွင်းမြစ်ဘက်မှာတော့ လက်ရှိ စိုးရိမ်ရေအမှတ်အထက်မှာရှိတာကတော့ မော်လိုက်၊ ကလေးဝ၊ မုံရွာပေါ့-”

ဧရာဝတီမြစ်ရေဟာ ပခုက္ကူမြို့နဲ့ ညောင်ဦးမြို့တွေမှာ စိုးရိမ်ရေမှတ်အထက် ၆ လက်မလောက်ရှိနေပြီး နောက်တရက်အထိ စိုးရိမ်ရေမှတ်မှာ ရှိနိုင်ကြောင်း၊ မင်းဘူး၊ မကွေး၊ အောင်လံပြည်မြို့တွေမှာတော့ နောက် ၃ ရက်အတွင်း စိုးရိမ်ရေမှတ်အောက်ကျနိုင်ကြောင်း၊ ဆိပ်သာ၊ ဟင်္သာတ၊ ဇလွန်မြို့တွေမှာတော့ နောက် ၃ ရက်အတွင်း စိုးရိမ်ရေမှတ် အထက်မှာ ဆက်ရှိနိုင်ကြောင်းခန့်မှန်းထားပါတယ်။

ဒီကနေ့မှာတော့ ချင်းတွင်းမြစ်ရေကတော့ မုံရွာမြို့မှာ နှစ် ၅ဝအတွင်း အများဆုံးဖြစ်တယ်လို့လည်း ပြောပါတယ်။

“ချင်းတွင်းဘက်မှာကျတော့ ဒီနေ့မနက် တိုင်းရတဲ့ ၁,၁၄၃ စင်တီမီတာဟာဆိုရင်တော့ နှစ်ပေါင်း ၅၀ အတွင်း တိုင်းလို့ရတဲ့ အမြင့်ဆုံ မြစ်ရေအမှတ်တော့ ဖြစ်သွားပါတယ်။ အခု လက်ရှိမှာတော့ မုံရွာမှာဆိုရင် စိုးရိမ်ရေအမှတ်အထက်ကို ၄ ပေခွဲလောက် ကျော်နေတယ်။ အခုရက်အတွင်းမှာတော့ ပြန်ကျသွားမယ်။ အဲလိုမှန်းထားပါတယ်။ လက်ရှိမှာတော့ စိုးရိမ်ရေအမှတ်အထက် ၄ ပေလောက်ရှိတယ်။ ဒါပေမယ့် နောက် ၂ ရက်အတွင်းတော့ ပြန်ကျသွားမယ်လို့ မှန်းထားပါတယ်။ နောက် ကလေးဝမှာဆိုရင် အခု လက်ရှိမှာကို စိုးရိမ်ရေအမှတ်အထက်မှာ ၁၀ ပေလောက် ရှိသေးတယ်။ …ဆိုတော့ နောက် ၂ ရက်အတွင်းမှာတော့ ထပ်ပြီးတော့ ကျသွားနိုင်မယ်လို့တော့ မှန်းထားတယ်။ စိုးရိမ်ရေအမှတ်အထက်မှာတော့ ရှိနေအုံးမယ်။”

မုံရွာမြို့ခံတဦးကတော့ ဒီကနေ့မွန်းလွဲပိုင်းအခြေအနေကို အခုလို ပြောပါတယ်။

“အခုနေကတော့ မနေ့ညကတော့ စိုးရိမ်ရတာပေါ့။ အခုနေတော့ ပြန်ကျသွားပြီ။ ၁,၁၄၀ ကနေ အခု ၁,၁၃၅ ရောက်သွားပြီ။ အမြင့်ဆုံးက ၁,၁၄၃။ ရေဝင်တာတွေကတော့ နောက်ဘက်မှာ များများစားစား ဝင်သွားတာပေါ့။ ညောင်ပင်ကြီးကနေ တုံရွာတို့၊ ရွှေလှေတို့ အကုန်ဝင် သွားတယ်လေ။”

မုံရွာမြို့အနောက်ဘက်ကမ်းစလင်းကြီးနဲ့ ယင်းမာပင်မြို့နယ်တွေဘက်မှာ ပြီးခဲ့တဲ့အပတ်တည်းက ရေလွှမ်းခဲ့တာလည်း ဖြစ်ပါတယ်။ ကူညီ ကယ်ဆယ်ရေး လုပ်ငန်းတွေဆောင်ရွက်နေသူတဦးကတော့ အဲဒီဘက်ဒေသတွေမှာ သောက်သုံးရေအဓိက လိုအပ်နေတယ်လို့ ပြောပါတယ်။

ဧရာဝတီနဲ့ ချင်းတွင်းမြစ်ရေကြီးနေတဲ့အခြေအနေကြောင့် ဧရာဝတီမြစ်ဝကျွန်းပေါ်ဒေသမှာ ရေနစ်မြုပ်မယ့်အခြေအနေရှိကြောင်း သတိပေးတာတွေလည်း ရှိနေပါတယ်။ မိုးဇလဌာန ညွှန်ကြားရေးမှုးချုပ် ဒေါက်တာဟာရင်နိုင်တီယမ်က မိုးဇလဌာနရဲ့ခန့်မှန်းချက်ကို အခုလို ပြောပါတယ်။

“မဖြစ်ပေါ်နိုင်ပါဘူးရှင်။ ကျမတို့ခန့်မှန်းချက်အရ - အခုလည်း ပြန်ကျနေပါပြီ။ ဥပမာ- ဆိပ်သာတို့၊ ဟင်္သာတတို့ကတော့ နည်းနည်းရှိသေးတယ်။ ဒါပေမယ့် သူလည်း ပြန်ကျသွားမှာပါ။ အဲလိုမျိုးအခြေအနေတော့ လုံးဝမဖြစ်ပါဘူး။ အဲလိုမျိုး မုန်တိုင်းရှိတဲ့ကာလလောက်တော့ မများတော့ဘူးလေ။”

ဟင်္သာတ မြို့ခံတချို့ကလည်း လက်ရှိအခြေအနေကို အခုလို ပြောပါတယ်။

“ဟင်္သာတဘက်ကအခြေအနေကတော့ စိုးရိမ်ရေအမှတ်ထက်ကို ၄ ပေခွဲနီးပါးလောက် ကျော်နေတယ်။ အခု မနက် ၈ နာရီလောက်အထိပေါ့နော်။ ကျနော် ၁ နာရီခွဲလောက်မှာ တချက်သွားကြည့်တော့ ဆက်မတက်တော့ဘူး၊ အလွန်ဆုံးတက်ရက် လက်မဝက်လောက်ပဲ။ နည်းနည်းတန့်သွားပြီပေါ့၊ သိလား။ ရေတွေက တန့်သွားပြီဆိုတော့ ဟင်္သာတမြို့ပေါ်အတွက်ကတော့ စိုးရိမ်စရာ မရှိတော့ဘူး။”

“ဟင်္သာတမြို့ ရေအခြေအနေကတော့ အခု လောလောဆယ်မှာတော့ စိုးရိမ်ရတဲ့အခြေအနေတော့ အများကြီးမရှိသေးဘူးပေါ့နော်။ အခုလောလောဆယ်တော့ ….ဘုရား ကမ်းနား၊ မြစ်ကမ်းနား ရေစိမ့်တဲ့အတွက် သဲအိတ်တွေ ဖို့နေတာ ရှိပါတယ်ရှင့်။”

ဧရာဝတီတိုင်းဒေသကြီးအတွင်းက အင်္ဂပူမြို့နယ်၊ ကြံခင်းမြို့နယ်၊ မြန်အောင်မြို့နယ်တွေအတွင်းမှာတော့ ရေလွှမ်းမိုးတာတွေကြောင့် ဒေသခံပြည်သူတချို့ရွှေ့ပြောင်းတာတွေ ရှိသလို ကယ်ဆယ်ရေးစခန်းတွေ ဖွင့်လှစ်ထားတာတွေလည်း ရှိနေပါတယ်။

လောလောဆည် စစ်တောင်းမြစ်ရေအခြေအနေကတော့ မဒေါက်မြို့မှာ စိုးရိမ်ရေမှတ်အထက် ၃ ပေခွဲ ကျော်လွန်နေပြီး နောက် ၃ ရက် အတွင်း ၂ ပေလောက်ကျဆင်းနိုင်ကြောင်းနဲ့ ရွှေကျင်မြို့မှာ စိုးရိမ်ရေမှတ်အထက် ၁ပေလောက်ကျော်လွန်နေပြီး နောက် ၂ ရက်မှာ စိုးရိမ်ရေ မှတ်အောက် ကျဆင်းနိုင်ကြောင်း မိုးဇလဌာနက ခန့်မှန်းထားသလို သံလွင်မြစ်ရေကတော့ ဘားအံမြို့မှာ စိုးရိမ်ရေမှတ်အထက် ၂ ပေလောက် ကျော်လွန်နေပြီး ၂၄ နာရီအတွင်း ပေဝက်လောက် ကျဆင်းနိုင်ကြောင်း ခန့်မှန်းထားပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com

ရေဘေးသင့် ပဲခူးရပ်ကွက်တခုသို့ သွားရောက်ကြည့်ရှုအားပေးခဲ့သော NLD ဥက္ကဋ္ဌ ဒေါ်အောင်ဆန်းစုကြည်။ (သြဂုတ် ၃၊ ၂၀၁၅) 
 ရေဘေးဒုက္ခသည်တွေဆီကို ကိုယ်တိုင်သွားရောက်ခဲ့တဲ့ ပထမဆုံး အကြိမ်ခရီးစဉ်အဖြစ် ဒေါ်အောင်ဆန်းစုကြည်ဟာ ပဲခူးမြို့က ရပ်ကွက်တခုကို သွားရောက်ပြီးတော့ တအိမ်တက်ဆင်း အားပေးစကားပြောခဲ့ပါတယ်။ ရေဘေးဒုက္ခသည်တွေအတွက် ကျန်းမာရေးနဲ့ ကူညီထောက်ပံ့မှုတွေကို ဒေါ်ခင်ကြည်ဖောင်ဒေးရှင်းနဲ့NLD ကျန်းမာရေးကွန်ရက်က ကူညီဆောင်ရွက်ပေးနေတယ်လို့ ပဲခူးတိုင်း NLD ကပြောပါတယ်။ ဆက်သွယ်မေးမြန်းထားတဲ့ မဆုမွန်က တင်ပြပေးထားပါတယ်။

အမျိုးသားဒီမိုကရေစီအဖွဲ့ချုပ်ဥက္ကဋ္ဌလည်းဖြစ်၊ ပြည်သူ့လွှတ်တော်ကိုယ်စားလှယ်လည်းဖြစ်တဲ့ ဒေါ်အောင်ဆန်းစုကြည်ဟာ ဒီကနေ့ သြဂုတ်လ (၃) ရက်နေ့ တနင်္လာနေ့မှာ ပဲခူးတိုင်းဒေသကြီးအတွင်းက ရေလွှမ်းမိုးမှုဒဏ်ခံနေရတဲ့ ရေဘေးသင်ြ့ပည်သူတွေ ထောင်နဲ့ချီ ခေတ္တ ခိုလှုံနေကြတဲ့ ပဲခူးမြို့ ရွှေမော်ဓော ဘုရားလမ်းမှာရှိတဲ့ မိုးလေလေလုံ အားကစားခန်းမထဲမှာ ယာယီဖွင့်လှစ်ထားတဲ့ ရေဘေး ဒုက္ခသည် စခန်းကို သွားရောက်တွေ့ဆုံအားပေးခဲ့ပါတယ်။ ဒါ့အပြင် ရေလွှမ်းမိုးမှုခံနေရတဲ့ ရေလွှမ်းနေသည့် ဇိုင်းဂနိုင်းတောင်ပိုင်းရပ်ကွက်ထဲက ပြည်သူတွေရဲ့နေအိမ်တွေအထိ လှေနဲ့ ကိုယ်တိုင် သွားရောက်ကြည့်ရှုအားပေးခဲ့တဲ့အကြောင်း ပဲခူးတိုင်း အမျိုးသားဒီမိုကရေစီအဖွဲ့ချုပ်က အမျိုးသားလွှတ်တော် ကိုယ်စားလှယ် ဦးမင်းဦးကပြောပါတယ်။

ပဲခူးမြို့ ရေဘေးသင့်ရပ်ကွက်တခုကို သွားရောက်ကြည့်ရှုအားပေးခဲ့တဲ့ ဒေါ်အောင်ဆန်းစုကြည်။ (သြဂုတ် ၃၊ ၂၀၁၅)
“ပဲခူးမှာ ရေဘေးသင့်ပြည်သူတွေအတွက် နားနေတဲ့စခန်းဖွင့်ထားတယ်၊ အဲဒီစခန်းကို ကျနော်တို့သွားပါတယ်။ ပြည်သူတွေနဲ့တွေ့ဆုံပြီးတော့ နှုတ်ဆက်အားပေးစကားတွေ ပြောပါတယ်။ နောက်ပြီးတော့ ဆန်တို့၊ ဆေးတို့၊ ရေသန့်တို့ အဲဒါတွေ လှူခဲ့ပါတယ်။ ပြီးတော့ ဇိုင်းဂနိုင်း တောင်ပိုင်းမှာရှိတဲ့ ဇေယျာအောင် စာသင်တိုက်ကိုလည်း ကျနော်တို့ သွားပါတယ်။ အဲဒီစာသင်တိုက်ကလည်း ရေတွေဝိုင်းနေတာပါ။ စာသင်တိုက်ကြီးတခုလုံးကလည်း ရေတွေနစ်နေတာပါ။ ပြီးတဲ့အခါကျ ရပ်ကွက်အတွင်းမှာရှိတဲ့ အဲဒီ ရေထဲမှာပဲ လှေလေးစီးပြီးတော့ အိမ်တွေမှာ တအိမ်တက်ဆင်းပေါ့နော်-အဲဒါမျိုး လုပ်ခဲ့တာလည်း ရှိပါတယ်။ မြို့သူမြို့သားတွေက အရမ်း အားရဝမ်းသာကျေနပ်ကြတယ်။ ဒီလိုလာပြီး အားပေးတာပဲ အများကြီးဝမ်းသာကြည်နူးရပါတယ်-ဆိုပြီးတော့ ငိုပြီး ပြောတဲ့လူတွေရှိတယ်။ ဝမ်းသာတဲ့အတွက်လည်း ပန်းစည်းတွေပေးတဲ့လူနဲ့၊ မျက်ရည်တွေဝဲပြီး ပြောတဲ့လူတွေလည်း ရှိပါတယ်။ လှေလေးနဲ့သွားပြီးတော့ကို သူက အဲဒီနားမှာရှိတဲ့အိမ်တွေမှာ တက်ကြည့်ပြီးတော့ မိသားစုတွေနဲ့တွေ့ဆုံ၊ မေးမြန်းတဲ့အနေအထားဆိုတော့ ဒေသခံပြည်သူတွေက သူတို့မထင်မှတ်တဲ့ လူထုခေါင်းဆောင် တယောက်က သူတို့ရဲ့အိမ်ပေါ်ကိုရောက်လာပြီးတော့ ပကတိအခြေအနေကိုကြည့်ပြီးတော့ မေးမြန်း စူးစမ်းသွားလိုက်တဲ့အခါမှာ သူတို့ အတွက်ကို သေပျော်ပါပြီ-လို့တောင် ပြောတဲ့လူမျိုးတွေ ရှိပါတယ်။”

ရေဘေးဒုက္ခသည်တွေနဲ့ ဒေါ်အောင်ဆန်းစုကြည်တွေ့ဆုံခဲ့ချိန်မှာ ဒုက္ခသည်တွေဘက်က ရေဘေးဒုက္ခသည်စခန်းတွေမှာ ခိုလှုံနေရတဲ့ ရေဘေးဒုက္ခသည်တွေကို အာဏာပိုင်တွေဘက်က ပြန်ဖို့ ပြောဆိုနေတဲ့အပေါ် ရေဘေးကို စိတ်မချရသေးတဲ့အတွက် မပြန်လိုဖြစ်နေကြတဲ့ အခက်အခဲအပေါ် ဒေါ်အောင်ဆန်းစုကြည်ဘက်က ဒုက္ခသည်တွေအတွက် ပြန်တဲ့အခါမှာ လုံခြုံစိတ်ချမှုရှိမရှိ သေချာအောင် ကြည့်ရှုစစ်ဆေးကြဖို့ တာဝန်ရှိသူတွေကို တောင်းဆိုခဲ့ပါတယ်။

အမျိုးသားလွှတ်တော် ကိုယ်စားလှယ်ဦးမင်းဦးက ရေဘေးဒုက္ခသည်တွေ ကျန်းမာရေးစောင့်ရှောက်မှုပေးနေတဲ့အနေအထားနဲ့ လက်ရှိ အခြေအနေနဲ့ ပတ်သက်လို့ အခုလိုပြောပါတယ်။

“အဲဒီမှာ ဒေသခံတဦးက တင်ပြတာရှိပါတယ်။ မနေ့ကဆိုလို့ရှိရင် အာဏာပိုင်တွေကနေပြီးတော့ မိမိနေအိမ်ကို ပြန်ကြဖို့ နှိုးဆော်ပါတယ်၊ ညွှန်ကြားပါတယ်-တဲ့။ ဒါပေမယ့် လက်ရှိ ရေအနေအထားအရလည်း စိတ်မချရသေးတဲ့အတွက်လည်း သူတို့ မပြန်ချင်သေးဘူးပေါ့နော်။ ဒီမှာနေချင်ပါတယ်၊ စိတ်ချရတော့မှပဲ သူတို့ပြန်ချင်တယ်လို့ ပြောတယ်။ ပဲခူးတိုင်းက ဒေသခံ NLD တွေနဲ့ ကျနော်တို့ NLD ၊ တိုင်းအလုပ်အမှုဆောင်တို့အပေါ်မှာ တာဝန်ပေးခဲ့တာက စာရင်းဇယားပြုစုပါ။ တကယ်လို့ ဘယ်ရပ်ကွက်မှာနေလဲ၊ ဘယ်သူတွေလဲ။ သူတို့အိမ်တွေဟာ လက်ရှိအနေအထားမှာ ပြန်လို့သင့်ပြီလား၊ မသင့်သေးဘူးလား။ သင့်ပြီဆိုရင်လည်း ပြန်ပြီးတော့ လာတဲ့ပုံစံမျိုးတော့ -- ပြန်ဖို့သင့်ရင်သင့်တယ်ပေါ့နော်။ ပြန်ဖို့ မသင့်သေးဘူးရင်လည်း မသင့်ဘူးကြည့်မယ်။ တကယ်လို့ ပြန်ဖို့မသင့်သေးဘူးဆိုရင် သက်ဆိုင်ရာအာဏာပိုင်များနဲ့ ညှိနှိုင်းပေါင်းစပ်ပြီးတော့ အဆင်ပြေအောင် ဆက်လက်ပြီးတော့ စခန်းမှာထားပေးဖို့၊ ညှိနှိုင်းပေါင်းစပ် ဆောင်ရွက်ပေးဖို့၊ လမ်းညွှန်ခဲ့တာလည်း ရှိပါတယ်ခင်ဗျ။ အဲဒါမှာဆိုလို့ရှိရင် ရေရှည်မှာ အများနဲ့ နေရထိုင်ရတာဖြစ်တဲ့အတွက် ကျန်းမာရေးနဲ့ပတ်သက်ပြီးတော့ ကျန်းမာရေးကွန်ယက်ကနေပြီးတော့ ဒေါက်တာသော်ဇင်အုန်းတို့ ဦးစီးပြီးတော့ အထဲမှာ ကျန်းမာရေးစောင့်ရှောက်မှုလေးတွေ ပေးနေတာ ရှိပါတယ်ခင်ဗျ။”


ဒေါ်အောင်ဆန်းစုကြည်ကိုယ်တိုင် ဖွဲ့စည်းထားတဲ့ ဒေါ်ခင်ကြည်ဖောင်ဒေးရှင်းကနေ ရေဘေးသင့်ဒေသတွေက ရေဘေးဒုက္ခသည်တွေ အတွက် ဆန်အိတ်၊ ရေသန့်ဘူး၊ ရေသန့်ဆေးထုတ်တွေနဲ့ ဓာတ်ဆားထုတ်တွေကိုလည်း လှူဒါန်းခဲ့ပါတယ်။ ဒါ့အပြင် ရေဖုံးလွှမ်းမှုခံနေရတဲ့ ပဲခူးတိုင်း အတွင်းက အောင်ဇေယျကျောင်းတိုက်မှာ ခိုလှုံနေတဲ့ ရေဘေးဒုက္ခသည် (၆ဝဝ) ကျော်ကိုလည်း သွားရောက်တွေ့ဆုံခဲ့ပြီး ကျောင်းတိုက်မှာရှိတဲ့ သံဃာတော်တွေကို ဝါဆိုသင်္ကန်းကပ်လှူခဲ့သလို ရေဘေးသင့်ပြည်သူတွေလိုအပ်တဲ့ စားနပ်ရိက္ခာတွေကိုလည်း ကိုယ်တိုင် ဆက်ကပ်လှူဒါန်းခဲ့ပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com

 ပဲခူးမြို့မှာ သြဂုတ်လ ၃ ရက်နေ့က အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ကို တွေ့ရစဉ် ၊ Photo: Kyaw Htoon Naing/RFA
 အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ပဲခူးမြို့ မိုးလုံလေလုံ အားကစားကွင်းမှာ  ရေဘေးဒုက္ခသည်တွေကို ဒီနေ့ သွားရောက်တွေ့ဆုံပြီး ဆန်၊ ရေသန့်ဗူးနဲ့ ဆေးဝါးတွေကို လှူဒါန်းခဲ့ပါတယ်။

မြို့သစ်ရပ်ကွက်မှာရှိတဲ့ မိုးလုံလေလုံ အားကစားကွင်းမှာ ဒုက္ခသည်တွေနဲ့ တွေ့ဆုံစဉ် ဒေါ်အောင်ဆန်းစုကြည် က ရေဘေးဒုက္ခသည်တွေကို ကျန်းမာရေးဂရုစိုက်ကြဖို့လည်း ပြောကြားသွားပါတယ်။

ပဲခူးမြို့မှာ ရေဘေးဒုက္ခသည်စခန်း ငါးခုဖွင့်လှစ်ထားပြီး ဒေါ်အောင်ဆန်းစုကြည်ဟာ မိုးလုံလေလုံ အားကစားကွင်း ရေဘေးကယ်ဆယ်ရေး စခန်းမှာရှိတဲ့ ရပ်ကွက် နှစ်ခုက ရေဘေးဒုက္ခသည် ၁၆၀၀ ကျော်နဲ့ တွေ့ဆုံခဲ့ပါတယ်။

ဒုက္ခသည်တွေက သူတို့ကိုနေအိမ်တွေပြန်ဖို့ အုပ်ချုပ်ရေးအဖွဲ့က မနေ့က ဖိအားပေးတာတွေ ရှိကြောင်း ဒေါ်အောင်ဆန်းစုကြည်ကို ပြောကြားရာ ဒေါ်အောင်ဆန်းစုကြည်က လူနေထိုင်လို့ ရ၊ မရကို သွားရောက်ကြည့်ရှုပြီး အုပ်ချုပ်ရေးနဲ့ ညှိနှိုင်းပေးမယ်လို့ ပြောခဲ့ပါတယ်။

ဒေါ်အောင်ဆန်းစုကြည်ဟာ ရေနစ်မြုပ်နေတဲ့ ပဲခူးမြို့ ဇိုင်းဂနိုင်း တောင်ပိုင်းရပ်ကွက်က အောင်ဇေယျာ စာသင်တိုက်ကို သွားရောက်ပြီး သံဃာတော် ၇ ပါးကို ဝါဆိုသင်္ကန်း ကပ်လှူခဲ့ပါတယ်။

ပဲခူးတိုင်းဒေသကြီးမှာ ပြီးခဲ့တဲ့ ဇူလိုင်လ ၂၈-ရက်နေ့ကစပြီး ရေကြီးရေလျှံနေတာကြောင့် ဒေသခံတွေဟာ ကယ်ဆယ်ရေးစခန်းတွေမှာ ပြောင်းရွေ့နေထိုင်နေရတာဖြစ်ပါတယ်။

RFA Burmese
http://www.rfa.org/burmese

 ရေဘေးဒုက္ခသည်တွေကို လှူဒါန်းမည့် ဆန်အိတ်များကို မန္တလေးဆိပ်ကမ်းရှိ ​သဘောင်္တစ်ခုပေါ်တွင် သြဂုတ်လ ၈ ရက်နေ့ က တွေ့ရစဉ် ။ Photo: Myo Thant Khaing/RFA
 ရေဘေးသင့်ဒေသတွေမှာ ဆန်အိတ်တွေ သွားရောက်လှူဒါန်းမယ့် အဖွဲ့အစည်းတွေကို မြန်မာနိုင်ငံ ဆန်စပါးအသင်းချုပ်က သက်သာတဲ့ ဈေးနှုန်းနဲ့ ဆန်အိတ်တွေ ရောင်းချပေးသွားမယ်လို့ ဒီနေ့ ကြေညာချက်ထုတ်လိုက်ပါတယ်။

ဈေးကွက်မှာ ရောင်းချနေတဲ့ နှုန်းထက် သက်သာတဲ့ဈေးနှုန်းနဲ့ ၀ယ်ယူနိုင်အောင် မြန်မာနိုင်ငံအနှံ့မှာရှိတဲ့ ဆန်ကုန်သည်တွေနဲ့ ချိတ်ဆက်ပြီး ရောင်းချပေးသွားမှာဖြစ်တယ်လို့ မြန်မာနိုင်ငံ ဆန်စပါးအသင်းချုပ် အထွေထွေအတွင်းရေးမှူး ဦးရဲမင်းအောင်က ပြောပါတယ်။

မြန်မာနိုင်ငံ တိုင်းနဲ့ပြည်နယ် အတော်တော်များများမှာ ရေလွှမ်းမိုးနေတဲ့အတွက် ဆန်ကို အရင်ထက်ပိုပြီး ၀ယ်ယူစုဆောင်းနေတာကြောင့် ဆန်ဈေးတွေ တက်နေတယ်လို့လည်း ဦးရဲမင်းအောင်က ပြောပါတယ်။

ဆန်ဈေးမြင့်တက်နေမှုကို ထိန်းနိုင်ဖို့အတွက် ပြည်ပကို ဆန်တင်ပို့မှု ရပ်ဆိုင်းထားဖို့လည်း စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနကို တောင်းဆိုထားတယ်လို့ သိရပါတယ်။

မြန်မာနိုင်ငံ ဆန်စပါးအသင်းချုပ်မှာ ဆန်အိတ် သုံးသိန်းလောက် သိုလှောင်ထားတာကြောင့် ဆန်ပြတ်လပ်မှု မရှိနိုင်ဘူးလို့လည်း  ပြောပါတယ်။

RFA Burmese
http://www.rfa.org/burmese


 ရန်ကုန်၊ သြဂုတ် ၃ ရက် (ဆင်ဟွာ)

 ဧရာဝတီတိုင်း ဒေသကြီးအတွင်း ရေဘေး အန္တရာယ်သည် ယနေ့ မြစ်ရေ တိုးဝင်မှုကြောင့် ရေဘေးသင့် ပြည်သူ တစ်သောင်းကျော် ရှိလာကြောင်း ဧရာဝတီ တိုင်းဒေသကြီး အစိုးရအဖွဲ့ထံမှ သိရသည်။

မိုးသည်းထန်စွာ ရွာသွန်းပြီး မြစ်ရေ တိုးဝင်မှု မြင့်သထက် မြင့်လာသောကြောင့် ဧရာဝတီတိုင်း၊ ဟင်္သာတခရိုင်ရှိ မြန်အောင်၊ ဟင်္သာတနှင့် ကြံခင်းမြို့နယ်များရှိ ကျေးရွာပေါင်း ၃၀ ကျော်မှ လူများ ရေဘေး လွတ်ရာသို့ တိမ်းရှောင် နေရသည်။


လက်ရှိ ဧရာဝတီတိုင်းအတွင်း အရေးပေါ်အခြေနေသို့ ရောက်ရှိနေပြီး နေရာအနှံ့ မြစ်ရေများ တိုးဝင်လာမှုများ ဆက်တိုက် ဖြစ်ပေါ်နေကာ စာသင်ကျောင်းများနှင့် ဈေးအချို့ ပိတ်ထားနေရသည်။

ဧရာဝတီမြစ်ဝ ကျွန်းပေါ်အတွင်း ရေနစ်မြုပ်နိုင်သည့် အန္တရာယ် မြင့်မားနေပြီ ဖြစ်ခြင်းကြောင့် အထူးသတိထားပြီး ကြိုတင်ပြင်ဆင်မှုများ ဆောင်ရွက်ထားသင့်ကြောင်း မိုးလေဝသနှင့် ဇလဗေဒ ပညာရှင် ဒေါက်တာထွန်းလွင်က သတိပေး ပြောကြားထားသည်။

ရေဖုံးလွှမ်းမှု ခံရနိုင်သည့် အလားအလာများ ရှိသော ဒေသများမှာ ပြည်၊ ကျောက်ဖြူ၊ မင်းတပ်၊ မုံရွာ၊ ညောင်ဦး (ပုဂံ)၊ မအူပင်၊ ပုသိမ်၊ ပဲခူး၊ သာယာဝတီ၊ ဟင်္သာတ၊ စစ်တွေ၊ သထုံ၊ မိတ္ထီလာ နှင့် မင်္ဂလာဒုံမြို့နယ် တို့ ပါဝင်ခြင်းကြောင့် ကြိုတင် ပြင်ဆင်မှုများ လုပ်ဆောင် ထားသင့်ကြောင်း ၎င်းကဆိုသည်။

လက်ရှိ မြစ်ရေ မြင့်တက်နေသည့် ဧရာဝတီမြစ်၊ ချင်းတွင်းမြစ်၊ စစ်တောင်းမြစ်၊ သံလွင်မြစ်ကြီးများ အပါအဝင် မြစ်ငယ်များတွင်လည်း မြစ်ရေများ မြင့်တက်နေပြီး နေရာဒေသလိုက်ပြီး ယင်းဒေသတို့၏ စိုးရိမ် ရေမှတ်များကို ကျော်လွန်လျက် ရှိနေသည်။

 (Xinhua)
https://www.facebook.com/XinhuaMyanmar

(ဓာတ်ပုံ- ရေကြီးစဉ် မြောက်ဦးမြို့နယ် နားပဲချောင်းကျောင်းကိုတွေ့ရသည်။)
 ရန်ကုန်၊ သြဂုတ် ၃

 မင်းပြားမြို့နယ် ရေနစ်မြုပ်ပြီး အခက်အခဲကြုံတွေ့နေရသော ကျေးရွာ အချို့တွင် ကယ်ဆယ်ရေး မရောက်သေးသဖြင့် အစားအစာနှင့် သောက်ရေများ ပြတ်လပ်ကာ တစ်နေ့ ကို ထမင်း တစ်နပ်သာ စားနေရကြောင်း ရွာသားများက ပြောသည်။

''အခုကတော့ ရေနည်းနည်း ကျသွားပါခင်ဗျာ။ ဒါပေမယ့် အခု ကျွန်တော်တို့ မှာ အစားအစာနဲ့ ရေတွေပြတ်သွားပါပြီ။ စားစရာတွေ မရှိတော့ဘူး။ ကျောင်းက ဘုန်းကြီးတွေကိုလည်း ရှိတာလေးစုပြီး ဆွမ်းတွေလုပ်ပေးနေရတယ်။ အခုအရမ်းကိုဒုက္ခရောက်နေကြတယ်။ ကယ်ဆယ်အဖွဲ့ တွေကလည်း ရောက်မလာသေး ဘူး” ဟု မင်းပြားမြို့နယ် တံခွန်တိုင် ကျေးရွာ အုပ်ချုပ်ရေးမှူးက့ ပြောသည်။

လက်ရှိအခြေအနေတွင် မင်းပြားမြို့နယ်တွင် ကယ်ဆယ်ရေးများ ဖြန့်ဝေနေသော်လည်း အများစု ကျေးရွာများသို့ ကယ်ဆယ်ရေး ပစ္စည်းများ မရောက်နိုင်သေးဘဲ ဖြစ်နေသည်ဟု ဆိုသည်။

'' အခု ကျွန်မတို့ ရွာမှာ စားစရာဘာမှမရှိတော့ဘူး။ သောက်ရေကတော့ အရမ်းကိုအခက်အခဲ ဖြစ်နေတယ်။ ရေကန်တွေမှာ မသန့်ရှင်းတဲ့ ရေတွေနဲ့ အပြည့် နစ်မြုစ်နေတယ်။ အဲဒီရေတွေကို သောက်လို့ မရဘူး။ ကယ်ဆယ်ရေး အဖွဲ့ တွေကလည်း တစ်ခုမှရောက်မလာသေးဘူး” ဟု မင်းပြားမြို့နယ် မင်းတင်မကျေးရွာက ဒေါ်သိန်းယီမှပြောသည်။

အရေးပေါ်ကယ်ဆယ်ရေးရောက် မလာသေးသဖြင့် အခက်အခဲကြုံနေကြရသော မင်းပြားမြို့နယ်မှ ကျေးရွာများ အထဲတွင် ဒုံးသား၊ မင်းတင်မ၊ ဖုံသာ၊ စစ်တရ၊ ဒုံကြီး၊ တောတန်း၊ ဆန်းဆိပ်၊ တံခွန်တိုင်၊ ကုလားမတောင်၊ ပေါက်တော၊ မန်ကင်ဆိပ်၊ မင်းဖူးကျေးရွာများဖြစ်ကြောင်း သိရသည်။

ဝဏ္ဍခွာညို
Arakan State
https://www.facebook.com/NarinjaraNews

သြဂုတ် ၃ရက်၊ ၂၀၁၅ခုနှစ်။

သျှမ်း(ရှမ်း)ပြည် ပြန်လည်ထူထောင်ရေး ကောင်စီ-RCSS နှင့် ကရင်အမျိုးသား အစည်းအရုံး-KNU အပါအ၀င် အခြား ကရင်လက် နက်ကိုင်အဖွဲ့အစည်းများမှ ကိုယ်စားလှယ်များနှင့် သမ္မတဦးသိန်းစိန် ခေါင်းဆောင်သည့် အစိုးရ ကိုယ်စားလှယ်အဖွဲ့တို့ ယနေ့ နေပြည်တော်၌ အလွတ်သဘော တွေ့ဆုံခဲ့ကြသည်။

မနက် ၉နာရီမှ နေ့လည် ၁၁နာရီအထိ နှစ်နာရီကြာ တွေ့ဆုံမှုတွင် လာမည့် သြဂုတ်လ ၆ရက်နေ့၌ တွေ့ဆုံကြမည့် တစ်နိုင်ငံလုံး အပစ်ရပ်ရေးဆိုင်ရာ အဆင့်မြင့်ညှိနှိုင်းရေးကိုယ်စားလှယ်အဖွဲ့(EAOs-SD)နှင့် ပြည်ထောင်စု ငြိမ်းချမ်းရေးဖော်ဆောင်ရေးလုပ် ငန်းကော်မတီ – UPWC တို့၏ တွေ့ဆုံမှုကို အထောက်အကူပြုနိုင်ရန်ဖြစ်သည်ဟု KNU အထွေထွေအတွင်းရေးမှူး ပဒိုစောကွယ် ထူးဝင်းက ပြောသည်။

၎င်းက “အခု ကျနော်တို့တွေ့ဆုံကြတာက မြန်မာငြိမ်းချမ်းရေးတည်ဆောက်မှုအတွက် KNU ရဲ့ အမြင်သဘောထားနဲ့ ရပ်တည် ချက်တွေအပြင် တစ်နိုင်ငံလုံး အပစ်ခတ်ရပ်စဲရေးမှာ ကြန့်ကြာနေမှုအပေါ် ကျနော်တို့ ဘယ်လိုတွေ့ကြုံရမလဲဆိုတာ အတူတကွ စဉ်းစားဆွေးနွေးကြတယ်”ဟုလည်း ဆက်ပြောသည်။

အဆိုပါ အလွတ်သဘောတွေ့ဆုံမှုတွင် ကရင်လက်နက်ကိုင်အဖွဲ့အစည်းများတွင် ဥက္ကဋ္ဌ ဗိုလ်ချုပ်ကြီးစောမူတူစေးဖိုး၊ အထွေ ထွေအတွင်းရေးမှူး ပဒိုစောကွယ်ထူးဝင်း အပါအ၀င် KNU ၏ တပ်ဖက်၊ အရပ်ဖက်မှ ဗဟိုကော်မတီဝင်တချို့နှင့် ဒီမိုကရေစီ အကျိုးပြုကရင်တပ်မတော်-DKBA ဒုစစ်ဦးစီးချုပ် ဗိုလ်ချုပ်စောမိုရှေး၊ KNU/KNLA ငြိမ်းချမ်းရေးကောင်စီမှ ဗိုလ်မှူးချုပ်စောရင်နု၊ RCSS မှ ငြိမ်းချမ်းရေးဖော်ဆောင်မှုကော်မတီ ဒုအဖွဲ့ခေါင်းဆောင် ဗိုလ်မှူးကြီးစိုင်းလှ၊ ဒုဗိုလ်မှူးကြီးစိုင်းဟန်တို့နှင့်အတူ EBO ဒါရိုက်တာ ဦးဟန်ညောင်ဝေလည်း ပါဝင်ကြောင်း သိရသည်။

ထို့အပြင် အစိုးရဘက်မှ သမ္မတ ဦးသိန်းစိန်နှင့် ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်းကော်မတီ-UPWC က ၀န်ကြီး ဦးအောင်မင်း၊ ၀န်ကြီးဦးစိုးသိန်းအပြင် မြန်မာငြိမ်းချမ်းရေးစင်တာ-MPC မှ အကြီးတန်းအရာရှိ ဦးလှမောင်ရွှေနှင့် တခြားအစိုးရ အရာရှိကြီးများလည်း ယင်းတွေ့ဆုံမှုတွင် ပါဝင်ခဲ့ကြသည်။

လာမည့် သြဂုတ်လ ၆ရက်နေ့တွင် EAOs-SD နှင့် UPWC တို့ တစ်နိုင်ငံလုံး အပစ်အခတ်ရပ်စဲရေးဆိုင်ရာ-NCA ကိစ္စကို ထပ်မံ တွေ့ဆုံကာ ဆွေးနွေးသွားမည်ဖြစ်သော်လည်း ယနေ့ သမ္မတ အပါအ၀င် အစိုးရအဖွဲ့ဝင်များနှင့် တွေ့ဆုံမှုအကြောင်းအရာများကို တိတိကျကျ မသိရှိထားသည့်အတွက် မှတ်ချက်မပေးလိုကြောင်း SD အဖွဲ့ခေါင်းဆောင် ကေအဲန်ယူ ဒုဥက္ကဋ္ဌ ပဒိုနော်စီဖိုးရာစိန် က ကေအိုင်စီ၏ ဆက်သွယ်မေးမြန်းမှုကို တုန့်ပြန်ပြောဆိုသည်။

အဆိုပါကရင်လက်နက်ကိုင်ခေါင်းဆောင်များနှင့် သျှမ်းခေါင်းဆောင်များသည် အစိုးရ၏ တပ်မတော်ကာကွယ်ရေးဦးစီးချုပ် ဗိုလ် ချုပ်မှူးကြီးမင်းအောင်လှိုင်နှင့်လည်း ဆက်လက် တွေ့ဆုံသွားရန်ရှိသည်ဟု ကေအဲန်ယူအသိုင်းအ၀ိုင်းထံမှ ရရှိသည့် သတင်းအ ချက်အလက်အရ သိရသည်။

စအိုင်စူး
ကေအိုင်စီ - KIC
http://kicnews.org


    ရန်ကုန်၊ သြဂုတ် ၃ ရက် (ဆင်ဟွာ)

    မြန်မာနိုင်ငံရှိ တိုင်းနှင့် ပြည်နယ် ၁၂ ခုတွင် ရေကြီး ရေလျှံမှုကြောင့် ဆန်ဈေးနှုန်း တည်ငြိမ်မှု ရှိစေရန် နှင့် ဆန်ပြတ်လပ်မှု မရှိစေရန် ယနေ့မှစ၍ စက်တင်ဘာလ လယ်ထိ မြန်မာနိုင်ငံမှ ပြည်ပသို့ ဆန်တင်ပို့ခြင်းကို ရပ်ဆိုင်းထားပေးရန် စီးပွားကူးသန်း ဝန်ကြီးဌာနထံသို့ ယနေ့ တောင်းဆိုထားကြောင်း မြန်မာနိုင်ငံ ဆန်စပါး အသင်းချုပ် ဥက္ကဌ ဦးချစ်ခိုင်က ပြောကြားသည်။

မြန်မာနိုင်ငံ ဆန်ကုန်သည်အသင်း နှင့် ဆန်ကုန်စည်ဒိုင်တို့ အစည်းအဝေးပြုလုပ်၍ ဆန်ဈေးအား တည်ငြိမ်အောင် ရောင်းချပေးပါရန်နှင့် ပြည်ပ ဆန်တင်ပို့ခြင်းအား စက်တင်ဘာလ ၁၅ ရက်နေ့အထိ (မိုးစပါးပေါ်ချိန် ) ရပ်ဆိုင်းထားရန် ဆုံးဖြတ်ထားကြောင်း မြန်မာနိုင်ငံ ဆန်စပါးအသင်းချုပ် ဒုတိယ ဥက္ကဌ ဒေါက်တာ စိုးထွန်းက ဆိုသည်။

ပြည်ပပို့ဆန် ရပ်ဆိုင်းခြင်းအားဖြင့် ပြည်တွင်း ဆန်လုံလောက်မှုရှိပြီး ဈေးနှုန်း ပြန်လည် တည်ငြိမ်လာမည် ဖြစ်ကြောင်း ဒေါက်တာ စိုးထွန်းက ပြောသည်။

မြန်မာနိုင်ငံ၏ ဆန်စပါးအဓိက စိုက်ပျိုး ထုတ်လုပ်သော ဒေသများဖြစ်သည့် စစ်ကိုင်းတိုင်း ဒေသကြီး၊ ရခိုင်ပြည်နယ်၊ ဧရာဝတီတိုင်း ဒေသကြီး တို့ အပါအဝင် မြန်မာနိုင်ငံအနှံ့ အပြားတွင် ရေကြီး နစ်မြုပ်ပြီး စပါးစိုက်ဧက များစွာ ပျက်စီးခဲ့သည်။

မြန်မာနိုင်ငံ ဆန်စပါး အသင်းချုပ်သည် ရေကြီးမှုကြောင့် ပျက်စီး ဆုံးရှုံး ထိခိုက်ကြသော အသေးစားနှင့် အလတ်စား ဆန်စက်များ၊ ဆန်စပါး ကုန်သည်များ အား စက်များနှင့် သိုလှောင်ရုံများ ပြန်လည်ပြင်ဆင်ခြင်း၊ စက်ယူနစ် အသစ်များ အစားထိုး လဲလှယ်ခြင်း စသော ကိစ္စများကို ပေါင်းစပ် ညှနှိုင်း ထောက်ပံ့ ကူညီ ဆောင်ရွက် ပေးမည် ဖြစ်ကြောင်းသိရသည်။

မြန်မာနိုင်ငံ ပြည်နယ်နှင့် တိုင်းဒေသကြီး ၁၂ ခုတွင် ရေကြီး ရေလျှံမှုကြောင့် လယ် ဧက ၈၅၀,၆၀၀ ကျော်ထိ ရေကြီး နစ်မြုပ်နေကြောင်း လယ်ယာ စိုက်ပျိုးရေးနှင့် ဆည်မြောင်း ဝန်ကြီးဌာနက ထုတ်ပြန်ထားသည်။

မြန်မာနိုင်ငံ အနေနှင့် ပြီးခဲ့သည့် ဘဏ္ဍာ နှစ်အတွင်း ပြည်ပသို့ ဆန်တန်ချိန် ၁.၈ သန်းကျော် တင်ပို့ ခဲ့သည်။

 (Xinhua)
http://www.xinhuamyanmar.com


 ရေဘေးသင့်ဒေသများတွင် လှူဒါန်းရန် ဆန်လိုအပ်သူများ အနေဖြင့် မြန်မာနိုင်ငံဆန်စပါး အသင်းချူပ်သို့ ဆက် သွယ်နိုင်ကြောင်း မြန်မာနိုင်ငံ ဆန်စပါးအသင်းချူပ်က ထုတ်ပြန်ကြေညာထားကြောင်း သိရသည်။

ရေဘေးသင့်ဒေသများတွင် ဆန်ဈေးများ အဆမတန် မကြီးမြင့်စေရန်နှင့် ဆန်ပြတ်လပ်မှုများ မဖြစ်ပေါ်စေရန် အတွက် မြန်မာနိုင်ငံဆန်စပါးအသင်းချူပ် မှစီစဉ်ဆောင်ရွက်ပေး သွားမည်ဖြစ်ပြီး ဆန်လိုအပ်သူများ အနေဖြင့် မြန်မာနိုင်ငံ ဆန်စပါးအသင်းချူပ်သို့ ဆက်သွယ်ဆောင်ရွက်နိုင်ကြောင်း သိရသည်။

မြန်မာနိုင်ငံဆန်စပါးအသင်းချုပ် (MRF) အနေဖြင့် ကယ်ဆယ်ရေးလုပ်ငန်းများ ပြီးစီးကာ ပြန်လည်ထူထောင်ရေးလုပ်ငန်းများ စတင်ချိန် တွင် ယင်းတို့ ဦးဆောင်စီစဉ်မှုဖြင့် ညီနောင်ဆန်စပါး အသင်းများ၊ ပြည်တွင်း/ပြည်ပ ဆန်စပါးလုပ်ငန်းရှင်များ၊ စေတနာရှင်များမှ ပူးပေါင်းပါဝင်သော ပြန်လည် ထူထောင်ရေး အစီအစဉ်ကို ဆောင်ရွက်ပေး သွားမည်ဖြစ်သည်။ ရေဘေးသင့် ဆန်စပါးစိုက်ပျိုးသူ တောင်သူ လယ်သမားများ၊ ရေဘေးသင့် ဆန်စက်များ နှင့် ရေဘေးသင့် ဆန်စပါးကုန် သည်များ အား ပြန်လည် ထူထောင်ရေးအတွက် တတ်နိုင် သရွေ့ ကူညီ ထောက်ပံ့ပေးသွားမည်ဖြစ်ကြောင်း သြဂုတ် ၁ရက်ထုတ်ပြန်ချက်တွင် ဖော်ပြထားသည်။

ယင်းနောက်လယ်သမားများ လယ်ယာမြေများပြန် လည်ထူထောင်ရေးအတွက် အကူအညီများပေးသွား မည်ဖြစ်ပြီး ရေကြီးမှုကြောင့် ပျက်စီးဆုံးရှုံးထိခိုက်ကြသော အသေးစားနှင့်အလတ်စား ဆန်စက်များ၊ ဆန်စပါး ကုန်သည်များ အား စက်များနှင့် သိုလှောင်ရုံများ ပြန်လည်ပြင်ဆင်ခြင်း၊ စက်ယူနစ်အသစ်များ အစားထိုး လဲလှယ်ခြင်းစသော ကိစ္စများကို ပေါင်းစပ် ညှိနှိုင်း ထောက်ပံ့ ကူညီဆောင်ရွက်ပေးသွားရန်ရည်ရွယ်ထားကြောင်း ဖော်ပြပါရှိသည်။

လက်ရှိအချိန်တွင် ရခိုင်ပြည်နယ်အတွင်း၌ သဘာဝဘေးအန္တရာယ် အပေါ် စိုးရိမ်စိတ်ကြောင့် ဆန်ဝယ်ယူစုဆောင်းမှု အလွန် များခြင်း၊ ရေဘေးကြောင့် လည်း အချို့ နေရာများတွင် ဆန်ဝယ်ယူရရှိရန် အခက်အခဲရှိနေကြကြောင်း၊ ဆန်ဈေးများလည်း တက်လာခြင်း များကြောင့်ဒေသခံအသင်းဝင်များက ရန်ကုန်မှ ပို့ပေးရန်တောင်းဆို သဖြင့် မြန်မာနိုင်ငံ ဆန်စပါး အသင်းချူပ် (ဗဟို) ရခိုင်ပြည်နယ်သို့ဆန်အိတ် (၃၀၀၀)ကို တိုးနဒီ သင်္ဘောဖြင့် ပေးပို့နိုင်ရန် စီစဉ်ထားကြောင်း သိရသည်။

ယင်းနောက် ရခိုင်ပြည်နယ်အတွင်း ဆန်အိမ်များဈေးနှုံးများ တည်ငြိမ်သည် အထိ ဆက်လက် တင်ပို့သွားရန်စီစဉ်မည်ဖြစ်သဖြင့် ဆန်ပြတ်လပ်မည့် အခြေအနေ၊ ဆန်ဈေးတက်မည့် အခြေအနေများ စိုးရိမ် ပူပန်ခြင်းမရှိစေရန်အကြောင်းကိုလည်း ထုတ်ပြန်ဖော်ပြချက်များအရ သိရသည်။

သတင်း- စိုင်းဟန်
The Ladies News Journal
https://www.facebook.com/News.TheLadies


    ရန်ကုန်၊ သြဂုတ် ၃ ရက် (ဆင်ဟွာ)

    မြန်မာနိုင်ငံ အတွင်းရှိ ပြည်နယ်နှင့် တိုင်းဒေသကြီး ၁၂ ခုတွင် ရေကြီး ရေလျှံမှုကြောင့် လူသေဆုံးမှု ၄၇ ဦးထိရှိပြီး ရေဘေးသင့်ပြည်သူ နှစ်သိန်း တစ်သောင်းကျော်ထိ ရှိလာကြောင်း ကယ်ဆယ်ရေးနှင့် ပြန်လည် နေရာချထားရေး ဦးစီးဌာနက တာဝန်ရှိသူတစ်ဦးက ဆင်ဟွာသို့ယနေ့ ပြောကြားသည်။

ကယ်ဆယ်ရေးနှင့် ပြန်လည်နေရာချထားရေး ဦးစီးဌာနမှ ထုတ်ပြန်သည့် စာရင်းဇယားများ အရ သြဂုတ်လ ၁ ရက်နေ့ထိ ရေဘေးကြောင့် သေဆုံးသူ ၂၇ ယောက် ရှိပြီး အဆိုပါ ၂၇ ယောက် စာရင်းထဲတွင် ရခိုင်ပြည်နယ် ရေဘေး အတွင်း သေဆုံးသူများ မပါဝင်ကြောင်း ရခိုင် ပြည်နယ် အစိုးရအဖွဲ့ထံမှ သိရသည်။

ရခိုင်ပြည်နယ်တွင် ဇူလိုင်လ မှ သြဂုတ်လ ၂ ရက်နေ့အထိ ရေကြီး ရေလျှံမှုကြောင့် လူ ၁၈ ယောက် သေဆုံးခဲ့ကြောင်း ရခိုင်တွင် ရေဘေးသင့်သူ ၈,၆၈၃ ယောက်ရှိနေသည်။

တိုင်းဒေသကြီးနှင့် ပြည်နယ်များအတွင်း ကယ်ဆယ်ရေးစခန်း ၁၃၀ ဖွင့်ထားပြီး အိမ်ထောင်စုပေါင်း ၆,၀၀၀ ကျော် ခိုလှုံ နေထိုင်လျှက် ရှိသည်။

မြန်မာနိုင်ငံ ပြည်နယ်နှင့် တိုင်းဒေသကြီး ၁၂ ခုတွင် ရေကြီးရေလျှံမှုကြောင့် လယ် ဧက ၈၅၀,၆၀၀ ကျော်ထိ ရေကြီး နစ်မြုပ်နေကြောင်း လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနက သြဂုတ် ၂ က ထုတ်ပြန်ထား သည်။အဆိုပါ ရေနစ်မြုပ် ဧက ရှစ်သိန်းကျော်တွင် ပျက်စီးဧက ၄၄၀,၀၀၀ ကျော်၊ ရေပြန်ပေါ် ဧက ၁၅၀,၀၀၀ ကျော်နှင့် ထိခိုက် ဧက ၁၅၀,၀၀၀ ကျော်ရှိနေကြောင်း ထုတ်ပြန်ထားသည်။

ရခိုင်ပြည်နယ်သည် ရေမြုပ်ဧကနှင့် ပျက်စီးဧက ၂ သိန်း ၆ သောင်းကျော်ရှိပြီး ရေကြီးပျက်စီးမှုတွင် အများဆုံးဖြစ်ကာ ပဲခူးတိုင်းဒေသကြီးသည် ဒုတိယအများဆုံး ပျက်စီးခဲ့သည်။

 (Xinhua)
http://www.xinhuamyanmar.com

 ပြည်ထောင်စု ရွေးကောက်ပွဲ ကော်မရှင် ဥက္ကဌ ဦးတင်အေး ပြည်ထောင်စု ရွေးကောက်ပွဲ ကော်မရှင် ရန်ကုန်ရုံး ၌ သတင်းစာ ရှင်းလင်းပွဲ ပြုလုပ်နေစဉ် (ဆင်ဟွာ)
ရန်ကုန်၊ သြဂုတ် ၃ ရက် (ဆင်ဟွာ)

၂၀၁၅ ပါတီစုံ ဒီမိုကရေစီ အထွေထွေ ရွေးကောက်ပွဲအတွက် ကိုယ်စားလှယ်လောင်း အမည် စာရင်း တင်သွင်းရမည့် နောက်ဆုံးရက်ကို သြဂုတ်လ ၈ ရက် နေ့အထိ သတ်မှတ်ထားသော်လည်း မြန်မာနိုင်ငံအနှံ့ရေကြီး ရေလျှံမှုများကြောင့် သြဂုတ်လ ၁၄ ရက်သို့ တိုးမြှင့် သတ်မှတ် ပေးလိုက်ကြောင်း ပြည်ထောင်စု ရွေးကောက်ပွဲ ကော်မရှင်က ယနေ့ ထုတ်ပြန် ကြေညာလိုက်သည်။

လွှတ်တော် ကိုယ်စားလှယ်များ အမည်စာရင်း တင်သွင်းလွှာများကို ရုတ်သိမ်းလိုက ရုတ်သိမ်းမည့် ရက်ကို သြဂုတ်လ ၁၇ ရက်သို့ လည်းကောင်း၊ လွှတ်တော် ကိုယ်စားလှယ်လောင်း အမည်စာရင်း တင်သွင်းလွှာများကို စိစစ်မည့်ရက်ကို သြဂုတ်လ ၁၈ မှ ၂၇ ရက်ထိ ပြောင်းလဲ သတ်မှတ်ပေးခဲ့ကြောင်း ထုတ်ပြန်ချက်တွင် ဖော်ပြထားသည်။

မြန်မာနိုင်ငံရှိ တိုင်းနှင့် ပြည်နယ်များတွင် ရေကြီးရေလျှံမှုများ၊ မြေပြိုမှုများ စသည့် သဘာဝ ဘေးအန္တရာယ် များကြောင့် ရက်တိုးမြှင့် သတ်မှတ်ပေးခဲ့ခြင်း ဖြစ်ကြောင်း သိရသည်။

အဆိုပါ ရွေးကောက်ပွဲအတွက် အမည်စာရင်း တင်သွင်းရာတွင် သွားလာရန် ခက်ခဲသည့် ကိုယ်စား လှယ်လောင်း များသည် ရွေးကောက်ပွဲ ကော်မရှင်ထံ အကူအညီ တောင်းခံနိုင်ကြောင်း ထုတ်ပြန်ချက်တွင် ဖော်ပြထားသည်။

၂၀၁၅ အထွေထွေ ရွေးကောက်ပွဲကို ယခုနှစ် နိုဝင်ဘာလ ၈ ရက်နေ့၊ တနင်္ဂနွေနေ့တွင် ကျင်းပမည် ဖြစ်သည်။

(Xinhua)
http://www.xinhuamyanmar.com


 အင်္ဂပူ သြဂုတ် ၃

 အင်္ဂပူမြို့နယ်တွင် သြဂုတ် ၃ရက်နံနက် ၆နာရီအချိန် ဧရာဝတီရေသည် အန္တရာယ်ရေ အမှတ်(၅၂.၂၀)ပေ သို့ ရောက် ရှိနေသဖြင့် ဒေသ အချို့တွင်ရေ ၀င်နစ်မြုတ် လျှက်ရှိသည်။

အဆိုပါ ရေ၀င်နစ်မြုတ်ဒေသများရှိ အိမ်ထောင်စုများအား ကယ်ဆယ်ရေး ခန်းများ ဖွင့်လှစ်ထားရှိပြီး ပြောင်းရွေ့ အိမ်ထောင်စုများ၏ ကျန်းမာရေးနှင့် စားသောက်ရေးတို့အတွက် ဆေးပေးခန်းများ ဖွင့်လှစ် ထားရှိပြီး မြို့နုယ်အုပ် ချုပ်ရေးမှူး၏စီမံမှု၊ စေတနာရှင်များက စုပေါင်းလှုဒါန်းမှု တို့ဖြင့် ထမင်း ထုတ်များ၊ သောက်ရေ သန့်များဝေငှပေးလျှက်ရှိ ကြောင်းနှင့် အင်္ဂပူမြို့နယ် တွင် ရေ၀င် နစ်မြုတ် ဒေသ(၁၀)ခုရှိ အိမ်ထောင်စု (၄၀၉)စု၊ လူဦးရေ(၂၀၀၈)ဦး အတွက်ကယ် ဆယ်ရေး စခန်း(၁၅) ခုဖွင့် လှစ်ဆောင်ရွက် ထားကြောင်း သိရသည်။

MOI Webportal Myanmar 
https://www.facebook.com/MOIWebportalMyanmar


ရန်ကုန် သြဂုတ် ၂

ရန်ကုန်တိုင်းဒေသကြီး လှည်း ကူးမြို့နယ် ဖောင်ကြီးဗဟိုဝန်ထမ်း တက္ကသိုလ်အနီးရှိ ငမိုးရိပ်ရေ လှောင်တမံ ရေပိုလွှဲမှ ယမန်နေ့ တွင်ရေထုတ်လွှတ်မှုကြောင့်ရန်ကုန် တိုင်းဒေသကြီးဆင်ခြေဖုံးရပ်ကွက် တချို့ ရေကြီးရေလျှံမှုဖြစ်ပေါ်နေ ကြောင်းသိရသည်။
''အခုဆို သင်္ဃန်းကျွန်းဘက် မှာ ရေစတင်ကြီးလာနေပါပြီ၊ သွား ဘက်ဆိုင်ရာ ဆေးတက္ကသိုလ်နား မှာလည်းရေတွေမြုပ်နေပြီ၊တဖြည်း ဖြည်းနဲ့ရေတက်တာမြန်လာတယ်'' ဟု သင်္ဃန်းကျွန်းမြို့နယ်တွင်းနေ ထိုင်သူ ဒေါ်ခင်မြင့်က ပြည်ထောင် စုနေ့စဉ်သို့ပြောသည်။

ဒဂုံမြောက်ပိုင်းမြို့နယ်တွင် အဆိုပါရေလှောင်တမံရေထုတ်လွှတ် မှုနှင့်ပတ်သက်၍ မြို့နယ်နှင့်ခရိုင် အုပ်ချုပ်ရေးတာဝန်ရှိသူများ ပူး ပေါင်း၍ အစည်းအဝေးများပြုလုပ် ကာ ကာကွယ်ရေးအတွက်ကြိုတင် ပြင်ဆင်မှုများပြုလုပ်ထားကြောင်း သိရသည်။
''အခုထက်ထိတော့ မြောက် ဒဂုံမှာ ရေလှောင်တမံကြောင့် ရေ ကြီးလာတာမျိုး မရှိသေးပါဘူး။ လောလောဆယ်ကတော့ မိုးရေ ကြောင့် ရပ်ကွက်ထဲ ရေနည်းနည်း ဝင်နေတာပဲရှိပါသေးတယ်။ အခု ကတော့ ရေကတက်လာတာလဲ မြန်သလိုပြန်ကျတာလဲ အရမ်း မြန်ပါတယ်။ အခုလိုမိုးရေကြောင့် ရေလျှံနေတာကတော့ ပြီးခဲ့တဲ့လ ကုန်ခါနီးလောက်ကနေ စဖြစ်နေ တာပါ''ဟု ဒဂုံမြောက်မြို့နယ်မှ မစန္ဒာမိုးက ယနေ့နံနက်ပိုင်းတွင် ပြောသည်။

အလားတူ ရွာသာကြီး စိတ် ကျန်းမာရေဆေးရုံ သွားရာလမ်း တစ်လျှောက်နှင့်လှည်းကူးမြို့နယ် အတွင်း၌လည်း ရေကြီးရေလျှံမှု များဖြစ်ပေါ်နေပြီး ရေကြီးမှုအခြေ အနေများ ပိုမိုဆိုးရွားလာမည်ကို ဒေသခံများအနေဖြင့် များစွာစိုးရိမ် လျက်ရှိသည်။

ရန်ကုန်မြို့နယ်အတွင်း မိုး ဆက်တိုက်ရွာသွန်းမှုကြောင့် တိုက် ကြီး၊ မှော်ဘီ၊ လှည်းကူးနှင့် တွံတေးမြို့နယ်တို့တွင် ရေဘေး ကယ်ဆယ်ရေးစခန်းများ ဖွင့်လှစ် ထားရပြီး အခြားသောမြို့နယ် အသီးသီးတွင်လည်း ရေလွှမ်းမိုးမှု များ ဖြစ်ပေါ်လျက်ရှိကြောင်းသိရ သည်။

စိုးစိုးစံ
The Union Daily
http://uniondaily.net

မြန်မာနိုင်ငံနှင့် ကမ္ဘောဒီးယားတို့မှ လူမှောင်ခိုများကို တင်ဆောင်လာသည့် ထိုင်းငါးဖမ်းသင်္ဘောတစ်စီးကို တော်ရီရေလက်ကြား သြစတြေးလျရေပိုင်နက်အနီး နိုင်ငံတကာရေပိုင်နက်တွင် ပါပူဝါနယူး ဂီနီနိုင်ငံက ဖမ်းဆီးရမိခဲ့သည်။

ယင်းသင်္ဘောပေါ်တွင် အတင်းအဓမ္မ ကျွန်ပြုစေခိုင်းထားသူ ရှစ်ဦးကို ကယ်တင်နိုင်ခဲ့ပြီး ကျန်သင်္ဘောသား ၂၀ ခန့်ကိုလည်း ယင်းသို့ ကျွန်ပြုစေခိုင်းခြင်းခံရဖွယ်ရှိသူများဖြစ်ကာ စစ်ဆေးမေးမြန်း မှုများ ပြုလုပ်နေကြောင်း ပါပူဝါနယူးဂီနီဝန်ကြီးချုပ် ပီတာအိုနေးက အတည်ပြုပြောကြားသည်။

"ကျွန်တော်တို့က ကျွန်ပြုစေခိုင်းခြင်းခံနေရသူ ရှစ်ဦးကို ကယ်တင်ခဲ့တယ်။ ကျန် သင်္ဘောသား ၁၉ ဦးကလည်း အလားတူပဲ အတင်းအကျပ်ခိုင်းစေခြင်းခံနေရသူတွေ ဖြစ်နိုင်တယ်။ ကျွန်တော်တို့ စစ်ဆေးမေးမြန်းမှုတွေ လုပ်ဆောင်နေပါတယ်။"ဟု ဝန်ကြီးချုပ် အိုနေးက ပြောသည်။

ထိုင်းငါးဖမ်းသင်္ဘော Blissful Reefer ကို တောရီရေလက်ကြားကို ဖြတ်သန်းစဉ် ဒါရူတွင် ကြားဖြတ်ဖမ်းဆီးခဲ့ခြင်းဖြစ်သည်။

"ခုလိုဖမ်းဆီးမိလို့ နိုင်ငံရဲ့ရေပိုင်နက်အတွင်းမှာ အတင်းအဓမ္မစေခိုင်း ကျွန်ပြုခြင်းတွေရှိနေတဲ့ အခြားသင်္ဘောတွေကိုလည်း သတိပေးလိုက်တာပါပဲ။"ဟု အိုနေးက ပြောသည်။

ယခုသင်္ဘေားအား ပြီးခဲ့သည့် တနင်္လာနေ့က ဖမ်းဆီးရမိခဲ့ခြင်းဖြစ်သည်။ "သင်္ဘောပေါ်မှာ ကျွန်ပြုစေခိုင်းခြင်းခံရသူတွေက မြန်မာနဲ့ ကမ္ဘောဒီးယားနိုင်ငံသားတွေ ဖြစ်ပါတယ်။ သူတို့ကို မိခင်နိုင်ငံရင်းက ပြန်ခေါ်ဖို့ သဘောတူတဲ့အထိ လုံခြုံစွာ စောင့်ရှောက်ထားမှာ ဖြစ်ပါတယ်။"ဟုအိုနေးကပြောသည်။

"ကပ္ပတိန်အပါအဝင် သင်္ဘောအမှုထမ်း ၁၉ ဦးပါတဲ့ Blissful Reefer သင်္ဘောကို မိုရီစဘေးဆိပ်ကမ်းသို့ ခေါ်ဆောင်လာပြီး နောက်ထပ်စစ်ဆေးမေးမြန်းမှုတွေလုပ်ဆောင်လျက်ရှိနေပါတယ်။"ဟု ၎င်းကပြောခဲ့သည်။

http://mizzimaburmese.com/article/2763