08/10/15


 ရေကြီးရေလျှံမှု ဖြစ်ပွားခဲ့သော နေရာများတွင် သွေးလွန်တုပ်ကွေး ရောဂါမဖြစ်စေရန် ကြိုတင်ကာကွယ်မှုများ ပြုလုပ်ပေးရန် လိုအပ်ကြောင်း အထွေထွေရောဂါကု ဆရာဝန်များက အကြံပြုပြောကြားသည်။

ရေကြီးရေလျှံမှုဖြစ်ပွားပြီး ရေပြန် လည် ကျသည့်အချိန်တွင် တင်ကျန်ရစ်သည့် ရေဆိုးရေညစ်များမှတစ်ဆင့် ပိုးလောက်လန်းများ ပေါက်ဖွားကာ သွေးလွန်တုပ်ကွေး ရောဂါများ ဖြစ်ပွားစေနိုင်သည့်အတွက် သတိပြုနေ ထိုင်ကြရန် လိုအပ်ကြောင်း အထွေ ထွေရောဂါကုဆရာဝန် ဒေါက်တာအေး အေးလွင်က ပြောသည်။

အဆိုပါ သွေးလွန်တုပ်ကွေးအန္တ ရာယ်ကို ကာကွယ်ရန်အတွက် မိမိအိမ်နှင့် အိမ်ပတ်ဝန်းကျင်ရှိ အမှိုက်များ၊ ရေတင်ကျန်နေသော အိုးခွက်များ၊ တာယာအဟောင်းများ၊ ခြင်ခို အောင်းနိုင်သော နေရာများနှင့် ခြင် ပေါက်ပွားနိုင်သော နေရာများကို ရှင်းလင်း ဆောင်ရွက်သင့်ကြောင်းလည်း ဒေါက်တာအေးအေးလွင်က ဆိုသည်။

“သွေးလွန်တုပ်ကွေး ရောဂါက တော့ ရေကျသွားတဲ့အခါမှာ အဖြစ် များလေ့ရှိတဲ့ ရောဂါတစ်မျိုးပါပဲ။ ရေ ကြီးပြီး ပြန်ကျတဲ့အခါမှာ တင်ကျန်ခဲ့ တဲ့ ရေဆိုးရေညစ်တွေကနေတစ်ဆင့် ပိုးလောက်လန်းတွေ ပေါက်လာမယ်။ အဲဒီ ပိုးလောက်လန်းတွေကနေတစ်ဆင့် ခြင်တွေပေါက်ပွား လာနိုင်ပါတယ်။ ခြင်ကိုက်ပြီဆိုတာနဲ့ သွေးလွန်တုပ် ကွေး ရောဂါဖြစ်နိုင်တယ်။ သွေးလွန် တုပ်ကွေး ရောဂါက တစ်ဦးကတစ်ဦး ကို ကူးစက်နိုင်တယ်။ ဘယ်လိုကူး စက်တာလဲဆိုရင် သွေးလွန်တုပ်ကွေး ကို ဖြစ်စေနိုင်တဲ့ ခြင်ကနေ လူတစ် ယောက်ကိုကိုက်မယ်။ ပြီးရင် အခြား လူတစ်ယောက်ကို ကိုက်လိုက်ခြင်းအား ဖြင့် တစ်ဦးကနေတစ်ဦး ကူးစက်နိုင်ပါ တယ်” ဟု ယင်းက ဆက်လက်ပြောသည်။

ယင်းအပြင် သွေးလွန်တုပ်ကွေး မဖြစ်အောင် ဖုံး၊ သွန်၊ ခပ်၊ စစ်၊ လောင်း၊ ထောင်၊ လဲ၊ ဖွင့်၊ မြှုပ်၊ ရှင်း၊ မှုတ်၊ ထည့်ဆိုသော အချက် ၁၂ ချက် ကို လိုက်နာရန်လိုအပ်ကြောင်း အဆို ပါ သွေးလွန်တုပ်ကွေး မဖြစ်အောင် ကျန်းမာရေးဝန်ထမ်းများ၊ ကျေးလက် ဆေးပေးခန်းများနှင့် ကျန်းမာရေးတာ ၀န်ရှိသော ပုဂ်္ဂိုလ်များထံသို့ အကူအညီ တောင်းခံပြီး ဆေးမှုတ်ခြင်း၊ ဆေးထည့် ခြင်းများကို ပြုလုပ်ပေးသင့်ကြောင်း သိရသည်။

“ရေကျသွားတဲ့အခါမှာ သွေးလွန် တုတ်ကွေးလို ကူးစက်ရောဂါတွေ မဖြစ်အောင်လို့ အိမ်တိုင်းလိုလို ကျန်းမာရေး ၀န်ထမ်းတွေရဲ့ အကူအညီနဲ့အ တူ ဆေးဖျန်းတာတို့အပြင် ရေကန်၊ ရေအိုး တွေထဲကို အဘိတ်ဆေးလို့ခေါ်တဲ့ ခြင်မပေါက်ပွားနိုင်တဲ့ ဆေးမှုန့်လေးကို ထည့်ပေးဖို့လည်း လိုအပ်တယ်။ အဲ့ဒီဆေးက ထည့်လည်း လူကျန်းမာရေးကို အန္တရာယ် မဖြစ်ပါဘူး။ တချို့ က ကျန်းမာရေးကို ထိခိုက်မှာစိုးတဲ့ အတွက် ဆေးခက်ထားတဲ့ ရေတွေကို မသုံးရဲကြတာတို့၊ ကျန်းမားရေးဝန်ထမ်း တွေ ပြန်သွားရင် ရေကိုသွန်ပစ်တာတို့ လုပ်ကြတယ်။ ဆေးထည့်ထားပေမယ့် လည်း အဲ့ဒီရေကိုပဲ ဆက်လက်သုံးလို့ ရပါတယ်” ဟု အထွေထွေရောဂါကု ဆရာဝန် ဒေါက်တာအောင်ဆန်းဝင်း က ပြောသည်။

ယင်းသို့ သွေးလွန်တုပ်ကွေး ဖြစ် ပွားပါက ၂ ရက်မှ ၇ ရက်အထိ အ ပြင်းဖျားခြင်း၊ ပျို့အန်ခြင်း၊ ကိုယ်ခန္ဓာ တွင် အနီစက်များ ထွက်ပေါ်လာခြင်း၊ ရုတ်တရက် အဖျားကျခြင်း၊ ခြေဖျား လက်ဖျားများ အေးခြင်း အစရှိသော ရောဂါလက်္ခဏာများ ဖြစ်ပွားပါက နီး စပ်ရာဆေးခန်းသို့ သွားရောက် ကုသ သင့်ကြောင်း သိရသည်။

သူရိယ
The Ladies News Journal
https://www.facebook.com/News.TheLadies


 ၃၀.၇ ၁၅ နေ့ တစ်နိုင်ငံလုံးနီးပါး ၀မ်းနည်း ဒေါသ ဖြစ်တဲ့နေ့ အုပ်ချုပ်သူ အစိုးရ အရှက်သိက္ခာ ကျတဲ့နေ့ဆို မှားမယ်မထင်ပါ။ ပြည်သူ အားလုံးနီးပါး တောက်တခေါက်ခေါက်နဲ့ လုပ်ရက်လေခြင်းဆိုပြီး အစိုးရအပေါ်
ဒေါသ ထွက်ကုန်ကြပါတယ်။ ဇူလိုင် ၂၂ ရက်တွင် သစ်ခိုးထုတ်မှု၊ မူးယစ်ဆေးမှု ၊ လ၀က ပုဒ်မတို့ဖြင့် ထောင်ဒဏ်တစ်သက်တစ်ကျွန်း ပြစ်ဒဏ်ချမှတ်ခံထားရသော တရုတ်နိုင်ငံသား ၁၅၅ ဦးအား ပြစ်ဒဏ်ချမှတ်လို့ ၈ ရက်မြောက်တဲ့နေ့မှာပဲ အစိုးရမှာ လွှတ်ငြိမ်း ချမ်းသာခွင့်ပေးပြီး လွှတ်ပေး ခဲ့တယ်။
တစ်နိုင်ငံလုံးအံ့အားသင့် ဒေါသထွက် ဆူညံကုန်ကြပါတယ်။

သစ်တန်ပေါင်းများစွာခိုးထုတ်လို့မိတဲ့ တရုတ်နိုင်ငံသားတွေကို ဇူလိုင်လ ၂၂ရက်နေ့မှာ ထောင်တန် တစ်သက် တစ်ကျွန်း ချလိုက်ခဲ့ပါတယ်။

ထောင်ဒဏ်အများအကြီး ရဲရဲဝံ့ဝံ့ချရဲလို အံ့အားသင့်တဲ့ လူတွေကတော့ အံ့အားသင့် ခဲ့ပါတယ်။ တကယ်လုပ်ပြီး ဆိုပြီး ၀မ်းသာနေကြတာပါ။ ဒါပေမယ့် ကျွန်တော်ကတော့ ဒီချမှတ်မှုအပေါ်မှာ သံသယရှိခဲ့ပါတယ်။ ဘယ်လိုနည်းလမ်းနဲ့ ပြန်လွတ်ပေးမလဲ ဆိုတာကိုပဲ စောင့်ကြည့်နေခဲ့ပါတယ်။

နှစ်နိုင်ငံချစ်ကြည်ရေး အကြောင်းပြ ပြန်လွဲပေးမယ်ပဲထင်ခဲ့တာပါ။ ခုတော့ အမိန့်ချလို့ နောက်ရက်မှာပဲ ပေါက်ဖော်ကြီးက သူ့နိုင်ငံသားတွေဘက်က ရပ်တည်ပြီး ဟိန်းဟောက်သံတွေ ဆူညံသွားပါတယ်။
နဂါးဟိန်းသံကို ကြောက်တဲ့ကျုပ်တို့ ခြင်္သေ့ကြီးကတော့ ကြောက်အား လန့်အားနဲ့ ချက်ခြင်းပဲ လွှတ်ငြိမ်း ချမ်းသာခွင့်နဲ့ ၁၀ ရက်ပြည့် အောင်တောင် မထားနိုင်ပဲ လွတ်ပေး လိုက်ရပါတယ်။

ပြည်သူအားလုံး ၀မ်းနည်းဒေါသ ဖြစ်ကုန်ကြရပါတယ်။ ငါတို့ဟာ တရုတ်ရဲ့လက်အောက်ခံ အနိုင်ကျင့်ခံ ဘ၀ရောက် သွားပြီလား ဆိုပြီး ၀မ်းနည်းအားငယ်စိတ် ဖြစ်ကုန်ကြရပါတယ်။ နောက်တစ်ချိန်တည်းမှာ
အားလုံးပြေးမြင် မိကြတာက ကိုယ့်နိုင်ငံသား တစ်ယောက်ဖြစ်တဲ့ စိုင်းနော်ခမ်းပါ။ ဟုတ်ပါတယ် ကိုယ့်နိုင်ငံသား တစ်ယောက်ကို တရုတ်အရာရှိတွေ အလယ်မှာ ဒူးထောက်ခိုင်းပြီး လူအခွင့်အရေး တပြားသားမှ မရှိအောင် ဆက်ဆံပြီး ကြက်ကလေး ငှက်ကလေးလို လွယ်လွယ်ကူကူ သတ်သွားတဲ့ မြင်ကွင်းကို အားလုံးပြန်မြင်ရောင် ကုန်တာပါပဲ။

စိုင်းနော်ခမ်း သေဒဏ်ပေးစီရင်မှုကို ကမ္ဘာသိအောင် ရုပ်သံကနေ တိုက်ရိုက်ပြပြီး ငါတို့နိုင်ငံသား ထိရင်မရဘူး မြန်မာနိုင်ငံ အပေါ် ငါတို့ဘယ်နိုင်တယ်တယ် ဆိုတာ ပြသခဲ့ပါတယ်။ ဒီလုပ်ရပ်ဟာ အချုပ်အခြာ ပိုင်နိုင်ငံတစ်ရဲ့ ဂုဏ်သိက္ခာကို အနိုင်ကျင့် စော်ကားပြတဲ့ လုပ်ရပ်ပဲဖြစ်ပါတယ်။

စိုင်းနော်ခမ်းဟာ မိမိအစိုးရရဲ့ အကာအကွယ် ပေးမှုတစ်ခုမှ မရရှိပဲ အမိမဲ့သားပမာ သူများနိုင်ငံမှာ သေဆုံး ခဲ့ရပါတယ်။ ကျွန်တော်ပြောချင်တာက စိုင်းနော်ခမ်းဘက်က ကာကွယ်ပြောနေတာ မဟုတ်ပါဘူး စိုင်းနော်ခမ်း ဟာ အပြစ်ရှိသူ တစ်ယောက်မို့ အပြစ်ပေးခံရတာ နားလည်ပေးလို့ ရပါတယ်။ ဒါပေမယ့် လူသားတစ်ဦးအပေါ် ဆက်ဆံသွားပုံ ဆေးထိုးသတ်တာကို ရုပ်သံက တိုက်ရိုက် ထုတ်လွင့် သွားပုံတွေ ကတော့ စော်ကားတယ်လို့ မြင်မိပါတယ်။ ရိုးရိုးလေး စဉ်းစားကြည့်ပါ စိုင်းနော်ခမ်းနေရာမှာ အမေရိကန်နိုင်ငံသား တစ်ဦး ဖြစ်ခဲ့မယ်ဆိုရင် သူတို့ဒီလိုဆက်ဆံ အပြစ်ပေးလို့ ရမလား၊ အမေရိကန်နိုင်ငံကရော ကိုယ့်နိုင်ငံသား အပေါ်မျက်နှာလွဲ ခဲပစ်လုပ်မယ်လို့ ထင်ပါသလား။

ကိုယ့်နိုင်ငံသားတွေကြတော့ ကိုယ့်နိုင်ငံကထွက်တဲ့ ကျွန်းသစ်ကို ဆိုက်ကားလေးနဲ့ တစ်ချောင်း နှစ်ချောင်း တင်လာလို့ မိရင်တောင် ကြီးလေးစွာ နှစ်ချီပြီး ထောင်ဒဏ်အပြစ်ပေး ခံရပေမယ့် နိုင်ငံပိုင် သစ်တောတွေကို နှစ်ပေါင်းရာချီပြီး မတရားခိုးယူနေတဲ့ တစ်ရုတ်တွေကို မိတာကျတော့ ထောင်ဒဏ်ရှစ်ရက်ပဲ အပြစ်ပေးတာဟာ ဦးသိန်းစိန်အစိုးရတွက် အင်မတန် အရှက်ရစရာ ဖြစ်ပါတယ်။ မကြာသေးခင်က လောက်ကိုင်စစ်ပွဲမှာ သူ့နိုင်ငံဘက်ကို ကျည်ဆံ ကျရောက်တော့ ပေါက်ဖော်ကြီးက ဘယ်လို ဆက်ဆက်ထိမခံ ဆက်ဆံ ခဲ့သလဲဆိုတာ တွေ့ရမှာပါ။ ကိုယ့်နိုင်ငံက လူကြီးတွေဟာလည်း သိက္ခာတစ်ပြားသားမှ မရှိအောင် သူ့နိုင်ငံထိသွားပြီး ရှိခိုးမတောင်းပန် ရရုံတောင်းပန်ရ လျော်ကြေးငွေ တွေပေးရ လုပ်ခဲ့ရတာ အားလုံး အသိပဲ ဖြစ်မှာပါ။

တရုတ်တွေကြတော့ အောက်ကျို့ အလျော့ပေး အခွင့်အရေးတွေ ပေးပြီး ဆက်ဆံကြပေမယ့် ကိုယ့်နိုင်ငံ သားတွေ ကြတော့ တရုတ်နဲ့ ပတ်သတ်ရင် နည်းနည်းမှ အလျော့မပေး မျက်နှာသာ မပေးခဲ့ပါဘူး။ ပေါက်ဖော်ကြီး အတွက် ဆိုရင် ကိုယ့်နိုင်ငံသားတောင် ပြန်သတ်တဲ့အထိ လုပ်ခဲ့တာ လက်ပံတောင်း ကိစ္စမှာတွေရမှာဖြစ်ပါတယ်။ ပြည်သူမပြောနဲ့ သံဃာတောင် မီးလောင်ဗုန်း နဲ့ ပစ်ခဲ့တာပါ။ တရုတ်သံရုံးရှေ့ ဆန္ဒပြလို့ တရုတ်အလံမီးရှို့လို့ဆိုပြီး မျက်နှာအားရ ကိုယ့်နိုင်ငံသားတွေကို ထောင်ချအပစ်ပေး ခဲ့တာတွေစတဲ့ လုပ်ရပ်တွေကို ပြည်သူ အားလုံးက ယခု တရုတ်နိုင်ငံသား တွေကို လွတ်ငြိမ်းချမ်းသာခွင့် ပေးခဲ့တာနဲ့ ချိန်ထိုးပြီးရင်ထုမနာ ဖြစ်ကုန်ကြ ပါတော့တယ်။

အုပ်ချုပ်သူအစိုးရ ကိုယ်တိုင်က နေရာတကာ ပေါက်ဖော်တွဘက်က အကာအကွယ်ပေး မျက်နှာလုပ် နေကြတော့ တရုတ်တွေဟာ ကိုယ့်နိုင်ငံထဲမှာတောင် နိုင်ငံသားတွေအပေါ် သူတို့ရဲ့ကျွန်တွေပမာ ဆက်ဆံ နေကြတာတွေ့ ရမှာပါ။

ကိုယ့်နိုင်ငံက မြေပေါ်မြေအောက် သဘာဝ သယံဇာတတွေ မတရားစွာ ပေါ်တင်ရယူ နေရုံမက ကိုယ့်နိုင်ငံက အမျိုးသမီး ငယ်လေးတွေပါ အပျော်မယားအဖြစ် ၀ယ်ယူပေါင်းသင်းပြီး လိင်ကျွန်အဖြစ် ဆက်ဆံနေတာဟာ တွေးလေ တွေးလေ အရိုးထိအောင်နာပြီး ကမ္ဘာတုန်အောင်ကုန်း အော်ပစ်လိုက်ချင်တယ်။

ကျွန်တော်တို့နိုင်ငံသားတွေဟာ တိုင်းတစ်ပါး ရောက်တော့လည်း လူမလေးခွေးမခန့်နဲ့ နားရွက်တံတွေးဆွတ် အနိုင်ကျင့်ခံနေရသလို ကိုယ့်နိုင်ငံမှာ နေတော့လည်း တိုင်းတပါးသားတွေနဲ့ အာဏာရှင်တွေရဲ့ အနိုင်ကျင့် မတရား လုပ်သမျှကို ခေါင်းငုံ့ ခံနေရပါတယ်။ တစ်ချိန်က အာရှမှာ ကျားရဲတစ်ကောင်လို ဟိန်းနိုင်ခဲ့တဲ့ ကျွန်တော်တို့နိုင်ငံဟာ စစ်အာဏာရှင်တွေရဲ့ နှစ်ပေါင်း ၅၀ ကျော် အမိန်အာဏာနဲ့ အပြစ်ဒဏ်နှစ်ခုတွဲပြီး ထင်ရာစိုင်း ဖိနှိပ်အုပ်ချုပ် ခဲ့တာကနေ အရင် ကျားဘ၀ကနေ ယနေ့တော့ နွားဘ၀ ရောက်ရှိလို့ သွားပါပြီ။ တိုင်းပြည်ဟာလည်း ချွတ်ခြုံကျအောင် ဆင်းရဲ မွဲတေ သွားသလို ပြည်သူတွေရဲ့ဘ၀ဟာလည်း မျော်လင့်ချက်မဲ့ ဘ၀ရောက်ရှိ ကုန်ပါ တော့တယ်။ ကျွန်တော် တို့ နိုင်ငံမှာ အာဏာရှင်တွေ သက်ဆိုးရှည်ပြီး တိုင်းပြည်ဒုက္ခ ဆင်းရဲတွင်းထဲရောက်ခဲ့ရတဲ့ အဓိက တရားခံတွေထဲမှာ အိမ်နီးချင်း တရုတ်နိုင်ငံက ထိပ်ဆုံးက ပါဝင် ခဲ့ပါတယ်။

မိမိအာဏာ တည်မြဲရေး ကလွဲပြီး ကမ္ဘာ့နိုင်ငံတွေက ဘယ်လောက် ပိတ်ဆို့နေပါစေ တရုတ်ကို အားကိုးရှာပြီး တရုတ်လုပ်သမျှ လည်စင်းခံပြီး ရုပ်သေး ရုပ်အစိုးရ ဘ၀နဲ့နေနေရတာ ပြည်သူတစ်ယောက် အနေနဲ့ အင်မတန် ၀မ်းနည်း ကြေကွဲရပါတယ်။ တစ်ခါတစ်ခါ ကိုယ့်နိုင်ငံဟာ လွတ်လပ်ရေးရပြီ ဆိုတာတောင် သံသယ ဖြစ်မိပါတယ်။

တိုင်းပြည်ရဲ့ရှိသမျှစီမံကိန်း လုပ်ငန်းအားလုံးဟာ တရုတ်ပိုင်တွေ ချုပ်ကိုင်လုပ်ကိုင်နေ ကြပါတယ်။ အထက် မြန်မာပြည် မူဆယ်၊ လာရှိုး၊ မန်းလေးမြို့တွေဟာ တရုတ်တွေ သိမ်းပိုက်လိုက်ပါပြီ။

တစ်နိုင်ငံလုံးမှာရှိသော တရုတ်တွေပိုင်ဆိုင်တဲ့ မြေနေရာ တွေဟာလည်း နိုင်ငံ တစ်ဝက်လောက်တောင် ရှိ တော့မယ် ထင်ပါတယ်။

မြန်မာနိုင်ငံ အလယ်ပိုင်းကိုဖြတ်ပြီး ဓာတ်ငွေ့ ပိုက်လိုင်းတွေ ဖောက်ခဲ့တယ် ရထားလမ်းတွေ၊ ကားလမ်းတွေ လည်း ဖောက်ဖို့ လုပ်နေကြတယ်။ ဖားကန့်မှာရှိတဲ့ ကျောက်စိမ်း တူးဖော်ရေး လုပ်ငန်းတွေ၊ နိုင်ငံအ၀ှမ်းက ရွှေတူးဖော်ရေး လုပ်ငန်းတွေဟာ မြန်မာနာမည်ခံ တရုတ်နိုင်ငံသားတွေ ချည်းပါပဲ။

နောက်ဆုံး တိုင်းပြည်တစ်ခုရဲ့ အရေးကြီးဆုံး ဖြစ်သော တံခါးပေါက်ဖြစ်တဲ့ အပြည်ပြည်ဆိုင်ရာ လေဆိပ်နဲ့ ဆိပ်ကမ်းတွေကို လုပ်ကိုင်ခွင့် ရနေတာက ဘိန်းဘုရင် မိသားစုက ဆင်းသက်လာတဲ့ တရုတ်တွေဖြစ်တဲ့ အေးရှားဝေါလ် ကုမ္ပဏီဆိုတော့ စဉ်းစားသာ ကြည့်ကြပါတော့ဗျာ။ ကမ္ဘာ ကုလသမဂ္ဂမှာ တရုတ်ပြည်သူ့သမ္မတ မြန်မာနိုင်ငံလို့ မပြောင်းသေးတာပဲ ရှိပါတော့တယ်။

နောက်ဆုံးပြောချင်တာက အမျိုးဂုဏ် ဇာတိဂုဏ် မြင့်မားရေးဆိုပြီး မစားရ ၀ခမန်း အော်နေယုံနဲ့ မရဘူးဆိုတာ အုပ်ချုပ်သူ အစိုးခေါင်းဆောင်တွေကို အသိပေး ပြောကြား ချင်ပါတယ်။

- ကျော်ကြီး (MDY)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ဧရာဝတီမြစ် အား ဝေဟင်မှမြင်တွေ့ရစဉ် (ဆင်ဟွာ)
    ရန်ကုန်၊ သြဂုတ် ၁၀ ရက် (ဆင်ဟွာ)

    ဧရာဝတီမြစ်ရေသည် ဟင်္သာတမြို့နှင့် ဇလွန်မြို့တို့တွင် နှစ်ပေခန့်စီ စိုးရိမ်ရေ အမှတ် ကျော်နေပြီးနောက် ၂ ရက်အတွင်း စိုးရိမ် ရေအမှတ်အောက်သို့ ကျဆင်းနိုင်ကြောင်း မိုးလေဝသ နှင့် ဇလဗေဒ ညွှန်ကြားမှု ဦးစီးဌာနမှ သိရသည်။

မိုးလေဝသ နှင့်ဇလ ဗေဒ ညွှန်ကြားမှု ဦးစီးဌာနမှ ညွှန်ကြားရေးမှူး ဒေါ်ရီရီငြိမ်းက “ ဧရာဝတီ မြစ်ကတော့ ၂ ရက်အတွင်း စိုးရိမ်ရေ အမှတ်အောက် ကျဆင်း နိုင်တယ်။ စစ်တောင်း မြစ်ကတော့ အခု စိုးရိမ်ရေ အမှတ်အောက်ကို ရောက်သွားပါပြီ’’ ဟု ဆင်ဟွာကိုပြောသည်။

သြဂုတ်လ ၁၀ ရက်နေ့တွင် တိုင်းတာချက်အရ ငဝန် မြစ်ရေသည် ငသိုင်းချောင်း မြို့တွင် ၃ ပေခွဲခန့် ယင်းမြို့၏ စိုးရိမ်ရေ အမှတ်သို့ ကျော်လွန်နေပြီး၊ နောက် ၂ ရက်တွင် ၁ ပေခန့် ကျဆင်း နိုင်သော်လည်း စိုးရိမ်ရေ အမှတ်အဖြစ် ဆက်လက် တည်ရှိနိုင်သေးကြောင်းဆိုသည်။

မြန်မာနိုင်ငံ မြောက်ပိုင်း နှင့် တောင်ပိုင်း ဒေသများတွင် မိုးရွာသွန်းမှုများ ဆက်လက် အားကောင်းနေပြီး၊ နေရာကွက်၍ မိုးကြီး နိုင်ကြောင်း သိရသည်။

ဒေါ်ရီရီငြိမ်းက “အခုက မိုးလယ် ကာလ ဖြစ်နေတယ်။ မိုးကတော့ ဆက်ပြီးများ နိုင်သေးတယ်။ တောင်ပိုင်းမှာဆိုရင် ဧရာဝတီ၊ တနင်္သာရီ၊ ရန်ကုန်တို့တွေမှာ နေရာကွက်ပြီး မိုးကြီးနိုင်တယ်။ စစ်ကိုင်းတိုင်း ဒေသကြီးတို့ ကချင်ပြည်နယ် တို့မှာလည်း နေရာကွက်ပြီး မိုးကြီးနိုင်တယ်’’ ဟုဆိုသည်။

(Xinhua)
http://yoolay.com/myanmar

 မြန်မာ့နိုင်ငံရေး အပြောင်းအလဲဖြစ်အောင် ကြိုးစားမယ့်အကြောင်း မင်းဘူးဒေသခံတွေကိုကတိကဝတ် ပြု။
  အမျိုးသားဒီမိုကရေစီ အဖွဲ့ချုပ် NLD ပါတီ ကနေ ထုတ်ပြန် ထားတဲ့ ရွေးကောက်ပွဲဝင် ကိုယ်စားလှယ်လောင်း စာရင်း ဟာ လူပုဂ္ဂိုလ် တစ်ဦးတစ်ယောက် ချင်းစီ အပေါ်မှာ မူတည်တာ မဟုတ်ပဲ ပါတီ အောင်နိုင်ရေး အတွက်သာ ဦးတည် လုပ်တာ ဖြစ်တဲ့ အတွက် ပါတီဝင် အားလုံး ညီညီညွတ်ညွတ် နဲ့ ဝိုင်းဝန်း ကြဖို့ NLD ပါတီ ဥက္ကဌ ဒေါ်အောင်ဆန်းစုကြည် က တိုက်တွန်း လိုက်ပါတယ်။

မကွေးတိုင်း မင်းဘူး မြို့ မှာ ရောက်ရှိနေတဲ့ ဒေါ်အောင်ဆန်းစုကြည် ဟာ ဩဂုတ်လ ၉ ရက် တနင်္ဂနွေ ညနေ ပိုင်းမှာ ဒေသခံ ပါတီဝင် တွေ နဲ့ သီးသန့် တွေ့ဆုံတုန်း ပြောကြား ခဲ့တာ ဖြစ်ပါတယ်။

မကြာသေးခင် ရက် တွေ က ရေကြီး ခဲ့တဲ့ ဧရာဝတီ အနောက်ဘက်ကမ်း မုန်းချောင်း မန်းချောင်း ပတ်ဝန်းကျင် ဒေသတွေ ဖြစ်တဲ့ ပွင့်ဖြူ နဲ့ စေတုတ္တရာ မြို့နယ် တွေ ထဲ ထိ သွားပြီး ရေဘေးသင့် ပြည်သူတွေ ကို တွေ့ဆုံဖို့ မင်းဘူးမြို့ ကို ဒေါ်အောင်ဆန်းစု ကြည် ရောက် လာတာ ဖြစ်ပါတယ်။

မင်းဘူး မှာ ဒေသခံ ပြည်သူ တွေ နဲ့ တွေ့ဆုံတုန်း မှာလည်း မြန်မာ့ နိုင်ငံရေး အပြောင်းအလဲ ဖြစ်အောင် သူကြိုးစား မယ့် အကြောင်း ကတိကဝတ် ပြုခဲ့သလို ပြည်သူတွေ အနေနဲ့လည်း NLD ပါတီ အပေါ် ထောက်ခံ အားပေး ကြဖို့ ပြောကြားခဲ့ ပါတယ်။

ဩဂုတ်လ ၁၀ ရက် တနင်္လာနေ့ မှာ ရေဘေးသင့် အရပ် တွေ ဆီကို ခရီး ဆက်တဲ့ အခါ ပထမ ပွင့်ဖြူမြို့ ပြည်လုံးချမ်းသာ ဘုရားမှာ ဒေါ်ခင်ကြည် ဖောင်ဒေးရှင်း အနေနဲ့ လှူဒါန်း တဲ့ ဆန်အိတ် တွေကို ရေဘေးသင့် ခံ ခဲ့ရတဲ့ ပြည်သူတွေ ထံ ပေးအပ် သွားမှာ ဖြစ်ပြီး၊ နောက် စေတုတ္တရာ မြိုနယ် ထဲထိ လည်း ခရီးဆက် မယ် လို့ မကွေးတိုင်း NLD အတွင်းရေးမှုး ကိုနေမျိုးကျော် က ဘီဘီစီ ကို ပြောပါတယ်။

မကွေးတိုင်းထဲ က ရေဘေးသင့် ပြည်သူတွေ ကို ဒေါ်ခင်ကြည် ဖောင်ဒေးရှင်း ကနေ ဆန်အိတ် ၁၅၀၀ လှူဒါန်း မယ်လို့လည်း ကိုနေမျိုးကျော် က ဆိုပါတယ်။

BBC Burmese
http://www.bbc.com/burmese


 ရေဘေးသင့် ဒေသတွေမှာ  နိုဝင်ဘာလ ရွေးကောက်ပွဲ အမှီ မဲပေးနိုင်အောင် ဆောင်ရွက် ပေးမယ်လို့ ပြည်ထောင်စု ရွေးကောက်ပွဲ ကော်မရှင်က ကြေညာ ထားပါတယ်။ ဒါပေမဲ့ ရေဘေးသင့် ပြည်သူတွေ အနေနဲ့ တကယ်ပဲ ရွေးကောက်ပွဲမှာ မပျက်မကွက် မဲပေးနိုင်ဖို့ဆိုရင် ရွေးကောက်ပွဲ ကော်မရှင်ဘက် အောက်ခြေအဆင့်ထိ ကျယ်ကျယ်ပြန်ပြကန့် ထိထိရောက်ရောက် ပညာပေး လုပ်ဆောင်ဖို့ လိုနေသေးတယ်လို့ ရေဘေးကယ်ဆယ်ရေး ဆောင်ရွက်နေသူတွေ ကပြောပါတယ်။မအင်ကြင်းနိုင်က အပြည့်အစုံ ဆက်ပြီး တင်ပြပေးထားပါတယ်။

မြန်မာနိုင်ငံတဝှမ်း မုတ်သုန်မိုးသည်းထန်ပြီး ရေဘေးသင့်အန္တရာယ်နဲ့ ရင်ဆိုင်ခဲ့ရပေမယ့် မဲပေးပိုင်ခွင့် မဆုံးရှုံးစေရေး စီစဉ်ဆောင်ရွက်နေတယ်လို့ သြဂုတ်လ (၄) ရက်နေ့ ရက်စွဲနဲ့ထုတ်ပြန်တဲ့ ပြည်ထောင်စု ရွေးကောက်ပွဲကော်ရှင်ရဲ့ကြေညာချက်မှာဖေါ်ပြထားတာပါ။

ဒါ့အပြင် သြဂုတ်လကုန်ပိုင်းလောက်မှာ အတည်ပြု မဲစာရင်းတွေကို ထုတ်ပြန်ကြေညာမှာဖြစ်တဲ့အတွက် မဲဆန္ဒရှင်တွေအနေနဲ့ သတ်မှတ်ထားတဲ့ (၁၄) ရက်အတွင်းမဲစာရင်းမှာ အမည်ထည့်ပေးဖို့တောင်းဆိုတာ၊ မဲစာရင်းနဲ့စပ်လျဉ်းတဲ့ ကန့်ကွက်လွှာတင်သွင်းတာ၊ ပုံစံ မဲစာရင်းနဲ့စပ်လျဉ်းတဲ့ပြင်ဆင်လွှာ တင်သွင်း တာတွေ လုပ်ဆောင်ခွင့်ရှိနေကြောင်း ရွေးကောက်ပွဲကော်မရှင်ရဲ့ကြေညာချက်ထဲမှာ ပြောထားပါတယ်။

ဒါပေမဲ့ လက်ရှိရေဘေးဒုက္ခရောက်နေတဲ့ပြည်သူတွေအတွက် ရွေးကောက်ပွဲကော်မရှင်က ကြေညာချက် ထုတ်ပြန်ရုံနဲ့မလုံလောက်ဘဲ ရေဘေးသင့် ဒေသတွေအထိ ကျယ်ကျယ်ပြန့်ပြန့် သွားရောက်ပညာပေး စာရင်းကောက်ယူဖို့လိုနေတယ်လို့ စစ်ကိုင်းတိုင်းနဲ့ဧရာဝတီတိုင်း ရေဘေးသင့်ဒေသတွေကို ကိုယ်တိုင် သွားရောက်သတင်းယူခဲ့တဲ့ ဓါတ်ပုံသတင်းထောက် ကိုစိုးဇေယျထွန်းကပြောပါတယ်။

“လူအများသိအောင်တော့ အောက်ခြေအထိဆင်းပြီးတော့မှ သူတို့ စည်းရုံးပညာပေးသင့်တာပေါ့နော်။ ဒီအတိုင်းဆိုရင်တော့ တောသူတောင်သားကတော့ မသိလိုက်မသိဖာသာပဲ သူတို့နေလိုက်ကြမှာပေါ့။ အဲဒါတွေကျတော့ သူတို့ကတော့ ဒီဥစ္စာတွေတော့အဲလောက်ကြီးအထိတော့ ……”

ရေဘေးဒုက္ခမရောက်ခင်ရွေးကောက်ပွဲကော်မရှင်က အရင်ထုတ်ပြန်ခဲ့တဲ့ မဲဆန္ဒရှင်စာရင်းတွေမှာ မှားယွင်းမှု အများအပြားရှိခဲ့တာကြောင့်အတိုက်အခံ ပါတီကြီးဖြစ်တဲ့ အမျိုးသားဒီမိုကရေစီအဖွဲ့ချုပ် NLD က ထောက်ပြဝေဖန်ထားပါတယ်။ ဒါကြောင့် သြဂုတ်လကုန်ပိုင်းမှာ ထုတ်ပြန်မယ့် မဲစာရင်းတွေ မှန်မမှန်ဆိုတာကိုလည်း စောင့်ကြည့်ဖို့လိုတယ်လို့ ကိုစိုးဇေယျထွန်းက ပြောပါတယ်။

အစိုးရက လက်ရှိတရားဝင်ထုတ်ပြန်ချက်စာရင်းတွေအရ တိုင်းနဲ့ပြည်နယ်အနှံ့ ရေကြီးမှုကြောင့် ရေဘေး ဒုက္ခသည်ဦးရေ (၆) သိန်းကျော်ရှိပြီး သေဆုံးသူ ဦးရေ (၁၀၀) နီးပါးလောက်ရှိသွားပြီဖြစ်ပါတယ်။ ဒါကြောင့် နိုဝင်ဘာလ (၈) ရက်နေ့မှာကျင်းပမယ့် ရွေးကောက်ပွဲကို ထိခိုက်မှုရှိနိုင်၊ မရှိနိုင်အခြေအနေနဲ့ ပတ်သက်လို့ ကိုစိုးဇေယျထွန်းက သူ့အမြင်ကို အခုလိုပြောပါတယ်။

စေတုတ္တရာမြို့နယ်၊ ငလဲရွာ ရေကျပြီးနောက်မြင်ကွင်း။ (သြဂုတ် ၉၊ ၂၀၁၅။ ဓာတ်ပုံ-ကိုသာကူ)
“နိုဝင်ဘာလဆိုတော့ နည်းနည်းတော့ လိုတော့ လိုသေးတာပေါ့။ ဒီအချိန်အတွင်းမှာတော့ အဆင်သင့် ဖြစ်မယ်လို့တော့ ထင်တာပဲ။ ဘာဖြစ်လို့လဲဆိုတော့ ရေကြီးတယ်ဆိုတာ ကလေးတို့၊ …..လွဲလို့ရှိရင် တော်တော်များများက ရေလွှမ်းသွားတာပဲရှိတယ်၊ ပြီးတဲ့အခါကျတော့ လူတွေ၊ အိုးအိမ်တွေ အဲလောက် ကြီး အကြီးအကျယ် ထိခိုက်ပျက်စီးသွားတာမျိုးတော့ မရှိဘူးပေါ့နော်။ အဓိကပျက်စီးသွားတာ လယ်ယာမြေတွေတို့၊ ပြီးတော့ သူတို့ရဲ့ပိုင်ဆိုင်တဲ့ ပစ္စည်းတွေပေါ့နော်။ အိုးအိမ်တွေ ပျက်စီးသွားတာ မရှိတဲ့အတွက်ကြောင့် ရွေးကောက်ပွဲကို ထိခိုက်လိမ့်မယ်လို့တော့ မထင်ဘူးပေါ့။”

ပြည်ထောင်စုရွေးကောက်ပွဲကော်ရှင်ရဲ့ကြေညာချက်မှာတော့ မဲဆန္ဒရှင်တွေအနေနဲ့ ဆန္ဒမဲပေးပိုင်ခွင့် မဆုံးရှုံးစေဖို့နဲ့ မဲရုံကိုလာပြီး မဲပေးရာမှာလွယ်ကူဖို့ မဲဆန္ဒရှင်သက်သေခံလက်မှတ်တွေကို ရွေးကောက်ပွဲ နေ့ရက်မတိုင်ခင် တပတ်အလိုမှာ ထုတ်ပေးဖို့ စီစဉ်ဆောင်ရွက်ထားတယ်လို့ ဖေါ်ပြထားပါတယ်။ နိုင်ငံသားစိစစ်ရေးကတ်ပြားနဲ့ အိမ်ထောင်စုစာရင်းတွေ ပျက်စီးပျောက်ဆုံးသွားတယ်ဆိုရင်လည်း သက်ဆိုင်ရာရပ်ကွက် သို့မဟုတ် ကျေးရွာအုပ်စု ကော်မရှင်အဖွဲ့ခွဲတွေဆီကနေ မဲဆန္ဒရှင် သက်သေခံ လက်မှတ်တွေ ထုတ်ယူ မဲပေးနိုင်တယ်လို့ ကြေညာချက်မှာ ရေးသားထားပါတယ်ရှင်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

 ရေဘေးသင့်ပြည်သူတွေအတွက် အလှူငွေလက်ခံနေတဲ့ ရုပ်ရှင်သရုပ်ဆောင် ကိုဝေဠုကျော်ကို တွေ့ရစဉ်။ Photo: Htet Arker/ RFA
 ရေလွှမ်းမိုးမှုဖြစ်ခဲ့တဲ့ စစ်ကိုင်းတိုင်း ကလေးမြို့နဲ့ ချင်းပြည်နယ်တွေမှာ ရေလွှမ်းမိုးတာအပြင် မြေပြိုကျတာကြောင့် ရွာလုံးကျွတ်ပျောက်သွားတဲ့ ကျေးရွာတွေ ရှိနေ ကြောင်းနဲ့ လက်ရှိအခြေအနေဟာ အစိုးရနဲ့ နိုင်ငံတကာ အကူအညီပါ လိုအပ်နေ ကြောင်း ရေဘေးကယ်ဆယ်ရေးလုပ်ငန်းတွေ လုပ်ကိုင်နေတဲ့ ရုပ်ရှင်သရုပ်ဆောင် ကိုဝေဠုကျော်က ဒီနေ့ ပြောကြားလိုက်ပါတယ်။

ဝေဠုကျော်ဖောင်ဒေးရှင်းက သူတို့တွေ့ကြုံရတဲ့ အခြေအနေနဲ့ ဖေါင်ဒေးရှင်းရဲ့ လုပ်ငန်းတွေကို ရှင်းပြတဲ့ သတင်းစာရှင်း လင်းပွဲမှာ ရုပ်ရှင်သရုပ်ဆောင် ကိုဝေဠုကျော် က ပြောခဲ့တာဖြစ်ပါတယ်။

"ကျနော်တို့လျာထားချက်ကတော့ ကျနော်တို့နဲ့ဘဲမပြီးပါဘူးခင်ဗျ၊ နိုင်ငံတော်ရဲ့ အကူအညီ၊ နိုင်ငံတကာရဲ့အကူအညီ မပါဘဲနဲ့ ကျနော်တို့လုပ်လို့ရမှာမဟုတ်ပါဘူး၊ ကျနော်တို့ဆီမှာရှိတဲ့ အရပ်ဖက်အဖွဲ့အစည်းတွေအကုန်လုံး၊ ပရဟိတ အသင်းတွေ အကုန်လုံးပူးပေါင်းပြီးလုပ်ရမှာဖြစ်ပါတယ်၊ ကျနော်မှာရှိတဲ့ရန်ပုံငွေကို ကျနော် ကိုယ်တိုင် သိန်း တစ်ထောင်ပြည့်အောင်ဖြည့်မှာပါ၊ အခု ကျနော် ၅၀၀ ထည့်ထားပြီးပါပြီ၊ နောက်ထပ် ၅၀၀ လည်းထပ်ထည့်မှာပါ၊ ဒီမှာရှိတဲ့ ရန်ပုံငွေတွေရယ်၊ ကျနော်ဆီကို လှူထားတာတွေရယ်ကိုပေါင်းပြီး ဒေသဖွံ့ဖြိုးရေးရယ်၊ ပြည်လည် ထူထောင်ရေးထိ ကျနော်ကြိုးစားပြီးလုပ်သွားပါ့မယ်၊ ရန်ပုံငွေရှာဖွေရေးကိုတော့ ကျနော်သီးသည့်ရှာမှာ မဟုတ်ပါဘူး၊ ကျနော်စီးပွားရေးလုပ်ငန်းတွေလုပ်ပြီးတော့ ရလာတဲ့အမြတ်အစွန်းတွေ ကို ကျနော်ရဲ့ဖောင်ဒေးရှင်းထဲကိုထည့်ပြီး ကျနော်ဖောင်ဒေးရှင်းကို ရာသက်ပန်တည်မြဲ ရေးတွက် ကျနော်ကြိုးစားသွားမှာပါ"

ဝေဠုကျော်ဖောင်ဒေးရှင်းဟာ ကိုးကန့်ဒေသစစ်ဘေးဒုက္ခသည်တွေကို ကူညီတာကနေ ရေဘေးဖြစ်လာတဲ့အခါမှာ စစ်ကိုင်းတိုင်းနဲ့ ချင်းပြည်နယ်တွေဖက်မှာ စတင်ကူညီခဲ့တာဖြစ်ပြီး ရေရှည်ကူညီနိုင်ရေးအတွက်လည်း ဆက်လက်လုပ်ဆောင်သွားမယ်လို့ ပြောပါတယ်။

ဝေဠုကျော်ဖောင်ဒေးရှင်းကနေ ချင်းပြည်နယ်၊ ရခိုင်ပြည်နယ်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး အပါအ၀င် မြန်မာနိုင်ငံအနံှ့ က ရေဘေးသင့်ပြည် သူတွေကို အဖွဲ့ခွဲ ၂၀ နဲ့ သွားရောက်ကူညီနေတာ ဖြစ်ပါတယ်။

RFA Burmese
http://www.rfa.org/burmese

ကျန်းမာရေးဌာနသို့ရောက်ရှိလာတဲ့စစ်ဘက်ဆိုင်ရာ အရာရှိများကို မကျေနပ်၍ မန္တလေးအရိုးဆေးရုံမှ ဆရာဝန်များက ဖဲကြိုးနက်များ လက်ပတ်နက်များပတ်ပြီး ကန့်ကွက်ဆန္ဒပြနေ


တပ်သားစုဆောင်းရေးတပ်က ဒုဗိုလ်မှုးကြီးက ကျန်းမာရေးဝန်ကြီးဌာနမှာ ဒုတိယညွှန်ကြားရေးမှုးဖြစ်စေဆိုပီး လုပ်ထည့်လိုက်သတဲ့။
-
ဆရာဝန်ကြီးတွေအထူးကုကြီးတွေပါမောက္ခကြီးတွေ လက်မခံ၊
ဒေါသထွက်လည်း ထွက်ချင်စရာပဲလေ
မန္တလေးအရိုးရောဂါကုဌာနက အထူးကုဆရာဝန်ကြီးများကတော့ လက်မခံနိုင်တဲ့အတွက်ဆိုပီး အနက်ရောင်ဖဲပွင့်တွေဝတ်ဆင်ပီး
ကမ်ပိန်းလုပ် ကန့်ကွက်ရှုတ်ချမှူ လုပ်ကြမယ်တဲ့။
-
ဒီကမ်ပိန်းသာအောင်မြင်ပီး ဆေးဝန်ထမ်းလောက ကျန်းမာရေး
ဝန်ထမ်းလောကနဲ့ တစ်တိုင်းပြည်လုံးပျံ့နှံ့သွားမယ်ဆိုရင် မြန်မာပြည်မှာ အစဉ်အဆက်ဖြစ်လာနေတဲ့ အော်တိုမိုးကျရွှေကိုယ်များကို တော်လှန်ရဲ ငြင်းဆန်ရဲတဲ့ အကျင့်ကောင်း လုပ်ရပ်ကောင်းတစ်ခု ဖြစ်ထွန်းတိုးတက်လာမှုလို့ဆိုရတော့မှာပဲ။
-
မိုးကျရွှေကိုယ် သောက်ကျင့်များကို ရိုက်ချိုးဖျက်ဆီးဖို့ ကျန်းမာရေးဝန်ကြီးဌာနက ဆရာဝန်ကြီးများရဲ့ အနက်ရောင်ဖဲပွင့် ကမ်ပိန်းကို ထောက်ခံအားပေးကြပါစို့
=======================

Author Name

Contact Form

Name

Email *

Message *

Powered by Blogger.