08/13/15

လယ်ရီဂျေဂင် (ဘန်ကောက်ပို့စ်)
သြဂုတ် ၁၃၊ ၂ဝ၁၅

မြန်မာသမ္မတ ဦးသိန်းစိန်ဟာ အာဏာရပါတီတွင်းက သူ့ကိုထောက်ခံသူတွေနဲ့အတူ နန်းသိမ်းပွဲကို ဆင်နွှဲပြီး သူ့ရဲ့ပြိုင်ဘက်ဖြစ်တဲ့ ပြည်သူ့လွှတ်တော်ဥက္ကဌ သူရဦးရွှေမန်းရဲ့ သမ္မတဖြစ်ရေးမျှော်လင့်ချက်တွေကို အဆုံးသတ်စေခဲ့ပါတယ်။ အင်အား ၂ဝဝလောက်ရှိတဲ့ မြန်မာ့တပ်မတော်တွင်းက ထိပ်သီးအရာရှိတွေ ရာထူးအပြောင်းအလဲတွေလုပ်၊ အငြိမ်းစားပေးတဲ့ ကိစ္စတွေလုပ်ပြီး အစိုးရအဖွဲ့ဝင် ဝန်ကြီးအပြောင်းအလဲတွေနဲ့အတူ ချက်ချင်းပဲဖြစ်ပွားသွားခဲ့တာပါ။

အများပြည်သူတွေကြား ထင်ထင်ရှားရှားဖြစ်လာတဲ့ ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီထဲက အဓိကအင်အားကြီးနှစ်ယောက်ရဲ့ တိုက်ပွဲဟာ အဆုံးသတ်အဖြစ်နဲ့ ပေါ်ထွက်လာပါပြီ။ အခုနောက်ဆုံး ဖြစ်ပျက်ခဲ့တာတွေဟာ မြန်မာစစ်တပ်နဲ့ အရင်စစ်အာဏာရှင်ဟောင်း ဦးသန်းရွှေတို့ နောက်ကွယ်မှာရှိနေတယ်ဆိုတာ သိသာပါတယ်။

နေပြည်တော်က ကြံ့ခိုင်ရေးပါတီဌာနချုပ်ကို အစိုးရအဖွဲ့ဝင်ဝန်ကြီးတွေဦးဆောင်ပြီး ရဲတပ်ဖွဲ့အင်အားတွေနဲ့ ညသန်းခေါင်ကြီးမှာ ဝင်ရောက်စီးနင်းခဲ့တာဖြစ်ပြီး ပါတီဌာနချုပ်ထဲက သတင်းရပ်ကွက်တစ်ခုအရတော့ ဘယ်သူမှ အပြင်ကိုထွက်လို့မရဘူးဖြစ်ခဲ့ပါတယ်။ ပါတီဥက္ကဌအဖြစ် တာဝန်ယူနေတဲ့ သူရဦးရွှေမန်း (ဖွဲ့စည်းပုံအရ ဦးသိန်းစိန်ဟာ သမ္မတအဖြစ်တာဝန်ယူနေချိန် ပါတီတာဝန်တွေကို မထမ်းဆောင်ရဘူးလို့ သတ်မှတ်ထားတာမို့)နဲ့ ပါတီအထွေထွေအတွင်းရေးမှူး ဦးမောင်မောင်သိမ်းတို့ဟာ ပါတီတာဝန်တွေကနေ တရားဝင်ဖယ်ရှားခံလိုက်ရပါတယ်။

ပါတီဒုတိယဥက္ကဌ ဦးဌေးဦးဟာ ပါတီရဲ့ ယာယီဥက္ကဌသစ်အဖြစ် ခန့်အပ်ခံရပါတယ်။ သူဟာ ပြီးခဲ့တဲ့နှစ်တွေကတည်းက ဦးရွှေမန်းအပေါ် ဝေဖန်မှုတွေတိုးလာပြီး ဦးသိန်းစိန်နဲ့ နီးစပ်သူပါ။ သူ့ကိုယ်သူ ဦးသိန်းစိန်နဲ့ဝေးဝေးမှာနေလေ့ရှိပြီး သမ္မတသက် ပထမ၂နှစ်မှာ ဦးသိန်းစိန်ကို ထောက်ခံသူအဖြစ် ရပ်တည်ခဲ့ပါတယ်။ ဒါပေမယ့် ပြီးခဲ့တဲ့နှစ်ပိုင်းကစလို့ ဦးသိန်းစိန်ရဲ့ဆုံးဖြတ်ချက် မပြတ်သားတဲ့ကိစ္စတွေအပေါ် စိုးရိမ်လာခဲ့ပါတယ်။ "သူ[ဦးဌေးဦး]ဟာ ကြားမှာနေတဲ့သူဖြစ်တယ်”လို့ အမည်မဖော်လိုတဲ့ ပါတီထိပ်တန်းအရာရှိတစ်ယောက်က ဆိုပါတယ်။ ဦးဌေးဦးဟာ အခုတော့ ပါတီကို ဦးသိန်းစိန်နဲ့အတူတူ ပူးတွဲဦးဆောင်နေပါပြီ။

ဒါပေမယ့် ရှင်းရှင်းလင်းလင်းမရှိသေးတာက သမ္မတဦးသိန်းစိန်နဲ့ သူရဲ့ဒုတိယသက်တမ်း မျှော်မှန်းတဲ့ကိစ္စပါ။ ရှင်းရှင်းလင်းလင်းကတော့ ပါတီရဲ့မဲဆန္ဒနယ်မြေတွေ စာရင်းပြုစုတာနဲ့ တပ်မတော်ဖက်ကနေ အငြိမ်းစားအရာရှိတွေကို ငြင်းပယ်တဲ့အချိန်နဲ့ ကွက်တိဖြစ်ခဲ့ပါတယ်။ သောကြာနေ့ဟာ ပြည်ထောင်စုရွေးကောက်ပွဲကော်မရှင်ကို ပါတီအမတ်လောင်းစာရင်းတွေ နောက်ဆုံးထား ပေးပို့ရမယ့်ရက်လည်းဖြစ်တာကြောင့် အပြောင်းအလဲတွေလုပ်ဖို့ဖြစ်ပါတယ်။
“နိုင်ငံရဲ့ ဒီမိုကရေစီအပြောင်းအလဲမှာ သိသာထင်ရှားတဲ့ သက်ရောက်မှုကတော့ အာဏာသိမ်းမှုပါပဲ”လို့ နိုင်ငံရေးဆောင်းပါးရှင် ဒေါက်တာရန်မျိုးသိမ်းက ဆိုပါတယ်။

ရွေးကောက်ပွဲက ၃လလောက်ပဲရှိတော့တဲ့အချိန်မှာ ပါတီကို ဘယ်သူဦးဆောင်သင့်သလဲဆိုတဲ့အပေါ်နဲ့ ဘယ်မဲဆန္ဒနယ်မှာ ဘယ်သူ့ကိုထားမယ်ဆိုတာကအစ အာဏာလွန်ဆွဲမှုဖြစ်ခဲ့တာပါ။ ဦးမောင်မောင်သိမ်းဟာ အမတ်လောင်းရွေးချယ်ရေး တာဝန်ခံပြီး ဦးရွှေမန်းက ဥက္ကဌအဖြစ် တာဝန်ယူပြီး အပြီးသတ်စာရင်းကို လုပ်ခဲ့တာပါ။ ထင်ရှားတဲ့ဝန်ကြီးတွေ ဖယ်ချန်ထားခံခဲ့ရသလို ဦးသိန်းစိန်ကိုယ်တိုင်ကလည်း ရွေးကောက်ပွဲဝင်ဖို့ကိစ္စ ကျန်းမာရေးကို အကြောင်းပြခဲ့ပါတယ်။ ဒါပေမယ့် သူရဦးရွှေမန်းရဲ့ညွှန်ကြားချက်အောက်မှာ ပါတီဟာ စစ်တပ်အရာရှိဟောင်းတွေ ပါတီထဲဝင်ပြီး လွှတ်တော်ထဲသွားမယ့်ကိစ္စကို ငြင်းပယ်ခဲ့တာက အဓိကကျပါတယ်။

သီတင်းတစ်ပတ်အလိုလောက်တုန်းက ထိပ်တန်းအရာရှိ ၁၄၉ယောက်ဟာ တပ်မတော်ကနေ အနားယူပြီး နိုင်ငံရေးထဲဝင်လာခဲ့ပါတယ်။ ဒါပေမယ့် ဗုဒ္ဓဟူးနေ့က ပါတီညီလာခံမှာတော့ အဲဒီထဲက ၅၉ယောက်ပဲ အမတ်လောင်းအဖြစ် ရွေးချယ်ခဲ့ပါတယ်။

ကြံ့ခိုင်ရေးပါတီထဲက နှစ်ခြမ်းကွဲကြားနဲ့ တပ်မတော်ကြား တင်းမာမှုတွေ ဇွန်လမှာ ဖြစ်ခဲ့ပါတယ်။ အဲဒီအချိန်က ပါတီဟာ ဦးရွှေမန်းရဲ့ဦးဆောင်မှုနဲ့ ဖွဲ့စည်းပုံပြင်ဆင်ရေးကို ၇၅%အထက်ဆိုတာ ပြင်ဆင်ပြီး ၂၅%သော စစ်တပ်ရဲ့ဗီတိုမဲကို ပြောင်းလဲဖို့ ကြိုးစားခဲ့ပါတယ်။ ဦးရွှေမန်းဟာ ပြီးခဲ့တဲ့ လအနည်းငယ်လောက်မှာ လွှတ်တော်ထဲက တပ်မတော်သားကိုယ်စားလှယ်တွေနဲ့ အပြန်အလှန် မကျေနပ်ချက်တွေလည်းရှိခဲ့ပါတယ်။ ဒါပေမယ့် အငြိမ်းစားစစ်တပ်အရာရှိတွေ ပါတီပြောင်းပြီး အမတ်လုပ်တာကို ဟန့်တားပိတ်ဆို့ခဲ့ပါတယ်။

အတိတ်တုန်းကတော့ ဒီတပ်မတော်အရာရှိတွေ (ဦးသိန်းစိန်နဲ့ ဦးရွှေမန်းတို့နှစ်ယောက်အပါအဝင်)ဟာ ကြံ့ခိုင်ရေးပါတီဝင်တွေ ၂ဝ၁ဝမတိုင်ခင်က အလိုအလျှောက်ပါတီဝင်ဖြစ်ခဲ့ကြတာပါ။ အခုဟာကတော့ ပုံမှန် တပ်မတော်တွင်းနှစ်စဉ် ရာထူးအပြောင်းအလဲတွေလုပ်ရတဲ့အချိန်နဲ့လည်း သက်ဆိုင်နေပါတယ်။ ဒါပေမယ့် ဒီနှစ်ကတော့ ရွေးကောက်ပွဲရှိနေတာကြောင့် ပိုပြီးတော့ သိသိသာသာနဲ့ အရေးပေါ်ပုံဖြစ်ခဲ့ပါတယ်။

ပုံမှန်အားဖြင့်တော့ ဒီနှစ် တပ်မတော်ကနေ အငြိမ်းစားနဲ့ ကြံ့ခိုင်ရေးပါတီထဲရောက်လာပြီး လွှတ်တော်အမတ်လောင်းတွေဖြစ်လာ၊ တစ်ချို့တွေကတော့ ဝန်ကြီးဖြစ်ဖြစ်၊ တိုင်းနဲ့ပြည်နယ်တွေက ဝန်ကြီးချုပ်တွေဖြစ်ဖြစ် ခန့်အပ်ခံရဖို့ပဲရှိပါတယ်။ ဒါပေမယ့် သူတို့ထဲက သုံးပုံတစ်ပုံလောက်ပဲ ပါတီထဲကိုရောက်ခဲ့တယ်လို့ စစ်တပ်အသိုင်းအဝိုင်းနဲ့နီးစပ်တဲ့ သတင်းရပ်ကွက်တွေကဆိုပါတယ်။ ဦးရွှေမန်းဟာ သူ့ရဲ့ပါတီကိုချုပ်နိုင်တဲ့သြဇာ ကျဆင်းမှာကိုစိုးရိမ်ပြီး သူတို့တွေကို ပါတီဝင်တွေမဖြစ်အောင် တားဆီးပြီး ကြံ့ခိုင်ရေးအလံတော်အောက်ကနေ နိုင်ငံရေးထဲဝင်တဲ့လမ်းကို ပိတ်ဆို့ခဲ့ပါတယ်။

တပ်မတော်ထိပ်ပိုင်းခေါင်းဆောင်ထဲမှာ ဦးရွှေမန်းကို သစ္စာဖောက်လို့ပဲ ပြောင်ပြောင်တင်းတင်း ခေါ်နေတယ်လို့ တပ်မတော်သတင်းရပ်ကွက်တွေက ဆိုပါတယ်။ "နောက်ဆုံးတစ်ကြိမ်ကတော့ [စစ်ထောက်လှမ်းရေး ညွှန်ကြားရေးမှူးချုပ်ဟောင်းနှင့် ဝန်ကြီးချုပ်ဟောင်း] ဦးခင်ညွန့်ကို ဖမ်းဆီးပြီး နေအိမ်အကျယ်ချုပ်ချလိုက်ခဲ့တာပါပဲ”လို့ တပ်မတော်အရာရှိဟောင်းတစ်ယောက်က ဆိုပါတယ်။ ပြည်သူ့လွှတ်တော်ဥက္ကဌဟာ တပ်မတော်ရဲ့မရေးထားတဲ့ဥပဒေကို ချိုးဖျက်သူအဖြစ် သိသာလာပါတယ်။ အထူးသဖြင့် ဖွဲ့စည်းပုံကိုပြင်ဆင်ဖို့ ကြိုးစားတာပါ။

ကြံ့ခိုင်ရေးပါတီအမတ် သူရဦးအောင်ကို [မကြာသေးခင်ကမှ နှလုံးဝေဒနာခံစားခဲ့ရသူ]ပြောတာကတော့ ပါတီတွင်းအကွဲအပြဲတွေဟာ ပြန်လည်ရင်ကြားစေ့လို့မရတော့ဘူးဆိုတာပါပဲ။ လက်တလောဖြစ်ပျက်ခဲ့မှုရဲ့ သိသာထင်ရှားတဲ့ ရလဒ်ကတော့ ပါတီတွင်း သူရဦးရွှေမန်းကို တစ်ခါတည်းနဲ့အပြတ်ရှင်းဖို့ လုပ်ခဲ့တာပဲဖြစ်ပါတယ်။ "အဲဒီလိုဖြစ်တော့ အပြတ်ရှင်းကြပြီပေါ့”လို့ သမ္မတရုံးထဲက အမည်မဖော်လိုတဲ့ သတင်းရပ်ကွက်တစ်ခုက ဆိုပါတယ်။ အခုတော့ အာဏာသိမ်းမှုကြီးစတင်လိုက်ပါပြီ။

အငြိမ်းစား ဗိုလ်ချုပ်မှူးကြီးဟောင်းသန်းရွှေက ဇွန်လမှာကျင်းပတဲ့ ကြံ့ခိုင်ရေးပါတီ ဗဟိုကော်မတီအစည်းအဝေးမတိုင်ခင်မှာ ပါတီတွင်းညီညီညွတ်ညွတ်ရှိကြဖို့ သတိစကားပေးခဲ့ပါတယ်။ "မင်းတို့သုံးယောက် [ဦးသိန်းစိန်၊ ဗိုလ်ချုပ်မှူးကြီးမင်းအောင်လှိုင်နှင့် သူရဦးရွှေမန်း]အချင်းချင်း ညီညီညွတ်ညွတ်လုပ်ကြ။ အဲလိုမဟုတ်ရင်တော့ ငါကိုယ်တိုင် ကိုင်တွယ်ရမယ်”လို့ ပြောခဲ့တယ်လို့ ဆိုပါတယ်။

လက်ရှိမှာတော့ သမ္မတဦးသိန်းစိန်ဟာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ ထောက်ခံမှုနဲ့ အပေါ်စီးကိုရောက်သွားပါပြီ။ ဒါပေမယ့် ရွေးကောက်ပွဲတွေပြီးတဲ့နောက်ပိုင်း သမ္မတအဖြစ်နဲ့တော့ ဘယ်လိုမှ မသေချာတော့သူပါ။ သုံးသပ်သူတစ်ချို့က ဒီအာဏာသိမ်းမှုက လာမယ့်ရွေးကောက်ပွဲကို ကြန့်ကြာသွားစေမှာကိုလည်း စိုးရိမ်ကြပါတယ်။ နိုဝင်ဘာ ၈ရက်နေ့ရွေးကောက်ပွဲဟာ နောက်ဆုတ်ဖြစ်ဖို့ သေချာနေသလောက်ပဲလို့ ဒေါက်တာရန်မျိုးသိမ်းက ဆိုပါတယ်။ ဖွဲ့စည်းပုံအခြေခံဥပဒေအရ ရွေးကောက်ပွဲကော်မရှင်ဟာ လာမယ့် ၂ဝ၁၆ ဇန်နဝါရီအကုန်ထိ ရွှေ့လို့ရပါတယ်။

Kamayut Media
photo..Irrawaddy

ပြည်ထောင်စု ကြံခိုင်ရေးနှင့် ဖွံ့ ဖြိုးရေးပါတီ၏ ဒုတိယ ဥက္ကဌ/ ဥက္ကဌ အဖြစ် ပူးတွဲ တာဝန် ထမ်းဆောင်ခဲ့သူ သူရ ဦးရွှေမန်း ( ညာ) နှင့် လက်ရှိ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ၏ ဥက္ကဌ ပူးတွဲ တာဝန် ထမ်းဆောင်လိုက်သော ဦးဌေးဦး (ဘယ်) (ဆင်ဟွာ)
    နေပြည်တော်၊ သြဂုတ် ၁၃ ရက် (ဆင်ဟွာ)

    ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီသည် ယနေ့ ဗဟို အလုပ်အမှုဆောင် ကော်မတီ ပြန်လည် ဖွဲ့စည်းရာ တွင် ဒုတိယ ဥက္ကဋ္ဌ ဦးဌေးဦးအား ဥက္ကဋ္ဌ ပူးတွဲ တာဝန် ပေးအပ် လိုက်ပြီး ဥက္ကဌ တာဝန်များ ထမ်းဆောင်မည် ဖြစ်ကြောင်း ယင်းပါတီ ဗဟို အလုပ်အမှုဆောင် အဖွဲ့ဝင်တစ်ဦးက ဆင်ဟွာသို့ အတည်ပြု ပြောကြားသည်။

ယခင်ပါတီ အထွေထွေ အတွင်းရေးမှူး ဦးမောင်မောင်သိမ်း နေရာတွင်  ပါတီအထွေထွေ အတွင်းရေးမှူး အသစ်အဖြစ် ဦးတင်နိုင်သိန်းကို တာဝန် ပေးအပ်လိုက်သည်။

ပြည်ထောင်စု ကြံ့ခိုင်ရေးနှင့် ဖွံ့ ဖြိုးရေးပါတီ၏ ဒုတိယ ဥက္ကဌ/ ဥက္ကဌ အဖြစ် ပူးတွဲ တာဝန်ယူထားသော သူရ ဦးရွှေမန်းသည် နိုင်ငံတော် အတွက် ကြီးလေးသော တာဝန်များ ဖြစ်သည့် ပြည်ထောင်စုလွှတ်တော် နာယကနှင့် ပြည်သူ့ လွှတ်တော် ဥက္ကဌ အဖြစ် အချိန်ပြည့် ထမ်းဆောင်နေရသူ ဖြစ်သည်။ ယခုအချိန်တွင် ပါတီ လုပ်ငန်းများကို ပိုမို ဖိဖိစီးစီး ဆောင်ရွက်ရန် လိုအပ်လာပြီ ဖြစ်သည့်အတွက် ပါတီဥက္ကဌ ၊ နိုင်ငံတော် သမ္မတ ဦးသိန်းစိန်က ဒုတိယဥက္ကဌ/ ဥက္ကဌ ပူးတွဲ တာဝန်အား သူရ ဦးရွှေမန်း အစား ဒုတိယ ဥက္ကဌ ဦးဌေးဦး ထံသို့ သြဂုတ် ၁၂ ရက်နေ့ တွင် လွှဲပြောင်း ပေးအပ်ခဲ့ကြောင်း ပါတီ၏ တရားဝင် သတင်း ထုတ်ပြန် ကြေညာချက်တွင် ဖော်ပြထားသည်။

ထို့ ပြင် ဒုတိယဥက္ကဌ / ဥက္ကဌ ပူးတွဲတာဝန် အဖြစ် ဦးဌေးဦးနှင့် ပြည်ထောင်စု ကြံ့ခိုင်ရေးနှင့် ဖွံ့ ဖြိုးရေးပါတီ ဗဟို အတိုင်ပင်ခံများ ၊ ဒုတိယ ဥက္ကဌ ၊ ဗဟိုအကြံပေးများ ၊ ဗဟိုအလုပ်အမှုဆောင် ကော်မတီဝင်များဖြင့် ဆွေးနွေး ညှိနှိုင်းချက်အရ ပါတီ စည်းလုံးညီညွှတ်ရေး နှင့် ပါတီကို လူကြီး ၊ လူလတ် ၊ လူငယ် တို့ ဖြင့် ပြင်ဆင် ဖွဲ့ စည်းရန် လိုအပ်ကြောင်း သုံးသပ်ခဲ့သည်ဟုလည်း ဖော်ပြထားသည်။

ထိုကြောင့် ပါတီဖွဲ့ စည်းပုံ အခြေခံစည်းမျဉ်းများအရ ထူးခြားသော အခြေအနေများ ပေါ်ပေါက်ပါက နိုင်ငံအကျိုး ၊ ပြည်သူ့ အကျိုး ၊ ပါတီအကျိုး အတွက် ပါတီဗဟို အလုပ်အမှုဆောင် ကော်မတီ၏ သဘောတူညီချက်ဖြင့် ဗဟိုအလုပ် အမှုဆောင် ကော်မတီအသစ်ကို ပြန်လည်ဖွဲ့ စည်း၍ တာဝန်ပေးအပ်နိုင်သည့် လုပ်ပိုင်ခွင့်အရ လည်းကောင်း ဗဟိုအလုပ်အမှုဆောင် ကော်မတီကို ပြန်လည် ပြင်ဆင်ဖွဲ့ စည်းခဲ့ခြင်း ဖြစ်ကြောင်းလည်း ဖော်ပြထားသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) သည်  ယနေ့ နံနက်ပိုင်းတွင် ပါတီ ခေါင်းဆောင်ပိုင်း နေရာများကို ပြန်လည် ပြင်ဆင် ဖွဲ့စည်းရွေးချယ်ရန် အစည်းအဝေးတစ်ရပ်ကို ပါတီ ဌာနချုပ်ရုံး၌ ပြုလုပ်ခဲ့ပြီး ပါတီဗဟို အလုပ်မှုဆောင် ကော်မတီကို အဖွဲ့ဝင် ၅၃  ဦး နှင့် ဖွဲ့စည်းလိုက်သည်။

ထိုကဲ့သို့ ပါတီ ဗဟိုအလုပ်အမှုဆောင် ကော်မတီကို ပြင်ဆင်ဖွဲ့ စည်းလိုက်ခြင်းနှင့် ပတ်သတ်၍ ယခင် ပါတီ၏ ဒုတိယဥက္ကဌ / ဥက္ကဌ အဖြစ် ပူးတွဲ တာဝန်ထမ်း ဆောင်ခဲ့သည့်  သူရ ဦးရွှေမန်းသည် ပါတီဝင်အဖြစ် လည်းကောင်း ၊ ရွေးကောက်ပွဲတွင် ဖြူးမဲဆန္ဒနယ်မှ ဝင်ရောက်ယှဉ်ပြိုင်မည့် ကိုယ်စားလှယ်လောင်း အဖြစ်လည်းကောင်း  ဆက်လက် ရှိနေမည် ဖြစ်ပြီး ယခုလက်ရှိ ဖွဲ့ စည်းလိုက်သည့် ပါတီဗဟို အလုပ်အမှုဆောင် ကော်မတီတွင် ပြန်လည် ပါဝင်ခြင်း မရှိကြောင်း ၊  ပြည်ထောင်စု လွှတ်တော် နာယကနှင့် ပြည်သူ့ လွှတ်တော် ဥက္ကဌအဖြစ် ဆက်လက် တာဝန် ထမ်းဆောင်မည်ဟု ပါတီဗဟို အတွင်းရေးမှူး ဦးပိုက်ထွေး ၊ ဒေါက်တာမောင်မောင်ဌေး နှင့် ဦးသန်းထွန်းတို့ က ရှင်းလင်းပြောကြားခဲ့သည်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီသည် လာမည့် ၂၀၁၅ အထွေထွေ ရွေးကောက်ပွဲတွင် တစ်နိုင်ငံလုံး အတိုင်းအတာဖြင့် ကိုယ်စားလှယ်စုစုပေါင်း ၁,၁၄၇ ဦး ၀င်ရောက်ယှဉ်ပြိ်ုင်မည်ဖြစ်ပြီး ပြည်သူ့ လွှတ်တော် ကိုယ်စားလှယ်လောင်း ၃၂၀ ဦး၊ အမျိုးသား လွှတ်တော်ကိုယ်စားလှယ်လောင်း ၁၆၆ ဦး၊ ပြည်နယ်နှင့် တိုင်းဒေသကြီး လွှတ်တော်များမှ ကိုယ်စားလှယ်လောင်း  ၆၃၂ ဦး၊ တိုင်းရင်းသား လူမျိုးလွှတ်တော် ကိုယ်စား လှယ်လောင်း  ၂၉ ဦး ဝင်ရောက် ယှဉ်ပြိုင်မည် ဖြစ်သည်။

 (Xinhua)
http://www.xinhuamyanmar.com

 ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီ ပူးတွဲဥက္ကဌ ဦးဌေးဦး ကို တွေ့ရစဉ်။ Photo: Myo Thant Khaing/RFA
 ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီ ပူးတွဲဥက္ကဌ တာဝန်ကို ဒုတိယဥက္ကဌဖြစ်တဲ့ ဦးဌေးဦးကို နိုင်ငံတော် သမ္မတက ပေးအပ်လိုက်တယ်လို့ နိုင်ငံတော်သမ္မတရုံး ညွှန်ကြားရေးမှူး က ပြောပါတယ်။

ပါတီက ထိပ်ပိုင်းခေါင်းဆောင်တွေရဲ့ တောင်းဆိုချက်ကြောင့် သမ္မတက တာဝန်ပေးလိုက်တာဖြစ်တယ်လို့ သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

နေပြည်တော်မှာရှိတဲ့ ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီ ရုံးချုပ်ကို စစ်တပ်နဲ့ ရဲတပ်ဖွဲ့ဝင်တွေ မနေ့ညက ဝိုင်းတယ်ဆိုတာဟာ မဟုတ်မှန်ကြောင်းလည်း ဦးဇော်ဌေးက ပြောပါတယ်

နိုင်ငံတော်သမ္မတ ဦးသိန်းစိန်ဟာ အရင်က ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီဥက္ကဌဖြစ်ပြီး သမ္မတအဖြစ် ရွေးချယ်ခံရပြီးနောက် လစ်လပ်သွားတဲ့ ပါတီဥက္ကဌနေရာမှာ သူရဦးရွှေမန်းကို ယာယီဥက္ကဌအဖြစ် လွှဲပြောင်းပေးထားတာဖြစ်ပါတယ်။

USDP ပါတီတွင်း ခေါင်းဆောင်အပြောင်းအလဲတွေကို မကြာခင်ထုတ်ပြန်ပေးမှာဖြစ်တယ်လို့ သိရပါတယ်။

RFA Burmese
http://www.rfa.org/burmese

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ဥက္ကဌရာထူးမှ ဖယ်ရှားခံလိုက်ရသော သူရဦးရွှေမန်းမှာ လက်ရှိတွင် ပြည်သူ့လွှတ်တော်ဥက္ကဌနှင့် ပြည်ထောင်စုလွှတ်တော်နာယကတစ်ဦးဖြစ်သည်။ သို့သော် လွှတ်တော် ဥက္ကဌရာထူးမှ သူရဦးရွှေမန်းအား ဖြုတ်ချ၍ ဖမ်းဆီးထိန်းသိမ်းခြင်းကို ဥပဒေကြောင်းအရ အလွယ်တကူပြုလုပ်၍ မရကြောင်း တရားလွှတ်တော်ရှေ့နေ ဦးကိုနီက ဖွဲ့စည်းပုံအခြေခံဥပဒေအရ ယခုကဲ့သို့ ရှင်းလင်းဖြေကြားသည်။

“လွှတ်တော် ဥက္ကဌ တစ်ယောက်ကို လွယ်လွယ်ကူကူ ထိန်းသ်ိမ်းလို့မရဘူး လွှတ်တော် ဥက္ကဌ မှာ ကင်းလွတ်ခွင့်တွေကလည်းရှိတယ်လေ။ အဲဒီတော့ လုပ်ထုံးလုပ်နည်းပိုင်းတွေ အများကြီး ရှိနေတော့ အလွယ်တကူတော့ လုပ်လို့မရပါဘူး။ သို့သော်လည်းပဲ ကျွန်တော်တို့ဆီမှာက ဖြစ်ချင်တာ ဖြစ်နေတတ်တယ်။ အဲဒီတော့ ဒီဟာတွေက ဥပဒေပိုင်း ကိုင်ပြောလို့မရဘူးလေ အခြေအနေတွေက ရှုပ်ထွေးနေတယ်။စောင့်ကြည့်နေတာ ဥပဒေအရ တော့ လွှတ်တော် ဥက္ကဌ အဖြစ်က ဖြုတ်ချဖို့ဆိုရင် လွှတ်တော်မှာ စွပ်စွဲ ပြစ်တင်ပြီးလို့တော့ လုပ်လို့ရတယ်။ဒါပေမဲ့ လွယ်လွယ်လေး ဖြုတ်လို့မရပါဘူး လွှတ်တော်ဥက္ကဌ ဆိုတာ ဖွဲ့စည်းပုံအခြေခံဥပဒေအရ ဖြစ်လာတာဆိုတော့ လွယ်လွယ်ကူကူ ဖြုတ်ချလို့မရပါဘူး”

.
ကြိုက်တဲ့ ပြစ်မှုဆိုင်ရာနဲ့  တရားစွဲထားပါစေ

ရွေးချယ်တင်မြောက်လိုက်တဲ့ ဒေသက လူတွေ
ကန့် ကွက်တာကို လွှတ်တော်က အတည်မပြုနိုင်ရင်

လွှတ်တော် ကိုယ်စားလှယ် အဖြစ် မပြုတ် မချင်း
ဥက္ကဌ တာဝန် ရှိနေသေးတယ် ။

ယခုဆိုလျင် ကြံ့ခိုင်ရေးပါတီဥက္ကဌ သူရဦးရွှေမန်းဟာ အသစ်ပြန်လည်ဖွဲ့စည်းလိုက်တဲ့ အခြေအနေအရ သာမန်ကြံ့ခိုင်ရေးပါတီဝင်တစ်ဦးအဖြစ် ရှိနေဆဲ ဖြစ်ပါတယ်...။

အာဏာရပါတီဖြစ်သော ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ ရာထူးတာဝန်များ ပြောင်းလဲဖွဲ့စည်းမှုအပေါ် ပါတီ၏ ဗဟိုအတွင်းရေးမှူးအဖြစ် တာဝန်ယူထားသူများဖြစ်သည့် ဦးပိုက်ထွေး၊ ဒေါက်တာမောင်မောင်ဌေးနှင့် ဦးသန်းထွန်းတို့က နေပြည်တော်ရှိ ပါတီဌာနချုပ်တွင် သတင်းထောက်များအား ရှင်းလင်းပြောဆိုစဉ်(ဓာတ်ပုံ - မင်းမင်း၊ မဇ္ဈိမ)

ပါတီဥက္ကဌဖြစ်သော သူရဦးရွှေမန်း၏ နေရာတွင် ဦးဌေးဦးအား ပြောင်းလဲတာဝန်ပေးလိုက်သည်ဟု ရှင်းလင်းပွဲတွင် ပြောသည်။ ထိုသို့ ပြောင်းလဲတာဝန်ပေးအပ်လိုက်ခြင်းမှာ ရွေးကောက်ပွဲအောင်နိုင်ရေးကို ဖိဖိစီးစီးလုပ်ဆောင်နိုင်ရန်ဖြစ်သည်ဟု ဆိုသည်။ သူရဦးရွှေမန်းမှာ ပါတီဗဟိုအလုပ်အမှုဆောင်စာရင်းတွင် မပါရှိဘဲ ပါတီဝင်အဖြစ်သာ ဆက်ရှိနေမည်ဖြစ်ပြီး ရွေးကောက်ပွဲတွင် ဖြူးမြို့နယ်က ၀င်ရောက်ယှဉ်ပြိုင်မည်ဟု ဒေါက်တာမောင်မောင်ဌေးက သတင်းထောက်များကို ပြောသည်။

ယခုကဲ့သို့ ပါတီတွင်း နေရာပြောင်းလဲမှုမှာ သတင်းထွက်နေသကဲ့သို့ ဗိုလ်ချုပ်မှူးကြီးဟောင်း ဦးသန်းရွှေနှင့် ပတ်သက်မှုမရှိဟု ၎င်းတို့က ငြင်းဆန်သည်။

မဇ္ဈိမသတင်းဌာန


z6

ပြည်ခိုင်ဖြိုးပါတီခေါင်းဆောင်ပိုင်းက တောင်းဆိုချက်အရ ပါတီဥက္ကဋ္ဌဖြစ်တဲ့ ဦးသိန်းစိန်က ၀ါစဉ်အမြင့်ဆုံးဖြစ်တဲ့ ဒု- ဥက္ကဋ္ဌ ဦးဌေးဦးကို ပါတီဥက္ကဋ္ဌ တာဝန်ပူးတွဲထမ်းဆောင်ဖို့ လွှဲပြောင်းပေးခဲ့ တာဖြစ်တယ်လို့ သမ္မတရုံး က ပြောပါတယ်။
သြဂုတ် ၁၂ ရက်မှာ ပါတီဥက္ကဋ္ဌနေရာ လွှဲပြောင်းပေးခဲ့တာဖြစ်ပြီး မနေ့ညက ပါတီရုံးချုပ်ကို ၀င်ရောက်စစ်ဆေး ရာမှာ စစ်တပ် မပါဘဲ ရဲတပ်ဖွဲ့ဝင်တွေပဲ ပါဝင်တယ်လို့လည်း ဆိုပါတယ်။
အခုအချိန်ထိ တစုံတယောက်ကို ဖမ်းဆီးထိန်းသိမ်းတာ မရှိသေးသလို လောလောဆယ် စစ်တပ်က အာဏာသိမ်းဖို့ မရှိသေးဘူးလို့ မျှော်လင့်မိကြောင်း သမ္မတရုံးညွှန်ကြားရေးမှူး ဦးဇော်ဌေးက ဒီဗွီဘီကို ပြောပါတယ်။ (ဆက်သွယ်မေးမြန်းချက် အပြည့်အစုံ)

အစိုးရအဖွဲ့အရေးပေါ် အစည်းအဝေးလုပ်နေတယ် ကြားလို့ပါ။
“မလုပ်ပါဘူး။ ပုံမှန်ကပ်ဘိနက်က ၂ ပတ် ၁ ကြိမ်လုပ်တာရှိတယ်။ အရေးပေါ်အစည်းအဝေး မလုပ်ပါဘူး။”

နေပြည်တော်မှာ ပြည်ခိုင်ဖြိုးပါတီ ဌာနချုပ်နဲ့ ပတ်သက်လို့ ဦးဇော်ဌေးတို့ သိသလောက် ပြောပြလို့ရသလောက် ပြောပြပေးပါ။
“နံပတ် ၁ ပေါ့နော် ကျနော်တို့သိသလောက်ကတော့ လုံညီက တပ်တို့ ဘာတို့ မပါပါဘူး။ ကျန်တာကတော့ နယ်မြေခံရဲပေါ့နော်။ ပါတီက တချို့တောင်းဆိုချက်အရ လုပ်တာတော့ ရှိကောင်း ရှိလိမ့်မယ်။ ကျန်တာကတော့ ကြီးကြီးမားမား မရှိပါဘူး။”

ပါတီထိပ်ပိုင်းပုဂ္ဂိုလ်တွေကို ဖယ်ရှားပြီး ဖမ်းဆီးထိန်းသိမ်းတယ်လို့ သတင်းတွေလည်း ထွက်ပေါ်နေတယ်။
“ကျနော်တို့ သိသလောက်ကတော့ ဖမ်းဆီးထိန်းသိမ်းတာ မရှိဘူး။ သို့သော် ကျနော်တို့သိတာက ကြံ့ခိုင်ရေးပါတီ ပူးတွဲဥက္ကဋ္ဌတာဝန်ကို ဦးဋ္ဌေးဦးကို သမ္မတကြီးက လွှဲပေးလိုက်တယ်။”

ဦးရွှေမန်းနဲ့ပတ်သက်လို့တော့ ပြောနိုင်သလောက် ပြောပြပေးပါခင်ဗျ။ အပြင်မှာထွက်တဲ့ သတင်းတွေအရ ပါတီဥက္ကဋ္ဌကနေ ဖယ်ရှားပြီး ဖမ်းထားတယ်လို့ သတင်းထွက်နေပါတယ်။
“ဖမ်းတာဆီးတာကတော့ မရှိဘူးခင်ဗျ။ ပါတီဥက္ကဋ္ဌကတော့ ဘယ်ကနေစလဲဆိုတော့ ၂၀၁၂ မှာ သမ္မတကြီးကနေပြီးတော့၊ သမ္မတကြီးက ကြံ့ခိုင်ရေးပါတီရဲ့ ဥက္ကဋ္ဌဖြစ်တယ်။ ဒါပေမယ့် ဖွဲ့စည်းပုံအခြေခံ ဥပဒေအရ ပါတီဥက္ကဋ္ဌတာဝန်ကို ပါတီလုပ်ငန်းတွေ ၀င်ရောက်ဆောင်ရွက်ခြင်း မပြုရဘူး။ ပါတီဥက္ကဋ္ဌအနေနဲ့ ရှိနေတယ်။ သို့သော် အခြေခံဥပဒေကန့်သတ်ချက်အရ ၀င်ရောက်လုပ်ကိုင် ဆောင်ရွက်ခြင်း မရှိတဲ့အခါကျတော့ ပါတီဥက္ကဋ္ဌတာဝန်ကို ဆောင်ရွက်ဖို့ဆိုပြီး ၀ါစဉ်အမြင့်ဆုံး ဒုဥက္ကဋ္ဌဖြစ်တဲ့ ဦးရွှေမန်းကို ပါတီဥက္ကဋ္ဌတာဝန်ကို ပူးတွဲထမ်းဆောင်ဖို့ လွှဲပြောင်းပေးခဲ့တယ်။ ဒါသမ္မတကြီးက လွှဲပြောင်းပေးတာ။ အဲဒါက ဘာနဲ့လွှဲလဲဆိုတော့ ဖွဲ့စည်းပုံအခြေခံ ပုဒ်မ ၆၄ ရယ် နောက် ပါတီရဲ့ ဖွဲ့စည်းပုံအခြေခံ စည်းမျဉ်း ပုဒ်မ ၉၉ (ခ) ပေါ့နော် အဲဒီနှစ်ခုအရ လွှဲပြောင်းပေးခဲ့တယ်။ အခုဟာကတော့ ပြည်ခိုင်ဖြိုးပါတီတွင်းက ခေါင်းဆောင်ပိုင်းက ပါတီဥက္ကဋ္ဌဖြစ်တဲ့ သမ္မတကြီးကို တောင်းဆိုလာတယ်။ ပါတီပြင်ဆင်ဖွဲ့စည်းဖို့ ပါတီပြုပြင်ပြောင်းလဲဖို့ လိုအပ်တယ်ဆိုတဲ့ သူတို့ရဲ့ တောင်းဆိုချက်အရ သမ္မတကြီးက ခုနပြောတဲ့ ဖွဲ့စည်းပုံအခြေခံ ပုဒ်မ ၆၄ ရယ် နောက် ပါတီရဲ့ ဖွဲ့စည်းပုံအခြေခံစည်းမျဉ်း ပုဒ်မ ၉၉ (ခ) အရ ၀ါစဉ်အမြင့်ဆုံးဖြစ်တဲ့ ဒုဥက္ကဋ္ဌ ဦးဌေးဦးကို ပါတီဥက္ကဋ္ဌတာဝန် ပူးတွဲထမ်းဆောင်ဖို့ လွှဲပြောင်းပေးအပ်လိုက်တာ။ လောလောဆယ် ကြံ့ခိုင်ဖွံ့ဖြိုးရေးပါတီမှာ ဥက္ကဋ္ဌအဖြစ်ကတော့ နိုင်ငံတော် သမ္မတကြီးရှိတယ်။ သို့သော် အခြေခံ ဥပဒေကန့်သတ်ချက်အရ ဆောင်ရွက်နိုင်ခြင်းမရှိတဲ့အတွက် အရင်တုန်းက ဦးရွှေမန်းကို ပေးထားတဲ့ ပါတီဥက္ကဋ္ဌပူးတွဲကို ဦးဌေးဦးကို ပြန်ပြီး လွှဲပြောင်းပေးလိုက်တယ်။ ပါတီမှာ ဦးဌေးဦးက သမ္မတကြီး မရှိတဲ့အခိုက် ပါတီဥက္ကဋ္ဌတာဝန် ပူးတွဲထမ်းဆောင်မယ်။”

ဒီနေ့ပဲလွှဲပြောင်းပေးလိုက်တာလား။
“၁၂ ရက်နေ့မှာ လွှဲတာ။ မနေ့ကလွှဲတာ”

မနေ့က တာဝန်က အနားပေးလိုက်တဲ့ ၀န်ကြီး ၄ ဦးက ဘာကြောင့်အနားပေးလိုက်တယ်လို့ ပြောလို့ရမလဲ။
“အဲဒါတွေကလည်း အခု ပါတီပြင်ဆင်ဖွဲ့စည်းတာတွေ ရှိမယ်။ အစိုးရပိုင်းမှာ ပြင်ဆင်ဖွဲ့စည်း တာတွေ ရှိတယ်။ ဒါတွေကလည်း မကြာခင် ပါတီဘက်ကလည်း သတင်းထုတ်ပြန်တာတွေ လုပ်ပါလိမ့်မယ်။”

စစ်ဘက်တာဝန် ပြန်လွှဲပြောင်းပေးလိုက်တဲ့ ၂ ယောက် ကိစ္စရော။
“အဲဒါတွေကလည်း မကြာခင် အဖြေထွက်လာပါလိမ့်မယ်။ ဆိုလိုတာက သူတို့ရဲ့ စစ်ဘက်တာဝန်ကို ပြန်ထမ်းဆောင်တယ်ဆိုတာ အရပ်ဖက်တာဝန်ကနေ ရုပ်သိမ်းပြီး စစ်ဘက်ကို ပြန်ပို့လိုက်တာ၊ စစ်ဘက်ရောက်တဲ့အခါ သူတို့ဆက်ပြီး ဆောက်ရွက်စရာတွေ ဆောင်ရွက်ပါလိမ့်မယ်။”

အခုက တိုင်းပြည်ထဲမှာလည်း ရေတွေကြီးနေပြီ လူတွေတချို့လည်း ဒုက္ခရောက်နေကြတော့ လူထု အနေနဲ့ ဒီသတင်းတွေကြားပြီး စိုးရိမ်မှု တစ်စုံတရာပေါ်ပေါက်ကောင်း ပေါ်ပေါ်က်နိုင်ပါတယ်။ ဦးဇော်ဌေးတို့ အနေနဲ့ လူထုကို ဘာများပြောချင်ပါသလဲ။
“နိုင်ငံရေးပါတီတွေမှာ ဒါက ပြုပြင်ပြောင်းလဲရေးပြင်ဆင်ဖွဲ့စည်းတာတွေက ဖြစ်ရိုးဖြစ်စဉ် ဖြစ်လေ့ဖြစ်ထရှိပါတယ်။ ဒါလည်း အခု ကြံ့ခိုင်ရေးပါတီရဲ့ ခေါင်းဆောင်ပိုင်းရဲ့ တောင်းဆိုချက် အရ သမ္မတကြီးက ပါတီဥက္ကဋ္ဌတာဝန် လွှဲပြောင်းတဲ့ဟာကို ဦးဌေးဦးကို ပြောင်းပြီး လွှဲလိုက်တာပဲ ရှိတယ်။ ကျန်တာတော့ အပြောင်းအလဲကြီးကြီးမားမား မရှိဘူးပေါ့နော်။ ပြည်ခိုင်ဖြိုးပါတီရဲ့ မူဝါဒ စည်းမျဉ်းစည်းကမ်းတွေလည်း ပြောင်းလဲမှာ မဟုတ်ဘူးပေါ့။ ဒါကတော့ သက်ဆိုင်ရာပါတီကနေ ထုတ်ပြန်ပါလိမ့်မယ်။ ဒါကတော့ ပါတီတခုရဲ့ ခေါင်းဆောင်ပိုင်း အပြောင်းအလဲ တခုသာ ဖြစ်တယ် အဲဒီအပေါ်မှာလည်းကျနော်တို့ ကျန်တဲ့ နိုင်ငံတော် တည်ငြိမ်ရေး အေးချမ်းသာယာရေး မထိခိုက်အောင်လုပ်နေတယ်။ တဆက်ထဲမှာပဲ ကျနော်တို့ ရေဘေးသင့်ဒေသတွေ ပြန်လည်ထူထောင်ရေးကို အစိုးရတစ်ရပ်လုံးက အလေးထားပြီး ဆောင်ရွက်နေတဲ့အချိန်ပေ့ါ့။ နောက် ဖြတ်သန်းရမယ့် ရွေးကောက်ပွဲ တည်ငြိမ်အေးချမ်းရေး၊ ရွေးကောက်ပွဲအလွန် တည်ငြိမ်အေးချမ်းရေး တက်လာမယ့်အစိုးရကို ချောမွေ့ညင်သာစွာ တာဝန်လွှဲပြောင်းနိုင်ရေး အဲဒါမျုိုးတွေနဲ့ ပတ်သက်ပြီးလည်း သမ္မတကြီးက အလေးထားပြီး ဆောင်ရွက်နေတယ်။ အဲဒီအပေါ်မှာ ပြည်သူလူထုက စိုးရိမ်ပူပန်ကြောင့်ကြခြင်း မရှိဖို့တော့ ပြောချင်ပါတယ်။ ပါတီကိစ္စ အသေးစိတ်ကတော့ ပါတီဘက်က ထုတ်ပြန်ပါလိမ့်မယ်။ ကျနော်တို့ကတော့ သမ္မတကြီးအပိုင်း နည်းနည်းရှင်းချင်တာက ပါတီလုပ်ငန်းတွေ ၀င်ဆောင်ရွက်တာ မဟုတ်ဘူး။ ပါတီဥက္ကဋ္ဌ အနေနဲ့ တာဝန်လွှဲပြောင်းမှုကို ပြင်ဆင်ပြီးတော့ လွှဲပြောင်းပေးလိုက်တာတာဖြစ်တယ်။ ကျန်တာကတော့ပါတီဘက် သူ့ဖာသူ ပြန်ဖွဲ့စည်းသွားတာ ဖြစ်တယ်။”

စစ်တပ်က အာဏာသိမ်းဖို့ ရှိပါသလား။
“ကျနော်တို့ ဖွဲ့စည်းပုံ အခြေခံဥပဒေအရ အာဏာသိမ်းဖို့ မလိုအောင် ခဏခဏ အာဏာ မသိမ်းရအောင် ဆိုတဲ့သဘောမျိုး စစ်တပ် ၂၅ ရာခိုင်နှုန်းကို ထည့်သွင်းထားခြင်း ဖြစ်တယ် နောက် အာဏာသိမ်းခြင်းနဲ့ ပတ်သက်ပြီးလည်း ကျနော်တို့က အရေးပေါ် အခြေအနေ ကြေညာရမယ့် ဆောင်ရွက်ပုံအဆင့်ဆင့်ပေါ့ အဲဒါတွေလည်း ဖွဲ့စည်းပုံအခြေခံဥပဒေမှာ ပြဌာန်းထားပါတယ်။ လောလောဆယ် ယနေ့ထက်ထိတော့ အာဏာသိမ်းစရာ မရှိဘူးလို့တော့ မျှော်မှန်းရပါတယ်။”

By ရွှေအောင်/DVB
http://burmese.dvb.no/archives/107449

ဦးရွှေမန်းနေရာ ဦးဌေးဦးနှင့် အစားထိုးလိုက်သည့်ကိစ္စ ကြံ့ခိုင်ရေးပါတီ ရှင်းလင်းချက် ထုတ်ပြန်
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ သတင်းထုတ်ပြန်ကြေညာချက် အမှတ် (၁/၂၀၁၅) ကို ယနေ့ (သြဂုတ် ၁၃ ရက်) တွင် ထုတ်ပြန်ကြေညာခဲ့ကြောင်း သိရသည်။ ကြေညာချက် အပြည့်အစုံမှာ အောက်ပါအတိုင်းဖြစ်ပါသည်။

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ

သတင်းထုတ်ပြန် ကြေညာချက်

အမှတ်စဉ် (၁/၂၀၁၅)

၁။ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌဖြစ်သော ဦးသိန်းစိန်သည် နိုင်ငံတော်သမ္မတတာဝန် ထမ်းဆောင်ရသည့်အတွက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဖွဲ့စည်းပုံအခြေခံစည်းမျဉ်း အပိုဒ်(၉၉/ခ) အရ ပါတီတာဝန်များကို ဒုတိယဥက္ကဋ္ဌ သူရဦးရွှေမန်းအား ဥက္ကဋ္ဌတာဝန် ပူးတွဲထမ်းဆောင်ရန် တာဝန်ပေးအပ်ခဲ့ပါသည်။

၂။ ဒုတိယဥက္ကဋ္ဌ/ဥက္ကဋ္ဌ ပူးတွဲတာဝန် သူရဦးရွှေမန်းသည် နိုင်ငံတော်အတွက် ကြီးလေးသော တာဝန်များဖြစ်သည့် ပြည်ထောင်စု လွှတ်တော်နာယကနှင့် ပြည်သူ့လွှတ်တော် ဥက္ကဋ္ဌအဖြစ် အချိန်ပြည့် ထမ်းဆောင်နေရသူ ဖြစ်ပါသည်။ ယခုအချိန်တွင် ပါတီလုပ်ငန်းများကို ပိုမို၍ ဖိဖိစီးစီး ဆောင်ရွက်ရန် လိုအပ်လာပြီ ဖြစ်သည့်အတွက် ပါတီဥက္ကဋ္ဌ၊ နိုင်ငံတော်သမ္မတ ဦးသိန်းစိန်က ဒုတိယဥက္ကဋ္ဌ/ဥက္ကဋ္ဌ ပူးတွဲတာဝန်အား သူရဦးရွှေမန်းအစား ဒုတိယဥက္ကဋ္ဌ ဦးဌေးဦးထံသို့ (၁၂-၈-၂၀၁၅) ရက်နေ့တွင် လွှဲပြောင်းပေးအပ်ခဲ့ပါသည်။

၃။ ဒုတိယဥက္ကဥ/ဥက္ကဋ္ဌ ပူးတွဲတာဝန် ဦးဌေးဦးနှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဗဟိုအတိုင်ပင်ခံများ၊ ဒုတိယဥက္ကဋ္ဌ၊ ဗဟိုအကြံပေးများ ဗဟိုအလုပ်အမှုဆောင် ကော်မတီဝင်များဖြင့် ဆွေးနွေးညှိနှိုင်းချက်အရ ပါတီစည်းလုံး ညီညွတ်ရေးနှင့် ပါတီကို လူကြီး၊ လူလတ်၊ လူငယ်တို့ဖြင့် ပြင်ဆင်ဖွဲ့စည်းရန် လိုအပ်ကြောင်း သုံးသပ်ခဲ့ပါသည်။

၎။ သို့ဖြစ်၍ ပါတီ ဖွဲ့စည်းပုံ အခြေခံစည်းမျဉ်း အပိုဒ် (၁၁၄)(င) အရ လည်းကောင်း၊ အပိုဒ် (၆၈)(က)နှင့် အပိုဒ် (၉၀) (ဆ)တို့တွင် ပြင်ဆင်ဖြည့်စွက်ချက်နှင့်အညီ ထူးခြားသော အခြေအနေများ ပေါ်ပေါက်ပါက နိုင်ငံအကျိုး၊ ပြည်သူ့အကျိုး၊ ပါတီအကျိုးအတွက် ပါတီဗဟို အလုပ်အမှုဆောင် ကော်မတီ၏ သဘောတူညီချက်ဖြင့် ဗဟိုအလုပ်အမှုဆောင် ကော်မတီအသစ်ကို ပြန်လည်ဖွဲ့စည်း၍ တာဝန်ပေးအပ်နိုင်သည့် လုပ်ပိုင်ခွင့်အရလည်းကောင်း ဗဟိုအလုပ်အမှုဆောင် ကော်မတီကို အောက်ပါအတိုင်း ပြန်လည်ပြင်ဆင် ဖွဲ့စည်းခဲ့ပါသည်။
ဦးရွှေမန်းက လက် ရှိလဲပြည်ခိုင်ဖြိုး ပါတီဝင် လွှတ်တော်ကိုယ်စားလှယ် ပါတဲ့ ပြည်ထောင် စုလွှတ်တော်နာယက ပြည်သူ့ လွှတ်တော် ဥက္ကဌအဖြစ်ကြီးလေးတဲ့တာဝန်ထမ်းဆောင် နေရလို ပါတီ့ဥက္ကဌတာဝန်ကို မထမ်းဆောင် ခိုင်းတာပါတဲ့ဦးရွှေမန်းကို အ ရေးယူမှုလုပ်မှာလားမေးတော့ ဒါတော့ မ ပြောနိူင် ပါဘူးလို့ ဖြေပါတယ် ၁၈ရက်နေ့ လွှတ်တော်ပြန်စပါ့မယ် စောင့်ကြည့်ရပါမယ်
နေပြည်တော်မှာ တိမ်ဖုံးပါလို့ လမသာ
ကြံ့ ခိုင် ရေးပါတီရဲ့ နောက်ဆုံးထွက်လာတဲ့ စာရင်းပါ
ဓာတ်ပုံ - Soe Zeya Tun ၊ Facebook

ဟားခါးမြို့က ပြိုကျသွားတဲ့ အိမ်တချို့ (Credit: AFP) 
 ရာစုနှစ်အတွင်း ​အဆိုးရွားဆုံး ​သဘာဝဘေး ​အန္တရာယ်ကြောင့် ​အိမ်ခြေ ​သောင်းနဲ့ချီပြီး ​ပြိုကျမှုတွေ ​မြေပြိုမှုတွေ ​ရှိခဲ့ပါတယ်။

မြေပြိုမှုဒဏ် ​ပြင်းပြင်းထန်ထန် ​ခံခဲ့ရတဲ့ ​ဟားခါးမြို့မှာလည်း ​လူပေါင်း ​လေးထောင်ကျော် ​ကို ​ဘေးလွတ်ရာ ​ရွှေ့ပြောင်းပေးခဲ့ရတဲ့ ​အကြောင်း ​ဟားခါးမြို့အာဏာပိုင်တွေက ​ဆိုပါတယ်။

မိုးသည်းထန်မှုကြောင့် ​အိမ်နေ ​၄ ​ရာ ​နီးပါး ​ပျက်ဆီးသွားခဲ့ရတယ်လို့ ​ချင်းပြည်နယ် ​ဘဏ္ဍာရေး ​၀န်ကြီး ​Nan ​Zamon ​က ​ရိုက်တာ ​သတင်းဌာနကို ​ပြောပါတယ်။

တခြားလူပေါင်း ​ငါးသောင်းလောက်နေထိုင်တဲ့ ​မြို့နယ် ​၆ ​ခုမှာလည်း ​မြေပြိုမှုတွေရှိခဲ့ပြီး ​အိမ်ခြေပေါင်း ​ကိုးရာ ​လောက်ဟာလည်း ​ပြိုကျမယ့် ​အန္တရာယ်နဲ့ ​ရင်ဆိုင်နေရပါတယ်။

မိမိတို့ ​နေအိမ် ​လုံးဝ ​ပျက်ဆီးသွားသူတွေကို ​အထူးဦးစားပေး ​စိစစ်နေကြောင်းကိုလည်း ​အဲဒီ ​ချင်းဘဏ္ဍာရေး ​၀န်ကြီးက ​ပြောသွားပါတယ်။

တခြား ​အနီးအနားက ​မြေပြိုကျနေတဲ့ ​ရွာတွေက ​လူပေါင်း ​သုံးထောင် ​ကျော်ကိုလည်း ​အရေးပေါ် ​လုံခြုံတဲ့ ​နေရာ ​ပြောင်းရွှေ့ပေးထားရတယ်လို့ ​သိရပါတယ်။

ဟားခါးမြို့ဟာ ​ဖွံ့ဖြိုးမှု ​အနည်းဆုံး ​ပြည်နယ်ဖြစ်တဲ့ ​ချင်းပြည်နယ်ရဲ့ ​မြို့တော်ဖြစ်ပါတယ်။

ကုလသမဂ္ဂ ​လူမှုကယ်ဆယ်ရေး ​အဖွဲ့ရဲ့ ​အဆိုအရ ​ရေးဘေးဒဏ်ကြောင့် ​မြန်မာနိုင်ငံတ၀န်း ​အခုလက်ရှိ ​လူပေါင်း ​၁၀၀ ​ကျော် ​သေဆုံးခဲ့ရတယ်လို့ ​ဆိုပါတယ်။

လူပေါင်း ​၁ ​သိန်း ​ခွဲ ​လောက် ​သေဆုံးခဲ့ရတဲ့ ​နာဂစ် ​မုန်တိုင်းဒဏ်ပြီးရင် ​ဒီရေးဘေးဒဏ်ဟာ ​အဆိုးရွားဆုံး ​ဖြစ်ပါတယ်။

ရေးဘေးအတွက် ​နိုင်ငံတကာက ​ကူညီနေကြရာမှာ ​တချို့နိုင်ငံတွေက ​ငွေကြေးကူညီကြသလို ​တချို့တွေက ​အစားအစာ၊ ​ဆေးဝါးနဲ့ ​အရေးပေါ် ​ပစ္စည်းတွေကို ​လျှူဒါန်းခဲ့ကြပါတယ်။

ရေဘေးကြောင့် ​သြဂုတ်လ ​၁၀ ​ရက်နေ့မှာ ​ပြန်လည် ​စတင်ဖို့ ​သတ်မှတ်ထားတဲ့ ​လွှတ်တော်ကိုလည်း ​သြဂုတ် ​၁၈ ​ရက်နေ့မှာ ​ပြန်စဖို့ ​မြန်မာအစိုးရက ​ရက်ပြောင်းလိုက်ပါတယ်။

ဒီတချိန် ​လွှတ်တော်ကျင်းပတာဟာ ​နိုဝင်ဘာလမှာ ​ကျင်းပမယ့် ​အထွေထွေရွေးကောက်ပွဲ ​မတိုင်ခင် ​နောက်ဆုံးအကြိမ် ​ကျင်းပတဲ့ ​လွှတ်တော်အစည်းအဝေးပွဲလည်း ​ဖြစ်ပါတယ်။

ABC Radio Australia
http://www.radioaustralia.net.au/burmese


 လက်ရှိ ပါတီဥက္ကဌအဖြစ် တာဝန်ယူနေတဲ့ သူရဦးရွှေမန်းကို ဖယ်ရှားလိုက်ပြီး ဦးဌေးဦးနဲ့ အစားထိုးလိုက်တယ်လို့ ခိုင်လုံတဲ့ သတင်းရပ်ကွက်က ပြောပါတယ်။

ဦးမောင်မောင်သိန်းကိုလည်း ပါတီအထွေထွေ အတွင်းရေးမှူး ရာထူးက ဖယ်ရှားလိုက်ပြီး အထွေထွေအတွင်းရေးမှူးအဖြစ် ဦးတင်နိုင်သိန်းကို ခန့်အပ်လိုက်ပါတယ်။

ဦးရွှေမန်းကိုဖယ်ရှားရတာနဲ့ပတ်သက်လို့ အငြိမ်းစား ဗိုလ်ချုပ်မှူးကြီးသန်းရွှေ ချထားတဲ့လမ်းကြောင်းအတိုင်း မလျှောက်လို့ လို့ အကြောင်းပြကြသလို ပါတီတွင်း ဦးသိန်းစိန်နှင့် စီအီစီများကို အသိမပေးဘဲ အာဏာရှင်ဆန်ဆန် လုပ်ဆောင်ခြင်းနှင့် ပါတီတွင်းစည်းလုံးညီညွတ်မှု ပျက်ပြားအောင် ဆောင်ရွက်ခြင်းတို့ကြောင့် ပါတီဥက္ကဌ ရာထူးက ဖယ်ရှားလိုက်တာလို့ ဆိုပါတယ်။


သြဂုတ်လ ၁၂ ရက်နေ့ညက နေပြည်တော်မှာရှိတဲ့ ပြည်ထောင်စု ကြံ့ခိုင်ဖွံ့ဖြိုးရေးပါတီဌာနချုပ်ကို လုံခြုံရေးအင်အား ၂၀၀ လောက် ၀င်ရောက်လာခဲ့ပြီး ပါတီဌာနချုပ်ရှိ စာရွက်စာတမ်းတွေကို ထိန်းသိမ်းစစ်ဆေးနေတယ်လို့ ဆိုပါတယ်။

ဒီ ဖြစ်ရပ်နဲ့ ပတ်သက်ပြီး တရားဝင် သတင်းထုတ်ပြန်တာမျိုး မရှိသေးပါဘူး။

ဒါဟာ ပါတီတွင်း ပြုပြင်ပြောင်းလဲရေး လုပ်ဆောင်တဲ့ အခြေအနေရှိနိုင်တယ်လို့ ပြန်ကြားရေး ၀န်ကြီး ဦးရဲထွဋ်က ပြောပါတယ်။

သူရဦးရွှေမန်းဟာ အိမ်မှာပဲ မိသားစုနဲ့ ရှိနေတယ်လို့ သိရပါတယ်။

BBC Burmese
https://www.facebook.com/bbcburmese


 မြန်မာ့နိုင်ငံရေးမှာ အမျိုးသမီးတွေ ပိုပြီး ပါဝင်ခွင့်ရလာဖို့ အတွက် ပါတီတွေအနေနဲ့ မူဝါဒ ချမှတ်လုပ်ဆောင်ဖို့ အရေးကြီးသလို အမျိုးသမီးတွေ ကိုယ်တိုင် တက်တက်ကြွကြွ ပါဝင်ကြဖို့ မြန်မာ အမျိုးသမီး လွှတ်တော်အမတ်တွေက တိုက်တွန်းလိုက်ပါတယ်။

လွှတ်တော် ရွေးကောက်ပွဲအတွက် ကိုယ်စားလှယ်လောင်း အမည်စာရင်း တင်သွင်းမှုမှာတော့ အမျိုးသမီး ကိုယ်စားလှယ်လောင်း ၅၀၀ နီးပါး ပါရှိနေပေမဲ့ တကယ်တမ်း လွှတ်တော်အမတ်တွေအဖြစ် အရွေးကောက်ခံရနိုင်ရေး အတွက်ကတော့ အဘက်ဘက်က ပံ့ပိုးမှုတွေ လိုအပ်တယ်လို့လည်း ပြောဆိုလိုက်ပါတယ်။ အသေးစိတ်ကို မသိင်္ဂီက စုစည်းတင်ပြထားပါတယ်။

လွှတ်တော်ရွေးကောက်ပွဲတွေအတွက် ကိုယ်စားလှယ်လောင်း အမည်စာရင်း တင်သွင်းဖို့ နောက်ဆုံးရက် နီးကပ်လာချိန်မှာပဲ နိုင်ငံရေးပါတီ ၈၀ တို့နဲ့ တသီးပုဂ္ဂလ ကိုယ်စားလှယ်လောင်း စုစုပေါင်း ၄၆၀၀ လောက် တင်သွင်းထားပြီး ဖြစ်ပါတယ်။ ဒီအထဲမှာ လွှတ်တော် သုံးရပ်မှာ ၀င်ရောက် ယှဉ်ပြိုင်ဖို့အတွက် နယ်ပယ်အသီးသီးက အမျိုးသမီးပေါင်း ၅၀၀ နီးပါးတို့ ပါဝင်ပါတယ်။ လွှတ်တော် ကိုယ်စားလှယ်လောင်း အမည်စာရင်း တင်သွင်းမှုတွေမှာ အမျိုးသမီးတွေ ပါဝင်လာမှု တိုးတက်လာပေမဲ့ တကယ်တမ်း ယှဉ်ပြိုင် အရွေးကောက်ခံတာမှာ အနိုင်ရလာဖို့ကတော့ စိန်ခေါ်ချက်တွေ ရှိတယ်လို့ လွှတ်တော်အမတ် ဒေါ်ဒွဲဘူက ပြောပါတယ်။

“ရွေးကောက်ပွဲမှာ စာရင်းတင်တာတောင် ဒီနေ့မှာဆိုလို့ရှင်ရင် ကျမတို့ ထပ်ပြီး ရွေးချယ်တဲ့အခါမှာလည်း ထပ်ပြီးတော့ နည်းသွားနိုင်တဲ့ အခြေအနေ ရှိပါတယ်။ လူမှုရေးကဏ္ဍရပ်တွေ၊ နောက်ပြီး NGO ကဏ္ဍရပ်တွေမှာ တအားကြီး ကျမတို့ အများကြီးလှုပ်ရှားတယ်။ အမျိုးသားတွေထက် ပိုပြီး လှုပ်ရှားတယ်။ ဒီလိုမျိုး လူမှုရေးမှာ များများလုပ်နေတဲ့ သူတွေဟာဆိုရင် နိုင်ငံရေးမှာလုပ်ရင်လည်း အောင်မြင်တာမို့လို့ သူတို့ကိုလည်း နိုင်ငံရေးထဲဝင်ဖို့အတွက် စိတ်ဆုံးဖြတ်စေချင်တယ်ပေါ့နော်။ နောက်တခုကတော့ ဒီပါတီရဲ့ ရွေးချယ်မှုပေါ့။ ပါတီရဲ့ရွေးချယ်မှုမှ မရှိဘူးဆိုရင်လည်း ဒီအမျိုးသမီးတွေဟာဆိုရင် ဒီရွေးကောက်ပွဲဝင်ဖို့ မလွယ်ပါဘူး။ ကျွန်မတို့ဆီက”

အမျိုးသမီးတွေအနေနဲ့ မိသားစုကို တဘက်က စောင့်ရှောက်ရတဲ့ တာဝန်က အမျိုးသားတွေထက် ပိုပြီး ကြီးတာကြောင့်ရော မဲဆန္ဒရှင်တွေရဲ့ လက်ခံမှု အရရော အားနည်းတာတွေရောကြောင့် အမျိုးသမီးတွေ နိုင်ငံရေးမှာ ပါဝင်လာမှု နည်းပါးနေရတာ ဖြစ်တယ်လို့လည်း ဒေါ်ဒွဲဘူက ပြောပါတယ်။ အမျိုးသားဒီမိုကရေစီအဖွဲ့ချုပ် NLD ရဲ့ လွှတ်တော်အမတ် ဒေါ်ခင်စန်းလှိုင်ကတော့ အမျိုးသမီးတွေ အနေနဲ့ အခု ရွေးကောက်ပွဲကို စောင့်ကြည့်နေတဲ့ အခြေအနေမှာရှိပြီး လာမယ့် ရွေးကောက်ပွဲတွေမှာတော့ ပိုပြီး ပါဝင်လာမယ့် အလားအလာ ရှိတယ်လို့ ပြောပါတယ်။

“ဒီလာမယ့်ရွေးကောက်ပွဲရဲ့ အခြေအနေတွေကိုတော့ တချို့အမျိုးသမီးတွေကလည်း စောင့်ကြည့်နေရတဲ့ အနေအထားတခုမှာ ရှိသလိုပေါ့လေ။ ဆိုလိုတာကတော့ ဒီရွေးကောက်ပွဲက ဘယ်လောက်ထိ လွတ်လပ်ပြီး၊ ဘယ်လောက်ထိ တရားမျှတမလဲ။ ဒါတွေအပေါ်မှာ တချို့စောင့်ကြည့်ချင်တဲ့ အနေအထားတခုရှိသလို တချို့ကကျတော့လည်း ဒီရွေးကောက်ပွဲမှာ ပါဝင်ယှဉ်ပြိုင်ဖို့အတွက်ကို နောင်ကျမှပဲ နောက်လာမယ့် ၂၀၂၀ ကျမှပဲ အမျိုးသမီးတွေအနေနဲ့ များများစားစား ပါဝင်လာဖို့အတွက် တချို့ကလည်း ဒီလိုစည်းစားနေကြတာလည်း ရှိတယ်လို့ ကျမတို့သိရတယ်။”

အမျိုးသားဒီမိုိကရေစီအဖွဲ့ချုပ်ကတော့ အမျိုးသမီးနဲ့ လူငယ်တို့ကို ဦးစားပေး ရွေးချယ်မယ်ဆိုတဲ့ မူဝါဒချမှတ်ထားပြီး လက်ရှိ ရွေးချယ်ထားတဲ့ ကိုယ်စားလှယ်လောင်းတွေထဲမှာလည်း အမျိုးသမီး ၁၀ ရာခိုင်နှုန်းလောက် ပါဝင်တယ်လို့လည်း ဒေါ်ခင်စန်းလှိုင်က ပြောပါတယ်။ မြန်မာ့ပြုပြင်ပြောင်းလဲရေး အချိန်ကာလမျိုးမှာ အမျိုးသမီးတွေ နိုင်ငံရေးမှာ ပိုပြီးပါဝင်လာဖို့ကိုလည်း လွှတ်တော်အမတ် ဒေါ်ဒွဲဘူက တိုက်တွန်းပါတယ်။

“ကျမတို့နိုင်ငံရဲ့ နိုင်ငံရေးအခြေအနေက တကယ့်ကို ကျမတို့က ပြောနိုင်ရမယ့် အခြေအနေ တကယ့်ကို များများပြောရမယ့် အခြေအနေဖြစ်တယ်။ အဲဒီတော့ အမျိုးသားတွေက တော်ရုံဆိုရင် သိပ်မပြောဘူး။ ကျမတို့ အမျိုးသမီးတွေက ထောင့်စေ့အောင်ပြောတဲ့အတွက် ဒီကျမတို့ရဲ့ နိုင်ငံရေး အခြေအနေအရ အမျိုးသမီးဟာ ပါကိုပါရမယ်။ ပြီးလို့ရှင်ရင် ကျမတို့ အမျိုးသမီးတွေဟာ အိမ်မှာလည်း ထောင့်စေ့အောင် မြင်တတ်တဲ့အတွက် နိုင်ငံတော်ရဲ့ အရေးအရာမှာလည်း ထောင့်စေ့အောင်မြင်တယ်။ နောက်ပြီး ပိုပြီးခံစားမှု ရှိပါတယ်။ နောက်ပြီး ကျမတို့ နိုင်ငံရေးအခြေအနေဟာ ဆိုလို့ရှင်ရင်လည်း ဒီနိုင်ငံမှာ အမျိုးသမီးလူဦးရေဟာ အမျိုးသားထက်များတယ်။ နောက် ကလေးတွေ ဒုက္ခရောက်နေတာ များတယ်။ အစစအရာရာ ကျမတို့ အမျိုးသမီးတွေ ခံရတာများတဲ့အတွက် အမျိုးသမီးတွေ ပါဝင်လာရင် ကျမတို့ နိုင်ငံရေးအခြေအနေဟာ ပိုပြီး ကောင်းမွန် တိုးတက်လာမယ်။ အမျိုးသမီးတွေအသံက များများပြောရမယ်လို့ ကျမတော့ ဒီလိုပဲမြင်ပါတယ်။”

လွှတ်တော်ကိုယ်စားလှယ်လောင်း တင်သွင်းမှုတွေကတော့ သြဂုတ်လ ၁၄ ရက်နေ့မှာ အဆုံးသတ်တော့မှာ ဖြစ်ပါတယ်။ ဒီအခြေအနေမှာ သြဂုတ်လ ၁၁ ရက်နေ့အထိ ကိုယ်စားလှယ်ပေါင်း ၄၅၆၉ ဦး တင်သွင်းထားပြီးဖြစ်ကြောင်း ပြည်ထောင်စု ရွေးကောက်ပွဲ ကော်မရှင်က ထုတ်ပြန်ထားပါတယ်။

လက်ရှိ အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက ကိုယ်စားလှယ်ပေါင်း ၁၀၂၈ ဦး၊ အမျိုးသားဒီမိုကရေစီအဖွဲ့ချုပ်က ၈၃၇ ဦး တင်သွင်းထားပြီး အရင် မြန်မာ့ဆိုရှယ်လစ်လမ်းစဉ် ပါတီတဖြစ်လည်း တိုင်းရင်းသား စည်းလုံးညီညွတ်ရေးပါတီက ကိုယ်စားလှယ်ပေါင်း ၆၉၀ တို့ တင်သွင်းထားပြီး ဒီပါတီကြီး သုံးခုပဲ ကိုယ်စားလှယ် အများဆုံး တင်သွင်းထားပါတယ်။

မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com


 တပ်မတော်ကနေ ထွက်ပြီး ကြံ့ခိုင်ဖွံ့ဖြိုးရေး ပါတီဘက်မှာ ဝင်ရောက် အရွေးခံမယ့် တပ်ဘက်က အရာရှိကြီးတွေ၊ လက်ရှိ အစိုးရ ဝန်ကြီး၊ ဒုတိယ ဝန်ကြီးတွေနဲ့ ရွေးကောက်ပွဲ ဝင်ကြမယ့် ပါတီဝင်တွေကို ပါတီ ဥက္ကဌ သူရ ဦးရွှေမန်းက သြဂုတ်လ ၁၂ ရက်နေ့က နေပြည်တော်မှာ တွေ့ဆုံခဲ့ပါတယ်။

တပ်မတော်ဘက်က ကိုယ်စားလှယ်လောင်း ၂၇ ယောက်၊ အစိုးရဘက်က ကိုယ်စားလှယ် ၄၆ ယောက်နဲ့ မူလ ပါတီဝင်တွေအပြင် အခုမှဝင်လာတဲ့ ပါတီဝင်သစ်တွေ ပါတဲ့ ကိုယ်စားလှယ်လောင်း တွေကို ပါတီ ဌာနချုပ်မှာ တွေ့ဆုံ ကြိုဆိုခဲ့တာဖြစ်ပါတယ်။

တပ်ဘက် ကိုယ်စားလှယ်တွေထဲမှာ ညှိနှိုင်း ကွပ်ကဲရေးမှူး ဗိုလ်ချုပ်ကြီးလှဌေးဝင်း၊ ဗိုလ်ချုပ်ကြီး သူရသက်ဆွေ စတဲ့ အရာရှိကြီးတွေ နဲ့ သမ္မတရုံးက ဝန်ကြီးတွေ ဖြစ်ကြတဲ့ ဦးသိန်းညွန့်၊ ဦးစိုးမောင်၊ ဦးလှထွန်း၊ ဦးတင်နိုင်သိန်း စတဲ့ သူတွေ အပါအဝင် လက်ရှိ တာဝန်ယူထားတဲ့ ဝန်ကြီး အတော်များများ ပါဝင်တယ်လို့ ကြံ့ခိုင်ရေးနဲ့ ဖွံ့ဖြိုးရေး ပါတီ ဗဟို ကော်မီတီဝင် ဦးတင့်ဇော်က ဘီဘီစီကို ပြောပါတယ်။

နိုင်ငံမှာ တပ်မတော်နဲ့ အထိစပ်ဆုံးပါတီက ကြံ့ခိုင်ဖွံ့ဖြိုးရေး ပါတီဖြစ်တဲ့ အတွက် ဒီပါတီကို ကိုယ်စားပြုပြီး လာရောက်ယှဉ်ပြိုင်ကြမယ့် တပ်မတော် အရာရှိတွေကို လက်ရှိ ပါတီဝင်တွေက ရာနှုန်းပြည့် လက်ခံ ကြိုဆို ကြတယ်လို့ သူက ပြောပါတယ်။

၁၉၉၃ ခုနှစ် ပါတီ တည်ထောင်ခဲ့ချိန်က တပ်မတော်ကပဲ ဦးစီးဦးဆောင်ပြု ဖွဲ့ပေးခဲ့တာ ဖြစ်ပြီး ပါတီမှာ ဦးစီး ဦးဆောင်ပြုနေသူတွေ ကလည်း တပ်မတော်ကနေ အရပ်ဖက်ကို ရောက်နေကြသူတွေ ဖြစ်တယ်လို့ ဦးတင့်ဇော်က ပြောပါတယ်။

တပ်ဘက်က အရာရှိကြီးတွေ လွှတ်တော်ထဲကို အမြောက်အမြား ဝင်လာဖို့ အခုလို ပြင်ဆင်မှုတွေဟာ ကြံ့ခိုင် ဖွံ့ဖြိုးရေး ပါတီကို တပ်မတော်ရဲ့ သြဇာခံ ဖြစ်စေဖို့နဲ့ ထိန်းချုပ်လိုတဲ့ အတွက် ပြင်ဆင်မှု ဖြစ်တယ်လို့ သတင်းစာဆရာ ဦးစည်သူ အောင်မြင့်က သုံးသပ်ပါတယ်။

အကြောင်းကတော့ သူရ ဦးရွှေမန်း ခေါင်းဆောင်တဲ့ ပါတီနဲ့ တပ်မတော် ခေါင်းဆောင်တွေ ကြားမှာ အဆင်မပြေတာတွေ အများကြီး ရှိနေလို့ ဖြစ်တယ်လို့ သူက ပြောပါတယ်။

နောက်တစ်ချက်က ရွေးကောက်ပွဲ အပြီးမှာ ကြံ့ခိုင် ဖွံ့ဖြိုးရေး ပါတီက တင်သွင်းလာမယ့် သမ္မတလောင်းကို ပြည်သူ့ လွှတ်တော်နဲ့ အမျိုးသား လွှတ်တော်တို့မှာ ထောက်ခံမှု ရနိုင်ခြေ မရှိတဲ့အတွက် တပ်မတော်က ရွေးလိုက်တဲ့ အုပ်စုက တက်လာတဲ့ သမ္မတလောင်းကို ပါတီဘက်က ဝိုင်းဝန်း ထောက်ခံပေးဖို့ ဖြစ်တယ်လို့ ဦးစည်သူ အောင်မြင့်က သုံးသပ်ပါတယ်။

BBC Burmese
https://www.facebook.com/bbcburmese


 ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ဌာနချုပ်မှာ မနေ့ညက ပါတီညီလာခံနှင့် ကိုယ်စားလှယ်လောင်းများ တွေ့ဆုံပွဲအပြီး အခြေအနေ တင်းမာမှုနှင့် ရှုပ်ထွေးမှုများ ဖြစ်ပွားနေတယ်လို့ ဗွီအိုအေက သတင်းရရှိထားပါတယ်။ ဒီသတင်းနဲ့ ပတ်သက်ပြီး ကိုဝင်းမင်းက ပြန်ကြားရေးဝန်ကြီး ဦးရဲထွဋ်ကို ဆက်သွယ်မေးမြန်းထားပါတယ်။

မေး - ၀န်ကြီးဦးရဲထွဋ်ခင်ဗျာ ကျနော်တို့ မနေ့ညကပေါ့နော် ကြံ့ခိုင်ဖွံ့ဖြိုးရေးပါတီ ရုံးတွင်းမှာ လုံခြုံရေးတပ်ဖွဲ့တွေ ၀င်ရောက်မှုနဲ့ စစ်ဆေးမှုတွေ ရှိတယ်လို့ ကြားသိရပါတယ်။ အဲဒါနဲ့ ပတ်သက်လို့ ဦးရဲထွဋ် ပြောပြနိုင်သလောက်လေး ရှင်းပြပေးပါလား။

ဖြေ - ကျနော်တို့ကတော့ဗျာ အဲဒီပါတီဝင် မဟုတ်တဲ့အတွက်ကြောင့်မို့လို့ ဖြစ်စဉ်တော့ ကျနော် အသေးစိတ်မသိပါဘူး။ သို့သော် ကျနော်တို့ အကြမ်းမျဉ်းသိရတာကတော့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီတွင်းမှာ ခေါင်းဆောင်ပိုင်းနေရာတွေ ပြန်လည် ဖွဲ့စည်းမှုတခု လုပ်နေတယ်လို့တော့ ကျနော်တို့ သိရပါတယ်။ အဲဒါတော့ ကျနော်တို့ ကြားရတဲ့သတင်းပေါ့။

မေး - အဲတော့ အခုလို ပြန်လည်ဖွဲ့စည်းမှု လုပ်တဲ့နေရာမှာ ဘယ်လိုအနေအထားတွေ ရှိလဲပေါ့နော်။ ကျနော်တို့ ၀န်ကြီးတချို့လည်း ကြံ့ခိုင်ဖွံ့ဖြိုးရေးပါတီရဲ့ အရေးပါတဲ့ ဗဟိုအလုပ်အမှုဆောင် အဖွဲ့ဝင်တွေလည်း ပြောင်းသွားတာကို တွေ့ရပါတယ်။ ဥပမာ - ဦးတင်နိုင်သိန်းတို့ပေါ့နော်။ အဲတော့ သူတို့အနေနဲ့ကော ဘယ်လိုအခန်းကဏ္ဍကနေ ပါဝင်ဖို့ ရှိနိုင်ပါသလဲ။

ဖြေ - ကျနော်တို့ကတော့ ပါတီ ခုနက ခင်ဗျားတို့ပြောသလိုပဲ လက်ရှိ ပါတီဝင်မဟုတ်တော့ ပါတီတွင်းကိစ္စတွေတော့ ကျနော်တို့ မသိဘူး။ သို့သော် ယေဘုယျ အပြင်ကနေ လေ့လာတဲ့သူတယောက်အနေနဲ့ ပြောရမယ်ဆိုရင် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီသည်လည်း တခြားပါတီများလိုပဲ ရွေးကောက်ပွဲဝင်တဲ့အခါမှာ ပါတီရဲ့ အောင်နိုင်ရေးအတွက် လိုအပ်တဲ့ ပြုပြင်ပြောင်းလဲမှုတွေ လုပ်နေတယ်လို့ပဲ ကျနော် နားလည်ပါတယ်။

မေး - ပြုပြင်ပြောင်းလဲရေးနဲ့ ပတ်သက်ပြီးတော့ပေါ့နော် ဘယ်လို အလားအလာတွေ ဖြစ်ဖို့ သုံးသပ်ကြည့်လို့ရလဲ။

ဖြေ - ကျနော် အစိုးရအဖွဲ့ဝင် ၀န်ကြီးတဦးအနေနဲ့ မဟုတ်ဘူးပေါ့နော်။ ပြည်သူတဦး၊ မဲဆန္ဒရှင်တဦးအနေနဲ့ လေ့လာမိသလောက် ကျနော် ပြောရမယ်ဆိုရင်တော့ ပါတီတခုမှာ ဟုတ်လား ပါတီဦးဆောင်မှုအပိုင်းမှာ ရှိတဲ့သူတွေအနေနဲ့ ပါတီရဲ့ မူဝါဒတွေကနေ သွေဖယ်နေမယ်၊ ပါတီဝင်တွေရဲ့ဆန္ဒကို ဆန့်ကျင်နေမယ်၊ ပါတီနဲ့ နိုင်ငံ့အကျိုးထက် ကိုယ်ရေးကိုယ်တာ အကျိုးစီးပွားတွေကို ရှေ့တန်းတင်မယ်။ ပါတီတွင်းမှာ ဂိုဏ်းဂဏ၀ါဒတွေ ထူထောင်မယ်ဆိုရင်တော့ ဘယ်ပါတီမဆို ပြုပြင်ပြောင်းလဲမှု လုပ်ရမှာပဲလို့ ကျနော် မြင်ပါတယ်။ ပြည်ခိုင်ဖြိုးတင် မဟုတ်ပါဘူး။ ကျန်တဲ့ပါတီတွေလည်း ဒီလိုပဲလုပ်မယ်လို့ ကျနော် ထင်တယ်လေ။

မေး - အခုလောလောဆယ်မှာတော့ ဒီပါတီတွင်းမှာ မကျေမလည်ဖြစ်နေတဲ့ ကိစ္စတချို့ ရှိတယ်ပေါ့နော်။ တပ်မတော်ဘက်ကနေပြီးတော့ ၀င်လာမယ့် ကိုယ်စားလှယ်တွေကိစ္စ ပါတီဝင်တွေအားလုံး လက်မခံတာမျိုးတွေ၊ နောက် အစိုးရဘက်ကနေပြီးတော့ ၀င်လာတဲ့ ကိစ္စပေါ့နော် ပါတီဘက်ကနေ အားလုံးကို လက်မခံတာ၊ အဲလိုမျိုးလေးတွေ တင်းမာမှုလေးတွေ ရှိနေတာကိုတော့ တွေ့ရပါတယ်။ အဲတော့ အဲဒါတွေနဲ့ရော ပတ်သက်နေမယ်လို့ ယူဆလို့ရလား။

ဖြေ - ခင်ဗျားပြောသလိုပေါ့ဗျာ ပါတီမှာ အားလုံးက လက်မခံဘူးဆိုတာတော့ မဟုတ်ဘူးထင်ပါတယ်။ တချို့က လက်မခံချင်ဘူး။ တချို့တွေကတော့ ဒါ အားတခုအနေနဲ့ လက်ခံချင်တယ်။ ဒီလိုမျိုးဟာတွေတော့ ရှိပါတယ်။ တချို့ကျတော့လည်းဗျာ ပါတီက ပါတီဝင်တွေ၊ ပါတီက တာဝန်ရှိတဲ့သူတွေ မသိဘဲနဲ့ ကြိတ်ပြီး အပေးအယူလုပ်တယ်လို့ ယူဆစရာကိစ္စမျိုးတွေ၊ တခြားပါတီနဲ့ အပေးအယူလုပ်တယ်ဆိုတဲ့ ကိစ္စမျိုးတွေလည်း ကျနော်တို့ သတင်းတွေ ဖတ်နေရတာပေါ့ဗျာ။ အဲ့လိုဟာတွေ အားလုံးပေါ်မူတည်ပြီးတော့ ပါတီက သူတို့ဟာသူတို့ စဉ်းစားပြီး လုပ်ကြတယ်လို့ ထင်ပါတယ်။ ဒါကတော့ ဘေးက အကဲခတ်တဲ့သူအနေနဲ့ ပြောတာပါ။

ကိုဝင်းမင်း / ဗွီအိုအေ (မြန်မာပိုင်း)
http://burmese.voanews.com


  ဗုဒ္ဓဟူးနေ့ ညပိုင်းက နေပြည်တော် ရှိ ကြံ့ခိုင်ဖွံ့ဖြိုးရေး ပါတီ ဌာနချုပ်ကို ရဲ အင်အား ၂၀၀ လောက်က ၀ိုင်းထားခဲ့ တဲ့ ဖြစ်ရပ်နဲ့ ပတ်သက်ပြီး၊ ဒါဟာ ပါတီ တွင်း ပြုပြင်ပြောင်း လဲရေး လုပ်ဆောင် တဲ့ အခြေ အနေ ရှိနိုင်တာ က စလို့ ပြန်ကြားရေး ၀န်ကြီး ဦးရဲထွဋ် ကပြောပြ ထားပါတယ်။ သူ့ရဲ့ ပြောပြ ချက်ကို နားဆင်နိုင် ပါပြီ။
BBC Burmese
https://www.facebook.com/bbcburmese

(ဓာတ်ပုံ - ဗွီအိုအေမြန်မာပိုင်းအစီအစဉ်)
 နေပြည်တော်က ကြံ့ခုိုင်ဖွံ့ဖြိုးရေးပါတီ ဌာနချုပ်ရှေ့မှာ မနေ့ညက အခြေအနေတွေကုို သွားရောက်စောင့်ကြည့်ခဲ့တဲ့ ဗွီအုိုအေမြန်မာပုိုင်း သတင်းထောက်တွေဖြစ်တဲ့ ကုိုထက်အောင်နဲ့ မမေခတုို့ကုို နောက်ဆုံးရ အခြေအနေတွေကုို သိရအောင် မအင်ကြင်းနုိုင်က ဆက်သွယ်မေးမြန်းထားပါတယ်။

မေး - ကုိုထက်အောင်တုို့ အနေနဲ့ အခုနေပြည်တော်မှာရှိတဲ့ ကြံ့ခုိုင်ဖွံ့ဖြိုးရေးပါတီ ဌာနချုပ်ရုံးမှာ လုံခြုံရေး တင်းကျပ်နေပြီး အ၀င်အထွက်တွေ စပြီးတော့ ပိတ်ထားပြီဆုိုပြီးတော့ သတင်းတွေကုို ဘယ်လုိုစကြားလဲရှင့်။

ဖြေ - ဟုတ်ကဲ့ ကျနော်တုို့ ဒီနေ့ နေပြည်တော်မှာလုပ်တဲ့ ကြံ့ခုိုင်ဖွံ့ဖြိုးရေးပါတီ ကုိုယ်စားလှယ်လောင်းတွေ တွေ့ဆုံပွဲမှာ ကျနော်တုို့ သတင်းသွားယူပါတယ်။ ယူပြီးတဲ့ အခါကျတော့ အပြန်မှာ ဟုိုတယ်မှာပဲ သတင်းတွေ လုပ်နေရင်းနဲ့ပဲ ၉  နာရီ ပတ်ဝန်းကျင်လောက်မှာ နေပြည်တော်နဲ့ နီးစပ်တဲ့ အသုိုင်းအ၀ုိုင်း တခုကနေပြီးတော့မှ ကြံ့ခုိုင်ဖွံ့ဖြိုးရေးရုံးမှာ စစ်တပ်လုံခြုံရေး အင်အားတွေ အများအပြား ၀င်ရောက်နေတယ်ဆုိုပြီး ကျနော်တုို့ ကြားပါတယ်ခင်ဗျ။ ကြားတော့ အဲဒီသတင်းက ခုိုင်လုံသလား၊ မခုိုင်လုံသလား အရင်ဆုံး စစ်ဆေးပါတယ်။ သတင်းထောက်တွေ အချင်းချင်းလည်း ကျနော်တုို့ သေချာအောင် ဖုန်းတွေနဲ့ ဆက်သွယ်ပါတယ်။ အချိန်ခနလောက် ယူပြီးတဲ့အခါကျတော့ ၁၁ နာရီခွဲ၊ မြန်မာစံတော်ချိန် ၁၁ နာရီခွဲ ၁၂ နာရီ လောက်မှာ ကျနော်နဲ့ ကျနော်တုို့ရုံးက သတင်းထောက် မမေခနဲ့အတူ ကျနော်တုို့ ကြံ့ခုိုင်ဖွံ့ဖြိုးရေးရုံးကုိုလာပြီး အခြေအနေကုို အသေးစိတ် စောင့်ကြည့်ပါတယ်။ ကျနော်တုို့ရောက်တဲ့ အချိန်မှာတော့ ရဲကားတွေ၊ ရဲဌာနက အချုပ်ကားတွေပဲဖြစ်ဖြစ် အဲဒီလုိုမျိုး ကားတွေကတော့ မတွေ့ရတော့ဘူး။ ဒါပေမဲ့ တချို့ ကားတစ်စီး၊ နှစ်စီးလောက်ကတော့ နေပြည်တော်လမ်းမပေါ်မှာ ပတ်ပြီးသွားလာနေတာတော့ ကျနော်တုို့ သတိထားမိပါတယ်။

မေး - အဲဒီတော့ တုိုက်တုိုက်ဆုိုင်ဆုိုင်ပဲ မနေ့ကလည်း ပြည်ထောင်စု ကြံ့ခုိုင်ဖွံ့ဖြိုးရေးပါတီရဲ့ ရွေးကောက်ပွဲဝင်မယ့် ကုိုယ်စားလှယ်လောင်းတွေ တွေ့ဆုံပွဲ၊ သူတုို့ပါတီ ဆွေးနွေးပွဲကုိုလည်း နေပြည်တော်မှာ ကျင်းပခဲ့တယ်ဆုိုတော့၊ အဲဒီမှာ ထူးထူးခြားခြား ဘာတွေများ ဖြစ်ခဲ့လဲ ဆုိုတာကုိုရော သတိထားမိလား။

ဖြေ - ဟုတ်ကဲ့ သူတုို့အဓိက သတင်းစာရှင်းလင်းပွဲ လုပ်တဲ့အခါမှာ ပါတီရဲ့ အထွေထွေ အတွင်းရေးမှူးနဲ့ အတွင်းရေးမှူး အပါအ၀င် စုစုပေါင်း ၅ ယောက်က သတင်းစာရှင်းလင်းပွဲ လုပ်ပါတယ်ခင်ဗျ။ ဒါပေမဲ့ သူတုို့ပြောတဲ့ အထဲမှာကတော့ လာမယ့်ရွေးကောက်ပွဲမှာ သမ္မတဦးသိန်းစိန် အပါအ၀င် ဒုသမ္မတဦးဥာဏ်ထွန်း ၀င်ရောက်မယှဉ်ပြိုင်ဘူး ဆုိုတဲ့သဘောကုိုပဲ အတည်ပြု ပြောပါတယ်။ တချို့ပြောတဲ့ဆုိုတဲ့ စကားမှာလည်း သူတုို့ ၂ ယောက်ကပေါ့လေ တော်တော်များများကုို စကားကုို ထိန်းသိမ်းပြီးတော့ ပြောသွားတာ ကျနော်တုို့ တွေ့ရပါတယ်။ နောက်တချက်ကတော့ တပ်မတော်သား ကုိုယ်စားလှယ်တွေရဲ့ ကြံ့ခုိုင်ဖွံ့ဖြိုးရေးပါတီမှာ ၀င်ရောက်ယှဉ်ပြိုင်မယ်ဆုိုတဲ့ သဘောပါ။ ဒီတခေါက်ရွေးကောက်ပွဲမှာ လာမယ့် ၂၀၁၅ ရွေးကောက်ပွဲမှာတော့ ကြံ့ခုိုင်ဖွံ့ဖြိုးရေးပါတီကုို တပ်မတော်သား ကိုယ်စားလှယ်တွေက သူတုို့ ယူနီဖောင်းတွေကုိုချွတ်ပြီး ၀င်ရောက်ယှဉ်ပြိုင်မယ် ဆုိုတဲ့အခါကျတော့ အဆုိုတင်သွင်းပါတယ်ခင်ဗျ။ ပထမဆုံး တပ်မတော်က အဆုိုတင်သွင်းတဲ့ ကိုယ်စားလှယ်လောင်းကတော့ ၁၃၉  ယောက်ပါ၊ ဒါပေမဲ့ ထပ်ပြီးဖြည့်သွင်းလုိုက်တဲ့ အခါမှာတော့ စုစုပေါင်း ၁၄၀ ကျော် ဖြစ်သွားပါတယ်။ အဲဒီမှာ ကြံ့ခုိုင်ဖွံ့ဖြိုးရေး ပါတီကနေပြီးတော့ တပ်မတော်သား ကုိုယ်စားလှယ်လောင်းတွေကုို ပြန်ပြီးစိစစ်လုိုက်တဲ့ အခါမှာ စုစုပေါင်း ၅၉  ယောက်ကုိုပဲ သူတုို့က လက်ခံလုိုက်တာပါခင်ဗျ။ အဲဒီအထဲမှာ အမျိုးသားလွှတ်တော်အတွက် ၇ ယောက်၊ ပြည်သူ့လွှတ်တော်အတွက် ၁၉  ယောက် ဆုိုတော့ ပြည်ထောင်စု လွှတ်တော်အတွက် စုစုပေါင်း ၂၆ ယောက်ပေါ့လေ။ တုိုင်းဒေသကြီးလွှတ်တော် အတွက်ကတော့ ၃၃ ယောက် ၀င်ရောက်ယှဉ်ပြိုင်မယ် ဆုိုပြီးတော့ သူတုို့က တရားဝင် ထုတ်ပြောတာတော့ ရှိပါတယ်။ ကျန်တာကတော့ ထွေထွေထူးထူးတော့ သူတုို့အနေနဲ့ ဘာမှပြောဆုိုခြင်းတော့ မရှိပါဘူး။

မေး - အခု မမေခတို့က ပြည်ထောင်စု ကြံ့ခိုင်ဖွံ့ဖြိုးရေးပါတီ ဌာနချုပ်ရှေ့မှာ ရောက်ပြီးတော့ပေါ့နော် အခြေအနေတွေကို စောင့်ကြည့်နေတယ်ဆိုတော့ အဲဒီမှာအခု မြင်ရတဲ့ အခြေအနေတွေကို ပြောပြပါဦးရှင့်။

ဖြေ - ည ၉ နာရီခွဲ ၁၀ နာရီလောက်မှာ သူတို့ရဲကားတွေ ဒီကြံ့ခိုင်ရေးရုံးကို စပြီးတော့ ပတ်နေတာကို ညီမတို့ စတွေ့ရတယ်။ တွေ့ပြီးသွားတဲ့အချိန် ည ၁ နာရီနဲ့ ၁၅ မိနစ်လောက်မှာ အလုပ်သမား ဒုဝန်ကြီး ဒေါ်ဝင်းမော်ထွန်း ပထမဆုံး သူ့ကားနဲ့သူ ထွက်လာတာကို တွေ့လိုက်တယ်။ သူ ထွက်သွားပြီးတော့ သိပ်မကြာဘူး။ ၂ နာရီ ၁၅ လောက်မှာ အခုလက်ရှိ ဆက်သွယ်ရေး ဦးမြတ်ထွန်းရဲ့ PSO ကနေပြီးတော့ အစားအသောက်ရယ်၊ အိပ်ယာလိတ်ရယ် ယူပြီးတော့ ဂိတ်ကိုဖြတ်ပြီးတော့ သွားပို့တာကို ညီမတို့ တွေ့လိုက်တယ်။ တွေ့တော့ ညီမကိုယ်တိုင်ပဲ အဲဒီ PSO ကို နောက်ကနေ လိုက်ပြီးတော့ မေးတယ်။ ဘာကြောင့် ဒီဟာတွေ ပို့တာလဲ။ ဘယ်သူက ပို့ခိုင်းတာလဲ ဆိုတာကို မေးတဲ့အခါမှာ သူက ဘာပြောသလဲဆိုတော့ မသိဘူးတဲ့။ သူ ပထမ အဲ့ဒီလိုပြောတယ်။ ဘာဖြစ်လို့ ဒီအစားအသောက်တွေ ပို့ခိုင်းတာလဲဆိုတော့ အထဲက ပို့ခိုင်းလို့ပေါ့ဗျာတဲ့ ကျနော်လည်း မသိဘူးတဲ့ ဆိုပြီးတော့ သူ ကားပေါ်ကို တက်သွားတယ်။ အဲဒါ ဒုတိယမြောက်ပေါ့နော်။ တတိယမြောက်ကတော့ အခု ၃ နာရီ ၁၀ မိနစ်ကျော်လောက်မှာ ဒေါက်တာ မောင်မောင်ဌေး ဆိုတဲ့လူကနေ အပြင်ကို ပြန်ထွက်တယ်ပေ့ါနော်။ ဒါပေမဲ့ သူကနေပြီးတော့ ဂိတ်မှာ ဘာပြောခဲ့သလဲဆိုတော့ ကျနော် ပြန်ပြီးတော့ လာမှာဆိုပြီးတော့ ပြောသွားတယ်။ ပြီးတော့ သူ့ကားနဲ့သူ ထွက်သွားတယ်။ ခြံဝင်းထဲမှာတင် ကား အဲ့ဒီလိုမျိုး လူကြီးစီးတဲ့ကားကပေါ့နော် စတစ်ကာအမဲနဲ့ လူကြီးစီးတဲ့ကား အစင်း ၂၀ လောက် အခုအချိန်ထိ ရှိနေပါသေးတယ်။

မေး - အဲတော့ သူတို့ ဒီပါတီရဲ့ဌာနချုပ်ကို လုံခြုံရေးတွေနဲ့ အဲ့လို စောင့်ကြည့်နေတယ်။ ရဲကားတွေ ပတ်နေတယ်ဆိုတဲ့ အဲ့လို ထူးခြားတဲ့ အနေအထား ဘာကြောင့်ဖြစ်လာတာလဲရှင့်။

ဖြေ - ဘာကြောင့်ဖြစ်လာသလဲဆိုတော့ အခုအချိန်အထိကတော့ သတင်းတွေကိုတော့ တခုမှ အတည်ပြုလို့ မရနိုင်သေးဘူး။ ပြောတဲ့သူတွေ တော်တော်များများကတော့ ဦးသူရရွှေမန်းကိုပဲ ထိန်းသိမ်းထားတယ်လုိ့ သတင်းတွေ ထွက်နေတာမျိုးတွေ ရှိတယ်။ နောက်တခုကကျတော့ အဲဒီအထဲမှာ တချို့ ပြည်ထောင်စုနေ့စဉ်က သတင်းထောက်တချို့ အဲဒီအထဲမှာ ရောက်နေတာတွေ ရှိတယ်။ ရှိတော့ သူတို့ဘက်ကနေ ပြောတာကတော့ ဘာမှမဟုတ်ဘူး။ အစည်းအဝေးသက်သက် လုပ်တာလို့လည်း သူတို့ကနေပြီးတော့ ပြောတာမျိုးရှိတယ်။ သူတို့ကို ဆက်သွယ်ပြီး မေးတဲ့အခါကျတော့ အခုလက်ရှိ ထွက်သွားတဲ့ပေါ့နော် ဒီကနေ့ပဲ သမ္မတကြီးကနေပြီးတော့ တာဝန်ကနေ ရပ်နားခွင့်ပြုလိုက်တဲ့ ၀န်ကြီးတွေကို မေးမယ်ဆိုရင် အဖြေသိရတယ်ဆိုပြီးတော့ အဲဒီထဲက သတင်းထောက်တယောက်ကတော့ ညီမမေးတဲ့အချိန်မှာ သူက ပြောတယ်။ ဒါပေမဲ့ အဲဒီဝန်ကြီးတွေကို ဖုန်းဆက်သွယ်တာတော့ လုံးဝ ဆက်သွယ်လို့မရဘူး။ ကြားနေတဲ့သတင်းတွေကလည်း အခုအချိန်ထိ အတည်ပြုလို့ မရသေးဘူး။ မနေ့ကည ၈ နာရီ ၉ နာရီခန့်မှာ ဦးသူရရွှေမန်းရဲ့ လုံခြုံရေးအရာရှိတချို့ကို ပြည်ထဲရေးကနေ ခေါ်တွေ့ပြီးတော့ စစ်ဆေးတယ်ဆိုတဲ့ ဥစ္စာကတော့ သတင်းရထားတယ်။ ဒါပေမဲ့ အဲဒါကလည်း အတည်ပြုချက် တိတိကျကျ ပြုလို့ကလည်း မရသေးဘူး။ သူတို့စစ်တပ်ဘက်က အသိုင်းအ၀ိုင်း တယောက်ကနေပြီး ပြောထားတာတော့ ရှိတယ်။

မေး - အဲတော့ အခြေအနေတွေကို ဘယ်လို ဆက်ပြီးတော့ စောင့်ကြည့်သွားမလဲရှင့်။

ဖြေ - အခုကြားနေရတာကတော့ ဒီနေ့အဖြစ်အပျက်ကို မနက်မိုးလင်းတာနဲ့လည်း တန်းရှင်းမယ်လို့လည်း ပြောတယ်ဆိုတော့ ညီမတို့က ဘာမှန်းမသိတော့ အခု စောင့်နေရတယ်ပေါ့နော်။ တချို့ပြောတာကျတော့လည်း ညနေဘက်ကျလို့ရှိရင် သတင်းစာရှင်းလင်းပွဲတခု သမ္မတကနေ လုပ်ပြီးတော့ ရှင်းသွားမယ်လို့လည်း ပြောတယ်။ ဒါပေမဲ့ အတိအကျမသိရသေးတော့ ညီမတို့ကလည်း ဘာဖြစ်လာမလဲဆိုတာ မသိလို့ စောင့်နေတာပါပဲ။

ထက်အောင်, မေခ, အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

နေပြည်တော် ပြည်ထောင်စု ကြံ့ခိုင်ဖွံ့ဖြိုးရေး ပါတီဌာနချုပ်မှာ မနေ့က ပါတီညီလာခံနှင့် ကိုယ်စားလှယ်လောင်းများ တွေ့ဆုံပွဲအပြီး အခြေအနေ တင်းမာမှုနှင့် ရှုပ်ထွေးမှုများ ဖြစ်ပွားနေတယ်လို့ ဗွီအိုအေက သတင်းရရှိထားပါတယ်။ လုံခြုံရေး ရဲနှင့် စစ်တပ်ကပါ ပါတီဌာနချုပ်ကို ၀ိုင်းရံထားတယ်လို့ သတင်းများ ထွက်ပေါ်ပေမဲ့ အတည်ပြုချက် အတိအကျ မရသေးပါဘူး။ သတင်းအပြည့်အစုံကို မအင်ကြင်းနိုင်က တင်ပြထားပါတယ်။

ကြံ့ခိုင်ဖွံ့ဖြိုးရေးပါတီ ဥက္ကဋ္ဌနှင့် လက်ရှိ ပြည်ထောင်စု လွှတ်တော်နာယက သူရဦးရွှေမန်းရဲ့ သားဖြစ်သူ ဦးတိုးနိုင်မန်းကတော့ ည ၉ နာရီလောက်ကစပြီး ဌာနချုပ်ကို အ၀င်အထွက်တွေ ပိတ်ဆို့ထားကြောင်း အတည်ပြု ပြောဆိုပါတယ်။

“ကျနော်တော့ အသေအချာတော့ မသိရဘူးဗျ။ ၉ နာရီခွဲလောက်မှာတော့ အ၀င်အထွက် ပိတ်ထားတယ်ဆိုတာ တခုပဲ သိရပါတယ်။ ကျန်တာတော့ ကျနော် မသိရသေးပါဘူး။”

နေအိမ်မှာရှိနေတဲ့ ကြံ့ခိုင်ဖွံ့ဖြိုးရေးပါတီရဲ့ အထွေထွေအတွင်းရေးမှူး ဦးမောင်မောင်သိမ်းကလည်း အခြေအနေတွေ ရှုပ်ထွေးနေပြီး ဂဃနဏ မသိနိုင်သေးတဲ့အတွက် ပြောရခက်ကြောင်း ဗွီအိုအေကို ပြောပါတယ်။

“ဂဃနဏ မသိပါဘူးခင်ဗျာ။ အခြေအနေလေး နဲနဲ ရှုပ်ထွေးနေတဲ့ အခြေအနေလေးဆိုတော့ ကျနော်လည်း ပြောရတာ နဲနဲခက်ပါတယ်။

မေး - ဒါပေမဲ့ အန်ကယ်တို့ လူကြီးတွေအပိုင်းအနေနဲ့ တစုံတရာပေါ့နော်။ အားလုံးသိရအောင်ပေါ့ အနေအထားလေးတွေ ပြောပြလို့ရမလားပေါ့နော်။ အတိုင်းအတာတခုထိပေါ့လေ။

ဖြေ - လောလောဆယ်မှာတော့ မသိပါဘူးဗျာ။ လောလောဆယ်မှာတော့ အတော်လေး ခက်ခဲနေပါတယ်။

မေး - အန်ကယ်တို့ အနေအထားရော ဘယ်လိုလဲရှင့်။ လုံခြုံရေးတွေ အနေအထားရော။

ဖြေ - အန်ကယ်ကတော့ လောလောဆယ် အိမ်မှာပဲ ရှိပါတယ်။

မေး - ဟုတ်ကဲ့။နေပြည်တော်မှာပေါ့နော် အန်ကယ် အခုလောလောဆယ်။

ဖြေ - နေပြည်တော်မှာပဲ ဟုတ်ကဲ့။

မေး - ဟိုအန်ကယ် အဲဒါဆိုတော့ သတင်းတွေနဲ့ ပတ်သက်ပြီးတော့ ကျမတို့ တင်ပြတဲ့အခါမှာဆိုရင် အခြေအနေတွေ တင်းမာနေတယ်၊ ဒါမဟုတ် ရှုပ်ထွေးနေတယ်ဆိုရင် ဘယ်လိုစကားလုံး သုံးလို့ရမလဲ။

ဖြေ - ဒါကတော့ သမီးတို့ရေးချင်တာ ရေးလို့ရပါတယ်ဗျာ။

မေး - ဟုတ်ကဲ့။ အန်ကယ်တို့ဒီ လူကြီးတွေကြားထဲမှာ အခုရွေးကောက်ပွဲ ၀င်မယ့် အနေအထား အရင် ဒီနေ့မနက်က ပြောထားတဲ့အနေအထား အတိုင်းပဲ အစီအစဉ်တကျဖြစ်မလား။ အစီအစဉ် အပြောင်းအလဲတွေကော ဖြစ်မလားရှင့်။ အဲဒါဆိုရင် -

ဖြေ - အခုနေချိန်ကတော့ အခြေအနေတွေက မသဲကွဲဘူးလေ။ သိပ်မသဲကွဲတဲ့ အခါကျတော့ အခုတကယ်ပြောဖို့က အတော်လေး နဲနဲလေး ခက်ပါသေးတယ်လေ။ ကိုယ့်ဘက်ကတော့ ကိုယ်ဟာကိုယ်တော့ မပြောင်းလဲပါဘူး။ ဘာမှမပြောင်းလဲပါဘူး။

မေး - ဟိုနောက်ပြီးတော့ တပ်မတော်ဘက်က ကြံခိုင်ဖွံ့ဖြိုးရေးပါတီကိုဝင်မယ့် ကိုယ်စားလှယ်လောင်းတွေ စာရင်းကော အန်ကယ်တို့ဘက်မှာ အပြောင်းအလဲတွေ ရှိနိုင်သေးလားရှင့်။

ဖြေ။ ။ မရှိနိုင်ပါဘူး။

အခုလို နေပြည်တော်မှာ အခြေအနေတွေ တင်းမာနေတဲ့ ကိစ္စနဲ့ ပတ်သက်ပြီးတော့ နောက်ဆုံးသိရှိရတာကတော့ ကြံ့ခိုင်ဖွံ့ဖြိုးရေးပါတီ ဌာနချုပ်ဝင်းထဲမှာ အခု အသံလွှင့်နေတဲ့အချိန်အထိ လုံခြုံရေးတပ်တွေ ရှိနေဆဲ ပါတီအကြီးအကဲတချို့လည်း ရှိနေဆဲ ဖြစ်ပါတယ်။ ယမန်နေ့ကတော့ ၀င်းအတွင်းမှာရှိနေတဲ့ လူတွေကို တဆောင်နဲ့တဆောင် ကူးခွင့်မပြုဘူးလို့ တားမြစ်ထားတယ်ဆိုတဲ့အကြောင်း အဆောင်မှာ နေထိုင်သူတဦးက ဗွီအိုအေကို ပြောပြခဲ့ပါတယ်။ ဒါ့အပြင် ဒီကနေ့မနက် ၈ နာရီလောက်မှာ သမ္မတ ဦးသိန်းစိန်ဦးဆောင်မယ့် အစိုးရအဖွဲ့ အထူးအရေးပေါ် အစည်းအဝေး ခေါ်မည်ဖြစ်ကြောင်း ကြံ့ခိုင်ဖွံ့ဖြိုးရေးပါတီ ရုံးချုပ်နဲ့ နီးစပ်တဲ့ အသိုင်းအ၀ိုင်းက သတင်းတွေ ထွက်ပေါ်နေပါတယ်ရှင်။

ဦးမောင်မောင်သိမ်းနဲ့ဆက်သွယ်မေးမြန်းထားတဲ့အပြည့်အစုံကို အောက်ပါလင့်ခ်မှာနားဆင်နိုင်ပါတယ်။



ဗွီအိုအေ (မြန်မာဌာန)
http://burmese.voanews.com


ဘင်္ဂလားပင်လယ်အော်မှာ လေဖိအားနည်းရပ်ဝန်းတစ်ခုဖြစ်ပေါ်နေတဲ့အတွက် ရခိုင်ပြည်နယ်နဲ့ ဧရာဝတီမြစ်ဝ ကျွန်းပေါ်ဒေသတွေမှာ မိုးကြီးနိုင်ကြောင်း မိုးလေဝသနဲ့ ဇလဗေဒညွန်ကြားမှုဦးစီးဌာနက သတင်းထုတ်ပြန်ထားပါတယ်။

အဲဒီလေဖိအားနည်းရပ်ဝန်းဟာ ဒီရက်ပိုင်းအတွင်း အိန္ဒိယနိုင်ငံဘက်ကို ဖြတ်ကျော် ဝင်ရောက်နိုင်တဲ့အတွက် ရခိုင်ကမ်း ရိုးတန်းတလျှောက်မှာ လေပြင်း တိုက်ခတ်နိုင်တယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက ဒုတိယ ညွှန်ကြားရေးမှုး ဦးကျော်မိုးဦး က ပြောပါတယ်။

"လေဖိအားနည်းရပ်ဝန်းကတော့ အိန္ဒိယဖက် ကမ်းကိုကပ်နေပြီပေါ့လေ၊ မနက်ဖြန်၊ သဘက်ခါဆို အိန္ဒိယကိုဝင်သွား မယ်ပေါ့လေ၊ လေဖိအားနည်းရပ်ဝန်းရဲ့ အရှိန်ကြောင့် ကျနော်တို့ဖက် ကမ်းရိုးတန်းဒေသတွေမှာလည်း လေပြင်း တိုက်ခတ်တဲ့အနေအထား လည်းရှိနိုင်တယ်ပေါ့၊ ရခိုင်တို့၊ ဧရာဝတီတို့ဖက်မှာတော့ မိုးနည်းနည်းကြီးနိုင် ပါတယ်၊ အောက်ပိုင်းတွေမှာတော့ မုတ်သုန်အားကောင်းနေလို့ မွန်ပြည်နယ်၊ တနင်္သာရီ တွေမှာတော့ မိုးများနိုင်တဲ့ အနေအထားရှိပါတယ်"

ဒါ့အပြင် မွန်ပြည်နယ်နဲ့ တနင်္သာရီတိုင်းဒေသကြီးတို့မှာလည်း မိုးကြီးနိုင်တယ်လို့ သတိပေးထားပါတယ်။ ဧရာဝတီမြစ်ဝ ကျွန်းပေါ်ဒေသနဲ့ ပဲခူးတိုင်းအနောက်ခြမ်း က ဒေသတချို့တို့မှာ ရေလွှမ်းမိုးခဲ့ပြီး အခုချိန်ထိ ရေဘေးကယ်ဆယ်ရေး စခန်းတွေ ဖွင့်ထားရဆဲဖြစ်ပါတယ်။

RFA Burmese
http://www.rfa.org/burmese

 သံလွင်မြစ်တစ်နေရာကို တွေ့ရစဉ်။ Photo: Nay Thwae/RFA
 သံလွင်မြစ်မှာ တည်ဆောက်မယ့် ရေအား လျှပ်စစ်စီမံကိန်း ၆ခုကို ရပ်ဆိုင်းပေးဖို့ အရပ်ဘက် အဖွဲ့အစည်း ၅ ဖွဲ့က ဒီနေ့ တောင်းဆို လိုက်ပါတယ်။ ကရင်၊ ရှမ်းနဲ့ မွန်ပြည် နယ်တို့မှာ ရေလွှမ်းမိုးမှုတွေ ရှိလာနိုင်တာကြောင့် ဆည်တွေဆောက်လုပ်ဖို့ ပြင်ဆင်နေ တာကို ရပ်ဆိုင်းပေးဖို့ တောင်းဆိုတာဖြစ်တယ်လို့ မွန်ပြည်နယ် မော်လမြိုင်မြို့ ရာမည ဟိုတယ်မှာ ကျင်းပတဲ့ သတင်းစာရှင်းလင်းပွဲမှာ ကရင်မြစ်ချောင်းများ စောင့်ကြည့်ရေး ကွန်ရက်က ကိုစောသာဘိုးက ပြောပါတယ်။

"လက်ရှိအနေအထားမှာတောင် ကျနော်တို့ဆီမှာ ရေတွေကြီးနေတယ်၊ ကရင်ပြည်နယ်မှာလည်း ရေကြီးမှုတွေကြုံနေ ရပါတယ်၊ သံလွင်မြစ်တစ်လျှောက်မှာ ဆိုလည်း ပိုပြီးတော့မှ မုတ်သုန်မိုးများရင် ရေဝင်တာများမယ်၊ ဆောက်လုပ် မယ့်ရေကာတာထဲမှာ ရေဝင်တာပိုများရင် တစ်နိုင်ငံလုံး ဒုက္ခခံစားရသလို ကျနော်တို့ဖြစ်လာနိုင်တာကို ကျနော်ပြော ချင်တာပါ"

ဒါ့အပြင် ရေအားလျှပ်စစ်စီမံကိန်းဆောက်မယ့်နေရာတွေဟာ ငလျင်ပြတ်ရွေ့ ကြောတွေနဲ့ နီးကပ်နေတဲ့အတွက် ငလျင် လှုပ်တဲ့အခါ ဆည်တွေကျိုးပြီး မြစ်အောက် ပိုင်းမှာရှိတဲ့ ရွာတွေ အားလုံးရေလွှမ်းခံရနိုင်တယ်လို့လည်း ကန့်ကွက်သူတွေ က ပြောပါတယ်။ ကရင်မြစ်ချောင်းများစောင့်ကြည့်ရေးကွန်ရက်၊ သံလွင်ကာကွယ် ထိန်းသိမ်းရေးကွန်ရက်၊ ကျွန်းတစ်ထောင်မြေဖောင်ဒေးရှင်းနဲ့ မွန်လူငယ်အဖွဲ့တွေ စုပေါင်းပြီး ကန့်ကွက်တာဖြစ်ပါတယ်။ လက်ရှိ ကရင်ပြည်နယ် နဲ့ မွန်ပြည် နယ်တွေမှာ သံလွင်မြစ်ရေကြီးတဲ့အတွက် အိမ်ထောင်စု ၁၂၀၀ ကျော်က လူဦးရေ ၆၀၀၀ ကျော် ဟာ ရေဘေးကယ်ဆယ်ရေးစခန်းတွေမှာ ခိုလှုံနေကြ ရပါတယ်။ ရေအားလျှပ်စစ် စီမံကိန်း ၆ ခုကို တရုတ်ကုမ္ပဏီနဲ့ ထိုင်းကုမ္ပဏီတို့က ဆောက်လုပ်ဖို့ ပြင်ဆင်နေတာဖြစ်ပါတယ်။

RFA Burmese
http://www.rfa.org/burmese

ကရင်ပြည်နယ် ဘားအံမြို့က ၈၈ မျိုးဆက်ကရင်ကျောင်းသားအစည်းအရုံး ဥက္ကဌ ဦးစောမောင်ကြီးကို DKBA ဒီမိုကရေ စီအကျိုးပြု ကရင့်တပ်မတော်နဲ့ ဆက်နွယ် တယ်ဆိုပြီး မတရားအသင်း ဆက်သွယ်မှု ပုဒ်မ ၁၇ (၁)နဲ့ ကရင်ပြည်နယ် ရဲတပ်ဖွဲ့က ဖမ်းဆီးထိန်းသိမ်းလိုက်ပါတယ်။ သူ့ကို သြဂုတ်လ ၇ ရက် ညပိုင်းနေအိမ်ကနေ ဖမ်းဆီးသွားတာလို့ ဦးစောမောင်ကြီးရဲ့ဇနီး ဒေါ်နန်းမြရီက ပြောပါတယ်။

"ပထမတော့ လက်နက်ရှာဖွေတာပေါ့၊ DKBA က ဗိုလ်မှူးစန်းအောင်တပည့် ကောင်လေးတစ်ယောက်ကို သူတို့ဖမ်းမိ တယ်လေ၊ ကောင်လေးကပြောတယ်၊ ဦးစောမောင်ကြီးနဲ့ ၂ နှစ်လောက်နေဘူးတာပေါ့၊ ကောင်လေးကိုလည်း ကျမ တို့မသိပါဘူး၊ သေနတ်တွေပါလာတာပေါ့၊ ဦးစောမောင်ကြီးကို ပေးထားတာပေါ့၊ ရှာကြတာပေါ့၊ ဦးစောမောင်ကြီး ကလည်းပြောတယ်၊ ကျနော်မှာ ဘာလက်နက်မှမရှိဘူး၊ ရုံးတာဝန်ခံတွေလည်း အကုန်လုံးခေါ်သွားတယ်၊ ရုံးက လူတွေကျတော့ ဧည့်စာရင်းမှုနဲ့ စွဲထားတယ်၊ ဦးစောမောင်ကြီးကိုကျတော့ ၁၇ (၁)နဲ့ စွဲထားတယ်"

ဦးစောမောင်ကြီးနဲ့အတူ အဖွဲ့ဝင် ၈ ဦးကိုလည်း ဖမ်းဆီးပြီး သူတို့ ၈ဦးကို ဧည့်စာရင်း မတိုင်တဲ့အတွက် ဒဏ်ငွေ ၅ထောင် ပေးဆောင်စေပြီး ပြန်လွှတ်လိုက်တယ် လို့ သိရပါတယ်။ ၈၈ မျိုးဆက် ကရင်ကျောင်းသားအစည်းအရုံးက ဘားအံမြို့မှာ ရုံးခန်း ဖွင့်လှစ်ပြီး လယ်ယာမြေသိမ်းဆည်းခံရတဲ့ ပြဿနာတွေကို ကူညီဆောင် ရွက်ပေးနေတာဖြစ်တယ်လို့ သိရပါတယ်။ ဦးစောမောင်ကြီးဟာ အရင်က ကရင်အမျိုးသား အစည်းအရုံးမှာ ပါဝင်ခဲ့သူဖြစ်ပြီး၊ ပြီးခဲ့တဲ့ ၂၀၀၆ ခုနှစ်မှာ အလင်းဝင် ခဲ့သူဖြစ်တယ်လို့ ဇနီးဖြစ်သူက ပြောပါတယ်။

ဦးစောမောင်ကြီးကို ဘားအံမြို့မရဲစခန်းမှာ ဖမ်းဆီးချုပ်နှောင်ထားပြီး လာမယ့် သြဂုတ် ၁၇ ရက်နေ့မှာ ဘားအံမြို့နယ် တရားရုံးမှာ ရုံးထုတ်စစ်ဆေးမှာဖြစ်တယ်လို့ သိရပါတယ်။

RFA
http://www.rfa.org/burmese/news/karen-capital-arrested-08122015113344.html

 usdp-press-620.jpg ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီကနေ ၀င်ရောက်ယှဉ်ပြိုင်ကြမယ့် ကိုယ်စားလှယ်လောင်းတွေကြိုဆိုပွဲကို သြဂုတ်လ ၁၂ ရက်နေ့ကနေပြည်တော် ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီရုံးချုပ်မှာ ကျင်းပနေစဉ်

တပ်မတော်ကနေ အနားယူပြီး လာမယ့်ရွေးကောက်ပွဲမှာ ပြည်ထောင်စုကြံ့ခိုင်ရေး နဲ့ဖွံ့ဖြိုးရေးပါတီ USDP ကနေ ၀င်ရောက် ယှဉ်ပြိုင်မယ့် တပ်မတော်သား ကိုယ်စားလှယ်စာရင်းတချို့ဖြစ်ပါတယ်။

၁။ ဗိုလ်ချုပ်ကြီးလှဌေးဝင်း ဇေယျာသီရိမဲဆန္ဒနယ်၊ နေပြည်တော် ( ပြည်သူ့လွှတ်တော် )

၂။ ဗိုလ်ချုပ်ကြီးသူရသက်ဆွေ ကိုကိုးကျွန်း မဲဆန္ဒနယ်၊ ရန်ကုန် ( ပြည်သူ့လွှတ်တော် )

၃။ ဒုတိယဗိုလ်ချုပ်ကြီးဝေလွင် ဗုပ္ဗသီရိ မဲဆန္ဒနယ် ၊ နေပြည်တော် ( ပြည်သူ့လွှတ်တော် )

၎။ ဒုတိယဗိုလ်ချုပ်ကြီးသောင်းအေး ပျော်ဘွယ်မဲဆန္ဒနယ် ၊ မန္တလေးတိုင်း ( ပြည်သူ့လွှတ်တော် )

၅။ ဒုတိယဗိုလ်ချုပ်ကြီး စိုးသိန်း သပိတ်ကျင်းမဲဆန္ဒနယ် ၊ မန္တလေးတိုင်း ( ပြည်သူ့လွှတ်တော်)

၆။ ဒုတိယဗိုလ်ချုပ်ကြီး လှမင်း ရွှေကျင်မဲဆန္ဒနယ်၊ ပဲခူးတိုင်း ( ပြည်သူ့လွှတ်တော် )

၇။ ဗိုလ်ချုပ်ခင်မောင်ဌေး တနင်္သာရီ မဲဆန္ဒနယ် တနင်္သာရီတိုင်း ( ပြည်သူ့လွှတ်တော်)

၈။ ဗိုလ်ချုပ်ကျော်ညွန့် ပြင်ဦးလွင် မဲဆန္ဒနယ် မန္တလေးတိုင်း (ပြည်သူ့လွှတ်တော်)

၉။ ဗိုလ်ချုပ်ဥာဏ်ထွန်း ကနီ မဲဆန္ဒနယ် စစ်ကိုင်းတိုင်း (ပြည်သူ့လွှတ်တော်)

၁၀။ ဗိုလ်မှူးချုပ်ဇော်ဝင်း က၀မဲဆန္ဒနယ် ပဲခူးအရှေ့ (ပြည်သူ့လွှတ်တော်)

၁၁။ ဗိုလ်မှူးချုပ်တင်အောင်ချစ် အောင်လံမဲဆန္ဒနယ် ၊ မကွေးတိုင်း (ပြည်သူ့လွှတ်တော်)

၁၂။ ဗိုလ်မှူးချုပ်ဌေးနိုင် အမှတ် ၆ အုတ်တွင်း ၊ ထန်းတပင် ပဲခူးအရှေ့(အမျိုးသားလွှတ်တော်)

၁၃။ ဗိုလ်မှူးချုပ်သိန်းထိုက် အမှတ် ၂ ကံကြီးဒေါင့်၊ သာပေါင်း ၊ ကျောင်းကုန်း (အမျိုးသားလွှတ်တော်)

၁၄။ ဗိုလ်မှူးကြီး အောင်လွင် အမှတ် (၈) ကရင်ပြည်နယ် (အမျိုးသားလွှတ်တော်)

၁၅။ ဗိုလ်မှူးကြီးဒေါက်တာ ၀ုန်ဆွန်ထန်း တီးတိန် ချင်းပြည်နယ် ( ပြည်သူ့လွှတ်တော် )

၁၆။ ဗိုလ်မှူးကြီးဇော်မင်းဦး မတူပီ ချင်းပြည်နယ် ( ပြည်သူ့လွှတ်တော် )

၁၇။ ဗိုလ်မှူးကြီးမြင့်ရွှေ လဲချား ရှမ်းပြည်နယ်တောင်ပိုင်း ( ပြည်သူ့လွှတ်တော်)

၁၈။ ဗိုလ်မှူးကြီး လင်းဇော်ထွန်း မိုင်းဖြတ် ရှမ်းပြည်နယ်အရှေ့ပိုင်း ( ပြည်သူ့လွှတ်တော်)

၁၉။ ဗိုလ်မှူးကြီးကျော်နိုင် အမှတ် (၃) ဝေါ ၊ ဒိုက်ဦး၊ ရွှေကျင် (အမျိုးသားလွှတ်တော်)

၂၀။ ဗိုလ်မှူးကြီးမြသန်းထွန်း ပန်းတောင်း ပဲခူးအနောက် (ပြည်သူ့လွှတ်တော်)

၂၁။ ဗိုလ်မှူးကြီးမောင်မောင်ဝင်း လေးမြက်နှာ ဧရာဝတီတိုင်း ( ပြည်သူ့လွှတ်တော် )

RFA

ကာကွယ်ရေးဝန်ကြီးဌာနမှ အရာရှိ ရှစ်ဦးအား ကျန်းမာရေးဝန် ကြီးဌာနရှိ ကုသရေးဦးစီး ဌာနသို့ ပြောင်းရွှေ့တာဝန်ထမ်းဆောင် ရန် ဇူလိုင်လ အတွင်းက ကျန်းမာရေးဝန် ကြီးဌာန၊ ကုသရေးဦးစီးဌာနတွင်း အမိန့်ကြော်ငြာစာ ထုတ်ပြန်ခန့်အပ်ခဲ့သည်။ ထိုသို့ခန့်ထားမှုအပေါ် ယခု ရက်ပိုင်းအတွင်း ဝေဖန်မှုများ မြင့်တက်လာပြီး Black Ribbons ခေါ် အနက်ရောင် ဖဲပြားကို ကျန်းမာရေးဝန်ထမ်းများ တပ်ဆင်ရန် ကန်ပိန်း တစ်ခုပါ လူမူကွန်ယက်စာမျက်နှာတွင် အရှိန်အဟုန်ဖြင့် စတင် လျက်ရှိသည်။

အွန်လိုင်းတွင် ပြန့်လွင့်နေသည့် ကျန်းမာရေး ဦးစီးဌာနမှ အမိန့်ကြော်ငြာစာ ထဲတွင် ဒုဗိုလ်မှူးကြီး ရာထူးဖြင့် ပြောင်းရွှေ့လာသူကို ဒုညွှန်ကြားရေးမှူး ရာ ထူးဖြင့် လည်းကောင်း၊ ဗိုလ်မှူးရာထူးဖြင့် ပြောင်းရွှေ့လာသူကို လက်ထော က်ညွှန်ကြားရေးမှူးရာထူး ဖြင့်ခန့်အပ်ထားကြောင်း ဖော်ပြပါရှိသည်။

အဆိုပါ အမိန့်ကြေငှာစာတွင် ပါဝင်သည့် ဗိုလ်မှူးဇော်မိုးမြင့်မှာ ယခင် သမ္မတ အိမ်တော်၏ အထူးတပ်ဖွဲ့မှဖြစ်ကြောင်း 7Day နေ့စဉ် သတင်းစာ က ဖော်ပြခဲ့သည်။ ကျန်းမာရေးဦးစီးဌာနတွင် လက်ထောက်ညွှန် မှူး၊ ဦးစီး အရာရှိ စသည့် ပြန်တန်းဝင် အရာရှိရာထူးနေရာများကို ရရှိရန် ဆရာဝန်များ အနေဖြင့် နှစ်ချီဖြတ်သန်းပြီးမှ ရရှိသဖြင့် စစ်တပ်ဖက်မှ ဗိုလ်မှုး အဆင့်လောက်က ချက်ချင်း ရရှိနိုင်ခြင်းသည် ဆရာဝန်များကို များစွာ နှစ်နာစေ သည်ဟု ဆိုသည်။

အမိန့်ကြော်ငြာစာ အရထိုသို့ ပြောင်းရွှေ့လာသည့် တပ်မတော်အရာရှိကြီး ငါးဦးအနက် ဆေးပညာဘွဲ့မဟုတ်သည့် ရိုးရိုး သိပ္ပံဘွဲ့ရများ ပါဝင်လာပြီး ဗိုလ်ကြီးအဆင့်ရှိ တပ်မတော်ဆရာဝန်နှစ်ဦးမှာ ရန်ကုန်ပြည်သူ့ဆေးရုံကြီး တွင် အထူးကုဆရာဝန်အဖြစ် တိုက်ရိုက်ခန့်အပ်ခြင်းခံရကြောင်း ကျန်းမာရေး ၀န်ကြီးဌာန၏ အမိန့်ကြေငြာစာတွင် ဖော်ပြချက်အရ သိရသည်။

ဝန်ကြီးဌာနများတွင် မိုးကျရွှေကိုယ်ဟု လူသိများသော အဆင့်မြင့်ပိုင်း ရာထူးများကို သက်ဆိုင်ရာဝန်ကြီးဌာန အကြီးအကဲက မိမိတို့နှင့် နီးစပ်သူ တပ်မတော် အရာရှိများအား တိုက်ရိုက်ခန့်၍ မရတော့ဘဲ ရာထူးဝန် အဖွဲ့နှင့် ပြည်ထောင်စု အစိုးရအဖွဲ့ထံ တင်ပြခွင့်ပြုချက်ရယူပြီးမှ ခန့်ထား ရတော့မည်ဟု အစိုးရက ၂၀၁၃ ခုနျစ်ကတည်းက ပြောဆိုမှုများ ရှိခဲ့သည်။

ထိုစဉ်က “ဆွဲခန့်တွေကို ခန့်ချင်သလို ခန့်လို့မရတော့ဘူး။ ဥပဒေအရ လုပ်ရတော့မယ်” ဟု သမ္မတရုံး ညွှန်ကြားရေးမှူး ဦးဇော်ဌေးက ပြောကြောင်း ဧပြီလ ၁ ရက်နေ့ ၂၀၁၃ တွင် The Voice မီဒီယာသို့ ပြောကြားခဲ့သည်။

၂၀၁၃ ခုနှစ် မတ်လအတွင်း နိုင်ငံတော် သမ္မတ က ပြဋ္ဌာန်းခဲ့သည့် နိုင်ငံ့ ၀န်ထမ်း ဥပဒေ အခန်း (၃) အပိုဒ် (က) တွင် သက်ဆိုင်ရာ ၀န်ကြီး ဌာနနှင့် အဖွဲ့အစည်း အကြီးအမှူးသည် ၀န်ထမ်းအဖွဲ့အစည်း အသီးသီးရှိ ၀န်ထမ်း အမျိုးအစားအလိုက် သတ်မှတ်သည့် စတင်ခန့် ရာထူးအတွက် ရာထူးဝန် အဖွဲ့က ရွေးချယ်ပေးသော ၀န်ထမ်းများကိုသာ ခန့်ထားရမည် ဟု ဖော်ပြထားသည်။

နိုင်ငံတော် ဖွဲ့စည်းပုံအခြေခံ ဥပဒေမှာလည်းပြဌာန်းအရ - နိုင်ငံတော်သည်
(က) မိခင်နှင့်ကလေးသူငယ်များ၊ မိဘမဲ့ကလေးများ၊ ကျဆုံးသော တပ်မတော်သားများ၏ ကလေးများ၊ အိုမင်းမစွမ်းသူများ၊ မသန်စွမ်းဖြစ် သူများအား ကြည့်ရှုစောင့်ရှောက်ရမည်။
(ခ) မသန်စွမ်းဖြစ်လာသော တပ်မတော်သားများအား သင့်တင့်လျောက်ပတ် စွာ နေထိုင်စားသောက်နိုင်စေရန်နှင့် အသက်မွေးပညာကို အခလွတ် သင်ယူနိုင်စေရန် စီမံဆောင်ရွက်ရမည်။
ဟု ဖော်ပြပါရှိရာ

ယခု အရပ်ဖက်ပြောင်းလာသည့် တပ်မတော်သားတွေသည် ဖွဲ့စည်းပုံ အခြေခံ ဥပဒေ ပြဌာန်းချက်ထဲကလို မသန်စွမ်းဖြစ်နေသည် ဟု ဝေဖန် မှုများ ပေါ်ပေါက်လျက်ရှိသည်။

မိုးကျရွှေကိုယ်များနှင့် ပတ်သက်၍ ဒုတိယသမ္မတ ဒေါက်တာ စိုင်းမောက်ခမ်း က သာမန်အားဖြင့် အောက်ခြေမှတက်လာသော ၀န်ထမ်းများအနေဖြင့် လုပ်ငန်းကျွမ်းကျင်မှုပိုင်းတွင် ပြောရန်မရှိသော်လည်း ကြားမှဖြတ် ၀င်လာသော ပုဂ္ဂိုလ်များရှိလာပါက လက်ရှိဝန်ထမ်းများ စိတ်ဓာတ် ကျဆင်းစေနိုင်ကြောင်း၊ ယင်းအပြင် ၀န်ကြီးဌာန၏ လုပ်ငန်းများလည်း အထိုက်အလျောက် ကျဆင်းသွားနိုင်ကြောင်း ပြီးခဲ့သည့် ၂၀၁၂ ခုနှစ် အတွင်း ပြောကြားသော မိန့်ခွန်းတစ်ခုတွင် ပြောကြားခဲ့သည်။

မကြာသေးမီ လပိုင်းအတွင်းက ကရင်လက်နက်ကိုင်းအဖွဲ့ KNDO ခေါင်းဆောင် ဖြစ်သူက လက်ရှိအစိုးရသည် ကရင်ပြည်နယ်အတွင်း အစိုးရ အရာထမ်း ၀န်ထမ်းများထဲတွင် ကျောင်းဆရာ ဆရာမပါ မချန် စစ်တပ်တွင်းမှ ၀တ်စုံပြောင်းများ ဆေး/နားများကို ခန့်အပ် စိမ့်ဝင်စေပြီး ဖြစ်ကြောင်း The Ladies သတင်းဌာနသို့ ပြောကြားခဲ့သည်။

မောင်နိုး

ဓါတ်ပုံ - ရဲမင်းဝင်း (Black Ribbon Movement Myanmar 2015)

The Ladies News Journal


 ရေဘေးဒဏ်ခံနေရတဲ့ ဧရာဝတီတိုင်း ရေကြည်မြို့မှာ ကျောင်းကြိုလာတဲ့ စက်လှေတိမ်းမှောက်ပြီး ရေနစ်သေဆုံးမှုတွေ ဖြစ်ခဲ့တဲ့အတွက် စာသင်ကျောင်းပေါင်း ၂၀၀ ကျော်ကို ပိတ်လိုက်ရသလို၊ နောက်ထပ် မြို့အတော်များများမှာလည်း ရေတွေ ထပ်တက်လာနေတဲ့အတွက် ဒေသခံတွေ စိုးရိမ်နေကြပါတယ်။ ရေဘေးဒဏ် အဆိုးဆုံးခံခဲ့ရတဲ့ ချင်းပြည်နယ်မှာလည်း မြေပြိုမှုတွေ အပါအ၀င် နောက်ဆက်တွဲ ရေဘေးဒဏ်သင့်တဲ့ အခြေအနေတွေနဲ့ ကြုံနေရပါတယ်။ အပြည့်အစုံကိုတော့ ဗွီအိုအေ သတင်းထောက် မအေးအေးမာ က သတင်းပေးပို့ထားပါတယ်။

တိုင်းနဲ့ ပြည်နယ်တ၀ှမ်း ရေဘေးဒဏ်ခံနေရတဲ့အထဲက စိုးရိမ်ရေမှတ်တွေကို ကျော်လွန်နေတာကတော့ ဧရာဝတီတိုင်းထဲက မြို့နယ်တချို့ ဖြစ်ပြီး မိုးကြီးရေလျှံခြင်း၊ လှိုင်းကြမ်း ရေကြမ်းခြင်းတွေကြောင့် မနေ့ကပဲ ရေကြည်မြို့နယ်ထဲက ကျောင်းသားတွေ တင်လာတဲ့ စက်လှေ နစ်မြုပ်ပြီး သေးဆုံးမှုတွေ ဖြစ်ခဲ့တာပါ။ ဒီအတွက် ရေကြည်မြို့နယ်ထဲက ကျောင်းပေါင်း ၂၀၀ ကျော်ကို ပိတ်ထားလိုက်ရသလို ဧရာဝတီတိုင်းအတွင်းမှာ မြစ်ရေကြီးတာတွေ ဆက်ဖြစ်နေတယ်လို့ ဧရာဝတီတိုင်းက လူအခွင့်ရေးလှုပ်ရှားသူ ကိုမြင်နိုင်က ပြောပါတယ်။

“ရေကြည်ဘက်မှာတော့ ပိတ်လိုက်ပြီ။ ပုသိမ်ဘက်မှာတောင် အနိမ့်ပိုင်းကျောင်းတွေကတော့ ပိတ်ပြီး၊ ရေကတော့ တောက်လျှောက်တိုးတာ၊ တော်တော်များများတော့ မြုပ်တယ်၊ ကမ်းနားလမ်းတောက်လျှောက်မြုပ်တယ်။ ရေကအယ်နေတာပေါ့။ အောက်ကို ဆင်းမသွားတော့ဘူး။ တဖြေးဖြေး တိုးလာတာပဲ ရှိတဲ့အတွက် ဒီနေ့ဆိုရင် တပေ၀န်းကျင်လောက်ကို တိုးတယ်ခင်ဗျ။ မနက်က ကျနော် ကမ်းနားလမ်း တောက်လျှောက်သွားတာတော့ တောက်လျှောက်ကို မြုပ်နေတာ။”

ရေကြီးတဲ့ဒဏ်ကို အဆိုးဆုံးခံခဲ့ရတဲ့ စစ်ကိုင်းတိုင်း ကလေးမြ်ို့မှာ တချို့ရေကြီးတဲ့ ရပ်ကွက်တွေက ရင်ဘတ်လောက်အထိရှိတဲ့ ရွှံ့နွံတွေ ကျန်နေသေးတဲ့အတွက် နေထိုင်လို့ မရသေးသလို အမှိုက်စွန့်ပစ်မယ့် နေရာတွေ စနစ်တကျမရှိတဲ့အတွက် ရေမကြီးတဲ့ စက်မူဇုံဘက်မှာ တရိစ္ဆာန်အသေကောင်များ အမှိုက်တွေ လာရောက် စုပုံနေကြတာတွေ ရှိနေတယ်လို့ ဆိုပါတယ်။ ဒီအတွက် ကျန်းမာရေးအရ ထိခိုက်မှုတွေ ရှိနေပြီလို့ ကလေးမြို့ခံတဦးကလည်း ပြောပါတယ်။

“ကျနော်တို့ ဒီဘက် ကလေးမြို့ဘက် မဟုတ်ဘဲနဲ့ တောင်ဟိုင်းဘက်ခေါ်တာပေါ့ တောင်ဟိုင်းစက်မှုဇုန်ဘက်က ကျနော်တို့ ရေမကြီးတဲ့အပိုင်းပေါ့ဗျာ အမှိုက်တွေကို ဒီဘက်ကို လာပြီးတော့ ပစ်ကျတယ်ဗျ။ နဂိုကတည်းက ကျနော်တို့ ကလေးမြို့က အမှိုက်ပုံမရှိဘူး။ အမှိုက်ပုံမရှိဘူးဆိုတော့ ကြုံသလိုပဲ ချောင်းထဲတို့၊ မြစ်ထဲတို့ ပစ်ကြတယ်။ အဲဒီမှာပဲ သွားသွားပြီးတော့ ပစ်နေကြတယ်ခင်ဗျ။ အဲဒီမှာ အမှိုက်တွေ သွားသွားပစ်တာ ကျနော် ဒီနေ့ သွားကြည့်တာတော့ အမှိုက်ပုံက လူတရပ်စာလောက်ကို ကျော်နေပြီ။ အပုပ်နံ့တွေလည်း တော်တော်များတယ်ဗျ။ အခြေအနေ တော်တော်ဆိုးတယ်။ ဒီကြားထဲမှာမှ မရှိဆင်းရဲသားတွေက အမှိုက်တွေကို ကောက်တဲ့ကလေးတွေလည်း ရှိတယ်ဗျ။ ခက်တာက အကောင်သေတွေပေါ့ဗျာ ရေမြုပ်သွားတော့ ဟိုဘက် မြို့ထဲက ရေမြုပ်တဲ့ရပ်ကွက်တွေက ပြန်နေလို့မရဘူး။ ဘာလို့လဲဆိုတော့ နှုံးတွေက တင်ပြီးတော့ ကျန်ခဲ့တာ။ တချို့နေရာတွေဆိုရင် ခါးတို့၊ ရင်ခေါင်းလောက်အထိကို နှုံးတွေ ကျန်ခဲ့တယ်ဗျ။ ကျန်ခဲ့တော့ ပြဿနာက ဘာဖြစ်လာသလဲဆိုတော့ ၀မ်းပျက်ဝမ်းလျှောရောဂါတွေ စပြီးတော့ ဖြစ်လာပြီဗျ။”

သဘာဝရေးဘေးဒဏ်တွေနဲ့ မြေပြိုမှုတွေ အများဆုံးဖြစ်ခဲ့ရတဲ့ ချင်းပြည်နယ်မှာတော့ လမ်းပန်းဆက်သွယ်ရေး ခက်ခဲနေဆဲမို့ ကူညီကယ်ဆယ်ရေး လုပ်ငန်းတွေတောင် မရသေးသလို ပြန်လည်ထူထောင်ရေး စတင်ဖို့ကတော့ အခက်အခဲတွေ ရှိနေဆဲပဲလို့ ချင်းပြည်နယ်က ဆလိုင်းကျုံကျန်းထောင်း က ပြောပါတယ်။

“အဓိကကတော့ ကျနော်တို့ တောင်ပေါ်မှာတော့ မြေပြိုတဲ့ ပြဿနာပေါ့နော်။ အဓိက လမ်းတွေပျက်သွားတယ်၊ တံတားတွေ ပျက်သွားတယ်။ လူအိမ်ခြေတွေ ပျက်သွားတယ်။ မြေပြိုလို့ တချို့လူတွေ ရွှေ့ရမယ့် အနေအထားတွေမှာရှိတယ်။ ပြီးတော့ စိုက်ပျိုးရေးလုပ်နေတဲ့ နေရာတွေ ပျက်စီးသွားတာမျိုးပေါ့နော် အမြန်ဆုံးလိုတာကတော့ ကားလမ်းပေါက်ဖို့တော့ အမြန်ဆုံး လိုတယ်။ အဲဒါမှ မပေါက်ဘူးဆိုရင် ကျနော်တို့ ဒီ အရေးပေါ် စားနပ်ရိက္ခာ ပို့ဖို့ အပိုင်းတွေကအစ တော်တော်ကြီးကို ခက်ခဲတယ်။ ပြန်လည် ထူထောင်ရေးကတော့ အဝေးကြီးပေါ့ဗျာ နော်။”

ရခိုင်ပြည်နယ်၊ စစ်ကိုင်းတိုင်း၊ မကွေးတိုင်း၊ ပဲခူးတိုင်းတွေမှာလည်း နေရာတချို့ မှာ ရေကျသွားပေမဲ့ မြို့နယ် ကျေးရွာတွေအလိုက် ရွှံနွံတွေ ကျန်နေသေးတာမို့ ပြန်လည်ထူထောင်ရေး လုပ်ငန်းတွေလုပ်ဖို့ အရှိန်ယူရဦးမယ်လို့ ဆိုပါတယ်။ တချို့နေရာတွေမှာတော့ သောက်သုံးရေ စားစရာတွေ ပြတ်လတ်နေဆဲဖြစ်ပြီး ကူညီကယ်ဆယ်ရေးတွေ လုံလောက်မှုတွေ မရှိသေးဘူးလို့လည်း ရေဘေးသင့်သူတွေက ဆိုပါတယ်။ မြန်မာနိုင်ငံတ၀ှမ်းမှာ ရေဘေးကြောင့် သေဆုံးသူ ၁၀၀ ၀န်းကျင်ရှိပြီး ရေဘေးသင့်ပြည်သူ ၁ သန်းနီးပါး ရှိတယ်လို့ အစိုးရက သတင်းထုတ်ပြန်ထားပါတယ်ရှင်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com

ဓါတ်ပုံ - MOI
 ပြည်ထောင်စုဝန်ကြီးများ ဖြစ်ကြတဲ့ သမ္မတရုံး ၀န်ကြီးဌါန ( ၅ ) ပြည်ထောင်စုဝန်ကြီး ဦးတင်နိုင်သိန်း ဆက်သွယ်ရေးနှင့် သတင်းအချက်အလက် နည်းပညာ ၀န်ကြီးဌါန ပြည်ထောင်စုဝန်ကြီး ဦးမြတ်ဟိန်း လူဝင်မူ့ ကြီးကြပ်ရေးနှင့်ပြည်သူ့ အင်အားဝန်ကြီးဌါန ပြည်ထောင်စုဝန်ကြီး ဦးခင်ရီနဲ့ ရထားပို့ ဆောင်ရေး ၀န်ကြီးဌါန ပြည်ထောင်စုဝန်ကြီး ဦးသန်းဌေးတို့ ကို နိုင်ငံတော်သမ္မတကနှုတ်ထွက်ခွင့် ပြုလိုက်တယ်လို့ နိုင်ငံပိုင်သတင်းမီဒီယာ တွေမှာ ကြောငြာသွားပါတယ်။

ဒါအပြင် ပြည်ထောင်စု ရာထူးဝန်အဖွဲ့ အဖွဲ့ဝင် ဒေါက်တာကျော်ကျော်ဌေး၊ ပြန်ကြားရေးဝန်ကြီးဌါန ဒုတိယ၀န်ကြီးဦးပိုက်ထွေး၊ သာသနာရေးဝန်ကြီးဌါန ဒုတိယ ၀န်ကြီးဒေါက် တာမောင်မောင်ဌေး၊ သမ၀ါယမ ၀န်ကြီးဌါ ဒုတိယ၀န်ကြီးဦးသန်းထွန်းနဲ့ အလုပ်အကိုင်နှင့်လူမူ့ ဖူလုံရေး ၀န်ကြီးဌါန ဒုတိယ၀န်ကြီးဒေါ် ၀င်းမော်ထွန်းတို့ ကိုလဲ နှုတ်ထွက်ခွင့်ပြုလိုက်ပါတယ်။

BBC Burmese
https://www.facebook.com/bbcburmese


 တရုတ်နိုင်ငံရဲ့ ငွေကြေးတန်ဖိုးကို တရုတ်ဗဟိုဘဏ်က အင်္ဂါနေ့မှာ ၂ % နီးပါး လျှော့ချလိုက်ပါတယ်။ ဒါကြောင့် နိုင်ငံရဲ့ ပြည်ပပို့ကုန်တန်ဖိုး ဈေးကျသွားမှာဖြစ်သလို တရုတ်ကုန်ပစ္စည်းတွေ ဈေးကွက်မှာ ပိုမို ယှဉ်ပြိုင်နိုင်မှာ ဖြစ်ပါတယ်။ အခုလို ပြုလုပ်လိုက်တဲ့အတွက် တရုတ်နိုင်ငံက စားသုံးသူတွေအတွက် ပြည်ပကနေ တင်သွင်းမယ့် ကုန်ပစ္စည်းတွေကတော့ ဈေးတက်သွားပါလိမ့်မယ်။

ကမ္ဘာပေါ်မှာ ဒုတိယစီးပွားရေးအင်အား အကြီးမားဆုံးဖြစ်တဲ့ တရုတ်နိုင်ငံရဲ့ ပို့ကုန်ဈေးကွက် အခြေယိုင်သွားပြီး စတော့ရှယ်ယာ ဈေးကွက်လည်း ကမောက်ကမ ဖြစ်သွားခဲ့ပြီးတဲ့နောက် အခုလို ပြောင်းလဲ ဆောင်ရွက်ချက် လုပ်ဆောင်လိုက်တာပါ။

PNC ဘဏ်ရဲ့ စီးပွားရေးလေ့လာသုံးသပ်သူ Gus Fucher ကတော့ အခုလုပ်လိုက်တဲ့ ငွေကြေး လဲလှယ်တဲ့ မူဝါဒ ပြုပြင်ပြောင်းလဲလိုက်မှုကြောင့် တရုတ်နိုင်ငံရဲ့ စီးပွားရေး ဖွံ့ဖြိုးမှုကို အထောက်ကူ ဖြစ်လာနိုင်တယ်လို့ ပြောပါတယ်။

တရုတ်နိုင်ငံရဲ့ ပြည်တွင်းသုံးငွေကြေးကို အစိုးရက တင်းတင်းကျပ်ကျပ် ထိန်းချုပ်ထားပြီး တရုတ်နိုင်ငံ ပြည်သူ့ဘဏ် PBOC က နေ့စဉ် သပ်မှတ်ထားထားတဲ့ နှုန်းထားထက် ၂ % အတိုးအလျှော့ လုပ်ခွင့်ရှိပါတယ်။

ဗွီအိုအေ (မြန်မာပိုင်း)
http://burmese.voanews.com

ပြည်ခိုင်ဖြိုးပါတီ အထွေထွေတွင်းရေးမှုး ဦးမောင်မောင်သိမ်း
 နိုဝင်ဘာလ ၈ ရက်နေ့မှာ ကျင်းပဖို့ စီစဉ်ထားတဲ့ ရွေးကောက်ပွဲမှာ သမ္မတဦးသိန်းစိန်နဲ့ ဒုသမ္မတ ဦးဥာဏ်ထွန်းတို့ ပါတီကိုယ်စားပြု ဝင်ရောက် ယှဉ်ပြိုင်တော့မှာ မဟုတ်ဘူးလို့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက တရားဝင် ကြေညာလိုက်ပါတယ်။ ဒုတိယဗိုလ်ချုပ်ကြီးတဦး အပါအ၀င် တပ်မတော်သား ကိုယ်စားလှယ် ၆၀ လောက်ဟာလည်း ရွေးကောက်ပွဲမှာ အရပ်သားအဖြစ် ပြောင်းလဲ အရွေးခံဖို့ အဆိုပြုထားတယ်လို့လည်း ပြောပါတယ်။ အပြည့်အစုံကိုတော့ နေပြည်တော်မှာ ကိုယ်တိုင်သွားရောက် သတင်းယူခဲ့တဲ့ ဗွီအိုအေသတင်းထောက် မေခက သတင်းပေးပို့ထားပါတယ်။

သမ္မတနဲ့ ဒုသမ္မတတို့ဟာ ပြည်ခိုင်ဖြိုးပါတီကနေ ဝင်ရောက်ယှဉ်ပြိုင်တော့မှာ မဟုတ်တဲ့အကြောင်း ဒီကနေ့ နေပြည်တော်မှာ ကျင်းပပြုလုပ်ခဲ့တဲ့ သတင်းစာ ရှင်းလင်းပွဲမှာ တရားဝင် ထုတ်ဖော်ပြောဆို လိုက်တာပါ။ သမ္မတဦးသိန်းစိန် ၂၀၁၀ တုန်းက ကိုယ်စားပြု ယှဉ်ပြိုင်ခဲ့တဲ့ ဇဗ္မူသီရိ မဲဆန္ဒနယ်ကိုတော့ ဒီနှစ်ရွေးကောက်ပွဲမှာ လက်ရှိ ဆက်သွယ်ရေးဝန်ကြီး ဦးမြတ်ဟိန်းက ယှဉ်ပြိုင်မှာ ဖြစ်တယ်လို့ ပြည်ခိုင်ဖြိုးပါတီ ဗဟိုအလုပ်မှုဆောင် ဦးသိန်းဆွေက ပြောပါတယ်။
“သမ္မတကြီးလည်း မပြိုင်ဘူး၊ ဒုတိယသမ္မတ ဦးဥာဏ်ထွန်းလည်း မပြိုင်ဘူးလို့ပဲ ကျနော်တို့ နားလည်ပါတယ်။”

၂၀၀၈ ဖွဲ့စည်းပုံ အခြေခံဥပဒေ ပုဒ်မ ၆၀ အရ သမ္မတအနေနဲ့ ရွေးချယ်ခံမယ့်သူဟာ ပါတီကိုယ်စားလှယ်လောင်းတဦး ဖြစ်ဖို့မလိုဘူးလို့ ပြဌာန်းထားတဲ့အတွက် သမ္မတဦးသိန်းစိန် အနေနဲ့ နောက်တကြိမ် သက်တမ်းအတွက် အရွေးချယ် ခံမခံ ဆိုတာကိုတော့ ရှင်းရှင်းလင်းလင်း မပြောပါဘူး။ လက်ရှိမှာ အာဏာရ ပြည်ခိုင်ဖြိုးပါတီကနေ လက်ရှိ အစိုးရအဖွဲ့ဝင် ပါတီဝင်ဟောင်း ၂၃ ယောက် ပြန်လည်ဝင်ရောက် အရွေးခံမှာပါ။ ပါတီဝင် မဟုတ်တဲ့ လက်ရှိအစိုးရအဖွဲ့ဝင် ၂၃ယောက် ဟာလည်း ပါတီကိုယ်စားပြု ဝင်အရွေးခံမယ်လို့ ပြည်ခိုင်ဖြိုးပါတီက အထွေထွေအတွင်းရေးမှူး ဦးမောင်မောင်သိမ်းက ပြောပါတယ်။ ပြင်ပကတတ်သိပညာရှင်၊ အထင်ကရပုဂ္ဂိုလိ ၆၉ ဦးဟာလည်း ပါတီကိုယ်စားပြု ဝင်ပြိုင်မယ်လို့ ဦးမောင်မောင်သိမ်း ကပြောပေမဲ့ ဝင်ပြိုင်မယ့်သူ စာရင်းအတိအကျကို ထုတ်ပြန်နိုင်ခြင်း မရှိသေးဘူးလို့ ပြောပါတယ်။
လက်ရှိ အစိုးရအဖွဲ့ဝင်တွေအပြင် လာမယ့် ၂၀၁၅ ရွေးကောက်ပွဲမှာ ပြည်ခိုင်ဖြိုး ပါတီကနေ ရာထူးမြင့် တာဝန်ထမ်းဆောင်ခဲ့ဖူးသူ တပ်မတော်သားဟောင်း ၅၉ ဦးလည်း ဝင်ရောက် ရွေးချယ်ခံမှာ ဖြစ်ပါတယ်။


ဒီလို တပ်မတော်သားဟောင်းတွေ ဝင်ရောက်ယှဉ်ပြိုင် ရွေးချယ်ခံရာမှာ နေရာရွေးချယ်မှုနဲ့ ပတ်သတ်ပြီး ပြည်ခိုင်ဖြိုးပါတီက အထွေထွေတွင်းရေးမှုး ဦးမောင်မောင်သိမ်းက အခုလို ပြောပါတယ်။
“အဓိကအားဖြင့်ကတော့ တပ်မတော်သား ကိုယ်စားလှယ်တွေသည်၊ နံပတ်တစ် သူတို့ရဲ့ မွေးရာဇာတိ နေရာတွေမှာ ရွေးပါတယ်။ နံပတ်နှစ်ကတော့ သူတို့တာဝန်ထမ်းဆောင်ခဲ့တဲ့ အချိန်မှာ ဒေသခံပြည်သူတွေက သူတို့ရဲ့ဆောင်ရွက်ချက်တွေကို အသိအမှတ် ပြုပြီးတော့မှ တောင်းဆိုတာတွေ ရှိပါတယ်။ အဲဒီလို နေရာတွေမှာ ရွေးချယ်ပါတယ်။”

လာမယ့် ၂၀၁၅ ရွေးကောက်ပွဲမှာ ပြည်ထောင်စုအဆင့် ပြည်သူ့လွှတ်တော်မှာ တပ်မတော်သားဟောင်း ၁၉ ဦး၊ အမျိုးသားလွှတ်တော်မှာ တပ်မတော်သားဟောင်း ၇ ဦး၊ တိုင်းလွှတ်တော်မှာ တပ်မတော်သားဟောင်း ၃၃ ဦး၊ ပေါင်း ၅၉ ဦး ၀င်ရောက်ယှဉ်ပြိုင်သွားမှာ ဖြစ်ပါတယ်။ ဒီလိုလက်ရှိ အာဏာရပါတီထဲမှာ တပ်မတော်သားဟောင်းတွေနဲ့ ဝန်ကြီးတွေ ပါဝင်ယှဉ်ပြိုင်မှာ ဖြစ်ပေမဲ့ လာမယ့်ရွေး ကောက်ပွဲကို ပြီးခဲ့တဲ့နှစ် ရွေးကောက်ပွဲလို အများဆုံး အနိုင်ရရှိမယ်လို့ မထင်ကြောင်း ပြည်ခိုင်ဖြိုးပါတီက အထွေထွေအတွင်းရေးမှူး ဦးမောင်မောင်သိမ်းက အခုလို ပြောပါတယ်။
“၂၀၁၀ တုန်းကတော့ ကျနော်တို့က ၇၆ ရာခိုင်နှုန်းကျော် အနိုင်ရခဲ့ပါတယ်။ ဒါပေမဲ့ အခု ၂၀၁၅ မှာတော့ ဒီလိုမျိုးတော့ မရနိုင်တော့ဘူး။ ကျနော်တို့လည်း အဲဒီလောက်အထိတော့ မမျှော်မှန်းပါဘူး။ သို့သော် ထိုက်တန်တဲ့ အချိုးတခုတော့ ကျနော်တို့ ရလိမ့်မယ်လို့ ကျနော်တို့ကိုယ် ကျနော်တို့ ယုံကြည်ပါတယ်။ မျှော်လည်း မျှော်လင့်ပါတယ်။”

လာမယ့် ၂၀၁၅ ရွေးကောက်ပွဲကို ပြည်ခိုင်ဖြိုးပါတီကနေ ကိုယ်စားလှယ် ၁,၀၀၀ ကျော်ဝင်ရောက်ယှဉ်ပြိုင်မှာပါ။ ကချင်နဲ့ ရှမ်းပြည်နယ်မှာရှိတဲ့ မဲဆန္ဒနယ် ၃၀ ကျော်ကို မိတ်ဘက်ပါတီအတွက် ဝင်ရောက်ယှဉ်ပြိုင်မှာ မဟုတ်ဘူးလို့ ပြည်ခိုင်ဖြိုးပါတီက တရားဝင် ထုတ်ဖော်ပြောဆို ထားပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com


 မြန်မာ့ရေဘေးဒုက္ခသည် တသန်းကျော်လောက်ထဲက (၄) သိန်းခွဲကို အရေးပေါ် စားနပ်ရိက္ခာ ထောက်ပံ့နိုင်ဖို့ စီစဉ်နေကြောင်း ကမ္ဘာ့စားနပ်ရိက္ခာအစီအစဉ် WFP က မနေ့က ပြောကြားလိုက်ပါတယ်။ အလားတူ ရေဘေးသင့်ဒေသတွေမှာ လူသားချင်းစာနာကူညီမှု အနေနဲ့ အမေရိကန်ပြည်ထောင်စု နိုင်ငံတကာ ဖွံ့ဖြိုးရေးအေဂျင်စီ (USAID) က အမေရိကန်ဒေါ်လာ (၆) သိန်း လှူဒါန်းမယ်လို့ ကြေညာထားပါတယ်။ မအင်ကြင်းနိုင်က တင်ပြထားပါတယ်။

မြန်မာနိုင်ငံမှာ လက်ရှိရင်ဆိုင်နေရတာဟာ နိုင်ငံရဲ့သမိုင်းမှာ အဆိုးရွားဆုံး ရေကြီးမှု သဘာဝဘေးအန္တရာယ်တွေထဲက တခုဖြစ်တယ်လို့ WFP ကပြောပါတယ်။ လူပေါင်း တစ်သန်းကျော် ရေဘေးသင့်ခဲ့ပြီး အဲဒီထဲက ၄၀% ကျော်ဟာ အရေးပေါ် စားနပ်ရိက္ခာ ထောက်ပံ့ဖို့ အမြန်ဆုံးလိုအပ်နေကြောင်းလည်း WFP ကထုတ်ပြန်ကြေညာ ထားပါတယ်။

ဒါ့အပြင် စစ်ကိုင်းတိုင်း၊ ချင်းနဲ့ ရခိုင်ပြည်နယ် အပါအ၀င် ရေဘေးဒဏ် အဆိုးရွားဆုံးခံခဲ့ရတဲ့ ဒေသတွေမှာ WFP ရဲ့ အရေးပေါ် ထောက်ပံ့ကူညီမယ့် အစီအစဉ်တွေနဲ့ ပတ်သက်လို့ မနေ့က နယူးယောက် ကုလသမဂ္ဂဌာနချုပ်မှာ ကျင်းပတဲ့ ပုံမှန်သတင်းစာရှင်းလင်းပွဲမှာ ကုလသမဂ္ဂ အတွင်းရေးမှုးချုပ်ရဲ့ ပြောခွင့်ရပုဂ္ဂိုလ် Stephane Dujarric က အခုလို ပြောပါတယ်။

“ကုလသမဂ္ဂ လက်အောက်ခံ ကမ္ဘာ့စားနပ်ရိက္ခာအစီစဉ် WFP အနေနဲ့ အဆိုးရွားဆုံး ရေဘေးဒဏ်ခံရတဲ့ ဒုက္ခသည်ဦးရေ (၄) သိန်းခွဲအတွက် အရေးပေါ် စားနပ်ရိက္ခာ ထောက်ပံ့နိုင်ဖို့ မြန်မာအစိုးရ အပါအ၀င် အစိုးရမဟုတ်တဲ့ ပြည်တွင်းက NGO အဖွဲ့အစည်းတွေနဲ့ အနီးကပ် ပူးပေါင်းဆောင်ရွက် နေပါတယ်။ တလစာ ဆန်၊ ဆီ၊ ဆား၊ ပဲဗူးနဲ့ တခြားစည်သွတ်ဗူးတွေ ပါဝင်ပါတယ်။ ဒါ့အပြင် အချိုးကျ ခွဲဝေထားတဲ့ ခွန်အားဖြစ် ဘီစကွတ်တွေကို တပတ်စာ ရိက္ခာအနေနဲ့လည်း ပို့ပေးနေပါတယ်။ အခုဆိုရင် ဒုက္ခသည် (၂) သိန်းကျော်အထိ စားနပ်ရိက္ခာတွေကို WFP အနေနဲ့ ပို့ပေးပြီး ဖြစ်ပါတယ်။”

အလားတူ အမေရိကန်ပြည်ထောင်စု နိုင်ငံတကာ ဖွံဖြိုးရေးအေဂျင်စီ (USAID) က ရေဘေးသင့် ပြည်သူတွေအတွက်  အမေရိကန်ဒေါ်လာ ၆ သိန်းဘိုး အကူအညီပေးမှာ ဖြစ်တယ်လို့ သြဂုတ်လ (၆) ရက်နေ့က ထုတ်ပြန်ကြေညာခဲ့ပါတယ်။ ထောက်ပံ့ရေး အစီစဉ်နဲ့ ပတ်သက်လို့ USAID ရဲ့ ပြောခွင့်ရပုဂ္ဂိုလ်က အခုလိုပြောပါတယ်။

“မြန်မာနိုင်ငံမှာ ရေဘေးကယ်ဆယ်ရေး ပံ့ပိုးဖို့ လူသားချင်းစာနာမှုဆိုင်ရာ အထောက်အပံ့ အနေနဲ့ USAID က ဒေါ်လာ (၆) သိန်း အကူအညီပေးမှာ ဖြစ်ပါတယ်။ ဒီရန်ပုံငွေကနေ ကိုမန်ဆိုင်ကလုန်းနဲ့ မုတ်သုန်မိုးသည်းထန်မှုကြောင့် ရေဘေးသင့်တဲ့ ဒေသတွေက ဒုက္ခသည်တွေအတွက် စိတ်ချရတဲ့သောက်သုံးရေထောက်ပံ့ဖို့၊ မိလ္လာသန့်စင်ရေးနဲ့ တကိုယ်ရေသန့်ရှင်းရေး အသုံးအဆောင်တွေ အပါအ၀င် အရေးပေါ် ကယ်ဆယ်ရေး ပစ္စည်းတွေနဲ့ တခြားအရေးတကြီး လိုအပ်နေတဲ့ ဆေးဝါးပစ္စည်းတွေကို ပို့ဆောင်ကူညီသွားမှာ ဖြစ်ပါတယ်။”

မြန်မာ့ရေဘေး ဒုက္ခသည်တွေအတွက် အရေးပေါ်ကူညီရေးနဲ့ ပြန်လည်ထူထောင်ရေး နိုင်ငံတကာ အသိုင်းအ၀ိုင်းက ပါဝင်ကူညီနေရာမှာ ဥရောပသမဂ္ဂက ယူရုိုငွေ (၄) သန်းခွဲ၊ သြစတြေးလျနိုင်ငံ က ဒေါ်လာ (၂) သန်း၊ တရုတ်နိုင်ငံက ဒေါ်လာ (၃) သိန်း အပါအ၀င် အိမ်နီးချင်း ထိုင်းနိုင်ငံက ထိုင်းဘုရင်အနေနဲ့ ဘတ် (၅) သိန်း၊ စင်္ကာပူ ကြက်ခြေနီအသင်းကြီးက ဒေါ်လာ (၁) သိန်း စသဖြင့် လှူဒါန်းခဲ့ကြပါတယ်။

လက်ရှိမြန်မာအစိုးရ အနေနဲ့ သဘာဝဘေးအန္တရာယ်နဲ့ ပတ်သက်လို့ စီမံခန့်ခွဲမှု အပိုင်းမှာ အားနည်းခဲ့ပေမဲ့ အခုလို နိုင်ငံတကာ အသိုင်းအ၀ိုင်းရဲ့ အကူအညီတွေကို ခွင့်ပြုပြီး ပူးပေါင်းဆောင်ရွက်နေတာကို ကုလသမဂ္ဂနဲ့ နိုင်ငံတကာက အသိအမှတ်ပြု ပြောဆိုခဲ့ပါတယ်။

၂၀၀၈ ခုနှစ်က မြန်မာ့သမိုင်းမှာ အဆိုးရွားဆုံး ဘေးအန္တရာယ်ကြီးတခုဖြစ်တဲ့ နာဂစ်ဆိုင်ကလုန် မုန်တိုင်းသင့် ဒုက္ခသည်တွေအတွက် အရင်စစ်အစိုးရဟာ နိုင်ငံတကာရဲ့ အရေးပေါ် အကူအညီတွေကို မြန်မြန်ဆန်ဆန်လက်ခံဖို့ နှောင့်နှေးကြန့်ကြာခဲ့တာကြောင့် ကယ်ဆယ်ရေး လုပ်ငန်းတွေ ထိထိရောက်ရောက် မရှိခဲ့တဲ့အပေါ် နိုင်ငံတကာ အသိုင်းအ၀ိုင်းက ပြင်းပြင်းထန်ထန် ဝေဘန်ခဲ့ပါတယ်။

နာဂစ်မုန်တုိုင်းကြောင့် ဧရာဝတီမြစ်ဝကျွန်းပေါ် ဒေသမှာ လူပေါင်း သိန်းနဲ့ချီ သေဆုံးပြီး၊ သန်းနဲ့ချီ အုိုးမဲ့အိမ်မဲ့ ဖြစ်ခဲ့ရပါတယ်။ လက်ရှိ ရေဘေးဒဏ်ကြောင့် တိုင်းနဲ့ပြည်နယ် (၁၄) ခုထဲက (၁၂) ခုမှာ ရေကြီး၊ ရေလျှံခဲ့ပြီး၊ လမ်း၊ တံတားနဲ့ အိုးအိမ်၊ လယ်ယာမြေ အမြောက်အများ ဆုံးရှုံးပျက်စီးခဲ့သလို တချို့ရေဘေးသင့် နေရာတွေကို သွားလာရေး ပိတ်ဆို့နေဆဲ ဖြစ်တယ်လို့ WFP ရဲ့ ထုတ်ပြန်ချက်မှာ ဖော်ပြထားပါတယ်။


အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


 တရားဝင် ပတ်စ်ပို့ ကိုင်ဆောင်ထားကြတဲ့ ထိုင်းနဲ့ မြန်မာနိုင်ငံသားတွေအနေနဲ့ မနေ့ သြဂုတ်လ ၁၁ ရက်နေ့ကနေစပြီး ထိုင်းနဲ့ မြန်မာကို အပြန်အလှန် ခရီးသွားတဲ့အခါ နှစ်နိုင်ငံ ပြည်ဝင်ခွင့်ဗီဇာ တောင်းစရာမလိုဘဲ ခရီးသွားလာခွင့် ရပြီဖြစ်ပါတယ်။

ပြီးခဲ့တဲ့ ဇူလိုင်လကုန်ပိုင်းက ထိုင်းနဲ့ မြန်မာ နိုင်ငံခြားရေးဝန်ကြီးတွေက နားလည်မှုစာချွန်လွှာ (MOU) လက်မှတ်ရေးထိုးပြီး ၂ ပတ်အကြာမှာ အခုလို ထိုင်းနဲ့ မြန်မာ အပြန်အလှန် အခုလို ပြည်ဝင်ခွင့်ဗီဇာ ကင်းလွတ်ခွင့် ပြုခဲ့တာဖြစ်ပါတယ်။ အပြည့်အစုံကို ဗွီအိုအေသတင်းထောက် မအေးအေးမာ က သတင်းပေးပို့ထားပါတယ်။

ထိုင်းနဲ့ မြန်မာက တရားဝင် နိုင်ငံကူးလက်မှတ် ကိုင်ဆောင်ထားသူတွေအနေနဲ့ ထိုင်းနဲ့ မြန်မာကို အပြန်အလှန် ခရီးသွားတဲ့အခါ ပြည်ဝင်ခွင့်ဗီဇာ ကင်းလွတ်ခွင့်ပြုမယ့်အကြောင်း နှစ်နိုင်ငံ နိုင်ငံခြားရေးဝန်ကြီးတွေအနေနဲ့ ပြီးခဲ့တဲ့လကုန်ပိုင်းက ထိုင်းနိုင်ငံ ချင်းမိုင်မြို့မှာ ၂ နိုင်ငံ သဘောတူညီပြီး လက်မှတ်ရေးထိုးခဲ့တာပါ။ သြဂုတ်လ ၁၁ ရက်နေ့က စတင်ပြီး တရားဝင် ပတ်စ်ပို့ ကိုင်ဆောင်ထားသူတွေဟာ ပြည်ဝင်ခွင့်ဗီဇာ ခွင့်ပြုချက်တောင်းစရာမလိုဘဲ ခရီးထွက်လို့ရတဲ့အတွက် နှစ်နိုင်ငံ အပြန်အလှန် အလည်ပတ်လာကြတဲ့ ခရီးသွားတွေ စတင်သွားလာနေပြီဖြစ်ကြောင်း ထိုင်းနိုင်ငံ ဘန်ကောက်မြို့ မြန်မာသံရုံးက သံအမတ် ဦးဝင်းမောင် က အခုလို ပြောပါတယ်။

“ကျနော်တို့ MOU လက်မှတ် ချင်းမိုင်မှာ ထိုးပြီး နှစ်ပတ်အတွင်း အသက်ဝင်တဲ့ ဒီနေ့ကစပြီးတော့ ၀င်တဲ့လူလည်း ၀င်နေကြပြီ။ ထွက်တဲ့လူလည်း ထွက်နေကြပါပြီ။”

ပြည်ဝင်ခွင့်ဗီဇာကင်းလွတ်ခွင့်ရဲ့ ထူးခြားချက်တွေကတော့ ထိုင်းနိုင်ငံမှာ ၁၄ ရက်သာ နေထိုင်ခွင့်ရှိပြီး ထပ်မံ သက်တမ်းတိုးခွင့် မရှိပါဘူး။ ထိုင်းနိုင်ငံကို အလည်အပတ် သွားမယ့်သူတွေဟာ ထိုင်းနိုင်ငံမှာ မိမိတည်းခိုမယ့် လိပ်စာကို အမှန်အတိုင်း ထည့်သွင်းဖော်ပြပေးရမှာ ဖြစ်ပါတယ်။ ဒါ့အပြင် မြန်မာနိုင်ငံမှာ နေထိုင်တဲ့ လိပ်စာကိုလည်း ထိုင်းလေဆိပ်က လူဝင်မှုကြီးကြပ်ရေးဌာနမှာ ရေးသားပေးရမှာ ဖြစ်ပါတယ်။ ထိုင်းနိုင်ငံသားတွေအနေနဲ့ မြန်မာနိုင်ငံကို လာတဲ့အခါမှာ ရန်ကုန်၊ မန္တလေး၊ နေပြည်တော် နိုင်ငံတကာလေဆိပ်တွေကနေ ၀င်လာရင်တော့ ဗီဇာမလိုဘူးလို့ ဆိုပါတယ်။

အခု ဗီဇာကင်းလွတ်ခွင့်ဟာ လေယာဉ်နဲ့ ခရီးသွားတွေသာ အကျုံးဝင်မှာဖြစ်ပြီး ထိုင်းနဲ့ မြန်မာ နယ်စပ်လမ်းတွေကနေ ၀င်ခွင့်၊ ထွက်ခွင့်တွေ မရှိဘူးလို့ မြန်မာသံအမတ် ဦးဝင်းမောင် က ဆိုပါတယ်။

“ကျနော်တို့ လေကြောင်းပါပဲ။ Only Airline, Passport ပါပဲ။ ပြီးတော့ Airport ကနေပြီး သွားလို့ ရပါတယ်။ ဟုတ်ကဲ့။ ဒီကနေ့တော့ ၀င်တော့ဝင်တာပေါ့။ Visa free နဲ့ ၀င်တဲ့လူတွေလည်း ရှိတယ်။ Visa ယူပြီးသား လူတွေလည်း ရှိတယ်ပေါ့။”

အရင်တုန်းကတော့ ထိုင်းနိုင်ငံကို သွားရောက်ဖို့အတွက် ဗီဇာလျှောက်တဲ့အခါမှာ ပိုင်ဆိုင်မှုတွေ ပြရတာတွေကြောင့် အလည်အပတ် သွားမယ့်သူများအတွက် အခက်အခဲတွေ ကြုံတွေ့ရတယ်လို့ ထိုင်းနိုင်ငံကို ခရီးသွားကြတဲ့ သူတချို့က ဆိုပါတယ်။

“သွားဖို့ကလေ ပိုင်ဆိုင်မှု ပြရတယ်လေ။ Show Money တို့ ဘာတို့။ ဒီမြန်မာပြည်မှာပဲ ကိုယ်နေနေမယ်ပေါ့နော်။ အလည်အပတ်သွားတာပဲ။ တနေ့ကျရင် ပြန်လာမယ်ဆိုတဲ့ ပုံစံမျိုးပေါ့နော်။ အိမ်တွေ၊ ယာတွေ ရှိတယ်ပေါ့နော်။”

အရင်တုန်းကတော့ ထိုင်းဗီဇာ ရဖို့အတွက်က တရားဝင်ကြေးက ဒေါ်လာ ၄၀ ဖြစ်ပေမယ့် ဗီဇာရဖို့အတွက် မြန်မာနိုင်ငံမှာ မိမိတို့ရဲ့ ပိုင်ဆိုင်မှုတွေ ပြရတာကြောင့် အတော်များများက တရားဝင်လမ်းနဲ့ မလျှောက်ကြဘဲ ပွဲစားများနဲ့ လျှောက်ကြတဲ့အတွက် မြန်မာကျပ်ငွေ ၁ သိန်းခွဲကနေ ၂ သိန်းလောက်ထိ ကုန်ကျတာမျိုးတွေလည်း ရှိခဲ့ပါတယ်။ အခုလို ပြည်ဝင်ခွင့်ဗီဇာ ကင်းလွတ်ခွင့်ရတဲ့အတွက် မြန်မာနိုင်ငံကနေ ထိုင်းနိုင်ငံကို ဆေးဝါးကုသမယ့်သူများ၊ ဈေးဝယ်ထွက်သူများ၊ အလည်အပတ် လာသူများအတွက် အဆင်ပြေသွားမှာ ဖြစ်တယ်လို့လည်း ခရီးသွားတွေက ဆိုပါတယ်။ ထိုင်းနဲ့ မြန်မာ အပြန်အလှန် ပြည်ဝင်ခွင့်ဗီဇာ ကင်းလွတ်ခွင့်ပြုဖို့ ဒီလိုလုပ်ရတာဟာ နှစ်နိုင်ငံကြား ကမ္ဘာလှည့်ခရီးသွား ကုန်သွယ်ရေးနဲ့ နှစ်နိုင်ငံ ဆက်ဆံရေးတိုးမြှင့်ဖို့အတွက် ဖြစ်တယ်လို့ နှစ်နိုင်ငံ နိုင်ငံခြားရေးဝန်ကြီးတွေက ဆိုပါတယ်။

အခုဆိုရင် ထိုင်းနိုင်ငံကနေ မြန်မာနိုင်ငံကို သွားရောက်လည်ပတ်မယ့်သူများ မြန်မာနိုင်ငံကနေ ထိုင်းနိုင်ငံကို သွားရောက် လည်ပတ်မယ့်သူများဟာ လေကြောင်းနဲ့သာ ၁၄ ရက်ကြာ ဗီဇာမလိုဘဲ သွားလာလို့ ရပြီဖြစ်ပါတယ်။ ဒါ့အပြင် ထိုင်းနိုင်ငံကနေ မြန်မာပြည်မပြန်သေးဘဲ တခြားနိုင်ငံတွေကို ဆက်သွားမယ်ဆိုရင်လည်း လေကြောင်းနဲ့သာ သွားလာလို့ ရတယ်လို့ ဆိုပါတယ်။ နယ်စပ်လမ်းတွေက ကားနဲ့သွားမယ့်သူများကတော့ အရင်လိုပဲ ဗီဇာလျှောက်ရမှာ ဖြစ်တယ်လို့လည်း မြန်မာသံရုံးက ပြောဆိုခဲ့ပါတယ်ရှင်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com

ဒုက္ခသည်တွေကို စိစစ်နေစဉ် (Credit: Reuters) 
  မြန်မာနိုင်ငံကနေ ​အသက်ဘေးကြောင့် ​ထွက်ပြေးလာတဲ့ ​စာရွက်စာတမ်းမဲ့ ​ရိုဟင်ဂျာတွေကို ​သန်းခေါင်စာရင်း ​ကောက်ခံသွားမယ်လို့ ​ဘင်္ဂလာဒေ့ရှ် ​အစိုးရ ​က ​ပြောကြားလိုက်ပါတယ်။

ရခိုင်ပြည်နယ်နဲ့ ​နီးစပ်တဲ့ ​နေရာတွေမှာ ​ဒေါ်လာ ​၂.၇ ​သန်း ​အကုန်အကျခံပြီးတော့ ​စာရင်းကောက်ခံသွားမှာ ​ဖြစ်ကြောင်း ​ဘင်္ဂလားဒေ့ရှ် ​နိုင်ငံခြားရေး ​၀န်ကြီး ​Shahidul ​Haque ​က ​ပြောကြားခဲ့ပါတယ်။

ဘင်္ဂလားဒေ့ရ်ှကို ​ရောက်နေတဲ့ ​အထောက်အထားမဲ့ ​ရိုဟင်ဂျာဦးရေဟာ ​ခန့်မှန်းခြေကိန်းကဏန်းအရ ​၂ ​သိန်းကနေ ​၅ ​သိန်းအထိ ​ရှိနိုင်တယ်လို့ ​ပြောပါတယ်။ ​ဒီခန့်မှန်းဦးရေဟာ ​ကုလသမဂ္ဂ ​အစီအစဉ်နဲ့ ​နေထိုင်နေရတဲ့ ​ဒုက္ခသည်ဟာ ​သုံးသောင်း ​နှစ်ထောင် ​အပြင် ​ရောက်နေတဲ့ ​ဦးရေ ​ဖြစ်ပါတယ်။

စာရင်းကောက်ခံမှုတွေကို ​ဒီနှစ်လည်ပိုင်းကနေစပြီး ​လုပ်ဆောင်သွားမှာ ​ဖြစ်တယ်လို့ ​ဘင်္ဂလားဒေ့ရ်ှဘက်က ​ပြောပါတယ်။ ​မြန်မာန်ိုင်ငံမှာ ​နိုင်ငံသား ​ဖြစ်ခွင့်မရကြတဲ့အတွက်  ​၁၉၉၀ ​နှစ်လွန်တွေကနေစလို့ ​ရိုဟင်ဂျာတွေဟာ ​ဘင်္ဂလားဒေ့ရ်ှဘက် ​အခြမ်းကို ​ကူးလာကြတယ်လို့ ​ဆိုပါတယ်။

မလေးရှားကို ​သွားဖို့ ​ကြိုးစားကြတဲ့ ​ရိုဟင်ဂျာတွေ ​မြန်မာ့ကမ်းလွန်မှာ ​အန္တရာယ်များတဲ့လှေတွေနဲ့ ​သွားလာကြရင်းက ​ဒီနှစ်ပိုင်းတွေမှာ ​ကမ္ဘာက ​သတိထားမိလာတာ ​ဖြစ်ပါတယ်။

ဘင်္လာဒေ့ရ်ှနိုင်ငံမှာလည်း ​ရိုဟင်ဂျာတွေကို ​အလိုမရှိတာကြောင့် ​သန်းခေါင်းစာရင်း ​ကိစ္စကို ​ဘယ်လိုကိုင်တွယ်သွားမလဲဆိုတာဟာ ​မေးစရာ ​မေးခွန်းဖြစ်နေပါတယ်။ ​အခု ​လုပ်ရပ်ဟာ ​ကောင်းတဲ့ဘက်ကို ​ဦးတည်လာတယ်လို့ ​ဒီကိစ္စမှာ ​ကူညီပေးနေတဲ့ ​အပြည်ပြည်ဆိုင်ရာ ​နိုင်ငံကူးသူများ ​အဖွဲ့အစည်း ​IOM ​က ​ပြောပါတယ်။

ဘင်္ဂလားဒေ့ရှ် ​အစိုးရဘက်ကနေ ​မှတ်ပုံတင်တွေ ​ထုတ်ပေးခဲ့မယ်ဆိုရင် ​အဆိုပါ ​ဒုက္ခသည်တွေရဲ့ ​ကျန်းမာရေးနဲ့ ​နေထိုင်ရေးအတွက် ​များစွား ​အထောက်အကူဖြစ်စေမှာ ​ဖြစ်ကြောင်း ​IOM ​ရဲ့ ​ပြောခွင့်ရ ​Asif ​Munier ​က ​AFP ​သတင်းဌာနကို ​ပြောကြားခဲ့ပါတယ်။

မိမိတို့ ​နေရပ်ရင်းပြန်ပို့မှာ ​ကို ​စိုးရိမ်တဲ့အတွက် ​အခုလို ​စာရင်းကောက်မှုမှာ ​တချို့ ​ရိုဟင်ဂျာတွေ ​အနေနဲ့ ​ပါဝင်ဖို့ ​စိတ်ဆန္ဒနည်းနိုင်တဲ့ ​အကြောင်းကိုလည်း ​အာဏာပိုင်တွေက ​ပြောပါတယ်။

ဒါပေမဲ့ ​ရိုဟင်ဂျာတဦးကတော့ ​အခုလို ​သန်းခေါင်စာရင်းကောက်ယူတာကို ​ကြိုဆိုကြောင်း၊ ​ဒါမှသာ ​အထောက်အထားမဲ့တဲ့ဒုက္ခသည်တွေကနေ ​တရားဝင် ​ဒုက္ခသည် ​ဖြစ်လာနိုင်မှာ ​ဖြစ်တယ်လို့ ​ပြောပြပါတယ်။

ABC Radio Australia
http://www.radioaustralia.net.au/burmese


 မြန်မာ့တပ်မတော်က ဒုဗိုလ်ချုပ်ကြီးတွေ အပါအဝင် ထိပ်ပိုင်း တပ်မတော် အရာရှိကြီးတွေ ဒီရက်ပိုင်းအတွင်း အငြိမ်းစားယူပြီး ၂၀၁၅ ရွေးကောက်ပွဲဝင်ဖို့ ပြင်ဆင်လာတာဟာ တပ်မတော်က လိုလားတဲ့ အစိုးရတရပ်၊ ပေါ်ပေါက်လာနိုင်ဖို့အတွက် စစ်တပ်ဘက်က ကြိုတင်ပြင်ဆင်နေတာ ဖြစ်တယ်လို့ နိုင်ငံရေး စစ်ရေး လေ့လာသူတွေက သုံးသပ်နေပါတယ်။

အခုလို စစ်တပ်အရာရှိကြီးတွေ ပြည်ခိုင်ဖြိုးပါတီက တဆင့် ရွေးကောက်ပွဲဝင်မယ် ဆိုတာကြောင့် ပြည်ခိုင်ဖြိုးပါတီအတွင်း အင်အားပြိုင်ဆိုင်မှုတွေ ပိုကြီးထွားလာမယ်လို့ သုံးသပ်နေကြပါတယ်။  ဒီအကြောင်းနဲ့ ပတ်သက်လို့ ကိုဥာဏ်ဝင်းအောင်က တင်ပြထားပါတယ်။

နိုဝင်ဘာလမှာ ကျင်းပမယ့် ရွေးကောက်ပွဲဝင်ဖို့အတွက်ဆိုပြီး ပြီးခဲ့တဲ့ရက်ပိုင်းအတွင်း စစ်တပ်ကနေ အငြိမ်းစားယူလိုက်ကြတဲ့ တပ်မတော် အဆင်မြင့် အရာရှိကြီးတွေထဲမှာ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ တပ်ထိပ်ပိုင်းခေါင်းဆောင် အနည်းဆုံး ၃ ဦးလောက် ကျန်နေခဲ့တယ်လို့ သတင်းတွေ ထွက်ပေါ်လာတာပါ။ ဒီသတင်းနဲ့ ပတ်သက်လို့ စစ်ထောက်လှမ်းရေး အရာရှိဟောင်းတဦးလည်းဖြစ်၊ ၀ါရှင်တန်ဒီစီ မြန်မာသံမှူးဟောင်းလည်းဖြစ်တဲ့ ဗိုလ်မှူးအောင်လင်းထွဋ်က သူ့အမြင်ကို ပြောပါတယ်။

“ကျနော်သိရသလောက် ပြောရရင်တော့ ဗိုလ်ချုပ်မှုးကြီးမင်းအောင်လှိုင် ရှိမယ်ဗျာ။ ဒုတိယတပ်မတော် ကာကွယ်ရေးဦးစီးချုပ် ဒုတိယဗိုလ်ချုပ်မှုးကြီး စိုးဝင်းရှိမယ်။ နောက်ကျနော် မြင်တာကတော့ ကာကွယ်ရေးဦးစီးချုပ် (လေ) ပေါ့လေ။ ဗိုလ်ချူပ်ကြီး ခင်အောင်မြင့် ဒီ ၃ ယောက်ကျန်မယ်လို့တော့ ကျနော်မြင်ပါတယ်။”

ဗိုလ်ချုပ်မှူးကြီး မင်းအောင်လှိုင်ကတော့ ဒီနှစ်ကုန်အထိ စစ်တပ်ရဲ့တာဝန်တွေကို ဆက်လက်ထမ်းဆောင်သွားမှာဖြစ်သလို၊ ပြည်သူတွေက လိုလားလာရင် သူ့အနေနဲ့ သမ္မတတာဝန်ကို ထားဆောင်ဖို့အဆင်သင့်ရှိတယ်လို့ ပြီးခဲ့တဲ့လပိုင်းအတွင်း သတင်းမီဒီယာတွေကို ပြောခဲ့ဖူးပါ တယ်။ စစ်အရာရှိကြီးတွေ အငြိမ်းစားယူပြီး အခုလို ရွေးကောက်ပွဲဝင်လာတာဟာ စစ်တပ်ကလိုလားတဲ့ အစိုးရတရပ်ပေါ်လာနိုင်ရေးအတွက် ကြိုတင်ပြင်ဆင်တဲ့ လုပ်ဆောင်ချက်အဖြစ် သူမြင်ကြောင်း ဗိုလ်မှူးအောင်လင်းထွဋ်က အခုလို သုံးသပ်ပါတယ်။

“ကျနော်ရတဲ့ သတင်းအခြေအမြစ်တွေအရပြောရမယ်ဆိုရင်တော့ ဒါ ဗိုလ်ချုပ်မှူးကြီး မင်းအောင်လှိုင်အနေနဲ့ ရွေးကောက်ပွဲထက် တပ်မတော်လိုလားတဲ့အစိုးရ ဖွဲ့စည်းနိုင်ရေးကိုပဲ ရည်ရွယ်ထားတဲ့ အနေအထားရှိပါတယ်။ ဥပမာ- ဒုတိယဗိုလ်ချုပ်ကြီး အောင်သန်းထွဋ် ဆိုရင် လောက်ကိုင်မဲဆန္ဒနယ်ကို လျာထားတဲ့သဘော ကျနော်တို့ တွေ့ရပါတယ်။ ရေတပ်ဗိုလ်ချုပ်ကြီး တွေဆိုရင် ကိုကိုးကျွန်းကို လျာထားတဲ့ အနေအထားတွေ့ရပါတယ်။ ဒီနေရာတွေမှာတော့ သူတို့ကျိန်းသေနိုင်လိမ့်မယ် လို့သူတို့တွက်ပါတယ်။ ဒီပုဂ္ဂိုလ်တွေ နိုင်လာတဲ့အခါမှာ တပ်မတော်ရဲ့ အမတ်အနေနဲ့ ကြံ့ခိုင်ဖွံ့ဖြိုးရေးမှာ ပါ ပါလိမ့်မယ်။ စစ်တပ်ကို ထောက်ခံမယ့် ကြံခိုင်ဖွံ့ဖြိုးရေးအမတ်တွေလည်း အများအပျားရှိပါလိမ့်မယ်။ ဒီအတွက်ကိုသူတို့ ရည်ရွယ်ပြီးတော့မှ တပ်က တော်တော်များများကို ကြံ့ခိုင်ဖွံ့ဖြိုးရေးထဲမှာ ထည့်လိုက်တဲ့ အနေအထားမျိုးဖြစ်ပါတယ် ခင်ဗျာ။ သူတို့ ရည်ရွယ်ချက်ပေါ့လေ ကျနော်သိသလောက်ကတော့ တပ်မတော်က ၂၅ ရာခိုင်နှုန်းက အပြည့်အ၀ရပြီးသားပါ။ ရွေးကောက်ခံထဲက ၂၆ ရာခိုင်နှုန်း အဲဒါဆိုရင် ၅၁ ရာခိုင်နှုန်းဖြစ်သွားပါပြီ။ ဒီလွှတ်တော်ထဲမှာ ၅၁ ရာခိုင်နှုန်းဖြစ်တဲ့အခါမှာ ဒါဟာ အစိုးရ ဖွဲ့ပိုင်ခွင့် ရှိပါတယ်။”

အငြိမ်းစားယူလိုက်တဲ့ထဲ ပါတဲ့ ကာကွယ်ရေးဦးစီးချုပ်(ရေ) ဗိုလ်ချုပ်ကြီး သူရသက်ဆွေဟာ ရန်ကုန်တိုင်း ကိုးကိုးကျွန်းကနေ လွှတ်တော် ကိုယ်စားလှယ်လောင်းအဖြစ် ၀င်ရောက်ယှဉ်ပြိုင်မှာ ဖြစ်တယ်လို့ နေပြည်တော် အသိုင်းအဝိုင်းကြား သတင်းတွေ ထွက်ပေါ်နေပါတယ်။ စစ်တပ် ထိပ်ပိုင်းခေါင်းဆောင်တွေ အခုလို ရွေးကောက်ပွဲဝင်ဖို့ ပြည်ခိုင်ဖြိုးပါတီထဲဝင်လာကြတဲ့အတွက် ပြည်ခိုင်ဖြိုးပါတီအတွင်း အားပြိုင်မှုတွေ ပိုကြီးထွားလာမယ်လို့ ဗိုလ်မှူးအောင်လင်းထွဋ်က အခုလို သုံးသပ်ပါတယ်။

“အားလုံးကိုတော့ ကြံ့ခိုင်ဖွံ့ဖြိုးရေးပါတီက လက်ခံတဲ့ အနေအထားတော့ မရှိပါဘူး။ သူတို့စစ်တပ်ကလွှတ်တာ ရာကျော်လောက်လွှတ်တယ်လို့ ကျနော်တို့ သိရပါတယ်။ အခုလက်ရှိထဲမှာ စာရင်းပေါက်တာကတော့ လူ ၅၀၊ ၆၀ လောက်ပဲ ရှိတဲ့အနေအထားမျိုး ရှိတယ်။  ကြံ့ခိုင်ဖွံ့ဖြိုးရေးပါတီအနေနဲ့ကလည်း ဗိုလ်ချုပ်ကြီးသိန်းစိန်နဲ့ ဗိုလ်ချုပ်ကြီးရွှေမန်းရဲ့ အားပြိုင်မှုလည်း ရှိတယ်။ အဲတော့ အဓိကတော့ ဒီစစ်တပ်ကထောင်ထားတဲ့ ကြံ့ခိုင်ဖွံ့ဖြိုးရေးပါတီကို စစ်တပ်လိုလားတဲ့ ပါတီဖြစ်အောင်လို့ တည်ထောင်ချင်တဲ့ အနေအထားမျိုး ဖြစ်ပါတယ်ခင်ဗျ။ အဲတော့ အားလုံးလည်းသိတဲ့အတိုင်းပဲ ဗိုလ်ချုပ်ကြီးရွှေမန်းကိုလည်း စစ်တပ်ကို သစ္စာဖောက်တဲ့လူ ဆိုပြီးတော့မှ တရားဝင်ပဲ ပေါ်ပေါ်ထင်ထင် စွပ်စွဲထားတဲ့ အနေအထားမျိုးတွေ ရှိပါတယ်။ ကျနော်သိသလောက်ကတော့ ကြံခိုင်ဖွံ့ဖြိုးရေးပါတီက ညီလာခံလုပ်ပါလိမ့်မယ်။ ဒီညီလာခံမှာ ဗိုလ်ချုပ်ကြီးရွှေမန်းရဲ့အခြေအနေဟာ အဆုံးအဖြတ်ပေးကောင်းပေးလာမှာပါ ခင်ဗျာ။”

ပြည်ခိုင်ဖြိုးပါတီရဲ့ စုံညီ အရေးပေါ်စည်းဝေးပွဲ တရပ်ကို သြဂုတ် ၁၂ ရက် ဒီကနေ့ ဗုဒ္ဓဟူးနေ့ မွန်းလွဲ ၁ နာရီ နေပြည်တော်မှာ ကျင်းပသွားမှာ ဖြစ်ပြီး သတင်းစာရှင်းလင်းပွဲလည်း ပြုလုပ်သွားမှာ ဖြစ်ပါတယ်။ ရွေးကောက်ပွဲဝင်ကြမယ့် လွှတ်တော်ကိုယ်စားလှယ်လောင်း အမည်စာရင်း တင်သွင်းနိုင်တဲ့ရက်ကို သြဂုတ်လ ၁၄ ရက်နေ့ထိ ရက်တိုးပေးထားပြီး ကိုယ်စားလှယ်အမည်စာရင်း ပြန်လည် ရုပ်သိမ်းချင်သူတွေကတော့ သြဂုတ်လ ၁၇ ရက်နေ့ နောက်ဆုံးထား ရုပ်သိမ်းနိုင်တယ်လို့ ရွေးကောက်ပွဲကော်မရှင်က ထုတ်ပြန်တဲ့ကြေညာချက်မှာ တွေ့ ရပါတယ်ခင်ဗျာ။

ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com