08/15/15

လတ်တလောဖြစ်ပွားနေသော မြန်မာ့နိုင်ငံရေးအခြေအနေနှင့် ဆက်စပ်ပတ်သက်နေသောကြောင့် ၂၀၁၄ အောက်တိုဘာလအတွင်း ထုတ်ဝေခဲ့သည့် မြန်မာသံတော်ဆင့် အတွဲ(၃)၊ အမှတ်(၃၁)ပါ အာဏာရ ပါတီ ဥက္ကဋ္ဌနှင့် လွှတ်တော်ဥက္ကဋ္ဌတို့အား ဖမ်းဆီးအရေးယူနိုင်သည်ဟူသော သတင်းကို ပြန်လည်ဖော်ပြ လိုက်ပါသည်။ - အယ်ဒီတာ

~~~~~~~~~~~~~~~~~~~~~~~~~~~~~~~~~~~~~~~~~

ငါက ထင်တိုင်းမကြဲပါဘူး။ စည်းမျဉ်း စည်းကမ်းအရပေ့ါ။ မဟုတ်ပါဘူး။ အဘတို့လည်း ပြည်သူပဲ ဥစ္စာ။ ဘာလို့ပြဋ္ဌာန်းတဲ့ ဥပဒေအတိုင်းလုပ်လို့ မရတဲ့ တစ်စုံတစ်ရာ လုံးဝမရှိဘူး …

ရန်ကုန်၊ အောက်တိုဘာ ၈

ယနေ့မြန်မာ့နိုင်ငံရေးအခြေအနေနှင့် ဖြစ်ပေါ်နေသော အစိုးရအဖွဲ့နှင့် လွှတ်တော်တို့အကြား ၀ိရောဓိများကို လေ့လာ၍ အမှန်တကယ် အာဏာအရှိဆုံးမှာ ပြည်ထောင်စုလွှတ်တော် နာယက၊ ပြည်သူ့ လွှတ်တော်ဥက္ကဋ္ဌ သူရဦးရွှေမန်း (လက်ရှိ အာဏာရကြံ့ခိုင်ရေးပါတီ ဥက္ကဋ္ဌ) ဖြစ်နေကြောင်း နေပြည်တော်နှင့် ရန်ကုန်မြို့တို့တွင် မကြာမီကကျင်းပခဲ့သော နိုင်ငံရေး ဆိုင်ရာ ဆွေးနွေးပွဲများတွင် ၀ါရင့် သတင်းစာဆရာကြီးများနှင့် ပညာရှင် အချို့က သုံးသပ်ပြောကြားမှုများ ရှိခဲ့သည်။ သမ္မတ ဦးသိန်းစိန်လက်ထက်တွင် နိုင်ငံ့ဦးသျှောင် လူကြီးများ ဖြစ်ကြသော ပြည်ထောင် စုလွှတ်တော်နာယက၊ ပြည်သူ့ လွှတ်တော်ဥက္ကဋ္ဌ သူရဦးရွှေမန်း၊ အမျိုးသား လွှတ် တော် ဥက္ကဋ္ဌဦးခင်အောင်မြင့်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့အနေဖြင့် မည်သည့်ပြောဆိုစီမံမှုမျိုးကိုမဆို သမ္မတက စွက်ဖက်ပြောဆို၍မရဘဲ လက်ပိုက်ကြည့်နေရသည့်ပုံစံဖြင့် ၎င်း ပုဂိ်္ဂုလ်များသည်ဥပဒေအရ အရေးယူဆောင်ရွက်၍မရသော မင်းကြီးများသဖွယ် ဖြစ်နေကြောင်း၊ လွှတ် တော် ဥက္ကဋ္ဌကြီးများသည် အစိုးရ အပေါ်ဥပဒေမဲ့ ဝေဖန်ပြစ်တင် ပြောဆို၍ ထင်တိုင်းကြဲနိုင်သည့် အများပြည် သူကြိုက် နိုင်ငံ့ခေါင်းဆောင်ကြီးများ ဖြစ်လာကြောင်း နိုင်ငံရေးဝေဖန်သုံးသပ်မှု အချို့ အပေါ် အမျိုးသား လွှတ်တော်ဥက္ကဋ္ဌ ဦးခင်အောင်မြင့်က ၎င်းသုံးသပ်ချက်အတိုင်း မဖြစ်နိုင်ကြောင်း ငြင်းဆန်လိုက်သည်။…

““ငါက ထင်တိုင်းမကြဲပါဘူး။ စည်းမျဉ်း စည်းကမ်းအရပေ့ါ။ မဟုတ်ပါဘူး။ အဘတို့လည်း ပြည်သူပဲဥစ္စာ။ ဘာ လို့ပြဋ္ဌာန်းတဲ့ ဥပဒေအတိုင်းလုပ်လို့မရတဲ့ တစ်စုံတစ်ရာ လုံးဝမရှိဘူး””ဟု ဥက္ကဋ္ဌ ဦးခင်အောင်မြင့်က မြန်မာ သံတော်ဆင့်သို့ ပြောကြားခဲ့သည်။ ထို့အပြင် ကြံ့ခိုင်ရေး လွှတ်တော်ကိုယ်စားလှယ်များအပါအ၀င် လွှတ်တော် ကိုယ်စားလှယ်များကိုလည်း အစိုးရဘက်မှ ဥပဒေနှင့်အညီ အရေးယူဆောင်ရွက်နိုင်ခြင်းရှိ၊ မရှိနှင့်ပတ် သက်၍ ဥပဒေချိုးဖောက်ပါက ဖမ်းဆီးအရေးယူနိုင်ကြောင်း ၎င်းက ဆက်လက်ပြောကြားခဲ့သည်။ ““လွှတ်တော် ကျင်း ပစဉ် ကာလပဲပေ့ါ။ ဖမ်းဆီးလို့ မရဘူးတော့မဟုတ်ဘူး။ သူလည်း လူသားထဲက လူပဲ”” ဟု ဦးခင်အောင်မြင့်က ပြောကြားခဲ့သည်။

သို့သော်လည်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အစိုးရအဖွဲ့တို့အကြား အခြေအနေများကိုမူ ဦးခင်အောင်မြင့်က တစ်စုံတစ်ရာမျှ မှတ်ချက်ပေး ပြောကြားခြင်း မရှိခဲ့ပေ။

သမ္မတဦးသိန်းစိန် အစိုးရလက်ထက်တွင် လွှတ်တော် ကိုယ်စားလှယ်များအတွင်း တိုင်ကြားမှုများ ရှိခဲ့သော် လည်း အရေးယူအပြစ်ပေးမှုတစ်စုံတစ်ရာ ပြုလုပ်မှုမရှိခဲ့ခြင်းနှင့် အာဏာရကြံ့ခိုင်ရေးပါတီ ဗဟိုကော်မတီဝင် များအရေအတွက် ၃၀၀ ကျော်တို့အပြင် ကြံ့ခိုင်ရေးခရိုင်၊ တိုင်းဒေသကြီး၊ ပြည်နယ်တာဝန် ရှိသူများအတွင်း တိုင်ကြားခံရသူ အချို့အပေါ် ဥပဒေနှင့်အညီ ထိရောက်သော အရေးယူ ဆောင်ရွက်မှု တစ်စုံ တစ်ခုမျှ မရှိဘဲ NLD ပါတီ ထိပ်တန်းခေါင်းဆောင်များကိုသာ ပုဒ်မအမျိုးမျိုးနှင့် တရားစွဲ အရေးယူခံရ ခြင်းစသည်တို့မှာ ယခင်တပ်မတော် အစိုးရလက်ထက် အတိုက်အခံ NLD ပါတီအပေါ် အနိုင်ကျင့် ၍ ပုဒ်မများတပ်ကာ ထိန်းချုပ်ခဲ့ သော အခြေအနေများအတိုင်း ၎င်းတပ်မတော် အစိုးရ လူကြီးများက အရပ်ဝတ်လဲ၍ ယခုအစိုးရသစ် လက် ထက်တွင်လည်း ယခင် ပြုမူနည်းများအတိုင်း (တပ်မတော် အစိုးရပုံစံ) အရေးယူ လုပ်ဆောင်ခြင်း ဖြစ်နိုင် ကြောင်း အတိုက်အခံပါတီ ထိပ်တန်းခေါင်းဆောင်များနှင့် သတင်းစာဆရာများ၊ ၀ါရင့်နိုင်ငံရေးသမားများက သုံးသပ် ပြောကြားလာကြသည်။

၂၀၀၈ ဖွဲ့စည်းပုံအခြေခံ ဥပဒေ၊ ပုဒ်မ ၉၂(ခ)၌ ပြည်ထောင် စုလွှတ်တော်တွင် တင်ပြပြောဆို မှုများနှင့် စပ်လျဉ်း ၍ ယင်းအဖွဲ့အစည်းဝင်များ သို့မဟုတ် ပုဂိ်္ဂုလ်များအား ပြည်ထောင်စုလွှတ်တော်ဆိုင်ရာ ဥပဒေမှအပ အခြား ဥပဒေအရ အရေးယူခြင်း မပြုရဟူ၍ လည်းကောင်း၊ ပုဒ်မ ၉၃ တွင် ပြည် ထောင်စုလွှတ်တော်အစည်းအဝေး တက်ရောက်နေသော ပြည်ထောင်စုလွှတ်တော် ကိုယ်စားလှယ်တစ်ဦးကိုဖြစ်စေ၊ ပြည်ထောင်စုလွှတ်တော် နာယက၏ ခွင့်ပြုချက် သို့မဟုတ် ဖိတ်ကြားချက်အရ ယင်းအစည်းအဝေးသို့ တက်ရောက်နေသော ပုဂိ်္ဂုလ် တစ်ဦးကိုဖြစ်စေ ဖမ်းဆီးရန် လိုအပ်ပါက ခိုင်လုံသော အထောက်အထားကို ပြည်ထောင် စုလွှတ်တော်နာယက ထံ တင်ပြရမည်။ ပြည်ထောင်စုလွှတ်တော် နာယက၏ ကြိုတင်ခွင့်ပြုချက်မရရှိဘဲ ဖမ်းဆီးခြင်းမပြုရ . . . ဟူ၍ ပါရှိသည်။

မီဒီယာများမှ ရေးသားဖော်ပြခဲ့သော အာဏာရကြံ့ခိုင်ရေးပါတီ တာဝန်ရှိပုဂိ်္ဂုလ်များနှင့် လွှတ်တော် ကိုယ်စား လှယ်အချို့၏ မလျော်ကန်သော လုပ်ရပ်များအပေါ် အစိုးရဘက်မှ အရေးယူဆောင်ရွက်မှု မရှိခြင်း၊ သမ္မတ ဦးသိန်းစိန်နှင့် လွန်စွာရင်းနှီးသော ကျောင်းနေဖက်သူငယ်ချင်းဖြစ် သည့် ပြည်ထောင်စုရွေးကောက်ပွဲ ကော်မရှင် ဥက္ကဋ္ဌ ဦးတင်အေးလက်ထက် NLD ပါတီဗဟိုမှ ဦးဉာဏ်ဝင်းနှင့် ဦးမျိုးရန်နောင်သိမ်းတို့အား တရားစွဲဆို အရေး ယူခဲ့ခြင်းတို့ကို ၂၀၁၄ ခုနှစ်အတွင်း အစိုးရဘက်မှ ဆောင်ရွက်ခဲ့ကာ အစိုးရနှင့် ကြံ့ခိုင်ရေးပါတီအပေါ် ပြင်းထန် သော ပြစ်တင်ဝေဖန်မှု များ ပြုလုပ်ခဲ့သည့် ဧရာဝတီတိုင်းဒေသကြီး လွှတ်တော်ဥက္ကဋ္ဌ သရေစည်သူ ဦးဆန်းဆင့် ကို သမ္မတဦးသိန်းစိန်က ၂၀၁၃ ခုနှစ်တွင် သာသနာရေး ပြည်ထောင်စုဝန်ကြီးအဖြစ် ပြောင်းလဲခန့်အပ်ခဲ့ပြီး ၂၀၁၄ ခုနှစ်၊ ဇွန်လ ၁၉ ရက်နေ့တွင် တာဝန်မှရပ်စဲကာ အရေးယူ ဖမ်းဆီးချုပ်နှောင်ထားခဲ့သည်။

(သတင်းဖြည့်စွက်ချက်)

လက်ရှိအာဏာရ ကြံ့ခိုင်ရေးပါတီဥက္ကဋ္ဌအဖြစ် သမ္မတဦးသိန်းစိန်ပင်ပါတီမှ ဖွဲ့စည်းပုံတွင် ပါဝင်လာပြီး ဒုဥက္ကဋ္ဌ ဦးဌေးဦးသည် ပူးတွဲဥက္ကဋ္ဌအဖြစ် တာဝန်ပေးအပ်ခြင်းခံထားရသည်။

အမျိုးသားလွှတ်တော်ဥက္ကဋ္ဌ ဦးခင်အောင်မြင့်သည် အာဏာရကြံ့ခိုင်ရေးပါတီ ဗဟိုအလုပ်အမှု ဆောင်ကော် မတီ၌ ဖွဲ့စည်းပုံတွင် ဒုဥက္ကဋ္ဌထက်အဆင့်မြင့်သော နေရာတွင်ရှိသည့်ပါတီ ဗဟိုအတိုင်ပင် ခံအဖွဲ့တွင် ပါဝင် လျက်ရှိသည်။


မြန်မာသံတော်ဆင့်သတင်းဌာန- https://www.facebook.com/myanmarherald

‘ဦးအောင်မင်းနဲ့ ဦးစိုးသိန်း ဆိုရင် ကယားမှာ။ လူဦးရေက လည်း သောင်းဂဏန်း ရှိတာ။ နိုင်ဖို့က ၉၉.၉၉ ရာခိုင်နှုန်း သူတို့က အပိုင်သွားလုပ်တာ …’

သူတို့ကို သေချာစောင့်ရှောက်ပေးလိုက်။ ဘေးကနေ ခဲနဲ့ထုရင် ငါတို့ထု တယ် ဖြစ်ဦးမယ်။ ပြည်ခိုင်ဖြိုးက ထုတယ်ဖြစ်ဦးမယ် … တစ်ခါ ကျောက်ပန်းတောင်း နဲ့ တောင်သာနယ်စပ်မှာ ရဲကထပ်တားတယ်။ သူက(ဦးအောင်သောင်း) ဦးအောင် သတင်းရတယ်။ ဟေ့ကောင် ငါသတင်းရတယ်။ ရဲတွေထပ်တားထားပြန်ပြီ။ အဲဒီတော့ မင်း ရွာကို ဖုန်းဆက်ပြီးတော့ သောက်စရာရေ၊ မုန့်တို့ ချက်ချင်းသွားပို့။ ငါပြည်ထဲရေးဝန်ကြီး ဗိုလ်ချုပ်ကြီးကိုကိုကို တိုက်ရိုက်ပြောနေတယ်တဲ့။ ဗိုလ်ချုပ်ကြီးကိုကိုက ခင်ဗျား ကျုပ်နာမည်ပျက် တယ်။ ကျုပ် တောင်သာက ထွက်တော့လည်း ဖယ်ပြီးပြီ။ အခုလည်းဖယ်ခိုင်းနေတယ်။ ရဲပဲ သိက္ခာကျတယ်။ မလုပ်နိုင်ဘူးလို့ ပြောတယ်ကွာတဲ့။ ဦးသိန်းစိန်ဆီ ငါကိုယ်တိုင် တိုက်ရိုက် ဆက်နေတယ်တဲ့။ မကြာဘူး ဦးသိန်းစိန်က အမိန့်ပေးလိုက်ပြီတဲ့။ ဆက်သွားကြတဲ့။ အဲဒါပြီးတော့ ကျွန်တော့်မှာ ဖျားသွားတယ် …

~~~~~~~~~~~~~~~~~~~~~~~~~~~~~~~~~~~~~~~~~

● ယခင်တစ်ပတ်မှအဆက်-

● အဲဒီကိစ္စနဲ့ပတ်သက်လို့ ဗဟိုကော်မတီမှာ ပြင်းပြင်းထန်ထန် ပါတီပြိုကွဲမယ့်အရေး မူဝါဒတွေကို မလိုက်နာနိုင်တဲ့ သူတွေနဲ့ပတ်သက်လို့ ပြတ်ပြတ်သားသားရှင်းဖို့ ဆရာတို့ကော အကြံပြုခဲ့ဖူးတာရှိလား။

ဗဟိုကော်မတီ အစည်းအဝေးဆိုတာ ကတော့ ၂ ရက်၊ ၃ရက်လောက်ပဲ လုပ် ရတာဆိုတော့ အဲဒီမှာကတော့ ပါတီတစ်ခုချင်း၊ လူပုဂ္ဂိုလ် တစ်ခုချင်းကိစ္စ ဆွေးနွေးတာ တစ်ခါမှမရှိခဲ့ဘူး။ ဆွေးနွေးရင်လည်း မသင့် တော်ဘူးလို့ ထင်တယ်။ ဆွေးနွေးရင်လည်း မသင့်တော်ဘူးလို့ထင်လို့ လူကြီးတွေက အဲဒီ အာဂျင်ဒါလည်း မပါဘူး။ စီအီးစီ တောင်မှ ကျွန်တော်ထင်ပါတယ်။ သိပ်ချမပြဘူး။ စီအီးစီမှာလည်း အလွှာစုံကပါနေ တာ။ ၉ နာရီကနေ ၁ဝနာရီ လောက်လုပ်တဲ့ ဥက္ကဋ္ဌ၊ ဒုဥက္ကဋ္ဌ၊ ဗဟိုအတိုင်ပင်ခံ ၄ဦး၊ အတွင်းရေးမှူးအထိ ပါတယ်။ ၉နာရီကနေ ၁ဝနာရီထိ မူဝါဒကောင်စီအစည်းအဝေး မှာတော့ မကြာခဏဆွေးနွေးဖြစ်လိမ့်မယ် လို့ ကျွန်တော်တော့ အဲဒီလိုပဲထင် တယ်။ ဒါမှစိတ်ချ ရတာကိုး။…

● ဘဏ်ကိစ္စဆိုတော့ ပါတီအတွက်လည်း အရေးကြီးတယ်။ တိုင်းပြည်နဲ့လည်း ပတ်သက်တဲ့ စင်ကာပူဘဏ်မှာ ငွေ အမြောက်အမြား အပ်ထားတယ် လို့သတင်း ရထားတယ်။ ဆရာတို့ အဲဒီကိစ္စ ဆွေးနွေး ဖူးပါသလား။

အဲဒီကိစ္စတော့ မဆွေးနွေးဖူးဘူး။ သို့သော်လည်းပဲ ဂျာနယ်တွေ၊ မီဒီယာတွေမှာ ၁၁ဘီလီယံလောက် အပ်ထား တယ် လုိ့ အဲဒီသတင်းလေးတွေ ကြားတယ်။ ကျွန်တော်တို့အနေနဲ့ အဲဒီလောက်အလှမ်း မမီတော့သူတို့ရဲ့ အစည်းအဝေးတွေ မပြတ် အဘကသူကိုယ်တိုင်ဦးဆောင်ပြီးတော့ ကော်မတီအစည်းအဝေးကတော့ ၅နှစ် သက်တမ်းမှာ အကြိမ် ၇ဝ၊ ၈ဝ လောက် လုပ်တယ်။ လုပ်တဲ့အခါများသောအားဖြင့် မူဝါဒနဲ့ပတ်သက်တာတွေ ပဲ ဆွေးနွေးပြီးတော့ တစ်ဦးချင်းကိစ္စတော့ ဆွေးနွေးဖြစ်တာ နည်းပါတယ်။

● ဒါက တိုင်းပြည်အတွက်ကော၊ ပါတီ အတွက်ကော အရမ်းအရေးကြီး တဲ့ကိစ္စ ဖြစ်ပါတယ်။ အကွဲအပြဲကိစ္စကော၊ အဂတိ ကိစ္စကော၊ ပါတီရဲ့ဂုဏ်သိက္ခာ၊ နိုင်ငံရဲ့ ဂုဏ်သိက္ခာနဲ့လည်း အရမ်းပတ်သက်နေ တယ်။ ဘယ်သူ ဘယ်ဝါ လို့တော့ တိတိကျကျ မပြောလိုသော်လည်း ဦးအောင်သောင်းအနေနဲ့ ဒီကိစ္စကိုပြောခဲ့ဖူးတာရှိသလား။ အဘ အနေနဲ့ကော ဘယ်လိုသဘောရပါသလဲ။

အဲဒီကိစ္စနဲ့ပတ်သက်ပြီးတော့ ကျွန်တော့်ကို တစ်ခါမှမပြောခဲ့ဘူး။ ပြောတာကတော့ ဥပဒေပြုရေးကိစ္စ၊ အခြားမိန့် ခွန်း၊ အဆိုတို့၊ check and balance အဲဒါတွေ ကော်မတီအစည်းအဝေးမှာ ချပြတယ်။ လုပ်သမျှလည်း အစည်း အဝေးမှတ်တမ်း အကုန်ရှိတယ်။ အစည်းအဝေး မှတ်တမ်းမှာ ဆွေးနွေးချက်၊ ဆုံးဖြတ်ချက်တွေပေါ့။ အဲဒီလို တစ်ဦးချင်း အခုနကပြောတဲ့ ကိစ္စတွေကို ဆွေးလည်း မဆွေးနွေးဖူးဘူး။ ဆွေးနွေးဖြစ်ခဲ့ရင်လည်း ဒီမှတ်တမ်း ထဲမှာ ထည့်ရမှာပဲ။ မှတ်တမ်းမှာလည်း မရှိပါဘူး။

● တောင်သာက ပြိုင်မယ်ဆိုတော့ အဲဒီမှာဖွံ့ဖြိုးရေး၊ စည်းရုံးရေးလုပ်ငန်းတွေ တော်တော်များများ လုပ်ထားပြီလား။

တောင်သာကတော့ အရင်တုန်းက အဘနဲ့ လိုက်ခဲ့တာပေ့ါလေ။ ကျွန်တော်တို့ ဝင်ပြီးတော့ ငွေကြေးအင်အား မလိုအောင်ကို လုပ်ခဲ့တယ်ဆိုတော့ ကျွန်တော်တို့က လိုက်ပြီးတော့ အားပေးတာပဲရှိတယ်။ ကျွန်တော်တာဝန် ယူရတဲ့ မြင်းခြံမှာလည်း ၄နှစ်ကျော်လောက် ငွေကြေး စိုက်ထုတ်တာတို့၊ ဖွံ့ဖြိုးရေးလုပ်ငန်းတွေမှာ၊ ကျောင်း တွေဆောက်လုပ်ဖို့၊ ဖွံ့ဖြိုးဖို့၊ ဆေးရုံတွေ ရဖို့၊ မြင်းခြံမှာပဲ အာရုံစိုက်ပြီးတော့ လုပ်ရ တာပေ့ါ။ တောင်သာက တော့ အဘရဲ့နောက်ကနေလိုက်ပြီးတော့ ပါရမီဖြည့်ရုံပဲ။ အခုမှ ကျွန်တော့်ပခုံးပေါ်ကို ကျလာတဲ့သဘောရှိ တယ်။

● မြင်းခြံမှာ ကျောင်းသားသပိတ်သွားပြီးတဲ့ နောက်ပိုင်း ဆန္ဒပြတဲ့ကျောင်းသားတွေကို ဖမ်းလိုက်တာရှိတယ်။ ဆန္ဒပြ အဖွဲ့တွေ ဖမ်းလိုက်တာရှိတယ်။ အဲဒီအဖွဲ့တွေ နဲ့ပတ်သက်လို့ ဆရာတစ်စုံတစ်ရာကူညီ ပေးတာရှိလား။

အဲဒီအဖွဲ့က ကျွန်တော်တို့ပါတီကလည်း မဟုတ်တော့ လူပုဂ္ဂိုလ်ကိုတော့ အတော် အသင့်ပဲသိတယ်။ သူတို့က လည်း ကျွန်တော်တို့ကို ပါတီချင်းမတူတဲ့အခါကျတော့ ကျွန်တော်တို့ကိုလည်း အကူအညီတောင်း တာတစ်ခါမှ မရှိဘူး။ ရှိရင်လည်း ကျွန်တော်တို့က ပြည်သူ့ကိုယ်စားလှယ် ဆိုတော့ လုပ်ပေးဖို့တာဝန် ကျွန်တော့်မှာရှိတယ်။ သူတို့က ကျွန်တော်တို့နဲ့လည်း မဆက်သွယ်ဘူး။ ကျွန်တော်တို့ကိုလည်း အကူအညီတောင်း တာလည်းမရှိဘူး။ ကျွန်တော်လည်းမြင်းခြံ ရောက် တဲ့နေ့ကစပြီး သူကိုယ်တိုင်ကွပ်ကဲပြီး ကျွန်တော်လည်း သူ့ဆီမြင်းခြံသတင်း နေ့တိုင်းပို့တယ်။ စတာတော့ သူတို့မန္တလေးက ထွက်လာတုန်းက အဲဒီလောက်အင်အား မများဘူး။ မြင်းခြံ မှာ ရောက်တဲ့အခါမှာ အင်အားလည်း များသွားတယ်။ ကောလိပ်ထဲလည်း ဝင်တယ်။ အလံတွေဖြုတ်ချတာတွေ ဖြစ်တယ်။ မြို့လူတွေကလည်း တချို့ဝိုင်း အားပေးတာပါတယ်။ ဝိုင်းကြည့်တာပါတယ်။ သူတို့အခေါ်တော့ ဝန်းရံတာပေ့ါ။ အဲဒီမှာ အင်အားကြီးထွားလာပြီးတော့ အဲဒီကနေ မြင်းခြံ-တောင်သာအကူးမှာဇာတ် လမ်းစတာ ပဲ။ အဲဒီအထိ သူက ကျွန်တော့်ကို ဘာလုပ်ဘာလုပ်၊ ဝဲလောင်ရွာမှာ အိပ်မယ်ဆိုရင် အဲဒီရွာက ဘုန်းကြီးက ကျွန်တော်နဲ့ ညီအစ်ကို တစ်ဝမ်းကွဲ။ သူတို့ကို သေချာလုပ်လိုက်။ စောင့်ရှောက်ပေးလိုက်။ ဘေးကနေ ခဲနဲ့ထုရင် ငါတို့ထုတယ်ဖြစ်ဦးမယ်။ ပြည်ခိုင်ဖြိုးက ထုတယ်ဖြစ်ဦးမယ်။ အဲဒီလိုပေ့ါ။ တောက်လျှောက်ဖုန်းနဲ့ သူ ကိုယ်တိုင် တော့ မဆက်ဘူး။ ကျွန်တော့်ကို ဆက်ခိုင်းတယ်။ မအိပ်ဖြစ်တော့ဘူး။ ကျောက်ပန်းတောင်းကို ဆက်ထွက်မယ် ဆိုတော့ တစ်ခါ ကျောက်ပန်းတောင်းနဲ့ တောင်သာ နယ်စပ်မှာ ရဲကထပ်တားတယ်။ သူကဦးအောင် သတင်းရ တယ်။ ဟေ့ကောင် ငါသတင်းရတယ်။ ရဲတွေထပ်တား ထားပြန်ပြီ။ အချိန်ကလည်း ၆ နာရီဖြစ် နေပြီ။ စားစရာ လည်းမပါဘူး။ အဲဒီတော့ မင်းရွာကို ဖုန်းဆက်ပြီးတော့ သောက်စရာရေ၊ မုန့်တို့ ချက်ချင်းသွားပို့။ ကျွန်တော့်မှာ မင်းတုိ့ အဲဒါလုပ်ကြ။ ငါပြည်ထဲရေးဝန်ကြီး ဗိုလ်ချုပ်ကြီးကိုကို ကိုတိုက်ရိုက်ပြောနေ တယ်တဲ့။ ဗိုလ်ချုပ်ကြီး ကိုကိုက ခင်ဗျားကျုပ်နာမည်ပျက်တယ်။ ကျုပ်တောင်သာက ထွက်တော့လည်း ဖယ်ပြီးပြီ။ အခုလည်း ဖယ်ခိုင်း နေတယ်။ ရဲပဲ သိက္ခာကျတယ်။ မလုပ်နိုင်ဘူးလို့ပြောတယ်ကွာတဲ့။ ဦးသိန်းစိန်ဆီ ငါကိုယ်တိုင်တိုက် ရိုက်ဆက် နေတယ်တဲ့။ မကြာဘူး ဦးသိန်းစိန်က အမိန့်ပေးလိုက်ပြီတဲ့။ ဆက်သွားကြတဲ့။ ကျွန်တော့်မှာ ပျာယာတွေခတ်။ အဲဒါပြီးတော့ ကျွန်တော့်မှာ ဖျားသွားတယ်။ ကျွန်တော်က အတွေ့အကြုံလည်း နည်းတယ်လေ။

● ဒါလေးတွေက ကျောင်းသားတွေဘက်က နောက်ကွယ်ကနေ ဦးအောင်သောင်း လုပ်ပေးတဲ့သဘော။ အဲဒီသ ဘောလား။

အဲဒီသဘောပါ။ ခင်ဗျားတို့အခုပြောနေတဲ့ ဟတ်လိုင်နာ။ ဟိုတုန်းကတော့ ဟုတ်တော့ဟုတ်မှာပေါ့။ ဦးသန်းရွှေ ခိုင်းတာလုပ်ရတော့။ ဗိုလ်ချုပ်မှူးကြီးခိုင်းတာ မလုပ်ရင် ငါပြုတ်သွားမှာပေ့ါတဲ့။ ငါတကယ်တမ်း ဟတ်လိုင်နာ မဟုတ်ဘူးဆိုတာ ငါနဲ့ပြောဖူးတဲ့လူ အကုန်သိတယ် တဲ့။ ကျောင်းသားကိစ္စမှာလည်း ဦးအောင်သောင်း ထင်တာ ပေါ့။ ဒါဦးအောင်သောင်းနယ် တောင်သာ။ တို့ကျောင်းသားမထိနဲ့ မီးပွင့်သွားမယ်။ ဟိုကတော့တကယ့်လာတာ။ သူစိတ်ဓာတ်က အဲဒီလိုမဟုတ်ဘူး။ ဒီကျောင်းသားတွေ ရှောရှောရှူရှူသွားပါစေ။ သူက အဲဒီစိတ်ဓာတ်လေး ရှိတယ်။

● ဗဟိုကော်မတီဝင်အနေနဲ့ ပါတီမှာ လူကြီးတွေ တစ်ယောက်တစ်မျိုးဖြစ်နေ တာ ဆရာတို့ စိတ်ချမ်းသာနိုင်မယ်လို့ ကျွန်တော် မထင်ဘူး။

ကျွန်တော် ခဏခဏပြောတယ်။ သူတို့ရှေ့တော့ မပြောဘူး။ အဖေ၊ အမေနဲ့ တောမှာ ငယ်ငယ်ကနေခဲ့တယ်။ စီးပွားရေးကလည်း အလုံအလောက်ပြည့်စုံတာ မဟုတ်ဘူး။ အဖေက မော်တော်ကားထောင် တာ။ အမေက ဈေးရောင်းတာ။ ကျွန်တော်က ၁ဝ တန်းအောင်တဲ့နှစ် အမေနဲ့ဈေး လိုက်ရောင်းတာ။ အမေနဲ့ အဖေနဲ့များသော အားဖြင့် တစ်လ နှစ်ခါ သုံးခါလောက် ရန်ဖြစ်တယ်။ အဖေက အပေါင်းအသင်း များတယ်။ အိမ်ကို ပိုက်ဆံချေး ဖို့ခေါ်လာတယ်။ အမေကထုတ်မပေးဘူး။ ဧည့်သည် ရှေ့တော့ ဘာမှမပြောဘူး။ ဧည့်သည်ပြန် တော့ ရန်ဖြစ် ကြတာပေ့ါ။ ကျွန်တော်က အိမ်မှာအကြီးဆုံး။ အဖေနဲ့အမေ မတည့်တော့ ဟိုအဒေါ်လေးပြေးခေါ်၊ အဖေ့ကိုနိုင် တဲ့လူပေါ့ဗျာ။ အဒေါ်အပျိုကြီး။ စိတ်မချမ်း သာဘူးပေ့ါ။ ကျွန်တော်လည်း အဲဒါလေး ကိုပြန်သတိရပြီး လူကြီး တွေ ရန်ဖြစ်နေတဲ့ အခါကျတော့ တို့ကသားသမီးတွေပဲ။ ဘယ်ထောင့် ကပ်နေရမှန်းမသိဘူး။ ကျွန်တော်တို့ လွှတ်တော် ကိုယ်စားလှယ်အဆောင်မှာ ပြောနေတဲ့စကားလုံးပါ။

● တပ်ကလည်း ပါတီကိုယ်စားလှယ်လောင်းတွေကို အကုန်လုံးလက်မခံဘဲနဲ့ အကန့်အသတ်နဲ့ပဲ လက်ခံတယ်ဆို တာ။

ဦးစိုးသိန်းနဲ့ ဦးအောင်မင်းက အဲဒီနေ့ကမပါဘူး။ ဦးအောင်မင်းက ငြိမ်းချမ်းရေး အဖွဲ့တွေနဲ့ ရန်ကုန်မှာတွေ့ နေတယ်ပြောတယ်။ ပါတီမှာလည်း နောက်ဆုံး စီအီးစီ ရွေးတဲ့ပွဲမှာ အဘဦးရွှေမန်းညှိတဲ့အပေါ်မှာ ဒီဘက် သမ္မ တရုံးမှာလည်း ကိစ္စတစ်ခုရှိတော့ ကျွန်တော်တို့က များသောအားဖြင့် ဗဟိုကော်မတီအစည်းအဝေးတွေမှာ လုပ် လို့ရှိရင် တိုင်းပါတီဥက္ကဋ္ဌတက်နိုင်အောင် ဒီဘက်က သမ္မတကြီးခေါ်တဲ့ အစည်းအဝေးနဲ့ ကျွန်တော်တို့နဲ့ ဆက် တိုက်ဖြစ်အောင် သီးသန့်မလာရအောင် အဲဒီလိုလုပ်လေ့ လုပ်ထရှိတယ်။ အဲဒီနေ့ကလည်း သမ္မတရုံးမှာ ကိစ္စ တစ်ခုနဲ့လာတယ်။ ပြည်နယ်နဲ့ တိုင်းပါတီဥက္ကဋ္ဌဝန်ကြီးချုပ်၊ တပ်ကအရာရှိကြီးတွေလည်း ပါတယ်ပြောတယ်။ အဲဒီမှာ ဦးစိုးသိန်းက မေးတယ်တဲ့။ ကျုပ်တို့နှစ်ယောက်ကို ခင်ဗျားတို့တပ်ကရော၊ ပါတီကပါ လက်မခံဘူးပေါ့။ သူတို့ပြိုင်ချင်တဲ့နေရာ။ အဲဒီမှာ ဝန်ကြီးချုပ်တစ်ဖြစ်လဲ တိုင်းပြည်နယ်ဥက္ကဋ္ဌတွေက ရှင်းပြတယ်တဲ့။ ပါတီက လက်မခံတာ မဟုတ်ဘူး။ သူ့ဒေသက လက်မခံတာ။ ဦးအောင်မင်းနဲ့ ဦးစိုးသိန်းဆိုရင် ကယားမှာ။ သူ့တိုင်း ရင်းသား အမျိုးသားလွှတ်တော်ဆိုတာ လူမျိုးစု လွှတ်တော်ပေါ့ဗျာ။ တိုင်းရင်းသားတွေကို ဦးစားပေးတာ။ ကယားမှာ ၇မြို့နယ်ပဲရှိတာ။ ပြည်သူ့လွှတ်တော်ထက်တောင် အခွင့်အရေးက ပိုကောင်းသေးတယ်။ ၅ မြို့နယ် က ၂ ယောက်စီရတယ်။ တစ်မြို့နယ်က ၂ယောက်ဆိုတော့ လူဦးရေက လည်း သောင်းဂဏန်းရှိတာ။ နိုင်ဖို့က ၉၉.၉၉ ရာခိုင်နှုန်းသေချာတယ်။ သူတို့က အပိုင်သွားလုပ်တာ။ ကယားက လက်မခံတာကို ပါတီက လက်မခံ ဘူးလို့ထင်နေတယ်။ အဲဒီမှာ ဝန်ကြီးချုပ်တွေက ရှင်းပြတယ်။ ပါတီက လက်မခံတာမဟုတ်ဘူး။ ဒေသဆိုင်ရာ က လက်မခံတာ။ ပါတီက ဆိုရင် ဦးစိုးသိန်းဆိုရင် ကျွန်းစု၊ ဦးအောင်မင်းဆိုရင် တောင်ငူ အချိန်မရွေး welcome ပဲ။ အမှန်က ဦးရွှေမန်းတို့ ပါတီ စီအီးစီက ညစ်တယ်လို့ထင်တာ။ အဲဒီမှာ ဥက္ကဋ္ဌတွေ ရှင်းပြလိုက်တော့ သဘော ပေါက်လား၊ မပေါက်လားတော့ မသိဘူးပေ့ါဗျာ။ လက်ခံသွားတယ်လို့ကြားရတယ်။ ဦးရွှေမန်းပြောသလို တစ် ယောက်နဲ့တစ်ယောက်က ထိတွေ့ဆက်ဆံမှုကနည်းတော့ ညစ်နေတယ်လို့ သူတို့ကထင်နေကြတာ။

ဆက်လက်ဖော်ပြပါမည်

မြန်မာသံတော်ဆင့်သတင်းဌာန- https://www.facebook.com/myanmarherald

ဓါတ်ပုံ - အင်တာနက်
          ရန်ကုန်တိုင်း ဒေသကြီးတွင် မြို့နယ် (၄၄) မြို့နယ်ရှိ စားသောက်ဆိုင်၊ ကာရာအိုကေ၊ နိုက်ကလပ်များ (၁၁) နာရီ အချိန်တွင် မပိတ်ပါက ဆိုင်ပိတ်ထောင်ချသည် အထိ အရေးယူမည် ဖြစ်ကြောင်း မြို့နယ်ရဲမူးကြီး တစ်ဦးထံမှ သိရသည်။

          ''ထွေအုပ်မှာ လိုင်စင် ပေးကတည်းက (၁၁) နာရီကျော်ရင် သူတို့ မဖွင့်ပါဘူးဆိုပြီး လက်မှတ် ထိုးထားတာ ဒါကို သူတို့ လိုက်နာမှုမရှိဘဲ သုံးနာရီ လေးနာရီ အထိ ဖွင့်ပြီးတော့ ညဥ့်နက်ပိုင်းမှာ ဒုစရိုက်မှုတွေလည်း ခဏခဏ ဖြစ်တယ်။ အဓိက ရည်ရွယ်ချက် ကတော့ ဒုစရိုက်မှုတွေ လျော့ကျသွားအောင် ဆောင်ရွက်တာပါ'' ဟု ၄င်းကဆိုသည်။

            အဆိုပါ ရန်ကုန်တိုင်း ဒေသကြီးတွင် သြဂုတ်လ (၁၃) ရက်နေ့မှ စတင်ကာ ရာဇ၀တ်မှု လျော့ကျစေရေး အတွက် စားသောက်ဆိုင်၊ ကာရာအိုကေနှင့် နိုက်ကလပ်များကို ည (၁၁)နာရီ နောက်ဆုံး ထားပိတ်ရန် ဒေသန္တရ အမိန့် ထုတ်ပြန်ကြောင်းနှင့် (၂၄) နာရီ ဖွင့်သော စတိုးဆိုင်များ အနေဖြင့် ပိတ်သိမ်းရန် မလိုအပ်သော်လည်း ည (၁၁) နာရီ နောက်ပိုင်း အရက်ဘီယာ ရောင်းချခွင့် လုံးဝမပြုကြောင်း သိရသည်။

ရဲကျော်ထက်
The Messenger Media
http://www.messengerdaily.com

တော်လှန်ရေးသမားများ လိုအပ်သည်ဟုဆိုလိုက်၍ တချို့က တော်လှန်ရေးသမားဆိုသည်နှင့် ဓား၊ လက်နက်၊ သေနတ်အမြောက်များကိုသာ ပြေး၍ မြင်ကြပါလိမ့်မည်။ ဒါကို ဆိုလိုခြင်းမဟုတ်ပါ။

တော်လှန်ရေးဆိုသည်မှာ နဂိုရှိရင်းစွဲ လူထုနှင့် အံမ၀င်ခွင်မကျတော့သောအဟောင်းများကို ပြောင်းပြန်လှန်ကာ လူထု၏လူမှုလက်တွေ့ဘ၀က တောင်းဆိုချက်များ လက်တွေ့ဘ၀နှင့်ကိုက်ညီသောအရာများကို ဖန်တီးတည် ဆောက်ခြင်း၊ တည်ထောင်ခြင်းကို ဆိုလိုပါသည်။

ဥပမာ- ကမ္ဘာမှာ ကျွန်စနစ်သည် လူထုလူတန်းစားအတွက် မလိုအပ်တော့၍ မကိုက်ညီ၊ အသုံးမ၀င်တော့၍ ကျွန်စနစ်တော်လှန်ရေးဖြစ် ပေါ်လာခဲ့သည်။ လူဖြူလူမည်းခွဲခြားမှု မလိုအပ်၍ လူထုကတောင်းဆိုသော လူဖြူ လူမည်းခွဲခြားမှုကို တော်လှန်သော အတွေးအခေါ်ပေါ်ပေါက်လာခဲ့သည်။ မာတင်လူသားကင်းဟူသောလူမည်း တော်လှန်ရေးသမားတဦး ပေါ်ထွက်လာခဲ့သည်။ အိန္ဒိယမှ ဂန္ဒီကြီးသည်လည်း လူထုနည်းနှင့် ဗြိတိသျှကို တော်လှန်သွားသူဖြစ်သည်။

ဗိုလ်ချုပ်အောင်ဆန်းသည်လည်း မြန်မာ့လွတ်လပ်ရေးကို ငြိမ်းချမ်းသောနည်းလမ်း ဖြင့်သာ ရယူလိုခဲ့သည်။ သို့သော် နယ်ချဲ့တို့၊ ဖက်ဆစ်တို့၊ နာဇီတို့ဆိုသည်မှာ အနုနည်းနှင့် မည်သည့်အခါမျှ လျှော့မပေးတတ်သော သဘာဝရှိသောကြောင့်သာ လက်နက်လူသူ စုဆောင်းကာ တိုက်ပွဲဝင်သွားခြင်းဖြစ် သည်။ အိန္ဒိယမှာ ကဗျာဆရာကြီး တဂိုး၏ ရှန်တိနိကေတံ ကျောင်းမှာ ပညာရေးစနစ်၏တော်လှန်ရေးတရပ် ဖြစ်ပါသည်။
ယခု NLD ခေါ် အမျိုးသားဒီမိုကရေစီအဖွဲ့ချုပ်သည် ၈၈ အရေးတော်ပုံမှ စတင်ပေါ်ပေါက်လာသော လူထုပါတီ ဖြစ်သည်။

ပြည်သူတရပ်လုံးက ပြည်သူကို ကိုယ်စားပြုသူတဦးအဖြစ် ဒေါ်အောင်ဆန်းစုကြည်ကို မွေးထုတ် ပေးလိုက်ကာNLDပါတီရယ်လို့ ပေါ်ထွက်လာခြင်းဖြစ်သည်။ ပြည်သူ့ကိုယ်စားပြုပါတီအဖြစ် ပြည်သူတရပ်လုံးကယုံကြည်မျှော်လင့်ကြသည်။ ပြည်သူလူထုနောက်ခံပြု၍လည်း NLD ပါတီရယ်လို့ ပေါ်ထွက်လာခြင်းဖြစ် သည်။ ပြည်သူ့ကိုယ်စားပြုပါတီအဖြစ် ပြည်သူတရပ်လုံးက ယုံကြည်မျှော်လင့်ကြသည်။

ပြည်သူလူထု နောက်ခံ ပြု၍လည်း NLD ပါတီ ဤမျှသက်တမ်းကြာကြာ ရပ်တည်နိုင်ခြင်းဖြစ်သည်။ ဒေါ်အောင်ဆန်းစုကြည်ကို နည်း မျိုးစုံနှင့် လူထုနှင့်ကင်းကွာသွားအောင်ဖမ်းဆီးချုပ်နှောင်ထားခဲ့သော်လည်း ပြည်သူကမိမိတို့အပေါ်ကိုယ်စား ပြုရပ်တည်ပေးသောလူထုခေါင်းဆောင်၊ ပြည်သူ့ပါတီတရပ်ကို ဘယ်သောအခါမျှ မေ့ပျောက်မသွား။ ရင်ထဲ နှလုံးထဲတွင် ရှိနေကြသည်။ NLD သည် ပြည်သူက မွေးဖွားပေးလိုက်သော ပါတီတရပ်ဟုသာဆိုရမည် ဖြစ် သည်။

NLD တွင် ကနဦးရပ်တည်ခဲ့သော နိုင်ငံရေးသမားများသည် ကိုယ်ကျိုးစွန့်အနစ်နာခံ၊ ဖမ်းဆီးထောင်ချ ဘ၀ ပျက်အောင် အလုပ်ခံရသူများ ဖြစ်သည်။ အချို့လည်း အသက်အရွယ်ကြီးရင့်ကြပြီ။ တချို့လည်းကျန်းမာရေး မကောင်းကြတော့ပါ။ သို့သော် သူတို့ထံမှာရှိသည့် အတွေ့အကြုံများအရ အကြံဥာဏ်များစွာရနိုင်ပါသေးသည်။ ထိုပုဂ္ဂိုလ်များသည် အနစ်နာခံပြီး တော်လှန်ရေးစိတ်ဓာတ် အပြည့်ရှိကြသူများ ဖြစ်သည်။

တော်လှန်သော စိတ်ဓာတ်မရှိဘဲ အာဏာရှင်စနစ်ကို ဘယ်လို တော်လှန်ပြုပြင်နိုင်ပါ့မလဲ။ တော်လှန်သော စိတ်ဓာတ်အရင်းခံမရှိသူသည် အဟောင်းကို ရေစုန်မျောလိုက်ပြီး သာယာစီးကာ မသာနိုင်တော့မှန်းသိလျှင် ရတာယူပြီး အသာလေးဘေးဖယ်ကာ ပြည်သူကို သစ္စာဖောက်သွားမည့်သူများ ဖြစ်သည်။ ဤသည်မှာ သမိုင်း တလျှောက်လုံးမှာရှိခဲ့ဖူးသည်။ နိုင်ငံရေးသမားတိုင်း၊ နိုင်ငံရေးလေ့လာသူတိုင်း စိတ်ဓာတ်မှန်ကန် သူတိုင်း သိကြပါသည်။ အာဏာရှင်စနစ်ကို တော်လှန်လိုသော၊ ပြင်းပြ သော မုန်းတီးစိတ်မရှိဘဲ အာဏာရှင်စနစ်ကို ဖယ်ရှားနိုင်လိမ့်မည် မဟုတ်ပါ။


အနစ်နာမခံဘဲ အဟောင်းကို ရေစုန်မျောလိုက်ခြင်းဖြင့် ပြည်သူ့ဒီမိုကရေစီ ဘယ်တော့မှမအောင်မြင်နိုင်ပါ။
ယခုအခါမှာ NLD ပါတီနှင့် ကြံ့ခိုင်ရေးနှင့် ဖွံ့ဖြိုးရေးဟူသော စစ်အစိုးရ၏ ကျောထောက်နောက်ခံပါတီ၊ ယင်း ပါတီ၏လက်စွဲများ၊ မဟာမိတ်ပါတီများတို့ အကြိတ်အနယ် ယှဉ်ပြိုင်ရမည့်ကာလဖြစ်သည်။ ထို့ကြောင့် NLD သည် လူရွေးမမှားဖို့ အရေးကြီးသည်။ လက်ဝဲ လကျာ်ခွဲခြားနေခြင်းထက် ပြည်သူကို ဘယ်သူသည် အနာခံ ကိုယ်စားပြုနိုင်သလဲ။ ဘယ်သူအမာခံဖြစ်နိုင်သလဲဆိုသည့် ရဲရဲတောက် နိုင်ငံရေးသမားများ၊ ပြင်းပြသောစိတ် ဓာတ်နှင့် တော်လှန်ပြောင်းလဲလိုသူများ၊ အမြော်အမြင်ကြီးသူများသာ လိုအပ်ပါသည်။

အတွေ့အကြုံရင့်ကျက် သော နိုင်ငံရေးသမားဟောင်းကြီးအချို၏ အကြံဥာဏ်လည်း ယူသင့်ပါသည်။
ဒီလိုမဟုတ်ဘဲအစကတည်းက ဆွေးနွေးညိနှိုင်းလို့ရမည့်သူ၊ ပျော့ပျောင်းသည်ဟုဆိုကြသော အညံ့ခံခေါင်းလျှို ၀င်မည့်သူ၊ ပြည်သူ့လိုအပ်ချက်၊ ပြည်သူ့ဆန္ဒကို အလွယ်တကူ ကျောခိုင်းမည့်သူများသည် အာဏာရှင်စနစ် ကနေ ဒီမိုကရေစီစနစ်ကို ဘယ်လိုပြောင်းလဲနိုင်ပါ့မလဲ။ ဘယ်သောအခါမျှ မပြောင်းလဲနိုင်ပါ။ တသက်လုံးဒုက္ခ သုက္ခခံလာသူ စွန့်စားစွန့်လွှတ်လာသူများနှင့် နှိုင်းစာလျှင် အခက်အခဲရွေးစေ့မျှလောက် ကြုံရသည်နှင့် ဖောက် ပြန်သွားကြပေလိမ့်မည်။

ပြည်သူကို ကျောခိုင်းကာ ကိုယ်ကျိုးရှာကြပေလိမ့်မည်။ ရုတ်တရက်တော့ မသိနိုင်ပါ။ သို့သော် သမိုင်းအဆက်ဆက် သင်ခန်းစာများက သက်သေထူနေပါသည်။ ဤသို့ပြောသဖြင့် NLD ကို ယခုအချိန်မှာ ဝေဖန်စရာ မလိုဟု ပြောကောင်း ပြောကြပေလိမ့်မည်။ သို့သော် ဝေဖန်ရေးသည် အမှန်တကယ်ပင် လိုအပ်ပါသည်။ ဝေဖန်ရေးရှိမှ အကောင်းအဆိုး အမှားအမှန် သိနိုင်သည်။ အမှားကို ပြင်နိုင်သည်။ အပုပ်ချခြင်း၊ နာမည်ဖျက်ခြင်းလော၊ ဝေဖန်ရေးစစ်စစ်လောဆိုသည်ကိုမူ စဉ်းစားဥာဏ် ရှိသူတိုင်း သိနိုင်သည်။ ထိုသို့မဟုတ်ဘဲ အားလုံးကောင်းပါသည် ခင်ဗျားဟု ဆိုသူများသာ NLD ကို တနည်း အားဖြင့် ပျက်စီးစေလိုသူများသာဖြစ်သည်ဟု ဆိုချင်သည်။

အမှားကိုသိပါလျက် မထောက်ပြ၊ အကြံဥာဏ်မပြု လျှင် အဖျက်သဘောသာ ဖြစ်သည်။ အကောင်းအဆိုးမဝေဖန်ရ၊ မပြောရဟုဆိုလျှင် နောက်ထပ် အာဏာ ရှင်စနစ်တခုဖြစ်သွားပါလိမ့်မည်။ အမှားကို မှားမှန်းမသိအောင် ညံ့လို့ညံ့ မှန်းမသိအောင် ဖုံးကွယ်ကာ ချီးမြှောက်ထားလိုသူများသာ အဖျက်သမားများ ဖြစ်ကြသည်။
ယခုလွှတ်တော်ကိုယ်စားလှယ်လောင်းသည် သူတို့ရေးဆွဲသည့် ဖွဲ့စည်းပုံဥပေဒထဲဝင်ပြီး တိုက်ပွဲဆင်ရမည့်သူ ဖြစ်သည်။

အာဏာရှင်စနစ်ကို မည်သည့်အတိုင်းအတာထိ တိုက်ပွဲဝင်လာသလဲဆိုသည်ကို ကြည့်ရမည်။ တိုက်ပွဲမဟုတ် ညှိနှိုင်းပွဲပါဟုဆိုလျှင် ဒီမိုကရေစီသည် တိုက်ပွဲမရှိဘဲ ဘယ်တော့မှမရနိုင်ပါ။
လူထု၏ လူမှုဘ၀လိုအပ်ချက်က မတောင်းဆိုသောအရာများကို ကိုင်တွယ်လုပ်ဆောင်လျှင် ပြည်သူက ကျော ခိုင်းသွားလိမ့်မည်။

ပြည်သူနှင့် ကင်းကွာသွားလိမ့်မည်။ ဒီမိုကရေစီသည် တိုက်ပွဲကြားမှသာ ထွက်ပေါ်လာနိုင်သည်။ ဒီလိုမဟုတ်ဘဲ အညံ့ခံခေါင်းလျှိုဝင်ပြီး အာဏာရှင် အလိုကျ ညှိနှိုင်းမည့်သူများသာများနေလျှင် ဘယ်တော့မှ မအောင်မြင်နိုင်ပါ။ ဘယ်တော့မှလဲ ဒီမိုကရေစီရလိမ့် မည် မဟုတ်ကြောင်းပါ။

တင်တင်ဦး

News Watch(စောင့်ကြည့်သတင်းဂျာနယ်)

ဧရာဝတီတိုင်း၊ ညောင်တုန်းမြို့ရှိ ရေဘေးသင့်ကျေးရွာ တစ်ခုကို တွေ့ရစဉ် ၊ ဓါတ်ပုံ - ဟောင်ဆာ (ရာမည) -
ဇူလိုင်လကုန်နှင့် သြဂုတ် ပထမအပတ်မှစ၍ ယနေ့တိုင် ဖြစ်ပေါ်လျက်ရှိသည် ရေဘေးဒဏ် ကို ခံစားရသည့် ဒေသများတွင် မြေမြုပ်မိုင်းနှင့် ပေါက်ကွဲစေတက်သော ပစ္စည်းများ အန္တရာယ်ရှိနေဆဲဟု ယူနီဆက် မြန်မာက ၄င်း၏ လူမှုကွန်ယက်စာမျက်နှာတွင် အသိပေးထားသည်။

ရေကြီးခြင်းကြောင့် မြေမြုပ်မိုင်းနှင့် ပေါက်ကွဲနိုင်သည့် ပစ္စည်းများသည်မူလနေရာမှ ရွှေ့လျားသွားပြီး ရေမြုပ်ပြီးသည့်တိုင် ပေါက်ကွဲမှုများ ဆက်လက်ဖြစ်ပေါ်နိုင်သဖြင့် ရေဘေးသင့်ဒေသများတွင် ဆက်လက်အန္တရာယ်ရှိနေသည်ဟု ထုတ်ပြန်သည်။

လက်ရှိ ရေကြီးနစ်မြှပ်မှု ခံစားနေရသည့် ဧရာဝတီတိုင်းအတွင်း ပေါက်ကွဲစေတက်သော ပစ္စည်းများ တွေ့ရှိပြီး ယင်းကြောင့် ထိခိုက်မှုများဟူ၍မရှိသေးကြောင်း တိုင်းအစိုးရအတွင်းရေးမှုး ဦးအေးကျော်က မဇစ္ဈိမပြောသည်။

၎င်းက "အဲဒီသတင်းကို အဆင့်ဆင့်ကိုပို့ထားတယ်။ သတင်းစာတွေကလည်း အသိပေးထားတယ်။ ကျွန်တော် တို့တိုင်းက အပေါ်ကရေတွေပြန်ကျလို့ ဧရာဝတီမြစ်ရေကြီးတယ်။ ပါလာတယ်ဆိုရင်လည်း မြစ်ထဲမှာပဲရှိမယ် အဲဒီကိုလည်း ဘယ်သူမှမသွားလို့ မဖြစ်နိုင်ဘူးလို့ ထင်ပါတယ်" ဟု ဆိုသည်။

ယင်းကဲ့သို့ ပေါက်ကွဲစေနိုင်သည့်ပစ္စည်း၊ မြေမြုပ်မိုင်းများကို တွေ့ရှိပါက ထိတွေ့ကိုင်တွယ်ခြင်းမပြုပဲ၊ အစိုးရ၏ အထွေထွေအုပ်ချုပ်ရေးဦးစီးဌာနသို့ ချက်ချင်းအကြောင်းကြားကြရန်လည်း တိုက်တွန်းထား သည်။

၎င်းအကြောင်းအရာများကိုလည်း ရေဘေးသင့်ပြည်သူများထံသို့ အားလုံးက သတင်းအချက်အလက် ရရှိစေရေး ဆောင်ရွက်ပေးရန်လည်း ထုတ်ပြန်ချက်တွင် ပါဝင်သည်။

ကမ္ဘာပေါ်တွင် မြေမြုပ်မိုင်းကို အများဆုံးအသုံးပြုသည့် ထိပ်ဆုံးနိုင်ငံများတွင် မြန်မာနိုင်ငံက ပါဝင်နေသေးသည်။

မိုးသည်းထန်စွာရွာသွန်းမှု၊ မြေပြိုမှုများကြောင့် မြန်မာနိုင်ငံအနှံ့အပြားမှ နိုင်ငံသား တစ်သန်းကျော်ထိ သဘာဝဘေး သင့်သူများအဖြစ်သတ်မှတ်ထားပြီး ကယ်ဆယ်ရေးလုပ်ငန်းများကို ပြည်သူများအချင်းချင်းနှင့် အရပ်ဖက်အဖွဲ့အစည်းများကလည်း ဆောင်ရွက်ပေးနေသည်။

Mizzima - News in Burmese
- See more at: http://mizzimaburmese.com/article/3282#sthash.rSDE2QaU.5OmYOE1D.dpuf

ချယ်​ရီ FM ​ရေ​ဒီ​ယို ​တည်​ထောင်​တာ ​သြ​ဂုတ်​လ ၁၅​ရက်​နေ့​မှာ ၆​နှစ်​ပြည့် 
  ​ပြည်​ထောင်​စု ​ကြံ့​ခိုင်​ရေး​နဲ့ ​ဖွံ့​ဖြိုး​ရေး ​ပါ​တီ​တွင်း ​ဖြစ်​ပေါ်​နေ​တဲ့ ​အ​ခြေ​အ​နေ​တွေ​နဲ့ ​ဆက်​စပ်​ပြီး ​ချယ်​ရီ FM ​ရေ​ဒီ​ယို​ရဲ့ ​ထုတ်​လွှင့်​မှု​တွေ​နဲ့ ​ပတ်​သက်​လို့ ​ချယ်​ရီ FM ​ရေ​ဒီ​ယို ​တာ​ဝန်​ရှိ​ပု​ဂ္ဂိုလ်​နဲ့ ​ပြန်​ကြား​ရေး ​ဝန်​ကြီး​တို့ ​ဒီ​က​နေ့ ​တွေ့​ဆုံ ​ပြော​ဆို​ခဲ့​ရာ​မှာ ​ထုတ်​လွှင့်​မှု ၃​လ​ကြာ ​ယာ​ယီ ​ရပ်​နား​ထား​ဖို့ ​နှစ်​ဘက် ​သ​ဘော​တူ​ခဲ့​တယ်​လို့ ​ပြန်​ကြား​ရေး ​ဝန်​ကြီး ​ဦး​ရဲ​ထွဋ်​က ​ဘီ​ဘီ​စီ​ကို ​ပြော​ပါ​တယ်။

MRTV ​နဲ့ ​ဖက်​စပ် ​လုပ်​နေ​တဲ့ FM ​ရေ​ဒီ​ယို ​ဌာ​န​တွေ​အ​နေ​နဲ့ ​ရွေး​ကောက်​ပွဲ ​အ​ကြို​ကာ​လ​မှာ ​နိုင်​ငံ​ရေး​အ​ရ ​ပု​ဂ္ဂိုလ်​တ​ဦး၊ ​အ​ဖွဲ့​အ​စည်း​တ​ခု​ကို ​ဘက်​လိုက်​ရာ ​ရောက်​တဲ့ ​ထုတ်​လွှင့်​မှု​မျိုး​တွေ ​မ​လုပ်​ဖို့ ​ညွှန်​ကြား​ထား​ခဲ့​ကြောင်း၊ ​ဒါ​ပေ​မယ့် ​ချယ်​ရီ FM ​ဘက်​က ​လုံ​လောက်​တဲ့ ​အာ​မ​ခံ​ချက် ​မ​ပေး​နိုင်​ခဲ့​တဲ့​အ​တွက် ၃​လ​ယာ​ယီ ​ရပ်​နား​ထား​ဖို့ ​သ​ဘော​တူ​ခဲ့​ကြောင်း ​ပြော​ပါ​တယ်။

နှစ်​ဘက် ​ချုပ်​ဆို​ထား​တဲ့ ​စာ​ချုပ်​ပါ ​အ​တိုင်း ​ပြန်​ကြား​ရေး ​ဝန်​ကြီး​ဌာ​န​ဘက်​က ​ဖျက်​သိမ်း​ခွင့် ​ရှိ​ပေ​မယ့် ​ချယ်​ရီ FM ​ဝန်​ထမ်း​တွေ​နဲ့ ​ချယ်​ရီ FM ​ရေ​ဒီ​ယို​ရဲ့ ​အ​နာ​ဂတ်​ကို ​ထည့်​သွင်း ​စဉ်း​စား​ခဲ့​တဲ့​အ​တွက် ​အ​ခု​လို ၃​လ ​ယာ​ယီ​ရပ်​နား​ဖို့ ​ပြော​ခဲ့​တာ ​ဖြစ်​တယ်​လို့ ​ပြန်​ကြား​ရေး ​ဝန်​ကြီး ​ဦး​ရဲ​ထွဋ်​က ​ပြော​ပါ​တယ်။

ဒီ​ကိ​စ္စ​ကို ​ချယ်​ရီ FM​ဘက်​က ​တ​န​င်္လာ​နေ့​မှာ ​တ​ရား​ဝင် ​စာ​တင်​ဖို့ ​လို​ကြောင်း​နဲ့ ​သ​ဘော​တူ ​ထား​တဲ့​အ​တိုင်း ​အ​ကောင်​အ​ထည် ​မ​ဖေါ်​ဘူး ​ဆို​ရင်​တော့ ​စာ​ချုပ်​ပါ ​သတ်​မှတ်​ချက် ​စည်း​မျဉ်း​တွေ ​အ​တိုင်း ​ဆောင်​ရွက်​သွား​မယ်​လို့ ​ဆို​ပါ​တယ်။

BBC Burmese
http://www.bbc.com/burmese

 youths-day-620.jpg နိုင်ငံတကာ လူငယ်များနေ့ကို သြဂုတ်လ ၁၅ ရက်နေ့က ရန်ကုန်မြို့ ပြည်လမ်း ယုဒသန်ခန်းမမှာ ကျင်းပေ

လာမယ့်ရွေးကောက်ပွဲမှာ မဲပေးနိုင်သူလူဦးရေ ၃၃ သန်းရှိရာမှာ အသက် ၁၈ နှစ်ကနေ ၃၅ ကြားလူငယ်လူဦးရေက တစ်ဝက်နီးပါး ရှိပြီး မဲပေးနိုင်သူ လူငယ် အားလုံး မဲပေးကြဖို့ကို ဒီနေ့ ကျင်းပတဲ့ နိုင်ငံတကာ လူငယ်များနေ့မှာ တက်ရောက်စကားပြောသူတွေက တိုက်တွန်းလိုက်ပါတယ်။

ရန်ကုန်မြို့ ပြည်လမ်း ယုဒသန်ခန်းမမှာ ကျင်းပတဲ့ နိုင်ငံတကာ လူငယ်များနေ့ အခမ်းအနားမှာ ရန်ကုန်လူငယ်ကွန်ရက် အထွေထွေအတွင်းရေးမှူး ကိုမိုးသွေးက တိုက်တွန်းပြောကြားခဲ့တာ ဖြစ်ပါတယ်။

"နောက်ထပ်အရေးကြီးတဲ့ကိစ္စတစ်ခု ကျနော်ပြောရမယ်ဆိုရင် ကျနော်တို့လူငယ်တွေ ကိုယ်တိုင်က မဲပေးသူတွေဖြစ်ပါတယ်၊ နောက်ဆုံးကောက်ယူထားတဲ့ သန်းခေါင် စာရင်းတွေအရဆိုရင် ကျနော်တို့ နိုင်ငံမှာ အသက် ၁၈ ကနေ ၃၅ အတွင်း လူငယ် ထုက ၁၅ သန်းရှိပါတယ်၊ ပြီးတော့ အသက် ၁၈ ထက်မဲပေးနိုင် ခွင့်ရှိတဲ့သူပြည်သူက ၃၃ သန်းရှိပါတယ်၊ မဲပေးနိုင်ခွင့်ရှိသူ ပြည်သူရဲ့တစ်ဝက်လောက်က လူငယ်တွေဖြစ် နေတယ်၊ လူငယ်တွေရဲ့မဲတွေဟာ အလွန်အရေး ပါတယ်ဆိုတာ ကိုယ်တိုင်သိဖို့ လိုတယ်၊ ကိုယ့်ရဲ့နယ်ပယ်ဒေသ၊ ကိုယ်ရဲ့တိုင်းပြည်ကို အကောင်းဆုံးဦးဆောင် နိုင်မယ့်သူ၊ အကောင်းဆုံးစီမံခန့်ခွဲနိုင် တဲ့ပုဂ္ဂိုလ်တွေကို လူငယ်တွေကိုယ်တိုင် စဉ်းစားရွေးချယ်ပြီးတော့ ကျနော်တို့ဒီမှာ လာတိုက်တွန်းတာဖြစ်ပါတယ်"

နိုင်ငံတကာလူငယ်များနေ့ဟာ သြဂုတ်လ ၁၂ရက်နေ့က ကျရောက်တာဖြစ်ပေမယ့် ရန်ကုန်မှာ ဒီနေ့ ရုံးပိတ်ရက်မှာ ကျင်းပတာဖြစ်ပါတယ်။

လူငယ်များနေ့ အခမ်းအနားမှာ ရေဘေးသင့်ဒေသတွေအတွက် ရန်ပုံငွေဈေးရောင်း ပွဲတော်တွေ ကျင်းပသလို လူငယ်တွေရဲ့ ဆွေးနွေးပွဲနဲ့ ဖျော်ဖြေပွဲတွေလည်း ပါဝင်ပါတယ်။

RFA

Photo: Cherry FM ( Facebook )
  ဦးတိုးနိုင်မန်းနဲ့ ပတ်သက်တဲ့ ချယ်ရီ FM ကို ပိတ်လိုက်ဖို့ ပြန်ကြားရေးဝန်ကြီးဌာနက ညွှန်ကြားလိုက်တယ်လို့ သိရပါတယ်။

ချယ်ရီ FM ဟာ ပြန်ကြားရေးဝန်ကြီးဌာနနဲ့ ချုပ်ဆိုထားတဲ့ စာချုပ်ပါ အချက်တွေကို ဖောက်ဖျက်တယ်ဆိုပြီး အသံလွှင့် လုပ်ငန်းအားလုံးကို ပိတ်သိမ်းလိုက်ဖို့ ဒီကနေ့ နေပြည်တော်မှာ ပြန်ကြားရေးဝန်ကြီးဌာနက တာဝန်ရှိသူတွေနဲ့ တွေ့ဆုံစဉ်မှာ ပြောတာလို့ သိရှိရပါတယ်။

ရန်ကုန်မှာရှိတဲ့ ချယ်ရီ ၀န်ထမ်းတွေကိုလည်း ရုံးမတက်ခိုင်းတော့ဘူးလို့ သိရပြီး အသံလွှင့်ဌာနမှာ ၀န်ထမ်းအင်အား တစ်ရာကျော်လောက် ရှိပါတယ်။ ဗုဒ္ဓဟူးနေ့က ပြည်ခိုင်ဖြိုးပါတီ ပူးတွဲဥက္ကဌအဖြစ်ကနေ ဖယ်ရှားခံရတဲ့ ပြည်ထောင်စု လွှတ်တော် နာယက သူရရွှေမန်းရဲ့သားဖြစ်သူ ဦးတိုးနိုင်မန်းဟာ Red Link အင်တာနက် ၀န်ဆောင်မှု ကုမ္ပဏီအပြင် ချယ်ရီ FM ကို ပိုင်ဆိုင်သူလည်း ဖြစ်တယ်လို့ သိရပါတယ်။

ချယ်ရီ FM ရဲ့ အင်တာနက်စာမျက်နှာမှာ ဖေါ်ပြထားတာက ဂြိုလ်တု signal မရတာကြောင့် ထုတ်လွှင့်မှုတွေကို ရပ်ဆိုင်းထားကြောင်း ဖေါ်ပြထားပါတယ်။

မနေ့က ဦးတိုးနိုင်မန်းကို RFA က မေးမြန်းရာမှာ ဒီကနေ့ ပြန်ကြားရေးဝန်ကြီးဌာနနဲ့ အစည်းအဝေးရှိကြောင်းနဲ့ လာမယ့်ရက်ပိုင်းမှာ ချယ်ရီ တည်ထောင်တဲ့ ၆ နှစ်ပြည့် တော့မှာဖြစ်ပါတယ်။

ရှမ်းပြည်နယ်တောင်ကြီးမှာ နာမည်ကြီး Iron Cross နဲ့ ၆ နှစ်ပြည့် အခမ်းအနား ကျင်းပဖို့ ပြင်ဆင်ထားတာတွေလည်း ရှိနေပါတယ်။

RFA Burmese
https://www.facebook.com/pages/RFA-Burmese

ရန်ကုန်မြို့ရှိ ပြည်ထောင်စု ရွေးကောက်ပွဲ ကော်မရှင်ရုံး (ဆင်ဟွာ) 
    ရန်ကုန်၊ သြဂုတ် ၁၅ ရက် (ဆင်ဟွာ)

    ၂၀၁၅ ပါတီစုံ အထွေထွေ ရွေးကောက်ပွဲ ဝင်ရောက်ရန် အတွက် ပြည်ထောင်စု ရွေးကောက်ပွဲ ကော်မရှင်ထံ သတ်မှတ်ရက် နောက်ဆုံးနေ့ဖြစ်သော သြဂုတ်လ (၁၄) ရက်နေ့အထိ ကိုယ်စားလှယ်လောင်း ၅,၄၀၀ ကျော် စာရင်း ပေးသွင်းထားကြောင်း ပြည်ထောင်စု ရွေးကောက်ပွဲ ကော်မရှင်က ယနေ့ ထုတ်ပြန်သည်။

အဆိုပါ ကိုယ်စားလှယ်လောင်း ၅,၄၀၀ ကျော်သည် ပါတီ ၉၀ ပါတီမှ ကိုယ်စားလှယ်လောင်းများ ဖြစ်ပြီး ကိုယ်စားလှယ်လောင်း ၁,၁၃၉ ဦး အများဆုံးအဖြစ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ တင်သွင်းကာ ဒုတိယ အများဆုံးအဖြစ် အမျိုးသား ဒီမိုကရေစီ အဖွဲ့ချူပ်မှ ကိုယ်စားလှယ်လောင်း ၁,၁၃၈ ဦး နှင့် တတိယ အများဆုံး အဖြစ် တိုင်းရင်းသား စည်းလုံး ညီညွတ်ရေး ပါတီမှ ၇၃၀ ဦး တင်သွင်းခဲ့သည်။

အမျိုးသား တိုးတက်ရေး ပါတီက ၂၈၃ ဦး၊ အမျိုးသား ဒီမိုကရေစီ အင်အားစု ပါတီ ၂၃၆ ဦး၊ မြန်မာနိုင်ငံ တောင်သူ လယ်သမား ဖွံ့ဖြိုး တိုးတက်ရေး ပါတီက ၂၀၆ ဦး ၊ တစ်သီးပုဂ္ဂလ အမတ်လောင်း  ၂၃၂ ဦး၊ ရှမ်းတိုင်းရင်းသားများ ဒီမိုကရက်တစ် ပါတီ (ကျားဖြူ) က ၁၉၇ ဦး၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ် (ကျားခေါင်း) ပါတီက ၁၂၆ ဦး၊ ကရင်ပြည်သူ့ ပါတီက ၁၁၈ ဦး၊ ရခိုင် အမျိုးသားပါတီ ၆၄ ဦး ၊ မွန် အမျိုးသားပါတီ ၅၁ ဦး စသည်ဖြင့် အသီးသီး စာရင်းသွင်း ထားသည်။

ကော်မရှင် ထုတ်ပြန်ချက်အရ သြဂုတ်လ ၁၄ ရက်ထိ ပြည်သူ့ လွှတ်တော်အတွက် ကိုယ်စား လှယ်လောင်း အရေအတွက် ၁,၅၄၅ ဦး၊ အမျိုးသား လွှတ်တော်အတွက် ၇၉၁ ဦး၊ ပြည်နယ်တိုင်း လွှတ်တော်နှင့် တိုင်းရင်းသား လူမျိုးစု မဲဆန္ဒနယ် အတွက် ၃,၀၇၂ ဦး စုစုပေါင်း ၅,၄၀၈ ဦး စာရင်း ပေးသွင်းထားသည်။

(Xinhua)
http://www.xinhuamyanmar.com

ဦးရွှေမန်းနဲ့ ဦးသိန်းစိန်တို့ရဲ့ အဖြစ်အပျက်ဟာ စစ်အာဏာရှင်တွေကြားက အာဏာလုပွဲဖြစ်ပါတယ်။ ဖဲစကားနဲ့ ပြောရရင်တော့ ဓားပါတဲ့ကုလားဦးသိန်းစိန်က စားသွားတာပါပဲ။ ဦးသိန်းစိန်ဘက်မှာ ဓားရှိတယ်။ တနည်းပြောရရင် ဦးသိန်းစိန်ဘက်မှာ သေနတ်ရှိတယ်။ နောက်တနည်းပြောရရင် ဦးသိန်းစိန်ဘက်မှာ စစ်တပ်နဲ့ လက်ရှိဗိုလ်မင်းအောင်လှိုင်ရှိတယ်။ ဒါ့ကြောင့် ဦးသိန်းစိန်က စားသွားတာပါပဲ။ ဗိုလ်မင်းအောင်လှိုင်နောက်မှာ အရင်အာဏာရှင်ဟောင်း ဦးသန်းရွှေရှိမယ်ဆိုတဲ့ခန့်မှန်းချက်ကလည်း သိပ်တော့ မမှားနိုင်ပါဘူး။ ဦးသန်းရွှေ ဘယ်အတိုင်းအတာအထိ သြဇာရှိသေးတယ်ဆိုတာကတော့ နည်းနည်းမှန်းရခက်ပါတယ်။ သိပ်များလှမယ်တော့ မထင်ဘူး။ စစ်အာဏာရှင်ဆိုတာ ရာထူးနဲ့ဝေးရင် အာဏာကလည်း တဖြည်းဖြည်းပါးသွားတတ်တဲ့ သဘောတော့ ရှိပါတယ်။ အဲသလိုပါးသွားလို့လည်း ဦးရွှေမန်းကပြန်လှန်ရဲတာပါ။

အရင်တုန်းက ရာနှုန်းပြည့် စစ်အာဏာရှင်ခေတ်မှာတော့ စစ်တပ်နဲ့ အဝိုင်းခံလိုက်ရပြီဆိုရင် ပွဲပြတ်သွားပါပြီ။ အဝိုင်းခံရတဲ့လူဟာ ရာထူးပြုတ်၊ ထောင်ကျ၊ ဘဝပျက်၊ နိုင်ငံရေးထဲက ထွက်ပေတော့ပဲ။ ခုတော့ ခါတိုင်းလောက် မလွယ်ဘူး။ နည်းနည်း ပွဲရှည်မယ်။ သူတို့မှာ ကိုယ့်ရှူးကိုယ်ပတ်နေပြီ။ ဒီမိုကရေစီပါလို့ တိုင်းသိပြည်သိ၊ ကမ္ဘာသိညာထားလေတော့ ယုတ္တိတန်အောင် လုပ်ပြဖို့လေးတော့ လိုလာပြန်တယ်။ လွှတ်တော်ဥက္ကဌကို အကြောင်းပြချက်မယ်မယ်ရရ မပြနိုင်ဘဲ၊ သွားရော့လဟယ်ဆိုပြီး ကန်ထုတ်လိုက်မယ် ဆိုရင် ၂၀၀၈ ခြေဥလည်း ခွေးဖြစ်ရော့လဟယ်ကိန်းဆိုက်နေပါတယ်။

စစ်အာဏာရှင်သိန်းစိန် - မင်းအောင်လှိုင်ဂိုဏ်းဟာ dilemma ဆိုတဲ့ ရှေ့မတိုးနောက်ဆုတ်သာတဲ့ အကျပ်အတည်းကျနေပါတယ်။ ဦးရွှေမန်းကို လွှတ်ပေးရင် သူတို့ကို ပြန်ဆော်မှာ မုချ။ ဦးရွှေမန်းကို ကန်ချရင်လည်း သူတို့အနှစ်နှစ်အလလ မွေးမြူထားပြီး တနေ့ရွှေဥတလုံးကျနဲ့ တသက်လုံးထိုင်စားဖို့ပြင်ထားတဲ့ ၂၀၀၈ ခြေဥ ငန်းဘဲကြီးဟာ ဘာမှ သောက်သုံးမကျတဲ့ ခွေးသေကောင်ပုပ်စားတဲ့ လင်းတဖြစ်သွားမယ်။

ဘယ်လိုလုပ်မလဲ။
သူတို့မှာ အကြံကတော့ရှိပြီးသားပါ။ သူတို့အကြံတစွန်းတစကို စောစောကတည်းကတွေ့ခဲ့ရပြီးပါပြီ။ ဦးရွှေမန်းကို သူ့အရွေးကောက်ခံဒေသက မဲဆန္ဒရှင်တွေက အယုံအကြည်မရှိအဆိုတင်ပြီး လွှတ်တော်အမတ်အဖြစ်က ရုပ်သိမ်းကြောင်းစာတင်တယ်ဆိုတာ အစီအစဉ်ရဲ့ အစပိုင်းပေါ့။ သူ့မဲဆန္ဒရှင်တွေကလည်း စစ်သားတွေချည်းပဲ။ ညစ်ထားတာလေ။ အခုပြန်အညစ်ခံရပြီပေါ့။ စစ်သားတွေက သူ့ကို လွှတ်တော်ကိုယ်စားလှယ်အဖြစ်က ပြန်ရုပ်သိမ်းကြောင်းစာပို့တယ်။

ဒါပေမယ့် ဦးရွှေမန်းကလည်း လူလည်ပန်ကာပါ။ နည်းဥပဒေမရှိသေးလို့ လုပ်လို့ မရဘူးဆိုပြီး ခပ်တည်တည်ပဲ ကိုယ့်ဖာသာ ပယ်ချပစ်လိုက်တယ်။ သူတို့အချင်းချင်း ခွက်စောင်းခုတ်တဲ့ပွဲဆိုတော့ ပြည်သူကလည်း ဘာမှ မပြောဘဲ ကြည့်ကောင်းကောင်းနဲ့ ကြည့်နေခဲ့တယ်။

တနေ့ကတော့ ကြံ့ဖွံ့ပါတီတွင်း အာဏာသိမ်းပွဲလုပ်ပြီး နောက်တနေ့မနက်မှာတော့ ရွေးကောက်ပွဲကော်မရှင်ဥက္ကဌ ဦးတင်အေးက စာထုတ်တယ်။ မဲဆန္ဒရှင်တွေရဲ့ လွှတ်တော်အမတ်ရုပ်သိမ်းခွင့်ကို နည်းဥပဒေပြဌာန်းဖို့ ထပ်ပြီး သတိပေးတဲ့စာဖြစ်ပါတယ်။ ပြန်ကြားရေးဌာနရဲ့ အင်တာနက်စာမျက်နှာမှာ ဘွားကနဲချက်ချင်းတက်လာတာပါပဲ။ သဘောကတော့ ဦးရွှေမန်း ကိုယ့်တွင်းကိုယ်တူးပြီး အဝီစိအထိဆင်းပေတော့ဆိုတဲ့ သဘောပဲ။

ဒါပေမယ့် ရွှေမန်းကလည်း လေဖြန်းနေတာ မဟုတ်သေးတော့ ချောင်ထဲကနေ အမောက်ထောင်ပြတယ်။ သူ့ဖေ့စ်ဘုတ်စာမျက်နှာကနေပြီး သူ့ကို စိုးရိမ်ပူပန်နေတဲ့သူတွေကို ကျေးဇူးတင်ကြောင်းဆိုပြီး ပို့စ်တခုတင်လိုက်တယ်။ ဓာတ်ပုံနဲ့ဘာနဲ့။ သဘောကတော့ ငါမသေဘူး၊ ရေကူးတတ်တယ်ပေါ့။ ဒီအခြေအနေတွေကိုကြည့်ရတာကတော့ ပွဲကြီးပွဲကောင်းတပွဲတော့ မကြာခင်မြင်ရတော့မယ်ဆိုတဲ့ သဘောဖြစ်နေပါတယ်။

စစ်အာဏာရှင်တို့သဘောက လုပ်ပြီဆိုရင် ကျူပင်ခုတ်ကျူငုတ်မကျန်လုပ်တတ်တဲ့ သဘောရှိတယ်။ မီးကြွင်းမီးကျန်ကိုမထားသလို ရန်ကြွင်းရန်စကိုလည်း ဆက်ပြီးကြီးထွားခွင့်ပေးလေ့မရှိဘူး။ ဒါပေမယ့် ဗိုလ်ခင်ညွန့်ကိုလုပ်သလို ဖမ်းပြီးထောင်ချလိုက်ဖို့ကလည်း မလွယ်ဘူး။ သူတို့ခြေဥအရဆိုရင် လွှတ်တော်ကိုယ်စားလှယ်တယောက်ကို ဖမ်းချင်ရင် လွှတ်တော်ဥက္ကဌကို ကြိုပြီး အကြောင်းကြားရ ၊ ခွင့်ပြုချက်ယူရဦးမယ် ဆိုသကိုး။ လွှတ်တော်ဥက္ကဌကို ဖမ်းပြီးထောင်ချလိုက်မယ်ဆိုရင်လည်း သူတို့ ခြေဥက အီးအီးကုန်းတဲ့ စက္ကူလောက်မှ တန်ဖိုးရှိတော့မှာ မဟုတ်ဘူး။

ဒီတော့ ဦးရွှေမန်းကို ဖြုတ်ဖို့ရာ လွှတ်တော်ထဲကနေ အရင်ရှင်းရတော့မှာပဲ။
ဒီတော့ လွှတ်တော်ဥက္ကဌကနေ ဖြုတ်ဖို့ ဆိုရင် နည်းလမ်းက နှစ်နည်းရှိတယ်။ တနည်းကတော့ ပုဒ်မ ၁၁၃ (ခ) အရ လွှတ်တော်ဥက္ကဌအဖြစ်ကနေ ရုပ်သိမ်းလို့ရတယ်။ ဒါပေမယ့် ဘယ်လိုရုပ်သိမ်းရမယ်ဆိုတာ အသေးစိတ် မပါပြန်ဘူး။ နည်းဥပဒေမရှိသေးလို့ မရဘူးလို့ ပြောရင် ဘယ်လိုလုပ်မလဲ။ ဒါမှမဟုတ် လွှတ်တော်ထဲမှာပဲ မဲခွဲပြီး ဆုံးဖြတ်လိုက်ရင် ရသလား။ ဒါကတနည်း။ နောက်တနည်းကတော့ စောစောက ပြောတဲ့ လွှတ်တော်ကိုယ်စားလှယ် အဖြစ်ကနေ ရုပ်သိမ်းတဲ့နည်း။ ရုပ်သိမ်းဖို့ နည်းဥပဒေကို အမြန်ပြဌာန်းဖို့၊ ဦးရွှေမန်းကို ကိုယ့်တွင်းကိုယ်တူးခိုင်းဖို့နည်း။
အဲဒီနှစ်နည်းစလုံးကို လွှတ်တော်ထဲမှာ ကြိုးစားလာတာကို မြင်ရဖွယ်ရှိပါတယ်။ လွှတ်တော်တွင်း တိုက်ပွဲ ပွဲကြီးပွဲကောင်းကို တွေ့ရတော့မှာပါ။

လွှတ်တော်တွင်းတိုက်ပွဲရယ်လို့ ဖြစ်လာရင် မဲခွဲဆုံးဖြတ်တာတွေက အရေးကြီးလာကြတော့မယ်။ ဘယ်သူတွေက ဘယ်သူ့ဘက်ကို မဲပေးကြမလဲ။ စစ်တပ်ကိုယ်စားလှယ်တွေရဲ့ မဲကတော့ သေချာတယ်။ ဦးသိန်းစိန်၊ ဗိုလ်မင်းအောင်လှိုင်ဘက်ကို သွားကြမယ့်မဲတွေပဲ။ ဒီချုပ်ကဘယ်ဘက်ကို သွားမလဲ။ ဦးရွှေမန်းဘက်ကို သွားဖို့များတယ်လို့ ထင်ရပါတယ်။ ရုတ်တရက်ကြီး ဘက်ပြောင်းဖို့ ခက်ပါတယ်။ ကျန်တဲ့တိုင်းရင်းသားမဲတွေကရော။ လွှတ်တော်တွင်း တိုင်းရင်းသားတွေရဲ့မဲကလည်း ဦးရွှေမန်းဘက်ကို သွားမယ့်မဲက ခပ်များများပဲထင်ပါတယ်။ အရေးကြီးဆုံးမဲက ကြံ့ဖွတ်တွေရဲ့မဲပဲ။ သူတို့ကလူများစု။ သူတို့မဲက အဆုံးအဖြတ်မဲဖြစ်မယ်။ ဦးရွှေမန်းပြုတ်ရေး မပြုတ်ရေးကို သူတို့က အဆုံးအဖြတ်ပေးလိမ့်မယ်။

ကြံ့ဖွတ်ပါတီဝင်အများစုဟာ ဦးရွှေမန်းလူတွေလို့ ယူဆစရာရှိတယ်။ ဒါပေမယ့် ဖွတ်တို့ရဲ့သဘောဆိုတာဟာ ဘာမူမှ ရှိတာမဟုတ်ဘူး။ သာကူးပဲ။ သာတဲ့ဘက်ကူးမှာမုချ။ အခုသာနေတာက ဓားပါတဲ့ကုလားလေးသိန်းစိန်က အထက်စီးကဆိုတော့ ဦးသိန်းစိန်ဘက်ကူးကြမှာ တော်တော် သေချာတယ်။ အဲသလို သေချာအောင်လည်း ဦးသိန်းစိန်တို့က ကြံ့ဖွတ်ညီလာခံတွေကို ဦးရွှေမန်းမပါဘဲ အရေးပေါ်ခေါ်ပြီး သွန်သင်ဆုံးမ၊ ခြိမ်းခြောက် နည်းမျိုးစုံသုံးနေပါတယ်။

ဒါပေမယ့် မဲဘယ်လိုခွဲမလဲဆိုတာက ဦးရွှေမန်းလက်ထဲမှာ။ ဦးရွှေမန်းက လျှို့ဝှက်မဲခွဲစနစ်ကို ကျင့်သုံးမယ်ဆိုတာနဲ့ အခြေအနေက တမျိုးဖြစ်သွားနိုင်တယ်။ လူမသိဘူးဆိုရင် ဖွတ်တွေဟာ စိတ်ရင်းအတိုင်းမဲထည့်ချင်ထည့်ကြတော့မှာပေါ့။ ဒီတော့ ဦးရွှေမန်းကို ဖြုတ်ချရေးဟာ လွယ်မယောင်နဲ့ခက်နေတယ်။

နောက်တနည်းကတော့ လွှတ်တော်ကိုယ်စားလှယ်အဖြစ်က ရုပ်သိမ်းချင်ရင် နိုင်ငံတော်ရဲ့ ကျေးဇူးသစ္စာကို မစောင့်သိရင် ရုပ်သိမ်းလို့ ရတယ်။ အကျင့်သိက္ခာ ပျက်ပြားရင်လည်း ရုပ်သိမ်းလို့ရတယ်။ ဒါပေမယ့် ရာဇဝတ်မှု ကျူးလွန်ရင် ၊ မူးယစ်ဆေးဝါး ကုန်ကူးရင် ရုပ်သိမ်းလို့ ရတယ်လို့တော့ မပါပြန်ဘူး။ ဒါပေမယ့် မူးယစ်ဆေးဝါး ကုန်ကူးတာကို နိုင်ငံတော်ရဲ့ ကျေးဇူးသစ္စာမစောင့်သိတာလို့ လိုသလိုဆွဲပြီး ဘာသာပြန်တာမျိုးလည်း လုပ်ချင်လုပ်မယ်။ ဥပဒေကို မလိုတမျိုးလိုတမျိုးလုပ်တာက သူတို့လုပ်နေကျမဟုတ်လား။

ဒီတော့ ဟိုတလောက ဆေးပြားတွေကို ဆယ်ဘီးကားကြီးနဲ့ တစင်းတွေ့ထားတာ ဦးရွှေမန်းတို့ ဦးခင်ရွှေတို့ ခမည်းခမက် လုပ်ထားတာပါဆိုပြီး ချောက်တွန်းဖြုတ်ချ လုပ်လိုက်မလား။ ဒီလိုလုပ်ဖို့ လေသံပစ်ထားတာမျိုးရှိတယ်။ မူးယစ်ဆေးတရားခံကို သိထားပြီးပြီတဲ့။ လုပ်ထုံးလုပ်နည်းအဆင့်ဆင့်ကို ကျော်လုပ်လို့ မရသေးလို့ ပြည်သူကို အသိမပေးသေးတာဆိုပဲ။ ဒီတော့ အကြံကုန်ရင် ဂဠုန်ဆားချက်မယ့်နည်းက အင်္ဂလိပ်အစိုးရလက်ထက်မှာကတည်းကလုပ်ခဲ့တဲ့ ဘိန်းပစ်ဖမ်းတဲ့ ကလီရှေး နည်းဟောင်းကြီးဖြစ်နိုင်တယ်။ ဒါပေမယ့် ဦးရွှေမန်းဘက်က ပြောမယ်ဆိုရင် အဲဒီဥပဒေကလည်း နည်းဥပဒေ မရှိသေးဘူးဆိုရင်ဘယ့်နှယ်လုပ်မလဲ။

အဲ...တနည်းတော့ ကျန်သေးတယ်။ လွှတ်တော်ကိုယ်စားလှယ်အဖြစ်က နှုတ်ထွက်ရတဲ့ နောက်တနည်းက သေရင်လည်း ထွက်ရသတဲ့။ အဲဒီတော့ ဦးရွှေမန်းကို စောမောင်ကြီးတုန်းကလုပ်သလို ဆေးထိုးသတ်ပစ်တဲ့ နည်းကတော့ နောက်ဆုံးလုပ်နိုင်တဲ့နည်းပါပဲ။

တကယ်တော့ ဦးရွှေမန်းလည်း အာဏာရှင်၊ ဦးသိန်းစိန်လည်း အာဏာရှင်ပဲ။ အာဏာရှင်ချင်းအတူတူ ဘာလို့များ ဒီလောက်အထိ ခွက်စောင်းခုတ်ကြတဲ့ အဆင့်ရောက်သွားကြသလဲ။ အာဏာရှင်ပီပီ အာဏာလုတာ၊ ခွက်စောင်းခုတ်တာက ဖြစ်တော့ ဖြစ်ရိုးဖြစ်စဉ်ပေါ့လေ။ ဒါပေမယ့် ဒါ့ထက်ပိုတဲ့ တခြားအချက်ကလေးတချို့ကိုလည်း တွေ့ရပါတယ်။ အဲဒါကတော့ အာဏာရှင်ချင်းတူပေမယ့် လုပ်နည်း လုပ်ဟန်မတူကြတဲ့အချက်ပါ။ ဦးသိန်းစိန်က ကွန်ဆာဗေးတစ် အာဏာရှင်။ ဦးရွှေမန်းက နီယိုအာဏာရှင်။ ဦးသိန်းစိန်က ရှေးရိုးအတိုင်း အာဏာရှင်စနစ်ကို သွားချင်တယ်။ စစ်တပ်က အပိုင်ဗိုလ်ကျထားမယ်။ မနိုင်ရင် ညစ်မယ်။ ဦးသန်းရွှေနဲ့ ခေတ်အဆက်ဆက် စစ်အာဏာရှင်တွေအပေါ်မှာ သစ္စာစောင့်သိမယ်။ ဒါက ဦးသိန်းစိန်နည်း။ ဦးသန်းရွှေအကြိုက်နည်း။

ဦးရွှေမန်းရဲ့ အာဏာရှင်စနစ်က ထိုးထွင်းတီထွင်မှုရှိတယ်။ နည်းဟောင်းကြီးအတိုင်းသွားလို့ လူထုက လက်မခံတော့ဘူးလို့ သူကမြင်တယ်။ ဒီတော့ သူက ဆန်းသစ် ချင်တယ်။ စစ်တပ်ကလူတွေကိုလျှော့ချင်တယ်။ ၂၅ ရာနှုန်းလည်း ယူထားပြီးပြီပဲ။ ပါတီကိုယ်စားလှယ်ထဲမှာ သိပ်မထည့်ချင်နဲ့တော့၊ ရုပ်ပျက်လွန်းတယ်။ အဲသလိုယူဆတယ်။ ပြုပြင်ရေးလေသံလှိုင်လှိုင်ပြောချင်တယ်။ ဒေါ်အောင်ဆန်းစုကြည်နဲ့ ကရင်ဒုန်းယိမ်းကပြချင်တယ်။ စစ်အာဏာရှင်စနစ်တခုလုံးရဲ့ ဆိုးခဲ့ယုတ်ခဲ့သမျှကိုလည်း ဦးသန်းရွှေ့ခေါင်းပေါ်ပဲ ပုံချလိုက်ချင်တယ်။ သူတို့ကလူကောင်းလေးတွေပါ။ လူယုတ်မာကြီး ဦးသန်းရွှေကြောင့် မမိုက်ချင်ပဲ မိုက်ခဲ့ရတာပါဆိုတဲ့အချိုးမျိုးချိုးချင်တယ်။ သူကတော့ ဒီမိုကရေစီသူရဲကောင်းကြီး၊ ကယ်တင်ရှင်ကြီးလုပ်ချင်တယ်။ ဒါမှ များများညစ်စရာမလိုဘဲ မဲလေးဘာလေး နည်းနည်းပါးပါးရမယ်။ အဲဒီနည်းနည်းပါးပါးနဲ့ ၂၅ ရာနှုန်းနဲ့ပေါင်းရင် တိန်တိန်မြည်နေပြီ။ သမ္မတထိုင်ခုံမှာ ဒူးနှံ့ ထိုင်ပြီး ဒေါ်အောင်ဆန်းစုကြည်ကို ခိုင်းစားရုံပဲ။
ဒါက ဦးရွှေမန်းရဲ့အကြံ။

ဦးရွှေမန်းက အကြံကြီးတယ်။ သူ့အကြံသာအောင်ရင် နိုဗဲလ်ဆုရနိုင်တဲ့ အကြံမျိုးပဲ။ ဒါကလည်း သူစပြီးကြံတဲ့အကြံမဟုတ်ဘူး။ သူ့အရင် ဒါမျိုးကြံတဲ့သူရှိတယ်။ ခင်ညွန့်။ ခင်ညွန့်တုန်းကတော့ ခံလိုက်ရတယ်။ သူကတော့ လွှတ်တော်ဥက္ကဌလည်း ဖြစ်တယ်။ ဦးသန်းရွှေရဲ့ အာဏာကလည်း တဖြည်းဖြည်းပါးလာပြီဆိုတော့ သူ့ကိုတော့ လုပ်လို့မရလောက်ဘူးလို့ တွက်တယ်။ ဒါပေမယ့် အာဏာရှင်တို့မည်သည်မှာ အာဏာနဲ့ ပတ်သက်လာရင် တွေ့ရာသင်္ချိုင်း ဓားမဆိုင်းဘူးဆိုတာကို သူကိုယ်တိုင် အာဏာရှင်ဖြစ်ရက်နဲ့ လျှော့တွက်ခဲ့လေသလားဆိုတာ စဉ်းစားစရာဖြစ်ပါတယ်။

ဒါပေမယ့် ပွဲကမပြတ်သေးဘူး။ ဦးရွှေမန်းကလည်း သားသားခုတော့မှားမှန်းသိပါပြီ။ ချမ်းသာပေးပါတော့လို့ လွယ်လွယ်လေးမျက်ရည်ကျပြီး အလျှော့ပေးမယ့်ပုံ သိပ်မပေါ်ဘူး။ ရွှေမန်းသူရ ဘာသွေးကြွလို့ သူရဘွဲ့မည်ခံသနည်းဆိုတာ စောင့်ကြည့်ကြရဦးမှာပလေ။

ဒီတော့....
သစ္စာဖောက်ရွှေမန်းဂိုဏ်းနဲ့ သစ္စာခံအာဏာရှင် သိန်း-လှိုင်ဂိုဏ်းရဲ့ နောက်ဆုံးဗိုလ်လုပွဲကို နေပြည်တော်လွှတ်တော်ကွင်းမှာ ပရိသတ်ကြီးများ မကြာခင်ဆက်ရှုစားကြရဦးမှာဖြစ်ပါတယ်။
ကြည့်ချင်သူတွေ လက်ခုပ်တီးကြပါခင်ဗျား။

ဇော်ဝင်း
၈၈ ကျောင်းသားဟောင်း

နာရေးကူညီမှုအသင်း(ရန်ကုန်) ဥက္ကဌ၊ ရုပ်ရှင်သရုပ်ဆောင်၊ ဒါရိုက်တာ ဦးကျော်သူသည် ပုပ္ပါး - ညောင်ဦး - ပုဂံမြို့များ၌ ငဘ ရုပ်ရှင်ဇာတ်ကားကြီး အောင်မြင်စွာ ရိုက်ကူးမှု ပြီးစီးသည်နှင့် ၁၄.၈.၂၀၁၅ ရက်နေ့တွင် မန္တလေး မြို့၊ ချမ်းအေးသာစံမြို့နယ်၊ အိမ်တော်ရာမြောက်ပေါက် ၂၆ လမ်းနှင့် ၈၉ လမ်းကြား၌ သာသနာ့ပါလ လူမှုကူညီရေးအ သင်း မှစီစဉ် ပြုလုပ်သည့် ချင်းပြည်နယ် ကလေး၊ ဟားခါး မြို့ ရေဘေးသင့်ပြည်သူများ ပြန်လည်ထူထောင်ရေးအ တွက် ရံပုံငွေဂီတဖျော်ဖြေပွဲအား ညနေ (၄းဝဝ) နာရီမှ (၈းဝဝ) နာရီအထိ ဦးကျော်သူ တက်ရောက်အားပေး အလှူငွေကောက်ခံရင်း "ဆရာမ" သီချင်းတစ်ပုဒ်အား မန္တလေး မဟာဂီတ တေးဂီတအဖွဲ့မှ ညီအစ်ကိုများနှင့်အတူ သီဆို၍ အလှူငွေများကောက်ခံ ကူညီပေးခဲ့သည်။ အလှူငွေကျပ် ၃၇ သိန်းကျပ်တိတိအား ကောက်ခံရရှိပါသည်။

နာရေးကူညီမှုအသင်း-ရန်ကုန်

ushwemann-620 ပြည်သူ့လွှတ်တော် ဥက္ကဌ သူရဦးရွှေမန်းကို ထားဝယ်မြို့ တောင်သူလယ်သမားရေးရာတွေ့ဆုံပွဲမှာ ဇန်နဝါရီလ ၂ ရက်နေ့က တွေ့ရစဉ်

သူရဦးရွှေမန်းကို USDP ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ဥက္ကဌတာဝန်ကနေ ဖယ်ရှားလိုက်တဲ့ ဖြစ်ရပ် ဟာ မြန်မာနိုင်ငံဒီမိုကရေစီ ပြုပြင်ပြောင်းလဲရေး ထောက်ခံသူတွေကို တုန့်ဆိုင်းသွားစေတယ်လို့ အမေရိကန်အထက် လွှတ်တော်အမတ် Mitch McConnell က သောကြာနေ့ မနေ့က ပြောကြားလိုက်ပါတယ်။

သူရဦးရွှေမန်း ဥက္ကဌ ရာထူးက ဖယ်ရှားခံရတဲ့ ကိစ္စနဲ့ ပတ်သက်ပြီး Mitch McConnell က UDSP ဟာ နိုင်ငံရေးပါတီ တစ်ခုအနေနဲ့ သူတို့ပါတီကို ဘယ်သူတွေ ခေါင်းဆောင် သင့်တယ်ဆိုတာ သူတို့ကိုယ်ပိုင်ဆုံးဖြတ်ခွင့် အပြည့်အဝရှိပါ တယ်။ ဒါပေမဲ့ ပါတီ ခေါင်းဆောင်တစ်ဦးကို ရာထူးကဖယ်ရှားတဲ့ ကိစ္စမှာ အစိုးရလုံခြုံရေးတပ်ဖွဲ့ဝင်တွေ ပါဝင်ပတ်သက် တယ်ဆိုတဲ့ သတင်းတွေကြောင့် အထူးတလည် စိုးရိမ်ပူပန်ရပါတယ်လို့ ပြောပါတယ်။

ဒါ့အပြင် Mitch McConnell က မြန်မာအစိုးရအနေနဲ့ အခုလိုပါတီရဲ့ အတွင်းရေး ပြဿနာသက်သက်တစ်ခုကို ဖြေရှင်းဖို့ အတွက် လုံခြုံရေးတပ်ဖွဲ့ဝင်တွေ ဘာကြောင့် ပါဝင်သင့်တယ်လို့ ယူဆသလဲဆိုတာကို ရှင်းပြဖို့ မိမိတိုက်တွန်းပါတယ် လို့ ပြောပါတယ်။ တဆက်တည်းမှာပဲ ဒီလိုအဖြစ်အပျက်မျိုးဟာ မကြာခင်ကျင်းပတော့ မယ့် ရွေးကောက်ပွဲနဲ့ ပတ်သက် ပြီး စိုးရိမ်သောကတွေကို တိုးပွားစေပါတယ်လို့လည်း သူ့ရဲ့ကြေညာချက်မှာ ဖော်ပြထားပါတယ်။

ဒီအတွင်း အေပီ သတင်းတပုဒ်မှာလည်း ကြံ့ခိုင်ရေးနဲ့ ဖွံဖြိုးရေးပါတီဥက္ကဌကို ညဘက်ကြီး ရာထူးက ဖယ်ရှားခဲ့ချိန်မှာ အစိုးရလုံခြုံရေးတပ်ဖွဲ့ဝင်တွေပါဝင်တဲ့ ကိစ္စကို အမေရိကန် နိုင်ငံရေးသမားတွေက ဝေဖန်နေကြကြောင်း ရေးသားထား ပါတယ်။ မြန်မာပြည်သူလူထုက သူတို့အစိုးရဟာာ ဒီမိုကရေစီ လမ်းကြောင်းပေါ်လျှောက်လှမ်းနေတယ်ဆိုတဲ့ ယုံကြည် မှုကို ပိုမိုတိုးပွားအောင်ပဲ မြန်မာအာဏာပိုင်တွေအနေနဲ့ လုပ်ဆောင်သင့်ပါတယ်၊ ဆုတ်ယုတ် သွားအောင်မလုပ်မိဖို့ အရေးကြီးပါတယ်လို့ အမေရိကန်နိုင်ငံခြားရေးဌာန ပြောခွင့်ရအမျိုးသမီး Katina Adams က ပြောကြားကြောင်း လည်း အေပီသတင်းမှာ ဖေါ်ပြထားပါတယ်။

RFA


၁၉၉၀ နောက်ပိုင်းမှာ ပထမဆုံးအကြိမ် ကျင်းပမည့် လွတ်လပ်သော ရွေးကောက်ပွဲကို နိူဝင်ဘာ ၈ ရက်နေ့မှာ သတ်မှတ်ပြီး ဖြစ်ပါတယ်။ ဒေါ်အောင်ဆန်းစုကြည်ရဲ့ အမျိုးသား ဒီမိုကရေစီ အဖွဲ့ချုပ်က ၀င်ရောက်ယှဉ်ပြိုင်ဘို့ တရားဝင် အတည်ပြု ပြောကြားခဲ့ပြီး လည်း ဖြစ်ပါတယ်။ အမျိုးသား ဒီမိုကရေစီ အဖွဲ့ချုပ် က သပိတ်မှောက်ခဲ့တဲ့ ၂၀၁၀ ရွေးကောက်ပွဲဟာ အယောင်ဆောင် လိမ်ညာမှုတွေနဲ့ ပြည့်နှက်ခဲ့တာကြောင့် ယူနီဖေါင်း ချွတ်ပြီး လုံခြည်လဲဝတ်လာကြတဲ့ စစ်သားများနဲ့ ပါလီမာန်ထဲ ပြည့်နှက်သွားခဲ့ပါတယ်။

အခုလာမယ့် ရွေးကောက်ပွဲကိုလည်း နိူင်ငံခြားက ရင်းနှီးမြှုပ်နှံသူများက ဘယ်လိုများ ပုံဖေါ်လာမလဲ ဆိုတာ စောင့်ကြည့်နေပါတယ်။ ပြည်တွင်းက နိူင်ငံရေးသမားများနှင့် လေ့လာသုံးသပ်သူများက တော့ အားလုံးအတွက် ကျေနပ်ဝမ်းမြောက်မယ့် ရလာဒ်နဲ့ကတော့ အဝေးကြီး ဖြစ်နေလိမ်မယ်လို့ သုံးသပ်နေကြပါပြီ။ အားလုံးက စိုးရိမ်နေမှုက ဒီမိုကရေစီ ပြုပြင်ပြောင်းလဲမှုများကို အမြင့်ဆုံး ဖေါ်ဆောင်မည့် အစိုးရအဖွဲ့ ပေါ်ပေါက်လာမှာ မဟုတ်တဲ့အပြင် မရေရာ မသေချာ ခန့်မှန်းရခက်တဲ့ အပေးအယူတွေ ဖြစ်လာမှာကို စိုးရိမ်နေကြရတဲ့ အနေအထားပါ။

အဓိက ကတော့ ဖွဲ့စည်းပုံ အခြေခံ ဥပဒေပါပဲ၊ လူပေါင်း တသိန်းခွဲနီးပါး အသက်ဆုံးခဲ့ရတဲ့ နာဂစ်မုန်တိုင်း ကျအပြီး တပါတ်အကြာမှာ လူထုဆန္ဒခံယူပွဲ ကျင်းပကာ မဲဆန္ဒရှင် ၉၄% မဲနဲ့ အတည်ပြုခဲ့တယ်လို့ ကြေငြာခဲ့ပါတယ်။ ပြီးခဲ့တဲ့ သန်းကောင်စာရင်း ကောက်ယူမှုမှာ လူုဦးရေ ၆ သန်း လျော့သွားခဲ့လို့ဒီဖွဲ့စည်းပုံဟာ လိုအပ်တဲ့ မဲအရေအတွက်ထက် ပိုရနေခဲ့တယ်ဆိုတာ ထင်ရှားသွားရပါတယ်။

ဒီ ဖွဲ့စည်းပုံကို ပြင်နိူင်ရေး ဟာ အမျိုးသား ဒီမိုကရေစီ အဖွဲ့ချုပ်ရဲ့ အဓိက ရည်မှန်းချက် ဖြစ်လာရပါတယ်။ ပါလီမာန်မှာ အရွေးချယ်ခံစရာ မလိုတဲ့ စစ်တပ်ကိုယ်စားလှယ် ၂၅% ကို အသေအချာ ထည့်ထားခဲ့တာကြောင့်လည်း မကြာသေးခင်က ပါလီမန်အတွင်း တင်ပြခဲ့တဲ့ ပြင်ဆင်ရန် အဆိုပြုမှုတွေ အားလုံးနီးပါး ရှုံးနိမ့်သွားခဲ့ရတာဟာလည်း အံသြစရာ ဖြစ်မလာပါဘူး၊

အခုလာမယ့် ရွေးကောက်ပွဲမှာ NLD အခြေအနေ ကောင်းမှာ ဖြစ်ပြီး ကိုယ်စားလှယ်လောင်းများဟာ စိတ်အားထက်သန် တက်ကြွနေတာ တွေ့ရပါတယ်။ ပြီးခဲ့တဲ့ ၁၉၉၀ ရွေးကောက်ပွဲမှာ ၈၀% ကျော်ကျော် နေရာတွေမှာ အောင်မြင်မှုတွေ ရရှိခဲ့ပေမယ့် ဒီတကြိမ်မှာတော့ အခက်အခဲ တွေ ရင်ဆိုင်ရဘို့ ရှိနေပါတယ်။ ပြည်ခိုင်ဖြိုးပါတီဟာ ဘဏ္ကာရေးမှာ အလွန်တောင့်တင်းနေတာကြောင့် လူဦးရေ နည်းနည်းသာ ရှိတဲ့ မဲဆန္ဒနယ်မြေများကို အလွယ်တကူ ငွေနဲ့ပေါက်ပြီး အနိူင်ယူသွားနိူင်တဲ့ အပြင် မဲလိမ်မယ့် အရေးကလည်း ကြိမ်းသေသလောက် ရှိနေပါတယ်။ သို့သော်လည်း နိူင်ငံခြားမှာ လေ့လာသူများ ရှိလာမှာ ဖြစ်လို့ ၂၀၁၀ ရွေးကောက်ပွဲနဲ့ စာရင်တော့ ပိုပြီး သန့်ရှင်းလိမ့်မယ်လို့တော့ မျှော်လင့်ရပါတယ်။ ဒါ့အပြင် နိူင်ငံရဲ့ အစွန်အဖျား ဒေသများမှာ ရှိတဲ့ တိုင်းရင်းသား လူနည်းစု ပါတီတွေ အခြေအနေ ကောင်းလာနိူင်တာကိုလည်း ထည့်တွက်ရပါမယ်။ ဘယ်လိုပဲ ဖြစ်ဖြစ် စစ်တပ်ရဲ့ ရွေးချယ်ခံစရာမလိုတဲ့ ၂၅% ကို ကျော်လွှားနိူင်ဘို့ NLD အနေနဲ့ မဲဆန္ဒနယ်မြေအားလုံးရဲ့ သုံးပုံ နှစ်ပုံကို နိူင်မှ ဖြစ်ပါလိမ့်မယ်။

အဲ့ဒီလို နိူင်ခဲ့ရင်တောင်မှ လူထု အားလုံး မျှော်လင့်နေကြတဲ့ ဒေါ်အောင်ဆန်းစုကြည် ဦးဆောင်မှု အောက်မှာ ရှိတဲ့ အစိုးရအဖွဲ့မျိုး ရနိူင်ဘို့ မရေရာ သေးပါဘူး၊ အစိုးရအဖွဲ့ကို ဖွဲ့စည်းနိူင်မယ့် သမ္မတကို လွှတ်တော် တခုစီက တဦးစီ နဲ့ စစ်တပ်က တဦး ပေါင်း ၃ ဦး လျာထားပေးရမှာ ဖြစ်ပြီး လွှတ်တော် နှစ်ရပ်ပေါင်းက တဦးရွေးချယ်ပေးရမှာတာမို့ ရှုံးနိမ့်သူ နှစ်ဦးက ဒုတိယ သမ္မတ အဖြစ် ဆောင်ရွက်ရမှာ ဖြစ်နေပါတယ်။ အခုလောလောဆယ်တော့ NLD မှာ လျာထားဘို့ ကိုယ်စားလှယ်လောင်း ရှိပုံမရသေးပါဘူး၊ စစ်တပ်က စိတ်ပြောင်းပြီး ရွေးကောက်ပွဲ အပြီး နဲ့ ဖေဖေါ်ဝါရီ အကြားမှာ ဖွဲ့စည်းပုံ ပြင်ဆင်ရေး သဘောတူ လိုက်လျောခဲ့မှု မရှိလို့ကတော့ NLD အနေနဲ့ ပါတီ ကိုယ်စားလှယ် မဟုတ်သူ တဦးကို ထောက်ခံရတော့မှာ ဖြစ်ပါတယ်။

စစ်တပ် နဲ့ ၎င်းတို့တည်ထောင်ထားတဲ့ ပါတီဟာ ယခုအချိန်အထိ မည်မျှပင် သြဇာလွှမ်းမိုးထားသည် ဆိုငြားလည်း ဥပဒေပြုလွှတ်တော်တွင် လက်တဆုပ်စာ သာ ရှိသည့် အဆင်သို့ လျောကျနိူင်သည့် အနေအထား နှင့် လူထုက လိုလား နှစ်မြို့မှု မရှိသည့် အချက်ကို ထပ်မံရင်ဆိုင်ရဘွယ်ရှိနေပြန်ပါတယ်။ နိူင်ငံရေး ပြုပြင်ပြောင်းလဲမှုများကို ဥပဒေမဲ့ ၀င်ရောက်၍ ဗီတိုအာဏာဖြင့် ပယ်ချခဲ့သည် အဖြစ်က လောလောဆယ်တွင် လူထု၏ ငြို ညင်မှုကို ရရှိနေပါတယ်။ လူနည်းစု တိုင်းရင်းသားများ အလိုရှိနေတဲ့ ဖက်ဒရယ်မူ နဲ့ နိူင်ငံရေးအရ အဖြေရှာဘို့လိုတဲ့အချက်ကို ဆန့်ကျင်နေတာကလည်း အဆိုပါ တိုင်းရင်းသား ပါတီများရဲ့ ထောက်ခံမှုကိုလည်း ဆုံးရှုံးနေပြန်ပါတယ်။

မြန်မာပြည်ဟာ ဒီမိုကရေစီ အသိုက်အ၀န်းထဲကို ၀င်ရောက်လာပြီဆိုပြီး အလျင်အမြန် ထောက်ခံခဲ့ကြတဲ့ ပြည်ပနိူင်ငံများအနေနဲ့လည်း စိတ်ပျက်လာနေပြီ ဖြစ်ပါတယ်။ အထူးသဖြင့် ဟီလာရီ ကလင်တန် နဲ့ အမေရိကန်အစိုးရက သူတို့ကြောင့် ဒီလို ဖြစ်လာခဲ့ရတာပါဆိုပြီး ကြွားလုံးထုတ်ကာ စီးပွားရေး ဒဏ်ခတ်မှုတွေ လျော့ချပေးခဲ့သူများ ဖြစ်တာကြောင့် ပိုပြီး အခံရခက်နေပါတယ်။ ဒါ့အပြင် ပြည်တွင်းက အမျိုးသားရေးဝါဒီများဟု ကိုယ့်ဘာသာ ကင်ပွန်းတပ်လာကြတဲ့ သံဃာအချို့ရဲ့ ဘာသာခြားများ မုန်းတီးရေး လှုံ့ဆော်လာခဲ့မှုများကို လိုက်လျော့တဲ့ အနေနဲ့ လွှတ်တော်မှာ အင်မတန် အရုပ်ဆိုး အကျည်းတန်တဲ့ ဥပဒေများကို ပြဌာန်းပေးခဲ့ရတာလည်း နိူင်ငံတကာ အလယ်မှာ သိက္ခာထပ်ကျခဲ့ရပါတယ်။

အခု ရွေးကောက်ပွဲဟာ စစ်သားဟောင်းများ လွှမ်းမိုးပြီး သူတို့အကျိုးစီးပွားကို ကာကွယ်မယ့် အစိုးရမျိုးသာ ပေါ်ထွန်းလာမယ်ဆိုရင်တော့ ထင်သလို ဖြစ်မလာပဲ အလွန်အကျွံ စိတ်ပျက်လက်ပျက် ဖြစ်လာနေတဲ့ လူထုကြီးနဲ့ ရင်ဆိုင်ရဘွယ် ရှိနေပါတယ်။ သို့သော် အရင်ကလို နိူင်ငံရေး အကျဉ်းသား ထောင်ပေါင်းများစွာကို နှိပ်စက် ဖမ်းဆီးထောင်ချခဲ့တဲ့ အရင် စစ်အစိုးရ လက်ထက်ထက် အနည်းငယ် အသက်ရှုချောင်လာစေမယ့် အစိုးရမျိုး ပေါ်ထွန်းလာဘို့ဆိုတဲ့ မျှော်လင့်ချက်က ရှိနေပါသေးတယ်။

ရည်ညွန်း။ ၊ The Economist July 18th 2015

HSW
BrainWave ဉာဏ်လှိုင်း

သမ္မတဦးသိန်းစိန် ဦးဆောင်နေသည့် သမ္မတရုံးမှ ကြံ့ခိုင်ရေး ပါတီဗဟိုကော်မတီဝင် ပြည်ထောင်စုဝန်ကြီး ဦးစိုးသိန်းမှာ ကယားပြည်နယ်၊ အမျိုးသားလွှတ်တော် မဲဆန္ဒနယ် အမှတ်(၉)မှ တစ်သီးပုဂ္ဂလ ၀င်ပြိုင်ရန် အမည်စာရင်း တင်သွင်းထားပြီး ဖြစ်သော်လည်း ပါတီ၌ နုတ်ထွက်စာ တင်ထားခြင်း မရှိကြောင်း ပါတီ အထွေထွေ အတွင်းရေးမှူး ဦးမောင်မောင်သိမ်းက သြဂုတ်လ ၁၁ ရက်တွင် မြန်မာသံတော်ဆင့်သို့ အတည်ပြု ပြောကြားလိုက်သည်။

ပြည်ထောင်စုဝန်ကြီး ဦးစိုးသိန်းမှာ ယခင်ကလည်း ကယားပြည်နယ်မှ ၀င်ရောက် ယှဉ်ပြိုင်ရန်အတွက် ပါတီသို့ တင်ပြခဲ့သော်လည်း ပါတီအောက်ခြေက လက်မခံသည့်အတွက် ၂၀၁၀ ရွေးကောက်ပွဲတွင် အနိုင်ရရှိခဲ့သည့် တနင်္သာရီတိုင်း ကျွန်းစုမြို့နယ် ပြည်သူ့လွှတ်တော် မဲဆန္ဒနယ်မှသာ ပြန်လည်ဝင်ရောက် ယှဉ်ပြိုင်ရန် ပါတီဘက်မှ အကြံပေးထားချိန်တွင် ယခုကဲ့သို့ တစ်သီးပုဂ္ဂလအဖြစ် ကယားပြည်နယ်တွင် ၀င်ရောက် ယှဉ်ပြိုင်ရန် အမည်စာရင်း တင်သွင်းလိုက်ခြင်းလည်း ဖြစ်သည်။

““အဲဒါဆို ကာယကံရှင်ကို မေးမှပဲရမှာ။ ပါတီအနေနဲ့တော့ ဘာမှ မရှိသေးဘူး။ သူက ပြည်ထောင်စုဝန်ကြီး ဆိုတော့ ကာယကံရှင် ပဲ မေးမှရမှာ။ ပါတီက နုတ်ထွက်တာလည်း မရှိပါဘူးကွာ။ နုတ်ထွက်စာ လည်း မတင်ဘူး။ ဘာမှမလုပ်ဘူး။ ဗဟိုကော်မတီဝင်လေ””ဟု ကြံ့ခိုင်ရေးပါတီ အတွင်းရေးမှူး ဦးမောင်မောင်သိမ်းက မြန်မာ သံတော်ဆင့်သို့ ပြောသည်။

အာဏာရ ကြံ့ခိုင်ရေးပါတီ၏ ဗဟိုကော်မတီဝင် တစ်ဦးဖြစ်သူ ၀န်ကြီးဦးစိုးသိန်းမှာ စစ်အစိုးရ လက်ထက်တွင် ကာကွယ်ရေးဦးစီးချုပ်(ရေ) ဒုတိယဗိုလ်ချုပ်ကြီး အဆင့်အထိ တာဝန်ယူခဲ့ဖူးသူဖြစ်ပြီး ၎င်းဝင်ရောက် ယှဉ်ပြိုင်မည့် အဆိုပါ မဲဆန္ဒနယ်တွင် ရပ်ကွက် ၂ ခုနှင့် ကျေးရွာအုပ်စု ၅ ခုသာ ပါဝင်သည်။

ရွေးကောက်ပွဲ ကော်မရှင် စာရင်းများအရ ကယားပြည်နယ် မဲဆန္ဒနယ် အမှတ်(၉)တွင် ဦးစိုးသိန်း အမည်ဖြင့် တစ်သီးပုဂ္ဂလ ၀င်ရောက်ယှဉ်ပြိုင်ရန် နာမည်စာရင်း တင်ထားသူရှိပြီး ယင်းနေရာတွင် ကြံ့ခိုင်ရေးပါတီမှ ဦးအောင်သိန်းက ၀င်ရောက် ယှဉ်ပြိုင်ရန် နာမည်စာရင်း ပေးထားသည်။

““ကျွန်တော်တို့က ရုံးအဖွဲ့ဗျ။ ပါတီကိုမေး၊ ပြီးရင် ရွေးကောက်ပွဲ ကော်မရှင် ကိုမေး”” ဟု သမ္မတရုံး ညွှန်ကြား ရေးမှူး ဦးဇော်ဌေးက ပြောသည်။

ကယားပြည်နယ် ရွေးကောက်ပွဲ ကော်မရှင်အဖွဲ့ခွဲ ဥက္ကဋ္ဌ ဦးစိုင်းခမ်းဝင်းကလည်း““၇ ရက် ၈ ရက်နေ့ထိ ကိုတော့ ကျွန်တော်တို့ လျှောက်လွှာ မတွေ့ခဲ့ဘူး။ ကြားတော့ ကြားတယ်။ ကယားပြည်နယ်ဘက်ကို ၀င်မယ် လို့တော့ ပြောတယ်။ လွိုင်ကော်မြို့၊ ဘော်လခဲ မြို့နယ်ဘက်မှာလို့ ပြောတယ်။ ကျွန်တော်တို့ ပြည်နယ်ကို စာရင်း တက်မလာသေးဘူး”” ဟု ဆိုသည်။

လက်ရှိတွင် ၀န်ကြီးဦးစိုးသိန်းအနေဖြင့် ၎င်းဝင်ရောက်ယှဉ်ပြိုင်မည့် ကယားပြည်နယ်၊ ဘော်လခဲမြို့နယ်တွင် ဦးစိုးသိန်းဖလား အမည်ဖြင့် သြဂုတ်လ ၇ ရက်မှစကာ ဘောလုံးပြိုင်ပွဲ ကျင်းပပြုလုပ်ပေးလျက်ရှိပြီး ပြိုင်ပွဲဝင် ရပ်ကွက် ကျေးရွာ အသင်း ၁၂ သင်းအတွက် အားကစားဝတ်စုံ၊ စားသောက်စရိတ်နှင့် ခရီးစရိတ်များကိုလည်း ၀န်ကြီးကိုယ်တိုင် ထောက်ပံ့ပေးထားသည်။

““ဟုတ်တယ်။ လာတော့ လာလာကန်နေကြတာပဲ။ ၇ ရက်လောက်ကတည်းက စနေတာ။ ဦးစိုးသိန်း ကိုယ်တိုင်လည်း လာတယ်။ ကျွန်မ သတင်းကြားတာ ဒီနေ့တောင် လာတယ်ကြားတယ်။ ခက်တာက သူတို့က လာကန်တဲ့သူတွေက ရွာတွေက။ တခြားရွာတွေ ဖိတ်ခေါ်ပြီး လုပ်ပေးတာ”” ဟု ၂၀၁၅ ရွေးကောက်ပွဲတွင် ကယားလူမျိုးစု ဒီမိုကရေစီ ကိုယ်စားပြုအဖြစ် ပြည်နယ်လွှတ်တော်တွင် ၀င်ရောက်ယှဉ်ပြိုင်ရန်အတွက် အမည်စာရင်း တင်သွင်းထားသူ ဒေါ်မိမိမော်က သြဂုတ်လ ၁၂ ရက်တွင် မြန်မာသံတော်ဆင့်သို့ ပြောသည်။

ဦးစိုးသိန်းမှာ ပြီးခဲ့သည့်ဇူလိုင်လ အတွင်းက လည်း ဘော်လခဲမြို့ပေါ်နှင့် ကျေးရွာ များသို့ သွားရောက်ကာ ဘုန်းတော်ကြီးကျောင်း၊ စာသင်ကျောင်းများနှင့် ဒေသခံပြည်သူ များနှင့် တွေ့ဆုံဩ၍ ဆိုလာပြား၊ Sky Net နှင့် ငွေကြေးထောက်ပံ့ မှုများ ပြုလုပ်ခဲ့ကြောင်း ဘော်လခဲမြို့နယ် ကယားလူမျိုးစု ဒီမိုကရေစီပါတီ ဦးစောညီညီကို ကိုးကား၍ သြဂုတ်လ ၁၂ ရက်ထုတ် The Voice Daily တွင် ရေးသား ဖော်ပြထားသည်။

ဝိုင်းမော်

မြန်မာသံတော်ဆင့်သတင်းဌာန – https://www.facebook.com/myanmarherald


သူရဦးရွှေမန်း။
သူရဦးရွှေမန်း။

သူရဦးရွှေမန်းကို ပြည်ထောင်စုကြံ့ခိုင်ရေးနဲ့ ဖွံ့ဖြိုးရေး USDP ပါတီဥက္ကဋ္ဌ အဖြစ်ကနေ ဖြုတ်ချလိုက်တာနဲ့ ဆိုင်တဲ့ အခြေအနေ တွေဟာ မြန်မာ့ ဒီမိုကရေစီ ပြုပြင်ပြောင်းလဲရေးပေါ် ထောက်ခံသူတွေ အတွက် ပြန် စဉ်းစားစရာဖြစ်တယ် လို့ အမေရိကန် အထက် လွှတ်တော် လူများစုခေါင်းဆောင် Mitch McConnell က သြဂုတ်လ ၁၄ ရက်နေ့စွဲနဲ့ ထုတ်ပြန်ချက် တခုထဲမှာ ပြောထားပါတယ်။

တခြားနိုင်ငံရေးပါတီတွေလိုပဲ USDP အနေနဲ့ ပါတီခေါင်းဆောင်ကို ကိုယ့်စိတ်ကြိုက် ရွေးချယ်နိုင်ပေမဲ့ ပါတီတာဝန်ရှိသူတဦးကို ရာထူးကဖြုတ်ချဖို့ ကြိုးပမ်းတာမှာ နိုင်ငံတော်လုံခြုံရေးတပ်ဖွဲ့တွေရဲ့ အခန်းကဏ္ဍ ပါဝင်တယ်ဆိုတာက အထူးသဖြင့် မြန်မာနိုင်ငံ ရဲ့ သမိုင်းကြောင်းအရ အထူးပဲ စိုးရိမ်စရာဖြစ်တယ်လို့ မစ္စတာ မက်ကွန်းနဲလ်က ပြောထားပါတယ်။

တကယ့်ကိုပဲ ပါတီတွင်းကိစ္စဖြစ်ပုံရတဲ့ အခြေအနေတရပ်မှာ လုံခြုံရေးတပ်ဖွဲ့တွေ ဘာ့ကြောင့်ပါရတယ်ဆိုိတာ မြန်မာအစိုးရအနေ နဲ့ ရှင်းပြဖို့ မစ္စတာမက်ကွန်းနဲလ်က တိုက်တွန်းထားပါတယ်။

ဒီလိုဖြစ်ရပ်မျိုးတွေဟာ လာမယ့်ရွေးကောက်ပွဲတွေကို ကျင်းပမယ့်ပုံစံအပေါ် စိုးရိမ်မှုတွေ တိုးလာစေတယ်လို့လည်း အမေရိကန် အထက်လွှတ်တော် လူများစုခေါင်းဆောင် မစ်ခ်ျ မက်ကွန်းနဲလ်ရဲ့ ထုတ်ပြန်ချက်ထဲမှာ ဖော်ပြထားပါတယ်။

VOA

ရုံးပြန်တက်နေတဲ့ သူရဦးရွှေမန်း။
ရုံးပြန်တက်နေတဲ့ သူရဦးရွှေမန်း။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီပါတီ ဥက္ကဋ္ဌ ရာထူးကနေ သူရ ဦးရွှေမန်းကို ဖယ်ရှားလိုက်တဲ့ ကိစ္စဟာ မကြာခင်မှာ ဒီထက် ပိုမိုပြင်းထန်တဲ့ ရိုက်ခတ်မှုတွေ ဆက်လက် ဖြစ်လာနိုင်ခြေရှိတယ်လို့ မြန်မာ့နိုင်ငံရေး အနီးကပ် လေ့လာသူတွေက သုံးသပ် ပြောဆိုကြပါတယ်။ လောလောဆယ် သူရ ဦးရွှေမန်း ရုံးတက်ပြီး လွှတ်တော်ဥက္ကဋ္ဌ တာဝန်တွေကို ပြန်လည် ထမ်းဆောင်တယ်ဆိုတာဟာလည်း သူ့သဘောနဲ့ လုပ်ဆောင်တာ မဖြစ်နိုင်ဘူးလို့ သုံးသပ် ပြောဆိုကြပါတယ်။ အပြည့်အစုံကိုတော့ ကိုဇော်ဝင်းလှိုင်က စုစည်း တင်ပြပေးထားပါတယ်။

မြန်မာနိုင်ငံအတွင်း နိုင်ငံရေးအရ အရေးပါတဲ့ ကာလတခုလို့ ပြောလို့ရနိုင်တဲ့ အထွေထွေရွေးကောက်ပွဲကြီး ကျင်းပခါနီး လပိုင်း အလိုမှာ ပြည်သူ့လွှတ်တော်ဥက္ကဋ္ဌ သူရ ဦးရွှေမန်း လက်ရှိ အာဏာရ ပါတီအကြီးအကဲ ရာထူးကနေ ဖြုတ်ချခံ လိုက်ရတာ ဖြစ်ပါတယ်။

ဒါ့အပြင် လက်ရှိအစိုးရအနေနဲ့ ပြုပြင်ပြောင်းလဲရေးလုပ်ငန်းတွေကို အမှန်တကယ် လိုလိုလားလား လုပ်ဆောင်နေရဲ့လား ဆိုတဲ့အပေါ်မှာလည်း နိုင်ငံတကာက အနီးကပ် စောင့်ကြည့်တာမျိုးတွေ ရှိနေတဲ့အတွက် သူရ ဦးရွှေမန်းကို ရာထူးက ဖြုတ်ချ လိုက်ကြသူတွေဟာ အရင် စစ်အစိုးရလက်ထက်ကလို ရုပ်ပျက် ဆင်းပျက်ကြီးဖြစ်အောင် လုပ်မှာမဟုတ်ဘူးလို့ စစ်ထောက်လှမ်းရေး အရာရှိဟောင်း ဦးအောင်လင်းထွဋ်က ပြောပါတယ်။

"ဦးရွှေမန်းကိစ္စမှာကတော့ ဒီဘက်ခေတ်ဖြစ်လာတော့ အရင် စစ်အာဏာရှင်ခေတ် လိုတော့ လုပ်ချင်တိုင်း လုပ်လို့မရဘူး။ ဘာဖြစ်လို့လဲ ဆိုတော့ ဒီမိုကရေစီ လို့လည်း ပြော ထားတယ်။ နောက်ကြောင်းပြန် မလှည့်ဘူးလို့လည်း ပြော ထားတယ်။ နိုင်ငံတကာကိုလည်း ပြောထားတယ်။ ပြည်တွင်းမှာလည်း ပြောထား တယ်ဆိုတော့ လုပ်ရကိုင်ရတဲ့ဥစ္စာက နည်းနည်းလေး သူတို့ ချင့်ချိန်ပြီးတော့ မှ ဘောင်ဝင်အောင် လုပ်နေရတဲ့ အနေအထားမျိုး ကျနော်မြင်ပါတယ်။

ကျနော် အတွင်းက ကျနော် သိတဲ့သတင်းတွေအရကတော့ ဒီအတိုင်းတော့ ခွင့်လွှတ်ပေးလိုက်မယ့် လို့တော့ မထင်ဘူး။ အခုပဲ စပြီးတော့မှ လွှတ်တော် ကိုယ်စားလှယ် တယောက်ကို အရေးယူလို့ရမယ့်ကိစ္စကို အရေးပေါ် ကော်မရှင်ဥက္ကဋ္ဌ ဦးတင်အေးကနေ တင်လာတာရှိပြီ။ နောက် အတည်ပြုဆဲ သတင်းတွေအရ ဦးရွှေမန်းကို တရားစွဲဖို့အတွက်ကို အချက်အလက်ပေါ့လေ ကေ့စ်ပေါင်းများစွာနဲ့ တရားစွဲဖို့ အတွက်ကို သူတို့စီစဉ်နေတယ်လို့သိရတယ်။

အဲ့တော့ ကျနော် သုံးသပ်ချက်အရ ပြောရမယ်ဆိုရင်တော့ ဥက္ကဋ္ဌ အတိုင်း ဆက်လုပ်မယ်။ ဥပဒေကို အတည်ပြုလိုက်မယ်။ အဲ့ဒီ့ဥပဒေအရ ကိုယ်စားလှယ်လောင်း ပျက်ကွက်မှုနဲ့ ဦးရွှေမန်းကို အရေးယူပြီးတော့မှ လွှတ်တော်ဥက္ကဋ္ဌကနေတရားဝင် ဥပဒေအတိုင်း ဖြုတ်ချလိုက်လို့ရတယ်။ ပြီးရင် ဆက်ပြီးတော့မှာ အက်ရှင်တွေ လာလိမ့်မယ်။ တရားစွဲတာတွေ တရားဥပဒေအတိုင်း လုပ်တာတွေ လာလိမ့်မယ်။ "

သူရ ဦးရွှေမန်းကို တခြား စီးပွားရေးကိစ္စတွေနဲ့လည်း အရေးယူနိုင်စရာ ရှိတယ်လို့ ဦးအောင်လင်းထွဋ်က ပြောပါတယ်။

သောကြာနေ့က သူရ ဦးရွှေမန်း လွှတ်တော်ရုံးကိုသွားပြီး တာဝန်ထမ်းဆောင်တယ် ဆိုတာဟာလည်း သူ့သဘောနဲ့သူ သွားတာ မဖြစ်နိုင်ဘူးလို့ ဦးအောင်လင်းထွဋ်က ဆက်ပြောပါတယ်။

"အင်မတန်မှ ဉာဏ်များတယ်နော်။ ကျနော်တို့ သာမာန် ရိုးရိုး တွေးလို့မရတဲ့ အတွေးမျိုး အဲ့ဒီ့ ဗိုလ်ချုပ်မှုးကြီး သန်းရွှေ ခေါင်းထဲမှာ ရှိတယ်။ သူဟာ အလုပ်တခုကို လုပ်လို့ရှိရင် ဘယ်တော့မှ မဆုံးဖြတ်ဘူး။ သူက အရင်ဆုံး စာလေးနဲ့ ချပြီးတော့မှ သတင်းကို အရင်ဆုံး တီးတိုး ဝါဒဖြန့်ပြီးတော့မှ လွှင့်ထည့်လိုက်တာ။ လွှင့်ပြီးတော့မှ ပြန်လာတဲ့ သတင်းက ဘယ်လို ပြန်လာလည်း ဆိုတာ ရှိပြီးတော့မှ သူက လမ်းကြောင်းကို ရွေးပြီး ရှာပြီးတော့မှ လုပ်တတ်တယ်။ အခုလည်း ဦးရွှေမန်းကို ရုံးပြန်တက်ခိုင်းလိုက်တဲ့အခါကျတော့ လူတွေရဲ့ Attention မှာ လျော့သွားတယ်။"

နိုင်ငံရေး လေ့လာသုံးသပ်သူ ဦးစည်သူအောင်မြင့်ကလည်း သူရ ဦးရွှေမန်းကို တဆင့်ပြီး တဆင့် အရေးယူမှုတွေ လုပ်ဆောင်သွားလိမ့်မယ်လို့ သုံးသပ်ပါတယ်။

" အခု လုပ်တဲ့ကိုင်တဲ့ ဟာတွေက ဒီတပ်မတော်အစိုးရ အဆက်ဆက်ပေါ့နော်။ အရှေ့တုန်းက သူတို့တွေ လုပ်ခဲ့ကိုင်ခဲ့တဲ့ ကာရိုက်တာတွေကို ကြည့်ရင် ဒီလောက်နဲ့ ရပ်သွားလိမ့်မယ် လို့ မမြင်ဘူး။ ဒါကြောင့်မို့လို့လဲ သူတို့က တဆင့်ချင်း တဆင့်ချင်း လုပ်တာ။ အဲ့လိုလုပ်တာကလည်း အကြောင်းရှိတာပေါ့လေ။ အကြောင်းရှိတယ်ဆိုတာက အခုဖြစ်ပေါ်နေတဲ့ အနေအထားရော။ သူတို့ရဲ့ ရက်ရရှိမှုပေါ့ အချိန်ရရှိမှု အနေအထားရော ပြီးတော့မှ အရင်ခေတ်တုန်းကလိုမျိုး တပြိုင်နက်တည်း အကုန်လုံး ရပ်လို့မရတဲ့ အနေအထားမျိုး ဟန်ပြ ဒီမိုကရေစီလေး ရှိနေတဲ့ အနေအထားရော အဲ့တာကြောင့်မို့လို့ အခုလို လူမြင်ကောင်းအောင်တော့ နည်းနည်းလုပ်နေတာပေါ့နော်။ တဆင့်ပြီး တဆင့် လုပ်မယ်လို့ ကျနော်မြင်ပါတယ်။"

လက်ရှိ အစိုးရက ဦးဆောင် လုပ်ကိုင်နေတဲ့ ဈေးကွက်စီးပွားရေး၊ ရင်းနှီးမြုပ်နှံမှု၊ မကြာခင် ကျင်းပတော့မယ့် ရွေးကောက်ပွဲ စတဲ့ ကိစ္စရပ်တွေမှာတော့ ပြောင်းလဲမှု မရှိဘဲ ဆက်လက် လုပ်ဆောင်သွားကြလိမ့်မယ်လို့ ဦးစည်သူအောင်မြင့် က ပြောပါတယ်။

သူရ ဦးရွှေမန်း ပါတီအကြီးအကဲ တဦးအဖြစ်ကနေ ရာထူးက ဖယ်ရှားခံ လိုက်ရတာဟာ ပါတီတွင်း ကိစ္စဖြစ်တယ်လို့ အများစုက ရှုမြင် သုံးသပ်နေကြပြီး လာမယ့် ရွေးကောက်ပွဲအပါအ၀င် မြန်မာ့နိုင်ငံရေး အခင်းအကျင်း တခုလုံးကို ထိခိုက်မှု မရှိနိုင်ဘူးလို့ ပြောဆိုနေကြပါတယ်။

သူရ ဦးရွှေမန်းဟာ ပြည်သူ့လွှတ်တော်ဥက္ကဋ္ဌရာထူးကို အခုချိန်ထိ ဆက်လက် ရယူထားဆဲဖြစ်ပြီး လာမယ့် နိုဝင်ဘာ ရွေးကောက်ပွဲမှာလည်း ဖြူးမြို့နယ်ကနေ ၀င်ရောက်ယှဉ်ပြိုင်မယ်လို့ ကြံ့ခိုင်ရေးပါတီ တာဝန်ရှိသူတွေက ပြောပါတယ်။

နောက်ဆုံး ရရှိတဲ့ သတင်းတွေအရကတော့ သူရ ဦးရွှေမန်းရဲ့ သားဖြစ်သူ ဦးတိုးနိုင်မန်းရဲ့ အိမ်မှာ လုံခြုံရေး အစောင့်တွေချထားပြီး စောင့်ကြည့်တဲ့ အနေအထား ရှိနေသေးသလို သူ ဦးစီး ဆောင်ရွက်နေတဲ့ Cherry FM အသံလွှင့်ဌာနက အသံလွှင့်ရုံ ၁၇ ရှိတဲ့အထဲက ၁၆ ခုဟာ Signal မရတဲ့အတွက် အသံလွှင့်လုပ်ငန်းတွေ လောလောဆယ် ရပ်တန့်နေတယ်လို့ သိရပါတယ်။

VOA
http://burmese.voanews.com/content/how-far-military-will-go-against-u-shwe-mann/2919040.html


 ပြည်ထောင်စု ကြံ့ခိုင်ရေးနဲ့ ဖွံဖြိူးရေးပါတီရဲ့ ထိပ်ပိုင်း ခေါင်းဆောင် အပြောင်းအလဲဟာ အများယူဆသလို ဗိုလ်ချုပ်မှူုးကြီးဟောင်း ဦးသန်းရွှေရဲ့ အမိန့်နဲ့ လုပ်တာ ဖြစ်နိုင်တယ်လို့ ကြံ့ခိုင်ဖွံဖြိုးရေးပါတီရဲ့ ဗဟိုအလုပ်အမှုဆောင်ဟောင်း သူရဦးအောင်ကိုက RFA ကို ပြောပါတယ်။

ပြည်သူ့လွှတ်တော် တရားစီရင်ရေး၊ ဥပဒေရေးရာ စိစစ်ရေးကော်မတီ ဥက္ကဌ သူရဦးအောင်ကို ကို RFA အဖွဲ့သူ မသင်းသီရိက ဆက်သွယ်မေးမြန်းထားတာ နားဆင်နိုင်ပါတယ်။

RFA Burmese
https://www.facebook.com/pages/RFA-Burmese


 ကြံ့ခိုင်ဖွံ့ဖြိုးရေးပါတီ ခေါင်းဆောင်ပိုင်း ပြဿနာကို ဖြေရှင်းတဲ့ အခါမှာ ပြည်သူလူထု အကျိုးကိုကြည့်ပြီး ငြိမ်းငြိမ်းချမ်းချမ်း ဆောင်ရွက်ဖို့ တိုက်တွန်းတယ်လို့ အမျိုးသား ဒီမိုကရေစီ အဖွဲ့ချုပ် သဘာပတိအဖွဲ့ ဥက္ကဌ ဦးတင်ဦးက RFA ကိုပြောပါတယ်။

ဒီဆောင်ရွက်ချက်တွေဟာ အရင်စနစ်ဆိုးတွေရဲ့ အကြွင်းအကျန်တွေဖြစ်တယ်လို့လည်း ပြောပါတယ်။

ဒါ့အပြင် NLD ပါတီ အတွင်းမှာလည်း ရွေးကောက်ပွဲ ကိုယ်စားလှယ်လောင်း ရွေးချယ်မှုတွေနဲ့ပတ်သက်လို့ မကျေနပ်တာကို ဆွေးနွေးဖြေရှင်း ပေးနေပေမယ့် ဆန္ဒပြတဲ့အထိဖြစ်လာနေလို့ ဒီလိုလုပ်ရပ်မျိုးတွေ တိုးမလာအောင် ဟန့်တားတဲ့သဘောနဲ့ ဆောင်ရွက်ရတာလို့ဆိုပါတယ်။

NLD သဘာပတိအဖွဲ့ ဥက္ကဌ ဦးတင်ဦးကို RFA ဝိုင်းတော်သား ကိုနေရိန်ကျော် ဆက်သွယ်မေးမြန်းထားတာ နားဆင်နိုင်ပါပြီ။

RFA Burmese
https://www.facebook.com/pages/RFA-Burmese

သူ​ရ​ဦး​ရွှေ​ မန်း​နှင့် ​သား ​ဦး​တိုး​နိုင်​မန်း​ကို ၂၀၁၄ ​ခု​နှစ်​က ​နေ​ပြည်​တော် ​က​မ္ဘာ့​စီး​ပွား​ရေး​ဖို​ရမ်​တွင် ​တွေ့​ရ​စဉ် 
  သြဂုတ်လ ၁၂ ရက်နေ့ညက ကြံ့ခိုင်ဖွံ့ဖြိုးရေး ပါတီဥက္ကဋ္ဌ နေရာက ဖယ်ရှားခံလိုက်ရတဲ့ သူရဦးရွှေမန်းဟာ သြဂုတ်လ ၁၄ ရက် နေ့မှာတော့ ပြည်သူ့လွှတ်တော် ရုံးကို ရောက်လာပြီး သူ့ရုံးလုပ်ငန်းတွေ လုပ်ခဲ့ပါတယ်။

တွေ့ဆုံခွင့်တောင်းတဲ့ မီဒီယာတွေကို လွှတ်တော် အစည်းအဝေးတွေ ပြန်စတဲ့ သြဂုတ်လ ၁၈ ရက်နေ့မှာ တွေ့ဆုံမယ်လို့ သူ့ ကိုယ်ရေးအရာရှိက တစ်ဆင့် အကြောင်းပြန်ခဲ့ပါတယ်။

သူရဦးရွှေမန်းဟာ နေပြည်တော်က သူ့ကို ပေးထားတဲ့ လွှတ်တော်ဥက္ကဌနေအိမ်မှာပဲ ရှိနေပြီး အိမ်ပြောင်းရွှေ့နေတယ်ဆိုတဲ့ သတင်းတွေ မမှန်ပါဘူးလို့ သားဖြစ်သူ ဦးတိုးနိုင်မန်းက ဘီဘီစီကို ပြောပါတယ်။

မိသားစုနဲ့ အဆက်အသွယ်တွေ ကန့်သတ်ထားတာလည်း မရှိပဲ ပုံမှန်အတိုင်း သွားလာနေနိုင်ပါတယ်လို့ ဆိုပါတယ်။


ဒါပေမယ့် သူ့အိမ်ရှေ့မှာတော့ ပြီးခဲ့တဲ့ ရက်ပိုင်းက စပြီး လုံခြုံရေး တပ်ဖွဲ့တွေ လာချထားတယ်လို့ ဦးတိုးနိုင်မန်းက ပြောပါတယ်။

လုံခြုံရေး အဖွဲ့ပေါင်း အနည်းဆုံး သုံးဖွဲ့ရှိပြီး အိမ်အနားတဝိုက်မှာ နေရာယူထားကြတယ်လို့ ဆိုပါတယ်။

သူ့မိသားစုပိုင် ချယ်ရီအက်ဖ်အမ်ရဲ့ ထုတ်လွှင့်မှု တွေမှာလည်း ဂြိုဟ်တုကနေ တင်ပေးနေတဲ့ စက်က မတက်တော့တဲ့အတွက် နယ်တွေကို ထုတ်လွှင့်မှု မရတော့ပဲ ဖြစ်နေတယ်လို့ ဆိုပါတယ်။ အက်ဖ်အမ်တွေရဲ့ ထုတ်လွှင့်မှုကို ဂြိုဟ်တုကပြန်တင်ပေးတဲ့ လုပ်ငန်းကို ပြန်ကြားရေး ဝန်ကြီးဌာနက တာဝန်ယူ လုပ်ဆောင်ပေးနေတာ ဖြစ်ပါတယ်။

ဂြိုဟ်တု ဆက်သွယ်ရေးနဲ့ ထပ်ဆင့် တင်ပေးစရာ မလိုတဲ့ ရန်ကုန်ဒေသ တဝိုက် ထုတ်လွှင့်မှု တွေမှာလည်း အသံလှိုင်း အားနည်းသွားပြီး ဖမ်းယူရာမှာ အခက်အခဲ ရှိနေတယ်လို့ ပရိသတ်တွေ ဆီက ပြန်သိရကြောင်း ဦးတိုးနိုင်မန်းက ပြောပါတယ်။

အဲဒီကိစ္စကို သြဂုတ်လ ၁၅ ရက် စနေန့မှာ တာဝန်ရှိသူတွေနဲ့ နေပြည်တော်မှာ ဆွေးနွေးဖို့ ရှိတယ်လို့လည်း သူက ပြောပါတယ်။

BBC Burmese
http://www.bbc.com/burmese


 ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ဗဟိုအလုပ်အမှုဆောင်အဖွဲ့ဝင် အငြိမ်းစား ဗိုလ်ချုပ်ကြီး ဦးလှဌေးဝင်းနဲ့ ဒုတိယဗိုလ်ချုပ်ကြီး ဦးဝေလွင်တို့ဟာ နိုဝင်ဘာလ ၈ ရက်နေ့ ရွေးကောက်ပွဲမှာ နေပြည်တော် မဲဆန္ဒနယ်မြေတွေ ကနေ ဝင်ရောက်ယှဉ်ပြိုင်ဖို့အတွက် ဒီနေ့ အမည်စာရင်း တင်သွင်းလိုက်ပါတယ်။

သူတို့နှစ်ဦးဟာ ပြီးခဲ့တဲ့ ရက်ပိုင်းက တပ်မတော်ကနေ အငြိမ်းစားယူပြီး ပြည်ထောင်စုကြံ့ခိုင်ရေးနဲ့ ဖံွ့ဖြိုးရေး ပါတီမှာ ဗဟိုအလုပ်အမှုဆောင်တွေအဖြစ် တာဝန်ယူလိုက်တာဖြစ်ပါတယ်။ ဦးလှဌေးဝင်းက ဇေယျာသီရိမြို့နယ်၊ ဦးဝေလွင်က ပုဗ္ဗသီရိမြို့နယ်တို့က ပြည်သူ့လွှတ်တော်နေရာတွေမှာ ဝင်ရောက်ယှဉ်ပြိုင်မှာဖြစ်ပါတယ်။

လာမယ့် ရွေးကောက်ပွဲမှာ ပြည်ထောင်စုကြံ့ခိုင်ရေးနဲ့ ဖံွ့ဖြိုးရေးပါတီကနေ ကိုယ်စားလှယ်လောင်း ၁၁၄၇ ဦး ဝင်ရောက်ယှဉ်ပြိုင်မှာဖြစ်ပြီး အပြောင်းအလဲမရှိကြောင်း ဒီနေ့ ကြေညာချက် ထုတ်လိုက်ပါတယ်။

နေပြည်တော်ကောင်စီနယ်မြေမှာ ပြည်ခိုင်ဖြိုးပါတီက ၁ဝ ဦး၊ NLD ပါတီက ၁ဝ ဦး၊ အမျိုးသားဒီမိုကရေစီ အင်အားစုပါတီက ၅ ဦး၊ တိုင်းရင်းသားစည်းလုံးညီညွတ်ရေးပါတီက ၁ဝ ဦး၊ တသီးပုဂ္ဂလ ၈ ဦး စုစုပေါင်း ၄၃ ဦး ရွေးကောက်ပွဲဝင်ဖို့ အမည်စာရင်းတင်ထားတယ်လို့ သိရပါတယ်။

RFA Burmese
http://www.rfa.org/burmese

 ရေဘေးသင့်ပြည်သူများအတွက်(KIO)မှ ၈၈မျိုးဆက်(ငြိမ်းချမ်းရေးနှင့် ပွင့်လင်းလူ့အဖွဲ့အစည်း) ထံသို့ ကျပ်ငွေ သိန်းနှစ်ထောင်ကို သြဂုတ်လ ၁၃ ရက်နေ့တွင် ပေးပို့လှူဒါန်းခဲ့စဉ်။ Photo:The 88 Generation Peace and Open Society
 မြန်မာနိုင်ငံအနှံ့မှာရှိတဲ့ ရေဘေးဒုက္ခသည်တွေကို ကူညီထောက်ပံဖို့အတွက် ကချင်လွတ်မြောက်ရေး အဖွဲ့ ကေအိုင်အိုက ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းထံ ငွေကျပ် သိန်း ၂ဝဝဝ လှူဒါန်းလိုက်ပါတယ်။

ကောက်ခံရရှိထားတဲ့ အလှူငွေတွေကို ရေဘေးဒဏ်ခံစားနေရတဲ့ ဒေသအားလုံးအတွက် ဖြန့်ဝေသုံးစွဲသွားမှာဖြစ် တယ်လို့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ခေါင်းဆောင် ဦးကိုကိုကြီးက ပြောပါတယ်။

"တစ်လုံးတစ်ခဲတည်းကိုတော့ တစ်နေရာတည်သုံးမှာမဟုတ်ဘူးလေ၊ လိုတဲ့နေရာတွေပေါ့ ဖြန့်ပြီးတော့ပဲ သုံးတာပေါ့၊ အဓိကတော့ ကျနော်တို့ မြန်မာနိုင်ငံအတွင်းမှာ ဘယ်အစိတ်အပိုင်းမှာပဲ ဘေးဒုက္ခရောက်ရောက် အခြားတိုင်းရင်းသားတွေအားလုံးက မျှဝေခံစားတယ် ကူညီတယ်ဆိုတာဟာ ငွေကြေးပမာဏထက်ကို ကြင်နာပြတ်သားခြင်း မျှဝေခံစားတယ် ကူညီတယ်ဆိုတဲ့ စိတ်ဓါတ်ခွန်အားက ပိုပြီးတော့ကြီးမားပါတယ် ၊ ပြည်ထောင်စုတစ်ခုလုံလုံးရဲ့ ပြဿနာဟာ တိုင်းရင်းသားအားလုံး ပြည်ထောင်စုသား အားလုံးနဲ့ဆိုင်တယ်၊ အားလုံးက ဝိုင်းဝန်းဖြေရှင်းတယ်ဆိုတဲ့ အဲ့ဒီယဉ်ကျေးမှုလေးကို ကျနော်တို့က တန်ဖိုးထားတာပါ"

ကေအိုင်အိုဟာ ချင်းပြည်နယ်က ရေဘေးဒုက္ခသည်တွေကို အကူအညီပေးနိုင်ဖို့အတွက် CNF ချင်းအမျိုးသား တပ်ဦးကတဆင့် ငွေကျပ်သိန်း ၁ဝဝဝ လှူဒါန်းထားတယ်လို့ သိရပါတယ်။

၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဒီလ ၂ ရက်နေ့ကစပြီး ရေဘေးဒုက္ခသည်တွေအတွက် အရေးပေါ်အကူအညီပေးနိုင်ဖို့ အလှူငွေနဲ့ အထောက်အပံ့ပစ္စည်းတွေကို ကောက်ခံခဲ့တာဖြစ်ပါတယ်။

ဇူလိုင် ၁၆ ရက်နေ့ကစပြီး မြန်မာပြည်တစ်ဝှမ်း ရေဘေးဒဏ်ကို ခံစားနေကြရတာဖြစ်ပြီး ဒီနေ့အထိ သေဆုံး ၁ဝ၆ ဦး၊ ဒုက္ခသည် အရေအတွက်က ၁၃ သိန်း ၆ သောင်းကျော်ဖြစ်နေပြီဖြစ်တယ်လို့ လူမှုဝန်ထမ်းကယ်ဆယ်ရေး နဲ့ ပြန်လည်နေရာချထားရေးဦးစီးဌာနက ထုတ်ပြန်ကြေညာထားပါတယ်။

RFA Burmese
http://www.rfa.org/burmese

၂၀၁၂ ခုနှစ် အောက်တိုဘာလ ၁၇ ရက်နေ့တွင် ကျင်းပပြုလုပ်ခဲ့သည့် ကြံ့ခိုင်ရေး ပါတီ ဗဟိုညီလာခံတွင် နိုင်ငံတော် သမ္မတ ဦးသိန်းစိန်က ပါတီဥက္ကဋ္ဌအဖြစ် ပြန်လည် ရွေးချယ်ခံခဲ့ရပြီး အခြေခံဥပဒေ ပုဒ်မ ၆၄ အရ နိုင်ငံတော်သမ္မတသည် ပါတီတစ်ခု၏ လုပ်ငန်းတာဝန်များ ထမ်းဆောင်ခွင့် မရှိသောကြောင့် သူရဦးရွှေမန်းကို ပါတီဥက္ကဋ္ဌ၏ လုပ်ငန်းတာဝန်များ လွှဲအပ်ထားခဲ့သည်။ အဆိုပါ ပါတီ၏ ဒုတိယဥက္ကဋ္ဌ ဦးဌေးဦးက The Voice သို့ပြောကြားသည်။ပါတီ ဗဟိုအလုပ်အမှုဆောင် ကော်မတီဝင် ဦးအောင်သိန်းလင်း ကလည်း အတည်ပြုပြော
ကြားခဲ့သည်။ ယနေ့ကျင်းပသော ဗဟိုကော်မတီ အစည်းအဝေးတွင် သမ္မတဦးသိန်းစိန် ပါတီ ဥက္ကဋ္ဌရာထူးမှ နုတ်ထွက်လိုက်သဖြင့် သူရဦးရွှေမန်းက ပါတီဥက္ကဋ္ဌရာထူးကို တရားဝင် ရယူခဲ့ခြင်း ဖြစ်ကြောင်း ယင်းပါတီခေါင်းဆောင် များကဆိုသည်။

နေပြည်တော်၂၀၁၅ ခုနှစ် သြဂုတ် ၁၃- ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၏ အမြဲတမ်းဥက္ကဋ္ဌသည် နိုင်ငံတော် သမ္မတ ဦးသိန်းစိန်သာ ဖြစ်ကြောင်း ပြည်ထောင် စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအတွင်းရေးမှူး ဦးပိုက်ထွေးက တရားဝင် ပြောကြားခဲ့သည်။

နိုင်ငံတော်သမ္မတသည် အခြေခံဥပဒေ ပုဒ်မ ၆၄ အရ လုပ်ပိုင်ခွင့်မရှိဟု သတ်မှတ်ထားသော်လည်း ကြံ့ခိုင်ရေးနှင့် ဖွံ့ဖြိုးရေးပါတီ၏ အမြဲတမ်း ဥက္ကဋ္ဌသည် နိုင်ငံတော် သမ္မတ
ဦးသိန်းစိန်သာဖြစ်သည်ဟု ဆိုထားသောကြောင့် သမ္မတသည် ဥပဒေကို လက်တစ်ခြားလုပ်၍ အသုံးချနေသည်မှာထင်ရှားသည်။

ဥပဒေတွင်နိုင်ငံတော်သမ္မတနှင့် ဒုသမ္မတများသည် နိုင်ငံရေးပါတီ အဖွဲ့ အစည်းမျာ၏ ပါတီ လုပ်ငန်းများတွင် ပါဝင်ဆောင်ရွက်ခြင်းမပြုရ၊ ၀န်ထမ်းအဖြစ်မှလည်းကောင်း နိုင်ငံတော် သမ္မတ (သို့ )ဒုသမ္မတများအဖြစ် ရွေးချယ်တင်မြှောက်ခြင်း ခံရသည့်နေမှစ၍ နှုတ်ထွက်ပြီး (သို့ ) အငြိမ်းစားယူပြီးဖြစ်ရမည် ဟု မှတ်ယူရမည်လို့  ဥပဒေတွင် ပြဌာန်းထားသည်။

ထိုကြောင့် ပါတီ၏ဖွဲစည်းပုံအရ မိမိ၏အမည်ပါဝင်နေခြင်း၊ ရာထူးတာဝန်နေရာယူထားခြင်း၊အဖွဲ့ ဝင်လစ်တွင် အဖွဲ့ ဝင်ဖြစ်နေသည်မှာ ထင်ရှားသောကြောင့် ဥပဒေကို ပြောင်ပြောင်တင်းတင်း ချိုးပေါက်သည်ဟု ဆိုနိုင်သည်။ ကြံ့ခိုင်ရေးနှင့် ဖွံ့ဖြိုးရေးပါတီ၏ အမြဲတမ်း ဥက္ကဋ္ဌ အဖြစ် သတ်မှတ်ထားခြင်းသည်လည်း ဥပဒေကို ချိုးဖေါက်ခြင်းဖြစ်သည်။

ပြည်သူတစ်ဦးအနေဖြင့် ဖွဲ့ စည်းပုံအခြေခံဥပဒေအား ချိုးဖေါက်ရာရောက်နေသည်ကို
ထောက်ပြဝေဖန်ခြင်းဖြစ်သည်။

မြသိန်း

ဧရာဝတီတိုင်း ညောင်တုန်းမြို့နယ်တွင်းက ရေဘေး ဒုက္ခသည်များ။ (သြဂုတ်၊ ၂၀၁၅)
 မြန်မာနိုင်ငံအနှံ့ ရေဘေးဒဏ် အကြီးအကျယ် ခံခဲ့ရပြီး နောက်ဆက်တွဲ မြစ်ရေတွေ ဆက်တက်နေတဲ့ အတွက် ဧရာဝတီတိုင်းအတွင်းမှာ ဒေသခံတွေ ဘေးလွတ်ရာ  တိမ်းရှောင်နေရပါတယ်။ ဧရာဝတီတိုင်းထဲက တချို့မြို့နယ်တွေဟာ ကိုယ်ထူကိုယ်ထ လုပ်နေရတာနဲ့အမျှ အကူအညီတွေ လိုအပ်နေဆဲဖြစ်ပါတယ်။  ဗွီအိုအေ သတင်းထောက် မအေးအေးမာက သတင်းပေးပို့ထားပါတယ်။

မြန်မာနိုင်ငံတ၀ှမ်း ရေဘေးသင့်ပြည်သူ တစ်သန်း သုံးသိန်းလောက်ထိ ရှိနေပြီလို့ အစိုးရက ပြောဆိုနေချိန်မှာပဲ ဧရာဝတီတိုင်းထဲမှာ နေ့စဉ် ရေတွေ တက်နေတဲ့ အတွက် ရေဘေးသင့် ဒုက္ခသည်စခန်းတွေ တိုးလာပါတယ်။ ပုသိမ်မြို့မှာတော့ ဒုက္ခသည်စခန်း ၄ခုဖွင့်ထားရသလို တခြားမြိုနယ်တွေမှာလည်း ကိုယ်ထူ ကိုယ်ထ ရေဘေးသင့် ဒုက္ခသည်စခန်းတွေ ဖွင့်ထားရကြောင်း ဒေသခံ တဦးကအခုလိုပြောပါတယ်။

" အဲ့တော့ ပုသိမ်မှာ ရေအခြေအနေက တော်တော်လေး တက်လာတဲ့ အတွက် တော်တော်များများ ရပ်ကွက်တွေမှာ ( အောင်ချမ်းသာရပ်ကွက်၊ သမ္မတရပ်ကွက်၊ မြကျွန်းသာပေါ့နော်... ) အစရှိသဖြင့် ရပ်ကွက်တော်တော် များများ မြုပ်သွားပါတယ်ခင်ဗျ။ ဒုက္ခသည်စခန်းက လေးခုပဲ ဖွင့်ပါသေးတယ်ခင်ဗျ။ တခြားမြို့နယ်တွေမှာလည်း ဖွင့်ထားရပါတယ်ခင်ဗျ။ ပန်းတနော်မြို့မှာဆိုလည်း ဒုက္ခသည် ကယ်ဆယ်ရေးစခန်းတွေ ဖွင့်ထားရပါတယ်။ သာပေါင်းမှာလည်း ဖွင့်ထားရပါတယ်။ ကိုယ်ထူကိုယ်ထ စခန်းတွေပါ ခင်ဗျ။ ဘုန်းကြီးကျောင်းတွေ မှာ နေရာတောင်းပြီးဖွင့်ရတာပါခင်ဗျ။ ပုသိမ်၊ ကျောင်းကုန်း၊ ကျုံပျော်၊ ရေကြည် ၊ သာပေါင်း၊ ဟင်္သာတပေါ့နော်။ "

ရေဘေးနဲ့ အတူ ပိုးမွှားအန္တရယ်တွေကလည်း များကြောင်း ရေကျသွာ တဲ့ညောင်တုန်းမျြို့မှာတော့ အဆိပ်ရှိတဲ့မြွေတွေ အိမ်တွေထဲမှာ ၀င်ရောက်နေထိုင်တာတွေ ရှိနေကြောင်း ဆက်ပြောပြပါတယ်။

" အခုကတော့ ရေကျသွားပြီဖြစ်တဲ့အတွက် ကျနော်တို့ ညောင်တုန်းမြိ်ု့နယ် မှာကတော့ ပိုးမွှားအန္တရာယ်ပေါ့ဗျာ။ မြွေပွေး မြွေဟောက်တွေက တော်တော်လေး အိမ်တွေပေါ် တက်နေတာမျိုး ရှိတယ်ခင်ဗျ။ အဲ့တာကတော့ တကယ် အသက်အန္တရာယ်နဲ့စိုးရိမ်ရတဲ့ဟာတခုပါပဲ။ တစ်ယောက်ဆိုရင် တအိမ်တည်းမှာတင် မြွေပွေး လေးကောင်ရပါတယ်ခင်ဗျ။ အကောင်တော်တော်ကြီးကြီးတွေပဲ။"

ပန်းတနော်မြို့နယ် မအူပင်ခရိုင်ထဲမှာ ရှိတဲ့ ဝေယံကျွန်းကျေး၇ွာက ပြည်သူတွေ ဟာ နှစ်စဉ်နှစ်တိုင်း ကမ်းပါးပြိုတဲ့ဒဏ်ကိုခံစားရပြီး ဒီနှစ်မှာတော့ ကမ်းပါးပြိုတာရော ရေကြီးတာကိုပါကြုံ တဲ့ အတွက် တရွာလုံး နီးပါးရေမြုပ် ခဲ့ရတယ်လို့ ဆိုပါတယ်။ ဒီအတွက် လူဦးရေ ၂၅၀၀ခန့် အတွက် ရေနဲ့ အစားအသောက် အကူညီတွေ လိုအပ်နေကြောင်းရွာသားတဦးကပြောပါတယ်။

" အခု ကျနော်တို့ အိမ်ခြေ ၂၈၇ လုံး ရှိတယ်။ အိမ်ခြေ ၂၈၇ လုံးမှာ ရွှေ့ပြောင်း အိမ်ယာက ရွာအရှေ့နဲ့ အနောက်ခြမ်းက ရွှေ့ပြောင်းအိမ်ယာက ၂၀၀ဝန်းကျင် လာက်က လက်ရှိအနေအထားက အကုန်လုံး လူနေလို့ နေရာလေး စိပ်စိပ်လေးတောင်မှ မရှိဘူးဗျ။ အကူအညီက မြို့နဲ့ အလှမ်းအကမ်းဝေးတဲ့ အတွက်ကြောင့် အကူအညီ ကျနော်တို့ ယနေ့အချိန်အထိ မရသေးပါဘူးခင်ဗျ။ ကျနော်တို့ လူဦးရေ ၂၅၀၀ ဝန်းကျင်လောက်ရှိတယ်ခင်ဗျ။ စားဖို့သောက်ဖို့အတွက် လိုနေပါတယ်ခင်ဗျ။"

စစ်ကိုင်းတိုင်း ကလေးမြို့မှာတော့ ရေကျသွားပေမဲ့ ရွံ့နွံတွေ များတဲ့အတွက် အိမ်တွေ ထဲကို ပြန်ပြီးနေထိုင်ဖို့ အတွက် အခက်အခဲတွေ ရှိနေတယ်လို့  မြို့ခံတဦးက ဆိုပါတယ်။

" အမှိုက်တွေရှင်းနေတယ်။ လူတွေကတော့ တချို့နေနေကြတယ်။ အိမ်ထဲမှာ။ ပြသနာက ဘာဖြစ်တာလဲဆိုတော့ နုံးတွေက များနေတာ။ နုံးတွေက များလွန်းလို့ အိမ်ထဲကို မဝင်နိုင်ဘူးဖြစ်တာပေါ့နော်။ အဲ့ပြသနာရှိပါတယ်ခင်ဗျ။"

မြန်မာပြည်တ၀ှမ်းရေဘေးသင့်တဲ့ တိုင်းနဲ့ပြည်နယ် ၁၂ခုရှိပြီး အစိုးရကတော့ အဆိုးဆုံး အခြေအနေရှိတဲ့ တိုင်းနဲ့ ပြည်နယ် ၄ခု ရှိတယ်လို့ အစိုးရက ထုတ်ပြန်ခဲ့ပါတယ်။

အခုထက်ထိတော့ ဧရာဝတီတိုင်းမှာတော့ ကိုယ်ထူကိုယ်ထ လုပ်ဆောင်နေသူတွေ က ရေဘေးဒုက္ခသည်တွေအတွက် စခန်းတွေ ဆက်ဖွင့်ထားရပါတယ်။ အစိုးရ ကတော့ နိုင်ငံ တ၀ှမ်းရေဘေးကြောင့် သေဆုံးသူ ၁၀၃ဦးရှိပြိး ရေဘေးသင့်သူ တသန်း ၃သိန်းလောက်ရှိတယ်လို့ စာရင်းထုတ်ပြန်ထားပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com

 ဒီ​ရေ​အ​တက်​နဲ့ ​မြစ်​ရေ​ကြီး​တာ ​ဆုံ​လို့ ​ရေ​ကြီး​လာ
 ရေ​ကြီး​နေ​တဲ့ ​ဧ​ရာ​ဝ​တီ​တိုင်း ​မြို့​နယ် ၁၉ ​မြို့​နယ်​မှာ ​ရေ​ကျ​လာ​တာ​တွေ ​ရှိ​ပေ​မယ့် ​အောက်​ပိုင်း ​ဒေ​သ​ဖြစ်​တဲ့ ​သာ​ပေါင်း၊ ​ပု​သိမ်၊ ​ပန်း​တ​နော်​စ​တဲ့​မြို့​နယ်​တွေ​မှာ ​ရေ​ပို​ကြီး​နေ​ပါ​တယ်။

ပု​သိမ်​မြို့​နယ်​မှာ ​သော​ကြာ​နေ့​က ​ကယ်​ဆယ်​ရေး​စ​ခန်း ၅ ​ခု ​ထပ်​တိုး​လာ​ပြီး ​အ​ခု​ဆို​ရင် ​ကယ်​ဆယ်​ရေး ​စ​ခန်း​ပေါင်း ၃၉ ​ခု​ရှိ​သွား​ဖြစ်​တယ်​လို့ ​ပု​သိမ်​မြို့​နယ် ​လက်​ထောက်​အုပ်​ချုပ်​ရေး​မှူး ​ဦး​စိန်​သောင်း​က ​ပြော​ပါ​တယ်။

သာ​ပေါင်း​မြို့​နယ်​မှာ ​ရွာ​အ​များ​စု​မှာ ​ရေ​ကြီး​နေ​ပြီး ​အ​ခု​တော့ ​ရေ​ပြန်​ကျ​စ​ပြု​နေ​ပြီ​လို့ ​ဧ​ရာ​ဝ​တီ​တိုင်း ​လွှတ်​တော်​အ​မတ်​တစ်​ဦး​ဖြစ်​တဲ့ ​ဦး​ဝင်း​သိန်း​က ​ပြော​ပါ​တယ်။ ​ကျေး​ရွာ​အုပ်​စု ၇၀ ​လောက်​ထဲ​က ၆၀ ​လောက် ​ရေ​မြုပ်​တယ်​လို့ ​သူ​က ​ပြော​ပါ​တယ်။ ​ရေ​တ​ဖြည်း​ဖြည်း​ကျ​လာ​ပေ​မယ့် ​အ​ကူ​အ​ညီ​တွေ ​လို​နေ​ဆဲ​လို့ ​သူ​က ​ပြော​ပါ​တယ်။

အ​ခု​ရက်​ပိုင်း​မှာ ​ပင်​လယ်​ရေ ​ထ​ရက်​နဲ့​ဆုံ​နေ​ပြီး ​ဧ​ရာ​ဝ​တီ ​မြစ်​အ​ပေါ်​ပိုင်း​က ​ရေ​က​လည်း ​ကျ​လာ​နေ​တာ​ကြောင့် ​ဧ​ရာ​ဝ​တီ​အောက်​ပိုင်း ​ရေ​ကြီး​နေ​တာ​က ​လွယ်​လွယ်​နဲ့​ကျ​ဖို့ ​မ​ရှိ​သေး​ဘူး။

ဧ​ရာ​တီ​တိုင်း​တ​ခု​လုံး​မှာ ၂၆ ​မြို့​နယ်​ရှိ​တဲ့​အ​ထဲ​က ၁၉ ​မြို့​နယ်​မှာ ​ရေ​ကြီး​နေ​ဆဲ​ပဲ​လို့ ​လူ​မှု​ဝန်​ထမ်း​ကယ်​ဆယ်​ရေး​နှင့် ​ပြန်​လည်​နေ​ရာ​ချ​ထား​ရေး​ဝန်​ကြီး​ဌာ​န​က ​ညွှန်​ကြား​ရေး​မှူး ​ဒေါ်​ဖြူ​လဲ့​လဲ့​ထွန်း​က ​ပြော​ပါ​တယ်။

တစ်​နိုင်​ငံ​လုံး​အ​တိုင်း​အ​တာ​နဲ့ ​ရေ​ဘေး​ဒု​က္ခ​ရောက်​သူ ၁၅ ​သိန်း​နီး​ပါး​ရှိ​ပြီး​တော့ ​သေ​ဆုံး​သူ​က ၁၀၆ ​ဦး​ရှိ​တယ်​လို့ ​ဒေါ်​ဖြူ​လဲ့​လဲ့​သိန်း​က ​ပြော​ပါ​တယ်။

BBC Burmese
http://www.bbc.com/burmese


  ရွေးကောက်ပွဲ မတိုင်မီတွင် ထိပ်တန်း နိုင်ငံရေး ပဲ့ကိုင်သူများ အကြား အာဏာလွန်ဆဲမှု တစ်ခုအဖြစ် ပါတီဌာနချုပ်ကို ဦးသိန်းစိန်ကို ထောက်ခံ သည့် USDP ပါတီ ထိပ်တန်းခေါင်းဆောင်အချို့ က ရုတ်တရက် စီးနှင်း ခဲ့ပြီးနောက် မြန်မာနိုင်ငံ၏ အာဏာရပါတီ USDP ၏ ခေါင်းဆောင် သူရဦးရွှေမန်းမှာ ရာထူးမှ ဖယ်ရှားခံခဲ့ရသည်ဟု ပါတီတာဝန်ရှိသူတစ်ဦးက ကြာသပတေးနေ့တွင် ပြောဆို လိုက်ပါသည်။

ယခင် စစ်အစိုးရအုပ်ချုပ်ခဲ့သည့် နိုင်ငံတွင် ဆယ်စုနှစ်များ ကြာပြီးနောက် လွတ်လပ်မှုနှင့် တရားမျှတမှု အရှိဆုံးဖြစ်မည်ဟု ကြော်ငြာ ထားသည့် နိုဝင်ဘာလ ရွေးကောက်ပွဲများတွင် အကြိတ်အနယ် ၀င်ရောက် ယှဉ်ပြိုင်ရန် အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီ (USDP) က အားခဲထားသည်။

မြန်မာနိုင်ငံ၏ ပြုပြင်ပြောင်းလဲရေး ဗဟိုချက်ကျသည့် ကဏ္ဍများတွင် ပါဝင် လှုပ်ရှားရန် ယူနီဖောင်းချွတ်ခဲ့ကြသည့် ယခင် ဗိုလ်ချုပ်ကြီးဟောင်းများဖြစ်ကြသူ ဦးရွှေမန်းနှင့် သမ္မတ ဦးသိန်းစိန်တို့ အကြား သဘောထားမတိုက်ဆိုင်မှုများ ရှိနေကြောင်း ကောလဟာလများသည် မကြာသေးမီလများတွင် ထွက်ပေါ်လာခဲ့သည်။
အဆိုပါ ပြုပြင်ပြောင်းလဲမှုများ၏ အတိမ်အနက်အပေါ် စိုးရိမ်မှုများက မကြာသေးမီ လများအတွင်း ဖြစ်ပေါ်လာခဲ့သည်။

သို့သော် လာမည့် ရွေးကောက်ပွဲတွင် ၀င်ရောက်ယှဉ်ပြိုင်မည့် ကိုယ်စားလှယ်လောင်းများ အတွက် နောက်ဆုံး လျှောက်လွှာတင်ရက် မတိုင်မီ တစ်ရက်အလိုတွင် ဖြစ်ပွားခဲ့သည်က နိုင်ငံရေးလောက တစ်ခုလုံးကို တုန်လှုပ် သွားစေခဲ့သည်။

နေပြည်တော်ရှိ USDP အခြေစိုက်ရုံးသို့ လုံခြုံရေး တပ်ဖွဲ့ဝင်ရောက်ခဲ့ပြီး နိုင်ငံရေး ဇာတ်ကွက်တစ်ခု၏ ညတစ်ညကုန်ဆုံးပြီးနောက် လွှတ်တော် ဥက္ကဌလည်းဖြစ်သည့် ဦးရွှေမန်းသည် အချိုးအကွေ့ အာဏာ လွန်ဆွဲပွဲတွင် အဓိကပစ်မှတ်အဖြစ် ပေါ်ထွက်လာခဲ့သည်။

ဦးရွှေမန်းအား သူ၏ ပါတီရာထူးမှ ဖယ်ရှားရန် ဦးသိန်းစိန်က သဘောတူ ခဲ့သည်ဟု သမ္မတရုံးမှ ဦးဇော်ဌေးက AFP ကို ပြောကြား သွားခဲ့သည်။
”ဒါက ပါတီတွင်း ခေါင်းဆောင်ပိုင်းကိစ္စသက်သက်ပါ။ စိုးရိမ်စရာအကြောင်း
မရှိပါဘူး။” ဟု ဦးရွှေမန်း အထိန်းသိမ်းခံထားရကြောင်း ကောလဟာလများ ကို သူက ချေပပြောဆိုသွားခဲ့သည်။

ပြည်သူလူထုတည်ငြိမ်အေးချမ်းရေးအတွက် အစိုးရက လုပ်ဆောင်နေကြောင်း အသေးစိတ် အကြောင်းအချက်များ မပါရှိဘဲ သူက ပြောဆို သွားခဲ့သည်။

ဗုဒ္ဓဟူးညနောင်းပိုင်းတွင် ရဲတပ်ဖွဲ့က စီးနင်းခဲ့ပြီးနောက် အစောပိုင်းတွင် မိမိ ဖခင်ဖြစ်သူ၏ နေပြည်တော်ရှိ နေအိမ်ကို လုံခြုံရေး အစောင့်အကြပ်များ ၀န်းရံထားခဲ့သည်ဟု ဦးရွှေမန်း၏ သားဖြစ်သူက AFP ကို ပြောဆိုထားသည်။
”လက်နက်ကိုင်တပ်ဖွဲ့တွေက နိုင်ငံရေးပါတီတစ်ခုကို ဒီလိုပုံစံမျိုး ထိန်းချုပ် တယ်ဆိုတာ ထူးဆန်းပါတယ်။” ဟု ဦးတိုးနိုင်မန်းက ရန်ကုန်ရှိ အဆက်အသွယ်များမှတဆင့် အခြေအနေကို စောင့်ကြည့်နေကြောင်း ဆိုသည်။

အကြောင်းရင်းမှာ ဦးသိန်းစိန်အပေါ် သစ္စာခံသည့် ကိုယ်စားလှယ်လောင်း များကို ထောက်ခံပေးရန် ဦးရွှေမန်းက ဆန့်ကျင်ခဲ့ကြောင်းနှင့် အာဏာကြီးမား သည့် တပ်မတော်မှ ပါတီသို့ ကူးပြောင်း ရွေးကောက်ခံ လိုသည့် အရာရှိကြီးများကို ပါတီတွင်း တင်သွင်းမှုအလုံးစုံကို လက်မခံ ခဲ့ကြောင်း ယူဆဖွယ်ရာများလည်း ရှိနေသည်။

ရွေးကောက်ပွဲတွင် ပါတီအတွက် ရပ်တည်ယှဉ်ပြိုင်မည့် အစိုးရအဖွဲ့ ၀န်ကြီးများနှင့် တပ်မတော်အရာရှိများထံမှာ လျှောက်လွှာ ၁၀၀ ကျော် ခန့်ကို ပါတီက ရရှိခဲ့ပြီး ဖြစ်သည်ဟု USDP ပါတီဝင် ဦးအောင်ကိုက ဗုဒ္ဓဟူးနေ့ တွင် AFP ကို ပြောကြားသွားခဲ့သည်။

ဒီမိုကရေစီရေးအတွက် နှစ်များစွာ လှုပ်ရှားမှုကြောင့် ယခင် စစ်အစိုးရ လက်ထက်တွင် စူးတစ်ချောင်းပမာ ဖြစ်ခဲ့သည် အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် သူမဦးဆောင်သည့် NLD ပါတီသည် လာမည့် ရွေးကောက်ပွဲများတွင် အောင်ပွဲများ အခိုင်အမာ ရရှိရန် အခြေအနေ အခိုင်အမာ ရရှိပြီး ဖြစ်သည်။

စစ်တပ်၏ နိုင်ငံရေးအာဏာကို လျှော့ချလို သည့် အခြေခံဥပဒေ ဆိုင်ရာ ငြင်းခုံမှုများ အပါအ၀င် သော့ချက်ကျ သည့် ကိစ္စရပ်များတွင်လည်း အာဏာလက်မလွတ်လိုသည့် စစ်တပ်ကို အတိုက်အခံ ပြုလုပ်သည့် နေရာ တွင် ဒေါ်အောင်ဆန်းစုကြည်က ရှိနေခဲ့သည်။

ဒေါ်အောင်ဆန်းစုကြည်နှင့် လက်တွဲ အတူလုပ်ကိုင်ဆောင်ရွက်မည် ဆိုသည့်
စိတ်ကူးကို ကြိုဆိုကြောင်း ဦးရွှေမန်းက လူသိရှင်ကြား ထုတ်ဖော်ပြောဆို ထားပြီးဖြစ်သည်။

အမည်မဖော်လိုသည့် USDP ပါတီဝင်၏ သတင်းရင်းမြစ်အရ အစီအစဉ်မှာ ဦးရွှေမန်းအား ပါတီခေါင်းဆောင်အဖြစ်မှ ဖယ်ရှားရန်နှင့် ပါတီ ဖွဲ့စည်းပုံ အသစ် ပြုလုပ်ရန် ဖြစ်သည်ဟု သူယုံကြည်ကြောင်း အစောပိုင်းက AFP ကို ပြောကြားသွားခဲ့သည်။

”ဒီလိုမျိုးဖြစ်မယ်လို့ မထင်ထားမိခဲ့ဘူး။ ပါတီအတွင်းမှာ သဘောထား မတိုက်ဆိုင်မှုအချို့ ရှိခဲ့ပါတယ်။ ဒါပေမယ့် ဒါလောက်ပါဘဲ။ အခုဟာက ပါတီအတွက်ကော၊ တိုင်းပြည်ရဲ့ အနာဂတ်အတွက်ပါ မကောင်းဘူး။”ဟု အဆိုပါ အရင်းအမြစ်က ဆိုသည်။

ယခင် စစ်အာဏာရှင်ဟောင်း၏ လွှမ်းမိုးမှု ရှိနေဆဲ ဗိုလ်ချုပ်ကြီး များ၏ ထောက်ခံမှုကို မည်သူက ရရှိလိမ့်မည် ဆိုသည်နှင့်ပတ်သက်၍ ကာလကြာရှည် အားပြိုင်နေမှုအကြောင်း ပုံမှန်အားဖြင့် ငြီးငွေ့ဖွယ် ရှိသည့်
နိုင်ငံမြို့တော် နေပြည်တော်တွင် အသံကျယ်လောင်စွာ ထွက်ပေါ်လာခဲ့သည်။

တပ်မတော်သားများထံမှ လွှတ်တော်ကိုယ်စားလှယ်များထံ အာဏာ လွှဲပြောင်းနိုင်ရေးတွင် ယခင် စစ်အစိုးရအဖွဲ့ဝင်များအတွက် USDP ပါတီက အဓိကမောင်းနှင်ရေး ယာဉ်တစ်ခုဖြစ်ခဲ့သည်။

”သတင်းစာရွက်တွေပေါ် တင်ခဲတဲ့ USDP ပါတီအတွင်း ကြီးထွားလာတဲ့ တင်းမာမှုတွေ၊ ပြိုင်ဆိုင်မှုတွေ အဆုံးသတ် သွားပါပြီ။” ဟု သမိုင်းပညာရှင်နှင့် စာရေးဆရာ ဦးသန့်မြင့်ဦးက ပြောဆိုထားခြင်းဖြစ်သည်။

”ရွေးကောက်ပွဲပြဇာတ်မှာ အခန်းတစ်ခန်း ပြီးဆုံးသွားတာပါ။ နောက်ထပ် စိတ်လှုပ်ရှားစရာတွေ တွေ့မြင်ရဦးမယ်လို့ ကျွန်တော်သေချာပေါက် ပြောနိုင်ပါတယ်။”

ပါတီတွင်းရှိ ဦးသိန်းစိန်ကို ထောက်ခံသူများက ဦးရွှေမန်း၏ ဂိုဏ်းခွဲဆောင်ရွက်မှု ကို ဆန့်ကျင်ရန် သဘောတူညီချက် ရရှိပြီးနောက် ဗုဒ္ဓဟူးနေ့ ညနောင်းပိုင်းအချိန်တွင် လုံခြုံရေးတပ်ဖွဲ့များကို USDP ရုံးများ တွင် ကြိုတင်နေရာချထားခဲ့သည်။

ဦးရွှေမန်းနေရာတွင် USDP ဒုတိယဥက္ကဌဦးဌေးဦးက အစားထိုး ခဲ့ပြီး ဦးမောင်မောင်သိန်းနေရာတွင် သမ္မရုံးဝန်ကြီး ဦးတင်နိုင်သိန်း က နေရာယူ ခဲ့သည်။ ၂ ဦးလုံးမှာ ဦးသိန်းစိန်နှင့် နီးစပ်သူများဖြစ်ကြသည်။

ရာစုနှစ်ဝက်ကျော်အတွင်း အလွတ်လပ်ဆုံး ရွေးကောက်ပွဲများ ပြုလုပ်ရန် ကြေငြာထားရာ ပြောင်းလဲလွယ်သည့် နိုင်ငံရေးအခြေအနေများကို ဖယ်ရှားမှုက ထင်ဟပ်ပြနေသည်။ ယခင်စစ်ဗိုလ်ချုပ်ကြီးဟောင်း ဖြစ်သည့် သူရဦးရွှေမန်းသည် တချိန်က စစ်အစိုးရအဖွဲ့အတွင်း အဆင့် ၃ နေရာတွင် တာဝန်ထမ်းဆောင်ခဲ့ဖူးသူ ဖြစ်ပြီး ဦးသိန်းစိန်မှာ နံပါတ် ၄ နေရာကိုသာ ရရှိခဲ့သည်။

သို့သော် ဦးရွှေမန်းသည် စစ်အစိုးရလက်ထက်တွင် နေအိမ်အကျယ်ချုပ်ဖြင့် ၁၅ နှစ်ကျော် နေထိုင်ခဲ့ရသည့် အတိုက်အခံခေါင်းဆောင် ဒေါ်အောင်ဆန်းစုကြည် နှင့် ဆက်ဆံရေး တည်ဆောက်ခြင်းဖြင့် စစ်တပ်အတွင်းရှိ ရဲဘောက် ရဲဘက်ဟောင်းများကို ကျောခိုင်းခဲ့သည်ဟု နိုင်ငံရေး လေ့လာသူများက ပြော ဆိုနေကြသည်။

ပြည်သူ့လွှတ်တော် ဥက္ကဌ ဖြစ်သည့် ဦးရွှေမန်း သည် စစ်တပ်က အရပ်သာရေးရာကိစအရပ်ရပ်တွင် ကြီးမားစွာ လွှမ်းမိုးနေမှုကို ကန့်သတ်မည့် ငြင်းခုံမှုများ ခွင့်ပြုခြင်းဖြင့် အခြား သြဇာကြီးမားသည့်
အရာရှိများကို စိတ်အနှောက်အယှက် ဖြစ်စေခဲ့သည်ဟု ၄င်းတို့က ဆိုသည်။

လာမည့်ရွေးကောက်ပွဲတွင် USDP ကိုယ်စားလှယ် အဖြစ် စစ်တပ်အရာရှိ ၁၅၉ ဦးထဲမှ ၃ ပုံ ၁ ပုံကိုသာ ရွေးချယ်ခဲ့ခြင်းအပေါ် ဦးရွှေမန်း အုပ်စုအား ၂၄ နာရီအတွင် ဖယ်ရှားခဲ့ရန် ကြံစည် ခဲ့ခြင်း ဖြစ်မည် ဟု ယူဆလျက်ရှိသည်။

မဲပေးသူများ မဟုတ်ဘဲ လွှတ်တော် ကိုယ်စားလှယ်များ ကသာ သမ္မတကို ရွေးခြယ်မည်ဖြစ်သောကြောင့် ဥပဒေပြုရေး ရွေးကောက်ပွဲသည် ထပ်ဆင့် အရေးကြီးနေသည်။ ဦးသိန်းစိန်က ရွေးကောက်ပွဲ မ၀င်ဟု ဆိုသော်လည်း ၄င်းအား တပ်နှင့် ပါတီ ပူးပေါင်းပြီး သမ္မတအဖြစ် ထောက်ခံအရွေးခံရရေးကို ကြိုးပမ်းအားထုတ်လျက်ရှိသည်။

ဦးရွှေမန်းက ဒေါ်အောင်ဆန်းစုကြည်၏ ထောက်ခံမှုရရှိရန် ကြိုးစားခဲ့ခြင်းက သူ၏ နိုင်ငံရေးကြံမ္မာကို သူကိုယ်တိုင် ဖန်တီးလိုက်ခြင်း ဖြစ်သူဟု အမည်မဖော်လိုသည့် လက်ရှိဗဟိုကော်မတီဝင်တစ်ဦး က AFP သတင်းသို့ ပြောကြားခဲ့သည်။

Ref - Jakatar Post၊ AFP

The Ladies News Journal
https://www.facebook.com/News.TheLadies


  လွှတ်တော်ကိုယ်စားလှယ် တာဝန် ပြန်လည် ရုပ်သိမ်းခြင်း ဆိုင်ရာဥပဒေကို အမြန်ဆုံး အတည်ပြု ပြဌာန်း ပေးဖို့ အတွက် ပြည်ထောင်စု ရွေးကောက်ပွဲ ကော်မရှင် က ပြည်ထောင်စု လွှတ်တော်ကို ထပ်မံ တိုက် တွန်း လိုက်ပါ တယ်။ ပြည်ထောင်စု ရွေးကောက်ပွဲ ကေ်ာမရှင် ဒီဥပေဒကြမ်းကို တင်ပြတာ ၄ကြိမ် ရှိပြီ ဖြစ်ပြီး ပြည်ထောင်စု လွှတ်တော်က အတည်မပြုနိုင် သေးတာကြောင့် မဲဆန္ဒရှင်များ၏ မူလအခွင့်အရေး ဆုံးရှုံးနိုင်တယ်လို့လည်း သတိပေးထားတာပါ။ ဒါပေမဲ့လည်း လွှတ်တော်ဥက္ကဋ္ဌ သူရဦးရွှေမန်းကို အာဏာရပါတီ ထိပ်တန်းခေါင်းဆောင် အဖြစ်က ဖယ်ရှားလိုက်တဲ့ တချိန်တည်းမှာ ထပ်မံတိုက်တွန်းမှုတွေ ထွက်ပေါ်လာတဲ့အပေါ် မြန်မာ့ အရေးအကဲခတ်သူ တချို့ကတော့ တိုက်ဆိုင်မှု မဖြစ်နိုင်ဘူးလို့ ယူဆနေကြပါတယ်။ ဒီသတင်းကိုတော့ ဗွီအိုအေမြန်မာပိုင်းက ကိုမိုးဇော်က တင်ပြထားပါတယ်။

လွှတ်တော်ကိုယ်စားလှယ်တာဝန် ပြန်လည်ရုပ်သိမ်းခြင်းဆိုင်ရာ ဥပဒေကြမ်း ကို ပြည်ထောင်စုရွေးကောက်ပွဲကော်မရှင်က ပြုစုပြီး ၂၀၁၂ ခုနှစ် က တကြိမ်၊ ၂၀၁၃ က တကြိမ်နဲ့ ၂၀၁၅ ခုနှစ် ဇူလိုင် ၃ ရက်နေ့က တကြိမ် ပြည်ထောင်စု လွှတ်တော် နာယကထံကို ပေးပို့ခဲ့ပေမဲ့ အတည်ပြုပြဌာန်းနိုင်တာ မရှိသေး တာကြောင့် သြဂုတ်လ ၁၃ရက်နေ့မှာ ဆောလျင်စွာ အတည်ပြုပြဌာန်းပေးနိုင်ရေးအတွက် ထပ်မံတင်ပြခဲ့တာဖြစ်ပါတယ်။

လွှတ်တော်ကိုယ်စားလှယ်တာဝန် ပြန်လည်ရုပ်သိမ်းခြင်းဆိုင်ရာဥပဒေကြမ်းကို အတည်မပြုနိုင်သေး တာကြောင့် ကြုံတွေနေရတဲ့ အခက်အခဲ ကိုတော့ ပြည်ထောင်စုရွေးကောက်ပွဲကော်မရှင် ညွှန်ကြားရေးမှုး ဦးသောင်းလှိုင်က အခုလို ပြောပါတယ်။

"လောလောဆယ်ဆယ်တော့ လွှတ်တော်ကိုယ်စားလှယ်တွေကို ပြန်ရုပ်ဖို့ဆိုပြီး ကျနော်တို့ဆီကို တိုင်ကြားထားတာက ဆယ်ဖွဲ့လောက်ရှိတာပေါ့နော်။ ကျနော်သိသလောက်တော့ လွှတ်တော်ကိုယ်စားလှယ် အားလုံး ၁၀ယောက် လောက်ရှိမယ်ဗျ။ ဆယ်ယောက်လောက်ရှိတယ် ၁၂ လောက်ကတည်းက စတိုင်ထားတာ။ ကျနော်တို့ကတော့တင်ပြတာပေါ့ဗျာ။ သက်ဆိုင်ရာ လွှတ်တော်မှာတော့ ဆွေးနွေးနေကြတာပေါ့ဗျာ နော်။ သူတို့ ဆွေးနွေးနေတဲ့အခါကျတော့ သူတို့ဆီမှာ ဆုံးဖြတ်ချက် မပြတ်သေးဘူးပေါ့။ ဒီလိုတော့ သဘောရပါတယ်။"

၂၀၀၈ဖွဲ့စည်းပုံအခြေခံဥပဒေမှာ သက်ဆိုင်ရာမဲဆန္ဒရှင်တွေဟာ လွှတ်တော် တရပ်ရပ်မှ လွှတ်တော်ကိုယ်စားလှယ်ကို ဥပဒေနှင့်အညီ တာဝန်မှ ပြန်လည် ရုပ်သိမ်းခွင့်ရှိကြောင်း၊ မူလမဲဆန္ဒရှင်တွေရဲ့ အနည်းဆုံး တရာခိုင်နှုန်းက တာဝန်မှ ပြန်လည်ရုပ်သိမ်းလိုတဲ့ လွှတ်တော်ကိုယ်စားလှယ်နဲ့ ပတ်သက်ပြီး ပြည်ထောင်စု ရွေးကောက် ပွဲကော်မရှင်ဆီ တိုင်ကြားနိုင်ကြောင်း နဲ့ ပြည်ထောင်စု လွှတ်တော်ကလည်း လိုအပ်တဲ့ ဥပဒေကို ပြဋ္ဌာန်းရမယ်လို့ ပြဋ္ဌာန်းထားတာဖြစ်ပါတယ်။

ပြည်ထောင်စုလွှတ်တော်က လိုအပ်တဲ့ ဥပဒေကို ပြဌာန်းမပေးနိုင်သေးတာကြောင့် မဲဆန္ဒရှင်တွေရဲ့ မူလအခွင့်အရေး ဆုံးရှုံးတဲ့သဘော သက်ရောက်နေကြောင်း လည်း ပြည်ထောင်စုရွေးကောက်ပွဲကေ်ာမရှင်က ပေးပို့တဲ့စာမှ ဖော်ပြကြောင်း ဒီနေ့ထုတ် အစိုးရပိုင်သတင်းစာတွေမှာ ရေးသားထားပါတယ်။

ဒီဥပဒေကြမ်းအတည်ပြုရေးနဲ့ပတ်သက်ပြီး ပြည်ထောင်စု လွှတ်တော်အတွင်း ကြန့်ကြာနေတဲ့ အခြေအနေကို အမျိုးသား လွှတ်တော် ကိုယ်စားလှယ် ဒေါက်တာအေးမောင် က အခုလို ပြောပါတယ်။

" အဲ့တော့ ဆိုပါစို့။ ပါတီစုံမှာ မဲဆန္ဒရှင် တရာ ပေးပိုင်ခွင့်ရှိတယ် ထားပါတော့။ နှစ်ယောက်ပြိုင်မယ်ပေါ့။ ၅၁ ရာခိုင်နှုန်း ရှိတဲ့သူက နိုင်သွားမှာပေါ့။ ကျန်တဲ့ ၄၉ ရာခိုင်နှုန်းရတဲ့သူကတော့ ရှုံးသွားမှာပေါ့ဗျာ။ အဲ့တော့ တစ်ရာခိုင်နှုန်း ဆိုတဲ့ မဲဆန္ဒရှင် ဆုံးဖြတ်ချက်နဲ့ တင်ရကြေးဆိုရင် ၄၉ရာခိုင်နှုန်း နဲု့ ရှုံးတဲ့သူဘက်က စောဒက ခနခန တက်မှာပေါ့။ အဲ့တာဆိုရင် နိုင်ငံရေး မတည်ငြိမ်မှုဖြစ်သွားမှာပေါ့။ တစုံတခု အတိုင်းအတာတခုအားဖြင့် ရာခိုင်နှုန်း တခုတိုးဖို့ လိုမယ်။ အဲ့ ဒါလေးကိုလည်း ထည့်သွင်းစဉ်းစားသုံးသပ်ဖို့ လိုပါတယ်။"

ဒီလို ကြန့်ကြာရတာကလည်း ဖွဲ့စည်းပုံအခြေခံ ဥပဒေရဲ့ အားနည်းချက်ကြောင့်လို့ ယူဆကြကြောင်း ဒေါက်တာအေးမောင်က ဆက်ပြောပါတယ်။

"ရွေးကောက်ခံ အမတ်တွေကို ဖြုတ်ချခွင့်ရှိရင် အရွေးကောက် မခံပဲနဲ့ တက်လာတဲ့ အမတ်တွေကို ဖြုတ်ချခွင့် မရှိဘူးလားဆိုတာလည်း စောဒက တက်ကြလိမ့်မယ်။ ဒီပြသနာကို ဘယ်လိုရှင်းမလဲဆိုရင် ပထမဆုံးရှင်းသင့်တာက တရာ ရာခိုင်နှုန်းသော လွှ့တ်တော် ကိုယ်စားလှယ်များ သည် ပြည်သူ့ ကိုယ်စားလှယ် ဖြစ်ပြီးလို့ရှိရင် တရာခိုင်နှုန်း သို့မဟုတ် ၁၀ ရာခိုင်နှုန်းနဲ့ ဖြုတ်ချခွင့်ကို လူထုကို ပေးသင့်တယ်။ အဲ့တော့ ပထမဆုံး ဖွဲ့စည်းပုံအခြေခံဥပဒေရဲ့ အားနည်းချက်ဖြစ်တဲ့ ၂၅ % ကို ရှင်းဖို့ လိုတယ်။"

ပြည်ထောင်စုရွေးကောက်ပွဲကော်မရှင်က လွှတ်တော်ကိုယ်စားလှယ် တာဝန် ပြန်လည်ရုပ်သိမ်းခြင်း ဆိုင်ရာ ဥပဒေကြမ်းကို အမြန်ဆုံးအတည်ပြုဖို့ တင်ပြချိန်ဟာ ပြည်ထောင်စုလွှတ်တော် နာယက သူရဦးရွှေမန်း ကို ပြည်ထောင်စုကြံခိုင်ရေးနဲ့ဖွံဖြိုးရေးပါတီဥက္ကဋ္ဌ အဖြစ်က ရုပ်သိမ်းချိန်နဲ့လည်း တိုက်ဆိုင်နေတာဖြစ်ပါတယ်။

ဒီအခြေအနေအပေါ်မှာတော့ မြန်မာနိုင်ငံရေးလေ့လာသုံးသပ်သူ ဦးစည်သူအောင်မြင့်က အခုလို ပြောပါတယ်။

"လွှတ်တော်ထဲမှာ ဆွေးနွေးတဲ့ဟာက နောက်ဆုံးအဆင့်ရောက်သွားပြီဗျ။ ဆွေးနွေး ပြီးသားကို မဲခွဲပြီးတော့ အတည်ပြုလိမ့်မယ်ပေါ့နော်။ တနည်းနည်းနဲ့ ဒါပဲ ရှိတော့တယ်။ အဲ့တာကို သူရဦးရွှေမန်းက နိုင်ငံရေးပါတီတွေနဲ့ ပြန်ပြီးတော့ တိုင်ပင်ပါဦး။ ဒီဥပဒေနဲ့ ဘာညာဆိုပြီး အဲ့လို အချိန်ဆွဲထားလိုက်ကြတာ။ အဲ့တော့ ဒီကိစ္စကို ရွေးကောက်ပွဲ ကော်မရှင်က တင်လာတယ်ဆိုတာက ဒီဥစ္စာက အတည်ဖြစ်သွားမယ်ဆိုရင် အတည်ပြုပေးလိမ့်မယ်ဆိုရင် သမ္မတကလည်း ဥပဒေအနေနဲ့ ထုတ်ပြန်ပေးမယ်။ နောက် ကော်မရှင်ကလည်း နည်းဥပဒေ မြန်မြန်ဆန်ဆန် ထုတ်ပြန်ပြီးရင် ဒါဟာ ကျနော်ထင်တယ် ပထမဆုံး သူရဦးရွှေမန်းကို လွှတ်တော် အမတ်အဖြစ်ကနေ ပြန်ရုပ်ပေးဖို့ သူတို့ ထုတ်ဖို့ ကြံရွယ်တယ်နဲ့ တူပါတယ်။ "

လွန်ခဲ့တဲ့ ဇွန်လအတွင်းက ဖွဲ့စည်းအခြေခံဥပဒေ ပြင်ဆင်ရေး အတွက် ပြည်ထောင်စု လွှတ်တော်မှာ မဲခွဲဆုံးဖြတ်ခဲ့တဲ့နောက် ဇူလိုင်လအတွင်းမှာ ပြည်ထောင်စုလွှတ်တော်နာယက သူရဦးရွှေမန်းကို လွှတ်တော်ကိုယ်စားလှယ်အဖြစ်မှ ပြန်လည်ရုပ်သိမ်းရေး အတွက် မဲဆန္ဒရှင် ၃ရာခိုင်နှုန်းလောက် အရေးယူဆောင်ရွက်ပေးဖို့ တိုင်ကြားခဲ့ထားရတာလည်း ဖြစ်ပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com

 ရန်ကုန်မြို့ ပန်ဒါဟိုတယ်မှာ ဒီဇင်ဘာလ ၁၅ ရက်နေ့က ပြည်ထောင်စု ရွေးကောက်ပွဲကော်မရှင်နဲ့ နိုင်ငံရေး ပါတီတွေ တွေ့ဆုံဆွေးနွေးပွဲမှာ ကော်မရှင် ဥက္ကဌ ဦးတင်အေးကို တွေ့ရစဉ်။ Photo: Kyaw Zaw Win/RFA
 လွှတ်တော်ကိုယ်စားလှယ် တာဝန်ပြန်လည် ရုပ်သိမ်းခြင်းဆိုင်ရာ ဥပဒေကြမ်းကို အတည်ပြုပြဌာန်းပေး ဖို့ ပြည်ထောင်စု ရွေးကောက်ပွဲ ကော်မရှင် ဥက္ကဌ ဦးတင်အေးက ပြည်ထောင်စု လွှတ်တော်ထံ မနေ့က စာပေးပို့တောင်းဆိုလိုက်ပါတယ်။

ရွေးကောက်ပွဲကော်မရှင်က အကြိမ်ကြိမ်တောင်းဆိုနေတာကြောင့် လွှတ်တော်ရဲ့ ဂုဏ်သိက္ခာအတွက် ဒီလ ၁၈ ရက်နေ့ ကျင်းပမယ့် လွှတ်တော်မှာ အဲ့ဒီဥပဒေကြမ်းကို ပြဌာန်းရတော့မှာ ဖြစ်တယ်လို့ ပြည်သူ့လွှတ်တော် ကိုယ်စားလှယ် ဦးသိန်းညွှန့်က ပြောပါတယ်။

"ပြည်ထောင်စု ရွေးကောက်ပွဲကော်မရှင်က ဒီစာကိုစတုထ္ထအကြိမ် ပို့ရတဲ့အဖြစ်ရောက်ကတည်းက ဒါကမဖြစ်သင့်ဘူးပေါ့၊ ဒါကမြန်မြန်ဆန်ဆန် ပြဌာန်းသင့်တဲ့ဥပဒေထဲမှာပါတယ်လေ၊ အခြေခံဥပဒေကို လက်နာမယ်ဆိုရင် ဒီဥပဒေဟာမဖြစ်မနေ ပြဌာန်းသင့်တဲ့ဥပဒေပဲ၊ အခုဆိုရင် ဒီဥပဒေအရ မပြဌာန်းတဲ့ အတွက် ပြည်သူတွေကတိုင်ကြားတဲ့ လွှတ်တော်ကိုယ်စားလှယ်တွေ ပြည်သူကဘယ်လောက်တိုင်တိုင် စုံစမ်းစစ်ဆေးမှုမခံရဘူးလေ၊ အဲ့ဒါကြောင့် ဒီဟာကလွှတ်တော်ရဲ့ ဂုဏ်သိက္ခာအရကို အခုပြန်ခေါ်တဲ့ လွှတ်တော်မှာ ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေး တင်ပြချက်အတိုင်းပေါ့၊ အမြန်ဆုံးပြဌာန်းပေးဖို့ လိုအပ်ပါတယ်"

ပြည်ထောင်စုရွေးကောက်ပွဲကော်မရှင်က လွှတ်တော်ကိုယ်စားလှယ် တာဝန်ပြန်လည် ရုပ်သိမ်းခြင်းဆိုင်ရာ ဥပဒေကြမ်းကို ရေးဆွဲပြီး ပြည်ထောင်စုလွှတ်တော်ထံ ပေးပို့ထားတာ ၃ နှစ်နီးပါးရှိနေပြီဖြစ်ပါတယ်။

အဲ့ဒီဥပဒေကြမ်းမှာ လွှတ်တော်ကိုယ်စားလှယ်တစ်ဦးကို သက်ဆိုင်ရာမဲဆန္ဒနယ်က မဲဆန္ဒရှင် တစ်ရာခိုင်နှုန်းက တာဝန်ကနေ ရုပ်သိမ်းပေးဖို့တောင်းဆိုမယ်ဆိုရင် ကော်မရှင်က စစ်ဆေးရမှာဖြစ်ကြောင်း ပါဝင်ပါတယ်။

လက်ရှိမှာ ပြည်ထောင်စု ရွေးကောက်ပွဲကော်မရှင်ထံ ကိုယ်စားလှယ်အဖြစ်ကနေ ရုပ်သိမ်းပေးဖို့ တိုင်ကြားခံ ထားရသူ ၁ဝ ဦးလောက်ရှိနေပြီး အဲ့ဒီထဲမှာ ပြည်ထောင်စုလွှတ်တော် နာယက သူရဦးရွှေမန်း၊ ပြည်သူ့လွှတ်တော် ကိုယ်စားလှယ် ဦးသိန်းဇော်၊ ဦးအောင်သိန်းလင်းနဲ့ အမျိုးသား လွှတ်တော်ကိုယ်စားလှယ် ဦးစိုင်းမြမောင်တို့ ပါဝင်ပါတယ်။

RFA Burmese
http://www.rfa.org/burmese

လွှတ်တော်ဥက္ကဋ္ဌ အဖြစ် သူရ ဦးရွှေမန်း ရုံးပြန်တက်။ (သတင်းဓာတ်ပုံ- သူရဦးရွှေမန်း FB လူမှုကွန်ရက် စာမျက်နှာမှ)
 ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီရဲ့ အဆင့်မြင့်ရာထူးကနေ ဖယ်ရှားခံခဲ့ရတဲ့ သူရဦးရွှေမန်း ဟာ ဒီကနေ့မှာ ပြည်သူ့လွှတ်တော် ဥက္ကဋ္ဌ တာဝန်တွေကို ပုံမှန် အတိုင်း ဆောင်ရွက်နေပြီ ဖြစ်တဲ့ အကြောင်း တာဝန်ရှိသူတွေ က ပြောပါ တယ်။ ပြည်သူ့လွှတ်တော် ဥက္ကဋ္ဌ တာဝန် ထမ်းဆောင်နေဆဲဖြစ်တဲ့ ဦးရွှေမန်းဟာ လာမယ့် သီတင်းပတ်မှာ ပြန်လည်စတင်မယ့် လွှတ်တော် အစည်းအဝေးတွေမှာ ဆက်လက် ပါဝင်သွားမယ်လို့လည်း ဦးရွှေမန်းရဲ့ Facebook လူမှုကွန်ယက် မျက်နှာမှာ ဖော်ပြထားပါတယ်။ ဒါပေမဲ့ ဦးရွှေမန်း ရဲ့ နိုင်ငံရေး ရှေ့အနာဂတ် ဟာ ရေရာမှု ရှိပါ့မလား ဆိုတာ ကိုတော့ နိုင်ငံရေး အသိုင်းအ၀ိုင်းက မေးခွန်းထုတ်နေကြတဲ့အကြောင်း ဗွီအိုအေ သတင်းထောက် ကိုစည်သူက ပြောပြပေးမှာ ဖြစ်ပါတယ်။

ပါတီရဲ့ ပူးတွဲဥက္ကဋ္ဌ ရာထူးကနေ ဖယ်ရှားခံရပေမယ့် ပြည်သူ့လွှတ်တော် ဥက္ကဋ္ဌတာဝန် ထမ်းဆောင်နေဆဲဖြစ်တဲ့ သူရဦးရွှေမန်းဟာ နေပြည်တော်က လွှတ်တော်ဥက္ကဋ္ဌရုံး မှာ ပုံမှန် ရုံးလုပ်ငန်းတွေ ကို ပြန်လည်ဆောင်ရွက်နေပြီ ဖြစ်တဲ့ အကြောင်း ပြည်သူ့လွှတ်တော် ဒုတိယညွှန်ကြားရေးမှုးချုပ် ဦးခင်မောင်ဦး က ဗွီအိုအေကို အတည်ပြု ပြောဆိုလိုက်တာပါ။

" ဥက္ကဋ္ဌကြီး ပုံမှန်ရုံးတက်ပါတယ်။ ကျေန်ာတို့နဲ့လည်း ပုံမှန် အလုပ်လုပ် တယ်။ နောက်တခါ ကျန်းမာရေး၊ ကျန်းမာရေး လက်ရှိအခြေအနေတော့ သာမာန်အားဖြင့် လက်ရှိ ကနေ့အထိ ကတော့ ကောင်းပါတယ်။ ကောင်းတဲ့ အနေအထားပါပဲ။ နောက်ပြီး schedule တွေကတော့ ကျနော်တို့ ပုံမှန် Shedule အတိုင်းဆောင်ရွက်နေတာတွေ့ရပါတဲ့အနေအထားပေါ့လေ။"

ဦးရွှေမန်းရဲ့ Facebook လူမှုကွန်ယက်စာမျက်နှာမှာလည်း လူထုအကျိုးအတွက် ဆက်လက် ဆောင်ရွက်သွားမယ်ဆိုတဲ့ သတင်းစကားကို ရုံးတက်နေတဲ့ ဓာတ်ပုံနဲ့အတူ ဖော်ပြထားတာ တွေ့ရပါတယ်။

လွှတ်တော်အစည်းအဝေးတွေကိုတော့ လာမယ့် သီတင်းပတ် သြဂုတ်လ (၁၈) ရက်မှာ ပြန်လည်ကျင်းပဖို့ ရှိနေပေမဲ့ ပြည်သူ့လွှတ်တော်ဥက္ကဌ ဦးရွှေမန်း အနေနဲ့ ဆက်လက် တာဝန်ယူနိုင်မယ့် အခြေအနေ ရှိမရှိဆိုတဲ့ အပေါ်မှာတော့ မြန်မာ့နိုင်ငံရေး အသိုင်းအ၀ိုင်းက သံသယ ရှိနေကြတာပါ။

ပြည်သူ့လွှတ်တော်ကိုယ်စားလှယ် ဦးရဲထွန်းကတော့ ဦးရွှေမန်းရဲ့ နိုင်ငံရေး အနာဂတ်ဟာ ပြည်ခိုင်ဖြိုးပါတီ လက်ထဲမှာ ရှိနေတယ်လို့ ပြောပါတယ်။

"အခုဟာက ရုတ်တရက် ဒီလိုကိစ္စ ပေါ်လာတဲ့ အခါကျတော့ ပြည်ခိုင်ဖြိုးပါတီအနေနဲ့ ဘာတွေ ဆက်လုပ်မလဲ ဆိုတာ ကျနော်တို့က သေချာ မသိဘူးဗျ။ ဒီလောက်ပဲ ဦးရွှေမန်းအပေါ်မှာ သူတို့အရေးယူတာ ဒီလောက်ပဲ ရပ်သွားမလား။ မပြောနိုင်ဘူး။ ရွေးကောက်ပွဲ ကော်မရှင်ကလည်း  ရွေးကောက်ပွဲ မတိုင်မှီ နှစ်လကျော်ကျော်လေးပဲ ကျန်တော့တဲ့ ရက်မှာကိုပဲ လွှတ်တော် ကိုယ်စားလှယ်ကို တာဝန်မှ ရုပ်သိမ်းခြင်းဆိုင်ရာ ဥပဒေ ထွက်လာအောင် ဖိအားထပ်ပေးနေတယ်။

နောက်တခုက သူတို့ရဲ့နောက်ကွယ်မှာ  ပြည်ခိုင်ဖြိုးပါတီရဲ့ နောက်ကွယ်မှာ ဗိုလ်ချုပ်မှူးကြီး သန်းရွှေ ရှိသေးသလား။ သူ့အနေနဲ့ကရော ဘယ်လို သဘောထားရှိသလဲ။ သူရဦးရွှေမန်းကိုရော လွှတ်တော်ဥက္ကဋ္ဌနေရာမှာ ခွင့်ပေးလိုတဲ့ ဆန္ဒရှိသလား ဒါတွေလည်း အကျိုးသက်ရောက်မှု ရှိလိမ့်မယ်ထင်တယ်။ အဲ့တာတွေက ကျနော်တို့က သေသေချာချာ မသိနိုင်တဲ့အတွက် မပြောနိုင်ဘူးဗျ။"

ဦးရွှေမန်းဟာ ပြည်သူ့လွှတ်တော်ဥက္ကဌ၊ ပြည်ထောင်စုလွှတ်တော်နာယက တာဝန်တွေနဲ့ မအားလပ်တာကြောင့် လာမယ့်ရွေးကောက်ပွဲ မှာ ပြည်ခိုင်ဖြိုးပါတီ အတွက် ဆောင်ရွက်ချက်တွေ မထိရောက်မှာဆိုးတဲ့အတွက် တာဝန်လွှဲပြောင်း ယူလိုက်ရတာဖြစ်တယ်လို့ ပြည်ခိုင်ဖြိုးပါတီကတော့ တရားဝင်ကြေညာထားတာပါ။

ဒါပေမဲ့လည်း လွှတ်တော် တာဝန်တွေ၊ မကြာခင် ကျင်းပမယ့် ရွေးကောက်ပွဲအတွက် ပဲခူးတိုင်း ဖြူးမြို့နယ်ကို ကိုယ်စားပြုပြီး ၀င်ရောက်ယှဉ်ပြိုင်ဖို့ အစီအစဉ်တွေတော့ ရှိနေဦးမှာ ဖြစ်တယ်လို့လည်း ပြည်ခိုင်ဖြိုးပါတီက ပြောပါတယ်။

အာဏာရ ပြည်ခိုင်ဖြိုး ပါတီကတော့ ဦးရွှေမန်းအပါအ၀င် ဗဟိုအလုပ်အမှုဆောင် ၁၂ ဦးကို ရုတ်တရက် ရာထူးတွေက ဖယ်ရှားခဲ့ပြီး ဗဟိုအလုပ်အမှုဆောင်ကော်မတီ အသစ်ဖွဲ့စည်းခဲ့ပေမယ့် ပါတီမူဝါဒတွေအတိုင်း ရှေ့ဆက်ဆောင်ရွက်သွားမယ်လို့ ဒီကနေ့ ကြေညာချက် တစ်စောင် ထပ်မံထုတ်ပြန်ခဲ့ပါတယ်။

လာမယ့် ရွေးကောက်ပွဲအတွက် ပါတီဝင် အရည်အသွေး၊ နိုင်ငံအကျိုး ပြည်သူ့ အကျိုးအတွက် ပိုမိုကြိုးစားဆောင်ရွက်သွားမယ်လို့လည်း ထုတ်ပြန်ချက်မှာ ပါရှိပါတယ်။

ကိုစည်သူ / ဗွီအိုအေ (မြန်မာပိုင်း)
http://burmese.voanews.com